സുൽത്താൻ ബത്തേരി: അസംപ്ഷൻ എയുപി സ്കൂളിൽ ചാന്ദ്രദിനം ആഘോഷിച്ചു. മാതൃകാ റോക്കറ്റ് നിർമാണം, പോസ്റ്റർ നിർമാണം, ചാന്ദ്രദിന ക്വിസ് എന്നിവ നടത്തി. ചന്ദ്രമനുഷ്യവേഷധാരി കുട്ടികളെ കാണാൻ എത്തിയതും ആശംസ നേർന്നതും കൗതുകമായി. ഹെഡ്മാസ്റ്റർ സ്റ്റാൻലി ജേക്കബ് ഉദ്ഘാടനം ചെയ്തു.
സയൻസ് ക്ലബ് കണ്വീനർമാരായ സിസ്റ്റർ ടിന്റു തോമസ്, ഷെറിൻ തോമസ്, അധ്യാപകരായ ചരിസ്മ തോമസ്, സോണിയ പി. ദേവസ്യ, സിസ്റ്റർ സിമി എന്നിവർ നേതൃത്വം നൽകി.