കൽപ്പറ്റ: ഉരുൾപൊട്ടൽ ദുരന്തബാധിതരുടെ പുനരധിവാസം വീടും കൃഷിഭൂമിയും ലഭ്യമാക്കി വേഗം പൂർത്തിയാക്കണമെന്ന് സിപിഐ(എംഎൽ) റെഡ് സ്റ്റാർ ജില്ലാ കമ്മിറ്റി സർക്കാരിനോട് ആവശ്യപ്പെട്ടു. പുനരധിവാസം ദുരന്തബാധിതരുടെ അവകാശമാണെന്ന് അഭിപ്രായപ്പെട്ടു.
ദുരന്തബാധിതരുടെ മുഴുവൻ കടങ്ങളും എഴുതിത്തള്ളുക, പുനരധിവാസത്തിന് അർഹരായ തോട്ടം തൊഴിലാളി കുടുംബങ്ങളെ വാസയോഗ്യമല്ലാത്ത പാടികളിലേക്ക് നിർബന്ധിച്ചു മാറ്റാനുള്ള നീക്കം ഉപേക്ഷിക്കുക തുടങ്ങിയ ആവശ്യങ്ങളും ഉന്നയിച്ചു. പി.എം. ജോർജ് അധ്യക്ഷത വഹിച്ചു. ജില്ലാ സെക്രട്ടറി കെ.വി. പ്രകാശ് റിപ്പോർട്ട് അവതരിപ്പിച്ചു. പി.ടി. പ്രേമാനന്ദ്, ബിജി ലാലിച്ചൻ, എം.കെ. ഷിബു, കെ.ജി. മനോഹരൻ, കെ. പ്രേംനാഥ്, സി.ജെ. ജോണ്സണ്, എം.കെ. ബിജു എന്നിവർ പ്രസംഗിച്ചു.