മാനന്തവാടി: നഗരസഭയിലെ പഞ്ചാരക്കൊല്ലിയിൽ ഒറ്റയാൻ കൃഷി നശിപ്പിച്ചു. പുതിയവീട്ടിൽ മറിയം, ഓടോപ്രം ആലി എന്നിവരുടെ വാഴ, കപ്പ, തെങ്ങ്, കമുക് കൃഷികളാണ് കഴിഞ്ഞദിവസം രാത്രി നശിപ്പിച്ചത്. വനപാലകർ സ്ഥലത്തെത്തി നഷ്ടം കണക്കാക്കി.
ദിവസങ്ങളായി പഞ്ചാരക്കൊല്ലിയിൽ ഒറ്റയാൻ സാന്നിധ്യമുണ്ട്. സന്ധ്യയോടെ ജനവാസകേന്ദ്രത്തിൽ എത്തുന്ന ആന പുലർച്ചെയാണ് മടങ്ങുന്നത്. ആനയെ അടിയന്തരമായി ഉൾക്കാട്ടിലേക്ക് തുരത്തണമെന്ന് ഡിവിഷൻ കൗണ്‍സിലർ വി.ആർ. പ്രവീജ് ആവശ്യപ്പെട്ടു.