സുൽത്താൻ ബത്തേരി: നഗരസഭയുടെ ഹാപ്പി ബത്തേരി പരിപാടിയുടെ ഭാഗമായി ബീനാച്ചി ജിഎച്ച്എസിൽ സുസ്ഥിതി ക്ലബിന്‍റെ നേതൃത്വത്തിൽ പൂക്കൃഷി തുടങ്ങി. ഓണക്കാലത്ത് വിളവെടുക്കാൻ കഴിയുന്ന വിധത്തിൽ ചെണ്ടുമല്ലി, സൂര്യകാന്തി കൃഷിയാണ് നടത്തുന്നത്.
മുനിസിപ്പൽ ചെയർമാൻ ടി.കെ. രമേശ് തൈ നട്ട് ഉദ്ഘാടനം ചെയ്തു. ഡിവിഷൻ കൗണ്‍സിലർ രാധാ ബാബു, ഹെഡ്മാസ്റ്റർ ടി.ജി. സജി, പിടിഎ പ്രസിഡന്‍റ് എസ്. കൃഷ്ണകുമാർ, അധ്യാപകരായ പി.ടി. സതീശൻ, റോയ് ജോസഫ്, കെ.കെ. അരുണ്‍, സജ്ന എന്നിവർ നേതൃത്വം നൽകി.