ബു​സാ​ൻ: ​വാ​ണി​ജ്യ​യു​ദ്ധ​ത്തി​ൽ വി​ട്ടു​വീ​ഴ്ച ചെ​യ്യാ​ൻ തീ​രു​മാ​നി​ച്ച് യു​എ​സ് പ്ര​സി​ഡ​ന്‍റ് ട്രം​പും ചൈ​നീ​സ് പ്ര​സി​ഡ​ന്‍റ് ഷി ​ചി​ൻ​പിം​ഗും.

ദ​ക്ഷി​ണ​കൊ​റി​യ​യി​ലെ ബു​സാ​നി​ൽ ഇ​രു​വ​രും ന​ട​ത്തി​യ ഉ​ച്ച​കോ​ടി​യി​ൽ ചൈ​ന​യ്ക്കു​ള്ള ഇ​റ​ക്കു​മ​തിചു​ങ്ക​ത്തി​ൽ പ​ത്തു ശ​ത​മാ​നം കു​റ​വ് വ​രു​ത്താ​ൻ ട്രം​പ് തീ​രു​മാ​നി​ച്ചു.

ഫെ​ന്‍റാ​നി​ൽ എ​ന്ന മ​യ​ക്കു​മ​രു​ന്ന് അ​മേ​രി​ക്ക​യി​ലെ​ത്തു​ന്ന​തു ത​ട​യാ​ൻ ന​ട​പ​ടി​ക​ൾ, അ​മേ​രി​ക്ക​ൻ സോ​യാ​ബീ​ൻ വാ​ങ്ങ​ൽ പു​ന​രാ​രം​ഭി​ക്ക​ൽ, അ​പൂ​ർ​വ​ധാ​തു വി​ഭ​വ​ങ്ങ​ളു​ടെ ക​യ​റ്റു​മ​തി​യി​ൽ ഏ​ർ​പ്പെ​ടു​ത്തി​യ നി​യ​ന്ത്ര​ണ​ത്തി​ൽ ഒ​രു വ​ർ​ഷ​ത്തെ ഇ​ള​വ് എ​ന്നീ വാ​ഗ്ദാ​ന​ങ്ങ​ൾ ട്രം​പി​ന് ഷിയും ന​ല്കി. ഉ​ച്ച​കോ​ടി ആ​ശ്ചര്യജനകമാ​യി​രു​ന്നു​വെ​ന്നും പ​ത്തി​ൽ 12 പോ​യി​ന്‍റ് ന​ല്കു​ന്ന​താ​യും ട്രം​പ് പി​ന്നീ​ട് പ​റ​ഞ്ഞു.

അ​തേ​സ​മ​യം, അ​മേ​രി​ക്ക-​ചൈ​ന വാ​ണി​ജ്യ യു​ദ്ധ​ത്തി​ന്‍റെ മൂ​ല​കാ​ര​ണ​ങ്ങ​ൾ പ​രി​ഹ​രി​ക്കാ​നു​ള്ള തീ​രു​മാ​ന​ങ്ങ​ളൊ​ന്നും ഉ​ച്ച​കോ​ടി​യി​ൽ ഇ​ല്ലെ​ന്നും ത​ന്ത്ര​പ​ര​മാ​യ താത്കാലിക വെ​ടി​നി​ർ​ത്ത​ലാ​ണ് ഉ​ണ്ടാ​യി​രി​ക്കു​ന്ന​തെ​ന്നും നി​രീ​ക്ഷ​ക​ർ ചൂ​ണ്ടി​ക്കാ​ട്ടി.

ചൈ​ന​യ്ക്കുള്ള ഇറക്കുമതി ചുങ്കം 57 ശ​ത​മാ​നം ആയിരുന്നത് 47 ശ​ത​മാ​ന​മാ​യി കു​റ​ഞ്ഞു എ​ന്ന​താ​ണ് ഉ​ച്ച​കോ​ടി​യി​ലെ ഏ​റ്റ​വും പ്ര​ധാ​ന തീ​രു​മാ​നം.

വാ​ഹ​ന​ങ്ങ​ൾ, വി​മാ​ന​ങ്ങ​ൾ, ആ​യു​ധ​ങ്ങ​ൾ തു​ട​ങ്ങി​യ​വ​യു​ടെ ഉ​ത്പാ​ദ​ന​ത്തി​ൽ വ​ലി​യ പ്രാ​ധാ​ന്യ​മു​ള്ള അ​പൂ​ർ​വ ധാ​തുവി​ഭ​വ​ങ്ങ​ളു​ടെ ക​യ​റ്റു​മ​തി ഒ​രു വ​ർ​ഷ​ത്തേ​ക്കു ചൈ​ന തു​ട​രാ​ൻ തീ​രു​മാ​നി​ച്ച​തും ആ​ശ്വാ​സ​ക​ര​മാ​ണ്. കാ​ർ​ഷി​കോ​ത്പ​ന്ന​ങ്ങ​ളു​ടെ വ്യാ​പാ​രം വ​ർ​ധി​പ്പി​ക്കാ​നും ധാ​ര​ണ​യു​ണ്ട്.

എ​ന്നാ​ൽ, ചൈ​ന​യ്ക്കു ചു​ങ്കം ചു​മ​ത്താ​നാ​യി ട്രം​പ് ഉ​ന്ന​യി​ച്ച ആ​രോ​പ​ണ​ങ്ങ​ളു​മാ​യി ബ​ന്ധ​പ്പെ​ട്ട തീ​രു​മാ​ന​ങ്ങ​ളൊ​ന്നും ഉ​ച്ച​കോ​ടി​യി​ൽ ഉ​ണ്ടാ​യി​ല്ല.

ചൈ​ന​യു​ടെ വ്യാ​വ​സാ​യി​ക ന​യ​ങ്ങ​ൾ, ക​യ​റ്റു​മ​തി​ അ​ടി​സ്ഥാ​ന​മാ​ക്കി​യു​ള്ള വി​ക​സന മാ​തൃ​ക, ഭീ​മ​മാ​യ ഉ​ത്പാ​ദ​ന​ശേ​ഷി തു​ട​ങ്ങി​യ​വ​യ്ക്കു ത​ട​യി​ടാ​ൻ വേ​ണ്ടി​യാ​ണ് ട്രം​പ് ചു​ങ്ക​ങ്ങ​ൾ ചു​മ​ത്തി​യ​ത്.

Tags : Trump-Xi summit US-China trade