വ​ന്യ​മൃ​ഗ​ശ​ല്യം: അ​ഞ്ചു​കു​ന്നിലെ നി​രാ​ഹാ​ര സ​മ​രം ര​ണ്ടാ​ഴ്ച പി​ന്നി​ട്ടു
Thursday, July 25, 2024 5:41 AM IST
ഗൂ​ഡ​ല്ലൂ​ർ: വ​ന്യ​മൃ​ഗ ശ​ല്യ​ത്തി​ന് ശാ​ശ്വ​ത പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് ദേ​വ​ർ​ഷോ​ല പ​ഞ്ചാ​യ​ത്തി​ലെ അ​ഞ്ചു​കു​ന്നി​ൽ നാ​ട്ടു​കാ​ർ ന​ട​ത്തി വ​രു​ന്ന നി​രാ​ഹാ​ര സ​മ​രം ര​ണ്ടാ​ഴ്ച പി​ന്നി​ട്ടു. പൊ​തു നി​ര​ത്തി​ൽ നി​രാ​ഹാ​ര സ​മ​ര​ത്തി​ന് അ​നു​മ​തി നി​ഷേ​ധി​ച്ച​തോ​ടെ​യാ​ണ് വീ​ടു​ക​ൾ​ക്ക് മു​ന്പി​ൽ നി​രാ​ഹാ​ര സ​മ​രം ആ​രം​ഭി​ച്ച​ത്.

അ​ടു​ത്ത​ടു​ത്ത വീ​ടു​ക​ളി​ലു​ള്ള​വ​ർ ഒ​രു വീ​ട്ടി​ൽ ഒ​ത്തു​കൂ​ടി​യാ​ണ് സ​മ​രം ന​ട​ത്തു​ന്ന​ത്. സ്ത്രീ​ക​ൾ ഉ​ൾ​പ്പെ​ടെ​യു​ള്ള​വ​ർ സ​മ​ര​ത്തി​ൽ പ​ങ്കെ​ടു​ക്കു​ന്നു​ണ്ട്. വ​ന്യ​ജീ​വി ശ​ല്യ​ത്തി​ന് അ​ന്തി​മ പ​രി​ഹാ​രം കാ​ണു​ന്ന​ത് വ​രെ സ​മ​രം തു​ട​രു​മെ​ന്ന് സ​മ​ര​ക്കാ​ർ അ​റി​യി​ച്ചു.

ഗൂ​ഡ​ല്ലൂ​ർ-​പ​ന്ത​ല്ലൂ​ർ താ​ലൂ​ക്കു​ക​ളി​ലെ കാ​ട്ടാ​ന ശ​ല്യ​ത്തി​ന് പ​രി​ഹാ​രം കാ​ണു​ക, ക​ർ​ഷ​ക​രു​ടെ കൈ​വ​ശ ഭൂ​മി​ക്ക് പ​ട്ട​യം ന​ൽ​കു​ക, എ​ല്ലാ​വ​ർ​ക്കും വൈ​ദ്യു​തി ന​ൽ​കു​ക, മ​നു​ഷ്യാ​വ​കാ​ശ ലം​ഘ​ന​ങ്ങ​ൾ അ​വ​സാ​നി​പ്പി​ക്കു​ക തു​ട​ങ്ങി​യ ആ​വ​ശ്യ​ങ്ങ​ൾ ഉ​ന്ന​യി​ച്ചാ​ണ് സ​മ​രം ന​ട​ത്തു​ന്ന​ത്. വ​ന്യ​ജീ​വി​ശ​ല്യം കാ​ര​ണം നീ​ല​ഗി​രി​യി​ലെ ജ​ന​ങ്ങ​ൾ ക​ടു​ത്ത പ്ര​തി​സ​ന്ധി​യി​ലാ​ണ്.


ന​ഗ​ര-​ഗ്രാ​മാ​ന്ത​ര​ങ്ങ​ളി​ൽ ഒ​രു​പോ​ലെ കാ​ട്ടാ​ന​ശ​ല്യം രൂ​ക്ഷ​മാ​യി​രി​ക്കു​ക​യാ​ണ്. വ​നം​വ​കു​പ്പി​ന്‍റെ തി​ക​ഞ്ഞ അ​നാ​സ്ഥ​യാ​ണി​തി​ന് കാ​ര​ണം. വ​നം​വ​കു​പ്പി​നെ​തി​രേ പ്ര​തി​ഷേ​ധം ശ​ക്ത​മാ​ണ്. അ​തേ​സ​മ​യം താ​പ്പാ​ന​ക​ളു​ടെ സ​ഹാ​യ​ത്തോ​ടെ കാ​ട്ടാ​ന​ക​ളെ വ​ന​ത്തി​ലേ​ക്ക് തു​ര​ത്തി​യോ​ടി​ക്കാ​ൻ ശ്ര​മി​ക്കു​ന്നു​ണ്ടെ​ങ്കി​ലും പ​രാ​ജ​യ​പ്പെ​ടു​ക​യാ​ണ്.

തു​ര​ത്തി​യോ​ടി​ക്കു​ന്ന ആ​ന​ക​ൾ വീ​ണ്ടും പ​ഴ​യ സ്ഥ​ല​ങ്ങ​ളി​ലെ​ത്തു​ക​യാ​ണ്. കൂ​ടു​ത​ൽ വ​നം​വ​കു​പ്പ് ജീ​വ​ന​ക്കാ​രെ നി​യ​മി​ച്ച​തു​കൊ​ണ്ടും കാ​ര്യ​മാ​യ പ്ര​യോ​ജ​നം ഉ​ണ്ടാ​യി​ട്ടി​ല്ല. അ​ഞ്ചു​കു​ന്നി​ലെ സ​മ​ര​ത്തി​ന് ഐ​ക്യ​ദാ​ർ​ഢ്യം പ്ര​ക​ടി​പ്പി​ച്ച് സ​മീ​പ ഗ്രാ​മ​മാ​യ കു​റ്റി​മൂ​ച്ചി​യി​ൽ നാ​ട്ടു​കാ​ർ ന​ട​ത്തി വ​രു​ന്ന സ​മ​രം നാ​ലു നാ​ൾ പി​ന്നി​ട്ടു.