ഗൂഡല്ലൂർ: ഗൂഡല്ലൂർ-മൈസൂർ ദേശീയ പാതയിലെ തുറപ്പള്ളി, കാർക്കുടി, തൊപ്പക്കാട് ഭാഗങ്ങളിൽ മുതുമല കടുവാ സങ്കേതത്തിന്‍റെ പരിധിയിൽ പാതയോരങ്ങളിൽ വൈദ്യുതി ലൈനിലേക്ക് മരം വീഴുന്നത് തടയാൻ വൈദ്യുതി ക്യാബിൾ സംവിധാനം ഏർപ്പെടുത്തുന്നു.
ഇതിന്‍റെ പ്രവൃത്തികൾ ആരംഭിച്ചിട്ടുണ്ട്. അഞ്ച് കോടി രൂപ ചെലവിട്ടാണ് ഈ പദ്ധതി നടപ്പാക്കുന്നത്. വൈദ്യുതി ലൈനിലേക്ക് മരം വീഴുന്നത് നിത്യസംഭവമായതിനെത്തുടർന്നാണ് ഈ സംവിധാനത്തെക്കുറിച്ച് ആലോചിച്ചത്.