Deepika
ADVERTISEMENT
Alappuzha
എടത്വ: കുട്ടനാട് കുടിവെള്ള പദ്ധതിയുടെ പൈപ്പ് ലൈന്‍ പൊട്ടി. നിരവധി പഞ്ചായത്തുകളില്‍ ജലവിതരണം നിലച്ചു. എടത്വ- തിരുവല്ല സംസ്ഥാന പാതയില്‍ വെള്ളക്കിണര്‍ ജംഗ്ഷന് സമീപത്താണ് പൈപ്പ് ലൈന്‍ പൊട്ടിയത്. ചോര്‍ച്ച കണ്ടതിനെ തുടര്‍ന്ന് ജലവിതരണം മൂന്ന് ദിവസമായി നിലച്ചു കിടക്കുകയായിരുന്നു.
കുടിവെള്ള വിതരണം നിലച്ചതോടെ ജല അഥോറിറ്റി എടത്വ സബ് ഡിവിഷന്‍ ഓഫിസര്‍ മുഹമ്മദ് അഷ്റഫ്, കിഫ്ബി പ്രോജക്ട് എന്‍ജിനിയര്‍ ഗോപന്‍, ഓവര്‍സിയര്‍ വിഷ്ണു എന്നിവരുടെ നേതൃത്വത്തില്‍ പൈപ്പ്‌ലൈന്‍റെ ചോര്‍ച്ച ഒഴിവാക്കാന്‍ ശ്രമം നടന്നെങ്കിലും ആദ്യം പരാജയപെട്ടിരുന്നു. വീണ്ടും ചോര്‍ച്ച അടയ്ക്കാനുള്ള നടപടി നടക്കുകയാണ്. പദ്ധതിക്കു വേണ്ടി സ്ഥാപിച്ച പൈപ്പിന്‍റെ കാര്യക്ഷമത കുറവാണെന്ന് ഇതിനോടകം പരാതി ഉയര്‍ന്നിരുന്നു. പിവിസി, എച്ച്ഡിപിഇ പൈപ്പുകളാണ് പദ്ധതിക്ക് സ്ഥാപിച്ചത്.
ഹെവി ഭാരം കയറ്റിയ വാഹനങ്ങള്‍ നിരന്തരം സഞ്ചരിക്കുന്ന റോഡില്‍ ആലപ്പുഴ നഗരസഭ കുടിവെള്ള പദ്ധതിക്ക് സ്ഥാപിച്ച യൂഡിസ്മാറ്റ് പൈപ്പ് സ്ഥാപിക്കണമെന്ന് നിര്‍മാണ വേളയില്‍ ജനങ്ങള്‍ ആവശ്യപ്പെട്ടിരുന്നു.
ഇത് ചെവിക്കൊള്ളാതാണ് പിവിസിയും എച്ച്ഡിപിഇ പൈപ്പുകളും സ്ഥാപിച്ചത്. ജലവിതരണം മുടങ്ങിയതോടെ കുട്ടനാട്ടിലെ നൂറുകണക്കിന് കുടുംബങ്ങള്‍ ദുരിതത്തിലാണ്. കൃഷി സീസണ്‍ ആരംഭിച്ചതിനാല്‍ പാടത്തു നിന്ന് പുറംതള്ളുന്ന വെള്ളം ജലാശയങ്ങളെ മലിനമാക്കിയിട്ടുണ്ട്. ജനങ്ങളുടെ ഏകാശ്രയമായിരുന്നു പദ്ധതി വഴി ലഭിക്കുന്ന ശുദ്ധജലം.
ദിവസങ്ങളായി ജലവിതരണം തടസപ്പെട്ട് കിടക്കുന്നതിനാല്‍ പൊതുജനങ്ങള്‍ കടുത്ത പ്രതിസന്ധിയിലാണ്.
കൂടാതെ അറ്റകുറ്റപ്പണിയുടെ ഭാഗമായി റോഡിന്‍റെ പകുതിയോളം ഭാഗം പത്തടിയിലേറെ കുഴിച്ചിട്ടിരിക്കുകയാണ്. കഴിഞ്ഞ ദിവസവും ഈ ഭാഗത്ത് വാഹന അപകടം നടന്നിരുന്നു. അപായ മുന്നറിപ്പ് സ്ഥാപിച്ചിട്ടുണ്ടെങ്കിലും വാഹനങ്ങള്‍ പെട്ടെ ന്ന് തിരിക്കുമ്പോള്‍ എതിരേ വരുന്ന വാഹനങ്ങളില്‍ ഇടിക്കുന്നത് പതിവാണ്.
അറ്റകുറ്റപ്പണി പൂര്‍ത്തിയാക്കി കുട്ടനാട്ടില്‍ ജലവിതരണം അടിയന്തരമായി പുനഃസ്ഥാപിക്കണമെന്നാണ് ജനങ്ങളുടെ ആവശ്യം.
Kottayam
കാഞ്ഞിരപ്പള്ളി: പ്രളയസാധ്യത കുറയ്ക്കുന്നതിനും നദികളിലെ നീരൊഴുക്ക് സുഗമമാക്കുന്നതിനുമായി സംസ്ഥാന ദുരന്തനിവാരണ അഥോറിറ്റിയുടെ നിർദേശപ്രകാരം ആറുകളുടെയും പുഴകളുടെയും അടിത്തട്ടിൽ അടിഞ്ഞുകൂടിയ ചെളി, മണൽ, എക്കൽ എന്നിവ നീക്കം ചെയ്യുന്ന പദ്ധതിക്ക് ജില്ലയിൽ തുടക്കമായി. പദ്ധതിയുടെ ജില്ലാതല ഉദ്ഘാടനം മണിമലയാറിന്‍റെ തീരമായ കരിമ്പുകയത്ത് ജലവിഭവമന്ത്രി മോൻസ് ജോസഫ് നിർവഹിച്ചു.
സംസ്ഥാനത്ത് ജൽ ജീവൻ മിഷൻ പദ്ധതി പ്രതിസന്ധിയിലാണെന്നും ഇതു പരിഹരിക്കാനുള്ള ശ്രമങ്ങളാണ് സർക്കാർ നടത്തുന്നതെന്നും മന്ത്രി പറഞ്ഞു. വേനൽക്കാലത്തെ കുടിവെള്ളക്ഷാമത്തിന് പരിഹാരം കാണുന്നതിനുള്ള പ്രവർത്തനങ്ങൾക്കും സർക്കാർ മുൻഗണന നൽകുന്നുണ്ടെന്ന് അദ്ദേഹം വ്യക്തമാക്കി. കരിമ്പുകയം ജലവിതരണ പദ്ധതിയുടെ ഭാഗമായി 60 ലക്ഷം ലിറ്റർ ശേഷിയുള്ള ജലശുദ്ധീകരണശാലയുടെ നിർമാണോദ്ഘാടനവും മന്ത്രി നിർവഹിച്ചു.
റോണി കെ. ബേബി എംഎൽഎ അധ്യക്ഷത വഹിച്ചു. ആന്‍റോ ആന്റണി എംപി മുഖ്യപ്രഭാഷണം നടത്തി. എം.ജെ. സെബാസ്റ്റ്യൻ എംഎൽഎ, ജില്ലാ പഞ്ചായത്തംഗം തോമസ് കുന്നപ്പള്ളി, ബ്ലോക്ക് പഞ്ചായത്ത് പ്രസിഡന്റ് പി.എ. ഷെമീർ, പഞ്ചായത്ത് പ്രസിഡന്റുമാരായ സുനി പത്യാല, അമ്പിളി സജീവൻ, വാർഡംഗം റിജോ വാളാന്തറ, ബ്ലോക്ക് പഞ്ചായത്ത് വൈസ് പ്രസിഡന്റ് റോസമ്മ അഗസ്തി, തഹസിൽദാർ പി.എസ്. സുനിൽകുമാർ, വിവിധ രാഷ്‌ട്രീയപാർട്ടി പ്രതിനിധികൾ, വകുപ്പ് ഉദ്യോഗസ്ഥർ തുടങ്ങിയവർ പ്രസംഗിച്ചു.
മണിമല, മീനച്ചിൽ, മൂവാറ്റുപുഴ ആറുകളിലും പ്രധാന തോടുകളിലുമാണ് ശുചീകരണ പ്രവർത്തനങ്ങൾ നടത്തുന്നത്. വർഷങ്ങളായി നദികളുടെയും തോടുകളുടെയും അടിത്തട്ടിൽ അടിഞ്ഞുകൂടിയ ചെളി, മണൽ, എക്കൽ എന്നിവ നീക്കം ചെയ്ത് നീരൊഴുക്ക് സുഗമമാക്കുകയാണ് ലക്ഷ്യം. ഇതിലൂടെ മഴക്കാലത്ത് വെള്ളം കവിഞ്ഞൊഴുകുന്നതും വെള്ളപ്പൊക്ക സാധ്യതയും കുറയ്ക്കാനാകുമെന്നാണ് പ്രതീക്ഷ.
മുൻ വർഷങ്ങളിൽ ശക്തമായ മഴയെത്തുടർന്ന് വിവിധ പ്രദേശങ്ങളിൽ വെള്ളപ്പൊക്കവും വ്യാപകമായ നാശനഷ്ടങ്ങളും ഉണ്ടായ സാഹചര്യത്തിൽ നദികളിലെയും തോടുകളിലെയും തടസങ്ങൾ നീക്കണമെന്ന ആവശ്യം ശക്തമായിരുന്നു. ഇതിന്റെ അടിസ്ഥാനത്തിലാണ് ദുരന്തനിവാരണ അഥോറിറ്റിയുടെ നിർദേശപ്രകാരം പദ്ധതി നടപ്പാക്കുന്നത്.
Alappuzha
മങ്കൊമ്പ്: എൽഐസിയെ പൂർണമായും പൊതുമേഖലയിൽ നിലനിർത്തണമെന്നും ഏജന്‍റുമാർക്ക് അടിയന്തരമായി പെൻഷൻ പദ്ധതി ഏർപ്പെടുത്തണമെന്നും എൽഐസി ഏജന്‍റ്സ് ഓർഗനൈസേഷൻ ഓഫ് ഇന്ത്യ (സി ഐ ടി യു ) ആലപ്പുഴ രണ്ട് ബ്രാഞ്ച് സമ്മേളനം ആവശ്യപ്പെട്ടു. വെട്ടിക്കുറച്ച ഏജൻസി കമ്മീഷൻ പുനഃസ്ഥാപിക്കണമെന്നും, ഓഹരി വില്പന നിർത്തിവയ്ക്കണമെന്നും സമ്മേളനം കേന്ദ്ര സർക്കാരിനോടും എൽഐസി അധികാരികളോടും ആവശ്യപ്പെട്ടു.
മങ്കൊമ്പിൽ നടന്ന സമ്മേളനം സിഐടിയു ജില്ലാ കമ്മിറ്റിയംഗം കെ.എസ്. അനിൽകുമാർ ഉദ്ഘാടനം ചെയ്തു. ബ്രാഞ്ച് പ്രസിഡന്റ് എം.സി. ആന്റണി അധ്യക്ഷത വഹിച്ചു. സെക്രട്ടറി പി.ജി. സജൻ കുമാർ, എറണാകുളം ഡിവിഷൻ സെക്രട്ടറി കെ.വി. ടോമി, പ്രസിഡന്റ് പി.എൻ. ദേവദാസ്, ആലപ്പുഴ ജില്ലാ സെക്രട്ടറി കൈനകരി സുരേഷ് കുമാർ, ജില്ലാ കമ്മിറ്റിയംഗങ്ങളായ കെ. വാസുദേവൻ , പി.ജി. മദനൻ എന്നിവർ പ്രസംഗിച്ചു.
പുതിയ ഭാരവാഹികളായി സനൂ തോമസ് (പ്രസിഡന്റ്), കെ. രാജേശ്വരി, കെ.ജി. ചാക്കോ (വൈസ് പ്രസിഡന്‍റുമാർ), ഹരി മോൻ (സെക്രട്ടറി), സുനിൽ അഗസ്റ്റിൻ, വി. ദീപ്തി (ജോയിന്റ് സെക്രട്ടറിമാർ), എം.സി. ആന്റണി (ട്രഷറർ) എന്നിവരെ തെരഞ്ഞെടുത്തു.
Idukki
തൊടുപുഴ: അപകടങ്ങള്‍ വര്‍ധിച്ചുവരുമ്പോഴും നിയമങ്ങള്‍ കാറ്റില്‍ പറത്തി ജില്ലയിലെ നിരത്തുകളിലൂടെ ടിപ്പര്‍ ലോറികള്‍ അമിത വേഗത്തില്‍ പായുന്നു. സ്‌കൂള്‍ സമയങ്ങളിലും മറ്റും ടിപ്പറുകളുടെ സഞ്ചാരത്തിനു നിയന്ത്രണമുണ്ടെങ്കിലും ഇതിനെയെല്ലാം വെല്ലുവിളിച്ചാണ് ഇവ ചീറിപ്പായുന്നത്. വീതി കുറവായ ഗ്രാമീണ റോഡുകളിലടക്കം അമിത വേഗത്തിലാണ് പല ടിപ്പറുകളും ടോറസ് ലോറികളും സഞ്ചരിക്കുന്നത്. ടിപ്പറുകളുടെയും ടോറസുകളുടെയും നിയമം ലംഘിച്ചുള്ള സഞ്ചാരത്തെ നിയന്ത്രിക്കേണ്ട അധികൃതരാകട്ടെ ഇത് കണ്ടില്ലെന്നു നടിക്കുകയാണ്.
വാഹനങ്ങളില്‍ ലോഡ് കയറ്റുമ്പോള്‍ സ്വീകരിക്കേണ്ട മാനദണ്ഡങ്ങളും പലപ്പോഴും പാലിക്കാറില്ല. ശരിയായ രീതിയില്‍ മൂടാതെ വലിയ പാറക്കഷണങ്ങളും മറ്റും ഏതുനിമിഷവും പുറത്തേക്കു തെറിച്ചുവീഴത്തക്ക നിലയിലാണ് പല ടിപ്പറുകളുടെയും സഞ്ചാരം. അനുവദനീയമായതിലും കൂടുതല്‍ ഭാരവുമായാണ് വഴിയാത്രക്കാര്‍ക്കും മറ്റു വാഹനങ്ങള്‍ക്കും ഭീഷണിയായി ഇത്തരം വാഹനങ്ങള്‍ അമിത വേഗത്തില്‍ പായുന്നത്.
മണലും മെറ്റലുമായി റോഡിലൂടെ പോകുന്ന ലോറികളുടെ മുകള്‍ഭാഗം മൂടണമെന്നാണ് നിയമം. എന്നാല്‍ ഇതു കൃത്യമായി പാലിക്കാറില്ല.
സ്‌കൂള്‍ കുട്ടികള്‍ ഉള്‍പ്പടെയുള്ളവര്‍ക്ക് ഭീഷണിയായി നിരോധിത സമയത്തും ചീറിപ്പായുന്ന ടിപ്പറുകള്‍ പതിവു കാഴ്ചയാണ്. ജില്ലയില്‍ രാവിലെ 8.30 മുതല്‍ 10 വരെയും വൈകുന്നേരം നാലു മുതല്‍ അഞ്ചുവരെയും ടിപ്പര്‍ ഉള്‍പ്പടെയുള്ള ഭാരവാഹനങ്ങളുടെ സഞ്ചാരത്തിന് നിയന്ത്രണമുണ്ട്.
എന്നാല്‍, പലയിടങ്ങളിലും ഇതു ലംഘിച്ചും ടിപ്പറുകള്‍ ഓടുന്നുണ്ട്. അമിതഭാരം കയറ്റിയുള്ള ടിപ്പര്‍- ടോറസ് ലോറികളുടെ പതിവു സഞ്ചാരം റോഡുകളുടെ തകര്‍ച്ചയ്ക്കും വഴിതെളിക്കുന്നതായി നാട്ടുകാര്‍ പറയുന്നു. അമിത ശബ്ദത്തോടെ ഹോണ്‍ മുഴക്കി പായുന്ന ടിപ്പര്‍, ടോറസ് ലോറികള്‍ മറ്റു വാഹനങ്ങള്‍ക്കും കാല്‍നട യാത്രക്കാര്‍ക്കും വലിയ ഭീഷണിയാണ് ഉയര്‍ത്തുന്നത്.
നിയമം ലംഘിച്ചു പായുന്ന ടിപ്പറുകള്‍ ഉള്‍പ്പടെയുള്ള ഭാരവാഹനങ്ങള്‍ക്കെതിരേ കര്‍ശന നടപടിയെടുക്കാന്‍ പൊലിസ്, മോട്ടോര്‍ വാഹനവകുപ്പ് അധികൃതര്‍ തയാറാകണമെന്ന ആവശ്യം ശക്തമാണ്.
Kottayam
കാഞ്ഞിരപ്പള്ളി: സെന്റ് ഡൊമിനിക്‌സ് ഹയർ സെക്കൻഡറി സ്കൂൾ എൻഎസ്എസ് യൂണിറ്റിന്‍റെ നേതൃത്വത്തിൽ ചങ്ങനാശേരി സെന്റ് തോമസ് ആശുപത്രിയുമായി ചേർന്ന് രക്തദാന ക്യാമ്പ് സംഘടിപ്പിച്ചു. പാലാ ബ്ലഡ് ഫോറം, ഫെഡറൽ ബാങ്ക്, കൊഴുവനാൽ ലയൺസ് ക്ലബ് എന്നിവയുടെ സഹകരണത്തോടെ നടന്ന ക്യാമ്പ് റോണി കെ. ബേബി എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് സുനി പത്യാല അധ്യക്ഷത വഹിച്ചു.
സ്കൂൾ അസിസ്റ്റന്‍റ് മാനേജർ ഫാ. ടോണി മുളങ്ങാശേരി അനുഗ്രഹപ്രഭാഷണം നടത്തി. ഷിബു തെക്കേമറ്റം, ലയൺസ് ഇന്‍റർനാഷണൽ ജില്ലാ ചീഫ് പ്രോജക്ട് കോ-ഓർഡിനേറ്റർ സിബി പ്ലാത്തോട്ടം, സാബു മുകുളേൽ, പ്രിൻസിപ്പൽ ഡോ. ബിനോയ് എം. ജേക്കബ്, എൻഎസ്എസ് കാഞ്ഞിരപ്പള്ളി ക്ലസ്റ്റർ കൺവീനർ ബിനോ കെ. തോമസ്, എൻഎസ്എസ് പ്രോഗ്രാം ഓഫീസർ കെ.എ. നിക്ലാവോസ്, ജോബി സെബാസ്റ്റ്യൻ എന്നിവർ പ്രസംഗിച്ചു.
Idukki
വണ്ണപ്പുറം: പഞ്ചായത്തില്‍ അപകടാവസ്ഥയിലായ രണ്ട് കലുങ്കുകള്‍ പുനര്‍നിര്‍മിക്കാന്‍ നടപടിയായി. കാളിയാര്‍ മേഖലയിലെ രണ്ട് കലുങ്കുകളുടെ നിര്‍മാണത്തിനായി 80 ലക്ഷം രൂപയാണ് അനുവദിച്ചിരിക്കുന്നത്. രണ്ടു വര്‍ഷം മുന്പ് കാലവര്‍ഷക്കെടുതിയില്‍ തകര്‍ന്ന കോയപ്പടി - സെന്റ് മേരീസ് സ്‌കൂള്‍ റോഡിലെ കലുങ്ക് പുനര്‍നിര്‍മിക്കാന്‍ 55 ലക്ഷം രൂപ അനുവദിച്ചു.
2019-20 വര്‍ഷം പി.ജെ. ജോസഫ് എംഎല്‍എ ആയിരിക്കെ മൊട്ടമുടി - ബ്ലാത്തിക്കവല റോഡ് നിര്‍മാണത്തിനായി അനുവദിച്ച തുക വനംവകുപ്പിന്‍റെ എതിര്‍പ്പിനെത്തുടര്‍ന്ന് ചെലവഴിക്കാന്‍ കഴിഞ്ഞിരുന്നില്ല. ഈ തുകയാണ് പ്രത്യേക അനുമതി നേടി കലുങ്ക് നിര്‍മാണത്തിനായി മാറ്റി നല്‍കിയത്. മുഖ്യമന്ത്രി വി.ഡി. സതീശന്‍റെ നിര്‍ദേശത്തെത്തുടര്‍ന്ന് ധനകാര്യ വകുപ്പ് അനുമതി നല്കി പ്രത്യേക ഉത്തരവ് ഇറക്കിയാണ് തുക കലുങ്ക് നിര്‍മാണത്തിനായി അനുവദിച്ചത്.
കാളിയാര്‍ പള്ളിക്കവല -സെന്റ് മേരീസ് സ്‌കൂള്‍ റോഡിലെ കലുങ്കിന്‍റെ ഇരുവശങ്ങളിലെയും കെട്ടുകളിടിഞ്ഞ് അപകടാവസ്ഥയിലാണ്. ഇത് പൊതുമരാമത്ത് വകുപ്പിന്‍റെ റോഡാണ്. സര്‍വീസ് ബസുകളും സ്‌കൂള്‍ വാഹനങ്ങളും ഉള്‍പ്പടെ നിരവധി വാഹനങ്ങള്‍ കടന്നുപോകുന്ന റോഡിലെ കലുങ്കിന്‍റെ അപകടാവസ്ഥ പരിഹരിക്കുന്നതിനായി ചീഫ് വിപ്പ് അപു ജോണ്‍ ജോസഫിന്‍റെ ഇടപെടലിനെത്തുടര്‍ന്നാണ് പൊതുമരാമത്ത് വകുപ്പ് 25 ലക്ഷം രൂപ അനുവദിച്ചത്. രണ്ടു കലുങ്കുകളുടെയും നിര്‍മാണ പ്രവര്‍ത്തനങ്ങള്‍ ഉടന്‍ ആരംഭിക്കുമെന്ന് ഇളംദേശം ബ്ലോക്ക് പഞ്ചായത്ത് അംഗം സണ്ണി കളപ്പുര അറിയിച്ചു.
Idukki
ഇടുക്കി: നിര്‍മാണം പുരോഗമിക്കുന്ന മാങ്കുളം 40 മെഗാവാട്ട് ജലവൈദ്യുത പദ്ധതിക്ക് 10.22 കോടിയുടെ കേന്ദ്രസഹായം അനുവദിച്ചു. പദ്ധതിയോടനുബന്ധിച്ചുള്ള റോഡുകളും പാലങ്ങളും വികസിപ്പിക്കുന്നതിനായി കഴിഞ്ഞ ജൂണില്‍ 20.10 കോടി രൂപയുടെ അനുമതി കേന്ദ്ര ഊര്‍ജ മന്ത്രാലയത്തില്‍നിന്നു ലഭിച്ചിരുന്നു. ഇതുവരെ പൂര്‍ത്തിയായ പ്രവൃത്തികളുടെ വിശദാംശങ്ങളും ഓഡിറ്റ് ചെയ്ത ബില്ലുകളും പരിശോധിച്ച ശേഷമാണ് ആദ്യ ഗഡുവായി 10.22 കോടി കെഎസ്ഇബിക്ക് നല്‍കാന്‍ തീരുമാനമായത്.
കേന്ദ്ര വൈദ്യുതി അഥോറിറ്റിയാണ് ധനസഹായത്തിനുള്ള അപേക്ഷകള്‍ വിശകലനം ചെയ്തത്. പരിശോധനകള്‍ പൂര്‍ത്തിയാക്കി വിരലിലെണ്ണാവുന്ന പദ്ധതികള്‍ക്കു മാത്രമാണ് ഇതുവരെ ഈ ധനസഹായം നേടാനായത്. കെഎസ്ഇബി പ്രോജക്ട് പ്ലാനിംഗ് ചീഫ് എന്‍ജിനിയറുടെ നേതൃത്വത്തിലാണ് ധനസഹായം ലഭിക്കുന്നതിനുള്ള നടപടികള്‍ ഏകോപിപ്പിച്ചത്.
Idukki
ഉപ്പുതറ: തോട്ടം മേഖലയിലെ വിവിധ വിഷയങ്ങൾ ഉന്നയിച്ച് സിപിഐ പീരുമേട് സിവിൽ സ്റ്റേഷൻ ഓഫിസിലേക്ക് മാർച്ച് നടത്തി. പാർട്ടി സംസ്ഥാന സെക്രട്ടറി ബിനോയ് വിശ്വം പ്രതിഷേധയോഗം ഉദ്ഘാടനം ചെയ്തു. സിവിൽ സ്റ്റേഷൻ കവാടത്തിൽ പൊലിസ് മാർച്ച് തടഞ്ഞതോടെ നേരിയ ഉന്തുംതള്ളുമുണ്ടായി.
തേയിലത്തോട്ടങ്ങൾ മുറിച്ചു വിൽക്കുന്ന നടപടി അവസാനിപ്പിക്കുക, വാഗമണിൽ സർക്കാർ ഭൂമി കൈയേറിയും വ്യാജപട്ടയങ്ങൾ നിർമിച്ചും നടത്തുന്ന കൈയേറ്റങ്ങൾക്കെതിരേ നടപടി സ്വീകരിക്കുക, ടീ ആക്ടിനു വിരുദ്ധമായി മുറിച്ചുവിറ്റ മുഴുവൻ ഭൂമിയുടെയും പോക്കുവരവ് റദ്ദാക്കുക, തോട്ടംതൊഴിലാളികൾക്ക് നൽകാനുള്ള കുടിശിക കൊടുത്തു തീർക്കുക, വാസയോഗ്യമായ വീട് നിർമിച്ചു നൽകുക തുടങ്ങിയ ആവശ്യങ്ങൾ ഉന്നയിച്ച് സിപിഐ സിവിൽ സ്റ്റേഷൻ മാർച്ച് നടത്തി. പാർട്ടി പീരുമേട്, ഏലപ്പാറ മണ്ഡലം കമ്മിറ്റികളുടെ നേതൃത്വത്തിലായിരുന്നു മാർച്ച്.
സമരസമിതി ചെയർമാൻ ഇ.എസ്. ബിജിമോൾ അധ്യക്ഷയായി. കെ. സലിംകുമാർ, ടി.ജെ. ആഞ്ചലോസ്, ജോസ് ഫിലിപ്പ്, വി.ആർ. ശശി, സി.യു. ജോയ്, എം.കെ. പ്രീയൻ, വി.കെ. ബാബുകുട്ടി, വൈ. ജയൻ, വി.കെ. ധനപാൽ, ടി. ഗണേശൻ എന്നിവർ പ്രസംഗിച്ചു.
Idukki
തൊടുപുഴ: കേരള ഹോട്ടല്‍ ആന്‍ഡ് റസ്റ്ററന്‍റ് അസോസിയേഷന്‍ ജില്ലാ സമ്മേളനവും കാരുണ്യ സുരക്ഷാ ഫണ്ട് വിതരണവും നടന്നു. സമ്മേളനം മുന്‍ മന്ത്രി പി.ജെ. ജോസഫ് ഉദ്ഘാടനം ചെയ്തു. ജില്ലാ പ്രസിഡന്റ് ജയന് ജോസഫ് അധ്യക്ഷത വഹിച്ചു.
കുടുംബ സുരക്ഷാ പദ്ധതിയില്‍ അംഗമായിരിക്കെ അന്തരിച്ച തൊടുപുഴ സ്വദേശി ഇ.എം. ചാക്കോയുടെ കുടുംബത്തിന് 10 ലക്ഷം രൂപയുടെ ചെക്ക് കൈമാറി. ചീഫ് വിപ്പ് അപു ജോണ്‍ ജോസഫ് ഉന്നത വിജയം കരസ്ഥമാക്കിയവരെ ആദരിച്ചു. സംസ്ഥാന പ്രസിഡന്റ് ജി. ജയപാല്‍, സംസ്ഥാന ജനറല്‍ സെക്രട്ടറി എന്‍.എം.ആര്. റസാക്ക്, ട്രഷറര്‍ സി. ബിജുലാല്‍, മര്‍ച്ചന്‍റ്സ് അസോസിയേഷന്‍ പ്രസിഡന്റ് പി.എ. സലിംകുട്ടി, ഗിരീഷ് കുമാര്‍, ജോസ് മരിയ, ദീപക് പി. ജോണ്‍, മാത്യു വി. മുളഞ്ഞാനാനി തുടങ്ങിയവര്‍ പ്രസംഗിച്ചു.
മുന്‍ മന്ത്രി പി.ജെ. ജോസഫ്, പത്മവിഭൂഷണ്‍ പി. നാരായണന്‍, സംഘടനയുടെ ബിസിനസ് എക്‌സലന്‍റ്സ് അവാര്‍ഡ് നേടിയ ഷാജു സെബാസ്റ്റ്യന്‍ എന്നിവരെ യോഗത്തില്‍ ആദരിച്ചു.
Idukki
തൊടുപുഴ: പൊലിസ് വാഹനത്തില്‍നിന്നു മദ്യക്കുപ്പി കണ്ടെത്തിയ സംഭവത്തില്‍ സസ്‌പെൻഷനിലായ പൊലിസുകാരന്‍ വീണ്ടും മദ്യപിച്ച് വാഹനമോടിച്ചതിന് പിടിയില്‍. കരിമണ്ണൂര്‍ സ്റ്റേഷനിലെ സിപിഒ ആയിരുന്ന ജിജോ ആന്‍റണിയെയാണ് തൊടുപുഴ പൊലിസ് അറസ്റ്റ് ചെയ്തത്. കഴിഞ്ഞ ജൂലൈയില്‍ ഡ്യൂട്ടിയിലിരിക്കെ മദ്യപിച്ച് വാഹനമോടിച്ചതിന് ഇയാളെ സസ്‌പെന്‍ഡ് ചെയ്തിരുന്നു.
ഇന്നലെ വൈകുന്നേരം ആറോടെ തൊടുപുഴ വെങ്ങല്ലൂര്‍ സിഗ്‌നല്‍ ജംഗ്ഷനിലാണ് സംഭവം. ജംഗ്ഷനില്‍ വാഹനാപകടം ഉണ്ടായിരുന്നു. പരിക്കേറ്റവരെ ആശുപത്രിയിലേക്ക് കയറ്റിവിട്ട് തിരിച്ചെത്തിയ നാട്ടുകാര്‍ക്കിടയിലേക്കാണ് മദ്യലഹരിയിലായിരുന്ന ജിജോ ആന്റണി അപകടകരമായ രീതിയില്‍ കാറോടിച്ചെത്തിയത്.
വാഹനമോടിക്കാന്‍ പറ്റാത്ത അവസ്ഥയിലായിരുന്നു ഇയാളെന്ന് നാട്ടുകാര്‍ പറഞ്ഞു. ഇതോടെ നാട്ടുകാര്‍ തൊടുപുഴ പൊലിസില്‍ വിവരമറിയിച്ചു. എന്നാല്‍ സ്ഥലത്തെത്തിയ പൊലിസ് ജിജോയെ ന്യായീകരിക്കാന്‍ ശ്രമിച്ചെന്ന് നാട്ടുകാര്‍ പറഞ്ഞു.
നാട്ടുകാര്‍ പ്രതിഷേധിച്ചതോടെ പൊലിസ് ജീപ്പില്‍ കയറ്റിക്കൊണ്ടുപോയി. ജില്ലാ ആശുപത്രിയില്‍ വൈദ്യപരിശോധന പൂര്‍ത്തിയാക്കി സ്റ്റേഷനിലെത്തിച്ചു. മദ്യപിച്ച് അപകടരമായ രീതിയില്‍ വാഹനമോടിച്ചതിന് ജിജോ ആന്‍റണിക്കെതിരേ കേസെടുക്കുമെന്ന് തൊടുപുഴ പൊലിസ് പറഞ്ഞു.
കഴിഞ്ഞ ജൂലൈ 20നാണ് ജിജോ ആന്റണി ഓടിച്ചിരുന്ന കരിമണ്ണൂര്‍ സ്റ്റേഷനിലെ ജീപ്പില്‍നിന്ന് മദ്യക്കുപ്പിയും നിരോധിത പുകയില ഉത്പന്നവും ചീട്ടും കണ്ടെത്തിയത്. ഇയാളും ഒപ്പമുണ്ടായിരുന്ന എസ്ഐ എന്‍.എസ്. റോയിയും മദ്യപിച്ചിരുന്നതായി കണ്ടെത്തിയതിനെത്തുടര്‍ന്ന് ഇരുവരെയും സസ്‌പെന്‍ഡ് ചെയ്യുകയായിരുന്നു.
Idukki
കാഞ്ഞിരപ്പള്ളി: ചെവി, തൊണ്ട, മൂക്ക് എന്നിവയുമായി ബന്ധപ്പെട്ട വിവിധ തരത്തിലുള്ള അസുഖങ്ങളുടെ രോഗ, ശസ്ത്രക്രിയാ നിർണയ മെഡിക്കൽ ക്യാമ്പ് കാഞ്ഞിരപ്പള്ളി മേരിക്വീൻസ് മിഷൻ ആശുപത്രിയിൽ നാളെ മുതൽ14 വരെ നടക്കുമെന്ന് ആശുപത്രി അധികൃതർ അറിയിച്ചു.
തുടർച്ചയായ തലവേദന, ഇയർ ബാലൻസ്, പെട്ടെന്ന് കേൾവിശക്തി കുറയുക, മൂക്കിൽ ദശ വളരുക, മൂക്കിന്‍റെ വളവ്, അലർജി പ്രശ്നങ്ങൾ തുടങ്ങി വിവിധ ബുദ്ധിമുട്ടുകളുള്ളവർക്ക് ക്യാമ്പിൽ പങ്കെടുക്കാം.
മേരിക്വീൻസിലെ ഇഎൻടി സർജറി വിഭാഗം ഒരുക്കുന്ന മെഡിക്കൽ ക്യാമ്പിൽ പങ്കെടുക്കാൻ മുൻകൂർ ബുക്ക് ചെയ്യുന്നവർക്ക് ഡോക്ടർ കൺസൾട്ടേഷൻ, ഓഡിയോമെട്രി ആൻഡ് പിടിഎ ടെസ്റ്റ്, ഡിജിറ്റൽ എക്സ്-റേ സേവനങ്ങൾ സൗജന്യമായി ലഭ്യമാവും. കൂടാതെ ലാബ് പരിശോധനകൾ, സിടി സ്കാൻ, എൻഡോസ്കോപ്പി സേവങ്ങൾക്കും സർജറികൾക്കും പ്രത്യേക നിരക്കിളവും ലഭ്യമാകും.
ശിശുദിനത്തോടനുബന്ധിച്ച് കുട്ടികൾക്കായി പ്രത്യേക അഡിനോയിഡ് ചികിത്സാ പാക്കേജുകളും ലഭ്യമാണ്. ക്യാമ്പിന് ഇഎൻടി സർജൻ ഡോ. ഡിവൈൻ ജൂഡ് എംബിബിഎസ്, എംഎസ് ഇഎൻടി മേൽനോട്ടം വഹിക്കും.
ഫോൺ: +91 8281 001 025.
Kottayam
കപ്പാട്: കാഞ്ഞിരപ്പള്ളി-ഈരാറ്റുപേട്ട റോഡില്‍ കപ്പാട് മൂന്നാംമൈലില്‍ ഗവൺമെന്‍റ് സ്കൂളിന് സമീപം ലോറി നിയന്ത്രണംവിട്ട് നിര്‍ത്തിയിട്ടിയിരുന്ന പിക്കപ്പ് വാനിലിടിച്ച ശേഷം മതില്‍ തകര്‍ത്ത് വീട്ടുമുറ്റത്തേക്ക് ഇടിച്ചുകയറി.
അപകടത്തില്‍ ആര്‍ക്കും പരിക്കില്ല.
ഇന്നലെ ഉച്ചകഴിഞ്ഞ് 3.15ഓടെയായിരുന്നു അപകടം. കാഞ്ഞിരപ്പള്ളിയില്‍നിന്ന് ഈരാറ്റുപേട്ട ഭാഗത്തേക്ക് പോകുകയായിരുന്നു ലോറി.
Idukki
കരിമണ്ണൂര്‍: ലയണ്‍സ് ക്ലബ് ഇന്‍റര്‍നാഷണല്‍ കരിമണ്ണൂര്‍ റോയലിന്‍റെ ഗ്രൂപ്പ് ഫാമിംഗ് പ്രോജക്ടിന്‍റെ ഭാഗമായി നടത്തിയ നെല്‍കൃഷി വിളവെടുപ്പ് നടത്തി.
മുളപ്പുറം തേങ്കോടം കവലയിലെ പാടശേഖരത്ത് നടത്തിയ കൊയ്ത്തുത്സവം ജില്ലാ റീജൺ ചെയര്‍മാന്‍ അനില്‍കുമാര്‍ ഉദ്ഘാടനം ചെയ്തു. പ്രസിഡന്റ് ജോയി ജോസഫ് അധ്യക്ഷത വഹിച്ചു.
പഞ്ചായത്തംഗം മനു ജോസ്, ക്ലബ് സെക്രട്ടറി സുബീര്‍, സിറിയക് ജോണ്‍, അലോഷ്യസ് അഗസ്റ്റിന്‍, ജോസ് വടക്കന്‍, കെ.ജെ. ജോസഫ് ,ജോണ്‍സണ്‍ മാത്യു , ബെറ്റ്‌സി ജോയി, മെറീന സിറിയക്, ഡോ. ജയകുമാര്‍ എന്നിവര്‍ പ്രസംഗിച്ചു.
Idukki
ഉപ്പുതറ: അയ്യപ്പൻകോവിൽ പഞ്ചായത്തിലെ 13-ാം വാർഡിലെ ആദിവാസി ഉന്നതിയായ കിണറ്റുകരയിൽ പുലിയെ കണ്ടെന്ന് നാട്ടുകാരുടെ പരാതി. പ്രദേശത്ത് നാട്ടുകാരുടെയും വനംവകുപ്പിന്‍റെയും നേതൃത്വത്തിൽ തെരച്ചിൽ നടത്തിയെങ്കിലും പുലിയെ കണ്ടെത്താൻ കഴിഞ്ഞില്ല. വിവരം കാഞ്ചിയാർ ഫോറസ്റ്റ് ഓഫിസിൽ അറിയിച്ചെങ്കിലും വാഹനസൗകര്യമില്ലാത്തതിനാൽ എത്താൻ കഴിയില്ലെന്ന മറുപടിയാണ് ആദ്യം ലഭിച്ചതെന്നു നാട്ടുകാർ ആരോപിച്ചു.
രണ്ടു വർഷം മുൻപ് ഇതേ സ്ഥലത്ത് പുലിയുടെ സാന്നിധ്യം സ്ഥിരീകരിച്ചിരുന്നുവെന്നാണ് നാട്ടുകാർ പറയുന്നത്. പുലിയെ കണ്ടുവെന്ന വാർത്ത പ്രചരിച്ചതോടെ പ്രദേശവാസികൾ ഭീതിയിലായി.
കുട്ടികളെ സ്കൂളിൽ വിടാനോ സന്ധ്യകഴിഞ്ഞാൽ പുറത്തിറങ്ങനോ ആളുകൾ മടിക്കുകയാണ്.
പുലിയുടെ സാന്നിധ്യമുണ്ടോ എന്ന് മനസിലാക്കാൻ പ്രദേശത്ത് കാമറ സ്ഥാപിക്കണമെന്ന് പ്രാദേശിക ജനപ്രതിനിധികളും നാട്ടുകാരും വനംവകുപ്പിനോട് ആവശ്യപ്പെട്ടു.
Idukki
ഉപ്പുതറ: എൽഡിഎഫിന് ഭരണം നഷ്ടമായ ഉപ്പുതറ പഞ്ചായത്തിൽ പുതിയ പ്രസിഡന്‍റിനെ 23ന് തെരഞ്ഞെടുക്കും. എൽഡിഎഫ്-എട്ട്, യുഡിഎഫ്-എട്ട്, ബിജെപിയും സ്വതന്ത്രയും ഓരോന്നു വീതം എന്നിങ്ങനെയാണ് നിലവിൽ പഞ്ചായത്തിലെ കക്ഷിനില. അതിനാൽ പഞ്ചായത്ത് ആരു ഭരിക്കുമെന്ന കാര്യത്തിൽ അനിശ്ചിതത്വം നിലനിൽക്കുകയാണ്.
10 മാസം പഞ്ചായത്ത് ഭരണം നടത്തിയ എൽഡിഎഫ് ഭരണസമിതിയെ യുഡിഎഫ് കൊണ്ടുവന്ന അവിശ്വാസത്തിലൂടെയാണ് പുറത്താക്കിയത്. അവിശ്വാസ പ്രമേയത്തിന് അനുകൂലമായി ബിജെപി അംഗം വോട്ട് രേഖപ്പെടുത്തിയതാണ് എൽഡിഎഫിന് തിരിച്ചടിയായത്. സ്വതന്ത്ര അംഗത്തിന്‍റെ പിന്തുണയോടെ എൽഡിഎഫ് നടത്തിയ ഭരണത്തിൽ തർക്കങ്ങൾ പതിവായിരുന്നു.
പഞ്ചായത്തിലെ ജീവനക്കാരിയുടെ താത്കാലിക നിയമന വിഷയത്തിൽ തർക്കം രൂക്ഷമായതോടെയാണ് യുഡിഎഫ് അവിശ്വാസം കൊണ്ടുവന്നത്. പാർട്ടി വിപ്പ് ലംഘിച്ച് യുഡിഎഫിന് അനുകൂലമായി വോട്ട് ചെയ്ത ഒന്നാം വാർഡ് അംഗത്തിനെതിരേ ബിജെപി നടപടി സ്വീകരിക്കുകയും ചെയ്തു.
23ന് രാവിലെ 11ന് ഉപ്പുതറ പഞ്ചായത്ത് ഹാളിലാണ് പ്രസിഡന്റ് തെരഞ്ഞെടുപ്പ്. ഉച്ചകഴിഞ്ഞ് രണ്ടിന് വൈസ് പ്രസിഡന്റ് തെരഞ്ഞെടുപ്പും നടക്കും.
Idukki
വണ്ടന്‍മേട്: ജീവിതത്തില്‍ വേദന അനുഭവിക്കുന്നവര്‍ക്ക് ആശ്വാസം നല്‍കാനുള്ള ദൗത്യമാണ് ക്രൈസ്തവരുടേതെന്ന് കാഞ്ഞിരപ്പള്ളി ബിഷപ് മാര്‍ ജോസ് പുളിക്കല്‍. കാഞ്ഞിരപ്പള്ളി രൂപത സുവര്‍ണ ജൂബിലിയോടനുബന്ധിച്ച് 60 കഴിഞ്ഞവരുടെ സ്‌നേഹസംഗമമായ അണക്കര ഫൊറോന സഖറിയാസ് കണ്‍വെന്‍ഷന്‍ വണ്ടന്‍മേട് സെന്റ് ആന്‍റണീസ് പള്ളിയില്‍ ഉദ്ഘാടനം ചെയ്യുകയായിരുന്നു അദ്ദേഹം. കാലത്തിന്‍റെ മാറ്റങ്ങള്‍ മനസിലാക്കി പ്രവര്‍ത്തിക്കാനും സ്വര്‍ഗലക്ഷ്യമാക്കി ജീവിക്കാനുള്ള സമയമാണ് ജീവിതത്തിന്‍റെ സായംകാലമെന്നും അദ്ദേഹം പറഞ്ഞു.
ജീവിത പാഠങ്ങള്‍ പുതുതലമുറയ്ക്ക് പകര്‍ന്നു നല്‍കുമ്പോള്‍ മാതാപിതാക്കള്‍ വഴികാട്ടികളായി മാറുകയാണ്. രൂപതയുടെ ജീവകാരുണ്യ, വിദ്യാഭ്യാസ, ആതുരശുശ്രൂഷാ മേഖലകളില്‍ മുതിര്‍ന്ന തലമുറ നല്‍കിയ സഹകരണം അഭിനന്ദനാര്‍ഹമാണെന്നും ബിഷപ് പറഞ്ഞു.
വികാരി ഫാ. തോമസ് പാലക്കല്‍ സ്വാഗതവും രൂപത ഫാമിലി അപ്പൊസ്തലേറ്റ് ഡയറക്ടര് ഫാ. മാത്യു ഓലിക്കല്‍ ആമുഖ സന്ദേശവും നല്കി.
തലശേരി ക്രിസ്റ്റീന്‍ മിഷന് ടീം നയിക്കുന്ന കണ്‍വെന്‍ഷന്‍ നാളെ സമാപിക്കും. ജോസിലിന്‍ തച്ചേടത്ത്, സ്വപ്ന റോയ്, സിസ്റ്റര്‍ എമി ടോം, ഫാ. തോമസ് പാലയ്ക്കല്‍, ഫാ. മാത്യു ഓലിക്കല്‍, മാര്‍ട്ടിന്‍ കിടങ്ങയില്‍, ജോയ്സ് തലശേരി, സാബു പതിനഞ്ചില്‍, ജോസ് ഇരട്ടമുണ്ടക്കല്‍ എന്നിവരാണ് നേതൃത്വം നല്കുന്നത്.
Idukki
നെടുങ്കണ്ടം: ജില്ലയിലെ ഏക സിന്തറ്റിക് ട്രാക്ക് സ്റ്റേഡിയമായ നെടുങ്കണ്ടത്ത് കൂടുതൽ സൗകര്യങ്ങൾ ഒരുക്കുമെന്ന് കായിക-യുവജനക്ഷേമ മന്ത്രി ഒ.ജെ. ജനീഷ്. സ്റ്റേഡിയം സന്ദർശിച്ചശേഷമാണ് മന്ത്രി ഇക്കാര്യം വ്യക്തമാക്കിയത്.
14 കോടി രൂപ ചെലവഴിച്ച് നിർമാണം പൂർത്തിയാക്കിയ സ്റ്റേഡിയത്തിൽ ഇനിയും അടിസ്ഥാന സൗകര്യങ്ങൾ മെച്ചപ്പെടുത്തേണ്ടതുണ്ടെന്ന് സേനാപതി വേണു എംഎൽഎയും പൊതുപ്രവർത്തകരും മന്ത്രിയുടെ ശ്രദ്ധയിൽപ്പെടുത്തി.
സ്റ്റേഡിയത്തിന് പവലിയൻ നിർമിക്കുക, വോളിബോൾ കോർട്ട് സജ്ജമാക്കുക, അടിസ്ഥാന സൗകര്യങ്ങൾ മെച്ചപ്പെടുത്തുക എന്നിവയാണ് പ്രധാന ആവശ്യമായി മന്ത്രിയുടെ മുന്നിൽ വച്ച നിർദേശങ്ങൾ.
ആവശ്യങ്ങൾ അനുഭാവപൂർവം പരിഗണിച്ച് തുടർനടപടികൾ സ്വീകരിക്കുമെന്ന് മന്ത്രി ഉറപ്പുനൽകി.
യൂത്ത് കോൺഗ്രസിന്‍റെ ജൻ ഇന്ത്യ മൂവ്മെന്‍റ് പദയാത്രയിൽ പങ്കെടുക്കാൻ നെടുങ്കണ്ടത്ത് എത്തിയ മന്ത്രിയെ സ്റ്റേഡിയം സന്ദർശിക്കാൻ എംഎൽഎയും നേതാക്കളും ക്ഷണിക്കുകയായിരുന്നു. ഇവരുടെ ക്ഷണം മന്ത്രി അനുഭാവപൂർവം സ്വീകരിക്കുകയും ചെയ്തു.
Idukki
തൊടുപുഴ: നഗരസഭയില്‍ സ്റ്റേഡിയത്തിന്‍റെ നിര്‍മാണം ഉടന്‍ ആരംഭിക്കണമെന്നാവശ്യപ്പെട്ട് തൊടുപുഴ മര്‍ച്ചന്‍റ്സ് അസോസിയേഷന്റെ നേതൃത്വത്തില്‍ മന്ത്രി ഒ.ജെ. ജനീഷിന് നിവേദനം നല്കി.
പ്രസിഡന്റ് പി.എ. സലിംകുട്ടി, വര്‍ക്കിംഗ് പ്രസിഡന്റ് പ്രശാന്ത് കുട്ടപ്പാസ്, ജനറല്‍ സെക്രട്ടറി ജിമ്മി കുര്യന്‍, ട്രഷറര്‍ അഭിലാഷ്, സാലി എസ്. മുഹമ്മദ്, എം.ബി. താജു, സജിത്ത് കുമാര്‍, ജോസ്‌ലെറ്റ്, സജി പോള്‍, ജോര്‍ജ്കുട്ടി ജോസ് എന്നിവരുടെ നേതൃത്വത്തിലാണ് നിവേദനം നല്‍കിയത്.
Idukki
മുതലക്കോടം: ജയ്ഹിന്ദ് ലൈബ്രറിയുടെ നേതൃത്വത്തില്‍ 29, 30, ഡിസംബര്‍ ഒന്ന്, രണ്ട് തീയതികളില്‍ തൊടുപുഴ ടൗണ്‍ ഹാളില്‍ സംഘടിപ്പിക്കുന്ന ഏഴാമത് സംസ്ഥാന നാടകോത്സവത്തിന്‍റെ ടിക്കറ്റ് വിതരണോദ്ഘാടനം നടത്തി. പി.ആര്. ബിനോയി അധ്യക്ഷത വഹിച്ചു.
നാടകനടന്‍ ഡി. മൂക്കന്‍, ഗ്രന്ഥശാല പ്രവര്‍ത്തകന്‍ എ.പി. കാസിമിന് ടിക്കറ്റ് നല്കി ഉദ്ഘാടനം ചെയ്തു.
മുന്‍കാല നാടകനടന്‍ തൊടുപുഴ ചാക്കപ്പന്‍, അഡ്വ. നീറണാല്‍ ബാലകൃഷ്ണന്‍, ടി.ബി. അജീഷ്‌കുമാര്‍, കെ.സി. സുരേന്ദ്രന്, പി.ആര്. വിശ്വന്‍, പി.വി. സജീവ് എന്നിവര്‍ പ്രസംഗിച്ചു.
Idukki
നെടുങ്കണ്ടം: കല്ലാർ ഡാമിലും പുഴയിലും ശുചിമുറി മാലിന്യം തള്ളിയ സംഭവത്തിൽ ആഴ്ച ഒന്ന് പിന്നിട്ടിട്ടും കുറ്റക്കാരെ കണ്ടെത്താനാകാതെ പൊലിസ്. നവംബർ രണ്ടിന് രാത്രിയാണ് ഡാമിലേക്കും പുഴയിലേക്കും വൻതോതിൽ ശുചിമുറി മാലിന്യം തള്ളിയത്. സംഭവത്തിൽ നെടുങ്കണ്ടം, പാമ്പാടുംപാറ പഞ്ചായത്തുകൾ മൂന്നിനു രേഖാമൂലം പരാതി നൽകിയെങ്കിലും അന്വേഷണം എങ്ങുമെത്തിയില്ല.
വൻതോതിൽ കക്കൂസ് മാലിന്യം തള്ളിയതിനാൽ കല്ലാർ ടൗണിലും പരിസരപ്രദേശങ്ങളിലും രൂക്ഷമായ ദുർഗന്ധമായിരുന്നു. തുടർന്ന് ഡാം സുരക്ഷാവിഭാഗം മാലിന്യം തള്ളിയ ഭാഗത്ത് മണ്ണിട്ട് മൂടി. ആരോഗ്യവകുപ്പ് പ്രദേശത്ത് ബ്ലീച്ചിംഗ് പൗഡർ വിതറി.
അതേസമയം സംഭവം നടന്ന് ദിവസങ്ങൾ കഴിഞ്ഞിട്ടും കുറ്റക്കാരെയോ വാഹനമോ കണ്ടെത്താൻ പൊലിസിന് കഴിയാത്തത് ഗുരുതര വീഴ്ചയാണെന്ന് ജനപ്രതിനിധികളും നാട്ടുകാരും കുറ്റപ്പെടുത്തി. സിസിടിവി കേന്ദ്രീകരിച്ച് അന്വേഷണം ഊർജിതമാക്കണമെന്നും ഇവർ ആവശ്യപ്പെട്ടു.
Thrissur
തൃശൂർ: സെന്റ് തോമസ് കോളജ്, ലൂർദ് കത്തീഡ്രൽ എന്നിവിടങ്ങളിൽ നടത്തിയ അതിരൂപത സീനിയർ സിഎൽസി മരിയോത്സവത്തിൽ അമ്മാടം യൂണിറ്റിന് ഓവറോൾ കിരീടം. ലൂർദ് കത്തീഡ്രൽ വികാരിയും മുൻ വികാരി ജനറാളുമായ ഫാ. ജോസ് വല്ലൂരാൻ ഉദ്ഘാടനം ചെയ്തു. അതിരൂപത സീനിയർ സിഎൽസി പ്രസിഡന്റ് ഡെന്നസ് പെല്ലിശേരി, സംസ്ഥാന പ്രമോട്ടർ ഫാ. ഫ്രെജോ വാഴപ്പിള്ളി, ജനറൽ കണ്‍വീനർ എ.ജെ. ജയ്സണ്, ട്രഷറർ പ്രിൻസ് മേനാച്ചേരി, ജോയിന്റ് കണ്‍വീനർ വത്സ യോഹന്നാൻ എന്നിവർ പ്രസംഗിച്ചു.
വിവിധ ഇടവകകളിൽ നിന്നായി 300 പേർ മത്സരിച്ചു. ആറു വേദികളിലായി രണ്ടു ദിവസം 13 ഇനങ്ങളിലായിരുന്നു മത്സരം. എക്സിക്യൂട്ടീവ് അംഗങ്ങളായ റിന്‍റ റോമി, ജോണ്‍സണ്‍ തച്ചാറ, വിനീഷ് കോളെങ്ങാടൻ, സീന ഷാജു, സി.ജെ. റോബർട്ട്‌, പി.സി. ജോസ്, സിൽജ സിന്‍റോ, സൈമണ്‍ കൊന്പൻ എന്നിവർ നേതൃത്വംനൽകി.
Thrissur
തൃശൂർ: ഭരണഘടനയാണ് കാവൽ, സമത്വമാണ് രാഷ്ട്രീയം, ലഹരിയാണ് ശത്രു എന്ന മുദ്രാവാക്യമുയർത്തി ജെൻ ഇന്ത്യ മൂവ്മെന്‍റിന്‍റെ ഭാഗമായി യൂത്ത് കോൺഗ്രസ് ജില്ലാ കമ്മിറ്റി സംഘടിപ്പിച്ച ജില്ലാതല പദയാത്ര വൻ ആവേശമായി. യൂത്ത് കോൺഗ്രസ് സംസ്ഥാന പ്രസിഡന്‍റും മന്ത്രിയുമായ അഡ്വ. ഒ.ജെ. ജനീഷ് പദയാത്ര നയിച്ചു.
ഇൻഡോർ സ്റ്റേഡിയത്തിനു സമീപത്തുനിന്ന് ആരംഭിച്ച പദയാത്ര സ്വരാജ് റൗണ്ട് ചുറ്റി പടിഞ്ഞാറേ കോട്ട ലീഡർ സ്ക്വയറിൽ സമാപിച്ചു. തുടർന്നു നടന്ന സമാപനസമ്മേളനം മന്ത്രി എ.പി. അനിൽകുമാർ ഉദ്ഘാടനം ചെയ്തു. അധികാരത്തിന്‍റെ അഹങ്കാരത്തിൽ മോദി സർക്കാർ രാജ്യത്ത് ജനാധിപത്യം ഇല്ലാതാക്കുകയാണെന്ന് അദ്ദേഹം കുറ്റപ്പെടുത്തി.
മതേതരത്വമടക്കം വെല്ലുവിളി നേരിടുന്ന ഇക്കാലത്ത് ജനം വലിയ ആശങ്കയോടെയാണ് കഴിയുന്നത്. ഭരണം പിടിക്കാനായി ഫെഡറൽ സംവിധാനങ്ങളെ അട്ടിമറിച്ച് രാജ്ഭവനുകളെ ബദൽ അധികാര കേന്ദ്രങ്ങളാക്കി മാറ്റുന്ന ബിജെപി നീക്കം കേരളത്തിൽ അനുവദിക്കില്ല. പിഎസ്‌സിയെ പ്രതിക്കൂട്ടിലാക്കാൻ ബിജെപിയും ഗവർണറും നോക്കേണ്ടെന്നും അദ്ദേഹം പറഞ്ഞു.
മന്ത്രി ഒ.ജെ. ജനീഷ് അധ്യക്ഷത വഹിച്ചു. കോൺഗ്രസിനെ അറബിക്കടലിൽ തള്ളുമെന്ന കേന്ദ്രമന്ത്രി സുരേഷ് ഗോപിയുടെ പരാമർശത്തിന് ശക്തമായ ഭാഷയിലാണ് ജനീഷ് മറുപടി നൽകിയത്.
തൃശൂർകാർക്ക് ഒരിക്കൽ പറ്റിയ തെറ്റ് ആവർത്തിക്കുന്ന ശീലം ഇല്ലെന്ന് എടുത്തുപറഞ്ഞ അദ്ദേഹം, രാജ്യത്ത് കോൺഗ്രസിനെ പലരും പലപ്പോഴും എഴുതിത്തള്ളിയിട്ടുണ്ടെങ്കിലും പാർട്ടി ഇല്ലാതാകുന്നൊരു കാലം ഉണ്ടാകില്ലെന്നും കൂട്ടിച്ചേർത്തു.
പദയാത്രയിൽ യൂത്ത് കോൺഗ്രസ് സംസ്ഥാന വർക്കിംഗ് പ്രസിഡന്റ് ബിനു ചുള്ളിയിൽ, സംസ്ഥാന വൈസ് പ്രസിഡന്റ് അനു താജ്, കെപിസിസി ജനറൽ സെക്രട്ടറിമാരായ ജോസ് വള്ളൂർ, എം.പി. വിൻസെന്റ്, അനിൽ അക്കര, കെ.വി. ദാസൻ, അഡ്വ.സി. പ്രമോദ്, മിഥുൻ മോഹൻ തുടങ്ങിയവർ പ്രസംഗിച്ചു.
ബാൻഡ് സെറ്റിന്‍റെയും പുലിക്കളിയുടെയും അകമ്പടിയോടെ നടന്ന പദയാത്രയിൽ ആയിരക്കണക്കിന് പ്രവർത്തകരാണ് അണിനിരന്നത്.
Thrissur
തൃശൂർ: ഗുരുകുല വിദ്യാഭ്യാസത്തിന്‍റെ മാതൃകയും ആധുനിക പാരമ്പര്യവും സമന്വയിപ്പിക്കുന്ന ഒരു കലാവിദ്യാഭ്യാസ സ്ഥാപനമെന്ന നിലയിലാണ് മഹാകവി കലാമണ്ഡലം വിഭാവനം ചെയ്തതെന്ന് മന്ത്രി പി.സി. വിഷ്ണുനാഥ് പറഞ്ഞു.
കലാമണ്ഡലത്തിന്‍റെ തുടർപ്രവർത്തനങ്ങൾക്ക് സർക്കാരിന്‍റെ എല്ലാവിധ പിന്തുണയും ഉണ്ടാകും. ടൂറിസം വകുപ്പുമായി സഹകരിച്ച് നടപ്പിലാക്കിവരുന്ന ഡേ വിത്ത് ദ മാസ്റ്റേഴ്സ് പോലുള്ള പദ്ധതികൾക്ക് പ്രത്യേക പരിഗണന നൽകും. പഠന ഗവേഷണ പ്രവർത്തനങ്ങൾ കൂടുതൽ മികവുറ്റതാക്കണമെന്നും, അതുവഴി അക്കാദമിക രംഗത്ത് അന്താരാഷ്ട്രതലത്തിൽത്തന്നെ ശ്രദ്ധനേടുവാൻ സാധിക്കുമെന്നും കലാമണ്ഡലം കല്പിത സർവകലാശാലയുടെ 96-ാം വാർഷികാഘോഷത്തോടനുബന്ധിച്ച് ചെറുതുരുത്തി കൂത്തമ്പലത്തിൽ നടന്ന സമാപന സമ്മേളനം ഉദ്ഘാടനം ചെയ്തുകൊണ്ട് മന്ത്രി പറഞ്ഞു.
കലാമണ്ഡലം വൈസ് ചാൻസലർ പ്രഫ. ബി. അനന്തകൃഷ്ണൻ അധ്യക്ഷത വഹിച്ചു. കെ. രാധാകൃഷ്ണൻ എംപി വിശിഷ്ടാതിഥിയായി. റിട്ടയേഡ് ജസ്റ്റിസ് കെ. സുകുമാരൻ മുഖ്യപ്രഭാഷണം നടത്തി. മെറ്റയുടെ അവാർഡിന് അർഹരായ മാരിയോ ബർസാഗി, കെ.ആർ. അഭിജിത് എന്നിവരെ അനുമോദിച്ചു. സമാപന സമ്മേളനത്തിനുശേഷം പദ്മശ്രീ നർത്തകി നടരാജനും സംഘവും അവതരിപ്പിച്ച ഭരതനാട്യവും അമൃത വെങ്കടേഷിന്റെ സംഗീതക്കച്ചേരിയും ഉത്തരാസ്വയംവരം കഥകളിയും അരങ്ങേറി. വള്ളത്തോൾ സമാധിയിൽ പുഷ്പാർച്ചന, ഡോ. മ്യൂസ് മേരി ജോർജ് നയിച്ച വള്ളത്തോൾ സത്യപ്രഭാഷണം, കവിസമ്മേളനം, പഞ്ചവാദ്യം എന്നിവയും ഉണ്ടായിരുന്നു.
Thrissur
ഇരിങ്ങാലക്കുട: ചെട്ടിപ്പറമ്പ് ഗവ. ഗേള്‍സ് സ്കൂളിനു മുന്നില്‍ റോഡിലേക്ക് ഇറങ്ങിനില്‍ക്കുന്ന കിണര്‍ വന്‍ അപകടഭീഷണി ഉയര്‍ത്തുന്നു. റോഡ് വികസനത്തിന്റെ ഭാഗമായി സ്‌കൂളിന്‍റെ ചുറ്റുമതില്‍ നിര്‍മാണം പൂര്‍ത്തിയായതോടെയാണ് കിണര്‍ പൂര്‍ണമായും റോഡിന്‍റെ ഭാഗത്തേക്കു മാറിയത്. ഇതോടെ റോഡില്‍ കാല്‍നടയാത്ര ക്കാര്‍ക്ക് സുരക്ഷിതമായി സഞ്ചരിക്കാന്‍ നടപ്പാതപോലും ഇല്ലാത്ത അവസ്ഥയാണ്.
കിണറിന്‍റെ പകുതി ഭാഗം കോ ണ്‍ക്രീറ്റ് ഉപയോഗിച്ച് നികത്തിയിട്ടുണ്ടെങ്കിലും ശേഷിക്കുന്ന ഭാഗം തുറന്നു കിടക്കുകയാണ്. ഇത് അപകടഭീഷണിയായി തുടരുകയാണ്. ദിവസേന ആയിരക്കണക്കിന് വിദ്യാര്‍ഥികളും നിരവധി വാഹനങ്ങളും കടന്നുപോകുന്ന പ്രധാന റോഡാണിത്. സ്‌കൂള്‍ വിദ്യാര്‍ഥികള്‍ ഉള്‍പ്പടെയുള്ള കാല്‍നടയാത്രക്കാര്‍ക്ക് കിണറിനോടു ചേര്‍ന്നുള്ള ഇടുങ്ങിയ ഭാഗത്തുകൂടി ഏറെ ഭയത്തോടെയാണ് സഞ്ചരിക്കേണ്ടിവരുന്നത്.
കഴിഞ്ഞ ദിവസം ഒരു വാഹനം കിണറിന്‍റെ ചുമരില്‍ ഇടിച്ചതോടെ അപകടസാധ്യത കൂടുതല്‍ രൂക്ഷമായി. ഇടിയുടെ ആഘാതത്തില്‍ ബലക്ഷയം സംഭവിച്ച കിണറിന്‍റെ ചുമര്‍ ഏതു സമയവും ഇടിഞ്ഞുവീഴാവുന്ന നിലയിലാണെന്നാണ് ആശങ്ക. കിണറിന്‍റെ ചുമര്‍ തകരുകയോ സമീപത്തുകൂടി പോകുന്ന വാഹനം നിയന്ത്രണംവിട്ട് കിണറിലേക്ക് പതിക്കുകയോ ചെയ്താല്‍ വന്‍ ദുരന്തത്തിന് ഇടയാക്കും. നിലവില്‍ അപകടസാധ്യത മുന്നില്‍ക്കണ്ട് കിണറിനു സമീപം ടാര്‍വീപ്പ സ്ഥാപിച്ച് റിബണ്‍ കെട്ടി താത്കാലിക മുന്നറിയിപ്പു നല്‍കിയിരിക്കുകയാണ്. എന്നാല്‍ ഇതുകൊണ്ടുമാത്രം അപകടം ഒഴിവാക്കാനാകില്ലെന്നാണ് നാട്ടുകാരുടെ ആശങ്ക.
പ്രത്യേകിച്ച് സ്‌കൂള്‍ സമയങ്ങളില്‍ വിദ്യാര്‍ഥികളുടെ വലിയ തിരക്കാണ് ഈ ഭാഗത്തുണ്ടാകുന്നത്. അപകടം സംഭവിച്ചശേഷം നടപടിയെടുക്കുന്നതിനു പകരം കിണറിന്‍റെ സുരക്ഷ ഉറപ്പാക്കാനും റോഡിലൂടെ കാല്‍നടയാത്രക്കാര്‍ക്ക് സുരക്ഷിത മായി സഞ്ചരിക്കാന്‍ സൗകര്യമൊരുക്കാനും ബന്ധപ്പെട്ട അധികൃതര്‍ അടിയന്തരമായി ഇടപെടണമെന്നാണു നാട്ടുകാരുടെ ആവശ്യം.
Palakkad
കൊല്ലങ്കോട്: ടൗൺ ഒന്നു കടന്നുകിട്ടാൻ പെടാപ്പാട്. കുരുവിക്കൂട്ടുമരം ജംഗ്ഷൻ മുതൽ പയിലൂർ മൊക്കുവരെ റോഡ് തകർന്നതിനാൽ ഗതാഗതക്കുരുക്കും രൂക്ഷമാണ്. റോഡിനിരുവശത്തെ അഴുക്കുചാലുകളുകൾ തകർന്നതും റോഡിലെ വലിയ കുഴികളുമെല്ലാം യാത്രയ്ക്ക് ഭീഷണിയായിട്ടുണ്ട്.
തൃശൂർ- പൊള്ളാച്ചി അന്തർസംസ്ഥാന പാതയെന്നതിനാൽ വിനോദയാത്ര, തീർഥാടന സഞ്ചാരികൾ, ചരക്കുകടത്ത് വാഹനങ്ങൾ അടക്കമുള്ളവ നിരന്തരം കടന്നുപോകുന്ന പാതയാണിത്. ടൗണിലെ കടകളിലേക്കെത്തി തിരിച്ചുപോവുന്നതുപോലും ശ്രമകരമാണെന്ന് ഉപഭോക്താക്കളും പറയുന്നു. റോഡിന്‍റെ വീതികൂട്ടി സഞ്ചാരയോഗ്യമായ രീതിയിൽ നവീകരണം നടത്തണമെന്ന യാത്രക്കാരുടെ നിരന്തര ആവശ്യം പൊതുമരാമത്ത് അധികൃതർ പരിഗണിക്കുന്ന മട്ടില്ല. പ്രതിഷേധം ശക്തമാവുമ്പോൾ ഇടയ്ക്കിടെ മെറ്റൽ നിരത്തി താത്കാലിക പരിഹാരത്തിനു ശ്രമിക്കാറുണ്ടെങ്കിലും ഇതിനു ഒരുമാസത്തെ ആയുസുപോലുമുണ്ടാവാറില്ല.
ടൗണിലൂടെയല്ലാതെ പയിലൂർ മൊക്കിലേക്ക് ബൈപാസ് റോഡ് വേണമെന്ന ആവശ്യവും ഏങ്ങുമെത്തിയില്ല. വരുന്നത് ഉത്സവനാളുകളാണ്. ജനത്തിരക്കിനെയും ഉത്സവചടങ്ങുകളെയും പ്രശ്നരഹിതമായി ഉൾക്കൊള്ളാനുള്ള ശേഷിയൊന്നും നിലവിൽ കൊല്ലങ്കോട് ടൗണിനില്ല. തിരക്കേറിയാൽ ഗതാഗതസ്തംഭനം ഉറപ്പാണ്.
Thiruvananthapuram
പാറശാല: പാറശാല പഞ്ചായത്തിന്‍റെയും യുവജനക്ഷേമ ബോര്‍ഡിന്‍റെയും സംയുക്താഭിമുഖ്യത്തില്‍ നടന്നുവന്ന കേരളോത്സവത്തിനു സമാപനമായി. പഞ്ചായത്ത് കല്യാണ മണ്ഡപത്തില്‍ നടന്ന സമാപന സമ്മേളനവും പുരസ്കാര വിതരണവും ബ്ലോക്ക് പഞ്ചായത്ത് പ്രസിഡന്റ് എസ്. ഉഷകുമാരി ഉദ്ഘാടനം ചെയ്തു.
പഞ്ചായത്ത് പ്രസിഡന്റ് പവതിയാന്‍വിള സുരേന്ദ്രന് അധ്യക്ഷതവഹിച്ചു. ജില്ലാ പഞ്ചായത്ത് അംഗം അഡ്വ. എസ്.കെ. ബെന്‍ഡാര്‍വിന്‍, പഞ്ചായത്ത് വൈസ് പ്രസിഡന്റ് എസ്. താര, ബ്ലോക്ക് പഞ്ചായത്ത് അംഗം വിനിത കുമാരി, പഞ്ചായത്ത് സ്ഥിരംസമിതി അധ്യക്ഷന്മാരായ എം. സുനില്‍, വി. സുനില്‍കുമാര്‍, പഞ്ചായത്ത് അംഗങ്ങളായഎം. ഗോപകുമാര്‍, എസ്. ഷീജ, വി.ജെ. ശ്രീനി, പ്രിയ ജാസ്മിന്‍, ഡി.ടി. ഷീജ, അമ്പിളി, ജെ. രാജി, ടി. കുമാര്‍, വിജിമോള്‍, ശാലിനി, കെ. രാജി, പഞ്ചായത്ത് അസിസ്റ്റന്‍റ് സെക്രട്ടറി ജയപ്രകാശ് തുടങ്ങിയവർ പ്രസംഗിച്ചു.
Thiruvananthapuram
പാലോട്: പേരക്കുഴി ഗവൺമെന്‍റ് എൽപി സ്കൂളിനോടു ചേർന്നുള്ള സംസ്ഥാന സ്കൗട്ട്സ് പരിശീലന കേന്ദ്രത്തിന്‍റെ ഉടമസ്ഥതയിലുള്ള ചുറ്റുമതിൽ ഭാഗികമായി സ്കൂൾ ഗ്രൗണ്ടിലേക്ക് തകർന്നുവീണു. ബാക്കിവരുന്ന ഭാഗം ഏതുനിമിഷവും നിലംപതിക്കാവുന്ന നിലയിലാണ്. മതിലിന്‍റെ അപകടാവസ്ഥ സംബന്ധിച്ച് പലതവണ സ്കൗട്ട് സെന്‍റർ അധികൃതർക്ക് സ്കൂൾ ഭാരവാഹികൾ പരാതി നൽകിയിരുന്നു. ഇതിനുപുറമേ അപകടകരമായ നിൽക്കുന്ന സ്കൗട്ട് സെന്‍ററിനുള്ളിലെ മരങ്ങളെ സംബന്ധിച്ചും പരാതി ഉയർന്നിരുന്നു. അപകടനില മുന്നിൽക്കണ്ട് ഈ പ്രദേശത്തേക്കു കുട്ടികൾ പോകാതിരിക്കാൻ അധ്യാപകർ ശ്രദ്ധിച്ചിരുന്നത് കൊണ്ട് അപകടം ഉണ്ടായില്ല. സംഭവം അറിഞ്ഞിട്ടും ഇന്നലെ സ്കൂൾ സമയംവരെ സ്കൗട്ട് സെന്‍റർ അധികാരികൾ തിരിഞ്ഞുനോക്കിയില്ലെന്നും ആക്ഷേപമുണ്ട്. ഇതു സംബന്ധിച്ച് പഞ്ചായത്തിൽ പരാതി നൽകിയതായി സ്കൂൾ അധികൃതർ അറിയിച്ചു.
Thiruvananthapuram
നേമം: കുട്ടികളുടെ സർഗശേഷിയും നൈപുണ്യവികസനവും ലക്ഷ്യമാക്കി നേമം ഗവ. യുപി സ്കൂളിൽ സ്ഥാപിച്ച ക്രിയേറ്റീവ് കോർണറിന്‍റെ ഉദ്ഘാടനം എം.വിൻസന്‍റ് എംഎൽഎ നിർവഹിച്ചു. ക്രിയേറ്റീവ് കോർണറിലെ നിർമാണ പ്രവർത്തനങ്ങളുടെ ഭാഗമായി കുട്ടികൾ നിർമിച്ച കേക്കുമുറിച്ച് കുട്ടികൾക്ക് സമ്മാനിച്ചാണ് ഉദ്ഘാടനം നിർവഹിച്ചത്. കല്ലിയൂർ പഞ്ചായത്ത് വൈസ് പ്രസിഡന്റ് കാക്കാമൂല ബിജു അധ്യക്ഷനായി.
സമഗ്ര ശിക്ഷാ കേരളയും കൊച്ചിൻ ശാസ്ത്ര സാങ്കേതിക സർവകലാശാലയും സംയുക്തമായാണ് നേമം ഗവൺമെന്‍റ് യുപി സ്കൂളിൽ ക്രിയേറ്റീവ് കോർണർ സ്ഥാപിച്ചത്.
കല്ലിയൂർ പഞ്ചായത്ത് വിദ്യാഭ്യാസ സ്ഥിരം സമിതി അധ്യക്ഷ എസ്. ബീന, നേമം ബ്ലോക്ക് പഞ്ചായത്ത് അംഗം എം. ജയലക്ഷ്മി, പഞ്ചായത്ത് അംഗങ്ങളായ വി.എസ്. വിജി, എസ്.പി. അനൂജ്, സമഗ്ര ശിക്ഷ കേരള ജില്ലാ പ്രോജക്ട് കോ-ഓർഡിനേറ്റർ പനവൂർ നിസാമുദീൻ, ജില്ലാ പ്രോഗ്രാം ഓഫിസർ കെ.എം. ഷാഹിന, ബ്ലോക്ക് പ്രോഗ്രാം ഓഫിസർ കോൺക്ലിൻ ജിമ്മി ജോൺ, സീനിയർ അധ്യാപിക എ.സി. അശ്വതി, ക്രിയേറ്റീവ് കോർണർ കോ-ഓർഡിനേറ്റർ പി.എസ്. ദിവ്യ എന്നിവർ പ്രസംഗിച്ചു. ഹെഡ്മാസ്റ്റർ എ.എസ്. മൻസൂർ സ്വാഗതവും പി.വി. ബിജു നന്ദിയും പറഞ്ഞു.
Thiruvananthapuram
പേരൂർക്കട: സർവീസ് സഹകരണ ബാങ്കിന്‍റെ ശതാബ്ദി സമാപന ആഘോഷങ്ങളുടെ ഭാഗമായി ചിത്രരചന, ഉപന്യാസം, ക്വിസ്മത്സരങ്ങൾ സംഘടിപ്പിച്ചു. ചിത്രകലാകാരൻ കാരയ്ക്കാമണ്ഡപം വിജയകുമാർ ഉദ്ഘാടനം ചെയ്തു. ഭരണസമിതി അംഗങ്ങളായ അഡ്വ. ശാന്തകുമാർ, ചാന്നാൻ മോഹനൻ, പി.എസ്. അനിൽകുമാർ, അഡ്വ.അമൽ, വി.എസ്. വിജിലാൽ, പി.കെ. പ്രകാശ് എന്നിവർ പങ്കെടുത്തു. ബാങ്ക് സെക്രട്ടറി ബി. യമുന നന്ദി പ്രകാശിപ്പിച്ചു. 21നു നടക്കുന്ന പൊതുസമ്മേളനത്തിൽ പുരസ്കാരം സമ്മാനിക്കും.
Thiruvananthapuram
നെയ്യാറ്റിൻകര: നെയ്യാറ്റിൻകര നഗരസഭ നടപ്പിലാക്കുന്ന "സ്കൂളുകളിൽ പ്രഭാത ഭക്ഷണം'പദ്ധതിയുടെ ഉദ്ഘാടനം പെരുമ്പഴുതൂര്‍ ഗവ. ഹൈസ്കൂളില് നഗരസഭ ചെയർപേഴ്സൺ ഡബ്ല്യൂ.ആര്. ഹീബ നിർവഹിച്ചു. വൈസ് ചെയര്‍മാന്‍ കെ.കെ. ഷിബു, സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍മാരായ എം. അലി ഫാത്തിമ, എസ്. വസുമതി, കൗണ്‍സിലര്‍മാരായ മുരുകന്‍, സുപ്രിയാ മഹേഷ് എന്നിവര്‍ പങ്കെടുത്തു.
Thiruvananthapuram
ശ്രീകാര്യം: അഭിരാം കൊല്ലപ്പെട്ട സംഭവത്തിൽ പ്രതിയായ ഉമർ മുഫ്താറിന്‍റെ വാദങ്ങൾ അന്വേഷണ സംഘം പൂർണമായും തള്ളി.
കൊലപാതകത്തിൽ ഉമറിനു നേരിട്ട് പങ്കുണ്ടെന്നും സംഭവസ്ഥലത്ത് അയാൾ ഉണ്ടായിരുന്നതിനുള്ള തെളിവുകൾ അന്വേഷണ സംഘത്തിന് ലഭിച്ചിട്ടുണ്ടെന്നും പൊലിസ് ഉറപ്പിച്ചു പറയുന്നു.
കൊലപാതക സമയത്ത് താൻ വീട്ടിലുണ്ടെന്നു വരുത്തിതീർക്കാൻ ഉമർ സിസിടിവി കാമറകൾക്കു മുന്നിലൂടെ നടന്നു. ഫോൺ വീട്ടിൽവച്ച ശേഷം കൊലപാതക സ്ഥലത്തേക്ക് പോയി. ഒന്നാം പ്രതിയായ 17 വയസുകാരനെ കുറ്റപ്പെടുത്തി കാമുകിക്ക് തുടർച്ചയായി മെസേജുകൾ അയച്ചു. മോഷണത്തിൽ പ്രാവിണ്യമുള്ള ഉമർ അഭിരാമിന്റെ ഫോൺ തന്ത്രപരമായി ഒളിപ്പിച്ചുവെ ന്നും പൊലിസ് കണ്ടെത്തി.
അഭിരാമിന്റെ മൊബൈൽ ഫോൺ, ഷൂസ്, അഭിരാമിനെ കൊലപ്പെടുത്താൻ ഉപയോഗിച്ച ബെൽറ്റ് എന്നിവ എവിടെയാണെന്ന കാര്യത്തിലും ഇതുവരെ വ്യക്തത വന്നിട്ടില്ല. മൊബൈൽ ഫോണിന്‍റെ അവസാന ടവർ ലൊക്കേഷൻ മൺവിളയായതിനാൽ ആ ഭാഗങ്ങളിൽ വീണ്ടും വിശദമായ പരിശോധന നടത്താൻ അന്വേഷണ സംഘം തീരുമാനിച്ചിട്ടുണ്ട്.
കേസിൽ ഒന്നാം പ്രതിയായ 17 വയസുകാരനെ മൂന്നു ദിവസത്തെ കസ്റ്റഡിയിൽ വാങ്ങി ചോദ്യം ചെയ്യുന്നതോടെ നിർണായക വിവരങ്ങൾ പുറത്തുവരുമെന്നാണു പൊലിസിന്‍റെ പ്രതീക്ഷ. ചോദ്യം ചെയ്യലിനോട് ഉമർ സഹകരിക്കുന്നില്ലെങ്കിലും പ്രതിയുടെ മൊഴികൾ കേസിൽ നിർണായകമാകും
Thiruvananthapuram
തിരുവനന്തപുരം: പ്രശസ്ത തീര്‍ഥാടന കേന്ദ്രമായ വെട്ടുകാട് മാദ്രെ ദെ ദേവൂസ് പള്ളിയിലെ തിരുനാളിന് 13ന് കൊടിയേറും. വൈകുന്നേരം 4.30ന് ആരംഭിക്കുന്ന പൊന്തിഫിക്കല്‍ ദിവ്യബലിക്ക് തിരുവനന്തപുരം ലത്തീന്‍ അതിരൂപത സഹായമെത്രാന്‍ ഡോ. ആര്. ക്രിസ്തുദാസ് മുഖ്യകാര്‍മികത്വം വഹിക്കും. തുടര്‍ന്ന് ഇടവക വികാരി ഫാ.ഷാജു വില്യം തിരുനാള്‍ കൊടിയേറ്റും. തുടര്‍ന്ന് ക്രിസ്തുരാജ പാദപൂജ.
14ന് രാവിലെ 5.30ന് ദിവ്യകാരുണ്യ ആരാധനയും ആറിന് ദിവ്യബലിയും.
രാവിലെ 11ന് ദിവ്യബലി. ഉച്ചകഴിഞ്ഞ് നാലിന് ഇറ്റാലിയനിലുള്ള ദിവ്യബലിക്ക് ഇടവക വികാരി ഫാ.ഷാജു വില്യം മുഖ്യകാര്‍മികനായിരിക്കും. ഫാ.ജോണ്‍സണ്‍ അലക്‌സാണ്ടര്‍ വചനപ്രഘോഷണം നടത്തും. വൈകുന്നേരം 5.30ന് ആരംഭിക്കുന്ന പൊന്തിഫിക്കല്‍ ദിവ്യബലിക്ക് ബിഷപ് എമിരറ്റസ് ഡോ. വിന്‍സന്‍റ് സാമുവല്‍ മുഖ്യകാര്‍മികനായിരിക്കും. രാത്രി എട്ടിന് ദിവ്യബലി. തുടര്‍ന്ന് ഫാ. റോസ് ബാബു വനചപ്രഘോഷണം നടത്തും.
15നു രാവിലെ 5.30ന് ദിവ്യകാരുണ്യ ആരാധന. ആറിനു ദിവ്യബലി. മുഖ്യകാര്‍മികന്‍ ഫാ. സജിത്ത് സോളമന്‍. രാവിലെ ഏഴിന് മതബോധന സമിതി സംഘടിപ്പിക്കുന്ന വിശ്വാസ പ്രഖ്യാപന റാലി. രാവിലെ 8.15നും 11നും സീറോ മലബാര്‍ റീത്തിലും ദിവ്യബലി. ഉച്ചകഴിഞ്ഞു മൂന്നിന് ആംഗ്യഭാഷയില്‍ ദിവ്യബലിയുണ്ടാകും. വൈകുന്നേരം അഞ്ചിനും 6.45ന് ഇംഗ്ലീഷിലും എട്ടിന് ഹിന്ദിയിലും ദിവ്യബലി ഉണ്ടായിരിക്കും.
16ന് രാവിലെ 5.30ന് ദിവ്യകാരുണ്യ ആരാധന. രാവിലെ ആറിനും 11നും രാത്രി എട്ടിനും ദിവ്യബലിയുണ്ടാകും. വൈകുന്നേരം 5.30ന് ആരംഭിക്കുന്ന പൊന്തിഫിക്കല്‍ ദിവ്യബലിക്ക് വിജയപുരം രൂപത സഹായമെത്രാന്‍ ഡോ. ജസ്റ്റിന്‍ അലക്‌സാണ്ടര്‍ മുഖ്യകാര്‍മികനാകും.
17, 18, 19 തീയതികളില്‍ രാവിലെ ആറിനും 11നും വൈകുന്നേരം 5.30നും രാത്രി എട്ടിനും ദിവ്യബലിയുണ്ടാകും. 19ന് വൈകുന്നേരം 5.30ന് ആരംഭിക്കുന്ന പൊന്തിഫിക്കല്‍ ദിവ്യബലിക്ക് പുനലൂര്‍ രൂപത ബിഷപ് ഡോ.സില്‍വസ്റ്റര്‍ പൊന്നുമുത്തന്‍ മുഖ്യകാര്‍മികനായിരിക്കും.
20നു രാവിലെ 5.30ന് ദിവ്യകാരുണ്യ ആരാധനയും തുടര്‍ന്ന് ആറിന് ദിവ്യബലിയും നടക്കും. രാവിലെ 9.30ന് തമിഴില്‍ ദിവ്യബലി. രാവിലെ 11നും ഉച്ചകഴിഞ്ഞ് 2.30നും സമൂഹ ദിവ്യബലിയുണ്ടാകും. ഉച്ചകഴിഞ്ഞു നാലിനും 5.30നും രാത്രി എട്ടിനു മലങ്കര റീത്തിലും ദിവ്യബലിയുണ്ടായിരിക്കും.
21ന് രാവിലെ ആറിനും എട്ടിനും 11നും ഉച്ചകഴിഞ്ഞ് മൂന്നിനും ദിവ്യബലി. വൈകുന്നേരം 5.30ന് സന്ധ്യാവന്ദന പ്രാര്‍ഥന. മുഖ്യകാര്‍മികന്‍ മോണ്‍.വിന്‍സന്‍റ് കെ.പീറ്റര്‍. വചനപ്രഘോഷണം ഫാ. ലോറന്‍സ് കുലാസ്. തുടര്‍ന്ന് ക്രിസ്തുരാജ തിരുസ്വരൂപം വഹിച്ചുകൊണ്ടുള്ള ഭക്തിനിര്‍ഭരമായ പ്രദക്ഷിണം.
22നു രാവിലെ അഞ്ചിനും 6.30നു തമിഴിലും 7.30നും ഒന്‍പതിനും 11ന് ഇംഗ്ലീഷിലും ദിവ്യബലിയുണ്ടാകും. ഉച്ചകഴിഞ്ഞ് 12.30നും രണ്ടിനും ദിവ്യബലിയുണ്ടാകും. വൈകുന്നേരം അഞ്ചിന് ജലമാല, ലിറ്റിനി, തുടര്‍ന്ന് തിരുനാള്‍ പൊന്തിഫിക്കല്‍ ദിവ്യബലി. മുഖ്യകാര്‍മികന്‍ തിരുവനന്തപുരം ലത്തീന്‍ അതിരൂപത ആര്‍ച്ച് ബിഷപ് ഡോ. തോമസ് ജെ. നെറ്റോ. തുടര്‍ന്ന് ദിവ്യകാരുണ്യ പ്രദക്ഷിണം.
27നു രാവിലെ 6.15നും ഒന്പതിനു തമിഴിലും 11നും ദിവ്യബലി. തുടര്‍ന്ന് ക്രിസ്തുരാജ പാദ പൂജ. ഉച്ചകഴിഞ്ഞ് 3.30 നും അഞ്ചിനും ദിവ്യബലി. തുടര്‍ന്ന് ഇടവക വികാരി ഫാ. ഷാജു വില്യം തിരുനാള്‍ കൊടിയിറക്ക
കുമ്പസാരത്തിന് സൗകര്യ
തിരുവനന്തപുരം: പ്രശസ്ത തീര്‍ഥാടന കേന്ദ്രമായ വെട്ടുകാട് മാദ്രെ ദെ ദേവൂസ് ദേവാലയത്തിലെ തിരുനാളിനോടനുബന്ധിച്ച് ഈ മാസം 13 മുതല്‍ 21 വരെ കുമ്പസാരത്തിനുള്ള സൗകര്യമുണ്ടാകും. രാവിലെ 10 മുതല്‍ 12.30 വരെയും വൈകുന്നേരം അഞ്ചു മുതല്‍ 7.30 വരെയുമാണ് സൗകര്യം ഒരുക്കിയിരിക്കുന്നത്.
കുഞ്ഞുങ്ങളുടെ ആദ്യ ചോറൂട്ടിനുള്ളവര്‍ ഈ മാസം 22നു രാവിലെ 11ന് സെന്റ് മേരീസ് ഹയര് സെക്കന്‍ഡറി സ്‌കൂളില്‍ എത്തണം. അന്നേദിവസം രാവിലെ 11.30 മുതല്‍ തീര്‍ഥാടകര്‍ക്കായി സ്നേഹവിരുന്നും ഒരുക്കുന്നുണ്ട്.
തിരുനാളിനോടനുബന്ധിച്ച് കെസിവൈഎം ഇന്‍ഫര്‍മേഷന്‍ സെന്റര് ഒരുക്കുന്നുണ്ട്. വിവരങ്ങള്‍ക്കായി തീര്‍ഥാടകര്‍ക്ക് 977 8123483 എന്ന ഫോണ്‍ നമ്പരില്‍ ബന്ധപ്പെടാ
വെട്ടുകാട് മാദ്ര ദെ ദേവൂസ് ദേവാലയം
തിരുവനന്തപുരം: റോമിലെ പുരാതന ക്രൈസ്തവ ദേവാലയങ്ങളുടെ വാസ്തുശൈലിയും ചരിത്രപ്രൗഢിയും ഓര്‍മിപ്പിക്കുന്നതാണ് വെട്ടുകാട് മാദ്ര ദെ ദേവൂസ് ദേവാലയം. നൂറ്റാണ്ടുകളുടെ വിശ്വാസപാരമ്പര്യവും ആത്മീയചരിത്രവും നെഞ്ചിലേറ്റി നിലകൊള്ളുന്ന ഈ ദേവാലയത്തിന് ഏകദേശം അഞ്ച് നൂറ്റാണ്ടുകളുടെ പഴക്കമുണ്ടെന്നാണ് കരുതപ്പെടുന്നത്. ഇറ്റാലിയന്‍ ഭാഷയിലെ "മാദ്രെ' (അമ്മ) എന്ന വാക്കും പോര്‍ച്ചുഗീസ് ഭാഷയിലെ "ദെ ദേവൂസ്' (ദൈവത്തിന്‍റെ) എന്ന വാക്കും ചേര്‍ന്നാണ് "മാദ്രെ ദെ ദേവൂസ്' എന്ന നാമം രൂപപ്പെട്ടത്. "ദൈവമാതാവ്' എന്നര്‍ത്ഥം. കടലിന്‍റെ തിരമാലകളെ സാക്ഷിയാക്കി തീരത്തോടു ചേര്‍ന്നു തലയുയര്‍ത്തി നില്‍ക്കുന്ന ഈ തീര്‍ഥാടനകേന്ദ്രം വിശ്വാസത്തിന്‍റെയും പ്രാര്‍തനയുടെയും പ്രത്യാശയുടെയും പ്രതീകമായി തലമുറകളുടെ ആത്മീയജീവിതത്തില്‍ ഇന്നും നിറസാന്നിധ്യമായി തുടരുന്നു.
Thiruvananthapuram
വെഞ്ഞാറമൂട്: നിയന്ത്രണംവിട്ട കാർ മതിലിൽ ഇടിച്ചശേഷം കുഴിയിലേക്ക് വീണു. യാത്രക്കാർ പരിക്കേൽക്കാതെ രക്ഷപ്പെട്ടു. തിങ്കളാഴ്ച വൈകുന്നേരം 6.30ന് മുക്കുന്നൂർ വെഞ്ഞാറമൂട് റിംഗ് റോഡിൽ തണ്ട്രാംപൊയ്കയിലായിരുന്നു അപകടം.
ഇറക്കത്തിൽ നിയന്ത്രണം വിട്ട കാർ മതിലിൽ ഇടിച്ചശേഷം കുഴിയിലേക്കു മറിയുകയായിരുന്നു. കാറിൻന്‍റെ മുൻവശത്തിനു ഭാഗികമായി കേടുപറ്റിയെങ്കിലും അതിലുണ്ടായിരുന്ന രണ്ടുപേർ പരിക്കൊന്നും കൂടാതെ രക്ഷപ്പെടുകയാണുണ്ടായത്.
Thiruvananthapuram
കാട്ടാക്കട: കിള്ളിയിൽ തെരുവുനായയുടെ ആക്രമണത്തിൽ 10 പേർക്ക് കടിയേറ്റു. കിള്ളി ആശുപത്രിക്ക് മുന്നിൽ നിന്നിരുന്ന സുധീറിന്‍റെ കാലിലാണ് ആദ്യം കടിയേറ്റത്. പിന്നീട് കിള്ളിയിലെ മൊബൈൽ ഷോപ്പിനു മുന്നിൽ നിന്നിരുന്ന ആൾക്കും ഹോട്ടലിനുമുന്നിൽ നിന്നിരുന്ന നാലു പേർക്കും വർക്ക്ഷോപ്പ് ജീവനക്കാരനും വഴിയാത്രക്കാർക്കും കടിയേറ്റു. പരിക്കേറ്റവരിൽ വാമദേവൻ, ഷെഫീഖ്, അഫ്സൽ, ഷാകിദ് എന്നിവരും ഉൾപ്പെടുന്നു. പരിക്കേറ്റവരെ കാട്ടാക്കട ഗവ. ആശുപത്രിയിൽ പ്രവേശിപ്പിച്ചു. തുടർ ചികിത്സയ്ക്കായി ജനറൽ ആശുപത്രിയിലേക്കു മാറ്റി. ഇന്നലെ രാവിലെയായിരുന്നു ആക്രമണം. ഒടുവിൽ നാട്ടുകാർ നായയെ ഓടിച്ചു വിടുകയായിരുന്നു.
Thiruvananthapuram
തിരുവനന്തപുരം: സിനിമയിൽ ഗൗരവമുള്ള കഥാപാത്രങ്ങളെ അവതരിപ്പിക്കുന്പോൾ സത്യൻ സാറിന്‍റെ പല അഭിനയ മുഹൂർത്തങ്ങളും തനിക്കു പ്രചോദമായിട്ടുണ്ടെന്നു ചലചിത്ര നടൻ ഇന്ദ്രൻസ്.
സംഭാഷണമില്ലാത്ത രംഗങ്ങളിൽ ഫ്രെയിമിൽ പിടിച്ച് നിൽക്കുക വളരെ പ്രയാസകരമാണ്. എന്നാൽ അത്തരം രംഗങ്ങളിൽ സത്യൻ സാറിന്‍റെ അഭിനയം അസാധാരണമാണെന്നും ഇന്ദ്രൻസ്. സത്യൻ ഫൗണ്ടേഷന്റെ സത്യൻ നാഷണൽ ചലച്ചിത്ര അവാർഡ് മന്ത്രി സണ്ണി ജോസഫിൽ നിന്നും ഏറ്റുവാങ്ങി പ്രസംഗിക്കുകയായിരുന്നു ഇന്ദ്രൻസ.്
സത്യന്‍റെ 114-ാം ജയന്തിയോടനുബന്ധിച്ച് ഭാരത് ഭവനിലായിരുന്നു പുരസ്കാര ദാന ചടങ്ങ്.
സിനിമാ അഭിനയത്തിന്‍റെ തുടക്കക്കാലത്ത് കുടക്കന്പി, നീർക്കോലി എന്നീ പേരുദോഷം എനിക്കുണ്ടായിരുന്നു. പിന്നീടാണ് കാരക്ടർ റോൾ ലഭിച്ചു തുടങ്ങിയത്. ഭാരത് ഭവനിൽ തിങ്ങിനിറഞ്ഞ സദസിൽ നിന്നുയർന്ന കൂട്ടച്ചിരിക്കിടയിൽ ഇന്ദ്രൻസ് പറഞ്ഞു. സത്യൻ സാറിന്‍റെ അളവ് തന്‍റെ അളവ് ബുക്കിലെ ആദ്യ അളവായി എഴുതി വയ്ക്കുവാൻ സാധിക്കാത്തത് സിനിമാ ജീവിതത്തിലെ ഒരു വലിയ നഷ്ടമാണ്. സിനിമാരംഗത്ത് കുറച്ചുകൂടി മുൻപേ എത്തിയിരുന്നെങ്കിൽ സത്യൻ സാറിന്‍റെ പേര് പുസ്തകത്തിൽ ആദ്യം ഉണ്ടായിരുന്നേനെ.
വസ്ത്രലാങ്കാര കലാകാരനായി ചലച്ചിത്ര ലോകത്തെത്തി രാജ്യം അംഗീകരിക്കുന്ന ചലച്ചിത്രതാരമായി വളർന്ന ഇന്ദ്രൻസ് പറഞ്ഞു. പ്രേം നസീറിന്‍റെ പേരുമുതലാണ് എന്‍റെ അളവ് പുസ്തകം തുടങ്ങുന്നത്. സത്യൻ സാർ അഭിനയ രംഗത്ത് നിറഞ്ഞുനിൽക്കുന്ന കാലത്ത് സ്റ്റ്യാച്യുവിലെ ഒരു തുന്നൽ കടയിൽ ഇരുന്ന് തയ്ക്കുകയായിരുന്നു ഞാൻ. സിനിമയിൽ പകരക്കാരനായി ഇടയ് ക്കു അവസരം ലഭിച്ചിരുന്നുവെങ്കിലും വസ്ത്രാലങ്കാര കലാകാരനായി അന്ന് രംഗ പ്രവേശം ലഭിച്ചിട്ടില്ല. ചൂതാട്ടം സിനിമയിലാണ് തുടക്കം. പ്രേം നസീർ സാറിന്‍റെ പേരു അതു കൊണ്ട് തന്നെ അളവ് പുസ്തകത്തിലെ ആദ്യ പേരായി. മഹാനടൻ സത്യന്‍റെ പേരിലുള്ള അവാർഡ് ലഭിക്കുന്നതു ഒരു സ്വപ്നംപോലെ അനുഭവപ്പെടുന്നു എന്നും ഇന്ദ്രൻസ് വ്യക്തമാക്കി. മുൻ കാലത്ത് സത്യന്‍റെ പേരിൽ നൽകപ്പെട്ടിരുന്ന മികച്ച നടനുള്ള അവാർഡ് വീണ്ടും സത്യന്‍റെ പേരിൽ തന്നെ നൽകണമെന്നുള്ള ആവശ്യം പരിഗണിക്കുവാൻ മുഖ്യമന്ത്രി വി.ഡി. സതീശനേയും മന്ത്രി വിഷ്ണുനാഥിനേയും ധരിപ്പിക്കുമെന്നും മന്ത്രി സണ്ണി ജോസഫ് പറഞ്ഞു.
സത്യന്‍റെ മകൻ സതീഷ് സത്യൻ നിർദേശിച്ച ഇക്കാര്യം ഗൗരവമായി കണക്കിലെടുക്കുമെന്നും മന്ത്രി പറഞ്ഞു.
നോവലിസ്റ്റ് ഡോ. ജോർജ് ഓണക്കൂർ, നിർമാതാവ് ദിനേശ് പണിക്കർ എന്നിവർ അനുമോദന പ്രസംഗം നടത്തി. ചടങ്ങിൽ സംസ്ഥാന കലാകാരന്മാരുടെ ക്ഷേമനിധി ബോർഡ് ചെയർമാൻ എം.രഞ്ജിത് അധ്യക്ഷത വഹിച്ചു. സതീഷ് സത്യൻ സ്വാഗതവും ചെറുമകൾ ഡോ. ആശ ജീവൻ സത്യൻ നന്ദിയും പറഞ്ഞു. സത്യന്‍റെ ഇളയ മകനും ഗായകനുമായ ജീവൻ സത്യൻ പങ്കെടുത്തു. തുടർന്ന് സത്യൻ സിനിമകളിലെ ഗാനങ്ങൾ മണക്കാട് ഗോപൻ, സരിതാ രാജീവ് , ആദിത്യ തുടങ്ങിയവർ ചേർന്ന് ആലപിച്ചു. ആശ സത്യന്‍റെ മകൾ നവോമി സത്യൻ ഗാനന്ധ്യയിൽ പങ്കെടുത്തു.
Thiruvananthapuram
ആറ്റിങ്ങൽ: വാളക്കാട് ക്രൈസ്റ്റ് നഗർ പബ്ലിക് സ്കൂളിൽ "ക്രിസ് എക്സ്പോ 2026' എന്ന പേരിൽ എക്സിബിഷൻ സംഘടിപ്പിച്ചു. സ്കൂൾ മാനേജർ ഫാ. സിറിയക് മഠത്തിൽ സിഎംഐ ഉദ്ഘാടനം ചെയ്തു. സംസ്ഥാന തദ്ദേശ സ്വയം ഭരണവകുപ്പ് റിട്ട. ഡെപ്യൂട്ടി ചീഫ് എൻജിനീയർ അൻവർ ഹുസൈൻ മുഖ്യാതിഥിയായിരുന്നു. പ്രിൻസിപ്പാൾ ഫാ. ജോമോൻ അഗസ്റ്റിൻ സിഎംഐ, വൈസ് പ്രിൻസിപ്പൽ ബിന്ദു രമേഷ്, സ്കൂൾ ഹെഡ് ഗേൾ ആർ.വി. പാർവണ, ഹെഡ് ബോയ് ഖൈസ് മുഹമ്മദ് എന്നിവർ പ്രസംഗിച്ചു. ജർമ്മനിയിലെ സെന്റ് തോമസ് ജിംനാസിയം വെറ്റൻഹുസ് സ്കൂൾ പ്രിൻസിപ്പൽ ആൻഡ്രൂസ് മൻഫ്രെഡ് എബർലെ അധ്യാപകരായ ആൻഡ്രിയസ് ടിശെറെ, വിക്ടോറിയ ബുക്റ്റ എന്നിവർ പങ്കെടുത്തു. കോ-ഓർഡിനേറ്റർമാരായ ഷൈനി ഏബ്രഹാം, ശ്രീലക്ഷ്മി, മീന, ഗിരിജകുമാരി, മിന്നു സൂര്യ, എ.എസ്. അനുഷ, റാണിചന്ദ്ര, സുകന്യ എന്നിവർ നേതൃത്വം നൽകി. വിദ്യാർഥികളായ ഫറ ഫാത്തിമ ഷെസിലി, ശിഖ റോഹൻ, മാളവിക മനോജ്, ആഗ്നേയ എ.എസ് എന്നിവർ അവതാരകരായി.
Thiruvananthapuram
നെടുമങ്ങാട് : ആര്യനാട്ടും പരിസര പ്രദേശങ്ങളിലും തെരുവുനായ ആക്രമണം രൂക്ഷമാകുന്നു. പുലർച്ചെ ജോലിക്കിറങ്ങിയവരും പ്രഭാതസവാരിക്കാരുമടക്കം എട്ടു പേരെയാണ് കഴിഞ്ഞ ദിവസം തെരുവുനായ അതിക്രൂരമായി ആക്രമിച്ചു പരുക്കേൽപ്പിച്ചത്. പ്രദേശത്ത് ജനങ്ങൾ പുറത്തിറങ്ങാൻ പോലും ഭയക്കുന്ന രീതിയിലാണ് ഭീതി പടർന്നിരിക്കുന്നത്.
ആര്യനാട് കെഎസ്ആർടിസിഡിപ്പോയിലെ കണ്ടക്ടറായ കോട്ടയ്ക്കകം സ്വദേശി ജി.എസ്. സുഭാഷിനാണ് ആദ്യം കടിയേറ്റത്. മീനാങ്കൽ - കോട്ടയം ഫാസ്റ്റ് പാസഞ്ചർ ബസ് ഡിപ്പോയിൽ എത്തിയ സമയത്താണ് നായ ഇദ്ദേഹത്തിന് നേരെ പാഞ്ഞടുത്തത്. സുഭാഷിനെ രക്ഷിക്കാൻ ശ്രമിക്കുന്നതിനിടെ സമീപത്തുണ്ടായിരുന്ന പൊട്ടൻതല സ്വദേശിയായ യുവാവിനും നായയുടെ കടിയേറ്റു.
ആര്യനാട് കാഞ്ഞിരംമൂട് ജം ഗ്ഷനിൽ പ്രഭാതസവാരിക്കായെത്തിയ ആര്യനാട് സ്വദേശികളായ ജയചന്ദ്രൻ നായർ (62), ഗോപാലകൃഷ്ണൻ നായർ (71), പുഷ്കരൻ (67), ഭൂവനചന്ദ്രൻ (67) എന്നിവർക്കാണ് കടിയേറ്റത്. ഇവർക്കു പുറമെ ബൈക്കിൽ സഞ്ചരിക്കുകയായിരുന്ന ദമ്പതികളെയും നായ ആക്രമിച്ചു വീഴ്ത്തുകയായിരുന്നു. പരുക്കേറ്റ എട്ടുപേരെയും തിരുവനന്തപുരം ജനറൽ ആശുപത്രിയിൽ പ്രവേശിപ്പിച്ചു. ഇവർ അടിയന്തര ചികിത്സതേടി പ്രതിരോധ കുത്തിവയ്പുകളെടുത്തു.
മേഖലയിൽ ഇത് ആദ്യമായല്ല തെരുവുനായയുടെ ആക്രമണം ഉണ്ടാകുന്നത്. ഒരാഴ്ച മുൻപ് ആര്യനാട് ഗവൺമെന്‍റ് ആശുപത്രിക്കു സമീപം ആംബുലൻസ് ഡ്രൈവർക്കും മൂന്നു രോഗികൾക്കും തെരുവുനായയുടെ കടിയേറ്റിരുന്നു. കുറഞ്ഞ ദിവസങ്ങൾക്കുള്ളിൽ നിരവധി പേർ ഇരയായതോടെ പ്രദേശവാസികൾ കടുത്ത രോഷത്തിലാണ്.
പഞ്ചായത്തിലെ പ്രധാന ജംക്ഷനുകളിലും ബസ് സ്റ്റാൻഡ് പരിസരത്തും കാൽനടയാത്രക്കാർക്കു വഴിനടക്കാൻ കഴിയാത്ത അവസ്ഥയാണ് നിലവിലുള്ളത്. സ്കൂൾ കുട്ടികളും വയോധികരുമാണ് ഏറെ ഭീതിയിലായിരിക്കുന്നത്. ഇതിനിടെ ആക്രമണകാരികളായ നായകളെ പിടികൂടാൻ പഞ്ചായത്ത് നടപടി അസരംഭിച്ചു.
Thiruvananthapuram
തിരുവനന്തപുരം: മുറിവുണക്കുന്ന ഔഷധഗുണമുള്ള മുറികൂട്ടി ഇലകൾക്ക് വയലറ്റ് നിറമാണ്. ഇവ അരച്ചാണ് പെട്രിയ പൂക്കൾക്കു നിറം നൽകിയിരിക്കുന്നത്. മൾബറിയുടെ ഇലകൾ അരച്ച് പെട്രിയ ചെടിയുടെ ഇലകൾ തീർത്തിരിക്കുന്നു. രക്തചന്ദനം ചാലിച്ച് പൂക്കൾക്കു നടുവിലെ കേസരാഗ്രം തീർത്തതോടെ ഉദ്യാനത്തിൽ പെട്രിയ പൂക്കൾ വിടർന്നു നിൽക്കുന്ന അതേ സൗന്ദര്യം! ഇലകളുടെ നേർത്ത ഞരമ്പുകൾ തീർത്തിരിക്കുന്നതു കരിക്കട്ട കൊണ്ടാണ് എന്നു കൂടി അറിയുക. ഇത് പ്രശസ്ത ചിത്രകാരനും കലാവിദ്ധഗ്‌ധനുമായ ജോർജ് ഫെർണാണ്ടസ് സൃഷ്ടിച്ച പ്രകൃതി സൗഹൃദ പെയിന്‍റിംഗുകൾ. മ്യൂസിയം ഓഡിറ്റോറിയത്തിൽ ഇന്നലെ ആരംഭിച്ച ജോർജ് ഫെർണാണ്ടസിന്‍റെ "ബാക്ക് ടു ദി റൂട്സ്' എന്ന ചിത്രകലാപ്രദർശനം അക്ഷരാർഥത്തിൽ നമ്മുടെ വേരുകളിലേക്കുള്ള മടക്കമാണ്.
ഫ്ലോറ ഇൻസ്റ്റിറ്റ്യൂട്ട് ഓഫ് ആർട്സ് ആൻഡ് ക്രാഫ്റ്റ്സ് ആണ് പ്രദർശനം സംഘടിപ്പിച്ചിരിക്കുന്നത്. മനുഷ്യശരീരത്തിനു ഹാനികരമായ രാസവസ്തുക്കൾ ചേരാത്ത, വിഷരഹിതമായ നിറങ്ങളും പേപ്പറുകളും കൊണ്ടാണ് ഈ ചിത്രങ്ങൾ സൃഷ്ടിച്ചിരിക്കുന്നത്. സെൻട്രൽ ഇൻസ്റ്റിറ്റ്യൂട്ട് ഓൺ മെന്റൽ റിട്ടാർടേഷനിൽ
(സി ഐ എംആർ) നിന്നും വാങ്ങുന്ന കുളവാഴയും പൂക്കളും മറ്റും കൊണ്ടുണ്ടാക്കിയ പേപ്പറുകളിലാണ് ഈ പ്രകൃതിദത്തമായ പെയിന്‍റിംഗുകൾ. പേപ്പറിൽ ചാണകം കലക്കി തേച്ച് അവ ഉണങ്ങിയ ശേഷം അതിന്മേൽ വേപ്പ് കറ പുരട്ടിയാണ് പൂക്കളുടെയും പക്ഷികളുടെയും പെയിന്‍റിംഗ് ജോർജ് ഫെർണാണ്ടസ് ഒരുക്കിയിരിക്കുന്നത്.
വയലറ്റ്, ഇളം ചുവപ്പ് എന്നീ നിറത്തിലെ മനോഹരമായ പൂക്കൾ നിർമിച്ചത് ചുവന്ന കാബേജ്, ലവലോലിക്ക, കരിക്കട്ട എന്നിവ കൊണ്ടാണ് എന്ന് വിശ്വസിക്കാൻ പ്രയാസം.കടുക്, സവാളയുടെ തൊലി, ഉണങ്ങിയ പ്ലാവില, നെല്ലിക്കയുടെ ഇല, മഞ്ഞൾ, നീല അമരി, മൈലാഞ്ചി ഇലകൾ അങ്ങനെ നീളുന്നു പ്രകൃതിയിൽ നിന്നും കണ്ടെടുക്കുന്ന ചിത്രരചന കൂട്ടുകൾ.
2007 മുതൽ പ്രകൃതി സൗഹൃദ പെയിന്‍റിംഗുകളിൽ താല്പര്യമുള്ള ജോർജ് ഫെർണാണ്ടസ് ഇത്തരത്തിലെ മൂന്നു പ്രദർശനങ്ങൾ ഇതിനു മുൻപ് സംഘടിപ്പിച്ചിട്ടുണ്ട്. നാലാമത്തെ പ്രദർശനമാണ് ഇപ്പോൾ നടന്നുവരുന്നത്. കഴിഞ്ഞ ഒന്നര വർഷക്കാലമായി ഇക്കോ ഫ്രണ്ട്ലി പെയിന്‍റിംഗു കളുടെ ഗവേഷണത്തിലാണ് ചിത്രകാരൻ. പാലോട് ട്രോപ്പിക്കൽ ബൊട്ടാണിക്കൽ ഗാർഡനിലെ മുൻ പ്രിൻസിപ്പൽ സയന്‍റിസ്റ്റ് ഡോ. മാത്യു ദാനിന്‍റെ നേതൃത്വത്തിലാണ് സ്വതന്ത്രമായ ഗവേഷണം. ഡോ. എം.ജി. ശശിഭൂഷൻ, ഡോ. പീതാംബരൻ, ഡോ. മുരുകൻ എന്നിവരുടെ പിന്തുണയും ഉണ്ട്. പ്രകൃതിദത്തമായ വസ്തുക്കൾ കൊണ്ട് ഉണ്ടാക്കുന്ന പെയിന്‍റിംഗുകളുടെ നിലനിൽപ്പും ഗവേഷണത്തിന്‍റെ ഭാഗമാണ്.
ജോർജ് ഫെർണാണ്ടസിന്‍റെ 60 പെയിന്‍റിംഗുകൾ പ്രദർശനത്തിനുണ്ട്. ഇതുകൂടാതെ ശിഷ്യരുടെ 22 ചിത്രങ്ങളും കാണാം. പ്രശസ്ത ചരിത്ര പണ്ഡിതനും എഴുത്തുകാരനുമായ ഡോ. എം.ജി. ശശിഭൂഷൻ ഇന്നലെ പ്രദർശനത്തിന്‍റെ ഉദ്ഘാടനം നിർവഹിച്ചു. ഡോ. മാത്യു ദാൻ, ഷിബുരാജ് തുടങ്ങിയവർ ആശംസകൾ നേർന്നു.
കാഞ്ഞിരംപാറ രവി സംവിധാനം ചെയ്ത ഫ്ലോറ, പ്രകൃതിയെ തഴുകി ഒരു വർണപ്രപഞ്ചം എന്ന ഡോക്യുമെന്‍ററിയുടെ പ്രദർശനവും നടന്നു. പ്രദർശനം ചൊവ്വാഴ്ച വരെ നീളും. ദിവസവും രാവിലെ പതിനൊന്ന് മുതൽ വൈകിട്ട് അഞ്ച് വരെയാണ് പ്രദർശന സമയം.
Thiruvananthapuram
നെടുമങ്ങാട്: പടക്കം പൊട്ടിച്ചതിനെ തുടർന്നുണ്ടായ സംഘർഷത്തിൽ രണ്ടുപേർക്കു വെട്ടേറ്റു. സിപിഐ നേതാവ് വിനോദിനും എതിർഭാഗത്തെ സുനിക്കുമാണു വെട്ടേറ്റത്. ജൂബിലി നഗറിൽ ശനിയാ ഴ്ച രാത്രിയായിരുന്നു സംഭവം. വിനോദിന്‍റെ ഭാര്യ പിതാവ് വിജയരാജിന്‍റെ വീടിനടുത്തു പടക്കം പൊട്ടിച്ചപ്പോഴുണ്ടായ തർക്കമാണ് ആക്രമണത്തിലേക്കെത്തിയത്.
ഇതിനിടെ സ്ഥലത്തെത്തിയ വിനോദ് വെട്ടുകത്തിയുമായി സമീപത്തെ സുനിയുടെ വീട്ടിലെത്തി സുനിയെ ആക്രമിച്ചു. ഇൗ സമയം സുനിക്കൊപ്പമുണ്ടായിരുന്ന ലാലുവും കൂട്ടരും വിനോദിനെയും വെട്ടിയതായും വട്ടപ്പാറ പൊലീസ് പറഞ്ഞു. വിനോദ് പട്ടത്തെ സ്വകാര്യ ആശുപത്രിയിലും സുനി മെഡിക്കൽ കോളജ് ആശുപത്രിയിലും ചികിത്സ തേടി. വിനോദിനെ ആക്രമിച്ചെന്ന പരാതിയിൽ കേസെടുത്തു. സുനിയെ ആക്രമിച്ചെന്ന പരാതിയിൽ കേസെടുക്കുമെന്നു പൊലീസ് അറിയിച്ചു.
Thiruvananthapuram
പേരൂർക്കട: കഴിഞ്ഞ രണ്ടു ദിവസമായി തലസ്ഥാന നഗരത്തിൽ നിലനിന്ന ശക്തമായ മഴ പടക്ക വിപണിയെയും ദീപാവലി ആഘോഷങ്ങളെയും പിന്നോട്ടടിച്ചു. കഴിഞ്ഞവർഷം ഇതേ സമയത്തു ദീപാവലി ആഘോഷ വേളയിൽ മഴ ഒഴിഞ്ഞു നിന്നിരുന്നു. എന്നാൽ പെട്ടെന്നുണ്ടായ ന്യൂനമർദവും വിട്ടുമാറാത്ത തുലാവർഷവും ആഘോഷങ്ങളുടെ ശോഭ കെടുത്തി.
ദീപാവലിയുടെ തലേദിവസമായ നവംബർ ഏഴിനും രാത്രി ഇടവിട്ട് മഴയുണ്ടായിരുന്നു. ഇന്നലെ രാത്രി ഏഴുമുതൽ ശക്തമായ മഴ ഒന്നരമണിക്കൂർ നീണ്ടുനിന്നു. നവംബർ ഏഴിനും എട്ടിനും ആണ് വൈകുന്നേരങ്ങളിൽ ദീപാവലി ആഘോഷങ്ങൾ പ്രധാനമായും നടന്നത്. പൂത്തിരി കത്തിക്കലും പടക്കം പൊട്ടിക്കലും ഈ ദിവസങ്ങളിൽ വൈകുന്നേരങ്ങളിൽ നടക്കു മെന്നതിനാൽ നിനച്ചിരിക്കാതെ ഉണ്ടായ മഴ ജനങ്ങളെ ഏറെ ബുദ്ധിമുട്ടിച്ചു. ഒരാഴ്ച മുമ്പു തന്നെ പടക്കങ്ങൾ വാങ്ങി സ്റ്റോക്ക് ചെയ്തു വച്ചവരും വിഷമം വൃത്തത്തിലായി. തണുപ്പുകൊണ്ടു കുതിർന്നുപോയ പടക്കങ്ങൾ പിന്നീട് ഉപയോഗശൂന്യമായി മാറുകയായിരുന്നു.
നഗരപ്രദേശങ്ങളിലും നഗര പ്രാന്തങ്ങളിലും ഒരുപോലെ മഴയുണ്ടായതും ജനങ്ങളെ വലച്ചു. മുൻ വർഷങ്ങളിൽ ഗ്രാമപ്രദേശങ്ങളിൽ ദീപാവലി ആഘോഷം പ്രകാശപൂർണമായിരുന്നു. എന്നാൽ ഈ വർഷം മഴ ഇടവിട്ടു വിവിധ സ്ഥലങ്ങളിൽ പെയ്തത് ദീപാവലി ആഘോഷങ്ങൾക്കു മുന്നിട്ടിറക്കുന്ന കുട്ടികളെ വരെ ദുരിതത്തിലാക്കി. വലിയ ബോക്സുകളിൽ ലഭിക്കുന്ന പടങ്ങൾ ഒരേസമയം 15 മിനിറ്റോളംനിന്ന് പൊട്ടുന്നവയാണ്. ഇവ വയ്ക്കണമെങ്കിൽ അത്രയും സമയം മഴ മാറി നിൽക്കണം.
ചെറിയ രീതിയിൽ പ്രകാശം പരത്തുന്ന പൂത്തിരിയും തറച്ചക്രവും പോലെയുള്ള പടക്കങ്ങൾ മാത്രമേ വീടിന്‍റെ മുറ്റത്ത് ഉപയോഗിക്കാൻ സാധിച്ചുള്ളൂ. ചില സ്ഥലങ്ങളിൽ ഇടിയോടുകൂടിയ മഴയുണ്ടായതിനാൽ ദീപാവലി ആഘോഷങ്ങൾ പൂർണമായും ശോഭ കെട്ടു . അതേസമയം സ്ഥലസൗകര്യമുള്ള ഫ്ലാറ്റുകളിലും മറ്റും ദീപാവലി ആഘോഷങ്ങൾനടന്നു. നഗരത്തിൽ ഞായറാഴ്ച ശക്തമായ മഴ നിലനിന്നു എങ്കിലും രാത്രി ഒന്പതിനു ശേഷം അപൂർവമായി പടക്കം പൊട്ടുന്നതും ദൃശ്യമായി.
Thiruvananthapuram
നേമം: മുഖ്യമന്ത്രി വി.ഡി. സതീശന് അപേക്ഷ നല്കി കാത്തിരിക്കുകയാണ് സ്വര്‍ണ മെഡല്‍ ഉള്‍പ്പടെ നേടി കേരളത്തിനു തന്നെ അഭിമാനമായി മാറിയ നേമം പൊന്നുമംഗലം നഗരംകോട് ലെയിൻ മഠത്തില്‍ വീട്ടില്‍ ഗൗരി സന്തോഷ്. നിര്‍ധന കുടുംബത്തില്‍ ജനിച്ച ഗൗരി റൈഫിള്‍ ഷൂട്ടിംഗ് ചാമ്പ്യന്‍ഷിപ്പുകളില്‍ നി രവധി മെഡലുകള്‍ നേടിയിട്ടുണ്ട്.
രാജ്യാന്തര മത്സരത്തില്‍ ഇന്ത്യയെ പ്രതിനിധീകരിച്ച് മെഡല്‍ നേടിയിട്ടുള്ള ഗൗരിക്ക് പുതിയ ചാമ്പ്യന്‍ഷിപ്പില്‍. പങ്കെടുക്കുന്നതിന് അവസരം ലഭിച്ചപ്പോള്‍ ഈ കായിക താരത്തിന് അതിനുള്ള സാമ്പത്തിക ശേഷി ഇല്ലാത്തതിനാല്‍ യാത്രതന്നെ മുടങ്ങുമോ എന്ന ആശങ്കയിലാണ് കുടുംബം. കൂലി പണിക്കാരനായ അച്ഛന്‍ സന്തോഷിനും അമ്മ പ്രിയയ്ക്കും സഹോദരന് ഗൗതം കൃഷ്ണയ്ക്കും ഗൗരി മത്സരത്തില്‍ പങ്കെടുത്താല്‍ വിജയിക്കുമെന്ന് വിശ്വാസമുണ്ട്.
ഏതാനും ദിവസങ്ങള്‍ക്കുമുമ്പു മുഖ്യമന്ത്രിയെ നേരില്‍ക്കണ്ട് ചാമ്പ്യന്‍ഷിപ്പില്‍ പങ്കെടുക്കുന്നതിനുള്ള സാമ്പത്തിക സഹായം അനുവദിക്കണമെന്ന് അപേക്ഷ നല്‍യിരുന്നു. എന്നാലിതുവരെയും ഔദ്യോഗികമായി അറിയിപ്പൊന്നും ലഭിച്ചിട്ടില്ല. റൈഫിള്‍ ഷൂട്ടിംഗിൽ ഭാവി വാഗ്ദാനമാണ് ഗൗരി. നീറമണ്‍കര എന്‍എസ്എസ് വനിത കോളജില്‍ ഒന്നാം വര്‍ഷ മലയാള ബിരുദ വിദ്യാര്‍ഥിയാണ്.
കരമന ഗേള്‍സ് സ്‌കൂളില്‍ പ്ലസ്ടു കഴിഞ്ഞ ഗൗരി നേമം വിക്ടറി സ്‌കൂളില്‍ പഠിക്കുമ്പോള്‍തന്നെ കായിക മത്സരങ്ങളില്‍ തല്പരയായിരുന്നു. ചിത്രകാരിയും കൂടിയാണ്. ഹാന്‍ഡ് ബോള്‍ ടീമില്‍ അംഗമായിരുന്നു. കോളജ് തലത്തില്‍ എത്തിയപ്പോഴാണ് അച്ഛന്‍റെ പ്രേരണയില്‍ തമ്പാനൂരിലെ ഒരു അക്കാദമിയില്‍ റൈഫിള്‍ ഷൂട്ടിംഗ് പരിശീലനത്തിനു ഗൗരി ചേര്‍ന്നത്. ചാമ്പ്യന്‍ഷിപ്പില്‍ പങ്കെടുക്കുന്ന നേമം നിയോജക മണ്ഡലത്തിലുള്‍പ്പെടുന്ന പ്രദേശത്ത് താമസിക്കുന്ന ഗൗരിയും കുടുംബവും രാജീവ് ചന്ദ്രശേഖര്‍ എംഎല്‍എയുടെ സഹായം കിട്ടുമെന്ന പ്രതീക്ഷയിലാണ്.
Thiruvananthapuram
കാട്ടാക്കട: തമ്പാനൂരിൽനിന്നു കാട്ടാക്കട ഡിപ്പോയിലേക്കു വന്ന പിങ്ക് ബസിനുള്ളിൽ തലകറങ്ങി വീണ വനിതാ പൊലിസ് ഉദ്യോഗസ്ഥയുടെ ജീവൻ ഡ്രൈവറുടെയും കണ്ടക്ടറുടെയും സമയോചിതമായ ഇടപെടലിൽ രക്ഷപ്പെട്ടു.
ഇന്നലെ നെയ്യാറ്റിൻകര കോടതിയിൽ ഡ്യൂട്ടി കഴിഞ്ഞു തിരുവനന്തപുരം എസ്പി ഓഫീസിൽ മീറ്റിംഗിനു പോയശേഷം മടങ്ങി വരികയായിരുന്നു രണ്ടു വനിതാ പോലീസ് ഉദ്യോഗസ്ഥർ. കീഴാറൂർ സ്വദേശിനിയായ സഹപ്രവർത്തകയ്ക്കൊപ്പം ഒറ്റശേഖരമംഗലം സ്വദേശിനിയായ പൊലിസുകാരി ഇന്നലെ വൈകു ന്നേരം അഞ്ചരയോടെ തമ്പാനൂരിൽ നിന്നാണ് കാട്ടാക്കടയ്ക്കുള്ള ബസിൽ കയറിയത്. ബസ് കിള്ളി ജംഗ്ഷൻ കഴിഞ്ഞതും ഒറ്റശേഖരമംഗലം സ്വദേശിനിക്കു തലകറക്കം അനുഭവപ്പെടുന്നതായി സഹപ്രവർത്തകയോടു പറഞ്ഞു. കുറച്ചു കഴിഞ്ഞപ്പോഴേക്കും അവർ ബസിനുള്ളിൽ തലകറങ്ങി വീഴുകയായിരുന്നു.
ഒപ്പമുണ്ടായിരുന്ന സഹപ്രവർത്തക ഉടൻ തന്നെ വിവരം കണ്ടക്ടറെ അറിയിച്ചു. കണ്ടക്ടർ വിപിൻ വിവരം ഡ്രൈവർ മുഹമ്മദ് ഷുഹൈലിനെ ധരിപ്പിച്ചു. ഒട്ടും വൈകാതെ ഡ്രൈവർ ബസ് അതിവേഗം കിള്ളിയിലെ സ്വകാര്യ ആശുപത്രിയിലെത്തിച്ച് ചികിത്സ നൽകിയതോടെ ഉദ്യോഗസ്ഥയുടെ ജീവൻ രക്ഷപ്പെടുത്താനായി. ഇപ്പോൾ ആശുപത്രിയിൽ ചികിത്സയിലാണ്.
ഡ്രൈവർ മുഹമ്മദ് ഷുഹൈൽ പൂവച്ചൽ സ്വദേശിയും കണ്ടക്ടർ വിപിൻ തിരുവനന്തപുരം സ്വദേശിയുമാണ്. ഇരുവരുടെയും മനുഷ്യത്വപരമായ ഇടപെടലിനു നാട്ടുകാരും യാത്രക്കാരും അഭിനന്ദനം അറിയിച്ചു.
Thiruvananthapuram
വെള്ളറട: മൂന്നംഗ സംഘം മദ്യലഹരിയില്‍ കാണിക്കവഞ്ചി തകര്‍ത്തെന്നു പരാതി. മണലി സിഎസ്ഐ പള്ളിയുടെ കാണിക്കവഞ്ചിയാണ് മൂന്നംഗ സംഘം തകര്‍ത്തത്. കഴിഞ്ഞദിവസം രാത്രിയിലായിരുന്നു സംഭവം.
ചുരുളിയില്‍ പള്ളി ആര്‍ച്ചിനു സമീപമായാണു കാണിക്കവഞ്ചി സ്ഥാപിച്ചിരുന്നത്. തുടര്‍ന്ന് ചര്‍ച്ച് കമ്മിറ്റി അംഗങ്ങള്‍ പൊലിസിൽ വിവരം അറിയിക്കുകയായിരുന്നു. വെള്ളറട പൊലിസ് സ്ഥലത്തെത്തി സിസിടിവി നിരീക്ഷിച്ചു. പ്രദേശത്ത് മദ്യപരുടെ അഴിഞ്ഞാട്ടം ശക്തമായതായി പരിസരവാസികള്‍ പറയുന്നു. മൂന്നംഗ സംഘം മദ്യപിച്ച് വാക്കേറ്റമുണ്ടാവുകയും സംഘത്തിലെ ഒരാൾ കാണിക്കവഞ്ചിക്കുമേൽ വീഴുകയും ചെയ്തു. ഇതേ തുടർന്നാണ് കാണിക്കവഞ്ചി അടിച്ചുതകർത്തത്.
Thiruvananthapuram
വെള്ളറട: ശക്തമായ മഴയിൽ ടൂറിസ്റ്റ് ബസും ബൈക്കും കൂട്ടിമുട്ടി ബൈക്ക് യാത്രികന് ഗുരുതര അവസ്ഥയില്‍. കാരക്കോണം പുല്ലന്തേരിക്കു സമീപമായിരുന്നു അപകടം. ബൈക്ക് യാത്രികനായ പുല്ലന്തേരി രാമവര്‍മന്‍ചിറ വീട്ടില്‍ ആദര്‍ശിനു (23) ഗുരുതരമായി പരിക്കേറ്റു. ഉടന്‍ തന്നെ നാട്ടുകാര്‍ കാരക്കോണം മെഡിക്കല്‍ കോളജിലെത്തിച്ചുവെങ്കിലും പ്രാഥമിക ചികിത്സ നല്‍കിയതിനുശേഷം മെഡിക്കല്‍ കോളജ് ആശുപത്രിയിലേക്കുമാറ്റി. ശക്തമായ മഴയില്‍ കാഴ്ച പരിമിതി നേരിട്ടതാണ് ബസ് ബൈക്കില്‍ ഇടിക്കാന്‍ കാരണമെന്നാണ് നിഗമനം. ഇടിയുടെ ആഘാതത്തില്‍ ദൂരെ തെറിച്ചുവീണ ആദര്‍ശിനു ഗുരുതര പരിക്കേല്‍ക്കുകയായിരുന്നു.
Thiruvananthapuram
വെള്ളറട: നാടുവിട്ട എഴുപ തുകാരനെ കണ്ടെത്തി. കുന്നത്തുകാല്‍ ആറടിക്കര വീട്ടില്‍ ജനകുമാറിനെയാണ് കണ്ടെത്തിയത്. മാസങ്ങള്‍ക്ക് മുമ്പാണ് ഇയാശെ കാണാതായത്. വീട്ടുകാരുടെ പരാതിയെ തുടര്‍ന്നു വെള്ളറട പൊലിസ് കേസ് രജിസ്റ്റര്‍ ചെയ്ത് അന്വേഷണം നടത്തി വരികയായിരുന്നു.
ചായക്കട തൊഴിലാളിയായ ഇയാളെക്കുറിച്ചുള്ള വിവരം വെള്ളറട പൊലിസിനു ലഭിച്ചു. ഇയാള്‍ ചെങ്ങന്നൂരില്‍ ഉണ്ടെന്നു കണ്ടെത്തി അവിടെ നിന്നു കൊണ്ടുവരികയാ യായിരുന്നു. എസ്എച്ച്ഒ മനോജ്, എഎസ്ഐ. ജോസ്, സിപിഒമാരായ രമേഷ്, പ്രണവ് എന്നിവരടങ്ങിയ അടങ്ങുന്ന സംഘമാണ് ഇയാളെ ക ണ്ടെത്തിയത്. ജനകുമാറിനെ ബന്ധുക്കള്‍ക്കൊപ്പം വിട്ടു.
Thiruvananthapuram
വെള്ളറട: ആറു വയസുകാരിക്കുനേരെ സ്ഥിരമായി ലൈംഗിക ചേഷ്ട കാണിക്കുന്നു എന്ന പരാതിയില്‍ യുവാവിനെ പൊലിസ് പിടികൂടി. അമ്പൂരി പഞ്ചായത്തില്‍ കൂട്ടപ്പു അമ്മദാ കോളനിയില്‍ സുരേഷ് ഭവനില്‍ സുമേഷ് (31) ആണ് പൊലിസിന്‍റെ പിടിയിലായത്.
കുട്ടി വിവരം രക്ഷിതാക്കളെ അറിയിച്ചതിനെ തുടര്‍ന്നു രക്ഷിതാക്കള്‍ വെള്ളറട പൊലിസില്‍ പരാതിപ്പെടുകയായിരുന്നു. എസ്എച്ച്ഒ മനോജ്, എഎസ്ഐ രവികുമാര്‍, സിവില്‍ പൊലിസുകാരായ അനി, അനീഷ്, പ്രണവ് അടങ്ങുന്ന സംഘമാണ് പ്രതിയെ പിടികൂടിയത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Thiruvananthapuram
യാത്രക്കാരും ഡ്രൈവറും അത്ഭുതകരമായി രക്ഷപ്പെട്ടു
പാറശാല/നെയ്യാറ്റിന്‍കര: ഓട്ടോറിക്ഷ നിയന്ത്രണം തെറ്റി കുളത്തില്‍ വീണു. മൂന്നുമാസം പ്രായമുള്ള കൈക്കുഞ്ഞടക്കം മൂന്നു യാത്രക്കാരും ഡ്രൈവറും അതിശയകരമായി രക്ഷപ്പെട്ടു.
ഓട്ടോറിക്ഷ ഡ്രൈവര്‍ പാറശാല സ്വദേശി രാജേന്ദ്രന്‍, നെടുവന്‍വിള സ്വദേശികളായ ഉഷ, മകള്‍ മായ, മായയുടെ മൂന്നു മാസം പ്രായമുള്ള മകള്‍ എന്നിവരായിരുന്നു വാഹനത്തിലുണ്ടായിരുന്നത്. പാറശാലയ്ക്കു സമീപത്തെ കരുമാനൂര്‍ ആയത്തുവിള കുളത്തിലായിരുന്നു സംഭവം. കഴിഞ്ഞ ദിവസം പെയ്ത മഴയില്‍ കുളത്തിനു സമീപത്തെ പാതയുടെ വശത്തെ മണ്ണ് അടര്‍ന്നു മാറിയപ്പോഴാണ് ഓട്ടോറിക്ഷ വെള്ളത്തിലേയ്ക്കു വീണത്. കുളത്തിനു സംരക്ഷണവേലിയില്ല. കുളത്തില്‍ വീണവരുടെ നിലവിളി കേട്ട് ഓടിയെത്തിയ സമീപവാസികളും നാട്ടുകാരും ചേര്‍ന്നാണ് ഡ്രൈവറെയും യാത്രക്കാരെയും രക്ഷിച്ചത്.
നാലുപേരെയും പാറശാലയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ആര്‍ക്കും വലിയ പരിക്കുകളില്ല. പിന്നീട് നാട്ടുകാര്‍ ചേര്‍ന്ന് ഓട്ടോറിക്ഷയെ കയര്‍ കെട്ടി വലിച്ച് കരയിലെത്തിച്ചു. മുന്പും ഈ പരിസരത്ത് വാഹനങ്ങള്‍ നിയന്ത്രണം തെറ്റി കുളത്തിലേയ്ക്ക് വീണിട്ടുണ്ടെന്നും സംരക്ഷണ വേലി വേണമെന്ന ആവശ്യം അധികൃതര്‍ മുഖവിലയ്ക്കെടുത്തിട്ടില്ലെന്നും പറയപ്പെടുന്നു.
Thiruvananthapuram
പോത്തൻകോട്: പോന്നൻ കോട് ജംഗ്ഷനു സമീപത്ത് പാർക്ക് ചെയ്തിരുന്ന ഇന്നോവ കാറിൽ കയറ്റികൊണ്ടിരുന്ന നിരോധിത പുകയില ഉത്പന്നങ്ങൾ തിരുവനന്തപുരം റൂറൽ ഡാൻസാഫ് സംഘം പിടികൂടി.
ഒരു കോടി രൂപയിൽ അധികം വിപണി മൂല്യമുള്ള ശംഭു, കൂൾ, ഗണേഷ് എന്നിവയാ ണു പിടികൂടിയത്. വെമ്പായം കന്യാകുളങ്ങര മേലെപാക്കാൻ വിളാകത്തു വീട്ടിൽ ഷംനാദിനെ പിടികൂടി പോത്തൻകോട് പൊലിസിൽ ഏൽപ്പിച്ചു. കിളിമാനൂർനിന്നും പുകയില ഉത്പ്പന്നങ്ങളുമായി മലപ്പുറം കൊണ്ടോട്ടി തുറയ്ക്കൽ കൊളപ്പുള്ളി വീട്ടിൽ അബ്ദുൽ അസീസിനെ ഡാൻസാഫ് സംഘം പിടികൂടി കിളിമാനൂർ പോലീസിൽ ഏൽപ്പിച്ച് കേസ് രജിസ്റ്റർ ചെയ്തു.
ഓപ്പറേഷൻ തൂഫാൻ വഴി തിരുവനന്തപുരം റൂറൽ ജില്ലാ പോലീസ് മേധാവി ബി.കെ. പ്രശാന്തൻ കാണിക്കു ലഭിച്ച രഹസ്യ വിവരത്തിന്‍റെ അടിസ്ഥാനത്തിൽ ഡാൻസാഫ് ടീം പോത്തൻകോടും കിളിമാനൂരും ഒരേ സമയത്ത് നടത്തിയ റെയിഡിൽ ആണ് ഇവരെ പിടികൂടിയത്.
ആറ്റിങ്ങൽ, മംഗലപുരം, വെഞ്ഞാറമൂട്, പോത്തൻകോട്, നെടുമങ്ങാട് മേഖലകളിൽ ചെറുകിട വ്യാപാരികൾക്ക് ലഹരി വസ്തുക്കൾ എത്തിച്ചിരുന്നത് ഇപ്പോൾ പിടിയിലായ ഷംനാദ് ആയിരുന്നു. നർക്കോട്ടിക്ക് സെൽ ഡിവൈഎസ്പി റോബർട്ട്‌ ജോണിയുടെ നേതൃത്വത്തിൽ പോത്തൻകോട് പൊലിസ് ഇൻസ്പെക്ടർ സുനിൽ ഗോപി ടീ മിനു നേതൃത്വം നൽകി.
Thiruvananthapuram
ഉദ്യോഗസ്ഥർക്ക് മെല്ലെപ്പോക്ക് നയം
കാട്ടാക്കട: അപേക്ഷകള്‍ ഓണ്‍ലൈന്‍വഴിയാക്കിയിട്ടും സര്‍ട്ടിഫിക്കറ്റ് കിട്ടാനും സേവനം ലഭിക്കാനും താലൂക്ക് ഓഫിസ് കയറിയിറങ്ങി മടുത്ത് ഭൂ ഉടമകൾ. നാലു മാസങ്ങള്‍ മുമ്പ് രജിസ്റ്റര്‍ ചെയ്ത ആധാരങ്ങള്‍ പോലും പോക്കുവരവു ചെയ്ത് നല്‍കാതെ ഭൂഉടമകളെ വട്ടംചുറ്റിക്കുകയാണ് ഉദ്യോഗസ്ഥർ. കാട്ടാക്കട താലൂക്ക് ഓഫിസിലാണ് ജനങ്ങൾക്ക് ദുരവസ്ഥ നേരിടുന്നത്.
സബ് രജിസ്ട്രാർ ഓഫിസുകളില്‍ ഭൂമികൈമാറ്റം രജിസ്റ്റര്‍ ചെയ്തശേഷം കാട്ടാക്കട താലൂക്ക് ഓഫിസിലേക്ക് അയയ്ക്കുന്ന രേഖകളാണ് പോക്കുവരവ് നടപടി നീളുന്നതുമൂലം ഭൂവുടമകളെ വലയ്ക്കുന്നത്. പോക്കുവരവു ചെയ്യേണ്ട ആധാരം, മുന്നാധാരം തുടങ്ങിയ സകലരേഖകളും താലൂക്കാഫിസില്‍ നേരിട്ടെത്തിച്ചു കാണിച്ചെങ്കിലേ പോക്കുവരവ് ചെയ്തു നല്‍കൂവെന്ന വാശിയിലാണ് ചില ഉദ്യോഗസ്ഥര്‍. രേഖകളുമായെത്തുന്നവര്‍ ദിവസങ്ങളോളം കയറിയിറങ്ങണം.
സേവനം ലഭിക്കണമെങ്കില്‍ കാലുപിടിക്കണം. അല്ലെങ്കില്‍ വിളിച്ചുവരുത്തുന്ന ഉദ്യോഗസ്ഥരെ രഹസ്യമായി കാണണം. ഭൂമികൈമാറ്റ രജിസ്ട്രേഷനും പോക്കുവരവ് നടപടികളും വേഗത്താലാക്കുന്നതിനുവേണ്ടിയാണ് സര്‍ക്കാര്‍ ഓണ്‍ലൈന്‍ സംവിധാനം ഒരുക്കിയത്. കാട്ടാക്കട താലൂക്ക് ഓഫിസില്‍ ഓണ്‍ലൈന്‍ സംവിധാനത്തോടു ചിലഉദ്യോഗസ്ഥര്‍ക്കു തീരെ താല്‍പര്യമില്ലെന്ന രീതിയാണുള്ളത്. അപേക്ഷകരെ വിളിച്ചുവരുത്തന്ന ഉദ്യോഗസ്ഥര്‍ പലപ്പോഴും സീറ്റില്‍ കാണാറില്ല. ലീവ്, സ്ഥല പരിശോധന തുടങ്ങി കാരണങ്ങളാണ് ഇതിനായി പറയുന്നത്. ഉദ്യോഗസ്ഥന്‍ സീറ്റിലുണ്ടെങ്കില്‍ നെറ്റില്ല, സൈറ്റില്ല തുടങ്ങി കാരണങ്ങള്‍ കാട്ടി മടക്കി അയയ്ക്കും. ഇത്തരത്തിൽ നൂറുകണക്കിന് അപേക്ഷകളാണ് പരിഹാരം കാണാതെ കെട്ടിക്കിടക്കുന്നത്.
ഭൂമിയുടെ വിസ്തീര്‍ണ വ്യത്യാസം, കരം അടയ്ക്കുന്ന പേരിലെ പിശക്, സർവേ നമ്പരുകളുടെ പിഴവ് എന്നീ പരാതികള്‍ക്ക് പരിഹാരമില്ലാത്ത സ്ഥിതിയാണ്. ജാതി സര്‍ട്ടിഫിക്കറ്റ് , അവകാശ സര്‍ട്ടിഫിക്കറ്റ്, അഗതി സര്‍ട്ടിഫിക്കറ്റ് തുടങ്ങി നിരവധി സര്‍ട്ടിഫിക്കറ്റുകള്‍ കിട്ടാനായും അപേക്ഷകര്‍ നെട്ടോട്ടമാണ്.
Thiruvananthapuram
ആറ്റിങ്ങൽ: ലോഡ്ജ് ജീവനക്കാരനെ കൊല്ലാൻ ശ്രമിച്ച കേസിൽ കുപ്രസിദ്ധ കുറ്റവാളി ആറ്റിങ്ങൽ അയ്യപ്പൻ ഉൾപ്പെടെ അഞ്ചുപേരെ ആറ്റിങ്ങൽ പൊലിസ് അറസ്റ്റ് ചെയ്തു. ആറ്റിങ്ങൽ പാലസ് റോഡ് കോഴിത്താൻ കുട്ടാലൂ വീട്ടിൽ ആറ്റിങ്ങൽ അയ്യപ്പൻ (56), തോട്ടവാരം ചിറ്റാറ്റിൻകര തമ്പുരാൻവിളാകത്ത് വീട്ടിൽ അനിൽകുമാർ (40), തോട്ടവാരം കണ്ണങ്കര വീട്ടിൽ ബിനു (55), കല്ലുവാതുക്കൽ കുളത്തൂർക്കോണം ഉത്രാടം വീട്ടിൽ ഗോപകുമാർ (60), ശ്രീകാര്യം കുഞ്ചുവീട്ടിൽ ക്ഷേത്രത്തിനു സമീപം കൃഷ്ണവിലാസത്തിൽ കൃഷ്ണപ്രസാദ് (31) എന്നിവരാണ് പിടിയിലായത്.
ആറ്റിങ്ങൽ പൊന്നൂസ് ലോഡ്ജിലെ സെക്യൂരിറ്റി ജീവനക്കാരൻ ചെറുന്നിയൂർ പ്രഭാനിലയം വീട്ടിൽ പ്രഭാകരൻ നായരേ മർദിച്ചും വെട്ടിയും പരിക്കേൽപ്പിച്ചു കൊല്ലാൻ ശ്രമിച്ച കേസിലാണ് അറസ്റ്റ്. കഴിഞ്ഞ 31ന് പുലർച്ചെ 12.30നായിരുന്നു കേസിന് ആസ്പദമായ സംഭവം. പൊന്നൂസ് ലോഡ്ജിൽ മുറിയെടുത്ത പ്രതികൾ റൂമിലെ എസിക്കു തണുപ്പ് കുറവാണെന്നു പറഞ്ഞു വഴക്കുണ്ടാക്കുകയും ഇതു ചോദിക്കാനെത്തിയ പ്രഭാകരൻ നായരെ ആക്രമിക്കുകയുമായിരുന്നു. മർദനത്തിനിരയായ പ്രഭാകരന്മാരുടെ ദേഹത്ത് ഏഴുതുന്നലുകളിടേണ്ടിവന്നു. ഷർട്ടു വലിച്ചുകീറി 3900 രൂപയും പഴ്സും ആധാർ കാർഡ്, ഡ്രൈവിംഗ് ലൈസൻസ് എന്നിവയും പ്രതികൾ കൈവശപ്പെടുത്തിയിരുന്നു.
സംഭവത്തിന്‍റെ പിറ്റേന്നുതന്നെ കേസിലെ പ്രതികളായ അനിയേയും ബിനുവിനെയും പിടികൂടിയിരുന്നു. തുടർന്നു നടത്തിയ അന്വേഷണത്തിൽ ഗോപനും കൃഷ്ണപ്രസാദും പിടിയിലായി. ബിജു എന്ന ആറ്റിങ്ങൽ അയ്യപ്പൻ ഒളിവിൽ പോവുകയായിരുന്നു. കൊലപാതകം ഉൾപ്പെടെ നിരവധി ക്രിമിനൽ കേസിലെ പ്രതിയാണ് ആറ്റിങ്ങൽ അയ്യപ്പൻ. തുടർന്ന് ആറ്റിങ്ങൽ ഡിവൈഎസ്പിയുടെ നിർദേശത്തെ തുടർന്ന് ആറ്റിങ്ങൽ സിഐ വി.കെ. ശ്രീജേഷിന്‍റെ നേതൃത്വത്തിൽ രൂപീകരിച്ച പ്രത്യേക അന്വേഷണ സംഘമാണ് പ്രതികളെ പിടികൂടിയത്. സബ് ഇൻസ്പെക്ടർ കെ.എസ്. സുദർശനൻ, സലിം, എഎസ്ഐ ഷേർഷ, വി.വി. ജ്യോതിഷ് കുമാർ, പൊലിസുകാരായ മഹേഷ്, സന്തോഷ് നിധിൻ, അനന്തു, മനോജ് മണിയൻ, അഭിലാഷ് എന്നിവരും പൊലിസ് സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Thiruvananthapuram
പേരൂർക്കട: തിരുവനന്തപുരം സിറ്റി പൊലിസിന്‍റെ ഓപ്പറേഷൻ തൂഫാന്‍റെ ഭാഗമായി പുകയില ഉൽപ്പന്നങ്ങൾ പിടികൂടി. ചാല മാർക്കറ്റിലെ പച്ചക്കറി കടയുടെ മറവിൽ നിരോധിത പുകയില ഉത്പന്നങ്ങൾ ശേഖരിച്ച് സമീപപ്രദേശത്തെ സ്കൂൾ കുട്ടികളെ കേന്ദ്രീകരിച്ചു വിൽപ്പന നടത്തിവന്ന സംഘമാണ് പിടിയിലായത്.
ഫോർട്ട് സിഐ ആർ.എസ്. ശ്രീകാന്തിനു ലഭിച്ച വിവരത്തിന്‍റെ അടിസ്ഥാനത്തിൽ എസ്.ഐ. ജോസ്ബിൻ രാജ്, സീനിയർ സിവിൽ പൊലിസ് ഓഫീസർമാരായ ശരത്, അജീഷ് എന്നിവരുടെ നേതൃത്വത്തിൽ ചാലയിൽ നടത്തിയ തെരച്ചിലിൽ ആറു ചാക്കോളം നിരോധിത പുകയില ഉത്പന്നങ്ങൾ പിടികൂടി. ആസാം സ്വദേശികളായ റൗസുൽ ഇസ്ലാം, മുജീബ് റഹ്മാൻ, രാമാനുജ എന്നിവരെ സംഭവവുമായി ബന്ധപ്പെട്ട് കസ്റ്റഡിയിലെടുത്തു. ഇതര സംസ്ഥാനങ്ങളിൽനിന്നു കേരളത്തിലേക്കു ലഹരിപദാർത്ഥങ്ങൾ നടത്തുന്ന സംഘങ്ങളെക്കുറിച്ചുള്ള അന്വേഷണം ഊർജിതമാക്കിയതായി ഫോർട്ട് പൊലിസ് അറിയിച്ചു.
ഇതര സംസ്ഥാനങ്ങളിൽനിന്നു ട്രെയിനുകൾ വഴി ചാക്കുകളിലാക്കിയ ലഹരിപദാർഥങ്ങൾ കൊണ്ടുവരുന്നുണ്ടെന്നും അതിനുശേഷം തിരുവനന്തപുരത്തെത്തിച്ചശേഷം ചില്ലറ വില്പന നടത്തുകയാണ് സംഘത്തിന്‍റെ രീതിയെന്നും പൊലിസ് അറിയിച്ചു. ഇതിനുവേണ്ടി ഇവർ വീടുകൾ വാടകയ്ക്ക് എടുക്കാറുണ്ടെന്നും ഇത്തരത്തിലുള്ള വീടുകൾ കേന്ദ്രീകരിച്ചു അന്വേഷിച്ചു നടത്തിവരികയാണെന്നും പൊലിസ് വ്യക്തമാക്കി.
Thiruvananthapuram
നെടുമങ്ങാട് : വീട്ടിൽ സൂക്ഷിച്ചിരുന്ന റബർ ഷീറ്റ് മോഷ്ടിച്ച പ്രതികളെ ആര്യനാട് പൊലിസ് അറസ്റ്റ് ചെയ്തു. വാളിക്കോട് ആക്കോട്ടുപാറ വിമല ഭവനിൽ വാടകയ്ക്ക് താമസിക്കുന്ന അമീർ അലി (19), നെടുമങ്ങാട് കുറക്കോട് കുന്നുംപുറത്ത് വീട്ടിൽ വാടകയ്ക്ക് താമസിക്കുന്ന ആലിഫ് (23) എന്നിവരെയാണ് ആര്യനാട് പൊലിസ് അറസ്റ്റ് ചെയ്തത്.
വിനോബനികേതൻ മുതുപുരം പെരുമാൾ വീട്ടിൽ രമാദേവിയുടെ വീട്ടിലാണ് ഇക്കഴിഞ്ഞ 31ന് രാത്രി ഇവർ മോഷണം നടത്തിയത്. രാവിലെ വീട്ടുകാർ സിസിടിവി പരിശോധിച്ചപ്പോഴാണ് മതിൽ ചാടിക്കടന്നെത്തിയ മോഷ്ടാക്കൾ വീടിനു പിൻവശത്ത് ഉണങ്ങാനിട്ടിരുന്ന 40 റബർ ഷീറ്റുകൾ മോഷ്ടിച്ചു കൊണ്ടുപോകുന്നത് കണ്ടെത്തിയത്. തുടർന്ന് ആര്യനാട് പൊലിസിൽ പരാതി നൽകി. ദിവസങ്ങൾക്ക് മുൻപ് അരുവിക്കരയിലെ പവർ ടൂൾസ് കടയിലെ ഏണി മോഷ്ടിച്ചു ദിവസങ്ങൾ കഴിഞ്ഞപ്പോൾ ക്ഷമാപണം എഴുതി തിരികെ കൊണ്ടുവച്ചതും ഇവരാണെന്നു പൊലിസ് അറിയിച്ചു.
വിവിധ സ്ഥലങ്ങളിൽ വാടകയ്ക്കു വീടെടുത്തു താമസിക്കുന്ന പ്രതികൾ ബൈക്കിൽ കറങ്ങി നടന്നു നിരവധി മോഷണങ്ങൾ നടത്തിയിട്ടുള്ളതായി പൊലിസ് അറിയിച്ചു.
Thiruvananthapuram
മരിച്ചത് രാജാജി നഗർ സ്വദേശിയെന്നു സംശയം
പേരൂർക്കട: തിരുവനന്തപുരം ബേക്കറി ജംഗ്ഷനിൽ പണി നടന്നുവന്നിരുന്ന ഫ്ലാറ്റിനു സമീപത്തെ കാട്ടിൽ മനുഷ്യന്‍റെ തലയോട്ടി കണ്ടെത്തിയതുമായി ബന്ധപ്പെട്ട് അന്വേഷണം പുരോഗമിക്കുന്നു. കഴിഞ്ഞ വ്യാഴാഴ്ചയാണ് ബേക്കറി ജംഗ്ഷനിലെ അടിപ്പാതയിൽ ശ്രീനേത്ര കണ്ണാശുപത്രിക്ക് എതിവശത്തു പണി നടന്നുവരുന്ന ഫ്ലാറ്റിന്‍റെ കാടുപിടിച്ച ഭാഗത്തുനിന്ന് ഉത്തരേന്ത്യൻ ശുചീകരണ തൊഴിലാളികൾക്ക് അസ്ഥികൂടം ലഭിച്ചത്. ഈ ഭാഗത്ത് ദുർഗന്ധം രൂക്ഷമായതോടെയാണ് പ്രദേശം ശുചീകരിക്കാൻ തീരുമാനമെടുക്കുന്നത്. തലയുടെ ഭാഗവും എല്ലിൻ കഷ്ണങ്ങളുമാണു ഇവിടെനിന്നു ലഭിച്ചത്.
തിരുവനന്തപുരം രാജാജി നഗർ സ്വദേശി മുരുകൻ (58) ആണ് മരിച്ചതെന്നാണു പൊലിസ് സംശയിക്കുന്നത്. ഇയാൾ ആക്രി പെറുക്കി ജീവിക്കുന്ന ആളാണ്. ആളെ കാണാതായതുമായി ബന്ധപ്പെട്ട് മ്യൂസിയം സ്റ്റേഷനിൽ പരാതി ലഭിച്ചിരുന്നു. കാണാതായ ദിവസം മുരുകൻ ധരിച്ചിരുന്ന ലുങ്കിയും ഷർട്ടും അസ്ഥികൂടം കിടന്നതിനുസമീപത്തുനിന്നു കണ്ടെത്തിയിട്ടുണ്ട്. ഇയാൾ സ്ഥിരമായി ധരിക്കുന്ന മുത്തുമാലയും കൈയിൽ ധരിക്കാറുള്ള വളകളും അസ്ഥികൂടത്തിൽ അതേപടി ഉണ്ടായിരുന്നു.
സ്ഥിരമായി നഗരപ്രാന്തങ്ങളിൽ ആക്രികൾ പെറുക്കാൻ എത്തുന്ന ആളായിരുന്നു മുരുകനെന്നും ഫ്ലാറ്റിലെ കാടുപിടിച്ച ഭാഗത്തു കയറുന്നതിനിടെ ഏതെങ്കിലും വിധത്തിൽ അത്യാഹിതം സംഭവിച്ചതായിരിക്കാമെന്നുമാണ് പൊലിസിന്‍റെ നിഗമനം. ഫ്ലാറ്റിനു സമീപത്തായി പാളയം ചന്തയുള്ളതിനാൽ മൃതദേഹത്തിൽനിന്നുള്ള ദുർഗന്ധം ആരും ശ്രദ്ധിച്ചിരുന്നില്ല. ചില സാങ്കേതിക പ്രശ്നങ്ങൾമൂലം ഫ്ലാറ്റിന്‍റെ നിർമാണം താത്കാലികമായി തടസപ്പെട്ടിരിക്കുന്നതിനാൽ കുറച്ചുകാലമായി ഇവിടെ തൊഴിലാളികളും ഉണ്ടായിരുന്നില്ല. തലയോട്ടിയും എല്ലിൻ കഷ്ണങ്ങളും വിശദമായ പരിശോധനയ്ക്ക് ഫോറൻസിക്ക് വിഭാഗത്തിലേക്ക് അയച്ചിട്ടുണ്ടെന്നു മ്യൂസിയം പൊലിസ് അറിയിച്ചു.
Thiruvananthapuram
തിരുവനന്തപുരം: തിരുവല്ലം കോവളം തിരുഹൃദയ പള്ളിയിൽ 15 വരെ നടക്കുന്ന തിരുനാൾ ആഘോഷങ്ങൾക്ക് ഇടവക വികാരി ഫാ. ആന്റണി കിഴക്കേതലയ്ക്കൽ തിരുനാൾ കൊടിയേറ്റം നിർവഹിച്ചു. സിഎംഐ സന്യാസ സഭയുടെ സെന്റ് ജോസഫ് പ്രൊവിൻസിന്‍റെ പ്രൊവിൻഷ്യൽ ഫാ. തോമസ് കാട്ടാമ്പള്ളി വിശുദ്ധ കുർബാനയർപ്പിച്ചു. പ്രധാന തിരുനാൾ ദിനമായ 15നു രാവിലെ 9:30നു ഫാ. ജോസഫ് പാറത്താനം, ആർച്ച് ഡീക്കൻ ഫാ. ആന്റണി അറക്കത്തറ എന്നിവരുടെ നേതൃത്വത്തിൽ റാസ കുർബാന നടക്കും. തുടർന്നു തിരുനാൾ പ്രദക്ഷിണം, ബാൻഡ്, കൊടിയിറക്ക്, സ്നേഹവിരുന്ന് എന്നിവയുണ്ടായിരിക്കും.
Thiruvananthapuram
കാട്ടാക്കട : കാട്ടാക്കടയ്ക്ക് സമീപം അന്തിയൂർക്കോണം പാലത്തിന് അടുത്ത് ഓട്ടോറിക്ഷനിയന്ത്രണം വിട്ട് തലകീഴായി മറിഞ്ഞുണ്ടായ അപകടത്തിൽ ഒരാൾ മരിച്ചു. രണ്ടുപേർക്ക് ഗുരുതരമായി പരുക്കേറ്റു.
കാട്ടാക്കട തൂങ്ങാംപാറ മാവുവിളയിൽ താമസിക്കുന്ന സുബാഷ് (38) ആണ് മരിച്ചത്. തൊഴുക്കൽ സ്വദേശിയായ സുബാഷ് ഭാര്യാ വീടായ മാവുവിളയിലാണ് താമസിച്ചിരുന്നത്. ഷിൻ, അനീഷ് എന്നിവർക്കാണ് ഗുരുതരമായി പരുക്കേറ്റത്. ഇവരെ മെഡിക്കൽ കോളജ് ആശുപത്രിയിലേക്ക് മാറ്റി.
ശനിയാഴ്ച അർധരാത്രിയാണ് അപകടം നടന്നത്. തലകീഴായി മറിഞ്ഞ ഓട്ടോ നാട്ടുകാരും ഫയർഫോഴ്സും ചേർന്ന് ഉയർത്തിയാണ് മൂന്നുപേരെയും പുറത്തെടുത്തത്. മലയിൻകീഴ് പൊലിസും കാട്ടാക്കട പൊലിസും സ്ഥലത്തെത്തി വേണ്ട നടപടികൾ സ്വീകരിച്ചു.
Thiruvananthapuram
വിഴിഞ്ഞം : നിർമാണത്തിലിരുന്ന സ്വകാര്യ സ്കൂൾ കെട്ടിടം കോൺക്രീറ്റിടുന്നതിനിടയിൽ തകർന്നു വീണു. തൊഴിലാളികൾ ഓടിമാറിയതിനാൽ വൻ അപകടം ഒഴിവായി. കാഞ്ഞിരംകുളം പികെ എച്ച്എസിനു മുന്നിൽ പണിത കെട്ടിടമാണ് ഇന്നലെ പുലർച്ചെ വൻ ശബ്ദത്തോടെ തകർന്നു വീണത്. കമ്പികളും കോൺക്രീറ്റ് മിക്സിംഗും പരിസരമാകെ നിറഞ്ഞു. ഇന്നലെ അവധി ദിവസമായിരുന്നതിനാൽ വൻ ദുരന്തമൊഴിവായി.
ഏകദേശം അൻപത് മീറ്ററോളം വരുന്ന ഷീറ്റിട്ടമേൽക്കൂരയായിരുന്ന കെട്ടിടത്തെ പുതുക്കിപ്പണിയാനുള്ള അനുമതി പഞ്ചായത്തിൽ നിന്ന് അധികൃതർ നേരത്തെ വാങ്ങിയിരുന്നു. തുടർന്നു കുഴിയെടുത്ത് പില്ലറുകൾ തീർത്ത് കെട്ടിപ്പൊക്കിയ ഭാഗത്ത് കഴിഞ്ഞ ദിവസം രാത്രിയിൽ കോൺക്രീറ്റിടാനുള്ള ശ്രമം ആരംഭിച്ചിരുന്നു. രാത്രിയിൽ പെയ്ത ശക്തമായ മഴയും പില്ലറുകളുടെ ബലക്ഷയവും കാരണം ഭാരം താങ്ങാനാവാത്ത കോൺക്രീറ്റ് തട്ട് ഒരു ഭാഗത്തേക്കു ചരിഞ്ഞു താഴേയ്ക്കു പതിക്കുകയായിരുന്നു.
അപകടം മനസിലാക്കിയ തൊഴിലാളികൾ ഓടി മാറുന്നതിനിടയിൽ കെട്ടിടം പില്ലറുകൾ കൊപ്പം നിലംപതിച്ചു. 50 മീറ്ററോളം വരുന്ന കെട്ടിടഭാഗത്തിന്‍റെ പകുതിയോളം തകർന്നതിനാൽ ബാക്കി ഭാഗത്തിനു കാര്യമായ ബലക്ഷയം ഉണ്ടാകാൻ സാധ്യതയുണ്ടെന്ന് അധികൃതർ പറയുന്നു. ബലക്ഷയ പരിശോധനകൾക്കുശേഷം മാത്രമായിരിക്കും തുടർ നടപടി സ്വീകരിക്കുകയെന്ന് പഞ്ചായത്ത് അധികൃതരും അറിയിച്ചു.
Thiruvananthapuram
കോവളം: വിദ്യാർഥിനിയായ പതിനാറുകാരിയെ പീഡിപ്പിച്ച സംഭവത്തിൽ ഒരാൾകൂടി അറസ്റ്റിൽ. പാച്ചല്ലൂർ ചുടുകാടിനു സമീപം പുലയൻവിളാകം വീട്ടിൽ രതീഷ് (39) ആണ് അറസ്റ്റിലായത്. ഗ്യാസ് വിതരണക്കാരനാണ് ഇയാളെന്നു വിഴിഞ്ഞം പൊലിസ് അറിയിച്ചു. ഇതോടെ സംഭവത്തിൽ അറസ്റ്റിലായ പ്രതികളുടെ എണ്ണം നാലായി. രണ്ടുപേരെ കഴിഞ്ഞ ദിവസം കോവളം പൊലിസ് അറസ്റ്റ് ചെയ്തിരുന്നു.
സർക്കാർ അഭയകേന്ദ്രത്തിൽ കഴിയുന്ന വിദ്യാർഥിനിയിൽനിന്ന് കോവളം പൊലിസ് രേഖപ്പെടുത്തിയ മൊഴിയിൽ നിന്നാണ് വീണ്ടും രണ്ടുപേർക്കെതിരേ കേസെടുത്തത്. സീറോ എഫ്ഐആർ രജിസ്റ്റർ ചെയ്ത കോവളം പൊലിസ്, വിഴിഞ്ഞം, ഫോർട്ട് സ്റ്റേഷനുകളിലേക്ക് കേസ് ട്രാൻഫർ ചെയ്യുകയായിരുന്നു.
പരസ്പരം അറിയാത്ത നാലുപേരാണു വിദ്യാർഥിനിയെ പലയിടങ്ങളിൽവച്ചു പീഡിപ്പിച്ചതെന്ന് പൊലിസ് പറഞ്ഞു. ഈ സംഭവത്തിൽ പൂങ്കുളം സ്വദേശി അനൂപ് (39), പള്ളിച്ചൽ കണ്ണംകോട് മച്ചേൽ സ്വദേശി റോയ് (27) എന്നിവരെ കോവളം പൊലിസ് നേരത്തെ അറസ്റ്റുചെയ്തിരുന്നു.
Thiruvananthapuram
തിരുവനന്തപുരം: "ശങ്കര ശ്രീ ഗിരിനാഥപ്രഭു...' കഴുത്തിൽ രുദ്രാക്ഷമണിഞ്ഞ്, ഭസ്മഭൂഷിതനായ പരമശിവൻ ആനന്ദ നൃത്തമാടുന്പോൾ ആകാശത്തിൽ ദേവതകളും മുനിവര്യന്മാരും താളവാദ്യമുഴക്കും.
മനുഷ്യജന്മത്തിൽ അപ്രാപ്യമായ, മോക്ഷദായകമായ ആ നടനം നേരിട്ടു കണ്ട ആത്മീയാനുഭൂതി പകരുന്നതാണ് സ്വാതി തിരുനാൾ മഹാരാജാവിന്‍റെ ഹംസാനന്തി രാഗത്തിലെ ശങ്കര ശ്രീ ഗിരിനാഥ പ്രഭോ... എന്ന കീർത്തനം. യുവസംഗീതജ്ഞ ഡോ. എൻ.ജെ. നന്ദിനി ഇന്നലെ സ്വാതി ഹൃദയരാഗത്തിൽ അലിഞ്ഞു ചേർന്നപ്പോൾ മുന്നിൽ സാക്ഷാൽ ശിവനടനത്തിന്‍റെ ആത്മീയ ചൈതന്യം. ശ്രീ സ്വാതിതിരുനാൾ സംഗീത സഭ സംഘടിപ്പിച്ച അഞ്ചുദിവസം നീണ്ടു നിൽക്കുന്ന ശ്രീ ചിത്തിര തിരുനാൾ മഹാരാജാവിന്‍റെയും സേതുപാർവതി ബായിയുടെയും ജയന്തി ആഘോഷത്തിനു ഡോ. എൻ.ജെ. നന്ദിനിയുടെ കർണാടക സംഗീത കച്ചേരിയോടെ ഇന്നലെ തുടക്കം.
ശ്രീ കാർത്തിക തിരുനാൾ തീയറ്ററിലായിരുന്നു ജയന്തി ആഘോഷത്തിന്‍റെ ഭാഗമായ സംഗീതക്കച്ചേരി. ദീപാവലി ആഘോഷം അനന്തപുരിയുടെ സന്ധ്യയിൽ ചൊരിഞ്ഞ പ്രകാശ പൂരത്തിനൊപ്പം, പെയ്തു തിമിർത്ത മഴയുടെ നാദത്തിനൊപ്പം സംഗീതജ്ഞയുടെ രാഗധാരയും നിറഞ്ഞു. തോടിരാഗത്തിലെ സ്വാതി കൃതിയായ ശ്രീരാമചന്ദ്രയും... പൂർണ ചന്ദ്രിക രാഗത്തിലെ രാമചന്ദ്ര പാഹിയും.... ഭക്തിയുടെ നൈവേദ്യമായി.
വൈക്കത്ത് വാഴുന്ന ശിവനുള്ള സ്വാതി തിരുനാളിന്‍റെ രാഗാർച്ചനയായ, ആനന്ദ ഭൈരവി രാഗത്തിലെ "പാഹിതരക്ഷു പുരാലയ...' എൻ.ജെ. നന്ദിനിയുടെ നാദം ഏറ്റുവാങ്ങി. വയലിനിൽ ആറ്റുകാൽ ബാലസുബ്രഹ്മണ്യവും മൃദംഗത്തിൽ ബാലകൃഷ്ണ കമ്മത്തും ഘടത്തിൽ വെള്ളാട്ടഞ്ഞൂർ ശ്രീജിത്തും താളം പകർന്നു. നേരത്തെ എഴുത്തുകാരനും ആത്മീയ പണ്ഡിതനുമായ ഡോ. പൂജപ്പുര കൃഷ്ണൻ നായർ ശ്രീചിത്തിര തിരുനാൾ- സേതു പാർവതി ഭായി അനുസ്മരണ പ്രഭാഷണം നടത്തി.
Thiruvananthapuram
തിരുവനന്തപുരം: പ്രശസ്ത തീർഥാടന കേന്ദ്രമായ വെട്ടുകാട് മാദ്രെ ദെ ദേവൂസ് ദേവാലയത്തിലെ ക്രിസ്തുരാജത്വ തിരുനാൾ മഹോത്സവം 13 മുതൽ 22 വരെ ആഘോഷിക്കും.
നാളെ മുതൽ 11 വരെ വൈകുന്നേരം ആറു മുതൽ എട്ടുവരെ ഒരുക്കധ്യാനം. 13നു വൈകുന്നേരം 4.30 മുതൽ തിരുവനന്തപുരം ലത്തീൻ അതിരൂപത സഹായ മെത്രാൻ ഡോ. ആർ. ക്രിസ്തുദാസിന്‍റെ മുഖ്യകാർമികത്വത്തിൽ പൊന്തിഫിക്കൽ ദിവ്യബലി. തുടർന്ന് ഇടവക വികാരി ഫാ. ഷാജു വില്യമിന്‍റെ നേതൃത്വത്തിൽ ആഘോഷമായ തിരുനാൾ കൊടിയേറ്റ്.
14നു വൈകുന്നേരം 5.30 മുതൽ നെയ്യാറ്റിൻകര രൂപത ബിഷപ്പ് എമിരറ്റസ് ഡോ. വിൻസന്‍റ് സാമുവലിന്‍റെ മുഖ്യ കാർമികത്വത്തിൽ പൊന്തിഫിക്കൽ ദിവ്യബലി. 15ന് രാവിലെ ഏഴിന് വിശ്വാസ പ്രഖ്യാപന റാലി.
16നു വൈകുന്നേരം 5.30ന് വിജയപുരം രൂപതാ സഹായമെത്രാൻ ഡോ. ജെസ്റ്റിൻ അലക് സാണ്ടർ മഠത്തിൽ പറന്പിലിന്‍റെ മുഖ്യകാർമികത്വത്തിൽ പൊന്തിഫിക്കൽ ദിവ്യബലി. 19നു വൈകുന്നേരം 5.30ന് പുനലൂർ രൂപതാധ്യക്ഷൻ ഡോ. സിൽവസ്റ്റർ പൊന്നുമുത്തന്റെ മുഖ്യകാർമികത്വത്തിൽ പൊന്തിഫിക്കൽ ദിവ്യബലി നടക്കും.
21നു വൈകുന്നേരം 5.30ന് നെയ്യാറ്റിൻകര രൂപതാ എപ്പിസ് കോപ്പൽ വികാരി മോണ്‍. വിൻസന്‍റ് കെ. പീറ്ററുടെ മുഖ്യകാർമികത്വത്തിൽ സന്ധ്യാവന്ദന പ്രാർഥന. 6.30 മുതൽ ക്രിസ്തുരാജ തിരുസ്വരൂപം വഹിച്ചുകൊണ്ടുള്ള ഭക്തിനിർഭരമായ പ്രദക്ഷിണം. സമാപന ദിവസമായ 22നു വൈകുന്നേരം അഞ്ചിന് ജപമാല, ലിറ്റനി, 5.30 മുതൽ തിരുവനന്തപുരം ലത്തീൻ അതിരൂപത ആർച്ച്ബിഷപ് ഡോ. തോമസ് ജെ. നെറ്റോയുടെ നേതൃത്വത്തിൽ ആഘോഷമായ തിരുനാൾ പൊന്തിഫിക്കൽ സമൂഹ ദിവ്യബലി. തുടർന്നു ദിവ്യകാരുണ്യപ്രദക്ഷിണം.
തിരുനാൾ മഹോത്സവ ദിവസങ്ങളിൽ എല്ലാം രാവിലെ 5.30 ന് ദിവ്യകാരുണ്യ ആരാധന, ആറു മണിമുതൽ ദിവ്യബലി, സമൂഹ ദിവ്യബലി, വചനപ്രഘോഷണം, ക്രിസ്തുരാജ പാദപൂജ എന്നിവയുണ്ടായിരിക്കും. രാത്രിയിൽ കലാപരിപാടികളും നടക്കും. 27നു വൈകുന്നേരം കൊടിയിറക്ക്.
Thiruvananthapuram
നേമം: ഇന്ന് ദീപാവലി. തിന്മയ്ക്കെതിരേയുള്ള നന്മയുടെ വിജയം ഓർമപ്പെടുത്തുന്ന ദിനം. നാടൊങ്ങും ആലോഷത്തിമിർപ്പിലാണ്. രാവണനെവധിച്ചു മടങ്ങിയ ശ്രീരാമനെ വീഥികൾതോറും ദീപം തെളിയിച്ചു പ്രജകൾ സ്വീകരിച്ചതിന്‍റെ ഓർമയ്ക്കായാണു ദീപാവലി ആഘോഷിക്കുന്നതെന്നാണു വിശ്വാ സം. ദീപാവലിയെക്കുറിച്ചു വേറെയും നിരവധി ഐതീഹ്യങ്ങ പറയുന്നുണ്ട്.
നരകാസുരനെ വധിച്ച മഹാവിഷ്ണവി ന്റെ സുദർശനചക്രത്തിൽനിന്നു പ്രസരിച്ച അഗ്നിസ്ഫുലിംഗ ങ്ങളുടെ പ്രഭ ഏഴു ലോകങ്ങളിലുമെത്തിയതിന്‍റെ സ്മരണയ്ക്കാണു ദീപാവലി ആഘോഷിക്കുന്നതെന്നും പറ‍യപ്പെടു ന്നു. തുലമാസത്തിലാണ് ദീപാവലി ആഘോഷിക്കുന്നത്. തമിഴ്നാട്ടിലാണ് കൂടുതൽ ആഡംബരമായി ആഘോഷങ്ങൾ നടക്കുന്നത്. ദീപാവലി ആയതോടെ വിവിധ ജോലികൾക്കായി സംസ്ഥാനത്തെത്തിയിട്ടുള്ള ഇതര സംസ്ഥാന തൊഴിലാളികളിൽ നല്ലൊരു ഭാഗവും നാട്ടിലേക്ക് മടങ്ങി.
സംസ്ഥാനത്ത് ദീപാവലി ദിവസം പുലർച്ചെ മുതൽ പടക്കം പൊട്ടിച്ചും ശരീരത്താകമാനം എണ്ണ തേച്ചു സ്നാനം ചെയ്ത് ഐശ്വര്യ ലക്ഷ്മിയെ ധ്യാനിച്ചുമാണ് ദിവസം ആരംഭിക്കുന്ന ത്. അതുവഴി ഇരുളിനെ അകറ്റി മനസിൽ നന്മയുടെ പ്രഭ ചൊരിയുന്നുവെന്നാണു വിശ്വാസം. ദീപാവലിയായതോടെ പടക്ക വിപണിയും സജീവമായി. പടക്കകടകളിൽ കഴിഞ്ഞ രണ്ടുദിവസമായി വൻതിരക്കാണ്. മുൻ വർഷങ്ങളെത്തേക്കാൾ വിലകൂടുതലാണെങ്കിലും പടക്കം വാങ്ങാൻ കടകൾക്കു മുന്നിൽ രാവിലെ മുതലേ തിരക്കായിരുന്നു.
പടക്കം വില്പനയ്ക്ക് പേരുകേട്ട വെടികെട്ട് ആശാന്മാരുടെ നാടായ പൂഴിക്കുന്നിൽ ജില്ലയിലെ വിവിധഭാഗങ്ങളിൽ നിന്നുള്ള ആളുകളാണ് പടക്കങ്ങൾ വാങ്ങാനെത്തിയത്. ഇത്തവണ പൂഴിക്കുന്നിൽ ത്രിശൂലം മാതൃകയിലുള്ള പൂക്കുറ്റി, 60 അടിയോളം ഉയരത്തിൽ പോകുന്ന കളർകോൺ പൂക്കുറ്റി, വെള്ളത്തിലിട്ടാലും പൊട്ടുന്ന അപകടരഹിതമായ പടക്കങ്ങൾ എന്നിവയടക്കം നിരവധി ഐറ്റങ്ങളാണ് ഉള്ളത്. ദീപാവലി നാളിൽ മധുര പലഹാരങ്ങൾ വാങ്ങാനും ബേക്കറികളിൽ നല്ലതിരക്കായിരുന്നു.
Thiruvananthapuram
പാറശാല: കെസിഎസ്എൽ പാറശാല രൂപത കലോത്സവം "സർഗ ലയം2k26' പ്രാവച്ചമ്പലം മാർ ഗ്രീഗോറിയോസ് സ്കൂളിൽ പാറശാല രൂപത സ്നേഹദീപം മൈനർ സെമിനാരി റെക്ടർ ഫാ. അലോഷ്യസ് തുണ്ടുതട്ടിൽ ഉദ്ഘാടനം ചെയ്തു. രൂപതയിലെ വിവിധ സ്കൂളുകളിൽ നിന്നായി മുന്നൂറിലധികം കുട്ടികൾ മത്സരങ്ങളിൽ പങ്കെടുത്തു. രൂപത ഡയറക്ടർ ഫാ. സാമുവൽ തിരുഹൃദയം, രൂപത പ്രസിഡന്റ് ജോയി ഫ്രാൻസിസ്, രൂപത ചെയർ പേഴ്സൺ അനുരേഷ്മി, മറ്റ് എക്സിക്യൂട്ടിവ് അംഗങ്ങൾ എന്നിവർ നേതൃത്വം നൽ കി. കാഞ്ഞിരംകുളം മാർ ഈവാനിയോസ് ബഥനി വിദ്യാലയ ഒന്നാം സ്ഥാനവും പാപ്പനംകോട് സെന്‍റ്മേരീസ് സ്കൂൾ രണ്ടാം സ്ഥാനവും നേടി.
Thiruvananthapuram
തിരുവനന്തപുരം: അമ്മയെയും രണ്ടര വയസുള്ള മകളെയും കടലിലെറിഞ്ഞ് കൊലപ്പെടുത്തിയ കേസിൽ നിർണായക സാക്ഷി കോടതിയിലെത്തിയത് കനത്ത പൊലിസ് സുരക്ഷയിൽ. പ്രതികളിൽനിന്ന് ഭീഷണിയുണ്ടെന്ന പരാതിയെ തുടർന്നാണ് തിരുവനന്തപുരം റൂറൽ എസ്പിയുടെ നിർദേശപ്രകാരം സാക്ഷിക്ക് പ്രത്യേക സുരക്ഷ ഏർപ്പെടുത്തിയത്. ഏഴാം അഡീഷണൽ സെഷൻസ് ജഡ്ജി അനീറ്റ ജോസഫാണ് കേസ് പരിഗണിക്കുന്നത്.
പൂവാർ മണ്ണാംവിളാകം മാഹീൻ മൻസിലിൽ മാഹീൻ കണ്ണും ഭാര്യ റുക്കിയയുമാണ് കേസിലെ പ്രതികൾ. മലയിൻകീഴ് മാറനല്ലൂർ വെള്ളൂർക്കോണം അംബികാ വിലാസത്തിൽ ദിവ്യ (23), മകൾ ഗൗരി എന്നിവരെ തമിഴ്നാട്ടിലെ വിളവൻകോട് ആളില്ലാത്തുറ കടലിൽ എറിഞ്ഞ് കൊലപ്പെടുത്തിയെന്നാണ് കേസ്.
ആദ്യഭാര്യ റുക്കിയയുടെ പ്രേരണയാൽ രണ്ടാം ഭാര്യയായ ദിവ്യയെയും കുഞ്ഞിനെയും ഒഴിവാക്കാനാണ് കൊലപാതകം ആസൂത്രണം ചെയ്തതെന്നാണ് പൊലിസ് കണ്ടെത്തൽ. 2011 ഓഗസ്റ്റ് 18നായിരുന്നു നാടിനെ നടുക്കിയ സംഭവം. കൃത്യത്തിനുശേഷം ഒളിവിൽപ്പോയ ഒന്നാം പ്രതിയെ ഒൻപത് വർഷങ്ങൾക്കുശേഷമാണ് ക്രൈംബ്രാഞ്ച് പിടികൂടിയത്.
Thiruvananthapuram
തിരുവനന്തപുരം: തലസ്ഥാനത്തെ കരമന കൂടത്തിൽ കുടുംബത്തിലെ ജയമാധവൻ നായരുടെ ദുരൂഹമരണവുമായി ബന്ധപ്പെട്ട കൊലപാതകക്കേസിൽ രണ്ടാം പ്രതിയുടെ മുൻകൂർ ജാമ്യാപേക്ഷ കോടതി തള്ളി. പ്രതിയെ കസ്റ്റഡിയിലെടുത്ത് ചോദ്യം ചെയ്യേണ്ടത് അന്വേഷണത്തിന് അനിവാര്യമാണെന്ന് നിരീക്ഷിച്ചാണ് അഡീഷണൽ സെഷൻസ് ജഡ്ജി അനിറ്റ് ജോസഫ് ജാമ്യാപേക്ഷ നിരസിച്ചത്. അപേക്ഷയിൽ മൂന്നാം പ്രതിയെന്നാണ് രേഖപ്പെടുത്തിയിരുന്നതെങ്കിലും ഔദ്യോഗിക രേഖകൾ പ്രകാരം ഹർജിക്കാരൻ രണ്ടാം പ്രതിയാണെന്ന് കോടതി വ്യക്തമാക്കി.
കോടികൾ വിലമതിക്കുന്ന തറവാട്ടുസ്വത്ത് തട്ടിയെടുക്കാൻ ആസൂത്രണം ചെയ്ത കൊലപാതകമാണിതെന്നാണ് പ്രോസിക്യൂഷൻ കോടതിയിൽ വാദിച്ചത്. 2017 ഏപ്രിൽ ഒന്നിന് ഒന്നാം പ്രതിയായ രവീന്ദ്രൻ നായരും കൂട്ടുപ്രതികളും ചേർന്ന് ജയമാധവൻ നായരെ കൊലപ്പെടുത്തിയെന്നാണ് കേസ്. ഒന്നാം പ്രതി ജയമാധവൻ നായരുടെ തല ചുമരിലിടിപ്പിച്ചശേഷം കട്ടിലിൽ കിടത്തി തലയിണ മുഖത്തമർത്തി ശ്വാസംമുട്ടിച്ച് കൊ ലപ്പെടുത്തിയെന്നാണ് അന്വേഷണ റിപ്പോർട്ടിലുള്ളത്.
കൊലപാതകം സ്വാഭാവിക മരണമാണെന്ന് വരുത്തിത്തീർക്കാൻ ഏപ്രിൽ രണ്ടിന് രാവിലെ മൂന്നാം പ്രതിയുടെ കാറിൽ മൃതദേഹം ആശുപത്രിയിലെത്തിച്ചു. തുടർന്ന് രവീന്ദ്രൻ നായർ തന്നെ പരാതിക്കാരനായി കേസ് രജിസ്റ്റർ ചെയ്യുകയും സംസ്കാരം നടത്തുകയും ചെയ്തതായി റിപ്പോർട്ടിൽ പറയുന്നു.
Thiruvananthapuram
ശ്രീകാര്യം: അഭിരാം കൊലക്കേസിൽ രണ്ടും മൂന്നും പ്രതികളെ പോലീസ് കസ്റ്റഡിയിൽ വാങ്ങി. രണ്ടാം പ്രതി ഉമർ മുഫ്താൻ, മൂന്നാം പ്രതി അനന്ത എന്നിവരെയാണ് അന്വേഷണം സംഘം കസ്റ്റഡിയിൽ വാങ്ങിയത്. രണ്ടു ദിവസം കസ്റ്റഡിയിൽ വയ്ക്കുവാനുള്ള അനുമതിയാണ് നൽകിയിട്ടുള്ളത്. ഈ ദിവസങ്ങളിൽ പ്രതികളെ ചോദ്യം ചെയ്ത് തെളിവുകൾ ശേഖരിക്കും.
അഭിരാമിന്‍റെയും ഒന്നാം പ്രതി 17 കാരന്‍റെയും മൊബൈൽ ഫോൺ വലിച്ചെറിഞ്ഞ സ്ഥലവും കണ്ടെത്തിയേക്കും. കേസിലെ സുപ്രധാന തെളിവായ മൊബൈൽ ഫോണുകൾ, കൃത്യത്തിന് ഉപയോഗിച്ച ബെൽറ്റ്, കൊല്ലപ്പെട്ട അഭിരാമിന്റെ വസ്ത്രങ്ങൾ എന്നിവ കണ്ടെത്തുന്നതിനും ഗൂഢാലോചന സംബന്ധിച്ച കൂടുതൽ അന്വേഷണങ്ങൾക്കുമായാണ് പ്രതികളെ കസ്റ്റഡിയിൽ ആവശ്യപ്പെട്ടതെന്ന് പോലീസ് കോടതിയെ അറിയിച്ചു. കൊലപാതകം നടന്ന ഭാഗങ്ങളിലുള്ള പുരയിടങ്ങൾ പോലീസ് ഉടൻ വൃത്തിയാക്കി പരിശോധന നടത്താനും തീരുമാനമുണ്ട്.
Thiruvananthapuram
പേരൂർക്കട: തിരുവിതാംകൂർ രാജകുടുംബത്തിലെ അവസാന രാജാവായ ചിത്തിര തിരുനാളിന്‍റെ 114-മത് ജയന്തി ആഘോഷങ്ങൾ മന്ത്രി സി.പി. ജോൺ ഉദ്ഘാടനം ചെയ്തു.
രാജാവ് അന്ത്യവിശ്രമം കൊള്ളുന്ന പഞ്ചവടിയിൽ ഭക്തിനിർഭരമായ ചടങ്ങുകളോടെ ചിത്തിര തിരുനാൾ സ്മാരക സമിതിയുടെ നേതൃത്വത്തിലായിരുന്നു ആചരണം.
രാജകുടുംബാംഗങ്ങളായ പൂയം തിരുനാൾ ഗൗരി പാർവതിഭായി, അശ്വതി തിരുനാൾ ഗൗരിലക്ഷ്മി ഭായി, അവിട്ടം തിരുനാൾ ആദിത്യവർമ എന്നിവർ ചടങ്ങിൽ പങ്കെടുത്തു. സ്മാരക സമിതി മുൻപ്രസിഡന്‍റ് പാലോട് രവി, മുൻ സ്പീക്കർ എം. വിജയകുമാർ, ശാസ്തമംഗലം മോഹൻ, ചെമ്പഴന്തി അനിൽ, ശംഭു പാൽക്കുളങ്ങര തുടങ്ങിയവരും പങ്കെടുത്തു. വിവിധ വിദ്യാഭ്യാസ സ്ഥാപനങ്ങളിലെ വിദ്യാർഥികൾ, അശ്വാരൂഢ പൊലിസ്, എൻസിസി, സ്കൗട്ട്സ് ആൻഡ് ഗൈഡ് എന്നിവർ ഉൾപ്പെട്ട സംഘത്തിനൊപ്പം സംഗീത വിദ്യാർഥിനികളുടെ ഭക്തിഗാനാലാപനവും ഉണ്ടായിരുന്നു.
Thiruvananthapuram
പേരൂർക്കട: അനധികൃത കൈ യേറ്റങ്ങൾ വ്യാപിക്കുന്നുവെ ന്ന പരാതികളെ തുടർന്നു കേരള വാട്ടർ അഥോറിറ്റി അനധികൃത കൈയേങ്ങൾ ഒഴിപ്പിക്കുന്ന നടപടികൾ തുടങ്ങി.
അരുവിക്കര എൻജിനിയറിംഗ് സെക്‌ഷന്‍റെ മേൽനോട്ടത്തിലാണ് കഴിഞ്ഞദിവസം അനധികൃത കൈയേറ്റങ്ങൾ ഒഴിപ്പിക്കുന്ന പ്രവർത്തനങ്ങൾക്ക് തുടക്കമായത്. വഴയില ജംഗ്ഷൻ മുതലാണ് അനധികൃത കൈകേറ്റങ്ങൾ നീക്കം ചെയ്തു തുടങ്ങിയത്.
പൈപ്പ് ലൈൻ റോഡ് വരെയുള്ള കൈയേറ്റങ്ങൾ ഒഴിപ്പിക്കാൻ തീരുമാനമെടുത്തിട്ടുണ്ടെന്ന്ന് അരുവിക്കര സെക്ഷൻ വിഭാഗം വ്യക്തമാക്കി.
വാട്ടർ അഥോറിറ്റിയുടെ വലിയ പൈപ്പ് ലൈൻ കടന്നുപോകുന്ന ഭാഗങ്ങളിൽ ഒരു നിർമാണ പ്രവർത്തനങ്ങളും നടത്തരുതെന്നും താത്കാലികമായിട പോലും കടകളും മറ്റും സ്ഥാപിക്കരുതെന്നും നിർദേശമുണ്ട്.
കൈയേറ്റക്കാർക്ക് അസിസ്റ്റന്‍റ് എക്സി. എൻജിനീയർ നേരത്തെ നോട്ടീസ് നൽകിയിരുന്നു സമയപരിധി കഴിഞ്ഞിട്ടും ഒഴിയാത്ത സാഹചര്യത്തിലാണ് നടപടികളുമായി മുന്നോട്ടുപോയത്. നിർദേശിക്കപ്പെട്ട 30 ദിവസത്തെ സമയപരിതിക്കുള്ളിൽ ഒഴിയാത്തവരെ ആവശ്യമായ പൊലിസ് സഹായത്തോടെ ഒഴിപ്പിക്കുന്നതാണ് പുതിയ നടപടിക്രമം.
നോട്ടീസ് നൽകിയിട്ടുള്ള മറ്റു സ്ഥലങ്ങളിലും വരും ആഴ്ചകളിൽ ഒഴിപ്പിക്കൽ നടപടി തുടരുമെന്നും വാട്ടർ അഥോറിറ്റി അറിയിച്ചു.
പൈപ്പ് ലൈൻ റോഡും അനുബന്ധ ആസ്തികളും സംരക്ഷിക്കുന്നതിനും ജലവിതരണ ശൃംഖലയുടെ അറ്റകുറ്റപ്പണികൾക്കും പരിപാലന പ്രവർത്തനങ്ങൾക്കും തടസമില്ലാതെ പ്രവേശനം ഉറപ്പാക്കുന്നതിനാണു നടപടികൾ സ്വീകരിച്ചിരിക്കുന്നത്. നിരവധി സ്ഥലങ്ങൾ സ്വകാര്യ വ്യക്തികൾ കൈയേറി പൈപ്പ് ലൈൻ റോഡ് ഏതെന്നുപോലും അറിയാത്ത സാഹചര്യമാണ്.
വരും ദിവസങ്ങളിൽ പേരൂർക്കട മുതൽ കവടിയാർ ഭാഗത്തേക്കുള്ള കൈ യേറ്റങ്ങ ൾ ഒഴിപ്പിക്കുന്ന പ്രവൃത്തി കൾ നടത്തുമെന്നു വാട്ടർ അഥോറിറ്റി അരുവിക്കര സെക്‌ ഷൻ വിഭാഗം എക്സിക്യൂട്ടീവ് എൻജിനിയർ അറിയിച്ചു.
Thiruvananthapuram
ഉള്ളൂർ: കുമാരപുരം ജംഗ്ഷനു സമീപം പൊട്ടിയ കുടിവെള്ള പൈപ്പിന്‍റെ ചോർച്ച വാട്ടർ അഥോറിറ്റി അടിയന്തരമായി പരിഹരിച്ചു. ഇന്നലെ രാവിലെ തുടങ്ങിയ പണി ഉച്ചയോടെ പൂർത്തീകരിക്കുകയായിരുന്നു. അരുവിക്കര ടാങ്കിൽനിന്നു കുമാരപുരം ഭാഗത്തേക്കു ശുദ്ധജലം എത്തിക്കുന്ന എസി പൈപ്പിലായിരുന്നു ചോർച്ച കണ്ടെത്തിയത്. പൈപ്പിലെ ചോർച്ച പരിഹരിക്കുന്നതിനുള്ള അറ്റകുറ്റപ്പണി ആരംഭിച്ചതു മൂലം ബർമാ റോഡ്, അവിട്ടം റോഡ്, കുമാരപുരം തുടങ്ങിയ സ്ഥലങ്ങളിൽ ജലവിതരണം തടസപ്പെട്ടു.
ശുദ്ധജലം ആവശ്യമായ സ്ഥലങ്ങളിൽ വാട്ടർ അഥോറിറ്റി ടാങ്കർ ലോറികളിൽ ജലം എത്തിക്കുകയായിരുന്നു. എസി പൈപ്പ് കടന്നുപോകുന്ന ഇതേ ഭാഗത്ത് ഒരു ഹൗസ് കണക്ഷൻ നിലവിലുണ്ടെന്നും ഈ ഭാഗത്തുള്ള ചോർച്ച സമയബന്ധിതമായി പൂർത്തീകരിക്കുമെന്നും പാളയം സെക്ഷൻ എഇ വ്യക്തമാക്കി. അറ്റകുറ്റപ്പണി പൂർത്തീകരിച്ച് വാൽവ് തുറന്നതോടെ ഉയർന്ന പ്രദേശങ്ങളിൽ ഉൾപ്പെടെ ജലവിതരണം സാധാരണ നിലയിലായിട്ടുണ്ട്.
Thiruvananthapuram
നെടുമങ്ങാട്: റൂട്ട് കനാൽ ചികിത്സയ്ക്കിടെ ഡോക്ടറുടെ അശ്രദ്ധമൂലം സൂചി വിദ്യാർഥിനിയുടെ തൊണ്ടയിൽ കുടുങ്ങിയെന്ന് ആക്ഷേപം. എക്സ്റേയിലും സ്കാനിംഗിലും സൂചി ആമാശയത്തിൽ കണ്ടെത്തിയതിനെ തുടർന്ന് പെൺകുട്ടിയെ ശസ്ത്രക്രിയക്കായി തിരുവനന്തപുരത്തെ പ്രമുഖ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.അരുവിക്കര വട്ടക്കുളം തെക്കനത്ത് മേലെ ലൈൻ "ശിവാത്മിക'യിൽ പി. സീമയുടെ മകൾ പ്ലസ്ടു വിദ്യാർഥിനി ദേവിശ്രീക്കാണ് ദുരനുഭവമുണ്ടായത്.
കഴിഞ്ഞ 31നു വൈകുന്നേരം അരുവിക്കരയിലെ സ്വകാര്യ ദന്തൽ ക്ലിനിക്കിൽ റൂട്ട് കനാൽ ചികിത്സക്കിടയിലാണ് ഡോക്ടറുടെ കൈയിൽനിന്നും സൂചി കുട്ടിയുടെ തൊണ്ടയിലൂടെ ആമാശയത്തിലെത്തിയത്. ചികിത്സപ്പിഴവ് അന്വേഷിക്കണമെന്നും ആവശ്യപ്പെട്ട് കുട്ടിയുടെ അമ്മ അരുവിക്കര പൊലീസിനെ സമീപിച്ചിരിക്കുകയാണ്. മേൽനടപടികൾ സ്വീകരിക്കുമെന്ന് അരുവിക്കര പൊലിസ് പറഞ്ഞു.
Thiruvananthapuram
പേരൂർക്കട: സംശയകരമായ സാഹചര്യത്തിൽ തിരുവനന്തപുരം സെൻട്രൽ റെയിൽവേ സ്റ്റേഷനിൽ കണ്ടെത്തിയ യുവാവിനെ മൊബൈൽ ഫോണുമായി റെയിൽവേ പൊലിസ് പിടികൂടി. കൊല്ലം പത്തനാപുരം ചന്ദനപ്പള്ളി തടത്തരികത്ത് വീട്ടിൽ ജ്യോതിഷ് കുമാർ (28) ആണ് സംഭവമായി ബന്ധപ്പെട്ടു പിടിയിലായത്.
പൊലിസ് സംഘമെത്തിയപ്പോൾ സ്ഥലത്തുനിന്നു രക്ഷപ്പെടാൻ ശ്രമിച്ച ജ്യോതിഷ് കുമാറിനെ തടഞ്ഞുനിർത്തി ചോദ്യം ചെയ്തപ്പോഴാണ് മോഷണവസ്തു കണ്ടെടുത്തത്. ഫോൺ അൺലോക്ക് ചെയ്യാൻ റെയിൽവേ പൊലിസ് ഉദ്യോഗസ്ഥർ ആവശ്യപ്പെട്ടപ്പോൾ പാസ് കോഡ് അറിയില്ലെന്നായിരുന്നു മറുപടി. ഒക്ടോബർ നാലിനും ആറിനും ഇടയിലാണ് പ്രതി മൊബൈൽ ഫോൺ മോഷ്ടിച്ചത് എന്നാണ് കരുതുന്നത്. അറസ്റ്റിലായ പ്രതിയെ കോടതിയിൽ ഹാജരാക്കി.
Thiruvananthapuram
നെയ്യാറ്റിന്‍കര: നെയ്യാറ്റിൻകര നഗരസഭയുടെ ശിശുദിനാഘോഷങ്ങളുടെ ഭാഗമായ കലാമത്സരങ്ങള്‍ ആരംഭിച്ചു. ഗവ. ജെബിഎസില്‍ കവി സുമേഷ് കൃഷ്ണൻ ഉദ്ഘാടനം നിർവഹിച്ചു. നഗരസഭാ ചെയര്‍പേഴ്സൺ ഡബ്ല്യൂ.ആര്. ഹീബ അധ്യക്ഷയായി. വൈസ് ചെയര്‍മാന്‍ കെ.കെ. ഷിബു, സ്റ്റാന്‍ഡിംഗ് കമ്മിറ്റി ചെയര്‍പേഴ്സണ്‍മാരായ എം. അലി ഫാത്തിമ, ആര്.വി. വിജയബോസ്, മഞ്ജു രാജേഷ്, വി.എസ്. സജീവ്കുമാര്‍, എസ്. വസുമതി, കൗണ്‍സിലര്‍മാരായ സുപ്രിയാ മഹേഷ്, അഡ്വ. എസ്.ജെ. പ്രബിന്‍ എന്നിവര്‍ പ്രസംഗിച്ചു.
Kollam
അഞ്ചല്‍ : അഞ്ചല്‍ ഉപജില്ല ാ സ്‌കൂള്‍ കലോത്സവത്തിന് തിരിതെളിഞ്ഞു. കരവാളൂര്‍ പഞ്ചായത്ത് പ്രസിഡന്റ് ഡോ. ശരത് കുമാര്‍ അധ്യക്ഷത വഹിച്ചു.സി. അജയപ്രസാദ് എംഎല്‍എ കലോത്സവം ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് ആര്. ലതാദേവി മുഖ്യാതിഥിയായി.
അഞ്ചല്‍ ഉപജില്ല വിദ്യാഭ്യാസ ഓഫിസര്‍ ജഹ്ഫറുദീന്‍, അഞ്ചല്‍ ബിപിസി സുബീഷ് ജോര്‍ജ്, വിവിധ പഞ്ചായത്ത് പ്രസിഡന്‍റുമാര്‍, ജനപ്രതിനിധികള്‍, വിവിധ അധ്യാപക സംഘടന നേതാക്കന്മാര്‍, സ്‌കൂള്‍ മാനേജര്‍, പിടിഎ അംഗങ്ങള്‍ തുടങ്ങിയവര്‍ പ്രസംഗിച്ചു.കലോത്സവത്തിനായി ലോഗോ രൂപകല്പന ചെയ്ത മാസ്റ്റര്‍ നിതിന്‍ കൃഷ്ണയെ ചടങ്ങില്‍ ആദരിച്ചു. ഈമാസം 11 വരെ കരവാളൂര്‍ എഎംഎം എച്ച്എസ് ഗവ. എല്‍പി സ്‌കൂള്‍ എന്നിവിടങ്ങളിലെ ആറ് വേദികളിലാണ് മത്സരങ്ങള്‍ നടക്കുക. ശനിയാഴ്ച രചന, ഡ്രോയിംഗ് ഉള്‍പ്പടെയുള്ള മത്സരങ്ങള്‍ പൂര്‍ത്തീകരിച്ചിരുന്നു. സബ്ജില്ലയിലെ 80 സ്കൂളുകളില് നിന്നായി അയ്യായിരത്തോളം പ്രതിഭകളാണ് പങ്കെടുക്കുന്നത്.
Kollam
അഞ്ചല്‍ : വീട്ടമ്മയോട് ലൈംഗികാതിക്രമം കാട്ടിയ കാപ്പാ കേസ് പ്രതി ഇടമുളക്കല്‍ ഇടയം സ്വദേശി ബിനു എന്ന നിക്കര്‍ ബിനു പിടിയില്‍. മുമ്പ് സമാനമായ കേസില്‍ ജയിലില്‍ കഴിഞ്ഞ ബിനു അടുത്തിടെ ഇടയത്തെ ലൈബ്രറിയില്‍ അക്രമം കാട്ടിയതിനും പിടിയിലായിരുന്നു.
2025 ല് കാപ്പാ കേസില്‍ നാടുകടത്തിയിരുന്നു. ജയിലില്‍ നിന്നു പുറത്തിറങ്ങുന്ന ഇയാള്‍ വീണ്ടും സ്ത്രീകള്‍ക്ക് നേരെ ലൈംഗികാതിക്രമം നടത്തുന്നത് പതിവാണ്. പൊലിസ് സ്റ്റേഷനില്‍ എത്തിച്ച പ്രതി ബിനു സ്റ്റേഷനിലും പുറത്തും അതിക്രമം കാട്ടി, ദൃശ്യങ്ങള്‍ പകര്‍ത്താന്‍ ശ്രമിച്ച പ്രാദേശിക മാധ്യമ പ്രവര്‍ത്തന് നേരെയും ഇയാള്‍ ആക്രമണം അഴിച്ചുവിട്ടു.
ഏറെ പണിപ്പെട്ട് ബലപ്രയോഗത്തിലൂടെയാണ് പ്രതിയെ പൊലിസ് ജീപ്പില്‍ കയറ്റികോടതിയിലേക്ക് കൊണ്ടുപോയത്.
Kollam
കൊല്ലം: കെഎസ്ആര്‍ടിസി ഡിപ്പോയ്ക്ക് സമീപം ഡിടിപിസി ബോട്ട് ടെര്‍മിനലില്‍ കെട്ടിയിട്ടിരുന്ന ഹൗസ് ബോട്ട് അഷ്‌ടമുടിക്കായലില്‍ ഭാഗികമായി മുങ്ങി. നീണ്ടകര സ്വദേശിയുടെ ബോട്ടാണ് കഴിഞ്ഞ ദിവസം രാത്രിയോടെ മുങ്ങിയത്. ബോട്ടിന്‍റെ വശത്ത് ഘടിപ്പിച്ചിരുന്ന സംരക്ഷണ കവചം കായലിലെ കുറ്റിയില്‍ കുടുങ്ങിയതിനെ തുടര്‍ന്ന് വേലിയേറ്റത്തില്‍ ബോട്ടിന്‍റെ ഡൂമിലൂടെ വെള്ളം കയറി എന്‍ജിന്‍ ഭാഗം താഴുകയായിരുന്നു. രാവിലെ ജീവനക്കാരെത്തിയപ്പോഴാണ് ബോട്ട് മുങ്ങിയ നിലയില്‍ കണ്ടത്. വെള്ളം കോരിക്കളയാന്‍ ശ്രമിച്ചെങ്കിലും സാധിച്ചില്ല.
Kollam
എഴുകോൺ: കെട്ടിടം ഉദ്ഘാടനം ചെയ്ത് ഒരു വർഷമായിട്ടും സ്മാർട്ട് അങ്കണവാടിയുടെ പ്രവർത്തനം വാടകക്കെട്ടിടത്തിലെന്നു പരാതി. ഇരുമ്പനങ്ങാട് 64-ാം നമ്പർ അങ്കണവാടിയുടെ പുതിയ കെട്ടിടം കഴിഞ്ഞ 2025 നവംബർ ഒന്നിനാണ് ഉദ്ഘാടനം ചെയ്തത്. ഈ കേരളപ്പിറവി ദിനത്തിൽ ഒരു വർഷം പൂർത്തിയായി. പക്ഷേ, അങ്കണവാടി പ്രവർത്തിക്കുന്നത് ഇപ്പോഴും വാടക കടമുറിയിലാണ്. ഇവിടെ അസൗകര്യങ്ങൾ ഏറെയാണ്. കടമുറിയുടെ മുൻവശം ഗ്രില്ലിട്ടു മറച്ചിട്ടുണ്ട്. ഇവിടെയാണ് അപകടകരമായ സാഹചര്യത്തിൽ സ്റ്റ‌ൗവും രണ്ട് പാചകവാതക സിലിണ്ടറും വച്ചിരിക്കുന്നത്. ഒറ്റമുറി ആയതിനാൽ ബാത്റൂം സൗകര്യം പരിമിതമാണ്.
പുതിയ കെട്ടിടം ഉദ്ഘാടനം ചെയ്തതിനാൽ വാടകക്കെട്ടിടത്തിന് ഇപ്പോൾ വാടകയും ലഭിക്കുന്നില്ല. ഈ വർഷം ജൂൺ വരെ വാടക അനുവദിച്ചിരുന്നു. അതിനു ശേഷമുള്ള വാടക ജീവനക്കാരുടെ തുച്ഛമായ ശമ്പളത്തിൽനിന്നുമാണ് ഇപ്പോൾ കൊടുക്കുന്നത്.
പ്രദേശവാസികളായ ആലുവിള വീട്ടിൽ രമണൻ പിള്ള -ശ്രീജ ദമ്പതികൾ സൗജന്യമായി വിട്ടു നൽകിയ 3.5 സെന്റ് ഭൂമിയിൽ ശിശുവികസന വകുപ്പിന്‍റെ 10 ലക്ഷവും പഞ്ചായത്ത് തനതു ഫണ്ട് 15 ലക്ഷവും ചേർത്ത് 25 ലക്ഷം രൂപ ചെലവിട്ടാണ് കെട്ടിടം പൂർത്തീകരിച്ചത്. പക്ഷേ, പ്ലംന്പിംഗ് ജോലി പൂർത്തിയാക്കാത്തതാണ് കെട്ടിടം തുറന്നുകൊടുക്കാൻ വൈകുന്നതിന്‍റെ കാരണം. അവ ശേഷിക്കുന്ന ജോലികൾ കൂടി പൂർത്തിയാക്കി എത്രയുംവേഗം കെട്ടിടം തുറന്നുകൊടുക്കണമെന്നാണ് നാട്ടുകാരും രക്ഷിതാക്കളും പറയുന്നത്.
അതേസമയം, കെട്ടിടം നിർമിച്ചു വർഷം ഒന്നായിട്ടും കരാർ തുക പൂർണമായും കിട്ടിയില്ലെന്നു കരാറുകാരനും പരാതി പറയുന്നു. 25 ലക്ഷം രൂപ അനുവദിച്ചെങ്കിലും 23 ലക്ഷം രൂപയ്ക്കാണു കരാർ എടുത്തത്. അടങ്കൽ പ്രകാരമുള്ള പണികൾ പൂർത്തിയാക്കി.
പക്ഷേ, ഏഴു ലക്ഷം രൂപയിൽ താഴെ മാത്രമേ ഇതുവരെ നൽകിയിട്ടുള്ളു എന്നും ബാക്കി തുക എന്നു ലഭിക്കുമെന്ന് വ്യക്‌തതയില്ലെന്നും കരാറുകാരൻ പറഞ്ഞു.
കോൺഗ്രസിന് തുടർ ഭരണം കിട്ടിയ എഴുകോൺ പഞ്ചായത്തിൽ പ്രതിപക്ഷ അംഗങ്ങളുടെ വാർഡിലാണ് ഈ അങ്കണവാടി എന്നുള്ളത് കൊണ്ടാണ് ബാക്കിയുള്ള പണികൾ തടഞ്ഞ് വെച്ചിരിക്കുന്നതെന്ന് പ്രതിപക്ഷ കക്ഷികൾ ആരോപിക്കുന്നു.
കോൺഗ്രസിന് തുടർഭരണം കിട്ടിയ പഞ്ചായത്ത് ആണ് ഇത്. പുതിയ ഭരണസമിതി വന്നശേഷം നിരന്തരം പരാതി കൊടുത്തതിന് പിന്നാലെയാണ് കറന്‍റും കുഴൽ കിണറും കുഴിച്ചത് എന്നിട്ടും ബാക്കി ടാങ്ക് ഉൾപ്പടെയുള്ള പ്ലംന്പിംഗ് ജോലികൾ ഇതുവരെയും ചെയ്തിട്ടില്ല.
ഈ വിഷയം നിരന്തരം പഞ്ചായത്തിൽ അറിയിക്കുമ്പോൾ ഉടൻ ചെയ്യാം എന്നുള്ള മറുപടി മാത്രമാണ് തരുന്നത്.
വൈകുന്നത് എന്തിന്..?
കഴിഞ്ഞവർഷം നവംബർ ഒന്നിന് കൊടിക്കുന്നിൽ സുരേഷ് എംപി ഉദ്ഘാടനം ചെയ്തപ്പോൾ തന്നെ എല്ലാ പണികളും പൂർത്തിയാക്കി കുട്ടികളെ ഈ സ്മാർട്ട് അങ്കണവാടിയിൽ ഇരുത്തി പഠനം ആരംഭിക്കേണ്ടതായിരിന്നു, പക്ഷേ നാലാം വാർഡും സമീപവാർഡുകളും പ്രതിപക്ഷ അംഗങ്ങളുടെ വാർഡായതിനാലാണ് ഇവർ ഇത് വീണ്ടും താമസിപ്പിക്കുന്നത്.
എത്രയും വേഗം
പണി പൂർത്തിയാക്കും
ഇരുമ്പനങ്ങാട് അങ്കണവാടിയുടെ അവശേഷിക്കുന്ന പണികൾക്കായി പഞ്ചായത്ത് ഭരണസമിതി രണ്ടുലക്ഷം രൂപ വകയിരുത്തിയിട്ടുണ്ട്. ശുദ്ധജല ലഭ്യത ഉറപ്പാക്കു കയാണ് പ്രധാനം. കുഴൽക്കിണർ കുഴിച്ചു. ഇതിൽ മോട്ടർ സ്ഥാപിക്കാനും കെട്ടിടത്തിന്‍റെ പ്ലംബിംഗ്
ജോലികൾ പൂർത്തിയാക്കാനും അവശേഷിക്കുന്ന മറ്റു ചില പണികൾക്കുമാണു തുക അനുവദിച്ചിരിക്കുന്നത്. പ്രവൃത്തികൾ കരാർ നൽകിയിട്ടുണ്ട്. ഇത് എത്രയും വേഗം പൂർത്തിയാക്കി അങ്കണവാടിയുടെ പ്രവർത്തനം ഇവിടേക്കു മാറ്റും.
Kollam
കൊല്ലം: മുൻമന്ത്രി ടി.എം. ജേക്കബിന്‍റെ 15-ാം അനുസ്മരണം കേരള കോൺഗ്രസ് കുണ്ടറ നിയോജക മണ്ഡലം കമ്മിറ്റിയുടെ നേതൃത്വത്തിൽ നടത്തി.
മികച്ച നിയമസഭാ സാമാജികനും കഴിവുള്ള ഭരണ തന്ത്രജ്ഞനും ദീർഘവീക്ഷണമുള്ള സംഘാടകനും ആയിരുന്നു ടി.എം. ജേക്കബെന്ന് സമ്മേളനം ഉദ്ഘാടനം ചെയ്തുകൊണ്ട് കേരള കോൺഗ്രസ് സംസ്ഥാന ജനറൽ സെക്രട്ടറി കല്ലട ഫ്രാൻസിസ് പറഞ്ഞു.
യോഗത്തിൽ കുണ്ടറ നിയോജക മണ്ഡലം വൈസ് പ്രസിഡന്റ് സി.എം. സ്റ്റീഫൻ അധ്യക്ഷത വഹിച്ചു.
വനിതാ കോൺഗ്രസ് ജില്ലാ പ്രസിഡന്റ് ഫാത്തിമ ബാബു, ജില്ലാ കമ്മിറ്റി അംഗങ്ങളായ ബദറുദീൻ, മിനി സത്യൻ, ജനറൽ സെക്രട്ടറിമാരായ പടപ്പക്കര യേശുദാസൻ, റീസ് ഫ്രാൻസിസ്, കുണ്ടറ മണ്ഡലം പ്രസിഡന്റ് കാഞ്ഞിരകോട് ഫ്രാൻസിസ്, ഇളമ്പള്ളൂർ മണ്ഡലം പ്രസിഡന്റ് പെരുമ്പുഴ സുരേഷ്, പെരിനാട് മണ്ഡലം പ്രസിഡന്റ് നന്തിരിക്കൽ ജോസ്, വേറെ മണ്ഡലം പ്രസിഡന്റ് ജോയൽ ജോസ്, ടി.ഡി. സറിൽ, പസ്കാൾ, സാബു സാമുവൽ, എ.ടി. വർഗീസ് തുടങ്ങിയവർ പ്രസംഗിച്ചു.
Kollam
കൊല്ലം: ഡിസംബർ അഞ്ച്, ആറ് തീയതികളിൽ കൊല്ലം ഫാത്തിമ മാതാ നാഷണൽ കോളജിൽ നടക്കുന്ന കൊല്ലം രൂപത ബൈബിൾ കലോത്സവത്തിന്റെ ലോഗോ പ്രകാശനം ചെയ്തു. രൂപത ബിഷപ് ഡോ. പോൾ ആന്റണി മുല്ലശേരി പ്രകാശന കർമം നിർവഹിച്ചു.
വികാരി ജനറാൾ മോൺ. ബൈജു ജൂലിയാൻ, ബൈബിൾ കമ്മീഷൻ ഡയറക്ടർ ഫാ. ഡോ. ലിൻസൺ കെ. ആറാടൻ, ജനറൽ കൺവീനർ മിൽട്ടൺ സ്റ്റീഫൻ എന്നിവർ ചേർന്ന് ലോഗോ ഏറ്റുവാങ്ങി.
ചടങ്ങിൽ പബ്ലിസിറ്റി ചെയർമാൻ ഫാ. ജോൺ പോൾ സ്വാഗതവും കൺവീനർ സാജു കുരിശിങ്കൽ നന്ദിയും പറഞ്ഞു. എപ്പിസ്കോപ്പൽ വികാർ ഫാ. ജോസഫ് സെബാസ്റ്റ്യൻ, രൂപത പിആർഒ ഫാ. ലാസർ എസ്. പട്ടകടവ് എന്നിവരും വിവിധ കമ്മിറ്റി ചെയർമാന്മാരായ ഫാ. ജോളി എബ്രഹാം, ഫാ. ബോസ് ആന്റണി, ഫാ.റൊസാരിയോ ബിജെ, ഫാ. മനോജ് ആന്റണി, ഫാ. അരുൺ ജെ. ആറാടൻ, ഫാ. സാജൻ വാൾട്ടർ, ഫാ. ജിജോ ജോസ്, ഫാ. ടോമി കമാൻസ്, ഫാ. ജോ ആൻ്റണി എന്നിവരും ചടങ്ങിൽ പങ്കെടുത്തു.
Kollam
അഞ്ചല്‍ : അഞ്ചല്‍ പൊലിസ് സ്റ്റേഷന് പരിധിയില്‍ വീട്ടിലേക്ക് പോകവേ 16 കാരിക്ക് നേരെ ലൈംഗികാതിക്രമം കാട്ടിയ പ്രതി പിടിയില്‍. അഞ്ചല്‍ തടിക്കാട് അമ്പലത്തുംമുകള്‍ നിസാര്‍ മന്‍സിലില്‍ പുഷ്‌കരന്‍ എന്ന് വിളിക്കുന്ന നിസാര്‍ (46) ആണ് പിടിയിലായത്.
രണ്ടാഴ്ച മുമ്പായിരുന്നു സംഭവം. പൊലിസില്‍ പരാതി നല്‍കിയെന്ന് മനസിലാക്കിയതോടെ പ്രതി കര്‍ണാടകയിലേക്ക് കടന്നുകളയുകയായിരുന്നു. കാര്‍വാര്‍ എന്ന സ്ഥലത്ത് ഒളിവില്‍ കഴിഞ്ഞുവരവേ പൊലി സ് ഇവിടെയെത്തിയത് മനസിലാക്കിയ പ്രതി കേരള കര്‍ണാടക അതിര്‍ത്തിയിലെ മഞ്ചേശ്വരത്തേക്ക് മുങ്ങി. ഇവിടെയെത്തിയാണ് കഴിഞ്ഞ ദിവസം ഇയാളെ പൊലി സ് പിടികൂടിയത്.
പ്രതി മൊബൈല്‍ ഫോണ്‍ ഉപയോഗിക്കാതിരുന്നതിനാല്‍ ഒളിയിടം കണ്ടെത്താന്‍ പ്രയാസപ്പെട്ടു.
അഞ്ചല്‍ പൊലി സ് സര്‍ക്കിള്‍ ഇന്സ്പെക്ടര് ഗോപകുമാര്‍, എസ്എച്ച്ഒ മോനിഷ് എന്നിവരുടെ നേതൃത്വത്തില്‍ പ്രത്യേക സംഘത്തെ രൂപീകരിച്ച് പ്രതിയെ പിടികൂടുകയായിരുന്നു പോക്സോ ഉള്‍പ്പടെയുള്ള വിവിധ വകുപ്പുകള്‍ ചുമത്തി അറസ്റ്റ് ചെയ്ത പ്രതിയെ കോടതിയില്‍ ഹാജരാക്കി റിമാന്‍ഡ് ചെയ്തു.
മുമ്പ് ലഹരി പരിശോധനക്കായി എത്തിയ എക്സൈസ് ഉദ്യോഗസ്ഥരെ ആക്രമിച്ചതുള്‍പ്പടെ നിരവധി കേസുകളില്‍ പ്രതിയാണ് നിസാര്‍.
Kollam
കൊല്ലം: മേലില ഗ്രാമപഞ്ചായത്തിലെ മയിലാടുംപാറയില്‍ ആധുനിക സൗകര്യങ്ങളോടെയുള്ള പൊതുശ്മശാനം യാഥാര്‍ഥ്യമാകുന്നു. പ്രദേശവാസികളുടെ ദീര്‍ഘകാല ആവശ്യത്തിന് പരിഹാരമാകുന്ന ശ്മശാനത്തിന്‍റെ നിര്‍മാണ പ്രവര്‍ത്തനങ്ങള്‍ അന്തിമഘട്ടത്തിലാണ്. ഗ്യാസ്/വൈദ്യുത ദഹന സംവിധാനം, കാത്തിരിപ്പ് മുറി, കുടിവെള്ളം, ശുചിമുറി, പാര്‍ക്കിംഗ് തുടങ്ങിയ സൗകര്യങ്ങള്‍ ശ്മശാനത്തില്‍ ഉണ്ടാകും. 100 ചതുരശ്ര അടി വിസ്തീര്‍ണത്തിലാണ് നിര്‍മാണം.
2023-24 സാമ്പത്തിക വര്‍ഷത്തില്‍ വിവിധ ഫണ്ടുകളില്‍ നിന്നായി 54,45,793 രൂപ വിനിയോഗിച്ചാണ് നിര്‍മാണം ആരംഭിച്ചത്. ശേഷിക്കുന്ന നിര്‍മാണ പ്രവര്‍ത്തനങ്ങള്‍ പൂര്‍ത്തീകരിക്കുന്നതിനായി നടപ്പ് സാമ്പത്തിക വര്‍ഷം 14,79,636 രൂപ വകയിരുത്തിയിട്ടുണ്ട്.
ബാക്കിയുള്ള നിര്‍മാണ പ്രവര്‍ത്തനങ്ങള്‍ ദ്രുതഗതിയില്‍ പുരോഗമിക്കുകയാണ്. മാര്‍ച്ച് മാസത്തോടെ നിര്‍മാണം പൂര്‍ത്തിയാക്കി ശ്മശാനം പൊതുജനങ്ങള്‍ക്കായി തുറന്നുകൊടുക്കാനാണ് ലക്ഷ്യമിടുന്നതെന്ന് മേലില ഗ്രാമപഞ്ചായത്ത് പ്രസിഡന്റ് അജിത്ത് കുമാര്‍ വ്യക്തമാക്കി.
Kollam
കൊല്ലം: വിവാഹത്തിൽ പങ്കെടുക്കാൻ എത്തിയ സംഘത്തിന്‍റെ തീ തുപ്പുന്ന കാർ നാട്ടുകാരിൽ പരിഭ്രാന്തി പരത്തി. ഒടുവിൽ വാഹനം പൂയപ്പള്ളി പൊലിസ് കസ്റ്റഡിയിലെടുത്തു. വാഹനം തിരിച്ചറിയാതിരിക്കാൻ പിന്നിലെ നമ്പർ പ്ലേറ്റ് മറച്ച നിലയിലായിരുന്നു. കാറോടിച്ച കല്ലുവാതുക്കൽ സ്വദേശി കെവിൻ ഷിബുവിനെതിരെ പൊലിസ് കേസെടുത്തു.
കഴിഞ്ഞദിവസം രാവിലെ പൂയപ്പള്ളി നാൽക്കവലയിൽ ഉള്ള ഓഡിറ്റോറിയത്തിലെ വിവാഹത്തിൽ പങ്കെടുക്കാൻ എത്തിയ കല്ലുവാതുക്കൽ സ്വദേശിയുടെ കാറാണ് തീതുപ്പി പരിഭ്രാന്തി പരത്തിയത്. സ്ത്രീകൾ, കുട്ടികൾ എന്നിവരുമായാണ് കാർ ഓഡിറ്റോറിയത്തിൽ എത്തിയത്. പൂയപ്പള്ളി - കൊല്ലം റോഡിൽ ഓഡിറ്റോറിയത്തിന് മുന്നിലായിരുന്നു അഭ്യാസപ്രകടനം. വലിയ ശബ്ദത്തോടെ കാറിന്‍റെ പുക കുഴലിലൂടെ തീ തുപ്പുകയായിരുന്നു. ഇതുവഴി എത്തിയ മറ്റു യാത്രക്കാരും നാട്ടുകാരും ഇത് കണ്ട് പരിഭ്രാന്തരായി. നാട്ടുകാർ വിവരമറിയിച്ചതിനെ തുടർന്ന് സ്ഥലത്ത് എത്തിയ പൂയപ്പള്ളി പൊലിസ് കാർ കസ്റ്റഡിയിലെടുത്തു.
വാഹനം ഇന്ന് കോടതിയിൽ ഹാജരാക്കും. നടപടി സ്വീകരിക്കാൻ മോട്ടോർ വാഹന വകുപ്പിന് പൊലിസ് കത്തു നൽകി. കാറിൽ ഘടിപ്പിച്ചിരിക്കുന്ന പ്രത്യേക സ്വിച്ച് ഉപയോഗിച്ചാണ് തീ തുപ്പുന്നത്. അഭ്യാസപ്രകടനം നടത്തുന്ന സമയത്ത് വാഹനം തിരിച്ചറിയാതിരിക്കാൻ പിൻവശത്തെ നമ്പർ പ്ലേറ്റ് ബോർഡ് ഉപയോഗിച്ച് മറയ്ക്കും. ഇതിനായി പ്രത്യേക ബോർഡ് തയാറാക്കി വാഹനത്തിൽ സൂക്ഷിച്ചിരുന്നതായും പൊലിസ് കണ്ടെത്തി.
Kollam
തേവലക്കര: തേവലക്കര ഗവ. എസ്എംവിഎൽപി സ്കൂളിലെ (മുടിയിലേഴുത്ത് സ്കൂൾ) പുതിയ കെട്ടിടത്തിന്‍റെ ഉദ്ഘാടനം മന്ത്രി ഷിബു ബേബി ജോൺ നിർവഹിച്ചു.
മുൻ എംഎൽഎ ഡോ. സുജിത് വിജയൻപിള്ള മുഖ്യാതിഥിയായി. ഡോ. സുജിത് വിജയൻപിള്ളയുടെ പദ്ധതിവിഹിതത്തിൽനിന്ന് ഒരു കോടി രൂപ ചെലവഴിച്ചാണ് പുതിയ
കെട്ടിടം നിർമിച്ചത്. നാല് മുറികളും ശൗചാലയ സമുച്ചയവും കെട്ടിടത്തിലുണ്ട്.
തേവലക്കര പഞ്ചായത്ത് പ്രസിഡന്റ് എസ്. അനിൽ അധ്യക്ഷത വഹിച്ച ചടങ്ങിൽ ബ്ലോക്ക് പഞ്ചായത്ത് പ്രസിഡന്റ് ഷംല നവഷാദ്, ജില്ലാ പഞ്ചായത്തംഗം അരുൺ രാജ്, ബ്ലോക്ക് പഞ്ചായത്തംഗം അഡ്വ. റിയാസ് ഖാൻ, ഉപജില്ലാ വിദ്യാഭ്യാസ ഓഫീസർ ടി. കെ. അനിത, പ്രധാന അധ്യാപകൻ ടി. ബിജു, സ്കൂൾ മാനേജ്മെന്റ് കമ്മിറ്റി ചെയർമാൻ സലിം തുടങ്ങിയവർ പ്രസംഗിച്ചു.
Kollam
കൊട്ടിയം : കൂട്ടിക്കടയില്‍ റെയില്‍വേ മേല്‍പ്പാലം നിര്‍മിക്കുന്നതിനുള്ള നടപടികള്‍ ചുവപ്പുനാടയില്‍ കുരുങ്ങിയതോടെ നാട്ടുകാരുടെ ദുരിതത്തിന് ഉടനേയൊന്നും അവസാനമുണ്ടാകില്ലെന്ന് ഉറപ്പായി. റെയില്‍വേ വികസനത്തിനായി സ്ഥലം ഏറ്റെടുത്തിട്ട് തുടര്‍ നടപടികള്‍ സ്വീകരിക്കുന്നില്ല.
ഇത് പ്രദേശവാസികളുടെ ജീവിതത്തെ ദുരിതത്തിലാക്കുകയാണ്. കോർപറേഷനോട് ചേര്‍ന്ന് കിടക്കുന്ന കൂട്ടിക്കട ഏറെ ജനത്തിരക്കേറിയ കവലയാണ്. നാല് ഭാഗത്ത് നിന്നെത്തുന്ന റോഡുകള്‍ സംഗമിക്കുന്നതും കൂട്ടിക്കടയിലെ വളവും കാരണം പലപ്പോഴും അതിരൂക്ഷമായ ഗതാഗതക്കുരുക്കാണ് അനുഭവപ്പെടുന്നത്.
മണിക്കൂറുകളോളം റെയില്‍വേ ഗേറ്റ് അടച്ചിടുന്നതിനാല്‍ കൂട്ടിക്കടപാത നിശ്ചലമാകുന്നു. പലപ്പോഴും അമ്മാച്ചന്‍ മുക്ക് വരെയും അരിവാള്‍ മുക്കുവരെയും പീഠിക മുക്കുവരെയും വാഹനങ്ങളുടെ നിര നീളും. ഗേറ്റിനുള്ളില്‍ വാഹനങ്ങള്‍ കുടുങ്ങുന്നത് കാരണം ഗേറ്റടയ്ക്കാന്‍ കഴിയാതെ വരുന്നതോടെ സിഗ്‌നല്‍ ലഭിക്കാതെ ട്രെയിനുകള്‍ നിരവധി തവണ ഗേറ്റിന് സമീപം നിറുത്തിയിടേ ണ്ടിവരുന്നതും പതിവാകുന്നു. പാതയിലൂടെ ട്രെയിന്‍ കടന്നുവരുന്നത് കണ്ട് പരിഭ്രാന്തരാകുന്ന യാത്രക്കാര്‍ അപകടത്തില്‍പ്പെടുന്നതും പതിവ് കാഴ്ചയാണ്. കൂട്ടിക്കടയിലെ റെയില്‍വേ സിഗ്‌നല്‍ സംവിധാനം മയ്യനാട് നിന്നു പരവൂരിലേക്ക് മാറ്റിയതോടെ നാലും അഞ്ചും ട്രെയിനുകള്‍ വരെ കടന്നുപോയെങ്കിലേ ഗേറ്റ് തുറക്കുന്നുള്ളൂ.
വര്‍ഷങ്ങളായി അനുഭവിക്കുന്ന ദുരിതം അധികൃതരുടെ ശ്രദ്ധയില്‍പ്പെടുത്താന്‍ നിരവധി ശ്രമങ്ങള്‍ നാട്ടുകാര്‍ നടത്തിയിട്ടുണ്ട്. ഒടുവില്‍ മേലപ്പാലത്തിന് അനുമതി നല്കി സര്‍ക്കാര്‍ ഉത്തരവായി.
സ്ഥലം അളന്ന് മാപ്പിംഗ് പൂര്‍ത്തിയാക്കി. മേല്‍പ്പാലത്തിനായി സ്ഥലം ഏറ്റെടുത്തിട്ടും തുടര്‍ നടപടികളായില്ല. സ്ഥലമുടമകളായ വ്യാപാരികള്‍ക്ക് കച്ചവടം വിപുലീകരിക്കുന്നതിനോ മറ്റ് പ്രവൃത്തികള്‍ നടത്താനോ കഴിയാത്ത അവസ്ഥയിലായി. ഏറ്റെടുത്ത സ്ഥലത്തിന് പണവും ലഭിക്കാത്തതിനാല്‍ ഉടമകളുടെ ജീവിതം വഴിമുട്ടി നില്‍ക്കുകയാണ്.
റെയില്‍വേ മേലപ്പാലത്തിനായി സ്ഥലം വിജ്ഞാപനം ചെയ്തതിനാല്‍ സ്ഥലം വില്‍ക്കാന്‍ കഴിയാത്ത അവസ്ഥയുണ്ട്. സ്ഥലം ഏറ്റെടുത്തപ്പോള്‍ തന്നെ വീടുകള്‍ മാറി പോയവരുമുണ്ട്. ഇവര്‍ക്കൊന്നും ഇതുവരെയും ഏറ്റെടുത്ത വസ്തുവിന്റെ വില ലഭിച്ചിട്ടില്ല. വസ്തുക്കള്‍ വില്‍ക്കാനും കഴിയാത്ത സ്ഥിതിയുണ്ട്.
ഇരവിപുരം, മയ്യനാട് വില്ലേജുകളില്‍ ഉള്‍പ്പെട്ട 99.48 ആര്. സ്ഥലമാണ് മേല്‍പ്പാലത്തിനായി ഏറ്റെടുക്കുക. ഭൂമി ഏറ്റെടുക്കല്‍, പുനരധിവാസം എന്നിവയുടെ ചുമതലയുള്ള ഡെപ്യൂട്ടി കളക്ടര് (എല്‍എ) നേരിട്ട് സ്ഥലപരിശോധന നടത്തിയാണ് സ്ഥലം ഏറ്റെടുക്കുന്നതുമായി ബന്ധപ്പെട്ട് പുനരധിവാസ പുനഃസ്ഥാപന പാക്കേജ് തയാറാക്കിയത്.
ഇതുപ്രകാരം, 96,12,000 രൂപയാണ് നഷ്്‌ടപരിഹാര ഇനത്തില്‍ നല്‍കുക. വീട് നഷ്‌ടമാകുന്നവര്‍, വാണിജ്യ സ്ഥാപനങ്ങള്‍ നഷ്‌ടപ്പെടുന്നവര്‍, ചെറുകിട വ്യാപാരം ഇല്ലാതാകുന്നവര്‍, അവയില്‍ ജോലി ചെയ്തിരുന്നവര്‍ എന്നിവര്‍ക്കാണ് നഷ്ടപരിഹാരം ലഭിക്കുക. ഭൂമി ഏറ്റെടുക്കല്‍ വിജ്ഞാപനം വരുന്നതിന് മുമ്പ് മൂന്ന് വര്‍ഷത്തിലധികമായി ഇവിടെ തുടരുന്നവര്‍ക്കാണ് നഷ്‌ടപരിഹാരത്തിന് അര്‍ഹത.
വീട് നഷ്ടപ്പെടുന്ന 15 പേര്‍ക്ക് 4,60,000 രൂപ വീതവും വാണിജ്യ സ്ഥാപനങ്ങള്‍ നടത്തുന്ന രണ്ടുപേര്‍ക്ക് രണ്ടുലക്ഷം വീതവും ചെറുകിട വ്യാപാര സ്ഥാപനം നടത്തിവരുന്ന 17 പേര്‍ക്ക് ഒരു ലക്ഷം രൂപ വീതവും ഇവയില്‍ ജോലി ചെയ്തിരുന്ന 17 പേര്‍ക്ക് 36,000 രൂപ വീതവുമാണ് അനുവദിക്കാന്‍ കഴിഞ്ഞ ഫെബ്രുവരിയില്‍ പുറത്തുവന്ന കരടില്‍ നിര്‍ദേശമുണ്ടായിരുന്നത്. എല്ലാം അനിശ്ചിതാവസ്ഥയിലായതോടെ യാത്രക്കാര്‍ക്കൊപ്പം നാട്ടുകാരുടെ ജീവിതവും പ്രതിസന്ധിയിലായി.
നാട്ടുകാര്‍ ആക്ഷന് കൗണ്‍സില്‍ രൂപീകരിച്ച് പ്രക്ഷോഭത്തിലേക്ക്
കൊട്ടിയം : കൂട്ടിക്കടയില്‍ റെയില്‍വെ മേല്‍പ്പാലത്തിന്‍റെ നിര്‍മാണ പ്രവൃത്തികള്‍ അനിശ്ചിതമായി നീളുന്നതില്‍ പ്രതിഷേധിച്ച് നാട്ടുകാര്‍ ചേര്‍ന്ന് ആക്ഷന് കൗണ്‍സില്‍ രൂപീകരിച്ചു പ്രക്ഷോഭം തുടങ്ങുന്നു. ആക്ഷന് കൗണ്‍സില്‍ ഭാരവാഹികളായി സതീഷ് കുമാര്‍ - കണ്‍വീനര്‍, എസ്. ഷബീര്‍ - ചെയര്‍മാന്‍, വിജയകുമാര്‍ - ട്രഷറര്‍എന്നിവരെയോഗം തെരഞ്ഞെടുത്തു. കൂട്ടിക്കട നിവാസികളുടെ വര്‍ഷങ്ങള്‍ ആയിട്ടുള്ള ആവശ്യമാണ് റെയില്‍വേ മേല്‍പാലം എന്നുള്ളതെന്ന് യോഗം ചൂണ്ടിക്കാട്ടി.
വലിയ ഗതാഗത കുരുക്കാണ് നിലവില്‍ കൂട്ടിക്കട റെയില്‍വേ ഗേറ്റില്‍. ഗേറ്റിന്‍റെ വശങ്ങളിലെ ആശുപത്രിയില്‍ വരുന്ന രോഗികള്‍ക്കും ഗേറ്റ് തടസമായി ആപത്ത് ഉണ്ടായിട്ടുണ്ട്. കഴിഞ്ഞ നാലു ദിവസം മയ്യനാട് റെയില്‍വേ ഗേറ്റ്അച്ചിട്ടപ്പോള്‍ മണിക്കൂറുകളോളം വലിയ കുരുക്കാണ് ഉണ്ടായത്. ഇത്തരം പ്രശ്‌നങ്ങള്‍ക്ക് പരിഹാരം കാണുന്നതിന് എംപി, എംഎല്‍എ ഉള്‍പ്പടെയുള്ള അധികാരികള്‍ അടിയന്തരമായി ഇടപെട്ട് പ്രശ്നം പരിഹരിക്കുകയും മേല്‍പ്പാലം പണിയാന്‍ ഫണ്ടു അനുവദിച്ച് പാലം യാഥാര്‍ഥ്യമാക്കണമെന്നും കൂട്ടിക്കട മസ്ജിദ് ഓഡിറ്റോറിയത്തില്‍ ചേര്‍ന്ന ആക്ഷന് കൗണ്‍സില്‍ യോഗം ആവശ്യപ്പെട്ടു.
Kollam
ചവറ: ചവറ നിയോജക മണ്ഡലത്തിലെ വിവിധ സ്കൂളുകളുടെ പരിസരത്ത് പ്രായപൂർത്തിയാകാത്ത കുട്ടികൾ ബൈക്കിൽ അഭ്യാസ പ്രകടനം നടത്തുന്നത് ഗുരുതര പ്രശ്നമാവുന്നു. സ്കൂൾ സമയത്ത് രാവിലെയും വൈകുനേരവുമാണ് അഭ്യാസ പ്രകടനം.
തിരക്കുള്ള പാതയിൽ അമിത വേഗത്തിൽ ചീറിപായുന്ന ബൈക്കുകൾ അപകടം ഉണ്ടാക്കുന്നതു പതിവായിട്ടും പൊലിസ് നടപടി എടുക്കുന്നില്ലായെന്ന പരാതിയും നാട്ടുകാർക്കുണ്ട്. ഇത്തരത്തിൽ 14 വയസുള്ള വിദ്യാർഥി ഓടിച്ച ബൈക്കിടിച്ച് യുവാവിന് പരിക്കേറ്റിരുന്നു. പന്മന വടക്കും തല സ്വദേശി ബ്ലസിക്കാണ് പരിക്കേറ്റത്. കഴിഞ്ഞ ദിവസം രാത്രിയായിരുന്നു സംഭവം. പാത മുറിച്ച് കടക്കുന്നതിനിടയിൽ അമിത വേഗതയിലെത്തിയ ബൈക്കിടിക്കുകയായിരുന്നു.
പരിചയക്കാരന്‍റെ ബൈക്കെടുത്ത് ഓടിക്കുകയായിരുന്നു 14 വയസുകാരൻ. സ്കൂളുകൾ പ്രവർത്തിക്കുന്ന ദിവസം പല സ്ഥലങ്ങളിൽനിന്നും ഇത്തരത്തിൽ ബൈക്കിലെത്തി വിവിധ ഭാഗങ്ങളിൽ കുട്ടികൾ തമ്പടിക്കാറുണ്ട്.
ഹെൽമറ്റ് പോലുമില്ലാതെ നിയമ വിരുദ്ധമായി ഇരുചക്ര വാഹനം ഓടിക്കുന്ന വിദ്യാർഥികളുടെ എണ്ണം ദിനംപ്രതി കൂടി വരുകയാണ്. പൊലിസുകാർ പരിശോധന കർശനമാക്കിയാൽ ഒരു പരിധി വരെ അപകടം ഉണ്ടാക്കുന്നവസ്ഥ ഇല്ലാതാക്കാൻ കഴിയും എന്ന അഭിപ്രായം ഉയരുമ്പോഴും നിയമം തെറ്റിച്ച് വാഹനം ഓടിക്കുന്നവരെ പിടികൂടാൻ പോലിസിന്‍റെ ഭാഗത്ത്നിന്ന് കർശന നടപടികൾ ഉണ്ടാകണമെന്ന് നാട്ടുകാരും സ്കൂൾ അധികൃതരും ആവശ്യപ്പെട്ടു.
Kollam
കൊല്ലം: കൊട്ടാരക്കര നഗരത്തിലെ രൂക്ഷമായ ഗതാഗതക്കുരുക്കിന് ശാശ്വത പരിഹാരം കണ്ടെത്തുന്നതിനായി എംസി റോഡിൽ വെഞ്ഞാറമൂടിന് സമാനമായ എലിവേറ്റഡ് ഫ്ലൈ ഓവർ നിർമിക്കുന്നതിനുള്ള സാധ്യത പരിശോധിക്കുമെന്ന് കൊടിക്കുന്നിൽ സുരേഷ് എംപി.
കൊട്ടാരക്കര നഗരത്തിലൂടെ കടന്നുപോകുന്ന വാഹനങ്ങളുടെ വർധിച്ചുവരുന്ന തിരക്കും യാത്രക്കാർ നേരിടുന്ന ബുദ്ധിമുട്ടുകളും കണക്കിലെടുത്ത് പൊതുമരാമത്ത് വകുപ്പിന്‍റെ നേതൃത്വത്തിൽ സമഗ്രമായ സാങ്കേതിക പഠനം നടത്തം.കൊട്ടാരക്കര നഗരത്തിലെ ഗതാഗതപ്രശ്നത്തിന് ശാശ്വത പരിഹാരം കാണുന്നതിന് നിലവിലുള്ള എം.സി. റോഡിന്‍റെ വികസനസാധ്യതകൾ കൂടി പരിഗണിച്ചുള്ള ശാസ്ത്രീയമായ പദ്ധതി വേണമെന്ന് എംപി പൊതുമരാമത്ത് മന്ത്രിയോട് ആവശ്യപ്പെട്ടു.
നഗരത്തിലെ യഥാർത്ഥ ഗതാഗതപ്രശ്നം പരിഹരിക്കുന്നതിനും പൊതുജനങ്ങൾക്ക് പര
മാവധി പ്രയോജനം ലഭിക്കുന്നതിനും മുൻഗണന നൽകുന്ന പദ്ധതിയാണ് പരിഗണനയിലുള്ളത്. കൊട്ടാരക്കരയിലെ ഗതാഗതക്കുരുക്ക് പരിഹരിക്കുന്നതിനായി പൊതുമരാമത്ത് വകുപ്പിന്‍റെ നേതൃത്വത്തിൽ അടിയന്തരമായി സാങ്കേതിക സമിതി രൂപീകരിക്കും. എലിവേറ്റഡ് ഫ്ലൈ ഓവർ നിർമിക്കുന്നതിനുള്ള സാധ്യതകൾ വിശദമായി പരിശോധിച്ച് ആവശ്യമായ സാങ്കേതിക പഠനം നടത്തി റിപ്പോർട്ട് സമർപ്പിക്കും.
വെഞ്ഞാറമൂട് മാതൃകയിൽ എംസി റോഡിന് മുകളിലൂടെ എലിവേറ്റഡ് ഫ്ലൈ ഓവർ നിർമ്മിക്കാനായാൽ കൊട്ടാരക്കര നഗരത്തിലൂടെയുള്ള ദീർഘദൂര വാഹനങ്ങളുടെ സുഗമമായ യാത്രയ്ക്ക് സഹായകരമാകുന്നതിനൊപ്പം നഗരത്തിലെ ഗതാഗതത്തിരക്ക് ഗണ്യമായി കുറയ്ക്കാനും സാധിക്കും.
Kollam
കൊല്ലം: ഭിന്നശേഷിയുള്ള കുഞ്ഞുങ്ങള്‍ക്ക് തുല്യ അവസരവും അന്തസോടെയുള്ള ജീവിതവും ഉറപ്പാക്കാന്‍ സര്‍ക്കാര്‍ ഒപ്പമുണ്ടെന്ന് മന്ത്രി ബിന്ദു കൃഷ്ണ . കുടുംബശ്രീ ജില്ലാ മിഷന്‍റെ ആഭിമുഖ്യത്തില്‍ ജില്ലയിലെ ബഡ്സ് സ്ഥാപനങ്ങളിലെ കുട്ടികള്‍ക്കായി സംഘടിപ്പിച്ച കായികമേള, ‘ബഡ്സ് ഒളിമ്പിയ 3.0' തേവള്ളി സര്‍ക്കാര്‍ മോഡല്‍ എച്ച്എസ്എസില്‍ ഉദ്ഘാടനം ചെയ്യുകയായിരുന്നു മന്ത്രി.
ഭിന്നശേഷിയുള്ള കുഞ്ഞുങ്ങള്‍ക്ക് സഹതാപമല്ല, അവരുടെ ആത്മവിശ്വാസവും സാമൂഹിക പങ്കാളിത്തവും ഉറപ്പാക്കാനുള്ള ശ്രമങ്ങളാണ് വേണ്ടതെന്നും അക്കാര്യത്തില്‍ സര്‍ക്കാര്‍ സജീവ ശ്രദ്ധ പുലര്‍ത്തുമെന്നും മന്ത്രി പറഞ്ഞു. തെറാപ്പി ആവശ്യമായ എല്ലാവര്‍ക്കും അത് ലഭ്യമാക്കാന്‍ പ്രതിജ്ഞാബദ്ധമാണ്. കുഞ്ഞുങ്ങളുടെ ആരോഗ്യം, വിദ്യാഭ്യാസം, പോഷകാഹാരം, സുരക്ഷ, വ്യക്തിത്വ വികസനം എന്നിവയ്ക്ക് പ്രാധാന്യം നല്‍കിയാണ് മുന്നോട്ട് പോകുന്നത്.
കുട്ടിക്കുറ്റവാളികള്‍ വര്‍ധിച്ചുവരുന്ന കാലഘട്ടത്തില്‍ കുഞ്ഞുങ്ങളുടെ ശാരീരികാരോഗ്യത്തിനൊപ്പം മാനസികാരോഗ്യത്തിനും രക്ഷിതാക്കളും അധ്യാപകരും പ്രാധാന്യം നല്‍കണമെന്നും മന്ത്രി പറഞ്ഞു. ഉദ്ഘാടനച്ചടങ്ങിന് മുന്നോടിയായി ജില്ലയിലെ 39 ബഡ്സ് സ്ഥാപനങ്ങളില്‍നിന്നായി എത്തിയ കുട്ടികളുടെ മാര്‍ച്ച് പാസ്റ്റ് മന്ത്രി ഫ്ലാഗ് ഓഫ് ചെയ്ത് സല്യൂട്ട് സ്വീകരിച്ചു.
ബഡ്സ്, ബിആര്‍സി ജില്ലാ കായികമേളയില്‍ വ്യക്തിഗത, ഗ്രൂപ്പ് ഇനങ്ങളിലായി നടന്ന 31 മത്സരങ്ങളില്‍ 36 സ്ഥാപനങ്ങളില്‍ നിന്നായി ബൗദ്ധിക വെല്ലുവിളികള്‍ നേരിടുന്ന 335 കുട്ടികളാണ് മാറ്റുരച്ചത്. ജില്ലയിലെ ബഡ്സ് സ്കൂളുകളിലെ വിദ്യാര്‍ഥികളും ബഡ്സ് റീഹാബിലിറ്റേഷന്‍ സെന്ററുകളിലെ പരിശീലനാര്‍ഥികളുമാണ് മത്സരങ്ങളില്‍ പങ്കെടുത്തത്.
സബ്ജൂനിയര്‍, ജൂനിയര്‍, സീനിയര്‍ വിഭാഗങ്ങളിലായി ആണ്‍കുട്ടികള്‍ക്കും പെണ്‍കുട്ടികള്‍ക്കുമായി പ്രത്യേകം മത്സരങ്ങള്‍ നടന്നു. 50 മീറ്റര്‍, 100 മീറ്റര്‍ ഓട്ടമത്സരങ്ങള്‍, സ്റ്റാന്‍ഡിംഗ് ബ്രോഡ് ജമ്പ്, ലോംഗ് ജമ്പ്, സോഫ്റ്റ് ബോള്‍ ത്രോ, ഷോട്ട്പുട്ട്, റിലേ മത്സരങ്ങള്‍ എന്നിവയ്ക്ക് പുറമെ സീനിയര്‍ വിഭാഗത്തില്‍ വീല്‍ചെയര്‍ റേസ്, ബാസ്‌കറ്റ് ബോള്‍ ത്രോ (വീല്‍ചെയര്‍) എന്നീ ഇനങ്ങളിലും വാശിയേറിയ മത്സരങ്ങളാണ് നടന്നത്.
Kollam
കൊല്ലം: മണ്ഡലകാലത്തിനു മുന്നോടിയായി കൊല്ലം-തിരുമംഗലം ദേശീയപാതയിൽ നടന്നുവരുന്ന അറ്റകുറ്റപ്പണികളുടെ തുടർച്ചയായ ഒന്നാംഘട്ട ടാറിംഗ് (ബിഎം) തുടങ്ങി. ടാറിംഗിന്‍റെ ഭാഗമായി ഭാഗീകമായ ഗതാഗതനിയന്ത്രണം ഏർപ്പെടുത്തി.
പുനലൂരിലെ വാളക്കോട് റെയിൽവേ മേൽപ്പാലത്തിൽ ടാറിംഗ് നടക്കുന്ന ദിവസങ്ങളിൽ പാതയിൽ ഗതാഗതം പൂർണമായും നിയന്ത്രിക്കും.ഇക്കഴിഞ്ഞ സെപ്റ്റംബറിൽ സംസ്ഥാന അതിർത്തിയായ ആര്യങ്കാവ് കോട്ടവാസൽമുതൽ പുനലൂർ ടിബി ജംഗ്ഷൻവരെ നടന്ന കുഴിയടയ്ക്കലിനു തുടർച്ചയായാണ് ഈ ഭാഗങ്ങളിൽ ടാറിംഗ് നടക്കുന്നത്.
കോട്ടവാസലിൽനിന്ന് പുനലൂർ ദിശയിലേയ്ക്കാണ് പ്രവൃത്തി. കാലാവസ്ഥയും ഗതാഗതനിയന്ത്രണവും അനുകൂലമായാൽ രണ്ടുദിവസംകൊണ്ട് പൂർത്തിയായേക്കും. ടാറിംഗ് നടക്കുന്ന ഭാഗങ്ങളിൽ ഒരുവരിയിൽ ഗതാഗതം അനുവദിക്കുമെന്ന് അധികൃതർ അറിയിച്ചു.
ടാറിംഗ് നടക്കുന്ന വാളക്കോട് പാലത്തിന് വീതി കുറവായതിനാൽ പാത അടച്ചതിനാൽ വാഹനങ്ങൾ ഇടമൺ സത്രംമുക്ക്, പാപ്പന്നൂർ, പുനലൂർ ടി.ബി. ജംഗ്ഷൻ റോഡ് വഴി തിരിഞ്ഞു പോകണം. പുനലൂർ മുതൽ സംസ്ഥാന അതിർത്തിയായ ആര്യങ്കാവ് കോട്ടവാസൽവരെ അറ്റകുറ്റപ്പണിക്കായി 5.27 കോടി രൂപ ഏതാനും മാസംമുൻപ് കേന്ദ്രസർക്കാർ അനുവദിച്ചിരുന്നു.
ഇതുപയോഗിച്ചാണ് പ്രവൃത്തി നടത്തുന്നത്. എന്നാൽ മാസങ്ങൾക്കുമുൻപ് സമർപ്പിച്ച അടങ്കലിന് അനുമതി ലഭിച്ചത് ഏറെ വൈകിയായതിനാൽ റോഡ് കൂടുതൽ തകർന്നതുമൂലം ഈ തുകയ്ക്ക് പൂർണമായ അറ്റകുറ്റപ്പണി സാധ്യമാവാത്ത സ്ഥിതിയുണ്ട്.
കുഴിയടപ്പിനും ടാറിംഗിനും പുറമേ ഗതാഗതത്തടസ്സമുണ്ടാക്കുന്ന മരക്കൊമ്പുകൾ വെട്ടിനീക്കൽ, വശങ്ങളിലെ കാടുതെളിക്കൽ, മുന്നറിയിപ്പ് ബോർഡുകളും ക്രാഷ് ബാരിയറും സ്ഥാപിക്കൽ തുടങ്ങിയ പ്രവൃത്തികളാണ് ഇതിൽ ഉൾപ്പെടുത്തിയിട്ടുള്ളത്. ഈമാസം 17ന് മണ്ഡലകാലം ആരംഭിച്ചാൽ രണ്ടുമാസക്കാലം അനിയന്ത്രിതമായ ഗതാഗതത്തിരക്കായിരിക്കും പാതയിൽ. ഈ സാഹചര്യം കണക്കിലെടുത്താണ് അറ്റകുറ്റപ്പണി നടക്കുന്നത്. നിലവിൽ ടാറിംഗ് നടക്കുന്ന ഭാഗങ്ങളിൽ രണ്ടാംഘട്ട ടാറിംഗ് (ബിസി) ഉൾപ്പെടുത്തിയിട്ടുണ്ടെങ്കിലും മിക്കവാറും മണ്ഡലകാലത്തിനു ശേഷമേ ഇതുണ്ടാവൂ.
ടാറിംഗിനു മുന്നോടിയായി കഴിഞ്ഞയാഴ്ച ചല്ലിനിരത്തിയ വാളക്കോട് മേൽപ്പാലത്തിലും പരിസരങ്ങളിലും പൊടിശല്യത്തിൽ വലഞ്ഞ് സമീപവാസികളും യാത്രക്കാരും. വാഹനങ്ങൾ കടന്നുപോകുമ്പോൾ ഉയരുന്ന പൊടി സ്ഥലവാസികളുടെ കാഴ്ച മറച്ച് ശ്വാസംമുട്ടിക്കുകയാണ്. ഇതുമൂലം ഇവിടെ കടകളും വീടുകളും തുറക്കാനാവാത്ത സ്ഥിതിയുണ്ട്. ബസുകളും ചരക്കുലോറികളുമുൾപ്പടെയുള്ള വലിയ വാഹനങ്ങൾ കടന്നുപോകുമ്പോഴാണ് സ്ഥിതി ഗുരുതരമാകുന്നത്. കുറെനേരത്തേയ്ക്ക് റോഡുപോലും കാണാനാവില്ല. ടാറിംഗ് പൂർത്തിയാവുന്നതോടെ പ്രശ്നം പരിഹരിക്കപ്പെട്ടേക്കുമെന്നാണ് പ്രതീക്ഷ.
Kollam
കൊല്ലം: മാലിന്യ സംസ്കരണ പ്രവർത്തനങ്ങളിൽ പുതിയ മാതൃകകൾ സൃഷ്‌ടിച്ച് ചാത്തന്നൂർ നിയോജക മണ്ഡലത്തെ ശുചിത്വത്തിന്‍റെ മാതൃകാ കേന്ദ്രമാക്കി മാറ്റാൻ ‘നിർമലം- പുതുയുഗ ശുചിത്വ കേരളം' എന്ന പേരിൽ സമഗ്രമായ കാമ്പയിൻ നടപ്പാക്കും.
ഇതുമായി ബന്ധപ്പെട്ട് ചേർന്ന നിയോജക മണ്ഡലതല ആലോചനാ യോഗത്തിൽ ബി.ബി. ഗോപകുമാർ എംഎൽഎ അധ്യക്ഷത വഹിച്ചു. തദ്ദേശ സ്വയംഭരണ വകുപ്പ് അസിസ്റ്റന്‍റ് ഡയറക്ടർ എസ്. സുനീഷ് കുമാർ പദ്ധതിയുടെ അവതരണം നടത്തി. തുനീഷ് വാഴപ്പള്ളി വിഷയാവതരണം നടത്തിമാലിന്യം ശേഖരിച്ച് നീക്കം ചെയ്യുന്നതിൽ മാത്രം ഒതുങ്ങാതെ ഉറവിടത്തിൽ തന്നെ മാലിന്യം സംസ്കരിക്കുകയും മാലിന്യത്തിൽനിന്ന് മൂല്യവർധിത ഉത്പന്നങ്ങൾ സൃഷ്ടിക്കുകയും ചെയ്യുന്ന സുസ്ഥിരമായ മാലിന്യ സംസ്കരണ മാതൃക വികസിപ്പിക്കേണ്ടതിന്‍റെ ആവശ്യകത യോഗം ചർച്ച ചെയ്തു.
വീടുകളിലും സ്ഥാപനങ്ങളിലും സ്ഥാപിച്ചിട്ടുള്ള കമ്പോസ്റ്റ് ബിന്നുകൾ, ബയോബിന്നുകൾ, ബയോഗ്യാസ് പ്ലാന്‍റുകൾ തുടങ്ങിയ സംവിധാനങ്ങളുടെ എണ്ണം മാത്രം വിലയിരുത്തുന്നതിന് പകരം അവ യഥാർഥത്തിൽ പ്രവർത്തിക്കുന്നുണ്ടോ, എത്ര വീടുകളിൽ ഫലപ്രദമായി ഉറവിട മാലിന്യസംസ്കരണം നടക്കുന്നുണ്ട് എന്നതിനെ അടിസ്ഥാനമാക്കി പ്രവർത്തനങ്ങൾ നിരന്തരമായി നിരീക്ഷിക്കാനും വിലയിരുത്താനും പ്രത്യേക പ്രാധാന്യം നൽകും.
ഓരോ തദ്ദേശ സ്വയംഭരണ സ്ഥാപനത്തിന്‍റെയും പ്രത്യേകതകൾ പരിഗണിച്ച് പ്രാദേശിക വിഭവങ്ങൾ പ്രയോജനപ്പെടുത്തിയും ജനപങ്കാളിത്തം ഉറപ്പാക്കിയും ശുചിത്വ പ്രവർത്തനങ്ങൾ കൂടുതൽ ഫലപ്രദമാക്കാനുള്ള കർമപദ്ധതി തയാറാക്കും. മാലിന്യത്തെ ഒരു വിഭവമായി മാറ്റി പ്രാദേശിക സംരംഭങ്ങൾക്കും മൂല്യവർധിത ഉത്പന്നങ്ങളുടെ ഉത്പാദനത്തിനും സാധ്യതകൾ കണ്ടെത്താനും ക്യാമ്പയിൻ ലക്ഷ്യമിടുന്നു.
യോഗത്തിൽ പരവൂർ നഗരസഭ ചെയർപേഴ്സൺ ജെ. ജയലാൽ ഉണ്ണിത്താൻ, ഇത്തിക്കര ബ്ലോക്ക് പഞ്ചായത്ത് പ്രസിഡന്റ് സുശീലാദേവി, ഗ്രാമപഞ്ചായത്ത് പ്രസിഡന്റുമാരായ അഡ്വ. ജിനോക്കി എഡ്വേർഡ്, ഉല്ലാസ് കൃഷ്ണൻ, ശശികല, ഒ.മഹേശ്വരി, പൂതക്കുളം ഗ്രാമപഞ്ചായത്ത് വൈസ് പ്രസിഡന്റ് എസ്. ഇന്ദു എന്നിവർ പ്രസംഗിച്ചു.
Kollam
കൊല്ലം: ജില്ലയിലെ മൂന്ന് താലൂക്കുകളിൽ ഈമാസത്തെ വാതിൽപ്പടി വിതരണം ആരംഭിക്കാതെ കരാറുകാർ. കൊല്ലം, പുനലൂർ, കരുനാഗപ്പള്ളി താലൂക്കുകളിലാണ് വിതരണം പ്രതിസന്ധിയിലായിരിക്കുന്നത്. കൊട്ടാരക്കര, കുന്നത്തൂർ താലൂക്കുകളിൽ ഉദ്യോഗസ്ഥർ ശക്തമായ സമ്മർദം ചെലുത്തിയതിനെ തുടർന്ന് കഴിഞ്ഞ ദിവസം വിതരണം ആരംഭിച്ചു. പത്തനാപുരം താലൂക്കിൽ യന്ത്രത്തകരാർ കാരണം വിതരണം ആരംഭിക്കാനായിട്ടില്ല
സപ്ലൈകോ ഗോഡൗണുകളിൽനിന്ന് റേഷൻകടകളിൽ ഭക്ഷ്യധാന്യം എത്തിക്കുന്ന വാതിൽപ്പടി വിതരണം സാധാരണ എല്ലാമാസവും മൂന്നിന് ആരംഭിക്കുന്നതാണ്. എന്നാൽ ഒരുമാസത്തെയെങ്കിലും കുടിശിക തുക കിട്ടിയാലെ വിതരണം ആരംഭിക്കൂവെന്ന നിലപാടിലാണ് മൂന്ന് താലൂക്കുകളിലെയും കരാറുകാർ.
കഴിഞ്ഞമാസത്തെ നീക്കിയിരുപ്പ് ഉപയോഗിച്ചാണ് റേഷൻകടകളിൽ നിലവിൽ വിതരണം നടക്കുന്നത്. വാതിൽപ്പടി വിതരണം കൂടുതൽ വൈകിയാൽ റേഷൻകടകളിലെ സ്റ്റോക്ക് ഒഴിഞ്ഞ് ജനങ്ങൾ നിരാശരായി മടങ്ങേണ്ടി വരും.
കരാർ തുക കുടിശികയായിട്ട് ആറുമാസം. ആറ് മാസത്തെ കുടിശികയ്ക്ക് പുറമേ അതിന് മുമ്പുള്ള ഒരുവർഷത്തെ തുകയുടെ പത്ത് ശതമാനവും കരാറുകാർക്ക് ലഭിക്കാനുണ്ട്. വാതിൽപ്പടി വിതരണം വൈകുന്നത് എഫ്സിഐയിൽനിന്ന് ഭക്ഷ്യധാന്യം ഏറ്റെടുക്കുന്നതിനെ ബാധിക്കും. സപ്ലൈകോ ഗോഡൗണുകളിൽ സ്റ്റോക്ക് ഒഴിഞ്ഞാലെ എഫ്സിഐയിൽ നിന്ന് ഈമാസത്തെ വിഹിതം ഏറ്റെടുത്ത് സംഭരിക്കാനാകൂ.
മണ്ഡലകാലം, ക്രിസ്മസ് തുടങ്ങിയവ പ്രമാണിച്ച് ഈമാസം എഫ്സിഐയിൽനിന്ന് കൂടുതൽ പച്ചരി ലഭിക്കും. ജില്ലയ്ക്കുള്ള ഭക്ഷ്യവിഹിതത്തിൽ എഴുപത് ശതമാനത്തോളം പച്ചരി ലഭിക്കും. കഴിഞ്ഞമാസം 40 ശതമാനം മാത്രമായിരുന്നു പച്ചരി.
എഎവൈ വിഭാഗത്തിനുള്ള പച്ചരി ഈമാസം നാലിൽനിന്ന് ഏഴ് കിലോയായും മുൻഗണനേതര സബ്സിഡി വിഭാഗത്തിന് രണ്ട് കിലോയായും കൊല്ലം താലൂക്കിൽ വർധിപ്പിച്ചിട്ടുണ്ട്. മുൻഗണനേതര സബ്സിഡി വിഭാഗത്തിന് ഈമാസം പച്ചരി കൊല്ലം താലൂക്കിൽ ലഭിക്കില്ല. മുൻഗണനാ കാർഡുകൾക്ക് ആളൊന്നിന് ഒരു കിലോ പച്ചരി വീതം ലഭിക്കും.
Kollam
അഞ്ചല്‍: തിരുവനന്തപുരം മേജര്‍ അതിരൂപതയില്‍ അഞ്ചലില്‍ സെന്റ് മേരീസ് മലങ്കര കത്തോലിക്കാ ഇടവകയ്ക്കുവേണ്ടി പുതിതായി പണികഴിപ്പിച്ച പള്ളിയുടെ മൂറോന്‍ കൂദാശയുടെ ഭാഗമായി രണ്ടാം ദിവസം ആഘോഷമായ സമൂഹബലി നടന്നു. ഇടവകയിലെ 32 കുട്ടികളുടെ ദിവ്യകാരുണ്യ സ്വീകരണവും ഇതോടനുബന്ധിച്ച് നടന്നു.
സഭയുടെ മേജര്‍ ആര്‍ച്ചുബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ സമൂഹബലിക്ക് മുഖ്യകാര്‍മികത്വം വഹിച്ചു. ബിഷപ് സാമുവേല്‍ മാര്‍ ഐറേനിയോസ്, ബിഷപ് യൂഹാനോന്‍ മാര്‍ അലക്സിയോസ് എന്നിവര്‍ സഹകാര്‍മികരായിരുന്നു. പള്ളിയുടെ നിര്‍മാണത്തിന് നേതൃത്വം നല്‍കിയ നിര്‍മാണ കമ്മിറ്റി അംഗങ്ങളെ ചടങ്ങില്‍ കാതോലിക്കാ ബാവ ഫലകം നല്കി ആദരിച്ചു.
വികാരി ഫാ.ബോവസ് മാത്യു, സഹവികാരി ഫാ.ഗീവര്‍ഗീസ് കുറ്റിവടക്കേതില്‍, ജനറല്‍ കണ്‍വീനര്‍ ഡോ. കെ.വി. തോമസ്‌കുട്ടി, കണ്‍വീനര്‍ കോശി ജോണ്‍, സെക്രട്ടറിമാരായ മനോജ് ഏബ്രഹാം, ജോര്‍ജ് പി. ജോസഫ്, ജോയിന്റ് കണ്‍വീനര്‍മാരായ എന്‍.കെ. അലക്സ്, ഒ.ജോണ്‍, ടി.ഡി. ദാസന്‍ എന്നിവര്‍ പരിപാടികള്‍ക്ക് നേതൃത്വം നല്കി. ഇന്ന് വൈകുന്നേരം നടക്കുന്ന സമൂഹബലിക്ക് ഫാ.ഡോ. ജോണ്‍സണ്‍ കൈമലയില്‍ കോര്‍ എപ്പിസ്‌കോപ്പ മുഖ്യകാര്‍മികനായിരിക്കും. ഇടവകാംഗങ്ങളായ വൈദികര്‍ സഹകാര്‍മികരാകും.
Kollam
കൊല്ലം: കേന്ദ്ര സർക്കാർ ഹൈ സെക്യൂരിറ്റി നമ്പർ പ്ലേറ്റ് നിർബന്ധമാക്കിയതിനെ തുടർന്ന് 2019 മാർച്ചിന് മുമ്പ് രജിസ്റ്റർ ചെയ്ത ജില്ലയിലെ വാഹനങ്ങൾക്ക് സംസ്ഥാന സർക്കാരിന്‍റെ പ്രത്യേകാനുമതിയിലുള്ള മാനുവൽ ഫിറ്റ്നസ് ടെസ്്‌റ്റ് വൈകുന്നതായി പരാതി. പണി പൂർത്തിയാക്കിയിട്ടും ഫിറ്റ്നസ് ടെസ്റ്റ് നടക്കാത്തതിനാൽ വാണിജ്യ വാഹനങ്ങൾ പലതും നിരത്തിലിറക്കാനാവാത്ത അവസ്ഥയാണ്. ഇത്തരം വാഹനങ്ങളെ ആശ്രയിക്കുന്ന കുടുംബങ്ങളുടെ വരുമാനം നിലച്ച് പട്ടണിയിലേക്ക് നീങ്ങുകയാണ്.
ഒാഗസ്‌റ്റ് മുതൽ ജില്ലയിലെ ഫിറ്റ്നസ് പരിശോധന ഓട്ടോമാറ്റിക് സംവിധാനത്തിലേക്ക് മാറിയിരുന്നു. പൂയപ്പള്ളിയിലും ശാസ്താംകോട്ട ഭരണിക്കാവിലുമാണ് ജില്ലയിലെ ഓട്ടോമാറ്റിക് ഫിറ്റ്നസ് പരിശോധന കേന്ദ്രങ്ങൾ. ഹൈ സെക്യൂരിറ്റി നമ്പർ പ്ലേറ്റ് പതിക്കുന്നതിന് പുറമേ സീരിയൽ നമ്പർ കൂടി നൽകിയാലെ ഓട്ടോമാറ്റിക് ഫിറ്റ്നസ് പരിശോധന നടത്താനാകൂ. ഹൈ സെക്യൂരിറ്റി നമ്പർ പ്ലേറ്റ് ലഭിക്കാനുള്ള കാലതാമസം കാരണമാണ് 2019 മാർച്ചിന് മുമ്പ് രജിസ്റ്റർ ചെയ്ത ജില്ലയിലെ വാഹനങ്ങൾക്ക് മാനുവൽ ഫിറ്റ്നസ് നടത്താനുള്ള പ്രത്യേക അനുമതി സംസ്ഥാന സർക്കാർ നൽകിയത്. രണ്ട് തവണ നീട്ടിയ കാലാവധി കഴിഞ്ഞമാസം അവസാനിച്ചിരുന്നു.
അതുവരെ ഫീസ് അടച്ച വാഹനങ്ങളാണ് മാനുവൽ ഫിറ്റ്നസ് ടെസ്്‌റ്റിനായി എത്തുന്നത്. എന്നാൽ ഉദ്യോഗസ്ഥർ വളരെക്കുറച്ച് വാഹനങ്ങളുടെ ഫിറ്റ്നസ് പരിശോധന മാത്രമേ നടത്തുന്നുള്ളുവെന്നാണ് പരാതി. മാനുവൽ ഫിറ്റ്നസ് ടെസ്‌റ്റിന് ഫീസ് അടയ്ക്കാനുള്ള സമയപരിധി നീട്ടണമെന്നും ആവശ്യമുണ്ട്.
ഓട്ടോമാറ്റിക് ഫിറ്റ്നസ് പരിശോധന കേന്ദ്രം വന്നതിനാൽ ജില്ലയിലെ മോട്ടോർ വാഹന വകുപ്പ് ഓഫിസുകൾക്ക് മാനുവൽ ഫിറ്റ്നസ് ടെസ്റ്റിനുള്ള ഫീസ് സ്വീകരിക്കാനാവില്ല. അതുകൊണ്ട് വർക്കല ജോയിന്റ് ആർടി ഒാഫിസിൽ ഫീസടച്ചാണ് കൊല്ലത്ത് മാനുവൽ ഫിറ്റ്നസ് പരിശോധന നടത്തുന്നത്. മാനുവൽ ഫിറ്റ്നസ് പരിശോധന നടക്കുന്നതിനാൽ വരുമാനം കുറഞ്ഞ് ജില്ലയിലെ രണ്ട് ഓട്ടോമാറ്റിക് ഫിറ്റ്നസ് ടെസ്്‌റ്റ് കേന്ദ്രങ്ങൾ പ്രതിസന്ധിയിലാവുകയും ചെയ്തു.
Kollam
കൊല്ലം: കടയ്ക്കലിൽ കഴിഞ്ഞ ദിവസം പാകമായ വാഴക്കുലകൾ മോഷണം പോയി. വടക്കെവയൽ വാർഡിൽ രാജന്‍ കൃഷി ചെയ്ത വാഴക്കുലകളാണ് കാണാതായത്.
അയൽവാസി സൗജന്യമായി നൽകിയ ഭൂമിയിലാണ് രാജൻ കൃഷിയിറക്കിയത്.
വിളവെടുക്കാനെത്തിയപ്പോഴാണ് 17 ഏത്തവാഴക്കുലകൾ സാമൂഹ്യവിരുദ്ധർ വെട്ടികൊണ്ട് പോയത് അറിയുന്നത്.
തുടർന്ന് രാജന്റെ പരാതിയിൽ കടയ്ക്കൽ പൊലിസ് കേസെടുത്ത് അന്വേഷണം ആരംഭിച്ചു. ഒപ്പം വരുമാനം നഷ്ടപ്പെട്ട് ദുരിതത്തിലായ രാജനെ സഹായിക്കാൻ കടയ്ക്കലിലെ പൊലിസുകാർ ചേർന്ന് വാഴതൈയും സാമ്പത്തിക സഹായവും നൽകി.
Kollam
കൊല്ലം: മദ്യപിച്ച് ബസ് ഓടിച്ച സ്വകാര്യ ബസ് ഡ്രൈവറെ എഴുകോൺ പൊലീസ് അറസ്റ്റ് ചെയ്തു. കാരുവേലിൽ ഇടവട്ടം മന്നത്ത് താഴേതിൽ സിനിഭവനിൽ ബിജുകുമാറാണ് (42) പിടിയിലായത്. ഇയാളുടെ ഡ്രൈവിംഗ് ലൈസൻസ് സസ്‌പെൻഡ് ചെയ്യുന്നതിനുള്ള നടപടികൾ മോട്ടോർ വാഹന വകുപ്പുമായി ചേർന്ന് സ്വീകരിക്കുമെന്ന് പൊലിസ് അറിയിച്ചു.
വെള്ളിയാഴ്ച രാവിലെ പത്തോടെ ആറുമുറിക്കട ജംഗ്ഷനിൽവച്ച് പൊലീസ് നടത്തിയ വാഹനപരിശോധനയിലാണ് ഇയാൾ പിടിയിലായത്. പുത്തൂർ - മുക്കട റൂട്ടിൽ സർവീസ് നടത്തുന്ന സ്വകാര്യബസിലെ ഡ്രൈവറാണ് ബിജുകുമാർ. എസ്ഐ രാജേഷ് കുമാറിന്‍റെ നേതൃത്വത്തിലുള്ള സംഘമാണ് വാഹനം തടഞ്ഞുനിറുത്തി പരിശോധന നടത്തിയത്. ഡ്രൈവർ മദ്യപിച്ചിരുന്നതായി വ്യക്തമായതോടെ ഉടൻ കസ്റ്റഡിയിലെടുത്തു. യാത്രക്കാരെ മറ്റൊരു ബസിൽ കയറ്റിവിട്ടു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
Kollam
കുണ്ടറ: പെരിനാട് കുഴിയം വടക്ക് ശ്രീ പുന്തലക്കാവ് ഭദ്ര ഭഗവതി ക്ഷേത്രത്തിലെ കാണിക്കവഞ്ചികൾ കുത്തിത്തുറന്ന് മോഷണം. ക്ഷേത്രവളപ്പിലെ നാല് കാണിക്കവഞ്ചികളും തകർത്ത് പണം കവർന്നു. പ്രതികൾ സഞ്ചരിച്ച ഇരുചക്രവാഹനത്തിൽ നമ്പർപ്ലേറ്റ് ഉണ്ടായിരുന്നില്ലെന്ന് പൊലിസ് കണ്ടെത്തി.
ക്ഷേത്രപരിസരത്തെ സിസിടിവി ദൃശ്യങ്ങൾ പരിശോധിച്ച് പ്രതികളെ തിരിച്ചറിയാനുള്ള ശ്രമങ്ങൾ പുരോഗമിക്കുകയാണ്.
Kollam
കൊല്ലം: വീടിന് മുകളിൽ കഞ്ചാവ് ചെടി വളർത്തിയ കേസിലെ പ്രതിയെ കൊല്ലം മൂന്നാം അഡിഷണൽ സെഷൻസ് ജഡ്ജി എം.സി. ആന്റണി വെറുതെവിട്ടു.
കൊല്ലം തലവൂർ രാജൻ ഭവനിൽ റോജൻ രാജനെയാണ് വെറുതെ വിട്ടത്. 2016 ഫെബ്രുവരി 12ന് റോജൻ രാജന്റെ വീടിനുമുകളിൽനിന്ന് കഞ്ചാവ് ചെടി കണ്ടെടുത്തുവെന്നായിരുന്നു കേസ്.
സ്വന്തം ആവശ്യത്തിന് നട്ടുവളർത്തി പരിപാലിച്ചുവെന്ന കുറ്റമാണ് ചുമത്തിയിരുന്നത്. കുറ്റം തെളിയിക്കാൻ പ്രോസിക്യൂഷന് കഴിഞ്ഞില്ലെന്ന പ്രതിഭാഗം വാദം അംഗീകരിച്ചാണ് പ്രതിയെ വെറുതെ വിട്ടത്. പ്രതിക്കുവേണ്ടി അഭിഭാഷകരായ എസ്.സിജു, ഗ്രീഷ്മ രാജൻ എന്നിവർ ഹാജരായി.
Kollam
കൊട്ടാരക്കര: ദുഃഖദുരിതങ്ങൾ ഇരുട്ടിലാക്കിയ സമൂഹത്തിലെ നിരാശ്രയരെയും നിരാലംബരെയും ചേർത്തുനിർത്തുമ്പോഴാണ് ഓരോ ആഘോഷങ്ങളും അർഥപൂർണമാകുന്നതെന്നും ഉറ്റവരാൽ ഉപേക്ഷിക്കപ്പെട്ട് വേദനയുടെ ആഴങ്ങളിൽ മുങ്ങിത്താഴുന്നവർക്ക് ആശ്വാസത്തിന്‍റെ വെളിച്ചമാകാൻ നമുക്ക് കഴിയണമെന്നും സി. അജയപ്രസാദ് എംഎൽഎ.
അതിന് നന്മയുടെയും കരുതലിന്‍റെയും ദീപങ്ങൾ ആദ്യം കൊളുത്തേണ്ടത് നമ്മുടെ മനസുകളിലാണെന്ന് കലയപുരം ആശ്രയ സങ്കേതത്തിൽ ദീപാവലി ആഘോഷങ്ങൾ ഉത്ഘാടനം ചെയ്തുകൊണ്ട് അദ്ദേഹം പറഞ്ഞു. അതോടൊപ്പം ചേർത്തുനിർത്തലിന്‍റെ മാഹാത്മ്യം അറിയാൻ പുതുതലമുറകൾ ആശ്രയയെപ്പോലുള്ള ജീവകാരുണ്യ പ്രസ്ഥാനങ്ങൾ സന്ദർശിക്കണമെന്നും അദ്ദേഹം കൂട്ടിച്ചേർത്തു.
ആശ്രയ വൈസ് പ്രസിഡന്റ് പട്ടാഴി ജി. മുരളീധരൻ മാസ്റ്ററുടെ അധ്യക്ഷതയിൽ ചേർന്ന സമ്മേളനത്തിൽ മൈലം ഗ്രാമപഞ്ചായത്ത് പ്രസിഡന്റ് ദിവ്യ ചന്ദ്രശേഖർ മുഖ്യാതിഥിയായിരുന്നു. ജില്ലാ പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ജി. സരസ്വതി, വാർഡ് മെമ്പർമാരായ ഷീബ അജോയ്, സാലമ്മ ടീച്ചർ, ആശ്രയ ജനറൽ സെക്രട്ടറി കലയപുരം ജോസ്, ഷാഹുൽ കുന്നിക്കോട്, ബിനു കെ. കോശി, അലക്സ് മാമ്പുഴ, കുളക്കട രാധാകൃഷ്ണൻ , ഷാജി മാംവിള തുടങ്ങിയവർ പ്രസംഗിച്ചു.
തുടർന്ന് കൊല്ലം സ്വരശ്രീ ഓർക്കസ്ട്രയുടെ ഗാനമേള അരങ്ങേറി. ആശ്രയ സങ്കേതത്തിലെ കുടുംബാംഗങ്ങൾ ചേർന്ന് ദീപക്കാഴ്ചയും സമൂഹ സദ്യയും ഒരുക്കി.
Kollam
കൊല്ലം: മിന്നലേറ്റ് നാല് കറവ പശുക്കളെയും ഒരു കാളക്കിടാവിനെയും നഷ്ടമായ ക്ഷീര കർഷകനായ കടവൂർ കണ്ണമ്പലത്ത് വീട്ടിൽ ഉണ്ണികൃഷ്ണൻ നായർക്ക് മണിക്കൂറുകൾക്കുള്ളിൽ രണ്ട് സുന്ദരി പശുക്കളെ സമ്മാനിച്ച് മന്ത്രി ബിന്ദുകൃഷ്ണ.
ഉണ്ണികൃഷ്ണൻ നായരുടെ സങ്കടമറിഞ്ഞ് കേരള ലൈവ് സ്റ്റോക്ക് ഇൻസ്പെക്ടേഴ്സ് അസോസിയേഷൻ സംസ്ഥാന കമ്മിറ്റി സ്പോൺസർ ചെയ്ത രണ്ട് പശുക്കളെയാണ് മന്ത്രി ഇന്നലെ അദ്ദേഹത്തിന്‍റെ വസതിയിലെത്തി കൈമാറിയത്. കേരള ലൈഫ് സ്റ്റോക്ക് ഇൻസ്പെക്ടേഴ്സ് അസോസിയേഷന്റെ നേതൃത്വത്തിലാണു പശുക്കളെ വാങ്ങി നൽകിയത്.
ഉണ്ണികൃഷ്ണൻ നായരുടെ വീട്ടിലെത്തി കൈമാറി. ജില്ലാ മൃഗസംരക്ഷണ ഓഫിസർ ഡോ. ഷീജ, അഞ്ചാലുംമൂട് സീനിയർ വെറ്ററിനറി സർജൻ ഡോ. ഡി. ലത, ഡോ. സോജ, എൻജിഒ അസോസിയേഷൻ സംസ്ഥാന കമ്മിറ്റി നൗഫൽ ഖാൻ, കെഎൽഐഎ ഭാരവാഹികളായ പ്രശാന്ത്, ഇ. നജീബ്, എം. അബ്ദുൽസലാം, മുകേഷ്, നവീൻ മഞ്ഞിപ്പുഴ, ബിനുകുമാർ, സാബു, ജെയ്സൺ, രഘുനാഥൻ പിള്ള തുടങ്ങിയവർ പങ്കെടുത്തു. മക്കളെപ്പോലെയാണ് ഉണ്ണികൃഷ്ണൻ നായർ പശുക്കളെ വളർത്തിയിരുന്നത്. എല്ലാ പശുക്കൾക്കും അദ്ദേഹം വാത്സല്യത്തോടെ ഓരോ പേരും ഇട്ടിരുന്നു.
അതിൽ കിങ്ങിണിയും ഗൗരിയും സുന്ദരിയും മീനുക്കുട്ടിയും സുന്ദരം എന്ന് വിളിച്ചിരുന്ന കാളക്കിടാവുമാണ് വെള്ളിയാഴ്ച് വൈകിട്ട് നാലോടെ മിന്നലേറ്റ് ചത്തത്.
71 കാരനായ ഉണ്ണിക്കൃഷ്ണൻ നായർക്ക് കുട്ടിക്കാലം മുതലെ കൃഷിയോട് വലിയ താല്പര്യമായിരുന്നു. വർഷങ്ങൾക്ക് മുമ്പ് സ്വകാര്യ സ്ഥാപനത്തിലെ മാനേജർ പദവി ഉപേക്ഷിച്ച് പൂർണസമയ കർഷകനായി.
കാലിത്തീറ്റയ്ക്ക് വില കൂടി വലിയ നഷ്ടമായിട്ടും അദ്ദേഹത്തിന് പശുക്കളെ ഉപേക്ഷിക്കാൻ മനസ് വന്നില്ല. നേരത്തെ പതിനാറ് പശുക്കളെവരെ വളർത്തിയിരുന്നു. ലോക്കൽ ഫണ്ട് ഓഡിറ്റ് വകുപ്പിൽനിന്ന് വിരമിച്ച ഭാര്യ ഷീലാകുമാരിയുടെയും മക്കളുടെയും നിർബന്ധനത്തിന് വഴങ്ങിയാണ് പശുക്കളുടെ എണ്ണം കുറച്ചത്.
വെള്ളിയാഴ്ച വൈകുന്നേരം ഉണ്ണികൃഷ്ണൻ നായർ പാൽ കൊടുക്കാൻ പോയിരുന്നപ്പോഴാണ് അദ്ദേഹത്തിന്‍റെ അഞ്ച് ഓമനക്കൾക്കും മിന്നലേറ്റത്. ഇരുമ്പ് ഷീറ്റ് മേഞ്ഞ തൊഴുത്തിൽ ഇരുമ്പുപൈപ്പിലാണു പശുക്കളെ കെട്ടിയിരുന്നത്. ഷീറ്റിലേറ്റ മിന്നൽ പൈപ്പിലൂടെ പശുക്കൾക്കും ഏറ്റതാണെന്നാണു പ്രാഥമിക നിഗമനം. 17 മാസവും 12 ദിവസവും പ്രായമുള്ള 2 കിടാവുകൾ മാത്രമാണു രക്ഷപ്പെട്ടത്.
ജില്ല, അഞ്ചാലുംമൂട് വെറ്ററിനറി ആശുപത്രികളിലെ ഡോക്‌ടർമാരുടെ നേതൃത്വത്തിൽ പോസ്റ്റ്മോർട്ടം നടത്തിയ ശേഷം പശുക്കളെ വീട്ടുവളപ്പിൽ സംസ്കരിച്ചു. പശുക്കളുടെ കരച്ചിൽ കേട്ട് ഷീലാകുമാരി ഓടിയെത്തിയപ്പോൾ രണ്ട് പശുക്കൾ നിലത്ത് കിടക്കുകയായിരുന്നു. കരഞ്ഞുകൊണ്ടിരുന്ന രണ്ട് പശുക്കളുടെ പുറത്ത് തൊട്ടു നോക്കിയപ്പോൾ ചെറിയ തരിപ്പ് അനുഭവപ്പെട്ടു. അല്പനേരം കഴിഞ്ഞപ്പോൾ അവയും ഒരു കിടാവും കുഴഞ്ഞുവീണു ചത്തു.
Kollam
പാരിപ്പള്ളി: എഴിപ്പുറത്തെ ഇന്ത്യൻ ഓയിൽ കോർപറേഷന്‍റെ (ഐഒസി) ബോട്ട്‌ലിംഗ് പ്ലാന്‍റിലെ അതീവ സുരക്ഷാ മേഖലയിലേക്ക് കാർ ഇടിച്ചുകയറ്റി. ഭീകരാന്തരീക്ഷം സൃഷ്ടിച്ച സംഭവത്തില്‍ പരവൂർ കൂനയിൽ പുലിക്കുളത്ത് കിഴക്കതിൽ ഷിബു രാജ് (28), പുതക്കുളം ഈഴം വിള കല്ലുവിള വീട്ടിൽ ജയൻ (47) എന്നിവരെ പാരിപ്പള്ളി പൊലിസ് കസ്റ്റഡിയിലെടുത്തിട്ടുണ്ട്.
വെള്ളിയാഴ്ച രാത്രി എട്ടരയോടെയാണ് സംഭവം. 15 മുതൽ 18 വരെ ടൺ പാചകവാതകം നിറച്ച 20 ഓളം ബുള്ളറ്റ് ടാങ്കറുകൾ ആ സമയത്ത് യാർഡിലുണ്ടായിരുന്നു. അതീവ സുരക്ഷാ മേഖലയിലേയ്ക്കാണ് കാർ പാഞ്ഞുകയറിയത്. ഗേറ്റിലും മറ്റും ഇടിച്ച കാർ പാചകവാതകം നിറഞ്ഞ ബുള്ളറ്റ് ടാങ്കറുകളിലേക്ക് ഇടിച്ചുകയറിയെങ്കിലും ബുള്ളറ്റ് ടാങ്കറുകളുടെ വാൽവുകൾക്ക് തകരാർ സംഭവിക്കാതിരുന്നതിനാൽ വാതക ചോർച്ച സംഭവിച്ചില്ല.
അതിനാൽ തന്നെ വൻ ദുരന്തം ഒഴിവായി. അവിടെ പാർക്ക് ചെയ്തിരുന്ന നിരവധി ട്രക്കുകൾക്ക് ഏകദേശം 25,000 രൂപയുടെ നാശനഷ്ടം വരുത്തുകയും സുരക്ഷാ ജീവനക്കാരെ അസഭ്യം പറയുകയും മർദിക്കുകയും ചെയ്തു. ഗ്യാസ് നിറച്ച ട്രക്ക് പ്ലാന്‍റിലെ പാർക്കിംഗ് ഏരിയയിൽ നിർത്തിയിട്ടിരുന്ന സമയത്താണ് കാർ എത്തിയത്. കാർ പാഞ്ഞു കയറി വരുന്നത് കണ്ട് സുരക്ഷാ ജീവനക്കാർ തടയാൻ ശ്രമിച്ചെങ്കിലും സാധിച്ചില്ല.
പാരിപ്പള്ളി പൊലിസ് ഇവരെ സംഭവസ്ഥലത്ത് നിന്നും കസ്റ്റഡിയിലെടുത്ത ശേഷം പിഡിപിപി ആക്ട് ഉൾപ്പടെയുള്ള വിവിധ വകുപ്പുകൾ പ്രകാരം കേസ് രജിസ്റ്റർ ചെയ്യുകയായിരുന്നു.
പാരിപ്പള്ളി എസ്എച്ചഒ ആശ വി. രേഖ, എസ്ഐ മനു, എഎസ്ഐ തോമസ്, ബിന്ദുകുമാരി, സിപിഒമാരായ അഖിൽ, അരുൺ, സബിത്ത് എന്നിവരടങ്ങിയ സംഘമാണ് ഇവരെ പിടികൂടിയത്.
Kollam
കുണ്ടറ : കാപ്പാ നിയമം ലംഘിച്ച പ്രതി പിടിയിൽ. മുളവന കോട്ടപ്പുറം കിരൺ നിവാസിൽ കിരൺ ക്ലീറ്റസ് (30) ആണ് പിടിയിലായത്. കാപ്പ കേസിൽ അകപ്പെട്ട് ആറുമാസകാലത്തോളം കുണ്ടറ, കല്ലട തുടങ്ങിയ സ്ഥലങ്ങളിൽ പ്രവേശിക്കാൻ പാടില്ല എന്നുള്ള നിയമം നിലനിൽക്കെ കല്ലട പൊലിസ് സ്റ്റേഷൻ പരിധിയിൽ വന്ന് അടിപിടി ഉണ്ടാക്കിയ കേസിലാണ് കിരൺ പിടിയിലായത്.
എസ്എച്ച് ഒ സുനു കുമാറിന്‍റെ നേതൃത്വത്തിൽ എസ്ഐമാരായ അരുൺ, ദീപു, പ്രിയ, മനോഹരൻ പിള്ള എന്നിവരടങ്ങിയ സംഘത്തോടൊപ്പം സിപിഒ മാരുടെ സഹായത്തോടുകൂടിയാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Kollam
കുണ്ടറ: പീഡന കേസിലെ പ്രതി അറസ്റ്റിൽ.പടപ്പക്കര ഷിജിൻ വിലാസത്തിൽ അനൂപ് ഭവനത്തിൽ താമസക്കാരനായ വീട്ടിൽ ഷിജിൻ സേവിയർ (41) ആണ് അറസ്റ്റിലായത്. ജൂലൈ 21 നും ഓഗസ്റ്റ് ഏഴിനും അതിക്രമിച്ച് കയറി ഉറക്ക ഗുളിക കഴിച്ചു മയങ്ങി കിടന്ന ഇരയെ പീഡിപ്പിച്ചു എന്നതാണ് കേസ്. അറസ്റ്റ് ചെയ്തു കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Kollam
കൊട്ടിയം: ബോസ്കോ കോളജിൽ കേരളപ്പിറവി ആഘോഷത്തോടനുബന്ധിച്ച് നാടൻ ഭക്ഷ്യമേള ‘അമ്മക്കൂട്ട്' സംഘടിപ്പിച്ചു. ബികോം ഫിനാൻസ് വിഭാഗവും കോളജ് യൂണിയനും ചേർന്നാണ് പരിപാടി സംഘടിപ്പിച്ചത്.
പരിപാടിയിൽ ഫിനാൻസ് വിഭാഗം മേധാവി ടോണി ഫ്രാൻസിസ് സ്വാഗതം ആശംസിച്ചു. കോളജ് പ്രിൻസിപ്പൽ ഡോ.വൈ. ജോയ് അധ്യക്ഷത വഹിച്ചു. കോളജ് ഡയറക്ടർ ഫാ. ഡോ. ഫ്രാൻസിസ് കാരക്കാട്ട് ഉദ്ഘാടനം ചെയ്തു. കോളജ് വൈസ് പ്രിൻസിപ്പൽ ഫാ. ജോബി മാത്യു, യൂണിയൻ ചെയർമാൻ സൽമാൻ എന്നിവർ പ്രസംഗിച്ചു.
Kollam
ശാസ്താംകോട്ട : കഴിഞ്ഞ ദിവസം ഉണ്ടായ ശക്തമായ മഴയിലും കാറ്റിലും മൈനാഗപ്പള്ളിയില്‍ വ്യാപക കൃഷിനാശം. കടപ്പ 17-ാം വാര്‍ഡില്‍ കരിപ്പോട്ട് സുനില്‍ അലക്‌സിന്‍റെ 800 മൂട് വാഴകള്‍ നശിച്ചു. ഇതിന് പുറമേ പഞ്ചായത്തിലെ മിക്ക വാര്‍ഡുകളിലെയും കര്‍ഷകരുടെ വാഴ, മരച്ചീനി, പച്ചക്കറികള്‍, കിഴങ്ങുവര്‍ഗങ്ങള്‍ തുടങ്ങിയവയും നശിച്ചിട്ടുണ്ട്.
12, 13 വാര്‍ഡുകളിലായി വ്യാപിച്ചുകിടക്കുന്ന വെട്ടിക്കാട്ട് പാടശേഖരത്തിലെ 20 ഹെക്ടര് സ്ഥലത്തെ നെല്‍ക്കൃഷിയും പൂര്‍ണമായും നശിച്ചു.
Kollam
കൊല്ലം: മേജര്‍ സന്ദീപ് ഉണ്ണികൃഷ്ണന്‍ അശോക് ചക്ര സ്മാരക ഫൗണ്ടേഷന്റെ പ്രഥമ അവാര്‍ഡ് ഗഗന്‍യാന്‍ ബഹിരാകാശയാത്രികനും കീര്‍ത്തി ചക്ര ജേതാവമായ കമോഡോര്‍ പ്രശാന്ത് ബി നായര്‍ക്ക്. 10 ന് വൈകുന്നേരം മൂന്നിന് കൊല്ലം ടൗണ്‍ ഹാളില്‍ നടക്കുന്ന ചടങ്ങില്‍ പുരസ്കാരം സമ്മാനിക്കും.
എയര്‍ കമോഡോര്‍ പ്രശാന്ത് ബി. നായര്‍, ശൗര്യ ചക്ര ജേതാവായ സുബേദാര്‍ മേജര്‍ മനേഷ്, സിനിമാ താരം ലെന എന്നിവര്‍ പ്രസംഗിക്കും. ചടങ്ങില്‍ മുന്‍ സൈനികരുടെ കുടുംബങ്ങള്‍ക്ക് സാമ്പത്തിക സഹായം, അര്‍ഹരായ വിദ്യാര്‍ഥികള്‍ക്ക് സ്‌കോളര്‍ഷിപ്പുകള്‍, ലാപ്‌ടോപ്പുകള്‍, എന്‍സിസി കേഡറ്റുകള്‍ക്കുള്ള മെറിറ്റ് അവാര്‍ഡുകള്‍ എന്നിവ നല്കും.
പാങ്ങോട് മിലിട്ടറി സ്റ്റേഷന് കമാന്‍ഡര്‍ ബ്രിഗേഡിയര്‍ അനുരാഗ് ഉപാധ്യായ, കൊല്ലം എന്‍സിസി ഗ്രൂപ്പ് കമാന്‍ഡര്‍ബ്രിഗേഡിയര്‍ കെ ലോഗനാഥന്‍ എന്നിവര്‍ പങ്കെടുക്കും. പത്രസമ്മേളനത്തില്‍ കേണല്‍ എസ.് ഡിന്നി, മേജര്‍ ജനറല്‍ സി.എസ് നായര്‍, കേണല്‍ കെ.കെ. പണിക്കര്‍ എന്നിവര്‍ പങ്കെടുത്തു.
Kollam
കൊല്ലം: കൊല്ലം കെ എസ് ആര് ടിസി ഡിപ്പോയില്‍നിന്ന് ഇതര സംസ്ഥാന സര്‍വീസുകളടക്കം കൂടുതല്‍ ദീര്‍ഘദൂര സര്‍വീസുകള്‍ ആരംഭിക്കുമെന്ന് മന്ത്രി ബിന്ദു കൃഷ്ണ.
കൊല്ലത്ത്നിന്ന് വേളാങ്കണ്ണിയിലേക്കുള്ള കെഎസ്ആര്‍ടിസി സൂപ്പര്‍ ഫാസ്റ്റ് ബസ് സര്‍വീസ് കൊല്ലം ഡിപ്പോയില്‍ ഫ്ലാഗ് ഓഫ് ചെയ്ത് പ്രസംഗിക്കുകയായിരുന്നു മന്ത്രി. എംഎല്‍എയുടെ ആസ്തി വികസന ഫണ്ട് ഉപയോഗപ്പെടുത്തി കൊല്ലം ഡിപ്പോയിലേക്ക് ബസ് വാങ്ങി നല്‍കാനുള്ള നടപടികള്‍ പുരോഗമിക്കുകയാണെന്നും മന്ത്രി പറഞ്ഞു.
കൂടുതല്‍ സര്‍വീസുകള്‍ ആരംഭിക്കുക വഴി കൊല്ലം ഡിപ്പോയുടെ പ്രതാപകാലം വീണ്ടെടുക്കാനാണ് ശ്രമമെന്നും മന്ത്രി കൂട്ടിച്ചേര്‍ത്തു.
കോര്‍പറേഷന്‍ വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കുരുവിള ജോസഫ് അധ്യക്ഷനായ ഉദ്ഘാടന ചടങ്ങില്‍ കെഎസ്ആര്‍ടിസി അസിസ്റ്റന്‍റ് ട്രാന്‍സ്‌പോര്‍ട്ട് ഓഫി സര്‍ അജിത് കുമാര്‍ ബി, ഡിപ്പോ എന്‍ജിനിയര്‍ വി.വി. ഷാജു, ട്രാന്‍സ്‌പോര്‍ട്ട് മാനേജ്മെന്റ് കമ്മിറ്റി അംഗങ്ങള്‍, കൊല്ലം ബിഷപ് പോള്‍ ആന്റണി മുല്ലശേരി, കൊല്ലം രൂപത പ്രൊക്യുറേറ്റര് ഫാ.ജോളി ഏബ്രഹാം, വിവിധ രാഷ്്‌ട്രീയ പാര്‍ട്ടി പ്രതിനിധികള്‍, ജീവനക്കാര്‍, യാത്രക്കാര്‍ തുടങ്ങിയവര്‍ പങ്കെടുത്തു.
വെള്ളി, ശനി ദിവസങ്ങളില്‍ ഉച്ചയ്ക്ക് 2.15ന് കൊല്ലത്ത് നിന്ന് പുറപ്പെടുന്ന സൂപ്പര്‍ ഫാസ്റ്റ് ബസ് പിറ്റേന്ന് രാവിലെ 6.05ന് വേളാങ്കണ്ണിയിലെത്തും. വേളാങ്കണ്ണിയില്‍നിന്ന് ശനി, ഞായര്‍ ദിവസങ്ങളില്‍ വൈകുന്നേരം മൂന്നിന് പുറപ്പെടുന്ന ബസ് പിറ്റേന്ന് രാവിലെ ഏഴിന് കൊല്ലത്തെത്തും. കൊല്ലത്ത് നിന്ന് വേളാങ്കണ്ണിയിലേക്ക് 616 രൂപയാണ് നിരക്ക്. ഓണ്‍ലൈന്‍ ബുക്കിങ്ങില്‍ 10 രൂപ സര്‍വീസ് ചാര്‍ജ് കൂടി ഈടാക്കും. തിരുവനന്തപുരം, കളിയക്കാവിള, നാഗര്‍കോവില്‍, തിരുനെല്‍വേലി, മധുര, തിരുച്ചിറപ്പള്ളി, തഞ്ചാവൂര്‍ റൂട്ടിലാണ് ബസ് സര്‍വീസ് നടത്തുന്നത്. നാഗപട്ടണത്ത് സ്റ്റോപ്പുള്ളതിനാല്‍ നാഗൂര്‍ ദര്‍ഗയിലേക്ക് പോകുന്നവര്‍ക്കും ബസ് സര്‍വീസ് സഹായകമാകും.
Kollam
ചവറ: മതങ്ങൾ തമ്മിലുള്ള മത്സരം സത്കർമങ്ങൾക്ക് വേണ്ടി ആകണമെന്ന് മന്ത്രി ഷിബു ബേബി ജോൺ. അനാരോഗ്യകരമായ മത്സരങ്ങൾ മതങ്ങൾ തമ്മിലായാലും മനുഷ്യർ തമ്മിൽ ആയാലും അത് സമൂഹത്തിന് ദോഷം ചെയ്യുന്നതാണ്. വിശക്കുന്നവന് ഭക്ഷണം നൽകാനും രോഗിയെ ശുശ്രൂഷിക്കാനും അവശരെ ചേർത്തുപിടിക്കാനും ആണ് മതങ്ങൾ മത്സരിക്കേണ്ടതെന്ന് അദ്ദേഹം പറഞ്ഞു.
വിശുദ്ധ ഫ്രാൻസിസ് അസീസിയുടെ സ്വർഗപ്രവേശനത്തിന്‍റെ അഷ്‌ട ശതാബ്ദി ജൂബിലി തിരുനാൾ മഹോത്സവത്തോടനുബന്ധിച്ച് ചവറ കരിത്തുറ സെന്റ് ഫ്രാൻസിസ് അസീസി ദേവാലയത്തിൽ സംഘടിപ്പിച്ച സൗഹൃദ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ഫ്രാൻസിസ്കോ സ്നേഹത്തണൽ കൂട്ടായ്മയുടെ ലോഗോ പ്രകാശനവും മന്ത്രി നിർവഹിച്ചു. സിനിമ, സീരിയൽ താരം അമ്പിളി ദേവി, സിനിമ, സീരിയൽ, മിമിക്രി താരം സജി കൃഷ്ണ, ഗാനരചയിതാവ് ചവറ ശ്രീകുമാർ, എഴുത്തുകാരൻ കെജി ജോസഫ് എന്നിവരെ ചടങ്ങിൽ ആദരിച്ചു.
മോൺ ബൈജു ജൂലിയൻ അധ്യക്ഷനായി. ഫാ. ജോസഫ് സുഗുണൻ ലിയോൺ മുഖ്യ സന്ദേശം നൽകി. സ്വാമി ചിദ്സ്വരൂപ്, അൽ ഹാഫിള് റിയാസ് ഖാസിമി, ഇടവക വികാരി ഫാ. സേവ്യർ ലാസർ, ഫാ.ബിജു ജോൺ, കാരയിൽ അനീഷ്, യു.രാജു, സിസ്റ്റർ മെൽവീന, എൻ.എസ്. അജിത്, എ. ബെന്നി എ, ഡയാന രച്ചു, ജോയ്സ് ജോർജ്, ദിലീപ് ദത്തൻ, ഡൺസ്റ്റൻ ജോൺ തുടങ്ങിയവർ പ്രസംഗിച്ചു.
Kollam
കൊല്ലം: കരുനാഗപ്പള്ളി പള്ളിക്കലാറിലും വട്ടക്കായലിലും ടിഎസ് കനാലിലും വിവിധയിനം പായലുകൾ നിറഞ്ഞു. ഇത് ഉൾനാടൻ മത്സ്യബന്ധനത്തിനുൾപ്പടെ തടസമാകുന്നു.ഒട്ടേറെ ടൂറിസം സാധ്യതകളുള്ളതാണ് കരുനാഗപ്പള്ളിയിലെ ജലാശയങ്ങൾ. പള്ളിക്കലാർ ടിഎസ് കനാലുമായി ചേരുന്നത് ഇവിടെയാണ്. കല്ലുകടവ് പാലത്തിനു സമീപം മുതൽ ഏറെ വിസ്തൃതിയിലാണ് പള്ളിക്കലാർ പരന്നൊഴുകുന്നത്. ചന്തക്കായലും കന്നേറ്റിയും വട്ടക്കായലും കടന്നാണ് പള്ളിക്കലാർ ടി.എസ്. കനാലിൽ പതിക്കുന്നത്. ഉൾനാടൻ മത്സ്യബന്ധന മേഖലകൂടിയാണിത്. എന്നാൽ, വിവിധയിനം പായലുകൾ ഈ ജലാശയങ്ങളിൽ വളർന്നുനിൽക്കുകയാണ് . ആഫ്രിക്കൻ പായലും കുളവാഴകളുമെല്ലാം ഇക്കൂട്ടത്തിലുണ്ട്.
ജലാശയത്തിന്‍റെ ഉപരിതലത്തെ പൂർണമായും മറച്ചുകൊണ്ടാണ് പായലുകൾ വളരുന്നത്. എന്നാൽ, ഇവയുടെ വേര് അടിത്തട്ടിൽവരെ എത്തുന്നു. സൂര്യപ്രകാശം അടിത്തട്ടിലേക്കു പതിയുന്നതിന് പായലുകൾ തടസമാകുന്നു. ഇത് മത്സ്യസമ്പത്തിനെ ബാധിക്കുന്നതായി ഈ മേഖലയിലുള്ളവർ പറയുന്നു.
ചെറിയ വള്ളങ്ങൾ പായലിൽ കുടുങ്ങുന്നതു കാരണം ഇവിടെ മത്സ്യബന്ധനം ബുദ്ധിമുട്ടിലാണ്‌. മുൻപ് കന്നേറ്റി ബോട്ട് ജെട്ടിയിൽനിന്ന്‌ ഡിടിപിസി ബോട്ട് സർവീസ് നടത്തിയിരുന്നു. ഒരു ഹൗസ് ബോട്ടും സ്പീഡ് ബോട്ടുമാണ് ഇവിടെയുണ്ടായിരുന്നത്. അവധിദിവസങ്ങളിൽ ഉൾപ്പടെ ഒട്ടേറെപ്പേർ ബോട്ടുയാത്രയ്ക്കായി എത്തിയിരുന്നു. എന്നാൽ, പായലുകൾ വ്യാപകമായതോടെ ബോട്ട് സർവീസ് നിലച്ചു. ഇപ്പോൾ പൂർണമായും നിർത്തിയ സ്ഥിതിയാണ്. ബോട്ടുകളെല്ലാം കൊല്ലത്തേക്കു മാറ്റി. ജീവനക്കാരെയും പിൻവലിച്ചു.
മഴ ശക്തമാകുന്നതോടെ വെള്ളത്തിന്റെ ഒഴുക്കിനും പായലുകൾ തടസമാകാറുണ്ട്. മുൻപ് പള്ളിക്കലാറിന്‍റെ തീരങ്ങളിൽ വ്യാപകമായി വെള്ളം കയറുന്നതിനും ഇതു കാരണമായിട്ടുണ്ട്. മാലിന്യങ്ങളും മറ്റും അടിഞ്ഞുകൂടി ദുർഗന്ധവും പരക്കുന്നു. പായലുകൾ നീക്കംചെയ്യണമെന്ന ആവശ്യം ശക്തമാണ്. എന്നാൽ, ഇക്കാര്യത്തിൽ ഇതുവരെയും നടപടിയുണ്ടായിട്ടില്ല.
പള്ളിക്കലാറിലേക്കുള്ള ചെറിയ തോടുകളിലും പായലുകൾ വ്യാപകമാണ്. പാറ്റോലി തോട്ടിലും വിവിധ തഴത്തോടുകളിലും പായലുകൾ നിറഞ്ഞുകിടക്കുന്നു. മഴക്കാലത്ത് ഇതു വെള്ളപ്പൊക്കത്തിനു കാരണമാകുമെന്ന ആശങ്കയിലാണ് പ്രദേശവാസികൾ. കരുനാഗപ്പള്ളി കന്നേറ്റി കായലിലെ ഡിടിപിസിയുടെ വിനോദസഞ്ചാര ബോട്ട് സർവീസുകൾ നിലച്ചു. കന്നേറ്റി ബോട്ടുജെട്ടി കേന്ദ്രീകരിച്ച് വർഷങ്ങൾക്കു മുൻപാണ് ഡിടിപിസി ബോട്ട് സർവീസുകൾ തുടങ്ങിയത്.
ആദ്യം ഒരു ഹൗസ്ബോട്ടും ചെറുതും വലുതുമായ സ്പീഡ് ബോട്ടുകളുമാണ് ഇവിടെനിന്ന്‌ സർവീസ് നടത്തിയിരുന്നത്. ബോട്ടുജെട്ടിയിൽനിന്ന് ആരംഭിച്ച് കന്നേറ്റി കായലും വട്ടക്കായലും ടിഎസ് കനാലും ചുറ്റിയായിരുന്നു യാത്ര. യാത്രകൾക്കായി ഒട്ടേറെപ്പേരാണ് എത്തിയിരുന്നത്. മണിക്കൂർ നിരക്കിലായിരുന്നു ചാർജ് ഈടാക്കിയിരുന്നത്. ആവശ്യമുള്ളവർക്ക് ഭക്ഷണവും ഒരുക്കിനൽകിയിരുന്നു. ആളുകൾ ഒഴിവുദിവസങ്ങളിൽ കുടുംബത്തോടൊപ്പവും ബോട്ടുയാത്ര നടത്തിയിരുന്നു. മാതാ അമൃതാനന്ദമയി മഠം ടിഎസ് കനാലിന്‍റെ തീരത്താണ്. ഇവിടെയെത്തുന്ന വിദേശികളും ബോട്ടുയാത്ര നടത്തിയിരുന്നു.
കന്നേറ്റിയിൽനിന്നു യാത്ര തുടങ്ങി അഴീക്കൽ ബീച്ചും കായംകുളം മത്സ്യബന്ധന തുറമുഖവും വലിയഴീക്കൽ പാലവും കണ്ടു മടങ്ങുന്നവരും ധാരാളമായിരുന്നു. എന്നാൽ, പിന്നീട് പല കാരണങ്ങളാൽ ബോട്ട് സർവീസുകൾ ഒന്നൊന്നായി കുറഞ്ഞു. അറ്റകുറ്റപ്പണികൾക്കും മറ്റുമായി പുരവഞ്ചികൾ ഉൾപ്പെടെ പിൻവലിച്ചു. പകരം ബോട്ടുകൾ എത്താതായി. പേരിനുമാത്രം ഒരു സ്പീഡ് ബോട്ട് ഇവിടെ സർവീസ് നടത്തിയിരുന്നു. പള്ളിക്കലാറിൽ വിവിധയിനം പായലുകൾ വ്യാപകമായതോടെ ബോട്ടുയാത്ര ദുഷ്‌കരമായി.
അടിത്തട്ടുവരെ വ്യാപിച്ചുകിടക്കുന്ന പായലുകൾക്കിടയിലൂടെയുള്ള യാത്ര അപകടസാധ്യത വർധിപ്പിച്ചു. ഇതോടെ സ്പീഡ് ബോട്ടുകളും സർവീസ് നിർത്തി. ഇവിടെയുണ്ടായിരുന്ന ജീവനക്കാരെയും ഡിടിപിസി പിൻവലിച്ചു. ബോട്ടുജെട്ടിയും അടച്ചു. പായലുകൾ നീക്കി ബോട്ട് സർവീസുകൾ പുനഃരാരംഭിക്കണമെന്ന ആവശ്യം ശക്ത മാണ്.
Kollam
കൊല്ലം: ഭരണഭാഷാവാരാഘോഷത്തിന്‍റെ ഭാഗമായി ജില്ലാ ഇന്‍ഫര്‍മേഷന്‍ ഓഫീസ് ജില്ലാ ഭരണകൂടവുമായി ചേര്‍ന്ന് സര്‍ക്കാര്‍ ജീവനക്കാര്‍ക്കായി സംഘടിപ്പിച്ച കേട്ടെഴുത്ത്, ക്വിസ് മത്സരങ്ങൾ സംഘടിപ്പിച്ചു. കളക്ടറേറ്റിലെ ആത്മ ഹാളിൽനടന്ന മത്സരം ഗാന്ധി പീസ് ഫൗണ്ടേഷൻ സെക്രട്ടറി ജി.ആർ. കൃഷ്ണകുമാർ നയിച്ചു.
ജില്ലയിലെ വിവിധ സർക്കാർ ഓഫിസുകളിൽ ജോലി ചെയ്യുന്ന ജീവനക്കാർ പങ്കെടുത്ത കേട്ടെഴുത്ത് മത്സരത്തിൽ കലക്ട്രേറ്റിൽ റവന്യൂ വകുപ്പിൽ ജോലി ചെയ്യുന്ന സിജി ജോൺ ഒന്നാം സ്ഥാനം അഖില വിജയൻ രണ്ടാം സ്ഥാനവും കരസ്ഥമാക്കി. തദ്ദേശ സ്വയംഭരണ വകുപ്പിലെ ജീവനക്കാരി സി. രമ്യയും ആശ്രാമം ജിഎസ്ടി ഓഫിസ് ജീവനക്കാരി ജിഷ ജയനും മൂന്നാം സ്ഥാനം പങ്കിട്ടു.
ക്വിസ് മത്സരത്തിൽ കള ക്‌ടറേറ്റ് റവന്യൂ വകുപ്പിലെ അഖില വിജയൻ ഒന്നാം സ്ഥാനം കരസ്ഥമാക്കി. ആശ്രാമം ജിഎസ്ടി ഓഫീസിലെ ജീവനക്കാരി ജിഷ ജയനും കളക്ടറേറ്റ് റവന്യൂ വകുപ്പിലെ കെ.എസ്. സജീനയും രണ്ടാം സ്ഥാനം പങ്കിട്ടു.
കളക്ടറേറ്റ് റവന്യൂ വകുപ്പിലെ ജി. ബിജുകുമാർ മൂന്നാം സ്ഥാനം നേടി. വിജയികൾക്കുള്ള ക്യാഷ് പ്രൈസും സർട്ടിഫിക്കറ്റുകളും പിന്നീട് വിതരണം ചെയ്യും. ജില്ലാ ഇൻഫ‍മേഷൻ ഓഫിസർ പി.ആർ. സാബു മത്സരത്തിന് നേതൃത്വം നൽകി.
Kollam
കുളത്തൂപ്പുഴ : കുളത്തൂപ്പുഴ പഞ്ചായത്ത് കേരളോത്സവത്തിന് തുടക്കമായി. കുളത്തൂപ്പുഴ ടൗണ്‍ സര്‍ക്കാര്‍ യുപി സ്‌കൂളില്‍ പഞ്ചായത്ത് പ്രസിഡന്റ്് എം. സൈനബാബീവി പതാക ഉയര്‍ത്തി. വൈസ് പ്രസിഡന്റ് സാബു ഏബ്രഹാം അധ്യക്ഷത വഹിച്ചു.
സ്ഥിരംസമിതി അധ്യക്ഷന്‍ സുഭിലാഷ് കുമാര്‍, പഞ്ചായത്ത് അംഗങ്ങളായ അനില ദേവി. ഷബിന അന്‍വര്‍, സുനില്‍കുമാര്‍, ഷണ്‍മുഖന്‍, നിസാം, വിഷ്ണു പഞ്ചായത്ത് സെക്രട്ടറി ഉള്‍പ്പടെയുള്ളവര്‍ സന്നിഹിതരായിരുന്നു. കേരളോത്സവം 14ന് സമാപിക്കും.
Kollam
കൊല്ലം: വ്യത്യസ്തങ്ങളായ കലാസാംസ്കാരിക കൂട്ടായ്മകൾ സൃഷ്ടിക്കുക എന്ന ലക്ഷ്യത്തോടെ രൂപീകൃതമായ ഗ്രാവിറ്റി കൾച്ചറൽ തിയറ്ററിന്‍റെ നേതൃത്വത്തിൽ സംഘടിപ്പിക്കുന്ന "ഗ്രാവിറ്റി സംഗീതോത്സവം' ഡിസംബറിൽ കരുനാഗപ്പള്ളിയിൽ അരങ്ങേറും. സംഗീതത്തിന്‍റെ വ്യത്യസ്ത ശാഖകളെ പരിചയപ്പെടുത്തുക, വിവിധ സംഗീത മേഖലകളിൽ പ്രശസ്തരായ ഗായകരും വ്യക്തികളും പങ്കെടുക്കുന്ന അഭിമുഖങ്ങളും സംഗീത പരിപാടികളും മറ്റ് കൂട്ടായ്മകളും സംഘടിപ്പിക്കുക എന്നീ ലക്ഷ്യത്തോടെയാണ് സംഗീതോത്സവം സംഘടിപ്പിക്കുന്നത്.
വയലി ബാംബൂ മ്യൂസിക് ബാൻഡ് അവതരിപ്പിക്കുന്ന സംഗീതവിരുന്ന്, ‘ആകാശമായവളെ' എന്ന പേരിൽ ഗായകൻ ഷഹബാസ് അമൻ നയിക്കുന്ന ഗസൽ വിരുന്ന്, ആയിരത്തോളം ഗായകർ പങ്കെടുക്കുന്ന ‘കരുനാഗപ്പള്ളി പാടുന്നു' എന്ന ബൃഹത്തായ സംഗീത കൂട്ടായ്മ എന്നിവയും സംഘടിപ്പിക്കും.
കേരളത്തിനകത്തും പുറത്തുമുള്ള സംഗീത പ്രതിഭകൾ പരിപാടിയിൽ പങ്കെടുക്കും. പരിപാടിയുടെ വിജയത്തിനായി ഒരു മാസത്തോളം നീണ്ടുനിൽക്കുന്ന ‘പാട്ടുവണ്ടി' ഉൾപ്പെടെയുള്ള വിവിധ രൂപത്തിലുള്ള പ്രചാരണ പരിപാടികളും സംഘടിപ്പിക്കും. ഡിസംബർ 26, 27 തീയതികളിൽ കരുനാഗപ്പള്ളി ബോയ്സ് ആൻഡ് ഗേൾസ് ഹൈസ്കൂളുകളിലാണ് സാംസ്കാരിക സംഗീതോത്സവമായ ഗ്രാവിറ്റി ഫെസ്റ്റിവൽ ഓഫ് മ്യൂസിക് നടക്കുന്നത്. പരിപാടിയുടെ വിജയത്തിനായി ചേർന്ന സംഘാടകസമിതി രൂപീകരണ യോഗം സി. ആർ. മഹേഷ് എംഎൽഎ ഉദ്ഘാടനം ചെയ്തു. ഗ്രാവിറ്റി പ്രസിഡന്റ് ബി.കൃഷ്ണകുമാർ അധ്യക്ഷത വഹിച്ച യോഗത്തിൽ സെക്രട്ടറി വി. വിമൽ റോയ് പരിപാടി വിശദീകരിച്ചു.
Kollam
ഓച്ചിറ: യുവാവിനെ കാറിൽ തട്ടിക്കൊണ്ടുപോയി മർദിച്ച കേസിലെ രണ്ടുപേരെ കൂടി ഓച്ചിറ പൊലിസ് അറസ്റ്റ് ചെയ്തു. ഒന്നാം പ്രതി ഓച്ചിറ വില്ലേജിൽ, മേമന മുറിയിൽ ആദർശ് ഭവനം വീട്ടിൽ ആദർശ് എസ് നായരും ആറാം പ്രതി ഓച്ചിറ വില്ലേജിൽ ഞക്കാനാൽ മുറിയിൽ സജുഭവനം വീട്ടിൽ ഓന്ത് എന്ന് വിളിക്കുന്ന സജുവിനെയുമാണ് ഓച്ചിറ പൊലിസ് പിടികൂടിയത്. ഈ കേസിൽ മൈന ഹരി എന്ന് വിളിക്കുന്ന ഹരികൃഷ്ണൻ, ചക്കര എന്ന് വിളിക്കുന്ന അതുൽ രാജ് എന്നിരെ കഴിഞ്ഞ ദിവസം ഓച്ചിറ പൊലിസും ജില്ലാ ഡാൻസാഫ് ടീമും ചേർന്ന് അറസ്റ്റ് ചെയ്തിരുന്നു.
ഹരികൃഷ്ണന്‍റെ സുഹൃത്തിനെതിരെ നൽകിയ കേസ് പിൻവലിക്കാത്തതിന്‍റെ വിരോധത്തിൽ പായിക്കുഴി പാലമുട്ടിൽ അഖിലിനെ (27) ഇവർ ഉൾപ്പെട്ടുള്ള സംഘം കഴിഞ്ഞ 23ന് കാറിലെത്തി തട്ടിക്കൊണ്ടുപോയെന്നാണ് കേസ്. കാറിൽ വച്ചും സുഹൃത്തിന്‍റെ പ്രാവുവളർത്തൽ കേന്ദ്രത്തിലെത്തിച്ചും അഖിലിനെ മർദിക്കുകയും കമ്പിവടി ഉപയോഗിച്ച് അടിച്ച് പരിക്കേൽപ്പിക്കുകയും ചെയ്തു. ഇവർ ഓച്ചിറ വായനകം കേന്ദ്രീകരിച്ചുള്ള ഗുണ്ടാസംഘത്തിൽ പെട്ടവരാണ്. ഓച്ചിറ പൊലിസ് സ്റ്റേഷൻ എസ്എച്ച്ഒ ഷമീറിന്‍റെ നേതൃത്വത്തിൽ ജിഎസ്ഐ. അനിൽ കുമാർ, സിപിഒമാരായ ശ്രീജിത്ത്, വൈശാഖ്, ദീപു, അനീസ്, മണികണ്ഠൻ എന്നിവർ അടങ്ങിയ സംഘമാണ് പ്രതികളെ അറസ്റ്റ് ചെയ്തത്.
Kollam
കൊട്ടിയം : മനുഷ്യമനസുകളുടെ വരള്‍ച്ചയില്ലാതാക്കുന്ന അദൃശ്യമായ നീരുറവയാണ് സാംസ്കാരിക ജീവിതമെന്ന് തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് കെ. ജയകുമാര്‍.
നവം സാംസ്‌കാരികോത്സവത്തിന്‍റെ അഞ്ചാം എഡിഷന്‍ സിദ്ധാര്‍ഥ ഗ്രീന്‍ കാമ്പസില്‍ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ജീവിതത്തിന്‍റെ വ്യത്യസ്തമായ അര്‍ഥവ്യാപ്തിയും വീക്ഷണവും കൊണ്ട് മനസുകളെ നവീകരിക്കാനും വിപുലീകരിക്കുവാനും പ്രാപ്തമാണ് നവം സംസ്‌കാരികോത്സവമെന്നും അദ്ദേഹം കൂട്ടിച്ചേര്‍ത്തു.
സിദ്ധാര്‍ഥ ഫൗണ്ടേഷന്‍ സെക്രട്ടറി സുരേഷ് സിദ്ധാര്‍ഥ അധ്യക്ഷനായി. നെടുമ്പനപഞ്ചായത്ത് പ്രസിഡന്റ് ബീന നാസമുദീന്‍ ലബ്ബ, ജില്ലാ ലൈബ്രറി കൗണ്‍സില്‍ പ്രസിഡന്റ് കെ.ബി. മുരളികൃഷ്ണന്‍, സിദ്ധാര്‍ഥ ഫൗണ്ടേഷന്‍ ചെയര്‍മാന്‍ സജി മംഗലത്ത്, സിദ്ധാര്‍ഥ സെന്‍ട്രല്‍ സ്‌കൂള്‍ പ്രിന്‍സിപ്പല്‍ രോഹിണി, സാംസ്‌കാരിയോത്സവം ജനറല്‍ കണ്‍വീനര്‍ എം. വേണുഗോപാല്‍, എം.വി.ദേവന്‍ കലാഗ്രാമം സെക്രട്ടറി നരിക്കല്‍ രാജീവ്, വിനോദ് ലാല്‍, പ്രേം ഷാജ് എന്നിവര്‍ പ്രസംഗിച്ചു. വിവിധ മേഖലകളില്‍ വ്യക്തിമുദ്ര പതിപ്പിച്ച പ്രതിഭകളെ വേദിയില്‍ ആദരിച്ചു.
Kollam
കൊല്ലം: പെരിനാട് പഞ്ചായത്തിലെ കുറ്റിയില്‍ക്കട-കുഴിയം തെക്ക് റോഡ് പണി മുടങ്ങിയതോടെ യാത്രക്കാര്‍ ദുരിതത്തിലായി. വര്‍ഷങ്ങളായി റോഡ് പൊട്ടിപ്പൊളിഞ്ഞു കിടക്കുകയായിരുന്നു. നാട്ടുകാരുടെ പ്രതിഷേധത്തെത്തുടര്‍ന്നാണ് പണി ആരംഭിച്ചത്. എന്നാല്‍ 11 മാസം കഴിഞ്ഞിട്ടും നിര്‍മാണം എങ്ങും എത്തിയില്ല.
ഒന്നര കിലോമീറ്റര്‍ ദൈര്‍ഘ്യമുള്ള റോഡില്‍ കുഴിയം തെക്ക് കരയോഗ മന്ദിരം വരെയുള്ള ഭാഗം വരെ പുനര്‍നിര്‍മിച്ചു. ബാക്കി ഭാഗം ജെസിബി ഉപയോഗിച്ച് ഇളക്കിമറിച്ച നിലയില്‍ ഉപേക്ഷിച്ചിരിക്കുകയാണ്. ടാറിന്‍റെ വിലവര്‍ധന കാരണം കരാറുകാരന്‍ പണി നിര്‍ത്തിവച്ചിരിക്കുകയാണ്.
പശ്ചിമേഷ്യന്‍ യുദ്ധത്തെത്തുടര്‍ന്ന് ടാറിന്‍റെ വില കുതിച്ചുയര്‍ന്നു. എടുത്ത തുകയ്ക്ക് നിര്‍മാണം പൂര്‍ത്തിയാക്കാന്‍ കഴിയില്ലെന്നാണ് കരാറുകാരന്‍ പറയുന്നത്. റോഡ് പുനര്‍നിര്‍മാണം പൂര്‍ത്തിയാക്കണമെന്നാവശ്യപ്പെട്ട് കഴിഞ്ഞ മാസം നാട്ടുകാര്‍ സായാഹ്ന ധര്‍ണ നടത്തിയിരുന്നു.
നിരവധി ആരാധനാലയങ്ങളും സ്‌കൂളുകളും പ്രവര്‍ത്തിക്കുന്ന പ്രദേശത്ത് ബസ് സര്‍വീസില്ലാത്തതിനാല്‍ ഇരുചക്രവാഹനങ്ങളും ഓട്ടോറിക്ഷകളുമാണ് നാട്ടുകാരുടെ ആശ്രയം.
റോഡിലെ മെറ്റലിലും കുഴികളിലുംപെട്ട് വാഹനങ്ങള്‍ അപകടത്തില്‍പ്പെടുന്നതും കേടുപാടുകള്‍ സംഭവിക്കുന്നതും പതിവായതോടെ ഓട്ടോറിക്ഷകള്‍ പോലും ഇതുവഴി വരാന്‍ മടിക്കുകയാണ്. ചന്ദനത്തോപ്പിലേക്ക് വേഗം എത്താനുള്ള പ്രധാന പാതയാണിത്.
Kollam
സംസ്ഥാന സർക്കാർ കേന്ദ്രത്തിന് കത്ത് നൽകും
കൊല്ലം: കൊല്ലം ചിന്നക്കടയിൽനിന്ന് കുണ്ടറ, കൊട്ടാരക്കര, പുനലൂർ വഴി ഇടമൺ വരെയുള്ള ദേശീയപാത 744 ദേശീയപാതയായി നിലനിർത്തുന്നതിനും നാലുവരി പാതയായി വികസിപ്പിക്കുന്നതിനും കേന്ദ്ര സർക്കാരിന് കത്ത് നൽകുമെന്ന് മന്ത്രി പി.കെ. ബഷീർ.
നിർദിഷ്ട ഗ്രീൻഫീൽഡ് ഹൈവേയുടെ പേരിൽ നിലവിലുള്ള ചിന്നക്കട-ഇടമൺ റോഡിന്‍റെ ദേശീയപാത പദവി നഷ്ടപ്പെടുന്ന സാഹചര്യം ഒഴിവാക്കണമെന്നാവശ്യപ്പെട്ട് കൊടിക്കുന്നിൽ സുരേഷ് എംപി മന്ത്രിയുമായി നടത്തിയ കൂടിക്കാഴ്ചയിലാണ് ഈ തീരുമാനം.
മുൻ സർക്കാർ ചിന്നക്കട-ഇടമൺ റോഡ് സംസ്ഥാന സർക്കാരിന് തിരികെ നൽകണമെന്ന് ആവശ്യപ്പെട്ട് കേന്ദ്രത്തിന് നൽകിയ കത്ത് റദ്ദാക്കണമെന്നും പ്രസ്തുത പാത ദേശീയപാതയായി നിലനിർത്തി നാലുവരിയായി വികസിപ്പിക്കണമെന്നും എംപി ആവശ്യപ്പെട്ടു.
പ്രതിദിനം മുപ്പതിനായിരത്തോളം വാഹനങ്ങൾ കടന്നുപോകുന്ന ചിന്നക്കട-ഇടമൺ പാതയുടെ വികസനം കൊല്ലം ജില്ലയുടെ ഗതാഗത ആവശ്യങ്ങൾക്ക് അത്യന്താപേക്ഷിതമാണ്.
കടമ്പാട്ടുകോണത്തേക്കുള്ള നിർദിഷ്ട ഗ്രീൻഫീൽഡ് ഹൈവേ യാഥാർഥ്യമായാലും കൊല്ലം നഗരത്തിലേക്ക് എത്തുന്ന വാഹനങ്ങളുടെ ഗതാഗത പ്രശ്നങ്ങൾക്ക് അതുകൊണ്ടുമാത്രം പരിഹാരമാകില്ല. കൊല്ലം നഗരത്തിലേക്കും സമീപ പ്രദേശങ്ങളിലേക്കും പ്രതിദിനം എത്തുന്ന വാഹനങ്ങൾക്ക് സുഗമമായ യാത്രാസൗകര്യം ഉറപ്പാക്കാൻ നിലവിലുള്ള ചിന്നക്കട-ഇടമൺ റോഡ് വികസിപ്പിക്കേണ്ടതുണ്ട്.
ചിന്നക്കട, കുണ്ടറ, കൊട്ടാരക്കര, പുനലൂർ തുടങ്ങിയ പ്രധാന കേന്ദ്രങ്ങളെ ബന്ധിപ്പിക്കുന്ന ദേശീയപാതയുടെ വികസനം ജില്ലയിലെ വ്യാപാര-വാണിജ്യ മേഖലകളുടെയും പൊതുഗതാഗതത്തിന്‍റെയും വളർച്ചയ്ക്ക് നിർണായകമാണ്. അതിനാൽ നിലവിലുള്ള ദേശീയപാതയുടെ പ്രാധാന്യം കുറയ്ക്കുന്ന നടപടികൾ ഒഴിവാക്കി ദേശീയപാത പദവി നിലനിർത്തി നാലുവരി പാതയായി വികസിപ്പിക്കുന്നതിന് കേന്ദ്ര-സംസ്ഥാന സർക്കാരുകൾ സംയുക്തമായി നടപടികൾ സ്വീകരിക്കണമെന്നും എംപി ആവശ്യപ്പെട്ടു.
ചിന്നക്കട-ഇടമൺ റോഡ് വികസനവുമായി ബന്ധപ്പെട്ട് സംസ്ഥാന സർക്കാരിന് തുറന്ന സമീപനമാണുള്ളതെന്നും പൊതുജനങ്ങളുടെ വികാരവും പ്രദേശത്തിന്‍റെ ഗതാഗത ആവശ്യങ്ങളും പരിഗണിച്ച് ആവശ്യമായ നടപടികൾ സ്വീകരിക്കുമെന്നും മന്ത്രി പി.കെ. ബഷീർ വ്യക്തമാക്കി.
Kollam
അഞ്ചല്‍ : അഞ്ചലില്‍ സെന്റ് മേരീസ് മലങ്കര കത്തോലിക്കാ ഇടവകയ്ക്കുവേണ്ടി പുതിതായി പണികഴിപ്പിച്ച പള്ളിയുടെ മൂറോന്‍ കൂദാശ കര്‍മ്മം ഇന്ന് നടക്കും. സഭയുടെ മേജര്‍ ആര്‍ച്ച് ബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവയാണ് കൂദാശാ കര്‍മത്തിന് മുഖ്യകാര്‍മികത്വം വഹിക്കുന്നത്.
തിരുവല്ല ആര്‍ച്ച് ബിഷപ് തോമസ് മാര്‍ കൂറിലോസ്, ബിഷപ്പുമാരായ യൂഹാനോന്‍ മാര്‍ ക്രിസോസ്റ്റം, ജ്വോഷ്വാ മാര്‍ ഇഗ്നാത്തിയോസ്, സാമുവേല്‍ മാര്‍ ഐറേനിയോസ്, വിന്‍സെന്‍റ് മാര്‍ പൗലോസ്, തോമസ് മാര്‍ അന്തോണിയോസ്, ജോസഫ് മാര്‍ തോമസ്, ഗീവര്‍ഗീസ് മാര്‍ മക്കാറിയോസ്, യൂഹാനോന്‍ മാര്‍ തെയഡോഷ്യസ്, ആന്റണി മാര്‍ സില്‍വാനോസ്, യൂഹാനോന്‍ മാര്‍ അലക്സിയോസ് എന്നിവര്‍ സഹകാര്‍മികരായിരിക്കും.
കൂദാശയ്ക്ക് ശേഷം വൈകുന്നേരം അഞ്ചി ന് നടക്കുന്ന പൊതുസമ്മേളനം മന്ത്രി മോന്‍സ് ജോസഫ് ഉദ്ഘാടനം ചെയ്യും. എംപിമാരായ എന്‍.കെ. പ്രേമചന്ദ്രന്‍, കൊടിക്കുന്നില്‍ സുരേഷ്, എംഎല്‍എമാരായ സി. അജയപ്രസാദ്, കെ.എന്‍. ബാലഗോപാല്‍, ജ്യോതികുമാര് ചാമക്കാല, എം.എം. നസീര്‍, തിരുവിതാംകൂര്‍ ദേവസ്വം ബോര്‍ഡ് മെമ്പര്‍ അഡ്വ.കെ.രാജു, മുന്‍ എംഎല്‍എ പി.എസ്. സുപാല്‍, മുന്‍ ജില്ലാ പഞ്ചായത്ത് പ്രസിഡന്റ് എസ്. ജയമോഹന്‍, അഞ്ചല്‍ ഗ്രാമപഞ്ചായത്ത് അംഗം എസ്. ഉമേഷ് ബാബു, വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി എസ്. ദേവരാജന്‍, ബഥനി ആശ്രമം സുപ്പീരിയര്‍ ജനറാൾ ഫാ.ഡോ. ഗീവര്‍ഗീസ് കുറ്റിയില്‍ ഒഐസി, മേരിമക്കള്‍ സുപ്പീരിയര്‍ ജനറാൾ മദര്‍ ലിഡിയ ഡിഎം, ബഥനി മഠം സുപ്പീരിയര്‍ ജനറാൾ ആര്‍ദ്ര എസ്ഐസി, തിരുവനന്തപുരം മേജര്‍ അതിരൂപത പാസ്റ്ററല്‍ കൗണ്‍സില്‍ സെക്രട്ടറി അഡ്വ. ജോജോ കെ. ഏബ്രഹാം, മലങ്കര കാത്തലിക് അസോസിയേഷന്‍ മേജര്‍ അതിരൂപത പ്രസിഡന്റ് റെജിമോന്‍ വര്‍ഗീസ്, ജനറല്‍ കണ്‍വീനര്‍ ഡോ. കെ.വി. തോമസ്‌കുട്ടി എന്നിവര്‍ പ്രസംഗിക്കും. നാളെ നടക്കുന്ന സമൂഹബലിക്ക് കാതോലിക്കാ ബാവ നേതൃത്വം നല്കും. ബിഷപ് സാമുവേല്‍ മാര്‍ ഐറേനിയോസ്, ബിഷപ് യൂഹാനോന്‍ മാര്‍ അലക്സിയോസ് എന്നിവര്‍ സഹകാര്‍മികരാകും.
മൂറോന്‍ കൂദാശയോടനുബന്ധിച്ച് മലങ്കര കത്തോലിക്കാ സഭ യുവജന പ്രസ്ഥാനത്തിന്‍റെ നേതൃത്വത്തിൽ തിരുവനന്തപുരം പട്ടം സെന്റ് മേരീസ് കത്തീഡ്രലിലെ ധന്യന്‍ മാര്‍ ഈവാനിയോസ് മെത്രാപ്പോലീത്തയുടെ കബറിടത്തില്‍ നിന്നും ആരംഭിച്ച ദീപശിഖാ പ്രയാണം ഇടമുളയ്ക്കലില്‍ നിന്നും ഇടവകാംഗങ്ങളുടെ അകമ്പടിയോടെ കാല്‍നടയായി ദൈവാലയാങ്കണത്തില്‍ എത്തിച്ചേര്‍ന്നു.
വികാരി ഫാ.ബോവസ് മാത്യു, ജനറല്‍ കണ്‍വീനര്‍ ഡോ. കെ.വി. തോമസ്‌കുട്ടി, കണ്‍വീനര്‍ കോശി ജോണ്‍, സെക്രട്ടറിമാരായ മനോജ് ഏബ്രഹാം, ജോര്‍ജ് പി. ജോസഫ്, ജോയിന്റ് കണ്‍വീനര്‍മാരായ എന്‍.കെ. അലക്സ്, ഒ.ജോണ്‍, ടി.ഡി. ദാസന്‍ എന്നിവര്‍ ദീപശിഖാ പ്രയാണത്തിന് നേതൃത്വം നല്കി.
Kollam
പുനലൂർ : ഇളമ്പൽ സെന്റ് ഫ്രാൻസിസ് അസിസി ഇഎം സ്കൂളിൽ ഡിസിഎൽ കിഡ്സ് ഫെസ്റ്റ് സംഘടിപ്പിച്ചു. പ്രവാസി വ്യവസായിയും ജീവകാരുണ്യ പ്രവർത്തകനുമായ എസ്.പി. സുരേഷ് ഫെസ്റ്റ് ഉദ്ഘാടനം ചെയ്തു.
സ്കൂൾ മാനേജർ ഫാ. വിൻസെന്റ് ഡിക്രൂസ് ചടങ്ങിൽ അധ്യക്ഷത വഹിച്ചു. പ്രിൻസിപ്പൽ സിസ്റ്റർ ജയ്ഷീല, ഡിസിഎൽ കോ-ഓർഡിനേറ്റർ ടൈറ്റസ് ലൂക്കോസ് , ദീപിക ലേഖകൻ അനിൽ പന്തപ്ലാവ്, ഏരിയാ മാനേജർ വർഗീസ് ജോസഫ് എന്നിവർ നേതൃത്വം നൽകി. മത്സരവിജയികൾക്ക് എസ്.പി. സുരേഷ് അവാർഡുകൾ വിതരണം ചെയ്തു.
Kollam
കൊല്ലം: ഭിന്നശേഷിക്കാരായ കുട്ടികളുടെ പുനരധിവാസത്തിനും കുടുംബങ്ങളുടെ സാമ്പത്തിക സ്വയംപര്യാപ്തതയ്ക്കും സഹായകമാകുന്ന സമഗ്ര ബഡ്സ് പുനരധിവാസ കേന്ദ്രം ചവറയില്‍ ആരംഭിക്കുമെന്ന് മന്ത്രി ഷിബു ബേബി ജോണ്‍. രണ്ട് ഏക്കറോളം സ്ഥലം കണ്ടെത്തി കേന്ദ്രം സ്ഥാപിക്കാനാണ് ലക്ഷ്യമിടുന്നതെന്നും മന്ത്രി പറഞ്ഞു.
ചവറ ഐആര്‍ഇഎല്‍ (ഇന്ത്യ) ലിമിറ്റഡിന്‍റെ സാമൂഹിക ഉത്തരവാദിത്ത പദ്ധതിയില്‍ ഉള്‍പ്പെടുത്തി നീണ്ടകര ഹോളിക്രോസ് പ്രതീക്ഷ സ്‌പെഷല്‍ സ്‌കൂളില്‍ നിര്‍മിച്ച ഫിസിക്കല്‍ ആന്‍ഡ് മെന്‍റല്‍ ഹെല്‍ത്ത് ഡെവലപ്മെന്റ് സെന്റര് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. ഭിന്നശേഷിക്കാരായ കുട്ടികള്‍ രക്ഷിതാക്കളുടെ മാത്രം ഉത്തരവാദിത്തമല്ലെന്നും സമൂഹത്തിന്‍റെ കൂടി ഉത്തരവാദിത്തമാണെന്നും മന്ത്രി പറഞ്ഞു.
സമഗ്ര ബഡ്സ് പുനരധിവാസ കേന്ദ്രത്തിലൂടെ ഗുണഭോക്താക്കള്‍ക്ക് ആവശ്യമായ പരിശീലനവും പുനരധിവാസ സൗകര്യങ്ങളും ലഭ്യമാക്കുന്നതിനൊപ്പം അവരുടെ മാതാപിതാക്കള്‍ക്കും കുടുംബങ്ങള്‍ക്കും വരുമാനമാര്‍ഗങ്ങള്‍ കണ്ടെത്താന്‍ സഹായിക്കുന്ന പ്രവര്‍ത്തനങ്ങളും നടപ്പാക്കും. ഐആര്‍ഇഎല്‍ (ഇന്ത്യ) നിര്‍മിച്ചു നല്‍കിയ ഫിസിക്കല്‍ ആന്‍ഡ് മെന്‍റല്‍ ഹെല്‍ത്ത് ഡെവലപ്മെന്റ് സെന്‍ററിലൂടെ ഹോളിക്രോസ് പ്രതീക്ഷ സ്‌പെഷ്യല്‍ സ്കൂളിലെ കുട്ടികളുടെ ശാരീരികവും മാനസികവുമായ ഉന്നമനം ഉറപ്പാക്കുന്നതിനും ആവശ്യമായ ആരോഗ്യപരിചരണ സൗകര്യങ്ങള്‍ ഒരുക്കുന്നതിനുമാണ് ലക്ഷ്യമിടുന്നത്.
നീണ്ടകര ഗ്രാമപഞ്ചായത്ത് പ്രസിഡന്റ് ബി. ശിവലാല്‍ അധ്യക്ഷത വഹിച്ച ഉദ്ഘാടന ചടങ്ങില്‍ ബ്ലോക്ക് പഞ്ചായത്ത് പ്രസിഡന്റ് ഷംല നൗഷാദ് മുഖ്യാതിഥിയായി. ഐആര്‍ഇഎല്‍ ചവറ ജനറല്‍ മാനേജര്‍ ആന്‍ഡ് ഹെഡ് എന്‍.എസ്. അജിത്, ഡപ്യൂട്ടി ജനറല്‍ മാനേജര്‍ കെ.എസ്. ഭക്തദര്‍ശന്‍, ജില്ലാ പഞ്ചായത്ത് അംഗം ഐ. ജയലക്ഷ്മി തുടങ്ങിയവര്‍ യോഗത്തിൽ പങ്കെടുത്തു.
Kollam
കൊട്ടാരക്കര: രണ്ട് ദിനങ്ങളിലായി കൊട്ടാരക്കരയിൽ നടന്ന കൊല്ലം റവന്യൂ ജില്ലാ സ്കൂൾ ശാസ്ത്രോത്സവം സമാപിച്ചു. 395പോയിന്‍റുകൾ നേടി കുട്ടിക്കാട് സിപിഎച്ച്എസ്എസ് ചാമ്പ്യൻ പട്ടം കരസ്ഥമാക്കി.
എച്ച്എസ് വിഭാഗം (ഗണിതം ) 71 പോയിന്‍റ് നേടി ആറ് ഇനങ്ങളിലായി ഏഴ് വിദ്യാർഥികൾ സംസ്ഥാനതല മത്സരത്തിന് യോഗ്യത നേടി.
എച്ച്എസ്എസ് വിഭാഗം (ഗണിതം )എഴുപത്തിഎട്ട് പോയിന്‍റുകളോടെ ഒന്നാം സ്ഥാനവും ആറ് ഇനങ്ങളിലായി ഏഴ് വിദ്യാർഥികൾ സംസ്ഥാനതല മത്സരത്തിന് യോഗ്യത നേടുകയും ചെയ്തു. ജില്ലയിലെ മികച്ച ശാസ്ത്ര വിദ്യാലയങ്ങളിൽ ഒന്നായി തെരഞ്ഞെടുക്കുകയും ചെയ്തു.
Pathanamthitta
പത്തനംതിട്ട: പത്തനംതിട്ടയുടെ സവിശേഷമായ ഭൂപ്രകൃതിക്ക് അനുയോജ്യമായ നഗരാസൂത്രണം ജില്ലയില്‍ അനിവാര്യമാണെന്ന് ജില്ലാ പഞ്ചായത്ത് പ്രസിഡന്റ് ദീനാമ്മ റോയി. ലോക നഗരാസൂത്രണ ദിനത്തിന്‍റെ ഭാഗമായി പത്തനംതിട്ട നഗരാസൂത്രണ വിഭാഗത്തിന്‍റെ ആഭിമുഖ്യത്തില്‍ കളക്ടറേറ്റിലെ പമ്പാ കോണ്‍ഫറന്‍സ് ഹാളില്‍ സംഘടിപ്പിച്ച ആഘോഷ പരിപാടികള്‍ ഉദ്ഘാടനം ചെയ്തു പ്രസംഗിക്കുകയായിരുന്നു പ്രസിഡന്റ്.
ജില്ല രൂപീകൃതമായി 44 വര്‍ഷം പിന്നിട്ടിട്ടും അടിസ്ഥാന സൗകര്യങ്ങളുടെ കാര്യത്തില്‍ ഇനിയും മുന്നേറാനുണ്ട്. വകുപ്പുകളുടെ ഏകോപനം ഉറപ്പാക്കി വികസന പ്രവര്‍ത്തനങ്ങള്‍ നടപ്പാക്കിയാല്‍ ജില്ലയിലെ നഗരങ്ങളില്‍ മികച്ചമാറ്റങ്ങള്‍ കൊണ്ടുവരാന്‍ സാധിക്കുമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു.
നാഗരാസൂത്രണത്തിലും കെട്ടിട നിർമാണത്തിലും സ്ഥലപരാസൂത്രണത്തിന് വളരെ പ്രാധാന്യമുണ്ടെന്ന് അധ്യക്ഷത വഹിച്ച ജില്ലാ കളക്ടര് എ. നിസാമുദ്ദീന്‍ പറഞ്ഞു. പ്ലാനിംഗ് വിദഗ്ധന്‍ ജോര്‍ജ് കോശി നഗരാസൂത്രണദിന സന്ദേശം നല്കി. ജില്ലാ ടൗണ്‍ പ്ലാനര്‍ ജി. അരുണ്‍, ജില്ലാ സാമൂഹ്യനീതി ഓഫീസര്‍ ജെ. ഷംല ബീഗം, അസിസ്റ്റന്‍റ് എന്‍ജിനിയര്‍ ജോര്‍ജ് എം. വര്‍ഗീസ്, ഡെപ്യൂട്ടി ടൗണ്‍ പ്ലാനര്‍ നിമ്മി കുര്യന്‍ എന്നിവര്‍ വിഷയങ്ങള്‍ അവതരിപ്പിച്ചു. ജില്ലാ പ്ലാനിംഗ് ഓഫീസര്‍ ദീപാ ചന്ദ്രന്‍, തദ്ദേശ സ്വയംഭരണ വകുപ്പ് ജോയിന്റ് ഡയറക്ടര് ടി.കെ. സയൂജ, സാമ്പത്തിക സ്ഥിതിവിവരക്കണക്ക് വകുപ്പ് ഡെപ്യൂട്ടി ഡയറക്ടര് വി.എസ്. പ്രീത്, തദ്ദേശ സ്വയംഭരണ വകുപ്പ് എക്സിക്യൂട്ടീവ് എന്‍ജിനിയര്‍ ബിന്ദു വേലായുധന്‍ തുടങ്ങിയവര്‍ പങ്കെടുത്തു. ലോക നഗരാസൂത്രണ ദിനത്തോടനുബന്ധിച്ച് സ്‌കൂള്‍ വിദ്യാര്‍ഥികള്‍ക്കായി സംഘടിപ്പിച്ച പോസ്റ്റര്‍ രചനാ മത്സരത്തിലെ വിജയികള്‍ക്കുള്ള പുരസ്കാരങ്ങളും ചടങ്ങില്‍ സമ്മാനിച്ചു.
Pathanamthitta
റാന്നി: വടശേരിക്കര കടമാൻകുന്ന് മഹാദേവർ ക്ഷേത്രത്തിന്‍റെ കോട്ടയിൽ ഭാഗത്ത് കാട്ടാന ആക്രമണം. പ്രദേശവാസികളെ ഭീതിയിലാഴ്ത്തി സംഹാര താണ്ഡവമാടുന്ന കാട്ടാനകൾ നിരവധി കൃഷിയിടങ്ങളും തകർത്തു. കഴിഞ്ഞ രാത്രിയിൽ കർഷക ഭൂമികളിൽ പ്രവേശിച്ച് കൃഷി നാശം വരുത്തിയ കാട്ടാനകൾ കായ്ഫലമുള്ള തെങ്ങ് കുത്തി മറിച്ചു നശിപ്പിച്ചു. ജനവാസ മേഖലയിൽ ആളുകൾ ഏറെ ഭയപ്പാടിലും പ്രതിഷേധത്തിലുമാണ്.
കടമാൻകുന്ന് മഹാദേവർ ക്ഷേത്രം വക കോട്ടയിൽ എത്തിയ കാട്ടാനകൾ വിഗ്രഹം മറിച്ചിട്ട് കേടുപാടുകൾ വരുത്തുകയും കൽവിളക്ക് നശിപ്പിക്കുകയും ചെയ്തിരുന്നു. ഇതിനു പിന്നാലെയാണ് കൃഷിയിടങ്ങളിലെ കാട്ടാന ആക്രമണവുമുണ്ടായിരിക്കുന്നത്.
കടമാൻകുന്ന് മഹാദേവർ ക്ഷേത്രം കോട്ടയിൽ ഭാഗത്തു കാട്ടാന കയറി വിഗ്രഹങ്ങൾക്കും ക്ഷേത്രത്തിനും നാശനഷ്ടം വരുത്തിയ സംഭവത്തിൽ ഭക്തരുടെ ആശങ്ക പരിഹരിക്കാൻ വനം വകുപ്പും സർക്കാരും അടിയന്തര നടപടികൾ സ്വീകരിക്കുമെന്ന് സ്ഥലം സന്ദർശിച്ച പഴകുളം മധു എംഎൽഎ പറഞ്ഞു.
വളരെയധികം ചരിത്രപ്രധാന്യവും നൂറ്റാണ്ടുകളുടെ പഴക്കവുമുണ്ട് കടമാൻകുന്ന് ക്ഷേത്രത്തിന്. കല്ലാറ്റിലൂടെ കടന്നുവന്നാണ് ആന ക്ഷേത്രത്തിന് നാശനഷ്‌ടങ്ങൾ ഉണ്ടാക്കിയത്. സംഭവത്തെ തുടർന്ന് ഭക്തരിൽ ഉണ്ടായ വലിയ വിഷമവും പ്രതിഷേധവും കണക്കിലെടുത്ത് അടിയന്തര പ്രതിരോധ പ്രവർത്തനങ്ങൾക്ക് രൂപം നൽകിയിട്ടുണ്ടെന്നും
ക്ഷേത്രത്തിന് തൊട്ടുചുറ്റും സംരക്ഷണ വേലി (ഫെൻസിംഗ്) നിർമിക്കുന്നതിന് റാന്നി ഡിഎഫ്ഒ അരുൾ സെൽവൻ അടിയന്തര നിർദേശം നൽകിയിട്ടുണ്ടെന്നും എംഎൽഎ പറഞ്ഞു. മൂന്ന് ദിവസങ്ങൾക്കുള്ളിൽ ഇതിന്റെ പണി ആരംഭിക്കും.
ഒളികല്ല് - എംആർഎസ് പ്രദേശങ്ങളിലെ നിരന്തരമായ ആനശല്യം പരിഹരിക്കുന്നതിനായി നബാർഡിന്‍റെ സാമ്പത്തിക സഹായത്തോടെ എട്ടു കിലോമീറ്റർ ദൂരത്തിൽ ഫെൻസിംഗ് നിർമിക്കുന്ന
ജോലികൾ അതിവേഗം പുരോഗമിക്കുകയാണ്. മൂന്നു മാസത്തിനുള്ളിൽ ഈ പദ്ധതി നടപ്പിലാക്കാനാണ് ലക്ഷ്യമിടുന്നത്.
ഋഷീശ്വരന്മാർ തപസ് ചെയ്തിരുന്നതായി വിശ്വസിക്കപ്പെടുന്ന കടമാൻകുന്ന് കോട്ടയിൽ ചിരപുരാതനമായ ഗുഹയും ഇവിടുത്തെ പാരമ്പര്യവും സംരക്ഷിക്കുന്നതിന് പുരാവസ്തു വകുപ്പിന്‍റെ ശ്രദ്ധയിൽപ്പെടുത്താനുള്ള നടപടികൾ സ്വീകരിക്കുമെന്നും എംഎൽഎ അറിയിച്ചു.
ഡിഎഫ്ഒ അരുൾ സെൽവൻ, പഞ്ചായത്ത് പ്രസിഡന്റ് ഉഷ കേശവൻ, വാർഡ് മെംബർ മഞ്ജു ജയരാജ്, റേഞ്ച് ഓഫീസർ എസ്. രഞ്ജിത്ത്, സതീഷ് പണിക്കർ, സിബി താഴത്തില്ലത്ത്, നീഷ് തുരുത്തിക്കാടൻ , ഗോപകുമാർ വൃന്ദാവൻ, ദീലീപ് അരുവിക്കൽ, വനം വകുപ്പ് ഉദ്യോഗസ്ഥർ എന്നിവരും എംഎൽഎയ്ക്കൊപ്പം ഉണ്ടായിരുന്നു.
Pathanamthitta
കോഴഞ്ചേരി: ജലലഭ്യതയിൽ വശ്യമനോഹരിയായി കുളിച്ചുനില്‍ക്കുകയാണ് അരുവിക്കുഴി വെള്ളച്ചാട്ടം. സഞ്ചാരികളുടെ മനംമയക്കുന്ന വെള്ളച്ചാട്ടം കോഴഞ്ചേരി ടൗണില്‍ നിന്ന് 11 കിലോമീറ്റര്‍ അകലെയുള്ള തോട്ടപ്പുഴശേരി ഗ്രാമപഞ്ചായത്തിലാണ്.
മഴക്കാലത്ത് അതീവ മനോഹരമായ കാഴ്ചയാണ് സഞ്ചാരികള്‍ക്ക് അരുവിക്കുഴി വെള്ളച്ചാട്ടം സമ്മാനിക്കുന്നത്. പാറക്കെട്ടുകളിലൂടെ തട്ടിത്തെറിച്ച് താഴേക്ക് പതിക്കുന്ന വെള്ളച്ചാട്ടത്തിന് തുലാവര്‍ഷ കാലത്ത് പ്രത്യേക ഭംഗിയാണുള്ളത്. പച്ചപ്പ് നിറഞ്ഞ പ്രദേശത്തെ ശാന്തമായ വെള്ളച്ചാട്ടം കാഴ്ചക്കാരുടെ മനസിനും കുളിര്‍മ ഏകുന്നതാണ്. റബര്‍ തോട്ടങ്ങളാലും മറ്റ് ഫലവൃക്ഷങ്ങളാലും സമ്പന്നമായ ഈ പ്രദേശത്തിന്‍റെ പ്രകൃതിഭംഗി സഞ്ചാരികളെ ആകര്‍ഷിക്കുന്ന പ്രധാന ഘടകമാണ്. ജില്ലയുടെവിവിധ ഭാഗങ്ങളിൽ നിന്ന് ഏകദിന വിനോദയാത്രയ്ക്ക് അനുയോജ്യമായ ഇടം കൂടിയാണ്
അരുവിക്കുഴി. തണുത്തകാറ്റും പാറക്കെട്ടുകളിലൂടെ ഒഴുകിയെത്തുന്ന വെള്ളത്തിന്റെ ആരവവും സന്ദര്‍ശകര്‍ക്ക് വ്യത്യസ്തമായ അനുഭവമാണ് നല്കുന്നത്.
പദ്ധതികൾ പാതിവഴിയിൽ
വെള്ളച്ചാട്ടത്തിന്‍റെ സൗന്ദര്യം ആസ്വദിക്കുന്നതോടൊപ്പം പ്രകൃതിയോട് ഇണങ്ങി കുറച്ചുനേരം ചെലവഴിക്കാനും ഡിടിപിസി സൗകര്യം ഒരുക്കിയിട്ടുണ്ടെങ്കിലും ഇപ്പോള്‍ അത് പ്രയോജപ്രദമല്ല. വെള്ളത്തിന് അധികം ആഴം ഇല്ലാത്തതിനാല്‍ കുട്ടികള്‍ക്ക് സുരക്ഷിതമായി കുളിക്കുന്നതിനുള്ള സൗകര്യം ഉണ്ട്. പ്രകൃതിഭംഗി ആസ്വദിക്കാനും തിരക്കുകളില്‍ നിന്നും മാറി കുറച്ചുസമയം മാനസിക ഉല്ലാസവും ആഗ്രഹിക്കുന്നവര്‍ക്ക് മികച്ച വിനോദസഞ്ചാര കേന്ദ്രമാണ് കുറിയന്നൂരിനു സമീപമുള്ള അരുവിക്കുഴി.
ശരീരത്തിന് ഉന്മേഷം പകരാന്‍ അരുവിക്കുഴിയെക്കാള്‍ മികച്ച മറ്റൊരിടം ഇല്ലെന്നാണ് ഇവിടെ എത്തുന്ന സഞ്ചാരികള്‍ പറയുന്നത്.അരുവിക്കുഴിയുടെ സാധ്യതകൾ മനസിലാക്കി ജില്ലാ ടൂറിസം പ്രമോഷൻ കൗൺസിൽ ലക്ഷകണക്കിനു രൂപ ഇതിനോടകം ചെലവഴിച്ചിട്ടുണ്ട്. വിശ്രമസ്ഥലം, കഫേസെന്‍ററുകൾ, ശൗചാലയം, ഇരിപ്പിടങ്ങൾ തുടങ്ങിയവ പദ്ധതിയുടെ ഭാഗമായി നിർമിച്ചു. എന്നാൽ സ്ഥിരമായ ഒരു സംവിധാനം ഇല്ലാത്തതിനാൽ വെള്ളം കുറയുന്പോഴേക്കും പ്രദേശം കാടുകയറും. വേനല്‍ക്കാലത്തും വെള്ളം എത്തിക്കാനുള്ള സംവിധാനമാണ് നടപ്പിലാക്കേണ്ടത്. അങ്ങനെ നടപ്പിലാക്കിയാല്‍ അരുവിക്കുഴിക്ക് ടൂറിസം ഭൂപടത്തില്‍ പ്രത്യേക സ്ഥാനം ലഭിക്കും.
അരുവിക്കുഴി വെള്ളച്ചാട്ടം ഉള്‍പ്പെടുന്ന തോട്ടപ്പുഴശേരി പഞ്ചായത്തിലാണ് പ്രശസ്തമായ ചരല്‍കുന്ന് ക്യാമ്പ് സെന്റര് സ്ഥിതിചെയ്യുന്നത്. ചരല്‍കുന്ന് ക്യാമ്പ് സെന്‍ററും അരുവിക്കുഴി വെള്ളച്ചാട്ടവും ഉള്‍പ്പെടുത്തി ഗ്രാമീണ വിനോദ സഞ്ചാരകേന്ദ്രമാക്കി മാറ്റണം എന്നതാണ് നാട്ടുകാരുടെ ആവശ്യം.
സ്ഥിരമായ സംവിധാനത്തിനു പദ്ധതി ഉണ്ടാകണം
മഴക്കാലത്തെ വെള്ളം സംഭരിച്ചു നിർത്തുകയും വേനൽക്കാലത്തും വെള്ളച്ചാട്ടം നിലനിർത്തുകയും ചെയ്യുന്ന തരത്തിലുള്ള സംവിധാനം ഉണ്ടായാൽ കൂടുതല്‍ സഞ്ചാരികളെ അരുവിക്കുഴിയില്‍ എത്തിക്കാന്‍ സാധിക്കും. അഡ്വഞ്ചര്‍ ടൂറിസത്തിന് വളരെ സാധ്യതയുള്ള സ്ഥലമായ അരുവിക്കുഴിയുടെ സാധ്യതകള്‍ പ്രയോജനപ്പെടുത്താന്‍ കഴിയണം. സ്ഥലം എംഎല്‍എ അബിന്‍ വര്‍ക്കിയുമായി ചേര്‍ന്ന് വിശദമായ ഒരു ഡിപിആര്‍ തയാറാക്കി അരുവിക്കുഴി ടൂറിസം പദ്ധതി ഏറ്റെടുക്കാൻ കോയിപ്രം ബ്ലോക്ക് പഞ്ചായത്ത് ശ്രമിക്കും.
- ടി.കെ. രാമചന്ദ്രന്‍നായര്‍, പ്രസിഡന്റ്,
കോയിപ്രം ബ്ലോക്ക് പഞ്ചായത്ത്.
Pathanamthitta
അടൂർ: ഒരാഴ്ചയ്ക്കിടെ രണ്ട് വയോധികരുടെ കാലിലൂടെ ബസിന്‍റെ ചക്രം കയറി കാൽ നഷ്ടപ്പെട്ട സംഭവങ്ങളുടെ പശ്ചാത്തലത്തിൽ അപകടങ്ങൾ ഒഴിവാക്കാൻ സി.വി. ശാന്തകുമാർ എംഎൽഎയുടെ ഇടപെടൽ. യാത്രക്കാരുടെ സുരക്ഷ ഉറപ്പാക്കാൻ ഡിപ്പോയിൽ സുരക്ഷാ സംവിധാനങ്ങൾ ഒരുക്കുന്നതിനായി എംഎൽഎ തിങ്കളാഴ്ച സ്ഥലം സന്ദർശിച്ചു.
പൊതുമരാമത്ത് എക്സിക്യൂട്ടീവ് എൻജിനിയർ വി. അംബിക, എഇ വി. വിനീത, അടൂർ കെഎസ്ആർടിസി ഡിപ്പോ എടിഒ റെജി, ട്രാഫിക് എസ്ഐ ജി. സുരേഷ് കുമാർ എന്നിവർ എംഎൽഎയ്ക്കൊപ്പമുണ്ടായിരുന്നു.
Pathanamthitta
മല്ലപ്പള്ളി: ബ്ലോക്ക് പഞ്ചായത്ത് വാർഷിക പദ്ധതിയിൽ ഉൾപ്പെടുത്തി മടുക്കോലി ഡിവിഷൻ മുൻ മെംബർ ജ്ഞാനമണി മോഹനൻ കടുവാക്കുഴി ജംഗ്ഷനിൽ സ്ഥാപിച്ച മിനിമാസ്റ്റ് ലൈറ്റിന്‍റെ ഉദ്ഘാടനം മല്ലപ്പള്ളി ബ്ലോക്ക് പഞ്ചായത്ത് വൈസ് പ്രസിഡന്റ് എബി മേക്കരിങ്ങാട്ട് നിർവഹിച്ചു.
കല്ലൂപ്പാറ ഗ്രാമ പഞ്ചായത്ത് പ്രസിഡന്റ് ജ്ഞാനമണി മോഹനൻ അധ്യക്ഷത വഹിച്ചു. ബ്ലോക്ക് പഞ്ചായത്തംഗം സി.പി. മാത്യു, ചെറിയാൻ മണ്ണഞ്ചേരി, ശോശാമ്മ ജോർജ്, റ്റിബി സൂസൻ മാത്യു, അനിൽ തോമസ്, കെ.ബി.രാമചന്ദ്രൻ, സൂസൻ തോംസൺ, മാത്യു കുരുവിള, സുകുമാരൻ നായർ, ജോസിനി, കെ.സി. രാജൻ, സോമനാഥൻ നായർ, ബെന്നി പൂതാംപുറത്ത്, വിജയകുമാരി എന്നിവർ പ്രസംഗിച്ചു.
Pathanamthitta
പുല്ലാട്: ശബരിമല തീർഥാടനവുമായി ബന്ധപ്പെട്ട് സംസ്ഥാന സര്‍ക്കാരിന്‍റെ പ്രത്യേക നിര്‍ദേശപ്രകാരമുള്ള നിർമലം ശബരിമല മെഗാക്ലീനിംഗ് ഇന്നലെ ടികെ റോഡില്‍ നടന്നു.
ടികെറോഡിന്‍റെ ഇരുവശങ്ങളിലും പഞ്ചായത്തിലെ ജനപ്രതിനിധികളുടെ നേതൃത്വത്തില്‍ കുടുംബശ്രീ അംഗങ്ങള്‍, ഹരിതകര്‍മസേനയിലെയും തൊഴിലുറപ്പു പദ്ധതിയിലെയും അംഗങ്ങള്‍ എന്നിവര്‍ ചേര്‍ന്നാണ് വൃത്തിയാക്കിയത്.
കോയിപ്രം പഞ്ചായത്തിൽ ടികെ റോഡ് ആരംഭിക്കുന്നതുമുതല്‍ അവസാനിക്കുന്നതുവരെയുള്ള പ്രദേശത്തെ ശുചീകരണത്തിന് ഗ്രാമപഞ്ചായത്ത് പ്രസിഡന്റ് വര്‍ഗീസ് ഈപ്പന്‍, വൈസ് പ്രസിഡന്റ് ആര്. ജയ, ഗ്രാമപഞ്ചായത്ത് അംഗം തോമസ് ജേക്കബ്, സെക്രട്ടറി മുഹമ്മദ് ഷാജി, അസിസ്റ്റന്‍റ് സെക്രട്ടറി ശ്രീകുമാര്‍, പഞ്ചായത്ത് അസിസ്റ്റന്‍റ് എൻജിനിയർ സംഗീത എന്നിവര്‍ നേതൃത്വം നല്കി.
അത്തിക്കയം: ശബരിമല മണ്ഡലകാല മുന്നൊരുക്കങ്ങളുടെ ഭാഗമായി നാറാണംമൂഴി ഗ്രാമപഞ്ചായത്തിന്‍റെ നേതൃത്വത്തിൽ നിർമലം ശബരിമല മെഗാക്ലീനിംഗ് പദ്ധതിയുടെ ഭാഗമായി അത്തിക്കയം, അറക്കമണ്ണ് ജംഗ്ഷനുകളിൽ ശുചീകരണ പ്രവർത്തനങ്ങൾ സംഘടിപ്പിച്ചു. കുടുംബശ്രീ, ഹരിതകർമസേന, തൊഴിലുറപ്പ് തൊഴിലാളികൾ, ശബരിമല ഇടത്താവളത്തിലെ ശുചീകരണ തൊഴിലാളികൾ, വാർഡ് മെംബർമാർ എന്നിവർ പങ്കാളികളായി.
അറക്കമൺ ജംഗ്ഷനിൽ നടന്ന ശുചീകരണ പ്രവർത്തനങ്ങളുടെ ഉദ്ഘാടനം പഴകുളം മധു എംഎൽഎ നിർവഹിച്ചു. ശബരിമല മണ്ഡലകാലത്ത് തീർഥാടകർ കടന്നുപോകുന്ന പ്രധാന പാതകളും പരിസരങ്ങളും വൃത്തിയായി സൂക്ഷിക്കുന്നതിനും പരിസ്ഥിതി സംരക്ഷണത്തിനും ലക്ഷ്യമിട്ടാണ് കാന്പയിൻ സംഘടിപ്പിച്ചത്.
ഗ്രാമപഞ്ചായത്ത് പ്രസിഡന്റ് സുനിൽകുമാർ അധ്യക്ഷത വഹിച്ചു. വൈസ് പ്രസിഡന്റ് റീന ജയിംസ്, തോമസ് ജോർജ്, മറിയാമ്മ മാത്യു, എബ്രഹാം വർഗീസ്, മാത്തുക്കുട്ടി ജോർജ്, ശാന്തമ്മ വർഗീസ്, ബിജു ഇ.വി., രവി എം കെ, സിഡിഎസ് വൈസ് ചെയർപേഴ്സൺ കല സന്തോഷ് തുടങ്ങിയവർ പങ്കെടുത്തു.
Pathanamthitta
പത്തനംതിട്ട: മികച്ച പേരന്‍റിംഗ് ക്ലാസുകള്‍ സ്‌കൂള്‍ മുഖാന്തിരം സംഘടിപ്പിക്കാന്‍ സംസ്ഥാന ബാലാവകാശ കമ്മിഷന്‍ വിദ്യാഭ്യാസ വകുപ്പിന് നിര്‍ദ്ദേശം നല്കി. പത്തനംതിട്ട പൊലിസ് കോൺഫറൻസ് സഭാ ഹാളില്‍ നടന്ന ജില്ലാ കര്‍ത്തവ്യവാഹകരുടെ അവലോകന യോഗത്തിലാണ് നിര്‍ദേശം.
കൗമാരപ്രായക്കാരുടെ വിവിധ പ്രശ്‌നങ്ങള്‍ യോഗം അവലോകനം ചെയ്തു. ലൈസന്‍സ് ഇല്ലാതെ വാഹനം ഓടിക്കുന്നത് ശിക്ഷാര്‍ഹമാണെന്നിരിക്കേ അത്തരത്തില്‍ വാഹനം ഓടിക്കുന്ന കുട്ടികള്‍ക്കും വാഹനം നല്‍കുന്ന രക്ഷാകര്‍ത്താക്കള്‍ക്കും പ്രത്യേക ബോധവത്കരണ ക്ലാസുകള്‍ നല്‍കാന്‍ ജില്ലാ മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്‍റിന് കമ്മീഷന്‍ നിര്‍ദേശം നല്കി.
ആധാര്‍ കാര്‍ഡും ജനന സര്‍ട്ടിഫിക്കറ്റും ഇല്ലാത്ത, ശ്രദ്ധയും സംരക്ഷണവും വേണ്ടുന്ന കുട്ടികള്‍ക്ക്, അവ ലഭ്യമാക്കാന്‍ ജില്ലാ ഭരണ സംവിധാനവുമായി ബന്ധപ്പെട്ട് സ്‌പെഷല്‍ അദാലത്ത് നടത്തണമെന്നും കമ്മിഷൻ നിർദേശിച്ചു.
ളാഹ, മഞ്ഞത്തോട് എന്നീ പ്രദേശങ്ങള്‍ ഉള്‍പ്പെട്ട ഗവി മേഖലയിലെ ഉന്നതികളിലെ കുട്ടികള്‍ക്ക് വകുപ്പിന്‍റെ വിവിധ പദ്ധതികള്‍ എത്തിക്കാനുള്ള നടപടികള്‍ തദ്ദേശ സ്വയംഭരണ സ്ഥാപനങ്ങളും വനിതാ-ശിശു ജില്ലാ ഓഫിസറും ചേര്‍ന്ന് നടപ്പിലാക്കണം.
ട്രൈബല്‍ മേഖലകളില്‍ നടത്തപ്പെടുന്ന ആചാരപ്രകാരമുള്ള വിവാഹങ്ങളിലും, സ്കൂളുകളില് നിന്നുള്ള കൊഴിഞ്ഞുപോക്കിലും വിദ്യാഭ്യാസ വകുപ്പും ശിശു സംരക്ഷണ ഓഫിസറും നടപടികള്‍ സ്വീകരിക്കണം.
യോഗത്തില്‍ ബാലാവകാശ സംരക്ഷണ കമ്മീഷന്‍ ആക്‌ടിംഗ് ചെയര്പേഴ്സണ് സിസിലി ജോസഫ്, അംഗം പി. ഷാജേഷ് ഭാസ്‌കര്‍ എന്നിവര്‍ പങ്കെടുത്തു.
Pathanamthitta
പത്തനംതിട്ട: പമ്പയിലേക്കുള്ള പാതയിലെ പ്രധാന ജംഗ്ഷനായ മണ്ണാറക്കുളഞ്ഞി ആശുപത്രിപ്പടിയില്‍ അപകടം പതിയിരിക്കുന്നു. പിഎം റോഡും പമ്പ പാതയും സംഗമിക്കുന്ന ജംഗ്ഷനില്‍ ഇരുസ്ഥലങ്ങളിലേക്കുമുള്ള വാഹനങ്ങളുടെ വരവ് ഏറിയതോടെ അപകട സാധ്യത വര്‍ധിച്ചിരിക്കുകയാണ്. രണ്ട് റോഡുകളും മെച്ചപ്പെട്ട നിലയിലായതിനാല്‍ വാഹനങ്ങള്‍ വേഗം കുറയ്ക്കാറില്ല. ജംഗ്ഷനിലെത്തുമ്പോള്‍ ഒരേ ദിശയിലും എതിര്‍ദിശയിലും വാഹനങ്ങള്‍ കൂട്ടിമുട്ടാനുള്ള സാധ്യതയേറെയാണ്. വേഗം നിയന്ത്രിക്കാനായി കോണുകള്‍ സ്ഥാപിച്ചിരുന്നെങ്കിലും വാഹനങ്ങള്‍ തട്ടി ഇവയിലേറെയും നശിച്ചു.
ശബരിമല തീര്‍ഥാടനകാലത്ത് പുറമേനിന്നെത്തുന്ന വാഹനങ്ങളാണ് ഏറെയും ഇതുവഴി കടന്നുപോകുന്നത്. പാത മുന്‍പരിചയമില്ലാത്ത ഇവര്‍ വേഗം കുറയ്ക്കാറുമില്ല. മുന്നറിയിപ്പുകള്‍ യാതൊന്നും ജംഗ്ഷനില്‍ നല്‍കിയിട്ടില്ല. രാത്രികാലങ്ങളില്‍ മിക്കപ്പോഴും വെളിച്ചവും ഉണ്ടാകാറില്ല. പമ്പയിലേക്കുള്ള വാഹനങ്ങള്‍ ജംഗ്ഷനില്‍ എത്തുമ്പോള്‍ വഴി അറിയാതെ പെട്ടെന്ന് നിര്‍ത്തുന്നതും പതിവാണ്. ശബരിമലപാത തിരിയുന്ന ഭാഗത്ത് രാത്രിയില്‍ വഴികാട്ടാനായി ബോര്‍ഡും സ്ഥാപിച്ചിട്ടില്ല. പകലും ശബരിമലപാത തിരിയുന്ന ഭാഗത്ത് ഡ്രൈവര്‍മാരുടെ കണ്ണില്‍പെടത്തക്കവിധം ഒരു ബോര്‍ഡില്ല.
ഇതു കാരണം വാഹനങ്ങള്‍ പലപ്പോഴും റാന്നി റോഡിലേക്ക് തിരിഞ്ഞശേഷം വഴി തെറ്റിയെന്ന ബോധ്യത്തില്‍ പിന്നിലേക്ക് എടുക്കുകയാണ് പതിവ്. ജംഗ്ഷനില്‍ ഒരു ഭാഗത്ത് ബസ്‌ബേയും വെയ്റ്റിംഗ് ഷെഡും ഉണ്ടെങ്കിലും ഇതും അശാസ്ത്രീയമായിട്ടുള്ളതാണ്. വടശേരിക്കര ഭാഗത്തേക്കുള്ള ബസുകള്‍ വെയ്റ്റിംഗ് ഷെഡിനു മുമ്പില്‍ പലപ്പോഴും നിര്‍ത്താറില്ല. പത്തനംതിട്ട ഭാഗത്തേക്കുള്ള ബസുകള്‍ റോഡില്‍ തന്നെ നിര്‍ത്തി ആളുകളെ കയറ്റുകയും ഇറക്കുകയുമാണ് പതിവ്.
പിഎം റോഡ് നവീകരണത്തിലെ ജംഗ്ഷന് വികസനത്തിന്റെ ഭാഗമായി ഏറെ പ്രാധാന്യം നല്‍കിയിരുന്ന ജംഗ്ഷനാണ് മണ്ണാറക്കുളഞ്ഞി. എന്നാല്‍ വര്‍ഷങ്ങള്‍ ഏറെ കഴിഞ്ഞെങ്കിലും ഒരു വെയ്റ്റിംഗ്‌ഷെഡ് സ്ഥാപിച്ചതൊഴിച്ചാല്‍ റോഡ് വികസനത്തിന്റെ ഭാഗമായ ജംഗ്ഷന് നവീകരിച്ചില്ല.
പൂര്‍ത്തീകരിക്കാത്ത റോഡ്
പുനലൂര്‍-മൂവാറ്റുപുഴ പാതയില്‍ നിര്‍മാണം പൂര്‍ത്തീകരിക്കാത്ത ഭാഗങ്ങളാണ് മണ്ണാറക്കുളഞ്ഞി- മൈലപ്ര ഭാഗം. മണ്ണാറക്കുളഞ്ഞി അപകടവളവുകളിലടക്കം പണികള്‍ ബാക്കിയാണ്.
തര്‍ക്കങ്ങള്‍ കോടതി കയറിയതോടെ തടസപ്പെട്ട പണികളാണിവ. രണ്ടാം കലങ്കിനു സമീപം റോഡിന്‍റെ സംരക്ഷണഭിത്തി ഇല്ലാത്തത് ഏറെ അപകട സാധ്യത വര്‍ധിപ്പിക്കുന്നു. റോഡില്‍ മുന്നറിയിപ്പായി സ്ഥാപിച്ചിട്ടുള്ളത് പ്ലാസ്റ്റിക് കോണുകളാണ്. ചരട് വലിച്ചു കെട്ടിയാണ് രാത്രിയിലും മുന്നറിയിപ്പുള്ളത്. തിട്ടയോടു ചേർന്നാണ് പാത കടന്നുപോകുന്നത്. റോഡ് വികസനത്തിനു ഭൂമി ഏറ്റെടുക്കുന്ന വിഷയത്തില്‍ തടസപ്പെട്ട നിര്‍മാണമാണ് ഈ ഭാഗത്തേത്.
മൂന്നാം വളവില്‍ റോഡ് പുനര്‍നിര്‍മാണം തടസപ്പെട്ടിരിക്കുകയാണ്. റോഡ് ഇപ്പോഴും പഴയ നിലയിലാണ്. വീതി കൂട്ടാന്‍ കഴിയാത്തതിനാല്‍ ഒറ്റവരി ഗതാഗതമാണ് വര്‍ഷങ്ങളായുള്ളത്. തീര്‍ഥാടനകാലത്ത് ഏറെ അപകട സാധ്യതയുള്ള ഭാഗത്ത് ബ്ലിങ്കിംഗ് ലൈറ്റ് സ്ഥാപിച്ചാണ് കെഎസ്ടിപി മുന്നറിയിപ്പ് നല്‍കിയിരിക്കുന്നത്.
മൈലപ്ര പള്ളിപ്പടിക്കും ജംഗ്ഷനും മധ്യേയുള്ള കലുങ്ക് നിര്‍മാണം തടസപ്പെട്ടതും മറ്റൊരു അപകട കെണിയാണ്. നിരവധി വാഹനങ്ങള്‍ ഈ ഭാഗത്ത് അപകടത്തില്‍ പെട്ടിരുന്നു. അപകടങ്ങളില്‍ മരണവും സംഭവിച്ചിട്ടുണ്ട്. റോഡ് മെച്ചപ്പെടുത്തിയെങ്കിലും പണികള്‍ അവശേഷിക്കുന്നതാണ് അപകടങ്ങള്‍ ക്ഷണിച്ചുവരുത്തുന്നത്.
ശബരിമല സുരക്ഷായാത്ര നാളെ
പത്തനംതിട്ട: ശബരിമല തീര്‍ഥാടനത്തോടനുബന്ധിച്ച മുന്നൊരുക്കങ്ങളുടെ ഭാഗമായി ജില്ലാ ദുരന്ത നിവാരണ അഥോറിറ്റി അപകട സാധ്യതയുള്ള സ്ഥലങ്ങള്‍, കടവുകള്‍, റോഡുകളിലെ തടസങ്ങള്‍ എന്നിവ പരിശോധിച്ച് അടിയന്തരമായി പരിഹരിക്കുന്നതിന് നാളെ രാവിലെ ഏഴിന് സുരക്ഷാ യാത്ര സംഘടിപ്പിക്കും. മണ്ണാറക്കുളഞ്ഞി മുതല്‍ പമ്പ വരെയും പമ്പ മുതല്‍ സന്നിധാനം വരെയുമാണ് സുരക്ഷാ യാത്ര.
ശബരിമല കാനനപാത തെളിക്കൽ തുടങ്ങി
എരുമേലി: വനം വകുപ്പിന്‍റെ നേതൃത്വത്തിൽ ശബരിമല പരമ്പരാഗത കാനനപാത തെളിക്കൽ ആരംഭിച്ചു. ശബരിമല സീസണിൽ മാത്രം തുറക്കുന്ന പാത മാസങ്ങളായി ജനസഞ്ചാരമില്ലാത്തതിനാൽ കാട് നിറഞ്ഞ അവസ്ഥയിലാണ്. പാതയിലെ കാടുകൾ വെട്ടി മാറ്റി വഴിയൊരുക്കുന്ന ജോലികൾ പൂർത്തിയായാലും തീർഥാടനം ആരംഭിക്കുന്നതിന് മുമ്പ് വീണ്ടും കാട് വെട്ടി വഴി യാത്രായോഗ്യമാണെന്ന് ഉറപ്പാക്കുമെന്ന് വനം വകുപ്പ് അധികൃതർ അറിയിച്ചു. വന സംരക്ഷണസമിതി അംഗങ്ങളും വനപാലകരും ചേർന്നാണ് പാതയിലെ കാട് തെളിക്കുന്നത്.
എരുമേലിയിൽ കോയിക്കക്കാവ് മുതലാണ് കാനനപാതയുടെ തുടക്കം. എരുമേലിയിൽനിന്ന് പേരൂർത്തോട് എത്തി ഇരുമ്പൂന്നിക്കര വഴി കോയിക്കക്കാവ് വരെ വാഹന ഗതാഗതമുണ്ട്. കോയിക്കക്കാവ് ഫോറസ്റ്റ് ചെക്ക് പോസ്റ്റ് മുതൽ കാൽനടയായാണ് സഞ്ചാരം അനുവദിച്ചിട്ടുള്ളത്. തുടർന്ന് മമ്പാടി വഴി വനത്തിലൂടെ കാളകെട്ടി ക്ഷേത്രത്തിൽ എത്തുമ്പോഴാണ് ഇടത്താവള വിശ്രമകേന്ദ്രമാകുന്നത്.
Pathanamthitta
പത്തനംതിട്ട: ഭാര്യയെ തീകൊളുത്തി കൊലപ്പെടുത്തിയ കേസില്‍ 15 വര്‍ഷത്തോളം ഒളിവില്‍ കഴിഞ്ഞ പ്രതിക്ക് ജീവപര്യന്തം തടവും നാലു ലക്ഷം രൂപ പിഴയും ശിക്ഷ. അയിരൂര്‍ വില്ലേജ് വെള്ളിയറ കടമാന്‍കുഴി കോളനിയില്‍ കടമാന്‍കുഴിയില്‍ രാജീവ് (മുത്തു -52)നെയാണ് പത്തനംതിട്ട അഡീഷണല്‍ ജില്ലാ ആന്‍ഡ് സെഷന്‍സ് കോടതി ജഡ്ജ് ഡോണി തോമസ് വര്‍ഗീസ് ശിക്ഷിച്ചത്.
2010 നവംബര്‍ ഒന്നിനാണ് പ്രതി തന്‍റെ ഭാര്യയായ സിന്ധുവിനെ (34) തീകൊളുത്തി കൊലപ്പെടുത്തിയത്. ആലപ്പുഴ ജില്ലയിലെ മണിമല മേനോന്‍ വീട്ടില്‍ ചന്ദ്രശേഖരമേനോന്‍റെ മകളാണ് സിന്ധു.
സംഭവത്തെ തുടര്‍ന്ന് പൊലിസ് അറസ്റ്റ് ചെയ്ത് റിമാന്‍ഡ് ചെയ്ത പ്രതി, 2011 നവംബര്‍ 30ന് ജാമ്യത്തിലിറങ്ങിയ ശേഷം കോടതിയില്‍ ഹാജരാകാതെ ഒളിവില്‍ പോകുകയായിരുന്നു. തുടര്‍ന്ന് 2024 ഡിസംബര്‍ 16ന് അന്നത്തെ കോയിപ്രം സിഐ ജി. സുരേഷ് കുമാറിന്‍റെ നേതൃത്വത്തിലുള്ള പൊലിസ് സംഘം പ്രതിയെ പിടികൂടി കോടതിയില്‍ ഹാജരാക്കി. എഎസ്ഐ ഷിബുരാജ്, എസ്‌സിപിഒ ജോബിന്‍ ജോണ്‍, സിപിഒ അരുണ്‍ എന്നിവരും പ്രതിയെ പിടികൂടിയ സംഘത്തിലുണ്ടായിരുന്നു.
ജാമ്യത്തിലിറങ്ങി വര്‍ഷങ്ങളോളം ഒളിവില്‍ കഴിഞ്ഞ പ്രതിയെ കണ്ടെത്തി നിയമനടപടികള്‍ക്ക് വിധേയനാക്കിയ പൊലിസ് സംഘത്തിന്‍റെ ഇടപെടല്‍ കേസിന്‍റെ വിചാരണ പൂര്‍ത്തിയാകുന്നതിനും ശിക്ഷ ലഭിക്കുന്നതിനും നിര്‍ണായകമായി. പബ്ലിക് പ്രോസിക്യൂട്ടര് സന്ധ്യ ടി. വാസു ഹാജരായി. പ്രോസിക്യൂഷന് എയ്ഡായി ശൈലജാദേവിയും സ്റ്റേഷന് പ്രോസിക്യൂഷന് എയ്ഡായി അഖിലും നടപടികളില്‍ പങ്കെടുത്തു.
Pathanamthitta
പത്തനംതിട്ട: ജില്ലാതല നിയമസേവന ദിനാചരണവും പ്രതിജ്ഞയും നിയമ അവബോധ ബുക്ക് വിതരണവും ജുവനൈല്‍ ജസ്റ്റിസ് ബോര്‍ഡില്‍സംഘടിപ്പിച്ചു. നിയമത്തിന്‍റെ മുന്നില്‍ എല്ലാവരും തുല്യരാണെന്ന തത്വം ഉയര്‍ത്തിപ്പിടിക്കണമെന്നും സമൂഹത്തിലെ പാര്‍ശ്വവത്കരിക്കപ്പെട്ടവരും അര്‍ഹരുമായ ആളുകള്‍ക്ക് സൗജന്യ നിയമസഹായം എത്തിച്ചുനല്‍കുന്നതിനുള്ള പ്രവര്‍ത്തനങ്ങളില്‍ പങ്കാളിയാകണമെന്നും ഉദ്ഘാടനം ചെയ്ത് ജെജെ ബോര്‍ഡ് പ്രിന്‍സിപ്പല്‍ മജിസ്ട്രേറ്റ് നിജേഷ് കുമാര്‍ പറഞ്ഞു.
യോഗത്തില്‍ ജുവനൈല്‍ ജസ്റ്റിസ് ബോര്‍ഡ് മെംബര്‍ എം.എസ്. ദീപ് അധ്യക്ഷത വഹിച്ചു. ജെജെ ബോര്‍ഡ് മെംബര്‍ ഷാന്‍ രമേശ് ഗോപന്‍, അസി.പബ്ലിക് പ്രോസിക്യൂട്ടര് മിത്ര, ലീഗല്‍ കം പ്രൊബേഷന് ഓഫിസര്‍ അമല, സീനിയര്‍ ബെഞ്ച് ക്ലാര്‍ക്ക് നിപുകുമാര്‍, ലീഗല്‍ സര്‍വീസസ് അഥോറിറ്റി ലീഗല്‍ എയ്ഡ് അഡ്വക്കേറ്റ് ഡയാന, കൗണ്‍സിലര്‍ ലീന, ശില്‍പ, ആശ തുടങ്ങിയവര്‍ പ്രസംഗിച്ചു.
Pathanamthitta
കവിയൂര്‍: കേരള കൗണ്‍സില്‍ ഓഫ് ചര്‍ച്ചസ് കവിയൂര്‍ സോണിന്‍റെ ആഭിമുഖ്യത്തില്‍ ലഹരിക്കെതിരേ ബോധവത്കരണ പരിപാടി സംഘടിപ്പിച്ചു. തോട്ടഭാഗം ബിലിവേഴ്‌സ് ഈസ്റ്റേണ്‍ ചര്‍ച്ച് ദേവാലയത്തില്‍ നടന്ന പരിപാടി കെസിസി വൈസ് പ്രസിഡന്റ് മാത്യൂസ് മാര്‍ സില്‍വാനിയോസ് ഉദ്ഘാടനം ചെയ്തു.
കെസിസി കവിയൂര്‍ സോണ്‍ പ്രസിഡന്റ് റവ. വര്‍ഗീസ് ചെറിയാന്‍ അധ്യക്ഷത വഹിച്ചു. കെസിസി സോഷ്യല്‍ കണ്‍സേണ്‍ കമ്മീഷന്‍ ചെയര്‍മാന്‍ ജോജി പി. തോമസ് മുഖ്യപ്രഭാഷണം നടത്തി. റവ. ഷിജു മാത്യു, കവിയൂര്‍ സോണ്‍ സെക്രട്ടറി കുര്യന്‍ ചെറിയാന്‍, തിരുവല്ല ട്രഷറര്‍ ബെന്‍സി തോമസ്, കിഴക്കേതില്‍ റോയി വര്‍ഗീസ് ഇലവുങ്കല്‍ എന്നിവര്‍ പ്രസംഗിച്ചു.
Pathanamthitta
പത്തനംതിട്ട: കിര്‍ഗിസ്ഥാന്‍ തലസ്ഥാനമായ ബിഷേകേക്കില്‍ നടന്ന ഭിന്നശേഷിക്കാര്‍ക്കായുള്ള നാലാമത് ഏഷ്യന്‍ ചെസ് ചാമ്പ്യന്‍ഷിപ്പില്‍ ഇന്ത്യയെ പ്രതിനിധീകരിച്ച് മലയാളി പെണ്‍കുട്ടി ഷാരോണ് റേച്ചല്‍ എബി മൂന്ന് സ്വര്‍ണ മെഡലുകള്‍ നേടി നാടിന് അഭിമാനമായി.
ചെന്നൈയില്‍ സ്റ്റാര്‍ ഹെല്‍ത്ത് ആന്‍ഡ് അലൈഡ് ഇന്‍ഷ്വറന്‍സ് കമ്പനി കീ അക്കൗണ്ട്‌സ് മാനേജര്‍ ആയി ജോലി ചെയ്യുന്ന തിരുവല്ല കിഴക്കന്‍ മുത്തൂര്‍ റ്റോബീസ് ഭവനില്‍ എബി മാത്യു (സാബു) വിന്‍റെയും ചെന്നൈയില്‍ സ്ഥിരതാമസമാക്കിയ തിരുവല്ല അമിച്ചകരി മോഴിച്ചേരില്‍ കുടുംബാംഗം എം. സി. മാമ്മന്‍റെ ഏകമകള്‍ റേച്ചല്‍ മാമ്മന്‍ എബി(റോസിലി)യുടെയും മകളായ ഷാരോണ് റേച്ചല്‍ എബി ഇരുപതു വയസില്‍ താഴെയുള്ള വനിതകളുടെ വിഭാഗത്തില്‍ റാപ്പിഡ്, ബ്ലിറ്റ്‌സ്, ക്‌ളാസിക്കല്‍ എന്നീ വിഭാഗങ്ങളിലാണ് സ്വര്‍ണം കരസ്ഥമാക്കിയത്.
സ്‌പൈനല്‍ മസ്‌കുലാര്‍ അട്രോഫി ബാധിതയായി വീല്‍ചെയറില്‍ കഴിയുന്ന ഷാരോണ് ഇതിനോടകം നിരവധി ദേശീയ അന്തര്‍ദേശീയ മത്സരങ്ങളില്‍ പങ്കെടുത്ത് ശ്രദ്ധേയമായ വിജയങ്ങള്‍ നേടിയിട്ടുണ്ട്.
ചെറുപ്രായത്തില്‍ തന്നെ ചെസിനോടുള്ള ഷാരോണിന്‍റെ അതിയായ താത്പര്യം മനസിലാക്കിയ മാതാപിതാക്കളാണ് ഷാരോണ് പ്രാഥമിക പരിശീലനം നല്‍കിയത്. ഷോണ്‍ ഏകസഹോദരനാണ്. ചെസ് കരിയറിലെ പരമോന്നത നേട്ടമായ ഫിഡെ ഗ്രാന്‍ഡ് മാസ്റ്റര്‍ ആകണമെന്ന സ്വപ്‌നമാണ് ഷാരോണിനുള്ളത്.
Pathanamthitta
പത്തനംതിട്ട: ദൈവവിളിയുള്ള പുതു തലമുറയെ വാര്‍ത്തെടുക്കാന്‍ യത്‌നിക്കണമെന്ന് ബിഷപ് ഡോ. യൂഹാനോന്‍ മാര്‍ ക്രിസോസ്റ്റം. പത്തനംതിട്ട വൈഎംസിഎ. അഖിലലോക പ്രാര്‍ഥനാവാരം പത്തനംതിട്ടയില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
മാര്‍ത്തോമ്മാ സഭ റാന്നി നിലയ്ക്കല്‍ സെക്രട്ടറി റവ. തോമസ് കോശി പനച്ചമൂട്ടില്‍ മുഖ്യ പ്രഭാഷണം നടത്തി. പ്രസിഡന്റ് ലെബി ഫിലിപ് മാത്യൂ അധ്യക്ഷത വഹിച്ചു. വാരാചരണത്തോടനുബന്ധിച്ച് പുറത്തിറക്കുന്ന ക്രൈസ്തവ ഗാനങ്ങള്‍ അടങ്ങിയ പുസ്തകം സബ് റീജണല്‍ ചെയര്‍മാന്‍ ഫാ. ഷൈജു കുര്യന്‍ സത്ഗമയ മീഡിയ ഫൗണ്ടേഷന്‍ എഡിറ്റോറിയല്‍ ഡയറക്ടര് ജോര്‍ജ് കോശി മൈലപ്രയ്ക്ക് നല്കി പ്രകാശനം ചെയ്തു. രാജു തോമസ്, സുനില്‍ പി. ഏബ്രഹാം, എബല്‍ മാത്യൂ, സാലി ജോണ്‍, അനു മാത്യു ജോര്‍ജ്, അനി എം. ഏബ്രഹാം എന്നിവര്‍ പ്രസംഗിച്ചു.
11ന് രാത്രി എട്ടിന് സൂം പ്ലാറ്റ്‌ഫോമില്‍ നടക്കുന്ന പ്രാര്‍ഥാസംഗമം. സിഎസ്ഐ മലബാർ ഡയോസിസ് ബിഷപ് ഡോ റോയ്‌സ് മനോജ് വിക്‌ടര്‍ ഉദ്ഘാടനം ചെയ്യും.
15 ന് വൈകുന്നേരം 5.30 ന് നടക്കുന്ന സമാപന സമ്മേളനം ഓര്ത്തഡോക്സ് സഭ കൊച്ചി ഭദ്രാസനാധിപന്‍ ഡോ. യാക്കോബ് മാര്‍ ഐറേനിയോസ് മെത്രാപ്പോലീത്തയും കുടുംബസംഗമം അബിന്‍ വര്‍ക്കി എംഎല്‍എ യും ഉദ്ഘാടനം ചെയ്യും. മലങ്കര കത്തോലിക്കാ സഭ പത്തനംതിട്ട രൂപതാധ്യക്ഷന്‍ ഡോ. സാമുവേല്‍ മാര്‍ ഐറേനിയോസ് മെത്രാപ്പോലീത്ത മുഖ്യസന്ദേശം നല്കും.
തിരുവല്ല: ഇരുട്ടിന്‍റെ സാഹചര്യങ്ങളില്‍ ഭയമില്ലാതെ വെളിച്ചമായി മാറുന്നതാണ് വിശ്വാസിയുടെ യഥാര്‍ഥ ദൗത്യമെന്ന് ഡോ. ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത. വൈഎംസിഎ അഖില ലോക പ്രാര്‍ഥനാവാരാചരണത്തിന്‍റെ സബ് റീജന്‍തല ഉദ്ഘാടനം തോട്ടഭാഗം സെന്റ് മേരീസ് ബിലീവേഴ്‌സ് പള്ളിയില്‍ നിര്‍വഹിച്ചു പ്രസംഗിക്കുകയായിരുന്നു അദ്ദേഹം.
ഭയത്തിന്‍റെയും സംശയത്തിന്‍റെയും സുരക്ഷിതത്വമില്ലയ്മയുടെയും പുറംചട്ടകള്‍ ഊരിമാറ്റി ധൈര്യത്തിന്‍റെയും പ്രത്യാശയുടെയും പ്രവാചക ശബ്ദത്തിന്‍റെയും സുവിശേഷ പ്രതിബദ്ധതയുടെയും സാക്ഷികളായി വിശ്വാസികള്‍ മാറണമെന്നും മൗനം വെടിഞ്ഞ് നീതിയുടെ ശബ്‌ദമായി ഉയരാനും ആര്‍ജ്ജവത്വം വീണ്ടെടുക്കാനും ക്രൈസ്തവ സഭയ്ക്ക് കഴിയണമെന്നും അദ്ദേഹം പറഞ്ഞു.
ചെയര്‍മാന്‍ ജോജി പി. തോമസ് അധ്യക്ഷത വഹിച്ചു. ബിലീവേഴ്‌സ് ഈസ്റ്റേണ്‍ ചര്‍ച്ച് സഭാ സെക്രട്ടറി ഫാ. ഡോ. ഡാനിയേല്‍ ജോണ്‍സണ്‍ മുഖ്യപ്രഭാഷണം നല്കി. മുന്‍ റീജണല്‍ ചെയര്‍മാന്‍ വി.സി. സാബു, ദേശീയ നിര്‍വാഹക സമിതിയംഗം ജോ ഇലഞ്ഞിമൂട്ടില്‍, റീജണല്‍ യൂത്ത് വര്‍ക്ക് കമ്മിറ്റി ചെയര്‍മാന്‍ ലിനോജ് ചാക്കോ, പേഴ്‌സണല്‍ കമ്മിറ്റിയംഗം ജോസഫ് നെല്ലാനിക്കന്‍, ജനറല്‍ കണ്‍വീനര്‍ സുനല്‍ മറ്റത്ത്, കവിയൂര്‍ വൈഎംസിഎ പ്രസിഡന്റ് ജേക്കബ് മാത്യു, വികാരി ഫാ. ഷിജു മാത്യു, വൈസ് ചെയര്‍മാന്‍മാരായ തോമസ് വി. ജോണ്‍, ലിയോണ്‍ വര്‍ഗീസ് ഏബ്രഹാം, റീജണല്‍ ലീഗല്‍ ബോര്‍ഡ് ചെയര്‍മാന്‍ മാത്യൂ ജോസഫ്, മുന്‍ സബ് റീജണ്‍ ചെയര്‍മാന്‍മാരായ ജുബിന്‍ ജോണ്‍, കെ സി മാത്യു എന്നിവര്‍ പ്രസംഗിച്ചു.
Pathanamthitta
പത്തനംതിട്ട: റബര്‍ ടാപ്പിംഗ് മേഖലയിലെ തൊഴിലാളി ക്ഷാമം കാരണം ഉടമകള്‍ തന്നെ ടാപ്പിംഗ് ഏറ്റെടുക്കുന്നു. റബറിനു മെച്ചപ്പെട്ട വില ലഭിക്കുകയും തൊഴിലാളി ക്ഷാമം കാരണം ടാപ്പിംഗ് നടക്കാതെ വരികയും ചെയ്യുന്ന സാഹചര്യത്തിലാണ് മരങ്ങള്‍ ടാപ്പ് ചെയ്യാനുള്ള പരിശീലന പരിപാടികളില്‍ ഉടമകളുടെ സാന്നിധ്യം കണ്ടത്.
റബര്‍ ബോര്‍ഡ് പത്തനംതിട്ട റീജണല്‍ ഓഫീസ്, ഇലന്തൂര്‍ റബര്‍ ഉത്പാദക സംഘം എന്നിവയുടെ ആഭിമുഖ്യത്തില്‍ എട്ടുദിവസത്തെ ടാപ്പിംഗ് പരിശീലന പരിപാടിയില്‍ പങ്കെടുക്കുന്ന 18 പേരില്‍ 16 പേരും റബര്‍ തോട്ടം ഉടമകളാണ്. സ്ത്രീകളും പരിശീലനം നേടാന്‍ എത്തിയിട്ടുണ്ട്. ചെറുകിട തോട്ടം കൈവശമുള്ള ഇവര്‍ക്ക് തൊഴിലാളികളെ ലഭിക്കാന്‍ ബുദ്ധിമുട്ടു നേരിട്ടുവരികയാണ്. വില ഇടിഞ്ഞതിനേ തുടര്‍ന്ന് നേരത്തെ ടാപ്പിംഗ് നിര്‍്ത്തിവച്ച തോട്ടങ്ങളാണിവ.
ആര്‍പിഎസ് പ്രസിഡന്റ് കെ.ജി. റെജിയുടെ അധ്യക്ഷതയില്‍ ഗ്രാമപഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്പേഴ്സണ് റേച്ചല്‍ തോമസ് പരിശീലന പരിപാടി ഉദ്ഘാടനം ചെയ്തു.
റബര്‍ ബോര്‍ഡ് അസിസ്റ്റന്‍റ് ഡവലപ്‌മെന്‍റ് ഓഫീസര്‍ സി.വി. ദീപ്തി മുഖ്യപ്രഭാഷണം നടത്തി. ഫീല്‍ഡ് ഓഫീസര്‍ അദ്രി, ആര്‍പിഎസ് വൈസ് പ്രസിഡന്റ് ബിജു പി.തോമസ് എന്നിവര്‍ പ്രസംഗിച്ചു. റബര്‍ ബോര്‍ഡിന്‍റെ അംഗീകൃത വിദഗ്ധ പരിശീലകന്‍ ശിവദാസന്‍ പരിശീലനത്തിന് നേതൃത്വം നല്കി. പരിശീലനം പൂര്‍ത്തിയാക്കുന്നവര്‍ക്ക് റബര്‍ ബോര്‍ഡ് സര്‍ട്ടിഫിക്കറ്റ് നല്കും. എട്ടു ദിവസമാണ് പരിശീലന കാലയളവ്.
Pathanamthitta
പത്തനംതിട്ട: നവീന കാലഘട്ടത്തിന് അനുസൃതമായി ദൈവവിളി ഉള്‍ക്കൊണ്ട് ജീവിക്കണമെന്ന് യാക്കൂബ് റമ്പാന്‍ കോര്‍ എപ്പിസ്‌കോപ്പ. നന്നുവക്കാട് വൈഎംസിഎ പ്രാര്‍ഥനാവാരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. വൈഎംസിഎ സബ് റീജണ്‍ ചെയര്‍മാന്‍ ഫാ. ഷൈജു കുര്യന്‍റെ അധ്യക്ഷതയില്‍ പ്രശസ്ത വിദ്യാഭ്യാസ പ്രവര്‍ത്തകന്‍ ഫാ.ഡോ. സി.കെ.രാജന്‍ ന്യൂയോര്‍ക്ക് മുഖ്യപ്രഭാഷണം നടത്തി.
മുഖ്യ ചിന്താവിഷയമായ ഇത്തരം ഒരു കാലഘട്ടത്തിനായി നാം വിളിക്കപ്പെട്ടിരിക്കുന്നത് എന്ന വിഷയത്തെ ആസ്പദമാക്കി മാര്‍ത്തോമ്മാ സഭ സുവിശേഷ പ്രസംഗസംഘം ലേഖക സെക്രട്ടറി സാം ചെമ്പകത്തില്‍ പ്രഭാഷണം നടത്തി. സബ് റീജണ്‍ ജനറല്‍ കണ്‍വീനര്‍ സ്കറിയ തോമസ്, മുന്‍ സബ് റീജണ്‍ ചെയര്‍മാന്‍ ടി.എസ്. തോമസ്, ടി.എസ്. ജോര്‍ജ്, നന്നുവക്കാട് വൈഎംസിഎ പ്രസിഡന്റ് ആനി സജി, വൈഎംസിഎ സെക്രട്ടറി സാം എ. സാമുവല്‍, രാജു ജോണ്‍, ജെ.കെ.ടി. ജോര്‍ജ് എന്നിവര്‍ പ്രസംഗിച്ചു.14 വരെ പത്തനംതിട്ട സബ് റീജണിന്‍റെ 15 വൈഎംസിഎകളില്‍ പ്രാര്‍ഥനാ വാരത്തോടനുബന്ധിച്ചുള്ള സുവിശേഷ പ്രഭാഷണങ്ങള്‍ നടത്തും.
Pathanamthitta
പത്തനംതിട്ട: കരാറുകാര്‍ക്ക് നല്‍കാന്‍ പണമില്ല; ജല്‍ജീവന്‍ മിഷന് പ്രവര്‍ത്തനം നിലച്ചു. ആറുമാസത്തിലേറെയായി ജലഅഥോറിറ്റി കരാറുകാരുടെ പണം മുടങ്ങിയിരിക്കുകയാണ്. കഴിഞ്ഞ സര്‍ക്കാരിന്‍റെ കാലത്തുചെയ്ത ജോലികളുടെ പണമാണ് കുടിശികയായി മാറിയിരിക്കുന്നത്. ചെയ്ത ജോലിക്ക് പണം ലഭിക്കാതെ വന്നതോടെ കരാറുകാര്‍ പണി നിര്‍ത്തിവയ്ക്കാന്‍ നിര്‍ബന്ധിതരാകുകയായിരുന്നു. ഒരുവര്‍ഷത്തിലേറെയായി പണികള്‍ പൂര്‍ണമായി മുടങ്ങിയ പഞ്ചായത്തുകളും ജില്ലയിലുണ്ട്. ജല്‍ജീവന്‍ പദ്ധതിയില്‍ ജില്ലയിലെ 361 പദ്ധതികളില്‍ 214 എണ്ണം പൂര്‍ത്തിയായതായി പറയുന്നു.
എന്നാല്‍, പൂര്‍ത്തിയായ പദ്ധതികളില്‍ പോലും ജലവിതരണം കാര്യക്ഷമമല്ല. ഏറ്റവും കൂടുതല്‍ ജലക്ഷാമം നേരിടുന്ന മലയോര മേഖലയിലെ പഞ്ചായത്തുകളില്‍ പൈപ്പിടല്‍ ജോലികള്‍ 40 ശതമാനത്തില്‍ താഴെ മാത്രമാണ് നടന്നിട്ടുള്ളത്. ടാങ്കുകളും ജലശുദ്ധീകരണ പ്ലാന്‍റുകളും സ്ഥാപിക്കാനുള്ള കരാര്‍ പോലും പലയിടത്തും ഒപ്പുവച്ചിട്ടില്ല. തദ്ദേശ സ്ഥാപനങ്ങളിലെ പദ്ധതികള്‍ക്ക് ജലസ്രോതസ് കണ്ടെത്താനാകാത്ത സ്ഥലങ്ങളുമുണ്ട്. നദികള്‍ കേന്ദ്രീകരിച്ച് കിണറുകളും ശുദ്ധീകരണശാലയും നിര്‍മിച്ചു വെള്ളം എത്തിക്കാനായിരുന്നു പലയിടത്തും പദ്ധതി തയാറാക്കിയത്.
എന്നാല്‍, സ്രോതസ് ദുര്‍ബലമെന്നു കണ്ടതോടെ പഞ്ചായത്തുകള്‍ സംയുക്തമായി ജലസ്രോതസ് കണ്ടെത്തണമെന്ന നിര്‍ദേശമുണ്ടായി. ശുദ്ധീകരണശാല, വാട്ടര്‍ടാങ്ക് തുടങ്ങിയവയ്ക്കാവശ്യമായ സ്ഥലം ഏറ്റെടുത്തു നല്‍കാനാകാത്ത പഞ്ചായത്തുകളും ജില്ലയിലുണ്ട്. പലയിടത്തും ഇറക്കിയിട്ട പൈപ്പുകള്‍ കാടുകയറിക്കിടക്കുകയാണ്. ഇഴജന്തുക്കളുടെ താവളമായി പൈപ്പുകള്‍ മാറിയിരിക്കുകയാണെന്ന് നാട്ടുകാര്‍ കുറ്റപ്പെടുത്തി.
പൈപ്പുകള്‍ കുഴിച്ചിടുകയും ടാപ്പ് കണക്ഷന് നല്‍കുകയും ചെയ്ത സ്ഥലങ്ങളിലും വെള്ളം എത്തിക്കാനുള്ള സംവിധാനമായിട്ടില്ല. കേന്ദ്രസഹായത്തോടെയുള്ള പദ്ധതിയുടെ 50 ശതമാനം തുക സര്‍ക്കാരിനു ലഭിച്ചതാണ്. സംസ്ഥാന സര്‍ക്കാര്‍ ഈ പണം വിനിയോഗിച്ചാണ് പദ്ധതിയില്‍ പ്രാഥമിക ജോലികള്‍ നടത്തിയത്. സംസ്ഥാന സര്‍ക്കാര്‍ വിഹിതം പദ്ധതിയില്‍ പ്രയോജനപ്പെടുത്തിയിട്ടില്ല. ഖജനാവില്‍ പണമില്ലെന്ന പേരിലാണ് കരാറുകാരുടെ പണം ലഭിക്കാതെ വന്നത്.
വള്ളിക്കോട്, നെടുമ്പ്രം, അയിരൂര്‍ എന്നീ മൂന്ന് പഞ്ചായത്തുകളില്‍ മാത്രമാണ് പദ്ധതി 100 ശതമാനം പൂര്‍ത്തിയായത്. കേന്ദ്ര ഫണ്ട് ലഭിക്കാത്തതും സ്ഥലം ഏറ്റെടുപ്പിലെ തടസങ്ങളും കൃത്യമായ ആസൂത്രണമില്ലായ്മാണ് പദ്ധതിയെ ഈ അവസ്ഥയില്‍ എത്തിച്ചതെന്ന് എസ്ഡിപിഐ ജില്ലാ പ്രസിഡന്റ് ഷാനവാസ് മുട്ടാര്‍ കുറ്റപ്പെടുത്തി. സാധാരണക്കാരായ ജനങ്ങളുടെ കുടിവെള്ളം മുട്ടിക്കുന്ന ഇത്തരം മെല്ലെപ്പോക്ക് സര്‍ക്കാരിന്‍റെയും ഉദ്യോഗസ്ഥരുടെയും പിടിപ്പുകേടു മൂലമുണ്ടായതാണ്. കരാറുകാരുടെ കുടിശിക അടിയന്തരമായി തീര്‍പ്പാക്കാനും നിലച്ച ജല്‍ജീവന്‍ പദ്ധതിയുടെ പണികള്‍ യുദ്ധകാലാടിസ്ഥാനത്തില്‍ പുനരാരംഭിക്കാനും സര്‍ക്കാര്‍ തയാറാകണമെന്നും ഷാനവാസ് ആവശ്യപ്പെട്ടു.
തദ്ദേശസ്ഥാപന കരാറുകള്‍ ഏറ്റെടുക്കാനാളില്ല
പത്തനംതിട്ട: തദ്ദേശ സ്ഥാപനങ്ങളിലെ ടാറിംഗ് ജോലികള്‍ അടക്കം ഏറ്റെടുക്കാനാളില്ല. ടാറിന്‍റെ വിലവര്‍ധനയാണ് പ്രധാന കാരണം. പൊതുമരാമത്ത് കരാര്‍ ജോലികള്‍ക്ക് ടാര്‍ വില വര്‍ധിപ്പിച്ചു നല്‍കിയെങ്കിലും തദ്ദേശസ്ഥാപനങ്ങളുടെ കരാര്‍ നിരക്കില്‍ മാറ്റമുണ്ടായില്ല. ഇതോടെ തദ്ദേശ സ്ഥാപനങ്ങളിലെ കരാര്‍ ജോലികള്‍ ഏറ്റെടുക്കാനാളില്ലാത്ത സ്ഥിതിയായി. ഇതിനൊപ്പം ജല്‍ജീവന്‍ പദ്ധതി കൂടി തടസപ്പെട്ടതോടെ കരാറുകാര്‍ ഏറെ പ്രതിസന്ധിയിലായി. കഴിഞ്ഞ മാര്‍ച്ചിനുശേഷം കരാറുകാര്‍ക്ക് പണം ലഭിച്ചിട്ടേയില്ല.
പൊതുമരാമത്ത് നിരക്ക് കൂട്ടിയെങ്കിലും ന്യായമായ വര്‍ധന ടാറിനു ലഭിച്ചിട്ടില്ലെന്ന് കരാറുകാര്‍ പറയുന്നു. ഒരുബാരല്‍ ടാറിന് 18,000 രൂപയാണ് വില. പൊതുമരാമത്ത് നിരക്ക് വര്‍ധിച്ചപ്പോള്‍ ലഭിച്ചത് 9000 രൂപ മാത്രമാണ്. തദ്ദേശ സ്ഥാപനങ്ങളില്‍ 7000 രൂപയാണ നിരക്ക്. സിമന്‍റിനും സമാനമായ സ്ഥിതിയാണ്. 270 രൂപയാണ് സിമന്‍റ് നിരക്ക്.
ക്രഷര്‍ ഉത്പന്നങ്ങളുടെ വിലയിലും അടിക്കടി വര്‍ധനയാണ്. ഇതോടെ തദ്ദേശസ്ഥാപനങ്ങളുടെ ജോലികള്‍ ആരും ഏറ്റെടുക്കില്ല. വന്‍ പ്രതിസന്ധിയിലായ കരാറുകാര്‍ പുതുതായി ജോലി ഏറ്റെടുക്കുന്നില്ല. കുടിശിക കാരണം കരാറുകാര്‍ക്ക് ബാധ്യതയേറിയിരിക്കുകയാണ്. ബാങ്ക് വായ്പയും ജപ്തി ഭീഷണിയും കാരണം കരാറുകാര്‍ ഏറെ നിരാശയിലാണെന്ന് ഗവണ്‍മെന്‍റ് കോണ്‍ട്രാക്‌ടേഴ്‌സ് അസോസിയേഷന്‍ സംസ്ഥാന സെക്രട്ടറി തോമസുകുട്ടി തേവരുമുറിയില്‍ പറഞ്ഞു.
Pathanamthitta
തിരുവല്ല: പ്രഭാത നടത്തത്തിനിടെ യുവാവിന് തെരുവ് നായയുടെ കടിയേറ്റു. തിരുവല്ല ബിലീവേഴ്‌സ് ആശുപത്രിയിലെ ജീവനക്കാരനായ പെരിങ്ങര കൊച്ചുപുരയ്ക്കല്‍ വീട്ടില്‍ രഞ്ജി വി. തോമസിനാണ് ( 33 ) കടിയേറ്റത്. ഇന്നലെ രാവിലെ ആറോടെ കാവുംഭാഗം-ചാത്തങ്കരി റോഡിലെ പെരിങ്ങര വന്ദനപ്പടിക്ക് സമീപമായിരുന്നു സംഭവം.
പതിവ് പ്രഭാത നടത്തത്തിന് ഇറങ്ങിയ രഞ്ജി വന്ദനപ്പടിയില്‍ എത്തിയപ്പോള്‍ കുരച്ച് പാഞ്ഞടുത്ത നായ ചാടി വീഴുകയായിരുന്നു. വലതുകാലിന്‍റെ മുട്ടിന് കടിയേറ്റതോടെ നായയെ പ്രതിരോധിക്കാന്‍ ശ്രമിച്ചു. ഇതോടെ ഇടത കൈത്തണ്ടയ്ക്കും കടിയേറ്റു. നായയുമായുള്ള മല്‍പ്പിടിത്തത്തതിനിടെ നിലത്തു വീഴുകയും പരിക്കേല്‍ക്കുകയും ചെയ്തു. സംഭവസമയം ഇതുവഴി കടന്നുപോയ ബൈക്ക് യാത്രികര്‍ വാഹനം നിര്‍ത്തി ബഹളം വച്ചതോടെ നായ ഓടി ക്ഷപെട്ടു. പരിക്കേറ്റ രഞ്ജി ബന്ധുക്കളുടെ സഹായത്തോടെ തിരുവല്ല താലൂക്ക് ആശുപത്രിയില്‍ ചികിത്സ തേടി.
Pathanamthitta
പത്തനംതിട്ട: സാക്ഷരതാ മിഷനും കേരള മഹിളാ സമഖ്യ സൊസൈറ്റിയും സംയുക്തമായി നടപ്പിലാക്കുന്ന മുന്നേറ്റം- പട്ടികവര്‍ഗ സാക്ഷരതാ തുടര്‍ വിദ്യാഭ്യാസ പദ്ധതിയുടെ ജില്ലാതല ഉദ്ഘാടനം ളാഹ മഞ്ഞത്തോട് ആദിവാസി ഊരില്‍ ജില്ലാ പഞ്ചായത്ത് പ്രസിഡന്റ് ദീനാമ്മ റോയ് നിര്‍വഹിച്ചു. പട്ടികവര്‍ഗ വിഭാഗക്കാരെ തുടര്‍ വിദ്യാഭ്യാസത്തിലൂടെ സമൂഹത്തിന്‍റെ മുഖ്യധാരയില്‍ എത്തിക്കുക, തുടര്‍പഠനം സാധ്യമാക്കുക, സ്ത്രീശക്തീകരണം സാധ്യമാക്കുക എന്നിവയാണ് മുന്നേറ്റം പദ്ധതിയിലൂടെ ലക്ഷ്യമിടുന്നത്.
ഇതിന്റെ ഭാഗമായി വിവരശേഖരണം നടത്തി സാക്ഷരത, നാലാം തരം, ഏഴാം തരം, പത്താംതരം, ഹയര് സെക്കന്‍ഡറി തുല്യതാ പ്രത്യേക ക്ലാസുകള്‍ പട്ടികവര്‍ഗ മേഖലകളില്‍ ആരംഭിക്കും. നിരക്ഷരര്‍ക്ക് 120 മണിക്കൂര്‍ ക്ലാസ് നല്കി പാതിവഴിയില്‍ പഠനം ഉപേക്ഷിച്ചവര്‍ക്കും വേണ്ടി പട്ടികവര്‍ഗ ഊരുകളില്‍ നാലാം തരം തുല്യതാ കോഴ്സ് ആരംഭിക്കും. ആറുമാസം അവധി ദിവസങ്ങളിലും വൈകുന്നേരങ്ങളിലും ജോലിയെ ബാധിക്കാതെ ക്ലാസ് നല്കി പരീക്ഷ നടത്തി നാലാം തരത്തിന് തുല്യമായ ഗവണ്‍മെന്‍റ് സര്‍ട്ടിഫിക്കറ്റ് നല്കും.
എസ്എസ്എല്‍സി ജയിച്ചവര്‍ക്കു വേണ്ടി ഹയര് സെക്കന്‍ഡറി തുല്യതാ കോഴ്‌സും ആരംഭിക്കും. ഹയര് സെക്കന്‍ഡറി സര്‍ട്ടിഫിക്കറ്റ് ലഭിച്ചവര്‍ക്ക് ഏത് യൂണിവേഴ്‌സിറ്റിയിലും ചേര്‍ന്ന് ഡിഗ്രി പഠനം നടത്താനുള്ള അവസരവും ഉണ്ട്.
ചടങ്ങില്‍ റാന്നി ബ്ലോക്ക് പഞ്ചായത്ത് വൈസ് പ്രസിഡന്റ് ബിനു വയറന്‍മരുതി അധ്യക്ഷത വഹിച്ചു. സാക്ഷരതാ മിഷന് ജില്ലാ കോ ഓര്‍ഡിനേറ്റര്‍ പി. പ്രശാന്ത്കുമാര്‍ മുഖ്യപ്രഭാഷണം നടത്തി. മഹിള സമഖ്യ ജില്ലാ പ്രോഗ്രാം കോ ഓര്‍ഡിനേറ്റര്‍ പി.പി. ആശ പദ്ധതി വിശദീകരിച്ചു. റാന്നി പെരുനാട് ഗ്രാമപഞ്ചായത്ത് അംഗങ്ങളായ പി.എസ്. ഉത്തമന്‍, സതീഷ് മോന്‍, ഊര് മൂപ്പന്‍മാരായ വി.കെ. രാജു, നാരായണന്‍, സിഡിഎസ് ചെയര്പേഴ്സണ് ശശികല, ഫോറസ്റ്റ് ഓഫീസര്‍ ഗോവിന്ദ്, എസടി പ്രമോട്ടര്‍ വി.ബി. ബിജി, റാന്നി പെരുനാട് ഗ്രാമപഞ്ചായത്ത് പ്രേരക് എം.എസ്. സുമംഗല,ജില്ലാ സാക്ഷരതാ മിഷന് ജീവനക്കാരി സുമ, മഹിള സമഖ്യ സേവിനി എസ്. രജനി തുടങ്ങിയവര്‍ പ്രസംഗിച്ചു.
Pathanamthitta
ചരല്‍ക്കുന്ന്: ആയുര്‍വേദ ആശുപത്രികളിലെ നഴ്‌സുമാരുടെ അധിക തസ്തിക സൃഷ്‌ടിച്ച് നാഷണല്‍ ആയുഷ് മിഷന്‍റെ സാധ്യതകള്‍ കൂടി പ്രയോജനപ്പെടുത്തി ഡ്യൂട്ടി സമയം കാലോചിതമായി പരിഷ്‌കരിക്കുകയും ത്രീ ഷിഫ്റ്റ് ഡ്യൂട്ടി സംവിധാനം ഉള്‍പ്പെടെ നടപ്പിലാക്കുകയും ചെയ്യുന്ന കാര്യം സര്‍ക്കാര്‍ പരിഗണിക്കണമെന്ന് ആന്‍റോ ആന്റണി എംപി. ആയുര്‍വേദ നഴ്‌സസ് അസോസിയേഷന്‍ 38 ാമത് സംസ്ഥാന സമ്മേളനത്തിലെ പൊതുസമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. .
ആയുര്‍വേദ നഴ്‌സുമാരുടെ വിവിധ സേവന, വേതന പ്രശ്നങ്ങളും തൊഴില്‍പരമായ ആവശ്യങ്ങളും പരിഹരിക്കേണ്ടതിന്‍റെ പ്രാധാന്യം അദ്ദേഹം ചൂണ്ടിക്കാട്ടി. ആശുപത്രികളിലെ രോഗീപരിചരണത്തിന്‍റെ ഗുണനിലവാരം ഉയര്‍ത്തുന്നതിനും നഴ്‌സുമാരുടെ ജോലി ഭാരം കുറച്ച് മെച്ചപ്പെട്ട തൊഴില്‍ സാഹചര്യം ഉറപ്പാക്കുന്നതിനും ഡ്യൂട്ടി സമയത്തിലെ പരിഷ്കരണം അനിവാര്യമാണെന്നും എംപി പറഞ്ഞു.
പൊതുസമ്മേളനത്തില്‍ ഭാരതീയ ചികിത്സാ വകുപ്പ് ജോയിന്റ് ഡയറക്ടര് ഡോ. വി. ബിന്ദു മുഖ്യപ്രഭാഷണം നടത്തി. നാഷണല്‍ ആയുഷ് മിഷന് സ്റ്റേറ്റ് മിഷന് ഡോ. എച്ച്. മുഹ്‌സിന മുഖ്യാതിഥിയായിരുന്നു. സംസ്ഥാന പ്രസിഡന്റ് ആര്.മിനി അധ്യക്ഷത വഹിച്ച സമ്മേളനത്തില്‍ ജനറല്‍ സെക്രട്ടറി ജോയ്സണ് ജോസ് സ്വാഗതവും സംസ്ഥാന ട്രഷറര്‍ ടി വി രാജേഷ് നന്ദിയും പറഞ്ഞു.
പ്രതിനിധി സമ്മേളനം പ്രശസ്ത സിനിമാ സംവിധായകനും എഴുത്തുകാരനുമായ ക്രവിയൂര്‍ ശിവപ്രസാദ് ഉദ്ഘാടനം ചെയ്തു. വൈസ് പ്രസിഡന്റ് പി.ആര്. രജനി അധ്യക്ഷത വഹിച്ചു. കെ.എ. ബഷീര്‍, സംസ്ഥാന പ്രസിഡന്റ് എ.ആര്.ഹാഷിം, സെക്രട്ടറി ആര്. അനൂപ്, എസ്. റജീന, വൈസ് പ്രസിഡന്റ് പി.ആര്. രജനി, ജില്ലാ സെക്രട്ടറി എസ്. അമല്‍ തുടങ്ങിയവര്‍ പ്രസംഗിച്ചു.
Pathanamthitta
തുമ്പമണ്‍: കുട്ടികളുടെ സര്‍ഗാത്മക കഴിവുകളും പ്രതിഭകളും പ്രോത്സാഹിപ്പിക്കുന്നതിനായി തുമ്പമണ്‍ എന്എസ്കെ ഇന്‍റര്‍നാഷണല്‍ സ്‌കൂളിന്‍റെ ആഭിമുഖ്യത്തില്‍ സംഘടിപ്പിച്ച അന്തര്‍വിദ്യാലയ കലോത്സവം മിനി മിറാക്കിള്‍സ് ദി കിഡ്സ് ഫെസ്റ്റ് 2026 വര്‍ണാഭമായ പരിപാടികളോടെ സമാപിച്ചു. പത്തനംതിട്ട, ആലപ്പുഴ ജില്ലകളിലെ തെരഞ്ഞെടുക്കപ്പെട്ട 10 പ്രമുഖ വിദ്യാലയങ്ങളില്‍ നിന്നുള്ള കുട്ടികളാണ് കലോത്സവത്തില്‍ മാറ്റുരച്ചത്.
പോപ്കിന്‍ പ്ലേ കിഡ് (പന്തളം), ബ്ലോസംസ് മോണ്ടിസോറി പ്ലേ സ്‌കൂള്‍ (അടൂര്‍), ട്രാവന്‍കൂര്‍ ഇന്‍റര്‍നാഷണല്‍ സീനിയര്‍ സെക്കന്‍ഡറി സ്‌കൂള്‍ (അടൂര്‍), വിനിലാന്‍ഡ് അക്കാഡമി (പത്തനംതിട്ട), ലേ മോണ്ട് ഗ്രീന്‍ സ്‌കൂള്‍ (വാഴമുട്ടം ഈസ്റ്റ്), ശ്രീ അദ്വയനന്ദ പബ്ലിക് സ്‌കൂള്‍ (മലക്കര), ലിറ്റില്‍ കിംഗ്ഡം ജൂനിയര്‍ സ്‌കൂള്‍, ദി ബാന്യന്‍ സ്‌കൂള്‍ (അടൂര്‍), മൗണ്ട് സിയോണ്‍ സെന്‍ട്രല്‍ സ്‌കൂള്‍ (വടശേരിക്കര), ദി ബാന്യന്‍ കിഡ്സ് (കടമ്പനാട്) എന്നീ വിദ്യാലയങ്ങളിലെ കുരുന്നുകളാണ് വിവിധ ഇനങ്ങളിലായി മാറ്റുരച്ചത്.
കിഡ് ഓഫ് കേരള പട്ടം നേടിയ ദേശീയ ബാല മോഡല്‍ ഒന്‍പതുവയസുകാരി ഏഞ്ചലിന്‍ അജി ഭദ്രദീപം കൊളുത്തി കലോത്സവം ഉദ്ഘാടനം ചെയ്തു. തുടര്‍ന്ന് കുരുന്നുകള്‍ക്ക് പ്രചോദനമേകി ഏഞ്ചലിന്‍ അജി വേദിയില്‍ റാംപ് വാക്ക് അവതരിപ്പിച്ചു. എന്എസ്കെ ഇന്‍റര്‍നാഷണല്‍ സ്‌കൂള്‍ ചെയര്‍മാന്‍ എന്‍. സുരേന്ദ്ര കുമാര്‍ അധ്യക്ഷത വഹിച്ചു. പ്രിന്‍സിപ്പൽ സി. ലതാ പ്രകാശ് മുഖ്യപ്രഭാഷണവും അക്കാദമിക് കോ-ഓര്‍ഡിനേറ്റര്‍ ശ്രീജ ശശിധരന്‍ ആമുഖ പ്രഭാഷണവും നടത്തി. അഡ്മിന്‍ ഹെഡ് അല്ലി സി. മന്ത്രി, സ്‌കൂള്‍ ഡയറക്ടര് കാര്‍ത്തികേയന്‍ പിള്ള, ഫിനാന്‍സ് മാനേജര്‍ ജയപ്രകാശ് എന്നിവര്‍ പ്രസംഗിച്ചു. രണ്ടാം ക്ലാസ് വിദ്യാര്‍ഥികളായ ഇഷിത ആദര്‍ശ് സ്വാഗതവും മാസ്റ്റര്‍ നൈതിക് സുബിന്‍ നന്ദിയും പറഞ്ഞു. കൊച്ചുകുട്ടികള്‍ തന്നെയാണ് അവതാരകരായി വേദി നയിച്ചത്.
പള്‍സ്, എക്കോ, സ്പാര്‍ക്ക് എന്നീ മൂന്ന് പ്രത്യേക വേദികളിലായി നടന്ന മത്സരങ്ങളില്‍ സമാപന സമ്മേളനത്തില്‍ വിജയികള്‍ക്കുള്ള ട്രോഫികളും സര്‍ട്ടിഫിക്കറ്റുകളും എന്എസ്കെ ഇന്റര്‍നാഷണ്‍ സ്‌കൂള്‍ ചെയര്‍മാന്‍ എന്‍. സുരേന്ദ്ര കുമാര്‍, മുഖ്യാതിഥി കുമാരി ഏഞ്ചലിന്‍ അജി, പ്രിന്‍സിപ്പാള്‍ സി. ലതാ പ്രകാശ് എന്നിവര്‍ ചേര്‍ന്ന് വിതരണം ചെയ്തു. ഇഎല്‍സി കോ-ഓര്‍ഡിനേറ്റര്‍ മെര്‍ലിന്‍ സാറ രാജു നന്ദി പറഞ്ഞു.
Pathanamthitta
അടൂര്‍: ഏഴംകുളം മാര്‍ ഗ്രിഗോറിയോസ് ഓര്ത്തഡോക്സ് പള്ളിയിലെ പെരുന്നാള്‍ കൊടിയേറ്റ് ഇടവക വികാരി ഫാ. തോമസ് വര്‍ഗീസ് ചാവടിയില്‍ നിര്‍വഹിച്ചു. 14 വരെയാണ് പെരുന്നാള്‍. 12നു വൈകുന്നേരം ആറിന് സന്ധ്യാനമസ്‌കാരം, 6.45ന് ഗാനശുശ്രൂഷ, ഏഴിന് ഫാ. ജോണ്‍ സ്ലീബാ മുഖത്തല വചനശുശ്രൂഷ നടത്തും.
13നു രാവിലെ 7.15ന് കുര്‍ബാന. ഏബ്രഹാം ഇഞ്ചക്കലോടി കോര്‍ എപ്പിസ്‌കോപ്പ കാര്‍മികത്വം വഹിക്കും, വൈകുന്നേരം 5.45ന് ഗീവര്‍ഗീസ് മാര്‍ പീലക്‌സിനോസ് മെത്രാപ്പോലീത്തയ്ക്ക് സ്വീകരണം, ആറിന് സ്ന്ധ്യാപ്രാര്‍ഥന, 6.45ന് പെരുന്നാള്‍ പ്രദക്ഷിണം.
14നു രാവിലെ എട്ടിന് ഗീവര്‍ഗീസ് മാര്‍ പീലക്‌സിനോസ് മെത്രാപ്പോലീത്തയുടെ കാര്‍മികത്വത്തില്‍ മൂന്നിന്മേല്‍ കുര്‍ബാന, തുടര്‍ന്ന് പെരുന്നാള്‍ സന്ദേശം, പ്രദക്ഷിണം, ഇടവകയ്ക്കായി തയാറാക്കിയ വെബ്‌സൈറ്റ് ഉദ്ഘാടനം, നേര്‍ച്ചവിളമ്പ്, കൊടിയിറക്ക്.
ഇടവക വികാരി ഫാ. തോമസ് വര്‍ഗീസ് ചാവടിയില്‍, ട്രസ്റ്റി ലിനു പൈനുംമൂട്ടില്‍, സെക്രട്ടറി തോമസ് തരകന്‍ പുത്തന്‍വിളയില്‍, കണ്‍വീനര്‍ ബിജു കോട്ടൂര്‍ എന്നിവര്‍ പെരുന്നാള്‍ ക്രമീകരണങ്ങള്‍ക്ക് നേതൃത്വം നല്കും.
Pathanamthitta
പുല്ലാട്: ടികെ റോഡില്‍ പുല്ലാട് മാടോലിപ്പടിക്കു സമീപം സാന്ട്രോ കാര്‍ ഓട്ടത്തിനിടെ തീ പിടിച്ചു. ഇന്നലെ പുലര്‍ച്ചെ പുല്ലാട് പെട്രോള് പമ്പില്‍ നിന്നിറങ്ങിവന്ന കാറാണ് അഗ്നിക്കിരയായത്. കാര്‍ ഓടിച്ചിരുന്ന പുറമറ്റം കാട്ടാത്തില്‍ മഹന്ദ് കൃഷ്ണന്‍ പരിക്കേല്‍ക്കാതെ രക്ഷപെട്ടു. കാറില്‍ നിന്നും പ്രത്യേക ഗന്ധവും പുകയും കണ്ടതിനേ തുടര്‍ന്ന് സൈഡിലേക്ക് നിര്‍ത്തിയശേഷം പുറത്തിറങ്ങുകയായിരുന്നു. തിരുവല്ലയില്‍ നിന്നെത്തിയ അഗ്‌നിശമനസേനാസംഘം തീ അണച്ചു. കാര്‍ പൂര്‍ണമായി അഗ്‌നിക്കിരയായി.
Pathanamthitta
വടശേരിക്കര: വടശേരിക്കരയില്‍ സ്ഥിരമായ പൊലിസ് സ്റ്റേഷന് സ്ഥാപിക്കുമെന്ന് മന്ത്രി രമേശ് ചെന്നിത്തല. നിലയ്ക്കലില്‍ പുതിയതായി നിര്‍മിച്ച പൊലിസ് ബാരക്കിന്‍റെ ഉദ്ഘാടന ചടങ്ങിലാണ് മന്ത്രി ഇക്കാര്യം അറിയിച്ചത്. വടശേരിക്കരയില്‍ സ്ഥിരമായ പൊലിസ് സ്റ്റേഷന് വേണമെന്ന് പഴകുളം മധു എംഎല്‍എ അഭ്യര്‍ഥിച്ചിരുന്നു എന്നും ഇതുപ്രകാരം ഡിജിപിയോട് ആവശ്യമായ നടപടി സ്വീകരിക്കാന്‍ ആവശ്യപ്പെട്ടിട്ടുണ്ടെന്നും മന്ത്രി പറഞ്ഞു. മുഖ്യമന്ത്രിയുമായി കൂടി ചര്‍ച്ച നടത്തി തുടര്‍നടപടി സ്വീകരിക്കുമെന്നും രമേശ് ചെന്നിത്തല അറിയിച്ചു.
ശബരിമല പാതയിലെ പ്രധാന ഇടത്താവളങ്ങളില്‍ ഒന്നാണ് വടശേരിക്കര. എല്ലാവര്‍ഷവും തീര്‍ഥാടന കാലത്ത് ഇവിടെ താത്കാലിക പൊലിസ് സ്റ്റേഷനാണ് ക്രമീകരിക്കുന്നത്. എന്നാല്‍ പമ്പയിലും നിലയ്ക്കലും തീര്‍ഥാടകരുടെ തിരക്ക് വര്‍ധിക്കുമ്പോള്‍ തിരക്ക് നിയന്ത്രണവും ഗതാഗത ക്രമീകരണങ്ങളും അടക്കമുള്ള പൊലിസിന്‍റെ പ്രവര്‍ത്തനങ്ങള്‍ കൂടുതല്‍ കാര്യക്ഷമമാക്കാന്‍ വടശേരിക്കരയില്‍ ഒരു സ്ഥിരമായ സ്റ്റേഷന് വേണമെന്നുള്ളത് നടിന്‍റെ ഏറെ നാളായുള്ള ആവശ്യമായിരുന്നുവെന്ന് എംഎല്‍എ പറഞ്ഞു.
Pathanamthitta
പത്തനംതിട്ട: ശബരിമല മണ്ഡല - മകരവിളക്ക് മഹോത്സവം ഏറ്റവും മികച്ച രീതിയില്‍ പൂര്‍ത്തിയാക്കാന്‍ പൊലിസ് സജ്ജമെന്ന് ആഭ്യന്തര മന്ത്രി രമേശ് ചെന്നിത്തല. നിലയ്ക്കലില്‍ ചേര്‍ന്ന ശബരിമല അവലോകന യോഗത്തില്‍ വിവിധ വകുപ്പുകളുടെ സുരക്ഷാമുന്നൊരുക്കങ്ങള്‍ വിലയിരുത്തുകയായിരുന്നു മന്ത്രി.
തീര്‍ഥാടനം സുഗമമാക്കുന്നതില്‍ പൊലിസിന്‍റെ പങ്ക് പ്രധാനമാണ്. സന്നിധാനം, പമ്പ നിലയ്ക്കല്‍ എന്നീ മൂന്നു മേഖലകളായി തിരിച്ചാണ് പ്രവര്‍ത്തനം. എഡിജിപി (ക്രമസമാധാനം) പി. വിജയനാണ് ശബരിമല പോലിസ് നോഡല്‍ ഓഫിസര്‍. 10 മുതല്‍ 12 ദിവസം വരെ ദൈര്‍ഘ്യമുള്ള ആറ് ഘട്ടങ്ങളായാണ് പൊലിസ് വിന്യാസം. ഓരോ ഘട്ടത്തിലും മൂന്നു സ്ഥലങ്ങളിലും എസ്പി റാങ്കിലുള്ള സ്‌പെഷ്യല്‍ ഓഫിസറെയും അഡീഷണല്‍ എസ്പി, സീനിയര്‍ ഡിവൈഎസ്പി റാങ്കിലുള്ള അസിസ്റ്റന്‍റ്് സ്പെഷൽ ഓഫിസറെയും നിയോഗിക്കും.
എരുമേലിയില്‍ തിരക്ക് നിയന്ത്രണം, വാഹനങ്ങളുടെ പാര്‍ക്കിംഗ്, ട്രാഫിക് നിയന്ത്രണം എന്നിവയ്ക്കായി നടപടി സ്വീകരിക്കും. പരമ്പരാഗത പാതകളായ എരുമേലി - പമ്പ, വണ്ടിപ്പെരിയാര്‍ - പുല്‍മേട്, വണ്ടിപ്പെരിയാര്‍ - സ്‌പെന്‍സര്‍ ജംഗ്ഷന് -ശബരിമല എസ്റ്റേറ്റ് - സത്രം - പുല്ലുമേട്, സത്രം - വള്ളക്കടവ് - കാക്കിക്കവല - വണ്ടിപ്പെരിയാര്‍ എന്നിവിടങ്ങളിലും ഭക്തജനങ്ങളുടെ തിരക്ക് അനുഭവപ്പെടുന്ന ഉപ്പുപാറ, പുല്ലുംപാറ, കോഴിക്കാനം, മുക്കുഴി, കാളകെട്ടി, അഴുത, സത്രം, പരുന്തന്‍പാറ എന്നിവിടങ്ങളിലും ആവശ്യമായ പോലിസ് സാന്നിധ്യം ഉറപ്പാക്കും. സന്നിധാനം, പമ്പ, നിലയ്ക്കല്‍ എന്നിവടങ്ങളില്‍ സിസിടിവി സംവിധാനം ശക്തമാക്കും.
സന്നിധാനം, പമ്പ എന്നിവടങ്ങളലെ കെട്ടിടങ്ങളുടെയും താല്‍ക്കാലിക ഷെഡുകളുടെയും ഫിറ്റ്‌നെസ് പൊതുമരാമത്ത് കെട്ടിട വിഭാഗം പരിശോധിച്ച് ഉറപ്പാക്കണം. നിലയ്ക്കലിലെ റോഡ്, പാര്‍ക്കിംഗ് ഗ്രൗണ്ട് എന്നിവയുടെ അറ്റകുറ്റപ്പണി ദേവസ്വം ബോര്‍ഡ് അടിയന്തരമായി പൂര്‍ത്തിയാക്കണം. പുല്ലുമേട്ടിലും മറ്റ് അപകട സാധ്യതയുള്ള ഇടങ്ങളിലും ആരോഗ്യവകുപ്പിന്‍റെയും അഗ്നി സുരക്ഷ വകുപ്പിന്‍റെയും സേവനം ഉറപ്പാക്കും. കേരളത്തിന് പുറത്തുനിന്നെത്തുന്ന തീര്‍ഥാടകര്‍ക്കായി നെടുമ്പാശേരി വിമാനത്താവളത്തിലും ചെങ്ങന്നൂർ റെയില്‍വേ സ്റ്റേഷനിലും റിസപ്ഷന്‍ ഓഫിസ് ക്രമീകരിക്കുമെന്നും മന്ത്രി പറഞ്ഞു.
ചടങ്ങില്‍ പഴകുളം മധു എംഎല്‍എ അധ്യക്ഷത വഹിച്ചു. ഡിജിപി റവാഡ ചന്ദ്രശേഖർ, എഡിജിപി (ക്രമസമാധാനം) യും ശബരിമല പൊലിസ് നോഡൽ ഓഫിസറുമായ പി. വിജയൻ, എഡിജിപി (ഇന്‍റലിജിന്‍സ് ) ദിനേന്ദ്ര കശ്യപ്, ദക്ഷിണമേഖല ഐജി പി. പ്രകാശ്, പത്തനംതിട്ട ജില്ലാ കളക്ടർ എ.നിസാമുദ്ദീന്‍, ദേവസ്വം ബോര്‍ഡ് പ്രസിഡന്റ് കെ. ജയകുമാര്‍, പത്തനംതിട്ട എസ്പി ആര്. ആനന്ദ്, ശബരിമല എഡിഎം ദിലീപ് കെ. കൈനിക്കര, ദേവസ്വം കമ്മിഷണര്‍ ബി. സുനില്‍കുമാർ, പത്തനംതിട്ട, ഇടുക്കി, കോട്ടയം, ആലപ്പുഴ ജില്ലകളിലെ ഉന്നത ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
ശബരിമല പൂങ്കാവന പ്രദേശം മദ്യം,
മയക്കുമരുന്ന് വിമുക്ത മേഖലയായി പ്രഖ്യാപിച്ചു
പത്തനംതിട്ട: ശബരിമല മണ്ഡല-മകരവിളക്ക് ഉത്സവത്തോടനുബന്ധിച്ച് പൂങ്കാവന പ്രദേശം മദ്യം, മയക്കുമരുന്ന്, പുകയില ഉത്പന്നങ്ങളുടെ വില്പനയും ഉപഭോഗവും നിരോധിച്ച മേഖലയായി പ്രഖ്യാപിച്ച് ഉത്തരവായി. 15 മുതല്‍ 2027 ജനുവരി 20 വരെയാണ് നിരോധനം ഏര്‍പ്പെടുത്തിയിട്ടുള്ളത്. ഇതിന്റെ ഭാഗമായി സന്നിധാനം, പമ്പ, നിലയ്ക്കല്‍ എന്നിവിടങ്ങളില്‍ താല്‍ക്കാലിക എക്സൈസ് റേഞ്ച് ഓഫിസുകളുടെ പ്രവര്‍ത്തനം ആരംഭിച്ചു. പമ്പ കേന്ദ്രീകരിച്ച് അസിസ്റ്റന്‍റ് എക്സൈസ് കമ്മിഷണറുടെ നേതൃത്വത്തിലുള്ള കണ്ട്രോള് റൂം നവംബര്‍ 15 മുതല്‍ പ്രവര്‍ത്തനം ആരംഭിക്കും.
റാന്നി താലൂക്കിലെ പെരുനാട് വില്ലേജില്‍ ഉള്‍പ്പെടുന്ന ചാലക്കയം, പമ്പ, പമ്പ റിവർ, ത്രിവേണി, കരിമല, ചെറിയാനവട്ടം, വലിയാനവട്ടം, നീലിമല, ശബരിപീഠം, മരക്കൂട്ടം, സന്നിധാനം, കുമ്പളാംതോട്, ഒരക്കുഴി, പ്ലാപ്പള്ളി, നിലയ്ക്കൽ, അട്ടത്തോട്, കൊല്ലമൂഴി എന്നീ പ്രദേശങ്ങളിലും കൊല്ലമുള വില്ലേജിലെ പമ്പാവാലിയിലും (അരയാഞ്ഞിലിമണ്‍ ഒഴികെ) നിരോധനം ബാധകമാണ്.
പമ്പ, നിലയ്ക്കൽ, അട്ടത്തോട്, ആങ്ങമൂഴി, ഗവി, കോന്നി, റാന്നി താലൂക്കുകളിലെ വനമേഖലകള്‍ എന്നിവിടങ്ങളില്‍ എക്സൈസ്, പൊലിസ്, വനംവകുപ്പ് സംയുക്ത പരിശോധനകളും റെയ്ഡുകളും നടത്തിവരുന്നു. മദ്യനിരോധനം സംബന്ധിച്ച മുന്നറിയിപ്പ് ബോര്‍ഡുകള്‍ വിവിധ ഭാഷകളില്‍ പൂങ്കാവന പ്രദേശത്ത് സ്ഥാപിച്ചിട്ടുണ്ട്. മണ്ണാറക്കുളഞ്ഞി മുതല്‍ പമ്പ വരെ എക്സൈസ് വകുപ്പിന്‍റെ നേതൃത്വത്തില്‍ 24 മണിക്കൂറും വാഹനപരിശോധന നടത്തും.
എന്ഫോഴ്സ്മെന്റ് പ്രവര്‍ത്തനങ്ങള്‍ക്കായി ജില്ലയുടെ വിവിധ ഭാഗങ്ങളില്‍ രണ്ട് സ്ട്രൈക്കിങ് യൂണിറ്റുകളെയും നിയോഗിച്ചിട്ടുണ്ട്. തീര്‍ഥാടകരും വ്യാപാരികളും ഉൾപ്പടെ ശബരിമല, പമ്പ, നിലയ്ക്കല്‍ മേഖലകളിലെത്തുന്ന എല്ലാവരും നിരോധനവുമായി ബന്ധപ്പെട്ട നിര്‍ദേശങ്ങള്‍ പാലിക്കണം.
മദ്യ-മയക്കുമരുന്ന് സംബന്ധമായ വിവരങ്ങള്‍ ജില്ലാ കണ്ട്രോള് റൂം നമ്പരായ 0468-2222873 ലും ടോള്‍ ഫ്രീ നമ്പരായ 155358 ലും അറിയിക്കണമെന്ന് ഡെപ്യൂട്ടി എക്സൈസ് കമ്മിഷണര്‍ എം. സൂരജ് അറിയിച്ചു.
Pathanamthitta
പത്തനംതിട്ട: പമ്പയിൽ നിന്നും ശബരിമലയിലേക്ക് ട്രാക്റ്റർ ഉപയോഗിച്ച് ചരക്ക് നീക്കം നടത്തുന്നതിലൂടെ പ്രതി വർഷം ലക്ഷങ്ങൾ ദേവസ്വം ബോർഡിന് ചെലവാകുമ്പോൾ ബദലായി വിഭാവന ചെയ്ത റോപ്പ് വേ സംവിധാനം നടപ്പാകാൻ ഇനിയും കാലതാമസം ഉണ്ടാകുമെന്ന് സൂചന. സീസണിൻ ഏറ്റവും അധികം ഭക്തർ ഉപയോഗിക്കുന്ന സ്വാമി അയ്യപ്പൻ പാതയിലൂടെയാണ് കുത്തനെയുള്ള കയറ്റവും ഇറക്കവും വകവയ്ക്കാതെ ട്രാക്‌റ്ററുകൾ തലങ്ങും വിലങ്ങും പായുന്നത്. വൻ അപകടസാധ്യതയാണ് ഇത് വരുത്തി വയ്ക്കുന്നത്. കൂടാതെ നീലിമല, അപ്പാച്ചിമേട് കയറ്റം കയറുമ്പോൾ ഹൃദയാഘാതം സംഭവിക്കുന്ന ഭക്തരെ സുരക്ഷിതമായി ആശുപത്രിയിൽ എത്തിക്കാൻ നിലവിൽ ഡോളി സൗകര്യം മാത്രമാണുള്ളത്.
റോപ്പ് വേ വന്നാൽ ചരക്കുനീക്കം സുഗമമാക്കുന്നതിനും രോഗികളെ ആയാസ രഹിതമായി യഥാസമയം ആശുപത്രിയിൽ എത്തിക്കുന്നതിനും നിഷ്‌പ്രയാസം സാധിക്കും. എന്നാൽ പദ്ധതി നടപ്പാക്കാൻ നിരവധി തടസങ്ങളാണ് നിലവിലുള്ളത്.
വനം- റവന്യുതർക്കം
ശബരിമല റോപ്പ് വേ പദ്ധതി 2011-ൽ ആണ് വിഭാവന ചെയ്തത്. എന്നാൽ 15 വർഷം കഴിഞ്ഞിട്ടും പദ്ധതി പ്രാവർത്തികമായിട്ടില്ല. റവന്യു-വനം വകുപ്പുകൾ തമ്മിലുള്ള ഭൂമി തർക്കമാണ് പദ്ധതി അനിശ്ചിതമായി നീളാൻ കാരണം. ശബരിമല മാസ്റ്റർ പ്ലാനിന്‍റെ ഭാഗമായി 250 കോടി രൂപ ചെലവിലാണ് പദ്ധതി നടപ്പക്കാൻ രൂപരേഖ തയാറാക്കിയത്. പെരിയാർ കടുവാ സങ്കേതത്തിൽ ഉൾപ്പെടുന്ന 4.5 ഹെക്‌ടറോളം വനഭൂമിയാണ് പദ്ധതിക്കായി ഏറ്റെടുക്കേണ്ടത്. വനനിയമപ്രകാരം ഇതിന് പകരമായി വനംവകുപ്പിന് തുല്യമായ റവന്യു ഭൂമി നൽകണം.
എന്നാൽ ഇതിനായി റവന്യു വകുപ്പ് കണ്ടെത്തുന്ന ഭൂമികളെല്ലാം വനംവകുപ്പ് തള്ളിക്കളയുന്നതാണ് പ്രധാന തടസം. ആദ്യം ഇടുക്കിയിലെ കഞ്ഞിക്കുഴിയിൽ കണ്ടെത്തിയ ഭൂമി അനുയോജ്യമല്ലെന്ന് കാട്ടി വനംവകുപ്പ് തടസവാദം ഉന്നയിച്ചിരുന്നു. തുടർന്ന് കൊല്ലം ശെന്തുരുണി വൈൽഡ് ലൈഫ് ഡിവിഷനിൽപ്പെട്ട കട്ടിളപ്പാറയിലെ 4.5 ഹെക്ടർ ഭൂമി റവന്യു വകുപ്പ് നിർദേശിച്ചെങ്കിലും, ഇതും വന്യജീവി സങ്കേതത്തിനുള്ളിലെ വനഭൂമി തന്നെയാണെന്ന് ചൂണ്ടിക്കാട്ടി വനംവകുപ്പ് എതിർപ്പ് പ്രകടിപ്പിച്ചിരിക്കുകയാണ്.
വനംവകുപ്പിന് കൈമാറേണ്ട പകരം ഭൂമിയുടെ കൃത്യമായ പട്ടയരേഖകൾ സമർപ്പിക്കാൻ കഴിയാത്തതിനാൽ, കേന്ദ്ര കടുവ സംരക്ഷണ അഥോറിറ്റി , കേന്ദ്ര വനം-പരിസ്ഥിതി മന്ത്രാലയം എന്നിവയിൽ നിന്നുള്ള അന്തിമ ക്ലിയറൻസുകൾ വൈകുകയാണ്. ഇിന് പരിഹാരം കാണാൻ സംസ്ഥാ വനം വകുപ്പാണ് അടിയന്തര നടപടി സ്വീകരിക്കേണ്ടത്. ഭൂമി കൈമാറ്റവുമായി ബന്ധപ്പെട്ട് സംസ്ഥാനത്തെ റവന്യു-വനം വകുപ്പുകൾ തമ്മിലുള്ള തർക്കം പരിഹരിക്കപ്പെടാത്തതാണ് വർഷങ്ങളായി മുടങ്ങിക്കിടക്കുന്ന ഈ പദ്ധതി ഇപ്പോഴും അനിശ്ചിതത്വത്തിൽ തുടരാൻ കാരണ
പദ്ധതിക്ക് അനുമതി നൽകുന്നതിനായി കേന്ദ്ര പരിസ്ഥിതി-വനം മന്ത്രാലയത്തിന്‍റെയും നാഷണൽ ബോർഡ് ഫോർ വൈൽഡ് ലൈഫിന്‍റെയും ഉന്നതതല സംഘങ്ങൾ ശബരിമല സന്ദർശിച്ച് പാരിസ്ഥിതിക ആഘാതത്തെക്കുറിച്ചുള്ള ഫീൽഡ് ഇൻസ്പെഷൻ നടത്തിയിരുന്നു. തുടർന്ന്
പാരിസ്ഥിതിക ആഘാതം കുറയ്ക്കുന്നതിനായി ടവറുകളുടെ എണ്ണം അഞ്ചായി ചുരുക്കുകയും മുറിച്ചുമാറ്റേണ്ട മരങ്ങളുടെ എണ്ണം 80 ആയി നിജപ്പെടുത്തി പുതിയ രൂപരേഖ തയറാക്കുകയും ചെയ്തു. പമ്പ ഹിൽടോപ്പ് മുതൽ മാളികപ്പുറം ബാരക്ക് വരെയുള്ള 2.7 കിലോമീറ്റർ നീളത്തിലാണ് റോപ്‌വേ വിഭാവനം ചെയ്തിരിക്കുന്നത്.
Pathanamthitta
പത്തനംതിട്ട: ശബരിമല തീര്‍ഥാടന മുന്നൊരുക്കങ്ങളുടെ ഭാഗമായി പമ്പ, നിലയ്ക്കല്‍ പ്രദേശങ്ങളില്‍ പ്ലാസ്റ്റിക് മാലിന്യങ്ങള്‍ ശേഖരിക്കുന്നതിനായി സംഘടിപ്പിച്ച നിര്‍മലം ശബരിമല കാമ്പെയിന് തുടക്കമായി. ശബരിമല എഡിഎം ദിലീപ് കെ. കൈനിക്കര കാമ്പെയിന് ഉദ്ഘാടനം ചെയ്തു. പെരിയാര്‍ ടൈഗര്‍ റിസര്‍വ് റേഞ്ച് ഓഫിസര്‍ അനൂപ് സ്റ്റീഫന്‍ ചടങ്ങില്‍ മാര്‍ഗനിര്‍ദേശങ്ങള്‍ നല്കി. കാമ്പയിനിന്‍റെ ഭാഗമായി നിലയ്ക്കല്‍, പമ്പ എന്നിവിടങ്ങളില്‍ ഇന്നും ശുചീകരണ പ്രവര്‍ത്തനങ്ങള്‍ നടക്കും.ജില്ലാ ശുചിത്വ മിഷന്, തൃശൂര്‍ പ്രാദേശിക സഞ്ചാരം എന്ന സംഘടനയുമായി സഹകരിച്ചാണ് ഈ ക്ളീനിംഗ് ഡ്രൈവ് സംഘടിപ്പിച്ചിരിക്കുന്നത്.
ശബരിമല തീര്‍ഥാടന കാലയളവില്‍ പമ്പയിലും സന്നിധാനത്തും ലക്ഷക്കണക്കിന് തീര്‍ഥാടകര്‍ എത്തിച്ചേരുന്ന സാഹചര്യത്തില്‍ പ്ലാസ്റ്റിക് കുപ്പികൾ, കവറുകള്‍, ഭക്ഷണപ്പൊതികള്‍, മറ്റ് പാക്കേജിംഗ് വസ്തുക്കള്‍ എന്നിവയുടെ അളവ് വലിയ തോതില്‍ വര്‍ധിക്കാറുണ്ട്. ഇത്തരം പ്ലാസ്റ്റിക് മാലിന്യങ്ങള്‍ സൃഷ്ടിക്കുന്ന പാരിസ്ഥിതിക ഭീഷണി തടയുകയാണ് ക്യാമ്പയിന്‍റെ പ്രധാന ലക്ഷ്യം.
ഗ്രീന്‍ ശബരിമല, ക്ലീന്‍ ശബരിമല, പ്ലാസ്റ്റിക് റെസ്‌പോണ്‍സിബിള്‍ ശബരിമലഎന്ന മഹത്തായ ലക്ഷ്യത്തിലേക്കുള്ള നിര്‍ണായകമായ ചുവടുവയ്പണ് ഈ പ്ലാസ്റ്റിക് കളക്ഷന് കാന്പെയിന്‍. പെരിയാര്‍ ടൈഗര്‍ റിസര്‍വിന്‍റെ വനം, പരിസ്ഥിതി സംരക്ഷണവും ശബരിമല തീര്‍ഥാടന മേഖലയിലെ ശുചിത്വവും ഒരുപോലെ ഉറപ്പാക്കാന്‍ ഇതിലൂടെ സാധിക്കും.ജില്ലാ ശുചിത്വ മിഷന് കോ-ഓര്‍ഡിനേറ്റര്‍ കെ. എം. വിനീത്, അസിസ്റ്റന്‍റ് കോ-ഓര്‍ഡിനേറ്റര്‍ (ഐഇസി) ജി. പ്രദീപ്, പ്രോഗ്രാം ഓഫിസര്‍ കെ. ആർ. അജയ് എന്നിവര്‍ പങ്കെടുത്തു.
Pathanamthitta
അടൂര്‍: കെഎസ്ആര്‍ടിസി ബസ് സ്റ്റാന്‍ഡില്‍ ബസിന്‍റെ ചക്രത്തിനടിയില്‍പെട്ട് വയോധികന്‍റെ കാലിന് ഗുരുതര പരിക്ക്. നൂറനാട് ശരത് നിവാസില്‍ ചന്ദ്രമോഹന്‍ പിള്ള (60)യുടെ കാലിനാണ് പരിക്കേറ്റത്. ഇന്നലെ ഉ്ച്ചകഴിഞ്ഞ് 3.30നായിരുന്നു അപകടം. സ്റ്റാന്‍ഡിലേക്കുള്ള പ്രവേശനകവാടത്തിന്‍റെ ഇടതുവശത്തുനിന്ന് മറുഭാഗത്തേക്ക് നടന്നുപോകുകയായിരുന്ന ചന്ദ്രമോഹന്‍ പിള്ളയെ ബസ് ആദ്യം ഇടിക്കുകയായിരുന്നു. തുടര്‍ന്ന് റോഡില്‍ വീണ ഇദ്ദേഹത്തിന്‍റെ കാലിലൂടെ ബസിന്‍റെ ചക്രം കയറിയിറങ്ങി.
തിരുവനന്തപുരത്തുനിന്ന് കോട്ടയം ഭാഗത്തേക്ക് പോകുകയായിരുന്ന ബസാണ് അപകടമുണ്ടാക്കിയത്. ബസ് അമിതവേഗത്തിലായിരുന്നുവെന്ന് ദൃക്‌സാക്ഷികള്‍ പറഞ്ഞു. പരിക്കേറ്റ ഇദ്ദേഹത്തെ ഉടന്‍ അടൂര്‍ ജനറല്‍ ആശുപത്രിയില്‍ പ്രവേശിപ്പിച്ചു. പരിക്ക് ഗുരുതരമായതിനാല്‍ പിന്നീട് കോട്ടയം മെഡിക്കല്‍ കോളജ് ആശുപത്രിയിലേക്ക് മാറ്റി. ഒരാഴ്ച മുമ്പ് ഇതേ സ്ഥലത്തുവച്ച് കൂടല്‍ സ്വദേശിനിയായ അമ്മിണി (74)യുടെ കാലിലൂടെയും കെഎസ്ആര്‍ടിസി ബസിന്‍റെ ചക്രം കയറിയിറങ്ങിയിരുന്നു. അപകടത്തില്‍ കാല് അറ്റുപോയ ഇവരുടെ കാല് പിന്നീട് കോട്ടയം മെഡിക്കല്‍ കോളജ് ആശുപത്രിയില്‍വച്ച് മുറിച്ചുമാറ്റി. പിന്നില്‍നിന്നെത്തിയ ബസ് ഹോണ്‍ മുഴക്കിയപ്പോള്‍ ഭയന്ന് വലതുവശത്തേക്ക് മാറുന്നതിനിടെയാണ് അന്ന് അമ്മിണി അപകടത്തില്‍പെട്ടത്.
Pathanamthitta
തിരുവല്ല : കേരള ഗവ ആയുര്‍വേദ നഴ്‌സസ് അസോസിയേഷന്‍ 38-ാം സമ്മേളനം ചരല്‍ക്കുന്ന് ക്രിസ്ത്യന്‍ എഡ്യുക്കേഷന്‍ ഹാളില്‍ ആരംഭിച്ചു. സംസ്ഥാന പ്രസിഡന്റ് ആര്. മിനി പതാക ഉയര്‍ത്തി. തുടര്‍ന്ന് കൗണ്‍സില്‍ യോഗവും റിപ്പോര്‍ട്ട് അവതരണവും നടന്നു. സര്‍വീസില്‍ നിന്നും വിരമിച്ച നഴ്സുമാര്‍ക്ക് നല്‍കിയ യാത്രയയപ്പ് സമ്മേളനം പത്തനംതിട്ട ജില്ല പഞ്ചായത്ത് വൈസ് പ്രസിഡന്റ് അനീഷ് വരിക്കണ്ണാമല ഉദ്ഘാടനം ചെയ്തു.
തോട്ടപ്പുഴശേരി ഗ്രാമപഞ്ചായത്ത് പ്രസിഡന്റ് എല്‍സി ക്രിസ്റ്റഫര്‍ മുഖ്യാതിഥി ആയിരുന്നു. ചരല്‍ക്കുന്ന് വാര്‍ഡ് മെംബര്‍ സിസിലി ജോൺ, പത്തനംതിട്ട ജില്ലാ ആയുര്‍വേദ ആശുപത്രി ചീഫ് മെഡിക്കല്‍ ഓഫിസര്‍ ഡോ. ജി.എല്‍. മഞ്ജു, കെജിഎന്‍എ സംഫാന ജനറല്‍ സെക്രട്ടറി ജോയ്സണ് ജോസ്, കെജിഎഎന്‍എ മുന്‍ സെക്രട്ടറിമാരായ കെ.എ. ബഷീർ, ജയിംസ് ജേക്കബ്, പികെ. ചന്ദ്രിക, കെജിഎഎന്‍എ സംസ്ഥാന വൈസ് പ്രസിഡന്റ് പി.ഡി. സെബാസ്റ്റ്യന്‍, കെ ആശ, സംസ്ഥാന ജോയിന്റ് സെക്രട്ടറിമാരായ എസ്. കെ ധര്‍മജ, രാജീവ് ഭാസ്‌കര്‍ എന്നിവര്‍ പ്രസംഗിച്ചു. തുടര്‍ന്ന് വിവിധ കലാപരിപാടികളും ഫോക് ലോര്‍ അക്കാദമി അവാര്‍ഡ് ജേതാവ് ആദര്‍ശ് പിറ്റര്‍ അവതരിപ്പിച്ച രാഗനിലാവ് എന്ന പ്രോഗ്രാം നടന്നു. ഇന്ന് രാവിലെ 10 മണിക്ക് നടക്കുന്ന പൊതുസമ്മേളനം ആരോഗ്യവകുപ്പ് മന്ത്രി കെ. മുരളീധരന് ഉദ്ഘാടനം ചെയ്യും. ആന്‍റോ ആന്റണി എംപി മുഖ്യാതിഥിയാവും.
Pathanamthitta
അഞ്ചല്‍: തിരുവനന്തപുരം മേജര്‍ അതിരൂപതയില്‍ അഞ്ചലില്‍ സെന്റ് മേരീസ് മലങ്കര കത്തോലിക്കാ ഇടവകയ്ക്കുവേണ്ടി പുതിതായി പണികഴിപ്പിച്ച ദേവാലയത്തിന്‍റെ മൂറോന്‍ കൂദാശകര്‍മം നടന്നു. അഞ്ചല്‍ ആര്‍ഒ ജംഗ്ഷനില്‍നിന്നു കര്‍ദിനാള്‍ മാര്‍ ബസേലിയോസ് ക്ലീമി സ് കാതോലിക്കാ ബാവയെയും ബിഷപ്പുമാരെയും മറ്റ് വിശിഷ്ട വ്യക്തികളെയും ചെണ്ടമേളത്തിന്‍റെ അകമ്പടിയോടെ പള്ളിയിലേക്ക് സ്വീകരിച്ച് ആനയിച്ചു.
സഭയുടെ മേജര്‍ ആര്ച്ച്ബിഷപ് കര്‍ദിനാള്‍ മാര്‍ ബസേലിയോസ് ക്ലീമിസ് കാതോലിക്കാ ബാവ മുഖ്യകാര്‍മികത്വം വഹിച്ചു.
തിരുവല്ല ആര്ച്ച്ബിഷപ് തോമസ് മാര്‍ കൂറിലോസ്, ബിഷപ്പുമാരായ യൂഹാനോന്‍ മാര്‍ ക്രിസോസ്റ്റം, ജ്വോഷ്വാ മാര്‍ ഇഗ്നാത്തിയോസ്, സാമുവേല്‍ മാര്‍ ഐറേനിയോസ്, വിന്‍സെന്‍റ് മാര്‍ പൗലോസ്, തോമസ് മാര്‍ അന്തോണിയോസ്, ജോസഫ് മാര്‍ തോമസ്, ഗീവര്‍ഗീസ് മാര്‍ മക്കാറിയോസ്, യൂഹാനോന്‍ മാര്‍ തെയഡോഷ്യസ്, ആന്റണി മാര്‍ സില്‍വാനോസ്, യൂഹാനോന്‍ മാര്‍ അലക്സിയോസ് എന്നിവര്‍ സഹകാര്‍മികരായിരുന്നു. രാഷ്‌ട്രദീപിക ലിമിറ്റഡ് മാനേജിംഗ് ഡയറക്ടർ ഫാ. മൈക്കിൾ വെട്ടിക്കാട്ട് ചടങ്ങിൽ സന്നിഹിതനായിരുന്നു.
കൂദാശയ്ക്ക് ശേഷം നടന്ന പൊതുസമ്മേളനത്തില്‍ എംപി മാരായ എന്‍.കെ. പ്രേമചന്ദ്രന്‍, കൊടിക്കുന്നില്‍ സുരേഷ്, എംഎല്‍എ മാരായ സി. അജയപ്രസാദ്, കെ.എന്‍. ബാലഗോപാല്‍, ജ്യോതികുമാര് ചാമക്കാല, എം.എം. നസീര്‍, തിരുവിതാംകൂര്‍ ദേവസ്വം ബോര്‍ഡ് മെമ്പര്‍ അഡ്വ. കെ. രാജു, മുന്‍ എംഎല്‍എ പി.എസ്. സുപാല്‍, മുന്‍ ജില്ലാ പഞ്ചായത്ത് പ്രസിഡന്റ് എസ്. ജയമോഹന്‍, അഞ്ചല്‍ ഗ്രാമപഞ്ചായത്ത് പ്രസിഡന്റ് പി.കെ. രാജിമോള്‍, അഞ്ചല്‍ ഗ്രാമപഞ്ചായത്ത് അംഗം എസ്. ഉമേഷ് ബാബു, വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി എസ്. ദേവരാജന്‍, ബഥനി ആശ്രമം സുപ്പീരിയര്‍ ജനറല്‍ ഫാ. ഡോ. ഗീവര്‍ഗീസ് കുറ്റിയില്‍ ഒഐസി, മേരിമക്കള്‍ സുപ്പീരിയര്‍ ജനറല്‍ മദര്‍ ലിഡിയ ഡിഎം, ബഥനി മഠം സുപ്പീരിയര്‍ ജനറല്‍ ആര്‍ദ്ര എസ്ഐസി, തിരുവനന്തപുരം മേജര്‍ അതിരൂപത പാസ്റ്ററല്‍ കൗണ്‍സില്‍ സെക്രട്ടറി അഡ്വ. ജോജോ കെ. ഏബ്രഹാം, മലങ്കര കാത്തലിക് അസോസിയേഷന്‍ മേജര്‍ അതിരൂപത പ്രസിഡന്റ് റെജിമോന്‍ വര്‍ഗീസ്, ജനറല്‍ കണ്‍വീനര്‍ ഡോ. കെ.വി. തോമസ്‌കുട്ടി എന്നിവര്‍ പ്രസംഗിച്ചു. ദേവാലയത്തിൽ ഇന്നു നടക്കുന്ന സമൂഹബലിക്ക് കാതോലിക്കാ ബാവ നേതൃത്വം നല്കും. ബിഷപ് സാമുവേല്‍ മാര്‍ ഐറേനിയോസ്, ബിഷപ് യൂഹാനോന്‍ മാര്‍ അലക്സിയോസ് എന്നിവര്‍ സഹകാര്‍മികരാകും. വികാരി ഫാ. ബോവസ് മാത്യു, സഹവികാരി ഫാ. ഗീവര്‍ഗീസ് കുറ്റി വടക്കേതില്‍, ജനറല്‍ കണ്‍വീനര്‍ ഡോ. കെ.വി. തോമസ്‌കുട്ടി, കണ്‍വീനര്‍ കോശി ജോണ്‍, സെക്രട്ടറിമാരായ മനോജ് ഏബ്രഹാം, ജോര്‍ജ് പി. ജോസഫ്, ജോയിന്റ് കണ്‍വീനര്‍മാരായ എന്‍.കെ. അലക്സ്, ഓ. ജോണ്‍, ടി.ഡി. ദാസന്‍ എന്നിവര്‍ പരിപാടികള്‍ക്ക് നേതൃത്വം നല്കി.
Pathanamthitta
പത്തനംതിട്ട: കേരള ആന്‍റി സോഷ്യല്‍ ആക്‌ടിവിറ്റീസ് (പ്രിവന്‍ഷന്‍) ആക്ട്2007 (കാപ്പാ നിയമം) സംബന്ധിച്ച് കാപ്പാ അഡ്‌വൈസറി ബോര്‍ഡ്, പത്തനംതിട്ട ജില്ലാ ഭരണകൂടം എന്നിവയുടെ ആഭിമുഖ്യത്തില്‍ ജില്ലയിലെ പൊലിസ് ഉദ്യോഗസ്ഥര്ക്കായി ശില്പശാല സംഘടിപ്പിച്ചു.
കളക്ടറേറ്റിലെ ഗവി കോണ്‍ഫറന്‍സ് ഹാളില്‍ നടന്ന ശില്‍പശാലയ്ക്ക് കാപ്പാ അഡ്‌വൈസറി ബോര്‍ഡ് ചെയര്‍മാന്‍ ജസ്റ്റിസ് പി. ഉബൈദ് നേതൃത്വം നല്കി.
ബോര്‍ഡ് അംഗങ്ങളായ മുഹമ്മദ് വാസീം, പി.എൻ. സുകുമാരന്‍ എന്നിവര്‍ സെഷനുകള്‍ നയിച്ചു. കാപ്പാ നിയമത്തിന്‍റെ വ്യവസ്ഥകള്‍, നിയമനടപടികള്‍, നിയമം ഫലപ്രദമായി നടപ്പാക്കുന്നതുമായി ബന്ധപ്പെട്ട വിഷയങ്ങള്‍ എന്നിവ ശില്‍പശാലയില്‍ ചര്‍ച്ച ചെയ്തു. ജില്ലാ കളക്ടര് എ. നിസാമുദ്ദീന്‍, എഡിഎം ആർ. രാജലക്ഷ്മി, ജില്ലാ ലോ ഓഫിസര്‍ കെ. സോണിഷ്, പൊലിസ്, കാപ്പാ സെല്‍ ഉദ്യോഗസ്ഥര്‍ തുടങ്ങിയവര്‍ പങ്കെടുത്തു.
Pathanamthitta
കോഴഞ്ചേരി: വനിതാ കര്‍ഷകരുടെ പങ്കാളിത്തം കാര്‍ഷിക മേഖലയില്‍ കൂടുതല്‍ ശക്തിപ്പെടുത്തുന്നതിന് വനിതാ കര്‍ഷകസംഘങ്ങളെ സ്വയംപര്യാപ്ത കാര്‍ഷിക സംരംഭങ്ങളാക്കി മാറ്റുന്നതിനായി കൃഷിവകുപ്പ് ആവിഷ്‌കരിച്ച കൃഷി സഖി വനിതാ കര്‍ഷക വികസനപദ്ധതിക്ക് പത്തനംതിട്ട ജില്ലയിലും തുടക്കമാകുന്നു.
2026 - 27 സാമ്പത്തിക വര്‍ഷത്തില്‍ നടപ്പാക്കുന്ന പദ്ധതിയുടെ ഭാഗമായി ജില്ലയിലെ വിവിധ കൃഷിഭവനുകള്‍ മുഖേന മികച്ച വനിതാ കര്‍ഷിക സംഘങ്ങളെ കണ്ടെത്തി പദ്ധതിയില്‍ ഉള്‍പ്പെടുത്തും. ഓരോ കൃഷിഭവനും പ്രവര്‍ത്തനമികവിന്‍റെ അടിസ്ഥാനത്തില്‍ ഒരു വനിതാ കര്‍ഷക സംഘത്തെ കണ്ടെത്തും.
ബ്ലോക്ക്തല സമിതിയാണ് സംഘങ്ങളുടെ പ്രവര്‍ത്തനങ്ങള്‍ വിലയിരുത്തി മികച്ച സംഘങ്ങളെ ജില്ലാതല സമിതിയിലേക്ക് ശിപാര്‍ശ ചെയ്യുന്നത്. ജില്ലാ, സംസ്ഥാനതല സമിതിയുടെ അംഗീകാരത്തോടെയായിരിക്കും അന്തിമ തെരഞ്ഞെടുപ്പ്. സംസ്ഥാനത്താകെ മികച്ച പ്രകടനം കാഴ്ചവയ്ക്കുന്ന 300 വനിതാ കര്‍ഷകസംഘങ്ങളെയാണ് 2026 - 27 വര്‍ഷം പദ്ധതിയുടെ ഭാഗമായി തെരഞ്ഞെടുക്കുന്നത്.
കാര്‍ഷിക ഉത്പന്നങ്ങളുടെ സംസ്‌കരണം, ശുചീകരണം, തരംതിരിക്കൽ, ഉണക്കല്‍, പാക്കേജിംഗ്, ബ്രാന്‍ഡിംഗ്, സംഭരണം, വിപണനം തുടങ്ങിയ മേഖലകളില്‍ വനിതാ കര്‍ഷക സംഘങ്ങള്‍ക്ക് പിന്തുണ നല്കും. അംഗീകാരം ലഭിക്കുന്ന സംഘങ്ങള്‍ക്ക് സമര്‍പ്പിക്കുന്ന പദ്ധതി രേഖയുടെ 75 ശതമാനം വരെ, പരമാവധി 10 ലക്ഷം രൂപ ധനസഹായമായി ലഭിക്കും. വനിതാ കര്‍ഷകരുടെ വരുമാനം വര്‍ധിപ്പിക്കുക, കാര്‍ഷിക സംരംഭകത്വം പ്രോത്സാഹിപ്പിക്കുക, കാര്‍ഷിക ഉത്പന്നങ്ങള്‍ക്ക് മികച്ച വിപണന സാധ്യത ഉറപ്പാക്കുക, സ്ത്രീകളുടെ സാമ്പത്തിക സ്വയംപര്യാപ്തത ശക്തിപ്പെടുത്തുക എന്നിവയാണ് പദ്ധതിയുടെ പ്രധാന ലക്ഷ്യങ്ങളെന്ന് അഗ്രിക്കള്‍ച്ചറല്‍ ടെക്നോളജി മാനേജ്മെന്റ് ഏജന്‍സി (ആത്മ) ജില്ലാ പ്രോജക്ട് ഡയറക്ടര് സി. ഗിരിജ പറഞ്ഞു.
Pathanamthitta
തിരുവല്ല: സോനു ഇനി ആറു പേരിലൂടെ ജീവിക്കും. മസ്തിഷ്‌കമരണം സംഭവിച്ച യുവാവിന്‍റെ അവയവങ്ങളിലൂടെ ഇനി ആറുപേര്‍ ജീവിക്കും. ചെങ്ങന്നൂര്‍ പുലിയൂര്‍ കുറ്റിമല കിഴക്കേതില്‍ സോനു തോമസിന്‍റെ (32) അവയവങ്ങളാണ് ആറു പേര്‍ക്ക് പുതുജീവന്‍ നല്‍കിയത്.
നേത്രപടലങ്ങൾ, കിഡ്‌നികള്‍, ഹൃദയ വാല്‍വ് എന്നിവയാണ് ദാനം ചെയ്തത്. കിഡ്‌നികളില്‍ ഒന്ന് സോനു ചികിത്സയില്‍ കഴിഞ്ഞിരുന്ന പുഷ്പഗിരി മെഡിക്കല്‍ കോളജ് ആശുപത്രിയിലെ ഒരു രോഗിക്കും മറ്റൊന്ന് കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലുള്ള രോഗിക്കും നല്കി.
ഹൃദയ വാല്‍വുകള്‍ തിരുവനന്തപുരം ശ്രീചിത്ര ആശുപത്രിയില്‍ ചികിത്സയില്‍ കഴിയുന്ന രോഗികള്‍ക്കാണ് നല്‍കിയത്. നേത്രപടലങ്ങള്‍ ചൈതന്യ ഐ ഹോസ്പിറ്റലില്‍ ചികിത്സയിലുള്ള രണ്ട് രോഗികള്‍ക്കായും ദാനം ചെയ്തു. പുഷ്പഗിരി മെഡിക്കല്‍ കോളജ് ആശുപത്രിയില്‍ വെള്ളിയാഴ്ച പുലര്‍ച്ചെ ആറിനാണ് ശസ്ത്രക്രിയകള്‍ ആരംഭിച്ചത്.
അവയവങ്ങള്‍ സ്വീകരിക്കേണ്ട ആശുപത്രികളില്‍ നിന്നും ഡോക്ടര്മാരുടെ വിദഗ്ധ സംഘവും എത്തിയിരുന്നു. വിവിധ വകുപ്പുകളിലെ ഡോക്ടര്മാരുടെ ഏകോപനത്തിലാണ് ശസ്ത്രക്രിയകള്‍ പൂര്‍ത്തിയാക്കിയത്. ശസ്ത്രക്രിയയിലൂടെ പുറത്തെടുത്ത അവയവങ്ങള്‍ സുരക്ഷിത പെട്ടികളില്‍ ആക്കി ഉച്ചയോടെ പൊലിസ് അകമ്പടിയില്‍ വിവിധ ആശുപത്രികളിലേക്ക് കൊണ്ടുപോയി.
ഇക്കഴിഞ്ഞ ചൊവ്വാഴ്ച രാവിലെ പത്തോടെ റോഡിലൂടെ നടന്നു പോകവേ ചെങ്ങന്നൂര്‍ പേരിശേരിയിലാണ് സോനു റോഡില്‍ തലയടിച്ച് വീണത്. തലയുടെ പിന്‍വശത്ത് മാരകമായി പരിക്കേറ്റ സോനുവിനെ ഉടന്‍ തന്നെ ചെങ്ങന്നൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. നില വഷളായതനേ തുടര്‍ന്ന് അബോധാവസ്ഥയില്‍ തിരുവല്ല പുഷ്പഗിരി മെഡിക്കല്‍ കോളജില്‍ എത്തിച്ചു.
തുടര്‍ന്ന് തീവ്ര പരിചരണ വിഭാഗത്തില്‍ ചികിത്സയില്‍ ആയിരുന്ന സോനുവിന്‍റെ മസ്തിഷ്‌ക മരണം വ്യാഴാഴ്ചയോടെ സ്ഥിരീകരിച്ചു. തുടര്‍ന്നാണ് അവയവദാനത്തിനുള്ള സന്നദ്ധത ബന്ധുക്കള്‍ ആശുപത്രി അധികൃതരെ അറിയിച്ചത്. സംസ്ഥാന സര്‍ക്കാരിന്‍റെ ഔദ്യോഗിക അവയവദാന ഏജന്‍സിയായ കെ സോട്ടോ വഴിയാണ് അവയവങ്ങള്‍ ദാനം ചെയ്യുന്നതിനുള്ള നടപടികള്‍ പൂര്‍ത്തിയാക്കിയത്.
Pathanamthitta
മാവേലിക്കര: ജില്ലാ ആശുപത്രി ജംഗ്ഷനു സമീപം സ്കൂട്ടർ യാത്രിക ടിപ്പറിടിച്ചു മരിച്ചു. ചെന്നിത്തല സൗത്ത് മുണ്ടുവേലിക്കടവ് തട്ടാരുപറമ്പിൽ ആൻസിവില്ലയിൽ ബാബു ജോർജിന്‍റെ ഭാര്യ ആനി (56) ആണ് മരിച്ചത്. മാവേലിക്കര-പന്തളം പ്രധാന പാതയിൽ മാവേലിക്കര ജില്ലാ ആശുപത്രി ജംഗ്ഷനു സമീപം ഇന്നലെ രാവിലെ പത്തിനായിരുന്നു അപകടം.
ആശുപത്രി ജംഗ്ഷനിൽനിന്നും കരയാവട്ടം ഭാഗത്തേക്ക് സ്കൂട്ടറിൽ പോകുകയായിരുന്ന ആനി ബാബുവിനെ അതേദിശയിൽ എത്തിയ ടിപ്പർ തട്ടുകയായിരുന്നു. ടിപ്പറിന്‍റെ പിൻചക്രങ്ങൾ ആനിയുടെ ശരീരത്തിലൂടെ കയറി ഇറങ്ങി. ഉടൻതന്നെ മാവേലിക്കര ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രി മോർച്ചറിയിൽ. മകൾ: ആൻസി.
Pathanamthitta
പന്തളം: ശബരിമല തീർഥാടകർക്ക് ആവശ്യമായ സൗകര്യങ്ങൾ ഉറപ്പാക്കാൻ കുളനട ഗ്രാമപഞ്ചായത്തിൽ മുന്നൊരുക്കങ്ങളായി. തീർഥാടക വാഹനങ്ങൾ പാർക്ക് ചെയ്യുന്നതിനുള്ള സൗകര്യം, വിശ്രമകേന്ദ്രം, കുടിവെള്ളം, ശുചിമുറികൾ തുടങ്ങിയ അടിസ്ഥാന സൗകര്യങ്ങളാണ് വിവിധ കേന്ദ്രങ്ങളിലായി ഒരുക്കുന്നത്. വൃശ്ചികം ഒന്നിന് മുമ്പ് എല്ലാ ക്രമീകരണങ്ങളും പൂർത്തിയാക്കുന്നതിനുള്ള പ്രവർത്തനങ്ങൾ പുരോഗമിക്കുകയാണ്.
തീർഥാടകരുടെ വാഹനങ്ങൾ പാർക്ക് ചെയ്യുന്നതിനായി കുളനട കൈപ്പുഴക്കരയിൽ കണ്ടെത്തിയ സ്ഥലത്തെ കാടുകൾ തെളിച്ച് മൈതാനം സജ്ജമാക്കുന്ന പ്രവർത്തനങ്ങൾ ആരംഭിച്ചു. താത്കാലിക ശുചിമുറികൾ, വിരിവയ്ക്കുന്നതിനുള്ള സൗകര്യം, ഭക്ഷണം പാകം ചെയ്യുന്നതിനുള്ള സംവിധാനം എന്നിവയും ഒരുക്കും. കുടിവെള്ള വിതരണത്തിനായി വാട്ടർ കിയോസ്കുകൾ സ്ഥാപിക്കാനും തീരുമാനിച്ചിട്ടുണ്ട്. പോലീസ് എയ്ഡ് പോസ്റ്റും പ്രവർത്തനസജ്ജമാക്കും.
തീർഥാടകർക്ക് വിശ്രമിക്കുന്നതിനും മറ്റ് അടിസ്ഥാന സൗകര്യങ്ങൾ പ്രയോജനപ്പെടുത്തുന്നതിനുമായി പഞ്ചായത്ത് ഏറ്റെടുത്തിട്ടുള്ള ഗ്രൗണ്ടിലും ക്രമീകരണങ്ങൾ ആരംഭിച്ചിട്ടുണ്ട്. കുടിവെള്ള സൗകര്യം ഒരുക്കുന്നതിനൊപ്പം ആവശ്യമായ അടിസ്ഥാന സൗകര്യങ്ങളുടെ നിർമാണപ്രവർത്തനങ്ങളും പുരോഗമിക്കുന്നു.
തൂക്കുപാലവും പരിസരവും ശുചീകരിച്ച് തീർഥാടകർക്ക് സുരക്ഷിതമായും സൗകര്യപ്രദമായും ഉപയോഗിക്കാവുന്ന വിധത്തിൽ ക്രമീകരണങ്ങൾ നടത്തിയിട്ടുണ്ട്. പാലത്തിലും പരിസരത്തുമുള്ള കാടുകളും മാലിന്യങ്ങളും നീക്കം ചെയ്തു. പാലത്തിലെ നിലവിലുള്ള ലൈറ്റുകളുടെ തകരാറുകൾ പരിഹരിക്കുന്നതിനൊപ്പം പുതിയ ലൈറ്റുകൾ സ്ഥാപിക്കാനും നടപടികൾ സ്വീകരിച്ചിട്ടുണ്ട്. പാലത്തിന്‍റെ സുരക്ഷ ഉറപ്പാക്കുന്നതിന്‍റെ ഭാഗമായി നിർമാണം നടത്തിയ കമ്പനിയുടെ അധികൃതർ പരിശോധന നടത്തുകയും ആവശ്യമായ തുടർനടപടികൾ ആരംഭിക്കുകയും ചെയ്തിട്ടുണ്ട്.
തീർഥാടനകാലത്ത് സേവനങ്ങൾ ഉറപ്പാക്കുന്നതിനായി താത്കാലിക ജീവനക്കാർ, ശുചീകരണ തൊഴിലാളികൾ, ലൈഫ് ഗാർഡുകൾ എന്നിവരെ നിയോഗിക്കുന്നതിനുള്ള നടപടികളും പുരോഗമിക്കുന്നു. കുളിക്കടവുകളിൽ സുരക്ഷ ഉറപ്പാക്കുന്നതിനും പ്രത്യേക ക്രമീകരണങ്ങൾ ഏർപ്പെടുത്തും.
മുന്നൊരുക്കങ്ങളുടെ ഭാഗമായി വിവിധ വകുപ്പുകളെ ഏകോപിപ്പിച്ച് ഇതിനോടകം മൂന്ന് യോഗങ്ങൾ ചേർന്നു. യോഗങ്ങളിൽ തീരുമാനിച്ച പ്രവർത്തനങ്ങൾ സമയബന്ധിതായി പൂർത്തിയാക്കുന്നതിനാണ് പഞ്ചായത്ത് ലക്ഷ്യമിടുന്നത്.
വൃശ്ചികം ഒന്നിന് മുമ്പ് എല്ലാ മുന്നൊരുക്കങ്ങളും പൂർത്തിയാക്കി തീർഥാടകർക്ക്സുരക്ഷിതവും സൗകര്യപ്രദവുമായ യാത്രയും വിശ്രമസൗകര്യങ്ങളും ഉറപ്പാക്കുമെന്ന് ഗ്രാമപഞ്ചായത്ത് പ്രസിഡന്റ് അറിയിച്ചു.
Pathanamthitta
കോഴഞ്ചേരി: ടികെ റോഡിൽ പന്പാനദിക്കു കുറുകെ കോഴഞ്ചേരിയിൽ നിർമാണം പൂർത്തീകരിച്ച പുതിയ പാലം തുറക്കുന്നതോടെ സംസ്ഥാന പാതയിൽ ഗതാഗതം സുഗമമാകും. കോഴഞ്ചേരി ടൗൺ കേന്ദ്രീകരിച്ച് നിലവിലുള്ള ഗതാഗത പ്രശ്നങ്ങളും ഇതോടെ പരിഹരിക്കപ്പെടും.
ടികെ റോഡിന്‍റെ വീതിക്കുറവും കോഴഞ്ചേരിയിൽ നിലവിലുള്ള പാലത്തിലെ തടസവുമാണ് പലപ്പോഴും ഗതാഗതകുരുക്കിന് ഇടയാക്കുന്നത്. ഇതിനു പരിഹാരമായാണ് പുതിയ പാലം നിർമിച്ചത്. പുതിയ പാലം തുറക്കുന്നതോടെ തിരുവല്ല ഭാഗത്തേക്കുള്ള വാഹനങ്ങൾ ഇതിലൂടെ കടത്തിവിടാനാകും. തിരുവല്ലയിൽ നിന്നും പത്തനംതിട്ടയിലേക്കുള്ള വാഹനങ്ങൾ പഴയ പാലത്തിലൂടെയും പോകും.
കോഴഞ്ചേരി ടിബി ജംഗ്ഷൻ മുതൽ വാഹനഗതാഗതം സുഗമമാക്കാനുള്ള നിർദേശങ്ങളാണ് പരിഗണനയിലുള്ളത്. ഇതിന്റെ ഭാഗമായി ടിബി ജംഗ്ഷനിലെ സർക്കിളിന്‍റെ വലിപ്പം കുറച്ച് വാഹനങ്ങൾ വൺവേ റോഡിലേക്ക് സുഗമമായി തിരിയാൻ ക്രമീകരണമുണ്ടാകും. തണുങ്ങാട്ടിൽപടി, തോട്ടപ്പുഴശേരി വില്ലേജ് ഓഫീസിനു സമീപമുള്ള അഞ്ചാംപാലം എന്നിവയുടെ വീതി കൂട്ടണമെന്ന നിർദേശവും ഗതാഗത പരിഷ്കരണസമിതി നൽകിയിട്ടുണ്ട്.
അഞ്ചാംപാലം കഴിഞ്ഞു ള്ള ഭാഗം മുതൽ പുതിയ പാലത്തിൽ കൂടിയുള്ളറോഡ് ചേരുന്ന ഭാഗംവരെ ഡിവൈഡർ സ്ഥാപിക്കുന്നതിനും നിർദേശിച്ചിട്ടുണ്ട്.
പുതിയ പാലം തുറക്കുന്നതോടെ സ്വകാര്യ ബസ് സ്റ്റാൻഡിൽ നിന്നു തിരുവല്ല ഭാഗത്തേക്കുള്ള ബസുകൾ സി. കേശവൻ സ്ക്വയർ വഴി തിരിഞ്ഞ് വൺവേ റോഡ് വഴി പുതിയ പാലത്തിലേക്ക് പ്രവേശിക്കണമെന്നാണ് നിർദേശം. സി. കേശവൻ സ്ക്വയറിൽ നിന്നു വണ്ടിപ്പേട്ട ഭാഗത്തേക്കുള്ള റോഡ് നിലവിൽ വൺവേ ആണെങ്കിലും പ്രാവർത്തികമായിട്ടില്ല. ഈഭാഗത്ത് വൺവേ കർശനമായി പാലിക്കാനും അനധികൃത പാർക്കിംഗ് ഒഴിവാക്കാനും നിർദേശമുണ്ട്. ഇതിനായി ബോർഡുകൾ സ്ഥാപിക്കും.
പൊതുമരാമത്ത് റോഡരികിൽ ഓടകളും കാടുകളും വർഷത്തിൽ രണ്ടുതവണയെങ്കിലും വൃത്തിയാക്കുകയും നീക്കം ചെയ്യുകയുമെന്നതാണ് മറ്റൊരു നിർദേശം.
കോളജ് ജംഗ്ഷൻ - പാന്പാടിമൺ ക്ഷേത്രം റോഡിൽ ബ്ലിങ്കൽ ലൈറ്റും സ്ട്രിപ്പും സ്ഥാപിക്കും. തെക്കേമല - കോഴഞ്ചേരി റോഡിൽ ഇരുവശങ്ങളിലുമുള്ള അനധികൃത വ്യാപാരം ഒഴിപ്പിക്കുക, വൈകുന്നേരം ആറ് മുതൽ രാത്രി 12 വരെ മാത്രം വാഹനങ്ങളിൽ കച്ചവടം അനുവദിക്കുക തുടങ്ങിയ നിർദേശങ്ങളും പരിഗണനയിലുണ്ട്. തെക്കേമല മുതൽ മാരാമൺ വരെ നീളുന്ന ടികെ റോഡിലെ ഗതാഗത പ്രശ്നങ്ങൾക്കാണ് പരിഹാരം ഉണ്ടാകേണ്ടത്. പാർക്കിംഗ്, വൺവേ പരിഷ്കരണം തുടങ്ങിയ വിഷയങ്ങളിൽ ലഭിച്ചിട്ടുള്ളനിർദേശങ്ങൾ പരിഗണിച്ച് തീരുമാനമെടുക്കാനാണ് ഗതാഗത ഉപദേശക സമിതിയുടെ നിർദേശം.
പുതിയ പാലം തുറക്കുന്നതോടനുബന്ധിച്ച് കോഴഞ്ചേരി ടൗണിൽ ഗതാഗതം സുഗമമാക്കുകയെന്ന ലക്ഷ്യത്തോടെയുള്ള നിർദേശങ്ങളാണ് പരിഗണനയിലുള്ളത്. ഇവ ഗതാഗത ഉപദേശക സമിതി യോഗം ചർച്ച ചെയ്ത് തീരുമാനിക്കും.
Pathanamthitta
പത്തനംതിട്ട: കേരളപ്പിറവിയോടനുബന്ധിച്ച് നല്ല മലയാളവും 3000 ബിസിയും ഏർപ്പെടുത്തിയ പ്രഥമ ഭാഷാമിത്ര പുരസ്കാരം പത്തനംതിട്ട സെന്റ് മേരീസ് ഹൈസ്കൂൾ ഭാഷാധ്യാപകൻ ബിനു കെ. സാമിന്.
ഭാഷയിലെ തെറ്റും ശരിയും പറയുന്ന അദ്ദേഹത്തിന്‍റെ പംക്തിയായ പതിരും കതിരും, കളിച്ച് ഭാഷ പഠിക്കുന്നതിനായി രൂപകല്പന ചെയ്ത അക്ഷരച്ചീട്ടും അക്ഷരക്കോണിയും ഏറെ ശ്രദ്ധേയമാണ്. കടംകഥകളും കുട്ടിപ്പാട്ടുകളും കോർത്തിയിണക്കിയ അദ്ദേഹത്തിന്‍റെ ഭാഷാ പരിശീലനപരിപാടികൾ ഏറെ പ്രശംസകൾ നേടിയിട്ടുള്ളവയാണ്. പത്തനംതിട്ട തേക്കുതോട് സ്വദേശിയാണ് ബിനു കെ. സാം.
തൃശൂർ സാഹിത്യ അക്കാദമിയിൽ നടന്ന അം മലയാളം പരിപാടിയിൽ കവിയും വിവർത്തകനുമായ അൻവർ അലി പുരസ്കാരം സമ്മാനിച്ചു.
Pathanamthitta
റാന്നി: വിദ്യാഭ്യാസ ഉപജില്ലാ കലോത്സവം നടനിക 2 കെ 26 ഇന്ന് വെച്ചൂച്ചിറയിൽ തുടക്കമാകും. രചനാ മത്സരങ്ങളോടെയാണ് കലോത്സവത്തിന് തുടക്കം കുറിക്കുന്നത്. റാന്നി വിദ്യാഭ്യാസ ഉപജില്ലയിലെ 78 വിദ്യാലയങ്ങളിൽ നിന്നായി 2500 ൽ അധികം കലാ പ്രതിഭകളാണ് മത്സരാർഥികളായി പങ്കെടുക്കുന്നത് . വെച്ചൂച്ചിറ എണ്ണൂറാംവയൽ സിഎംഎസ് എൽപി സ്കൂളാണ് പ്രധാന വേദി.
കലോത്സവത്തിന്റെ ഉദ്ഘാടനം ഒന്പതിനു രാവിലെ പത്തിന് പഴകുളം മധു എംഎൽഎ നിർവഹിക്കും. ഗ്രാമപഞ്ചായത്ത് പ്രസിഡന്റ് എസ്. രമാ ദേവി അധ്യക്ഷത വഹിക്കും. മുൻ എംഎൽഎ പ്രമോദ് നാരായൺ മുഖ്യ സന്ദേശം നൽകും.
സിഎംഎസ് എൽപി സ്കൂൾ, എടിഎം ഓഡിറ്റോറിയാം, വൈഎംസിഎ ഹാൾ, ലിറ്റിൽ ഏഞ്ചൽസ് ഹാൾ, സെന്റ് ജോസഫ് പള്ളി പാരീഷ് ഹാൾ, ക്ഷീരോത്പാദക സംഘം മിനി ഹാൾ എന്നിവിടങ്ങളിലായാണ് വേദികളൊരുക്കിയിരിക്കുന്നത്.
സ്കൂൾ കലോത്സവത്തെ ഹരിതാഭമാക്കി മാറ്റുന്നതിനുള്ള ഒരുക്കത്തിലാണ് സംഘാടക സമിതി. ഗ്രീൻ പ്രോട്ടോക്കോൾ കമ്മിറ്റിയുടെ നേതൃത്വത്തിൽ വിപുലമായ ക്രമീകരണങ്ങളാണ് ഇതിനായി ചെയ്തു വരുന്നത്.
കുട്ടികൾക്ക് നാടൻ ഭക്ഷ്യ വിഭവങ്ങൾ നൽകുന്നതിലേക്കാവശ്യമായ ക്രമീകരണങ്ങളാണ് ഭക്ഷണ കമ്മിറ്റി ഒരുക്കിയിരിക്കുന്നത്. ഇതിനായി കലവറ നിറയ്ക്കലിലൂടെ നാട്ടിൽ നിന്നും കാർഷിക വിഭവങ്ങളും പച്ചക്കറികളും സമാഹരിച്ചിരുന്നു. വെച്ചൂച്ചിറ കോളനി ജിഎച്ച്എസ്എസിലെ സച്ചിൻ സതീഷ് തയാറാക്കിയ ലോഗോ കലോത്സവത്തിനായി പ്രകാശനം ചെയ്തു.
കലോത്സവത്തിന് മുന്നോടിയായി നടന്ന വിളംബര റാലി ഗ്രാമ പഞ്ചായത്ത് പ്രസിഡന്റ് എസ്. രമാ ദേവി ഫ്ലാഗ് ഓഫ് ചെയ്തു. സ്കൂൾ ലോക്കൽ മാനേജർ റവ. ജോൺസൺ അലക്സാണ്ടർ, ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ മേഴ്സി ഫിലിപ്പ്, പഞ്ചായത്ത് അംഗങ്ങളായ ടി. കെ. ജെയിംസ്, രാജി വിജയകുമാർ, അനീഷ് കുന്നപ്പുഴ, ലിനോജ് കണായങ്കൽ, റെസി ജോഷി, സോമൻ കാവാരി, ബിന്ദു തോമസ്, ഷാജി കൈപ്പുഴ, അമൽ ഏബ്രഹാം , ലിനി ജയൻ, മഞ്ജു മോളിക്കൽ, ഷിജി, അനു, സതീഷ് കെ. പണിക്കർ, പ്രധാനാധ്യാപകൻ സാബു പുല്ലാട്ട്, ഷൈനു ചാക്കോ, ഫെമി ഹേമന്ത്,അംബി പള്ളിക്കൽ, മനു വർഗീസ്, സെലിൻ പി. രാജൻ എന്നിവർ നേതൃത്വം നൽകി.
Pathanamthitta
പത്തനംതിട്ട: കോഴഞ്ചേരി ഉപജില്ലാ സ്കൂൾ കലോത്സവം ഒന്പതു മുതൽ 11 വരെ ഇലന്തൂർ ജിവിഎച്ച്എസ്എസിൽ നടക്കും. ഏഴ് വേദികളിലായി അറുപതോളം വിദ്യാലങ്ങളിലെ 2600 കലാപ്രതിഭകൾ മാറ്റുരയ്ക്കും. കലോത്സവത്തിന്റെ ഉദ്ഘാടനം അബിൻ വർക്കി എംഎൽഎ നിർവഹിക്കും. സ്വാഗതസംഘം ചെയർമാനും ഗ്രാമപപഞ്ചായത്ത് പ്രസിഡന്‍റുമായ കെ. പി. മുകുന്ദൻ അധ്യക്ഷത വഹിക്കും. ബ്ലോക്ക് പഞ്ചായത്ത് പ്രസിഡന്റ് ഗീതാ സജീവ് മുഖ്യപ്രഭാഷണം നടത്തും.
11ന് നടക്കുന്ന സമാപന സമ്മേളനം പഴകുളം മധു എംഎൽഎ ഉദ്ഘാടനം ചെയ്യും. ജില്ലാ പഞ്ചായത്തംഗം സ്റ്റെല്ലാ തോമസ് അധ്യക്ഷത വഹിക്കും. സിനിമ സംവിധായകനും പൂർവ വിദ്യാർഥിയുമായ അനു പുരുഷോത്ത് വിശിഷ്ടാതിഥി ആയിരിക്കും. ജില്ലാ പഞ്ചായത്തംഗം സവിത അജയകുമാർ സമ്മാനദാനം നടത്തും.
കലോത്സവത്തിന്റെ ലോഗോ തയ്യാറാക്കിയിരിക്കുന്നത് ഒന്പതാം ക്ലാസ് വിദ്യാർഥി ആദിത്യൻ അനിലാണ്. പ്രസ് ക്ലബിൽ നടന്ന ചടങ്ങിൽ കോഴഞ്ചേരി ഉപജില്ലാ വിദ്യാഭ്യാസ ഓഫീസർ എസ്. സന്ധ്യ ലോഗോ പ്രകാശനം ചെയ്തു. സ്വാഗതസംഘം ചെയർമാൻ കെ. പി. മുകുന്ദൻ, പബ്ലിസിറ്റി കമ്മിറ്റി ചെയർമാൻ കെ. ജി. റെജി, എഇഒ എസ്. സന്ധ്യ, ഗവ. എച്ച്എസ്എസ് ഹെഡ്മിസ്ട്രസ് രജില ആർ. രാജം, കൺവീനർമാരായ സിൻജു ഏബ്രഹാം, ശ്രീകാന്ത് തുടങ്ങിയവർ പത്രസമ്മേളനത്തിൽ പങ്കെടുത്തു.
Pathanamthitta
മല്ലപ്പള്ളി: കുന്നന്താനം ആഞ്ഞിലിത്താനത്ത് വീടിനു മുകളിൽ തെങ്ങ് കടപുഴകി വീണ് വയോധികയ്ക്ക് പരിക്കേറ്റു. കുന്നന്താനം ആഞ്ഞിലിത്താനം പള്ളിയാല അമ്മിണിയമ്മ (84) ക്കാണ് പരിക്കേറ്റത്. വീട് ഭാഗികമായി തകർന്നു. വ്യാഴാഴ്ച വൈകുന്നേരം അഞ്ചോടെ ഉണ്ടായ ശക്തമായ കാറ്റിലും മഴയിലും 10 മീറ്റർ ദൂരെനിന്ന തെങ്ങ് കടപുഴകി വീടിനു മുകളിലേക്ക് വീഴുകയായിരുന്നു. കട്ടിലിൽ കിടന്നുറങ്ങിയിരുന്ന അമ്മിണിയമ്മയുടെ ദേഹത്തേക്ക് ഓടും മേൽക്കൂരയുടെ ഭാഗങ്ങളും വീണു.
തലയ്ക്കും ശരീരത്തും പരിക്കേറ്റ അമ്മിണിയമ്മയെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു. മക്കളായ സുനിൽ, മണി, കൊച്ചുമകൻ സുനീഷ് എന്നിവരാണ് വീട്ടിൽ താമസിക്കുന്നത്. അപകട സമയത്ത് അമ്മിണിയമ്മ മാത്രമായിരുന്നു വീട്ടിൽ ഉണ്ടായിരുന്നത്. പഞ്ചായത്ത്, വില്ലേജ് അധികൃതർ സ്ഥലം സന്ദർശിച്ചു.
Pathanamthitta
റാന്നി: പെരുമ്പുഴ ബസ് സ്റ്റാൻഡ് വികസന പദ്ധതിക്കു തുടക്കമാകുന്നു. മുൻ എംഎൽഎ പ്രമോദ് നാരായൺ പ്രഖ്യാപിച്ച 50 ലക്ഷം രൂപയുടെ പദ്ധതിക്ക് ടെൻഡർ നടപടികൾ പൂർത്തിയായതോടെ നിർമാണ പ്രവർത്തനങ്ങൾക്ക് വഴിതെളിഞ്ഞിരിക്കുകയാണ്.
ഗ്രാമപഞ്ചായത്ത് പ്രസിഡന്‍റായിരുന്ന കെ.ആർ. പ്രകാശ് നേതൃത്വം നൽകിയ ഭരണസമിതിയുടെ കാലത്ത് വിഭാവനം ചെയ്ത പ്രധാന വികസന സ്വപ്നപദ്ധതികളിലൊന്നായിരുന്നു പെരുമ്പുഴ ബസ് സ്റ്റാൻഡിന്‍റെ നവീകരണം. റാന്നിയുടെ ഗതാഗത മേഖലയിൽ സമഗ്രമായ മാറ്റം കൊണ്ടുവരാൻ ലക്ഷ്യമിട്ട ഈ പദ്ധതിക്ക് അന്നത്തെ എംഎൽഎ പ്രമോദ് നാരായൺ പ്രത്യേക പ്രാധാന്യം നൽകുകയും ആവശ്യമായ തുക അനുവദിക്കുന്നതിന് ഇടപെടുകയും ചെയ്തിരുന്നു.
പദ്ധതി യാഥാർഥ്യമാകുന്നതോടെ റാന്നിയിലെത്തുന്ന യാത്രക്കാർക്കും പൊതുഗതാഗത സംവിധാനത്തിനും വലിയ പ്രയോജനമുണ്ടാകും. റാന്നിയിലേക്കെത്തുന്നതും ഇതുവഴി കടന്നുപോകുന്നതുമായ എല്ലാ ബസുകളും സ്റ്റാൻഡിൽ പ്രവേശിച്ച് യാത്രക്കാരെ കയറ്റുകയും ഇറക്കുകയും ചെയ്യുന്നതിനുള്ള സൗകര്യം ഇതിലൂടെ മെച്ചപ്പെടും.
ഹൈക്കോടതി ഉത്തരവിന്‍റെ അടിസ്ഥാനത്തിൽ റാന്നി ബസ് സ്റ്റാൻഡിൽ ബസുകൾ മൂന്ന് മിനിറ്റ് നിർത്തി യാത്രക്കാരെ കയറ്റുകയും ഇറക്കുകയും ചെയ്യണമെന്ന നിർദേശമുള്ളതാണ്. എന്നാൽ പിഎം റോഡ് വഴി പോകുന്ന കെഎസ്ആർടിസി ബസുകൾ സ്റ്റാൻഡിൽ പ്രവേശിക്കാറില്ല. റാന്നിയിലേക്കെത്തുന്ന എല്ലാ ബസുകളും പെരുന്പുഴയിൽ എത്താറുമില്ല.
ബസുകൾ സ്റ്റാൻഡിൽ പ്രവേശിച്ച് യാത്രക്കാരെ കയറ്റിയിറക്കുന്നതിനുള്ള സൗകര്യം ഉറപ്പാക്കുന്നതിലൂടെ ഗതാഗത നിയന്ത്രണവും യാത്രക്കാരുടെ സുരക്ഷയും മെച്ചപ്പെടുത്താനാകും.
മഴയും വെയിലും ഏൽക്കാതെ ബസ് കാത്തുനിൽക്കാനും ബസുകളിൽ കയറാനും ഇറങ്ങാനും കഴിയുന്ന വിധത്തിലുള്ള സൗകര്യങ്ങൾ, ബസുകളുടെ പാർക്കിംഗ് സംവിധാനം, യാത്രക്കാർക്ക് കൂടുതൽ സൗകര്യപ്രദമായ കാത്തിരിപ്പ് കേന്ദ്രങ്ങൾ എന്നിവയാണ് വികസനത്തിലൂടെ പ്രതീക്ഷിക്കുന്നത്. റാന്നി താലൂക്ക് ആസ്ഥാനം എന്ന നിലയിലും പെരുന്പുഴ ബസ്
സ്റ്റാൻഡിനു വളരെ പ്രാധാന്യമുണ്ട്. സ്ഥലപരിമിതിയുണ്ടാകാമെങ്കിലും അടിസ്ഥാന സൗകര്യ വികസനത്തിലൂടെ ബസ് സ്റ്റാൻഡിലെ പാർക്കിംഗ് സൗകര്യം മെച്ചപ്പെടുത്തുകയാണ് പദ്ധതിയിലെ പ്രധാന ലക്ഷ്യം. റാന്നിയിലെ പുതിയ പാലവും അപ്രോച്ച് റോഡും പൂർത്തീകരിക്കുന്പോഴേക്കും വൺവേ സംവിധാനത്തിനു പെരുന്പുഴയിൽ തുടക്കമായേക്കും. ഇത്തരമൊരു സാഹചര്യത്തിൽ പെരുന്പുഴ ബസ് സ്റ്റാൻഡ് റാന്നിയുടെ പ്രധാന കേന്ദ്രമായിമാറും.
റാന്നി താലൂക്ക് ആശുപത്രിയുടെ നിർമാണ പ്രവർത്തനങ്ങൾ പൂർത്തിയാകുന്നതോടെ ബസ് സ്റ്റാൻഡിന്‍റെ പ്രാധാന്യം വർധിക്കും. ആശുപത്രിയിലേക്കും മറ്റ് ആവശ്യങ്ങൾക്കുമായി റാന്നിയിലെത്തുന്ന നൂറുകണക്കിന് ആളുകൾക്കും മികച്ച യാത്രാസൗകര്യം ഒരുക്കാൻ ഈ പദ്ധതി സഹായകരമാകും. താലൂക്ക് ഓഫീസ്, ട്രഷറി, ബ്ലോക്ക് ഓഫീസ്, മിനി സിവിൽ സ്റ്റേഷൻ തുടങ്ങി പ്രധാനപ്പെട്ട സർക്കാർ ഓഫീസുകൾ സ്ഥിതി ചെയ്യുന്നതും പെരുന്പുഴയിലാണ്.
Pathanamthitta
റാന്നി: പരിസ്ഥിതി സംരക്ഷണം കാലഘട്ടത്തിന്‍റെ അനിവാര്യതയാണന്നും എന്നാൽ പരിസ്ഥിതി ലോല പ്രദേശങ്ങളിൽനിന്ന് ജനങ്ങളെ ഒഴിപ്പിക്കണമെന്ന സർക്കാർ പ്രഖ്യാപനത്തിൽനിന്ന് നിലവിലുള്ള ജനവാസ കേന്ദ്രങ്ങളെ ഒഴിവാക്കണമെന്നും മാർ ക്രിസോസ്റ്റം ഫൗണ്ടേഷൻ കേന്ദ്ര, സംസ്ഥാന ഗവൺമെന്‍റുകളോട് ആവശ്യപ്പെട്ടു.
തലമുറകളായി താമസിച്ചുവരുന്ന മലയോര മേഖലകളിലെയും വനാതിർത്തി പ്രദേശങ്ങളിലെയും സാധാരണ ജനങ്ങളെ ആശങ്കയിലാഴ്ത്തുന്ന കുടിയൊഴിപ്പിക്കൽ പ്രഖ്യാപനം അവരുടെ ജീവിതത്തെയും ഉപജീവനത്തെയും ഭാവിയെയും ഗുരുതരമായി ബാധിക്കുന്നതാണന്നും സ്വന്തം കിടപ്പാടവും കൃഷിഭൂമിയും ഉപേക്ഷിച്ച് മറ്റൊരിടത്തേക്ക് മാറേണ്ടിവരുന്നത് വലിയ സാമൂഹികവും സാമ്പത്തികവുമായ പ്രതിസന്ധികൾക്കു കാരണമാകുമെന്നും ഫൗണ്ടേഷൻ പ്രതിനിധികൾ സമർപ്പിച്ച നിവേദനത്തിൽ പറയുന്നു.
പരിസ്ഥിതി ലോല പ്രദേശങ്ങൾ നിർണയിക്കുമ്പോൾ ശാസ്ത്രീയമായ പഠനങ്ങളും ഭൂമിശാസ്ത്രപരമായ പ്രത്യേകതകളും നിലവിലുള്ള ജനവാസത്തിന്‍റെ സ്വഭാവവും കൃഷിയും ഉപജീവനമാർഗങ്ങളും കണക്കിലെടുക്കണം.
വനമേഖലകളെയും വന്യജീവി ആവാസവ്യവസ്ഥകളെയും സംരക്ഷിക്കുന്നതിനൊപ്പം മനുഷ്യരുടെ ജീവിക്കാനുള്ള അവകാശവും ഭരണഘടനാപരമായ സംരക്ഷണവും ഉറപ്പാക്കേണ്ടതുണ്ടന്നും നിവേദനത്തിൽ പറയുന്നു.
ജനവാസ കേന്ദ്രങ്ങൾ, കൃഷിഭൂമികൾ, ആരാധനാലയങ്ങൾ, വിദ്യാഭ്യാസ സ്ഥാപനങ്ങൾ, പൊതുസൗകര്യങ്ങൾ എന്നിവ ഉൾപ്പെടുന്ന പ്രദേശങ്ങളെക്കുറിച്ച് വ്യക്തമായ പഠനം നടത്താതെ ഏകപക്ഷീയമായ തീരുമാനങ്ങൾ കൈക്കൊള്ളരുത്. ജനപ്രതിനിധികളുടെയും തദ്ദേശസ്വയംഭരണ സ്ഥാപനങ്ങളുടെയും കർഷക സംഘടനകളുടെയും പ്രദേശവാസികളുടെയും അഭിപ്രായങ്ങൾ പരിഗണിച്ചശേഷം മാത്രമേ അന്തിമ തീരുമാനങ്ങൾ എടുക്കാവൂ എന്നും ഫൗണ്ടേഷൻ ആവശ്യപ്പെട്ടു.
മാർ ക്രിസോസ്റ്റം ഫൗണ്ടേഷൻ പ്രസിഡന്റ് റെജി കൊപ്പാറ അധ്യക്ഷത വഹിച്ചു. ജനറൽസെക്രട്ടറി റവ. തോമസ് കോശി പനച്ചമൂട്ടിൽ, ട്രഷറർ ബോബി അവഗാമ, വി.എം അബ്ദുള്ള ഖാൻ, ടി.കെ. സാജു, ഡോ.ഡി. പ്രദീപ്, സി.എം. ഫിലിപ്പ്, സിബി പുരയിടം, റോയി വർഗീസ്, ജോൺ സാമുവൽ എന്നിവർ പ്രസംഗിച്ചു.
Pathanamthitta
അടൂർ: പെരിങ്ങനാട് സർവീസ് സഹകരണ ബാങ്ക് തെരഞ്ഞെടുപ്പിന്‍റെ വരണാധികാരിയായിരുന്ന സഹകരണ ഇൻസ്പെക്ടർ സി.ടി. ബിന്ദുവിനെ അടൂരിൽനിന്ന് കോഴഞ്ചേരിയിലേക്ക് സ്ഥലംമാറ്റിയ നടപടി രാഷ്‌ട്രീയപ്രേരിതമെന്ന് സിപിഎം. യുഡിഎഫ് അധികാരത്തിൽ വന്നതിനേത്തുടർന്ന് അടൂരിലേക്ക് സ്ഥലംമാറ്റം ലഭിച്ചെത്തിയ ഉദ്യോഗസ്ഥയെയാണ് ഇപ്പോൾ വീണ്ടും മാറ്റിയത്. സഹകരണ തെരഞ്ഞെടുപ്പിൽ കോൺഗ്രസിനുണ്ടായ തെരഞ്ഞെടുപ്പ് പരാജയത്തിന്‍റെ ഉത്തരവാദിത്വം വരണാധികാരിയുടെ മേൽ കെട്ടിവച്ചാണ് സ്ഥലംമാറ്റം നടത്തിയതെന്ന് സിപിഎം നേതാക്കൾ ആരോപിച്ചു.
തെരഞ്ഞെടുപ്പ് നടപടികളിൽ നിയമപരമായ നിലപാട് സ്വീകരിച്ചതും ക്രമക്കേടുകൾക്കുള്ള നിർദേശങ്ങൾ നിരസിച്ചതുമാണ് ഉദ്യോഗസ്ഥയെ ചിലരുടെ കണ്ണിലെ കരടാക്കിയത്.
ഉദ്യോഗസ്ഥരെക്കൊണ്ട് നിർബന്ധിച്ച് സ്ഥലംമാറ്റ അപേക്ഷ എഴുതിവാങ്ങി, സ്വന്തം താത്പര്യപ്രകാരമാണ് നടപടിയെന്ന് വരുത്തിത്തീർക്കാനുള്ള ശ്രമവും നടന്നതായി ആരോപണമുണ്ട്. സഹകരണ രജിസ്ട്രാർ അടിയന്തരമായി ഇടപെട്ട് സ്ഥലംമാറ്റ ഉത്തരവ് തിരുത്തണമെന്നും അല്ലാത്തപക്ഷം സഹകാരികളെ അണിനിരത്തി ശക്തമായ പ്രക്ഷോഭം സംഘടിപ്പിക്കുമെന്നും സിപിഎം ജില്ലാ സെക്രട്ടേറിയറ്റ് അംഗങ്ങളായ പി.ബി. ഹർഷകുമാർ, ടി.ഡി. ബൈജു, ഏരിയാ സെക്രട്ടറി എസ്. മനോജ്, ബി. നിസാം എന്നിവർ അറിയിച്ചു.
Pathanamthitta
കൊടുമൺ: പത്തനംതിട്ട ജില്ലാ കുടുംബശ്രീ മിഷന്‍റെ നേതൃത്വത്തിൽ സവിശേഷ പരിഗണന അർഹിക്കുന്ന കുട്ടികൾക്കായി സംഘടിപ്പിച്ച കായിക മേള ബഡ്സ് ഒളിമ്പിയ 3.0യിൽ നാറാണംമൂഴി ബഡ്സ് സ്കൂൾ 81 പോയിന്‍റോടെ കിരീടം കരസ്ഥമാക്കി. തുടർച്ചയായ മൂന്നാം തവണയാണ് നാറാണംമൂഴി സ്കൂൾ കിരീടമണിയുന്നത്. 48 പോയിന്‍റോടെ കൊടുമൺ ബിആർസി രണ്ടാംസ്ഥാനവും കലഞ്ഞൂർ ബിആർസി 43 പോയിന്‍റോടെ മൂന്നാം സ്ഥാനവും നേടി.
കൊടുമൺ ഇഎംഎസ് സ്റ്റേഡിയത്തി ൽ നടന്ന കായികമേളയിൽ 12 ബഡ്സ് സ്കൂളുകളിൽ നിന്നായി 300 ഓളം കുട്ടികൾ പങ്കെടുത്തു. സബ് ജൂനിയർ, ജൂനിയർ, സീനിയർ വിഭാഗങ്ങളിലായി മത്സരങ്ങൾ സംഘടിപ്പിച്ചു. 50 മീറ്റർ, 100 മീറ്റർ ഓട്ടം, സ്റ്റാൻഡിംഗ് ബ്രോഡ് ജംപ്, ലോംഗ് ജംപ്, സോഫ്റ്റ് ബോൾ ത്രോ, ഷോട്ട്പുട്ട് വീൽ ചെയർ ഓട്ടം, റിലേ തുടങ്ങി 34 മത്സര ഇനങ്ങളാണ് നടന്നത്.
ബുദ്ധിപരമായ വെല്ലുവിളികൾ നേരിടുന്ന കുട്ടികളുടെ ശാരീരികക്ഷമത, ഏകാഗ്രത, ചലനസാമർത്ഥ്യം എന്നിവ മെച്ചപ്പെടുത്താനും അവരെ സാമൂഹികമായി കൂടുതൽ ഉൾപ്പെടുത്താനും സഹായിക്കുക എന്നതാണ് കായികമത്സരത്തിന്റെ ലക്ഷ്യം.
ജില്ലാ കളക്ടർ എ. നിസാമുദ്ദീൻ മാർച്ച് പാസ്റ്റ് ഫ്ലാഗ് ഓഫ് ചെയ്തു. ജില്ലാ പഞ്ചായത്ത് പ്രസിഡന്റ് ദീനാമ്മ റോയ് ഉദ്ഘാടനം ചെയ്തു.
സി.വി. ശാന്തകുമാർ എംഎൽഎ സമാപന സമ്മേളനത്തിൽ മുഖ്യാതിഥിയായിരുന്നു. ബ്ലോക്ക് പഞ്ചായത്തംഗം ലാലി സുദർശനൻ പ്രസംഗിച്ചു. പരിമിതികളെ മറികടന്ന് കഴിവ് തെളിയിച്ച കുട്ടികളെയും അവരെ സജ്ജരാക്കിയ അധ്യാപകരെയും രക്ഷിതാക്കളെയും നാറാണംമൂഴി പഞ്ചായത്ത് ഭരണ സമിതി അഭിനന്ദിച്ചു.
Pathanamthitta
പത്തനംതിട്ട: സാമ്പത്തിക തട്ടിപ്പ് കേസില്‍ ആലപ്പുഴ സ്വദേശികളായ രണ്ട് യുവാക്കളെ കൊടുമണ്‍ പൊലിസ് അറസ്റ്റ് ചെയ്തു. കായംകുളം ചേരാവള്ളി ചങ്കഴിത്തറ വടക്കേത്തില്‍ ആദിത്യന്‍ മധു(22), തെക്കേക്കര കുറത്തികാട് വടക്കേടത്ത് വീട്ടില്‍ അമല്‍ (22) എന്നിവരെയാണ് അറസ്റ്റ് ചെയ്തത്. കൊടുമണ്ണിലെ സ്വകാര്യധനകാര്യ സ്ഥാപനത്തില്‍ അഞ്ചുലക്ഷം രൂപയ്ക്ക് ഇവർ സ്വർണം പണയം വച്ചിരുന്നു. തുടര്‍ന്ന് അടുത്ത ദിവസം വൈകുന്നേരത്തോടെ അഞ്ചുലക്ഷം രൂപ പണയം വച്ചിരുന്ന ധനകാര്യ സ്ഥാപനത്തിലെ അക്കൗണ്ടിലേക്ക് നിക്ഷേപിച്ചു.
എന്നാല്‍, തമിഴ്നാട്ടില്‍ രജിസ്റ്റര്‍ ചെയ്ത മറ്റൊരു സാമ്പത്തിക തട്ടിപ്പ് കേസുമായി ബന്ധപ്പെട്ട പണമായിരുന്നു ഇത്തരത്തില്‍ അക്കൗണ്ടിലേക്ക് കൈമാറിയത്. ഇതോടെ സാമ്പത്തിക തട്ടിപ്പിലൂടെ ലഭിച്ച പണം കൈമാറ്റം ചെയ്യുന്നതിലെ ഇടനിലക്കാരനായി സ്വകാര്യ ധനകാര്യ സ്ഥാപനത്തിന്‍റെ ബാങ്ക് അക്കൗണ്ടും ഉള്‍പ്പെടുകയും അക്കൗണ്ട് ഫ്രീസ് ചെയ്യപ്പെടുകയും ചെയ്തു. ഈ ഇടപാടിലൂടെ സാമ്പത്തിക നഷ്‌ടവും ബുദ്ധിമുട്ടുകളും ഉണ്ടായതായാണ് കേസ്. പരാതിയുടെ അടിസ്ഥാനത്തില്‍ കൊടുമണ്‍ പൊലിസ് കേസ് രജിസ്റ്റര്‍ ചെയ്ത് അന്വേഷണം നടത്തിവരികയായിരുന്നു.
ലഭിച്ച വിവരങ്ങളുടെ അടിസ്ഥാനത്തില്‍ നടത്തിയ പരിശോധനയില്‍ ഇരുവരെയും കണ്ടെത്തി അറസ്റ്റ് ചെയ്തു. അറസ്റ്റിലായ പ്രതികളെ പത്തനംതിട്ട ജുഡീഷ്യല്‍ ഒന്നാം ക്ലാസ് മജിസ്ട്രേറ്റ് കോടതിയില്‍ ഹാജരാക്കി റിമാന്‍ഡ് ചെയ്തു. പന്തളം സിഐ ബാബു കുറുപ്പിന്‍റെ നേതൃത്വത്തില്‍ എസ്ഐ ഷിജു പി സാം, എസ് സിപിഒമാരായ അനീഷ് ഗീവര്‍ഗീസ്, അമീഷ് എന്നിവരടങ്ങിയ സംഘമാണ് പ്രതികളെ പിടികൂടിയത്.
Pathanamthitta
പത്തനംതിട്ട: കേരള വ്യാപാരി വ്യവസായി ഏകോപന സമിതി മുൻ ജില്ലാ പ്രസിഡന്‍റും സംസ്ഥാന ജനറൽ സെക്രട്ടറിയും ആയിരുന്ന അലക്സ് എം.ചാക്കോയുടെ പേരിൽ വ്യാപാരി വ്യവസായി ഏകോപന സമിതി ജില്ലാ കമ്മിറ്റി ഏർപ്പെടുത്തിയിരിക്കുന്ന അവാർഡ് 2026, മന്ത്രി രമേശ് ചെന്നിത്തലയ്ക്കു നൽകും. മയക്കുമരുന്ന് ലോബിയെ അമർച്ച ചെയ്യുന്നതിലേക്കുള്ള തൂഫാൻ പ്രവർത്തനത്തിന്‍റെ മികവിനെ മുൻ നിർത്തിയാണ് പുരസ്കാരമെന്ന് ജില്ലാ എക്സിക്യൂട്ടീവ് ഭാരവാഹികൾ അറിയിച്ചു. 50000 രൂപയും ആറന്മുള കണ്ണാടിയും അടങ്ങുന്ന അവാർഡ് 23നു തിരുവല്ലയിൽ നടക്കുന്ന ചടങ്ങിൽ സംസ്ഥാന പ്രസിഡന്റ് രാജു അപ്സര, രമേശ് ചെന്നിത്തലയ്ക്കു സമ്മാനിക്കും.
ആന്‍റോ ആന്റണി എംപി സമ്മേളനം ഉദ്ഘാടനം ചെയ്യും. ജില്ലാ കമ്മിറ്റി നടപ്പാക്കിവരുന്ന സ്നേഹ സ്പർശം പദ്ധതി ധനസഹായ വിതരണം വർഗീസ് മാമ്മൻ എംഎൽഎ നിർവഹിക്കും. പുഷ്പഗിരി മെഡിക്കൽ കോളജും ഏകോപനസമിതി ജില്ലാ കമ്മിറ്റിയും സംയുക്തമായി നടപ്പാക്കുന്ന മെഡികെയർ സർട്ടിഫിക്കറ്റ് വിതരണം അബിൻ വർക്കി എംഎൽഎ നിർവഹിക്കും. ജില്ലാ പ്രസിഡന്റ് എ.ജെ. ഷാജഹാൻ അധ്യക്ഷത വഹിക്കും.
Idukki
തൊടുപുഴ: പൊലിസ് വാഹനത്തില്‍നിന്നു മദ്യക്കുപ്പി കണ്ടെത്തിയ സംഭവത്തില്‍ സസ്‌പെൻഷനിലായ പൊലിസുകാരന്‍ വീണ്ടും മദ്യപിച്ച് വാഹനമോടിച്ചതിന് പിടിയില്‍. കരിമണ്ണൂര്‍ സ്റ്റേഷനിലെ സിപിഒ ആയിരുന്ന ജിജോ ആന്‍റണിയെയാണ് തൊടുപുഴ പൊലിസ് അറസ്റ്റ് ചെയ്തത്. കഴിഞ്ഞ ജൂലൈയില്‍ ഡ്യൂട്ടിയിലിരിക്കെ മദ്യപിച്ച് വാഹനമോടിച്ചതിന് ഇയാളെ സസ്‌പെന്‍ഡ് ചെയ്തിരുന്നു.
ഇന്നലെ വൈകുന്നേരം ആറോടെ തൊടുപുഴ വെങ്ങല്ലൂര്‍ സിഗ്‌നല്‍ ജംഗ്ഷനിലാണ് സംഭവം. ജംഗ്ഷനില്‍ വാഹനാപകടം ഉണ്ടായിരുന്നു. പരിക്കേറ്റവരെ ആശുപത്രിയിലേക്ക് കയറ്റിവിട്ട് തിരിച്ചെത്തിയ നാട്ടുകാര്‍ക്കിടയിലേക്കാണ് മദ്യലഹരിയിലായിരുന്ന ജിജോ ആന്റണി അപകടകരമായ രീതിയില്‍ കാറോടിച്ചെത്തിയത്.
വാഹനമോടിക്കാന്‍ പറ്റാത്ത അവസ്ഥയിലായിരുന്നു ഇയാളെന്ന് നാട്ടുകാര്‍ പറഞ്ഞു. ഇതോടെ നാട്ടുകാര്‍ തൊടുപുഴ പൊലിസില്‍ വിവരമറിയിച്ചു. എന്നാല്‍ സ്ഥലത്തെത്തിയ പൊലിസ് ജിജോയെ ന്യായീകരിക്കാന്‍ ശ്രമിച്ചെന്ന് നാട്ടുകാര്‍ പറഞ്ഞു.
നാട്ടുകാര്‍ പ്രതിഷേധിച്ചതോടെ പൊലിസ് ജീപ്പില്‍ കയറ്റിക്കൊണ്ടുപോയി. ജില്ലാ ആശുപത്രിയില്‍ വൈദ്യപരിശോധന പൂര്‍ത്തിയാക്കി സ്റ്റേഷനിലെത്തിച്ചു. മദ്യപിച്ച് അപകടരമായ രീതിയില്‍ വാഹനമോടിച്ചതിന് ജിജോ ആന്‍റണിക്കെതിരേ കേസെടുക്കുമെന്ന് തൊടുപുഴ പൊലിസ് പറഞ്ഞു.
കഴിഞ്ഞ ജൂലൈ 20നാണ് ജിജോ ആന്റണി ഓടിച്ചിരുന്ന കരിമണ്ണൂര്‍ സ്റ്റേഷനിലെ ജീപ്പില്‍നിന്ന് മദ്യക്കുപ്പിയും നിരോധിത പുകയില ഉത്പന്നവും ചീട്ടും കണ്ടെത്തിയത്. ഇയാളും ഒപ്പമുണ്ടായിരുന്ന എസ്ഐ എന്‍.എസ്. റോയിയും മദ്യപിച്ചിരുന്നതായി കണ്ടെത്തിയതിനെത്തുടര്‍ന്ന് ഇരുവരെയും സസ്‌പെന്‍ഡ് ചെയ്യുകയായിരുന്നു.
Idukki
കാഞ്ഞിരപ്പള്ളി: ചെവി, തൊണ്ട, മൂക്ക് എന്നിവയുമായി ബന്ധപ്പെട്ട വിവിധ തരത്തിലുള്ള അസുഖങ്ങളുടെ രോഗ, ശസ്ത്രക്രിയാ നിർണയ മെഡിക്കൽ ക്യാമ്പ് കാഞ്ഞിരപ്പള്ളി മേരിക്വീൻസ് മിഷൻ ആശുപത്രിയിൽ നാളെ മുതൽ14 വരെ നടക്കുമെന്ന് ആശുപത്രി അധികൃതർ അറിയിച്ചു.
തുടർച്ചയായ തലവേദന, ഇയർ ബാലൻസ്, പെട്ടെന്ന് കേൾവിശക്തി കുറയുക, മൂക്കിൽ ദശ വളരുക, മൂക്കിന്‍റെ വളവ്, അലർജി പ്രശ്നങ്ങൾ തുടങ്ങി വിവിധ ബുദ്ധിമുട്ടുകളുള്ളവർക്ക് ക്യാമ്പിൽ പങ്കെടുക്കാം.
മേരിക്വീൻസിലെ ഇഎൻടി സർജറി വിഭാഗം ഒരുക്കുന്ന മെഡിക്കൽ ക്യാമ്പിൽ പങ്കെടുക്കാൻ മുൻകൂർ ബുക്ക് ചെയ്യുന്നവർക്ക് ഡോക്ടർ കൺസൾട്ടേഷൻ, ഓഡിയോമെട്രി ആൻഡ് പിടിഎ ടെസ്റ്റ്, ഡിജിറ്റൽ എക്സ്-റേ സേവനങ്ങൾ സൗജന്യമായി ലഭ്യമാവും. കൂടാതെ ലാബ് പരിശോധനകൾ, സിടി സ്കാൻ, എൻഡോസ്കോപ്പി സേവങ്ങൾക്കും സർജറികൾക്കും പ്രത്യേക നിരക്കിളവും ലഭ്യമാകും.
ശിശുദിനത്തോടനുബന്ധിച്ച് കുട്ടികൾക്കായി പ്രത്യേക അഡിനോയിഡ് ചികിത്സാ പാക്കേജുകളും ലഭ്യമാണ്. ക്യാമ്പിന് ഇഎൻടി സർജൻ ഡോ. ഡിവൈൻ ജൂഡ് എംബിബിഎസ്, എംഎസ് ഇഎൻടി മേൽനോട്ടം വഹിക്കും.
ഫോൺ: +91 8281 001 025.
Idukki
കരിമണ്ണൂര്‍: ലയണ്‍സ് ക്ലബ് ഇന്‍റര്‍നാഷണല്‍ കരിമണ്ണൂര്‍ റോയലിന്‍റെ ഗ്രൂപ്പ് ഫാമിംഗ് പ്രോജക്ടിന്‍റെ ഭാഗമായി നടത്തിയ നെല്‍കൃഷി വിളവെടുപ്പ് നടത്തി.
മുളപ്പുറം തേങ്കോടം കവലയിലെ പാടശേഖരത്ത് നടത്തിയ കൊയ്ത്തുത്സവം ജില്ലാ റീജൺ ചെയര്‍മാന്‍ അനില്‍കുമാര്‍ ഉദ്ഘാടനം ചെയ്തു. പ്രസിഡന്റ് ജോയി ജോസഫ് അധ്യക്ഷത വഹിച്ചു.
പഞ്ചായത്തംഗം മനു ജോസ്, ക്ലബ് സെക്രട്ടറി സുബീര്‍, സിറിയക് ജോണ്‍, അലോഷ്യസ് അഗസ്റ്റിന്‍, ജോസ് വടക്കന്‍, കെ.ജെ. ജോസഫ് ,ജോണ്‍സണ്‍ മാത്യു , ബെറ്റ്‌സി ജോയി, മെറീന സിറിയക്, ഡോ. ജയകുമാര്‍ എന്നിവര്‍ പ്രസംഗിച്ചു.
Idukki
ഉപ്പുതറ: അയ്യപ്പൻകോവിൽ പഞ്ചായത്തിലെ 13-ാം വാർഡിലെ ആദിവാസി ഉന്നതിയായ കിണറ്റുകരയിൽ പുലിയെ കണ്ടെന്ന് നാട്ടുകാരുടെ പരാതി. പ്രദേശത്ത് നാട്ടുകാരുടെയും വനംവകുപ്പിന്‍റെയും നേതൃത്വത്തിൽ തെരച്ചിൽ നടത്തിയെങ്കിലും പുലിയെ കണ്ടെത്താൻ കഴിഞ്ഞില്ല. വിവരം കാഞ്ചിയാർ ഫോറസ്റ്റ് ഓഫിസിൽ അറിയിച്ചെങ്കിലും വാഹനസൗകര്യമില്ലാത്തതിനാൽ എത്താൻ കഴിയില്ലെന്ന മറുപടിയാണ് ആദ്യം ലഭിച്ചതെന്നു നാട്ടുകാർ ആരോപിച്ചു.
രണ്ടു വർഷം മുൻപ് ഇതേ സ്ഥലത്ത് പുലിയുടെ സാന്നിധ്യം സ്ഥിരീകരിച്ചിരുന്നുവെന്നാണ് നാട്ടുകാർ പറയുന്നത്. പുലിയെ കണ്ടുവെന്ന വാർത്ത പ്രചരിച്ചതോടെ പ്രദേശവാസികൾ ഭീതിയിലായി.
കുട്ടികളെ സ്കൂളിൽ വിടാനോ സന്ധ്യകഴിഞ്ഞാൽ പുറത്തിറങ്ങനോ ആളുകൾ മടിക്കുകയാണ്.
പുലിയുടെ സാന്നിധ്യമുണ്ടോ എന്ന് മനസിലാക്കാൻ പ്രദേശത്ത് കാമറ സ്ഥാപിക്കണമെന്ന് പ്രാദേശിക ജനപ്രതിനിധികളും നാട്ടുകാരും വനംവകുപ്പിനോട് ആവശ്യപ്പെട്ടു.
Idukki
ഉപ്പുതറ: എൽഡിഎഫിന് ഭരണം നഷ്ടമായ ഉപ്പുതറ പഞ്ചായത്തിൽ പുതിയ പ്രസിഡന്‍റിനെ 23ന് തെരഞ്ഞെടുക്കും. എൽഡിഎഫ്-എട്ട്, യുഡിഎഫ്-എട്ട്, ബിജെപിയും സ്വതന്ത്രയും ഓരോന്നു വീതം എന്നിങ്ങനെയാണ് നിലവിൽ പഞ്ചായത്തിലെ കക്ഷിനില. അതിനാൽ പഞ്ചായത്ത് ആരു ഭരിക്കുമെന്ന കാര്യത്തിൽ അനിശ്ചിതത്വം നിലനിൽക്കുകയാണ്.
10 മാസം പഞ്ചായത്ത് ഭരണം നടത്തിയ എൽഡിഎഫ് ഭരണസമിതിയെ യുഡിഎഫ് കൊണ്ടുവന്ന അവിശ്വാസത്തിലൂടെയാണ് പുറത്താക്കിയത്. അവിശ്വാസ പ്രമേയത്തിന് അനുകൂലമായി ബിജെപി അംഗം വോട്ട് രേഖപ്പെടുത്തിയതാണ് എൽഡിഎഫിന് തിരിച്ചടിയായത്. സ്വതന്ത്ര അംഗത്തിന്‍റെ പിന്തുണയോടെ എൽഡിഎഫ് നടത്തിയ ഭരണത്തിൽ തർക്കങ്ങൾ പതിവായിരുന്നു.
പഞ്ചായത്തിലെ ജീവനക്കാരിയുടെ താത്കാലിക നിയമന വിഷയത്തിൽ തർക്കം രൂക്ഷമായതോടെയാണ് യുഡിഎഫ് അവിശ്വാസം കൊണ്ടുവന്നത്. പാർട്ടി വിപ്പ് ലംഘിച്ച് യുഡിഎഫിന് അനുകൂലമായി വോട്ട് ചെയ്ത ഒന്നാം വാർഡ് അംഗത്തിനെതിരേ ബിജെപി നടപടി സ്വീകരിക്കുകയും ചെയ്തു.
23ന് രാവിലെ 11ന് ഉപ്പുതറ പഞ്ചായത്ത് ഹാളിലാണ് പ്രസിഡന്റ് തെരഞ്ഞെടുപ്പ്. ഉച്ചകഴിഞ്ഞ് രണ്ടിന് വൈസ് പ്രസിഡന്റ് തെരഞ്ഞെടുപ്പും നടക്കും.
Idukki
വണ്ടന്‍മേട്: ജീവിതത്തില്‍ വേദന അനുഭവിക്കുന്നവര്‍ക്ക് ആശ്വാസം നല്‍കാനുള്ള ദൗത്യമാണ് ക്രൈസ്തവരുടേതെന്ന് കാഞ്ഞിരപ്പള്ളി ബിഷപ് മാര്‍ ജോസ് പുളിക്കല്‍. കാഞ്ഞിരപ്പള്ളി രൂപത സുവര്‍ണ ജൂബിലിയോടനുബന്ധിച്ച് 60 കഴിഞ്ഞവരുടെ സ്‌നേഹസംഗമമായ അണക്കര ഫൊറോന സഖറിയാസ് കണ്‍വെന്‍ഷന്‍ വണ്ടന്‍മേട് സെന്റ് ആന്‍റണീസ് പള്ളിയില്‍ ഉദ്ഘാടനം ചെയ്യുകയായിരുന്നു അദ്ദേഹം. കാലത്തിന്‍റെ മാറ്റങ്ങള്‍ മനസിലാക്കി പ്രവര്‍ത്തിക്കാനും സ്വര്‍ഗലക്ഷ്യമാക്കി ജീവിക്കാനുള്ള സമയമാണ് ജീവിതത്തിന്‍റെ സായംകാലമെന്നും അദ്ദേഹം പറഞ്ഞു.
ജീവിത പാഠങ്ങള്‍ പുതുതലമുറയ്ക്ക് പകര്‍ന്നു നല്‍കുമ്പോള്‍ മാതാപിതാക്കള്‍ വഴികാട്ടികളായി മാറുകയാണ്. രൂപതയുടെ ജീവകാരുണ്യ, വിദ്യാഭ്യാസ, ആതുരശുശ്രൂഷാ മേഖലകളില്‍ മുതിര്‍ന്ന തലമുറ നല്‍കിയ സഹകരണം അഭിനന്ദനാര്‍ഹമാണെന്നും ബിഷപ് പറഞ്ഞു.
വികാരി ഫാ. തോമസ് പാലക്കല്‍ സ്വാഗതവും രൂപത ഫാമിലി അപ്പൊസ്തലേറ്റ് ഡയറക്ടര് ഫാ. മാത്യു ഓലിക്കല്‍ ആമുഖ സന്ദേശവും നല്കി.
തലശേരി ക്രിസ്റ്റീന്‍ മിഷന് ടീം നയിക്കുന്ന കണ്‍വെന്‍ഷന്‍ നാളെ സമാപിക്കും. ജോസിലിന്‍ തച്ചേടത്ത്, സ്വപ്ന റോയ്, സിസ്റ്റര്‍ എമി ടോം, ഫാ. തോമസ് പാലയ്ക്കല്‍, ഫാ. മാത്യു ഓലിക്കല്‍, മാര്‍ട്ടിന്‍ കിടങ്ങയില്‍, ജോയ്സ് തലശേരി, സാബു പതിനഞ്ചില്‍, ജോസ് ഇരട്ടമുണ്ടക്കല്‍ എന്നിവരാണ് നേതൃത്വം നല്കുന്നത്.
Idukki
നെടുങ്കണ്ടം: ജില്ലയിലെ ഏക സിന്തറ്റിക് ട്രാക്ക് സ്റ്റേഡിയമായ നെടുങ്കണ്ടത്ത് കൂടുതൽ സൗകര്യങ്ങൾ ഒരുക്കുമെന്ന് കായിക-യുവജനക്ഷേമ മന്ത്രി ഒ.ജെ. ജനീഷ്. സ്റ്റേഡിയം സന്ദർശിച്ചശേഷമാണ് മന്ത്രി ഇക്കാര്യം വ്യക്തമാക്കിയത്.
14 കോടി രൂപ ചെലവഴിച്ച് നിർമാണം പൂർത്തിയാക്കിയ സ്റ്റേഡിയത്തിൽ ഇനിയും അടിസ്ഥാന സൗകര്യങ്ങൾ മെച്ചപ്പെടുത്തേണ്ടതുണ്ടെന്ന് സേനാപതി വേണു എംഎൽഎയും പൊതുപ്രവർത്തകരും മന്ത്രിയുടെ ശ്രദ്ധയിൽപ്പെടുത്തി.
സ്റ്റേഡിയത്തിന് പവലിയൻ നിർമിക്കുക, വോളിബോൾ കോർട്ട് സജ്ജമാക്കുക, അടിസ്ഥാന സൗകര്യങ്ങൾ മെച്ചപ്പെടുത്തുക എന്നിവയാണ് പ്രധാന ആവശ്യമായി മന്ത്രിയുടെ മുന്നിൽ വച്ച നിർദേശങ്ങൾ.
ആവശ്യങ്ങൾ അനുഭാവപൂർവം പരിഗണിച്ച് തുടർനടപടികൾ സ്വീകരിക്കുമെന്ന് മന്ത്രി ഉറപ്പുനൽകി.
യൂത്ത് കോൺഗ്രസിന്‍റെ ജൻ ഇന്ത്യ മൂവ്മെന്‍റ് പദയാത്രയിൽ പങ്കെടുക്കാൻ നെടുങ്കണ്ടത്ത് എത്തിയ മന്ത്രിയെ സ്റ്റേഡിയം സന്ദർശിക്കാൻ എംഎൽഎയും നേതാക്കളും ക്ഷണിക്കുകയായിരുന്നു. ഇവരുടെ ക്ഷണം മന്ത്രി അനുഭാവപൂർവം സ്വീകരിക്കുകയും ചെയ്തു.
Idukki
തൊടുപുഴ: നഗരസഭയില്‍ സ്റ്റേഡിയത്തിന്‍റെ നിര്‍മാണം ഉടന്‍ ആരംഭിക്കണമെന്നാവശ്യപ്പെട്ട് തൊടുപുഴ മര്‍ച്ചന്‍റ്സ് അസോസിയേഷന്റെ നേതൃത്വത്തില്‍ മന്ത്രി ഒ.ജെ. ജനീഷിന് നിവേദനം നല്കി.
പ്രസിഡന്റ് പി.എ. സലിംകുട്ടി, വര്‍ക്കിംഗ് പ്രസിഡന്റ് പ്രശാന്ത് കുട്ടപ്പാസ്, ജനറല്‍ സെക്രട്ടറി ജിമ്മി കുര്യന്‍, ട്രഷറര്‍ അഭിലാഷ്, സാലി എസ്. മുഹമ്മദ്, എം.ബി. താജു, സജിത്ത് കുമാര്‍, ജോസ്‌ലെറ്റ്, സജി പോള്‍, ജോര്‍ജ്കുട്ടി ജോസ് എന്നിവരുടെ നേതൃത്വത്തിലാണ് നിവേദനം നല്‍കിയത്.
Idukki
മുതലക്കോടം: ജയ്ഹിന്ദ് ലൈബ്രറിയുടെ നേതൃത്വത്തില്‍ 29, 30, ഡിസംബര്‍ ഒന്ന്, രണ്ട് തീയതികളില്‍ തൊടുപുഴ ടൗണ്‍ ഹാളില്‍ സംഘടിപ്പിക്കുന്ന ഏഴാമത് സംസ്ഥാന നാടകോത്സവത്തിന്‍റെ ടിക്കറ്റ് വിതരണോദ്ഘാടനം നടത്തി. പി.ആര്. ബിനോയി അധ്യക്ഷത വഹിച്ചു.
നാടകനടന്‍ ഡി. മൂക്കന്‍, ഗ്രന്ഥശാല പ്രവര്‍ത്തകന്‍ എ.പി. കാസിമിന് ടിക്കറ്റ് നല്കി ഉദ്ഘാടനം ചെയ്തു.
മുന്‍കാല നാടകനടന്‍ തൊടുപുഴ ചാക്കപ്പന്‍, അഡ്വ. നീറണാല്‍ ബാലകൃഷ്ണന്‍, ടി.ബി. അജീഷ്‌കുമാര്‍, കെ.സി. സുരേന്ദ്രന്, പി.ആര്. വിശ്വന്‍, പി.വി. സജീവ് എന്നിവര്‍ പ്രസംഗിച്ചു.
Idukki
നെടുങ്കണ്ടം: കല്ലാർ ഡാമിലും പുഴയിലും ശുചിമുറി മാലിന്യം തള്ളിയ സംഭവത്തിൽ ആഴ്ച ഒന്ന് പിന്നിട്ടിട്ടും കുറ്റക്കാരെ കണ്ടെത്താനാകാതെ പൊലിസ്. നവംബർ രണ്ടിന് രാത്രിയാണ് ഡാമിലേക്കും പുഴയിലേക്കും വൻതോതിൽ ശുചിമുറി മാലിന്യം തള്ളിയത്. സംഭവത്തിൽ നെടുങ്കണ്ടം, പാമ്പാടുംപാറ പഞ്ചായത്തുകൾ മൂന്നിനു രേഖാമൂലം പരാതി നൽകിയെങ്കിലും അന്വേഷണം എങ്ങുമെത്തിയില്ല.
വൻതോതിൽ കക്കൂസ് മാലിന്യം തള്ളിയതിനാൽ കല്ലാർ ടൗണിലും പരിസരപ്രദേശങ്ങളിലും രൂക്ഷമായ ദുർഗന്ധമായിരുന്നു. തുടർന്ന് ഡാം സുരക്ഷാവിഭാഗം മാലിന്യം തള്ളിയ ഭാഗത്ത് മണ്ണിട്ട് മൂടി. ആരോഗ്യവകുപ്പ് പ്രദേശത്ത് ബ്ലീച്ചിംഗ് പൗഡർ വിതറി.
അതേസമയം സംഭവം നടന്ന് ദിവസങ്ങൾ കഴിഞ്ഞിട്ടും കുറ്റക്കാരെയോ വാഹനമോ കണ്ടെത്താൻ പൊലിസിന് കഴിയാത്തത് ഗുരുതര വീഴ്ചയാണെന്ന് ജനപ്രതിനിധികളും നാട്ടുകാരും കുറ്റപ്പെടുത്തി. സിസിടിവി കേന്ദ്രീകരിച്ച് അന്വേഷണം ഊർജിതമാക്കണമെന്നും ഇവർ ആവശ്യപ്പെട്ടു.
Idukki
ഉപ്പുതറ: അയ്യപ്പൻകോവിൽ പഞ്ചായത്തിലെ പുല്ലുമേട്-സുൽത്താനിയ റോഡ് തകർന്നതോടെ പ്രദേശത്ത് യാത്രാക്ലേശം രൂക്ഷം. കാൽനടപോലും സാധ്യമല്ലാത്ത രീതിയിൽ റോഡ് തകർന്നതിനാൽ അധികൃതർ അടിയന്തര ഇടപെടൽ നടത്തണമെന്നാണ് നാട്ടുകാരുടെ ആവശ്യം.
രണ്ട് വർഷത്തിലേറെയായി റോഡ് പൊട്ടിപ്പൊളിഞ്ഞിട്ടും പഞ്ചായത്ത് തിരിഞ്ഞുനോക്കുന്നില്ലെന്നാണ് ആക്ഷേപം. സ്കൂൾ ബസുകളടക്കം നൂറുകണക്കിന് വാഹനങ്ങൾ ദിവസേന പോകുന്ന റോഡാണിത്.
തോട്ടം മേഖലയിലെ പ്രധാന പാതകളിലൊന്നായ റോഡിനോടാണ് അധികാരികളുടെ ഈ അവഗണന.
റോഡ് തകർന്നതിനാൽ പലപ്പോഴും ടാക്സി വാഹനങ്ങൾ ഈ മേഖലയിലേക്ക് ഓട്ടം പോകാൻ മടിക്കുകയാണ്.
വാഹനങ്ങൾക്ക് വലിയതോതിൽ അറ്റകുറ്റപ്പണി വേണ്ടിവരുന്നതിനാലാണ് ഓട്ടം പോകാൻ മടിക്കുന്നതെന്ന് ടാക്സി ഡ്രൈവർമാരും പറയുന്നു. അതിനാൽതന്നെ രോഗികളെ ആശുപത്രിയിൽ എത്തിക്കാൻപോലും പ്രദേശവാസികൾ ബുദ്ധിമുട്ടുകയാണ്.
കഴിഞ്ഞ സർക്കാരിന്‍റെ കാലത്ത് രാഷ്‌ട്രീയപ്രേരിതമായി റോഡിനോട് അവഗണനയെന്നായിരുന്നു ആക്ഷേപം.
എന്നാൽ പഞ്ചായത്തും എംഎൽഎയും യുഡിഎഫ് പക്ഷത്തായിട്ടും റോഡിന് ശാപമോക്ഷമുണ്ടാകുന്നില്ലെന്നാണ് നാട്ടുകാരുടെ പരാതി.
അടിയന്തരമായി റോഡിന്‍റെ ശോച്യാവസ്ഥ പരിഹരിച്ചില്ലെങ്കിൽ ശക്തമായ സമരപരിപാടികളിലേക്ക് കടക്കാനാണ് നാട്ടുകാരുടെ തീരുമാനം.
Idukki
തൊടുപുഴ: നിയന്ത്രണംവിട്ട കാറിടിച്ച് ബൈക്ക് യാത്രക്കാരനു ഗുരുതര പരിക്ക്. കാറോടിച്ച യുവാവ് മദ്യപിച്ചിരുന്നതായും പൊലിസ് പറഞ്ഞു. ഉടുമ്പന്നൂര്‍ ടൗണില്‍ വ്യാപാരഭവന് എതിര്‍വശത്തായി ഇന്നലെ ഉച്ചയ്ക്ക്12.15 ഓടെയായിരുന്നു സംഭവം. അപകടത്തില്‍ മലയിഞ്ചി കാരിവേലില്‍ ആന്റണി വര്‍ഗീസിന് (54) ഗുരുതരമായി പരിക്കേറ്റു. ആന്റണി മുതലക്കോടത്തെ സ്വകാര്യആശുപത്രിയില്‍ ചികിത്സയിലാണ്.
അപകടത്തില്‍ റോഡിലുണ്ടായിരുന്നു രണ്ട് ഇതര സംസ്ഥാന തൊഴിലാളികള്‍ക്കും പരിക്കേറ്റു. സംഭവത്തില്‍ കോട്ടക്കവല സ്വദേശിയായ ഷിറ്റോ ടോമിക്ക് (33 ) എതിരേ കരിമണ്ണൂര്‍ പൊലിസ് കേസെടുത്തു. പാറേക്കവല ഭാഗത്തേക്ക് വരികയായിരുന്ന വാഹനം തെറ്റായ ദിശയിലൂടെ സഞ്ചരിക്കുന്നതിനിടയില്‍ എതിര്‍ദിശയില്‍നിന്നു വന്ന ബൈക്ക് യാത്രക്കാരനെ ഇടിച്ചിടുകയായിരുന്നു. അപകടത്തെത്തുടര്‍ന്ന് സമീപത്തെ ബാര്‍ബര്‍ഷോപ്പിലേക്ക് ഇടിച്ചുകയറിയാണ് വാഹനം നിന്നത്. ഇതിന് മുമ്പിലുണ്ടായിരുന്ന ഇതര സംസ്ഥാന തൊഴിലാളികള്‍ക്കാണ് പരിക്കേറ്റത്. അപകടത്തില്‍ ഇവിടെ പാര്‍ക്ക് ചെയ്തിരുന്ന രണ്ട് ഇരുചക്രവാഹനങ്ങളും തകര്‍ന്നു.
Idukki
വണ്ടിപ്പെരിയാർ: നിയന്ത്രണംവിട്ട് ഓട്ടോറിക്ഷ നിർത്തിയിട്ടിരുന്ന കാറിലേക്ക് ഇടിച്ചുകയറി. അപകടത്തിൽ തലയ്ക്ക് പരിക്കേറ്റ ഓട്ടോ ഡ്രൈവർ രാജമുടി സ്വദേശി സാമിനെ ആദ്യം പീരുമേട് താലൂക്ക് ആശുപത്രിയിലും പിന്നീട് കോട്ടയം മെഡിക്കൽ കോളജിലും പ്രവേശിപ്പിച്ചു.
ഞായറാഴ്ച രാത്രി എട്ടോടെ വണ്ടിപ്പെരിയാർ ബസ്‌സ്റ്റാൻഡിന് സമീപമായിരുന്നു അപകടം. തട്ടുകടയിൽനിന്നു ഭക്ഷണം വാങ്ങാൻ നിർത്തിയിട്ടിരുന്ന കാറിൽ ഓട്ടോ ഇടിക്കുകയായിരുന്നു.
അപകടത്തിൽ ഓട്ടോറിക്ഷയുടെ മുൻഭാഗം പൂർണമായും തകർന്നു. വണ്ടിപ്പെരിയാർ പൊലിസ് സ്ഥലത്തെത്തി മേൽനടപടികൾ സ്വീകരിച്ചു.
Idukki
വാഴവര: സംസ്ഥാന ശാസ്ത്രവേദിയുടെ ഈ വർഷത്തെ ബാലശാസ്ത്ര പുരസ്കാരത്തിന് വാഴവര സെന്റ് മേരീസ് ഹൈസ്കൂൾ പത്താം ക്ലാസ് വിദ്യാർഥി അനക്സ് ജോഷി അർഹനായി. നവീന ശാസ്ത്ര ഭാവനകൾ അവതരിപ്പിക്കുന്ന പ്രതിഭകൾക്ക് നൽകുന്ന പുരസ്കാരമാണിത്.
കർഷകർക്ക് ആധുനിക കൃഷിരീതി പരിചയപ്പെടുത്തിയ മൾട്ടി പർപ്പസ് അഗ്രോ വീക്കിൾ വികസിപ്പിച്ചാണ് അനക്സ് ശാസ്ത്ര പ്രതിഭാ പുരസ്കാരം നേടിയത്. റിമോട്ട് കൺട്രോൾ സംവിധാനത്തിലൂടെ കാർഷിക പ്രവർത്തനങ്ങൾ വേഗത്തിലാക്കാൻ കഴിയുന്ന രീതിയിലാണ് ഈ അത്യാധുനിക കാർഷിക വാഹനം രൂപകൽപ്പന ചെയ്തിരിക്കുന്നത്.
കാർഷിക മേഖലയിലെ കഠിനമായ ജോലികൾ ലളിതമാക്കുന്നതിനൊപ്പം ആധുനിക സാങ്കേതിക വിദ്യകൾ സാധാരണക്കാരിലേക്കും എത്തിക്കുക എന്നതാണ് പദ്ധതിയുടെ ലക്ഷ്യം. നാലുമുക്ക് തുണ്ടത്തിൽ ജോഷി സെബാസ്റ്റ്യൻ-ജെയ്സി ദമ്പതികളുടെ മകനാണ്.
Idukki
മൂലമറ്റം: ഓപ്പറേഷന്‍ തണ്ടറിന്‍റെ ഭാഗമായി വിനോദസഞ്ചാര മേഖലകളില്‍ മൂലമറ്റം എക്സൈസ് എന്ഫോഴ്സ്മെന്റ് ആന്‍ഡ് ആന്‍റി നര്‍കോട്ടിക് ആൻഡ് സ്‌പെഷല്‍ സ്‌ക്വാഡ് നടത്തിയ പരിശോധനയില്‍ ലഹരി ഉത്പന്നങ്ങളുമായി രണ്ടുപേര്‍ പിടിയില്‍.
തൃശൂര്‍ പള്ളിപ്പുറം അടിയാനിപ്പറമ്പില്‍ എ.ജെ. ഇജാസും (26) പ്രായപൂര്‍ത്തിയാകാത്ത ആളുമാണ് പിടിയിലായത്. ഇവരില്‍നിന്നു സ്‌കൂട്ടറില്‍ കൊണ്ടുവന്ന 0.147 ഗ്രാം എല്‍എസ്ഡി സ്റ്റാമ്പ്, 4.9 ഗ്രാം ഹാഷിഷ് ഓയില്‍, 6.930 ഗ്രാം കഞ്ചാവ് എന്നിവ പിടിച്ചെടുത്തു.
കാഞ്ഞാര്‍ - പുള്ളിക്കാനം റോഡില്‍ ഇലപ്പള്ളി പുരയിടം കവലയില്‍ നടത്തിയ പരിശോധനയിലാണ് ഇവരെ പിടികൂടിയത്. ലഹരിവസ്തുക്കള്‍ വാഗമണ്‍ വിനോദസഞ്ചാര മേഖലയിലേക്ക് എത്തിച്ചതെന്നാണ് സൂചന.
എക്സൈസ് ഇന്സ്പെക്ടര് അര്‍ജുന്‍ ഷാജു, പ്രിവന്‍റീവ് ഓഫിസര്‍ പി.സി. റെജി, സിവില്‍ എക്സൈസ് ഓഫിസര്‍മാരായ മാനുവല്‍ ജേക്കബ്, ആര്. മുകേഷ്, പി.എസ്. അനൂപ്, അസി. എക്സൈസ് ഇന്സ്പെക്ടര്മാരായ ഷാജി ജയിംസ്, കെ.എസ്. അസീസ് എന്നിവര്‍ ചേര്‍ന്നാണ് പരിശോധന നടത്തിയത്.
Idukki
രാജാക്കാട്: ചികിത്സാസൗകര്യങ്ങൾ പരിമിതമായ ഹൈറേഞ്ച് മേഖലയ്ക്ക് ലയൺസ് ക്ലബ് ഇന്‍റർനാഷണൽ 318 സിയുടെ നേതൃത്വത്തിൽ ആംബുലൻസ് നൽകി. സർവീസിന്‍റെ ഫ്ലാഗ് ഓഫ് രാജാക്കാട് വൈസ്മെൻസ് സ്ക്വയറിൽ നടത്തി. ഇതിലൂടെ ലയൺസ് ക്ലബ് രാജാക്കാട് റീജൺ നടത്തുന്ന ജീവകാരുണ്യ പ്രവർത്തനങ്ങളുടെ ഭാഗമായി ചുരുങ്ങിയ
ചെലവിൽ ആംബുലൻസ് സേവനം ലഭ്യമാകും.
ഹൈറേഞ്ച് ലയൺസ് കെയർ പ്രസിഡന്റ് വി.എസ്. പൊന്നുണ്ണിയുടെ മുഖ്യചുമതലയിൽ രാജാക്കാട് കേന്ദ്രമാക്കിയാണ് ആംബുലൻസ് സർവീസ് നടത്തുന്നത്. റീജൺ ചെയർമാൻ പി. പ്രവീൺ കുമാറിന്‍റെ അധ്യക്ഷതയിൽ ചേർന്ന സമ്മേളനത്തിൽ ഡിസ്ട്രിക്ട് ഗവർണർ വി.എസ്. ജയേഷ് ഫ്ലാഗ് ഓഫ് കർമം നിർവഹിച്ചു.
അഡ്വ. വി. അമർനാഥ്, ബേസിൽ കെ. വർഗീസ്, ജെയിൻ അഗസ്റ്റ്യൻ, സിബി ഫ്രാൻസിസ്, ഡോ. സന്തോഷ് കാച്ചപ്പിള്ളി, പി.വി. ബേബി, സന്തോഷ് കുമാർ, ബേസിൽ ടി. ജേക്കബ്, ഷൈനു സുകേഷ് എന്നിവർ പ്രസംഗിച്ചു. ആംബുലൻസ് സേവനങ്ങൾക്കായി 9400337759, 9447435314, 8075522535, 9446220917 എന്നീ നമ്പറുകളിൽ ബന്ധപ്പെടണം.
Idukki
കാഞ്ഞാർ: ചക്കിക്കാവ് തച്ചുകുന്നേൽ ജിജോ (34) കുഴഞ്ഞുവീണു മരിച്ചു. ചക്കിക്കാവ് സെന്റ് മേരീസ് ഗ്രോട്ടോയ്ക്ക് സമീപം ഇന്നലെ രാവിലെ വീട്ടിൽനിന്നു വരുന്ന വഴി കുഴഞ്ഞുവീഴുകയായിരുന്നു.
ഉടൻതന്നെ മൂലമറ്റത്തെ സ്വകാര്യ ആശുപത്രിയിലും തുടർന്ന് തൊടുപുഴയിൽ സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: അശ്വതി.
സംസ്കാരം ഇന്ന് ഉച്ചകഴിഞ്ഞ് 3.30ന് ചക്കിക്കാവ് സെന്റ് മേരീസ് പള്ളിയിൽ.
Idukki
തൊടുപുഴ: മൂവാറ്റുപുഴ-തേനി സംസ്ഥാന പാതയില്‍ കൈയേറ്റമൊഴിപ്പിക്കലിന്‍റെ ഭാഗമായി അഞ്ചു വീടുകള്‍ പൂര്‍ണമായും പൊളിച്ചുനീക്കി. കുമാരമംഗലം വില്ലേജിലെ ഈസ്റ്റ് കലൂര്‍ മേനോന്‍പടി മുതല്‍ വാഴക്കാലാ തോടുവരെയുള്ള ഭാഗങ്ങളിലെ കൈയേറ്റങ്ങളാണ് രണ്ടു ദിവസങ്ങളിലായി ഒഴിപ്പിച്ചത്. ഇന്നലെ നാലു വീടുകള്‍ ജെസിബി ഉപയോഗിച്ച് പൂര്‍ണമായി പൊളിച്ചുനീക്കി. ഇവിടെ താമസിച്ചിരുന്നവരെ പഞ്ചായത്ത് അധികൃതരുടെ നേതൃത്വത്തില്‍ വാടകവീടുകളിലേക്കും മറ്റും മാറ്റിയിട്ടുണ്ട്.
എന്നാല്‍, ഈസ്റ്റ് കലൂര്‍ ഭാഗത്ത് ഏതാനും വീട്ടുകാരെ ഒഴിപ്പിക്കാനുള്ള ശ്രമത്തിനിടെ പ്രതിഷേധമുയര്‍ന്നതിനാല്‍ ഇവിടെ നടപടികള്‍ പൂര്‍ത്തിയാക്കാനായില്ല. പൊതുമരാമത്ത് വകുപ്പ് തൊടുപുഴ എക്സിക്യുട്ടീവ് എന്‍ജിനിയര്‍ രാജേഷ് ജി. നായര്‍, കരിമണ്ണൂര്‍ എഇ കെ.എം. കാര്‍ത്തിക് കൃഷ്ണന്‍, ഭൂരേഖ തഹസില്‍ദാര്‍ അനില്‍കുമാര്‍, തൊടുപുഴ സിഐ കെ.പി. മനേഷ്, പഞ്ചായത്ത് അധികൃതര്‍ എന്നിവരുടെ നേതൃത്വത്തിലായിരുന്നു ഒഴിപ്പിക്കല്‍ നടപടികൾ.
ഈസ്റ്റ് കലൂര്‍ അങ്കണവാടിക്ക് സമീപത്തെ മൂന്നു വീടുകള്‍ ഒഴിപ്പിക്കാനുള്ള അധികൃതരുടെ ശ്രമമാണ് വീട്ടുകാരും നാട്ടുകാരും പൊതുപ്രവര്‍ത്തകരും ചേര്‍ന്ന് തടഞ്ഞത്. 10 മുതല്‍ 25 സെന്‍റുവരെ സ്ഥലമുള്ള മൂന്നു വീട്ടുകാരുടെ വീട് ഉള്‍പ്പടെ ഏറ്റെടുക്കാനുള്ള നീക്കമാണ് തടഞ്ഞത്. മൂന്നു പതിറ്റാണ്ട് മുന്പ് തീറാധാരം ചെയ്ത് വാങ്ങിയ സ്ഥലം വില്ലേജില്‍ കരം കെട്ടുന്നുണ്ടെന്ന് വീട്ടുകാര്‍ പറഞ്ഞു. ഇതിന്റെ രേഖകള്‍ റവന്യു അധികാരികളെ കാണിച്ചു.
2013ല് ഹൈക്കോടതി ഉത്തരവ് പ്രകാരം താലൂക്കിലെ ലിത്തോ മാപ്പ് പ്രകാരം ഇവരുടെ കൈവശമുള്ള സ്ഥലത്തില്‍നിന്ന് മൂന്നു മുതല്‍ അഞ്ച് സെന്റ് സ്ഥലം അളന്നുതിരിച്ച് റോഡിനായി മണ്ണെടുത്ത് മാറ്റിയിരുന്നു.
രണ്ട് മാസം മുന്പ് സാറ്റലൈറ്റ് സര്‍വേ പ്രകാരം ഈ മൂന്ന് വീടുകളുടെയും അടുത്ത് മണ്ണെടുത്ത ഭാഗത്ത് കല്ലിട്ട് പോയിരുന്നു. എന്നാല്‍ കഴിഞ്ഞ ദിവസമാണ് റീസര്‍വേ പ്രകാരം സ്ഥലം എടുക്കണമെന്ന കോടതി ഉത്തരവിന്‍റെ പേരില്‍ ഇന്നലെ ഇവരെ ഒഴിപ്പിക്കാന്‍ അധികൃതര്‍ എത്തിയത്.
ലിത്തോ മാപ്പ് പ്രകാരം സ്ഥലം അളന്ന് തിരിക്കണമെന്ന് ഹൈക്കോടതി നേരത്തേ നല്‍കിയ ഉത്തരവ് ഇവര്‍ അധികൃതരെ കാണിച്ചു. കൂടാതെ ആധാരത്തിന്‍റെയും കരം കെട്ടിയതിന്‍റെയും രേഖകളും കാണിച്ചു. എന്നാല്‍ 8ല് നടത്തിയ റീസര്‍വേക്ക് ശേഷമാണ് വീട്ടുകാര്‍ ഇവിടെ ആധാരം ചെയ്ത് സ്ഥലം വാങ്ങി വീടുകള്‍ വച്ചതെന്ന് അധികൃതര്‍ ചൂണ്ടിക്കാട്ടി.
വര്‍ഷങ്ങളായി താമസിക്കുന്ന വീടുകളില്‍നിന്ന് ഇറക്കിവിടാനുള്ള ശ്രമം അംഗീകരിക്കില്ലെന്നാണ് പ്രദേശവാസികളും ജനപ്രതിനിധികളും പറയുന്നത്. പഴയ റീസര്‍വേയിലെ തെറ്റുകള്‍ തിരുത്തി വീണ്ടും സര്‍വേ ചെയ്യണമെന്നും ഇവര്‍ ആവശ്യപ്പെട്ടു.
എതിര്‍പ്പിനെത്തുടര്‍ന്ന് അടുത്ത ദിവസം ഇവരുമായി ചര്‍ച്ച നടത്താമെന്ന വ്യവസ്ഥയില്‍ അധികൃതര്‍ പിന്‍വാങ്ങി. ഭൂമി സംബന്ധമായ രേഖകള്‍ ഹാജരാക്കാനും നിര്‍ദേശം നല്കി.
Idukki
തൊടുപുഴ: മങ്ങാട്ടുകവല - വെങ്ങല്ലൂര്‍ നാലുവരിപ്പാത നവീകരണത്തിന്‍റെ ഭാഗമായി മുറിച്ചുമാറ്റിയ മരത്തടികള്‍ കാണാതായ സംഭവത്തില്‍ തടിക്കഷണങ്ങൾ ഏതാനും എണ്ണം കഴിഞ്ഞ ദിവസം രാത്രി പാതയോരത്ത് തിരിച്ചെത്തിച്ചു. സംഭവം വിവാദമായതോടെയാണ് കാണാതായ മരത്തടികള്‍ ഇവിടെ തിരിച്ചെത്തിച്ചതെന്നാണ് ആരോപണം. തടികള്‍ സൂക്ഷിക്കാന്‍ സ്ഥലമില്ലാത്തതിനാല്‍ നഗരസഭാ യാഡിലേക്ക് മരത്തടികള്‍ മാറ്റിയതാണെന്നായിരുന്നു പൊതുമരാമത്ത് വകുപ്പ് അധികൃതര്‍ കഴിഞ്ഞ ദിവസം അറിയിച്ചിരുന്നത്.
എന്നാല്‍, തങ്ങള്‍ക്ക് മരം സൂക്ഷിക്കാന്‍ ഇത്തരമൊരു യാഡില്ലെന്നും ഇക്കാര്യത്തിനായി ആരും സമീപിച്ചിട്ടില്ലെന്നും നഗരസഭാ അധികൃതരും വ്യക്തമാക്കിയിരുന്നു. മുറിച്ചിട്ട മരങ്ങള്‍ മോഷണം പോയതല്ലെന്നും ജീവനക്കാരനെ വിട്ട് നടത്തിയ അന്വേഷണത്തില്‍ ഇക്കാര്യം ബോധ്യപ്പെട്ടതാണെന്നുമായിരുന്നു അസി. എഇയുടെ നിലപാട്. മോഷണം നടത്താനുള്ള തടി സ്ഥലത്തില്ലായിരുന്നെന്നും വിശദമായ കണക്കെടുക്കാന്‍ നിര്‍ദേശം നല്‍കുമെന്നും ആവശ്യമെങ്കില്‍ പൊലിസില്‍ പരാതി നല്‍കുമെന്നും അദ്ദേഹം പറഞ്ഞു. ഇതിന് പിന്നാലെയാണ് ഇന്നലെ കുറച്ച് തടികള്‍ തിരിച്ചെത്തിച്ചത്.
കഴിഞ്ഞ ദിവസമാണ് വടക്കുംമുറി ഭാഗത്തുനിന്ന് മഹാഗണിയടക്കമുള്ള മരങ്ങള്‍ മുറിച്ചത്. ഞായറാഴ്ച ഇവ കാണാതായെന്ന് വാര്‍ത്തയും പരന്നിരുന്നു. പതിനായിരങ്ങള്‍ വിലയുള്ള മരത്തടികള്‍ കാണാതായിട്ടും അധികൃതര്‍ നടപടി സ്വീകരിച്ചില്ലെന്നാണ് നാട്ടുകാരുടെ ആക്ഷേപം.
Idukki
ഇടുക്കി: മാട്ടുപ്പെട്ടിയിലെ കന്നുകാലി വികസന കേന്ദ്രത്തെ അന്താരാഷ്‌ട്ര നിലവാരത്തിലുള്ള മികവിന്‍റെ കേന്ദ്രമാക്കി ഉയര്‍ത്തുമെന്ന് മന്ത്രി ബിന്ദു കൃഷ്ണ. ഇവിടെ ഗവേഷണം, സാങ്കേതികവിദ്യ, പരിശീലനം, നൂതന പ്രജനന പ്രവര്‍ത്തനങ്ങള്‍ എന്നിവയിലൂടെ മികവിന്‍റെ കേന്ദ്രമാക്കി മാറ്റാനാണ് സര്‍ക്കാര്‍ ലക്ഷ്യമിടുന്നത്. കെഎല്‍ഡി ബോര്‍ഡ് മാട്ടുപ്പെട്ടിയില്‍ സ്ഥാപിക്കുന്ന അന്താരാഷ്‌ട്ര നിലവാരത്തിലുള്ള സെന്റര് ഫോര്‍ അഡ്വാന്‍സ്‌മെന്‍റ് ഇന്‍-ലൈവ്‌സ്റ്റോക്ക് പ്രൊഡക്ടിവിറ്റി ആന്‍ഡ് റിസര്‍ച്ചിന്‍റെ ശിലാസ്ഥാപനവും വിവിധ പദ്ധതികളുടെ ഉദ്ഘാടനവും നിര്‍വഹിക്കുകയായിരുന്നു മന്ത്രി.
ഇതിലൂടെ ഗവേഷക വിദ്യാര്‍ഥികളെ ഇവിടേക്ക് ആകര്‍ഷിക്കാന്‍ കഴിയും. പുതിയ സംരംഭങ്ങള്‍ ആരംഭിച്ച് കൂടുതല്‍ തൊഴിലവസരങ്ങള്‍ സൃഷ്ടിക്കാനും ടൂറിസ്റ്റുകളെ ആകര്‍ഷിക്കാനും കഴിയുന്ന വിധത്തില്‍ കേന്ദ്രം വികസിപ്പിക്കും. അടുത്ത മൂന്നു വര്‍ഷത്തിനകം കേരളത്തിലെ പാല്‍ ഉത്പാദനം ഒരു കോടി ലിറ്ററായി ഉയര്‍ത്തുകയാണ് സര്‍ക്കാരിന്‍റെ ലക്ഷ്യമെന്നും മന്ത്രി പറഞ്ഞു.
വിവിധ സാങ്കേതികവിദ്യകളുടെ വിപുലീകരണം, മികച്ച ക്ഷീരകര്‍ഷകരെ ആദരിക്കല്‍, ഫാം സോഫ്റ്റ്‌വേര്‍ ലോഞ്ചിംഗ്, മികച്ച കൃത്രിമ ബീജസങ്കലന സാങ്കേതിക വിദഗ്ധരെയും വനിതാ സ്വകാര്യ എഐ സാങ്കേതിക വിദഗ്ധരെയും ആദരിക്കല്‍ എന്നിവയും മന്ത്രി നിര്‍വഹിച്ചു. എഫ്.രാജ എംഎല്‍എ അധ്യക്ഷത വഹിച്ചു.
ജില്ലാ പഞ്ചായത്ത് പ്രസിഡന്റ് പ്രഫ. ഷീലാ സ്റ്റീഫന്‍, പഞ്ചായത്ത് പ്രസിഡന്റുമാരായ കെ. ശരണ്യ, എസ്. വിജയകുമാര്‍, ജില്ലാ പഞ്ചായത്തംഗം സി. നെല്‍സണ്‍, ക്ഷീരവികസന വകുപ്പ് ഡയറക്ടര് ശാലിനി ഗോപിനാഥ്, കെഎല്‍ഡി ബോര്‍ഡ് എം.ഡി. ഡോ. ആര്. രാജീവ്, കോഴിക്കോട് എന്‍ഐടി അസോസിയേറ്റ് പ്രഫ. ഡോ. ചിത്ര, ഡോ. വി.പി. കേശവദാസ്, സി.പി. മാത്യു, മലയാലപ്പുഴ ജ്യോതിഷ് കുമാര്‍ തുടങ്ങിയവര്‍ പ്രസംഗിച്ചു.
Idukki
തൊടുപുഴ: പൈനാപ്പിള്‍ തോട്ടത്തില്‍ ജോലി ചെയ്തിരുന്ന തൊഴിലാളിയെ തേനീച്ചക്കൂട്ടം ആക്രമിച്ചു. മഠത്തിക്കണ്ടം കുന്നുംപുറത്ത് രാജേന്ദ്രനെയാണ് (55) തേനീച്ച ആക്രമിച്ചത്. ഇന്നലെ ഉച്ചയ്ക്ക് രണ്ടേമുക്കാലോടെ തൊടുപുഴ വടക്കുംമുറിയിലായിരുന്നു സംഭവം. 'പരിക്കേറ്റ രാജേന്ദ്രന്‍ ഉള്‍പ്പടെ മൂന്ന് തൊഴിലാളികളാണ് സ്ഥലത്തുണ്ടായിരുന്നത്. ജോലിക്കിടെ സമീപത്തെ ആഞ്ഞിലി മരത്തിലുണ്ടായിരുന്ന തേനീച്ചക്കൂട്ടത്തെ പക്ഷികള്‍ ഇളക്കുകയായിരുന്നു.
രാജേന്ദ്രനെ തേനീച്ച ആക്രമിച്ചെങ്കിലും മറ്റുള്ളവര്‍ കുത്തേല്‍ക്കാതെ ഓടിരക്ഷപ്പെട്ടു. തൊട്ടടുത്തുണ്ടായിരുന്ന ആളൊഴിഞ്ഞ വീട്ടില്‍ കയറി കതകടച്ചിരുന്നാണ് ഇദ്ദേഹം രക്ഷപ്പെട്ടത്. തുടര്‍ന്ന് തൊടുപുഴ ഫയര്‍ഫോഴ്‌സ് എത്തിയാണ് രാജേന്ദ്രനെ സുരക്ഷിതമായി പുറത്തിറക്കി തൊടുപുഴ ജില്ലാആശുപത്രിയില്‍ പ്രവേശിപ്പിച്ചത്.
ആക്രമണത്തില്‍ പരിക്കേറ്റെങ്കിലും രാജേന്ദ്രന്‍റെ ആരോഗ്യനില ഗുരുതരമല്ലെന്ന് ഫയര്‍ഫോഴ്‌സ് അധികൃതര്‍ അറിയിച്ചു.
Idukki
അറക്കുളം: ഉപജില്ലാ കലോത്സവത്തിന് അറക്കുളം സെന്റ് മേരീസ് ഹയര് സെക്കന്‍ഡറി സ്‌കൂളില്‍ തുടക്കമായി. മൂന്നു ദിവസം നീണ്ടുനില്‍ക്കുന്ന കലോത്സവത്തില്‍ ആയിരത്തോളം പ്രതിഭകള്‍ മാറ്റുരയ്ക്കും. റോയി കെ. പൗലോസ് എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ഉഷാ ഗോപിനാഥ് അധ്യക്ഷത വഹിച്ചു.
സ്‌കൂള്‍ മാനേജര്‍ ഫാ. മൈക്കിള്‍ കിഴക്കേപ്പറമ്പില്‍ മുഖ്യപ്രഭാഷണം നടത്തി. ജില്ലാ പഞ്ചായത്ത് മെംബര്‍ സജി പി. ജോസ്, പഞ്ചായത്ത് വൈസ് പ്രസിഡന്റ് ഇമ്മാനുവല്‍ സൈമണ്‍, ബ്ലോക്ക് പഞ്ചായത്ത് മെംബര്‍മാരായ സ്റ്റീഫന്‍ ജോര്‍ജ്, മാത്യു സെബാസ്റ്റ്യന്‍, പഞ്ചായത്ത് മെംബര്‍മാരായ എന്‍.കെ. അനില്‍ കുമാര്‍, പി.എ. വേലുക്കുട്ടന്‍, പി.ഡി. സുമോന്‍, ബിജു ജോസഫ്, അറക്കുളം ഉപജില്ലാ വിദ്യാഭ്യാസ ഓഫിസര്‍ ആഷിമോള്‍ കുര്യാച്ചന്‍, പ്രിന്‍സിപ്പല്‍ അവിര ജോസഫ്, ഹെഡ്മാസ്റ്റര്‍ ദിനേശ് സെബാസ്റ്റ്യന്‍, പിടിഎ പ്രസിഡന്റ് ഫ്രാന്‍സിസ് കരിമ്പാനി, എച്ച്എം ഫോറം സെക്രട്ടറി ബിനു കെ. അഗസ്റ്റിന്‍, വിദ്യാര്‍ഥി പ്രതിനിധി അഫീന്‍ സജി എന്നിവര്‍ പ്രസംഗിച്ചു.
Idukki
ഇടവെട്ടി: പഞ്ചായത്തിലെ 11, എട്ട് വാര്‍ഡുകളുടെ അതിര്‍ത്തിവഴി കടന്നുപോകുന്ന എംവിഐപി കനാലിന്‍റെ തീരത്ത് മാലിന്യം തള്ളൽ വ്യാപകമാകുന്നു. സ്വകാര്യബാങ്ക് ജപ്തി ചെയ്ത പഴയ കറിപൗഡര്‍ ഫാക്ടറിയാണ് മാലിന്യ നിക്ഷേപകേന്ദ്രമായി മാറിയിരിക്കുന്നത്. പ്ലാസ്റ്റിക് മാലിന്യങ്ങള്‍ ഉള്‍പ്പടെ രാത്രികാലങ്ങളില്‍ വാഹനങ്ങളില്‍ കൊണ്ടുവന്നു തള്ളുന്നത് ഇവിടെ പതിവായി മാറിയെന്ന് നാട്ടുകാര്‍ പറയുന്നു. പഞ്ചായത്ത് അധികൃതരെയും ജനപ്രതിനിധികളെയും അറിയിച്ചിട്ടും മാലിന്യം തള്ളുന്നവര്‍ക്കെതിരേ നടപടി സ്വീകരിക്കുന്നില്ലെന്നും ഇവര്‍ പറഞ്ഞു.
മാലിന്യം കുമിഞ്ഞുകൂടിയതോടെ ഇഴജന്തുക്കളുടെ ശല്യവും വര്‍ധിച്ചിട്ടുണ്ട്. കഴിഞ്ഞ ദിവസം സമീപത്ത് താമസിക്കുന്ന പിടിപെട്ടിക്കല്‍ അനിലിന്‍റെ വീട്ടില്‍ പാമ്പ് കയറിയിരുന്നു. വയോധികയായ അനിലിന്‍റെ അമ്മ മാത്രമാണ് ഈ സമയം വീട്ടിലുണ്ടായിരുന്നത്.
ആരോഗ്യത്തിനു ഭീഷണിയാകുന്ന തരത്തില്‍ മാലിന്യം തള്ളൽ വര്‍ധിച്ചിട്ടും പഞ്ചായത്ത് അധികൃതര്‍ കണ്ടില്ലന്ന് നടിക്കുന്നത് പ്രതിഷേധാര്‍ഹമാണന്നും അടിയന്തര നടപടി സ്വീകരിച്ചില്ലങ്കില്‍ ശക്തമായ സമരപരിപാടികള്‍ സംഘടിപ്പിക്കുമെന്നും എല്‍ഡിഎഫ് അംഗങ്ങള്‍ പറഞ്ഞു.
Idukki
കട്ടപ്പന: ഇരട്ടയാർ കേരളോത്സവത്തിന്‍റെ സമാപന വേദിയിൽ ഈട്ടിത്തോപ്പ് ഹോമിയോ ഡിസ്‌പെൻസറി സംരക്ഷണ സമിതിയുടെ നേതൃത്വത്തിൽ പ്രതിഷേധം. പ്രതിഷേധം പൊലിസ് തടഞ്ഞതോടെ സ്ഥലത്ത് നേരിയ ഉന്തും തളളുമുണ്ടായി. പൊലിസ് ഇടപെട്ടാണ് രംഗം ശാന്തമാക്കിയത്.
ഇന്നലെ വൈകിട്ട് 6.45 ഓടെയാണ് ഇരട്ടയാർ സെന്റ് തോമസ് എച്ച്എസ്എസിൽ നടന്ന സമ്മേളന നഗരിക്കു സമീപം പ്രതിഷേധമുണ്ടായത്. പന്തംകൊളുത്തി പ്രകടനമായി എത്തിയ സമരക്കാരെ പൊലിസ് തടയുകയായിരുന്നു. ഇതിനിടെ പ്രതിഷേധക്കാർക്കു നേരേ കോൺഗ്രസ് പ്രവർത്തകർ രംഗത്തെത്തിയതു സ്ഥിതി വീണ്ടും വഷളാക്കി. പൊലിസ് ഇടപെട്ടതോടെ പ്രതിഷേധക്കാർ റോഡിൽ കുത്തിയിരുന്ന ശേഷം ടൗണിലെത്തി യോഗവും നടത്തിയശേഷമാണ് പിരിഞ്ഞത്.
Idukki
വിശ്വദീപ്തി പബ്ലിക് സ്‌കൂള്‍ ഫസ്റ്റ് റണ്ണറപ്പ്
കട്ടപ്പന: ഇടുക്കി സഹോദയയുടെ ആഭിമുഖ്യത്തില്‍ കട്ടപ്പന ഡോണ്‍ ബോസ്കോ സെന്‍ട്രല്‍ സ്‌കൂളില്‍ സംഘടിപ്പിച്ച അത്‌ലറ്റിക് മീറ്റില്‍ 190 പോയിന്‍റ് നേടി രാജകുമാരി സെന്റ് മേരീസ് സെന്‍ട്രല്‍ സ്‌കൂള്‍ ചാമ്പ്യന്മാരായി. അടിമാലി വിശ്വദീപ്തി പബ്ലിക് സ്‌കൂള്‍ ഫസ്റ്റ് റണ്ണറപ്പും തൂക്കുപാലം വിജയമാത പബ്ലിക് സ്‌കൂള്‍ സെക്കന്‍ഡ് റണ്ണറപ്പും സ്ഥാനങ്ങള്‍ നേടി. രാജകുമാരി സ്കൂളിലെ ക്രിസ്റ്റോ സിജു, എസ്. പ്രിയദര്‍ശിനി എന്നിവര്‍ അണ്ടര്‍ 19 വിഭാഗത്തിലും എവ്‌ലീന ഷിന്‍റോ അണ്ടര്‍ 17 വിഭാഗത്തിലും അന്‍സ അന്ന ഷൈജു അണ്ടര്‍ 14 വിഭാഗത്തിലും വ്യക്തിഗത ചാമ്പ്യന്മാരായി. സമാപന സമ്മേളനം ഇടുക്കി സഹോദയ പ്രസിഡന്റ് ഫാ. സിജന്‍ ഊന്നുകല്ലേല്‍ ഉദ്ഘാടനം ചെയ്തു.
സമ്മാനദാനം സഹോദയ ട്രഷറര്‍ ഫാ. ജോബി മാതാളികുന്നേല്‍, ഡോണ്‍ ബോസ്കോ സെന്‍ട്രല്‍ സ്‌കൂള്‍ പ്രിന്‍സിപ്പല്‍ ഫാ. വര്‍ഗീസ് എടത്തിച്ചിറ, ഫാ. അജീഷ് സെബാസ്റ്റ്യന്‍ എന്നിവര്‍ നിര്‍വഹിച്ചു.
Idukki
ഇടുക്കി: ജില്ലയില്‍ വ്യാപകമായി നടക്കുന്ന ഭൂമി കൈയേറ്റങ്ങള്‍ക്കെതിരേ നാളെ നടക്കുന്ന പീരുമേട് താലൂക്ക് ഓഫീസ് മാര്‍ച്ച് വിജയിപ്പിക്കാന്‍ സിപിഐ
ജില്ലാ കൗണ്‍സില്‍ യോഗം തീരുമാനിച്ചു. സംസ്ഥാന സെക്രട്ടറി ബിനോയ് വിശ്വം ഉദ്ഘാടനം ചെയ്യും.
സര്‍ക്കാര്‍ ഭൂമിയിലെ എല്ലാ കൈയേറ്റങ്ങളും ഒഴിപ്പിക്കുക, ഏറ്റെടുത്ത ഭൂമി ഭൂരഹിതര്‍ക്കും തോട്ടം തൊഴിലാളികള്‍ക്കും വിതരണം ചെയ്യുക, തോട്ടം മുറിച്ച് വില്പന തടയുക, മുറിച്ചുവിറ്റ തോട്ടം ഭൂമിയുടെ പോക്കുവരവ് റദ്ദ് ചെയ്യുക, മിച്ചഭൂമികള്‍ ഏറ്റെടുത്തു തോട്ടം തൊഴിലാളികള്‍ക്ക് വിതരണം ചെയ്യുക, പോപ്‌സണ്‍ എസ്റ്റേറ്റിലെ തൊഴിലാളികളുടെ ശമ്പളം ഉടന്‍ വിതരണം ചെയ്യുക എന്നീ ആവശ്യങ്ങള്‍ ഉന്നയിച്ചാണ് മാര്‍ച്ച്.
സംസ്ഥാന കൗണ്‍സിലംഗം ജോസ് ഫിലിപ്പ് അധ്യക്ഷത വഹിച്ചു. ജില്ലാ സെക്രട്ടറി കെ. സലിം കുമാര്‍, ദേശീയ കൗണ്‍സില്‍ അംഗം ടി.ജെ. ആഞ്ചലോസ്, ജില്ലാ അസിസ്റ്റന്‍റ് സെക്രട്ടറി വി.ആര്. ശശി, സംസ്ഥാന കൗണ്‍സില്‍ അംഗങ്ങൾ, ജില്ലാ എക്സിക്യൂട്ടീവ് അംഗങ്ങൾ തുടങ്ങിയവര്‍ പ്രസംഗിച്ചു.
Idukki
ചെറുതോണി: കട്ടപ്പന ഉപജില്ലാ കലോത്സവത്തിൽ യുപി വിഭാഗത്തിൽ ഓവറോൾ ചാമ്പ്യൻഷിപ്പ് പാണ്ടിപ്പാറ സെന്റ് ജോസഫ്സ് യുപി സ്കൂളിന്. എൽപി വിഭാഗത്തിൽ സ്കൂൾ നാലാം സ്ഥാനവും നേടി.
വിദ്യാലയത്തിന്‍റെ സുവർണ ജൂബിലി ആഘോഷ വേളയിൽ ലഭിച്ച ഈ നേട്ടം ആഘോഷങ്ങളുടെ മാറ്റുകൂട്ടി. വിദ്യാർഥികളുടെ കഠിനാധ്വാനത്തിനും അധ്യാപകരുടെ അർപ്പണബോധത്തിനും രക്ഷിതാക്കളുടെയും പൂർവവിദ്യാർഥികളുടെയും പിന്തുണയ്ക്കുമുള്ള അംഗീകാരമാണ് ഈ നേട്ടമെന്ന് പ്രധാനാധ്യാപിക സപറഞ്ഞു. വിജയം നേടിയ അധ്യാപകരെയും പരിശീലിപ്പിച്ച അധ്യാപകരെയും സ്കൂൾ മാനേജ്മെന്റും പിടിഎയും അഭിനന്ദിച്ചു.
Idukki
തൊടുപുഴ: ആവേശകരമായ എംപി കപ്പ് ഫുട്ബോള് ചാമ്പ്യന്‍ഷിപ്പില്‍ കോതമംഗലം മാര്‍ ബേസില്‍ സ്‌കൂള്‍ ചാമ്പ്യന്മാരായി. മൈ ഭാരത് ഇടുക്കിയുടെയും തൊടുപുഴ സോക്കര്‍ സ്‌കൂളിന്‍റെയും ആഭിമുഖ്യത്തില്‍ ഡീന്‍ കുര്യാക്കോസ് എംപിയുടെ നേതൃത്വത്തില്‍ നടന്ന നാലാമത് എംപി കപ്പ് സ്‌കൂള്‍ ലെവല്‍ ഫുട്ബോള് ടൂര്‍ണമെന്‍റിലാണ് മാര്‍ ബേസില്‍ ചാമ്പ്യന്‍മാരായത്.
ഫൈനലില്‍ മൂവാറ്റുപുഴ തര്‍ബിയത്ത് ഹയര് സെക്കന്‍ഡറി സ്‌കൂളിനെയാണ് മാര്‍ ബേസില്‍ പരാജയപ്പെടുത്തിയത്. നിശ്ചിത സമയത്തും ഇരു ടീമുകളും സമനില പാലിച്ചതിനെത്തുടര്‍ന്നു നടന്ന പെനാല്‍റ്റി ഷൂട്ടൗട്ടിലാണ് മാര്‍ ബേസില്‍ വിജയം സ്വന്തമാക്കിയത്. സമാപന സമ്മേളന ഉദ്ഘാടനവും വിജയികള്‍ക്കുള്ള ട്രോഫി വിതരണവും മന്ത്രി ഒ.ജെ. ജെനീഷ് നിര്‍വഹിച്ചു.
തൊടുപുഴക്കാരുടെ ചിരകാല അഭിലാഷമായ സ്റ്റേഡിയം എന്ന സ്വപ്നത്തിനു സര്‍ക്കാര്‍ അനുകൂല നടപടി സ്വീകരിക്കുമെന്നു മന്ത്രി പറഞ്ഞു. ഡീന്‍ കുര്യാക്കോസ് എംപി അധ്യക്ഷത വഹിച്ചു. ചീഫ് വിപ്പ് അപു ജോണ്‍ ജോസഫ് സന്ദേശം നല്കി.
മൂവാറ്റുപുഴ മുനിസിപ്പല്‍ ചെയര്പേഴ്സണ് ജോയ്സ് മേരി ആന്റണി, തൊടുപുഴ മുനിസിപ്പല്‍ വൈസ് ചെയര്‍മാന്‍ കെ. ദീപക്, ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അന്‍ഷാദ്, മഞ്ഞള്ളൂര്‍ പഞ്ചായത്ത് പ്രസിഡന്റ് ടോമി തന്നിട്ടമാക്കല്‍, ഡിസിസി പ്രസിഡന്റ് സി.പി. മാത്യു, മൂവാറ്റുപുഴ ആര്‍ഡിഒ വി.ഇ. അബ്ബാസ്, ജില്ലാ പഞ്ചായത്തംഗം മനോജ് കോക്കാട്ട്, സോക്കര്‍ സ്‌കൂള്‍ ഡയറക്ടര് പി.എ. സലിംകുട്ടി, മര്‍ച്ചന്‍റ്സ് അസോസിയേഷന്‍ സെക്രട്ടറി ജിമ്മി കുന്നത്തുശേരി, യൂത്ത് വിംഗ് പ്രസിഡന്റ് ജോര്‍ജുകുട്ടി ജോസ്, മുനിസിപ്പല്‍ കൗണ്‍സിലര്‍ ആതിര ജോഷി, ഡിഎഫ്എ സെക്രട്ടറി എം.എച്ച്. സജീവ് എന്നിവര്‍ പ്രസംഗിച്ചു.
Idukki
നെടുങ്കണ്ടം: മഞ്ഞപ്പെട്ടിയിൽ വീട് കുത്തിത്തുറന്ന് സ്വർണവും പണവും ഏലക്കയും ഉൾപ്പെടെ 12 ലക്ഷത്തോളം രൂപയുടെ സാധനങ്ങൾ മോഷ്ടിച്ച കേസിൽ ഒളിവിലായിരുന്ന കൂട്ടുപ്രതിയെ തമിഴ്നാട്ടിൽനിന്നു നെടുങ്കണ്ടം പൊലിസ് അറസ്റ്റ് ചെയ്തു. തമിഴ്നാട് പുതുപ്പട്ടി ഇന്ദിരാനഗർ കോളനിയിൽ അശോക് (21) ആണ് ദിണ്ഡിഗലിൽനിന്നു പിടിയിലായത്.
മോഷണത്തിനുശേഷം ഗോവയിലേക്ക് കടന്ന ഇയാൾ കഴിഞ്ഞ ദിവസം തമിഴ്നാട്ടിൽ തിരിച്ചെത്തിയന്നു പൊലിസിനു വിവരം ലഭിച്ചിരുന്നു. കേസിലെ പ്രധാന പ്രതി പാറത്തോട് കറുപ്പകയില്ലം തുകേതിനെ (37) കഴിഞ്ഞ ദിവസം അറസ്റ്റ് ചെയ്തിരുന്നു.
കഴിഞ്ഞ 31നാണ് മഞ്ഞപ്പെട്ടി കാളിവിലാസം രാജയ്യയുടെ വീട്ടിൽ മോഷണം നടന്നത്. വീട്ടുകാർ ജോലിക്കുപോയ സമയത്ത് മുൻവശത്തെ വാതിലിന്‍റെ പൂട്ട് കുത്തിത്തുറന്നാണ് മോഷ്ടാക്കൾ അകത്തുകയറിയത്. കിടപ്പുമുറിയിലെ അലമാരയിൽ സൂക്ഷിച്ചിരുന്ന സ്വർണവും പണവും ഉണക്കി സൂക്ഷിച്ചിരുന്ന ഏലക്കയുമാണ് മോഷ്ടിച്ചത്.
Idukki
മുള്ളരിങ്ങാട്: ഗൃഹനാഥനെ വീട്ടില്‍ മരിച്ച നിലയില്‍ കണ്ടെത്തി. മുള്ളരിങ്ങാട് ഇടയത്ത് രാജനെ( 61)യാണ് ഇന്നലെ രാവിലെ വീട്ടില്‍ മരിച്ചനിലയില്‍ കണ്ടത്. ഇയാളുടെ ഒരു കാല് രോഗബാധയെത്തുടര്‍ന്ന് മുറിച്ചുമാറ്റിയിരുന്നു. മൃതദേഹം പോസ്റ്റുമാര്‍ട്ടത്തിനായി തൊടുപുഴ ജില്ലാ ആശുപത്രി മോര്‍ച്ചറിയിലേക്കു മാറ്റി. പ്രാഥമിക അന്വേഷണത്തില്‍ മരണത്തില്‍ അസ്വഭാവികതയില്ലെന്നു കാളിയാര്‍ പൊലിസ് പറഞ്ഞു.
Idukki
നെടുങ്കണ്ടം: തൂക്കുപാലത്ത് യുവാവിനെ വെട്ടിക്കൊലപ്പെടുത്താൻ ശ്രമിച്ചതായി പരാതി. തേർഡ് ക്യാമ്പ് മാധവവിലാസത്തിൽ അനൂപ് മുരളിക്കാണ് വെട്ടേറ്റത്. തലയ്ക്കു പരിക്കേറ്റ ഇയാളെ തൂക്കുപാലത്തെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൽ നെടുങ്കണ്ടം പൊലിസ് അന്വേഷണം ആരംഭിച്ചു.
ടാക്സി ഡ്രൈവറായ യുവാവ് ശനിയാഴ്ച രാത്രി ഒൻപതോടെ ജോലി കഴിഞ്ഞ് സഹോദരനൊപ്പം വീട്ടിലേക്കു പോകുന്നതിനിടെയാണ് ആക്രമണമുണ്ടായത്. കടുക്കൻ സന്തോഷ് എന്നയാളാണ് ആക്രമിച്ചതെന്നാണ് അനൂപ് നൽകിയ പരാതിയിൽ പറയുന്നത്.
സന്തോഷുമായി നേരത്തേ സാമ്പത്തിക ഇടപാടുകൾ ഉണ്ടായിരുന്നെന്നും ഇതുമായി ബന്ധപ്പെട്ട് കേസ് നിലവിലുണ്ടെന്നും പരാതിയിൽ വ്യക്തമാക്കുന്നു. ഇതിനിടെയാണ് പ്രകോപനമൊന്നുമില്ലാതെ സന്തോഷ് ആക്രമിച്ചതെന്നാണ് ആരോപണം. സന്തോഷിനെതിരേ സമാന കേസുകൾ നിലവിലുണ്ടെന്ന് പൊലിസ് വ്യക്തമാക്കി.
Idukki
മറയൂര്‍: കുടുംബവഴക്കിനെത്തുടര്‍ന്ന് ഭാര്യയെ വെട്ടിപ്പരിക്കേല്‍പ്പിച്ച ഭര്‍ത്താവ് പിടിയില്‍. മറയൂര്‍ പൊലിസ് സ്റ്റേഷനു സമീപം ഇന്നലെ ഉച്ചയ്ക്ക് 12.30നാണ് സംഭവം. കാന്തല്ലൂര്‍ തീര്‍ഥമല സ്വദേശിനി സുബുലക്ഷ്മി(48)യെയാണ് ഭര്‍ത്താവ് മാങ്കുളം കുറത്തിക്കുടി സ്വദേശി ശിവാനന്ദന്‍ ആക്രമിച്ചത്.
ഗുരുതരമായി പരിക്കേറ്റ സുബ്ബലക്ഷ്മിയെ പൊലിസും നാട്ടുകാരും ചേര്‍ന്ന് മറയൂരിലെ സ്വകാര്യ ആശുപത്രിയില്‍ പ്രാഥമിക ചികിത്സ നല്കി വിദഗ്ധ ചികിത്സക്കായി അടിമാലി താലൂക്ക് ആശുപത്രിയിലേക്കും പിന്നീട് കോട്ടയം മെഡിക്കല്‍ കോളജിലേക്കും മാറ്റി.
കുടുംബവഴക്കിനെത്തുടര്‍ന്ന് ശിവാനന്ദന്‍ നല്‍കിയ പരാതിയെത്തുടര്‍ന്ന് ഇയാളെയും ഭാര്യയെയും പോലീസ് സ്റ്റേഷനിലേക്കു വിളിച്ചുവരുത്തിയിരുന്നു.
പ്രശ്നം ചര്‍ച്ച ചെയ്ത് പുറത്തിറങ്ങിയ ഇരുവരും തമ്മില്‍ വാക്കുതര്‍ക്കമുണ്ടാകുകയും കൈയില്‍ കരുതിയിരുന്ന വാക്കത്തി ഉപയോഗിച്ച് ശിവാനന്ദന്‍ സുബ്ബ ലക്ഷ്മിയെ ആക്രമിക്കുകയുമായിരുന്നു. സമീപത്തുണ്ടായിരുന്നവര്‍ തടയാന്‍ ശ്രമിച്ചെങ്കിലും സുബ്ബലക്ഷ്മിയ്ക്ക് നിരവധി തവണ വെട്ടേറ്റു. മറയൂര്‍ എസ്ഐ സിബിന്‍ ജോസഫിന്‍റെ നേതൃത്വത്തിന്‍ ശിവാനന്ദനെ കസ്റ്റഡിയിലെടുത്തു.
Idukki
മുട്ടം: പള്ളി നടയിൽവച്ചിരുന്ന കപ്യാരുടെ മൊബൈൽ ഫോൺ മോഷ്ടിച്ച കേസിൽ മൂന്നുപേരടങ്ങുന്ന കള്ളന്മാരുടെ സംഘത്തെ മുട്ടം പോലീസ് അറസ്റ്റ് ചെയ്തു.
കാരിക്കോട് താഴെത്തൊട്ടിയിൽ വീട്ടിൽ ബിജു (പുള്ള് ബിജു - 51), കാരിക്കോട് ഒളമറ്റം കമ്പിപ്പാലം ഭാഗത്ത് കണ്ടത്തിൻകരയിൽ വീട്ടിൽ ഷിയാദ് (48), കോടിക്കുളം ഐരാംപിള്ളി കോളനി ഭാഗത്ത് പതിയെപ്ലാക്കൽ അനിൽ (47) എന്നിവരാണ് പോലീസിന്‍റെ പിടിയിലായത്.
മുട്ടം ഊരക്കുന്ന് ക്രിസ്ത്യൻ പള്ളിയിലെ കപ്യാരായ ഇടപ്പള്ളി നാഡിയാംകുന്ന് ജോസ് ജോസഫിന്‍റെ ഫോണാണ് ഇവർ കവർന്നത്. വെള്ളിയാഴ്ച രാവിലെ 9.30നാണ് കേസിനാസ്പദമായ സംഭവം നടക്കുന്നത്. പള്ളിയുടെ മുൻവശത്തെ നടയിൽവച്ചിരുന്ന ഫോൺ ബിജു മോഷ്ടിക്കുകയായിരുന്നു. തുടർന്ന് ഈ ഫോൺ ഷിയാദ് മുഖേന തൊടുപുഴ ടൗണിലെ ഒരു കടയിൽ വിൽക്കുകയും ചെയ്തു.
പ്രതി ബിജു പ്രദേശത്തെ സ്ഥിരം കുറ്റവാളിയാണെന്ന് പൊലിസ് അറിയിച്ചു. ഇയാളുടെ പേരിൽ വിവിധ പൊലിസ് സ്റ്റേഷനുകളിലായി 22 കേസുകൾ നിലവിലുണ്ട്. മറ്റൊരു പ്രതിയായ ഷിയാദിന്‍റെ പേരിൽ 13 മോഷണക്കേസുകളുണ്ടെന്നും പൊലിസ് വ്യക്തമാക്കി. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
Idukki
കുടയത്തൂർ: പഞ്ചായത്തിന്‍റെ വിവിധ ഇടങ്ങളിൽ വിതരണം ചെയ്ത കുടിവെള്ളത്തിൽ മാലിന്യം കലർന്നതായി പരാതി. കാഞ്ഞാർ കൂവപ്പള്ളി റോഡിനു സമീപം സ്ഥാപിച്ചിട്ടുള്ള ടാങ്കിൽനിന്നുമാണ് പഞ്ചായത്തിന്‍റെ വിവിധയിടങ്ങളിലേക്ക് കുടിവെള്ളം വിതരണം ചെയ്യുന്നത്. ഈ ടാങ്ക് വേണ്ട സമയത്തു വേണ്ടവിധം ശുചീകരിക്കാത്തതാണ് കുടിവെള്ളത്തിൽ മാലിന്യം കലരുന്നതിനു കാരണമായി തീർന്നത്.
സംഗമം ജംഗ്ഷനു സമീപം വീടുകളിൽ ഇന്നലെ ലഭിച്ച കുടിവെള്ളത്തിൽ വളരെയധികം മാലിന്യം കലർന്നതായിട്ടാണ് പരാതി ഉയർന്നിരിക്കുന്നത്. ഈ കുടിവെള്ളം ഉപയോഗിക്കുന്നവർക്ക് ആരോഗ്യപ്രശ്നങ്ങൾ ഉണ്ടാകാനുള്ള സാധ്യതയാണ് നിലനിൽക്കുന്നത്.
എന്നാൽ കുടിവെള്ളം വേണ്ടവിധത്തിൽ ശുദ്ധീകരിച്ചു വിതരണം ചെയ്യുവാൻ അധികൃതർ തയ്യാറാകുന്നില്ലെന്നു നാട്ടുകാർ ആരോപിക്കുന്നു.
ഡെങ്കിപ്പനി ഉൾപ്പെടെയുള്ള വിവിധ രോഗങ്ങൾ പടർന്നുപിടിക്കുന്ന സാഹചര്യത്തിലാണ് മാലിന്യം കലർന്ന കുടിവെള്ള വിതരണം ചെയ്യുന്നത്. പഞ്ചായത്തിൽ വിതരണം ചെയ്യുന്ന കുടിവെള്ളത്തിന്‍റെ ശുദ്ധി ഉറപ്പുവരുത്തണമെന്നു നാട്ടുകാർ ആവശ്യപ്പെട്ടു.
Idukki
പുറപ്പുഴ: കൃഷിയുടെ മഹത്വം പുതുതലമുറയ്ക്ക് പകര്‍ന്നുനല്‍കുക എന്ന ലക്ഷ്യത്തോടെ പുറപ്പുഴ സെന്റ് സെബാസ്റ്റ്യന്‍സ് ഹയര് സെക്കന്‍ഡറി സ്കൂളിലെ വിദ്യാര്‍ഥികളുടെ നേതൃത്വത്തില്‍ നെല്‍കൃഷിക്ക് തുടക്കംകുറിച്ചു. സ്കൂളിലെ അധ്യാപകനായ ജയ്‌മോന്‍ ജോര്‍ജിന്‍റെ നാകപ്പുഴയിലെ പാടശേഖരത്താണ് 20 വിദ്യാര്‍ഥികള്‍ ചേര്‍ന്ന് നെല്‍കൃഷി ആരംഭിച്ചത്. കുട്ടികള്‍ തന്നെയാണ് ഞാറു നടുന്നതും കൃഷിപ്പണികള്‍ ചെയ്യുന്നതും. അധ്യാപകരായ ജയ്‌മോന്‍ ജോര്‍ജ്, ജോണ്‍സ് മാത്യു, ജോസഫ് കുര്യന്‍, ജ്യോതി ജോഷി, പി. ഷെറിന്‍ ആന്റണി എന്നിവര്‍ നേതൃത്വം നല്കി.
Idukki
ചെറുതോണി: കട്ടപ്പന ഉപജില്ലാ കലോത്സവത്തിൽ നാരകക്കാനം സെന്റ് ജോസഫ് യുപി സ്കൂളിനു തിളക്കമാർന്ന വിജയം. വെള്ളയാംകുടി സെന്റ് ജെറോംസ് ഹയർ സെക്കൻഡറി സ്കൂളിൽ നടന്ന വിദ്യാഭ്യാസ ഉപജില്ലാ കലോത്സവത്തിലാണ് സ്കൂളിലെ എൽപി വിഭാഗം 65ൽ 65 പോയിന്‍റും നേടി ഒന്നാം സ്ഥാനവും ഓവറോൾ കിരീടവും സ്വന്തമാക്കിയത്. 34 കുട്ടികൾ മാത്രം പഠിക്കുന്ന എൽപി വിഭാഗത്തിൽനിന്നു 10 കുട്ടികളാണ് മത്സരത്തിൽ പങ്കെടുത്തത്. ഉപജില്ലയിലെ 58 എൽപി സ്കൂളുകളോട് മത്സരിച്ചാണ് വലിയ വിജയം സ്വന്തമാക്കിയത്.
സ്കൂൾ മാനേജ്മെന്‍റിന്‍റെ പിന്തുണയും ഹെഡ്മിസ്ട്രസ് സിസ്റ്റർ ഷൈനി ജോസഫിന്‍റെ നേതൃത്വവും കലോത്സവ പ്രോഗ്രാം കോ-ഓർഡിനേറ്റർ ജോസിയാമോൾ ജോസിന്‍റെ ഏകോപനവും സഹ അധ്യാപകരുടെ പ്രവർത്തനവും രക്ഷിതാക്കളുടെയും കുട്ടികളുടെയും അകമഴിഞ്ഞ സഹകരണവുമാണ് വിജയത്തിന് ഇടയാക്കിയതെന്നും അധികൃതർ വ്യക്തമാക്കി.
Idukki
മാറിക: കണ്ണാടികണ്ടം, മാറിക മേഖലയില്‍ പ്ലൈവുഡ് ഫാക്ടറി സ്ഥാപിക്കുന്നതിനെതിരായ ജനകീയ പ്രതിഷേധത്തിനു ശക്തി കൂട്ടാനായി പാലക്കുഴ പഞ്ചായത്ത് ആറാം വാര്‍ഡ് ഗ്രാമസഭ പ്രമേയം പാസാക്കി. ഇരുനൂറോളം പേര് പങ്കെടുത്ത പ്രത്യേക ഗ്രാമസഭയില്‍ പ്ലൈവുഡ് ഫാക്‌ടറിയുമായി ബന്ധപ്പെട്ട ജനങ്ങളുടെ ആശങ്കകളും എതിര്‍പ്പുകളും ചര്‍ച്ച ചെയ്തു. മുന്‍ പഞ്ചായത്ത് പ്രസിഡന്റ് വക്കച്ചന്‍ കൊച്ചുകുടിയില്‍ പ്രമേയം അവതരിപ്പിച്ചു.
പഞ്ചായത്ത് പ്രസിഡന്റ് ടി.എന്‍. സുനില്‍ ഉദ്ഘാടനം ചെയ്തു. വാര്‍ഡ് മെംബര്‍ ജയ്സണ് മംഗലശേരി അധ്യക്ഷത വഹിച്ചു. പഞ്ചായത്ത് വൈസ് പ്രസിഡന്റ് ദില്‍ഷാ മണികണ്ഠന്‍, അംഗങ്ങളായ സാജു വര്‍ഗീസ്, പുഷ്പ വിജയന്‍, മേഴ്സി, ബ്ലോക്ക് പഞ്ചായത്ത് മെംബര്‍ ജെബോയ് മാര്‍ക്കോസ്, പഞ്ചായത്ത് സെക്രട്ടറി സുനില്‍, ഹെഡ് ക്ലര്‍ക്ക് റെജി ജോസഫ് എന്നിവര്‍ പങ്കെടുത്തു.
പ്ലൈവുഡ് ഫാക്ടറി പ്രവര്‍ത്തനം ആരംഭിച്ചാല്‍ പ്രദേശത്തെ വായു, ജലം, മണ്ണ്, കൃഷി, കുടിവെള്ള സ്രോതസുകള്, ജനങ്ങളുടെ ആരോഗ്യം, പരിസ്ഥിതി സന്തുലിതാവസ്ഥ എന്നിവയ്ക്കുണ്ടാകാവുന്ന പ്രത്യാഘാതങ്ങള്‍ ഗ്രാമസഭയില്‍ ചര്‍ച്ച ചെയ്തു. വരുംതലമുറയുടെ സുരക്ഷയും നാടിന്‍റെ പരിസ്ഥിതിയും സംരക്ഷിക്കേണ്ടതിന്‍റെ ആവശ്യകതയും യോഗത്തില്‍ ഉയര്‍ന്നു.
Idukki
തൊടുപുഴ: തെക്കുംഭാഗം-അഞ്ചിരി റോഡില്‍ മലങ്കര ഗേറ്റിനു സമീപം കലുങ്ക് പൊളിച്ചുനീക്കിയതിനെത്തുടര്‍ന്നുണ്ടായ ഗതാഗത തടസത്തിന് താത്കാലിക പരിഹാരം. മലങ്കര എസ്റ്റേറ്റിലൂടെ താത്കാലിക റോഡ് നിര്‍മിച്ചാണ് യാത്രാസൗകര്യം ഒരുക്കിയത്.
ഒരാഴ്ച മുന്‍പാണ് ഇവിടെയുള്ള കലുങ്ക് പുതുക്കി നിര്‍മിക്കുന്നതിന്‍റെ ഭാഗമായി പൊളിച്ചുനീക്കിയത്. ഇതോടെ ഇതുവഴിയുള്ള കാല്‍നടയാത്ര ഉള്‍പ്പടെ പൂര്‍ണമായും തടസപ്പെട്ടു. കഴിഞ്ഞ ദിവസം ഇവിടെ തടികൊണ്ട് ചെറിയ നടപ്പാലം ഉണ്ടാക്കിയെങ്കിലും വാഹനഗതാഗതം പൂര്‍ണമായും തടസപ്പെട്ട നിലയിലായിരുന്നു.
ഇതോടെ അഞ്ചിരി റൂട്ടിലെ യാത്രക്കാര്‍ കിലോമീറ്ററുകള്‍ ചുറ്റി ഇഞ്ചിയാനി വഴിയും അയ്യംപാറ ഭാഗത്തുനിന്ന് വട്ടമറ്റം വഴിയും സഞ്ചരിക്കേണ്ടിവന്നു. അയ്യമ്പാറ-വട്ടമറ്റം പഞ്ചായത്ത് റോഡിലൂടെ ചെറിയ വാഹനത്തിനു പോകാനുള്ള വീതി മാത്രമാണുള്ളത്. ഇതുവഴി രണ്ടു വാഹനങ്ങള്‍ ഒരുമിച്ച് വന്നാല്‍ സൈഡ് കൊടുക്കാന്‍ കഴിയാതെ ഏറെ കഷ്ടപ്പെടും. ഇതേത്തുടര്‍ന്ന് നാട്ടുകാര്‍ വിഷയം തൊടുപുഴ ബ്ലോക്ക് പഞ്ചായത്ത് പ്രസിഡന്റ് മുഹമ്മദ് അന്‍ഷാദിന്‍റെയും മുന്‍ ഇടവെട്ടി പഞ്ചായത്ത് വൈസ് പ്രസിഡന്‍റും കോണ്‍ഗ്രസ് മണ്ഡലം പ്രസിഡന്‍റുമായ എ.കെ. സുഭാഷ് കുമാറിന്‍റെയും ശ്രദ്ധയില്‍പ്പെടുത്തി. ഇവര്‍ മലങ്കര എസ്റ്റേറ്റ് മാനേജ്മെന്റ് അധികൃതരെ ബന്ധപ്പെട്ടു.
കോട്ടയം ഹെഡ് ഓഫിസില്‍നിന്ന് അനുമതി വേണമെന്ന് അറിയിച്ചതിനെത്തുടര്‍ന്ന് ഡീന്‍ കുര്യാക്കോസ് എംപി കമ്പനി എംഡിയെ ബന്ധപ്പെട്ടതിനെത്തുടര്‍ന്നാണ് താത്കാലിക റോഡ് നിര്‍മിക്കാന്‍ വഴിതെളിഞ്ഞത്. ഇതേത്തുടര്‍ന്ന് രണ്ട് ഭാഗത്തെ കയ്യാല പൊളിച്ച് തെക്കുംഭാഗം - മലങ്കര റോഡില്‍നിന്ന് അഞ്ചിരി റോഡിലേക്ക് എസ്റ്റേറ്റിലൂടെ 120 മീറ്ററോളം ഭാഗം മണ്ണുമാന്തി ഉപയോഗിച്ച് താത്കാലിക പാത നിര്‍മിക്കുകയായിരുന്നു.
റോഡ് വെട്ടിയതോടെ ഈ റൂട്ടിലെ ചെറുവാഹന യാത്രക്കാര്‍ക്ക് ഏറെ അനുഗ്രഹമായി. സ്‌കൂള്‍ വാഹനങ്ങള്‍ ഉള്‍പ്പടെ ഇതുവഴി സഞ്ചരിച്ചു. റോഡ് നിര്‍മിക്കാന്‍ നേതൃത്വം നല്‍കിയ ജനപ്രതിനിധികളെയും അനുമതി നല്‍കിയ മലങ്കര എസ്റ്റേറ്റ് അധികൃതരെയും നാട്ടുകാര്‍ അഭിനന്ദിച്ചു.
Idukki
ഉടുമ്പന്നൂര്‍: കാട്ടുപന്നികള്‍ കുറുകെ ചാടിയതിനെത്തുടര്‍ന്നു ബൈക്ക് യാത്രക്കാരനായ വിദ്യാര്‍ഥിക്കു പരിക്കേറ്റു. ഉടുമ്പന്നൂര്‍ പഞ്ചായത്ത് മലയിഞ്ചി വാര്‍ഡ് മെംബറായ പനിച്ചേല്‍ പി.ബി. മനോജിന്‍റെ മകന്‍ മിഥുനാണ് (18 ) പരിക്കേറ്റത്. വെള്ളിയാഴ്ച രാത്രിയായിരുന്നു സംഭവം.
താമസസ്ഥലമായ ചേലക്കാടിനു പോകുന്നവഴിയില്‍ പാട്ടയ്ക്കല്‍ വച്ചായിരുന്നു അപകടം. റോഡിനു മുകളിലെ പുരയിടത്തില്‍നിന്നു കാട്ടുപന്നികള്‍ കൂട്ടത്തോടെ വാഹനത്തിനു മുന്നിലേക്കു ചാടുകയായിരുന്നു. അപകടത്തെത്തുടര്‍ന്ന് മിഥുന്‍ റോഡിലേക്ക് തെറിച്ചുവീണെങ്കിലും കൈക്കും കാലിനും നിസാര പരിക്കുകളോടെ രക്ഷപ്പെടുകയായിരുന്നു. പ്രദേശത്ത് അടുത്തിടെയായി കാട്ടുപന്നികള്‍ കൂട്ടത്തോടെയെത്തി വിളകള്‍ വ്യാപകമായി നശിപ്പിക്കുന്നതിനാല്‍ കര്‍ഷകരും പ്രതിസന്ധിയിലാണ്.
Idukki
കട്ടപ്പന: ദേശീയ, സംസ്ഥാന കായികമേളകളില്‍ സ്വര്‍ണമെഡല്‍ നേടിയ ജസ്ബിന്‍ ജയിംസ്, സോബിന്‍ കെ. സെബാസ്റ്റ്യന്‍, കായികാധ്യാപകനായ ടിബിന്‍ ജോസഫ് എന്നിവരെ കാല്‍വരി ഹൈസ്കൂളില് ചേര്‍ന്ന യോഗത്തില്‍ ആദരിച്ചു.
സ്‌കൂള്‍ മാനേജര്‍ ഫാ. തോമസ് മഞ്ഞക്കുന്നേല്‍ അധ്യക്ഷത വഹിച്ചു. യോഗം ഉദ്ഘാടനവും പുരസ്കാര വിതരണവും റോയി കെ. പൗലോസ് എംഎല്‍എ നിര്‍വഹിച്ചു. ഹെഡ്മിസ്ട്രസ് സിസ്റ്റര്‍ കൊച്ചു റാണി മാത്യു, കാമാക്ഷി പഞ്ചായത്ത് പ്രസിഡന്റ് ടി.എന്‍. ബിജു, പഞ്ചായത്തംഗം ജോബിന്‍ മാത്യു, സ്റ്റാഫ് സെക്രട്ടറി ഫാ. വിനീത് എന്നിവര്‍ പ്രസംഗിച്ചു.
Idukki
ഇടുക്കി: ആദിവാസി മേഖലയിലെ അഭ്യസ്തവിദ്യരായ യുവതീയുവാക്കള്‍ക്ക് സര്‍ക്കാര്‍ ജോലി നേടുന്നതിനുള്ള അവസരമൊരുക്കി ദേവികുളം ജനമൈത്രി എക്സൈസ് സ്‌ക്വാഡിന്‍റെ നേതൃത്വത്തില്‍ ആരംഭിക്കുന്ന ആറു മാസത്തെ പിഎസ്‌സി പരിശീലന പദ്ധതിക്ക് ഇടമലക്കുടിയില്‍ തുടക്കമായി. എഫ്. രാജ എംഎല്‍എ ഉദ്ഘാടനം ചെയ്തു. പരിശീലനത്തില്‍ പങ്കെടുക്കുന്ന ഉദ്യോഗാര്ഥികള്ക്ക് പഠനസഹായികളും എംഎല്‍എ വിതരണം ചെയ്തു.
ഇടമലക്കുടി പഞ്ചായത്ത് പ്രസിഡന്റ് എം. ബിനു അധ്യക്ഷത വഹിച്ചു. ഇടുക്കി അസിസ്റ്റന്‍റ് എക്സൈസ് കമ്മിഷണര്‍ പി.എസ്. ഹരികുമാര്‍ ലഹരിവിരുദ്ധ സന്ദേശം നല്കി. ജനമൈത്രി എക്സൈസ് സര്‍ക്കിള്‍ ഇന്സ്പെക്ടര് ഡി. ദിലീപ് കുമാര്‍, പഞ്ചായത്ത് വൈസ് പ്രസിഡന്റ് സുസാധ, അംഗം സെല്‍വി, പഞ്ചായത്ത് സെക്രട്ടറി സജി പീറ്റര്‍, ട്രൈബല്‍ എക്സ്റ്റന്‍ഷന്‍ ഓഫിസര്‍ കെ. ധനേഷ്, ഇടമലക്കുടി ഗവ. ട്രൈബല്‍ എല്‍പി സ്‌കൂള്‍ ഹെഡ്മാസ്റ്റര്‍ എ. ഷമീര്‍, ഹെല്‍ത്ത് ഇന്സ്പെക്ടര് ഷാഹുല്‍ ഹമീദ്, സെക്‌ഷന്‍ ഫോറസ്റ്റ് ഓഫിസര്‍ എം.വി. അനീഷ് എന്നിവര്‍ പ്രസംഗിച്ചു.
Idukki
കട്ടപ്പന: മണ്ഡലകാലത്തിന് ദിവസങ്ങൾ മാത്രം ശേഷിക്കേ ദേശീയപാത 183ൽ മരണക്കെണികൾ തുടരുകയാണ്. മുണ്ടക്കയത്തിനും കുട്ടിക്കാനത്തിനും ഇടയിൽ പലയിടത്തും റോഡിൽ കുഴികൾ രൂപപ്പെട്ടിട്ടുണ്ട്. വളഞ്ഞങ്ങാനം വെള്ളച്ചാട്ടത്തിന് സമീപം ഭാരവാഹനങ്ങൾക്കുപോലും പ്രതിസന്ധി സൃഷ്ടിക്കുന്ന രീതിയിലാണ് റോഡ് തകർന്നിരിക്കുന്നത്.
അതിനിടെ കഴിഞ്ഞ മഴക്കാലത്ത് പ്രദേശത്തുണ്ടായ മണ്ണിടിച്ചിലിൽ തകർന്ന റോഡിന്‍റെ വശങ്ങളുടെ പുനർനിർമാണം ഇഴയുകയാണ്. കടുവാപ്പാറയ്ക്കും മുറിഞ്ഞപുഴയ്ക്കും ഇടയിൽ റോഡ് ഇടിഞ്ഞുതാഴ്ന്ന പ്രദേശത്ത് നിർമാണ ജോലികൾ നടക്കുന്നുണ്ടെങ്കിലും മണ്ഡലകാലം ആരംഭിക്കുന്നതിന് മുൻപ് പണി പൂർത്തിയാകുമെന്ന് കരുതുന്നില്ല. ഇവിടെ നിലവിൽ ഒറ്റവരിയിലാണ് വാഹനങ്ങൾ പോകുന്നത്. അതിനാൽ പ്രദേശത്ത് വാഹനക്കുരുക്കും ഉണ്ടാകുന്നുണ്ട്. മണ്ഡലകാലം ആരംഭിക്കുന്നതോടെ കുരുക്ക് രൂക്ഷമാകും.
വാഹനാപകടങ്ങളെത്തുടർന്നും കനത്ത മഴയിലും തകർന്ന ക്രാഷ് ബാരിയറുകളും പലയിടത്തും അപകടം സൃഷ്ടിക്കുന്ന നിലയിലാണ്.
ചിലയിടത്ത് കയർ ഉപയോഗിച്ച് ക്രാഷ് ബാരിയർ കെട്ടിനിർത്തിയിട്ടുണ്ട്. പെരുവന്താനത്തിന് സമീപം കനത്ത മഴയിൽ മണ്ണിടിഞ്ഞ് താഴ്ന്ന ക്രാഷ് ബാരിയറുകൾ ഇപ്പോഴും അങ്ങനെതന്നെ കിടക്കുകയാണ്.
മഴയത്ത് റോഡിലേക്ക് ഒഴുകിയെത്തിയ മണ്ണും കല്ലും പാതയോരത്ത് കൂട്ടിയിട്ടിരിക്കുന്നതും അപകടങ്ങൾ സൃഷ്ടിച്ചേക്കും. പലയിടത്തും വലിയ പാറകൾ ഇപ്പോഴും റോഡിന്‍റെ വശത്ത് കിടക്കുകയാണ്. വലിയ വാഹനങ്ങൾക്ക് ഇവ പ്രതിസന്ധി സൃഷ്ടിക്കുന്നുണ്ട്. മണ്ഡലകാലത്തിന് ദിവസങ്ങൾ മാത്രം ബാക്കിനിൽക്കേ ദേശീയപാതയിലെ അപകടക്കെണികൾ പരിഹരിച്ചില്ലെങ്കിൽ തീർഥാടനകാലം അപകടങ്ങളുടേതാകുമെന്ന് നാട്ടുകാർ മുന്നറിയിപ്പ് നൽകി.
Idukki
മൂലമറ്റം: കുടയത്തൂര്‍, അറക്കുളം പഞ്ചായത്തുകളിലെ ജനങ്ങള്‍ക്ക് പ്രയോജനകരമായ മൂന്നുങ്കവയല്‍ ഭാഗത്ത് പുഴയ്ക്കു കുറുകെ പുതിയ പാലം നിര്‍മിക്കുന്നതിന്‍റെ സാധ്യതകള്‍ പരിശോധിക്കുന്നതിനായി റോയി കെ. പൗലോസ് എംഎല്‍എ മൂന്നുങ്കവയല്‍ തൂക്കുപാലം സന്ദര്‍ശിച്ചു.
പഞ്ചായത്ത് പ്രസിഡന്റ് ഉഷാ ഗോപിനാഥ്, ജില്ലാ പഞ്ചായത്ത് മെംബര്‍ സജി പി. ജോസ്, ബ്ലോക്ക് പഞ്ചായത്ത് മെംബര്‍മാരായ സ്റ്റീഫന്‍ ജോര്‍ജ്, മാത്യു സെബാസ്റ്റ്യന്‍, പൊതുമരാമത്ത് ബ്രിഡ്ജസ് വിഭാഗം അസിസ്റ്റന്‍റ് എക്സിക്യൂട്ടീവ് എന്‍ജിനിയര്‍ സൂസന്‍ സാറ സാമുവല്‍, പഞ്ചായത്ത് മെംബര്‍മാര്‍ തുടങ്ങിയവര്‍ അദ്ദേഹത്തോടൊപ്പമുണ്ടായിരുന്നു.
Idukki
ോകല്ലാർ: കൊച്ചി-ധനുഷ്കോടി ദേശീയപാതയിലെ കല്ലാറിനും രണ്ടാം മൈലിനുമിടയിൽ പാറയിടിഞ്ഞുവീണു റോഡ് അപകടാവസ്ഥയിലായി ഒരു മാസമായിട്ടും ഗതാഗതം പുനസ്ഥാപിക്കാത്തതിൽ പ്രതിഷേധിച്ച് ജനകീയ സമിതി ഇന്നു രാവിലെ 11ന് ഇരുട്ടുകാനത്ത് ഹൈവേ ഉപരോധിക്കും.
സ്ഥലത്ത് കരാർ കമ്പനി അശാസ്ത്രീയ നിർമാണ പ്രവർത്തനങ്ങളാണ് നടത്തുന്നതെന്നാണ് നാട്ടുകാരുടെ ആരോപണം. പ്രദേശത്തെ ഗതാഗതനിരോധനം മൂലം കല്ലാർ, കുരിശുപാറ മേഖലകളിലെ ജനങ്ങൾക്ക് പള്ളിവാസൽ പഞ്ചായത്ത് ഓഫിസിലേക്ക് എത്തണമെങ്കിൽ 15 കിലോമീറ്ററിലേറെ ചുറ്റി ഇരുട്ടുകാനം-ആനച്ചാൽ-ചിത്തിരപുരംവഴി എത്തേണ്ട സ്ഥിതിയാണ്.
Idukki
തൊടുപുഴ: ലൈംഗികദുരുദ്ദേശ്യത്തോടെ സന്ദേശങ്ങള്‍ അയച്ച കേസില്‍ പ്രതിയായ പൊലിസ് ഉദ്യോഗസ്ഥന്‍ ഫോണിലൂടെ സ്വാധീനിക്കാന്‍ ശ്രമിച്ചെന്ന് ഇരയായ ജില്ലക്കാരിയും ഇപ്പോള്‍ കോഴിക്കോട് താമസക്കാരിയുമായ പൊതുപ്രവര്‍ത്തക പത്രസമ്മേളനത്തില്‍ ആരോപണവുമായി രംഗത്തെത്തി.
2019ലാണ് സംഭവം. മുരിക്കാശേരി പൊലിസ് സ്റ്റേഷനിലെ എസ്‌ഐയായിരുന്ന തങ്കച്ചന്‍, സിപിഒ സതീഷ് എന്നിവരാണ് കേസിലെ പ്രതികള്‍. ഇതില്‍ തങ്കച്ചനെ കോടതി ശിക്ഷിച്ചു. കേസുകള്‍ രണ്ടായി എടുത്തിരുന്നതിനാല്‍ സതീഷിന്‍റെ പേരിലുള്ള കേസ് ഇപ്പോഴും വിചാരണ ഘട്ടത്തിലാണ്. ഈ സാഹചര്യത്തില്‍ സതീഷ് തന്നെ കേസില്‍നിന്ന് പിന്തിരിപ്പിക്കാനും സ്വാധീനിക്കാനും വിവിധ വ്യക്തികള്‍ മുഖേനയും നേരിട്ടും ഫോണ്‍ സന്ദേശം വഴിയും ശ്രമിച്ചതായും രമ്യ ആരോപിച്ചു.
ഇക്കാര്യത്തില്‍ ജില്ലാ പൊലിസ് മേധാവിക്ക് ഉള്‍പ്പടെ പരാതി നല്‍കിയിട്ടും നടപടിയെടുക്കുന്നില്ലെന്നും രമ്യ പറയുന്നു. പ്രതിക്കെതിരേ നിയമനടപടി സ്വീകരിക്കണമെന്നും തനിക്കാവശ്യമായ സംരക്ഷണം ഉറപ്പാക്കണമെന്നുമാണ് രമ്യയുടെ ആവശ്യം. സംസ്ഥാന മനുഷ്യാവകാശ കമ്മിഷന്‍, ഡിജിപി, വനിതാ കമ്മിഷന്‍, ആഭ്യന്തര വകുപ്പ് എന്നിവര്‍ക്കും പരാതി നല്‍കിയിട്ടുണ്ടെന്ന് രമ്യ പറഞ്ഞു.
Alappuzha
എടത്വ: കുട്ടനാട് കുടിവെള്ള പദ്ധതിയുടെ പൈപ്പ് ലൈന്‍ പൊട്ടി. നിരവധി പഞ്ചായത്തുകളില്‍ ജലവിതരണം നിലച്ചു. എടത്വ- തിരുവല്ല സംസ്ഥാന പാതയില്‍ വെള്ളക്കിണര്‍ ജംഗ്ഷന് സമീപത്താണ് പൈപ്പ് ലൈന്‍ പൊട്ടിയത്. ചോര്‍ച്ച കണ്ടതിനെ തുടര്‍ന്ന് ജലവിതരണം മൂന്ന് ദിവസമായി നിലച്ചു കിടക്കുകയായിരുന്നു.
കുടിവെള്ള വിതരണം നിലച്ചതോടെ ജല അഥോറിറ്റി എടത്വ സബ് ഡിവിഷന്‍ ഓഫിസര്‍ മുഹമ്മദ് അഷ്റഫ്, കിഫ്ബി പ്രോജക്ട് എന്‍ജിനിയര്‍ ഗോപന്‍, ഓവര്‍സിയര്‍ വിഷ്ണു എന്നിവരുടെ നേതൃത്വത്തില്‍ പൈപ്പ്‌ലൈന്‍റെ ചോര്‍ച്ച ഒഴിവാക്കാന്‍ ശ്രമം നടന്നെങ്കിലും ആദ്യം പരാജയപെട്ടിരുന്നു. വീണ്ടും ചോര്‍ച്ച അടയ്ക്കാനുള്ള നടപടി നടക്കുകയാണ്. പദ്ധതിക്കു വേണ്ടി സ്ഥാപിച്ച പൈപ്പിന്‍റെ കാര്യക്ഷമത കുറവാണെന്ന് ഇതിനോടകം പരാതി ഉയര്‍ന്നിരുന്നു. പിവിസി, എച്ച്ഡിപിഇ പൈപ്പുകളാണ് പദ്ധതിക്ക് സ്ഥാപിച്ചത്.
ഹെവി ഭാരം കയറ്റിയ വാഹനങ്ങള്‍ നിരന്തരം സഞ്ചരിക്കുന്ന റോഡില്‍ ആലപ്പുഴ നഗരസഭ കുടിവെള്ള പദ്ധതിക്ക് സ്ഥാപിച്ച യൂഡിസ്മാറ്റ് പൈപ്പ് സ്ഥാപിക്കണമെന്ന് നിര്‍മാണ വേളയില്‍ ജനങ്ങള്‍ ആവശ്യപ്പെട്ടിരുന്നു.
ഇത് ചെവിക്കൊള്ളാതാണ് പിവിസിയും എച്ച്ഡിപിഇ പൈപ്പുകളും സ്ഥാപിച്ചത്. ജലവിതരണം മുടങ്ങിയതോടെ കുട്ടനാട്ടിലെ നൂറുകണക്കിന് കുടുംബങ്ങള്‍ ദുരിതത്തിലാണ്. കൃഷി സീസണ്‍ ആരംഭിച്ചതിനാല്‍ പാടത്തു നിന്ന് പുറംതള്ളുന്ന വെള്ളം ജലാശയങ്ങളെ മലിനമാക്കിയിട്ടുണ്ട്. ജനങ്ങളുടെ ഏകാശ്രയമായിരുന്നു പദ്ധതി വഴി ലഭിക്കുന്ന ശുദ്ധജലം.
ദിവസങ്ങളായി ജലവിതരണം തടസപ്പെട്ട് കിടക്കുന്നതിനാല്‍ പൊതുജനങ്ങള്‍ കടുത്ത പ്രതിസന്ധിയിലാണ്.
കൂടാതെ അറ്റകുറ്റപ്പണിയുടെ ഭാഗമായി റോഡിന്‍റെ പകുതിയോളം ഭാഗം പത്തടിയിലേറെ കുഴിച്ചിട്ടിരിക്കുകയാണ്. കഴിഞ്ഞ ദിവസവും ഈ ഭാഗത്ത് വാഹന അപകടം നടന്നിരുന്നു. അപായ മുന്നറിപ്പ് സ്ഥാപിച്ചിട്ടുണ്ടെങ്കിലും വാഹനങ്ങള്‍ പെട്ടെ ന്ന് തിരിക്കുമ്പോള്‍ എതിരേ വരുന്ന വാഹനങ്ങളില്‍ ഇടിക്കുന്നത് പതിവാണ്.
അറ്റകുറ്റപ്പണി പൂര്‍ത്തിയാക്കി കുട്ടനാട്ടില്‍ ജലവിതരണം അടിയന്തരമായി പുനഃസ്ഥാപിക്കണമെന്നാണ് ജനങ്ങളുടെ ആവശ്യം.
Alappuzha
മങ്കൊമ്പ്: എൽഐസിയെ പൂർണമായും പൊതുമേഖലയിൽ നിലനിർത്തണമെന്നും ഏജന്‍റുമാർക്ക് അടിയന്തരമായി പെൻഷൻ പദ്ധതി ഏർപ്പെടുത്തണമെന്നും എൽഐസി ഏജന്‍റ്സ് ഓർഗനൈസേഷൻ ഓഫ് ഇന്ത്യ (സി ഐ ടി യു ) ആലപ്പുഴ രണ്ട് ബ്രാഞ്ച് സമ്മേളനം ആവശ്യപ്പെട്ടു. വെട്ടിക്കുറച്ച ഏജൻസി കമ്മീഷൻ പുനഃസ്ഥാപിക്കണമെന്നും, ഓഹരി വില്പന നിർത്തിവയ്ക്കണമെന്നും സമ്മേളനം കേന്ദ്ര സർക്കാരിനോടും എൽഐസി അധികാരികളോടും ആവശ്യപ്പെട്ടു.
മങ്കൊമ്പിൽ നടന്ന സമ്മേളനം സിഐടിയു ജില്ലാ കമ്മിറ്റിയംഗം കെ.എസ്. അനിൽകുമാർ ഉദ്ഘാടനം ചെയ്തു. ബ്രാഞ്ച് പ്രസിഡന്റ് എം.സി. ആന്റണി അധ്യക്ഷത വഹിച്ചു. സെക്രട്ടറി പി.ജി. സജൻ കുമാർ, എറണാകുളം ഡിവിഷൻ സെക്രട്ടറി കെ.വി. ടോമി, പ്രസിഡന്റ് പി.എൻ. ദേവദാസ്, ആലപ്പുഴ ജില്ലാ സെക്രട്ടറി കൈനകരി സുരേഷ് കുമാർ, ജില്ലാ കമ്മിറ്റിയംഗങ്ങളായ കെ. വാസുദേവൻ , പി.ജി. മദനൻ എന്നിവർ പ്രസംഗിച്ചു.
പുതിയ ഭാരവാഹികളായി സനൂ തോമസ് (പ്രസിഡന്റ്), കെ. രാജേശ്വരി, കെ.ജി. ചാക്കോ (വൈസ് പ്രസിഡന്‍റുമാർ), ഹരി മോൻ (സെക്രട്ടറി), സുനിൽ അഗസ്റ്റിൻ, വി. ദീപ്തി (ജോയിന്റ് സെക്രട്ടറിമാർ), എം.സി. ആന്റണി (ട്രഷറർ) എന്നിവരെ തെരഞ്ഞെടുത്തു.
Alappuzha
പുളിങ്കുന്ന്: പ്രളയത്തില്‍ ഏക ഉപജീവനമാര്‍ഗമായ പശുവിനെ നഷ്ടപ്പെട്ട കുടുംബത്തിന് കൈത്താങ്ങായി കുട്ടനാട് എംഎല്‍എ റെജി ചെറിയാന്‍.
പുളിങ്കുന്ന് പഞ്ചായത്ത് രണ്ടാം വാര്‍ഡിലെ മംഗലപ്പള്ളിച്ചിറ വീട്ടില്‍ സുനിലാ ദിനേശന്‍റെ കുടുംബത്തിനാണ് എംഎല്‍എ സ്വന്തം ചെലവില്‍ വാങ്ങിയ പശുവിനെയും കിടാവിനെയും കൈമാറിയത്.
കഴിഞ്ഞ ഓഗസ്റ്റ് മാസത്തിലുണ്ടായ പ്രളയത്തിലാണ് കുടുംബത്തിന്‍റെ ഏക വരുമാനമാര്‍ഗമായിരുന്ന പശുവിനെ നഷ്ടമായത്.
പശുവില്‍ നിന്നുള്ള വരുമാനം കൊണ്ടായിരുന്നു സാമ്പത്തിക ബുദ്ധിമുട്ടുകള്‍ക്കിടയിലും കുടുംബം കഴിഞ്ഞിരുന്നത്. പശുവിനെ നഷ്ടപ്പെട്ട വിവരം അറിഞ്ഞയുടന്‍ കുടുംബവുമായി ബന്ധപ്പെട്ട എംഎല്‍എ പകരം മറ്റൊരു പശുവിനെ വാങ്ങി നല്‍കുമെന്ന് ഉറപ്പുനല്‍കിയിരുന്നു. ഈ വാക്ക് പാലിച്ചുകൊണ്ടാണ് നല്ലയിനത്തില്‍പ്പെട്ട പശുവിനെയും കിടാവിനെയും ജനപ്രതിനിധികളുടെയും സാമൂഹിക പ്രവര്‍ത്തകരുടെയും സാന്നിധ്യത്തില്‍ എംഎല്‍എ വീട്ടിലെത്തി നേരിട്ട് കൈമാറിയത്. പശുവിനെ വാങ്ങുന്നതിനാവശ്യമായ മുഴുവന്‍ തുകയും എംഎല്‍എ സ്വന്തം നിലയില്‍ വഹിക്കുകയായിരുന്നു.
ജോസ്കോയിപ്പള്ളി, ജോബിള്‍ പെരുമാള്‍,വിജയമ്മ ജയപ്രകാശ്, ഷൈനി മാര്‍ട്ടിന്‍, ജോഷി കൊല്ലാറ, തങ്കച്ചന്‍ വാഴച്ചിറ, സജിത മനോജ്, മഞ്ജു ബിജു, ജിജിമോന്‍ പൂത്തറ, ലാലിച്ചന്‍ മരിയാലയം, ഷേര്‍ലി പുരുഷോത്തമന്‍, മനോജ് കാനാച്ചേരി, ആശാ ആന്റണി, ഷാജി തോട്ടക്കാട്, ഷാരോണ് ടിറ്റോ എന്നിവര്‍ സന്നിഹിതരായിരുന്നു.
Alappuzha
അമ്പലപ്പുഴ: ചമ്പക്കുളത്തു മരത്തിനു മുകളിൽനിന്ന് വീണ് നടുവിനു ഗുരുതരമായി പരിക്കേറ്റ് ചലനശേഷി നഷ്ടപ്പെട്ട നിലയിൽ ആലപ്പുഴ ഗവ. മെഡിക്കൽ കോളജ് ആശുപത്രിയിൽ ചികിത്സയിലായിരുന്ന പശ്ചിമബംഗാൾ സ്വദേശി എസ്.കെ. ഖയൂം (45) ചികിത്സ പൂർത്തിയാക്കി നാട്ടിലേക്ക് മടങ്ങി.
ഒക്ടോബർ 18നാണ് അപകടത്തെത്തുടർന്ന് ഗുരുതരമായി പരിക്കേറ്റ ഖയൂമിനെ മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. നടുവിനു ഗുരുതരമായി പരിക്കേറ്റ് ചലനശേഷി നഷ്ടപ്പെട്ട ഇദ്ദേഹത്തിന് ജനറൽ സർജറി വിഭാഗത്തിൽ ഡോ. രാംലാലിന്‍റെ നേതൃത്വത്തിൽ ആവശ്യമായ ശസ്ത്രക്രിയ നടത്തി.
തുടർന്ന് വിദഗ്ധ ചികിത്സയും പരിചരണവും ഉറപ്പാക്കി. ഹെഡ് നഴ്സ് ബീന, സീനിയർ നഴ്സിംഗ് ഓഫീസർ ലിജി എന്നിവരുടെ നേതൃത്വത്തിൽ നഴ്സിംഗ് വിഭാഗം മികച്ച പരിചരണവും കരുതലും നൽകി. രോഗവിവരമറിഞ്ഞ് ഭാര്യ നാട്ടിൽനിന്ന് ആശുപത്രിയിലെത്തിയിരുന്നു.
ഇവരുടെ ദുരിതാവസ്ഥ മനസിലാക്കിയ കെ.സി. വേണുഗോപാൽ എംപിയുടെ എച്ച്ഡിഎസ് പ്രതിനിധിയും കൊടിക്കുന്നിൽ സുരേഷ് എംപിയുടെ എച്ച്ഡിഎസ് പ്രതിനിധി നിസാർ വെള്ളാപ്പള്ളിയും ആവശ്യമായ സഹായങ്ങൾക്കായി ഇടപെട്ടു. കൊടിക്കുന്നിൽ സുരേഷിന്‍റെ ഇടപെടലിനെത്തുടർന്നു ചെങ്ങന്നൂർ റെയിൽവേ സ്റ്റേഷനിൽ യാത്രക്കാവശ്യമായ ക്രമീകരണങ്ങൾ ഏർപ്പെടുത്തി.
കൂടാതെ, രോഗിയുടെയും കുടുംബത്തിന്‍റെയും യാത്രാദുരിതം കണക്കിലെടുത്ത് മെഡിക്കൽ കോളജ് ആശുപത്രി സൂപ്രണ്ട് ഡോ. ലക്ഷ്മിയുടെ നേതൃത്വത്തിൽ ആശുപത്രിയിൽനിന്ന് ചെങ്ങന്നൂർ റെയിൽവേ സ്റ്റേഷനിലേക്ക് യാത്രചെയ്യുന്നതിനു സൗജന്യ ആംബുലൻസ് സൗകര്യവും ഒരുക്കി.
യാത്രതിരിക്കുന്നതിനു മുമ്പ് ചികിത്സയും പരിചരണവും നൽകിയ ഡോക്‌ടർമാർ, നഴ്സുമാർ, മറ്റ് ആശുപത്രി ജീവനക്കാർ എന്നിവരോടും സഹായവുമായി ഒപ്പംനിന്ന എല്ലാവരോടും ഖയൂമും ഭാര്യയും ഹൃദയം നിറഞ്ഞ നന്ദി അറിയിച്ചു.
Alappuzha
ഹരിപ്പാട്: കൗമാര പ്രതിഭകളുടെ കലാമാമാങ്കത്തിന് വേദിയൊരുക്കി ഹരിപ്പാട് ഉപജില്ലാ സ്കൂൾ കലോത്സവത്തിനു നങ്ങ്യാർകുളങ്ങര ബഥനി ബാലികാമഠം സ്കൂളിൽ തുടക്കമായി. ബ്ലോക്ക് പഞ്ചായത്ത് പ്രസിഡന്റ് വി.കെ. നാഥൻ കലോത്സവം ഉദ്ഘാടനം ചെയ്തു. ചേപ്പാട് പഞ്ചായത്ത് പ്രസിഡന്റ് ടി. തുളസി അധ്യക്ഷത വഹിച്ചു. കഥാകൃത്ത് സജിത്ത് ഏവൂരേത്ത് മുഖ്യാതിഥിയായി.
സി. മധു, എം.ബി. അനിൽമിത്ര, എം.കെ. മണികുമാർ, രാജേഷ് രാമകൃഷ്ണൻ, സിസ്റ്റർ നിർമൽ, ഗൗതം ചേപ്പാട്, അമ്പിളി, സുധീർ ചേപ്പാട്, റൂബി വർഗീസ്, ബിജു വി. മുതുകുളം, ഉണ്ണിക്കൃഷ്ണൻ എന്നിവർ പ്രസംഗിച്ചു.
Alappuzha
കായംകുളം: നഗരത്തിന്‍റെ ഹൃദയഭാഗത്തു സ്ഥിതിചെയ്യുന്ന ഗവ. ബോയ്സ് ഹയർ സെക്കൻഡറി സ്‌കൂളിന്‍റെ പുറകുവശം കാടുകയറിയിട്ടും ശുചീകരിക്കാൻ നടപടിയില്ല. എല്ലായിടവും ശുചീകരണ കാമ്പയിനുകൾ നടക്കുമ്പോഴും സ്കൂൾ പരിസരം കാടുപിടിച്ചുകിടന്നിട്ടും അധികൃതർ കണ്ടഭാവം നടിക്കുന്നില്ല.
വളർന്നുനിൽക്കുന്ന കാടും വള്ളിച്ചെടികളും കെട്ടിടങ്ങളിലേക്കു ചാഞ്ഞ് ക്ലാസ് മുറികളുടെ ജനാലകൾക്കുള്ളിലേക്കുവരെ എത്തിയിട്ടുണ്ട്.
കാടുപിടിച്ചു കിടക്കുന്നതിനാൽ ക്ലാസ് മുറികളിലേക്ക് ഇഴജന്തുക്കൾ കയറുമോ എന്നുള്ള ആശങ്കയിലാണ് വിദ്യാർഥികൾ.
സ്കൂളിലെ പ്രധാന കെട്ടിടത്തിന്‍റെ തെക്കുഭാഗത്താണ് കാടുപിടിച്ചുകിടക്കുന്നത്. സ്കൂളിലെ ശൗചാലയങ്ങളും ശോച്യാവസ്ഥയിലാണെന്നു രക്ഷാകർത്താക്കൾ പറഞ്ഞു. വിദ്യാഭ്യാസ സ്ഥാപനത്തിന്‍റെ പരിസരം വൃത്തിയായി സൂക്ഷിക്കേണ്ടതു ബന്ധപ്പെട്ട അധികൃതരുടെ ഉത്തരവാദിത്വമാണ്.
എന്നാൽ, മാസങ്ങളായി കാടുപിടിച്ചുകിടക്കുന്ന സ്‌കൂൾപരിസരം വൃത്തിയാക്കുന്നതിനോ ആവശ്യമായ അറ്റകുറ്റപ്പണികൾ നടത്തുന്നതിനോ ഫലപ്രദമായ നടപടി ഉണ്ടായിട്ടില്ലെന്നും രക്ഷാകർത്താക്കൾ ആരോപിക്കുന്നു .
Alappuzha
പൂച്ചാക്കൽ: പെരുമ്പളം ദ്വീപ് നിവാസികളുടെ പതിറ്റാണ്ടുകളായുള്ള കാത്തിരിപ്പിനൊടുവിൽ യാഥാർഥ്യമായ പെരുമ്പളം പാലത്തിൽ തെരുവുവിളക്കുകൾ സ്ഥാപിച്ചു. പാലത്തിലും അപ്രോച്ച് റോഡിലുമായി 78 വിളക്കുകളാണ് കരാർ കമ്പനി സ്ഥാപിച്ചത്. വിളക്കുകൾ പൂർണമായും തെളിച്ചു. പാലം ഉദ്ഘാടന സമയത്തു തെളിച്ച ലൈറ്റുകൾ പാലത്തിന് കൂടുതൽ മനോഹാരിത നൽകിയിരുന്നു. ഇതു കാണാനായി കൂടുതൽ ആളുകൾ പെരുമ്പളത്തേക്ക് ഒഴുകിയെത്തിയിരുന്നു. എന്നാൽ ഒരാഴ്ച കഴിഞ്ഞപ്പോൾ ലൈറ്റുകൾ അഴിച്ചുമാറ്റിയത് വലിയ പ്രതിക്ഷേധത്തിനിടയാക്കി.
പാലത്തിലെ വെളിച്ചക്കുറവുകാരണം രാത്രികാലങ്ങളിൽ യാത്രക്കാർ നേരിട്ടിരുന്ന വലിയ ബുദ്ധിമുട്ടുകൾക്കാണ് തെരുവു വിളക്കുകൾ സ്ഥാപിച്ചതിലൂടെ പരിഹാരമായിരിക്കുന്നത്. പാലത്തിലുടനീളം അത്യാധുനിക എൽഇഡി ലൈറ്റുകളാണ് സജ്ജീകരിച്ചിരിക്കുന്നത്.
തെരുവുവിളക്കുകൾ തെളിഞ്ഞതോടെ പ്രദേശത്തെ രാത്രികാല ഗതാഗതം കൂടുതൽ സുരക്ഷിതവും സുഗമവുമാകും. പാലം ഉദ്ഘാടനം കഴിഞ്ഞതിനുശേഷവും തെരിവുവിളക്കുകൾ സ്ഥാപിക്കാത്തതിനെതിരേ പ്രദേശവാസികളുടെ ഭാഗത്തുനിന്നു ശക്തമായ പ്രതിഷേധമുയർന്നിരുന്നു.
നാട്ടുകാരുടെയും ജനപ്രതിനിധികളുടെയും നിരന്തര ഇടപെടലുകളെത്തുടർന്നാണ് ലൈറ്റുകൾ സ്ഥാപിക്കുന്നതിനുള്ള നടപടികൾ വേഗത്തിലാക്കിയത്. രാത്രികാലങ്ങളിൽ കായലിന്‍റെ മനോഹരമായ കാഴ്ചകൾ കാണാൻ പാലത്തിലേക്ക് എത്തുന്നവർക്കും ഇത് വലിയ ആശ്വാസമേകും. പുതിയ തെരുവുവിളക്കുകൾ തെളിഞ്ഞതു പെരുമ്പളത്തിന്‍റെ വികസന കുതിപ്പിൽ മറ്റൊരു പ്രധാന നാഴികക്കല്ലായി മാറിയിരിക്കുകയാണ്.
Alappuzha
ചേർത്തല: തൊഴിലുറപ്പ് ജോലിയിൽ ഏർപ്പെട്ടിരുന്ന വനിതാ തൊഴിലാളികൾക്കു വണ്ടിന്‍റെ ആക്രമണം. ഏഴു പേർക്ക് കുത്തേറ്റു.
ഗിരിജ, പുഷ്പി, ബീന, മഞ്ജു, സാവിത്രി, ബിൻസി, ലില്ലി എന്നിവർക്കാണ് കുത്തേറ്റത്. പരിക്കേറ്റ ഏഴുപേരെയും ചേർത്തല താലൂക്കാശുപത്രിയിൽ പ്രവേശിപ്പിച്ചു. നഗരസഭയിലെ രണ്ടാം വാർഡിൽ അധികം ആളനക്കമില്ലാത്ത കാടുപിടിച്ച വഴി വൃത്തിയാക്കുന്നതിനിടെ തിങ്കളാഴ്ച രാവിലെ പത്തോടെയായിരുന്നു സംഭവം.
പ്രദേശത്തെ കാട് വെട്ടിത്തെളിക്കുന്നതിനായി പന്ത്രണ്ടോളം തൊഴിലാളികളാണു സ്ഥലത്തുണ്ടായിരുന്നത്.
ജോലി ചെയ്തുകൊണ്ടിരിക്കെ അപ്രതീക്ഷിതമായി കൂട്ടത്തോടെ എത്തിയ കറുപ്പും മഞ്ഞയും നിറത്തിലുള്ള കൂറ്റൻ വണ്ടുകൾ തൊഴിലാളികളെ ആക്രമിക്കുകയായിരുന്നു. ആദ്യം ചില തൊഴിലാളികൾ വണ്ടുകൾ വരുന്നതു കണ്ടതോടെ മറ്റുള്ളവരോട് സുരക്ഷിത സ്ഥാനങ്ങളിലേക്കു മാറിനിൽക്കാൻ നിർദേശിച്ചെങ്കിലും വണ്ടുകൾ തൊഴിലാളികളെ പിന്തുടർന്ന് ആക്രമിക്കുകയായിരുന്നുവെന്ന് തൊഴിലുറപ്പ് തൊഴിലാളി ലീഡർ ലില്ലി പറഞ്ഞു.
ആക്രമണത്തിനു ശേഷം തൊഴിലാളികൾക്കു മുറിവുകളിൽ മഞ്ഞൾപ്പൊടിയും മറ്റും പുരട്ടിയാണ് പ്രാഥമിക പരിചരണം നൽകിയത്. കുത്തേറ്റ ചിലർക്ക് തളർച്ചയും ശക്തമായ തലവേദനയും അസ്വസ്ഥതകളും അനുഭവപ്പെട്ടു. തുടർന്ന് ഇവരെ ചേർത്തല താലൂക്കാശുപത്രിയിലേക്ക് മാറ്റുകയായിരുന്നു. ആരുടെയും നില ഗുരുതരമല്ല.
Alappuzha
ചേർത്തല: കെഎസ്ആർടിസി ഡിപ്പോയിലെ പെട്രോൾ പമ്പിൽ ഇന്ധനം നിറയ്ക്കുന്ന നോസിൽ കേടായതിനെത്തുടർന്ന് ഇന്ധനം നിറക്കാതെ വന്നതോടെ ബസുകളുടെ ഓട്ടം മുടങ്ങി. അനവധി ദീർഘദൂര ബസുകൾ ഇന്ധനം നിറയ്ക്കാതെ മടങ്ങി.
തിങ്കളാഴ്ച രാവിലെ 11 ഓടെയായിരുന്നു സംഭവം. പമ്പിലെ ടാങ്കിൽനിന്ന് വാഹനത്തിന്‍റെ ഇന്ധന ടാങ്കിലേക്ക് ഇന്ധനം നിറയ്ക്കാനായി ഘടിപ്പിക്കുന്ന നോസിൽ തകരാറായതിനെത്തുടർന്ന് ഡീസൽ പുറത്തേക്കു ചീറ്റുകയായിരുന്നു. ഉടൻതന്നെ ഡിപ്പോയിലെ വർക്ക് ഷോപ്പ് ചുമതലയിലുണ്ടായിരുന്നവർ ഓടിയെത്തി ഇന്ധനം പുറത്തേക്ക് ഒഴുകുന്നത് നിർത്തി.
പിന്നീട് ദീർഘദൂര സർവീസ് നടത്തുന്ന ബസുകൾക്ക് ഇന്ധനം നിറയ്ക്കാൻ പറ്റാത്ത അവസ്ഥയിലായി. ഇന്ധനം മുഴുവനും തീർന്നുപോയ ചില ബസുകൾ ഓട്ടം നിർത്തി ബസിലുണ്ടായിരുന്നവരെ മറ്റ് ബസുകളിൽകയറ്റിവിട്ടു. ഇന്ധനം നിറയ്ക്കുന്ന നോസിലിനും ഹോസിനും ഇടയിലുള്ള വാഷർ തേഞ്ഞുപോയതാണ് ചോർച്ചയ്ക്കു കാരണം.
അപകടസാധ്യത ഒഴിവാക്കാൻ ജീവനക്കാർ ഉടൻതന്നെ പമ്പിന്‍റെ പ്രവർത്തനം നിർത്തിവച്ച് സുരക്ഷാ നടപടികൾ സ്വീകരിച്ചു. എന്നാൽ ഇന്ധനം ലഭിക്കാതെ വന്നതോടെ ഡിപ്പോയിൽനിന്ന് പുറപ്പെടേണ്ട നിരവധി സർവീസുകൾ വൈകി. ഇത് യാത്രക്കാരെ ഏറെ ബുദ്ധിമുട്ടിച്ചു. തുടർന്ന് അധികൃതർ യാത്രക്കാരെ മറ്റ് ബസുകളിൽ കയറ്റിവിട്ടാണ് താത്കാലികമായി പ്രതിസന്ധി പരിഹരിച്ചത്.
മണിക്കൂറുകൾക്ക് ശേഷം വിദഗ്ധരെത്തി തകരാറിലായ ഭാഗം മാറ്റി പുതിയത് ഫിറ്റ് ചെയ്തു. തുടർന്ന് ലീക്കില്ലെന്ന് പൂർണമായി ഉറപ്പുവരുത്തിയ ശേഷമാണ് പമ്പിന്‍റെ പ്രവർത്തനം പുനരാരംഭിച്ചതും സർവീസുകൾ സാധാരണ നിലയിലായതും.
Alappuzha
ചന്പക്കുളം: 16 നൂറ്റാണ്ടുകളുടെ വിശ്വാസ പാരന്പര്യം പേറുന്ന ചന്പക്കുളം കല്ലൂർക്കാട് സെന്റ് മേരീസ് ബസിലിക്കയുടെ 1600-ാം ജൂബിലി ആഘോഷങ്ങളുടെ ഔദ്യോഗിക ലോഗോ സീറോമലബാർ സഭ മേജർ ആർച്ച്ബിഷപ്പ് മാർ റാഫേൽ തട്ടിൽ പ്രകാശനം ചെയ്തു. എറണാകുളം കാക്കനാട് സെന്റ് തോമസ് മൗണ്ടിൽ നടന്ന ചടങ്ങിലായിരുന്നു ബസിലിക്കയുടെ ചരിത്രവും ആത്മീയ പൈതൃകവും പ്രതിഫലിപ്പിക്കുന്ന ജൂബിലി ലോഗോ പ്രകാശനം. അടുത്ത വർഷം ജനുവരി 17ന് മുഖ്യമന്ത്രി വി.ഡി. സതീശൻ ജൂബിലി ആഘോഷം ഉദ്ഘാടനം ചെയ്യും.
ബസിലിക്ക റെക്ടർ ഫാ. ജയിംസ് പാലയ്ക്കൽ, നടത്തുകൈക്കാരൻ ജോൺസൺ കറുകയിൽ, ജനറൽ കൺവീനർ ഷൈൻ ജോസഫ് മായിപറപ്പള്ളി, തോമസ് ജോസഫ് കളപ്പുരയ്ക്കൽ പുത്തൻപുര, കുഞ്ഞുമോൻ കളത്തിൽപ്പറന്പിൽ, ജയിംസ് മേടയിൽ, ജോമോൻ വർഗീസ് മായിപറപ്പള്ളി എന്നിവർ പങ്കെടുത്തു.
Alappuzha
കായംകുളം: ചാമ്പ്യൻസ് ബോട്ട് ലീഗിന്‍റെ ഭാഗമായി 14ന് നടക്കുന്ന കായംകുളം ജവഹർ ജലോത്സവത്തിനായുള്ള വള്ളംകളി ട്രാക്ക് ഒരുക്കുന്ന പ്രവർത്തനങ്ങൾ അവസാനഘട്ടത്തിലെത്തിയതായി മന്ത്രി എം. ലിജു അറിയിച്ചു.
കായംകുളം കായലിൽ വള്ളംകളിക്ക് അനുയോജ്യമായ ട്രാക്ക് സജ്ജമാക്കുന്നതിനായി ഇറിഗേഷൻ വകുപ്പിന്‍റെ നേതൃത്വത്തിൽ രണ്ടാഴ്ചയായി ഡ്രജിംഗ് പ്രവർത്തനങ്ങൾ നടന്നുവരികയാണ്.
Alappuzha
ചേര്‍ത്തല: അര്‍ത്തുങ്കല്‍ സെന്റ് ജോര്‍ജ് ദേവാലയത്തില്‍ പ്രസന്തസ് മാതാവിന്‍റെ 159-ാമത് കൊമ്പ്രിയ തിരുനാള്‍ നാളെ മുതല്‍ 15 വരെ ആഘോഷിക്കും. 11നു രാവിലെ ഏഴിനു ദിവ്യബലി. വൈകുന്നേരം 5.30നു ജപമാല. 6.30നു കൊടിയേറ്റ്, തിരുനാള്‍ കുര്‍ബാന, പ്രസംഗം, ലദീഞ്ഞ്, പരിശുദ്ധ കുര്‍ബാനയുടെ ആശീര്‍വാദം-ഫാ. സാവിയോ ആന്റണി മനവേലില്‍, ഫാ. ജിനില്‍ കൈതേത്ത്, ഫാ. സിബിന്‍ അഞ്ചുകണ്ടത്തില്‍. സന്ദേശം-ഫാ. സിജു സോളമന്‍. 12നു വൈകുന്നേരം 6.30നു ജപമാല, തിരുനാള്‍ കുര്‍ബാന, പ്രസംഗം, ലദീഞ്ഞ്, പരിശുദ്ധ കുര്‍ബാനയുടെ ആശീര്‍വാദം-ഫാ. സേവ്യര്‍ ചിറമേല്‍. സന്ദേശം-ഫാ. പ്രവീണ്‍ പോള്‍ മണ്ണാമുറി.
13നു വൈകുന്നേരം അഞ്ചിനു വിശുദ്ധ ഗീവര്‍ഗീസിന്‍റെ നൊവേന, ജപമാല, തിരുനാള്‍ കുര്‍ബാന, വാഴ്ച, പ്രദക്ഷിണം, ലദീഞ്ഞ്, പരിശുദ്ധ കുര്‍ബാനയുടെ ആശീര്‍വാദം-ഫാ. സെബാസ്റ്റ്യന്‍ കാച്ചപ്പള്ളി. സന്ദേശം-ഫാ.തോമസ് ജിതിന്‍.
14നു വൈകുന്നേരം 5.30നു ജപമാല, രൂപം വെഞ്ചരിപ്പ്, തിരുനാള്‍ കുര്‍ബാന, പ്രസംഗം, വേസ്പര, പ്രദക്ഷിണം, പരിശുദ്ധ കുര്‍ബാനയുടെ ആശീര്‍വാദം-ഫാ. ജോസ് ജോസഫ് അറക്കല്‍, ഫാ. സണ്ണി ആട്ടപ്പറമ്പില്‍. സന്ദേശം-ഫാ. സെബാസ്റ്റ്യന്‍ കാക്കരി. 15നു തിരുനാള്‍ദിനം. രാവിലെ ഏഴിനു ദിവ്യബലി. വൈകുന്നേരം 3.30നു തിരുനാള്‍ സമൂഹബലി.
കൊച്ചി രൂപത മെത്രാന്‍ ഡോ. ആന്റണി കാട്ടിപ്പറമ്പില്‍ മുഖ്യകാര്‍മികത്വം വഹിക്കും. അര്‍ത്തുങ്കല്‍ ബസിലിക്ക റെക്‌ടര്‍ ഫാ.ഡോ. യേശുദാസ് കാട്ടുങ്കല്‍തയ്യില്‍ വചനസന്ദേശം നല്കും. തുടര്‍ന്ന് തിരുനാള്‍ പ്രദക്ഷിണം, പരിശുദ്ധ കുര്‍ബാനയുടെ ആശീര്‍വാദം.
Alappuzha
ചേർത്തല: കടക്കരപ്പള്ളി ഒറ്റപ്പുന്ന പ്രതീക്ഷ പുരുഷ സ്വയംസഹായ സംഘത്തിന്‍റെ നേതൃത്വത്തിൽ ആരോഗ്യ ബോധവത്കരണ സെമിനാറും ആരോഗ്യപ്രവർത്തകർക്ക് ആദരവും നടത്തി.
കടക്കരപ്പള്ളി പഞ്ചായത്ത് പ്രസിഡന്റ് റാണി ജോർജ് ഉദ്ഘാടനം ചെയ്തു. ബ്ലോക്ക് പഞ്ചായത്തംഗം സജിത വിജയ്, പഞ്ചായത്തംഗം ലേജു, സിഡിഎസ് ചെയർപേഴ്സൺ അമ്പിളി മുരളി, സംഘം പ്രസിഡന്റ് എ. ജോസഫ്, സെക്രട്ടറി കൃഷ്ണപ്രസാദ്, ഹെൽത്ത് ഇൻസ്പെക്ടർ വി.പി. ജോഷി എന്നിവര്‍ പ്രസംഗിച്ചു.
Alappuzha
ചങ്ങങ്കരി: സമുദായ ശക്തീകരണ വര്‍ഷാചരണത്തിന്‍റെ ഭാഗമായി ഇടവകയുടെ ശക്തീകരണം ലക്ഷ്യമിട്ട് ചങ്ങങ്കരി സെന്റ് ജോസഫ് പള്ളിയില്‍ സ്ത്രീകള്‍ക്കായി ത്രിദിന സമുദായ ശക്തീകരണ കണ്‍വന്‍ഷന്‍ സംഘടിപ്പിച്ചു.
കത്തോലിക്ക കോണ്‍ഗ്രസ് എടത്വാ ഫൊറോനാ സമിതിയുടെ സഹകരണത്തോടെ സമുദായ ശക്തീകരണം ഇന്നിന്‍റെ ആവശ്യം എന്ന വിഷയത്തില്‍ ബോധവത്കരണ ക്ലാസ് നടന്നു.
ചങ്ങങ്കരി സെന്റ് ജോസഫ് പള്ളിയുടെ പ്രീസ്റ്റ് ഇന്‍ ചാര്‍ജ് ഫാ. ടിജോ മതിലകത്തുകുഴി ഉദ്ഘാടനം ചെയ്തു.
ക്ലാസിന് ഫൊറോനാ പ്രസിഡന്റ് തോമസ് ഫ്രാന്‍സിസ് നേതൃത്വം നല്കി. കത്തോലിക്ക കോണ്‍ഗ്രസ് യൂണിറ്റ് പ്രസിഡന്റ് വര്‍ഗീസ് വേലിക്കളം, ബീന ജോസഫ് വെടിക്കാരന്‍പറമ്പില്‍, സിനി സാബു കണ്ണങ്കുളം, ബാബു പള്ളിത്തറ, വാവച്ചന്‍ നൂറ്ററുപതില്‍, ക്ലാരമ്മ ടോമിച്ചന്‍ വേളശ്ശേരി, സൂസമ്മ പുത്തൂര്‍ എന്നിവരടങ്ങിയ സമിതിയാണ് കണ്‍വന്‍ഷന്‍റെ വിജയത്തിനായി പ്രവര്‍ത്തിച്ചത്.
Alappuzha
തുറവൂർ: തീരദേശത്തെ കുടിവെള്ളക്ഷാമം പരിഹരിക്കുമെന്ന് പ്രഖ്യപനം നടത്തി ജനങ്ങളെ പറ്റിക്കുന്നതിൽ പ്രതിഷേധിച്ച് ജനം സമരവുമായി തെരുവിൽ. കുത്തിയതോട്, തുറവൂർ പഞ്ചായത്തുകളുടെ തീരദേശത്ത് കുടിവെള്ളക്ഷാമം രൂക്ഷം. കുടിവെള്ളമില്ലാതെ ജനങ്ങൾ നെട്ടോട്ടത്തിൽ. തീരദേശത്തെ കുടിവെള്ളക്ഷാമത്തിന് ശാശ്വത പരിഹാരം ഇനിയുമായിട്ടില്ല.
ഹൈവേ നിർമ്മാണത്തിൽ പൈപ്പുകൾ അടിക്കടി പൊട്ടുന്നത് മൂലംകുടിവെള്ള വിതരണം മാസങ്ങളായി തടസപ്പെട്ടിരിക്കുകയാണ്. എന്നാൽ പൈപ്പുകളുടെ അറ്റകുറ്റപ്പണി നടത്തി പൂർവസ്ഥിതിയിൽ എത്തിയാലും കുടിവെള്ളമെത്താത്ത അവസ്ഥയാണ് നിലവിലുള്ളത്. സുനാമി, ഓഖി ദുരന്തങ്ങൾ മൂലം തിരദേശത്തെ കുടിവെള്ള സ്രോതസുകൾ എല്ലാം തന്നെ ഉപയോഗശൂന്യമായിരിക്കുകയാണ്. എവിടെ കുഴിച്ചാലും ഉപ്പുവെള്ളം മാത്രം ലഭിക്കുന്ന അവസ്ഥയാണ് നിലവിലുള്ളത്.
ജനങ്ങളുടെ ഏക ആശ്രയമായ ജപ്പാൻ കുടി വെള്ളമാണ് പാചകത്തിനും മറ്റ് ആവശ്യങ്ങൾക്കും ഉപയോഗിക്കുന്നത്. ഇത് ലഭിക്കാത്തതുമൂലം മലീനമായ ഉപ്പുവെള്ളം പാചകത്തിനും മറ്റ്ആവശ്യങ്ങൾക്കും ഉപയോഗിക്കുന്ന സാഹചര്യം നിലവിലുണ്ട്. ഇത് മാരകമായ പകർച്ചവ്യാദികൾക്കും മറ്റു രോഗങ്ങൾക്കും കാരണമാകാം എന്ന് തിരദേശവാസികൾ ഭയപ്പെട്ടുന്നു.
മത്സ്യബന്ധന മേഖല വറുതിയിലൂടെ കടന്നുപോകുമ്പോൾ തീരദേശവാസികളായ മത്സ്യതൊഴിലാളികൾ വിലകൊടുത്ത കുടിവെള്ളം വാങ്ങിക്കേണ്ട അവസ്ഥയാണ്. ഇത് തീരദേശ ജനങ്ങളുടെ ജീവിതം കൂടുതൽ ദുരിതപൂർവ്വമാക്കുന്നു. ആയിരങ്ങൾ മുടക്കി ജപ്പാൻ കുടിവെള്ള പൈപ്പ് കണക്ഷനുകൾ എടുത്തിട്ട് ഇതുവരെയും വെള്ളം ലഭിക്കാത്ത വീടുകളും തീരദേശത്തുണ്ട്. തീരദേശത്ത് കുടിവെള്ളക്ഷാമം അടിയന്തരമായി പരിഹരിക്കുന്നതിന് അരൂർ എംഎൽ എ ഉൾപ്പെടെയുള്ളവർ പ്രഖ്യപിച്ചിട്ടുള്ള നിർദിഷ്ട പദ്ധതികൾ അടിയന്തരമായി നടപ്പിലാക്കുകയോ, പള്ളിത്തോട് കരയിൽ പുതിയ വാട്ടർടാങ്ക് സ്ഥാപിക്കുകയോ ചെയ്യണമെന്ന് കെഎൽസിഎ ആവശ്യപ്പെട്ടു. തീരദേശത്തെ കുടിവെള്ളക്ഷാമം പരിഹരിക്കണമെന്നാവശ്യപ്പെട്ടു നടന്ന പ്രതിഷേധയോഗം ജനങ്ങൾക്ക് കൈ കുമ്പിളിൽ വെള്ളം ഇറ്റിച്ചുകൊണ്ട് യൂണിറ്റ് ഡയറക്ടർ ഫാ. യേശുദാസ് കൊടിവീട്ടിൽ ഉദ്ഘാടനം ചെയ്തു. യോഗത്തിൽ കെഎൽസിഎ രൂപത ഡയറക്ടർ ഫാ. ജോൺസൺ പടുത്തൽ വിട്ടിൽ, രൂപതാ പ്രസിഡന്റ് സന്തോഷ് കൊടിയനാട്, യൂണിറ്റ് ഭാരവാഹികളായ ആന്റണി തേറാത്ത്, ഡോമിനിക് സെബാസ്റ്റ്യൻ, തോമസ് പറയകാട്ടിൽ, ബേബിച്ചൻ പുന്നയ്ക്കൽ, നോബി പുന്നയ്ക്കൽ, യേശുദാസ് കൊടിയനാട്, ജെറോം കളപറമ്പിൽ തുടങ്ങിയവർ പ്രസംഗിച്ചു.
Alappuzha
മുട്ടാർ: സെന്റ് ജോര്‍ജ് ഹയര് സെക്കന്‍ഡറി സ്കൂളിലെ പവര്‍ ബ്രിഗേഡ് യൂണിറ്റിന്‍റെ ആഭിമുഖ്യത്തില്‍ സ്വപ്നച്ചിറകുകള്‍ എന്ന പേരില്‍ ത്രിദിന ജീവിതനൈപുണ്യ സഹവാസ ക്യാമ്പ് നടന്നു. ഹയര് സെക്കന്‍ഡറി വിഭാഗത്തിലെ കരിയര്‍ ഗൈഡന്‍സ് ആന്‍ഡ് അഡോള സെന്റ് കൗണ്‍സലിംഗ് സെല്ലിന്റെ നേതൃത്വത്തില്‍ പ്രവര്‍ത്തിക്കുന്ന പവര്‍ ബ്രിഗേഡ് വിദ്യാര്‍ഥികളുടെ തൊഴില്‍ അഭിരുചി വളര്‍ത്തുന്നതിനും വ്യക്തിത്വവികസനത്തിലൂടെയും വിവിധ ജീവിതനൈപുണ്യങ്ങള്‍ പരിശീലിപ്പിക്കുന്നതിലൂടെയും അവരെ സമഗ്രവികസനത്തിന് പ്രാപ്തരാക്കുന്നതിനുമാണ് പ്രവര്ത്തിക്കുന്നത്.
വെളിയനാട് ബ്ലോക്ക് പഞ്ചായത്ത് വൈസ് പ്രസിഡന്റ് ബ്ലെസ്റ്റണ്‍ തോമസ് ക്യാമ്പ് ഉദ്ഘാടനം ചെയ്തു. സ്‌കൂള്‍ മാനേജര്‍ റവ.ഡോ. ജോണ്‍ വി. തടത്തില്‍ അധ്യക്ഷത വഹിച്ചു. വാര്‍ഡ് മെമ്പര്‍മാരായ ടി.പി. വിനോദന്‍, ജോബിന്‍ പുയപ്പള്ളി, പ്രിന്‍സിപ്പല്‍ ഷാജി സി. മാണി, ഹെഡ്മാസ്റ്റര്‍ എം.കെ. തോമസ്, പിടിഎ പ്രസിഡന്റ് പ്രകാശന്, അധ്യാപകരായ മേരി കോശി, പ്രീതി ഫിലിപ്പ്, ബ്ലെസി സെബാസ്റ്റ്യന്‍, വിദ്യാര്‍ഥികളായ എം.ജി. ഗായത്രി, ആല്‍ഫി പി. ബോസ്, സോന സോജന്‍, എബിമോന്‍, സഞ്ചുമോന്‍ എന്നിവര്‍ പ്രസംഗി
Alappuzha
ചാരുംമൂട്: കോടികൾ ചെലവഴിച്ച് കെട്ടിടം നിർമിച്ചിട്ടും പാലമേൽ പഞ്ചായത്തിലെ ആദിക്കാട്ടുകുളങ്ങരയിലെ ആധുനിക മത്സ്യവിപണന കേന്ദ്രം പ്രവർത്തനം തുടങ്ങിയില്ല.
അസൗകര്യങ്ങളാൽ വീർപ്പുമുട്ടി മാലിന്യം നിറഞ്ഞ് കിടന്ന ആദിക്കാട്ടുകുളങ്ങര പബ്ലിക്ക് മാർക്കറ്റിനെ നവീകരിക്കുക എന്ന ലക്ഷ്യത്തോടെയാണ് 1.78 കോടി രൂപ മുടക്കി പുതിയ കെട്ടിടം നിർമിച്ചത്. കെട്ടിടത്തിന്‍റെ ഉദ്ഘാടനം കഴിഞ്ഞിട്ട് ഏഴുവർഷമായിട്ടും പ്രവർത്തനം തുടങ്ങിയിട്ടില്ല. കെപി റോഡരികിൽ ആദിക്കാട്ടുകുളങ്ങര ജംഗ്ഷനു സമീപമാണ് കെട്ടിടം നിർമിച്ചിട്ടുള്ളത്.
ഏറ്റവും കൂടുതൽ മത്സ്യവിപണനക്കാർ ആദിക്കാട്ടുകുളങ്ങരയിൽ ഉള്ളതിനാലാണ് ഇവിടം കേന്ദ്രമാക്കി വിപണനകേന്ദ്രം സ്ഥാപിച്ചത്. സംസ്ഥാന തീരദേശ വികസന കോർപ്പറേഷനും നാഷണൽ ഫിഷറീസ് ഡവലപ്പ്മെന്റ് ബോർഡും ചേർന്ന് 1.75 കോടിരൂപ ചെലവഴിച്ചാണ് ഇവിടെ ആധുനിക മത്സ്യവിപണന സമുച്ചയം നിർമിച്ചത്.
2013 നവംബർ നാലിന് കെട്ടിട നിർമാണത്തിന് തറക്കല്ലിട്ടത് മുൻ ഫിഷറീസ് മന്ത്രിയായിരുന്ന കെ. ബാബുവാണ് യുദ്ധകാലടിസ്ഥാനത്തിൽ നിർമാണം പൂർത്തിയാക്കി പ്രവർത്തനം ആരംഭിക്കാനാണ് അന്ന് ലക്ഷ്യമിട്ടതെങ്കിലും നടന്നില്ല. മത്സ്യം കേടുകൂടാതെ സൂക്ഷിക്കാനുള്ള വലിയ ഫ്രീസർ,മിനി ഐസ് പ്ലാന്റ്, മത്സ്യ തൊഴിലാളികൾക്ക് വിശ്രമ മുറി, ആധുനിക മാലിന്യ സംസ്ക്കരണ യൂണിറ്റ്, ശൗചാലയങ്ങൾ തുടങ്ങിയവയാണ് മത്സ്യവിപണന കേന്ദ്രത്തിൽ ആരംഭിക്കാൻ ലക്ഷ്യമിട്ടിരുന്നത്.
90 ശതമാനം തുക കേന്ദ്രസര്‍ക്കാരും ബാക്കിത്തുക സംസ്ഥാന സര്‍ക്കാരുമാണ് മുടക്കിയത്. 28 സെന്‍റ്് സ്ഥലത്ത് രണ്ടു നിലകളിലായാണ് കെട്ടിടം നിർമിച്ചിട്ടുള്ളത്.
ഫിഷറീസ് മന്ത്രിയായിരുന്ന ജെ. മേഴ്‌സിക്കുട്ടിയമ്മ 2019 ഓഗസ്റ്റ് 12നാണ് കെട്ടിടം ഉദ്ഘാടനം ചെയ്തത്. വിപണനകേന്ദ്രം പൂർണമായി സജീകരിക്കാതെയായിരുന്നു അന്ന് ഉദ്ഘാടനം നടത്തിയത്.
ഉടൻതന്നെ മത്സ്യവിപണനകേന്ദ്രം പ്രവർത്തനക്ഷമമാക്കുമെന്നും മത്സ്യഫെഡിന്‍റെ ഉൾപ്പെടെയുള്ള മത്സ്യം ലഭ്യമാക്കാൻ നടപടി സ്വീകരിക്കുമെന്നും മന്ത്രി പറഞ്ഞിരുന്നു. മലിനജലസംസ്‌കരണ കേന്ദ്രം സ്ഥാപിക്കാത്തതാണ് വിപണനകേന്ദ്രം തുറന്നുകൊടുക്കാൻ വൈകുന്നതിനു കാരണം.
രണ്ടുവർഷം മുമ്പ് ഇതിനായി 30 ലക്ഷം രൂപ പാലമേൽ പഞ്ചായത്ത് പദ്ധതിയിൽ അനുവദിച്ചിരുന്നുവെങ്കിലും പണിനടന്നില്ല.
ആധുനിക മത്സ്യ വിപണന കേന്ദ്രം ഉടൻ പ്രവർത്തനം തുടങ്ങണമെന്നാണ് മത്സ്യത്തൊഴിലാളികളുടെ ആവശ്യം.
Alappuzha
ചെങ്ങന്നൂർ: രുചിയുടെയും ആഘോഷങ്ങളുടെയും അതിർവരമ്പുകൾക്കപ്പുറം സഹജീവികളോടുള്ള സ്നേഹവും കരുതലും പങ്കുവെച്ച് ചെറിയനാട് സെന്റ് ജോസഫ് സ്കൂളിൽ രുചിമേള സംഘടിപ്പിച്ചു. ആരോഗ്യകരമായ ഭക്ഷണശീലങ്ങളെക്കുറിച്ചുള്ള അവബോധം കുട്ടികളിൽ വളർത്തുന്നതോടൊപ്പം കാരുണ്യത്തിന്റെ പൂക്കൾ ചൊരിയുക എന്ന മഹത്തായ ലക്ഷ്യമാണ് മേളയിലൂടെ സാക്ഷാത്കരിച്ചത്. ചെങ്ങന്നൂർ ഫുഡ് സേഫ്റ്റി ഓഫീസർ ആർ. ശരണ്യ ഭക്ഷ്യമേള ഉദ്ഘാടനം ചെയ്തു.
സ്കൂൾ പ്രിൻസിപ്പൽ സിസ്റ്റർ.ഡോ. ആശാ ബെന്നൻ അധ്യക്ഷത വഹിച്ചു. ചെറിയനാട് പഞ്ചായത്ത് പ്രസിഡന്റ് ശ്രീകുമാരി മധു, വാർഡ് മെംമ്പർ ഉഷ സതീഷ്, സ്കൂൾ രക്ഷാകർതൃ പ്രതിനിധി വി.ആർ. വിനോദ്, കുമാരി ആര്യ രാജേഷ്, കുമാരി അക്ഷയ രേണു എന്നിവർ പ്രസംഗിച്ചു. അധ്യാപകരുടെയും വിദ്യാർഥികളുടെയും കൂട്ടായ പരിശ്രമത്തിൽ വിവിധതരം നാടൻ വിഭവങ്ങളും ആരോഗ്യകരമായ പാനീയങ്ങളും മേളയിൽ അണിനിരന്നു.
Alappuzha
ചേർത്തല: പതിറ്റാണ്ടുകളായി സപ്ലൈകോ ഔട്ട്‌ലെറ്റുകളിൽ ജോലി ചെയ്യുന്ന താത്കാലിക ജീവനക്കാർക്ക് അനുകൂലമായി ഹൈക്കോടതി എടുത്ത തീരുമാനങ്ങൾക്കെതിരെ നടക്കുന്ന നീക്കങ്ങളിൽ നിന്ന് മാനേജ്മെന്‍റ്പിന്മാറണമെന്ന് സപ്ലൈകോ വർക്കേഴ്സ് ഫെഡറേഷൻ താലൂക്ക് സമ്മേളനം ആവശ്യപ്പെട്ടു. ആരുടേയും ജോലി അകാരണമായി നിഷേധിക്കരുതെന്നും നൽകിക്കൊണ്ടിരുന്ന വേതനത്തിൽ കുറവ് വരരുത് എന്നും ഹൈക്കോടതി ഉത്തരവിൽ വ്യക്തമാക്കിയിട്ടുള്ളതാണ്. ഒരാളുടെ വേതനം മൂന്നും നാലും പേർക്കു വീതിക്കുന്നതിന് ജീവനക്കാരെ നിർബന്ധിക്കുന്നത് അവസാനിപ്പിക്കണമെന്നും സമ്മേളനം ആവശ്യപ്പെട്ടു.
എഐടിയുസി ജില്ലാ പ്രസിഡന്റ് അഡ്വ.വി. മോഹൻദാസ് ഉദ്ഘാടനം ചെയ്തു. യൂണിയൻ താലുക്ക് പ്രസിഡന്റ് പി.ഡി. ബിജു അധ്യക്ഷത വഹിച്ചു. ഡി.പി. മധു, എ.എം. ഷിറാസ്, എസ്. പ്രകാശൻ, കെ.വി. ചന്ദ്രബാബു, ഷൈജു, പ്രജിത, പ്രതീഷ, നിഷ എസ് രാജ് എന്നിവര്‍ പ്രസംഗിച്ചു.
പി.ഡി.ബിജു (പ്രസിഡന്റ്), നിഷാ എസ് രാജ് (സെക്രട്ടറി), ഷൈജു പുത്തനമ്പലം (ഖജാൻജി) എന്നിവരെ ഭാരവാഹികളായി തെരഞ്ഞെടുത്തു.
Alappuzha
ഹരിപ്പാട്: സംസ്ഥാനത്തിന്‍റെ സമഗ്ര വികസനം ലക്ഷ്യമിട്ട് വനിതാ ശാക്തീകരണ പ്രവർത്തനങ്ങൾക്ക് സർക്കാർ മുന്തിയ പരിഗണന നൽകുമെന്ന് ആഭ്യന്തര മന്ത്രി രമേശ് ചെന്നിത്തല പറഞ്ഞു. ഹരിപ്പാട് നിയോജക മണ്ഡലത്തിലെ എല്ലാ പഞ്ചായത്തുകളിലും സ്ത്രീകൾക്കായി സ്വയംതൊഴിൽ സംരംഭങ്ങൾ ഉടൻ ആരംഭിക്കുമെന്നും അദ്ദേഹം വ്യക്തമാക്കി.
പാലിയേറ്റീവ് കെയർ സന്നദ്ധ സംഘടനയായ സുകൃതം ഹരിപ്പാട് വനിതാ വിഭാഗത്തിന്‍റെ സുകൃതം സഖി തയ്യൽ യൂണിറ്റും പരിശീലന കേന്ദ്രവും ഉദ്ഘാടനം ചെയ്യുകയായിരുന്നു അദ്ദേഹം. ചടങ്ങിൽ ഉഷ തയ്യൽ മെഷീൻ കമ്പനി ഡെപ്യൂട്ടി മാനേജർ ദിനേഷിൽനിന്ന് പത്ത് തയ്യൽ മെഷീനുകൾ മന്ത്രി ഏറ്റുവാങ്ങി. സുകൃതം ഹരിപ്പാട് ചെയർമാൻ മുഞ്ഞിനാട്ട് രാമചന്ദ്രൻ അധ്യക്ഷത വഹിച്ചു.
നഗരസഭാ അധ്യക്ഷ വൃന്ദ എസ്. കുമാർ, ഉപാധ്യക്ഷൻ അനിൽ മിത്ര, വികസനകാര്യ സ്ഥിരംസമിതി അധ്യക്ഷ മിനി സാറാമ്മ, സുകൃതം സെക്രട്ടറി അഡ്വ.എം.ബി. സജി, ട്രഷറർ ശ്രീജകുമാരി, രാജൻ ജോൺ, മഞ്ജു ഷാജി, സൈറ നൈനാൻ, ശ്രുതി, ഷിബു പഞ്ചവടി, വിജയമ്മ പുന്നൂർമഠം, കാട്ടിൽ സത്താർ, വിഷ്ണു ആർ. ഹരിപ്പാട്, കെ.കെ. രാമകൃഷ്ണൻ, നാസറുദ്ദീൻ, ബി. ചന്ദ്രൻ, ഹരീന്ദ്രനാഥ് തുടങ്ങിയവർ പ്രസംഗിച്ചു.
Alappuzha
കായംകുളം: ചാമ്പ്യൻസ് ബോട്ട് ലീഗ് കായംകുളം ജവഹർ ജലോത്സവത്തിന്‍റെ പ്രചാരണ പ്രവർത്തനങ്ങളുടെ ഭാഗമായി തയ്യാറാക്കിയ പോസ്റ്ററിന്‍റെ പ്രകാശനം മന്ത്രി എം. ലിജു നിർവഹിച്ചു.
സ്വാഗതസംഘം വർക്കിംഗ് ചെയർമാൻ അഡ്വ. ഇ. സമീർ അധ്യക്ഷത വഹിച്ചു. നഗരസഭാ ചെയർമാൻ ശരത് ലാൽ, കറ്റാനം ഷാജി, എൻ. രവി, യു. മുഹമ്മദ്, ശ്രീജിത്ത് പത്തിയൂർ, എ. ഇർഷാദ്, എ.എം. കബീർ, അഡ്വ.പി.സി. റെഞ്ചി, സി.എ. സാദിഖ്, അവിനാശ് ഗംഗൻ, കെ.കെ. നൗഷാദ്, ചേലക്കാട് രാധാകൃഷ്ണൻ, കടയിൽ രാജൻ, അൻസാരി കോയിക്കൽ, അരിതാ ബാബു എന്നിവർ പ്രസംഗി ച്ചു.
Alappuzha
അമ്പലപ്പുഴ: ഡോക്ടര്മാരുടെ അനാസ്ഥയില്‍ വയറ്റില്‍ കത്രികയുമായി അഞ്ച് വർഷം നരകയാതനയില്‍ കഴിഞ്ഞ വീട്ടമ്മയ്ക്ക് വീടൊരുങ്ങി. വീടിന്‍റെ താക്കോൽ ദാന കർമം കെ.സി. വേണുഗോപാൽ എംപി നിർവഹിച്ചു.
പുന്നപ്ര തെക്ക് പഞ്ചായത്ത് അഞ്ചാം വാര്‍ഡ് നാല്‍പ്പതില്‍ച്ചിറ ഉഷാ ജോസഫ്(59) നാണ് കെ.സി. വേണുഗോപാല്‍ എംപി വീട് നിര്മിച്ച് നല്‍കിയത്. ഇവരുടെ വീട് ജീര്‍ണാവസ്ഥയിലായതോടെ വാടക വീട്ടിലായിരുന്നു താമസം.
പഴയ വീടിന്‍റെ അടിത്തറയുടെ കുറച്ചുഭാഗവും ഭിത്തിയും നിലനിര്‍ത്തികൊണ്ട് ജീര്‍ണിച്ചഭാഗം പൊളിച്ച് നീക്കിയാണ് പുതിയ വീട് നിര്‍മിച്ചത്. മൂന്ന് മുറി, അടുക്കള, ഹാൾ, സിറ്റൗട്ടോടെ മേല്‍ക്കൂര കോണ്‍ക്രീറ്റ് ചെയ്ത് നിര്‍മാണം പൂര്‍ത്തിയാക്കി. പുന്നപ്ര കിഴക്ക് കോണ്‍ഗ്രസ് മണ്ഡലം കമ്മിറ്റിയുടെ നേതൃത്വത്തിലാണ് നിര്‍മാണം പൂർത്തിയാക്കിയത്. ഏഴ് ലക്ഷം രൂപയോളം ചെലവുവന്നു.
ഗര്‍ഭപാത്രം നീക്കം ചെയ്യുന്നതിനായി 2021മെയ്10 നാണ് ആലപ്പുഴ മെഡിക്കല്‍ കോളജ് ആശുപത്രിയില്‍ ഉഷ ജോസഫിന്‍റെ ശസ്ത്രക്രിയ നടക്കുന്നത്. അതിനുശേഷം കടുത്ത വേദന അനുഭവപ്പെടുകയും തുടര്‍ച്ചയായി രക്തസ്രാവം ഉണ്ടാകുകയും ചെയ്തു.
തുടർന്ന് പലതവണ മെഡിക്കൽകോളജ് ആശുപത്രിയിൽ ചികിത്സതേടിയെങ്കിലും രോഗകാരണം കണ്ടെത്താനായില്ല. ഉഷ കിടപ്പിലായതോടെയാണ് ബന്ധുവിനോടൊപ്പം ആലപ്പുഴയിലെ യൂറോളജി വിഭാഗം ഡോക്ടറുടെ ചികിത്സതേടുന്നത്. അവിടെ നടത്തിയ എക്സ് റേ പരിശോധനയിലാണ് വയറ്റിൽ കത്രിക കുടുങ്ങിയ വിവരം അറിയുന്നത്.
സംഭവത്തിന്‍റെ തീവ്രതമനസിലാക്കിയ ബന്ധുക്കൾ ഉഷയെ മാർച്ച് 20ന് എറണാകുളത്തെ അമൃത ആശുപത്രിയിൽ പ്രവേശിപ്പിക്കുകയായിരുന്നു. പിന്നീട് 22 ന് നടത്തിയ ശസ്ത്രിക്രിയയിൽ ഉഷയുടെ വയറ്റിൽ കുടുങ്ങിയ കത്രിക പുറത്തെടുക്കുകയായിരുന്നു.
ശസ്ത്രക്രിയക്കുള്ള മുഴുവന്‍ ചെലവും കെ.സി. വേണുഗോപാല്‍ എംപിയാണ് വഹിച്ചത്. ചികിത്സ കഴിഞ്ഞ് വീട്ടിലെത്തിയ ഉഷയെ സന്ദര്‍ശിക്കാനെത്തിയപ്പോഴാണ് വീട് നിര്മിച്ച് നല്‍കാമെന്ന് എംപി ഉറപ്പ് നല്‍കിയത്.
ആ ഉറപ്പാണ് ഇപ്പോൾ യാഥാർത്ഥ്യമായത്. ഉഷാ ജോസഫിന്‍റെ ബന്ധുക്കളും നാട്ടുകാരുമടക്കം നൂറു കണക്കിന് ആളുകൾ പങ്കെടുത്തു.
Alappuzha
ആലപ്പുഴ/തുറവൂർ: ആലപ്പുഴയിൽ രജിസ്റ്റർ ചെയ്യാത്ത ബോട്ടുകൾ 15 ദിവസത്തിനകം മടങ്ങണമെന്ന് രജിസ്റ്ററിംഗ് അഥോറിറ്റി. പോർട്ട് ഓഫ് രജിസ്റ്ററിയിൽ വേമ്പനാട് കായലിൽ സവാരി നടത്തുന്ന മറ്റ് പോർട്ട് ഓഫ് രജിസ്റ്ററികളിൽ രജിസ്റ്റർ ചെയ്തിട്ടുള്ള എല്ലാ യന്ത്രവത്കൃത ഉൾനാടൻ ജലയാനങ്ങളും യഥാക്രമം രജിസ്റ്റർ ചെയ്തിട്ടുള്ള പോർട്ട് ഓഫ് രജിസ്റ്ററികളിലേക്ക് മടങ്ങണമെന്നാണ് ഉത്തരവ്. ഉടനടി പ്രവർത്തനം അവസാനിപ്പിച്ച് 15 ദിവസത്തിനകം മടങ്ങി പോയില്ലെങ്കിൽ പിടിച്ചെടുത്ത് ഡിറ്റൻഷൻ യാർഡിലേക്ക് മാറ്റുന്നതാണെന്നും രജിസ്റ്ററിംഗ് അഥോറിറ്റി അറിയിച്ചു.
അതേസമയം, ജില്ലയിൽ രജിസ്റ്റർ ചെയ്തിട്ടുള്ള ഹൗസ് ബോട്ടുകൾ മാത്രമേ പുന്നമടയിലും ആലപ്പുഴയിലും സർവീസ് നടത്താൻ പാടുള്ളൂ എന്ന മാരിടൈം ബോർഡിന്‍റെ തീരുമാനത്തെ സ്വാഗതംചെയ്ത് ആലപ്പുഴയിലെ ഹൗസ്ബോട്ട് ഉടമകൾ. ആലപ്പുഴ ഹൗസ് ബോട്ട് വ്യവസായത്തിന് പുത്തനുണർവ് നൽകുന്ന തീരുമാനമാണിതെന്നാണ് ഇവിടത്തെ ഹൗസ് ബോട്ട് ഉടമകൾ പറയുന്നത്.
ആലപ്പുഴ കേന്ദ്രീകരിച്ച് കൂടുതലും ഒന്നും രണ്ടും മൂന്നും മുറികളുള്ള പരന്പരാഗത ബോട്ടുകളാണ് സർവീസ് നടത്തിക്കൊണ്ടിരിക്കുന്നത്. കൊല്ലത്തും കൊടുങ്ങല്ലൂരും മറ്റു ജില്ലകളിലും രജിസ്റ്റർ ചെയ്ത് 10 മുതൽ 20 വരെയുള്ള മുറികൾ ഉണ്ടാക്കി വലിയ ഹൗസ് ബോട്ടുകൾ ആലപ്പുഴയിൽ സർവീസ് ആരംഭിച്ചത് പരമ്പരാഗത ഹൗസ്ബോട്ടുകളുടെ പ്രവർത്തനത്തെ സാരമായി ബാധിച്ചു.
ഓരോ റൂമിന് 2000 മുതൽ 4000 രൂപ വരെ ഈടാക്കിയാണ് വലിയ ഹൗസ് ബോട്ടുകൾ സർവീസ് നടത്തുന്നത്. ആലപ്പുഴയിലെ ഒന്നും രണ്ടും മൂന്നും മുറികൾ മാത്രമുള്ള ബോട്ടുകളുടെ ബിസിനസിനെ ഇത് സാരമായി ബാധിച്ചു. ഒട്ടുമിക്ക ബോട്ടുകളും സർവീസ് നിർത്തിവയ്ക്കേണ്ട അവസ്ഥയും ഉണ്ടായി.
ആലപ്പുഴ കേന്ദ്രീകരിച്ചുള്ള പരമ്പരാഗത ഹൗസ് ബോട്ട് വ്യവസായത്തിന് ഈ തീരുമാനം ഉണർവേകുമെന്നാണ് ടൂറിസം മേഖലയിലുള്ളവർ പറയുന്നത്. കൂടാതെ മലിനീകരണം ഏറെക്കുറെ നിയന്ത്രിക്കാനും സാധിക്കും. നിലവിൽ ആയിരത്തിലധികം ഹൗസ് ബോട്ടുകളാണ് ആലപ്പുഴ കേന്ദ്രീകരിച്ച് സർവീസ് നടത്തിക്കൊണ്ടിരിക്കുന്നത്. ആലപ്പുഴയിൽ രജിസ്റ്റർ ചെയ്തിട്ടുള്ള ബോട്ടുകൾക്ക് മാത്രം അനുമതി നൽകുന്ന സാഹചര്യത്തിൽ ഇത് 500 ആയി കുറയും. അതോടൊപ്പം തന്നെ കൂടുതൽ ബുക്കിംഗിലൂടെ കൂടുതൽ വരുമാനവും സാധാരണ ഇടത്തരം ഹൗസ്ബോട്ട് ഉടമകൾക്ക് ലഭിക്കുമെന്നാണ് ഉടമകൾ പറയുന്നത്.
Alappuzha
ചേർത്തല: ചരിത്രപ്രാധാന്യമുള്ള ചേർത്തല താലൂക്ക് ഓഫി സിലെ പഴയ കെട്ടിടം സ്മാരകമായി നിലനിർത്തി, ബാക്കിയുള്ള കെട്ടിടങ്ങൾ പൊളിച്ചുമാറ്റി പുതിയ കെട്ടിടം അല്ലെങ്കിൽ സിവിൽ സ്റ്റേഷൻ അനക്സ് നിർമിക്കാനുള്ള ആലോചനയുമായി പിഡബ്ല്യുഡി സീനിയർ ആർക്കിടെക്ട് കെ.എസ്. സുജീർ പരിശോധന നടത്തി. ഇന്നലെ രാവിലെ തിരുവനന്തപുരത്തുനിന്നെത്തിയ സീനിയർ ആർക്കിടെക്ട് സംഘം പഴയ കെട്ടിടത്തിന്‍റെ സ്ട്രക്ചറൽ ഫിറ്റ്നസ് വിശദമായി പരിശോധിച്ചു.
പഴയ കെട്ടിടത്തിന്‍റെ മെയിൻ സ്ട്രക്ചർ നല്ല സോളിഡ് ബ്ലോക്ക് ആയിട്ടാണ് കാണുന്നതെന്നും വലിയ പ്രശ്നങ്ങളൊന്നും ഇതിനകത്ത് കാണുന്നില്ലെന്നും പരിശോധനയിൽ വ്യക്തമായി. കെട്ടിടത്തെ പൂർണമായി അൺഫിറ്റ് ആക്കാൻ കഴിയില്ലെന്നാണ് ആർക്കിടെക്ടിന്‍റെ പ്രാഥമിക വിലയിരുത്തൽ. ഒരേക്കറിന് മുകളിൽ സ്ഥലം വരുന്ന താലൂക്ക് ഓഫീസിന് സമീപം ചേർത്തല ഡിവൈഎസ്പി ഓഫീസ്, സിവിൽ സ്റ്റേഷൻ എന്നിവ നിലവിലുണ്ട്.
രാജഭരണകാലത്ത് നിർമിച്ചതാണ് നിലവിലുള്ള 1500 സ്ക്വയർ ഫീറ്റ് കെട്ടിടം. അക്കാലത്ത് ഇവിടെ പൊലിസ് സ്റ്റേഷനും ജയിലും വിചാരണ സ്ഥലവും പ്രവർത്തിച്ചിരുന്നു. പഴയ കെട്ടിടത്തിന്‍റെ അസ്ഥിത്വം കളയാതെ, വലിയ നിർമാണങ്ങളൊന്നും ഇല്ലാതെ, ചെറിയ കൂട്ടിച്ചേർക്കലുകൾ മാത്രം നടത്തി അത് നിലനിർത്താനാണ് ആലോചിക്കുന്നത്. പഴയ ഓട് മാറ്റി, അതിനടിയിൽ ജിഐ ഷീറ്റ് ഇട്ട്, മുകളിൽ വീണ്ടും ഓട് ഇട്ട് പൂർണമായും ചോർച്ചയില്ലാത്ത രീതിയിൽ സംരക്ഷിക്കാമെന്നും പരിശോധനയിൽ തെളിഞ്ഞു.
കെട്ടിടത്തിന്‍റെ ഉൾഭാഗത്ത് തടിയുടെ സീലിംഗ് മാറ്റി ലൈറ്റ് വെയിറ്റ് സീലിംഗും സ്റ്റീൽ സ്ട്രക്ചർ ഫ്രെയിമും ഉപയോഗിച്ച് കൂടുതൽ സുരക്ഷിതവും കാലാവസ്ഥയ്ക്ക് അനുയോജ്യവുമായ രീതിയിൽ നവീകരിക്കാനും ആലോചനയുണ്ട്. ഇതുവഴി കെട്ടിടത്തിനകത്ത് ഇരിക്കുന്ന സുഖവും കൂളിംഗും വർധിക്കുമെന്നും സംഘം വിലയിരുത്തി.
പുതിയ കെട്ടിടത്തിൽ സ്റ്റാഫിനെയും മറ്റ് സൗകര്യങ്ങളെയും ഉൾക്കൊള്ളിക്കാൻ കഴിയുന്ന രീതിയിലായിരിക്കും ഡിസൈൻ തയാറാക്കുക. പഴയ കെട്ടിടം സ്മാരകമായി നിലനിർത്തുന്നതിനും പുതിയ കെട്ടിടനിർമാണത്തിനും ഉതകുന്ന രീതിയിലാണ് പരിശോധന അവസാനിച്ചത്. ഫൗണ്ടേഷൻ വർക്ക് ആരംഭിക്കുന്നതിന് മുൻപ് ഡിസൈനിൽ ആവശ്യമായ മാറ്റങ്ങൾ വരുത്താൻ കഴിയുമെന്നും സംഘം വ്യക്തമാക്കി.പരിശോധനയിൽ ഡെപ്യൂട്ടി തഹസിൽദാർ പി. പ്രദീപ് കുമാർ, പിഡബ്ല്യുഡി അസി. എൻജിനിയർ പി.ബി. ഷിനസ്, പി. ശംഭു എന്നിവരും പങ്കെടുത്തു.
ചരിത്രസ്മാരകമായി നിലനിര്‍ത്തും: പി. പ്രസാദ്
ചേർത്തല: പഴയ താലൂക്ക് ഓഫിസ് കെട്ടിടം പൊളിച്ചുമാറ്റി അവിടെ പുതിയ കെട്ടിടം നിർമിക്കുക എന്നതായിരുന്നു ആദ്യം തയാറാക്കിയ പദ്ധതിയെന്ന് പി. പ്രസാദ് എംഎൽഎ പറഞ്ഞു. എന്നാൽ, നൂറുവർഷത്തിനു മുകളിൽ പഴക്കമുള്ള കെട്ടിടം ഒരു ചരിത്രസ്മാരകം എന്ന നിലയിൽ സംരക്ഷിക്കണമെന്ന ആവശ്യം ശക്തമായി ഉയർന്നുവന്ന സാഹചര്യത്തിൽ, അതുകൂടി പരിഗണിച്ച് പരിശോധിക്കണമെന്ന് ആവശ്യപ്പെട്ടിരുന്നു. അതിന്‍റെ അടിസ്ഥാനത്തിലാണ് ചീഫ് ആർക്കിടെക്ട് സ്ഥലം സന്ദർശിച്ചത്.
കഴിഞ്ഞ സർക്കാരിന്‍റെ കാലത്ത് സിവിൽ സ്റ്റേഷൻ അനക്സിന് വേണ്ടി 11.5 കോടി രൂപ അനുവദിച്ചിരുന്നു. ആദ്യത്തെ സ്കെച്ചും പ്ലാനും തയാറാക്കി നൽകുന്ന അവസരത്തിലാണ് പഴയ കെട്ടിടം സംരക്ഷിക്കണമെന്ന ആവശ്യം ഉയർന്നുവന്നത്. അതുകൂടി പരിഗണിച്ച് വളരെ വേഗത്തിൽ തന്നെ രൂപരേഖ തയാറാക്കി നൽകാമെന്ന് ആർക്കിടെക്ട് അറിയിച്ചിട്ടുണ്ട്. അതനുസരിച്ച് തുടർനടപടികളിലേക്ക് നീങ്ങിയാൽ 11.5 കോടി രൂപ മുടക്കി ഏറ്റവും മനോഹരവും എല്ലാ സൗകര്യങ്ങളുമുള്ളതും പൊതുജനങ്ങൾക്ക് ഏറെ പ്രയോജനപ്രദവുമായ സിവിൽ സ്റ്റേഷൻ അനക്സ് പൂർത്തിയാക്കാൻ കഴിയുമെന്ന് പി. പ്രസാദ് എംഎൽഎ പറഞ്ഞു.
Alappuzha
കായംകുളം: ഫോൺ പേ വഴി പണം അയച്ചുനൽകാമെന്ന് വിശ്വസിപ്പിച്ച് 2000 രൂപ തട്ടിയെടുത്ത കേസിൽ രണ്ടു യുവാക്കളെ പൊലിസ് അറസ്റ്റ് ചെയ്തു. കായംകുളം കൃഷ്ണപുരം ദേശത്തിനകം തട്ടാരുപടീത്തതിൽ സൽമാൻ (21), കൃഷ്ണപുരം ദേശത്തിനകം പന്തംപ്ലാവിൽ ലക്ഷംവീട്ടിൽ ഷാമോൻ (22) എന്നിവരാണ് അറസ്റ്റിലായത്.
കായംകുളം പുതിയിടം ഭാഗത്തുള്ള എസ്ബിഐ എടിഎം സിഡിഎം കൗണ്ടറിന് സമീപമാണ് തട്ടിപ്പ് നടന്നത്. കഴിഞ്ഞ നവംബർ മൂന്നിന് വൈകിട്ട് 3.30 ഓടെയായിരുന്നു സംഭവം. എടിഎം കൗണ്ടറിൽ പണം നിക്ഷേപിക്കാനെത്തിയ പരാതിക്കാരനോട് 2000 രൂപ നൽകിയാൽ തുക അക്കൗണ്ടിലേക്ക് ഫോൺ പേ വഴി അയച്ചുനൽകാമെന്ന് പ്രതികൾ വിശ്വസിപ്പിക്കുകയായിരുന്നു.
തുടർന്ന് പരാതിക്കാരനിൽനിന്ന് പണം കൈപ്പറ്റിയ പ്രതികൾ വാഗ്ദാനം ചെയ്തതുപോലെ അക്കൗണ്ടിലേക്ക് തുക അയച്ചുനൽകാതെ കബളിപ്പിക്കുകയായിരുന്നു എന്നാണ് പരാതി. ജില്ലയുടെ വിവിധ ഭാഗങ്ങളിൽ സമാനരീതിയിൽ പണം തട്ടിയെടുത്ത സംഭവങ്ങളിലും പ്രതികൾക്ക് പങ്കുള്ളതായാണ് സൂചന. ചെറിയ തുകകളായതിനാൽ പലരും പരാതി നൽകാൻ മടിച്ചതാണ് ഇത്തരം തട്ടിപ്പുകൾ പുറത്തുവരാൻ വൈകാൻ കാരണമായതെന്നാണ് വിലയിരുത്തൽ.
സംഭവത്തിന് പിന്നിൽ കൂടുതൽ പേർ പ്രവർത്തിക്കുന്നുണ്ടോയെന്നും സമാനരീതിയിൽ നടന്ന മറ്റ് തട്ടിപ്പുകളിൽ ഇവർക്ക് പങ്കുണ്ടോയെന്നും പൊലിസ് നിരീക്ഷിച്ചുവരികയാണ്. കൂടുതൽ പരാതികൾ ലഭിക്കുന്നതോടെ അന്വേഷണം വ്യാപിപ്പിക്കാനാണ് നീക്കം.
Alappuzha
പൂച്ചാക്കൽ: സ്കൂൾ കുട്ടികൾക്ക് നിരോധിത പുകയില ഉത്പന്നങ്ങൾ നൽകിയ പ്രതി പിടിയിൽ. നിരോധിത പുകയില ഉത്പന്നമായ 1600 പാക്കറ്റ് ഹാൻസ് സ്കൂൾ കുട്ടികൾക്കും മറ്റും വിൽപന നടത്തുന്നതിനായി കൈവശം സൂക്ഷിച്ചതിന് അരൂക്കുറ്റി പഞ്ചായത്ത് പന്ത്രണ്ടാം വാർഡിൽ തെക്കേ ഇടപ്പറമ്പ് വീട്ടിൽ അഹമ്മദ് ഹാഷിം(51) ആണ് കഴിഞ്ഞദിവസം വടുതല കുണ്ടേക്കടവ് ഭാഗത്ത് വച്ച് പൂച്ചാക്കൽ പൊലിസിന്‍റെ പിടിയിലായത്.
തൂഫാൻ ലഹരി നിർമാർജന പദ്ധതിയുടെ ഭാഗമായി നടത്തിയ പട്രോളിംഗിനിടയിലാണ് പ്രതി ഉപയോഗിച്ചിരുന്ന സ്‌കൂട്ടറിന്‍റെ സീറ്റിനടിയിൽ സൂക്ഷിച്ചിരുന്ന ലഹരി വസ്തു പിടികൂടിയത്. സ്കൂൾ കുട്ടികൾക്ക് വിൽപന നടത്തുന്നതായി കാണപ്പെടുകയും തുടർന്ന് നടത്തിയ അന്വേഷണത്തിൽ പ്രതിയുടെ വീടിന്‍റെ കോമ്പൗണ്ടിലും നിരോധിത പുകയില ഉത്പന്നങ്ങൾ വിൽപനയ്ക്കായി സൂക്ഷിച്ചിരിക്കുന്നതായി കണ്ടെത്തുകയായിരുന്നു.
പൂച്ചാക്കൽ പൊലിസ് സ്റ്റേഷൻ സ്റ്റേഷൻ എസ്എച്ച്ഒ പി.റ്റി. ലിജിമോളുടെ നേതൃത്വത്തിലാണ് പ്രതിയെ അറസ്റ്റ് ചെയ്തത്. ചേർത്തല ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ പ്രതിയെ കോടതി റിമാൻഡ് ചെയ്തു.
Alappuzha
മാവേലിക്കര: ജില്ലാ ആശുപത്രി ജംഗ്ഷനു സമീപം സ്കൂട്ടർ യാത്രിക ടിപ്പറിടിച്ചു മരിച്ചു. ചെന്നിത്തല സൗത്ത് മുണ്ടുവേലിക്കടവ് തട്ടാരുപറമ്പിൽ ആൻസിവില്ലയിൽ ബാബു ജോർജിന്‍റെ ഭാര്യ ആനി (56) ആണ് മരിച്ചത്. മാവേലിക്കര-പന്തളം പ്രധാന പാതയിൽ മാവേലിക്കര ജില്ലാ ആശുപത്രി ജംഗ്ഷനു സമീപം ഇന്നലെ രാവിലെ പത്തിനായിരുന്നു അപകടം.
ആശുപത്രി ജംഗ്ഷനിൽനിന്നും കരയാവട്ടം ഭാഗത്തേക്ക് സ്കൂട്ടറിൽ പോകുകയായിരുന്ന ആനി ബാബുവിനെ അതേദിശയിൽ എത്തിയ ടിപ്പർ തട്ടുകയായിരുന്നു. ടിപ്പറിന്‍റെ ഇടിയേറ്റ സ്കൂട്ടർ റോഡിന്‍റെ ഇടതു ഭാഗത്തേക്കു നീങ്ങിയെങ്കിലും പാതയ്ക്കു സമീപമുള്ള ഓടയുടെ സ്ലാബുകൾ ഉയർന്നു നിന്നതിനാൽ അതിൽകയറി നിയന്ത്രണം തെറ്റി ടിപ്പറിനടയിലേക്ക് വീഴുകയായിരുന്നു. ടിപ്പറിന്‍റെ പിൻചക്രങ്ങൾ ആനിയുടെ ശരീരത്തിലൂടെ കയറി ഇറങ്ങി. ഉടൻതന്നെ മാവേലിക്കര ജില്ലാ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രി മോർച്ചറിയിൽ. മകൾ: ആൻസി.
അപകടകാരണം ലോറി ഡ്രൈവറുടെ അശ്രദ്ധയും അശാസ്ത്രീയ ഓടനിര്‍മാണവും
മാവേലിക്കര: തട്ടാരമ്പലം-പന്തളം പാതയില്‍ ജില്ലാ ആശുപത്രി ജംഗ്ഷനു സമീപം ടിപ്പറിടിച്ച് സ്‌കൂട്ടര്‍ യാത്രികയായ വീട്ടമ്മയുടെ ദാരുണാന്ത്യത്തിനു കാരണമായത് ടിപ്പര്‍ ലോറി ഡ്രൈവറുടെ അശ്രദ്ധയും അശാസ്ത്രീയ ഓടനിര്‍മാണവും. ചെന്നിത്തല സൗത്ത് മുണ്ടുവേലിക്കടവ് തട്ടാരുപറമ്പില്‍ ആന്‍സിവില്ലയില്‍ ബാബു ജോര്‍ജിന്‍റെ ഭാര്യ ആനി ബാബു (56) ആണ് മരിച്ചത്.
ആശുപത്രി ജംഗ്ഷനു സമീപം ഇന്നലെ രാവിലെ പത്തിനായിരുന്നു അപകടം. റോഡിന്‍റെ ഇടതുവശം ചേര്‍ന്ന് സാവധാനത്തില്‍ വരികയായിരുന്ന സ്‌കൂട്ടര്‍ യാത്രികയെ അതേ ദേശയിലെത്തിയ ടിപ്പര്‍ മറികടക്കാന്‍ ശ്രമിക്കുന്നതിനിടെ തട്ടുകയായിരുന്നു. ലോറി ഇടിക്കാതിരിക്കാന്‍ റോഡിന്‍റെ ഇടതുഭാഗത്തേക്ക് സ്‌കൂട്ടര്‍ പരമാവധി ചേര്‍ക്കാന്‍ ശ്രമിച്ചെങ്കിലും ഉയരത്തില്‍ ഓട നിര്‍മിച്ചതിനാല്‍ കഴിഞ്ഞില്ല. നിയന്ത്രണം വിട്ട സ്‌കൂട്ടര്‍ മറിയുകയും ടിപ്പറിന്‍റെ പിന്‍ചക്രങ്ങള്‍ ആനിയുടെ ശരീരത്തിലൂടെ കയറിയിറങ്ങുകയുമായിരുന്നു.
അപകടം നടന്ന സ്ഥലത്ത് റോഡിനു വീതിക്കുറവും വളവുമാണ്. മുന്നില്‍ പോകുന്ന വാഹനങ്ങളെ മറികടക്കാന്‍ ശ്രമിക്കുന്നത് അപകടസാധ്യത വര്‍ധിപ്പിക്കും. പിന്നാലെയെത്തുന്ന വാഹനങ്ങള്‍ അരികുചേര്‍ന്ന് മറികടക്കുമ്പോള്‍ ഇടത്തേക്ക് ഒതുക്കുന്ന ഇരുചക്രവാഹനങ്ങള്‍ ഓടയില്‍ തട്ടിമറിഞ്ഞ് നിരവധി അപകടങ്ങളാണ് ഈ ഭാഗത്ത് സംഭവിച്ചിട്ടുള്ളതെന്ന് സമീപവാസികള്‍ പറഞ്ഞു.
അശ്രദ്ധമായി സ്‌കൂട്ടറിനെ മറികടക്കാന്‍ ടിപ്പര്‍ ലോറി ഡ്രൈവര്‍ ശ്രമിച്ചതാണ് ഇന്നലെ അപകടത്തിനു കാരണവും. മാവേലിക്കര ഭാഗത്തു നിന്നും നിരവധി ടോറസ്, ടിപ്പര്‍ ലോറികളാണ് ഒന്നിനു പിന്നാലെ ഒന്നായാണ് എത്തിയത്. മുന്നിലുണ്ടായിരുന്ന ടോറസ് സ്‌കൂട്ടറിനെ മറികടന്നു പോകുന്നതും പിന്നാലെ എത്തിയ ടിപ്പര്‍ ഇടത്തേക്കു കൂടുതല്‍ ചേര്‍ക്കുന്നതും മുന്‍ഭാഗം തട്ടി സ്‌കൂട്ടര്‍ മറിയുന്നതും സിസിടിവി ദൃശ്യങ്ങളില്‍ വ്യക്തമാണ്. സ്‌കൂട്ടറില്‍ തട്ടിയപ്പോഴെങ്കിലും ലോറി നിര്‍ത്തിയിരുന്നെങ്കില്‍ ദാരുണാന്ത്യം സംഭവിക്കില്ലായിരുന്നവെന്ന് ദൃക്‌സാക്ഷികള്‍ പറഞ്ഞു.
അശാസ്ത്രീയമായി റോഡില്‍നിന്ന് വലിയ ഉയരത്തില്‍ ഓടനിര്‍മിച്ചത് നിരവധി അപകടങ്ങള്‍ക്ക് കാരണമായിട്ടുണ്ട്. ഇതിനകം നിരവധി പേരുടെ ജീവനുകളാണ് പൊലിഞ്ഞത്. റോഡിന്‍റെ വശങ്ങളില്‍ ഒരാള്‍ താഴ്ചയില്‍ ഓടനിര്‍മിച്ച് മുകള്‍ വശത്ത് കോണ്‍ക്രീറ്റ് സ്ലാബ് സ്ഥാപിച്ചിരിക്കുകയാണ്. ഉയര്‍ത്തിയും താഴ്ത്തിയും പല രീതിയില്‍ ഓട നിര്മിച്ച് സ്ലാബ് ഇട്ടിരിക്കന്നതിനാല്‍ കാല്‍നടയാത്രികര്‍ക്കും ഗുണം ചെയ്യില്ല. റോഡിന്‍റെ വീതി കുറയുകയും അത്യാവശ്യവേളയില്‍ വശത്തേക്ക് വാഹനം ഓടിച്ചുമാറ്റാന്‍ കഴിയാത്ത അവസ്ഥയുമാണ്.
അശാസ്ത്രീയ ഓടനിര്‍മാണവും
Alappuzha
ചേര്‍ത്തല: ഉപജില്ലാ കലോത്സവത്തില്‍ 522 പോയിന്റുമായി മുട്ടം ഹോളിഫാമിലി ഹയര് സെക്കന്‍ഡറി സ്കൂളിന് ഓവറോൾ കിരീടം. ഗവ. ജിഎച്ച്എസ്എസ് രണ്ടാംസ്ഥാനത്തും അര്‍ത്തുങ്കല്‍ സെന്റ് ഫ്രാൻസിസ് അസീസി എച്ച്എസ്എസ് മൂന്നാം സ്ഥാനത്തും എത്തി.
യുപി വിഭാഗത്തിൽ 71 പോയിന്‍റ് നേടി ചേര്‍ത്തല ലിറ്റിൽ ഫ്ലവർ യുപിഎസ് ഒന്നാംസ്ഥാനം കരസ്ഥമാക്കി.എല്‍പി വിഭാഗത്തിൽ 63 പോയിന്‍റ് നേടി ചേര്‍ത്തല ടൗൺ എല്‍പിഎസ് ഒന്നാമത് എത്തി. കണിച്ചുകുളങ്ങരയില്‍ നാലുദിവസങ്ങളിലായി നടന്ന ഉപജില്ലാ കലോത്സവത്തിന്റെ സമാപനസമ്മേളനത്തില്‍ പി. പ്രസാദ് എംഎല്‍എ സമ്മാനദാനം നിര്‍വഹിച്ചു. ജില്ലാ പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ എസ്. രാധാകൃഷ്ണൻ അധ്യക്ഷത വഹിച്ചു.
Alappuzha
ഹരിപ്പാട്: അന്തർസംസ്ഥാന സർവീസ് നടത്തുന്ന സ്വകാര്യ സ്ലീപ്പർ ബസിൽ ലഗേജ് കാരിയറടക്കം കൈയടക്കി അനധികൃതമായി ചരക്കുകളും പൂക്കളും കടത്താൻ വഴിനീളെ വാഹനം നിർത്തിയിട്ടതോടെ യാത്രക്കാർ വഴിയിലായത് മണിക്കൂറുകൾ.
യാത്രക്കാരുടെ പരാതിയെതുടർന്ന്ബംഗളൂരുവിൽനിന്ന് തിരുവനന്തപുരത്തേക്ക് സർവീസ് നടത്തിയ എ1 ട്രാവൽസിന്‍റെ സ്ലീപ്പർ ബസ് ഇന്നലെ രാവിലെ ഹരിപ്പാട് കെഎസ്ആർടിസി ബസ് സ്റ്റാൻഡിനു സമീപം മോട്ടോർ വാഹന വകുപ്പ് എൻഫോഴ്സ്മെന്‍റെ വിഭാഗം തടഞ്ഞ് 10,000 രൂപ പിഴ ചുമത്തി. ഇന്നലെ രാവിലെ ഏഴിന് തിരുവനന്തപുരത്ത് എത്തേണ്ടിയിരുന്ന ബസ്, ഓരോ കവലകളിലും ചരക്കുകൾ ഇറക്കാനായി നിർത്തിയിട്ടതാണ് യാത്ര വൈകിച്ചത്.
Alappuzha
എടത്വ: കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ ജില്ലാ സമ്മേളനവും ഭാരവാഹി തെരഞ്ഞെടുപ്പും നടന്നു. സംസ്ഥാന പ്രസിഡന്റ് ജസ്റ്റിന്‍ പാലത്തറ ഉദ്ഘാടനം ചെയ്തു. എ. മോഹന്‍ അധ്യക്ഷത വഹിച്ചു.
സംസ്ഥാന ജനറല്‍ സെക്രട്ടറി ജോയി പഴയമഠം സംഘടനാ വിഷയങ്ങള്‍ അവതരിപ്പിക്കുകയും ചര്‍ച്ചകള്‍ക്കു നേതൃത്വം നല്‍കുകയും ചെയ്തു. ജില്ലാ ജനറല്‍ സെക്രട്ടറി എബി പാലത്തറ, ജില്ലാ വൈസ് പ്രസിഡന്റ് സൂര്യ മുഹമ്മദ്, വര്‍ക്കിംഗ് ജനറല്‍ സെക്രട്ടറി കെ.ആര്. ഗോപകുമാര്‍, ജില്ലാ ട്രഷറര്‍ സുരേഷ് ഭവാനി, പി.സി. ഗോപാലകൃഷ്ണന്‍, ബിജു, സത്യന്‍, ഇന്ദുശേഖര്‍ മാന്നാര്‍, രാജേഷ് ചെങ്ങന്നൂര്‍, സനു സ്വപ്ന മാവേലിക്കര, ദിനേശന്‍ അമ്പലപ്പുഴ, ട്വിങ്കില്‍ ആഭരണമഹല്‍ എന്നിവര്‍ പ്രസംഗിച്ചു.
സ്വര്‍ണ-വെള്ളി വ്യാപാരികളുടെ ക്ഷേമത്തിനായി സര്‍ക്കാര്‍ പുതിയ പ്രത്യേക പാക്കേജ് പ്രഖ്യാപിക്കുക, എച്ച്‌യുഐഡി ഫീസ് വര്‍ധന പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ച് സമ്മേളനം പ്രമേയം പാസാക്കി.
തുടര്‍ന്ന് നടന്ന തെരഞ്ഞെടുപ്പില്‍ പുതിയ ജില്ലാ ഭാരവാഹികളായി എ. മോഹന്‍ (പ്രസിഡന്റ്), എബി ചെറിയാന്‍ പാലത്തറ (ജനറല്‍ സെക്രട്ടറി), സുരേഷ് ഭവാനി (ട്രഷറര്‍), കെ.ആര്. ഗോപകുമാര്‍ (വര്‍ക്കിംഗ് ജനറല്‍ സെക്രട്ടറി), പി.സി. ഗോപാലകൃഷ്ണന്‍, സൂര്യ മുഹമ്മദ് (വൈസ് പ്രസിഡന്‍റുമാര്‍) എന്നിവരെ തെരഞ്ഞെടുത്തു.
Alappuzha
തകഴി: തലവടി ഉപജില്ലാ സ്‌കൂള്‍ കലോത്സവത്തില്‍ ജനറല്‍ വിഭാഗത്തില്‍ പച്ച ലൂര്‍ദ് മാതാ ഹയര് സെക്കൻഡറി സ്‌കൂള്‍ ഹൈസ്‌കൂള്‍ വിഭാഗത്തില്‍ 242, ഹയര് സെക്കൻഡറി വിഭാഗത്തില്‍ 250 പോയിന്‍റുകള്‍ നേടി ഓവറോള്‍ കലാകിരീടം കരസ്ഥമാക്കി. ഹൈസ്‌കൂള്‍ വിഭാഗത്തില്‍ 238 പോയിന്‍റ് നേടിയ എടത്വ സെന്റ് മേരീസ് ജിഎച്ച്എസ് രണ്ടാം സ്ഥാനവും 226 പോയിന്‍റ് നേടിയ മിത്രക്കരി സെന്റ് സേവ്യര്‍ ഹൈസ്‌കൂള്‍ മൂന്നാം സ്ഥാനവും കരസ്ഥമാക്കി.
ഹയര് സെക്കൻഡറി ജനറല്‍ വിഭാഗത്തില്‍ 223 പോയിന്‍റ് നേടിയ എടത്വ സെന്റ് അലോഷ്യസ് ഹയര് സെക്കൻഡറി സ്‌കൂള്‍ രണ്ടാം സ്ഥാനവും 173 പോയിന്‍റ് നേടിയ മുട്ടാര്‍ സെന്റ് ജോര്‍ജ് ഹയര് സെക്കൻഡറി സ്‌കൂള്‍ മൂന്നാം സ്ഥാനവും കരസ്ഥമാക്കി.
യുപി വിഭാഗം ജനറല്‍ മത്സരത്തില്‍ 80 പോയിന്‍റ് നേടി മിത്രക്കരി സെന്റ് സേവ്യര്‍ ഹൈസ്‌കൂള്‍ ഒന്നാം സ്ഥാനവും 78 പോയിന്‍റ് നേടി എടത്വ സെന്റ് മേരീസ് ജിഎച്ച് എസ് രണ്ടാം സ്ഥാനവും 72 വീതം പോയിന്‍റുകള്‍ നേടി പച്ച സെന്റ് സേവ്യര്‍ യു പി, മുട്ടാര്‍ സെന്റ് ജോര്‍ജ് ഹയര് സെക്കൻഡറി എന്നീ സ്‌കൂളുകള്‍ മൂന്നാം സ്ഥാനവും കരസ്ഥമാക്കി.
എല്‍പി വിഭാഗം ജനറല്‍ മത്സരങ്ങളില്‍ 65 വീതം പോയിന്‍റുകള്‍ നേടി തായങ്കരി സെന്റ് ആന്‍റണീസ് എല്‍പി, പച്ച സെന്റ് സേവ്യര്‍ യുപി, മുട്ടാര്‍ സെന്റ് ജോര്‍ജ് എല്‍പി, തകഴി കുന്നുമ്മ എച്ച്എഫ്എല്‍പി എന്നീ സ്‌കൂളുകള്‍ ഒന്നാം സ്ഥാനം കരസ്ഥമാക്കി.
63 വീതം പോയിന്‍റുകള്‍ നേടി എടത്വ സെന്റ് മേരീസ് എല്‍പി, എടത്വ സെന്റ് അലോഷ്യസ് എല്‍പി എന്നീ സ്‌കൂളുകള്‍ രണ്ടാം സ്ഥാനങ്ങളും 59 വീതം പോയിന്‍റുകള്‍ നേടി മിത്രക്കരി ഈസ്റ്റ് ഗവ. എല്‍പി, തെന്നടി ഗവ. എല്‍പി, കോഴിമുക്ക് ഗവ. എല്‍പി, ഗവ. എച്ച്എസ് കൊടുപ്പുന്ന എന്നീ സ്‌കൂളുകള്‍ മൂന്നാം സ്ഥാനങ്ങളും കരസ്ഥമാക്കി. യുപി വിഭാഗം സംസ്‌കൃത കലോത്സവത്തില്‍ 91 പോയിന്‍റുകള്‍ നേടി പച്ച സെന്റ് സേവ്യര്‍ യുപി, 82 പോയിന്‍റുകള്‍ നേടി മിത്രക്കരി സെന്റ് സേവ്യര്‍ ഹൈസ്‌കൂള്‍, 79 പോയിന്‍റുകള്‍ നേടി മുട്ടാര്‍ സെന്റ് ജോര്‍ജ് ഹയര് സെക്കൻഡറി മൂന്നാം സ്ഥാനവും കരസ്ഥമാക്കി.
സമാപന സമ്മേളനം റെജി ചെറിയാന്‍ എംഎല്‍എ ഉദ്ഘാടനം ചെയ്തു. ഓവറോള്‍ കരസ്ഥമാക്കിയ സ്‌കൂളുകള്‍ക്ക് ട്രോഫികള് വിതരണം ചെയ്തു. ചമ്പക്കുളം ബ്ലോക്ക് പഞ്ചായത്ത് പ്രസിഡന്റ് ടിജിന്‍ കെ. ജോസഫ് അധ്യക്ഷത വഹിച്ചു. തകഴി പഞ്ചായത്ത് പ്രസിഡന്റ് എസ്.ജി. ഗീതാഞ്ജലി മുഖ്യപ്രഭാഷണം നടത്തി.
കലോത്സവ ജനറല്‍ കണ്‍വീനര്‍ എം.കെ. ഗീതകുമാര, ജില്ലാ പഞ്ചായത്ത് വിദ്യാഭ്യാസ ക്ഷേമകാര്യ സ്റ്റാന്‍റിംഗ് കമ്മിറ്റി ചെയര്‍മാന്‍ വി. രാധാകൃഷ്ണന്, പഞ്ചായത്ത് പ്രസിഡന്റുമാരായ ബാബു വലിയവീടന്‍, വി.എന്‍. വിശ്വംഭരന്‍, തകഴി പഞ്ചായത്ത് അംഗങ്ങളായ കെ.വി. വിപിന്‍ കുമാര്‍, ആശ ഓമനക്കുട്ടന്‍, എസ്. ശ്രീജിത്ത്, സംഗീത മനോജ്, എം. ഗണേഷ് കുമാര്‍, വി.സി. മണിയമ്മ, കെ. ഗോപാലകൃഷ്ണന്‍, പി. സുപിന്‍, എസ്.എസ്. സ്മിത, മെര്‍ളിന്‍ ജോജി, കെ.എസ്. ആശ, എം.എന്‍. നിഹാസ്, മീര ഗിരീഷ്, സേതു ബിപിന്‍, ആര്‍ഡിഡി കെ. സുധ, കുട്ടനാട് ഡിഇഒ അബ്ദുള്‍ അസീസ്, തലവടി എഇഒ എസ്. ഉഷ,തലവടി ബിപിസി എം. ബുഷ്റ, എച്ച്എം കണ്‍വീനര്‍ സിനി എം. നായര്‍, പ്രോഗ്രാം കമ്മറ്റി കണ്‍വീനര്‍ തോമസ് മാത്യു, എന്‍.കെ. നവനീതകൃഷ്ണന്‍, യു. പ്രഭ, രശ്മിമോള്‍, ജോണ്‍സണ്‍ ജോസ്, ബിനു ടോം ജോസഫ് എന്നിവര്‍ പ്രസംഗിച്ചു.
Alappuzha
തായങ്കരി: തലവടി ഉപജില്ലാ മിഴിവ് 2026 കലോത്സവത്തില്‍ തായങ്കരി സെന്റ് ആന്‍റണീസ് എല്‍പി സ്‌കൂള്‍ ചരിത്രനേട്ടം കൈവരിച്ചു. കലോത്സവത്തില്‍ എല്‍പി വിഭാഗത്തില്‍ മത്സരിച്ച മുഴുവന്‍ പോയിന്‍റുകളും (65/65) സ്വന്തമാക്കി സ്‌കൂള്‍ ഓവറോള്‍ ഒന്നാം സ്ഥാനം കരസ്ഥമാക്കി.
തകഴി ഡിബിഎച്ച്എസ്എസ് സ്‌കൂളില്‍ നടന്ന കലോത്സവത്തിലാണ് വിദ്യാലയം ഈ അഭിമാനകരമായ നേട്ടം സ്വന്തമാക്കിയത്.അണ്‍- ഇക്കണോമിക് വിദ്യാലയമായിട്ടും പരിമിതികളെ അതിജീവിച്ച് കുട്ടികളുടെയും രക്ഷിതാക്കളുടെയും അധ്യാപകരുടെയും കൂട്ടായ പരിശ്രമവും അചഞ്ചലമായ നിശ്ചയദാര്‍ഢ്യവും നിരന്തരമായ പരിശീലനവുമാണ് ഈ ഉജ്വല വിജയത്തിനു പിന്നില്‍.
സ്‌കൂള്‍ പ്രധാനാധ്യാപിക റ്റൈനി സെബാസ്റ്റ്യന്‍റെ നേതൃത്വത്തില്‍ അധ്യാപകരായ എലിസബത്ത് റ്റി. ജോണ്‍, വി.ജെ. സബിത, വീണാ വിജേഷ്, എസ്. റീനു, സ്റ്റെഫി നിക്ലാവോസ് എന്നിവര്‍ കുട്ടികള്‍ക്ക് പരിശീലനം നല്കി.
കുട്ടികളുടെ കഠിനാധ്വാനത്തിന്‍റെയും അധ്യാപകരുടെ സമര്‍പ്പണത്തിന്‍റെയും രക്ഷിതാക്കളുടെ പിന്തുണയുടെയും ഫലമായി നേടിയ ഈ വിജയം തായങ്കരിയുടെ വിദ്യാഭ്യാസ മേഖലയില്‍ അഭിമാനമായി മാറി.
Alappuzha
തലവടി: യുവജനങ്ങളുടെ കലാ-കായിക കഴിവുകള്‍ക്ക് വേദിയൊരുക്കി തലവടി പഞ്ചായത്തിന്‍റെ ആഭിമുഖ്യത്തില്‍ സംഘടിപ്പിക്കുന്ന കേരളോത്സവത്തിന് തുടക്കമായി.പഞ്ചായത്ത് പ്രസിഡന്റ് ബാബു വലിയവീടന്‍ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്പേഴ്സണ് മോളമ്മ അധ്യക്ഷത വഹിച്ചു. തലവടി പഞ്ചായത്ത് വൈസ് പ്രസിഡന്റ് വി.ആര്. സിന്ധു മുഖ്യപ്രഭാഷണം നടത്തി.
സ്ഥിരം സമിതി അധ്യക്ഷരായ റീത്താമ്മ റെജി, സുജി സന്തോഷ് പഞ്ചായത്ത് അംഗങ്ങളായ സരിത പ്രദീപ്, പ്രകാശ് പനവേലി, ബിനു സുരേഷ്, എം.ജി. കൊച്ചുമോന്‍, ഗോകുല്‍ ഗോപാലകൃഷ്ണന്‍, ബി. രമേശ് കുമാര്‍, മണിദാസ് വാസു, അഞ്ജു സന്തോഷ്, അജിത് പിഷാരത്ത്, ശരന്‍ ഗോവിന്ദ്, റെറ്റി ചെറിയാന്‍, പഞ്ചായത്ത് സെക്രട്ടറി കെ. ജയന്തി, അസിസ്റ്റന്‍റ് സെക്രട്ടറി കെ.ആര്. റെജി, സിഡിഎസ് ചെയര്പേഴ്സണ് സുബി ചാക്കോ എന്നിവര്‍ പങ്കെടുത്തു. തുടര്‍ന്ന് വിവിധ കലാ-കായിക മത്സരങ്ങള്‍ക്ക് തുടക്കമായി. ഇന്ന് വൈകിട്ട് മൂന്നിന് തലവടി വെള്ളക്കിണറില്‍നിന്ന് ആരംഭിക്കുന്ന സാംസ്കാരിക ഘോഷയാത്ര നീരേറ്റുപുറം ശ്രീ ചക്കുളത്തുകാവിലമ്മ ഓഡിറ്റോറിയത്തില്‍ സമാപിക്കും.തുടര്‍ന്ന് 4.30 ന് നടക്കുന്ന സമാപന സമ്മേളനം റെജി ചെറിയാന്‍ എംഎല്‍എ ഉദ്ഘാടനം ചെയ്യും.
Alappuzha
മങ്കൊന്പ്: നെല്ലിന്‍റെ സംഭരണവില കിലോഗ്രാമിന് ഒരു രൂപ വർദ്ധിപ്പിച്ച് 31 രൂപയാക്കിയ സംസ്ഥാന സർക്കാർ നടപടിയെ സ്വാഗതം ചെയ്യുന്നതായി കൊടിക്കുന്നിൽ സുരേഷ് എംപി. വർധിപ്പിച്ച ഒരു രൂപയിൽ 72 പൈസ കേന്ദ്രസർക്കാരിന്‍റെ വിഹിതവും 28 പൈസ സംസ്ഥാന സർക്കാരിന്‍റെ വിഹിതവുമാണ്. നെല്ലിന്‍റെ സംഭരണവില 31 രൂപയായി ഉയർത്തിയ നടപടി സ്വാഗതം ചെയ്യുന്പോഴും വർധിച്ചുവരുന്ന കൃഷിച്ചെലവും കർഷകർ നേരിടുന്ന സാന്പത്തിക പ്രതിസന്ധിയും കണക്കിലെടുക്കുന്പോൾ കിലോഗ്രാമിന് 35 രൂപയാണ് നെൽകർഷകർക്ക് ലഭിക്കേണ്ട ന്യായമായ വില.
അതിനാൽ നെല്ലിന്‍റെ സംഭരണവില അടിയന്തരമായി 35 രൂപയായി വർധിപ്പിക്കാൻ സംസ്ഥാന സർക്കാർ തയാറാകണം. രാജ്യത്തെ ഏറ്റവും ഉയർന്ന നെല്ലുവില കേരളത്തിലാണ് നല്കുന്നതെന്ന എൽഡിഎഫ് മന്ത്രിമാരുടെ അവകാശവാദം യാഥാർഥ്യങ്ങളെ മറച്ചുവയ്ക്കുന്നതാണ്. മറ്റു സംസ്ഥാനങ്ങളെ അപേക്ഷിച്ച് കേരളത്തിൽ നെൽകൃഷിയുടെ ഉത്പാദനചെലവ് ഏകദേശം ഇരട്ടിയാണന്ന വസ്തുത പരിഗണിക്കാതെയാണ് ഇത്തരം അവകാശവാദങ്ങൾ അവര് ഉയർത്തിയിരുന്നത്.
ഉയർന്ന കൃഷിച്ചെലവിന്‍റെ പശ്ചാത്തലത്തിൽ കേരളത്തിലെ കർഷകർക്ക് ലഭിക്കുന്ന വില മറ്റ് സംസ്ഥാനങ്ങളിലെ വിലയുമായി താരതമ്യം ചെയ്യുന്നത് യുക്തിസഹമല്ലെന്നും എംപി ചൂണ്ടിക്കാട്ടി. നെൽകർഷകരുടെ അധ്വാനത്തിനും ഉത്പാദനത്തിനും അർഹമായ പരിഗണന നല്കി, സംഭരണവില 35 രൂപയായി ഉയർത്തുന്നതിനും സംഭരണത്തിലും വില നല്കുന്നതിലുമുള്ള കാലതാമസം ഒഴിവാക്കുന്നതിനും സംസ്ഥാന സർക്കാർ അടിയന്തര നടപടി സ്വീകരിക്കണം. കഴിഞ്ഞ അഞ്ചുവർഷത്തിനിടെ കേന്ദ്രസർക്കാർ വിവിധ ഘട്ടങ്ങളിലായി വർധിപ്പിച്ച കേന്ദ്ര വിഹിതത്തിൽ നിന്ന് 5.01 രൂപ മുൻ സംസ്ഥാന സർക്കാർ വെട്ടിക്കുറച്ചുകൊണ്ട് നെൽകർഷകർക്ക് അർഹമായ ആനുകൂല്യം നിഷേധിക്കുകയായിരുന്നുവെന്ന് എംപി ആരോപിച്ചു.
Alappuzha
മുട്ടാര്‍: ഗവൺമെന്‍റ് യുപി സ്കൂളിൽ പഠനത്തില്‍ പിന്നാക്കം നില്‍ക്കുന്ന കുട്ടികളെ പഠനമികവിന്‍റെ മുന്‍നിരയിലെത്തിക്കുക എന്ന ലക്ഷ്യത്തോടെ നടപ്പിലാക്കുന്ന റിവൈവ് നവജീവനം പദ്ധതിക്ക് തുടക്കമായി.
വാര്‍ഡ് മെംബര്‍ വിനോദന്‍ ടി.പി. യുടെ അധ്യക്ഷതയില്‍ ചേര്‍ന്ന യോഗം ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ മാത്യു എം. വര്‍ഗീസ് ഉദ്ഘാടനം ചെയ്തു. അധ്യാപിക മേഴ്സി ആന്റണി പദ്ധതിയുടെ ലക്ഷ്യങ്ങളും പ്രവര്‍ത്തനരീതികളും വിശദീകരിച്ചു.
സ്‌കൂള്‍ പ്രധാനാധ്യാപിക ആര്. ശ്രീജ, പിടിഎ പ്രസിഡന്റ് അനില്‍ അധ്യാപികമാരായ സരിത മനോഹരന്‍, ജാലിന്‍ തോമസ്, ഹിമ എസ്. പണിക്കര്‍, ബിന്ദു, ശ്രീരശ്മി, എസ്ആര്‍ജി കണ്‍വീനര്‍ ആര്. ദിവ്യ എന്നിവര്‍ പ്രസംഗിച്ചു.
Alappuzha
രാമങ്കരി: കുട്ടനാടിന്‍റെ കുടുംബ ഡോക്ടറായി കഴിഞ്ഞ 50 വർഷമായി സേവനം അനുഷ്ഠിച്ചുവരുന്ന ഡോ എം.എസ്. നവീനെ ആദരിക്കുന്നതിന് നാട്ടുകാരുടെ നേതൃത്വത്തിൽ കഴിഞ്ഞ നവംബർ ഒന്നിന് എസ്എൻഡി പിയോഗം രാമങ്കരി ഏഴാം നന്പർ ശാഖാങ്കണത്തിൽ സംഘടിപ്പിച്ച ‘നവീനം 2026' പരിപാടിക്ക് എത്തിച്ചേർന്ന വാഹനങ്ങൾ അനധികൃതമായി എ സി റോഡരികിൽ പാർക്ക് ചെയ്തതിന് പൊലിസ് പെറ്റിക്കേസ് ചുമത്തി ദ്രോഹിച്ചതായി ആക്ഷേപം.
നവംബർ ഒന്നിന് ഉച്ചകഴിഞ്ഞ് രണ്ടോടെ എ സി കനാലിലൂടെ അരയന്നത്തോണിയിൽ സംഘടിപ്പിച്ച ജലഘോഷയാത്ര വീക്ഷിക്കാനും തുടർന്ന് നടന്ന ആദരിക്കൽ ചടങ്ങിൽ പങ്കെടുക്കാനുമായാണ് ഭൂരിഭാഗം ആളുകളും വാഹനത്തിലെത്തിയത്. രാഷ്്‌ട്രിയ കക്ഷികളുടെയും സമുദായ സംഘടനകളുടെയും നേതൃത്വത്തിൽ ഇതിനുമുന്പും ഇതുപോലെയുള്ള പരിപാടികൾ എ സി റോഡിനോട് ചേർന്ന് സംഘടിപ്പിച്ചിട്ടുണ്ട്.
ജനകീയനായ ഡോക്ടറെ ആദരിക്കാന്ഡ നാട്ടുകാരുടെ നേതൃത്വത്തിൽ സംഘടിപ്പിച്ച പരിപാടിയായിട്ടും പൊലിസിന ്ന ധാർഷ്ട്യം കാട്ടിയെന്നാണ് ആക്ഷേപം.ട്രാഫിക് ബ്ലോക്ക് ഒഴിവാക്കിയാണ് തങ്ങൾഭാഗ പരിപാടി സംഘടിപ്പിച്ചതെന്ന് സംഘാടകർ പറഞ്ഞു. പൊലിസ് അനാവശ്യമായി സ്വീകരിച്ച നിയമ നടപടി പിൻവലിക്കാൻ തയാറാകണമെന്നും സംഘാടകർ ആവശ്യപ്പെട്ടു .
Alappuzha
കൈനകരി: കൈനകരി പന്പയാറ്റിൽ നടന്ന സിബിഎൽ ആറാം സീസൺ ഒന്പതാമത് മത്സരത്തിൽ കൈനകരി യുബിസി എഫ്സി തുഴഞ്ഞ വീയപുരം ചുണ്ടൻ ജേതാവായി.
പള്ളാതുരുത്തി ബോട്ട് ക്ലബ് തുഴഞ്ഞ മേൽപ്പാടം ചുണ്ടനുമായി ഇഞ്ചോടിഞ്ച് നടന്ന വാശിയേറിയ മത്സരത്തിൽ ഏതാനും മൈക്രോ സെക്കന്‍റുകളുടെ വ്യത്യാസത്തിൽ പിന്തള്ളിയാണ് വീയപുരം ഇക്കുറി ജേതാവായത്.
അരോമ ബോട്ട് ക്ലബ് തുഴഞ്ഞ അരോമ ചുണ്ടന് മൂന്നാംസ്ഥാനംകൊണ്ട് തൃപ്തിപ്പെടേണ്ടിവന്നു.നെഹ്രറുട്രോഫി ഫൈനലിലെ വാശി ആവർത്തിച്ച കൈനകരി നെട്ടായത്തിൽ റിക്കാർഡുകൾ തിരുത്തിയാണ് യുബിസിയുടെ വീയപുരം ഒന്നാമതായി ഫിനിഷ് ചെയ്തത്.
ആദ്യപാദ മത്സരത്തിൽ രണ്ടാം സ്ഥാനത്തെത്തിയവരുടെ ഫൈനലിൽ നിരണം ചുണ്ടനും മൂന്നാം സ്ഥാനത്തെത്തിയവരുടെ ഫൈനലിൽ ആർപ്പുക്കര ചുണ്ടനും ഒന്നാം സ്ഥാനം നേടി. വെപ്പ് ബി ഗ്രേഡ് വള്ളങ്ങളുടെ മത്സരത്തിൽ ചാംബ്യനും ഇരുട്ടുകുത്തി വളളങ്ങളുടെ മത്സരത്തിൽ സെന്റ് ജോസഫും വിജയികളായി.
കൊടിക്കുന്നിൽ സുരേഷ് എംപി മത്സരങ്ങൾ ഉദ്ഘാടനം ചെയ്തു.റെജി ചെറിയാൻ എംഎൽഎ ട്രോഫികൾ വിതരണം ചെയ്തു.മത്സരം വീക്ഷിക്കുവാനായി നാടിന്‍റെ നാനാഭാഗത്തു നിന്നുമായെത്തിയ നൂറ് കണക്കിന് വരുന്ന ജലോത്സവ പ്രേമികൾ കൈനകരിയുടെ ഇരുകരകൾക്കും വൻ ആവേശമായി.
സ്വന്തം തട്ടകത്തിൽ വീയപുരത്തിന് അട്ടിമറിവിജയം
കുട്ടനാട്: സംസ്ഥാന ടൂറിസം വകുപ്പ് സംഘടിപ്പിക്കുന്ന ചുണ്ടന് വള്ളങ്ങളുടെ ഐപിഎല്‍ മാതൃകയിലുള്ള ചാമ്പ്യൻസ് ബോട്ട് ലീഗ് (സിബിഎൽ) ആറാം സീസണിന്‍റെ ആലപ്പുഴ കൈനകരിയില്‍ നടന്ന ഒമ്പതാം മത്സരത്തില്‍ യുബിസി കൈനകരി എഫ് സി തുഴഞ്ഞ വീയപുരത്തിന് അട്ടിമറി വിജയം.
വള്ളം കളിയുടെ മെക്കയെന്നറിയപ്പെടുന്ന കൈനകരിയിലെ പമ്പയാറിലെ നെട്ടായത്തിലെ സ്വന്തം തട്ടകത്തില്‍ മിന്നല്‍പ്പിണര്‍ പോലെയാണ് യുബിസി എഫ് സി (3.52.935 മിനിറ്റ്) തുഴഞ്ഞു കയറിയത്. മത്സരം തുടങ്ങി ആദ്യ പാദത്തില്‍ പത്ത് തുഴപ്പാടുകള്‍ക്കെങ്കിലും യുബിസി കൈനകരി അനിഷേധ്യ ലീഡ് കരസ്ഥമാക്കി. പകുതിയോടെ ലീഡ് അരവള്ളപ്പാടിലേക്ക്.
പകുതിയ്ക്ക് ശേഷം കൊല്ലം അരോമ ബോട്ട് ക്ലബ്ബിന്‍റെ അരോമ ചുണ്ടന്‍റെ അമ്പരപ്പിക്കുന്ന വെല്ലുവിളി. ഇതേസമയം പള്ളാത്തുരുത്തി ബോട്ട് ക്ലബ് തുഴഞ്ഞ മേല്‍പ്പാടം ചുണ്ടന് ഒപ്പമെത്താന്‍ കിണഞ്ഞു പരിശ്രമിച്ചു. തുടക്കത്തില്‍ നേടിയ ലീഡ് മുതലെടുത്ത് യുബിസി എഫ് സി കൈനകരി വിജയത്തിലേക്കെത്തി.
ഫിനിഷ് സമയത്ത് ട്രാക്ക് തെറ്റിച്ചതിനാല്‍ രണ്ടാമതെത്തിയെങ്കിലും അരോമ ചുണ്ടന് സിബിഎല്‍ സാങ്കേതിക സമിതി അഞ്ച് സെക്കൻഡ് പിഴ ചുമത്തിയിരുന്നു. അതിനാല്‍ മേൽപ്പാടം ചുണ്ടന് (പള്ളാത്തുരുത്തി ബോട്ട് ക്ലബ്ബ്) (3.53.892 മിനിറ്റ്) രണ്ടാം സ്ഥാനവും അരോമ ചുണ്ടന് (3.58.188 മിനിറ്റ്) മൂന്നാം സ്ഥാനവും പ്രഖ്യാപിച്ചു.
കൊടിക്കുന്നില്‍ സുരേഷ് എംപി കൈനകരിയിലെ മത്സരങ്ങള്‍ ഉദ്ഘാടനം ചെയ്തു. സിബിഎല്‍ ഭരണസമിതി അംഗങ്ങള്‍, ടൂറിസം വകുപ്പ് ഉന്നത ഉദ്യോഗസ്ഥര്‍, തദ്ദേശസ്വയംഭരണ സ്ഥാപന പ്രതിനിധികള്‍ തുടങ്ങിയവര്‍ പങ്കെടുത്തു. ഓടി, വെപ്പ് വള്ളങ്ങളുടെ പ്രാദേശിക മത്സരവും ഇതോടനുബന്ധിച്ച് നടന്നു. ഒമ്പത് മത്സരങ്ങള്‍ പിന്നിട്ടപ്പോള്‍ പട്ടികയില്‍ 82 പോയിന്റുമായി അരോമ ഒന്നാം സ്ഥാനം നിലനിറുത്തുന്നു. 81 പോയിന്റുമായി മേല്‍പ്പാടം രണ്ടാമതും 73 പോയിന്റുമായി വീയപുരം മൂന്നാം സ്ഥാനത്തും നിലയുറപ്പിക്കുന്നു.
കൈനകരിയിലെ മത്സരഫലം
വീയപുരം ചുണ്ടൻ-(യുബിസികൈനകരി എഫ് സി) ഒന്ന്, മേൽപ്പാടം ചുണ്ടൻ- (പള്ളാത്തുരുത്തി ബോട്ട് ക്ലബ്) രണ്ട്, അരോമ ചുണ്ടൻ- (അരോമ ബോട്ട് ക്ലബ്, പരവൂർ, കൊല്ലം) മൂന്ന്, നിരണം ചുണ്ടൻ- (നിരണം ബോട്ട് ക്ലബ്, നിരണം) നാല്, നടുഭാഗം ചുണ്ടൻ- (പിബിസി പുന്നമട എന്‍സഎഫ് സി ബോട്ട് ക്ലബ്) അഞ്ച്, പുണ്യാളൻ നിരണം- (കുമരകം ടൗൺ ബോട്ട് ക്ലബ്,കുമരകം) ആറ്, ആർപ്പൂക്കര ചുണ്ടൻ-(ഇമ്മാനുവ ബോട്ട് ക്ലബ്, കുമരകം) ഏഴ് ചെറുതന ചുണ്ടൻ- (എന്‍ബിസി നാട്ടകം ബോട്ട് ക്ലബ്) എട്ട്, തലവടി ചുണ്ടൻ-(വില്ലേജ് ബോട്ട് ക്ലബ്) ഒമ്പത്.
ഫൈനലടക്കം ആകെ 11 മത്സരങ്ങളുള്ള ഈ സീസണിലെ മറ്റ് ലീഗ് പോരാട്ടങ്ങൾ- 14ന് കായംകുളത്തും 21ന് കൊല്ലത്തും നടക്കും. 21ന് നടക്കുന്ന പ്രസിഡന്‍റ്സ് ട്രോഫി വള്ളംകളിയോടെയാണ് സിബിഎൽ ആറാം സീസണിന് സമാപനമാവുന്നത്. ഓരോ മത്സരവേദികളിലും വിജയികളാകുന്നവരില്‍ ഒന്നാം സ്ഥാനക്കാര്‍ക്ക് അഞ്ച് ലക്ഷം രൂപയും രണ്ടാം സ്ഥാനക്കാര്‍ക്ക് മൂന്ന് ലക്ഷവും മൂന്നാം സ്ഥാനക്കാര്‍ക്ക് ഒരു ലക്ഷം രൂപയും ലഭിക്കും. ബോണസായി ഓരോ ടീമിനും നാല് ലക്ഷം രൂപ വീതവും നീക്കിവച്ചിട്ടുണ്ട്. ചാമ്പ്യന്‍ഷിപ്പില്‍ ഒന്നാം സ്ഥാനം കരസ്ഥമാക്കുന്ന ക്ലബിന് 25 ലക്ഷവും രണ്ടാം സ്ഥാനം നേടുന്നവര്‍ക്ക് 15 ലക്ഷവും മൂന്നാം സ്ഥാനത്തെത്തുന്ന ക്ലബിന് 10 ലക്ഷം രൂപയും സമ്മാനമായി ലഭിക്കും.
Alappuzha
ഹരിപ്പാട്: കുട്ടനാടിനെയും അപ്പർകുട്ടനാടിനെയും ബന്ധിപ്പിക്കുന്ന കരുവാറ്റ-നെടുമുടി റോഡിലെ കുറിച്ചിക്കൽ പാലത്തിന്‍റെ പ്രധാന നിർമാണജോലികൾ പൂർത്തിയായി അവസാനഘട്ടത്തിലേക്ക് കടക്കുമ്പോഴും അടിപ്പാതയിലെ യാത്രാദുരിതമൊഴിയാതെ നാട്ടുകാർ. കുറിച്ചിക്കൽ കടവിൽ ലീഡിംഗ് ചാനലിനു കുറുകെയുള്ള പാലത്തിനടിയിലെ വഴിയും സമീപത്തെ പുരയിടങ്ങളും കൈയടക്കി പഴയ നിർമാണസാമഗ്രികളും കൂറ്റൻ ടവർ ക്രെയിനും ഉപേക്ഷിക്കപ്പെട്ട നിലയിൽ കിടക്കുകയാണ്.
2017 മുതൽ ഇവിടെ അനാഥമായി കിടക്കുന്ന ഇവ കരുവാറ്റ സെന്റ് ജോസഫ്സ് സ്കൂൾ, പള്ളി, കോൺവന്‍റ് എന്നിവിടങ്ങളിലേക്കുള്ള യാത്രക്കാർക്കും പ്രദേശവാസികൾക്കും വലിയ സുരക്ഷാഭീഷണിയാണ് ഉയർത്തുന്നത്.
ഭീഷണിയായി ടവർ ക്രെയിൻ
പാലത്തിന്‍റെ അടിപ്പാതയിലെ റോഡിലേക്കും സമീപത്തെ പുരയിടത്തിലേക്കുമായി ഏതുനിമിഷവും നിലംപതിക്കാവുന്ന അവസ്ഥയിലാണ് കാടുകയറിയ കൂറ്റൻ ടവർ ക്രെയിൻ ചരിഞ്ഞുനിൽക്കുന്നത്.
ഇതിനുപുറമെ പഴയ ജനറേറ്ററും അടിപ്പാതയിലെ വഴി തടസപ്പെടുത്തി കൂട്ടിയിട്ടിരിക്കുന്ന കൂറ്റൻ ഇരുമ്പ് ചട്ടക്കൂടുകളും കാരണം സെന്റ് ജോസഫ്സ് സ്കൂളിലെ വിദ്യാർഥികൾക്കും കാൽനടയാത്രക്കാർക്കും ഇരുചക്ര വാഹനങ്ങൾക്കും സുഗമമായി സഞ്ചരിക്കാൻ കഴിയുന്നില്ല. സെന്റ് ജോസഫ്സ് പള്ളിക്ക് മുന്നിലെ ബോട്ടുജെട്ടിക്ക് സമീപം ജലപാത തടസപ്പെടുത്തി കിടക്കുന്ന പഴയ ഇരുമ്പ് ചങ്ങാടവും ഇതുവരെ നീക്കം ചെയ്തിട്ടില്ല. രാത്രികാലങ്ങളിൽ വെളിച്ചമില്ലാത്തതിനാൽ അടിപ്പാത വഴിയുള്ള യാത്ര വൻ അപകടക്കെണിയായി മാറിയിരിക്കുകയാണ്.
ബാങ്ക് ജപ്തിയിൽ കുരുങ്ങി
നബാർഡ് സഹായത്തോടെ 28.25 കോടി രൂപ ചെലവിൽ 2016 ഫെബ്രുവരിയിലാണ് കുറിച്ചിക്കൽ കടവിൽ പാലം നിർമാണം ആരംഭിച്ചത്. പ്രളയവും നിർമാണക്കമ്പനിയുടെ അനാസ്ഥയും കാരണം പണി വർഷങ്ങളോളം സ്തംഭിച്ചു. തുടർന്ന് കരാർ റദ്ദാക്കുകയും മന്ത്രി രമേശ് ചെന്നിത്തലയുടെ ഇടപെടലിൽ അധിക തുകയായി 12 കോടി രൂപ കൂടി അനുവദിക്കുകയും ചെയ്തതോടെയാണ് പാലം പണിക്ക് ജീവൻവച്ചത്.
പുതിയ കരാറുകാർ എത്തി പ്രധാന സ്പാനുകളുടെ കോൺക്രീറ്റിംഗ് ഉൾപ്പെടെ പൂർത്തിയാക്കി പാലം അന്തിമഘട്ടത്തിലേക്ക് എത്തിച്ചു. എന്നാൽ, മുൻപ് ജോലി ചെയ്തിരുന്ന കരാറുകാരന്‍റെ യന്ത്രസാമഗ്രികൾ ബാങ്ക് ജപ്തി നടപടികളിലായതിനാൽ പുതിയ കരാറുകാർക്ക് ഇവ മാറ്റാൻ സാധിക്കുന്നില്ലെന്നാണ് അധികൃതർ പറയുന്നത്.
ദേശീയപാതയെയും എസി റോഡനെയും ബന്ധിപ്പിക്കുന്ന പ്രധാന പാതയായ കുറിച്ചിക്കൽ പാലത്തിന്‍റെ അനുബന്ധ റോഡുകളുടെ നിർമാണം കൂടി പൂർത്തിയാക്കി ഗതാഗതത്തിന് തുറന്നുകൊടുക്കുന്നതിന് മുൻപായി, അടിപ്പാതയിലെയും ജലപാതയിലെയും മുഴുവൻ തടസങ്ങളും അടിയന്തരമായി നീക്കം ചെയ്യണമെന്നാണ് നാട്ടുകാരുടെ ശക്തമായ ആവശ്യം.
Alappuzha
ചാരുംമൂട്: കൊല്ലം-തേനി ദേശീയപാത 183ന്റെ ഭാഗമായ കൊല്ലം കടവൂർ മുതൽ ചെങ്ങന്നൂർ ആഞ്ഞിലിമൂട് വരെയുള്ള 54 കിലോമീറ്റർ ദൂരത്തിൽ 20 മീറ്റർ വീതിയിൽ റോഡ് വികസനം യാഥാർഥ്യമാക്കുന്നതിനുള്ള സ്ഥലമേറ്റെടുപ്പ് നടപടികളിലേക്ക് സംസ്ഥാന സർക്കാർ കടക്കുന്നു.
നടപടിക്രമങ്ങളിലെ കാലതാമസം മൂലം പ്രതിസന്ധിയിലായിരുന്ന ദേശീയപാത വികസന പദ്ധതിക്ക് വീണ്ടും വേഗം കൈവരികയാണെന്ന് കൊടിക്കുന്നിൽ സുരേഷ് എംപി പറഞ്ഞു. കഴിഞ്ഞ ദിവസം തിരുവനന്തപുരത്ത് പൊതുമരാമത്ത് മന്ത്രി പി.കെ. ബഷീറുമായി കൊടിക്കുന്നിൽ നടത്തിയ കൂടിക്കാഴ്ചയിലാണ് സ്ഥലമേറ്റെടുപ്പ് ഉൾപ്പെടെയുള്ള നടപടികൾ സമയബന്ധിതമായി പൂർത്തീകരിക്കുന്നതിന് ധാരണയായത്.
ദേശീയപാത വികസനത്തിനായി കേന്ദ്ര റോഡ് ഗതാഗത-ഹൈവേ മന്ത്രാലയം 1661.15 കോടി രൂപ അനുവദിച്ചിട്ടുണ്ട്. പദ്ധതിയുടെ പ്രധാന സിവിൽ നിർമാണപ്രവർത്തനങ്ങൾക്ക് 689.20 കോടി രൂപയും വൈദ്യുതി, കുടിവെള്ള പൈപ്പ് ലൈനുകൾ ഉൾപ്പെടെയുള്ള യൂട്ടിലിറ്റി സംവിധാനങ്ങൾ മാറ്റിസ്ഥാപിക്കുന്നതിന് 72.24 കോടി രൂപയും വകയിരുത്തിയിട്ടുണ്ട്. ഇവ ഉൾപ്പെടെയുള്ള സിവിൽ നിർമാണ ചെലവ് 761.45 കോടി രൂപയാണ്.
പുതിയ വിജ്ഞാപനം പ്രസിദ്ധീകരിക്കുന്നതിന് മുന്നോടിയയി പൊതുമരാമത്ത് മന്ത്രിയുടെ അധ്യക്ഷതയിൽ ഉന്നതതല സംയുക്ത യോഗം വിളിച്ചുചേർക്കും. യോഗത്തിനു പിന്നാലെ കടവൂർ മുതൽ ആഞ്ഞിലിമൂട് വരെയുള്ള 54 കിലോമീറ്റർ പാതയുടെ ഓൺസൈറ്റ് വെരിഫിക്കേഷൻ നടപടികൾ പൂർത്തിയാക്കും.
പുതിയ വിജ്ഞാപനം പ്രസിദ്ധീകരിച്ചുകഴിഞ്ഞാൽ റവന്യു ഉദ്യോഗസ്ഥരുടെ നേതൃത്വത്തിൽ സ്ഥലമേറ്റെടുപ്പിനുള്ള അതിർത്തി നിർണയവും കല്ലിടൽ നടപടിളും ആരംഭിക്കും. പുതുക്കിയ വിജ്ഞാപനം പ്രസിദ്ധീകരിച്ച് സ്ഥലമേറ്റെടുപ്പും നഷ്ടപരിഹാര വിതരണവും വേഗത്തിൽ പൂർത്തിയാക്കി നിർമാണ പ്രവർത്തനങ്ങളിലേക്ക് കടക്കുന്നതിനാവശ്യമായ തുടർ ഇടപെടലുകൾ നടത്തുമെന്നും കൊടിക്കുന്നിൽ സുരേഷ് എംപി പറഞ്ഞു.
Alappuzha
ആലപ്പുഴ: തുമ്പോളി മാതാ സീനിയർ സെക്കൻഡറി സ്കൂളിൽ നടന്ന മലങ്കരസഭ തിരുവല്ല അതിരൂപതയുടെ കീഴിലുള്ള സിബിഎസ്ഇ ഇന്‍റർ സ്കൂൾ കായികമേളയിൽ ആതിഥേയർ ഓവറോൾ ചാമ്പ്യന്മാരായി. അഡീഷണൽ പൊലിസ് സൂപ്രണ്ട് ജെ. ഉമേഷ് കുമാർ കായികമേള ഉദ്ഘാടനം ചെയ്തു. മലങ്കര തിരുവല്ല അതിരൂപതയുടെ കീഴിലുള്ള 10 സ്കൂളുകളിൽനിന്നും 59 ഇനങ്ങളിലായി 400ൽപരം വിദ്യാർഥികൾ പങ്കെടുത്ത മത്സരത്തിൽ 159 പോയിന്‍റോടെ മാതാ സ്കൂൾ ചാമ്പ്യൻപട്ടം സ്വന്തമാക്കി.
81 പോയിന്‍റോടെ മുണ്ടക്കയം സെന്റ് ജോസഫ്സ് സെൻട്രൽ സ്കൂൾ രണ്ടാം സ്ഥാനത്തും 67 പോയിന്‍റോടെ റാന്നി സെന്റ് മേരീസ് സെൻട്രൽ സ്കൂൾ മൂന്നാം സ്ഥാനത്തും എത്തി. തിരുവല്ല അതിരൂപത ചാൻസലർ ഫാ. ജോസ് മണ്ണൂർ കിഴക്കേതിൽ മുഖ്യസന്ദേശം നൽകുകയും വിജയികൾക്ക് സമ്മാനദാനം നിർവഹിക്കുകയും ചെയ്തു. സ്കൂൾ മാനേജർ ഫാ. രഞ്ജിത്ത് മഠത്തിറമ്പിൽ, പ്രിൻസിപ്പൽ വിൻസി വർഗീസ്, വൈസ് പ്രിൻസിപ്പൽ ത്രേസ്യ ചാക്കോ തുടങ്ങിയവർ പ്രസംഗിച്ചു.
Alappuzha
ആലപ്പുഴ: ജീവിതസാഹചര്യങ്ങളിലെ മാറ്റം കാരണം അർഹത നഷ്ടപ്പെട്ടിട്ടും മുൻഗണനാ വിഭാഗം റേഷൻ കാർഡുകൾ കൈവശം വച്ചിരിക്കുന്ന സർക്കാർ/അർധസർക്കാർ ജീവനക്കാർ, അധ്യാപകർ, പൊതുമേഖലാ സ്ഥാപനങ്ങളിലെ ജീവനക്കാർ/സഹകരണ സ്ഥാപനങ്ങളിലെ ജീവനക്കാർ, സർവീസ് പെൻഷൻകാർ (പാർട്ട് ടൈം ജീവനക്കാർ, താത്കാലിക ജീവനക്കാർ, ക്ലാസ് 4 തസ്തികയിൽ പെൻഷനായവർ, 5,000 രൂപയിൽ താഴെ പെൻഷൻ വാങ്ങുന്നവർ, 10,000 രൂപയിൽ താഴെ സ്വാതന്ത്ര്യസമര പെൻഷൻ വാങ്ങുന്നവർ ഒഴികെ), ആദായ നികുതി ഒടുക്കുന്നവർ, പ്രതിമാസ വരുമാനം 25,000 രൂപയ്ക്ക് മുകളിലുള്ളവർ, സ്വന്തമായി ഒരേക്കറിനുമേൽ ഭൂമിയുളളവർ (പട്ടികവർഗക്കാർ ഒഴികെ), സ്വന്തമായി ആയിരം ചതുരശ്ര അടിക്കുമേൽ വിസ്തീർണമുള്ള വീടോ ഫ്ളാറ്റോ ഉള്ളവർ, നാല് ചക്രവാഹനം സ്വന്തമായി ഉളളവർ (ഏക ഉപജീവന മാർഗമായ ടാക്സി ഒഴികെ) കുടുംബത്തിൽ ആർക്കെങ്കിലും വിദേശ ജോലിയിൽ നിന്നോ സ്വകാര്യ സ്ഥാപന ജോലിയിൽ നിന്നോ 25,000 രൂപയിൽ അധികം പ്രതിമാസ വരുമാനം ഉളളവർ എന്നിവർക്ക് ഡിസംബർ എട്ടുവരെ സ്വമേധയാ കാർഡ് തങ്ങളുടെ താലൂക്ക് സപ്ലൈ ഓഫീസിൽ സറണ്ടർ ചെയ്യണം.
പ്രസ്തുത കാലയളവിൽ സ്വമേധയാ സറണ്ടർ ചെയ്യുന്നവരിൽ നിന്നും പിഴയോ മറ്റ് ശിക്ഷാനടപടികളോ സ്വീകരിക്കുകയില്ല. വിശദവിവരങ്ങൾക്ക്- താലൂക്ക് സപ്ലൈ ഓഫീസ്, ചേര്‍ത്തല-0478 2823058, 9188527357, താലൂക്ക് സപ്ലൈ ഓഫീസ്, അമ്പലപ്പുഴ-0477 2252547, 9188527356, താലുക്ക് സപ്ലൈ ഓഫീസ്, കുട്ടനാട്-0477 2702352, 9188527355, താലുക്ക് സപ്ലൈ ഓഫീസ്, കാര്‍ത്തികപ്പള്ളി-0479-2412751, 9188527352, താലൂക്ക് സപ്ലൈ ഓഫീസ്, മാവേലിക്കര - 0479 2303231, 9188527353, താലൂക്ക് സപ്ലൈ ഓഫീസ്, ചെങ്ങന്നൂര്‍ - 0479 2452276, 9188527354.
Alappuzha
ആലപ്പുഴ: തെരുവുനായ ഭീഷണിയിൽ നഗരം. വീട്ടുവളപ്പുകളിൽ തെരുവുനായ്ക്കൾ വളർത്തുമൃഗങ്ങളെയും പക്ഷികളെയും കടിച്ചു പരിക്കേൽപ്പിക്കുകയും കൊല്ലുകയും ചെയ്യുന്നത് നഗരത്തിൽ പതിവാകുന്നു. കൂടാതെ കാറിന്‍റെ വയറിംഗ്, ഹോസുകൾ, ഇൻസുലേഷൻ, ടയർ തുടങ്ങിയവ തെരുവുനായ്ക്കൾ കടിച്ചുകീറി നശിപ്പിക്കുന്നുമുണ്ട്.
മതിൽ ചാടി എത്തുന്ന തെരുവുനായ്ക്കൾ നിർത്തിയിട്ടിരുന്ന കാറിന്‍റെ അടിയിൽ കയറി ട്യൂബുകളും വയറുകളും കടിച്ചുമുറിച്ചു നശിപ്പിച്ച് അര ലക്ഷത്തോളം രൂപയുടെ നഷ്ടമുണ്ടായ പരാതികൾ പോലും അഗണിക്കപ്പെടുകയാണുണ്ടായത്. കേടുപാടുകൾ സംഭവിച്ചത് നായയുടെ കടിമൂലമാണെന്ന് നിർണയിച്ചതിനാൽ, മാനുവലിൽ പരാമർശിച്ചിരിക്കുന്നതുപോലെ ഇത്തരത്തിലുള്ള കേടുപാടുകൾ വാഹനത്തിന്‍റെ വാറന്‍റി കവറേജിന് കീഴിൽ വരുന്നില്ല എന്നാണ് കമ്പനികളുടെ നിലപാട്.
Alappuzha
ആലപ്പുഴ: കേരളത്തിൽ പുതിയ ഇരുചക്രവാഹനം വാങ്ങുമ്പോൾ സൗജന്യമായി ലഭിക്കാൻ നിയമപ്രകാരം അർഹതയുള്ള ഹെൽമറ്റുകൾ ഉപയോക്താവ് ആവശ്യപ്പെടാതെതന്നെ വ്യാപാരികൾ കൈമാറണമെന്ന് വീലേഴ്‌സ് കേരള ആവശ്യപ്പെട്ടു.
നിർമാതാക്കൾ അല്ലെങ്കിൽ ഡീലർമാർ രണ്ട് ഐഎസ്ഐ സ്റ്റാൻഡേർഡ് ഹെൽമറ്റുകൾ, വാഹനം ഓടിക്കുന്നയാൾക്കും പുറകിലിരിക്കുന്ന യാത്രികനും ഉൾപ്പെടെ, സൗജന്യമായി നൽകണമെന്നാണ് നിയമം. സെൻട്രൽ മോട്ടോർ വെഹിക്കിൾസ് റൂൾസ് വ്യവസ്ഥകൾ പ്രകാരം ഇരുചക്രവാഹന നിർമാതാക്കൾ വാഹനം വിൽക്കുമ്പോൾ തന്നെ ഉപയോക്താക്കൾക്ക് സുരക്ഷാ മാനദണ്ഡങ്ങളുള്ള ഹെൽമെറ്റുകൾ നൽകേണ്ടതുണ്ട്.
കേരളത്തിൽ പുതിയ ഇരുചക്രവാഹനങ്ങളുടെ രജിസ്ട്രേഷൻ നടപടികൾ പൂർത്തിയാക്കണമെങ്കിൽ നിർമാതാക്കൾ സൗജന്യ ഹെൽമെറ്റ് നൽകിയിരിക്കണമെന്ന കർശന നിർദേശം സംസ്ഥാന മോട്ടോർ വാഹന വകുപ്പ് നടപ്പിലാക്കിയിട്ടുണ്ട്. കൂടാതെ റോഡിലെ സുരക്ഷ ഉറപ്പാക്കുന്നതിന്‍റെ ഭാഗമായി സുപ്രീംകോടതിയുടെ റോഡ് സുരക്ഷാ സമിതിയുടെയും മോട്ടോർ വാഹന നിയമത്തിന്‍റെയും അടിസ്ഥാനത്തിലാണ് ഇത് കർശനമാക്കിയിരിക്കുന്നത്.
വാഹനം ഡെലിവറി എടുക്കുമ്പോൾ ഐഎസ്ഐ മുദ്രയുള്ള രണ്ട് ഹെൽമെറ്റുകൾ ഡീലർമാർ സൗജന്യമായി നൽകുന്നുണ്ടെന്ന് ഉറപ്പുവരുത്തേണ്ടതാണ്. എന്നാൽ, മിക്കയിടത്തും ഇതു നടപ്പാക്കുന്നില്ലെന്ന് വീലേഴ്‌സ് കേരള കൺവീനർ ജോസഫ് ആന്റണി പറഞ്ഞു.
Alappuzha
ഹരിപ്പാട്: ജീവകാരുണ്യപ്രവർത്തകൻ ഷാജി കെ. ഡേവിഡിന്‍റെ ജീവിതാനുഭവങ്ങളും ഓർമക്കുറിപ്പുകളും ഉൾക്കൊള്ളുന്ന ‘മനഃസ്പർശം’ പുസ്തക പ്രകാശനവും സുഹൃദ് സംഗമവും ഇന്ന് നാലിന് ഡാണാപടി നാരകത്തറ ചോയിസ് പ്ലാസയിൽ നടക്കുമെന്ന് ഭാരവാഹികൾ വാർത്താസമ്മേളനത്തിൽ അറിയിച്ചു.
എച്ച് ആൻഡ് സി പബ്ലിക്കേഷൻസാണ് പ്രസാധകർ. സമ്മേളനം മന്ത്രി രമേശ് ചെന്നിത്തല ഉദ്ഘാടനം ചെയ്യും. എ.എം. ആരിഫ് അധ്യക്ഷത വഹിക്കും. ഡോ. ജോഷ്വാ മാർ ഇഗ്നാത്തിയോസ് മുഖ്യാതിഥിയായിരിക്കും. സി.ആർ. മഹേഷ് എംഎൽഎ പുസ്തകം പരിചയപ്പെടുത്തും. പത്മശ്രീ മട്ടന്നൂർ ശങ്കരൻകുട്ടിമാരാർ ഗാനരചയിതാവ് രാജീവ് ആലുങ്കലിന് നൽകി പുസ്തകത്തിന്‍റെ പ്രകാശനം നിർവഹിക്കും. പ്രഫ.ആർ. അജിതത്ത് സ്വാഗതം ആശംസിക്കും.
‘മനഃസ്പർശം’ പുസ്തകം വിറ്റുകിട്ടുന്ന മുഴുവൻ തുകയും രോഗികളായ മാതാപിതാക്കളും രണ്ടു പെൺകുട്ടികളുമടങ്ങുന്ന നിർധന കുടുംബത്തിന് വീട് നിർമിച്ചു നൽകാൻ വിനിയോഗിക്കും. വാർത്താസമ്മേളനത്തിൽ ഷാജി കെ. ഡേവിഡ്, രാമചന്ദ്രൻ മംഗലം, ജോമോൻ മുതുകുളം, ജോസ് മുതുകുളം, റിയാസ് മോൻ, നിതിൻ കാർത്തികപ്പള്ളി, ആർ. രാജേ
Alappuzha
ഹരിപ്പാട്: അഞ്ചരവർഷത്തെ നീണ്ട ഇടവേളയ്ക്കുശേഷം കായംകുളം എൻടിപിസി ഗ്യാസ് ടർബൈൻ-രണ്ട് വൈദ്യുതി ഗ്രിഡുമായി വിജയകരമായി സമന്വയിപ്പിച്ചു. ഇതോടൊപ്പം, മെഥനോൾ ഇന്ധനമാക്കി നടത്തിയ വൈദ്യുതി ഉത്പാദന പരീക്ഷണവും വിജയകരമായി പൂർത്തിയാക്കി.
രാജ്യത്തെ ഊർജമേഖലയിൽ പുതിയ സംരംഭങ്ങൾക്ക് വഴിതുറക്കുന്ന സുപ്രധാന ചരിത്രനേട്ടമായാണ് ഈ വിജയം വിലയിരുത്തപ്പെടുന്നത്.
പരമാവധി 40 മെഗാവാട്ട്
ഹൈ സ്പീഡ് ഡീസൽ ഉപയോഗിച്ചുള്ള പ്രാരംഭ ഫയറിംഗിനുശേഷമാണ് ടർബൈന്‍റെ പ്രവർത്തനം മെഥനോളിലേക്ക് സുഗമമായി മാറ്റിയത്. തുടർന്ന് ഏകദേശം മൂന്നരമണിക്കൂറോളം മെഥനോൾ ഉപയോഗിച്ച് ടർബൈൻ പ്രവർത്തിപ്പിക്കുകയും പരമാവധി 40 മെഗാവാട്ട് വൈദ്യുതി ഉത്പാദനശേഷി വിജയകരമായി കൈവരിക്കുകയും ചെയ്തു.
ആകെ 360 മെഗാവാട്ട് ഉത്പാദനശേഷിയുള്ള നിലയത്തിലെ ഒരു യൂണിറ്റിലാണ് ഇപ്പോൾ പരീക്ഷണം നടത്തിയത്. മെഥനോൾ ഉപയോഗിച്ചുള്ള വൈദ്യുതി ഉത്പാദനത്തിന്‍റെ സാങ്കേതിക സാധ്യതയും പ്രായോഗികതയും ഈ പരീക്ഷണത്തിലൂടെ വിജയകരമായി തെളിയിക്കപ്പെട്ടു.
അടഞ്ഞുകിടന്നിട്ടും മികച്ച പരിപാലനം
നാഫ്തയുടെ ഉയർന്ന വില കാരണം ഉത്പാദനച്ചെലവ് ക്രമാതീതമായി ഉയർന്നതിനെത്തുടർന്ന് 2021 മാർച്ച് 31നാണ് നിലയത്തിന്‍റെ പ്രവർത്തനം പൂർണമായി നിർത്തിവച്ചത്. അഞ്ചു വർഷത്തിലധികം കാലം പ്രവർത്തനരഹിതമായി തുടർന്നിട്ടും യൂണിറ്റിന്‍റെ പ്രവർത്തനക്ഷമതയും യന്ത്രസാമഗ്രികളുടെ ആരോഗ്യസ്ഥിതിയും മികച്ച രീതിയിൽ സംരക്ഷിക്കാൻ കഴിഞ്ഞത് എൻടിപിസിയിലെ ജീവനക്കാരുടെയും എൻജിനിയർമാരുടെയും അർപ്പണബോധത്തിന്‍റെയും സാങ്കേതിക മികവിന്‍റെയും ഉത്തമ ഉദാഹരണമാണ്.
തുറക്കുന്നത് ഹരിത ഭാവി
സുസ്ഥിരവും പരിസ്ഥിതി സൗഹൃദവുമായ വൈദ്യുതി ഉത്പാദനത്തിലേക്കുള്ള നിർണായക ചുവടുവയ്പ്പാണിത്. നാഫ്തയെ അപേക്ഷിച്ച് സൾഫർ ഡയോക്സൈഡ്, കാർബൺ ഡയോക്സൈഡ് എന്നിവയുടെ പുറന്തള്ളൽ വളരെ കുറവായതിനാൽ അന്തരീക്ഷ മലിനീകരണം ഗണ്യമായി കുറഞ്ഞ ശുദ്ധമായ ഊർജമാണ് മെഥനോളിലൂടെ ലഭിക്കുന്നത്. കൂടാതെ, നഗര ഖരമാലിന്യങ്ങളിൽനിന്ന് ശാസ്ത്രീയമായി മെഥനോൾ ഉത്പാദിപ്പിക്കാനുള്ള സാധ്യതയുള്ളതിനാൽ ശുദ്ധമായ ഊർജോത്പാദനത്തിനൊപ്പം സംസ്ഥാനത്തെ മാലിന്യസംസ്കരണത്തിനും പുതിയ വാതിലുകൾ തുറക്കാൻ ഈ സാങ്കേതികവിദ്യയ്ക്ക് കഴിയും.
നിലയത്തിലെ താപവൈദ്യുതി ഉത്പാദനം നിലച്ചിരുന്നെങ്കിലും കായലിൽ സ്ഥാപിച്ചിട്ടുള്ള ഫ്ലോട്ടിംഗ് സോളാർ പ്ലാന്‍റിൽനിന്ന് നിലവിൽ 92 മെഗാവാട്ട് സൗരോർജം സംസ്ഥാനത്തിന് ലഭ്യമാക്കുന്നുണ്ട്.
പുതിയ മെഥനോൾ പദ്ധതി വാണിജ്യാടിസ്ഥാനത്തിൽ പൂർണതോതിൽ നടപ്പാക്കുന്നതിന് വൈദ്യുതി വാങ്ങൽ കരാർ ഉൾപ്പെടെയുള്ള കാര്യങ്ങളിൽ എൻടിപിസി മാനേജ്മെന്റും അന്തിമ തീരുമാനമുണ്ടാകൂ. എൻടിപിസി കായംകുളം പ്രോജക്ട് മേധാവി അസുതോഷ് ബിശ്വാസിന്‍റെ നേതൃത്വത്തിൽ നിലയത്തിലെ ജീവനക്കാർ, എൻജിനിയർമാർ, സാങ്കേതിക വിദഗ്ധർ, എൻടിപിസിയുടെ വിവിധ നിലയങ്ങളിൽനിന്നും യൂണിറ്റുകളിൽനിന്നുമെത്തിയ വിദഗ്ധർ എന്നിവരുടെ കൂട്ടായ പരിശ്രമത്തിന്‍റെ ഫലമായാണ് ഈ ചരിത്രനേട്ടം യാഥാർഥ്യമായത്.
Kottayam
തൊടുപുഴ: മൂവാറ്റുപുഴ-തേനി സംസ്ഥാന പാതയില്‍ കൈയേറ്റമൊഴിപ്പിക്കലിന്‍റെ ഭാഗമായി അഞ്ചു വീടുകള്‍ പൂര്‍ണമായും പൊളിച്ചുനീക്കി. കുമാരമംഗലം വില്ലേജിലെ ഈസ്റ്റ് കലൂര്‍ മേനോന്‍പടി മുതല്‍ വാഴക്കാലാ തോടുവരെയുള്ള ഭാഗങ്ങളിലെ കൈയേറ്റങ്ങളാണ് രണ്ടു ദിവസങ്ങളിലായി ഒഴിപ്പിച്ചത്.
ഇന്നലെ നാലു വീടുകള്‍ ജെസിബി ഉപയോഗിച്ച് പൂര്‍ണമായി പൊളിച്ചുനീക്കി. ഇവിടെ താമസിച്ചിരുന്നവരെ പഞ്ചായത്ത് അധികൃതരുടെ നേതൃത്വത്തില്‍ വാടകവീടുകളിലേക്കും മറ്റും മാറ്റിയിട്ടുണ്ട്. എന്നാല്‍, ഈസ്റ്റ് കലൂര്‍ ഭാഗത്ത് ഏതാനും വീട്ടുകാരെ ഒഴിപ്പിക്കാനുള്ള ശ്രമത്തിനിടെ പ്രതിഷേധമുയര്‍ന്നതിനാല്‍ ഇവിടെ നടപടികള്‍ പൂര്‍ത്തിയാക്കാനായില്ല.
ഈസ്റ്റ് കലൂര്‍ അങ്കണവാടിക്ക് സമീപത്തെ മൂന്നു വീടുകള്‍ ഒഴിപ്പിക്കാനുള്ള അധികൃതരുടെ ശ്രമമാണ് വീട്ടുകാരും നാട്ടുകാരും പൊതുപ്രവര്‍ത്തകരും ചേര്‍ന്ന് തടഞ്ഞത്. 10 മുതല്‍ 25 സെന്‍റുവരെ സ്ഥലമുള്ള മൂന്നു വീട്ടുകാരുടെ വീട് ഉള്‍പ്പടെ ഏറ്റെടുക്കാനുള്ള നീക്കമാണ് തടഞ്ഞത്. മൂന്നു പതിറ്റാണ്ട് മുന്പ് തീറാധാരം ചെയ്ത് വാങ്ങിയ സ്ഥലം വില്ലേജില്‍ കരം കെട്ടുന്നുണ്ടെന്ന് വീട്ടുകാര്‍ പറഞ്ഞു. ഇതിന്റെ രേഖകള്‍ റവന്യു അധികാരികളെ കാണിച്ചു.
2013ല് ഹൈക്കോടതി ഉത്തരവ് പ്രകാരം താലൂക്കിലെ ലിത്തോ മാപ്പ് പ്രകാരം ഇവരുടെ കൈവശമുള്ള സ്ഥലത്തില്‍നിന്ന് മൂന്നു മുതല്‍ അഞ്ച് സെന്റ് സ്ഥലം അളന്നുതിരിച്ച് റോഡിനായി മണ്ണെടുത്ത് മാറ്റിയിരുന്നു.
രണ്ട് മാസം മുന്പ് സാറ്റലൈറ്റ് സര്‍വേ പ്രകാരം ഈ മൂന്ന് വീടുകളുടെയും അടുത്ത് മണ്ണെടുത്ത ഭാഗത്ത് കല്ലിട്ട് പോയിരുന്നു. എന്നാല്‍ കഴിഞ്ഞ ദിവസമാണ് റീസര്‍വേ പ്രകാരം സ്ഥലം എടുക്കണമെന്ന കോടതി ഉത്തരവിന്‍റെ പേരില്‍ ഇന്നലെ ഇവരെ ഒഴിപ്പിക്കാന്‍ അധികൃതര്‍ എത്തിയത്.
Kottayam
കടുത്തുരുത്തി: ഓഫീസ് സമയത്ത് ട്രെയിന്‍ വേണം. മെമു പ്രഖ്യാപനത്തില്‍ പ്രതീക്ഷയോടെ കാത്തിരുന്ന യാത്രക്കാര്‍ക്ക് നിരാശ. വൈകുന്നേരം 5.25ന് തന്നെ പുതിയ ട്രെയിന്‍ അനുവദിക്കണമെന്ന് യാത്രക്കാര്‍. ബംഗളൂരു-എറണാകുളം ഇന്‍റര്‍സിറ്റി റേക്കുപയോഗിച്ച് അധിക പാസഞ്ചര്‍ സര്‍വീസ് നടത്താന്‍ കഴിയുമോയെന്ന് പരിശോധിക്കണമെന്നും ഇതിനായി എംപിയും ജനപ്രതിനിധികളും ഇടപെടണമെന്നും യാത്രക്കാര്‍ ആവശ്യപ്പെട്ടു.
കോട്ടയം-എറണാകുളം റെയില്‍പാതയിലെ കാഞ്ഞിരമറ്റം, മുളന്തുരുത്തി, കുറുപ്പന്തറ തുടങ്ങിയ സ്റ്റേഷനുകളിലെ യാത്രക്കാര്‍ക്ക് ആശ്വാസമാകുമെന്ന് പ്രതീക്ഷിച്ച പുതിയ മെമു സര്‍വീസ് മരവിപ്പിച്ച തീരുമാനം യാത്രക്കാരില്‍ കടുത്ത നിരാശയുണ്ടാക്കിയിരിക്കുകയാണ്.
കൊല്ലം-കോട്ടയം മെമു എറണാകുളത്തേക്ക് നീട്ടാനുള്ള തീരുമാനം താത്കാലികമായി മരവിപ്പിച്ചതുമായി ബന്ധപ്പെട്ട ചര്‍ച്ചകള്‍ക്കിടയിലും ഈ മേഖലയിലെ യാത്രക്കാരുടെ പ്രധാന ആവശ്യമായ അധിക ട്രെയിന്‍ സര്‍വീസ് പരിഹരിക്കപ്പെട്ടിട്ടില്ല. ഉച്ചയ്ക്ക് 1.35നു ശേഷം വൈകുന്നേരം 6.15നുള്ള അടുത്ത സര്‍വീസ് വരെ നാല് മണിക്കൂര്‍ 40 മിനിറ്റ് നീളുന്ന ട്രെയിന്‍ ഇടവേളയാണ് ഈ മേഖലയിലെ യാത്രക്കാര്‍ നേരിടുന്നത്.
ഓഫിസ് ജീവനക്കാര്‍ക്കും വിദ്യാര്‍ഥികള്‍ക്കും സ്ഥിരം യാത്രക്കാര്‍ക്കും വലിയ ബുദ്ധിമുട്ടാണ് ഈ സമയക്രമം സൃഷ്ടിക്കുന്നത്. പ്രത്യേകിച്ച് വൈകുന്നേരം അഞ്ചിന് ഓഫീസ് സമയം കഴിയുന്ന ജീവനക്കാര്‍ക്ക് 5.25ന് ഒരു ട്രെയിന്‍ ലഭിച്ചാല്‍ ഏറെ പ്രയോജനകരമാകും. എന്നാല്‍ ആ സമയത്ത് സര്‍വീസ് ഇല്ലാത്തതിനാല്‍ 6.15ന്റെ ട്രെയിനിനായി ഏകദേശം ഒരു മണിക്കൂര്‍ 15 മിനിറ്റ് അധികം കാത്തിരിക്കേണ്ടി വരും.
അതിനാല്‍ നേരത്തെ നിര്‍ദേശിച്ച 5.25ന്റെ സമയക്രമത്തില്‍ പുതിയ ട്രെയിന്‍ അനുവദിക്കണമെന്നാണ് യാത്രക്കാരുടെ ആവശ്യം. ബംഗളൂരു-എറണാകുളം ഇന്‍റര്‍സിറ്റി റേക്ക് ഉപയോഗിച്ച് ബദല്‍ സര്‍വീസ് നടത്തിക്കൂടേയെന്നാണ് യാത്രക്കാര്‍ ചോദിക്കുന്നത്. പുതിയ റേക്ക് അനുവദിക്കുന്നതിനു പുറമേ നിലവിലുള്ള ട്രെയിന്‍ റേക്കുകള്‍ ഫലപ്രദമായി ഉപയോഗിച്ച് ഈ പ്രശ്നത്തിന് പരിഹാരം കാണാമെന്ന നിര്‍ദേശവും യാത്രക്കാര്‍ മുന്നോട്ടുവയ്ക്കുന്നു.
ബംഗളൂരു-എറണാകുളം ഇന്‍റര്‍സിറ്റി ട്രെയിന്‍ എറണാകുളത്ത് എത്തിച്ചേർന്നതിനു ശേഷം അടുത്ത സര്‍വീസിനായി ഏകദേശം 16 മണിക്കൂറോളം ഇടവേളയുള്ളതിനാല്‍, ഈ സമയത്തിന്‍റെ ഒരു ഭാഗം പ്രയോജനപ്പെടുത്തി കോട്ടയം-എറണാകുളം റൂട്ടില്‍ അധിക പാസഞ്ചര്‍ സര്‍വീസ് നടത്താനുള്ള സാധ്യത റെയില്‍വേ പരിശോധിക്കണമെന്നും ആവശ്യമുയരുന്നു.
നിലവിലുള്ള കാരക്കല്‍-എറണാകുളം എക്സ്പ്രസ് റേക്ക് ഉപയോഗിച്ചു കോട്ടയം-എറണാകുളം റൂട്ടില്‍ പാസഞ്ചര്‍ സര്‍വീസ് ക്രമീകരിക്കുന്ന രീതിക്ക് സമാനമായി, ബംഗളൂരു-എറണാകുളം ഇന്‍റര്‍സിറ്റി റേക്കും ആവശ്യമായ സമയക്രമം മാറ്റങ്ങളോടെ പ്രയോജനപ്പെടുത്താനാകുമോയെന്നും പരിശോധിക്കാവുന്നതാണ്.
കോട്ടയം ജില്ലയിലൂടെ കടന്നുപോകുന്ന പ്രധാന റെയില്‍പാതയിലെ യാത്രക്കാര്‍ ഇത്രയധികം ബുദ്ധിമുട്ടുകള്‍ നേരിടുമ്പോഴും ജനപ്രതിനിധികളുടെ ഭാഗത്തുനിന്ന് ശക്തമായ ഇടപെടല്‍ ഉണ്ടാകുന്നില്ലെന്ന വിമര്‍ശനം യാത്രക്കാര്‍ക്കുണ്ട്.
Kottayam
മാന്നാനം: സെന്റ് ജോസഫ് ആശ്രമം പള്ളിയിൽ കടലുണ്ടി ഏൽ റൂഹ ധ്യാനകേന്ദ്രം ഡയറക്ടർ ഫാ. റാഫേൽ കോക്കാടൻ സിഎംഐ നയിക്കുന്ന ബൈബിൾ കൺവൻഷൻ 18ന് തുടങ്ങും. 22ന് കൺവൻഷൻ സമാപിക്കും. 18 ന് വൈകുന്നേരം 5.45ന് ചങ്ങനാശേരി ആര്ച്ച്ബിഷപ് മാർ തോമസ് തറയിൽ കൺവൻഷൻ ഉദ്ഘാടനം ചെയ്യും.
വൈകുന്നേരം നാലിന് ജപമാല. തുടർന്ന് സിഎംഐ തിരുവനന്തപുരം പ്രൊവിൻഷ്യൽ ഫാ. ടോമി കാട്ടാമ്പള്ളിയുടെ മുഖ്യ കാർമികത്വത്തിൽ വിശുദ്ധ കുർബാന. ഉദ്ഘാടനത്തെ തുടർന്ന് ആറിന് വചന പ്രഘോഷണം, ആരാധന എന്നിവ നടക്കും.
തുടർന്നുള്ള ദിവസങ്ങളിൽ വൈകുന്നേരം നാലിന് ജപമാല, 4.30ന് വിശുദ്ധ കുർബാന, 5.45ന് വചന പ്രഘോഷണം, ആരാധന എന്നിവ നടക്കും. രാത്രി ഒമ്പതിന് സമാപിക്കും. സിഎംഐ സഭയുടെ വികാരി ജനറാൾ ഫാ. ബെന്നി നൽക്കര, വില്ലൂന്നി സെന്റ് സേവ്യേഴ്സ് പള്ളി വികാരി ഫാ. ഫിലിപ്പ് തയ്യിൽ, അതിരമ്പുഴ സെന്റ് മേരീസ് ഫൊറോനാ പള്ളി വികാരി ഫാ. മാത്യു പടിഞ്ഞാറേക്കുറ്റ്, ബംഗളൂരു ക്രൈസ്റ്റ് യൂണിവേഴ്സിറ്റി ചീഫ് ഫിനാൻസ് ഓഫീസർ ഫാ. വർഗീസ് കേളംപറമ്പിൽ സിഎംഐ എന്നിവർ ഈ ദിവസങ്ങളിൽ വിശുദ്ധ കുർബാനയിൽ മുഖ്യ കാർമികത്വം വഹിക്കും.
കൺവൻഷൻ ദിവസങ്ങളിൽ രാവിലെ ഒമ്പതുമുതൽ ഉച്ചകഴിഞ്ഞ് മൂന്നുവരെ സ്പിരിച്വൽ ഷെയറിംഗിനും പത്തുമുതൽ മൂന്നുവരെ കുമ്പസാരത്തിനും സൗകര്യമുണ്ടാകുമെന്ന് പ്രിയോർ ഫാ. ജോസഫ് വട്ടപ്പറമ്പിൽ സിഎംഐ അറിയിച്ചു. രോഗികൾക്കും പ്രായമായവർക്കും പന്തലിൽ പ്രത്യേക ഇരിപ്പിടങ്ങൾ ഒരുക്കിയിട്ടുണ്ട്.
മാന്നാനത്തുനിന്നും അതിരമ്പുഴ വഴി ഏറ്റുമാനൂർ, അമ്മഞ്ചേരി വഴി കാരിത്താസ്, മെഡിക്കൽ കോളജ് വഴി കോട്ടയം, കുടമാളൂർ വഴി കോട്ടയം, വില്ലൂന്നി വഴി കരിപ്പൂത്തട്ട് എന്നിവിടങ്ങളിലേക്ക് വാഹന സൗകര്യമുണ്ടാകും.
Kottayam
കോട്ടയം: വ്യാജ മെയില്‍ ട്രാന്‍സ്ഫര്‍ ഫോമുകളും റേഷന്‍ കാര്‍ഡും ഉപയോഗിച്ചു കോട്ടയം ജില്ലാ സഹകരണ ബാങ്കിന്‍റെ പ്രധാന ശാഖയില്‍നിന്ന് 4.50 ലക്ഷം രൂപ തട്ടിയെടുത്ത കേസില്‍ ഒന്നും രണ്ടും പ്രതികള്‍ക്ക് രണ്ടു വര്‍ഷം വീതം തടവും പിഴയും ശിക്ഷ വിധിച്ചു. കോട്ടയം അഡീഷണല്‍ ഡിസ്ട്രിക്ട് ആന്‍ഡ് സെഷന്‍സ് കോടതി ജഡ്ജി എം.സി. സനിതയാണ് ശിക്ഷ വിധിച്ചത്.
കോട്ടയം വെസ്റ്റ് പൊലിസ് രജിസ്റ്റര്‍ ചെയ്ത കേസിന്‍റെ തുടരന്വേഷണം ക്രൈംബ്രാഞ്ച് കോട്ടയം യൂണിറ്റ് ഏറ്റെടുത്ത് അന്വേഷണം പൂര്‍ത്തിയാക്കി കുറ്റപത്രം സമര്‍പ്പിക്കുകയായിരുന്നു. തൊടുപുഴ ഇടിവെട്ടി മലേപ്പറമ്പില്‍ ഇസ്മായില്‍ ഒന്നാം പ്രതിയും കോടിക്കുളം തങ്ങേല്‍ രാമകൃഷ്ണന്‍ രണ്ടാം പ്രതിയുമായ കേസിലാണ് ഇരുവരെയും കോടതി കുറ്റക്കാരായി കണ്ടെത്തി ശിക്ഷിച്ചത്.
കോട്ടയം ജില്ലാ സഹകരണ ബാങ്കില്‍നിന്ന് വ്യാജരേഖകള്‍ ഉപയോഗിച്ച് പണം തട്ടിയെടുക്കാന്‍ പ്രതികള്‍ ഗൂഢാലോചന നടത്തിയെന്നാണ് പ്രോസിക്യൂഷന് കേസ്.
ഇസ്മത് എന്നയാളുടെ പേരില്‍ വ്യാജമായി തയാറാക്കിയ രണ്ട് മെയില്‍ ട്രാന്‍സ്ഫര്‍ ഫോമുകളും വ്യാജ റേഷന്‍ കാര്‍ഡിന്‍റെ പകര്‍പ്പും ഉപയോഗിച്ച് പ്രതികള്‍ ബാങ്കിന്‍റെ മെയിന്‍ ബ്രാഞ്ചില്‍ പുതിയ സേവിംഗ്സ് ബാങ്ക് അക്കൗണ്ട് തുറക്കുകയായിരുന്നു.
2002 ഡിസംബര്‍ 24നു വ്യാജരേഖകള്‍ ഹാജരാക്കി ബാങ്ക് അധികൃതരെ തെറ്റിദ്ധരിപ്പിച്ച് അക്കൗണ്ടിലേക്ക് 3,75,000 രൂപ മാറ്റിയെടുത്തു. ഇതില്‍ 1,75,000 രൂപ ഫിക്‌സഡ് ഡെപ്പോസിറ്റായി നിക്ഷേപിക്കുകയും ബാക്കി തുക ചെക്കുകള്‍ മുഖേന പിന്‍വലിക്കുകയും ചെയ്തു.
തുടര്‍ന്ന് 2003 ജനുവരി 20നു മറ്റൊരു വ്യാജ മെയില്‍ ട്രാന്‍സ്ഫര്‍ ഫോം ഹാജരാക്കി 2,50,000 രൂപ കൂടി ഇതേ അക്കൗണ്ടിലേക്കു മാറ്റി അന്നുതന്നെ ചെക്ക് മുഖേന പിന്‍വലിച്ചു. പിന്നീട് 2003 ഫെബ്രുവരി 15ന് ഫിക്‌സഡ് ഡെപ്പോസിറ്റ് അവസാനിപ്പിച്ച് ഒരു ലക്ഷം രൂപകൂടി പിന്‍വലിക്കാനും ശ്രമിച്ചു. ഇത്തരത്തില്‍ ആകെ 4,50,000 രൂപ ബാങ്കിന് നഷ്ടമുണ്ടാക്കിയതായാണ് കേസ്.
ഒന്നും രണ്ടും പ്രതികള്‍ക്ക് ഓരോ കുറ്റത്തിനും രണ്ടു വര്‍ഷം വീതം ലളിതതടവും യഥാക്രമം 2,25,000 രൂപയും 5,000 രൂപയും വീതം പിഴയുമാണ് വിധിച്ചത്. എല്ലാ തടവുശിക്ഷകളും ഒരുമിച്ച് അനുഭവിച്ചാല്‍ മതിയാകും. ആകെ പിഴത്തുകയായ 4,50,000 രൂപ യഥാര്‍ഥ പരാതിക്കാരന് നഷ്ടപരിഹാരമായി നല്‍കാനും കോടതി ഉത്തരവിട്ടു.
ഒന്നാം പ്രതി ഇതിനകം അനുഭവിച്ച 28 ദിവസത്തെയും രണ്ടാം പ്രതി അനുഭവിച്ച 41 ദിവസത്തെയും തടവുകാലം ശിക്ഷയില്‍ ഇളവായി അനുവദിച്ചിട്ടുണ്ട്.
കോട്ടയം ക്രൈംബ്രാഞ്ച് യൂണിറ്റ് ഇന്സ്പെക്ടര്മാരായ ഉല്ലാസ് കുമാര്‍, വി.ഐ. പൗലോസ്, സോണി ഉമ്മന്‍കോശി, കെ.എ. രമേശന്‍, വി.എസ്. അനില്‍കുമാര്‍, ഡിവൈഎസ്പി ടി.എന്‍. വിനോദ് കുമാര്‍ എന്നിവര്‍ അന്വേഷണം നടത്തി കുറ്റപത്രം സമര്‍പ്പിച്ച കേസില്‍ പ്രോസിക്യൂഷനുവേണ്ടി പി. വിനോദ്ജി ഹാജരായി.
Kottayam
എരുമേലി: പേട്ടക്കവലയിലെ അയ്യപ്പ ശിൽപത്തിനും വലിയമ്പലത്തിലെ ഗോപുരശിൽപങ്ങൾക്കും നിറച്ചാർത്തൊരുക്കുന്നത് ചുണ്ടില്ലാമറ്റം സന്തോഷിന്‍റെ കരവിരുത്. 25 വർഷമായി മണികണ്ഠന്‍റെ ശിൽപത്തിന് ഛായം പകരുന്ന സന്തോഷ്, ഓരോ ശബരിമല തീർഥാടന കാലത്തും ഈ സേവനം തുടരുകയാണ്.
പേട്ടക്കവലയിലെ കൊച്ചമ്പല ഗോപുരത്തിനു മുകളിലുള്ള പുലിപ്പുറത്തേറിയ
അയ്യപ്പശിൽപത്തിനും വലിയമ്പലത്തിലെ അയ്യപ്പൻ, ഗണപതി, മുരുകൻ, ദ്വാരപാലകർ, മോഹിനിമാർ എന്നിവരുടെ ശിൽപങ്ങൾക്കും സന്തോഷാണ് നിറം നൽകുന്നത്.
പ്രതിഫലം നോക്കാതെ അയ്യപ്പസേവനമായി ഈ ജോലി തുടരുന്ന സന്തോഷ്, മരണംവരെ ഈ ദൗത്യം നിലനിർത്തണമെന്ന ആഗ്രഹത്തിലാണ്. 35 രൂപ ദിവസക്കൂലിക്കാണ് ക്ഷേത്രത്തിലെ പെയിന്‍റിംഗ് ജോലി ആരംഭിച്ചത്.
എഴുത്തുകാരനും കവിയും മാനിഷാദാ മാസികയുടെ എഡിറ്ററുമായ സന്തോഷ് സ്വാമി നിത്യചൈതന്യ യതിയുടെ സഹായിയായും വർഷങ്ങളോളം പ്രവർത്തിച്ചിട്ടുണ്ട്. നിരവധി കവിതകളും കഥകളും ലേഖനങ്ങളും രചിച്ചിട്ടുണ്ട്. ഭാര്യ: നിഷ. മക്കൾ: നിരഞ്ജൻ, നിലാചന്ദന.
Kottayam
കാഞ്ഞിരപ്പള്ളി: പൈക ജ്യോതി പബ്ലിക് സ്‌കൂളില്‍ നടന്ന 22-ാമത് കോട്ടയം സഹോദയ വോളിബോള്‍ ടൂര്‍ണമെന്‍റിൽ അണ്ടര്‍-19 ആണ്‍കുട്ടികളുടെ വിഭാഗത്തില്‍ കുന്നുംഭാഗം സെന്റ് ജോസഫ് പബ്ലിക് സ്‌കൂള്‍ ജേതാക്കളായി.
ലീഗ് അടിസ്ഥാനത്തില്‍ നടന്ന എല്ലാ മത്സരങ്ങളിലും ജയിച്ചാണ് സെന്റ് ജോസഫ് പബ്ലിക് സ്‌കൂളിന്‍റെ ട്രോഫി നേട്ടം. ഫൈനലിൽ സെന്റ് ആന്‍റണീസ് പബ്ലിക് സ്കൂളിനെ (25-11, 25-9) സെന്റ് ജോസഫ് പബ്ലിക് സ്‌കൂള്‍ കീഴടക്കി. കെ.എസ്. അനുദേവ് മികച്ച താരമായി തെരഞ്ഞെടുക്കപ്പെട്ടു. സ്കൂൾ മാനേജ്മെന്റും പിടിഎയും വിജയികളെ ആദരിച്ചു.
Kottayam
ചങ്ങനാശേരി: എസ്ബി കോളജില്‍ പ്രൊഫഷണല് പെറ്റ് ഗ്രൂമിംഗ് ആന്‍ഡ് കനൈന്‍ കെയര്‍ സര്‍ട്ടിഫിക്കറ്റ് കോഴ്സിന് തുടക്കമായി. തൊഴില്‍ നൈപുണ്യ വികസനം, പ്രായോഗിക പരിശീലനം, സംരംഭകത്വ പ്രോത്സാഹനം എന്നിവ ലക്ഷ്യമിട്ട് കോളജിലെ സുവോളജി വിഭാഗത്തിന്‍റെ നേതൃത്വത്തില്‍ ആരംഭിച്ച ബെര്‍ക്മാന്‍സ് ലൈഫ് സയന്‍സ് ഹബ്ബിലാണ് കോഴ്സ് സംഘടിപ്പിക്കുന്നത്. കോളജ് പ്രിന്‍സിപ്പല്‍ ഫാ. ഡോ. റ്റെഡി കാഞ്ഞൂപ്പറമ്പില്‍ ഉദ്ഘാടനം നിര്‍വഹിച്ചു.
വളര്‍ത്തുമൃഗങ്ങളുടെ പരിപാലനത്തിലും പ്രത്യേകിച്ച് നായ്ക്കളുടെ ഗ്രൂമിംഗ്, ആരോഗ്യസംരക്ഷണം തുടങ്ങിയ മേഖലകളിലും വര്‍ധിച്ചുവരുന്ന തൊഴില്‍സാധ്യതകള്‍ പരിഗണിച്ചാണ് കോഴ്സ് രൂപകല്‍പ്പന ചെയ്തിരിക്കുന്നത്. നായ്ക്കളുടെ അടിസ്ഥാന ശരീരഘടനയും പെരുമാറ്റരീതികളും, വിവിധ ഇനങ്ങളുടെ പ്രത്യേകതകൾ, അടിസ്ഥാന ഗ്രൂമിംഗ് രീതികൾ, സുരക്ഷിതമായ മൃഗപരിപാലനം, പോഷണം തുടങ്ങിയ മേഖലകളില്‍ പരിശീലനം നല്കും. പഠനത്തോടൊപ്പം നേരിട്ടുള്ള പ്രായോഗിക പരിശീലനത്തിനും കോഴ്സില്‍ പ്രത്യേക പ്രാധാന്യമുണ്ട്. ഗ്രൂമിംഗ് ഉപകരണങ്ങളുടെ ശരിയായ ഉപയോഗം, മൃഗങ്ങളെ സുരക്ഷിതമായി കൈകാര്യം ചെയ്യൽ, വിവിധ ഇനങ്ങളിലുള്ള നായ്ക്കള്‍ക്ക് അനുയോജ്യമായ ഗ്രൂമിംഗ് രീതികള്‍ തുടങ്ങിയ മേഖലകളില്‍ പരിശീലനം ലഭിക്കും.
പെറ്റ് ഗ്രൂമിംഗ് മേഖലയില്‍ സ്വയംതൊഴില്‍ ആരംഭിക്കാനും പെറ്റ് ഗ്രൂമിംഗ് സലൂണുകൾ, പെറ്റ് കെയര്‍ സ്ഥാപനങ്ങള്‍ തുടങ്ങിയ മേഖലകളില്‍ തൊഴില്‍ കണ്ടെത്താനും ആവശ്യമായ അടിസ്ഥാന നൈപുണ്യങ്ങള്‍ വികസിപ്പിക്കുക എന്നതാണ് രണ്ടുമാസം ദൈര്‍ഘ്യമുള്ള ഈ സര്‍ട്ടിഫിക്കറ്റ് കോഴ്സിന്‍റെ പ്രധാന ലക്ഷ്യം.
ബിരുദമോ പ്രത്യേക ശാസ്ത്രവിഷയ പശ്ചാത്തലമോ നിര്‍ബന്ധമാക്കാതെ താത്പര്യവും പഠിക്കാനുള്ള സന്നദ്ധതയുമുള്ളവര്‍ക്ക് പ്രവേശനം നേടാം. പരിശീലനം വിജയകരമായി പൂര്‍ത്തിയാക്കുന്നവര്‍ക്ക് കോളജിന്‍റെ സര്‍ട്ടിഫിക്കറ്റ്. നല്കും.
ബെര്‍ക്മാന്‍സ് ലൈഫ് സയന്‍സ് ഹബ്ബിലൂടെ വിവിധ മേഖലകളില്‍ കൂടുതല്‍ ഹ്രസ്വകാല തൊഴില്‍പരിശീലന കോഴ്സുകള് ആരംഭിക്കാനും ലക്ഷ്യമിടുന്നു. അക്കാദമിക പഠനത്തെ തൊഴില്‍ നൈപുണ്യവുമായും സംരംഭകത്വവുമായും ബന്ധിപ്പിക്കുന്നതിനുള്ള കോളജിന്‍റെ പുതിയ ചുവടുവയ്പ്പാണിത്.
Kottayam
ചങ്ങനാശേരി: കെഎസ്ആര്‍ടിസി ബസ് സ്റ്റാന്‍ഡ് റോഡ് നിരപ്പിലെത്തിക്കാൻ 70ലക്ഷത്തിന്‍റെ പദ്ധതി. വിനു ജോബ് എംഎല്‍എയുടെ ആസ്തിവികസന ഫണ്ടില്‍നിന്നാണ് തുക അനുവദിച്ചിരിക്കുന്നത്. റോഡ് നിരപ്പിലാണ് കെഎസ്ആര്‍ടിസി ടെര്‍മിനല്‍ നിര്‍മ്മാണം പൂര്‍ത്തിയായി വരുന്നത്. സ്റ്റാന്‍ഡിന്‍റെ പാര്‍ക്കിംഗ് ഏരിയ മൂന്നടി ഉയരത്തിലാണ് സ്ഥിതി ചെയ്യുന്നത്. ഇത് കൂടുതല്‍ പ്രതിസന്ധി സൃഷ്ടിക്കും. മഴക്കാലത്ത് വെള്ളം ഒഴുകി പുതിയ കെട്ടിടത്തില്‍ കയറാനും ഇടയുണ്ട്. പാര്‍ക്കിംഗ് മൈതാനം ഉയര്‍ന്നു നില്‍ക്കുന്നതിനാല്‍ ബസുകള്‍ കയറുന്നതും ഇറങ്ങുന്നതും അപകടാവസ്ഥ സൃഷ്ടിക്കാനിടയുണ്ട്. ഈ സാഹചര്യം പരിഗണിച്ചാണ് പാര്‍ക്കിംഗ് ഏരിയ എംസി റോഡിന്‍റെ നിരപ്പിലേക്ക് താഴ്ത്തുന്നതെന്ന് വിനു ജോബ് എംഎല്‍ പറഞ്ഞു. ഡിസംബര്‍ അവസാനവാരത്തോടെ നിര്‍മ്മാണം പൂര്‍ത്തിയാക്കി ബസ് സ്റ്റാന്‍ഡ് തുറക്കാനാണ് പദ്ധതി.
Kottayam
ചങ്ങനാശേരി: സെന്റ് ബെര്‍ക്കുമാന്‍സ് കോളജിലെ ബയോഡൈവേഴ്‌സിറ്റി ക്ലബ്ബിന്‍റെ ആഭിമുഖ്യത്തില്‍ പ്രകൃതിയാത്ര 2026 കാട് മുതല്‍ കടല്‍ വരെ പരിസ്ഥിതി പഠനയാത്ര സംഘടിപ്പിച്ചു. പ്രകൃതിയുടെ വിവിധ ആവാസവ്യവസ്ഥകളെയും ജൈവവൈവിധ്യത്തെയും കുറിച്ച് നേരിട്ട് മനസിലാക്കുക എന്ന ലക്ഷ്യത്തോടെയായിരുന്നു യാത്ര. വീയപുരം റിസര്‍വ് ഫോറസ്റ്റ്, ഹരിപ്പാടുള്ള പ്രകൃതി ജൈവ കലവറ, ആയിരംതെങ്ങ് മാന്ഗ്രോവ് റിസര്‍വ്, അഴീക്കല്‍ ബീച്ച് എന്നിവ ഉള്‍പ്പെടുത്തി നടത്തിയ 60 കിലോമീറ്ററോളം ദൈര്‍ഘ്യമുള്ള യാത്രയില്‍ 45 വിദ്യാര്‍ഥികളും അധ്യാപകരും പങ്കെടുത്തു. ജൈവകൃഷി, വനങ്ങൾ, കാവുകള്‍, കണ്ടല്‍ക്കാടുകളുടെ ആവാസവ്യവസ്ഥ, തീരദേശ ജൈവവൈവിധ്യം എന്നിവയെക്കുറിച്ച് ആഴത്തില്‍ പഠിക്കാന്‍ വിദ്യാര്‍ഥികള്‍ക്ക് ഇതിലൂടെ അവസരം ലഭിച്ചു.
ഐസിഎആര്‍ സിപിസിആര്‍ഐ വിരമിച്ച ടെക്‌നിക്കല്‍ ഓഫിസറും പരിസ്ഥിതി അധ്യാപകനും ആലപ്പുഴ നാച്വറല്‍ ഹിസ്റ്ററി സൊസൈറ്റിയുടെ സ്ഥാപക സെക്രട്ടറിയുമായ അശോകന് മാഷ് റിസോഴ്‌സ് പേഴ്‌സണായി പങ്കെടുത്തു. ബയോഡൈവേഴ്‌സിറ്റി ക്ലബ് കോ-ഓര്‍ഡിനേറ്റര്‍മാരായ ഡോ. ജയിംസ് ബാബന്‍ ജോര്‍ജ്, ഡോ. വിന്‍സി മേരി വര്‍ഗീസ്, ക്ലബ് പ്രസിഡന്റ് ഫാത്തിമ ഫാബിന്‍, ക്ലബ് സെക്രട്ടറി ഹെലന്‍ ഷിബു എന്നിവര്‍ യാത്രയ്ക്ക് നേതൃത്വം നല്കി.
Kottayam
ചങ്ങനാശേരി: ലോക പ്രമേഹദിനത്തോടനുബന്ധിച്ച് പൊതുജനങ്ങളില്‍ ആരോഗ്യബോധം വളര്‍ത്തുന്നതിനായി ചെത്തിപ്പുഴ സെന്റ് തോമസ് ആശുപത്രി വിഭാവനം ചെയ്ത പ്രത്യേക ആരോഗ്യ പരിശോധനാ പാക്കേജ് മധുരം ഔദ്യോഗികമായി നിലവില്‍ വന്നു. വിനു ജോബ് എംഎല്‍എ പദ്ധതിയുടെ ഉദ്ഘാടനം നിര്‍വഹിച്ചു.
ഹോസ്പിറ്റല്‍ എക്സിക്യൂട്ടിവ് ഡയറക്ടര് ഫാ. ജയിംസ് പി കുന്നത്ത് അധ്യക്ഷത വഹിച്ചു. ഹോസ്പിറ്റല്‍ അസോസിയേറ്റ് ഡയറക്‌ടർമാരായ ഫാ. ജോഷി മുപ്പതില്‍ചിറ, ഫാ. ജേക്കബ് അത്തിക്കളം, ഫാ. മാര്‍ട്ടിന്‍ തൈപ്പറമ്പിൽ, മെഡിക്കല്‍ സൂപ്രണ്ട് ഡോ. തോമസ് സഖറിയ, ഡോ. നവീന്‍ എസ് നായർ, ഡോ. ആന്റണി എ. തോമസ്, ഡോ. എസ്. അബ്ദുള്‍ ഖാദർ, ഡോ. ദിലീപ്കുമാര്‍ ജി, പോള്‍ മാത്യു എന്നിവര്‍ പ്രസംഗിച്ചു.
പ്രമേഹരോഗ ബാധിതരുടെ എണ്ണം വര്‍ധിച്ചുവരുന്ന സാഹചര്യത്തിൽ, രോഗം പ്രാരംഭ ഘട്ടത്തില്‍ തന്നെ കണ്ടെത്തി ആവശ്യമായ ചികിത്സയും ജീവിതശൈലി മാറ്റങ്ങളും ഉറപ്പാക്കുകയാണ് ഈ സംരംഭത്തിലൂടെ ലക്ഷ്യമിടുന്നത്. നവംബര്‍ ഒന്നു മുതല്‍ 30 വരെ നീണ്ടുനില്‍ക്കുന്ന വിപുലമായ പ്രമേഹ ബോധവത്കരണ മാസാചരണത്തിന്‍റെ ഭാഗമായാണ് ഈ പ്രത്യേക പാക്കേജുകള്‍ ഒരുക്കിയിരിക്കുന്നത്.
മധുരം ഹെല്‍ത്ത് ചെക്കപ്പ് പാക്കേജിന്‍റെ ഭാഗമായി, എ, ബി, സി എന്നിങ്ങനെ മൂന്ന് വ്യത്യസ്ത വിഭാഗങ്ങളിലായാണ് പരിശോധനാ പാക്കേജുകള്‍ ക്രമീകരിച്ചിരിക്കുന്നത്. അടിസ്ഥാന പരിശോധനകള്‍: ഫാസ്റ്റിംഗ് ബ്ലഡ് ഷുഗർ, ഭക്ഷണാനന്തര രക്തത്തിലെ പഞ്ചസാരയുടെ അളവ്, എച്ച്ബിഎ.1.സി, ലിപിഡ് പ്രൊഫൈൽ, ബോഡി മാസ് ഇന്‍ഡക്‌സ്, രക്തസമ്മര്‍ദ്ദ പരിശോധന എന്നിവ ഇതില്‍ ഉള്‍പ്പെടുന്നു.
കൂടാതെ വിപുലമായ സേവനങ്ങളും പാക്കേജിന്‍റെ വിഭാഗമനുസരിച്ച് കിഡ്‌നി ഫംഗ്ഷന്‍ ടെസ്റ്റ്, യൂറിന്‍ റൂട്ടീന്‍ പരിശോധന, ഇസിജി, വിദഗ്ധ ഡോക്ടറുടെ കണ്‍സള്‍ട്ടേഷന്‍ തുടങ്ങിയ സേവനങ്ങളും ലഭ്യമാക്കിയിട്ടുണ്ട്. കൂടുതല്‍ വിവരങ്ങള്‍ക്കും രജിസ്ട്രേഷനും 04812722100 എന്ന നമ്പരില്‍ ബന്ധപ്പെടണമെന്ന് ഹോസ്പിറ്റല്‍ അധികൃതര്‍ അറിയിച്ചു.
Kottayam
ചങ്ങനാശേരി: ബാസ്കറ്റ്ബോള് മത്സരങ്ങളില്‍ മികച്ച നേട്ടം കൈവരിച്ച് മോര്‍കുളങ്ങര എകെഎം പബ്ലിക് സ്കൂൾ. മാന്നാനം കെഇ സ്‌കൂളില്‍ നടന്ന ഇന്‍റര്‍ സ്‌കൂള്‍ ബാസ്കറ്റ്ബോള് ടൂര്‍ണമെന്‍റില്‍ അണ്ടര്‍ 17 ആണ്‍കുട്ടികളുടെ വിഭാഗത്തില്‍ സ്‌കൂള്‍ ടീം ജേതാക്കളായി. അണ്ടര്‍ 14 പെണ്‍കുട്ടികളുടെ വിഭാഗത്തില്‍ റണ്ണറപ്പും കരസ്ഥമാക്കി.
രാജഗിരി ക്രിസ്തു ജയന്തി പബ്ലിക് സ്‌കൂള്‍ സംഘടിപ്പിച്ച സൗത്ത് ഇന്ത്യ ബാസ്കറ്റ്ബോള് ടൂര്‍ണമെന്‍റില്‍ എകെഎം ആണ്‍കുട്ടികളുടെ ടീം ജേതാക്കളായി. നെടുംകുന്നം സെന്റ് ജോണ്‍ ദി ബാപ്റ്റിസ്റ്റ് ഇന്‍റര്‍ സ്‌കൂള്‍ ബാസ്കറ്റ്ബോള് ടൂര്‍ണമെന്‍റില്‍ റണ്ണറപ്പ് സ്ഥാനവും നേടി. കായികതാരങ്ങളുടെ കഠിനാധ്വാനവും പരിശീലകരുടെ മാര്‍ഗനിര്‍ദേശവും കൂട്ടായ പരിശ്രമവുമാണ് ഈ നേട്ടങ്ങള്‍ക്ക് പിന്നില്‍. വിദ്യാര്‍ഥികളെ സ്‌കൂള്‍ മാനേജ്മെന്റും പ്രിന്‍സിപ്പലും അധ്യാപകരും അഭിനന്ദിച്ചു.
Kottayam
ചെത്തിപ്പുഴ: ക്രിസ്തു ജ്യോതി കോളജ് ഓഫ് മാനേജ്മെന്റ് ആൻഡ് ടെക്‌നോളജിയിൽ (ഓട്ടോണമസ്) പുതുതായി ആരംഭിച്ച കൺസൾട്ടൻസി സെന്‍ററിന്‍റെ ഔദ്യോഗിക ഉദ്ഘാടനം കേരള സ്റ്റേറ്റ് ഇലക്ട്രിസിറ്റി റെഗുലേറ്ററി കമ്മീഷൻ ചെയർമാനും മുൻ അഡീഷണൽ ചീഫ് സെക്രട്ടറിയുമായ ടി.കെ. ജോസ് നിർവഹിച്ചു.
കോളജിലെ അധ്യാപകരുടെ അക്കാദമിക പരിജ്ഞാനവും ഗവേഷണ മികവും സമൂഹത്തിന്‍റെയും വ്യവസായ മേഖലയുടെയും ആവശ്യങ്ങൾക്കായി പ്രയോജനപ്പെടുത്തുകയാണ് കേന്ദ്രത്തിന്‍റെ ലക്ഷ്യം. വിവിധ മേഖലകളിൽ വിദഗ്ധോപദേശവും പ്രായോഗിക പരിഹാരങ്ങളും ലഭ്യമാക്കുന്നതിനും ഗവേഷണാധിഷ്ഠിത പദ്ധതികൾ ഏറ്റെടുത്ത് നടപ്പാക്കുന്നതിനും കേന്ദ്രം പ്രവർത്തിക്കും.
ഉദ്ഘാടനത്തോടനുബന്ധിച്ച് അധ്യാപകരുമായി നടത്തിയ സംവാദത്തിൽ അറിവിനെ പ്രായോഗിക പ്രവർത്തനങ്ങളിലൂടെ സാമൂഹിക പുരോഗതിക്കായി വിനിയോഗിക്കങ്ങമെന്ന് ടി.കെ. ജോസ് പറഞ്ഞു. കോളജ് പ്രിൻസിപ്പൽ ഡോ. ആന്റണി മാത്യൂസ് ആമുഖ പ്രസംഗം നടത്തി. ഡയറക്ടർ ഫാ. ജസ്റ്റിൻ ജോർജ് അധ്യക്ഷത വഹിച്ചു. ബർസാർ ഫാ. അഖിൽ കരിക്കാത്തറ, ഡോ. മാത്യു ജോസഫ്, അനു ഈപ്പൻ, ദിലീപ് പി.വി എന്നിവർ പ്രസംഗിച്ചു.
സർക്കാർ വകുപ്പുകൾ, വ്യവസായ സ്ഥാപനങ്ങൾ, തദ്ദേശ സ്വയംഭരണ സ്ഥാപനങ്ങൾ, സാമൂഹിക സംഘടനകൾ എന്നിവയുമായി സഹകരിച്ച് പ്രവർത്തിക്കുന്നതിലൂടെ കോളജിന്‍റെ അറിവും വൈദഗ്ധ്യവും സമൂഹത്തിന്‍റെ വികസനത്തിനായി പ്രയോജനപ്പെടുത്താൻ കേന്ദ്രം വഴിയൊരുക്കും.
Kottayam
ചങ്ങനാശേരി: നൂതന വിദ്യാഭ്യാസ നയങ്ങള്‍ രൂപീകരിക്കാന്‍ സര്‍ക്കാരുകള്‍ തയാറാകണമെന്ന് കെപിസിസി ജനറല്‍ സെക്രട്ടറി ജോസി സെബാസ്റ്റ്യൻ. ഗാന്ധിദര്‍ശന്‍ വേദി കോട്ടയം ജില്ലാ കമ്മിറ്റി നടത്തിയ വിദ്യാഭ്യാസ സെമിനാര്‍ ഉദ്ഘാടനം ചെയ്യ്യുകയായിരുന്നു അദ്ദേഹം.
ജില്ലാ വൈസ് പ്രസിഡന്റ് മജീദ് ഖാന്‍ അധ്യക്ഷത വഹിച്ചു. മഹാത്മാ ഗാന്ധി യൂണിവേഴ്സിറ്റിയില്‍ നിന്ന് പിഎച്ച്ഡി ലഭിച്ച സൈറാ ബാബുകുട്ടന്‍ചിറയെ വിനു ജോബ് എംഎല്‍എ അനുമോദിച്ചു. വി.ജെ. ലാലി ക്ലാസ് നയിച്ചു.
മുനിസിപ്പല്‍ ചെയര്‍മാന്‍ ജോമി ജോസഫ്, മാടപ്പള്ളി ബ്ലോക്ക് പഞ്ചായത്ത് പ്രസിഡന്റ് ലാലിമ്മ ടോമി, ബാബു കോയിപ്പുറം, തോമസ് അക്കര, ഡെന്നിസ് ജോസഫ്, ബാബു കുരീത്ര, പി.എസ്.പി. റഹീം, സെലിന്‍ ബാബു, ഷമി ബഷീർ, പി.എച്ച്. അഷ്റഫ്, സണ്ണി എത്തയ്ക്കാട്ട്, അരവിന്ദ് ജി.എൽ, പി.എ.സാലി, അനൂപ് സാലി, നജീബ് റഹ്മാൻ, ലൈജു തുരുത്തി, മധുര സലീം, ജോര്‍ജുകുട്ടി കൊഴുപ്പക്കളം, വി.എ. ഇബ്രാഹിംകുട്ടി എന്നിവര്‍ പ്രസംഗിച്ചു.
Kottayam
വൈക്കം: നഗരമധ്യത്തിലൂടെ ഒഴുകി വേമ്പനാട്ടുകായലിൽ സംഗമിക്കുന്ന കണിയാംതോട്ടിൽ ശുചിമുറിമാലിന്യമടക്കം പതിവായി തള്ളുന്നതുമൂലം പ്രദേശവാസികൾ സാംക്രമിക രോഗ ഭീതിയിൽ. നീരൊഴുക്ക് നിലച്ച നാട്ടുതോട്ടിൽ വാഹനങ്ങളിൽ രാത്രികാലങ്ങളിൽ കൊണ്ടുവന്നു തള്ളുന്ന ശുചിമുറിമാലിന്യം കെട്ടിക്കിടന്ന് തോട്ടിലെ വെള്ളത്തിന് കടുംകറുപ്പ് നിറമാണ്.
തോട് കടന്നുപോകുന്നതിന്‍റെ ഇരുകരകളിലും കായലോരത്തുതാമസിക്കുന്നവർക്കടക്കം മലിനീകരണത്തിന്‍റെ ദോഷഫലങ്ങൾ അനുഭവിക്കേണ്ട സ്ഥിതിയാണ്. കഴിഞ്ഞ ദിവസം പട്ടാപകൽ ഈ തോട്ടിൽ പതിവായി സ്കൂട്ടറിലെത്തി പ്ലാസ്റ്റിക്കവറിൽ നിറച്ച മാലിന്യം തള്ളുന്ന വയോധികനെ പ്രദേശവാസികൾ കയ്യോടെ പിടികൂടിയിരുന്നു. മാലിന്യ വാഹിനിയായ പൊതുതോട്ടിലേക്ക് നിരന്തരം മാലിന്യങ്ങൾ നിക്ഷേപിക്കപ്പെട്ടിട്ടും അധികൃതർ നടപടി കർശനമാക്കുന്നില്ലെന്ന് നാട്ടുകാർ ആരോപിക്കുന്നു. മാലിന്യം അടിഞ്ഞ് നീരൊഴുക്ക് നിലച്ചതോട് ശുചീകരിച്ച് നീരൊഴുക്ക് സുഗമമാക്കിയില്ലെങ്കിൽ പ്രദേശവാസികൾ സാംക്രമിക രോഗബാധയുണ്ടാകാൻ സാധ്യതയുണ്ടെന്ന് പ്രദേശവാസികൾ പറയുന്നു. വൈക്കം നഗരസഭയിലെ പെരിഞ്ചിലയിൽ നിന്ന് തുടങ്ങി വേമ്പനാട്ട് കായലിലാണ് കണിയാംതോട് അവസാനിക്കുന്നത്.
തോടിന്‍റെ ഓരത്ത് എല്ലാ ആഴ്‌ചയും വൻതോതിൽ ശുചിമുറി മാലിന്യം തള്ളുകയാണെന്നാണ് നാട്ടുകാരുടെ പരാതി. മറ്റ് സ്ഥലങ്ങളിലുള്ളവർ വാഹനങ്ങളിലെത്തി വീടുകളിലെ മാലിന്യവും ഇവിടെ വ്യാപകമായി നിക്ഷേപിക്കുന്നുണ്ട്. കഴിഞ്ഞ ദിവസം പകൽ സ്കൂട്ടറിലെത്തി സ്ഥിരമായി മാലിന്യം തള്ളുന്നഒരു വയോധികന്‍റെ ദൃശ്യങ്ങൾ നാട്ടുകാർ നഗരസഭയ്ക്ക് കൈമാറിയിട്ടുമുണ്ട്. നീരൊഴുക്ക് തടസപ്പെട്ടു കിടക്കുന്ന രണ്ടരക്കിലോമീറ്റർ ദൈർഘ്യമുള്ളതോട്ടിൽ മാലിന്യം നിറഞ്ഞ് കറുത്തനിറത്തിൽ വെള്ളം കെട്ടി കിടക്കുകയാണ്. ഏഴ് മീറ്റർ വീതിയുള്ളതോട് നഗരസഭയിലെ ഒന്ന്, രണ്ട്, മൂന്ന് വാർഡുകളിലുടെയും ഉദയനാപുരം പഞ്ചായത്തിലെ 12, 16 വാർഡുകളിലൂടെയുമാണ് കടന്നുപോകുന്നത് .
പ്രദേശവാസികൾ തോട്ടിലെ വെള്ളം കുളിക്കാനും വസ്ത്രം കഴുകാനും ഉപയോഗിച്ചിരുന്നു. തോടിന്‍റെ ഇരുകരകളിലൂടെയും റോഡുണ്ട്. തോടി നുകുറുകെ പലയിടത്തും പാലമുള്ളതിനാൽ വാഹനങ്ങളിൽ എത്തുന്നവർക്ക് വേഗത്തിൽ മാലിന്യം തള്ളി പോകാൻ കഴിയും. പോലീസിലടക്കം പരാതിപറഞ്ഞിട്ടും ശുചിമുറി മാലിന്യം തള്ളുന്നത് തടയാൻ നടപടി ഉണ്ടാകുന്നില്ലെന്ന് നാട്ടുകാർ കുറ്റപ്പെടുത്തുന്നു. വൈക്കം-എറണാകുളം പ്രധാന പാതയ്ക്ക് സമീപത്തുകൂടി കടന്നുപോകുന്ന കണിയാംതോട് ശുചീകരിച്ച് മിനീകരണ ഭീഷണി ഒഴിവാക്കണമെന്നാണ് നാട്ടുകാരുടെ ആവശ്യം.
തോട് ആഴം കൂട്ടി ശുചീകരിക്കും
തോട് ആഴംകൂട്ടി നീരൊഴുക്ക് സാധ്യമാക്കാനായുള്ള പദ്ധതി സർക്കാരിന് സമർപ്പിച്ചിട്ടുണ്ട്. ജനകീയ പങ്കാളിത്തത്തോടെ തോട് ശുചീകരണം നടത്താൻ ശ്രമം നടത്തിവരികയാണ്. ക്യാമറകൾ സ്ഥാപിച്ച് തോട്ടരികിൽ സുരകക്ഷാവേലി നിർമിക്കുന്നതിനായി 30 ലക്ഷം രൂപയുടെ എസ്റ്റിമേറ്റ് തയ്യാറാക്കി സർക്കാരിന് സമർപ്പിച്ചിട്ടുണ്ട്.
ഇടവട്ടം ജയകുമാർ
നഗരസഭ കൗൺസിലർ
വൈക്കം
Kottayam
വൈക്കം: കൊതുകുജന്യരോഗങ്ങൾ തടയുന്നതിനും പൊതുജനങ്ങളിൽ ആരോഗ്യശുചിത്വ ബോധവൽക്കരണം ശക്തിപ്പെടുത്തുന്നതിനുമായി വൈക്കം ടൗൺറോട്ടറി ക്ലബിന്‍റെ നേതൃത്വത്തിൽ നടപ്പാക്കുന്ന മിഷൻ മോസ്കിറ്റോയെന്ന സാമൂഹിക ആരോഗ്യപദ്ധതിക്ക് തുടക്കമായി.
വൈക്കം ഗവൺമെന്‍റ് ഗേൾസ് ഹൈസ്കൂളിൽ നടന്ന യോഗത്തിൽ നഗരസഭ ചെയർമാൻ അബ്ദുൾ സലാം റാവുത്തർ പദ്ധതി ഉദ്ഘാടനം ചെയ്തു. വൈക്കം ടൗൺ റോട്ടറി ക്ലബ് പ്രസിഡന്റ് ഡോ. അനൂപ് കുമാർ രവീന്ദ്രനാഥ് അധ്യക്ഷത വഹിച്ചു.
എൽപി സ്കൂൾ മുതൽ ഹയർ സെക്കൻഡറി, കോളജ് തലം വരെയുള്ള വിദ്യാർഥികളെ ഉൾപ്പെടുത്തി ബോധവൽക്കരണ പ്രവർത്തനങ്ങൾ വ്യാപിപ്പിക്കുമെന്ന് സംഘാടകർ പറഞ്ഞു. കുട്ടികളെ ശുചിത്വത്തിന്‍റെയും ആരോഗ്യസംരക്ഷണത്തിന്‍റേയും സന്ദേശവാഹകരാക്കി അവരുടെ കുടുംബങ്ങളിലേക്കും സമൂഹത്തിലേക്കും ഈ സന്ദേശം എത്തിക്കുകയാണ് പദ്ധതിയുടെ ലക്ഷ്യം.
വാർഡ് കൗൺസിലർ ഡി. രഞ്ജിത്ത് കുമാർ, സ്കൂൾ പി ടി എ പ്രസിഡന്റ് വിനിത, റോട്ടറി ക്ലബ് സെക്രട്ടറി ഡോ. ജി.മനോജ്, ട്രഷറർ ഹരികൃഷ്ണൻ, പ്രോജക്ട് കോ -ഓർഡിനേറ്റർ ജീവൻ ശിവറാം , റോട്ടറി ക്ലബ് മുൻ പ്രസിഡന്റ് ജോയി മാത്യു, എൻ.കെ. സെബാസ്റ്റ്യൻ, റോട്ടറി അംഗങ്ങളായ പ്രസാദ്, സ്വാമിനാഥൻ, ഹരീന്ദ്രൻ , വിധു അനൂപ് തുടങ്ങിയവർ സംബന്ധിച്ചു.
Kottayam
വൈക്കം: നഗരസഭയ്ക്ക് കേരള ഖര മാലിന്യ പരിപാലന പദ്ധതിയിൽ ഉൾപ്പെടുത്തി മാലിന്യ ശേഖരണത്തിനായി ലഭിച്ച കവേർഡ് ടിപ്പറിന്‍റെ ഫ്ലാഗ് ഓഫ് നഗരസഭ ചെയർമാൻ അബ്ദുൽസലാം റാവുത്തർ നിർവഹിച്ചു. ഇന്ന് മുതൽ വൈക്കം നഗരസഭ പരിധിയിലുള്ള വിവിധ പ്രദേശങ്ങളിൽ മാലിന്യ ശേഖരണത്തിനായി വാഹനം ഉപയോഗിക്കും.
എയർ ടൈറ്റ് ഡോർ ആയതിനാൽ വണ്ടിക്ക് ഉള്ളിലുള്ള മാലിന്യങ്ങളുടെ ദുർഗന്ധം മറ്റുള്ളവർക്ക് ബുദ്ധിമുട്ട് ഉണ്ടാക്കുകയില്ല. നഗരസഭ സ്റ്റാൻഡിംഗ് കമ്മിറ്റി ചെയർമാൻ സോണിസണ്ണിയുടെ അധ്യക്ഷതയിൽ നടന്ന യോഗത്തിൽ വൈക്കം നഗരസഭ വൈസ് ചെയർപേഴ്സൺ സൗദാമിനി അഭിലാഷ്, നഗരസഭ സെക്രട്ടറി ആർ.രഞ്ജിത്ത്നായ, നഗരസഭ കൗൺസിലർമാരായ ഗീതപുരുഷൻ, ഡി.രഞ്ജിത്ത്കുമാർ, ക്ലീൻ സിറ്റി മാനേജർ വൈ.ജെ.സുനിമോൾ തുടങ്ങിയവർ സംബന്ധിച്ചു.
Kottayam
കടുത്തുരുത്തി: വിടരും മുമ്പേ പൊലിഞ്ഞ റോസാ പുഷ്പം പോലെ ഏവരെയും കണ്ണീരിലാഴ്ത്തി മടങ്ങിയ സൈറാമോള്‍ക്ക് സഹപാഠികളുടെയും അധ്യാപകരുടെയും കണ്ണീരില്‍ കുതിര്‍ന്ന യാത്രാമൊഴി. സ്കൂളിന് സമീപമുള്ള പാരീഷ് ഹാളില്‍ സൈറയുടെ മൃതദേഹമെത്തിച്ചപ്പോള് മുതല്‍ സഹപാഠികളുടെയും അധ്യാപകരുടെയും നയനങ്ങള്‍ പൊട്ടിയൊഴുകിത്തുടങ്ങിയിരുന്നു. പലരും സങ്കടം സഹിക്കാതെ വിതുമ്പുന്നത് കാണാമായിരുന്നു.
മുട്ടുചിറ സെന്റ് ആഗ്നസ് ഹൈസ്കൂളിലെ ആറാം ക്ലാസ് വിദ്യാര്‍ഥിനി സൈറ പ്രജീത് (11) ആണ് രോഗം ബാധിച്ചു മരിച്ചത്. ന്യുമോണിയ ബാധിച്ചു കുട്ടികളുടെ ആശുപത്രിയില്‍ ചികിത്സയിലായിരുന്ന സൈറ ഞായറാഴ്ചയാണ് മരിച്ചത്. സെന്റ് ആഗ്നസിലെ ആറാം ക്ലാസ്സ് വിദ്യാര്‍ഥിനിയായിരുന്നു.
അധ്യാപകര്‍ക്കും കുട്ടുകാര്‍ക്കുമുള്‍പ്പെടെ എല്ലാവര്‍ക്കും പ്രിയങ്കരിയായിരുന്ന സൈറ കണ്ടുമുട്ടിയവര്‍ക്കെല്ലാം സന്തോഷത്തിന്‍റെ നിമിഷങ്ങള്‍ സമ്മാനിച്ചാണ് കടന്നുപോയത്. സ്‌കൂള്‍ ബസില്‍ ഒരുമിച്ച് പോകുന്ന കുട്ടികളില്‍ പലരും സൈറയുടെ വിയോഗത്തെ നീറുന്ന വാക്കുകള്‍ ഉപയോഗിച്ചാണ് തങ്ങളുടെ സങ്കടം അവരുടെ രക്ഷിതാക്കളുടെ ഫോണില്‍ സ്റ്റാറ്റസായി എഴുതിയിട്ടത്.
കാട്ടാമ്പാക്കിലേക്ക് സ്‌കൂള്‍ ബസ് പോകുമ്പോള്‍ ഇനി സൈറ ഉണ്ടാവില്ലെന്നത് കൂട്ടുകാര്‍ക്കും വല്ലാത്ത വേദനയാവും. കഴിഞ്ഞ ഓണാഘോഷത്തിന് സ്‌കൂളില്‍ നടന്ന മലയാളി മങ്ക മത്സരത്തില്‍ അണിഞ്ഞൊരുങ്ങി നില്‍ക്കുന്ന സൈറയുടെ ചിത്രമാണ് അധ്യാപകരുടെയെല്ലാം മനസ്സിലില്‍ നിറഞ്ഞു നില്‍ക്കുന്നത്. മുട്ടുചിറ റൂഹാദ്കുദിശ് ഫൊറോനാ ദേവാലയത്തിലെ സെന്റ് തോമസ് പാരിഷ് ഹാളില്‍ സൈറയുടെ മൃതദേഹം രാവിലെ പൊതുദര്‍ശനത്തിനെത്തിച്ചപ്പോള്‍ വിദ്യാര്‍ഥികളും അധ്യാപകരും പിടിഎയും മാനേജുമെന്‍റും നാട്ടുകാരുമുള്‍പ്പെടെ ആയിരങ്ങളാണ് അന്തുമോപചാരമര്‍പിച്ചത്.
മാനേജുമെന്‍റിനുവേണ്ടി ഫാ.ജോസഫ് മഠത്തിപറമ്പിൽ, ഫാ.ടോണി ഞരളക്കാട്ട് എന്നിവര്‍ പ്രാര്‍ത്ഥനാ ശുശ്രൂഷകള്‍ക്ക് കാര്‍മികത്വം വഹിച്ചു. മന്ത്രി മോന്‍സ് ജോസഫ്, സിഎസ്ഐ മധ്യകേരള മഹായിടവകയെ പ്രതിനിധീകരിച്ചു ഫാ.സജി കെ. സാം, പ്രധാനാധ്യാപിക സില്‍ജ മാത്യു, സ്കൂളിലെ അധ്യാപകർ, ത്രീതലപഞ്ചായത്ത് പ്രതിനിധികള്‍, കടുത്തുരുത്തി വിദ്യാഭ്യാസ ജില്ലാ ഓഫിസ് ജീവനക്കാര്‍, പിടിഎ ഭാരവാഹികൾ, അംഗങ്ങള്‍, വിവിധ സ്കൂളുകളിലെ പ്രധാനാധ്യാപകർ, കടുത്തുരുത്തി പൊലിസ് സ്റ്റേഷനിലെ ഉദ്യോഗസ്ഥർ, ഹോളി ഗോസ്റ്റ് ബോയ്സ് ഹൈസ്‌കൂള്‍, സെന്റ് ആഗ്നസ് എല്‍പി സ്കൂൾ, സെന്റ് ആഗ്നസ് നഴ്‌സറി സ്‌കൂള്‍ എന്നീ സ്കൂളുകളിലെ അധ്യാപകരും വിദ്യാര്‍ത്ഥികളുമെല്ലാം അന്തിമോപചാരമര്‍പ്പിക്കാനെത്തിയിരുന്നു.
Kottayam
വൈക്കം: ബ്ലോക്ക് ക്ഷീര വികസന യൂണിറ്റിന്‍റേയും നേരേകടവ് ക്ഷീര സഹകരണ സംഘത്തിന്‍റേയും സംയുക്താഭിമുഖ്യത്തിൽ ത്രിതല പഞ്ചായത്ത്പദ്ധതികളുടെ ഉദ്ഘാടനവും ക്ഷീര കർഷക സമ്പർക്ക പരിപാടിയും നടത്തി.
നേരേകടവ് ക്ഷീരോത്പാദകസംലത്തിൽ നടന്ന യോഗത്തിൽ ക്ഷീരമേഖലയിൽ നടപ്പാക്കുന്ന ത്രിതല പഞ്ചായത്ത് പദ്ധതികളുടെ ബ്ലോക്ക് തല ഉദ്ഘനവും ക്ഷീര കർഷക സമ്പർക്ക പരിപാടിയും ജില്ലാ പഞ്ചായത്ത് അംഗം എം.കെ. രാജേഷ് നിർവഹിച്ചു. വൈക്കം ബ്ലോക്ക് പഞ്ചായത്ത് വൈസ് പ്രസിഡന്റ് ഗീതാസോമൻ അധ്യക്ഷത വഹിച്ചു. കാലിത്തീറ്റ വിതരണോദ്ഘാടനം ജില്ലാ പഞ്ചായത്ത് അംഗം എം.കെ. രാജേഷ് നിർവഹിച്ചു. ബ
്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ പി.എസ്.പുഷ്പമണി, ബ്ലോക്ക് പഞ്ചായത്ത് അംഗം സുകന്യ സുകുമാരൻ, ഉദയനാപുരം പഞ്ചായത്ത് അംഗം സൗമ്യ സനീഷ്, എസ്. ഷൺമുഖൻ, ക്ഷീര വികസന ഓഫിസർ ബി.സിബിമോൻ , ക്ഷീര സംഘം സെക്രട്ടറി രാജേഷ് തുടങ്ങിയവർ പ്രസംഗിച്ചു. ബാംഗ്ലൂരിൽ നടന്ന രണ്ടാമത് ഏഷ്യൻ മാസ്റ്റേഴ്സ് സ്വിമ്മിംഗ് ചാമ്പ്യൻഷിപ്പിൽ 55- 59 ഏജ് ഗ്രൂപ്പിൽപ്പെട്ടവരുടെ മൽസരത്തിൽ ഇന്ത്യക്കായി സിൽവറും ബ്രൗൺസും കരസ്ഥമാക്കിയ സംഘത്തിലെ ക്ഷീര കർഷകൻ കെ.എസ്. ബൈജുവിനെ ആദരിച്ചു.
ക്ഷീരമേഖലയുമായി ബന്ധപ്പെട്ട വിവിധ വിഷയങ്ങളെ ആസ്പദമാക്കി ക്ഷീര വികസന ഓഫിസർ ബി.സിബിമോൻ ,ഡയറി ഫാം ഇൻസ്ട്രക്‌ടർ മാരിയ സി. പ്രതീഷ്കുമാർ, ആഷിതമായിൻ എന്നിവർ ക്ലാസ് നയിച്ചു.
Kottayam
ചെറുവള്ളി: ചിറക്കടവ് പഞ്ചായത്തിലെ ഗവൺമെന്‍റ് സ്കൂളുകളിൽ നടപ്പിലാക്കുന്ന പ്രഭാത ഭക്ഷണ പദ്ധതിയായ കാതൽ പ്രാതലിന്‍റെ ഉദ്ഘാടനം ചെറുവള്ളി ഡിവി എൽപി സ്കൂളിൽ ബ്ലോക്ക് പഞ്ചായത്ത് പ്രസിഡന്റ് ജയ ശ്രീധർ നിർവഹിച്ചു. പഞ്ചായത്ത് പ്രസിഡന്റ് ടി.എൻ. ഗിരീഷ് കുമാർ അധ്യക്ഷത വഹിച്ചു.
പഞ്ചായത്ത് വൈസ് പ്രസിഡന്റ് മോളിക്കുട്ടി തോമസ്, സ്റ്റാൻഡിംഗ് കമ്മിറ്റി ചെയർമാന്മാരായ ആന്റണി മാർട്ടിൻ, ഷാക്കി സജീവ്, സേതു മാന്താടൻ, വാർഡ് മെംബർ ത്രേസ്യാമ്മ നല്ലേപറമ്പിൽ, പ്രഥമാധ്യാപകൻ രാജേഷ് എന്നിവർ പ്രസംഗിച്ചു.
20 ലക്ഷത്തോളം രൂപ പദ്ധതിക്കായി വിലയിരുത്തിയിട്ടുണ്ടെന്ന് പഞ്ചായത്ത് പ്രസിഡന്റ് ടി.എൻ. ഗിരീഷ് കുമാർ അറിയിച്ചു.
ഓരോ ദിവസത്തെയും മെനു തീരുമാനിക്കുന്നതിനും ഭക്ഷണത്തിന്‍റെ ഗുണനിലവാരം ഉറപ്പാക്കുന്നതിനും സ്കൂൾ തലത്തിൽ കമ്മിറ്റി രൂപീകരിച്ചു.
Kottayam
പാലാ: പീറ്റര്‍ ഫൗണ്ടേഷന്‍ ചെയര്‍മാനും സാമൂഹിക പ്രവര്‍ത്തകനുമായ ഷിബു പീറ്റര്‍ വെട്ടുകല്ലേലിന് അമേരിക്കയിലെ നാഷണല്‍ കിഡ്‌നി ഫൗണ്ടേഷന്റെ ഹ്യുമാനിറ്റി സര്‍വീസ് എക്‌സലന്‍സ് അവാര്‍ഡ് ലഭിച്ചു.
വൃക്കരോഗ പ്രതിരോധ പ്രവര്‍ത്തനങ്ങള്‍ക്കും നിര്‍ധനരായ വൃക്കരോഗികള്‍ക്ക് സൗജന്യ ഡയാലിസിസ് സഹായം ലഭ്യമാക്കുന്നതിനും ആരോഗ്യരംഗത്തെ ബോധവത്കരണത്തിനുമായി ദീര്‍ഘകാലമായി നടത്തിവരുന്ന നിസ്വാര്‍ഥ സേവനങ്ങള്‍ പരിഗണിച്ചാണ് പുരസ്കാരം സമ്മാനിച്ചത്. കേരളത്തിലെ വിവിധ ആശുപത്രികള്‍ക്ക് ഡയാലിസിസ് മെഷീനുകള്‍ സംഭാവന നല്‍കിയും അര്‍ഹരായ നിര്‍ധന രോഗികള്‍ക്ക് സൗജന്യമായി ഡയാലിസിസ് ചെയ്യുന്നതിനുള്ള സൗകര്യങ്ങള്‍ ഒരുക്കിയും അദ്ദേഹം ശ്രദ്ധേയമായ പ്രവര്‍ത്തനങ്ങളാണ് നടത്തിവരുന്നത്.
അമേരിക്കയിലെ കെയര്‍ ആന്‍ഡ് ഷെയര്‍ ചാരിറ്റബിള്‍ ഓര്‍ഗനൈസേഷന്‍റെ എക്സിക്യൂട്ടീവ് അംഗവും ചിക്കാഗോ ക്നാനായ കത്തോലിക്ക സൊസൈറ്റി ബോര്‍ഡ് മെമ്പറുമായ ഷിബു പീറ്റര്‍ വിവിധ സന്നദ്ധ സംഘടനകളുമായും റോട്ടറി ക്ലബ്ബുകളുമായും സഹകരിച്ച് ജീവകാരുണ്യ പ്രവര്‍ത്തനങ്ങളില്‍ സജീവമാണ്.
Kottayam
വൈക്കം: പത്ത് വർഷത്തെ ഇടതു ഭരണത്തിൽ രാഷ്‌ട്രീയവത്്കരണവും അഴിമതിയും മൂലം സാമ്പത്തികമായി തകർന്ന സാംസ്കാരിക സ്ഥാപനങ്ങളുടെ വളർച്ചക്ക് യുഡിഎഫ് സർക്കാർ മുൻഗണന നൽകണമെന്ന് കെപിസിസി രാഷ്ട്രീയ കാര്യസമിതി അംഗം ജോസഫ് വാഴയ്ക്കൻ.
ലളിതകലഅക്കാദമി സെക്രട്ടറിയായി നിയമിതനായ തലയോലപ്പറമ്പ് ബ്ലോക്ക് കോൺഗ്രസ് പ്രസിഡന്റ് എം.കെ. ഷിബുവിന് മറവൻതുരുത്ത് മണ്ഡലം കോൺഗ്രസ് കമ്മറ്റി നൽകിയ സ്വീകരണ സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. യുഡിഎഫ് ഭരണത്തിൽ കോടികൾ മിച്ചമായിരുന്ന ലളിത കലാ അക്കാദമിയും സംഗീത നാടക അക്കാദമിയും ശമ്പളം കൊടുക്കുവാൻ പോലും കഴിയാത്ത അവസ്ഥയിലാക്കി.
കലാ സാംസ്കാരിക സ്ഥാപനങ്ങളിലെ രാഷ്ട്രീയം ഒഴിവാക്കി സർക്കാർ കൂടുതൽ പുരോഗതിയിലേക്ക് നയിക്കണമെന്നും വാഴയ്ക്കൻ പറഞ്ഞു. മണ്ഡലം കോൺഗ്രസ് പ്രസിഡന്റ് മോഹൻ കെ. തോട്ടുപുറത്തിന്‍റെ ആധ്യക്ഷതയിൽ നടന്ന സമ്മേളനത്തിൽ കെ. ബിനിമോൻ എംഎൽഎമുഖ്യപ്രഭാഷണം നടത്തി.
കെപിസിസി നിർവാഹക സമിതി അംഗം മോഹൻഡി. ബാബു ഡിസിസിജനറൽ സെക്രട്ടറിമാരായ പി.വി. പ്രസാദ്, അക്കരപ്പാടം ശശി, ഡിസിസി അംഗങ്ങളായ കെ.എസ്. നാരായണൻ നായർ, കെ.സിയാദ്ബഷീർ, വി.ടി. ജയിംസ്, ഇടവട്ടംജയകുമാർ, കെ.ഡി.ദേവരാജൻ, യു. ബേബി, ആർ. അനീഷ്, പി.വി. പത്മനന്ദൻ, ടി.കെ. വാസുദേവൻ. ടി.വി. സുരേന്ദ്രൻ , ബാബുപൂവനേഴത്ത്, സുഭഗൻ കൊട്ടാരത്തിൽ, എം.ശശി, ടി.ഷൈൻ പ്രകാശ്,ധന്യാസുനിൽ,വി.ആർ.അനുരുദ്ധൻ,കെ.സജീവൻ,പോൾതോമസ്, അശോകൻകൂമ്പയിൽ, കെ.കെ.ബിനു മോൻ,മജിതലാൽജി,വനജഅനിൽകുമാർ, ഔസേഫ് വർഗീസ് .വി.പി. ജയകുമാർ,ജിജിമോൻ തുടങ്ങിയവർ പ്രസംഗിച്ചു.
Kottayam
വെച്ചൂച്ചിറ: റാന്നി ഉപജില്ലാ കലോത്സവം പഴകുളം മധു എംഎൽഎ ഉദ്ഘാടനം ചെയ്തു. പഞ്ചായത്ത് പ്രസിഡന്റ് എസ്. രമാദേവി അധ്യക്ഷത വഹിച്ചു. പ്രമോദ് നാരായൺ മുഖ്യപ്രഭാഷണം നടത്തി. കലോത്സവ സുവനീർ പ്രകാശനം ജില്ലാ പഞ്ചായത്തംഗം ആരോൺ ബിജിലി പനവേലിയും ലോഗോ മത്സരത്തിൽ വിജയിയായ സച്ചിൻ സതീഷിനുള്ള സമ്മാനദാനം പഴവങ്ങാടി പഞ്ചായത്ത് പ്രസിഡന്റ് പ്രമോദ് മന്ദമരുതിയും നിർവഹിച്ചു.
സ്കൂൾ ലോക്കൽ മാനേജർ റവ. ജോൺസൺ അലക്സാണ്ടർ, ബ്ലോക്ക് പഞ്ചായത്തംഗം മേഴ്സി ഫിലിപ്പ്, പഞ്ചായത്ത് വൈസ് പ്രസിഡന്റ് ഇ.വി. വർക്കി, ഉപജില്ലാ വിദ്യാഭ്യാസ ഓഫീസർ രജിത ആർ. നായർ, ഫാ. മാത്യു നരിപ്പാറ, പഞ്ചായത്തംഗങ്ങൾ തുടങ്ങിയവർ പ്രസംഗിച്ചു.
ആറ് വേദികളിലായാണ് മത്സരങ്ങൾ നടക്കുന്നത്. സിഎംഎസ് എൽപി സ്കൂൾ, എടിഎം ഓഡിറ്റോറിയം, വൈഎംസിഎ ഹാൾ, ലിറ്റിൽ എഞ്ചൽസ് ഹാൾ, സെന്റ് ജോസഫ് ചർച് പാരീഷ് ഹാൾ, ക്ഷീരോത്പാദകസംഘം മിനി ഹാൾ എന്നിവയാണ് വേദികൾ.
Kottayam
കോട്ടയം: കോട്ടയം നിവാസികളും എംസി റോഡിലെ യാത്രക്കാരും ഇന്ന് കോടിമതയില്‍ പുതിയ പാലം കടക്കും. 12 വര്‍ഷത്തെ കാത്തിരിപ്പിനൊടുവില്‍ കോടിമതയിലെ രണ്ടാം പാലം ഇന്നു വൈകുന്നേരം അഞ്ചിന് ഗതാഗതത്തിനായി തുറക്കും. പൊതുമരാമത്ത് മന്ത്രി പി. കെ. ബഷീര്‍ ഉദ്ഘാടനം ചെയ്യും.
സ്പീക്കര്‍ തിരുവഞ്ചൂര്‍ രാധാകൃഷ്ണന് അധ്യക്ഷത വഹിക്കും. കെ. ഫ്രാന്‍സിസ് ജോര്‍ജ് എംപി, ജില്ലാ പഞ്ചായത്ത് പ്രസിഡന്റ് ജോഷി ഫിലിപ്പ്, നഗരസഭാ ചെയര്‍മാന്‍ എം.പി. സന്തോഷ്‌കുമാര്‍ തുടങ്ങിയവര്‍ പങ്കെടുക്കും.
ദേശീയപാത 183ല് കൊടുരാറിനു കുറുകെ പഴയ കോടിമതപാലത്തിനു സമാന്തരമായി 128 മീറ്റര്‍ നീളത്തിലും 12 മീറ്റര്‍ വീതിയിലുമാണ് പാലം നിര്‍മിച്ചിരിക്കുന്നത്. വീതി കുറഞ്ഞ പഴയ പാലത്തിലെ വാഹനത്തിരക്ക് മൂലം കോടിമത ഭാഗത്ത് ഗതാഗതക്കുരുക്ക് രൂക്ഷമായ സാഹചര്യത്തിലാണ് പുതിയ പാലം നിര്‍മിച്ചത്.
12 വര്‍ഷം മുമ്പ് നിര്‍മാണമാരംഭിച്ച പാലമാണ് ഇപ്പോള്‍ പൂര്‍ത്തിയാകുന്നത്. എംസി റോഡിലെ ഇടുങ്ങിയ പഴയ പാലം നഗരത്തില്‍ ഗതാഗതക്കുരുക്കിനു കാരണമായിരുന്നു. പാത നവീകരണത്തിനൊപ്പം പാലം പണിയും ആരംഭിച്ചിരുന്നെങ്കിലും പലവിധ കാരണങ്ങളാല്‍ തടസപ്പെട്ടു. പാലം നിര്‍മാണം പൂര്‍ത്തിയായിട്ടും അപ്രോച്ച് റോഡ് നിര്‍മാണം വൈകി.
അഞ്ചു വര്‍ഷത്തോളം നിര്‍മാണം നിലച്ചുകിടന്ന കോടിമത രണ്ടാംപാലത്തിന്‍റെ നിര്‍മാണ പ്രവര്‍ത്തനങ്ങള്‍ ഒരു വര്‍ഷം മുമ്പാണ് പുനരാരംഭിച്ചത്. അതിനിടെ പഴയ പാലത്തിന്‍റെ അപ്രോച്ച് റോഡ് താഴ്ന്നതും യാത്രാദുരിതം സൃഷ്ടിച്ചിരുന്നു.
തിരുവനന്തപുരം, കൊല്ലം, പത്തനംതിട്ട ഭാഗങ്ങളില്‍നിന്നുള്ള വാഹനങ്ങള്‍ കോട്ടയം നഗരത്തിലേക്ക് പ്രവേശിക്കുന്ന പ്രധാനപാതയിലെ ഏറ്റവും വലിയ തടസമായിരുന്നു കോടിമതയിലെ ഇടുങ്ങിയ പഴയപാലം.
കോട്ടയം മെഡിക്കല്‍ കോളജ്, ജനറല്‍ ആശുപത്രി, സ്വകാര്യ ആശുപത്രികള്‍ എന്നിവിടങ്ങളിലേക്ക് തെക്കന്‍ ജില്ലകളില്‍ നിന്നെത്തുന്ന അത്യാഹിത രോഗികള്‍ അടക്കമുള്ളവര്‍ക്ക് ഇനി കുരുക്കില്‍പ്പെടാതെ നഗരം കടന്നുപോകാം. രണ്ടു പാലങ്ങളും സജ്ജമാകുന്നതോടെ നഗരത്തിലേക്ക് പ്രവേശിക്കുന്നതിനും പുറത്തേക്ക് പോകുന്നതിനും വണ്‍വേ ട്രാഫിക് ക്രമീകരിക്കാനും കഴിയും.
പഴയപാലത്തിന്‍റെ സമീപനപാത നവീകരണത്തിനു ശേഷം വണ്‍വേ സംവിധാനം ആലോചിക്കാനാണ് പൊതുമരാമത്ത് വകുപ്പ് തീരുമാനം. കൊടൂരാറ്റിലൂടെയുള്ള ഉള്‍നാടന്‍ ജലഗതാഗതത്തിന് പുതിയ പാലം ഉണര്‍വേകും.
പഴയ പാലത്തിന് പുതുജീവന്‍
പുതിയ പാലത്തിലൂടെ ഗതാഗതം തിരിച്ചുവിടുന്നതോടെ പഴയ പാലത്തിന്‍റെ നവീകരണം ആരംഭിക്കും. സമീപന പാത നവീകരണം ദേശീയപാത അഥോറിറ്റിയാണ് നടത്തുന്നത്.സമീപനപാത താഴ്ന്ന് അപകട സാഹചര്യം നിലനില്‍ക്കുന്നതിനാല്‍ ഇവിടെ മണ്ണു നീക്കം ചെയ്തുള്ള പരിശോധന നടക്കും. പുതിയപാലത്തിനു സമീപത്തുനിന്ന് മാര്‍ക്കറ്റ് റോഡിലേക്ക് കയറുന്ന ഭാഗത്തെ തിരക്ക് ഒഴിവാക്കാനും ഗതാഗത ക്രമീകരണം ഏര്‍പ്പെടുത്താനും ട്രാഫിക് സിഗ്‌നല്‍ സ്ഥാപിക്കും. ഇതിനായി കെല്ട്രോണിനെ പൊതുമരാമത്ത് വകുപ്പ് ചുമതലപ്പെടുത്തിയിട്ടുണ്ട്
കെല്ട്രോണ് ട്രാഫിക് സിഗ്‌നല്‍ സ്ഥാപിക്കും. അതുവരെ ഗതാഗത നിയന്ത്രണത്തിന് പൊലിസുണ്ടാകും. എംസി റോഡില്‍ കോടിമതയിലെ രൂക്ഷമായ ഗതാഗതക്കുരുക്കിന് പുതിയ പാലം ശാശ്വതപരിഹാരമാകുമെന്നാണ് പൊതുമരാമത്ത് വകുപ്പ് പറയുന്നത്.
കോട്ടയത്തിന്‍റെ വികസന കവാടം
അതിവേഗം വികസിച്ചുകൊണ്ടിരിക്കുന്ന കോട്ടയം നഗരത്തിന്‍റെ വികസന കവാടമാണ് പുതിയ പാലം. രാഷ്ട്രീയ പകപോക്കല്‍ മൂലം 12 വര്‍ഷം കാത്തിരിക്കേണ്ടി വന്നു കോട്ടയം നിവാസികള്‍ക്ക്. ഇപ്പോള്‍ അവരുടെ മനസില്‍ വലിയ സന്തോഷമാണ്. ഇത് കൂടുതല്‍ വികസന പ്രവര്‍ത്തനങ്ങള്‍ക്കുള്ള കരുത്താണ്. വലിയ വികനസത്തിലേക്കുള്ള ഒരു പാലം കൂടിയാണ് കോടിമത പാലം.
തിരുവഞ്ചൂര്‍ രാധാകൃഷ്ണന്
സ്പീക്കര്‍
ഗതാഗത സൗകര്യം വര്‍ധിപ്പിക്കും
കോട്ടയം നഗരത്തിലെ ഗതാഗത സൗകര്യം വര്‍ധിപ്പിക്കും. കോട്ടയം -എറണാകുളം കണക്ടിവിറ്റി റോഡും എംസി റോഡ് വികസ നവുമായി പാലത്തെ ബന്ധിപ്പിക്കാം. കോടിമത ബോട്ടുജെട്ടിക്ക് സമീപമാണ് പുതിയ പാലമെന്നതിനാല്‍ കുമരകം, ആലപ്പുഴ കായല്‍ ടൂറിസം യാത്രയ്ക്കും സഹായകരമാകും.
കെ. ഫ്രാന്‍സിസ് ജോര്‍ജ് എംപി
നഗരവികസനത്തിലെ നാഴികക്കല്ല്
നഗരവികസനത്തിലെ പുതിയ നാഴികക്കല്ലാണ് പുതിയ പാലം. നാലുവരിപ്പാതയുടെ തുടര്‍ച്ചയായി ടിബി ജംഗ്ഷന് വരെ എത്തിച്ചേരാന്‍ സാധിക്കുന്ന തരത്തിലുള്ള റോഡായാണ് ഇത് മാറിയിരിക്കുന്നത്. ഗതാഗത തടസങ്ങള്‍ ഒഴിവാക്കുന്നതിനൊപ്പം നഗര വികസനത്തിന് ഇത് ഏറെ പ്രധാനപ്പെട്ടതാണ്.
കോട്ടയം നഗരം കൂടുതല്‍ പൂര്‍ണമായ ഒരു അര്‍ബന്‍ മേഖലയായി മാറുന്നതിന് ഈ പാലം സഹായകരമാകും.
എം.പി. സന്തോഷ്‌കുമാര്‍
കോട്ടയം നഗരസഭാ ചെയര്‍മാന്‍
Kottayam
മണ്ണാർകുന്ന്: സെന്റ് ഗ്രിഗോറിയോസ് പള്ളിയിൽ ഇടവകദിനം ആഘോഷിച്ചു.
വിശുദ്ധ കുർബാനയെത്തുടർന്നു നടത്തിയ ഇടവകദിന സമ്മേളനം അതിരൂപത സിഞ്ചെല്ലൂസ് മോൺ. സ്കറിയ കന്യാകോണിൽ ഉദ്ഘാടനം ചെയ്തു. വികാരി ഫാ. എമ്മാനുവേൽ നെല്ലുവേലി അധ്യക്ഷത വഹിച്ചു.
മണ്ണാർകുന്ന് മഠം സുപ്പീരിയർ സിസ്റ്റർ റോസ്മേരി എഫ്സിസി, കൈക്കാരന്മാരായ ജയിംസ് കൊച്ചുപുളിക്കൽ, ഷെൻസി തോമസ് മുകളേൽ, ഷൈൻ വല്യാറ എന്നിവർ പ്രസംഗിച്ചു.
വിവാഹത്തിന്‍റെ സുവർണ, രജത ജൂബിലി ആഘോഷിക്കുന്ന ദമ്പതികളെയും കലാ-കായിക-കൃഷി മേഖലകളിൽ മികവു തെളിയിച്ച ഇടവകാംഗങ്ങളെയും സമ്മേളനത്തിൽ ആദരിച്ചു. ഇടവകാംഗങ്ങൾ അവതരിപ്പിച്ച കലാപരിപാടികളും നടന്നു.
Kottayam
മണ്ണാർകുന്ന്: സെന്റ് ഗ്രിഗോറിയോസ് പള്ളിയിൽ വിശുദ്ധ ഗ്രിഗോറിയോസിന്‍റെ തിരുനാളിന് വ്യാഴാഴ്ച കൊടിയേറും. വൈകുന്നേരം 5.30ന് മധ്യസ്ഥപ്രാർഥനയെത്തുടർന്ന് കൊടിയേറ്റ്, വിശുദ്ധ കുർബാന, വചന പ്രഘോഷണം എന്നിവ നടക്കും. അതിരമ്പുഴ സെന്റ് മേരീസ് ഫൊറോനാ പള്ളി വികാരി ഫാ. മാത്യു പടിഞ്ഞാറേക്കുറ്റ് കാർമികത്വം വഹിക്കും.
മരിച്ചവരുടെ ഓർമദിവസമായി ആചരിക്കുന്ന വെള്ളിയാഴ്ച വൈകുന്നേരം 5.30ന് വിശുദ്ധ കുർബാന-ഫാ. ഡോ. അമൽ തോമസ് കീപ്പുറത്ത് ഒഎഫ്എം കപ്പൂച്ചിൻ. വചന പ്രഘോഷണം- ഫാ. മാത്യു കാഞ്ഞിരംകാല എസ്എസി. തുടർന്ന് സെമിത്തേരിയിൽ വികാരി ഫാ. എമ്മാനുവൽ നെല്ലുവേലിയുടെ കാർമികത്വത്തിൽ ധൂപ പ്രാർഥന. 7.15ന് കാഞ്ഞിരപ്പള്ളി അമല കമ്യൂണിക്കേഷന്‍റെ നാടകം- മറിയം.
ശനിയാഴ്ച വൈകുന്നേരം അഞ്ചിന് വിശുദ്ധ കുർബാന, വചന പ്രഘോഷണം- ഫാ. ജോസഫ് കഴുന്നുകണ്ടത്തിൽ. തുടർന്ന് പ്രദക്ഷിണം - ഫാ. ഷാൽബിൻ കടന്തോട് എംസിബിഎസ്. പള്ളിയിൽനിന്ന് ആരംഭിക്കുന്ന പ്രദക്ഷിണം പനയത്തിൽ കുരിശടിയിലും ളാപ്പള്ളി ജംഗ്ഷനിലും ലദീഞ്ഞ് നടത്തി തിരികെ പള്ളിയിലെത്തി സമാപിക്കും.
പ്രധാന തിരുനാൾ ദിനമായ ഞായറാഴ്ച രാവിലെ 9.30ന് റാസ കുർബാന, വചന പ്രഘോഷണം- ഫാ. ജേക്കബ് കളരിക്കൽ. സഹകാർമികൻ- ഫാ. ജോജോ കുഴിയടിച്ചിറ എംസിബിഎസ്. തുടർന്ന് പ്രദക്ഷിണം, കൊടിയിറക്ക്.
വികാരി ഫാ. എമ്മാനുവൽ നെല്ലുവേലി, കൈക്കാരന്മാരായ ഷെൻസി തോമസ് മുകളേൽ, ഷൈൻ കുര്യാക്കോസ് വല്ല്യാറ, ജയിംസ് ജോസഫ് കൊച്ചുപുളിക്കൽ എന്നിവർ നേതൃത്വം നൽകും.
Kottayam
ഏറ്റുമാനൂർ: ക്രിസ്തുരാജ പള്ളിയിൽ മിശിഹായുടെ രാജത്വത്തിരുനാൾ 12 മുതൽ 22 വരെ നടത്തും. 12ന് വൈകുന്നേരം അഞ്ചിന് വികാരി ഫാ. തോമസ് കുത്തുകല്ലുങ്കൽ കൊടിയേറ്റും. തുടർന്ന് ചങ്ങനാശേരി അതിരൂപത വികാരി ജനറൽ മോൺ. മാത്യു ചങ്ങങ്കരി വിശുദ്ധ കുർബാന അർപ്പിക്കും. 6.30ന് യുവദീപ്തി തയാറാക്കിയ ഷോർട് ഫിലിം പ്രകാശനം.
13ന് വൈകുന്നേരം അഞ്ചിനും 14ന് വൈകുന്നേരം 5.30നും ക്രിസ്തുരാജ പ്രാർഥന, വിശുദ്ധ കുർബാന, 14ന് വൈകുന്നേരം 6.30ന് സുവിശേഷ കീർത്തന സംഗീത സദസ്.
15ന് വൈകുന്നേരം 4.30ന് ക്രിസ്തുരാജ പ്രാർഥന, വിശുദ്ധ കുർബാന, കുർബാന അനുഭവ ധ്യാനം. 16, 17, 18 ദിവസങ്ങളിൽ വൈകുന്നേരം 6.30ന് ധ്യാനം തുടരും. ഈ ദിവസങ്ങളിൽ വൈകുന്നേരം അഞ്ചിന് ക്രിസ്തുരാജ പ്രാർഥന, വിശുദ്ധ കുർബാന. 19ന് വൈകുന്നേരം അഞ്ചിന് ക്രിസ്തുരാജ പ്രാർഥന, ഏഴിന് ഗാനമേള. 20ന് വൈകുന്നേരം അഞ്ചിന് ശാന്തിതീരം സെമിത്തേരിയിൽ വിശുദ്ധ കുർബാന, പൂർവിക സ്‌മരണ- ഇടവകാംഗങ്ങളായ വൈദികർ.
21ന് രാവിലെ 5.30ന് ക്രിസ്തുരാജ പ്രാർഥന, വിശുദ്ധ കുർബാന. തുടർന്ന് രൂപം എഴുന്നള്ളിച്ചു വയ്ക്കൽ. ഏഴിന് വിശുദ്ധ കുർബാന. വൈകുന്നേരം അഞ്ചിന് ക്രിസ്തുരാജ പ്രാർഥന, വിശുദ്ധ കുർബാന. 6.30ന് പ്രദക്ഷിണം.
പ്രധാന തിരുനാൾ ദിനമായ 22ന് രാവിലെ ഏഴിന് ക്രിസ്തുരാജ പ്രാർഥന, വിശുദ്ധ കുർബാന. 9.30ന് റാസ കുർബാന-ഫാ. മെൽവിൻ കഴുന്നുകണ്ടത്തിൽ. വൈകുന്നേരം നാലിന് വിശുദ്ധ കുർബാന, ആറിന് പ്രദക്ഷിണം. 8.30ന് കൊടിയിറക്ക്.
വികാരി ഫാ. തോമസ് കുത്തുകല്ലുങ്കൽ, അസി. വികാരി ഫാ. ഷാരോൺ മാത്യു ചേനപ്പറമ്പിൽ, കൈക്കാരന്മാരായ പി.ജെ. തോമസ് കോണിക്കൽ, സെബാസ്റ്റ്യൻ മാത്യു പുത്തൻപുരയിൽ, സാബു മാത്യു പുതുപ്പറമ്പിൽ, സെബാസ്റ്റ്യൻ എസ്. മതിലകത്ത്, ജനറൽ കൺവീനർ സെബാസ്റ്റ്യൻ പുല്ലാട്ടുകാല, ജോ. ജനറൽ കൺവീനർ സാബു മാത്യു പുല്ലുകാലായിൽ, പാരീഷ് കൗൺസിൽ സെക്രട്ടറി ഡോ. കെ.സി. ജോർജ് കാരയ്ക്കാട്ട് എന്നിവർ നേതൃത്വം നൽകും.
Kottayam
എലിക്കുളം: പഞ്ചായത്തിലെ കേരളോത്സവത്തിന്‍റെ വേദിയിൽ രക്തദാനകൂട്ടായ്മ എലിക്കുളത്ത് പിറന്നത്. പഞ്ചായത്തിലെ ക്ഷേത്രങ്ങൾ, പള്ളികൾ, മോസ്കുകൾ, വായനശാലകൾ, വിവിധ ക്ലബ്ബുകൾ, അയൽക്കൂട്ടങ്ങൾ എന്നിവ കേന്ദ്രീകരിച്ചാണ് ഇതിന്റെ പ്രവർത്തനം. കേരളോത്സവത്തിൽ പങ്കെടുക്കാനെത്തിയ ചെറുപ്പക്കാർ ബ്ലഡ് ഫോറത്തിൽ അംഗമായി. ഇനി മുതൽ പഞ്ചായത്തിലെ വിവിധ വാർഡുകൾ കേന്ദ്രീകരിച്ച് രക്തഗ്രൂപ്പ് നിർണയക്യാമ്പുകൾ സംഘടിപ്പിക്കുകയും അതിൽനിന്ന് രക്തം നൽകാൻ സന്നദ്ധരായവരുടെ ഡയറക്‌ടറി അച്ചടിക്കാനുമാണ് പഞ്ചായത്ത് തയാറെടുക്കുന്നത്. ഇതിനായി പഞ്ചായത്ത് വൈസ് പ്രസിഡന്റ് മാത്യൂസ് പെരുമനങ്ങാട്ട് കോ-ഓർഡിനേറ്ററായി ഒരു ഗ്രൂപ്പ് പ്രവർത്തനസജ്ജമാവുകയാണ്. രതീഷ് കുമാർ നക്ഷത്രയാണ് അസിസ്റ്റന്‍റ് കോ-ഓർഡിനേറ്റർ.
എലിക്കുളം ബ്ലഡ് ബോണ്ടിന്‍റെയും ഫുട്ബോൾ മത്സരത്തിന്‍റെയും ഔപചാരിക ഉദ്ഘാടനം മാണി സി. കാപ്പൻ എംഎൽഎ നിർവഹിച്ചു. പഞ്ചായത്ത് പ്രസിഡന്റ് യമുന പ്രസാദ് അധ്യക്ഷത വഹിച്ചു.
പാമ്പാടി ബ്ലോക്ക് പഞ്ചായത്ത് പ്രസിഡന്റ് ജെയ്ജി പാലക്കലോടി മുഖ്യപ്രഭാഷണവും ഇളങ്ങുളം സെന്റ് മേരീസ് പള്ളി വികാരി ഫാ. ഡാർവിൻ വാലുമണ്ണേൽ അനുഗ്രഹ പ്രഭാഷണവും നടത്തി.
ബ്ലോക്ക് പഞ്ചായത്തംഗം ഗീത സജി, പഞ്ചായത്ത് വൈസ് പ്രസിഡന്റ് മാത്യൂസ് പെരുമനങ്ങാട്ട്, പഞ്ചായത്തംഗങ്ങളായ ജോഷി കെ. ആന്റണി, സൂര്യമോൾ, ആൻസി ജയിംസ്, വി.ഐ. അബ്ദുൾ കരിം, ജിബിൻ ശൗര്യാം കുഴിയിൽ, എം.എസ്. മനു, ജിമ്മി കുഴിപ്പാലത്തറയിൽ, സുജാതാദേവി, തുളസി സാബു, മറിയാമ്മ തച്ചിലാടിയിൽ, പഞ്ചായത്ത് കേരളോത്സവം കോ-ഓർഡിനേറ്റർ അഷ്റഫ്, അനസ് മുഹമ്മദ് ഇലവനാൽ, അഭിജിത്ത് പനമറ്റം തുടങ്ങിയവർ പ്രസംഗിച്ചു.
Kottayam
കുമരകം: കോണത്താറ്റുപാലത്തിന്‍റെ കോട്ടയം ഭാഗത്തെ താഴ്ന്ന പ്രവേശനപാത ഇന്നലെ ടാർ ചെയ്ത് ഉയർത്തി നിർമിച്ചു. ഒരാഴ്ചയിലേറെത്തെ കാത്തിരിപ്പിന് ശേഷം മഴ മാറിയതോടെയാണ് ഇന്നലെ ടാറിംഗ് പൂർത്തിയാക്കിയത്. 15 മീറ്റർ നീളം ഒരടിയോളം ഉയർത്തിയാണ് ടാർ ചെയ്തത്. ഇന്നലെ രാവിലെ ഒമ്പതിന് ആരംഭിച്ച ടാറിംഗ് വൈകുന്നേരം അഞ്ചിന് പൂർത്തിയായി.
താഴ്ന്ന ഭാഗത്തെ ഇരുവശത്തുമുള്ള നടപ്പാത ഉയർത്താനുള്ള ജോലികൾ അവശേഷിക്കുന്നു. ഇത് വാഹന ഗതാഗതത്തെ ബാധിക്കില്ല.
Kottayam
മുണ്ടക്കയം ഈസ്റ്റ്: ദേശീയപാത 183ൽ മരുതുംമൂടിനും കൊടുകുത്തിക്കുമിടയിൽ അപകടഭീഷണിയുയർത്തി നിന്നിരുന്ന വൻ മരങ്ങൾ വെട്ടിമാറ്റിത്തുടങ്ങി. നിലവൽ കുമാരനാശാൻ സ്കൂളിന് സമീപത്ത് നിന്ന അപകടകരമായ വൻ മരമാണ് ആദ്യഘട്ടത്തിൽ വെട്ടിമാറ്റിയത്.
മണ്ഡല മകരവിളക്ക് തീർഥാടന കാലത്ത് അന്യസംസ്ഥാനങ്ങളിൽനിന്നടക്കം നിരവധി വാഹനങ്ങളാണ് ഇതുവഴി കടന്നുപോകുന്നത്. കഴിഞ്ഞ മാസങ്ങളിലുണ്ടായ കനത്ത കാറ്റിലും മഴയിലും മരുതുംമൂടിന് സമീപമുണ്ടായിരുന്ന കൂറ്റൻ മരം കടപുഴകി വീണിരുന്നു. അന്ന് തലനാരിഴയ്ക്കാണ് വലിയ അപകടം ഒഴിവായത്. ദിവസേന ആയിരക്കണക്കിന് വാഹനങ്ങൾ കടന്നുപോകുന്ന ദേശീയപാതയുടെ വശത്ത് വിദ്യാലയവും പ്രവർത്തിക്കുന്നുണ്ട്.
മരങ്ങൾ കടപുഴകി വീണാൽ അത് വലിയ അപകടങ്ങൾക്കാകും വഴിവയ്ക്കുക. ഇത് മുന്നിൽക്കണ്ടാണ് ഇപ്പോൾ അപകടഭീഷണിയുയർത്തി നിൽക്കുന്ന മരങ്ങൾ വെട്ടിമാറ്റുന്നത്.
കൊടുകുത്തിക്കും മരുതുംമൂടിനുമിടയിൽ അപകടഭീഷണിയുയർത്തി നിരവധി മരങ്ങളാണ് നിൽക്കുന്നത്. മുപ്പത്താറാംമൈലിന് സമീപം വെയ്റ്റിംഗ് ഷെഡിനോട് ചേർന്ന് അപകടഭീഷണിയുയർത്തി വൻമരം നിൽക്കുന്നുണ്ട്.
ഇതു കൂടാതെ കുട്ടിക്കാനത്തിനും മുപ്പത്തഞ്ചാംമൈലിനുമിടയിൽ നിരവധി വൻ മരങ്ങളാണ് റോഡിന്‍റെ വശത്ത് നിലകൊള്ളുന്നത്. ചുവട്ടിലെ മണ്ണ് ഒലിച്ചുപോയി ഏതുനിമിഷവും നിലം പതിക്കാവുന്ന അവസ്ഥയിലാണ് നിരവധി മരങ്ങൾ നിൽക്കുന്നത്. അടിയന്തരമായി ഈ മരങ്ങൾ കൂടി വെട്ടിമാറ്റി റോഡിലൂടെയുള്ള യാത്ര സുരക്ഷിതമാക്കണമെന്ന ആവശ്യമാണ് ശക്തമാകുന്നത്.
Kottayam
കുറിച്ചിത്താനം: മുന്‍ രാഷ്‌ട്രപതി കെ.ആര്. നാരായണന്‍റെ 21-ാമത് ചരമവാര്‍ഷികത്തോടനുബന്ധിച്ചു പൂവത്തിങ്കലുള്ള കെ.ആര്. നാരായണന്‍ സ്മൃതിമണ്ഡപത്തില്‍ കെ.ആര്. നാരായണന്‍ ഫൗണ്ടേഷന്റെ ആഭിമുഖ്യത്തില്‍ പുഷ്പാര്‍ച്ചന നടത്തി. ഫൗണ്ടേഷന്‍ രക്ഷാധികാരി മന്ത്രി മോന്‍സ് ജോസഫ് അനുസ്മരണ പ്രഭാഷണം നടത്തി.
ഫൗണ്ടേഷന്‍ ചെയര്‍മാന്‍ എബി ജെ. ജോസ്, വൈസ് ചെയര്‍മാന്‍ ഡോ. സിന്ധുമോള്‍ ജേക്കബ്, ജില്ലാ പഞ്ചായത്ത് മെംബര്‍ ജോസ്‌മോന്‍ മുണ്ടയ്ക്കല്‍, ഉഴവൂര്‍ പഞ്ചായത്ത് പ്രസിഡന്റ് ബിനു ജോസ് തൊട്ടിയില്‍, വികസനകാര്യ സ്റ്റാൻഡിംഗ് കമ്മിറ്റി ചെയര്പേഴ്സണ് ആന്‍സി തോമസ്, ഫൗണ്ടേഷന്‍ ജനറല്‍ സെക്രട്ടറി സാംജി പഴേപറമ്പില്‍, കെ.ആര്. നാരായണന്‍റെ പിതൃസഹോദരപുത്രി സീതാലക്ഷ്മി, ഭര്‍ത്താവ് വാസുക്കുട്ടന്‍, പി.വി. വിവേക്, കെ. അജിത്കുമാര്‍ തുടങ്ങിയവര്‍ പങ്കെടുത്തു. പാലായിലും ഫൗണ്ടേഷന്റെ നേതൃത്വത്തില്‍ അനുസ്മരണ സമ്മേളനം നടത്തി.
Kottayam
പാലാ: സര്‍ക്കാര്‍ നിര്‍ദേശങ്ങളും നിയമവും അനുസരിച്ച് ബിസിനസ് നടത്തുന്ന സ്വര്‍ണം, വെള്ളി വ്യാപാരികളെ സംരക്ഷിക്കുമെന്നും ഈ മേഖലയിലെ വ്യാപാരികളുടെ പ്രശ്‌നങ്ങള്‍ പരിഹരിക്കാന്‍ സര്‍ക്കാര്‍ ആവശ്യമായതെല്ലാം ചെയ്യുമെന്നും മന്ത്രി മോന്‍സ് ജോസഫ്. ഓള്‍ കേരള ഗോള്‍ഡ് ആന്‍ഡ് സില്‍വര്‍ മര്‍ച്ചന്‍റ്സ് അസോസിയേഷന്‍ മീനച്ചില്‍ താലൂക്ക് സമ്മേളനം ഉദ്ഘാടനം ചെയ്യുകയായിരുന്നു മന്ത്രി.
താലൂക്ക് പ്രസിഡന്റ് ജോസ് കളപ്പുര അധ്യക്ഷത വഹിച്ചു. എംഎല്‍എമാരായ മാണി സി. കാപ്പന്‍, എം.ജെ. സെബാസ്റ്റ്യന്‍, എകെജിഎസ്എംഎ സംസ്ഥാന പ്രസിഡന്റ് ജസ്റ്റിന്‍ പാലത്ര, വ്യാപാരി വ്യവസായി ഏകോപന സമിതി പ്രസിഡന്റ് എം.കെ. തോമസുകുട്ടി, എകെജിഎസ്എംഎ ജില്ലാ പ്രസിഡന്റ് ജോയി പഴേമഠം, ജനറല്‍ സെക്രട്ടറി ബേബി ആന്‍ഡ്രൂസ് ആലനോലിക്കല്‍, ബിജു മുത്തുത്താവളം, ജോസ് വെള്ളിയേപ്പള്ളി, എബി പാലത്ര, നിക്‌സണ്‍ മാവേലി എന്നിവര്‍ പ്രസംഗിച്ചു.
Kottayam
തലനാട്: പ്രകൃതിഭംഗിയും മലനിരകളുടെ മനോഹരമായ കാഴ്ചകളും സഞ്ചാരികളുടെ ശ്രദ്ധയാകർഷിക്കുന്ന ചോനമല ടൂറിസംകേന്ദ്രം അടിസ്ഥാനസൗകര്യങ്ങളുടെ അഭാവത്തിൽ വീർപ്പുമുട്ടുന്നു.
തലനാട് പഞ്ചായത്ത് മൂന്നാം വാർഡിൽ സ്ഥിതി ചെയ്യുന്ന ചോനമലയിലേക്ക് ദിവസേന നിരവധി സഞ്ചാരികളാണ് എത്തുന്നത്. സമുദ്രനിരപ്പിൽനിന്ന് 3,000 അടി ഉയരത്തിലുള്ള ഈ പ്രദേശത്തേക്കുള്ള മനോഹരമായ റോഡും പ്രകൃതിദൃശ്യങ്ങളും സഞ്ചാരികളെ ഏറെ ആകർഷിക്കുന്നതാണ്. ഇവിടേക്കുള്ള യാത്രയിലും ടൂറിസം കേന്ദ്രത്തിലും അടിസ്ഥാന സൗകര്യങ്ങൾ ഒരുക്കുന്നതിൽ അധികൃതരുടെ ഭാഗത്തുനിന്ന് കൂടുതൽ ശ്രദ്ധയുണ്ടാകണമെന്നാണ് നാട്ടുകാരുടെയും സഞ്ചാരികളുടെയും ആവശ്യം.
പ്രധാനമന്ത്രി ഗ്രാമീണ റോഡ് പദ്ധതിയിൽ ഉൾപ്പെടുത്തി നിർമിച്ച റോഡിന്‍റെ ഇരുവശങ്ങളിലും കാടും പുല്ലും വള്ളിപ്പടർപ്പുകളും വളർന്നുനിൽക്കുന്നതിനാൽ വാഹനങ്ങൾക്ക് പരസ്പരം സൈഡ് കൊടുക്കാൻപോലും കഴിയാത്ത സാഹചര്യമാണ് പല ഭാഗങ്ങളിലും. വലിയ ടൂറിസ്റ്റ് വാഹനങ്ങളുൾപ്പടെ എത്തുന്ന റോഡിന്‍റെ അവസ്ഥ യാത്ര ദുഷ്കരമാക്കുന്നു. റോഡിന്‍റെ വശങ്ങൾ വെട്ടിത്തെളിക്കാനും ആവശ്യമായ അറ്റകുറ്റപ്പണികൾ നടത്താനും അധികൃതർ നടപടി സ്വീകരിക്കുന്നില്ലെന്നാണ് നാട്ടുകാരുടെ പരാതി. കഴിഞ്ഞ മണ്ണിടിച്ചിലിൽ റോഡിലേക്ക് പതിച്ച മണ്ണും പൂർണമായി നീക്കം ചെയ്തിട്ടില്ല. റോഡരികിലെ സംരക്ഷണഭിത്തികളും കാടുകയറി മറഞ്ഞ നിലയിലാണ്.
റോഡിലെ പല ഹന്പുകളുടെയും മുന്നറിയിപ്പ് ബോർഡുകൾ മാഞ്ഞുപോയിട്ടുണ്ട്. ദൂരസ്ഥലങ്ങളിൽനിന്ന് എത്തുന്നവർക്ക് കൃത്യമായ മുന്നറിയിപ്പ് ലഭിക്കാത്തത് അപകടസാധ്യത വർധിപ്പിക്കുന്നു. റോഡിന്‍റെ വിവിധ ഭാഗങ്ങളിൽ ആവശ്യമായ മുന്നറിയിപ്പ് ബോർഡുകൾ സ്ഥാപിക്കുകയും നിലവിലുള്ളവ പുതുക്കുകയും വേണം. രാത്രികാല യാത്ര സുരക്ഷിതമാക്കാൻ റോഡിന്‍റെ ഇരുവശങ്ങളിലും വഴിവിളക്കുകൾ സ്ഥാപിക്കണമെന്ന ആവശ്യവും ശക്തമാണ്.
അടിസ്ഥാനസൗകര്യങ്ങളില്ല
ചോനമലയിലെ മല്ലി വ്യൂ പോയിന്‍റ് ഉൾപ്പടെയുള്ള കാഴ്ചകേന്ദ്രങ്ങളിൽ പൊതുശൗചാലയ സൗകര്യമില്ലാത്തത് സഞ്ചാരികൾക്ക് വലിയ ബുദ്ധിമുട്ടാണ് സൃഷ്ടിക്കുന്നത്. മണിക്കൂറുകൾ യാത്രചെയ്ത് എത്തുന്ന സ്ത്രീകൾക്കും കുട്ടികൾക്കും പ്രായമായവർക്കും പ്രാഥമികാവശ്യങ്ങൾ നിർവഹിക്കാൻ സൗകര്യമില്ലാത്ത അവസ്ഥയാണ്. കുടിവെള്ള ലഭ്യതയും ഉറപ്പാക്കേണ്ടതുണ്ട്. സമീപപ്രദേശത്തുള്ള പഞ്ചായത്ത് കിണർ നവീകരിച്ച് മോട്ടോർ സ്ഥാപിച്ച് ടൂറിസം കേന്ദ്രത്തിലേക്ക് വെള്ളമെത്തിക്കാനുള്ള സാധ്യത അധികൃതർ പരിശോധിക്കണമെന്നാണ് നാട്ടുകാരുടെ നിർദേശം.
സഞ്ചാരികൾക്ക് വിശ്രമിക്കാനും പ്രകൃതിഭംഗി ആസ്വദിക്കാനും കഴിയുന്ന തരത്തിൽ ഇരിപ്പിടങ്ങളും മറ്റ് സൗകര്യങ്ങളും ഒരുക്കണം. മനോഹരമായ വ്യൂ പോയിന്‍റുകളും പ്രകൃതിദൃശ്യങ്ങളും ഉണ്ടായിട്ടും അടിസ്ഥാന സൗകര്യങ്ങളുടെ കുറവു മൂലം നിരാശയോടെയാണ് മടങ്ങുന്നതെന്ന് സഞ്ചാരികൾ പറയുന്നു.
രാത്രികാല സുരക്ഷ ഉറപ്പാക്കണം
ടൂറിസം കേന്ദ്രത്തിലും സമീപപ്രദേശങ്ങളിലും രാത്രികാല സുരക്ഷ ഉറപ്പാക്കണമെന്ന ആവശ്യവും ഉയരുന്നുണ്ട്. പ്രദേശത്തെ കടകളിൽ മോഷണശ്രമങ്ങൾ ഉണ്ടായത് വ്യാപാരികളെ ആശങ്കയിലാക്കി. ആഴ്ചയിൽ രണ്ട ുതവണയെങ്കിലും രാത്രികാല പോലീസ് പട്രോളിംഗ് ഏർപ്പെടുത്തണമെന്നാണ് നാട്ടുകാരുടെ ആവശ്യം. ഇല്ലിക്കൽകല്ല് ഉൾപ്പടെയുള്ള സമീപ വിനോദസഞ്ചാര കേന്ദ്രങ്ങളിലേക്കും മലമുകളിലേക്ക് നടന്നു പോകുന്നവർക്കും ആവശ്യമായ സുരക്ഷാ നിർദേശങ്ങളും മുന്നറിയിപ്പുകളും ഒരുക്കേണ്ടതുണ്ട്.
വികസന പാക്കേജ് വേണം
വിനോദസഞ്ചാര സീസൺ ആരംഭിക്കുന്നതോടെ ചോനമലയിലേക്ക് ആയിരക്കണക്കിനാളുകൾ എത്താനുള്ള സാധ്യതയുണ്ട്. അതിനാൽ പൊതുശൗചാലയം, കുടിവെള്ളം, വഴിവിളക്കുകൾ, റോഡ് വശങ്ങൾ വൃത്തിയാക്കൽ, സംരക്ഷണഭിത്തികളുടെ പരിപാലനം, മുന്നറിയിപ്പ് ബോർഡുകൾ, വിശ്രമിക്കാനുള്ള സൗകര്യങ്ങൾ എന്നിവ ഉൾപ്പെടുത്തി അടിയന്തര വികസന പാക്കേജ് നടപ്പാക്കണമെന്നാണ് നാട്ടുകാരുടെയും സഞ്ചാരികളുടെയും ആവശ്യം.
തലനാട് പഞ്ചായത്തും പൊതുമരാമത്ത് വകുപ്പും ടൂറിസം വകുപ്പും മറ്റു ബന്ധപ്പെട്ട അധികൃതരും സംയുക്തമായി ഇടപെട്ട് ചോനമലയുടെ വികസനത്തിന് ആവശ്യമായ നടപടികൾ സ്വീകരിക്കണം. പ്രകൃതിയുടെ മനോഹാരിത മാത്രം പോരാ, അവിടെയെത്തുന്നവർക്ക് സുരക്ഷിതമായ യാത്രയും അടിസ്ഥാന സൗകര്യങ്ങളും ഉറപ്പാക്കണം. വലിയ ടൂറിസം സാധ്യതയുള്ള ചോനമലയെ അടിസ്ഥാന സൗകര്യങ്ങളോടുകൂടിയ മികച്ച വിനോദസഞ്ചാര കേന്ദ്രമായി വികസിപ്പിക്കണമെന്നതാണ് നാട്ടുകാരുടെ ആവശ്യം.
Kottayam
പാലാ: പീറ്റര്‍ ഫൗണ്ടേഷന്‍ ചെയര്‍മാനും സാമൂഹിക പ്രവര്‍ത്തകനുമായ ഷിബു പീറ്റര്‍ വെട്ടുകല്ലേലിന് അമേരിക്കയിലെ നാഷണല്‍ കിഡ്‌നി ഫൗണ്ടേഷന്റെ ഹ്യുമാനിറ്റി സര്‍വീസ് എക്‌സലന്‍സ് അവാര്‍ഡ് ലഭിച്ചു.
വൃക്കരോഗ പ്രതിരോധ പ്രവര്‍ത്തനങ്ങള്‍ക്കും നിര്‍ധനരായ വൃക്കരോഗികള്‍ക്ക് സൗജന്യ ഡയാലിസിസ് സഹായം ലഭ്യമാക്കുന്നതിനും ആരോഗ്യരംഗത്തെ ബോധവത്കരണത്തിനുമായി ദീര്‍ഘകാലമായി നടത്തിവരുന്ന നിസ്വാര്‍ഥ സേവനങ്ങള്‍ പരിഗണിച്ചാണ് പുരസ്കാരം സമ്മാനിച്ചത്.
കേരളത്തിലെ വിവിധ ആശുപത്രികള്‍ക്ക് ഡയാലിസിസ് മെഷീനുകള്‍ സംഭാവന നല്‍കിയും അര്‍ഹരായ നിര്‍ധന രോഗികള്‍ക്ക് സൗജന്യമായി ഡയാലിസിസ് ചെയ്യുന്നതിനുള്ള സൗകര്യങ്ങള്‍ ഒരുക്കിയും അദ്ദേഹം ശ്രദ്ധേയമായ പ്രവര്‍ത്തനങ്ങളാണ് നടത്തിവരുന്നത്.
അമേരിക്കയിലെ കെയര്‍ ആന്‍ഡ് ഷെയര്‍ ചാരിറ്റബിള്‍ ഓര്‍ഗനൈസേഷന്‍റെ എക്സിക്യൂട്ടീവ് അംഗവും ചിക്കാഗോ ക്നാനായ കത്തോലിക്ക സൊസൈറ്റി ബോര്‍ഡ് മെമ്പറുമായ ഷിബു പീറ്റര്‍ വിവിധ സന്നദ്ധ സംഘടനകളുമായും റോട്ടറി ക്ലബ്ബുകളുമായും സഹകരിച്ച് ജീവകാരുണ്യ പ്രവര്‍ത്തനങ്ങളില്‍ സജീവമാണ്.
Kottayam
കോട്ടയം: സിഐടിയു സംസ്ഥാന സമ്മേളനത്തോടനുബന്ധിച്ചു കോട്ടയം നഗരത്തില്‍ ഇന്നു ഗതാഗത ക്രമീകരണം ഏര്‍പ്പെടുത്തി. ഉച്ചകഴിഞ്ഞ് രണ്ടു മുതല്‍ നഗരത്തിലേക്കുള്ള വാഹനങ്ങളുടെ പ്രവേശനത്തിനും നഗരത്തിലൂടെയുള്ള യാത്രയ്ക്കും നിയന്ത്രണങ്ങള്‍ ഉണ്ടായിരിക്കും.
ഇന്നുച്ചകഴിഞ്ഞു ഭാരവാഹനങ്ങള്‍ക്കു നഗരത്തിലേക്കു പ്രവേശനം അനുവദിക്കില്ല.
ചങ്ങനാശേരി ഭാഗത്തുനിന്ന് എംസി റോഡ് വഴി വരുന്ന വലിയ വാഹനങ്ങള്‍ ളായിക്കാട് ബൈപാസ് ജംഗ്ഷനില്‍നിന്ന് തിരിഞ്ഞ് റെയില്‍വേ ജംഗ്ഷനിലെത്തി കുരിശുംമൂട്, തെങ്ങണ, ഞാലിയാകുഴി, പുതുപ്പള്ളി, മണര്‍കാട് വഴി പോകണം.
നാട്ടകം ഭാഗത്തുനിന്ന് എംസി റോഡ് വഴി വരുന്ന കഞ്ഞിക്കുഴി, മണര്‍കാട്, പുതുപ്പള്ളി ഭാഗങ്ങളിലേക്ക് പോകേണ്ട വാഹനങ്ങള്‍ മണിപ്പുഴ ജംഗ്ഷനില്‍നിന്ന് വലത്തേക്ക് തിരിഞ്ഞ് കടുവാക്കുളം, കൊല്ലാട് വഴി പോകണം. മണിപ്പുഴ ഭാഗത്തുനിന്ന് വരുന്ന സ്വകാര്യ ബസുകള്‍ കോടിമതയിലെത്തി സര്‍വീസ് അവസാനിപ്പിച്ച് തിരികെ പോകണം.
കടുത്തുരുത്തി, കുറവിലങ്ങാട് ഭാഗങ്ങളില്‍നിന്ന് വരുന്ന വലിയ വാഹനങ്ങള്‍ പട്ടിത്താനം കവലയില്‍നിന്ന് തിരിഞ്ഞ് തിരുവഞ്ചൂര്‍, മണര്‍കാട്, പുതുപ്പള്ളി വഴി പോകണം.
ഏറ്റുമാനൂര്‍ ഭാഗത്തുനിന്ന് വരുന്ന ബസുകള്‍ ഒഴികെയുള്ള വാഹനങ്ങള്‍ വട്ടമൂട് ജംഗ്ഷനില്‍നിന്ന് തിരിഞ്ഞ് കഞ്ഞിക്കുഴി വഴി പോകണം.
ഏറ്റുമാനൂര്‍ ഭാഗത്തുനിന്നുള്ള സ്വകാര്യ ബസുകള്‍ ബേക്കര്‍ ജംഗ്ഷന്, ശീമാട്ടി റൗണ്ട്, സെന്‍ട്രല്‍ ജംഗ്ഷന് വഴി തിരുനക്കര ബസ് സ്റ്റാന്‍ഡിലെത്തി തിരികെ പോകണം.
ചാലുകുന്ന് ഭാഗത്തുനിന്ന് വരുന്ന സ്വകാര്യ ബസുകളും ബേക്കര്‍ ജംഗ്ഷനിലെത്തി ശീമാട്ടി റൗണ്ട്, സെന്‍ട്രല്‍ ജംഗ്ഷന് വഴി തിരുനക്കര ബസ് സ്റ്റാന്‍ഡിലെത്തി തിരികെ പോകണം.
തിരുവാര്‍പ്പ്, തിരുവാതുക്കല്‍, കാരാപ്പുഴ ഭാഗങ്ങളില്‍നിന്നുള്ള ബസുകള്‍ തിരുനക്കര ബസ് സ്റ്റാന്‍ഡിലെത്തി തിരികെ പോകണം.
മണര്‍കാട് ഭാഗത്തുനിന്ന് ചങ്ങനാശേരി ഭാഗത്തേക്ക് പോകേണ്ട വാഹനങ്ങള്‍ മണര്‍കാട് ജംഗ്ഷനില്‍നിന്ന് പുതുപ്പള്ളി, തെങ്ങണ വഴി പോകണം. ഏറ്റുമാനൂര്‍ ഭാഗത്തേക്ക് പോകേണ്ട വാഹനങ്ങള്‍ തിരുവഞ്ചൂര്‍, പേരൂര്‍ വഴി പോകണം.
കെകെ റോഡ് വഴി വരുന്ന നാട്ടകം, ചിങ്ങവനം ഭാഗങ്ങളിലേക്ക് പോകേണ്ട വാഹനങ്ങള്‍ കഞ്ഞിക്കുഴിയില്‍നിന്ന് തിരിഞ്ഞ് കൊല്ലാട്, കടുവാക്കുളം വഴി പോകണം.
കെകെ റോഡ് വഴി വരുന്ന സ്വകാര്യ ബസുകള്‍ തിരുനക്കര ബസ് സ്റ്റാന്‍ഡിലെത്തി ശീമാട്ടി റൗണ്ട്, ശാസ്ത്രി റോഡ്, ലോഗോസ് ജംഗ്ഷന് വഴി തിരികെ പോകണം.
പൊന്‍കുന്നം, കാഞ്ഞിരപ്പള്ളി ഭാഗങ്ങളിലേക്ക് പോകേണ്ട കെഎസ്ആര്‍ടിസി ബസുകള്‍ ഐഡ ജംഗ്ഷന്, മണിപ്പുഴ, ദിവാന്‍ കവല, കടുവാക്കുളം, പുതുപ്പള്ളി, മണര്‍കാട് വഴി പോകണം.
Kottayam
എരുമേലി: ശബരിമല തീർഥാടനകാലം ആരംഭിക്കുമ്പോൾ എരുമേലിയിലെ മൂന്ന് പ്രധാന റോഡിടങ്ങൾ അപകടങ്ങളുടെ ഭീതിയിലാകും. കണമല ഇറക്കം, കണ്ണിമല മഠംപടി എസ് വളവ്, കരിങ്കല്ലുമ്മുഴി കയറ്റം എന്നിവിടങ്ങളിലാണ് ഓരോ തീർഥാടനകാലത്തും അപകടങ്ങൾ ആവർത്തിക്കുന്നത്.
നിരവധി സുരക്ഷാ ക്രമീകരണങ്ങളും മുന്നറിയിപ്പുകളും ഒരുക്കിയിട്ടും അപകടങ്ങൾക്ക് കുറവില്ല. ഇത്തവണത്തെ ശബരിമല തീർഥാടനകാലം ആരംഭിക്കാൻ ഒരാഴ്ച മാത്രം ശേഷിക്കേ ഈ മൂന്നിടങ്ങളും സുരക്ഷിത മേഖലകളാക്കി മാറ്റാൻ അടിയന്തര നടപടി വേണമെന്ന ആവശ്യം ശക്തമാകുകയാണ്.
കൃത്യമായ പഠനവും പരിശോധനയും നടത്തി ശാശ്വത പരിഹാരം കണ്ടെത്തുകയാണ് വേണ്ടത്. ഗതാഗത വകുപ്പ്, പൊലിസ്, മോട്ടോർ വാഹന വകുപ്പ്, പൊതുമരാമത്ത് വകുപ്പ്, ദേശീയപാതാ വിഭാഗം എന്നിവയെ ഉൾപ്പെടുത്തി വിദഗ്ധ സമിതി രൂപീകരിച്ച് സുരക്ഷാ നടപടികൾ നടപ്പാക്കണമെന്നാണ് ആവശ്യം.
അപകടമൊഴിയാതെ കണമല
കണമലയിൽ മാക്കൽ കവല പൊലിസ് ചെക്ക് പോസ്റ്റ് മുതൽ ആരംഭിക്കുന്ന ഒരു കിലോമീറ്ററോളം ദൈർഘ്യമുള്ള ഇറക്കവും തുടർന്നുള്ള വളവുകളും അപകടഭീഷണിയിലാണ്. നിരവധി മരണങ്ങൾക്കിടയാക്കിയ അട്ടിവളവും ഇതിൽ ഉൾപ്പെടുന്നു. വിവിധ ഭാഷകളിലുള്ള മുന്നറിയിപ്പ് ബോർഡുകൾ സ്ഥാപിച്ച് വാഹനയാത്രക്കാർക്ക് ജാഗ്രതാ നിർദേശം നൽകിയിട്ടുണ്ടെങ്കിലും അപകടങ്ങൾ ആവർത്തിക്കുകയാണ്.
കഴിഞ്ഞ വർഷങ്ങളിലെ കണക്കുകൾ പരിശോധിച്ചാൽ നൂറോളം പേർ വിവിധ അപകടങ്ങളിലായി ഇവിടെ മരിച്ചിട്ടുണ്ട്. പരിക്കേറ്റവരുടെ എണ്ണം ഇതിന്റെ ഇരട്ടിയിലേറെയാണ്. അപകടങ്ങളിൽ ഏറെയും ഇതര സംസ്ഥാന വാഹനങ്ങളാണ് ഉൾപ്പെട്ടിട്ടുള്ളത്. ശബരിമല തീർഥാടനകാലത്താണ് അപകടങ്ങൾ കൂടുതലായി സംഭവിക്കുന്നത്. നാട്ടുകാരുടെ വാഹനങ്ങൾ അപകടത്തിൽപ്പെട്ട സംഭവങ്ങൾ ഇല്ലെന്നുതന്നെ പറയാം.
കണ്ണിമലയിൽ...
കണ്ണിമല മഠംപടിയിലെ എസ് ആകൃതിയിലുള്ള ഇറക്കവും അവസാനത്തെ ദുർഘട വളവും കഴിഞ്ഞ തീർഥാടനകാലങ്ങളിലും അപകടമേഖലയായിരുന്നു. ഇവിടെ രാവും പകലും പൊലിസ് കാവൽ ഏർപ്പെടുത്തിയിരുന്നു. വളവിൽ ക്രാഷ് ബാരിയർ സ്ഥാപിച്ചെങ്കിലും വാഹനങ്ങൾ ഇടിച്ചുതകർത്തതോടെ ബാരിയറിന് മുന്നിൽ കരിങ്കല്ലുകൾ നിരത്തി ടയറുകൾ ഉപയോഗിച്ച് സുരക്ഷാ കവചവും ഒരുക്കി. എന്നിട്ടും അപകടങ്ങൾക്ക് കുറവുണ്ടായില്ല.
വെല്ലുവിളിയായി
കരിങ്കല്ലുമ്മൂഴി
എരുമേലി-റോഡിലെ ശബരിമല പ്രവേശനവഴിയായ കരിങ്കല്ലുമ്മൂഴി ജംഗ്ഷനിലും അപകടസാധ്യത ഏറെയാണ്. കുത്തനേയുള്ള കയറ്റത്തിൽ വലിയ വാഹനങ്ങൾ നിന്നുപോകുന്നതും ഇറക്കത്തിൽ നിയന്ത്രണം നഷ്ടപ്പെടുന്നതുമാണ് പ്രധാന പ്രശ്നങ്ങൾ. എന്നാൽ, പ്രദേശത്തെ സ്വകാര്യ ബസുകൾക്ക് ഇത്തരം ബുദ്ധിമുട്ടുകൾ നേരിടുന്നില്ല. ഇവിടെയും ശബരിമല സീസണിലാണ് അപകടങ്ങൾ കൂടുതലായി സംഭവിക്കുന്നത്. കുത്തനേയുള്ള കയറ്റവും ഇറക്കവും ഭൗമഘടനയുടെ പ്രത്യേകതകൾ കാരണം ലഘൂകരിക്കാൻ പ്രയാസമാണെന്നാണ് പൊതുമരാമത്ത് വകുപ്പിന്‍റെ വിശദീകരണം.
അപകടമേഖലകൾ സുരക്ഷിതമാക്കണം
രണ്ടര മാസം നീളുന്ന ശബരിമല തീർഥാടനകാലത്ത് കണമലയും കണ്ണിമലയും കരിങ്കല്ലുമ്മുഴിയും വീണ്ടും അപകടങ്ങളുടെ പേരിൽ വാർത്തകളിൽ ഇടംപിടിക്കരുതെന്നാണ് നാട്ടുകാരുടെ ആവശ്യം.
ഓരോ വർഷവും അപകടങ്ങൾ ആവർത്തിച്ചിട്ടും താത്കാലിക സുരക്ഷാ ക്രമീകരണങ്ങളിൽ ഒതുങ്ങുന്ന നടപടികൾക്ക് പകരം ശാസ്ത്രീയമായ പഠനത്തിലൂടെ ശാശ്വത പരിഹാരം കണ്ടെത്തണം.
തീർഥാടനകാലം ആരംഭിക്കുന്നതിന് മുമ്പുതന്നെ ബന്ധപ്പെട്ട സർക്കാർ സംവിധാനങ്ങൾ അടിയന്തരമായി ഇടപെടുമെന്ന പ്രതീക്ഷയിലാണ് നാട്ടുകാർ
Kottayam
ചങ്ങനാശേരി: പെരുന്ന ബസ് സ്റ്റാന്‍ഡിന്‍റെ ശോചനീയാവസ്ഥ ഉടന്‍ പരിഹരിക്കണമെന്ന് ലെന്‍സ്ഫെഡ് ചങ്ങനാശേരി ഏരിയാ കമ്മിറ്റി ആവശ്യപ്പെട്ടു. പ്രൈവറ്റ് ബസും കെഎസ്ആര്‍ടിസി ബസും ഒരുപോലെ എത്തിച്ചേരുന്ന ബസ് സ്റ്റാന്‍ഡാണിത്.
ആലപ്പുഴയില്‍നിന്നും കോട്ടയത്തുനിന്നും ധരാളം യാത്രക്കാര്‍ വന്നുപോകുന്ന ബസ് സ്റ്റാന്‍ഡുകൂടിയാണിത്. ഇവിടെനിന്നും ബസുകള്‍ കാത്തുനില്‍ക്കുന്നവര്‍ക്ക് ഇരിപ്പിടമില്ലാത്തത് വലിയ പ്രതിസന്ധിയാണ്. വയോജനങ്ങൾ, സ്ത്രീകള്‍, വിദ്യാര്‍ഥികള്‍ ഉള്‍പ്പടെ ദിനംപ്രതി നൂറുകണക്കിനു യാത്രികര്‍ ഇവിടെ എത്തുന്നുണ്ട്.
സമയബന്ധിതമായ ശുചീകരണമില്ലാത്തതിനാല്‍ ബസ് സ്റ്റാന്‍ഡ്മലീമസമാണ്. നഗരത്തിലെ ഒന്നാംനമ്പര്‍ ബസ് സ്റ്റാന്‍ഡിന്‍റെ അവസ്ഥയും വ്യത്യസ്തമല്ല. ഇവിടെ എത്തുന്ന ബസുകള്‍ക്ക് തിരിക്കാനും പാര്‍ക്കിംഗിനും പര്യാപ്തമായ ഇടമില്ല. യാത്രക്കാര്‍ക്ക് ആവശ്യമായ അടിസ്ഥാനസൗകര്യങ്ങളുമില്ല.
വ്യാപാരികളെയും യാത്രക്കാരെയും ഒരുപോലെ ആകര്‍ഷിക്കുന്ന തരത്തില്‍ ഈ ബസ് സ്റ്റാന്‍ഡുകള്‍ ആധുനിക രീതിയില്‍ നവീകരിക്കണമെന്നും ലെന്‍സ് ഫെഡ് കോണ്‍ക്ലേവ് അഭിപ്രായപ്പെട്ടു. ബസ് സ്റ്റാന്‍ഡുകളിലെ പൊലിസ് എയ്ഡ് പോസ്റ്റുകളുടെ പ്രവര്‍ത്തനം സുസജ്ജമാക്കണമെന്നും യോഗം അഭ്യര്‍ഥിച്ചു. ഏരിയ പ്രസിഡന്റ് ചെറിയാന്‍ നെല്ലുവേലി യോഗം ഉദ്ഘാടനം ചെയ്തു. ജോണ്‍സണ്‍ ജോണ്‍ അധ്യക്ഷത വഹിച്ചു. ജോഷി സെബാസ്റ്റ്യൻ, അജിത് എസ്. പോള്‍ ആന്റണി, ശരത് കുമാർ, ബിജു ചെറുകാട്, നജിമോന്‍ പി.എ. മാര്‍ട്ടിന്‍ വള്ളപ്പുര, നാരായണ ശര്‍മ ജാക്ക്‌സണ്‍ സേവ്യർ, ജയചന്ദ്രന്‍ പി.സി. എന്നിവര്‍ പ്രസംഗിച്ചു.
Kottayam
ചങ്ങനാശേരി: കേരളത്തിന്‍റെ വളര്‍ച്ചയ്ക്ക് പ്രവാസികള്‍ നല്‍കിയ പങ്ക് മഹത്തരമാണെന്ന് മുന്‍രാജ്യസഭാ ഉപാധ്യക്ഷന്‍ പി.ജെ. കുര്യൻ. കേരള പ്രദേശ് പ്രവാസി കോണ്‍ഗ്രസ് ചങ്ങനാശേരി താലൂക്ക് സമ്മേളനം ആര്‍ക്കാലിയ ഹോട്ടല്‍ ഓഡിറ്റോറിയത്തില്‍ ഉദ്ഘാടനം ചെയ്യുകയായിരുന്നു അദ്ദേഹം.
വിനുജോബ് എംഎല്‍എ മുഖ്യപ്രഭാഷണം നടത്തി. നഗരസഭാ ചെയര്‍മാന്‍ ജോമി ജോസഫ്, പ്രവാസി കോണ്‍ഗ്രസ് ജില്ലാ പ്രസിന്‍റ് മധുര സലിം, പ്രവാസി കോണ്‍ഗ്രസ് സംസ്ഥാനസെക്രട്ടറി ഷിബു റാന്നി, രഞ്ചപ്പന്‍ തൂമ്പുങ്കൽ, ജോസി സെബാസ്റ്റ്യന്‍, പി.എസ്. രഘുറാം, അജീസ് ബെന്‍ മാത്യൂസ്, കെ.എ. ജോസഫ്, ബാബു കോയിപ്പുറം, ആന്റണി കുന്നുംപുറം, പി.എൻ. നൗഷാദ് എന്നിവര്‍ പ്രസംഗിച്ചു.
Kottayam
ചങ്ങനാശേരി: കണ്ണൂരില്‍ നടന്ന സംസ്ഥാന സീനിയര്‍ ബാസ്കറ്റ്ബോള് ചാമ്പ്യന്‍ഷിപ്പില്‍ വനിതാ വിഭാഗത്തില്‍ കോട്ടയം ജില്ലയെ പ്രതിനിധീകരിച്ച ചങ്ങനാശേരി അസംപ്ഷന് കോളജ് ടീം മൂന്നാം സ്ഥാനം കരസ്ഥമാക്കി. മൂന്നാം സ്ഥാനത്തിനായുള്ള മത്സരത്തില്‍ കോട്ടയം ജില്ല 61, 52 എന്ന സ്‌കോറിന് വിജയിച്ചാണ് വെങ്കലമെഡല്‍ നേടിയത്.
കോട്ടയം ജില്ലയ്ക്കായി മത്സരിച്ച ടീമിലെ മുഴുവന്‍ താരങ്ങളും അസംപ്ഷന് കോളജിലെ വിദ്യാര്‍ഥിനികളായിരുന്നു. സംസ്ഥാനതല മത്സരത്തില്‍ മികച്ച പ്രകടനം കാഴ്ചവച്ചാണ് ടീം അഭിമാനകരമായ നേട്ടം സ്വന്തമാക്കിയത്.
ശക്തമായ എതിരാളികള്‍ക്കെതിരേ മികച്ച ടീം പ്രകടനമാണ് അസംപ്ഷന് താരങ്ങള്‍ കാഴ്ചവച്ചത്. ടീമിന്‍റെ മികച്ച പ്രകടനത്തിന് അസംപ്ഷന് കോളജ് സ്‌പോര്‍ട്‌സ് കൗണ്‍സില്‍ പരിശീലകന്‍ ജോബിന്‍ വര്‍ഗീസിനും ടീം അംഗങ്ങള്‍ക്കും കോളജ് മാനേജ്മെന്റും ജില്ലാ ബാസ്കറ്റ്ബോള് അസോസിയേഷനും അഭിനന്ദനങ്ങള്‍ നേര്‍ന്നു. സംസ്ഥാന സീനിയര്‍ ചാമ്പ്യന്‍ഷിപ്പിലെ ഈ നേട്ടം അസംപ്ഷന് കോളജിന്‍റെ ബാസ്കറ്റ്ബോള് രംഗത്തെ മികച്ച മുന്നേറ്റത്തിന് മറ്റൊരു പൊന്‍തൂവലായി.
Kottayam
വൈക്കം: അനധികൃതമായി കക്കത്തോട് കടത്തുന്നതിനെതിരേ ഫിഷറീസ് വകുപ്പ് നടപടി ശക്തമാക്കുന്നു.അടുത്ത കാലത്ത് നടന്ന രണ്ട് റെയ്ഡുകളിൽ വെച്ചൂർ, കുലശേഖരമംഗലം എന്നിവടങ്ങളിൽ നിന്നായി അനധികൃതമായി കക്കത്തോട് കടത്തുന്നതിനിടയിൽ ഫിഷറീസ് അധികൃതർ വാഹനങ്ങൾ പിടികൂടി കേസെടുത്തിരുന്നു.
കഴിഞ്ഞ ദിവസം ഫിഷറീസ് വകുപ്പിന്‍റെ പതിവ് പട്രോളിംഗിന്‍റെ ഭാഗമായി ബണ്ട് റോഡ്, വൈക്കം, മറവൻതുരുത്ത്, മേക്കര പ്രദേശങ്ങളിൽ നടത്തിയ പരിശോധനയിൽചെമ്മനാകരി, കെഎസ് മംഗലം എന്നീ ഭാഗങ്ങളിൽനിന്നും രണ്ടു ലോറികളിലായി അനധികൃതമായി കടത്താൻ ശ്രമിച്ച 9.5 ടൺ കക്കത്തോട് പിടിച്ചെടുത്തിരുന്നു.
കക്ക സഹകരണ സംഘങ്ങൾക്ക് അനുവദിക്കുന്ന കടത്ത് പെർമിറ്റ് ഇല്ലാതെയാണ് കക്കാത്തോട് കൊണ്ടുപോകാൻ ശ്രമിച്ചത്. സ്വകാര്യ വ്യക്തികൾക്ക് 200 കിലോയിൽ കൂടുതൽ കക്കയോ കക്കത്തോടോ കക്ക ഇറച്ചിയോ ജലമാർഗമോ കരമാർഗമോ കൊണ്ടുപോകണമെങ്കിൽ പെർമിറ്റ് അനിവാര്യമാണ്. ഫിഷറീസ് വകുപ്പ് നൽകുന്ന പെർമിറ്റിന്‍റെ അടിസ്ഥാനത്തിൽ കക്ക സംഘങ്ങൾ അനുവദിക്കുന്ന പാസ് ഉപയോഗിച്ച് മാത്രമേ കക്കത്തോട് വാഹനങ്ങളിൽ കൊണ്ടുപോകാൻ സാധിക്കുകയുള്ളു. നിയമലംഘനം നടത്തിയവർക്കെതിരേ കെഐഎഫ്എ നിയമപ്രകാരം പിഴ ഈടാക്കി.
കോട്ടയം ജില്ല ഫിഷറീസ് ഡെപ്യൂട്ടി ഡയറക്ടർ പി.ശ്രീകുമാറിന്‍റെ നിർദ്ദേശപ്രകാരം അസിസ്റ്റന്‍റ് ഡയറക്ടർ എ.കൃഷ്ണകുമാരിയുടെ നേതൃത്വത്തിൽ നടത്തിയ പരിശോധനയിൽ വൈക്കം ഫിഷറീസ് ഇൻസ്പെക്ടർ ഓഫിസിലെ അസിസ്റ്റന്‍റ് ഫിഷറീസ് എക്സ്റ്റൻഷൻ ഓഫിസർ മറ്റംമെറിറ്റ് കുര്യൻ, ഫിഷറീസ് ഓഫിസർ അയനരാജപ്പൻ, പി.എ.ജിഷ്ണു, ജെ.ഗിരീഷ്, ആർ.സ്വാതിഷ് എന്നിവർ ഉൾപ്പെട്ട സംഘമാണ് കക്ക കടത്തിയ വാഹനങ്ങൾ പിടികൂടിയത്.
മല്ലികക്ക വാരുന്നതുമൂലം കക്ക ലഭ്യത കുറഞ്ഞു
വേമ്പനാട്ടുകായലിൽ സ്വകാര്യ ലോബികൾ വൻതോതിൽ മല്ലികക്കവാരുന്നത് പരമ്പരാഗത കക്കവാരൽ തൊഴിലാളികളുടെ തൊഴിൽ പ്രതിസന്ധിയിലാക്കുകയും കക്ക വ്യവസായ സംഘങ്ങളെ അടച്ചുപൂട്ടേണ്ട സ്ഥിതിയിലാക്കിയതായും തൊഴിലാളികളും സംഘം ഭാരവാഹികളും ആരോപിക്കുന്നു. വലിയ കക്കയുടെ നാലിലൊന്നിൽ താഴെ വലിപ്പമുളളവയാണ് മല്ലികക്കകൾ. തണ്ണീർമുക്കം ബണ്ട് നിശ്ചിത സമയത്ത് തുറക്കാത്തതുമൂലം കക്കയുടെ ഉത്പാദനത്തിൽ ഗണ്യമായ കുറവുണ്ടായിട്ടുണ്ടെന്ന് തൊഴിലാളികൾ പറയുന്നു. കക്ക ലഭ്യത കുറഞ്ഞതോടെ കോട്ടയം ആലപ്പുഴ ജില്ലകളിലുണ്ടായിരുന്ന ഭൂരിഭാഗം കക്ക സംഘങ്ങളും പ്രവർത്തനം നിർത്തി.
വൈക്കത്തും പൂത്തോട്ടയിലുമൊക്കെയുള്ള തൊഴിലാളികൾ മുഹമ്മവരെ പോയികക്ക വാരേണ്ട സ്ഥിതിയാണെന്ന് തൊഴിലാളികൾ പറയുന്നു. കായലിൽ സ്വകാര്യ ലോബികൾ തൊഴിലാളികളെ ഉപയോഗിച്ച് മല്ലികക്കയടക്കം വാരി കടത്തുന്നതുമൂലമാണ് കക്കാ ലഭ്യത കുറഞ്ഞതെന്നാണ് തൊഴിലാളികളുടെ ആരോപണം. അനധികൃത മണൽവാരലിനെതിരേ ബോട്ടിൽ പട്രോളിംഗ് നടത്തി നിയമ ലംഘനം ചെറുത്തതുപോലെ കായലിലെ അനധികൃത കക്കവാരലിനെതിരേ നടപടി ശക്തമാക്കണമെന്നാണ് പരമ്പരാഗത തൊഴിലാളികളും സംഘം അധികൃതരും ആവശ്യപ്പെടുന്നത്.
Kottayam
വൈക്കം: പ്ലാസ്റ്റിക് ഷീറ്റ് പൊതിഞ്ഞ വീട്ടിൽനിന്ന് ചോരാത്ത അടച്ചുറപ്പുള്ള വീടിന്‍റെ സുരക്ഷിതത്വത്തിൽ ഒൻപതുകാരൻ അദ്രിദേവിനും അമ്മയ്ക്കും ഇനി അന്തിയുറങ്ങാം. ഭിന്നശേഷിയുള്ളവർക്ക് കരുതലേകി ദേശവ്യാപകമായി പ്രവർത്തിക്കുന്ന സമദൃഷ്‌ടി ക്ഷമതാ വികാസ് മണ്ഡലിന്‍റെ ആഭിമുഖ്യത്തിലാണ് ചെമ്പ് പനങ്ങാവ് ക്ഷേത്രത്തിനു സമീപമുള്ള നിർധന കുടുംബത്തിന് വീട് നിർമിച്ചുനൽകിയത്.
ഏറ്റുമാനൂർ സ്വദേശി പ്രസന്നനായർ അമ്പുമാലിൽ, ചിറ്റിലപ്പിള്ളി ഫൗണ്ടേഷൻ എന്നിവരുടെ സഹകരണത്തോടെ നിർമിച്ച വീടിന്‍റെ സമർപ്പണം ഇന്നലെ ചലച്ചിത്ര പിന്നണി ഗായിക വൈക്കം വിജയലക്ഷ്‌മിയും താക്കോൽ ദാനം പ്രസന്ന നായരും നിർവഹിച്ചു.
സമദൃഷ്‌ടി ക്ഷമതവികാസ് മണ്ഡലെന്ന സക്ഷമ പെൻഷൻ സഹായം, ഉപകരണ വിതരണം, നിയമ സഹായം, നേത്രദാനം തുടങ്ങി നിരവധി സേവന പ്രവർത്തനങ്ങളുമായി ദിന്നശേഷിക്കാർക്ക് പിൻബലമേകിവരുന്ന സംഘടനയാണ്.
സക്ഷമ വൈക്കം താലൂക്ക് പ്രസിഡന്റ് കണ്ണൻ മരവട്ടിക്കലിന്‍റെ അധ്യക്ഷതയിൽ നടന്ന ഗൃഹസമർപ്പണ സമ്മേളനത്തിൽ സക്ഷമ കേരള രക്ഷാധികാരി എൻ.ആർ. മേനോൻ, ജില്ല പ്രസിഡന്റ് അനു സുഭാഷ്, രാഷ്ട്രീയ സ്വയം സേവക സംഘം കോട്ടയം വിഭാഗ് കാര്യവാഹ് ആർ. സാനു, പഞ്ചായത്ത് അംഗം പി. ദീപു, സക്ഷമ ജില്ലാ സെക്രട്ടറി സ്വപ്ന ശ്രീരാജ്, താലൂക്ക് സെക്രട്ടറി ആർ.സത്യൻ തുടങ്ങിയവർ പ്രസംഗിച്ചു.
Kottayam
എസ്. അനന്തഗോപാൽ പ്രസിഡന്റ്, എസ്. ലക്ഷ്മി സെക്രട്ടറി
കോട്ടയം: എൻഇപി പിൻവലിക്കുക, പൊതുവിദ്യാഭ്യാസം സംരക്ഷിക്കുക, എന്‍‌റ്റിഎ പിരിച്ചുവിടുക, ഗ്യാനേഷ് കുമാറിനെ പുറത്താക്കുക, എസ്ഐആർ നിർത്തലാക്കുക എന്നീ ആവശ്യങ്ങൾ ഉന്നയിച്ചുകൊണ്ട് ഓൾ ഇന്ത്യാ ഡെമോക്രാറ്റിക് സ്റ്റുഡന്‍റ്സ് ഓർഗനൈസേഷൻ സംഘടിപ്പിച്ച ഏഴാമത് ജില്ലാ വിദ്യാർഥി സമ്മേളനം വൈക്കം മുഹമ്മദ് ബഷീർ സാംസ്കാരിക കേന്ദ്രത്തിൽവച്ച് നടന്നു.
ജില്ലാ പ്രസിഡന്റ് ആയി എസ്. അനന്തഗോപാൽ ,വൈസ് പ്രസിഡന്‍റുമാരായി എസ്. അനാമിക, നിരുപമ പത്മകുമാർ, ബിയ ചെറിയാൻ എന്നിവരെയും ജില്ലാ സെക്രട്ടറിയായി എസ്. ലക്ഷ്മി, ജോയിന്റ് സെക്രട്ടറിമാരായി പി. പ്രഗതി, വി. നിരഞ്ജൻ, എ. അഭിജിത്ത്, ശ്രീകാന്ത് ശർമ, ശ്രീകാന്ത് മധു എന്നിവരെയും ട്രഷററായി മാധവി റോയ്, ഓഫിസ് സെക്രട്ടറിയായി ഹെലൻ തമ്പി എന്നി വരെയും തെരഞ്ഞെടുത്തു. 12 അംഗ എക്സിക്യൂട്ടിവ് കമ്മിറ്റിയെയും 20 അംഗ വർക്കിംഗ് കമ്മിറ്റിയെയും 35 അംഗ ജില്ലാ കൗൺസിലിനെയും സമ്മേളനം തെരഞ്ഞെടുത്തു. എഐഡിഎസ്ഒ സംസ്ഥാന സെക്രട്ടേറിയറ്റ് അംഗം ആർ. അജിത് ഉത്ഘാടനം ചെയ്തു.
എഐഡിഎസ്ഒ സംസ്ഥാന പ്രസിഡന്റ് എസ്. അലീന, എസ്‌യുസിഐ-സി ജില്ലാ സെക്രട്ടറി മിനി കെ. ഫിലിപ്പ്, എഐഡിവൈഒ സംസ്ഥാന പ്രസിഡന്റ് ഇ.വി. പ്രകാശ്, എഐഎംഎസ്എസ് ജില്ലാ സെക്രട്ടറി കെ.പി. മായമോൾ എന്നിവർ ആശംസകൾ അറിയിച്ചു. സംസ്ഥാന വൈസ് പ്രസിഡന്റ് അഖിൽ മുരളി സമാപന സന്ദേശം നൽകി.
Kottayam
കടുത്തുരുത്തി: മഴയ്‌ക്കൊപ്പമെത്തിയ ഇടിമിന്നലില്‍ കനത്ത നാശം. കോതനല്ലൂരില്‍ ഫാമിലെ പശു ചത്തു. വീട്ടിലെ ഉപകരണങ്ങള്‍ കത്തിനശിച്ചു. കാരിക്കോട് മിന്നലില്‍ വീടിന്‍റെ തറയുടെ ടൈലുകള്‍ പൊട്ടിത്തെറിച്ചു. ഫാമില്‍ കെട്ടിയിരുന്ന കറവപ്പശുവാണ് മിന്നലേറ്റ് ചത്തത്. വീട്ടിലെ വൈദ്യുതി ഉപകരണങ്ങളും നശിച്ചു. കോതനല്ലൂര്‍ ചാമക്കാലാ ഓട്ടപ്പള്ളില്‍ ജേക്കബ് ജയിംസിന്‍റെ പശുവാണ് ചത്തത്. കഴിഞ്ഞദിവസം രാത്രി ഏഴോടെയാണ് അപകടം.
ഫാമില്‍ 25 പശുക്കളും മൂന്ന് കിടാക്കളുമുണ്ട്. മിന്നലില്‍ വീടിന്‍റെ ഇലക്‌ട്രി കേബിളുകളും സ്വിച്ച് ബോര്‍ഡുകളും പൊട്ടിത്തെറിച്ചു പ്രദേശത്ത് പുകയും തീയും ഉയര്‍ന്നു. വീട്ടുകാര്‍ പരിക്കേല്‍ക്കാതെ രക്ഷപ്പെട്ടു. 70,000 രൂപയോളം വിലവരുന്ന പശുവാണ് ചത്തതെന്ന് വീട്ടുകാര്‍ പറഞ്ഞു. പോസ്റ്റ്‌മോര്‍ട്ടത്തിനു ശേഷം ജഡം മറവു ചെയ്തു. വീട്ടിലെ ഫാനുകളും മീറ്റര്‍ ബോക്സുകളും തകര്‍ന്നു.
കാരിക്കോട് നടുക്കാവുങ്കല്‍ ശിവദാസന്‍ നായരുടെ വീട്ടിലും ഇടിമിന്നല്‍ നാശംവിതച്ചു. മിന്നലില്‍ വീടിന്‍റെ തറയിലെ ടൈലുകള്‍ പൊട്ടിത്തെറിച്ചു. ഗൃഹോപകരണങ്ങളും വയറിംഗും കത്തിനശിച്ചു. വീട്ടിലുണ്ടായിരുന്നവര്‍ പരിക്കേല്‍ക്കാതെ രക്ഷപ്പെട്ടു. കഴിഞ്ഞദിവസം വൈകുന്നേരം അഞ്ചോടെയുണ്ടായ ഇടിമിന്നലാണ് അപകടമുണ്ടാക്കിയത്. സംഭവം നടക്കുമ്പോള്‍ ശിവദാസന്‍ നായരും ഭാര്യ കമലയും വീട്ടിലുണ്ടായിരുന്നു. ടൈലുകള്‍ പൊട്ടിത്തെറിച്ചതോടെ ദമ്പതികള്‍ പുറത്തേക്ക് ഓടി. വീട്ടിലെ വയറിഗും സ്വിച്ച് ബോര്‍ഡുകളും പൊട്ടിത്തെറിച്ചു. ഫ്രിഡ്ജും വാഷിംഗ് മെഷീനും അമിത വൈദ്യുതി പ്രവാഹത്തില്‍ കത്തിനശിച്ചു. ശിവദാസന്‍ നായരുടെ ചെവിക്ക് പരിക്കേറ്റു.
Kottayam
കാപ്പുന്തല: നസ്രാണി ദയറായില്‍ സംഗീതോപകരണങ്ങളുടെ പരിശീലനം ആരംഭിച്ചു. ഹെന്തോയിലെ മലങ്കര വിദ്യാപീഠം സ്ഥിതി ചെയ്യുന്ന ബേസ് അപ്രേം നസ്രാണി ദയ്‌റാ കാപ്പുംതലയില്‍ സമുദായ ശക്തീകരണ വര്‍ഷത്തിന്‍റെ ഭാഗമായി അപ്പന്‍ നസ്രാണി പൈതൃക ക്ലബ്ബിന്‍റെ പ്രവര്‍ത്തനമാരംഭിച്ചു.
അര്‍ക്കദിയാക്കോന്മാര്‍, പള്ളിവീട്ടിൽ- പറമ്പില്‍ ചാണ്ടി മെത്രാൻ, പാറേമ്മാക്കല്‍ തോമാ കത്തനാര്‍ ഗോവര്‍ണദോര്‍, അന്തോനി കത്തനാര്‍ കുടക്കച്ചിറ, നിധീരിക്കല്‍ മാണിക്കത്തനാര്‍ എന്നിവരുടെ ബഹുമാനാര്‍ഥമാണ് അപ്പന്‍ എന്ന നാമം ക്ലബ്ബിനിട്ടിരിക്കുന്നത്. ഇതിനോടനുബന്ധിച്ച് ഓര്‍ഗന്‍/ പിയാനോ/ ഹാര്‍മോണിയം, വയലിൻ, ഡ്രം പരിശീലനം വെള്ളിയാഴ്ചകളില്‍ നടത്തുന്നു.
സുറിയാനി ഭാഷാ പഠനത്തിനായുള്ള സ്ലീവാ സ്‌കൂള്‍ ശനിയാഴ്ചകളിലും ഹെന്തോ അക്കാദമിയുടെ ഭാഗമായി മാര്‍ത്തോമ്മാ മാര്‍ഗ പരിശീലനവും ചരിത്ര പഠനവും രണ്ടാം ശനിയാഴ്ചകളിലും സുറിയാനി പാട്ടുകൾ, റമ്പാന്‍ പാട്ട്, മാര്‍ഗംകളി, പരിചമുട്ടുകളി എന്നീ നസ്രാണികലകളുടെയും പരിശുദ്ധ കുര്‍ബാനയിലെ മദ്ബഹാ ശുശ്രൂഷികൾ, ഗാന ശുശ്രൂഷകര്‍ എന്നിവര്‍ക്കുള്ള പരിശീലനവും ഞായറാഴ്ചകളില്‍ നടക്കും.
പഠനത്തിനായി പാറേമാക്കല്‍ ലൈബ്രറി, കരിയാറ്റി മ്യൂസിയം എന്നിവ ദയറായില്‍ പ്രവര്‍ത്തിക്കുന്നു. ദിവസവും രാവിലെ 6.30ന് സുറിയാനി ഭാഷയില്‍ പരിശുദ്ധ കുര്‍ബാനയും ശനിയാഴ്ചകളില്‍ വൈകുന്നേരം 6.30ന് സായാഹ്ന നമസ്‌കാരവും സമുദായ യോഗവും നടക്കും. വിവരങ്ങള്‍ക്ക്
ഫോൺ- 9496542361.
Kottayam
വൈക്കം: ദീർഘകാല കൊതുകുജന്യ രോഗ പ്രതിരോധ ശുചിത്വ പദ്ധതിയുമായി വൈക്കം ടൗൺ റോട്ടറി ക്ലബ്. കൊതുകുജന്യ രോഗങ്ങൾ തടയുന്നതിനും പൊതുജനങ്ങളിൽ ആരോഗ്യശുചിത്വ ബോധവത്്കരണം ശക്തിപ്പെടുത്തുന്നതിനുമായി വൈക്കം ടൗൺ റോട്ടറി ക്ലബ്ബിന്‍റെ നേതൃത്വത്തിൽ മിഷൻ മോസ്കിറ്റോ എന്ന പേരിൽ മനുഷ്യരും കൊതുകുകളും തമ്മിലുള്ള പോരാട്ടം പ്രഖ്യാപിക്കുന്ന ബൃഹത്തായ സാമൂഹിക ആരോഗ്യപദ്ധതിക്ക് ഇന്ന് തുടക്കം കുറിക്കും.
ഡെങ്കിപ്പനി, മലേറിയ, ചിക്കുൻഗുനിയ തുടങ്ങിയ രോഗങ്ങൾക്കെതിരേ പ്രതിരോധം ശക്തിപ്പെടുത്തുന്നതിനായി വീടുകളിലും പരിസരങ്ങളിലും വെള്ളം കെട്ടിനിൽക്കുന്നത് ഒഴിവാക്കുക, കൊതുകുകളുടെ പ്രജനന കേന്ദ്രങ്ങൾ കണ്ടെത്തി നശിപ്പിക്കുക, വ്യക്തിശുചിത്വത്തോടൊപ്പം പരിസരശുചിത്വവും ഉറപ്പാക്കുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ. വൈക്കം വടക്കേനട ഗവൺമെന്‍റ് എൽപി സ്കൂളിൽ കുട്ടികൾക്കായുള്ള ബോധവത്കരണ പരിപാടിയോടെയാണ് പദ്ധതിയുടെ പ്രാരംഭ പ്രവർത്തനങ്ങൾ ആരംഭിക്കുന്നത്.
തുടർന്ന് എൽപി സ്കൂൾ മുതൽ ഹയർ സെക്കൻഡറി, കോളജ് തലം വരെയുള്ള വിദ്യാർഥികളെ ഉൾപ്പെടുത്തി ബോധവത്കരണ പ്രവർത്തനങ്ങൾ വ്യാപിപ്പിക്കും. കുട്ടികളെ ശുചിത്വത്തിന്‍റെയും ആരോഗ്യസംരക്ഷണത്തിന്‍റെയും സന്ദേശവാഹകരാക്കി അവരുടെ കുടുംബങ്ങളിലേക്കും സമൂഹത്തിലേക്കും ഈ സന്ദേശം എത്തിക്കുകയാണ് പദ്ധതിയുടെ ലക്ഷ്യം. വൈക്കം നഗരസഭയിലെ വിവിധ വാർഡുകളിലും സമീപ പഞ്ചായത്തുകളിലും ജനപ്രതിനിധികൾ, ആരോഗ്യവകുപ്പ്, വിദ്യാഭ്യാസ സ്ഥാപനങ്ങൾ, കുടുംബശ്രീ, റസിഡന്‍റ്സ് അസോസിയേഷനുകൾ, യുവജന-സന്നദ്ധ സംഘടനകൾ എന്നിവയുടെ സഹകരണത്തോടെ ജനകീയ ബോധവത്കരണവും ശുചീകരണ പ്രവർത്തനങ്ങളും സംഘടിപ്പിക്കും.
മൂന്ന് മുതൽ നാല് വർഷം വരെ നീളുന്ന ദീർഘകാല ദൗത്യമായാണ് പദ്ധതി വിഭാവനം ചെയ്തിരിക്കുന്നത്. വൈക്കത്തെ ശുചിത്വത്തിനും പൊതുജനാരോഗ്യ ബോധവത്കരണത്തിനും മാതൃകയായ പ്രദേശമാക്കി മാറ്റുകയാണ് ലക്ഷ്യം. ഈ പദ്ധതിയിൽ മറ്റു റോട്ടറി ക്ലബ്ബുകളെയും സാമൂഹികസന്നദ്ധ സംഘടനകളെയും പൊതുജനങ്ങളെയും പങ്കാളികളാക്കും. പരിപാടി വിശദീകരിച്ച വാർത്താ സമ്മേളനത്തിൽ റോട്ടറി ക്ലബ് പ്രസിഡന്റ് അനൂപ് കുമാർ രവീന്ദ്രനാഥ്, സെക്രട്ടറി ഡോ. ജി. മനോജ്, ട്രഷറർ ഹരികൃഷ്ണൻ, പ്രോജക്ട് കോ-ഓർഡിനേറ്റർ ജീവൻ ശിവറാം , സ്വാമിനാഥൻ, ഹരീന്ദ്രൻ തുടങ്ങിയവർ സംബന്ധിച്ചു.
Kottayam
കുമരകം: കോണത്താറ്റ് പാലത്തിന്‍റെ പ്രവേശന പാത താഴ്ന്ന് അപകടാവസ്ഥയിലായതിനെത്തുടർന്ന് നടത്താൻ തീരുമാനിച്ച അടിയന്തര അറ്റകുറ്റപ്പണികൾക്ക് മഴ വില്ലനായി.
കഴിഞ്ഞയാഴ്ച മധ്യത്തോടെ അറ്റകുറ്റപ്പണി നടത്താനായിരുന്നു നാട്ടകം സുരേഷ് എംഎൽഎയുടെ നേതൃത്വത്തിലുള്ള ഉദ്യോഗസ്ഥ സംഘത്തിന്‍റെ തീരുമാനം. ഇതിനാവശ്യമായ മെറ്റലും ടാറും യന്ത്രങ്ങളും എല്ലാം സ്ഥലത്ത് എത്തിക്കുകയും ചെയ്തു. എന്നാൽ മഴമൂലം ഇതുവരെ പണി ആരംഭിക്കാൻ കഴിഞ്ഞിട്ടില്ല. ഇന്ന് നിർമാണം നടത്താനാകുമെന്ന പ്രതീക്ഷയും ഇന്നലെ രാത്രിയിലെ മഴയെത്തുടർന്ന് ഉപേക്ഷിക്കേണ്ട സ്ഥിതിയാണ്.
പാലത്തിന്‍റെ കിഴക്കേക്കരയിലെ പ്രവേശന പാത താഴ്ന്നതോടെ ഇതുവഴിയുള്ള വാഹനയാത്ര അതീവ അപകടകരമായ അവസ്ഥയിലാണ്. രണ്ട് അപകടങ്ങൾ നടന്നു കഴിഞ്ഞു. പാലത്തിന്‍റെ ഇറക്കത്തിൽ ഓട്ടോറിക്ഷയിൽനിന്ന് തെറിച്ചുവീണ വീട്ടമ്മ രക്ഷപ്പെട്ടത് തലനാരിഴയ്ക്കാണ്.
എൻജിനിയറിംഗിലെ അപാകത ഗുരുതരം
സ്റ്റോൺ കോളം ചെയ്ത് മണ്ണ് ബലപ്പെടുത്തി പ്രവേശന പാത നിർമിച്ചാലും 54 സെ.മീ. താഴുമെന്ന് കേരള ഹൈവേ റിസേർച്ച് ഇൻസ്റ്റിറ്റ്യൂട്ട് മുന്നറിയിപ്പു നൽകിയെങ്കിലും കാര്യമായി എടുത്തില്ല. പെട്ടെന്ന് ഇടിഞ്ഞു താഴാതിരിക്കാൻ വേണ്ടിയായിരുന്നു സ്റ്റോൺ കോളം നിർമിച്ചത്. എന്നാൽ സ്റ്റോൺ കോളം ചെയ്ത ഭാഗം താഴുകയും കൽക്കെട്ട് താഴോട്ട് ഇരിക്കുകയും വിള്ളലുകൾ വീഴുകയും ചെയ്യാൻ ഏറെ നാൾ വേണ്ടി വന്നില്ല.
മണ്ണിന്‍റെ ഭാരവാഹക ശേഷി (എൻ-വാല്യൂ) കുറവായതിനാൽ പാലത്തിന്‍റെ ഇരുവശത്തും മൂന്നു ലാൻഡ് സ്പാൻ വീതം നിർമിച്ചിരുന്നു. ആലപ്പുഴ എസി റോഡ് ചെയ്തതു പോലെ പ്രവേശന പാതയുടെ പൂർണ നീളത്തിൽ അപ്റോച്ച് സ്പാനായി വാർക്കണമെന്ന നിർദ്ദേശം പരിഗണിക്കപ്പെട്ടില്ല. കിഴക്ക് ഭാഗത്തെങ്കിലും 12 മീറ്റർ നീളമുള്ള മൂന്ന് സ്പാൻകൂടി നിർമിച്ചിരുന്നെങ്കിൽ പ്രശ്നങ്ങൾ ഉണ്ടാകുമായിരുന്നില്ലെന്ന് നിർമാണ രംഗത്തെ വിദഗ്ധർ അഭിപ്രായപ്പെട്ടിരുന്നു.
മാത്രവുമല്ല ടാറിംഗിനു പകരം 100 എംഎം ഘനത്തിലുള്ള ലോക്ക് കട്ടപാകണമെന്ന നിർദ്ദേശവും ചെവിക്കൊണ്ടില്ല, കട്ട പാകുകയായിരുന്നെങ്കിൽ ഒരു രാത്രി കൊണ്ടു തന്നെ താഴുന്ന അത്രയും ജിഎസ്ബി ഇട്ട് ഉറപ്പിച്ച് കട്ട തിരിച്ചിട്ടാൽ മതിയായിരുന്നു. പിന്നീട് താഴ്ന്നാലും ഇതേ നടപടി വേഗം പൂർത്തിയാക്കാം. അഞ്ചു വർഷമെങ്കിലും പ്രവേശന പാത താഴ്‌ന്നു കൊണ്ടിരിക്കുമെന്നാണ് വിവരം. നടപ്പാത പൊളിച്ച് ഉയർത്താനുള്ള പണി മാത്രമാണ് ആരംഭിച്ചിട്ടുള്ളത്.
Ernakulam
പറവൂർ: കഠിനമായ കാല് വേദനയുമായി പറവൂർ താലൂക്ക് ഗവ.ആശുപത്രിയിലെത്തിയ രോഗിക്ക് ചികിത്സാ പിഴവ്മൂലം കാൽ മുറിച്ച് മാറ്റേണ്ടി വന്നതായി ആക്ഷേപം. കുന്നുകര വയൽക്കര ആറ്റുവേപ്പിൽ അബ്ദുൾ ജബ്ബാറിനാണ് (56)ആശുപത്രി അധികൃതരുടെ അനാസ്ഥ മൂലം വലതുകാലിന്‍റെ മുട്ടിന് താഴെ മുറിച്ച് കളയേണ്ട ദുരവസ്ഥ ഉണ്ടായത്.
ജൂലൈ 29ന് രാത്രി പറവൂർ താലൂക്ക് ഗവ. ആശുപത്രിയിൽ വലതുകാലിന്‍റെ ഉള്ളംകാലിനടിയിൽ കഠിനമായ വേദനയുമായി ചികിത്സയ്ക്ക് എത്തിയ അബ്ദുൾ ജബ്ബാറിന് ഉണ്ടായ രോഗം ഡോക്ടർ മനസിലാക്കുകയോ കഠിനമായ വേദനമൂലം രാത്രി രണ്ടുതവണ ആശുപത്രിയിലെത്തിയിട്ടും മറ്റൊരു ആശുപത്രിയിലേക്ക് റഫർ ചെയ്യാതിരുന്നതുമൂലമാണ് കാൽ മുറിച്ചു മാറ്റേണ്ടി വന്നതെന്ന് ജബ്ബാർ ആരോപിക്കുന്നു. കാലിന് സ്ട്രോക്ക് ഉണ്ടായതു കാഷ്വാലിറ്റിയിലുണ്ടായിരുന്ന ഡോക്ടർ തിരിച്ചറിഞ്ഞില്ലെന്നും കഠിനമായ വേദനയുണ്ടായിട്ടും മറ്റൊരു ആശുപത്രിയിലേക്ക് റഫർ ചെയ്തില്ലെന്നും പരാതിയിൽ അബ്ദുൾ ജബ്ബാർ ആരോപിക്കുന്നു.
കാലിനു സ്ട്രോക്ക് ഉണ്ടായാൽ മണിക്കൂറുകൾക്കകം വാസ്കുലർ സർജറിയോ രക്തയോട്ടം കൂട്ടാനുള്ള മരുന്നുകളോ നൽകേണ്ടതാണ്. എന്നാൽ പിറ്റേന്ന് വന്ന് സർജനെ കാണാൻ പറഞ്ഞു ഡോക്ടർ രോഗിയെ വീട്ടിൽ പറഞ്ഞയയ്ക്കുകയായിരുന്നുവത്രേ.
പിറ്റേന്ന് രാവിലെ ആശുപത്രിയിലെത്തി സർജനെ കണ്ടപ്പോൾ കാലിനുണ്ടായ സ്ട്രോക്ക് ആണ് വേദനക്ക് കാരണമെന്നും കഠിനമായ വേദന തുടങ്ങി ആറ് മുതൽ എട്ട് മണിക്കൂറിനകം ശസ്ത്രക്രിയ ചെയ്യേണ്ടതായിരുന്നുവെന്നും ഇനി മുട്ടിന് താഴെ മുറിച്ച് മാറ്റാതെ നിർവാഹമില്ലെന്നും സർജൻ പറയുകയായിരുന്നു. തുടർന്ന് വലതുകാൽമുട്ടിന് താഴെ മുറിച്ച് മാറ്റിയെന്നും ജീവിതം വഴിമുട്ടിയ അവസ്ഥയായെന്നും അബ്ദുൾ ജബ്ബാർ പറയുന്നു.
കാൽ മുറിച്ച് മാറ്റേണ്ടി വന്ന സംഭവത്തിൽ ഗൗരവകരമായ അന്വേഷണം നടത്തണമെന്നും കുറ്റക്കാർക്കെതിരെ കർശന നടപടി ഉണ്ടാകണമെന്നും സിപിഎം ഏരിയ സെക്രട്ടറി ടി.വി. നിധിൻ ആവശ്യപ്പെട്ടു. ഇതു സംബന്ധിച്ച അന്വേഷണ റിപ്പോർട്ട് അടുത്ത ദിവസം തയ്യാറാകുമെന്നും നടപടി കൈക്കൊള്ളുമെന്നും സൂപ്രണ്ട് ഡോ.ആഷ കെ. ജോൺ ഉറപ്പു നൽകി. കാലതാമസം ഉണ്ടായാൽ ആശുപത്രിക്ക് മുന്നിൽ സമരം തുടങ്ങാനാണ് അബ്ദുൾ ജബ്ബാറിന്‍റെ നീക്കം. ആശുപത്രി സൂപ്രണ്ടിന്‍റെ വിശദമായ റിപ്പോർട്ട് കിട്ടുന്ന മുറയ്ക്ക് കുറ്റക്കാർക്കെതിരെ നടപടി ഉണ്ടാകുമെന്നും രമേഷ് ഡി. കുറുപ്പ് പറഞ്ഞു.
Ernakulam
തൃപ്പൂണിത്തുറ: തൃപ്പൂണിത്തുറ-വൈറ്റില റോഡിൽ പേട്ട ജംഗ്ഷനിൽ റോഡിന്‍റെ നടുവിൽ രൂപപ്പെട്ട ഗർത്തം വാഹന യാത്രികരുടെ ജീവന് ഭീഷണിയായി മാറിയിരിക്കുകയാണ്. കണ്ടെയ്നർ ലോറിയും ബസും ഉൾപ്പടെയുള്ള വലിയ വാഹനങ്ങൾ ഇവിടെ എത്തുന്പോൾ നിർത്തിയ ശേഷമാണ് മുന്നോട്ട് നീങ്ങുന്നത്. ഇരുചക്ര വാഹനങ്ങളും കാറുകളും അപകടത്തിൽപ്പെടുന്നത് പതിവാണ്.
ഗർത്തത്തിന് തൊട്ടടുത്തെത്തുന്പോൾ മാത്രമാണ് ചെറിയ വാഹനങ്ങൾ ഓടിക്കുന്നവർക്ക് അപകടക്കുഴി കാണാനാകൂ. വാഹനം പെട്ടെന്ന് നിർത്തിയാൽ നിയന്ത്രണംവിട്ട് മറിയും. വെട്ടിച്ചു മാറ്റിയാൽ സമീപത്തെ മെട്രോ പില്ലറിൽ ഇടിക്കും.
മൂവാറ്റുപുഴ, കാക്കനാട്, വൈക്കം, കോട്ടയം ഭാഗത്തുനിന്നു വരുന്ന ആയിരക്കണക്കിന് വാഹനങ്ങളാണ് ഇതുവഴി ദിവസവും പോകുന്നത്. ഒരു മീറ്റർ നീളത്തിൽ ഒരടിയോളം ആഴത്തിലാണ് ഗർത്തം.
ഇവിടെ ഗർത്തം രൂപപ്പെട്ടിട്ട് മാസങ്ങളായെന്ന് സമീപത്തെ വ്യാപാരികൾ പറഞ്ഞു. അധികൃതരുടെ ശ്രദ്ധയിൽപ്പെടുത്തിയാൽ താത്കാലികമായി മണ്ണും ചെറിയ കല്ലുകളും കൊണ്ടിട്ട് നികത്താറാണ് പതിവ്. ദിവസങ്ങൾക്ക് മുന്പ് ടാറിംഗ് മിശ്രിതം ഇട്ട് നികത്തിയെങ്കിലും പിറ്റേന്ന് തന്നെ ഇവ ഇളകിമാറി വീണ്ടും വൻ ഗർത്തം രൂപപ്പെട്ടെന്നും അവർ ചൂണ്ടിക്കാട്ടി.
നിയന്ത്രണങ്ങളില്ലാത്ത ജംഗ്ഷൻ
ഏറ്റവും തിരക്കേറിയ ജംഗ്ഷനാണെങ്കിലും ഇവിടെ ഗതാഗത നിയന്ത്രണമോ, സൂചനാ ബോർഡുകളോ ഇല്ല. ചില ദിവസങ്ങളിൽ മാത്രമാണ് ഹോം ഗാർഡുകളുടെ സേവനമുള്ളൂ. കുണ്ടന്നൂർ, എറണാകുളം, തൃപ്പൂണിത്തുറ, ഇരുന്പനം ഭാഗത്തു നിന്നുള്ള വാഹനങ്ങൾ ഇവിടെ നിന്നാണ് തിരിഞ്ഞു പോകുന്നത്.
എവിടെ വച്ച് തിരിയണമെന്നോ, എങ്ങോട്ട് പോകണമെന്നോ കാണിക്കുന്ന ഒരു മുന്നറിയിപ്പും ഇവിടെ ഇല്ല. മൂന്നും കൂടുന്ന തിരക്കേറിയ ജംഗ്ഷനും വൻ വളവും ആയിരുന്നിട്ടു പോലും ഇവിടെ ഡിവൈഡറോ, സിഗ്നൽ ലൈറ്റോ സ്ഥാപിക്കാൻ ഇതു വരെയും ബന്ധപ്പെട്ട അധികൃതർ തയാറായിട്ടില്ല. വാഹനങ്ങൾ കൂട്ടിയിടിക്കുന്നത് പതിവാണെങ്കിലും വൻ ദുരന്തം ഉണ്ടാകാത്തത് ഭാഗ്യം കൊണ്ട് മാത്രമാണെന്ന് വാഹന യാത്രികൻ പറഞ്ഞു.
Ernakulam
ആലുവ: ബംഗളൂരുവിൽ നടന്ന 16-ാമത് വേൾഡ് കരാട്ടെ ടൂർണമെന്‍റിൽ ഇന്ത്യയെ പ്രതിനിധീകരിച്ച് 24 മെഡലുകൾ സ്വന്തമാക്കി ആലുവ സ്വദേശികൾ. ആറു സ്വർണം, ആറു വെള്ളി, 12 വെങ്കലം എന്നിങ്ങനെയാണ് നേട്ടം.
എ.ആർ. രാഹുൽ, ലിഡിൽ ഡേവിസ്, ഡെൻസിൽ ജോസഫ്, സി.എസ്. ദേവിക, സി.എസ്. ജ്യോതിക, മൂസിന എന്നിവർ സ്വർണ മെഡൽ കരസ്ഥമാക്കി. ബിന്ദു ജോളി, കെ. ലളിതാംബാൾ, അനാമിക, ഹൃദ്യ സുരേഷ്, എ.എസ്. ക്രിസ്റ്റിൻ, മിനർവ എന്നിവർ വെള്ളി മെഡലും, ഇവാനിയ റോസ്വിൻ, രേവതി പ്രശാന്ത്, കാതറിൻ ജോർജ് (രണ്ട് മെഡലുകൾ), ദിയ, ഐശ്വര്യ, അശ്വിൻ, അഞ്ജിന (രണ്ട് മെഡലുകൾ) കൃഷ്ണേന്ദു, ബിന്ദിയ, ക്രിസ്റ്റിൻ എന്നിവർ വെങ്കല മെഡലുകളും സ്വന്തമാക്കി. എല്ലാവരും ചൂർണിക്കര ഒകെഎസ്കെ കരാട്ടെ സ്കൂൾ വിദ്യാർഥികളാണ്.
മെഡൽ ജേതാക്കൾക്ക് ചൂർണിക്കര എസ്പിഡബ്ല്യു സ്കൂളിൽ പഞ്ചായത്തിന്‍റെ നേതൃത്വത്തിൽ സ്വീകരണം നൽകി. സിനിമാതാരം ടിനി ടോം ഉദ്ഘാടനം ചെയ്തു. ചൂർണിക്കര പഞ്ചായത്ത് പ്രസിഡന്റ് നസീർ ചൂർണിക്കര അധ്യക്ഷത വഹിച്ചു. ജനസേവ ചെയർമാൻ ജോസ് മാവേലി, എ.പി. ഉദയകുമാർ, ലീന ജയൻ, ഡെൽവിൻ ഡേവിസ്, ജെസി തുടങ്ങിയവരും പങ്കെടുത്തു.
Ernakulam
കൊച്ചി: വല്ലാർപാടം കണ്ടെയ്നർ ടെർമിനൽ പദ്ധതിക്കായി കുടിയൊഴിപ്പിക്കപ്പെട്ട കുടുംബങ്ങൾക്ക് സർക്കാർ നൽകിയ പുനരധിവാസ പ്രദേശങ്ങളിലെ ചതുപ്പുനിലങ്ങൾ ബലപ്പെടുത്താൻ ആവശ്യമായ മണൽ കൊച്ചി തുറമുഖ അഥോറിറ്റി സൗജന്യമായി അനുവദിച്ചു. ഇത് സംബന്ധിച്ചുള്ള അഥോറിറ്റിയുടെ കത്ത് പിഡബ്ല്യുഡി എക്സിക്യൂട്ടീവ് എൻജിനിയർക്കു ലഭിച്ചു.
പുതുവൈപ്പിൽ എൽഎൻജി ടെർമിനലിന് സമീപം 2008 മുതൽ ഡ്രഡ്ജ് ചെയ്തു സംഭരിച്ചിരിക്കുന്ന മണൽ സ്റ്റോക്കിൽ നിന്നാണ് 52,958.70 ക്യുബിക് മീറ്റർ മണൽ സൗജന്യമായി നൽകാൻ കൊച്ചിൻ പോർട്ട് അഥോറിറ്റി സമ്മതിച്ചത്. വർഷങ്ങളായി മഴയും വെയിലും കൊണ്ട് മണലിന്‍റെ ലവണാംശം ഒഴിവായിട്ടുണ്ടെന്ന് വിദഗ്ധർ സ്ഥിരീകരിച്ചിട്ടുണ്ട്. കുടിയൊഴിപ്പിക്കപ്പെട്ടവർക്കായി കണ്ടെത്തിയ മൂന്ന് പുനരധിവാസ സൈറ്റുകൾ ബലപ്പെടുത്തുന്നതിനാണ് ഈ മണൽ ഉപയോഗിക്കുക.
വല്ലാർപാടം ഇന്‍റർനാഷണൽ കണ്ടെയ്നർ ട്രാൻസ്ഷിപ്പ്മെന്‍റ് ടെർമിനലുമായി ബന്ധപ്പെട്ട റോഡ്-റെയിൽ കണക്ടിവിറ്റി പദ്ധതിക്കു വേണ്ടി കുടിയൊഴിപ്പിക്കപ്പെട്ട കുടുംബങ്ങളുടെ ദീർഘകാലമായുള്ള ആവശ്യമാണ് ഇതോടെ അംഗീകരിക്കപ്പെട്ടത്.
കണ്ടെയ്നർ റോഡിൽ മുളവുകാട് പോലീസ് സ്റ്റേഷന് സമീപം 14 കുടുംബങ്ങൾക്കും, കാക്കനാട് തുതിയൂരിലെ ആദർശ് നഗറിൽ 56 കുടുംബങ്ങൾക്കും കാക്കനാട് ഇന്ദിരാ നഗറിൽ 118 കുടുംബങ്ങൾക്കുമായുള്ള പുനരധിവാസ സൈറ്റുകൾ ബലപ്പെടുന്നതിനാണ് മണൽ ഉപയോഗിക്കുക.
മണൽ പുനരധിവാസ സ്ഥലങ്ങളിലേക്കു നീക്കുന്നതിനു മുന്പ് ജിയോളജിസ്റ്റിൽ നിന്നുള്ള ട്രാൻസിറ്റ് പാസ് ഹാജരാക്കണം. രാവിലെ ആറു മുതൽ വൈകുന്നേരം എട്ടു വരെ മാത്രമാകും മണൽ നീക്കത്തിന് അനുമതിയുള്ളത്.
2008ൽ പദ്ധതിക്കായി ഏഴ് വില്ലേജുകളിൽ നിന്നായി 316 കുടുംബങ്ങളെയാണ് കുടിയൊഴിപ്പിച്ചത്. ജില്ലാ കളക്ടറുടെ തുടർ നടപടികളുടെ ഫലമാണ് മണൽനീക്കത്തിന് അനുമതി ലഭിക്കാൻ സഹായകമായതെന്നു നിരീക്ഷണ സമിതി അംഗങ്ങളായ അഡ്വ. സി.ആർ. നീലകണ്ഠൻ, ഫ്രാൻസിസ് കളത്തുങ്കൽ എന്നിവർ പറഞ്ഞു.
Ernakulam
തൈക്കൂടം: തൈക്കൂടത്ത് കാർ അക്സസറീസ് കടയ്ക്ക് തീപിടിച്ച് കട പൂർണമായും കത്തിനശിച്ചു. വൈറ്റില-തൃപ്പൂണിത്തുറ റോഡിൽ കുന്നറ പാർക്കിന് എതിർവശത്തുള്ള കടയിലാണ് തീപിടിത്തമുണ്ടായത്.
ഇന്നലെ രാത്രി 9.30യോടെയായിരുന്നു സംഭവം. ഉത്തരേന്ത്യൻ സ്വദേശിയുടെ ഉടമസ്ഥതയിലുള്ളതാണ് കട.
കടയിലെ ജോലിക്കാരും സമീപത്തുതന്നെയാണ് താമസിക്കുന്നത്. ഇവർ സംഭവമറിഞ്ഞ് എത്തിയപ്പോഴേക്കും തീ വ്യാപിച്ചിരുന്നു. കടവന്ത്ര, എറണാകുളം, മുളന്തുരുത്തി, തൃപ്പൂണിത്തുറ, തൃക്കാക്കര എന്നിവിടങ്ങളിൽ നിന്നായി അഞ്ച് യൂണിറ്റ് അഗ്നിരക്ഷാ വാഹനങ്ങളെത്തിയാണ് തീ നിയന്ത്രണ വിധേയമാക്കിയത്.
Ernakulam
മൂവാറ്റുപുഴ: എറണാകുളം റവന്യൂ ജില്ലാ ശാസ്ത്രോത്സവം ഇന്ന് മൂവാറ്റുപുഴയില്‍ ആരംഭിക്കും. നിര്‍മല എച്ച്എസ്എസില്‍ രാവിലെ 10.30ന് നക്കുന്ന ചടങ്ങളില്‍ ഡീന്‍ കുര്യാക്കോസ് എംപി ഉദ്ഘാടനം നിര്‍വഹിക്കും. മാത്യു കുഴല്‍നാടന്‍ എംഎല്‍എ അധ്യക്ഷത വഹിക്കും. നഗരസഭ ചെയര്പേഴ്സണ് ജോയ്സ് മേരി ആന്റണി മുഖ്യപ്രഭാഷണം നടത്തും.
ഐടി, ഗണിത ശാസ്ത്ര മേളകള്‍ മുവാറ്റുപുഴ സെന്റ് അഗസ്റ്റിന്‍സ് ഗേള്‍സ് എച്ച്എസ്എസില്‍ നടക്കും. സോഷ്യല്‍ സയന്‍സ് എസ്എന്‍ഡിപി എച്ച്എസ്എസിലും സയന്‍സ് നിര്‍മല എച്ച്എസ്എസിലും പ്രവൃത്തി പരിചയ മേള തര്‍ബിയത്ത് ട്രസ്റ്റ് വിഎച്ച്എസ്എസിലും വൊക്കേഷണല്‍ എക്സ്പോ ഗവ. മോഡല്‍ എച്ച്എസ്എസിലും നടക്കും. 14 ഉപജില്ലകളില്‍ നിന്നായി 4,000 ത്തോളം വിദ്യാര്‍ഥികള്‍ പങ്കെടുക്കും.
നാളെ വൈകുന്നേരം 4.30ന് നിര്‍മല എച്ച്എസ്എസില്‍ നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ.ജി. രാധാകൃഷ്ണന് ഉദ്ഘാടനം ചെയ്യും. നഗരസഭ ചെയര്പേഴ്സണ് ജോയ്സ് മേരി ആന്റണി സമ്മാനദാനം നിര്‍വഹിക്കും.
Ernakulam
കൊച്ചി: സമൂഹമാധ്യമമായ ഇന്‍സ്റ്റഗ്രാമിലെ മെസേജിനെച്ചൊല്ലിയുണ്ടായ തര്‍ക്കത്തില്‍ 17കാരന് സുഹൃത്തുക്കളുടെ ക്രൂരമര്‍ദനം. കലൂരിലെ സ്‌കൂളില്‍ പഠിക്കുന്ന എളമക്കര സ്വദേശിയാണ് നടുക്കുന്ന ക്രൂരതയ്ക്ക് ഇരയായത്. മര്‍ദനത്തെത്തുടര്‍ന്ന് മൂത്രത്തിലൂടെ രക്തംവരുന്ന നിലയിലായ വിദ്യാര്‍ഥി എറണാകുളം ജനറല്‍ ആശുപത്രിയില്‍ ചികിത്സയിലാണ്.
ഭീഷണിയെത്തുടര്‍ന്ന് മര്‍ദന വിവരം കുട്ടി വീട്ടില്‍ അറിയിച്ചിരുന്നില്ല. മൂത്രത്തിലൂടെ രക്തം വരാൻ തുടങ്ങിയതോടെയാണ് ആക്രമണ വിവരം വീട്ടുകാരോട് പറഞ്ഞത്. കുട്ടിയെ ആശുപത്രിയില്‍ പ്രവേശിപ്പിച്ചതോടെ ആശുപത്രി ജീവനക്കാര്‍ പൊലിസിൽ വിവരമറിക്കുകയായിരുന്നു.
സംഭവത്തില്‍ ഇടപ്പള്ളി ചങ്ങമ്പുഴ റോഡിനു സമീപം വാടകയ്ക്ക് താമസിക്കുന്ന 40കാരിയെ എളമക്കര പൊലിസ് അറസ്റ്റ് ചെയ്തു. ഇവരും ഇവരുടെ 16കാരനായ മകനും ആറ് കൂട്ടുകാരും ചേര്‍ന്നാണ് 17കാരനെ മര്‍ദിച്ചത്. അക്രമത്തില്‍ പങ്കാളികളായ പ്രായപൂര്‍ത്തിയാകാത്ത കുട്ടികള്‍ക്കെതിരേ പൊലിസ് സോഷ്യല്‍ ബാക്ക്ഗ്രൗണ്ട് റിപ്പോര്‍ട്ട് തയ്യാറാക്കി ജുവനൈല്‍ ജസ്റ്റീസ് ബോര്‍ഡിന് സമര്‍പ്പിക്കും. കുട്ടികളെ ജുവനൈല്‍ ജസ്റ്റീസ് ബോര്‍ഡിന് മുന്നില്‍ ഹാജരാക്കും. വധശ്രമത്തിനാണ് പൊലിസ് കേസെടുത്തിട്ടുള്ളത്. മര്‍ദ്ദനത്തിന്‍റെ ദൃശ്യങ്ങളും പുറത്തുവന്നു.
സംഭവത്തെക്കുറിച്ച് പൊലിസ് പറയുന്നതിങ്ങനെ;
ഇന്‍സ്റ്റഗ്രാം മെസേജിനെച്ചൊല്ലിയുണ്ടായ തര്‍ക്കം പരിഹരിക്കാമെന്ന് വിശ്വസിപ്പിച്ചാണ് 17കാരനെ അക്രമിസംഘം വീട്ടിലേക്ക് വിളിച്ചുവരുത്തിയത്. മുമ്പ് അയല്‍വാസികളായി കഴിഞ്ഞിരുന്നവരാണ് മര്‍ദനമേറ്റ 17കാരന്‍റെ കുടുംബവും അറസ്റ്റിലായ 40കാരിയുടെ കുടുംബവും. ഈ സമയം ഓണ്‍ലൈന്‍ ഗെയിം കളിക്കാനും മറ്റുമായി 17കാരന്‍റെ പേരില്‍ എല്ലാവര്‍ക്കും ഉപയോഗിക്കാനാകും വിധം ഒരു ഇന്‍സ്റ്റഗ്രാം അക്കൗണ്ട് തുറന്നിരുന്നു.
ഇതിനിടെ ഇരുകുടുംബങ്ങളും തമ്മിലുള്ള തര്‍ക്കത്തെത്തുടര്‍ന്ന് ഇരുവീട്ടുകാരും താമസം മാറി. ഗെയിമിംഗിനും മറ്റും ഉപയോഗിച്ചിരുന്ന 17കാരന്‍റെ ഫോണ്‍ കേടായതിനെത്തുടര്‍ന്ന് പുതിയ മൊബൈല്‍ വാങ്ങി ഇതില്‍ ഇന്‍സ്റ്റഗ്രാം തുറന്നതോടെ ഈ അക്കൗണ്ടില്‍നിന്ന് അശ്ലീല സന്ദേശങ്ങള്‍ അയച്ചതായി കണ്ടെത്തി. ഈ കാര്യം ചോദിച്ചു തുടങ്ങിയ തര്‍ക്കമാണ് ഒടുവില്‍ ക്രൂരമര്‍ദനത്തില്‍ കലാശിച്ചത്.
തര്‍ക്കം പരിഹരിക്കാന്‍ വീട്ടിലേക്ക് വിളിച്ചുവരുത്തിയ ശേഷം 40കാരി 17കാരന്‍റെ തലയ്ക്ക് അടിച്ചു. തുടർന്നാണ് ഇവരുടെ മകനും മറ്റ് കൂട്ടുകാരും ചേര്‍ന്ന് ക്രൂരമര്‍ദനം നടത്തിയത്.
Ernakulam
കൊച്ചി: മനുഷ്യജീവനുകള്‍ പൊലിഞ്ഞിട്ടും ഹൈക്കോടതി രൂക്ഷവിമര്‍ശനം നടത്തിയിട്ടും കൊച്ചിയില്‍ സ്വകാര്യബസുകളുടെ മരണപ്പാച്ചില്‍ തുടരുന്നു. ഗതാഗത നിയന്ത്രണത്തിനായി റോഡിൽ നിൽക്കുന്ന ട്രാഫിക് പൊലിസിനു പോലും രക്ഷയില്ലാതായതോടെ സ്വകാര്യ ബസുകളുടെ ഈ മരണപ്പാച്ചിലിന് ആര് തടയിടുമെന്ന ആശങ്കയിലാണ് പൊതുജനം.
ഓരോ വര്‍ഷവും സ്വകാര്യ ബസുകള്‍ ഉള്‍പ്പെടുന്ന അപകടങ്ങള്‍ വര്‍ധിക്കുന്നതായാണ് ട്രാഫിക് പൊലിസിന്‍റെ കണക്കുകള്‍. 2023ല് 23 മരണങ്ങള്‍ ഉള്‍പ്പടെ 228 അപകടങ്ങള്‍ റിപ്പോര്‍ട്ട് ചെയ്തപ്പോള്‍, അടുത്ത വര്‍ഷം 20 മരണങ്ങള്‍ ഉള്‍പ്പടെ 240 അപകടങ്ങളുണ്ടായി. 2025ല് കേസുകളുടെ എണ്ണം 271 ആയി ഉയര്‍ന്നു. 16 മരണങ്ങളും റിപ്പോര്‍ട്ട് ചെയ്തു. അമിതവേഗവും അശ്രദ്ധമായ ഡ്രൈവിംഗുമാണ് മരണങ്ങള്‍ക്കിടിയാക്കിയിട്ടുള്ളത്.
സ്വകാര്യ ബസുകളുടെ സര്‍വീസ് സമയമാണ് നഗരത്തിലെ അമിതവേഗതയ്ക്ക് കാരണമായി ഉയര്‍ത്തിക്കാട്ടുന്നത്. അപകടങ്ങളും ഇതേത്തുടര്‍ന്നുള്ള മരണങ്ങളും പെരുകുന്ന സാഹചര്യത്തില്‍ നിലവിലെ സമയക്രമത്തില്‍ കാലോചിതമായ പരിഷ്കരണം നടത്തണമെന്ന ആവശ്യവും ശക്തമാണ്.
ലൈസന്‍സില്ലാതെ വാഹനമോടിക്കുക, അമിത വേഗത, അപകടകരമായ ഡ്രൈവിംഗ്, അശ്രദ്ധവും അപകടകരവുമായ ഓവര്‍ടേക്കിംഗ്, ലഹരി കേസുകളിലടക്കം പ്രതികളായവരെ ജീവനക്കാരായി നിയമിക്കുക, നിയമപരമായ ഉത്തരവുകള്‍ മനഃപൂര്‍വം അനുസരിക്കാതിരിക്കുക, നിശ്ചിത ബസ് സ്റ്റോപ്പുകളില്‍ നിര്‍ത്താതിരിക്കുക തുടങ്ങിയ നിയമലംഘനങ്ങളാണ് വിവിധ പരിശോധനകളില്‍ എന്ഫോഴ്സ്മെന്റ് കണ്ടെത്തിയിട്ടുള്ളവ.
ബസിലെ ജീവനക്കാര്‍ക്ക് പൊലിസ് ക്ലിയറന്‍സ് സര്‍ട്ടിഫിക്കറ്റ് നിര്‍ബന്ധമായിരിക്കെ ഇവ കൃത്യമായി പാലിക്കുന്ന വാഹനങ്ങള്‍ വിരലില്‍ എണ്ണാവുന്നവ മാത്രമാണ്. ലഹരി ഉപയോഗിച്ച് വാഹനം ഓടിക്കുന്ന ഡ്രൈവര്‍മാരും, ഡ്രൈവിംഗിനിടെ മൊബൈല്‍ ഫോണ്‍ ഉപയോഗിക്കുന്നവരും നിരവധിയാണ്. റോഡിലെ തിരക്കുമൂലം നഷ്ടപ്പെട്ട സമയം വീണ്ടെടുക്കാനുള്ള മത്സരയോട്ടത്തിനിടെ ഫുട്പാത്തിലൂടെയുള്ള അപകടകരമായ ഡ്രൈവിംഗും നഗരത്തില്‍ റിപ്പോര്‍ട്ട് ചെയ്തിട്ടുണ്ട്.
അതേസമയം കുറ്റക്കാര്‍ക്ക് പലപ്പോഴും ശരിയായ ശിക്ഷ ലഭിക്കുന്നില്ലെന്ന ആക്ഷേപവും ഉയരുന്നുണ്ട്. അപകടങ്ങള്‍ ഉണ്ടാകുമ്പോള്‍ മാത്രം കര്‍ശനമാക്കുന്ന പരിശോധനകളും നിയമങ്ങളും നിരന്തരമാക്കണമെന്ന ആവശ്യവും ശക്തമായിരിക്കുകയാണ്.
Ernakulam
വാഴക്കുളം: കല്ലൂർക്കാട് വിദ്യാഭ്യാസ ഉപജില്ലാ സ്കൂൾ കലോത്സവത്തിൽ 653 പോയിന്‍റോടെ കദളിക്കാട് വിമല മാതാ ഹയർ സെക്കൻഡറി സ്കൂൾ ജേതാക്കളായി. ആനിക്കാട് സെന്റ് സെബാസ്റ്റ്യൻസ് ഹയർ സെക്കൻഡറി സ്കൂൾ 568 പോയിന്‍റോടെ ഫസ്റ്റ് റണ്ണറപ്പായി. വാഴക്കുളം ഇൻഫന്‍റ് ജീസസ് ഹൈസ്കൂളിൽ നടന്ന സമാപന സമ്മേളനം മാത്യു കുഴൽ നാടൻ എംഎൽഎ ഉദ്ഘാടനം ചെയ്തു.
സ്കൂൾ മാനേജർ ഫാ. ഡോ. ജോസ് തുറവക്കൽ അധ്യക്ഷത വഹിച്ചു. ബ്ലോക്ക് പഞ്ചായത്ത് വൈസ് പ്രസിഡന്റ് ജോസ് പെരുമ്പിള്ളിക്കുന്നേൽ കൂപ്പൺ സമ്മാനദാനം നിർവഹിച്ചു. മഞ്ഞള്ളൂർ പഞ്ചായത്തു പ്രസിഡന്റ് ടോമി തന്നിട്ടാമാക്കൽ സമ്മാനദാനം നിർവഹിച്ചു.
പഞ്ചായത്തംഗങ്ങളായ ജിന്‍റോ ടോമി, മേരി ജോൺ, കാർമൽ പബ്ലിക് സ്കൂൾ പ്രിൻസിപ്പൽ ഫാ. ജോൺസൺ വെട്ടിക്കുഴിയിൽ, സ്കൂൾ പ്രധാനാധ്യാപകൻ ഷിബു ജോസഫ്, എൽദോ കുര്യാക്കോസ്, ആനന്ദ് ടോം തുടങ്ങിയവർ പ്രസംഗിച്ചു.
Ernakulam
കോലഞ്ചേരി: യാക്കോബായ സുറിയാനി സഭയുടെ അതിശ്രേഷ്ഠമായ മൂറോൻ കൂദാശയ്ക്ക് മുന്നോടിയായി സഭയുടെ വിവിധ ഭദ്രാസനങ്ങളിൽ നിന്ന് പുത്തൻകുരിശ് പാത്രിയർക്കാ ആസ്ഥാനത്ത് എത്തിച്ചേർന്ന വിളംബര ജാഥകൾക്ക് സ്വീകരണം നൽകി.
അന്ത്യോഖ്യാ പാത്രിയർക്കീസ് ഇഗ്നാത്തിയോസ് പത്രോസ് തൃതീയൻ ബാവയുടെ ഛായാചിത്രം വഹിച്ച് കൊണ്ട് തെക്കൻ ഭദ്രാസനങ്ങളുടെ നേതൃത്വത്തിൽ കൊല്ലം ആദിച്ചനെല്ലൂർ സെന്റ് ജോർജ് യാക്കോബായ സുറിയാനി പള്ളിയിൽ നിന്നുള്ള ഛായാചിത്ര രഥ ഘോഷയാത്ര തെക്കൻ ഭദ്രാസനങ്ങളിലെ വിവിധ പള്ളികളിലെത്തി പ്രാർഥന നടത്തിയ ശേഷം മുളന്തുരുത്തിയിൽ എത്തി കൊച്ചി ഭദ്രാസനത്തിലെ നടമേൽ യാക്കോബായ സുറിയാനി പള്ളിയിൽ നിന്നുള്ള ദീപശിഖയും ഒരുമിച്ചു ചേർന്ന് കാവുംതാഴത്ത് എത്തി.
കോതമംഗലം മാർതോമ ചെറിയ പള്ളിയിൽ നിന്നാരംഭിച്ച പതാകയാത്ര സ്വീകരണങ്ങൾ ഏറ്റു വാങ്ങി കണ്ടനാട് ഭദ്രാസനത്തിൽ നിന്നുള്ള കൊടിമര യാത്രയും കൂടി പെരുവുംമുഴിയിൽ ഒന്നിച്ച് ചേർന്ന് കോലഞ്ചേരി വഴി കാവുംതാഴത്ത് എത്തിച്ചേർന്നു. മുളന്തുരുത്തി സുന്നഹദോസിന് നേതൃത്വം നൽകിയ ചാത്തുരുത്തിൽ ഗ്രീഗോറിയോസ് തിരുമേനിയുടെ ഛായാചിത്ര രഥയാത്ര വടക്കൻ പറവൂർ പള്ളിയിൽ നിന്ന് ആരംഭിച്ച് അങ്കമാലി, കിഴക്കമ്പലം വഴി കാവുംതാഴത്ത് എത്തി.
തുടർന്ന് എല്ലാ വിളംബര ജാഥകളും ഒരുമിച്ച് പാത്രിയർക്കാ സെന്‍ററിലേക്ക് എത്തിയപ്പോൾ ശ്രേഷ്ഠ കാതോലിക്ക ബസേലിയോസ് മാർ ജോസഫ് ബാവയും സഭയിലെ മെത്രപ്പോലീത്തമാരും, സഭാ വൈദിക ട്രസ്റ്റ് ഫാ. റോയി ജോർജ്, സഭാ ട്രസ്റ്റി തമ്പു ജോർജ് തുകലൻ, സഭാ സെക്രട്ടറി ജേക്കബ് സി. മാത്യു എന്നിവരും ചേർന്ന് സ്വീകരിച്ചു.
Ernakulam
മൂവാറ്റുപുഴ: നഗരസഭ നാലാം വാര്‍ഡിലെ എന്‍എസ്എസ് റോഡില്‍ കുടിവെള്ള പൈപ്പുകള്‍ അടിക്കടി പൊട്ടുന്നത് മൂലം റോഡ് പൂര്‍ണമായും തകരുന്നു. ലക്ഷങ്ങള്‍ ചെലവഴിച്ച് ആഴ്ചകൾക്കു മുന്നേ നഗരസഭ ടാര്‍ചെയ്ത റോഡാണ് തകർന്നത്. റോഡ് ടാറിംഗ്കഴിഞ്ഞ് രണ്ടാഴ്ചയ്ക്കുള്ളില്‍ ഏകദേശം ആറിടത്താണ് പൈപ്പ് പൊട്ടിയത്.
അടുത്തിടെ എന്‍സിസി ഓഫിസിന് മുന്പില് പൈപ്പ് പൊട്ടിയത് മൂലം ടാറിംഗ് പൊളിഞ്ഞു പോയ സ്ഥലത്ത് ബൈക്ക് യാത്രികര്‍ വീണ് അപകടം സംഭവിച്ചിരുന്നു. വാര്‍ഡ് കൗണ്‍സിലര്‍ ജി. മനോജ് ജല അഥോറിറ്റി അധികൃതരെ വിവരം അറിയിച്ചു. എന്നാല്‍ അധികൃതര്‍ ഇവിടെ മെറ്റില്‍ ഇട്ടതല്ലാതെ ഉറപ്പിച്ചില്ല. ഇത് ഗുണത്തേക്കാള്‍ ഏറെ ദോഷമാണ് ഉണ്ടാക്കിയത്.എത്രയും വേഗം ശാശ്വത പരിഹാരം കാണാന്‍ അധികൃതര്‍ നടപടി സ്വീകരിക്കണമെന്ന് വാര്‍ഡ് കൗണ്‍സിലര്‍ ജി. മനോജ് ആവശ്യപ്പെട്ടു.
Ernakulam
വൈപ്പിൻ: യൂത്ത് ലീഗ് മറൈൻ ഡ്രൈവിൽ സംഘടിച്ച സമ്മേളനത്തോടനുബന്ധിച്ച് ഇന്നലെ ഗോശ്രീ ഒന്നാം പാലത്തിൽ വൈപ്പിൻ, വല്ലാർപാടം ദ്വീപ് നിവാസികളുടെ സഞ്ചാര സ്വാതന്ത്ര്യം തടഞ്ഞ് ഉത്തരവിറക്കിയനെതിരേ ദ്വീപ് നിവാസികളുടെ വ്യാപകമായ പ്രതിഷേധം. തുടർന്ന് ഉച്ചകഴിഞ്ഞ് രണ്ടിനു ശേഷം വൈകുന്നേരം ഏഴ് വരെയായിരുന്ന ഗതാഗത നിയന്ത്രണം അധികൃതർ വൈകുന്നേരം 3.30 മുതൽ 4.30 വരെയാക്കി വെട്ടിക്കുറച്ചു.
അധികൃതർക്കെതിരേ നിയമനടപടികൾ സ്വീകരിക്കുമെന്ന് മുന്നറിയിപ്പു നൽകി ജില്ലാ കളക്ടർ, കൊച്ചി സിറ്റി പോലീസ് കമ്മിഷണർ, ഡെപ്യൂട്ടി കമ്മിഷണർ ഓഫ് ട്രാഫിക് പൊലിസ്, എറണാകുളം ആർടിഒ എന്നിവർക്ക് രാവിലെ തന്നെ എളങ്കുന്നപ്പുഴ ഗ്രാമപഞ്ചായത്ത് മുൻ ക്ഷേമകാര്യ സ്ഥിരംസമിതി അധ്യക്ഷൻ എം.എം. ജഹാംഗീർ നോട്ടീസ് അയച്ചിരുന്നു.
ഭരണഘടന ഉറപ്പുനൽകുന്ന സഞ്ചാര സ്വാതന്ത്ര്യത്തിന്‍റെയും പൊതുനിരത്തുകളിലെ ഗതാഗത തടസങ്ങൾ സംബന്ധിച്ച കേരള ഹൈക്കോടതി ഉത്തരവുകളുടെയും ലംഘനമാണിതെന്ന് ചൂണ്ടിക്കാട്ടിയാണ് നോട്ടീസ് നൽകിയത്.
വൈപ്പിൻ ദ്വീപിൽനിന്ന് എറണാകുളം നഗരത്തിലേക്കുള്ള വാഹനങ്ങൾ ഉച്ചകഴിഞ്ഞ് രണ്ടിനു ശേഷം വൈകുന്നേരം ഏഴു വരെ ബോൾഗാട്ടി കവലയിൽനിന്ന് കണ്ടെയ്നർ റോഡ് വഴി ചേരാനല്ലൂരിലെത്തി എറണാകുളം നഗരത്തിൽ എത്തണമെന്നായിരുന്നു അധികൃതരുടെ നിർദേശം.
ഇതനുസരിച്ച് ബോൾഗാട്ടി കവലയിൽ നിന്ന് ഒരു കിലോമീറ്ററോളം ദൂരം വരുന്ന മറൈൻഡ്രൈവ്, ജനറൽ ആശുപത്രി തുടങ്ങിയ ഇടങ്ങളിൽ പോകേണ്ടവർക്ക് 24 കിലോമീറ്ററോളം ചുറ്റിത്തിരിഞ്ഞ് ഒരു മണിക്കൂറിലധികം സമയമെടുക്കേണ്ട സാഹചര്യമുണ്ടായി.
മാത്രമല്ല, വാഹന യാത്രക്കാർക്ക് കണ്ടെയ്നർ റോഡിലെ ടോളും നൽകേണ്ടിവന്നു. ഇതെല്ലാം ചൂണ്ടിക്കാട്ടി ഹൈക്കോടതിയിൽ ഹർജി നൽകുന്നതിന് മുന്നോടിയായിട്ടാണ് ഉത്തരവാദിത്വപ്പെട്ട ഉദ്യോഗസ്ഥർക്ക് നോട്ടീസ് അയച്ചിരിക്കുന്നതെന്ന് എം. എം. ജഹാംഗീർ അറിയിച്ചു.
Ernakulam
കാഞ്ഞൂർ: കാഞ്ഞൂർ ഫൊറോന പള്ളിയിൽ 1025-ാം വർഷ ജൂബിലി പ്രവർത്തനങ്ങളുടെ ഭാഗമായി നവീകരിച്ച സിയോൺ പാരിഷ് ഹാൾ ആശീർവദിച്ചു. എറണാകുളം-അങ്കമാലി അതിരൂപത വികാരി ജനറൽ ഫാ. ആന്‍റോ ചേരാംതുരുത്തി കാർമികത്വം വഹിച്ചു.
വികാരി ഫാ. ജോയ് കണ്ണമ്പുഴ നിർമാണ പ്രവർത്തനങ്ങൾക്ക് നേതൃത്വം നൽകിയവരെ ആദരിച്ചു. പൂർണമായി എയർ കണ്ടീഷനോടുകൂടി മൂന്നു ഹാളുകളാണ് നവീകരിച്ചത്. തുടർന്ന് ജൂബിലി ഹാർമണി എന്ന പേരിൽ എക്യൂമെനിക്കൽ ചർച്ച് കൊയർ കോംപറ്റീഷൻ നടന്നു. വിവിധ സഭകളിൽ നിന്നുള്ള ദേവാലയ ഗായകസംഘങ്ങൾ പങ്കെടുത്തു.
സെന്റ് മേരീസ് ഫൊറോന പള്ളി ചേർത്തല ഒന്നാം സ്ഥാനവും സെന്റ് ജോർജ് കത്തീഡ്രൽ പള്ളി കോതമംഗലം രണ്ടാം സ്ഥാനവും നിത്യസഹായ മാതാ പള്ളി, ആയത്തുപടി മൂന്നാം സ്ഥാനവും കരസ്ഥമാക്കി.
Ernakulam
പെരുമ്പാവൂർ: വെങ്ങോല ഗ്രാമപഞ്ചായത്തിലെ പതിനേഴാം വാർഡിലെ പെരുമാനിച്ചിറയുടെ ഒരു ഭാഗം കഴിഞ്ഞ ദിവസം പെയ്ത മഴയിൽ ഇടിഞ്ഞത് പ്രദേശവാസികളെ ഭീതിയിലാഴ്ത്തിയിരിക്കുകയാണ്. 2024-25 വർഷത്തെ ജില്ലാ പഞ്ചായത്തിന്‍റെ വാർഷിക പദ്ധതിയിൽ ഉൾപ്പെടുത്തി ഈ ചിറയുടെ നവീകരണത്തിനായി കരാർ നടപടികൾ നടന്നെങ്കിലും പൂർത്തീകരിക്കാനായിട്ടില്ല. ചിറയിൽ സ്ഥാപിച്ചിരുന്ന റാമ്പുകൾ അന്ന് കരാറുകാരൻ ഹിറ്റാച്ചി ഇറക്കി തകർത്തത് നാട്ടുകാരും ജനപ്രതിനിധികളും പരാതിപ്പെട്ടതിനെ തുടർന്ന് പ്രവൃത്തികൾ നിർത്തിവെക്കുകയുമായിരുന്നു.
മനോജ് മൂത്തേടൻ എംഎൽഎ, തഹസിൽദാർ മായ, പഞ്ചായത്ത് പ്രസിഡന്റ് ഷമീദ ഷെരീഫ്, വൈസ് പ്രസിഡന്റ് വി.എച്ച്. മുഹമ്മദ്, ജില്ലാ പഞ്ചായത്ത് അംഗം സുമയ്യ, വില്ലേജ് ഓഫീസർ സന്ധ്യ തുടങ്ങിയവർ സ്ഥലം സന്ദർശിച്ചു.
വെങ്ങോല ഗ്രാമപഞ്ചായത്ത് 10 ലക്ഷം രൂപയും ജില്ലാ പഞ്ചായത്ത് ആറ് ലക്ഷം രൂപയും ഉൾപ്പെടുത്തി പെട്ടെന്ന് തന്നെ ഇതിനുള്ള പ്രവൃത്തികൾ ആരംഭിക്കാമെന്ന ധാരണ ആയി.
Ernakulam
പറവൂർ: ഹൈബി ഈഡൻ എംപിയുടെ നിർദേശപ്രകാരം പറവൂർ നഗരസഭയുടെ വിവിധ ഭാഗങ്ങളിലായി സ്ഥാപിച്ച ഓപ്പൺ ജിമ്മുകളുടെ ഉദ്ഘാടനം മുഖ്യമന്ത്രി വി.ഡി. സതീശൻ നിർവഹിച്ചു. കൊച്ചിൻ ഷിപ്‌യാർഡ് ലിമിറ്റഡിന്‍റെ സിഎസ്ആർ ഫണ്ടിൽനിന്ന് 40 ലക്ഷം രൂപ അനുവദിച്ചാണ് പദ്ധതി നടപ്പാക്കിയത്.
നഗരസഭയിലെ വൃന്ദാവൻ ജംഗ്ഷൻ, വെടിമറ, പാലക്കുളം, അംബേദ്കർ പാർക്ക് എന്നിവിടങ്ങളിലാണ് ഓപ്പൺ ജിമ്മുകൾ സ്ഥാപിച്ചിട്ടുള്ളത്.
ചടങ്ങിൽ നഗരസഭാ ചെയർപേഴ്സൺ രമേഷ് ഡി. കുറുപ്പ്, വൈസ് ചെയർപേഴ്സൺ ലൈജി ബിജു, ആരോഗ്യകാര്യ സ്ഥിരംസമിതി ചെയർപേഴ്സൺ ജോബി പഞ്ഞിക്കാരൻ തുടങ്ങിയവർ സംബന്ധിച്ചു.
Ernakulam
അങ്കമാലി: ഹോളി ഫാമിലി ഹൈസ്കൂളിൽ നാലു ദിവസം നാലു വേദികളിലായി നടന്ന അങ്കമാലി വിദ്യാഭ്യാസ ഉപജില്ലാ സ്കൂൾ കലോത്സവം "തരംഗം 2026' വിജയികൾക്ക് ട്രോഫികൾ സമ്മാനിച്ചു. സമാപന സമ്മേളനം മന്ത്രി റോജി എം. ജോൺ ഉദ്ഘാടനം ചെയ്തു. നഗരസഭ ചെയർപേഴ്സൺ റീത്ത പോൾ അധ്യക്ഷത വഹിച്ചു.
ഹൈസ്കൂൾ വിഭാഗം ഓവറോൾ ചാമ്പ്യൻഷിപ്പ് ഹോളി ഫാമിലി ഹൈസ്കൂൾ കരസ്ഥമാക്കി. എൽപി വിഭാഗം കാലടി ബിജെബിഎസ്, വട്ടേക്കാട് നെഹ്റു മെമ്മോറിയൽ കോൺവെന്‍റ് സ്കൂൾ എന്നിവരും യുപി വിഭാഗം അങ്കമാലി ഡി പോൾ ഇഎംഎച്ച് എസ്, മൂക്കന്നൂർ എസ്എച്ച്ഒഎച്ച്എസ് സ്കൂളുകൾ ഒന്നാം സ്ഥാനം പങ്കിട്ടു.
ഹയർ സെക്കൻഡറി വിഭാഗം ഒന്നാം സ്ഥാനം പാറക്കടവ് എൻഎസ്എസ് എച്ച്എസ്എസ് കരസ്ഥമാക്കി. അറബി വിഭാഗത്തിൽഎൽപി വിഭാഗത്തിൽ ചെങ്ങമനാട് ഗവ. എൽപിഎസ് , കുന്നുകര ഗവ. ജെബിഎസ്, മേക്കാലടി ജമാ അത്ത് എൽ പി എസ് എന്നിവരും യു പി, ഹൈസ്കൂൾ വിഭാഗത്തിൽ കുറ്റിപ്പുഴ ക്രിസ്തുരാജും ഒന്നാം സ്ഥാനം നേടി.
യുപി സംസ്‌കൃത വിഭാഗത്തിൽ കാലടി ബിഎസും ഹൈസ്കൂൾ വിഭാഗത്തിൽ കാലടി ബിഎച്ച്എസും ചാമ്പ്യൻഷിപ്പ് കരസ്ഥമാക്കി. ജനറൽ വിഭാഗം ഓവറോൾ ഒന്നാം സ്ഥാനം കിടങ്ങൂർ സെന്റ് ജോസഫ് എച്ച്എസും അഗ്രഗേറ്റ് ഓവറോൾ ഒന്നാം സ്ഥാനം കുറ്റിപ്പുഴ സി ആർഎച്ച്എസ്എസും കരസ്ഥമാക്കി.
Ernakulam
ആലുവ: മുപ്പത്തടത്ത് സൈക്കിളിൽ ലോറിയിടിച്ച് ട്യൂഷൻ കഴിഞ്ഞ് മടങ്ങുകയായിരുന്ന പതിനൊന്ന് വയസുകാരൻ മരിച്ചു. പാനായിക്കുളം വലിയപറമ്പിൽ റഫീഖിന്‍റെ മകൻ അമാനുള്ള ഹാരിസാണ് മരിച്ചത്. ഇന്നലെ രാവിലെ 9.35ഓടെ ഓഞ്ഞത്തോട് പാലത്തിന് സമീപമായിരുന്നു അപകടം.
ട്യൂഷൻ കഴിഞ്ഞ് വീട്ടിലേക്ക് മടങ്ങുകയായിരുന്ന അമാനുള്ളയുടെ സൈക്കിളിനു പിന്നിൽ മരത്തടിയുമായി പോകുകയായിരുന്ന ലോറി ഇടിക്കുകയായിരുന്നെന്ന് ദൃക്സാക്ഷികൾ പറഞ്ഞു. ഇടിയുടെ ആഘാതത്തിൽ റോഡിലേക്ക് വീണ് തലയ്ക്ക് ഗുരുതരമായി പരിക്കേറ്റ അമാനുള്ളയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. ആലുവ സെന്റ് ഫ്രാൻസിസ് സ്കൂളിലെ ആറാം ക്ലാസ് വിദ്യാർഥിയാണ്.
Ernakulam
കാക്കനാട്: സ്വകാര്യ അപ്പാർട്ട്മെന്റിൽ യുവതിക്കൊപ്പം അവധി ആഘോഷിക്കാനെത്തിയ യുവാവിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. ആലുവ ചൊവ്വര സ്വദേശി ബ്രൈറ്റ് ബിജുവാണ് (22) മരിച്ചത്. സംഭവവുമായി ബന്ധപ്പെട്ട് ഒപ്പമുണ്ടായിരുന്ന പെൺസുഹൃത്ത് ചെമ്പുമുക്ക് സ്വദേശിനിയെ ഇൻഫോപാർക്ക് പൊലിസ് കസ്റ്റഡിയിലെടുത്തു.
ഇൻഫോപാർക്കിനു സമീപം ഇടച്ചിറയിലുള്ള മിസാജ് അപ്പാർട്ട്മെന്‍റ്ൽ ശനിയാഴ്ച ഉച്ചകഴിഞ്ഞ് മൂന്നോടെ മുറിയെടുത്ത ഇരുവരും മദ്യപിച്ചിരുന്നതായി പ്രാഥമിക അന്വേഷണത്തിൽ വ്യക്തമായെന്ന് പൊലിസ് അറിയിച്ചു. രാത്രി പതിനൊന്നോടെ ബ്രൈറ്റ് പെട്ടെന്ന് കുഴഞ്ഞുവീഴുകയായിരുന്നു. യുവാവ് അബോധാവസ്ഥയിലായതിനെ തുടർന്ന് യുവതി ബ്രൈറ്റിന്‍റെ സഹോദരനെ വിവരമറിയിച്ചു. തുടർന്ന് സഹോദരനും യുവതിയും ചേർന്ന് ബ്രൈറ്റിനെ കാക്കനാട്ടെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.
സംഭവത്തിൽ ഇൻഫോപാർക്ക് പൊലിസ് അസ്വാഭാവിക മരണത്തിന് കേസെടുത്ത് അന്വേഷണം ആരംഭിച്ചു. ഫോറൻസിക് വിദഗ്ധർ സ്ഥലത്തെത്തി തെളിവെടുപ്പ് നടത്തി. മൃതദേഹം പോസ്റ്റ്‌മോർട്ടത്തിനു ശേഷം ബന്ധുക്കൾക്ക് വിട്ടുകൊടുത്തു.
Ernakulam
പാലക്കാട്: നവംബർ ഒന്നുമുതൽ ആരംഭിച്ച ഭരണഭാഷാവാരാഘോഷ പരിപാടികൾക്ക് സമാപനമായി. ജില്ലാതല സമാപന സമ്മേളനം ജില്ലാ കളക്ടർ കെ. സുധീർ ഉദ്ഘാടനം ചെയ്തു. ശ്രേഷ്ഠഭാഷാപദവിയുള്ള മലയാളഭാഷ മികച്ച സാഹിത്യ കൃതികൾ കൊണ്ടും വൈജ്ഞാനിക ഗ്രന്ഥങ്ങൾ കൊണ്ടും സന്പന്നമാണെന്ന് കളക്ടർ പറഞ്ഞു.
ജില്ലയുടെ സാംസ്കാരികസാഹിത്യ പാരന്പര്യം വളരെ ഉന്നതമാണ്. ഉദ്യോഗസ്ഥർ നല്ല ഭാഷ സ്വായത്തമാക്കുകയും സാധാരണക്കാർക്ക് മനസിലാകുന്ന ലളിതമായ മലയാളത്തിൽ ഫയലുകൾ കൈകാര്യം ചെയ്യുകയും വേണമെന്നും അദ്ദേഹം ഓർമിപ്പിച്ചു.
ഭാഷാവാരാഘോഷത്തിന്റെ ഭാഗമായി നടത്തിയ വിവിധ മത്സരങ്ങളിൽ വിജയികളായവർക്കുള്ള പുരസ്കാരങ്ങളും കളക്ടർ വിതരണം ചെയ്തു. കളക്ടറേറ്റ് കോണ്ഫറൻസ് ഹാളിൽ നടന്ന പരിപാടിയിൽ എഡിഎം എ. അബ്ദുൾ ലത്തീഫ് അധ്യക്ഷത വഹിച്ചു. ജില്ലാ ഇൻഫർമേഷൻ ഓഫീസർ ഐ.ആർ. പ്രസാദ്, ഹുസൂർ ശിരസ്തദാർ പി. ഷാജി, ജൂനിയർ സൂപ്രണ്ട് എൻ.ആർ. ശ്രീവത്സൻ എന്നിവർ പ്രസംഗിച്ചു. വോയ്സ് ഓഫ് കളക്ടറേറ്റ് അവതരിപ്പിച്ച സംഗീതപരിപാടിയും അരങ്ങേറി.
Ernakulam
കൊച്ചി: കൊച്ചി മറൈൻ ഡ്രൈവിലെ മറൈൻ എക്കോ സിറ്റി പദ്ധതിയുടെ നിർമാണ പ്രവർത്തനങ്ങൾ ആരംഭിക്കാൻ വഴിയൊരുങ്ങി. മുൻ സർക്കാരിന്‍റെ കാലത്തു പ്രാഥമിക തീരുമാനമെടുത്ത പദ്ധതിയുടെ തുടർനടപടികൾ പുരോഗമിച്ചിരുന്നില്ല. സംസ്ഥാന ഭവന നിർമാണ ബോർഡിന്‍റെ (കെഎസ്എച്ച്ബി) മേൽനോട്ടത്തിൽ മന്ത്രി മോൻസ് ജോസഫ് കൊച്ചിയിൽ വിളിച്ചുചേർത്ത ഉന്നതതല യോഗത്തിലാണു നിർമാണം ആരംഭിക്കുന്നതു സംബന്ധിച്ച് ധാരണയിലെത്തിയത്.
സംസ്ഥാന ഭവന നിർമാണ ബോർഡിന്‍റെ (കെഎസ്എച്ച്ബി) ഉടമസ്ഥതയിലുള്ള ഭൂമിയിൽ നിന്നും ഒന്നാം ഘട്ടത്തിൽ 3.16 ഏക്കർ സ്ഥലം ഉപയോഗിച്ചാണു സംസ്ഥാന സർക്കാർ മറൈൻ എക്കോ സിറ്റി നിർമിക്കുന്നത്. യുഡിഎഫ് സർക്കാർ അധികാരമേറ്റശേഷം, മന്ത്രി മോൻസ് ജോസഫിന്‍റെ നേതൃത്വത്തിൽ കൊച്ചി മറൈൻ എക്കോ സിറ്റി പദ്ധതിക്കായി വിശദമായ പരിശോധനയും ചർച്ചകളും സർക്കാർ തലത്തിൽ നടത്തിയിരുന്നു.
കൊച്ചി മറൈൻ ഡ്രൈവിൽ ആകെ 17.9 ഏക്കർ വിസ്തൃതിയുള്ള സ്ഥലമാണ് ഭവന നിർമാണ ബോർഡിനുള്ളത്. ഇതു മുഴുവൻ ഇപ്പോൾ ഉപയോഗിക്കാതെ കിടക്കുന്ന അവസ്ഥയാണുള്ളത്.
കൊച്ചി മറൈൻ എക്കോ സിറ്റി പദ്ധതിയുടെ ആകെ നിർമാണ ചെലവ് 3394 കോടി രൂപയാണ്. പദ്ധതി പൂർത്തിയാകുമ്പോൾ സർക്കാരിനോ ഹൗസിംഗ് ബോർഡിനോ സാമ്പത്തിക ബാധ്യത വരാതെ, അത്യാധുനിക ഹോട്ടലും കൺവെൻഷൻ സെന്‍റററും ഭവന നിർമാണ ബോർഡിന്‍റെ ഉടമസ്ഥതയിൽ ലഭ്യമാകുന്ന രീതിയിലാണ് പദ്ധതി രൂപകൽപന ചെയ്തിട്ടുള്ളത്.
നാഷണൽ ബിൽഡിംഗ് കൺസ്ട്രക്ഷൻ കോർപറേഷനാണു (എൻബിസിസി) നിർമാണച്ചുമതല. പദ്ധതി പൂർത്തീകരണത്തോടെ 1000 കോടി രൂപയുടെ സാമ്പത്തിക വരുമാനം സർക്കാരിന് ലഭിക്കുമെന്ന് ചർച്ചയിൽ പങ്കെടുത്ത് എൻബിസിസി പ്രതിനിധികൾ അറിയിച്ചു. കൊച്ചിയിൽ നടന്ന യോഗത്തിൽ മന്ത്രി മോൻസ് ജോസഫ് അധ്യക്ഷത വഹിച്ചു.
ഹൈബി ഈഡൻ എംപി, ടി.ജെ. വിനോദ് എംഎൽഎ, ഹൗസിംഗ്ബോർഡ് സെക്രട്ടറി അലക്സ് വർഗീസ്, ചീഫ് എൻജിനിയർ എ. നൗഷാദ്, റീജണൽ എൻജിനിയർ എം.കെ. അഷിത, എക്സിക്യൂട്ടീവ് എൻജിനിയർ കെ.പി. വിജയൻ എന്നിവർ പ്രസംഗിച്ചു.
മറൈൻ ഡ്രൈവിലെ പദ്ധതി പ്രദേശം മന്ത്രിയുടെ നേതൃത്വത്തിൽ ഉന്നതതല സംഘം സന്ദർശിച്ചു വിശദമായ വിലയിരുത്തൽ നടത്തി. രൂപരേഖ സംഘം വിലയിരുത്തി. ആദ്യഘട്ട നിർമാണ പ്രവർത്തനങ്ങൾക്ക് അതിർത്തി നിർണയിച്ച് തിട്ടപ്പെടുത്താൻ ബന്ധപ്പെട്ട ഉദ്യോഗസ്ഥർക്ക് മന്ത്രി നിർദേശം നൽകി.
പുതുവത്സര സമ്മാനമെന്നു മന്ത്രി മോൻസ് ജോസഫ്
കൊച്ചി: സംസ്ഥാന സർക്കാരിന്‍റെ പുതുവത്സര സമ്മാനമാകും മറൈൻ എക്കോ സിറ്റി നിർമാണോദ്ഘാടനമെന്നു പദ്ധതിപ്രദേശം സന്ദർശിച്ചശേഷം മന്ത്രി മോൻസ് ജോസഫ് പറഞ്ഞു.
കൊച്ചി നഗരത്തിലെ ഏറ്റവും പ്രധാനപ്പെട്ട മറൈൻ ഡ്രൈവിൽ സംസ്ഥാന സർക്കാരിനും ഹൗസിംഗ് ബോർഡിനും ഉപകാരപ്രദമാകുന്ന വിധത്തിൽ ലാഭകരമായി നടപ്പാക്കാവുന്ന സെൽഫ് സസ്റ്റൈനബിൾ മാതൃകയിലാകും പ്രോജക്ട് നടപ്പാക്കുക. ഇക്കാര്യങ്ങൾ വിശദമായി പരിശോധിച്ചതിനു ശേഷമാണ് ഒന്നാംഘട്ട പദ്ധതി നടപ്പാക്കാൻ ധാരണയുണ്ടാക്കിയതെന്നും മന്ത്രി വ്യക്തമാക്കി.
ഒന്നാം ഘട്ടത്തിലെ കെട്ടിട സമുച്ചയം 28 നിലയിൽ
സർക്കാർ ഉടമസ്ഥതയിൽ നിർവഹിക്കുന്ന കേരളത്തിലെ ഏറ്റവും പ്രധാനപ്പെട്ട ഹൗസിംഗ് പ്രോജക്ടിനാണു ഹൗസിംഗ് ബോർഡ് നേതൃത്വം നൽകുന്നത്. ഒന്നാം ഘട്ടത്തിൽ 3.16 ഏക്കർ സ്ഥലത്ത് 28 നിലയിലുള്ള റസിഡൻഷ്യൽ കം കൊമേഴ്സ്യൽ കെട്ടിട സമുച്ചയം 9.22 ലക്ഷം ചതുരശ്ര അടി വിസ്തീർണത്തിൽ ആദ്യ ഘട്ടത്തിൽ നിർമിക്കാനാണ് ലക്ഷ്യമിട്ടിട്ടുള്ളത്.
ആദ്യ ഘട്ടത്തിൽ 182 ഫ്ലാറ്റുകളും റീട്ടെയിൽ ഓഫീസ് ബേസും ലഭ്യമാകുന്നതാണ്. ആധുനിക സൗകര്യങ്ങളോടെ ഉന്നത നിലവാരത്തിലുള്ള ഷോപ്പിംഗ് മാൾ ഇതോടൊപ്പം സജ്ജമാകും. സൗകര്യപ്രദമായ പാർക്കിംഗ് സൗകര്യം ഇതോടൊപ്പം ക്രമീകരിച്ചിട്ടുണ്ട്. രണ്ടാം ഘട്ടത്തിൽ 2.60 ഏക്കർ സ്ഥലത്ത് 2.25 ലക്ഷം ചതുരശ്ര അടി വിസ്തീർണമുള്ള ഹോട്ടൽ സമുച്ചയവും ഇന്‍റർനാഷണൽ കൺവെൻഷൻ സെന്‍ററുമാണ് നിർദേശിച്ചിട്ടുള്ളത്. മൂന്നാം ഘട്ടത്തിൽ 12.14 ഏക്കർ സ്ഥലത്ത് 30 നിലകളുള്ള ആറ് റസിഡൻഷ്യൽ ടവറുകൾക്കാണു പദ്ധതി.ആകെ 41.75 ലക്ഷം ചതുരശ്ര അടി വിസ്തീർണത്തിലാണ് കെട്ടിടം നിർമിക്കുന്നത്. ഇതിൽ 1000 ഫ്ലാറ്റുകളാണ് നിർമിക്കുക.
Ernakulam
വൈപ്പിൻ: ചട്ടങ്ങൾക്ക് വിരുദ്ധമായി കടലിൽനിന്ന് ചെറുമത്സ്യങ്ങളെ പിടിച്ചു കൊണ്ടുവന്ന മത്സ്യബന്ധന ബോട്ട് ഫിഷറീസ് വകുപ്പിന്‍റെ ടാസ്ക് ഫോഴ്സ് കസ്റ്റഡിയിലെടുത്തു. മുനമ്പം കേന്ദ്രീകരിച്ച് മത്സ്യബന്ധനം നടത്തുന്ന കരുണാമയൻ എന്ന ബോട്ടാണ് കസ്റ്റഡിയിലെടുത്തത്.
പരിശോധനയിൽ രണ്ട് ടണ്ണിലധികം ചെറിയ കിളിമീനുകൾ ബോട്ടിൽ നിന്നു കണ്ടെടുത്തു. ഭക്ഷ്യയോഗ്യമായ മത്സ്യം 28,000 രൂപയ്ക്ക് ലേലം ചെയ്തു പണം സർക്കാരിലടച്ചു. ശിക്ഷ നടപടികളുടെ ഭാഗമായി ഫിഷറീസ് ഡെപ്യൂട്ടി ഡയറക്ടർ പി.പി. സിന്ധു ബോട്ടിന് 2.5 ലക്ഷം രൂപ പിഴ വിധിച്ചു.
വെള്ളിയാഴ്ച രാത്രി വൈപ്പിൻ ഫിഷറീസ് സ്റ്റേഷൻ അസിസ്റ്റന്‍റ് ഡയറക്ടർ എം.എം. ജിബിനയുടെ നേതൃത്വത്തിൽ ഫിഷറീസ് വകുപ്പിന്‍റെ സ്പെഷ്യൽ ടാസ്ക് ഫോഴ്സ് നടത്തിയ മിന്നൽ പരിശോധനയിലാണ് ബോട്ട് കുടുങ്ങിയത്.
ഫിഷറീസ് ഗാർഡുമാരായ ഷൈബിൻ, റാഫേൽ പിങ്‌സൺ, അനീഷ്, സീ ഗാർഡുമാരായ ഷെല്ലൻ, ജിപ്സൺ എന്നിവരും പരിശോധനാ സംഘത്തിലുണ്ടായിരുന്നു.
Ernakulam
മൂവാറ്റുപുഴ: മുത്തശ്ശിക്കൊപ്പം നടന്നു പോകുകയായിരുന്ന ഒമ്പതു വയസുകാരി കാറിടിച്ച് മരിച്ചു.പട്ടിമറ്റം കണ്ണല പുത്തൻപുരയിൽ രാജേഷിന്‍റെയും രേഷ്മയുടെയും മകൾ റെയ ആണ് മരിച്ചത്. കാർ നിയന്ത്രണംവിട്ട് സ്കൂട്ടറുകളിലും കാൽനട യാത്രക്കാരുടെ ഇടയിലേക്കും ഇടിച്ചുകയറുകയായിരുന്നു.
അപകടത്തിൽ റെയയുടെ മുത്തശ്ശി പാറപ്പുറത്ത് ഓമനക്കുട്ടന്‍റെ ഭാര്യ രേഖ (55), സ്കൂട്ടർ യാത്രികനായ തൊടുപുഴ വെള്ളറയ്ക്കൽ ബിജോ (37) എന്നിവർക്ക് ഗുരുതര പരിക്കേറ്റു. ഇരുവരെയും മൂവാറ്റുപുഴ നിർമല മെഡിക്കൽ സെന്‍ററിൽ പ്രവേശിപ്പിച്ചു.
ഇന്നലെ രാവിലെ 11ഓടെ മൂവാറ്റുപുഴ - തൊടുപുഴ റോഡിൽ നിർമല കോളജിന് സമീപം ഹോസ്റ്റൽ ജംഗ്ഷലായിരുന്നു അപകടം.നൃത്തപഠനം കഴിഞ്ഞ് മുത്തശ്ശിക്കൊപ്പം തിരികെ വീട്ടിലേക്ക് പോകുന്നതിനായി റോഡ് മുറിച്ചുകടക്കവെ, പാഞ്ഞെത്തിയ കാർ എതിരെ വന്ന സ്കൂട്ടറിലും റോഡരികിൽ പാർക്ക് ചെയ്തിരുന്ന മറ്റൊരു സ്കൂട്ടറിലും ഇടിച്ച ശേഷം റെയയെയും മുത്തശ്ശിയെയും ഇടിക്കുകയായിരുന്നു. തൊടുപുഴ സ്വദേശിയുടേതാണ് അപകടമുണ്ടാക്കിയ കാർ.
പട്ടിമറ്റം സെന്റ് മേരീസ് സ്കൂളിലെ നാലാം ക്ലാസ് വിദ്യാർഥിനിയായിരുന്നു റെയ. പിതാവ് രാജേഷ് ദുബായിലാണ്. അമ്മ: രേഷ്മ അസ്കോ ലാബിലെ ഫാർമസിസ്റ്റാണ്.
Ernakulam
തൃപ്പൂണിത്തുറ: യാത്രക്കാരുടെ ജീവന് ഭീഷണിയാകും വിധം അപകടകരമായ രീതിയിൽ സർവീസ് നടത്തിയ ബസുകൾ പൊലിസ് കസ്റ്റഡിയിലെടുത്തു. ബസിന്‍റെ വാതിൽ തുറന്നിട്ട് സർവീസ് നടത്തിയതും അശ്രദ്ധമായി ഓടിച്ചതുമായ ആറ് ബസുകളാണ് ഹിൽപാലസ് പൊലിസ് പിടികൂടിയത്. കസ്റ്റഡിയിലെടുത്ത ബസുകളിൽ രണ്ട് ദീർഘദൂര ബസുകളും ഉൾപ്പെടുന്നു.
പിടിച്ചെടുത്ത വാഹനങ്ങൾ തൃപ്പൂണിത്തുറ ബോയ്സ് ഹൈസ്‌കൂളിനു മുന്നിലും കണ്ണൻകുളങ്ങരയിലുമാണ് നിർത്തിയിട്ടിരിക്കുന്നത്. പിടിച്ചെടുത്ത വാഹനങ്ങൾ കോടതി വഴിയേ വിട്ടു നൽകൂവെന്ന് പൊലിസ് പറഞ്ഞു. കാക്കനാടുണ്ടായ അപകടത്തിൽ യുവതി മരിച്ച പശ്ചാത്തലത്തിൽ ഹൈക്കോടതിയുടെ നിർദേശത്തെ തുടർന്നായിരുന്നു പരിശോധന.
നഗരത്തിൽ നിയമ ലംഘനങ്ങൾ നടത്തുന്ന വാഹനങ്ങൾക്കെതിരെ കർശന പരിശോധനയും നടപടികളും വരും ദിവസങ്ങളിലും തുടരുമെന്ന് പൊലിസ് അറിയിച്ചു.
Ernakulam
ചോറ്റാനിക്കര: എംഡിഎംഎയും കഞ്ചാവുമായി യുവാവ് പിടിയിലായി. എടവനക്കാട് കല്ലുങ്കൽ വീട്ടിൽ കെ.എൻ. ഹാഷിമിനെ (33) ആണ് ചോറ്റാനിക്കര പൊലിസ് അറസ്റ്റ് ചെയ്തത്.
വെള്ളിയാഴ്ച രാത്രി പത്തോടെ തിരുവാങ്കുളം - മൂവാറ്റുപുഴ റോഡിൽ മാമലയിൽ പൊലിസ് സംഘം വാഹന പരിശോധന നടത്തുന്നതിനിടെ കാറിലെ ത്തിയ യുവാവിനെ 0.55 ഗ്രാം എംഡിഎംഎയും 0.97 ഗ്രാം കഞ്ചാവുമായി പിടികൂടുകയായിരുന്നു.
Ernakulam
കൊച്ചി: കൊച്ചിയിൽ രൂക്ഷമാകുന്ന വായു മലിനീകരണത്തെക്കുറിച്ച് പഠിക്കാനും അടിയന്തര നടപടികൾ സ്വീകരിക്കാനുമായി ഈ മാസം തന്നെ വിദഗ്ധ സമിതി രൂപീകരിക്കുമെന്നു മുഖ്യമന്ത്രി വി.ഡി. സതീശൻ പറഞ്ഞു. കൊച്ചി നഗരസഭയും ജെയിൻ യൂണിവേഴ്സിറ്റിയും കാർഡിഫ് യൂണിവേഴ്സിറ്റിയും സംയുക്തമായി സംഘടിപ്പിക്കുന്ന ഫ്യൂച്ചർ കൊച്ചി കോൺക്ലേവിന്‍റെ സമാപനത്തിൽ സംസാരിക്കുകയായിരുന്നു അദ്ദേഹം. നഗരത്തിലെ വായുനിലവാര സൂചിക 188 കടന്നത് അതീവ ഗൗരവത്തോടെയാണ് സർക്കാർ കാണുന്നതെന്നും ഡൽഹിക്ക് സമാനമായ സാഹചര്യത്തിലേക്ക് കൊച്ചിയെ വിട്ടുകൊടുക്കാൻ കഴിയില്ല.
മലിനീകരണം ഗണ്യമായി കുറയ്ക്കുന്നതിന്‍റെ ഭാഗമായി നഗരത്തിലേക്ക് എത്തുന്ന സ്വകാര്യ വാഹനങ്ങളുടെ എണ്ണം കുറയ്ക്കേണ്ടതുണ്ട്. ഇതിനായി ബസ്, മെട്രോ, ജലഗതാഗത സംവിധാനങ്ങളെ കോർത്തിണക്കിക്കൊണ്ട് മികച്ചതും വിശ്വസനീയവുമായ പബ്ലിക് ട്രാൻസ്പോർട്ട് നെറ്റ്‌വർക്ക് കൊച്ചിയിൽ യാഥാർഥ്യമാക്കണമെന്നും അദ്ദേഹം പറഞ്ഞു.
സമ്മിറ്റ് ഓഫ് ഫ്യൂച്ചർ മൂന്നാം പതിപ്പിന്‍റെ തീയതി മുഖ്യമന്ത്രി പ്രഖ്യാപിച്ചു. അടുത്ത വർഷം ഏപ്രിൽ 21-24 വരെയാണ് സമ്മിറ്റ് നടക്കുക. ഹൈബി ഈഡൻ എംപി അധ്യക്ഷത വഹിച്ച യോഗത്തിൽ മുഹമ്മദ് ഷിയാസ് എംഎൽഎ, ദീപക് ജോയ് എംഎൽഎ, കൊച്ചി മേയർ അഡ്വ. വി.കെ. മിനിമോൾ, ജെയിൻ യൂണിവേഴ്സിറ്റി ന്യൂ ഇനീഷ്യേറ്റീവ്സ് ഡയറക്ടർ ഡോ. ടോം ജോസഫ്, ഫ്യൂച്ചർ കേരള മിഷൻ ചെയർമാൻ വേണുരാജാമണി എന്നിവർ പങ്കെടുത്തു.
Ernakulam
ഫോർട്ടുകൊച്ചി: മദ്യലഹരിയിൽ മട്ടാഞ്ചേരി പൊലിസ് സ്റ്റേഷനിൽ അതിക്രമിച്ചു കയറി ഔദ്യോഗിക കൃത്യനിർവഹണം തടസപ്പെടുത്തുകയും പൊലിസുകാരനെ മർദിക്കുകയും ചെയ്ത സംഭവത്തില്‍ യുവാവ് അറസ്റ്റിൽ. മട്ടാഞ്ചേരി കൊച്ചങ്ങാടി സ്വദേശി ഹംസത്ത് (40) ആണ് മട്ടാഞ്ചേരി പൊലിസിന്‍റെ പിടിയിലായത്.
വെള്ളിയാഴ്ച രാത്രി 10.30ഓടെ മട്ടാഞ്ചേരി ചക്കാമാടം ഭാഗത്തെ അലങ്കാര്‍ ബാറിൽ മദ്യലഹരിയിൽ ഒരാൾ ബഹളം വയ്ക്കുന്നതായി പൊലിസിന് വിവരം ലഭിച്ചു. ഇതേത്തുടർന്ന് ഇവിടെ എത്തിയ പൊലിസ് സംഘത്തെ കണ്ടതോടെ ഹംസത്ത് അവിടെ നിന്ന് പോയി.
തുടര്‍ന്ന് രാത്രി 11.15ഓടെ മട്ടാഞ്ചേരി പൊലിസ് സ്റ്റേഷനിലെത്തിയ ഹംസത്ത് ചുമതലയിലുണ്ടായിരുന്ന എസ്‌സിപിഒ ശ്രീജിത്തുമായി വാക്ക് തര്‍ക്കത്തിലേർപ്പെടുകയും ഔദ്യോഗിക കൃത്യനിർവഹണം തടസപ്പെടുത്തുകയും ചെയ്തെന്നാണ് പരാതി.
സംഭവത്തിൽ ഇയാളെ അറസ്റ്റ് ചെയ്ത് വൈദ്യപരിശോധനയ്ക്കായി വാഹനത്തിൽ കയറ്റുന്നതിനിടെ വാഹനത്തിന്‍റെ മുൻവശത്തെ ഗ്ലാസ് ചവിട്ടിപ്പൊട്ടിച്ചു. അകത്തെ റിയർവ്യൂ മിറർ വലിച്ചുപൊട്ടിക്കുകയും ചെയ്തെന്ന് പൊലിസ് പറഞ്ഞു. അക്രമം തടയാൻ ശ്രമിച്ച പൊലിസ് വാഹനത്തിന്‍റെ ഡ്രൈവറായ സിപിഒ ശരത്തിനെ പ്രതി ചവിട്ടുകയും ഇടിക്കുകയും ചെയ്തു. പരിക്കേറ്റ ശരത്തിനെ ആശുപത്രിയില്‍ എത്തിച്ച് ചികിത്സ നല്കി. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
Ernakulam
വൈപ്പിൻ: ഓൺലൈൻ തട്ടിപ്പിൽ ഞാറക്കൽ സ്വദേശിയായ യുവാവിന് 3,26,251 രൂപ നഷ്ടമായി. ഓൺലൈൻ ഇൻവെസ്റ്റ്മെന്‍റ് വഴി പണം ഇരട്ടിപ്പിക്കാമെന്ന് തെറ്റിദ്ധരിപ്പിച്ച് സോഷ്യൽ മീഡിയ ആപ്പ് വഴി പരിചയപ്പെട്ട വടക്കേന്ത്യക്കാരായ രണ്ടുപേരാണ് പണം തട്ടിയെടുത്തത്.
കഴിഞ്ഞ ഒക്ടോബർ ഒന്നു മുതൽ 11 വരെയുള്ള തീയതികളിൽ പരാതിക്കാരന്‍റെ ഫോണിൽ നിന്നു ഗൂഗിൾ പേ ആയും ബാങ്ക് ട്രാൻസ്ഫർ മുഖേനയും പലതവണകളായാണ് പണം വാങ്ങിയത്.
ഇതിനുശേഷം ഇവരെ ബന്ധപ്പെടാൻ കഴിയാതെ വന്നതോടെയാണ് തട്ടിപ്പാണെന്ന് വ്യക്തമായത്. തുടർന്ന് യുവാവ് ഞാറക്കൽ പൊലിസിൽ നൽകിയ പരാതിയിൽ വിജയ് സക്സേന, നോഹാൽ ശർമ്മ എന്നിവർക്കെതിരേ കേസ് രജിസ്റ്റർ ചെയ്തു.
Ernakulam
കൊച്ചി: ഓപ്പറേഷന്‍ തൂഫാന്‍റെ ഭാഗമായി നടത്തിയ പരിശോധനയില്‍ തൃക്കാക്കര, കളമശേരി പൊലിസ് സ്റ്റേഷന് പരിധിയില്‍ രണ്ടിടങ്ങളിൽനിന്നായി ലഹരിമരുന്നുമായി രണ്ടു പേരെ പിടികൂടി. കോഴിക്കോട് നാദാപുരം കരിക്കുന്നില്‍ അബ്ദുള്‍ സയിദിനെ (38) കളമശേരി ഉണിച്ചിറയ്ക്കു സമീപത്ത് നിന്നാണ് അറസ്റ്റ് ചെയ്തത്.
ഇയാളുടെ പക്കൽനിന്ന് 55.170 ഗ്രാം എംഡിഎംഎയും മയക്കുമരുന്ന് കച്ചവടത്തിലൂടെ സമ്പാദിച്ച 1,11,000 രൂപയും എംഡിഎംഎ കടത്താന്‍ ഉപയോഗിച്ച കാറും പൊലിസ് കസ്റ്റഡിയിലെടുത്തു. തൃക്കാക്കര മരോട്ടിച്ചുവട് ഭാഗത്തുള്ള കണ്ണമ്പുഴ റോഡിലുള്ള ലോഡ്ജില്‍ നിന്നാണ് പാലക്കാട് ഒറ്റപ്പാലം കൊരട്ടിയില്‍ നൗഷാദിനെ (42) അറസ്റ്റ് ചെയ്തത്. ഇയാളുടെ പക്കൽനിന്ന് 2.06 ഗ്രാം എംഡിഎംഎയും 45.29 ഗ്രാം കഞ്ചാവും 2.90 ഗ്രാം ഹാഷിഷ് ഓയിലും പിടിച്ചെടുത്തു.
പ്രതി മയക്കുമരുന്ന് കച്ചവടത്തിലൂടെ സമ്പാദിച്ച 90,000 രൂപയും പൊലിസ് പിടിച്ചെടുത്തു. പ്രതികളെ കളമശേരി, തൃക്കാക്കര പൊലിസ് സ്റ്റേഷനുകളില്‍ ഹാജരാക്കി കേസ് രജിസ്റ്റര്‍ ചെയ്തു.
Ernakulam
മൂവാറ്റുപുഴ: വിപണിയില്‍ ചെറിയ ഉള്ളിയുടെയും വെളുത്തുള്ളിയുടെയും വില കുത്തനെ ഉയരുന്നു. ഒരാഴ്ച മുന്പ് കിലോയ്ക്ക് 70 രൂപയുണ്ടായിരുന്ന ചെറിയ ഉള്ളിക്ക് നിലവില്‍ 150 രൂപയ്ക്ക് മുകളിലാണ് ചില്ലറവില. വെളുത്തുള്ളി വില 260 രൂപയിലേക്കും കുതിച്ചുയര്‍ന്നു. സവാള വില കിലോയ്ക്ക് 60 രൂപയില്‍ തുടരുന്നത് മാത്രമാണ് വിപണിയിലെ ഏക ആശ്വാസം.
തമിഴ്നാട്ടില്‍ നിന്നുള്ള പുതിയ ഉള്ളിയുടെ വരവ് കുറഞ്ഞതാണ് പെട്ടെന്നുള്ള വിലക്കയറ്റത്തിന് കാരണം. പൊള്ളാച്ചി മാര്‍ക്കറ്റിലേക്ക് പ്രധാനമായും ഉള്ളി എത്തുന്ന അവിനാശിപാളയം, പാലന്തുറൈ, ആനമലൈ, വരപ്പട്ടി മേഖലകളില്‍ കനത്ത മഴയെ തുടര്‍ന്ന് വിളവെടുപ്പ് വൈകുന്നു. അതേസമയം, രണ്ടാഴ്ചയ്ക്കുള്ളില്‍ പുതിയ വിളവെടുത്ത ചെറിയ ഉള്ളി വിപണിയില്‍ സജീവമാകുമെന്ന് വ്യാപാരികള്‍ പറഞ്ഞു. ഇതോടെ നിലവിലെ വിലക്കയറ്റത്തിന് അറുതിയാകുമെന്നും കിലോയ്ക്ക് 80 രൂപ നിരക്കിലേക്ക് വില താഴുമെന്നുമാണ് വ്യാപാര മേഖലയുടെ പ്രതീക്ഷ.
Ernakulam
കൊച്ചി: പീഡനക്കേസിൽ പ്രതിചേർക്കപ്പെട്ട യുവഡോക്ടറെ കുരുക്കിയത് ഒട്ടേറെ യുവതികളുടെ സ്വകാര്യ ചിത്രങ്ങൾ. ഡോ. ജോണ്‍സണ്‍ കെ. വര്‍ഗീസി (41)ന്റെ മൊബൈല്‍ഫോണില്‍ നിന്നാണ് 12 യുവതികളുടെ സ്വകാര്യദൃശ്യങ്ങള്‍ പൊലിസ് കണ്ടെത്തിയത്. യുവതികള്‍ക്കൊപ്പമുള്ള സ്വകാര്യനിമിഷങ്ങള്‍ ഡോക്ടര്‍ മൊബൈല്‍ഫോണില്‍ പകര്‍ത്തി സൂക്ഷിച്ചെന്നാണ് പൊലിസ് പറയുന്നത്.
ഇതില്‍ ഉള്‍പ്പെട്ട യുവതികളുടെ പരാതി ലഭിച്ചാല്‍ ഡോക്ടര്‍ക്കെതിരേ കൂടുതല്‍ കേസുകള്‍ രജിസ്റ്റര്‍ ചെയ്യും. അതേസമയം, യുവനടിയുടെ ബന്ധുവിന്‍റെ പരാതിയില്‍ പീഡനക്കേസ് രജിസ്റ്റര്‍ ചെയ്തതിന് പിന്നാലെ ഡോ. ജോണ്‍സണ്‍ ഒളിവില്‍പോയി. ഇയാള്‍ക്കായി കടവന്ത്ര പൊലിസ് ലുക്കൗട്ട് നോട്ടീസ് പുറത്തിറക്കിയേക്കുമെന്നാണ് സൂചന.
യുവനടിയും സുഹൃത്തായ നടനും അടക്കമുള്ള 12 അംഗ സംഘം ഡോക്ടറെ ആക്രമിച്ച് മൊബൈല്‍ ഫോണുകളടക്കം 3.25 ലക്ഷം രൂപയുടെ വസ്തുക്കള്‍ കവര്‍ച്ച ചെയ്‌തെന്ന കേസിലാണ് പുതിയ വഴിത്തിരിവുണ്ടായത്. യുവനടിയുടെ ബന്ധുവായ 50കാരിയാണ് ഡോക്ടര്‍ക്കെതിരേ പീഡനപരാതി നല്‍കിയത്. ഇതോടെ ഡോ. ജോണ്‍സണ്‍ കെ. വര്‍ഗീസിനെ പ്രതിയാക്കി ഇന്‍ഫോപാര്‍ക്ക് പൊലിസ് കേസെടുക്കുകയായിരുന്നു.
50കാരിയെ ഡോക്ടര്‍ മദ്യം നല്‍കിയ ശേഷം കാക്കനാട് പരിസരത്തെ ഹോട്ടലിലെത്തിച്ചു പീഡിപ്പിച്ചുവെന്നാണ് പരാതി. അടുത്ത ബന്ധുവിനെ പീഡനത്തിന് ഇരയാക്കിയ കുടുംബ ഡോക്ടറെ തടങ്കലിലാക്കി മര്‍ദിക്കുകയും പീഡനവിവരം പുറത്തുപറയാതിരിക്കാന്‍ മൂന്നു കോടി രൂപ ആവശ്യപ്പെടുകയും ചെയ്ത സംഭവത്തില്‍ നടിയും അഭിഭാഷകയുമായ എറണാകുളം ഹില്‍പാലസ് അന്‍സല്‍ സിറ്റി അപ്പാര്‍ട്ട്‌മെന്‍റില്‍ താമസിക്കുന്ന അതുല്യ ചന്ദ്ര (32), നടനും എക്സിക്യുട്ടീവ് പ്രൊഡ്യൂസറുമായ ബി. ബിബിന്‍ പെരുമ്പിള്ളി (ബിബിന്‍ ബേബി-42), കെ.ബി. വിഷ്ണു (31) എന്നിവരെ കടവന്ത്ര പൊലിസ് വ്യാഴാഴ്ച അറസ്റ്റ് ചെയ്തിരുന്നു.
സ്‌കൂട്ടര്‍ കസ്റ്റഡിയിൽ
നടി അതുല്യ ചന്ദ്രയെ പൊന്നുരുന്നിയിലെ അപ്പാർട്ട്മെന്റിൽ എത്തിച്ച സ്കൂട്ടർ കടവന്ത്ര പൊലിസ് കണ്ടെത്തി. കേസിൽ പ്രതിയായ അൽത്താഫിന്‍റെ മാർഷൽ ആർട്സ് സ്‌കൂളിലുള്ള ആളുടേതാണ് ഈ വാഹനം.
അൽത്താഫ് ഉൾപ്പടെയുള്ളവർ ഒളിവിലാണ്. ഡോക്ടറിൽ നിന്ന് പിടിച്ചെടുത്ത ഫോണുകൾ പരാതിക്കാരിയായ 50കാരിയുടെ കൈവശം എങ്ങനെ എത്തിയെന്നതിനെക്കുറിച്ചും പൊലിസ് അന്വേഷണം ആരംഭിച്ചു. ഇതിനായി ഇവരുടെ മൊഴി രേഖപ്പെടുത്തും.
ഡോക്ടറെ മർദിച്ച കേസ്: പ്രതികൾക്കു ജാമ്യമില്ല
കൊച്ചി: ഡോക്ടറെ ഹോട്ടലിൽ വിളിച്ചുവരുത്തി സംഘം ചേർന്ന് മർദിച്ച കേസിലെ പ്രതികളായ നടി അതുല്യ ചന്ദ്രൻ, ബിപിൻ പെരുമ്പള്ളി, സഹായി വിഷ്ണു എന്നിവരുടെ ജാമ്യ ഹർജികൾ എറണാകുളം ജുഡീഷൽ ഫസ്റ്റ് ക്ലാസ് മജിസ്ട്രേറ്റ് കോടതി തള്ളി. ആരോപണം ഗൗരവമുള്ളതാണെന്നും വിശദമായ അന്വേഷണം അനിവാര്യമാണെന്നുമുള്ള പൊലിസ് വാദം അംഗീകരിച്ച കോടതി ഈ ഘട്ടത്തിൽ പ്രതികൾക്ക് ജാമ്യം അനുവദിച്ചാൽ തെളിവ് നശിപ്പിക്കാനടക്കം സാധ്യതയുണ്ടെന്ന് വിലയിരുത്തിയാണ് ജാമ്യം തള്ളിയത്.
അന്വേഷണം പ്രാരംഭ ഘട്ടത്തിലാണെന്നും പ്രതികളെ കസ്റ്റഡിയിൽ വാങ്ങി ചോദ്യം ചെയ്യണമെന്നും പൊലിസ് വ്യക്തമാക്കി.നോട്ടീസ് നൽകാതെയാണ് അറസ്റ്റെന്നും അനാവശ്യമായാണ് പ്രതി ചേർത്തതെന്നും ചൂണ്ടിക്കാട്ടിയാണ് ഹർജിക്കാർ കോടതിയെ സമീപിച്ചത്. പ്രതികളെ ചോദ്യം ചെയ്യാനായി കസ്റ്റഡിയിൽ വാങ്ങാൻ കടവന്ത്ര പൊലിസ് കോടതിയിൽ അപേക്ഷ നൽകും. മജിസ്ട്രേറ്റ് കോടതി ജാമ്യം തള്ളിയ സാഹചര്യത്തിൽ പ്രതികൾ സെഷൻസ് കോടതിയെയും സമീപിച്ചേക്കും.
Ernakulam
കാക്കനാട്: കാക്കനാട്- ഇടച്ചിറ റോഡിൽ ഇൻഫോപാർക്കിനു സമീപം കുഴിക്കാട്ടുമൂലയിൽ ഉണ്ടായ അപകടത്തിൽ ഐടി ജീവനക്കാരിയായ യുവതി മരണപ്പെട്ട സംഭവത്തിൽ റോഡു സുരക്ഷ ഉറപ്പാക്കാൻ ഉമ തോമസ് എംഎൽഎ മുൻകൈ എടുത്ത് കളക്ടറുടെ ചേംബറിൽ അടിയന്തര യോഗം ചേർന്നു.
സ്വകാര്യ ബസുകളുടെ മത്സരയോട്ടവും, വാഹനങ്ങൾക്ക് നിരത്തിലൂടെ സുഗമമായി കടന്നുപോകാൻ കഴിയാത്തവിധമുള്ള അസൗകര്യങ്ങളുമാണ് അപകടത്തിന്‍റെ പ്രധാന ഘടകങ്ങളായി അധികൃതർ വിലയിരുത്തിയത്.
ഭാവിയിൽ ഇത്തരം അപകടങ്ങൾ ആവർത്തിക്കാതിരിക്കാനും, കാൽനടയാത്രക്കാരുടെതടക്കം സുരക്ഷ ഉറപ്പാക്കുന്നതിനുമായി നിരവധി പദ്ധതികൾ യോഗത്തിൽ ചർച്ച ചെയ്തു. അടിയന്തരപ്രാധാധ്യമുള്ള പദ്ധതികൾ നടപ്പാക്കാൻ യോഗത്തിൽ തീരുമാനങ്ങൾ നടപ്പാക്കാനും യോഗം തീരുമാനിച്ചു.
ജില്ലാ കളക്ടർ ജി. പ്രിയങ്ക, എഡിഎം, ഡിസിപി, തൃക്കാക്കര എസിപി, തൃക്കാക്കര നഗരസഭാ ചെയർപേഴ്സൺ, നഗരസഭാ സ്റ്റാൻഡിംഗ് കൗൺസിൽ ചെയർമാൻമാർ, നഗരസഭാ കൗൺസിലർമാർ, പൊതുമരാമത്ത് വകുപ്പ്, കൊച്ചി മെട്രോ, നാറ്റ്പാക്ക് , മോട്ടോർ വാഹന വകുപ്പ് തുടങ്ങിയ വിവിധ വകുപ്പുകളിലെ ഉദ്യോഗസ്ഥരും യോഗത്തിൽ പങ്കെടുത്തു.
തുടർനടപടികൾ നിരന്തരം വിലയിരുത്തും
അടിയന്തര പ്രാധാന്യത്തോടെ നടപ്പാക്കാനുള്ള തീരുമാനങ്ങൾക്ക് അതത് വകുപ്പുകൾ എത്രത്തോളം പ്രാധാന്യം നൽകിയിട്ടുണ്ടെന്ന് ഒരാഴ്ചയ്ക്കുശേഷം ചേരുന്ന അവലോകന യോഗം ചർച്ച ചെയ്യും.
ഇൻഫോപാർക്ക് റോഡിലെ അപകടസാധ്യതകൾ പൂർണമായും പരിഹരിക്കുന്നതു വരെ തുടർച്ചയായ ഇടപെടലുകളും അവലോകന യോഗങ്ങളും ഇക്കാര്യത്തിൽ കൈക്കൊള്ളുമെന്ന് എംഎൽഎ പറഞ്ഞു.
പുതിയ ക്രമീകരണങ്ങളും തീരുമാനങ്ങളും
Ernakulam
കാക്കനാട്: രണ്ടുലക്ഷത്തോളം പ്രഫഷണലുകൾ ജോലി ചെയ്യുന്ന ഐടി ഹബ്ബുകകളായ ഇൻഫോപാർക്ക്, സ്മാർട്സിറ്റി എന്നിവിടങ്ങളിലേക്ക് പോകാൻ ഏക ആശ്രയമായ കാക്കനാട് ഐഎംജി- ഇടച്ചിറ റോഡിൽ മരണഭീതിയില്ലാതെ യാത്ര ചെയ്യാൻ ഇപ്പോഴും ആവുന്നില്ലെന്ന് ടെക്കികളും നാട്ടുകാരും.
ഐടി മേഖലയിൽ ശ്രദ്ധ നേടിയതോടെ വിവിധ ലോകരാജ്യങ്ങളിൽ നിന്നും വമ്പൻ കമ്പനികളാണ് ഇൻഫോപാർക്ക്, സ്മാർട്സിറ്റി മേഖലകളിലേക്കും തങ്ങളുടെ ഐടി ബിസിനസ് വ്യാപിപ്പിക്കാൻ തീരുമാനിച്ചത്.
റോഡുകളുടെ ശോചനീയാവസ്ഥ പരിഹരിച്ച് ഗതാഗതസൗകര്യം മെച്ചപ്പെടുത്തണമെന്ന ആവശ്യം വിപ്രോ, ഐബിഎം, ലിറ്റ്മസ്, ലുലു ഐടി പാർക്കുകൾ നിരന്തരം മുന്നോട്ടു വച്ചെങ്കിലും തൃക്കാക്കര നഗരസഭയോ സർക്കാർ പൊതുമരാമത്ത് വകുപ്പോ ഇക്കാര്യത്തിൽ ശ്രദ്ധ ചെലുത്തിയില്ല. ഗ്രാമ പഞ്ചായത്തായിരുന്ന കാലത്ത് കാളവണ്ടികൾക്കും മറ്റു ചരക്കുവണ്ടികൾക്കും കടന്നു വരാനായി നിർമിച്ച അന്നത്തെ റോഡാണ് പിൽക്കാലത്ത് ടാർ ചെയ്ത് ഇന്നത്തെ കാക്കനാട് ഇടച്ചിറ ഇൻഫോപാർക്ക് റോഡായി മാറിയത്.
ഇടച്ചിറയോട് ചേർന്ന് ഏറ്റെടുത്ത ഏക്കറു കണക്കിന് ഭൂമിയിൽ പിന്നീട് ഐടി കമ്പനികൾ സ്ഥാപിക്കാനായി കിൻഫ്രയിൽ നിന്നുംസ്ഥലം ഏറ്റെടുത്ത് നിർമാണം തുടങ്ങിയഘട്ടത്തിലും റോഡ് വികസനത്തിന് വേണ്ടിയുള്ള ഒരു പദ്ധതിയും നഗരസഭയോ സർക്കാരോ അക്കാലത്ത് ഏറ്റെടുത്തില്ല.
കേരളത്തിലെ ഐടി ഹബ്ബുകളിൽ ഇൻഫോപാർക്കും, സ്മാർട്ട് സിറ്റിയും ഈ മേഖലയിൽ വൻ കുതിപ്പുകൾ നടത്തിയിട്ടും റോഡ്ഗതാഗതം തെല്ലും മെച്ചപ്പെട്ടിട്ടില്ലെന്നതു തന്നെയാണ് യാഥാർഥ്യം. തലങ്ങും വിലങ്ങും ഞെങ്ങി ഞെരുങ്ങിയാണ് ഇതുവഴി വാഹനങ്ങൾ കടന്നുപോകുന്നത്.
രാവിലെ ഏഴ് മുതൽ 11 വരെ സൂചി കുത്താൻ ഇടമില്ലാത്തത്ര വാഹനപ്പെരുപ്പമാണ് ഇവിടങ്ങളിൽ അനുഭവപ്പെടുന്നത്.കൊച്ചി കോർപറേഷന്‍റെ മാലിന്യ ലോറികൾ, പെട്രോളിയം ടാങ്കറുകൾ, കൂറ്റൻകുടിവെള്ള വണ്ടികൾ സ്വകാര്യ, കെഎസ്ആർടിസി ബസുകൾ തുടങ്ങിയവയും നൂറ് കണക്കിന് ഇരുചക്ര വാഹനങ്ങളും കൂടിയാവുമ്പോൾ കാൽ നടയാത്രക്കാർക്കുപോലും സുരക്ഷിതമായി സഞ്ചരിക്കാൻ കഴിയാത്ത സ്ഥിതിയാണ്.
പതിറ്റാണ്ടുകളായി സർക്കാർ പുറമ്പോക്കുകൾ കൈയേറി മതിലുകൾ, കച്ചവട സ്ഥാപനങ്ങൾ എന്നിവ നിർമിച്ചവർ അവർകൈയേറിയ റവന്യൂ പുറന്പോക്ക് വിട്ടുകൊടുക്കാത്തതും, രാഷ്ട്രീയ സമ്മർദ്ദത്തിന്‍റെ മറവിൽ സർക്കാർ ഇക്കാര്യത്തിൽ വിട്ടുവീഴ്ചാ മനോഭാവം കാണിക്കുന്നതും കാക്കനാട് ഇഫോപാർക്ക് റോഡ് വികസനത്തിന് തടസമാവുന്നതായും ആക്ഷേപമുണ്ട്.
Ernakulam
പറവൂർ : കിഫ്ബി പദ്ധതിയിൽ ഉൾപ്പെടുത്തി 14.50 കോടി രൂപ ചിലവിൽ ചേന്ദമംഗലം ഗ്രാമപഞ്ചായത്തിലെ മാട്ടുപുറത്തെയും കോട്ടയിൽ കോവിലകത്തെയും തമ്മിൽ ബന്ധിപ്പിക്കുന്ന മാട്ടുപുറം ചേന്ദമംഗലം പാലത്തിന്‍റെ നിർമാണോദ്ഘാടനം മുഖ്യമന്ത്രി വി.ഡി. സതീശൻ നിർവഹിച്ചു.
മന്ത്രി പി.കെ. ബഷീർ അധ്യക്ഷത വഹിച്ചു. കിഫ്ബി പദ്ധതിയിൽ ഉൾപ്പെടുത്തി 15 കോടി രൂപയുടെ ഭരണാനുമതിയാണ് ആദ്യം ലഭിച്ചത്. തുടർന്ന് പാലം നിർമിക്കുന്ന ഇരു ഭാഗത്തെയും സ്ഥലമെടുപ്പ് നടപടികൾ ആരംഭിച്ചു. ഇതിനായി 22 വീട്ടുകാരില്‍ നിന്നും വിവിധ സര്‍വേ നമ്പരുകളില്‍പെട്ട സ്ഥലം ഏറ്റെടുക്കേണ്ടി വന്നു.
രണ്ടുമാസം മുമ്പ് സ്ഥലം ഉടമകൾക്ക് തുക കൈമാറി പലം നിർമാണത്തിന് ആവശ്യമായ സ്ഥലം മുഴുവനായും ഏറ്റെടുത്തു . പാലത്തിന്‍റെ നിർമാണം കാസർഗോഡ് പ്രവർത്തിക്കുന്ന എംഎസ് ആൻഡ് ബിൽഡേഴ്സ് പ്രൈവറ്റ് ലിമിറ്റഡ് എന്ന കരാര്‍ കമ്പനിയാണ് കരാർ ഏറ്റെടുത്തിട്ടുള്ളത്. എസ്റ്റിമേറ്റ് പ്രകാരം 129 മീറ്റർ നീളത്തിൽ ഏഴ് സ്പാനോടുകൂടി ആണ് പാലം നിർമിക്കുന്നത്. അപ്രോച്ച് റോഡിന്‍റെ നീളം കോട്ടയിൽ കോവിലകം ഭാഗത്ത് 66 മീറ്ററും മാട്ടുപുറം ഭാഗത്ത് 127 മീറ്ററും ആണ്. സംസ്ഥാന പൊതുമരാമത്ത് വകുപ്പിനാണ് നിർമാണ ചുമതല.
Ernakulam
നെടുമ്പാശേരി : ഇംഗ്ലണ്ടിലെ ബേസിംഗ്സ്റ്റോക്ക് ഡെപ്യൂട്ടി മേയറായി തെരഞ്ഞെടുക്കപ്പെട്ട മലയാളി സജീഷ് ടോമിന് ജന്മനാട്ടിൽ ഊഷ്മള സ്വീകരണം. ഇന്നലെ രാവിലെ ഒൻപതിന് നെടുമ്പാശേരി വിമാനത്താവളത്തിലെത്തിയ അദ്ദേഹത്തെ ദീർഘകാലം നേതൃരംഗത്ത് പ്രവർത്തിച്ച ക്രിസ്റ്റ്യൻ ലൈഫ് കമ്യൂണിറ്റി (സിഎൽസി) സംഘടനയിലെ മുൻകാല സഹപ്രവർത്തകരും വിവിധ മേഖലകളിലെ പ്രമുഖരും ചേർന്നാണ് സ്വീകരിച്ചത്.
സംഘാടക സമിതി ചെയർമാൻ ജോജോ മനക്കിൽ, വൈസ് ചെയർമാൻ പി.എൽ. അനിൽ, സീനിയർ സിഎൽസി കേരള പ്രതിനിധികളായ സി.ഡി. ജോസ്, ഷീല ജൂസ, ബിന്ദു സജീഷ്, വിജയൻ പി. മുണ്ടിയത്ത് എന്നിവർ സ്വീകരണത്തിന് നേതൃത്വം നൽകി.
സജീഷ് ടോമിന് ഔദ്യോഗിക സ്വീകരണം 12ന് ഉച്ചകഴിഞ്ഞ് മൂന്നിന് പാലാരിവട്ടം പിഒസിയിൽ നടക്കും.മന്ത്രി അനൂപ് ജേക്കബ് ഉദ്ഘാടനം ചെയ്യും. വരാപ്പുഴ അതിരൂപത സഹായമെത്രാൻ ഡോ. ആന്റണി വാലുങ്കൽ അധ്യക്ഷത വഹിക്കും.=
Ernakulam
പെരുന്പാവൂർ: പിഡബ്ല്യുഡി റോഡുകളടക്കമുള്ള പൊതു റോഡുകൾ പൈപ്പുകൾ ഇടാൻ പൊളിക്കുന്നത് റോഡ് വിഭാഗവുമായി ആലോചിച്ച് ഏകപനത്തോടെ ചെയ്യണമെന്നും ടാർ ചെയ്ത ഉടനെ റോഡ് കുത്തിപ്പൊളിക്കുന്ന നടപടി ശരിയല്ലെന്നും താലൂക്ക് സഭ.
ടാറിംഗ് ജോലികൾ ചെയ്യുന്നതിനു മുൻപ് പൈപ്പുകൾ സ്ഥാപിക്കണം. പെരിയാർവാലി സബ് കനാലുകൾ കാട് പിടിച്ചു കിടക്കുന്നത് എത്രയും വേഗം ശുചീകരണപ്രവൃത്തനങ്ങൾ നടത്തണം.
മെയിൻ കനാലുകളിൽ ടെൻഡർ അടിസ്ഥാനത്തിലുള്ള പണികൾ ആരംഭിച്ചതായി പെരിയാർ വാലി അധികൃതർ അറിയിച്ചു. താലുക്ക് ആശുപത്രിയിൽ ഇലക്ട്രിക്ക് സംവിധാനങ്ങൾ നേരയാക്കാൻ ട്രാൻസ്ഫോമർ സ്ഥാപിക്കും.
ശബരിമല സീസൺ വരുന്നതിനാൽ ടൗണിലെ ട്രാഫിക്ക് സംവിധാനങ്ങൾ ശക്തിപ്പെടുത്തുവാനും വേണ്ടത്ര ട്രാഫിക്ക് പൊലിസിനെ നിയമിക്കണമെന്നും കെഎസ്ആർടിസി റോഡും ടൗണിലെ മറ്റു റോഡുകളുടെ അറ്റകുറ്റപണികൾ വേഗത്തിലാക്കണമെന്നും താലൂക്ക് സഭ ആവശ്യപ്പെട്ടു.
പട്ടാലിൽ വെഹിക്കിൾ ടെസ്റ്റ് നടത്താൻ വാഹനങ്ങളുടെ നീണ്ട നിര ഒഴിവാക്കാൻ സമയം വച്ച് ടോക്കൺ സബ്രദായം ഏർപ്പടുത്തണമെന്ന് മനോജ് മൂത്തേടൻ എംഎൽഎ മോട്ടോർ വെഹിക്കിൾ ഉദ്ദ്യോഗസ്ഥരോട് നിർദേശിച്ചു.
പെരുമാനിയിൽ മാലിന്യ ശേഖരം കത്തിയസ്ഥലത്ത് നാളിതുവരെ പൊല്യൂഷൻ കൺട്രോൾ വിഭാഗത്തിൽ നിന്ന് ഉദ്യോഗസ്ഥർ വരാത്തതിൽ താലൂക്ക് സഭ പ്രതിഷേധം രേഖപ്പെടുത്തി.
മനോജ് മൂത്തേടൻ എംഎൽഎ അധ്യക്ഷം വഹിച്ചു. തഹസീൽദാർ എം. മായ, ജനപ്രതിനിധികളായ ബിനോയ് അരീക്കൽ. ബിജു ജോൺ ജേക്കബ്, കെ. ശാരദ തുടങ്ങിയവരും പങ്കെടുത്തു.
Ernakulam
കരുമാലൂർ: കരുമാലൂർ, കുന്നുകര പഞ്ചായത്തുകളിൽ കുടിവെള്ള പൈപ്പ് ലൈനുകൾ സ്ഥാപിച്ചു ഗാർഹിക പൈപ്പിടലും റോഡ് പുനരുദ്ധാരണ പ്രവൃത്തികളും സമയബന്ധിതമായി പൂർത്തിയാക്കണമെന്നു മന്ത്രി വി.ഇ. അബ്ദുൾ ഗഫൂർ.
കളക്ടർ ജി. പ്രിയങ്കയുടെ നേതൃത്വത്തിൽ ചേർന്ന അവലോകന യോഗത്തിലാണു മന്ത്രി ഇതുസംബന്ധിച്ച് നിർദേശം നൽകിയത്.നിലവിൽ പൈപ്പുകൾ ഇടുന്നതിനു നൽകിയിട്ടുള്ള കരാർ റദ്ദാക്കാനും തുടർ പ്രവൃത്തികൾ ഇരു പഞ്ചായത്തുകളും ഏറ്റെടുത്തു നടപ്പിലാക്കാനും മന്ത്രി അനുമതി നൽകി. ഇതു പ്രകാരം ഇരു പഞ്ചായത്തുകൾക്കും 4.5 കോടി രൂപ വീതം ലഭ്യമാക്കും.
പഞ്ചായത്തുകൾ തന്നെ ടെൻഡർ നടപടികൾ പൂർത്തിയാക്കണം. റോഡുകളുടെ അറ്റകുറ്റപ്പണികൾ പൂർത്തിയാക്കുന്നതിന് പൊതുമരാമത്ത് വിഭാഗം എസ്റ്റിമേറ്റ് എടുത്തു പ്രൊപ്പോസൽ സമർപ്പിക്കണം. പത്ത് ദിവസത്തിനുള്ളിൽ നടപടികൾ സ്വീകരിക്കുന്നതിനു ജല അഥോറിറ്റി, പൊതുമരാമത്ത് വകുപ്പുകളെ ചുമതലപ്പെടുത്തി.
റോഡ് കുഴിക്കുന്ന സാഹചര്യമുണ്ടായാൽ ജനപ്രതിനിധികളും ഉദ്യോഗസ്ഥരും സംയുക്ത യോഗം ചേർന്നു തീരുമാനമെടുക്കണമെന്നും നിർദേശിച്ചു. കൂടാതെ ഉദ്യോഗസ്ഥർ പദ്ധതികളുടെ പുരോഗതി കൃത്യമായി വിലയിരുത്തണമെന്നു കളക്ടർ നിർദേശം നൽകി.
കരുമാലൂർ പഞ്ചായത്ത് പ്രസിഡന്റ് ടി.എ. മുജീബ്, കുന്നുകര പഞ്ചായത്ത് പ്രസിഡന്റ് ഗീത കൃഷ്ണൻ, അഡീഷണൽ ജില്ലാ മജിസ്ട്രേറ്റ് കെ. മനോജ് തുടങ്ങിയവർ യോഗത്തിൽ പങ്കെടുത്തു.
Ernakulam
ആലുവ: ദേശീയ പാതയിൽ കാർ നിയന്ത്രണം വിട്ട് ഒരു തവണ വട്ടം മറിഞ്ഞ ശേഷം ബൈക്ക് യാത്രികരെ ഇടിച്ചിട്ട് മറ്റൊരു കാറിന് മുകളിൽ പതിച്ചു. ഇന്നലെ വൈകിട്ട് അഞ്ചോടെ പുളിഞ്ചോട് ട്രാഫിക് സിഗ്നലിലാണ് ദൃക്സാക്ഷികളെ ഭയപ്പെടുത്തിയ അപകടം നടന്നത്. വാഗണർ കാർ ഓടിച്ചിരുന്ന ആലുവ സ്വദേശി രാധാകൃഷ്ണന് പരിക്കേറ്റു. രണ്ടാമത്തെ കാറിലുള്ളയാൾക്ക് നിസാര പരിക്കുണ്ട്. ഒരാളെ എറണാകുളത്തും മറ്റൊരാളെ ആലുവയിലെ ആശുപത്രിയിലും പ്രവേശിപ്പിച്ചു.
വാഹനത്തിന്‍റെ അടിയിൽ ജംഗ്ഷനിലെ റോയൽ ബേക്കറിക്ക് മുന്നിൽ നിർത്തിയിട്ടിരുന്ന അഞ്ചോളം ബൈക്കുകളും കുടുങ്ങി. എറണാകുളത്തേക്ക് പോകുന്ന വാഗൺ ആർ ദേശീയപാത പുളിഞ്ചട് സിഗ്നലിലെ പൊലിസ് എയ്ഡ് പോസ്റ്റാണ് ആദ്യം ഇടിച്ചിട്ടത്. തുടർന്ന് മീഡിയനിൽ ഇടിച്ച് സർവീസ് റോഡിലേക്ക് രണ്ട് വട്ടം കാർ മറിഞ്ഞ് ബേക്കറിയുടെ മുന്നിലേക്ക് വരുമ്പോൾ ജംഗ്ഷനിലേക്ക് എത്തുകയായിരുന്ന ഹുണ്ടായ് കാറിന് മുകളിലേക്ക് പതിക്കുകയായിരുന്നു.
സർവീസ് റോഡിലൂടെ കാർ വന്നില്ലായിരുന്നെങ്കിൽ കാർ കടയിലേക്ക് ഇടിച്ചു കയറി മറ്റൊരു ദുരന്തത്തിൽ കലാശിക്കുമായിരുന്നു. ആലുവ പൊലിസ് സ്ഥലത്തെത്തി അന്വേണം ആരംഭിച്ചു. സി സി ടി വി ദൃശ്യങ്ങളും പൊലിസ് ശേഖരിച്ചു.
Ernakulam
ആലുവ: 117 വർഷം പിന്നിട്ട ആലുവ സെന്റ് മേരീസ് ഹൈസ്കൂളിലെ പൂർവ വിദ്യാർഥി സംഘടനയായ ആഷയുടെ രജത ജൂബിലി ആഘോഷങ്ങൾ പൊതു വിദ്യാഭ്യാസ വകുപ്പ് മന്ത്രി അഡ്വ. എൻ. ഷംസുദ്ദീൻ ഉദ്ഘാടനം ചെയ്തു. മനുഷ്യരെ ഐക്യപ്പെടുത്താനും യോജിപ്പിക്കാനും പൂർവ വിദ്യാർഥികളുടെ കൂട്ടായ്മയ്ക്ക് കഴിയുമെന്ന് മന്ത്രി ചൂണ്ടിക്കാട്ടി.
ആഘോഷകമ്മിറ്റി ചെയർമാൻ എം.ഒ.ജോൺ അധ്യക്ഷത വഹിച്ചു. ആഷാ പ്രസിഡന്റ് പി.എ. മഹ്ബൂബ് ആമുഖ പ്രഭാഷണം നടത്തി. ഹാരിസ് ബീരാൻ എംപി ലോഗോ പ്രകാശനം ചെയ്തു. ബെന്നി ബഹനാൻ എംപി,അൻവർ സാദത്ത് എംഎൽഎ ,കോർപറേറ്റ് മാനേജർ ഫാ. തോമസ് നങ്ങേലിമാലി, അസി. മാനേജർ ഫാ. വർഗീസ് പാലാട്ടി,ഹെഡ്മിസ്ട്രസ് ജീബാ പൗലോസ്, മുൻ എംപി തമ്പാൻ തോമസ് എന്നിവർ സംസാരിച്ചു.
നവതി പിന്നിട്ട എസ്.എൻ. കമ്മത്ത്,ജോസ് കളത്തിൽ, ജോസഫ് വെളങ്ങാടൻ, മുൻ കേരള ചീഫ് ജസ്റ്റീസ് എം.എം. പരീത് പിള്ള എന്നിവരെ ചടങ്ങിൽ ആദരിച്ചു. ചിന്നൻ ടി. പൈനാടത്തിന്‍റെ ലഘുനാടകവും, അധ്യാപികമാരുടെയും വിദ്യാർഥികളുടെയും ഫ്യൂഷൻ ഡാൻസും നടത്തി.
Ernakulam
കൊച്ചി: പരിസ്ഥിതി സംരക്ഷണത്തിനായി അസാധാരണ പ്രവര്‍ത്തനങ്ങള്‍ നടത്തുന്ന സാധാരണക്കാരെ ആദരിക്കുകയും പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെയാണ് പി.വി. തമ്പി സ്മാരക അവാര്‍ഡ് നല്‍കുന്നതെന്ന് മുഖ്യമന്ത്രി വി.ഡി. സതീശന്. എറണാകുളം ചാവറ കള്‍ച്ചറല്‍ സെന്‍ററില്‍ നടന്ന 29ാമത് പി.വി. തമ്പി സ്മാരക അവാര്‍ഡുദാനച്ചടങ്ങില്‍ കെ.ആര്. ജയന് പുരസ്കാരം സമ്മാനിച്ച് പ്രസംഗിക്കുകയായിരുന്നു അദ്ദേഹം.
കാലാവസ്ഥാ വ്യതിയാനവും പരിസ്ഥിതി മലിനീകരണവും കേരളം ഗൗരവമായി കാണേണ്ട വിഷയങ്ങളാണ്. കാലാവസ്ഥാ വ്യതിയാനത്തിന്‍റെ പ്രത്യാഘാതങ്ങള്‍ കേരളത്തെയും ബാധിക്കുന്ന സാഹചര്യത്തില്‍ പരിസ്ഥിതി സംരക്ഷണത്തിന് കൂടുതല്‍ പ്രാധാന്യം നല്‍കണം.കൊച്ചിയിലെ വായുമലിനീകരണം നിയന്ത്രിക്കാന്‍ പൊതുഗതാഗത സംവിധാനം ശക്തിപ്പെടുത്തുകയും ഇലക്ട്രിക് വാഹനങ്ങള്‍ ഉള്‍പ്പെടെയുള്ള മലിനീകരണം കുറയ്ക്കുന്ന സംവിധാനങ്ങള്‍ പ്രോത്സാഹിപ്പിക്കുകയും വേണം.
തന്‍റെ വായനയെയും പരിസ്ഥിതി ബോധത്തെയും രൂപപ്പെടുത്തുന്നതില്‍ പി.വി. തമ്പിയുമായുള്ള സൗഹൃദം വലിയ പങ്കുവഹിച്ചിട്ടുണ്ടെന്നും മുഖ്യമന്ത്രി പറഞ്ഞു.
Ernakulam
വാഴക്കുളം: വാഴക്കുളം ടൗണിന്‍റെ കിഴക്കേ ഭാഗത്ത് കാർമൽ കവലയിലെ വെള്ളക്കെട്ടിന് ശാശ്വത പരിഹാരം കാണുന്നതിനുള്ള നടപടികൾ മഞ്ഞള്ളൂർ പഞ്ചായത്ത് ആരംഭിച്ചു. വാഴക്കുളം ടൗണിനു സമാന്തരമായി ബൈപാസ് റോഡിനു സമീപം കിഴക്കു പടിഞ്ഞാറായി ഒഴുകിയിരുന്ന ചന്തത്തോട് കൈയേറിയ വ്യക്തികളിൽനിന്ന് തിരികെയെടുത്ത് പുനഃസ്ഥാപിക്കുമെന്ന് പഞ്ചായത്തു പ്രസിഡന്റ് ടോമി തന്നിട്ടാമാക്കൽ അറിയിച്ചു.
വർഷങ്ങൾക്കു മുമ്പത്തെ തോടിന്‍റെ യഥാർഥ രൂപവും വീതിയും വീണ്ടെടുക്കാനും തീരുമാനമായിട്ടുണ്ട്. പിഡബ്ല്യുഡി അസിസ്റ്റന്‍റ് എൻജിനിയർ, അസിസ്റ്റന്‍റ് എക്സിക്യൂട്ടീവ് എൻജിനിയർ, എംവിഐപി അസിസ്റ്റന്‍റ് എൻജിനിയർ തുടങ്ങിയവർ ജനപ്രതിനിധികളുടെ നേതൃത്വത്തിൽ ഇന്നലെ പ്രാഥമിക തലത്തിൽ പരിശോധന നടത്തി. ചന്തത്തോടിന്‍റെ സ്വാഭാവികമായ ഒഴുക്കിനും വീതിക്കും മാറ്റം വന്നതാണ് പ്രദേശത്തെ വെള്ളക്കെട്ടിന് പ്രധാന കാരണമായതെന്ന് പരിശോധനയിൽ വ്യക്തമായിട്ടുണ്ട്. അതതു പ്രദേശത്തെ വ്യക്തികൾ സൗകര്യത്തിനനുസരിച്ച് ചന്തത്തോട് കൈയേറിതോടെ തോടിന്‍റെ യഥാർഥ വീതി കുറഞ്ഞ് നീരൊഴുക്ക് തടസപ്പെട്ടിട്ടുണ്ട്.
ഉയർന്ന പ്രദേശമായ ഇൻഫന്‍റ്റ് ജീസസ്, കാർമൽ സ്കൂൾ ഭാഗത്ത് നിന്നുള്ള വെളളം പഴയ പിഡബ്ല്യുഡി റോഡിലെത്തുന്നുണ്ട്. പേരിനു മാത്രമായി നിലവിലുള്ള ചന്തത്തോട്ടിലെത്തുന്ന വെള്ളം വീതി കുറഞ്ഞ് ഓടയായി മാറിയ തോട്ടിലൂടെ സുഗമമായി ഒഴുകിപ്പോകാത്തതിനാലാണ് ടൗണിൽ വെള്ളക്കെട്ടുണ്ടാകുന്നത്.
തൊടുപുഴ - മുവാറ്റുപുഴ സംസ്ഥാന പാതയ്ക്കു സമാന്തരമായി ഒഴുകുന്ന ചന്തത്തോടിന്‍റെ ഗതി സ്വകാര്യ വ്യക്തികൾ സൗകര്യങ്ങൾക്കനുസരിച്ച് മാറ്റിയതും പ്രശ്നം സൃഷ്ടിച്ചു. കെഎസ്ടിപി റോഡിൽ മറ്റൊരു കലുങ്ക് നിർമിക്കുന്നതിനും പഴയ പിഡബ്ല്യുഡി റോഡിൽനിന്ന് പുതിയ പിഡബ്ല്യുഡി റോഡ് കടന്ന് നേർരേഖയിൽ കലുങ്ക് നിർമിക്കുന്നതിനുമുള്ള നിർദേശം പിഡബ്ല്യുഡി അധികൃതർക്ക് സമർപ്പിച്ചിട്ടുണ്ട്.
പരിശോധനയുടെ അടിസ്ഥാനത്തിൽ ചന്തത്തോടിന്‍റെ യഥാർഥ വീതി അതാതു പ്രദേശത്തെ രേഖകൾ പ്രകാരം കണ്ടെത്തി കൈയേറ്റം നടത്തിയിട്ടുള്ള ഭാഗങ്ങളിലെ നിർമാണങ്ങൾ പൊളിച്ചുനീക്കി തോടിന്‍റെ സ്വാഭാവികമായ ഒഴുക്ക് പുനഃസ്ഥാപിക്കുന്നതിനുള്ള നടപടികളാണ് പഞ്ചായത്ത് ആരംഭിച്ചിട്ടുള്ളത്.
Ernakulam
കോതമംഗലം: രാജ്യത്തെ പ്രമുഖ പൊതുമേഖലാ സ്ഥാപനമായ കൊച്ചിൻ ഷിപ്പ്‌യാർഡ് ലിമിറ്റഡും കോതമംഗലം മാർ അത്തനേഷ്യസ് എൻജിനിയറിംഗ് കോളജും തമ്മിൽ ധാരണാപത്രത്തിൽ ഒപ്പുവച്ചു. കൊച്ചിൻ ഷിപ്പ്‌യാർഡിന്‍റെ സഹകരണത്തോടെയുള്ള പഠന-ഗവേഷണ വികസന പദ്ധതിയുടെ ഭാഗമായാണിത്.
കൊച്ചിൻ ഷിപ്പ്‌യാർഡിൽ നടന്ന ചടങ്ങിൽ ഷിപ്പ്‌യാർഡിനെ നെ പ്രതിനിധീകരിച്ച് ബിസിനസ് ഡെവലപ്മെന്റ് ആൻഡ് ഡിസൈൻ വിഭാഗം ചീഫ് ജനറൽ മാനേജർ ദീപു സുരേന്ദ്രനും എംഎ എൻജിനിയറിംഗ് കോളജിനെ പ്രതിനിധീകരിച്ച് പ്രിൻസിപ്പൽ ഡോ. ബോസ് മാത്യു ജോസും ധാരണാപത്രത്തിൽ ഒപ്പുവച്ചു.
കോളജിലെ അധ്യാപകരുടെയും ഗവേഷകരുടെയും സാങ്കേതിക വൈദഗ്ധ്യവും ഗവേഷണശേഷിയും പ്രയോജനപ്പെടുത്തി ചെലവ് കുറയ്ക്കുന്നതിനുള്ള സാധ്യതകൾ കണ്ടെത്തുക, പ്രവർത്തനക്രമങ്ങൾ കൂടുതൽ കാര്യക്ഷമമാക്കുക, ഉൽപാദന-പ്രവർത്തന പ്രക്രിയകൾ മെച്ചപ്പെടുത്തുക, സ്ഥാപനത്തിന്‍റെ സാങ്കേതിക വൈദഗ്ധ്യം കൂടുതൽ ശക്തിപ്പെടുത്തുക തുടങ്ങിയവയാണ് സഹകരണത്തിലൂടെ ലക്ഷ്യമിടുന്നത്. വ്യവസായമേഖലയുമായി ബന്ധപ്പെട്ട ഗവേഷണ-വികസന പ്രവർത്തനങ്ങളിൽ അധ്യാപകർക്കും
കൊച്ചിൻ ഷിപ്പ്‌യാർഡ് ഡയറക്ടർ (ഓപ്പറേഷൻസ്) എസ്. ഹരികൃഷ്ണൻ , ഡയറക്ടർ (ടെക്നിക്കൽ) രാജേഷ് ഗോപാലകൃഷ്ണൻ, എക്സിക്യൂട്ടീവ് ഡയറക്ടർ (ടെക്നിക്കൽ) എൽദോ ജോൺ, എക്സിക്യൂട്ടീവ് ഡയറക്ടർ (ഷിപ്പ് ബിൽഡിംഗ്)വി.പി. ഷിറാസ് എന്നിവർ പങ്കെടുത്തു. കോളജിലെ ഇലക്ട്രിക്കൽ ആൻഡ് ഇലക്ട്രോണിക്സ് എൻജിനിയറിംഗ് വിഭാഗം മേധാവി ഡോ. സിനി പോൾ, ഇലക്ട്രോണിക്സ് ആൻഡ് കമ്മ്യൂണിക്കേഷൻ എൻജിനിയറിംഗ് വിഭാഗം മേധാവി ഡോ. അജി ജോയ്, മെക്കാനിക്കൽ എൻജിനിയറിംഗ് വിഭാഗം പ്രഫസർ ഡോ. സാബു കുര്യൻ എന്നിവരും ചടങ്ങിൽ പങ്കെടുത്തു.
Ernakulam
കൂത്താട്ടുകുളത്ത് ഇൻഫന്‍റ് ജീസസ് സ്കൂൾ
കൂത്താട്ടുകുളം: കൂത്താട്ടുകുളം ഉപജില്ല സ്കൂൾ കലോത്സവത്തിൽ ഹൈസ്കൂൾ, എൽപി വിഭാഗങ്ങളിൽ ചാന്പ്യന്മാരായി കൂത്താട്ടുകുളം ഇൻഫന്‍റ് ജീസസ് ഇംഗ്ലീഷ് മീഡിയം സ്കൂൾ. എൽപി വിഭാഗത്തിൽ സെന്റ് പിറ്റേഴ്സ് എൽപിഎസ് ഇലഞ്ഞി രണ്ടാം സ്ഥാനവും നേടി. യുപി വിഭാഗത്തിൽ ഇലഞ്ഞി സെന്റ് പീറ്റേഴ്സ‌് ആൻഡ് സെന്റ് പോൾസ് ഒന്നാം സ്ഥാനവും, ഗവ. യുപി സ്കൂൾ കൂത്താട്ടുകുളം രണ്ടാം സ്ഥാനവും നേടി. ഹയർ സെക്കൻഡറി വിഭാഗത്തിൽ സെന്‍റ്ജോൺ സിറിയൻ എച്ച്എസ്എസിനാണ് ഒന്നാം സ്ഥാനം
ഏറ്റവും കൂടുതൽ കുട്ടികളെ പങ്കെടുപ്പിച്ചതിനുള്ള കെ.എം. മത്തായി എവർറോളിം ട്രോഫി വ ടകര സെന്റ് ജോൺസ് സിറിയൻ ഹയർ സെക്കൻഡറി സ്കൂളിന് നൽകി. സമാപന സമ്മേളനം മാത്യു കുഴൽനാടൻ എംഎൽഎ ഉദ്ഘാടനം ചെയ്തു.
കോതമംഗലത്ത് സെന്റ് അഗസ്റ്റ്യൻസ് എച്ച്എസ്എസ്
കോതമംഗലം: കോതമംഗലം ഉപജില്ല കലോത്സവത്തിൽ കോതമംഗലം സെന്റ് അഗസ്റ്റ്യൻസ് ഹയർ സെക്കൻഡറി സ്കൂൾ 563 പോയന്‍റോടെ ഓവറോൾ ചാമ്പ്യന്മാരായി. അറബി കലാേത്സവത്തിൽ പല്ലാരിമംഗലം ഗവ. വിഎച്ച്എസ്എസും സംസ്കൃതോത്സവത്തിൽ മാലിപ്പാറ എഫ്എം യുപിഎസുമാണ് ജേതാക്കൾ.
ജനറൽ മത്സരത്തിൽ ഹയർ സെക്കൻഡറി വിഭാഗത്തിലും ഹൈസ്കൂൾ വിഭാഗത്തിലും കോതമംഗലം സെന്റ് അഗസ്റ്റ്യൻസ് ഹയർ സെക്കൻഡറി സ്കൂൾ ഒന്നാമതെത്തി. യുപി വിഭാഗത്തിൽ 78 പോയന്‍റ് നേടി ഊന്നുകൽ എൽഎഫ് എച്ച്എസ്, കോട്ടപ്പടി സെന്റ് ജോർജ് ഇഎം യുപിഎസ് എന്നിവർ ഒന്നാമതെത്തി. എൽപി വിഭാഗത്തിൽ മൈലൂർ എംഎൽപിഎസാണ് ജേതാക്കൾ.
മൂവാറ്റുപുഴയിൽ എബനേസർ എച്ച്എസ്എസ്
മൂവാറ്റുപുഴ: മൂവാറ്റുപുഴ ഉപജില്ല സ്കൂൾ കലോത്സവത്തിൽ വീട്ടൂർ എബനേസർ ഹയർ സെക്കൻഡറി സ്കൂൾ ഓവറോൾ ചാമ്പ്യൻമാരായി. യുപി. ,ഹൈസ്കൂൾ , ഹയർ സെക്കൻഡറി വിഭാഗത്തിലായി 645 പോയിന്‍റു നേടിയാണ് എബനേസർ ചാമ്പ്യൻമാരായത്.
മൂവാറ്റുപുഴ സെന്റ് അഗസ്റ്റിൻ ഗേൾസ് ഹയർ സെക്കൻഡറിസ്കൂളാണ് റണ്ണറപ്പ്. എൽപി പൊതുവിഭാഗം മത്സരത്തിൽ 65 പോയിന്‍റു വീതം നേടി മൂവാറ്റുപുഴ ലിറ്റൽ ഫ്ലവർ എൽപിഎസ്, മുളവൂർ എംഎസ്എം എൽപിഎസ്, മൂവാറ്റുപുഴ നിർമല ജൂനിയർ എന്നിവർ ഒന്നാം സ്ഥാനം പങ്കിട്ടു. സംസ്‌കൃതോത്സവം യുപി വിഭാഗത്തിൽ എബനേസർ സ്കൂളും ഹൈസ്കൂൾ വിഭാഗത്തിൽ വിവേകാനന്ദ വിദ്യാലയവും ചാമ്പ്യൻമാരായി.
അറബി കലോത്സവത്തിൽ കാവുങ്കര മുസ്ലീം എൽപി, എംഎസ്എം എൽപി , മുളവൂർ എന്നിവർ എൽപി വിഭാഗത്തിലും പേഴയ്ക്കാപ്പിള്ളി ഗവ. ഹയർ സെക്കൻഡറി സ്കൂൾ യുപി ഹൈസ്കൂൾ വിഭാഗങ്ങളിലും ചാമ്പ്യൻമാരായി. സമാപന സമ്മേളനം ജില്ലാ പഞ്ചായത്ത് പ്രസിഡന്റ് കെ. ജി . രാധാകൃഷ്ണൻ ഉദ്ഘാടനം ചെയ്തു. മഴുവന്നൂർ പഞ്ചായത്ത് പ്രസിഡന്റ് മിനി മോഹൻദാസ് അധ്യക്ഷത വഹിച്ചു. വടവുകോട് ബ്ലോക്ക് പഞ്ചായത്ത് പ്രസിഡന്റ് അമൃത സനൂപ് സമ്മാനദാനം നിർവഹിച്ചു. കലോത്സവ കൂപ്പണിന്‍റെ സമ്മാനദാനം ജില്ലാ പഞ്ചായത്തംഗം സുജിത്ത് പോൾ നിർവഹിച്ചു.
Ernakulam
കൂത്താട്ടുകുളം: ഓട്ടത്തിനിടെ ഓട്ടോറിക്ഷയുടെ പിൻചക്രം ഊരിത്തെറിച്ച് അപകടം. വാഹനം വേഗത കുറഞ്ഞിരുന്നതിനാലും മറ്റ് യാത്രക്കാർ ഇല്ലാതിരുന്നതിനാലും വൻ ദുരന്തം ഒഴിവായി. കൂത്താട്ടുകുളം – പാലക്കുഴ റോഡിൽ ഹൈസ്കൂൾ ഗ്രൗണ്ടിന് സമീപം ഇന്നലെ ഉച്ചയ്ക്ക് 2.15ഓടെ ആയിരുന്നു സംഭവം.
കൂത്താട്ടുകുളം ഭാഗത്തുനിന്ന് പാലക്കുഴയിലേക്ക് പോകുകയായിരുന്ന പാസഞ്ചർ ഓട്ടോറിക്ഷയുടെ പിൻഭാഗത്തെ ആക്സിൽ ബോൾട്ട് ഒടിഞ്ഞതാണ് ചക്രം ഊരിത്തെറിക്കാൻ ഇടയാക്കിയത്. നിയന്ത്രണം വിട്ട ഓട്ടോറിക്ഷ റോഡിൽ അപകടകരമായ രീതിയിൽ നിന്നെങ്കിലും ഡ്രൈവർ പരിക്കേൽക്കാതെ രക്ഷപ്പെട്ടു.
അപകടം നടന്നയുടൻ സമീപത്തെ സ്കൂൾ ഗ്രൗണ്ടിന് സമീപം നിന്നിരുന്ന നഗരസഭാ കൗൺസിലർമാരായ ബിജു ജോൺ, സനൂപ് കുളമ്പാടം എന്നിവർ സംഭവസ്ഥലത്തേക്ക് ഓടിയെത്തി രക്ഷാപ്രവർത്തനം നടത്തി. തുടർന്ന് ഇവരുടെ നേതൃത്വത്തിൽ നാട്ടുകാരുടെ സഹായത്തോടെ അപകടത്തിൽപ്പെട്ട വാഹനം റോഡരികിലേക്ക് തള്ളിമാറ്റി ഗതാഗതം പുനഃസ്ഥാപിച്ചു.
Ernakulam
പിറവം: ടൗണിലെ വ്യാപാര സ്ഥാപനങ്ങളിലേക്ക് സാധനങ്ങൾ വാങ്ങാൻ എത്തുന്നവരുടെ വാഹനങ്ങൾക്ക് അനാവശ്യമായി പെറ്റി കേസ് ചാർജ് ചെയ്യുന്ന പൊലിസ് നടപടിക്കെതിരെ പിറവം മർച്ചന്‍റ്സ് അസോസിയേഷൻ. പൊലിസുകാർ സിവിൽ ഡ്രസിൽ പോലുമെത്തി മൊബൈൽ ഫോണിൽ വാഹനങ്ങളുടെ ചിത്രങ്ങളെടുക്കുകയാണ്. വാഹന ഉടമകൾക്ക് മൊബൈലിൽ മെസേജ് വരുമ്പോഴാണ് ഫൈൻ അടിച്ചിരിക്കുന്ന കാര്യം അറിയുന്നത്.
അണ്ടേത്ത് കവല മുതൽ പോസ്റ്റ് ഓഫിസ് ജംഗ്ഷൻ വരെ പൊലിസ് ജീപ്പിൽ വരുന്ന ഉദ്യോഗസ്ഥർ പോകുന്ന വഴിക്ക് കാണുന്ന വാഹനങ്ങളുടെ പിന്നിൽ നിർത്തി വാഹനത്തിനുള്ളിൽ നിന്നുതന്നെ മൊബൈലിൽ ഫോട്ടോയെടുക്കുന്നുമുണ്ട്.
പിറവത്തെ ട്രാഫിക് പരിഷ്കാരങ്ങളിൽ കാലാകാലങ്ങളായി റോഡുകളിൽ ലൈനുകൾ വരയ്ക്കുകയും സപോൺസർഷിപ്പിൽ സൈൻ ബോർഡുകൾ വാങ്ങി അശാസ്ത്രീയമായി ടൗണിലെ പല സ്ഥലങ്ങളിലും കൊണ്ട് വച്ചിട്ട് പോയതല്ലാതെ ട്രാഫിക് പൊലിസോ മറ്റ് അധികാരികളോ ഇതിലേക്ക് പിന്നീട് തിരിഞ്ഞു നോക്കാറു പോലുമില്ല. ഏറ്റവും തിരക്കുള്ള പ്രൈവറ്റ് ബസ് സ്റ്റാൻഡിനു മുൻവശത്ത് വൈകുന്നേരങ്ങളിൽ ഗതാഗതം നിയന്ത്രിക്കാനും പൊലിസെത്താറില്ല.
കഴിഞ്ഞ ഒരു വർഷത്തോളമായി പ്രൈവറ്റ് ബസ് സ്റ്റാൻഡിനുള്ളിലുണ്ടായിരുന്ന പൊലിസ് എയ്ഡ് പോസ്റ്റ് പൊളിച്ചു മാറ്റി. ഇത് പുനർ നിർമിക്കാനും നടപടികളായിട്ടില്ല. കഴിഞ്ഞ ആറു മാസത്തിനുള്ളിൽ വ്യാപാര സ്ഥാപനങ്ങളിൽ നടന്ന മോഷണങ്ങളൊന്നും തെളിയിക്കാൻ സാധിച്ചിട്ടില്ലെന്നും അസോസിയേഷൻ ആരോപിച്ചു. ഇതിനെതിരെ മുഖ്യമന്ത്രിക്കും, ആഭ്യന്തരമന്ത്രിക്കും പരാതി നൽകിയിട്ടുണ്ടെന്ന് പ്രസിഡന്റ് ആൽബിൻ പാവോടത്ത്, രക്ഷാധികാരി ഷാജു ഇലഞ്ഞിമറ്റം, ജനറൽ സെക്രട്ടറി റോയി ഡി. പോൾ എന്നിവർ പറഞ്ഞു.
Ernakulam
മൂവാറ്റുപുഴ: മാറാടി, തിരുമാറാടി പഞ്ചായത്തുകളിലെ ജനങ്ങളുടെ ദീര്‍ഘകാലത്തെ യാത്രാ ക്ലേശത്തിന് ശാശ്വത പരിഹാരമായി കെഎസ്ആര്‍ടിസിയുടെ പ്രിയദര്‍ശിനി ബസ് സര്‍വീസിന് തുടക്കമായി. മൂവാറ്റുപുഴയില്‍ നിന്നാരംഭിച്ച് മാറാടി, മണ്ണത്തൂര്‍, വടകര തുടങ്ങിയ ഗ്രാമീണ മേഖലകളിലൂടെയാണ് പുതിയ സര്‍വീസ്.
മണ്ണത്തൂരില്‍ മാത്യു കുഴല്‍നാടന്‍ എംഎല്‍എ സർവീസ് ഫ്ലാഗ് ഓഫ് ചെയ്തു. തദ്ദേശ സ്ഥാപനങ്ങളുമായി ചേര്‍ന്ന് ഗ്രാമീണ മേഖലയില്‍ കൂടുതല്‍ ഗ്രാമവണ്ടികള്‍ അവതരിപ്പിക്കുമെന്ന് എംഎല്‍എ പറഞ്ഞു.
മാറാടി പഞ്ചായത്ത് പ്രസിഡന്റ് ഷാന്‍റി ഏബ്രഹാം അധ്യക്ഷത വഹിച്ചു. ജില്ലാ പഞ്ചായത്ത് അംഗം മാത്യൂസ് വര്‍ക്കി, ജനപ്രതിനിധികളായ സാബു ജോണ്‍, സാജു കുന്നപ്പിള്ളി, അനിത ബേബി, ജില്‍സണ്‍ ജോസ്, രമ രാമകൃഷ്ണന്‍, അനി വര്‍ഗീസ് തുടങ്ങിയവരും പങ്കെടുത്തു.
Thrissur
ഇരിങ്ങാലക്കുട: ക്രൈസ്റ്റ് കോളജിലെ ഹോട്ടല്‍ മാനേജ്മെന്റ് ഡിപ്പാര്‍ട്‌മെന്‍റിന്‍റെ നേതൃത്വത്തില്‍ ക്രിസ്മസ് കേക്ക് ഫ്രൂട്ട് മിക്‌സിംഗ് നടത്തി. പ്രിന്‍സിപ്പല്‍ ഫാ. ഡോ. ജോളി ആന്‍ഡ്രൂസ് സിഎംഐ, ലൈബ്രറിയന്‍ ഫാ. സിബി ഫ്രാന്‍സീസ്, സ്വാശ്രയ വിഭാഗം കൊ ഒാര്‍ഡിനേറ്റര്‍ ഡോ. ടി. വേകാനന്ദന്‍, സൂപ്രണ്ട് സാജു വര്‍ഗീസ്, എച്ച്ആര്‍ കോര്‍ഡിനേറ്റര്‍ പ്രഫ. ഷീബ വര്‍ഗീസ്, അധ്യാപകര്‍, അനധ്യാപകര്‍, വിദ്യാര്‍ഥികള്‍ എന്നിവര്‍ പങ്കെടുത്തു.
ഹോട്ടല്‍ മാനേജ്മെന്റ് വിദ്യാര്‍ഥികളുടെ പരിശീലനത്തിന്‍റെ ഭാഗമായാണ് കേക്കുകള്‍ നിര്‍മിക്കുന്നതെന്ന് ഹോട്ടല്‍ മാനേജ്മെന്റ് വിഭാഗം തലവന്‍ പിയൂസ് ജോസഫ് പറഞ്ഞു.
Thrissur
ഇരിങ്ങാലക്കുട: ക്രൈസ്റ്റ് കോളജില്‍ ഇംഗ്ലീഷ് ഗവേഷണ വിഭാഗത്തിന്‍റെ ആഭിമുഖ്യത്തില്‍ ദ്വിദിന നാടക ശില്പശാല സംഘടിപ്പിച്ചു. കോളജിലെ ഫാ. സെറാഫിന്‍ ഹാളില്‍ നടന്ന ശില്‍പശാലയ്ക്ക് ചലച്ചിത്രനടനും നാടക പ്രവര്‍ത്തകനും കാസ്റ്റിംഗ് ഡയറക്ടറുമായ അബു വളയംകുളവും ചലച്ചിത്ര സംവിധായകനും നിര്‍മാതാവുമായ അവിനാഷ് ചന്ദ്രനും നേതൃത്വം നല്കി.
നാടകകലയിലെ വിവിധ മേഖലകളെ പരിചയപ്പെടുത്തുന്നതിനും വിദ്യാര്‍ഥികളുടെ അഭിനയശേഷിയും സര്‍ഗാത്മകതയും പരിപോഷിപ്പിക്കുന്നതിനുമാണ് ശില്പശാല സംഘടിപ്പിച്ചത്.
കോളജ് പ്രിന്‍സിപ്പല്‍ ഫാ. ഡോ. ജോളി ആന്‍ഡ്രൂസ് സിഎംഐയുടെ പിന്തുണയോടെ സാമൂഹ്യപ്രവര്‍ത്തന വിഭാഗം മേധാവി ഡോ.കെ.ജെ. അജീഷ് ശില്പശാല ഉദ്ഘാടനം ചെയ്തു. ഇംഗ്ലീഷ് ഗവേഷണ വിഭാഗം മേധാവി വി.പി. ഷിന്‍റോ, സ്റ്റാഫ് കോ ഓര്‍ഡിനേറ്റര്‍മാരായ ഡോ. അനുഷ മാത്യു, അസിസ്റ്റന്‍റ് പ്രഫ. ബിബിന്‍ തോമസ് എന്നിവര്‍ നേതൃത്വം നല്‍കിയ പരിപാടിയില്‍ അസിസ്റ്റന്‍റ്് പ്രഫ. ഡോ. എസ്. സുത്താരാ അതിഥികളെ വിദ്യാര്‍ഥികള്‍ക്ക് മുന്നില്‍ പരിചയപ്പെടുത്തി.
Thrissur
വെള്ളിക്കുളങ്ങര: മോനൊടി നീരാട്ടുകുഴിയില്‍ ശക്തമായ ഇടിമിന്നലില്‍ ഗൃഹനാഥന് പൊള്ളലേറ്റു. വീടിനും വീട്ടുപകരണങ്ങള്‍ക്കും നാശമുണ്ടായി. തിരുത്തൂക്കാരന്‍ രത്‌നനാണ് ശരീരത്തിനുപുറത്ത് പൊള്ളലേറ്റത്.
പൊള്ളല്‍ സാരമുള്ളതല്ല. രാത്രി എട്ടരയോടെയാണ് വീടിനകത്തിരുന്ന് ഭക്ഷണം കഴിക്കുന്ന സമയത്താണ് ശക്തമായ മിന്നലുണ്ടായത്. മിന്നലില്‍ അരക്കെട്ടിനു പുറകില്‍ രത്നന് പൊള്ളലേറ്റു. ഭാഗ്യം കൊണ്ടുമാത്രമാണ് താനും കുടുംബവും രക്ഷപ്പെട്ടതെന്ന് രത്നന് പറഞ്ഞു.
കോണ്‍ക്രീറ്റ് വീടിന്‍റെ പുറത്തേക്കുള്ള വാതിലിനോടുചേര്‍ന്ന് പതിച്ചിരുന്ന ടൈലുകള്‍ ഇളകിത്തെറിച്ചു.
മുറിയലുണ്ടായിരുന്ന പ്ലാസ്റ്റിക് കസേര മിന്നലേറ്റു തകര്‍ന്നു. പുറംഭിത്തിയോട് ചേര്‍ന്ന് മണ്ണില്‍ കുഴിരൂപപ്പെട്ടിട്ടുണ്ട്. വൈദ്യുതിമീറ്റര്‍ബോര്‍ഡിലെ ഫ്യൂസ് കത്തിപ്പോയ നിലയിലാണ്. ജനലിന്‍റെ ചില്ലുപാളികളും തകര്‍ന്നിട്ടുണ്ട്.മുറിയിലെ സ്വിച്ച് ബോര്‍ഡുകള്‍ പൊട്ടിത്തെറിച്ചു. വയറിംഗും കത്തിനശിച്ചു. ഗൃഹോപകരണങ്ങള്‍ക്ക് കേടുപറ്റിയതായി സംശയിക്കുന്നുണ്ട്.
സമീപത്തെ ഏതാനും വീടുകളിലെ ഇന്‍വര്‍ട്ടര്‍ അടക്കമുള്ള വീട്ടുകരണങ്ങള്‍ക്കും മിന്നലില്‍ കേടുപറ്റി. വാര്‍ഡ് മെമ്പര്‍ പി.എസ്. അംബുജാക്ഷന്‍ സ്ഥലത്തെത്തി.
Thrissur
തൃശൂർ: ലൂർദ് മെട്രോപൊളിറ്റൻ ദേവാലയത്തിൽ പരിശുദ്ധ അമലോത്ഭവ മാതാവിന്‍റെ തിരുനാളിനോട് അനുബന്ധിച്ചു ഭക്തസംഘടന ഏകോപനസമിതിയുടെ നേതൃത്വത്തിൽ തിരുനാൾ വിളംബര ബൈക്ക് റാലി നടത്തി.
കത്തീഡ്രൽ വികാരി ഫാ. ജോസ് വല്ലൂരാൻ സമിതി കണ്‍വീനർ ഷിനോ സൈമണിനു പതാക കൈമാറി റാലി ഉദ്ഘാടനം ചെയ്തു. സഹവികാരിമാരായ ഫാ. ഷോജോമോൻ മഞ്ഞാടിക്കൽ, ഫാ. ഗോഡ് വിൻ കിഴക്കൂടൻ, തിരുനാൾ ജനറൽ കണ്‍വീനർ ജോർജ് മഞ്ഞില, ട്രസ്റ്റിമാരായ ആന്‍റോ പാലത്തിങ്കൽ, ജോഷൻ ജോർജ്, അജി ഫ്രാൻസിസ്, പ്രതിനിധിയോഗം സെക്രട്ടറി ജോജു മഞ്ഞില, ഏകോപനസമിതി ഭാരവാഹികൾ, സംഘടനാഭാരവാഹികൾ, അംഗങ്ങൾ, തിരുനാൾ കമ്മിറ്റി ഭാരവാഹികൾ എന്നിവർ നേതൃത്വം നൽകി.
Thrissur
പുത്തൂർ: തെരുവുനായ ശല്യം കൂടിയതോടെ പുത്തൂരിൽ ജനങ്ങൾക്ക് സമാധാനത്തോടെ നിരത്തിലിറങ്ങാൻ കഴിയാത്ത അവസ്‌ഥയായി. സുവോളജിക്കൽ പാർക്കിലെത്തുന്ന വിനോദസഞ്ചാരികളും നാട്ടുകാരും നായ്ക്കളെ ഭയന്നാണ് ഇപ്പോൾ നടക്കുന്നത്.
പുത്തൂർ ഗവ. സ്കൂൾ, ഗാർഡിയൻ എയ്ഞ്ചൽസ് സ്കൂൾ എന്നവിടങ്ങളിലേക്ക് വരുന്ന വിദ്യാർഥികളും ഭയപ്പാടോടെയാണ് നായക്കൂട്ടത്തെ പേടിച്ച് നടക്കുന്നത്. പുത്തൂർ പാലം മുതൽ സുവോളജിക്കൽ പാർക്ക് വരെ രാവും പകലുമെന്ന ഭേദമില്ലാതെ പത്തോളം തെരുവ് നായ്ക്കളാണ് അലഞ്ഞുനടക്കുന്നത്.
ഇരുചക്ര വാഹനങ്ങളിൽ യാത്രചെയ്യുന്നവരും കരുതലോടെ പോയില്ലെങ്കിൽ അപകടം ഉറപ്പാണ്.
തെരുവുനായ്ക്കളെ നിയന്ത്രിക്കാൻ ശക്തമായ നടപടികൾ പഞ്ചായത്തിന്‍റെ ഭാഗത്തുനിന്നുണ്ടാകണമെന്ന് നാട്ടുകാർ ആവശ്യപ്പെട്ടു. മുൻപ് ചില പദ്ധതികൾ പരീക്ഷിച്ചെങ്കിലും അവയെല്ലാം പരാജയമായി.
നായ്ക്കളുടെ വന്ധ്യംകരണം ഉൾപ്പെടെയുള്ള ജോലികൾ ഏതെങ്കിലും ഏജൻസികളെ ഏൽപിക്കുമ്പോൾ അവർ കൃത്യമായി നടപ്പാക്കുന്നുണ്ടോയെന്നുകൂടി പഞ്ചായത്ത് ഉറപ്പാക്കണമെന്നും നാട്ടുകാർ ആവശ്യപ്പെട്ടു.
Thrissur
ആലക്കോട്: കേരള-കർണാടക അതിർത്തി മേഖലയായ ഉദയഗിരി പഞ്ചായത്തിലെ ചീക്കാട് നമ്പ്യാർമലയിൽ കാട്ടാനയിറങ്ങി വ്യാപകമായി കൃഷി നശിപ്പിച്ചു. അനീഷ് ചോയിമഠത്തിൽ, സബിൻ, രമേശൻ തായലേവീട്ടിൽ, ടോമി പാലത്തിനാൽ, ജോസഫ്, റോബി, സന്തോഷ് കൊണ്ടനാട്ടി തുടങ്ങിയവരുടെ വാഴ, തെങ്ങ്, കൊക്കോ, കാപ്പി, റബർ തുടങ്ങിയ വിളകളാണ് നശിപ്പിച്ചത്.
കർണാടക വനമേഖലയിൽ നിന്നാണ് കാട്ടാനകൾ എത്തുന്നത്. കഴിഞ്ഞ ഏതാനും ദിവസങ്ങൾക്കു മുന്പ് നന്പ്യാർമലയിലെത്തിയ ആനക്കൂട്ടം തിരിച്ചു പോകാതെ ഇവിടെ തന്നെ തന്പടിച്ചിരിക്കുകയാണെന്ന് കർഷകർ പറഞ്ഞു. കാട്ടാനയുൾപ്പടെയുള്ള വന്യജീവികളുടെ കടന്നു വരവ് തടയാൻ ഇവിടെ ഫെൻസിംഗ് ഒരുക്കിയിരുന്നെങ്കിലും പ്രവർത്തനക്ഷമമല്ല.
പലയിടത്തും കാട്ടാനകൾ ഫെൻസിംഗ് തകർത്തിട്ടുമുണ്ട്. കൃഷിയിടങ്ങൾക്കു പുറമെ കാട്ടാനകൾ വീടുകൾക്കു സമീപം വരെയും എത്തുന്നത് ജനങ്ങളെ കടുത്ത ഭീതിയിലാക്കുന്നുണ്ട്
Thrissur
ചാവക്കാട്: തീരദേശ ഹൈവേയോടുചേർന്നുള്ള പൂട്ടിയിട്ട വീടിന്‍റെ വാതിൽപൊളിച്ച് സ്വർണവും പണവും കവർന്ന സംഭവത്തിൽ രണ്ടുപേർ പിടിയിൽ. ആലുവ എടത്തല സ്വദേശികളായ മാനോലിപ്പറന്പിൽ സലാം (55), മാനോലിപ്പറന്പിൽ സുൽഫിക്കർ (33) എന്നിവരെയാണു തൃശൂർ സിറ്റി പൊലിസ് കമ്മിഷണർ നകുൽ രാജേന്ദ്ര ദേശ്മുഖിന്‍റെ നേതൃത്വത്തിലുള്ള സാഗോക്ക് ടീമും ചാവക്കാട് പൊലിസും ചേർന്ന് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു.
കഴിഞ്ഞമാസം 19നു രാവിലെ കോട്ടപ്പുറം ജംഗ്ഷനിലുള്ള വീടുപൂട്ടി എറണാകുളത്തുള്ള ബന്ധുവീട്ടിൽ പോയിരുന്ന വീട്ടുകാർ പിറ്റേന്നു രാത്രി ഒന്പതിനു തിരിച്ചെത്തിയപ്പോഴാണു കവർച്ച നടന്ന വിവരം അറിഞ്ഞത്. തുടർന്നു പൊലിസിൽ വിവരം അറിയിക്കുകയായിരുന്നു. സമീപപ്രദേശങ്ങളിലുള്ള അന്പതിലധികം സിസിടിവി കാമറകൾ മണിക്കൂറുകളോളം പരിശോധിച്ചും സംഭവസ്ഥലത്തിന് ഒരു കിലോമീറ്റർ ചുറ്റളവിലുള്ള സ്ഥാപനങ്ങളിൽനിന്നും വീടുകളിൽനിന്നും വിവരങ്ങൾ ശേഖരിച്ചാണു പൊലിസിനു പ്രതികളെക്കുറിച്ചു വിവരം ലഭിച്ചത്.
അന്വേഷണസംഘത്തിൽ ഗുരുവായൂർ എസിപി സുരേന്ദ്രൻ, സ്പെഷൽ ബ്രാഞ്ച് എസിപി ബിജോയ്, ചാവക്കാട് സിഐ രമേഷ്, എസ്ഐ പ്രീത എന്നിവരും സാഗോക്ക് ടീം അംഗങ്ങളായ എഎസ്ഐ പി.കെ. പഴനിസ്വാമി, സിപിഒമാരായ സജി ചന്ദ്രൻ, കൃഷ്ണപ്രസാദ്, റെജിൻ, സുനീബ്, സിംസണ്‍, ശ്രീജിത്ത്, നൈജോണ്, അരുണ്‍, രജിത് എന്നിവരുമുണ്ടായിരുന്നു.
കിള്ളിക്കുളങ്ങര ക്ഷേത്രത്തിലെ മോഷണം; രണ്ട് ആസാം സ്വദേശികൾ അറസ്റ്റിൽ
മതിലകം: കൂളിമുട്ടം കിള്ളിക്കുളങ്ങര ശ്രീധർമ്മദൈവ നവഗ്രഹക്ഷേത്രത്തിന്‍റെ ശ്രീകോവിലുകൾ കുത്തിത്തുറന്ന് സ്വർണാഭരണങ്ങളും ഭണ്ഡാരപ്പണവും മോഷ്ടിച്ച കേസിൽ ആസാം സ്വദേശികളായ രണ്ടുപേർ അറസ്റ്റിൽ. ആസാം നഗോണ് കുവാരിറ്റോൾ ജയന്തിപൂർ സ്വദേശി സുഹൈൽ അലി (19), ദുംദുമ ഗാവ് സ്വദേശി അസൽ അലി (30) എന്നിവരെയാണ് മതിലകം പൊലിസ് അറസ്റ്റ് ചെയ്തത്. പ്രതികൾ രാത്രി ഉറങ്ങാറുള്ള കൊച്ചി വൈറ്റില മേൽപാലത്തിന് അടിയിൽ ഒളിപ്പിച്ചനിലയിൽ മോഷണമുതലുകൾ കണ്ടെടുത്തു.
ഒക്ടോബർ 24നു പുലർച്ചെയായിരുന്നു മോഷണം. ക്ഷേത്രത്തിലെ ദേവിയുടെയും ഭുവനേശ്വരി ദേവിയുടെയും ഹനുമാൻ സ്വാമിയുടെയും ശ്രീകോവിലുകൾ തകർത്താണു വിഗ്രഹങ്ങളിൽ ചാർത്തിയിരുന്ന സ്വർണമാലയും താലിയും ഭണ്ഡാരങ്ങളിലെ പണവും മോഷ്ടിച്ചത്. ക്ഷേത്രം സെക്രട്ടറിയുടെ പരാതിയെത്തുടർന്ന് റൂറൽ ജില്ലാ പൊലിസ് മേധാവി മുഹമ്മദ് നദീമുദ്ദീന്‍റെ നിർദേശപ്രകാരം പ്രത്യേക അന്വേഷണസംഘം രൂപീകരിച്ചായിരുന്നു അന്വേഷണം.
കോടതിയിൽ ഹാജരാക്കിയ പ്രതികളെ റിമാൻഡ് ചെയ്തു. കൊടുങ്ങല്ലൂർ ഡിവൈഎസ്പി ആർ. രതീഷ് കുമാർ, മതിലകം സിഐ വിമൽ, എസ്എച്ച്ഒ നസിയ എം. സാഹിബ്, എസ്ഐമാരായ മുഹമ്മദ് റാഫി, സഞ്ജയ്, എഎസ്ഐ മിഥുൻ, ഗ്രേഡ് സീനിയർ സിപിഒമാരായ ഗോപകുമാർ, സുനിൽകുമാർ, ശരത്, സിപിഒമാരായ ബിനിൽ, റിസ്വാൻ എന്നിവരാണ് അന്വേഷണസംഘത്തിലുണ്ടായിരുന്നത്.
Thrissur
ചാലക്കുടി: ജപ്പാനിൽ നടന്ന ഏഷ്യൻ ഗെയിംസിൽ സ്വർണ- വെള്ളി മെഡലുകൾ നേടിയ ഒളിന്പ്യൻ പൂവമ്മയ്ക്ക് ചാലക്കുടി നഗരസഭയുടെ നേതൃത്വത്തിൽ ഉജ്വലമായ പൗരസ്വീകരണം നൽകി. സംസ്ഥാനത്തെ കായിക താരങ്ങൾക്ക് സർക്കാർ എല്ലാ പിന്തുണയും പ്രോത്സാഹനവും നൽകുമെന്ന് സ്വീകരണ സമ്മേളനം ഉദ്ഘാടനം ചെയ്ത ഉന്നത വിദ്യാഭ്യാസ മന്ത്രി റോജി എം. ജോൺ പറഞ്ഞു.
ദേശീയ, അന്തർദേശീയ തലങ്ങളിൽ അംഗീകാരങ്ങൾ നേടിയ എല്ലാ കായിക താരങ്ങൾക്കും സർക്കാർ പ്രഖ്യാപിച്ച പാരിതോഷികത്തുക ഉൾപ്പടെ നൽകുമെന്നും മന്ത്രി പറഞ്ഞു, മൂന്നു ലക്ഷം രൂപ പാരിതോഷികമായി മന്ത്രി പൂവമ്മയ്ക്ക് സമ്മാനിച്ചു.
ഇൻഡോർ സ്റ്റേഡിയത്തിൽനിന്നും തുറന്ന വാഹനത്തിലാണ് പൂവമ്മയെ ഘോഷയാത്രയായി ടൗൺ ഹാളിലേക്ക് ആനയിച്ചത്, വിദ്യാർഥികൾ ഉൾപ്പടെ നാനാമേഖലകളിൽനിന്നും വൻ ജനാവലി വർണശബളമായ ഘോഷയാത്രയിൽ പങ്കെടുത്തു, സ്വീകരണസമേളനത്തിൽ സനീഷ്കുമാർ ജോസഫ് എംഎൽഎ അധ്യക്ഷത വഹിച്ചു.
ബെന്നി ബെഹനാൻ എംപി മുഖ്യപ്രഭാഷണം നടത്തി. ഒളിമ്പ്യൻ ലിജോ ഡേവിഡ് തോട്ടാൻ മുഖ്യാഥിതിയായി. നഗരസഭ ചെയർപേഴ്സൻ ആലീസ് ഷിബു, ബ്ലോക്ക് പഞ്ചായത്ത് പ്രസിഡന്റ് ജാൻസി പൗലോസ്, ജില്ലാ പഞ്ചായത്ത് മെമ്പർ ഷോൺ പെല്ലിശേരി, വൈസ് ചെയർമാൻ കെ.വി. പോൾ, സെന്റ് മേരീസ് ഫൊറോന വികാരി ഫാ. വർഗീസ് പാത്താടൻ, ഗുരുവായൂർ മുൻ മേൽശാന്തി മൂർക്കന്നൂർ ശ്രീഹരി നമ്പൂതിരി, ടൗൺ ഇമാം ഹുസൈൻ ബാഖവി,
സ്റ്റാൻഡിംഗ് കമ്മിറ്റി ചെയർമാൻമാരായ ആനി പോൾ, ഒ.എസ്. ചന്ദ്രൻ, ഷിഫ സന്തോഷ്, ജിയൊ കിഴക്കുംതല, ലിജി ജോജി, യുഡിഎഫ് ലീഡർ ഷിബു വാലപ്പൻ, എൻഡിഎഫ് ലീഡർ ജിൽ ആന്റണി, കൗൺസിലർമാരായ അൽഫോൻസ ചാക്കോ, വത്സൻ ചമ്പക്കര, സെക്രട്ടറി കെ. പ്രമോദ്, ജനറൽ കൺവീനർ സി.എസ്. സുരേഷ് എന്നിവർ പ്രസംഗിച്ചു.
വിവിധ സംഘടനകളും സ്ഥാപനങ്ങളും അനുമോദിച്ചു
ചാലക്കുടി: പൂവമ്മയെ കോൺഗ്രസ് മണ്ഡലം കമ്മിറ്റി പൊന്നാട അണിയിച്ച് അനുമോദിച്ചു. മണ്ഡലം കോൺഗ്രസ് പ്രസിഡന്റ് ജോണി പുല്ലൻ, ബ്ലോക്ക് കോൺഗ്രസ് പ്രസിഡന്റ് വി.ഒ. പൈലപ്പൻ, ഡിസിസി ജനറൽ സെകട്ടറി എബി ജോർജ് എന്നിവർ പ്രസംഗിച്ചു.
ചാലക്കുടി: കാർമൽ വാക്കേഴ്സ് ക്ലബ്ബിന്‍റെ നേതൃത്വത്തിൽ ആദരിച്ചു. കാർമൽ സ്കൂൾ ഗ്രൗണ്ടിൽ നടന്ന ചടങ്ങ് സനീഷ്കുമാർ ജോസഫ് എംഎൽഎ ഉദ്ഘാടനം ചെയ്തു. ക്ലബ് പ്രസിഡന്റ് ബിജു പുത്തിരിക്കൽ അധ്യക്ഷത വഹിച്ചു. കാർമൽ സ്കൂൾ പ്രിൻസിപ്പൽ ഫാ. ബെന്നി പേങ്ങി പ്പറമ്പിൽ, ഡെപ്യൂട്ടി തഹസിൽദാർ സുരേഷ്കുമാർ, അഡ്വ. കെ എസ്. സുഗതൻ, കെ.കെ. ജയൻ, സി.ഡി. വിക്ടർ, ഡേവിസ് കോനൂപ്പറമ്പൻ തുടങ്ങിയ പ്രസംഗിച്ചു.
ചാലക്കുടി: റീഗൽ ക്ലബ് സ്വീകരണം നൽകി. ക്ലബ് പ്രസിഡന്റ് ജെയ്‌ഫൻ മാനാടൻ ഉപഹാരം സമർപ്പിച്ചു. നിഷാന്ത് ഡി. കൂള ഉദ്ഘാടനം ചെയ്തു. സെക്രട്ടറി ഇ.എം.ജോമോൻ അധ്യക്ഷത വഹിച്ചു. ജോഷി മാളിയേക്കൽ, ലാലുമോൻ ചാലക്കുടി, ടോൾജി തോമസ്, അഡ്വ. സോജൻ ആലപ്പാട്ട്, ലിജോ മുളങ്ങാടൻ, ടി.പി.മനോജ് എന്നിവർ പ്രസംഗിച്ചു.ചാലക്കുടി: പ്രസ് ക്ലബിൽ സ്വീകരണം നൽകി. പ്രസിഡന്റ് സി.കെ. പോൾ ഉപഹാരം സമർപ്പിച്ചു. സെക്രട്ടറി ജെ. ജെക്സ്, കൗൺസിലർ വി.ജെ. ജോജി, പി.കെ. സിദിഖ്, എം.ജി. ബാബു, ജോഷി പടയാറ്റിൽ തുടങ്ങിയവർ പ്രസംഗിച്ചു.
Thrissur
തൃശൂർ: ശരിയായ രോഗനിർണയത്തിനും ചികിത്സയ്ക്കും ആധുനിക വൈദ്യശാസ്ത്രത്തിനൊപ്പം അനേകം ശാസ്ത്രശാഖകളാണു കൈകോർത്തിരിക്കുന്നതെന്നും വൈദ്യശാസ്ത്രമികവിനു പിറകിൽ ഗവേഷണങ്ങളാണെന്നും സംസ്ഥാന ഉന്നത വിദ്യാഭ്യാസ കൗണ്‍സിൽ വൈസ് ചെയർമാൻ പ്രഫ. ഡോ. അച്യുത് ശങ്കർ. ജൂബിലി മിഷൻ മെഡിക്കൽ കോളജ് ആൻഡ് റിസർച്ച് ഇൻസ്റ്റിറ്റ്യൂട്ടിൽ മെഡിക്കൽ വിദ്യാർഥികളുടെ ദേശീയ കോണ്ഫറൻസായ ജൂബികോണ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
സംസ്ഥാനത്തെയും ഇതര സംസ്ഥാനങ്ങളിൽനിന്നുമായി 40 മെഡിക്കൽ കോളജുകളിലെ അഞ്ഞൂറോളം മെഡിക്കൽ വിദ്യാർഥികളാണു കോണ്ക്ലേവിൽ പങ്കെടുക്കുന്നത്. ജൂബികോണ് കോണ്‍ക്ലേവ് ഇന്നു വൈകീട്ട് സമാപിക്കും.
സംഘാടകസമിതി ചെയർപേഴ്സണ്‍ നെഹ്ന നെഹ്റിൻ അധ്യക്ഷയായി. ജൂബിലി ഡയറക്ടർ ഫാ. റെന്നി മുണ്ടൻകുര്യൻ, അസിസ്റ്റന്‍റ് ഡയറക്ടർ ഫാ. ടെറിൻ മുല്ലക്കര, പ്രിൻസിപ്പൽ ഡോ. എം.എ. ആൻഡ്രൂസ്, റിസർച്ച് ഡയറക്ടർ ഡോ. ഡി.എം. വാസുദേവൻ, ഓർഗനൈസിംഗ് സെക്രട്ടറിമാരായ ജെന്നിഫർ അരുണ്‍ അറയ്ക്കൽ, മുഹമ്മദ് സിയാൻ എന്നിവർ പ്രസംഗിച്ചു.
Thrissur
തൃശൂർ: അനശ്വരരായ സാംസ്കാരികനായകരെ വേണ്ടവിധം ആദരിക്കുന്നതിൽ മലയാളിക്ക് ഇപ്പോഴും വിമുഖതയുണ്ടെന്നും മലയാളിയുള്ള കാലത്തോളം പ്രേംനസീർ എന്നും ഓർമിക്കപ്പെടേണ്ട വ്യക്തിത്വമാണെന്നും കവിയും ഗാനരചയിതാവുമായ എം.ഡി. രാജേന്ദ്രൻ. തൃശൂർ ലിറ്റററി ഫോറത്തിന്റെ ആഭിമുഖ്യത്തിൽ ചേറൂർ സാഹിതിയിൽ സംഘടിപ്പിച്ച നിത്യഹരിതം പ്രേംനസീർ സ്മൃതിസാഹിതിയുടെ ജൻമശതാബ്ദി പ്രണാമം ഉദ്ഘാടനം ചെയ്യുകയായിരുന്നു അദ്ദേഹം.
എഴുത്തുകാരനും തൃശൂർ ലിറ്റററി ഫോറം പ്രസിഡന്‍റുമായ കെ. ഉണ്ണികൃഷ്ണൻ അധ്യക്ഷത വഹിച്ചു. സതീഷ് കുമാർ വിശാഖപട്ടണം, സുരേഷ് കോന്പാത്ത് എന്നിവർ മുഖ്യപ്രഭാഷണം നടത്തി. അപർണ ബാലകൃഷ്ണൻ, മോഹൻദാസ് പാറപ്പുറത്ത്, ഇ.ജി. സുബ്രഹ്മണ്യൻ, അനിൽകുമാർ കോലഴി, ജോബി വെള്ളാനിക്കര എന്നിവർ നേതൃത്വം നൽകി.
Thrissur
തൃശൂർ: കോർപറേഷൻ ശക്തൻ നഗറിൽ സ്ഥാപിക്കുന്ന ബയോ സിഎൻജി പ്ലാന്‍റിന്‍റെ കമ്മിഷനിംഗും ട്രയൽ റണ്ണും കാര്യക്ഷമമായി നടപ്പാക്കുന്നതിന്‍റെ ഭാഗമായി മേയർ ഡോ. നിജി ജസ്റ്റിന്‍റെ നേതൃത്വത്തിലുള്ള കോർപറേഷൻ പ്രതിനിധിസംഘം കർണാടകയിലെ കൽബുർഗിയിലുള്ള രുദ്രാക്ഷ് ബയോ സിഎൻജി പ്ലാന്റ് സന്ദർശിച്ചു. ഡെപ്യൂട്ടി മേയർ എ. പ്രസാദ്, സ്റ്റാൻഡിംഗ് കമ്മിറ്റി ചെയർപേഴ്സണ്‍മാരായ ടി.ആർ. സന്തോഷ്, ഷീന ചന്ദ്രൻ, കോർപറേഷൻ സെക്രട്ടറി വി.പി. ഷിബു, സൂപ്രണ്ടിംഗ് എൻജിനിയർ ഷൈബി ജോർജ് എന്നിവർ സംഘത്തിലുണ്ടായിരുന്നു.
ജൈവമാലിന്യത്തിൽനിന്നു കംപ്രസ്ഡ് ബയോഗ്യാസ് ഉത്പാദിപ്പിക്കുന്നതിനുള്ള സാങ്കേതികവിദ്യകൾ, പ്ലാന്‍റിന്‍റെ പ്രവർത്തനരീതി, മാലിന്യസംസ്കരണ സംവിധാനങ്ങൾ, ഗ്യാസ് ഉത്പാദനം, സംഭരണം, വിതരണം എന്നിവ നേരിട്ടു മനസിലാക്കുന്നതിനും പ്രവർത്തനാനുഭവങ്ങൾ വിലയിരുത്തുന്നതിനുമായിരുന്നു സന്ദർശനം.
നഗരത്തിലെ ഹോട്ടലുകൾ, മാർക്കറ്റുകൾ, വീടുകൾ, ഫ്ലാറ്റുകൾ, മറ്റു സ്ഥാപനങ്ങൾ എന്നിവിടങ്ങളിൽനിന്നു ശേഖരിക്കുന്ന ജൈവമാലിന്യം സംസ്കരിച്ച് കംപ്രസ്ഡ് ബയോഗ്യാസ്, ജൈവവളം, ദ്രവവളം എന്നിവ ഉത്പാദിപ്പിക്കുകയാണു ശക്തൻ നഗറിലെ പ്ലാന്‍റിന്‍റെ പ്രധാന ലക്ഷ്യം. പ്രതിദിനം 30 ടണ്‍ ജൈവമാലിന്യം സംസ്കരിക്കാൻ ശേ ഷിയുള്ള ഈ പ്ലാന്റ് നഗരത്തിലെ മാലിന്യസംസ്കരണരംഗത്ത് വലിയ മാറ്റത്തിനു വഴിയൊരുക്കുമെന്നാണു പ്രതീക്ഷ.
Thrissur
തൃശൂർ: വിദേശരാഷ്ട്രങ്ങൾക്കുമുന്പിൽ ഇന്ത്യയെ നിരന്തരം അപമാനിച്ചുകൊണ്ടിരിക്കുന്ന പ്രധാനമന്ത്രി നരേന്ദ്രമോദി ലക്ഷണമൊത്ത ഫാസിസ്റ്റ് ആയി മാറിയിരിക്കുന്നതായി സിപിഐ ദേശീയ കൗണ്‍സിൽ അംഗം കെ. രാജൻ എംഎൽഎ. ഇസ്രയേൽ തെരഞ്ഞെടുപ്പും യുഎസ് ഇടക്കാല തെരഞ്ഞെടുപ്പും കഴിഞ്ഞതോടെ നരേന്ദ്രമോദിയുടെ അടുത്ത ചങ്ങാതിമാരായ ട്രംപിനും നെതന്യാഹുവിനും അടിതെറ്റി. യുദ്ധക്കൊതിയൻമാരായ അവരെ ജനം കൈവിട്ടിരിക്കുന്നു.
ധന മുതലാളിത്തത്തിന്‍റെ ഉപകരണങ്ങളാണ് അവർ സാമ്രാജ്യത്വവ്യാപനത്തിനായി ഉപയോഗിക്കുന്നതെന്നും സിപിഐ ജില്ലാ കൗണ്‍സിൽ സംഘടിപ്പിച്ച ഒക്ടോബർ വിപ്ലവസ്മരണ ഉദ്ഘാടനം ചെയ്തുകൊണ്ട് അദ്ദേഹം കൂട്ടിച്ചേർത്തു.
സിപിഐ സംസ്ഥാന കൗണ്‍സിൽ അംഗം അജിത് കൊളാടി പ്രഭാഷണം നടത്തി. സിപിഐ ജില്ലാ സെക്രട്ടറി കെ.ജി. ശിവാനന്ദൻ അധ്യക്ഷത വഹിച്ചു.സിപിഐ നേതാക്കളായ അഡ്വ. വി.എസ്. സുനിൽകുമാർ, സി.എൻ. ജയദേവൻ, കെ.വി. വസന്തകുമാർ, ഷീലാ വിജയകുമാർ, ടി.കെ. സുധീഷ് തടുങ്ങിയവർ പ്രസംഗിച്ചു.
Thrissur
തൃശൂർ: കാപ്പ നിയമലംഘനം നടത്തി ജില്ലയിൽ പ്രവേശിച്ച യുവാവ് പിടിയിൽ. നിരവധികുറ്റകൃത്യങ്ങളിൽ ഉൾപ്പെട്ട പ്രതിയായ വിയ്യൂർ പാടൂക്കാട് ചിയ്യാരത്ത് വീട്ടിൽ അമലിനെ(21)യാണ് തൃശൂർ ടൗണ്‍ ഈസ്റ്റ് പൊലിസ് പിടികൂടിയത്.
കാപ്പ നിയമപ്രകാരം ജൂലൈ 15 മുതൽ ആറു മാസത്തേക്ക് തൃശൂർ റവന്യൂ ജില്ലാ പരിധിയിൽനിന്ന് അമലിനെ നാടുകടത്തിയിരുന്നു.ഇതിനിടെയാണ് തൃശൂർ ഈസ്റ്റ് പൊലിസ് സ്റ്റേഷൻ പരിധിയിലുള്ള ചെന്പോട്ടിൽ ലെയ്നിലെ ഹോട്ടലിൽനിന്ന് അന്വേഷണസംഘം അമലിനെ പിടികൂടിയത്. ഏഴു ക്രിമിനൽ കേസുകളിലെ പ്രതിയാണ് അമലെന്നു പൊലിസ് പറഞ്ഞു.
Thrissur
പുന്നംപറമ്പ്: മണലിത്തറയിൽ തേനീച്ചയുടെ കുത്തേറ്റ് നിരവധി കർഷകർക്ക് പരിക്കേറ്റു. മണലിത്തറ അയ്യപ്പൻകാവ് പരിസരത്തെ പാടത്ത് പണി എടുത്തുകൊണ്ടിരുന്ന തൊഴിലാളികൾക്കാണ് തേനീച്ചയുടെ ആക്രമണമുണ്ടായത്. പടാട്ടിൽ രവി, കുന്നത്ത് സന്തോഷ്, നൊട്ടത്ത് ഇന്ദിര, കൈപറമ്പിൽ ആലീസ് എന്നിവർക്കാണ് കുത്തേറ്റത്.
പാടത്ത് പണി ചെയ്യുന്നതിനിടയിൽ പെട്ടെന്ന് തേനീച്ചക്കൂട്ടം ഇളകി വന്ന് കർഷകരെ ആക്രമിക്കുകയായിരുന്നു. ഒപ്പമുണ്ടായിരുന്ന മറ്റുള്ളവരും ഓടിക്കൂടിയ നാട്ടുകാരും ചേർന്നാണ് ഇവരെ രക്ഷപ്പെടുത്തിയത്. തേനീച്ചയുടെ കുത്തേറ്റ് ഗുരുതരമായി പരിക്കേറ്റ രവി, സന്തോഷ്, ഇന്ദിര, ആലീസ് എന്നിവരെ ഉടൻ വിദഗ്ദ്ധ ചികിത്സയ്ക്കായി തൃശൂർ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. സംഭവത്തെ തുടർന്ന് പ്രദേശവാസികൾ ജാഗ്രത പാലിക്കണമെന്ന് നിർദ്േശമുണ്ട്.
Thrissur
മാന്ദാമംഗലം: വെള്ളക്കാരിത്തടം വനമേഖലയിൽ വീണ്ടും കാട്ടാനയിറങ്ങി കൃഷി നശിപ്പിച്ചു. ഐനിക്കൽ ബിജോയ്, മലമേൽ ആന്റണി, വടക്കേടത്ത് ബാബു, കുടക്കച്ചിറ ബൈജു എന്നിവരുടെ കാർഷിക വിളകൾ ആണ് കാട്ടാനകൂട്ടം നശിപ്പിച്ചത്. കഴിഞ്ഞ മൂന്നു ദിവസമായി കാട്ടാനക്കൂട്ടം യൂക്കാലി കാട്ടിൽ തമ്പടിച്ചിരിക്കുകയാണെന്ന് പ്രദേശവാസികൾ പറയുന്നു. വനംവകുപ്പും നാട്ടുകാരും ചേർന്ന് ആനയെ തുരത്തി കാട്ടിലേക്ക് കയറ്റാൻ ശ്രമിച്ചെങ്കിലും ഇതുവരെ സാധിച്ചിട്ടില്ല.
ഏതാനും മാസങ്ങൾക്ക് മുമ്പ് സമരസമിതിയുടെ നേതൃത്വത്തിൽ വിപുലമായ പ്രക്ഷോഭ പരിപാടികൾ സംഘടിപ്പിക്കുകയും, വനംവകുപ്പും പ്രദേശവാസികളും സംയുക്തമായി ആനയെ തുരത്തുന്നതിന് ആവശ്യമായ നിലപാട് സ്വീകരിച്ചിരുന്നു. നിലവിൽ കാട്ടാനകളെ തുരത്തുന്നതിനുള്ള നടപടികൾ നിശ്ചലമായവസ്ഥയിലാണ്. വെള്ളക്കാരിത്തടം, മരോട്ടിച്ചാൽ, പീച്ചി തുടങ്ങിയ വനമേഖലകൾ കാട്ടാനകളുടെ വിഹാരകേന്ദ്രമായി മാറിയിരിക്കുകയാണ്. കാട്ടാനകളെ തുരത്താൻ വനാതിർത്തികളിൽ കിടങ്ങുകളും തൂക്ക് ഫെൻസിംഗും സ്ഥാപിക്കണമെന്ന് നാട്ടുകാർ ആവശ്യപ്പെട്ടു.
Thrissur
ഗുരുവായൂർ: ചെമ്പൈ സംഗീതോത്സവത്തിൽ അഞ്ച് വനിതകൾ ചേർന്ന് അവതരിപ്പിച്ച സ്ത്രീ താൾ തരംഗ് ആസ്വാദകർക്ക് ഹൃദ്യമായി. സുകന്യ രാംഗോപാൽ (ഘടം), വാണി മഞ്ജുനാഥ് (ഓടക്കുഴൽ), പ്രേമ വിവേക് (വയലിൻ), ലക്ഷ്മി രാജശേഖർ (മൃദംഗം), ഭാഗ്യലക്ഷ്‌മി എം. കൃഷ്ണ (മുഖർശംഖ്) എന്നിവയിൽ വിസ്‌മയം തീർത്തു. സന്താനഗോപല കൃഷ്ണ എന്ന ദീക്ഷിതർ കൃതിയിൽ തുടങ്ങി മധ്യമാവതി രാഗത്തിലെ ഭാഗ്യാത ലക്ഷ്മി ബാരമ്മയും അവതരിപ്പിച്ചാണ് അവസാനിപ്പിച്ചത്.
വിശേഷാൽ കച്ചേരിയിൽ ആദ്യം ബൃന്ദ മാണിക്യ വാസകൻ കച്ചേരി അവതരിപ്പിച്ചു. ഡോ.വിജയശ്രീ ഹരിദാസിന്‍റെ കച്ചേരിയായിരുന്നു ഇന്നലെ അവസാനത്തേത്. തിങ്ങിനിറഞ്ഞ ആസ്വാദകരാണ് ഉള്ളത്. ഇന്നലെ 180 ഓളം പേർ സംഗീതാർച്ചന നടത്തി.
ക്ഷേത്രത്തിൽ ദർശനത്തിന് എല്ലാ ഭക്തരേയും സോപനത്തിന് മുന്നിലൂടെ കടത്തിവിടുന്നത് ഭക്തർക്ക് കണ്ണനെ അടുത്ത് കണ്ട് ദർശനം നടത്താൻ കഴിയുന്നുണ്ട്. തിരക്ക് പരിഗണിച്ച് കൂടുതൽ വഴിപാട് കൗണ്ടറുകൾ ആരംഭിക്കുന്നതിനും തീരുമാനിച്ചതായി അഡ്‌മിനിസ്‌ട്രേറ്റർ എസ്.ഹരിഗോപാൽ അറിയിച്ചു. 21നാണ് ഏകാദശി ആഘോഷം.
Thrissur
=തൃശൂർ: അമല മെഡിക്കൽ കോളജിൽ ആരംഭിച്ച ഇന്‍റഗ്രേറ്റഡ് സ്പോർട്സ് ഇഞ്ചുറി ആൻഡ് റിഹാബിലിറ്റേഷൻ ക്ലിനിക്കിന്‍റെ ഉദ്ഘാടനം കേരള ട്രാൻസ്പോർട് കമ്മിഷണർ ജി. സ്പർജൻകുമാർ നിർവഹിച്ചു. ഫിസിക്കൽ മെഡിസിൻ ആൻഡ് റിഹാബിലിറ്റേഷൻ, ഓർത്തോ ആൻഡ് സ്പൈൻ റോബോട്ടിക് സർജറി, ഫിസിയോതെറാപ്പി, ആയുർവേദ വിഭാഗങ്ങളുടെ സംയുക്ത സംരംഭമായാണ് കേരളത്തിലെതന്നെ ഇത്തരത്തിലുള്ള ആദ്യ ക്ലിനിക് അമലയിൽ ആരംഭിച്ചത്.
ഡയറക്ടർ ഫാ. ജൂലിയസ് അറയ്ക്കൽ, ഓർത്തോ ആൻഡ് സ്പൈൻ റോബോട്ടിക് സർജറി മേധാവി ഡോ. സ്കോട്ട് ചാക്കോ ജോണ്‍, പിഎംആർ വിഭാഗം മേധാവി ഡോ. ആഷ എലിസബത്ത്, ആയുർവേദ കണ്‍സൾട്ടന്‍റ് ഡോ. കെ. രോഹിത്ത് എന്നിവർ പ്രസംഗിച്ചു. പിഎംആർ വിഭാഗത്തിനുലഭിച്ച പോസ്റ്റ് ഗ്രാജുവേറ്റ് കോഴ്സിന്‍റെ ഉദ്ഘാടനവും ചടങ്ങിൽ നടത്തി.
Thrissur
ചാവക്കാട്: ജനസേവനകേന്ദ്രത്തിലെ ജീവനക്കാരിയായ യുവതിയുടെ തലയ്ക്കടിച്ച് മാല പൊട്ടിച്ച സംഭവത്തില്‍ ബംഗാളി പിടിയിൽ. പശ്ചിമബംഗാള്‍ സ്വദേശിയായ ഗൗതം പാലി (47) നെയാണ് സിഐ എം.കെ. രമേഷിന്‍റെ നേതൃത്വത്തിൽ അറസ്റ്റ് ചെയ്തത്. കഴിഞ്ഞ 29-ന് വൈകിട്ടാണ് പാലയൂർ റോഡിലെ ജനസേവാകേന്ദ്രത്തിലെ ജീവനക്കാരി പുന്നയൂര്‍ക്കുളം ആല്‍ത്തറ ചെറായി ഇട്ടിലായില്‍ രജനി(43)യെ പ്രതി മാരകായുധവുമായെത്തി തലയ്ക്കടിച്ച് പരിക്കേല്‍പ്പിച്ചത്.
സിസിടിവി കാമറകള്‍ പരിശോധിച്ചാണ് പ്രതിയെ പിടികൂടിയത്. തലയ്ക്കു സാരമായി പരിക്കേറ്റ രജനി തൃശൂര്‍ മെഡിക്കല്‍ കോളജ് ആശുപത്രിയില്‍ ചികിത്സയിലായിരുന്നു.എസ്ഐ. പ്രീത ബാബു, സീനിയര്‍ സിപിഒ സജീവന്‍, സിപിഒമാരായ രജിത്ത്, പ്രദീപ് എന്നിവരും അറസ്റ്റ് സംഘത്തിലുണ്ടായിരുന്നു. പ്രതിയെ റിമാന്‍ഡ് ചെയ്തു.
Thrissur
എരുമപ്പെട്ടി: വരവൂർ പഞ്ചായത്തിൽ തളിനടുവട്ടത്ത് പ്രവർത്തിക്കുന്ന "അർബൻ വിംഗ്സ്' അറവുമാലിന്യ സംസ്കരണ പ്ലാന്‍റുമായി ബന്ധപ്പെട്ട കേസിൽ കോടതി നിർദേശപ്രകാരമുള്ള ട്രയൽ റൺ പൂർത്തിയായി. അതേസമയം പ്ലാന്‍റിന്‍റെ പ്രവർത്തനം പരിസര മലിനീകരണം സൃഷ്ടിക്കുന്നുവെന്ന് ചൂണ്ടിക്കാട്ടി പൗരസമിതിയുടെ നേതൃത്വത്തിൽ പ്രതിഷേധം നടത്തി.
പ്രദേശവാസികൾക്ക് ബുദ്ധിമുട്ടുണ്ടാക്കുന്ന രീതിയിലുള്ള പ്ലാന്‍റിന്‍റെ പ്രവർത്തനം പൂർണമായും അവസാനിപ്പിക്കണമെന്നും ജനങ്ങളുടെ ആരോഗ്യ സംരക്ഷണം ഉറപ്പാക്കാൻ അധികൃതർ നടപടി സ്വീകരിക്കണമെന്നും പ്രതിഷേധക്കാർ ആവശ്യപ്പെട്ടു.
പ്രതിനിധികളായ ടി.എം നാസർ, സന്തോഷ് പിലക്കാട്, രവീന്ദ്രൻ തിച്ചൂർ, എം.ആർ. പ്രജു, പി. പ്രീതി, എം.ആർ. രതിമോഹൻ, കുഞ്ഞാലു, എം.എം. റഷീദ് തുടങ്ങിയവർ നേതൃത്വം നൽകി.
Thrissur
ചാലക്കുടി: റിവർ ഡൈവേർഷൻ സ്കീമിന് സ്വന്തമായി സ്റ്റോറേജ് ഡാം നിർമിക്കണമെന്ന ആവശ്യം ഉയരുന്നു. ജില്ലാ കളക്ടർ ശിഖ സുരേന്ദ്രന്‍റെ അധ്യക്ഷതയിൽ ചേർന്ന റിവർ ഡൈവെർഷൻസ് കം സ്റ്റിയറിംഗ് കമ്മറ്റി യോഗത്തിൽ ഉന്നതവിദ്യഭ്യാസ മന്ത്രി റോജി എം. ജോൺ, യുവജനക്ഷേമ കായിക മന്ത്രി ഒ.ജെ. ജനീഷ്, ബെന്നി ബഹനാൻ എംപി, എംഎൽഎമാരായ സനീഷ്കുമാർ ജോസഫ്, തോമസ് ഉണ്ണിയാടൻ തുടങ്ങിയവർ പങ്കെടുത്തു.
യോഗത്തിന്‍റെ കൺവീനറായ ഐഐപി ഡിവിഷൻ നം.2, ചാലക്കുടി എക്സിക്യൂട്ടീവ് എൻജിനീയർ എ. ജിഷ, ചാലക്കുടി റിവർ ഡൈവേർഷൻ സ്കീമിന് സ്വന്തമായി ഒരു സ്റ്റോറേജ് സംവിധാനം ഇല്ലാത്തതുകൊണ്ട് പൊരിങ്ങൽകുത്തിലെ കെഎസ്ഇബി പവർ ഹൗസിൽ നിന്നും വൈദ്യുതോത്പാദനം കഴിഞ്ഞശേഷം ലഭിക്കുന്ന വെള്ളത്തിനെ മാത്രം ആശ്രയിച്ചാണ് കനാലിൽക്കൂടി ജലവിതരണം നടത്തുന്നതെന്നും ഈ വെള്ളത്തിന്റെ അളവിലുണ്ടാകുന്ന ഏറ്റക്കുറച്ചിലുകളും കനാലുകളുടെ കേടുപാടുകളും ജലവിതരണത്തെ സാരമായി ബാധിക്കുന്നുണ്ടെന്നും പല ടേണുകളിലും വാലറ്റം വരെ വെള്ളം എത്തിക്കാൻ സാധിക്കാത്ത അവസ്ഥ ഉണ്ടാകുന്നുണ്ടെന്നും പറഞ്ഞു.
കഴിഞ്ഞ വർഷത്തെ അപേക്ഷിച്ച് മഴ കുറവായതിനാൽ 2026-27 വർഷത്തെ ജലവിതരണത്തിൽ വെള്ളത്തിന്റെ കാര്യമായ കുറവ് നേരിടാനാണു സാധ്യത. എല്ലാ തദ്ദേശ സ്വയംഭരണ സ്ഥാപനങ്ങൾ കേന്ദ്രീകരിച്ചും പ്രാദേശികമായിട്ട് ഒരു കമ്മിറ്റി രൂപീകരിച്ച് വെള്ളം കാര്യക്ഷമമായി എത്തിക്കുന്നതിനുവേണ്ട നടപടികൾ സ്വീകരിക്കണമെന്ന്. ഉന്നത വിദ്യഭ്യാസമന്ത്രി റോജി എം. ജോൺ അഭിപ്രായപ്പെട്ടു. കനാലിൽ നിന്നും നീക്കം ചെയ്ത് കനാൽ ബണ്ടിൽ നിക്ഷേപിക്കുന്ന മാലിന്യങ്ങൾ തദ്ദേശ സ്വയംഭരണ സ്ഥാപനങ്ങൾക്കു നീക്കം ചെയ്യുന്നതിനുള്ള അധികാരം ഗവൺമെന്‍റിൽ നിന്നും ലഭ്യമാക്കുന്നതിനായി തദ്ദേശ സ്വയംഭരണ വകുപ്പ് മന്ത്രിയുമായി ചർച്ചചെയ്തു തീരുമാനിക്കാമെന്ന് യുവജനക്ഷേമ കായിക മന്ത്രി ഒ.ജെ. ജനീഷ് അറിയിച്ചു.
തമിഴ്നാട്ടിൽനിന്നും പറമ്പിക്കുളം ആളിയാർ വഴിയുള്ള വെള്ളത്തിന്റെ ലഭ്യതയും കനാലുകളുടെ ശോചനീയാവസ്ഥ പരിഹരിക്കേണ്ടതിന്‍റെ ആവശ്യക തയും ഫണ്ടിന്‍റെ അപര്യാപ്‌തതയും തുമ്പൂർമുഴിക്ക് മുകളിലായി ഒരു സ്റ്റോറേജ് സംവിധാനം വേണ്ടതിനെക്കുറിച്ചും സനീഷ്കുമാർ ജോസഫ് എംഎൽഎ ചൂണ്ടി ക്കാട്ടി.
പൊരിങ്ങൽ കുത്തിൽനിന്നും പിഎപി എഗ്രിമെന്‍റ് പ്രകാരം തമിഴ്നാട് ഷോളയാർ നിന്ന് കേരള ഷോളയാറിൽ സെപ്റ്റംബർ ഒന്നിനു നടത്തേണ്ട ഫില്ലിംഗ് പൂർണമല്ലായിരുന്നെന്നും ഫെബ്രുരി ഒന്നിനു നടത്തേണ്ട ഫില്ലിംഗ് ഉറപ്പാക്കിയില്ലെങ്കിൽ ആവശ്യത്തിന് ജലലഭ്യത ഉണ്ടാവില്ലെന്നും കെഎസ്ഇബി ഡെപ്യൂട്ടി ചീഫ് എൻജിനീയർ ടി.സി. ഗിരിജ അറിയിച്ചു. വലതുകര, ഇടതുകര കനാലുകളിൽ കൂടിയുള്ള ജലവിതരണം 15 ന് ആരംഭിക്കാൻ തീരുമാനിച്ചു.
Thrissur
ഇരിങ്ങാലക്കുട: നഗരസഭയുടെ നവതി ആഘോഷങ്ങള്‍ക്ക് തുടക്കമായി. ടൗണ്‍ ഹാളില്‍ നടന്ന ചടങ്ങില്‍ അഡ്വ. തോമസ് ഉണ്ണിയാടന്‍ എംഎല്‍എ നവതി ആഘോഷങ്ങള്‍ ഉദ്ഘാടനം ചെയ്തു. നഗരസഭ ചെയര്‍മാന്‍ എം.പി. ജാക്‌സണ്‍ അധ്യക്ഷത വഹിച്ചു.
മുന്‍ മന്ത്രി ഡോ. ആര്. ബിന്ദു, മുൻ എംപി പ്രഫ. സാവിത്രി ലക്ഷ്മണന്‍, മുന്‍ എംഎല്‍എ കെ.യു. അരുണന്‍മാസ്റ്റര്‍, വിവിധ കക്ഷി നേതാക്കളായ സോമന്‍ ചിറ്റേത്ത്, വി.എ. മനോജ്കുമാര്‍, റോക്കി ആളൂക്കാരന്‍, എന്‍.കെ. ഉദയപ്രകാശ്, കൃപേഷ് ചെമ്മണ്ട, കെ.എ. റിയാസുദീന്‍, കെ.കെ. ശശി, അജോ ജോണ്‍സന്‍, പി.ബി. മനോജ് കുമാര്‍, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ വി.സി. വര്‍ഗീസ്, മിനി ജോസ് ചാക്കോള, ടി.എ. പോള്‍, റോണി പോള്‍ മാവേലി, പ്രവീണ്‍സ് ഞാറ്റുവെട്ടി, കൗണ്‍സിലര്‍മാരായ പി.വി. ശിവകുമാര്‍, ടി.കെ. ഷാജുട്ടന്‍, കെ.എസ്. പ്രസാദ് എന്നിവര്‍ പ്രസംഗിച്ചു. വൈസ് ചെയര്‍മാന്‍ ചിന്ത ധര്‍മരാജന്‍ സ്വാഗതവും സെക്രട്ടറി ഇന്‍ ചാര്‍ജ് ആര്. സന്തോഷ്‌കുമാര്‍ നന്ദിയും പറഞ്ഞു.
Thrissur
മാള: ഹോളി ഗ്രേസ് അക്കാദമി ടർഫിൽ ഇരിങ്ങാലക്കുട രൂപതയിലെ വിവിധ ഇടവകകളിലെ അൾത്താര ബാലന്മാരുടെ സെവൻസ് ഫുട്ബോൾ ടൂർണമെന്‍റ് നടത്തി. ബിഷപ് മാർ പോളി കണ്ണൂക്കാടൻ ഉദ്ഘാടനം ചെയ്തു. രൂപത അൾത്താരസംഘം ഡയറക്ടർ ഫാ. ബിവിൻ കളന്പാടൻ അധ്യക്ഷത വഹിച്ചു.
രൂപതയിലെ 52 പള്ളികളിൽ നിന്നുള്ള അൾത്താര ബാലന്മാർ പങ്കെടുത്തു. ഹോളി ഗ്രേസ് അക്കാദമി ചെയർമാൻ ബെന്നി ഐനിക്കൽ, പ്രിൻസിപ്പൽ ഡോ. പി.വി. ലിവിയ, ടൂർണമെന്‍റ് കോ-ഒാർഡിനേറ്റർ ഫാ. സെബിൻ എടാട്ടുകാരൻ എന്നിവർ പ്രസംഗിച്ചു. രൂപത മുഖ്യ വികാരി ജനറാൾ മോണ്‍. വിൽസണ്‍ ഈരത്തറ, അക്കാദമി ചെയർമാൻ ബെന്നി ഐനിക്കൽ എന്നിവർ സമ്മാനദാനം നിർവഹിച്ചു.
Thrissur
കൊരട്ടി: "നിർമലം - പുതുയുഗ ശുചിത്വ കേരളം' കാമ്പയിന്‍റെ ഭാഗമായി കൊരട്ടി ഗ്രാമപഞ്ചായത്തിൽ മെഗാ ശുചീകരണ പ്രവർത്തനം സംഘടിപ്പിച്ചു. കൊരട്ടി റെയിൽവേ സ്റ്റേഷൻ പരിസരം ബസ് സ്റ്റോപ്പ്, വാഹനങ്ങൾ പാർക്ക് ചെയ്യുന്ന വെയിറ്റിംഗ് ഷെഡ് എന്നിവ കേന്ദ്രീകരിച്ചായിരുന്നു ശുചീകരണം. ഗ്രാമപഞ്ചായത്ത് പ്രസിഡന്റ്് ലീല സുബ്രഹ്മണ്യൻ, സെക്രട്ടറി കെ.എ. ശ്രീലത, സ്റ്റാൻഡിംഗ് കമ്മിറ്റി അധ്യക്ഷന്മാർ, വാർഡ് അംഗങ്ങൾ, പഞ്ചായത്ത് ജീവനക്കാർ, ഹരിതകർമസേന, കുടുംബശ്രീ അംഗങ്ങൾ, തൊഴിലുറപ്പു തൊഴിലാളികൾ, പൊതുപ്രവർത്തകർ, നാട്ടുകാർ തുടങ്ങിയവർ ശുചീകരണത്തിൽ പങ്കെടുത്തു.
Thrissur
തൂമ്പാക്കോട്: വേളൂക്കര സെന്‍റ്് ജോർജ് യുപി സ്കൂളിൽ ലഹരിവിരുദ്ധ ബോധവത്കരണത്തിന്‍റെ ഭാഗമായി വിദ്യാർഥികൾ ഓപ്പറേഷൻ തൂഫാൻ സൈക്കിൾ റാലി നടത്തി. അസി. എക്സൈസ് ഇൻസ്പെക്ടർ പി.ബി. ബിനോയ് സൈ ക്കിൾ റാലി ഫ്ലാഗ് ഓഫ് ചെയ്തു.
അസി. എക്സൈസ് ഇൻസ്പെക്ടർ കെ.കെ.രാജു, പഞ്ചാ യത്തംഗം വി.എം. ടെൻസൻ, ഹെഡ്മിസ്ട്രസ് റാണി ജോൺ, കെ.വി. ബിജു, ജിസ്മോള്‍ ജോബി, ഡെസ്റ്റിൻ ഡേവിസ് എന്നിവർ പ്രസംഗിച്ചു.എക്സൈസ് ഓഫീസർമാരായ കെ. എം. അനിൽകുമാർ, പി.പി. പ്രണേഷ് എന്നിവർ പ്രസംഗിച്ചു.
Thrissur
മറ്റത്തൂർ: സംസ്ഥാന സർക്കാർ ഹയർസെക്കൻഡറി വിദ്യാർഥികൾക്കായി സംഘടിപ്പിച്ച തൂഫാൻ - ലഹരിക്കെതിരേ പോരാട്ടം ഹ്രസ്വചിത്രമത്സരത്തിൽ ഒന്നാംസ്ഥാനം നേടിയ മറ്റത്തൂർ ശ്രീകൃഷ്ണ ഹയർ സെക്കൻഡറി സ്കൂളിലെ വിദ്യാർഥികൾക്ക് കൊടകര ലയണ്‍സ് ക്ലബ്ബിന്‍റെ ആഭിമുഖ്യത്തിൽ സ്വീകരണം നൽകി. ഒന്നാംസമ്മാനം ലഭിച്ച കാറ്റും വെളിച്ചവും എന്ന ഹ്രസ്വചിത്രത്തിനു മികച്ച തിരക്കഥാകൃത്തിനും മികച്ച അധ്യാപക കോഡിനേറ്റർക്കുമുള്ള പുരസ്കാരങ്ങൾകൂടി ലഭിച്ചിരുന്നു.
ലയണ്‍സ് മുൻ മൾട്ടിപ്പിൾ സെക്രട്ടറി ജെയിംസ് വളപ്പില പുരസ്കാരസമർപ്പണച്ചടങ്ങ് ഉദ്ഘാടനം ചെയ്തു. കൊടകര ലയണ്‍സ് ക്ലബ് പ്രസിഡന്റ് ജെയിംസ് മാഞ്ഞൂരാൻ അധ്യക്ഷത വഹിച്ചു. സ്കൂൾ പ്രിൻസിപ്പൽ ജയ്മോൻ ജോസഫ്, കോർപറേറ്റ് മാനേജർ വി.എച്ച്. മായ, ജില്ലാ ഭാരവാഹികളായ ഇ.കെ. ഫ്രാൻസിസ്, ജോഷി നെടുന്പക്കാരൻ, എൻ. സത്യൻ എന്നിവർ പ്രസംഗിച്ചു. ലയണ്‍ ലീഡർമാരായ സിപ്സണ്‍ തോമസ്, കെ.വി. ബിജു, എം.ഒ. ഡേവിഡ് തുടങ്ങിയവർ നേതൃത്വം നൽകി.
Thrissur
പെരിഞ്ഞനം: വിദ്യാർഥികളിൽ ലഹരിവിരുദ്ധ അവബോധം വളർത്തുന്നതിനായി ജനമൈത്രി പൊലിസിന്‍റെ നേതൃത്വത്തിൽ ബോധവത്കരണ നാടകം അവതരിപ്പിച്ചു. പെരിഞ്ഞനം രാമൻ മെമ്മോറിയൽ വൊക്കേഷണൽ ഹയർ സെക്കൻഡറി സ്കൂളിലെ വിഎച്ച്എസ്ഇ, ഹയർ സെക്കൻഡറി വിദ്യാർഥികൾക്കായാണ് തൃശൂർ റൂറൽ ജില്ലാ പൊലിസിന്‍റെ ആഭിമുഖ്യത്തിൽ ഓപ്പറേഷൻ തൂഫാന്‍റെ ഭാഗമായി പരിപാടി സംഘടിപ്പിച്ചത്.
തിരുവനന്തപുരം ജനമൈത്രി പൊലിസിലെ ഉദ്യോഗസ്ഥർ അവതരിപ്പിച്ച നാടകം ലഹരിയുടെ ദൂഷ്യവശങ്ങളും അതു വ്യക്തികളിലും കുടുംബങ്ങളിലും സമൂഹത്തിലും സൃഷ്ടിക്കുന്ന പ്രത്യാഘാതങ്ങളും വിദ്യാർഥികൾക്കുമുന്നിൽ അവതരിപ്പിച്ചു.
എസ്ഐ മുഹമ്മദ് ഷായുടെ നേതൃത്വത്തിൽ ഒമ്പതു പൊലിസ്് ഉദ്യോഗസ്ഥരാണു പരിപാടിയിൽ പങ്കെടുത്തത്. വിഎച്ച്എസ്ഇ പ്രിൻസിപ്പൽ എൻ.ജി. ഗീത, ഹയർ സെക്കൻഡറി പ്രിൻസിപ്പൽ എ.ഡി. ദിതി, എസ്പിജി കോ-ഒാർഡിനേറ്റർ ബിജോയ് വർഗീസ് എന്നിവർ നേതൃത്വം നൽകി.
Thrissur
മുരിങ്ങൂർ: കാലിക്കട്ട് സർവകലാശാല ഓഡിയോ വിഷ്വൽ കമ്യൂണിക്കേഷൻ വിഭാഗം ബോർഡ് ഓഫ് സ്റ്റഡീസ് അംഗമായി തെര ഞ്ഞെടുക്കപ്പെട്ട, മുരിങ്ങൂർ ഡിംസ് മീഡിയ കോളജ് വൈസ് പ്രിൻസിപ്പൽ ജിജി സി. ബേബിയെ ആദരിച്ചു.
ഡിംസ് കോളജ് ഓഡിറ്റോറിയത്തിൽ സംഘടിപ്പിച്ച അനുമോദനച്ചടങ്ങിൽ അധ്യാപകരും വിദ്യാർഥികളും പങ്കെടുത്തു. ഡയറക്ടർ ഫാ. ഡോ. ആന്റണി വടക്കേക്കര, പ്രിൻസിപ്പൽ ഡോ. സിനോജ് ആന്റണി, ഫിനാൻസ് മാനേജർ ഫാ . ടോം ജോണ്‍ പുത്തൻപുരക്കൽ എന്നിവർ പ്ര സംഗിച്ചു.
Thrissur
എസ്.എൻ.പുരം: കേരളത്തൺ 2026 നു നേതൃത്വം നൽകുന്ന സജിത്ത് തോപ്പിൽ പ്രകാശന് ജന്മനാടായ ശ്രീനാരായണപുരത്ത് ഊഷ്മള സ്വീകരണം. രാവിലെ പത്തരയോടെ ശ്രീനാരായണപുരം സെന്‍ററിൽ എത്തിയ സജിത്തിനെയും സംഘത്തെയും വാദ്യഘോഷങ്ങളുടെ അകമ്പടിയോടെ പനങ്ങാട് ഹയർ സെക്കൻഡറി സ്കൂളിലേക്ക് നയിച്ചു. കെ.കെ. വത്സരാജ് എംഎൽഎ സ്വീകരണ സമ്മേളനം ഉദ്ഘാടനം ചെയ്തു. മതിലകം ബ്ലോക്ക് പഞ്ചായത്ത് പ്രസിഡന്റ് ടി.കെ. രമേശ് ബാബു അധ്യക്ഷത വഹിച്ചു.
ശ്രീനാരായണപുരം പഞ്ചായത്ത് പ്രസിഡന്റ് മിനി ഷാജി, മതിലകം പഞ്ചായത്ത് പ്രസിഡന്റ് സുമതി സുന്ദരൻ, പോലീസ് ഉദ്യോഗസ്ഥർ, പ്രധാന അധ്യാപിക രേഖ, സജിത്തിന്‍റെ അമ്മ സുഭദ്ര, മറ്റു ജനപ്രതിനിധികൾ, മുൻ അധ്യാപകർ, പൂർവ വിദ്യാർഥികൾ തുടങ്ങിയവർ പങ്കെടുത്തു. കൗമാരത്തെയും യുവതലമുറയെയും തകർത്തുകൊണ്ടിരിക്കുന്ന മയക്കുമരുന്ന് ലഹരിക്കെതിരെ ശക്തമായ ബോധവത്കരണവും വ്യായാമത്തിലൂടെ ആരോഗ്യകരവും സന്തോഷകരവുമായ ജീവിതം കെട്ടിപ്പടുക്കണമെന്ന മഹത്തായ സന്ദേശവുമുയർത്തി കേരളപ്പിറവി ദിനത്തിൽ കാസർഗോഡുനിന്ന് ആരംഭിച്ച കേരളത്തൺ 14 ന് തിരുവനന്തപുരത്ത് സമാപിക്കും. അൾട്രാ റണ്ണറും അയൺമാൻ 140.6 ഫിനിഷറുമായ സജിത് തോപ്പിൽ പ്രകാശനാണ് കേരളത്തൺ നയിക്കുന്നത്.
Thrissur
കാറളം: മാലിന്യത്തില്‍നിന്ന് ലഭിച്ച സ്വര്‍ണത്തേക്കാള്‍ തിളക്കമുള്ളത് തന്‍റെസത്യസന്ധതയാണെന്ന് പ്രവൃത്തിയിലൂടെ തെളിയിച്ചിരിക്കുകയാണ് കാറളം പഞ്ചായത്തിലെ ഹരിതകര്‍മസേനാംഗം നിര്‍മല സുരേന്ദ്രന്. മാലിന്യം തരംതിരിക്കുന്നതിനിടെ ലഭിച്ച സ്വര്‍ണലോക്കറ്റ് ഉടമയെ കണ്ടെത്തി തിരികെ നല്കി നിര്‍മല മാതൃകയായി.
മാലിന്യം പഞ്ചായത്തിലെ മെറ്റീരിയല്‍ കളക്ഷന് ഫെസിലിറ്റിയില്‍ (എംസിഎഫ്) തരംതിരിക്കുന്നതിനിടെയാണ് നിര്‍മല സുരേന്ദ്രന് സ്വര്‍ണലോക്കറ്റ് ലഭിച്ചത്. ഒട്ടും വൈകാതെ ഉടമയെ കണ്ടെത്താനുള്ള ശ്രമം ആരംഭിച്ചു. ഒടുവില്‍ പൊയ്യാറ വീട്ടില്‍ അശോകനാണ് ലോക്കറ്റിന്‍റെ ഉടമയെന്ന് തിരിച്ചറിഞ്ഞു. തുടര്‍ന്ന് പഞ്ചായത്ത് അധികൃതരുടെയും ജനപ്രതിനിധികളുടെയും സാന്നിധ്യത്തില്‍ ലോക്കറ്റ് അശോകന് കൈമാറിയത്.
കാറളം പഞ്ചായത്ത് പ്രസിഡന്റ് കെ.കെ. ശിവന്‍കുട്ടി, വൈസ് പ്രസിഡന്റ് പ്രിയ സുനില്‍, ആരോഗ്യ വിദ്യാഭ്യാസ സ്ഥിരംസമിതി അധ്യക്ഷ മിനി രാജന്‍, പഞ്ചായത്തംഗങ്ങളായ പ്രീത ടീച്ചര്‍, വിജില്‍ വിജയന്‍, അസി. സെക്രട്ടറി രാജേഷ് ചന്ദ്രന്‍, വിഇഒ നവീന്‍ എന്നിവരുടെ സാന്നിധ്യത്തിലായിരുന്നു കൈമാറ്റം. ഐആര്‍ടിസി കോ-ഓര്‍ഡിനേറ്റര്‍ സുമി ബിജു, അമ്പിളി ജയന്, ശ്യാമ ജ്യോതി, സേനാംഗങ്ങള്‍ എന്നിവർ പങ്കെടുത്തു.
Thrissur
കൊരട്ടി: വിബി - ജി.റാംജി പദ്ധതിയുടെ ഭാഗമായി കൊരട്ടി ഗ്രാമപഞ്ചായത്തിലെ മല്ലഞ്ചിറ കുളത്തിൽ നിന്നുള്ള തോടിന്‍റെ പാർശ്വഭിത്തി സംരക്ഷണ പ്രവൃത്തി ആരംഭിച്ചു. ഏകദേശം 200 മീറ്റർ നീളത്തിൽ കയർ ഭൂവസ്ത്രം വിരിച്ചാണ് സംരക്ഷണ പ്രവർത്തനം നടത്തുന്നത്.
മണ്ണൊലിപ്പ് തടയുക, തോടിന്‍റെ സ്വാഭാവിക ഒഴുക്ക് നിലനിർത്തുക, ജലസ്രോതസുകളുടെ സംരക്ഷണം ഉറപ്പാക്കുക എന്നിവയാണു പദ്ധതിയുടെ ലക്ഷ്യം. 3,70,100 രൂപയാണ് എസ്റ്റിമേറ്റ് തുക. ഇതിൽ 2,68,285 രൂപ കൂലിയിനത്തിൽ ചെലവഴിക്കുന്നതിലൂടെ 665 തൊഴിൽദിനങ്ങൾ സൃഷ്ടിക്കാനാകും.
പ്രവൃത്തിയുടെ ഉദ്ഘാടനം ഗ്രാമപഞ്ചായത്ത് പ്രസിഡന്റ് ലീല സുബ്രഹ്മണ്യൻ നിർവഹിച്ചു. വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഗ്രേസി സ്കറിയ അധ്യക്ഷത വഹിച്ചു.
ക്ഷേമകാര്യ സ്റ്റാൻഡിംഗ് കമ്മിറ്റി ചെയർമാൻ ഫിൻസോ തങ്കച്ചൻ, പഞ്ചായത്ത് സെക്രട്ടറി കെ.എ. ശ്രീലത, അസി. സെക്രട്ടറി കെ.ഡി. ഇന്ദു, പദ്ധതി അസി. എൻജിനീയർ ഹരിതലക്ഷ്മി, ഓവർസിയർ ശ്രീജ എന്നിവർ പ്രസംഗിച്ചു.
Thrissur
കൊരട്ടി: പാലിയേറ്റീവ് പരിചരണ പ്രവർത്തനങ്ങൾ കൂടുതൽ കാര്യക്ഷമമാക്കാൻ സൗത്ത് ഇന്ത്യൻ ബാങ്കിന്‍റെ സാമൂഹിക പ്രതിബദ്ധതാ ഫണ്ടിൽനിന്ന് കൊരട്ടി ഗ്രാമപഞ്ചായത്തിന് പുതിയ വാഹനം കൈമാറി. കാലപ്പഴക്കം മൂലം നിലവിലുണ്ടായിരുന്ന വാഹനത്തിന്‍റെ പ്രവർത്തനം തടസപ്പെട്ടതിനെ തുടർന്ന് പഞ്ചായത്തിന്‍റെ അഭ്യർഥന പരിഗണിച്ചാണ് ബാങ്ക് പുതിയ വാഹനം വാങ്ങി നൽകിയത്.
വാഹനത്തിന്‍റെ കൈമാറ്റച്ചടങ്ങ് ബെന്നി ബഹനാൻ എംപി ഉദ്ഘാടനം ചെയ്തു. സനീഷ്കുമാർ ജോസഫ് എംഎൽഎ അധ്യക്ഷത വഹിച്ചു. സൗത്ത് ഇന്ത്യൻ ബാങ്ക് ഡയറക്ടർ ബോർഡ് അംഗം അഡ്വ. ബെന്നി പയ്യപ്പിള്ളിയിൽനിന്ന് ഗ്രാമപഞ്ചായത്ത് പ്രസിഡന്റ് ലീല സുബ്രഹ്മണ്യൻ വാഹനത്തിന്‍റെ താക്കോൽ ഏറ്റുവാങ്ങി.
ബാങ്ക് അസി. ജനറൽ മാനേജർ മാത്യൂസ് പോൾ മുഖ്യാതിഥിയായി. ചീഫ് മാനേജരും ക്ലസ്റ്റർ ഹെഡുമായ ഡിംബിൾ ഡിക്സൺ, പഞ്ചായത്ത് വൈസ് പ്രസിഡന്റ് ജോബി മാനുവൽ, സ്ഥിരംസമിതി അധ്യക്ഷന്മാരായ ഗ്രേസി സ്കറിയ, ഫിൻസോ തങ്കച്ചൻ, ആൻസി ആഗസ്റ്റിൻ, പഞ്ചായത്ത് അംഗങ്ങളായ കെ.സി. ജയരാജ്, കെ.എ. സുരേഷ്, ജിസി പോൾ, വി.കെ. കൃഷ്ണൻ, ജെയ്നി ജോഷി, ശ്രീമ സജീവ്, പഞ്ചായത്ത് സെക്രട്ടറി കെ.എ. ശ്രീലത എന്നിവർ പ്രസംഗിച്ചു.
Thrissur
ഇരിങ്ങാലക്കുട: 16ാമത് റവന്യൂ ജില്ലാ ശാസ്ത്രോത്സവത്തില് തൃശൂര്‍ ഈസ്റ്റ് ഉപജില്ല ഓവറോള്‍ ചാമ്പ്യന്മാരായി. 1353 പോയിന്‍റാണ് തൃശൂര്‍ ഈസ്റ്റ് ഉപജില്ല നേടിയത്. 1304 പോയിന്റുമായി ഇരിങ്ങാലക്കുട ഉപജില്ല രണ്ടാംസ്ഥാനത്തും 1268 പോയിന്‍റ്് നേടി ചാലക്കുടി ഉപജില്ല മൂന്നാമതുമെത്തി. കുന്നംകുളം 1253 പോയിന്റുമായി നാലാമതും 1236 പോയിനന്‍റുമായി തൃശൂര്‍ വെസ്റ്റ് അഞ്ചാമതുമെത്തി.
സ്‌കൂള്‍ വിഭാഗത്തില്‍ 368 പോയിന്‍റോടെ എല്‍എഫ്‌സിജിഎച്ച്എസ്എസ് മമ്മിയൂര്‍ ചാമ്പ്യന്‍പട്ടം നേടി. 350 പോയിന്‍റോടെ സെന്റ് ജോസഫ്സ് എച്ച്എസ്എസ് പാവറട്ടി രണ്ടാംസ്ഥാനത്തെത്തി. 341 പോയിന്റുമായി എച്ച്എസ്, ചെന്ത്രാപ്പിന്നി മൂന്നാമതും 329 പോയിന്‍റോടെ എച്ച്എസ്എസ് പനങ്ങാട് നാലും 327 പോയിന്റുമായി എസ്എച്ച്‌സിജിഎച്ച്എസ്എസ് ചാലക്കുടി അഞ്ചും സ്ഥാനങ്ങള്‍ നേടി.
സമാപനസമ്മേളനം അഡ്വ. തോമസ് ഉണ്ണിയാടന്‍ എംഎല്‍എ ഉദ്ഘാടനം ചെയ്തു. ജില്ലാ പഞ്ചായത്ത് പ്രസിഡന്റ് മേരി തോമസ് അധ്യക്ഷത വഹിച്ചു.
Thrissur
ചാവക്കാട്: സ്വകാര്യ ആശുപത്രികളോട് മത്സരിക്കുകയല്ല സര്‍ക്കാര്‍ ആശുപത്രികളില്‍ കൂടുതല്‍ സൗകര്യം ഏര്‍പ്പെടുത്തുകയാണ് സര്‍ക്കാരിന്‍റെ ലക്ഷ്യമെന്ന് മന്ത്രി കെ.മുരളീധരന്.
ചാവക്കാട് താലൂക്ക് ആശുപത്രിയില്‍ നബാര്‍ഡ് പദ്ധതിയില്‍ ഉള്‍പ്പെടുത്തി 10.8 കോടി രൂപ ചെലവില്‍ നിര്‍മിച്ച അത്യാഹിത വിഭാഗസമുച്ചയത്തിന്‍റെ ഉദ്ഘാടനം നിര്‍വഹിക്കുകയായിരുന്നു മന്ത്രി. പെറ്റ് സ്‌കാന്‍ സംവിധാനം വൈകാതെ തൃശൂര്‍ മെഡിക്കല്‍ കോളജ് ആശുപത്രിയില്‍ ഏര്‍പ്പെടുത്തുമെന്നും കൂടുതല്‍ സര്‍ക്കാര്‍ ആശുപത്രികളില്‍ റോബോട്ടിക് സര്‍ജന്‍റെ സേവനം കൊണ്ടുവരുമെന്നും മന്ത്രി പറഞ്ഞു.
സര്‍ക്കാര്‍ ആരോഗ്യമേഖല നേരിടുന്ന ഏറ്റവും വലിയ പ്രശ്നം ആവശ്യത്തിന് ഡോക്ടര്‍മാരും നഴ്‌സുമാരും ഫാര്‍മസിസ്റ്റുകളും ഉള്‍പ്പെടെയുള്ള ജീവനക്കാരില്ലാത്തതാണ്. 3800-ഓളം പുതിയ ഡോക്ടര്‍മാരുടെയും നഴ്‌സുമാര്‍, ഫാര്‍മസിസ്റ്റുകൾ തുടങ്ങിയവരുടെയും തസ്തികകൾ സൃഷ്ടിക്കും. മരുന്ന് വാങ്ങാൻ മരുന്ന് കമ്പനിക്കാർ മന്ത്രിയെ കാണേണ്ട. ഗുണനിലവാരമുള്ള മരുന്ന് വാങ്ങാൻ ഉദ്യോഗസ്ഥരെ ചുമതലപ്പെടുത്തിയിട്ടുണ്ട്. ഗുണനിലവാരം കുറഞ്ഞാൽ നടപടിയെടുക്കും.
എൻ.കെ. അക്ബര്‍ എംഎല്‍എ അധ്യക്ഷനായി. ചാവക്കാട് നഗരസഭ ചെയർപേഴ്സൺ എ.എച്ച്. അക്ബർ, എക്സിക്യൂട്ടീവ് എൻജിനിയർ സന്തോഷ് കുമാർ, തൃശൂർ ജില്ലാ മെഡിക്കൽ ഓഫിസർ ഡോ. എം. സുജാത, പ്രോഗ്രാം മാനേജർ ഡോ. ജിൽഷോ ജോർജ്, ഗുരുവായൂർ നഗരസഭ ചെയർപേഴ്സൺ സുനിത അരവിന്ദൻ, ചാവക്കാട് ബ്ലോക്ക് പഞ്ചായത്ത് പ്രസിഡന്റ് അഡ്വ. കെ.കെ. ഷിബു, തളിക്കുളം ബ്ലോക്ക് പഞ്ചായത്ത് പ്രസിഡന്റ് രഞ്ജില ഗിരി, ചാവക്കാട് നഗരസഭ വൈസ് ചെയർപേഴ്സൺ ബിൻസി സന്തോഷ്, പി. യതീന്ദ്രദാസ്, കെ.എച്ച്. സലാം, പി.കെ. സൈമൺ മാസ്റ്റർ, വ്യാപാരി വ്യവസായി പ്രസിഡന്റ് കെ.വി. അബ്ദുൾ ഹമീദ്, അരവിന്ദൻ പല്ലത്ത്, ടി.ടി. ശിവദാസൻ, തോമസ് ചിറമ്മൽ, ആശുപത്രി സൂപ്രണ്ട് ഡോ. എ. ഷാജ് കുമാർ തുടങ്ങിയവർ പ്രസംഗിച്ചു.
Thrissur
ചാലക്കുടി: പറമ്പിക്കുളം ആളിയാർ കരാർ പ്രകാരം കേരള ഷോളയാറിൽ ലഭിക്കേണ്ട ജലവിഹിതത്തിൽ വലിയ കുറവ് വന്നിട്ടുള്ള പശ്ചാത്തലത്തിൽ ചാലക്കുടിപ്പുഴത്തടം അതിരൂക്ഷമായ ജലക്ഷാമതിലേക്കാണ് നീങ്ങുന്നതെന്ന് ചാലക്കുടി റിവർ പ്രൊട്ടക്‌ഷൻ ഫോറം ചൂണ്ടിക്കാട്ടി. പിഎപി കരാർ പ്രകാരം കേരള ഷോളയാറിൽ ഒരു വർഷം 348 ദശലക്ഷം ഘനമീറ്റർ ജലമാണ് ലഭി ക്കേണ്ടത്. ജൂലൈ ഒന്നിനും ജനുവരി 31നും ഇടയിലാണ് ഈ ജലം ലഭിക്കേണ്ടത്. നടപ്പുവർഷം പക്ഷേ ജൂലൈ ഒന്നു മുതൽ നവംബർ നാലുവരെ 55 ശതമാനം ജലം മാത്രമേ ലഭിച്ചിട്ടുള്ളൂ. നിലവിൽ ജലസംഭരണിയിലുള്ള 130 ദശലക്ഷം ഘനമീറ്റർ ജലവും ജൂലൈ ഒന്നു മുതൽ നവംബർ നാലുവരെ വൈദ്യുതി ഉത്പാദിപ്പിക്കാനായി ഉപയോഗപ്പെടുത്തിയ 60 ദശലക്ഷം ഘനമീറ്റർ ജലവും ഉൾപ്പെടെ ആകെ 190 ദശലക്ഷം ഘനമീറ്റർ.
തമിഴ്നാട് ഷോളയാർ റിസർവോയറിൽ നിലവിൽ കേവലം 35 ദശലക്ഷം ഘനമീറ്റർ ജലമേ അവശേഷിക്കുന്നുള്ളൂ എന്നതിനാൽ കേരളത്തിന് ലഭിക്കേ ണ്ട 158 ദശലക്ഷം ഘനമീറ്റർ ജലത്തിന്‍റെ പകുതിയെങ്കിലും ലഭിക്കണമെങ്കിൽ തന്നെ സംസ്ഥാന സർക്കാർ ഈ വിഷയത്തിൽ അടിയന്തരമായി ഇടപെടണമെന്ന് ആവശ്യപ്പെട്ടു.
പിഎപി കരാർ പ്രകാരം ഷോളയാറിൽ കേരളത്തിന് അവകാശപ്പെട്ട ജലം ലഭ്യമാക്കിയശേഷം മാത്രമേ തമിഴ്നാട്ടിൽനിന്നും പറമ്പിക്കുളത്തേക്ക് വെള്ളം തിരിച്ചുകൊണ്ടു പോകാൻ അവകാശമുള്ളൂ. എന്നാൽ കരാർ വ്യവസ്ഥകൾക്ക് വിരുദ്ധമായി ഇതിനകം‌തന്നെ തമിഴ്നാട് ഏറെ വെള്ളം കൊണ്ടുപോയി കഴിഞ്ഞു. തമിഴ്നാട് ഷോളയാർ റിസർവോയറിൽ ഇപ്പോൾ അവശേഷിക്കുന്ന വെള്ളവും നീരാറിൽനിന്ന് തിരിച്ചുകൊണ്ടുവരുന്നത് ഉൾപ്പെടെ ഇനി അവിടേക്ക് ഒഴുകിയെത്തുന്ന മുഴുവൻ വെള്ളവും കേരള ഷോളയാറിലേക്ക് തുറന്നു വിടുവാൻ വേണ്ട നടപടികൾ സർക്കാർ കൈ ക്കൊള്ളണം. ഇക്കാര്യം ആവശ്യപ്പെട്ടുകൊണ്ട് മുഖ്യമന്ത്രിക്കും ബന്ധപ്പെട്ട മറ്റു മന്ത്രിമാർക്കും ജനപ്രതിനിധികൾക്കും നിവേദനം നൽകുവാൻ തീരുമാനിച്ചു. വരാനിരിക്കുന്ന വരൾച്ചയെ നേരിടുവാനുള്ള മാർഗങ്ങൾ ചർച്ചചെയ്യു ന്നതിനായി ബന്ധപ്പെട്ട എല്ലാവരുടെയും യോഗം വിളിച്ചുചേർക്കണമെന്ന് ആവശ്യപ്പെട്ടു.
Thrissur
കൊരട്ടി: ശബരിമല തീർഥാടനകാലം ആഗതമായിട്ടും ചിറങ്ങരയിലെ ശബരിമല ഇടത്താവളം ഭക്തർക്കായി തുറന്നുകൊടുക്കാനായില്ല. നിർമാണോദ്ഘാടനം കഴിഞ്ഞ് നാലുവർഷം പിന്നിട്ടിട്ടും പദ്ധതി പൂർത്തിയാകാത്തത് അധികൃതരുടെ അനാസ്ഥയാണെന്നാണ് ആരോപണം. 2023ൽത്തന്നെ നിർമാണം പൂർത്തിയാക്കി തുറന്നുകൊടുക്കുമെന്ന് പ്രഖ്യാപിച്ച പദ്ധതിയാണ് ഓരോ തീർഥാടനകാലത്തും പുതിയ ഉറപ്പുകളിൽ ഒതുങ്ങുന്നത്.
കൊച്ചിൻ ദേവസ്വം ബോർഡിന്‍റെ കീഴിലുള്ള ചിറങ്ങര മഹാവിഷ്ണു ക്ഷേത്രത്തോടു ചേർന്ന് കൊച്ചി, തിരുവിതാംകൂർ ദേവസ്വം ബോർഡുകളുടെ സംയുക്ത സംരംഭമായാണ് ഇടത്താവളം വിഭാവനം ചെയ്തത്. കിഫ്ബിയുടെ സാമ്പത്തിക സഹായത്തോടെ 12.24 കോടി രൂപ ചെലവിൽ മൂന്ന് നിലകളിലായി 3696.37 ചതുരശ്ര മീറ്റർ വിസ്തീർണത്തിലാണ് ആധുനിക സൗകര്യങ്ങളോടെയുള്ള കെട്ടിടം രൂപകല്പന ചെയ്തത്. 2022 ഏപ്രിൽ 25ന് നിർമാണം ആരംഭിച്ച പദ്ധതി 15 മാസംകൊണ്ട് പൂർത്തിയാക്കാനായിരുന്നു കരാർ വ്യവസ്ഥ.
ശബരിമല സീസണിൽ മാത്രമല്ല, വർഷം മുഴുവൻ പ്രയോജനപ്പെടുത്താവുന്ന വിധത്തിൽ ഇടത്താവളം സജ്ജമാക്കുമെന്നായിരുന്നു നിർമാണോദ്ഘാടനം നിർവഹിച്ച അന്നത്തെ ദേവസ്വം മന്ത്രി കെ. രാധാകൃഷ്ണന്റെ പ്രഖ്യാപനം. നിയമസഭയിൽ പലവട്ടം സബ്മിഷനുകളിലൂടെ വിഷയം ഉന്നയിക്കപ്പെട്ടപ്പോഴും നിർമാണം അടിയന്തരപ്രാധാന്യത്തോടെ പൂർത്തിയാക്കുമെന്ന് ഉറപ്പുനൽകിയിരുന്നു. എന്നാൽ ഈ ഉറപ്പുകളൊന്നും യാഥാർഥ്യമായില്ല.
വിശ്രമകേന്ദ്രം, അന്നദാനമണ്ഡപം, പാചകശാല, ഓഡിറ്റോറിയം, സ്ത്രീകൾക്കും പുരുഷന്മാർക്കും പ്രത്യേക ഡോർമിറ്ററികൾ, ഭിന്നശേഷിക്കാർക്കും മുതിർന്ന പൗരന്മാർക്കും പ്രത്യേക സൗകര്യങ്ങൾ, ആധുനിക ശുചിമുറികൾ, ലോക്കർ റൂം, ലിഫ്റ്റ്, വാഹന പാർക്കിംഗ് സൗകര്യം തുടങ്ങിയവയാണ് പദ്ധതിയിൽ ഉൾപ്പെടുത്തിയിട്ടുള്ളത്. നാഷണൽ ബിൽഡിംഗ് കൺസ്ട്രക്ഷൻ കോർപറേഷനാണ് നിർമാണച്ചുമതല.
കെട്ടിടത്തിന്‍റെ പ്രധാന നിർമാണജോലികൾ രണ്ടുവർഷം മുമ്പുതന്നെ പൂർത്തിയായെങ്കിലും അനുബന്ധ ജോലികൾ ഇനിയും ബാക്കിയാണ്. ശൗചാലയ ബ്ലോക്കിന്‍റെ സെപ്റ്റിക് ടാങ്ക് നിർമാണം, ജലലഭ്യത ഉറപ്പാക്കൽ, വൈദ്യുതി കണക്‌ഷന്‍റെ ശേഷി വർധിപ്പിക്കൽ, പാർക്കിംഗ് ഏരിയയിൽ ടൈൽ വിരിക്കൽ, ദേശീയപാതയിൽനിന്ന് കെട്ടിട സമുച്ചയത്തിലേക്കുള്ള പ്രവേശനപാത നവീകരിക്കൽ തുടങ്ങിയ ജോലികളാണ് പ്രധാനമായും പൂർത്തിയാകാനുള്ളത്.
കിഫ്ബിയിൽനിന്ന് ലഭിക്കേണ്ട സാമ്പത്തിക സഹായം വൈകുന്നതും നിർമാണം പൂർത്തിയാക്കുന്നതിനു തടസമാകുന്നതായാണു സൂചന. ഇതിനിടെ സർക്കാർ മാറിയതോടെ കിഫ്ബി പദ്ധതികളുടെ തുടർനടപടികളിലുണ്ടായേക്കാവുന്ന നയമാറ്റവും അനിശ്ചിതത്വം വർധിപ്പിക്കുന്നു.
ഓരോ തീർഥാടനകാലത്തും ഭക്തർക്കായി ഇടത്താവളം തുറന്നുകൊടുക്കുമെന്ന പ്രതീക്ഷയാണ് വീണ്ടും അസ്തമിക്കുന്നത്. കോടികൾ ചെലവഴിച്ച് നിർമിച്ച കെട്ടിടം ഉപയോഗശൂന്യമായി കിടക്കുമ്പോൾ ഭക്തർക്ക് ആവശ്യമായ വിശ്രമ - താമസ സൗകര്യങ്ങൾ ഒരുക്കാൻ കഴിയാത്ത സാഹചര്യമാണ്. നിർമാണം ഇനിയും നീട്ടിക്കൊണ്ടുപോകാതെ ശേഷിക്കുന്ന ജോലികൾ അടിയന്തരമായി പൂർത്തിയാക്കി ഈ തീർഥാടനകാലത്തുതന്നെ ഇടത്താവളം തുറന്നുകൊടുക്കണമെന്നാണ് ഭക്ത രുടെ ആവശ്യം.
Thrissur
ചാലക്കുടി: സേക്രഡ് ഹാർട്ട് കോളജ്(ഓട്ടോണമസ്), പോസ്റ്റ് ഗ്രാജുവേറ്റ് ഡിപ്പാർട്ട്മെന്റ് ഓഫ് ഇംഗ്ലീഷും ഡിപ്പാർട്ട്മെന്റ് ഓഫ് ഓറിയന്‍റൽ ലാംഗ്വേജസും സംയുക്തമായി ദ്വിദിന ദേശീയ സെമിനാർ നടത്തി. ശ്രീശങ്കരാചാര്യ സംസ്‌കൃത സർവകലാശാലയിലെ ഹിസ്റ്ററി ഡിപ്പാർട്ട്മെന്റ് അധ്യാപിക പ്രഫ.ഡോ. കെ. എം. ഷീബ ഉദ്ഘാടനം നിർവഹിച്ചു.
കോളജ് പ്രിൻസിപ്പൽ സിസ്റ്റർ ഡോ. ഐറിൻ അധ്യക്ഷതവഹിച്ചു. വൈസ് പ്രിൻസിപ്പൽ സിസ്റ്റർ ഡോ. എ. പ്രിൻസി ആന്‍റോ, ഡോ. സി.എ. ബാബു, സിസ്റ്റർ എം.ടി. ജിനി, ഡോ. സാന്ദ്ര ജൂലിയറ്റ് എന്നിവർ പ്രസംഗിച്ചു. ഇന്നുനടക്കുന്ന സമാപനച്ചടങ്ങിൽ പ്രമുഖ ജെൻഡർ ആക്ടിവിസ്റ്റും ലേണിംഗ് ഫെസിലിറ്റേറ്ററും 'മായ' ഡയറക്ടറുമായ കെ.സി. സന്തോഷ്‌കുമാർ പങ്കെടുക്കും.
Thrissur
ചാലക്കുടി: കോടിക്കണക്കിന് രൂപ ചെലവഴിച്ച് പോട്ട പനമ്പിള്ളി കോളജിനു സമീപം നിർമിച്ച ശാസ്ത്രസാങ്കേതിക മ്യൂസിയത്തിന്‍റെ നിർമാണത്തിൽ നടന്ന ക്രമക്കേടുകളും അഴി മതിയും അന്വേഷിക്കുമെന്ന് മന്ത്രി റോജി എം.ജോൺ.
അടഞ്ഞുകിടക്കുന്ന മ്യൂസിയത്തിന്‍റെ അവസ്ഥ സനീഷ്കുമാർ ജോസഫ് എംഎൽഎ ശ്രദ്ധയിൽപ്പെടുത്തിയതിനെ തുടർന്ന് സന്ദർശനം നടത്തുകയായിരുന്നു മന്ത്രി. കോടികൾ ചെലവഴിച്ച് നിർമിച്ച സ്ഥാപനം വർഷങ്ങൾ കഴിഞ്ഞിട്ടും പൊതുജനങ്ങൾക്ക് ഉപയോഗിക്കാൻ കഴിഞ്ഞിട്ടില്ല. നിർമാണം ആരംഭിച്ചപ്പോൾതന്നെ അപാകതകളാണെന്നും വലിയ അഴിമതിയും ക്രമക്കേടും നടന്നിട്ടുണ്ടെന്നും പ്ലാനിറ്റോറിയത്തിന്‍റെ റൂഫിൽ തന്നെ ചോർച്ചയാണെന്നും മന്ത്രി ചൂണ്ടിക്കാട്ടി.
കൃത്യമായ അന്വേഷണമുണ്ടാകുമെന്നും ഉത്തരവാദപ്പെട്ടവരുടെപേരിൽ നടപടിയുണ്ടാകുമെന്നും മന്ത്രി അറിയിച്ചു. സനിഷ്കുമാർ ജോസഫ് എംഎൽഎ, നഗരസഭ ചെയർപേഴ്സൺ ആലീസ് ഷിബു, ജില്ലാപഞ്ചായത്ത് അംഗം ഡാർളി പോൾസൻ, കൗൺസിലർമാർ തുടങ്ങിയവരും സന്നിഹിതരായി.
Thrissur
മേലൂർ: രോഗിയുമായി ആശുപത്രിയിലേക്ക് പോകുകയായിരുന്ന കാർ നിയന്ത്രണംവിട്ട് സ്വകാര്യ വ്യക്തിയുടെ മതിലിൽ ഇടിച്ചുകയറി.കല്ലൂത്തി - വെട്ടുകടവ് റോഡിൽ സെന്റ് ജോൺസ് കോൺവെന്‍റ് യുപി സ്കൂളിന് സമീപം ഇന്നലെ ഉച്ചയോടെയായിരുന്നു അപകടം. ചാലക്കുടി നഗരസഭയുടെ വയോമിത്രം സാമൂഹ്യസുരക്ഷാ മിഷന്‍റെ കാറാണ് അപകടത്തിൽപ്പെട്ടത്.അപകടത്തിൽ ആർക്കും പരിക്കില്ല. കാറിലുണ്ടായിരുന്ന രോഗിയെ പിന്നീട് മറ്റൊരു വാഹനത്തിൽ കൊണ്ടുപോയി.
Thrissur
ഇരിങ്ങാലക്കുട: ഠാണാ - ചന്തക്കുന്ന് റോഡ് വികസനത്തിന്റെ ഭാഗമായി നടപ്പാക്കുന്ന ഡിവൈഡര്‍ നിര്‍മാണത്തിനെതിരേ നാട്ടുകാരും വ്യാപാരികളും ഉയര്‍ത്തിയ ശക്തമായ പ്രതിഷേധത്തെത്തുടര്‍ന്ന് നിര്‍മാണപ്രവര്‍ത്തനങ്ങള്‍ താത്കാലികമായി നിര്‍ത്തിവച്ചു.ജനങ്ങളുടെ ആശങ്കകളും പരാതികളും പരിഹരിക്കാതെ ഡിവൈഡര്‍ നിര്‍മാണം ഉള്‍പ്പെടെയുള്ള പ്രവൃത്തികള്‍ മുന്നോട്ടുകൊണ്ടുപോകില്ലെന്ന് കെഎസ്ടിപി അധികൃതര്‍ ഉറപ്പുനല്‍കി. ഡിവൈഡര്‍ സ്ഥാപിക്കുന്നതുമായി ബന്ധപ്പെട്ട് പ്രദേശവാസികളും വ്യാപാരികളും വിവിധ സംഘടനകളും പ്രതിഷേധവുമായി രംഗത്തെത്തിയ സാഹചര്യത്തിലാണ് ഇന്നലെ ഗസ്റ്റ് ഹൗസില്‍ യോഗം ചേര്‍ന്നത്. റോഡിന്‍റെ വികസനം ഗതാഗതസൗകര്യം മെച്ചപ്പെടുത്തുന്നതിനും അപകടസാധ്യത കുറയ്ക്കുന്നതിനും വേണ്ടിയാകണമെന്നിരിക്കെ, നിലവിലെ നിര്‍മാണരീതി പ്രദേശവാസികള്‍ക്കും വ്യാപാരികള്‍ക്കും യാത്രക്കാര്‍ക്കും കൂടുതല്‍ ദുരിതങ്ങള്‍ സൃഷ്ടിക്കുമെന്ന ആശങ്കയാണ് പ്രതിഷേധത്തിന് ഇടയാക്കിയത്. ഡിവൈഡറിന്‍റെ രൂപകല്‍പനയും സ്ഥാപിക്കുന്ന രീതിയും സംബന്ധിച്ച് നാട്ടുകാര്‍ ഉന്നയിച്ച പരാതികള്‍ യോഗത്തില്‍ ചര്‍ച്ചചെയ്തു.
തോമസ് ഉണ്ണിയാടന്‍ എംഎൽഎ, നഗരസഭാ ചെയര്‍മാന്‍ എം.പി. ജാക്‌സണ്‍ എന്നിവരുടെ സാന്നിധ്യത്തിലായിരുന്നു ചര്‍ച്ച. ജനങ്ങളുടെ ആശങ്കകള്‍ പരിശോധിച്ച് ആവശ്യമായ പരിഹാരനടപടികള്‍ സ്വീകരിക്കാമെന്ന് കെഎസ്ടിപി അധികൃതര്‍ ഉറപ്പുനല്‍കി. ഇതിന്റെ അടിസ്ഥാനത്തിലാണ് ഡിവൈഡര്‍ നിര്‍മാണം താത്കാലികമായി നിര്‍ത്തിവയ്ക്കാന്‍ തീരുമാനിച്ചത്.
ആക്ഷന് കൗണ്‍സിലിനെ പ്രതിനിധീകരിച്ച് കത്തീഡ്രല്‍ വികാരി ഫാ. ലാസര്‍ കുറ്റിക്കാടന്‍, ടൗണ്‍ ജുമാ മസ്ജിദ് ജമാഅത്ത് കമ്മിറ്റി പ്രസിഡന്റ് അബ്ദുള്‍ സമദ്, എക്സിക്യുട്ടീവ് അംഗം ദാവൂദ് ഇബ്രാഹിം, കത്തീഡ്രല്‍ അസി. വികാരി ഫാ. ക്രിസ്റ്റോണ്‍ കൈനാടത്തുപറമ്പില്‍, ആക്ഷന് കമ്മിറ്റി ജനറല്‍ കണ്‍വീനര്‍ ബിജു പോ്ൾ അക്കരക്കാരന്‍, ഷാജു പാറേക്കാടന്‍ തുടങ്ങിയവര്‍ യോഗത്തില്‍ പങ്കെടുത്തു.
കോമ്പാറയിലും നടവരമ്പിലും ദുരിതങ്ങള്‍
കാനനിര്‍മാണംമൂലം പ്രദേശവാസികള്‍ നേരിടുന്ന ബുദ്ധിമുട്ടുകളും യോഗത്തില്‍ ഗൗരവമായി ഉന്നയിക്കപ്പെട്ടു.റോഡിന്‍റെ ഇരുവശങ്ങളിലുമുള്ള കാനനിര്‍മാണം പൂര്‍ത്തിയാകുന്നതോടെ സമീപത്തെ വീടുകളിലേക്കുള്ള പ്രവേശനത്തിനും മറ്റു ദൈനംദിന ആവശ്യങ്ങള്‍ക്കും ബുദ്ധിമുട്ടുണ്ടാകുമെന്ന ആശങ്കയാണ് കോമ്പാറ നിവാസികളും നടവരമ്പ് നിവാസികളും പങ്കുവച്ചത്.
കാനനിര്‍മാണം വീടുകളുടെ നിലവിലുള്ള ഉയരവും പ്രവേശനസൗകര്യവും കണക്കിലെടുത്ത് ശാസ്ത്രീയമായി ക്രമീകരിക്കണമെന്നും ആവശ്യപ്പെട്ടു. ആശാസ്ത്രീയ കാന നിര്‍മാണം മൂലം നടവരമ്പ് ജംഗ്ഷന് ഭാഗത്തും ജനങ്ങള്‍ ദുരിതത്തിലാണെന്ന് നടവരമ്പ് ഇടവക വികാരി ഫാ. ഡേവിസ് കിഴക്കുംതല ചൂണ്ടിക്കാട്ടി.
Thrissur
കൊടകര: ഇരിങ്ങാലക്കുട രൂപതയുടെ കാരുണ്യവര്‍ഷത്തോടനുബന്ധിച്ച് പേരാമ്പ്ര സെന്റ് ആന്‍റണീസ് ദേവാലയത്തില്‍ സംഘടിപ്പിച്ച സ്‌നേഹസ്പര്‍ശം 2026 വയോജന രോഗീസംഗമം രൂപതാധ്യക്ഷന്‍ മാര്‍ പോളി കണ്ണൂക്കാടന്‍ ഉദ്ഘാടനംചെയ്തു.
സ്‌നേഹസ്പര്‍ശം 2026ന്റെ രൂപതാതല ഉദ്ഘാടനവും ബിഷപ് നിര്‍വഹിച്ചു. പേരാമ്പ്ര പാലിയേറ്റീവ് കെയര്‍ യൂണിറ്റ്, മാതൃവേദി, കേന്ദ്രസമിതി, ഇരിങ്ങാലക്കുട രൂപത ഹൃദയ പാലിയേറ്റീവ് എന്നിവയുടെ സംയുക്താഭിമുഖ്യത്തില്‍നടന്ന സംഗമത്തില്‍ ഇടവകയിലെ നൂറില്‍പരം രോഗികളും വയോജനങ്ങളും പങ്കെടുത്തു.
ഹൃദയ പാലിയേറ്റീവ് കെയര്‍ ഇന്‍ചാര്‍ജ് മുഖ്യ വികാരി ജനറാള്‍ മോണ്‍. ജോസ് മാളിയേക്കല്‍, കാരുണ്യവര്‍ഷം ഇന്‍ചാര്‍ജ് വികാരി ജനറാള്‍ മോണ്‍. ആന്‍റോ ആലപ്പാടന്‍ എന്നിവര്‍ സംബന്ധിച്ചു. പേരാമ്പ്ര ഇടവക വികാരി ഫാ. സെബി കാഞ്ഞിലശേരി, അസിസ്റ്റന്‍റ് വികാരി ഫാ. റിജോ എടത്തിരുത്തിക്കാരന്‍, ഹൃദയ പാലിയേറ്റീവ് ഡയറക്ടര് ഫാ. ഷാജു ചിറയത്ത്, അസോ. ഡയറക്ടര് ഫാ. ജോസഫ് മാളിയേക്കല്‍, വര്‍ക്കിംഗ് ഡയറക്ടര് ഫാ. റിന്റോ തെക്കിനിയത്ത്, കൈക്കാരന്‍ എ.കെ. സാനി, കേന്ദ്രസമിതി പ്രസിഡന്‍റും പാലിയേറ്റീവ് കണ്‍വീനറുമായ ഡേവിസ് കണ്ണമ്പിള്ളി, മാതൃവേദി പ്രസിഡന്റ് ബിന്ദു ഡേവിസ് തുടങ്ങിയവര്‍ നേതൃത്വംനല്‍കി.
Thrissur
കയ്പമംഗലം: കുടിവെള്ള പൈപ്പ് സ്ഥാപിക്കുന്നതിനായി റോഡ് പൊളിച്ച് എട്ടുമാസം പിന്നിട്ടിട്ടും ടാറിംഗ് പൂർത്തിയാക്കാത്തതിൽ പ്രതിഷേധിച്ച് പഞ്ചായത്ത് ജനപ്രതിനിധികളും രാഷ്ട്രീയനേതാക്കളും രംഗത്ത്.കയ്പമംഗലം 12ൽനിന്ന് ഈസ്റ്റ് ടിപ്പു സുൽത്താൻ റോഡിലേക്ക് പോകുന്ന ഭാഗത്താണ് പൈപ്പിടുന്നതിനായി റോഡ് കുഴിച്ചത്. പൈപ്പിടൽ പ്രവൃത്തി ഏതാണ്ട് പൂർത്തിയായെങ്കിലും റോഡ് പൂർവസ്ഥിതിയിലാക്കാത്തതിനാൽ ഇതുവഴിയുള്ള യാത്ര ദുരിതത്തിലായിരിക്കുകയാണ്. കയ്പമംഗലം 12ൽ നിന്ന് കിഴക്കോട്ട് വാഹനങ്ങളുമായി സഞ്ചരിക്കാൻ കഴിയാത്ത അവസ്ഥയാണുള്ളത്.
പൈപ്പ് സ്ഥാപിക്കൽ ഏതാണ്ട് പൂർത്തിയായെങ്കിലും പ്രഷർ ടെസ്റ്റിംഗ് ഉൾപ്പെടെയുള്ള പ്രവൃത്തികൾ ഇനിയും ബാക്കിയുണ്ട്. പൈപ്പിടൽ പ്രവൃത്തികൾ പൂർത്തിയാക്കിയശേഷം റോഡ് പൂർണമായും ടാർ ചെയ്ത് നൽകണമെന്നാണ് പഞ്ചായത്തിന്‍റെ ആവശ്യം.
എന്നാൽ പൈപ്പ് സ്ഥാപിക്കുന്നതിനായി കുഴിച്ച ഭാഗം മാത്രമേ ടാർ ചെയ്ത് നൽകാൻ കഴിയൂവെന്നാണ് കരാർ കമ്പനി അധികൃതരുടെ നിലപാട്. ഇതോടെയാണ് പഞ്ചായത്ത് പ്രസിഡന്റ് ബീന സുരേന്ദ്രന്‍റെ നേതൃത്വത്തിൽ ജനപ്രതിനിധികളും രാഷ്ട്രീയ നേതാക്കളും സ്ഥലത്തെത്തി പ്രവൃത്തി തടഞ്ഞത്. റോഡ് മുഴുവനായും ടാർ ചെയ്ത് നൽകാമെന്ന് വാട്ടർ അഥോറിറ്റിയും കരാർ കമ്പനിയും രേഖാമൂലം ഉറപ്പുനൽകിയാൽ മാത്രമേ തുടർപ്രവൃത്തികൾ അനുവദിക്കുകയുള്ളൂവെന്ന് പഞ്ചായത്ത് പ്രസിഡന്റ് ബീന സുരേന്ദ്രൻ വ്യക്തമാക്കി.
വൈസ് പ്രസിഡന്റ് കെ.കെ. സക്കരിയ, വാർഡ് മെംബർ രശ്മി ശ്രീജിത്ത്, ഡിസിസി സെക്രട്ടറി സി.ജെ. പോൾസൺ, ഉമർ തോട്ടുപറമ്പത്ത് എന്നിവരുടെ നേതൃത്വത്തിലായിരുന്നു പ്രതിഷേധവും പ്രവൃത്തി തടയലും.
Thrissur
ഇരിങ്ങാലക്കുട: തൃശൂര്‍ - കൊടുങ്ങല്ലൂര്‍ സംസ്ഥാനപാത നവീകരണത്തിന്‍റെ ഭാഗമായി നടവരമ്പ് ചിറവളവില്‍ ആരംഭിച്ച നിര്‍മാണപ്രവൃത്തികള്‍ പാതി പിന്നിട്ടതോടെ റോഡ് ഗതാഗതത്തിനായി തുറന്നുനല്‍കി.
റോഡിന്‍റെ 190 മീറ്റര്‍ വരുന്ന ഭാഗത്ത് ഉള്‍പ്പെടുന്ന ഒരു കലുങ്കും ഒരു പാലവും പൊളിച്ചുനിര്‍മിക്കുന്ന പ്രവൃത്തികളാണ് പൂര്‍ത്തീകരിച്ചത്. ഒരാഴ്ച മുന്‍പാണ് ഈ ഭാഗത്ത് പണികള്‍ ആരംഭിച്ചത്. കോണ്‍ക്രീറ്റ് ബോക്‌സുകള്‍ ഉപയോഗിച്ചാണ് കലുങ്കും പാലവും നിര്‍മിച്ചത്. ഇതിനുമുകളില്‍ റോഡിന്‍റെ ഉയരത്തില്‍ മണ്ണിട്ട് ഉയര്‍ത്തിയ ശേഷമാണ് ഗതാഗതത്തിനു തുറന്നുകൊടുത്തത്. കലുങ്കിന്‍റെയും പാലത്തിന്‍റെയും പണികള്‍ പത്തുദിവസത്തിനുള്ളില്‍ പൂര്‍ത്തീകരിച്ച് ഗതാഗതത്തിനായി റോഡ് തുറന്നുകൊടുക്കണമെന്ന് സബ് കലക്ടറുടെ അധ്യക്ഷതയില്‍ചേര്‍ന്ന യോഗത്തില്‍ നിര്‍ദേശംനല്‍കിയിരുന്നു.
നിര്‍മാണം പൂര്‍ത്തീകരിച്ച സൈഡ് വാളും അനുബന്ധ പ്രവൃത്തികളും വരും ദിവസങ്ങളില്‍ പൂര്‍ത്തീകരിക്കുമെന്ന് കെഎസ്ടിപി അധികൃതര്‍ അറിയിച്ചു. ഇതിനുശേഷം റോഡ് കോണ്‍ക്രീറ്റ് ചെയ്യുന്ന പ്രവൃത്തി ആരംഭിക്കും. ചിറവളവില്‍ കലുങ്കുനിര്‍മാണത്തിന്‍റെയും റോഡുപണിയുടെയും ഭാഗമായി മുടങ്ങിയ നടവരമ്പ് ഉന്നതി, ലക്ഷംവീട് പ്രദേശങ്ങളിലെ കുടിവെള്ള വിതരണം പുനഃസ്ഥാപിച്ചു. കലുങ്കുപണി തുടങ്ങിയപ്പോള്‍ ഒന്‍പതുദിവസത്തോളം പ്രദേശത്ത് കുടിവെള്ളവിതരണം തടസപ്പെട്ടു. ഇത് പ്രദേശവാസികളുടെ പ്രതിഷേധത്തിനു കാരണമായിരുന്നു. വാര്‍ഡംഗം എം.വി. അയ്യപ്പന്‍റെ നേതൃത്വത്തില്‍ കെഎസ്ടിപിയുടെ സഹകരണത്തോടെ വീടുകളില്‍ ടാങ്കറുകളില്‍ കുടിവെള്ളം വിതരണംചെയ്താണ് പരിഹാരം കണ്ടത്.
Thrissur
കയ്പമംഗലം: ബസിൽ യാത്രചെയ്യുന്നതിനിടെ കളഞ്ഞുകിട്ടിയ അരപ്പവനിലേറെ തൂക്കമുള്ള താലി ഉടമയ്ക്കുനൽകി മാതൃകയായി വീട്ടമ്മ. എടതിരിഞ്ഞി ചെട്ടിയാൽ സ്വദേശിനി ചളിങ്ങാട്ട് വീട്ടിൽ ശിവരാമന്‍റെ ഭാര്യ ചന്ദ്രികയാണ് സത്യസന്ധതയുടെ മാതൃകയായത്.കഴിഞ്ഞയാഴ്ച ബസ് യാത്രയ്ക്കിടെ ലഭിച്ച താലി ചന്ദ്രിക ഉടൻതന്നെ കയ്പമംഗലം പൊലിസ് സ്റ്റേഷനിൽ ഏൽപ്പിക്കുകയായിരുന്നു. മതിലകം സ്വദേശിനിയായ ശ്രീദേവിയുടെ താലിയായിരുന്നു ഇത്.
താലിയിൽ ഭർത്താവിന്‍റെ പേര് കൊത്തിവച്ചിരുന്നത് ഉടമയെ തിരിച്ചറിയാൻ സഹായകമായി. യാത്രയ്ക്കിടെ എവിടെയാണ് താലി നഷ്ടപ്പെട്ടതെന്ന് അറിയാതെ വിവിധ സ്ഥലങ്ങളിൽ അന്വേഷിച്ച ശ്രീദേവിക്ക് ഒടുവിൽ കയ്പമംഗലം പൊലിസ് സ്റ്റേഷനിൽ താലി ലഭിച്ചിട്ടുണ്ടെന്ന വിവരം ലഭിക്കുകയായിരുന്നു. തുടർന്ന് ഭർത്താവിനൊപ്പം സ്റ്റേഷനിലെത്തിയ ശ്രീദേവി പൊലിസിന്‍റെ സാന്നിധ്യത്തിൽ താലി ഏറ്റുവാങ്ങി.വീടുകളിൽ ജോലിചെയ്ത് കുടുംബം പുലർത്തുന്ന ചന്ദ്രികയുടെ സത്യസന്ധതയെ പൊലിസ് അഭിനന്ദിച്ചു.
Thrissur
ഇരിങ്ങാലക്കുട: റവന്യൂ ജില്ലാ ശാസ്ത്രോത്സവത്തിന്റെ ആദ്യദിനം തൃശൂർ ഈസ്റ്റ് ഉപജില്ല 306 പോയിന്റുമായി മുന്നിൽ. 280 പോയിന്റുമായി തൃശൂർ വെസ്റ്റ് ഉപജില്ല രണ്ടാം സ്ഥാനത്തും 273 പോയിന്റുമായി കൊടുങ്ങല്ലൂർ ഉപജില്ല മൂന്നാംസ്ഥാനത്തുമാണ്.സ്കൂൾതലത്തിൽ 103 പോയിന്റുമായി മതിലകം സെന്റ് ജോസഫ്സ് എച്ച്എസ്എസ് ഒന്നാംസ്ഥാനത്തും 94 പോയിന്റുമായി ചെന്ത്രാപ്പിന്നി എച്ച്എസ് രണ്ടാംസ്ഥാനത്തും 91 പോയിന്റുമായി ഇരിങ്ങാലക്കുട എൽഎഫ്സിഎച്ച്എസ് മൂന്നാം സ്ഥാനത്തുമുണ്ട്.റ്
വെള്ളപ്പൊക്കത്തിൽനിന്നു രക്ഷ, മഴവെള്ള ഊർജം
വെള്ളപ്പൊക്കത്തിൽനിന്ന് ഒരു പ്രദേശത്തെ മുഴുവൻ രക്ഷപ്പെടുത്തുന്നതോടൊപ്പം മഴവെള്ളം ശേഖരിച്ചു വൈദ്യുതി ഉത്പാദനവും ജലവിതരണ സംവിധാനവും നാടിനു സമർപ്പിച്ച് ചെന്ത്രാപ്പിന്നി എച്ച്എസ്എസിലെ പത്താംക്ലാസ് വിദ്യാർഥികളായ ടി.ജെ. ദേവാനന്ദും മിലിന്ദ് പൊയ്യറയും. സ്മാർട്ട് റെയിൻ വാട്ടർ ആൻഡ് ഫ്ളഡ് മാനേജ്മെന്റ് സിസ്റ്റം എന്നാണു ബൃഹദ് മാതൃകയുടെ പേര്.
മഴ പെയ്യുന്നതും വീടുകളിലും ഗ്രാമത്തിലും വെള്ളം നിറയുന്നതും അതു സംഭരിച്ച് വൈദ്യുതി ഉത്പാദിപ്പിച്ച് ഇലക്ട്രിക് വാഹനങ്ങളുടെ റീചാർജിംഗ്, ജലവിതരണം എന്നിവയ്ക്കുപയോഗിക്കുന്നതു പ്രവർത്തിപ്പിച്ചുകാണിക്കുന്നതാണ് ഇരുവരുടെയും പ്രൊജക്ട്. വീടുകളുടെ കോന്പൗണ്ടിലും പൊതു ഇടങ്ങളിലും അണ്ടർ ഗ്രൗണ്ട് ഡ്രൈനേജ് കളക്്ഷൻ ടാങ്ക് സ്ഥാപിച്ചാണു നാടിനെ വെള്ളപ്പൊക്കത്തിൽനിന്ന് രക്ഷപ്പെടുത്തുന്നത്. ഖരമാലിന്യങ്ങളും മറ്റും ഫിൽട്ടർ ചെയ്ത് ഇത്തരത്തിൽ ഭൂമിക്കടിയിൽ ശേഖരിക്കുന്ന വെള്ളം പന്പ് ചെയ്തു ടർബൈനിലെത്തിച്ച് വൈദ്യുതി ഉത്പാദിപ്പിക്കുന്നു.
ഇത് റെക്ടിഫയർ ഉപയോഗിച്ചു ഡിസിയിലേക്കു കണ്‍വർട്ട് ചെയ്തു ശേഖരിക്കാനാകും. ഈ വൈദ്യുതി ഇലക്ട്രിക് വാഹനങ്ങൾ ചാർജ് ചെയ്യുന്നതടക്കമുള്ള ആവശ്യങ്ങൾക്ക് ഉപയോഗിക്കാം. പിന്നെയും ബാക്കിയാകുന്ന വെള്ളം ചാർക്കോൾ, യുവി ഫിൽട്ടറുകളിലൂടെ മിനറൽ വാട്ടറാക്കി ഉപയോഗിക്കുകയുമാകാം. അണ്ടർ ഗ്രൗണ്ട് വാട്ടർ സ്റ്റോറേജിൽനിന്നു വെള്ളം പന്പുചെയ്യാൻ പ്രത്യേകം സ്ഥാപിച്ചിട്ടുള്ള സോളാർ പാനലിൽനിന്നാണ് ഉപയോഗിക്കുകയെന്നതിനാൽ ഒരു ഗ്രാമത്തിന്‍റെ മൊത്തം സ്വയംപര്യാപ്ത സംവിധാനമായി കുട്ടികളുടെ പ്രോജക്ട് ഉപയോഗിക്കാനാകുമെന്നതു ശ്രദ്ധേയമാണ്.
മൂന്നു മണിക്കൂറിൽ 12 വിഭവം; രുചിയിൽ മിന്നി മിന്ന
മൂന്നു മണിക്കൂർ... മുന്നിൽ ഒരു അടുപ്പും കുറച്ചു പഴങ്ങളും പച്ചക്കറികളും. മിക്സിയുടെയോ മറ്റ് ആധുനിക പാചക ഉപകരണങ്ങളുടെയോ സഹായമില്ലാതെ ഒരുക്കേണ്ടത് കുറഞ്ഞത് 12 വിഭവങ്ങൾ. വെല്ലുവിളി ഏറ്റെടുത്ത് രുചിയിലും വൈവിധ്യത്തിലും പോഷകമൂല്യത്തിലും ഒരുപോലെ മികവു തെളിയിച്ച് ശ്രദ്ധേയയായിരിക്കുകയാണ് തലോർ ദീപ്തി ഹയർസെക്കൻഡറി സ്കൂളിലെ പ്ലസ് ടു വിദ്യാർഥിനി മിന്ന മനോജ്.
ഹൈസ്കൂൾ, ഹയർസെക്കൻഡറി വിഭാഗങ്ങൾക്കായി സംഘടിപ്പിച്ച തത്സമയ ഭക്ഷണനിർമാണമത്സരത്തിലാണ് മിന്നയുടെ മിന്നും പ്രകടനം. വെറും പാചകമികവിൽ ഒതുങ്ങുന്നതായിരുന്നില്ല ഒരുക്കങ്ങൾ. സാന്പത്തികലാഭം, പോഷകമൂല്യം, ഭക്ഷ്യസംരക്ഷണം എന്നീ ആശയങ്ങൾക്കും തുല്യപ്രാധാന്യം നൽകി. മത്തങ്ങ ജാം, തക്കാളി സോസ്, ഗ്രീൻ ആപ്പിളും പേരയ്ക്കയും ചേർത്ത ഗ്രീൻ അച്ചാർ, പാഷൻ ഫ്രൂട്ട് ഹൽവ, മുന്തിരിയും മൾബറിയും ചേർത്ത സ്ക്വാഷ്, നെല്ലിക്ക വരട്ടിയത് എന്നിവയായിരുന്നു പഴം പച്ചക്കറി സംരക്ഷണവിഭാഗത്തിലെ ആറു വിഭവങ്ങൾ. ദഹി ബൈഗൻ, വാഴപ്പൂ നെറ്റ് ബജി, മുളപ്പിച്ച ചെറുപയറും ഉണ്ണിപ്പിണ്ടിയും ചേർത്ത കറി, മുളപ്പിച്ച ചെറുപയറും ഇലകളും ചേർത്ത അഞ്ചില തോരൻ, അരിയും റാഗിയും ചേർത്ത അട, കപ്പ മിഠായി എന്നിവയും ഒരുക്കി. ചേർപ്പ് ഉപജില്ലയിൽ കഴിഞ്ഞ രണ്ടുവർഷവും മിന്ന ഒന്നാമതായിരുന്നു. റവന്യുതലത്തിൽ തുടർച്ചയായ മൂന്നാം വർഷമാണ് മികച്ച പ്രകടനം കാഴ്ചവയ്ക്കുന്നത്. കഴിഞ്ഞ രണ്ടു വർഷവും എ ഗ്രേഡ് നേടിയിരുന്നു.
നനയും വിതയും മൊബൈലിൽ,കൃഷിയിടം ഇനി സ്മാർട്ടാകും
ഇരിങ്ങാലക്കുട: നനയ്ക്കാനും വിതയ്ക്കാനും കർഷകനിനി പാടത്തും പറന്പിലുമൊന്നും പോകേണ്ട, വീട്ടിലിരുന്നു ഫോണ്നോക്കി എല്ലാം നിയന്ത്രിക്കാം. അതിനുതകുന്ന എഐ അധിഷ്ഠിത ഓട്ടോമാറ്റിക് ജലസേചനസംവിധാനവും വിതയന്ത്രവും പരിചയപ്പെടുത്തുകയാണു കുന്നംകുളം ബഥനി കോണ്വെന്റ് ഗേൾസ് എച്ച്എസ്എസിലെ പത്താംക്ലാസ് വിദ്യാർഥികളായ കെ.എസ്. അനാമികയും പി.എം. വൈഗയും.കൃഷിയിടത്തിൽ പലയിടത്തായി ഘടിപ്പിക്കുന്ന സെൻസറിലൂടെ മണ്ണിലെ ഈർപ്പം, ഉഷ്മാവ് എന്നിവ തിരിച്ചറിഞ്ഞ് കൃഷിക്ക് അനുയോജ്യമായ അളവിൽ നനച്ചുകൊടുക്കുന്ന എഐ സംവിധാനമാണ് ഇരുവരും തയാറാക്കിയിരിക്കുന്നത്.
എഐ സഹായത്തോടെ വിത്തുവിതയും നിർവഹിക്കാനാകും. ഇതിനായി പ്രത്യേകം രൂപകല്പന ചെയ്ത സോയിൽ മോയിസ്റ്ററിംഗ് സംവിധാനം, മണ്ണിന്‍റെ ഹ്യുമിഡിറ്റിയും താപനിലയും അറിയാനുതകുന്ന ഡിഎച്ച്ടി 11, സ്വയമേവ വിതയ്ക്കാനുള്ള സീഡ് സോയിംഗ് യന്ത്രവും എഐ അധിഷ്ഠിത ഓട്ടോമാറ്റിക് ജലസേചന സംവിധാനത്തിലുണ്ട്.ഇതിന്‍റെയെല്ലാം നിയന്ത്രണം മൊബൈൽ ഫോണിൽ നിർവഹിക്കാനാകുമെന്നത് ഏറെ ശ്രദ്ധേയം. കൃഷിയിടത്തു സ്ഥാപിക്കുന്ന സെൻസറുകൾ പ്രവർത്തിപ്പിക്കാൻ സോളാർ വൈദ്യുതിയാണ് ഉപയോഗിക്കുകയെന്നതിനാൽ മികച്ച എക്കോ ഫ്രണ്ട്ലി കൃഷിരീതികൂടിയാണിത്.
ഭൂമി കുലുങ്ങിയാലും കുലുങ്ങില്ല ഈ മിടുക്കന്മാർ
ഭൂമികുലുക്കത്തിൽനിന്നു കെട്ടിടങ്ങൾക്കു സുരക്ഷയേകുന്ന സ്മാർട്ട് സീസ്മിക് റെസിസ്റ്റന്‍റ് ബിൽഡിംഗ് സംവിധാനത്തിന്‍റെ ചലനാത്മകമാതൃക ഒരുക്കി കുരിയച്ചിറ സെന്റ് പോൾസ് സിഇഎച്ച്എസ്എസിലെ ഒന്പതാംക്ലാസ് വിദ്യാർഥികളായ ജോഷ്വ ജോമോനും ആദികേശവും. കടലാസുപെട്ടി, സ്പ്രിംഗ്, കളിപ്പാട്ടത്തിന്‍റെ ടയർ, മറ്റു സെൻസറിംഗ് ഉപകരണങ്ങൾ എന്നിവയുപയോഗിച്ച് ഇവർ തയാറാക്കിയ മാതൃകയുടെ ഒർജിനൽ വെർഷനാണ് അടിക്കടിയുണ്ടാകുന്ന ഭൂമികുലുക്കത്തെ അതിജീവിക്കുന്ന ജപ്പാനിൽ നടപ്പാക്കിയിട്ടുള്ളത്. എന്നാൽ ഭൂമികുലുക്കമുണ്ടാകുന്പോൾ പുറപ്പെടുവിക്കുന്ന സുരക്ഷാ സിഗ്നലുകളും ഇലക്ട്രിക് പവർ കട്ടിംഗ് സംവിധാനവും ഇവരുടെമാത്രം പ്രത്യേകതയാണ്.
കെട്ടിടങ്ങളുടെ അടിത്തറനിർമാണത്തിൽ തുടങ്ങി ബഹുനില കെട്ടിടങ്ങളുടെ സ്ട്രക്ചറിലടക്കം ശ്രദ്ധചെലുത്തിയാണു കുട്ടികൾ മാതൃക അവതരിപ്പിച്ചിട്ടുള്ളത്.ബഹുനില കെട്ടിടങ്ങൾക്കടിയിൽ സ്പ്രിംഗ് ഘടിപ്പിച്ച് ഓരോ നിലയിലും കുലുക്കത്തെ അതിജീവിക്കാനുതകുന്ന പ്രത്യേകം നിർമാണരീതിയും അവലംബിച്ചിരിക്കുന്നു. സാധാരണ കെട്ടിടനിർമാണരീതിയിൽനിന്നു സ്മാർട്ട് സീസ്മിക് റെസിസ്റ്റന്‍റ് ബിൽഡിംഗ് എങ്ങനെ വേറിട്ടുനിൽക്കുന്നുവെന്നു വ്യക്തമാക്കുന്ന പ്രവർത്തനമാണു കുട്ടികൾ അവതരിപ്പിക്കുന്നത്. ഭൂമികുലുക്കത്തിന്‍റെ തീവ്രത അളക്കാനും അതിനനുസരിച്ചു ഒരു പ്രദേശത്തിന്‍റെ മുഴുവൻ വൈദ്യുതിസംവിധാനങ്ങൾ സംരക്ഷിക്കാനുള്ള പവർ കട്ടിംഗ് സംവിധാനവും മികച്ചതാണ്.
കണ്ണുചിമ്മൂ,വീൽചെയർകിടക്കയാകും!
തളർന്നുകിടക്കുന്ന രോഗികൾക്കായി കണ്‍ചിമ്മി നിയന്ത്രിക്കാനാകുന്ന നൂതന വീൽചെയറും കിടക്കയും അവതരിപ്പിക്കാൻ വിദ്യാർഥിനി മത്സരവേദിയിലെത്തിയതു കൂട്ടുകാരുടെ കൈത്താങ്ങിൽ.ഇരിങ്ങാലക്കുട എൽഎഫ് ഹൈസ്കൂളിലെ വർക്ക് എക്സ്പീരിയൻസ് മത്സരവേദിയിൽ പ്രോജക്റ്റ് ഒരുക്കുന്നതിനിടെ ഡെസ്ക് വീണാണു പാവറട്ടി ക്രൈസ്റ്റ് കിംഗ് എച്ച്എസിലെ മിത്ര ബാബുരാജിന്‍റെ കാലിനു പരിക്കേറ്റത്. ഉടൻതന്നെ സ്കൂളിലെ അധ്യാപകരുടെ നേതൃത്വത്തിൽ വിദ്യാർഥിനിയെ ഡോക്ടറെ കാണിച്ചു. ബാൻഡേജ് ചുറ്റിയശേഷം കടുത്ത വേദനയ്ക്കിടയടിലും വീണ്ടും മത്സരവേദിയിലെത്തി സഹ മത്സരാർഥിയായ ആന്മി പി. ടോമിയോടൊപ്പം മിത്ര പ്രോജക്റ്റ് അവതരിപ്പിച്ചു.കൈകളുടെ ചലനം തടസപ്പെട്ടവരും കഠിനമായ പക്ഷാഘാതം ബാധിച്ചവരുമായ ആളുകൾക്കു വീൽചെയർ സ്വന്തമായി പ്രവർത്തിപ്പിക്കാൻ സഹായിക്കുന്ന സംവിധാനമാണ് ഇരുവരും തയാറാക്കിയത്.
അർഡുവിനോ, ലാപ്ടോപ്പ്, കാമറ തുടങ്ങിയ കുറഞ്ഞ ചെലവിലുള്ള ഘടകങ്ങൾ ഉപയോഗിച്ചാണു നിർമാണം. കണ്പോളകളുടെ ചലനത്തിലൂടെ വീൽചെയർ ചലിപ്പിക്കാനും കിടക്കയാക്കി മാറ്റാനും മുറിയിലെ വെളിച്ചം നിയന്ത്രിക്കാനും സാധിക്കും. ഒരു തവണ കണ്ണുചിമ്മുന്പോൾ മുന്നോട്ടുപോകും. രണ്ടുതവണ കണ്ണുചിമ്മുന്പോൾ നിൽക്കും. ദീർഘനേരം കണ്ണുചിമ്മിയാൽ വീൽ ചെയർ കിടക്കയാക്കിമാറും.
ഈ മഴവെള്ളം നനച്ചാൽ ചെടികൾ വളരും പനപോലെ
പുരപ്പുറത്തു വീഴുന്ന മഴവെള്ളം പോഷകഗുണമുള്ള നനവെള്ളമാക്കിമാറ്റി ഹൈഡ്രോഫോണിക് കൃഷിക്കുപയോഗിക്കുന്ന സ്മാർട്ട് വാട്ടർ മാനേജ്മെന്റ് സിറ്റി സംവിധാനമൊരുക്കി പെരിങ്ങോട്ടുകര സെറാഫിക് സിജിഎച്ച്എസ് വിദ്യാർഥികളായ അന്ന ടി. മേജോയും കെ.യു ദേവ് ദുർഗയും. ഒന്പത്, എട്ട് ക്ലാസുകളിലെ വിദ്യാർഥികളാണ് ഇരുവരും.
മഴവെള്ളത്തിന്‍റെ കൃത്യതയാർന്ന ഉപയോഗത്തിലൂടെ ഹൈഡ്രോഫോണിക് ഫാമിംഗിൽ ഏങ്ങനെ കൂടുതൽ വിളവു നേടാനാകുമെന്നാണ് ഇരുവരും വിവരിക്കുന്നത്. മഴവെള്ളസംഭരണമാണ് ഇതിന്റെ ആദ്യപടി. ഈ വെള്ളം തട്ടുകളായി സ്ഥാപിച്ച ഹൈഡ്രോഫോണിക് ഫാമിൽ എത്തുന്നതോടെ ആദ്യഘട്ട നന നടക്കും. അതിനുശേഷം ഈ വള്ളം പ്രത്യേക പൈപ്പിലൂടെ ഫിഷ് ടാങ്കിൽ എത്തും. അവയുടെ വിസർജ്യം കലരുന്നതോടെ വെള്ളത്തിൽ അമോണിയം നൈട്രേറ്റ് കലരും. ഇത് സസ്യങ്ങൾക്കു കൂടുതൽ കരുത്തേകി പ്രോട്ടീൻ സംശ്ലേഷണത്തെയും കോശവളർച്ചയെയും സഹായിക്കുന്നു. ഈ വെള്ളം ഫിൽട്ടറിലെത്തി അവിടെനിന്ന് ന്യൂട്രിയൽ ടാങ്കിലേക്കുമെത്തിച്ച് വീണ്ടും കൃഷിക്കായി കൂടുതൽ പോഷണത്തോടെ ഉപയോഗിക്കാനാകും. ഈ വെള്ളം റീസൈക്കിൾ ചെയ്തു വീട്ടാവശ്യങ്ങൾക്കും ഉപയോഗിക്കാനാകുമെന്നതാണു സ്മാർട്ട് വാട്ടർ മാനേജ്മെന്റ് സിറ്റി സംവിധാനത്തിന്‍റെ പ്രത്യേകത.
Thrissur
ഇരിങ്ങാലക്കുട: ശാസ്ത്രസങ്കൽപങ്ങൾക്കു സർഗാത്മകതയുടെ നിറംപകർന്ന്, നൂതന ആശയങ്ങളും കൗതുകമുണർത്തുന്ന കണ്ടുപിടിത്തങ്ങളുമായി കുരുന്നുപ്രതിഭകളുടെ വിസ്മയലോകം. ശാസ്ത്രചിന്തകൾക്ക് പ്രായോഗികരൂപം നൽകിയും അറിവിനൊപ്പം കരവിരുതും സർഗശേഷിയും പ്രകടിപ്പിച്ചും തൃശൂർ റവന്യൂ ജില്ലാ സ്കൂൾ ശാസ്ത്രോത്സവത്തിനു പ്രൗഢമായ തുടക്കം. നിർമാണപ്രവർത്തനങ്ങളിലും കരകൗശലവിദ്യകളിലും കുട്ടികൾ പ്രകടിപ്പിച്ച മികവ് പ്രവർത്തിപരിചയമേളയെ ശ്രദ്ധേയമാക്കി.
പ്രധാനവേദിയായ സെന്റ് മേരീസ് സ്കൂളിൽ വിദ്യാഭ്യാസ ഉപഡയറക്ടർ ടി. ഷൈല പതാക ഉയർത്തി. അഡ്വ. തോമസ് ഉണ്ണിയാടൻ എംഎൽഎ മേള ഉദ്ഘാടനം ചെയ്തു. ജില്ലാ പഞ്ചായത്ത് വൈസ് പ്രസിഡന്റ് ടി.കെ. സുധീഷ് അധ്യക്ഷത വഹിച്ചു. നഗരസഭ വൈസ് ചെയർപേഴ്സണ്‍ ചിന്ത ധർമരാജൻ മുഖ്യാതിഥിയായി. നഗരസഭ സ്റ്റാൻഡിംഗ് കമ്മിറ്റി ചെയർമാൻമാരായ പ്രവീണ്‍സ് ഞാറ്റുവെട്ടി, ടി.എ. പോൾ, കൗണ്‍സിലർമാരായ പി.വി. ശിവകുമാർ, ഡെലി സിജു യോഹന്നാൻ, ജില്ലാ പഞ്ചായത്തംഗം സി.ബി. ഷക്കീല, ഹയർ സെക്കൻഡറി റീജണൽ ഡെപ്യൂട്ടി ഡയറക്ടർ ബിയാട്രിസ് മരിയ, വിഎച്ച്എസ്ഇ അസിസ്റ്റന്‍റ് ഡയറക്ടർ കെ.എ. റഹീന, ഹയർ സെക്കൻഡറി ജില്ലാ കോ-ഓർഡിനേറ്റർ കെ.എ. വർഗീസ്, ഡിഇഒ എം.വി. ഉഷ, സ്കൂൾ മാനേജർ ഫാ. ലാസർ കുറ്റിക്കാടൻ, പ്രിൻസിപ്പൽ ആൻസൻ ഡൊമിനിക്, ഷീജ എന്നിവർ പ്രസംഗിച്ചു. വിദ്യാഭ്യാസ ഉപഡയറക്ടർ ടി. ഷൈല സ്വാഗതവും സ്വീകരണകമ്മിറ്റി കണ്‍വീനർ സജി സി. പോൾസണ് നന്ദിയും പറഞ്ഞു. ശാസ്ത്രാത്സവത്തിന് ഇന്ന് സമാപനമാകും.
Palakkad
കാഞ്ഞിരപ്പുഴ: മലബാർ കർഷക കുടിയേറ്റ ശതാബ്ദി ആഘോഷങ്ങളുടെ ഭാഗമായി പ്രദേശത്തെ 80 വയസിന് മുകളിൽ പ്രായമുള്ള പൗരന്മാരെ ആദരിക്കും.
14ന് ഇതിനായുള്ള പ്രത്യേക ചടങ്ങ് സംഘടിപ്പിക്കാൻ കാഞ്ഞിരപ്പുഴ സെന്റ് തോമസ് ഐടിസിയിൽ ചേർന്ന സംഘാടകസമിതി യോഗം തീരുമാനിച്ചു. കാഞ്ഞിരപ്പുഴ ഫൊറോന വികാരി ഫാ. മാർട്ടിൻ ഏറ്റുമാനൂക്കാരൻ അധ്യക്ഷത വഹിച്ച യോഗം പൊന്നംകോട് ഫൊറോന വികാരി ഫാ. ബെറ്റ്സൺ തൂക്കുപറമ്പിൽ ഉദ്ഘാടനം ചെയ്തു.
സംഘാടകസമിതി ജനറൽ കൺവീനർ ജോമി മാളിയേക്കൽ, അഡ്വ. ബോബി പൂവത്തുങ്കൽ, സണ്ണി ജോസഫ് എന്നിവർ ചർച്ചകൾക്ക് നേതൃത്വം നൽകി. മൂന്ന് ഫൊറോനകളിൽ നിന്നുള്ള സംഘാടകസമിതി പ്രതിനിധികൾ യോഗത്തിൽ പ്രസംഗിച്ചു. വിവിധ സബ് കമ്മിറ്റികൾക്ക് രൂപം നൽകി. സ്വാഗതസംഘം കൺവീനറായി ആന്റണി മതിപ്പുറത്തെ തെരഞ്ഞെടുത്തു. വിവിധ കമ്മിറ്റി കൺവീനർമാരേയും അംഗങ്ങളെയും തെരഞ്ഞെടുത്തു.
Palakkad
നെല്ലിയാമ്പതി: തേയില, കാപ്പി തോട്ടങ്ങളിൽ ജോലി ചെയ്യുന്ന തൊഴിലാളികൾക്ക് അടിസ്ഥാന സൗകര്യങ്ങൾപോലും ഉറപ്പാക്കാത്തതിനെതിരേ പ്രതിഷേധം ശക്തമാകുന്നു.
നെല്ലിയാമ്പതി ചന്ദ്രമല എസ്റ്റേറ്റിലെ ഊത്തുകുഴി പ്രദേശത്തെ പാടികളിൽ താമസിക്കുന്ന തൊഴിലാളികളാണ് ശോച്യാവസ്ഥയിലുള്ളത്.
വാസസ്ഥലങ്ങളോട് ചേർന്നുള്ള ശൗചാലയങ്ങൾ പോലും ഉപയോഗിക്കാൻ കഴിയാത്തവിധം തകർന്ന നിലയിലാണെന്നാണ് തൊഴിലാളികളുടെ പരാതി. ശൗചാലയത്തിനു വാതിലില്ല, മേൽക്കൂരയിലെ ഓടുകൾ ഏതുനിമഷവും നിലംപൊത്താം, സെപ്റ്റിക് ടാങ്ക് സ്ലാബുകളിൽ വിള്ളൽ വീണതിനെ തുടർന്ന് അസഹ്യമായ ദുർഗന്ധം തുടങ്ങി ഒട്ടനവധി പരാതികളാണ് തൊഴിലാളികൾക്കു പറയാനുള്ളത്.
പ്രശ്നത്തിന്റെ ഗൗരവം മാസങ്ങളായി സൂപ്പർവൈസർമാരുടെ ശ്രദ്ധയിൽപ്പെടുത്തിയിട്ടും ശാശ്വത പരിഹാരത്തിനായി എസ്റ്റേറ്റ് മാനേജ്മെന്റ് നടപടി സ്വീകരിച്ചിട്ടില്ലെന്നാണ് തൊഴിലാളികളുടെ ആരോപണം. തൊഴിലാളികളുടെ ആരോഗ്യവും ശുചിത്വവും ഉറപ്പാക്കേണ്ട ആരോഗ്യവകുപ്പ് അധികൃതരും പഞ്ചായത്ത് ഭരണസമിതിയും വിഷയത്തിൽ കാര്യമായ ഇടപെടുന്നില്ലെന്നും തൊഴിലാളികൾ ആരോപിക്കുന്നു.
നിരവധി അംഗീകൃത തൊഴിലാളി യൂണിയനുകളും രാഷ്ട്രീയ പാർട്ടികളും മേഖലയിലുണ്ടെങ്കിലും തൊഴിലാളികളുടെ അടിസ്ഥാന പ്രശ്നങ്ങളിൽ കാര്യമായ ഇടപെടൽ ഉണ്ടാകുന്നില്ലെന്നും ആക്ഷേപം ശക്തമാണ്.
തൊഴിലാളികളുടെ ക്ഷേമം ഉറപ്പാക്കാൻ ചുമതലപ്പെട്ട പ്ലാന്‍റേഷൻ ഇൻസ്‌പെക്ടർപോലും ഇതുവരെ പാടി സന്ദർശിച്ച് സ്ഥിതിഗതികൾ വിലയിരുത്തിയിട്ടില്ലെന്നു തൊഴിലാളികൾ പറയുന്നു.
ഇതേ രീതിയിലുള്ള അടിസ്ഥാന സൗകര്യ പ്രശ്നങ്ങൾ മണലാറു എസ്റ്റേറ്റിലെ തേനിപാടി, എലം സ്റ്റോർ പ്രദേശങ്ങളിലും നിലനിൽക്കുന്നതായും പരാതിയുണ്ട്.
അടിസ്ഥാന സൗകര്യങ്ങളുടെ ശോച്യാവസ്ഥയ്‌ക്കെതിരെ തൊഴിലാളികൾ പരാതിയുമായി മുന്നോട്ടുവരാൻ പോലും ഭയപ്പെടുന്ന സാഹചര്യമാണ് നിലവിലുള്ളത്. പരാതിപ്പെടുന്ന തൊഴിലാളികളെ അതേ എസ്റ്റേറ്റിലെ മറ്റൊരു ഡിവിഷനിലേക്ക് മാറ്റുക, നിലവിൽ ചെയ്യുന്നതിനേക്കാൾ ബുദ്ധിമുട്ടേറിയ ജോലി നൽകുക, ഒറ്റപ്പെട്ട പ്രദേശങ്ങളിൽ ജോലിക്ക് നിയോഗിക്കുക തുടങ്ങിയ നടപടികൾ സ്വീകരിക്കുന്നതായി ചില തൊഴിലാളികൾ ആരോപിക്കുന്നു.
Palakkad
പാലക്കാട്: വിവരാവകാശ നിയമം ഭരണസംവിധാനത്തിൽ സുതാര്യതയും ഉത്തരവാദിത്വവും ഉറപ്പുവരുത്തിയതായി മന്ത്രി കെ.എ. തുളസി പറഞ്ഞു. സംസ്ഥാന വിവരാവകാശ കമ്മീഷന്‍റെ നേതൃത്വത്തിൽ ഉദ്യോഗസ്ഥർക്കായി സംഘടിപ്പിച്ച സെമിനാർ ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി.
വ്യക്തികളുടെ സ്വകാര്യതയെ ബാധിക്കുന്ന വിവരങ്ങൾ ഒഴികെ മറ്റെന്തും പത്ത് രൂപ നൽകി കൃത്യമായ സമയപരിധിക്കുള്ളിൽ ലഭ്യമാക്കാനുള്ള അവകാശമാണ് വിവരാവകാശ നിയമത്തിലൂടെ കൈവന്നത്.
സർക്കാരിന്‍റെ എല്ലാ പ്രവർത്തനങ്ങളും വിവരങ്ങളും സാധാരണക്കാരിലേക്ക് എത്തണമെന്നാണ് സർക്കാരിന്‍റെ നയം. വിവരാവകാശ നിയമം അതിനൊരു ഉപാധിയാണ്. വിവരാവകാശം ദുരുപയോഗം ചെയ്യുന്ന സാഹചര്യങ്ങൾ കഴിവതും ഒഴിവാക്കണമെന്നും മന്ത്രി കൂട്ടിച്ചേർത്തു.
ഗവ. വിക്ടോറിയ കോളജിൽ നടന്ന സെമിനാറിൽ സംസ്ഥാന മുഖ്യ വിവരാവകാശ കമ്മീഷണർ വി. ഹരിനായർ അധ്യക്ഷത വഹിച്ചു. സംസ്ഥാന വിവരാവകാശ കമ്മീഷൻ റിസോഴ്‌സ് പേഴ്സണ്‍ കെ. പ്രസാദ് ജീവനക്കാരുമായി ആശയവിനിമയം നടത്തുകയും സംശയനിവാരണം നടത്തുകയും ചെയ്തു.
സംസ്ഥാന വിവരാവകാശ കമ്മീഷൻ അംഗങ്ങളായ ഡോ. സോണിച്ചൻ പി. ജോസഫ്, എം. ശ്രീകുമാർ, ടി.കെ. രാമകൃഷ്ണൻ, ജി.എൻ. ഗിരീഷ് കുമാർ, ഗവ. വിക്ടോറിയ കോളജ് പ്രിൻസിപ്പൽ മായ സി. നായർ തുടങ്ങിയവർ പങ്കെടുത്തു.
Palakkad
മംഗലംഡാം: ഭവനരഹിതരായ 60 കുടുംബങ്ങൾക്ക് വീട് നിർമിച്ചുനൽകുന്ന പൊൻകണ്ടം ജംഗ്ഷനിലെ എസ്പെരാൻസ പ്രോജക്ട് ഷെൽട്ടർ പദ്ധതിയുടെ ഭാഗമായി നിർമാണം പൂർത്തിയായ നാല് വീടുകളുടെ താക്കോൽ കൈമാറ്റവും എട്ടുവീടുകളുടെ തറക്കല്ലിടലും ഇന്ന് നടക്കും.
വൈകുന്നേരം മൂന്നരയ്ക്ക് നടക്കുന്ന പരിപാടികളിൽ ടി.എം. ശശി എംഎൽഎ, വണ്ടാഴി പഞ്ചായത്ത് പ്രസിഡന്റ് ശാരദ ഗോപിനാഥ്, ജില്ലാ പഞ്ചായത്ത് മെംബർ കെ.ജി. എൽദോ, ബ്ലോക്ക് മെംബർ സുബിത മുരളിധരൻ, വാർഡ് മെംബർ അച്ചാമ്മ ജോസഫ്, പാലക്കാട് രൂപത വികാരി ജനറാൾ മോൺ. ജീജോ ചാലക്കൽ, കാർഗോ കമ്പനി സെവൻസീസ് എംഡി ബിജു തോമസ്, ബെംഗളൂരു ആസ്ഥാനമായുള്ള പ്രോജക്ട് ഷെൽട്ടർ ഡയറക്ടർ ഫാ.ഡോ. ജോർജ് കണ്ണന്താനം, മംഗലംഡാം ഫൊറോന വികാരി ഫാ. സുമേഷ് നാൽപതാംകളം, പൊൻകണ്ടം പള്ളി വികാരി ഫാ. സജി വട്ടുകളം, ഫാ. പോൾ കാട്ടൂക്കാരൻ സമൂഹത്തിലെ വിവിധമേഖലകളിൽ ജീവകാരുണ്യ പ്രവർത്തനങ്ങൾക്ക് നേതൃത്വം നൽകുന്ന സംഘടനകൾ, വ്യക്തികൾ, ക്രഷ് ഓണേഴ്സ് അസോസിയേഷൻ പ്രതിനിധികൾ തുടങ്ങിയവർ പങ്കെടുക്കും.
കഴിഞ്ഞ വർഷം മുടപ്പല്ലൂരിലെ ഒരു കുടുംബത്തിന് വീട് നിർമിച്ച് നൽകിയായിരുന്നു പദ്ധതിക്ക് തുടക്കം കുറിച്ചത്. ദാനമായി ലഭിച്ച ഒന്നര ഏക്കർ സ്ഥലത്താണ് അപ്പാർട്ടുമെന്‍റുകളായി ഭവനനിർമാണം നടപ്പിലാക്കുന്നത്. അംഗവൈകല്യമുള്ളവർ, അസുഖ ബാധിതർ, വിധവകൾ, പ്രകൃതിദുരന്തങ്ങളിൽ വീട് നഷ്ടപ്പെട്ടവർ, സ്വന്തമായി വീട് പണിയാൻ സാമ്പത്തിക ശേഷി ഇല്ലാത്തവർ തുടങ്ങിയവരെയാണ് പദ്ധതിയിൽ പരിഗണിക്കുന്നതെന്ന് പൊൻകണ്ടത്തെ ഭവന പദ്ധതിക്ക് നേതൃത്വം നൽകുന്ന ടോം ജോർജ് കിഴക്കേ പറമ്പിൽ പറഞ്ഞു. ക്ലരീഷ്യൻ വൈദിക സഭാംഗമായ ഫാ.ഡോ. ജോർജ് കണ്ണന്താനത്തിന്‍റെ സ്വപ്ന പദ്ധതിയാണ് ഭവന രഹിതരായവർക്കെല്ലാം വീട് നിർമിച്ചു നൽകുക എന്നത്.
ഈ പ്രോജക്ടിന്‍റെ ഭാഗമായാണ് സഹപാഠിയായ ടോം ജോർജിന്‍റെ സഹകരണത്തോടെ പൊൻകണ്ടത്തും ഭവനങ്ങൾ ഉയരുന്നത്. സുമനസുകളായ ആയിരം പേർ മാസത്തിൽ ആയിരം രൂപയും അതിൽ കൂടുതലും തുകയെടുത്താണ് വീട് നിർമാണ പദ്ധതി മുന്നോട്ട് പോകുന്നത്. കേരളത്തിൽ മറ്റു സ്ഥലങ്ങളിലും കർണാടകയിലും പ്രൊജക്ട് ഷെൽറ്റർ എന്ന പദ്ധതി വഴി വീട് നിർമാണം നടക്കുന്നുണ്ട്.
Palakkad
ചിറ്റൂർ: തമിഴ് ന്യൂനപക്ഷ ഭാഷാപ്രദേശമായ ചിറ്റൂരിൽ ഇന്ന് തമിഴ് കുടുംബങ്ങൾ ദീപാവലി വിപുലമായി ആഘോഷിക്കും. മലയാളികൾ വിഷു കൊണ്ടാടുന്നതിന് സമാനമായാണ് തമിഴ് കുടുംബങ്ങൾ ദീപാവലി ആഘോഷിക്കുന്നത്. പുലർച്ചെ ദീപാരാധനയ്ക്കുശേഷം കൈനീട്ടം നൽകും.
ആഘോഷത്തിന്‍റെ പ്രധാന ചടങ്ങാണ് പടക്കം പൊട്ടിക്കൽ. ഇത് വിപുലമായ രീതിയിൽ തന്നെ നടക്കും. കുടുംബത്തിൽ എല്ലാ അംഗങ്ങളും ഇന്ന് പുതുവസ്ത്രം അണിയും. കൂടാതെ വീടുകളിൽ മധുര പലഹാരങ്ങൾ ഉണ്ടാക്കുന്നതും ആഘോഷത്തിന്‍റെ പാരമ്പര്യ രീതിയാണ്. താലൂക്കിന്‍റെ കിഴക്കൻ പ്രദേശങ്ങളിലെ താമസക്കാർ കൂടുതലായും നിർധന കുടുംബക്കാരാണെങ്കിലും ദീപാവലി സുഭിക്ഷമായ രീതിയിൽ തന്നെയാണ് എല്ലാവർഷവും ആഘോഷിക്കപ്പെടുന്നത്.
കൊഴിഞ്ഞാമ്പാറ, എരുത്തേമ്പതി, വടകരപ്പതി, പട്ടഞ്ചേരി, മുതലമട പഞ്ചായത്തികളിൽ താമസിക്കുന്ന തമിഴ് കുടുംബങ്ങളിൽ താമസക്കാരിൽ കൂടുതലായും ജോലി ചെയ്യുന്നത് കോയമ്പത്തൂർ, പൊള്ളാച്ചി ഭാഗങ്ങളിലാണ്. ഇവർക്കെല്ലാം ഒരു മാസത്തെ വേതനം ബോണസായി ലഭിക്കാറുണ്ട്. അതുകൊണ്ടുതന്നെ മിക്ക കുടുബങ്ങളിലും ദീപാവലി ആഘോഷത്തിന് ആവേശമേറും.
Palakkad
പാലക്കാട്: ഇന്‍റർനാഷണൽ പുലരി ടിവി അവാർഡ് 2026 ൽ മികച്ച നടനുള്ള പുരസ്കാരം ശ്രീജിത്ത് മാരിയിലിന് ലഭിച്ചു. ശ്രീ കലാക്ഷേത്രയുടെ ബാനറിൽ നിർമിച്ച തിറ എന്ന ചിത്രത്തിലെ ശ്രദ്ധേയമായ അഭിനയത്തിനാണ് ഈ അംഗീകാരം. പിരായിരി കണ്ണോട്ടുകാവ് സ്വദേശിയാണ്.
ചലച്ചിത്ര സംവിധായകൻ ടി.എസ്. സുരേഷ്ബാബു ചെയർമാനും വഞ്ചിയൂർ പ്രവീൺകുമാർ, സി.വി. പ്രേംകുമാർ, സിതാര ബാലകൃഷ്ണൻ, അജയ് തുണ്ടത്തിൽ എന്നിവർ അംഗങ്ങളുമായ ജൂറിയാണ് അവാർഡ് ജേതാവിനെ തെരഞ്ഞെടുത്തത്.
Palakkad
പാലക്കാട്: നല്ലേപ്പിള്ളി ഗ്രാമ പഞ്ചായത്ത് ലക്ഷംവീട് അംബേദ്കർ ഗ്രാമം നിർമാണ പ്രവർത്തനങ്ങൾ പുരോഗമിക്കുന്നു. 2023-24 വർഷത്തെ അംബേദ്കർ ഗ്രാമം പദ്ധതിയിൽ ഉൾപ്പെടുത്തി ഒരുകോടി രൂപ ചെലവഴിച്ചാണ് നിർമാണം. ഏകദേശം 37 വീടുകളുടെ അറ്റകുറ്റപ്പണികൾ, കമ്യൂണിറ്റി ഹാൾ നവീകരണം, റോഡ് നവീകരണം, കുടിവെള്ള വിതരണത്തിനുള്ള പൈപ്പ് ലൈൻ സ്ഥാപിക്കൽ, കിണർ നവീകരണം, സോളാർ ലൈറ്റുകൾ സ്ഥാപിക്കൽ തുടങ്ങിയവയാണ് പദ്ധതിയിൽ ഉൾപ്പെടുത്തിയിട്ടുള്ളത്.
സംസ്ഥാന സർക്കാർ പൊതുമേഖലാ സ്ഥാപനമായ കെൽ ആണ് പദ്ധതിയുടെ നിർവഹണ ഏജൻസി. കോളനികളിലെ അടിസ്ഥാനസൗകര്യ വികസനവും ജനങ്ങളുടെ ജീവിതനിലവാരം ഉയർത്തലുമാണ് പദ്ധതിയുടെ ലക്ഷ്യം. 2026 സെപ്റ്റംബർ 25ന് ആരംഭിച്ച നവീകരണപ്രവർത്തനങ്ങൾ കരാർ ഉടന്പടി പ്രകാരം 2027 സെപ്റ്റംബർ അവസാനത്തോടെ പൂർത്തിയാകും.
Palakkad
വടക്കഞ്ചേരി: റബർ ഉത്പാദക സംഘങ്ങളെ അംഗങ്ങളാക്കി റബർ ഫാർമേഴ്സ് പ്രൊഡ്യൂസർ കമ്പനികൾ രൂപീകരിച്ച് റബറിന്‍റെ മൂല്യവർധിത നിർമാണ വ്യവസായങ്ങൾ തുടങ്ങുന്നതിനുള്ള സാങ്കേതിക പരിശീലനവും സാമ്പത്തിക സഹായവും ലഭ്യമാക്കണമെന്ന് റബർ കർഷക കോൺഗ്രസ് പാലക്കാട് റീജനൽ കമ്മിറ്റി യോഗം സംസ്ഥാന സർക്കാരിനോട്ആവശ്യപ്പെട്ടു.
അന്യസംസ്ഥാന തൊഴിലാളികൾക്ക് പരിശീലനം നല്കി ടാപ്പിംഗ് തൊഴിലാളി ക്ഷാമം പരിഹരിക്കുക, അത്യുത്പാദന ശേഷിയും രോഗപ്രതിരോധ ശേഷിയുമുള്ള റബർ ഇനങ്ങൾ കേരളത്തിൽ പരീക്ഷണം നടത്തി വികസിപ്പിച്ചെടുക്കുക, ഡ്യൂട്ടി കുറച്ച് കോമ്പൗണ്ട് റബർ ഇറക്കുമതി ചെയ്ത് റബർവില ഇടിക്കാനുള്ള വ്യവസായികളുടെ ശ്രമങ്ങൾ തടയുക എന്നീ ആവശ്യങ്ങളും യോഗം ഉന്നയിച്ചു.
കർഷക കോൺഗ്രസ് സംസ്ഥാന ജനറൽ സെക്രട്ടറി ടി.സി. ഗീവർഗീസ് മാസ്റ്റർ ഉദ്ഘാടനം ചെയ്തു. വടക്കഞ്ചേരി കോ-ഓപ്പറേറ്റീവ് ബാങ്ക് ഹാളിൽ നടന്ന യോഗത്തിൽ ജില്ലാ പ്രസിഡന്റ് ഹരിദാസ് കല്ലടിക്കോട് അധ്യക്ഷത വഹിച്ചു.എം.സി. വർഗീസ്, റെജി കെ. മാത്യു, ജോർജ് കോര, സി. പരമേശ്വരൻ, പി.സി.വിൽസൺ, സിജി വർഗീസ് എന്നിവർ പ്രസംഗിച്ചു.
Palakkad
വടക്കഞ്ചേരി: ഐഎച്ച്ആർഡി കോളജ് ഓഫ് അപ്ലൈഡ് സയൻസിൽ ബിരുദദാന ചടങ്ങ് എക്ലാറ്റ് 2.0 നടന്നു. ബിരുദ, ബിരുദാനന്തര പഠനം പൂർത്തിയാക്കിയ വിദ്യാർഥികൾക്കായിട്ടായിരുന്നു പരിപാടി സംഘടിപ്പിച്ചത്. സംസ്ഥാന സർക്കാരിന്‍റെ ന്യുനപക്ഷ യുവജന പരിശീലന കേന്ദ്രം പാലക്കാട് ഡയറക്ടർ ഡോ.വി. രഘുകുമാർ ഉദ്ഘാടനം ചെയ്തു. പ്രിൻസിപ്പൽ ഡോ. ജയമോഹൻ അധ്യക്ഷത വഹിച്ചു.
ബംഗളൂരുവിലെ നാഷണൽ എയ്റോസ്പേസ് ലബോറട്ടറീസിലെ ചീഫ് സയന്‍റിസ്റ്റ് ഡോ. ജി. മൃദുല മുഖ്യപ്രഭാഷണം നടത്തി. പിടിഎ വൈസ് പ്രസിഡന്റ് എസ്. ഉണ്ണികൃഷ്ണൻ, കോളജ് യൂണിയൻ ചെയർമാൻ യു. അശ്വിൻ, അയിലൂർ ഐഎച്ച്ആർഡി. കോളജ് പ്രിൻസിപ്പൽ ടി.എസ്. സുബിൻ എന്നിവർ പ്രസംഗിച്ചു. കംപ്യൂട്ടർ സയൻസ് അധ്യാപിക ബി. രതി സ്വാഗതവും വിദ്യാർഥി പ്രതിനിധി നേഹ ബാലകൃഷ്ണൻ നന്ദിയും പറഞ്ഞു.
Palakkad
കൊല്ലങ്കോട്: ഒന്നാംവിള നെല്ല് വിളവെടുപ്പ് തുടങ്ങി സപ്ളൈ കോ നെല്ല് സംഭരണം ആരംഭിച്ചെങ്കിലും നെല്ലിന്‍റെ സംഭരണവില പ്രഖ്യാപിക്കാതിരിക്കുന്നത് മില്ലുകാർക്ക് കർഷകരിൽ നിന്നും കുറഞ്ഞ വിലയ്ക്ക് നെല്ല് വാങ്ങുന്നതിന് സൗകര്യമൊരുക്കി കൊടുക്കുന്നതിനാണെന്ന് കർഷക സംരക്ഷണ സമിതി കേരള ആരോപിച്ചു. നെല്ല് സംഭരണം മന്ദഗതിയിലാണ്. നെല്ല് സൂക്ഷിക്കാൻ സൗകര്യമില്ലാത്ത കർഷകർ കുറഞ്ഞ വിലയ്ക്ക് നെല്ല് പുറംവിപണിയിൽ വിൽക്കാൻ നിർബന്ധിതരായിരിക്കുകയാണ്.
സപ്ളൈകോ നെല്ല് സംഭരണം ഊർജിതപ്പെടുത്തണം. കാലാവസ്ഥ മുതലെടുത്ത് കർഷകരിൽ നിന്ന് തൂക്കത്തിൽ കിഴിവ് ആവശ്യപ്പെടുന്ന മില്ലുകാർക്കെതിരെ നടപടി സ്വീകരിക്കണം. പിആർഎസ് ലഭിക്കുന്നതിന്നുള്ള കാലതാമസം ഒഴിവാക്കണം.മുൻ വർഷങ്ങളിൽ സർക്കാർ വെട്ടിക്കുറിച്ച ഇൻസെന്‍റീവ് തുക മുഴുവൻ പുനഃസ്ഥാപിച്ച് ഒന്നാം വിളയ്ക്കുള്ള സംഭരണവില ഉടൻ പ്രഖ്യാപിക്കണം. രാസവളം, കീടനാശിനി. ഡീസൽ പെട്രോൾ തുടങ്ങിയവയുടെ വില വർധനവുകണക്കിലെടുത്ത് നെല്ലിന്‍റെ താങ്ങു വില 35 രൂപയായി കേന്ദ്ര സർക്കാർ ഉയർത്തണമെന്നും കർഷക സംരക്ഷണ സമിതി യോഗം കേന്ദ്ര സർക്കാരുകളോട് ആവശ്യപ്പെട്ടു. യോഗത്തിൽ പ്രസിഡന്റ് സി. വിജയൻ അധ്യക്ഷത വഹിച്ചു.
Palakkad
വടക്കഞ്ചേരി: രാപ്പകൽ വ്യത്യാസമില്ലാതെ മണ്ണ് കടത്ത് ലോറികൾ പാഞ്ഞ് കിഴക്കഞ്ചേരി പഞ്ചായത്തിലെ ഗ്രാമ റോഡുകളെല്ലാം തകർന്നു. ഒറവത്തൂരിൽ കുന്നിടിച്ചുള്ള മണ്ണ് കടത്തൽ കഴിഞ്ഞപ്പോൾ കോട്ടേകുളം ചുണ്ണാമ്പുകാരൻ കുളമ്പ് ഭാഗത്തുനിന്നാണ് ഇപ്പോൾ മണ്ണ് കടത്തൽ നടക്കുന്നത്.
പൊതുമരാമത്ത് വകുപ്പിന്‍റെ കീഴിലുള്ള കുന്നങ്കാട് -വാൽകുളമ്പ് റോഡ്, മലയോര ഹൈവേ തുടങ്ങുന്ന കോരഞ്ചിറ - വാൽക്കുളമ്പ് റോഡ്, പഞ്ചായത്ത് റോഡായ ഞൊണ്ടുകുളമ്പ് - ചുണ്ണാമ്പുകാരൻ കുളമ്പ് റോഡ് തുടങ്ങിയ റോഡുകളാണ് ഏറെ തകർന്നിട്ടുള്ളത്. ചുണ്ണാമ്പുകാരൻകുളമ്പ് റോഡ് പൂർണമായും തകർന്ന സ്ഥിതിയിലാണ്. വീതി കുറഞ്ഞതും ബലക്കുറവുമുള്ള ഗ്രാമവഴികളിലൂടെ മണ്ണ് കയറ്റിയ വലിയ ടോറസുകൾ പോകുന്നതിനാൽ റോഡ് തകർച്ച പൂർണമായി. നിറയെ വീടുകളുള്ള പ്രദേശത്തെ ഗ്രാമവഴികളാണ് ഇത്തരത്തിൽ തകർന്ന് നാട്ടുകാരുടെ യാത്രാമാർഗം ഇല്ലാതാക്കുന്നത്.
ഹൈവേ നിർമാണത്തിനെന്നു പറഞ്ഞാണ് മണ്ണ് കടത്തൽ. രാത്രിയും ഏറെ വൈകിയും അവധി ദിവസങ്ങളിലും മണ്ണ് ലോറികളുടെ ബഹളമാണ്. നിരയായി ലോറികൾ പായുന്നതിനാൽ പൊടിമൂടി താമസക്കാർക്കും കാർഷിക വിളകൾക്കും വലിയ ദ്രോഹമാണ് ഉണ്ടാക്കുന്നത്. ടോറസ് പോലെയുള്ള വലിയ ലോറികൾക്ക് പോകാൻ സമയക്രമങ്ങൾ ഉണ്ടെങ്കിലും അതെല്ലാം കാറ്റിൽ പറത്തിയാണ് സ്കൂൾ സമയത്തും മറ്റും ലോറികൾ പറയുന്നതെന്ന് പറയുന്നു.
ഒറവത്തൂരിൽ മണ്ണ് കടത്തിയതിനു പിന്നാലെ പ്രദേശത്ത് റോഡ് കൈറ്റങ്ങളും നടക്കുന്നതായി പറയുന്നുണ്ട്. മഴപെയ്താൽ ഇവിടെ ചെളിനിറയും. മഴയില്ലെങ്കിൽ പൊടിശല്യവും രൂക്ഷമാകും.
ഇത്രയേറെ റോഡുകൾ തകരുമ്പോഴും ബന്ധപ്പെട്ട അധികാരികളോ പൊതുമരാമത്ത് വകുപ്പോ നിയന്ത്രണമില്ലാതെ കുന്നിടിക്കുന്നതും കൈയേറ്റങ്ങളും തടയാൻ റവന്യു അധികാരികളോ ഇടപെടുന്നില്ല എന്നതാണ് നാട്ടുകാരെ പ്രകോപിപ്പിക്കുന്നത്. മണ്ണുകടത്തിന് പിന്നിൽ വലിയ അഴിമതി നടക്കുന്നതാണ് നടപടിയെടുക്കുന്നവരും നിശബ്ദരാകുന്നതിന് കാരണമെന്നാണ് ആരോപണം. ദേശീയപാതയുടെ നിർമാണം പൂർത്തിയാകുന്നതോടെ കിഴക്കഞ്ചേരി, വടക്കഞ്ചേരി, കണ്ണമ്പ്ര തുടങ്ങി വലിയൊരു മേഖലയിലെ നിരവധി കുന്നുകൾ ഇല്ലാതാകും.
ഇതെല്ലാം പ്രകൃതിയുടെ അസന്തുലിതാവസ്ഥയ്ക്ക് കാരണമാവുകയും പ്രകൃതി ദുരന്തങ്ങൾക്ക് വഴി വെക്കുമെന്നുമുള്ള ആശങ്കയാണ് നാട്ടുകാർക്കുള്ളത്. ഹൈവേയുടെ പേര് പറഞ്ഞ് മണ്ണ് കടത്തുന്നത് അവിടേക്ക് തന്നെയാണോ എന്ന് പോലും പരിശോധനകളുമില്ല.
Palakkad
ചിറ്റൂർ: കാൻസർ ചികിത്സയ്ക്കായി ദൂരെയുള്ള ആശുപത്രികളെ ആശ്രയിക്കേണ്ടിവരുന്ന ചിറ്റൂർ മേഖലയിലെ രോഗികൾക്ക് ആശ്വാസം. ചിറ്റൂർ താലൂക്ക് ആശുപത്രിയിൽ കാൻസർ ചികിത്സാ സേവനങ്ങൾ ആരംഭിക്കുന്നതിന്‍റെ ഭാഗമായി കണ്ണൂർ ജില്ലാ ആശുപത്രിയിലെ ഓങ്കോളജിസ്റ്റ് ഡോ.വി.എസ്. ദിവ്യയെ ചിറ്റൂരിലേക്ക് നിയമിച്ചു.
ആഴ്ചയിൽ രണ്ടു ദിവസം ചിറ്റൂർ താലൂക്ക് ആശുപത്രിയിൽ സേവനം ലഭ്യമാക്കിക്കൊണ്ടാണ് ആരോഗ്യവകുപ്പിന്‍റെ ഉത്തരവ്. സുമേഷ് അച്യുതൻ എംഎൽഎ ആരോഗ്യവകുപ്പ് മന്ത്രി കെ.മുരളീധരന് നൽകിയ കത്തിന്‍റെ അടിസ്ഥാനത്തിലാണ് നടപടി. ചിറ്റൂർ താലൂക്കിലെ അതിർത്തി പ്രദേശങ്ങളിൽനിന്നുൾപ്പെടെ ഒട്ടേറെ രോഗികൾ കാൻസർ ചികിത്സയ്ക്കായി ഏറെ ദൂരം യാത്ര ചെയ്യേണ്ടിവരുന്ന സാഹചര്യം എംഎൽഎ മന്ത്രിയുടെ ശ്രദ്ധയിൽപ്പെടുത്തിയിരുന്നു. ഇതിന് പരിഹാരമായി ചിറ്റൂർ താലൂക്ക് ആശുപത്രിയിൽ വിദഗ്ധ കാൻസർ ചികിത്സാ സേവനങ്ങൾ ആരംഭിക്കണമെന്ന ആവശ്യമാണ് അദ്ദേഹം ഉന്നയിച്ചത്.
കണ്ണൂർ ജില്ലാ ആശുപത്രിയിൽ ഓങ്കോളജി വിഭാഗത്തിൽ സേവനമനുഷ്ഠിക്കുന്ന ഡോ.വി.എസ്. ദിവ്യയുടെ സേവനം ആഴ്ചയിൽ കുറഞ്ഞത് രണ്ടു ദിവസമെങ്കിലും ചിറ്റൂരിൽ ലഭ്യമാക്കണമെന്നായിരുന്നു എംഎൽഎയുടെ ആവശ്യം. ഇത് പരിഗണിച്ചാണ് ആരോഗ്യവകുപ്പ് ഡയറക്ടർ ഉത്തരവിറക്കിയത്.
ചിറ്റൂർ താലൂക്ക് ആശുപത്രിയിൽ പ്രാരംഭ കാൻസർ രോഗനിർണയം, കീമോതെറാപ്പി, പാലിയേറ്റീവ് കെയർ തുടങ്ങിയ സേവനങ്ങൾ ഘട്ടംഘട്ടമായി ആരംഭിക്കാനാണ് ലക്ഷ്യമിടുന്നത്.
ഇതോടെ കാൻസർ രോഗികൾക്ക് വിദഗ്ധ ഡോക്ടറുടെ സേവനത്തിനായി ദൂരെയുള്ള ആശുപത്രികളിലേക്ക് നിരന്തരം യാത്ര ചെയ്യേണ്ടിവരുന്ന സാഹചര്യം കുറയ്ക്കാനാകും. രോഗനിർണയം മുതൽ തുടർചികിത്സയും പരിചരണവും വരെ പ്രാദേശികതലത്തിൽ ലഭ്യമാക്കുന്നതിനുള്ള സാധ്യതയും തുറക്കും.
കാൻസർ ചികിത്സ ദീർഘകാലം തുടരേണ്ടിവരുന്ന സാഹചര്യത്തിൽ യാത്രാചെലവും സമയനഷ്ടവും രോഗികൾക്കും കുടുംബങ്ങൾക്കും വലിയ ഭാരമാണ്. ചിറ്റൂർ താലൂക്കിലെ ഗ്രാമീണ, അതിർത്തി മേഖലകളിലുള്ളവർക്ക് ഈ തീരുമാനം ഏറെ പ്രയോജനകരമാകും.
Palakkad
നെല്ലിയാമ്പതി: കൈകാട്ടി ജംഗ്ഷൻ മുതൽ ഊത്തുകുഴി വരെയുള്ള നാലു കിലോമീറ്റർ ദൂരം വരുന്ന പൊതുമരാമത്ത് റോഡിന്‍റെ ഇരുവശങ്ങളിലും കാടുകൾ വളർന്നുനിൽക്കുന്നത് യാത്രക്കാർക്കും നാട്ടുകാർക്കും ദുരിതമാകുന്നു. റോഡരികിലെ കാടുകൾ വർഷത്തിൽ രണ്ടുതവണയെങ്കിലും വെട്ടിമാറ്റേണ്ടതുണ്ടെങ്കിലും കൃത്യമായ ഇടവേളകളിൽ ശുചീകരണം നടത്താത്തതാണ് പ്രതിസന്ധിക്ക് കാരണമെന്ന് നാട്ടുകാർ പറയുന്നു.
ശനി, ഞായർ ദിവസങ്ങളിലും മറ്റ് അവധി ദിവസങ്ങളിലും സീതാർകുണ്ട് വ്യൂ പോയിന്‍റ് ഉൾപ്പെടെയുള്ള വിനോദസഞ്ചാരകേന്ദ്രങ്ങൾ സന്ദർശിക്കാനായി നൂറുകണക്കിന് വാഹനങ്ങളാണ് ഇതുവഴി എത്തുന്നത്. ഇരുചക്രവാഹനങ്ങൾ ഉൾപ്പെടെയുള്ള വാഹനങ്ങളുടെ തിരക്ക് വർധിക്കുന്നതിനൊപ്പം റോഡിന്‍റെ ഇരുവശത്തും കാട് വളർന്നുനിൽക്കുന്നത് കാൽനടയാത്രക്കാർക്കും വാഹനയാത്രക്കാർക്കും ഒരുപോലെ ബുദ്ധിമുട്ടുണ്ടാക്കുന്നു.
കാട്ടുപന്നികൾ ഉൾപ്പെടെയുള്ള വന്യമൃഗങ്ങൾ റോഡരികിൽ എത്തിയാൽ പോലും കാടുകൾക്കിടയിൽ തിരിച്ചറിയാൻ കഴിയാത്ത സാഹചര്യമാണുള്ളത്. ഇത് യാത്രക്കാരുടെ സുരക്ഷയ്ക്കും ഭീഷണിയാകുന്നുണ്ട്. വളവുകളിലും ഇടുങ്ങിയ ഭാഗങ്ങളിലും കാഴ്ച മറയ്ക്കുന്നവിധം കാടുകൾ വളർന്നത് അപകടസാധ്യതയും വർധിപ്പിക്കുന്നു.
വിനോദസഞ്ചാരികളുടെ തിരക്കേറിയ പാതയായതിനാൽ റോഡിന്‍റെ ഇരുവശങ്ങളിലുമുള്ള കാടുകൾ അടിയന്തരമായി വെട്ടിമാറ്റണമെന്നും തുടർന്ന് കൃത്യമായ ഇടവേളകളിൽ ശുചീകരണം നടത്താൻ പൊതുമരാമത്ത് വകുപ്പ് നടപടി സ്വീകരിക്കണമെന്നുമാണ് നാട്ടുകാരുടെ ആവശ്യം.
Palakkad
കൊല്ലങ്കോട്: നിർമാണം പൂർത്തിയായ ആലമ്പള്ളം മേൽപാലം ഉടൻ തുറക്കണമെന്ന് യാത്രക്കാർ. കൊല്ലങ്കോട് അയ്യപ്പൻ വിളക്കു മഹോത്സവങ്ങൾ നടക്കാനിരിക്കുകയാണ്. ടൗണിൽ എഴുന്നള്ളിപ്പുകൾ എത്തിയാൽ ടൗൺ വഴി ഗതാഗത തടസമുണ്ടാകും. ഈ സാഹചര്യത്തിൽ ആലമ്പള്ളം ബൈപ്പാസ് റോഡാണ് ഗതാഗതത്തിന് ഉപയോഗിക്കുന്നത്.
നാലുകോടി ചെലവിലാണ് ആലമ്പള്ളം മേൽപാലം നിർമാണം നടത്തിയിരിക്കുന്നത്. മേൽപാലം പണി പൂർത്തിയാക്കിയിട്ടുണ്ട്. ഇനി പാലത്തിന്‍റെ രണ്ടു വശങ്ങളിലുമുള്ള റോഡ് ശരിപ്പെടുത്തുന്ന ജോലിയാണുള്ളത്.
ഇതിനായി പാലത്തിന്‍റെ വടക്കുഭാഗത്ത് സ്ഥലം വില്ലേജ് ഓഫിസ് അധികൃതർ അളന്ന് തിട്ടപ്പെടുത്തിയിരുന്നു. ഇത് സ്ഥിരീകരിക്കാൻ പൊതുമരാമത്ത് വകുപ്പ് പാലം വിഭാഗം അധികൃതരും നിരീക്ഷണം നടത്തിയിരിക്കുകയാണ്. പാലത്തിന്‍റെ പ്രധാന ജോലികൾ പൂർത്തിയായിട്ടും സഞ്ചാരയോഗ്യമാക്കത്തതിൽ ആലമ്പള്ളം നിവാസികൾ ഗതാഗത സൗകര്യമില്ലാതെ വലയുകയാണ് .
500 മീറ്റർ സഞ്ചരിക്കേണ്ട ദൂരത്തിന് മൂന്നരകിലോമീറ്റർ അധിക ദൂരം സഞ്ചരിക്കേണ്ടതായ ഗതികേടിലാണ്. വിദ്യാർഥികൾക്ക് ടൗണിലുള്ള വിവിധ സ്കൂളുകളിൽ പോകുന്നതിനും തിരികെ വരുന്നതിനും ഏറെ സമയവും ചെലവഴിക്കണം. ഉത്സവ എഴുന്നള്ളിപ്പ് സമയങ്ങളിൽ തൃശൂർ മെഡിക്കൽ കോളജിലേക്ക് അടിയന്തര ചികിത്സക്ക് രോഗികളെ കൊണ്ടുപോവുന്നതിനും മാർഗതടസമുണ്ടാവുമെന്നതും ഗുരുതര വിഷയമാണ്.
Palakkad
മുണ്ടൂർ: യുവക്ഷേത്ര കോളജിലെ പുതിയ രണ്ട് കംപ്യൂട്ടർ ലാബ് ഡയറക്ടർ ഫാ.ഡോ. മാത്യു ജോർജ് വാഴയിൽ ആശിർവദിച്ചു. ബർസാർ ഫാ. ഷാജു അങ്ങേവീട്ടിൽ, അസിസ്റ്റന്‍റ് ഡയറക്ടറും ട്രെയ്നിംഗ് ആൻഡ് പ്ലേസ്മെന്റ് ഓഫീസറുമായ ഫാ.ഡോ. ലിനോ സ്റ്റീഫൻ ഇമ്മട്ടി, വൈസ് പ്രിൻസിപ്പൽ ഫാ. ഷൈജു പരിയത്ത് എന്നിവർ പങ്കെടുത്തു.
പ്രിൻസിപ്പൽ ഡോ.ടോമി ആന്റണി സ്വാഗതവും കംപ്യൂട്ടർ സയൻസ് വിഭാഗം മേധാവി മീന ജോസ് കൊന്പൻ നന്ദിയും പറഞ്ഞു. ഡിജെ ക്ലാസസസ് ഫൗണ്ടറും ചീഫ് ട്രെയ്നറുമായ ഡെനിസ് ജോസ് മുഖ്യാതിഥിയായിരുന്നു. പരിപാടിയിൽ വിവിധ വിഭാഗം മേധാവിമാരും അധ്യാപകരും വിദ്യാർഥികളും പങ്കെടുത്തു.
Palakkad
പള്ളിക്കുറുപ്പ്: വിദ്യാർഥികളിൽ റോഡ് സുരക്ഷാബോധം വളർത്തുന്നതിനും അപകടസാഹചര്യങ്ങളിൽ പ്രഥമശുശ്രൂഷ നൽകുന്നതിനുള്ള അവബോധം സൃഷ്ടിക്കുന്നതിനുമായി പള്ളിക്കുറുപ്പ് ശബരി ഹയർ സെക്കൻഡറി സ്കൂളിൽ സുരക്ഷിത് മാർഗ് ക്ലബിന്‍റെ നേതൃത്വത്തിൽ ഫസ്റ്റ് ആൻഡ് ട്രോമാ സപ്പോർട്ട് എന്ന വിഷയത്തിൽ ബോധവത്കരണ ക്ലാസ് സംഘടിപ്പിച്ചു.
റോഡ് സുരക്ഷയുടെ പ്രാധാന്യവും ഗതാഗതനിയമങ്ങൾ പാലിക്കേണ്ടതിന്‍റെ ആവശ്യകതയും വിദ്യാർഥികൾക്ക് പകർന്നുനൽകി. പ്രധാനാധ്യാപകൻ കെ. രാമകൃഷ്ണൻ, സീനിയർ അധ്യാപകനായ എം.യു. വർഗീസ് എന്നിവർ പ്രസംഗിച്ചു. എസ് സിഎംഎസ് സ്കൂൾ ഓഫ് എൻജിനിയറിംഗ് ആൻഡ് ടെക്നോളജി കറുകുറ്റിയിലെ ഡിപ്പാർട്ട്മെന്റ് ഓഫ് അപ്ലൈഡ് സയൻസ് ആൻഡ് ഹ്യൂമാനിറ്റീസിലെ അസിസ്റ്റന്‍റ് പ്രഫസർ രാഹുൽ രവി, മെക്കാനിക്കൽ എൻജിനിയറിംഗ് വിഭാഗത്തിലെ അസിസ്റ്റന്‍റ് പ്രഫ. ദിനിൽ ബാബു എന്നിവർ ക്ലാസുകൾ നയിച്ചു.
സുരക്ഷിത് മാർഗ് സ്കൂൾ കോ- ഓർഡിനേറ്റർ ടി. നവാസ് സ്വാഗതവും സ്കൂൾ ലീഡർ അശ്വതി നന്ദിയും പറഞ്ഞു. അധ്യാപകരായ കെ.എസ്. സീന, ഇ. രോഷ്നി, കെ. കൃഷ്ണതുളസി, വി.എൻ. സരിത, ആർ. രശ്മി എന്നിവർ പരിപാടികൾക്ക് നേതൃത്വം നൽകി. ബസ് ജീവനക്കാരും രക്ഷിതാക്കളും വിദ്യാർഥികളും പങ്കെടുത്തു.
Palakkad
മംഗലംഡാം: കേരള വ്യാപാരി വ്യവസായി ഏകോപന സമിതി, പഞ്ചായത്ത് മെംബർ ഓഫിസ് എന്നിവയുടെ ആഭിമുഖ്യത്തിൽ ലഹരിക്കെതിരെ മംഗലംഡാമിൽ കൂട്ടയോട്ടം സംഘടിപ്പിച്ചു. ജനമൈത്രി പൊലിസ്, ലൂർദ് മാതാഹയർ സെക്കൻഡറി സ്കൂൾ എന്നിവയുടെ സഹകരണത്തോടെയായിരുന്നു ലഹരിയോട് വിട എന്ന മുദ്രാവാക്യമുയർത്തി ഡാമിൽ നിന്നും ഒടുകൂരിലേക്ക് ഓട്ടം സംഘടിപ്പിച്ചത്. ജില്ലാ പഞ്ചായത്ത് മെംബർ കെ.ജി. എൽദോ ഉദ്ഘാടനം ചെയ്തു.
വാർഡ് മെംബർ ഡിനോയ് കോമ്പാറ അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് ഷാജി വർക്കി ഫ്ലാഗ് ഓഫ് ചെയ്തു. ഡാം സ്റ്റേഷനിലെ എഎസ്ഐ അബ്ദുൾ നാസർ പ്രതിജ്ഞ ചൊല്ലികൊടുത്തു. ലൂർദ് മാതാ ഹയർസെക്കൻഡറി സ്കൂൾ പിടിഎ പ്രസിഡന്റ് ബിനു മുളംമ്പിള്ളി, എൻഎസ്എസ് കോ- ഓർഡിനേറ്റർ രമ്യ രഘുനാഥ് എന്നിവർ പ്രസംഗിച്ചു.
വ്യാപാരി വ്യവസായി ഏകോപന സമിതി യൂണിറ്റ് സെക്രട്ടറി അബാസ് മുബാറക് സ്വാഗതവും സിവിൽ പൊലിസ് ഓഫീസർ പി.എ. സിനീപ് നന്ദിയും പറഞ്ഞു.
Palakkad
പാലക്കാട്: ഡോ.മുരളി ശിവരാമകൃഷ്ണന്‍റെ പക്ഷി ഫോട്ടോഗ്രാഫി പ്രദർശനത്തോടനുബന്ധിച്ച് ജില്ലാ പബ്ലിക് ലൈബ്രറിയും കേരള വനം വകുപ്പും ചേർന്ന് പക്ഷികളും രാഷ്ട്രീയവും എന്ന വിഷയത്തിൽ സെമിനാർ സംഘടിപ്പിച്ചു.
പക്ഷിനിരീക്ഷണം കേവലം ഫോട്ടോഗ്രാഫിയിലോ വിനോദത്തിലോ ഒതുങ്ങുന്നില്ലെന്നും പ്രകൃതിയിലെ മാറ്റങ്ങൾ മനസിലാക്കിത്തരുന്ന ഭൂമിശാസ്ത്രപരമായ സൂചകങ്ങളായി പക്ഷികളെ കാണണമെന്നും സെമിനാർ ഉദ്ഘാടനം ചെയ്ത് അഡീഷണൽ പ്രിൻസിപ്പൽ ചീഫ് ഫോറസ്റ്റ് കണ്‍സർവേറ്റർ ഡോ. പ്രമോദ് ജി. കൃഷ്ണൻ പറഞ്ഞു. ടി.ആർ. അജയൻ മോഡറേറ്ററായ ചടങ്ങിൽ സുരേഷ് കോടൂർ മുഖ്യപ്രഭാഷണം നടത്തി. ജി. ഹരികൃഷ്ണൻ നായർ, സുമ സക്കറിയ, മുരളി ശിവരാമകൃഷ്ണൻ, ജ്യോതിബായ് പരിയാടത്ത്, ആർ. ശാന്തകുമാരൻ മാസ്റ്റർ, എ.കെ. ചന്ദ്രൻകുട്ടി എന്നിവർ പ്രസംഗിച്ചു.
Palakkad
അഗളി: 1977ൽ സ്ഥാപിതമായ രാജഗിരി സെന്റ് സ്റ്റീഫൻസ് ക്നാനായ കത്തോലിക്ക പള്ളി സുവർണ ജൂബിലിയിലേക്ക് പ്രവേശിക്കുന്നു. ഇന്ന് ഉച്ചകഴിഞ്ഞ് രണ്ടിന് കോട്ടയം അതിരൂപതയുടെ നവാഭിഷിക്ത സഹായമെത്രാൻ മാർ തോമസ് ആനിമൂട്ടിലിന് ചങ്ങലീരി ഫൊറോനയുടെ ആഭിമുഖ്യത്തിൽ രാജഗിരിയിൽ പള്ളിയിൽ സ്വീകരണം നൽകും.
ജൂബിലി ഉദ്ഘാടനത്തെ തുടർന്ന് സഹായമെത്രാന്‍റെ മുഖ്യ കാർമികത്വത്തിൽ വിശുദ്ധ കുർബാന. തുടർന്ന് കെസിസി, കെസിഡബ്ല്യു, കെസിവൈഎൽ നേതൃത്വത്തിൽ ചങ്ങലീരി ഫൊറോന കുടുംബസംഗമവും നടക്കും.
ഫൊറോന വികാരി ഫാ. ബൈജു എടാട്ട്, ഇടവക വികാരി ഫാ. ജോമേഷ് ഇലഞ്ഞിപ്പള്ളിയിൽ, ഫൊറോനയിലെ മറ്റു വൈദികരായ ഫാ. ഷെൽട്ടൻ അപ്പോഴിപ്പറന്പിൽ, ഫാ. സിജോ മരങ്ങാട്ടിൽ, കെസിസി അതിരൂപത പ്രസിഡന്റ് ബാബു പറന്പടത്ത്മലയിൽ, കെസിസി ഫൊറോന പ്രസിഡന്റ് തങ്കച്ചൻ തേക്കിലക്കാട്ടിൽ, കെസിസി, കെസിഡബ്ല്യുഎ, കെസിവൈഎൽ ഫൊറോനാ ഭാരവാഹികൾ, ചങ്ങലീരി ഫൊറോനയിലെ എല്ലാ ഇടവകകളിൽ നിന്നുള്ളവരും സംഗമത്തിൽ പങ്കെടുക്കും.
Palakkad
ഒറ്റപ്പാലം: പാലപ്പുറം, ഭാരതപ്പുഴ പ്രദേശം, വരോട്, ഒറ്റപ്പാലം മുനിസിപ്പാലിറ്റി എന്നിവിടങ്ങളിൽനിന്ന് ശേഖരിച്ച ജലസാമ്പിളുകളിൽ നടത്തിയ കോളിഫോം ബാക്ടീരിയ പരിശോധന പോസിറ്റിവ്.
ജലത്തിന്‍റെ സൂക്ഷ്മജീവി ഗുണനിലവാരം വിലയിരുത്തുന്നതിനായി നടത്തിയ പ്രാഥമിക പഠനത്തിൽ 20 സാമ്പിളുകളിൽ 14 എണ്ണത്തിലും കോളിഫോം പോസിറ്റീവ് ആയി രേഖപ്പെടുത്തി.
വരോട് കെപിഎസ്എംഎം വൊക്കേഷണൽ ഹയർ സെക്കൻഡറി വിഭാഗത്തിലെ ഗവേഷണ പ്രോജക്റ്റിന്‍റെ ഭാഗമായി എൻഎസ്എസ് യൂണിറ്റിന്‍റെ നേതൃത്വത്തിൽ നടത്തിയ പഠനത്തിൽ ഭാരതപ്പുഴ പ്രദേശത്തുനിന്ന് ശേഖരിച്ച ആറ് സാമ്പിളുകളിൽ അഞ്ചെണ്ണത്തിലും കോളിഫോം ബാക്ടീരിയകളെ കണ്ടെത്തി. വരോട് പ്രദേശത്തെ അഞ്ചിൽ അഞ്ച് സാമ്പിളുകളിലും കോളിഫോം പോസിറ്റീവാണ്.
ഒറ്റപ്പാലം മുനിസിപ്പൽ ഓഫീസ് വാർഡിൽ നിന്ന് ശേഖരിച്ച പത്ത് സാമ്പിളുകളിൽ അഞ്ചെണ്ണത്തിൽ കോളിഫോം കണ്ടെത്തി. പാലപ്പുറം മേഖലയിൽനിന്ന് ശേഖരിച്ച രണ്ടു സാമ്പിളുകളിൽ ഒരെണ്ണം പോസിറ്റീവ് ആയി.
നാല് പ്രദേശങ്ങളിലെയും പരിശോധനാ ഫലങ്ങൾ താരതമ്യം ചെയ്തപ്പോൾ വരോട് പ്രദേശത്താണ് ഏറ്റവും ഉയർന്ന പോസിറ്റീവ് നിരക്ക് രേഖപ്പെടുത്തിയത്.എൻഎസ്എസ് കോളജിലെ കെമിസ്ട്രി അധ്യാപിക ഡോ. പ്രിയയുടെ നേതൃത്വത്തിലാണ് പരിശോധന പൂർത്തിയാക്കിയത്.എൻഎസ്എസ് പ്രോഗ്രാം ഓഫീസർ ടി.പി. പ്രദീപ് കുമാർ, സുവോളജി അധ്യാപകൻ ഷാജി താഴത്തുവീട്, വിദ്യാർഥികളായ എ. ആതിര, കെ. കീർത്തന എന്നിവർ പ0നത്തിനു നേതൃത്വം നൽകി.
Palakkad
പാലക്കാട്: സമഗ്രശിക്ഷാ കേരളം നടപ്പിലാക്കിയ എസ്എച്ച് വിആർ സർവേയിൽ പറളി ഉപജില്ലയിൽ എഴക്കാട് സെന്റ് ഡൊമിനിക്‌സ് സ്കൂളിന് ഫൈവ് സ്റ്റാർ റേറ്റിംഗ് ലഭിച്ചു.നേട്ടത്തിന്‍റെ ഭാഗമായി സ്കൂൾ പിടിഎ യുടെ നേതൃത്വത്തിൽ നടത്തിയ അനുമോദന യോഗം എ. പ്രഭാകരൻ എംഎൽഎ ഉദ്ഘാടനം ചെയ്തു. യോഗത്തിൽ പിടിഎ പ്രസിഡന്റ് എ. അനൂപ് സ്വാഗതം പറഞ്ഞു.മുണ്ടൂർ ഗ്രാമപഞ്ചായത്ത് പ്രസിഡന്റ് ടി.കെ. രാമദാസ് അധ്യക്ഷത വഹിച്ചു. ഫാ. സജി വട്ടുകളത്തിൽ മുഖ്യ പ്രഭാഷണം നടത്തി. സ്കൂൾ മാനേജർ സിസ്റ്റർ ടെസി ഒപി പിടിഎ അംഗങ്ങളെയും എസ്എംസി അംഗങ്ങളെയും ആദരിച്ചു.
പറളി ബിപിസി സതീഷ്, മുണ്ടൂർ ഗ്രാമപഞ്ചായത്ത് വൈസ്പ്രസിഡന്‍റ് ലക്ഷ്മിക്കുട്ടി, വാർഡ് മെംബർമാരായ വേലായുധൻ, പി.ആർ. രമ്യ, എസ്എംസി ചെയർമാൻ ഡെന്നിസ്, പിടിഎ വൈസ് പ്രസിഡന്റ് ടോമി കെ. ഫ്രാൻസിസ്, സ്കൂൾ ലീഡർ ഡെക്സ ഡെന്നിസ് പ്രധാന അധ്യാപിക സിസ്റ്റർ ജെസി, എംപിടിഎ പ്രസിഡന്റ് രേഷ്മ എന്നിവർ പ്രസംഗിച്ചു. പിടിഎ യുടെ നേതൃത്വത്തിൽ സ്കൂൾ മാനേജർ സിസ്റ്റർ ടെസി ഒപി, പ്രധാന അധ്യാപിക സിസ്റ്റർ ജെസി എന്നിവരെ ആദരിച്ചു.
Palakkad
ഒറ്റപ്പാലം: താലൂക്ക് ആശുപത്രിയിൽ പേ വാർഡ് നിർമിക്കാൻ പദ്ധതി. കെ. പ്രേംകുമാർ എംഎൽഎയുടെ വികസനഫണ്ടിൽനിന്ന് രണ്ടുകോടി രൂപയാണ് ഇതിനായി അനുവദിച്ചിട്ടുള്ളത്.പദ്ധതി രേഖ അന്തിമമാക്കുന്നതിനായി പൊതുമരാമത്ത് ബിൽഡിംഗ് വിഭാഗം എൻജീനിയറും സംഘവും ആശുപത്രി സന്ദർശിച്ചു. നാലുനിലകളിലായി ആധുനിക സൗകര്യങ്ങളോടെയുള്ള പേ വാർഡായിരിക്കും സാധ്യമാക്കുക. ആയിരത്തിയഞ്ഞൂറിലധികം രോഗികൾ ദിവസേന ചികിത്സ തേടുന്ന ആശുപത്രിയായി ഒറ്റപ്പാലം താലൂക്ക് ആശുപത്രി മാറിയിട്ടുണ്ട്.
നൂറോളം രോഗികൾ അഡ്മിഷനുമുണ്ട്. കണ്ണ് ശാസ്ത്രക്രിയ, മുട്ട് മാറ്റിവയ്ക്കൽ ശസ്ത്രക്രിയ, നിരവധി കീ ഹോൾ സർജറികൾ നടത്തുന്ന താലൂക്ക് ആശുപത്രിയിലേക്ക് സംസ്ഥാനത്തിന്‍റെ വിവിധ ഭാഗങ്ങളിൽനിന്ന് രോഗികൾ ചികിത്സ തേടിയെത്തുന്നുണ്ട്. അതിനാലാണ് പുതിയ പേ വാർഡ് എന്ന ആവശ്യമുയർന്നത്. ചുരുങ്ങിയ ചിലവിൽ കൂടുതൽ സൗകര്യം സാധാരണക്കാർക്കു കൂടി ലഭ്യമാക്കുക എന്നതാണ് ലക്ഷ്യമെന്ന് ആശുപത്രി സൂപ്രണ്ട് എം.എസ്. പത്മനാഭൻ പറഞ്ഞു.
ഈമാസംതന്നെ ടെൻഡർ നടപടി പൂർത്തീകരിക്കും. വളരെ പെട്ടെന്ന് പൂർത്തീകരിക്കുന്ന തരത്തിലാണ് പദ്ധതി വിഭാവനം ചെയ്തിരിക്കുന്നതെന്ന് കെ. പ്രേംകുമാർ എംഎൽഎ പറഞ്ഞു.
Palakkad
പാലക്കാട്: കെഎസ്ആർടിസിയുടെ പ്രിയദർശിനി പദ്ധതി ജില്ലയിൽ വിജയകരമായി മുന്നേറുന്നു. പദ്ധതി ആരംഭിച്ച് 142 ദിവസം പിന്നിടുമ്പോൾ ജില്ലയിൽ ആകെ 62,08,613 സീറോ ടിക്കറ്റുകൾ വിതരണം ചെയ്തു.നവംബർ രണ്ടുവരെയുള്ള കണക്കുകൾ പ്രകാരമാണിത്. വടക്കഞ്ചേരി, മണ്ണാർക്കാട്, പാലക്കാട്, ചിറ്റൂർ എന്നിങ്ങനെ ജില്ലയിലെ നാല് യൂണിറ്റുകൾ കേന്ദ്രീകരിച്ചാണ് പദ്ധതിയുടെ പ്രവർത്തനം. പാലക്കാട് യൂണിറ്റിലാണ് ഏറ്റവും കൂടുതൽ സീറോ ടിക്കറ്റുകൾ- 26,32,971 പേർ. ചിറ്റൂരിൽ 10,53,905 പേരും വടക്കഞ്ചേരിയിൽ 13,29,593 പേരും മണ്ണാർക്കാടിൽ 11,92,144 പേരുമാണ് സീറോ ടിക്കറ്റുകൾ ഉപയോഗിച്ചത്. സീറോ ടിക്കറ്റ് സംവിധാനംവഴി ഇതുവരെ 18,96,85,714 രൂപയാണ് ആകെ വരുമാനമായി ലഭിച്ചത്.
യൂണിറ്റ് തിരിച്ച് കണക്കാക്കുമ്പോൾ പാലക്കാട് യൂണിറ്റിൽ നിന്ന് 9,02,90,037 രൂപയും ചിറ്റൂരിൽ നിന്ന് 3,22,89,296 രൂപയും വടക്കഞ്ചേരിയിൽ നിന്ന് 3,78,98, 740 രൂപയും മണ്ണാർക്കാടിൽ നിന്ന് 2,92,07,641 രൂപയും വരുമാനം നേടിയെന്ന് അധികൃതർ അറിയിച്ചു.
Palakkad
ഊട്ടി: മഴക്കെടുതിയിൽ ദുരിതമനുഭവിക്കുന്ന ബർലിയാർ പ്രദേശത്തെ ജനങ്ങൾക്ക് വീണ്ടും കൈത്താങ്ങായി മേട്ടുപ്പാളയം സെന്റ് ജോസഫ് ഇടവക വികാരി ഫാ. ജോൺസൺ വീപ്പാട്ടുപറമ്പിൽ.
ഇടവക ജനതയുടെ സഹകരണത്തോടെ രണ്ടാംഘട്ട സഹായവുമായാണ് അച്ചൻ ഇന്നലെ വീണ്ടും ബർലിയാർ പ്രദേശത്ത് എത്തിയത്.
ഭക്ഷ്യസാധനങ്ങളും മറ്റ് അവശ്യവസ്തുക്കളും ഉൾപ്പെടുന്ന കിറ്റുകൾ ദുരിതബാധിതരായ കുടുംബങ്ങൾക്ക് നൽകി. രണ്ടാഴ്ച മുന്പത്തെ കനത്ത മഴയെതുടർന്ന് തകർന്ന ഗതാഗതസൗകര്യങ്ങൾ ഇപ്പോഴും പൂർണമായും പുനഃസ്ഥാപിക്കപ്പെട്ടിട്ടില്ല. വിദ്യാർഥികൾ അടക്കമുള്ള പ്രദേശവാസികളുടെ ദുരിതം തുടരുകയാണ്. ബർലിയാർ ജനതയ്ക്കു മേട്ടുപ്പാളയം സെന്റ് ജോസഫ് ഇടവകയുടെ സ്നേഹവും കരുതലും തുടരുമെന്നും ഭാരവാഹികൾ അറിയിച്ചു.
Palakkad
ചിറ്റൂർ: ആശുപത്രി ജംഗ്ഷനിൽ വർധിച്ചു വരുന്ന വാഹനത്തിരക്ക് നിയന്ത്രിക്കാൻ സിഗ്നൽ സംവിധാനം ഏർപ്പെടുത്തണമെന്ന ആവശ്യം ശക്തം. ഗോപാലപുരം, നല്ലേപ്പിള്ളി ഭാഗത്തുനിന്ന് വരുന്ന വാഹനങ്ങൾ ഒന്നിക്കുന്നത് ഈ ജംഗ്ഷനിൽനിന്നാണ്.സിഗ്നൽ ലൈറ്റ് സ്ഥാപിച്ചിട്ടുണ്ടെങ്കിലും കാലങ്ങളായി മഞ്ഞ ലൈറ്റ് മാത്രമാണ് പ്രവർത്തിക്കുന്നത്.
വേഗത കുറയ്ക്കാനാണ് ഈ നിയന്ത്രണമെങ്കിലും വാഹനങ്ങളുടെ വേഗതയ്ക്കു വലിയ കുറവൊന്നുമില്ല. പലസമയത്തും വലിയ ഗതാഗതക്കുരുക്കും ജംഗ്ഷനിൽ അനുഭവപ്പെടാറുണ്ട്. തൊട്ടടുത്തുള്ള താലൂക്ക് ആശുപത്രിയിലേക്ക് ആംബുലൻസുകൾ ഏറെ പണിപ്പെട്ടാണ് വന്നുപോകുന്നത്.
തൊട്ടടുത്തുതന്നെ ബസ് സ്റ്റോപ്പും കൂടി ആയതോടെ ഏതുസമയവും ഗതാഗതക്കുരുക്ക് രൂക്ഷമാകും. നിർത്തലാക്കിയ പൊലിസ്, ഹോംഗാർഡ് സേവനം പുനഃസ്ഥാപിക്കണമെന്ന ആവശ്യം ശക്തമാണ്.
Palakkad
കോയമ്പത്തൂർ: കിണത്തുക്കടവ് ബ്ലോക്കിന് കീഴിലുള്ള ദേവരായപുരം പഞ്ചായത്തിലെ വേലുതംപാളയം ഗ്രാമത്തിലെ കർഷകർക്കു ബോധവത്കരണവുമായി അമൃത കോളജ് ഓഫ് അഗ്രികൾച്ചറൽ സയൻസസിലെ വിദ്യാർഥികൾ.ഗ്രാമീണ കാർഷിക പ്രവൃത്തി പരിചയ പരിപാടിയുടെ ഭാഗമായാണ് വിദ്യാർഥികൾ തെങ്ങിലെ കീട- രോഗ നിയന്ത്രണത്തെക്കുറിച്ച് ബോധവത്കരണം നൽകിയത്. തെങ്ങിലെ ദ്രുതവാട്ടം, കീടങ്ങളെ പ്രതിരോധിക്കേണ്ട രീതികൾ എന്നിവയെക്കുറിച്ച് പ്രത്യേക ക്ലാസെടുത്തു. കോളജ് ഡീൻ ഡോ. സുധീഷ് മണലിലിന്‍റെ നിർദേശാനുസരണം ഹർഷിനി, നന്ദകിഷോർ, സ്വരൂപ്, കൃഷ്ണഞ്ജന, ധരുണിക, മെഹർ, മേഘ മണികണ്ഠൻ, അളകനന്ദ, ശുഭഹാരിണി, ഹരികൃഷ്ണൻ, ലക്ഷ്മി, അമൃത എന്നീ വിദ്യാർഥികളാണ് കർഷക ബോധവത്കരണത്തിനു നേതൃത്വം നൽകിയത്.
Palakkad
വടക്കഞ്ചേരി: കിഴക്കഞ്ചേരി- ഒന്ന് വില്ലേജിനെ പരിസ്ഥിതിലോല മേഖലയിൽ ഉൾപ്പെടുത്താനുള്ള നീക്കത്തിനെതിരേ സംയുക്ത കർഷക സമിതിയുടെ നേതൃത്വത്തിൽ വില്ലേജ് പരിധിയിൽ ഇന്ന് ഹർത്താൽ നടക്കും.
രാവിലെ ആറുമുതൽ വൈകീട്ട് ആറുവരെയാണ് ഹർത്താൽ. അവശ്യ സേവനങ്ങളെ ഹർത്താലിൽനിന്ന് ഒഴിവാക്കിയിട്ടുണ്ട്. സമര പരിപാടികളുടെ ഭാഗമായി കഴിഞ്ഞ ദിവസം വില്ലേജിൽ വാഹന പ്രചാരണജാഥ നടത്തിയിരുന്നു. കഴിഞ്ഞ ജൂലൈ 27ന് പ്രസിദ്ധീകരിച്ച കരട് വിജ്ഞാപനത്തിൽ കിഴക്കഞ്ചേരി- ഒന്ന് ഉൾപ്പെടെ ജില്ലയിൽ 13 വില്ലേജുകളെയാണ് ഇഎസ്എ യിൽ ഉൾപ്പെടുത്തിയിട്ടുള്ളത്.
ഇതിനെതിരെ മറ്റു വില്ലേജുകളിലും പ്രക്ഷോഭ പരിപാടികൾ നടന്നു വരികയാണ്. ഭരണഘടന ഉറപ്പുനൽകുന്ന ജീവിക്കാനുള്ള അവകാശത്തിന് വിഘാതം സൃഷ്ടിക്കും വിധമുള്ള നടപടികളിൽനിന്ന് സർക്കാരുകൾ പിന്തിരിയണമെന്ന് സംയുക്ത കർഷക സമിതി ആവശ്യപ്പെട്ടു.
Palakkad
ചിറ്റൂർ: റവന്യൂ ജില്ലാ സ്കൂൾ ശാസ്ത്രോത്സവത്തിൽ കടുത്ത പോരാട്ടത്തിനൊടുവിൽ മണ്ണാർക്കാട് ഉപജില്ല ഓവറോൾ ചാന്പ്യന്മാരായി. 1479 പോയിന്‍റാണ് മണ്ണാർക്കാട് നേടിയത്. 1377 പോയിന്റുമായി ആലത്തൂർ ഉപജില്ല രണ്ടാംസ്ഥാനത്തും 1355 പോയിന്‍റ് നേടി തൃത്താല ഉപജില്ല മൂന്നാമതുമെത്തി. ഒറ്റപ്പാലം-1300, പട്ടാന്പി-1253 എന്നിങ്ങനെയാണ് നാലും അഞ്ചും സ്ഥാനങ്ങൾ.
സ്കൂൾ വിഭാഗത്തിൽ 335 പോയിന്‍റോടെ ടിആർകെ എച്ച്എസ്എസ് വാണിയംകുളം ചാന്പ്യൻപട്ടം നേടി. 332 പോയിന്‍റോടെ ജിഎച്ച്എസ്എസ് വാടാനംകുറുശി രണ്ടാം സ്ഥാനത്തെത്തി.
315 പോയിന്റുമായി ആലത്തൂർ ബിഎസ്എസ് ഗുരുകുലം സ്കൂൾ മൂന്നാമതും 300 പോയിന്‍റോടെ ജിഎച്ച്എസ്എസ് കടന്പൂർ നാലും 286 പോയിന്റുമായി ജിഎച്ച്എസ്എസ് പൊറ്റശേരി അഞ്ചും സ്ഥാനങ്ങൾ നേടി.
ശാസ്‌ത്രോത്സവത്തിലെ വിവിധ മേളകളിലെ ചാമ്പ്യൻ സ്കൂളുകൾ: സയൻസ് മേള- എച്ച് എസ് മുണ്ടൂർ (71), ഗണിതശാസ്ത്രമേള- കെഎച്ച് എസ് കുമരംപുത്തൂർ (122), സാമൂഹ്യ ശാസ്ത്രമേള- ജിഎച്ച് എസ് എസ് പൊറ്റശേരി (61), ഐടി മേള- ബിഎസ്എസ് ഗുരുകുലം ആലത്തൂർ (44), പ്രവൃത്തിപരിചയമേള- ബിഎസ്എസ് ഗുരുകുലം ആലത്തൂർ- 188.
ചിതൽപുറ്റിൽനിന്ന് പ്രചോദനം: വീട്ടിനുള്ളിൽ തണുപ്പ് നിലനിർത്താം
ചിറ്റൂർ: സ്വയം ശ്വസിച്ച് വീടിനുള്ളിൽ വായു സ്വീകരിച്ച് ചൂട് ക്രമീകരിക്കുന്ന സംവിധാനവുമായി വിദ്യാർഥികൾ. എസിയുടെ ആവശ്യമില്ലാതെതന്നെ വീട്ടിനുള്ളിൽ തണുപ്പ് കാലാവസ്ഥ നിലനിർത്താനാകും എന്നാണ് ഇവരുടെ അവകാശവാദം. മുണ്ടൂർ ഹയർസെക്കൻഡറി സ്കൂളിലെ പ്ലസ് വണ്‍ വിദ്യാർഥികളായ എസ്. അനിരുദ്ധും പി. അജിഷയുമാണ് ഇത്തരമൊരു ആശയം അവതരിപ്പിക്കുന്നത്.
പ്രകൃതിയിലെ ചിതൽപുറ്റിൽ നിന്നും പ്രചോദനമുൾക്കൊണ്ടാണ് അതിന്‍റെ ശാസ്ത്രതത്വം മനുഷ്യർക്കുപകരിക്കുന്ന വിധത്തിൽ ഈ വിദ്യാർഥികൾ അവതരിപ്പിക്കുന്നത്. വീടിന്‍റെ പ്രത്യേക ഡിസൈനിലൂടെ സ്വാഭാവിക വായുസഞ്ചാരം വർധിപ്പിക്കുക എന്നതാണ് ഇതിന്റെ അടിസ്ഥാനതത്വം.
മണ്ണിനടിയിൽ സ്ഥാപിക്കുന്ന പൈപ്പിലൂടെ തണുത്ത വായു വീട്ടിനുള്ളിലേക്ക് പ്രവേശിപ്പിക്കുകയും വീട്ടിനുള്ളിലെ ചൂടുള്ള വായുവിനെ മുകളിലേക്ക് പുറന്തള്ളുന്നതിന്‍റെ ഫലമായി തണുത്ത കാലാവസ്ഥ സൃഷ്ടിക്കുകയും ചെയ്യുന്നതാണ് ഇതിന്റെ രീതി. സിംബാംബ്‌വേയിലെ ഹരാരെയിൽ ഈസ്റ്റ് ഗേറ്റ് സെന്‍റർ എന്ന വൻ ഷോപ്പിംഗ് മാൾ ഇത്തരത്തിൽ എസി ഇല്ലാതെ പ്രവർത്തിക്കുന്നതായി വിദ്യാർഥികൾ ചൂണ്ടിക്കാട്ടുന്നു. വീടുകളിൽ എസിയുടെ ഉപയോഗം കുറക്കുകയും വൈദ്യുതിയിൽ വലിയൊരു ലാഭം ഉണ്ടാക്കാനാകുകയും ചെയ്യും എന്നതാണ് ഈ സാങ്കേതികവിദ്യയുടെ നേട്ടം.
വന്യമൃഗശല്യത്തിന് പരിഹാരമായി സോളാർ വൈദ്യുതവേലി
ചിറ്റൂർ: മലയോരമേഖലകളിലെ തീരാദുരിതമായ വന്യമൃഗശല്യത്തിന് ഫലപ്രദമായ പരിഹാരമൊരുക്കി വിദ്യാർഥികൾ. ഓട്ടോമാറ്റിക് അനിമൽ ഡിറ്റക്ടിംഗ് ഇന്നവേറ്റീവ് സോളാർ ഫെൻസിംഗ് സിസ്റ്റം എന്നാണ് ഈ ആശയത്തിന്‍റെ പേര്. ചളവറ ഹയർസെക്കൻഡറി സ്കൂളിലെ പ്ലസ് വണ്‍ വിദ്യാർഥികളായ വിഷ്ണു നാരായണനും പി.പി. നിഹാദ് ഹാഷിറുമാണ് ജില്ലാ ശാസ്ത്രോത്സവത്തിൽ ഈ ആശയമൊരുക്കിയത്. സോളാറിൽ പ്രവർത്തിക്കുന്ന വൈദ്യുതവേലിതന്നെയാണ് ഇതെങ്കിലും പല പുതുമകളുമുണ്ട്. വനത്തിൽനിന്ന് നാട്ടിലേക്ക് പ്രവേശിക്കുന്ന മൃഗം ഇതിലെ ശക്തമായ വൈദ്യുതിപ്രവാഹത്തിൽ ഷോക്കേറ്റ് വിരണ്ട് സ്ഥലം വിടും. പൾസ് രീതിയിൽ കരണ്ട് പ്രവഹിക്കുന്നതുമൂലം മൃഗങ്ങൾക്ക് ജീവന് ഭീഷണി ഉണ്ടാകില്ല. അതോടൊപ്പം വലിയ മുന്നറിയിപ്പ് ശബ്ദവും പുറപ്പെടുവിക്കും. എന്നാൽ ഈ ശബ്ദം 20,000 ഹെട്സിൽ കൂടുതലായതിനാൽ മനുഷ്യർക്ക് കേൾക്കാനാവില്ല.
മൃഗങ്ങൾക്ക് അസ്വസ്ഥത സൃഷ്ടിക്കുന്ന ഈ ശബ്ദം പിന്നീട് അവയുടെ നാട്ടിലേക്കുള്ള വരവിനെ തടയാൻ ഉപകരിക്കും. നാട്ടിൽ നിന്നും വനത്തിലേക്ക് പ്രവേശിക്കുന്ന നാട്ടുമൃഗങ്ങൾക്ക് ഈ വേലിയിൽ തട്ടിയാൽ വൈദ്യുതാഘാതം ഏൽക്കില്ല എന്നതാണ് ഇതിന്റെ മറ്റൊരു സവിശേഷത. ഇതിൽ സ്ഥാപിച്ചിരിക്കുന്ന കാമറയിൽ മൃഗങ്ങളുടെ ചിത്രങ്ങളും പതിയും.
കാർബണ്‍ ബഹിർഗമനത്തെ ഫലപ്രദമായി ഉപയോഗിക്കാം
ചിറ്റൂർ: ഭൂമിയിലെ കാർബണ്‍ ബഹിർഗമനം മൂലം അന്തരീക്ഷത്തിലെ കാർബണ്‍ വർധിച്ച് കാലാവസ്ഥാ വ്യതിയാനങ്ങൾ സംഭവിച്ച് പ്രകൃതിക്ഷോഭങ്ങൾ സാധാരണമാകുന്ന പശ്ചാത്തലത്തിൽ കാർബണ്‍ വേർതിരിച്ചെടുത്ത് ഫലപ്രദമായി ഉപയോഗിക്കാനുള്ള മാർഗം നിർദേശിച്ച് വിദ്യാർഥിനികൾ.പട്ടാന്പി സെന്റ് പോൾസ് ഇഎംഎച്ച്എസിലെ വിദ്യാർഥികളായ എം. തപാനിദത്തും പി. അവന്തികയുമാണ് ശാസ്ത്രോത്സവത്തിൽ ഇത്തരമൊരു ആശയമവതരിപ്പിച്ചത്. നേപ്പാളിലും മറ്റും അടുത്തകാലത്തുണ്ടായ മലയിടിച്ചിലും മലവെള്ളപ്പാച്ചിലും നിരവധി ജീവനുകൾ നഷ്ടപ്പെട്ടിരുന്നു.
കാർബണ്‍ അന്തരീക്ഷത്തിൽ വർധിച്ചതുമൂലം മലകൾക്കുണ്ടായ ബലക്ഷയമാണ് അപകടങ്ങൾക്കിടയാക്കിയതെന്ന വിലയിരുത്തലുകൾ വന്നിരുന്നു. ആൽഗ അധിഷ്ഠിത കാർബണ്‍ കാപ്ചറും ഉപയോഗവുമാണ് ഇവർ വിശദീകരിക്കുന്നത്.ഇൻപുട്ട് സെൻസറുകൾ വഴി അന്തരീക്ഷത്തിലെ കാർബണ്‍ഡൈ ഓക്സൈഡ് വേർതിരിച്ച് ഓക്സിജൻ പുറത്തുവിടും. ഈ കാർബണ്‍ പിന്നീട് വിവിധ ഘട്ടങ്ങളിലൂടെ ബയോ പ്രോഡക്ടുകളാക്കി മാറ്റുന്നു. കെമിക്കൽ, മെഡിക്കൽ, ഫെർട്ടിലൈസേഴ്സ് മേഖലകളിൽ ഇവയെ ഉപയോഗിക്കാനാകുമെന്നും വിദ്യാർഥിനികൾ പറയുന്നു. ഭോപ്പാലിൽ സ്വാമി വിവേകാനന്ദ പാർക്കിൽ ഈ മാതൃക വിജയകരമായി ഉപയോഗപ്പെടുത്തിയിട്ടുണ്ട്.
നേർവഴിക്ക് നയിക്കുംഈ അദ്ഭുത സ്കൂട്ടർ
ചിറ്റൂർ: ഇരുചക്രവാഹനം ഓടിക്കുന്നയാൾ സുരക്ഷയിൽ അശ്രദ്ധ പുലർത്തിയാൽ ആ ജോലി ഹെൽമറ്റും വാഹനവും ഏറ്റെടുക്കുന്ന പുതിയ ആശയവുമായി വിദ്യാർഥികൾ. ഒറ്റപ്പാലം ചുനങ്ങാട് എവിഎം എച്ച്എസ്എസിലെ പ്ലസ് വണ്‍ വിദ്യാർഥികളായ പി. അദ്രാഷും ടി. മുഹമ്മദ് റമീസുമാണ് ഹയർ സെക്കൻഡറി വിഭാഗം വർക്കിംഗ് മോഡലിൽ ഇത്തരമൊരു കണ്ടുപിടിത്തം അവതരിപ്പിച്ചത്.
അഡ്വാൻസ്ഡ് ഇലക്ട്രിക് സ്കൂട്ടർ വിത്ത് സേഫ്റ്റി ഫീച്ചേഴ്സ് എന്നാണ് ഈ ആശയത്തെ വിദ്യാർഥികൾ വിശേഷിപ്പിക്കുന്നത്. പ്രത്യേക സെൻസറുകൾ ഘടിപ്പിച്ച ഹെൽമറ്റും 72 വോൾട്ട് ബാറ്ററി ഉപയോഗിച്ചു പ്രവർത്തിക്കുന്ന ഇലക്ട്രിക് സ്കൂട്ടറുമാണ് വിദ്യാർഥികൾ ശാസ്ത്രമേളയിൽ അവതരിപ്പിച്ചത്.
ഹെൽമറ്റ് ധരിച്ചാൽ മാത്രമേ ബൈക്ക് സ്റ്റാർട്ടാകൂ എന്നതാണ് ഒരു പ്രത്യേകത. യാത്രക്കാരൻ മദ്യപിച്ചാണ് യാത്ര ചെയ്യുന്നതെങ്കിൽ ഹെൽമറ്റ് അത് തിരിച്ചറിയുകയും സേഫ് സിഗ്നൽ നൽകാതിരിക്കുകയും ചെയ്യും. അപ്പോഴും ബൈക്ക് സ്റ്റാർട്ടാകില്ല. ഫലത്തിൽ യാത്രക്കാരനെ നേർവഴിക്ക് നയിക്കുന്ന ബൈക്കായി അക്ഷരാർഥത്തിൽ ഈ അത്ഭുത സ്കൂട്ടർ മാറുന്നു.
ജൈവമാലിന്യത്തിൽനിന്ന് കുറഞ്ഞ ചെലവിൽ ഹൈഡ്രജൻ
ചിറ്റൂർ: ഭാവി ഇന്ധനമായി വിലയിരുത്തപ്പെടുന്ന ഹൈഡ്രജൻ കുറഞ്ഞ ചെലവിൽ ഉത്പാദിപ്പിക്കാനാകുമെന്ന് നിർദേശിച്ച് ഒന്പതാം ക്ലാസ് വിദ്യാർഥിനികൾ. കടന്പഴിപ്പുറം ഹൈസ്കൂളിലെ അനാമിക സുരേഷും വി. അമൂല്യയുമാണ് ഹൈസ്കൂൾ വിഭാഗം സ്റ്റിൽ മോഡലിൽ ബയോ വേസ്റ്റിൽനിന്ന് ഹൈഡ്രജൻ ഉത്പാദിപ്പിക്കാനുള്ള സാങ്കേതികവിദ്യയുമായി ശാസ്തോത്സവത്തിനെത്തിയത്. ഉപയോഗത്തിനു ശേഷം മനുഷ്യർ തള്ളിക്കളയുന്ന ബയോ വേസ്റ്റിൽനിന്ന് വിവിധ പ്രക്രിയകളിലൂടെ ഹൈഡ്രജൻ വേർതിരിക്കുന്നതാണ് രീതി.
പെട്രോളിയം ഇന്ധനങ്ങളുടെ ഉപയോഗം പരമാവധി കുറക്കാൻ കഴിയും എന്നതാണ് ഇതിന്റെ നേട്ടം. റോക്കറ്റ് ലോഞ്ചിംഗ്, ഗതാഗതമേഖലകളിൽ ഹൈഡ്രജൻ ഇന്ധനത്തിന് വലിയ സംഭാവനകൾ നൽകാൻ കഴിയും. ഹരിയാനയിൽ ഹൈഡ്രജൻ ഇന്ധനമാക്കി മെട്രോ ട്രെയിൻ പ്രവർത്തിക്കുന്നതായി വിദ്യാർഥിനികൾ പറഞ്ഞു. വിദേശരാജ്യങ്ങൾ വലിയതോതിൽ ഹൈഡ്രജൻ ഇന്ധനത്തിലേക്ക് മാറിയതായും നമ്മുടെ രാജ്യത്തിനും ഇത്തരത്തിൽ വലിയ മാറ്റങ്ങൾ സൃഷ്ടിക്കാനാകുമെന്നും ഇവർ പറയുന്നു.
Palakkad
വടക്കഞ്ചേരി: നൂറിലധികം തവണ കുത്തിപ്പൊളിച്ച് റിപ്പയർ ചെയ്തിട്ടും അപാകതകൾ പരിഹരിക്കാൻ കഴിയാത്ത ദേശീയപാതയിലെ വടക്കഞ്ചേരി മേൽപാലം ഉൾപ്പെടെയുള്ള മേൽപാലങ്ങളുടെ സുരക്ഷാ സ്ഥിതി പരിശോധിക്കാൻ ചെന്നൈയിൽ നിന്നുള്ള ഉന്നതതല ഐഐടി സംഘം 13ന് വടക്കഞ്ചേരിയിലെത്തും.
മേൽപാലങ്ങളുടെ നിർമാണത്തിൽ വലിയ അപാകതകൾ സംഭവിച്ചിട്ടുണ്ടെന്ന കണ്ടെത്തലിലാണ് വിദഗ്ധ സംഘത്തെ പരിശോധിക്കാൻ വിളിച്ചിട്ടുള്ളത്. സംഘത്തിന്‍റെ പരിശോധനകൾക്കായി 10 ലക്ഷം രൂപ കെട്ടിവച്ചിട്ടുണ്ടെന്ന് പാതസംരക്ഷണം- പന്നിയങ്കര ടോൾബൂത്ത് നടത്തിപ്പുകാരുമായ സുക്കൂറ കമ്പനിക്കു കീഴിലുള്ള തൃശൂർ എക്സ്പ്രസ് വേ ലിമിറ്റഡിന്‍റെ പ്രോജക്ട് മാനേജർ ജി. സതീഷ്, സൈറ്റ് മാനേജർ മുകുന്ദൻ എന്നിവർ പറഞ്ഞു.
വടക്കഞ്ചേരി മേൽപാലത്തിന്‍റെ നിർമാണഘട്ടത്തിൽ തങ്കം ജംഗ്ഷനടുത്ത് പാലത്തിന്‍റെ വലിയൊരു പില്ലർ തകർന്നുവീഴുന്ന സ്ഥിതിയുണ്ടായിട്ടുണ്ട്. ഇതിനടുത്താണ് ഇപ്പോൾ പാലക്കാട് ലൈനിൽ വലിയ തോതിലുള്ള തകർച്ചയുണ്ടായിട്ടുള്ളത്.കഴിഞ്ഞമാസം 22നാണ് ഇതുകണ്ടെത്തി വാഹനഗതാഗതം പൂർണമായും നിരോധിച്ചത്. ഇപ്പോഴും സ്ഥലത്ത് റിപ്പയർവർക്കുകൾ നടന്നുവരികയാണ്. രണ്ടാഴ്ചയിലേറെയായി തൃശൂർലൈൻ കടന്നാണ് പാലക്കാട് ഭാഗത്തേക്കുള്ള വാഹനങ്ങൾ പോകുന്നത്.
നാലുവർഷം മുമ്പാണ് വടക്കഞ്ചേരി മേൽപാലം നിർമിച്ച് വാഹനഗതാഗതത്തിന് തുറന്നുകൊടുത്തത്.അന്നുമുതൽതന്നെ പാലത്തിൽ അപാകതകളും കാണാൻ തുടങ്ങിയിരുന്നു. പാലത്തിൽ കോൺക്രീറ്റ് സ്ലാബുകൾ കൂട്ടിമുട്ടുന്ന ഭാഗങ്ങളിലാണ് തുടർച്ചയായി തകർച്ചയുണ്ടാകുന്നത്.
കുതിരാൻ തുരങ്കത്തിനുമുമ്പേ പീച്ചി റിസർവോയറിനു മുകളിലൂടെയുള്ള മേൽപാലത്തിന്‍റെ സ്ഥിതിയും സമാനമാണ്. നൂറോളംതവണ കുതിരാൻ മേൽപാലത്തിലും കുത്തിപ്പൊളിക്കൽ നടന്നിട്ടുണ്ട്.
അത്തരം പ്രവൃത്തികൾ ഇപ്പോഴും തുടരുകയാണ്. മണ്ണുത്തി മേൽപാലത്തിലും പ്രശ്നങ്ങളുണ്ടെന്ന് പ്രോജക്ട് മാനേജർ പറഞ്ഞു. മേൽപാലങ്ങളുടെ നിർമാണം നടത്തിയ പഴയ കരാർ കമ്പനിയാണ് ഈ അപാകതകൾക്കെല്ലാം ഉത്തരവാദിയെന്നാണ് ഇപ്പോഴത്തെ കരാർ കമ്പനി പറയുന്നത്.
വിദഗ്ധ സംഘത്തിന്‍റെ വിശദമായ പരിശോധനകൾക്കുശേഷം സുരക്ഷ കൂട്ടാൻ വേണ്ടതായ ക്രമീകരണങ്ങൾ നടത്തുമെന്ന് പ്രോജക്ട് മാനേജർ സതീഷ് പറഞ്ഞു. മേൽപാലങ്ങളുടെ അപാകതകൾ സംബന്ധിച്ച് ഉന്നതതലത്തിലുള്ള സാങ്കേതിക പരിശോധനയും അന്വേഷണവും വേണമെന്നാവശ്യപ്പെട്ട് രണ്ടാഴ്ച മുമ്പ് കെ. രാധാകൃഷ്ണൻ എംപി കേന്ദ്ര ഉപരിതല ഗതാഗത മന്ത്രിക്കും ദേശീയപാത അഥോറിറ്റി ചെയർമാനും കത്തയച്ചിരുന്നു.
Palakkad
വടക്കഞ്ചേരി: വടക്കഞ്ചേരി മേൽപാലത്തിൽ ഉൾപ്പെടെ വടക്കഞ്ചേരി- മണ്ണുത്തി ആറുവരി ദേശീയപാതയിൽ മാസങ്ങളേറെയായി വാഹനഗതാഗതം ഭാഗികമായതിനാൽ പന്നിയങ്കരയിലെ ടോൾ പിരിവ് നിർത്തിവയ്ക്കണമെന്നാവശ്യപ്പെട്ട് കോൺഗ്രസ് പ്രവർത്തകർ ടോൾ ബൂത്തുകളുടെ പ്രവർത്തനം തടഞ്ഞു.
ഇരുദിശകളിലേക്കുമുള്ള മുഴുവൻ പാതകളും പൂർണമായും ഗതാഗത യോഗ്യമാക്കിയതിനുശേഷംമാത്രം ടോൾ പിരിവ് അനുവദിക്കു എന്നമുദ്രാവാക്യവുമായിട്ടായിരുന്നു ഇന്നലെ രാവിലെ കോൺഗ്രസ് ബ്ലോക്ക് കമ്മിറ്റിയുടെ നേതൃത്വത്തിൽ പ്രവർത്തകർ ടോൾ ബൂത്തുകൾ ഉപരോധിച്ചത്.
ട്രാക്കുകളിലെ സ്റ്റോപ്പ് ബാറുകൾ ബലമായി നീക്കിയായിരുന്നു പ്രവർത്തകരുടെ പ്രതിഷേധം. വടക്കഞ്ചേരി സിഐ ടി.എൻ. ഉണ്ണികൃഷ്ണൻ, എസ്ഐ വിവേക് നാരായണൻ എന്നിവരുടെ നേതൃത്വത്തിലുള്ള പൊലിസ് ഇടപ്പെട്ട് അനിഷ്ട സംഭവങ്ങൾ ഒഴിവാക്കി.
തുടർന്ന് കരാർ കമ്പനിയുടെ പ്രോജക്ട് മാനേജർ ജി. സതീഷ്, സൈറ്റ് മാനേജർ മുകുന്ദൻ എന്നിവരുമായി നേതാക്കൾ നടത്തിയ ചർച്ചയിൽ ഒരു മാസത്തിനുള്ളിൽ പാതയിലെ മുഴുവൻ വർക്കുകളും പൂർത്തിയാക്കുമെന്ന് ഉറപ്പു നൽകി.ഇതേ തുടർന്നാണ് സമരക്കാർ പിന്മാറിയത്. സമരത്തെ തുടർന്ന് വടക്കഞ്ചേരി റോയൽ ജംഗ്ഷനിലെ ചെറിയ അണ്ടർപാസ് തുറന്നു കൊടുക്കാനും നടപടിയായി. കെപിസിസി മെംബർ പാളയം പ്രദീപ് സമരപരിപാടികൾ ഉദ്ഘാടനം ചെയ്തു.
കോൺഗ്രസ് ബ്ലോക്ക് പ്രസിഡന്റ് അഡ്വ.എം. ദിലീപ് അധ്യക്ഷത വഹിച്ചു.പുതുക്കോട് ഗ്രാമപഞ്ചായത്ത് പ്രസിഡന്റ് കെ. ഉദയൻ മറ്റു നേതാക്കളായ കെ.എം. ശശീന്ദ്രൻ, സി. ചന്ദ്രൻ, എൻ. രവി, സുദേവൻ കൊട്ടേക്കാട്, കാരയങ്കാട് ശിവരാമകൃഷ്ണൻ, വിജയമോഹൻ, എം.എൻ. സോമൻ, വി.എ. മൊയ്തു, സാദിക് ജയരാജ്, ഐ. ഷാഹിദ, അജിത, ബിനീഷ് തുടങ്ങിയവർ പ്രസംഗിച്ചു.
Palakkad
കോയമ്പത്തൂർ: റൂറൽ അഗ്രികൾച്ചറൽ വർക്ക് എക്സ്പീരിയൻസ് പ്രോഗ്രാമിന്‍റെ ഭാഗമായി അരസമ്പാളയം അമൃത കോളജ് ഓഫ് അഗ്രികൾച്ചറൽ സയൻസസിലെ വിദ്യാർഥികൾ കോയമ്പത്തൂരിലെ കർഷകർക്കായി ബോധവത്കരണ കാമ്പയിൻ സംഘടിപ്പിച്ചു.
വിത്തുകൾ, ഉപകരണങ്ങൾ, സൂക്ഷ്മ ജലസേചന സംവിധാനങ്ങൾ എന്നിവയ്ക്കുള്ള സാമ്പത്തിക സഹായവും നിർണായക സബ്‌സിഡികളും വാഗ്ദാനം ചെയ്യുന്ന വിവിധ സർക്കാർ കാർഷിക പദ്ധതികളെക്കുറിച്ച് വിദ്യാർഥികൾ സെഷനിൽ വിശദീകരിച്ചു.
കോളജിലെ അഗ്രികൾച്ചറൽ സയൻസസ് ഡീൻ ഡോ. സുധീഷ് മണലിലിന്‍റെ മാർഗനിർദേശത്തിൽ വിദ്യാർഥികളായ ആദർശ്, അനുഗ്രഹ, മേഘ്ന, നന്ദന, പവന, പ്രാർഥന, പ്രിയങ്ക, ശക്തിചരൺ, വൈഷ്ണ, വർഷ, വിഘ്നേഷ് പങ്കെടുത്തു.
Palakkad
കോയമ്പത്തൂർ: ദിനമലർ ദിനപത്രം, ശ്രീഈശ്വർ കോളജ് ഓഫ് എൻജിനിയറിംഗ്, ദയ ചാരിറ്റബിൾ ട്രസ്റ്റ് എന്നിവയുടെ സംയുക്ത ആഭിമുഖ്യത്തിൽ നടത്തിയ വിനാടി വിന ക്വിസ് മത്സരം കുനിയമുത്തൂർ നിർമലമാതാ കോൺവെന്‍റ് മെട്രിക് ഹയർ സെക്കൻഡറി സ്കൂളിൽ നടത്തി.
മത്സരത്തിൽ മികച്ച വിജയം കൈവരിച്ച സ്കൂളിലെ വിദ്യാർഥികൾക്ക് സർട്ടിഫിക്കറ്റുകളും മെഡലുകളും നൽകി അനുമോദിച്ചു. ചടങ്ങിൽ സ്കൂൾ ഹെഡ്മിസ്ട്രസ് സിസ്റ്റർ ജയ എസ്എബിഎസ്, കോ-ഓർഡിനേറ്റർ ലീന നമ്പിക്കൈ മേരി, അസിസ്റ്റന്‍റ് കോ-ഓർഡിനേറ്റർ ജാൻസി ബി ലോമി എന്നിവർ സന്നിഹിതരായിരുന്നു.
Palakkad
വടക്കഞ്ചേരി: പുതുക്കോട്- അഞ്ചുമുറി റൂട്ടിൽ സർവീസ് നടത്തുന്ന മുഴുവൻ ബസുകളും അഞ്ചുമുറി വരെ സർവീസ് നടത്തണമെന്നാവശ്യപ്പെട്ട് യുണൈറ്റഡ് മർച്ചന്‍റ്സ് ചേംബറിന്‍റെ നേതൃത്വത്തിൽ വ്യാപാരികളും യാത്രക്കാരും ജനകീയ കൂട്ടായ്മയും ബസ് ജീവനക്കാർക്ക് കത്തുനൽകി.
തുടർന്നും പെർമിറ്റ് ലംഘനം ആവർത്തിച്ചാൽ കളക്ടർ, ആലത്തൂർ ജോയിന്റ് ആർടിഒ, പൊലിസ് എന്നിവർക്ക് പരാതി നൽകുമെന്ന് മർച്ചന്‍റ്സ് ചേംബർ പുതുക്കോട് യൂണിറ്റ് പ്രസിഡന്റ് ഗ്രീൻചാനൽ സുദേവൻ പറഞ്ഞു.
വൈകുന്നേരം അഞ്ചുകഴിഞ്ഞാൽ ബസുകൾ അഞ്ചുമുറിയിൽ വരാതെ തച്ചനടിയിലെത്തി തിരിച്ചുപോവുകയാണ്. ചില ബസുകൾ ട്രിപ്പ് അവസാനിപ്പിക്കുന്ന സ്ഥിതിയുമുണ്ട്. ഇതിനെതിരേയാണ് വ്യാപാരികളും യാത്രക്കാരും രംഗത്തുവന്നിട്ടുള്ളത്.
Palakkad
ചിറ്റൂർ: നവീകരണം പൂർത്തിയായതിനെ തുടർന്ന് ചിറ്റൂർ കോളജിനു സമീപത്തെ പുഴപ്പാലം ഗതാഗതത്തിനു തുറന്നുകൊടുക്കും. നവീകരണപ്രവൃത്തികൾ ലക്ഷ്യമിട്ടതിലും ഒരാഴ്ച മുൻപേയാണ് പൂർത്തിയാക്കിയത്. ഉദ്യോഗസ്ഥരുടെയും നാട്ടുകാരുടെയും സഹകരണമാണ് സമയബന്ധിതമായി പണി പൂർത്തിയാക്കാൻ സഹായിച്ചതെന്ന് സുമേഷ് അച്യുതൻ എംഎൽഎ പറഞ്ഞു.
60 ദിവസത്തിനകം പണി പൂർത്തിയാക്കുകയെന്ന ലക്ഷ്യത്തോടെ സെപ്റ്റംബർ 13നാണ് പാലം അടച്ചത്. പണി പൂർത്തിയായതിനെ തുടർന്ന് കേരള വ്യാപാരി വ്യവസായി ഏകോപന സമിതിയുടെ നേതൃത്വത്തിൽ വ്യാപാരികൾ മധുരവിതരണം നടത്തി.
പാലം അടച്ചതുമൂലമുണ്ടായ വ്യാപാരമേഖലയിലെ മാന്ദ്യം മറികടക്കാനാകുമെന്നാണ് പ്രതീക്ഷയെന്നു വ്യാപാരികൾ പറഞ്ഞു. സമയബന്ധിതമായി പ്രവൃത്തികൾ പൂർത്തിയാക്കിയ ഉദ്യോഗസ്ഥരടക്കമുള്ള എല്ലാവർക്കും വ്യാപാരികൾ നന്ദി പറഞ്ഞു.
Palakkad
കല്ലടിക്കോട്: മുതുകുറിശി പിച്ചളമുണ്ട റേഷൻകടയുടെ എതിർവശത്തുള്ള കനാൽ പാലംവഴി പുളിഞ്ചോട് പോകുന്ന വണ്ടിവഴി റോഡ് കാടുമുടി. ഇതുവഴിയുള്ള റോഡിൽ ചെളി മൂടിയതോടെ വാഹനങ്ങൾക്കും പോകാൻ പറ്റാത്ത അവസ്ഥയിലായി. പാമ്പുശല്യവും വന്യജീവി ശല്യവും നേരിടുന്ന ഈ പ്രദേശത്ത് നിരവധി വീടുകളാണുള്ളത്. ഇവരുടെ പ്രധാന ഗതാഗതമാർഗമാണ് വണ്ടിവഴി റോഡ്.
വഴിവിളക്കു പോലുമില്ലാത്ത ഈ റോഡ് ആരും ശ്രദ്ധിക്കുന്നില്ലെന്നാണ് പ്രദേശവാസികളുടെ പരാതി.
കാടുകൾ വെട്ടി റോഡിൽ ചെളിനിറഞ്ഞ ഭാഗത്ത് താത്കാലികമായി ക്വാറിവേസ്റ്റിട്ടെങ്കിലും ഗതാഗത യോഗ്യമാക്കണമെന്നാണ് ആവശ്യം. കാൽനടയ്ക്കു മാത്രമായാണ് പലരുമിപ്പോൾ റോഡ് ഉപയോഗിക്കുന്നത്. എത്രയും പെട്ടെന്ന് കാടുകൾ വെട്ടിത്തെളിച്ച് ആംബുലൻസെങ്കിലും കടന്നു വരാവുന്ന തരത്തിലാക്കണമെന്നാണ് പ്രദേശവാസികളുടെ ആവശ്യം.
Palakkad
ചിറ്റൂർ: നല്ല നാളേക്കായി സുസ്ഥിരവികസനനഗരമൊരുക്കി കൊച്ചുമിടുക്കൻമാർ. പ്രകൃതിവിഭവങ്ങളുടെ അമിതചൂഷണം ഒഴിവാക്കി ജനങ്ങളുടെ ആവശ്യങ്ങൾ നടത്തിയെടുക്കാനാകുമെന്ന ആശയമാണ് ഇവർ സമൂഹത്തിനു മുന്നിൽ അവതരിപ്പിക്കുന്നത്.
മണ്ണാർക്കാട് നെല്ലിപ്പുഴ ഡിഎച്ച്എസ്എസിലെ ഒന്പതാം ക്ലാസ് വിദ്യാർഥികളായ മുഹമ്മദ് യാസിനും അമൻ ശങ്കറുമാണ് ജില്ലാ ശാസ്ത്രമേളയിലെ സാമൂഹ്യശാസ്ത്രമേളയിൽ ഈ ആശയമൊരുക്കി ശ്രദ്ധ നേടിയത്.
നഗരങ്ങളിൽ കൃഷി ചെയ്യുന്നത് പ്രായോഗികമല്ല. എന്നാൽ പ്രകൃതിയോടിണങ്ങുന്ന രീതിയിൽ നഗരങ്ങൾ ആസൂത്രണം ചെയ്യാൻ കഴിയുമെന്ന് ഇവർ ചൂണ്ടിക്കാട്ടുന്നു. ഇവർ അവതരിപ്പിക്കുന്ന നഗരമാതൃകയിൽ ജനങ്ങൾക്ക് ആവശ്യമായതെല്ലാം ഒരുക്കിയിട്ടുണ്ട്.
കമ്യൂണിറ്റി ഫ്ളവർ ഗാർഡൻ, റൂഫ് ടോപ്പ് ഫാമിംഗ്, മിയാവാക്കി വനം, കണ്ടൽക്കാട്, മെട്രോ ട്രെയിൻ, എയർപോർട്ട്, സ്കൂൾ, ലൈബ്രറി, ഫ്ളോട്ടിംഗ് സോളാർ പാനൽ, കാറ്റിൽ നിന്നുമുള്ള വൈദ്യുതി നിർമാണം, റെയിൻ വാട്ടർ ഹാർവസ്റ്റിംഗ്, മാലിന്യനിർമാർജനം, ആശുപത്രി, ഇ കൊമേഴ്സ് തുടങ്ങി എല്ലാ സംവിധാനങ്ങളും ഈ നഗരത്തിലൊരുക്കിയിട്ടുണ്ട്.
വിവിധ മാർഗങ്ങളിലൂടെ ഉത്പാദിപ്പിക്കുന്ന വൈദ്യുതി സ്റ്റോർ ചെയ്ത് ആവശ്യത്തിനു ശേഷമുള്ളത് വിൽപന നടത്തി വരുമാനമുണ്ടാക്കാനും കഴിയുന്നു. ഇതു കൂടാതെ അന്തരീക്ഷ മലിനീകരണത്തിന്‍റെ അളവ് കണ്ടെത്തി മുന്നറിയിപ്പ് നൽകുന്ന സംവിധാനവുമുണ്ട്. മേഘവിസ്ഫോടനം സംഭവിക്കുന്പോൾ മുന്നറിയിപ്പ് നൽകുന്ന അലാം സിസ്റ്റവും ഈ നഗരത്തിലുണ്ട്.
വരുംതലമുറയ്ക്ക് പ്രകൃതിയെ ചൂഷണം ചെയ്യാതെ അവരുടെ ആവശ്യങ്ങളിൽ ഒരു വിട്ടുവീഴ്ചയും ഇല്ലാതെതന്നെ നടത്തിയെടുക്കാൻ കഴിയുന്ന സ്മാർട്ട് നഗരമാണ് മുഹമ്മദ് യാസിനും അമൻ ശങ്കറും സ്വപ്നം കാണുന്നത്.
Palakkad
ചിറ്റൂർ: റവന്യൂ ജില്ലാ സ്കൂൾ ശാസ്ത്രോത്സവത്തിൽ കിരീടത്തിനായി കടുത്ത പോരാട്ടം. ഓവറോൾ വിഭാഗത്തിൽ മണ്ണാർക്കാട് ഉപജില്ല 1278 പോയിന്‍റോടെ ഒന്നാം സ്ഥാനത്താണ്. 1205 പോയിന്റുമായി ആലത്തൂർ ഉപജില്ല രണ്ടാംസ്ഥാനത്തും 1186 പോയിന്‍റ് നേടി തൃത്താല ഉപജില്ല മൂന്നാമതുമാണ്. ഒറ്റപ്പാലം, പട്ടാന്പി ഉപജില്ലകളാണ് അടുത്ത സ്ഥാനങ്ങളിലുള്ളത്. സ്കൂൾ വിഭാഗത്തിൽ 325 പോയിന്‍റോടെ ടിആർകെ എച്ച്എസ്എസ് വാണിയംകുളം ഒന്നാം സ്ഥാനത്താണ്. 310 പോയിന്‍റോടെ ആലത്തൂർ ബിഎസ്എസ് ഗുരുകുലം സ്കൂൾ തൊട്ടുപിന്നിലുണ്ട്. 306 പോയിന്റുമായി ജിഎച്ച്എസ്എസ് വാടാനംകുറുശി മൂന്നാമതും 271 പോയിന്‍റോടെ ജിഎച്ച്എസ്എസ് പൊറ്റശേരി നാലാമതുമാണ്. ശാസ്ത്രോത്സവം ഇന്നു സമാപിക്കും.
ഇന്നുവൈകുന്നേരം നാലിന് ആരംഭിക്കുന്ന സമാപനസമ്മേളനം കെ. രാധാകൃഷ്ണൻ എംപി ഉദ്ഘാടനം ചെയ്യും.
ചിറ്റൂർ ബ്ലോക്ക് പഞ്ചായത്ത് പ്രസിഡന്റ് ഷീബ രാധാകൃഷ്ണൻ അധ്യക്ഷത വഹിക്കും. ചടങ്ങിൽഡിഇഒ റോഷൻ ഷാ സ്വാഗതം പറയും. ജില്ലാ പഞ്ചായത്ത് പ്രസിഡന്റ് എസ്.ബി. രാജു മുഖ്യപ്രഭാഷണം നടത്തും. പ്രോഗ്രം ജനറൽ കൺവീനർ ഡിഡിഇ ടി.എം. സലീന ബീവി സമ്മാനദാനം നിർവഹിക്കും. ചിറ്റൂർ- തത്തമംഗലം നഗരസഭാ വൈസ് ചെയർപേഴ്സൺ ബി. കൃഷ്‌ണലീല, നഗരസഭ സ്ഥിരം സമിതി അധ്യക്ഷരായ എം. മുഹമ്മദ് ആഷിക്, കെ.എ. ഷീബ, ഒറ്റപ്പാലം ഡിഇഒ എസ്. സുജീഷ്, എഇഒമാരായ കെ. വിക്ടർ ഡേവിഡ്- കുഴൽമന്ദം, എം.പി. ബാലഗോപാലൻ- ആലത്തൂർ, ചിറ്റൂർ ജിഎച്ച്എസ്എസ് പ്രിൻസിപ്പൽ എസ്. ബിന്ദു, വിജയമാതാ സ്കൂൾ പ്രിൻസിപ്പൽ സിസ്റ്റർ ആൻ മാളിയേക്കൽ, വിക്ടോറിയ ഗേൾസ് സ്കൂൾ പ്രധാന അധ്യാപിക കെ.ജി. ബിനിത, പ്രോഗാം കമ്മിറ്റി കൺവീനർ എം. ശ്രീജിത്ത് എന്നിവർ പങ്കെടുക്കും.
Palakkad
ചിറ്റൂർ: പാലക്കാട് റവന്യൂ ജില്ലാ കേരളാ സ്കൂൾ ശാസ്ത്രോത്സവം ചിറ്റൂർ ഗവ. വിക്ടോറിയ ഗേൾസ് ഹയർ സെക്കൻഡറിയിൽ ജില്ലാ പഞ്ചായത്ത് പ്രസിഡന്റ് എസ്.ബി. രാജു ഉദ്ഘാടനം ചെയ്തു. ചിറ്റൂർ- തത്തമംഗലം നഗരസഭാ ചെയർപേഴ്സൻ ആർ. ബാബു അധ്യക്ഷത വഹിച്ചു.
ഡിഡിഇ ടി.എം. സലീന ബീവി സ്വാഗതം പറഞ്ഞു. നഗരസഭാ സ്ഥിരംസമിതി അധ്യക്ഷരായ എം. ശശികുമാർ, എം.ജി. ജയന്തി, പി. ഗോപകുമാർ, നഗരസഭാ കൗൺസിലർമാരായ ജെയിൻ ഹിലാരിയോസ്, സാദിഖ് അലി, എസ്. വസന്തകുമാരി, ഡിഐഇടി പ്രിൻസിപ്പൽ ഡോ.പി. ശശിധരൻ, കെഐടിഇ കോ-ഓർഡിനേറ്റർ വൈ. സിന്ധു, എഇഒമാരായ എസ്. രാഖി ചിറ്റൂർ, രമേശ് പാറപ്പുറം, സ്കൂൾ പ്രിൻസിപ്പൽ ടി. ഗിരി, സ്വീകരണ കമ്മിറ്റി ചെയർമാൻ എം.കെ. സെയ്ത് ഇബ്രാഹിം എന്നിവർ പ്രസംഗിച്ചു. വിക്ടോറിയ ഗേൾസ്, ഹയർ സെക്കൻഡറി ബോയ്സ്, വിജയമാതാ കോൺവെന്‍റ് ഹയർ സെക്കൻഡറി സ്കൂൾ എന്നിവിടങ്ങളിലായാണ് ശാസ്ത്രോത്സവ മത്സരങ്ങൾ അരങ്ങേറുന്നത്.
Palakkad
കൂറ്റനാട്: കേരള സംസ്ഥാന വ്യാപാരി വ്യവസായി സമിതിയുടെ 12-ാം ജില്ലാ സമ്മേളനം കൂറ്റനാട്ടിൽ തുടങ്ങി. സമ്മേളനം ഇന്നു സമാപിക്കും.
സമ്മേളനത്തിന്‍റെ ഭാഗമായുള്ള പൊതുസമ്മേളനം കൂറ്റനാട് സെന്‍ററിൽ സംസ്ഥാന ജോയിന്റ് സെക്രട്ടറി കെ.എം. ലെനിൻ ഉദ്ഘാടനം ചെയ്തു.
ജില്ലാ പ്രസിഡന്റ് കെപിഎം ഷംസുദ്ദീൻ അധ്യക്ഷത വഹിച്ചു. ജില്ലാ രക്ഷാധികാരി പി. മമ്മിക്കുട്ടി എംഎൽഎ, സംസ്ഥാന കമ്മിറ്റി അംഗം രേവതി വേണു, ജില്ലാ വൈസ് പ്രസിഡന്റ് സുകുമാരൻ, ജില്ലാ ജോയിന്റ് സെക്രട്ടറി എം. മനോജ്, കെ.പി. സിദ്ദീഖ്, വി. മണികണ്ഠൻ, എ. അബ്ദുൾ അസീസ്, എം. ബഷീർ, പദ്മനാഭൻ എന്നിവർ പ്രസംഗിച്ചു. ഇന്നുനടക്കുന്ന പ്രതിനിധി സമ്മേളനത്തിൽ സംസ്ഥാന സെക്രട്ടറി ഇ.എസ്. ബിജു, സംസ്ഥാന പ്രസിഡന്റ് വി.കെ.സി. മമ്മദ് കോയ, പി. മമ്മിക്കുട്ടി എംഎൽഎ തുടങ്ങിയവർ പങ്കെടുക്കും. ജില്ലയിലെ വിവിധ മേഖലകളിൽ നിന്നുള്ള വ്യാപാരി വ്യവസായി പ്രതിനിധികൾ സമ്മേളനത്തിൽ പങ്കെടുക്കുന്നുണ്ട്.
Palakkad
മംഗലംഡാം: ലൂർദ്മാതാ ഹയർ സെക്കൻഡറി സ്കൂളിൽ കുട്ടികളുടെ ചെണ്ടമേളം അരങ്ങേറ്റം നടന്നു.ടി.എം. ശശി എംഎൽഎ ഉദ്ഘാടനം ചെയ്തു. പിടിഎ പ്രസിഡന്റ് ബിനു ജോസഫ് അധ്യക്ഷത വഹിച്ചു. പഞ്ചായത്ത് പ്രസിഡന്റ് ശാരദ ഗോപിനാഥ് കുട്ടിക്കലാകാരന്മാരെ ആദരിച്ചു.
മുൻ ഹെഡ്മിസ്ട്രസ് സിസ്റ്റർ ജോസി ടോം, അയിലൂർ പ്രഭുകുമാർ, ഡോ. അഖിൽ ഹരികൃഷ്ണൻ, മായന്നൂർ രാജു ആശാൻ, വാർഡ് മെംബറും സ്പോർട്സ് ക്ലബ് പ്രസിഡന്‍റുമായ ഡിനോയ് കോമ്പാറ, പ്രിൻസിപ്പൽ സിസ്റ്റർ ആൽഫിൻ, എംപിടിഎ പ്രസിഡന്റ് ടിൻസി മനോജ്, സ്റ്റാഫ് സെക്രട്ടറി പി.എഫ്. സ്മിത എന്നിവർ പ്രസംഗിച്ചു. ഹെഡ്മിസ്ട്രസ് സിസ്റ്റർ ധന്യ സ്വാഗതവും ചെണ്ടമേളം കോ- ഓർഡിനേറ്റർ കെ. ബിൻസി നന്ദിയും പറഞ്ഞു. അയിലൂർ പ്രഭുകുമാറിന്‍റെ ശിക്ഷണത്തിലായിരുന്നു പരിശീലനം.
Palakkad
പാലക്കാട്: മികവിന്‍റെയും ധീരതയുടെയും സമർപ്പണത്തിന്‍റെയും വേറിട്ട മാതൃകകൾ തീർത്ത രണ്ട് പ്രതിഭകൾക്ക് പ്രൗഡിന്‍റെ അനുമോദനം.
തമിഴ്നാട് പൊലഇസിലെ ഹെഡ് കോണ്സ്റ്റബിളായ എം. വേൽമുരുകൻ, ന്യൂറോളജി വിദഗ്ധൻ ഡോ.എം. പ്രദീപ് എന്നിവർക്കാണ് അനുമോദനം നൽകിയത്. മലപ്പുറം കുടുംബ കോടതി ജഡ്ജ് കെ.ടി. നിസാർ അഹമ്മദ് അനുമോദന ചടങ്ങ് ഉദ്ഘാടനം ചെയ്തു.
കോയന്പത്തൂരിൽ വാഹന പരിശോധനയ്ക്കിടെ നിരോധിത പുകയില ഉത്പന്നങ്ങൾ കടത്തുകയായിരുന്ന കാർ നിർത്താതെ പോയപ്പോൾ കാറിന് മുകളിൽ ചാടിക്കയറി 40 കിലോമീറ്ററോളം സാഹസികമായി സഞ്ചരിച്ച് പ്രതികളെ കീഴടക്കിയ ഉദ്യോഗസ്ഥനാണ് എം. വേൽമുരുകൻ. ആതുരസേവന രംഗത്തെ സമഗ്രസംഭാവനകൾക്ക് തമിഴ്നാട് ഗവർണറുടെ മികച്ച ഡോക്ടർക്കുള്ള പുരസ്കാരം നേടിയ ഡോ.എം. പ്രദീപ് വേൾഡ് ഓർഗനൈസേഷൻ ഓഫ് ന്യൂറോസോനോളജിയുടെ ഇന്ത്യയിൽ നിന്നുള്ള അംബാസഡറായും തെരഞ്ഞെടുക്കപ്പെട്ടിട്ടുണ്ട്.
ചടങ്ങിൽ പ്രൗഡ് സെക്രട്ടറി ജനറൽ ഹിതേഷ് ജെയിൻ അധ്യക്ഷത വഹിച്ചു. ചെയർമാൻ നിഖിൽ കൊടിയത്തൂർ, ഡോ.എം. പ്രദീപ്, എം. വേൽമുരുകൻ, അഡ്വ.ഷാബിഹ സലിം തുടങ്ങിയവർ പ്രസംഗിച്ചു.
Palakkad
വടക്കഞ്ചേരി: പൊടിമൂടലും കുഴികളും ഇല്ലാതായി. മംഗലം- ഗോവിന്ദാപുരം അന്തർസംസ്ഥാന പാതയിലൂടെ ഇനി വാഹനയാത്ര സുഖകരമാകും. പാതയിലെ മോശപ്പെട്ട സ്ഥലങ്ങളിൽ റീടാറിംഗ് വർക്കുകൾ നടന്നുവരികയാണ്.
വില്ലൻകുഴികളെല്ലാം മൂടി. ഇനി കുറച്ചുകാലമെങ്കിലും രാത്രി അപകടങ്ങളിൽപ്പെട്ട് യാത്രക്കാർ കഷ്ടപ്പെടേണ്ടി വരില്ല. വള്ളിയോട് തേവർകാട് കൺവൻഷൻ സെന്‍ററിനടുത്തെ അപകടക്കുഴികളും അടച്ച് റോഡ് മിനുമിനുപ്പാക്കിയിട്ടുണ്ട്.
നല്ല രീതിയിൽ ടാറിംഗ് വർക്കുകൾ നടക്കുന്നതിനാൽ റോഡ് തകർച്ച ഉടനുണ്ടാകില്ലെന്ന് ആശ്വസിക്കാം. പകൽചൂട് കുറഞ്ഞതും ചാറ്റൽ മഴയും ടാറിംഗിന് ബുദ്ധിമുട്ടുണ്ടാക്കുന്നുണ്ട്. കഴിഞ്ഞ ജനുവരിയിൽ വലിയ കുഴികളായിരുന്ന ഭാഗങ്ങൾ റീ ടാറിംഗ് നടത്തിയതായിരുന്നു. എന്നാൽ മഴക്കാലമായപ്പോഴേക്കും എല്ലാം തകർന്നു.
കേന്ദ്രസർക്കാരിന്‍റെ ഭാരത്‌മാല പദ്ധതിയിൽ ഉൾപ്പെടുത്തി പാത നവീകരിക്കുമെന്ന് പറഞ്ഞ് ഒരു പതിറ്റാണ്ടിലേറെകാലം പാതയെ പൊതുമരാമത്ത് വകുപ്പ് അവഗണിച്ചു. എന്നാൽ ഭാരത്‌മാല പദ്ധതിയിൽ പാതകൾ ദേശീയപാത നിലവാരത്തിലാക്കുന്ന നടപടികൾ നിർത്തിവച്ചതായി കഴിഞ്ഞ ജനുവരിയിൽ റിപ്പോർട്ടുകളുണ്ടായി. ഗോവിന്ദാപുരത്തിനപ്പുറം തമിഴ്നാട്ടിൽ ഈ പാതയുടെ വികസനം പൂർത്തിയായിരിക്കേയാണ് സംസ്ഥാനത്തെ പാത പഴയമട്ടിൽതന്നെ തുടരുന്നത്.
കൊച്ചിയേയും തമിഴ്നാട്ടിലെ തൂത്തുക്കുടിയേയും ബന്ധിപ്പിക്കുന്ന പ്രധാന അന്തർസംസ്ഥാന പാതയാണിത്.
ശബരിമല, ഗുരുവായൂർ ഉൾപ്പെടെയുള്ള തീർഥാടന കേന്ദ്രങ്ങളിലേക്കും കൊച്ചിയിലേക്കും തമിഴ്നാട്ടിൽ നിന്നുള്ള വാഹനങ്ങൾക്ക് വരാനും പഴനി, മധുര തുടങ്ങിയ തീർഥാടന കേന്ദ്രങ്ങളിലേക്ക് കേരളത്തിൽ നിന്നുള്ളവർക്ക് പോകാനും എളുപ്പ പാതയാണ് ഇപ്പോഴും സീസണൽ നവീകരണത്തിൽ ഒതുങ്ങുന്നത്.
Palakkad
ചിറ്റൂർ: പൊൽപ്പുള്ളിയിൽ നിയന്ത്രണംവിട്ട സ്വകാര്യബസ് മരത്തിലിടിച്ച് ആറുപേർക്ക് പരിക്ക്. ഇവരെ ജില്ലാ ആശുപത്രയിൽ പ്രവേശിപ്പിച്ചു. പാലക്കാട്- കൊല്ലങ്കോട് റൂട്ടിലോടുന്ന സുരഭി ബസാണ് അപകടത്തിൽപ്പെട്ടത്. ഇന്നലെ വൈകുന്നേരം പാലക്കാട്ടുനിന്നും ചിറ്റൂർ ഭാഗത്തേക്ക് വരുന്നതിനിടെ പൊൽപ്പുള്ളി ക്ഷീരസഹകരണ സംഘത്തിനു സമീപത്താണ് അപകടം.
എതിരെ ദിശമാറിവന്ന ഇരുചക്ര വാഹനത്തിൽ ഇടിക്കുന്നതൊഴിവാക്കാൻ ഡ്രൈവർ തിരിക്കുന്നതിനിടെയാണ് മരത്തിലിടിച്ചത്. ബസിന്‍റെ മുൻ ഭാഗത്തിരുന്നവർക്കാണ് പരിക്കുപറ്റിയത്. സംഭവ സ്ഥലത്തുണ്ടായിരുന്നവർ പരിക്കേറ്റവരെ ജില്ലാ ആശുപത്രിയിൽ എത്തിക്കുകയായിരുന്നു. ആരുടെയും പരിക്ക് ഗുരുതരമല്ലെന്ന് ചിറ്റൂർ പൊലിസ് അറിയിച്ചു.
Palakkad
പാലക്കാട്: കൽപാത്തി രഥോത്സവത്തോടനുബന്ധിച്ച് ജില്ലാ ടൂറിസം പ്രമോഷൻ കൗൺസിലിന്‍റെ ആഭിമുഖ്യത്തിലും സംസ്ഥാന ടൂറിസം, സാംസ്കാരിക വകുപ്പുകളുടെ സഹകരണത്തോടെയും സംഘടിപ്പിക്കുന്ന കൽപാത്തി ദേശീയ സംഗീതോത്സവം ഒന്പതുമുതൽ 13വരെ നടക്കും.
സംഗീതോത്സവത്തിന്‍റെ ഉദ്ഘാടനംഒന്പതിനു വൈകുന്നേരം ആറിന് ടൂറിസം- സാംസ്കാരിക മന്ത്രി പി.സി. വിഷ്ണുനാഥ് നിർവഹി ക്കും. രമേശ് പിഷാരടി എംഎൽഎ അധ്യക്ഷത വഹിക്കും. മന്ത്രി കെ.എ. തുളസി ചടങ്ങിൽ വിശിഷ്ടാതിഥിയായും വി.കെ. ശ്രീകണ്ഠൻ എംപി മുഖ്യതിഥിയായും പങ്കെടുക്കും.
കൽപാത്തി ചാത്തപുരം മണിഅയ്യർ റോഡിൽ പ്രത്യേക സജ്ജീകരിച്ച വേദിയിലാണ് സംഗീതോത്സവം നടക്കുന്നത്. ജില്ലാ കളക്ടർ കെ.സുധീർ, ജില്ലാ പഞ്ചായത്ത് പ്രസിഡന്റ് എസ്.ബി. രാജു, പാലക്കാട് നഗരസഭാ ചെയർപേഴ്സൺ പി. സ്മിതേഷ് എന്നിവർ പരിപാടിയിൽ പങ്കെടുക്കും.
Palakkad
പാലക്കാട്: കേരള സ്കൂൾ റവന്യൂ ജില്ലാ ശാസ്ത്രോത്സവത്തിന് ചിറ്റൂരിൽ ഇന്ന് തുടക്കമാകും. സാമൂഹ്യശാസ്ത്രമേള ഗവ. ഹയർ സെക്കൻഡറി സ്കൂളിലും പ്രവൃത്തിപരിചയമേളയും ഗണിതമേളയും വിജയമാത കോണ്വന്റ് ഹയർ സെക്കൻഡറി സ്കൂളിലും ഐടി മേള ഗവ. വിക്ടോറിയ ഗേൾസ് ഹയർ സെക്കൻഡറി സ്കൂളിലുമാണ് നടക്കുക.
ജില്ലയിലെ പന്ത്രണ്ട് ഉപജില്ലകളിൽ നിന്നുള്ള സ്കൂളുകളിൽ നിന്നായി നാലായിരത്തോളം വിദ്യാർഥികൾ ശാസ്ത്രോത്സവത്തിൽ പങ്കെടുക്കും.
ന്നുരാവിലെ പത്തിന് ഗവ. വിക്ടോറിയ ഗേൾസ് ഹയർ സെക്കൻഡറി സ്കൂളിൽ സുമേഷ് അച്യുതൻ എംഎൽഎ ഉദ്ഘാടനം ചെയ്യും. നഗരസഭാ ചെയർപേഴ്സൺ ആർ. ബാബു അധ്യക്ഷത വഹിക്കും.
ജില്ലാ പഞ്ചായത്ത് ആരോഗ്യ- വിദ്യാഭ്യാസ സ്റ്റാൻഡിംഗ് കമ്മിറ്റി അധ്യക്ഷ എ.കെ. ഷീലാദേവി മുഖ്യാതിഥിയാകും.
മത്സരാർഥികൾക്കുള്ള ഭക്ഷണശാല നെഹ്റു ഓഡിറ്റോറിയത്തിൽ ഒരുക്കിയിട്ടുണ്ട്. ഓരോ മത്സരവേദിയിലും പാക്കറ്റുകളിലാക്കി ഭക്ഷണം വിതരണം ചെയ്യും. മത്സരാർഥികൾ ഉൾപ്പെടെയുള്ളവർക്കായി താമസസൗകര്യവും ഒരുക്കിയിട്ടുണ്ട്. അഞ്ചിന് ശാസ്ത്രോത്സവം സമാപിക്കും.
Malappuram
മഞ്ചേരി: അഖിലേന്ത്യാ സെവന്‍സ് ഫുട്ബോള് ടൂര്‍ണമെന്‍റ്ിനൊരുങ്ങി മഞ്ചേരിയിലെ കായിക പ്രേമികള്‍. മഞ്ചേരി റോയല്‍ സെവന്‍സ് ഫുട്ബോള് ടൂര്‍ണമെന്‍റ്് കമ്മിറ്റിയും കേരള വ്യാപാരി വ്യവസായി ഏകോപനസമിതി മഞ്ചേരി യൂണിറ്റും സംയുക്തമായാണ് ടൂര്‍ണമെന്‍റ് സംഘടിപ്പിക്കുന്നത്. ഡിസംബര്‍ രണ്ടാം വാരത്തില്‍ ആരംഭിച്ച് ജനുവരി രണ്ടാം തീയതി അവസാനിക്കും.
യോഗത്തില്‍ കെ. നിവില്‍ ഇബ്രാഹിം അധ്യക്ഷത വഹിച്ചു. കെ.കെ. ബഷീര്‍, അല്‍ത്താഫ് സലീം, സജ്ജാദ് സഹീര്‍, കെ.എ. നാസര്‍, പെടവണ്ണ ഷുക്കൂര്‍, ലിയാഖത്തലി കുരിക്കള്‍, എന്‍. മുഹമ്മദ് എന്നിവര്‍ പ്രസംഗിച്ചു.
Malappuram
നിലമ്പൂര്‍: നഗരത്തിലും പരിസരപ്രദേശങ്ങളിലും വാട്ടര്‍ അഥോറിറ്റിയുടെ കുടിവെള്ള പൈപ്പ് പൊട്ടി ശുദ്ധജലം വന്‍തോതില്‍ പാഴാകുന്നത് പതിവാകുന്നു. നിലമ്പൂര്‍ കെഎന്‍ജി റോഡില്‍നിന്ന് കളത്തിന്‍കടവിലേക്കുള്ള റോഡില്‍ കഴിഞ്ഞദിവസം വലിയ പൈപ്പ് പൊട്ടി വ്യാപകമായി വെള്ളം പുറത്തേക്കൊഴുകി.
റോഡിന് നടുവില്‍ വലിയ ഗര്‍ത്തം രൂപപ്പെട്ടാണ് ജലം കുത്തിയൊഴുകിയത്. മിനിറ്റുകള്‍ക്കുള്ളില്‍ കെഎന്‍ജി റോഡിലേക്ക് വെള്ളം പരന്നൊഴുകുകയും നിലമ്പൂര്‍ ജനതപ്പടി വരെയുള്ള ഭാഗം മണിക്കൂറുകളോളം തോടിന് സമാനമായ അവസ്ഥയിലാവുകയും ചെയ്തു. ഇതുമൂലം വാഹനയാത്രക്കാരും കാല്‍നടയാത്രക്കാരും വ്യാപാരികളും ബുദ്ധിമുട്ടിലായി.
സംഭവം അറിയിച്ചിട്ടും വാട്ടര്‍ അഥോറിറ്റി ജീവനക്കാര്‍ സ്ഥലത്തെത്താനോ ജലവിതരണം നിര്‍ത്തിവയ്ക്കാനോ തയാറായില്ലെന്നാണ് ആരോപണം.
ദിവസങ്ങള്‍ക്ക് മുന്പ് നിലമ്പൂര്‍ ജില്ലാ ആശുപത്രി റോഡില്‍ പൈപ്പ് പൊട്ടി ദിവസങ്ങളോളം വെള്ളമൊഴുകിയ ശേഷമാണ് അധികൃതര്‍ അറ്റകുറ്റപ്പണി നടത്തിയത്.
നഗരസഭയുടെ വിവിധ ഭാഗങ്ങളില്‍ കാലപ്പഴക്കം ചെന്ന പൈപ്പുകളാണ് ഇപ്പോഴും കുടിവെള്ള വിതരണത്തിനായി ഉപയോഗിക്കുന്നത്. ഇതാണ് അടിക്കടി പൈപ്പ് പൊട്ടാന്‍ കാരണമാകുന്നതെന്നാണ് പറയപ്പെടുന്നത്.
കാലപ്പഴക്കമുള്ള പൈപ്പുകള്‍ അടിയന്തരമായി മാറ്റണമെന്നും കുടിവെള്ള വിതരണം കാര്യക്ഷമമാക്കണമെന്നും പ്രദേശവാസികള്‍ ആവശ്യപ്പെട്ടു.
Malappuram
നിലമ്പൂര്‍: അന്‍പത് വര്‍ഷത്തിലേറെയായുള്ള മലയോര ജനതയുടെ സ്വപ്നപദ്ധതിയായ നിലമ്പൂര്‍ - നായാടംപൊയില്‍ മലയോര ഹൈവേ നിര്‍മാണത്തിന് വനംവകുപ്പ് തടസം നില്‍ക്കുന്നതിനെതിരേ പ്രതിഷേധം ശക്തമാകുന്നു. സാങ്കേതിക തടസങ്ങള്‍ ഉന്നയിച്ച് വനഭാഗത്തെ റോഡിന്‍റെ വീതി കൂട്ടുന്നത് തടഞ്ഞതാണ് ജനരോഷത്തിനിടയാക്കിയിരിക്കുന്നത്.
മൈലാടിപ്പാലം മുതല്‍ നായാടംപൊയില്‍ വരെയുള്ള 25 കിലോമീറ്റര്‍ റോഡ് 12 മീറ്റര്‍ വീതിയില്‍ പൂര്‍ത്തിയാക്കാന്‍ 120 കോടി രൂപയുടെ എസ്റ്റിമേറ്റ് തയാറാക്കി ടെന്‍ഡര്‍ നടപടികള്‍ പൂര്‍ത്തിയാക്കിയിരുന്നു. കരാറുകാര്‍ വെണ്ണക്കോട് ഭാഗത്ത് റോഡ് വീതികൂട്ടുന്ന പ്രവൃത്തികള്‍ ആരംഭിച്ചെങ്കിലും വനംവകുപ്പ് ഇത് തടഞ്ഞു. നിലവിലെ വീതിയില്‍ ടാറിംഗ് നടത്താമെന്നും വീതി കൂട്ടണമെങ്കില്‍ പകരം ഭൂമിയും അനുബന്ധ സാമ്പത്തിക സഹായവും വേണമെന്നുമാണ് വനം വകുപ്പിന്‍റെ നിലപാട്.
വനഭൂമി വിട്ടുനല്‍കാന്‍ ആവശ്യമായ 3.08 ഹെക്ടര് ഭൂമി നാല് വര്‍ഷമായിട്ടും ലഭ്യമാക്കാന്‍ കഴിയാത്തത് ജനപ്രതിനിധികളുടെയും ജില്ലാ ഭരണകൂടത്തന്‍റെയും വലിയ വീഴ്ചയാണെന്ന് നാട്ടുകാര്‍ ആരോപിക്കുന്നു. സൗജന്യമായി സ്ഥലം വിട്ടുനല്‍കിയ നൂറുകണക്കിന് കുടുംബങ്ങളും ഇതോടെ പ്രതിസന്ധിയിലാണ്. മൊടവണ്ണ പാലത്തിന്‍റെ നിര്‍മാണവും വനം വകുപ്പിന്‍റെ എതിര്‍പ്പ് മൂലം അനിശ്ചിതത്വത്തിലാണ്.
പ്രശ്‌നത്തില്‍ വനം മന്ത്രിയും പൊതുമരാമത്ത് വകുപ്പ് മന്ത്രിയും അടിയന്തരമായി ഇടപെടണമെന്നും പകരം ഭൂമി ലഭ്യമാക്കി 12 മീറ്റര്‍ വീതിയില്‍ തന്നെ ഹൈവേ നിര്‍മാണം പൂര്‍ത്തിയാക്കണമെന്നുമാണ് മലയോര ജനതയുടെ ആവശ്യം.
Malappuram
മലപ്പുറം: വിദ്യാഭ്യാസ രംഗത്ത് ഗുണകരമായ മാറ്റങ്ങള്‍ നടപ്പാക്കാന്‍ സര്‍ക്കാരിനായിട്ടുണ്ടെന്ന് മന്ത്രി എ.പി അനില്‍കുമാര്‍. മലപ്പുറം എംഎസ്പി പരേഡ് ഗ്രൗണ്ടില്‍ ഉന്നത വിദ്യാഭ്യാസ വകുപ്പും പൊതുവിദ്യാഭ്യാസ വകുപ്പിനു കീഴിലെ കരിയര്‍ ഗൈഡന്‍സ് ആന്‍ഡ് അഡോളസന്‍റ് കൗണ്‍സലിംഗ് സെല്ലും നടത്തുന്ന ദിശ എക്സ്പോ ഉദ്ഘാടനം ചെയ്യുകയായിരുന്നു അദ്ദേഹം. വിദ്യാഭ്യാസ മന്ത്രി മലപ്പുറത്തിന് തന്ന സമ്മാനം കൂടിയാണ് ഈ പ്രദര്‍ശനം.
സംസ്ഥാന കായികമേള കോഴിക്കോട് ഏറ്റവും നല്ല രീതിയില്‍ സംഘടിപ്പിച്ച ശേഷമാണ് ഹയര് സെക്കന്‍ഡറി വിഭാഗത്തിന്‍റെ ഈ ഒരു പ്രോഗ്രാം ഇവിടെ സംഘടിപ്പിക്കുന്നത്. ഹയര് സെക്കന്‍ഡറി വിഭാഗം കുട്ടികള്‍ക്ക് പഠനത്തിന്‍റെ ഒരു പ്രത്യേക ഘട്ടത്തില്‍ പിന്നീട് ഏത് വഴി വേണം, എങ്ങോട്ട് പോകണം എന്ന് തെരഞ്ഞെടുക്കേണ്ടി വരും. അത്തരത്തിലുള്ള ഒരു സാഹചര്യത്തില്‍ ഓരോ കുട്ടിയുടെയും താത്പര്യങ്ങള്‍ക്കും അഭിരുചിക്കുമനുസരിച്ച് അവര്‍ക്ക് അവരുടേതായ രീതിയിലൂടെ കടന്നുപോകാനുള്ള മാര്‍ഗ നിര്‍ദേശം ഈ പ്രോഗ്രാമിലൂടെ സാധിക്കുമെന്നും മന്ത്രി പറഞ്ഞു.
മന്ത്രി എം. ഷംസുദ്ദീന്‍ അധ്യക്ഷത വഹിച്ചു. മന്ത്രി കെ.എം. ഷാജി ദിശ സ്റ്റാള്‍ ഉദ്ഘാടനം ചെയ്തു. കരിയര്‍ ഗൈഡന്‍സ് ആന്‍ഡ് അഡോളസന്‍റ്് കൗണ്‍സലിംഗ് സെല്‍ സ്റ്റേറ്റ് കോ-ഓര്‍ഡിനേറ്റര്‍ ഡോ. സി.എം.അസീം പദ്ധതി വിശദീകരിച്ചു. ടി.വി ഇബ്രാഹിം എംഎല്‍എ, ജില്ലാ പഞ്ചായത്ത് പ്രസിഡന്റ് പി.എ. ജബ്ബാര്‍ ഹാജി, ജില്ലാ കളക്ടര് ഡോ. വിനയ് ഗോയല്‍, എംഎസ്പി കമാന്‍ഡന്‍റ കെ. സലീം, മലപ്പുറം നഗരസഭാ ചെയര്പേഴ്സണ് വി. റിന്‍ഷ, ജില്ലാ പഞ്ചായത്ത് സ്ഥിരംസമിതി അധ്യക്ഷന്‍. പി.കെ. അസ്‌ലു, മുനിസിപ്പല്‍ വൈസ് ചെയര്‍മാന്‍ ജിതേഷ് ജി അനില്‍, സീമാറ്റ് ഡയറക്ടര് അരുണ്‍ കുമാര്‍, എച്ച്എസ്ഇ പരീക്ഷ വിഭാഗം ജോയിന്റ് ഡയറക്ടര് ഡോ. കെ. മാണിക്യരാജ്, മലപ്പുറം റീജണല്‍ ഡെപ്യൂട്ടി ഡയറക്ടര് എസ്. ജൂഡ് ലൂയിസ്, വിഎച്ച്എസ്‌സി ഡെപ്യൂട്ടി ഡയറക്ടര് ഡോ. കെ.വി. മനോജ്, പൊതുവിദ്യാഭ്യാസ ഡയറക്ടര് ഡോ. അരുണ്‍ കെ. വിജയന്‍, ഹയര് സെക്കന്‍ഡറി അക്കാദമിക് ജോയിന്റ് ഡയറക്ടര് ഡോ. കെ.കെ. അഷ്റഫ് എന്നിവര്‍ പ്രസംഗിച്ചു.
ദിശ എക്സ്പോ കാലോചിതമായി
പരിഷ്‌കരിക്കും: മന്ത്രി എന്‍. ഷംസുദ്ദീന്‍
മലപ്പുറം: ദിശ എക്സ്പോ കാലോചിതമായി പരിഷ്‌കരിക്കുമെന്ന് മന്ത്രി എന്‍. ഷംസുദ്ദീന്‍. മലപ്പുറം എംഎസ്പി പരേഡ് ഗ്രൗണ്ടില്‍ ദിശ കരിയര്‍ എക്സ്പോ ഉദ്ഘാടന സമ്മേളനത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം. സെക്കന്‍ഡറി വിദ്യാഭ്യാസത്തിനും ഉന്നത വിദ്യാഭ്യാസത്തിനുമിടയിലെ സുപ്രധാനമായ ഒരു പാലമാണ് ഹയര് സെക്കന്‍ഡറി.
പത്താം ക്ലാസ് വരെയുള്ള എല്ലാ പഠനങ്ങളും പൂര്‍ത്തിയാക്കി, തങ്ങള്‍ക്ക് ഇഷ്‌ടപ്പെട്ടതും താത്പര്യമുള്ളതുമായ വിവിധ വിഷയങ്ങള്‍ തിരഞ്ഞെടുക്കുന്ന സുപ്രധാന ഘട്ടമാണിത്. ഇന്നത്തെ കാലഘട്ടത്തില്‍ ഒരുപാട് ഉപരിപഠന സാധ്യതകളും തൊഴില്‍ സാധ്യതകളും ലഭ്യമാണ്. കുട്ടികളുടെ താത്പര്യങ്ങള്‍ക്ക് അനുസൃതമായി തൊഴില്‍ തിരഞ്ഞെടുക്കാനുള്ള മികച്ച അവസരമാണ് ദിശ കരിയര്‍ എക്സ്പോയിലൂടെ ഉണ്ടാകുന്നതെന്നും മന്ത്രി പറഞ്ഞു.
അറിവിന്‍റെ വാതില്‍ തുറന്ന് ദിശ പ്രദര്‍ശനം
മലപ്പുറം: എംഎസ്പി പരേഡ് ഗ്രൗണ്ടില്‍ തുടങ്ങിയ ദിശ കരിയര്‍ എക്സ്പോ അറിവിന്‍റെ ലോകം. പഠനകാലത്ത് മാര്‍ക്കിനെയും പഠനം കഴിഞ്ഞാല്‍ ജോലി കിട്ടാവുന്ന കോഴ്സുകളെക്കുറിച്ചും സ്കൂൾ പ്രവേശന കാലം തൊട്ടേ ആശങ്കപ്പെടുന്ന മാതാപിതാക്കള്‍ക്കും വിദ്യാര്‍ഥികള്‍ക്കും പുത്തന്‍ അറിവുകള്‍ പകരുന്നതാണ് എക്സ്പോ.
ഉപരിപഠനം കഠിനമല്ലെന്നും അഭിരുചിക്കും താത്പര്യത്തിന് അനുസരിച്ച് പഠിച്ചാല്‍ കഴിവിനൊത്ത തൊഴില്‍ നേടാമെന്ന് വ്യക്തമാക്കുന്നതാണ് എക്സ്പോ. ഹയര്‍സെക്കന്‍ഡറി വിദ്യാഭ്യാസത്തിനു ശേഷമുള്ള ഉപരിപഠനം, തൊഴില്‍ സാധ്യതയുള്ള കോഴ്സുകള്, സ്‌കോളര്‍ഷിപ്പുകള്‍ തുടങ്ങി അറിവിന്‍റെ അനന്തസാധ്യതകളിലേക്കുള്ള മാര്‍ഗദര്‍ശിയാകുകയാണ് ദിശ ഉന്നത വിദ്യാഭ്യാസ പ്രദര്‍ശനം.
പൊതുവിദ്യാഭ്യാസ വകുപ്പിനു കീഴിലെ കരിയര്‍ ഗൈഡന്‍സ് ആന്‍ഡ് അഡോളസന്‍റ് കൗണ്‍സലിംഗ് സെല്ലിന്റെ നേതൃത്വത്തില്‍ നടത്തുന്ന പ്രദര്‍ശനം അഞ്ച് ദിവസം നീണ്ടുനില്‍ക്കും.
ഇന്ത്യയിലെ 90 ഓളം ഉന്നത വിദ്യാഭ്യാസ സ്ഥാപനങ്ങളാണ് എക്സ്പോയില്‍ പങ്കെടുക്കുന്നത്. പൊതുവിദ്യാഭ്യാസ വകുപ്പ് ഹയര് സെക്കന്‍ഡറി വിഭാഗം വികസിപ്പിച്ച കെഡാറ്റ് അഭിരുചി നിര്‍ണയ പരീക്ഷ എന്തെന്നറിയാനും റജിസ്റ്റര്‍ ചെയ്തവര്‍ക്കു പരീക്ഷയില്‍ പങ്കെടുക്കാനും സൗകര്യമുണ്ട്.
തൊഴില്‍ മേഖലയുമായി ബന്ധപ്പെട്ട് ഹയര് സെക്കന്‍ഡറി വിദ്യാര്‍ഥികളുടെ കാഴ്ചപ്പാടുകള്‍ അവതരിപ്പിക്കുന്നതിനു കരിയര്‍ സെമിനാറില്‍അവരമുണ്ട്. വിവിധ മേഖലകളിലെ വിദഗ്ധര്‍ നയിക്കുന്ന സെമിനാറുകളും രാവിലെ 9.30 മുതല്‍ വൈകീട്ട് ആറ് വരെ ഉണ്ടാകും.
Malappuram
അങ്ങാടിപ്പുറം: സംസ്ഥാന ശാസ്ത്രോത്സവത്തില് പങ്കെടുക്കാന്‍ പരിയാപുരം സെന്റ് മേരീസ് ഹയര് സെക്കന്‍ഡറി സ്‌കൂളില്‍നിന്ന് ഏഴ് വിദ്യാര്‍ഥികളുടെ തയാറെടുപ്പ്. ജില്ലാ ശാസ്ത്രോത്സവത്തില് (ഹയര് സെക്കന്‍ഡറി പ്രവൃത്തി പരിചയം, ക്ലേ മേഡലിംഗ്) തുടര്‍ച്ചയായി രണ്ടാം തവണയും ഒന്നാം സ്ഥാനം നേടി പ്ലസ് വണ്‍ കൊമേഴ്സ് കമ്പ്യൂട്ടര്‍ വിദ്യാര്‍ഥി കെ.ടി. നിരഞ്ജന്‍ പ്രതിഭ തെളിയിച്ചു. പുത്തനങ്ങാടി പള്ളിപ്പടി കിഴക്കേത്തലക്കല്‍ കെ.ടി. വിജയന്‍റെയും പി. സൗമ്യയുടെയും മകനാണ്.
ഗണിത ശാസ്‌ത്രോത്സവത്തിലെ ഗ്രൂപ്പ് പ്രോജക്ടില് (ഹയര് സെക്കന്‍ഡറി) പ്ലസ്ടു സയന്‍സ് ബയോളജി വിദ്യാര്‍ഥിനിയായ ടി. ദിന ഫാത്തിമയും പ്ലസ്ടു കൊമേഴ്സ് മാത്‌സ് വിദ്യാര്‍ഥിനിയായ ടി.വി. ഫാത്തിമ റഷയും എ ഗ്രേഡോടെ ഒന്നാം സ്ഥാനം നേടി സംസ്ഥാന മത്സരത്തില്‍ പങ്കെടുക്കാന്‍ അര്‍ഹരായി. കുന്നപ്പള്ളി തങ്കയത്തില്‍ ടി. അബ്ദുല്‍ റഊഫിന്‍റെയും സി. ജസീലയുടെയും മകളാണ് ദിന ഫാത്തിമ. ചെറുകര തെക്കേവളപ്പില്‍ ടി.വി. അബ്ദുല്‍ റഷീദിന്‍റെയും എന്‍. റഹ്‌മത്തിന്‍റെയും മകളാണ് ഫാത്തിമ റഷ.
സാമൂഹ്യ ശാസ്‌ത്രോത്സവത്തിലെ (ഹയര് സെക്കന്‍ഡറി) വര്‍ക്കിംഗ് മോഡലില്‍ പ്ലസ് ടു കൊമേഴ്സ് കംപ്യൂട്ടര്‍ വിദ്യാര്‍ഥികളായ ആല്‍ബിന്‍ സിബിയും എസ്. അജിന്‍ രാജും എ ഗ്രേഡോടെ ഒന്നാം സ്ഥാനം നേടി. വയനാട് വടുവഞ്ചാല്‍ വടക്കേചെറുകര സിബി ജോസഫിന്‍റെയും പി.ജെ. സിന്ധുവിന്‍റെയും മകനാണ് ആല്‍ബിന്‍. തിരുവനന്തപുരം വിഴിഞ്ഞം വടയാര്‍പുരയിടം എസ്. സെല്‍വരാജന്‍റെയും എം. അജിയുടെയും മകനാണ് അജിന്‍ രാജ്.
ഇരുവരും മാലാപറമ്പ് പാലൂര്‍കോട്ട എംഎസ്എഫ്എസ് സഭ നടത്തുന്ന ഇറ്റ്സ് കാറ്റ് ഇന്ത്യ എന്ന സ്ഥാപനത്തില്‍ താമസിച്ചാണ് പഠിക്കുന്നത്.
ഹയര് സെക്കന്‍ഡറി വിഭാഗം (പ്രവൃത്തി പരിചയം, ഇന്നവേറ്റീവ് വര്‍ക്കിംഗ് മോഡല്‍) എ ഗ്രേഡോടെ രണ്ടാം സ്ഥാനം നേടി പ്ലസ് ടു സയന്‍സ് കംപ്യൂട്ടര്‍ വിദ്യാര്‍ഥിയായ ബ്ലസണ്‍ ഇ. ജോളി സംസ്ഥാനതല മത്സരത്തില്‍ പങ്കെടുക്കാന്‍ അര്‍ഹനായിയിട്ടുണ്ട്. പുത്തനങ്ങാടി ഇയ്യാലില്‍ ജോളി വര്‍ഗീസിന്‍റെയും ഷൈനി ജോണിന്‍റെയും മകനാണ്.
സാമൂഹ്യ ശാസ്ത്രമേളയുടെ ഭാഗമായ ഹൈസ്‌കൂള്‍ വിഭാഗം വാര്‍ത്ത വായന - എഡിറ്റിംഗ് മത്സരത്തില്‍ ജില്ലാതലത്തില്‍ രണ്ടാം സ്ഥാനം നേടി പത്താം ക്ലാസ് വിദ്യാര്‍ഥിനിയായ മരിയ ബിജു സംസ്ഥാന തലത്തിലേക്ക് തിരഞ്ഞെടുക്കപ്പെട്ടു. പരിയാപുരം ചേന്നംകുളത്ത് ബിജു വർഗീസിന്‍റെയും സോണിയയുടെയും മകളാണ് മരിയ ബിജു.
Malappuram
പൊന്നാനി: നന്നംമുക്ക് ഗ്രാമപഞ്ചായത്ത് കേരളോത്സവം സമാപിച്ചു. സമാപന സമ്മേളനം കെ.പി. നൗഷാദലി എംഎല്‍എ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ശാന്തിനി രവീന്ദ്രനാഥ് അധ്യക്ഷത വഹിച്ചു. കേരളോത്സവത്തില്‍ ഏറ്റവും കൂടുതല്‍ പോയിന്‍റുുകള്‍ നേടി റെയിന്‍ബോ മറ്റം ഒന്നാം സ്ഥാനവും സില്‍വര്‍ സ്റ്റാര്‍ നന്നംമുക്ക് രണ്ടാം സ്ഥാനവും നവരശ്മി കാഞ്ഞിയൂര്‍ മൂന്നാം സ്ഥാനവും കരസ്ഥമാക്കി.
മത്സരങ്ങളില്‍ വിജയികളായവര്‍ക്ക് ട്രോഫികള് വിതരണം ചെയ്തു. മൂക്കുതല സ്‌കൂളില്‍നിന്നു സംസ്ഥാന, ദേശീയ തലങ്ങളില്‍ മത്സരിച്ച് വിജയിച്ച വിദ്യാര്‍ഥികളെ ചടങ്ങില്‍ ആദരിച്ചു.
സ്ഥിരംസമിതി അധ്യക്ഷരായ മുസ്തഫ ചാലുപറമ്പില്‍, സജന രാജീവ്, പഞ്ചായത്ത് അംഗങ്ങള്‍, സെക്രട്ടറി ഷീജ, കോ-ഓർഡിനേറ്റര്‍ ആഷിക് നന്നംമുക്ക് തുടങ്ങിയവര്‍ പ്രസംഗിച്ചു.
Malappuram
മങ്കട: ഗവണ്‍മെന്‍റ് ഹയര് സെക്കന്‍ഡറി സ്കൂളിലും യുപി സ്‌കൂളിലുമായി 14 മുതല്‍ 18 വരെ മങ്കട നടക്കുന്ന 35-ാമത് മങ്കട ഉപജില്ലാ സ്‌കൂള്‍ കലോത്സവത്തിന്റെ പന്തല്‍ കാല്‍നാട്ടല്‍ മഞ്ഞളാംകുഴി അലി എംഎല്‍എ നിര്‍വഹിച്ചു. ലൈറ്റ്, സൗണ്ട്, സ്റ്റേജ് ആൻഡ് പന്തല്‍ കമ്മിറ്റി ചെയര്‍മാന്‍ മാജിദ് വാഫി അധ്യക്ഷത വഹിച്ചു.
കണ്‍വീനര്‍ വി. യാക്കൂബ്, കൂട്ടിലങ്ങാടി ഗ്രാമപഞ്ചായത്ത് പ്രസിഡന്റ് റസ്‌ന മുനീര്‍, വൈസ് പ്രസിഡന്റ് വി. മന്‍സൂര്‍, ജാഫര്‍ വെള്ളേക്കാട്ട്, എന്‍.കെ. അഷ്റഫ്, പി. ഉസ്മാന്‍, സ്ഥിരസമിതി അധ്യക്ഷരായ മുനീറ, ഇ.സി. നൂറുദ്ധീന്‍, ഗ്രാമപഞ്ചായത്ത് അംഗങ്ങളായ സി.എച്ച്. ജാഫര്‍, അബ്ദുല്‍ വാഹിദ് പി., എ.കെ. യൂസുഫ്, വി. റാഷിദ നാസര്‍, വി.പി. നസീമ, പ്രിന്‍സിപ്പല്‍ അഷ്റഫ് കെ., മങ്കട എഇഒ ജോസ്മി ജോസഫ്, പിടിഎ പ്രസിഡന്റ്് പി.കെ. ഉമ്മര്‍, സ്‌കൂള്‍ പ്രധാനാധ്യാപിക വി. നദീറ, ജിയുപി സ്‌കൂള്‍ പ്രധാനാധ്യാപിക നിഷ തുടങ്ങിയവര്‍ സംസാരിച്ചു.
Malappuram
കരുവാരകുണ്ട്: ഗ്രാമപഞ്ചായത്തില്‍ നിലവിലുള്ള ജനകീയ ജൈവവൈവിധ്യ രജിസ്റ്റര്‍ പുതുക്കി രണ്ടാം ഭാഗം തയാറാക്കാന്‍ പഞ്ചായത്ത് ജൈവവൈവിധ്യ പരിപാലന സമിതി യോഗം തീരുമാനിച്ചു.
പഞ്ചായത്തില്‍ നിലവിലുള്ള രജിസ്റ്ററുകള്‍ക്ക് 10 വര്‍ഷത്തോളം പഴക്കമുണ്ട്. ഈ കാലയളവിനിടയില്‍ പ്രദേശത്തെ ജൈവവൈവിധ്യത്തിലും പ്രകൃതിവിഭവങ്ങളിലും ജനങ്ങളുടെ ജീവിതരീതികളിലും നിരവധി മാറ്റങ്ങള്‍ സംഭവിച്ചിട്ടുണ്ട്. ഈ സാഹചര്യത്തിലാണ് രജിസ്റ്ററിലെ വിവരങ്ങള്‍ പുനഃപരിശോധിച്ച് പരിഷ്‌കരിക്കുന്നതിനും പുതിയ വിവരങ്ങള്‍ ഉള്‍പ്പെടുത്തി രണ്ടാം ഭാഗം തയാറാക്കുന്നതിനും തീരുമാനമായത്.
വിവിധ സ്ഥാപനങ്ങള്‍, ജൈവവൈവിധ്യ പരിപാലന സമിതി, ബന്ധപ്പെട്ട ഉദ്യോഗസ്ഥര്‍ എന്നിവരുടെ ഏകോപനത്തോടെ വിവരശേഖരണവും തുടര്‍പ്രവര്‍ത്തനങ്ങളും നടത്തും. പ്രദേശത്തെ സസ്യജാലങ്ങള്‍, ജീവജാലങ്ങള്‍, അപൂര്‍വ ഇനങ്ങള്‍, പ്രകൃതിവിഭവങ്ങള്‍, പരമ്പരാഗത കൃഷിരീതികള്‍, നാട്ടറിവുകള്‍, ഔഷധസസ്യങ്ങള്‍ തുടങ്ങിയവയെക്കുറിച്ചുള്ള വിവരങ്ങള്‍ ശാസ്ത്രീയമായി രേഖപ്പെടുത്തുന്നതിനും സംരക്ഷിക്കുന്നതിനും ജൈവവൈവിധ്യ രജിസ്റ്ററുകള്‍ വലിയ പ്രാധാന്യമര്‍ഹിക്കുന്നു.
നാടിന്‍റെ തനതായ ജൈവസമ്പത്തും പ്രകൃതിവൈവിധ്യവും തിരിച്ചറിയുന്നതിനും അവയുടെ നിലവിലെ സ്ഥിതി മനസിലാക്കി ഭാവിയിലെ സംരക്ഷണ പ്രവര്‍ത്തനങ്ങള്‍ ആസൂത്രണം ചെയ്യുന്നതിനും രജിസ്റ്റര്‍ പുതുക്കുന്നതിലൂടെ സാധിക്കും. വരുംതലമുറയ്ക്ക് പ്രകൃതിസമ്പത്തിനെക്കുറിച്ചും പരമ്പരാഗത അറിവുകളെക്കുറിച്ചും വ്യക്തമായ വിവരങ്ങള്‍ കൈമാറാനും ഇത് സഹായകമാകും.
ഗ്രാമപഞ്ചായത്ത് പ്രസിഡന്റ് എന്‍. ഉണ്ണീന്‍കുട്ടി അധ്യക്ഷത വഹിച്ചു. പഞ്ചായത്ത് സെക്രട്ടറി അബ്ദു സലീം, സഫ്‌ന ടി.കെ., വി. ശബീര്‍ അലി, മേഴ്സി ഡേവിഡ്, എ.കെ. ഹംസകുട്ടി, ഐ.ടി. അബ്ദുള്ള, ഒ.പി. ഇസ്മായില്‍ എന്നിവര്‍ പ്രസംഗിച്ചു.
Malappuram
രാമപുരം:തൊഴിലന്വേഷകരെയും തൊഴില്‍ദാതാക്കളെയും ഒരേ വേദിയില്‍ എത്തിച്ച് പ്രാദേശിക തലത്തില്‍ തൊഴിലവസരങ്ങള്‍ സൃഷ്ടിക്കുന്നതിനും യുവജനങ്ങള്‍ക്ക് തൊഴില്‍ ലഭ്യമാക്കുന്നതിനുമായി മങ്കട ബ്ലോക്ക് പഞ്ചായത്ത് മെഗാ തൊഴില്‍മേള നടത്തി.
മഞ്ഞളാംകുഴി അലി എംഎല്‍എ ഉദ്ഘാടനം ചെയ്തു.483 പേരെ വിവിധ കമ്പനികള്‍ തുടര്‍നിയമന നടപടികള്‍ക്കായി ഷോര്‍ട്ട്ലിസ്റ്റ് ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.വി. ജുവൈരിയ അധ്യക്ഷത വഹിച്ചു.
ബ്ലോക്ക് സെക്രട്ടറി എം. മജീദ്,ഗ്രാമപഞ്ചായത്ത് പ്രസിഡന്റുമാരായ അബൂബക്കര്‍, കെ.പി.ഹംസ, രസ്‌ന മുനീര്‍, സി.പി. അബ്ദുറഹ്‌മാന്‍, യു.പി. ഫാത്തിമ, ജില്ലാ പഞ്ചായത്ത് അംഗം ഫൗസിയ പെരുമ്പള്ളി, ബ്ലോക്ക് പഞ്ചായത്ത് സ്ഥിരസമിതി അധ്യക്ഷരായ സാദിഖലി പാത്തിക്കല്‍, റുമൈസ കുന്നത്ത്, പ്രസീന, ബ്ലോക്ക് അംഗങ്ങളായ അനീസ് മഠത്തില്‍, റാഫി കുറുപ്പത്താല്‍, ഷഫീഖ്, അയ്യപ്പന്‍ ആലുക്കല്‍, സബിദ രാജേഷ്, സമീറ തോട്ടോളി, യൂസഫ് മുല്ലപ്പള്ളി, സാബിറ, ആസൂത്രണ സമിതി വൈസ് ചെയര്‍മാന്‍ ജാഫര്‍ വെള്ളേക്കാട്ട്, ജി.ടെക് പ്രതിനിധി ഫായിസ് എന്നിവര്‍ പ്രസംഗിച്ചു.
Malappuram
പെരിന്തല്‍മണ്ണ: കായികപ്രേമികളുടെ ആവേശം വാനോളം ഉയര്‍ത്തി പ്രീമിയര്‍ കപ്പ് സീസണ്‍ രണ്ട് അഖിലേന്ത്യാ സെവന്‍സ് ഫുട്ബോള് ടൂര്‍ണമെന്‍റിന് പെരിന്തല്‍മണ്ണ നെഹ്റു സ്റ്റേഡിയത്തില്‍ തുടക്കം. നജീബ് കാന്തപുരം എംഎല്‍എ ഉദ്ഘാടനം ചെയ്തു.
പ്രീമിയര്‍ ക്ലബ് പ്രസിഡന്റ് യു.എ. കരീം അധ്യക്ഷത വഹിച്ചു. നഗരസഭ ചെയര്പേഴ്സണ് സുരയ്യ ഫാറൂഖ് മുഖ്യാതിഥിയായി.
നഗരസഭ വൈസ് ചെയര്പേഴ്സണ് എം.ബി. ഫസല്‍ മുഹമ്മദ്, സ്ഥിരസമിതി അധ്യക്ഷരായ പ്രൊഫ. നാലകത്ത് ബഷീര്‍, ഹുസൈന നാസര്‍, പ്രതിപക്ഷ നേതാവ് രാഹുല്‍, രാഷ്ട്രീയ പാര്‍ട്ടി പ്രതിനിധികളായ അഡ്വ. അബ്ദുല്‍ സലാം, രാജേഷ് ,അരഞ്ഞിക്കല്‍ ആനന്ദന്‍, എസ്എഫ്എ ജില്ലാ പ്രസിഡന്റ് മുനീര്‍ പീച്ചു, ജില്ലാ സെക്രട്ടറി ഷഫീഖ്, മര്‍ച്ചന്‍റ് അസോസിയേഷന്‍ പ്രസിഡന്റ് ചമയം ബാപ്പു, പച്ചീരി ജലാല്‍ എന്നിവര്‍ പ്രസംഗിച്ചു.മത്സരങ്ങള്‍ക്ക് മുന്നോടിയായി വാദ്യമേളങ്ങളുടെ അകമ്പടിയോടെ വര്‍ണ്ണശബളമായ ഘോഷയാത്രയും ഉണ്ടായിരുന്നു.
Malappuram
പെരിന്തല്‍മണ്ണ : അത്യാധുനിക ബൈപ്ലയിന്‍ കാത്‌ലാബ് പെരിന്തല്‍മണ്ണ മൗലാന ആശുപത്രിയില്‍ പ്രവര്‍ത്തനമാരംഭിച്ചു. കോയമ്പത്തൂര്‍ കെഎംസിഎച്ച് ആശുപത്രിയിലെ ചീഫ് ഇന്റര്വെന്ഷണല് ന്യൂറോളജിസ്റ്റ് ഡോ. മാത്യു ചെറിയാന്‍ ഉദ്ഘാടനം ചെയ്തു. നജീബ് കാന്തപുരം എംഎല്‍എ അധ്യക്ഷത വഹിച്ചു.
ഷാഫി പറമ്പില്‍ എംപി മുഖ്യാതിഥിയായി.നായ ഇന്റര്വെന്ഷണല് ന്യൂറോളജിസ്റ്റുമാരായ ഡോ. റിനോയ് ആര് ആനന്ദ്, ഡോ. ജാസിം കോയ എന്നിവര്‍ ബൈപ്ലെയിന്‍ കാത് ലാബിനെക്കുറിച്ച് വിശദീകരിച്ചു.
മൗലാന ആശുപത്രിയില്‍ സജ്ജമാക്കിയ രണ്ടാമത്തെ എംആര്‍ഐ മെഷീന്‍റെ ഉദ്ഘാടനം നജീബ് കാന്തപുരം എംഎല്‍എ നിര്‍വഹിച്ചു. മൗലാന ആശുപത്രി ചീഫ് ഓപ്പറേഷന്‍ ഓഫിസര്‍ രാംദാസ്,ആശുപത്രി ഡെപ്യൂട്ടി ഡയറക്ടര് ഡോ. റിസ്‌വിന്‍ അഹമ്മദ്,മാനേജിംഗ് പാര്‍ട്ണര്‍ എന്‍.മുഹന്നദാലി എന്നിവര്‍ പ്രസംഗിച്ചു.മൗലാന ഗ്രൂപ്പ് ഓഫ് കമ്പനിസ് മാനേജര്‍ വിനു. കെ, മാര്‍ക്കറ്റിംഗ് ഓഫിസര്‍മാരായ ജയപ്രകാശ്, ഫൈസല്‍, നൗഫല്‍, സന്തോഷ് , ആന്റണി, മനോജ് എന്നിവര്‍ നേതൃത്വം നല്കി.
Malappuram
എടക്കര: മൂത്തേടം ചളിക്കല്‍പൊട്ടി സെന്റ് തോമസ് ഓര്ത്തഡോക്സ് ദേവാലയത്തില്‍ പരുമല തിരുമേനിയുടെ 124-ാമത് ഓര്‍മപ്പെരുന്നാളിന് കൊടിയേറി. വികാരി ഫാ. വിനോദ് ജോസഫ് ചേന്നംപള്ളില്‍ കൊടിയേറ്റ് നിര്‍വഹിച്ചു. 13, 14 തീയതികളിലാണ് പ്രധാന പെരുന്നാള്‍. മലബാര്‍ ഭദ്രാസന സീനിയര്‍ കോര്‍ എപ്പിസ്‌കോപ്പ എം.ഐ. എബ്രഹാം കാര്‍മികത്വം വഹിക്കും.
13ന് വൈകീട്ട് ആറിന് മൂത്തേടം ടൗണ്‍ കുരിശടിയില്‍ സന്ധ്യാനമസ്‌കാരവും വചനപ്രഘോഷണവും നടക്കും. തുടര്‍ന്ന് കുരിശടിയില്‍നിന്ന് പള്ളിയിലേക്ക് പ്രദക്ഷിണവും ആശീര്‍വാദവും സ്നേഹവിരുന്നും ഉണ്ടായിരിക്കും. 14-ന് രാവിലെ 7.30ന് പ്രഭാത നമസ്‌കാരവും 8.30-ന് പെരുന്നാള്‍ കുര്‍ബാനയും തുടര്‍ന്ന് സന്ദേശം, പ്രദക്ഷിണം, സമാപന ആശീര്‍വാദം, നേര്‍ച്ച എന്നിവയും നടക്കും.
Malappuram
പെരിന്തല്‍മണ്ണ: പുലാമന്തോള്‍ ഗവണ്‍മെന്‍റ് ഹയര് സെക്കന്‍ഡറി സ്കൂളിലെ സീനിയര്‍ സ്റ്റുഡന്റ് പൊലിസ് കേഡറ്റുകള്‍ പെരിന്തല്‍മണ്ണ കോടതി സമുച്ചയം, സബ് ജയില്‍, പൊലിസ് സ്റ്റേഷന്, ഫയര്‍ സ്റ്റേഷന് എന്നിവ സന്ദര്‍ശിച്ചു.
മുന്‍സിഫ് മജിസ്ട്രേട്ട് വി.എം. പൈ കുട്ടികളുമായി സംവദിച്ചു. കോടതി നടപടികള്‍ നേരിട്ട് വീക്ഷിച്ചു. പാരാ ലീഗല്‍ വൊളന്റിയര്‍മാരായ അബൂബക്കര്‍, ദീപ എന്നിവര്‍ പങ്കെടുത്തു. പെരിന്തല്‍മണ്ണ താലൂക്ക് ലീഗല്‍ സര്‍വീസസ് കമ്മിറ്റിയുമായി സഹകരിച്ചായിരുന്നു കോടതി സന്ദര്‍ശനം.
ഡെപ്യൂട്ടി പ്രിസണ്‍ ഓഫിസര്‍ സി.പി. അനീഷ് ജയിലുകളെക്കുറിച്ച് വിശദീകരിച്ചു. എസ്എച്ച്ഒ സുമേഷ് സുധാകരന്റെ നേതൃത്വത്തില്‍ പൊലിസ് സബ് ഇന്സ്പെക്ടര്മാരായ റിഷാദലി, സി.പി. അനീഷ്, ഓഫിസര്‍ സുബാഷ് എന്നിവര്‍ കുട്ടികള്‍ക്ക് സ്റ്റേഷന് പ്രവര്‍ത്തനങ്ങള്‍ പരിചയപ്പെടുത്തി. അടിയന്തര സാഹചര്യങ്ങളില്‍ ജീവനും സ്വത്തും സംരക്ഷിക്കുന്നതിനാവശ്യമായ രക്ഷാപ്രവര്‍ത്തനങ്ങളെക്കുറിച്ച് അഗ്നിശമന വിഭാഗം സീനിയര്‍ റസ്‌ക്യൂ ഓഫിസര്‍ വി.ബി. രാമദാസ്, സീനിയര്‍ റസ്‌ക്യൂ ഓഫിസര്‍ പി.ആര്. രതീഷ് എന്നിവര്‍ ക്ലാസെടുത്തു. പ്രധാനാധ്യാപിക കെ. ജയ, ഡ്രില്‍ ഇന്‍സ്ട്രക്ടര്‍ പി. മനുപ്രസാദ്, കമ്മ്യൂണിറ്റി പൊലിസ് ഓഫിസര്‍മാരായ വി. നാരായണന്‍, പി. പ്രമീള എന്നിവര്‍ നേതൃത്വം നല്കി.
Malappuram
വണ്ടൂര്‍: ശാരീരിക-മാനസിക ആരോഗ്യത്തിന്റെയും കൂട്ടായ്മയുടെയും പ്രധാന്യം വ്യക്തമാക്കി റണ്‍ വണ്ടൂര്‍ റണ്‍മാരത്തണ്‍.വിഎംസി ഹയര് സെക്കന്‍ഡറി സ്‌കൂള്‍ ഗ്രൗണ്ടില്‍ നിന്ന് തുടങ്ങിയ മാരത്തോണില്‍ പ്രായഭേദമന്യേ നിരവധി കായികപ്രേമികളും ദീര്‍ഘദൂര ഓട്ടക്കാരും പങ്കാളികളായി. മന്ത്രി എ.പി അനില്‍കുമാര്‍ ഫ്ളാഗ് ഓഫ് ചെയ്തു. 10 കിലോമീറ്റര്‍ പുരുഷ വിഭാഗത്തില്‍ പി.കെ. സാബിത്ത്,
46 - 60 വയസ്സ് വിഭാഗത്തില്‍ ജോസ് ഇല്ലിക്കല്‍ , 61 വയസും അതിന് മുകളിലുള്ളവരുടെയും വിഭാഗത്തില്‍ നളിനാക്ഷന്‍ എന്നിവര്‍ ഒന്നാമതെത്തി. 10 കിലോമീറ്റര്‍ വനിതാ വിഭാഗത്തില്‍ വി. രഞ്ജിതക്കാണ് നേട്ടം. അഞ്ച് കിലോമീറ്റര്‍ വിഭാഗത്തില്‍ പ്രണവും, ഒന്നാം സ്ഥാനം സ്വന്തക്കി. സമ്മാനദാനം മന്ത്രി എ.പി. അനില്‍കുമാര്‍ നിര്‍വഹിച്ചു. കെ.കെ. മുക്താര്‍ അധ്യക്ഷത വഹിച്ചു.
ബ്ലോക്ക് പ്രസിഡന്റ് കെ. അമൃത, ഗ്രാമപഞ്ചായത്ത് പ്രസിഡന്റ് കെ.ടി. ഷംസുദ്ദീന്‍, നിലമ്പൂര്‍ ഡിവൈഎസ്പി കെ. റഫീഖ്, അഡ്വ. അനില്‍ നിലവില്‍ , ഹാരിസ് നീലാമ്പ്ര, അഫ്‌സല്‍ സീലത്ത്, തുടങ്ങിയവര്‍ പങ്കെടുത്തു.
Malappuram
എടക്കര: പോത്തുകല്‍ പൊലിസ് സ്റ്റേഷന് പരിധിയിലെ കേസില്‍ ഒഴിവില്‍ കഴിഞ്ഞിരുന്ന പ്രതിയെ അറസ്റ്റില്‍. മേലാറ്റൂര്‍ എടപ്പറ്റ തോടുകുഴിക്കുന്നമ്മല്‍ മുഹമ്മദ് റിയാസ് എന്ന മണവാളന്‍ റിയാസിനെയാണ് (44) വയനാട്ടില്‍ നിന്ന് കസ്റ്റഡിയിലെടുത്ത് പൊലിസ് അറസ്റ്റ് രേഖപ്പെടുത്തിയത്.
ദീര്‍ഘകാലമായി ഇയാള്‍ പൊലിസിന് പിടികൊടുക്കാതെ ഒളിവില്‍ കഴിഞ്ഞുവരികയായിരുന്നു. പനമരം പൊലിസ് സ്റ്റേഷന് പരിധിയിലെ കപ്പിച്ചാല്‍ ഭാഗത്തുനിന്നാണ് ഇയാളെ അറസ്റ്റ് ചെയ്തത്. മങ്കട, കുറ്റിപ്പുറം, പെരിന്തല്‍മണ്ണ, പോത്തുകല്‍, എടക്കര എന്നീ പൊലിസ് സ്റ്റേഷനുകളിലായി വിശ്വാസവഞ്ചന, തട്ടിപ്പ് തുടങ്ങിയ കുറ്റകൃത്യങ്ങളുമായി ബന്ധപ്പെട്ട് ഇയാള്‍ക്കെതിരെ 11 കേസുകള്‍ നിലവിലുണ്ട്.
നിലമ്പൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു. സീനിയര്‍ സിപിഒ സക്കീര്‍ ഹുസൈന്‍, സിപിഒമാരായ അനീഷ് തോമസ്, അനീഷ്, സാജിദ് എന്നിവരടങ്ങിയ സംഘമാണ് അന്വേഷണം നടത്തിയത്.
Malappuram
മലപ്പുറം: പൊതുവിദ്യാഭ്യാസ വകുപ്പ് ഹയര് സെക്കന്‍ഡറി വിഭാഗം കരിയര്‍ ഗൈഡന്‍സ് ആന്‍ഡ് അഡോളസെന്റ് കൗണ്‍സലിംഗ് സെല്ലിന്റെ ആഭിമുഖ്യത്തില്‍ സംഘടിപ്പിക്കുന്ന രാജ്യത്തെ ഏറ്റവും വലിയ ഉന്നത വിദ്യാഭ്യാസ പ്രദര്‍ശനമായ ദിശ എക്‌സ്‌പോയ്ക്ക് ഇന്ന് തുടക്കമാകും. മലപ്പുറം എംഎസ്പി പരേഡ് ഗ്രൗണ്ടില്‍ വെള്ളിയാഴ്ച വരെയാണ് പ്രദര്‍ശനം.
ഇന്ന് രാവിലെ 10.30-ന് മന്ത്രി പി.കെ കുഞ്ഞാലിക്കുട്ടി ഉദ്ഘാടനം ചെയ്യും. മന്ത്രി എന്‍. ഷംസുദ്ദീന്‍ അധ്യക്ഷത വഹിക്കും. എക്‌സ്‌പോയിലെ സ്റ്റാളുകളുടെ ഉദ്ഘാടനം മന്ത്രി എ.പി അനില്‍ കുമാര്‍ നിര്‍വഹിക്കും. മന്ത്രി കെ.എം ഷാജി മുഖ്യാതിഥിയാകും. എംപിമാരായ ഇ.ടി മുഹമ്മദ് ബഷീര്‍, പി.വി അബ്ദുല്‍ വഹാബ് തുടങ്ങിയവര്‍ വിശിഷ്ടാതിഥികളാവും. എംഎല്‍എമാരായ മഞ്ഞളാംകുഴി അലി, കെ.കെ ആബിദ് ഹുസൈന്‍ തങ്ങള്‍, ടി.വി ഇബ്രാഹിം, ആര്യാടന്‍ ഷൗക്കത്ത്, നജീബ് കാന്തപുരം, വി.എസ് ജോയ്, പൊതുവിദ്യാഭ്യാസ വകുപ്പ് അഡീഷണല്‍ ചീഫ് സെക്രട്ടറി എ.പി.എം മുഹമ്മദ് ഹനീഷ്, ജില്ലാ പഞ്ചായത്ത് പ്രസിഡന്റ് പി.എ ജബ്ബാര്‍ ഹാജി, പൊതുവിദ്യാഭ്യാസ ഡയറക്ടര് അരുണ്‍ കെ. വിജയന്‍, ജില്ലാ കളക്ടര് ഡോ.വിനയ് ഗോയല്‍, ജില്ലാ പൊലിസ് മേധാവി ചൈത്ര തെരേസ ജോണ്‍, എംഎസ്പി കമാന്‍ഡന്‍റ് കെ. സലീം, മലപ്പുറം നഗരസഭാ അധ്യക്ഷ വി.റിന്‍ഷ, തുടങ്ങിയവര്‍ പങ്കെടുക്കും.
ഹയര് സെക്കന്‍ഡറി പഠനത്തിന് ശേഷമുള്ള ഉപരിപഠന-തൊഴില്‍ സാധ്യതകളെക്കുറിച്ച് വിദ്യാര്‍ഥികള്‍ക്ക് കൃത്യമായ ദിശാബോധം നല്‍കുകയാണ് എക്‌സ്‌പോയുടെ ലക്ഷ്യം. 25,000 ചതുരശ്ര അടി വിസ്തീര്‍ണത്തില്‍ സജ്ജമാക്കിയ നഗരിയില്‍ കേന്ദ്ര-സംസ്ഥാന സര്‍വകലാശാലകളും പ്രമുഖ ദേശീയ ഉന്നത വിദ്യാഭ്യാസ സ്ഥാപനങ്ങളും ഉള്‍പ്പെടെ 80-ലധികം സ്ഥാപനങ്ങളുടെ സ്റ്റാളുകള്‍ ഒരുക്കിയിട്ടുണ്ട്. ഇന്ത്യയിലെ പ്രീമിയര്‍ സ്ഥാപനങ്ങളില്‍ ലഭ്യമായ കോഴ്സുകള്, പ്രവേശന പരീക്ഷകള്‍, പ്ലേസ്മെന്റ് രീതികള്‍, ഫീസ് ഘടന എന്നിവയെക്കുറിച്ച് അറിയാനും അവിടുത്തെ അധ്യാപകരുമായി നേരിട്ട് സംവദിക്കാനും വിദ്യാര്‍ഥികള്‍ക്ക് അവസരമുണ്ടാകും.
പ്രദര്‍ശനത്തോടനുബന്ധിച്ച് വിവിധ ദിവസങ്ങളിലായി ഡിസൈന്‍, ഫിലിം ആന്‍ഡ് മീഡിയ, ഡിജിറ്റല്‍ മാര്‍ക്കറ്റിംഗ്, നിയമം, ആര്‍ട്ടിഫിഷ്യല്‍ ഇന്‍റലിജന്‍സ്, സിവില്‍ സര്‍വീസ് എന്നീ വിഷയങ്ങളില്‍ വിദഗ്ധര്‍ നയിക്കുന്ന സെമിനാറുകള്‍ നടക്കും.
Malappuram
തേഞ്ഞിപ്പലം: കാറ്റക്കിസം അധ്യാപകരുടെ മധ്യസ്ഥനായ വിശുദ്ധ ചാള്‍സ് ബോറോമിയോയുടെ തിരുനാളിനോടനുബന്ധിച്ച് തേഞ്ഞിപ്പലം സെന്റ് മേരീസ് പള്ളിയിലെ കാറ്റക്കിസം അധ്യാപകരെ ആദരിച്ചു.
കുര്‍ബാനയ്ക്ക് ശേഷം, പള്ളിവികാരി ഫാ. സിബി പൂവത്തിങ്കല്‍ എം. എസ്ടിയുടെ അധ്യക്ഷതയില്‍ ചേര്‍ന്ന യോഗത്തില്‍ പാറോപ്പടി മേഖല സണ്‍ഡേസ്‌കൂള്‍ പ്രസിഡന്‍റും താമരശേരി രൂപതാ കാറ്റക്കിസം പ്രമോട്ടറുമായ വി.വി. ജോസ് വടക്കേല്‍ എല്ലാ അധ്യാപകരെയും സ്നേഹോപഹാരം എന്നിവ നല്കി ആദരിക്കുകയായിരുന്നു.
ഇതോടൊപ്പം വി.വി.ജോസ് വടക്കേലിനെയും ഫാ. സിബി പൂവത്തിങ്കല്‍ ആദരിച്ചു. കാറ്റക്കിസം ഹെഡ്മാസ്റ്റര്‍ മനോജ് വാരമ്പേല്‍, സണ്ണിച്ചന്‍ പാമ്പാടിയില്‍ എന്നിവര്‍ പ്രസംഗിച്ചു. ചാക്കോ കിച്ചേരില്‍, ജോര്‍ജ് തേറാട്ടില്‍, ഡോണി എലിമുള്ളില്‍ എന്നിവര്‍ നേതൃത്വം നല്കി.
Malappuram
സോളാര്‍ തൂക്കുവേലി തകര്‍ത്ത് റബർത്തൈകള്‍ നശിപ്പിച്ചു
നിലമ്പൂര്‍: ചാലിയാറില്‍ വീണ്ടും കാട്ടാനകളുടെ വിളയാട്ടം. ഇടവണ്ണ ഓക്കാട് സോളാര്‍ വൈദ്യുത തൂക്കുവേലി തകര്‍ത്ത് വ്യാപകമായി റബര്‍ തൈകള്‍ നശിപ്പിച്ചു. ഓക്കാട് ചൂരാംപുഴ സി.എം. ജോസഫിന്‍റെ സ്ഥലത്ത് ഈ വര്‍ഷം പ്ലാന്റ് ചെയ്ത ആറ് മാസം പ്രായമുള്ള 60-ഓളം റബര്‍ തൈകളാണ് നശിപ്പിച്ചത്. ടാപ്പിംഗ് നടത്തുന്ന റബര്‍ മരങ്ങളും കാട്ടാന നശിപ്പിച്ചിട്ടുണ്ട്.
ജോസഫിന്‍റെ സ്ഥലത്ത് വനാതിര്‍ത്തിയോട് ചേര്‍ന്ന് സ്ഥാപിച്ച 15 അടി ഉയരത്തിലുള്ള സോളാര്‍ വൈദ്യുത തൂക്കുവേലിയാണ് ഇരുട്ടില്‍ വലിയ മരം മറിച്ചിട്ട് കാട്ടാന തകര്‍ത്തത്. 25 ലക്ഷം രൂപയോളം ചെലവഴിച്ചാണ് കൃഷിയിടം സംരക്ഷിക്കാന്‍ സി.എം. ജോസഫ് സ്ഥലത്തിന് ചുറ്റും സോളാര്‍ വൈദ്യുത തൂക്കു വേലി സ്ഥാപിച്ചത്. എന്നാല്‍ സോളാര്‍ വൈദ്യുത തൂക്കുവേലിയും കാട്ടാന ശല്യം തടയാന്‍ പര്യാപ്തമല്ലെന്ന് തെളിയുകയാണ്.
നിലമ്പൂര്‍ മേഖലയില്‍ മരങ്ങള്‍ മറിച്ചിട്ടാണ് കാട്ടാനകള്‍ വ്യാപകമായി സോളാര്‍ വൈദ്യുത വേലികള്‍ നശിപ്പിക്കുന്നത്. വൈദ്യുത വേലിയോട് ചേര്‍ന്ന് വനഭാഗത്ത് നില്‍ക്കുന്ന മരങ്ങള്‍ മുറിച്ചുനീക്കി കര്‍ഷകരുടെ കൃഷിയിടങ്ങള്‍ സംരക്ഷിക്കാന്‍ ആവശ്യമായ നടപടി സ്വീകരിക്കണമെന്ന ആവശ്യം ശക്തമാണ്.
മൂലേപ്പാടം, ഓക്കാട്, കല്ലുണ്ട, മതില്‍മൂല, പെരുവമ്പാടം മേഖലകളില്‍ കാട്ടാന ശല്യം അതിരൂക്ഷമാണ്. ടാപ്പിംഗ് നടത്തുന്ന റബറുകള്‍ ഉള്‍പ്പെടെ കാട്ടാനകള്‍ നശിപ്പിക്കുന്നത് ആശങ്ക ഉളവാക്കുന്നു. പുതിയ റബര്‍ പ്ലാന്‍റുകള്‍ നടത്താനാവാത്ത അവസ്ഥയിലാണ് കര്‍ഷകര്‍. വനാതിര്‍ത്തികളില്‍ കര്‍ഷകര്‍ സ്വന്തം ചെലവില്‍ സോളാര്‍ വൈദ്യുത വേലികള്‍ സ്ഥാപിക്കുമ്പോള്‍ കാട്ടാനകള്‍ ഈ വേലികള്‍ക്ക് മുകളിലേക്ക് മരങ്ങള്‍ പിഴുതെറിഞ്ഞ് നശിപ്പിക്കുന്നത് തടയാന്‍ ആവശ്യമായ നടപടികള്‍ ഉണ്ടാകേണ്ടതുണ്ട്.
സുരക്ഷ ഒരുക്കണമെന്ന് ആവശ്യം
ചാലിയാറിലെ കാട്ടാനകളെ കാടുകയറ്റാന്‍ വനം വകുപ്പ് സ്‌പെഷ്യല്‍ ഡ്രൈവിന് ഒരുങ്ങുന്നതിനിടയിലാണ് വ്യാപക കൃഷി നാശം. കഴിഞ്ഞ വര്‍ഷം നവംബറിലാണ് അരയാട് എസ്റ്റേറ്റില്‍ കാട്ടാന ആക്രമണത്തില്‍ അതിഥിത്തൊഴിലാളി മരണപ്പെട്ടത്. 70 വര്‍ഷത്തോളമായി കര്‍ഷകര്‍ കൃഷി ചെയ്തു ജീവിക്കുന്ന സ്ഥലങ്ങളിലാണ് കാട്ടാനകള്‍ വിളവെടുപ്പ് നടത്തുന്നത്.
ചാലിയാര്‍ പഞ്ചായത്തലെ അകമ്പാടം, എടക്കോട് വനം സ്റ്റേഷന് പരിധിയില്‍ വരുന്ന വനഭാഗങ്ങളില്‍ നാല് മുതല്‍ 11 ഓളം കാട്ടാനകളാണ് കര്‍ഷകരുടെ കൃഷി നശിപ്പിക്കുന്നത്. ശല്യക്കാരായ കൊമ്പനാനകളും മോഴയാനയും ഇതില്‍ ഉള്‍പ്പെടും. രാത്രിയായാല്‍ റോഡുകളിലേക്കും വീട്ടുമുറ്റങ്ങളിലേക്കും കൃഷിയിടങ്ങളിലേക്കും കാട്ടാനകള്‍ എത്തുകയാണ്.
കര്‍ഷകര്‍ക്ക് തങ്ങളുടെ മണ്ണില്‍ കൃഷി ചെയ്യാനും ഭയമില്ലാതെ വീടുകളില്‍ താമസിക്കാനും അധികൃതര്‍ സാഹചര്യം ഒരുക്കണമെന്ന ആവശ്യം ശക്തമാണ്.
Malappuram
വളാഞ്ചേരി: വളാഞ്ചേരി ഫ്‌ളോറ ഫന്‍റാസിയ അമ്യൂസ്‌മെന്‍റ് പാര്‍ക്കില്‍ ആറ് പുതിയ റൈഡുകളുമായി ഒരുങ്ങിയ സൂപ്പര്‍ സോണ്‍ വിനോദസഞ്ചാരികള്‍ക്കായി തുറന്നുകൊടുത്തു. സൂപ്പര്‍സോണിന്‍റ ഉദ്ഘാടനം മന്ത്രി എ.പി. അനില്‍കുമാര്‍ നിര്‍വഹിച്ചു. മഞ്ഞളാംകുഴി അലി എംഎല്‍എ അധ്യക്ഷത വഹിച്ചു. കുട്ടികള്‍ക്കും യുവാക്കള്‍ക്കും മുതിര്‍ന്നവര്‍ക്കും ഒരുപോലെ ആവേശവും കൗതുകവും പകരുന്ന പുതിയ അനുഭവങ്ങളാണ് ഫ്‌ളോറ സൂപ്പര്‍സോണിലൂടെ ഒരുക്കുന്നത്.
കേരളത്തിന്‍റെ വിനോദസഞ്ചാര മേഖലയിലെ സാന്നിധ്യം കൂടുതല്‍ ശക്തമാക്കുന്നതിനൊപ്പം മലബാറിലെ കുടുംബ വിനോദസഞ്ചാര രംഗത്ത് പുതിയ അധ്യായം തുറക്കാനുമാണ് ഫ്‌ളോറ ലക്ഷ്യമിടുന്നത്. കുട്ടികള്‍ക്കും മുതിര്‍ന്നവര്‍ക്കും ഒരുപോലെ ആസ്വദിക്കാവുന്ന വൈവിധ്യമാര്‍ന്ന വിനോദങ്ങളാണ് പാര്‍ക്കിന്‍റ പ്രധാന ആകര്‍ഷണം.
വാട്ടര്‍റൈഡുകള്‍, ഡ്രൈറൈഡുകള്‍, അക്വേറിയം, ഹൊറര്‍ ഹൗസ് തുടങ്ങി വ്യത്യസ്തമായ വിനോദ-വിസ്മയ അനുഭവങ്ങള്‍ ഒരുക്കിയിട്ടുള്ള പാര്‍ക്കില്‍ നിലവില്‍ 50ലധികം റൈഡുകളാണുള്ളത്. കുടുംബങ്ങള്‍ക്കും കുട്ടികള്‍ക്കും വിദ്യാര്‍ഥികള്‍ക്കും ഒരുപോലെ ആസ്വദിക്കാവുന്ന രീതിയിലാണ് പാര്‍ക്കിന്‍റ സൗകര്യങ്ങള്‍ ക്രമീകരിച്ചിരിക്കുന്നത്.
പുതിയ അധ്യയന വര്‍ഷത്തിലെ സ്‌കൂള്‍ ടൂര്‍ ആരംഭിച്ചതോടെ നിരവധിയാളുകളാണ് പാര്‍ക്കിലേക്ക് എത്തുന്നത്. പാര്‍ക്കില്‍ ആറ് പുതിയ റെയ്ഡുകള്‍ വെള്ളിയാഴ്ച പ്രവര്‍ത്തനം ആരംഭിച്ചു. അതില്‍ വളരെ സന്തോഷമുണ്ടെന്ന് ഫ്‌ളോറ ചെയര്‍മാന്‍ കെ.വി. വിജയ മോഹന്‍, മാനേജിംഗ് ഡയറക്ടര് ബാപ്പുട്ടി കോണിക്കല്‍ എന്നിവര്‍ പറഞ്ഞു.
ചെയര്‍മാന്‍ കെ.വി. വിജയമോഹന്‍, മാനേജിംഗ് ഡയറക്ടര് ബാപ്പുട്ടി കോണിക്കല്‍, മൂര്‍ക്കനാട് പഞ്ചായത്ത് പ്രസിഡന്റ്് കെ.പി. ഹംസ മാസ്റ്റര്‍ , ബ്ലോക്ക് പഞ്ചായത്ത് അംഗം രശ്മി ശശികുമാര്‍, പഞ്ചായത്തംഗം കിഷോര്‍ രാജ്, പാര്‍ക്ക് ഡയറക്ടര് ബോര്‍ഡ് അംഗങ്ങളായ സി.വി. കാലിദ്, കുഞ്ഞുമുഹമ്മദ് കൊട്ടശേരി, മുഹമ്മദ് മുസ്തഫ, അബ്ദുല്‍ മനാഫ്, കുഞ്ഞാലന്‍, കമ്പനി സെക്രട്ടറി ഉദയകുമാര്‍ തുടങ്ങിയവര്‍ പങ്കെടുത്തു.
Malappuram
മലപ്പുറം: ജലാശയങ്ങളിലേക്കുള്ള മാലിന്യനിക്ഷേപം തടഞ്ഞ് ശുദ്ധജലം സംരക്ഷിക്കുന്നതിനായി ജില്ലയിലെ തദ്ദേശ സ്വയംഭരണ സ്ഥാപനങ്ങളില്‍ ഓപറേഷന്‍ ജലസുരക്ഷ എന്ന പേരില്‍ പ്രത്യേക കാമ്പയിന്‍. ഇതിന്റെ ഭാഗമായി ജലാശയങ്ങളില്‍ മാലിന്യം തള്ളുന്നവരെ കണ്ടെത്താന്‍ ജില്ലയില്‍ തദ്ദേശ സ്ഥാപനങ്ങളുടെ നേതൃത്വത്തില്‍ പരിശോധന കര്‍ശനമാക്കുമെന്ന് തദ്ദേശ സ്വയംഭരണ വകുപ്പ് ജോയിന്റ് ഡയറക്ടര് അറിയിച്ചു.
കാമ്പയിന്‍റെഒന്നാം ഘട്ടമായി കേരള പഞ്ചായത്ത് രാജ്, മുനിസിപ്പല്‍ നിയമങ്ങളിലെ ശിക്ഷാ നടപടികളെക്കുറിച്ച് ജനങ്ങളെ ബോധവത്കരിക്കും. നിലവില്‍ കുറ്റം ചെയ്യുന്നവരോട് ഇതില്‍ നിന്ന് പിന്മാറാന്‍ ആവശ്യപ്പെടും. ജനപ്രതിനിധികള്‍ വഴിയും ദൃശ്യ-ശ്രവ്യ-സാമൂഹിക മാധ്യമങ്ങള്‍ വഴിയും വ്യാപക പ്രചാരണം നടത്തും. രണ്ടാഴ്ചയ്ക്ക് ശേഷം ആരംഭിക്കുന്ന രണ്ടാം ഘട്ടത്തില്‍ ജില്ലയിലെ 106 തദ്ദേശ സ്ഥാപനങ്ങളിലും ഒരേദിവസം എന്ഫോഴ്സ്മെന്റ് സ്‌ക്വാഡുകള്‍ പരിശോധന നടത്തും. കുറ്റക്കാര്‍ക്കെതിരേ പിഴ ചുമത്തുന്നതും കേസ് രജിസ്റ്റര്‍ ചെയ്യുന്നതുള്‍പ്പെടെയുള്ള നിയമ നടപടികള്‍ സ്വീകരിക്കും.
നിയമലംഘനങ്ങള്‍ നടത്തുന്നവര്‍ക്ക് ആറുമാസം മുതല്‍ ഒരു വര്‍ഷം വരെ തടവും 10,000 രൂപ മുതല്‍ 50,000 രൂപ വരെ പിഴയും ശിക്ഷ ലഭിക്കും. ഇത്തരം കുറ്റകൃത്യങ്ങള്‍ ശ്രദ്ധയില്‍പെട്ടാല്‍ പൊതുജനങ്ങള്‍ക്ക് ഫോട്ടോ സഹിതം 9446700800 എന്ന വാട്‌സ്ആപ്പ് നമ്പറില്‍ പരാതിപ്പെടാം. വിവരങ്ങള്‍ നല്‍കുന്നവര്‍ക്ക് ഈടാക്കുന്ന പിഴ തുകയുടെ 25 ശതമാനം പാരിതോഷികമായി നല്കും.
Malappuram
നിലമ്പൂര്‍: ചന്തക്കുന്ന്-വെളിയംതോട് റോഡ് നവീകരണം വൈകുന്നതില്‍ പ്രതിഷേധിച്ച് വ്യാപാരികള്‍ പ്രക്ഷോഭത്തിലേക്ക്. പൊതുമരാമത്ത് വകുപ്പും കരാറുകാരനും ചേര്‍ന്ന് പ്രവൃത്തി നീട്ടിക്കൊണ്ടുപോകുന്നതിന് എതിരേയാണ് കേരള വ്യാപാരി വ്യവസായി ഏകോപന സമിതി രംഗത്തെത്തിയത്.
12നകം പ്രവൃത്തി പൂര്‍ത്തിയായില്ലെങ്കില്‍ പ്രത്യക്ഷ സമരത്തിനിറങ്ങുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. കെഎന്‍ജി റോഡിലെ താഴെ ചന്തക്കുന്ന് മുതല്‍ വെളിയംതോട് വരെയുള്ള നവീകരണ പ്രവൃത്തികള്‍ ആരംഭിച്ചിട്ട് മാസങ്ങളായി. കഴിഞ്ഞ രണ്ടുമാസമായി പ്രവൃത്തി മന്ദഗതിയിലാണ്. റോഡ് പണി പാതിവഴിയിലായതോടെ രൂക്ഷമായ പൊടിശല്യമാണ് പ്രദേശത്തെ കച്ചവടക്കാര്‍ നേരിടുന്നത്.
പൊടിശല്യം കാരണം വ്യാപാരം കുറയുന്നതിനൊപ്പം ജീവനക്കാര്‍ക്ക് അലര്‍ജി ഉള്‍പ്പെടെയുള്ള രോഗങ്ങള്‍ ഉണ്ടാകുന്നതായും വ്യാപാരികള്‍ പറഞ്ഞു. 12നകം പ്രവൃത്തികള്‍ പൂര്‍ത്തിയാക്കാമെന്ന് കരാറുകാരന്‍ ഉറപ്പുനല്‍കിയിട്ടുണ്ട്. വാര്‍ത്താസമ്മേളനത്തില്‍ വിനോദ് പി. മേനോന്‍, കെ. സഫറുള്ള, ഷബീറലി മാടാല, ഭാസ്‌കരന്‍ മഠത്തില്‍, എ.പി. രതീഷ്, എ.ടി. സലീം എന്നിവര്‍ പങ്കെടുത്തു.
Malappuram
നിലമ്പൂര്‍: വര്‍ധിച്ചുവരുന്ന ചികിത്സാ ചെലവുകള്‍ കടക്കെണിയിലാക്കുന്നതാണ് ഇന്ന് കേരളം നേരിടുന്ന വലിയ പ്രതിസന്ധിയെന്നും ജീവിതശൈലി മാറ്റി രോഗങ്ങളെ പ്രതിരോധിച്ച് ഈ പ്രതിസന്ധിയെ അതിജീവിക്കണമെന്നും ആര്യാടന്‍ ഷൗക്കത്ത് എം എല്‍എ. രോഗങ്ങളെ നേരത്തെ കണ്ടെത്തി സൗജന്യ ചികിത്സ ഉറപ്പുവരുത്താന്‍ പൊതുജനാരോഗ്യ മേഖലയെ ശക്തിപ്പെടുത്തണം.
നിലമ്പൂര്‍ മണ്ഡലത്തില്‍ നടപ്പാക്കുന്ന ജീവിതശൈലീ രോഗങ്ങള്‍ക്കെതിരായ ഹൃദയരാഗം സമഗ്ര ആരോഗ്യ പദ്ധതിയുടെ ഭാഗമായി ആരോഗ്യ പ്രവര്‍ത്തകര്‍ക്കും ആശാ പ്രവര്‍ത്തകര്‍ക്കുമായുള്ള പരിശീലന പരിപാടി ഉദ്ഘാടനം ചെയ്യുകയായിരുന്നു അദ്ദേഹം.
നഗരസഭാ ചെയര്പേഴ്സണ് പത്മിനി ഗോപിനാഥ് അധ്യക്ഷത വഹിച്ചു.
ഡെപ്യൂട്ടി ഡിഎംഒ. ഡോ. ഫിറോസ്ഖാന്‍, ആര്‍ദ്രം നോഡല്‍ ഓഫിസര്‍ ഡോ. പ്രവീണ, നഗരസഭാ സ്ഥിരംസമിതി അധ്യക്ഷരായ മേരീസ് ഷിബു, മുസ്തഫ കളത്തുംപടിക്കല്‍, കൗണ്‍സിലര്‍മാരായ പി. കെ. ഉമ്മര്‍, പ്രഭ, നഗരസഭാ സെക്രട്ടറി കെ. അന്‍ഷിദ്, ഹെല്‍ത്ത് ഇന്സ്പെക്ടര് കെ. സലീം എന്നിവര്‍ പ്രസംഗിച്ചു.
Malappuram
മലപ്പുറം: കേരള ഗ്രാമീണ്‍ ബാങ്ക് എംപ്ലോയിസ് യൂണിയന്‍റെയും കേരള ഗ്രാമീണ്‍ ബാങ്ക് ഓഫിസേഴ്സ് യൂണിയന്‍റെയും നേതൃത്വത്തില്‍ കേരള ഗ്രാമീണ ബാങ്ക് ഹെഡ് ഓഫിസിന് മുന്നില്‍ ധര്‍ണ നടത്തി.
ആവശ്യത്തിന് ജീവനക്കാരെ നിയമിക്കുക, താത്കാലിക ജീവനക്കാരെ സ്ഥിരപ്പെടുത്തുക, ജീവനക്കാരുടെ ശമ്പള കരാറില്‍ അംഗീകരിച്ച ആനുകൂല്യങ്ങള്‍ പൂര്‍ണമായും നടപ്പാക്കുക, വിവാഹിതയായ വനിതകള്‍ക്കും ആശ്രിത നിയമനം നല്‍കുക, സ്വീപ്പര്‍മാര്‍ക്ക് ഗ്രാറ്റുവിറ്റി അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ചായിരുന്നു സമരം.
മുന്‍ മന്ത്രി ഡോ. കെ.ടി. ജലീല്‍ ഉദ്ഘാടനം ചെയ്തു. കേരള ഗ്രാമീണ്‍ ബാങ്ക് ഓഫിസ് യൂണിയന്‍ സംസ്ഥാന പ്രസിഡന്റ് ജി. പ്രശാന്ത് അധ്യക്ഷത വഹിച്ചു.
യൂണിയന്‍ ജനറല്‍ സെക്രട്ടറി പി.രാജേഷ്, ബെഫി അഖിലേന്ത്യാ പ്രസിഡന്റ് എസ്.എസ്.അനില്‍, എഐ ആര്‍ആര്‍ബിഇഎ അഖിലേന്ത്യാ പ്രസിഡന്റ്് സി.രാജീവന്‍, കെഎസ്‌കെ ടിയു ജില്ലാ സെക്രട്ടറി ഇ. ജയന്, എഐആര്‍ആര്‍ബിഇഎ ഓര്‍ഗനൈസിംഗ് സെക്രട്ടറി ബിഗേഷ് ഉണ്ണിയന്‍, കേരള ഗ്രാമീണ്‍ ബാങ്ക് എംപ്ലോയീസ് യൂണിയന്‍ സംസ്ഥാന പ്രസിഡന്റ് എന്‍.മീന, കേരള ഗ്രാമീണ്‍ ബാങ്ക് റിട്ടയറീസ് ഫോറം ജനറല്‍ സെക്രട്ടറി കെ.എം. അച്യുതന്‍കുട്ടി, എ.എ. ഷാജു, ബെഫി ജില്ലാ സെക്രട്ടറി ജി. കണ്ണന്‍, കെ.ടി. രമ്യ എന്നിവര്‍ പ്രസംഗിച്ചു.
Malappuram
ഏലംകുളത്ത് പ്രതിരോധ പ്രവര്‍ത്തനങ്ങള്‍ ഊര്‍ജിതം
ഏലംകുളം: ഏലംകുളം ഗ്രാമപഞ്ചായത്തില്‍ അഞ്ച് പേര്‍ക്ക് ഷിഗല്ല രോഗബാധ സ്ഥിരീകരിക്കുകയും നൂറോളം പേര് നിരീക്ഷണത്തിലാകുകയും ചെയ്ത സാഹചര്യത്തില്‍ രോഗവ്യാപനം തടയുന്നതിനായി ഗ്രാമപഞ്ചായത്തിന്‍റെയും കുടുംബാരോഗ്യ കേന്ദ്രത്തിന്‍റെയും നേതൃത്വത്തില്‍ പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. ഗ്രാമപഞ്ചായത്ത് പ്രസിഡന്റ് ഷഹീനയുടെ നേതൃത്വത്തില്‍ വിവിധ വകുപ്പുകളെയും ആരോഗ്യപ്രവര്‍ത്തകരെയും ഏകോപിപ്പിച്ചാണ് പ്രതിരോധ പ്രവര്‍ത്തനങ്ങള്‍ നടത്തുന്നത്.
രോഗവ്യാപനം നിയന്ത്രിക്കുന്നതിന് സമഗ്ര കര്‍മപദ്ധതി തയാറാക്കി പ്രവര്‍ത്തനങ്ങള്‍ ആരംഭിച്ചിട്ടുണ്ട്. ഇതിന്റെ ഭാഗമായി ഗ്രാമപഞ്ചായത്ത് പരിധിയിലെ വാര്‍ഡുകളില്‍ വിവാഹം ഉള്‍പ്പെടെയുള്ള സാമൂഹിക ഒത്തുചേരലുകളോടനുബന്ധിച്ചുള്ള പൊതുഭക്ഷണ വിതരണം താത്കാലികമായി ഒഴിവാക്കണമെന്ന് ആവശ്യപ്പെട്ട് കുടുംബാരോഗ്യ കേന്ദ്രം മെഡിക്കല്‍ ഓഫിസര്‍ ഗ്രാമപഞ്ചായത്തിന് കത്ത് നല്കി.
വയറിളക്കം, ഛര്‍ദ്ദി, വയറുവേദന, പനി തുടങ്ങിയ രോഗലക്ഷണങ്ങള്‍ ഉള്ളവര്‍ യാതൊരു കാരണവശാലും ചികിത്സ വൈകിപ്പിക്കരുതെന്നും ഉടന്‍ ആശുപത്രിയിലെത്തി ചികിത്സ തേടണമെന്നും മെഡിക്കല്‍ ഓഫിസര്‍ ഡോ. ടി.പി. ഷമീറ അറിയിച്ചു. ഷിഗല്ല രോഗബാധ ഗുരുതരമായാല്‍ നാഡീവ്യവസ്ഥയെ ബാധിക്കുന്ന സങ്കീര്‍ണതകള്‍ ഉള്‍പ്പെടെ ജീവന് ഭീഷണിയായ ആരോഗ്യപ്രശ്‌നങ്ങള്‍ ഉണ്ടാകാന്‍ സാധ്യതയുള്ളതിനാല്‍ രോഗലക്ഷണങ്ങള്‍ പ്രകടമാകുന്നവര്‍ അടിയന്തരമായി ചികിത്സ തേടണമെന്നാണ് നിര്‍ദേശം.
ഹെല്‍ത്ത് ഇന്സ്പെക്ടര് ജി.എല്‍. ഷിബുവിന്‍റെ നേതൃത്വത്തില്‍ പഞ്ചായത്തിലെ മുഴുവന്‍ കുടിവെള്ള സ്രോതസുകളിലും ക്ലോറിനേഷന്‍ പ്രവര്‍ത്തനങ്ങള്‍ ആരംഭിച്ചു. സ്‌കൂളുകള്‍, മദ്രസകള്‍, അങ്കണവാടികള്‍, ആരാധനാലയങ്ങളിലെ കിണറുകള്‍, പൊതുകിണറുകള്‍, പൊതുജനങ്ങള്‍ ഉപയോഗിക്കുന്ന മറ്റ് കുടിവെള്ള സ്രോതസ്സുകള് എന്നിവിടങ്ങളില്‍ ക്ലോറിനേഷന്‍ നടത്തും. ആരോഗ്യപ്രവര്‍ത്തകരുടെ നേതൃത്വത്തില്‍ സ്‌കൂളുകള്‍ കേന്ദ്രീകരിച്ചും വീടുകള്‍ സന്ദര്‍ശിച്ചും രോഗപ്രതിരോധ ബോധവത്കരണ പ്രവര്‍ത്തനങ്ങള്‍ നടത്തും. പഞ്ചായത്തിലെ മുഴുവന്‍ വാര്‍ഡുകളിലും ആരോഗ്യ ബോധവല്‍ക്കരണ ക്ലാസുകള്‍ സംഘടിപ്പിക്കാനും തീരുമാനിച്ചിട്ടുണ്ട്.
വ്യാപാരികള്‍, വ്യവസായികള്‍, ഹോട്ടല്‍-റെസ്റ്ററന്‍റ് അസോസിയേഷന്‍ പ്രതിനിധികള്‍, സ്‌കൂള്‍ അധികൃതര്‍, സ്വകാര്യ ആശുപത്രികള്‍, ലബോറട്ടറികള്‍, മെഡിക്കല്‍ സ്റ്റോര്‍ ഉടമകള്‍ തുടങ്ങിയവരുടെ യോഗം വിളിച്ചുചേര്‍ത്ത് രോഗപ്രതിരോധ ്രവര്‍ത്തനങ്ങളില്‍ കൂട്ടായ പങ്കാളിത്തം ഉറപ്പാക്കുന്നതിനുള്ള നടപടികളും ആരംഭിച്ചു.
പൊതുജനാരോഗ്യ നിയമത്തിലെ വ്യവസ്ഥകളും ഭക്ഷ്യസുരക്ഷാ മാനദണ്ഡങ്ങളും ലംഘിച്ച് പ്രവര്‍ത്തിക്കുന്ന സ്ഥാപനങ്ങള്‍ക്കെതിരേ നിയമാനുസൃത നടപടികള്‍ സ്വീകരിക്കുമെന്ന് ഹെല്‍ത്ത് ഇന്സ്പെക്ടര് ഷിബു അറിയിച്ചു. രോഗവ്യാപനം നിയന്ത്രിക്കുന്നതിനും കൂടുതല്‍ ആളുകളിലേക്ക് രോഗം പടരുന്നത് തടയുന്നതിനുമായി ഗ്രാമപഞ്ചായത്തിന്‍റെ നേതൃത്വത്തില്‍ ആരോഗ്യവകുപ്പ്, ആരോഗ്യപ്രവര്‍ത്തകര്‍, മറ്റ് അനുബന്ധ വകുപ്പുകള്‍ എന്നിവയുടെ സംയുക്ത പ്രവര്‍ത്തനങ്ങള്‍ ശക്തമാക്കിയിട്ടുണ്ട്. പൊതുജനങ്ങളുടെ സഹകരണം അനിവാര്യമാണെന്നും അധികൃതര്‍ അറിയിച്ചു.
രണ്ട് കുട്ടികള്‍ക്ക് ഷിഗല്ല സ്ഥിരീകരിച്ച സംഭവം; ഭക്ഷണം നല്‍കിയ ഹോട്ടല്‍ അടപ്പിച്ചു
എടക്കര: ചുങ്കത്തറ ബ്ലോക്ക് കുടുംബാരോഗ്യ കേന്ദ്രത്തിന് കീഴില്‍ രണ്ട് കുട്ടികള്‍ക്ക് ഷിഗല്ല സ്ഥിരീകരിച്ചതിനെത്തുടര്‍ന്ന് ഭക്ഷണം തയാറാക്കി നല്‍കിയ ഹോട്ടല്‍ ആരോഗ്യവകുപ്പ് അധികൃതര്‍ അടച്ചുപൂട്ടി. പാലുണ്ടയിലുള്ള ഹോട്ടലിനാണ് വിശദീകരണം നല്‍കിയ ശേഷം മാത്രം തുറന്നാല്‍ മതിയെന്ന് ആരോഗ്യ വകുപ്പ് ജീവനക്കാര്‍ നിര്‍ദേശം നല്‍കിയത്.
ചുങ്കത്തറ മുട്ടിക്കടവ് പള്ളിക്കുത്ത് പ്രദേശത്തെ അഞ്ചും ഏഴും വയസുള്ള കുട്ടികള്‍ക്കാണ് രോഗം സ്ഥിരീകരിച്ചത്. വയറിളക്കവും ഛര്‍ദിയും അനുഭവപ്പെട്ടതിനെത്തുടര്‍ന്ന് നിലമ്പൂര്‍ ജില്ലാ ആശുപത്രിയില്‍ ചികിത്സയിലായിരുന്ന കുട്ടികളുടെ ആരോഗ്യനില തൃപ്തികരമാണെന്ന് വീട് സന്ദര്‍ശിച്ച ശേഷം ആരോഗ്യ വകുപ്പ് ഉദ്യോഗസ്ഥര്‍ അറിയിച്ചു.
കുട്ടികളുടെ വീട്ടില്‍ നടന്ന ചടങ്ങിലേക്ക് ഈ ഹോട്ടലില്‍നിന്ന് 50ഓളം പേര്‍ക്കുള്ള ഭക്ഷണമാണ് ഓര്‍ഡര്‍ ചെയ്തിരുന്നത്.
Malappuram
പ്രതികൾ പുറത്തുതന്നെ; എങ്ങനെ കുട്ടികളെ അയയ്ക്കും? രക്ഷിതാക്കൾ
നിലമ്പൂര്‍: ചാലിയാര്‍ പഞ്ചായത്തിലെ പണപൊയില്‍ അങ്കണവാടിയിലെ വാട്ടര്‍ ടാങ്കില്‍ സാമൂഹ്യവിരുദ്ധര്‍ ഹാര്‍പ്പിക് കലര്‍ത്തിയ സംഭവത്തില്‍ ഒരാഴ്ച പിന്നിട്ടിട്ടും കുറ്റക്കാരെ കണ്ടെത്താനാകാതെ പൊലിസ്. പൊലിസിന്‍റെ ഭാഗത്തുനിന്ന് ഗുരുതര വീഴ്ചയും അന്വേഷണത്തില്‍ മന്ദഗതിയുമാണ് ഉണ്ടാകുന്നതെന്ന് ആരോപിച്ച് ഗ്രാമപഞ്ചായത്ത് അംഗങ്ങളും അങ്കണവാടി വെല്‍ഫെയര്‍ കമ്മിറ്റിയും രക്ഷിതാക്കളും രംഗത്തെത്തി.
പ്രതികളെ പിടികൂടുകയും മതിയായ സുരക്ഷാ സംവിധാനങ്ങള്‍ ഏര്‍പ്പെടുത്തുകയും ചെയ്യാതെ ഇനി കുട്ടികളെ അങ്കണവാടിയിലേക്ക് അയയ്ക്കില്ലെന്ന കര്‍ശന നിലപാടിലാണ് രക്ഷിതാക്കള്‍.
കഴിഞ്ഞ മാസം 31-നായിരുന്നു 16-ഓളം പിഞ്ചുകുട്ടികള്‍ പഠിക്കുന്ന അങ്കണവാടിയില്‍ നാടിനെ ഞെട്ടിച്ച സംഭവം നടന്നത്. സംഭവ ദിവസം രാവിലെ 10ന് തന്നെ പൊലിസില്‍ വിവരമറിയിച്ചിരുന്നെങ്കിലും വൈകീട്ട് 5.30-ഓടെ മാത്രമാണ് പൊലിസ് സ്ഥലത്തെത്തിയതെന്നാണ് ആരോപണം. ഹാര്‍പ്പിക് വെള്ളത്തില്‍ കലര്‍ത്തിയ സംഭവം അതീവ ഗൗരവമുള്ളതാണെന്നും ഇതിനു പിന്നിലെ ദുരൂഹത പുറത്തുകൊണ്ടുവരേണ്ടത് പൊലിസിന്‍റെ ഉത്തരവാദിത്തമാണെന്നും ഗ്രാമപഞ്ചായത്ത് അംഗങ്ങളായ സുന്ദരന്‍, സഹില്‍ അകമ്പാടം എന്നിവര്‍ വെല്‍ഫെയര്‍ കമ്മിറ്റി യോഗത്തില്‍ പറഞ്ഞു.
കുട്ടികളെ തിരികേ അങ്കണവാടിയിലെത്തിക്കുന്നത് ചര്‍ച്ച ചെയ്യാന്‍ വിളിച്ചുചേര്‍ത്ത യോഗത്തിലാണ് രക്ഷിതാക്കള്‍ തങ്ങളുടെ ആശങ്കയും നിലപാടും വ്യക്തമാക്കിയത്. ഭയരഹിതമായി കുട്ടികളെ അയയ്ക്കണമെങ്കില്‍ അങ്കണവാടിയില്‍ ഉടന്‍ സിസിടിവി കാമറകള്‍ സ്ഥാപിക്കണമെന്നും സുരക്ഷ ഉറപ്പാക്കണമെന്നും അവര് ആവശ്യപ്പെട്ടു. സംഭവത്തില്‍ വയനാട് എംപി പ്രിയങ്ക ഗാന്ധിയുടെ ഓഫിസും അധികാരികളില്‍നിന്ന് വിശദീകരണം തേടിയിട്ടുണ്ട്.
പൊലിസ്, ഗ്രാമപഞ്ചായത്ത് ഭരണസമിതി, ശിശുക്ഷേമ വകുപ്പ് എന്നിവരടങ്ങുന്ന അധികൃതര്‍ അടിയന്തരമായി രക്ഷിതാക്കളുടെ യോഗം വിളിച്ച് സുരക്ഷാ ഉറപ്പ് നല്‍കണമെന്നും കുട്ടികളുടെ വിദ്യാഭ്യാസം തടസപ്പെടാതിരിക്കാന്‍ അടിയന്തര നടപടികള്‍ സ്വീകരിക്കണമെന്നുമാണ് നാട്ടുകാരുടെയും വെല്‍ഫെയര്‍ കമ്മിറ്റിയുടെയും ആവശ്യം.
Malappuram
ചങ്ങരംകുളം: സിഐടിയു തൊഴിലാളിയെ ഷെഡില്‍ കയറി മര്‍ദിച്ചെന്ന പരാതിയില്‍ ചങ്ങരംകുളം പൊലിസ് കേസെടുത്തു.
സിഐടിയുവില്‍നിന്ന് പുറത്താക്കിയ സുകുമാരനെതിരേയും സിഐടിയു പ്രവര്‍ത്തകനായ അഭീഷിനെതിരേയുമാണ് പൊലിസ് കേസെടുത്തത്.
ഇരുവരും തമ്മിലുള്ള തര്‍ക്കവും തുടര്‍ന്നുണ്ടായ പ്രശ്‌നങ്ങളുമാണ് കേസിന് കാരണം. പരിക്കേറ്റ അഭീഷിനെ എടപ്പാളിലെ സ്വകാര്യ ആശുപത്രിയിലും സുകുമാരനെ ചങ്ങരംകുളത്തെ സ്വകാര്യ ആശുപത്രിയിലുമാണ് പ്രവേശിപ്പിച്ചത്.
Malappuram
ചങ്ങരംകുളം: മത്സ്യവില്‍പനക്കിടെയു ണ്ടായ തര്‍ക്കത്തിനിടെ യുവാവിന് വെട്ടേറ്റ സംഭവത്തില്‍ പ്രതി അറസ്റ്റില്‍. ചങ്ങരംകുളം മാട്ടം സ്വദേശിയും കല്ലുംപുറം വട്ടമാവില്‍ താമസക്കാരനുമായി ലത്തീഫ് (43) ആണ് അറസ്റ്റിലായത്. ഒളിവില്‍ കഴിഞ്ഞ പ്രതി പൊലിസ് അന്വേഷണം ഊര്‍ജിതമാക്കിയതോടെ ചങ്ങരംകുളം പൊലിസ് സ്റ്റേഷനില്‍ എത്തി കീഴടങ്ങുകയായിരുന്നു.
ശനിയാഴ്ച രാത്രി എട്ടോടെ ചങ്ങരംകുളം ചിയ്യാനൂര്‍ പാടത്താണ് സംഭവം. സംസ്ഥാനപാതയില്‍ മാര്‍സ് സിനിമാസിന് സമീപം ഗുഡ്‌സ് ഓട്ടോയില്‍ മത്സ്യവില്‍പന നടത്തുന്ന പൊന്നാനി സ്വദേശി മുജീബി (30) നാണ് വെട്ടേറ്റത്. കാലിനും കൈക്കും വെട്ടേറ്റ മുജീബിനെ സഹപ്രവര്‍ത്തകര്‍ ചേര്‍ന്ന് ചങ്ങരംകുളത്ത് സണ്‍റൈസ് ആശുപത്രിയിലും പിന്നീട് എടപ്പാളിലെ സ്വകാര്യ ആശുപത്രിയിലും എത്തിക്കുകയായിരുന്നു.
വാക്കുതര്‍ക്കത്തെത്തുടര്‍ന്ന് തൊട്ടടുത്ത് മത്സ്യവില്‍പന നടത്തുന്ന ലത്തീഫ് മത്സ്യം വെട്ടുന്ന കത്തിയെടുത്ത് ആക്രമിക്കുകയായിരുന്നുവെന്നാണ് മുജീബ് പൊലിസിന് നല്‍കിയ മൊഴി. അറസ്റ്റിലായ പ്രതിയെ കോടതി റിമാന്‍ഡ് ചെയ്തു.
Malappuram
ചങ്ങരംകുളം: യുവാവിനെ അക്രമിച്ച് കാറും മൊബൈല്‍ ഫോണും കവര്‍ന്ന കേസില്‍ ഒരാള്‍ കൂടി പിടിയില്‍. വയനാട് മേപ്പാടി കൂനത്തില്‍ മിജ്‌വാദ് (24) ആണ് അറസ്റ്റിലായത്. കേസിലെ മറ്റൊരു പ്രതിയായ ചങ്ങരംകുളം പള്ളിക്കര സ്വദേശി ഷെഹീന്‍ കഴിഞ്ഞ ദിവസം അറസ്റ്റിലായിരുന്നു. ഒളിവില്‍ പോയ മിജ്‌വാദിനെ വയനാട്ടിലെ അരപ്പറ്റയില്‍ നിന്നാണ് വയനാട് പൊലിസിന്‍റെ സഹായത്തോടെ ചങ്ങരംകുളം എസ്ഐ ജിതിന്‍ വാസിന്‍റെ നേതൃത്വത്തിലുള്ള പ്രത്യേക അന്വേഷണ സംഘം പിടികൂടിയത്.
ആലംകോട് സ്വദേശിയായ പ്രധാന പ്രതിക്കായി അന്വേഷണം തുടരുകയാണെന്ന് അന്വേഷണ ഉദ്യോഗസ്ഥര്‍ പറഞ്ഞു.ചങ്ങരംകുളം തൃശൂര്‍ റോഡിലെ സ്വകാര്യ കെട്ടിടത്തില്‍നിന്നാണ് ചങ്ങരംകുളം സ്വദേശിയായ യുവാവിനെ ക്രൂരമായി അക്രമിച്ച് കാറും മൊബൈല്‍ ഫോണും കവര്‍ച്ച ചെയ്ത് സംഘം രക്ഷപ്പെട്ടത്.
ലഹരി ഇടപാടുകള്‍ സംബന്ധിച്ചുണ്ടായ തര്‍ക്കമാണ് ആക്രമണത്തിലും കവര്‍ച്ചയിലും കലാശിച്ചതെന്നാണ് അന്വേഷണ സംഘത്തിന് ലഭിച്ച വിവരം. ജാമ്യം ലഭിക്കാത്ത വകുപ്പ് ചുമത്തിയാണ് പ്രതികള്‍ക്കെതിരേ ചങ്ങരംകുളം പൊലിസ് കേസെടുത്തിരിക്കുന്നത്. പിടിയിലായ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.
Malappuram
പൊന്നാനി: ആലംകോട് ഗ്രാമപഞ്ചായത്തിന്‍റെ നേതൃത്വത്തിലുള്ള കേരളോത്സവത്തിന് ആവേശകരമായ തുടക്കം. ചങ്ങരംകുളത്ത് നടന്ന വിളംബര ജാഥ നാടന്‍ കലാരൂപങ്ങളുടെയും പ്രവര്‍ത്തകരുടെയും സാന്നിധ്യം കൊണ്ട് ശ്രദ്ധേയമായി. 15 വരെ വിവിധ വേദികളിലായി നടക്കുന്ന കേരളോത്സവത്തില്‍ കലാ, കായിക മത്സരങ്ങളിലായി 500ത്തോളം മത്സരാര്‍ഥികള്‍ മാറ്റുരയ്ക്കും.
കുടുംബശ്രീ, ഹരിതകര്‍മ സേന, ലയണ്‍സ് ക്ലബ്, ട്രോമ കെയര്‍, എന്‍എസ്എസ് വോള ണ്ടിയര്‍മാര്‍ തുടങ്ങിയവരുടെ നേതൃത്വത്തിലാണ് വിളംബര ജാഥ സംഘടിപ്പിച്ചത്. ചങ്ങരംകുളത്ത് നടന്ന ജാഥ ജില്ലാ പഞ്ചായത്ത് അംഗം അഷ്ഹര്‍ പെരുമുക്ക് ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് ആസിയ ഇബ്രാഹിം അധ്യക്ഷത വഹിച്ചു. വൈസ് പ്രസിഡന്റ് സുബൈര്‍ ഉദിനുപറമ്പ്, സ്ഥിരം സമിതി അധ്യക്ഷന്‍ ഫവാസ് മാളിയേക്കല്‍, ബ്ലോക്ക് പഞ്ചായത്ത് മെമ്പര്‍ സജ്ന ഫിറോസ്, പഞ്ചായത്ത് സെക്രട്ടറി സുതന്‍ തുടങ്ങിയവര്‍ പ്രസംഗിച്ചു.
Malappuram
പെരിന്തല്‍മണ്ണ: പക്ഷാഘാതം, മസ്തിഷ്‌കത്തിലെ അന്യൂറിസം, രക്തധമനികളിലെ തടസങ്ങള്‍, ആന്തരികാവയവങ്ങളിലെ സുപ്രധാന രോഗങ്ങള്‍ എന്നിവയ്ക്ക് ശസ്ത്രക്രിയയില്ലാതെ ചികിത്സ ലഭ്യമാക്കുന്ന അതിനൂതന ബൈപ്ലെയിന്‍ കാത്‌ലാബ് സംവിധാനം പെരിന്തല്‍മണ്ണ മൗലാന ആശുപത്രിയില്‍ സജ്ജം.
ഉദ്ഘാടനം നാളെ രാവിലെ കോയമ്പത്തൂര്‍ കോവൈ മെഡിക്കല്‍ കോളജ് ആന്‍ഡ് ആശുപത്രിയിലെ ഇന്റര്വെന്ഷണല് റേഡിയോളജി വിഭാഗം മേധാവി ഡോ. മാത്യു ചെറിയാന്‍ നിര്‍വഹിക്കും. ഷാഫി പറമ്പില്‍ എംപി മുഖ്യാതിഥിയാകും. ആശുപത്രിയില്‍ പുതുതായി സജ്ജമാക്കിയ രണ്ടാമത്തെ എംആര്‍ഐ മെഷീന്‍റെ ഉദ്ഘാടനവും ഷാഫി പറമ്പില്‍ എംപി നിര്‍വഹിക്കും.
നജീബ് കാന്തപുരം എംഎല്‍എ അധ്യക്ഷത വഹിക്കും. പെരിന്തല്‍മണ്ണ നഗരസഭാ ചെയര്പേഴ്സണ് സുരയ്യ ഫാറൂഖ് ന്യൂറോ ഇന്റര്വെന്ഷണല് ഐസിയുവിന്‍റെ ഉദ്ഘാടനം നിര്‍വഹിക്കും.
വാര്‍ത്താസമ്മേളനത്തില്‍ മെഡിക്കല്‍ സൂപ്രണ്ട് ഡോ. കെ.എ സീതി, ഇന്റര്വെന്ഷണല് റേഡിയോളജിസ്റ്റുമാരായ ഡോ. റിനോയ് ആനന്ദ്, ഡോ. ജാസിം കോയ, നാലകത്ത് ഗ്രൂപ്പ് ഓഫ് കമ്പനീസ് മാനേജര്‍ വിനു എന്നിവര്‍ പങ്കെടുത്തു.
Malappuram
മലപ്പുറം: മഞ്ചേരി മെഡിക്കല്‍ കോളജ് പരിസരത്തെ മദ്യവില്‍പന ശാലകള്‍ അടച്ചു പൂട്ടണമെന്ന് ജനതാദള്‍ (എസ്) ജില്ലാ കമ്മിറ്റി ആവശ്യപ്പെട്ടു. വിദ്യാഭ്യാസ സ്ഥാപനങ്ങളില്‍നിന്ന് 400 മീറ്റര്‍ ചുറ്റളവില്‍ മദ്യശാലകള്‍ പാടില്ലെന്നാണ് നിയമം. സര്‍ക്കാറുകള്‍ മാറി മാറി വന്നിട്ടും നിയമത്തില്‍ മാറ്റം വരുത്താനോ സ്ഥാപനങ്ങള്‍ അടച്ചു പൂട്ടാനോ ഇതുവരെ നടപടി ഉണ്ടായിട്ടില്ല. മഞ്ചേരി ജില്ലാ മെഡിക്കല്‍ കോളജില്‍ 1000-ല്‍പരം മെഡിക്കല്‍, നഴ്സിംഗ് വിദ്യാര്‍ഥികള്‍ പഠിക്കുന്നുണ്ട്. ഈ പരിസരത്ത് തന്നെ നിരവധി വിദ്യാലയങ്ങള്‍, ആരാധനാലയങ്ങള്‍ എന്നിവയുമുണ്ട്.
ഇതു കണക്കിലെടുക്കാതെയാണ് സര്‍ക്കാറുകള്‍ മദ്യശാലകള്‍ക്ക് പെര്‍മിറ്റ് പുതുക്കി നല്കുന്നത്. ആരാധനാലയങ്ങളില്‍നിന്ന് 200 മീറ്റര്‍ കഴിഞ്ഞു മാത്രമേ മദ്യശാലകള്‍ പ്രവര്‍ത്തിക്കാവൂ. എന്നാല്‍ നിയമം തെറ്റിച്ചും സര്‍ക്കാറുകളെ തെറ്റിദ്ധരിപ്പിച്ചുമാണ് മദ്യശാലകള്‍ പലതും പ്രവര്ത്തിക്കുന്നത്. അതിനാല്‍ അനധികൃതമായി പ്രവര്‍ത്തിക്കുന്ന ഇത്തരം മദ്യശാലകള്‍ അടച്ചുപൂട്ടാന്‍ നടപടി സ്വീകരിക്കണമെന്ന് ജില്ലാ ഭാരവാഹി യോഗം ആവശ്യപ്പെട്ടു. ജില്ലാ പ്രസിഡന്റ് സി.ടി. രാജു ഉദ്ഘാടനം ചെയ്തു. വൈസ് പ്രസിഡന്റ് ജിജി, സി. മുഹമ്മദ്, കെ. പ്രഭാകരന്‍, പി. ദേവന്‍, ജിഷ, കെ. സുബൈദ, ഹനീഫ എന്നിവര്‍ പ്രസംഗിച്ചു.
Malappuram
അരക്കുപറമ്പ്: ദിനംപ്രതി ആയിരക്കണക്കിന് ഭക്തജനങ്ങള്‍ എത്തുന്ന അരക്കുപറമ്പ് വെളിങ്ങോട് ശ്രീ അര്‍ധനാരീശ്വര ക്ഷേത്രത്തിലേക്കുള്ള റോഡ് ഗതാഗതയോഗ്യമാക്കാത്തതില്‍ പ്രതിഷേധിച്ച് ക്ഷേത്ര വിശ്വാസികളും നാട്ടുകാരും സമരത്തിലേക്ക്. താഴെക്കോട് പഞ്ചായത്ത് ഓഫിസിന് മുന്നില്‍ തിങ്കളാഴ്ച രാവിലെ 10 മുതല്‍ വൈകീട്ട് നാല് വരെ പ്രതിഷേധ ധര്‍ണ നടത്തും.
300 മീറ്ററില്‍ താഴെ മാത്രം ദൂരമുള്ള റോഡിനായി സ്ഥലം വാങ്ങി പഞ്ചായത്തിന് വിട്ടുനല്‍കിയിട്ട് 13 വര്‍ഷം പൂര്‍ത്തിയായി. എന്നാല്‍ റോഡ് നിര്‍മാണം പൂര്‍ത്തിയാക്കാന്‍ മാറിമാറി വരുന്ന പഞ്ചായത്ത് ഭരണസമിതികള്‍ക്കോ ജനപ്രതിനിധികള്‍ക്കോ സാധിച്ചിട്ടില്ല. റോഡ് ചളിയില്‍ പുതഞ്ഞും വാഹനങ്ങളുടെ അടി തട്ടിയും സഞ്ചരിക്കാന്‍ കഴിയാത്ത അവസ്ഥയിലാണ്. ഇതുമൂലം നിരവധി ഭക്തര്‍ ക്ഷേത്രത്തില്‍ എത്താനാകാതെ മടങ്ങിപ്പോകുന്ന സാഹചര്യമാണുള്ളത്.
ക്ഷേത്രത്തിലേക്ക് എത്താത്ത മറ്റൊരു റോഡിന് അര്‍ധനാരീശ്വര ക്ഷേത്രം റോഡ് എന്ന് നാമകരണം ചെയ്ത് ഉദ്്ഘാടനം നടത്തി ജനങ്ങള്‍ക്കിടയില്‍ ജനപ്രതിനിധികള്‍ തെറ്റിദ്ധാരണ പരത്തുകയാണെന്നും ആരോപണമുണ്ട്.
ധര്‍ണ സംഘടിപ്പിക്കുന്നത് സംബന്ധിച്ച് താഴെക്കോട് ഗ്രാമപഞ്ചായത്ത് സെക്രട്ടറിക്കും ജില്ലാ പൊലിസ് സൂപ്രണ്ടിനും കത്ത് നല്‍കിയതായി ക്ഷേത്രകമ്മിറ്റി പ്രസിഡന്റ്് നടകളത്തില്‍ കൃഷ്ണന്‍കുട്ടിയും സെക്രട്ടറി രമിത്ത് തൊണ്ടിയിലും അറിയിച്ചു.
Malappuram
എടക്കര: നിര്‍മലം 100 ദിന ശുചീകരണ പ്രവര്‍ത്തനങ്ങളുടെ ഭാഗമായി പാലാങ്കരയില്‍ കരിമ്പുഴ പാലത്തിന്‍റെ പരിസരത്തെ കാടുകള്‍ വെട്ടി ശുചീകരിച്ചു. ശുചീകരണ പ്രവൃത്തി പഞ്ചായത്ത് പ്രസിഡന്റ് ടി.കെ. ഹഫ്സത്ത് ഉദ്ഘാടനം ചെയ്തു.
സ്ഥിരസമിതി അധ്യക്ഷ കെ. സുബൈദ അധ്യക്ഷത വഹിച്ചു. പഞ്ചായത്ത് അംഗങ്ങളായ ടി.സി. ഹരിദാസന്‍, പി. ബഷീര്‍, അബ്സത്ത്, മൈമൂന, സുനിത പ്രകാശ്, പഞ്ചായത്ത് സെക്രട്ടറി കെ. അഭിജിത്ത്, എച്ച്‌ഐ നിഷിദ എന്നിവര്‍ പ്രസംഗിച്ചു. തൊഴിലുറപ്പ് തൊഴിലാളികള്‍, ഹരിതകര്‍മ സേനാംഗങ്ങള്‍, ക്ലീന്‍ മൂത്തേടം, പൊതുജനങ്ങള്‍, ക്ലബ് ഭാരവാഹികള്‍ എന്നിവര്‍ പങ്കെടുത്തു.
Malappuram
മഞ്ചേരി: നഗരസഭാ പരിധിയിലെ അഞ്ച് ബ്രാഞ്ച് പോസ്റ്റ് ഓഫിസുകള്‍ കൂടി അടച്ചുപൂട്ടാനുള്ള കേന്ദ്ര തപാല്‍ വകുപ്പിന്‍റെ തീരുമാനത്തിനെതിരെ പ്രതിഷേധം ശക്തം. പയ്യനാട്, നെല്ലിക്കുത്ത്, പുല്ലഞ്ചേരി, നറുകര, കരുവമ്പ്രം വെസ്റ്റ് പോസ്റ്റ് ഓഫിസുകളാണ് പൂട്ടുന്നത്. ജനങ്ങളുടെ ആശ്രയമായ തപാല്‍ ഓഫിസുകള്‍ സംരക്ഷിക്കാന്‍ പോലും ജില്ലയിലെ എംപിമാര്‍ ഇടപെട്ടില്ലെന്ന് സിപിഎം ആരോപിച്ചു.
എംപിമാരടക്കമുള്ള ജനപ്രതിനിധികള്‍ അനുവര്‍ത്തിക്കുന്ന മൗനം വെടിയണമെന്നും വിഷയത്തില്‍ ഇടപെടണമെന്നും ഏരിയാ കമ്മറ്റി യോഗം ആവശ്യപ്പെട്ടു. മഞ്ചേരി ബസാര്‍, വാക്കേത്തൊടി പോസ്റ്റ് ഓഫിസുകള്‍ നേരത്തെ അടച്ചിരുന്നു.
നഗരപരിധിയിലെ ബ്രാഞ്ച് ഓഫിസുകളുടെ പ്രവര്‍ത്തനം പുനഃപരിശോധിക്കുന്നതിനന്‍റെ ഭാഗമായാണ് പുതിയ തീരുമാനം. നഗരസഭാ പരിധിയിലാണെന്ന കാരണത്താല്‍ ഗ്രാമീണ സ്വഭാവമുള്ള ഓഫിസുകള്‍ അടച്ചുപൂട്ടുന്നത് ജനങ്ങളെ ദുരിതത്തിലാക്കും.
പോസ്റ്റല്‍ ലൈഫ് ഇന്‍ഷൂറന്‍സ്, സേവിംഗ്സ് അക്കൗണ്ട്, മുതിര്‍ന്ന പൗരന്മാര്‍ക്കുള്ള സേവനങ്ങള്‍ എന്നിവയ്ക്കായി ആശ്രയിക്കുന്ന സാധാരണക്കാര്‍ക്കും മുതിര്‍ന്ന പൗരന്മാര്‍ക്കും തീരുമാനം തിരിച്ചടിയാകും. കേന്ദ്രസര്‍ക്കാരിന്‍റെയും എംപിമാരുടേയും ജനവിരുദ്ധ നിലപാടിനെതിരേ പ്രത്യക്ഷസമരത്തിന് നേതൃത്വം നല്‍കുമെന്നും ഏരിയാ സെക്രട്ടറി കെ. ഫിറോസ് ബാബു ആവശ്യപ്പെട്ടു.
ഇടപെടുമെന്ന് ഇ.ടി. മുഹമ്മദ് ബഷീര്‍ എംപി
മഞ്ചേരി: നഗരസഭയിലെ അഞ്ച് ഗ്രാമീണ പോസ്റ്റ് ഓഫിസുകള്‍ നിലനിര്‍ത്തുന്നതിന് ഇടപെടുമെന്ന് ഇ.ടി. മുഹമ്മദ് ബഷീര്‍ എംപി. പോസ്റ്റ് ഓഫിസുകള്‍ അടച്ചുപൂട്ടാനുള്ള നടപടികള്‍ അവസാനിപ്പിക്കണമെന്ന് ആവശ്യപ്പെട്ട് പയ്യനാട്, നെല്ലിക്കുത്ത് മേഖലയിലെ ജനപ്രതിനിധികളും മുസ്ലിം ലീഗ് കമ്മിറ്റി ഭാരവാഹികളും നല്‍കിയ നിവേദനം സ്വീകരിച്ച് സംസാരിക്കുകയായിരുന്നു അദ്ദേഹം.
അടുത്ത പാര്‍ലമെന്‍റ് സമ്മേളനത്തില്‍ വിഷയം ഉന്നയിക്കുമെന്നും എംപി പറഞ്ഞു. മണ്ഡലം ലീഗ് സെക്രട്ടറി ആഷിഖ് മുഹമ്മദ് യാസീന്‍, പയ്യനാട് മൊയ്തീന്‍, നഗരസഭാംഗങ്ങളായ എം.വി. അബൂബക്കര്‍, ടി. ശ്രീജ, കെ.പി. ഇക്ബാല്‍, ലീഗ് ഭാരവാഹികളായ അനസ് നെല്ലിക്കുത്ത്, പാടാള നാസര്‍, ഫിറോസ് താമരശേരി, ശരീഫ് മണ്ണയില്‍, പി.കെ. അന്‍വര്‍ എന്നിവരാണ് നിവേദനം നല്‍കിയത്.
Malappuram
കാളികാവ്: ചോക്കാട് നാല്‍പത് സെന്‍റ്് ആദിവാസി ഉന്നതിയില്‍ വീണ്ടും കാട്ടാനക്കൂട്ടമിറങ്ങി. ഇതോടെ പ്രദേശവാസികള്‍ കടുത്ത ഭീതിയിലായി. കഴിഞ്ഞ ഒരാഴ്ചയായി മേഖലയില്‍ വൈകുന്നേരമായാല്‍ കുട്ടിയാനകളടക്കം ഇരുപതോളം കാട്ടാനകളാണ് എത്തുന്നത്.
ഏതാനും മാസം മുമ്പാണ് കാട്ടാനകള്‍ കൂട്ടത്തോടെ കാടിറങ്ങി ആദിവാസി ഉന്നതിയില്‍ തമ്പടിച്ചത്. രണ്ടുദിവസത്തോളം ഉന്നതിയിലെ തെങ്ങിന്‍തോപ്പിലാണ് കാട്ടാനകള്‍ താവളമാക്കിയത്. സമാനമായ രീതിയില്‍ ഇത് രണ്ടാം തവണയാണ് വലിയ കാട്ടാനക്കൂട്ടം ആദിവാസികളുടെ വീടിനടുത്ത റബര്‍തോട്ടത്തില്‍ എത്തുന്നത്. കൊട്ടന്‍ ചോക്കാടന്‍ മലവാരത്തില്‍നിന്ന് കൂട്ടത്തോടെ എത്തുന്ന കാട്ടാനകള്‍ നേരം പുലരുവോളം ഭീകരാന്തരീക്ഷം സൃഷ്ടിക്കുകയാണ്.
ആളുകള്‍ ബഹളംവച്ചിട്ടും പടക്കം പൊട്ടിച്ചിട്ടും കാടുകയറാന്‍ ആനകള്‍ കൂട്ടാക്കുന്നില്ല. ആദിവാസികളുടെ സൊസൈറ്റിയുടെ ഭൂമി വലിയതോതില്‍ കാടുമൂടിക്കിടക്കുകയാണ്. ഈ പ്രദേശം കാട്ടാനകളുടെ താവളമായി മാറിയിരിക്കുകയാണ്. ആദിവാസി വീടുകള്‍ക്കു സമീപം വരെ വലിയതോതില്‍ കാടുമൂടിയിട്ടുണ്ട്. കൊട്ടന്‍ ചോക്കാടന്‍ മലവാരത്തില്‍നിന്ന് ആനമതിലും മറികടന്നാണ് 40 സെന്‍റിലെ ആദിവാസി നഗറില്‍ പലപ്പോഴും കാട്ടാനകള്‍ എത്തുന്നത്.
ആദിവാസി കുടുംബങ്ങള്‍ക്ക് പതിച്ചുനല്‍കിയ ഭൂമിയും കാടുമൂടിയതിനാല്‍ കാട്ടാനകള്‍ ഇവിടെയുമെത്തുന്നു. ഒട്ടേറെ കൃഷികളും നശിപ്പിച്ചിട്ടുണ്ട്. ആനകളെ പേടിച്ച് ജോലിക്ക് പോകാന്‍ പോലും കഴിയാത്ത അവസ്ഥയിലാണ് ആദിവാസികള്‍.
സംഭവമറിഞ്ഞ് വനം ആര്‍ആര്‍ടി സംഘം സ്ഥലത്തെത്തി ആനക്കൂട്ടത്തെ തുരത്തി. ആദിവാസി ഊരില്‍ രാത്രിയില്‍ കാട്ടാനകള്‍ ഉള്‍പ്പെടെയുള്ള വന്യമൃഗങ്ങള്‍ ഇറങ്ങുന്നത് തടയാനും ആളുകള്‍ക്ക് വെളിച്ചത്തിനുമായി സ്ട്രീറ്റ് ലൈറ്റുകള്‍ സ്ഥാപിക്കാത്തത് വലിയ ഭീഷണിയാണ്. വര്‍ഷങ്ങളായി ഉന്നയിക്കുന്ന സ്ട്രീറ്റ് ലൈറ്റ് എന്ന ആവശ്യം അധികൃതര്‍ അവഗണിക്കുന്നതില്‍ കടുത്ത അമര്‍ഷത്തിലാണ് പ്രദേശവാസികള്‍.
Malappuram
എടക്കര: പശ്ചിമഘട്ട സംരക്ഷണത്തിന്‍റെ പേരില്‍ മലയോര ജനതയെ കുടിയിറക്കാനുള്ള നീക്കത്തിനെതിരേ 19ന് മലയോര ഹര്‍ത്താല്‍ നടത്തും. മലയോര സംരക്ഷണ സമിതിയുടെ നേതൃത്വത്തില്‍ രാവിലെ ആറ് മുതല്‍ വൈകീട്ട് അഞ്ച് വരെയാണ് ഹര്‍ത്താല്‍.
എടക്കര, മൂത്തേടം, ചുങ്കത്തറ, പോത്തുകല്‍, വഴിക്കടവ്, കരുളായി, അമരമ്പലം, ചോക്കാട്, കാളികാവ്, കരുവാരക്കുണ്ട്, ചാലിയാര്‍ പഞ്ചായത്തുകളിലും നിലമ്പൂര്‍ നഗരസഭയിലുമാണ് ഹര്‍ത്താല്‍ ആഹ്വാനം ചെയ്തിരിക്കുന്നത്.
ഹര്‍ത്താലിന്‍റെ പ്രചാരണാര്‍ഥം 16, 17 തീയതികളില്‍ രണ്ട് മേഖലാ ജാഥകള്‍ സംഘടിപ്പിക്കും. 16ന് കരുവാരകുണ്ടില്‍ ജാഥകള്‍ക്ക് തുടക്കമാകും. 17ന് രാവിലെ ഒന്പതിന് മൂത്തേടം പാലാങ്കരയില്‍നിന്ന് ആരംഭിക്കുന്ന എടക്കര മേഖലാ ജാഥ വിവിധ കേന്ദ്രങ്ങളിലെ സ്വീകരണങ്ങള്‍ക്കുശേഷം വൈകീട്ട് ചുങ്കത്തറയില്‍ സമാപിക്കും.
നിലമ്പൂര്‍ മേഖലാ ജാഥ അടയ്ക്കാക്കുണ്ടില്‍നിന്ന് ആരംഭിച്ച് വിവിധ കേന്ദ്രങ്ങളിലെ സ്വീകരണങ്ങള്‍ക്ക് ശേഷം വൈകീട്ട് കരുളായി അങ്ങാടിയില്‍ സമാപിക്കും.
Malappuram
മഞ്ചേരി: റവന്യു ജില്ലാ ശാസ്ത്രമേളയുടെ ഭാഗമായി നടന്ന പ്രവൃത്തിപരിചയമേളയില്‍ ഇരട്ട ഓവറോള്‍ കിരീടം നേടി കാരക്കുന്ന് ഗവണ്‍മെന്‍റ്് ഹയര് സെക്കന്‍ഡറി സ്‌കൂള്‍. ഹൈസ്‌കൂള്‍, ഹയര് സെക്കന്‍ഡറി വിഭാഗങ്ങളില്‍ ഒന്നാം സ്ഥാനം നേടിയ സ്‌കൂള്‍ ജില്ലയില്‍ ഏറ്റവും കൂടുതല്‍ പോയിന്‍റ്് നേടുന്ന സ്‌കൂള്‍ എന്ന നേട്ടവും സ്വന്തമാക്കി.
ഹൈസ്‌കൂള്‍ വിഭാഗത്തില്‍ തുടര്‍ച്ചയായ മൂന്നാം തവണയാണ് സ്‌കൂള്‍ ഓവറോള്‍ കിരീടം ചൂടുന്നത്. ഹയര് സെക്കന്‍ഡറി വിഭാഗത്തില്‍ തുടര്‍ച്ചയായ രണ്ടാം തവണയും നേട്ടം ആവര്‍ത്തിച്ചു.
ഹൈസ്‌കൂള്‍ വിഭാഗത്തില്‍ ബീഡ്‌സ് വര്‍ക്ക്, ഇന്നവേറ്റീവ് വര്‍ക്കിംഗ് മോഡല്‍, ഇലക്ട്രോണിക്സ്, കാരിബാഗ് നിര്‍മാണം, അടയ്ക്കപ്പനയോല ഉത്പന്ന നിര്‍മാണം, കയര്‍ ഡോര്‍മാറ്റ് എന്നീ ഇനങ്ങളിലാണ് വിദ്യാര്‍ഥികള്‍ സംസ്ഥാനതല മത്സരത്തിന് യോഗ്യത നേടിയത്.
ഹയര് സെക്കന്‍ഡറി വിഭാഗത്തില്‍ ബീഡ്‌സ് വര്‍ക്ക്, ഇന്നവേഷന്‍, ഗാര്‍മെന്‍റ്് മേക്കിംഗ്, ബുക്ക് ബൈന്‍ഡിംഗ്, കാര്‍ഡ് ആന്‍ഡ് സ്ട്രോബോര്ഡ്, അടയ്ക്കപ്പനയോല ഉത്പന്ന നിര്‍മാണം, റാട്ടണ്‍ വര്‍ക്ക്, സ്റ്റഫ്ഡ് ടോയ് എന്നീ ഇനങ്ങളിലും വിദ്യാര്‍ഥികള്‍ സംസ്ഥാനതല മത്സരത്തിന് അര്‍ഹത നേടുകയായിരുന്നു.
Malappuram
കരുവാരകുണ്ട്: കാര്‍ഷികമേഖലയില്‍ നാശം വിതച്ച കാട്ടുപന്നികളെ വെടിവെച്ചുകൊന്നു. കേരള, മഞ്ഞള്‍പാറ തുടങ്ങിയ കേന്ദ്രങ്ങളില്‍നിന്ന് ഷൂട്ടര്‍ സക്കീര്‍ ഹുസൈന്‍റെ നേതൃത്വത്തിലാണ് 18 പന്നികളെ തുരത്തിയത്. കൃഷിയിടങ്ങളിലെത്തി കാര്‍ഷികവിളകള്‍ നശിപ്പിച്ച് കര്‍ഷകര്‍ക്ക് വന്‍തോതില്‍ നഷ്ടം വരുത്തുന്ന പന്നികളുടെ ശല്യം പ്രദേശത്ത് രൂക്ഷമായിരുന്നു.
പട്ടാപ്പകല്‍പോലും പന്നികള്‍ കൃഷിയിടത്തിലെത്തി കൃഷി നശിപ്പിക്കുന്നതും ആള്‍ത്താമസമുള്ള വീടുകളില്‍ വരെയെത്തി ശല്യമുണ്ടാക്കുന്നതും മലയോരമേഖലയില്‍ പതിവാണ്.
പന്നിയുടെ ആക്രമണത്തില്‍ വീട്ടുമുറ്റത്ത് കളിച്ചുകൊണ്ടിരുന്ന കുട്ടികള്‍ ഉള്‍പ്പെടെയുള്ളവര്‍ക്ക് പരിക്കേറ്റിട്ടുമുണ്ട്. ഇതോടെയാണ് പ്രത്യേക പരിശീലനം നല്‍കിയ നായകളുടെ സഹായത്തോടെ പന്നികളെ കണ്ടെത്തി വെടിവെച്ച് കൊന്നത്. കൂടുതല്‍ മേഖലകളിലേക്ക് വേട്ടസംഘത്തിന്‍റെ സേവനം ലഭ്യമാക്കണമെന്നും മുഴുവന്‍ പന്നികളെയും തുരത്തി കര്‍ഷകര്‍ക്ക് സംരക്ഷണം നല്‍കണമെന്നും പ്രദേശവാസികള്‍ ആവശ്യപ്പെട്ടു.
Malappuram
പെരിന്തല്‍മണ്ണ: പെരിന്തല്‍മണ്ണയില്‍ ഉണ്ടായ ശക്തമായ കാറ്റിലും മഴയിലും തെങ്ങ് കടപുഴകിവീണു. ചീരട്ടമണ്ണ ഭാഗത്ത് സ്വകാര്യ വ്യക്തിയുടെ വീടിനു മുകളിലേക്കാണ് തെങ്ങ് കടപുഴകി വീണത്.
വീട്ടുകാര്‍ അറിയിച്ചതിനെത്തുടര്‍ന്ന് സ്ഥലത്തെത്തിയ ട്രോമാകെയര് പെരിന്തല്‍മണ്ണ സ്റ്റേഷന് യൂണിറ്റ് പ്രവര്‍ത്തകര്‍ തെങ്ങ് മുറിച്ചുനീക്കി. യൂണിറ്റ് ലീഡര്‍മാരായ ജബ്ബാര്‍ ജൂബിലി, ഫവാസ് മങ്കട എന്നിവരുടെ നേതൃത്വത്തില്‍ നിസാം മാനത്തുമംഗലം, ഹുസ്സന്‍ കക്കൂത്ത്, ഫാറൂഖ് പൂപ്പലം, ജിന്‍ഷാദ് പൂപ്പലം എന്നിവരാണ് തെങ്ങ് മുറിച്ചുമാറ്റിയത്.
Malappuram
എടക്കര: പശ്ചിമഘട്ട സംരക്ഷണത്തിന്‍റെ പേരില്‍ മലയോര ജനതയെ കുടിയിറക്കാന്‍ അനുവദിക്കില്ലെന്നും ഇഎസ്എ നടപ്പാക്കുന്നതോടെ മലയോര ജനതയ്ക്കിടയില്‍ രണ്ടുതരം പൗരന്മാര്‍ സൃഷ്ടിക്കപ്പെടുമെന്നും മുന്‍ ഇടുക്കി എംപി ജേയ്‌സ് ജോര്‍ജ്ജ്. എടക്കരയില്‍ സമരപ്രഖ്യാപന കണ്‍വെന്‍ഷന്‍ ഉദ്ഘാടനം ചെയ്യുകയായിരുന്നു അദ്ദേഹം.
131 വില്ലേജിലെ 38 ലക്ഷം മനുഷ്യരാണ് കുടിയിറക്ക് ഭീഷണി നേരിടുന്നത്. ഒരു ഭാഗത്ത് എല്ലാ അവകാശങ്ങളുമായി ഒരു വിഭാഗം ജനങ്ങള്‍ ജീവിക്കുമ്പോള്‍, മറുഭാഗത്ത് എല്ലാം നിഷേധിക്കപ്പെടുന്നവരായി മറ്റൊരു വിഭാഗം ജനങ്ങള്‍ തരംതിരിക്കപ്പെടുമെന്നും അദ്ദേഹം പറഞ്ഞു.
സിപിഎം ജില്ലാ സെക്രട്ടേറിയറ്റ് അംഗം വി.എം. ഷൗക്കത്ത് അധ്യക്ഷനായി. ജില്ലാ സെക്രട്ടറി വി. പി. അനില്‍, മാത്യൂസ് വട്ടിയാനിക്കല്‍ കോര്‍ എപ്പിസ്‌കോപ്പ, കേരള വ്യാപാരി വ്യവസായി ഏകോപന സമിതി പ്രസിഡന്റ് സി.കെ. ബാബു, ജനറല്‍ സെക്രട്ടറി ടി.ടി. നാസര്‍, ഷംസുദീന്‍ ബുഖാരി, പരുന്തന്‍ നൗഷാദ്, സ്കറിയ ക്‌നാംതോപ്പില്‍, പറാട്ടി കുഞ്ഞാന്‍, ജോജി വര്‍ഗീസ്, സാബു പൊന്‍മേലില്‍, ബി. മുഹമ്മദ് റസാഖ്, ഏരിയ സെക്രട്ടറിമാരായ ടി. രവീന്ദ്രന്‍, കെ. മോഹനന്‍, എം. ടി. അഹമ്മദ്, സിപിഎം ജില്ലാ കമ്മിറ്റി അംഗം ഇ. പത്മാക്ഷന്‍, എം. ആര്. ജയചന്ദ്രന്‍, അഡ്വ. ഷെറോണ റോയ്, ജി. ശശിധരന്‍ എന്നിവര്‍ പ്രസംഗിച്ചു.
Malappuram
മഞ്ചേരി: നഗരസഭാ കൗണ്‍സില്‍ യോഗത്തില്‍ ഭരണപക്ഷം അവതരിപ്പിച്ച പ്രമേയത്തിന്‍മേല്‍ ചര്‍ച്ചയോ ഭേദഗതിയോ അനുവദിക്കാത്തതില്‍ പ്രതിഷേധിച്ച് ഇടതു കൗണ്‍സിലര്‍മാര്‍ യോഗം ബഹിഷ്‌കരിച്ചു. എലമ്പ്ര സ്‌കൂളുമായി ബന്ധപ്പെട്ട് അവതരിപ്പിച്ച പ്രമേയത്തെച്ചൊല്ലിയാണ് യോഗത്തില്‍ കടുത്ത തര്‍ക്കമുണ്ടായത്.
സ്‌കൂളിനായി ദീര്‍ഘകാലം പ്രവര്‍ത്തിച്ച നാട്ടുകാരുടെ പങ്കാളിത്തം പ്രമേയത്തില്‍ പരാമര്‍ശിക്കണമെന്ന് പ്രതിപക്ഷം ആവശ്യപ്പെട്ടെങ്കിലും ഭരണപക്ഷം ഇത് നിരാകരിക്കുകയും സംസാരിക്കാന്‍ അനുവദിക്കാതിരിക്കുകയുമായിരുന്നുവെന്ന് എല്‍ഡിഎഫ് ആരോപിച്ചു.
പുതിയ സര്‍ക്കാര്‍ ഉത്തരവില്‍ ഒപ്പുവയ്ക്കുക മാത്രമാണ് ചെയ്തതെന്നും അതിന്‍റെ മുഴുവന്‍ ക്രെഡിറ്റും ഏറ്റെടുത്ത് നഗരസഭാ ചെയര്‍പേഴ്സണും ലീഗ് നേതാക്കളും ഫോട്ടോ ഷൂട്ട് നടത്തുകയാണെന്നും ഇടതു കൗണ്‍സിലര്‍മാര്‍ ആരോപിച്ചു. കെ.സി. ഉണ്ണികൃഷ്ണന്‍, മാഞ്ചേരി ഫസ‌‌്‌ല, വി.പി. അസ്‌കര്‍, ഷറീന ജവഹര്‍, വി.പി. അസ്‌കറലി, ടി. തങ്കമണി എന്നീ കൗണ്‍സിലര്‍മാരുടെ നേതൃത്വത്തിലായിരുന്നു ബഹിഷ്‌കരണവും പ്രതിഷേധവും.
Malappuram
മഞ്ചേരി: ബാങ്ക് വായ്പ തിരിച്ചടവ് മുടങ്ങിയതിനെത്തുടര്‍ന്ന് പെരിന്തല്‍മണ്ണ വേങ്ങൂരിലെ വീട് ജപ്തി ചെയ്യാനെത്തിയ അഭിഭാഷക കമ്മീഷന്‍ അംഗങ്ങളെ ഭീഷണിപ്പെടുത്തുകയും അധിക്ഷേപിക്കുകയും ചെയ്‌തെന്ന കേസില്‍ നജീബ് കാന്തപുരം എംഎല്‍എക്കെതിരേയുള്ള നടപടികള്‍ മഞ്ചേരി ചീഫ് ജുഡീഷ്യല്‍ മജിസ്ട്രേറ്റ് കോടതി ഹൈക്കോടതിയുടെ പരിഗണനയ്ക്കായി അയച്ചു. എംഎല്‍എ സമര്‍പ്പിച്ച മാപ്പപേക്ഷയും വിശദീകരണവും പരിഗണിക്കാതെയാണ് സിജെഎം സരിത രവീന്ദ്രന്‍റെ നടപടി.
2026 സെപ്റ്റംബര്‍ 25നാണ് കേസിനാസ്പദമായ സംഭവം. കോടതി ഉത്തരവ് പ്രകാരം ജപ്തി നടപടികള്‍ക്കായി കെ.പി. കൃഷ്ണകുമാറിന്‍റെ നേതൃത്വത്തില്‍ വേങ്ങൂരിലെ വീട്ടിലെത്തിയ അഭിഭാഷക കമ്മീഷനെ എംഎല്‍എ തടസപ്പെടുത്തുകയും സ്ത്രീകള്‍ അടക്കമുള്ള അംഗങ്ങളെ അധിക്ഷേപിക്കുകയും ചെയ്തെന്നാണ് കേസ്.
എന്നാല്‍, സ്ത്രീകള്‍ മാത്രമുള്ള വീട്ടിലെത്തിയ ജപ്തി സംഘത്തിന് മുന്നില്‍ ആത്മഹത്യാ ഭീഷണി മുഴക്കിയ കുടുംബത്തെ സഹായിക്കാനെത്തിയ ജനപ്രതിനിധി എന്ന നിലയിലുള്ള വൈകാരിക പ്രതികരണം മാത്രമാണ് തന്നില്‍നിന്നുണ്ടായതെന്നാണ് കേസില്‍ എംഎല്‍എയുടെ വിശദീകരണം.
Malappuram
പുതുപ്പറമ്പ്: സേക്രഡ് ഹാര്‍ട്ട് സീനിയര്‍ സെക്കന്‍ഡറി സ്‌കൂളിന്‍റെ ആഭിമുഖ്യത്തില്‍ വിവിധ മേഖലകളില്‍ മികവ് തെളിയിച്ച പ്രതിഭകളെ ആദരിച്ചു. സേക്രഡ് ഹാര്‍ട്ടിന്‍റെ തന്നെ മറ്റൊരു സ്ഥാപനമായ മനോവികാസ് സ്‌പെഷ്യല്‍ സ്കൂളിലെ പ്രതിഭകള്‍ക്കും ആദരമേകി.
വിദ്യാര്‍ഥികളുടെയും അധ്യാപകരുടെയും കഴിവുകള്‍ പ്രോത്സാഹിപ്പിക്കുന്നതിനായി സംഘടിപ്പിച്ച ചടങ്ങ് പ്രശസ്ത സിനിമാതാരവും മിമിക്രി കലാകാരനുമായ സാജു നവോദയ ഉദ്ഘാടനം ചെയ്തു. ജില്ലാ കലോത്സവത്തില്‍ ഒന്നാം സ്ഥാനം നേടുകയും സംസ്ഥാനതലത്തില്‍ നാലാം സ്ഥാനം സ്വന്തമാക്കുകയും ചെയ്ത മനോവികാസ് സ്‌പെഷ്യല്‍ സ്കൂളിലെ വിദ്യാര്‍ഥികളെയും അധ്യാപകരെയും പ്രത്യേകമായി ആദരിക്കുകയായിരുന്നു.
സോഷ്യല്‍ വെല്‍ഫെയര്‍ ആ‌ക്‌ടിവിറ്റീസിന്‍റെ കൗണ്‍സിലര്‍ സിസ്റ്റര്‍ ജോസ്മി അധ്യക്ഷത വഹിച്ചു. ലിറ്റില്‍ ഫ്‌ലളവര്‍ ചര്‍ച്ച് വികാരി ഫാ. വിന്‍സെന്‍റ് കരുഗമാരില്‍, പിടിഎ പ്രസിഡന്റ് ഡോ. മഹേഷ്, സ്‌കൂള്‍ പ്രിന്‍സിപ്പല്‍ സിസ്റ്റര്‍ ആന്‍സില്ല ജോര്‍ജ്, സ്‌കൂള്‍ ഡെവലപ്മെന്റ് എക്സിക്യൂട്ടീവ് എം. ഷാഫി, വിദ്യാര്‍ഥി പ്രതിനിധി ദിയ ഷെറിന്‍ എന്നിവര്‍ പ്രസംഗിച്ചു.
Malappuram
പെരിന്തല്‍മണ്ണ: നഗരസഭയുടെ അധീനതയിലുള്ള ഇന്‍ഡോര്‍ മാര്‍ക്കറ്റില്‍ മലിനജല ട്രീറ്റ്മെന്‍റ്് പ്ലാന്റ് സ്ഥാപിക്കുന്നു. മാര്‍ക്കറ്റില്‍നിന്നുള്ള മലിനജലം പൈപ്പുകള്‍ വഴി ഓടകളിലേക്ക് നേരിട്ട് ഒഴുക്കിവിടുന്നുവെന്ന വ്യാപക പരാതികളെത്തുടര്‍ന്നാണിത്.
നഗരത്തില്‍ കര്‍ശന പരിശോധനകള്‍ നടക്കുന്നതിനിടയില്‍, നഗരസഭയുടെ സ്വന്തം സ്ഥാപനത്തില്‍നിന്നുതന്നെ മലിനജലം പുറന്തള്ളുന്നത് വലിയ വിമര്‍ശനങ്ങള്‍ക്ക് ഇടയാക്കിയിരുന്നു. നഗരത്തിന്‍റെ വിവിധ ഭാഗങ്ങളില്‍നിന്നുള്ള മലിനജലവും കക്കൂസ് അവശിഷ്ടങ്ങളും അങ്ങാടിപ്പുറം ചെറുപുഴയിലേക്ക് ഒഴുകിയെത്തുന്നതായി നേരത്തേ പരാതികളും ഉയര്‍ന്നിരുന്നു. ഇതിന്റെ അടിസ്ഥാനത്തില്‍ നഗരസഭാ അധികൃതര്‍ ഡ്രൈനേജ് സ്ലാബുകള്‍ നീക്കം ചെയ്ത് ശക്തമായ പരിശോധനകളാണ് നടത്തിവരുന്നത്.
അനധികൃതമായി മലിനജലം ഓടകളിലേക്ക് ഒഴുക്കിവിട്ടതിന് ഇതുവരെ 18 സ്ഥാപനങ്ങള്‍ക്കെതിരേ നിയമനടപടി സ്വീകരിച്ചിട്ടുണ്ട്. ഈ സ്ഥാപനങ്ങള്‍ക്ക് നോട്ടീസ് നല്‍കിയതിനൊപ്പം 1,25,000 രൂപ പിഴയും ചുമത്തിയിട്ടുണ്ട്. നഗരത്തിലെ മുഴുവന്‍ ഓടകളും സമഗ്രമായി പരിശോധിച്ച് നിയമലംഘനങ്ങള്‍ക്കെതിരേയുള്ള നടപടികള്‍ ശക്തമായി തുടരുമെന്ന് അധികൃതര്‍ വ്യക്തമാക്കി.
15- ലക്ഷം രൂപ ചെലവഴിച്ചാണ് ഇന്‍ഡോര്‍ മാര്‍ക്കറ്റില്‍ എസ്ടിപി സംവിധാനം ഒരുക്കുന്നത്. ഇതിന്റെ നടപടിക്രമങ്ങൾ പൂര്‍ത്തിയാക്കി എത്രയും പെട്ടെന്ന് നിര്‍മാണ പ്രവൃത്തി ആരംഭിക്കാനാണ് നഗരസഭ ലക്ഷ്യമിടുന്നത്. കൂടാതെ, നഗരത്തില്‍ മൊബൈല്‍ എസ്ടിപി സംവിധാനങ്ങള്‍ ഏര്‍പ്പെടുത്തുന്നത് ഉള്‍പ്പെടെയുള്ള പദ്ധതികളും നഗരസഭയുടെ പരിഗണനയിലുണ്ട്.
Malappuram
പെരിന്തല്‍മണ്ണ: മൗലാന ആശുപത്രിയിലെ നവജാതശിശു രോഗ വിഭാഗമായ നിയോബ്ലെസിന്‍റെ 15-ാംപിറന്നാള്‍ ആഘോഷിച്ചു. പ്രായ ക്കുറവും തൂക്കക്കുറവോടും കൂടി നിയോബ്ലെസില്‍ പരിചരണം നല്‍കിയ ആദ്യത്തെ കുട്ടിയായ ഫാത്തിമ ഹന്ന ചടങ്ങില്‍ വിശിഷ്ട അതിഥിയായി എത്തിയത് പിറന്നാള്‍ ആഘോഷത്തിന് മാധുര്യമേകി. നിയോബ്ലെസ് മേധാവി ഡോ. എ.കെ. ജയചന്ദ്രന്‍ മുഖ്യപ്രഭാഷണം നടത്തി.
മൗലാന മെഡിക്കല്‍ സുപ്രണ്ട് ഡോ. കെ.എ. സീതി, ഡെപ്യൂട്ടി ഡയറക്ടര് ഡോ. റിസ്‌വിന്‍ അഹ്‌മദ്, ഗൈനക്കോളജി വിഭാഗം മേധാവി ഡോ. കൊച്ചു നാരായണി. നാലകത്ത് ഗ്രൂപ്പ് ഓഫ് മാനേജര്‍ വിനു എന്നിവര്‍ പ്രസംഗിച്ചു.
ജീവനക്കാരായ രമ്യ, ഷീജ, സുഭദ്ര, പ്രമീള എന്നിവരെ ആദരിച്ചു. നിയോബ്ലെസ് ടീം അംഗങ്ങളായ രമ്യ, സീമ, ഡോ. മിഥുന്‍ രാജ്, ഡോ. ശിവരഞ്ജിനി, ഡോ. ജുമൈല, ശാലിനി തുടങ്ങിയവര്‍ നേതൃത്വം നല്കി.
Kozhikode
കോഴിക്കോട്: രാജ്യത്തിന്‍റെ സഹകരണ പ്രസ്ഥാനത്തിന്‍റെ ഉപജ്ഞാതാവും രാഷ്ട്രശില്‍പിയുമായ ജവഹല്‍ ലാല്‍ നെഹ്‌റുവിനെ തമസ്‌കരിക്കാനുള്ള കേന്ദ്ര സര്‍ക്കാറിന്‍റെ തീരുമാനം സഹകരണ മേഖലക്ക് അവമതിപ്പുണ്ടാക്കുമെന്ന് ഡിസിസി പ്രസിഡന്റ് കെ.പ്രവീണ്‍കുമാര്‍ എംഎല്‍എ പറഞ്ഞു.
കോഴിക്കോട് ആദായ നികുതി ഓഫീസിന് മുന്പില് നടന്ന സഹകാരി പ്രതിഷേധ കൂട്ടായ്മ ഉദ്ഘാടനം ചെയ്യുകയായിരുന്നു എംഎല്‍എ.
പരിപാടിയില്‍ സഹകരണജനാധിപത്യ വേദി ജില്ലാ ചെയര്‍മാന്‍ ടി.കെ. രാജേന്ദ്രന്‍ അധ്യക്ഷത വഹിച്ചു.കെപിസിസി ജനറല്‍ സെക്രട്ടറി അഡ്വ.പി.എം. നിയാസ് മുഖ്യ പ്രഭാഷണം നടത്തി.
കെ.രാമചന്ദ്രന്‍ , സി.വി. അജയന്‍ ,ബാബു ഒഞ്ചിയം എന്നിവര്‍ നേതൃത്വം നല്കി.
Kozhikode
കൂടരഞ്ഞി : കൂടരഞ്ഞി പഞ്ചായത്ത് കേരളോത്സവത്തിന് തുടക്കം കുറിച്ച് കൂടരഞ്ഞിയിൽ വിപുലമായ ജനകീയ വിളംബരറാലി സംഘടിപ്പിച്ചു.എസ്എംഎ. (സ്പൈനൽ മസ്കുലർ അട്രോഫി) രോഗം ബാധിച്ച് ചികിത്സയിൽ കഴിയുന്ന കുട്ടികളുടെ ചികിത്സാ സഹായനിധിയിലേക്ക് പണം സമാഹരിക്കുന്ന പ്രവർത്തനങ്ങൾക്ക് ഐക്യദാർഢ്യം പ്രഖ്യാപിച്ചു കൊണ്ടായിരുന്നു റാലി.
കൂടരഞ്ഞി പോസ്റ്റ് ഓഫീസ് പരിസരത്തുനിന്ന് ആരംഭിച്ച റാലിയിൽ വിദ്യാർഥികൾ, ഹരിതകർമസേനാംഗങ്ങൾ, ആശാ പ്രവർത്തകർ, രാഷ്ട്രീയ-സാമൂഹിക രംഗത്തെ പ്രവർത്തകർ, കലാ-കായിക പ്രവർത്തകർ, വ്യാപാരികൾ തുടങ്ങി നൂറുകണക്കിന് ആളുകൾ പങ്കെടുത്തു.പഞ്ചായത്ത് പ്രസിഡന്റ് ബോബി ഷിബു റാലി ഉദ്ഘാടനം ചെയ്തു.
ആരോഗ്യ-വിദ്യാഭ്യാസ സ്ഥിരംസമിതി അധ്യക്ഷ ആയിഷ ബി.ഷിയാസ് അധ്യക്ഷത വഹിച്ചു. നിസാറ ബീഗം, ജെയിംസ് വേളാശ്ശേരി, ജിമ്മി ജോസ് പൈമ്പിള്ളി, സക്കീന സലിം, വിനോദ് മഞ്ഞപ്പാറ, ഷിബ റോയ്, റോയ് ആക്കേൽ, ജയേഷ് സ്രാമ്പിക്കൽ എന്നിവർ പ്രസംഗിച്ചു.
Kozhikode
കോഴിക്കോട് : സർക്കാരിന്‍റെ ഭവനപദ്ധതിയിലൂടെ വീടുകൾ ലഭിച്ചിട്ടും വൈദ്യുതി കണക്ഷൻ ലഭിക്കാത്തത് കാരണം താമസിക്കാനാവുന്നില്ലെന്ന പരാതിയിൽ കെഎസ്ഇബിയുടെ ഉയർന്ന ഉദ്യോഗസ്ഥരുടെ അടിയന്തര ഇടപെടൽ ഉണ്ടാകണമെന്ന് മനുഷ്യാവകാശ കമ്മിഷൻ ജുഡീഷ്യൽ അംഗം കെ. ബൈജുനാഥ്.
ഇക്കാര്യത്തിൽ സാങ്കേതിക തടസങ്ങൾ ഇല്ലെങ്കിൽ അടിയന്തരമായി കണക്ഷൻ നൽകണമെന്നും കമ്മിഷൻ ഉത്തരവിൽ പറഞ്ഞു.കോഴിക്കോട് കോർപറേഷൻ പരിധിയിൽ ബേപ്പൂർ തമ്പുരാൻപടി-മാറാട് പ്രദേശത്തെ മൂന്ന് ബിപിഎൽ കുടുംബങ്ങളാണ് വൈദ്യുതി ലഭിക്കാത്തതിനാൽ പിഎംഎവൈ പദ്ധതിയിൽ ലഭിച്ച വീട്ടിൽ താമസിക്കാൻ കഴിയാതെ വാടകവീട്ടിൽ കഴിയുന്നത്.
പുതിയ വീടുകളിലേക്ക് സമീപത്തെ റവന്യു ഭൂമിയിലൂടെ ലൈൻ വലിക്കാൻ അധികൃതരുടെ അനുമതി വൈകുന്നതാണ് പ്രധാന കാരണം. വില്ലേജ് ഓഫീസർ എൻഒസി നൽകിയിട്ടും തുടർനടപടികൾ ഉണ്ടാകാത്തതിനാൽ കൂലിപ്പണി ചെയ്ത് ജീവിക്കുന്ന ഈ കുടുംബങ്ങൾക്ക് സ്വന്തം വീട്ടിൽ താമസിക്കാനാവുന്നില്ല. അധികൃതർക്ക് പരാതി നൽകിയിട്ടും നടപടിയുണ്ടായില്ല.
കെഎസ്ഇബി ഉദ്യോഗസ്ഥരുടെ അനാസ്ഥയോ കൃത്യവിലോപമോ ഇക്കാര്യത്തിൽ ഉണ്ടായിട്ടുണ്ടോ എന്ന് സംശയിക്കണമെന്ന് ഉത്തരവിൽ പറഞ്ഞു. 25 ന് കോഴിക്കോട് നടക്കുന്ന സിറ്റിംഗിൽ കേസ് പരിഗണിക്കും.
Kozhikode
വടകര: വടകരയില്‍ ഷിഗെല്ല രോഗബാധ റിപ്പോര്‍ട്ട് ചെയ്ത സാഹചര്യത്തില്‍ രോഗവ്യാപനം തടയുന്നതിനും പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കുന്നതിനുമായി കെ.കെ. രമ എംഎല്‍എയുടെ അധ്യക്ഷതയില്‍ ആരോഗ്യ-വിദ്യാഭ്യാസ വകുപ്പുകളുടെയും തദ്ദേശസ്വയംഭരണ സ്ഥാപനങ്ങളുടെയും സംയുക്ത യോഗം ചേര്‍ന്നു. വിവിധ വകുപ്പുകള്‍ സ്വീകരിക്കേണ്ട അടിയന്തര നടപടികളും മുന്നൊരുക്കങ്ങളും യോഗം വിലയിരുത്തി.
സ്കൂളുകളില് ശുചിത്വവും സുരക്ഷിതമായ കുടിവെള്ള ലഭ്യതയും ഉറപ്പാക്കുക, കുട്ടികള്‍ക്കിടയില്‍ രോഗപ്രതിരോധ ബോധവല്‍ക്കരണം ശക്തമാക്കുക, രോഗലക്ഷണങ്ങള്‍ ശ്രദ്ധയില്‍പ്പെട്ടാല്‍ ഉടന്‍ ആരോഗ്യവകുപ്പിനെ അറിയിക്കുക തുടങ്ങിയ നിര്‍ദേശങ്ങള്‍ യോഗത്തില്‍ നല്കി. രോഗവ്യാപനം തടയുന്നതിനായി വിദ്യാഭ്യാസ സ്ഥാപനങ്ങള്‍ പ്രത്യേക ജാഗ്രത പുലര്‍ത്തണമെന്നും നിര്‍ദേശിച്ചു.
വിവിധ വകുപ്പുകളുടെയും തദ്ദേശസ്വയംഭരണ സ്ഥാപനങ്ങളുടെയും ഏകോപനത്തോടെ പ്രതിരോധ പ്രവര്‍ത്തനങ്ങള്‍ ശക്തമാക്കാനും ആവശ്യമായ മുന്‍കരുതലുകള്‍ അടിയന്തരമായി നടപ്പാക്കാനും യോഗം തീരുമാനിച്ചു.
അഴിയൂര്‍ ഗ്രാമപഞ്ചായത്ത് പ്രസിഡന്റ് ലീല, ഏറാമല പഞ്ചായത്ത് വൈസ് പ്രസിഡന്റ് ഷീജ, ഒഞ്ചിയം പഞ്ചായത്ത് ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്പേഴ്സണ് പി. അനിത, ചോറോട് പഞ്ചായത്ത് ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്പേഴ്സണ് സി.വി. അനുശ്രീ, മെഡിക്കല്‍ ഓഫീസര്‍ ഡോ. ചെറിയാന്‍, ഡിഎംഒ ഡോ. രാജേഷ്, ഹെല്‍ത്ത് സൂപ്പര്‍വൈസര്‍ സുരേന്ദ്രന്, ഡോ. അബ്ദുള്‍ നസീര്‍, ഡോ. ഡെയ്സി ഗോരെ, എഇഒമാരായ സുനില്‍, സപ്ന ജൂലിയറ്റ് എന്നിവര്‍ പങ്കെടുത്തു.
Kozhikode
ബാലുശേരി: തലയാട് പടിക്കൽവയലിൽ ബൈക്ക് നിയന്ത്രണംവിട്ട് ഇലക്ട്രിക് പോസ്റ്റിലിടിച്ച് രണ്ട് പേര് മരിച്ച സംഭവത്തില്‍ പൊലിസ് അന്വേഷണമാരംഭിച്ചു.
അന്വേഷണത്തിന്‍റെ ഭാഗമായി അപകടം നടന്ന സ്ഥലത്തെത്തിയ പൊലിസ് സിസിടിവി ദൃശ്യങ്ങള്‍ ഉള്‍പ്പെടെ ശേഖരിക്കുകയും നാട്ടുകാരോട് സംഭവത്തെ കുറിച്ച് ചോദിച്ചറിയുകയുംചെയ്തു. ഞായറാഴ്ച രാത്രി ഒമ്പതുമണിയോടെയായിരുന്നു നാടിനെ നടുക്കിയ അപകടം.
വയലടയിൽ നിന്നും എകരൂൽ ഭാഗത്തേക്ക് പോകുകയായിരുന്ന ബൈക്കാണ് അപകടത്തിൽപ്പെട്ടത്. മൂന്നുപേരാണ് ബൈക്കില്‍ ഉണ്ടായിരുന്നത്.
ഉണ്ണികുളം എകരൂൽ കരുവാറ്റക്കുന്നുമ്മൽ ഷിജു-സിന്ധു ദമ്പതിമാരുടെ മകൻ അജയ് (18), പേരാമ്പ്ര മുതുകാട് വെള്ളാട് റീനയുടെ മകൻ ശ്രീരാഗ് (24)എന്നിവരാണ് മരിച്ചത്.ഒപ്പമുണ്ടായിരുന്ന എകരൂൽ കരുവാറ്റക്കുന്നുമ്മൽ നകുലൻ-അനിത ദമ്പതിമാരുടെ മകൻ ആനന്ദ് (19) ഗുരുതരമായി പരിക്കേറ്റ് കോഴിക്കോട് മെഡിക്കൽ കോളജിൽ ചികി ത്സയിലാണ്.ഇടിയുടെ ആഘാത ത്തിൽ മൂവരും റോഡിലേക്ക് തെറിച്ചുവീണു.
ശബ്ദംകേട്ട് ഓടി യെത്തിയ പ്രദേശവാസികളും നാട്ടുകാരും ചേർന്ന് ഇവരെ ഉടൻതന്നെ പൂനൂരിലെ സ്വകാര്യ ആശുപത്രിയിൽ എത്തിച്ചു. തുടർന്ന് കോഴിക്കോട് മെഡിക്കൽ കോളജിലേക്ക് മാറ്റിയെങ്കിലും ജീവൻ രക്ഷിക്കാനായില്ല.
Kozhikode
തിരുവമ്പാടി : മൂന്ന് ദിവസങ്ങളിലായി തിരുവമ്പാടിയിൽ നടക്കുന്ന മുക്കം ഉപജില്ലാ സ്കൂൾ കലോത്സവത്തിന്റെ വേദി മത്സരങ്ങൾക്ക് ആവേശകരമായ തുടക്കം.
പതിനഞ്ചോളം വേദികളിലായി നടക്കുന്ന കലാമത്സരങ്ങളിൽ വിവിധ സ്കൂളുകളിൽ നിന്നുള്ള ആറായിരത്തോളം വിദ്യാർഥികളാണ് മാറ്റുരയ്ക്കുന്നത്. തിരുവമ്പാടി സെക്രട്ട് ഹാർട്ട് ഹയർ സെക്കൻഡറി സ്കൂൾ, യുപി. സ്കൂൾ, ഇൻഫന്‍റ് ജീസസ് സ്കൂൾ എന്നിവിടങ്ങളിലായാണ് പ്രധാന വേദികൾ ഒരുക്കിയിരിക്കുന്നത്.
കലോല്‍സവത്തിന്‍റെ ആദ്യദിനത്തിൽ നാടോടിനൃത്തം, സംഘനൃത്തം, വട്ടപ്പാട്ട്, ഒപ്പന, മാർഗംകളി, ചവിട്ടുനാടകം, ഭരതനാട്യം, മാപ്പിളപ്പാട്ട് തുടങ്ങി വിവിധ കലാമത്സരങ്ങൾ അരങ്ങേറി.
വിദ്യാർഥികളുടെ കലാപ്രകടനങ്ങൾ കാണാൻ അധ്യാപകരും രക്ഷിതാക്കളുമടക്കം നിരവധി പേർ എത്തിയതോടെ വേദികൾ സജീവമായി.സി.കെ. കാസിം എംഎൽഎ ഉദ്ഘാടനം ചെയ്തു. തിരുവമ്പാടി പഞ്ചായത്ത് പ്രസിഡന്റ് ജിതിൻ പല്ലാട്ട് അധ്യക്ഷത വഹിച്ചു. കാരശേരി പഞ്ചായത്ത് പ്രസിഡന്റ് ജി. അബ്ദുള്‍ അക്ബർ, മുക്കം ഉപജില്ലാ വിദ്യാഭ്യാസ ഓഫീസർ ടി. ദീപ്തി, തിരുവമ്പാടി പഞ്ചായത്ത് വൈസ് പ്രസിഡന്റ് പി.ആർ. അജിത, പ്രീതി രാജീവ് എന്നിവർ പ്രസംഗിച്ചു.
Kozhikode
തിരുവമ്പാടി :അഖിലലോക പ്രാര്‍ഥനാ വാരത്തിന്‍റെ ഭാഗമായി തിരുവമ്പാടി വൈഎംസിഎയുടെ നേതൃത്വത്തിൽ പ്രാര്‍ത്ഥനാ വാരാചരണത്തിന് തുടക്കമായി. 14 വരെ ലോകമെമ്പാടുമുള്ള വൈഎംസിഎ യൂണിറ്റുകളുടെ നേതൃത്വത്തിലാണ് പ്രാർത്ഥനാ യജ്ഞം സംഘടിപ്പിക്കുന്നത്.
തിരുവമ്പാടി സേക്രഡ് ഹാർട്ട് ഫൊറോന പള്ളി അസി. വികാരി ഫാ. ജോസഫ് മലമ്പേൽ പ്രാർഥനാ വാരാചരണം ഉദ്ഘാടനം ചെയ്തു. വൈഎംസിഎ പ്രസിഡന്റ് സണ്ണി തോമസ് അധ്യക്ഷത വഹിച്ചു. സെക്രട്ടറി സാലസ് മാത്യു, ജോസ് ഫ്രാൻസിസ്, പാരീസ് ബേസിൽ എം.സി. തോമസ്
ബൈബിൾ വായന നടത്തി. ട്രഷറർ ബാജി ജോസഫ്, ഷാജി കണ്ടത്തിൽ എന്നിവർ പ്രാർഥകൾക്ക് നേതൃത്വം നൽകി.
Kozhikode
കോടഞ്ചേരി: കോടഞ്ചേരി സെന്റ് ജോസഫ്സ് ഹയർ സെക്കൻഡറി സ്കൂളിൽ കാമ്പസ് ടു ബൂത്ത് പോസ്റ്റർ പ്രകാശനവും രജിസ്ട്രേഷൻ ഉദ്ഘാടനവും പ്രിൻസിപ്പൽ വിജോയ് തോമസ് അസംബ്ലിയിൽ നടത്തി.
17 വയസ് പൂർത്തീകരിച്ച വിദ്യാലയത്തിലെ മുഴുവൻ വിദ്യാര്‍ഥികള്‍ക്കും വോട്ടവകാശം ഉറപ്പു വരുത്തുവാനുള്ള തെരഞ്ഞെടുപ്പ് കമ്മിഷന്‍റെ പ്രവർത്തനത്തിന് വിദ്യാലയത്തിൽ തുടക്കം കുറിച്ചു.സ്കൂളിലെ എൻഎസ്എസ് , ഇഎൽസി ക്ലബ് എന്നിവ സംയുക്തമായി നടത്തിയ പരിപാടിയിൽ എൻഎസ്എസ് പ്രോഗ്രാം ഓഫീസർ സീലിയതോമസ്, ഇഎൽസി ക്ലബ് കൺവീനർ സജി മാത്യു, എന്നിവർ പങ്കെടുത്തു.
Kozhikode
മുക്കം: കൊടിയത്തൂർ പഞ്ചയത്തിൽ കോഴി മാലിന്യം സംസ്ക്കരിക്കുന്നതിന് സംവിധാനമായി. കോഴിവ്യാപാരികളുടെ യോഗത്തില്‍ ഇതുസംബന്ധിച്ച് തീരുമാനമായി. കോഴിക്കോട് ജില്ലാ കളക്ടറുടെ ഉത്തരവ് പ്രകാരം കോഴിമാലിന്യം കൊണ്ടുപോകുന്ന എജൻസിയായ എക്കോ ഗ്രീൻ റെൻഡറിംഗ് പ്ലാന്‍റുമായി കരാറിൽ എർപ്പെടുന്നതിനും പഞ്ചായത്ത് പരിധിയിലുള്ള മുഴുവൻ കോഴി വ്യാപാരികളും കരാറിലേർപ്പെടുന്നതിനും തിരുമാനിച്ചു.ലൈസൻസ് എടുക്കാതെ വ്യാപാരം നടത്തുന്നവർക്കെതിരെ കർശന നിയമനടപടി സ്വീകരിക്കുന്നതിനും തീരുമാനമായി.യോഗം പഞ്ചായത്ത് വൈസ് പ്രസിഡന്റ് സുജ ടോം ഉദ്ഘാടനം ചെയ്തു. മെമ്പർമാരായ ഹസീന പുതിയോട്ടില്‍ പി.കെ.സുഹാസ് , അസി. സെക്രട്ടറി അബ്ദുൾ ഗഫൂർ, ഹെൽത്ത് ഇൻസ്പെകടർ സി.റിനിൽ എന്നിവർ പങ്കെടുത്തു.
Kozhikode
കോടഞ്ചേരി:വേളംകോട് സെന്റ് ജോർജ്സ് ഹയർ സെക്കൻഡറി സ്കൂളിൽ നാഷണൽ സർവീസ് സ്കീമിന്‍റെ നേതൃത്വത്തിൽ നടപ്പിലാക്കുന്ന 'ഒപ്പം ചേരാം' പദ്ധതിയുടെ ജില്ലാ തല ഉദ്ഘാടനവും തയ്യൽ മെഷീൻ വിതരണവും ഇലക്ടറൽ ലിറ്ററസി ക്ലബ്ബിന്‍റെ ഉദ്ഘാടനവും സി.കെ. കാസിം എംഎൽഎ നിർവഹിച്ചു.പിടിഎ പ്രസിഡന്റ് റൂബി മർക്കോസ് അധ്യക്ഷത വഹിച്ചു.ചടങ്ങിൽ കോടഞ്ചേരി പഞ്ചായത്ത് വൈസ് പ്രസിഡന്റ് അലക്സ് തോമസ് ചെമ്പകശേരി മുഖ്യപ്രഭാഷണം നടത്തി.
എൻഎസ്എസ്. തിരുവമ്പാടി ക്ലസ്റ്റർ കോർഡിനേറ്ററും കരുവൻപൊയിൽ ഗവ. ഹയർ സെക്കൻഡറി സ്കൂളിലെ ചരിത്രാധ്യാപകനുമായ ടി.രതീഷ് മുഖ്യാതിഥിയായി.എൻഎസ്എസ്. മാനസഗ്രാമത്തിലെ സാമ്പത്തികമായി പിന്നോക്കം നിൽക്കുന്ന അർഹയായ ഗുണഭോക്താവിന് എംഎൽഎയും വിശിഷ്ടാതിഥികളും ചേർന്ന് തയ്യൽ മെഷീൻ കൈമാറി.
വിദ്യാര്‍ഥികളില്‍ ജനാധിപത്യബോധം, പൗരബോധം, വോട്ടവകാശത്തിന്‍റെ പ്രാധാന്യം, തിരഞ്ഞെടുപ്പ് പ്രക്രിയയെക്കുറിച്ചുള്ള അവബോധം എന്നിവ വളർത്തുക എന്ന ലക്ഷ്യത്തോടെ സ്കൂളിൽ രൂപീകരിച്ച ഇലക്ടറൽ ലിറ്ററസി ക്ലബ്ബിന്‍റെ ഉദ്ഘാടനവും ഇതോടൊപ്പം നടന്നു.സ്കൂൾ ഹെഡ്മിസ്ട്രസ് സിസ്റ്റർ മെൽവിൻ എസ്ഐസി, പഞ്ചായത്ത് അംഗങ്ങളായ വിൽസൺ തറപ്പേൽ, റെജി തമ്പി, ബിന്ദു ജോർജ്, മാനേജ്മെന്റ് പ്രതിനിധി സിസ്റ്റർ സുധർമ്മ എസ്ഐസി, ഹയർ സെക്കൻഡറി സ്റ്റാഫ് സെക്രട്ടറി കെ.സ്മിത എന്നിവർ പ്രസംഗിച്ചു.
Kozhikode
പേരാമ്പ്ര:പേരാമ്പ്ര നിയോജകമണ്ഡലത്തിൽ അഞ്ച് 108 ആംബുലൻസുകൾ സർക്കാർ അനുവദിച്ചു. പേരാമ്പ്ര താലൂക്ക് ആശുപത്രി, ചക്കിട്ടപ്പാറ,ചങ്ങരോത്ത് നൊച്ചാട്, അരിക്കുളം എന്നീ പ്രാഥമിക ആരോഗ്യ കേന്ദ്രങ്ങൾക്കുമാണ് ആംബുലൻസ് അനുവദിച്ചത്.
താലൂക്ക് ആശുപത്രിയിൽ 24 മണിക്കൂറും മറ്റ് പ്രാഥമിക ആരോഗ്യ കേന്ദ്രങ്ങളിൽ 12 മണിക്കുറും ആംബുലൻസിന്‍റെ സേവനം ലഭ്യമാകും. പേരാമ്പ്ര ടൗൺഹാൾ ഗ്രൗണ്ടിൽ നടന്ന ചടങ്ങിൽ ആംബുലൻസുകളുടെ ഫ്ലാഗ് ഓഫും താക്കോൽ കൈമാറ്റവും ഫാത്തിമ തഹിലിയ എംഎൽഎ നിർവഹിച്ചു. പേരാമ്പ്ര ബ്ലോക്ക് പഞ്ചായത്ത് പ്രസിഡന്റ് മിനി വട്ടക്കണ്ടി, പഞ്ചായത്ത് പ്രസിഡന്റുമാരായ ലതിക വിനോദ്, ഷിജി കൊട്ടാരക്കൽ, രമണി, ജന പ്രതിനിധികളായ രാജൻ മരുതേരി, സന്തോഷ് കോശി, ആർ.കെ. രജീഷ് കുമാർ, വി.വി.എം. ബഷീർ, വി.കെ. നാസിദ, ജസീല വാഴയിൽ, അരവിന്ദൻ, ഡിപിഎം ഡോ. അഫ്സൽ, ഡോ. വിഭ, ഡോ. രാജു രാഘവൻ, മനോജ് എടാണി, പി.വാസു തുടങ്ങിയവർ സന്നിഹിതരായിരുന്നു.
Kozhikode
ഇതെങ്കിലുമൊന്ന് ശരിയാവണേ!
നടപ്പാക്കുന്നത് രണ്ട് വട്ടം പരീക്ഷിച്ച് പരാജയപ്പെട്ട പദ്ധതി
മുക്കം: പത്ത് വർഷം മുമ്പ് തുടങ്ങി വിവിധ മാറ്റങ്ങളോടെ രണ്ട് വർഷം നടപ്പാക്കി പരാജയപ്പെട്ട ട്രാഫിക് പരിഷ്ക്കരണം മുക്കം നഗരത്തിൽ വീണ്ടും നടപ്പാക്കുന്നു. മുക്കം നഗരത്തിലെ അതിരൂക്ഷമായ ഗതാഗതക്കുരുക്കിന് പരിഹാരമെന്നോണമാണ് ഗതാഗത പരിഷ്കാരം നടപ്പിലാക്കാൻ മുക്കം നഗരസഭ വീണ്ടും തീരുമാനമെടുത്തത്.
രണ്ടാം ഘട്ട നഗരസൗന്ദര്യവത്കരണ പ്രവൃത്തിയുടെ ഭാഗമായി റോഡ് നവീകരണം ഉൾപ്പെടെ പൂർത്തിയാകുന്ന സാഹചര്യത്തിലാണ് നഗരസഭ വീണ്ടും ഗതാഗത പരിഷ്കരണം നടപ്പിലാക്കാൻ ഒരുങ്ങുന്നത്. മുക്കം പൊലിസിന്‍റെ സഹകരണത്തോടെ ട്രാഫിക് റെഗുലേറ്ററി യോഗം ഉൾപ്പെടെ വിളിച്ച് ചേർത്ത് ചർച്ച ചെയ്ത ശേഷമാണ് നഗരസഭ പുതിയ ഗതാഗത പരിഷ്കരണം നടപ്പിലാക്കുന്നത്.
ഒരാഴ്ച നീണ്ടു നിൽക്കുന്ന ട്രയൽ റൺ ഉൾപ്പെടെ നടത്തി അടുത്ത മാസം പകുതിയോടെ ഗതാഗത പരിഷ്കരണം നടപ്പിലക്കാനാണ് ആലോചന. പുതിയ ഗതാഗത പരിഷ്കരണത്തിന്‍റെ ഭാഗമായി അഭിലാഷ് ജംഗ്ഷനിലും അഗസ്ത്യൻമുഴി മിനി എംസിഎഫിന് സമീപത്തും പുതിയ ബസ് കാത്തിരിപ്പ് കേന്ദ്രങ്ങൾ നിർമിക്കും. അഗസ്ത്യൻമുഴിയിൽ നിർമിക്കുന്ന ബസ് കാത്തിരിപ്പ് കേന്ദ്രത്തോട് ചേർന്ന് ഇരുവശങ്ങളിലും ഇരുചക്ര - നാലുചക്ര വാഹനങ്ങൾക്ക് പാർക്കിംഗ് സംവിധാനം ഒരുക്കാൻ ധാരണയായിട്ടുണ്ട്. അഭിലാഷ് ജംഗ്ഷൻ മുതൽ ആലിൻ ചുവട് - പഴയ സ്റ്റാൻഡ് വരെയുള്ള ഭാഗത്തെ അനധികൃത പാർക്കിങ്ങിന് പരിഹാരം കാണുന്നതിനായി മുക്കം സഹകരണ ബാങ്കിന് എതിർവശത്തെ മൈതാനത്ത് സ്വകാര്യ പങ്കാളിത്തത്തോടെ പേ പാർക്കിംഗ് സംവിധാനമൊരുക്കാനാണ് തീരുമാനം.
മുൻ പരിഷ്കാരങ്ങൾ പൂർണ പരാജയം
രണ്ട് വർഷം മുൻപ്, ഏഴര കോടി രൂപ ചെലവിൽ ഒന്നാം ഘട്ട നഗര സൗന്ദര്യവത്കരണം പൂർത്തിയായതിന് പിന്നാലെ മുക്കം നഗരസഭ ഗതാഗത പരിഷ്കരണം നടപ്പിലാക്കിയിരുന്നു. നഗരത്തിലെ ഗതാഗതക്കുരുക്കഴിക്കാൻ നഗരസഭ പ്രഖ്യാപിച്ച ഗതാഗത പരിഷ്കരണം ദിവസങ്ങൾക്കകം പരാജയപ്പെട്ടു. നിയമ ലംഘനങ്ങൾ കണ്ടെത്തി നടപടി സ്വീകരിക്കാൻ അധികൃതർ തയാറാവാതിരുന്നതാണ് ഗതാഗത പരിഷ്കാരം പരാജയപ്പെടാൻ കാരണമായത്. ഇതിന് മുൻപും മുക്കം നഗരസഭ നടപ്പിലാക്കിയ ഗതാഗത പരിഷ്കരണം പരാജയപ്പെടുകയായിരുന്നു.
ഗതാഗത പരിഷ്കരണത്തിലെ പുതിയ നിർദ്ദേശങ്ങൾ
വിവിധ ഭാഗങ്ങളിൽ നിന്ന് വരുന്ന ബസുകൾ ബൈപാസിലൂടെ ബസ് സ്റ്റാൻഡിലേക്ക് പ്രവേശിക്കണം. അരീക്കോട് ഭാഗത്തേക്കുള്ള ബസുകൾ പഴയ സ്റ്റാൻഡിലേക്ക് പ്രവേശിക്കാതെ, പുതിയ സ്റ്റാൻഡിലേക്ക് തന്നെ പ്രവേശിക്കണം. പുതിയ സ്റ്റാൻഡിൽ നിന്ന് പുറപ്പെടുന്ന ബസുകൾ മാർക്കറ്റ് റോഡ് - ആലിൻ ചുവട് - അഭിലാഷ് ജംഗ്ഷൻ വഴിയും പഴയ സ്റ്റാൻഡിൽ നിന്ന് പുറപ്പെടുന്ന ബസുകൾ ആലിൻ ചുവട് - അഭിലാഷ് ജംഗ്ഷൻ വഴിയും പോകണം. പുതിയ ബസ് സ്റ്റാൻഡിൽ അഞ്ച് ബസുകൾക്കും പഴയ സ്റ്റാൻഡിൽ 14 ബസുകൾക്കും മാത്രമേ ഒരേസമയം നിർത്തിയിടാൻ അനുമതിയുള്ളൂ.
20 മിനിറ്റിൽ കൂടുതൽ ബസുകൾ സ്റ്റാൻഡിൽ നിർത്തിയിടാൻ പാടില്ല. ബസ് സ്റ്റാൻഡുകളിലേക്ക് പ്രവേശിക്കുന്നതും നിർത്തിയിടുന്നതുമായ വാഹനങ്ങൾക്കെതിരേ മുനിസിപ്പൽ ആക്ട് പ്രകാരം നടപടി സ്വീകരിക്കും. പിസി ജംഗ്ഷൻ - ആലിൻചുവട് റോഡ് വൺ വേയാക്കും. പിസി ജംഗ്ഷനിൽ നിന്ന് ആലിൻചുവട് ഭാഗത്തേക്ക് മാത്രമായിരിക്കും പ്രവേശനം. മിനി പാർക്ക് വരെ റോഡിന്‍റെ ഇരുഭാഗങ്ങളിലും ഇരുചക്രവാഹനങ്ങൾക്കും കാറുകൾക്കും പാർക്കിംഗിന് അനുമതി. ടാക്സി സ്റ്റാൻഡ് പിസി ജംഗ്ഷനിലേക്ക് മാറ്റും.
Kozhikode
കൂടരഞ്ഞി: എസ്എംഎ ബാധിച്ച് ചികിത്സയിൽ കഴിയുന്ന കുരുന്നുകളുടെ ചികിത്സാ സഹായനിധിയിലേക്ക് പണം കണ്ടെത്തുന്നതിനായി കൂടരഞ്ഞി അങ്ങാടിയിൽ എസ്എച്ച്ആർഎയുടെയും ട്രേഡ് വിംഗ്സിന്‍റെയും നേതൃത്വത്തിൽ ചായസൽക്കാരം സംഘടിപ്പിച്ചു.
ചായസൽക്കാരത്തോടൊപ്പം നാട്ടിലെ ഗായകരുടെ ഗാനവിരുന്നും മാജിക് പ്രകടനവും പരിപാടിക്ക് കലാപരമായ മിഴിവേകി. ഓട്ടോറിക്ഷാ തൊഴിലാളികൾ, ചുമട്ടുതൊഴിലാളികൾ, വ്യാപാരികൾ തുടങ്ങി സമൂഹത്തിന്‍റെ വിവിധ മേഖലകളിലുള്ളവരും നാട്ടുകാരും ഒരുമിച്ചണിനിരന്നതോടെ പരിപാടി നാടിന്‍റെ കൂട്ടായ്മയുടെയും കാരുണ്യത്തിന്‍റെയും വേദിയായി.
കൂടരഞ്ഞി പഞ്ചായത്ത് പ്രസിഡന്റ് ബോബി ഷിബു പരിപാടി ഉദ്ഘാടനം ചെയ്തു. എസ്എച്ച്ആർഎ പ്രസിഡന്റ് വിജയൻ അധ്യക്ഷത വഹിച്ചു. കെ.എം. അഷറഫ്, വ്യാപാരി വ്യവസായി സംഘടനാ പ്രസിഡന്റ് മുഹമ്മദ് പാതിപ്പറമ്പിൽ, സെക്രട്ടറി സ്റ്റാൻലി, വനിതാ വിംഗ് പ്രസിഡന്റ് രമണി ബാലൻ, ഷിന്‍റോ വർഗീസ് എന്നിവർ പ്രസംഗിച്ചു.
എസ്എച്ച്ആർഎ -ട്രേഡ് വിംഗ്സ് അംഗങ്ങളായ ജോസഫ് ഫ്രാൻസിസ്, ജോൺസൺ, ലിജോ ജോസ്, ജുനൈസ്, അനീസ്, ഷെഫീഖ് തുടങ്ങിയവർ പരിപാടിക്ക് നേതൃത്വം നൽകി.
Kozhikode
കോഴിക്കോട്: ജില്ലയിലെ സ്റ്റേജ് കാരിയേജ് സർവീസുകളുടെയും കെഎസ്ആർടിസി സർവീസുകളുടെയും നിലവിലെ സമയക്രമം പുനഃപരിശോധിച്ച്, സർവീസുകൾ തമ്മിലുള്ള സമയക്രമത്തിലെ പൊരുത്തക്കേടുകൾ പരിഹരിക്കുന്നതിനും റൂട്ടുകൾ യുക്തിസഹമായി ക്രമീകരിക്കുന്നതിനുമായി യോഗം ചേരും. പത്തിന് രാവിലെ 11ന് കളക്ടറേറ്റ് കോൺഫറൻസ് ഹാളിലാണ് യോഗം.
പ്രിയദർശിനി സർവീസുകളുമായി ബന്ധപ്പെട്ട് സ്വകാര്യ സ്റ്റേജ് കാരിയേജ് ഓപറേറ്റർമാരുടെ അഭിപ്രായങ്ങളും നിർദേശങ്ങളും യോഗത്തിൽ ചർച്ച ചെയ്യും. ജില്ലയിലെ വിവിധ ബസ് ഉടമ സംഘടനകളിൽ നിന്ന് രണ്ട് പ്രതിനിധികൾക്ക് വീതം യോഗത്തിൽ പങ്കെടുക്കാം. സംഘടനാ പ്രതിനിധികൾ അല്ലാതെ യോഗത്തിൽ പങ്കെടുക്കുന്നവർ കോഴിക്കോട് ആർടി ഓഫിസിൽ മുൻകൂട്ടി അറിയിക്കണമെന്ന് റീജണൽ ട്രാൻസ്പോർട്ട് ഓഫിസർ അറിയിച്ചു.
Kozhikode
കോഴിക്കോട്: പെരുവണ്ണാമൂഴി റിസര്‍വോയറിന് ചുറ്റും ഹാങ്ങിംഗ് സോളാര്‍ പവര്‍ ഫെന്‍സിംഗ് സ്ഥാപിക്കുന്നതിന് ജലവിഭവ വകുപ്പ് അനുമതി നല്കി. കൂരാച്ചുണ്ട് പഞ്ചായത്തിലെ നാലുമുതല്‍ ഒമ്പതുവരെയുള്ള വാര്‍ഡുകളില്‍ കാട്ടാന ഉള്‍പ്പെടെയുള്ള വന്യജീവികള്‍ നിരന്തരം ജനവാസ മേഖലകളിലിറങ്ങി ജീവനും സ്വത്തിനും കാര്‍ഷിക വിളകള്‍ക്കും ഭീഷണി സൃഷ്ടിക്കുന്ന പശ്ചാത്തലത്തിലാണ് നടപടി.
ജലസേചന വകുപ്പിന്‍റെ ഭൂമിയിലൂടെയാണ് 16 കിലോമീറ്റര്‍ ദൂരത്തില്‍ ഫെന്‍സിംഗ് നിര്‍മ്മിക്കുന്നത്. ജില്ലാ വികസനസമിതി യോഗ തീരുമാനവും വിഷയത്തിന്‍റെ അടിയന്തര പ്രാധാന്യവും കണക്കിലെടുത്താണ് നടപടി.
കോഴിക്കോട് ഡിവിഷണല്‍ ഫോറസ്റ്റ് ഓഫീസറുടെ അപേക്ഷയുടെ അടിസ്ഥാനത്തിലാണ് പ്രതിരോധ സംവിധാനം ഒരുക്കുന്നത്. റിസര്‍വോയറില്‍ ജലനിരപ്പ് ഉയരുന്ന സാഹചര്യത്തില്‍ പില്ലറുകള്‍ സ്ഥാപിച്ചിട്ടുള്ള കോണ്‍ക്രീറ്റ് ബേസ് ജലനിരപ്പിന് മുകളിലേക്ക് ഫെന്‍സിംഗ് മാറ്റി സ്ഥാപിക്കും. അത്തരം സന്ദര്‍ഭങ്ങളില്‍ ഫെന്‍സിംഗിന്‍റെ പ്രവര്‍ത്തനം നിര്‍ത്തിവയ്ക്കണമെന്നും ജലവിഭവവകുപ്പ് നിര്‍ദ്ദേശിച്ചിട്ടുണ്ട്
Kozhikode
മുക്കം: എസ്എംഎ ബാധിച്ച കല്ലുരുട്ടിയിലെ മൂന്നു കുരുന്നുകളുടെ ചികിത്സയ്ക്ക് ഭാരിച്ച തുക കണ്ടെത്താൻ നാടൊന്നാകെ പ്രയത്നം നടത്തുന്നതിനിടെ ഒരു മൂന്നാം ക്ലാസുകാരൻ തന്‍റെ സമ്പാദ്യം ചികിത്സയ്ക്ക് സംഭാവന ചെയ്തു. മണാശേരി ഗവ.യുപി സ്കൂളിൽ മൂന്നാം ക്ലാസിൽ പഠിക്കുന്ന ശ്രീഹരി രഞ്ജിത്താണ് തനിക്കൊരു സൈക്കിൾ വാങ്ങാൻ വേണ്ടി സ്വരൂപികരിച്ചു കൊണ്ടിരിക്കുന്ന നാണയത്തുട്ടുകളടങ്ങുന്ന പണക്കുടുക്ക സ്കൂൾ പ്രധാനാധ്യാപികയെ ഏൽപ്പിച്ചത്. ശ്രീഹരിയുടെ നല്ല മനസിനെ മാതാപിതാക്കളും പിന്തുണച്ചു. അഗസ്ത്യൻമുഴി പരതയിൽ അപർണയുടെയും തൊണ്ടിമ്മൽ ഇരുന്ന കുഴിയിൽ രഞ്ജിത്തിന്‍റെയും മകനാണ് ശ്രീഹരി.
Kozhikode
കോഴിക്കോട്: എലത്തൂർ മണ്ഡലത്തിൽ പിയുകെസി റോഡിൽ എരഞ്ഞിക്കൽ പുതിയ പാലത്തിന്‍റെ അപ്രോച്ച് റോഡിലെ തകർന്ന സംരക്ഷണ ഭിത്തിയുടെ പുനർ നിർമാണ പ്രവൃത്തി നടക്കവേ, ബലക്ഷയം കണ്ടതിനാൽ ഈ പാലത്തിലൂടെയുള്ള വാഹന ഗതാഗതം പൂർണമായും നിരോധിച്ചു.
കോഴിക്കോട് നിന്നും ഉള്ളിയേരി, പേരാമ്പ്ര, കുറ്റ്യാടി തുടങ്ങിയ സ്ഥലങ്ങളിലേക്ക് പോകുന്ന വാഹനങ്ങൾ പുതിയങ്ങാടി- കുണ്ടുപറമ്പ്- പൂളാടിക്കുന്ന് വഴി പോകേണ്ടതാണെന്ന് പൊതുമരാമത്ത് (പാലങ്ങൾ) ഡിവിഷൻ എക്സിക്യൂട്ടീവ് എൻജിനീയർ അറിയിച്ചു.
Kozhikode
കൂരാച്ചുണ്ട്: കല്ലാനോട് സെന്റ് മേരീസ് ഹയർ സെക്കൻഡറി സ്കൂളിൽ നടന്ന റോവർ ആൻഡ് ഗൈഡ്സ് ക്യാമ്പ് "കോമിയോൻസോ 2കെ26' സമാപിച്ചു.
ക്യാമ്പിന്‍റെ ഉദ്ഘാടനം കൂരാച്ചുണ്ട് പഞ്ചായത്ത് ഒമ്പതാം വാർഡ് അംഗം സണ്ണി ജോസഫ് കാനാട്ട് നിർവഹിച്ചു. സ്കൂൾ മാനേജർ ഫാ. ജെയ്സൺ കാരക്കുന്നേൽ അധ്യക്ഷത വഹിച്ചു. പ്രിൻസിപ്പൽ സജി ജെ. കരോട്ട്, പിടിഎ പ്രസിഡന്റ് ഷാജി വലിയവീട്ടിൽ, സാനിയ വർഗീസ് എന്നിവർ പ്രസംഗിച്ചു. ക്യാമ്പിന്‍റെ പ്രവർത്തനങ്ങൾക്ക് റോവർ സ്കൗട്ട് ലീഡർ ജസ്റ്റിൻ ജോസ്, ഗൈഡ്സ് ക്യാപ്റ്റൻ പി. ജിജിത എന്നിവർ നേത്യത്വം നൽകി.
Kozhikode
തിരുവമ്പാടി: തിരുവമ്പാടി അൽഫോൻസ കോളജിലെ പുതിയ കോളജ് യൂണിയൻ ഭാരവാഹികളുടെ സ്ഥാനാരോഹണ ചടങ്ങ് സി.കെ. കാസിം എംഎൽഎ ഉദ്ഘാടനം ചെയ്തു. സുൽത്താൻ ബത്തേരി ഡോൺ ബോസ്കോ കോളജ് പ്രിൻസിപ്പൽ ഫാ. ഷാജൻ നൊറോണ മുഖ്യപ്രഭാഷണം നടത്തി. താമരശേരി രൂപത ചാൻസലർ ഫാ. സുബിൻ കവളക്കാട്ട് അധ്യക്ഷത വഹിച്ചു.
കോളജ് പ്രിൻസിപ്പൽ ഡോ. ഷൈജു ഏലിയാസ് പുതിയ യൂണിയൻ ഭാരവാഹികൾക്ക് സത്യപ്രതിജ്ഞ ചൊല്ലിക്കൊടുത്തു. വൈസ് പ്രിൻസിപ്പൽ എം.സി. സെബാസ്റ്റ്യൻ, കോളജ് യൂണിയൻ ചെയർപേഴ്സൺ റോസ്‌ലിറ്റ് സജി, സെക്രട്ടറി മുഹമ്മദ് ഇബ്രാഹിം, മുൻ യൂണിയൻ ചെയർമാൻ എബിൻ സണ്ണി, യൂണിയൻ ഉപദേഷ്ടാവ് സബിൻ തോമസ് എന്നിവർ പ്രസംഗിച്ചു.
Kozhikode
കോഴിക്കോട്: ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ആര്‍ക്കിടെക്റ്റ്‌സ് (ഐഐഎ) കാലിക്കട്ട് സെന്റര് ചെയര്‍മാനായി ആര്‍ക്കിടെക്റ്റ് ഷാം സലീം തെരഞ്ഞെടുക്കപ്പെട്ടു.
ആര്‍ക്കിടെക്റ്റുമാരായ കെ. ഷബ്‌ന (വൈസ് ചെയര്പേഴ്സണ്), കെ. സലീല്‍ സലീം, ത്രേസ്യ പോള്‍ (സെക്രട്ടറിമാര്‍), രാധിക സുകുമാര്‍ (ട്രഷറര്‍), മന്‍സൂര്‍ അഞ്ചുകണ്ടന്‍ (എഡിറ്റര്‍), പി.പി. വിവേക്, എം.എം. നിഷാന്‍, ഷീഹ ഹമീദ്, അശ്വിന്‍ വാസുദേവന്‍, ഫഹീം എം. ഫൈസല്‍ (എക്സിക്യൂട്ടീവ് കമ്മിറ്റി അംഗങ്ങള്‍) എന്നിവരാണ് മറ്റ് ഭാരവാഹികള്‍.
ഹോട്ടല്‍ മലബാര്‍ പാലസില്‍ നടന്ന ചടങ്ങില്‍ ജില്ലാ കളക്ടര് എം.എസ്. മാധവിക്കുട്ടി, ഐഐഎ നാഷണല്‍ കൗണ്‍സില്‍ അംഗം വിനോദ് സിറിയക്, ഐഐഎ കേരള ചാപ്റ്റര്‍ ചെയര്പേഴ്സണ് മൊണോലിറ്റ ചാറ്റര്‍ജി, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് ഇന്‍റീരിയര്‍ ഡിസൈനേഴ്‌സ് പ്രതിനിധി പ്രവീണ്‍ ചന്ദ്ര, മുന്‍ എംഎല്‍എ എ. പ്രദീപ് കുമാര്‍, എം. ഖാലിദ് (മലബാര്‍ ചേംബര്‍), ഡോ. സുരേഷ് കുമാര്‍ (ഐപിഎം), ജയകുമാര്‍ ( ഇന്‍സ്റ്റിറ്റ്യൂഷന്‍ ഓഫ് എൻജിനീയേഴ്‌സ്) എന്നിവര്‍ പങ്കെടുത്തു.
Kozhikode
പേരാമ്പ്ര: പേരാമ്പ്ര ഉപജില്ലാ സ്‌കൂള്‍ കലോത്സവം പേരാമ്പ്ര എച്ച്എസ്എസില്‍ നാളെ മുതല്‍ 13 വരെ നടക്കുമെന്ന് സംഘാടകര്‍ പത്രസമ്മേളനത്തില്‍ അറിയിച്ചു. 11ന് വൈകീട്ട് ഫാത്തിമ തഹ്‌ലിയ എംഎല്‍എ കലോത്സവം ഉദ്ഘാടനം ചെയ്യും. 13ന് വൈകീട്ട് സമാപന സമ്മേളനം ജില്ലാ പഞ്ചായത്ത് പ്രസിഡന്റ് മില്ലി മോഹന്‍ ഉദ്ഘാടനം ചെയ്യും. നാളെ നടക്കുന്ന സാംസ്കാരിക ഘോഷ യാത്രയോടെയാണ് കലോത്സവത്തിന് തുടക്കമാകുക. വൈകീട്ട് നാലിന് സാംസ്കാരിക സദസ് റൂറല്‍ എസ്പി മെറിന്‍ ജോസഫ് ഉദ്ഘാടനം ചെയ്യും. പത്തിന് സ്റ്റേജിതര മത്സരങ്ങളാണ്.
11 വേദികളിലായി 304 ഇനങ്ങളില്‍ മത്സരങ്ങള്‍ നടക്കും. 5000 ത്തോളം പേര് മത്സരത്തില്‍ പങ്കെടുക്കും. ഫ്ലാഷ് മോബ്, സംഗീത വിരുന്ന്, നാടകം, ചിത്ര പ്രദര്‍ശനം എന്നിവ അനുബന്ധമായി സംഘടിപ്പിച്ചിട്ടുണ്ട്. പത്രസമ്മേളനത്തിൽ
ഉപജില്ല വിദ്യാഭ്യാസ ഓഫിസർ യൂസഫ് നടുവണ്ണൂർ, എച്ച്എം ഫോറം കൺവീനർ പി. രാമചന്ദ്രൻ, ഫെസ്റ്റിവൽ കമ്മിറ്റി കൺവീനർ ഡോ. ആബിദ പുതുശേരി, പ്രിൻസിപ്പൽ ഷാജു, ഹെഡ്മിസ്ട്രസ് റീന, പബ്ലിസിറ്റി കൺവീനർ അഖിലേഷ്, ചെയർമാൻ ടി. അനിരുദ്ധൻ, പ്രോഗ്രാം കമ്മിറ്റി കൺവീനർ നാരായണൻ, സാംസ്കാരിക സമിതി കൺവീനർ വി.എം. അഷറഫ്, ലോ ആൻഡ് ഓർഡർ കമ്മിറ്റി ടി.കെ. നൗഷാദ് എന്നിവർ സംബന്ധിച്ചു.
Kozhikode
നാദാപുരം: ചെക്യാട് പഞ്ചായത്തിലെ പുളിയാവിൽ 14 വയസ്കാരനെ പ്രകൃതിവിരുദ്ധ പീഡനത്തിനിരയാക്കിയ കേസിൽ ഒരാൾ കൂടി അറസ്റ്റിൽ. പുളിയാവ് സ്വദേശി കനവത്ത് കുഞ്ഞാലി (66) നെയാണ് നാദാപുരം സിഐ കെ. മുരളിധരൻ, ഡിവൈഎസ്പിയുടെ സ്‌ക്വാഡ് അംഗങ്ങളും ചേർന്ന് പിടികൂടിയത്.
വിദ്യാർഥിയുടെ പരാതിയിൽ കേസ് രജിസ്റ്റർ ചെയ്തത് അറിഞ്ഞ പ്രതി ബംഗളൂരു, ചെന്നൈ എന്നിവിടങ്ങളിൽ ഒളിവിൽ പോവുകയായിരുന്നു. ഇതിനിടെ പ്രതി വീട്ടിലേക്ക് വരുന്നുണ്ടെന്ന രഹസ്യ വിവരത്തിന്‍റെ അടിസ്ഥാനത്തിൽ നടത്തിയ പരിശോധനയിൽ കല്ലാച്ചിയിൽ വച്ചാണ് പ്രതിയെ പിടികൂടിയത്. 14 കാരനെ പ്രതിയുടെ സ്കൂട്ടറിൽ കൊണ്ട് പോയാണ് പീഡനത്തിനിരയാക്കിയത്. സ്‌കൂട്ടറും പൊലിസ് കസ്റ്റഡിയിലെടുത്തു. നാദാപുരം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Kozhikode
കോഴിക്കോട്: കോഴിക്കോട്ടെ കെഎസ്ആര്‍ടിസി ടെര്‍മിനല്‍ കൂടുതല്‍ നിയമകുരുക്കിലേക്ക്. പുനർലേലം ചെയ്യാനുള്ള നടപടികളുമായി കേരള ട്രാൻസ്പോർട്ട് ഡെവലപ്മെന്റ് ഫൈനാൻസ് കോർപറേഷൻ മുന്നോട്ടുപോയാൽ,ബസ് ടെർമിനൽ വീണ്ടും നിയമക്കുരുക്കിലേക്ക് നീങ്ങും. ബസ് ടെർമിനലിന്‍റെ നടത്തിപ്പുമായി ബന്ധപ്പെട്ട് അലിഫ് ബിൽഡേഴ്സും കെടിഡിഎഫ്സിയും സർക്കാറുമായി വർഷങ്ങളായി വലിയ നിയമ തർക്കങ്ങൾ നിലനിൽക്കുന്നുണ്ട്.
തുടര്‍ന്നുള്ള ഏത് നടപടിയും നിയമ നടപടിയിലേക്ക് നയിക്കും.പ്രതിമാസം 43 ലക്ഷം രൂപയുടെ വാടകക്കാണ് അലിഫ് ബിൽഡേഴ്സ് കരാറിൽ ഒപ്പുവെച്ചത്. കൂടാതെ തിരിച്ചുനൽകേണ്ട എന്ന വ്യവസ്ഥയിൽ 17 കോടിയുടെ നിക്ഷേപവും അലിഫ് ബിൽഡേഴ്സിനുണ്ട്. കെട്ടിടത്തിന്‍റെ ബലക്ഷയം പരിഹരിച്ച ശേഷം പുനർലേലം നടത്താനാണ് കെടിഡിഎഫ്സിയുടെ ആലോചന. അതുവഴി ലഭിക്കുന്ന വാടകയാണ് ലക്ഷ്യമിടുന്നത്.75 കോടിയോളം മുടക്കി നിർമിച്ച കെഎസ്ആർടിസി ടെർമിനലിൽ നിന്ന് സർക്കാറിന് ഇതുവരെ ലാഭമൊന്നും ലഭിച്ചിട്ടില്ല.
നിലവിൽ അഞ്ചുവർഷംകൊണ്ട് 87 കോടി യുടെ നഷ്ടമാണ് കെഎസ്ആർടിസി ബസ് ടെർമിനൽ സർക്കാറിന് വരുത്തിവെച്ചത്. വീണ്ടും ലേലം ചെയ്യാനുള്ള നീക്കം നിയമക്കുരുക്കിൽ പെട്ടാൽ സാമ്പത്തിക ബാധ്യത വർധിക്കാനാണ് സാധ്യതയും. കെട്ടിടത്തിന് ബലക്ഷയമുണ്ടെന്നും ആവശ്യമായ അറ്റകുറ്റപ്പണികൾ നടത്തിതന്നിട്ടില്ലെന്നും ചൂണ്ടിക്കാട്ടി അലിഫ് ബിൽഡേഴ്സ് വാടക നൽകുന്നത് നിർത്തിവെക്കുകയും വിഷയം കോടതിയുടെ പരിഗണനയിലാവുകയും ചെയ്തിരുന്നു.
കെട്ടിടത്തിന്‍റെ അറ്റകുറ്റപ്പണികൾ ഉടമകളായ കെടിഡിഎഫ്സി തന്നെ തീർക്കണമെന്നും അലിഫ് ബിൽഡേഴ്സിൽ നിന്ന് വാടക കുടിശിക ഈടാക്കണമെന്നുമാണ് അടുത്തിടെ ഹൈകോടതി വിധിച്ചത്. വാടക നൽകാതിരുന്നാൽ കരാർ വ്യവസ്ഥ പ്രകാരം അവർക്കെതിരെ നടപടിയെടുക്കാം എന്നും വിധിയുണ്ട്.
Kozhikode
താമരശേരി: താമരശേരി താലൂക്ക് ആശുപത്രിയിൽ 24 മണിക്കൂറും ഫാർമസി പ്രവർത്തിക്കണമെന്ന ആവശ്യം ശക്തമാകുന്നു. സാധാരണക്കാരും നിർധനരുമായ നിരവധി രോഗികളുടെ ആശ്രയമായ ഈ ആശുപത്രിയിൽ രാത്രികാലങ്ങളിൽ ചികിത്സ തേടിയെത്തുന്നവർ മരുന്ന് ലഭ്യമല്ലാതെ പ്രയാസപ്പെടുകയാണ്.
നിലവിൽ രാത്രി ഏഴുവരെയാണ് ആശുപത്രിയിലെ ഫാർമസി പ്രവർത്തിക്കുന്നത്. അതിനുശേഷം ആശുപത്രിയിലെത്തുന്ന രോഗികൾക്ക് ഡോക്ടറുടെ പരിശോധനയും കുറിപ്പടിയും ലഭിക്കുമെങ്കിലും മരുന്ന് ലഭിക്കണമെങ്കിൽ പുറത്തുള്ള ഫാർമസികളെ ആശ്രയിക്കേണ്ടിവരുന്നു. ഇത് അധിക ചെലവാണ് സൃഷ്ടിക്കുന്നത്. പലപ്പോഴും രാത്രികാലങ്ങളിൽ സമീപത്തെ മെഡിക്കൽ ഷോപ്പുകൾ അടഞ്ഞുകിടക്കുന്നതിനാൽ മരുന്ന് ലഭിക്കാതെ രോഗികളും കൂട്ടിരിപ്പുകാരും നിസഹായരാകുന്നു.
അതുകൊണ്ട് താമരശേരി താലൂക്ക് ആശുപത്രിയിലെ ഫാർമസിയുടെ പ്രവർത്തനസമയം രാത്രി ഏഴു വരെയെന്ന നിലവിലെ ക്രമീകരണം മാറ്റി 24 മണിക്കൂറും മരുന്ന് ലഭ്യമാകുന്ന സംവിധാനം അടിയന്തരമായി ഒരുക്കണം. ആവശ്യമായ ഫാർമസിസ്റ്റുമാരെയും ജീവനക്കാരെയും നിയമിച്ച് മൂന്ന് ഷിഫ്റ്റുകളിലായി ഫാർമസി പ്രവർത്തിപ്പിക്കാനുള്ള നടപടികൾ സ്വീകരിക്കണം. രാത്രിയിൽ അസുഖവുമായി വരുന്ന രോഗികളെ കൂടുതൽ പ്രയാസത്തിലാക്കാതെ എത്രയും വേഗം ഇത് നടപ്പിലാക്കണമെന്നാണ് പ്രദേശവാസികൾ ആവശ്യപ്പെടുന്നത്.
Kozhikode
വടകര: മൂന്നു ദിവസങ്ങളിലായി വടകരയില്‍ നടന്നുവന്ന ജില്ലാ ശാസ്ത്രോത്സവം സമാപിച്ചു. 1258 പോയിന്‍റുകള്‍ നേടി കോഴിക്കോട് സിറ്റി ഉപജില്ല ജേതാക്കളായി. 1,243 പോയിന്റുമായി മുക്കം സബ്ജില്ല രണ്ടാം സ്ഥാനവും 1,175 പോയിന്‍റ നേടി തോടന്നൂര്‍ ഉപജില്ല മൂന്നാം സ്ഥാനവും കരസ്ഥമാക്കി.
414 പോയിന്‍റ് നേടിയ മേമുണ്ട ഹയര് സെക്കന്‍ഡറി സ്‌കൂള്‍ ജില്ലയിലെ മികച്ച വിദ്യാലയമായി തെരഞ്ഞെടുക്കപ്പെട്ടു. 405 പോയിന്‍റ് നേടിയ സില്‍വര്‍ ഹില്‍സ് എച്ച്എസ്എസിനാണ് രണ്ടാം സ്ഥാനം. സയന്‍സ് മേളയില്‍ കോഴിക്കോട് സിറ്റി ഉപജില്ലയും ചേവായൂര്‍ ഉപജില്ലയും ഒന്നും രണ്ടും സ്ഥാനങ്ങള്‍ നേടി.
ഗണിത മേളയില്‍ കൊയിലാണ്ടി സിറ്റി, തോടന്നൂര്‍ ഉപജില്ലകള്‍ക്കാണ് ഒന്നും രണ്ടും സ്ഥാനം. പ്രവൃത്തി പരിചയ മേളയില്‍ മുക്കം, കോഴിക്കോട് സിറ്റി ഉപജില്ലകള്‍ ഒന്നും രണ്ടും സ്ഥാനം നേടി. 100 പോയിന്റുമായി മെഡിക്കല്‍ കോളജ് കാമ്പസ് ഹയര് സെക്കന്ററി സ്‌കൂള്‍ മികച്ച വിദ്യാലയമായി. ഐടി മേളയില്‍ 54 പോയന്‍റുമായി മുക്കം സബ് ജില്ല ജേതാക്കളായി. കോഴിക്കോട് റൂറല്‍ ജില്ലക്കാണ് രണ്ടാം സ്ഥാനം. സില്‍വര്‍ ഹില്‍സ് എച്ച്എസ്എസാണ് മികച്ച വിദ്യാലയമായി തെരഞ്ഞെടുക്കപ്പെട്ടു. സമാപന സമ്മേളനം കെ.കെ. രമ എംഎല്‍എ ഉദ്ഘാടനം ചെയ്തു. നഗരസഭാ ചെയര്‍മാന്‍ പി.കെ. ശശി അധ്യക്ഷത വഹിച്ചു.
Kozhikode
കൂരാച്ചുണ്ട്: പഞ്ചായത്തിൽ കേരളോത്സവത്തിന് ഫുട്ബോൾ മത്സരത്തോടെ തുടക്കമായി. കല്ലാനോട് ജൂബിലി സ്റ്റേഡിയത്തിൽ നടന്ന മത്സരത്തിൽ ജനത കരിയാത്തുംപാറയെ പരാജയപ്പെടുത്തി എംവൈസി കക്കയം ജേതാക്കളായി. പഞ്ചായത്ത് പ്രസിഡന്റ് സിനി ജിനോ സമ്മാനങ്ങൾ വിതരണം ചെയ്തു. സന്ദീപ് കളപ്പുരയ്ക്കൽ, റാഹിൽ, ബിജിത്ത്, ജെംസിൽ, പഞ്ചായത്തംഗങ്ങളായ സണ്ണി ജോസഫ്, പ്രബീഷ് തളിയോത്ത് എന്നിവർ പ്രസംഗിച്ചു. യദുരാജ്, ബിബിൻ ബാബു, ക്രിസ്റ്റി പൗലോസ്, അക്ഷയ് അനീഷ് എന്നിവർ നേതൃത്വം നൽകി.
Kozhikode
കോടഞ്ചേരി: ജനങ്ങളുടെ ആരോഗ്യ പ്രശ്‌ന പരിഹാരമാകണം ഓരോ ഡോക്ടര്‍മാരുടെയും പ്രഥമ പരിഗണനയെന്ന് മന്ത്രി എ.പി. അനില്‍ കുമാര്‍. മര്‍കസ് യൂനാനി മെഡിക്കല്‍ കോളജ് പത്താം വാര്‍ഷികവും ആറാമത് ബിരുദ ദാന സമ്മേളനവും "ദാഹെ ലിക്‌സിര്‍' നോളജ് സിറ്റിയിൽ ഉദ്ഘാടനം ചെയ്ത് പ്രസംഗിക്കുകയായിരുന്നു മന്ത്രി. തൊഴിലെന്നതിനപ്പുറം വലിയ സാമൂഹിക ഉത്തരവാദിത്വമാണ് പൊതുജന ആരോഗ്യപരിചരണമെന്നും അദ്ദേഹം കൂട്ടിച്ചേര്‍ത്തു.
ബാച്ചിലര്‍ ഓഫ് യുനാനി മെഡിസിന്‍ ആന്‍ഡ് സയന്‍സ് (ബിയുഎംഎസ്) പഠനം പൂര്‍ത്തീകരിച്ച 34 യുവ ഡോക്ടര്‍മാര്‍ ചടങ്ങില്‍ സര്‍ട്ടിഫിക്കറ്റ് സ്വീകരിച്ചു. കേരളത്തിന് പുറമെ മഹാരാഷ്ട്ര, കര്‍ണാടക, ഡല്‍ഹി തുടങ്ങിയ വിവിധ സംസ്ഥാനങ്ങളില്‍ നിന്നുള്ള വിദ്യാര്‍ഥികളാണ് ആതുര സേവന രംഗത്തേക്ക് ഇറങ്ങിയത്.
മര്‍കസ് യുനാനി മെഡിക്കല്‍ കോളജില്‍ കഴിഞ്ഞ കാലങ്ങളില്‍ സ്തുത്യര്‍ഹമായ സേവനമര്‍പ്പിച്ചവരെ ചടങ്ങില്‍ ആദരിച്ചു. പ്രിന്‍സിപ്പല്‍ ഡോ. യു. മുജീബ് അധ്യക്ഷത വഹിച്ചു. നോളജ് സിറ്റി ഫൗണ്ടര്‍ ഡോ. മുഹമ്മദ് അബ്ദുല്‍ ഹകീം അസ്ഹരി മുഖ്യപ്രഭാഷണം നടത്തി.
Kozhikode
തിരുവമ്പാടി: പരിസ്ഥിതിലോല മേഖല നിർണയവുമായി ബന്ധപ്പെട്ട് സർക്കാർ വ്യക്തമായ നിലപാട് സ്വീകരിക്കണമെന്നും ജനങ്ങളുടെ ആശങ്കകൾക്ക് പരിഹാരം കാണണമെന്നും ആർജെഡി ജില്ലാ പ്രസിഡന്റ് എം.കെ. ഭാസ്കരൻ ആവശ്യപ്പെട്ടു. കിസാൻ ജനത തിരുവമ്പാടി മണ്ഡലം കമ്മിറ്റി സംഘടിപ്പിച്ച ധർണ ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
മണ്ഡലം പ്രസിഡന്റ് ജോർജ് പ്ലാക്കാട്ട് അധ്യക്ഷത വഹിച്ചു. ആർജെഡി സംസ്ഥാന ജനറൽ സെക്രട്ടറി വി. കുഞ്ഞാലി, ന്യൂനപക്ഷ സെൽ സംസ്ഥാന പ്രസിഡന്റ് പി.എം. തോമസ്, കിസാൻ ജനത സംസ്ഥാന ജനറൽ സെക്രട്ടറി ജോൺസൺ കുളത്തിങ്കൽ, ബ്ലോക്ക് പഞ്ചായത്ത് അംഗം ജിമ്മി ജോസ് പൈമ്പിള്ളിൽ, ജില്ലാ ജനറൽ സെക്രട്ടറി വിൽസൺ പുല്ലുവേലിൽ എന്നിവർ പ്രസംഗിച്ചു.
Kozhikode
കോഴിക്കോട്: വിൽപനയ്ക്കായി സൂക്ഷിച്ച വിദേശ മദ്യവുമായി മധ്യവയസ്കൻ പിടിയിൽ. കുന്നമംഗലം സ്വദേശി പുളിയശേരി അശോകൻ (55) നെയാണ് മെഡിക്കൽ കോളജ് പൊലിസ് പിടികൂടിയത്. കഴിഞ്ഞദിവസം മെഡിക്കൽ കോളജ് പൊലിസ് പെട്രോളിംഗ് ഡ്യൂട്ടി ചെയ്തുവരവേ കോവൂർ ജംഗ്ഷന് സമീപം എത്തിയപ്പോൾ പൊലിസിനെ കണ്ട് പരിഭ്രമിച്ച് ഓടിപ്പോവാൻ ശ്രമിച്ച പ്രതിയെ തടഞ്ഞുവച്ച് പരിശോധിച്ചപ്പോഴാണ് മദ്യം കണ്ടെത്തിയത്. സബ് ഇൻസ്പെക്ടർ മുരളി, സിവിൽ പൊലിസ് ഓഫിസർ രഞ്ജു എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്.
Kozhikode
ചക്കിട്ടപാറ: പാത അശാസ്ത്രീയമായി നിർമിച്ചതിനാൽ അപകടം തുടർക്കഥയാകുന്നു. പെരുവണ്ണാമൂഴി - ചക്കിട്ടപാറ - ചെമ്പ്ര മലയോര ഹൈവേയുടെ പിള്ളപ്പെരുവണ്ണ മുക്കിലാണ് അപകടം പതിയിരിക്കുന്നത്. ഇന്നലെ രാവിലെ ഒമ്പതരയോടെ ബാലുശേരി ഭാഗത്തു നിന്നെത്തിയ ഓട്ടോറിക്ഷ ഇവിടെ നിയന്ത്രണം വിട്ട് മറിയുകയായിരുന്നു.
രണ്ട് പേർക്ക് സാരമല്ലാത്ത പരിക്കേറ്റു. കുത്തനെ കയറ്റവും ഇറക്കവും വളവുമുള്ള ഭാഗമാണിത്. ഇവിടെ റോഡിന് വീതി കുറവാണ്. സ്ഥലം യഥേഷ്ടമുണ്ടെങ്കിലും സ്വാധീനമുള്ള സ്വകാര്യ വ്യക്തികളുടെ താൽപര്യം സംരംക്ഷിക്കാനായി വീതി കുറച്ച് പാത നിർമിക്കുകയായിരുന്നുവെന്നാണ് നാട്ടുകാരുടെ ആരോപണം.
Kozhikode
കൂരാച്ചുണ്ട്: കാട്ടുപന്നി കപ്പ കൃഷി നശിപ്പിച്ചു. കൂരാച്ചുണ്ട് ടൗണിലെ പെട്രോൾ പമ്പിന് സമീപം താമസിക്കുന്ന കർഷകൻ താമരക്കാട്ട് ബാബുവിന്‍റെ വീടിനു സമീപത്തുള്ള കൃഷിയാണ് കഴിഞ്ഞദിവസം കാട്ടുപന്നികൾ നശിപ്പിച്ചത്.
പഞ്ചായത്തിൽ മാസങ്ങൾക്ക് മുമ്പ് കാട്ടുപന്നി വേട്ട നടത്തിയിരുന്നു. എന്നാൽ ഇപ്പോൾ കാട്ടുപന്നികളുടെ കടന്നാക്രമണം അനുദിനം വർധിച്ചുവരികയാണ്. പകൽസമയം പോലും ആൾക്കാർ പുറത്തിറങ്ങാൻ ഭയപ്പെടുകയാണ്. കാട്ടുപന്നി വേട്ട വീണ്ടും നടത്താൻ വേണ്ട അടിയന്തര നടപടി അധികൃതർ സ്വീകരിക്കണമെന്നാണ് കർഷകർ ആവശ്യപ്പെടുന്നത്.
Kozhikode
പ്രവൃത്തി പരിചയത്തിൽ മുക്കം,
സാമൂഹിക ശാസ്ത്രത്തില്‍ തോടന്നൂർ
വടകര: കോഴിക്കോട് റവന്യു ജില്ലാ സ്‌കൂള്‍ ശാസ്ത്രോത്സവം രണ്ടു ദിവസം പിന്നിട്ടപ്പോള്‍ പ്രവൃത്തി പരിചയ മേളയില്‍ 366 പോയിന്‍റ് നേടി മുക്കം സബ്ജില്ലയും സാമൂഹിക ശാസ്ത്ര മേളയില്‍ 126 പോയന്‍റുമായി തോടന്നൂര്‍ സബ്ജില്ലയും ഓവറോള്‍ ചാമ്പ്യന്മാരായി. പ്രവൃത്തി പരിചയ മേളയില്‍ 336 പോയിന്റുമായി കോഴിക്കോട് സിറ്റി ഉപജില്ല രണ്ടാം സ്ഥാനം കരസ്ഥമാക്കി.
സാമൂഹിക ശാസ്ത്ര മേളയില്‍ 107 പോയിന്റുമായി പേരാമ്പ്ര ഉപജില്ലയ്ക്കാണ് രണ്ടാം സ്ഥാനം. ഇതേ മേളയില്‍ സ്കൂളുകളിൽ 74 പോയിന്‍റ് നേടി മേമുണ്ട എച്ച്എസ്എസും 46 പോയിന്‍റ് നേടി എംജെഎച്ച്എസ്എസ് എളേറ്റിലും യഥാക്രമം ഒന്നും രണ്ടും സ്ഥാനം നേടി.
പ്രവൃത്തി പരിചയമേളയില്‍ 106 പോയിന്‍റ് നേടി മികച്ച സ്‌കൂളായി ജിഎച്ച്എസ്എസ് മെഡിക്കല്‍ കോളജും 101 പോയിന്‍റ് നേടി സെന്റ് ജോര്‍ജ് എച്ച്എസ് വിലങ്ങാടും യഥാക്രമം ഒന്നും രണ്ടും സ്ഥാനങ്ങള്‍ കരസ്ഥമാക്കി. പ്രവൃത്തി പരിചയ മേളയില്‍ 35 ഇനങ്ങളും സാമൂഹ്യ ശാസ്ത്രമേളയില്‍ ഒമ്പത് ഇനങ്ങളിലുമാണ് മത്സരങ്ങള്‍ നടന്നത്.
സാമൂഹ്യ ശാസ്ത്രമേള മത്സര വിജയികൾ
എച്ച്എസ് വിഭാഗം
അറ്റ്‌ലസ് മേക്കിംഗ്:1.ഫാത്തിമ നസ്രിൻ (മേമുണ്ട എച്ച് എസ്എസ്), 2.ലൈബ നസ്‌റിൻ (പിവിഎസ്എച്ച് എസ്എസ് എരഞ്ഞിക്കൽ), 3. എ.എം. സ്നേഹ (ജിഎച്ച്എസ്എസ് കുറ്റിക്കാട്ടൂർ).
പ്രാദേശിക ചരിത്ര രചന :1. ടി. അദീപ് ലാലു (പേരാമ്പ്ര എച്ച്എസ്എസ്), 2. ടി.പി. ആയിഷ നിദ (ജിവി എച്ച്എസ്എസ് അത്തോളി), 3.എൽ.എസ്. തന്‍മയ (നാഷണൽ എച്ച്എസ്എസ് വട്ടോളി ).
ചരിത്ര സെമിനാർ:1. എ.വി. കീർത്തന ബിജു (ബിഇഎം എച്ച്എസ് വടകര), 2.ദേവപ്രിയ (ഹോളി ഫാമിലി എച്ച്എസ്എസ് കട്ടിപ്പാറ), 3.എം.എസ്. പാര്‍വണ (ജിജിഎച്ച്എസ്എസ് ബാലുശേരി).
വർക്കിംഗ് മോഡൽ :1. കെ. ആദിത്യൻ, ഡിയോൺ ബിജു (ഇരുവരും സിൽവർ ഹിൽസ് എച്ച്എസ്എസ്), 2. ബ്ലെസ്സൺ ബെന്നി, ജിബിൻ സാബു (സെന്റ് ജോസഫ് എച്ച്എസ് നെല്ലിപ്പൊയിൽ), 3.ബ്ലെസിൻ മോഹനൻ, എൻ. മുഹമ്മദ് അമീൻ (ജിഎച്ച്എസ് ചെറുവാടി).
ഹയർ സെക്കന്‍ഡറി വിഭാഗം
അറ്റ്‌ലസ് മേക്കിംഗ് :1. നന്ദിക സന്ദീപ് (ജിഎച്ച്എസ്എസ് ചോറോട് ), 2. ഡി.എസ്. സിയ (പ്രൊവിഡൻസ് ഗേൾസ് എച്ച് എസ്എസ് കോഴിക്കോട്), 3. പ്രതീക്ഷ എം.സുധീഷ് (സെന്റ് സെബാസ്റ്റ്യൻസ് എച്ച്എസ്എസ് കൂടരഞ്ഞി), കെ.എസ്. നക്ഷത്ര (ഗവ. എച്ച്എസ്എസ് പുത്തൂർ-വടകര).
പ്രാദേശിക ചരിത്ര രചന:1. ശ്യാമൾ ബാബു (ജിവിഎച്ച്എസ്എസ് മേപ്പയ്യൂർ), 2. സി.എം. മാളവിക (മേമുണ്ട എച്ച്എസ്എസ്), 3.നിരഞ്ജന എസ്. മനോജ് (നൊച്ചാട് എച്ച്എസ്എസ്).
ചരിത്ര സെമിനാർ: 1.ശ്രേയ (റഹ്മാനിയ എച്ച്എസ്എസ് ആയഞ്ചേരി), 2.നിവേദ്യ രാജീവ് (ജിഎച്ച്എസ് എസ് നീലേശ്വരം), 3. ധിഷൻ ചന്ദ് (നാഷണൽ എച്ച്എസ്എസ് വട്ടോളി).
ന്യൂസ് റീഡിംഗ്‌:1. എൽസ്‌ന രാജേഷ് (സെന്റ് തോമസ് എച്ച്എസ് കൂരാച്ചുണ്ട്), 2.സഫാ നിലോഫർ (ഗവ.ജെഎൻഎം എച്ച്എസ്എസ് പുതുപ്പണം), 3.തെസ്സ മറിയം സാഗി (സേക്രഡ്ഹാർട്ട് എച്ച്എസ്എസ് തിരുവമ്പാടി).
Kozhikode
വടകര: ശാസ്ത്രോത്സവങ്ങള് സാങ്കേതിക വിദ്യകളുടെ വ്യാപനത്തിന് വഴിയൊരുക്കുന്നതാകണമെന്ന് പാറക്കല്‍ അബ്ദുള്ള എംഎല്‍എ. ജില്ലാ ശാസ്ത്രോത്സവം വടകരയില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എഐ കാലഘട്ടത്തില്‍ മേളകള്‍ കാലോചിതമായ മാറ്റങ്ങള്‍ ഉള്‍ക്കൊള്ളണമെന്ന് അദ്ദേഹം കൂടിച്ചേര്‍ത്തു.
വടകര സെന്റ് ആന്‍റണീസ് സ്‌കൂള്‍ ഓഡിറ്റോറിയത്തില്‍ നടന്ന ഉദ്ഘാടന ചടങ്ങില്‍ മുനിസിപ്പല്‍ ആരോഗ്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ വി.കെ. വിനു അധ്യക്ഷത വഹിച്ചു. നഗരസഭ പ്രതിപക്ഷ നേതാവ് എം. ഫൈസല്‍, വാര്‍ഡ് കൗണ്‍സിലര്‍മാരായ ബിജുല്‍ ആയാടത്തില്‍, കെ. സുനില്‍കുമാര്‍, ആര്‍ഡിഡി എസ്. സുധ, വിഎച്ച്എസ്ഇ അസിസ്റ്റന്‍റ് ഡയറക്ടര് കെ. റസീന, ഡോ. സജ്ജെ അന്‍വര്‍ ഷമിം, ഡയറ്റ് പ്രിന്‍സിപ്പൽ ഡോ. യു.കെ. അബ്ദുനാസര്‍, കെ.ടി. മുഹമ്മദ് ശരീഫ്, ബിപിസി വി.കെ. അസീസ്, കെ. നിഷ, ദിനേശ് കരുവാങ്കണ്ടി തുടങ്ങിയവർ പ്രസംഗിച്ചു.
Kozhikode
ജീവിതം പ്രതിസന്ധിയിൽ
മുക്കം: ഭിന്നശേഷിക്കാരായ കുട്ടികളുടെ വിദ്യാഭ്യാസത്തിനും പരിശീലനത്തിനുമായി ജീവിതം സമർപ്പിച്ച സ്പെഷ്യൽ സ്കൂൾ അധ്യാപകർക്ക് വീണ്ടും ദുരിതകാലം. പൊതുവിദ്യാഭ്യാസ വകുപ്പിന് കീഴിലെ സംസ്ഥാനത്തെ ഇരുന്നൂറോളം സ്പെഷ്യൽ സ്കൂളുകളിലെ അധ്യാപകരും മറ്റ് ജീവനക്കാരും ഏഴുമാസമായി ശമ്പളമില്ലാതെ ജോലി ചെയ്യുകയാണ്.
ഈ അധ്യായനവർഷം ഏപ്രിൽ മുതൽ ലഭിക്കേണ്ട ഗ്രാന്‍റ് സർക്കാർ അനുവദിക്കാത്തതാണ് പ്രതിസന്ധിക്ക് കാരണം. കഴിഞ്ഞ അധ്യായനവർഷത്തെ ശമ്പളം പോലും രണ്ട് ഗഡുക്കളായാണ് ലഭിച്ചത്. അതാകട്ടെ ഈ വർഷം മാർച്ചിലാണ് വിതരണം ചെയ്തത്. ഇതിന് പിന്നാലെ പുതിയ അധ്യായനവർഷവും ആരംഭിച്ചെങ്കിലും ഇതുവരെ ഗ്രാന്‍റ് അനുവദിക്കാത്തത് ജീവനക്കാരുടെ ജീവിതം കൂടുതൽ പ്രതിസന്ധിയിലാക്കിയിരിക്കുകയാണ്.
ഭിന്നശേഷിക്കാരായ കുട്ടികളെ പഠിപ്പിക്കുകയും ദൈനംദിന ജീവിതത്തിനാവശ്യമായ പരിശീലനം നൽകുകയും ചെയ്യുന്ന അധ്യാപകരാണ് മാസങ്ങളായി വേതനമില്ലാതെ ജോലി തുടരുന്നത്. 18 വയസിന് താഴെയുള്ള കുട്ടികളുടെ എണ്ണത്തിന്‍റെ അടിസ്ഥാനത്തിലാണ് സ്കൂളുകൾക്ക് സർക്കാർ ഗ്രാന്‍റ് അനുവദിക്കുന്നത്. എട്ട് കുട്ടികൾക്ക് ഒരു അധ്യാപകൻ, 15 കുട്ടികൾക്ക് ഒരു ആയ എന്നതാണ് നിലവിലെ സ്റ്റാഫ് പാറ്റേൺ.
കുട്ടികളുടെ എണ്ണത്തിനനുസരിച്ച് അധ്യാപകരുടെയും മറ്റ് ജീവനക്കാരുടെയും എണ്ണം നിശ്ചയിക്കപ്പെടുന്നതിനാൽ ഗ്രാന്‍റ് ലഭിക്കാത്തത് സ്കൂളുകളുടെ ദൈനംദിന പ്രവർത്തനങ്ങളെയും ബാധിക്കുന്നുണ്ട്. 2019ൽ പ്രത്യേക ഗ്രാന്‍റ് സംവിധാനം ആരംഭിച്ച സമയത്ത് സംസ്ഥാനത്ത് ഏകദേശം 300 സ്പെഷ്യൽ സ്കൂളുകളുണ്ടായിരുന്നു. എന്നാൽ നിലവിൽ ഈ എണ്ണം ഇരുന്നൂറോളമായി കുറഞ്ഞു. കഴിഞ്ഞവർഷം മാത്രം 12 സ്കൂളുകൾ അടച്ചുപൂട്ടി.
സാങ്കേതിക തടസങ്ങളും ജീവനക്കാർക്ക് വേതനം നൽകാൻ കഴിയാത്ത സാമ്പത്തിക പ്രതിസന്ധിയും സ്കൂളുകൾക്ക് പ്രവർത്തനം തുടരാൻ കഴിയാത്ത സാഹചര്യമുണ്ടാക്കിയെന്നാണ് ചൂണ്ടിക്കാണിക്കപ്പെടുന്നത്. ഭിന്നശേഷിക്കാരായ കുട്ടികളുടെ വിദ്യാഭ്യാസവും പുനരധിവാസവും ഉറപ്പാക്കുന്നതിൽ നിർണായക പങ്കുവഹിക്കുന്ന സ്ഥാപനങ്ങളാണ് സ്പെഷ്യൽ സ്കൂളുകൾ.
എന്നാൽ ഗ്രാന്‍റ് അനുവദിക്കുന്നതിലെ കാലതാമസവും തുടർച്ചയായ സാമ്പത്തിക പ്രതിസന്ധിയും ഈ മേഖലയെ തളർത്തുകയാണ്. അധ്യാപകരുടെയും ജീവനക്കാരുടെയും വേതനം ഉറപ്പാക്കുന്നതിനൊപ്പം സ്കൂളുകളുടെ നിലനിൽപ്പും കുട്ടികളുടെ പഠനവും സംരക്ഷിക്കാൻ സർക്കാർ അടിയന്തര നടപടി സ്വീകരിക്കണമെന്ന ആവശ്യവും ശക്തമാകുകയാണ്.
Kozhikode
കോഴിക്കോട്: ദേവഗിരി ആശാ കിരൺ സ്പെഷ്യൽ സ്കൂളിന് വേണ്ടി സൗത്ത് ഇന്ത്യൻ ബാങ്ക് സിഎസ്ആർ ഫണ്ട് മുഖേന അനുവദിച്ച സ്കൂൾ ബസ് കൈമാറി. ബാങ്ക് ചീഫ് ജനറൽ മാനേജർ നാഷണൽ ഹെഡ് മിനു മൂഞ്ഞേലി, കോഴിക്കോട് ഡെപ്യൂട്ടി ജനറൽ മാനേജർ റീജണൽ ഹെഡ് ജാക്വലിൻ എം. ഫെർണാണ്ടസ്, അസി. ജനറൽ മാനേജർ സോണൽ കോർപറേറ്റ് ബിസിനസ് ഹെഡ് എം. ഡിപിൻ എന്നിവർ ചേർന്നാണ് സിഎംഐ കോഴിക്കോട് സെന്റ് തോമസ് പ്രൊവിൻഷ്യാൾ ഡോ. ഫാ. ബിജു ജോൺ വെള്ളക്കട സിഎംഐക്ക് വാഹനം കൈമാറിയത്. സിഎംഐ സെന്റ് തോമസ് പ്രോവിൻസ് സാമൂഹിക സേവന വിഭാഗം കൗൺസിലർ ഫാ. ജോസ് പ്രകാശ്, മുൻ കൗൺസിലർ ഫാ. ബോണി അഗസ്റ്റിൻ, സ്കൂൾ ഡയറക്ടർ ഫാ. ജോണി മാത്യു, സ്കൂൾ പ്രിൻസിപ്പൽ ഇൻചാർജ് സിസ്റ്റർ സ്മിത എന്നിവർ പങ്കെടുത്തു.
Kozhikode
16 കിലോമീറ്റർ ദൂരത്തിൽ തൂക്കുവേലി സ്ഥാപിക്കുന്നതിന് അനുമതി
കൂരാച്ചുണ്ട്: പഞ്ചായത്തിലെ ഓട്ടപ്പാലം, മണ്ടോപ്പാറ പ്രദേശങ്ങളിൽ ഉൾപ്പെടെ ജനവാസ കേന്ദ്രങ്ങളിൽ നേരിടുന്ന കാട്ടാന ശല്യത്തിന് പരിഹാരമാകുന്നു. കൂരാച്ചുണ്ട് പഞ്ചായത്തിൽ കാട്ടാനകൾ ഇറങ്ങുന്ന നാലുമുതല്‍ ഒമ്പതുവരെ വാർഡുകളിലായി ജലസേചന വകുപ്പിന്‍റെ ഭൂമിയിലൂടെ 16 കിലോമീറ്റർ ദൂരത്തിൽ തൂക്കുവേലി സ്ഥാപിക്കുന്നതിന് അനുമതിയായി. കൂരാച്ചുണ്ട് പഞ്ചായത്ത് ഭരണസമിതിയുടെ നിരന്തര ഇടപെടലുകളും വി.ടി. സൂരജ് എംഎൽഎയുടെ ശ്രമഫലവുമാണ് നടപടിയായത്. ഈ മേഖലയിലെ ജനവാസ കേന്ദ്രങ്ങളിൽ മാസങ്ങളായി കാട്ടാനകൾ ഉൾപ്പെടെയുള്ള വന്യജീവികളിറങ്ങി നിരന്തരം മനുഷ്യജീവനും സ്വത്തിനും കാർഷിക വിളകൾക്കും ഭീഷണിയായി തീർന്നിരുന്നു.
ഇതിനു പരിഹാരം കാണാൻ പെരുവണ്ണാമൂഴി ഡാമിന്‍റെ റിസർവോയർ അതിർത്തി പ്രദേശങ്ങളിലുള്ള ജലസേചന വകുപ്പിന്‍റെ ഭൂമിയിലൂടെ തൂക്കുവേലി സ്ഥാപിക്കാൻ കൃഷി വകുപ്പിന്‍റെ 1.6 കോടി രൂപ സർക്കാർ അനുവദിച്ച് ടെൻഡർ നടപടിയുമാക്കിയിരുന്നു. എന്നാൽ പദ്ധതി നടപ്പാക്കുന്നതിന് ജലസേചന വകുപ്പിന്‍റെ സാങ്കേതിക തടസം വിനയായി. ഡാം റിസർവോയറിലെ പരമാവധി ജലവിതാനത്തിന് മുകളിലായി തൂക്കുവേലി സ്ഥാപിക്കേണ്ടതും തൂക്കുവേലിയിൽ നിന്നും ഷോക്ക് ഏൽക്കാനുള്ള സാഹചര്യം ഒഴിവാക്കാനും പുതിയ അനുമതിയുടെ ഭാഗമായി നിര്‍ദേശിച്ചിട്ടുണ്ട്.
ജലവിതാനം ഉയരുന്ന സാഹചര്യത്തിൽ പ്രവൃത്തിയുടെ ഭാഗമായി സ്ഥാപിക്കുന്ന കോൺക്രീറ്റ് പില്ലറുകൾ ജലനിരപ്പിന് മുകളിലേക്ക് മാറ്റി സ്ഥാപിക്കണമെന്നും ഇത്തരം സാഹചര്യങ്ങളിൽ ഇതിന്റെ പ്രവർത്തനം നിർത്തിവയ്ക്കണമെന്നുമുള്ള വ്യവസ്ഥയിലുമാണ് ജലസേചന വകുപ്പ് അനുമതി നൽകിയിരിക്കുന്നത്.
Kozhikode
കൂരാച്ചുണ്ട്: പെരുവണ്ണാമൂഴി ഡാം റിസർവോയർ വൃഷ്ടിപ്രദേശ സംരക്ഷണ പദ്ധതിയുടെ ഭാഗമായി മണ്ണ് പര്യവേഷണ സംരക്ഷണ വകുപ്പ് നടപ്പാക്കുന്ന കല്ലാനോട് നീർത്തട പദ്ധതിയുടെ മൂന്നാംഘട്ടം ഉദ്ഘാടനവും കർഷക പരിശീലനവും വി.ടി. സൂരജ് എംഎൽഎ ഉദ്ഘാടനം ചെയ്തു. കൂരാച്ചുണ്ട് പഞ്ചായത്ത് പ്രസിഡന്റ് സിനി ജിനോ അധ്യക്ഷത വഹിച്ചു.
ബ്ലോക്ക് പഞ്ചായത്തംഗം അരുൺ ജോസ്, പഞ്ചായത്തംഗങ്ങളായ ബിന്ദു മോൾ തോമസ്, സണ്ണി കാനാട്ട്, വിവിധ രാഷ്ട്രീയ പാർട്ടി പ്രതിനിധികളായ ഷാജു കാരക്കട, ഒ.കെ. അമ്മദ്, ജോസ് ചെരിയൻ, എ.കെ. പ്രേമൻ, ജിങ്കോ ശരത്, സജി കൂനംതാനം, തോമസ് പോക്കാട്ട്, ഷാജു പ്ലാത്തോട്ടം, വർഗീസ് പാലക്കാട്ട്, സൂപ്പി തെരുവത്ത്, കല്ലാനോട് നീർത്തട പദ്ധതി കൺവീനർ തോമസ് കുമ്പുക്കൽ എന്നിവർ പ്രസംഗിച്ചു. "ശാസ്ത്രീയ രീതിയിൽ പച്ചക്കറി കൃഷിയിലെ വിളവുത്പാദന മാർഗങ്ങൾ' എന്ന വിഷയത്തെ കുറിച്ച് കൂത്താളി ജില്ലാ കൃഷിഫാം അഗ്രികൾച്ചർ ഓഫിസർ ഡോ. പി. മുബീന ക്ലാസ് നയിച്ചു.
Kozhikode
മുക്കം: എസ്എംഎ ബാധിച്ച കുരുന്നുകളുടെ ജീവൻ രക്ഷിക്കാനായി ചേന്ദമംഗല്ലൂർ പുൽപറമ്പിൽ നാട്ടുകൂട്ടം സംഘടിപ്പിച്ച പരിപാടി ജനപങ്കാളിത്തംകൊണ്ടും ധനസമാഹരണംകൊണ്ടും വേറിട്ടതായി. പുൽപറമ്പ് അങ്ങാടിയിൽ മുക്കം നഗരസഭ കൗൺസിലർ ജസീല അസിസിന്‍റെ നേതൃത്വത്തിൽ സംഘടിപ്പിച്ച പരിപാടിയിൽ പാട്ടുപാടിയും ചായകുടിച്ചും സായാഹ്നം ചെലവഴിക്കാൻ എത്തിയത് നൂറുകണക്കിനാളുകളാണ്. ആളുകൾക്ക് മുന്നിൽ നീട്ടിയ ബക്കറ്റിലേക്ക് രണ്ട് ലക്ഷത്തോളം രൂപയാണ് സമാഹരിക്കാൻ സാധിച്ചത്.
പുൽപറമ്പ് അങ്ങാടിയിൽ പ്രത്യേകം തയാറാക്കിയ മക്കാനിയിൽ പ്രദേശത്തെ സ്ത്രീകൾ പലഹാരങ്ങളും ചായയും പായസവും കുഞ്ഞിപ്പത്തലും പാൽവാഴക്കയും എന്നുവേണ്ട നിരവധി വിഭവങ്ങളാണ് കൊണ്ടുവന്നത്. വാർഡ് കൺവീനർ എ. അബ്ദുൾ ഗഫൂറിന്‍റെ നേതൃത്വത്തിൽ സംഘടിപ്പിച്ച പരിപാടി നാട്ടുകാർ ഏറ്റെടുക്കുകയായിരുന്നു. പുൽപറമ്പ് ജീവൻ രക്ഷസേനാ അംഗങ്ങളായ സി.കെ. ഷബീർ, സി.ടി. അനീസ്, ടി.കെ. നൗഷാദ്, ഇ.കെ.കെ. ബാവ, ഷഫീഖ് ചിങ്കൻ, സെലീന പുൽപറമ്പ്, എ. മൈമൂന, ഹഫ്സാബി, കെ. റസിയ തുടങ്ങിയവർ നേതൃത്വം നൽകി.
Kozhikode
താമരശേരി: എസ്എംഎ ബാധിച്ച ഓമശേരി കല്ലുരുട്ടി സ്വദേശികളായ അരുൺ-ഷാൽമി ദമ്പതികളുടെ മക്കളായ ഡേവിഡ്, ഈഥൻ, ഒലിവർ എന്നിവർക്ക് ഡിഎഫ്സിയുടെ പത്താം വാർഷിക സംഗമത്തിൽ കാരുണ്യ ഫണ്ട് സമാഹരണം വഴി കണ്ടെത്തിയ തുക കൈമാറി. ദീപിക ഫ്രണ്ട്സ് ക്ലബ് രൂപത ഡയറക്ടർ ഫാ. ഷെറിൻ പുത്തൻപുരയ്ക്കൽ, പ്രസിഡന്റ് അഡ്വ. ജോർജ് വട്ടുക്കുളം, സെക്രട്ടറി സെബാസ്റ്റ്യൻ ളാമണ്ണിൽ എന്നിവർ ചേർന്ന് താമരശേരി ബിഷപ് മാർ റെമീജിയോസ് ഇഞ്ചനാനിയിലിന് തുക കൈമാറി.
താമരശേരി രൂപതയിൽ 10 വർഷമായി പ്രവർത്തിക്കുന്ന ഫ്രണ്ട്സ് ക്ലബ് വിലങ്ങാട് ഉരുൾപൊട്ടൽ ദുരന്തമുഖത്തും അതുപോലെ മാരകമായ രോഗാവസ്ഥയിൽ കഴിയുന്നവർക്കും നിരവധിയായ സഹായഹസ്തങ്ങളായി എത്തുന്നത് വലിയ കാര്യമാണെന്ന് ബിഷപ് പറഞ്ഞു. കാരുണ്യ പ്രവർത്തനങ്ങളെ ബിഷപ് അഭിനന്ദിച്ചു. ഡിഎഫ്സി ജനറൽ കൺവീനർ ജോസ് തുരുത്തിമറ്റം, ജോളി ഉണ്ണിയേപ്പിള്ളി, ഷിബു മുണ്ടൻമലയിൽ, ദീപിക എജിഎം പ്രിൻസി ജോസ്, സീനിയർ ഏരിയാ മാനേജർ ഷാജി ജോസ് എന്നിവർ നേതൃത്വം നൽകി.
Kozhikode
കോര്‍ട്ട് റോഡിലൂടെ ആരും പോകേണ്ടന്നാണോ?
കോഴിക്കോട്: ദിവസം ആയിരത്തിലധികം വാഹനങ്ങള്‍ കടന്നുപോകുന്ന വലിയങ്ങാടി, സെന്‍ട്രല്‍ മാര്‍ക്കറ്റ്, ജില്ലാ കോടതി എന്നിവ സ്ഥിതി ചെയ്യുന്ന കോര്‍ട്ട് റോഡ്-ചെറൂട്ടി റോഡ് ജംഗ്ഷന് തകര്‍ന്നിട്ട് ഒരു വര്‍ഷത്തിന് മുകളിലായെങ്കിലും തിരിഞ്ഞുനോക്കാതെ അധികൃതര്‍. വലിയ വാഹനങ്ങള്‍ക്കും ചെറിയ വാഹനങ്ങള്‍ക്കും ഒരുപോലെ കടന്നുപോകാന്‍ പ്രയാസമായ രീതിയിലാണ് നിലവിലെ റോഡിന്‍റെ അവസ്ഥ. കോര്‍ട്ട് റോഡില്‍ നിന്ന് വലിയങ്ങാടിയിലേക്ക് പ്രവേശിക്കുന്നയിടത്താണ് റോഡ് കൂടുതലായി തകര്‍ന്നിരിക്കുന്നത്. ഇവിടെ റോഡിന്‍റെ അറ്റകുറ്റപ്പണികൾ നടത്തിയിട്ട് ഒരു വർഷത്തിന് മുകളിലായെന്ന് വ്യാപാരികൾ ആരോപിച്ചു.
അപകടങ്ങള്‍ തുടര്‍ക്കഥയാകുമ്പോഴും വാഹനങ്ങള്‍ക്ക് ഒരുതരത്തിലും കടന്നുപോകാന്‍ കഴിയാത്ത സാഹചര്യമാകുമ്പോഴും സമീപത്തെ ഗുഡ്‌സ് ഡ്രൈവര്‍മാര്‍ ചേര്‍ന്ന് കല്ലും മണ്ണുമിട്ട് കുഴികള്‍ അടയ്ക്കുകയാണ് പതിവ്. ചെറിയ കാറുകളുടെ അടിതട്ടുന്നത് ഇവിടെ നിത്യസംഭവമായി മാറിയിരിക്കുകയാണെന്ന് സമീപത്തെ വ്യാപാരിയായ കെ.പി. അരവിന്ദാക്ഷന്‍ പറഞ്ഞു. ഇരുചക്രവാഹനങ്ങള്‍ ഇവിടെ മറിഞ്ഞ് അപകടം സംഭവിക്കാറുണ്ടെന്നും അദ്ദേഹം കൂട്ടിച്ചേര്‍ത്തു.
കോഴിക്കോട്ടെ ഏറ്റവും വലിയ വ്യാപാരകേന്ദ്രമാണ് വലിയങ്ങാടി. ചരക്കുമായി നൂറുകണക്കിന് വലിയ വാഹനങ്ങൾ വലിയങ്ങാടിയിലും സമീപത്തെ സെൻട്രൽ മാർക്കറ്റിലും എത്താറുണ്ട്. റോഡിന്‍റെ ശോചനീയാവസ്ഥ കാരണം അവ ഇവിടെ കുടുങ്ങിക്കിടന്ന് ഗതാഗതക്കുരുക്ക് രൂപപ്പെടുന്നത് നിത്യസംഭവമാണ്.
ജില്ലാകോടതിയടക്കം പ്രധാനപ്പെട്ട സ്ഥാപനങ്ങള്‍ ഈ ജംഗ്ഷന് സമീപത്തായി സ്ഥിതി ചെയ്യുന്നുണ്ട്. കോടതിയിലേക്കുള്ള ഉദ്യോഗസ്ഥരും മേയറുമടക്കം ഈ റോഡിലൂടെ കടന്നുപോകുന്നവരാണെന്നും റോഡ് നന്നാക്കുന്നതിന് ബന്ധപ്പെട്ട അധികൃതരൊന്നും ഇതുവരെയും യാതൊരുവിധത്തിലുമുള്ള നടപടിയും സ്വീകരിച്ചിട്ടില്ലെന്നും വലിയങ്ങാടിയിലെ വ്യാപാരികള്‍ ആരോപിച്ചു.
ഒരു മഴ പെയ്താല്‍ റോഡ് കുളമാകും
പത്ത് മിനിറ്റ് മഴ പെയ്യുമ്പോഴേക്കും ഇവിടെ വെള്ളക്കെട്ട് രൂപപ്പെടുമെന്ന് ഗുഡ്‌സ് ഡ്രൈവറായ രാമദാസന്‍ പറഞ്ഞു. മഴ മാറിയാലും വെള്ളക്കെട്ട് ഒഴിഞ്ഞുപോകാന്‍ മണിക്കൂറുകളോളം സമയമെടുക്കും.
സമീപത്തെ ഓവുചാല്‍ വലുതാക്കാത്തതാണ് ഈ വെള്ളക്കെട്ടിന് കാരണം. ഓവുചാലിന്‍റെ വീതിയും ഉയരവും വര്‍ധിപ്പിച്ചാല്‍ മാത്രമെ ഇതിന് പരിഹാരമാകുകയുള്ളൂ. ഓവുചാല്‍ വൃത്തിയാക്കാത്തതിനാല്‍ കനത്ത മഴ പെയ്യുമ്പോള്‍ അത് നിറഞ്ഞ് മുഴുവന്‍ മാലിന്യവും റോഡിലേക്ക് പരക്കും. ഇതുവഴി പോകുന്ന കാല്‍നട യാത്രക്കാര്‍ക്ക് വലിയ പ്രയാസമാണ് ഇത് സൃഷ്ടിക്കുന്നതെന്നും അദ്ദേഹം കൂട്ടിച്ചേര്‍ത്തു.
Kozhikode
തൊട്ടിൽപ്പാലം: സംസ്ഥാന സര്‍ക്കാര്‍ കേന്ദ്ര വനം പരിസ്ഥിതി മന്ത്രാലയത്തിന് സമർപ്പിച്ച ഇഎസ്എ റിപ്പോർട്ടിൽ ജനവാസ മേഖലയും കൃഷിയിടത്തെയും ഉൾപ്പെടുത്തിയതിൽ പ്രതിഷേധിച്ചും ചുഴലി കൊടുങ്കാറ്റിൽ കാവിലുംപാറയിലെ മലയോര മേഖലയിൽ കോടിക്കണക്കിന് രൂപയുടെകൃഷി നാശം ഉണ്ടായിട്ട് നാളിതുവരെയായും കർഷകർക്ക് നഷ്ടപരിഹാരം നൽകാത്തതിൽ പ്രതിഷേധിച്ചും കേരള കോൺഗ്രസ്-എം കാവിലുംപാറ മണ്ഡലം കമ്മിറ്റിയുടെ ആഭിമുഖ്യത്തിൽ തൊട്ടിൽപ്പാലത്ത് സായാഹ്ന ധർണ നടത്തി. കേരള കോൺഗ്രസ്-എം കോഴിക്കോട് ജില്ലാ പ്രസിഡന്റ് ടി.എം. ജോസഫ് ഉദ്ഘാടനം ചെയ്തു.
കേന്ദ്ര വനം പരിസ്ഥിതി മന്ത്രാലയം പുറപ്പെടുവിച്ച ഏഴാമത് ഇഎസ്എ കരട് വിജ്ഞാപനം സംബന്ധിച്ച് ആക്ഷേപം നൽകുന്നതിന് വേണ്ടി 60 ദിവസം സാവകാശം നൽകിയിട്ടും ജനവാസ മേഖലയെയും കൃഷിയിടത്തെയും ഉൾപ്പെടുത്തി റിപ്പോർട്ട് നൽകിയ കേരളസർക്കാരിന്‍റെ നിലപാട് കേരള ജനതയോട് കാണിച്ച വഞ്ചനയാണെന്ന് ജോസഫ് പറഞ്ഞു.
കാവിലുംപാറ മണ്ഡലം പ്രസിഡന്റ് തോമസ് കടക്കുന്നേൽ അധ്യക്ഷത വഹിച്ചു. ജില്ലാ സെക്രട്ടറി ബോബി മൂക്കൻതോട്ടം, സംസ്ഥാന കമ്മിറ്റി അംഗങ്ങളായ ബേബി കറുകമാലിൽ,റോബിറ്റ് പുതുക്കുളങ്ങര, സിജോ വടക്കാൻതോട്ടം, നാദാപുരം നിയോജക മണ്ഡലം പ്രസിഡന്റ് എൻ.കെ. സണ്ണി, നേതാക്കളായ ഷാജു ഫിലിപ്പ് കണ്ടത്തിൽ, ജോബി വാതപ്പള്ളി, രാജൻ പാറമേൽ, തോമസ് പൂതക്കുഴി, മിനി ഷാജു, ആന്റൊ അഗസ്റ്റിൻ, ഒ.പി. ഹരീശൻ എന്നിവർ പ്രസംഗിച്ചു.
Kozhikode
കോഴിക്കോട്: നഗരത്തിലെ റോഡുകളുടെ പരിപാലനത്തിൽ വിവിധ വകുപ്പുകൾക്കിടയിൽ ഫലപ്രദമായ ഏകോപനം ഉറപ്പാക്കുന്നതും അറ്റകുറ്റപണികൾ സമയബന്ധിതമായി പൂർത്തിയാക്കുന്നതും നഗര ഭരണ ചുമതലയുള്ള മുനിസിപ്പൽ കോർപറേഷന്‍റെ ഉത്തരവാദിത്വമാണെന്ന് മനുഷ്യാവകാശ കമ്മിഷൻ ജുഡീഷ്യൽ അംഗം കെ. ബൈജുനാഥ്.
കോർപറേഷൻ സെക്രട്ടറിയുടെ നേതൃത്വത്തിൽ ഇക്കാര്യത്തിൽ ആവശ്യമായ നടപടികൾ സ്വീകരിക്കണമെന്ന് കമ്മിഷൻ ആവശ്യപ്പെട്ടു. ഇതിനായി ബന്ധപ്പെട്ട റോഡുകളുടെ നിലവിലെ അവസ്ഥ വിലയിരുത്തി അടിയന്തരമായി അറ്റകുറ്റപണികൾ നടത്തേണ്ട റോഡുകൾക്ക് മുൻഗണന നിശ്ചയിക്കണം. അറ്റകുറ്റപണികൾ സമയബന്ധിതമായി പൂർത്തിയാക്കണം.
റോഡുകളുടെ തുടർച്ചയായ പരിപാലനത്തിനും മഴക്കാലത്ത് കുഴികളും വെള്ളക്കെട്ടുകളും രൂപപ്പെടുന്നത് തടയുന്നതിനും ഫലപ്രദമായ നിരീക്ഷണ സംവിധാനം ഏർപ്പെടുത്തണമെന്ന് കമ്മിഷൻ ആവശ്യപ്പെട്ടു. പൊതുജനങ്ങളുടെ ജീവൻ, സുരക്ഷ, അന്തസ്, സ്വതന്ത്രമായ സഞ്ചാരം എന്നിവ സംരക്ഷിക്കുന്നതിൽ യാതൊരു വീഴ്ചയും ഉണ്ടാകാതിരിക്കാൻ ബന്ധപ്പെട്ട അധികാരികൾ സത്വരവും ഉത്തരവാദിത്വപരവുമായ ഇടപെടൽ നടത്തണമെന്നും കമ്മിഷൻ ആവശ്യപ്പെട്ടു.
കോഴിക്കോട് നഗരത്തിലെ പ്രധാന റോഡുകൾ തകർന്നു തരിപ്പണമായിട്ടും അറ്റകുറ്റപണികൾ നടത്തി ഗതാഗതയോഗ്യമാക്കുന്നതിൽ ബന്ധപ്പെട്ട അധികൃതരുടെ ഭാഗത്ത് ഗുരുതരമായ അനാസ്ഥയും ഏകോപനം ഇല്ലായ്മയും ഉണ്ടായിയെന്ന പത്രവാർത്തയുടെ അടിസ്ഥാനത്തിൽ കമ്മിഷൻ സ്വമേധയാ രജിസ്റ്റർ ചെയ്ത കേസിലാണ് നടപടി.
റെയിൽവേ മേൽപ്പാലം, കോർട്ട് റോഡ്, നാലാം ഗേറ്റിന് സമീപത്തെ പാത, കോർട്ട് റോഡും ചെറൂട്ടി റോഡും സംഗമിക്കുന്ന ഭാഗം എന്നിവിടങ്ങളിലെ അപകടകരമായ കുഴികൾ യാത്രക്കാർക്കും കാൽനട യാത്രക്കാർക്കും ഒരുപോലെ ഭീഷണിയാണ്. പൊതുനിരത്തുകൾ സുരക്ഷിതവും സഞ്ചാരയോഗ്യവുമായി നിലനിർത്തേണ്ടത് ബന്ധപ്പെട്ട തദ്ദേശസ്വയംഭരണ സ്ഥാപനത്തിന്‍റെയും പൊതുമരാമത്ത് വകുപ്പിന്‍റെയും നിയമപരവും ഭരണപരവുമായ ഉത്തരവാദിത്വമാണ്. വിഷയത്തിൽ അടിയന്തര ഇടപെടൽ അനിവാര്യമാണെന്ന് കമ്മിഷൻ ഉത്തരവിൽ പറഞ്ഞു.
Kozhikode
മേപ്പയ്യൂര്‍: കോളജ് വിദ്യാര്‍ഥിനികള്‍ക്ക് നേരേ മേപ്പയ്യൂരിൽ ആക്രമണം. കോളജ് വിട്ട് വീട്ടിലേക്ക് പോകുകയായിരുന്ന വിദ്യാര്‍ഥിനികളെ ഒരുസംഘം യുവാക്കള്‍ ഇരുചക്രവാഹനത്തില്‍ പിന്തുടര്‍ന്ന് അക്രമിക്കുകയായിരുന്നു. യുവാക്കള്‍ അസഭ്യം പറയുന്നതും അക്രമിക്കാന്‍ വരുന്നതുമായ ദൃശ്യങ്ങള്‍ ഉള്‍പ്പെടെ പുറത്തുവന്നിട്ടുണ്ട്. റോഡിലൂടെ നടന്നു പോകുകയായിരുന്ന പെൺകുട്ടികളെ യുവാക്കൾ കമന്‍റടിക്കുകയും പിന്നീട് ഇരുചക്ര വാഹനത്തിൽ പിന്തുടർന്ന് ഉപദ്രവിക്കുകയുമായിരുന്നു.
യുവാക്കളുടെ ആക്രമണ ദൃശ്യങ്ങൾ പെൺകുട്ടികളിലൊരാൾ മൊബൈൽ ഫോണിൽ പകർത്താൻ ശ്രമിക്കുന്നതിനിടെ ഫോൺ തട്ടിയെടുക്കാനും അക്രമകാരികൾ ശ്രമിച്ചു. പൊലിസിൽ പരാതി നൽകിയാൽ ജീവിക്കാൻ അനുവദിക്കില്ലെന്ന് യുവാക്കൾ ഭീഷണിപ്പെടുത്തിയതായും തങ്ങളുടെ ദൃശ്യങ്ങൾ ഫോണിൽ പകർത്തുകയും പിന്നീട് ഇത് സോഷ്യൽ മീഡിയയിലൂടെ അശ്ലീല പരാമർശങ്ങളോടെ പ്രചരിപ്പിച്ചതായും പെൺകുട്ടികൾ പറഞ്ഞു. സംഭവത്തിൽ പെൺകുട്ടികൾ പയ്യോളി പൊലിസ് സ്റ്റേഷനിൽ പരാതി നൽകിയിട്ടുണ്ട്.
Kozhikode
കോഴിക്കോട്: പ്രായപൂർത്തിയാകാത്ത പെണ്‍കുട്ടിയോട് ലൈംഗികാതിക്രമം നടത്തിയ ഓട്ടോ ഡ്രൈവർ പിടിയിൽ. പറമ്പിൽക്കടവ് കിഴക്കുമുറി സ്വദേശി എടക്കണ്ടി സഫദിനെയാണ് (43) ചേവായൂർ പൊലിസ് അറസ്റ്റ് ചെയ്തത്. ചേവായൂർ പൊലിസ് സ്റ്റേഷൻ പരിധിയിലെ സ്കൂളിൽ അഞ്ചാം ക്ലാസിൽ പഠിക്കുന്ന 11 വയസ് മാത്രം പ്രായമുള്ള വിദ്യാർഥിനിയെ സ്കൂളിൽ കൊണ്ടുപോകുന്നതിനായി രക്ഷിതാവ് ചുമതലപ്പെടുത്തിയ ഓട്ടോ ഡ്രൈവർ ഓട്ടോയിൽവച്ച് പീഡിപ്പിക്കുകയായിരുന്നു.
തുടർന്ന് വിദ്യാർഥിനി അധ്യാപികയോട് തന്നെ ഉപദ്രവിച്ച വിവരം പറയുകയും വിദ്യാർഥിനിയുടെ പരാതിയിൽ ചേവായൂർ പൊലിസ് കേസ് രജിസ്റ്റർ ചെയ്ത് അന്വേഷണം നടത്തി പ്രതിയെ കിഴക്കുമുറിയിൽ വച്ച് പിടികൂടുകയുമായിരുന്നു. സബ് ഇൻസ്പെക്ടർ സെബാസ്റ്റ്യൻ ചാക്കോ, അസി. സബ് ഇൻസ്പെക്ടർ ദീപക്, സിവിൽ പൊലിസ് ഓഫിസർ പ്രശോഭ് എന്നിവർ ചേർന്നാണ് പ്രതിയെ കസ്റ്റഡിയിലെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Kozhikode
കോഴിക്കോട്: ഇന്ന് വൈകുന്നേരം മൂന്നുമുതല്‍ കോഴിക്കോട് നഗരത്തില്‍ ഗതാഗത നിയന്ത്രണം. ഡിസിസി നടത്തുന്ന മഹാറാലിയോടനുബന്ധിച്ചാണ് നിയന്ത്രണം. റാലിയുമായി ബന്ധപ്പെട്ട് എലത്തൂര്‍ -പാവങ്ങാട് ഭാഗത്തുനിന്നും വരുന്ന വാഹനങ്ങള്‍ ക്രിസ്ത്യന്‍ കോളജ് ജംഗ്ഷനു സമീപം ആളെ ഇറക്കി ഗാന്ധിറോഡ് വഴി ബട്ട് റോഡ് ബീച്ച് ഭാഗത്ത് പാര്‍ക്ക് ചെയ്യേണ്ടതാണ്. കാരപ്പറമ്പ്-കുന്നമംഗലം- മലാപ്പറമ്പ് ഭാഗത്തുനിന്നും വരുന്ന വാഹനങ്ങള്‍ എരഞ്ഞിപ്പാലം ജംഗ്ഷന്-സരോവരം ജംഗ്ഷന് വഴി അശോകപുരം ജംഗ്ഷനില്‍ ആളെ ഇറക്കി ഗാന്ധി റോഡ് വഴി ബട്ട്റോഡ് ബീച്ച് ഭാഗത്ത് പാര്‍ക്ക് ചെയ്യേണ്ടതാണ്.
രാമനാട്ടുകര -മെഡിക്കല്‍ കോളജ്-തൊണ്ടയാട് ഭാഗത്തുനിന്നും വരുന്ന വാഹനങ്ങള്‍ അരയിടത്തുപാലം അണ്ടര്‍പാസ് വഴി സരോവരം ജംഗ്ഷന് - അശോക പുരം ജംഗ്ഷനില്‍ ആളെ ഇറക്കി ഗാന്ധിറോഡ് വഴി സൗത്ത് ബീച്ച് / കോതി ബീച്ച് ഭാഗത്ത് പാര്‍ക്ക് ചെയ്യേണ്ടതാണ്. ഫറോക്ക് - ബേപ്പൂര്‍-മീഞ്ചന്ത-മാങ്കാവ് ഭാഗത്തുനിന്നും വരുന്ന വാഹനങ്ങള്‍ പുതിയറ-അരയടത്തുപാലം-അണ്ടര്‍ പാസ് വഴി സരോവരം ജംഗ്ഷന്-അശോക പുരം ജംഗ്ഷനില്‍ ആളെ ഇറക്കി ഗാന്ധിറോഡ് വഴി സൌത്ത് ബീച്ച് / കോതി ബീച്ച് ഭാഗത്ത് പാര്‍ക്ക് ചെയ്യേണ്ടതാണ്.
ഗാന്ധിറോഡ് ജംഗ്ഷന് മുതല്‍ കോര്‍പറേഷന്‍ ഓഫിസ് വരെയുള്ള ബീച്ച് റോഡില്‍ യാതൊരു വിധ വാഹന പാര്‍ക്കിംഗും അനുവദിക്കുന്നതല്ല. മഹാറാലിയുമായി ബന്ധപ്പെട്ട് വൈകുന്നേരം നാലുമുതല്‍മാനാഞ്ചിറ-സി എച്ച് ഫ്ലൈ ഓവര്‍ വഴി ബീച്ചിലേക്കും തിരിച്ചും വാഹനങ്ങള്‍ക്ക് നിയന്ത്രണമുണ്ടായിരിക്കുന്നതാണ്.
Wayanad
മാനന്തവാടി: സംസ്ഥാന സർക്കാരിന്‍റെ ശ്രേഷ്ഠ വിദ്യാലയ പുരസ്കാരം നേടിയ എടവക മൂളിത്തോട് നാഷണൽ എൻപി സ്കൂളിൽ "ശ്രേഷ്ഠം 2026’ വിജയോത്സവം സംഘടിപ്പിച്ചു. പ്രൈമറി വിഭാഗത്തിൽ സംസ്ഥാനതലത്തിൽ മൂന്നാം സ്ഥാനമാണ് സ്കൂളിനെ തേടിയെത്തിയത്. സംസ്ഥാനതലത്തിൽ ഒരു ലക്ഷം രൂപയും ജില്ലാതലത്തിൽ അന്പതിനായിരം രൂപയുമാണ് സ്കൂളിനു ലഭിച്ചത്. പരിപാടി ഉഷ വിജയൻ എംഎൽഎ ഉദ്ഘാടനം ചെയ്തു. കത്തോലിക്ക സഭയിലെ മരിയൻ സന്യാസിനി സമൂഹമായ ഷേണ്‍സ്റ്റാട്ട് സിസ്റ്റേഴ്സ് ഓഫ് മേരിയുടെ കീഴിൽ പാഠ്യപാഠ്യേതര മേഖലകളിൽ പുലർത്തിയ മികവ് കണക്കിലെടുത്താണ് വിദ്യാലയത്തിന് ശ്രേഷ്ഠ വിദ്യാലയ പുരസ്കാരം ലഭിച്ചത്.
1951ൽ പ്രവർത്തനം ആരംഭിച്ച വിദ്യാലയത്തിൽ 250 കുട്ടികളും 13 അധ്യാപകരുമാണുള്ളത്. എടവക പഞ്ചായത്ത് പ്രസിഡന്റ് ഗിരിജ സുധാകരൻ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ, ജില്ലാ പഞ്ചായത്ത് അംഗം ജിൽസണ്‍ തൂപ്പുങ്കര, ബ്ലോക്ക് പഞ്ചായത്ത് വികസന സ്റ്റാൻഡിംഗ് കമ്മിറ്റി ചെയർപേഴ്സണ്‍ ചിന്നമ്മ ജോസ്, എടവക പഞ്ചായത്ത് ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സണ്‍ ലീലാ ബാലൻ, കല്ലോടി സെന്റ് ജോർജ് ഫൊറോന വികാരി ഫാ. സജി കോട്ടായിൽ, ജില്ലാ വിദ്യാഭ്യാസ ഉപഡയറക്ടർ വി.എ. ശശീന്ദ്രവ്യാസ്, എഇഒ എം. സുനിൽകുമാർ, ഡയറ്റ് പ്രിൻസിപ്പൽ കെ.എം. സെബാസ്റ്റ്യൻ, സ്കൂൾ പ്രധാന അധ്യാപിക സിസ്റ്റർ സിനി ഫ്രാൻസിസ്, ജോർജ് പടകൂട്ടിൽ തുടങ്ങിയവർ പ്രസംഗിച്ചു.
Wayanad
കല്‍പ്പറ്റ: നിര്‍മാണത്തൊഴിലാളി ക്ഷേമനിധി അംഗങ്ങള്‍ക്കുള്ള ആനുകൂല്യ വിതരണത്തിലെ കാലതാമസം ഒഴിവാക്കണമെന്ന് ബില്‍ഡിംഗ് ആന്‍ഡ് റോഡ് വര്‍ക്കേഴ്‌സ് ഫെഡറേഷന്‍ (ഐഎന്‍ടിയുസി)ജില്ലാ ജനറല്‍ കൗണ്‍സില്‍ ആവശ്യപ്പെട്ടു. സംസ്ഥാന സെക്രട്ടറി കെ.എക്സ്. സേവ്യര്‍ ഉദ്ഘാടനം ചെയ്തു. ജില്ലാ പ്രസിഡന്റ് പി.കെ. കുഞ്ഞുമൊയ്തീന്‍ അധ്യക്ഷത വഹിച്ചു.
കെപിസിസി അംഗം കെ.ഇ. വിനയന്‍ മുഖ്യ പ്രഭാഷണം നടത്തി. നേതാക്കളായ ജോണ്‍ പഴേരി, സനല്‍ നെടിയറ, പി.ജെ. റോയ്, പി.ജെ. ഫ്രാങ്ക്ളിന്‍, എം.എസ്. സതീശന്, ഷിജി ദേവസ്യ, ജോണി നന്നാട്ട്, കറുവ മജീദ്, ചിന്നമ്മ ജോസ്, എം.എന്‍. കൃഷ്ണന്‍ എ.വി. മുഹമ്മദലി, വി.കെ. ശാന്ത, എന്നിവര്‍ പ്രസംഗിച്ചു.
Wayanad
മാനന്തവാടി: ജില്ലാ സ്‌കൂള്‍ ശാസ്ത്രമേളയില്‍ അധ്യാപകര്‍ക്ക് നടത്തിയ ടീച്ചിംഗ് എയ്ഡ് നിര്‍മാണ മത്സരം കൗതുകമായി. പഠനാനുഭവങ്ങള്‍ കൂടുതല്‍ ലളിതവും രസകരവുമാക്കാന്‍ അധ്യാപകര്‍തന്നെ കളത്തിലിറങ്ങിയത് മേളയുടെ പ്രത്യേകതയായി.
വിദ്യാലയങ്ങളില്‍ ശാസ്ത്രപഠനം കൂടുതല്‍ ആസ്വാദ്യകരമാക്കാനും പരീക്ഷണ-നിരീക്ഷണങ്ങളിലൂടെ ആശയങ്ങള്‍ കുട്ടികളില്‍ എത്തിക്കാനുമുള്ള നൂതന ഉപകരണങ്ങളാണ് അധ്യാപകര്‍ അവതരിപ്പിച്ചത്. യുപി, ഹൈസ്‌കൂള്‍ വിഭാഗങ്ങളില്‍ രണ്ടും ഹയര് സെക്കന്‍ഡറി വിഭാഗത്തില്‍ ഒന്നും അധ്യാപകരാണ് മത്സരിച്ചത്.
Wayanad
കല്‍പ്പറ്റ: ബാണാസുരസാഗര്‍ അണയിലെ ജലം കൃഷിക്ക് പ്രയോജനപ്പെടുത്തണമെന്ന് സ്വതന്ത്ര കര്‍ഷക സംഘം ജില്ലാ പ്രവര്‍ത്തക സമിതി യോഗം ആവശ്യപ്പെട്ടു. അണക്കെട്ടില്‍ ആവശ്യത്തിന് വെള്ളമുണ്ടായിട്ടും പദ്ധതി പ്രദേശത്തെ നൂറുകണക്കിന് ഏക്കര്‍ കൃഷിഭൂമി വരണ്ടുണങ്ങുകയാണ്. പടിഞ്ഞാറത്തറ, വെണ്ണിയോട് ബ്രാഞ്ചു കനാലുകളിലൂടെയും ഡിസ്ട്രിബ്യൂട്ടറികളിലൂടെയും വെള്ളം എത്തിച്ച് 2,800 ഹെക്ടറില്‍ രണ്ടും മൂന്നും വിളകളിറക്കാന്‍ വിഭാവനം ചെയ്തതും ഇതിനകം അനേകം കോടി രൂപ മുടക്കിയതുമായ പദ്ധതിയാണ് കര്‍ഷകര്‍ക്ക് പ്രയോജനപ്പെടാതെ കിടക്കുന്നത്.
പുഴകളില്‍ ആവശ്യത്തിന് തടയണകളില്ലാത്തതിനാല്‍ ഡാം തുറന്നാല്‍ വെള്ളം കര്‍ണാടകയില്‍ എത്തുന്ന സ്ഥിതിയാണെന്ന് യോഗം ചൂണ്ടിക്കാട്ടി. ജില്ലാ സ്‌പെഷ്യല്‍ കണ്‍വെന്‍ഷനും ജില്ലാ കവുങ്ങ് കര്‍ഷക സംഗമത്തിനും മുന്നോടിയായി 14ന് മൂന്ന് നിയോജകമണ്ഡലം ആസ്ഥാനങ്ങളിലും കണ്‍വെന്‍ഷന്‍ ചേരാന്‍ തീരുമാനിച്ചു. വന്യജീവി ആക്രമണത്തിനും വിളനാശത്തിനുമുള്ള നഷ്ടപരിഹാരം ഇരട്ടിയായി വര്‍ധിപ്പിക്കാന്‍ തീരുമാനിച്ച സര്‍ക്കാരിനെ അഭിനന്ദിച്ചു. വന്യമൃഗശല്യം തടയാന്‍ വനം വകുപ്പ് ഉണര്‍ന്ന് പ്രവര്‍ത്തിക്കണമെന്ന് ആവശ്യപ്പെട്ടു.
സംസ്ഥാന സെക്രട്ടറി പി.കെ. അബ്ദുള്‍ അസീസ് ഉദ്ഘാടനം ചെയ്തു. ജില്ലാ വൈസ് പ്രസിഡന്റ് മണക്കോടന്‍ അന്ത്രു ഹാജി അധ്യക്ഷത വഹിച്ചു. തോട്ടവിള ഫെഡറേഷന്‍ സംസ്ഥാന ചെയര്‍മാന്‍ അഡ്വ. എന്‍. ഖാലിദ് രാജ മുഖ്യപ്രഭാഷണം നടത്തി. വി. അസൈനാര്‍ ഹാജി, മായന്‍ ഹാജി മുതിര, കല്ലിടുമ്പന്‍ ഹംസ ഹാജി, ലത്തീഫ് അമ്പലവയല്‍, കെ.ടി. കുഞ്ഞബ്ദുള്ള, സി. മുഹമ്മദ്,ബഷീര്‍ നായ്ക്കട്ടി, അലവി വടക്കേതില്‍, അബുബക്കര്‍ ഹാജി തന്നാണി, സലീം കേളോത്ത്, അസീസ് കരേക്കാടന്‍, ഉസ്മാന്‍ പള്ളിയാല്‍, ഖാലിദ് വേങ്ങൂര്‍, ഷംസുദ്ദീന്‍ ബിദര്‍ക്കാട്, മമ്മൂട്ടി കളത്തില്‍, മൊയ്തീന്‍ വെങ്ങപ്പള്ളി, പി.കെ. മൊയ്തീന്‍കുട്ടി, പുഴക്കല്‍ ഉസ്മാന്‍, ഇബ്രാഹിം പടിഞ്ഞാറത്തറ, നാസര്‍ കേളോത്ത്, കാസിം പള്ളിക്കണ്ടി, റുഖിയ വെങ്ങപ്പള്ളി, പി. കുഞ്ഞിമുഹമ്മദ്, എ. മുസ്തഫ മൗലവി, കെ. മരക്കാര്‍, ഗഫൂര്‍ ചെമ്പോത്തറ എന്നിവര്‍ പ്രസംഗിച്ചു.
Wayanad
നൂൽപ്പുഴ: ആദിവാസി ജനവിഭാഗങ്ങളുടെ അടിസ്ഥാന ആവശ്യങ്ങൾ തിരിച്ചറിഞ്ഞ് അവരുടെ ജീവിതനിലവാരം ഉയർത്തുന്നതിനായി വയനാട് സോഷ്യൽ സർവീസ് സൊസൈറ്റി (ഡബ്ല്യുഎസ്എസ്എസ്)നടത്തുന്ന സാമൂഹിക ഇടപെടലുകൾ മാതൃകാപരമാണെന്ന് ആഭ്യന്തര മന്ത്രി രമേശ് ചെന്നിത്തല അഭിപ്രായപ്പെട്ടു. അസീം പ്രേംജി ഫൗണ്ടേഷന്റെ സാന്പത്തിക സഹായത്തോടെ ഡബ്ല്യുഎസ്എസ്എസ് നടപ്പാക്കുന്ന ഉന്നതി ജലസുരക്ഷാ പദ്ധതിയുടെ ഭാഗമായി നൂൽപ്പുഴ പഞ്ചായത്തിലെ നാല് ആദിവാസി ഉന്നതികളിൽ പൂർത്തീകരിച്ച കുടിവെള്ള പദ്ധതികളുടെ ഉദ്ഘാടനം നിർവഹിച്ച് പ്രസംഗിക്കുകയായിരുന്നു അദ്ദേഹം.
ജാതിമത ഭേദമന്യേ സമൂഹത്തിലെ പിന്നാക്കം നിൽക്കുന്ന ജനവിഭാഗങ്ങളുടെ ക്ഷേമത്തിനും ഉന്നമനത്തിനുമായി ഡബ്ല്യുഎസ്എസ്എസ് നടത്തുന്ന പ്രവർത്തനങ്ങൾ സാധാരണക്കാരുടെ ജീവിതത്തിൽ വലിയ മാറ്റങ്ങൾ സൃഷ്ടിക്കുന്നതാണെന്നും അദ്ദേഹം കൂട്ടിച്ചേർത്തു. മേലെ കോളൂർ, പണപ്പാടി, കൂമിഴി, ആനക്ക്യാന്പ് എന്നീ ആദിവാസി ഉന്നതികളിലാണ് കുടിവെള്ള പദ്ധതികൾ യാഥാർഥ്യമാക്കിയത്. പൂർത്തീകരിച്ച നാല് കുടിവെള്ള പദ്ധതികളുടെ കൈമാറ്റം വയനാട് സോഷ്യൽ സർവീസ് സൊസൈറ്റി എക്സിക്യുട്ടീവ് ഡയറക്ടർ ഫാ. ജിനോജ് പാലത്തടത്തിൽ നിർവഹിച്ചു. ഐ.സി. ബാലകൃഷ്ണൻ എംഎൽഎ അധ്യക്ഷത വഹിച്ചു. ബത്തേരി ബ്ലോക്ക് പഞ്ചായത്ത് പ്രസിഡന്റ് പ്രസന്ന ശശീന്ദ്രൻ മുഖ്യപ്രഭാഷണം നടത്തി.
ചടങ്ങിൽ പങ്കെടുത്ത ഇന്ത്യൻ ഇൻസ്റ്റിറ്റ്യൂട്ട് ഓഫ് സ്പൈസസ് റിസർച്ചിലെ സീനിയർ സയന്‍റിസ്റ്റ് ഡോ. ലിജോ തോമസ് ജൈവ പച്ചക്കറി വിത്തുകൾ നൂൽപ്പുഴ പഞ്ചായത്ത് പ്രസിഡന്‍റിന് കൈമാറി. നൂൽപ്പുഴ പഞ്ചായത്ത് പ്രസിഡന്റ് എം.കെ. ജയ, പി.കെ. കുര്യൻ, നൂൽപ്പുഴ പഞ്ചായത്ത് വൈസ് പ്രസിഡന്റ് ടി. അവറാൻ, ജില്ലാ പഞ്ചായത്ത് അംഗങ്ങളായ അമൽ ജോയ്, ഷീജ സതീഷ്, വാർഡ് മെംബർ ബെന്നി കൈനിക്കൽ, നൂൽപ്പുഴ പഞ്ചായത്ത് സെക്രട്ടറി എം.വി. സുരേഷ് എന്നിവർ പ്രസംഗിച്ചു. വിവിധ ജനപ്രതിനിധികൾ, പഞ്ചായത്ത് അംഗങ്ങൾ, ഉദ്യോഗസ്ഥർ, സാമൂഹിക പ്രവർത്തകർ, ആദിവാസി നേതാക്കൾ, ഗുണഭോക്താക്കൾ തുടങ്ങിയവർ ചടങ്ങിൽ പങ്കെടുത്തു.
Wayanad
സുല്‍ത്താന്‍ ബത്തേരി: കോഴിക്കോട്-കൊല്ലെഗല്‍ ദേശീയപാതയില്‍ മൂലങ്കാവ് കാപ്പി സ്‌റ്റോറിന് സമീപം റോഡരികിലെ വന്‍മരം വാഹനയാത്രക്കാര്‍ക്ക് ഭീഷണിയാകുന്നു. ദേശീയപാതയിലൂടെ കടന്നുപോകുന്ന വാഹനങ്ങളുടെ കാഴ്ച മറയ്ക്കുന്ന രീതിയിലാണ് മരം നില്‍ക്കുന്നത്.
ഇത് അപകടസാധ്യത വര്‍ധിപ്പിക്കുന്നതായി പ്രദേശവാസികള്‍ ചൂണ്ടിക്കാട്ടി. നൂറുകണക്കിന് വാഹനങ്ങള്‍ ദിവസേന കടന്നുപോകുന്ന ഈ ഭാഗത്ത് റോഡിലെ വളവും റോഡിന്‍റെ തകര്‍ച്ചയും അപകടങ്ങള്‍ക്ക് കാരണമാകുന്നതായി നാട്ടുകാര്‍ പറയുന്നു. ഈ ഭാഗത്ത് അപകടങ്ങള്‍ പതിവാകുന്ന സാഹചര്യത്തില്‍ വന്‍മരം എത്രയും വേഗം മുറിച്ചുമാറ്റി യാത്രക്കാരുടെ സുരക്ഷ ഉറപ്പാക്കണമെന്നാണ് പ്രദേശവാസികളുടെ ആവശ്യം. ബന്ധപ്പെട്ട അധികൃതര്‍ അടിയന്തര നടപടി സ്വീകരിക്കണമെന്നും നാട്ടുകാര്‍ ആവശ്യപ്പെട്ടു.
Wayanad
സുല്‍ത്താന്‍ ബത്തേരി: ചീരാലില്‍ രണ്ട് ഓട്ടോറിക്ഷകള്‍ കൂട്ടിയിടിച്ചുണ്ടായ അപകടത്തില്‍ നാലുപേര്‍ക്ക് പരിക്കേറ്റു. ചീരാല്‍ മുത്താച്ചിക്കുന്നി കല്യാണി (75), നമ്പ്യാര്‍കുന്ന് മാളേരി ബാലകൃഷ്ണന്‍ (76), ഭാര്യ ലക്ഷ്മി (72), ഓട്ടോ ഡ്രൈവര്‍ ഷിബു (50) എന്നിവര്‍ക്കാണ് പരിക്കേറ്റത്. ഗുരുതരമായി പരിക്കേറ്റ ബാലകൃഷ്ണനെ വിദഗ്ധ ചികിത്സയ്ക്കായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് മാറ്റി. പരിക്കേറ്റ മറ്റുള്ളവരെ ബത്തേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
Wayanad
പുല്‍പ്പള്ളി: 45-ാമത് സുല്‍ത്താന്‍ ബത്തേരി ഉപജില്ലാ കലോത്സവം 11, 12, 13 തീയതികളില്‍ പുല്‍പ്പള്ളി വിജയ ഹയര് സെക്കന്‍ഡറി സ്‌കൂളില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു. ഉപജില്ലയിലെ 112 സ്കൂളുകളില് നിന്നുള്ള 9,000 ത്തോളം മത്സരാര്‍ഥികള്‍ പങ്കെടുക്കും. പുല്‍പ്പള്ളി വിജയ ഹയര്‍സെക്കന്‍ഡറി, വിജയ ഹൈസ്‌കൂള്‍, എസ്എന്‍ ബാലവിഹാര്‍, പുല്‍പ്പള്ളി സര്‍വീസ് സഹകരണ ബാങ്ക് ഹാള്‍, സെന്റ് ജോര്‍ജ് യുപി സ്‌കൂള്‍, ലയണ്‍സ് ഹാള്‍ എന്നിവയടക്കം 12 വേദികളിലാണ് മത്സരങ്ങള്‍ നടക്കുന്നത്.
പത്മശ്രീ ജേതാവായ അന്തരിച്ച ചെറുവയല്‍ രാമന്‍റെ അനുസ്മരണാര്‍ത്ഥം വേദികള്‍ക്ക് പാരമ്പര്യ നെല്‍വിത്തിനങ്ങളുടെ പേരുകളാണ് നല്കുന്നത്. കലോത്സവത്തിന്റെ ഉദ്ഘാടനം 11ന് വൈകുന്നേരം നാലിന് പുല്‍പ്പള്ളി വിജയഹയര്‍ സെക്കന്‍ഡറി സ്‌കൂള്‍ ഓഡിറ്റോറിയത്തില്‍ നടക്കും. പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്. ദിലീപ് കുമാര്‍ ഉദ്ഘാടനം ചെയ്യും. സംഘാടക സമിതി ചെയര്പേഴ്സണ് ബിന്ദു പ്രകാശ് അധ്യക്ഷത വഹിക്കും. മുള്ളന്‍കൊല്ലി പഞ്ചായത്ത് പ്രസിഡന്റ് ലിസി സാബു മുഖ്യാതിഥിയായിരിക്കും. സമാപന സമ്മേളനം 13ന് വൈകുന്നേരം ഐ.സി. ബാലകൃഷ്ണന്‍ എംഎല്‍എ ഉദ്ഘാടനം ചെയ്യും.
പുല്‍പ്പള്ളി പഞ്ചായത്ത് പ്രസിഡന്റ് ബിന്ദു പ്രകാശ് അധ്യക്ഷത വഹിക്കും. പൂതാടി പഞ്ചായത്ത് പ്രസിഡന്റ് ഇ.കെ. ബാലകൃഷ്ണന്‍ വിശിഷ്ടാതിഥി ആയിരിക്കും. വാര്‍ത്താസമ്മേളനത്തില്‍ പുല്‍പ്പള്ളി പഞ്ചായത്ത് പ്രസിഡന്റ് ബിന്ദു പ്രകാശ്, എഇഒ ഷിജിത, പഞ്ചായത്ത് അംഗം ഗീത കുഞ്ഞികൃഷ്ണന്‍, വിജയ ഹയര് സെക്കന്‍ഡറി സ്‌കൂള്‍ പ്രിന്‍സിപ്പല്‍ കെ.എസ്. സതി, പിടിഎ പ്രസിഡന്റ് അന്‍സാജ് ആന്റണി, ഹൈസ്‌കൂള്‍ ഹെഡ്മിസ്ട്രസ് ഷൈനി ജേക്കബ്, പബ്ലിസിറ്റി വൈസ്‌ചെയര്‍മാന്‍ ബാബു നമ്പുടാകം എന്നിവര്‍ പങ്കെടുത്തു.
വിളംബര റാലി നടത്തി
പുല്‍പ്പള്ളി: വിജയ ഹയര് സെക്കന്‍ഡറി സ്‌കൂളില്‍ നടക്കുന്ന നടക്കുന്ന ബത്തേരി ഉപജില്ലാ കലോത്സവത്തിന്റെ മുന്നോടിയായി പുല്‍പ്പള്ളി ടൗണില്‍ വിളംബര റാലി നടത്തി.
വിജയ ഹയര് സെക്കന്‍ഡറി സ്‌കൂളില്‍നിന്ന് ആരംഭിച്ച വിളംബര റാലിയില്‍ ബാന്‍ഡ് മേളം, കളരിപ്പയറ്റ്, കരാട്ടെ ടീമുകളുടെ ഡിസ്‌പ്ലേ, എന്‍എസ്എസ്, എന്‍സിസി, സ്കൗട്ട്, ഗൈഡ്, സ്റ്റുഡന്‍റ്സ് പൊലിസ്, ജൂനിയര്‍ റെഡ്ക്രോസ്, വിദ്യാര്‍ഥികള്‍, അധ്യാപകര്‍ എന്നിവരോടൊപ്പം ജനപ്രതിനിധികള്‍, പൗരപ്രമുഖര്‍, സംഘാടകസമിതി അംഗങ്ങള്‍, പിടിഎ, എസ്എംസി അംഗങ്ങള്‍, ഹരിതകര്‍മസേനാംഗങ്ങള്‍ എന്നിവര്‍ പങ്കെടുത്തു. പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്. ദിലീപ് കുമാര്‍ ഉദ്ഘാടനം ചെയ്തു. പഞ്ചായത്ത് പ്രസിഡന്റ് ബിന്ദു പ്രകാശ്, വൈസ് പ്രസിഡന്റ് ജോഷി ചാരുവേലില്‍, പഞ്ചായത്തംഗം ഗീത കുഞ്ഞികൃഷ്ണന്‍, പ്രിന്‍സിപ്പല്‍ കെ. സതി എന്നിവര്‍ നേതൃത്വം നല്കി.
Wayanad
പുല്‍പ്പള്ളി: മാനന്തവാടി എംജിഎം സ്‌കൂളില്‍ നടന്ന ജില്ലാ ശാസ്ത്ര മേളയിലും പ്രവൃത്തി പരിചയ മേളയിലും സാമൂഹ്യ ശാസ്ത്ര മേളയിലും മൂന്നാം സ്ഥാനം നേടി കബനിഗിരി നിര്‍മല ഹൈസ്‌കൂള്‍. അധ്യാപകരുടേയും വിദ്യാര്‍ഥികളുടേയും രക്ഷിതാക്കളുടേയും കൂട്ടായ വിജയമാണിതിന് പിന്നിലെന്ന് സ്‌കൂള്‍ മാനേജര്‍ ഫാ. ജോണി കല്ലുപുര പറഞ്ഞു. സ്‌കൂള്‍ ഹെഡ്മാസ്റ്റര്‍ എ.ടി. ഷാജി അധ്യക്ഷത വഹിച്ചു. സ്‌കൂളില്‍ നിന്ന് 16 കുട്ടികളാണ് ജില്ലാ മത്സരത്തില്‍ പങ്കെടുത്തത്.
ജില്ലാ മത്സരത്തില്‍ നിന്ന് അഞ്ച് കുട്ടികള്‍ സംസ്ഥാന ശാസ്ത്ര മത്സരത്തിലേക്ക് തെരഞ്ഞെടുക്കപ്പെട്ടു. സീനിയര്‍ അധ്യാപിക ഷിജി തോമസ്, സ്റ്റാഫ് സെക്രട്ടറി ഷിനി ജോര്‍ജ്, അധ്യാപകരായ എം.ടി. ബിനു, എം.എം. ആന്റണി, പി.എന്‍. ദീപ, സിസ്റ്റര്‍ ആന്‍മരിയ, എം.സി. ഷിജി, എന്‍.പി. ജിന്‍സി എന്നിവര്‍ നേതൃത്വം നല്കി.
Wayanad
പുല്‍പ്പള്ളി: കൃപാലയ സ്‌പെഷ്യല്‍ സ്കൂളിലെ മാനേജ്‌മെന്‍റിന്‍റെയും അധ്യാപകരുടെയും പ്രവര്‍ത്തനങ്ങള്‍ മാതൃകാപരമെന്ന് ആഭ്യന്തര മന്ത്രി രമേശ് ചെന്നിത്തല. വിദ്യാഭ്യാസ-കലാകായിക രംഗത്തും കൃപാലയ സ്‌പെഷ്യല്‍ സ്കൂളിന് മികച്ചനേട്ടം കൈവരിക്കാന്‍ കഴിഞ്ഞിട്ടുണ്ടന്നും ജീവകാരുണ്യ പ്രവര്‍ത്തനങ്ങളിലും സ്‌കൂളിന്‍റെ പ്രവര്‍ത്തനങ്ങള്‍ മാതൃകപരമാണെന്നും അദ്ദേഹം പറഞ്ഞു. പുല്‍പ്പള്ളി കൃപാലയ സ്‌പെഷ്യല്‍ സ്‌കൂളില്‍ സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തില്‍ വിജയികളായ വിദ്യാര്‍ഥികള്‍ക്ക് സ്വീകരണവും അധ്യാപകരുടെയും രക്ഷിതാക്കളുടെയും വിദ്യാര്‍ഥികളുടെയും നേതൃത്വത്തില്‍ നടത്തിയ സൗഹൃദ സംഗമവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ഭിന്നശേഷി വിദ്യാര്‍ഥികളെ മുഖ്യധാരയിലെത്തിക്കുന്നതിന് ആവശ്യമായ എല്ലാ നടപടികള്‍ക്കും സര്‍ക്കാരിന്‍റെ പിന്തുണയുണ്ടാകുമെന്നും മന്ത്രി പറഞ്ഞു.
ഐ.സി. ബാലകൃഷ്ണന്‍ എംഎല്‍എ അധ്യക്ഷത വഹിച്ചു. സ്‌കൂള്‍ മനേജരും പ്രൊവിന്ഷ്യാൾ സുപ്പീരിയറുമായ സിസ്റ്റര്‍ ഡോ. പൗളിന്‍ മുകാല മുഖ്യപ്രഭാഷണം നടത്തി. പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്. ദിലീപ്കുമാര്‍, പഞ്ചായത്ത് പ്രസിഡന്റുമാരായ ബിന്ദു പ്രകാശ്, ലിസി സാബു, പഞ്ചായത്ത് വൈസ് പ്രസിഡന്റ് ജോഷി ചാരുവേലില്‍, പഞ്ചായത്തംഗം ഗീത കുഞ്ഞികൃഷ്ണന്‍, പ്രിന്‍സിപ്പല്‍ സിസ്റ്റര്‍ ആന്‍ട്രീസ, സിസ്റ്റര്‍ ആന്‍സ് മരിയ, സിസ്റ്റര്‍ ആന്‍സീന, ടി.യു. ഷിബു, കെ.എല്‍. പൗലോസ് എന്നിവര്‍ പ്രസംഗിച്ചു.
Wayanad
സുല്‍ത്താന്‍ ബത്തേരി: തിരുവനന്തപുരത്ത് നടന്ന 27-ാമത് സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തില്‍ ശ്രവണ പരിമിതി ഉള്ളവരുടെ എച്ച്എസ്, എച്ച്എസ്എസ് വിഭാഗത്തില്‍ 133 പോയിന്‍റുകളോടെ പൂമല സെന്റ് റോസല്ലോസ് ഹയര് സെക്കന്‍ഡറി സ്പീച്ച് ആന്‍ഡ് ഹിയറിംഗ് സ്‌കൂള്‍ ഫസ്റ്റ് റണ്ണര്‍ അപ് സ്ഥാനം കരസ്ഥമാക്കി. സ്‌കൂളില്‍ നിന്നും 45 കുട്ടികള്‍ കലോത്സവത്തില്‍ പങ്കെടുത്തു.
മത്സരിച്ച എല്ലാ ഇനങ്ങള്‍ക്കും എ ഗ്രേഡ് ലഭിച്ചു. 33 സ്കൂളുകളാണ് മത്സരിക്കാനുണ്ടായിരുന്നത്.ശശി തരൂര്‍ എംപിയില്‍ നിന്ന് സ്‌കൂള്‍ വിദ്യാര്‍ഥികളും അധ്യാപകരും ചേര്‍ന്ന് സമ്മാനം സ്വീകരിച്ചു. എച്ച്എസ് വിഭാഗം നാടോടി നൃത്തം, മോണോ ആക്ട്, ഗ്രൂപ്പ് ഡാന്‍സ് എന്നിവയില്‍ എ.വി. ശിവാനി, എച്ച്എസ്എസ് വിഭാഗം നാടോടി നൃത്തം, മോണോ ആക്ട്, ചിത്രീകരണം എന്നിവയില്‍ എസ്. കൃഷ്ണപ്രിയ, എച്ച്എസ് വിഭാഗത്തില്‍ പദ്യപാരായണം, ഗ്രൂപ്പ് ഡാന്‍സ്, ഒപ്പന എന്നിവയില്‍ പി.ജെ. ആന്‍സ്റ്റീന എച്ച്എസ് വിഭാഗത്തില്‍ മോണോ ആക്ട്, പെന്‍സില്‍ ഡ്രോയിംഗ്, മൈം എന്നിവയില്‍ ആന്‍ ജോണ്‍ ജോജോ എന്നിവര്‍ക്ക് സമ്മാനങ്ങള്‍ ലഭിച്ചു.
ചിത്രീകരണം, മൈം, ഗ്രൂപ്പ് ഡാന്‍സ്, ഒപ്പന, ദേശീയഗാനം എന്നീ ഗ്രൂപ്പ് ഐറ്റത്തിലും പദ്യപാരായണം, പെന്‍സില്‍ ഡ്രോയിംഗ്, മോണോ ആക്ട് എന്നീ സിംഗിള്‍ ഐറ്റത്തിലും പങ്കെടുത്ത എല്ലാ കുട്ടികള്‍ക്കും എ ഗ്രേഡും പ്രൈസ് മണിയും ലഭിച്ചു. മാനേജ്മെന്റും പിടിഎയും വിജയികളെ അനുമോദിച്ചു.
Wayanad
അമ്പലവയല്‍: ജിവിഎച്ച്എസ്എസില്‍ ആന്‍റിനര്‍കോട്ടിക് ക്ലബ്, ടീന്‍സ് ക്ലബ് എന്നിവയുടെ നേതൃത്വത്തില്‍ ലഹരിവിരുദ്ധ ബോധവത്കരണം സംഘടിപ്പിച്ചു. ഹെഡ്മിസ്ട്രസ് പി.ഒ. സുമിത ഉദ്ഘാടനം ചെയ്തു.സീനിയര്‍ അസിസ്റ്റന്‍റ് ഷാന്‍റി ഫ്രാന്‍സിസ് അധ്യക്ഷത വഹിച്ചു. സ്റ്റാഫ് സെക്രട്ടറി സി. ഷമീറ,എസ്ആര്‍ജി കണ്‍വീനര്‍മാരായ കെ.എസ്.സജിത, ടി.പി. അജീഷ്‌കുമാര്‍, ഏബല്‍ ചെറിയാന്‍, അലോണ റെജി, ടി.ഇ. ഹെലന, കെ.എം. രഘു എന്നിവര്‍ പ്രസംഗിച്ചു. വിമുക്തി മിഷന് ജില്ലാ കോ-ഓര്‍ഡിനേറ്റര്‍ എന്‍.സി. സജിത്കുമാര്‍ ക്ലാസെടുത്തു. വിദ്യാര്‍ഥികള്‍ ലഹരിവിരുദ്ധ പ്രതിജ്ഞയെടുത്തു.
Wayanad
കല്‍പ്പറ്റ: ടൂറിസം മേഖലയുടെ സുഗമ പ്രവര്‍ത്തനം ഉറപ്പുവരുത്താന്‍ ജില്ലയില്‍ പ്രത്യേക സമിതി രൂപീകരിക്കും. ജില്ലാ വികസന സമിതി യോഗത്തിലാണ് ഇക്കാര്യത്തില്‍ തീരുമാനം. എഡിഎം അധ്യക്ഷനും ടൗണ്‍ പ്ലാനര്‍ കണ്‍വീനറും തദ്ദേശ സ്വയംഭരണ ജോയിന്റ് ഡയറക്ടര്, ടൂറിസം ഡെപ്യൂട്ടി ഡയറക്ടര്, ഡിടിപിസി സെക്രട്ടറി, ടൂറിസം മേഖലയില്‍ പ്രവര്‍ത്തിക്കുന്നവരുടെ പ്രതിനിധികള്‍ എന്നിവര്‍ അംഗങ്ങളുമായാണ് സമിതി രൂപീകരിക്കുകയെന്ന് യോഗത്തില്‍ അധ്യക്ഷത വഹിച്ച ജില്ലാ കളക്ടര് വി. ചെല്‍സസിനി വ്യക്തമാക്കി.
ബത്തേരി-പെരിക്കല്ലൂര്‍, മുള്ളന്‍കൊല്ലി-മരക്കടവ് റോഡുകളുടെ നിര്‍മാണം പൂര്‍ത്തിയാകാത്തതിനാല്‍ ജനം നേരിടുന്ന പ്രയാസങ്ങള്‍ക്ക് അടിയന്തര പരിഹാരം കാണണമെന്ന് പ്രിയങ്ക ഗാന്ധി എംപിയുടെ പ്രതിനിധി കെ.എല്‍. പൗലോസ് ആവശ്യപ്പെട്ടു. അപാകതകള്‍ പരിഹരിച്ച് കൈനാട്ടിയിലെ ട്രാഫിക് സിഗ്‌നലുകള്‍ പൂര്‍ണതോതില്‍ പ്രവര്‍ത്തനസജ്ജമാക്കണമെന്ന് കൃഷി മന്ത്രിയുടെ പ്രതിനിധി വി.എ. മജീദ് നിര്‍ദേശിച്ചു.
പുഴയുടെയും തോടുകളുടെയും ഓരങ്ങളില്‍ നിര്‍മിച്ച വീടുകളുടെ സുരക്ഷയ്ക്ക് ഭിത്തികള്‍ നിര്‍മിക്കണമെന്നും എംഎല്‍എ ഫണ്ട് ഉപയോഗിച്ച് വനമേഖലയില്‍ നിര്‍മിക്കുന്ന വേലികളുടെ പ്രവൃത്തി സമയബന്ധിതമായി നടത്തണമെന്നും അദ്ദേഹം ആവശ്യപ്പെട്ടു. ടിആര്‍ഡിഎമ്മില്‍ അനുവദിച്ചതില്‍ പല വീടുകളിലും ആളുകള്‍ താമസിക്കാത്ത സാഹചര്യം ചര്‍ച്ച ചെയ്യുന്നതിന് ജനപ്രതിനിധികളെ പങ്കെടുപ്പിച്ച് യോഗം ചേരാന്‍ തീരുമാനിച്ചു. ആസൂത്രണഭവന്‍ എപിജെ ഹാളില്‍ ചേര്‍ന്ന യോഗത്തില്‍ എഡിഎം കെ. അജീഷ്, ജില്ലാ പ്ലാനിംഗ് ഓഫിസര്‍ എം. കമാലുദ്ദീന്‍, ജില്ലാതല ഉദ്യോഗസ്ഥര്‍, ജനപ്രതിനിധികള്‍ തുടങ്ങിയവര്‍ പങ്കെടുത്തു.
Wayanad
കല്‍പ്പറ്റ: ലോകത്തിലെ വിവിധ മലനിരകളിലെ ആവാസവ്യവസ്ഥകളെയും അവയോട് ബന്ധപ്പെട്ട് ജീവിക്കുന്ന സമൂഹങ്ങളെയും ഒരു വേദിയില്‍ കൊണ്ടുവരുന്നതിന് രാജ്യത്ത് ആദ്യമായി സംഘടിപ്പിക്കുന്ന മൗണ്ടന്‍ എക്കോളജി കോണ്‍ഗ്രസ് ഡിസംബര്‍ 10,11,12 തിയതികളില്‍ പൂക്കോട് വെറ്ററിനറി കോളജില്‍ നടക്കും.
കേരള വെറ്ററിനറി ആന്‍ഡ് അനിമല്‍ സയന്‍സസ് യൂണിവേഴ്സിറ്റി, ഹ്യൂം സെന്റര് ഫോര്‍ എക്കോളജി ആന്‍ഡ് വൈല്‍ഡ് ലൈഫ് ബയോളജി എന്നിവ സംയുക്തമായാണ് പരിപാടി സംഘടിപ്പിക്കുന്നത്. കാലാവസ്ഥാവ്യതിയാനത്തിന്‍റെ പ്രത്യഘാതങ്ങള്‍ കൂടുതല്‍ ബാധിക്കുന്നത് പര്‍വതപ്രദേശങ്ങളെയാണ്.
2018ലെ വിനാശകരമായ വെള്ളപ്പൊക്കത്തിനും ഉരുള്‍പൊട്ടലുകള്‍ക്കും ശേഷം പശ്ചിമഘട്ടത്തിലെ കാലാവസ്ഥയിലും ദുരന്ത ഭൂപ്രകൃതിയിലും വലിയ മാറ്റങ്ങളാണ് ഉണ്ടായത്. ഇത് മലനിരകളിലെ ആവാസവ്യവസ്ഥകളുടെ ദുര്‍ബലതയിലേക്കും മറ്റു വലിയ പ്രത്യാഘാതങ്ങളിലേക്കുമാണ് ശ്രദ്ധ ക്ഷണിക്കുന്നത്.
പശ്ചിമഘട്ടത്തിലെ ദുരന്തങ്ങള്‍ മാത്രമല്ല, ഉയരുന്ന താപനിലയില്‍ ഹിമാലയത്തിലും ആന്‍ഡീസിലും ഉരുകുന്ന മഞ്ഞുമലകളും ഗ്ലേഷ്യല്‍ തടാക വെള്ളപ്പൊക്കങ്ങളും നേപ്പാളിലും ഭൂട്ടാനിലും ആവര്‍ത്തിക്കുന്ന ഉരുള്‍പൊട്ടലുകളും ആവാസവ്യവസ്ഥകള്‍ വിട്ട് പലായനം ചെയ്യേണ്ടിവരുന്ന ജീവജാലങ്ങളും ലോകത്തിലെ ഓരോ പര്‍വതമേഖലയെയും പിടിച്ചുലയ്ക്കുകയാണ്.
മലനിരകള്‍ എന്നത് വെറും ഭൂരൂപങ്ങളല്ല മറിച്ച്, ഭൂപ്രകൃതിയും സാംസ്കാരിക ചരിത്രങ്ങളും ജീവിക്കുന്ന സമൂഹങ്ങളുടെ ദൈനംദിന ജീവിതവും ഉപജീവനവും ചേര്‍ന്ന് രൂപപ്പെടുന്ന ജീവനുള്ള ഭൂപ്രദേശങ്ങളാണ്. ചരിത്രത്തിലുടനീളം ലോകത്തിന്‍റെ വിവിധ ഭാഗങ്ങളില്‍ മാറിക്കൊണ്ടിരിക്കുന്ന മലനിരകള്‍ മനുഷ്യരെയും സംസ്‌കാരങ്ങളെയും വരവേറ്റിട്ടുണ്ട്. എന്നാല്‍ ഇന്ന് കാലാവസ്ഥാവ്യതിയാനം ഉള്‍പ്പടെ പ്രതിസന്ധികള്‍ എല്ലാ പരിധികളും ലംഘിച്ച് ആവാസ വ്യവസ്ഥളെ തകര്‍ച്ചയിലേക്ക് നയിക്കുകയാണ്.
ഈ സാഹചര്യത്തില്‍ മലനിരകളും അവയിലെ സമൂഹങ്ങളും തമ്മിലുള്ള ബന്ധങ്ങളെ പുനര്‍വിചിന്തനം ചെയ്യാനും മലനിരകളുടെ ഭാവി പുനര്‍സങ്കല്‍പിക്കാനുമുള്ള പൊതുവേദി എന്ന നിലയിലാണ് പരിപാടി സംഘടിപ്പിക്കുന്നത്. കേരളത്തിന്‍റെ പശ്ചാത്തലത്തില്‍ ശാസ്ത്രീയവും പാരിസ്ഥിതികവുമായ അറിവുകള്‍ സാധാരണ ജനങ്ങളിലേക്ക് എത്തിക്കുക എന്നത് ഏറെ പ്രധാനമാണ്. പശ്ചിമഘട്ടത്തിന്‍റെ ഭാഗമായ വയനാടിന്‍റെ പരിസ്ഥിതിയും ആദിവാസി സമൂഹങ്ങളുടെ അറിവുകളും കൂടി ഉള്‍പ്പടുത്തിയുള്ള അന്താരാഷ്‌ട്ര കൂട്ടായ്മ കെട്ടിപ്പടുക്കുക സമ്മേളനലക്ഷ്യമാണ്.
വൈവിധ്യമാര്‍ന്ന മലനിരകളെയും സംസ്‌കാരങ്ങളെയും വിഷയങ്ങളെയും ജീവിതാനുഭവങ്ങളെയും പ്രതിനിധീകരിക്കുന്നവര്‍ സമ്മേളനത്തിന് എത്തും. ഡിസംബര്‍ 11ന് സമ്മേളന നഗരിയില്‍ അന്താരാഷ്‌ട്ര പര്‍വത ദിനം ആഘോഷിക്കും. സമ്മേളന ലോഗോ കഴിഞ്ഞ ദിവസം വെറ്ററിനറി സര്‍വകലാശാലാ ആസ്ഥാനത്ത് മന്ത്രി ബിന്ദു കൃഷ്ണ പ്രകാശനം ചെയ്തു.
Wayanad
മാനന്തവാടി: ജുവനൈല്‍ ജസ്റ്റീസ് ബോര്‍ഡ് അംഗമായി നിയമിതനായ ടി.കെ. മമ്മൂട്ടിയെ ബ്ലോക്ക് പഞ്ചായത്ത് ഭരണസമിതിയുടെ നേതൃത്വത്തില്‍ ആദരിച്ചു.
പ്രസിഡന്റ് മീനാക്ഷി രാമന്‍ അധ്യക്ഷത വഹിച്ചു. വനിതാ-ശിശുക്ഷേമ മന്ത്രി ബിന്ദു കൃഷ്ണ മെമന്‍റോ നല്കി. ജനപ്രതിനിധികളായ എം.ജി. ബിജു, ടി.എം. കമര്‍ ലൈല, എസ്.എം. പ്രമോദ്, ജില്‍സന്‍ തൂപ്പുംകര, സി.പി. മൊയ്തീന്‍ ഹാജി, ഒ.ടി. ഉനൈസ്, ചിന്നമ്മ ജോസ്, ആസ്യ മൊയ്തു എന്നിവര്‍ പ്രസംഗിച്ചു.
Wayanad
കാക്കവയല്‍: കല്‍പ്പറ്റ ബ്ലോക്ക് ക്ഷീര കര്‍ഷക സംഗമം തേനേരി സംഘത്തിന്‍റെ ആതിഥേയത്വത്തില്‍ ആവേ മരിയ സണ്‍ഡേ സ്‌കൂള്‍ ഓഡിറ്റോറിയത്തില്‍ നടത്തി. ക്ഷീരവികസന വകുപ്പിന്‍റെയും ബ്ലോക്ക് പഞ്ചായത്തിന്‍റെയും നേതൃത്വത്തിലാണ് പരിപാടി സംഘടിപ്പിച്ചത്. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ ഉദ്ഘാടനം ചെയ്തു. ബ്ലോക്ക് പഞ്ചായത്ത് പ്രസിഡന്റ് കെ.കെ. ഹനീഫ അധ്യക്ഷത വഹിച്ചു.
ക്ഷീര വികസന ഡെപ്യൂട്ടി ഡയറക്ടറും മില്‍മ മലബാര്‍ മേഖല യൂണിയന്‍ അഡ്മിനിസ്‌ട്രേറ്ററുമായ വര്‍ക്കി ജോര്‍ജ്, സംഘാടക സമിതി ചെയര്‍മാന്‍ പി.ടി. ഗോപാലക്കുറുപ്പ്, കണ്‍വീനര്‍ സി.എച്ച്. ഹുസ്‌ന, ബ്ലോക്ക് പഞ്ചായത്ത് വൈസ് പ്രസിഡന്റ് ജിന്‍സി സണ്ണി, വികസനകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ അരുണ്‍ ദേവ്, ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ ബി. സുരേഷ് ബാബു എന്നിവര്‍ പ്രസംഗിച്ചു. ഡയറി എക്സ്പോ, സഹകാരി സംഗമം, കര്‍ഷക സെമിനാര്‍, അറിവരങ്ങ്, സാംസ്കാരിക സന്ധ്യ, കര്‍ഷകരെ ആദരിക്കല്‍ തുടങ്ങിയവ സംഗമത്തിന്‍റെ ഭാഗമായിരുന്നു.
Wayanad
കല്‍പ്പറ്റ: കള്ളാടി-ആനക്കാംപൊയില്‍ തുരങ്കപാത നിര്‍മാണം ഉടന്‍ പുനരാരംഭിക്കണമെന്ന്തടക്കം ആവശ്യങ്ങള്‍ ഉന്നയിച്ച് കേരള കോണ്‍ഗ്രസ്-ബി ജില്ലാ കമ്മിറ്റിയുടെ നേതൃത്വത്തില്‍ കളക്ടറേറ്റ് പടിക്കല്‍ ധര്‍ണ നടത്തി.
ജില്ലാ പ്രസിഡന്റ് കെ.ആര്. ജയരാജ് ഉദ്ഘാടനം ചെയ്തു. ജൂലൈ ഏഴിന് കള്ളാടിക്കടുത്ത് മീനാക്ഷിയിലുണ്ടായ മണ്ണിടിച്ചിലിന്‍റെ പേരില്‍ തുരങ്കപാത പദ്ധതി അട്ടിമറിക്കാനാണ് യുഡിഎഫ് സര്‍ക്കാര്‍ ശ്രമിക്കുന്നതെന്ന് അദ്ദേഹം ആരോപിച്ചു. തുരങ്കപാത നിര്‍മാണം നിര്‍ത്തിവച്ച് നാലുമാസം പിന്നിട്ടിട്ടും കല്‍പ്പറ്റ എംഎല്‍എയുമായ കൃഷി മന്ത്രി ടി. സിദ്ദിഖ്, പ്രിയങ്ക ഗാന്ധി എംപി, മറ്റ് യുഡിഎഫ് ജനപ്രതിനിധികള്‍ എന്നിവര്‍ പ്രതികരിക്കുന്നില്ല. ഇത് ഗൗരവത്തോടെ കാണേണ്ടതുണ്ട്.
കള്ളാടി, ആനക്കാംപൊയില്‍ ഭാഗങ്ങളില്‍ നിര്‍മാണം ആരംഭിച്ച പദ്ധതി മീനാക്ഷി ദുരന്തത്തിന്‍റെ പേരില്‍ ഉപേക്ഷിക്കാന്‍ അനുവദിക്കില്ല. പ്രവൃത്തി അടിയന്തരമായി പുനരാരംഭിച്ചില്ലെങ്കില്‍ എല്‍ഡിഎഫ് പിന്തുണയോടെ ശക്തമായ സമരത്തിന് പാര്‍ട്ടി നേതൃത്വം നല്‍കുമെന്ന് ജയരാജ് പറഞ്ഞു. സംസ്ഥാന സെക്രട്ടറി കെ. ഭഗീരഥന്‍ അധ്യക്ഷത വഹിച്ചു.
സംസ്ഥാന കമ്മിറ്റി അംഗം കെ.പി. ശശികുമാര്‍, ജില്ലാ ജനറല്‍ സെക്രട്ടറി അനില്‍ വള്ളുവക്കണ്ടി, മഹിളാ കോണ്‍ഗ്രസ്-ബി ജില്ലാ പ്രസിഡന്റ് ഷൈജ മഗേഷ്, യൂത്ത് ഫ്രണ്ട്-ബി ജില്ലാ പ്രസിഡന്റ് സി.ആര്. പ്രദീപ്, പാര്‍ട്ടി ജില്ലാ സെക്രട്ടറി കെ.ജി. അരുണ്‍, കല്‍പ്പറ്റ മണ്ഡലം സെക്രട്ടറി എസ്. വേലായുധന്‍, മാനന്തവാടി മണ്ഡലം പ്രസിഡന്റ് രഞ്ജിത്ത് വിജയന്‍, ടി.കെ. വിശ്വംഭരന്‍, വിജയന്‍ പാലക്കുഴി, ഡോ.ബെഞ്ചമിന്‍ ഈശോ, പ്രകാശന് ബത്തേരി, വിനോദ് കല്‍പ്പറ്റ എന്നിവര്‍ പ്രസംഗിച്ചു.
Wayanad
കല്‍പ്പറ്റ: വയനാട് ജൈന സമാജം പുളിയാര്‍മല കൃഷ്ണഗൗഡര്‍ ഹാളില്‍ ദീപാവലി ആഘോഷിച്ചു. രാവിലെ എട്ടിന് അനന്തനാഥസ്വാമി ജൈനക്ഷേത്രത്തില്‍ പ്രദ്യുമ്‌ന സ്വാമിയുടെ നേതൃത്വത്തില്‍ പഞ്ചാമൃതപൂജ നടത്തി. തുടര്‍ന്ന് മഹാവീരന്‍റെ ചിത്രം ക്ഷേത്രത്തില്‍നിന്ന് പല്ലക്കില്‍ ഘോഷയാത്രയായി ഹാളില്‍ എത്തിച്ചു. കര്‍ഷക അവാര്‍ഡ് ജേതാവ് നീര്‍വാരം പുട്ടസ്വാമി ഗൗഡറും കുട്ടിക്കര്‍ഷക അവാര്‍ഡ് നേടിയ ഹൃദയ് മാനനും ചേര്‍ന്ന് പതാക ഉയര്‍ത്തി. സമാജം പ്രസിഡന്റ് നേമിരാജന്‍ ഉദ്ഘാടനം ചെയ്തു.
ആഘോഷ കമ്മിറ്റി ചെയര്പേഴ്സണ് ഉദയകുമാരി അധ്യക്ഷത വഹിച്ചു. കെ.എസ്. അശ്വിന്‍, കെ.ജി. കൃഷ്ണമോഹന്‍, എല്‍, ജയകുമാര്‍, പ്രസന്നകുമാരി, ഹംസവേണി, വിബീഷ് ജൈന്‍, കെ.എസ്. അശ്വിന്‍ എന്നിവര്‍ പ്രസംഗിച്ചു. വിവിധ മത്സരങ്ങളില്‍ വിജയിച്ചവര്‍ക്ക് സമ്മാനം നല്കി. ദീപാലങ്കാര മത്സരവും കലാപരിപാടികളും നടന്നു.
Wayanad
സുല്‍ത്താന്‍ ബത്തേരി: സര്‍വജന വൊക്കേഷണല്‍ ഹയര് സെക്കന്‍ഡറി സ്‌കൂളില്‍ എന്‍എസ്എസ് യൂണിറ്റിന്‍റെയും എബനേസര്‍ ചാരിറ്റബിള്‍ സൊസൈറ്റിയുടെയും സംയുക്താഭിമുഖ്യത്തില്‍ ലഹരിവിരുദ്ധ ബോധവല്‍ക്കരണവും മാജിക് ഷോയും നടത്തി. യുവതലമുറയെ ലഹരി ഉപയോഗത്തിന്‍റെ തിക്തഫലങ്ങളില്‍ ബോധവാന്‍മാരാക്കാന്‍ സംഘടിപ്പിച്ച പരിപാടി വിദ്യാര്‍ഥികള്‍ക്ക് വേറിട്ട അനുഭവമായി.
പിടിഎ പ്രസിഡന്റ് എന്‍.സി. അനീഷ് ഉദ്ഘാടനം ചെയ്തു. പ്രിന്‍സിപ്പല്‍ പി.എ. അബ്ദുള്‍ നാസര്‍ അധ്യക്ഷത വഹിച്ചു. എന്‍എസ്എസ് പ്രോഗ്രാം കോ-ഓഓര്‍ഡിനേറ്റര്‍ എന്‍. അനില്‍കുമാര്‍, കെ.എസ്. ആന്റണി എന്നിവര്‍ പ്രസംഗിച്ചു. എന്‍.എ. ബില്ലി ഗ്രഹാം, കെ. അനില്‍ എന്നിവര്‍ ക്ലാസെടുത്തു. മാജിക് ഷോയ്ക്ക് ശശി തഴത്തുവയല്‍ നേതൃത്വം നല്കി.
Wayanad
പുല്‍പ്പള്ളി: പഞ്ചായത്തിലെ ആടിക്കൊല്ലിയിലുള്ള ഗവ. ആയുര്‍വേദ ഡിസ്‌പെന്‍സറി ആശുപത്രിയായി ഉയര്‍ത്തണമെന്ന ആവശ്യം ശക്തമായി. വിശാലമായ കെട്ടിടമടക്കം ഭൗതിക സൗകര്യങ്ങള്‍ ഉള്ളതാണ് ഡിസ്‌പെന്‍സറി.
കര്‍ണാടക അതിര്‍ത്തി ഗ്രാമങ്ങളില്‍നിന്നുവരെ ആളുകള്‍ ഇവിടെ ചികിത്സയ്ക്ക് എത്തുന്നുണ്ട്. ഇതില്‍ കിടത്തിച്ചികിത്സ ആവശ്യമുള്ളവര്‍ ബത്തേരിക്കോ മാനന്തവാടിക്കോ പോകേണ്ട സ്ഥിതിയാണ്. ഡിസ്‌പെന്‍സറി ആശുപത്രിയായി ഉയര്‍ത്തി ആവശ്യമായ നിയമനങ്ങളും നടത്തിയാല്‍ ഈ സാഹചര്യം ഒഴിവാകും. ലക്ഷക്കണിക്ക് രൂപ ചെലവില്‍ ഡിസ്‌പെന്‍സറിക്ക് നിര്‍മിച്ച കെട്ടിടം ജനത്തിന് പൂര്‍ണമായും ഉപകാരപ്പെടുന്നില്ല.
1991 ല് ജനകീയ കമ്മിറ്റി പഞ്ചായത്തിന് സൗജന്യമായി നല്‍കിയ അര ഏക്കറോളം സ്ഥലത്താണ് ആദ്യത്തെ ഡിസ്‌പെന്‍സറി കെട്ടിടം നിര്‍മിച്ചത് 2000ല് കെ. മുരളീധരന് എംപിയുടെ പ്രാദേശിക വികസനനിധിയില്‍നിന്നു ലഭ്യമാക്കിയ 20 ലക്ഷം രൂപ വിനിയോഗിച്ച് ഇരുനിലക്കെട്ടിടം പണിതു.
ഡിസ്‌പെന്‍സറി ആശുപത്രിയായി ഉയര്‍ത്താന്‍ 2001ല് തീരുമാനമെടുത്തിരുന്നു. എന്നാല്‍ രണ്ട് പതിറ്റാണ്ട് കഴിഞ്ഞിട്ടും തീരുമാനം നടപ്പാക്കാന്‍ അധികൃതര്‍ക്കായില്ല. ആരോഗ്യ മന്ത്രിയുടെ ശ്രദ്ധയില്‍പ്പെടുത്തി ഇവിടെ കിടത്തിച്ചിത്സ ആരംഭിക്കുന്നതിനു നടപടി ഉണ്ടാകണമെന്നാണ് നാട്ടുകാരുടെ ആവശ്യം.
Wayanad
മുള്ളന്‍കൊല്ലി: ബത്തേരി ഉപജില്ലാ കലോല്‍സവച്ചെലവിലേക്ക് പഞ്ചായത്ത് കുടുംബശ്രീ യൂണിറ്റ് സമാഹരിച്ച ഫണ്ട് ഐ.സി. ബാലകൃഷ്ണന്‍ എംഎല്‍എ ഏറ്റുവാങ്ങി.
പഞ്ചായത്ത് ഹാളില്‍ നടന്ന ചടങ്ങില്‍ പ്രസിഡന്റ് ലിസി സാബു അധ്യക്ഷത വഹിച്ചു. പനമരം ബ്ലോക്ക് പഞ്ചായത്ത് പ്രസിഡന്റ് ടി.എസ്. ദിലീപ്കുമാര്‍, പഞ്ചായത്ത് വൈസ് പ്രസിഡന്റ് ഷിനു കച്ചിറയില്‍, വിജയ എച്ച്എസ്എസ് പ്രിന്‍സിപ്പല്‍ സതി, മുനീര്‍ ആച്ചിക്കുളത്ത്, പി.എ. പ്രകാശന്, സജി ജോര്‍ജ് എന്നിവര്‍ പ്രസംഗിച്ചു.
Wayanad
നടവയല്‍: ലഹരി വിപത്തിനെതിരേ സമൂഹത്തെ ബോധവത്കരിക്കുക എന്ന ലക്ഷ്യത്തോടെ നെല്ലിയമ്പം ജിഎല്‍പി സ്‌കൂളില്‍ രക്ഷിതാക്കള്‍ക്ക് "മയങ്ങില്ല കേരളം; ഹരമല്ല ലഹരി' എന്ന വിഷയത്തില്‍ ബോധവത്കരണ സെമിനാര്‍ നടത്തി.
ജില്ലാ ലീഗല്‍ സര്‍വീസസ് അഥോറിറ്റി, വിമുക്തി മിഷന്, വൈത്തിരി താലൂക്ക് ലീഗല്‍ സര്‍വീസസ് അഥോറിറ്റി എന്നിവ സംയുക്തമായാണ് പരിപാടി സംഘടിപ്പിച്ചത്. വാര്‍ഡ് അംഗം എം.കെ. സുചിത്ര ഉദ്ഘാടനം ചെയ്തു.
പിടിഎ പ്രസിഡന്റ് എ. സബ്‌ന അധ്യക്ഷത വഹിച്ചു. ഹെഡ്മിസ്ട്രസ് കെ.ജി. ഷൈലജ, എസ്എംസി ചെയര്പേഴ്സണ് ഷഫീന, അംഗം റസാഖ് ചക്കര, വൈത്തിരി താലൂക്ക് പിഎല്‍വി സി. മുംതാസ്, എംപിടിഎ പ്രസിഡന്റ് പി. ജാസ്മിന്‍, പിടിഎ വൈസ് പ്രസിഡന്റ് കെ.എം. ഇസ്മയില്‍, അബ്ദുള്‍സലാം, വിജി ജോസഫ്, എസ്ആര്‍ജി. കണ്‍വീനര്‍ ശ്രീജ സൈമണ്‍ എന്നിവര്‍ പ്രസംഗിച്ചു. വിമുക്തി മിഷന് ജില്ലാ കോ-ഓര്‍ഡിനേറ്റര്‍ എന്‍.സി. സജിത്കുമാര്‍ സെമിനാര്‍ നയിച്ചു.
Wayanad
പുല്‍പ്പള്ളി: വിജയ ഹയര് സെക്കന്‍ഡറി സ്‌കൂളില്‍ 11,12,13 തിയതികളില്‍ നടക്കുന്ന ബത്തേരി ഉപജില്ലാ കലോത്സവം വിളംബരം ചെയ്ത് ഇന്ന് ടൗണില്‍ വിളംബരറാലി നടത്തും.
രാവിലെ 9.30ന് സ്‌കൂള്‍ അങ്കണത്തില്‍ ആരംഭിക്കുന്ന റാലിയില്‍ എന്‍എസ്എസ് വോളന്റിയര്മാര്, എന്‍സിസി കേഡറ്റുകള്‍, സ്റ്റുഡന്റ് പൊലിസ് കേഡറ്റുകള്‍, സ്കൗട്ട്സ്, ഗൈഡ്സ്, ജൂനിയര്‍ റെഡ് ക്രോസ് അംഗങ്ങള്‍, മറ്റു വിദ്യാര്‍ഥികള്‍ , അധ്യാപകര്‍, ജനപ്രതിനിധികള്‍, പൊതുജനങ്ങള്‍, പിടിഎ-എസ്എംസി-ഹരിതകര്‍മസേന അംഗങ്ങള്‍ എന്നിവര്‍ അണിനിരക്കും. ബാന്‍ഡ് മേളം, കളരിപ്പയറ്റ്, കരാട്ടെ ഡിസ്‌പ്ലേ ഉണ്ടാകും. ടൗണ്‍ ചുറ്റി സ്‌കൂളില്‍ സമാപിക്കും.
Wayanad
മാനന്തവാടി: തെരുവുനായ കുറുകെ ചാടിയതിനെത്തുടര്‍ന്ന് നിയന്ത്രണംവിട്ട് മറിഞ്ഞ ബൈക്കിലെ യാത്രക്കാരായ രണ്ടുപേര്‍ക്ക് പരിക്കേറ്റു. അഫാസ്(19),ലസിന്‍(17)എന്നിവര്‍ക്കാണ് പരിക്ക്. ഇവരെ ഗവ. മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കഴിഞ്ഞദിവസം വള്ളിയൂര്‍ക്കാവ് ബസ് സ്റ്റോപ്പിന് സമീപമാണ് അപകടം.
Wayanad
കല്‍പ്പറ്റ: ഗവ. ചീഫ് വിപ്പ് അപു ജോണ്‍ ജോസഫ് ഇന്ന് ജില്ലയില്‍ വിവിധ പരിപാടികളില്‍ പങ്കെടുക്കുമെന്ന് കേരള കോണ്‍ഗ്രസ് ഉന്നതാധികാര സമിതിയംഗം കെ.എ. ആന്റണി അറിയിച്ചു. ചീഫ് വിപ്പ് ആയതിനുശേഷം ആദ്യമായാണ് അദ്ദേഹം ജില്ലയില്‍ എത്തുന്നത്.
രാവിലെ 10ന് കല്‍പ്പറ്റ ഹോളിഡേ ഓഡിറ്റോറിയത്തില്‍ കേരള കോണ്‍ഗ്രസ് നിയോജക മണ്ഡലം കണ്‍വെന്‍ഷന്‍ ഉദ്ഘാടനം ചെയ്യും. 12ന് ജില്ലാ കമ്മിറ്റി യോഗത്തില്‍ പങ്കെടുക്കും.
Wayanad
മാനന്തവാടി: വയനാടിന്‍റെ ആരോഗ്യ മേഖലയ്ക്ക് പുതിയ പ്രതീക്ഷകൾ നൽകിയാണ് വയനാട് മെഡിക്കൽ കോളജ് പ്രവർത്തനം ആരംഭിച്ചത്. ജില്ലയിലെ സാധാരണക്കാരായ ജനങ്ങൾക്ക് വിദഗ്ധ ചികിത്സയും മെച്ചപ്പെട്ട ആരോഗ്യസൗകര്യങ്ങളും സ്വന്തം നാട്ടിൽ ലഭ്യമാക്കുക എന്ന ലക്ഷ്യത്തോടെയായിരുന്നു മെഡിക്കൽ കോളജ് എന്ന ആശയം യാഥാർഥ്യമായത്. എന്നാൽ മെഡിക്കൽ കോളജ് എവിടെ സ്ഥാപിക്കണമെന്നതിനെച്ചൊല്ലിയുള്ള പുതിയ വിവാദങ്ങൾ വീണ്ടും സജീവമാകുകയാണ്.
മാനന്തവാടിയിലെ ജില്ലാ ആശുപത്രി സംവിധാനത്തോടു ചേർന്ന് മെഡിക്കൽ കോളജ് പ്രവർത്തനം തുടരണമെന്ന ആവശ്യവും കൽപ്പറ്റ മടക്കിമലയിൽ പുതിയ മെഡിക്കൽ കോളജ് സ്ഥാപിക്കണമെന്ന ആവശ്യവും ഉയർന്നതോടെ ജില്ലയിൽ ചർച്ചകൾ ശക്തമായിരിക്കുകയാണ്. എന്നാൽ വർഷങ്ങൾ പിന്നിട്ടിട്ടും മെഡിക്കൽ കോളജിന്‍റെ സ്ഥിരം കെട്ടിടവും അനുബന്ധ സൗകര്യങ്ങളും പൂർണതയിലെത്താത്തത് ജനങ്ങൾക്കിടയിൽ ആശങ്ക സൃഷ്ടിക്കുന്നുണ്ട്. 2012ലെ ബജറ്റിൽ പ്രഖ്യാപിച്ച പദ്ധതിക്ക് ഇത്രയും കാലമായിട്ടും സ്ഥിരം ക്യാന്പസ് യാഥാർഥ്യമാകാത്തത് വിമർശനങ്ങൾക്കും ഇടയാക്കുന്നു. നിലവിൽ മാനന്തവാടി ജില്ലാ ആശുപത്രി ക്യാന്പസിലാണ് മെഡിക്കൽ കോളജ് പ്രവർത്തിക്കുന്നത്. 50 എംബിബിഎസ് സീറ്റുകളോടെയുള്ള പഠനസൗകര്യവും ആരംഭിച്ചിട്ടുണ്ട്.
സ്ഥലത്തെച്ചൊല്ലി രാഷ്ട്രീയ തർക്കം
മെഡിക്കൽ കോളജിന്‍റെ സ്ഥിരം ക്യാന്പസ് കൽപ്പറ്റയ്ക്ക് സമീപമുള്ള മടക്കിമലയിൽ സ്ഥാപിക്കണമെന്ന ആവശ്യമാണ് ഒരു വിഭാഗം ഉയർത്തുന്നത്. അതേസമയം മാനന്തവാടിയിൽ തന്നെ മെഡിക്കൽ കോളജ് നിലനിർത്തണമെന്നാണ് വടക്കൻ വയനാട്ടിലെ വിവിധ സംഘടനകളും ജനപ്രതിനിധികളും ആവശ്യപ്പെടുന്നത്. മടക്കിമലയിൽ 50 ഏക്കറോളം ഭൂമി ലഭ്യമാക്കാനുള്ള നീക്കങ്ങളും മാനന്തവാടിയിലെ അന്പുകുത്തിയിൽ 28 ഏക്കർ ഭൂമി കണ്ടെത്താനുള്ള നടപടികളും നേരത്തെ നടന്നിരന്നു. ഭൂമിയുടെ ലഭ്യതയും നിയമപരവും സാങ്കേതികവുമായ തടസങ്ങളും പദ്ധതിയുടെ പുരോഗതിയെ ബാധിക്കുന്നുണ്ട്.
മാനന്തവാടി നഗരസഭയുടെ നേതൃത്വത്തിൽ പാരിസണ്‍സ് എസ്റ്റേറ്റിൽ നിന്ന് 25 ഏക്കർ ഭൂമി സൗജന്യമായി ലഭ്യമാക്കാനുള്ള നിർദേശവും ഉയർന്നിട്ടുണ്ട്. എന്നാൽ ഭൂമിയുടെ കൈമാറ്റവുമായി ബന്ധപ്പെട്ട ഉപാധികളും നിയമപ്രശ്നങ്ങളും സംബന്ധിച്ച് വ്യത്യസ്ത അഭിപ്രായങ്ങൾ നിലനിൽക്കുന്നു.
മുസ്ലിം ലീഗിലും അഭിപ്രായ ഭിന്നത
മെഡിക്കൽ കോളജിന്‍റെ സ്ഥാനം സംബന്ധിച്ച വിവാദം ഇപ്പോൾ മുസ്ലിം ലീഗിനുള്ളിലും അഭിപ്രായ ഭിന്നതയ്ക്ക് വഴിവച്ചിരിക്കുകയാണ്. മെഡിക്കൽ കോളജ് കൽപ്പറ്റയിൽ സ്ഥാപിക്കണമെന്ന ജില്ലാ കമ്മിറ്റിയുടെ നിലപാടിനെതിരേ മുസ്ലിം യൂത്ത് ലീഗ് മാനന്തവാടി നിയോജകമണ്ഡലം കമ്മിറ്റി രംഗത്തെത്തിയിരിക്കുകയാണ്.
വയനാടിന്‍റെ ആരോഗ്യാവകാശം പ്രധാനമാകണം
ആദിവാസി വിഭാഗങ്ങളടക്കം നിരവധി സാധാരണക്കാർ താമസിക്ുന്ന വയനാട്ടിൽ വിദഗ്ധ ചികിത്സയ്ക്കായി മറ്റു ജില്ലകളെ ആശ്രയിക്കേണ്ടിവരുന്ന സാഹചര്യം ഇപ്പോഴും നിലനിൽക്കുന്നു. അടിയന്തര ചികിത്സയ്ക്കും സൂപ്പർ സ്പെഷ്യാലിറ്റി ചികിത്സയ്ക്കുമായി കോഴിക്കോട്, കണ്ണൂർ തുടങ്ങിയ ജില്ലകളിലേക്ക് രോഗികളെ കൊണ്ടുപോകേണ്ടിവരുന്നത് വലിയ പ്രയാസമാണ്.
മെഡിക്കൽ കോളജിന്‍റെ സ്ഥാനം സംബന്ധിച്ച തർക്കങ്ങൾക്കപ്പുറം ആവശ്യമായ കെട്ടിടങ്ങൾ, ഡോക്‌ടർമാർ, നഴ്സുമാർ, ആധുനിക ചികിത്സാ സംവിധാനങ്ങൾ, സൂപ്പർ സ്പെഷ്യാലിറ്റി വിഭാഗങ്ങൾ എന്നിവ ഉറപ്പാക്കുകയാണ് പ്രധാനമെന്ന് പൊതുജനങ്ങൾ ചൂണ്ടിക്കാട്ടുന്നു. രാഷ്ട്രീയ തർക്കങ്ങൾക്കിടയിൽ വയനാടിന്‍റെ ആരോഗ്യരംഗത്തിന് ലഭിക്കേണ്ട വികസനം വൈകിപ്പിക്കരുതെന്നതാണ് പൊതുവായി ഉയരുന്ന ആവശ്യം.
മെഡി. കോളജിൽ ആധുനിക ചികിത്സാ സംവിധാനങ്ങൾ
വയനാട് ഗവണ്‍മെന്‍റ് മെഡിക്കൽ കോളജിൽ ഹൃദ്രോഗ ചികിത്സ ഉൾപ്പടെ വിവിധ മേഖലകളിൽ ആധുനിക ചിിത്സാ സംവിധാനങ്ങൾ ഒരുക്കി. കാത്ത് ലാബ്, ആൻജിയോഗ്രാം, ആൻജിയോപ്ലാസ്റ്റി തുടങ്ങിയ സൗകര്യങ്ങൾ ആരംഭിച്ചതോടെ ഹൃദ്രോഗ ചികിത്സയ്ക്കായി ജില്ലയ്ക്ക് പുറത്തുള്ള ആശുപത്രികളെ ആശ്രയിക്കേണ്ട സാഹചര്യം ഒരു പരിധിവരെ കുറയ്ക്കാൻ കഴിഞ്ഞിട്ടുണ്ട്.
ആൻജിയോഗ്രാം, ആൻജിയോപ്ലാസ്റ്റി, എക്കോ കാർഡിയോഗ്രാം, ടിഎംടി, ഹോൾട്ടർ മോണിറ്ററിംഗ് തുടങ്ങിയ പരിശോധനകൾക്കും ചികിത്സകൾക്കും സൗകര്യമുണ്ട്. ഏഴ് കിടക്കകളുള്ള സിസിയു സംവിധാനവും ഒരുക്കിയിട്ടുണ്ട്. 2025ലെ കണക്കുകൾ പ്രകാരം 267 ആൻജിയോപ്ലാസ്റ്റികളും 471 ആൻജിയോഗ്രാം പരിശോധനകളും ഇവിടെ നടത്തിയിട്ടുണ്ട്.
ശസ്ത്രക്രിയാ രംഗത്തും മെഡിക്കൽ കോളജ് മുന്നേറ്റം കൈവരിച്ചിട്ടുണ്ട്. 1.11 കോടി രൂപ ചെലവിൽ 4കെ ത്രീഡി ലാപ്രോസ്കോപിക് ശസ്ത്രക്രിയാ സംവിധാനവും ഒരുക്കി.
കുട്ടികൾക്കായി പീഡിയാട്രിക് ഐ.സി.യു., നവജാത ശിശുക്കൾക്കായി പ്രത്യേക പരിചരണ യൂണിറ്റ്, വൃക്കരോഗിൾക്കുള്ള ഡയാലിസിസ് യൂണിറ്റ്, നേത്രരോഗ വിഭാഗത്തിലെ ആധുനിക സൗകര്യങ്ങൾ എന്നിവയും ചികിത്സാ സംവിധാനങ്ങളുടെ ഭാഗമാണ്.
64 സ്ലൈസ് സിടി സ്കാനർ, ഓക്സിജൻ പ്ലാന്‍റുകൾ, ആധുനിക ലേബർ റൂം, എമർജൻസി വിഭാഗം, സിക്കിൾ സെൽ രോഗികൾക്കായുള്ള പ്രത്യേക യൂണിറ്റ്, എച്ച്പിഎൽസി പരിശോധനാ സംവിധാനം തുടങ്ങിയവയും മെഡിക്കൽ കോളജിന്‍റെ വികസന നേട്ടങ്ങളാണ്. ന്യൂറോളജി, ന്യൂറോ സർജറി, കാർഡിയോളജി, കാർഡിയോ തൊറാസിക് സർജറി, നെഫ്രോളജി എന്നീ അഞ്ച് സൂപ്പർ സ്പെഷ്യാലിറ്റി വിഭാഗങ്ങൾക്കായി 15 തസ്തികകൾ അനുവദിച്ചതും ചികിത്സാ രംഗത്തെ പ്രധാന ചുവടുവയ്പ്പാണ്.
എന്നാൽ കോടികൾ ചെലവിട്ട് ഒരുക്കിയ സംവിധാനങ്ങൾ മുഴുവൻ രോഗികൾക്ക് പ്രയോജനപ്പെടുന്നുണ്ടോ, വിദഗ്ധ ഡോക്‌ടർമാരുടെ സേവനം എല്ലാ വിഭാഗങ്ങളിലും ലഭ്യമാണോ, 24 മണിക്കൂർ അടിയന്തര ചികിത്സ ഉറപ്പാക്കാൻ കഴിയുന്നുണ്ടോ തുടങ്ങിയ കാര്യങ്ങളിൽ കൂടുതൽ വ്യക്തത ആവശ്യമാണ്.
അടിസ്ഥാന സൗകര്യങ്ങൾ ഒരുക്കുന്നതിനൊപ്പം അവ പൂർണതോതിൽ പ്രവർത്തിപ്പിക്കുകയും ആവശ്യത്തിന് വിദഗ്ധ ഡോക്ടർമാരെയും ജീവനക്കാരെയും നിയമിക്കുകയും ചെയ്യണമെന്ന ആവശ്യവും ഉയരുന്നുണ്ട്.
Wayanad
മേപ്പാടി: വാഹനത്തിരക്കിലും ഗതാഗതക്കുരുക്കിലും ടൗണ്‍ വീര്‍പ്പുമുട്ടുന്നതിന് പരിഹാരമെന്ന നിലയില്‍ രൂപം നല്‍കിയ ബൈപാസ് പദ്ധതി സര്‍ക്കാര്‍ ഫയലില്‍ ഉറങ്ങുന്നു. ജീവനുവേണ്ടി പൊരുതുന്ന രോഗികളുമായി വരുന്ന ആംബുലന്‍സുകള്‍പോലും ദീര്‍ഘനേരം റോഡില്‍ കുരുങ്ങുന്നത് പതിവായിട്ടും പദ്ധതി യാഥാര്‍ഥ്യമാക്കാന്‍ ഉത്തരവാദപ്പെട്ടവര്‍ക്ക് ശുഷ്‌കാന്തിയില്ല.
ചെറുതും ഇടുങ്ങിയതുമായ ടൗണിന് ഉള്‍ക്കൊള്ളാന്‍ കഴിയാത്തത്ര വാഹനങ്ങളാണ് ദിവസവും വന്നുപോകുന്നത്. ഇതില്‍ ഏറിയ പങ്കും വിനോദസഞ്ചാരികളുടെ വാഹനങ്ങളാണ്. ഒഴിവ് ദിവസങ്ങളില്‍ രാവിലെ ടൗണില്‍ രാവിലെ രൂപപ്പെടുന്ന ഗതാഗതക്കുരുക്ക് സന്ധ്യയോടെയാണ് അഴിയുന്നത്. കോഴിക്കോട്-ഊട്ടി അന്തര്‍ സംസ്ഥാന പാതയാണ് മേപ്പാടി ടൗണിലൂടെ കടന്നുപോകുന്നത്. ഇതാണ് ടൗണിലെ വാഹന ബാഹുല്യത്തിനും ഗതാഗതക്കുരുക്കിനും കാരണം. ഈ പ്രശ്നം പരിഹൃതമാകണമെങ്കില്‍ ബൈപാസ് റോഡ് യാഥാര്‍ഥ്യമാകണം.
30 വര്‍ഷം മുമ്പ് ഇത്രയധികം വാഹനത്തിരക്കില്ലാതിരുന്ന കാലത്താണ് ബൈപാസിനുവേണ്ടി അന്നത്തെ പഞ്ചായത്ത് ഭരണസമിതി ശ്രമം തുടങ്ങിയത്. ഇതിന്റെ ഫലമായി പൊതുമരാമത്ത് വകുപ്പ് പ്രോജക്ട് റിപ്പോര്‍ട്ട് തയാറാക്കി. ബൈപാസിന് 11 ഏക്കറില്‍പരം ഭൂമി അക്വയര്‍ ചെയ്യണമെന്നു കണക്കാക്കി ഫണ്ട് അനുവദിച്ചു. എന്നാല്‍ അക്വിസിഷന്‍ നടപടികള്‍ ചുവപ്പുനാടയില്‍ കുരുങ്ങി.
നിശ്ചിത സമയത്തിനകം സ്ഥലമേറ്റെടുപ്പ് നടപടികള്‍ പൂര്‍ത്തിയാകാത്തതുകാരണം പ്രോജക്ട് ലാപ്‌സായി. പിന്നീടും പലതവണ സര്‍വേയും അലൈന്‍മെന്റ് തയാറാക്കലും നടന്നുവെന്നല്ലാതെ തുടര്‍പ്രവര്‍ത്തനങ്ങള്‍ ഉണ്ടായില്ല. അക്വയര്‍ ചെയ്യേണ്ട ഭൂമിയുടെ കണക്കില്‍ ബോധപൂര്‍വം തിരിമറി നടത്തി റവന്യു വകുപ്പാണ് പദ്ധതി പ്രവര്‍ത്തനങ്ങള്‍ അട്ടിമറിച്ചതെന്ന സംശയത്തിലാണ് നാട്ടുകാരില്‍ പലരും.
ആദ്യ പിണറായി സര്‍ക്കാരിന്‍റെ കാലത്ത് ബൈപാസിന് ബജറ്റില്‍ ഒരു കോടി രൂപ ടോക്കണ്‍ അഡ്വാന്‍സ് അനുവദിച്ചതും പ്രത്യേകഫലം ചെയ്തില്ല. ബൈപാസിനെക്കുറിച്ച് ഇപ്പോള്‍ അധികൃതര്‍ മിണ്ടുന്നില്ല. പദ്ധതിക്കായി മൂന്നിട്ടിറങ്ങന്‍ ജനപ്രതിനിധികളും രാഷ്ട്രീയ പാര്‍ട്ടികളും യുവജന സംഘടനകളും തയാറാത്ത സ്ഥിതിയും നിലനില്‍ക്കുകയാണ്.
Wayanad
മാനന്തവാടി: മാനന്തവാടി രൂപത നസ്രാണി ഫെസ്റ്റ് ഇന്നു വൈകുന്നേരം ആറ് മുതല്‍ രാത്രി 10 വരെ ദ്വാരക സേക്രഡ് ഹാര്‍ട്ട് ഹയര് സെക്കന്‍ഡറി സ്‌കൂള്‍ മൈതാനിയില്‍ നടക്കും. സീറോ മലബാര്‍ സഭയുടെ സമുദായ ശക്തീകരണ വര്‍ഷാഘോഷത്തിന്‍റെ ഭാഗമായാണ് ഫെസ്റ്റ് സംഘടിപ്പിക്കുന്നതെന്ന് രൂപത സഹായമെത്രാനും സമുദായ ശക്തീകരണ വര്‍ഷാഘോഷ കമ്മിറ്റി ചെയര്‍മാനുമായ മാര്‍ അലക്സ് താരാമംഗംലം, വൈസ് ചെയര്‍മാന്‍മാരായ ഫാ.ജോബി മുക്കാട്ടുകാവുങ്കല്‍, സെബാസ്റ്റ്യന്‍ പാലംപറമ്പില്‍, മേഴ്സി ബെന്നി അമരിക്കാട്ട്, ജനറല്‍ കോഓര്‍ഡിനേറ്റര്‍ ജോസ് മാത്യു പുഞ്ചയില്‍ എന്നിവര്‍ അറിയിച്ചു.
രൂപതയിലെ 12 ഫൊറോനകളിലും നീലഗിരി റീജണില്‍നിന്നുമായി 600ഓളം കലാപ്രതിഭകള്‍ മേളയില്‍ മാറ്റുരയ്ക്കും. നീലഗിരി റീജണ്‍ അവതരിപ്പിക്കുന്ന സംഘഗാനത്തോടെയാണ് ഫെസ്റ്റ് തുടങ്ങുക.
കല്ലോടി ഫൊറോനയിലെ കലാകാരന്‍മാര്‍ ഉദ്ഘാടന നൃത്തത്തിനു ചുവടുവയ്ക്കും. കത്തോലിക്കാസഭയിലെ വിശുദ്ധരുടെ ജീവിതവും ക്രൈസ്തവ പാരമ്പര്യവും വിളിച്ചോതുന്ന നൃത്താവിഷ്‌കാരങ്ങളുണ്ടാകും. നിലമ്പൂര്‍ ഫൊറോനയുടെ ‘വിശുദ്ധ തോമാശ്ലീഹാ'നൃത്തസംഗീതാവിഷ്‌കാരം, കല്‍പ്പറ്റ ഫൊറോനയുടെ ‘വിശുദ്ധ ഏവുപ്രാസ്യമ്മ' നൃത്തസംഗീതാവിഷ്‌കാരം എന്നിവ അരങ്ങേറും.
തരിയോട് ഫൊറോന വിശുദ്ധ അല്‍ഫോണ്‍സാമ്മയുടെയും പയ്യമ്പള്ളി ഫൊറോന വിശുദ്ധ ചാവറ കുര്യാക്കോസ് ഏലിയാസച്ചന്റെയും നൃത്തസംഗീതാവിഷ്‌കാരം നടത്തും. മുള്ളന്‍കൊല്ലി, നടവയല്‍, ബത്തേരി, ചുങ്കക്കുന്ന്, മാനന്തവാടി ഫൊറോനകള്‍ യഥാക്രമം പരമ്പരാഗത കലാരൂപങ്ങളായ പരിചമുട്ടുകളി, മാര്‍ഗംകളി, റമ്പാന്‍പാട്ട്, ബാന്‍ഡ്‌മേളം, നാടകം എന്നിവ അവതരിപ്പിക്കും.
ദ്വാരക ഫൊറോനയുടെ രൂപതാഗാനാലാപനത്തോടെ കലാവിരുന്ന് സമാപിക്കും. പരമ്പരാഗത നസ്രാണി ഭക്ഷണ വിഭവങ്ങളുടെ മേള ഫെസ്റ്റിന്‍റെ ഭാഗമാണ്. ബിഷപ്പുമാരും ഇരുന്നൂറിലധികം വൈദികരും വിവിധ സന്യാസ സമൂഹങ്ങളിലെ സുപ്പീരിയര്‍മാരും സമര്‍പ്പിതരും സാമൂഹ്യസാംസ്‌കാരികരാഷ്ട്രീയ മേഖലകളിലെ പ്രമുഖരും ഫെസ്റ്റില്‍ പങ്കെടുക്കും.
Wayanad
സുല്‍ത്താന്‍ ബത്തേരി: നിയോജകമണ്ഡലത്തില്‍ പൊതുമരാമത്ത് വകുപ്പിന് കീഴിലുള്ള റോഡുകള്‍, കെട്ടിടങ്ങള്‍, പാലങ്ങള്‍ എന്നിവയുടെ പ്രവൃത്തികള്‍ വേഗത്തില്‍ പൂര്‍ത്തിയാക്കുമെന്ന് മന്ത്രി പി.കെ. ബഷീര്‍. ഐ.സി. ബാലകൃഷ്ണന്‍ എംഎല്‍എ അഭ്യർഥിച്ചതുപ്രകാരം തിരുവനന്തപുരത്ത് വിളിച്ചുചേര്‍ത്ത അവലോകനയോഗത്തില്‍ സംസാരിക്കുകയായിരുന്നു അദ്ദേഹം.
സാങ്കേതികവും ഭരണപരവുമായ വിവിധ കാരണങ്ങളാല്‍ സമയബന്ധിതമായി പൂര്‍ത്തിയാക്കാന്‍ കഴിയാതിരുന്ന പ്രവൃത്തികള്‍ യോഗം ചര്‍ച്ച ചെയ്തു. ഓരോ പദ്ധതിയുടെയും നിലവിലെ സ്ഥിതി, തടസങ്ങള്‍, തുടര്‍നടപടികള്‍, പ്രവൃത്തികള്‍ വേഗത്തില്‍ പൂര്‍ത്തീകരിക്കുന്നതിനുള്ള സാധ്യതകള്‍ എന്നിവ വിലയിരുത്തി. പെരിക്കല്ലൂര്‍-പുല്‍പ്പള്ളി-ബത്തേരി, താളൂര്‍-ബത്തേരി, ബീനാച്ചി-പനമരം റോഡുകള്‍ തുടങ്ങിയവയുടെ
പ്രവൃത്തികള്‍ അടിയന്തരമായി ആരംഭിക്കുന്നതിനും നിശ്ചിത കാലയളവില്‍ പൂര്‍ത്തിയാക്കിയില്ലെങ്കില്‍ കരാറുകാരെ നീക്കം ചെയ്യുന്നതിനും മന്ത്രി നിര്‍ദേശം നല്കി.
കൊളവയല്‍-കേണിച്ചിറ-കല്ലുവയല്‍, മുള്ളന്‍കൊല്ലി, പാടിച്ചിറ-സീതാമൗണ്ട്-കൊളവയല്‍ റോഡുകള്‍, നിരപ്പത്ത് ഇന്‍ഡോര്‍ സ്റ്റേഡിയം, താളൂര്‍ ബസ് ബേ, മീനങ്ങാടി ശ്രീകണ്ഠപ്പ സ്റ്റേഡിയം, മീനങ്ങാടി തുമ്പക്കുനി പാലം, വാകേരി പാലക്കുറ്റി പാലം, കോളേരി പാലം തുടങ്ങി ആരംഭിക്കുവാനുള്ളതും പൂര്‍ത്തിയാക്കാനുള്ളതുമായ
വിവിധ പദ്ധതികളെക്കുറിച്ചുള്ള ചര്‍ച്ചയും യോഗത്തില്‍ ചര്‍ച്ചചെയ്തു. മണ്ഡലത്തിലെ ജനങ്ങളുടെ യാത്രാസൗകര്യവും അടിസ്ഥാനസൗകര്യ വികസനവും ഉറപ്പാക്കുന്നതില്‍ ഈ പദ്ധതികള്‍ക്ക് വലിയ പ്രാധാന്യമുണ്ടെന്ന് വിലയിരുത്തി. പദ്ധതികളുടെ തുടര്‍നടപടികള്‍ ഏകോപിപ്പിച്ച് സാങ്കേതികവും ഭരണപരവുമായ തടസങ്ങള്‍ പരിഹരിക്കുന്നതിനും പ്രവൃത്തികള്‍ക്ക് ആവശ്യമായ വേഗത ഉറപ്പാക്കുന്നതിനും മന്ത്രി ഉദ്യോഗസ്ഥര്ക്ക് നിര്‍ദേശം നല്കി. പൊതുമരാമത്ത് നിരത്ത്, കെട്ടിടങ്ങള്‍, പാലങ്ങള്‍ എന്നീ വിഭാഗങ്ങളിലെ ഉന്നത ഉദ്യോഗസ്ഥരും, നാഷണല്‍ ഹൈവേ, കെആര്‍എഫ്ബി, വിവിധ നിര്‍വഹണ ഏജന്‍സി ഉദ്യോഗസ്ഥരും പങ്കെടുത്തു.
Wayanad
മാനന്തവാടി: എംജിഎം ഹൈസ്കൂളില് നടന്ന 45-ാമത് റവന്യൂ ജില്ലാ സ്‌കൂള്‍ ശാസ്ത്രമേളയില്‍ മാനന്തവാടി ഉപജില്ല കിരീടം ചൂടി. 1,768 പോയിന്‍റുകള്‍ നേടിയാണ് മാനന്തവാടി ഉപജില്ല ഒന്നാം സ്ഥാനം സ്വന്തമാക്കിയത്.
സ്‌കൂള്‍ തലത്തിലെ ഓവറോള്‍ ചാമ്പ്യന്‍ഷിപ്പില്‍ 371 പോയിന്‍റുകളോടെ ദ്വാരക സേക്രഡ് ഹാര്‍ട്ട് ഹയര് സെക്കന്‍ഡറി സ്‌കൂള്‍ ഒന്നാം സ്ഥാനം നേടി. സമാപന സമ്മേളനം ഉഷ വിജയന്‍ എംഎല്‍എ ഉദ്ഘാടനം ചെയ്തു. 1,712 പോയിന്‍റുകള്‍ നേടി ബത്തേരി ഉപജില്ല രണ്ടാം സ്ഥാനവും 1,499 പോയിന്‍റോടെ വൈത്തിരി ഉപജില്ല മൂന്നാം സ്ഥാനവും കരസ്ഥമാക്കി.
324 പോയിന്‍റോടെ ഡബ്ല്യുഒ എച്ച്എസ്എസ് പിണങ്ങോട് രണ്ടാം സ്ഥാനവും 318 പോയിന്‍റോടെ നടവയല്‍ സെന്റ് തോമസ് എച്ച്എസ്എസ് മൂന്നാം സ്ഥാനവും സ്വന്തമാക്കി.
ശാസ്ത്രം, ഗണിതശാസ്ത്രം, സാമൂഹശാസ്ത്രം, ഐടി, പ്രവര്‍ത്തിപരിചയം എന്നീ വിഭാഗങ്ങളിലായി ആയിരക്കണക്കിന് വിദ്യാര്‍ഥികളാണ് മേളയില്‍ തങ്ങളുടെ കഴിവുകള്‍ മാറ്റുരച്ചത്.
സമാപനസമ്മേളനത്തില്‍ നഗരസഭ ചെയര്പേഴ്സണ് ജേക്കബ് സെബാസ്റ്റ്യന്‍ അധ്യക്ഷത വഹിച്ചു. ജില്ലാ വിദ്യാഭ്യാസ ഉപഡയറക്ടര്‍ ശശീന്ദ്രവ്യാസ്, എഇഒ സുനില്‍ കുമാര്‍, സ്‌കൂള്‍ മാനേജര്‍ സക്കറിയ വെളിയത്ത്, ജില്ലാ പഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്പേഴ്സണ് സല്‍മ മൊയീന്‍, പ്രിന്‍സിപ്പല്‍ മാത്യു സക്കറിയ തുടങ്ങവര്‍ പ്രസംഗിച്ചു.
Wayanad
സുല്‍ത്താന്‍ ബത്തേരി: ഉപജില്ലാ സ്‌കൂള്‍ ശാസ്ത്ര മേളയില്‍ മികവ് തെളിയിച്ച് കോളിയാടി മാര്‍ ബസേലിയോസ് എയുപി സ്‌കൂള്‍. ഗണിത ശാസ്ത്രമേളയില്‍ എല്‍പി വിഭാഗത്തില്‍ ഒന്നാം സ്ഥാനവും ശാസ്ത്രമേളയില്‍ യുപി വിഭാഗത്തില്‍ രണ്ടാംസ്ഥാനവും പ്രവൃത്തിപരിചയമേളയില്‍ യുപി വിഭാഗത്തില്‍ മൂന്നാം സ്ഥാനവും സ്‌കൂള്‍ കരസ്ഥമാക്കി. അധ്യാപകരുടെ വിഭാഗത്തിലും സ്‌കൂള്‍ തിളങ്ങി.
സയന്‍സ് അധ്യാപക പ്രോജക്ട് മത്സരത്തില്‍ ശിഖ വര്‍ഗീസ് ഒന്നാം സ്ഥാനവും ഐടി മേളയില്‍ നീതു ബേബി രണ്ടാം സ്ഥാനവും കരസ്ഥമാക്കി. വിജയികളായവിദ്യാര്‍ഥികളെയും അധ്യാപകരെയും സ്‌കൂള്‍ അങ്കണത്തില്‍ പിടിഎയുടെ നേതൃത്വത്തില്‍ സംഘടിപ്പിച്ച ചടങ്ങില്‍ ആദരിച്ചു. കോളിയാടി ടൗണില്‍ ആഹ്‌ളാദ പ്രകടനം നടത്തി. പ്രധാനാധ്യാപിക ബെറ്റി ജോര്‍ജ്, സ്റ്റാഫ് സെക്രട്ടറി വിമല്‍ ഫ്രാന്‍സിസ്, പിടിഎ പ്രസിഡന്റ് അബ്രേസ് തോമസ്, എക്സിക്യുട്ടീവ് കമ്മിറ്റി അംഗങ്ങള്‍, അധ്യാപകര്‍ തുടങ്ങിയവര്‍ നേതൃത്വം നല്കി.
Wayanad
സുല്‍ത്താന്‍ ബത്തേരി: ശിശുദിനാഘോഷത്തിന്‍റെ ഭാഗമായി വൈഎംസിഎ യൂണിറ്റ് എസ്. ജയചന്ദ്രന്‍ മെമ്മോറിയല്‍ ജില്ലാതല പ്രസംഗ മത്സരം സംഘടിപ്പിക്കുന്നു. 15ന് ബത്തേരി വൈഎംസിഎ ഹാളില്‍ ഹൈസ്‌കൂള്‍, യുപി, എല്‍പി വിഭാഗങ്ങളില്‍ യഥാക്രമം ഉച്ചയ്ക്ക് 11, ഉച്ചയ്ക്ക് ഒന്ന്, ഉച്ചകഴിഞ്ഞ രണ്ട് എന്ന ക്രമത്തിലാണ് മത്സരം. വിഷയങ്ങള്‍:എല്‍പി വിഭാഗം-സൗഹൃദം(സമയപരിധി: മൂന്ന് മിനിറ്റ്, യുപി വിഭാഗം-വന്യജീവികളും കര്‍ഷകരും(സമയപരിധി: നാല് മിനിറ്റ്), ഹൈസ്‌കൂള്‍ വിഭാഗം-സാമൂഹിക മാധ്യമങ്ങളും വിദ്യാര്‍ഥികളും(സമയപരിധി-അഞ്ച് മിനിറ്റ്.
പങ്കെടുക്കുന്ന വിദ്യാര്‍ഥികള്‍ അതേ ദിവസം ഉച്ചയ്ക്ക് 12ന്‌പേര് രജിസ്റ്റര്‍ ചെയ്യേണം. ഓരോ സ്‌കൂളില്‍ നിന്നും എല്ലാ വിഭാഗത്തിലും വിദ്യാര്‍ഥികളെ പങ്കെടുപ്പിക്കാം. കൂടുതല്‍ വിവരത്തിനും രജിസ്ട്രേഷനും 9847360924, 9961461466, 9447933141 എന്നീ നമ്പറുകളില്‍ ബന്ധപ്പെടാമെന്ന് സംഘാടക സമിതി ഭാരവാഹികളായ സി.ഇ. ഫിലിപ്പ്, ഡോ.ബ്രജിത്ത് ജോസഫ്, എ.ടി. ഷാജി, എബിന്‍ ബേബി എന്നിവര്‍ അറിയിച്ചു.
Wayanad
കല്‍പ്പറ്റ: തൊഴില്‍ മന്ത്രി ബിന്ദു കൃഷ്ണയ്ക്ക് ഐഎന്‍ടിയുസി ജില്ലാ കമ്മിറ്റിയുടെ ആഭിമുഖ്യത്തില്‍ ചന്ദ്രഗിരി ഓഡിറ്റോറിയത്തില്‍ സ്വീകരണം നല്കി. കൃഷി മന്ത്രി ടി. സിദ്ദിഖ് ഉദ്ഘാടനം ചെയ്തു. എല്‍ഡിഎഫ് ഭരണകാലത്ത് ദുരിതം അനുഭവിച്ച തൊഴിലാളികള്‍ക്ക് പൂര്‍ണ സംരക്ഷണം യുഡിഎഫ് സര്‍ക്കാര്‍ ഒരുക്കുമെന്ന് അദ്ദേഹം പറഞ്ഞു.
തൊഴിലാളി സമരങ്ങളുടെ നേരേ മുഖം തിരിക്കുകയും അവകാശങ്ങളെയും ആവശ്യങ്ങളെയും അവഗണിക്കുകയുമാണ് ഇടതുസര്‍ക്കാര്‍ ചെയ്തത്. എന്നാല്‍ യുഡിഎഫ് അധികാരത്തില്‍ വന്നതുമുതല്‍ തൊഴിലാളികളെ ചേര്‍ത്തുനിര്‍ത്തുന്ന സമീപനമാണ് സ്വീകരിച്ചത്. ന്യായമായ അവകാശങ്ങള്‍ക്കുവേണ്ടി സമരംചെയ്ത ആശാവര്‍ക്കര്‍മാരെ പിണറായി സര്‍ക്കാര്‍ അവഹേളിച്ചു.
എന്നാല്‍ ആശാവര്‍ക്കര്‍മാര്‍, അങ്കണവാടി ജീവനക്കാര്‍, പാചകത്തൊഴിലാളികള്‍ തുടങ്ങി പാര്‍ശ്വവത്കരിക്കപ്പെട്ട മുഴുവന്‍ തൊഴിലാളികള്‍ക്കും ആശ്വാസമേകാന്‍ ഈ സര്‍ക്കാര്‍ വന്നയുടന്‍ നടപടി സ്വീകരിച്ചതായി മന്ത്രി പറഞ്ഞു. ജില്ലാ പ്രസിഡന്റ് പി.പി. ആലി അധ്യക്ഷത വഹിച്ചു.
ഡിസിസി പ്രസിഡന്റ് ടി.ജെ. ഐസക് മുഖ്യപ്രഭാഷണം നടത്തി. കെ.ഇ. വിനയന്‍, ചന്ദ്രിക കൃഷ്ണന്‍, എം.ജി. ബിജു, ടി.എ. റെജി, ബി. സുരേഷ്ബാബു, മനോജ് എടാനി, സി. ജയപ്രസാദ്, ഉമ്മര്‍ കുണ്ടാട്ടില്‍,പി. കെ. അബ്ദുറഹിമാന്‍, ജി. വിജയമ്മ, അമല്‍ ജോയ്, അരുണ്‍ ദേവ്, ജിനി തോമസ്, വി. ഉഷാകുമാരി, മായ പ്രദീപ്, ഗിരീഷ് കല്‍പ്പറ്റ, സി.എ. ഗോപി, കെ.കെ. രാജേന്ദ്രന്‍, ഹര്‍ഷല്‍ കോന്നാടന്‍, നിസാം പനമരം,നജീബ് പിണങ്ങോട്, ശ്രീനിവാസന്‍ തൊവരിമല, കെ.എം. വര്‍ഗീസ്, മോഹന്‍ദാസ് കോട്ടക്കൊല്ലി, ഷിനോജ് കാട്ടിക്കുളം എന്നിവര്‍ പ്രസംഗിച്ചു.
തൊഴിലാളികള്‍ അനാഥരാകില്ല: മന്ത്രി ബിന്ദു കൃഷ്ണ
കല്‍പ്പറ്റ: കേരളത്തിലെ തൊഴിലാളികള്‍ യുഡിഎഫ് അധികാരത്തില്‍ ഉള്ളിടത്തോളം അനാഥരാകില്ലെന്ന് തൊഴില്‍ മന്ത്രി ബിന്ദു കൃഷ്ണ. ചന്ദ്രഗിരി ഓഡിറ്റോറിയത്തില്‍ ഐഎന്‍ടിയുസി ജില്ലാ കമ്മിറ്റി നല്‍കിയ സ്വീകരണത്തില്‍ പ്രസംഗിക്കുകയായിരുന്നു അവര്. തൊഴിലാളികളുടെ വേദനകളും യാതനകളും തിരിച്ചറിയുന്ന സര്‍ക്കാരും തൊഴില്‍ വകുപ്പുമാണ് കേരളം ഭരിക്കുന്നതെന്നും മന്ത്രി പറഞ്ഞു.
Wayanad
പുല്‍പ്പള്ളി: സംസ്ഥാന സ്‌പെഷ്യല്‍ സ്‌കൂള്‍ കലോത്സവത്തില്‍ വിജയികളായ കൃപാലയ സ്‌പെഷ്യല്‍ സ്കൂളിലെ വിദ്യാര്‍ഥികളെ ആദരിക്കും. നാളെ ഉച്ചയ്ക്ക് രണ്ടിന് ആഭ്യന്തര മന്ത്രി രമേശ് ചെന്നിത്തല ചടങ്ങ് ഉദ്ഘാടനം ചെയ്യും.
തുടര്‍ന്ന് അധ്യാപകരും വിദ്യാര്‍ഥികളും രക്ഷിതാക്കളുമായി സൗഹൃദ കൂട്ടായ്മ നടത്തും. ഐ.സി. ബാലകൃഷ്ണന്‍ എംഎല്‍എ അധ്യക്ഷത വഹിക്കും. ത്രിതല പഞ്ചായത്ത് ജനപ്രതിനിധികള്‍, സാമൂഹ്യ സാംസ്കാരിക പ്രവര്‍ത്തകരുള്‍പ്പടെ പങ്കെടുക്കുമെന്ന് സ്‌കൂള്‍ ഭാരവാഹികള്‍ അറിയിച്ചു.
Wayanad
പുല്‍പ്പള്ളി: മുള്ളന്‍കൊല്ലി പഞ്ചായത്ത് കേരളോത്സവം പാടിച്ചിറ സെന്റ് സെബാസ്റ്റ്യന്‍സ് യുപി സ്‌കൂള്‍ ഗ്രൗണ്ടില്‍ ക്രിക്കറ്റ് മത്സരം ഉദ്ഘാടനം ചെയ്ത് പ്രസിഡന്റ് ലിസി സാബു നിര്‍വഹിച്ചു. പഞ്ചായത്തംഗം സണ്ണി ജോസഫ് അധ്യക്ഷത വഹിച്ചു.
ആരോഗ്യ-വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്പേഴ്സണ് ഷൈനി സണ്ണി, വൈസ് പ്രസിഡന്റ് ഷിനു കച്ചിറയില്‍ എന്നിവര്‍ പ്രസംഗിച്ചു. ജനപ്രതിനിധികള്‍, വിവിധ ക്ലബ്ബ് ഭാരവാഹികള്‍, പഞ്ചായത്ത് ജീവനക്കാര്‍ തുടങ്ങിയവര്‍ പങ്കെടുത്തു. വരും ദിവസങ്ങളില്‍ വിവിധ പ്രദേശങ്ങളിലായി വോളി ബോള്‍, ബാസ്‌കറ്റ് ബോള്‍, ഫുട്ബോള്, അത്ലറ്റിക്സ് മത്സരങ്ങള്‍ നടത്തും. കേരളോത്സവത്തില്‍ പങ്കെടുക്കുന്നതിന് 250ഓളം യുവതീയുവാക്കള്‍ രജിസ്റ്റര്‍ ചെയ്തിട്ടുണ്ട്.
Wayanad
കല്‍പ്പറ്റ: അരയിടത്തുപാലത്തുനിന്ന് 25 മിനിറ്റില്‍ കല്‍പ്പറ്റയിലും 35 മിനിറ്റില്‍ ബത്തേരിയിലും എത്താന്‍ ഉതകുന്ന ഹൈസ്പീഡ് റെയില്‍വേ കോഴിക്കോട്-ബത്തേരി എക്സ്റ്റന്‍ഷനെക്കുറിച്ച് മെട്രോമാന് ഡോ. ഇ. ശ്രീധരന്‍റെ അവതരണം ഇന്ന് ബത്തേരിയില്‍.
രാവിലെ 10ന് മുനിസിപ്പല്‍ ടൗണ്‍ഹാളിലാണ് ഡല്‍ഹി മെട്രോ റെയില്‍ സ്ഥാപകന്‍ ഡോ. ഇ. ശ്രീധരന്‍ പദ്ധതി വിശദീകരണം നടത്തുകയെന്ന് സംഘാടക സമിതി ഭാരവഹികളായ ബത്തേരി മുനിസിപ്പല്‍ ചെയര്പേഴ്സണ് റസീന അബ്ദുള്‍ ഖാദര്‍, വൈസ് ചെയര്‍മാന്‍ എം.ജി. ഇന്ദ്രജിത്ത്, നീലഗിരി വയനാട് എന്‍എച്ച് ആന്‍ഡ് റയില്‍വേ ആക്ഷന് കമ്മിറ്റി കണ്‍വീനര്‍ അഡ്വ. ടി.എം. റഷീദ്, വയനാട് ചേംബര്‍ ഓഫ് കൊമേഴ്സ് പ്രസിഡന്റ് ജോണി പാറ്റാനി, വിനയകുമാര്‍ അഴിപ്പുറത്ത്, ഫാ. വര്‍ഗീസ് മറ്റമന എന്നിവര്‍ വാര്‍ത്താസമ്മേളനത്തില്‍ അറിയിച്ചു.
അതിവേഗപാതയുടെ എക്സ്റ്റന്‍ഷന്‍ രൂപരേഖ തയാറാക്കി കോര്‍പറേഷന്‍ സര്‍ക്കാരിന് സമര്‍പ്പിച്ചിട്ടുണ്ട്. എക്സ്റ്റന്‍ഷന്‍ ഒന്നാംഘട്ടം വയനാട്-കോഴിക്കോട് എന്നാണ് ഡിഎംആര്‍സി വിഭാവനം ചെയ്യുന്നത്. പാതയുടെ പരിസ്ഥിതി ആഘാതം,സാമ്പത്തികവശങ്ങള്‍ തുടങ്ങിയ വിശദാംശങ്ങള്‍ ഇ. ശ്രീധരന്‍ അവതരിപ്പിക്കും.
പാതയുമായി ബന്ധപ്പെട്ട് സംശയനിവാരണത്തിന് പൊതുജനങ്ങള്‍ക്കും വിദ്യാര്‍ഥികള്‍ക്കും അവസരം ഉണ്ടാകും. അവതരണത്തിനുശേഷം മാധ്യമപവര്‍ത്തകരുമായി ഡോ. ശ്രീധരന്‍ കൂടിക്കാഴ്ച നടത്തും. അവതരണത്തിന് മുന്നോടിയായുള്ള യോഗം കൃഷി മന്ത്രി ടി. സിദ്ദിഖ് ഉദ്ഘാടനം ചെയ്യും. ഐ.സി. ബാലകൃഷ്ണണ്‍ എംഎല്‍എ അധ്യക്ഷത വഹിക്കും. ഉഷ വിജയന്‍ എംഎല്‍എ, ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണന്‍ തുടങ്ങിയവര്‍ പങ്കെടുക്കും. ഡോ. ശ്രീധരനെ യോഗത്തില്‍ ആദരിക്കും.
Wayanad
സുൽത്താൻ ബത്തേരി: തിരുവണ്ണൂരിലെ താമസക്കാരായ ജനങ്ങൾക്ക് ഇപ്പോൾ ഒരു ആഗ്രഹമേയുള്ളു. കുണ്ടിലും കുഴിയിലും വീണ് നടുവൊടിയാതെ നടക്കാൻ പറ്റിയ ഒരു റോഡ് വേണം.
പതിറ്റാണ്ടുകളായി തകർന്നു കിടക്കുകയാണ് പ്രദേശത്തെ ജനങ്ങളുടെ ഏക സഞ്ചാരമാർഗമായ തിരുവണ്ണൂർ-കല്ലൂർ ടൗണ്‍ റോഡ്. കാൽനടയാത്രപോലും ദുസഹമായ ഈ റോഡിലൂടെ വളരെ സാഹസപ്പെട്ടാണ് പ്രദേശവാസികൾ സഞ്ചരിക്കുന്നത്. തിരുവണ്ണൂരിൽ നിന്ന് കല്ലൂർ ടൗണിലെത്തുന്ന റോഡിന് രണ്ട് കിലോമീറ്ററിൽ താഴെ മാത്രമാണ് ദൈർഘ്യം. എന്നാൽ ഇപ്പോൾ റോഡിലെ കുണ്ടിലും കുഴിയിലുമെല്ലാം താണ്ടി നടന്നെത്താൻ ഒരു മണിക്കൂറോളം സമയം വേണം.
റോഡ് തകർന്ന് കിടക്കുന്നതിനാൽ ഓട്ടോറിക്ഷകൾപോലും വരാതെയായി. റോഡിൽ നിർമാണ പ്രവൃത്തികൾ നടന്നിട്ട് പത്ത് വർഷം പിന്നിട്ടു. പഞ്ചായത്തിന്‍റെ അധീനതയിലാണ് റോഡെങ്കിലും ബന്ധപ്പെട്ട അധികൃതർ തിരിഞ്ഞ് പോലും നോക്കുന്നില്ല.
നൂറ് മീറ്ററോളം ഇടവിട്ട് ചിലയിടങ്ങളിൽ നന്നാക്കിയെങ്കിലും അതെല്ലാം കഴിഞ്ഞ മഴയിൽ കുത്തിയൊലിച്ച് പോയി. ദേശീയപാത 766ൽ നിന്ന് തുടങ്ങുന്ന തിരുവണ്ണൂർ റോഡിൽ തിരുവണ്ണൂർ അന്പലം വരെയുള്ള ഭാഗമാണ് പാടെ തകർന്നത്. കല്ലൂർ ടൗണിലെത്തുന്ന റോഡിൽ വയൽഭാഗത്ത് മാത്രമാണ് തകരാതെ കിടക്കുന്നത്.
റോഡ് അറ്റകുറ്റപ്പണി നടത്തി കാൽനടയാത്രക്കെങ്കിലുമുള്ള സൗകര്യം ഒരുക്കണമെന്നാണ് പ്രദേശവാസികളുടെ ആവശ്യം.
Wayanad
സുല്‍ത്താന്‍ ബത്തേരി: നഗരത്തില്‍ അനുദിനം രൂക്ഷമാകുന്ന ഗതാഗതക്കുരുക്കിന് പരിഹാരം ആവശ്യപ്പെട്ട് ജനശക്തി കോണ്‍ഗ്രസ് മണ്ഡലം കമ്മിറ്റിയുടെ ആഭിമുഖ്യത്തില്‍ മുനിസിപ്പല്‍ ഓഫിസ് പടിക്കല്‍ ധര്‍ണ നടത്തി.
സംസ്ഥാന പ്രസിഡന്റ് മനോജ് ശങ്കരനെല്ലൂര്‍ ഉദ്ഘാടനം ചെയ്തു. ജില്ല കണ്‍വീനര്‍ ജോസ് ബത്തേരി അധ്യക്ഷത വഹിച്ചു. ജോയ് ചീരാല്‍, മുഹമ്മദ് പെരിക്കല്ലൂര്‍, പി.കെ. ബാബു, സുരേഷ് പയിമ്പ്ര, ബാബു മൂലങ്കാവ്, ഷെരീഫ് അമ്മയിപ്പാലം, സി. സജി ശ്രനിവാസന്‍, സിറാജ് അമ്മായിപ്പാലം, കൊച്ചു മോന്‍, ജംഷീര്‍ ചുള്ളിയോട്, അരുണ്‍കുമാര്‍ പടിഞ്ഞാറത്തറ, പി.എം. മനോജ്, മുഹമ്മദ് കല്ലൂര്‍, ശ്രീകല താഴമുണ്ട, രാമചന്ദ്രന്‍ തോട്ടാമൂല, വേണുഗോപാലന്‍ കോളിയാടി, പീറ്റര്‍, കെ. അസീസ്, അശോകന് തോട്ടാമൂല, രാജന്‍ കൈപ്പഞ്ചേരി, സി.ടി. ബാബു എന്നിവര്‍ പ്രസംഗിച്ചു.
Wayanad
സുൽത്താൻ ബത്തേരി: മേൽക്കൂര ചിതലരിച്ച് തകർച്ചയുടെ വക്കിലെത്തിയ വീട്. വിണ്ടുകീറിയ ചുമരുകൾക്കുള്ളിൽ എപ്പോൾ വേണമെങ്കിലും നിലംപൊത്തുമെന്ന ഭീതിയോടെ ജീവിതം.
വീടിന് പുറത്തേക്ക് ഇറങ്ങിയാൽ കാടിന്‍റെ ഏകാന്തതയും യാത്ര ചെയ്യാൻ വഴിപോലുമില്ലാത്ത ദുരിതവും. നൂൽപ്പുഴ പുത്തൂർ വനഗ്രാമത്തിലെ മാരനും കുടുംബത്തിനും ജീവിതം ഓരോ ദിവസവും അതിജീവനത്തിന്‍റെ പോരാട്ടമാണ്. വന്യജീവിസങ്കേതത്തിനുള്ളിലെ പുത്തൂർ ഗ്രാമത്തിൽ അവശേഷിക്കുന്ന ഏക കുടുംബമാണ് മാരന്‍റേത്. മാരനും മകനും മരുമകളും കൊച്ചുമകളും അടങ്ങുന്ന കുടുംബമാണ് കാലപ്പഴക്കത്താൽ ജീർണിച്ച വീട്ടിൽ ഭയപ്പാടോടെ കഴിയുന്നത്.
പുതിയ വീടിനായി പലതവണ അപേക്ഷ നൽകിയെങ്കിലും ഇതുവരെ അനുകൂല നടപടിയുണ്ടായില്ലെന്നാണ് മഴക്കാലത്തും രാത്രിയിലും വീട്ടിൽ കഴിയുന്നത് ആശങ്കയോടെയാണ്. സുരക്ഷിതമായി താമസിക്കാൻ കഴിയാത്ത അവസ്ഥയിലായിട്ടും പുതിയ വീട് എന്ന സ്വപ്നം അധികൃതർ യാഥാർഥ്യമാക്കിയിട്ടില്ല.
വീട്ടിലേക്ക് എത്തിച്ചേരാൻ വഴിയില്ലാത്തത് കുടുംബത്തിന്‍റെ ദുരിതം വർധിപ്പിക്കുന്നു. ഇതുമൂലം കൊച്ചുമകളുടെ പഠനത്തിനുപോലും ഹോസ്റ്റലിനെ ആശ്രയിക്കേണ്ടിവരുന്നു.
പുനരധിവാസ പദ്ധതിയിൽ ഉൾപ്പെട്ട പ്രദേശമായതിനാൽ പുതിയ വീട് അനുവദിക്കുന്നതിന് തടസങ്ങളുണ്ടെന്നാണ് ജനപ്രതിനിധികൾ ഉൾപ്പെടെയുള്ളവർ പറയുന്നത്. എന്നാൽ സ്വയംസന്നദ്ധ പുനരധിവാസ പദ്ധതിയിൽ ഗ്രാമം വിട്ടുപോകാൻ കുടുംബത്തെ നിർബന്ധിക്കാനാകില്ല. പ്രാക്തന ഗോത്രവിഭാഗത്തിൽപ്പെട്ട ഒരു കുടുംബത്തിന്‍റെ സുരക്ഷിതത്വവും അടിസ്ഥാന ജീവിതസൗര്യങ്ങളും ഉറപ്പാക്കാൻ അധികൃതർ അടിയന്തരമായി ഇടപെടണമെന്നാണ് ആവശ്യം.
Wayanad
കല്‍പ്പറ്റ: മൃഗസംരക്ഷണ മേഖലയില്‍ രാജ്യാന്തര നിലവാരമുള്ള തൊഴിലും കോഴ്‌സും ഉറപ്പാക്കുക സര്‍ക്കാര്‍ ലക്ഷ്യമെന്ന് മൃഗസംരക്ഷണ-ക്ഷീരവികസന മന്ത്രി ബിന്ദു കൃഷ്ണ.
പൂക്കോട് വെറ്ററിനറി ആന്‍ഡ് അനിമല്‍ സയന്‍സസ് സര്‍വകലാശാലയില്‍ നവീകരിച്ച പേവിഷബാധ രോഗനിര്‍ണയ കേന്ദ്രത്തിന്‍റെയും വനിതാ ഹോസ്റ്റലുകളുടെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അവര്.
ആധുനിക ശാസ്ത്ര മുന്നേറ്റങ്ങള്‍ക്ക് അനുസൃതമായി മൃഗസംരക്ഷണ മേഖലയില്‍ മികച്ച മാറ്റങ്ങളാണ് വന്നത്. സര്‍വകലാശാലയില്‍ ആരംഭിക്കന്ന ഇന്‍റഗ്രേറ്റഡ് കോഴ്‌സുകളിലൂടെ പൊതുജനങ്ങള്‍ക്ക് ഉപകാരപ്പെടുന്ന ഗവേഷണങ്ങള്‍ നടപ്പാക്കാന്‍ സര്‍ക്കാര്‍ നേതൃത്വം നല്കും.
പ്രായോഗിക ബുദ്ധിയിലൂടെ വിദ്യാസമ്പന്നരായ തലമുറയെ സൃഷ്ടിക്കാന്‍ സര്‍വകലാശാലകള്‍ നാടിന് അനിവാര്യമാണ്. പൂക്കോട് സര്‍വകലാശാലയുടെ വികസന പ്രവര്‍ത്തനങ്ങള്‍ക്കും വിദ്യാര്‍ഥികളുടെ മുന്നേറ്റത്തിനും സര്‍ക്കാരിന്‍റെ പൂര്‍ണ പിന്തുണയുണ്ടാകും. സര്‍വകലാശാലയില്‍ പഠിച്ചിറങ്ങിയവര്‍ ലോകത്തിന്‍റെ വിവിധ ഭാഗങ്ങളില്‍ പ്രമുഖ ശാസ്ത്രജ്ഞരായി സേവനമനുഷ്ഠിക്കുന്നത് അഭിമാനകരമാണ്.
വിദ്യാര്‍ഥികള്‍ കാമ്പസിലും സമൂഹത്തിലും കണ്ടുവരുന്ന ലഹരി ഉപയോഗത്തെ ശക്തമായി എതിര്‍ക്കണം. സേ നോ ടു ഡ്രഗ്‌സ് സന്ദേശം ആര്‍ജവത്തോടെ പറയാന്‍ ഓരോ വിദ്യാര്‍ഥിക്കും കഴിയണം.
അക്കാദമിക വളര്‍ച്ചയ്‌ക്കൊപ്പം വിദ്യാര്‍ഥികളുടെ മാനസികാരോഗ്യത്തിനും കൗണ്‍സലിംഗിനും പ്രത്യേക പ്രാധാന്യം നല്‍കണമെന്നും മന്ത്രി പറഞ്ഞു. സര്‍വകലാശാലാ ഓഡിറ്റോറിയത്തില്‍ നടന്ന പരിപാടിയില്‍ വൈസ് ചാന്‍സലര്‍ പ്രഫ. കെ.എസ്. അനില്‍ അധ്യക്ഷത വഹിച്ചു.
രജിസ്ട്രാര്‍ പ്രഫ. സാബിന്‍ ജോര്‍ജ്, വൈത്തിരി പഞ്ചായത്ത് പ്രസിഡന്റ് സി.വി. രാജന്‍, വാര്‍ഡംഗം രജനി രവീന്ദ്രന്‍, സര്‍വകലാശാല ഭരണസമിതി അംഗങ്ങളായ പ്രഫ. കെ.സി. ബിപിന്‍, സി.ആര്. സന്തോഷ്, മാനേജ്മെന്റ് കൗണ്‍സില്‍ അംഗങ്ങളായ പ്രഫ. സാനിസ് ജൂലിയറ്റ്, ഡോ. പി.ടി. ദിനേശ്, സര്‍വകലാശാല ഡയറക്ടര് ഓഫ് എന്‍റര്‍പ്രണര്‍ഷിപ് പ്രഫ. ടി.എസ്. രാജീവ്, ഫിനാന്‍സ് ഓഫിസര്‍ എ.കെ. ദിനേശന്‍, സര്‍വകലാശാല എന്‍ജിനിയര്‍ എം.വി. ശ്രീജിത്ത്, സിഡിഎസ് സ്‌പെഷ്യല്‍ ഓഫിസര്‍ ഡോ. അര്‍ച്ചന ചന്ദ്രന്‍ തുടങ്ങിയവര്‍ പങ്കെടുത്തു.
2025-26 പദ്ധതിയില്‍ ഉള്‍പ്പടുത്തി ഫ്‌ളൂറസെന്‍റ് മൈക്രോസ്കോപ് ഉള്‍പ്പടെ സ്ഥാപിച്ചാണ് പൂക്കോട് വെറ്ററിനറി കേളജിലെ പേവിഷബാധ രോഗനിര്‍ണയ കേന്ദ്രം നവീകരിച്ചത്. നവീകരിച്ച ലബോറട്ടറി വടക്കന കേരളത്തിലെ ഏകോപിത മൃഗാരോഗ്യ പൊതുജനാരോഗ്യ പ്രവര്‍ത്തനങ്ങള്‍ക്ക് മുതല്‍ക്കൂട്ടാകും.
വിദ്യാര്‍ഥിനികളുടെ താമസസൗകര്യത്തിലെ അപര്യാപ്തത പരിഹരിക്കുന്നതിന് ഇന്ത്യന്‍ കാര്‍ഷിക ഗവേഷണ കൗണ്‍സില്‍ അനുവദിച്ച തുകയും സര്‍വകലാശാലയുടെ തനത് ഫണ്ടും ഉപയോഗിച്ച് രണ്ട് ഹോസ്റ്റലുകളാണ് കാമ്പസില്‍ നിര്‍മിച്ചത്. 43 മുറികളാണ് ഹോസ്റ്റലില്‍.
Wayanad
ഊട്ടി: അതികരട്ടിയില്‍ പൊലിസുകാരനെ കത്തി കാട്ടി ഭീഷണിപ്പെടുത്തിയ കേസില്‍ യുവാവ് അറസ്റ്റില്‍. നെടികാട് സ്വദേശി സന്തോഷിനെയാണ്(24) അറസ്റ്റു ചെയ്തത്.
സ്ഥിരമായി മദ്യപിച്ചെത്തി മര്‍ദിക്കുന്നുവെന്ന ഭാര്യയുടെ പരാതിയില്‍ വീട്ടിലെത്തിയ പൊലിസ് കസ്റ്റഡിയിലെടുക്കാന്‍ ശ്രമിക്കുന്നതിനിടെയാണ് യുവാവ് കത്തി കാട്ടി ഭീഷണി മുഴക്കിയത്.
Wayanad
പുല്‍പ്പള്ളി: വിളവെടുപ്പ് സീസണ്‍ ആരംഭിക്കാനിരിക്കെ കുടിയേറ്റ മേഖലയില്‍ കുരുമുളക് തോട്ടങ്ങളില്‍ മഞ്ഞളിപ്പ് രോഗം വ്യാപകമാകുന്നു പുല്‍പ്പള്ളി, മുള്ളന്‍കൊല്ലി പഞ്ചായത്തുകളിലാണ് മഞ്ഞളിപ്പ് രോഗം വ്യാപകമായിരിക്കുന്നത്.
വര്‍ഷങ്ങള്‍ക്ക് ശേഷം തനിവിളയായി പുനര്‍കൃഷി ചെയ്ത കുരുമുളക് തോട്ടങ്ങളിലാണ് മഞ്ഞളിപ്പ് രോഗം വ്യാപകമായിരിക്കുന്നത്. കൃഷി വകുപ്പ് ഉദ്യോഗസ്ഥര്‍ കൃഷിയിടത്തിലെത്തി മണ്ണ് പരിശോധിച്ച ശേഷം നിരവധി കീടനാശിനികള്‍ കുരുമുളകിന്‍റെ ചുവട്ടിലും തണ്ടിലും തളിച്ചിട്ടും രോഗം വര്‍ധിക്കുകയാണെന്നാണ് കര്‍ഷകര്‍ പറയുന്നത്.
മൂന്നും നാലും വര്‍ഷമായ കുരുമുളക് ചെടികളാണ് ആദായം ലഭിക്കും മുന്‍പേ രോഗം വന്ന് നശിക്കുന്നത്.
വിളവെടുക്കാന്‍ മാസങ്ങള്‍ മാത്രമുള്ളപ്പോഴാണ് കുരുമുളകിന്‍റെ ഇലകളും തണ്ടുകളും പഴുത്ത് നശിക്കുന്നതുമൂലം കുരുമുളക് തിരികള്‍ മുമ്പെത്തും മുന്പ് പറിച്ചു ഒഴിവാക്കേണ്ട അവസ്ഥവന്നത്. അടിയന്തരമായി മഞ്ഞളിപ്പ് രോഗം പ്രതിരോധിക്കാനാവശ്യമായ കീടനാശികള്‍ കണ്ടെത്താന്‍ കൃഷി വകുപ്പ് തയാറായില്ലെങ്കില്‍ കുരുമുളക് കൃഷി വീണ്ടും ഇല്ലാതാകുമെന്ന അവസ്ഥയുണ്ടാകുമെന്നാണ് കര്‍ഷകര്‍ പറയുന്നത്.
പ്രതിസന്ധി ഘട്ടത്തില്‍ കര്‍ഷകരെ സഹായിക്കേണ്ട കൃഷിവകുപ്പ് രോഗ പ്രതിരോധത്തിനാവശ്യമായ നടപടികള്‍ സ്വീകരിക്കുന്നില്ലെന്നാണ് കര്‍ഷകര്‍ പരാതി.
Wayanad
മീനങ്ങാടി: യാക്കോബായ സുറിയാനി സഭയുടെ യുവജനപ്രസ്ഥാനമായ ജെഎസ്ഒവൈഎയുടെ യുവജന മാസാചരണത്തിന്‍റെ ഭദ്രാസനതല ഉദ്ഘാടനം അരമന ചാപ്പലില്‍ മലബാര്‍ ഭദ്രാസനാധിപന്‍ ഡോ. ഗീവര്‍ഗീസ് മോര്‍ സ്‌തേഫാനോസ് നിര്‍വഹിച്ചു.
ഭദ്രാസന കമ്മിറ്റിയുടെ നേതൃത്വത്തില്‍ അരമന വളപ്പില്‍ വൃക്ഷത്തൈ നട്ടു. നാളെ ഭദ്രാസനത്തിലെ എല്ലാ പള്ളികളിലും മേഖലകളിലും പതാക ഉയര്‍ത്തും. വിവിധ സാമൂഹിക ക്ഷേമ, ചാരിറ്റി പ്രവര്‍ത്തനങ്ങള്‍ മാസാചരണത്തിന്‍റെ ഭാഗമായി സംഘടിപ്പിക്കും. ഭദ്രാസന വൈസ് പ്രസിഡന്റ് ഫാ. എല്‍ദോ ഷാജു, സെക്രട്ടറി കെ.പി. എല്‍ദോസ്, ഫാ. ബേസില്‍ കരനിലത്ത്, ഫാ. ബാബു നീറ്റുങ്കര, ഫാ. എല്‍ദോ മനയത്ത്, ഫാ. മനീഷ് ജേക്കബ്, ഫാ. സോജന്‍ വാണാക്കുടി, ഫാ. എല്‍ദോ ലീലാഭവനം, ഫാസിന്‍ ജോസ്, ടോംസ് എല്‍ദോസ്, ബേബി എന്നിവര്‍ പ്രസംഗിച്ചു.
Wayanad
മാനന്തവാടി: പ്രായപൂര്‍ത്തിയാകാത്ത കുട്ടികള്‍ വാഹനം ഓടിക്കുന്നതുമൂലം ഉണ്ടാകുന്ന അപകടങ്ങള്‍, നിയമപരമായ പ്രത്യാഘാതങ്ങള്‍ എന്നിവയില്‍ വിദ്യാര്‍ഥികളില്‍ അവബോധം സൃഷ്ടിക്കുന്നതിന് ഗവ. ഹയര് സെക്കന്‍ഡറി സ്‌കൂളില്‍ ബോധവത്കരണം നടത്തി.
ട്രാഫിക് യൂണിറ്റ് സബ് ഇന്സ്പെക്ടര് കെ.പി. അബ്ദുള്‍ അസീസ് ഉദ്ഘാടനം ചെയ്തു. പ്രിന്‍സിപ്പല്‍ പി.സി. തോമസ് അധ്യക്ഷത വഹിച്ചു. അധ്യാപകന്‍ വി.എസ്. ബിജുരാജ് പ്രസംഗിച്ചു. സീനിയര്‍ സിവില്‍ പൊലിസ് ഓഫിസര്‍ ബിപിന്‍ സണ്ണി ക്ലാസ് നയിച്ചു. റോഡ് അപകടങ്ങള്‍, ഡ്രൈവിംഗ് ലൈസന്‍സ് നേടുന്നതിനുള്ള പ്രായപരിധി, മോട്ടോര്‍ വാഹന നിയമത്തിലെ വ്യവസ്ഥകള്‍, നിയമലംഘനങ്ങള്‍ക്കുള്ള ശിക്ഷകള്‍, രക്ഷിതാക്കള്‍ക്കുള്ള നിയമപരമായ ഉത്തരവാദിത്വം, റോഡ് സുരക്ഷാനിയമങ്ങള്‍ പാലിക്കേണ്ടതിന്‍റെ പ്രാധാന്യം എന്നിവ ക്ലാസില്‍ വിശദീകരിച്ചു.
Wayanad
മാനന്തവാടി: മനുഷ്യന്‍റെ ചിന്താശേഷിക്കും അപ്പുറത്തേക്ക് ആർട്ടിഫിഷ്യൽ ഇന്‍റലിജൻസ് വളർന്നുകൊണ്ടിരിക്കുകയാണെന്ന് കൃഷി മന്ത്രി ടി. സിദ്ദിഖ്. മാനന്തവാടി എംജിഎം ഹയർ സെക്കൻഡറി സ്കൂളിൽ നടക്കുന്ന ജില്ലാ ശാസ്ത്രോത്സവം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ആധുനിക ശാസ്ത്രസാങ്കേതികവിദ്യ ആരോഗ്യ, കാർഷിക മേഖലകളിൽ വലിയ മാറ്റങ്ങളാണ് സൃഷ്ടിക്കുന്നത്. ലാബ് പരിശോധനകൾ, സ്കാനിംഗ്, ജനിതക പരിശോധനകൾ, ആർട്ടിഫിഷ്യൽ ഇന്‍റലിജൻസ് അധിഷ്ഠിത മെഡിക്കൽ ഡയഗ്നോസ്റ്റിക് സംവിധാനങ്ങൾ എന്നിവ രോഗനിർണയത്തിൽ നിർണായക പങ്കുവഹിക്കുന്നുണ്ട്.
ഡോക്‌ടർമാരുടെ കണ്ണുകൾക്കും ചിന്തകൾക്കും അപ്പുറമുള്ള സൂക്ഷ്മ വിവരങ്ങൾ പോലും നിമിഷങ്ങൾക്കകം കണ്ടെത്താൻ ആധുനിക സാങ്കേതികവിദ്യയ്ക്ക് കഴിയുന്നുണ്ടെന്നും മന്ത്രി പറഞ്ഞു.
ശാസ്ത്രം ഒരു വശത്ത് കാർഷിക മേഖലയിലും ആരോഗ്യ മേഖലയിലും കാലാവസ്ഥാ പ്രവചനത്തിലുമെല്ലാം വലിയ മുന്നേറ്റങ്ങൾ സൃഷ്ടിക്കുന്പോൾ മറുവശത്ത് മനുഷ്യന്‍റെ നിലനിൽപ്പിനും ചിന്താശേഷിക്കും പുതിയ വെല്ലുവിളികൾ ഉയർത്തുന്നുണ്ട്. യന്ത്രങ്ങൾ മനുഷ്യന്‍റെ ബുദ്ധിശക്തിയെ മറികടക്കുന്ന സാങ്കേതിക മുന്നേറ്റങ്ങളുടെ കാലത്തേക്ക് ലോകം നീങ്ങുകയാണ്. ഈ സാഹചര്യത്തിൽ കുട്ടികൾ സാങ്കേതികവിദ്യയുടെ ഉപഭോക്താക്കൾ മാത്രമായി മാറരുത്.
ശാസ്ത്രത്തെ വിവേകത്തോടെ ഉപയോഗിക്കുകയും പുതിയ ആശയങ്ങൾ സൃഷ്ടിക്കുകയും ചെയ്യുന്നവരായി അവർ വളരണം. സ്വന്തം ചിന്താശേഷിയും സർഗാത്മകതയും വിവേചനബുദ്ധിയും ഉയർത്തിപ്പിടിച്ചു സാങ്കേതികവിദ്യയെ നൻമയ്ക്കായി പ്രയോജനപ്പെടുത്തണമെന്നും മന്ത്രി പറഞ്ഞു.
ശാസ്ത്രമേളകളും പരീക്ഷണ വേദികളും വിദ്യാർഥികളിൽ ശാസ്ത്രീയ ചിന്തയും അന്വേഷണ താത്പര്യവും വളർത്തണം. കൃഷിയും പ്രകൃതിയും മനുഷ്യനും തമ്മിലുള്ള പാരസ്പര്യം കാത്തുസൂക്ഷിച്ച് ശാസ്ത്രത്തെ നാടിന്‍റെ പുരോഗതിക്കായി പ്രയോജനപ്പെടുത്താൻ പുതിയ തലമുറയ്ക്ക് കഴിയണമെന്നും മന്ത്രി കൂട്ടിച്ചേർത്തു.
ഉഷ വിജയൻ എംഎൽഎ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് ചന്ദ്രിക കൃഷ്ണൻ മുഖ്യാതിഥിയായിരുന്നു. മാനന്തവാടി നഗരസഭ ചെയർപേഴ്സൻ ജേക്കബ് സെബാസ്റ്റ്യൻ, ജില്ലാവിദ്യാഭ്യാസ ഉപഡയറക്ടർ വി.എ. ശശീന്ദ്ര വ്യാസ്, എംജിഎം സ്കൂൾ മാനേജർ ഫാ. സഖറിയ വെളിയത്ത്, സ്വീകരണ കമ്മിറ്റി കണ്‍വീനർ ജിത്തുരാജ് എന്നിവർ പ്രസംഗിച്ചു.
ശാസ്ത്രമേള: ദ്വാരകയും ബത്തേരിയും മുന്നില്‍
മാനന്തവാടി: ജില്ല ശാസ്ത്രമേളയുടെ ഒന്നാം ദിവസം പൂര്‍ത്തിയാകുമ്പോള്‍ സ്കൂളുകളില് 288 പോയിന്റുമായി ദ്വാരക സേക്രഡ് ഹാര്‍ട്ട് ഹയര് സെക്കന്‍ഡറി സ്‌കൂള്‍ ഒന്നാം സ്ഥാനത്തും 262 പോയന്‍റുമായി നടവയല്‍ സെന്റ് തോമസ് സ്‌കൂള്‍ രണ്ടാം സ്ഥാനത്തും 252 പോയിന്റുമായി പിണങ്ങോട് വയനാട് ഓര്‍ഫനേജ് ഹയര് സെക്കന്‍ഡറി സ്കൂളും മുന്നിട്ട് നില്‍ക്കുന്നു. 1422 പോയിന്‍റോടെ സുല്‍ത്താന്‍ ബത്തേരി ഉപജില്ല ഒന്നാം സ്ഥാനത്തും 1409 പോയിന്റുമായി മാനന്തവാടി ഉപജില്ല രണ്ടാം സ്ഥാനത്തും 1200 പോയിന്റുമായി വൈത്തിരി ഉപജില്ല മൂന്നാം സ്ഥാനത്തും തുടരുന്നു.
ഗണിത, പ്രവര്‍ത്തി പരിചയമേളകളും ഐടി മത്സരങ്ങളുമാണ് പൂര്‍ത്തിയായത്. ഇന്ന് ശാസ്ത്ര, സാമൂഹ്യ ശാസ്ത്രമേളകള്‍ നടക്കും.
ശാസ്ത്രമേള ഇന്ന് സമാപിക്കും
മാനന്തവാടി: 45-ാമത് റവന്യുജില്ലാ ശാസ്ത്രോത്സവം ഇന്ന് സമാപിക്കും. ഇന്നലെയും ഇന്നുമായി മാനന്തവാടി എംജിഎം ഹയര്‍സെക്കന്‍ഡറി സ്‌കൂളിലാണ് ശാസ്ത്രോത്സവം പുരോഗമിക്കുന്നത്. ആദ്യദിനം പ്രവൃത്തി പരിചയമേളയും ഗണിതശാസ്ത്രമേളയും ഐടിമേളയും രണ്ടാം ദിനത്തില്‍ സാമൂഹ്യശാസ്ത്രമേളയും ശാസ്ത്രമേളയുമാണ് നടക്കുന്നത്. ശാസ്ത്രമേള, ഗണിതശാസ്ത്രമേള, സാമൂഹ്യശാസ്ത്രമേള, പ്രവര്‍ത്തിപരിചയമേള, വിവര സാങ്കേതികമേള (ഐടി മേള) എന്നിങ്ങനെ അഞ്ച് പ്രധാന വിഭാഗങ്ങളിലായി വൈവിധ്യമാര്‍ന്ന മത്സരങ്ങളാണ് ശാസ്ത്രമേളയില്‍ ക്രമീകരിച്ചിരിക്കുന്നത്.
രണ്ടാം ദിനമായ ഇന്ന് സാമൂഹ്യശാസ്ത്രമേളയും ശാസ്ത്രമേളയും അരങ്ങേറും. ജില്ലയിലെ വിവിധ സ്കൂളുകളില് നിന്നായി 1300 ലേറെ മത്സരാര്‍ഥികളാണ് മേളയില്‍ മാറ്റുരയ്ക്കുന്നത്. വിദ്യാര്‍ഥികളില്‍ ശാസ്ത്രാവബോധവും സര്‍ഗാത്മകതയും വളര്‍ത്തുക എന്ന ലക്ഷ്യത്തോടെയാണ് ശാസ്ത്രോത്സവം സംഘടിപ്പിച്ചിരിക്കുന്നത്. ഇതിന്റെ ഭാഗമായി ശാസ്ത്ര ലോകത്തെ അത്ഭുതപ്പെടുത്തുന്ന ഒട്ടേറെ കാഴ്ചകളും കൗതുകങ്ങളും മേളയിലൊരുക്കിയിട്ടുണ്ട്.
Kannur
കരുവഞ്ചാൽ: നിരന്തര വാഹനാപകടങ്ങൾക്ക് പേരുകേട്ട മലയോര ഹൈവേയിലെ താവുകുന്ന് കൊടുംവളവിൽ പൊതുമരാമത്ത് വകുപ്പ് സുരക്ഷാ മുന്നറിയിപ്പ് ബോർഡുകൾ സ്ഥാപിച്ചു. ഹെയർപിൻ വളവിനോട് ചേർന്ന് പുതിയ ബോർഡും സൗരോർജത്തിൽ പ്രവർത്തിക്കുന്ന രണ്ട് ബ്ലിങ്കർ ലൈറ്റുകളുമാണ് സ്ഥാപിച്ചത്.
നടുവിൽ-കരുവഞ്ചാൽ റൂട്ടിൽ ഒരു കിലോമീറ്ററോളം ദൂരത്തിൽ കുത്തനെയുള്ള ഇറക്കത്തിൽ നാലോളം അപകട വളവുകളാണുള്ളത്. ഒരുവശം അഗാധമായ കൊക്കയും മറുഭാഗം ഉയരമുള്ള മൺതിട്ടയുമായ ഈ ഭാഗത്ത് ഇതര സംസ്ഥാനങ്ങളിൽ നിന്നടക്കമുള്ള ചരക്കുലോറികളാണ് പതിവായി അപകടത്തിൽപ്പെടുന്നത്.
വഴിയെക്കുറിച്ചുള്ള പരിചയക്കുറവ്, കാഴ്ച മറയ്ക്കുന്ന മരച്ചില്ലകളും കാടുകളും, തെരുവുവിളക്കുകളുടെ കുറവ് എന്നിവയ്ക്കൊപ്പം അമിതവേഗവും അപകടങ്ങൾക്ക് കാരണമാകുന്നു. തുടർച്ചയായ പരാതികളെ തുടർന്നാണ് നിലവിൽ പൊതുമരാമത്ത് വകുപ്പ് ഭാഗികമായെങ്കിലും സുരക്ഷാ ക്രമീകരണങ്ങൾ ഒരുക്കിയത്.
എന്നാൽ, മേഖലയിലെ വെളിച്ചക്കുറവ് പരിഹരിക്കാൻ നടുവിൽ പഞ്ചായത്ത് ഇനിയും മുന്നോട്ടുവന്നിട്ടില്ലെന്ന് ആക്ഷേപമുണ്ട്. മാസങ്ങൾക്ക് മുന്പ് വാഹനാപകടങ്ങളിൽ തകർന്ന ഹൈമാസ്റ്റ് ലൈറ്റും തെരുവുവിളക്കുകളും ഇനിയും പുനഃസ്ഥാപിച്ചിട്ടില്ല. റോഡരികിലെ കാട് വെട്ടിത്തെളിക്കാനും നടപടിയില്ല. നാലു വർഷത്തിനിടെ നാലുപേരുടെ ജീവനാണ് ഈ കൊടുംവളവുകളിൽ പൊലിഞ്ഞത്. നിരവധിപേർക്ക് പരിക്കേൽക്കുകയും വലിയ തോതിലുള്ള സാമ്പത്തിക നഷ്ടം ഉണ്ടാവുകയും ചെയ്തു. നേരത്തെ നാട്ടുകാരും സന്നദ്ധപ്രവർത്തകരും ചേർന്ന് ഇവിടെ സൂചനാ ബോർഡുകൾ വച്ചിരുന്നെങ്കിലും രാത്രിയിൽ ഡ്രൈവർമാർക്ക് ഇവ കാണാൻ സാധിച്ചിരുന്നില്ല. അപകടഭീഷണി പൂർണമായി ഒഴിവാക്കാൻ വഴിവിളക്കുകൾ ഉടൻ സ്ഥാപിക്കണമെന്നാണ് യാത്രക്കാരുടെയും നാട്ടുകാരുടെയും ആവശ്യം.
Kannur
ഇരിട്ടി: സുദീർഘമായ പോരാട്ടങ്ങളിലൂടെ ആറളം ഫാം ഭൂമിയുടെ ഉടമകളായ ആദിവാസികൾക്ക് അർഹതപ്പെട്ട അവകാശങ്ങൾ നേടിയെടുക്കുന്നതിന് കൂട്ടായ ശ്രമം ആവശ്യമാണെന്ന് കെ.കെ. രമ എംഎൽഎ. ആദിവാസികളുടെ തനത് കലയും ആചാരങ്ങളും സംരക്ഷിക്കുന്നതിന് കരുത്തുറ്റ നേതൃത്വമാണ് നാടൻ കലാ അക്കാദമിക്ക് ലഭിച്ചിട്ടുള്ളതെന്നും അവർ പറഞ്ഞു. കേരള ഫോക്‌ലോർ അക്കാദമി വൈസ് ചെയർമാനായി ചുമതലയേറ്റ ശ്രീരാമൻ കൊയ്യോന് ആദിവാസി ഗോത്രജനസഭ നൽകിയ ആദരവ് സമ്മേളനം വളയംചാലിൽ ഉദ്ഘാടനം ചെയ്തു പ്രസംഗിക്കുകയായിരുന്നു കെ.കെ. രമ.
ആറളം ഗ്രാമപഞ്ചായത്ത് പ്രസിഡന്റ് വി. ശോഭ അധ്യക്ഷത വഹിച്ചു. ഫോക്‌ലോർ അക്കാദമി ചെയർമാൻ സുരേഷ് ബാബു എളയാവൂർ മുഖ്യാതിഥിയായിരുന്നു. ബ്ലോക്ക് പഞ്ചായത്തംഗം കെ. വേലായുധൻ ഉപഹാരം നൽകി. ഫോക്‌ലോർ അക്കാദമി സെക്രട്ടറി എം. പ്രദീപ് കുമാർ മുഖ്യപ്രഭാഷണം നടത്തി.കെപിസിസി സെക്രട്ടറി ഡോ. കെ.വി. ഫിലോമിന, ആദിവാസി ഗോത്ര മഹാസഭ കൺവീനർ എം. ഗീതാനന്ദൻ, ഡിസിസി അംഗം വർഗീസ് ജോസഫ് നടപ്പുറത്ത്, സർവോദയ സംഘം പ്രസിഡന്റ് പവിത്രൻ തില്ലങ്കേരി, നന്മ ചാരിറ്റബിൾ ട്രസ്റ്റ് ചെയർമാൻ എ.കെ. കടമ്പാട്ട്, ഗാനരചയിതാവും നാടൻ പാട്ട് ഗായകനുമായ മധു മുണ്ടകം, ആദിവാസി സംഘടന നേതാക്കളായ പി.കെ. കരുണാകരൻ, വിജയൻ മനങ്ങോടൻ, ഭാസ്കരൻ തലക്കുളം, അരുവിക്കൽ കൃഷ്ണൻ, കുമാരൻ, പി. യശോദ, നാരായണൻ എന്നിവർ പ്രസംഗിച്ചു. നാടൻ പാട്ട് ഗാനമേളയും നടന്നു.
Kannur
കണ്ണൂർ: കണ്ണൂർ വിമാനത്താവളത്തിന്‍റെ ടൂറിസം സാധ്യതകൾ ഇനിയും വേണ്ടവിധം വിപണനം ചെയ്യപ്പെട്ടിട്ടില്ലെന്ന് മന്ത്രിസണ്ണി ജോസഫ്. വയനാട് ഉൾപ്പെടെയുള്ള വിനോദസഞ്ചാര കേന്ദ്രങ്ങളിലേക്ക് എത്താൻ ഏറ്റവും അടുത്ത വിമാനത്താവളം കണ്ണൂരാണ്. എന്നാൽ വിമാനത്താവളത്തെക്കുറിച്ചും അതുവഴിയുള്ള യാത്രാസൗകര്യങ്ങളെക്കുറിച്ചും പലർക്കും വേണ്ടത്ര അറിവില്ല. ആഗോളതലത്തിൽ വിനോദസഞ്ചാരികളെ ആകർഷിക്കാൻ കഴിയുന്ന നിരവധി കേന്ദ്രങ്ങൾ കണ്ണൂരിലുണ്ട്. ഇത്തരം സാധ്യതകൾ പ്രയോജനപ്പെടുത്തുന്ന സംരംഭങ്ങൾക്ക് സർക്കാർ പ്രോത്സാഹനം നൽകുമെന്നും മന്ത്രി പറഞ്ഞു.
മാധവറാവു സിന്ധ്യ മെമ്മോറിയൽ ട്രാവൽ ആൻഡ് ടൂറിസം കോ-ഓപ്പറേറ്റീവ് ലിമിറ്റഡിന്‍റെ പ്രവർത്തനവിപുലീകരണ ഉദ്ഘാടനം കണ്ണൂർ ബ്രോഡ് ബീൻ ഹോട്ടലിലെ ലക്സസ് ഓഡിറ്റോറിയത്തിൽ നിർവഹിക്കുകയായിരുന്നു സണ്ണി ജോസഫ്. മാധവറാവു സിന്ധ്യ മെമ്മോറിയൽ ട്രാവൽ ആൻഡ് ടൂറിസം കോ-ഓപ്പറേറ്റീവ് ലിമിറ്റഡ് ചെയർമാൻ കെ. പ്രമോദ് അധ്യക്ഷത വഹിച്ചു.
മേയർ പി. ഇന്ദിര, സൊസൈറ്റി വൈസ് ചെയർമാൻ കെ. ബാലകൃഷ്ണൻ, ഡയറക്ടർ സി.കെ. കുബീബ്, ഡിസിസി പ്രസിഡന്റ് മാർട്ടിൻ ജോർജ്, കണ്ണൂർ നഗരസഭ മുൻ ചെയർപേഴ്സൺ റോഷ്നി ഖാലിദ്, ശ്രീകണ്ഠപുരം നഗരസഭ ചെയർപേഴ്സൺ ഇ.വി. രാമകൃഷ്ണൻ, സഹകരണ അസിസ്റ്റന്‍റ് രജിസ്ട്രാർ കെ.വി. ജയേഷ്, ജെയ്സൺ തോമസ്, മുഹമ്മദ് ഷമ്മാസ്, കൂക്കിരി രാജേഷ് എന്നിവർ പ്രസംഗിച്ചു
Kannur
മടമ്പം: തളിപ്പറമ്പ്-ഇരിട്ടി സംസ്ഥാനപാതയിൽ ശ്രീകണ്ഠപുരം തുമ്പേനിയിൽ മടമ്പം പുഴയോരം ഇടിഞ്ഞ് സംസ്ഥാനപാത അപകടാവസ്ഥയിൽ. സമീപ പ്രദേശങ്ങളിലെ മണ്ണെടുപ്പുമൂലം ഒഴുകിയെത്തുന്ന വെള്ളം പുഴയോരത്തെ സംസ്ഥാനപാത ഇടിയാൻ കാരണമാകുന്നതായി നാട്ടുകാർ പരാതിപ്പെട്ടു. ശ്രദ്ധയൊന്ന് തെറ്റിയാൽ വാഹനം ഉൾപ്പടെ മടമ്പം പുഴയിലകപ്പെടും.
തളിപ്പറമ്പ്-ഇരിട്ടി സംസ്ഥാനപാതയിൽ കോട്ടൂർ
തുമ്പേനിയിലാണ് റോഡിനോട് ചേർന്ന ഭാഗം ഇടിഞ്ഞ് വലിയ ഗർത്തം രൂപപ്പെട്ടിരിക്കുന്നത്. ദിനംപ്രതി നൂറുകണക്കിന് വാഹനങ്ങൾ കടന്നുപോകുന്ന സംസ്ഥാന പാതയോരത്ത് ഗർത്തം സൂചിപ്പിക്കുന്ന ഒരു മുൻകരുതലും ബന്ധപ്പെട്ടവർ സ്ഥാപിച്ചിട്ടില്ല. ഒട്ടേറെ വാഹനാപകടങ്ങൾ നടക്കുന്ന മേഖല കൂടിയാണ് തുമ്പേനി പ്രദേശം. വാഹനങ്ങൾ പുഴയിലേക്ക് മറിഞ്ഞ് സമീപത്തായി അപകടവുമുണ്ടായിട്ടുണ്ട്.
ദീർഘദൂര വാഹനങ്ങളും ഇതരസംസ്ഥാന യാത്രികരും ഉൾപ്പടെ ഭാരം കൂടിയ വാഹനങ്ങൾ രാത്രിയിലും മറ്റും ഈ ഭാഗത്തോട് ചേർന്ന് കടന്നുപോകുമ്പോൾ റോഡ് കൂടുതലായി ഇടിയുന്നതിനുള്ള സാഹചര്യവും ഇവിടെയുണ്ട്. രാത്രിയിലും മറ്റും ധാരാളം വലിയ വാഹനങ്ങൾ ഉൾപ്പടെ കടന്നുപോകുന്നു.
ഗർത്തത്തിന് സമീപത്തായി വർഷങ്ങൾ പഴക്കമുള്ള വലിയമരവും അപകടനിലയിലാണ്. സംസ്ഥാനപാതയും പാതയോരങ്ങളിലെ മരങ്ങളും സംരക്ഷിക്കാൻ വേണ്ട നടപടികൾ അധികൃതരുടെ ഭാഗത്തുനിന്ന് ഉണ്ടാകണമെന്നതാണ് നാട്ടുകാരുടെ ആവശ്യം.
Kannur
ആലക്കോട്: പഞ്ചായത്തിലെ നെല്ലിക്കുന്ന്, കാവുംകുടി വാർഡുകളെ ബന്ധിപ്പിക്കുന്ന മോറാനി-കല്ലൊടി റോഡ് തകർന്നതോടെ ഇതുവഴിയുള്ള യാത്ര ദുരിതത്തിലായി. വാഹനയാത്രയും കാൽനടയാത്രയും ദുസഹമായിരിക്കുകയാണ്. മൂന്ന് കിലോമീറ്റർ ദൈർഘ്യമുള്ള റോഡിൽ രണ്ട് കിലോമീറ്ററോളം ഭാഗം വർഷങ്ങളായി തകർന്നനിലയിലാണ്.
നാട്ടുകാർ നിരവധി തവണ പരാതി നൽകിയിട്ടും അധികൃതരുടെ ഭാഗത്തുനിന്ന് നടപടിയുണ്ടായിട്ടില്ല. കുത്തനെയുള്ള ചെരിവും കൊടും വളവുകളുമുള്ള റോഡിൽ അപകടസാധ്യതയും ഏറെയാണ്. ടാറിംഗ് തകർന്ന് മെറ്റൽ ചിതറിക്കിടക്കുന്നതിനാൽ ഇരുചക്രവാഹനങ്ങൾ അപകടത്തിൽപെടുന്നത് പതിവായിരിക്കുകയാണ്.സ്കൂൾ ബസുകൾ ഉൾപ്പടെ നിരവധി വാഹനങ്ങൾ ദിനംപ്രതി ഇതുവഴി കടന്നുപോകുന്നുണ്ട്. റോഡിന്‍റെ ശോച്യാവസ്ഥ കാരണം അപകടഭീഷണി ഒഴിവാക്കാൻ പ്രദേശവാസികളിൽ പലരും വളഞ്ഞുചുറ്റിയാണ് യാത്ര ചെയ്യുന്നത്. റോഡ് കോൺക്രീറ്റ് ചെയ്ത് ഗതാഗതയോഗ്യമാക്കണമെന്നാണ് നാട്ടുകാരുടെ ആവശ്യം.
Kannur
തേർത്തല്ലി: ആലക്കോട് പഞ്ചായത്തിൽപെട്ട മൗവ്വത്താനി, ചുങ്കസ്ഥാനം, തിമിരി, അടുക്കം, ചപ്പാരപ്പടവ് ഗ്രാമപഞ്ചായത്തിലെ പെരുമ്പടവ് എന്നീ പ്രദേശങ്ങളിൽ കാട്ടുപന്നിശല്യം രൂക്ഷമായി. പന്നികളെ കൊണ്ട് നാട്ടുകാർ വലഞ്ഞിരിക്കുകയാണ്.
മൗവ്വത്താനിയിലെ കർഷകരായ പാലങ്ങാടൻ നാരണയൻ, നിരപ്പേൽ മാത്യു, കപ്യാർമലയിൽ സാജു, താന്നിക്കൽ ജിനോയി, പെരുമ്പടവിലെ പാമ്പൂരിക്കൽ ഡൊമിനിക്ക് എന്നിവരുടെ കൃഷികൾ വ്യാപകമായി നശിപ്പിച്ചു. കരിമ്പൻമാക്കൽ ഗോപിയുടെ വിളവെടുക്കാറായ കപ്പകൃഷിയും നശിപ്പിച്ചു.
കാട്ടുപന്നി ആക്രമണത്താൽ ടാപ്പിംഗ് തൊഴിലാളികൾക്ക് ജോലി ചെയ്യാൻ സാധിക്കാത്ത അവസ്ഥയാണ്. രാവിലെ പാൽ സൊസൈറ്റികളിൽ പാൽ കൊടുക്കാൻ പോകുന്ന കർഷകരും പത്രവിതരണക്കാരും സ്കൂൾ വിദ്യാർഥികളും ഉൾപ്പടെ ഏറെ ദുരിതത്തിലാണ്. ഇതിന് പരിഹാരം കാണണമെന്ന് ബന്ധപ്പെട്ട അധികാരികളോട് നാട്ടുകാർ ആവശ്യപ്പെട്ടു.
Kannur
തലശേരി: കുടിയേറ്റ ജനതയുടെ സമരങ്ങളൊക്കെയും വിജയത്തിന്‍റെ വെന്നിക്കൊടി പാറിച്ചതിനു പിന്നിൽ " ദീപിക' നൽകിയ ഐതിഹാസിക പിന്തുണയായിരുന്നുവെന്ന് തലശേരി ആർച്ച്ബിഷപ് മാർ ജോസഫ് പാംപ്ലാനി. മലയാളത്തിന്‍റെ പ്രഥമ ദിനപത്രം "ദീപിക'യുടെ തീവ്രപ്രചാരണ യജ്ഞത്തിന്‍റെ തലശേരി അതിരൂപതാതല ഉദ്ഘാടനവും എകെസിസി, മാതൃവേദി, ഡിഎഫ്സി ഇടവക, മേഖല, രൂപത ഭാരവാഹികളുടെ നേതൃസംഗമവും പഠനശിബിരവും തലശേരി സാൻജോസ് മെട്രോ പൊളിറ്റൻ സ്കൂൾ ഓഡിറ്റോറിയത്തിൽ ഉദ്ഘാടനം ചെയ്ത് പ്രസംഗിക്കുകയായിരുന്നു ആർച്ച്ബിഷപ്.
ദീപിക സമുദായ ശാക്തീകരണത്തിന്‍റെ ഏറ്റവും ഫലപ്രദമായ മാനദണ്ഡമാണ്. എല്ലാ കത്തോലിക്ക കുടുംബങ്ങളിലും ദീപിക ദിനപത്രമുണ്ടാകണം. തിരുഹൃദയരൂപം വീടിന്‍റെ അനുഗ്രഹവും അടയാളവുമായി സൂക്ഷിക്കുന്നതുപോലെ വീട്ടിലെ സ്വീകരണമുറിയിൽ ദീപിക കാണുന്പോൾ തിരുസഭയുടെ മക്കളുടെ കുടുംബമാണെന്ന് നാട്ടുകാർ അറിയാൻ ഇടവരണം. ദീപിക കത്തോലിക്ക അസ്തിത്വത്തിന്‍റെ ഭാഗമായി പരിഗണിക്കണം. മറ്റാരു മറന്നാലും മലബാറുകാരായ നമുക്ക് ദീപികയെ മറക്കാനാവില്ല. കൊട്ടിയൂരിലും കാക്കടവിലും ഗൂഡല്ലൂരിലും വടക്കേക്കളത്തും അന്പലവയലിലുമൊക്കെ കുടിയിറക്കു നീക്കമുണ്ടായപ്പോൾ ജനരോഷത്തിന്‍റെ യഥാർഥ ചൂടും ചൂരും അധികാരികളുടെ പക്കലെത്തിച്ചതും തീരുമാനം മാറ്റിച്ചതും ദീപികയായിരുന്നു.
കുടിയേറ്റ ജനത ഇന്ന് അനുഭവിക്കുന്ന സൗഭാഗ്യങ്ങളുടെ പിന്നിൽ ദീപികയുടെ ശക്തമായ പിന്തുണയുണ്ട്. സമുദായത്തിന്‍റെ നിലനില്പിന് ദീപിക അനിവാര്യമാണെന്ന തിരിച്ചറിവാണ് തീവ്രപ്രചാരണ യജ്ഞത്തിന്‍റെ പിന്നിലെന്നും ആർച്ച്ബിഷപ് പറഞ്ഞു.
മാധ്യമ സ്വാതന്ത്ര്യം ഇന്ന് സങ്കല്പം മാത്രമാണ്. പല മാധ്യമങ്ങളും കോർപറേറ്റുകളുടെ കൈയിലാണ്. നമുക്ക് സത്യം അറിയാൻ, സത‍്യസന്ധമായി അറിയാൻ ദീപിക കൂടിയേ കഴിയൂ. ദീപികയുടെ ഒപ്പം നിൽക്കുകയെന്നാൽ സത്യത്തിന്‍റെ ഒപ്പം നിൽക്കുകയെന്നാണ് അർഥം. സഭയുടെ ശക്തി ഏതെങ്കിലും വിധത്തിൽ ചോർത്തിക്കളഞ്ഞ് സഭാമക്കളുടെ മേൽ അധീശത്വം പുലർത്താൻ ഇന്നു പലരും സംഘടിതമായി പ്രവർത്തിക്കുന്നു. അതിനുതക്ക നിയങ്ങൾ ഇവിടെ നിർമിക്കപ്പെട്ടുകൊണ്ടിരിക്കുന്നു. ഇഎസ്എ, ഇഎഫ്എൽ, ബഫർസോൺ തുടങ്ങിയ ഓമനപ്പേരിട്ട് വിളിക്കുന്ന നിയമനിർമാണങ്ങൾ ആത്യന്തികമായി ലക്ഷ്യം വയ്ക്കുന്നത് മലയോര കർഷകരെയാണ്.
എന്തുകൊണ്ട് ദീപിക മാത്രം ഈ വിഷയം ഗൗരവമായി എടുക്കുന്നുവെന്നും മറ്റ് പത്രങ്ങൾ സംസാരിക്കുന്നില്ലെന്നതിന്‍റെയും ഉത്തരം നാം കണ്ടെത്തണം. മലയോര കർഷകരുടെ സങ്കടങ്ങൾ സർവ്വ മന്ത്രി മന്ദിരങ്ങളിലും എത്തിക്കാൻ ദീപികയുള്ളതുകൊണ്ടാണ് നമുക്കെതിരായ നിയമനിർമാണങ്ങൾ ഉദ്ദേശിച്ചത്ര ലാഘവത്തോടെയും വേഗത്തിലും നടപ്പാക്കാൻ കഴിയാത്തതെന്ന സത്യം മനസിലാക്കണം. തിരുസഭയ്ക്കെതിരായ വ്യാജ ആരോപണങ്ങൾ ഉന്നയിക്കാൻ മറ്റ് മാധ്യമങ്ങൾ മത്സരിക്കുന്പോൾ നമുക്ക് സത്യം പറയാൻ ദീപിക ആവശ്യമുണ്ട്.
എഫ്സിആർഎ ഫണ്ടിന്‍റെ പുതിയ നിയമം കൊണ്ടുവന്നത് സുപ്രധാന നഗരങ്ങളുടെ ഹൃദയഭൂമിയിൽ സമുദായത്തിന്‍റെ പതാകയേന്തുന്ന നമ്മുടെ അഭിമാനസ്തംഭങ്ങളായ വിദ്യാഭ്യാസ സ്ഥാപനങ്ങളും ആതുരാലയങ്ങളും ഉൾപ്പെടെ ലക്ഷ്യമിട്ടാണ്. അതു തട്ടിയെടുക്കാൻ രാജ്യത്ത് ഭരണഘടന അനുവദിക്കുന്ന വഴികളൊന്നുമില്ല. അപ്പോൾ പുതിയൊരു വഴി കണ്ടുപിടിച്ചു. എഫ്സിആർഎ നിയമത്തെ സഭ എതിർക്കുന്നത് അതിനകത്ത് ഡെമോക്ലിസിന്‍റെ വാളുപോലെ സമുദായത്തിന്‍റ സർവപ്രതാപവും നഷ്ടമാക്കാൻ പോകുന്ന നിഗൂഢമായ ബോംബ് ഒളിപ്പിച്ചിട്ടുണ്ടെന്ന് തിരിച്ചറിഞ്ഞതുകൊണ്ടാണ്. ഇങ്ങനെ സർവത്ര പുകമറകൾ സൃഷ്ടിക്കുന്പോൾ സത്യമേതെന്ന് അറിയാൻ ദീപികയില്ലാതെ പോയാൽ സമുദായത്തിന്‍റെ നിലനില്പുതന്നെ അപകടത്തിലാകുമെന്ന് മാർ ജോസഫ് പാംപ്ലാനി പറഞ്ഞു.
"സത്യത്തിനൊപ്പം ദീപികയ്ക്കൊപ്പം' പദ്ധതിയുടെ ഭാഗമായ സെബാസ്റ്റ്യൻ പുത്തൻപുര (വായാട്ടുപറന്പ്), ജോൺ തെക്കുംചേരിൽകുന്നേൽ ( ആലക്കോട്), ഏബ്രഹാം ഈറ്റക്കൽ- വത്സമ്മ ഏബ്രഹാം (പൊന്മല), ജോയിച്ചൻ ആൻഡ് മോളിക്കുട്ടി വടയാറ്റുതറയിൽ ( എടക്കോം), ജോർജ് മാത്യു തറപ്പിൽ (പേരാവൂർ), ജോജോ ചേന്നാട്ട് (പൊയ്നാച്ചി), സിസി തൈപ്പറന്പിൽ ( മാതൃവേദി അതിരൂപത പ്രസിഡന്റ്) എന്നിവരെ മെമന്‍റോ നൽകി ആദരിച്ചു.
രാവിലെ തലശേരി കത്തീഡ്രൽ പള്ളിയിൽ വിശുദ്ധ കുർബാനയോടെയായിരുന്നു ദീപിക തീവ്രപ്രചാരണ യജ്ഞത്തിന് തുടക്കം. തലശേരി അതിരൂപത വികാരി ജനറാളും രാഷ്‌ട്രദീപിക ലിമിറ്റഡ് ഡയറക്ടറുമായ മോൺ. സെബാസ്റ്റ്യൻ പാലാക്കുഴി, എകെസിസി മാതൃവേദി, ഡിഎഫ്സി, കുടുംബ യൂണിറ്റ് അതിരൂപത ഡയറക്ടർ ഫാ. ജോബി കോവാട്ട്, എകെസിസി-ഡിഎഫ്സി അതിരൂപത പ്രസിഡന്റ് ഫിലിപ്പ് മാത്യു വെളിയത്ത്, മാതൃവേദി അതിരൂപത പ്രസിഡന്റ് സിസി തൈപ്പറന്പിൽ, ദീപിക കണ്ണൂർ യൂണിറ്റ് റസിഡന്‍റ് മാനേജർ ഫാ. വിപിൻ വെമ്മേനിക്കട്ടയിൽ, അസിസ്റ്റന്‍റ് റസിഡന്‍റ് മാനേജർ ഫാ. എഡ്‌വിൻ കോയിപ്പുറം എന്നിവർ പ്രസംഗിച്ചു. ഡിസിഎൽ ദേശീയ പ്രസിഡന്റ് ഫാ. റോയി കണ്ണംചിറ സിഎംഐ, രാഷ്‌ട്രദീപിക ലിമിറ്റഡ് ചീഫ് കോ-ഓർഡിനേറ്റിംഗ് ഓഫിസർ ഫാ. ജിനോ പുന്നമറ്റത്തിൽ എന്നിവർ ക്ലാസെടുത്തു.
Kannur
കണ്ണൂർ: ഇരട്ട ടാറിംഗ് കെണിയിൽ ദേശീയപാതയിൽ നിരവധി അപകടങ്ങൾ സംഭവിച്ചതിനുശേഷം കണ്ണൂർ-പയ്യന്നൂർ റോഡിൽ ഉടൻ പണി തുടങ്ങുമെന്ന് അധികൃതർ അറിയിച്ചു. പള്ളിക്കുന്ന് ദേശീയപാതയിൽ ടാറിംഗ് ഉയർന്നു നിൽക്കുന്നത് അപകട ഭീഷണി ഉയർത്തുന്നതിന്‍റെ ഫോട്ടോ ദീപിക പ്രസിദ്ധീകരിച്ചതിനു പിന്നാലെയാണ് നടപടി. പള്ളിക്കുന്നിൽ ടാറിംഗ് ഉയർന്നു നിന്ന് അപകട ഭീഷണി ഉയർത്തുന്ന ഭാഗം ഇന്നലെ മണ്ണുമാന്തിയന്ത്രം ഉപയോഗിച്ച് നിരപ്പാക്കി.
കണ്ണൂർ നഗരത്തിൽനിന്ന് പയ്യന്നൂർ ഭാഗത്തേക്കും ഇരിട്ടി ഭാഗത്തേക്കും പോകുന്ന റോഡിൽ ടാറിംഗ് ചെയ്തയിടങ്ങളിൽ വീണ്ടും ടാർ ചെയ്തിട്ട് പലഭാഗങ്ങളിലും വലിയതരത്തിലുള്ള ഹമ്പുകൾ രൂപപ്പെട്ടിരുന്നു. ഇത് ഇരുചക്ര വാഹന യാത്രക്കാരെയടക്കം അപകടത്തിലാക്കുന്നുണ്ട്.
കണ്ണൂരിൽനിന്ന് പയ്യന്നൂർ ഭാഗത്തേക്ക് പോകുന്ന ദേശീയപാതയിൽ പള്ളിക്കുന്ന്, എകെജി ആശുപത്രിക്ക് സമീപം, പുതിയതെരു തുടങ്ങിയ ഭാഗങ്ങളിലും നഗരത്തിൽനിന്ന് ഇരിട്ടി ഭാഗത്തേക്ക് പോകുന്ന മേലേ ചൊവ്വ, തലശേരി ഭാഗത്തേക്ക് പോകുന്ന താഴേ ചൊവ്വ ഭാഗങ്ങളിലും ടാറിംഗ് ഉയർന്ന് ഹന്പിനു സമാനമായി രൂപപ്പെട്ടത് അപകട ഭീഷണി ഉയർത്തുന്നുണ്ട്. തുലാവർഷം കഴിയുന്നമുറക്ക് നിർമാണപ്രവൃത്തി നടത്തുമെന്നാണ് അധികൃതർ നൽകുന്ന സൂചന.
കണ്ണൂർ-പയ്യന്നൂർ ദേശീയപാതയിൽ മഴ തീരുന്നമുറക്കാണ് ഒരു ലെയർ ടാറിംഗ് നടത്തുക. ഈ നിർമാണപ്രവൃത്തിയുടെ ചുമതല ദേശീയപാത അഥോറ്റിക്കാണ്. നഗരത്തൽ നിന്ന് തുടങ്ങുന്ന രീതിയിലായിരിക്കും നിർമാണം. പുതിയ ദേശീയപാത 66 പൂർണമായി തുറക്കുന്നതിന് മുന്നോടിയായി ദേശീയപാത അഥോറിറ്റി കരാർപ്രകാരം ചെയ്യേണ്ടുന്ന പ്രവൃത്തിയാണിതെന്ന് ബന്ധപ്പെട്ട ഉദ്യോഗസ്ഥൻ പറഞ്ഞു
കണ്ണൂരിൽനിന്ന് തളിപ്പറമ്പ് ഭാഗത്തേക്ക് പോകുന്ന റോഡിൽ കഴിഞ്ഞ ഒരു വർഷത്തിനിടയിൽ ചെറുതും വലുതുമായ നിരവധി അപകടങ്ങൾ നടന്നിട്ടുണ്ട്. പല സംഭവങ്ങളിലും ജീവഹാനിയും ഗുരുതര പരിക്കും പറ്റിയിട്ടുണ്ട്. അശാസ്ത്രീയമായ റോഡ് സംവിധാനമാണ് അപകടത്തിന് കാരണമായി ജനങ്ങൾ ആരോപിക്കുന്നത്.
ടാറിംഗ് ചെയ്ത് റോഡ് കുഴിയായ ഇടങ്ങളിൽ പേച്ച് വർക്ക് ചെയ്യുന്പോൾ സാധാരണ റോഡ് നിരപ്പിൽനിന്ന് പൊങ്ങിയിട്ടാണ് പ്രവൃത്തി നടത്തുന്നത്. ഇങ്ങനെ വരുന്പോൾ ഇരുചക്ര വാഹനങ്ങളും മറ്റും പലപ്പോഴും അപകടത്തിൽപെടുകയാണ്. ഗർഭിണികളും രോഗികളും വാഹനങ്ങളിൽ സഞ്ചരിക്കുന്പോൾ ഇത് വലിയ അപകടത്തിനാണ് വഴിവെക്കുന്നത്. പുതിയ നിർമാണപ്രവൃത്തി നടത്തുേമ്പാൾ പഴയ ടാറിംഗ് ഇളക്കിമാറ്റിയിട്ട് മുഴുവർ മെക്കാഡം രീതിയിൽ ടാറിംഗ് ചെയ്യണമെന്നാണ് ബസ് ജീവനക്കാരും മറ്റ് സ്ഥിരം യാത്രക്കാരും പറയുന്നത്.
Kannur
കണ്ണൂർ: ട്രെയിൻ തട്ടി നേപ്പാൾ സ്വദേശി മരിച്ചു. പ്രീതം (35) ആണ് മരിച്ചത്. താഴെചൊവ്വയിലെ മൈഡൻ ഫെസിലിറ്റി മാനേജ്‌മെന്‍റിൽ ഹൗസ് കീപ്പിംഗ് ജീവനക്കാരനായിരുന്നു. താഴെചൊവ്വ ഗേറ്റിന് സമീപമാണ് ജനശതാബ്ദി എക്സ്പ്രസ് തട്ടി മരിച്ചനിലയിൽ കണ്ടെത്തിയത്. ടൗൺ പൊലിസ് സ്ഥലത്തെത്തി മൃതദേഹം കണ്ണൂർ ജില്ലാ ആശുപത്രി മോർച്ചറിയിലേക്ക് മാറ്റി.
Kannur
നെടുവാലൂർ: നെടുവാലുർ ചേരൻകുന്നിലെ പുതിയ സെന്റ് ജോസഫ് പള്ളിയുടെ കൂദാശകർമം ഭക്തിസാന്ദ്രമായ അന്തരീക്ഷത്തിൽ തലശേരി ആർച്ച്ബിഷപ് മാർ ജോസഫ് പാംപ്ലാനി നിർവഹിച്ചു. ജീവിതവഴികളിൽ വിശ്വാസത്തിനൊപ്പം സഞ്ചരിക്കുന്നവർക്കൊപ്പമാണ് ദൈവമെന്നും പുതിയ കാലഘട്ടത്തിൽ വിശ്വാസം ജീവിതത്തിന്‍റെ ഭാഗമാണെന്നും ആർച്ച്ബിഷപ് മാർ ജോസഫ് പാംപ്ലാനി പറഞ്ഞു. വിശുദ്ധിയുടെ പാതയിലൂടെ സഞ്ചരിക്കുവാനുള്ള ശക്തി ഓരോരുത്തർക്കും ഉണ്ടെന്ന തിരിച്ചറിവിനൊപ്പമാണ് ദൈവം.
അവർ സമൂഹത്തിൽ നന്മയുടെ പ്രകാശം തെളിയിക്കുന്നവരാകുമെന്നും ആർച്ച്ബിഷപ് മാർ ജോസഫ് പാംപ്ലാനി കൂട്ടിച്ചേർത്തു. കൂദാശ കർമത്തിനെത്തിയ ആർച്ച്ബിഷപ്പിന് സ്വീകരണം നൽകിയാണ് വിശ്വാസി സമൂഹം വരവേറ്റത്. തുടർന്ന് പുതുതായി നിർമിച്ച വൈദിക മന്ദിരത്തിന്‍റെ വെഞ്ചിരിപ്പ് നടത്തിയ ശേഷമാണ് പള്ളിയുടെ കൂദാശ കർമം നിർവഹിച്ചത്.
അതിരൂപത വികാരി ജനറാൾ മോൺ.സെബാസ്റ്റ്യൻപാലാക്കുഴി, ചെമ്പന്തൊട്ടി ഫൊറോനാ വികാരി ഫാ.ആന്റണി മഞ്ഞളാംകുന്നേൽ എന്നിവർ സഹകാർമികരായിരുന്നു. മോൺ.ആന്റണി മുതുകുന്നേൽ, മോൺ.മാത്യുഇളംതുരുത്തിപടവിൽ, ഫാ. ജോസഫ് കാക്കരമറ്റത്തിൽ, പള്ളിവികാരി ഫാ. റിനോയ് പോൾ ഇടത്തിനകത്ത് എന്നിവർ നേതൃത്വം വഹിച്ചു. ചടങ്ങിൽ പങ്കെടുക്കാനും അനുഗ്രഹത്തിനുമായി ആയിരങ്ങളാണ് എത്തിയത്. കൂദാശയ്ക്കു ശേഷം അനുമോദന സമ്മേളനവും നടന്നു.
വിശുദ്ധ യൗസേപ്പിതാവിന്‍റെയും കന്യാമറിയത്തിന്‍റെയും തിരുനാൾ മഹോത്സവത്തിന് ഇന്ന് വൈകുന്നേരം 4.15ന് കൊടിയേറും. തുടർന്നു നടക്കുന്ന ആഘോഷമായ വിശുദ്ധ കുർബാനയ്ക്കും നൊവേനയ്ക്കും ആർച്ച്ബിഷപ് എമരിറ്റസ് മാർ ജോർജ് വലിയമറ്റം മുഖ്യകാർമികത്വം വഹിക്കും. ഫാ. ജോബി ജേക്കബ് കോട്ടക്കുഴി സഹകാർമികനാകും.
നാളെ മുതൽ 14 വരെ എല്ലാ ദിവസവും വൈകുന്നേരം 4.30ന് ആഘോഷമായ കുർബാന, നൊവേന എന്നിവ നടക്കും. 14ന് വൈകുന്നേരം 4.30ന് ആഘോഷമായ സമൂഹബലിക്ക് ചെമ്പന്തൊട്ടി ഫൊറോന വികാരി ഫാ. ആന്റണി മഞ്ഞളാംകുന്നേൽ മുഖ്യകാർമികത്വം വഹിക്കും. തുടർന്നു ടൗണിലേക്ക് തിരുനാൾ പ്രദക്ഷിണം, സമാപാന ആശീർ വാദം, വാദ്യമേളങ്ങൾ, ലൈറ്റ് ആൻഡ് സൗണ്ട് ഫയർ ഷോ എന്നിവയും ഉണ്ടാകും. സമാപന ദിവസമായ 15ന് രാവിലെ 9.30ന് ആർച്ച്ബിഷപ് എമരിറ്റസ് മാർ ജോർജ് ഞറളക്കാട്ടിന്‍റെ മുഖ്യകാർമികത്വത്തിൽ ആഘോഷമായ വിശുദ്ധ കുർബാന. തുടർന്ന് ലദീഞ്ഞ്, പ്രദക്ഷിണം, സമാപനാശീർവാദം, സേനഹവിരുന്ന് എന്നിവ നടക്കും രാത്രി ഏഴിന് ഗാനമേള അരങ്ങേറും.
Kannur
ഇരിട്ടി: ആറളം ഫാം പുനരധിവാസ മേഖലയിൽ നിർമിക്കുന്ന ആനമതിലിന്‍റെ തൂണുകൾ കാട്ടാന തകർത്ത സംഭവം ഗൗരവമായി കാണുന്നുണ്ടെന്നും നിർമാണത്തിലെ അപാകതയാണ് തകർച്ചയ്ക്ക് കാരണമെന്ന് സംശയിക്കുന്നതായും വൈദ്യുതി മന്ത്രി സണ്ണി ജോസഫ്. വാഴ നടന്ന ലാഘവത്തോടെയാണ് മതിലിന്‍റെ തൂണുകൾ നിർമിച്ചതെന്നാണ് ദൃശ്യങ്ങൾ കാണുമ്പോൾ മനസിലാകുന്നത്. ആന തട്ടിയപ്പോഴാണ് തൂണുകൾ ചെരിഞ്ഞു വീണത്.
ഈ തൂണുകളിൽ നിർമിക്കുന്ന മതിലിന് എത്ര ബലം ഉണ്ടെന്ന് ഊഹിക്കാവുന്നതേയുള്ളൂ. വനം മന്ത്രി തന്നെയാണ് ഈ ദൃശ്യം തനിക്ക് അയച്ചുതന്നതെന്ന് ഇരിട്ടി താലൂക്ക് സഭ യോഗത്തിൽ വൈദ്യുതി മന്ത്രി സണ്ണി ജോസഫ് പറഞ്ഞു.
ബന്ധപ്പെട്ട ഉദ്യോഗസ്ഥരിൽ നിന്ന് യോഗത്തിൽ വിശദീകരണം തേടിയ മന്ത്രി വിശദീകരണം തൃപ്തികരമല്ലെന്നും പറഞ്ഞു. വാഴയ്ക്ക് പകരം തെങ്ങും കമുകുമായിരുന്നെങ്കിലും ഇതിലും വലിയ കുഴിയെടുക്കുമായിരുന്നു.ആനമതിലിന്‍റെ തൂണിന് അതുപോലും ഉണ്ടായിട്ടില്ല. നിർമാണത്തിലെ ഓരോഘട്ടത്തിലും ബന്ധപ്പെട്ട ഉദ്യോഗസ്ഥൻ വിലയിരുത്തിയിരുന്നോ എന്നും മന്ത്രി ആരാഞ്ഞു. നിർമാണത്തിലെ കാലതാമസം കാരണം ഒരു വർഷം മുമ്പ് ഒഴിവാക്കിയ കരാറുകാരൻ നിർമിച്ച ഭാഗമാണ് കാട്ടാന തകർത്തതെന്ന് മതിലിന്‍റെ നിർമാണ ഏജൻസിയായ പൊതുമരാമത്ത് കെട്ടിട നിർമാണ വിഭാഗം എക്സിക്യൂട്ടീവ് എൻജിനിയർ യോഗത്തിൽ പറഞ്ഞു.
എക്സിക്യുട്ടീവ് എൻജിനിയർ, അസിസ്റ്റന്‍റ് എക്സിക്യൂട്ടീവ് എൻജിനിയർ, എൻജിനിയർ എന്നിവർ നിർമാണം പരിശോധിക്കുന്നുണ്ടെന്നും അതിന്‍റെ റിപ്പോർട്ട് ഉടൻ സമർപ്പിക്കുമെന്നും ബന്ധപ്പെട്ട ഉദ്യോഗസ്ഥർ യോഗത്തെ അറിയിച്ചു. 50 കോടിയിലധികം മുടക്കിയാണ് മതിൽ നിർമിക്കുന്നതെന്ന കാര്യം മന്ത്രി ബന്ധപ്പെട്ടവരെ ഓർമിപ്പിച്ചു.
അന്വേഷണത്തിൽ പിഴവ് കണ്ടെത്തിയാൽ കർശന നടപടി ഉണ്ടാകുമെന്നും മന്ത്രി പറഞ്ഞു. ആറളം പുനരധിവാസ മേഖലയിലെ ആദിവാസി കുടുംബങ്ങളെ കാട്ടാന ഭീഷണിയിൽ നിന്ന് രക്ഷിക്കാൻ വനാതിർത്തിയിൽ 10 കിലോമീറ്റർ ദൂരത്തിൽ നിർമിക്കുന്ന ആനമതിലിന്‍റെ രണ്ടു തൂണുകൾ കഴിഞ്ഞ ദിവസമാണ് കാട്ടാന തകർത്തത്.
Kannur
തളിപ്പറമ്പ്: പ്രമുഖ ഓൺലൈൻ മാർക്കറ്റിൽ നിന്ന് വാങ്ങിച്ച ചെരിപ്പിന്‍റെ അളവ് ശരിയാകാഞ്ഞതിനെ തുടർന്ന് തിരിച്ചയക്കാൻ ശ്രമിച്ച വയോധികന്‍റെ അക്കൗണ്ടിൽ നിന്ന് 2,69,500 രൂപ തട്ടിയെടുത്തതായി പരാതി. ധർമശാലയിലെ ഡ്രീം വില്ലയിൽ കെ. പദ്മനാഭനാണ് തട്ടിപ്പിന് ഇരയായത്.
ചെരിപ്പ് തിരിച്ചയക്കുന്നതിനായി മെസേജ് ഇട്ടതിനു പിന്നാലെയാണ് തട്ടിപ്പ് അരങ്ങേറിയത്. ഇക്കഴിഞ്ഞ അഞ്ചിന് വൈകുന്നേരം 5.34ന് പിക്കപ്പ് റീ ഷെഡ്യൂൾ ചെയ്യാനെന്ന് പറഞ്ഞ് ഒരു നമ്പറിൽ നിന്ന് വിളിച്ചിരുന്നു. ഈ സമയം തന്നെ 704713846 എന്ന നമ്പറിൽ നിന്ന് വാട്‌സ് ആപ്പ് വീഡിയോ കോൾ വിളിച്ച് ഫോൺ ഹാക്ക് ചെയ്ത് വിവിധ അക്കൗണ്ടുകളിലുളള പണം തട്ടിയെടുത്തെന്നാണ് പൊലിസിൽ നൽകിയ പരാതിയിൽ പറയുന്നത്.
Kannur
തലശേരി: പാർശ്വവത്കരിക്കപ്പെട്ടവരുടെ നീതിക്കായി ശബ്ദമുയർത്തുകയും മലയോര കർഷക സമൂഹത്തിന്‍റെ കാവലാളുമായ മലയാളത്തിന്‍റെ പ്രഥമ ദിനപത്രം ദീപികയുടെ തീവ്രപ്രചാരണ യജ്ഞത്തിന്‍റെ തലശേരി അതിരൂപതാതല ഉദ്ഘാടനം ഇന്ന്.
രാവിലെ ഒന്പതിന് തലശേരി കത്തീഡ്രൽ പള്ളിയിൽ നടക്കുന്ന വിശുദ്ധ കുർബാനയോടെയാണ് പരിപാടികൾ ആരംഭിക്കുക. ദീപിക തീവ്ര പ്രചാരണ യജ്ഞത്തിന്‍റെ ഉദ്ഘാടനം തലശേരി സാൻജോസ് മെട്രോ പൊളിറ്റൻ സ്കൂൾ ഓഡിറ്റോറിയത്തിൽ രാവിലെ 10.30ന് തലശേരി ആർച്ച്ബിഷപ് മാർ ജോസഫ് പാംപ്ലാനി നിർവഹിക്കും.
തലശേരി അതിരൂപത വികാരി ജനറാളും രാഷ്‌ട്രദീപിക ലിമിറ്റഡ് ഡയറക്ടറുമായ മോൺ. സെബാസ്റ്റ്യൻ പാലാക്കുഴി, എകെസിസി മാതൃവേദി, ഡിഎഫ്സി ആൻഡ് കുടുംബ യൂണിറ്റ് ഡയറക്ടർ ഫാ. ജോബി കോവാട്ട് എന്നിവർ പ്രസംഗിക്കും. സത്യത്തിനൊപ്പം ദീപികയ്ക്കൊപ്പം എന്ന പേരിൽ ആദരവ് പരിപാടിയും നടക്കും. തുടർന്ന് വിവിധ സെഷനുകളിലായി നടക്കുന്ന ക്ലാസുകൾക്ക് ഡിസിഎൽ ദേശീയ പ്രസിഡന്റ് ഫാ. റോയി കണ്ണംചിറ സിഎംഐ, രാഷ്‌ട്രദീപിക ലിമിറ്റഡ് ചീഫ് കോ-ഓർഡിനേറ്റിംഗ് ഓഫിസർ ഫാ. ജിനോ പുന്നമറ്റത്തിൽ എന്നിവർ നേതൃത്വം നൽകും. തലശേരി അതിരൂപത എകെസിസി ആൻഡ് ഡിഎഫ്സി പ്രസിഡന്റ് ഫിലിപ്പ് മാത്യു വെളിയത്ത്, മാതൃവേദി അതിരൂപത പ്രസിഡന്റ് സിസി തൈപ്പറന്പിൽ എന്നിവർ ആശംസകളർപ്പിക്കും.
Kannur
ചെമ്പേരി: തലശേരി അതിരൂപതയിലെ വൈദിക വിദ്യാർഥികളുടെ പരിശീലനത്തിനും വൈദികരുടെ ക്ഷേമത്തിനുമായി രൂപീകരിച്ച വിയാനി നിധിയുമായി സഹകരിക്കുന്ന ഉപകാരികളുടെ സംഗമം ചെമ്പേരി ലൂർദ് മാതാ ബസിലിക്കയിൽ നടന്നു. ഇന്നലെ രാവിലെ 10ന് വിശുദ്ധ കുർബാനയോടെയാണ് സംഗമം ആരംഭിച്ചത്.
തുടർന്ന് നടന്ന പൊതുസമ്മേളനം ആർച്ച്ബിഷപ് മാർ ജോസഫ് പാംപ്ലാനി ഉദ്ഘാടനം ചെയ്തു. തലശേരി അതിരൂപതയുടെ വളർച്ചയിൽ ഉപകാരികളായ സുമനസുകളുടെ സഹകരണം വിസ്മരിക്കാനാവാത്തതാണെന്നും അതിരൂപതയ്ക്ക് അവരോടുള്ള നന്ദിയും കടപ്പാടും അറിയിക്കുന്നതായും ആർച്ച്ബിഷപ് പറഞ്ഞു.
അതിരൂപത പ്രോക്യൂറേറ്റർ ഫാ. ഡോ. ജോജി കാക്കരമറ്റത്തിൽ, മൈനർ സെമിനാരി റെക്ടർ ഫാ.ഡോ. തോമസ് മേൽവെട്ടം, ചെമ്പേരി ബസിലിക്ക റെക്ടർ ഫാ.തോമസ് തയ്യിൽ, ആരാധന സന്ന്യാസിനീ സമൂഹം തലശേരി പ്രൊവിൻഷ്യൽ സിസ്റ്റർ അനില മണ്ണൂർ, പി.ടി.ജോസ് എന്നിവർ പ്രസംഗിച്ചു. അതിരൂപത പ്രോട്ടോസിഞ്ചെല്ലൂസ് മോൺ. ആന്റണി മുതുകുന്നേൽ സ്വാഗതവും തലശേരി അതിരൂപത ചാൻസലറും വിയാനി നിധി കോ-ഓർഡിനേറ്ററുമായ ഫാ.ഡോ. ജോസഫ് മുട്ടത്തുകുന്നേൽ നന്ദിയും പറഞ്ഞു. 250 ത്തോളം ഉപകരികൾ സംഗമത്തിൽ പങ്കെടുത്തു.
Kannur
മടമ്പം: പികെഎം കോളജ് ഓഫ് എഡ്യുക്കേഷന്‍റെ ഭരണഭാഷാ വാരാചരണത്തിന്‍റെ ഭാഗമായി കോളജിലെ ഭൂമിത്രസേന ക്ലബ്, ടൂറിസം ക്ലബ്, എൻഎസ്എസ്, ഐക്യുഎസി എന്നിവ സംയുക്തമായി സംഘടിപ്പിച്ച "ഞാറ്റുവേല-ഞാറ്‌നടീൽ ഉത്സവം' ഒടാക്കൽ പാടശേഖരത്ത് നടന്നു. ആറളം ഗ്രാമപഞ്ചായത്ത് പ്രസിഡന്റ് വി. ശോഭ ഉദ്ഘാടനം ചെയ്തു. വൈസ് പ്രസിഡന്റ് ജിമ്മി അന്തീനാട്ട് അധ്യക്ഷത വഹിച്ചു. കോളജ് അസോസിയേറ്റ് പ്രഫസറും ഐക്യുഎസി കോ-ഓർഡിനേറ്ററുമായ ഡോ. വീണ അപ്പുക്കുട്ടൻ ആമുഖ പ്രഭാഷണം നടത്തി.
ആറളം പഞ്ചായത്ത് ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ രജിത മാവില, വികസനകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ റൈഹാനത്ത് സുബി, കോളജ് യൂണിയൻ ചെയർമാൻ ടോം ക്രിസ്റ്റ്യാനോ ജോർജ് എന്നിവർ പ്രസംഗിച്ചു. "കൃഷിയിലെ ബിസിനസ് സാധ്യതകൾ' എന്ന വിഷയത്തിൽ ബയോമൗണ്ടൻ ഫാർമേഴ്സ് പ്രൊഡ്യൂസർ കമ്പനി ലിമിറ്റഡ് ഡയറക്ടർ ഫാ. ബെന്നി നിരപ്പേൽ അധ്യാപക വിദ്യാർഥികളോട് സംവദിച്ചു.
ആറളം ഗ്രാമപഞ്ചായത്ത് കൃഷി ഓഫിസർ ടി.ആർ. രാഹുൽ നെൽകൃഷി സംബന്ധമായ പ്രത്യേക ക്ലാസ് നയിച്ചു. തുടർന്ന് ഒടാക്കൽ പാടശേഖരത്തിൽ വിദ്യാർഥികൾ ഒത്തുചേർന്ന് നടത്തിയ ഞാറുനടീൽ പുതിയ തലമുറയ്ക്ക് നെൽകൃഷിയുടെ പ്രാധാന്യവും നാടൻ കാർഷിക രീതികളും നേരിട്ടനുഭവിച്ചറിയാൻ അവസരമൊരുക്കി.
Kannur
ആലക്കോട്: കണ്ണൂർ ക്ഷീരവികസന വകുപ്പ് ആലക്കോട് യൂണിറ്റിന്‍റെ ആഭിമുഖ്യത്തിൽ ക്ഷീരകർഷക സംഗമം നടത്തി. നടുവിൽ ക്ഷീരോത്പാദക സഹകരണ സംഘത്തിന്‍റെ ആതിഥേയത്വത്തിൽ നടുവിൽ വ്യാപാരഭവനിൽ നടന്ന സംഗമം സജീവ് ജോസഫ് എംഎൽഎ ഉദ്ഘാടനം ചെയ്തു. തളിപ്പറമ്പ് ബ്ലോക്ക് പഞ്ചായത്ത് പ്രസിഡന്റ് ജെസി ഷിജി വട്ടക്കാട്ട് അധ്യക്ഷത വഹിച്ചു. ക്ഷീരവികസന വകുപ്പ് കണ്ണൂർ ഡെപ്യൂട്ടി ഡയറക്ടർ ആർ. രശ്മി പദ്ധതി വിശദീകരിച്ചു.
പാലുത്പന്ന നിർമാണ പ്രദർശനത്തിന് ക്ഷീര വികസന ഓഫിസർ കെ.ടി. അശ്വതി നേതൃത്വം നൽകി. ക്ഷീരവികസന സെമിനാറിൽ കന്നുകാലി രോഗങ്ങളും പ്രതിരോധ മാർഗങ്ങളും എന്ന വിഷയത്തിൽ ഡോ. സോയ വിനോദും ക്ഷീരമേഖലയിലെ സ്വയംപര്യാപ്തതയ്ക്ക് ഒരു ചുവടുവയ്പ് എന്ന വിഷയത്തിൽ സീനിയർ ക്ഷീര വികസന ഓഫിസർ പി.വി. ബീനയും ക്ലാസെടുത്തു.
ജില്ലാ പഞ്ചായത്തംഗം ജോജി വർഗീസ് വട്ടോളി, നടുവിൽ ക്ഷീരസംഘം പ്രസിഡന്റ് എ.എസ്. ബിപിൻ, ക്വാളിറ്റി കൺട്രോൾ ഓഫിസർ എൻ. ശ്രീകാന്തി, ദീപ ജോസ്, കെ. ചിൽസു, ബ്ലോക്ക് പഞ്ചായത്ത് വൈസ് പ്രസിഡന്റ് അജേഷ് പൂവനാട്ട് എന്നിവർ പ്രസംഗിച്ചു. ക്ഷീരസംഘങ്ങളിൽ ഏറ്റവും കൂടുതൽ പാൽ അളന്ന കർഷകരെ ഗ്രാമപഞ്ചായത്ത് പ്രസിഡന്റുമാരായ മോളി സജി, പ്രിൻസി ബോബി, സജി ഓതറ, ടെസി ആലുംമൂട്ടിൽ എന്നിവർ ആദരിച്ചു.
Kannur
കണ്ണൂർ: ഒരാൾ വാക്കിന്‍റെ മൂർച്ചയിൽ വിപ്ലവം തീർത്ത് സമൂഹത്തിലിടപെട്ടു, മറ്റൊരാൾ അനീതിക്കെതി‍രേ വിപ്ലവം തീർത്ത് ജനങ്ങളിലേക്കിറങ്ങി. അങ്ങനെ വ്യത്യസ്ത മാർഗത്തിൽ സഞ്ചരിച്ച് ഒരേ ദിശയിലെത്തിയ പ്രഫ. എം.എൻ. വിജയനും വി.എസ്. അച്യുതാനന്ദനും. പ്രഫ. എം.എൻ. വിജയന്‍റെ ഓർമദിനത്തോടനുബന്ധിച്ച് ഇന്നലെ കണ്ണൂർ ജവഹർ ലൈബ്രറിയിൽ ആരംഭിച്ച ഫോട്ടോപ്രദർശനം ഈ രണ്ടു വ്യക്തികളുടെയും നിലപാടുകൾ കൊണ്ട് പേമാരിയായ മുഹൂർത്തങ്ങൾ പറയുന്നതാണ്.
തന്‍റെ അവസാന എഴുത്തിൽ എം.എൻ. വിജയൻ ഇങ്ങനെ പറയുന്നുണ്ട്, ‘ഇരയായി ഇര പിടിക്കുക’, അതൊരു വെറും വാക്കായിരുന്നില്ല, സമൂഹത്തിന്‍റെ സകല ജീർണതകളേയും തുറന്നുകാണിക്കുന്ന വാചകങ്ങളായിരുന്നു. ഫാസിസത്തിനും അധികാരപ്രവണതകൾക്കുമെതിരേ വിട്ടുവീഴ്ചയില്ലാ‍തെ പൊരുതി വിജയംകൊയ്ത എഴുത്തുകാരനാണ് പ്രഫ. എം.എൻ. വിജയൻ. അദ്ദേഹത്തിന്‍റെ ഓരോ വാക്കും പ്രദർശന നഗരിയിലെ താത്കാലിക കാൻവാസിൽ പതിപ്പിച്ചത് കാണാനെത്തുന്നവരുടെ മനസിൽ ഒരിക്കലും മായാതെ കൊത്തിവയ്ക്കപ്പെടുമെന്നത് തീർച്ചയാണ്.
ജനകീയപോരാട്ടങ്ങളുടെ കനൽവഴി താണ്ടിയ വിപ്ലവസൂര്യൻ വി.എസ്. അച്യുതാനന്ദൻ മതികെട്ടാൻ മലയിൽ പോയതും മൂന്നാർ ഒഴിപ്പിക്കലിന്‍റെ പശ്ചാത്തലത്തിൽ എടുത്തതും തന്‍റെ പാർട്ടി തീരുമാനം മറികടന്ന് ടി.പി. ചന്ദ്രശേഖരന്‍റെ ഭാര്യ കെ.കെ. രമയെ കാണാൻചെന്നതും എല്ലാം കാൻവാസിൽ കൊളുത്തിവച്ച തീനാളങ്ങളായി മാറുന്ന കാഴ്ചയാണ് ഫോട്ടോ പ്രദർശനത്തിൽ. രണ്ട് മഹാപ്രതിഭകളുടെ അപൂർവനിമിഷങ്ങളെ കോർത്തിണക്കിയ ഫോട്ടോ പ്രദർശനം കാഴ്ചയ്ക്കപ്പുറം ഒരു കാലഘട്ടത്തിന്‍റെ ഓർമപ്പെടുത്തലായി മാറുന്നവയായിരുന്നു.എം.എൻ. പഠനഗവേഷണ കേന്ദ്രത്തിന്‍റെ ആഭിമുഖ്യത്തിൽ സംഘടിപ്പിക്കുന്ന പ്രദർശനം ഇന്നു സമാപിക്കും
Kannur
പയ്യന്നൂര്‍: നാലു ദിവസങ്ങളിലായി പയ്യന്നൂര്‍ സെന്റ് മേരീസ് സ്‌കൂളില്‍ നടന്നുവന്ന 65 -ാമത് പയ്യന്നൂര്‍ ഉപജില്ല കേരള സ്‌കൂള്‍ കലോത്സവം സമാപിച്ചു. 95 വിദ്യാലയങ്ങളില്‍ നിന്നുള്ള 7500 ഓളം പ്രതിഭകളുടെ ആവേശം നിറഞ്ഞ മത്സര വേദികള്‍ക്ക് ഇതോടെ തിരശീല വീണു.എല്‍പി, യുപി, ഹൈസ്‌കൂള്‍, ഹയര് സെക്കൻഡറി സ്‌കൂള്‍ എന്നീ വിഭാഗങ്ങളിലായുള്ള സംസ്‌കൃതോത്സവം, അറബിക് കലോത്സവം, ജനറല്‍ കലോത്സവം എന്നീ വിഭാഗങ്ങളിലായുള്ള മത്സരങ്ങളാണു നാലു ദിവസങ്ങളിലായി 12 വേദികളില്‍ നടന്നത്.
സമാപന സമ്മേളനം ജില്ലാ പഞ്ചായത്ത് പ്രസിഡന്റ് ബിനോയ് കുര്യന്‍ ഉദ്ഘാടനം ചെയ്തു. പയ്യന്നൂര്‍ ബ്ലോക്ക് പഞ്ചായത്ത് പ്രസിഡന്റ് കെ.കെ. ജോയി അധ്യക്ഷത വഹിച്ചു. സംഘാടക സമിതി ചെയര്‍മാന്‍ സരിന്‍ ശശി വിശിഷ്ട വ്യക്തികളെ ആദരിച്ചു. അഭിനേത്രി സിനി ഏബ്രഹാം മുഖ്യാതിഥിയായി. നഗരസഭ ആരോഗ്യ സ്റ്റാന്‍റിംഗ് കമ്മിറ്റി ചെയര്‍മാന്‍ വി.പി. മോഹനന്‍, നഗരസഭ സ്റ്റാന്‍റിംഗ് കമ്മിറ്റി ചെയര്‍മാന്‍മാര്‍, വിദ്യാഭ്യാസ വകുപ്പുദ്യോഗസ്ഥര്, സംഘാടക സമിതി ചെയര്‍മാന്‍ സരിന്‍ ശശി, ജനറല്‍ കണ്‍വീനര്‍ സിസ്റ്റര്‍ റെജി ജോസഫ്, പ്രോഗ്രാം കമ്മിറ്റി കണ്‍വീനര്‍ സിസ്റ്റര്‍ ജീവ ജോസ് എന്നിവര്‍ പ്രസംഗിച്ചു.
Kannur
ശ്രീകണ്ഠപുരം: കളഞ്ഞു കിട്ടിയ പണം ഉടമയെ കണ്ടെത്തി തിരികെ നൽകി ഓട്ടോ ഡ്രൈവർ മാതൃകയായി. ശ്രീകണ്ഠപുരം ടൗണിലെ ഓട്ടോ ഡ്രൈവറായ കൊട്ടൂർവയൽ സ്വദേശി റഫീഖിനാണ് ഇന്നലെ കോട്ടൂർ പാലത്തിനു സമീപത്തെ റോഡിൽ നിന്ന് 50,000 രൂപ കളഞ്ഞു കിട്ടിയത്. ഉടൻ തന്നെ പണം ശ്രീകണ്ഠപുരം പൊലിസ് സ്റ്റേഷനിലെത്തുകയായിരുന്നു. തുടർന്ന് നടത്തിയ അന്വേഷണത്തിൽ ചപ്പാരപ്പടവ് സ്വദേശി അബ്ദുൾ അസീസിന്‍റെ പണമാണ് നഷ്ടപ്പെട്ടതെന്ന് കണ്ടെത്തി. സഅബ്ദുൾ അസീസിന് എസ്ഐ ടോമിയുടെ സാന്നിധ്യത്തിൽ പണം കൈമാറുകയായിരുന്നു.
Kannur
ആലക്കോട്: ആലക്കോട് പഞ്ചായത്തിലെ വിവിധ പ്രദേശങ്ങളിൽ തെരുവുനായ ശല്യം രൂക്ഷമാകുന്നു. ആലക്കോട് ടൗൺ, അരങ്ങം, നെല്ലിപ്പാറ, രയറോം, മൂന്നാംകുന്ന്, തേർത്തല്ലി ടൗൺ എന്നിവിടങ്ങളിലാണ് തെരുവുനായ ശല്യം കാരണം ജനങ്ങൾ പൊറുതി മുട്ടിയിരിക്കുന്നത്.
ബസ് കാത്തിരിപ്പുകേന്ദ്രങ്ങളിലടക്കം തെരുവുനായകൾ തന്പടിക്കുന്നത് ജനങ്ങളെ ഭീതിയിലാക്കുന്നുണ്ട്. സ്കൂൾ കുട്ടികൾ, കാൽനടയാത്രക്കാർ എന്നിവരാണ് ഏറ്റവും കൂടുതൽ ദുരിതം നേരിടുന്നത്, ഇരുചക്രവാഹനങ്ങളെ തെരുവുനായകൾ കൂട്ടത്തോടെ പിന്തുടരുന്നതിനെ തുടർന്ന് യാത്രക്കാർക്ക് ഭയന്ന് വീണ് പരിക്കേറ്റിട്ടുമുണ്ട്. വർധിച്ചുവരുന്ന തെരുവുനായ ശല്യത്തിന് പരിഹാരം കാണാൻ അധികൃതർ അടിയന്തര നടപടി സ്വീകരിക്കണമെന്നാണ് നാട്ടുകാരുടെ ആവശ്യം.
Kannur
കൂത്തുപറമ്പ്: തലശേരി നോർത്ത് സബ്ജില്ല കേരള സ്കൂൾ കലോത്സവം സമാപിച്ചു. സമാപന സമ്മേളനം ടി.ഒ. മോഹനൻ എംഎൽഎ ഉദ്ഘാടനം ചെയ്തു. വേങ്ങാട് പഞ്ചായത്ത് വൈസ് പ്രസിഡന്റ് പി.റീജ അധ്യക്ഷത വഹിച്ചു.
സംസ്ഥാന അധ്യാപക അവാർഡ് ജേതാവ് കെ. വിനോദ് കുമാറിനെ ചടങ്ങിൽ ആദരിച്ചു.
വേങ്ങാട് പഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ടി. പദ്മനാഭൻ, പഞ്ചായത്തംഗങ്ങളായ കെ. മോഹനൻ, മമ്പറം ദിവാകരൻ, വി.കെ. രേഖ, കെ.കെ. ഷിജിനി, മാങ്ങാട്ടിടം പഞ്ചായത്തംഗം കെ.കെ. ചന്ദ്രിക, തലശേരി നോർത്ത് എഇഒ എ. പ്രശാന്ത്, പിടിഎ പ്രസിഡന്റ് പി. മോഹനൻ, മാനേജർ കെ.വി. കരുണാകരൻ, പ്രിൻസിപ്പൽ ഫോറം കൺവീനർ സി.പി. രാജേഷ്, എച്ച്എം ഫോറം സെക്രട്ടറി കെ. ഷിജിത്ത്, മുഖ്യാധ്യാപകൻ കെ. വിനീതൻ, പ്രോഗ്രാം കമ്മിറ്റി കൺവീനർ കെ.പി. രാമചന്ദ്രൻ, മിഥുൻ മുകുന്ദൻ, എൻ.ടി. മിഹ്റാജ്, കെ. അബ്ദുൾ ഹമീദ്, കെ. ഷീജ, ടി.വി. ശ്രീകുമാർ, കെ. പ്രിൻസി, സി.കെ. ഷക്കീർ, ജോർജ് ടി. ഏബ്രഹാം, ടി. രഘുനാഥ് എന്നിവർ പ്രസംഗിച്ചു.
Kannur
ചെറുപുഴ: മലയോരത്ത് ഇന്നലെ വൈകുന്നേരം പെയ്ത കനത്ത മഴയിൽ ചെറുപുഴ സെബാസ്റ്റ്യൻസ് കോൺവെന്‍റിന്‍റെ കാക്കേഞ്ചാൽ-ജോർജ് നഗർ റോഡിനോട് ചേർന്ന ചെങ്കൽ കെട്ട് തകർന്നുവീണു. കാക്കേഞ്ചാൽ-പടത്തടം റോഡിലേക്ക് പുളിക്കൽ അബ്ദുൾ റഹ്മാന്‍റെ ചെങ്കൽ കെട്ട് തകർന്നുവീണ് ഭാഗികമായി ഗതാഗതം തടസപ്പെട്ടു.
ചെറുപുഴ: മലയോരത്ത് ഇന്നലെ വൈകുന്നേരം പെയ്ത കനത്ത മഴയിൽ ചെറുപുഴ സെബാസ്റ്റ്യൻസ് കോൺവെന്‍റിന്‍റെ കാക്കേഞ്ചാൽ-ജോർജ് നഗർ റോഡിനോട് ചേർന്ന ചെങ്കൽ കെട്ട് തകർന്നുവീണു. കാക്കേഞ്ചാൽ-പടത്തടം റോഡിലേക്ക് പുളിക്കൽ അബ്ദുൾ റഹ്മാന്‍റെ ചെങ്കൽ കെട്ട് തകർന്നുവീണ് ഭാഗികമായി ഗതാഗതം തടസപ്പെട്ടു. കെട്ടിനൊപ്പം മരങ്ങളും വാഴകളും റോഡിലേക്ക് വീണു. ചെറുപുഴ ബസ്‌സ്റ്റാൻഡിലും മേലേ ബസാറിലും വലിയ തോതിൽ വെള്ളക്കെട്ടുണ്ടായി. കാൽനട യാത്രക്കാർക്ക് ഇരുചക്രവാഹനങ്ങളും ഇത് ഏറെ ബുദ്ധിമുട്ടുണ്ടാക്കി.
ചെറുപുഴ ബസ്‌സ്റ്റാൻ ഡിൽ ബസിൽ കയറുന്നതിനും ഇറങ്ങുന്നതിനും വിദ്യാർഥികൾ ഉൾപ്പടെയുള്ള യാത്രക്കാർ വിഷമിച്ചു. നിലവിലുള്ള ബസ് കാത്തിരിപ്പുകേന്ദ്രത്തിൽ നിൽക്കാൻ കഴിയാത്തതിനാൽ യാത്രക്കാർ കടത്തിണ്ണകളെ അഭയംപ്രാപിച്ചു.
Kannur
ഇരിട്ടി: ആറളം ഫാം പുനരധിവാസ മേഖലയിലേക്ക് കാട്ടാനകൾ പ്രവേശിക്കുന്നത് തടയാൻ വനാതിർത്തിയിലെ ആനമതിൽ നിർമാണത്തിന്‍റെ ഭാഗമായി പണിത കോൺക്രീറ്റ് തൂണുകൾ കാട്ടാന തകർത്തു. പരിപ്പുതോട് സെക്ഷൻ ഫോറസ്റ്റ് ഓഫിസിന് സമീപത്തെ വനാതിർത്തിയിൽ നിർമിച്ച കോൺക്രീറ്റ് തൂണുകളാണ് കാട്ടാന മറിച്ചിട്ടത്.
ആദ്യ കരാറുകാരൻ നിർമിച്ച നിരവധി തൂണുകളിലുള്ളവയാണ് ഇത്. നിർമാണത്തിൽ അപാകതയുള്ളതിനാലാണ് തൂണികൾ ആനയ്ക്ക് തകർക്കാനായതെന്ന് ആക്ഷേപം ഉയരുന്നുണ്ട്. ഈ കരാറുകാരൻ പിന്നീട് കരാർ ഉപേക്ഷിച്ചതിനാൽ നിലവിൽ പൊതുമരാമത്ത് വകുപ്പാണ് പ്രവൃത്തി നടത്തുന്നത്.
അശാസ്ത്രീയമായ രീതിയിലാണ് ആനമതിലുമായി ബന്ധപ്പെട്ട നിർമാണം നടക്കുന്നതെന്ന് തുടക്കം മുതലേ ആരോപണമുണ്ടായിരുന്നു. ഇതു ശരിവയ്ക്കുന്നതാണ് ഇപ്പോഴത്തെ സംഭവം. ഈ സാഹചര്യത്തിൽ ആനകളുടെ ആക്രമണത്തിൽനിന്ന് ആറളം ഫാമിനെയും പുനരധിവാസ മേഖലയിലെ കുടുംബങ്ങളെയും സംരക്ഷിക്കുക എന്ന ലക്ഷ്യത്തോടെ പണിയുന്ന ആനമതിൽ എത്രത്തോളം സുരക്ഷയൊരുക്കുമെന്നതിൽ ആശങ്കയുണ്ടെന്ന് പുനരധിവാസ മേഖലയിലുള്ളവർ പറഞ്ഞു.
ആദ്യകരാറുകാരൻ പണി കോൺക്രീറ്റ് തൂണുകൾ ആനകൾ തകർത്ത സാഹചര്യത്തിൽ നിർമാണത്തിന് ഉപയോഗിച്ച സാമഗ്രികളുടെ ഗുണനിലവാരം, തൂണുകളുടെ ബലക്ഷമത, നിർമാണരീതി, കോൺക്രീറ്റ് ബീമുകളുടെ ഉറപ്പ് എന്നിവ ഉൾപ്പടെയുള്ള കാര്യങ്ങൾ വിദഗ്ധ പരിശോധനയക്ക് വിധേയമാക്കണമെന്നും പുനരധിവാസ മേഖലയിലുള്ളവർ ആവശ്യപ്പെടുന്നുണ്ട്.
Kannur
തലശേരി: സാമൂഹികനന്മയും രാഷ്‌ട്രപുരോഗതിയും ലക്ഷ്യമാക്കി പ്രവർത്തിച്ചുവരുന്ന കത്തോലിക്ക കോൺഗ്രസ് തലശേരി അതിരൂപതയിലെ വിവിധ ഫൊറോനകൾ കേന്ദ്രീകരിച്ച് നടത്തുന്ന മേഖലാ സമ്മേളനങ്ങൾ ആരംഭിച്ചു. തോമാപുരം മേഖലയിലെ കടുമേനി സെന്റ് മേരീസ് പാരിഷ് ഹാളിൽ നടന്ന സമ്മേളനം ഫാ. ജോസഫ് കാവനാടിയിൽ ഉദ്ഘാടനം ചെയ്തു.
മേഖലാ പ്രസിഡന്റ് സാജു പടിഞ്ഞാറേട്ട് അധ്യക്ഷത വഹിച്ചു. കത്തോലിക്ക കോൺഗ്രസ് തലശേരി അതിരൂപത ഡയറക്ടറായി നിയമതിനായ ഫാ. ജോബി കോവാട്ടിന് സ്വീകരണം നൽകി.
കർഷകസമൂഹത്തിനും പുതിയ തലമുറയെ വാർത്തെടുക്കുന്നതിനായി യുവതീയുവാക്കൾക്കും വിദ്യാർഥികൾക്കും വിശ്വാസത്തിലൂന്നിയ നേതൃത്വപാടവം നേടിയെടുക്കുന്നതിനും യുവാക്കളെ കാർഷികമേഖലയിലേക്ക് ആകർഷിക്കുന്നതിനുമായുള്ള പദ്ധതികൾ കത്തോലിക്കാ കോൺഗ്രസ് നടപ്പാക്കണമെന്ന് ഫാ. ജോബി കോവാട്ട് പറഞ്ഞു. ഇതിനായി കത്തോലിക്ക കോൺഗ്രസിന്‍റെ രൂപത, ഫൊറോന, യൂണിറ്റ് ഭാരവാഹികൾ പദ്ധതികൾ ആവിഷ്കരിക്കണമെന്നും അദ്ദേഹം ആവശ്യപ്പെട്ടു.
കത്തോലിക്ക കോൺഗ്രസ് തലശേരി അതിരൂപത പ്രസിഡന്റ് ഫിലിപ്പ് വെളിയത്ത്, ഗ്ലോബൽ ട്രഷറർ അഡ്വ. ടോണി ജോസഫ് പുഞ്ചക്കുന്നേൽ, അതിരൂപത ജനറൽ സെക്രട്ടറി ജിമ്മി ആയിത്തമറ്റം, ട്രഷറർ സുരേഷ് കാഞ്ഞിരത്തിങ്കൽ, വൈസ് പ്രസിഡന്റ് ടോമി കണയാങ്കൽ, മേഖല ഡയറക്ടർ ഫാ. തോമസ് പൂവൻപുഴ, മേഖലാ സെക്രട്ടറി തോമസ് മണ്ണനാനിക്കൽ, രൂപത സെക്രട്ടറിമാരായ സെബാസ്റ്റ്യൻ ജാതികുളം, ജയിംസ് ഇമ്മാനുവൽ, ജോസഫ് കൊച്ചുകുന്നത്തുപറമ്പിൽ, ആന്‍റോ തെരുവംകുന്നേൽ, സെബാസ്റ്റ്യൻ വട്ടപ്പറമ്പിൽ എന്നിവർ പ്രസംഗിച്ചു.
നവംബർ, ഡിസംബർ മാസങ്ങളിൽ നടക്കുന്ന മേഖലാ സമ്മേളനങ്ങൾക്ക് ശേഷം ജനുവരിയിൽ മെംബർഷിപ് കാമ്പയിൻ ആരംഭിക്കുമെന്ന് ഭാരവാഹികൾ അറിയിച്ചു.
Kannur
തളിപ്പറമ്പ്: ത്രോബോൾ താരം അശ്വതിക്കും കുടുംബത്തിനും ഇനി സ്വന്തം വീട്ടിൽ സമാധാനത്തോടെ ഉറങ്ങാം. ബാങ്ക് ജപ്തി ചെയ്ത വീട് പണമടച്ച് വീണ്ടെടുത്ത ലുലു ഗ്രൂപ്പ് വീടിന്‍റെ താക്കോൽ ഇന്നലെ രാവിലെ കുടുംബത്തിന് കൈമാറി. അശ്വതിയും കുടുംബവും കഴിഞ്ഞിരുന്ന വീട് ജപ്തി ചെയ്ത വിവരമറിഞ്ഞ ലുലു ഗ്രൂപ്പ് ചെയർമാൻ എം.എ. യൂസഫലി ഇവർക്ക് രക്ഷകനാകുകയായിരുന്നു.
ഇന്നലെ രാവിലെ ഏഴോടെ പുളിമ്പറമ്പ് തോട്ടാറന്പിലെ താമസസ്ഥലത്ത് എത്തി ലുലു ഗ്രൂപ്പ് ഇന്ത്യ മീഡിയ ഹെഡ് എൻ.ബി. സ്വരാജ്, ലുലു കാലിക്കട്ട് റീജണൽ ഡയറക്ടർ മുഹമ്മദ് ഷെരീഫ് മാട്ടിൽ, കേരള ബാങ്ക് വൈസ് പ്രസിഡന്റ് ടി.വി. രാജേഷ്, റീജണൽ മാനേജർ എം.കെ. ഷാജി, തളിപ്പറമ്പ് സീനിയർ മാനേജർ മനൂജ് എന്നിവർ വീടിന്‍റെ താക്കോൽ കൈമാറുകയായിരുന്നു. 35 ലക്ഷം രൂപയാണ് കേരള ബാങ്കിൽ പലിശയും പിഴപ്പലിശയുമായി അടയ്ക്കാനുണ്ടായിരുന്നത്. ബാങ്കുമായി സംസാരിച്ച് ഒറ്റത്തവണ തീർപ്പാക്കൽ പദ്ധതിയിലൂടെ 22 ലക്ഷം രൂപയാണ് ലുലുഗ്രൂപ്പ് തളിപ്പറമ്പ് കേരള ബാങ്കിൽ കഴിഞ്ഞദിവസം പണമടച്ചത്.
ത്രോബോളില് ഏഴു വർഷത്തോളം സംസ്ഥാന ടീമംഗമായിരുന്നു അശ്വതി. ഭർത്താവ് നിധിൻ, മക്കളായ അകൃത, ആമിയ, ഭർതൃമാതാപിതാക്കളായ തോമസ്, ആരംഭൻ സുനില എന്നിവർ താമസിച്ചിരുന്ന വീടാണ് വായ്പാ തിരിച്ചടവ് മുടങ്ങിയതിനെത്തുടർന്ന് കേരള ബാങ്ക് ജപ്തി ചെയ്ത് അടച്ചുപൂട്ടി സീൽ ചെയ്തിരുന്നത്. ഇതേത്തുടർന്ന് വീടിനു സമീപത്തെ ഒറ്റ മുറി ഷെഡിലായിരുന്നു ആറംഗ കുടുംബം ദയനീയാവസ്ഥയിൽ കഴിഞ്ഞു വന്നിരുന്നത്. വീട് നിർമിക്കാനായെടുത്ത വായ്പാ തിരിച്ചടവ് മുടങ്ങിയതായിരുന്നു ജപ്തിയിലേക്ക് എത്തിയത്.
Kannur
ഉദയഗിരി: ഉദയഗിരി പഞ്ചായത്തിൽ പ്രളയക്കെടുതിയിൽപ്പെട്ടവർക്കുള്ള സർക്കാർ ധനസഹായമായി അനുവദിച്ച 21.28 ലക്ഷം രൂപയിൽ നിന്നുള്ള തുക അർഹരായവരുടെ അക്കൗണ്ടുകളിൽ എത്തിതുടങ്ങി. 2026 ഓഗസ്റ്റ് ഒന്നിനുണ്ടായ ഉരുൾപൊട്ടലിലും മിന്നൽപ്രളയത്തിലും വെള്ളം കയറിയ വീടുകൾക്കും മണ്ണിടിച്ചിലിൽ നാശനഷ്ടം സംഭവിച്ച വീടുകൾക്കുമാണ് സഹായം അനുവദിച്ചത്.
അടിയന്തര ധനസഹായമായി 52 കുടുംബങ്ങൾക്ക് 10,000 രൂപ വീതവും മണ്ണിടിച്ചിലിൽ വീടുകൾക്ക് നാശനഷ്ടം സംഭവിച്ച 26 പേർക്ക് മൂല്യനിർണയത്തിന്‍റെ അടിസ്ഥാനത്തിൽ ആദ്യ ഗഡുവായി രണ്ടുലക്ഷം രൂപ വരെ ഉൾപ്പെടെ ആകെ 16,08,500 രൂപയും ലഭിച്ചു. ഇതോടെ ഉദയഗിരി പഞ്ചായത്തിലെ ദുരന്തബാധിതർക്കായി സർക്കാർ അനുവദിച്ച ആകെ ധനസഹായം 21,28,500 രൂപയായി. ധനസഹായം അനുവദിച്ച സർക്കാരിനും ഇതിനായി പ്രയത്നിച്ച സജീവ് ജോസഫ് എംഎൽഎ, ദുരന്തബാധിത പ്രദേശങ്ങൾ സന്ദർശിച്ച് ജനങ്ങൾക്ക് ആശ്വാസം പകർന്ന മന്ത്രി സണ്ണി ജോസഫ്, കെ. സുധാകരൻ എംപി, പഞ്ചായത്ത് ഭരണസമിതി എന്നിവരെ ഉദയഗിരി മണ്ഡലം കോൺഗ്രസ് കമ്മിറ്റി യോഗം അഭിനന്ദിച്ചു. മണ്ഡലം പ്രസിഡന്റ് ജോയിച്ചൻ പള്ളിയാലിൽ അധ്യക്ഷത വഹിച്ചു.
അതേ സമയം എൽഡിഎഫ് സർക്കാരിന്‍റെ കാലത്ത് കഴിഞ്ഞ പത്തുവർഷത്തിനിടെ ഉണ്ടായ പ്രകൃതിദുരന്തങ്ങളിൽ ഒന്നിൽപ്പോലും ഉദയഗിരിക്ക് ഒരു രൂപയുടെ ധനസഹായം പോലും ലഭിച്ചിട്ടില്ലെന്ന് യോഗം ചൂണ്ടിക്കാട്ടി.
Kannur
പയ്യാവൂർ: സംസ്ഥാന വടംവലി അസോസിയേഷന്‍റെയും ദിശാദർശന്‍റെയും ആഭിമുഖ്യത്തിൽ സംഘടിപ്പിക്കുന്ന അണ്ടർ 19 സംസ്ഥാനതല വടംവലി ചാമ്പ്യൻഷിപ്പ് 19, 20 തീയതികളിൽ ചന്ദനക്കാംപാറയിൽ നടക്കുമെന്ന് സജീവ് ജോസഫ് എംഎൽഎ അറിയിച്ചു. സംസ്ഥാന കായികമന്ത്രി ഒ.ജെ. ജെനീഷ് മത്സരം ഉദ്ഘാടനം ചെയ്യും. ചാമ്പ്യൻഷിപ്പിന്‍റെ നടത്തിപ്പിനായുള്ള സംഘാടകസമിതി രൂപീകരണ യോഗം ഏഴിന് 1.30ന് ചന്ദനക്കാംപാറ ചെറുപുഷ്പ ഹൈസ്കൂളിൽ നടക്കും. തദ്ദേശസ്ഥാപനങ്ങളിലെ ജനപ്രതിനിധികൾ, കായികാധ്യാപകർ, രാഷ്ട്രീയ-സാംസ്കാരിക സംഘടനാ പ്രതിനിധികൾ തുടങ്ങിയവർ യോഗത്തിൽ പങ്കെടുക്കും.
Kannur
ചെറുപുഴ: ചെറുപുഴ ലയൺസ് ക്ലബ്ബിന്‍റെ നേതൃത്വത്തിൽ സ്കൂൾ വിദ്യാർഥികൾക്ക് കണ്ണടവിതരണം ചെയ്തു. വിവിധ സ്കൂളുകളിലെ വിദ്യാർഥികളെ ചെറുപുഴ സെന്റ് സെബാസ്റ്റ്യൻസ് ആശുപത്രിയുടെ സഹായത്തോടെ പരിശോധിച്ചാണ് കണ്ണടകൾ തയാറാക്കിയത്.
ചെറുപുഴ ജെഎംയുപി സ്കൂളിൽ പ്രഥമാധ്യാപകൻ പി.എൻ. ഉണ്ണികൃഷ്ണൻ യോഗം ഉദ്ഘാടനം ചെയ്തു. ലയൺസ് ക്ലബ് പ്രസിഡന്റ് ജോൺസൺ സി. പടിഞ്ഞാത്ത് അധ്യക്ഷത വഹിച്ചു. സിസ്റ്റർ ലില്ലി തെരേസ് കണ്ണട വിതരണം ചെയ്തു.
പ്രോഗ്രാം ഡയറക്ടർ കെ.എ. സെബാസ്റ്റ്യൻ, സെക്രട്ടറി പി.എം. സെബാസ്റ്റ്യൻ, ട്രഷറർ മാത്യു ഫിലിപ്, പി.എം. അബ്രാഹം, റോയി ഇടക്കരോട്ട്, കെ.എ. സജി തുടങ്ങിയവർ പ്രസംഗിച്ചു. വിദ്യാർഥികളും രക്ഷിതാക്കളും പങ്കെടുത്തു.
Kannur
ചെറുപുഴ: കുണ്ടുതടം എയ്ഞ്ചൽസ് ഹോം സ്പെഷ്യൽ സ്കൂളിൽ ജില്ലാ സ്പെഷ്യൽ സ്കൂൾ കലോത്സവത്തിൽ മികച്ച വിജയം കരസ്ഥമാക്കിയ വിദ്യാർഥികളെ അനുമോദിച്ചു. സ്കൂൾ മാനേജർ സിസ്റ്റർ മേരിക്കുട്ടി ജോസഫ് ഉദ്ഘാടനം ചെയ്തു. മിഷണറീസ് ഓഫ് മേരി മീഡിയാട്രിക്സ് വൈസ് പ്രൊവിൻഷ്യൽ സിസ്റ്റർ മേഴ്സി ഗ്രഗറി ചടങ്ങിൽ അധ്യക്ഷത വഹിച്ചു.
സിസ്റ്റർ മേഴ്സി ഗ്രഗറി, സ്കൂൾ പ്രിൻസിപ്പൽ സിസ്റ്റർ ജാസ്മിൻ ജോസഫ്, പിടിഎ പ്രസിഡന്റ് സണ്ണി മറ്റത്തിനാനിക്കൽ എന്നിവർ പ്രസംഗിച്ചു.എബിൻ മൈക്കിൾ പാലാവയലിന്‍റെ നേതൃത്വത്തിൽ രക്ഷിതാക്കൾക്കായി പ്രത്യേക ബോധവത്കരണ ക്ലാസും നടന്നു. സ്കൂളിലെ അധ്യാപിക സ്മിത, രക്ഷിതാക്കൾക്കായി ക്ലാസ് നയിച്ച എബിൻ മൈക്കിൾ പാലാവയൽ എന്നിവരെയും ആദരിച്ചു. ചടങ്ങിനോടനുബന്ധിച്ച് സ്കൂളിലെ വിദ്യാർഥിനിയായ സാനിയയുടെ ജന്മദിനം ആഘോഷിച്ചു.
Kannur
തളിപ്പറമ്പ്: ബാവുപ്പറമ്പ് മഞ്ചാലിൽ പ്രവർത്തിക്കുന്ന പ്ലൈവുഡ് കന്പനിയിൽ തീപിടിത്തം. ഹീറോ പ്ലൈവുഡ് കമ്പനിയിലെ ഡസ്റ്റ് കളക്ടിംഗ് ചേംബറിനകത്താണ് ഇന്നലെ ഉച്ച കഴിഞ്ഞ് രണ്ടോടെ തീപിടിത്തമുണ്ടായത്. തീ ശ്രദ്ധയിൽപെട്ട ഉടൻ തന്നെജീവനക്കാർ പ്രാഥമിക അഗ്നിശമന ഉപകരണങ്ങൾ ഉപയോഗിച്ച് തീയണക്കാൻ ശ്രമിക്കുകയും തളിപ്പറമ്പ് അഗ്നിരക്ഷാസേനയെ വിവരമറിയിക്കുകയും ചെയ്തു.
അസിസ്റ്റന്‍റ് സ്റ്റേഷൻ ഓഫീസർ കെ. ഹരിനാരായണന്‍റെ നേതൃത്വത്തിലെത്തിയ സേനാംഗങ്ങൾ ഡസ്റ്റ് ചേംബറിനു മുകളിൽ കയറി ഹോസ് റീൽ ഹോസ് ഉപയോഗിച്ച് വെള്ളം പമ്പ് ചെയ്തു തീ അണച്ചു. തീപിടിത്തത്തിൽ ചേംബറിനകത്തെ ഫിൽറ്ററുകൾ കത്തിനശിച്ചു. ചേംബറിനോട് ചേർന്നുള്ള കെട്ടിടങ്ങളിലേക്ക് തീ പടരാതിരുന്നതിനാലാണ് വലിയ അപകടം ഒഴിവായത്. തീയണച്ച അഗ്നിരക്ഷാ സംഘത്തിൽ സീനിയർ ഫയർ ആൻഡ് റെസ്ക്യൂ ഓഫിസർ ടി.ആർ. അജേഷ്, ഫയർ ആൻഡ് റെസ്ക്യൂ ഓഫിസർമാരായ പി.വി.ഗിരീഷ്, കെ.വി. അനൂപ്, എം.കെ.അക്ഷയ്, പി.വി.പ്രണവ്, ഹോംഗാർഡ്മാരായ എ.അനൂപ്, പി.സുകേഷ്.എന്നിവരും ഉണ്ടായിരുന്നു.
Kannur
ചെറുപുഴ: ചെറുപുഴ മേഖലയിൽ കാട്ടുപന്നികളുടെ വിളയാട്ടം ശമനമില്ലാതെ തുടരുന്നു. ചെറുപുഴ - തിരുമേനി മെക്കാഡം റോഡരികിൽ കോക്കടവിൽ കപ്പത്തോട്ടം നശിപ്പിച്ചു. കോക്കടവിലെ തെക്കനാട്ട് രാജേന്ദ്രന്‍റെ കപ്പത്തോട്ടമാണ് പന്നിക്കൂട്ടം നശിപ്പിച്ചത്. ഒരു മാസം കൂടി കഴിഞ്ഞാൽ വിളവെടുക്കാറായ കപ്പകളാണ് തിന്നും കുത്തിയിളക്കിയും നശിപ്പിച്ചത്. കാട്ടുപന്നിൾ കയറാതിരിക്കാൻ തോട്ടത്തിനു ചുറ്റുമായി തുണി കൊണ്ട് വേലി കെട്ടിയിരുന്നെങ്കിലു കാട്ടുപന്നികൾ കടന്നു കയരുകയായിരുന്നു.
തുടർ കൃഷിക്കായി നടാൻ തണ്ട് പോലും ബാക്കിവെക്കാത്ത തരത്തിലാണ് പന്നിക്കൂട്ടം കപ്പചെടികൾ നശിപ്പിച്ചതെന്ന് രാജേന്ദ്രൻ പറഞ്ഞു.
Kannur
പയ്യന്നൂര്‍: തൊണ്ണൂറ്റഞ്ച് വിദ്യാലയങ്ങളില്‍നിന്നുള്ള പ്രതിഭകള്‍ 12 വേദികളിലായി മാറ്റുരയ്ക്കുന്ന 65 ാമത് പയ്യന്നൂര്‍ ഉപജില്ലാ സ്‌കൂള്‍ കലോത്സവത്തിന്റെ ഉദ്ഘാടനം ആതിഥേയരായ സെന്റ് മേരീസ് സ്കൂളിലെ വേദി ഒന്നില്‍ വി. കുഞ്ഞികൃഷ്ണന്‍ എംഎൽഎ നിര്‍വഹിച്ചു. സംഘാടക സമിതി ചെയര്‍മാനായ പയ്യന്നൂര്‍ നഗരസഭാ ചെയര്‍മാന്‍ സരിന്‍ ശശി അധ്യക്ഷത വഹിച്ചു. പൂര്‍വവിദ്യാര്‍ഥിനിയും ചലച്ചിത്ര നടിയുമായ അഖില ഭാര്‍ഗവന്‍ മുഖ്യാതിഥിയായി. നഗരസഭ വൈസ് ചെയര്പേഴ്സണ് പി. ശ്യാമള ബ്രോഷര് പ്രകാശനം നിര്‍വഹിച്ചു. ജനറല്‍ കണ്‍വീനര്‍ സിസ്റ്റര്‍ റെജി ജോസഫ്, വിവിധ പഞ്ചായത്ത് പ്രസിഡന്‍റുമാര്‍, നഗരസഭ കൗണ്‍സിലര്‍മാര്‍, വിദ്യാഭ്യാസ വകുപ്പ് മേധാവികള്‍, രാഷ്ട്രീയ നേതാക്കള്‍ തുടങ്ങിയവര്‍ പ്രസംഗിച്ചു.
നാലു ദിവസങ്ങളിലായി എല്‍പി, യുപി, ഹൈസ്‌കൂള്‍, ഹയര് സെക്കൻഡറി സ്‌കൂള്‍ എന്നീ വിഭാഗങ്ങളിലായി സംസ്‌കൃത കലോത്സവം, അറബിക് കലോത്സവം, ജനറല്‍ കലോത്സവം എന്നിവയില്‍ 7535 വിദ്യാര്‍ഥികള്‍ മാറ്റുരയ്ക്കുന്ന കലോത്സവം നാലാം ദിവസമായ നാളെ സമാപിക്കും.
നാളെ വൈകുന്നേരം നാലിന് നടക്കുന്ന സമാപന സമ്മേളനം ജില്ലാ പഞ്ചായത്ത് പ്രസിഡന്റ് ബിനോയ് കുര്യന്‍ ഉദ്ഘാടനം ചെയ്യും. പയ്യന്നൂര്‍ ബ്ലോക്ക് പഞ്ചായത്ത് പ്രസിഡന്റ് കെ.കെ. ജോയി അധ്യക്ഷത വഹിക്കും. പൂര്‍വവിദ്യാര്‍ഥിനിയും സിനിമാതാരവുമായ അനശ്വര രാജന്‍ മുഖ്യാതിഥിയാകും.
Kannur
തളിപ്പറമ്പ്: തളിപ്പറന്പ് മണ്ഡലത്തിൽ വിദ്യാഭ്യാസ പദ്ധതിയായി നടപ്പാക്കുന്ന ചേഞ്ചിൽ 25 വിദ്യാർഥികളുടെ സിവിൽ സർവീസ് പഠനാവശ്യത്തിനായി 25 ലക്ഷം നീക്കി വച്ച് ടി.കെ.ഗോവിന്ദൻ എംഎൽഎ. സിവിൽ സർവീസിൽ വിദ്യാർഥികൾക്ക് സൗജന്യ പരിശീലനം നൽകുന്നതിനായാണ് ഈ തുക ഉപയോഗിക്കുക.
ഒന്പതു മാസം നീണ്ടു നിൽക്കുന്ന പരിശീലനത്തിന് തയാറെടുക്കുന്ന വിദ്യാർഥികൾക്കുള്ള സർട്ടിഫിക്കറ്റ് വിതരണ ചടങ്ങ് കണ്ണൂർ യൂണിവേഴ്സിറ്റി വൈസ് ചാൻസലർ പ്രഫഡോ. കെ.കെ. സാജു ഉദ്ഘാടനം ചെയ്തു. ടി കെ ഗോവിന്ദൻഎം എൽ എ അധ്യക്ഷത വഹിച്ചു. കണ്ണൂർ യൂണിവേഴ്സിറ്റി സിൻഡിക്കേറ്റ് അംഗവും ടെക്നോളജി ഡീനുമായ ഡോ. എം. ബിസന്തോഷ് കുമാർ പ്രഭാഷണം നടത്തി. പാത്ത് വേയ്സ് അക്കാഡമി ഡയറക്ടർ ഗീവർഗീസ് കോഴ്സിനെക്കുറിച്ചു വിശദീകരിച്ചു. കെ.വി.ടി മുസ്തഫ പ്രസംഗിച്ചു.
Kannur
ചെറുപുഴ: പെരിങ്ങോം കെപി നഗറിനോട് പെരിങ്ങോം വയക്കര പഞ്ചായത്ത് കാണിക്കുന്ന അവഗണന അവസാനിപ്പിക്കണമെന്നും അല്ലാത്തപക്ഷം ശക്തമായ പ്രക്ഷോഭം സംഘടിപ്പിക്കുമെന്നും കെപി നഗർ റസിഡൻസ് അസോസിയേഷൻ ഭാരവാഹികൾ പത്രസമ്മേളനത്തിൽ മുന്നറിയിപ്പ് നൽകി. ഏറെ തിരക്കേറിയ കെപി നഗർ ജംഗ്ഷനിലും കോളജ് ജംഗ്ഷനിലും ഓരോ ഹൈമാസ്റ്റ് ലൈറ്റുകൾ സ്ഥാപിക്കണമെന്നാവശ്യപ്പെട്ട് റസിഡന്‍റ്സ് അസോസിയേഷൻ നിവേദനം നൽകിയെങ്കിലും ഇവിടങ്ങളിൽ ലൈറ്റ് അനുവദിക്കേണ്ടതില്ലെന്ന നിഷേധതാത്മക നിലപാടാണ് പഞ്ചായത്ത് സ്വീകരിച്ചത്.
സ്ഥലം എംഎൽഎയെ പോലും പരിപാടികളിൽ പങ്കെടുപ്പിക്കാതെ അവഗണിക്കുകയാണെന്നും അസോസിയേഷൻ ഭാരവാഹികൾ ആരോപിച്ചു.
പഞ്ചായത്തിന്‍റെ നീതി നിഷേധ നിലപാടുകൾ ചൂണ്ടിക്കാട്ടിയും അവഗണന അവസാനിപ്പിച്ചില്ലെങ്കിൽ ജനകീയ പ്രക്ഷോഭം സംഘടിപ്പിക്കുമെന്ന മുന്നറിയിപ്പുമായി ലഘുലേഖ വിതരണം ആരംഭിച്ചതായും ഇവർ പറഞ്ഞു. പത്രസമ്മേളനത്തിൽ ഭാരവാഹികളായ എം.വി. കുഞ്ഞിരാമൻ, സി. സുന്ദരൻ, രാഗിണി ബിജു എന്നിവർ പത്രസമ്മേളനത്തിൽ പങ്കെടുത്തു.
Kannur
പയ്യാവൂർ: സേക്രഡ് ഹാർട്ട് ഹയർ സെക്കൻഡറി സ്കൂൾ സംരംഭക ക്ലബിന്‍റെ ആഭിമുഖ്യത്തിൽ വിദ്യാർഥി സംരംഭകരെ ആദരിക്കുന്നതിനും വിദ്യാർഥികളിൽ നൂതന ചിന്തകളും നൈപുണ്യങ്ങളും വളർത്തുന്നതിനും വിദ്യാർഥി സംരംഭക സമ്മിറ്റ് സംഘടിപ്പിച്ചു.
ചെറിയ പ്രായത്തിൽ തന്നെ വിവിധ കമ്പനികളുടെ സിഇഒ സ്ഥാനം വഹിക്കുകയും ശ്രദ്ധേയമായ സ്റ്റാർട്ടപ്പ് സംരംഭങ്ങളിലൂടെ മികച്ച മാതൃകയാവുകയും ചെയ്ത പൂർവ വിദ്യാർഥി ശ്രാവൺ നാരായണൻ വിദ്യാർഥികളുമായി സംവദിച്ചു. പൂർവ വിദ്യാർഥികളായ ഗൗതം കൃഷ്ണ, ടോം ജോസഫ് എന്നീ യുവ സംരംഭകരും പങ്കെടുത്തു. ഗിഫ്റ്റിംഗ് ബിസിനസ്, ഡിജിറ്റൽ സേവനങ്ങൾ, കണ്ടന്‍റ് ക്രിയേഷൻ, എന്നിങ്ങനെ വിവിധ മേഖലകളിൽ നൂതന സംരംഭങ്ങൾ നടത്തിവരുന്ന സ്കൂളിലെ വിദ്യാർഥികളെ പ്രത്യേകമായി ആദരിച്ചു.
വിദ്യാർഥികൾക്കായി ബിസിനസ് ഐഡിയ കോമ്പറ്റീഷനും സംഘടിപ്പിച്ചു. സ്കൂൾ മാനേജർ ഫാ. ബേബി കട്ടിയാങ്കൽ, പ്രിൻസിപ്പൽ കെ. ബിനോയ്, പിടിഎ പ്രസിഡന്റ് ജോസ് കണിയാപറമ്പിൽ, മദർ പിടിഎ പ്രസിഡന്റ് ഷിജിമോൾ മൂലക്കാട്ട്, പ്രോഗ്രാം കോ-ഓർഡിനേറ്റർ ജ്യോതിസ് സിറിയക് എന്നിവർ പ്രസംഗിച്ചു.
Kannur
പയ്യന്നൂര്‍: ഉച്ചഭക്ഷണത്തിനുള്ള ധാന്യ സമാഹരണത്തിനായി വിദ്യാര്‍ഥികള്‍ കൃഷിയിറക്കി. കാര്‍ഷിക സംസ്കാരവും മണ്ണിനെ അറിയാനുംകൂടി ലക്ഷ്യമിട്ട് എടനാട് ഈസ്റ്റ് എല്‍പി സ്‌കൂള്‍ വിദ്യാര്‍ഥികളാണ് കുഞ്ഞിമംഗലം കോറവയലില്‍ രക്ഷിതാക്കള്‍ക്കും അധ്യാപകര്‍ക്കും കര്‍ഷകര്‍ക്കുമൊപ്പം കൃഷിയിറക്കിയത്.
എല്ലാവര്‍ക്കുമൊപ്പം വയലില്‍ ഞാറുനട്ട് കുഞ്ഞിളം കൈകള്‍ മണ്ണിനെ അറിഞ്ഞപ്പോള്‍ അതൊരു നടീല്‍ ഉത്സവമായി മാറുകയായിരുന്നു. രക്തശാലി നെല്ലിനമാണ് എം. രഘൂത്തമന്‍റെ പാടത്ത് കൃഷിയിറക്കിയത്. ഇതിന്റെ വിളവ് വിദ്യാര്‍ഥികള്‍ക്കുള്ള ഉച്ചഭക്ഷണത്തിന് ഉപയോഗിക്കും. കൃഷി ഓഫീസര്‍ അമിത സിസില്‍ ഉദ്ഘാടനം ചെയ്തു. പിടിഎ പ്രസിഡന്റ് കെ. സുജിത്ത്കുമാര്‍ അധ്യക്ഷത വഹിച്ചു. മാതൃകാ കര്‍ഷക പുരസ്കാര ജേതാവ് എം. രഘൂത്തമന്‍ ക്ലാസെടുത്തു.
കോറവയല്‍ പാടശേഖര സമിതി പ്രസിഡന്റ് യു. ഭാസ്‌കരന്‍, തെക്കേവയല്‍ പാടശേഖര സമിതി സെക്രട്ടറി പി.വി. ദിനേശന്‍, എടാട്ട് പാടശേഖര സമിതിയിലെ എം. പദ്മനാഭന്‍, പറമ്പത്ത് എകെജി വായനശാല സെക്രട്ടറി ജയന് മേലത്ത്, മുഖ്യാധ്യാപിക പി.എസ്. മായ, കൃഷി അസിസ്റ്റന്‍റ് ടി.വി. ബിന്ദു, എം. ജുമൈല എന്നിവര്‍ പ്രസംഗിച്ചു.
Kannur
തേർമല: ഉളിക്കൽ, പടിയൂർ പഞ്ചായത്തുകളുടെ അതിർത്തി പ്രദേശമായ തേർമല കൈക്കൂലിത്തട്ടിലെ ചെങ്കൽ ഖനനം ജൽജീവൻ മിഷന്‍റെ ഏഴര ലക്ഷം ലിറ്റർ സംഭരണ ശേഷിയുള്ള കുടിവെള്ള സംഭരണിക്കു ഭീഷണിയാകുന്നു. ഖനനം മൂലമുണ്ടാകുന്ന പ്രകമ്പനങ്ങൾ ജലസംഭരണിയുടെ തൂണുകൾക്കും ഭിത്തികൾക്കും വിള്ളൽ വീഴ്ത്തിയിട്ടുണ്ടെന്നും കടുത്ത ഭീതിയിലാണ് പ്രദേശത്തെ മുന്നൂറ് കുടുംബങ്ങൾ കവിയുന്നതെന്നും നാട്ടുകാർ പറഞ്ഞു. മലപ്പുറം സ്വദേശിയായ സ്വകാര്യ വ്യക്തിയുടെ ഏക്കറു കണക്കിന് ഭൂമിയിലെ കശുമാവിൻ തോട്ടം പുതിയ കൃഷിക്കെന്ന പേരിൽ വെട്ടിമാറ്റിയാണ് ഖനന പ്രവർത്തനങ്ങൾ നടത്തുന്നതെന്ന് തേർമല സംരക്ഷണ സമിതി ആരോപിച്ചു.
2018ലാണ് കൈക്കൂലിത്തട്ടിൽ ചെങ്കൽ ഖനനം ആരംഭിച്ചത്. ഇതേ വർഷം പ്രളയത്തെത്തുടർന്ന് പ്രദേശത്ത് ഭൂമി വിണ്ടുകീറുകയും മണ്ണിന്‍റെ ഘടനയിൽ മാറ്റങ്ങൾ പ്രകടമാകുകയും ചെയ്തിരുന്നു. 2019ൽ കിണറുകൾ ഇടിഞ്ഞുതാഴ്ന്നതും പാറകൾ നിരങ്ങി മാറിയതുൾപ്പടെയുള്ള സംഭവങ്ങളും നടന്നു. ഇതിനിടെ കുന്നിൻമുകളിലെ ചെങ്കൽ ഖനനമേഖലയിലെ ഗുഹകളിലൂടെ മലിനജലം ഒഴുകിയെത്തി കിണറുകളിൽ ചെളിവെള്ളവും കല്ലുകളും നിറഞ്ഞ അവസ്ഥയും രൂപപ്പെട്ടിരുന്നു. കേരള സംസ്ഥാന ദുരന്തനിവാരണ അഥോറിറ്റി പ്രദേശത്ത് നടത്തിയ പരിശോധനയിൽ സോയിൽ പൈപ്പിംഗ് (മണ്ണിനടിയിലൂടെ വെള്ളവും മണ്ണും മറ്റും ഒഴുകി പോകുന്ന അവസ്ഥ) സ്ഥിരീകരിക്കുകയും ചെയ്തു. തുടർന്ന സബ് കളക്ടർ, മൈനിംഗ് ആൻഡ് ജിയോളജി വകുപ്പ് ഉദ്യോഗസ്ഥർ, വിവിധ സാമൂഹിക-രാഷ്ട്രീയ സംഘടനാ പ്രതിനിധികൾ എന്നിവർ സ്ഥലം സന്ദർശിച്ച് പ്രദേശത്ത് അപകടഭീതി നിലനിൽക്കുന്നതായി വിലയിരുത്തി.
2019ൽ ഉളിക്കൽ-പടിയൂർ പഞ്ചായത്തുകളുടെ അതിർത്തി പ്രദേശത്തെ ചെങ്കൽ ഖനനം നിരോധിച്ച് ജില്ലാ ഭരണകൂടം ഉത്തരവും ഇറക്കിയിരുന്നു. എന്നാൽ, നിരോധന ഉത്തരവ് നിലനിൽക്കെ മൈനിംഗ് ആൻഡ് ജിയോളജി വകുപ്പ് ഖനനാനുമതി നൽകിയിരിക്കുകയാണെന്ന് തേർമല സംരക്ഷണസമിതി ആരോപിക്കുന്നു. ജനങ്ങളുടെ ഉറപ്പാക്കാൻ ആവശ്യമായ നടപടികൾ ഉദ്യോഗസ്ഥരുടെ ഭാഗത്ത് നിന്ന് ഉണ്ടാകണമെന്ന് സജീവ് ജോസഫ് എംഎൽഎയും ആവശ്യപ്പെട്ടു.
ജനങ്ങളുടെ ജീവനും സ്വത്തിനും സംരക്ഷണം നൽകാൻ ചെങ്കൽ ഖനനം നിർത്തിവയ്ക്കണമെന്ന് തേർമല സംരക്ഷണ സമിതി പ്രവർത്തകരായ കുര്യാക്കോസ് മണിപ്പാടത്ത്, ജോർജ് പുളിയ്ക്കക്കുന്നേൽ, ബിനു മുരിയംവേലിൽ, ബാബു മുരിയംവേലിൽ, ജോയി മണ്ഡപത്തിൽ, ബിനോയ് പന്തലാങ്കൽ, ജോയി മുരിയംവേലിൽ, ഷാജി മുകളേക്കാലായിൽ എന്നിവർ ആവശ്യപ്പെട്ടു.
Kannur
കണ്ണൂർ: പ്രോജക്ട് സീറോയുടെ ഭാഗമായി കണ്ണൂർ ജില്ലയിലെ തൊഴിൽ വകുപ്പിന് കീഴിലുള്ള ക്ഷേമനിധി ഓഫിസുകളിൽ നടത്തിയ വിജിലൻസ് പരിശോധനയിൽ ഗുരുതരമായ ക്രമക്കേടുകൾ കണ്ടെത്തി.കണ്ണൂരിൽ കെട്ടിടനിർമാണ തൊഴിലാളി ക്ഷേമനിധി ഫണ്ട് ഓഫിസ്, ബീഡി ആൻഡ് സിഗാർ തൊഴിലാളി, തയ്യൽ തൊഴിലാളി, ചുമട്ടുതൊഴിലാളി, മോട്ടോർ തൊഴിലാളി, ഷോപ്സ് ആൻഡ് എസ്റ്റാബ്ലിഷ്മെന്‍റ് എന്നീ ക്ഷേമനിധിഫണ്ട് ഓഫിസുകൾ എന്നിവിടങ്ങളിലാണ് പരിശോധന നടത്തിയത്. ക്രമക്കേടുകളുമായി ബന്ധപ്പെട്ട ഫയലുകൾ വിജിലൻസ് സംഘം കസ്റ്റഡിയിൽ എടുത്തു.
തൊഴിലാളികളിൽനിന്നും തൊഴിലുടമകളിൽനിന്നും പിരിച്ചെടുക്കുന്ന തുക കൃത്യസമയത്ത് അതാത് ക്ഷേമനിധി അക്കൗണ്ടുകളിൽ അടയ്ക്കാതെ വകമാറ്റി വൈകിപ്പിക്കൽ, അനർഹക്ക് പെൻഷൻ ഉൾപ്പടെയുള്ള ആനുകൂല്യങ്ങൾ അനുവദിച്ചു തുടങ്ങിയ ഗുരുതരമായ ക്രമക്കേടുകൾ കണ്ടെത്തിയിട്ടുണ്ട്. ചില ഓഫിസുകൾ കേന്ദ്രീകരിച്ച് മരിച്ചവരുടെ ബാങ്ക് അക്കൗണ്ട് വിവരങ്ങളിൽ മാറ്റം വരുത്തി പെൻഷൻ തുക തുടർന്നു തട്ടിയെടുത്തതായുള്ള സംശയവുമുണ്ട്.
തൊഴിലാളിക്ക് വിവിധ ക്ഷേമനിധി ബോർഡുകളിൽനിന്നു ലഭിക്കേണ്ട ആനുകൂല്യങ്ങളും 60 വയസിന് ശേഷം ലഭിക്കേണ്ട പെൻഷനും കുടിശികയായത്, കെട്ടിട തൊഴിലാളി ക്ഷേമനിധി ബോർഡിൽ മാസംതോറും നിശ്ചിത തുക അടച്ച് കാലാവധി പൂർത്തിയാക്കിയവർക്ക് വർഷങ്ങൾ കഴിഞ്ഞിട്ടും ആനുകൂല്യം ലഭിക്കാത്തത് തുടങ്ങിയവ സംബന്ധിച്ചും വിജിലൻസ് അന്വേഷിക്കുന്നുണ്ട്.
കണ്ണൂർ യൂണിറ്റ് വിജിലൻസ് ഡിവൈഎസ്പി എം.ടി. ജേക്കബിന്‍റെ നേതൃത്വത്തിൽ രാവിലെ10.30 മുതൽ ആരംഭിച്ച പരിശോധന വൈകുന്നേരം വരെ നീണ്ടു.
ക്ഷേമനിധി ഓഫീസുകളിലെ ക്രമക്കേടും അഴിമതിയും കണ്ടെത്താൻ ഓപ്പറേഷൻ വെൽഫെയർ ഫണ്ട് എന്ന പേരിൽ സംസ്ഥാന വ്യാപകമായി നടന്ന പരിശോധനയുടെ ഭാഗമായാണ് ജില്ലയിലും പരിശോധന നടന്നത്.കണ്ണൂരിൽ നടത്തിയ പരിശോധനയ്ക്ക് ഇൻസ്പെക്ടർമാരായ പി.എ. ബിനുമോഹൻ, സുനിൽകുമാർ, അനീഷ്, ബി.എസ്. ബാവിഷ് , നൗഫൽ എന്നിവരും നേതൃത്വം നൽകി.
Kannur
കൂത്തുപറമ്പ് : രണ്ടു ദിവസങ്ങളിലായി നടക്കുന്ന തലശേരി നോർത്ത് ഉപജില്ല സ്കൂൾ കലോത്സവത്തിന് പാതിരിയാട് കോട്ടയം രാജാസ് ഹൈസ്കൂളിൽ തുടക്കമായി. വി.കെ.സനോജ് എംഎൽഎ ഉദ്ഘാടനം ചെയ്തു. വേങ്ങാട് പഞ്ചായത്ത് പ്രസിഡന്റ് സി. ചന്ദ്രൻ അധ്യക്ഷത വഹിച്ചു. കെ. മോഹനൻ, കെ.പി. രേഷ്മ, എം.രമ, എ.പ്രശാന്ത്, പി.മോഹനൻ, നിതിഷ, കെ.വി.കരുണാകരൻ തുടങ്ങിയവർ പ്രസംഗിച്ചു.
78 വിദ്യാലയങ്ങളിൽ നിന്നായി 4000 ത്തോളം കലാപ്രതിഭകളാണ് കലോത്സവത്തിൽ മാറ്റുരയ്ക്കുന്നത്. ഏഴു വേദികളിലായാണ് മത്സരങ്ങൾ. ഇന്ന് നടക്കുന്ന സമാപന സമ്മേളനം ടി.ഒ. മോഹനൻ എംഎൽഎ ഉദ്ഘാടനം ചെയ്യും.
Kannur
ശ്രീകണ്ഠപുരം: നെടുവാലൂർ ചേരൻകുന്ന് സെന്റ് ജോസഫ്സ് പള്ളി കൂദാശയും തിരുനാളും നാളെ മുതൽ 15 വരെ നടക്കും.
ഇന്ന് വൈകുന്നേരം 4.30ന് കൃതജ്ഞതാ ആരാധനയും അഞ്ചിന് കൃതജ്ഞതാ ബലിയും. നാളെ ഉച്ചകഴിഞ്ഞ് രണ്ടിന് ആർച്ച്ബിഷപ്പിന് സ്വീകരണം. തുടർന്ന് നിലവിലെ പള്ളിക്കു സമീപത്ത് നിർമിച്ച വൈദിക മന്ദിരത്തിന്‍റെ വെഞ്ചിരിപ്പും മൂന്നിന് പുതിയ പള്ളിയുടെ കൂദാശ കർമവും ആർച്ച്ബിഷപ് മാർ ജോസഫ് പാംപ്ലാനി നിർവഹിക്കും. അതിരൂപത വികാരി ജനറാൾ മോൺ. സെബാസ്റ്റ്യൻപാലാക്കുഴി, ചെമ്പന്തൊട്ടി ഫൊറോനാ വികാരി ഫാ.ആന്റണി മഞ്ഞളാംകുന്നേൽ എന്നിവർ സഹകാർമികരാകുമെന്ന് പള്ളി വികാരി ഫാ.റിനോയ് പോൾ ഇടത്തിനകത്ത്, കോ-ഓർഡിനേറ്റർ ഡേവിഡ് ആലങ്ങാടൻ എന്നിവർ പത്രസമ്മേളനത്തിൽ അറിയിച്ചു. കൂദാശയ്ക്കു ശേഷം വൈകുന്നേരം 6.30ന് അനുമോദന യോഗം നടക്കും.
എട്ടിന് വൈകുന്നേരം 4.15ന് തിരുനാൾ കൊടിയേറ്റും നടക്കും. 19ന് സമാപിക്കും.
പത്രസമ്മേളനത്തിൽട്രസ്റ്റി ഔസേപ്പ് അഞ്ചിൽ, പാരിഷ് കൗൺസിൽ സെക്രട്ടറി സാമുവൽ പൂവത്തിനാൽ, സ്വാഗത സംഘം കൺവീനർ ബെന്നി പാറയ്ക്കൽ എന്നിവരും പങ്കെടുത്തു.
Kannur
ഇരിട്ടി: അയ്യൻകുന്ന് പഞ്ചായത്തിലെ പാലത്തുംകടവിൽ കടുവ തൊഴുത്തിൽ കയറി നാലു പശുക്കളെ കടിച്ചുകൊന്നതിനെത്തുടർന്ന് ഉപജീവനമാർഗം നഷ്ടപ്പെട്ട് കഴിയുന്ന കുടുംബത്തിന് ബാങ്കിന്‍റെ ജപ്തി നോട്ടീസ്. പാലത്തുംകടവിൽ പുല്ലാട്ടുകുന്നേൽ സരസുവും മകൻ രൂപേഷുമാണ് കേരള ബാങ്കിന്‍റെ ജപ്തി നോട്ടീസിനു മുന്നിൽ പകച്ചുനിൽക്കുന്നത്.
ഫാം നിർമിക്കുന്നതിനായി 2024 മേയ് മാസത്തിലാണ് സരസുവും രൂപേഷും കേരള ബാങ്കിന്‍റെ ഇരിട്ടി ശാഖയിൽനിന്ന് നാലു ലക്ഷം രൂപ വായ്പയെടുത്തത്. ഇതിൽ 65,000 രൂപ തിരിച്ചടച്ചിരുന്നു. പശുക്കളെ കടുവ കൊന്നതോടെ വരുമാനം നിലച്ചതിനെത്തുടർന്ന് തുടർന്ന് തിരിച്ചടവ് മുടങ്ങി. പലിശയടക്കം 4,39,289 രൂപ പത്തു ദിവസത്തിനകം തിരിച്ചടച്ചില്ലെങ്കിൽ ജപ്തി നടപടിയിലേക്ക് നീങ്ങുമെന്നാണ് നോട്ടീസിൽ അറിയിച്ചത്. വൃക്കരോഗി കൂടിയായ രൂപേഷിന്‍റെയും അമ്മ സരസുവിന്‍റെയും ഏക ഉപജീവനമാർഗമായിരുന്നു പശുവളർത്തൽ.വന്യജീവി ആക്രമണത്തിൽ പശുക്കളെ നഷ്ടപ്പെട്ട കുടുംബത്തിന് വനംവകുപ്പ് മൂന്നു ലക്ഷം രൂപ നഷ്ടപരിഹാരം നൽകിയിരുന്നുവെങ്കിലും കുടുംബത്തിന്‍റെ സാന്പത്തിക പ്രതിസന്ധിക്ക് പരിഹാരമായിരുന്നില്ല.
2026 ജനുവരി ഒന്പതിനാണ് ഇവരുടെ ഫാമിൽ കടുവ കയറി നാലു പശുക്കളെ കടിച്ചുകൊന്നത്. പുലർച്ചെ പശുക്കളെ കറക്കാൻ എത്തിയപ്പോഴായിരുന്നു പശുക്കളെ ചത്ത നിലയിൽ കണ്ടെത്തിയത്. സംഭവസ്ഥലം സന്ദർശിച്ച അന്നത്തെ എംഎൽഎയും നിലവിലെ മന്ത്രിയുമായ സണ്ണി ജോസഫ് ബാങ്ക് അധികൃതരുമായി ചർച്ച നടത്തുകയും വായ്പാ തിരിച്ചടവിൽ ഇളവ് നൽകാമെന്ന് ബാങ്കുകാർ ഉറപ്പ് നൽകുകയും ചെയ്തിരുന്നു. എന്നാൽ വായ്പാ തിരിച്ചവ് മുടങ്ങിയതോടെ ബാങ്ക് അധികൃതർ ജപ്തി നടപടികളിലേക്ക് നീങ്ങിയെന്നാണ് കുടുംബം പറയുന്നത്.
വായ്പയിൽ ഇളവ് നൽകാമെന്ന് എംഎൽഎക്ക് നൽകിയിരുന്ന ഉറപ്പിനെക്കുറിച്ച് ബാങ്ക് അധികൃതരോട് ചോദിച്ചപ്പോൾ ഇത്തരമൊരു കാര്യത്തെക്കുറിച്ച് തങ്ങൾക്കറയില്ലെന്ന് പറഞ്ഞ് കൈമലർത്തിയെന്നും വീട്ടുകാർ പറഞ്ഞു.വന്യജീവി ആക്രമണത്തിൽ ഉപജീവനമാർഗം നഷ്ടപ്പെട്ട കുടുംബത്തിന് നൽകിയ നഷ്ടപരിഹാരത്തിനപ്പുറം വായ്പാ തിരിച്ചടവിൽ ഇളവോ പുനഃക്രമീകരണമോ ലഭ്യമാക്കണമെന്ന ആവശ്യം ശക്തമാണ്. അന്ന് കടുവയെ കൂടുവച്ച് വനം വകുപ്പ് പിടികൂടിയിരുന്നെങ്കിലും മേഖലയിൽ ഇപ്പോഴും വന്യജീവി സാന്നിധ്യമുള്ളത് ജനങ്ങളെ ഭീതിയിലാക്കുന്നുണ്ട്.
Kannur
കണ്ണൂർ: ആറളം പഞ്ചായത്തിലെ ചതിരൂർ 110 പട്ടികവർഗ ഊര് സന്ദർശിച്ച് ജീവിതസാഹചര്യങ്ങൾ വിലയിരുത്തി ജില്ലാ കളക്ടർ പി. വിഷ്ണുരാജ്. 36 ഏക്കറിലായി വ്യാപിച്ചുകിടക്കുന്ന ഊരിൽ നിലവിൽ 13 വീടുകളിലായി 47 കുട്ടികളടക്കം 146 പേരാണ് താമസിക്കുന്നത്. ഊരുമൂപ്പൻ ബാലന്‍റെ അധ്യക്ഷതയിൽ അങ്കണവാടിയിൽ ചേർന്ന യോഗത്തിൽ ഊരിലെ വിവിധ പ്രശ്നങ്ങൾ ചർച്ച ചെയ്തു.
ജീവിതസാഹചര്യങ്ങൾ മെച്ചപ്പെടുത്തുന്നതിനുള്ള നിർദേശങ്ങളും നിവാസികളിൽ നിന്ന് സ്വീകരിച്ചു. വീടുകളുടെ നവീകരണം, കായിക സൗകര്യങ്ങളുടെ കുറവ് തുടങ്ങിയ കാര്യങ്ങൾ യോഗം ചർച്ച ചെയ്തു.തുടർന്ന് പട്ടികവർഗ വികസന വകുപ്പിന് കീഴിലുള്ള പെൺകുട്ടികളുടെ വെളിമാനം പ്രീമെട്രിക് ഹോസ്റ്റലും കളക്ടർ സന്ദർശിച്ചു.വിദ്യാർഥിനികളുമായി സംവദിച്ച കളക്ടർ അവരുടെ ആവശ്യങ്ങൾ നേരിട്ട് ചോദിച്ചറിഞ്ഞു.സയൻസ് വിഷയങ്ങളിൽ ട്യൂഷൻ സംവിധാനം, കളിസ്ഥലം, സ്പോർട്സ് ഉപകരണങ്ങൾ തുടങ്ങിയ വേണ്ടതുണ്ടെന്ന് വിദ്യാർഥിനികൾ പറഞ്ഞു. ഇവ പരിഹരിക്കുന്നതിന് നടപടികൾ സ്വീകരിക്കുമെന്ന് കളക്ടർ ഉറപ്പു നൽകി.
അസിസ്റ്റന്‍റ് കളക്ടർ എസ്. സ്വാതി, ആറളം പഞ്ചായത്ത് പ്രസിഡന്റ് വി.കെ. ശോഭ,പഞ്ചായത്ത് അംഗം ആശ കാപ്പുങ്കൽ, ജില്ലാ പ്രോജക്ട് ഓഫിസർ എസ്.എസ്. സുധീർ, അസിസ്റ്റന്‍റ് പ്രോജക്ട് ഓഫിസർ കെ.എൻ. മൃദുല, ട്രൈബൽ എക്സ്റ്റൻഷൻ ഓഫിസർ എസ്. ഷാഹിർ എന്നിവരും കളക്ടർക്കൊപ്പമുണ്ടായിരുന്നു.
Kannur
പയ്യന്നൂര്‍: നിർദിഷ്ട കുന്നരു തീരദേശ ഹൈവേയുടെ പഴയ റോഡരികില്‍ പുതിയ ലൈന്‍ വലിക്കാന്‍ കെഎസ്ഇബി. മാസങ്ങള്‍ക്കുള്ളില്‍ ഹൈവേയുടെ നിര്‍മാണമാരംഭിക്കാനിരിക്കേ പോസ്റ്റുകള്‍ പറിച്ചു മാറ്റേണ്ടി വരുന്നതിലൂടെ ലക്ഷങ്ങള്‍ പാഴ്ചിലവാകുമെന്ന് നാട്ടുകാര്‍. വര്‍ഷങ്ങളായി തുടരുന്ന സാങ്കേതിക പ്രതിസന്ധികള്‍ക്കൊടുവില്‍ തീരദേശ ഹൈവേക്കായി സ്ഥലം വിട്ടുകൊടുത്തവര്‍ക്കുള്ള നഷ്ടപരിഹാരത്തുക ഈ മാസം അവസാനത്തോടെ വിതരണം ചെയ്യാനുള്ള നടപടികള്‍ പൂര്‍ത്തീകിരിച്ചു കഴിഞ്ഞു. ഇതേത്തുടര്‍ന്ന് അനിശ്ചിതത്വത്തില്‍ കഴിഞ്ഞിരുന്ന നിര്‍ദിഷ്ട തീരദേശ ഹൈവേയുടെ നിര്‍മാണം അടുത്ത മാസത്തോടെ ആരംഭിക്കാനുള്ള നടപടികളും പൂര്‍ത്തിയാകുകയാണ്.
നിലവിലുള്ള കുന്നരു മില്ല് മുതല്‍ പാലക്കോട് വരേയുള്ള 4.6 കിലോ മീറ്റര്‍ റോഡ് 14 മീറ്ററായി വീതി കൂട്ടിയാണ് തീരദേശ ഹൈവേയുടെ ആദ്യ റീച്ച് നിര്‍മിക്കുന്നത്. ഇതിനിടയില്‍ നിലവിലുള്ള റോഡില്‍ വൈദ്യുത ലൈന്‍ വലിക്കാനായി പോസ്റ്റുകള്‍ ഇറക്കിയതോടെയാണ് കെഎസ്ഇബിയുടെ നടപടികള്‍ ചര്‍ച്ചയായത്. കെഎസ്ഇബി വര്‍ഷങ്ങള്‍ക്ക് മുമ്പേയെടുത്ത തീരുമാനപ്രകാരമുള്ള എസ്റ്റിമേറ്റ് ടെൻഡറായതിനെ തുടര്‍ന്നാണ് പുതിയ ലൈന്‍ വലിക്കാനുള്ള നടപടികളാരംഭിച്ചത്. ഇതിനായി കുന്നരു മില്ല് മുതല്‍ പല സ്ഥലങ്ങളിലും പുതിയ പോസ്റ്റുകള്‍ ഇറക്കിയിട്ടുണ്ട്.
കുന്നരു മില്ല് മുതല്‍ പാലക്കോട് വരേയുള്ള നിലവിലുള്ള റോഡിലാണ് പുതിയ പോസ്റ്റുകളിട്ടുള്ള പ്രവൃത്തി നടക്കുന്നതെന്ന് കെഎസ്ഇബി അധികൃതര്‍ പറയുന്നു. ഇപ്പോള്‍ നിലവിലുള്ള റോഡില്‍ പോസ്റ്റുകളിട്ടാല്‍ മാസങ്ങള്‍ക്കുള്ളില്‍ ഇത് പറിച്ചുമാറ്റി പുതിയ റോഡിന്‍റെ വശങ്ങളിലേക്ക് മാറ്റാന്‍ കെഎസ്ഇബിക്ക് ലക്ഷങ്ങള്‍ അടയ്ക്കേണ്ടിവരും. ഇത് സര്‍ക്കാര്‍ ഖജനാവില്‍നിന്നുള്ള പാഴ്ചെലവാകുമെന്നും പുതിയ പോസ്റ്റുകള്‍ സ്ഥാപിക്കുന്ന പ്രവൃത്തി തീരദേശ ഹൈവേയുടെ അരികിലേക്ക് മാറ്റി പണം ദുര്‍വ്യയം ചെയ്യാതിരിക്കാനുള്ള ഇടപെടല്‍ ഉണ്ടാകണമെന്നുമാണ് നാട്ടുകാര്‍ ആവശ്യപ്പെടുന്നത്.
Kannur
കണ്ണൂർ: ദേശീയപാതയിലെ പള്ളിക്കുന്നിൽ കെഎസ്ആർടിസി ബസിടിച്ച് സ്കൂട്ടർ യാത്രക്കാരനായ യുവാവിന് ഗുരുതര പരിക്ക്. ചാലുവയൽ സ്വദേശി റക്സൺ (23) ആണ് ഗുരുതര പരിക്കുകളോടെ കണ്ണൂർ എകെജി ആശുപത്രിയിൽ കഴിയുന്നത്. ഇന്നലെ രാവിലെ ഏഴോടെയായിരുന്നു അപകടം. മലപ്പട്ടത്തു നിന്ന് കണ്ണൂർ ഭാഗത്തേക്ക് വരികയായിരുന്ന കെഎസ്ആർടിസി ബസ് എതിർഭാഗത്തു നിന്ന് വരികയായിരുന്ന സ്കൂട്ടറിൽ ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചു വീണ യുവാവിനെ ബസ് ഡ്രൈവറും ബസിലുണ്ടായിരുന്ന ആശുപത്രി ജീവനക്കാരും ചേർന്നാണ് ആശുപത്രിയിൽ എത്തിച്ചത്.
Kannur
കാക്കയങ്ങാട്: നഷ്ടക്കണക്കുകൾ മാത്രമുള്ള കാർഷിക പുസ്തകത്തിൽ കഠിനാധ്വാനം കൊണ്ട് അതിജീവനത്തിന്‍റെ പുതിയ അധ്യായം കുറിക്കുകയാണ് കാക്കയങ്ങാട് ഉളീപ്പടിയിലെ ഇ.എൻ. തങ്കപ്പൻ. കൈയിൽനിന്ന് പതിനായിരങ്ങൾ മുടക്കി ടാങ്കറുകളിൽ വെള്ളമെത്തിച്ചാണ് തങ്കപ്പന്‍റെ കൃഷി. ഒരു പൈസ പോലും ലാഭമില്ലെന്ന് അറിഞ്ഞിട്ടും തങ്കപ്പൻ കൃഷിയിറക്കുന്ന വാഴയും കപ്പയും പച്ചക്കറിയുമെല്ലാം തളരാത്ത ആത്മവീര്യത്തിന്‍റെ അടയാളം കൂടിയാണ്.
പ്രദേശത്തെ അറിയപ്പെടുന്ന മേസ്തിരിപ്പണിക്കാരനായിരുന്നു തങ്കപ്പൻ. വർഷങ്ങൾക്കു മുന്പ് കാലുകളെ ബാധിച്ച വെരിക്കോസ് വെയിൻ ജീവിതത്തിന്‍റെ താളം തെറ്റിച്ചു. നിൽക്കാൻ പോലും കഴിയാതെ, സിമന്‍റ് ജോലികൾ ചെയ്യാൻ പറ്റാതായതോടെ ജീവിതമാർഗമായിരുന്ന മേസ്തിരിപ്പണി ഉപേക്ഷിക്കേണ്ടി വന്നു.
സ്വന്തമായി ഒരു സെന്റ് ഭൂമിപോലുമില്ലാത്ത തങ്കപ്പൻ ഒരു സ്വകാര്യവ്യക്തി താത്കാലികമായി താമസിക്കാൻ നൽകിയ വീട്ടിലാണ് കഴിയുന്നത്. പക്ഷേ, കിടപ്പാടമില്ലെന്നോ ആരോഗ്യപ്രശ്നങ്ങളുണ്ടെന്നോ പറഞ്ഞ് കണ്ണീർ വാർക്കാൻ തങ്കപ്പൻ തയ്യാറല്ല. താമസിക്കാൻ കിട്ടിയ വീടിനോട് ചേർന്നുള്ള ഒരേക്കറോളം സ്ഥലത്ത് കൃഷിയിറക്കി ജീവിതം തിരിച്ചുപിടിക്കാനുറച്ചു. കർഷക കുടുംബത്തിൽ ജനിച്ചുവളർന്ന പഴയ ഓർമകൾ കൃഷിയിൽ കരുത്തായി.
കൃഷിയിറക്കിയപ്പോൾ ഏറ്റവും വലിയ തടസം ജലലഭ്യതയായിരുന്നു. കിണറോ മറ്റ് ജലസ്രോതസുകളോ ഇല്ല. അതിനും സ്വന്തമായി ഒരു വഴി കണ്ടെത്തി. പറമ്പിൽ വലിയ രണ്ടു കുഴികൾ കുഴിച്ച് അതിൽ പ്ലാസ്റ്റിക് ഷീറ്റുകൾ വിരിച്ച് മഴവെള്ളം ശേഖരിച്ചു. തുടക്കത്തിൽ ഈ വെള്ളം ഉപയോഗിച്ച് നേന്ത്രവാഴയും മറ്റ് വിവിധയിനം വാഴകളും കപ്പയും പച്ചക്കറികളും നനച്ചുവന്നു. എന്നാൽ, വേനൽ കടുക്കുന്നതോടെ കുളങ്ങൾ വറ്റിവരളും.
അവിടെയും തങ്കപ്പൻ തളർന്നില്ല. കൈയിൽനിന്ന് വൻതുക മുടക്കി ടാങ്കറുകളിൽ വെള്ളമെത്തിച്ച് കൃഷിയിടത്തിലേക്ക് ജീവന്‍റെ തുള്ളികൾ പകർന്നു. 2000 ലിറ്ററിന്‍റെ ടാങ്കിൽ വൻതുക കൊടുത്ത് വെള്ളമെത്തിച്ച് ഓരോ വാഴച്ചുവട്ടിലും ഒഴിച്ചുകൊടുക്കുന്ന കർഷകന്‍റെ കാഴ്ച ഏതൊരാളുടെയും കണ്ണുനിറയ്ക്കും.
വന്യജീവികളുടെ ശല്യവും വിളവുകൾക്ക് ന്യായവില ലഭിക്കാത്തപ്പോഴും കർഷകർ നിരാശരായി കൃഷി നിർത്തുന്നത് സാധാരണ കാഴ്ചയാണ്. എന്നാൽ, ഉള്ളിൽത്തട്ടിയ കാർഷിക സംസ്കാരവും സ്വന്തം അധ്വാനത്തിലുള്ള വിശ്വാസവുമായി ഒരേക്കറിൽ ഹരിതവസന്തം തീർക്കുന്ന തങ്കപ്പന്‍റെ ആത്മവീര്യം കൃഷിയെ നെഞ്ചോടു ചേർക്കുന്ന ഏവർക്കും വലിയൊരു പ്രചോദനമാണ്.
Kasaragod
കാസര്‍ഗോഡ്: പ്രശസ്ത ശില്പി കാനായി കുഞ്ഞിരാമന്‍ തന്‍റെ ജന്മനാട്ടില്‍ ഒരുക്കിയ വിക്ടിംസ് ഫ്രീഡം എന്ന ശില്പം നാടിന് സമര്‍പ്പിക്കുന്നു. കാസര്‍ഗോഡ് ജില്ലാ പഞ്ചായത്തിന്‍റെ നേതൃത്വത്തില്‍ തയാറാക്കിയ ഈ ശില്പം 13നു രാവിലെ 9.30നു നിയമസഭാ സ്പീക്കര്‍ തിരുവഞ്ചൂര്‍ രാധാകൃഷ്ണന് നാടിനു സമര്‍പ്പിക്കും.
കാസര്‍ഗോഡിനെ ദുരിതത്തിലാക്കിയ എന്‍ഡോസള്‍ഫാന്‍ ദുരന്തത്തെ പ്രമേയമാക്കിയാണ് വിക്ടിംസ് എന്ന ശില്പം കാനായി കുഞ്ഞിരാമന്‍ നിര്‍മിച്ചിരിക്കുന്നത്. നിസഹായനായ മനുഷ്യന്‍ സ്വാതന്ത്ര്യത്തിന്‍റെ ആകാശത്തേക്ക് കുതിച്ചുയരുന്നതിനെ ആവിഷ്‌കരിക്കുന്നതാണ് ഫ്രീഡം എന്ന ശില്പം. മനുഷ്യ സ്വാതന്ത്ര്യത്തിന്‍റെ സന്ദേശമാണ് ഈ ശില്പങ്ങള്‍ വിഭാവനം ചെയ്യുന്നത്. 40 അടി ഉയരമുള്ള ക്യൂബിക് മോഡലിലാണ് ഈ കൂറ്റന്‍ ശില്പം നിര്‍മിച്ചിട്ടുള്ളത്.
20 വർഷത്തെ കാത്തിരിപ്പിനൊടുവിലാണ് ശില്പം യാഥാര്‍ഥ്യമാകുന്നത്. ഉദ്ഘാടനച്ചടങ്ങ് അടുത്തെത്തിയിട്ടും ഈ ശില്പം നിര്‍മിക്കാന്‍ കരാര്‍ നല്‍കിയ ജില്ലാ പഞ്ചായത്ത് ശില്പിക്ക് നല്‍കാനുള്ള 3.20 ലക്ഷം രൂപയുടെ കുടിശിക ഇതുവരെയും തീര്‍പ്പാക്കിയിട്ടില്ല.
തുടക്കത്തില്‍ 20 ലക്ഷം രൂപ അനുവദിച്ചിരുന്ന പദ്ധതിയുടെ ചെലവ്, വര്‍ഷങ്ങള്‍ പിന്നിട്ടപ്പോള്‍ 65 ലക്ഷം രൂപയായി വര്‍ധിച്ചതായി ജില്ലാ പഞ്ചായത്ത് സെക്രട്ടറി എസ്. ബിജു അറിയിച്ചു.
ജില്ലാ പഞ്ചായത്ത് ഭരണസമിതിയിലുണ്ടായ മാറ്റങ്ങള്‍, ഫണ്ട് കണ്ടെത്തുന്നതിലെ പ്രയാസങ്ങള്‍, പ്രളയം, കോവിഡ് തുടങ്ങി നിരവധി പ്രതിസന്ധികള്‍ ഈ പദ്ധതി നേരിട്ടു. ഏകദേശം നാലുമാസം മുമ്പാണ് ശില്പം പൂര്‍ത്തിയായത്. സിഎസ്ആര്‍ (കോര്‍പറേറ്റ് സോഷ്യല്‍ റെസ്പോണ്‍സിബിലിറ്റി) ഫണ്ട് ഉപയോഗപ്പെടുത്താന്‍ ജില്ലാ പഞ്ചായത്ത് ശ്രമിച്ചെങ്കിലും കമ്പനികളില്‍നിന്ന് സഹായം ലഭിച്ചില്ല. തുടര്‍ന്ന് വര്‍ഷങ്ങളായി സ്വന്തം ഫണ്ടില്‍നിന്ന് പണം നീക്കിവയ്ക്കുകയായിരുന്നുവെന്നും സെക്രട്ടറി പറഞ്ഞു. പദ്ധതിക്കായി വന്ന അധിക ചെലവിന് സര്‍ക്കാര്‍ ഇപ്പോള്‍ അംഗീകാരം നല്‍കിയിട്ടുണ്ടെന്നും അദ്ദേഹം കൂട്ടിച്ചേര്‍ത്തു.
കേരളത്തിലുടനീളം നിരവധി ബൃഹത്തായ ശില്പങ്ങള്‍ ഒരുക്കിയിട്ടുള്ള കാനായി, പൊതുസ്ഥലങ്ങളില്‍ സ്ഥാപിക്കുന്ന ശില്പങ്ങള്‍ക്ക് കലാകാരൻ എന്ന നിലയിലുള്ള പ്രതിഫലം ഈടാക്കാറില്ല. നിര്‍മാണത്തിനാവശ്യമായ സാമഗ്രികളുടെ ചെലവും തൊഴിലാളികളുടെ കൂലിയും മാത്രമേ അദ്ദേഹം ആവശ്യപ്പെടാറുള്ളൂ. സാധാരണയായി ശില്പം സ്ഥാപിക്കാന്‍ മുന്‍കൈയെടുക്കുന്ന ഏജന്‍സികളാണ് ഈ ചെലവുകള്‍ വഹിക്കാറുള്ളത്.
എന്നാല്‍ കാസര്‍ഗോട്ടെ ശില്പത്തിന്‍റെ കാര്യത്തില്‍ ഈ ചെലവുകള്‍ അദ്ദേഹം സ്വന്തം കൈയില്‍ നിന്നാണ് എടുത്തത്. ഈ തുക രണ്ടുദിവസം കൊണ്ട് കൊടുത്തുതീര്‍ക്കാന്‍ നടപടി സ്വീകരിക്കുമെന്നും സെക്രട്ടറി അറിയിച്ചു. ശില്പത്തിന്‍റെ മൂന്നു മീറ്റര്‍ മാത്രം അകലെയാണ് മൂന്നു നിലകളുള്ള ജില്ലാ പഞ്ചായത്ത് കെട്ടിടം സ്ഥിതിചെയ്യുന്നത്. ഈ കെട്ടിടം അടുത്ത കാലത്താണ് നിര്‍മിച്ചത്. ശില്പത്തിന്‍റെ വലുപ്പത്തെ ഈ കെട്ടിടം ചെറുതാക്കി കാണിക്കുന്നുവെന്നും അതു ശില്പം കാണുന്നതിലെ അനുഭവം മോശമാക്കുന്നുവെന്നും അദ്ദേഹം അഭിപ്രായപ്പെട്ടിരുന്നു.
തുറസായ പശ്ചാത്തലത്തില്‍ ദൂരെ നിന്ന് കാണത്തക്ക രീതിയിലാണ് ഈ ശില്പം സ്ഥാപിക്കണമെന്ന് അദ്ദേഹം ആഗ്രഹിച്ചിരുന്നത്. ഇവിടെ പുല്‍ത്തകിടിയും ഇരിപ്പിടങ്ങളും വെളിച്ചസൗകര്യങ്ങളും ഏര്‍പ്പെടുത്തിക്കൊണ്ട് ആളുകളെ ആകര്‍ഷിക്കുന്നതും അവര്‍ക്ക് സമയം ചെലവഴിക്കാന്‍ പ്രേരിപ്പിക്കുന്നതമായഒരിടമാക്കി ഇതിനെ മാറ്റാനാണ് ജില്ലാ പഞ്ചായത്തിന്‍റെ ശ്രമമെന്നും സെക്രട്ടറി പറഞ്ഞു.
Kasaragod
വെള്ളരിക്കുണ്ട്: കൃഷിഭവനിൽനിന്നു കിട്ടിയ 30 വാഴവിത്തുകൾ മൂന്ന് സെന്റ് മണ്ണിൽ നട്ടു പരിപാലിച്ചപ്പോൾ വെള്ളരിക്കുണ്ട് ലിറ്റിൽ ഫ്ളവർ ഫെറോന വികാരി ഫാ.ഡോ. ജോൺസൺ അന്ത്യാംകുളത്തിന് ലഭിച്ചത് സമൃദ്ധമായ വിളവ്. പള്ളിമുറ്റത്ത് പച്ചപ്പുവിരിച്ച ഈ 30 നേന്ത്രവാഴകൾ കുളിർമയേകുന്ന കാഴ്ചയാണ്.
ബളാൽ കൃഷി ഭവനിൽ നിന്നാണ് വാഴവിത്തുകൾ ലഭിച്ചത്. പള്ളിമുറ്റത്തെ മൂന്ന് സെന്റ് സ്ഥലത്ത് തികച്ചും ജൈവരീതിയിൽ പരിപാലിച്ച വാഴകളെല്ലാം ഒരേ പാകത്തിൽ, ഒന്നൊഴിയാതെ കുലച്ചു. ഓരോ കുലയ്ക്കും ഏകദേശം 30 കിലോയോളം തൂക്കമുണ്ട്.
വിളവെടുപ്പ് ഉത്സവം പഞ്ചായത്ത് പ്രസിഡന്റ് എ. ലത ഉദ്ഘാടനം ചെയ്തു. വാർഡ് മെംബർ ഷോബി ജോസഫ് അധ്യക്ഷത വഹിച്ചു. കൃഷി ഓഫിസർ നിഖിൽ നാരായണൻ, പഞ്ചായത്തംഗങ്ങളായ സി. വി. ശ്രീധരൻ, പി. വി. ജിത, പഞ്ചായത്ത് സെക്രട്ടറി ആർ. രജിത് എന്നിവർ സംസാരിച്ചു. വിളവെടുപ്പിനു ശേഷം നടന്ന വാശിയേറിയ ലേലംവിളിയിൽ 1100 രൂപ നൽകി പഞ്ചായത്ത് സെക്രട്ടറി ആർ. രജിത് ആദ്യത്തെ വാഴക്കുല സ്വന്തമാക്കി.
Kasaragod
മാലോം: മാലോത്ത് കസബ ഗവ. ഹയർ സെക്കൻഡറി സ്കൂളിൽ നടന്ന ചിറ്റാരിക്കൽ ഉപജില്ല സ്കൂൾ കലോത്സവത്തിൽ 506 പോയിന്‍റോടെ കമ്പല്ലൂർ ഗവ. ഹയർ സെക്കൻഡറി സ്കൂൾ ഓവറോൾ ചാമ്പ്യന്മാരായി. 480 പോയിന്‍റ് നേടിയ ചായ്യോത്ത് ഗവ.ഹയർ സെക്കൻഡറി സ്കൂളാണ് രണ്ടാം സ്ഥാനത്ത്.
മാലോത്തിന് കലയുടെ ഉത്സവലഹരി പകർന്ന മേള സംഘാടനമികവുകൊണ്ടും മികച്ച ജനപങ്കാളിത്തം കൊണ്ടും ശ്രദ്ധേയമായി. സമാപനദിവസമായ വെള്ളിയാഴ്ച രാത്രി വൈകി കനത്ത മഴയ്ക്കിടയിലും വലിയ ജനസഞ്ചയമാണ് കലോത്സവവേദിയിലുണ്ടായിരുന്നത്.
ഹയർ സെക്കൻഡറി വിഭാഗത്തിൽ 250 പോയിന്‍റോടെ കമ്പല്ലൂർ ഒന്നാമതെത്തിയപ്പോൾ 193 പോയിന്‍റ് നേടിയ വെള്ളരിക്കുണ്ട് സെന്റ് ജൂഡ്സ് ഹയർ സെക്കൻഡറി സ്കൂളാണ് രണ്ടാം സ്ഥാനത്ത്. ഹൈസ്കൂൾ വിഭാഗത്തിൽ 243 പോയിന്‍റോടെ ചിറ്റാരിക്കൽ സെന്റ് മേരീസ് ഇംഗ്ലീഷ് മീഡിയം സ്കൂൾ ഒന്നാംസ്ഥാനവും 183 പോയിന്‍റോടെ ചായ്യോത്ത് സ്കൂൾ രണ്ടാം സ്ഥാനവും നേടി.
യുപി വിഭാഗത്തിൽ 80 വീതം പോയിന്‍റ് നേടി ചായ്യോത്ത് സ്കൂളും കോട്ടമല എംജിഎം എയുപി സ്കൂളും ഒന്നാം സ്ഥാനം പങ്കിട്ടു. 78 പോയിന്‍റ് നേടിയ തോമാപുരം സെന്റ് തോമസ് ചിറ്റാരിക്കൽ സെന്റ് മേരീസ് സ്കൂളുകളാണ് രണ്ടാം സ്ഥാനത്ത്. എൽപി വിഭാഗത്തിൽ വെള്ളരിക്കുണ്ട് നിർമലഗിരി എഎൽപി സ്കൂൾ 65 പോയിന്‍റോടെ ഒന്നാംസ്ഥാനവും പാലാവയൽ സെന്റ് ജോൺസ്, തോമാപുരം സെന്റ് തോമസ് എൽപി സ്കൂളുകൾ 63 പോയിന്‍റ് വീതം നേടി രണ്ടും സ്ഥാനവും കരസ്ഥമാക്കി.എൽപി വിഭാഗത്തിലെ മുഴുവൻ മത്സര ഇനങ്ങളിലും എ ഗ്രേഡ് നേടി മുഴുവൻ പോയിന്‍റും സ്വന്തമാക്കിയാണ് വെള്ളരിക്കുണ്ട് നിർമലഗിരി എഎൽപി സ്കൂൾ ഒന്നാം സ്ഥാനത്തെത്തിയത്.
സമാപന സമ്മേളനം ഗോവിന്ദൻ പള്ളിക്കാപ്പിൽ എംഎൽഎ ഉദ്ഘാടനംചെയ്തു. എൻ.വി. പ്രമോദ് അധ്യക്ഷനായി. പഞ്ചായത്ത് വൈസ് പ്രസിഡന്റ് രാജു കട്ടക്കയം, ജില്ലാ പഞ്ചായത്ത് അംഗം ബിൻസി ജെയിൻ, എഇഒ ജോയ എം. ജോർജ് എന്നിവർ സമ്മാനങ്ങൾ വിതരണം ചെയ്തു.
ബ്ലോക്ക് പഞ്ചായത്ത് സ്ഥിരം സമിതി അധ്യക്ഷരായ പാറക്കോൽ രാജൻ, ജെസി ചാക്കോ, പഞ്ചായത്ത് അംഗങ്ങളായ പി.വി. ജിത, മിനി മാത്യു, റോസിലിൻ സിബി, എം. ലക്ഷ്മി, മിനി ആന്റണി, മിനി രവീന്ദ്രൻ, ഷീബ ഉണ്ണികൃഷ്ണൻ, പ്രിൻസിപ്പൽ മിനി പോൾ, മുഖ്യാധ്യാപകൻ എം.കെ. പ്രസാദ്, എം.വി. പ്രമോദ് കുമാർ, ജോർജ് ജോസഫ്, ജിതേഷ് ജോസഫ്, പി.ജെ. ആൻഡ്രൂസ്, വി.വി. രാഘവൻ, സി.സി. അരൂപ്, സി. ചന്ദ്രൻ, രഞ്ജു ബാബുരാജ്, മാർട്ടിൻ ജോസഫ് എന്നിവർ പ്രസംഗിച്ചു.
Kasaragod
വെള്ളരിക്കുണ്ട്: സെന്റ് എലിസബത്ത് കോൺവെന്‍റ് സ്കൂളിൽ വിദ്യാർഥികൾക്കും രക്ഷിതാക്കൾക്കുമായി സൈബർ സുരക്ഷാ ബോധവത്കരണ ക്ലാസ് സംഘടിപ്പിച്ചു.
സൈബർ നിയമവിദഗ്ധൻ അഡ്വ. ജിജിൽ ജോസഫ് ക്ലാസ് നയിച്ചു. പ്രിൻസിപ്പൽ സിസ്റ്റർ ഉദയ ഉതുപ്പാൻ, അധ്യാപകൻ കെ.ജെ. തോമസ്, നയന ജോജ് എന്നിവർ പ്രസംഗിച്ചു.
Kasaragod
ബദിയടുക്ക: കാസർഗോഡ് ഗവ. മെഡിക്കൽ കോളജിലെ വിദ്യാർഥികൾക്ക് ഹോസ്റ്റൽ ഭക്ഷണവും കോളജ് ബസും മുടങ്ങി.
ഹോസ്റ്റലിലെ മെസ് നടത്തിപ്പിന് കരാർ ഏറ്റെടുത്ത കുടുംബശ്രീ യൂണിറ്റിന്‍റെ കാലാവധി കഴിഞ്ഞതാണ് പ്രശ്നമായത്. കരാർ പുതുക്കാതായതോടെ ഈ മാസം ഒന്നുമുതൽ മെസ് അടച്ചുപൂട്ടുകയായിരുന്നു. കോളജിലാണെങ്കിൽ ഇതുവരെ കാന്‍റീൻ തുടങ്ങിയിട്ടില്ല.
ഇതോടെ പുറത്തുനിന്ന് ഭക്ഷണം വാങ്ങി കഴിക്കേണ്ട അവസ്ഥയിലാണ് വിദ്യാർഥികൾ. കോളജ് പ്രവർത്തിക്കുന്ന ഉക്കിനടുക്കയിലെ പ്രാദേശിക രുചിഭേദങ്ങൾ സംസ്ഥാനത്തിന്‍റെ വിവിധ ഭാഗങ്ങളിൽ നിന്നെത്തിയ കുട്ടികൾക്ക് ഉൾക്കൊള്ളാനും കഴിയുന്നില്ല.
പ്രായോഗിക പഠനത്തിന് സൗകര്യമൊരുക്കിയിട്ടുള്ള കാസർഗോഡ് ജനറൽ ആശുപത്രിയിലേക്ക് വിദ്യാർഥികളെ കൊണ്ടുപോയിരുന്നത് കോളജ് ബസിലായിരുന്നു. എന്നാൽ 13 വർഷത്തിലധികം പഴക്കമുള്ള ബസാണ് കോളജ് ബസായി കൊണ്ടുവന്നത്. ഉക്കിനടുക്കയിൽ നിന്ന് കാസർഗോട്ടേക്കുള്ള 30 കിലോമീറ്ററിലധികം ദൂരം പതിവായി ഓടാൻ തുടങ്ങിയതോടെ ഈ ബസ് കട്ടപ്പുറത്തായി. ഇപ്പോൾ വിദ്യാർഥികൾ സ്വന്തം നിലയ്ക്ക് ബസ് കയറി കാസർഗോട്ടേക്ക് പോകേണ്ട അവസ്ഥയിലാണ്. പെൺകുട്ടികൾക്ക് കെഎസ്ആർടിസി ബസിൽ സൗജന്യമാണെന്നതു മാത്രമാണ് ആകെയുള്ള ആശ്വാസം. ആൺകുട്ടികൾക്ക് പഠനച്ചെലവിനൊപ്പം ബസ് ചാർജും കരുതേണ്ടിവരുന്നു. അടിയന്തരമായി മെസിന്‍റെ പ്രവർത്തനം പുനരാരംഭിക്കുന്നതിനും പുതിയ കോളജ് ബസ് ലഭ്യമാക്കുന്നതിനും നടപടിയുണ്ടാകണമെന്നാവശ്യപ്പെട്ട് വിദ്യാർഥികൾ കോളജ് അധികൃതർക്ക് നിവേദനം നൽകിയിട്ടുണ്ട്.
കെട്ടിടവും ഹോസ്റ്റലുമില്ലാതെ ന്സിംഗ് കോളജ്
ബദിയടുക്ക: ഗവ. മെഡിക്കൽ കോളജിന് അനുബന്ധമായി തുടങ്ങിയ നഴ്സിംഗ് കോളജിന് മൂന്നു വർഷമായിട്ടും സ്വന്തം കെട്ടിടമോ ഹോസ്റ്റലോ ആയില്ല. അധ്യാപകരുടെ ക്ഷാമവും രൂക്ഷമാണ്.
മെഡിക്കൽ കോളജിന്‍റെ അക്കാദമിക് ബ്ലോക്കിനായി നിർമിച്ച കെട്ടിടത്തിലാണ് നഴ്സിംഗ് കോളജ് തുടങ്ങിയത്. മെഡിക്കൽ കോളജിനായി അനുവദിച്ച 65 ഏക്കറോളം സ്ഥലത്തിൽ നിന്ന് ഒരു ഭാഗം വേർതിരിച്ച് അവിടെ നഴ്സിംഗ് കോളജിന് പ്രത്യേക കെട്ടിടവും ഹോസ്റ്റലുമുൾപ്പെടെ നിർമിക്കുമെന്നാണ് അന്ന് പറഞ്ഞിരുന്നത്.
എന്നാൽ മൂന്നു ബാച്ചുകളായിട്ടും ഇതിന്റെ പ്രാഥമിക നടപടിക്രമങ്ങൾ പോലും തുടങ്ങിയിട്ടില്ല. മെഡിക്കൽ കോളജിനായി നിർമിച്ച ഹോസ്റ്റലിൽ സൗകര്യമുണ്ടായിട്ടും നഴ്സിംഗ് വിദ്യാർഥികൾ പുറത്തുള്ള സ്വകാര്യ ഹോസ്റ്റലുകളിൽ താമസിക്കേണ്ട അവസ്ഥയിലാണ്. നിയമപ്രകാരം മെഡിക്കൽ കോളജിന്‍റെ ഹോസ്റ്റലിൽ ഇവരെ താമസിപ്പിക്കാനാവില്ലെന്നാണ് അധികൃതരുടെ നിലപാട്.
നഴ്സിംഗ് കോളജിൽ 24 സ്ഥിര അധ്യാപകർ വേണ്ടിടത്ത് ആകെ നാലുപേർ മാത്രമാണ് ഉള്ളത്. 14 അധ്യാപകരെയെങ്കിലും നിയമിക്കണമെന്ന് ഒരുവർഷം മുമ്പ് ആരോഗ്യ സർവകലാശാല നൽകിയ നിർദേശവും വെറുതെയായി. ഈ അവസ്ഥയിലാണ് നാലാമത്തെ ബാച്ച് വിദ്യാർഥികൾ ഇവിടെയെത്തുന്നത്.
Kasaragod
നീലേശ്വരം: സ്കൂട്ടറിൽ കടത്തുകയായിരുന്ന 1.5 ഗ്രാം എംഡിഎംഎയുമായി രണ്ടുപേർ പിടിയിൽ. ഒഴിഞ്ഞവളപ്പ് പുഞ്ചാവി കല്ലിയിൽ സലാം (41), പുഞ്ചാവി കെ. ആഷിക്( 30 ) എന്നിവരെയാണ് നീലേശ്വരം എസ്ഐ സി. സുമേഷ് ബാബുവും സംഘവും അറസ്റ്റ് ചെയ്തത്.
വെള്ളിയാഴ്ച രാത്രി പത്തോടെ കോട്ടപ്പുറം പാലത്തിനടുത്തുവച്ചാണ് ഇവരെ പിടികൂടിയത്. അച്ചാംതുരുത്തി ഭാഗത്തുനിന്ന് കോട്ടപ്പുറത്തേക്ക് സ്കൂട്ടറിൽ വരികയായിരുന്ന ഇവർ പൊലിസിനെ കണ്ടപ്പോൾ തിരിച്ചുപോകാൻ ശ്രമിക്കുകയായിരുന്നു. പൊലിസ് ഇവരെ തടഞ്ഞുനിർത്തി പരിശോധിച്ചപ്പോൾ ആഷിക്കിന്‍റെ പോക്കറ്റിൽ നിന്നാണ് എംഡിഎംഎ കണ്ടെത്തിയത്. ഇരുവരെയും കോടതിയിൽ ഹാജരാക്കി റിമാൻഡ് ചെയ്തു.
Kasaragod
മാലോം: ചിറ്റാരിക്കൽ ഉപജില്ലാ കലോത്സവത്തിന്റെ സംഗീതവേദിയിൽ തിളങ്ങി വെള്ളരിക്കുണ്ട് സെന്റ് ജൂഡ്സ് സ്കൂളിലെ എവ്‌ലിൻ മരിയ ബിനുവും അനുജൻ നിർമലഗിരി എൽപി സ്കൂൾ വിദ്യാർഥി അന്‍റോണിയോ ബിനുവും.
ഹൈസ്കൂൾ വിഭാഗം ലളിതഗാനം, ശാസ്ത്രീയ സംഗീതം, ദേശഭക്തിഗാനം, ഉർദു സംഘഗാനം എന്നിങ്ങനെ പങ്കെടുത്ത നാല് ഇനങ്ങളിലും എവ്‌ലിൻ എ ഗ്രേഡോടെ ഒന്നാം സ്ഥാനം കരസ്ഥമാക്കിയപ്പോൾ രണ്ടാം ക്ലാസുകാരൻ അന്‍റോണിയോ ലളിതഗാനത്തിനും മലയാളം പദ്യംചൊല്ലലിനും ഒന്നാം സ്ഥാനവും മാപ്പിളപ്പാട്ടിലും സംഘഗാനത്തിലും ദേശഭക്തിഗാനത്തിലും രണ്ടാം സ്ഥാനവും നേടി. അഞ്ചിനങ്ങളിലും അന്‍റോണിയോയ്ക്ക് എ ഗ്രേഡുണ്ട്. തോമാപുരം ഷാജി എഴുതി അദ്ദേഹം തന്നെ ഈണം പകർന്ന ലളിതഗാനമാണ് എവ്‌ലിനെ ഒന്നാം സ്ഥാനത്തിനർഹയാക്കിയത്.
ശാസ്ത്രീയ സംഗീതത്തിൽ രജീഷ് പാണപ്പുഴയാണ് ഗുരു. പാത്തിക്കരയിലെ മണിയംമാക്കൽ ബിനുവിന്‍റെയും സിജിയുടെയും മക്കളാണ്. ഇവരുടെ മൂത്ത സഹോദരൻ ആൽഫിൻ ബിനുവും നേരത്തേ കലോത്സവ വേദികളിലെ താരമായിരുന്നു.
Kasaragod
കുമ്പള: ഈ മാസം 20ന് കാഞ്ഞങ്ങാട് പലേഡിയം കൺവെൻഷൻ സെന്‍ററിൽ നടക്കുന്ന അഖിലേന്ത്യ സഹകരണ വാരാഘോഷത്തിന്‍റെ സംസ്ഥാനതല സമാപന പരിപാടിയുടെ വിളംബരമായി കുമ്പളയിൽ നിന്ന് തൃക്കരിപ്പൂരിലേക്ക് ബൈക്ക് റാലി നടത്തി.എ.കെ.എം. അഷ്റഫ് എംഎൽഎ ഫ്ലാഗ് ഓഫ് ചെയ്തു. സർക്കിൾ സഹകരണ യൂണിയൻ ചെയർമാൻ കെ.ആർ. ജയാനന്ദ അധ്യക്ഷനായി.
ജില്ലാ പഞ്ചായത്ത് അംഗം ജെ.എസ്. സോമശേഖര, രാധാകൃഷ്ണ റായ് മഡ്‌വ, പി. രഘുദേവൻ, എസ്. കണ്ണൻ, ജെ. അശോകൻ, പി.കെ. വിനോദ് കുമാർ, ജോർജ് ജോസഫ്, സി.വിനോദ് കുമാർ, ജെ. രാജീവൻ, യു. പ്രശാന്ത് കുമാർ, കെ. ജയകുമാർ, പി. രാജൻ നായർ എന്നിവർ പ്രസംഗിച്ചു.
Kasaragod
നീലേശ്വരം: റെയിൽവേ സ്റ്റേഷൻ പരിസരത്ത് അനധികൃതമായി നിർത്തിയിട്ട ഇരുചക്രവാഹനങ്ങൾ ആർപിഎഫ് ചങ്ങലയിട്ട് പൂട്ടി. നിയമപ്രകാരമുള്ള പിഴ ഈടാക്കി മാത്രമേ ഈ വാഹനങ്ങൾ ഉടമകൾക്ക് തിരികെ നൽകുകയുള്ളൂ.
റെയിൽവേ സറ്റേഷൻ പരിസരത്തെ അനധികൃത പാർക്കിംഗിനെതിരേ പലതവണ മുന്നറിയിപ്പ് നൽകിയിട്ടും ഫലമില്ലാതെ വന്നതോടെയാണ് കടുത്ത നടപടി. രാജാ റോഡിലെ റെയിൽവേ മേൽപാലം മുതൽ സ്റ്റേഷന്‍റെ തൊട്ടടുത്തു വരെ നിർത്തിയിട്ട വാഹനങ്ങൾക്കാണ് ആർപിഎഫ് ചങ്ങലപ്പൂട്ടിട്ടത്. റെയിൽവേ സ്റ്റേഷനിൽ വിപുലമായ പാർക്കിംഗ് സൗകര്യം ഏർപ്പെടുത്തിയിട്ടും അവിടെ പണമടയ്ക്കാൻ മടിച്ച് പലരും അനധികൃത പാർക്കിംഗ് തുടരുകയായിരുന്നു.
Kasaragod
അമ്പലത്തറ: പുല്ലൂർ-പെരിയ പഞ്ചായത്തിലെ കോട്ടപ്പാറയിൽനിന്ന് കൊടവലത്തേക്കുള്ള റോഡ് തകർച്ചയിൽ. ടാറിംഗ് ഇളകി കുഴികൾ നിറഞ്ഞുകിടന്നിരുന്ന റോഡിന്‍റെ റീ ടാറിംഗിന് ഒരുവർഷം മുമ്പ് ടെൻഡറായതായിരുന്നു. എന്നാൽ കരാറുകാരൻ പാതിവഴിയിൽ പണി നിർത്തിപ്പോയതാണ് പ്രശ്നമായത്.
ഇപ്പോൾ പടാങ്കോട് വളവിനു സമീപം റോഡിന്‍റെ പകുതി ഭാഗത്തു മാത്രമാണ് ടാറിംഗ് അവശേഷിക്കുന്നത്. മറ്റു പല ഭാഗങ്ങളിലും ആഴമേറിയ കുഴികളാണ്. കുഴികളിൽ വീഴാതെ വെട്ടിക്കുന്ന വാഹനങ്ങൾ വശങ്ങളിലെ താഴ്ചയിലേക്കു മറിഞ്ഞ് അപകടമുണ്ടാകാനും സാധ്യതയേറെയാണ്.
ഓവുചാൽ നിർമാണവും വശങ്ങളിലെ കോൺക്രീറ്റിംഗ് ജോലികളും മാത്രമാണ് കരാറുകാരൻ പൂർത്തിയാക്കിയത്. ടാറിംഗ് ജോലതുടങ്ങുന്നതിനുമുമ്പ് പണി നിർത്തിപ്പോവുകയായിരുന്നു. ടാറിന്‍റെയും മറ്റ് അസംസ്കൃത വസ്തുക്കളുടെയും വിലക്കയറ്റമാണ് ഇതിനു കാരണമായി പറഞ്ഞത്. ടാറിന്‍റെ വില കൂട്ടിനൽകാതെ പണി തുടരാനാവില്ലെന്നാണ് നിലപാട്.
സ്കൂൾ ബസുകളുൾപ്പെടെ നൂറുകണക്കിന് വാഹനങ്ങളാണ് ഇതുവഴി കടന്നുപോകുന്നത്. റോഡിന്‍റെ തകർച്ച പരിഹരിക്കാൻ എത്രയുംപെട്ടെന്ന് നടപടികളായില്ലെങ്കിൽ പ്രത്യക്ഷസമരം തുടങ്ങാനാണ് നാട്ടുകാരുടെ തീരുമാനം.
Kasaragod
തൃക്കരിപ്പൂർ: മാണിയാട്ട് കോറസ് കലാസമിതിയുടെ നേതൃത്വത്തിൽ ഈ മാസം 14 മുതൽ നടക്കുന്ന എൻ.എൻ. പിള്ള സ്മാരക സംസ്ഥാന പ്രഫഷണൽ നാടക മത്സരത്തിലേക്ക് വിശിഷ്‌്ടാതിഥികളെ ക്ഷണിക്കാൻ കുട്ടികളുടെ കത്ത്.
30 കുട്ടികളാണ് വിശിഷ്്‌‌ടാതിഥികൾക്കായി രണ്ടുവീതം കത്തെഴുതി പോസ്റ്റ് ചെയ്തത്. കളക്ടർ, ജില്ലാ പൊലിസ് മേധാവി, കാഞ്ഞങ്ങാട് ഡിവൈഎസ്പി, എഴുത്തുകാരായ സി.വി. ബാലകൃഷ്ണൻ, അംബികാസുതൻ മാങ്ങാട്, കരിവെള്ളൂർ മുരളി, പ്രകാശൻ കരിവെള്ളൂർ എന്നിങ്ങനെ ഓരോ ദിവസത്തെയും വിശിഷ്‌്ടാതിഥികളായി തെരഞ്ഞെടുക്കപ്പെട്ടവർക്കാണ് കത്തെഴുതിയത്.
പ്രോഗ്രാം കമ്മിറ്റി ചെയർമാൻ കെ.വി. സുരേഷ്, കൺവീനർ തമ്പാൻ കീനേരി എന്നിവർ കുട്ടികൾക്ക് മാർഗനിർദേശങ്ങൾ നൽകി.
14 മുതൽ 23 വരെ നടക്കുന്ന സംസ്ഥാന നാടക മത്സരവുമായി ബന്ധപ്പെട്ട് ഒരു ദിവസത്തെ പരിപാടികൾ നിയന്ത്രിക്കുന്നതിനുള്ള അവസരവും കുട്ടികൾക്ക് നൽകിയിട്ടുണ്ട്. ഒരു ദിവസം വനിതകളും ഒരു ദിവസം യുവതീയുവാക്കളും പരിപാടികൾ നിയന്ത്രിക്കും.
Kasaragod
വെള്ളരിക്കുണ്ട്: പുതിയ ട്രെയിൻ സർവീസുകൾ അനുവദിക്കുമ്പോൾ കണ്ണൂരിനു വടക്കും കേരളമുണ്ടെന്ന കാര്യം റെയിൽവേ അധികൃതർ മറന്നുപോവുകയാണെന്ന് ജില്ലയിലെ ജനപ്രതിനിധികൾ പലതവണ ആവർത്തിക്കാറുണ്ട്.
പക്ഷേ കുടിയേറ്റ മേഖലകളിലെ ജനങ്ങളുടെ നിരന്തരമായ ആവശ്യം മാനിച്ച് വേളാങ്കണ്ണിയിലേക്ക് കെഎസ്ആർടിസി സൂപ്പർ ഡീലക്സ് ബസ് സർവീസ് സർവീസ് അനുവദിച്ചപ്പോഴും കണ്ണൂരിനു വടക്ക് ജനങ്ങളുണ്ടെന്ന കാര്യം അധികൃതർ മറന്നുപോയി.
കാഞ്ഞങ്ങാട് ഡിപ്പോയിൽ നിന്ന് ഒടയംചാൽ, പരപ്പ, വെള്ളരിക്കുണ്ട്, ഭീമനടി, ചെറുപുഴ, ആലക്കോട്, ഇരിട്ടി, തലശേരി, കോഴിക്കോട്, പാലക്കാട് വഴി വേളാങ്കണ്ണിയിലേക്ക് ബസ് സർവീസ് അനുവദിക്കണമെന്നാവശ്യപ്പെട്ടാണ് ആർച്ച്ബിഷപ് മാർ ജോസഫ് പാംപ്ലാനിയും വെള്ളരിക്കുണ്ട്, തോമാപുരം, ചെറുപുഴ, രയരോം ഫൊറോന വികാരിമാരും കോൺഗ്രസ് നേതാക്കളായ സി.വി. ഭാവനൻ, മനോജ് തോമസ് എന്നിവരും മലയോര മേഖല പാസഞ്ചേഴ്സ് അസോസിയേഷൻ കൺവീനർ എം.വി. രാജുവും ഗതാഗതമന്ത്രിക്ക് നിവേദനം നൽകിയിരുന്നത്. എന്നാൽ ബസ് അനുവദിച്ചുകിട്ടിയപ്പോൾ അത് കാസർഗോഡ് ജില്ലയിലെ മലയോര കുടിയേറ്റ മേഖലകളെ പൂർണമായും അവഗണിച്ച് ഉദയഗിരിയിൽ നിന്ന് ആരംഭിക്കുന്ന വിധത്തിലായി.
കാഞ്ഞങ്ങാട് നിന്നാരംഭിച്ച് കാസർഗോഡ് ജില്ലയുടെ മലയോരമേഖലയിൽ കൂടി സർവീസ് നടത്തിയിരുന്നെങ്കിൽ ഈ ബസ് കൂടുതൽ ജനങ്ങൾക്ക് ഉപകാരപ്രദമാവുകയും കൂടുതൽ വരുമാനമുണ്ടാക്കുകയും ചെയ്യുമെന്ന കാര്യം ഉറപ്പാണെന്ന് പൊതുപ്രവർത്തകരും നാട്ടുകാരും ചൂണ്ടിക്കാട്ടുന്നു. ഇപ്പോൾ ഉദയഗിരിയിൽ നിന്നാരംഭിക്കാൻ തീരുമാനിച്ച സർവീസ് കാഞ്ഞങ്ങാട്ടേക്കു നീട്ടണമെന്നാവശ്യപ്പെട്ട് വീണ്ടും മുഖ്യമന്ത്രിക്കും ഗതാഗതമന്ത്രിക്കും എംപിയും എംഎൽഎമാരുമടക്കമുള്ള ജനപ്രതിനിധികൾക്കും നിവേദനം നൽകാനൊരുങ്ങുകയാണ് ഇവർ.
Kasaragod
നീലേശ്വരം: കടലാടിപ്പാറയില്‍ രണ്ടായിരത്തിലധികം വര്‍ഷം മുമ്പ് അധിവസിച്ചിരുന്ന മനുഷ്യരുടെ സംസ്‌കാരത്തിന്‍റെ തെളിവുകളെന്ന് കരുതുന്ന ശിലാചിത്രങ്ങള്‍ കണ്ടെത്തി. പ്രാദേശിക പുരാവസ്തു ഗവേഷകനായസതീശ്‍ കാളിയാനം നടത്തിയ നിരീക്ഷണത്തിലാണ് കരിമ്പാറയില്‍ കൊത്തിയുണ്ടാക്കിയ ഇരുപതോളം ശിലാചിത്രങ്ങള്‍ കണ്ടെത്തിയത്.
സ്ഥലം സന്ദര്‍ശിച്ച ചരിത്ര ഗവേഷകനും കാഞ്ഞങ്ങാട് നെഹ്റു കോളജ് ചരിത്രാധ്യാപകനുമായ ഡോ. നന്ദകുമാര്‍ കോറോത്ത് കരിമ്പാറകളില്‍ കാണപ്പെടുന്ന അടയാളങ്ങള്‍ മഹാ ശിലാ കാലഘട്ടത്തിലോ അതിനു മുമ്പോ ജീവിച്ചിരുന്ന മനുഷ്യരുടെ ചരിത്രശേഷിപ്പുകളാകാമെന്ന് അഭിപ്രായപ്പെട്ടു. മഹാരാഷ്‌ട്രയിലെ രത്‌നഗിരി മുതല്‍ വയനാട് വരെ പാറകളില്‍ കാണപ്പെടുന്ന ശിലാ ചിത്രങ്ങളുമായി സാമ്യതയുള്ളതാണ് കടലാടിപ്പാറയില്‍ കാണപ്പെടുന്ന കരിമ്പാറയില്‍ കൊത്തിയെടുത്ത രൂപങ്ങളും. കല്‍പാദങ്ങളുടെ വലിയ രണ്ടു രൂപങ്ങളും ചെറിയ നാലു രൂപങ്ങളും കൊത്തിയുണ്ടാക്കിയ 14 ചെറിയ കുഴികളുമാണ് കടലാടിപ്പാറയില്‍ കണ്ടെത്തിയത്. പള്ളത്തിന്‍റെ കരയിലായാണ് ശിലാചിത്രങ്ങള്‍ കാണപ്പെടുന്നത്.
കാസര്‍ഗോഡ് ജില്ലയില്‍ ചീമേനി അരിയിട്ടപാറ, ബേഡഡുക്ക പഞ്ചായത്തിലെ അടുക്കത്ത് ഭഗവതി ക്ഷേത്രത്തിലെ ആമക്കുളം, ബങ്കളം, നീലേശ്വരം ആലിന്‍കീഴില്‍, മുളിയാര്‍, മടിക്ൈ ഉമിച്ചി, മടിക്കൈ വലിയപാറ, ബാനം, കാഞ്ഞിരപ്പൊയില്‍ എന്നിവിടങ്ങളില്‍ നിന്ന് നിരവധി ശിലാചിത്രങ്ങള്‍ മുമ്പ് കണ്ടെത്തിയിട്ടുണ്ട്.
Kasaragod
കാസര്‍ഗോഡ്: കസബ കടപ്പുറത്തിന് സമീപം നടത്തിയ റെയ്ഡില്‍ മാരക മയക്കുമരുന്നായ എംഡിഎംഎയുമായി യുവാവിനെ കാസര്‍ഗോഡ് ടൗണ്‍ പൊലിസ് അറസ്റ്റ് ചെയ്തു. കസബ ബീച്ച് സ്വദേശിയായ പി.അഭിജിത് (26) ആണ് അറസ്റ്റിലായത്. പ്രതി താമസിക്കുന്ന വീട്ടിലെ കിടപ്പുമുറിയില്‍ ഒളിപ്പിച്ച നിലയിലായിരുന്ന 3.37 ഗ്രാം എംഡിഎംഎ പൊലിസ് കണ്ടെടുത്തു. രഹസ്യവിവരത്തെ തുടര്‍ന്നാണ് നടപടി. കാസര്‍ഗോഡ് എസ്ഐ പി.വി. മനുവിന്‍റെ നേതൃത്വത്തിലുള്ള പൊലിസ് സംഘമാണ് പരിശോധന നടത്തിയത്.
Kasaragod
കാഞ്ഞങ്ങാട്: ദേശീയപാതയിൽ നിർത്തിയിട്ട ലോറിക്കു പിന്നിൽ ബൈക്കിടിച്ച് രണ്ടു യുവാക്കൾ മരിക്കാനിടയായ സംഭവത്തിൽ ലോറി ഡ്രൈവർക്കെതിരേ മനഃപൂർവമായ നരഹത്യക്ക് കേസെടുത്തു. അറസ്റ്റിലായ ലോറി ഡ്രൈവർ കർണാടക ബെലഗാവി രഘുനാഥ്പേട്ട് സ്വദേശി റഹിം ബസപ്പൂരി(35)നെ കോടതിയിൽ ഹാജരാക്കി റിമാൻഡ് ചെയ്തു.
തിങ്കളാഴ്ച രാത്രിയാണ് നീലേശ്വരം പടിഞ്ഞാറ്റംകൊഴുവൽ സ്വദേശികളായ അനുരാഗ് മനോജ് (22), പി.യു. ആനന്ദകൃഷ്ണൻ (24) എന്നിവരുടെ മരണത്തിനിടയാക്കിയ അപകടം നടന്നത്.ആറുവരിപ്പാതയിൽ ലോറികളും മറ്റും നിർത്തിയിടുന്നതിനെതിരേ നേരത്തേ പലതവണ അധികൃതരുടെ ഭാഗത്തുനിന്ന് മുന്നറിയിപ്പുകളും നടപടികളുമുണ്ടായിരുന്നെങ്കിലും ഇത്ര കടുത്ത നടപടിയുണ്ടാകുന്നത് ആദ്യമായാണ്. മാസങ്ങൾക്കു മുമ്പ് പടന്നക്കാട് സ്റ്റെല്ലാ മാരിസ് സ്കൂളിനു സമീപത്തുവച്ചും നിർത്തിയിട്ട ലോറിയിൽ ബൈക്കിടിച്ച് ഒരു യുവാവ് മരണപ്പെട്ടിരുന്നു.
ദേശീയപാതയിൽ നിർത്തിയിട്ട ലോറികൾ മാറ്റാൻ നിർദേശിക്കുന്നതിനിടെ അമിതവേഗതയിലെത്തിയ കാറിടിച്ച് രണ്ട് പൊലിസ് ഉദ്യോഗസ്ഥർക്ക് കാൽ നഷ്ടമായ സംഭവവും ഉണ്ടായിരുന്നു. തുടർച്ചയായി അപകടങ്ങളുണ്ടാകുന്ന സാഹചര്യത്തിൽ ഇനിയും ആറുവരിപ്പാതയിൽ വാഹനങ്ങൾ നിർത്തിയിടാൻ അനുവദിക്കേണ്ടതില്ലെന്നാണ് അധികൃതരുടെ തീരുമാനം. അതേസമയം നിർമാണത്തിലിരിക്കുന്ന ദേശീയപാതയുടെ ചെങ്കള-നീലേശ്വരം, നീലേശ്വരം-തളിപ്പറമ്പ് റീച്ചുകളിൽ ദീർഘദൂര വാഹനങ്ങളുടെ പാർക്കിംഗിന് ഇതുവരെ എവിടെയും സൗകര്യമൊരുക്കാത്തതാണ് പ്രശ്നമെന്ന് ഡ്രൈവർമാർ ചൂണ്ടിക്കാട്ടുന്നു.
Kasaragod
പാലാവയൽ: വീടുകളിൽ വെറുതെയിട്ടിരിക്കുന്ന പഴയ പത്രമാസികകളും കടലാസുകളും പേപ്പർ ബോർഡുകളും ഉപയോഗപ്പെടുത്തി ‘ഉണ്ണിയേശുവിനൊരു സ്നേഹസമ്മാന’മൊരുക്കാൻ സൊസൈറ്റി ഓഫ് സെന്റ് വിൻസന്‍റ് ഡി പോൾ തോമാപുരം ഏരിയ കൗൺസിൽ.
വിവിധ ഭാഷകളിൽ ബൈബിൾ അച്ചടിച്ച് സൗജന്യമായി വിതരണം ചെയ്തുവരുന്ന ഫിയാത്ത മിഷന് പേപ്പർ ലഭ്യമാക്കുന്നതിനായി ഇവ കൈമാറുകയാണ് ലക്ഷ്യം. സൊസൈറ്റിയുടെ 48ാമത് വാർഷിക പൊതുയോഗവും ‘ഉണ്ണിയേശുവിനൊരു സ്നേഹസമ്മാനം’ പദ്ധതിയുടെ ഉദ്ഘാടനവും പാലാവയൽ സെന്റ് ജോൺസ് പാരിഷ് ഹാളിൽ നടന്നു. വാർഷിക യോഗത്തിന്‍റെ ഉദ്ഘാടനം പാലാവയൽ സെന്റ് ജോൺസ് പള്ളി വികാരി ഫാ. ജോസ് മാണിക്കത്താഴെയും സ്നേഹസമ്മാനം പദ്ധതിയുടെ ഉദ്ഘാടനം കാവുന്തല പള്ളി വികാരി ഫാ.എബിൻ ആന്റണി മടപ്പാംതോട്ടുകുന്നേലും നിർവഹിച്ചു.
തോമാപുരം ഫൊറോനയിലെ എല്ലാ ഇടവകകളിലെയും ഭവനങ്ങളിൽനിന്ന് വിൻസന്‍റ് ഡി പോൾ സൊസൈറ്റി പ്രവർത്തകർ ശേഖരിക്കുന്ന പത്രക്കെട്ടുകൾ ക്രിസ്മസ് ദിനത്തിൽ ഫിയാത്ത മിഷന് കൈമാറും.യോഗത്തിൽ ഏരിയ കൗൺസിൽ പ്രസിഡന്റ് പൗലോസ് അന്ത്യാംകുളത്ത് അധ്യക്ഷത വഹിച്ചു. ഏരിയ കൗൺസിൽ ആത്മീയ ഉപദേഷ്ടാവ് ഫാ. തോമസ് പൂവൻപുഴ, പാലാവയൽ പള്ളി അസി. വികാരി ഫാ. റോയി കൈതാരത്തിൽ, സൊസൈറ്റി തലശേരി അതിരൂപത സെൻട്രൽ കൗൺസിൽ പ്രസിഡന്റ് സണ്ണി തോമസ് നെടിയകാലായിൽ, പാലാവയൽ കോൺഫറൻസ് വൈസ് പ്രസിഡന്റ് ജോസഫ് പുള്ളോലിക്കൽ, പാലാവയൽ വനിത കോൺഫറൻസ് പ്രസിഡന്റ് റോസമ്മ വട്ടോത്ത്, ഏരിയ കൗൺസിൽ സെക്രട്ടറി സണ്ണി മൈലക്കൽ, പി.ടി. അലക്സാണ്ടർ, ജിജി റോയി, ലിസി ജോയി ഇലഞ്ഞിമറ്റത്തിൽ എന്നിവർ പ്രസംഗിച്ചു. കഴിഞ്ഞ ആറു വർഷക്കാലം സെൻട്രൽ കൗൺസിൽ പ്രസിഡന്റ് ആയിരുന്ന സണ്ണി തോമസ് നെടിയകാലായെ ആദരിച്ചു. ഫാ. ജോസ് മാണിക്കത്താഴെ, ജയ മണ്ഡപം, സെബാസ്റ്റ്യൻ പാറശേരി എന്നിവർ ഗാനങ്ങളും പാലാവയൽ വനിത കോൺഫറൻസ് അംഗങ്ങൾ സംഘഗാനവും ആലപിച്ചു.
Kasaragod
പെരിയ: ജലനിധി പദ്ധതിയുടെ പമ്പ് സെറ്റ് കത്തിനശിച്ചതിനെത്തുടര്‍ന്ന് പുല്ലൂര്‍-പെരിയയിലെ കുടിവെള്ള വിതരണം മുടങ്ങി. ബുധനാഴ്ചയാണ് താന്നിയടി പുഴയില്‍ നിന്നു വെള്ളമെടുക്കാന്‍ ഉപയോഗിക്കുന്ന 40 എച്ച്പിയുടെ പമ്പ് സെറ്റ് കത്തിനശിച്ചത്.ഗുണഭോക്തൃകമ്മിറ്റിയുടെ കൈവശം ഫണ്ടില്ലാത്തതിനാലും ഫണ്ട് അനുവദിക്കാന്‍ പഞ്ചായത്തിന് നടപടിക്രമങ്ങള്‍ പാലിക്കേണ്ടതിനാലും കുടിവെള്ളവിതരണം പുനഃസ്ഥാപിക്കാന്‍ ഏറെ വൈകുമെന്നാണ് സൂചന.
പമ്പ് സെറ്റുകള്‍ അടിക്കടി കേടാകുന്നതും റോഡ് നിര്‍മാണം മൂലം പൈപ്പുകള്‍ വ്യാപകമായി പൊട്ടുന്നതും വരുത്തിവെയ്ക്കുന്ന കനത്ത സാമ്പത്തികബാധ്യത ജില്ലയിലെ തന്നെ പ്രധാനപ്പെട്ട ഈ കുടിവെള്ളപദ്ധതികളിലൊന്നായ ഈ പദ്ധതിയെ മരണാസന്നമായ നിലയിലേക്കാണ് എത്തിച്ചിരിക്കുന്നത്. ഗുണഭോക്തൃ കമ്മിറ്റിയാണ് അറ്റകുറ്റപ്പണിക്കും പദ്ധതിയുടെ നടത്തിപ്പിനും വേണ്ട പണം കണ്ടെത്തേണ്ടത്. ഗുണഭോക്താക്കളുടെ എണ്ണത്തില്‍ വലിയ ഇടിവുണ്ടായതോടെ ഗുണഭോക്തൃ കമ്മിറ്റിയുടെ പ്രവര്‍ത്തനം പ്രതിസന്ധിയിലായിരിക്കുകയാണ്.
പമ്പ് സെറ്റ് നന്നാക്കാന്‍ കോയമ്പത്തൂരില്‍ കൊണ്ടുപോകണം. കഴിഞ്ഞവര്‍ഷം ഇതേ പമ്പ് സെറ്റ് കേടായപ്പോള്‍ നന്നാക്കിക്കൊണ്ടുവന്നതിന് 99,500 രൂപയാണ് ചെലവായത്. ഫണ്ടില്ലാത്തതിനാല്‍ കമ്മിറ്റി പ്രസിഡന്റ് കെ.സി.ജോസഫ് വായ്പയെടുത്ത പണമാണ് ഇതിനായി ചെലവാക്കിയത്. കഴിഞ്ഞ ഒരുവര്‍ഷമായി ഇതിനു പിറകെ അലഞ്ഞിട്ടും ജോസഫിന് താന്‍ ചെലവാക്കിയ പണം അനുവദിച്ചുകിട്ടിയില്ല. ഒരു മാസം മുമ്പ് വൈദ്യുതി തൂണ്‍ ഒടിഞ്ഞുവീണപ്പോഴും താന്നിയടി വളവിലെ 20 എച്ച്പിയുടെ പമ്പ്‌സെറ്റ് കത്തിനിശിച്ചു. 40,000ത്തോളം രൂപ ഇതു നന്നാക്കാന്‍ ചെലവായി.
1100 കണക്ഷനുകള്‍ ഈ പദ്ധതിക്കുണ്ടായിരുന്നു. ദേശീയപാത വികസനത്തിന്റെ ഭാഗമായി റോഡ് വെട്ടിപ്പൊളിച്ചപ്പോള്‍ പൈപ്പുകള്‍ വ്യാപകമായി പൊട്ടിയതോടെ 150 പേര് കണക്ഷന് ഒഴിവാക്കി. കൂടാതെ കേന്ദ്രസര്‍ക്കാരിന്‍റെ ജലജീവന്‍ പദ്ധതിയുടെ പ്രവൃത്തിയിലും ജലനിധിയുടെ പൈപ്പുകള്‍ വ്യാപകമായി പൊട്ടി. പൊട്ടിയ പൈപ്പുകള്‍ അവര് ഒട്ടിച്ചുനല്‍കുമെങ്കിലും മണ്ണും കല്ലും പൈപ്പുകളില്‍ അടിഞ്ഞുകൂടി പലര്‍ക്കും വെള്ളം കിട്ടാതായി. ഇപ്പോള്‍ 850 വീടുകള്‍ മാത്രമാണ് ഗുണഭോക്താക്കളായിട്ടുള്ളത്.
വര്‍ക്ക് ലോഡ് കൂടിയതും പമ്പ് സെറ്റ് തകരാറിലാകാന്‍ കാരണമാകുന്നതായി വിലയിരുത്തപ്പെടുന്നു. എല്ലാദിവസവും 18 മണിക്കൂറാണ് പുഴയോരത്തെ പമ്പ് സെറ്റ് പ്രവര്‍ക്കുന്നത്.മുമ്പ് ഒരു സ്‌പെയര്‍ പമ്പ് സെറ്റ് ഉണ്ടായിരുന്നതാണ്. എന്നാല്‍ അഞ്ചുവര്‍ഷം മുമ്പ് കനത്ത മഴയില്‍ പമ്പ് ഹൗസ് തകര്‍ന്നുവീണ് ഈ പമ്പ് സെറ്റ് കാണാതായതോടെ ഒരേയൊരു പമ്പ് സെറ്റില്‍ ഇത്രയും വലിയ കുടിവെള്ളപദ്ധതി പ്രവര്‍ത്തിക്കേണ്ട സ്ഥിതിയാണുള്ളത്.
Kasaragod
വെള്ളരിക്കുണ്ട്: തലശേരി അതിരൂപത ആന്‍റി ഡ്രഗ്‌സ് സ്റ്റുഡന്‍റ്സ് യൂണിയൻ കലോത്സവത്തിൽ യുപി വിഭാഗത്തിൽ തുടർച്ചയായി അഞ്ചാംതവണയും ഒന്നാംസ്ഥാനം കരസ്ഥമാക്കി കരുവള്ളടുക്കം സെന്റ് ജോസഫ്സ് യുപി സ്കൂൾ.സ്കൂൾ അങ്കണത്തിൽ നടന്ന അനുമോദന സമ്മേളനത്തിൽ സ്കൂൾ മാനേജർ ഫാ. ഡോ.ജോൺസൺ അന്ത്യാംകുളം കുട്ടികൾക്ക് സമ്മാനങ്ങൾ നൽകി.
മുഖ്യാധ്യാപിക സിസ്റ്റർ റെജീന മാത്യു, എഡിഎസ് യു ആനിമേറ്റർ ടൈറ്റസ് വി.തോമസ് എന്നിവർ നേതൃത്വം നൽകി.
Kasaragod
കാഞ്ഞങ്ങാട്: കല്യാൺ റോഡ് ജംഗ്ഷനിൽ ദേശീയപാതയ്ക്കു കുറുകെ നിർമിക്കുന്ന മേൽനടപ്പാലത്തിന് അടിത്തറ നിർമിക്കാനായി മറുവശത്തെ സർവീസ് റോഡിനോടു ചേർന്ന് മാസങ്ങൾക്കു മുമ്പെടുത്ത കുഴി അപകടക്കെണിയാകു ന്നു. കുഴിയെടുത്തതിനു തൊട്ടുപിന്നാലെ പുലർച്ചെ സർവീസ് റോഡിലൂടെ വന്ന ചരക്കുലോറി ഇതിനു മുകളിലേക്ക് തെന്നിമറിയുകയും ചെയ്തു. ഭാഗ്യംകൊണ്ടാണ് ആളപായമില്ലാതെ രക്ഷപ്പെട്ടത്.
അപകടം നടന്നയുടൻ കുഴിയുടെ വശങ്ങളിൽ കോൺക്രീറ്റ് ബാരിക്കേഡുകളും സൂചനാ ബോർഡുകളും സ്ഥാപിച്ചതു മാത്രമാണ് ദേശീയപാത നിർമാണ കരാറുകാർ ചെയ്ത ഒരേയൊരു കാര്യം. കുഴിയെടുത്തിട്ട് ഒരു വർഷം തന്നെ തികയാറായിട്ടും മേൽപ്പാലത്തിന്‍റെ അടിത്തറ പോലും ഒരുങ്ങിയിട്ടില്ല. അതിനു മുകളിൽ കോൺക്രീറ്റ് തൂൺ നിർമിക്കാനായി സ്ഥാപിച്ച കമ്പികൾ ഇപ്പോഴും കുഴിക്കു മുകളിൽ അപകടഭീഷണിയായി ഉയർന്നുനിൽക്കുന്നു. ലോറി മറിഞ്ഞ സമയത്ത് ഈ കമ്പികൾ ഡ്രൈവറുടെ മേൽ തുളഞ്ഞുകയറാതിരുന്നത് തലനാരിഴയ്ക്കാണ്. സ്വതവേ വീതി കുറഞ്ഞ സർവീസ് റോഡിന്‍റെ വീതി പിന്നെയും കുറച്ചുകൊണ്ടാണ് ഇവിടെ കുഴിയെടുത്തിരിക്കുന്നത്.
കുഴിയുടെ വശത്ത് സ്ഥാപിച്ച ബാരിക്കേഡിനും പ്രധാന പാതയുടെ കോൺക്രീറ്റ് പാർശ്വഭിത്തിക്കുമിടയിൽ ഞെരുങ്ങിക്കൊണ്ടാണ് സർവീസ് റോഡിലൂടെ വലിയ വാഹനങ്ങളടക്കം കടന്നുപോകുന്നത്. അടിത്തറയുടെ നിർമാണം പൂർത്തിയാക്കി കുഴി മൂടിയാൽ മാത്രമേ ഇവിടെ സർവീസ് റോഡിന് സാധാരണ വീതിയെങ്കിലും കിട്ടുകയുള്ളൂ.
മേൽനടപ്പാലത്തിനായി കൊണ്ടുവന്ന ഇരുമ്പ് ഗർഡറുകൾ ദേശീയപാതയിൽ മഴയും വെയിലും കൊണ്ട് തുരുമ്പിച്ച് കിടക്കാൻ തുടങ്ങിയിട്ടും മാസങ്ങളായി. ഇവിടെ നടപ്പാലത്തിന്‍റെ പണി വീണ്ടും തുടങ്ങാൻ എന്തു തടസമാണ് ഉള്ളതെന്ന് വ്യക്തമല്ല. കുഴിയിൽ സ്ഥാപിച്ച കമ്പികളും ഇപ്പോൾ ഏറെക്കുറെ തുരുമ്പെടുത്തു കഴിഞ്ഞു. ഇവയിൽ കാട്ടുവള്ളികൾ വളർന്നുമൂടാനും തുടങ്ങിയിട്ടുണ്ട്. വീണ്ടുമൊരു അപകടമുണ്ടാകാൻ കാത്തുനിൽക്കാതെ ഇവിടുത്തെ നിർമാണപ്രവൃത്തികൾ പൂർത്തിയാക്കുന്ന കാര്യത്തിൽ ജില്ലാ ഭരണകൂടത്തിന്‍റെയും ജനപ്രതിനിധികളുടെയും അടിയന്തര ശ്രദ്ധ പതിയണമെന്നാണ് ആവശ്യം.
Kasaragod
കാഞ്ഞങ്ങാട്: പണി തീരുംമുമ്പേ തെരഞ്ഞെടുപ്പ് വന്നപ്പോൾ ധൃതിപിടിച്ച് ഉദ്ഘാടനം നടത്തിയ ഹൊസ്ദുർഗ് സബ് ട്രഷറിയുടെ പുതിയ കെട്ടിടം എട്ടുമാസമായിട്ടും പ്രവർത്തനസജ്ജമായില്ല.
കെട്ടിടത്തിന്‍റെ ഫിനിഷിംഗ് ജോലികളും ചുറ്റുമതിൽ ഉൾപ്പടെ പൂർത്തിയാക്കിയത് ഉദ്ഘാടനത്തിനു ശേഷമാണ്. അകത്ത് കാബിനുകളുടെയും കൗണ്ടറുകളുടെയും നിർമാണമടക്കമുള്ള ഫാബ്രിക്കേഷൻ ജോലികൾ ഇനിയും പൂർത്തിയാകാനുള്ളതു മൂലമാണ് കെട്ടിടം തുറക്കാൻ വൈകുന്നതെന്നാണ് സൂചന.
ഹൊസ്ദുർഗ് ടൗണിൽ നഗരസഭ ഓഫിസിനു സമീപം പ്രവർത്തിച്ചിരുന്ന സബ് ട്രഷറിയുടെ കാലപ്പഴക്കമുള്ള കെട്ടിടം പൊളിച്ചുമാറ്റിയാണ് പുതിയത് നിർമിച്ചത്. പഴയ കെട്ടിടം പൊളിക്കുന്നതിനു മുന്നോടിയായി സബ് ട്രഷറിയുടെ പ്രവർത്തനം താത്കാലികമായി ആലാമിപ്പള്ളിയിലെ പുതിയ ബസ് സ്റ്റാൻഡ് കെട്ടിടത്തിലേക്കു മാറ്റിയിരുന്നു.കെട്ടിടത്തിന്‍റെ രണ്ടാം നിലയിൽ പ്രവർത്തിക്കുന്ന ട്രഷറിയിലെത്താൻ പെൻഷൻകാരടക്കമുള്ള ഇടപാടുകാർ ഏറെബുദ്ധിമുട്ടുകയാണ്.
ഉദ്ഘാടനത്തിനു മുമ്പ് അതിവേഗതയിലാണ് കെട്ടിടത്തിന്‍റെ നിർമാണപ്രവൃത്തികൾ നടന്നിരുന്നത്. കഴിഞ്ഞ മാർച്ച് 10നാണ് അന്നത്തെ ധനകാര്യമന്ത്രി കെ.എൻ. ബാലഗോപാൽ കെട്ടിടത്തിന്‍റെ ഉദ്ഘാടനം നിർവഹിച്ചത്. എന്നാൽ ഇതിനുശേഷം അവശേഷിച്ച ജോലികൾ മന്ദഗതിയിലായതായി ട്രഷറി ഇടപാടുകാർ പറയുന്നു.
പണി പൂർത്തിയാകാത്ത കെട്ടിടത്തിന്‍റെ ഉദ്ഘാടനം നടത്തുന്നതിനെതിരേ അന്ന് യുഡിഎഫിന്‍റെയും അനുബന്ധ സംഘടനകളുടെയും നേതൃത്വത്തിൽ പ്രതിഷേധവും നടന്നിരുന്നു.ഈ സാമ്പത്തികവർഷം കഴിയുന്നതിനുമുമ്പ് എല്ലാ പ്രവൃത്തികളും പൂർത്തിയാക്കി പുതിയ കെട്ടിടത്തിലേക്കു മാറാൻ കഴിയുമെന്നാണ് ട്രഷറി അധികൃതരുടെ വിശദീകരണം.അതിനുമുമ്പ് ഇപ്പോൾ ധനകാര്യവകുപ്പിന്‍റെ ചുമതല വഹിക്കുന്ന മുഖ്യമന്ത്രിയെ തന്നെ കൊണ്ടുവന്ന് വീണ്ടുമൊരു ഉദ്ഘാടനത്തിന് കഴിയുമോ എന്ന സംശയവും ഉയർന്നിട്ടുണ്ട്.
Kasaragod
കാഞ്ഞങ്ങാട്: റെയിൽവേ സ്റ്റേഷനിൽ ഓട്ടോറിക്ഷകളുടെ പാർക്കിംഗിന് പുതിയ ഇടമൊരുങ്ങുന്നു.
കോൺക്രീറ്റ് ചെയ്ത് നവീകരിച്ച റെയിൽവേ സ്റ്റേഷൻ റോഡിന്‍റെ പടിഞ്ഞാറുവശത്താണ് ഓട്ടോ പാർക്കിംഗിനായി പുതിയ സ്ഥലം കോൺക്രീറ്റ് ചെയ്ത് ഒരുക്കിയിരിക്കുന്നത്. സ്റ്റേഷന്‍റെ വടക്കുഭാഗത്ത് നിർമാണത്തിലിരിക്കുന്ന മേൽപ്പാപാലത്തോടു ചേർന്നാണ് ഈ സ്ഥലം.
നവീകരിച്ച റെയിൽവേ സ്റ്റേഷൻ റോഡിന്‍റെ ഒരുവശത്താണ് ഇപ്പോൾ ഓട്ടോറിക്ഷകൾ നിരനിരയായി പാർക്ക് ചെയ്യുന്നത്. റോഡ് വീതികൂട്ടി നവീകരിച്ചതുകൊണ്ടുള്ള പ്രയോജനം ഇതുമൂലം നഷ്ടമാകുകയാണെന്ന പരാതി ഉയർന്നിരുന്നു. വീതികൂട്ടി നവീകരിച്ച സ്റ്റേഷൻ റോഡിൽ ഒരു വിധത്തിലുള്ള വാഹനങ്ങളുടെയും പാർക്കിംഗ് അനുവദിക്കില്ലെന്നും ഓട്ടോ പാർക്കിംഗിനായി പുതിയ ഇടം ഒരുക്കിനൽകുമെന്നും അന്നുതന്നെ റെയിൽവേ അധികൃതർ ഉറപ്പുനൽകിയിരുന്നു.
നവീകരണപ്രവൃത്തികൾ അവസാനഘട്ടത്തിലെത്തിയതോടെ മികച്ച സൗകര്യങ്ങളാണ് റെയിൽവേ സ്റ്റേഷനിൽ ഒരുങ്ങുന്നത്. നവീകരിച്ച ടിക്കറ്റ് കൗണ്ടറും എസി വെയിറ്റിംഗ് റൂമും ഭക്ഷണശാലയുമടക്കം പ്രവർത്തനക്ഷമമായിക്കഴിഞ്ഞു. വാഹന പാർക്കിംഗിനായി കിഴക്കുവശത്ത് വിപുലമായ സൗകര്യമൊരുങ്ങി. വടക്കുഭാഗത്തെ മേൽപാലത്തിന്‍റെ നിർമാണവും അവസാനഘട്ടത്തിലാണ്. സ്റ്റേഷനിലെത്തുന്ന യാത്രക്കാർക്കൊപ്പം പുറത്തുനിന്നുള്ള കാൽനടയാത്രക്കാർക്കും പ്രയോജനകരമാകുന്ന വിധത്തിലാണ് മേൽപ്പാലം നിർമിക്കുന്നത്.
Kasaragod
പാലാവയൽ: സ്പോർട്സ് ക്ലബിന്‍റെ ആഭിമുഖ്യത്തിൽ പാലാവയൽ മേഖലയിൽനിന്ന് അത്ലറ്റിക്സ്, നീന്തൽ മത്സരങ്ങളിൽ മികച്ച നേട്ടങ്ങൾ കൈവരിച്ച വിദ്യാർഥികളെയും ദേശീയ മാസ്റ്റേഴ്സ് നീന്തൽ മത്സരത്തിൽ നാലു സ്വർണമെഡലുകൾ നേടിയ ബിജു മാപ്പിളപറമ്പിൽ, സെന്റ് ജോൺസ് സ്വിമ്മിംഗ് പൂൾ കോച്ച് ബിജു മാത്തശേരിൽ, സെന്റ് ജോൺസ് എച്ച്എസ്എസ് കായികാധ്യാപകൻ നിധിൻ ജോസഫ് എന്നിവരെയും ആദരിച്ചു.
സെന്റ് ജോൺസ് പള്ളി വികാരി ഫാ.ജോസ് മാണിക്കത്താഴെ ഉദ്ഘാടനം ചെയ്തു. ക്ലബ് പ്രസിഡന്റ് ബിജോയി പെരിങ്ങല്ലൂർ അധ്യക്ഷത വഹിച്ചു. അസി. വികാരി ഫാ.റോയി കൈതാരത്തിൽ, ഫാ. അജിത് പെരിങ്ങല്ലുർ, സെന്റ് ജോൺസ് എച്ച്എസ്എസ് പ്രിൻസിപ്പൽ അനിൽ ജേക്കബ്, മുഖ്യാധ്യാപിക സിനറ്റ് ടോം, ക്ലബ് സെക്രട്ടറി ബിജോയി ചേലമരത്തിങ്കൽ, ക്രിസ്റ്റിന ജെ. അഗസ്റ്റിൻ, ടോമി പെരിങ്ങല്ലൂർ എന്നിവർ പ്രസംഗിച്ചു.
Kasaragod
മാലോം: ചിറ്റാരിക്കൽ ഉപജില്ല സ്കൂൾ കലോത്സവത്തിന് മാലോത്ത് കസബ ഗവ. ഹയർ സെക്കൻഡറി സ്കൂളിൽ തിരിതെളിഞ്ഞു. രാജ്മോഹൻ ഉണ്ണിത്താൻ എംപി മേളയുടെ ഔപചാരികമായ ഉദ്ഘാടനം നിർവഹിച്ചു.
സംഘാടക സമിതി ചെയർമാൻ രാജു കട്ടക്കയം അധ്യക്ഷത വഹിച്ചു. ദേശീയ ചലച്ചിത്ര പുരസ്കാര ജേതാവ് ശ്രീപദ് യാൻ വിശിഷ്ടാതിഥിയായി. ഹയർ സെക്കൻഡറി മേഖലാ ഡെപ്യൂട്ടി ഡയറക്ടർ എ.കെ. വിനോദ് കുമാർ സുവനീർ പ്രകാശനം ചെയ്തു.
പഞ്ചായത്ത് പ്രസിഡന്റുമാരായ പി.വി. അനു, മേഴ്സി മാണി, ജില്ലാ പഞ്ചായത്ത് അംഗം ബിൻസി ജെയിൻ, ബ്ലോക്ക് പഞ്ചായത്ത് ക്ഷേമകാര്യ സ്ഥിരം സമിതി ചെയർപേഴ്സൺ ജെസി ടോമി, ഉപജില്ല വിദ്യാഭ്യാസ ഓഫീസർ ജോയ എം. ജോർജ്, പ്രിൻസിപ്പൽ മിനി പോൾ, മുഖ്യാധ്യാപകൻ എം.കെ. പ്രസാദ്, പിടിഎ പ്രസിഡന്റ് എൻ.വി. പ്രമോദ്, ടി.പി. തമ്പാൻ, സാജൻ പുഞ്ച, ചന്ദ്രൻ വിളയിൽ, എൻ.ഡി. വിൻസെന്റ്, ജെറ്റോ ജോസഫ്, സി.എം. നൗഷാദ്, കെ. ദിനേശൻ, ഷീന പ്രഭാകരൻ, സിബിച്ചൻ പുളിങ്കാല, പി.ജി. ജോജിത, റിഷിക രതീഷ് എന്നിവർ പ്രസംഗിച്ചു.
Kasaragod
പാലാവയൽ: സൊസൈറ്റി ഓഫ് സെന്റ് വിൻസെന്റ് ഡി പോൾ തോമാപുരം ഏരിയ കൗൺസിൽ 48-ാമത് വാർഷിക പൊതുയോഗം പാലാവയൽ സെന്റ് ജോൺസ് പാരിഷ് ഹാളിൽ ഇടവക വികാരി ഫാ. ജോസ് മാണിക്കത്താഴെ ഉദ്ഘാടനം ചെയ്തു.
ഏരിയ കൗൺസിൽ പ്രസിഡന്റ് പൗലോസ് അന്ത്യാംകുളത്ത് അധ്യക്ഷത വഹിച്ചു. ഏരിയ കൗൺസിൽ ആത്മീയ ഉപദേഷ്ടാവ് ഫാ. തോമസ് പൂവൻപുഴ, അസി.വികാരി ഫാ. റോയി കൈതാരത്തിൽ, തലശേരി അതിരൂപത സെൻട്രൽ കൗൺസിൽ പ്രസിഡന്റ് സണ്ണി തോമസ് നെടിയകാലായിൽ, കാവുന്തല പള്ളി വികാരി ഫാ. ജോസഫ് പുള്ളോലിക്കൽ, പാലാവയൽ വനിത കോൺഫറൻസ് പ്രസിഡന്റ് റോസമ്മ വട്ടോത്ത്, ഏരിയ കൗൺസിൽ സെക്രട്ടറി സണ്ണി മൈലക്കൽ, പി.റ്റി. അലക്സാണ്ടർ, ജിജി റോയി, ലിസി ജോയി ഇലഞ്ഞിമറ്റത്തിൽ എന്നിവർ പ്രസംഗിച്ചു. കഴിഞ്ഞ ആറ് വർഷക്കാലം സെൻട്രൽ കൗൺസിൽ പ്രസിഡന്റ് ആയിരുന്ന സണ്ണി തോമസ് നെടികാലായെ ചടങ്ങിൽ ആദരിച്ചു. പുതിയ പ്രൊജക്‌ടായ പഴയ പത്രമാസികൾ ശേഖരിച്ചു നൽകുന്ന ഫിയാത്ത മിഷന്‍റെ ഉദ്ഘാടനവും നടന്നു. ഫാ. ജോസ് മാണിക്കത്താഴെ, ജയ മണ്ഡപം, സെബാസ്റ്റ്യൻ പാറശേരി എന്നിവരുടെ ഗാനാലാപനവും നടന്നു.
Kasaragod
റാണിപുരം: ജില്ലയിലെ പ്രധാന വിനോദസഞ്ചാര കേന്ദ്രമായ റാണിപുരം ടൂറിസ്റ്റ് കോംപ്ലക്സില്‍ സംസ്ഥാന ടൂറിസം വകുപ്പ് 1.93 കോടി രൂപ ചെലവില്‍ നടപ്പാക്കിയ സൗന്ദര്യവത്ക്കരണ, നവീകരണ പ്രവൃത്തികള്‍ പൂര്‍ത്തിയായി.
നവീകരിച്ച ടൂറിസ്റ്റ് കോംപ്ലക്സിന്‍റെ ഉദ്ഘാടനം 10ന് ഉച്ചയ്ക്ക് രണ്ടിന് ടൂറിസം മന്ത്രി പി.സി. വിഷ്ണുനാഥ് നിര്‍വഹിക്കും. വിനോദസഞ്ചാരികള്‍ക്ക് മെച്ചപ്പെട്ട അടിസ്ഥാന സൗകര്യങ്ങളും താമസസൗകര്യങ്ങളും ഒരുക്കുന്നതിന്‍റെ ഭാഗമായി ആകെ 1,93,20,986 രൂപയുടെ രണ്ടു പദ്ധതികളാണ് റാണിപുരത്ത് നടപ്പാക്കിയത്. സില്‍ക്ക് (സ്റ്റീല്‍ ഇന്‍ഡസ്ട്രിയല്‍സ് കേരള ലിമിറ്റഡ്) മുഖേന 96,67,129 രൂപ ചെലവിലാണ് സൗന്ദര്യവല്‍ക്കരണപദ്ധതി പൂര്‍ത്തിയാക്കിയത്. ഇതിന്റെ ഭാഗമായി ആംഫി തിയറ്റര്‍, നീന്തല്‍ക്കുളം, സ്റ്റീല്‍ പാലം, സംരക്ഷണ ഭിത്തി, ശുചിമുറി ബ്ലോക്ക്, കുഴല്‍ക്കിണര്‍ എന്നിവയുടെ നിര്‍മാണവും പ്രവേശന കവാടം, ലൈബ്രറി കെട്ടിടം എന്നിവയുടെ സൗന്ദര്യവത്കരണവും പൂര്‍ത്തീകരിച്ചു. കൂടാതെ ലാന്‍ഡ് സ്‌കേപ്പിംഗ്, ഇരിപ്പിടങ്ങള്‍, കുട്ടികള്‍ക്കായുള്ള കളിയുപകരണങ്ങള്‍ എന്നിവയും സജ്ജമാക്കിയിട്ടുണ്ട്. കെല്‍ (കേരള ഇലക്‌ട്രിക്കല്‍ ആന്‍ഡ് അലൈഡ് എന്‍ജിനിയറിംഗ് കമ്പനി ലിമിറ്റഡ്) മുഖേന 96,53,857 രൂപ ചെലവിലാണ് നവീകരണ പ്രവൃത്തികള്‍ നടത്തിയത്. കോട്ടേജുകള്‍, ഗസ്റ്റ് ഹൗസ്, മീറ്റിംഗ് ഹാള്‍, പവലിയന്‍ എന്നിവ ഇതിന്റെ ഭാഗമായി നവീകരിച്ചു. പുതിയ നടത്തിപ്പുകാരന്‍റെ നേതൃത്വത്തില്‍ നാല് കോട്ടേജുകള്‍ ആവശ്യമായ ഫര്‍ണിച്ചറുകള്‍ ഉള്‍പ്പെടെ സജ്ജീകരിക്കുകയും എട്ട് മുറികള്‍ കൂടി സന്ദര്‍ശകര്‍ക്കായി ക്രമീകരിക്കുകയും ചെയ്തിട്ടുണ്ട്. റിസോര്‍ട്ടിലെ റസ്റ്ററന്‍റ് പ്രവര്‍ത്തനം ആരംഭിക്കുന്നതിനുള്ള നടപടികളും പുരോഗമിക്കുകയാണ്.
പ്രകൃതിരമണീയമായ മലനിരകളും പുല്‍മേടുകളും വനസമ്പത്തും നിറഞ്ഞ റാണിപുരത്തേക്ക് ആഭ്യന്തര-വിദേശ വിനോദസഞ്ചാരികളെ കൂടുതല്‍ ആകര്‍ഷിക്കാനും പ്രദേശത്തിന്‍റെ സാമ്പത്തിക-സാമൂഹിക വികസനത്തിന് കൂടുതല്‍ അവസരങ്ങള്‍ സൃഷ്ടിക്കാനും പദ്ധതിയിലൂടെ സാധിക്കും. റാണിപുരം ടൂറിസ്റ്റ് കോംപ്ലക്സില്‍ നടക്കുന്ന ഉദ്ഘാടന ചടങ്ങിൽ ജനപ്രതിനിധികള്‍, ഉദ്യോഗസ്ഥര്‍, ടൂറിസം മേഖലയിലെ പ്രമുഖര്‍ തുടങ്ങിയവര്‍ പങ്കെടുക്കും. റിസോര്‍ട്ട് ബുക്കിംഗിനായി 9446233653, 0467 2227755, 984709 2928 എന്നീ ഫോണ്‍ നമ്പറുകളില്‍ ബന്ധപ്പെടാം.
Kasaragod
ചീമേനി: ജില്ലയിലെ ആദ്യത്തെ കാമ്പസ് വ്യവസായ പാർക്കിന് ചീമേനി പള്ളിപ്പാറയിലെ ഐഎച്ച്ആർഡി അപ്ലൈഡ് സയൻസ് കോളജിൽ തുടക്കമാകുന്നു. വ്യവസായ, തൊഴിൽ, ഉന്നത വിദ്യാഭ്യാസ വകുപ്പുകൾ ചേർന്നാണ് പദ്ധതി നടപ്പിലാക്കുന്നത്.
പള്ളിപ്പാറയിലെ കോളജ് കാമ്പസിനോടു ചേർന്നുള്ള അഞ്ചേക്കറോളം സ്ഥലമാണ് വ്യവസായ പാർക്കിനായി മാറ്റിവയ്ക്കുന്നത്. അടിസ്ഥാനസൗകര്യ വികസനത്തിന് സംസ്ഥാന സർക്കാരിൽനിന്ന് 1.5 കോടി രൂപ വരെ സഹായം ലഭിക്കും. വിദ്യാർഥികൾക്കും പുറത്തുനിന്നുള്ള സംരംഭകർക്കും ഇവിടെ പുതിയ സ്റ്റാർട്ടപ്പുകൾ ആരംഭിക്കാൻ അവസരമൊരുക്കും. ഇവർക്കും സർക്കാരിൽനിന്ന് പ്രത്യേക ആനുകൂല്യങ്ങൾ ലഭിക്കും.
ഇതോടൊപ്പം കോളജിലെ വിദ്യാർഥികൾക്ക് പഠനകാലത്തുതന്നെ പ്രായോഗിക തൊഴിൽ പരിശീലനത്തിനും അവസരം ലഭിക്കും.
വിദ്യാർഥികൾക്ക് ക്ലാസ് സമയങ്ങളെ ബാധിക്കാത്ത രീതിയിൽ പ്രതിദിനം നാലു മണിക്കൂർ നേരം വരെ കാമ്പസ് വ്യവസായ യൂണിറ്റുകളിൽ ജോലി ചെയ്യാൻ അവസരമൊരുക്കും. ഇതുമായി ബന്ധപ്പെട്ട് അവർക്ക് സ്റ്റൈപ്പെൻഡും ലഭിക്കും. കോഴ്സിന്‍റെ ഭാഗമായുള്ള ഇന്‍റേൺഷിപ്പുകളും കാമ്പസ് വ്യവസായ പാർക്കിൽതന്നെ പൂർത്തിയാക്കാം.
എൻജിനിയറിംഗ്, അപ്ലൈഡ് സയൻസ് കോളജുകൾ, പോളിടെക്നിക്കുകൾ, ഐടിഐകൾ എന്നിവയ്ക്കൊപ്പം ആർട്സ് ആൻഡ് സയൻസ് കോളജുകൾക്കും മതിയായ സ്ഥലസൗകര്യമുണ്ടെങ്കിൽ കാമ്പസ് വ്യവസായ പാർക്കുകൾ തുടങ്ങാനാകും.
Kasaragod
ബോവിക്കാനം: ബേഡഡുക്ക, മുളിയാർ പഞ്ചായത്തുകളെ കാസർഗോഡ് നഗരവുമായി കൂടുതൽ അടുപ്പിക്കാൻ പയസ്വിനിപ്പുഴയ്ക്കു കുറുകെ പുതിയ പാലങ്ങളൊരുങ്ങുന്നു.
ബേഡഡുക്ക പഞ്ചായത്തിലെ മുനമ്പത്ത് 17.7 കോടി രൂപ ചെലവിൽ നിർമിച്ച പാലം ഉദ്ഘാടനത്തിനൊരുങ്ങി. മുളിയാർ പഞ്ചായത്തിലെ അരമനപ്പടിയിലും ആലൂരിലുമാണ് പുതിയ പാലങ്ങൾ നിർമാണ ഘട്ടത്തിലുള്ളത്.
കഴിഞ്ഞ വർഷം നവംബറിൽ നിർമാണം തുടങ്ങിയ മുനമ്പം പാലവും അനുബന്ധ റോഡും കൃത്യം ഒരു വർഷം കൊണ്ടാണ് പൂർത്തിയായത്. ചട്ടഞ്ചാലിലെ ജാസ്മിൻ കൺസ്ട്രക്‌ഷൻസിനായിരുന്നു നിർമാണ കരാർ. ഇതോടെ മുനമ്പം, കല്ലളി, കൊളത്തൂർ ഭാഗങ്ങളിൽ നിന്നുള്ളവർക്ക് കാസർഗോഡ് നഗരത്തിലേക്കുള്ള ദൂരം അഞ്ചു കിലോമീറ്ററോളം കുറയും. മലയോര പഞ്ചായത്തുകളായ ബേഡഡുക്കയിലും കുറ്റിക്കോലിലും നിന്നുള്ളവർ കരിച്ചേരിയിലെ ചുരം വളവ് ചുറ്റി പൊയിനാച്ചി ടൗണിലെത്തിയാണ് ഇപ്പോൾ ദേശീയപാതയിലേക്ക് പ്രവേശിക്കുന്നത്. അതിനു പകരം പെർളടുക്കയിൽ നിന്നു കല്ലളി-മുനമ്പം റോഡും പാലവും വഴി നേരിട്ട് ചട്ടഞ്ചാൽ ടൗണിലെത്താം.
പെർളടുക്കത്തുനിന്ന് കല്ലളി വഴി മുനമ്പത്തേക്കുള്ള റോഡ് പ്രധാനമന്ത്രി ഗ്രാമീണ സഡക് യോജനയിൽ പെടുത്തി 3.85 കോടി രൂപ ചെലവിൽ മെക്കാഡം ടാറിംഗ് നടത്തി നവീകരിച്ചതാണ്. പാലം കടന്നാൽ മഹാലക്ഷ്മിപുരം-പള്ളത്തിങ്കാൽ റോഡ് വഴി ചട്ടഞ്ചാൽ ദേശീയപാതയിലെത്താം. മഹാലക്ഷ്മിപുരം റോഡ് ഇപ്പോൾ നവീകരണഘട്ടത്തിലാണ്.
മഹാലക്ഷ്മിപുരത്ത് വർഷങ്ങൾക്കുമുമ്പേ കാൽനടയാത്രക്കാർക്ക് പുഴ കടക്കാനായി നിർമിച്ച തൂക്കുപാലം ഇപ്പോഴും നിലനിർത്തിയിട്ടുണ്ട്. ഈ പാലവും അടുത്തുള്ള ബാവിക്കര റഗുലേറ്ററും ഇതുവഴിയെത്തുന്ന സഞ്ചാരികൾക്ക് ദൃശ്യവിരുന്നാണ്. വൈകുന്നേരങ്ങളിൽ ഇവിടെ വീഡിയോ ചിത്രീകരണത്തിനായി നിരവധി പേരെത്തുന്നുണ്ട്.
അരമനപ്പടിയിലും നിലവിലുള്ള തൂക്കുപാലത്തിനു സമീപമാണ് പുതിയ പാലം നിർമിക്കുന്നത്. നബാർഡ് പദ്ധതിയിൽ 16.3 കോടി രൂപ ചെലവിൽ നിർമിക്കുന്ന പാലത്തിന്‍റെ നിർമാണ പ്രവൃത്തികൾ പുരോഗമിക്കുകയാണ്. ഇതിനു പിന്നാലെയാണ് ആലൂരിലെ റഗുലേറ്ററിനു സമാന്തരമായി പാലം നിർമിക്കാൻ കഴിഞ്ഞ സംസ്ഥാന ബജറ്റിൽ 20 കോടി രൂപ വകയിരുത്തിയത്.
Kasaragod
കാഞ്ഞങ്ങാട്: കെഎസ്ആര്‍ടിസി ബസ് കഴുകി വൃത്തിയാക്കി മാതൃകയായി കാഞ്ഞങ്ങാട് സൗത്ത് ജിവിഎച്ച്എസ്എസിലെ എന്‍എസ്എസ് വോളന്‍റിയേഴ്‌സ്.
ചെമ്മട്ടംവയലിലെ കെഎസ്ആര്‍ടിസി ബസ് സ്റ്റേഷനിലെ ബസുകളാണ് വിദ്യാര്‍ഥികള്‍ ശുചീകരിച്ചത്.
പൊതുഗതാഗത സംവിധാനങ്ങള്‍ സംരക്ഷിക്കേണ്ടതിന്‍റെ പ്രാധാന്യം കുട്ടികളെ ബോധ്യപ്പെടുത്തുന്നതിനും ശുചിത്വസന്ദേശം നല്‍കുന്നതിനും വേണ്ടിയാണ് ഈ പ്രവര്‍ത്തനം. പൊതുമുതല്‍ സംരക്ഷിക്കാന്‍ മാതൃകാപരമായ പ്രവര്‍ത്തനമാണെന്ന് വാര്‍ഡ് കൗണ്‍സിലര്‍ എന്‍. ഉണ്ണികൃഷ്ണന്‍ പറഞ്ഞു. പ്രിന്‍സിപ്പല്‍ പി.എസ്.അരുണ്‍, പി. സമീര്‍ സിദ്ദിഖി എന്നിവര്‍ നേതൃത്വം നല്കി.
Kasaragod
മാലക്കല്ല്: സംസ്ഥാന സ്കൂൾ കായികമേളയിൽ സ്വർണമെഡൽ നേടിയ അത്‌ലറ്റ് ജിൽഷ ജിനിലിന് മാതൃവിദ്യാലയമായ മാലക്കല്ല് സെന്റ് മേരീസ് എയുപി സ്കൂളിൽ ഉജ്വല വരവേൽപ്പ്.
വിളംബര ജാഥയ്ക്കു ശേഷം സ്കൂൾ അസംബ്ലി ഹാളിൽ നടന്ന സ്വീകരണച്ചടങ്ങിൽ സ്കൂൾ മാനേജർ ഫാ. ഡിനോ കുമ്മാനിക്കാട്ട് അധ്യക്ഷത വഹിച്ചു.
വാർഡ് മെംബർ മിനി ഫിലിപ്പ്, മുൻ മുഖ്യാധ്യാപകൻ എം.എ. സജി, മുൻ കായികാധ്യാപകൻ ജോസ് ജോർജ്, മുഖ്യാധ്യാപിക മോളി ജോസഫ്, സീനിയർ അസിസ്റ്റന്‍റ് ജോയിസ് ജോൺ, പിടിഎ പ്രസിഡന്റ് എ.സി. സജി, മദർ പിടിഎ പ്രസിഡന്റ് സുമിഷ പ്രവീൺ എന്നിവർ പ്രസംഗിച്ചു. മറുപടി പ്രസംഗം നടത്തിയ ജിൽഷ ജിനിൽ തന്‍റെ കായികയാത്രയിൽ വിദ്യാലയവും അധ്യാപകരും നൽകിയ പ്രോത്സാഹനത്തിനും പിന്തുണയ്ക്കും നന്ദി അറിയിച്ചു.
Kasaragod
മാലോം: ചിറ്റാരിക്കൽ ഉപജില്ലാ സ്കൂൾ കലോത്സവത്തിന് ഇന്ന് മാലോത്ത് കസബ ജിഎച്ച്എസ്എസിൽ തുടക്കമാകും. മേളയ്ക്ക് മുന്നോടിയായി മാലോം ടൗണിൽനിന്ന് സ്കൂളിലേക്ക് വർണാഭമായ വിളംബര ഘോഷയാത്ര നടത്തി.
ആദ്യദിനത്തിൽ ഓഫ് സ്റ്റേജ് ഇനങ്ങളാണ് നടക്കുക. മേളയുടെ ഔപചാരികമായ ഉദ്ഘാടനം നാളെ രാവിലെ 11ന് രാജ്മോഹൻ ഉണ്ണിത്താൻ എംപി നിർവഹിക്കും.
സംഘാടകസമിതി ചെയർമാൻ രാജു കട്ടക്കയം അധ്യക്ഷത വഹിക്കും. ജില്ലാ പഞ്ചായത്ത് പ്രസിഡന്റ് സാബു ഏബ്രഹാം സുവനീർ പ്രകാശനം ചെയ്യും.
ദേശീയ ചലച്ചിത്ര അവാർഡ് ജേതാവ് ശ്രീപദ് യാൻ ചടങ്ങിൽ വിശിഷ്‌ടാതിഥിയാകും. ഏഴു വേദികളിലായാണ് മത്സരങ്ങൾ നടക്കുക.
Kasaragod
വെള്ളരിക്കുണ്ട്: റേഷൻ മേഖലയെ തകർക്കുന്ന കേന്ദ്ര സർക്കാരിന്‍റെ നയങ്ങൾക്കെതിരേ ഓൾ കേരള റീട്ടെയിൽ റേഷൻ ഡീലേഴ്സ് അസോസിയേഷൻ വെള്ളരിക്കുണ്ട് താലൂക്ക് കമ്മിറ്റിയുടെ നേതൃത്വത്തിൽ വെള്ളരിക്കുണ്ട് പോസ്റ്റ് ഓഫീസിന് മുന്നിൽ ധർണ നടത്തി.
കള്ളാർ പഞ്ചായത്ത് വൈസ് പ്രസിഡന്റ് എം.എം. സൈമൺ ഉദ്ഘാടനം ചെയ്തു. ഡിസിസി ജനറൽ സെക്രട്ടറി ഹരീഷ് പി. നായർ മുഖ്യപ്രഭാഷണം നടത്തി. താലൂക്ക് പ്രസിഡന്റ് സജീവ് പാത്തിക്കര അധ്യക്ഷത വഹിച്ചു. രമേശൻ കൊല്ലംപാറ, ശശിധരൻ തട്ടുമ്മൽ, ശശിധരൻ പെരിയങ്ങാനം, പ്രമോദ് മങ്കയം എന്നിവർ പ്രസംഗിച്ചു.
Kasaragod
പനത്തടി: പനത്തടി-റാണിപുരം റോഡിന്‍റെ ഇരുവശങ്ങളിലും വളർന്നുമൂടിയ കാടും പടർപ്പുകളും റാണിപുരത്തെത്തുന്ന വിനോദസഞ്ചാരികൾക്ക് അപകടക്കെണിയാകുന്നു.
നാട്ടുകാരും വിവിധ സന്നദ്ധ സംഘടനകളും ഇടയ്ക്കിടെ ശ്രമദാനമായി കാട് വെട്ടിത്തെളിക്കാറുണ്ടെങ്കിലും അധികൃതരുടെ ഭാഗത്തുനിന്ന് കാര്യമായ നടപടികളൊന്നും ഇതുവരെയും ഉണ്ടായിട്ടില്ല. റോഡിന്‍റെ വീതി കുറവായതും നിരവധി വളവുകളും ഉള്ളത് അപകടസാധ്യത വർധിപ്പിക്കുന്നു. റോഡിന്‍റെ ഇരുവശങ്ങളിലെയും കാടുനീക്കി കോൺക്രീറ്റ് ചെയ്ത് വീതി കൂട്ടണമെന്ന് ജനശ്രീ പനത്തടി മണ്ഡലം എക്സിക്യൂട്ടിവ് കമ്മിറ്റി യോഗം ആവശ്യപ്പെട്ടു. മണ്ഡലം ചെയർമാൻ പി.എം. ബാബു ഉദ്ഘാടനം ചെയ്തു.
ബ്ലോക്ക് ചെയർമാൻ വിനോദ് കുമാർ മുന്തന്‍റെ മൂല, എം. ജയകുമാർ, രാജീവ് തോമസ്, വിനോദ് ഫിലിപ്പ്, വി.സി. ദേവസ്യ, സതീഷ് കുമാർ ഗാന്ധിപുരം, ജോസ് കാക്കി, ടിജോ തോമസ്, ജിനിഷ സന്തോഷ് എന്നിവർ പ്രസംഗിച്ചു.
Kasaragod
കാസർഗോഡ്: പട്ടികവർഗ ഊരുകളില്‍നിന്ന് വിദ്യാര്‍ഥികളെ സ്കൂളുകളില് എത്തിക്കുന്ന വിദ്യാവാഹിനി പദ്ധതിയുടെ ഭാഗമായി സർവീസ് നടത്തുന്ന വാഹനങ്ങളുടെ വാടക ഇനത്തിൽ കുടിശികയായ തുക സര്‍ക്കാര്‍ മാനദണ്ഡങ്ങള്‍ക്ക് വിധേയമായി എത്രയും വേഗത്തില്‍ അനുവദിക്കണമെന്ന് കളക്ടര് ശ്രീധന്യ സുരേഷ് ജില്ലാ വികസന സമിതി യോഗത്തില്‍ നിര്‍ദേശം നല്കി.
ദുർഗമമായ മലയോര പാതകളിലൂടെ സർവീസ് നടത്താൻ സര്‍ക്കാര്‍ നിശ്ചയിച്ച തുക അപര്യാപ്തമാണെന്നു ചൂണ്ടിക്കാട്ടി പല ഡ്രൈവര്‍മാരും ഓടാന്‍ വിസമ്മതിക്കുന്ന സാഹചര്യമുണ്ടെന്ന് വിഷയം ഇന്നയിച്ച ഗോവിന്ദന്‍ പള്ളിക്കാപ്പില്‍ എംഎല്‍എ പറഞ്ഞു. വിഷയത്തില്‍ അടിയന്തര ഇടപെടല്‍ വേണമെന്ന് ജില്ലാ പഞ്ചായത്ത് പ്രസിഡന്റ് സാബു ഏബ്രഹാമും ആവശ്യപ്പെട്ടു. ദുര്‍ഘടമായ പാതകളില്‍ വിദ്യാവാഹിനി പദ്ധതി നടപ്പാക്കുന്നതിന് അധികതുക അനുവദിക്കുന്നതിന് സര്‍ക്കാരിലേക്ക് ശിപാർശ സമര്‍പ്പിക്കാനും യോഗം തീരുമാനിച്ചു.
എംപി-എംഎല്‍എ ഫണ്ടുകളില്‍നിന്ന് വിദ്യാലയങ്ങള്‍ക്ക് അനുവദിച്ച ബസുകളും കംപ്യൂട്ടറുകളും അടിയന്തരമായി ലഭ്യമാക്കാനാവശ്യമായ നടപടികള്‍ നിര്‍വഹണ ഉദ്യോഗസ്ഥര്‍ സ്വീകരിക്കണമെന്ന് രാജ്മോഹന്‍ ഉണ്ണിത്താന്‍ എംപി ആവശ്യപ്പെട്ടു.
കംപ്യൂട്ടറുകൾ വാങ്ങുന്നത് സര്‍ക്കാര്‍ സംവിധാനമായ ജെംസിലൂടെയായിരിക്കണമെന്നും എംപി നിര്‍ദേശിച്ചു. ഇക്കാര്യത്തിൽ അടിയന്തര നടപടി സ്വീകരിക്കാന്‍ ജില്ലാ പ്ലാനിംഗ് ഓഫീസറെ ചുമതലപ്പെടുത്തി.
ചിറ്റാരിക്കാല്‍ കുടുംബാരോഗ്യകേന്ദ്രത്തിന്‍റെ നിർമാണ പ്രവൃത്തികൾ പൂര്‍ത്തീകരിക്കുന്നതിനുമുള്ള നടപടികള്‍ വേഗത്തിലാക്കണമെന്നും എംപി ആവശ്യപ്പെട്ടു.
നീലേശ്വരം-ഇടത്തോട് റോഡിന്‍റെ പ്രവൃത്തി ഉടന്‍ പൂര്‍ത്തിയാക്കണമെന്നും കള്ളാര്‍-ചുള്ളിത്തട്ട് റോഡ് നിര്‍മാണത്തിലെ അപാകതകള്‍ പരിഹരിക്കണമെന്നും ഗോവിന്ദന്‍ പള്ളിക്കാപ്പില്‍ എംഎല്‍എ ആവശ്യപ്പെട്ടു.
മലയോര ഹൈവേയുടെ എടപ്പറമ്പ്-കോളിച്ചാല്‍ റീച്ചില്‍ വനഭൂമിക്ക് പകരം ഭൂമി വിട്ടുനല്‍കുന്നതിനുള്ള നടപടികള്‍ വേഗത്തിലാക്കണമെന്ന് കെ. നീലകണ്ഠൻ എംഎല്‍എ ആവശ്യപ്പെട്ടു. റാണിപുരത്തെ ഡിടിപിസി അമിനിറ്റി സെന്റര് പൂര്‍ണ തോതില്‍ പ്രവര്‍ത്തനക്ഷമമാക്കണമെന്നും പ്രവൃത്തിയിലെ ഗുണമേന്മ സംബന്ധിച്ച പരാതികള്‍ പരിശോധിക്കണമെന്നും ജില്ലാ പഞ്ചായത്ത് പ്രസിഡന്റ് സാബു ഏബ്രഹാം ആവശ്യപ്പെട്ടു.
എംഎല്‍എമാരായ എ.കെ.എം. അഷ്റഫ്, കല്ലട്ര മാഹിന്‍, സന്ദീപ് വാര്യര്‍ എന്നിവര്‍ ഉന്നയിച്ച വിവധ പ്രവൃത്തികളുടെ പുരോഗതിയും യോഗത്തില്‍ വിലയിരുത്തി. ജില്ലാ പഞ്ചായത്ത് വൈസ് പ്രസിഡന്റ് കെ.കെ സോയ, എഡിഎം പി ഉദയകുമാര്‍, ജില്ലാ പ്ലാനിംഗ് ഓഫിസര്‍ ഡോ. ബി.എം അനില്‍കുമാര്‍, വിവിധ വകുപ്പ് മേധാവികള്‍ തുടങ്ങിയവര്‍ സംബന്ധിച്ചു.
Kasaragod
അമ്പലത്തറ: ഹൊസ്ദുർഗ് ഉപജില്ല സ്കൂൾ കലോത്സവത്തിന്റെ ഭാഗമായി സാംസ്കാരിക-കലവറ ഘോഷയാത്ര നടത്തി. കോടോം-ബേളൂർ പഞ്ചായത്ത് പ്രസിഡന്റ് ടി.വി. ജയചന്ദ്രൻ ഉദ്ഘാടനം ചെയ്തു. സംഘാടക സമിതി ചെയർപേഴ്സണും പുല്ലൂർ-പെരിയ പഞ്ചായത്ത് പ്രസിഡന്‍റുമായ സി.കെ. സബിത അധ്യക്ഷയായി. സംഘാടക സമിതി ജനറൽ കൺവീനർ പി.വി. രാജേഷ് സ്വാഗതം പറഞ്ഞു. കൈകൊട്ടിക്കളി, ഒപ്പന, മാർഗംകളി, ആലാമിക്കളി, പുരുഷ-വനിത ചെണ്ടമേളം, കഥകളി, ലഹരിക്കെതിരായ ടാബ്ലോ എന്നിവ ഘോഷയാത്രയിൽ ശ്രദ്ധേയമായി. സ്റ്റേജ് തല മത്സരങ്ങൾക്ക് നാളെ തുടക്കമാകും.
കലോത്സവത്തിന്റെ ഔപചാരികമായ ഉദ്ഘാടനം വൈകുന്നേരം അഞ്ചിന് രാജ്മോഹൻ ഉണ്ണിത്താൻ എംപി നിർവഹിക്കും. കെ. നീലകണ്ഠൻ എംഎൽഎ മുഖ്യാതിഥിയാകും. ജില്ലാ പഞ്ചായത്ത് പ്രസിഡന്റ് സാബു ഏബ്രഹാം കലോത്സവ സുവനീർ പ്രകാശനം ചെയ്യും. നോവലിസ്റ്റ് കെ.എൻ. പ്രശാന്ത് സുവനീർ ഏറ്റുവാങ്ങും. നാലിന് വൈകുന്നേരം നടക്കുന്ന സമാപന സമ്മേളനം ഗോവിന്ദൻ പള്ളിക്കാപ്പിൽ എംഎൽഎ ഉദ്ഘാടനം ചെയ്യും. ജില്ലാ പഞ്ചായത്ത് വൈസ് പ്രസിഡന്റ് കെ.കെ. സോയ അധ്യക്ഷത വഹിക്കും.
Kasaragod
കോളിച്ചാൽ: കോൺഗ്രസ് മണ്ഡലം കമ്മിറ്റിയുടെ നേതൃത്വത്തിൽ കോളിച്ചാലിൽ ഇന്ദിരാ ഗാന്ധി അനുസ്മരണയോഗവും പുഷ്പാർച്ചനയും സംഘടിപ്പിച്ചു. ടി.എ. അനിൽകുമാർ അധ്യക്ഷത വഹിച്ചു. പനത്തടി പഞ്ചായത്തംഗം എൻ. വിൻസെന്റ്, കള്ളാർ പഞ്ചായത്തംഗം സി.എം. സാബു, എസ്. മധുസൂദനൻ, യൂത്ത് കോൺഗ്രസ് മണ്ഡലം പ്രസിഡന്റ് പി.സി. അജീഷ് കുമാർ, ബെന്നി വടാന, മാത്യു തെക്കേമുറി, ജോമോൻ മണിയംകുളം, എ. സന്ദീപ് കോളിച്ചാൽ എന്നിവർ പ്രസംഗിച്ചു.
പാണത്തൂർ: പനത്തടി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ പാണത്തൂരിൽ സംഘടിപ്പിച്ച ഇന്ദിരാഗാന്ധി അനുസ്മരണ സമ്മേളനം ഡിസിസി വൈസ് പ്രസിഡന്റ് സാജിദ് മൗവ്വൽ ഉദ്ഘാടനം ചെയ്തു. മണ്ഡലം പ്രസിഡന്റ് എം. ജയകുമാർ അധ്യക്ഷത വഹിച്ചു. കെ.ജെ. ജയിംസ്, എ.കെ. ദിവാകരൻ, ജോണി തോലംപുഴ, എസ്. മധുസൂദനൻ, സുപ്രിയ അജിത്, എൻ.വിൻസെന്റ്, എം.എം. തോമസ്, രാജീവ് തോമസ്, പി.സി. അജീഷ് കുമാർ, പി.ആർ. സന്ധ്യ, രജിത രാജൻ, പി.എം. ബാബു എന്നിവർ പ്രസംഗിച്ചു.
രാജപുരം: മഹിളാ കോൺഗ്രസ് കള്ളാർ മണ്ഡലം കമ്മിറ്റി സംഘടിപ്പിച്ച ഇന്ദിരഗാന്ധി അനുസ്മരണയോഗവും മണ്ഡലം കൺവൻഷനും ഡിസിസി വൈസ് പ്രസിഡന്റ് സാജിദ് മൗവ്വൽ ഉദ്ഘാടനം ചെയ്തു. മഹിളാ കോൺഗ്രസ് മണ്ഡലം പ്രസിഡന്റ് പ്രിയ ഷാജി അധ്യക്ഷത വഹിച്ചു. ജില്ലാ പ്രസിഡന്റ് മിനി ചന്ദ്രൻ മുഖ്യപ്രഭാഷണം നടത്തി. ബളാൽ ബ്ലോക്ക് പ്രസിഡന്റ് ലക്ഷ്മി തമ്പാൻ, കള്ളാർ പഞ്ചായത്ത് പ്രസിഡന്റ് കെ. രജിത, മണ്ഡലം കോൺഗ്രസ് പ്രസിഡന്റ് സന്തോഷ് വി. ചാക്കോ, യൂത്ത് കോൺഗ്രസ് മണ്ഡലം പ്രസിഡന്റ് അശ്വിൻ പൂടംകല്ല്, പ്രേമ കൃഷ്ണൻ, ദേവി ആടകം എന്നിവർ പ്രസംഗിച്ചു.
കാസർഗോഡ്: കേരള സ്റ്റേറ്റ് സർവീസ് പെൻഷനേഴ്സ് അസോസിയേഷൻ (കെഎസ്എസ്പിഎ) ജില്ലാ കമ്മിറ്റി സംഘടിപ്പിച്ച ഇന്ദിരാജി അനുസ്മരണവും ജില്ലാ സമ്മേളനത്തിന്‍റെ സ്വാഗതസംഘ രൂപീകരണയോഗവും കെ. നീലകണ്ഠൻ എംഎൽഎ ഉദ്ഘാടനം ചെയ്തു. ജില്ലാ പ്രസിഡന്റ് എം.കെ. ദിവാകരൻ അധ്യക്ഷത വഹിച്ചു. ഡിസിസി പ്രസിഡന്റ് പി.കെ. ഫൈസൽ മുഖ്യഭാഷണം നടത്തി.
സംസ്ഥാന വൈസ് പ്രസിഡന്റ് ടി.വി. ഗംഗാധരൻ, സെക്രട്ടറി പി.സി. സുരേന്ദ്രൻ നായർ, സെക്രട്ടേറിയറ്റ് അംഗങ്ങളായ കെ.സി. രാജൻ, സി. രത്നാകരൻ, ടി.കെ. എവുജിൻ, ഡിസിസി ജനറൽ സെക്രട്ടറി എം. കുഞ്ഞമ്പു നമ്പ്യാർ, വനിതാ ഫോറം സംസ്ഥാന പ്രസിഡന്റ് കെ. സരോജിനി, ജില്ലാ സെക്രട്ടറി കെ.പി. ബാലകൃഷ്ണൻ, എം. രാജീവൻ നമ്പ്യാർ, ഉഷ അർജുനൻ, പി. ദാമോദരൻ നമ്പ്യാർ, കെ.എം. വിജയൻ, ചന്ദ്രൻ നാലാപ്പാടം, തോമസ് മാത്യു, കുഞ്ഞിക്കണ്ണൻ കരിച്ചേരി, പി.പി. ബാലകൃഷ്ണൻ, വി.വി. ജയലക്ഷ്മി, സി.പി. ഉണ്ണിക്കൃഷ്ണൻ, എം.കെ. ചന്ദ്രശേഖരൻ നായർ, പി.ശശിധരൻ, എം. കേശവൻ, എം. സീതാരാമ എന്നിവർ പ്രസംഗിച്ചു. സംഘാടക സമിതി ഭാരവാഹികളായി രാജ്മോഹൻ ഉണ്ണിത്താൻ എംപി-മുഖ്യ രക്ഷാധികാരി, പി.കെ. ഫൈസൽ, കല്ലട്ര മാഹിൻ എംഎൽഎ, പി.സി. സുരേന്ദ്രൻ നായർ, പത്മനാഭൻ പലേരി-രക്ഷാധികാരികൾ, കെ. നീലകണ്ഠൻ എംഎൽഎ-ചെയർമാൻ, എംകെ. ദിവാകരൻ-വർക്കിംഗ് ചെയർമാൻ, കെ.പി. ബാലകൃഷ്ണൻ-ജനറൽ കൺവീനർ, എം. സീതാരാമ-കൺവീനർ എന്നിവരെ തെരഞ്ഞെടുത്തു.
ബിരിക്കുളം: ഇന്ദിരാഗാന്ധിയുടെ രക്തസാക്ഷിത്വ ദിനത്തിൽ കിനാനൂർ-കരിന്തളം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ ജനാധിപത്യ സംരക്ഷണ പദയാത്ര നടത്തി. ബിരിക്കുളത്ത് നിന്നാരംഭിച്ച ജാഥ ഡിസിസി വൈസ് പ്രസിഡന്റ് സാജിദ് മൗവ്വൽ ജാഥാ ക്യാപ്റ്റൻ മനോജ് തോമസിന് പതാക കൈമാറി ഉദ്ഘാടനം ചെയ്തു.
മണ്ഡലം വൈസ് പ്രസിഡന്റ് സി.വി. ബാലകൃഷണൻ അധ്യക്ഷത വഹിച്ചു. ഇ. തമ്പാൻ നായർ, സി.വി. ഗോപകുമാർ, കെ.പി. ബാലകൃഷ്ണൻ, കുഞ്ഞിരാമൻ, സി.ഒ. സജി, നൗഷാദ് കാളിയാനം, സിജോ പി. ജോസഫ്, ദിനേശൻ പെരിയങ്ങാനം, കണ്ണൻ പട്ട്ളം, ശശി ചാങ്ങാട്, ബാലഗോപലൻ കാളിയാനം, ജനാർദനൻ കക്കോൾ, ശ്രീജിത് ചോയ്യംകോട്, എൻ. പ്രകാശൻ, കെ.പി. ചിത്രലേഖ, ഗീത രാമചന്ദ്രൻ, രാജീവൻ കുവാറ്റി, രാകേഷ് കുവാറ്റി, മേരിക്കുട്ടി മാതൃു, സിന്ധു വിജയകുമാർ, ശൈലജ കൃഷ്ണൻ, ഓമന പരപ്പ, വിഷ്ണു പ്രകാശ് എന്നിവർ പദയാത്രയ്ക്ക് നേതൃത്വം നല്കി.
Kasaragod
പരപ്പ: മലയോര മേഖലയിലെ ക്ഷീരകര്‍ഷകര്‍ക്ക് ആശ്വാസമാകുകയാണ് പരപ്പ ബ്ലോക്ക് പഞ്ചായത്തിന്‍റെ മൊബൈല്‍ വെറ്ററിനറി ക്ലിനിക്ക്. മൃഗങ്ങളെ ആശുപത്രികളില്‍ എത്തിക്കാനുള്ള കര്‍ഷകരുടെ യാത്രാക്ലേശം ഒഴിവാക്കി, വീട്ടുപടിക്കല്‍ വിദഗ്ധ ചികിത്സ ഉറപ്പാക്കുകയാണ് പദ്ധതിയിലൂടെ. ഇതുവരെ നാലായിരത്തിലധികം മൃഗങ്ങള്‍ക്കാണ് മൊബൈല്‍ യൂണിറ്റ് മുഖേന ചികിത്സ നല്‍കിയത്.
ബ്ലോക്ക് പഞ്ചായത്തിന്‍റെ വാര്‍ഷിക പദ്ധതിയില്‍ ഉള്‍പ്പെടുത്തി 2022 നവംബര്‍ ഒന്നിനാണ് മൊബൈല്‍ വെറ്ററിനറി ക്ലിനിക്ക് പ്രവര്‍ത്തനമാരംഭിച്ചത്. രാവിലെ ഒമ്പത് മുതല്‍ വൈകുന്നേരം അഞ്ചു വരെയാണ് പ്രവര്‍ത്തന സമയം. നിലവില്‍ പ്രതിമാസം 70 മുതല്‍ 80 വരെ കേസുകള്‍ റിപ്പോര്‍ട്ട് ചെയ്യുന്നുണ്ട്. പശു, ആട് എന്നിവക്കാണ് കൂടുതലും ചികിത്സ നല്‍കിവരുന്നത്. അത്യാവശ്യ ഘട്ടങ്ങളില്‍ ചെറിയ ശസ്ത്രക്രിയകള്‍ ഉള്‍പ്പെടെ വീട്ടിലെത്തി ചെയ്യുന്നുണ്ട്.
ശ്രമകരമായ അടിയന്തര ചികിത്സകള്‍ പോലും കര്‍ഷകരുടെ വീടുകളില്‍ നേരിട്ടെത്തി നല്‍കാന്‍ ഈ പദ്ധതിയിലൂടെ സാധിക്കുന്നു. വെറ്ററിനറി സര്‍ജന്‍ ഡോ. ആല്‍വിന്‍ ജയിംസ്‌കുട്ടിക്കാണ് ചുമതല. ഇതുവരെ 3300ലധികം കേസുകള്‍ കൈകാര്യം ചെയ്യാന്‍ ഇദ്ദേഹത്തിന് സാധിച്ചു.
ബാനത്തെ കര്‍ഷകന്‍റെ പശുവിന് പ്രസവത്തെ തുടര്‍ന്ന് ഗര്‍ഭാശയം പുറത്തുവന്നപ്പോള്‍ തുണയായത് ബ്ലോക്കിന്‍റെ മൊബൈല്‍ വെറ്ററിനറി യൂണിറ്റായിരുന്നു. ഗതാഗതസൗകര്യം കുറഞ്ഞ മലയോര മേഖലയിലെ കര്‍ഷകരുടെ മൃഗങ്ങള്‍ക്ക് അസുഖം വന്നാല്‍ ആശുപത്രിയില്‍ എത്തിക്കുക എന്നത് വലിയ വെല്ലുവിളിയായിരുന്നു. ഇതിന് ശാശ്വത പരിഹാരമാവുകയാണ് മൊബൈല്‍ വെറ്ററിനറി യൂണിറ്റ്.
Kasaragod
കാഞ്ഞങ്ങാട്: കാഞ്ഞങ്ങാട് നിന്നും ബേഡകത്തേക്ക് കെഎസ്ആര്‍ടിസി ബസ് സര്‍വീസ് ആരംഭിച്ചു. കാഞ്ഞങ്ങാട് ബസ്‌സ്റ്റാന്‍ഡില്‍ ആരംഭിച്ച സര്‍വീസ് കെ. നീലകണ്ഠന്‍ എംഎല്‍എ ഫ്ലാഗ് ഓഫ് ചെയ്തു.
രാവിലെ 9.45നു കാഞ്ഞങ്ങാട് നിന്നാരംഭിച്ച് പെരിയ-കല്യോട്ട് -താന്നിയടി വഴിയാണ് ബേഡകത്തേക്ക് സര്‍വീസ് നടത്തുക. 10.45നു ബേഡകത്ത് നിന്ന് തിരിച്ച് ഉദയപുരം-തടിയന്‍വളപ്പ്-കല്യോട്ട് കുമ്പള-പാറപ്പള്ളി വഴി കാഞ്ഞങ്ങാട്ടേക്കും സര്‍വീസ് നടത്തും.
ചടങ്ങില്‍ കാഞ്ഞങ്ങാട് ഡിപ്പോ കണ്ട്രോളിംഗ് ഇന്സ്പെക്ടര് സത്യനാഥന്‍ അധ്യക്ഷത വഹിച്ചു.
പുല്ലൂര്‍-പെരിയ പഞ്ചായത്ത് വൈസ്പ്രസിഡന്‍റ് എം.കെ. ബാബുരാജ്, ബ്ലോക്ക് പഞ്ചായത്തംഗം സിന്ധു പത്മനാഭന്‍, എം. അസിനാര്‍, ബി.പി. പ്രദീപ്കുമാര്‍, ധന്യ സുരേഷ്, ഉമേശന്‍ വേളൂര്‍, സി.വി. ഭാവനന്‍, എം. കുഞ്ഞികൃഷ്ണന്‍, പ്രവീണ്‍ തോയമ്മല്‍ കെ.പി. ബാലകൃഷ്ണന്‍, പി.എം. അഗസ്റ്റിന്‍, പത്മകുമാര്‍ മൂരിയാനം, മുസ്തഫ പാറപ്പള്ളി എന്നിവര്‍ പങ്കെടുത്തു.
Kasaragod
കാഞ്ഞങ്ങാട്: ദേശീയപാത വികസനത്തിന്റെ ഭാഗമായി നിര്‍മാണത്തിനും അനുബന്ധ പ്രവര്‍ത്തനങ്ങള്‍ക്കുമായി വശങ്ങളില്‍ കുഴി എടുത്തപ്പോള്‍ ജലവിതരണ പൈപ്പ് ലൈന്‍ പൊട്ടി തകരാറിലായതിനെ തുടര്‍ന്ന് കഴിഞ്ഞ എട്ടുമാസമായി ചെമ്മട്ടംവയല്‍ പ്രദേശത്ത് 500 ഓളം കുടുംബങ്ങള്‍ക്ക് കുടിവെള്ളം കിട്ടുന്നില്ല.
പൈപ്പ് പൊട്ടിയ ഘട്ടത്തില്‍ ചോര്‍ച്ച തടയുന്ന പ്രവര്‍ത്തനം ഒഴിച്ച് കുടിവെള്ളം ലഭ്യമാക്കുന്നതിനുള്ള ഒരു നടപടിയും അധികാരികളുടെ ഭാഗത്തുനിന്നും ഉണ്ടായിട്ടില്ല. ചെമ്മട്ടംവയല്‍, ചില്‍ഡ്രന്‍സ് പാര്‍ക്ക്, കാനം അത്തിക്കോത്ത്, ശിവജി നഗര്‍, കല്യാണ്‍ റോഡ് തുടങ്ങിയ കാഞ്ഞങ്ങാട് നഗരസഭയിലെ 10, 12 വാര്‍ഡുകളിലെ നിരവധി കുടുംബങ്ങളാണ് കഴിഞ്ഞ എട്ടുമാസമായി കുടിവെള്ളം ലഭിക്കാതെ കഷ്ടത അനുഭവിക്കുന്നത്.
മഴക്കാലമായതിനാല്‍ വലിയ പ്രയാസമില്ലെങ്കിലും വരാന്‍ പോകുന്ന വേനല്‍ക്കാലം ദുരിതകാലം ആകുമോ എന്ന ആശങ്കയിലാണ് പ്രദേശവാസികള്‍. റോഡ് വികസനത്തിന്റെ ഭാഗമായി മഴക്കാലത്ത് വെള്ളപ്പൊക്കവും വേനല്‍ക്കാലത്ത് വരള്‍ച്ചയും കുടിവെള്ള പ്രയാസവും ഒരുപോലെ അനുഭവിക്കേണ്ട സാഹചര്യമാണ് ഇപ്പോള്‍ പ്രദേശവാസികള്‍ക്കുള്ളത്. തങ്ങള്‍ക്ക് ലഭിക്കേണ്ട കുടിവെള്ളം പൊട്ടിയ പൈപ്പ് ലൈനിന്‍റെ വിടവിലൂടെ ചോര്‍ന്നൊലിക്കുന്ന ദുരവസ്ഥ അവസ്ഥ കണ്ട് സങ്കടപ്പെടുകയാണ് നാട്ടുകാര്‍.
കുടിവെള്ള പ്രശ്നം പരിഹരിക്കണമെന്നാവശ്യപ്പെട്ട് ജനപ്രതിനിധികളായ രാജന്‍ അത്തിക്കോത്ത്, കെ.വി. രതീഷ് എന്നിവര്‍ ജില്ലാ ഭരണകൂടം ഉള്‍പ്പെടെ നിരവധി കേന്ദ്രങ്ങളില്‍ നിവേദനവും പ്രശ്നത്തിന്റെ ഗുരുതരാവസ്ഥയും പലതവണ ബോധ്യപ്പെടുത്തിയെങ്കിലും പ്രശ്നം പരിഹരിക്കാന്‍ അധികാരികള്‍ ഇതുവരെ തയാറായിട്ടില്ല.
വേനല്‍ക്കാലത്തിന മന്നോടിയായി 500 ഓളം കുടുംബങ്ങളെ ബാധിക്കുന്ന ഈ പ്രശ്നം എത്രയും പെട്ടെന്ന് പരിഹരിക്കണമെന്നും അല്ലാത്തപക്ഷം കടുത്ത പ്രതിഷേധവുമായി ജനങ്ങള്‍ രംഗത്തിറങ്ങുമെന്നും ജനപ്രതിനിധികളും നാട്ടുകാരും പറഞ്ഞു.
Kasaragod
ഒടയംചാല്‍: കണ്ണൂരില്‍ നടന്ന 26-ാമത് സംസ്ഥാന സബ്ജൂനിയര്‍ വുഷു ചാമ്പ്യന്‍ഷിപ്പില്‍ സ്വര്‍ണമെഡല്‍ കരസ്ഥമാക്കി സിയാന്‍ പി. രാഗേഷും സാല്‍വിയ അന്ന ജോസഫും.
36 കിലോഗ്രാം ഭാരവിഭാഗത്തിലാണ് സിയാന്‍ സ്വര്‍ണം നേടിയത്. കാലിച്ചാനടുക്കം സാന്‍ജോ ഇംഗ്ലീഷ് മീഡിയം സ്കൂളിലെ അഞ്ചാംക്ലാസ് വിദ്യാര്‍ഥിയാണ്. എണ്ണപ്പാറയിലെ രാഗേഷ് ലൂക്കോസ്-സരിത സൈമണ്‍ ദമ്പതികളുടെ മകനാണ്.
45+ ഭാരവിഭാഗത്തിലാണ് സാല്‍വിയ സ്വര്‍ണം നേടിയത്. കഴിഞ്ഞവര്‍ഷം സാല്‍വിയ വെള്ളി മെഡല്‍ നേടിയിരുന്നു.
കൊട്ടോടി സെന്റ് ആന്‍സ് ഇംഗ്ലീഷ് മീഡിയം സ്കൂളിലെ എട്ടാംക്ലാസ് വിദ്യാര്‍ഥിയാണ്. പടിമരുതിലെ സാനു ജോസഫ്-മനോവി അഗസ്റ്റിന്‍ ദമ്പതികളുടെ മകളാണ്. മനോജ് പള്ളിക്കരയാണ് ഇരുവരുടെയും പരിശീലകന്‍.
Kasaragod
കാസര്‍ഗോഡ്: പ്രായപൂര്‍ത്തിയാകാത്തവരുടെ ഡ്രൈവിംഗിനെതിരെ കര്‍ശനനടപടിയുമായി പൊലിസ്. ജില്ലയിലെ വിവിധ ഭാഗങ്ങളില്‍ നടത്തിയ പരിശോധനയില്‍ കുട്ടികള്‍ ഓടിച്ച 21 ഇരുചക്രവാഹനങ്ങള്‍ പിടികൂടി.
കാഞ്ഞങ്ങാട് പഴയ ബസ്‌സ്റ്റാന്‍ഡ് പരിസരത്ത് നിന്നു 17കാരന് ഓടിച്ച സ്‌കൂട്ടര്‍ ഹൊസ്ദുര്‍ഗ് പൊലിസ് കസ്റ്റഡിയിലെടുത്തു. പ്രായപൂര്‍ത്തിയാകാത്ത സഹോദരന് സ്‌കൂട്ടറോടിക്കാന്‍ നല്‍കിയതിന് കുശാല്‍നഗര്‍ സ്വദേശിനിയായ സഹോദരിക്കെതിരെ പൊലിസ് കേസെടുത്തു. 16കാരന് ഓടിച്ച സ്‌കൂട്ടര്‍ ബസ്‌സ്റ്റാന്‍ഡ് പരിസരത്ത് നിന്നു പിടികൂടി. ആവിയില്‍ സ്വദേശിനിയായ മാതാവിനെതിരെ കേസെടുത്തു.
മേല്‍പറമ്പ് പൊലീസ് സ്റ്റേഷന് പരിധയില്‍ 16കാരന് ഓടിച്ച ബുള്ളറ്റ് പിടികൂടി. ആര്‍സി ഉടമക്കെതിരെ കേസ് രജിസ്റ്റര്‍ ചെയ്തു. പടന്നയില്‍ 16കാരന് ഓടിച്ച സ്‌കൂട്ടര്‍ പിടികൂടി മാതാവിനെതിരെ കേസെടുത്തു. പൈക്കയില്‍ 15കാരന് ഓടിച്ച ഇലക്ട്രിക് സ്‌കൂട്ടര്‍ പിടികൂടുകയും ബദിയഡുക്ക പൊലിസ് പിതാവിനെതിരെ കേസെടുക്കുകയും ചെയ്തു. ബന്തിയോട്ട് നിന്ന് 16കാരന് ഓടിച്ച സ്‌കൂട്ടര്‍ കുമ്പള പൊലിസ് പിടികൂടി. സ്‌കൂട്ടര്‍ ഓടിക്കാന്‍ നല്‍കിയ മൊഗ്രാല്‍ സ്വദേശിക്കെതിരെ കേസെടുത്തു.
ഉദുമ പള്ളത്ത് നിന്ന് 17 കാരന് ഓടിച്ച സ്‌കൂട്ടര്‍ കസ്റ്റഡിയിലെടുത്ത പൊലിസ് മാതാവിനെതിരെ കേസെടുത്തു. മീപ്പുഗിരിയില്‍ നിന്ന് 17കാരന് ഓടിച്ച ബൈക്ക് കാസര്‍ഗോഡ് പൊലിസ് പിടികൂടി പിതാവിനെതിരെ കേസെടുത്തു. കുമ്പളയില്‍ 17കാരന് ഓടിച്ച സ്‌കൂട്ടര്‍ പിടികൂടി പിതാവിനെതിരെ കേസെടുത്തു. ബേഡകം കല്ലടക്കുറ്റിയില്‍ നിന്ന് 17കാരന് ഓടിച്ച ബൈക്ക് മഞ്ചേശ്വരം പൊലിസ് പിടികൂടി സഹോദരനെതിരെ കേസെടുത്തു. ഇവിടെ നിന്നും 17കാരന് ഓടിച്ച സ്‌കൂട്ടര്‍ പിടികൂടുകയും മാതാവിനെതിരെ കേസെടുക്കുകയും ചെയ്തു.
കാഞ്ഞങ്ങാട് ഇക്ബാല്‍ ജംഗ്ഷനില്‍ നിന്ന് 17കാരന് ഓടിച്ച സ്‌കൂട്ടര്‍ ഹൊസ്ദുര്‍ഗ് പൊലിസ് പിടികൂടി ഇളയമ്മക്കെതിരെ കസെടുത്തു. പിറകില്‍ മറ്റൊരു കുട്ടിയെ ഇരുത്തി 16കാരന് ഓടിച്ച സ്‌കൂട്ടര്‍ കൊല്ലാടയില്‍ നിന്ന് ചിറ്റാരിക്കാല്‍ പൊലിസ് പിടികൂടി. പിറകില്‍ ഇരുന്ന വാഹന ഉടമയായ കുട്ടിയുടെ മാതാവിനെതിരെ കേസെടുത്തു. ചെറുവത്തൂര്‍ കുഴിഞ്ഞടിയില്‍ നിന്ന് ചന്തേര പൊലിസ് 14കാരന് ഓടിച്ച സ്‌കൂട്ടര്‍ കസ്റ്റഡിയിലെടുത്തു. പയ്യങ്കി സ്വദേശിയായ പിതാവിനെതിരെ കേസെടുത്തു. കോട്ടപ്പുറത്ത് നിന്നു 17കാരന് ഓടിച്ച സ്‌കൂട്ടര്‍ നീലേശ്വരം പൊലിസ് പിടികൂടി. മരക്കാപ്പ് കടപ്പുറം സ്വദേശിയായ പിതാവിനെതരെ കേസെടുത്തു.
ഷിറിയ കുന്നില്‍ 16കാരന് ഓടിച്ച ബുള്ളറ്റ് കുമ്പള പൊലിസ് പിടികൂടി മാതാവിനെതിരെ കേസെടുത്തു. പണാംകോട് നിന്നു 17കാരന് ഓടിച്ച സ്‌കൂട്ടര്‍ പിടികൂടിയ രാജപുരം പൊലിസ് പിതാവിനെതിരെ കേസെടുത്തു. മാങ്ങാട്ട് നിന്നു 17കാരന് ഓടിച്ച സ്‌കൂട്ടര്‍ പിടികൂടി മാതാവിനെതിരെ മേല്‍പറമ്പ് പൊലിസ് കേസെടുത്തു. സീതാംഗോളിയില്‍ കാറോടിച്ച 16കാരനെ കുമ്പള പൊലിസ് പിടികൂടി. ബന്ധുവായ ബാഡൂര്‍ സ്വദേശിക്കെതിരെ കേസെടുത്തു.
Kasaragod
പാണത്തൂർ: കോഴിക്കോട് നടക്കുന്ന സംസ്ഥാന സ്കൂൾ കായികമേളയിൽ വേഗമേറിയ താരമായി ജിൽഷ ജിനിൽ. ജൂനിയർ പെൺകുട്ടികളുടെ 100 മീറ്റർ ഓട്ടമത്സരത്തിൽ സ്വർണം നേടിയാണ് പാണത്തൂർ വട്ടക്കയം സ്വദേശി ജിൽഷ ജിനിൽ നാടിന് അഭിമാനമായത്. 11.29 സെക്കൻഡിൽ ഫിനിഷ് ചെയ്താണ് ജിൽഷ ഈ മിന്നുന്ന വിജയം സ്വന്തമാക്കിയത്.
തിരുവനന്തപുരം ജി.വി. രാജ സ്പോർട്സ് സ്കൂളിലെ പ്ലസ് വൺ വിദ്യാർഥിനിയാണ്. 2023 മുതൽ ദേശീയ, സൗത്ത് സോൺ, സംസ്ഥാന അത്‌ലറ്റിക് മീറ്റുകളിലായി സ്വർണം, വെള്ളി, വെങ്കല മെഡലുകളും മീറ്റ് റിക്കാർഡും ജിൽഷ സ്വന്തമാക്കിയിട്ടുണ്ട്. ഭുവനേശ്വറിൽ നടന്ന ദേശീയ ജൂനിയർ അത്‌ലറ്റിക്സിലെ സ്വർണം നേടിയിരുന്നു. കീച്ചിറ ജിനിൽ മാത്യു-വി.ജെ. ജോമി ദമ്പതികളുടെ മകളാണ്. ജിൽന, ജിൽജോ എന്നിവർ സഹോദരങ്ങളാണ്.
Kasaragod
ബന്തടുക്ക: സുള്ള്യയ്ക്കു സമീപം നാഗപട്ടണം പാലത്തിൽ അറ്റകുറ്റപ്പണികൾ നടക്കുന്ന സാഹചര്യത്തിൽ ബന്തടുക്കയിലും പാണത്തൂരിലും നിന്ന് സുള്ള്യയിലേക്കുള്ള വഴിയിൽ നവംബർ 30 വരെ ഗതാഗത നിയന്ത്രണം ഏർപ്പെടുത്തി.
സുള്ള്യ ടൗണിലെത്തുന്നതിന് ഒരു കിലോമീറ്റർ മുമ്പാണ് പയസ്വിനി പുഴയ്ക്കു കുറുകെയുള്ള നാഗപട്ടണം പാലം സ്ഥിതിചെയ്യുന്നത്. ബന്തടുക്ക റോഡിലും പാണത്തൂർ റോഡിലും നിന്നെത്തുന്ന വാഹനങ്ങൾക്ക് നാർക്കോട്-അജ്ജാവൂർ- കാന്തമംഗലം പാലം വഴി സുള്ള്യ ടൗണിലെത്താം. എന്നാൽ, പലയിടങ്ങളിലും ഈ റോഡിന് വീതി കുറവായതും വളവുകളും കയറ്റിറക്കങ്ങളുമുള്ളതും മൂലം ഗതാഗതക്കുരുക്കുണ്ടാകാനിടയുണ്ട്. ചരക്കുലോറികളടക്കമുള്ള വലിയ വാഹനങ്ങൾക്ക് ഇതുവഴി പോകാൻ പ്രയാസമായിരിക്കും.
കർണാടക പൊതുമരാമത്ത് വിഭാഗം ഒരു കോടി രൂപ ചെലവിലാണ് പാലം നവീകരിക്കുന്നത്.
Kasaragod
കാസർഗോഡ്: മത്സ്യബന്ധനത്തിനും വിനോദസഞ്ചാരത്തിനും സൗകര്യമൊരുക്കിക്കൊണ്ട് നവീകരിക്കുമെന്ന പ്രഖ്യാപനങ്ങൾ പലതു കഴിഞ്ഞിട്ടും തളങ്കര ഹാർബറിന്‍റെ ശോചനീയാവസ്ഥ മാറുന്നില്ല. അപകടസാധ്യത കണക്കിലെടുത്ത് ഇവിടേക്ക് ആളുകൾ പ്രവേശിക്കുന്നത് വിലക്കിയിട്ടുണ്ടെങ്കിലും അവധിദിവസങ്ങളിൽ ഇവിടേക്ക് സന്ദർശകരുടെ പ്രവാഹമാണ്. ചന്ദ്രഗിരി പുഴയും കടലും ചേരുന്ന ഭാഗത്തെ കാഴ്ചകൾ കാണാനും ഫോട്ടോയും വീഡിയോയുമെടുക്കാനുമാണ് കൂടുതൽ പേരും എത്തുന്നത്.
തകർച്ചാഭീഷണി നേരിടുന്ന മീനിറക്കു കേന്ദ്രത്തിൽ ബോട്ടുകൾക്ക് സുരക്ഷിതമായി അടുക്കാനാകാത്തതിനാൽ അല്പമകലെയുള്ള കസബ ബീച്ചിലാണ് ഇപ്പോൾ ബോട്ടുകൾ അടുപ്പിച്ച് നിര്‍ത്തി മീനിറക്കുന്നത്. എന്നാൽ, ഇവിടെ സ്ഥലസൗകര്യം കുറവാണ്. ഇത് താത്കാലിക സംവിധാനമാണെന്നും തളങ്കരയിൽ മികച്ച സൗകര്യങ്ങളോടുകൂടിയ മിനി ഹാർബറും വിനോദസഞ്ചാരകേന്ദ്രവും സ്ഥാപിക്കുമെന്നുമാണ് കഴിഞ്ഞ സർക്കാരും നഗരസഭയും പറഞ്ഞിരുന്നത്. എന്നാൽ, ഇതിന് പദ്ധതി തയാറാക്കുകയോ ഫണ്ട് അനുവദിക്കുകയോ ചെയ്തിരുന്നില്ല.
ഇവിടെ തോണികൾക്കും ബോട്ടുകൾക്കും നങ്കൂരമിടാൻ ഒരുക്കിയ പാലവും മത്സ്യങ്ങൾ ലേലംവിളിക്കാൻ ഒരുക്കിയ കെട്ടിടവും ഏത് നിമിഷവും തകർന്നുവീഴാമെന്ന നിലയിലാണ്. പാലത്തിന്‍റെ സ്ലാബുകളും കൈവരികളുമെല്ലാം തകർന്നു. ഇതിനു മുകളിൽ നിന്നാണ് സന്ദർശകർ വീഡിയോ ചിത്രീകരണം നടത്തുന്നത്.
ഹാർബറിന്‍റെ നവീകരണം വേഗത്തിലാക്കാൻ സർക്കാരും ജനപ്രതിനിധികളും നഗരസഭയും അടിയന്തരമായി ഇടപെടണമെന്നാണ് നാട്ടുകാരുടെ ആവശ്യം.
Kasaragod
ബളാൽ: ബിപിഎൽ സർട്ടിഫിക്കറ്റ് വാങ്ങാനായി ബളാൽ പഞ്ചായത്ത് ഓഫീസിലെത്തിയതായിരുന്നു ചുള്ളി ഉന്നതിയിലെ എൺപതുകാരിയായ വാരിക്കുഴിയിൽ മാധവി. ആ സമയത്താണ് സാരി വില്പനക്കാരായ രണ്ടുപേർ പഞ്ചായത്ത് ഓഫീസിലേക്കെത്തിയത്. പല നിറങ്ങളിലുമുള്ള മനോഹരമായ സാരികൾ അവർ ഓഫീസ് വരാന്തയിൽ നിരത്തിവച്ചപ്പോൾ കൗതുകത്തോടെയും ചെറിയൊരു മോഹത്തോടെയും മാധവിയും ഒന്നുരണ്ടെണ്ണം എടുത്തുനോക്കി.
ഇത് കണ്ടുകൊണ്ട് അടുത്തെത്തിയ പഞ്ചായത്ത് വൈസ് പ്രസിഡന്റ് രാജു കട്ടക്കയം സാരി വാങ്ങുന്നുണ്ടോ എന്ന് സ്നേഹപൂർവം അന്വേഷിച്ചു. കൈയിൽ പൈസ ഇല്ലല്ലോ എന്നായിരുന്നു ഒരു ചെറുപുഞ്ചിരിയോടെ മാധവിയുടെ മറുപടി.
ഇഷ്ടപ്പെട്ട ഒരു സാരി എടുത്തോളൂവെന്നും പൈസ താൻ കൊടുത്തോളാമെന്നും രാജു കട്ടക്കയം പറഞ്ഞു. ആദ്യം മടിച്ചുനിന്നെങ്കിലും മാധവിയുടെ വാർഡിലെ മെംബർ കൂടിയായ കട്ടക്കയം ഒരു കുടുംബാംഗത്തെപ്പോലെ നിർബന്ധിച്ചപ്പോൾ മാധവി ആ സ്നേഹസമ്മാനം ഏറ്റുവാങ്ങുകയായിരുന്നു. മാധവി തന്നെ തെരഞ്ഞെടുത്തു നൽകിയ സാരിയാണ് രാജു കട്ടക്കയം വാങ്ങിനൽകിയത്. ബിപിഎൽ സർട്ടിഫിക്കറ്റിനുവേണ്ടി ബുദ്ധിമുട്ടിയെത്തിയ വയോധികയ്ക്ക് ലഭിച്ച അപ്രതീക്ഷിത സമ്മാനം പഞ്ചായത്ത് ഓഫീസിലുണ്ടായിരുന്ന എല്ലാവർക്കും സന്തോഷം പകർന്നു.
Kasaragod
ചെറുവത്തൂര്‍: ലോക പക്ഷാഘാത ദിനാചരണത്തിന്‍റെ ജില്ലാതല ഉദ്ഘാടനം കാരിയില്‍ വിഷ്ണുമൂര്‍ത്തി ക്ഷേത്രം ഓഡിറ്റോറിയത്തില്‍ ബ്ലോക്ക് പഞ്ചായത്ത് പ്രസിഡന്റ് സി.എം. മീനാകുമാരി നിര്‍വഹിച്ചു.
പഞ്ചായത്ത് വൈസ് പ്രസിഡന്റ് പി. മിനിമോള്‍ അധ്യക്ഷത വഹിച്ചു.
സ്ഥിരംസമിതി അധ്യക്ഷരായ ശശിധരന്‍ പെരിങ്ങേത്ത്, എം. രാമചന്ദ്രന്‍, വാര്‍ഡ് മെംബര്‍ എ.കെ. ഷീന, ടെക്‌നിക്കല്‍ അസിസ്റ്റന്‍റ് എം. ചന്ദ്രന്‍, ജില്ലാ ഡെപ്യൂട്ടി എഡ്യുക്കേഷന്‍ മീഡിയ ഓഫിസര്‍ പി.പി. ഹസീബ്, തുരുത്തി കുടുംബാരോഗ്യ കേന്ദ്രം മെഡിക്കല്‍ ഓഫിസര്‍ ഡോ. ഇ. സിയാദ്, പബ്ലിക് ഹെല്‍ത്ത് നഴ്സ് ആര്. പൂമണി എന്നിവര്‍ പ്രസംഗിച്ചു.
ഡോ. ജെ. അഞ്ജന, കെ. ശ്രുതി എന്നിവര്‍ ക്ലാസെടുത്തു. ജില്ലാ എഡ്യുക്കേഷന്‍ ആന്‍ഡ് മീഡിയ ഓഫീസര്‍ അബ്ദുല്‍ ലത്തീഫ് മഠത്തില്‍ സ്വാഗതവും ഹെല്‍ത്ത് ഇന്സ്പെക്ടര് സി.കെ. അരുണ്‍കുമാര്‍ നന്ദിയും പറഞ്ഞു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN