22

മൂ​ല​മ​റ്റം: ഡിസിഎ​ൽ തൊ​ടു​പു​ഴ പ്ര​വി​ശ്യാ സ്വാ​ത​ന്ത്ര്യ സ്മൃ​തി സം​ഗ​മ​വും മൂ​ല​മ​റ്റം മേ​ഖ​ലാ സാ​ഹി​ത്യോ​ൽ​സ​വ​വും ആ​ഗ​സ്റ്റ് 15 ശ​നി​യാ​ഴ്ച രാ​വി​ലെ ദേ​ശീ​യ പ​താ​ക ഉ​യ​ർ​ത്ത​ൽ ച​ട​ങ്ങോ​ടെ ആ​രം​ഭി​ക്കും.

തു​ട​ങ്ങ​നാ​ട് സെ​ന്‍റ് തോ​മ​സ് ഹൈ​സ്കൂ​ളി​ൽ ടാ​ല​ൻ​റ് ഫെ​സ്റ്റി​ന്‍റെ ഭാ​ഗ​മാ​യി ന​ട​ക്കു​ന്ന സാ​ഹി​ത്യോ​ൽ​സ​വ​ത്തി​ൽ എ​ൽ.​പി , യു.​പി , എ​ച്ച്.​എ​സ് വി​ഭാ​ഗ​ങ്ങ​ൾ​ക്ക് ചെ​റു​ക​ഥ , ക​വി​ത , ഉ​പ​ന്യാ​സം എ​ന്നി​വ​യി​ൽ ആ​ൺ , പെ​ൺ തി​രി​ച്ച് മ​ൽ​സ​ര​ങ്ങ​ൾ ഉ​ണ്ടാ​യി​രി​ക്കും .

എ​ച്ച്.​എ​സ്.​എ​സ് വി​ഭാ​ഗ​ത്തി​ന് മി​നി​ക​ഥ , ക​വി​ത എ​ന്നി​വ​യി​ലാ​ണ് മ​ൽ​സ​ര​ങ്ങ​ൾ . ശാ​ഖാ ഡ​യ​റ​ക്ട​ർ​മാ​ർ പ​ങ്കെ​ടു​ക്കു​ന്ന​വ​രു​ടെ പേ​രു​ക​ൾ മൂ​ല​മ​റ്റം സോ​ൺ വാ​ട്സ്സാ​പ്പ് ഗ്രൂ​പ്പി​ലെ ലി​ങ്കി​ലോ 9497279347 എ​ന്ന വാ​ട്സ്സാ​പ്പ്ന​മ്പ​രി​ലോ ആ​ഗ​സ്റ്റ് 12 നു ​മു​മ്പാ​യി ര​ജി​സ്റ്റ​ർ ചെ​യ്യ​ണ​മെ​ന്ന് ജ​ന​റ​ൽ ക​ൺ​വീ​ന​ർ & ഹെ​ഡ്മി​സ്ട്ര​സ് ലി​ൻ​റ്റ എ​സ് പു​തി​യാ​പ​റ​മ്പി​ൽ , പ്ര​വി​ശ്യാ കോ - ​ഓ​ർ​ഡി​നേ​റ്റ​ർ റോ​യ് ജെ ​ക​ല്ല​റ​ങ്ങാ​ട്ട് , മേ​ഖ​ലാ ഓ​ർ​ഗ​നൈ​സ​ർ സ​നീ​ഷ് സെ​ബാ​സ്റ്റ്യ​ൻ എ​ന്നി​വ​ർ അ​റി​യി​ച്ചു .

പ്രി​യ ഡി​സി​എ​ൽ കൂ​ട്ടു​കാ​രേ,

ഏ​റെ വ​ർ​ഷ​ങ്ങ​ൾ​ക്കു​ശേ​ഷ​മാ​ണ്, കോ​ട്ട​യം മു​ണ്ട​ത്താ​നം ലി​റ്റി​ൽ ഫ്ള​വ​ർ വി​ദ്യാ​നി​കേ​ത​നി​ൽ എ​ത്തി​യ​ത്. ഡി​സി​എ​ൽ ജൂ​ൺ മാ​സ​ത്തി​ൽ ന​ട​ത്തി​യ പ്ര​വേ​ശ​നോ​ത്സ​വ​ഗാ​ന വീ​ഡി​യോ ച​ല​ഞ്ചി​ൽ സം​സ്ഥാ​ന​ത്ത് ഒ​ന്നാം​സ്ഥാ​നം ക​ര​സ്ഥ​മാ​ക്കി​യ ആ ​സ്കൂ​ളി​ന് അ​വാ​ർ​ഡ് ന​ല്കാ​നും അ​നു​മോ​ദ​നം അ​റി​യി​ക്കാ​നു​മാ​ണ് ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ​സാ​റി​നൊ​പ്പം ഞാ​ൻ ആ ​സ്കൂ​ളി​ലെ​ത്തി​യ​ത്.

കൃ​ത്യ​സ​മ​യ​ത്തു​ത​ന്നെ അ​നു​മോ​ദ​ന സ​മ്മേ​ള​നം ആ​രം​ഭി​ച്ചു. സ​മ്മേ​ള​നം തു​ട​ങ്ങു​ന്പോ​ൾ, പ്രി​ൻ​സി​പ്പ​ൽ സി​സ്റ്റ​ർ ആ​ൻ​സി മാ​ത്യു എം​എ​ൽ​എ​ഫ് ര​ണ്ടു പേ​രേ കൈ​പി​ടി​ച്ചു മു​ൻ​നി​ര​യി​ലി​രു​ത്തു​ന്ന​തു ക​ണ്ടു. വ​ള​രെ ആ​ദ​ര​വോ​ടെ, കൂ​ടെ​യി​രു​ത്തി​യ​ത് വൃ​ദ്ധ​രാ​യ മാ​താ​പി​താ​ക്ക​ളെ​യാ​യി​രു​ന്നു. ഞാ​ൻ ചോ​ദി​ച്ചു "ഇ​വ​ർ ആ​രാ​ണ്?'' "ഞ​ങ്ങ​ളു​ടെ ഒരു സ്റ്റാ​ഫി​ന്‍റെ മാ​താ​പി​താ​ക്ക​ളാ​ണ്.'' സി​സ്റ്റ​റി​ന്‍റെ മ​റു​പ​ടി കേ​ട്ട​പ്പോ​ൾ എ​ന്തി​നാ​ണ് സ്കൂ​ളി​ലെ സ്റ്റാഫിന്‍റെ മാ​താ​പി​താ​ക്ക​ളെ, സം​സ്ഥാ​ന​ത്ത് ഒ​ന്നാ​മ​താ​യി വി​ജ​യി​ച്ച​തി​ന്‍റെ സ​മ്മാ​ന​ദാ​ന സ​മ്മേ​ള​ന​ത്തി​ന്‍റെ മു​ൻ​നി​ര​യി​ലി​രു​ത്തു​ന്ന​ത് എ​ന്നെ​നി​ക്കു മ​ന​സി​ലാ​യി​ല്ല. അ​പ്പോ​ൾ സി​സ്റ്റ​ർ ആ​ൻ​സി മാ​ത്യു പ​റ​ഞ്ഞു. "കൊ​ച്ചേ​ട്ട​ന് ഒ​രു സ​സ്പെ​ൻ​സ് ഇ​രി​ക്ക​ട്ടെ. ഇ​വ​രെ വി​ളി​ച്ച​ത് എ​ന്തി​നാ​ണെ​ന്ന് പി​ന്നെ പ​റ​യാം.'' അ​നു​മോ​ദ​ന​ത്തോ​ടൊ​പ്പം സ്കൂ​ൾ ക​ലോ​ത്സ​വ​ത്തി​ന്‍റെ ഉ​ദ്ഘാ​ട​നം കൂ​ടി​യു​ണ്ടാ​യി​രു​ന്നു.

സ​മ്മേ​ള​ന​ത്തി​നി​ട​യി​ൽ ഒ​ന്നാം​സ​മ്മാ​ന​ത്തി​ന്‍റെ ട്രോ​ഫി ഞ​ങ്ങ​ൾ ന​ല്കി​ക്ക​ഴി​ഞ്ഞ​പ്പോ​ൾ പ്രി​ൻ​സി​പ്പ​ൽ പ​റ​ഞ്ഞു. ""ഒ​രു ട്രോ​ഫി കൂ​ടി​യു​ണ്ട്, അ​തു ഞ​ങ്ങ​ളു​ടെ അമൽകുമാറിനാണ്.'' കാ​ര്യം മ​ന​സി​ലാ​കാ​തെ നി​ൽ​ക്കു​ന്പോ​ൾ അ​നൗ​ൺ​സ്മെ​ന്‍റ് കേ​ട്ടു,

"ന​മു​ക്കു സം​സ്ഥാ​ന​ത്ത് ഒ​ന്നാം​സ്ഥാ​നം കി​ട്ടി​യ വീ​ഡി​യോ മ​നോ​ഹ​ര​മാ​യി ഷൂ​ട്ട് ചെ​യ്ത്, എ​ഡി​റ്റ് ചെ​യ്ത​ത്, ന​മ്മു​ടെ സ്കൂ​ളി​ലെ നോൺടീച്ചിംഗ് സ്റ്റാ​ഫാ​യ ശ്രീ. ​അ​മ​ൽ​കു​മാ​റാ​ണ്. അ​ത്ര മ​നോ​ഹ​ര​മാ​യ വീ​ഡി​യോ ആ​യ​തു​കൊ​ണ്ടാ​ണ് ന​മു​ക്ക് ഒ​ന്നാം​സ​മ്മാ​നം കി​ട്ടി​യ​ത്. അ​തി​നു മു​ഖ്യ​കാ​ര​ണ​ക്കാ​ര​നാ​യ അ​മ​ൽ​കു​മാ​റി​നെ​യും ഒ​പ്പം അ​ദ്ദേ​ഹ​ത്തി​ന്‍റെ പ്രി​യ മാ​താ​പി​താ​ക്ക​ളേ​യും സ്റ്റേ​ജി​ലേ​ക്കു ക്ഷ​ണി​ക്കു​ന്നു!''

സു​ന്ദ​ര​മാ​യ നി​മി​ഷ​ങ്ങ​ളാ​ണ് തു​ട​ർ​ന്ന് വി​ട​ർ​ന്ന​ത്. അ​പ്പോ​ൾ, ആ ​പ​രി​പാ​ടി​യു​ടെ ഫോ​ട്ടോ​ഗ്രാ​ഫ​റാ​യി വ​ന്ന അ​മ​ൽ​കു​മാ​ർ മാ​താ​പി​താ​ക്ക​ളോ​ടൊ​പ്പം വ​ന്ന് പ്ര​ത്യേ​ക ട്രോ​ഫി സ്വീ​ക​രി​ച്ചു. മൂ​ന്നു പേ​രു​ടെ​യും ക​ണ്ണു​ക​ളി​ൽ അ​വാ​ച്യ​മാ​യ ആ​ത്മ​ഹ​ർ​ഷ​ത്തി​ന്‍റെ തി​ര​യി​ള​ക്കം ഞാ​ൻ ക​ണ്ടു, ഒ​പ്പം പ്രി​ൻ​സി​പ്പ​ലി​ന്‍റെ മി​ഴി​ക​ളി​ലും!

പ്രി​യ കൂ​ട്ടു​കാ​രേ, ന​മ്മു​ടെ ജീ​വി​തം ന​മ്മ​ൾ ഒ​റ്റ​യ്ക്കു വി​ജ​യി​ക്കു​ന്ന ഒ​രു ഗെ​യി​മ​ല്ല. ഒ​രു​പാ​ടു​പേ​രു​ടെ സ​ഹാ​യ​സ​ഹ​ക​ര​ണ​ങ്ങ​ൾ​ കൊ​ണ്ടാ​ണ് നാം ​എ​ല്ലാ​റ്റി​ലും വി​ജ​യി​ക്കു​ന്ന​ത്. ഏ​റ്റ​വും പ്ര​ധാ​ന​മാ​യി സ​ർ​വ​ശ​ക്ത​നാ​യ ദൈ​വ​ത്തി​ന്‍റെ അ​നു​ഗ്ര​ഹ​മാ​ണ് എ​ല്ലാ ന​ന്മ​ക​ളു​ടെ​യും അ​ടി​സ്ഥാ​നം. ന​മ്മു​ടെ ചു​റ്റു​മു​ള്ള ദൈ​വ​മ​ന​സു​ള്ള​വ​രി​ലൂ​ടെ ആ ​അ​നു​ഗ്ര​ഹ​ങ്ങ​ൾ ന​മ്മി​ലേ​ക്ക് വ​ർ​ഷി​ക്ക​പ്പെ​ടു​ക​യും നി​റ​വേ​റു​ക​യും ചെ​യ്യു​ന്നു. നി​ങ്ങ​ളു​ടെ ഒ​രു പ​രീ​ക്ഷാ​വി​ജ​യ​ത്തി​ൽ ഒ​ത്തി​രി പ​ങ്കാ​ളി​ക​ളു​ണ്ട്. ക​ലോ​ത്സ​വ​വി​ജ​യ​ത്തി​ലും കാ​യി​ക വി​ജ​യ​ത്തി​ലു​മെ​ല്ലാം മാ​താ​പി​താ​ക്ക​ളും ഗു​രു​ജ​ന​ങ്ങ​ളും സ​ഹോ​ദ​ര​ങ്ങ​ളും സതീ​ർ​ത്ഥ്യ​രു​മു​ൾ​പ്പെ​ടെ നി​ര​വ​ധി​പേ​ർ പ​ങ്കാ​ളി​ക​ളാ​ണ്.

എ​ന്നാ​ൽ, വി​ജ​യി​ച്ചു​ക​ഴി​ഞ്ഞാ​ൽ അ​തി​ന്‍റെ മു​ഴു​വ​ൻ ക്രെ​ഡി​റ്റും സ്വ​ന്തം പോ​ക്ക​റ്റി​ൽ ഇ​ടാ​നാ​ണ് പ​ല​ർ​ക്കും ഇ​ഷ്ടം! എ​ന്‍റെ വി​ജ​യം എ​ന്‍റെ മാ​ത്രം ക​ഠി​നാ​ധ്വാ​നം​കൊ​ണ്ട്, ഞാ​ൻ നേ​ടി​യ​താ​ണ് എ​ന്നു പ​റ​യാ​നും സ​ഹാ​യി​ച്ച ആ​രേ​യും വി​ജ​യ ല​ഹ​രി​യി​ൽ പ​ങ്കു​ചേ​ർ​ക്കാ​തി​രി​ക്കാ​നും പ​ല​രും ശ്ര​മി​ക്കാ​റു​ണ്ട്. അ​തു നീ​തി​യാ​ണോ?

ഈ ​ചോ​ദ്യ​ത്തി​നു​ള്ള ഉ​ത്ത​ര​മാ​ണ് മു​ണ്ട​ത്താ​നം ലി​റ്റി​ൽ ഫ്ള​വ​റി​ലെ നോൺടീച്ചിംഗ് സ്റ്റാഫായ ശ്രീ ​അ​മ​ൽ​കു​മാ​ർ. സ്കൂളിൽ ജോ​ലി​ക്ക് അ​പേ​ക്ഷി​ച്ച അ​മ​ൽ​കു​മാ​റി​ന്‍റെ ബ​യോ​ഡേ​റ്റ ക​ണ്ട​പ്പോ​ൾ​ത്ത​ന്നെ സി​സ്റ്റ​ർ ആ​ൻ​സി അ​ദ്ദേ​ഹ​ത്തി​ന്‍റെ ഉ​ന്ന​ത വി​ദ്യാ​ഭ്യാ​സ​വും വി​വി​ധ ക​ഴി​വു​ക​ളും മ​ന​സി​ലാ​ക്കി​യി​രു​ന്നു. പി​ന്നീ​ട് ആ ​ക​ഴി​വു​ക​ൾ സ്കൂ​ളി​ന്‍റെ വി​വി​ധ കാ​ര്യ​ങ്ങ​ളി​ൽ സി​സ്റ്റ​ർ ഉ​പ​യോ​ഗി​ക്കു​ക​യും ചെ​യ്തി​രു​ന്നു. ന​ല്ല വീ​ഡി​യോ​ഗ്രാ​ഫ​റും വീ​ഡി​യോ എ​ഡി​റ്റ​റു​മാ​യ അ​മ​ൽ​കു​മാ​ർ അ​ങ്ങ​നെ​യാ​ണ് സ​മ്മാ​നാ​ർ​ഹ​മാ​യ വീ​ഡി​യോ എ​ഡി​റ്റു ചെ​യ്ത​ത്.

ന​മ്മു​ടെ കൂ​ടെ​യു​ള്ള​വ​രു​ടെ സ​ഹാ​യം​കൊ​ണ്ടു​കൂ​ടി​യാ​ണ് ന​മ്മ​ൾ വി​ജ​യി​ച്ച​ത് എ​ന്ന് അം​ഗീ​ക​രി​ക്കു​ന്പോ​ഴാ​ണ് ന​മ്മ​ൾ കൂ​ടു​ത​ൽ ന​ല്ല മ​നു​ഷ്യ​രാ​കു​ന്ന​ത്. ന​മു​ക്ക് ന​ല്ല മ​നു​ഷ്യ​രാ​കാം. ന​ന്മ​യു​ടെ വി​ത​ര​ണ​ക്കാ​രാ​കാം.സ്നേ​ഹാ​ശം​സ​ക​ളോ​ടെ,

സ്വ​ന്തം കൊ​ച്ചേ​ട്ട​ൻ

കോ​ട്ട​യം: ദീ​പി​ക ബാ​ല​സ​ഖ്യം സം​ഘ​ടി​പ്പി​ക്കു​ന്ന ഐ​ക്യു ഒ​ളി​ന്പ്യാ​ഡി​നു​ള്ള ര​ജി​സ്ട്രേ​ഷ​ൻ ഇ​ന്നു സ​മാ​പി​ക്കും.

എ​ൽ​കെ​ജി മു​ത​ൽ പ​ത്താ​ക്ലാ​സ് വ​രെ​യു​ള്ള​കു​ട്ടി​ക​ൾ​ക്കാ​യാ​ണ് മ​ത്സ​ര​പ​രീ​ക്ഷ സം​ഘ​ടി​പ്പി​ക്കു​ന്ന​ത്. ഡി​സി​എ​ൽ ഐ​ക്യു വി​ൻ​മാ​സ്റ്റ​ർ എ​ന്ന പു​സ്ത​കം വാ​ങ്ങു​ന്ന കു​ട്ടി​ക​ൾ​ക്കാ​ണ് മ​ത്സ​ര​ത്തി​ൽ പ​ങ്കെ​ടു​ക്കാ​ൻ അ​ർ​ഹ​ത​യു​ള്ള​ത്.

ഓ​രോ ക്ലാ​സി​ലും ഒ​ന്നാം​റാ​ങ്ക് നേ​ടു​ന്ന കു​ട്ടി​ക​ൾ​ക്ക് ഒ​രു ഗ്രാ​മി​ന്‍റെ സ്വ​ർ​ണ​മോ​തി​രം സ​മ്മാ​ന​മാ​യി ന​ല്കും. 4000, 3000, 2000, 1000, എ​ന്നി​ങ്ങ​നെ ‍‍യ​ഥാ​ക്ര​മം ര​ണ്ടു മു​ത​ൽ അ​ഞ്ചു വ​രെ റാ​ങ്ക് ജേ​താ​ക്ക​ൾ​ക്ക് കാ​ഷ് അ​വാ​ർ​ഡ് ന​ല്കും.

കൂ​ടാ​തെ ഓ​രോ ക്ലാ​സി​ലും ഏ​റ്റു​വും കൂ​ടു​ത​ൽ മാ​ർ​ക്കു നേ​ടു​ന്ന 500 കു​ട്ടി​ക​ൾ​ക്ക് 300 രൂ​പ വീ​തം കാ​ഷ് അ​വാ​ർ​ഡും മെ​ഡ​ലും സ​ർ​ട്ടി​ഫി​ക്ക​റ്റും ല​ഭി​ക്കും. 80 ശ​ത​മാ​ന​ത്തി​ല​ധി​കം മാ​ർ​ക്കു​വാ​ങ്ങു​ന്ന കു​ട്ടി​ക​ൾ​ക്ക് മെ​ഡ​ലും സ​ർ​ട്ടി​ഫി​ക്ക​റ്റും, 60 ശ​ത​മാ​ന​ത്തി​ല​ധി​കം മാ​ർ​ക്കു നേ​ടു​ന്ന​വ​ർ​ക്ക് ഗ്രേ​ഡ് സ​ർ​ട്ടി​ഫി​ക്ക​റ്റും പ​ങ്കെ​ടു​ക്കു​ന്ന എ​ല്ലാ​വ​ർ​ക്കും പാ​ർ​ട്ടി​സി​പ്പ​ന്‍റ് സ​ർ​ട്ടി​ഫി​ക്ക​റ്റും ന​ല്കും.

ര​ജി​സ്റ്റ​ർ ചെ​യ്ത കു​ട്ടി​ക​ൾ​ക്കു​ള്ള പു​സ്ത​ക​ങ്ങ​ൾ ഓ​ഗ​സ്റ്റ് 10 മു​ത​ൽ വി​ത​ര​ണം ചെ​യ്യും. മ​ത്സ​ര​പ​രീ​ക്ഷ ഒ​ക്ട​ബോ​ർ 17-നാ​ണ് ന​ട​ക്കു​ക.

ച​ങ്ങ​നാ​ശേരി:​ ഡി സി ​എ​ൽ ച​ങ്ങ​നാ​ശ്ശേ​രി മേ​ഖ​ല​യു​ടെ​യും, സെ​ന്‍റ് ജോ​സ​ഫ്സ് ജി.​എ​ച്ച്.​എ​സ് ശാ​ഖ​യു​ടെ​യും പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​ന​വും ച​ങ്ങ​നാ​ശ്ശേ​രി മേ​ഖ​ല തെ​ര​ഞ്ഞെ​ടു​പ്പും ച​ങ്ങ​നാ​ശ്ശേ​രി സെ​ന്‍റ് ജോ​സ​ഫ് ഹൈ​സ്കൂ​ളി​ൽ ന​ട​ന്നു.

പ്ര​വ​ർ​ത്ത​ന​വ​ർ​ഷ ഉ​ദ്ഘാ​ട​നം ദീ​പി​ക സ​ർ​ക്കു​ലേ​ഷ​ൻ ജ​ന​റ​ൽ മാ​നേ​ജ​ർ ഫാ. ​ജോ​ർ​ജ് മാ​ന്തു​രു​ത്തി​ൽ നി​ർ​വ​ഹി​ച്ചു. സ്കൂ​ൾ ഹെ​ഡ്മി​സ്ട്ര​സ് സീ​ന ജോ​സ​ഫ് അ​ധ്യ​ക്ഷ​ത വ​ഹി​ച്ചു. ല​ഹ​രി വി​രു​ദ്ധ ബോ​ധ​വ​ൽ​ക്ക​ര​ണ പ​രി​പാ​ടി​യാ​യ "കി​ക്ക്‌ ഔ​ട്ട്‌'-​ന്‍റെ ഉ​ദ്ഘാ​ട​നം എ​ക്സൈ​സ് പ്രി​വ​ന്‍റീ​വ് ഓ​ഫീ​സ​ർ രാ​ജേ​ഷ് ആ​ർ. നി​ർ​വ്വ​ഹി​ച്ചു.​

ഡി​സി​എ​ൽ സെ​ൻ​ട്ര​ൽ ക​മ്മ​റ്റി അം​ഗം ആ​ൻ​സി മേ​രി ജോ​ൺ , ച​ങ്ങ​നാ​ശ്ശേ​രി മേ​ഖ​ല ഓ​ർ​ഗ​നൈ​സ​ർ ജോ​ഷി കൊ​ല്ലാ​പു​രം, ഓ​ർ​ഗ​നൈ​സിം​ഗ് സെ​ക്ര​ട്ട​റി റോ​യി തോ​മ​സ് എ​ന്നി​വ​ർ പ്ര​സം​ഗി​ച്ചു.

ശാ​ഖ കൗ​ൺ​സി​ല​ർ ഹൃ​ദ്യ സ​ര​സ്വ​തി എ​ച്ച്. ല​ഹ​രി വി​രു​ദ്ധ പ്ര​തി​ജ്ഞ ചൊ​ല്ലി​ക്കൊ​ടു​ത്തു.

യു.​പി. ഹൈ​സ്കൂ​ൾ വി​ഭാ​ഗ​ത്തി​ൽ നി​ന്നും തെ​ര​ഞ്ഞെ​ടു​ത്ത കൗ​ൺ​സി​ലേ​ഴ്സി​ൽ നി​ന്നും മേ​ഖ​ല ഭാ​ര​വാ​ഹി​ക​ളെ തി​ര​ഞ്ഞെ​ടു​ത്തു.

മു​ണ്ട​ത്താ​നം: ഡി​സി​എ​ൽ പ്ര​വേ​ശ​നോ​ൽ​സ​വം വീ​ഡി​യോ ച​ല​ഞ്ചി​ൽ സം​സ്ഥാ​ന ത​ല​ത്തി​ൽ ഒ​ന്നാം സ്ഥ​ലം ല​ഭി​ച്ച മു​ണ്ട​ത്താ​നം ലി​റ്റി​ൽ ഫ്ല​വ​ർ വി​ദ്യാ​നി​കേ​ത​ൻ സ്‌​കൂ​ളി​നു​ള്ള അ​നു​മോ​ദ​ന​വും മ​ണി​മ​ല മേ​ഖ​ല പ്ര​വ​ർ​ത്ത​ന വ​ർ​ഷ ഉ​ദ്ഘാ​ട​ന​വും മു​ണ്ട​ത്താ​നം ലി​റ്റി​ൽ ഫ്ല​വ​ർ വി​ദ്യാ​നി​കേ​ത​ൻ സ്‌​കൂ​ളി​ൽ സം​യു​ക്ത​മാ​യി ന​ട​ന്നു.

കൊ​ച്ചേ​ട്ട​ൻ ഫാ. ​റോ​യി ക​ണ്ണ​ൻ​ചി​റ സി​എം​ഐ അ​ധ്യ​ക്ഷ​ത വ​ഹി​ച്ച സ​മ്മേ​ള​നം ക​ങ്ങ​ഴ ഗ്രാ​മ പ​ഞ്ചാ​യ​ത്ത് പ്ര​സി​ഡ​ന്‍റ് അ​ജി ത​ക​ടി​യേ​ൽ ഉ​ദ്ഘാ​ട​നം​ചെ​യ്തു. പ്രി​ൻ​സി​പ്പ​ൽ സി​സ്റ്റ​ർ ആ​ൻ​സി മാ​ത്യൂ ആ​മു​ഖ സ​ന്ദേ​ശം ന​ല്കി. സ്‌​കൂ​ൾ മാ​നേ​ജ​ർ സി​സ്റ്റ​ർ അ​ഖി​ല ജോ​സ​ഫ് മു​ഖ്യ പ്ര​ഭാ​ഷ​ണം ന​ട​ത്തി.

പി.​ടി.​എ. പ്ര​സി​ഡ​ന്‍റ് ജോ​ജി മാ​ത്യു, വൈ​സ് പ്രി​ൻ​സി​പ്പ​ൽ വ​ർ​ഗീ​സ് ദേ​വ​സി, ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ, മ​ണി​മ​ല മേ​ഖ​ല ഓ​ർ​ഗൈ​ന​സ​ർ ജോ​സ​ഫ് ആ​ന്‍റ​ണി, ഫി​യോ​ണ ത​ങ്കം തോ​മ​സ് , അ​മാ​ൻ ഷി​ഫാ മാ​ലി​ക് തു​ട​ങ്ങി​യ​വ​ർ പ്ര​സം​ഗി​ച്ചു.

ഡിസിഎൽ ശാ​ഖാ ഡ​യ​റ​ക്ട​ർ​മാ​രാ​യ റോ​സ​മ്മ സി​റി​യ​ക്, സി​സ്റ്റ​ർ സി​ജി​ന ജോ​ർ​ജ് എം​എ​ൽ​എ​ഫ്, അധ്യാപകർ എ​ന്നി​വ​ർ നേ​തൃ​ത്വം ന​ൽ​കി.

തൊ​ടു​പു​ഴ: ഡി​സിഎ​ൽ തൊ​ടു​പു​ഴ പ്ര​വി​ശ്യ​യി​ലെ ക​ല​യ​ന്താ​നി മേ​ഖ​ലാ നേ​തൃ​സം​ഗ​മ​വും ഭാ​ര​വാ​ഹി​ക​ളു​ടെ തെ​ര​ഞ്ഞെ​ടു​പ്പും ആ​ഗ​സ്റ്റ് ഒ​ന്നാം​തീ​യ​തി ശ​നി​യാ​ഴ്ച രാ​വി​ലെ 10 മു​ത​ൽ ഇ​ളം​ദേ​ശം സെ​ന്‍റ് ജോ​സ​ഫ്സ് എ​ൽ പി ​സ്‌​കൂ​ളി​ൽ ന​ട​ക്കും. ഹെ​ഡ്മി​സ്ട്ര​സ് ബി​സ്മി ജോ​ർ​ജ് ഉ​ദ്ഘാ​ട​നം ചെ​യ്യും.

ക​രി​മ​ണ്ണൂ​ർ മേ​ഖ​ലാ നേ​തൃ​സം​ഗ​മ​വും തെ​ര​ഞ്ഞെ​ടു​പ്പും അ​ന്ന് ഉ​ച്ച​ക​ഴി​ഞ്ഞ് 1.45 മു​ത​ൽ ക​രി​മ​ണ്ണൂ​ർ ഹോ​ളി ഫാ​മി​ലി എ​ൽ പി ​എ​സി​ലും ഉ​ണ്ടാ​യി​രി​ക്കു​മെ​ന്ന് പ്ര​വി​ശ്യാ കോ - ​ഓ​ർ​ഡി​നേ​റ്റ​ർ റോ​യ് ജെ ​ക​ല്ല​റ​ങ്ങാ​ട്ട് , മേ​ഖ​ലാ ഓ​ർ​ഗ​നൈ​സ​ർ​മാ​രാ​യ റോ​യി വി ​ജോ​ർ​ജ് , ബി​നോ​ജ് ആ​ൻ​റ​ണി എ​ന്നി​വ​ർ അ​റി​യി​ച്ചു.

കൊച്ചേട്ടന്‍റെ കത്ത്

പ്രി​യ ഡി​സി​എ​ൽ കൂ​ട്ടു​കാ​രേ,

2026 ജൂ​ലൈ 19. ന്യൂ​യോ​ർ​ക്ക് സി​റ്റി​യി​ലെ ന്യൂ​ജേ​ഴ്സി സ്റ്റേ​ഡി​യം ഇ​ള​കി​മ​റി​യു​ക​യാ​ണ്. അ​ർ​ജ​ന്‍റീ​ന​യെ ഒ​രു ഗോ​ളി​ന് തോ​ല്പി​ച്ച്, സ്പെ​യി​ൻ ഫി​ഫ ലോ​ക​ക​പ്പ് വി​ജ​യം നേ​ടി​യ നി​മി​ഷം! സ്പെ​യി​ൻ ടീ​മി​ന്‍റെ​യും ആ​രാ​ധ​ക​രു​ടെ​യും വി​ജ​യാ​ര​വ​ങ്ങ​ൾ​ക്കും അ​ർ​ജ​ന്‍റീ​ന​യു​ടെ​യും മെ​സി ഫാ​ൻ​സി​ന്‍റെ​യും ആ​ർ​ത്ത​നാ​ദ​ങ്ങ​ൾ​ക്കു​മി​ട​യി​ലൂ​ടെ ത​നി​ക്കു കി​ട്ടി​യ സ്വ​ർ​ണ​മെ​ഡ​ലും കൈ​യി​ലു​യ​ർ​ത്തി, ഗാ​ല​റി​യി​ലേ​ക്കു നോ​ക്കി​ക്കൊ​ണ്ട് ഗ്രൗ​ണ്ടി​ന്‍റെ അ​രി​കി​ലൂ​ടെ ഒ​രാ​ൾ ഓ​ടു​ക​യാ​ണ്.

അ​യാ​ളു​ടെ പേ​രാ​ണ് നി​ക്കോ വി​ല്യം​സ്! ആ​ഫ്രി​ക്ക​ൻ വം​ശ​ജ​നാ​യ സ്പാ​നി​ഷ് ഫു​ട്ബോ​ൾ ടീം ​അം​ഗം. ഇ​ക്ക​ഴി​ഞ്ഞ ജൂ​ലൈ 12-ന് 24-ാം ​പി​റ​ന്നാ​ൾ ആ​ഘോ​ഷി​ച്ച​വ​ൻ. "മ​ക​നേ...' എ​ന്ന വി​ളി​യു​മാ​യി ഗാ​ല​റി​യി​ൽ​നി​ന്നും ഇ​രു​കൈ​ക​ളും നീ​ട്ടി​നി​ന്ന മ​രി​യ ആ​ർ​ഥ​ർ എ​ന്ന അ​വ​ന്‍റെ അ​മ്മ​യെ ക​ണ്ട​തും ഈ​റ​ണ​നി​ഞ്ഞ മി​ഴി​ക​ളോ​ടെ നി​ക്കോ, ത​ന്‍റെ മെ​ഡ​ൽ അ​മ്മ​യു​ടെ ക​ഴു​ത്തി​ൽ ചാ​ർ​ത്തി! ചു​റ്റും പൊ​തി​ഞ്ഞ ചാ​ന​ലു​ക​ളോ​ട​വ​ൻ പ​റ​ഞ്ഞു:

"ക​ളി​ക്ക​ള​ത്തി​ൽ എ​നി​ക്ക് വ​ള​രെ​വേ​ഗം ഓ​ടാ​ൻ ക​ഴി​യും. എ​ന്നാ​ൽ, എ​നി​ക്ക് എ​ന്‍റെ അ​മ്മ​യോ​ളം വേ​ഗ​ത്തി​ൽ ഓ​ടാ​നാ​വി​ല്ല. കാ​ര​ണം ജ​ന്മ​നാ​ടാ​യ ആ​ഫ്രി​ക്ക​യി​ലെ ഘാ​ന​യി​ൽ​നി​ന്ന്, ര​ക്ഷ​പ്പെ​ട്ട്, സ​ഹാ​റ​മ​രു​ഭൂ​മി താ​ണ്ടി​യാ​ണ് അ​മ്മ​യു​മ​ച്ഛ​നും സ്പെ​യി​നി​ലെ​ത്തി​യ​ത്! അ​തി​നാ​ൽ, എ​ന്‍റെ അ​മ്മ​യ്ക്കാ​ണ് ഈ ​മെ​ഡ​ലി​ന് എ​ന്നേ​ക്കാ​ളും അ​ർ​ഹ​ത!''

പ്രി​യ കൂ​ട്ടു​കാ​രേ, ലോ​കം കോ​രി​ത്തി​രി​ച്ചു​നി​ന്ന അ​നു​പ​മ നി​മി​ഷ​മാ​ണി​ത്! നി​ക്കോ പ​റ​ഞ്ഞ​ത് സ​ത്യ​മാ​ണ്. വെ​റും മൂ​ന്നു പ​തി​റ്റാ​ണ്ടു​ക​ൾ​ക്കു മു​ന്പ്, ആ​ഫ്രി​ക്ക​യി​ലെ ഘാ​ന​യി​ൽ​നി​ന്നും അ​ഭ​യാ​ർ​ത്ഥി​ക​ളാ​യി സ​ഹാ​റ മ​രു​ഭൂ​മി കാ​ൽ​ന​ട​യാ​യി ന​ട​ന്ന് സ്പെ​യി​നി​ലെ​ത്തി​യ ഫെ​ലി​ക്സ് വി​ല്യം​സി​ന്‍റെ​യും മ​രി​യ ആ​ർ​ഥ​റി​ന്‍റെ​യും മ​ക്ക​ളാ​ണ് സ്പെ​യി​ൻ നാ​ഷ​ണ​ൽ ഫു​ട്ബോ​ൾ ടീം ​അം​ഗ​ങ്ങ​ളാ​യ ഇ​നാ​ക്കി വി​ല്യം​സും നി​ക്കോ വി​ല്യം​സും!

നി​ക്കോ​യു​ടെ ക​ഥ കേ​ട്ട​പ്പോ​ൾ ഘാ​ന​യി​ൽ​നി​ന്ന് സ​ഹാ​റ​മ​രു​ഭൂ​മി​വ​ഴി സ്പെ​യി​നി​ലെ​ത്താ​നു​ള്ള ദൂ​രം ഗൂ​ഗി​ൾ​മാ​പ്പി​ലൂ​ടെ ക​ണ്ടെ​ത്താ​ൻ ശ്ര​മി​ച്ചു​നോ​ക്കി! 5700 മു​ത​ൽ 6000 കി​ലോ​മീ​റ്റ​ർ ദൂ​ര​മാ​ണ് ആ ​മാ​താ​പി​താ​ക്ക​ൾ ന​ട​ന്ന​ത്. കാ​ൽ​ന​ട​യാ​യി ന​ട​ന്നാ​ൽ, ഏ​ക​ദേ​ശം 130 മു​ത​ൽ 150 ദി​വ​സ​ങ്ങ​ൾ നി​ർ​ത്താ​തെ ന​ട​ക്ക​ണം, ഈ ​ദൂ​രം പൂ​ർ​ത്തി​യാ​വാ​ൻ!

ഒ​രു​പ​ക്ഷേ, അ​വ​ർ ഘാ​ന​യി​ൽ​നി​ന്നും അ​ൾ​ജീ​രി​യാ​യി​ലൂ​ടെ സ​ഹാ​റാ ക​ട​ന്ന് ഒ​റാ​നി​ൽ​നി​ന്ന് ക​പ്പ​ൽ​ക​യ​റി അ​ലി​ക്കാ​ന്‍റ തീ​ര​ത്തി​റ​ങ്ങി ആ​ഗോ​സ്റ്റി​ലൂ​ടെ സ്പെ​യി​നി​ലെ​ത്തി​യി​ട്ടു​ണ്ടാ​കും! അ​ല്ലെ​ങ്കി​ൽ വെ​സ്റ്റ് സ​ഹാ​റ​വ​ഴി ന​ട​ന്ന് മൊ​റോ​ക്കോ ക​ട​ന്ന് ജി​ബ്രാ​ൾ​ട്ട​ർ ക​ട​ലി​ടു​ക്കി​ലൂ​ടെ സ്പെ​യി​നി​ലെ​ത്തി​യി​ട്ടു​ണ്ടാ​കും!

കൂ​ട്ടു​കാ​രേ, നി​ങ്ങ​ളു​ടെ ഇ​ന്നി​ലേ​ക്ക്, നി​ങ്ങ​ളു​ടെ മാ​താ​പി​താ​ക്ക​ൾ ന​ട​ന്നു​തീ​ർ​ത്ത ഇ​ന്ന​ലെ​ക​ൾ എ​ത്ര​യെ​ന്ന് എ​ത്ര​പേ​ർ​ക്ക​റി​യാം! എ​ന്‍റെ മാ​താ​പി​താ​ക്ക​ളും നി​ങ്ങ​ളു​ടെ മാ​താ​പി​താ​ക്ക​ളും ജീ​വി​ത​ത്തി​ൽ നി​ര​വ​ധി സ​ഹാ​റ​മ​രു​ഭൂ​മി​യാ​ത്ര​ക​ൾ ന​ട​ത്തി​യി​ട്ടു​ള്ള​വ​രാ​ണ്, തീ​ർ​ച്ച! ആ​ഫ്രി​ക്ക​യി​ലെ സ​ഹാ​റ​മ​രു​ഭൂ​മി​യി​ൽ പ​ക​ൽ പ​ല​പ്പോ​ഴും 60 ഡി​ഗ്രി​യാ​ണ് ചൂ​ട്! ചു​ട്ടു​പൊ​ള്ളു​ന്ന മ​ണ​ൽ​പ്പ​ര​പ്പി​ലൂ​ടെ കൊ​ടി​യ വി​ശ​പ്പും ദാ​ഹ​വും സ​ഹി​ച്ച്, എ​ത്തി​ച്ചേ​രു​ന്ന കാ​നാ​ൻ​നാ​ട്ടി​ൽ തേ​നും പാ​ലും ഒ​ഴു​ക​ണേ​യെ​ന്ന് ഓ​രോ കി​ത​പ്പി​ലും പാ​ർ​ത്ഥി​ച്ച്, വി​യ​ർ​ത്തൊ​ലി​ച്ചു ന​ട​ന്ന​ത്, നി​ക്കോ​യു​ടെ മാ​താ​പി​താ​ക്ക​ൾ മാ​ത്ര​മ​ല്ല, ന​മ്മു​ടേ​യും മാ​താ​പി​താ​ക്ക​ളാ​ണ്!

ക​ട​ബാ​ധ്യ​ത​ക​ളു​ടേ​യും രോ​ഗ​ങ്ങ​ളു​ടേ​യും പ​രാ​ജ​യ​ഭീ​തി​യു​ടെ​യും ജീ​വി​ത ഭാ​ണ്ഡ​ങ്ങ​ളു​മാ​യി ജീ​വി​ത​ത്തി​ന്‍റെ സ​ഹാ​റ​താ​ണ്ടു​ന്ന ന​മ്മു​ടെ മാ​താ​പി​താ​ക്ക​ളു​ടെ ഈ ​ജീ​വി​ത​യാ​ത്ര​യി​ൽ, സ്നേ​ഹ​ത്തി​ന്‍റെ തേ​ന​രു​വി​ക​ളും സ​ത്യ​സ​ന്ധ​ത​യു​ടെ വെ​ൺ​മേ​ഘ​ത്ത​ണ​ലും വി​ശ്വ​സ്ത​ത​യു​ടെ ദീ​പ​സ്തം​ഭ​ങ്ങ​ളു​മാ​കാ​ൻ മ​ക്ക​ളാ​യ ന​മു​ക്ക് ക​ഴി​യ​ണം! അ​വ​രു​ടെ അ​ധ്വാ​ന​ത്തി​ന്‍റെ അ​ള​വ​റി​യ​ണം. അ​വ​ർ ന​മു​ക്കാ​യി താ​ണ്ടി​യ സ​ഹാ​റ​ക​ളു​ടെ ദൂ​ര​മ​റി​യ​ണം.

അ​പ്പോ​ൾ, ത​ന്‍റെ പൊ​ന്നാ​യ അ​മ്മ​യോ​ളം വ​രി​ല്ല ഈ ​പൊ​ന്നി​ന്‍റെ മെ​ഡ​ൽ എ​ന്നു തി​രി​ച്ച​റി​ഞ്ഞ നി​ക്കോ​യേ​പ്പോ​ലെ ന​മ്മു​ടെ​യും ക​ഠി​നാ​ധ്വാ​ന​ത്തി​ന്‍റെ​യും സ്ഥി​ര​പ​രി​ശ്ര​മ​ത്തി​ന്‍റെ​യും വേ​ർ​പ്പു​തു​ള്ളി​ക​ൾ പ​തി​ച്ച ജീ​വി​ത​മാ​കു​ന്ന മെ​ഡ​ലു​യ​ർ​ത്തി ന​മു​ക്കും പ​റ​യാ​ൻ ക​ഴി​യും, അ​മ്മ പൊ​ന്ന​മ്മ​യ​ല്ല​മ്മേ, ത​ങ്ക​മ്മ​യാ​ണ്. ത​നി​ത്ത​ങ്കം​കൊ​ണ്ടെ​ന്‍റെ ഹൃ​ദ​യ​ത്തി​ൽ പ്ര​തി​ഷ്ഠി​ച്ച എ​ന്‍റെ ത​ങ്ക​മ്മ!

സ്നേ​ഹാ​ശം​സ​ക​ളോ​ടെ,സ്വ​ന്തം കൊ​ച്ചേ​ട്ട​ൻ

കോ​ട്ട​യം: ദീ​പി​ക ബാ​ല​സ​ഖ്യ​ത്തി​ന്‍റെ മേ​ഖ​ലാ​ത​ല ടാ​ല​ന്‍റ് ഫെ​സ്റ്റു​ക​ൾ ഓ​ഗ​സ്റ്റ് മു​ത​ൽ ആ​രം​ഭി​ക്കും. എ​ൽ​പി, യു​പി, ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​ണ് മ​ത്സ​രം. പ്ര​സം​ഗം, ല​ളി​ത​ഗാ​നം, ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ ഗാ​നം, ചെ​റു​ക​ഥാ​ര​ച​ന, ക​വി​താ​ര​ച​ന, ഉ​പ​ന്യാ​സ​ര​ച​ന എ​ന്നീ ഇ​ന​ങ്ങ​ളി​ലാ​ണ് മ​ത്സ​രം.

ഡി​സി​എ​ൽ ആ​ന്തം, ല​ഹ​രി​വി​രു​ദ്ധ​ഗാ​നം എ​ന്നി​വ ഒ​ഴി​കെ എ​ല്ലാ മ​ത്സ​ര​ങ്ങ​ളും ആ​ൺ​കു​ട്ടി​ക​ൾ​ക്കും പെ​ൺ​കു​ട്ടി​ക​ൾ​ക്കും പ്ര​ത്യേ​ക​മാ​യി​രി​ക്കും. ര​ച​നാ​മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന കു​ട്ടി​ക​ൾ​ക്ക് ഗ്രൂ​പ്പ് മ​ത്സ​ര​ങ്ങ​ളി​ൽ പ​ങ്കെ​ടു​ക്കാ​ൻ അ​ർ​ഹ​ത​യു​ണ്ടാ​യി​രി​ക്കു​ക​യി​ല്ല.

ഡി​സി​എ​ൽ ആ​ന്തം, ഡി​സി​എ​ൽ ല​ഹ​രി​വി​രു​ദ്ധ സം​ഘ​ഗാ​നം മ​ത്സ​ര​ങ്ങ​ളി​ൽ ഏ​ഴു പേ​ര​ട​ങ്ങു​ന്ന ടീ​മി​ന് പ​ങ്കെ​ടു​ക്കാം. ക​രോ​ക്കെ ഉ​ണ്ടാ​യി​രി​ക്കു​ന്ന​ത​ല്ല.
ഗ്രൂ​പ്പ് ഐ​റ്റം ഉ​ൾ​പ്പെ​ടെ ഒ​രാ​ൾ​ക്ക് ര​ണ്ടു വി​ഭാ​ഗ​ത്തി​ൽ മാ​ത്ര​മേ മ​ത്സ​രി​ക്കാ​ൻ പാ​ടു​ള്ളൂ.

പ്ര​സം​ഗ​ത്തി​ന് എ​ൽ​പി വി​ഭാ​ഗ​ത്തി​ന് മൂ​ന്നു മി​നി​റ്റും യു.​പി. ഹൈ​സ്കൂ​ൾ വി​ഭാ​ഗ​ങ്ങ​ൾ​ക്ക് 5 മി​നി​റ്റു​മാ​യി​രി​ക്കും സ​മ​യം.

പ്ര​സം​ഗ​മ​ത്സ​ര​ത്തി​നു​ള്ള വി​ഷ​യ​ങ്ങ​ൾ:

ഹൈ​സ്കൂ​ൾ വി​ഭാ​ഗം - 1) 1.യു​ദ്ധ​ങ്ങ​ളും അ​ശാ​ന്തി​യും നി​റ​ഞ്ഞ ലോ​ക​ത്ത് സാ​ഹോ​ദ​ര്യ​ത്തി​ന്‍റെ​യും സ​മാ​ധാ​ന​ത്തി​ന്‍റെ​യും പ്ര​സ​ക്തി. 2)ആ​ധു​നി​ക ജീ​വി​ത​വും ആ​ധു​നി​ക മ​നു​ഷ്യ​ന്‍റെ ആ​രോ​ഗ്യ​വും.

യു.​പി വി​ഭാ​ഗം - 1) ഡി​ജി​റ്റ​ൽ യു​ഗ​ത്തി​ലെ അ​ച്ച​ട​ക്ക​വും കൃ​ത്യ​നി​ഷ്ഠ​യും - ഇ​ന്ന​ത്തെ കു​ട്ടി​ക​ൾ നേ​രി​ടു​ന്ന വെ​ല്ലു​വി​ളി​ക​ൾ 2.സാ​ഹോ​ദ​ര്യ​ത്തി​ന്‍റെ കേ​ര​ള മാ​തൃ​ക- ദു​ര​ന്ത​ങ്ങ​ളി​ൽ കൈ​കോ​ർ​ത്ത ന​മ്മ​ൾ

എ​ൽ​പി വി​ഭാ​ഗം 1) ലോ​ക​ക​പ്പ് ഫു​ട്ബോ​ൾ- മൈ​താ​ന​ങ്ങ​ൾ പ​ഠി​പ്പി​ക്കു​ന്ന 'നാം ​ഒ​രു കു​ടും​ബം' എ​ന്ന പാ​ഠം. 2.നാം ​ഒ​രു കു​ടും​ബം: എ​ന്‍റെ കൊ​ച്ചു ലോ​ക​ത്തെ സ്നേ​ഹ​ക്കാ​ഴ്ച​ക​ൾ.

എ​ൽ​പി വി​ഭാ​ഗ​ത്തി​ന് മേ​ഖ​ല, പ്ര​വി​ശ്യാ ത​ല​ങ്ങ​ളി​ൽ ആ​ദ്യ​ത്തെ ഒ​രു വി​ഷ​യം മാ​ത്ര​മാ​യി​രി​ക്കും ഉ​ണ്ടാ​യി​രി​ക്കു​ക. സം​സ്ഥാ​ന​ത​ല​മ​ത്സ​ര​ത്തി​ൽ​മാ​ത്രം ര​ണ്ടു വി​ഷ​യ​ങ്ങ​ളും പ​ഠി​ച്ചാ​ൽ മ​തി​യാ​കും. യു.​പി. ഹൈ​സ്കൂ​ൾ വി​ഭാ​ഗ​ങ്ങ​ളി​ൽ മേ​ഖ​ല, പ്ര​വി​ശ്യ, സം​സ്ഥാ​ന​ത​ല​ത്തി​ലും, എ​ൽ​പി വി​ഭാ​ഗ​ത്തി​ൽ സം​സ്ഥാ​ന​ത​ല​ത്തി​ലും ന​ല്കി​യി​ട്ടു​ള്ള ര​ണ്ടു വി​ഷ​യ​ങ്ങ​ളി​ൽ മ​ത്സ​ര​സ​മ​യ​ത്തു ന​റു​ക്കി​ട്ടു കി​ട്ടു​ന്ന ഒ​രു വി​ഷ​യ​മാ​ണ് പ്ര​സം​ഗി​ക്കേ​ണ്ട​ത്.

ച​ങ്ങ​നാ​ശ്ശേ​രി: ദീ​പി​ക ബാ​ല​സ​ഖ്യം ച​ങ്ങ​നാ​ശ്ശേ​രി മേ​ഖ​ല തെ​ര​ഞ്ഞെ​ടു​പ്പും പ്ര​വ​ർ​ത്ത​ന വ​ർ​ഷ ഉ​ദ്ഘാ​ട​ന​വും ച​ങ്ങ​നാ​ശ്ശേ​രി സെ​ന്‍റ് ജോ​സ​ഫ് ഹൈ​സ്കൂ​ളി​ൽ ഇ​ന്നു ന​ട​ക്കും.

ഉ​ച്ച​യ്ക്ക് ഒ​രു മ​ണി​ക്ക് ശാ​ഖ​ക​ളി​ൽ​നി​ന്നും തെ​ര​ഞ്ഞെ​ടു​ത്ത കൗ​ൺ​സി​ല​ർ​മാ​രി​ൽ​നി​ന്നും മേ​ഖ​ല ഭാ​ര​വാ​ഹി​ക​ളു​ടെ തെ​ര​ഞ്ഞെ​ടു​പ്പു ന​ട​ക്കും. തു​ട​ർ​ന്ന് 2.30-ന് ​ന​ട​ക്കു​ന്ന സ​മ്മേ​ള​ന​ത്തി​ൽ മേ​ഖ​ല​യു​ടെ ഈ ​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​നം ദീ​പി​ക സ​ർ​ക്കു​ലേ​ഷ​ൻ ജ​ന​റ​ൽ മാ​നേ​ജ​ർ ഫാ. ​ജോ​ർ​ജ് മാ​ന്തു​രു​ത്തി​ൽ നി​ർ​വ​ഹി​ക്കും. സ്കൂ​ൾ ഹെ​ഡ്മി​സ്ട്ര​സ് സീ​ന ജോ​സ​ഫ് അ​ധ്യ​ക്ഷ​ത വ​ഹി​ക്കും. ല​ഹ​രി വി​രു​ദ്ധ ബോ​ധ​വ​ൽ​ക്ക​ര​ണ പ​രി​പാ​ടി​യാ​യ കി​ക്ക് ഔ​ട്ടി​ന്‍റെ ഉ​ദ്ഘാ​ട​നം എ​ക്സൈ​സ് പ്രി​വ​ന്‍റീ​വ് ഓ​ഫീ​സ​ർ രാ​ജേ​ഷ് ആ​ർ. നി​ർ​വ്വ​ഹി​ക്കും.

ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗ്ഗീ​സ് കൊ​ച്ചു​കു​ന്നേ​ൽ, കേ​ന്ദ്ര​ക​മ്മ​റ്റി അം​ഗം ആ​ൻ​സി മേ​രി ജോ​ൺ , ച​ങ്ങ​നാ​ശ്ശേ​രി മേ​ഖ​ല ഓ​ർ​ഗ​നൈ​സ​ർ ജോ​ഷി കൊ​ല്ലാ​പു​രം,ഓ​ർ​ഗ​നൈ​സിം​ഗ് സെ​ക്ര​ട്ട​റി റോ​യി തോ​മ​സ് എ​ന്നി​വ​ർ പ്ര​സം​ഗി​ക്കും. ല​ഹ​രി വി​രു​ദ്ധ പ്ര​തി​ജ്ഞ മേ​ഖ​ല കൗ​ൺ​സി​ല​ർ​മാ​ർ ചൊ​ല്ലി​ക്കൊ​ടു​ക്കും.

പ്രി​യ ഡി​സി​എ​ൽ‌ കൂ​ട്ടു​കാ​രേ,

അ​ർ​ജ​ന്‍റീ​ന​യും കേ​പ് വെ​ർ​ദെ​യും ത​മ്മി​ലു​ള്ള ആ​വേ​ശ​പ്പോ​രാ​ട്ടം അ​ന്ത്യ​ത്തോ​ട​ടു​ക്കു​ക​യാ​ണ്! അ​മേ​രി​ക്ക​യി​ലെ മി​യാ​മി സ്റ്റേ​ഡി​യം 2026 ഫി​ഫ വേ​ൾ​ഡ് ക​പ്പി​ലെ ഏ​റ്റ​വും വി​കാ​ര​ഭ​രി​ത​മാ​യ രം​ഗ​ങ്ങ​ൾ​ക്ക് സാ​ക്ഷ്യം​വ​ഹി​ക്കു​ക​യാ​ണ്.

ജ​ന​കോ​ടി​ക​ളു​ടെ രോ​മാ​ഞ്ച​മാ​യ കാ​ൽ​പ്പ​ന്തു​ക​ളി​യു​ടെ മ​ഹാ​രാ​ജാ​വ് ല​യ​ണ​ൽ മെ​സി​യു​ടെ അ​ഞ്ചി​ല​ധി​കം ഷോ​ട്ടു​ക​ളാ​ണ് ക​രി​ങ്ക​ൽ​ഭി​ത്തി​യി​ലി​ടി​ച്ച് തെ​റി​ക്കു​ന്ന​തു​പോ​ലെ ഗോ​ൾ​മു​ഖ​ത്തി​ന്‍റെ നാ​നാ​വ​ശ​ങ്ങ​ളി​ലേ​ക്കും ചി​ത​റി വീ​ഴു​ന്ന​ത്! അ​വ​സാ​നം അ​ർ​ജ​ന്‍റീ​ന ക​ഷ്ടി​ച്ചു ക​ട​ന്നു​കൂ​ടു​ന്പോ​ൾ, ത​ന്‍റെ ഏ​റ്റ​വും കൂ​ടു​ത​ൽ ബോ​ളു​ക​ൾ ത​ട​ഞ്ഞു​തെ​റി​പ്പി​ച്ച, ആ ​ഗോ​ൾ​കീ​പ്പ​റി​ന് സ്വ​ന്തം ജേ​ഴ്സി ഊ​രി ന​ൽ​കി ല​യ​ണ​ൽ മെ​സി ആ​ദ​രി​ക്കു​ക​യാ​ണ്!

കു​റ്റി​ത്താ​ടി​യും ചു​ളു​ങ്ങി​യ മു​ഖ​വു​മാ​യി ഒ​രു മ​നു​ഷ്യ​ൻ നി​ന്നു ക​ര​യു​ക‍​യാ​ണ്. അ​ഞ്ചു​ല​ക്ഷ​ത്തി​ല​ധി​കം മാ​ത്രം ജ​ന​ങ്ങ​ളു​ള്ള ത​ന്‍റെ കൊ​ച്ചു രാ​ജ്യ​ത്തി​ന്‍റെ വി​ലാ​സം ആ​കാ​ശ​ത്തോ​ള​മു​യ​ർ​ത്തി​യ ക​ളി​ക്ക​ള​ത്തി​ലെ ആ ​കാ​ര​ണ​വ​രു​ടെ പേ​ര്, ജോ​സി​മ​ർ ജോ​സേ എ​വോ​റ ഡ​യ​സ് എ​ന്നാ​ണ്. എ​ന്നാ​ൽ അ‍​യാ​ൾ ഇ​ന്നു ലോ​ക​മെ​ന്പാ​ടും അ​റി​യ​പ്പെ​ടു​ന്ന​ത് "കു​ഞ്ഞു​മു​ത്ത​ശ്ശി' എ​ന്ന് അ​ർ​ത്ഥം വ​രു​ന്ന "വൊ​സീ​ഞ്ഞോ' എ​ന്ന ഓ​മ​ന​പ്പേ​രി​ലാ​ണ്.

1986-ജൂ​ൺ മൂ​ന്നി​ന്, കേ​പ് വെ​ർ​ദെ രാ​ജ്യ​ത്തി​ലെ സാ​വോ വി​സെ​ന്‍റ് ദ്വീ​പി​ൽ അ​തി ദ​രി​ദ്ര​നാ​യി ജ​നി​ച്ച വൊ​സീ​ഞ്ഞോ​യാ​ണി​ത്! പി​താ​വ് പ​ട്ടാ​ള​ത്തി​ലും അ​മ്മ കൂ​ലി​വേ​ല​യ്ക്കും പോ​യ​തി​നാ​ൽ മു​ത്ത​ശ്ശ​നും മു​ത്ത​ശ്ശി​യും വ​ള​ർ​ത്തി​യ​തി​ന്‍റെ പേ​രി​ൽ "കു​ഞ്ഞു​മു​ത്ത​ശ്ശി' എ​ന്ന ക​ളി​പ്പേ​ര് സ്വ​ന്തം ഔ​ദ്യോ​ഗി​ക പേ​രാ​ക്കി മാ​റ്റി​യ വൊ​സീ​ഞ്ഞോ​യാ​ണി​ത്!

ഫു​ട്ബോ​ൾ​ക​ളി​യോ​ടു​ള്ള അ​ട​ങ്ങാ​ത്ത അ​ഭി​നി​വേ​ശം​മൂ​ലം ക​ളി​ക്ക​ളം കി​ട​പ്പാ​ട​മാ​ക്കി​യെ​ങ്കി​ലും, ഉ​യ​ര​ക്കു​റ​വു​മൂ​ലം പ​രി​ശീ​ല​ക​ർ പ​രി​ഹ​സി​ച്ചി​റ​ക്കി​വി​ട്ട വൊ​സീ​ഞ്ഞോ​യാ​ണി​ത്!

കാ​ൽ​പ​ന്തു​ക​ളി​യു​ടെ വൈ​ഭ​വം പാ​ദ​ങ്ങ​ളി​ൽ തു​ടു​തു​ടു​ത്ത​പ്പോ​ഴും ഉ​പ​ജീ​വ​ന​ത്തി​നാ​യി ബ​സ് ഡ്രൈ​വ​റാ​യും ഇ​ല​ക്ട്രീ​ഷ്യ​നാ​യും കൂ​ലി​പ്പ​ണി​യെ​ടു​ത്ത വൊ​സീ​ഞ്ഞോ​യാ​ണി​ത്!

എ​ന്നാ​ൽ, 20-ാം വ​യ​സി​നു മു​ന്നേ​ത​ന്നെ 6.3 അ​ടി ഉ​യ​രം നേ​ടി, അം​ഗോ​ള, മ​ൽ​ഡോ​വ,. സൈ​പ്ര​സ്, സ്ലോ​വാ​ക്യ, പോ​ർ​ച്ചു​ഗ​ൽ തു​ട​ങ്ങി​യ നി​ര​വ​ധി രാ​ജ്യ​ങ്ങ​ളു​ടെ ടീ​മു​ക​ളി​ൽ ക​ളി​ച്ചു​ജ​യി​ച്ച്, 2026 ഫി​ഫ ലോ​ക​ക​പ്പി​ന്‍റെ രോ​മാ​ഞ്ച​മാ​യ സൂ​പ്പ​ർ ഗോ​ൾ​കീ​പ്പ​ർ വൊ​സീ​ഞ്ഞോ​യാ​ണി​ത്!

പ്രി​യ കൂ​ട്ടു​കാ​രേ, വൊ​സീ​ഞ്ഞോ എ​ന്ന കാ​ൽ​പ്പ​ന്തു​ക​ളി​ക്കാ​ര​ന്‍ ത​ന്‍റെ കൈ​ക​ൾ​കൊ​ണ്ട് ത​ട്ടി​യെ​റി​ഞ്ഞ​ത്, മെ​സി​യു​ൾ​പ്പെ​ടെ​യു​ള്ള ലോ​ക​താ​ര​ങ്ങ​ളു​ടെ ചാ​ട്ടു​ളി​പ്പ​ന്തു​ക​ളാ​യി​രു​ന്നോ? അ​ല്ലേ​യ​ല്ല!

ക​ളി​ക്ക​ള​ത്തി​ൽ അ‍​യാ​ൾ സാ​കൂ​തം സ​ശ്ര​ദ്ധം ഗോ​ൾ​മു​ഖ​ത്ത് മി​ഴി​പൂ​ട്ടാ​തെ​നി​ന്ന് നാ​നാ​വ​ശ​ങ്ങ​ളി​ൽ​നി​ന്നും, പ​ല​രും വീ​ശി​യ​ടി​ച്ച പ​ന്തു​ക​ൾ കൃ​ത്യ​മാ​യി ത​ട്ടി​മാ​റ്റി​യി​ട്ടു​ണ്ട്. എ​ന്നാ​ൽ, അ​തി​നു മു​ന്നേ​ത​ന്നെ അ​യാ​ൾ, ത​ന്‍റെ നേ​രേ പ​ല​രും വ​ലി​ച്ചെ​റി​ഞ്ഞ പ​രി​ഹാ​സ​ത്തി​ന്‍റെ​യും ആ​ക്ഷേ​പ​ത്തി​ന്‍റെ​യും ആ​രോ​പ​ണ​ങ്ങ​ളെ ത​ട്ടി​മാ​റ്റി​യി​ട്ടു​ണ്ട്.
കൗ​മാ​ര​ത്തി​ൽ ക​ളി​ക്ക​ള​ത്തി​ലെ കു​ള്ള​ൻ​വി​ളി​ക​ളെ അ​യാ​ൾ തെ​ട്ടി​ത്തെ​റി​പ്പി​ച്ചു!

പൊ​ക്ക​ക്കു​റ​വി​ന്‍റെ ക​ളി​പ്പേ​രു​ക​ൾ​ക്കൊ​പ്പം, മു​ത്ത​ശ്ശ​നെ​യും മു​ത്ത​ശ്ശി​യെ​യും ദൈ​വ​ത്തെ​പ്പോ​ലെ അ​നു​സ​രി​ച്ച​പ്പോ​ൾ കൂ​ട്ടു​കാ​ർ വി​ളി​ച്ച കു​ഞ്ഞു​മു​ത്ത​ശ്ശി എ​ന്ന പ​രി​ഹാ​സ​പ്പേ​രു​കൊ​ണ്ട​യാ​ൾ ത​ന്‍റെ ജീ​വി​ത മ​ധു​ര​ത്തി​ന്‍റെ പാ​യ​സ​മു​ണ്ടാ​ക്കി. ത​ന്നെ ത​ള​ർ​ത്താ​നും പ​രാ​ജ​യ​പ്പെ​ടു​ത്താ​നു​മാ​യി അ​രി​കി​ലു​ള്ള​വ​ർ വ​ലി​ച്ചെ​റി​ഞ്ഞ ആ​ക്ഷേ​പ​ങ്ങ​ൾ അ​യാ​ൾ ത​ന്‍റെ പ്ര​തി​രോ​ധ​ശേ​ഷി​യു​ടെ ആ​ഹാ​ര​മാ​ക്കി!

കൂ​ട്ടു​കാ​രേ, ജീ​വി​ക്കാ​നും അ​തി​ജീ​വി​ക്കാ​നും നി​ങ്ങ​ൾ പ​രി​ശ്ര​മി​ക്കു​ന്പോ​ൾ നി​ങ്ങ​ളു​ടെ പ​രി​സ​ര​ത്തു​നി​ന്നും ഉ​യ​രു​ന്ന പ​രി​ഹാ​സ​ങ്ങ​ളെ പാ​യ​സം​പോ​ലെ രു​ചി​ച്ചി​റ​ക്കാ​ൻ നി​ങ്ങ​ൾ​ക്കു ക​ഴി​യും. ഗാ​ല​റി​ക​ളി​ൽ ഇ​രു​ന്നു ക​മ​ന്‍റ​ടി​ക്കു​ന്ന​വ​ർ മെ​യ്യ​ന​ങ്ങി ക​ളി​ക്കു​ന്ന​വ​ര​ല്ല, വെ​റും കാ​ണി​ക​ൾ മാ​ത്ര​മാ​ണെ​ന്നോ​ർ​ക്കു​ക! നി​ങ്ങ​ളു​ടെ വി​ജ​യ​ത്തി​നാ​യി ക​ളി​ക്കാ​ൻ നി​ങ്ങ​ൾ മാ​ത്ര​മേ​യു​ള്ളൂ എ​ന്ന​റി​യു​ക. വി​ജ​യാ​ശം​സ​ക​ളോ​ടെ,
സ്വ​ന്തം കൊ​ച്ചേ​ട്ട​ൻ

ഡി​സി​എ​ൽ ടാ​ല​ന്‍റ് ഫെ​സ്റ്റി​ലെ പ്ര​സം​ഗ​മ​ത്സ​ര​ത്തി​നു​ള്ള വി​ഷ​യ​ങ്ങ​ൾ:
എ​ൽ​പി വി​ഭാ​ഗം 1) ലോ​ക​ക​പ്പ് ഫു​ട്ബോ​ൾ- മൈ​താ​ന​ങ്ങ​ൾ പ​ഠി​പ്പി​ക്കു​ന്ന 'നാം ​ഒ​രു കു​ടും​ബം' എ​ന്ന പാ​ഠം. 2.നാം ​ഒ​രു കു​ടും​ബം: എ​ന്‍റെ കൊ​ച്ചു ലോ​ക​ത്തെ സ്നേ​ഹ​ക്കാ​ഴ്ച​ക​ൾ.

യു.​പി വി​ഭാ​ഗം - 1) ഡി​ജി​റ്റ​ൽ യു​ഗ​ത്തി​ലെ അ​ച്ച​ട​ക്ക​വും കൃ​ത്യ​നി​ഷ്ഠ​യും - ഇ​ന്ന​ത്തെ കു​ട്ടി​ക​ൾ നേ​രി​ടു​ന്ന വെ​ല്ലു​വി​ളി​ക​ൾ 2.സാ​ഹോ​ദ​ര്യ​ത്തി​ന്‍റെ കേ​ര​ള മാ​തൃ​ക- ദു​ര​ന്ത​ങ്ങ​ളി​ൽ കൈ​കോ​ർ​ത്ത ന​മ്മ​ൾ

ഹൈ​സ്കൂ​ൾ വി​ഭാ​ഗം - 1) 1.യു​ദ്ധ​ങ്ങ​ളും അ​ശാ​ന്തി​യും നി​റ​ഞ്ഞ ലോ​ക​ത്ത് സാ​ഹോ​ദ​ര്യ​ത്തി​ന്‍റെ​യും സ​മാ​ധാ​ന​ത്തി​ന്‍റെ​യും പ്ര​സ​ക്തി. 2)ആ​ധു​നി​ക ജീ​വി​ത​വും ആ​ധു​നി​ക മ​നു​ഷ്യ​ന്‍റെ ആ​രോ​ഗ്യ​വും. മൂ​ന്നു വി​ഭാ​ഗ​ത്തി​ലും ന​ല്കി​യി​ട്ടു​ള്ള ര​ണ്ടു വി​ഷ​യ​ങ്ങ​ളി​ൽ മ​ത്സ​ര​സ​മ​യ​ത്തു ന​റു​ക്കി​ട്ടു കി​ട്ടു​ന്ന ഒ​രു വി​ഷ​യ​മാ​ണ് പ്ര​സം​ഗി​ക്കേ​ണ്ട​ത്. ടാ​ല​ന്‍റ് ഫെ​സ്റ്റ് മേ​ഖ​ല മ​ത്സ​ര​ങ്ങ​ൾ ഓ​ഗ​സ്റ്റി​ൽ ആ​രം​ഭി​ക്കും.

​തൊ​ടു​പു​ഴ: ഡി ​സി എ​ൽ തൊ​ടു​പു​ഴ പ്ര​വി​ശ്യ​യി​ലെ മൂ​ല​മ​റ്റം മേ​ഖ​ലാ നേ​തൃ​സം​ഗ​മ​വും ഭാ​ര​വാ​ഹി​ക​ളു​ടെ തെ​ര​ഞ്ഞെ​ടു​പ്പും ജൂ​ലൈ 11 ശ​നി​യാ​ഴ്ച രാ​വി​ലെ 9.45 മു​ത​ൽ അ​റ​ക്കു​ളം സെ​ന്‍റ് തോ​മ​സ് യു .​പി സ്‌​കൂ​ളി​ൽ ന​ട​ക്കും .

ക​രി​ങ്കു​ന്നം മേ​ഖ​ലാ നേ​തൃ​സം​ഗ​മ​വും തെ​ര​ഞ്ഞെ​ടു​പ്പും അ​ന്ന് ഉ​ച്ച​ക​ഴി​ഞ്ഞ് 1.45 മു​ത​ൽ ചു​ങ്കം സെ​ന്‍റ് ജോ​സ​ഫ്സ് യു.​പി സ്‌​കൂ​ളി​ലും ഉ​ണ്ടാ​യി​രി​ക്കും .

ഡ​യ​റ​ക്ടേ​ഴ്സ് മീ​റ്റ്

പാ​ലാ : കോ​ട്ട​യം പ്ര​വി​ശ്യ​യി​ലെ പാ​ലാ, അ​രു​വി​ത്തു​റ, ചേ​ർ​പ്പു​ങ്ക​ൽ,രാ​മ​പു​രം, കു​റ​വി​ല​ങ്ങാ​ട് മേ​ഖ​ല​ക​ളി​ലെ ഡ​യ​റ​ക്ട​ർ​മാ​രു​ടെ നേ​തൃ​സം​ഗ​മം പാ​ലാ മേ​രി മാ​താ പ​ബ്ലി​ക് സ്കൂ​ളി​ൽ ന​ട​ത്തി. പ്ര​വി​ശ്യ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ അ​ധ്യ​ക്ഷ​ത വ​ഹി​ച്ചു.

സ്കൂ​ൾ പ്രി​ൻ​സി​പ്പ​ൽ സി​സ്റ്റ​ർ ലി​സ്സി എ​ഫ്സി​സി ഉ​ദ്ഘാ​ട​നം ചെ​യ്തു. കൊ​ച്ചേ​ട്ട​ൻ ഫാ. ​റോ​യ് ക​ണ്ണ​ൻ​ചി​റ സി​എം​ഐ മു​ഖ്യ​പ്ര​ഭാ​ഷ​ണം ന​ട​ത്തി. വൈ​സ് പ്രി​ൻ​സി​പ്പ​ൽ സി​സ്റ്റ​ർ മെ​ൽ​ബി​ൻ, മേ​ഖ​ല ഓ​ർ​ഗ​നൈ​സ​ർ​മാ​രാ​യ​വി. ടി ​ജോ​സ​ഫ്, ജ​യ്സ​ൺ ജോ​സ​ഫ്, പാ​ലാ മേ​ഖ​ല പ്ര​സി​ഡ​ണ്ട് മാ​നു​വ​ൽ ജോ​സ​ഫ് തു​ട​ങ്ങി​യ​വ​ർ പ്ര​സം​ഗി​ച്ചു.

പ്രി​യ ഡി​സി​എ​ൽ കൂ​ട്ടു​കാ​രേ,

മ​ന​സു നി​റ​യെ, മ​റ്റു​ള്ള​വ​ർ​ക്കാ​യി പ​ക​ർ​ന്നു ന​ല്കാ​ൻ സ്നേ​ഹം​മാ​ത്രം നി​റ​ച്ച്, യാ​ത്ര തു​ട​ങ്ങി​യ​താ​യി​രു​ന്നു, സി​സ്റ്റ​ർ ഹെ​യ്സ് ലെ​റ്റ് എ​സ്ഡി എ​ന്ന അ​ധ്യാ​പി​ക​യാ​യി വി​ര​മി​ച്ച സ​ന്യാ​സി​നി. എ​ന്നാ​ൽ,   ഡ്രൈ​വ​ർ സ്വി​ച്ചി​ട്ട് അ​ട​യ്ക്കേ​ണ്ട ബ​സി​ന്‍റെ ഓ​ട്ടോ​മാ​റ്റി​ക് വാ​തി​ൽ അ​ട​യ്ക്കാ​തെ വേ​ഗ​ത്തി​ൽ മു​ന്നോ​ട്ടു​പോ​യ ബ​സി​ൽ​നി​ന്നു സി​സ്റ്റ​ർ റോ​ഡി​ലേ​ക്കു തെ​റി​ച്ചു​വീ​ണ്, ഗു​രു​ത​ര പ​രി​ക്കു​ക​ളെ അ​തി​ജീ​വി​ക്കാ​നാ​കാ​തെ ന​മ്മോ​ടു വി​ട​പ​റ​ഞ്ഞു.

കോ​ത​മം​ഗ​ലം കോ​ഴി​പ്പി​ള്ളി​യി​ൽ​ വ​ച്ചു​ണ്ടാ​യ അ​പ​ക​ട​ത്തി​ലാ​ണ്, ഇ​ക്ക​ഴി​ഞ്ഞ വ​ർ​ഷം ഊ​ന്നു​ക​ൽ ലി​റ്റി​ൽ ഫ്ള​വ​ർ ഹൈ​സ്കൂ​ളി​ൽ​നി​ന്ന് വി​ര​മി​ച്ച്, നി​ര​വ​ധി മേ​ഖ​ല​ക​ളി​ൽ സ​ജീ​വ ശു​ശ്രൂ​ഷ ചെ​യ്തു​വ​ന്ന ന​ല്ല അ​ധ്യാ​പി​ക​യാ​യ സി​സ്റ്റ​റി​ന് ഇ​ന്ന​ലെ (1-7-26) ജീ​വ​ൻ ന​ഷ്ട​മാ​യ​ത്. 

കാ​ഞ്ഞി​ര​പ്പ​ള്ളി സെ​ന്‍റ് മേ​രീ​സ് ഗേ​ൾ​സ് ഹൈ​സ്കൂ​ളി​ലെ അ​ധ്യാ​പ​ക സ​മൂ​ഹ​ത്തി​ന്‍റെ പ്ര​സ​രി​പ്പാ​യി​രു​ന്നു, ഏ​വ​ർ​ക്കും പ്രി​യ​ങ്ക​രി​യാ​യി​രു​ന്ന സ്വ​പ്ന രാ​ജേ​ഷ് ടീ​ച്ച​ർ. പ​ത്ത് സി​യു​ടെ ക്ലാ​സ് ടീ​ച്ച​റും, സ്റ്റാ​ഫ് സെ​ക്ര​ട്ട​റി​യും സ​ഹ​അ​ധ്യാ​പ​ക​രു​ടെ​യും വി​ദ്യാ​ർ​ഥി​ക​ളു​ടെ​യും മാ​നേ​ജ്മെ​ന്‍റി​ന്‍റെ​യും അ​ഭി​മാ​ന​വും ആ​ഹ്ലാ​ദ​വു​മാ​യി​രു​ന്ന സ്വ​പ്ന​ടീ​ച്ച​ർ, ഇ​ന്ന​ലെ (1-7-26) ന​ന്നാ​യി പ​ഠി​പ്പി​ച്ച്, എ​ല്ലാ​വ​രേ​യും സ​ന്തോ​ഷി​പ്പി​ച്ച് വീ​ട്ടി​ലേ​ക്കു പോ​യ​താ​ണ്. പ​തി​വു​പോ​ലെ ഇ​ന്നു രാ​വി​ലെ സ്കൂ​ളി​ലെ​ത്താ​മെ​ന്ന പ്ര​തീ​ക്ഷ​യി​ലാ​ണ് പ്രി​യ ടീ​ച്ച​ർ പോ​യ​ത്. എ​ന്നാ​ൽ വീ​ട്ടി​ൽ​വ​ച്ച് പെ​ട്ടെ​ന്ന് ഹൃ​ദ​യാ​ഘാ​തം ഉ​ണ്ടാ​വു​ക​യും  ജീ​വ​ൻ ന​ഷ്ട​മാ​വു​ക​യു​മാ​ണു​ണ്ടാ​യ​ത്.പ്രി​യ കൂ​ട്ടു​കാ​രേ, ര​ണ്ടു ഗു​രു​ശ്രേ​ഷ്ഠ​ർ അ​പ്ര​തീ​ക്ഷി​ത​മാ​യി വി​ദ്യാ​ർ​ഥി​ലോ​ക​ത്തോ​ടു യാ​ത്ര​പ​റ​ഞ്ഞു.

ഹെ​യ്സ്ലെ​റ്റ് സി​സ്റ്റ​റി​ന്‍റെ​യും സ്വ​പ്ന ടീ​ച്ച​റി​ന്‍റെ​യും  വി​ദ്യാ​ർ​ഥി​ക​ൾ മൃ​ത​ദേ​ഹ​പേ​ട​ക​ങ്ങ​ൾ​ക്ക​രി​കി​ലൂ​ടെ വി​ങ്ങി​ക്ക​ര​ഞ്ഞു നീ​ങ്ങു​ന്ന​തു ക​ണ്ടു. വി​ദ്യാ​ഭ്യാ​സ​കാ​ല​ത്തി​ന്‍റെ ഏ​റ്റ​വും വ​ലി​യ സൗ​ഭാ​ഗ്യം എ​ന്താ​ണ്? ഫു​ൾ എ​പ്ല​സ് വാ​ങ്ങു​ന്ന​തോ, ക​ലാ​തി​ല​ക​മോ പ്ര​തി​ഭ​യോ ആ​കു​ന്ന​തോ ആ​ണോ? സ​മ്മാ​ന​ങ്ങ​ൾ ഒ​ന്നും കി​ട്ടു​ന്നി​ല്ലെ​ങ്കി​ലും താ​ൻ ബ​ഹു​മാ​നി​ക്കു​ന്ന അ​ധ്യാ​പ​ക​രു​ടെ പ്രീ​തി​യും വാ​ത്സ​ല്യ​വും ത​ന്നോ​ടൊ​പ്പ​മു​ണ്ട് എ​ന്ന ഓ​രോ വി​ദ്യാ​ർ​ഥി​യു​ടെ​യും​ആ​ത്മ​വി​ശ്വാ​സ​വും ഉ​ള്ളി​ലെ അ​ഭി​മാ​ന​വു​മ​ല്ലേ, ഏ​റ്റ​വും വ​ലി​യ സൗ​ഭാ​ഗ്യം! തീ​ർ​ച്ച​യാ​യും അ​തെ. അ​തി​ന്, ആ​ത്മാ​ർ​ത്ഥ​ത​യും സ​ത്യ​സ​ന്ധ​ത​യും ‍ഉ​ണ്ടാ​യാ​ൽ മ​തി.

അ​ധ്യാ​പ​ക​രോ​ട് എ​ത്ര​മാ​ത്രം അ​ടു​പ്പ​മാ​കാം? അ​മ്മ​യോ​ളം, അ​ച്ഛ​നോ​ളം എ​ന്നേ ഉ​ത്ത​ര​മു​ള്ളൂ. ന​മ്മു​ടെ ഭാ​ര​തീ​യ ദ​ർ​ശ​ന​ത്തി​ൽ, മാ​താ​വും പി​താ​വും ഗു​രു​വും ദൈ​വ​തു​ല്യ​രാ​ണ്. ഗു​രു ദേ​വോ ഭ​വഃ എ​ന്നു​ത​ന്നെ​യാ​ണ് ന​മ്മു​ടെ പ്ര​മാ​ണം. ദൈ​വ​തു​ല്യ​മാ​ണ് ഗു​രു​സ്ഥാ​നം! ഗു​രു​ത്വം എ​ന്ന മ​ഹാ​കൃ​പ വി​ദ്യാ​ർ​ഥി​യി​ലേ​ക്ക് വ​ർ​ഷി​ക്കാ​ൻ ഉ​ള്ളി​ൽ വെ​ളി​ച്ച​മു​ള്ള ഗു​രു​വി​നു​മാ​ത്ര​മേ ക​ഴി​യൂ! അ​തി​നാ​ൽ, ന​മ്മു​ടെ എ​ല്ലാ അ​ധ്യാ​പ​ക​രേ​യും ന​മു​ക്ക്, അ​ങ്ങേ​യ​റ്റം ആ​ദ​രി​ക്കാം.

ആ​ദ​രി​ക്കാ​ൻ ഒ​ട്ടും ബാ​ക്കി​വ​യ്ക്ക​രു​ത്. അ​വ​രെ അ​മ്മ​യെ​പ്പോ​ലെ സ്നേ​ഹി​ക്കു​ക. സ്നേ​ഹം ഒ​ട്ടും കു​റ​ച്ചു​ക​ള​യ​രു​ത്. അ​വ​രോ​ട് ഹൃ​ദ​യം തു​റ​ന്ന് സം​സാ​രി​ക്കാം; മ​റ്റൊ​ര​വ​സ​ര​ത്തി​ലേ​ക്ക് മാ​റ്റി​വ​യ്ക്ക​രു​ത്. പി​ന്നീ​ട്, അ​വ​സ​രം കി​ട്ടി​യെ​ന്നു വ​രി​ല്ല. സ്വ​പ്ന ടീ​ച്ച​റി​നോ​ടും ഹെ​യ്സ്ലെ​റ്റ് സി​സ്റ്റ​റി​നോ​ടും പി​ന്നീ​ടു പ​റ​യാ​നാ​യി അ​വ​രു​ടെ പ​ല വി​ദ്യാ​ർ​ഥി​ക​ളും മാ​റ്റി​വ​ച്ച​ത്, അ​വ​രു​ടെ​യു​ള്ളി​ൽ ബാ​ക്കി​യാ​വു​ക​യാ​ണ്.

ന​മു​ക്ക് ഇ​ന്നു​ത​ന്നെ, സ്നേ​ഹാ​ദ​ര​വു​ക​ളോ​ടെ, പു​ഞ്ചി​രി മ​ഞ്ജ​രി​ക​ളു​മാ​യി ന​മ്മു​ടെ അ​ധ്യാ​പ​ക​രു​ടെ മ​ന​സി​ൽ ശി​ഷ്യ​വ​സ​ന്തം തീ​ർ​ക്കാം. അ​മ്മ​യോ​ളം അ​ടു​ക്കാം. അ​നു​ഗ്ര​ഹീ​ത​രാ​കാം.  ആ​ശം​സ​ക​ളോ​ടെ, സ്വ​ന്തം കൊ​ച്ചേ​ട്ട​ൻ

ഡി​സി​എ​ൽ കോ​ട്ട​യം പ്ര​വി​ശ്യ​യി​ലെ ഈ ​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ൾ​ക്ക് ജൂ​ലൈ ആ​റി​ന് തു​ട​ക്കം​കു​റി​ക്കു​ന്നു. തി​ങ്ക​ളാ​ഴ്ച ഉ​ച്ച​യ്ക്ക് 12.30-ന് ​ച​ങ്ങ​നാ​ശേ​രി ളാ​യി​ക്കാ​ട് മേ​രി റാ​ണി പ​ബ്ലി​ക് സ്കൂ​ളി​ൽ ന​ട​ക്കു​ന്ന സ​മ്മേ​ള​ന​ത്തി​ൽ കേ​ര​ള ജ​ല​വി​ഭ​വ വ​കു​പ്പു​മ​ന്ത്രി മോ​ൻ​സ് ജോ​സ​ഫ് പ്ര​വ​ർ​ത്ത​ന​ങ്ങ​ൾ ഉ​ദ്ഘാ​ട​നം ചെ​യ്യും.

ച​ങ്ങ​നാ​ശേ​രി അ​തി​രൂ​പ​ത വി​കാ​രി ജ​ന​റാ​ൾ ഫാ. ​ആ​ന്‍റ​ണി ഏ​ത്ത​യ്ക്കാ​ട്ട് അ​ധ്യ​ക്ഷ​ത വ​ഹി​ക്കു​ന്ന സ​മ്മേ​ള​ന​ത്തി​ൽ വി​നു ജോ​ബ് എം​എ​ൽ​എ മു​ഖ്യ​പ്ര​ഭാ​ഷ​ണം ന​ട​ത്തും.

കൊ​ച്ചേ​ട്ട​ൻ ഫാ. ​റോ​യി ക​ണ്ണ​ൻ​ചി​റ സി​എം​ഐ, ഡി​സി​എ​ൽ നാ​ഷ​ണ​ൽ കോ-​ഓ​ർ​ഡി​നേ​റ്റ​ർ വ​ർ​ഗീ​സ് കൊ​ച്ചു​കു​ന്നേ​ൽ, കേ​ന്ദ്ര​സ​മി​തി​യം​ഗം ആ​ൻ​സി മേ​രി ജോ​ൺ, ജോ​ഷി കൊ​ല്ലാ​പു​രം തു​ട​ങ്ങി​യ​വ​ർ പ്ര​സം​ഗി​ക്കും.

സമ്മേളനത്തിനു മുന്പായി ചങ്ങനാശേരി, കോട്ടയം, തിരുവല്ല മേഖലകളിലെ ശാഖാ ഡയറക്ടർമാരുടെ സമ്മേളനവും നടക്കും.

ഡി​സി​എ​ൽ ഇ​ര​ട്ട​യാ​ർ മേ​ഖ​ലാ ഉ​ദ്ഘാ​ട​നം വാ​ഴ​വ​ര സെ​ന്‍റ് മേ​രീ​സ് ഹൈ​സ്കൂ​ളി​ൽ കൊ​ച്ചേ​ട്ട​ൻ ഫാ.​റോ​യി ക​ണ്ണ​ൻ​ചി​റ നി​ർ​വ്വ​ഹി​ച്ചു.

ഇ​ടു​ക്കി പ്ര​വി​ശ്യാ കോഓ​ർ​ഡി​നേ​റ്റ​ർ എം.​വി ജോ​ർ​ജു​കു​ട്ടി, സ്കൂ​ൾ ഹെ​ഡ്മി​സ്ട്ര​സ് കൊ​ച്ചു​റാ​ണി ജോ​സ​ഫ്, ശാ​ഖാ ഡ​യ​റ​ക്ട​ർ​മാ​രാ​യ സി​ജോ​മോ​ൻ ജോ​സ​ഫ്, സോ​യി​മോ​ൾ മാ​ത്യൂ, തുടങ്ങിയവർ പ്രസംഗിച്ചു.

ജോ​സ് കെ. ​സെ​ബാ​സ്റ്റ്യൻ, രാ​ജി തോ​മ​സ്, റോ​ബി പി. ​മാ​ത്യൂ, ലീ​ഡ​ർ​മാ​രാ​യ മെ​റോ​ൺ എ​ബ്രാ​ഹം തോ​മ​സ്, ജി​യ​ന്നാ മ​നേ​ഷ് തു​ട​ങ്ങി​യ​വ​ർ നേതൃത്വം നൽകി.

കൊച്ചേട്ടന്‍റെ കത്ത്

പ്രി​യ ഡി​സി​എ​ൽ കു​ടും​ബാം​ഗ​ങ്ങ​ളേ,

പ്രി​യ ഡി​സി​എ​ൽ കു​ടും​ബാം​ഗ​ങ്ങ​ളേ,അ​ർ​ത്ഥ​മി​ല്ലാ​ത്ത ചി​ത്താ​ന്ത​ങ്ങ​ൾ​ക്കാ​യി വീ​ട്ടി​ലും നാ​ട്ടി​ലും സ​മ​ര​പ​ര​ന്പ​ര​ക​ൾ ന​ട​ത്തു​ന്ന നി​ര​വ​ധി വി​ദ്യാ​ർ​ഥി​ക​ൾ​ക്കു മു​ന്നി​ൽ, വി​ദ്യാ​ർ​ഥി സം​ഘ​ട​ന​ക​ൾ​ക്കു മു​ന്നി​ൽ, ഇ​താ അ​ർ​ഥ​മു​ള്ള സി​ദ്ധാ​ന്ത​ങ്ങ​ളി​ലൂ​ടെ പു​തു വി​പ്ല​വ​ത്തി​ന്‍റെ വി​സി​ൽ മു​ഴ​ക്കു​ന്ന ഒ​രു വി​ദ്യാ​ർ​ഥി  പ്ര​തി​ഭ! സാ​ർ​ത്ഥ​ക് സി​ദ്ധാ​ന്ത്!ഝാ​ർ​ഖ​ണ്ഡ് സം​സ്ഥാ​ന​ത്തെ റാ​ഞ്ചി ന​ഗ​ര​ത്തി​ൽ നി​ന്നും, സ്വ​ന്തം ബ്ലോ​ഗി​ലൂ​ടെ ഇ​ന്ത്യ​ൻ വി​ദ്യാ​ഭ്യാ​സ മേ​ഖ​ല​യെ മു​ഴു​വ​ൻ ഇ​ള​ക്കി മ​റി​ക്കു​ന്ന ഈ 17​കാ​ര​ൻ പ്ല​സ്ടു വി​ദ്യാ​ർ​ത്ഥി​യെ​ക്കു​റി​ച്ചാ​ക​ട്ടെ, ഇ​ന്ന​ത്തെ കൊ​ച്ചേ​ട്ട​ന്‍റെ ക​ത്ത്!

“അ​സ​തോ മാ ​സ​ത്ഗ​മ​യ” എ​ന്ന ആ​ദ​ർ​ശ​വു​മാ​യി 1962 ജൂ​ലൈ ഒ​ന്നി​ന് ഒൗ​ദ്യോ​ഗി​ക​മാ​യി ആ​രം​ഭി​ച്ച സെ​ൻ​ട്ര​ൽ ബോ​ർ​ഡ് ഓ​ഫ് സെ​ക്ക​ൻ​ഡ​റി എ​ഡ്യൂ​ക്കേ​ഷ​ൻ (CBSE) ഇ​ന്ന് ഇ​ന്ത്യ​യി​ലെ ഏ​റ്റ​വും മി​ക​വു​റ്റ വി​ദ്യാ​ദാ​ന സം​വി​ധാ​ന​ങ്ങ​ളി​ൽ ഒ​ന്നാ​ണ്.

30000 -ൽ ​അ​ധി​കം അ​ഫി​ലി​യേ​റ്റ​ഡ് വി​ദ്യാ​ല​യ​ങ്ങ​ളി​ലാ​യി 3 കോ​ടി​യി​ലേ​റെ വി​ദ്യാ​ർ​ത്ഥി​ക​ൾ പ​ഠി​ക്കു​ന്ന സി​ബി​എ​സ്ഇ സി​ലി​ബ​സി​ൽ ഇ​ക്ക​ഴി​ഞ്ഞ ബോ​ർ​ഡ് എ​ക്സാ​മി​ന് പ​ത്തി​ലും പ​ന്ത്ര​ണ്ടി​ലും മാ​ത്രം പ​രീ​ക്ഷ എ​ഴു​തി​യ​ത് 42 ല​ക്ഷം വി​ദ്യാ​ർ​ത്ഥി​ക​ളാ​ണ്. ഇ​തി​ൽ പ്ല​സ്ടു പ​രീ​ക്ഷ എ​ഴു​തി​യ 17.8 ല​ക്ഷം വി​ദ്യാ​ർ​ത്ഥി​ക​ളി​ൽ ഒ​രാ​ളാ​ണ് ന​മ്മു​ടെ ക​ഥാ​നാ​യ​ക​നാ​യ സാ​ർ​ത്ഥ​ക് സി​ദ്ധാ​ന്ത്.

സാ​ർ​ത്ഥ​ക് എ​ങ്ങ​നെ​യാ​ണ് താ​ര​മാ​യ​ത് എ​ന്ന് കൂ​ട്ടു​കാ​ർ​ക്ക് അ​റി​യാ​മോ?ഇ​ക്ക​ഴി​ഞ്ഞ പ്ല​സ്ടു പ​രീ​ക്ഷ​യു​ടെ ഉ​ത്ത​ര​ക്ക​ട​ലാ​സു​ക​ൾ ഡി​ജി​റ്റ​ലാ​യി പ​രി​ശോ​ധി​ക്കു​വാ​ൻ, സി​ബി​എ​സ്ഇ, ഓ​ണ്‍ സ്ക്രീ​ൻ മാ​ർ​ക്കിം​ഗ് (OSM) എ​ന്ന സം​വി​ധാ​ന​മാ​ണ് സ്വീ​ക​രി​ച്ച​ത്! ഇ​ത​നു​സ​രി​ച്ച് മൂ​ല്യ​നി​ർ​ണ​യം ന​ട​ത്തി പ്ര​ഖ്യാ​പി​ച്ച 2025-26 ലെ ​സി​ബി​എ​സ്ഇ പ്ല​സ്ടു പ​രീ​ക്ഷാ​ഫ​ല​ത്തി​നെ​തി​രെ വി​ദ്യാ​ർ​ത്ഥി​ക​ളി​ൽ നി​ന്ന് വ്യാ​പ​ക​മാ​യ ആ​ക്ഷേ​പ​വും പ്ര​തി​ഷേ​ധ​വു​മാ​ണ് രാ​ജ്യ​മെ​ങ്ങും അ​ല​യ​ടി​ച്ച​ത്.

നി​ര​വ​ധി വി​ദ്യാ​ർ​ത്ഥി​ക​ൾ മാ​ർ​ക്ക് സം​ബ​ന്ധ​മാ​യ പ​രാ​തി​ക​ളു​മാ​യി മു​ന്നോ​ട്ടു വ​ന്നു.പ​തി​നാ​യി​ര​ക്ക​ണ​ക്കി​നു വി​ദ്യാ​ർ​ത്ഥി​ക​ൾ വി​ലാ​പ​വും പ​രി​ഭ​വു​മാ​യി വി​ഷ​മി​ച്ച​പ്പോ​ൾ, ഇ​ത്ര അ​ശ്ര​ദ്ധ​മാ​യും തെ​റ്റാ​യും വി​ല​യി​രു​ത്ത​ൽ ന​ട​ത്തി​യ ക​ന്പ​നി​യേ​ത് എ​ന്നാ​ണ് സാ​ർ​ത്ഥ​ക് അ​ന്വേ​ഷി​ച്ച​ത്. വി​വ​രാ​വ​കാ​ശ​ത്തി​ലൂ​ടെ ല​ഭി​ച്ച ത​ന്‍റെ പ​രീ​ക്ഷാ​പേ​പ്പ​റു​ക​ൾ പ​രി​ശോ​ധി​ച്ച സാ​ർ​ത്ഥ​ക് ഞെ​ട്ടി​പ്പോ​യി!

ഡി​ജി​റ്റ​ൽ മൂ​ല്യ​നി​ർ​ണ​യ​ത്തി​നാ​യി സ്കാ​ൻ ചെ​യ്ത ത​ന്‍റെ പ​ല പേ​ജു​ക​ളും അ​വ്യ​ക്ത​മാ​ണ്! എ​ന്നി​ട്ടും ത​ന്‍റെ പേ​പ്പ​റു​ക​ൾ​ക്ക് ആ​രോ തോ​ന്നി​യ​പോ​ലെ മാ​ർ​ക്കി​ട്ടി​രി​ക്കു​ന്നു!ഈ ​തി​രി​ച്ച​ടി​യി​ൽ ത​ന്‍റെ സ്വ​പ്ന​ങ്ങ​ൾ ത​ക​ർ​ന്ന​ടി​യാ​ൻ സാ​ർ​ത്ഥ​ക് അ​നു​വ​ദി​ച്ചി​ല്ല. പ​ക​രം, ഒ​റ്റ​യ്ക്ക് പോ​രാ​ടാ​ൻ അ​വ​ൻ തീ​രു​മാ​നി​ച്ചു. മൂ​ല്യ​നി​ർ​ണ​യി​ത്തി​ലെ പി​ഴ​വ്, അ​ത് ചെ​യ്ത ക​ന്പ​നി​യു​ടെ തെ​റ്റാ​ണ് എ​ന്ന് തു​ട​ർ​ച്ച​യാ​യ അ​ന്വേ​ഷ​ണ​ത്തി​ലൂ​ടെ സാ​ർ​ത്ഥ​ക് തി​രി​ച്ച​റി​ഞ്ഞു.

മൂ​ല്യ​നി​ർ​ണ​യ​ത്തി​നാ​യി ടെ​ൻ​ഡ​ർ വ്യ​വ​സ്ഥ​ക​ൾ അ​പ്പാ​ടെ തെ​റ്റി​ച്ച് സി​ബി​എ​സ്ഇ തെ​ര​ഞ്ഞെ​ടു​ത്ത​ത് മു​ന്പു​ണ്ടാ​യി​രു​ന്ന ഗ്ലോ​ബ​റീ​നാ ടെ​ക്നോ​ള​ജീ​സ് പ്രൈ​വ​റ്റ് ലി​മി​റ്റ​ഡ് എ​ന്ന പേ​ര് മാ​റ്റി കോ​യെം​പ്റ്റ് എ​ഡ്യൂ​ടെ​ക് പ്രൈ​വ​റ്റ് ലി​മി​റ്റ​ഡ് എ​ന്ന പേ​രി​ൽ വ​ന്ന ക​ന്പ​നി​യെ​യാ​ണ് എ​ന്ന് സാ​ർ​ത്ഥ​ക് മ​ന​സി​ലാ​ക്കി.

2019-ൽ ​തെ​ലു​ങ്കാ​ന ഇ​ന്‍റ​ർ​മീ​ഡി​യ​റ്റ് പ​രീ​ക്ഷാ​ഫ​ല വി​വാ​ദ​ത്തി​ന്‍റെ കാ​ര​ണ​മാ​യ ക​ന്പ​നി​യാ​ണ് ഗ്ലോ​ബ​റീ​നാ! അ​ന്ന് മൂ​ല്യ​നി​ർ​ണ​യ പി​ഴ​വു​മൂ​ലം ഇ​രു​പ​ത്തി​മൂ​ന്നോ​ളം വി​ദ്യാ​ർ​ത്ഥി​ക​ൾ ആ​ത്മ​ഹ​ത്യ ചെ​യ്യാ​നി​ട​യാ​ക്കി​യ, ക​രി​ന്പ​ട്ടി​ക​യി​ലു​ള്ള ക​ന്പ​നി​ക്ക് ടെ​ൻ​ഡ​ർ വ്യ​വ​സ്ഥ​ക​ൾ മാ​റ്റി​യെ​ഴു​തി 17.8 ല​ക്ഷം വി​ദ്യാ​ർ​ത്ഥി​ക​ളു​ടെ ഭാ​വി പ​ന്താ​ടാ​ൻ എ​റി​ഞ്ഞു​കൊ​ടു​ത്ത ഉ​ത്ത​ര​വാ​ദി​ത്ത​പ്പെ​ട്ട​വ​ർ​ക്കെ​തി​രേ ത​ന്‍റെ ബ്ലോ​ഗി​ലൂ​ടെ സാ​ർ​ത്ഥ​ക് അ​ക്ര​മ​ണം അ​ഴി​ച്ചു​വി​ട്ടു! സാ​ർ​ത്ഥ​ക് സ്വ​യം പ​ഴി​ച്ചി​ല്ല, പ​രാ​തി പ​റ​ഞ്ഞ് നി​രാ​ശ​നാ​യി​ല്ല. സ്വ​ന്തം ക​ഴി​വി​ലും അ​ധ്വാ​ന ഫ​ല​ത്തി​ലും ഉ​റ​ച്ച വി​ശ്വാ​സ​മു​ണ്ടാ​യി​രു​ന്ന അ​വ​ൻ ത​ന്‍റെ ക​ണ്ടെ​ത്ത​ലു​ക​ൾ ഇ​ന്ത്യ​ൻ പാ​ർ​ല​മെ​ന്‍റി​ന്‍റെ സ്ഥി​രം സ​മി​തി​ക്കു മു​ന്നി​ൽ അ​വ​ത​രി​പ്പി​ച്ചു.

ഇ​ന്ന് സി​ബി​എ​സ്ഇ ഓ​ഫീ​സ് ഈ ​ക​മ്മി​റ്റി​യു​ടെ അ​ന്വേ​ഷ​ണ​വ​ല​യ​ത്തി​ലാ​ണ്. പ്രി​യ കൂ​ട്ടു​കാ​രെ, ഇ​തൊ​രു വി​ദ്യാ​ർ​ഥി സ​മ​ര​ത്തി​ന്‍റെ ച​രി​ത്ര​മാ​ണ്. സ്വ​ന്ത​മാ​യി സി​ദ്ധാ​ന്ത​മു​ള്ള, ബോ​ധ്യ​ങ്ങ​ളും ല​ക്ഷ്യ​ങ്ങ​ളു​മു​ള്ള ഒ​രു വി​ദ്യാ​ർ​ത്ഥി ഒ​റ്റ​യ്ക്ക് ന​ട​ത്തു​ന്ന സ​മ​രം. ന​മ്മു​ടെ കേ​ര​ള​ത്തി​ലെ വി​ദ്യാ​ർ​ത്ഥി​സ​മ​ര​ങ്ങ​ളു​ടെ ച​രി​ത്ര​മെ​ടു​ക്കൂ.

ഓ​രോ രാ​ഷ്ട്രീ​യ പാ​ർ​ട്ടി​യു​ടെ​യും കു​ടി​പ്പ​ക​യു​ടെ​യും ഗൂ​ഢ​ല​ക്ഷ്യ​ങ്ങ​ളു​ടെ​യും ഇ​ര​ക​ളാ​യി വി​ദ്യാ​ല​യ​ങ്ങ​ളും കോ​ളേ​ജു​ക​ളും നി​ശ്ച​ല​മാ​ക്കി, പ​ഠി​പ്പു​മു​ട​ക്കി, ത​മ്മി​ൽ ത​ല്ലി കൊ​ല​വി​ളി ന​ട​ത്തി പൊ​തു​മു​ത​ൽ ന​ശി​പ്പി​ച്ച് ഗു​രു​നി​ന്ദ​യു​ടെ നി​കൃ​ഷ്ട​ക​ർ​മ​ങ്ങ​ളി​ലൂ​ടെ ഗു​രു​ത്വം ന​ഷ്ട​മാ​ക്കി ഭാ​വി ആ​വി​യാ​ക്കു​ന്ന നി​ഷേ​ധാ​ത്മ​ക വി​ദ്യാ​ർ​ത്ഥി​സ​മ​ര ച​രി​ത്ര​ങ്ങ​ളെ അ​വ​സാ​നി​പ്പി​ക്കാ​ൻ സ​മ​യ​മാ​യി​ല്ലേ?വി​കാ​ര​ങ്ങ​ൾ​ക്കു​പ​ക​രം വി​ചാ​ര​വും വി​വേ​ക​വും ഉ​പ​യോ​ഗി​ച്ച് അ​നു​ഭ​വ​ങ്ങ​ളെ നേ​രി​ടാ​നും അ​ർ​ത്ഥ​പൂ​ർ​ണ​മാ​യി രാ​ജ്യ​ന​ന്മ​യ്ക്കാ​യി നേ​രോ​ടെ പോ​രാ​ടു​വാ​നും സാ​ർ​ത്ഥ​ക് സി​ദ്ധാ​ന്ത് എ​ന്ന പ്ര​തി​ഭ​യെ ന​മു​ക്ക് മാ​തൃ​ക​യാ​ക്കാം.

ആ​ശം​സ​ക​ളോ​ടെ സ്വ​ന്തം കൊ​ച്ചേ​ട്ട​ൻ

തി​രു​വ​ന​ന്ത​പു​രം: ദീ​പി​ക ബാ​ല​സ​ഖ്യ​ത്തി​ന്‍റെ 2026-27 അ​ധ്യ​യ​ന​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളു​ടെ ഉ​ദ്ഘാ​ട​നം ജൂ​ൺ 26-ാം തീ​യ​തി തി​രു​വ​ന​ന്ത​പു​രം നി​ർ​മ്മ​ല​ഭ​വ​ൻ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ ന​ട​ക്കും.

ഉ​ച്ച​യ്ക്ക് ഒ​ന്നി​നു ന​ട​ക്കു​ന്ന സ​മ്മേ​ള​ന​ത്തി​ൽ​വ​ച്ച് ഡി​സി​എ​ൽ ന​ട​പ്പാ​ക്കി​വ​രു​ന്ന ല​ഹ​രി​വി​രു​ദ്ധ മു​ന്നേ​റ്റ​മാ​യ കി​ക്ക് ഔ​ട്ടി​ന്‍റെ ഈ ​വ​ർ​ഷ​ത്തെ പ്ര​വ​ർ​ത്ത​ന​ങ്ങ​ളും, പ്ലാ​റ്റി​നം ജൂ​ബി​ലി​യോ​ട​നു​ബ​ന്ധി​ച്ച് ന​ട​ത്തു​ന്ന വി​വി​ധ പ്രോ​ഗ്രാ​മു​ക​ളും ഉ​ദ്ഘാ​ട​നം ചെ​യ്യ​പ്പെ​ടും

ഡി​സി​എ​ൽ പ്ര​വി​ശ്യാ കോ-​ഓ​ർ​ഡി​നേ​റ്റ​ർ​മാ​ർ, മേ​ഖ​ല ഓ​ർ​ഗ​നൈ​സ​ർ​മാ​ർ, ശാ​ഖാ ഡ​യ​റ​ക്ട​ർ​മാ​ർ തു​ട​ങ്ങി​യ​വ​ർ സ​മ്മേ​ള​ന​ത്തി​ൽ പ​ങ്കെ​ടു​ക്കും.

​തൊ​ടു​പു​ഴ: പ്ര​വി​ശ്യാ ഡി​സി​എ​ൽ ഡ​യ​റ​ക്റ്റേ​ഴ്സ് മീ​റ്റും സാ​ര​ഥി സം​ഗ​മ​വും ജൂ​ൺ 20 ശ​നി​യാ​ഴ്ച ഉ​ച്ച ക​ഴി​ഞ്ഞ് 1.45 മു​ത​ൽ തൊ​ടു​പു​ഴ സെ​ന്‍റ് സെ​ബാ​സ്റ്റ്യ​ൻ​സ് യു.​പി. സ്‌​കൂ​ളി​ൽ ന​ട​ക്കും.

പ്ര​വി​ശ്യ​യി​ലെ മൂ​വാ​റ്റു​പു​ഴ, കൂ​ത്താ​ട്ടു​കു​ളം, ക​രി​ങ്കു​ന്നം, രാ​മ​പു​രം, മൂ​ല​മ​റ്റം, ക​ല​യ​ന്താ​നി, ക​രി​മ​ണ്ണൂ​ർ, തൊ​ടു​പു​ഴ എ​ന്നീ മേ​ഖ​ല​ക​ളി​ലെ സ്‌​കൂ​ൾ ത​ല ഡ​യ​റ​ക്ട​ർ​മാ​രും മേ​ഖ​ലാ ത​ല അ​ധ്യാ​പ​ക ഭാ​ര​വാ​ഹി​ക​ളും പ​ങ്കെ​ടു​ക്ക​ണ​മെ​ന്ന് പ്ര​വി​ശ്യാ കോ- ​ഓ​ർ​ഡി​നേ​റ്റ​ർ റോ​യ്.​ജെ .ക​ല്ല​റ​ങ്ങാ​ട്ട് അ​റി​യി​ച്ചു.

തൊ​ടു​പു​ഴ: ഡി​സി​എ​ൽ തൊ​ടു​പു​ഴ പ്ര​വി​ശ്യ​യു​ടെ നേ​തൃ​ത്വ​ത്തി​ൽ വാ​യ​ന​വാ​ര ക്വി​സ് മ​ൽ​സ​രം ജൂ​ൺ 25 വ്യാ​ഴാ​ഴ്ച രാ​വി​ലെ 9.45 മു​ത​ൽ മു​ട്ടം ഷ​ന്താ​ൾ ജ്യോ​തി പ​ബ്ലി​ക് സ്‌​കൂ​ളി​ൽ ന​ട​ക്കും.

എ​ൽ.​പി. യു​പി. ഹൈ​സ്കൂ​ൾ വി​ഭാ​ഗ​ങ്ങ​ൾ തി​രി​ച്ചാ​യി​രി​ക്കും മ​ത്സ​രം. വ്യ​ക്തി​ഗ​ത മ​ത്സ​ര​മാ​യി​രി​ക്കും ന​ട​ക്കു​ക. തൊ​ടു​പു​ഴ പ്ര​വി​ശ്യ​യി​ലെ ഒ​രു സ്‌​കൂ​ളി​ൽ നി​ന്നും ഒ​രു വി​ഭാ​ഗ​ത്തി​ൽ രണ്ടു പേ​ർ​ക്കു പ​ങ്കെ​ടു​ക്കാം .

സി​ല​ബ​സ്: സാ​ഹി​ത്യം 50%, പൊ​തു​വി​ജ്ഞാ​നം & സ​മ​കാ​ലീ​നം 50% എ​ന്നി​ങ്ങ​നെ​യാ​ണ്. ഓ​രോ വി​ഭാ​ഗ​ത്തി​ലെ​യും 1, 2, 3 സ്‌​ഥാ​ന​ക്കാ​ർ​ക്ക് മെ​മ​ൻ​റ്റോ​ക​ൾ, ബ​ഹു​മ​തി പ​ത്ര​ങ്ങ​ൾ. 4, 5 സ്ഥാ​ന​ക്കാ​ർ​ക്ക് പ്ര​ത്യേ​ക ഉ​പ​ഹാ​ര​ങ്ങ​ൾ എ​ന്നി​വ​യു​ണ്ടാ​യി​രി​ക്കും.

പ​ങ്കെ​ടു​ക്കു​ന്ന​വ​ർ പ്ര​ഥ​മാ​ധ്യാ​പ​ക​ന്‍റെ സാ​ക്ഷ്യ​പ​ത്രം സ​ഹി​തം ജൂ​ൺ 21ന് ​മു​മ്പാ​യി പ്ര​വി​ശ്യാ കോ- ​ഓ​ർ​ഡി​നേ​റ്റ​ർ റോ​യ് ജെ. ​ക​ല്ല​റ​ങ്ങാ​ട്ടി​ന്‍റെ 9497 279347 എ​ന്ന വാ​ട്സാ​പ്പ് ന​മ്പ​രി​ൽ പേ​ര് ര​ജി​സ്‌​റ്റ​ർ ചെ​യ്യേ​ണ്ട​താ​ണ്.

പാ​യി​പ്പാ​ട്:​ പാ​യി​പ്പാ​ട് ഗ​വ​ൺ​മെ​ന്‍റ് യുപി സ്കൂ​ളി​ൽ ലോ​ക പ​രി​സ്ഥി​തി ദി​ന​ഘോ​ഷം ന​ട​ത്തി. പാ​യി​പ്പാ​ട് കൃ​ഷി ഓ​ഫീ​സ​ർ ആ​ൽ​ബി ജോ​ൺ ഹെ​ഡ്മാ​സ്റ്റ​ർ മ​നോ​ജ് പി.​ജിക്ക് ​വൃ​ക്ഷ തൈ ​ന​ൽ​കി ഉ​ദ്ഘാ​ട​നം ചെ​യ്തു.

പി​റ്റി​എ പ്ര​സി​ഡ​ന്‍റ് ധ​ന്യ ബി​ജു​ക്കു​ട്ട​ൻ അ​ദ്ധ്യ​ക്ഷ​ത വ​ഹി​ച്ചു.​ഡി​സി​എ​ൽ ച​ങ്ങ​നാ​ശ്ശേ​രി മേ​ഖ​ല ഓ​ർ​ഗ​നൈ​സ​ർ ജോ​ഷി കൊ​ല്ലാ​പു​രം മു​ഖ്യ​സ​ന്ദേ​ശം ന​ൽ​കി.

സ്റ്റാ​ഫ് സെ​ക്ര​ട്ട​റി ശ്രീ​രാ​ഗ് ആ​ർ.​എ​സ്. പ്ര​തി​ജ്ഞ ചൊ​ല്ലി കൊ​ടു​ത്തു. കൃ​ഷി അ​സി​സ്റ്റ​ന്‍റ് ശ്രീ​ദേ​വി പി. ​എ​സ്., ആ​ർ.വി. ​ക​ൺ​വീ​ന​ർ ജൂ​ലി ജോ​ൺ എ​ന്നി​വ​ർ പ്ര​സം​ഗി​ച്ചു.​ഹെ​ഡ്മാ​സ്റ്റ​ർ മ​നോ​ജ് പി.ജി. സ്കൂ​ൾ പ​രി​സ​ര​ത്ത് വൃ​ക്ഷ തൈ​ക​ൾ ന​ട്ടു.

പ്രി​യ ഡി​സി​എ​ൽ കൂ​ട്ടു​കാ​രേ,

ഒ​രി​ക്ക​ൽ ഒ​രു വൃ​ദ്ധ​നാ​യ മ​നു​ഷ്യ​ൻ ഒ​രു ന​ഗ​ര​ക​വാ​ട​ത്തി​ൽ ഇ​രി​ക്കു​ക​യാ​യി​രു​ന്നു. അ​പ്പോ​ൾ ഒ​രു കു​തി​ര​പ്പു​റ​ത്ത് പാ​ഞ്ഞു​വ​ന്ന ഒ​രാ​ൾ വേ​ഗ​ത കു​റ​ച്ച് വൃ​ദ്ധ​നോ​ടു ചോ​ദി​ച്ചു, ""ഈ ​ന​ഗ​ര​ത്തി​ലെ ആ​ളു​ക​ൾ എ​ങ്ങ​നെ​യു​ള്ള​വ​രാ​ണ്? വൃ​ദ്ധ​ൻ ചോ​ദി​ച്ചു: ""എ​ന്തു​കൊ​ണ്ടാ​ണ് നി​ങ്ങ​ൾ അ​ങ്ങ​നെ ചോ​ദി​ക്കു​ന്ന​ത്?''

കു​തി​ര​സ​വാ​രി​ക്കാ​ര​ൻ പ​റ​ഞ്ഞു:""​ഞാ​നി​തു​വ​രെ താ​മ​സി​ച്ചി​രു​ന്ന ന​ഗ​ര​ത്തി​ലെ ജ​ന​ങ്ങ​ൾ ഒ​ട്ടും മ​ര്യാ​ദ​യി​ല്ലാ​ത്ത​വ​രും സ്നേ​ഹ​മി​ല്ലാ​ത്ത​വ​രു​മാ​യി​രു​ന്നു. എ​നി​ക്കാ സ്ഥ​ല​മൊ​ന്നു മാ​റ​ണം. കു​റേ​ക്കൂ​ടി ന​ല്ല മ​നു​ഷ്യ​രോ​ടൊ​ത്ത് ജീ​വി​ക്ക​ണം.''

വൃ​ദ്ധ​ൻ പ​റ​ഞ്ഞു: ""സ​ഹോ​ദ​രാ, നീ ​ഇ​വി​ടെ​നി​ന്നും പോ​കു​ന്ന​താ​ണു ന​ല്ല​ത്. കാ​ര​ണം, ഇ​വി​ടു​ത്തെ ജ​ന​ങ്ങ​ൾ അ​തി​നേ​ക്കാ​ൾ മോ​ശ​വും മ​ര്യാ​ദ​യി​ല്ലാ​ത്ത​വ​രു​മാ​ണ്.” കു​തി​ര സ​വാ​രി​ക്കാ​ര​ൻ മു​ന്നോ​ട്ടു പോ​യി.

അ​ല്പം ക​ഴി​ഞ്ഞ് ഒ​രു കാ​ള​വ​ണ്ടി​യി​ൽ ഒ​രു മ​നു​ഷ്യ​ൻ പ​തി​യെ അ​വി​ടെ​ത്തി, ചോ​ദി​ച്ചു: ""മു​ത്ത​ശ്ശാ, ഇ​വി​ടു​ത്തെ ജ​ന​ങ്ങ​ൾ എ​ങ്ങ​നെ​യു​ണ്ട്, എ​നി​ക്ക് താ​മ​സി​ക്കാ​ൻ ഒ​രി​ട​ണം വേ​ണം.'' ""നീ ​വ​ന്ന സ്ഥ​ലം എ​ങ്ങ​നെ​യു​ണ്ടാ​യി​രു​ന്നു?'' വൃ​ദ്ധ​ന്‍റെ ചോ​ദ്യ​ത്തി​ന് ക​ണ്ണീ​രി​ൽ കു​തി​ർ​ന്ന​താ​യി​രു​ന്നു അ​യാ​ളു​ടെ മ​റു​പ​ടി. ""അ​വ​ർ വ​ള​രെ സ്നേ​ഹ​മു​ള്ള​വ​രാ​യി​രു​ന്നു. എ​നി​ക്ക​വി​ടം വി​ടാ​ൻ ഒ​ട്ടും ഇ​ഷ്ട​മി​ല്ലാ​യി​രു​ന്നു. പെ​ട്ടെ​ന്നു​ണ്ടാ​യ ചി​ല സാ​ന്പ​ത്തി​ക പ്ര​തി​സ​ന്ധി​മൂ​ലം ഞാ​ൻ പോ​ന്ന​താ​ണ്.''

വൃ​ദ്ധ​ൻ പ​റ​ഞ്ഞു, “നി​ങ്ങ​ൾ​ക്ക് ഈ ​ന​ഗ​ര​ത്തി​ലേ​ക്കു സ്വാ​ഗ​തം. ഇ​വി​ടു​ത്തെ ജ​ന​ങ്ങ​ൾ അ‍​വ​രേ​ക്കാ​ൾ വ​ള​രെ ന​ല്ല​വ​രാ​ണ്.''

ഇ​തെ​ല്ലാം കേ​ട്ടു​കൊ​ണ്ട്, വൃ​ദ്ധ​ന​രി​കി​ൽ നി​ന്ന മ​റ്റൊ​രാ​ൾ ചോ​ദി​ച്ചു: എ​ന്താ​ണ് നി​ങ്ങ​ൾ ര​ണ്ടു മ​റു​പ​ടി​ക​ൾ കൊ​ടു​ത്ത​ത്? വൃ​ദ്ധ​ൻ പ​റ​ഞ്ഞു: ""നി​ങ്ങ​ൾ എ​ങ്ങ​നെ​യാ​ണ്, അ​തു​പോ​ലെ​യാ​യി​രി​ക്കും മ​റ്റു​ള്ള​വ​ർ നി​ങ്ങ​ൾ​ക്കും! നി​ങ്ങ​ൾ മ​റ്റു​ള്ള​വ​രേ​പ്പ​റ്റി എ​പ്പോ​ഴും പ​രാ​തി​യും കു​റ്റ​വും പ​റ​ഞ്ഞു​ന​ട​ന്നാ​ൽ എ​ല്ലാ​വ​രും നി​ങ്ങ​ളെ അ​ക​റ്റി​നി​ർ​ത്തും. ന​ല്ല സ്വ​ഭാ​വ​മു​ള്ള​വ​രെ എ​ല്ലാ​വ​രും ചേ​ർ​ത്തു​നി​ർ​ത്തും! മ​റ്റു​ള്ള​വ​രു​ടെ പ്ര​തി​ക​ര​ണ​ങ്ങ​ളി​ൽ ന​മ്മു​ടെ​ത​ന്നെ പ്ര​തി​ഫ​ല​ന​ങ്ങ​ളു​ണ്ട് എ​ന്ന​റി​യ​ണം.

പ്രി​യ കൂ​ട്ടു​കാ​രേ, നി​ങ്ങ​ൾ പു​തി​യ പ്ര​തീ​ക്ഷ​ക​ളോ​ടെ, പു​തി​യ ക്ലാ​സി​ലേ​ക്ക് പ്ര​വേ​ശി​ക്കു​ക​യാ​ണ്. പ​ഴ​യ ക്ലാ​സി​ലെ കൂ​ട്ടു​കാ​രും പു​തി​യ​വ​രും നി​ങ്ങ​ളു​ടെ ക്ലാ​സി​ലു​ണ്ടാ​വാം. ഇ​പ്പോ​ൾ​ത്ത​ന്നെ നി​ങ്ങ​ൾ എ​ല്ലാ​വ​രോ​ടും സം​സാ​രി​ച്ചിട്ടുണ്ടാകും. ഒ​ട്ടേ​റെ​പ്പേ​റെ കൂ​ട്ടു​കാ​രാ​ക്കി​യി​ട്ടു​മു​ണ്ടാ​കും. എ​ന്നാ​ൽ, ചി​ല​ർ ഇ​പ്പോ​ഴും ആ​രോ​ടും മി​ണ്ടാ​തെ, ഇ​ങ്ങോ​ട്ടാ​രെ​ങ്കി​ലും സം​സാ​രി​ക്കാ​ൻ വ​രു​മോ എ​ന്നു ചി​ന്തി​ച്ച് കാ​ത്തി​രി​ക്കു​ന്നു​മു​ണ്ടാ​വാം.

പു​തി​യ അ​ധ്യ​യ​ന​വ​ർ​ഷ​ത്തി​ൽ, നി​ങ്ങ​ളു​ടെ പ​ഠ​ന​വും വി​ജ​യ​വും ഉ​റ​പ്പാ​ക്കാ​ൻ ന​ല്ല സ്വ​ഭാ​വ​വും ആ​വ​ശ്യ​മാ​ണ്. ന​ല്ല പെ​രു​മാ​റ്റം ശീ​ലി​ക്കാ​ൻ താ​ഴെ​പ്പ​റ​യു​ന്ന കാ​ര്യ​ങ്ങ​ൾ ശ്ര​ദ്ധി​ക്കു​ന്ന​തു ന​ല്ല​താ​ണ്:

1. ശ്ര​ദ്ധി​ച്ചു കേ​ൾ​ക്കാ​നു​ള്ള മ​ന​സ്: മ​റ്റു​ള്ള​വ​ർ പ​റ​യു​ന്ന​ത് പൂ​ർ​ണ​മാ​യും ശ്ര​ദ്ധി​ച്ചു കേ​ൾ​ക്കു​ക. നേ​രേ നോ​ക്കു​ക. അ​വ​ർ​ക്ക് നി​ങ്ങ​ളോ​ടു ബ​ഹു​മാ​നം തോ​ന്നും.

2. ആ​ത്മ​വി​ശ്വാ​സ​ത്തോ​ടെ​യു​ള്ള സം​സാ​രം: ല​ളി​ത​മാ​യി, മാന്യമായ വാ​ക്കു​ക​ൾ ഉ​പ​യോ​ഗി​ച്ച് വ്യ​ക്ത​ത​യോ​ടെ സം​സാ​രി​ക്കു​ക. നി​ങ്ങ​ൾ​ക്ക് നി​ങ്ങ​ളെ​പ്പ​റ്റി മ​തി​പ്പു​ണ്ടെ​ങ്കി​ൽ, മ​റ്റു​ള്ള​വ​രും നി​ങ്ങ​ളെ വി​ല​മ​തി​ക്കും.

3. ശ​രീ​ര​ഭാ​ഷ പ്ര​ധാ​നം : പ​റ​യു​ന്ന​വ​രു​ടെ ക​ണ്ണി​ൽ നോ​ക്കി സം​സാ​രി​ക്കു​ക. ന​ല്ല പ്ര​സ​ന്ന​മാ​യ മു​ഖം, ചി​രി, എ​ല്ലാം ന​ല്ല​താ​ണ്.

4. ഹൃ​ദ്യ​മാ​യ ഭാ​വ​പ്ര​ക​ട​നം ന​ല്ല​ത്: മ​റ്റു​ള്ള​വ​രു​ടെ മ​ന​സ​റി​ഞ്ഞ് സം​സാ​രി​ക്കാ​ൻ പ​ഠി​ക്കു​ക. അ​വ​രു​ടെ സ​ന്തോ​ഷ​വും സ​ങ്ക​ട​വും പ​ങ്കി​ടു​ക!

5. "മ​ര്യാ​ദ​വാ​ക്കു​ക​ൾ' ഉ​ണ്ടാ​വ​ട്ടെ: " ക്ഷ​മി​ക്ക​ണേ', " ന​ന്ദി കേ​ട്ടോ', " ദ​യ​വാ​യി' തു​ട​ങ്ങി​യ മ​ര്യാ​ദ വാ​ക്കു​ക​ൾ ഉ​ചി​ത​മാ​യി ഉ​പ​യോ​ഗി​ക്കു​ക.

കൂ​ട്ടു​കാ​രേ, നി​ങ്ങ​ളു​ടെ വാ​ക്കും പെ​രു​മാ​റ്റ​വും മ​റ്റു​ള്ള​വ​ർ​ക്ക് നി​ങ്ങ​ളി​ലേ​ക്ക് വ​രാ​നു​ള്ള വ​ഴി​യും വാ​തി​ലു​മാ​ണ്. അ​ധ്യാ​പ​ക​രോ​ടും കൂ​ട്ടു​കാ​രോ​ടും ഹൃ​ദ്യ​മാ​യി പെ​രു​മാ​റി​യാ​ൽ നി​ങ്ങ​ൾ​ക്ക് ന​ല്ല നേ​താ​വാ​കാം. പ​ഠ​നം വി​ജ​യ​ക​ര​മാ​ക്കു​ന്ന സാ​ഹ​ച​ര്യം സൃ​ഷ്ടി​ക്കാം. എ​വി​ടെ​യും നി​ങ്ങ​ൾ​ക്ക് സ​ന്തോ​ഷ​ത്തോ​ടെ ജീ​വി​ക്കാം. പു​തി​യ അ​ധ്യ​യ​ന​വ​ർ​ഷം ഏ​വ​ർ​ക്കും ആ​ഹ്ലാ​ദ​ക​ര​മാ​ക​ട്ടെ.

സ്നേ​ഹാ​ശം​സ​ക​ളോ​ടെ,
സ്വ​ന്തം കൊ​ച്ചേ​ട്ട​ൻ

1952-ൽ ​പ്ര​വ​ർ​ത്ത​നം ആ​രം​ഭി​ച്ച ഡി​സി​എ​ൽ അ​തി​ന്‍റെ പ്ലാ​റ്റി​നം ജൂ​ബി​ലി വ​ർ​ഷ​ത്തി​ലേ​ക്കു ക​ട​ന്നി​രി​ക്കു​ന്നു.

പു​തി​യ അ​ധ്യ​യ​ന​വ​ർ‌​ഷ​ത്തി​ന്‍റെ ആ​രം​ഭം​മു​ത​ൽ വി​ദ്യാ​ർ​ഥി​ക​ളു​ടെ ബൗ​ദ്ധി​ക​മാ​യ വ​ള​ർ​ച്ച​യ്ക്കു​ത​കു​ന്ന നി​ര​വ​ധി പ​ദ്ധ​തി​ക​ളാ​ണ് പ്ലാ​റ്റി​നം ജൂ​ബി​ലി ആ​ഘോ​ഷ​ങ്ങ​ളോ​ട​നു​ബ​ന്ധി​ച്ച് ഡി​സി​എ​ൽ ന​ട​പ്പാ​ക്കാ​നു​ദ്ദേ​ശി​ക്കു​ന്ന​ത്.

മ​ല​യാ​ള​ത്തി​ലെ ആ​ദ്യ​ത്തെ ദി​ന​പ​ത്ര​മാ​യ ദീ​പി​ക, നേ​തൃ​പ​ര​വും സാ​മൂ​ഹി​ക​വു​മാ​യ വ​ള​ർ​ച്ച​യ്ക്കു​ത​കു​ന്ന​വി​ധ​ത്തി​ൽ കു​ട്ടി​ക​ൾ​ക്ക് അ​നൗ​പ​ചാ​രി​ക വി​ദ്യാ​ഭ്യാ​സം ന​ല്കു​ക എ​ന്ന​താ​ണ് ദീ​പി​ക ബാ​ല​സ​ഖ്യ​ത്തി​ലൂ​ടെ ചെ​യ്യു​ന്ന​ത്. ഈ ജൂബിലി ​വ​ർ​ഷം ദീ​പി​ക ബാ​ല​സ​ഖ്യം സം​ഘ​ടി​പ്പി​ക്കു​ന്ന പ്ര​ധാ​ന​പ​രി​പാ​ടികളിലൊന്ന് ലഹരി ക്കെതിരേയ.ുള്ള പ്രവർത്തനങ്ങളാണ്.

കി​ക്ക് ഔ​ട്ട് - ഡി​സി​എ​ൽ ആ​ന്‍റിഡ്ര​ഗ്സ് ബ്രി​ഗേ​ഡ്

സം​സ്ഥാ​ന​ത്തെ എ​ല്ലാ സ്കൂ​ളു​ക​ളി​ലും ല​ഹ​രി​വി​രു​ദ്ധ​സേ​ന ഉ​ണ്ടാ​ക്കു​ക​യാ​ണ് ഈ ​ഉ​ദ്യ​മ​ത്തി​ന്‍റെ ല​ക്ഷ്യം.

മ​യ​ക്കു​മ​രു​ന്നി​ൽ മ​രു​ന്നി​ല്ല, മ​ര​ണ​മാ​ണ് എ​ന്ന മു​ദ്രാ​വാ​ക്യ​വു​മാ​യി ല​ഹ​രി​ക്കെ​തി​രേ കു​ട്ടി​ക​ളെ ബോ​ധ​വ​ത്ക​രി​ച്ച് ക്രി​യാ​ത്മ​ക വ​ള​ർ​ച്ച​യ്ക്ക് സാ​ഹ​ച​ര്യ​മൊ​രു​ക്കു​ന്ന രീ​തി​യി​ലു​ള്ള അ​വ​ബോ​ധ സെ​മി​നാ​റു​ക​ളും പ​രി​ശീ​ല​ന​വും ല​ഹ​രി നി​ർ​മാ​ർ​ജ​ന പ്ര​വ​ർ​ത്ത​ന​ങ്ങ​ൾ​ക്കു വി​ദ്യാ​ർ​ഥി​ക​ൾ​ത​ന്നെ നേ​തൃ​ത്വം ന​ൽ​കു​ന്ന പ​ദ്ധ​തി​യാ​ണി​ത്.

ക​ഴി​ഞ്ഞ വ​ർ​ഷം ആ​രം​ഭി​ച്ച ഡി​സി​എ​ൽ ആ​ന്‍റി ഡ്ര​ഗ്സ് ബ്രി​ഗേ​ഡ് ഈ ​വ​ർ​ഷ​വും തു​ട​രും. ല​ഹ​രി​ക്കെ​തി​രേ സ​ർ​ക്കാ​ർ​ത​ല​ത്തി​ലും മ​റ്റു സാ​മൂ​ഹി​ക സം​ഘ​ട​നാ​ത​ല​ത്തി​ലും ന​ട​ത്തു​ന്ന എ​ല്ലാ പ്ര​വ​ർ​ത്ത​ന​ങ്ങ​ളി​ലും ഡി​സി​എ​ൽ സ​ഹ​ക​രി​ക്കും.

ഇ​തി​നാ​യി സ്കൂ​ൾ​ത​ല​ത്തി​ൽ​ത്ത​ന്നെ ല​ഹ​രി​വി​രു​ദ്ധ കൂ​ട്ടാ​യ്മ​ക​ൾ രൂ​പീ​ക​രി​ക്കു​ന്നു. ദീ​പി​ക ആ​ന്‍റി ഡ്ര​ഗ് സ്കൂ​ൾ ബ്രി​ഗേ​ഡ് എ​ന്ന​പേ​രി​ൽ അ​റി​യ​പ്പെ​ടു​ന്ന ഈ ​കൂ​ട്ടാ​യ്മ​ക​ളാ​യി​രി​ക്കും സ്കൂ​ൾ​ത​ല​ത്തി​ൽ ല​ഹ​രി​വി​രു​ദ്ധ പ്ര​വ​ർ​ത്ത​ന​ങ്ങ​ൾ​ക്കു നേ​തൃ​ത്വം ന​ൽ​കു​ന്ന​ത്. ഡി​സി​എ​ൽ അം​ഗ​ങ്ങ​ളാ​യ സ്കൂ​ളു​ക​ൾ​ക്കും ഡി​സി​എ​ൽ പ്ര​വ​ർ​ത്തി​ക്കാ​ത്ത സ്കൂ​ളു​ക​ൾ​ക്കും ഇ​തി​ൽ പ​ങ്കു​ചേ​രാം.

ബ്രി​ഗേ​ഡ് അം​ഗ​ങ്ങ​ളു​ടെ തെ​ര​ഞ്ഞെ​ടു​പ്പ്

ഡി​സി​എ​ൽ പ്ര​തി​നി​ധി​ക​ളാ​യി സ്കൂ​ളി​ലെ ഓ​രോ ഡി​വി​ഷ​നി​ൽ​നി​ന്നും ര​ണ്ടു വി​ദ്യാ​ർ​ഥി പ്ര​തി​നി​ധി​ക​ളെ തെ​ര​ഞ്ഞെ​ടു​ക്കു​ക. ഈ ​പ്ര​തി​നി​ധി​ക​ൾ ചേ​ർ​ന്ന് എ​ട്ടു​പേ​ര​ട​ങ്ങു​ന്ന അ​ട​ങ്ങു​ന്ന ഡി​സി​എ​ൽ ഭാ​ര​വാ​ഹി​ക​ളെ തെ​ര​ഞ്ഞെ​ടു​ക്കു​ന്നു. ഇ​വ​ർ ദീ​പി​ക ആ​ന്‍റി​ഡ്ര​ഗ് ബ്രി​ഗേ​ഡ് അം​ഗ​ങ്ങ​ളാ​യി പ്ര​വ​ർ​ത്തി​ക്കു​ന്നു. അ​വ​രെ ന​യി​ക്കു​ന്ന​തി​ന് ര​ണ്ട് അ​ധ്യാ​പ​ക പ്ര​തി​നി​ധി​ക​ളെ​യും നി​യ​മി​ക്കേ​ണ്ട​താ​ണ്.

മേ​ഖ​ല-​ജി​ല്ലാ​ത​ല​ത്തി​ൽ സ്കൂ​ൾ ബ്രി​ഗേ​ഡ് സ​മ്മേ​ള​ന​ങ്ങ​ൾ, ബോ​ധ​വ​ത്ക​ര​ണ സെ​മി​നാ​റു​ക​ൾ, കി​ക്ക് ഔ​ട്ട് പ​രി​ശീ​ല​ന പ്ര​വ​ർ​ത്ത​ന​ങ്ങ​ൾ എ​ന്നി​വ​യും സം​ഘ​ടി​പ്പി​ക്കും.

പുതിയ അധ്യയനവർഷത്തിലെ ഡി​സി​എ​ൽ സ്കൂൾതല ശാ​ഖാ ഭാ​ര​വാ​ഹി​ക​ളു​ടെ തെ​ര​ഞ്ഞെ​ടു​പ്പ് ജൂ​ൺ 26-നു ​മു​ന്പാ​യി പൂ​ർ​ത്തി​യാ​ക്കേ​ണ്ട​താ​ണ്.

ശാഖാ ലീ​ഡ​ർ, ഡെ​പ്യൂ​ട്ടി ലീ​ഡ​ർ, ജ​ന​റ​ൽ സെ​ക്ര​ട്ട​റി​മാ​ർ (ഒ​രു ആ​ൺ​കു​ട്ടി​യും ഒ​രു പെ​ൺ​കു​ട്ടി​യും), പ്രോ​ജ​ക്ട് സെ​ക്ര​ട്ട​റി, ട്ര​ഷ​റ​ർ, ര​ണ്ടു കൗ​ൺ​സി​ല​ർ​മാ​ർ (ഒ​രു ആ​ൺ​കു​ട്ടി​യും ഒ​രു പെ​ൺ​കു​ട്ടി​യും) എ​ന്നി​വ​രെ​യാ​ണ് തെ​ര​ഞ്ഞെ​ടു​ക്കേ​ണ്ട​ത്.

ശാ​ഖാ ഡ​യ​റ​ക്ട​റു​ടെ നേ​തൃ​ത്വ​ത്തി​ലാ​ണ് ഭാ​ര​വാ​ഹി​ക​ളെ തെ​ര​ഞ്ഞെ​ടു​ക്കേ​ണ്ട​ത്. ശാ​ഖ​ക​ളി​ൽ​നി​ന്നു​ള്ള കൗ​ൺ​സി​ല​ർ​മാ​ർ​ക്കാ​ണ് മേ​ഖ​ല ഭാ​ര​വാ​ഹി​ക​ളാ​യി മ​ത്സ​രി​ക്കാ​ൻ അ​ർ​ഹ​ത​യു​ള്ള​ത്.

ശാഖാ ഭാരവാഹികളുടെ ലിസ്റ്റ് മേഖല ഓർഗനൈസർമാരെ ഏല്പിക്കേണ്ടതാണ്

ഹൈ​ദ​രാ​ബാ​ദ്: അ​റി​വി​ന്‍റെ വ​ഴി​ക​ളി​ൽ ബാ​ല​ത​ല​മു​റ​യെ കൈ​പി​ടി​ച്ചു ന​യി​ച്ചു​കൊ​ണ്ട് ഏ​ഴ​ര​പ​തി​റ്റാ​ണ്ടു പി​ന്നി​ടു​ക​യാ​ണ് ദീ​പി​ക ബാ​ല​സ​ഖ്യം. ഡി​സി​എ​ൽ ദേ​ശീ​യ​ത​ല​ത്തി​ൽ ന​ട​ത്തി​യ ഐ​ക്യു ഒ​ളി​ന്പ്യാ​ഡ് പ​രീ​ക്ഷ​യി​ൽ മി​ക​വു പു​ല​ർ​ത്തി​യ തെ​ലു​ങ്കാ​ന സം​സ്ഥാ​ന​ത്തെ പ്ര​തി​ഭ​ക​ളെ ആ​ദ​രി​ച്ച അ​വാ​ർ​ഡ് വി​ത​ര​ണ പ​രി​പാ​ടി ശ്ര​ദ്ധേ​യ​മാ​യി.

ഹൈ​ദ​രാ​ബാ​ദ് ര​വീ​ന്ദ്ര​ഭാ​ര​തി ഓ​ഡി​റ്റോ​റി​യ​ത്തി​ൽ ന​ട​ന്ന പ​രി​പാ​ടി ഉ​ദ്ഘാ​ട​നം ചെ​യ്ത​ത് തെ​ലു​ങ്കാ​ന മ​ല​യാ​ളി സ​മാ​ജ​ത്തി​ന്‍റെ​യും തെ​ലു​ങ്കാ​ന എ​ഡ്യു​ക്കേ​ഷ​ൻ ഡെ​വ​ല​പ്മെ​ന്‍റ് സൊ​സേ​റ്റി​യു​ടെ​യും പ്ര​സി​ഡ​ന്‍റാ​യ ലി​ബി ബെ​ഞ്ച​മി​നാ​ണ്.

കൊ​ച്ചേ​ട്ട​ൻ ഫാ. ​റോ​യി ക​ണ്ണ​ൻ​ചി​റ അ​ധ്യ​ക്ഷ​ത വ​ഹി​ച്ച സ​മ്മേ​ള​ന​ത്തി​ൽ തെ​ലു​ങ്കാ​ന സ്റ്റേ​റ്റ് ക്രി​സ്ത്യ​ൻ മൈ​നോ​രി​റ്റി ഫി​നാ​ൻ​സ് കോ​ർ​പ​റേ​ഷ​ൻ ചെ​യ​ർ​മാ​ൻ ദീ​പ​ക് ജോ​ൺ മു​ഖ്യ​പ്ര​ഭാ​ഷ​ണം ന​ട​ത്തി.​ഡി​സി​ൽ തെ​ലു​ങ്കാ​ന സം​സ്ഥാ​ന കോ-​ഓ​ർ​ഡി​നേ​റ്റ​ർ ഫാ. ​ജോ​സ​ഫ് ജോ​ർ​ജ് നെ​ടു​മ​നാ​ൽ, ഡി​സി​എ​ൽ ഓ​ർ​ഗ​നൈ​സ​ർ അ​ഡ്വ. ലൈ​ജു തോ​മ​സ്, വി​ദ്യാ​ർ​ഥി പ്ര​തി​നി​ധി രാ​ഘ​വ് എ​ന്നി​വ​ർ പ്ര​സം​ഗി​ച്ചു.

ആ​യി​ര​ക്ക​ണ​ക്കി​നു വി​ദ്യാ​ർ​ഥി​ക​ൾ പ​ങ്കെ​ടു​ത്ത ഐ​ക്യു ഒ​ളി​ന്പ്യാ​ഡി​ൽ സ്കൂ​ൾ​ത​ല​ത്തി​ൽ ഏ​ർ​പ്പെ​ടു​ത്തി​യ ഗോ​ൾ​ഡ​ൻ സ്റ്റാ​ർ അ​വാ​ർ​ഡി​ന് മ​ദ​ർ​തെ​രേ​സ ഹൈ​സ്കൂ​ൾ ബോം​ഗി​ർ, മോ​ണ്ടി​സോ​റി ഹൈ​സ്കൂ​ൾ ഷാ​ഡ്ന​ഗ​ർ എ​ന്നി​വ​ർ അ​ർ​ഹ​രാ​യി.

ലി​റ്റി​ൽ ഫ്ള​വ​ർ ഹൈ​സ്കൂ​ൾ പാ​ല​മാ​കു​ള, സെ​ന്‍റ് സാ​വ്യോ ഹൈ​സ്കൂ​ൾ ഷം​ഷാ​ബാ​ദ്, ഫാ​ത്തി​മ കോ​ൺ​വ​ന്‍റ് ഹൈ​സ്കൂ​ൾ കാ​ഗ​സ്ന​ഗ​ർ, ട്രി​നി​റ്റി ഹൈ​സ്കൂ​ൾ മ​ഞ്ചേ​രി​യാ​ൽ, സെ​ന്‍റ് മേ​രീ​സ് ഹൈ​സ്കൂ​ൾ ബെ​ല്ലം​പ​ള്ളി, എ​ന്നി​വ​ർ സി​ൽ​വ​ർ സ്റ്റാ​ർ അ​വാ​ർ​ഡ് നേ​ടി.

കൊച്ചേട്ടന്‍റെ കത്ത്

സ്നേ​ഹ​മു​ള്ള ഡി​സി​എ​ൽ കൂ​ട്ടു​കാ​രേ,

അ​തു​ൽ, ഒ​രു ഐ​ടി ക​ന്പ​നി ഉ​ദ്യോ​ഗ​സ്ഥ​നാ​യി​രു​ന്നു. സോ​ഷ്യ​ൽ മീ​ഡി​യ​യി​ലൂ​ടെ വ​രു​ന്ന മോ​ട്ടി​വേ​ഷ​ൻ ക്ലാ​സു​ക​ൾ കേ​ൾ​ക്കു​ക​യാ​ണ് അ​യാ​ളു​ടെ ഇ​ഷ്ട​ഹോ​ബി. പ്ര​ചോ​ദ​നാ​ത്മ​ക​മാ​യ പ്ര​സം​ഗ​ങ്ങ​ൾ കേ​ൾ​ക്കു​ന്പോ​ൾ അ​യാ​ൾ പ്ര​ചോ​ദി​ത​നാ​കും.

എ​ല്ലാ കാ​ര്യ​ങ്ങ​ളും ‍ആ​വേ​ശ​ത്തോ​ടെ ചെ​യ്യും. സ്വ​ന്തം ക​ഴി​വു​ക​ളി​ൽ വി​ശ്വ​സി​ക്കാ​ൻ പ്ര​സം​ഗ​ക​ർ പ​റ​യു​ന്പോ​ൾ സ്വ​ന്തം ക​ഴി​വു​ക​ളി​ൽ വി​ശ്വ​സി​ക്കാ​ൻ അ​യാ​ൾ​ക്കു തോ​ന്നും! സ്വ​ന്തം കു​റ​വു​ക​ൾ അം​ഗീ​ക​രി​ക്കാ​ൻ മോ​ട്ടി​വേ​ഷ​ൻ സ്പീ​ക്ക​ർ ആ​വ​ശ്യ​പ്പെ​ടു​ന്പോ​ൾ അ​യാ​ൾ​ക്ക് സ്വ​ന്തം കു​റ​വു​ക​ൾ വ​ലി​യ പ്ര​ശ്ന​മാ​യി തോ​ന്നി​ല്ല. കു​റേ നേ​ര​ത്തേ​ക്ക് അ​യാ​ൾ സ​ന്തോ​ഷ​വാ​നാ​യി​രി​ക്കും.

മ​നു​ഷ്യ​ൻ എ​ന്ന മ​ഹാ​ത്ഭു​ത​ത്തെ ദൈ​വം എ​ത്ര വി​സ്മ​യ​ക​ര​മാ​യാ​ണ് സൃ​ഷ്ടി​ച്ചി​രി​ക്കു​ന്ന​തെ​ന്നും, ത​ന്നി​ൽ ഇ​ത്ര​യേ​റെ ക​ഴി​വു​ക​ൾ ത​ന്ന ദൈ​വം എ​ത്ര ന​ല്ല​വ​നാ​ണെ​ന്നും അ​യാ​ൾ നി​ർ​ത്താ​തെ കൂ​ട്ടു​കാ​രോ​ടു പ്ര​സം​ഗി​ക്കും! എ​ന്നാ​ൽ, ഏ​താ​നും മ​ണി​ക്കൂ​റു​ക​ൾ ക​ഴി​യു​ന്പോ​ൾ അ​യാ​ളു​ടെ ചാ​ർ​ജ് തീ​രും! അ​യാ​ൾ​ക്കു മ​ടു​പ്പാ​കും. പ്ര​ചോ​ദ​നം കു​റ​യും. അ​യാ​ൾ മ​ന​സു ത​ള​ർ​ന്ന്, ഉ​ന്മേ​ഷം ന​ഷ്ട​പ്പെ​ട്ട​വ​നാ​കും!

ഒ​രു​ദി​വ​സം അ​യാ​ൾ, ത​ന്‍റെ നാ​ല​ഞ്ച് കൂ​ട്ടു​കാ​രെ വി​ളി​ച്ചു​കൂ​ട്ടി. അ​വ​രോ​ട് ത​ന്‍റെ മാ​ന​സി​ക സം​ഘ​ർ​ഷ​ങ്ങ​ൾ പ​ങ്കു​വ​ച്ചു! താ​ൻ വ​ല്ലാ​തെ മ​ടു​ത്തു എ​ന്നും ഈ ​ജോ​ലി മാ​ത്ര​മ​ല്ല, ഈ ​മൊ​ര​ഞ്ഞ ജീ​വി​തം​പോ​ലും തു​ട​രാ​ൻ താ​ത്പ​ര്യ​മി​ല്ലെ​ന്നും അ​യാ​ൾ പ​റ​ഞ്ഞു. ത​ന്‍റെ കൂ​ട്ടു​കാ​രോ​ട്, ത​ന്നെ ഒ​ന്നു പ്ര​ചോ​ദി​പ്പി​ക്കാ​ൻ അ​യാ​ൾ അ​പേ​ക്ഷി​ച്ചു! എ​ന്നെ വീ​ണ്ടും വീ​ണ്ടും പ്ര​ചോ​ദി​പ്പി​ക്കൂ... എ​ന്ന​യാ​ൾ കെ​ഞ്ചി​ക്കൊ​ണ്ടേ​യി​രു​ന്നു!

ഉ​ട​നെ​ത​ന്നെ അ​യാ​ളു​ടെ കൂ​ട്ടു​കാ​ർ എ​ല്ലാ​വ​രും​കൂ​ടി അ​തു​ൽ മാ​ന്യ​നാ​ണ്, മി​ടു​ക്ക​നാ​ണ്, മ​ഹാ​നാ​ണ് തു​ട​ങ്ങി അ​യാ​ളു​ടെ നി​ര​വ​ധി ന​ന്മ​ക​ൾ പ​റ​യാ​ൻ തു​ട​ങ്ങി! അ​യാ​ൾ​ക്കു സ​ന്തോ​ഷ​മാ​യി.

അ​പ്പോ​ൾ കൂ​ട്ട​ത്തി​ൽ ഒ​രാ​ൾ എ​ണീ​റ്റു പ​റ​ഞ്ഞു. അ​തു​ൽ, ഈ ​മ​നോ​ഭാ​വം മാ​റ്റ​ണം. നി​ങ്ങ​ൾ എ​ന്തി​നാ​ണ് എ​പ്പോ​ഴും ഇ​ങ്ങ​നെ മ​റ്റു​ള്ള​വ​രു​ടെ പ്ര​ശം​സ​ക​ളെയും പ്ര​ചോ​ദ​ന​വാ​ക്കു​ക​ളെയും കൊ​തി​ക്കു​ന്ന​ത്‍്? ഇ​തു ന​ല്ല സ്വ​ഭാ​വ​മ​ല്ല. കാ​ര​ണം എ​പ്പോ​ഴും ന​മ്മു​ടെ ചു​റ്റും ന​മ്മെ പ്ര​ചോ​ദി​പ്പി​ക്കാ​ൻ ആ​രും ഉ​ണ്ടാ​വ​ണ​മെ​ന്നി​ല്ല!

പ​രി​ഹാ​രം ഒ​ന്നേ​യു​ള്ളൂ. സ്വ​യം പ്ര​ചോ​ദി​പ്പി​ക്കു​ക! ആ​രും പ്ര​ചോ​ദി​പ്പി​ക്കാ​ത്ത​തു​കൊ​ണ്ട്, ഞാ​ൻ ഒ​ന്നും ചെ​യ്യു​ന്നി​ല്ല, എ​ന്നു പ​റ​യു​ന്ന​വ​ൻ വി​ഡ്ഢി​യാ​ണ്. കാ​ര​ണം ന​മ്മ​ൾ ന​ന്നാ​ക​ണ​മെ​ന്ന​തും, ന​മ്മ​ൾ വി​ജ​യി​ക്ക​ണ​മെ​ന്ന​തും മ​റ്റാ​രു​ടെ​യും അ​ത്യാ​വ​ശ്യ​മ​ല്ല. ന​മ്മു​ടെ മാ​ത്രം ല​ക്ഷ്യ​മാ​ണ്.

കൂ​ട്ടു​കാ​രേ, ന​മ്മി​ൽ പ​ല​രും ഇ​ങ്ങ​നെ​യ​ല്ലേ? അ​മ്മ​യും അ​ച്ഛ​നു​മൊ​ക്കെ നി​ര​ന്ത​രം, പ​ഠി​ക്കൂ, പ​ഠി​ക്കൂ എ​ന്നും വാ​യി​ക്കൂ, വാ​യി​ക്കൂ എ​ന്നും കൈ​യും കാ​ലും പി​ടി​ച്ചു പ​റ​യു​ന്പോ​ഴാ​ണ്, ന​മ്മി​ൽ പ​ല​രും, ""ശ​രി, ഇ​ത്ര​യും നി​ങ്ങ​ൾ പ​റ​ഞ്ഞ സ്ഥി​തി​ക്ക് ഞാ​ൻ അ​ല്പം പ​ഠി​ച്ചേ​ക്കാം'' എ​ന്ന മ​നോ​ഭാ​വ​ത്തോ​ടെ പ്ര​വ​ർ​ത്തി​ക്കു​ന്ന​ത്.

ന​മു​ക്കു​ വേ​ണ്ട​ത്, സ്വ​യം പ്ര​ചോ​ദി​പ്പി​ക്കാ​നു​ള്ള ക​ഴി​വാ​ണ്. അ​തി​ന്, സ്വ​യം അ​റി​യു​ക​യാ​ണ് ആ​ദ്യ​പ​ടി. സ്വ​ന്തം ക​ഴി​വു​ക​ളും കു​റ​വു​ക​ളും കൃ​ത്യ​മാ​യി മ​ന​സി​ലാ​ക്കു​ക. തി​രു​ത്താ​നു​ള്ള​ത്, തി​രു​ത്തു​ക. മെ​ച്ച​പ്പെ​ടു​ത്താ​മെ​ങ്കി​ൽ, പ​രി​ശ്ര​മ​ത്തി​ലൂ​ടെ കൂ​ടു​ത​ൽ മി​ക​വി​ലേ​ക്കു​യ​രു​ക! എ​ത്ര പ​രി​ശ്ര​മി​ച്ചാ​ലും മാ​റ്റാ​ൻ ക​ഴി​യാ​ത്ത കാ​ര്യ​ങ്ങ​ൾ ന​മ്മു​ടെ വ്യ​ക്തി​ത്വ​ത്തി​ന്‍റെ ത​നി​മ​യാ​യി അം​ഗീ​ക​രി​ക്കു​ക. ന​മ്മു​ടെ ജീ​വി​ത​വി​ജ​യം ന​മ്മു​ടെ മാ​ത്രം ആ​വ​ശ്യ​മാ​ണ്. മ​റ്റു​ള്ള​വ​രു​ടെ പ്ര​ചോ​ദ​നം കൊ​ണ്ടു​മാ​ത്രം, ന​മു​ക്കു വി​ജ​യി​ക്കാ​നാ​വി​ല്ല!

മ​റ്റു​ള്ള​വ​ർ എ​പ്പോ​ഴും പ്ര​ചോ​ദി​പ്പി​ക്കാ​ൻ​വേ​ണ്ടി, ഇ​നി കാ​ത്തി​രി​ക്കേ​ണ്ട. സ്വ​യം പ്ര​ചോ​ദി​പ്പി​ച്ച്, ‍ഓ​രോ സാ​ഹ​ച​ര്യ​ത്തേ​യും അ​തി​ജീ​വി​ച്ചി​ട്ടു​ള്ള​വ​രാ​ണ് ജീ​വി​ത​ത്തി​ൽ അ​ത്ഭു​ത​ങ്ങ​ൾ ചെ​യ്തി​ട്ടു​ള്ള​ത്. അ​തി​നാ​ൽ, ആ​വേ​ശ​ത്തോ​ടെ ന​മു​ക്കു ജീ​വി​ത​ത്തെ ആ​ശ്ലേ​ഷി​ക്കാം. ആ​ഹ്ലാ​ദ​ത്തോ​ടെ അ​ത്യ​ധ്വാ​നം ചെ​യ്യാം. ആ​സ്വ​ദി​ച്ച്, വി​ജ​യി​ക്കാം. പ​രാ​ജ​യ​ത്തെയും വി​ജ​യ​ക​ര​മാ​യി അം​ഗീ​ക​രി​ക്കാം.

സ​സ്നേ​ഹം, സ്വ​ന്തം കൊ​ച്ചേ​ട്ട​ൻ