കൽപ്പറ്റ: പുഞ്ചിരിമട്ടം ഉരുൾപൊട്ടലിനെത്തുടർന്നു നിർത്തിവച്ച കൽപ്പറ്റ-ചൂരൽമല സ്റ്റേ സർവീസ് കെഎസ്ആർടിസി പുനരാരംഭിച്ചു. ടി. സിദ്ദിഖ് എംഎൽഎയുടെ സാന്നിധ്യത്തിലാണ് സ്റ്റേ സർവീസ് വീണ്ടും തുടങ്ങിയത്.
ഉരുൾപൊട്ടലിനു തലേന്ന് സ്റ്റേ സർവീസിൽ ഡ്രൈവർ സുനിൽകുമാർ, കണ്ടക്ടർ മുഹമ്മദുകുഞ്ഞി എന്നിവരാണ് ഡ്യൂട്ടിയിൽ ഉണ്ടായിരുന്നത്. ഇവർക്കു തന്നെയാണ് സർവീസ് പുനരാരംഭിച്ചപ്പോഴും ഡ്യൂട്ടി.