സുൽത്താൻ ബത്തേരി: കരിവള്ളിക്കുന്നിലെ മാലിന്യ സംസ്കരണ പ്ലാന്‍റിൽനിന്നു പ്ലാസ്റ്റിക് കുപ്പികൾ വാഹനത്തിൽ കടത്തുന്നത് നഗരസഭയിലെ യുഡിഎഫ് കൗണ്‍സിലർമാരുടെ നേതൃത്വത്തിൽ തടഞ്ഞു. കഴിഞ്ഞ രാത്രിയാണ് സംഭവം. ഹരിതകർമസേന മുഖേന ശേഖരിച്ച് കരിവള്ളിക്കുന്നിൽ എത്തിച്ച മാലിന്യം രഹസ്യമായി കടത്തുന്നുവെന്നു ആരോപിച്ചായിരുന്നു യുഡിഎഫ് കൗണ്‍സിലർമാരുടെ ഇടപെടൽ. നഗരസഭാധികൃതരും പോലീസും എത്തിയയാണ് പ്രശ്നം പരിഹരിച്ചത്. മാലിന്യം രഹസ്യമായി കടത്തുന്നുവെന്ന ആരോപണം രാഷ്ട്രീയ ഗൂഢാലോചനയുടെ ഭാഗമാണെന്ന് മുനിസിപ്പൽ ചെയർമാൻ ടി.കെ. രമേശ് പറഞ്ഞു.