സുല്‍ത്താന്‍ ബത്തേരി: ക്ഷീര സംഘം ഭരണസമിതി തെരഞ്ഞെടുപ്പില്‍ സിപിഎം നേതൃത്വം നല്‍കുന്ന സഹകരണ മുന്നണിക്ക് വിജയം.
തെരഞ്ഞെടുപ്പ് നടന്ന ആറു സീറ്റില്‍ സഹകരണ മുന്നണിയിലെ എബി ജോസഫ്, കെ.സി. ഗോപിദാസ്, കെ.എ. മത്തായി, കെ.കെ. പൗലോസ്, സിന്ധു ഹരിദാസ്, സി.വി, സുജാത എന്നിവരാണ് വിജയിച്ചത്. സ്വതന്ത്ര ക്ഷീര കര്‍ഷക മുന്നണി സ്ഥാനാര്‍ഥികളെയാണ് പരാജയപ്പെടുത്തിയത്. മൂന്ന് സീറ്റില്‍ സഹകരണ മുന്നണിയിലെ എസ്‌സിഎസ്ടി വിഭാഗത്തില്‍ എം. ഭാസ്കരന്‍, 40 വയസില്‍ താഴെയുള്ള പുരുഷ, വനിതാ വിഭാഗങ്ങളില്‍ അനീഷ് ബാബു, കെ.ബി. സോള്‍ന എന്നിവർ എതിരില്ലാതെ വിജയിച്ചിരുന്നു. ഭരണസമിതിയുടെ പ്രഥമയോഗം പ്രസിഡന്‍റായി കെ.കെ. പൗലോസിനെയും വൈസ് പ്രസിഡന്‍റായി സിന്ധു ഹരിദാസിനെയും തെരഞ്ഞെടുത്തു.