മീനങ്ങാടി: വേങ്ങൂർ വാർഡ് വികസന സമിതിയുടെ നേതൃത്വത്തിൽ എസ്എസ്എൽസി, ഹയർ സെക്കൻഡറി, സിബിഎസ്ഇ പരീക്ഷകളിൽ എ പ്ലസ് നേടിയ വിദ്യാർഥികളെ അനുമോദിച്ചു. മീനങ്ങാടി പഞ്ചായത്ത് പ്രസിഡന്റ് കെ.ഇ. വിനയൻ ഉദ്ഘാടനം ചെയ്തു. വാർഡംഗം ടി.പി. ഷിജു അധ്യക്ഷത വഹിച്ചു. വിദ്യാർഥികൾക്കുള്ള മാർഗനിർദേശ ക്ലാസിന് ഡോ. ബാവ കെ. പാലുകുന്ന് നേതൃത്വം നൽകി. മിനി സാജു, ഷിജി ജോണ്സണ് എന്നിവർ പ്രസംഗിച്ചു.