Deepika
ADVERTISEMENT
Europe
ബെർലിൻ: യൂറോപ്യൻ രാജ്യങ്ങളിൽ ഈ വർഷത്തെ ശൈത്യകാല സമയക്രമം ഞായറാഴ്ച പുലർച്ചെ നിലവിൽ വരും. ഇതോടെ ജർമനിയും ഇന്ത്യയും തമ്മിലുള്ള സമയവ്യത്യാസം നിലവിലെ മൂന്നര മണിക്കൂറിൽനിന്ന് നാലര മണിക്കൂറായി വർധിക്കും.
ഇന്ത്യ ജർമനിയേക്കാൾ നാലര മണിക്കൂർ മുന്നിലായിരിക്കും. ഒക്ടോബറിലെ അവസാന ഞായറാഴ്ച പുലർച്ചെ മൂന്ന് മണിയാകുമ്പോൾ ക്ലോക്കുകൾ ഒരു മണിക്കൂർ പിന്നോട്ട് തിരിച്ച് രണ്ട് മണിയാക്കും.
ഇതോടെ അന്നത്തെ രാത്രി ഒരു മണിക്കൂർ കൂടി ദൈർഘ്യമേറിയതാകും. യൂറോപ്പിലെ മിക്ക രാജ്യങ്ങളിലും പകൽവെളിച്ചം പരമാവധി പ്രയോജനപ്പെടുത്തുന്നതിനായി വേനൽക്കാലത്തും ശൈത്യകാലത്തും സമയക്രമം മാറ്റുന്ന പതിവിന്‍റെ ഭാഗമായാണ് ഈ ക്രമീകരണം.
സമയമാറ്റം യാന്ത്രികമായി
ജർമനിയിലെ ബ്രൗൺഷ്വൈഗിലുള്ള ഫെഡറൽ ഫിസിക്കൽ-ടെക്നിക്കൽ ഇൻസ്റ്റിറ്റ്യൂട്ടാണ് ഔദ്യോഗിക സമയത്തിന്‍റെ കൃത്യത ഉറപ്പാക്കുന്നത്. ഫ്രാങ്ക്ഫർട്ടിന് സമീപമുള്ള മെയിൻഫ്ലിംഗനിലെ DCF77 റേഡിയോ ട്രാൻസ്മിറ്ററിൽനിന്നുള്ള സിഗ്നലുകൾ സ്വീകരിച്ചാണ് നിരവധി റേഡിയോ നിയന്ത്രിത ക്ലോക്കുകൾ കൃത്യമായ സമയം ക്രമീകരിക്കുന്നത്.
മൊബൈൽ ഫോണുകൾ, കമ്പ്യൂട്ടറുകൾ, മറ്റ് ഡിജിറ്റൽ ഉപകരണങ്ങൾ എന്നിവയും അവയുടെ സമയക്രമീകരണ സംവിധാനങ്ങൾക്കനുസരിച്ച് സ്വയം പുതിയ സമയത്തിലേക്ക് മാറും.
രാത്രി സർവീസ് നടത്തുന്ന ദീർഘദൂര ട്രെയിനുകളുടെ സമയക്രമീകരണവും ആവശ്യമായ പ്രത്യേക സംവിധാനങ്ങളിലൂടെ ഏകോപിപ്പിക്കും.
രാത്രി ഷിഫ്റ്റിൽ ജോലി ചെയ്യുന്നവർക്ക് അധികസമയം
സമയമാറ്റം പ്രാബല്യത്തിൽ വരുന്ന രാത്രിയിൽ ജോലി ചെയ്യുന്നവർക്ക് സാധാരണ സമയക്രമത്തെ അപേക്ഷിച്ച് ഒരു മണിക്കൂർ അധികം ജോലി ചെയ്യേണ്ടിവരാം.
ഈ അധികസമയത്തിനുള്ള വേതനം തൊഴിൽകരാർ, ബാധകമായ തൊഴിൽനിയമങ്ങൾ, മറ്റ് വ്യവസ്ഥകൾ എന്നിവ അനുസരിച്ചായിരിക്കും നിശ്ചയിക്കുക.
ശൈത്യകാല സമയം നിലവിൽ വരുന്നതോടെ ജർമനിയും ഇന്ത്യയും തമ്മിലുള്ള സമയവ്യത്യാസം നാലര മണിക്കൂറാകും. ബ്രിട്ടനും അയർലൻഡും ജർമനിയെക്കാൾ ഒരു മണിക്കൂർ പിന്നിലായിരിക്കും.
2027 മാർച്ച് 28 ഞായറാഴ്ച പുലർച്ചെ ക്ലോക്കുകൾ ഒരു മണിക്കൂർ മുന്നോട്ട് തിരിക്കുന്നതോടെ യൂറോപ്പ് വീണ്ടും വേനൽക്കാല സമയക്രമത്തിലേക്ക് മാറും.
ഡേലൈറ്റ് സേവിംഗ് ടൈമിന്‍റെ ചരിത്രം
ഊർജം ലാഭിക്കുക എന്ന ലക്ഷ്യത്തോടെ ഒന്നാം ലോകമഹായുദ്ധകാലത്ത്, 1916-ൽ ജർമനിയും ഓസ്ട്രിയയും പകൽവെളിച്ചം പരമാവധി പ്രയോജനപ്പെടുത്തുന്ന സമയക്രമം നടപ്പാക്കി.
കൃത്രിമ വെളിച്ചത്തിന്റെ ഉപയോഗം കുറച്ച് യുദ്ധാവശ്യങ്ങൾക്കായി കൽക്കരി ലാഭിക്കുകയായിരുന്നു പ്രധാന ലക്ഷ്യം. എന്നാൽ 1919-ൽ ഈ സംവിധാനം നിർത്തലാക്കി.
രണ്ടാം ലോകമഹായുദ്ധകാലത്ത് 1940 മുതൽ 1949 വരെയുള്ള കാലയളവിൽ വിവിധ ഘട്ടങ്ങളിലായി സമയമാറ്റ സംവിധാനം വീണ്ടും നടപ്പാക്കി. 1947-ൽ ക്ലോക്കുകൾ രണ്ട് മണിക്കൂർ മുന്നോട്ട് മാറ്റിയുള്ള "ഹൈ സമ്മർ ടൈം' സംവിധാനവും നിലവിലുണ്ടായിരുന്നു.
യുദ്ധാനന്തരം 1949-ൽ ഈ രീതി വീണ്ടും അവസാനിപ്പിച്ചു. 1973-ലെ അന്താരാഷ്ട്ര എണ്ണപ്രതിസന്ധിക്കുശേഷം ഊർജോപഭോഗം കുറയ്ക്കുന്നതിനുള്ള നടപടികളുടെ ഭാഗമായി പടിഞ്ഞാറൻ ജർമനിയിലും കിഴക്കൻ ജർമനിയിലും 1980 ഏപ്രിൽ ആറ് മുതൽ വേനൽക്കാല സമയക്രമം വീണ്ടും നടപ്പാക്കി.
വൈകുന്നേരങ്ങളിൽ കൂടുതൽ പകൽവെളിച്ചം ലഭ്യമാക്കുകയും കൃത്രിമ വെളിച്ചത്തിന്റെ ഉപയോഗം കുറയ്ക്കുകയുമായിരുന്നു ലക്ഷ്യം.
ഊർജലാഭം സംബന്ധിച്ച് ഭിന്നാഭിപ്രായങ്ങൾ
സമയമാറ്റം വഴി കാര്യമായ ഊർജലാഭം ഉണ്ടാകുന്നുണ്ടോ എന്ന കാര്യത്തിൽ ഇപ്പോഴും ചർച്ചകൾ തുടരുകയാണ്. വൈകുന്നേരങ്ങളിൽ വെളിച്ചത്തിനായുള്ള വൈദ്യുതി ഉപയോഗം കുറയാൻ സാധ്യതയുണ്ടെങ്കിലും തണുപ്പുള്ള പ്രഭാതങ്ങളിൽ വീടുകളും കെട്ടിടങ്ങളും ചൂടാക്കാൻ കൂടുതൽ ഊർജം ആവശ്യമായി വരാം.
ജർമൻ ഫെഡറൽ പരിസ്ഥിതി ഏജൻസി ഉൾപ്പെടെയുള്ള സ്ഥാപനങ്ങളുടെ വിലയിരുത്തലുകൾ പ്രകാരം, വെളിച്ചത്തിനായുള്ള ഊർജോപയോഗത്തിലെ കുറവ് ചൂടാക്കാനുള്ള അധിക ഊർജാവശ്യകതയാൽ ഭാഗികമായി നികത്തപ്പെടാം.
അതിനാൽ സമയമാറ്റം മൊത്തത്തിൽ വലിയ ഊർജലാഭം ഉറപ്പാക്കുന്നുവെന്ന് പറയാനാവില്ല.
യൂറോപ്യൻ യൂണിയന്‍റെ തീരുമാനം ഇനിയും അനിശ്ചിതത്വത്തിൽ
വർഷത്തിൽ രണ്ടുതവണ സമയക്രമം മാറ്റുന്നത് മനുഷ്യരുടെ ജൈവഘടികാരത്തെയും ഉറക്കത്തെയും ആരോഗ്യത്തെയും ബാധിക്കാമെന്ന ആശങ്കകൾ ഉയർന്നതിനെത്തുടർന്ന്, 2019-ൽ സമയമാറ്റം അവസാനിപ്പിക്കുന്നതിനുള്ള നിർദേശത്തിന് യൂറോപ്യൻ പാർലമെന്‍റ് പിന്തുണ നൽകിയിരുന്നു.
എന്നാൽ സ്ഥിരമായി വേനൽക്കാല സമയമാണോ ശൈത്യകാല സമയമാണോ നിലനിർത്തേണ്ടത് എന്ന കാര്യത്തിൽ അംഗരാജ്യങ്ങൾക്കിടയിൽ ധാരണയിലെത്താൻ കഴിഞ്ഞിട്ടില്ല.
ഇതോടെ വർഷത്തിൽ രണ്ടുതവണ ക്ലോക്കുകൾ മാറ്റുന്ന രീതി അവസാനിപ്പിക്കാനുള്ള പദ്ധതി ഇപ്പോഴും നടപ്പായിട്ടില്ല. അതിനാൽ ഈ ഒക്ടോബറിലും യൂറോപ്പിലെ മിക്ക രാജ്യങ്ങളും പതിവുപോലെ ശൈത്യകാല സമയക്രമത്തിലേക്ക് മാറും.
America
ലൂസിയാന: അമേരിക്കയിലെ ലൂസിയാനയിലുള്ള കിസാച്ചി നാഷണൽ ഫോറസ്റ്റിൽ പടർന്ന കാട്ടുതീ അണയ്ക്കുന്നതിനിടെ മരം വീണ് 24 വയസുകാരിയായ വനിതാ അഗ്നിരക്ഷാ സേനാംഗത്തിന് മരിച്ചു. കെയ്റ്റ്‌ലിൻ "കെകെ' ഗല്ലാഗർ ആണ് മരിച്ചത്.
യുഎസ് ഫോറസ്റ്റ് സർവീസാണ് ഇക്കാര്യം അറിയിച്ചത്. ബുധനാഴ്ച ലൂസിയാനയിലെ റാപ്പിഡ്സ് പാരിഷിൽ പടർന്ന ബ്രോക്കൺ ക്രീക്ക് കാട്ടുതീ നിയന്ത്രിക്കാനുള്ള ശ്രമത്തിനിടെയാണ് അപകടമുണ്ടായത്.
ഏകദേശം 10 ഏക്കറോളം പ്രദേശത്താണ് തീ പടർന്നിരുന്നത്. 2025ൽ വൈൽഡ്‌ലാൻഡ് ഫയർഫൈറ്റർ അപ്രന്‍റീസായി യുഎസ് ഫോറസ്റ്റ് സർവീസിൽ ചേർന്ന കെയ്റ്റ്‌ലിൻ, വ്യോമിംഗിലെ ഷോഷോൺ നാഷണൽ ഫോറസ്റ്റിലും സേവനമനുഷ്ഠിച്ചിട്ടുണ്ട്.
കെയ്റ്റ്‌ലിന്‍റെ അപ്രതീക്ഷിത വിയോഗത്തിൽ ഫോറസ്റ്റ് സർവീസ് അധികൃതരും സഹപ്രവർത്തകരും അഗാധമായ ദുഃഖം രേഖപ്പെടുത്തി. കുടുംബത്തിനും സഹപ്രവർത്തകർക്കും ആവശ്യമായ പിന്തുണയും ഔദ്യോഗിക ആദരവും നൽകുമെന്ന് അധികൃതർ അറിയിച്ചു.
Europe
റേഗെൻസ്ബുർഗ്: ജർമനിയിലെ ബയേൺ റീജിയണിലെ സീറോമലബാർ യുവജനങ്ങളെ വിശ്വാസത്തിലും ആത്മീയതയിലും ഒന്നിപ്പിച്ചുകൊണ്ട് സീറോമലബാർ യൂത്ത് മൂവ്മെന്റ് (എസ്എംവെെഎം) ബയേൺ റീജിയണൽ ടീമിന്‍റെ ആഭിമുഖ്യത്തിൽ റേഗെൻസ്ബുർഗ് സെന്റ് സിസിലിയ ദേവാലയത്തിൽ സംഘടിപ്പിച്ച നൈറ്റ് വിജിലും പ്രെയ്സ് പാർട്ടിയും ശ്രദ്ധേയമായി.
ബയേൺ മേഖലയിലെ വിവിധ നഗരങ്ങളിൽ നിന്നും ഇടവകകളിൽ നിന്നുമായി 230-ഓളം യുവതീയുവാക്കളാണ് ആത്മീയ ഉണർവ് പകർന്നുനൽകിയ ഈ സംഗമത്തിൽ ഒത്തുചേർന്നത്.
ആത്മീയ ചൈതന്യം പകർന്ന് സംഗമം: യൂറോപ്പിലെ സീറോമലബാർ യൂത്ത് ഡയറക്ടർ ഫാ. ബിനോജ് മുളവരിക്കൽ സംഗമം ഔദ്യോഗികമായി ഉദ്ഘാടനം ചെയ്യുകയും ശുശ്രൂഷകൾക്ക് മുഖ്യകാർമികത്വം വഹിക്കുകയും ചെയ്തു.
യുവമനസുകളെ സ്പർശിച്ച ആത്മീയ പ്രഭാഷണങ്ങൾ, സംഗീതരാത്രി, ആരാധനയും സ്തുതിപ്പുകളും, വിശുദ്ധ കുർബാന, ദിവ്യകാരുണ്യ ആരാധന, യുവജനങ്ങൾക്കായി ഒരുക്കിയ വിവിധ കർമ്മപദ്ധതികൾ എന്നിവ നൈറ്റ് വിജിലിന് സവിശേഷമായ ആത്മീയ ഉണർവ് പകർന്നു.
America
ഡാളസ്: ലോകമെമ്പാടുമുള്ള മലയാളി സംഗീത പ്രേമികൾക്കായി "സ്വർഗീയ നാദം' സംഗീത പരിപാടിയുടെ 50-ാം വാർഷിക പതിപ്പ് ലൈവ് സ്ട്രീമിംഗിലൂടെ സംപ്രേഷണം ചെയ്യുന്നു.
"തിരുനാമ കീർത്തനം - ഫേസ് ടു ഫേസ്' എന്ന് പേരിട്ടിരിക്കുന്ന ഈ പ്രത്യേക പരിപാടിയിൽ പ്രശസ്ത സംഗീത സംവിധായകനും ജീവകാരുണ്യ പ്രവർത്തകനുമായ ഡോ. സണ്ണി സ്റ്റീഫൻ മുഖ്യാതിഥിയായി പങ്കെടുക്കുന്നു.
ബുധനാഴ്ച (ഡാളസ് സമയം രാത്രി ഏഴിന്/ ഈസ്റ്റേൺ സമയം രാത്രി എട്ടിന് / ഇന്ത്യൻ സമയം വ്യാഴാഴ്ച പുലർച്ചെ 5.30) ആണ് ഈ ഓൺലൈൻ സംഗീത വിരുന്ന് ക്രമീകരിച്ചിരിക്കുന്നത്. സൂം പ്ലാറ്റ്‌ഫോമിലൂടെ തത്സമയമായി പരിപാടിയിൽ പങ്കുചേരാവുന്നതാണ്.
4,850-ഓളം ഗാനങ്ങൾക്ക് ഈണം പകരുകയും 2,900-ഓളം ഗാനങ്ങൾക്ക് രചന നിർവഹിക്കുകയും ചെയ്ത വ്യക്തിയാണ് ഡോ. സണ്ണി സ്റ്റീഫൻ. 2000-ൽ "കരുണം' എന്ന ചിത്രത്തിലൂടെ മികച്ച സംഗീത സംവിധായകനുള്ള ദേശീയ സംസ്ഥാന ചലച്ചിത്ര അവാർഡും അദ്ദേഹം കരസ്ഥമാക്കിയിട്ടുണ്ട്.
യേശുദാസ്, എസ്.പി. ബാലസുബ്രഹ്മണ്യം, കെ.എസ്. ചിത്ര, എസ്. ജാനകി തുടങ്ങിയ പ്രമുഖ ഗായകരുമായി സഹകരിച്ച് പ്രവർത്തിച്ചിട്ടുള്ള അദ്ദേഹം "വേൾഡ് പീസ് മിഷന്‍റെ' സ്ഥാപകൻ കൂടിയാണ്.
പരിപാടിയുടെ വിവരങ്ങൾ ബുധനാഴ്ച സമയം: 08:00 PM EST / 07:00 PM (Dallas) / 05:30 AM (IST - Thursday). Zoom ID: 769 374 4841, Passcode: music.
റവ. കോശി കുര്യൻ ആരംഭ പ്രാർഥനയും റവ. ജോർജ്കുട്ടി കൊച്ചമ്മൻ സമാപന പ്രാർഥനയും നിർവഹിക്കും. കൂടാതെ സണ്ണി, ജോജു, അജി, സിജി, സാബു, ബീന, ഇഷ വിനീഷ്, ക്രിസ്റ്റ, ജനിയ തുടങ്ങിയ മികച്ച കലാകാരന്മാരും പരിപാടിയിൽ അണിനിരക്കുന്നു.
സംഗീത പ്രേമികൾ ഏവരും ഈ ആത്മീയ - സംഗീത വിരുന്നിൽ പങ്കെടുക്കണമെന്ന് സംഘാടകർ അഭ്യർഥിച്ചു.
Middle East and Gulf
റിയാദ്: കേളി കലാസാംസ്കാരിക വേദി ഒലയ്യ ഏരിയയും കേളി കുടുംബവേദിയും സംയുക്തമായി സംഘടിപ്പിച്ച ഓണാഘോഷം "ആർപ്പോ 2026' ഗംഭീരമായി അരങ്ങേറി.
റിയാദിലെ ഷോല മാളിൽ നടന്ന ആഘോഷം പ്രവാസി മലയാളികൾക്ക് കേരളത്തിന്‍റെ സാംസ്കാരിക പൈതൃകവും ഓണപ്പെരുമയും വിളിച്ചോതുന്ന വേദിയായി.
മാവേലിയും തിരുവാതിരയും തെയ്യവും പരുന്താട്ടവും നാടൻപാട്ടുകളും വയലിൻ - കീബോർഡ് ഫ്യൂഷനും ഡിജെ സംഗീതവും ആഘോഷത്തിന് മിഴിവേകി. പൂക്കളവും ഊഞ്ഞാലും ഓണസദ്യയും പരിപാടിയുടെ മാറ്റുകൂട്ടി.
കേളി അംഗങ്ങളും കുടുംബവേദി അംഗങ്ങളും അവതരിപ്പിച്ച കലാ-കായിക പരിപാടികൾ കാണികൾക്ക് വേറിട്ട അനുഭവമായി. വൈകുന്നേരം നടന്ന സാംസ്കാരിക സമ്മേളനം കേളി സാംസ്കാരിക കമ്മിറ്റി കൺവീനർ സതീഷ് കുമാർ വളവിൽ ഉദ്ഘാടനം ചെയ്തു.
ഒലയ്യ ഏരിയ പ്രസിഡന്റ് റിയാസ് പള്ളാട്ട് അധ്യക്ഷനായി. സംഘാടകസമിതി ചെയർമാൻ നിജിത് ആമുഖപ്രഭാഷണം നടത്തി.
കേളി രക്ഷാധികാരി സെക്രട്ടറി കെ.പി.എം. സാദിഖ്, കേളി സെക്രട്ടറി സുനിൽ, പ്രസിഡന്റ് ഗഫൂർ ആനമങ്ങാട്, രക്ഷാധികാരി അംഗങ്ങളായ ഫിറോസ് തയ്യിൽ, സെബിൻ ഇഖ്ബാൽ, സുരേന്ദ്രൻ കൂട്ടായി, കേളി ജോയിന്റ് സെക്രട്ടറി ഷാജി റസാഖ്, മുഖ്യ സ്പോൺസറായ ആയുർ ഫിസിയോതെറാപ്പി സെന്റർ സിഇഒ ഷൈജു എന്നിവർ ആശംസകൾ നേർന്നു.
കേളി മുഖ്യ രക്ഷാധികാരി സമിതി അംഗങ്ങൾ, സെക്രട്ടറിയേറ്റ് അംഗങ്ങൾ, കേന്ദ്ര കമ്മിറ്റി അംഗങ്ങൾ, സാറ്റ്കോ എംഡി കരീം പൈങ്ങോട്ടൂർ എന്നിവർ വേദിയിൽ സന്നിഹിതരായിരുന്നു. ഒലയ്യ ഏരിയ സെക്രട്ടറി യു.സി. നൗഫൽ സ്വാഗതവും കുടുംബവേദി സെക്രട്ടറി ഷഹീബ നന്ദിയും പറഞ്ഞു.
കേളി ഒലയ ഏരിയയിലെയും കുടുംബവേദിയിലെയും മറ്റു ഏരിയകളിലെയും അംഗങ്ങളുടെ സജീവ പങ്കാളിത്തവും ആഘോഷത്തെ അവിസ്മരണീയമാക്കി.
Middle East and Gulf
ദിബ്ബ: കൈരളി കൾച്ചറൽ അസോസിയേഷൻ ദിബ്ബ യൂണിറ്റ് സമ്മേളനം ദിബ്ബ ബംഗ്ലാദേശ് അസോസിയേഷൻ ഹാളിൽ നടന്നു. യൂണിറ്റ് പ്രസിഡന്റ് സുനിൽ ദത്തിന്‍റെ അധ്യക്ഷതയിൽ ചേർന്ന സമ്മേളനം കൈരളി സെൻട്രൽ കമ്മിറ്റി മുൻ സെക്രട്ടറി സന്തോഷ് ഓമല്ലൂർ ഉദ്ഘാടനം ചെയ്തു.
സെൻട്രൽ കമ്മിറ്റി പ്രസിഡന്റ് വിൽസൺ പട്ടാഴി, സെൻട്രൽ കമ്മിറ്റി സെക്രട്ടറി വി.പി. സുജിത്ത്, സെൻട്രൽ കമ്മിറ്റി വൈസ് പ്രസിഡന്റ് റാഷിദ്‌ കല്ലുംപുറം, സെൻട്രൽ കമ്മിറ്റി അംഗം ഷജറത്ത് ഹർഷൽ എന്നിവർ ആശംസകൾ അറിയിച്ചു.
രാഗി സുനിൽ ദത്ത് അനുശോചന പ്രമേയം അവതരിപ്പിച്ചു. യൂണിറ്റ് സെക്രട്ടറി കെ.എൽ. അഷ്റഫ് പ്രവർത്തന റിപ്പോർട്ടും ട്രഷറർ ഷജറത്‌ ഹർഷൽ സാമ്പത്തിക റിപ്പോർട്ടും കൈരളി സെൻട്രൽ കമ്മിറ്റി അംഗം അഷ്റഫ് പിലാക്കൽ സംഘടനാ റിപ്പോർട്ടും അവതരിപ്പിച്ചു. അബ്ദുള്ള, ശശികുമാർ അകാമിയ എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു.
കൈരളി കൾച്ചറൽ അസോസിയേഷൻ ദിബ്ബ യൂണിറ്റിന്റെ പുതിയ ഭാരവാഹികളായി സുനിൽ ദത്ത് (പ്രസിഡന്റ്), കെ.എൽ. അഷ്റഫ് (സെക്രട്ടറി), ഷജറത്ത് ഹർഷൽ (ട്രഷറർ), സുബൈർ (വൈസ് പ്രസിഡന്റ്), ശ്രീജിത്ത് (ജോയിന്റ് സെക്രട്ടറി), സാബു (ജോയിന്റ് ട്രഷറർ) എന്നിവരെ തെരഞ്ഞെടുത്തു.
രാഗി (കൾച്ചറൽ കൺവീനർ) ഉൾപ്പെടെ 30 അംഗ യൂണിറ്റ് കമ്മിറ്റിയെയും താഹിറ കൺവീനറായി യൂണിറ്റ് വനിതാ വിഭാഗം കമ്മിറ്റിയേയും സമ്മേളനം തെരഞ്ഞെടുക്കുകയുണ്ടായി.
America
ഡാളസ്: ഡാളസിൽ നോർത്ത് ടെക്സസ് കോപ്പൽ പോസ്റ്റൽ സർവീസ് മലയാളി ജീവനക്കാരുടെ ആഭിമുഖ്യത്തിൽ 2026-ൽ വിരമിച്ച അഞ്ച് ജീവനക്കാർക്ക് നപ്പ് നൽകി.35
ഗ്രാപെവിനിൽ നടന്ന ചടങ്ങിൽ ബാബു ജോസ്, ബിജിലി ബാബു, ജോൺ മാത്യു, തോമസ്, മേരി ടീച്ചർ എന്നിവരെയാണ് ആദരിച്ചത്. തോമസ് തൈമുറിയിൽ സ്വാഗതം ആശംസിച്ച യോഗത്തിൽ ഫാ. ജോസഫ് കുര്യൻ പ്രാർഥന നിർവഹിച്ചു.
സഹപ്രവർത്തകരും കുടുംബാംഗങ്ങളും പങ്കെടുത്ത ചടങ്ങിൽ, എംഡിഒ അനുപ് ചെറിയൻ, സൂപ്പർവൈസർമാരായ സാബു മാത്യു, ജോസഫ് ജോർജ് എന്നിവർ ചേർന്ന് ഉപഹാരങ്ങൾ സമ്മാനിച്ചു.
America
ഹൂസ്റ്റൺ: ഇന്റർനാഷണൽ പ്രെയർ ലൈൻ (ഐപിഎൽ) ഓൺലൈൻ പ്രാർത്ഥനാ കൂട്ടായ്മയുടെ 649-ാമത് സെഷൻ ടെലിഫോൺ കോൺഫറൻസ് വഴി വിപുലമായ പങ്കാളിത്തത്തോടെ സംഘടിപ്പിച്ചു.
അമേരിക്കയുടെ വിവിധ ഭാഗങ്ങളിൽ നിന്നുള്ള നിരവധിയാളുകൾ പ്രാർഥനായോഗത്തിൽ പങ്കെടുത്തു. ഡിട്രോയിറ്റിൽ നിന്നുള്ള സി. വി. സാമുവലിന്‍റെ സ്വാഗതത്തോടും ആമുഖ സന്ദേശത്തോടും കൂടി ആരംഭിച്ച യോഗത്തിൽ ഫിലാഡൽഫിയയിൽ നിന്നുള്ള സന്തോഷ് അബ്രഹാം പ്രാരംഭ പ്രാർഥന നടത്തി.
ഡാളസിൽ നിന്നുള്ള ഷാജി രാമപുരം വിശുദ്ധ വേദപുസ്തകത്തിൽ നിന്ന് 2 പത്രോസ് 3:14-18 വരെയുള്ള ഭാഗങ്ങൾ വായിച്ചു. യോഗത്തിൽ തിരുവല്ലയിൽ നിന്നുള്ള പ്രമുഖ ദൈവവചന പ്രാസംഗികൻ പ്രൊഫ. ഡോ. ജോർജ് മാത്യു (ഫിലാഡൽഫിയ) മുഖ്യ പ്രഭാഷണം നടത്തി.
ക്രിസ്തീയ ജീവിതത്തിന്‍റെ പ്രധാന ലക്ഷ്യം യേശുക്രിസ്തുവിന്‍റെ കൃപയിലും പരിജ്ഞാനത്തിലും വളരുക എന്നതാണെന്ന് അദ്ദേഹം ചൂണ്ടിക്കാട്ടി. ഓരോ ദിവസവും ദൈവകൃപയിൽ ആശ്രയിച്ച് മുന്നേറേണ്ടതിന്‍റെയും വചന ധ്യാനത്തിലൂടെയും പ്രാർഥനയിലൂടെയും ക്രിസ്തുവിനെ കൂടുതൽ ആഴത്തിൽ അറിയേണ്ടതിന്‍റെയും ആവശ്യകത അദ്ദേഹം ഓർമിപ്പിച്ചു.
കുടുംബജീവിതത്തിലൂടെയും സമൂഹത്തിലൂടെയും ദൈവനാമം മഹത്വപ്പെടുത്താൻ ഏവരും കടപ്പെട്ടിരിക്കുന്നുവെന്നും അദ്ദേഹം കൂട്ടിച്ചേർത്തു. തുടർന്ന് ഹൂസ്റ്റണിൽ നിന്നുള്ള വൽസ മാത്യു ലോക സമാധാനത്തിനും വിവിധ ആവശ്യങ്ങൾക്കുമായി മധ്യസ്ഥ പ്രാർഥനയ്ക്ക് നേതൃത്വം നൽകി.
ഹൂസ്റ്റണിൽ നിന്നുള്ള ടി. എ. മാത്യു നന്ദിയും അറിയിപ്പുകളും രേഖപ്പെടുത്തി. ലബ്ബോക്കിൽ നിന്നുള്ള റവ. ജെയിംസ് കെ. ജോണിന്‍റെ സമാപന പ്രാർഥനയോടും ആശീർവാദത്തോടും കൂടി യോഗം പരിസമാപ്തിയിലെത്തി.
ഷിജു ജോർജ്, ജോസഫ് ടി. ജോർജ് (രാജു) എന്നിവർ സാങ്കേതിക സഹായങ്ങൾ ഏകോപിപ്പിച്ചു. ഐപിഎൽ പ്രാർഥനായോഗത്തിന്‍റെ 650-ാമത് സെഷൻ ഈ മാസം 27ന് നടക്കും.
ന്യൂജഴ്സിയിൽ നിന്നുള്ള റവ. പ്രതേഷ് ഉമ്മൻ യോഗത്തിൽ വചനസന്ദേശം നൽകും. കൂടുതൽ വിവരങ്ങൾക്കും പ്രാർഥനയിൽ പങ്കുചേരുന്നതിനുമായി 1-712-770-4821 (Access Code: 530464#) എന്ന നമ്പറിൽ ബന്ധപ്പെടാവുന്നതാണ്.
Europe
ബെർലിൻ: ഉയർന്ന ജീവിതച്ചെലവിനെതിരേ ഫ്രാൻസിലും ഇറ്റലിയിലും വലിയ തോതിലുള്ള കലാപങ്ങളും പ്രതിഷേധങ്ങളും കൊള്ളയും തുടരുകയാണ്.
ഫ്രാൻസിൽ മാത്രം 5,50,000-ത്തോളം ആളുകൾ തെരുവിലിറങ്ങുകയും അക്രമ സംഭവങ്ങളിൽ 1,800-ലധികം പേരെ അറസ്റ്റ് ചെയ്യുകയും ചെയ്തു. നൂറുക കണക്കിന് സുരക്ഷാ ഉദ്യോഗസ്ഥർക്കും പരിക്കേറ്റിട്ടുണ്ട്.
ചരിത്രപ്രസിദ്ധമായ റൗണ്ട് ഹൗസ് കത്തുന്നു
ഫ്രാൻസിലെ ലിമോഗസ് നഗരത്തിൽ പ്രതിഷേധത്തിനിടയിൽ മുഖംമൂടി ധരിച്ചെത്തിയ സംഘം ചരിത്രപ്രസിദ്ധമായ മുൻസിപ്പൽ കെട്ടിടത്തിന് തീയിട്ടത് വലിയ ഞെട്ടലാണ് ഉണ്ടാക്കിയിരിക്കുന്നത്.
നാസി ജർമനിക്കെതിരേ പോരാടിയ ഫ്രഞ്ച് പ്രതിരോധ പ്രസ്ഥാനത്തിന്‍റെ പ്രമുഖ കേന്ദ്രമായിരുന്നു ഈ കെട്ടിടം. പാരീസ്, മാർസൈൽ, ലിയോൺ തുടങ്ങിയ പ്രധാന നഗരങ്ങളിലും കനത്ത അക്രമങ്ങൾ റിപ്പോർട്ട് ചെയ്യപ്പെട്ടിട്ടുണ്ട്.
ഫ്രാൻസിന് പുറമെ ഇറ്റലിയുടെ ഫാഷൻ തലസ്ഥാനമായ മിലാനിലും ഞായറാഴ്ച രാത്രി കനത്ത സംഘർഷങ്ങളും അക്രമങ്ങളും അരങ്ങേറി. കുറഞ്ഞത് 160 പേരെയാണ് അവിടെ അറസ്റ്റ് ചെയ്തത്.
യൂറോപ്പിന്‍റെ സുരക്ഷയ്ക്ക് കനത്ത ഭീഷണി: വിദഗ്ധർ
ഈ അക്രമങ്ങൾക്ക് പിന്നിൽ സമാധാനപരമായ പ്രതിഷേധക്കാരല്ലെന്നും മറിച്ച് അക്രമണോത്സുകരായ ഇടത് തീവ്രവാദികളും ചില കുടിയേറ്റ ഗ്രൂപ്പുകളുമാണെന്നും വിദഗ്ധർ ചൂണ്ടിക്കാട്ടുന്നു.
സ്കൂൾ വിദ്യാർഥികളുടെ പ്രതിഷേധങ്ങളെ ഈ തീവ്രവാദ ഗ്രൂപ്പുകൾ ബോധപൂർവം ഹൈജോക്ക് ചെയ്യുകയായിരുന്നു എന്ന് തീവ്രവാദ വിദഗ്ധനായ അഹ്മദ് മൻസൂർ വ്യക്തമാക്കി. ഈ അക്രമങ്ങൾ ജർമനിയിലേക്കും പടരാൻ സാധ്യതയുണ്ടെന്ന് അദ്ദേഹം മുന്നറിയിപ്പ് നൽകുന്നുണ്ട്.
ജർമനിയിലും സമാനമായ സാഹചര്യം സൃഷ്ടിക്കാൻ ചില ഇടത് തീവ്രവാദ ഗ്രൂപ്പുകൾ ബോധപൂർവം ശ്രമിക്കുന്നുണ്ടെന്നും സ്കൂളുകളിൽ നിലവിലുള്ള ചെറിയ അസ്വസ്ഥതകൾ പെട്ടെന്ന് തന്നെ വലിയ സംഘർഷങ്ങളിലേക്ക് വഴിമാറാൻ സാധ്യതയുണ്ടെന്നും അദ്ദേഹം കൂട്ടിച്ചേർത്തു.
വർധിച്ചുവരുന്ന ജീവിതച്ചെലവും കുടിയേറ്റ പ്രശ്നങ്ങളും
ഫ്രാൻസിലെയും യൂറോപ്പിലെയും നിലവിലെ പ്രതിസന്ധികൾക്ക് കാരണം കൃത്യതയില്ലാത്ത കുടിയേറ്റ നയങ്ങളാണെന്ന് ഫ്രാങ്ക്ഫർട്ട് സർവകലാശാലയിലെ ഇസ്‌ലാം വിദഗ്ധയായ സുസാനെ ശ്രോറ്റർ ചൂണ്ടിക്കാട്ടുന്നു.
ചില നഗരങ്ങളിലെ വലിയ പ്രദേശങ്ങൾ സലഫിസ്റ്റ് ഗ്രൂപ്പുകളുടെ നിയന്ത്രണത്തിലാണെന്നും ഇത് ജനാധിപത്യ സമൂഹത്തിന് വലിയ ഭീഷണിയാണെന്നും അവർ മുന്നറിയിപ്പ് നൽകുന്നു.
വർധിച്ചുവരുന്ന ജീവിതച്ചെലവ്, ഉയർന്ന വാടക, സാമ്പത്തിക പ്രതിസന്ധികൾ, തൊഴിലവസരങ്ങളുടെ കുറവ് എന്നിവയും ജനങ്ങളെ നിരാശരാക്കുന്നുണ്ട്.
സമൂഹത്തിൽ നിലനിൽക്കുന്ന ഈ അരക്ഷിതാവസ്ഥ യൂറോപ്പിന്‍റെ നിലനിൽപ്പിന് തന്നെ വെല്ലുവിളിയായി മാറിയിരിക്കുകയാണ്.
Middle East and Gulf
റിയാദ്: റിയാദ് കേളി കലാസാംസ്കാരിക വേദി പ്രവർത്തകരുടെ മക്കൾക്കായി ഏർപ്പെടുത്തിയ "പ്രതീക്ഷ' വിദ്യാഭ്യാസ പുരസ്കാരം മലപ്പുറം ജില്ലയിൽ വിതരണം ചെയ്തു.
എസ്എസ്എൽസി, പ്ലസ് ടു പരീക്ഷകളിൽ വിജയിച്ച് ഉപരിപഠനത്തിന് അർഹത നേടിയ വിദ്യാർഥികളെ പ്രോത്സാഹിപ്പിക്കുന്നതിനായി ക്യാഷ് അവാർഡും മൊമന്‍റോയും ഉൾപ്പെടുത്തിയാണ് കേളി പുരസ്കാരം നൽകുന്നത്.
സിപിഎം മലപ്പുറം ജില്ലാ കമ്മിറ്റി ഓഡിറ്റോറിയത്തിൽ നടന്ന പരിപാടിയിൽ കേളി രക്ഷാധികാരി സമിതി മുൻ അംഗം ഗോപിനാഥൻ വേങ്ങര അധ്യക്ഷനായി.
Middle East and Gulf
അബുദാബി: മിഡിൽ ഈസ്റ്റിലെ പ്രമുഖ റീട്ടെയിൽ ശൃംഖലകളിലൊന്നായ അൽ മദീന ഹൈപ്പർമാർക്കറ്റ്, ഒരുക്കുന്ന വാർഷിക പ്രമോഷനായ വിന്‍റർ ഡ്രൈവ് സീസൺ 15 ഔദ്യോഗികമായി അവതരിപ്പിച്ചു.
പ്രമോഷന്‍റെ 15-ാം വാർഷികത്തോടനുബന്ധിച്ച് വ്യാഴാഴ്ച (ഒക്ടോബർ 22) മുതൽ 2027 ജനുവരി 24 വരെ അബുദാബിയിലെ അൽ മദീനയുടെ 19 ശാഖകളിലും പ്രമോഷൻ നടക്കും.
ആറ് ഡോംഗ്ഫെംഗ് മേജ് കാറുകൾ ഉൾപ്പെടെ നിരവധി ആകർഷകമായ സമ്മാനങ്ങളാണ് ഉപഭോക്താക്കളെ കാത്തിരിക്കുന്നത്. ഓരോ 15 ദിവസം കൂടുമ്പോഴും ഒരു കാർ നേടാനുള്ള അവസരമുണ്ട്.
ഐഫോണുകൾ, ഫ്രിഡ്ജുകൾ, വാഷിംഗ് മെഷീനുകൾ, ടെലിവിഷനുകൾ തുടങ്ങി നിരവധി സമ്മാനങ്ങളും ലഭിക്കും. 50 ദിർഹത്തിന്‍റെ പർച്ചേസിലൂടെ ഉപഭോക്താക്കൾക്ക് പ്രമോഷനിൽ പങ്കെടുക്കാം.
വിന്‍റർ ഡ്രൈവ് സീസൺ 15-ന്റെ ലോഗോ വ്യത്യസ്തവും നൂതനവുമായ രീതിയിലാണ് അവതരിപ്പിച്ചത്. എഐ സാങ്കേതികവിദ്യ ഉപയോഗിച്ചുള്ള റോബോട്ടിന്‍റെ സാന്നിധ്യത്തിൽ കമ്പനി ഡയറക്ടർമാരും മുതിർന്ന മാനേജ്മെന്റ് പ്രതിനിധികളും ചേർന്ന് ലോഗോ പ്രകാശനം ചെയ്തു.
അൽ മദീന അബുദാബി ഡയറക്ടർമാരായ ഷഹബാസ് സലാം, ഫൈസ് മുഹമ്മദ് പൊയിൽ, പി.കെ. മുഹമ്മദ് എന്നിവർ ചടങ്ങിൽ പങ്കെടുത്തു. അസിസ്റ്റന്‍റ് ജനറൽ മാനേജർ ഷഫീഖ് ഹമീദ്, ഓപ്പറേഷൻസ് മാനേജർ ലക്കി രാമചന്ദ്രൻ, പർച്ചേസ് മാനേജർ ഷഫീർ കൊളക്കാട്ടിൽ എന്നിവരും സന്നിഹിതരായിരുന്നു.
1971-ൽ സ്ഥാപിതമായ അൽ മദീന ഹൈപ്പർമാർക്കറ്റ് ഇന്ന് എമിറേറ്റിലെ വിവിധ പ്രധാന മേഖലകളിലായി 19 ശാഖകളുമായി പ്രവർത്തിക്കുന്നു.
വിപുലീകരണ പദ്ധതികളുടെ ഭാഗമായി, അടുത്ത മൂന്ന് മാസത്തിനുള്ളിൽ അബുദാബിയിലെ ഷവാമേഖിൽ 75,000 ചതുരശ്ര അടി വിസ്തീർണമുള്ള ഷോപ്പിംഗ് മാൾ ആരംഭിക്കാനാണ് അൽ മദീന ഗ്രൂപ്പിന്‍റെ ലക്ഷ്യം.
കൂടാതെ, 2027-ന്റെ ആദ്യ പാദത്തിൽ എംബി സെഡ് സിറ്റിയിലും ഷാബൂത്തിലുമായി രണ്ട് പുതിയ ഹൈപ്പർമാർക്കറ്റുകൾ കൂടി തുറക്കാനും പദ്ധതിയുണ്ട്.
നിലവിലുള്ള 19 ശാഖകൾ 2028 അവസാനത്തോടെ 36 ആയി ഉയർത്തുക എന്നതാണ് കമ്പനിയുടെ പ്രധാന ലക്ഷ്യം.
Middle East and Gulf
മനാമ: തുടർചികിത്സാർഥം നാട്ടിലേക്ക് മടങ്ങുന്ന കൊല്ലം സ്വദേശിനിക്ക് കൊല്ലം പ്രവാസി അസോസിയേഷൻ യാത്രാ ടിക്കറ്റ് നൽകി സഹായിച്ചു. കഴിഞ്ഞ കുറച്ചുവർഷങ്ങളായി തുച്ഛമായ വേദനത്തിൽ ജോലി ചെയ്തു വരുകയായിരുന്നു ഇവർ.
ശാരീരിക ബുദ്ധിമുട്ടുകൾ കാരണം ദിവസങ്ങളായി ജോലിക്ക് പോകാൻ സാധിക്കാത്തതിനാൽ ഭക്ഷണത്തിനു പോലും ബുദ്ധിമുട്ടിയ സാഹചര്യം ഉണ്ടായി. കെപിഎ ചാരിറ്റി വിംഗിന്‍റെയും വനിതാ വിഭാഗമായ പ്രവാസിശ്രീയുടെയും നേതൃത്വത്തിലാണ് യാത്രാ ടിക്കറ്റ് കൈമാറിയത്.
കെപിഎ വർക്കിംഗ് പ്രസിഡന്റ് രാജ് കൃഷ്ണൻ, ഓർഗനൈസിംഗ് സെക്രട്ടറി അനൂപ് തങ്കച്ചൻ, സെക്രട്ടറി വി.എം. പ്രമോദ്, ചാരിറ്റി വിംഗ് കൺവീനർ നവാസ് കുണ്ടറ, മനാമ ഏരിയ കോഓർഡിനേറ്റർ ഷമീർ സലീം, പ്രവാസിശ്രീ അസിസ്റ്റന്‍റ് ചെയർപേഴ്സൺ ഷാമില ഇസ്മായീൽ എന്നിവർ സന്നിഹിതരായിരുന്നു.
Europe
ഡബ്ലിൻ: യുവജനങ്ങൾക്കും കുടുംബങ്ങൾക്കും ആത്മീയ കരുത്തേകുന്നതിനായി ലീമെറിക്ക് സെന്റ് മേരീസ് സീറോമലബാർ ഇടവകയുടെ ആഭിമുഖ്യത്തിൽ യുവജന ധ്യാനവും ദമ്പതി ധ്യാനവും സംഘടിപ്പിക്കുന്നു.
"ENCOUNTER' എന്ന പേരിൽ യുവജനങ്ങൾക്കായുള്ള ധ്യാനം ഒക്ടോബർ 31, നവംബർ ഒന്ന് തീയതികളിൽ രാവിലെ 10 മുതൽ വൈകുന്നേരം അഞ്ച് വരെ കിൽഡിമോയിലെ സെന്റ് ജോസഫ്സ് ചർച്ചിൽ നടക്കും.
ദമ്പതികൾക്കായുള്ള "COVENANT' ധ്യാനം നവംബർ അഞ്ച്, ആറ്, ഏഴ് തീയതികളിൽ വൈകുന്നേരം നാല് മുതൽ രാത്രി ഒമ്പത് വരെ ഇതേ വേദിയിൽ നടക്കും.
ധ്യാനങ്ങളുടെ സമാപന ദിവസമായ നവംബർ എട്ടിന് Dooradoyleയിലെ സെന്റ് പോൾസ് ചർച്ചിൽ ഉച്ചകഴിഞ്ഞ് 2.30ന് വിശുദ്ധ കുർബാനയോടെ ആരംഭിക്കുന്ന ശുശ്രൂഷകൾ രാത്രി ഏഴിന് സമാപിക്കും.
വിവിധ രാജ്യങ്ങളിൽ കർത്താവിന്‍റെ സുവിശേഷം പ്രഘോഷിക്കുന്ന അനുഗ്രഹീത വചനപ്രഘോഷകനായ ബ്രദർ റെജി കൊട്ടാരം ധ്യാനങ്ങൾക്ക് നേതൃത്വം നൽകും. ലീമെറിക്ക് രൂപതാധ്യക്ഷൻ മാർ ബ്രണ്ടൻ ലീഹി ധ്യാനങ്ങൾക്ക് എല്ലാ വിധ പ്രാർഥനകളും ആശംസിച്ചു.
അയർലൻഡിന്‍റെ വിവിധ ഭാഗങ്ങളിൽ താമസിക്കുന്ന യുവജനങ്ങളെയും ദമ്പതികളെയും ധ്യാനത്തിലേക്ക് ക്ഷണിക്കുന്നതായി വികാരി ഫാ. പ്രിൻസ് മാലിയിൽ അറിയിച്ചു.
ധ്യാനങ്ങളുടെ രജിസ്ട്രേഷനും കൂടുതൽ വിവരങ്ങൾക്കും: മോനച്ചൻ നാരകത്തറ - 087 755 3271, ജോഷൻ കെ. ആന്‍റണി - 089 975 3535.
America
ഡാളസ്: കവിയൂർ കിഴക്കനേത്തു ഡോ. രാജു ജേക്കബ് ഡാളസിൽ അന്തരിച്ചു. പരേതൻ പത്തനംതിട്ട കാതോലിക്കേറ്റ് കോളജ് ബോട്ടണി വിഭാഗം പ്രഫസറായി 1968 മുതൽ 1976 വരെ സേവനം അനുഷ്ഠിച്ചിട്ടുണ്ട്.
ഭാര്യ: സാലി ജേക്കബ് റാന്നി മന്നമരുതി പനവേലിൽ കുടുംബാംഗമാണ്. തിരുവല്ല മാർത്തോമ്മ കോളജിൽ 1969 - 71 വർഷങ്ങളിൽ അധ്യാപികയായിരുന്നു.
മക്കൾ: ഡോ. സ്വപ്ന ജേക്കബ്, ഡോ. സൂരജ് ജേക്കബ്. മരുമക്കൾ: ഡോ.കിരൺ ജോയ് ഫിലിപ്പ്, ഡോ. ഷഹീൻ ജേക്കബ്.
പൊതുദർശനവും സംസ്കാരവും ശനിയാഴ്ച കോപ്പൽ റോളിംഗ് ഓക്സ് മെമ്മോറിയൽ സെന്‍ററിൽ 10 മുതൽ നടത്തപ്പെടും.
അഡ്രസ്: Rolling Oaks Memorial Center, 400 freeport Parkway, Coppell, Texas 75019.
America
ന്യൂയോർക്ക്: അമേരിക്കൻ മലയാളികളുടെ പ്രമുഖ സംഘടനയായ ഫൊക്കാനയുടെ വനിതാ ഫോറത്തിന്‍റെ 2026-2028 വർഷത്തെ പ്രവർത്തനോദ്ഘാടനം കേരള നിയമസഭയുടെ ഡെപ്യൂട്ടി സ്പീക്കർ ഷാനിമോൾ ഉസ്മാൻ നിർവഹിച്ചു.
ഓൺലൈനായിയാണ് ചടങ്ങു സംഘടിപ്പിച്ചത്. അമേരിക്കയുടെയും കാനഡയുടെയും വിവിധ രാജ്യങ്ങളിൽ നിന്നും വിദേശങ്ങളിൽ നിന്നും ആളുകൾ പങ്കെടുത്തു.
അമേരിക്കൻ മലയാളി വനിതകളുടെ സാമൂഹികവും വിദ്യാഭാസപരവും തൊഴിൽപരവുമായ മുന്നേറ്റത്തിനായി പ്രവർത്തിക്കുന്ന ഫൊക്കാന വനിതാ ഫോറത്തിന്‍റെ പുതിയ പ്രവർത്തനങ്ങൾക്ക് ഈ ചടങ്ങു ഊർജം പകർന്നു.
വനിതാ ഫോറത്തിന്‍റെ പ്രവർത്തനോദ്ഘാടനം ബോധവത്കരണ മാസത്തോടനുബന്ധിച്ചു നടത്തിയത് ആരോഗ്യ സംരക്ഷണത്തിന്‍റെയും രോഗ പ്രീതിരോധത്തിന്‍റെയും പ്രാധാന്യം ഓർമിപ്പിക്കുന്നതാണ് എന്ന് ഷാനിമോൾ ഉസ്മാൻ പറഞ്ഞു.
സ്ത്രീകളുടെ ആരോഗ്യവും ക്ഷേമവും ഒരു കുടുംബത്തിന്‍റെയും സമൂഹത്തിന്‍റെയും പുരോഗതിയുടെ അടിത്തറയാണ്. ആരോഗ്യമാണ് നമ്മുടെ ശക്തി, അവബോധമാണ് നമ്മുടെ കരുത്തു. നമുക്ക് ഒരുമിച്ചു ബോധവത്കരണത്തിന്‍റെ വെളിച്ചം പകരാം. ഓരോ സ്ത്രീയിലേക്കും ആരോഗ്യ സന്ദേശം എത്തിക്കാം. ആരോഗ്യകരമായ ഒരു സമൂഹത്തിനായി നമുക്ക് ഒന്നിച്ചു കൈകോർക്കാം എന്നും ഡെപ്യൂട്ടി സ്പീക്കർ ഷാനിമോൾ ഉസ്മാൻ ആഹ്വനം ചെയ്തു.
വനിതാ ഫോറം ചെയർപേഴ്സൺ ഡോ. ഷൈനി രാജു 2026-2028 കാലയളവിലെ മുൻഗണനകളും പുതിയ പദ്ധതികളും അവതരിപ്പിക്കുകയും ഏവരെയും സ്വാഗതം ചെയ്യുകയും ഷാനിമോൾ ഉസ്മാനെ ഔദ്യോഗിക ഉദ്ഘാടനം നിർവഹിക്കുവാൻ ക്ഷണിക്കുകയും ചെയ്തു.
മൗനപ്രാർഥനയോടു കൂടി ആരംഭിച്ച സമ്മേളനത്തിൽ നാഷണൽ കമ്മിറ്റി അംഗം സുഷ്മ പ്രവീൺ പ്രാർഥന ഗാനം ആലപിച്ചു. ഫൊക്കാന പ്രസിഡന്റ് ഫിലിപ്പോസ് ഫിലിപ്പ് ആമുഖ പ്രസംഗം നടത്തി.
അമേരിക്കൻ മലയാളി സമൂഹത്തിലെ വനിതകളുടെ സജീവ പങ്കാളിത്തവും സഹകരണവും ഉണ്ടായതു എടുത്തു പറയേണ്ടതാണെന്നും ഇത് സങ്കടിപ്പിച്ച വനിതാ ഫോറം ചുമതലക്കാരെ അനുമോദിക്കുകയും ചെയ്തു.
ഇങ്ങനെയുള്ള കൂട്ടായ്മകൾ സ്ത്രീകൾക്ക് മാനസിക പിന്തുണ നൽകുന്നതിനും, ആരോഗ്യ പരിരക്ഷയെക്കുറിച്ചുള്ള അവബോധം വർധിപ്പിക്കുന്നതിനും സഹായകരമാകുമെന്ന് പ്രസിഡന്റ് ഫിലിപ്പോസ് ഫിലിപ്പ് പറഞ്ഞു.
America
ഒഹായോ: ഇൻഡോ-അമേരിക്കൻ പ്രസ് ക്ലബിന്‍റെ (IAPC) പതിനൊന്നാമത് വാർഷിക അന്താരാഷ്ട്ര മാധ്യമ സമ്മേളനത്തിന് (IMC 2026) ഒഹായോയിലെ സിൻസിനാറ്റിയിൽ തുടക്കം.
ഒക്ടോബർ 16 മുതൽ 18 വരെ ഷാരോൺവില്ലിലെ ഡെൽറ്റ ഹോട്ടൽസ് ബൈ മാരിയറ്റിൽ നടക്കുന്ന സമ്മേളനം, ആഗോള മാധ്യമപ്രവർത്തനം, നയതന്ത്രം, പ്രവാസി നേതൃത്വം എന്നിവയുടെ സംഗമവേദിയായി മാറി.
ഒഹായോ മുൻ അസംബ്ലിമാൻ നീരജ് അന്താനി, ഐഎപിസി ബോർഡ് ഓഫ് ഡയറക്ടേഴ്സ് ചെയർമാൻ ഡോ. സതീഷ് കതുല, സ്ഥാപക ചെയർമാൻ ജിൻസ്‌മോൻ സക്കറിയ, സ്ഥാപക പ്രസിഡന്റ് അജയ് ഘോഷ്, ബോർഡ് അംഗങ്ങളായ ഡോ. ബാബു സ്റ്റീഫൻ, പർവീൺ ചോപ്ര, സി.ജി. ഡാനിയൽ, ഷാൻ ജസ്റ്റസ്, മീര ശങ്കർ, സാജൻ വർഗീസ് എന്നിവർ ചേർന്ന് ഭദ്രദീപം കൊളുത്തി സമ്മേളനം ഔദ്യോഗികമായി ഉദ്ഘാടനം ചെയ്തു.
വിവിധ ഭൂഖണ്ഡങ്ങളിൽ നിന്നുള്ള മാധ്യമപ്രവർത്തകർ, നയതന്ത്രജ്ഞർ, എഴുത്തുകാർ, സാമൂഹിക നേതാക്കൾ എന്നിവരുടെ ആശയവിനിമയങ്ങൾ കൊണ്ട് സമ്മേളന നഗരി ശ്രദ്ധേയമായി. വെല്ലുവിളികൾക്കിടയിലും സത്യത്തിന്‍റെ ഏറ്റവും ശക്തമായ ഉപകരണമായി മാധ്യമപ്രവർത്തനം നിലകൊള്ളുന്നുവെന്നതിന്‍റെ ഓർമപ്പെടുത്തലായി സമ്മേളനം മാറി.
അഭൂതപൂർവമായ മാധ്യമ പരിവർത്തനത്തിന്‍റെ ഈ കാലഘട്ടത്തിൽ അർഥവത്തായ സംവാദങ്ങളും പ്രഫഷണൽ സഹകരണവും ഉത്തരവാദിത്തമുള്ള മാധ്യമപ്രവർത്തനവും വളർത്തിയെടുക്കാൻ വിവിധ ഭൂഖണ്ഡങ്ങളിലെ മാധ്യമപ്രവർത്തകരെയും ചിന്തകരെയും ഒന്നിപ്പിക്കുന്നതിനുള്ള പ്രതിജ്ഞാബദ്ധതയാണ് ഐഎംസി 2026 പ്രതിഫലിപ്പിക്കുന്നതെന്ന് ഡോ. സതീഷ് കതുല തന്റെ പ്രസംഗത്തിൽ പറഞ്ഞു.
മുഖ്യപ്രഭാഷണം നടത്തിയ മുൻ അസംബ്ലിമാൻ നീരജ് അന്താനി, ഇന്ത്യൻ-അമേരിക്കൻ മാധ്യമങ്ങളുടെ സ്വാധീനത്തെക്കുറിച്ച് അനുസ്മരിച്ചു. 2014-ലെ തന്റെ തെരഞ്ഞെടുപ്പ് വാർത്തകൾ ഭൂഖണ്ഡങ്ങൾക്കപ്പുറമുള്ള സമൂഹങ്ങളെ എങ്ങനെ ബന്ധിപ്പിച്ചു എന്നും ഗോപാൽ രാജുവിന്‍റെ മാധ്യമ പൈതൃകത്തെയും അദ്ദേഹം ഓർമിപ്പിച്ചു.
ആരോഗ്യമേഖല, ഐ.ടി, ഹോസ്പിറ്റാലിറ്റി, അക്കാദമിക് രംഗം, ഫോർച്യൂൺ 500 കമ്പനികൾ എന്നിവയിൽ ഇന്ത്യൻ-അമേരിക്കൻ സമൂഹം ചെലുത്തുന്ന വലിയ സ്വാധീനത്തെക്കുറിച്ച് ഐഎപിസി മുൻ ചെയർമാൻ ഡോ. ബാബു സ്റ്റീഫൻ സംസാരിച്ചു.
നടിയും മാധ്യമപ്രവർത്തകയുമായ മീര നായർ അവതരിപ്പിച്ച "കറുകറെ കാർമുകിൽ' എന്ന നൃത്തശില്പം സദസിനെ ദൈവത്തിന്‍റെ സ്വന്തം നാടായ കേരളത്തിലേക്ക് കൂട്ടിക്കൊണ്ടുപോയി. പ്രശസ്ത ആചാര്യൻ പത്മഭൂഷൺ കാവാലം നാരായണപ്പണിക്കരുടെ കീഴിൽ പരിശീലനം നേടിയ മീര നായരുടെ ഈ നൃത്തം ചിട്ടപ്പെടുത്തിയത് ഉമ തപസ്യാനന്ദയാണ്.
കേരളത്തിലെ മഴയുടെയും ജലത്തിന്‍റെയും ജീവസുറ്റ ഭാവങ്ങളെ ആസ്പദമാക്കിയുള്ള പ്രകടനം കാണികളുടെ പ്രശംസ പിടിച്ചുപറ്റി.
പ്രമുഖരുടെ സംഗമം
വടക്കേ അമേരിക്ക, ഇന്ത്യ, യൂറോപ്പ്, മിഡിൽ ഈസ്റ്റ് എന്നിവിടങ്ങളിൽ നിന്നുള്ള മാധ്യമപ്രവർത്തകർക്കും എഡിറ്റർമാർക്കുമൊപ്പം പ്രമുഖ വ്യക്തിത്വങ്ങളുടെ വലിയൊരു നിര തന്നെ ഈ വർഷത്തെ സമ്മേളനത്തിൽ പങ്കെടുക്കുന്നുണ്ട്:
ഗ്രെഗ് ലാൻഡ്‌സ്മാൻ (യുഎസ് കോൺഗ്രസ്മാൻ), അഫ്താബ് പുരേവാൽ (സിൻസിനാറ്റി മേയർ), നീരജ് അന്താനി (ഒഹായോ മുൻ അസംബ്ലിമാൻ), മാത്യു സാമുവൽ (പ്രശസ്ത ഇൻവെസ്റ്റിഗേറ്റീവ് ജേണലിസ്റ്റ്), മീര നായർ (നടിയും മാധ്യമപ്രവർത്തകയും), നിഹാരിക റൈസാദ (ബോളിവുഡ് നടി).
നിർമ്മിത ബുദ്ധിയുടെയും (എഐ) വേഗത്തിലുള്ള ഡിജിറ്റൽ മാറ്റങ്ങളുടെയും കാലഘട്ടത്തിൽ മാധ്യമപ്രവർത്തനത്തിന്‍റെ ഭാവി എന്തായിരിക്കുമെന്നതിനെക്കുറിച്ച് വിവിധ പാനലുകൾ ചർച്ച ചെയ്തു. ധാർമ്മിക മാധ്യമപ്രവർത്തനം, പ്രവാസി കഥപറച്ചിലുകൾ, ധ്രുവീകരിക്കപ്പെട്ട സമൂഹങ്ങളിൽ മാധ്യമപ്രവർത്തകർക്കുള്ള ഉത്തരവാദിത്തങ്ങൾ എന്നിവയെക്കുറിച്ച് ശില്പശാലകളും നടന്നു.
മീര ശങ്കർ മോഡറേറ്ററായ എഐയും മാധ്യമപ്രവർത്തനത്തിന്‍റെ ഭാവിയും എന്ന മീഡിയ കോൺക്ലേവിൽ ഡോ. സതീഷ് കതുല, മുത്തു മുതലിയാർ, വിനോദ് തരകൻ, റോയ് രത്നവേൽ, പർവീൺ ചോപ്ര, അജയ് ഘോഷ് എന്നിവർ പാനലിസ്റ്റുകളായി പങ്കെടുത്തു.
America
ഹൂസ്റ്റൺ: ഇന്ത്യൻ ക്രിസ്ത്യൻ എക്യുമെനിക്കൽ കമ്മ്യൂണിറ്റി ഓഫ് ഹൂസ്റ്റണിന്‍റെ (ഐസിഇസിഎച്ച്) ആഭിമുഖ്യത്തിൽ സംഘടിപ്പിക്കുന്ന എക്യുമെനിക്കൽ പ്രാർഥനാവാരത്തിന് തുടക്കമായി. ഈ മാസം 18 മുതൽ 24 വരെ നടക്കുന്ന പ്രാർഥനാവാരത്തിൽ എല്ലാ ദിവസവും രാത്രി ഏഴിന് വിവിധ ക്രൈസ്തവ ഇടവകകളുടെ നേതൃത്വത്തിൽ പ്രാർഥനയും വചനശുശ്രൂഷയും നടക്കും.
"മതിലുകളല്ല, പാലങ്ങളാണ് പണിയപ്പെടേണ്ടത്' എന്നതാണ് ഈ വർഷത്തെ പ്രാർഥനാവാരത്തിന്‍റെ മുഖ്യപ്രമേയം. റോമർ 15:5-7 വചനഭാഗത്തെ ആസ്പദമാക്കിയുള്ള ഈ പ്രമേയം ക്രൈസ്തവ ഐക്യത്തിന്റെയും പരസ്പരസ്നേഹത്തിന്‍റെയും സഹകരണത്തിന്‍റെയും പ്രാധാന്യം ഉയർത്തിക്കാട്ടുന്നു.
ഞായറാഴ്ച സെന്റ് തോമസ് ഇവാഞ്ചലിക്കൽ ദേവാലയത്തിൽ നടന്ന പ്രാരംഭ പ്രാർത്ഥനാസംഗമത്തിൽ ഇടവക വികാരി റവ. ഡോ. ജോബി മാത്യു അധ്യക്ഷത വഹിച്ചു. ഐസിഇസിഎച്ച് പ്രസിഡന്റ് ഫാ. ഡോ. ഐസക് ബി. പ്രകാശ് വചനശുശ്രൂഷയ്ക്ക് നേതൃത്വം നൽകി.
ലൗകിക ജ്ഞാനവും ദൈവിക ജ്ഞാനവും തമ്മിലുള്ള വ്യത്യാസം തിരിച്ചറിയാനും നിത്യജീവനെക്കുറിച്ചുള്ള പ്രത്യാശയിൽ ഉറച്ചുനിൽക്കാനും വിശ്വാസികൾക്ക് കഴിയണമെന്ന് അച്ചൻ ഉദ്ബോധിപ്പിച്ചു. ദൈവികജ്ഞാനം പ്രാപിച്ച് വചനാധിഷ്ഠിതമായ ജീവിതത്തിലൂടെ മനുഷ്യനന്മയ്ക്കായി പ്രവർത്തിക്കേണ്ടതിന്‍റെ പ്രാധാന്യവും അച്ചൻ സന്ദേശത്തിൽ വ്യക്തമാക്കി.
ബാബു കൊച്ചുമ്മൻ സ്വാഗതവും പ്രോഗ്രാം കോർഡിനേറ്റർ മിൽറ്റ മാത്യു നന്ദിയും അറിയിച്ചു. റവ. ഫാ. എബ്രഹാം സഖറിയയുടെ (ജെക്കു അച്ചൻ) സമാപന പ്രാർഥനയ്ക്കും ആശിർവാദത്തിനും ശേഷം യോഗം സമാപിച്ചു.
തുടർന്നുള്ള ദിവസങ്ങളിലെ പ്രാർത്ഥനാസംഗമങ്ങൾ
തിങ്കൾ: സെന്റ് പീറ്റേഴ്സ് മലങ്കര കത്തോലിക്കാ ചർച്ച്. വചനശുശ്രൂഷ: റവ. സോനു വർഗീസ്.
ചൊവ്വ: സെന്റ് തോമസ് സിഎസ്ഐ ചർച്ച് ഓഫ് ഗ്രേറ്റർ ഹൂസ്റ്റൺ. വചനശുശ്രൂഷ: റവ. ഫാ. ഡോ. ബിന്നി ഫിലിപ്പ്.
ബുധൻ: സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോക്സ് ചർച്ച്. വചനശുശ്രൂഷ: റവ. ഡോ. ജോസഫ് ജോൺ.
വ്യാഴം: സെന്റ് ജെയിംസ് ക്നാനായ സിറിയൻ ഓർത്തഡോക്സ് ചർച്ച്. വചനശുശ്രൂഷ: റവ. ദീപു എബി ജോൺ.
വെള്ളി: സെന്റ് ഗ്രിഗോറിയോസ് ഓർത്തഡോക്സ് ചർച്ച്. വചനശുശ്രൂഷ: റവ. ഫാ. എബ്രഹാം സഖറിയ (ജെക്കു അച്ചൻ).
ശനി: സെന്റ് ജോസഫ് സീറോമലബാർ കത്തോലിക്കാ ചർച്ച്. വചനശുശ്രൂഷ: റവ.ഫാ. വർഗീസ് തോമസ്.
വിവിധ സഭകളിലെ വിശ്വാസികളെ ഒരുമിപ്പിച്ച് പ്രാർഥനയിലൂടെയും ദൈവവചനത്തിലൂടെയും ക്രൈസ്തവ ഐക്യം കൂടുതൽ ശക്തിപ്പെടുത്തുകയാണ് ഈ പ്രാർഥനാവാരത്തിന്‍റെ ലക്ഷ്യം.
വിവിധ സഭകൾ തമ്മിലുള്ള സ്നേഹവും സഹകരണവും പരസ്പര ധാരണയും വളർത്തുന്നതിനുള്ള ഈ ആത്മീയ കൂട്ടായ്മയിൽ എല്ലാ വിശ്വാസികളും പങ്കുചേരണമെന്ന് സംഘാടകർ അഭ്യർഥിച്ചു.
കൂടുതൽ വിവരങ്ങൾക്ക്: ഷാജൻ ജോർജ് (സെക്രട്ടറി) - 832 452 4195, രാജൻ അങ്ങാടിയിൽ (ട്രഷറർ) - 713 459 4704, എബി മാത്യു (കൺവീനർ) - 832 276 1055, മിൽറ്റ മാത്യു (പ്രോഗ്രാം കോർഡിനേറ്റർ) - 832 744 9691, ജീമോൻ റാന്നി (പിആർഒ) - 832 873 0023.
America
ഡാളസ്: നവംബർ മൂന്നിന് നടക്കുന്ന അമേരിക്കൻ ഇടക്കാല തെരഞ്ഞെടുപ്പിന്‍റെ ഭാഗമായി ടെക്സസിൽ മുൻകൂർ വോട്ടെടുപ്പ് തിങ്കളാഴ്ച ആരംഭിക്കും. ഈ മാസം 30 വരെയാണ് വോട്ടർമാർക്ക് മുൻകൂറായി വോട്ട് രേഖപ്പെടുത്താൻ അവസരം.
ഡാളസ് കൗണ്ടിയിൽ തിങ്കൾ മുതൽ ശനി വരെ രാവിലെ ഏഴ് മുതൽ രാത്രി ഏഴ് വരെയും ഞായറാഴ്ച ഉച്ചയ്ക്ക് 12 മുതൽ വൈകുന്നേരം ആറ് വരെയും വോട്ടെടുപ്പ് കേന്ദ്രങ്ങൾ പ്രവർത്തിക്കും.
ടാറന്‍റ് കൗണ്ടിയിൽ പ്രവൃത്തിദിവസങ്ങളിൽ രാവിലെ എട്ട് മുതൽ വൈകുന്നേരം അഞ്ച് വരെയും ശനിയാഴ്ച രാവിലെ ഏഴ് മുതൽ വൈകുന്നേരം ഏഴ് വരെയും ഞായറാഴ്ച രാവിലെ 10 മുതൽ വൈകുന്നേരം നാല് വരെയുമാണ് വോട്ടെടുപ്പ് സമയം.
കോളിൻ, ഡെന്‍റൺ കൗണ്ടികളിൽ പ്രവൃത്തിദിവസങ്ങളിൽ രാവിലെ എട്ട് മുതൽ വൈകുന്നേരം ആറ് വരെയും ശനിയാഴ്ച രാവിലെ ഏഴ് മുതൽ രാത്രി ഏഴ് വരെയും ഞായറാഴ്ച രാവിലെ 11 മുതൽ വൈകുന്നേരം അഞ്ച് വരെയും വോട്ട് രേഖപ്പെടുത്താം.
നേരിട്ടെത്തി വോട്ട് ചെയ്യുന്നതിന് സാധുവായ ഫോട്ടോ തിരിച്ചറിയൽ രേഖ നിർബന്ധമാണ്. ടെക്സസ് ഡ്രൈവിംഗ് ലൈസൻസ്, സംസ്ഥാന തിരിച്ചറിയൽ കാർഡ്, അമേരിക്കൻ പാസ്‌പോർട്ട്, സൈനിക തിരിച്ചറിയൽ കാർഡ് തുടങ്ങിയവ ഉപയോഗിക്കാം.
വോട്ടെടുപ്പ് കേന്ദ്രങ്ങൾ, പ്രവർത്തനസമയം എന്നിവ സംബന്ധിച്ച കൂടുതൽ വിവരങ്ങൾ ബന്ധപ്പെട്ട കൗണ്ടികളുടെ ഔദ്യോഗിക തെരഞ്ഞെടുപ്പ് വെബ്‌സൈറ്റുകളിൽ ലഭ്യമാണ്. വോട്ടർമാർക്ക് സൗകര്യപ്രദമായ കേന്ദ്രത്തിൽ മുൻകൂർ വോട്ട് രേഖപ്പെടുത്തുന്നതിനുള്ള നിർദേശങ്ങൾ പരിശോധിച്ചശേഷം വോട്ടെടുപ്പിൽ പങ്കെടുക്കാം.
Europe
ലണ്ടൻ: ഇന്ത്യയിൽ ജനാധിപത്യ മൂല്യങ്ങളും തെരഞ്ഞെടുപ്പ് പ്രക്രിയയുടെ സുതാര്യതയും സംരക്ഷിക്കണമെന്ന ആവശ്യവുമായി ലണ്ടനിലെ പാർലമെന്‍റ് സ്ക്വയറിലുള്ള മഹാത്മാഗാന്ധി പ്രതിമയ്ക്ക് മുന്നിൽ ഇന്ത്യൻ ഓവർസീസ് കോൺഗ്രസ് (യുകെ) കേരള ചാപ്റ്ററിന്റെ നേതൃത്വത്തിൽ പ്രതിഷേധ സംഗമം.
ഡൽഹിയിൽ നടക്കുന്ന ജനാധിപത്യ സംരക്ഷണ പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് നൂറുകണക്കിന് പ്രവർത്തകർ അണിനിരന്നതോടെ ലണ്ടനിലെ ഗാന്ധി പ്രതിമയ്ക്ക് മുന്നിലെ വേദി പ്രതിഷേധത്തിന്റെ കേന്ദ്രമായി മാറി.
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കുക, ജനാധിപത്യത്തിന്‍റെ അടിസ്ഥാന മൂല്യങ്ങൾ സംരക്ഷിക്കുക, തെരഞ്ഞെടുപ്പ് സംവിധാനത്തിന്‍റെ സുതാര്യതയും നിഷ്പക്ഷതയും ഉറപ്പാക്കുക തുടങ്ങിയ ആവശ്യങ്ങളുയർത്തിയ പ്ലക്കാർഡുകളുമായി പ്രവർത്തകർ ശക്തമായ മുദ്രാവാക്യങ്ങൾ മുഴക്കി.
ഇന്ത്യയിലെ ജനാധിപത്യ സംരക്ഷണ പോരാട്ടത്തിന് വിദേശമണ്ണിൽനിന്നുള്ള ഐക്യദാർഢ്യം ശക്തമായി പ്രഖ്യാപിക്കുന്നതായിരുന്നു പ്രതിഷേധം. ജനാധിപത്യ സ്ഥാപനങ്ങളുടെ സ്വതന്ത്രമായ പ്രവർത്തനവും തെരഞ്ഞെടുപ്പ് പ്രക്രിയയിലുള്ള ജനങ്ങളുടെ വിശ്വാസവും സംരക്ഷിക്കപ്പെടണമെന്ന ആവശ്യം പ്രതിഷേധക്കാർ ഉയർത്തി.
ഡൽഹിയിൽ ഉയർന്ന പ്രതിഷേധത്തിന്റെ സന്ദേശം അന്താരാഷ്ട്ര തലത്തിൽ എത്തിക്കുന്നതിലും പ്രവാസി സമൂഹത്തിന്റെ ഐക്യദാർഢ്യം പ്രകടിപ്പിക്കുന്നതിലും സംഗമം ശ്രദ്ധേയമായി.
വിദേശരാജ്യങ്ങളിൽ ഈ വിഷയവുമായി ബന്ധപ്പെട്ട് നടന്ന ശ്രദ്ധേയമായ പ്രതിഷേധങ്ങളിലൊന്നായി മാറിയ സംഗമം, ഇന്ത്യയിലെ ജനാധിപത്യവുമായി ബന്ധപ്പെട്ട വിഷയങ്ങളിൽ പ്രവാസി സമൂഹത്തിനുള്ള താത്പര്യവും ഇടപെടലും വിളിച്ചോതുന്നതായി.
പ്രതിഷേധ സംഗമം ഐഒസി യുകെ കേരള ചാപ്റ്റർ ലണ്ടൻ ഏരിയ പ്രസിഡന്റ് സുജു കെ. ഡാനിയേൽ ഉദ്ഘാടനം ചെയ്തു. കേരള ചാപ്റ്റർ മിഡ്ലാൻഡ്സ് ഏരിയ പ്രസിഡന്റ് ഷൈനു ക്ലെയർ മാത്യൂസ് മുഖ്യാതിഥിയായി പങ്കെടുത്ത് ആശംസകൾ നേർന്നു.
Europe
റോം: ഈ മാസം 20 മുതൽ 24 വരെ റോമിൽ നടക്കുന്ന കത്തോലിക്ക കോൺഗ്രസ് ഗ്ലോബൽ മീറ്റിൽ ഡൽഹിയിൽ നിന്നും ഡോ. കെ.സി. ജോർജും ജോബി ജോർജ് നീണ്ടുകുന്നേലും പങ്കെടുക്കും.
44 രാജ്യങ്ങളിൽ നിന്നായി 150-ലധികം പ്രതിനിധികൾ പങ്കെടുക്കുന്ന ഈ ആഗോള സംഗമം സീറോമലബാർ വിശ്വാസസമൂഹത്തിന്‍റെയും അൽമായ നേതൃത്വത്തിന്‍റെയും അന്താരാഷ്ട്ര തലത്തിലുള്ള പ്രധാന കൂടിക്കാഴ്ചയായിരിക്കും.
സമ്മേളനത്തിൽ പങ്കെടുക്കുന്ന പ്രതിനിധികളുമായി ഒക്ടോബർ 22-ന് ലെയോ പതിനാലാമൻ മാർപാപ്പ കൂടിക്കാഴ്ച നടത്തും. സീറോമലബാർ സഭയിലെ അൽമായരുടെ സംഘടനയായ കത്തോലിക്ക കോൺഗ്രസ്, സഭയുടെ അൽമായ പ്രവർത്തനങ്ങൾക്ക് ശക്തമായ നേതൃത്വം നൽകിവരുന്ന സംഘടനയാണ്.
മേജർ ആർച്ച്ബിഷപ് മാർ റാഫേൽ തട്ടിലിന്‍റെ നേതൃത്വത്തിലും ബിഷപ് ലെഗേറ്റ് മാർ റെമിജിയൂസ് ഇഞ്ചനാനിയുടെ മാർഗനിർദേശത്തിലും സീറോമലബാർ സഭയിലെ മറ്റ് സീനിയർ ബിഷപ്പുമാരുടെ സഹകരണത്തോടെയുമാണ് കത്തോലിക്ക കോൺഗ്രസ് പ്രവർത്തിക്കുന്നത്
പരിപാടിയിൽ പങ്കെടുക്കുന്നതിൽ ഏറെ സന്തോഷവും പ്രതീക്ഷയുമുണ്ടെന്ന് ഡോ. കെ.സി. ജോർജും ജോബി നീണ്ടുകുന്നേലും അറിയിച്ചു. വിശ്വാസം, സ്നേഹം, സേവനം, സാമൂഹിക ഉത്തരവാദിത്വം എന്നിവയുടെ സന്ദേശം കൂടുതൽ ശക്തമായി ലോകത്തിനു മുന്നിൽ അവതരിപ്പിക്കുന്നതിനും വിവിധ രാജ്യങ്ങളിൽ നിന്നുള്ള കത്തോലിക്കാ പ്രതിനിധികളുമായി ആശയവിനിമയം നടത്തുന്നതിനും ഈ സംഗമം സഹായകരമാകുമെന്ന് അവർ പ്രത്യാശ പ്രകടിപ്പിച്ചു.
മാർപാപ്പയെ നേരിൽ കാണാൻ കഴിയുമെന്നത് സംഘത്തിന് പ്രത്യേക ആത്മീയ അനുഭവമായിരിക്കുമെന്ന് ഇരുവരും പറഞ്ഞു. പരിശുദ്ധ പിതാവിന്‍റെ ആരോഗ്യത്തിനും പൂർണമായ സൗഖ്യത്തിനുമായി ലോകമെമ്പാടുമുള്ള വിശ്വാസികൾ നടത്തിയ പ്രാർഥനകളുടെ പശ്ചാത്തലത്തിൽ, അദ്ദേഹത്തെ നേരിൽ കാണാനുള്ള അവസരത്തെ വലിയ കൃതജ്ഞതയോടെയും പ്രതീക്ഷയോടെയും ആണ് സംഘം കാണുന്നത്.
ലോകത്തിന്റെ വിവിധ രാജ്യങ്ങളിൽ നിന്നുള്ള പ്രതിനിധികൾ ഒത്തുചേരുന്ന ഈ സംഗമം, സഭയുടെ ദൗത്യത്തിൽ അൽമായരുടെ പങ്കാളിത്തം കൂടുതൽ ശക്തിപ്പെടുത്തുന്നതിനും സാമൂഹിക നീതി, കുടുംബം, യുവജനങ്ങൾ, മനുഷ്യാവകാശങ്ങൾ, സമാധാനം, സേവനം തുടങ്ങിയ മേഖലകളിൽ അന്താരാഷ്ട്ര സഹകരണം വർധിപ്പിക്കുന്നതിനും പുതിയ വഴികൾ തുറക്കുമെന്നാണ് പ്രതീക്ഷ.
America
ഡാളസ്: ജീവിതത്തിലെ ഭാരങ്ങളും ആശങ്കകളും യേശുവിന്‍റെ കരങ്ങളിൽ സമർപ്പിച്ച് വിശ്വാസത്തോടെ മുന്നോട്ടുപോകണമെന്ന് സുവിശേഷകൻ നിക്ക് ഹാൾ ആഹ്വാനം ചെയ്തു. അഗപ്പേ ചർച്ച് സംഘടിപ്പിക്കുന്ന പതിനാറാമത് "എഴുന്നേറ്റ് ഉണർന്നു പ്രകാശിക്കുക' കൺവൻഷനിൽ പ്രസംഗിക്കുകയായിരുന്നു അദ്ദേഹം.
ജീവിതത്തിൽ നേരിടുന്ന ദുഃഖങ്ങളും പ്രതിസന്ധികളും ഭാവിയെക്കുറിച്ചുള്ള ആശങ്കകളും പ്രാർഥനയിലൂടെ യേശുവിന്‍റെ സന്നിധിയിൽ സമർപ്പിക്കുകയും അവിടുത്തെ കരുതലിൽ ആശ്രയിക്കുകയും ചെയ്യുക എന്നതായിരുന്നു സന്ദേശത്തിന്‍റെ കേന്ദ്രവിഷയം.
സ്വന്തം ശക്തികൊണ്ട് പരിഹരിക്കാൻ കഴിയാത്ത സാഹചര്യങ്ങളിലും ദൈവത്തിലുള്ള വിശ്വാസം കൈവിടാതെ മുന്നോട്ടുപോകാനുള്ള ആഹ്വാനമായിരുന്നു യേശുവിന്‍റെ കരങ്ങളിൽ ഭാരങ്ങൾ സമർപ്പിക്കുക എന്ന സന്ദേശം.
“ഞാൻ നല്ല പോർ പൊരുതി, ഓട്ടം തികച്ചു, വിശ്വാസം കാത്തു” എന്ന അപ്പോസ്തലനായ പൗലോസിന്റെ വാക്കുകൾ (2 തിമൊഥെയൊസ് 4:7) ഉദ്ധരിച്ച്, പ്രതിസന്ധികളിൽ തളരാതെ വിശ്വാസജീവിതത്തിലെ ഓട്ടം പൂർത്തിയാക്കണമെന്ന് അദ്ദേഹം ഉദ്ബോധിപ്പിച്ചു.
അമേരിക്ക ആസ്ഥാനമായി പ്രവർത്തിക്കുന്ന സുവിശേഷപ്രവർത്തന സംഘടനയായ പൾസ് ഇവാഞ്ചലിസത്തിന്‍റെ സ്ഥാപകനാണ് നിക്ക് ഹാൾ.
Middle East and Gulf
റിയാദ്: കേളി കലാസാംസ്കാരിക വേദി ഉമ്മുൽ ഹമാം ഏരിയയുടെ നേതൃത്വത്തിൽ "ഒന്നിച്ചൊരോണം' എന്ന പേരിൽ ഓണാഘോഷം സംഘടിപ്പിച്ചു. കേളി പ്രവർത്തകരും കുടുംബവേദി പ്രവർത്തകരും അതിഥികളും ആഘോഷത്തിൽ പങ്കെടുത്തു.
വിവിധ കലാപരിപാടികൾ, നാടൻ കളികൾ, ഓണസദ്യ എന്നിവയും പരിപാടിയുടെ ഭാഗമായി നടന്നു. സംഘാടക സമിതി ചെയർമാൻ അക്ബർ അലിയുടെ ആമുഖത്തിൽ നടന്ന സാംസ്കാരിക സമ്മേളനം കേളി ബത്ത ഏരിയ രക്ഷാധികാരി സമിതി അംഗം കെ.ടി. ബഷീർ ഉദ്ഘാടനം ചെയ്തു.
മലയാളികളുടെ ഒത്തൊരുമയുടെ ആഘോഷമായ ഓണത്തിന്‍റെ പാരമ്പര്യവും സാംസ്കാരിക ഉള്ളടക്കവും മാറ്റിനിർത്തി മാവേലിക്ക് പകരം വാമനനെ പ്രതിഷ്ഠിച്ച് ഓണത്തിന്‍റെ തനത് ഐതിഹ്യത്തെ പുറംതള്ളാനുള്ള ശ്രമങ്ങൾ നടക്കുന്നതായി ഉദ്ഘാടകൻ അഭിപ്രായപ്പെട്ടു.
ഉമ്മുൽ ഹമാം അൽ മസീഫ് പോളിക്ലിനിക്കിലെ ജനറൽ ഫിസിഷ്യൻ ഡോ. ആമിന ഹസൻ, കേളിയുടെ സാംസ്കാരിക പ്രവർത്തനങ്ങളിൽ സജീവ സാന്നിധ്യമായ ഏരിയ രക്ഷാധികാരി സമിതി അംഗം ഗീത ജയരാജിന്‍റെ മകൾ അനാമിക എന്നിവർക്ക് ഏരിയയുടെ ഉപഹാരം നൽകി ആദരിച്ചു.
ഏരിയ പ്രസിഡന്റ് ബിജുവിന്‍റെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ കേളി മുഖ്യരക്ഷാധികാരി സെക്രട്ടറി കെ.പി.എം. സാദിഖ്, സെക്രട്ടറി സുനിൽ കുമാർ, പ്രസിഡന്റ് ഗഫൂർ ആനമങ്ങാട്, കുടുംബവേദി സെക്രട്ടറി വി.കെ. ഷഹീബ, പ്രസിഡന്റ് ശ്രീഷ സുകേഷ്, മുഖ്യരക്ഷാധികാരി സമിതി അംഗം സീബ കൂവോട്, ഉമ്മുൽ ഹമാം രക്ഷാധികാരി സെക്രട്ടറി പി.പി. ഷാജു, ഏരിയ രക്ഷാധികാരി സമിതി അംഗം ചന്ദ്രചൂഢൻ, ഏരിയ ട്രഷറർ സുരേഷ് പി. എന്നിവർ ആശംസകൾ നേർന്നു.
ഏരിയ രക്ഷാധികാരി സമിതി അംഗങ്ങളായ ഗീതജയരാജ്, മൻസൂർ, വിപീഷ് രാജൻ, കരീം അമ്പലപ്പാറ , ഏരിയ കമ്മിറ്റി അംഗങ്ങളായ, അബ്ദുസലാം, നസീർ, മനു, മൃദുൻ, അനന്തകൃഷ്ണൻ, അനിൽ കുമാർ, എൻ.കെ. ജയൻ എന്നിവരും വിവിധ യൂണിറ്റുകളിൽ നിന്നുള്ള പ്രവർത്തകരും പരിപാടികൾക്ക് നേതൃത്വം നൽകി.
ഏരിയ സാംസ്കാരിക കമ്മിറ്റി അംഗം ശിഹാബുദ്ധീൻ കുഞ്ചിസ് അവതാരകനായി. ഏരിയ സെക്രട്ടറി നൗഫൽ സിദ്ദിഖ് സ്വാഗതവും സംഘാടക സമിതി കൺവീനർ അബ്ദുൽ കലാം നന്ദിയും പറഞ്ഞു.
Middle East and Gulf
പാലക്കാട്: കേളി കലാ സാംസ്കാരിക വേദിയുടെ പ്രവർത്തകരുടെ മക്കൾക്കായി ഏർപ്പെടുത്തിയ പ്രതീക്ഷ വിദ്യാഭ്യാസ പുരസ്കാരം പാലക്കാട് ജില്ലയിൽ വിതരണം ചെയ്തു.
പത്താം ക്ലാസ്, പ്ലസ് ടു പരീക്ഷകളിൽ വിജയിച്ച് ഉപരിപഠനത്തിന് അർഹത നേടിയ വിദ്യാർഥികളെ പ്രോത്സാഹിപ്പിക്കുന്നതിനായി കാഷ് അവാർഡും മൊമന്‍റോയും ഉൾപ്പെടുത്തിയാണ് കേളി പുരസ്കാരം നൽകുന്നത്.
ഈ അധ്യയന വർഷം ആകെ 232 വിദ്യാർഥികളാണ് പുരസ്കാരത്തിന് അർഹരായത്. ഇതിൽ റിയാദിൽ 16 കുട്ടികൾക്ക് നേരത്തേ പുരസ്കാരം വിതരണം ചെയ്തിരുന്നു.
Pravasi India – Delhi
ന്യൂഡൽഹി: മയൂർ വിഹാർ ഫേസ്-3 സെന്റ് ജെയിംസ് ഓർത്തഡോക്സ് പള്ളിയിൽ പരിശുദ്ധ യാക്കോബ് ശ്ലീഹായുടെ ഓർമപ്പെരുന്നാളും പാരിഷ് കൺവൻഷനും ഈ മാസം 18 മുതൽ 25 വരെ നടക്കും. ഡൽഹി ഭദ്രാസനാധിപൻ ഡോ. യൂഹാനോൻ മാർ ദിമെത്രിയോസ് മെത്രാപ്പോലീത്ത പെരുന്നാൾ ശുശ്രൂഷകൾക്ക് മുഖ്യകാർമികത്വം വഹിക്കും.
21, 22, 23 തീയതികളിൽ വൈകിട്ട് 6.30-ന് സന്ധ്യാനമസ്കാരവും തുടർന്ന് സുവിശേഷയോഗവും നടക്കും. റവ. ഫാ. ജോൺ ടി. വർഗീസ് കുളക്കട സുവിശേഷയോഗങ്ങൾക്ക് നേതൃത്വം നൽകും. 24-ന് പ്രദക്ഷിണവും സ്നേഹവിരുന്നും നടക്കും.
പെരുന്നാളിന്‍റെ സമാപനദിനമായ 25-ന് ഡോ. യൂഹാനോൻ മാർ ദിമെത്രിയോസ് മെത്രാപ്പോലീത്തയുടെ മുഖ്യകാർമികത്വത്തിൽ വിശുദ്ധ മൂന്നിന്മേൽ കുർബാന നടക്കും.
ഇതോടനുബന്ധിച്ച് സിൽവർ ജൂബിലി സമാപനവും വിദ്യാർഥികൾക്കുള്ള അവാർഡ് വിതരണവും നടത്തുമെന്ന് ഇടവക വികാരി ഫാ. ജോൺ കെ. സാമുവൽ അറിയിച്ചു.
Europe
കൊളോൺ: ജർമനിയിലെ ബോഹുമിൽ അപ്പാർട്ട്‌മെന്‍റിലുണ്ടായ തീപിടിത്തത്തിൽ ജീവൻ നഷ്ടപ്പെട്ട മൂന്ന് മലയാളികളുടെയും മൃതദേഹങ്ങൾ നാട്ടിലെത്തിക്കുന്നതിനുള്ള മുഴുവൻ ഔദ്യോഗിക പേപ്പർവർക്കുകളും നിയമപരമായ നടപടിക്രമങ്ങളും റിക്കോർഡ് വേഗത്തിൽ വെറും 72 മണിക്കൂറുകൾക്കുള്ളിൽ (വെള്ളിയാഴ്ച മൂന്നരയോടെ) പൂർത്തിയാക്കി.
അഞ്ജലി, സിവിൻ, നോവ എന്നിവരുടെ മൃതദേഹങ്ങൾ ഒരേ വിമാനത്തിൽ തന്നെ കേരളത്തിലെത്തിക്കാനുള്ള അന്തിമ ഒരുക്കങ്ങളിലാണ് അധികൃതർ.
ഏകോപനത്തോടെ അതിവേഗ നടപടികൾ: ജർമൻ ക്രിമിനൽ പൊലിസ്, ബോഹുമിലെ സിവിൽ രജിസ്ട്രേഷൻ ഓഫീസ്, ഫ്രാങ്ക്ഫർട്ടിലെ ഫ്യൂണറൽ സർവീസ് ഏജൻസി, ഫ്രാങ്ക്ഫർട്ടിലെ ഇന്ത്യൻ കോൺസുലേറ്റ് ജനറൽ ഓഫീസ് എന്നിവരെല്ലാം അതീവ സഹാനുഭൂതിയോടെയും ഒരേ മനസോടെയുമാണ് ഈ ദൗത്യത്തിൽ കൈകോർത്തത്.
സാധാരണ നിലയിൽ ദിവസങ്ങളോളം നീണ്ടുനിൽക്കാറുള്ള പൊലിസ് ക്ലിയറൻസ്, മരണ സർട്ടിഫിക്കറ്റുകൾ, എംബാമിംഗ് നടപടികൾ, കോൺസുലേറ്റിന്‍റെ അനുമതികൾ എന്നിവയെല്ലാം അധികൃതരുടെ സജീവ പിന്തുണയോടെ മൂന്ന് ദിവസത്തിനകം പൂർത്തിയാക്കാൻ സാധിച്ചു.
ഒരേ വിമാനത്തിൽ നാടണയും, കാത്തിരിപ്പ് ഫ്ലൈറ്റ് ടിക്കറ്റുകൾക്കായി: മൂന്ന് മൃതദേഹങ്ങളും ഒരേ കാർഗോ വിമാനത്തിൽ തന്നെ നാട്ടിലെത്തിക്കാനാണ് തീരുമാനിച്ചിരിക്കുന്നത്. നിലവിൽ വിമാനത്തിന്‍റെ ലഭ്യതയും സമയക്രമവും സംബന്ധിച്ച അന്തിമ സ്ഥിരീകരണത്തിനായുള്ള കാത്തിരിപ്പിലാണ്.
വിമാനം പുറപ്പെടുന്ന തീയതിയും സമയവും ഉൾപ്പെടെയുള്ള കൃത്യമായ വിവരങ്ങൾ തിങ്കളാഴ്ച ഉച്ചയ്ക്ക് മുൻപായി ഔദ്യോഗികമായി ലഭ്യമാകും. ഫ്ലൈറ്റ് വിവരങ്ങൾ ഉറപ്പാകുന്ന മുറയ്ക്ക് മൃതദേഹങ്ങൾ നാട്ടിലേക്ക് കയറ്റി അയക്കും.
ഏകോപനവുമായി നോർക്ക: മൂന്നുപേരുടെയും മൃതദേഹങ്ങൾ നാട്ടിലെത്തിക്കാനുള്ള എല്ലാ ചെലവുകളും വഹിക്കുന്നത് കേരളം സർക്കാർ സ്ഥാപനമായ നോർക്ക റൂട്സ് ആണ്.
ജർമനിയിലെ പൊലിസ്, നഗരസഭാ അധികൃതർ, ഇന്ത്യൻ കോൺസുലേറ്റ്, ഫ്യൂണറൽ ഹോം എന്നിവരുമായി നിരന്തരം സമ്പർക്കം പുലർത്തി മുഴുവൻ പേപ്പർ വർക്കുകളും കൃത്യസമയത്ത് ഏകോപിപ്പിച്ച് പൂർത്തിയാക്കിയത് നോർക്ക ജർമനി കോഓർഡിനേഷൻ കൗൺസിൽ അംഗം ജോസ് കുമ്പിളുവേലിൽ ആണ്.
പ്രിയപ്പെട്ടവരുടെ മൃതദേഹങ്ങൾ ഒരുനോക്ക് കാണാൻ കണ്ണീരോടെ കാത്തിരിക്കുന്ന കുടുംബാംഗങ്ങൾക്ക് എത്രയും വേഗം ഭൗതികശരീരങ്ങൾ എത്തിച്ചുനൽകാനുള്ള തീവ്രശ്രമത്തിലാണ് അധികൃതർ.
Middle East and Gulf
മനാമ: തുടർചികിത്സാർഥം നാട്ടിലേക്ക് മടങ്ങുന്ന കൊല്ലം സ്വദേശിനിക്ക് കൊല്ലം പ്രവാസി അസോസിയേഷൻ യാത്രാ ടിക്കറ്റ് നൽകി സഹായിച്ചു. കഴിഞ്ഞ കുറച്ചുവർഷങ്ങളായി തുച്ഛമായ വേദനത്തിൽ ജോലി ചെയ്തു വരുകയായിരുന്നു ഇവർ.
ശാരീരിക ബുദ്ധിമുട്ടുകൾ കാരണം ദിവസങ്ങളായി ജോലിക്ക് പോകാൻ സാധിക്കാത്തതിനാൽ ഭക്ഷണത്തിനു പോലും ബുദ്ധിമുട്ടിയ സാഹചര്യം ഉണ്ടായി. കെപിഎ ചാരിറ്റി വിംഗിന്‍റെയും വനിതാ വിഭാഗമായ പ്രവാസിശ്രീയുടെയും നേതൃത്വത്തിലാണ് യാത്രാ ടിക്കറ്റ് കൈമാറിയത്.
കെപിഎ വർക്കിംഗ് പ്രസിഡന്റ് രാജ് കൃഷ്ണൻ, ഓർഗനൈസിംഗ് സെക്രട്ടറി അനൂപ് തങ്കച്ചൻ, സെക്രട്ടറി വി.എം. പ്രമോദ്, ചാരിറ്റി വിംഗ് കൺവീനർ നവാസ് കുണ്ടറ, മനാമ ഏരിയ കോഓർഡിനേറ്റർ ഷമീർ സലീം, പ്രവാസിശ്രീ അസിസ്റ്റന്‍റ് ചെയർപേഴ്സൺ ഷാമില ഇസ്മായീൽ എന്നിവർ സന്നിഹിതരായിരുന്നു.
Middle East and Gulf
റിയാദ്: കേളി കലാസാംസ്കാരിക വേദി ഉമ്മുൽ ഹമാം ഏരിയയുടെ നേതൃത്വത്തിൽ "ഒന്നിച്ചൊരോണം' എന്ന പേരിൽ ഓണാഘോഷം സംഘടിപ്പിച്ചു. കേളി പ്രവർത്തകരും കുടുംബവേദി പ്രവർത്തകരും അതിഥികളും ആഘോഷത്തിൽ പങ്കെടുത്തു.
വിവിധ കലാപരിപാടികൾ, നാടൻ കളികൾ, ഓണസദ്യ എന്നിവയും പരിപാടിയുടെ ഭാഗമായി നടന്നു. സംഘാടക സമിതി ചെയർമാൻ അക്ബർ അലിയുടെ ആമുഖത്തിൽ നടന്ന സാംസ്കാരിക സമ്മേളനം കേളി ബത്ത ഏരിയ രക്ഷാധികാരി സമിതി അംഗം കെ.ടി. ബഷീർ ഉദ്ഘാടനം ചെയ്തു.
മലയാളികളുടെ ഒത്തൊരുമയുടെ ആഘോഷമായ ഓണത്തിന്‍റെ പാരമ്പര്യവും സാംസ്കാരിക ഉള്ളടക്കവും മാറ്റിനിർത്തി മാവേലിക്ക് പകരം വാമനനെ പ്രതിഷ്ഠിച്ച് ഓണത്തിന്‍റെ തനത് ഐതിഹ്യത്തെ പുറംതള്ളാനുള്ള ശ്രമങ്ങൾ നടക്കുന്നതായി ഉദ്ഘാടകൻ അഭിപ്രായപ്പെട്ടു.
ഉമ്മുൽ ഹമാം അൽ മസീഫ് പോളിക്ലിനിക്കിലെ ജനറൽ ഫിസിഷ്യൻ ഡോ. ആമിന ഹസൻ, കേളിയുടെ സാംസ്കാരിക പ്രവർത്തനങ്ങളിൽ സജീവ സാന്നിധ്യമായ ഏരിയ രക്ഷാധികാരി സമിതി അംഗം ഗീത ജയരാജിന്‍റെ മകൾ അനാമിക എന്നിവർക്ക് ഏരിയയുടെ ഉപഹാരം നൽകി ആദരിച്ചു.
ഏരിയ പ്രസിഡന്റ് ബിജുവിന്‍റെ അധ്യക്ഷതയിൽ നടന്ന സാംസ്കാരിക സമ്മേളനത്തിൽ കേളി മുഖ്യരക്ഷാധികാരി സെക്രട്ടറി കെ.പി.എം. സാദിഖ്, സെക്രട്ടറി സുനിൽ കുമാർ, പ്രസിഡന്റ് ഗഫൂർ ആനമങ്ങാട്, കുടുംബവേദി സെക്രട്ടറി വി.കെ. ഷഹീബ, പ്രസിഡന്റ് ശ്രീഷ സുകേഷ്, മുഖ്യരക്ഷാധികാരി സമിതി അംഗം സീബ കൂവോട്, ഉമ്മുൽ ഹമാം രക്ഷാധികാരി സെക്രട്ടറി പി.പി. ഷാജു, ഏരിയ രക്ഷാധികാരി സമിതി അംഗം ചന്ദ്രചൂഢൻ, ഏരിയ ട്രഷറർ സുരേഷ് പി. എന്നിവർ ആശംസകൾ നേർന്നു.
ഏരിയ രക്ഷാധികാരി സമിതി അംഗങ്ങളായ ഗീതജയരാജ്, മൻസൂർ, വിപീഷ് രാജൻ, കരീം അമ്പലപ്പാറ , ഏരിയ കമ്മിറ്റി അംഗങ്ങളായ, അബ്ദുസലാം, നസീർ, മനു, മൃദുൻ, അനന്തകൃഷ്ണൻ, അനിൽ കുമാർ, എൻ.കെ. ജയൻ എന്നിവരും വിവിധ യൂണിറ്റുകളിൽ നിന്നുള്ള പ്രവർത്തകരും പരിപാടികൾക്ക് നേതൃത്വം നൽകി.
ഏരിയ സാംസ്കാരിക കമ്മിറ്റി അംഗം ശിഹാബുദ്ധീൻ കുഞ്ചിസ് അവതാരകനായി. ഏരിയ സെക്രട്ടറി നൗഫൽ സിദ്ദിഖ് സ്വാഗതവും സംഘാടക സമിതി കൺവീനർ അബ്ദുൽ കലാം നന്ദിയും പറഞ്ഞു.
Middle East and Gulf
പാലക്കാട്: കേളി കലാ സാംസ്കാരിക വേദിയുടെ പ്രവർത്തകരുടെ മക്കൾക്കായി ഏർപ്പെടുത്തിയ പ്രതീക്ഷ വിദ്യാഭ്യാസ പുരസ്കാരം പാലക്കാട് ജില്ലയിൽ വിതരണം ചെയ്തു.
പത്താം ക്ലാസ്, പ്ലസ് ടു പരീക്ഷകളിൽ വിജയിച്ച് ഉപരിപഠനത്തിന് അർഹത നേടിയ വിദ്യാർഥികളെ പ്രോത്സാഹിപ്പിക്കുന്നതിനായി കാഷ് അവാർഡും മൊമന്‍റോയും ഉൾപ്പെടുത്തിയാണ് കേളി പുരസ്കാരം നൽകുന്നത്.
ഈ അധ്യയന വർഷം ആകെ 232 വിദ്യാർഥികളാണ് പുരസ്കാരത്തിന് അർഹരായത്. ഇതിൽ റിയാദിൽ 16 കുട്ടികൾക്ക് നേരത്തേ പുരസ്കാരം വിതരണം ചെയ്തിരുന്നു.
Middle East and Gulf
കുവൈറ്റ് സിറ്റി: ഹൈപ്പർ മാർക്കറ്റ് മേഖലയിലേക്കുള്ള മെട്രോയുടെ വരവ് ആഘാശമാക്കി കുവൈറ്റ് സമൂഹം. മെട്രോ ഇന്റർനാഷണൽ ഗ്രൂപ്പിന്‍റെ ആദ്യ ഹൈപ്പർമാർക്കറ്റായ മെട്രോ ഹൈപ്പർമാർക്കറ്റ് ഫർവാനിയയുടെ ഉദ്ഘാടനത്തിന് ആയിരക്കണക്കിന് ആളുകളാണ് തടിച്ചു കൂടിയത്.
മഗാതീർ കോംപ്ലക്സിൽ നടന്ന ചടങ്ങിൽ വിവിധ രാജ്യക്കാരായ വിശിഷ്ട വ്യക്തിത്വങ്ങളും സാധാരണക്കാരും പങ്കെടുത്തു. ഉദ്ഘാടനത്തോട് അനുബന്ധിച്ച് അവതരിപ്പിച്ച ആകർഷകമായ ഓഫറുകളും ഉപഭോക്തൃ ആനുകൂല്യങ്ങളും സന്ദർശകരിൽ വലിയ ആവേശം സൃഷ്ടിച്ചു.
നിരവധി രാജ്യങ്ങളുടെ അംബാസഡർമാർ, നയതന്ത്ര പ്രതിനിധികൾ, ഉന്നത ഉദ്യോഗസ്ഥർ, സാമൂഹിക-സാംസ്കാരിക രംഗങ്ങളിലെ പ്രമുഖർ, വ്യവസായ-വാണിജ്യ മേഖലയിലെ പ്രതിനിധികൾ എന്നിവരുടെ സാന്നിധ്യത്തിൽ മെട്രോ ഹൈപ്പർമാർകറ്റ് മാനേജ്മെന്റ്, മെട്രോ ഇന്റർനാഷണൽ ഗ്രൂപ്പ് മാനേജ്മെന്റ്, ബിസിനസ് പങ്കാളികൾ, സീനിയർ-ജൂണിയർ മാനേജർമാർ എന്നിവർ ചേർന്ന് ഹൈപ്പർമാർക്കറ്റിന്‍റെ ഉദ്ഘാടനം നിർവഹിച്ചു.
ഗ്രൂപ്പിന്‍റെ വിവിധ തലങ്ങളിലുള്ള നേതൃത്വവും പങ്കാളികളും ഒരുമിച്ചെത്തിയ ചടങ്ങ് സ്ഥാപനത്തിന്‍റെ വളർച്ചയിലെയും കുവൈറ്റിലെ റീട്ടെയിൽ രംഗത്തേക്കുള്ള പ്രവേശനത്തിലെയും സുപ്രധാന നാഴികക്കല്ലായി.
ആരോഗ്യപരിചരണ രംഗത്ത് മെട്രോ മെഡിക്കൽ ഗ്രൂപ്പിലൂടെ വർഷങ്ങളായി നേടിയെടുത്ത ജനവിശ്വാസത്തിന്‍റെ പിൻബലത്തിലാണ് മെട്രോ ഇന്റർനാഷണൽ ഗ്രൂപ്പ് റീട്ടെയിൽ മേഖലയിലേക്ക് കടന്നുവരുന്നത്.
വ്യത്യസ്ത ദേശീയതകളിലുള്ളവർ ഒരുമിച്ചെത്തിയതോടെ ഉദ്ഘാടനവേദി കുവൈറ്റിന്‍റെ ബഹുസ്വര സാംസ്കാരിക സാമൂഹികാന്തരീക്ഷത്തിന്റെ പ്രതിഫലനമായി.
ഷോപ്പിങ്ങിനൊപ്പം ക്രെഡിറ്റ് സൗകര്യം, ലോയൽറ്റി റിവാർഡുകൾ, ആരോഗ്യപരിചരണ ആനുകൂല്യങ്ങൾ, ഗോൾഡൻ ട്രോളി ലക്കി ഡ്രോ, പ്രത്യേക വിലക്കുറവുകൾ, വെള്ളിയാഴ്ചകളിലെ ഫ്രൈഡേ മാർക്കറ്റ് എന്നിവയെ ഒരേ പ്ലാറ്റ്ഫോമിൽ കൂട്ടിച്ചേർക്കുന്നതാണ് മെട്രോ ഹൈപ്പർമാർക്കറ്റിന്‍റെ പ്രധാന സവിശേഷത.
ഉപഭോക്താക്കൾക്ക് വാങ്ങലുകളിൽ കൂടുതൽ സൗകര്യവും ഷോപ്പിംഗിലൂടെ അധിക നേട്ടങ്ങളും ലഭ്യമാക്കുന്ന രീതിയിലാണ് പദ്ധതികൾ ഒരുക്കിയിരിക്കുന്നത്.
‘ഇപ്പോൾ വാങ്ങു, പിന്നീട് പണമടക്കു’ എന്ന ആശയത്തിൽ അവതരിപ്പിച്ച പവർ കാർഡ് മെട്രോ ഹൈപ്പർമാർക്കറ്റിന്‍റെ പ്രധാന ആകർഷണങ്ങളിലൊന്നാണ്.
തിരിച്ചടവ് വ്യവസ്ഥകൾ, മറ്റ് ബാധകമായ നിബന്ധനകൾ എന്നിവയ്ക്ക് വിധേയമായാണ് ക്രെഡിറ്റ് സൗകര്യം ലഭ്യമാക്കുക.
Middle East and Gulf
റിയാദ്: കേളി കലാ സാംസ്കാരിക വേദിയുടെ സിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന കുദു–കേളി മെഗാ ക്രിക്കറ്റ് ടൂർണമെന്റ് സീസൺ–2 സഫാ മക്കാ കപ്പിന്‍റെ ആറാം വാരത്തിൽ മൂന്ന് മത്സരങ്ങൾ നടത്തപ്പെട്ടു. കൊങ്കൺ ഫൈറ്റേഴ്സ് റിയാദ്, ഫ്രൈഡേ ഫൈറ്റേഴ്സ്, സ്മാഷസ് സിസി ടീമുകൾ വിജയികളായി.
ആദ്യ മത്സരത്തിൽ കൊങ്കൺ ഫൈറ്റേഴ്സ് റിയാദ് ആറ് വിക്കറ്റിന് സ്രാക്കോ സ്ട്രൈക്കേഴ്സിനെ പരാജയപ്പെടുത്തി. സ്രാക്കോ ആറ് വിക്കറ്റ് നഷ്ടത്തിൽ 99 റൺസ് നേടിയപ്പോൾ കൊങ്കൺ ഫൈറ്റേഴ്സ് നാല് വിക്കറ്റ് നഷ്ടത്തിൽ ലക്ഷ്യം മറികടന്നു. അഫ്രോസ് വാഡ്കർ മാൻ ഓഫ് ദ മാച്ചായി.
രണ്ടാം മത്സരത്തിൽ ഫ്രൈഡേ ഫൈറ്റേഴ്സ് അഞ്ച് വിക്കറ്റിന് സ്ട്രൈക്കേഴ്സ് 11 റിയാദിനെ തോൽപ്പിച്ചു. സ്ട്രൈക്കേഴ്സ് ഏഴ് വിക്കറ്റ് നഷ്ടത്തിൽ 96 റൺസ് നേടിയപ്പോൾ ഫ്രൈഡേ ഫൈറ്റേഴ്സ് അഞ്ച് വിക്കറ്റ് നഷ്ടത്തിൽ ലക്ഷ്യത്തിലെത്തി. പ്രണവ് എ.കെ. മാൻ ഓഫ് ദ മാച്ചായി.
മൂന്നാം മത്സരത്തിൽ സ്മാഷസ് സിസി ഒമ്പത് വിക്കറ്റിന് ഹോക്സ് സ്ക്വാഡിനെ പരാജയപ്പെടുത്തി. ഹോക്സ് സ്ക്വാഡ് ഒമ്പത് വിക്കറ്റ് നഷ്ടത്തിൽ 71 റൺസ് നേടിയപ്പോൾ സ്മാഷസ് സിസിക്ക് ലക്ഷ്യം മറികടക്കാൻ ഒരു വിക്കറ്റ് മാത്രമേ നഷ്ട പെടുത്തേണ്ടി വന്നുള്ളൂ. ജിഷ്ണു മോഹൻ മാൻ ഓഫ് ദ മാച്ചായി.
മൃദുൻ, ചാക്കോ, ഷബി അബ്ദുൽസലാം, ലജീഷ്, മൻസൂർ, ഇസ്മായിൽ കൊടിഞ്ഞി എന്നിവർ അമ്പയർമാരായി.
ചാക്കോ, സൻസീർ, ഷഫീഖ് മഞ്ചേരി എന്നിവർ മാൻ ഓഫ് ദ മാച്ച് പുരസ്കാരങ്ങൾ വിതരണം ചെയ്തു. 24 ടീമുകൾ മാറ്റുരയ്ക്കുന്ന ടൂർണമെന്റിൽ ആറ് ഗ്രൂപ്പുകളിലായാണ് മത്സരങ്ങൾ. നവംബർ പകുതിയോടെ ലീഗ് മത്സരങ്ങൾ പൂർത്തിയാകും. സെമി ഫൈനലും ഫൈനലും ഡിസംബറിലാണ് നിശ്ചയിച്ചിരിക്കുന്നത്.
Middle East and Gulf
മനാമ: പ്രവാസി വെൽഫെയർ ബഹ്റിൻ സംഘടിപ്പിച്ച പ്രവാസോണം 26 ആഘോഷങ്ങളോടനുബന്ധിച്ച് നടത്തിയ ഓണ ഫോട്ടോ മത്സരത്തിൽ സുമയ്യ ഷാഫി വിജയിയായി.
"നിങ്ങളുടെ ഓണ നിമിഷങ്ങൾ പങ്കുവെക്കൂ" എന്ന പ്രമേയത്തിൽ സംഘടിപ്പിച്ച മത്സരത്തിൽ നിരവധി പ്രവാസികളാണ് തങ്ങളുടെ മാതൃനാടിന്‍റെ ഓർമ്മകൾ ഉണർത്തുന്ന മനോഹരമായ ചിത്രങ്ങൾ പങ്കുവച്ചത്. പ്രവാസലോകത്തെ ഓണാഘോഷങ്ങളുടെ വർണാഭമായ ഓർമ്മകൾ കോർത്തിണക്കാൻ ഈ മത്സരം വഴിയൊരുക്കി.
2026 ഒക്ടോബർ 01 വരെ നടന്ന ഡിജിറ്റൽ മത്സരത്തിൽ, ഏറ്റവും കൂടുതൽ കാണികളുടെ പങ്കാളിത്തവും പ്രീതിയും നേടിയ ചിത്രത്തിനാണ് സമ്മാനം ലഭിച്ചത്. വിജയിയായി തെരഞ്ഞെടുക്കപ്പെട്ട സുമയ്യ ഷാഫിക്ക് പ്രവാസോണം ഫോട്ടോ മത്സര കോഓർഡിനേറ്റർ അഡ്വ. ഷഫ്ന തയ്യിബ് അഭിനന്ദനങ്ങൾ അറിയിക്കുകയും ആശംസകൾ നേർന്നു സംസാരിക്കുകയും ചെയ്തു.
Middle East and Gulf
ദോഹ: പ്രേം നസീർ സുഹൃത് സമിതിയുടെ പുതിയ ലോഗോ ദോഹയിൽ പ്രകാശനം ചെയ്തു. മജാസ് റസ്റ്റോറന്‍റ് ഹാളിൽ നടന്ന ചടങ്ങിൽ പ്രശസ്ത ചലച്ചിത്ര സംവിധായകൻ തുളസീദാസ്, മീഡിയ പ്ലസ് സിഇഒ ഡോ. അമാനുല്ല വടക്കാങ്ങരയ്ക്ക് ലോഗോ കൈമാറി പ്രകാശനകർമം നിർവഹിച്ചു.
ചടങ്ങിൽ കേരള ബിസിനസ് ഫോറം (കെബിഎഫ്) പ്രസിഡന്റ് ഷഹീൻ മുഹമ്മദ് ഷാഫി വിശിഷ്ടാതിഥിയായിരുന്നു. പ്രേം നസീർ സുഹൃത് സമിതി സംസ്ഥാന ജനറൽ സെക്രട്ടറി തെക്കൻസ്റ്റാർ ബാദുഷ ചടങ്ങിന് നേതൃത്വം നൽകി.
മലയാള സിനിമയിലെ നിത്യഹരിത നായകൻ പ്രേം നസീറിന്‍റെ കലാജീവിതത്തെയും മാനവിക മൂല്യങ്ങളെയും സ്മരിക്കുന്ന സമിതിയുടെ പ്രവർത്തനങ്ങൾക്ക് പുതിയ ലോഗോ കൂടുതൽ ശ്രദ്ധയും സ്വീകാര്യതയും നൽകുമെന്നാണ് പ്രതീക്ഷിക്കുന്നത്.
Middle East and Gulf
ദോഹ: പാരമ്പര്യത്തിന്‍റെയും സൗഹൃദത്തിന്‍റെയും ഉത്സവാനുഭവം സമ്മാനിച്ച് മോഹന്‍ലാല്‍ ഫാന്‍സ് കള്‍ച്ചറല്‍ അസോസിയേഷന്‍ ഖത്തര്‍ യൂണിറ്റിന്റെ ഓണാഘോഷ പരിപാടി 'ലാലോണം പൊന്നോണം'അവിസ്മരണീയമായി.
അസോസിയേഷന്‍ പ്രതിനിധികള്‍ ഭദ്രദീപം കൊളുത്തി ഉദ്ഘാടനം നിര്‍വഹിച്ച ചടങ്ങിന്‍റെ പ്രധാന ആകര്‍ഷണം അംഗങ്ങളും കുട്ടികളും അവതരിപ്പിച്ച കലാപരിപാടികളായിരുന്നു. തിരുവാതിരക്കളി, ഡാന്‍സ്, ലാലേട്ടന്‍റെ ഹിറ്റ് ഗാനങ്ങള്‍ കോര്‍ത്തിണക്കിയ ഗാനമേള എന്നിവ കാണികള്‍ക്ക് ആവേശകരമായ അനുഭവമായി മാറി.
ആഘോഷത്തിന്‍റെ ഭാഗമായി നടന്ന വിവിധ വിനോദ മത്സരങ്ങള്‍ ഓണാഘോഷത്തിന് മാറ്റ് കൂട്ടി. തുടര്‍ന്ന് വിഭവസമൃദ്ധമായ പരമ്പരാഗത ഓണസദ്യയും ഒരുക്കിയിരുന്നു. മത്സര വിജയികള്‍ക്കുള്ള സമ്മാനദാനവും ചടങ്ങില്‍ വച്ചു നടത്തപ്പെട്ടു.
ഓര്‍മ്മയില്‍ സൂക്ഷിക്കാന്‍ മനോഹരമായ ഒരു ഓണാഘോഷം സമ്മാനിച്ച എല്ലാ ഭാരവാഹികള്‍ക്കും പ്രവര്‍ത്തകര്‍ക്കും കമ്മറ്റി നന്ദി പറഞ്ഞു. പ്രസിഡന്റ് ദീപക് ഓണാശംസകള്‍ നേര്‍ന്നു. ഇവന്‍റ് ഹെഡ് വിമല്‍, കോര്‍ഡിനേറ്റര്‍ നന്ദകുമാര്‍, മറ്റു എക്സിക്യൂട്ടീവ് അംഗങ്ങള്‍ എന്നിവര്‍ പരിപാടികള്‍ക്ക് നേതൃത്വം നല്കി. അഡൈ്വസര്‍ മിനി ബെന്നി സ്വാഗതവും സെക്രട്ടറി അഖില്‍ നന്ദിയും പറഞ്ഞു.
Middle East and Gulf
ദമാം: സാഹിത്യസ്നേഹികളുടെ സംഗമമായി നവയുഗം വായനവേദി പ്രതിമാസപരിപാടിയായ അക്ഷരസദസിന്‍റെ നാലാമത് അധ്യായം ദമാമിൽ അരങ്ങേറി.
ദമാം റോസ് ഓഡിറ്റോറിയത്തിൽ വായനവേദി പ്രസിഡന്റ് ശ്രീകുമാർ വെള്ളല്ലൂരിന്‍റെ അധ്യക്ഷതയിൽ നടന്ന അക്ഷരസദസ്, നവയുഗം കേന്ദ്രകമ്മിറ്റി അംഗം മനോജ് ഉദ്ഘാടനം ചെയ്തു.
ഗ്രന്ഥശാല പ്രസ്ഥാനങ്ങളുടെ പ്രവർത്തനങ്ങളും, പുസ്തകങ്ങളുടെ പ്രാധാന്യവും, വായനയുടെ ആവശ്യകതയും അദ്ദേഹം ഉദ്ഘാടനപ്രസംഗത്തിൽ വിശദീകരിക്കുകയുണ്ടായി.
നവയുഗം കേന്ദ്രകമ്മിറ്റി അംഗം സജീഷ് പട്ടാഴി യോഗത്തിനു സ്വാഗതം പറഞ്ഞു. വായനവേദി സെക്രട്ടറി ബിനുകുഞ്ഞ് അടുത്തിടെ വിടവാങ്ങിയ കല,സാംസ്ക്കാരിക,സാഹിത്യപ്രതിഭകളുടെ അനുസ്മരണകുറിപ്പ് അവതരിപ്പിച്ചു.
അഞ്ചു പുസ്തകങ്ങളുടെ വായനാനുഭവങ്ങളാണ് അക്ഷരസദസ്സിൽ വിലയിരുത്തപ്പെട്ടത്.
Middle East and Gulf
തിരുവനന്തപുരം: വിദേശ രാജ്യങ്ങളിലെ ജയിലുകളിൽ കഴിയുന്ന മലയാളി തടവുകാരുടെ ഇന്ത്യയിലേക്കുള്ള മാറ്റം നിയമസഭയിൽ ഉന്നയിക്കുമെന്ന് പാറയ്ക്കൽ അബ്ദുള്ള എംഎൽഎ തടവുകാരെ കൈമാറുന്ന വിഷയത്തിൽ ഇന്ത്യയുമായി ഉഭയകക്ഷി കരാറുകൾ ഒപ്പുവച്ചിട്ടുള്ള രാജ്യങ്ങളിൽ നിന്നും താത്പര്യമുള്ള മലയാളി തടവുകാരെ ഇന്ത്യയിലേക്ക് മാറ്റുന്ന കാര്യം നിയമസഭയിൽ സബ്മിഷനായി ഉന്നയിക്കുമെന്ന് കേരള നിയമസഭയുടെ പ്രവാസി മലയാളി ക്ഷേമകാര്യ സമിതി ചെയർമാൻ പാറക്കൽ അബ്ദുള്ള പറഞ്ഞു.
കൂടാതെ, വിദേശ രാജ്യങ്ങളിൽ നിന്ന് അർഹരായ മലയാളി തടവുകാരെ ഇന്ത്യയിലേക്ക് മാറ്റുന്നതിനായി മുൻകൈ എടുക്കണമെന്ന് കേന്ദ്ര സർക്കാരിനോടും ബന്ധപ്പെട്ട അധികാരികളോടും ആവശ്യപ്പെടുന്ന തരത്തിൽ കേരള നിയമസഭയിൽ അനുയോജ്യമായ ഒരു പ്രമേയം പാസാക്കുന്നതിനുള്ള ശ്രമം നടത്തുമെന്നും അദ്ദേഹം അറിയിച്ചു.
പ്രവാസി ലീഗൽ സെൽ കേരള ചാപ്റ്റർ പ്രതിനിധി സംഘവുമായി നടത്തിയ കൂടിക്കാഴ്ചയിലാണ് അദ്ദേഹം പറഞ്ഞത്. ഗൾഫ് രാജ്യങ്ങളായ ഖത്തർ, സൗദി അറേബ്യ, കുവൈറ്റ്, ബഹ്റിൻ, യുഎഇ എന്നീ രാജ്യങ്ങളും നിരവധി യൂറോപ്യൻ ഏഷ്യൻ രാജ്യങ്ങളുമായും തടയുകാരെ പരസ്പരം കൈമാറുന്ന കരാറുകളിൽ ഇന്ത്യ ഒപ്പുവയ്ക്കുകയും വിദേശകാര്യവകുപ്പ് അംഗീകാരം നൽകുകയും ചെയ്തിട്ടുണ്ട്.
ഇന്ത്യൻ സർക്കാർ തടവുകാരുടെ കൈമാറ്റവുമായി ബന്ധപ്പെട്ട് ദ്വിപക്ഷമോ ബഹുപക്ഷമോ ആയ കരാറുകൾ നിലവിലുള്ള രാജ്യങ്ങളിൽ ശിക്ഷ അനുഭവിക്കുന്ന, അർഹരായ മലയാളി തടവുകാരെ ഇന്ത്യയിലേക്ക് മാറ്റുന്നതിനുള്ള നടപടികൾ സജീവമാക്കണം എന്ന ആവശ്യമാണ് പിഎൽസി ഉന്നയിച്ചത്.
ഇത്തരത്തിലുള്ള കൈമാറ്റം വഴി അർഹരായ തടവുകാർക്ക് ശേഷിക്കുന്ന ശിക്ഷ ഇന്ത്യയിൽ, കുടുംബത്തിന് അടുത്തായി അനുഭവിക്കാനും കുടുംബബന്ധം നിലനിർത്താനും ഇന്ത്യൻ നിയമവ്യവസ്ഥ പ്രകാരമുള്ള പരോൾ, ശിക്ഷ ഇളവ് തുടങ്ങിയവ ലഭ്യമാക്കാനും പുനരധിവാസത്തിനും സാമൂഹിക പുനഃസംയോജനത്തിനും കൂടുതൽ അനുകൂലമായ സാഹചര്യം ലഭിക്കുമെന്നും പിഎൽസി സമർപ്പിച്ച നിവേദനനത്തിൽ ചൂണ്ടിക്കാട്ടുന്നു.
ഖത്തറിൽ മയക്കുമരുന്ന് കേസുകളിൽ ജയിലുകളിൽ കഴിയുന്ന എഴുപതോളം മലയാളി യുവാക്കളുടെ പ്രശ്നവും പിഎൽസി പ്രത്യേകമായി ഉന്നയിച്ചു.
2026 ഡിസംബർ 18-ലെ ഖത്തർ ദേശീയ ദിനത്തോടനുബന്ധിച്ചുള്ള അമീർ മാപ്പ് ലഭ്യമാക്കുന്നതിനുള്ള ദയാഹർജി സമർപ്പിക്കുന്നതിനും അർഹരായ തടവുകാരുടെ ഇന്ത്യയിലേക്കുള്ള കൈമാറ്റ നടപടികളും ഒരേസമയം മുന്നോട്ട് കൊണ്ടുപോകണമെന്ന് പിഎൽസി ആവശ്യപ്പെട്ടു.
കൂടിക്കാഴ്ചയിൽ പ്രവാസി ലീഗൽ സെല്ലിനെ പ്രതിനിധീകരിച്ച് ജിഹാന്ഗിർ, അഡ്വ. ആർ. മുരളീധരൻ, അബ്ദുൾ ഹക്കീം, ഉമ്മൻ, നന്ദഗോപകുമാർ എന്നിവർ പങ്കെടുത്തു.
Middle East and Gulf
കുവൈറ്റ് സിറ്റി: കുവൈറ്റിലെ വിവിധ സഭകളെ പ്രതിനിധീകരിച്ച് 16 ടീമുകൾ പങ്കെടുത്ത വൈഎംസിഎ കുവൈറ്റിന്‍റെ 11-ാമത് എക്യുമെനിക്കൽ ബൈബിൾ ക്വിസ്, കുവൈറ്റ് സിറ്റിയിലെ NECKൽ സ്ഥിതിചെയ്യുന്ന ലൈറ്റ്‌ഹൗസ് ചർച്ചിൽ നടന്നു.
സെന്റ് ജോൺസ് മാർത്തോമ്മ ചർച്ച് വികാരി റവ. ബിനു എബ്രഹാം പരിപാടി ഉദ്ഘാടനം ചെയ്തു. സെന്റ് തോമസ് മാർത്തോമ്മ ചർച്ച് വികാരി റവ. റീജൻ ബേബി പ്രാരംഭ പ്രാർഥന നിർവഹിച്ചു. റവ. ഫാ. ബിബിൻ ജോർജ് തോമസും ചടങ്ങിൽ പങ്കെടുത്തു.
വൈഎംസിഎ പ്രസിഡന്റ് മാത്യൂസ് മാമ്മൻ അധ്യക്ഷത വഹിച്ചു. ജനറൽ സെക്രട്ടറി മനോജ് പരിമണം സ്വാഗതം ആശംസിച്ചു. അഡ്വൈസറി ബോർഡ് ചെയർമാൻ പി. എ. ജോൺ, വൈസ് പ്രസിഡന്റ് ഡോ. നവീൻ ജോർജ് തോമസ്, അക്കൗണ്ടന്‍റ് അജേഷ് തോമസ്, ജോയിന്റ് സെക്രട്ടറി അജിത് തോമസ് കണ്ണൻപാറ എന്നിവർ ആശംസകൾ അറിയിച്ചു.
ട്രസ്റ്റി മാത്യു കോശി നന്ദി രേഖപ്പെടുത്തി. വിവിധ ഘട്ടങ്ങളിലായി നടന്ന മത്സരത്തിൽ കുവൈറ്റ് സിറ്റി മാർത്തോമ്മ ചർച്ച് ഒന്നാം സ്ഥാനം നേടി മറിയം എവർ റോളിംഗ് ട്രോഫി കരസ്ഥമാക്കി. സെന്റ് തോമസ് മാർത്തോമ്മ ചർച്ച് രണ്ടാം സ്ഥാനം നേടി ഡോ. സണ്ണി ആൻഡ്രൂസ് എവർ റോളിംഗ് ട്രോഫി സ്വന്തമാക്കി.
ബ്രദറൺ ബിലീവേഴ്സ് അസംബ്ലി കുവൈറ്റ് ടീം മൂന്നാം സ്ഥാനം നേടി മാത്യു ഈപ്പൻ ആൻഡ് ഫാമിലി എവർ റോളിംഗ് ട്രോഫി കരസ്ഥമാക്കി. ലൈറ്റ്‌ഹൗസ് ചർച്ചിന്‍റെ സീനിയർ പാസ്റ്റർ പാസ്റ്റർ ജെറാൾഡ് ഗോൾബെക്കും വിവിധ സഭകളിലെ വികാരിമാരും ചേർന്ന് വിജയികൾക്ക് ട്രോഫികളും മെഡലുകളും വിതരണം ചെയ്തു.
ലിനു എബ്രഹാം ക്വിസ് നിയന്ത്രിച്ചു. ഡോ. സണ്ണി ആൻഡ്രൂസും സൂസൻ ജോർജും ജൂറി അംഗങ്ങളായി പ്രവർത്തിച്ചു. സാങ്കേതിക വിഭാഗത്തിന്‍റെ ഏകോപനം റെനി കെ. ജോൺ, ഷിജു മാത്യു, ജോബി ഫിലിപ്പ് മാത്യു എന്നിവർ നിർവഹിച്ചു.
ഓൺലൈൻ ക്വിസ് മോൻസി വർഗീസും സുധാ മാത്യുവും ചേർന്ന് നിയന്ത്രിച്ചു. ജോവാന ആൻ മനോജ് അവതാരകയായി. എ. ഐ. കുര്യനും മനോജ് മാത്യുവും പരിപാടിയുടെ കൺവീനർമാരായി പ്രവർത്തിച്ചു. ജോയൽ മാത്യു മാമ്മനായിരുന്നു പരിപാടിയുടെ കോഓർഡിനേറ്റർ.
ബിനോയ് ജോസഫ്, ഡോ. ജോൺ തോമസ് കെ., മാത്തൻ പടച്ചിറയിൽ, അനിൽ എബ്രഹാം, ജോമി തോമസ്, റെൻജി ജോൺ, സന്തോഷ് എം. ഫിലിപ്പ്, സുനിൽ ജോസഫ്, ടിങ്കു മാത്യു കുരുവിള, കെ. എം. ജോർജ്, ബിജു എം. വർഗീസ്, ജോമി തോമസ്, ബിനു സാറമ്മ മാത്യൂസ്, മറിയാമ്മ ജോൺ, ഷീല കുര്യൻ, സിനി തോമസ് എന്നിവർ മൂല്യനിർണയ സമിതിയിൽ അംഗങ്ങളായിരുന്നു.
കുവൈറ്റിലെ വിവിധ സഭകളെ ഒരുമിപ്പിച്ച് ബൈബിൾ പഠനത്തിന്‍റെയും ക്രൈസ്തവ സൗഹൃദത്തിന്‍റെയും എക്യുമെനിക്കൽ ഐക്യത്തിന്റെയും സന്ദേശം പകർന്നുനൽകിയ പരിപാടിയായി ബൈബിൾ ക്വിസ് മാറി.
Middle East and Gulf
കൽബ: കൈരളി കൾച്ചറൽ അസോസിയേഷൻ കൽബ യൂണിറ്റിന്റെ നേതൃത്വത്തിൽ സംഘടിപ്പിച്ച 'ഓണോത്സവം 2026' വർണാഭമായി. കൽബ ഇന്ത്യൻ സോഷ്യൽ ആൻഡ് കൾച്ചറൽ ക്ലബ് ഓഡിറ്റോറിയത്തിൽ നടന്ന വിപുലമായ ആഘോഷത്തിൽ, ആയിരത്തിലധികം പേർക്കായി ഒരുക്കിയ വിഭവസമൃദ്ധമായ ഓണസദ്യയും വൈവിധ്യമാർന്ന കലാപരിപാടികളും ശ്രദ്ധേയമായി.
മുൻ ലോക കേരളസഭാംഗം സന്തോഷ് ഓമല്ലൂർ സാംസ്കാരിക സമ്മേളനം ഉദ്ഘാടനം ചെയ്തു. യൂണിറ്റ് പ്രസിഡന്റ് അശോകൻ അധ്യക്ഷത വഹിച്ച ചടങ്ങിൽ സെക്രട്ടറി നബീൽ കാർത്തല സ്വാഗതം ആശംസിച്ചു. കൈരളി സെൻട്രൽ കമ്മിറ്റി സെക്രട്ടറി സുജിത്ത് വി.പി, പ്രസിഡന്റ് വിൽസൺ പട്ടാഴി, മുൻ സെക്രട്ടറി പ്രമോദ് പട്ടാനൂർ, മുൻ കൽബ യൂണിറ്റ് സെക്രട്ടറി പ്രിൻസ് തെക്കൂട്ടയിൽ, യൂണിറ്റ് കൾച്ചറൽ കൺവീനർ കമറുന്നിസ, ജോയിന്റ് ട്രഷറർ സുജേഷ് എന്നിവർ ആശംസകൾ അർപ്പിച്ചു. ഔദ്യോഗിക ചടങ്ങുകൾക്ക് ആരോമൽ നന്ദി രേഖപ്പെടുത്തി.
തുടർന്ന് അരങ്ങേറിയ കലാപരിപാടികൾ സദസിനെ ആവേശഭരിതമാക്കി. സ്ത്രീത്വത്തിന്‍റെ കരുത്തും അഴകും സമന്വയിപ്പിച്ച് അവതരിപ്പിച്ച ‘സ്ത്രീമയം’ എന്ന നൃത്തശിൽപവും, ഗ്രീഷ്മാ കണ്ണൻ നയിച്ച ഗാനമേളയും ആഘോഷത്തിന് മാറ്റുകൂട്ടി.
പരിപാടികൾക്ക് സിദ്ദീക്ക്, നൗഷാദ്, ജോബിൻ, സുജേഷ്, അഭിലാഷ്, സനൂഫ്, ആദിൽ, ജയലക്ഷ്മി പ്രദീപ്, നിമ്മി പ്രിൻസ്, ജീന തുടങ്ങിയവർ നേതൃത്വം നൽകി. അംഗങ്ങളുടെയും പ്രവാസി സമൂഹത്തിന്‍റെയും സജീവ പങ്കാളിത്തത്തോടെ നടന്ന ഓണോത്സവം, ഈസ്റ്റ് കോസ്റ്റ് മേഖലയിലെ പ്രവാസി കൂട്ടായ്മയുടെ കരുത്ത് വിളിച്ചോതുന്ന മികച്ചൊരു ആഘോഷമായി മാറി.
Middle East and Gulf
ദോഹ: അഭിനയത്തികവുകൊണ്ടും വ്യക്തിത്വത്തിന്‍റെ മഹിമകൊണ്ടും സിനിമാപ്രേമികളെ വിസ്മയിപ്പിച്ച മഹാനടനായിരുന്നു പ്രേം നസീറെന്ന് പ്രശസ്ത ചലച്ചിത്ര സംവിധായകന്‍ തുളസീദാസ് അഭിപ്രായപ്പെട്ടു.
പ്രേം നസീര്‍ സുഹൃത് സമിതി ദോഹയിലെ മജാസ് റസ്റ്റോറന്‍റ് ഹാളില്‍ സംഘടിപ്പിച്ച പ്രേം നസീര്‍ അനുസ്മരണച്ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സിനിമാപ്രവര്‍ത്തകരെയും ആസ്വാദകരെയും ഒരുപോലെ പരിഗണിക്കുകയും എല്ലാവരെയും സ്‌നേഹത്തോടെ ചേര്‍ത്തുനിര്‍ത്തുകയും ചെയ്ത പ്രേം നസീറിന്‍റെ ജീവിതം പ്രചോദനാത്മകവും അനുകരണീയവുമായിരുന്നു. വ്യക്തിബന്ധങ്ങള്‍ക്ക് വലിയ പ്രാധാന്യം നല്‍കിയിരുന്ന അദ്ദേഹത്തിന്‍റെ പെരുമാറ്റവും സഹജീവികളോടുള്ള കരുതലും എക്കാലവും മാതൃകയാക്കാവുന്നതാണെന്നും തുളസീദാസ് പറഞ്ഞു.
സഹസംവിധായകനായി താന്‍ ചലച്ചിത്രരംഗത്തേക്ക് കടന്നുവന്നത് പ്രേം നസീര്‍ അഭിനയിച്ച സിനിമയിലൂടെയായിരുന്നു. സിനിമാജീവിതത്തിന്‍റെ തുടക്കത്തില്‍ത്തന്നെ അദ്ദേഹത്തോടൊപ്പം പ്രവര്‍ത്തിക്കാന്‍ കഴിഞ്ഞത് വിലപ്പെട്ട അനുഭവമായിരുന്നു. ചെറുതും വലുതുമായ നിരവധി കഥാപാത്രങ്ങളെ അനായാസം അവതരിപ്പിച്ച് സിനിമയെയും ജീവിതത്തെയും ഒരുപോലെ ആഘോഷമാക്കിയ കലാകാരനായിരുന്നു പ്രേം നസീറെന്നും അദ്ദേഹം അനുസ്മരിച്ചു.
മീഡിയ പ്ലസ് സിഇഒ ഡോ. അമാനുല്ല വടക്കാങ്ങര ചടങ്ങില്‍ അധ്യക്ഷത വഹിച്ചു. പ്രേം നസീര്‍ സുഹൃത് സമിതി സംസ്ഥാന ജനറല്‍ സെക്രട്ടറി തെക്കന്‍സ്റ്റാര്‍ ബാദുഷ, ഖത്തര്‍ ബിസിനസ് ഫോറം (കെബിഎഫ്) പ്രസിഡന്റ് ഷഹീന്‍ മുഹമ്മദ് ഷാഫി എന്നിവര്‍ സംസാരിച്ചു.
പ്രേം നസീറിന്‍റെ അഭിനയമികവും വ്യക്തിജീവിതത്തിലെ മഹത്തായ മൂല്യങ്ങളും പുതുതലമുറയ്ക്ക് പരിചയപ്പെടുത്തുന്നതിനൊപ്പം അദ്ദേഹത്തിന്‍റെ ഓര്‍മകള്‍ പ്രവാസലോകത്ത് സജീവമായി നിലനിര്‍ത്തുന്നതിനും അനുസ്മരണച്ചടങ്ങ് വേദിയായി.
Middle East and Gulf
ഷാർജ: 45-ാമത് ഷാർജ രാജ്യാന്തര പുസ്തകമേള (എസ്ഐബിഎഫ് 2026) നവംബർ നാല് മുതൽ 15 വരെ ഷാർജ എക്സ്പോ സെന്‍ററിൽ നടക്കപ്പെടും. "കഥകളാൽ മെനഞ്ഞത്" (മെയ്ഡ് ഓഫ് സ്റ്റോറീസ്) എന്നതാണ് ഈ വർഷത്തെ പ്രമേയം.
124 രാജ്യങ്ങളിൽ നിന്നുള്ള 2,673 പ്രസാധകരും പ്രദർശകരും മേളയിൽ പങ്കാളികളാകും. 25 രാജ്യങ്ങളിൽ നിന്നുള്ള 106 എഴുത്തുകാരും കലാകാരന്മാരും ചിന്തകരും അണിനിരക്കുന്ന സാംസ്കാരിക, കലാ പരിപാടികളാണ് ഇത്തവണ ക്രമീകരിച്ചിരിക്കുന്നത്.
പുസ്തകമേളയിൽ മുഖ്യമന്ത്രി വി.ഡി.സതീശൻ പ്രത്യേക അതിഥിയായി എത്തുന്നു. ലോകത്തിന്റെ വിവിധ ഭാഗങ്ങളിൽ നിന്നെത്തുന്ന പ്രമുഖരായ എഴുത്തുകാരും ചിന്തകരും കലാകാരന്മാരുമടങ്ങുന്ന അതിഥികൾക്കൊപ്പമാണ് മികച്ച വായനക്കാരനും എഴുത്തുകാരനും പ്രസംഗകനുമായ കേരളത്തിന്‍റെ മുഖ്യമന്ത്രിയും ഇടംപിടിച്ചിരിക്കുന്നത്.
ഇതാദ്യമാണ് ഇന്ത്യയിലെ ഒരു സംസ്ഥാനത്തിൽ നിന്നുള്ള മുഖ്യമന്ത്രി ഷാർജ രാജ്യാന്തര പുസ്തകമേളയിൽ അതിഥിയാകുന്നത്. ഷാർജ ബുക്ക് അതോറിറ്റി കേന്ദ്രത്തിൽ നടന്ന വാർത്താ സമ്മേളനത്തിൽ അധികൃതർ ഇക്കാര്യം ഔദ്യോഗികമായി പ്രഖ്യാപിച്ചു.
എന്നാൽ മുഖ്യമന്ത്രി പങ്കെടുക്കുന്ന ദിവസം പിന്നീട് പ്രഖ്യാപിക്കുമെന്ന് സംഘാടകരായ എസ്ബിഎ സിഇഒ അഹമദ് റക്കാദ് അൽ അംറി പറഞ്ഞു.
നവംബർ നാലിന് യുഎഇ സുപ്രിം കൗൺസിൽ അംഗവും ഷാർജ ഭരണാധികാരിയുമായ ഷെയ്ഖ് ഡോ. സുൽത്താൻ ബിൻ മുഹമ്മദ് അൽ ഖാസിമി പുസ്തകമേള ഉദ്ഘാടനം ചെയ്യും.
ഇന്ത്യയടക്കം 106 രാജ്യങ്ങളിൽ നിന്ന് 2200 പ്രസാധകർ 15 ലക്ഷത്തിലേറെ ടൈറ്റിലുകളുമായി പങ്കെടുക്കും. 1500ലേറെ പരിപാടികളാണ് 12 ദിവസങ്ങളിലായി നടക്കുന്ന മേളയിൽ നടക്കുക. കവി പി.കെ.ഗോപിയടക്കമുള്ള എഴുത്തുകാരും സംബന്ധിക്കും.
ഒമാനാണ് ഇത്തവണത്തെ അതിഥി രാജ്യം. ഒമാന്‍റെ സാഹിത്യവും പാരമ്പര്യവും സംസ്കാരവും വിളിച്ചോതുന്ന പ്രത്യേക പരിപാടികൾ പുസ്തകോത്സവത്തിന്‍റെ പ്രധാന ആകർഷണമായിരിക്കും. സാഹിത്യം, ശാസ്ത്രം, ബാലസാഹിത്യം തുടങ്ങി വിവിധ മേഖലകളിലെ പുസ്തകങ്ങളുമായി 1,151 അറബ് പ്രസാധകരും 1,122 രാജ്യാന്തര പ്രസാധകരും മേളയിലെത്തും.
യുഎഇയിൽ നിന്നും അറബ് ലോകത്തുനിന്നും പുറത്തുനിന്നുമുള്ള പ്രമുഖ എഴുത്തുകാരും ചിന്തകരും മേളയിൽ അണിനിരക്കും. യുഎഇയിൽ നിന്ന് ഡോ. സുൽത്താൻ അൽ അമീമി, അലി അബു അൽ റീഷ്, ഡോ. ഹബീബ് ഗലൂം, ഡോ. ശിഹാബ് ഗാനം, ഡോ. അഹമ്മദ് അൽ ഖൂരി, ഫാത്തിമ അൽ നിമർ, ദുബായ് അബുൽഹൂൾ, ആയിഷ സുൽത്താൻ, നാസർ അൽ ദാഹേരി എന്നിവർ പങ്കെടുക്കും.
അറബ് ലോകത്തുനിന്ന് മൊറോക്കൻ ഗവേഷകൻ ഡോ. സഈദ് യക്തീൻ, ലെബനീസ് നടനും സംവിധായകനുമായ റഫീഖ് അലി അഹമ്മദ്, എഴുത്തുകാരി നജ് വ ബറകാത്ത്, സുഡാനീസ് നോവലിസ്റ്റ് ഡോ. അമീർ താജ് എൽസിർ, കുവൈറ്റ് നോവലിസ്റ്റ് സൗദ് അൽസനൂസി, സിറിയൻ-കനേഡിയൻ എഴുത്തുകാരി സുൽഫ കാത്തൂ എന്നിവരും അണിനിരക്കും.
രാജ്യാന്തരതലത്തിൽ നിന്ന് അമേരിക്കൻ എഴുത്തുകാരിയും വിവർത്തകയുമായ ഡെയ്സി റോക്ക്‌വെൽ, അമേരിക്കൻ-കനേഡിയൻ നോവലിസ്റ്റ് ജോൺ വൈലന്‍റ്, ചൈനീസ് നോവലിസ്റ്റ് ലിയു ഷെൻയുൻ, ഫിലിപ്പീൻസ് ചരിത്രകാരൻ അംബെത്ത് ആർ. ഒകാമ്പോ, നൈജീരിയൻ എഴുത്തുകാരി നെഡി ഒകോറാഫോർ, ബ്രിട്ടിഷ് നോവലിസ്റ്റ് ക്ലെയർ മക്കിന്റോഷ്, ഇന്ത്യൻ നടിയും എഴുത്തുകാരിയുമായ ഷെഹ്നാസ് ട്രഷറിവാല, ഓസ്ട്രേലിയൻ ഡിസൈനർ പീറ്റർ ഗൗൾഡ്, ദക്ഷിണാഫ്രിക്കൻ നടി സലാമിന മൊസെസെ, സിംഗപ്പൂർ കവി നതാലി വാംഗ്, ജർമൻ നോവലിസ്റ്റ് ഡാനിയല ടുല്ലി, തായ്‌ലാന്‍റ് എഴുത്തുകാരൻ രെവാത് പൻപിപത് എന്നിവരും പങ്കെടുക്കും.
Middle East and Gulf
ദോഹ: പ്രേം നസീര്‍ സുഹൃത് സമിതിയുടെ ആഭിമുഖ്യത്തില്‍ പ്രേം നസീര്‍ പ്രവാസ പുരസ്കാര സമര്‍പ്പണ ചടങ്ങ് ദോഹയിലെ മജാസ് റസ്റ്റോറന്‍റ് ഹാളില്‍ നടത്തപ്പെട്ടു. പ്രമുഖ മലയാള ചലച്ചിത്ര സംവിധായകന്‍ തുളസീദാസ് പുരസ്‌കാരങ്ങള്‍ വിതരണം ചെയ്തു.
ഐസിസി, ഐസിബിഎഫ് എന്നിവയുടെ മുന്‍ അധ്യക്ഷനും നിലവില്‍ ഐസിസി ഉപദേശക സമിതി ചെയര്‍മാനും സ്‌കില്‍സ് ഡെവലപ്മെന്‍റ് സെന്‍റര്‍ മാനേജിംഗ് ഡയറക്ടറുമായ പി.എന്‍. ബാബുരാജനുവേണ്ടി മകന്‍ ആഷിഖ് ലൈഫ് ടൈം അച്ചീവ്മെന്റ് പുരസ്കാരം ഏറ്റുവാങ്ങി.
ദോഹ ബ്യൂട്ടി സെന്റർ മാനേജിംഗ് ഡയറക്ടറും പ്രൊഫഷണല് ബ്യൂട്ടി തെറാപ്പിസ്റ്റുമായ ഡോ. ഷീല ഫിലിപ്പോസ്, അല്‍ സുവൈദ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടര് ഡോ. വി.വി. ഹംസ, ന്യൂ ഗുഡ്വില്‍ കാര്‍ഗോ, റോക്ക പവര്‍ ജിം എന്നിവയുടെ മാനേജിംഗ് ഡയറക്ടര് മുഹമ്മദ് നൗഷാദ് അബു, മില്ലേനിയം കോണ്‍ട്രാക്ടിംഗ് ആന്‍ഡ് ട്രേഡിംഗ് ഡയറക്ടര് ജയപാല്‍ മാധവന്‍ എന്നിവര്‍ ബിസിനസ് എക്സലന്സ് പുരസ്‌കാരങ്ങള്‍ ഏറ്റുവാങ്ങി.
ഖത്തര്‍ ബിസിനസ് ഫോറം (കെബിഎഫ്.) പ്രസിഡന്റ് ഷഹീന്‍ മുഹമ്മദ് ഷാഫി ചടങ്ങ് ഉദ്ഘാടനം ചെയ്തു. പ്രേം നസീര്‍ സുഹൃത് സമിതി സംസ്ഥാന ജനറല്‍ സെക്രട്ടറി തെക്കന്‍സ്റ്റാര്‍ ബാദുഷ, മീഡിയ പ്ലസ് സി.ഇ.ഒ. ഡോ. അമാനുല്ല വടക്കാങ്ങര, ക്യു മെലോഡിയ ചീഫ് കോ-ഓര്‍ഡിനേറ്റര്‍ റഊഫ് മലയില്‍ എന്നിവര്‍ പരിപാടിക്ക് നേതൃത്വം നല്കി.
Middle East and Gulf
മനാമ: രാജ്യത്തെ ജനാധിപത്യ പ്രക്രിയയുടെ സുതാര്യതയും ഭരണഘടനാ മൂല്യങ്ങളും സംരക്ഷിക്കാൻ മുഖ്യതെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെ സ്ഥാനത്തുനിന്ന് നീക്കം ചെയ്യണമെന്ന് ആവശ്യപ്പെട്ട് കേരള നിയമസഭാ പ്രമേയം പാസാക്കിയത് സ്വാഗതാർഹമാണെന്ന് പ്രവാസി വെൽഫെയർ ബഹ്റിൻ അറിയിച്ചു.
ഇന്ത്യ മഹാരാജ്യത്തെ നീതിപൂർവമായ തെരഞ്ഞെടുപ്പിന് നിഷ്പക്ഷമായും സ്വതന്ത്രമായും പ്രവർത്തിക്കേണ്ട ഭരണഘടനാ സ്ഥാപനമായ തെരഞ്ഞെടുപ്പ് കമ്മീഷന്‍റെ വിശ്വാസ്യത ചോദ്യം ചെയ്യപ്പെടുന്ന സാഹചര്യമാണ് നിലവിലുള്ളത്.
വോട്ടർപട്ടിക ക്രമീകരണങ്ങളിലെ സുതാര്യതയില്ലായ്മയും പൗരന്മാരുടെ അടിസ്ഥാനപരമായ വോട്ടവകാശം സംരക്ഷിക്കുന്നതിലുണ്ടായ വീഴ്ചകളും ജനാധിപത്യ സംവിധാനത്തിന് കനത്ത ഭീഷണിയാണ്.
ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയിൽ വിദേശത്തുള്ള പ്രവാസികൾ ഉൾപ്പെടെയുള്ള ദശലക്ഷക്കണക്കിന് പൗരന്മാരുടെ വോട്ടവകാശം സുരക്ഷിതമാണെന്ന് ഉറപ്പുവരുത്താൻ തെരഞ്ഞെടുപ്പ് കമ്മീഷന് സാധിക്കണം.
കമ്മീഷന്‍റെ ഭരണഘടനാപരമായ സ്വയംഭരണാധികാരം വീണ്ടെടുക്കുന്നതിനും ജനങ്ങളുടെ വിശ്വാസ്യത നിലനിർത്തുന്നതിനും ശക്തമായ നടപടികൾ അത്യന്താപേക്ഷിതമാണ്.
രാജ്യത്തെ ജനാധിപത്യ മൂല്യങ്ങളും പൗരന്മാരുടെ അവകാശങ്ങളും സംരക്ഷിക്കുന്നതിനായി കേരള നിയമസഭാ ഉയർത്തിയ ഈ ശബ്ദം കേന്ദ്ര സർക്കാരും ഭരണഘടനാ സ്ഥാപനങ്ങളും ഗൗരവമായി പരിഗണിക്കണമെന്ന് പ്രവാസി വെൽഫെയർ ബഹ്റിൻ പുറത്തിറക്കിയ പ്രസ്താവനയിൽ ആവശ്യപ്പെട്ടു.
Middle East and Gulf
ദോഹ: അല്‍ സുവൈദ് ഗ്രൂപ്പിന്‍റെ റീട്ടെയില്‍ സംരംഭമായ ജീമാക്‌സ് ഹൈപ്പര്‍മാര്‍ക്കറ്റിന്‍റെ ഫുട്‌ബോള്‍ ടീമിന്‍റെ പുതിയ ജഴ്‌സി പ്രകാശനം ചെയ്തു. തുമാമ മാളില്‍ നടന്ന ചടങ്ങില്‍ ആര്യാടന്‍ ഷൗക്കത്ത് എംഎല്‍എയും താജുദ്ദീന്‍ വടകരയും ചേര്‍ന്നാണ് ജഴ്‌സി പ്രകാശനം നിര്‍വഹിച്ചത്.
അല്‍ സുവൈദ് ഗ്രൂപ്പ് മാനേജിംഗ് ഡയറക്ടര് ഡോ. വി.വി. ഹംസ, ഡയറക്ടര് ഫൈസല്‍ റസാഖ് , സീനിയര്‍ മാനേജ്മെന്റ് പ്രതിനിധികള്‍ മുതലായവര്‍ ചടങ്ങില്‍ സന്നിഹിതരായിരുന്നു. ടീം ക്യാപ്റ്റന്‍ ആദില്‍, വൈസ് ക്യാപ്റ്റന്‍ അന്‍സില്‍ എന്നിവര്‍ ചടങ്ങിന് നേതൃത്വം നല്കി.
Middle East and Gulf
അബുദാബി: കോഴഞ്ചേരി സെന്റ് തോമസ് കോളജ് അലുംമ്നി അബുദാബി ചാപ്റ്റർ പുതിയ ഭാരവാഹികളെ തെരഞ്ഞെടുത്തു. വി.ജെ. തോമസ് (രക്ഷാധികാരി), അനിൽ പി. മാത്യു (പ്രസിഡന്റ്), മാമ്മൻ ഫിലിപ്പ് (സെക്രട്ടറി), സന്തോഷ് സഖറിയ (ട്രഷറർ), രൂപേഷ്‌കുമാർ (വൈസ് പ്രസിഡന്റ്), അജിൻ എൻ മാത്യു (ജോയിന്റ് സെക്രട്ടറി), സ്മിത വി. നായർ (ലേഡി സെക്രട്ടറി), നീതു പ്രസാദ് (ആർട്സ് ക്ലബ് സെക്രട്ടറി) എന്നിവരാണ് ഭാരവാഹികൾ.
അനിൽ സി. ഇടിക്കുള, അജു സൈമൺ, വിൻസൻ എബ്രഹാം, വത്സ വർഗീസ്, സജി തോമസ്, ജേക്കബ് ജോർജ്, സി.ആർ. ഷിബു, ദിപു തോമസ് ജോൺ, അജീഷ് തോമസ്, രോഹിത് ബാലചന്ദ്രൻ, ശ്യാം വി. ശശി, ഷിബു തോമസ്, ലെനീഷ് ബെഞ്ചമിൻ, ഷെറിൻ ജോർജ്, ജെറിൻ ജേക്കബ്, സുനിൽ തോമസ്, ആൻസി ജോസഫ്, അനിത സുരേഷ്‌കുമാർ, റോഷ്‌ന ഷാനവാസ് എന്നിവരെ എക്സിക്യൂട്ടീവ് കമ്മറ്റിയിലേക്കും തെരഞ്ഞെടുത്തു.
പ്രസിഡന്റ് അനിൽ സി. ഇടിക്കുളയുടെ അധ്യക്ഷതയിൽ നടന്ന 35-ാമത് വാർഷിക സമ്മേളനത്തിൽ സെക്രട്ടറി അജു സൈമൺ വാർഷിക റിപ്പോർട്ടും ട്രഷറർ വിൻസൻ എബ്രഹാം വരവ് ചെലവ് കണക്കുകളും അവതരിപ്പിച്ചു.
റവ. ജിജോ സി. ഡാനിയേൽ, റവ. ജിജു എൻ. ജോൺ, റവ.ബിജോ എ. തോമസ്, സെൻട്രൽ അലുംനി സെക്രട്ടറി റെജി താഴമൺ, സെബി സി. എബ്രഹാം എന്നിവർ സംസാരിച്ചു. പ്രവാസജീവിതത്തിനു ശേഷം നാട്ടിലേക്കു മടങ്ങുന്ന ജോജി എം. ജോൺ , ജയ് പി. ചാണ്ടി എന്നിവർക്ക് യാത്രയയപ്പു നൽകി.
രക്ഷാധികാരി വി.ജെ. തോമസ് മൊമെന്റോ സമ്മാനിച്ചു. തിരുവാതിര, സിനിമാറ്റിക്ക് ഡാൻസ്, സംഗീത പരിപാടി എന്നിവയും സംഘടിപ്പിച്ചു.
Middle East and Gulf
ദോഹ: പ്രേം നസീര്‍ സുഹൃത്ത് സമിതിയുടെ പ്രേം നസീര്‍ പ്രവാസ പുരസ്കാര സമര്‍പ്പണം ബുധനാഴ്ച രാത്രി എട്ടിന് ദോഹയിലെ മജാസ് റസ്റ്ററന്‍റ് ഹാളില്‍ നടക്കും. സിനിമാ സംവിധായകന്‍ തുളസീദാസ് പുരസ്‌കാരങ്ങള്‍ വിതരണം ചെയ്യും.
ഐസിസി, ഐസിബിഎഫ് എന്നിവയുടെ മുന്‍ അധ്യക്ഷനും നിലവില്‍ ഐസിസി ഉപദേശക സമിതി ചെയര്‍മാനും സ്‌കില്‍സ് ഡെവലപ്മെന്‍റ് സെന്‍റര്‍ മാനേജിംഗ് ഡയറക്ടറുമായ പി.എന്‍. ബാബുരാജനാണ് ലൈഫ് ടൈം അച്ചീവ്മെന്റ് അവാര്‍ഡ് സമ്മാനിക്കുന്നത്.
സംരംഭകത്വം, ബിസിനസ് മികവ്, സാമൂഹിക-സാംസ്കാരിക പ്രവര്‍ത്തനം എന്നീ മേഖലകളിലെ സംഭാവനകള്‍ പരിഗണിച്ച് നാല് വ്യക്തികള്‍ക്ക് ബിസിനസ് എക്സലന്സ് പുരസ്‌കാരങ്ങള്‍ നല്‍കും.
ദോഹ ബ്യൂട്ടി സെന്‍റര്‍ മാനേജിംഗ് ഡയറക്ടറും പ്രഫഷണല്‍ ബ്യൂട്ടി തെറാപ്പിസ്റ്റുമായ ഡോ. ഷീല ഫിലിപ്പോസ്, അല്‍ സുവൈദ് ഗ്രൂപ്പ് ഓഫ് കമ്പനീസ് മാനേജിംഗ് ഡയറക്ടര് ഡോ. വി.വി. ഹംസ, ന്യൂ ഗുഡ് വില്‍ കാര്‍ഗോ, റോക്ക പവര്‍ ജിം എന്നിവയുടെ മാനേജിംഗ് ഡയറക്ടര് മുഹമ്മദ് നൗഷാദ് അബു, മില്ലേനിയം കോണ്‍ട്രാക്ടിംഗ് ആന്‍ഡ് ട്രേഡിംഗ് ഡയറക്ടര് ജയപാല്‍ മാധവന്‍ എന്നിവരാണ് ബിസിനസ് എക്സലന്സ് പുരസ്‌കാരങ്ങള്‍ക്ക് അര്‍ഹരായത്.
പ്രവാസി സമൂഹത്തിന്റെ വിവിധ മേഖലകളില്‍ വ്യക്തിമുദ്ര പതിപ്പിച്ചവരെ ആദരിക്കുന്നതിലൂടെ അവരുടെ സംഭാവനകള്‍ പൊതുസമൂഹത്തിന് പരിചയപ്പെടുത്തുക എന്ന ലക്ഷ്യത്തോടെയാണ് പുരസ്കാര സമര്‍പ്പണം സംഘടിപ്പിക്കുന്നതെന്ന് പ്രേം നസീര്‍ സുഹൃത് സമിതി സംസ്ഥാന ജനറല്‍ സെക്രട്ടറി തെക്കന്‍സ്റ്റാര്‍ ബാദുഷ അറിയിച്ചു.
അവാര്‍ഡ് ദാനത്തോടനുബന്ധിച്ച് ക്യൂ മെലോഡിയ എന്‍റര്‍ടെയിന്‍മെന്‍റിന്‍റെ ഗാനമേളയുമുണ്ടാകും.
Middle East and Gulf
റിയാദ്: പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന കേളി ന്യൂസനയ്യ പവർഹൗസ് യൂണിറ്റ് എക്സിക്യൂട്ടീവ് അംഗം വിജയാനന്ദന് യൂണിറ്റ് തലത്തിൽ യാത്രയയപ്പ് നൽകി. യൂണിറ്റ് ട്രഷറർ മധു ഗോപി അധ്യക്ഷത വഹിച്ചു.
അടൂർ സ്വദേശിയായ വിജയാനന്ദൻ കഴിഞ്ഞ 23 വർഷമായി മുനീർ മുനീം പ്ലാസ്റ്റിക് കമ്പനിയിൽ സേവനമനുഷ്ഠിച്ചുവരികയായിരുന്നു. ഏരിയയുടെ വിവിധ പ്രവർത്തനങ്ങളിൽ സജീവ സാന്നിധ്യമായിരുന്ന വിജയാനന്ദന്‍റെ സമർപ്പിത സേവനങ്ങളെ ചടങ്ങിൽ പങ്കെടുത്തവർ അനുസ്മരിച്ചു.
കേളി ന്യൂ സനയ്യ രക്ഷാധികാരി കമ്മിറ്റി കൺവീനർ ബൈജു ബാലചന്ദ്രൻ, ന്യൂസനയ്യ ഏരിയ സെക്രട്ടറി തോമസ് ജോയ്, ഏരിയ പ്രസിഡന്റ് നിസാർ മണ്ണഞ്ചേരി, ഏരിയ ട്രഷറർ താജുദ്ദീൻ, ഏരിയ വൈസ് പ്രസിഡന്റ് കരുണാകരൻ മണ്ണടി, ഏരിയ ജോയിന്റ് സെക്രട്ടറി ജയപ്രകാശ് എന്നിവർ ആശംസകൾ നേർന്ന് സംസാരിച്ചു.
യൂണിറ്റിന്റെ ഉപഹാരം സെക്രട്ടറി സുവി പൈസ് വിജയാനന്ദന് കൈമാറി. യാത്രയയപ്പ് ചടങ്ങിന് യൂണിറ്റ് സെക്രട്ടറി സ്വാഗതവും യാത്ര പോകുന്ന വിജയാനന്ദൻ നന്ദിയും രേഖപ്പെടുത്തി.
Middle East and Gulf
അബുദാബി: വൈഎംസിഎയുടെ നേതൃത്വത്തിൽ "ഓണനിലാവ് ' എന്ന പേരിൽ ഓണപരിപാടികളും കുടുംബസംഗമവും സംഘടിപ്പിച്ചു. സംഗീത സംവിധായകനും നടനുമായ മെജോ ജോസഫ് മുഖ്യാതിഥിയായിരുന്നു.
കായിക, വിനോദ മത്സരങ്ങൾ, സംഗീത - നൃത്ത പരിപാടികൾ എന്നിവ ഒരുക്കിയിരുന്നു. ഡാൻ ജേക്കബ് ലെസ്‌ലിൻ പ്രസാദ് എന്നിവർ സംഗീത പരിപാടികൾക്ക് നേതൃത്വം നൽകി. മഹാബലി എഴുന്നള്ളത്ത്, ചെണ്ടമേളം, ഓണസദ്യ എന്നിവയും ഒരുക്കിയിരുന്നു.
രക്ഷാധികാരി ബിജോ വർഗീസ്, പ്രസിഡന്റ് പ്രവീൺ തോമസ് കുര്യൻ, സെക്രട്ടറി ഗീവർഗീസ് ഫിലിപ്പ്, ട്രഷറർ ജിത്തു കുര്യൻ, വൈസ് പ്രസിഡന്റ് ടിനോ മാത്യു, പ്രോഗ്രാം കൺവീനർ സിനു ജോൺ രാമപുരം, ബോർഡ് അംഗങ്ങളായ പ്രിയ പുന്നൻ, അനിൽ സി. ഇടിക്കുള, ജോൺ മാത്യു, ലെസ്‌ലിൻ വി. പ്രസാദ്, സനു ജോൺ ജേക്കബ്, ഷിജിൻ പാപ്പച്ചൻ, ഓഡിറ്റർ സന്ദീപ് ജോർജ് എന്നിവർ പരിപാടികൾക്ക് നേതൃത്വം നൽകി.
Middle East and Gulf
കുവൈറ്റ് സിറ്റി: ഇന്ത്യൻ നഴ്സസ് ഫെഡറേഷൻ ഓഫ് കുവൈറ്റ് (ഇൻഫോക്) സബാഹ് റീജിയണിന്‍റെ ആഭിമുഖ്യത്തിൽ ലോക മാനസികാരോഗ്യ ദിനാചരണത്തിന്‍റെ ഭാഗമായി "വർക്ക്പ്ലേസ് സ്ട്രെസ് മാനേജ്മെന്റ്' എന്ന വിഷയത്തിൽ സെമിനാർ സംഘടിപ്പിച്ചു.
വേൾഡ് മെന്‍റൽ ഹെൽത്ത് ഡേയിൽ ഫർവാനിയ മെഡെക്സ് കെയർ മെഡിക്കൽ സെൻറർ ഓഡിറ്റോറിയത്തിൽ നടന്ന ബോധവത്കരണ പരിപാടിയുടെ ഉദ്ഘാടനം ഇൻഫോക് പ്രസിഡന്റ് വിജേഷ് വേലായുധൻ നിർവഹിച്ചു.
ഇൻഫോക് സബാഹ് റീജിയൺ കൺവീനർ ശ്യാം പ്രസാദ് അധ്യക്ഷത വഹിച്ച ചടങ്ങിൽ മുഖ്യാതിഥിയായി പങ്കെടുത്ത സൈക്യാട്രിസ്റ്റ് ഡോ. നീതു മറിയം ചാക്കോ 2026 ലോക മാനസികാരോഗ്യ ദിനത്തിന്‍റെ പ്രമേയമായ "ജീവിതാനുഭവങ്ങൾ കേൾക്കാം: യഥാർഥ ശബ്ദങ്ങൾ, യഥാർഥ മാറ്റം' എന്ന വിഷയത്തെ ആസ്പദമാക്കി സംസാരിച്ചു.
Middle East and Gulf
കുവൈറ്റ് സിറ്റി: പ്രവാസികളുടെ മനസിൽ സ്നേഹത്തിന്റെയും സമത്വത്തിന്‍റെയും സന്ദേശം പരത്തി ഇൻകാസ് കുവൈറ്റിന്‍റെ ആഭിമുഖ്യത്തിൽ സംഘടിപ്പിച്ച "ഓണപെരുമ 2026' വർണ്ണാഭമായ ചടങ്ങുകളോടെ നടന്നു.
കുവൈറ്റിലെ കോൺഗ്രസ് പ്രസ്ഥാനത്തിന്‍റെ വേരുകൾ സമൂഹത്തിൽ എത്രത്തോളം ആഴത്തിലുള്ളതാണെന്നും കേരളത്തിലെയും കേന്ദ്രത്തിലെയും കോൺഗ്രസ് രാഷ്ട്രീയത്തിന്‍റെ പ്രധാന്യവും ഓർമിപ്പിച്ചുകൊണ്ട് നടന്ന ഈ സമ്മേളനം പ്രവാസലോകത്തിന് പുതിയൊരു അനുഭവമായി മാറി.
ഇൻകാസ് കുവൈറ്റ് ചെയർമാൻ രാജീവ് നടുവിലേമുറി അധ്യക്ഷത വഹിച്ച യോഗത്തിൽ പൂഞ്ഞാർ എംഎൽഎ എം. ജെ. സെബാസ്റ്റ്യൻ നിലവിളക്ക് കൊളുത്തി ഉദ്ഘാടനം നിർവഹിച്ചു.
വിശിഷ്ടാതിഥിയായി എത്തിയ കുന്നത്തൂർ എംഎൽഎ ഉല്ലാസ് കോവൂർ മുഖ്യപ്രഭാഷണം നടത്തി. കുവൈറ്റ് പ്രവാസികളുടെ കേരളവുമായുള്ള ബന്ധത്തെയും നാടിന്‍റെ വികസന സാധ്യതകളെയും കുറിച്ച് എം.ജെ. സെബാസ്റ്റ്യൻ സംസാരിച്ചു.
മെഡക്സ് മെഡിക്കൽ ഗ്രൂപ്പ് സിഇഒ ഷറഫുദ്ദീൻ കണ്ണേത്ത്, റ്റി.വി. എസ് കാർഗോ & ട്രാവൽസ് മാനേജിംഗ് ഡയറക്ടർ ഡോ. എം.എസ്. ഹൈദർ അലി, വൈസ് ചെയർമാൻ തോമസ് പള്ളിക്കൽ, പ്രോഗ്രാം കൺവീനർ ജെയിംസ് വി. കൊട്ടാരം, മീഡിയ കൺവീനർ മധു മാഹി, വനിത കൺവീനർ സാറാമ്മ ജോൺസ്, യൂത്ത് വിംഗ് കൺവീനർ ഒസാമ വാഹിദ്, പ്രോഗ്രാം ജോയിന്റ് കൺവീനർ ബിജു അലക്സാണ്ടർ എന്നിവർ സംസാരിച്ചു.
ജനറൽ സെക്രട്ടറി അനൂപ് സ്വാഗതവും ട്രഷറർ അലക്സ് മാത്യു പുത്തൂർ നന്ദിയും രേഖപ്പെടുത്തി. ചടങ്ങിൽ വിശിഷ്ടാതിഥികൾക്കുള്ള ഉപഹാരങ്ങൾ ബാബു പനമ്പള്ളി, മാത്യു ചെന്നിത്തല, കുര്യൻ തോമസ് പൈനുംമൂട്ടിൽ, ഷെറിൻ മാത്യു കൊട്ടാരം, തമ്പി ലൂക്കോസ് എന്നിവർ ചേർന്ന് കൈമാറി. ജില്ലാ കൺവീനർമാർ വിശിഷ്ടാതിഥികളെയും മറ്റുള്ളവരെയും ഷാൾ അണിയിച്ച് ആദരിച്ചു.
കുവൈറ്റിലെ സാമൂഹിക, സാംസ്കാരിക, മാധ്യമ രംഗങ്ങളിലെ പ്രമുഖരുടെ സാന്നിധ്യത്തിൽ രാവിലെ പത്തരയ്ക്ക് ഈശ്വര പ്രാർഥനയോടു കൂടി ആരംഭിച്ച ചടങ്ങുകൾ ഒത്തുകൂടിയ ജനസഹസ്രങ്ങളെ അക്ഷരാർഥത്തിൽ വിസ്മയിപ്പിച്ചു.
കേരളത്തിന്‍റെ തനതു കലാരൂപങ്ങളായ നാടൻപാട്ടുകൾ, സിനിമ ഗാനങ്ങൾ, ഫ്യൂഷൻ മ്യൂസിക്, നാടോടി നൃത്തങ്ങൾ, മനോഹരമായ ചുവടുകൾ, ഇൻസ്‌ട്രുമെന്‍റൽ മ്യൂസിക്, റോക്ക് ഡാൻസ്, തിരുവാതിര, എന്നിവയോടൊപ്പം മഹാബലിയുടെ പ്രൗഢഗംഭീരമായ വരവും ആഘോഷത്തിന് മാറ്റുകൂട്ടി.
പൗർണ്ണമി സംഗീതും ആൻസി സോണിയും സ്റ്റേജിൽ പരിപാടികൾ നിയന്ത്രിച്ചു. എല്ലാവിധ പ്രതിസന്ധികളെയും തട്ടിമാറ്റി ഇൻകാസ് പ്രവർത്തകരും അവരുടെ കുടുംബങ്ങളും ഒറ്റക്കെട്ടായി നിന്ന് ഈ മഹാസംഗമം വൻ വിജയമാക്കി മാറ്റുകയായിരുന്നു. ചടങ്ങിന്‍റെ ഭാഗമായി ഓണസദ്യയും ഒരുക്കിയിരുന്നു.
Middle East and Gulf
കുവൈറ്റ് സിറ്റി: കുവൈറ്റിൽ റീട്ടെയിൽ മേഖലയിലേക്ക് പുതിയ ചുവടുവയ്പ്പുമായി മെട്രോ ഇന്റർനാഷണൽ ഗ്രൂപ്പ്. ഗ്രൂപ്പിന്‍റെ ആദ്യ ഹൈപ്പർമാർക്കറ്റായ മെട്രോ ഹൈപ്പർമാർക്കറ്റ് വെള്ളിയാഴ്ച വൈകുന്നേരം 4.30ന് ഫർവാനിയയിലെ മഗാതീർ കോംപ്ലക്സിന്‍റെ ബേസ്മെന്‍റിൽ ഉദ്ഘാടനം ചെയ്യും.
വിവിധ രാജ്യങ്ങളിലെ അംബാസഡർമാർ, എംബസി പ്രതിനിധികൾ, സർക്കാർ ഉദ്യോഗസ്ഥർ, സാമൂഹിക - സാംസ്കാരിക രംഗത്തെ പ്രമുഖർ, വ്യവസായികൾ, കമ്യൂണിറ്റി പ്രതിനിധികൾ എന്നിവർ ചടങ്ങിൽ പങ്കെടുക്കും.
ആരോഗ്യപരിചരണ രംഗത്ത് സാന്നിധ്യം ഉറപ്പിച്ചു കഴിഞ്ഞ മെട്രോ ഇന്റർനാഷണൽ ഗ്രൂപ്പ്, കുടുംബങ്ങളുടെ ദൈനംദിന ആവശ്യങ്ങൾ നിറവേറ്റുന്നതിനായി റീട്ടെയിൽ മേഖലയിലേക്കും പ്രവർത്തനം വ്യാപിപ്പിക്കുകയാണ്.
ഗുണമേന്മയുള്ള ഉത്പന്നങ്ങൾ, മത്സരാധിഷ്ഠിത വിലകൾ, പ്രത്യേക ഓഫറുകൾ, ഉപഭോക്തൃ ആനുകൂല്യങ്ങൾ എന്നിവയിലൂടെ വ്യത്യസ്തമായ ഷോപ്പിംഗ് അനുഭവം ഒരുക്കുകയാണ് ലക്ഷ്യം. ഭാവിയിൽ കുവൈറ്റിലെ കൂടുതൽ പ്രദേശങ്ങളിലേക്ക് ഹൈപ്പർമാർക്കറ്റ് ശൃംഖല വ്യാപിപ്പിക്കാനും പദ്ധതിയുണ്ട്.
മെട്രോ ഹൈപ്പർ പവർ കാർഡിലൂടെ വായ്പാ രൂപത്തിൽ പർച്ചെയ്സ് സൗകര്യം, മെട്രോ കെയർ ചെക്കപ്പ് പദ്ധതിയിലൂടെ നിശ്ചിത തുകയ്ക്ക് മുകളിൽ ഷോപ്പിംഗ് നടത്തുന്നവർക്ക് മെട്രോ മെഡിക്കൽ സെന്ററുകളിൽ ആരോഗ്യപരിശോധനാ സൗകര്യം എന്നിവ ലഭ്യമാകും.
ആദ്യഘട്ടത്തിൽ മെട്രോയുടെ ഫർവാനിയ, ഖൈത്താൻ, ജലീബ് മെഡിക്കൽ സെന്ററുകളിൽ ആണ് ഈ സേവനം ഒരുക്കുക. മെട്രോ ഹൈപ്പർ ഹബീബി പോയിന്‍റ്സ് പദ്ധതിയിലൂടെ 100 സ്വാഗത പോയിന്‍റുകൾ ലഭിക്കുന്നതോടൊപ്പം ഓരോ കുവൈറ്റി ദിനാറിന്‍റെ ഷോപ്പിംഗിനും ഒരു പോയിന്‍റ് നേടാം.
100 പോയിന്‍റുകൾ ഒരു കുവൈറ്റി ദിനാറിന്‍റെ വിലക്കിഴിവായി ഉപയോഗിക്കാം. കൂടാതെ, മെട്രോ ഹൈപ്പർ ഗോൾഡൻ ട്രോളി പദ്ധതിയിലൂടെ തെരഞ്ഞെടുക്കപ്പെടുന്ന വിജയിക്ക് മുൻ ഷോപ്പിംഗിൽ ചെലവഴിച്ച തുകയ്ക്ക് തുല്യമായ മൂല്യമുള്ള ഉത്പന്നങ്ങൾ അടുത്ത സന്ദർശനത്തിൽ സൗജന്യമായി നേടാനും അവസരമുണ്ടാകും.
മെട്രോ ഹൈപ്പർ ഫ്രൈഡേ മാർക്കറ്റ് ഈ മാസം 23 മുതൽ രാവിലെ എട്ട് മുതൽ ഉച്ചയ്ക്ക് രണ്ട് വരെ പ്രവർത്തിക്കും. ഫ്രഷ് ഉത്പന്നങ്ങളും പ്രത്യേക വിലക്കിഴിവുകളും ലഭ്യമാക്കുന്നതിലൂടെ കുടുംബങ്ങൾക്ക് കൂടുതൽ ലാഭകരമായ ഷോപ്പിംഗ് അനുഭവം നൽകുകയാണ് ലക്ഷ്യം.
Middle East and Gulf
മദീന: ഉംറ തീർഥാടക ലൈല സെയ്തുമുഹമ്മദ് (75) മദീനയിൽ മരിച്ചു. കോട്ടയം പാറത്തോട് സ്വദേശി പരേതനായ സെയ്തുമുഹമ്മദാണ് (മാങ്കുഞ്ഞ്) ഭർത്താവ്.
പരേത ആനക്കല്ല് നെല്ലിമലപ്പുതുപ്പറമ്പിൽ കുടുംബാംഗമാണ്. മക്കൾ: ഫാത്തിമ, ബീമ, റിയാസ് (ഖത്തർ). മരുമക്കൾ: നാസർ, തസ്‌നി, പരേതനായ സുബൈർ.
കബറടക്കം സൗദിയിൽ നടത്തും.
Middle East and Gulf
മനാമ: കൊല്ലം പ്രവാസി അസോസിയേഷന്‍റെ ആഭിമുഖ്യത്തിൽ സംഘടിപ്പിച്ച പൊന്നോണം 2026 അദാരി പാർക്കിൽ വച്ച് ആഘോഷിച്ചു.
കെപിഎയുടെ ബഹ്‌റനിലെ 10 ഏരിയകളിൽ നിന്നുള്ള അംഗങ്ങൾ പങ്കെടുത്ത ആഘോഷം പ്രവാസി മലയാളികളുടെ ഒത്തൊരുമയുടെയും കേരളീയ സംസ്കാരത്തിന്റെയും സ്നേഹസംഗമമായി മാറി.
1300-ലധികം പേർക്ക് ഓണസദ്യ ഒരുക്കി. മുതിർന്ന കലാകാരന്മാരുടെയും പ്രവാസശ്രീ അംഗങ്ങളുടെയും കുട്ടികളുടെയും കലാപരിപാടികളും കെപിഎ സിംഫണിയുടെ ഗാനമേളയും ആഘോഷത്തിന് മാറ്റുകൂട്ടി.
Middle East and Gulf
റിയാദ്: സൗദിയിൽ ഉംറ തീർഥാടക സംഘം സഞ്ചരിച്ച ബസ് അപകടത്തിൽപ്പെട്ട് രണ്ട് ഇന്ത്യക്കാരും ഒരു പാക്കിസ്ഥാനി പൗരനും മരിച്ചു.
യുപി സ്വദേശികളായ അൻവർ ഹുസെെൻ (53), ഷക്കീൽ അഹമ്മദ് ഷാ (48), ബസ് ഡ്രൈവറായ പാക്കിസ്ഥാൻ സ്വദേശി മുഹമ്മദ് ഉമർ മുഹമ്മദ് (28) ആണ് മരിച്ചത്.
റിയാദ് - മക്ക റോഡിലെ റുവൈദയിലാണ് ഞായറാഴ്ച അപകടം നടന്നത്. ദമാമിൽ നിന്നും ഉംറ നിർവഹിക്കാൻ പുറപ്പെട്ട സംഘത്തിന്‍റെ ബസ് നിയന്ത്രണം വിട്ട് മറിയുകയായിരുന്നു.
വാഹനത്തിൽ ആറ് ഇന്ത്യക്കാരുൾപ്പടെ 44 പേർ ഉണ്ടായിരുന്നു. പരിക്കേറ്റവരെ റുവൈദ, അൽ ഖുവയ്യ, ഖാസിറ എന്നീ ആശുപത്രികളിൽ പ്രവേശിച്ചിട്ടുണ്ട്.
Middle East and Gulf
റിയാദ്: കേളി കലാ സാംസ്കാരിക വേദിയുടെ സിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന കുദു - കേളി മെഗാ ക്രിക്കറ്റ് ടൂർണമെന്റ് രണ്ടാം സീസൺ സഫ മക്ക കപ്പിന്‍റെ അഞ്ചാം വാരത്തിൽ അഞ്ച് മത്സരങ്ങൾ നടന്നു.
ആദ്യ മത്സരത്തിൽ സാറ്റ്കോം ട്രാവൻകൂർ എട്ട് വിക്കറ്റിന് എക്സ്ട്രീം ക്രിക്കറ്റ് ക്ലബിനെ പരാജയപ്പെടുത്തി. എക്സ്ട്രീം 88 റൺസിന് പുറത്തായപ്പോൾ സാറ്റ്കോം രണ്ട് വിക്കറ്റ് നഷ്ടത്തിൽ ലക്ഷ്യം മറികടന്നു. അജ്മൽ പ്ലെയർ ഓഫ് ദ മാച്ചായി.
രണ്ടാം മത്സരത്തിൽ സ്രാക്കോ സ്ട്രൈക്കേഴ്സ് 65 റൺസിന് കേരള കിംഗ്സ് റിയാദിനെ തോൽപ്പിച്ചു. സ്രാക്കോ ആറ് വിക്കറ്റ് നഷ്ടത്തിൽ 131 റൺസ് നേടിയപ്പോൾ കേരള കിംഗ്സിന്‍റെ മറുപടി എട്ട് വിക്കറ്റ് നഷ്ടത്തിൽ 66 റൺസിൽ ഒതുങ്ങി. നൗഷാദ് പ്ലെയർ ഓഫ് ദ മാച്ചായി.
മൂന്നാം മത്സരത്തിൽ സ്പാർക്കൻസ് സിസി 29 റൺസിന് കൊങ്കൺ ഫൈറ്റേഴ്സിനെ പരാജയപ്പെടുത്തി. സ്പാർക്കൻസ് ഏഴ് വിക്കറ്റ് നഷ്ടത്തിൽ 122 റൺസ് നേടിയപ്പോൾ കൊങ്കൺ ഫൈറ്റേഴ്സിന്‍റെ ഇന്നിംഗ്സ് ഏഴ് വിക്കറ്റ് നഷ്ടത്തിൽ 93 റൺസിൽ അവസാനിച്ചു. സയ്യിദ് ജാബിർ മാൻ പ്ലെയർ ദ മാച്ചായി.
നാലാം മത്സരത്തിൽ രത്നഗിരി റോയൽസ് 33 റൺസിന് എഫ്സിആർ ക്രിക്കറ്റ് ക്ലബിനെ തോൽപ്പിച്ചു. രത്നഗിരി എട്ട് വിക്കറ്റ് നഷ്ടത്തിൽ 104 റൺസ് നേടിയപ്പോൾ എഫ്സിആർ 71 റൺസിന് പുറത്തായി. അനസ് ദേശ്മുഖ് പ്ലെയർ ഓഫ് ദ മാച്ചായി.
അഞ്ചാം മത്സരത്തിൽ ഗ്ലോബ്വിൻ ലോജിസ്റ്റിക്സ് നാല് വിക്കറ്റിന് റിബൽസ് റിയാദിനെ പരാജയപ്പെടുത്തി. റിബൽസ് അഞ്ച് വിക്കറ്റ് നഷ്ടത്തിൽ 125 റൺസ് നേടിയപ്പോൾ ഗ്ലോബ്വിൻ ആറ് വിക്കറ്റ് നഷ്ടത്തിൽ ലക്ഷ്യം മറികടന്നു. വിനീത് ചാർലി പ്ലെയർ ഓഫ് ദ മാച്ചായി.
മൻസൂർ, നൗഫൽ അബ്ദുസലാം, ഷെബി അബ്ദുസലാം, ഇസ്മായിൽ കൊടിഞ്ഞി, നംഷീർ എന്നിവർ അമ്പയർമാരായി. ഉനൈസ് ഖാൻ, നൈമു, ചാക്കോ, ഖൈസ്, റിജേഷ് എന്നിവർ സഹഅമ്പയർമാരായി.
നസീം ഏരിയ പ്രസിഡന്റ് ഉല്ലാസൻ, മലാസ് ഏരിയ കമ്മറ്റി അംഗം ഉനൈസ്ഖാൻ, സുലൈ ഏരിയ കമ്മറ്റി അംഗം അബ്ദുൽ സലാം, ന്യൂസനയ്യ ലാസുർധി യൂണിറ്റ് നിവാഹക സമിതി അംഗം സുജിത്ത്, നൈമുദ്ദീൻ എന്നിവർ പ്ലെയർ ഓഫ് ദ മാച്ച് പുരസ്കാരങ്ങൾ നൽകി.
24 ടീമുകൾ മാറ്റുരയ്ക്കുന്ന മൂന്ന് മാസം നീളുന്ന ടൂർണമെന്റിൽ ആറ് ഗ്രൂപ്പുകളിലായാണ് മത്സരങ്ങൾ. നവംബർ പകുതിയോടെ ലീഗ് മത്സരങ്ങൾ പൂർത്തിയാകും. സെമിഫൈനലും ഫൈനലും ഡിസംബറിൽ നടക്കും.
Middle East and Gulf
കണ്ണൂർ: റിയാദ് കേന്ദ്രമായി പ്രവർത്തിക്കുന്ന കേളി കലാ സാംസ്കാരിക വേദിയുടെയും കുടുംബവേദിയുടെയും പ്രവർത്തകരുടെ മക്കൾക്കായി ഏർപ്പെടുത്തിയ പ്രതീക്ഷ വിദ്യാഭ്യാസ പുരസ്കാരം കണ്ണൂർ ജില്ലയിൽ 20 വിദ്യാർഥികൾ ഏറ്റുവാങ്ങി.
പത്താം ക്ലാസ് പരീക്ഷയിൽ വിജയിച്ച 11 പേർക്കും പ്ലസ് ടു പരീക്ഷയിൽ വിജയിച്ച ഒമ്പത് പേർക്കുമാണ് പുരസ്കാരം നൽകിയത്. വിദ്യാർഥികളെ പ്രോത്സാഹിപ്പിക്കുന്നതിനായി കാഷ് അവാർഡും മൊമെന്‍റോയും ഉൾപ്പെടുത്തിയാണ് പുരസ്കാരം നൽകുന്നത്.
ഈ അധ്യയന വർഷം ആകെ 232 വിദ്യാർഥികളാണ് പുരസ്കാരത്തിന് അർഹരായത്. ഇതിൽ റിയാദിൽ 16 കുട്ടികൾക്ക് നേരത്തേ പുരസ്കാരം വിതരണം ചെയ്തിരുന്നു.
കേരളത്തിലെ വിവിധ ജില്ലകളിലായി 216 കുട്ടികൾക്കുള്ള പുരസ്കാര വിതരണത്തിന്‍റെ ഭാഗമായാണ് കണ്ണൂരിലും ചടങ്ങ് സംഘടിപ്പിച്ചത്.
Middle East and Gulf
ദോഹ: വ്യക്തികളുടെ മാനസികാരോഗ്യം സംരക്ഷിക്കുന്നതിന് ആരോഗ്യകരമായ സാമൂഹിക പരിസരം ഒരുക്കേണ്ടത് കാലഘട്ടത്തിന്റെ അനിവാര്യതയാണെന്ന് സാമൂഹ്യ പ്രവര്‍ത്തകനും ഖത്തര്‍ ഇന്ത്യന്‍ കള്‍ച്ചറല്‍ സെന്റർ ഉപദേശക സമിതി ചെയര്‍മാനുമായ പി.എന്‍. ബാബുരാജന്‍.
ആരോഗ്യകരമായ കൂട്ടായ്മകള്‍ക്കും സൗഹൃദങ്ങള്‍ക്കും വ്യക്തികളുടെ മാനസികാരോഗ്യം സംരക്ഷിക്കുന്നതില്‍ വലിയ പങ്കുവഹിക്കാനാകുമെന്നും അദ്ദേഹം പറഞ്ഞു. ലോക മാനസികദിനാചരണത്തിന്‍റെ ഭാഗമായി മീഡിയ പ്ലസും ദ വേ കോര്‍പറേറ്റ് സര്‍വീസസും സംയുക്തമായി സംഘടിപ്പിച്ച ചര്‍ച്ച ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ശരിയും തെറ്റും എന്ന പരമ്പരാഗത വേര്‍തിരിവുകള്‍ക്കപ്പുറം, മനസിനെ ശാക്തീകരിക്കുകയും ഊര്‍ജസ്വലമാക്കുകയും ചെയ്യുന്ന പ്രവര്‍ത്തനങ്ങള്‍ക്കാണ് കൂടുതല്‍ പ്രാധാന്യം നല്‍കേണ്ടത്. പരസ്പരം കേള്‍ക്കാനും മനസിലാക്കാനും സഹവസിക്കാനും കഴിയുന്ന സൗഹൃദപരമായ സാമൂഹിക അന്തരീക്ഷം സൃഷ്ടിക്കേണ്ടത് ഇന്നത്തെ സമൂഹത്തിന്റെ ഉത്തരവാദിത്വമാണെന്നും അദ്ദേഹം കൂട്ടിച്ചേര്‍ത്തു.
ജീവിതത്തോടുള്ള നമ്മുടെ കാഴ്ചപ്പാടാണ് ഏറ്റവും പ്രധാനപ്പെട്ടതെന്നും മറ്റുള്ളവരുടെ പേരും പെരുമയും നോക്കി സ്വന്തം ജീവിതത്തെ വിലയിരുത്തുകയും നെടുവീര്‍പ്പിടുകയും ചെയ്യുന്ന മനസുകളാണ് ആധുനിക ലോകം നേരിടുന്ന വലിയ വെല്ലുവിളികളിലൊന്നെന്നും മുഖ്യപ്രഭാഷണം നടത്തിയ ഫ്രണ്ട്‌സ് കള്‍ച്ചറല്‍ സെന്‍റര്‍ എക്സിക്യൂട്ടീവ് ഡയറക്ടര് ഹബീബ് റഹ്‌മാന്‍ കിഴിശേരി പറഞ്ഞു.
അസ്വസ്ഥതകളുടെയും ആകുലതകളുടെയും ലോകത്ത് മനുഷ്യനെക്കുറിച്ചുള്ള കൂടുതല്‍ വിശാലമായ കാഴ്ചപ്പാടിലേക്ക് നാം വളരേണ്ടതുണ്ട്. ഉള്ളതില്‍ സംതൃപ്തി കണ്ടെത്താനും സമാധാനപരമായ മാര്‍ഗങ്ങളിലൂടെ ജീവിതം കെട്ടിപ്പടുക്കാനും ശ്രദ്ധിക്കണം. മനസിന്‍റെ ഐശ്വര്യമാണ് ജീവിതത്തിലെ ഏറ്റവും വലിയ സൗഭാഗ്യം എന്നും അദ്ദേഹം പറഞ്ഞു.
ചിന്തകളും സ്വഭാവങ്ങളും ജീവിതവും പരസ്പരം ബന്ധപ്പെട്ടിരിക്കുന്നുവെന്നും നല്ല ചിന്തകളിലൂടെ നല്ല പ്രവൃത്തികളും അതുവഴി സമാധാനപൂര്‍ണമായ ജീവിതവും സൃഷ്ടിക്കാന്‍ കഴിയുമെന്നും എന്‍എല്‍പി പരിശീലകനും സംരംഭകനുമായ രാജേഷ് ആളൂര്‍ പറഞ്ഞു.
മാനസികാരോഗ്യത്തിന്‍റെ സമകാലിക പ്രസക്തി തിരിച്ചറിയണമെന്നും വ്യക്തിജീവിതത്തിലും തൊഴില്‍ജീവിതത്തിലും മാനസികാരോഗ്യത്തിന് ആവശ്യമായ ശ്രദ്ധയും പരിചരണവും നല്‍കണമെന്നും പരിപാടിയില്‍ അധ്യക്ഷത വഹിച്ച ദ വേ കോര്‍പ്പറേറ്റ് സര്‍വീസസ് സിഇഒ ഉവൈസ് ഉസ്മാന്‍ പറഞ്ഞു.
മൈന്‍ഡ് ട്യൂണ്‍ ഈക്കോ വേവ്‌സ് ഖത്തര്‍ ചെയര്‍മാന്‍ മുത്തലിബ് മട്ടന്നൂര്‍, കരാട്ടെ പരിശീലകന്‍ സയ്യിദ് സല്‍മാന്‍, ജദീര്‍ എന്നിവരും സംസാരിച്ചു. മീഡിയ പ്ലസ് സിഇഒ ഡോ. അമാനുല്ല വടക്കാങ്ങര പരിപാടി നിയന്ത്രിച്ചു.
Middle East and Gulf
റിയാദ്: കേളി കലാ സാംസ്കാരിക വേദി അസീസിയ ഏരിയ കമ്മിറ്റിയും സ്റ്റാർ ഹെൽത്ത് മെഡിക്കൽ സെന്‍ററും സംയുക്തമായി റിയാദ് മൻസൂറയിലെ സ്റ്റാർ ഹെൽത്ത് മെഡിക്കൽ സെന്‍ററിൽ സൗജന്യ മെഡിക്കൽ ക്യാമ്പ് സംഘടിപ്പിച്ചു.
ഇന്ത്യയിലെ വിവിധ സംസ്ഥാനങ്ങളിൽ നിന്നുള്ളവരും പാക്കിസ്ഥാൻ, ബംഗ്ലാദേശ് തുടങ്ങിയ രാജ്യങ്ങളിൽ നിന്നുള്ളവരും ഉൾപ്പെടെ മുന്നൂറോളം പേർ ക്യാമ്പിൽ പങ്കെടുത്തു. മലയാളികളും കുടുംബങ്ങളും ഉൾപ്പെടെ വിവിധ ദേശക്കാരുടെ പങ്കാളിത്തം ക്യാമ്പിനെ ശ്രദ്ധേയമാക്കി.
സ്റ്റാർ ഹെൽത്ത് മെഡിക്കൽ സെന്‍ററിലെ സ്പെഷ്യലിസ്റ്റ് ഡോ. ഫാത്തിമ ഹക്കീമിന്‍റെ നേതൃത്വത്തിലുള്ള മെഡിക്കൽ സംഘമാണ് പരിശോധനകൾക്ക് നേതൃത്വം നൽകിയത്.
ബ്ലഡ് ഷുഗർ, ക്രിയാറ്റിനിൻ, കൊളസ്ട്രോൾ, രക്തസമ്മർദം, ട്രൈഗ്ലിസറൈഡ്സ്, യൂറിക് ആസിഡ് എന്നിവയുടെ പരിശോധനയും ശരീരഭാരവും ഉയരവും അടിസ്ഥാനമാക്കിയുള്ള ബിഎംഐ പരിശോധനയും ക്യാമ്പിൽ സൗജന്യമായി നടത്തി.
വിവിധ ആരോഗ്യപ്രശ്നങ്ങൾ നേരത്തേ തിരിച്ചറിയുന്നതിനും ആരോഗ്യനില വിലയിരുത്തുന്നതിനും ക്യാമ്പ് സഹായകമായി. കേളി അസീസിയ ഏരിയ പ്രസിഡന്റ് അലി പട്ടാമ്പിയുടെ അധ്യക്ഷതയിൽ ചേർന്ന സമാപന ചടങ്ങ് ഡോ. ഫാത്തിമ ഹക്കീം ഉദ്ഘാടനം ചെയ്തു.
സ്റ്റാർ ഹെൽത്ത് മെഡിക്കൽ സെന്റർ ജനറൽ മാനേജർ അക്ബർ വേങ്ങാട്, ക്ലിനിക് മാനേജർ നിസാർ, കേളി കേന്ദ്ര ജീവകാരുണ്യ കമ്മിറ്റി ചെയർമാൻ ലിബിൻ പശുപതി, കേളി കേന്ദ്ര കമ്മിറ്റി അംഗം സിജിൻ കൂവളൂർ, സ്റ്റാർ ഹെൽത്ത് മെഡിക്കൽ മാർക്കറ്റിംഗ് മാനേജർ സുഷമ ഷാൻ എന്നിവർ സംസാരിച്ചു.
സ്റ്റാർ ഹെൽത്ത് മെഡിക്കൽ സെന്‍ററിനുള്ള കേളിയുടെ ഉപഹാരം അസീസിയ ഏരിയ രക്ഷാധികാരി സെക്രട്ടറി അജിത് പ്രസാദ് മാർക്കറ്റിംഗ് മാനേജർ സുഷമ ഷാന് കൈമാറി.
അസീസിയ ഏരിയ കമ്മിറ്റിക്കുള്ള ഉപഹാരം സ്റ്റാർ ഹെൽത്ത് മെഡിക്കൽ സെന്റർ ക്ലിനിക് മാനേജർ നിസാർ കേളി ഏരിയ സെക്രട്ടറി സുധീർ പോരേടത്തിന് നൽകി.
കേളി കേന്ദ്ര സെക്രട്ടേറിയറ്റ് അംഗവും ജീവകാരുണ്യ കമ്മിറ്റി ചുമതലക്കാരനുമായ നസീർ മുള്ളൂർക്കര, കേളി കേന്ദ്ര കമ്മിറ്റി അംഗം സുജിത്ത് എന്നിവർ സന്നിഹിതരായിരുന്നു.
സുധീർ പോരേടം സ്വാഗതവും ഏരിയ ട്രഷറർ ലജീഷ് നരിക്കോട് നന്ദിയും പറഞ്ഞു.
Middle East and Gulf
ദുബായി: വിവിധ രാജ്യങ്ങളിൽ നിന്നുള്ള കത്തോലിക്ക യുവജനങ്ങളുടെ സംഗമമായ കാരിസ് ഏഷ്യ യൂത്ത് കോൺഫ്രൻസ് 2026 യുഎഇയിലെ റാസൽഖൈമയിൽ നടക്കും.
കാരിസ് ഇന്‍റർനാഷണലിന്‍റെയും ആതിഥേയ രൂപതയായ അപ്പോസ്തോലിക് വികാരിയേറ്റ് ഓഫ് സതേൺ അറേബ്യയുടെയും അംഗീകാരത്തോടെയാണ് നവംബർ 13 മുതൽ 15 വരെ മൂന്ന് ദിവസത്തെ അന്താരാഷ്ട്ര യുവജന സമ്മേളനം സംഘടിപ്പിക്കുന്നത്.
"മൂവ് ദ മൗണ്ടൈൻസ്' എന്ന പ്രമേയത്തിലാണ് സമ്മേളനം നടത്തുന്നത്. വിവിധ രാജ്യങ്ങളിൽ നിന്നും വ്യത്യസ്ത സാംസ്കാരിക പശ്ചാത്തലങ്ങളിൽ നിന്നുമുള്ള യുവാക്കളെ ഒരുമിച്ചുകൂട്ടി പ്രാർഥന, ആരാധന, ആത്മീയ പരിശീലനം, കൂട്ടായ്മ എന്നിവയിലൂടെ അവരുടെ വിശ്വാസജീവിതം കൂടുതൽ ആഴപ്പെടുത്തുകയാണ് സമ്മേളനത്തിന്‍റെ പ്രധാന ലക്ഷ്യം.
കാരിസ് ഏഷ്യ കോണ്ടിനെന്‍റൽ സർവീസ് ഓഫ് കമ്യൂണിയൺ കോഓർഡിനേറ്റർ ആന്‍റണി ലിം, കാരിസ് ഏഷ്യ സെക്രട്ടറിയും അവോസ കോഓർഡിനേറ്ററുമായ ക്ലിറ്റ്സൺ ജോസഫ്, യൂത്ത് കോഓർഡിനേറ്റർ അജിൻ ജോസഫ് എന്നിവരുടെ നേതൃത്വത്തിലാണ് സമ്മേളനത്തിന്‍റെ ഒരുക്കങ്ങൾ പുരോഗമിക്കുന്നത്.
ആർച്ച്ബിഷപ് ഫ്രാൻസിസ് കലിസ്റ്റ്, ബിഷപ് പൗലോ മാർട്ടിനെല്ലി, ബിഷപ് ആൽഡോ ബെറാർഡി, ഫാ.ജെ. ബോയ് ഗോൺസാലസ്, ഫാ. ഡെറിക് ഡിസൂസ, മൈക്കേല ജോവാന ആർ. ഫ്ലോറസ്, മിഷേൽ റെമരി എന്നിവർ സമ്മേളനത്തിൽ പങ്കെടുക്കും.
പ്രത്യേക ശില്പശാലയ്ക്ക് ജീസസ്‌ യൂത്ത് നേതൃത്വം നൽകും.
Middle East and Gulf
മസ്കറ്റ്: ഒമാനിൽ വന്യജീവികളുടെ മാംസം അനധികൃതമായി കൈവശം വച്ചതിന് മൂന്ന് സ്വദേശി പൗരന്മാർ അറസ്റ്റിൽ.
പരിസ്ഥിതി അതോറിറ്റിയും റോയൽ ഒമാൻ പൊലിസും സംയുക്തമായാണ് ദോഫാറിൽ നിന്ന് ഇവരെ അറസ്റ്റ് ചെയ്തത്.
വിദേശത്ത് നിന്ന് ആവശ്യമായ പാരിസ്ഥിതിക അനുമതിയില്ലാതെ എത്തിച്ച കാട്ടുപക്ഷികളുടെയും മുയലിന്‍റെയും മാസമാണ് ഇവർ സൂക്ഷിച്ചത്.
പ്രതികൾക്കെതിരേ നിയമനടപടികൾ പുരോഗമിക്കുകയാണെന്ന് അധികൃതർ വ്യക്തമാക്കി.
Middle East and Gulf
റിയാദ്: താമസസ്ഥലത്തുണ്ടായ തീപിടിത്തത്തിൽ ഗുരുതരമായി പൊള്ളലേറ്റ് ചികിത്സയിലായിരുന്ന മലയാളി മരിച്ചു. മലപ്പുറം അങ്ങാടിപ്പുറം പരിയാപുരം സ്വദേശി ഫസലുദ്ദീൻ വടക്കേക്കരയാണ് (52) മരിച്ചത്.
നാല് ദിവസം മുമ്പാണ് താമസസ്ഥലത്ത് തീപിടിത്തമുണ്ടായത്. പൊള്ളലേറ്റ ഫസലുദ്ദീനെ ഉടൻ തന്നെ നാഷനൽ ഗാർഡ് ആശുപത്രിയിലെ തീവ്രപരിചരണ വിഭാഗത്തിൽ പ്രവേശിപ്പിച്ചെങ്കിലും രക്ഷിക്കാനായില്ല.
പരേതരായ അബൂബക്കറിന്‍റെയും സൈനബയുടെയും മകനാണ്. ഭാര്യ: ഫസ്‌ല. മകൻ: മുഹമ്മദ് ഫഹീം.
മൃതദേഹം നാട്ടിലെത്തിക്കുന്നതിനുള്ള നടപടിക്രമങ്ങൾ പുരോഗമിക്കുന്നു.
Middle East and Gulf
റിയാദ്: കേളി കലാസാംസ്കാരിക വേദി അസീസിയ ഏരിയ സിമന്‍റ് യൂണിറ്റ് ട്രഷറർ വി. കെ സാജന് യൂണിറ്റിന്റെ നേതൃത്വത്തിൽ യാത്രയയപ്പു നൽകി.
35 വർഷമായി റിയാദിലെ ഒരു സ്വകാര്യ കമ്പനിയിൽ സ്റ്റോർ കീപ്പറായി ജോലി ചെയ്തു വരികയായിരുന്ന സാജൻ, കൊല്ലം ജില്ല കുണ്ടറ സ്വദേശിയാണ്. അസീസിയ ഗ്രേറ്റ് ഇന്റർനാഷണൽ സ്കൂളിൽ നടന്ന യാത്രയയപ്പു ചടങ്ങിൽ യൂണിറ്റ് പ്രസിഡന്റ് പീറ്റർ അധ്യക്ഷത വഹിച്ചു.
കേളി കേന്ദ്ര രക്ഷാധികാരി സമിതി അംഗങ്ങളായ ഗീവർഗീസ് ഇടിച്ചാണ്ടി, സുരേഷ് കണ്ണപുരം, അസീസിയ ഏരിയ രക്ഷാധികാരി സമിതി കൺവീനർ അജിത്ത് പ്രസാദ്, ഏരിയ സെക്രട്ടറി സുധീർ പോരേടം, ഏരിയ പ്രസിഡന്റ് അലി പട്ടാമ്പി, ഏരിയാ ട്രഷറർ ലജീ ഷ് നരിക്കോട്, ഏരിയ ജോ. സെക്രട്ടറി സുഭാഷ്, ഏരിയ കമ്മിറ്റി അംഗം ഷാജി മൊയ്‌തീൻ, യൂണിറ്റ് ജോ. സെക്രട്ടറി ഷബീർ അലി, യൂണിറ്റ് വൈസ് പ്രസിഡന്റ് ബോസ് കെ രാജൻ, യൂണിറ്റ് അംഗം കുഞ്ഞുമുഹമ്മദ് എന്നിവർ ആശംസകൾ നേർന്നു.
യൂണിറ്റിന്റെ ഉപഹാരം സെക്രട്ടറി ഷംസുദീൻ സാജന് കൈമാറി. യൂണിറ്റ് സെക്രട്ടറി സ്വാഗതവും യാത്ര പോകുന്ന വി.കെ. സാജൻ നന്ദിയും രേഖപ്പെടുത്തി.
Middle East and Gulf
ഫുജൈറ: കൈരളി കൾച്ചറൽ അസോസിയേഷൻ ഫുജൈറ യൂണിറ്റ് വാർഷിക സമ്മേളനം കൈരളി ഫുജൈറ ഓഫിസിൽ നടന്നു. യൂണിറ്റ് ആക്ടിംഗ് പ്രസിഡന്റ് ജുനൈസിന്‍റെ അധ്യക്ഷതയിൽ ചേർന്ന വാർഷിക സമ്മേളനം സെൻട്രൽ കമ്മിറ്റി പ്രസിഡന്റ് വിൽസൺ പട്ടാഴി ഉദ്ഘാടനം ചെയ്തു.
സെൻട്രൽ കമ്മിറ്റി സെക്രട്ടറി വി.പി. സുജിത്ത്, സെൻട്രൽ കമ്മിറ്റി മുൻ പ്രസിഡന്റ് ലെനിൻ ജി. കുഴിവേലി, സെൻട്രൽ കമ്മിറ്റി മുൻ സെക്രട്ടറിമാരായ സന്തോഷ് ഓമല്ലൂർ, അഷറഫ് പിലാക്കൽ, സെൻട്രൽ കമ്മിറ്റി ജോയിന്റ് സെക്രട്ടറിമാരായ സുധീർ തെക്കേക്കര, വിഷ്ണു അജയ് എന്നിവർ ആശംസകൾ അറിയിച്ചു.
യൂണിറ്റ് കമ്മറ്റി അംഗം രഞ്ജിത് നിലമേൽ അനുശോചന പ്രമേയം അവതരിപ്പിച്ചു. യൂണിറ്റ് സെക്രട്ടറി ഹരിഹരൻ പ്രവർത്തന റിപ്പോർട്ടും യൂണിറ്റ് ട്രഷറർ ടിറ്റോ തോമസ് സാമ്പത്തിക റിപ്പോർട്ടും സെൻട്രൽ കമ്മിറ്റി അംഗം സന്തോഷ് ഓമല്ലൂർ സംഘടനാ റിപ്പോർട്ടും യൂണിറ്റ് ജോയിന്റ് സെക്രട്ടറി ശിവ പ്രസാദ് ക്രഡൻഷ്യൽ റിപ്പോർട്ടും അവതരിപ്പിക്കുകയുണ്ടായി.
ജുനൈസ്, പ്രദീപ് കമാർ, സമീറ ബാനു എന്നിവരടങ്ങിയ പ്രസീഡിയം സമ്മേളനം നിയന്ത്രിച്ചു. യൂണിറ്റ് കമ്മിറ്റി സെക്രട്ടറി ഹരിഹരൻ സ്വാഗതവും ജുനൈസ് നന്ദിയും പറഞ്ഞു.
കൈരളി കൾച്ചറൽ അസോസിയേഷൻ ഫുജൈറ യൂണിറ്റിന്റെ പുതിയ ഭാരവാഹികളായി ശിവപ്രസാദ് (സെക്രട്ടറി), ടിറ്റോ തോമസ് (പ്രസിഡന്റ്),ജുനൈസ് (ട്രഷറർ), രഞ്ജിത്ത് നിലമേൽ, സമീറ ബാനു (വൈസ് പ്രസിഡന്‍റുമാർ), മുഹമ്മദ് നിഷാൻ, തസ്ലീം (ജോയിന്റ് സെക്രട്ടറിമാർ) ദേവകുമാർ (ജോയിന്റ് ട്രഷറർ) എന്നിവരെ തെരഞ്ഞെടുത്തു.
ഷൗഫീദ് പുതുക്കുടി (മീഡിയ), ലാവണ്യ (വനിതാ വിഭാഗം), ഹരിഹരൻ (നോർക്ക), അജിത്ത് (മലയാളം മിഷൻ), സുധീഷ് (സ്പോർട്സ്), പ്രിൻഷിത്ത് (ജോ. കൺവീനർ സ്പോർട്സ്), ഡാന്‍റോ (കൾച്ചറൽ), ശ്രീവിദ്യ (ജോ. കൺവീനർ കൾച്ചറൽ), സതീശൻ പൊട്ടത്ത് (ബാലകൈരളി), രജീഷ് പയ്യളിൽ ( സാഹിത്യം) എന്നിവർ സബ് കമ്മിറ്റി കൺവീനർമാരായി 30 അംഗ കമ്മറ്റിയേയും സമ്മേളനം തെരഞ്ഞെടുത്തു.
Middle East and Gulf
കുവൈറ്റ് സിറ്റി: നിരവധി ആനുകൂല്യങ്ങളോടെ റീട്ടെയിൽ ഷോപ്പിംഗിന് പുതിയ മാനം നൽകി കൊണ്ട് മെട്രോ ഇന്റർനാഷണൽ ഗ്രൂപ്പ് കുവൈറ്റിൽ ഹൈപ്പർ മാർക്കറ്റ് മേഖലയിലേക്ക് കടക്കുന്നു.
ആരോഗ്യ സേവന രംഗത്തെ പ്രഗത്ഭരായ മെട്രോ മെഡിക്കൽ ഗ്രൂപ്പ് ആരംഭിക്കുന്ന ഹൈപ്പർ മാർക്കറ്റിന്‍റെ ആദ്യ ഔട്ട്‌ലെറ്റ് ഫർവാനിയ മഗാതീർ മാളിൽ ഈ മാസം 16ന് ഉദ്ഘാടനം ചെയ്യും.
വൈകുന്നേരം 4.30ന് നടക്കുന്ന ഉദ്ഘാടന ചടങ്ങിൽ അംബാസഡർമാർ, ഉദ്യോഗസ്ഥർ, വാണിജ്യ വ്യവസായ പ്രമുഖർ, സാമൂഹിക സാംസ്കാരിക നേതാക്കൾ തുടങ്ങിയവർ പങ്കെടുക്കും.
ഉദ്‌ഘാടനത്തോടനുബന്ധിച്ച് വിപുലമായ ആനുകൂല്യങ്ങളാണ് മെട്രോ ഗ്രൂപ്പ് പ്രഖ്യാപിച്ചത്. വായ്പാ സൗകര്യത്തോടെ പാർച്ചസ് ചെയ്യാനാകുന്ന മെട്രോ ഹൈപ്പർ പവർ കാർഡ് കുവൈറ്റിൽ ആദ്യത്തേതാണ്. സാമ്പത്തികമായി ബുദ്ധിമുട്ടുന്ന പ്രവാസികൾക്ക് ഇത് ആശ്വാസമാകും.
മെട്രോ ഹൈപ്പർ ഹബീബി പോയിന്‍റ്സ് കാർഡ് വഴി ഉപഭോക്താക്കൾക്ക് കൂടുതൽ ആനുകൂല്ല്യങ്ങൾ ലഭിക്കും. ഒരു ദിനാറിന്‍റെ പാർച്ചസിന് ഒരു പോയിന്‍റും 100 പോയിന്‍റുകൾക്ക് ഒരു ദീനാർ ഇളവും ലഭിക്കും.
Middle East and Gulf
അബുദാബി: യുഎഇയിലെ പ്രാദേശിക ഉത്പന്നങ്ങൾക്ക് കൂടുതൽ പിന്തുണയും വിപണിയും ഉറപ്പാക്കുന്നതിന്‍റെ ഭാഗമായി "അവ്വൽ' ഗ്ലോബൽ ഫുഡ് വീക്കിൽ അവതരിപ്പിച്ച് ലുലു. ചെയർമാൻ എം.എ. യൂസഫലിയുടെ സാന്നിധ്യത്തിൽ യുഎഇ വിദേശ വ്യാപാര മന്ത്രി ഡോ. താനി ബിൻ അഹമ്മദ് അൽ സെയൂദി ലുലു അവ്വലിൽ പങ്കെടുത്തു.
യുഎഇയിലെ കാർഷിക മേഖലയ്ക്കും പ്രാദേശിക ഉത്പന്നങ്ങൾക്കും മികച്ച പിന്തുണ നൽകുന്നതിന്‍റെ ഭാഗമായാണ് അവ്വൽ. പ്രാദേശിക പഴം പച്ചക്കറികൾ, പാൽ ഉത്പന്നങ്ങൾ, ഇറച്ചി, മുട്ട, തേൻ ഉൾപ്പടെയുള്ള ഭക്ഷ്യോത്പന്നങ്ങൾ, യുഎഇയിൽ നിർമിക്കുന്ന മറ്റ് ഭക്ഷ്യേതര ഉത്പന്നങ്ങൾക്ക് അടക്കം കൂടുതൽ വിപണി ഉറപ്പാക്കുകയാണ് അവ്വലിലൂടെ ലുലു.
യുഎഇ ഉൽപന്നങ്ങൾ ഉപഭോക്താക്കൾക്ക് എളുപ്പത്തിൽ തെരഞ്ഞെടുക്കാൻ കഴിയുന്ന വിധത്തിൽ ലുലു സ്റ്റോറുകളിൽ പ്രത്യേക അവ്വൽ ബ്രാൻഡിംഗും ഡിസ്പ്ലേകളും ഒരുക്കും. പ്രത്യേക പ്രമോഷനുകളും ഉപഭോക്തൃ കാമ്പയിനുകളും ഇതിന്‍റെ ഭാഗമായി നടപ്പാക്കും.
ഇതിലൂടെ യുഎഇയിലെ കർഷകർ, ഭക്ഷ്യ ഉത്പാദകർ, പ്രാദേശിക നിർമാതാക്കൾ എന്നിവരെ ലുലുവിന്‍റെ വിപുലമായ ഉപഭോക്തൃ ശൃംഖലയുമായി കൂടുതൽ ശക്തമായി ബന്ധിപ്പിക്കുകയാണ് ലക്ഷ്യം. യുഎഇയിലെ ഉത്പന്നങ്ങൾ ആഗോള വിപണിയാണ് ഇതിലൂടെ ലുലു ഉറപ്പാക്കുന്നത്.
ഗ്ലോബൽ ഫുഡ് വീക്കിലെ ലുലു സ്റ്റാൾ, പ്രസിഡൻഷ്യൽ കോർട്ട് ഡെപ്യൂട്ടി ചെയർമാൻ ഫോർ സ്പെഷ്യൽ അഫയേഴ്സ് ഷെയ്ഖ് ഹംദാൻ ബിൻ മുഹമ്മദ് ബിൻ സായിദ് അൽ നഹ്യാൻ സന്ദർശിച്ചു.
യുഎഇയിൽ കൃഷി ചെയ്യുന്നതും പ്രാദേശികമായി ഉത്പാദിപ്പിക്കുന്നതും നിർമിക്കുന്നതുമായ ഉൽപന്നങ്ങൾക്ക് വിപണി പ്രോത്സാഹനം നൽകുന്നതിനായി ലുലു നടപ്പാക്കുന്ന വിവിധ പദ്ധതികളെക്കുറിച്ച് എം.എ. യൂസഫലി ഷെയ്ഖ് ഹംദാൻ ബിൻ മുഹമ്മദ് ബിൻ സായിദ് അൽ നഹ്യാനോട് വിശദീകരിച്ചു.
പുതുതായി അവതരിപ്പിച്ച ‘അവ്വൽ’ ശ്രേണിയുടെ ലക്ഷ്യങ്ങളും പ്രവർത്തനരീതിയും അദ്ദേഹം പരിചയപ്പെടുത്തി. ലുലുവിന്‍റെ വിപുലമായ റീട്ടെയിൽ ശൃംഖലയിലൂടെ യുഎഇ ഉൽപന്നങ്ങൾക്ക് കൂടുതൽ മികച്ച വിപണി ഉറപ്പാക്കുകയാണ് ലുലുവെന്ന് എം.എ. യൂസഫലി പറഞ്ഞു.
യുഎഇ ഉൽപന്നങ്ങളുടെ മികവ് ഉപഭോക്താക്കൾക്ക് കൂടുതൽ അടുത്തറിയാനും, ഉൽപന്നങ്ങൾക്ക് ആഗോള വിപണി ലഭിക്കാനും പദ്ധതി വഴിവയ്ക്കുമെന്ന് അദേഹം വ്യക്തമാക്കി.
യുഎഇയിലെ കാർഷിക മേഖലയ്ക്കും മികച്ച പിന്തുണയേകുന്നതാണ് നീക്കം. ആദ്യഘട്ടത്തിൽ പഴം-പച്ചക്കറികൾ, പാൽ ഉത്പന്നങ്ങൾ, കോഴിയിറച്ചി, ഈന്തപ്പഴം, തേൻ, ബേക്കറി ഉൽപന്നങ്ങൾ, പാനീയങ്ങൾ തുടങ്ങി വിവിധ വിഭാഗങ്ങളിലുള്ള യുഎഇ ഉത്പന്നങ്ങളാണ് ‘അവ്വൽ’ ശ്രേണിയിൽ ഉൾപ്പെടുത്തുക. യുഎഇയിലെ കൂടുതൽ ഉത്പാദകരെയും ഉത്പന്നങ്ങളെയും ഉൾപ്പെടുത്തി ‘അവ്വൽ’ വിപുലീകരിക്കാനാണ് ലുലുവിന്‍റെ പദ്ധതി.
ലുലു സിഇഒ സൈഫി രൂപാവാല, എക്സിക്യൂട്ടീവ് ഡയറക്ടർ എം.എ. അഷ്റഫ് അലി, ചീഫ് ഓപ്പറേറ്റിംഗ് ആൻഡ് സ്ട്രാറ്റജി ഓഫീസർ വി.ഐ. സലിം, ഗ്ലോബൽ ഡയറക്ടർ ഓഫ് മാർക്കറ്റിംഗ് ആൻഡ് കമ്മ്യൂണിക്കേഷൻസ് വി. നന്ദകുമാർ, ഡയറക്ടർ ഓഫ് എമിററ്റൈസേഷൻ ആൻഡ് പബ്ലിക് റിലേഷൻസ് മാനേജ്മെന്റ് ഇബ്രാഹിം അൽ മർസൂഖി തുടങ്ങിയവരും ചടങ്ങിൽ പങ്കെടുത്തു.
Middle East and Gulf
അബുദാബി: അചഞ്ചല ദൈവവിശ്വാസവും സഹജീവികളോടുള്ള കാരുണ്യവും കൈകോർക്കുമ്പോഴാണ് സഭകളുടെ ദൗത്യം പൂർണമാകുന്നതെന്നും മാർത്തോമ സഭ എന്നും നിലകൊണ്ടത് ഈ ദൗത്യ നിർവഹണത്തിലായിരുന്നുവെന്നും യുഎയിലെ ഇന്ത്യൻ സ്ഥാനപതി ഡോ.ദീപക് മിത്തൽ അഭിപ്രായപ്പെട്ടു.
അബുദാബി മാർത്തോമ്മ ദേവാലയത്തിന്‍റെ 55-ാമത് ഇടവക ദിനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം. ആത്മീക വളർച്ചയുടെ കേന്ദ്രം മാത്രമല്ല, വിഭാഗീയതകൾക്കു അതീതമായി ജനങ്ങളെ ചേർത്തുപിടിക്കുകയും സമൂഹത്തിന് നന്മ ചെയ്യുന്നതിന് ജനങ്ങൾക്ക് ഉത്തേജനം നൽകുകയും ചെയ്യുന്ന ചാലകശക്തികൂടിയാകണം ഓരോ ദേവാലയങ്ങളുമെന്നും അദ്ദേഹം പറഞ്ഞു.
മിസ് യൂണിവേഴ്സ് ഇന്ത്യയായി തെരഞ്ഞെടുക്കപ്പെട്ട ഇടവകാംഗമായ കെസിയ ലിസ് മേജൊയെ സ്ഥാനപതി അഭിനന്ദിച്ചു. സഭയുടെ കോട്ടയം കൊച്ചി ഭദ്രാസന അധ്യക്ഷൻ തോമസ് മാർ തിമത്തിയോസ് എപ്പിസ്കോപ്പ അധ്യക്ഷത വഹിച്ചു.
ഇന്ത്യൻ എംബസി ഫസ്റ്റ് സെക്രട്ടറി ജോർജി ജോർജ് ഐ പി എസ് , ഇടവക വികാരി റവ. ജിജോ. സി ഡാനിയേൽ, സഹ വികാരി റവ.ബിജോ എ തോമസ്, റവ. എബ്രഹാം വർഗീസ്, വൈസ് പ്രസിഡന്റ് സജി തോമസ്, ട്രസ്റ്റിമാരായ മാത്യു പി. ജോൺ, ബിജു വർഗീസ്, സെക്രട്ടറി സിമി സാം മാമൻ എന്നിവർ പ്രസംഗിച്ചു.
കൺവീനർമാരായ അജിത്ത്. എ ചെറിയാൻ, അഡ്വ. സിൽസി റെയ്‌ചൽ, സുനിൽ സോഫന്‍ എന്നിവർ നേതൃത്വം നൽകി. 10, 12 ക്ലാസുകളിൽ മികച്ച വിജയം നേടിയ വിദ്യാർഥികളെ ചടങ്ങിൽ ആദരിച്ചു.
Middle East and Gulf
അബുദാബി: ലയൺസ് ഡിസ്ട്രിക്റ്റ് 318B, ലയൺസ് ക്ലബ് ഓഫ് മീനച്ചിൽ ഓവർസീസ് സ്‌ഥാനാരോഹണ ചടങ്ങ് പാസ്റ്റ് ഡിസ്ട്രിക്റ്റ് ഗവർണർ ലയൺ ഡോ. സണ്ണി വി. സഖറിയ നിർവഹിച്ചു.
പുതു വർഷത്തിലെ പ്രസിഡന്റായി ലയൺ മനു ജോസഫും, സെക്രട്ടറിയായി ലയൺ ലീന വർഗീസും, അഡ്‌മിനിസ്‌ട്രേറ്റിയായി ലയൺ റോണി ജോസഫും, ട്രഷററായി ലയൺ ജോസ് കുന്നത്തും സ്ഥാനമേറ്റു.
ചാർട്ടർ പ്രസിഡന്റ് ലയൺ റ്റിജു ചെറിയാൻ, പാസ്റ്റ് പ്രസിഡന്റ് ലയൺ ഷാജി ജോസഫ്, ക്ലബ് ഫസ്റ്റ് ലേഡി ലയൺ ഫേബ സൂസൻ തോമസ് എന്നിവർ സന്നിധരായിരുന്നു.
സമൂഹത്തിൽ ഒട്ടേറെ കാര്യണ്യ പ്രവർത്തനങ്ങൾ ചെയ്യുന്ന മീനച്ചിൽ ഓവർസിസ് ക്ലബ് 50 ലക്ഷം രൂപയുടെ 150 സർവീസ് പ്രോജക്റ്റുകളാണ് ഈ വർഷം നടത്തുവാൻ തീരുമാനിച്ചിരിക്കുന്നത്.
Middle East and Gulf
റിയാദ്: കേളി കലാസാംസ്കാരിക വേദി മലാസ് ഏരിയ കമ്മിറ്റി അംഗവും ജരീർ യൂണിറ്റ് ജോയിന്റ് സെക്രട്ടറിയുമായ നാരായണന്‍റെ (മണി–57) നിര്യാണത്തിൽ കേളി മലാസ് ഏരിയ കമ്മിറ്റിയുടെ നേതൃത്വത്തിൽ അനുശോചന യോഗം സംഘടിപ്പിച്ചു. കേളി കേന്ദ്ര–ഏരിയ ഭാരവാഹികളും സഹപ്രവർത്തകരും യോഗത്തിൽ പങ്കെടുത്ത് ആദരാഞ്ജലികൾ അർപ്പിച്ചു.
കണ്ണൂർ ജില്ലയിലെ കല്യാശേരി സ്വദേശിയായ നാരായണൻ ദീർഘകാലമായി റിയാദിൽ പ്രവാസിയായിരുന്നു. താമസസ്ഥലത്ത് പെട്ടെന്ന് കുഴഞ്ഞുവീണതിനെ തുടർന്ന് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മലാസ് ഏരിയയിലെ സജീവ പ്രവർത്തകനായിരുന്ന അദ്ദേഹം പ്രവാസി മലയാളി സമൂഹത്തിന്റെ സാംസ്കാരിക, ജീവകാരുണ്യ പ്രവർത്തനങ്ങളിലും സജീവമായിരുന്നു.
മലാസ് ഏരിയ പ്രസിഡന്റ് അഷറഫ് പൊന്നാനിയുടെ അധ്യക്ഷതയിൽ ചേർന്ന യോഗത്തിൽ ഏരിയ സെക്രട്ടറി വി എം സുജിത്, വി.എം. സുജിത് അനുശോചന പ്രമേയം അവതരിപ്പിച്ചു.
രക്ഷാധികാരി സെക്രട്ടറി കെപിഎം സാദിഖ്, രക്ഷാധികാരി സമിതി അംഗങ്ങളായ സെബിൻ ഇക്ബാൽ, സുരേന്ദ്രൻ കൂട്ടായി, പ്രഭാകരൻ കണ്ടോന്താർ, കേളി സെക്രട്ടറി സുനിൽ കുമാർ, പ്രസിഡന്റ് ഗഫൂർ ആനമങ്ങാട്, ആക്ടിങ് ട്രഷറർ സിംനേഷ് വയനൻ, സെക്രട്ടറിയേറ്റ് അംഗങ്ങളായ നസീർ മുള്ളൂർക്കര, രജീഷ് പിണറായി, റഫീഖ് ചാലിയം കേന്ദ്ര കമ്മിറ്റി അംഗങ്ങളായ ബിജു തായമ്പത്ത്, നൗഫൽ ഉള്ളാട്ടുചാലി, മലാസ് രക്ഷാധികാരി സെക്രട്ടറി സമീർ അബ്ദുൽ അസീസ്, ഏരിയ ട്രഷറർ കെ അബ്ദുൽ വദൂദ്, ഏരിയ രക്ഷാധികാരി സമിതി അംഗങ്ങളായ ഇ കെ രാജീവൻ, അഷറഫ് കണ്ണൂർ, ഏരിയ കമ്മിറ്റി അംഗങ്ങളായ അൻവർ, മുകുന്ദൻ, രാകേഷ്, ജരീർ യൂണിറ്റ് ഭാരവാഹികൾ തുടങ്ങിയവർ സംസാരിച്ചു.
സംഘടനാ രംഗത്തെ നാരായണന്‍റെ നിസ്വാർഥ സേവനവും ലളിതമായ പെരുമാറ്റവും യോഗം അനുസ്മരിച്ചു. പ്രവാസികളുടെയും സഹപ്രവർത്തകരുടെയും വിഷമങ്ങളിൽ മുന്നിൽനിന്ന് സഹായിക്കാൻ അദ്ദേഹം എപ്പോഴും സന്നദ്ധനായിരുന്നുവെന്നും സഹപ്രവർത്തകർ അനുസ്മരിച്ചു.
Middle East and Gulf
റിയാദ്: കേളി കലാ സാംസ്കാരിക വേദിയുടെയും കേളി കുടുംബവേദിയുടെയും പ്രവർത്തകരുടെ മക്കൾക്കായി ഏർപ്പെടുത്തിയ ‘പ്രതീക്ഷ’ വിദ്യാഭ്യാസ പുരസ്കാരം കോഴിക്കോട് ജില്ലയിൽ 19 കുട്ടികൾക്ക് വിതരണം ചെയ്തു. കോഴിക്കോട് ജില്ലാ സ്പോർട്സ് കൗൺസിൽ ഹാളിൽ നടന്ന ചടങ്ങിലാണ് പുരസ്കാര വിതരണം നടന്നത്.
പത്താം ക്ലാസ്, പ്ലസ് ടു പരീക്ഷകളിൽ വിജയിച്ച് ഉപരിപഠനത്തിന് അർഹത നേടിയ വിദ്യാർഥികൾക്കാണ് കാഷ് അവാർഡും മൊമെന്‍റോയും ഉൾപ്പെടുന്ന പുരസ്കാരം നൽകുന്നത്. ഈ അധ്യയന വർഷം ആകെ 232 വിദ്യാർഥികളാണ് പുരസ്കാരത്തിന് അർഹരായത്.
ഇതിൽ റിയാദിൽ 16 കുട്ടികൾക്ക് നേരത്തെ പുരസ്കാരം വിതരണം ചെയ്തിരുന്നു. കേരളത്തിലെ വിവിധ ജില്ലകളിലായി 216 കുട്ടികൾക്കുള്ള പുരസ്കാര വിതരണത്തിന്‍റെ ഭാഗമായാണ് കോഴിക്കോട് ജില്ലയിൽ 19 പേർക്ക് പുരസ്കാരം നൽകിയത്. മറ്റു ജില്ലകളിലെ വിതരണം വരും ദിവസങ്ങളിൽ നടക്കും.
ചടങ്ങിൽ കേരള പ്രവാസി സംഘം കോഴിക്കോട് ജില്ലാ കമ്മിറ്റി പ്രസിഡന്റ് സജീവൻ അധ്യക്ഷനായി. ജില്ലാ സെക്രട്ടറി സി.വി. ഇഖ്ബാൽ ഉദ്ഘാടനം ചെയ്തു.
കേളി കേന്ദ്ര കമ്മിറ്റി അംഗം റഫീക്ക് പാലത്ത്, കേരള പ്രവാസി സംഘം ജില്ലാ കമ്മിറ്റി അംഗം റഹ്മത്തുള്ള, പ്രിയേഷ്, കേളി ബദിയ ഏരിയ ജോയിന്റ് സെക്രട്ടറി ഷാജി കെ. എൻ., സുരേന്ദ്രൻ ആനവാതിൽ എന്നിവർ ആശംസകൾ നേർന്നു.
കേളി ട്രഷറർ മധു ബാലുശ്ശേരി സ്വാഗതവും ജില്ലാ കോഓർഡിനേറ്റർ ചെക്കുട്ടി നന്ദിയും പറഞ്ഞു.
Middle East and Gulf
മനാമ: ഗാന്ധി ജയന്തിയോട് അനുബന്ധിച്ച് പ്രവാസി മിത്ര ബഹ്റിൻ ഓൺലൈൻ ക്വിസ് മത്സരം സംഘടിപ്പിച്ചു. രാഷ്ട്രപിതാവ് മഹാത്മാഗാന്ധിയുടെ ജീവിതവും ദർശനങ്ങളും ആസ്പദമാക്കി സംഘടിപ്പിച്ച മത്സരത്തിൽ അഖില ദാസ് വിജയം കരസ്ഥമാക്കി.
വിദ്വേഷവും ചേരിതിരിവുകളും വർധിച്ചുവരുന്ന സമകാലിക സാഹചര്യത്തിൽ സമാധാനപരമായ സഹവർത്തിത്വത്തിനും അക്രമരഹിത പ്രക്ഷോഭങ്ങൾക്കും ഗാന്ധിയൻ തത്വങ്ങൾ ഇന്നും പ്രസക്തമാണ്.
പരിസ്ഥിതി സൗഹൃദപരമായ വികസനം, സ്വയംപര്യാപ്തത, വർഗീയതയ്ക്കും അഴിമതിക്കുമെതിരായ പോരാട്ടം എന്നിവയിൽ ഗാന്ധിയൻ ആശയങ്ങൾ എക്കാലത്തെയും മികച്ച വഴികാട്ടിയാണ്. ഈ ആശയങ്ങൾ പ്രവാസി സമൂഹത്തിൽ വീണ്ടും ഓർമ്മിപ്പിക്കുകയാണ് മത്സരത്തിലൂടെ ലക്ഷ്യമിട്ടത്.
പ്രവാസി മിത്ര പ്രസിഡന്റ് സബീന കാദർ, ജനറൽ സെക്രട്ടറി റഷീദ ബദർ, വൈസ് പ്രസിഡന്റ് വഫ ഷാഹുൽ, എക്സിക്യൂട്ടീവ് അംഗങ്ങളായ സുമയ്യ ഇർഷാദ്, ഷിജിന ആഷിഖ് എന്നിവർ വിജയിക്കുള്ള ഉപഹാരം സമ്മാനിച്ചു.
Middle East and Gulf
റിയാദ്: കേളി കലാ സാംസ്കാരിക വേദിയുടെ നേതൃത്വത്തിൽ കോടിയേരി ബാലകൃഷ്ണൻ അനുസ്മരണം രണ്ട് ദിവസങ്ങളിലായി വിപുലമായി സംഘടിപ്പിച്ചു. റിയാദ് നഗരത്തോട് ചേർന്ന 12 ഏരിയകളെ അഞ്ച് മേഖലകളായി തിരിച്ച് മേഖലാതലത്തിലും ദവാദ്മി, മുസാഹ്മിയ, അൽഖർജ് ഏരിയകളിൽ പ്രത്യേകമായും അനുസ്മരണ പരിപാടികൾ നടന്നു.
പ്രതിസന്ധി ഘട്ടങ്ങളിൽ പ്രവർത്തകർക്ക് ആത്മവിശ്വാസവും മുന്നോട്ടുപോകാനുള്ള ഊർജവും പകർന്ന കോടിയേരിയുടെ രാഷ്ട്രീയ ജീവിതവും സംഘടനാ പ്രവർത്തനവും വിവിധ യോഗങ്ങളിൽ അനുസ്മരിച്ചു.
ആഭ്യന്തരമന്ത്രിയായിരിക്കെ പൊലിസ് സംവിധാനത്തെ ജനങ്ങളുമായി കൂടുതൽ അടുപ്പിക്കുന്നതിനും നിയമപാലനത്തിൽ ജനപങ്കാളിത്തം ഉറപ്പാക്കുന്നതിനുമായി നടത്തിയ ഇടപെടലുകളും യോഗത്തിൽ ചർച്ചയായി.
കോടിയേരി ബാലകൃഷ്ണനോടുള്ള ആദരസൂചകമായി കേളി കഴിഞ്ഞ മൂന്ന് വർഷമായി തലശേരിയിലെ ആശ്രയ സാന്ത്വന കേന്ദ്രത്തിലെ അന്തേവാസികൾക്ക് സഹായം നടത്തിവരികയാണ്.
ബത്ത ലൂഹ ഓഡിറ്റോറിയത്തിൽ നടന്ന സനയ്യ അർബയീൻ, ബത്ത, മർഗ്ഗബ് മേഖലാ അനുസ്മരണത്തിന് കേളി രക്ഷാധികാരി സമിതി അംഗം ശ്രീഷ സുകേഷ് അധ്യക്ഷയായി. ബത്ത രക്ഷാധികാരി സെക്രട്ടറി മോഹൻദാസ് ചേർത്തല സ്വാഗതം പറഞ്ഞു.
മർഗബ് രക്ഷാധികാരി സമിതി അംഗം സിജിൻ കൂവള്ളൂർ അനുസ്മരണ കുറിപ്പ് അവതരിപ്പിച്ചു. രക്ഷാധികാരി സമിതി അംഗങ്ങളായ പ്രഭാകരൻ കണ്ടോന്താർ, സെബിൻ ഇഖ്ബാൽ, കേളി കുടുംബവേദി സെക്രട്ടറി വി.കെ. ഷഹീബ, ഏരിയ രക്ഷാധികാരി സമിതി അംഗങ്ങളായ കെ.ടി. ബഷീർ, ഉമ്മർ മുസ്‌ലിംവീട്ടിൽ, അനസ്, ജോർജ്, അബ്ദുൽ നാസർ എന്നിവർ സംസാരിച്ചു.
സനയ്യ അർബയീൻ രക്ഷാധികാരി ആക്ടിംഗ് സെക്രട്ടറി മുഹമ്മദ് ഷാഫി നന്ദി പറഞ്ഞു. അസീസിയ ഗ്രേറ്റ് ഇന്റർനാഷണൽ സ്കൂളിൽ നടന്ന ന്യൂസനയ്യ, അസീസിയ, ബദിയ്യ മേഖലാ അനുസ്മരണത്തിന് കേളി രക്ഷാധികാരി സമിതി അംഗം സുരേഷ് കണ്ണപുരം അധ്യക്ഷനായി. ബദിയ്യ രക്ഷാധികാരി സെക്രട്ടറി പ്രദീപ് ആറ്റിങ്ങൽ സ്വാഗതം പറഞ്ഞു.
ന്യൂസനയ്യ രക്ഷാധികാരി സെക്രട്ടറി ബൈജു ബാലചന്ദ്രൻ അനുസ്മരണ കുറിപ്പ് അവതരിപ്പിച്ചു. രക്ഷാധികാരി സമിതി അംഗം ഗീവർഗീസ് ഇടിച്ചാണ്ടി, കേളി ജോയന്‍റ് സെക്രട്ടറി ഷാജി റസാക്ക്, ന്യൂസനയ്യ ഏരിയ സെക്രട്ടറി തോമസ് ജോയ്, ബദിയ്യ ഏരിയ സെക്രട്ടറി കിഷോർ ഇ. നിസാം, അസീസിയ ഏരിയ സെക്രട്ടറി സുധീർ പോരേടം, കുടുംബവേദി വൈസ് പ്രസിഡന്റ് അനിത അജിത്ത്, അസീസിയ ഏരിയ ട്രഷറർ ലജീഷ് നരിക്കോട് എന്നിവർ സംസാരിച്ചു.
അസീസിയ രക്ഷാധികാരി സെക്രട്ടറി അജിത് പ്രസാദ് നന്ദി പറഞ്ഞു. സുലൈയിലെ അൽബിലാദിയ ഇസ്തറാഹയിൽ നടന്ന സുലൈ, നസീം മേഖലാ അനുസ്മരണത്തിന് രക്ഷാധികാരി സമിതി അംഗം ഫിറോഷ് തയ്യിൽ അധ്യക്ഷനായി. സുലൈ രക്ഷാധികാരി സെക്രട്ടറി അനിരുദ്ധൻ കീച്ചേരി സ്വാഗതം പറഞ്ഞു.
സുലൈ ഏരിയ പ്രസിഡന്റ് ഹാഷിം കുന്നുംതറ അനുസ്മരണ കുറിപ്പ് അവതരിപ്പിച്ചു. രക്ഷാധികാരി സമിതി അംഗം ഷമീർ കുന്നുമ്മൽ, ഏരിയ രക്ഷാധികാരി സമിതി അംഗങ്ങളായ നാസർ കാരക്കുന്ന്, കൃഷ്ണൻകുട്ടി, വിനോദ് മലയിൽ, ഗിരീഷ് കുമാർ, സുനിൽ ഉദിനൂക്കാരൻ എന്നിവർ സംസാരിച്ചു.
നസീം രക്ഷാധികാരി സെക്രട്ടറി ജോഷി പെരിഞ്ഞനം നന്ദി പറഞ്ഞു. റൗദയിലെ സ്വാദ് ഓഡിറ്റോറിയത്തിൽ നടന്ന ഉമ്മുൽഹമാം, റൗദ മേഖലാ അനുസ്മരണത്തിന് കേളി രക്ഷാധികാരി സമിതി അംഗം ഗഫൂർ ആനമങ്ങാട് അധ്യക്ഷനായി. റൗദ രക്ഷാധികാരി സെക്രട്ടറി സതീഷ് വളവിൽ സ്വാഗതം പറഞ്ഞു.
ഉമ്മുൽഹമാം ഏരിയ സെക്രട്ടറി നൗഫൽ സിദ്ദീഖ് അനുസ്മരണ കുറിപ്പ് അവതരിപ്പിച്ചു. രക്ഷാധികാരി സമിതി അംഗം സീബ കൂവോട്, ഏരിയ രക്ഷാധികാരി സമിതി അംഗങ്ങളായ കെ.കെ. ഷാജി, ചന്ദ്രച്ചൂഡൻ, എൻ.കെ. സോവിന, പി.പി. സലീം, മുഹമ്മദ് ഷഫീഖ്, പി. സുരേഷ്, ബിനീഷ്, പ്രഭാകരൻ എന്നിവർ സംസാരിച്ചു.
ഉമ്മുൽഹമാം രക്ഷാധികാരി സെക്രട്ടറി ഷാജു പെരുവയൽ നന്ദി പറഞ്ഞു. ബത്തയിലെ ലൂഹ ഓഡിറ്റോറിയത്തിൽ നടന്ന മലാസ്, ഒലയ്യ മേഖലാ അനുസ്മരണത്തിന് കേളി രക്ഷാധികാരി സമിതി അംഗം എസ്. സുനിൽ കുമാർ അധ്യക്ഷനായി.
മലാസ് രക്ഷാധികാരി സെക്രട്ടറി സമീർ അബ്ദുൽ അസീസ് സ്വാഗതം പറഞ്ഞു. മലാസ് ഏരിയ സെക്രട്ടറി വി.എം. സുജിത്ത് അനുസ്മരണ കുറിപ്പ് അവതരിപ്പിച്ചു.
രക്ഷാധികാരി സമിതി അംഗങ്ങളായ സുരേന്ദ്രൻ കൂട്ടായി, സെബിൻ ഇഖ്ബാൽ, കേളി ആക്ടിംഗ് ട്രഷറർ സിംനേഷ് വയനാട്, സെക്രട്ടറിയറ്റ് അംഗം നസീർ മുള്ളൂർക്കര, ഒലയ്യ ഏരിയ സെക്രട്ടറി യു.സി. നൗഫൽ, ഏരിയ രക്ഷാധികാരി സമിതി അംഗങ്ങളായ ഇ.കെ. രാജീവൻ, അഷ്റഫ് കണ്ണൂർ, അഷ്റഫ് പൊന്നാനി, കെ. അബ്ദുൽ വദൂദ്, അൻവർ, മുകുന്ദൻ, അമർ പൂളക്കൽ, ഷാജിത്ത് തറയിൽ, റിയാസ് പള്ളാട്ട്, കരീം പൈങ്ങോട്ടൂർ എന്നിവർ സംസാരിച്ചു.
ഒലയ്യ രക്ഷാധികാരി സെക്രട്ടറി ജവാദ് പരിയാട്ട് നന്ദി പറഞ്ഞു. ദവാദ്മി ഏരിയ ഓഫീസിൽ നടന്ന അനുസ്മരണ യോഗത്തിന് രക്ഷാധികാരി സമിതി അംഗം രാജേഷ് അധ്യക്ഷനായി. ഏരിയ സെക്രട്ടറി ഉമ്മർ സ്വാഗതം പറഞ്ഞു.
രക്ഷാധികാരി സമിതി അംഗം കെ.കെ. മുജീബ് അനുസ്മരണ കുറിപ്പ് അവതരിപ്പിച്ചു. ഏരിയ രക്ഷാധികാരി സെക്രട്ടറി ഷാജി പ്ലാവിളയിൽ, സമിതി അംഗം ബിനു, ഏരിയ കമ്മിറ്റി അംഗങ്ങളായ ഗിരീഷ്, ലിനീഷ്, നിസാറുദ്ദീൻ, യൂണിറ്റ് അംഗം സജീർ എന്നിവർ സംസാരിച്ചു. സുബൈർ പുഴക്കൽ നന്ദി പറഞ്ഞു.
അൽഖർജ് നെസ്റ്റോ ഹൈപ്പർമാർക്കറ്റ് ഹാളിൽ നടന്ന അനുസ്മരണ യോഗത്തിൽ ഏരിയ രക്ഷാധികാരി സെക്രട്ടറി പ്രദീപ് കൊട്ടാരത്തിൽ അധ്യക്ഷനായി. ഏരിയ സെക്രട്ടറി ഷബി അബ്ദുൽസലാം അനുസ്മരണ കുറിപ്പ് അവതരിപ്പിച്ചു.
കേളി രക്ഷാധികാരി സെക്രട്ടറി കെ.പി.എം. സാദിഖ്, രക്ഷാധികാരി സമിതി അംഗം ജോസഫ് ഷാജി, ഒലയ്യ രക്ഷാധികാരി സെക്രട്ടറി ജവാദ് പരിയാട്ട്, ഏരിയ രക്ഷാധികാരി സമിതി അംഗങ്ങളായ സുബ്രഹ്മണ്യൻ, നാസർ പൊന്നാനി, സജീന്ദ്രബാബു, ജ്യോതിലാൽ ശൂരനാട്, അബ്ദുൽ സമദ്, ഗോപാലൻ ചെങ്ങന്നൂർ, എൻ.ജി. രമേശ് എന്നിവർ സംസാരിച്ചു.
ഏരിയ പ്രസിഡന്റ് രാമകൃഷ്ണൻ കൂവോട് സ്വാഗതവും ട്രഷറർ ജയൻ പെരുനാട് നന്ദിയും പറഞ്ഞു. മുസാഹ്മിയ ഏരിയ സംഘടിപ്പിച്ച അനുസ്മരണത്തിന് രക്ഷാധികാരി സെക്രട്ടറി ഷമീർ പുലാമന്തോൾ അധ്യക്ഷനായി. ഏരിയ സെക്രട്ടറി അനീഷ് അബൂബക്കർ സ്വാഗതം പറഞ്ഞു.
രക്ഷാധികാരി സമിതി അംഗം സുരേഷ് അനുസ്മരണ കുറിപ്പ് അവതരിപ്പിച്ചു. കേളി രക്ഷാധികാരി സമിതി അംഗം ചന്ദ്രൻ തെരുവത്ത്, ഏരിയ രക്ഷാധികാരി സമിതി അംഗങ്ങളായ ഷാബു, നടരാജൻ, നൗഷാദ് ദുർമ, ഗോപി എന്നിവർ സംസാരിച്ചു. നൗഷാദ് ദുർമ നന്ദി പറഞ്ഞു.
Middle East and Gulf
റിയാദ്: കേളി കലാസാംസ്കാരിക വേദിയുടെ സിൽവർ ജൂബിലി ആഘോഷങ്ങളുടെ ഭാഗമായി സംഘടിപ്പിക്കുന്ന കുദു - കേളി മെഗാ ക്രിക്കറ്റ് ടൂർണമെന്റ് രണ്ടാം സീസൺ സഫ മക്ക കപ്പിന്‍റെ നാലാം വാരത്തിൽ നാല് മത്സരങ്ങൾ നടന്നു.
കെസിഎ ഗ്രൗണ്ടിൽ രണ്ട് മത്സരങ്ങളും ടെക്നോമാക് ഗ്രൗണ്ടിൽ രണ്ട് മത്സരങ്ങളുമാണ് നടന്നത്. 24 ടീമുകളും ഇതിനകം മത്സരത്തിനിറങ്ങി. ആദ്യ മത്സരത്തിൽ എംസിസി - 26 കേരള സ്ട്രൈക്കേഴ്സ് റിയാദിനെ 15 റൺസിന് പരാജയപ്പെടുത്തി.
ആദ്യം ബാറ്റ് ചെയ്ത എംസിസി - 26 നാല് വിക്കറ്റ് നഷ്ടത്തിൽ 135 റൺസ് നേടി. മറുപടി ബാറ്റിംഗിനിറങ്ങിയ കേരള സ്ട്രൈക്കേഴ്സ് റിയാദിന് ആറ് വിക്കറ്റ് നഷ്ടത്തിൽ 120 റൺസെടുക്കാനേ കഴിഞ്ഞുള്ളൂ. 23 പന്തിൽ 69 റൺസ് നേടിയ റിയാസ് പ്ലെയർ ഓഫ് ദ മാച്ചായി.
രണ്ടാം മത്സരത്തിൽ സ്ട്രൈക്കേഴ്സ് ഇലവൻ റിയാദ് 25 റൺസിന് ഹെയ്ക്സ് സ്ക്വാഡിനെ തോൽപ്പിച്ചു.
America
ന്യൂയോർക്ക്: അമേരിക്കൻ മലയാളികളുടെ പ്രമുഖ സംഘടനയായ ഫൊക്കാനയുടെ വനിതാ ഫോറത്തിന്‍റെ 2026-2028 വർഷത്തെ പ്രവർത്തനോദ്ഘാടനം കേരള നിയമസഭയുടെ ഡെപ്യൂട്ടി സ്പീക്കർ ഷാനിമോൾ ഉസ്മാൻ നിർവഹിച്ചു.
ഓൺലൈനായിയാണ് ചടങ്ങു സംഘടിപ്പിച്ചത്. അമേരിക്കയുടെയും കാനഡയുടെയും വിവിധ രാജ്യങ്ങളിൽ നിന്നും വിദേശങ്ങളിൽ നിന്നും ആളുകൾ പങ്കെടുത്തു.
അമേരിക്കൻ മലയാളി വനിതകളുടെ സാമൂഹികവും വിദ്യാഭാസപരവും തൊഴിൽപരവുമായ മുന്നേറ്റത്തിനായി പ്രവർത്തിക്കുന്ന ഫൊക്കാന വനിതാ ഫോറത്തിന്‍റെ പുതിയ പ്രവർത്തനങ്ങൾക്ക് ഈ ചടങ്ങു ഊർജം പകർന്നു.
വനിതാ ഫോറത്തിന്‍റെ പ്രവർത്തനോദ്ഘാടനം ബോധവത്കരണ മാസത്തോടനുബന്ധിച്ചു നടത്തിയത് ആരോഗ്യ സംരക്ഷണത്തിന്‍റെയും രോഗ പ്രീതിരോധത്തിന്‍റെയും പ്രാധാന്യം ഓർമിപ്പിക്കുന്നതാണ് എന്ന് ഷാനിമോൾ ഉസ്മാൻ പറഞ്ഞു.
സ്ത്രീകളുടെ ആരോഗ്യവും ക്ഷേമവും ഒരു കുടുംബത്തിന്‍റെയും സമൂഹത്തിന്‍റെയും പുരോഗതിയുടെ അടിത്തറയാണ്. ആരോഗ്യമാണ് നമ്മുടെ ശക്തി, അവബോധമാണ് നമ്മുടെ കരുത്തു. നമുക്ക് ഒരുമിച്ചു ബോധവത്കരണത്തിന്‍റെ വെളിച്ചം പകരാം. ഓരോ സ്ത്രീയിലേക്കും ആരോഗ്യ സന്ദേശം എത്തിക്കാം. ആരോഗ്യകരമായ ഒരു സമൂഹത്തിനായി നമുക്ക് ഒന്നിച്ചു കൈകോർക്കാം എന്നും ഡെപ്യൂട്ടി സ്പീക്കർ ഷാനിമോൾ ഉസ്മാൻ ആഹ്വനം ചെയ്തു.
വനിതാ ഫോറം ചെയർപേഴ്സൺ ഡോ. ഷൈനി രാജു 2026-2028 കാലയളവിലെ മുൻഗണനകളും പുതിയ പദ്ധതികളും അവതരിപ്പിക്കുകയും ഏവരെയും സ്വാഗതം ചെയ്യുകയും ഷാനിമോൾ ഉസ്മാനെ ഔദ്യോഗിക ഉദ്ഘാടനം നിർവഹിക്കുവാൻ ക്ഷണിക്കുകയും ചെയ്തു.
മൗനപ്രാർഥനയോടു കൂടി ആരംഭിച്ച സമ്മേളനത്തിൽ നാഷണൽ കമ്മിറ്റി അംഗം സുഷ്മ പ്രവീൺ പ്രാർഥന ഗാനം ആലപിച്ചു. ഫൊക്കാന പ്രസിഡന്റ് ഫിലിപ്പോസ് ഫിലിപ്പ് ആമുഖ പ്രസംഗം നടത്തി.
അമേരിക്കൻ മലയാളി സമൂഹത്തിലെ വനിതകളുടെ സജീവ പങ്കാളിത്തവും സഹകരണവും ഉണ്ടായതു എടുത്തു പറയേണ്ടതാണെന്നും ഇത് സങ്കടിപ്പിച്ച വനിതാ ഫോറം ചുമതലക്കാരെ അനുമോദിക്കുകയും ചെയ്തു.
ഇങ്ങനെയുള്ള കൂട്ടായ്മകൾ സ്ത്രീകൾക്ക് മാനസിക പിന്തുണ നൽകുന്നതിനും, ആരോഗ്യ പരിരക്ഷയെക്കുറിച്ചുള്ള അവബോധം വർധിപ്പിക്കുന്നതിനും സഹായകരമാകുമെന്ന് പ്രസിഡന്റ് ഫിലിപ്പോസ് ഫിലിപ്പ് പറഞ്ഞു.
America
ഒഹായോ: ഇൻഡോ-അമേരിക്കൻ പ്രസ് ക്ലബിന്‍റെ (IAPC) പതിനൊന്നാമത് വാർഷിക അന്താരാഷ്ട്ര മാധ്യമ സമ്മേളനത്തിന് (IMC 2026) ഒഹായോയിലെ സിൻസിനാറ്റിയിൽ തുടക്കം.
ഒക്ടോബർ 16 മുതൽ 18 വരെ ഷാരോൺവില്ലിലെ ഡെൽറ്റ ഹോട്ടൽസ് ബൈ മാരിയറ്റിൽ നടക്കുന്ന സമ്മേളനം, ആഗോള മാധ്യമപ്രവർത്തനം, നയതന്ത്രം, പ്രവാസി നേതൃത്വം എന്നിവയുടെ സംഗമവേദിയായി മാറി.
ഒഹായോ മുൻ അസംബ്ലിമാൻ നീരജ് അന്താനി, ഐഎപിസി ബോർഡ് ഓഫ് ഡയറക്ടേഴ്സ് ചെയർമാൻ ഡോ. സതീഷ് കതുല, സ്ഥാപക ചെയർമാൻ ജിൻസ്‌മോൻ സക്കറിയ, സ്ഥാപക പ്രസിഡന്റ് അജയ് ഘോഷ്, ബോർഡ് അംഗങ്ങളായ ഡോ. ബാബു സ്റ്റീഫൻ, പർവീൺ ചോപ്ര, സി.ജി. ഡാനിയൽ, ഷാൻ ജസ്റ്റസ്, മീര ശങ്കർ, സാജൻ വർഗീസ് എന്നിവർ ചേർന്ന് ഭദ്രദീപം കൊളുത്തി സമ്മേളനം ഔദ്യോഗികമായി ഉദ്ഘാടനം ചെയ്തു.
വിവിധ ഭൂഖണ്ഡങ്ങളിൽ നിന്നുള്ള മാധ്യമപ്രവർത്തകർ, നയതന്ത്രജ്ഞർ, എഴുത്തുകാർ, സാമൂഹിക നേതാക്കൾ എന്നിവരുടെ ആശയവിനിമയങ്ങൾ കൊണ്ട് സമ്മേളന നഗരി ശ്രദ്ധേയമായി. വെല്ലുവിളികൾക്കിടയിലും സത്യത്തിന്‍റെ ഏറ്റവും ശക്തമായ ഉപകരണമായി മാധ്യമപ്രവർത്തനം നിലകൊള്ളുന്നുവെന്നതിന്‍റെ ഓർമപ്പെടുത്തലായി സമ്മേളനം മാറി.
അഭൂതപൂർവമായ മാധ്യമ പരിവർത്തനത്തിന്‍റെ ഈ കാലഘട്ടത്തിൽ അർഥവത്തായ സംവാദങ്ങളും പ്രഫഷണൽ സഹകരണവും ഉത്തരവാദിത്തമുള്ള മാധ്യമപ്രവർത്തനവും വളർത്തിയെടുക്കാൻ വിവിധ ഭൂഖണ്ഡങ്ങളിലെ മാധ്യമപ്രവർത്തകരെയും ചിന്തകരെയും ഒന്നിപ്പിക്കുന്നതിനുള്ള പ്രതിജ്ഞാബദ്ധതയാണ് ഐഎംസി 2026 പ്രതിഫലിപ്പിക്കുന്നതെന്ന് ഡോ. സതീഷ് കതുല തന്റെ പ്രസംഗത്തിൽ പറഞ്ഞു.
മുഖ്യപ്രഭാഷണം നടത്തിയ മുൻ അസംബ്ലിമാൻ നീരജ് അന്താനി, ഇന്ത്യൻ-അമേരിക്കൻ മാധ്യമങ്ങളുടെ സ്വാധീനത്തെക്കുറിച്ച് അനുസ്മരിച്ചു. 2014-ലെ തന്റെ തെരഞ്ഞെടുപ്പ് വാർത്തകൾ ഭൂഖണ്ഡങ്ങൾക്കപ്പുറമുള്ള സമൂഹങ്ങളെ എങ്ങനെ ബന്ധിപ്പിച്ചു എന്നും ഗോപാൽ രാജുവിന്‍റെ മാധ്യമ പൈതൃകത്തെയും അദ്ദേഹം ഓർമിപ്പിച്ചു.
ആരോഗ്യമേഖല, ഐ.ടി, ഹോസ്പിറ്റാലിറ്റി, അക്കാദമിക് രംഗം, ഫോർച്യൂൺ 500 കമ്പനികൾ എന്നിവയിൽ ഇന്ത്യൻ-അമേരിക്കൻ സമൂഹം ചെലുത്തുന്ന വലിയ സ്വാധീനത്തെക്കുറിച്ച് ഐഎപിസി മുൻ ചെയർമാൻ ഡോ. ബാബു സ്റ്റീഫൻ സംസാരിച്ചു.
നടിയും മാധ്യമപ്രവർത്തകയുമായ മീര നായർ അവതരിപ്പിച്ച "കറുകറെ കാർമുകിൽ' എന്ന നൃത്തശില്പം സദസിനെ ദൈവത്തിന്‍റെ സ്വന്തം നാടായ കേരളത്തിലേക്ക് കൂട്ടിക്കൊണ്ടുപോയി. പ്രശസ്ത ആചാര്യൻ പത്മഭൂഷൺ കാവാലം നാരായണപ്പണിക്കരുടെ കീഴിൽ പരിശീലനം നേടിയ മീര നായരുടെ ഈ നൃത്തം ചിട്ടപ്പെടുത്തിയത് ഉമ തപസ്യാനന്ദയാണ്.
കേരളത്തിലെ മഴയുടെയും ജലത്തിന്‍റെയും ജീവസുറ്റ ഭാവങ്ങളെ ആസ്പദമാക്കിയുള്ള പ്രകടനം കാണികളുടെ പ്രശംസ പിടിച്ചുപറ്റി.
പ്രമുഖരുടെ സംഗമം
വടക്കേ അമേരിക്ക, ഇന്ത്യ, യൂറോപ്പ്, മിഡിൽ ഈസ്റ്റ് എന്നിവിടങ്ങളിൽ നിന്നുള്ള മാധ്യമപ്രവർത്തകർക്കും എഡിറ്റർമാർക്കുമൊപ്പം പ്രമുഖ വ്യക്തിത്വങ്ങളുടെ വലിയൊരു നിര തന്നെ ഈ വർഷത്തെ സമ്മേളനത്തിൽ പങ്കെടുക്കുന്നുണ്ട്:
ഗ്രെഗ് ലാൻഡ്‌സ്മാൻ (യുഎസ് കോൺഗ്രസ്മാൻ), അഫ്താബ് പുരേവാൽ (സിൻസിനാറ്റി മേയർ), നീരജ് അന്താനി (ഒഹായോ മുൻ അസംബ്ലിമാൻ), മാത്യു സാമുവൽ (പ്രശസ്ത ഇൻവെസ്റ്റിഗേറ്റീവ് ജേണലിസ്റ്റ്), മീര നായർ (നടിയും മാധ്യമപ്രവർത്തകയും), നിഹാരിക റൈസാദ (ബോളിവുഡ് നടി).
നിർമ്മിത ബുദ്ധിയുടെയും (എഐ) വേഗത്തിലുള്ള ഡിജിറ്റൽ മാറ്റങ്ങളുടെയും കാലഘട്ടത്തിൽ മാധ്യമപ്രവർത്തനത്തിന്‍റെ ഭാവി എന്തായിരിക്കുമെന്നതിനെക്കുറിച്ച് വിവിധ പാനലുകൾ ചർച്ച ചെയ്തു. ധാർമ്മിക മാധ്യമപ്രവർത്തനം, പ്രവാസി കഥപറച്ചിലുകൾ, ധ്രുവീകരിക്കപ്പെട്ട സമൂഹങ്ങളിൽ മാധ്യമപ്രവർത്തകർക്കുള്ള ഉത്തരവാദിത്തങ്ങൾ എന്നിവയെക്കുറിച്ച് ശില്പശാലകളും നടന്നു.
മീര ശങ്കർ മോഡറേറ്ററായ എഐയും മാധ്യമപ്രവർത്തനത്തിന്‍റെ ഭാവിയും എന്ന മീഡിയ കോൺക്ലേവിൽ ഡോ. സതീഷ് കതുല, മുത്തു മുതലിയാർ, വിനോദ് തരകൻ, റോയ് രത്നവേൽ, പർവീൺ ചോപ്ര, അജയ് ഘോഷ് എന്നിവർ പാനലിസ്റ്റുകളായി പങ്കെടുത്തു.
America
ഹൂസ്റ്റൺ: ഇന്ത്യൻ ക്രിസ്ത്യൻ എക്യുമെനിക്കൽ കമ്മ്യൂണിറ്റി ഓഫ് ഹൂസ്റ്റണിന്‍റെ (ഐസിഇസിഎച്ച്) ആഭിമുഖ്യത്തിൽ സംഘടിപ്പിക്കുന്ന എക്യുമെനിക്കൽ പ്രാർഥനാവാരത്തിന് തുടക്കമായി. ഈ മാസം 18 മുതൽ 24 വരെ നടക്കുന്ന പ്രാർഥനാവാരത്തിൽ എല്ലാ ദിവസവും രാത്രി ഏഴിന് വിവിധ ക്രൈസ്തവ ഇടവകകളുടെ നേതൃത്വത്തിൽ പ്രാർഥനയും വചനശുശ്രൂഷയും നടക്കും.
"മതിലുകളല്ല, പാലങ്ങളാണ് പണിയപ്പെടേണ്ടത്' എന്നതാണ് ഈ വർഷത്തെ പ്രാർഥനാവാരത്തിന്‍റെ മുഖ്യപ്രമേയം. റോമർ 15:5-7 വചനഭാഗത്തെ ആസ്പദമാക്കിയുള്ള ഈ പ്രമേയം ക്രൈസ്തവ ഐക്യത്തിന്റെയും പരസ്പരസ്നേഹത്തിന്‍റെയും സഹകരണത്തിന്‍റെയും പ്രാധാന്യം ഉയർത്തിക്കാട്ടുന്നു.
ഞായറാഴ്ച സെന്റ് തോമസ് ഇവാഞ്ചലിക്കൽ ദേവാലയത്തിൽ നടന്ന പ്രാരംഭ പ്രാർത്ഥനാസംഗമത്തിൽ ഇടവക വികാരി റവ. ഡോ. ജോബി മാത്യു അധ്യക്ഷത വഹിച്ചു. ഐസിഇസിഎച്ച് പ്രസിഡന്റ് ഫാ. ഡോ. ഐസക് ബി. പ്രകാശ് വചനശുശ്രൂഷയ്ക്ക് നേതൃത്വം നൽകി.
ലൗകിക ജ്ഞാനവും ദൈവിക ജ്ഞാനവും തമ്മിലുള്ള വ്യത്യാസം തിരിച്ചറിയാനും നിത്യജീവനെക്കുറിച്ചുള്ള പ്രത്യാശയിൽ ഉറച്ചുനിൽക്കാനും വിശ്വാസികൾക്ക് കഴിയണമെന്ന് അച്ചൻ ഉദ്ബോധിപ്പിച്ചു. ദൈവികജ്ഞാനം പ്രാപിച്ച് വചനാധിഷ്ഠിതമായ ജീവിതത്തിലൂടെ മനുഷ്യനന്മയ്ക്കായി പ്രവർത്തിക്കേണ്ടതിന്‍റെ പ്രാധാന്യവും അച്ചൻ സന്ദേശത്തിൽ വ്യക്തമാക്കി.
ബാബു കൊച്ചുമ്മൻ സ്വാഗതവും പ്രോഗ്രാം കോർഡിനേറ്റർ മിൽറ്റ മാത്യു നന്ദിയും അറിയിച്ചു. റവ. ഫാ. എബ്രഹാം സഖറിയയുടെ (ജെക്കു അച്ചൻ) സമാപന പ്രാർഥനയ്ക്കും ആശിർവാദത്തിനും ശേഷം യോഗം സമാപിച്ചു.
തുടർന്നുള്ള ദിവസങ്ങളിലെ പ്രാർത്ഥനാസംഗമങ്ങൾ
തിങ്കൾ: സെന്റ് പീറ്റേഴ്സ് മലങ്കര കത്തോലിക്കാ ചർച്ച്. വചനശുശ്രൂഷ: റവ. സോനു വർഗീസ്.
ചൊവ്വ: സെന്റ് തോമസ് സിഎസ്ഐ ചർച്ച് ഓഫ് ഗ്രേറ്റർ ഹൂസ്റ്റൺ. വചനശുശ്രൂഷ: റവ. ഫാ. ഡോ. ബിന്നി ഫിലിപ്പ്.
ബുധൻ: സെന്റ് പീറ്റേഴ്സ് ആൻഡ് സെന്റ് പോൾസ് ഓർത്തഡോക്സ് ചർച്ച്. വചനശുശ്രൂഷ: റവ. ഡോ. ജോസഫ് ജോൺ.
വ്യാഴം: സെന്റ് ജെയിംസ് ക്നാനായ സിറിയൻ ഓർത്തഡോക്സ് ചർച്ച്. വചനശുശ്രൂഷ: റവ. ദീപു എബി ജോൺ.
വെള്ളി: സെന്റ് ഗ്രിഗോറിയോസ് ഓർത്തഡോക്സ് ചർച്ച്. വചനശുശ്രൂഷ: റവ. ഫാ. എബ്രഹാം സഖറിയ (ജെക്കു അച്ചൻ).
ശനി: സെന്റ് ജോസഫ് സീറോമലബാർ കത്തോലിക്കാ ചർച്ച്. വചനശുശ്രൂഷ: റവ.ഫാ. വർഗീസ് തോമസ്.
വിവിധ സഭകളിലെ വിശ്വാസികളെ ഒരുമിപ്പിച്ച് പ്രാർഥനയിലൂടെയും ദൈവവചനത്തിലൂടെയും ക്രൈസ്തവ ഐക്യം കൂടുതൽ ശക്തിപ്പെടുത്തുകയാണ് ഈ പ്രാർഥനാവാരത്തിന്‍റെ ലക്ഷ്യം.
വിവിധ സഭകൾ തമ്മിലുള്ള സ്നേഹവും സഹകരണവും പരസ്പര ധാരണയും വളർത്തുന്നതിനുള്ള ഈ ആത്മീയ കൂട്ടായ്മയിൽ എല്ലാ വിശ്വാസികളും പങ്കുചേരണമെന്ന് സംഘാടകർ അഭ്യർഥിച്ചു.
കൂടുതൽ വിവരങ്ങൾക്ക്: ഷാജൻ ജോർജ് (സെക്രട്ടറി) - 832 452 4195, രാജൻ അങ്ങാടിയിൽ (ട്രഷറർ) - 713 459 4704, എബി മാത്യു (കൺവീനർ) - 832 276 1055, മിൽറ്റ മാത്യു (പ്രോഗ്രാം കോർഡിനേറ്റർ) - 832 744 9691, ജീമോൻ റാന്നി (പിആർഒ) - 832 873 0023.
America
ഡാളസ്: നവംബർ മൂന്നിന് നടക്കുന്ന അമേരിക്കൻ ഇടക്കാല തെരഞ്ഞെടുപ്പിന്‍റെ ഭാഗമായി ടെക്സസിൽ മുൻകൂർ വോട്ടെടുപ്പ് തിങ്കളാഴ്ച ആരംഭിക്കും. ഈ മാസം 30 വരെയാണ് വോട്ടർമാർക്ക് മുൻകൂറായി വോട്ട് രേഖപ്പെടുത്താൻ അവസരം.
ഡാളസ് കൗണ്ടിയിൽ തിങ്കൾ മുതൽ ശനി വരെ രാവിലെ ഏഴ് മുതൽ രാത്രി ഏഴ് വരെയും ഞായറാഴ്ച ഉച്ചയ്ക്ക് 12 മുതൽ വൈകുന്നേരം ആറ് വരെയും വോട്ടെടുപ്പ് കേന്ദ്രങ്ങൾ പ്രവർത്തിക്കും.
ടാറന്‍റ് കൗണ്ടിയിൽ പ്രവൃത്തിദിവസങ്ങളിൽ രാവിലെ എട്ട് മുതൽ വൈകുന്നേരം അഞ്ച് വരെയും ശനിയാഴ്ച രാവിലെ ഏഴ് മുതൽ വൈകുന്നേരം ഏഴ് വരെയും ഞായറാഴ്ച രാവിലെ 10 മുതൽ വൈകുന്നേരം നാല് വരെയുമാണ് വോട്ടെടുപ്പ് സമയം.
കോളിൻ, ഡെന്‍റൺ കൗണ്ടികളിൽ പ്രവൃത്തിദിവസങ്ങളിൽ രാവിലെ എട്ട് മുതൽ വൈകുന്നേരം ആറ് വരെയും ശനിയാഴ്ച രാവിലെ ഏഴ് മുതൽ രാത്രി ഏഴ് വരെയും ഞായറാഴ്ച രാവിലെ 11 മുതൽ വൈകുന്നേരം അഞ്ച് വരെയും വോട്ട് രേഖപ്പെടുത്താം.
നേരിട്ടെത്തി വോട്ട് ചെയ്യുന്നതിന് സാധുവായ ഫോട്ടോ തിരിച്ചറിയൽ രേഖ നിർബന്ധമാണ്. ടെക്സസ് ഡ്രൈവിംഗ് ലൈസൻസ്, സംസ്ഥാന തിരിച്ചറിയൽ കാർഡ്, അമേരിക്കൻ പാസ്‌പോർട്ട്, സൈനിക തിരിച്ചറിയൽ കാർഡ് തുടങ്ങിയവ ഉപയോഗിക്കാം.
വോട്ടെടുപ്പ് കേന്ദ്രങ്ങൾ, പ്രവർത്തനസമയം എന്നിവ സംബന്ധിച്ച കൂടുതൽ വിവരങ്ങൾ ബന്ധപ്പെട്ട കൗണ്ടികളുടെ ഔദ്യോഗിക തെരഞ്ഞെടുപ്പ് വെബ്‌സൈറ്റുകളിൽ ലഭ്യമാണ്. വോട്ടർമാർക്ക് സൗകര്യപ്രദമായ കേന്ദ്രത്തിൽ മുൻകൂർ വോട്ട് രേഖപ്പെടുത്തുന്നതിനുള്ള നിർദേശങ്ങൾ പരിശോധിച്ചശേഷം വോട്ടെടുപ്പിൽ പങ്കെടുക്കാം.
America
ഡാളസ്: ജീവിതത്തിലെ ഭാരങ്ങളും ആശങ്കകളും യേശുവിന്‍റെ കരങ്ങളിൽ സമർപ്പിച്ച് വിശ്വാസത്തോടെ മുന്നോട്ടുപോകണമെന്ന് സുവിശേഷകൻ നിക്ക് ഹാൾ ആഹ്വാനം ചെയ്തു. അഗപ്പേ ചർച്ച് സംഘടിപ്പിക്കുന്ന പതിനാറാമത് "എഴുന്നേറ്റ് ഉണർന്നു പ്രകാശിക്കുക' കൺവൻഷനിൽ പ്രസംഗിക്കുകയായിരുന്നു അദ്ദേഹം.
ജീവിതത്തിൽ നേരിടുന്ന ദുഃഖങ്ങളും പ്രതിസന്ധികളും ഭാവിയെക്കുറിച്ചുള്ള ആശങ്കകളും പ്രാർഥനയിലൂടെ യേശുവിന്‍റെ സന്നിധിയിൽ സമർപ്പിക്കുകയും അവിടുത്തെ കരുതലിൽ ആശ്രയിക്കുകയും ചെയ്യുക എന്നതായിരുന്നു സന്ദേശത്തിന്‍റെ കേന്ദ്രവിഷയം.
സ്വന്തം ശക്തികൊണ്ട് പരിഹരിക്കാൻ കഴിയാത്ത സാഹചര്യങ്ങളിലും ദൈവത്തിലുള്ള വിശ്വാസം കൈവിടാതെ മുന്നോട്ടുപോകാനുള്ള ആഹ്വാനമായിരുന്നു യേശുവിന്‍റെ കരങ്ങളിൽ ഭാരങ്ങൾ സമർപ്പിക്കുക എന്ന സന്ദേശം.
“ഞാൻ നല്ല പോർ പൊരുതി, ഓട്ടം തികച്ചു, വിശ്വാസം കാത്തു” എന്ന അപ്പോസ്തലനായ പൗലോസിന്റെ വാക്കുകൾ (2 തിമൊഥെയൊസ് 4:7) ഉദ്ധരിച്ച്, പ്രതിസന്ധികളിൽ തളരാതെ വിശ്വാസജീവിതത്തിലെ ഓട്ടം പൂർത്തിയാക്കണമെന്ന് അദ്ദേഹം ഉദ്ബോധിപ്പിച്ചു.
അമേരിക്ക ആസ്ഥാനമായി പ്രവർത്തിക്കുന്ന സുവിശേഷപ്രവർത്തന സംഘടനയായ പൾസ് ഇവാഞ്ചലിസത്തിന്‍റെ സ്ഥാപകനാണ് നിക്ക് ഹാൾ.
America
കനക്‌ടികട്ട്: കനക്‌ടികട്ടിലെ ഫാമിൽ ജോലി ചെയ്യുന്നതിനിടയിൽ കാൽക്കുഴയ്ക്ക് പരുക്കേറ്റ ഡെയ്ൽ ആലീസ് മാർട്ടിൻ (21) ചികിത്സാ പിഴവിനെ തുടർന്ന് മരിച്ചു. വാട്ടർബറി ആശുപത്രിയിൽ പ്രവേശിപ്പിച്ച് 14 മണിക്കൂറിനുള്ളിൽ ശ്വാസോച്ഛ്വാസം നിലച്ച യുവതി ഹൃദയാഘാതത്തെ തുടർന്ന് മരിക്കുകയായിരുന്നുവെന്ന് കുടുംബം കോടതിയിൽ ഫയൽ ചെയ്ത കേസിൽ പറയുന്നു.
അമിത അളവിൽ ശക്തമായ വേദനസംഹാരികൾ നൽകിയതാണ് മരണകാരണമെന്ന് പിന്നീട് നടത്തിയ അന്വേഷണത്തിൽ കണ്ടെത്തി. ഫോണിലൂടെയുള്ള ഡോക്ടറുടെ നിർദേശങ്ങൾ കൃത്യമായി രേഖപ്പെടുത്തുന്നതിൽ ആശുപത്രി ജീവനക്കാർക്ക് വീഴ്ച പറ്റിയിട്ടുണ്ടെന്നും, ഇതിനെ തുടർന്ന് ഡെയ്‌ലിന് മാറിമാറി മരുന്നുകൾ ലഭിച്ചതായും സെന്‍റേഴ്സ് ഫോർ മെഡികെയർ ആൻഡ് മെഡികെയ്ഡ് സർവീസസ് (CMS) വ്യക്തമാക്കുന്നു. 2025 ഏപ്രിൽ 13നാണ് ബ്രെയിൻ ഡെഡ് ആയതിനെ തുടർന്ന് ഡെയ്ൽ മരിച്ചത്.
സാമ്പത്തിക പ്രതിസന്ധി നേരിടുന്ന ആശുപത്രിയിൽ മതിയായ ജീവനക്കാരുടെയും മെഡിക്കൽ സാധനങ്ങളുടെയും കുറവുണ്ടായിരുന്നതായി കുടുംബം ആരോപിക്കുന്നു.
സ്വകാര്യ ഇക്വിറ്റി കമ്പനിയുടെ ഉടമസ്ഥതയിലായിരുന്ന ആശുപത്രി മാനേജ്മെന്റിന്റെ ഭാഗത്തുനിന്നുണ്ടായ ഗുരുതരമായ അശ്രദ്ധയാണ് യുവതിയുടെ ജീവനെടുത്തതെന്ന് ചൂണ്ടിക്കാട്ടി കുടുംബം നിയമനടപടികൾ സ്വീകരിച്ചിട്ടുണ്ട്. മരണശേഷവും അവയവദാനത്തിലൂടെ മറ്റുള്ളവർക്ക് ജീവൻ നൽകിയാണ് ഡെയ്ൽ മാതൃകയായത്.
America
ഡാളസ്: ഡാളസിലെ അപ്പാർട്മെന്‍റിൽ അതിക്രമിച്ചു കയറി ബോഥം ജീൻ എന്ന യുവാവിനെ വെടിവെച്ചു കൊലപ്പെടുത്തിയ കേസിൽ പത്തുവർഷം തടവിന് ശിക്ഷിക്കപ്പെട്ട മുൻ ഡാളസ് പൊലിസ് ഉദ്യോഗസ്ഥ ആംബർ ഗൈഗർ പരോൾ ലഭിച്ചതിനെ തുടർന്ന് ജയിൽ മോചിതയായി. ഏഴുവർഷത്തെ തടവിന് ശേഷമാണ് വെള്ളിയാഴ്ച രാവിലെ ആംബർ മോചിതയായത്.
2018 സെപ്റ്റംബറിലാണ് ഡ്യൂട്ടിയിലല്ലാതിരുന്ന ആംബർ അപ്പാർട്മെന്‍റാണെന്ന് തെറ്റിധരിച്ച് ബോഥം ജീന്‍റെ അപ്പാർട്മെന്‍റിൽ പ്രവേശിച്ച് അദ്ദേഹത്തെ വെടിവച്ചു കൊലപെടുത്തിയത്.
തടവുപുള്ളികളുടെ പെരുമാറ്റച്ചട്ടങ്ങൾ പാലിച്ചതിനെയും നല്ല നടപ്പ് വിലയിരുത്തിയതിനെയും തുടർന്നാണ് പരോൾ ബോർഡ് ഗൈഗർക്ക് പരോൾ അനുവദിച്ചത്.
America
ഫ്ലോറിഡ: കാമുകനുമായുള്ള വഴക്കിനെത്തുടർന്ന് അമിതവേഗതയിൽ കാറോടിച്ച് അപകടമുണ്ടാക്കി കാമുകന്‍റെ മരണത്തിന് കാരണക്കാരിയായ യുവതി കുറ്റക്കാരിയാണെന്ന് കോടതി കണ്ടെത്തി. ഫ്ലോറിഡയിലെ ലെയ്ഗ മുംബി (25) എന്ന യുവതിയാണ് വാഹനാപകടത്തിലൂടെയുള്ള നരഹത്യ, ഗുരുതര പരുക്കിന് കാരണമായ അശ്രദ്ധമായ ഡ്രൈവിംഗ് എന്നീ കുറ്റങ്ങളിൽ ശിക്ഷിക്കപ്പെട്ടത്.
22 വയസുകാരനായ ഡാനിയൽ വാട്ടർമാന്‍റെ മരണവുമായി ബന്ധപ്പെട്ട് നടന്ന രണ്ടുദിവസത്തെ വിചാരണയ്ക്കൊടുവിൽ, 25 വയസുകാരിയായ മുംബിയെ ഒക്ടോബർ 14 ബുധനാഴ്ച കുറ്റക്കാരിയായി കണ്ടെത്തിയെന്ന് ഫ്ലോറിഡയിലെ സെവൻത് ജുഡീഷ്യൽ സർക്യൂട്ട് സ്റ്റേറ്റ് അറ്റോർണി ഓഫീസ് അറിയിച്ചു.
2025 ഫെബ്രുവരി 9-നാണ് കേസിനാസ്പദമായ സംഭവം നടന്നത്. ഫ്ലോറിഡയിലെ ഇന്റർസ്റ്റേറ്റ് 95 പാതയിലൂടെ മണിക്കൂറിൽ 94 മൈൽ (ഏകദേശം 151 കിലോമീറ്റർ) വേഗതയിൽ കാറോടിക്കുന്നതിനിടയിൽ ലെയ്ഗയും കാമുകൻ ഡാനിയൽ വാട്ടർമാനും (22) തമ്മിൽ വഴക്കുണ്ടായി.തർക്കത്തിനിടയിൽ യുവതി പെട്ടെന്ന് സ്റ്റീയറിംഗ് ഇടത്തേക്ക് വെട്ടിച്ചതിനെ തുടർന്ന് നിയന്ത്രണം നഷ്ടപ്പെട്ട കാർ ഹൈവേയിൽ നിന്ന് പാഞ്ഞുപോയി മരങ്ങളിൽ ഇടിക്കുകയായിരുന്നു.
അപകടത്തിൽ ഡാനിയലിന്‍റെ കഴുത്തൊടിയുകയും കഴുത്തിന് താഴേക്ക് ശരീരം തളരുകയും ചെയ്തു. തുടർന്ന് എട്ടുമാസത്തിനു ശേഷം 2025 ഒക്ടോബർ 8-ന് ന്യൂമോണിയ ബാധിച്ച് അദ്ദേഹം മരണപ്പെടുകയുണ്ടായി.
അപകടം നടന്ന ദിവസമാണ് താൻ ഗർഭിണിയാണെന്ന് ലെയ്ഗ അറിയുന്നത്. ഇതിനിടയിൽ ഡാനിയൽ മറ്റൊരു സ്ത്രീയുമായി ചാറ്റ് ചെയ്യുന്നത് കണ്ടതിനെ തുടർന്നുണ്ടായ കടുത്ത പ്രകോപനമാണ് അപകടത്തിലേക്ക് നയിച്ചതെന്ന് പ്രോസിക്യൂഷൻ കോടതിയിൽ വാദിച്ചു. എന്നാൽ താൻ ആത്മഹത്യ ചെയ്യാൻ ശ്രമിക്കുകയോ ആരുടെയും ജീവൻ അപകടപ്പെടുത്താൻ ഉദ്ദേശിക്കുകയോ ചെയ്തിട്ടില്ലെന്നായിരുന്നു പ്രതിഭാഗത്തിന്‍റെ വാദം. ഫ്ലാഗ്ലർ കൗണ്ടി കോടതിയിൽ നടന്ന വിചാരണയ്ക്കൊടുവിൽ ജൂറി വിധി പ്രഖ്യാപിക്കുകയായിരുന്നു. യുവതിക്കുള്ള ശിക്ഷ പിന്നീട് വിധിക്കും.
America
ഹൂസ്റ്റൺ: ഭക്തിയുടെ നിറദീപങ്ങൾ തെളിയുകയും ശാസ്ത്രീയ സംഗീതത്തിന്‍റെയും നൃത്തത്തിന്‍റെയും പവിത്രനാദങ്ങൾ അന്തരീക്ഷത്തിൽ നിറയുകയും ചെയ്യുന്ന നവരാത്രിയുടെ സുദിനങ്ങളിൽ, ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രം ആത്മീയതയുടെയും ഭാരതീയ കലാപൈതൃകത്തിന്‍റെയും മഹത്തായ സംഗമവേദിയായി മാറുന്നു.
ദുർഗാപൂജയുടെയും നവരാത്രിയുടെയും പുണ്യദിനങ്ങളെ ഭക്തിനിർഭരമായ ചടങ്ങുകളാലും ഹൃദയഹാരിയായ കലാപരിപാടികളാലും സമ്പന്നമാക്കിക്കൊണ്ട്, തുടർച്ചയായ ഒൻപത് ദിനരാത്രങ്ങളിൽ ക്ഷേത്രം വിശ്വാസത്തിന്‍റെയും സംസ്കാരത്തിന്റെയും മഹോത്സവത്തിന് സാക്ഷ്യം വഹിക്കുന്നു.
അജ്ഞാനത്തിന്‍റെ അന്ധകാരത്തെ ജ്ഞാനത്തിന്‍റെ പ്രകാശംകൊണ്ടും അധർമ്മത്തെ ധർമ്മത്തിന്‍റെ ശക്തികൊണ്ടും പരാജയപ്പെടുത്തുന്ന ദേവീചൈതന്യത്തിന്‍റെ പ്രതീകമാണ് നവരാത്രി. ദുർഗ, ലക്ഷ്മി, സരസ്വതി എന്നീ ദേവീഭാവങ്ങളുടെ മഹത്വം സ്മരിക്കുന്ന ഈ പുണ്യകാലം, ആത്മസമർപ്പണത്തിന്‍റെയും ആത്മശുദ്ധീകരണത്തിന്‍റെയും സാംസ്കാരിക നവോത്ഥാനത്തിന്‍റെയും സന്ദേശമാണ് പകരുന്നത്. ആ വിശുദ്ധ സന്ദേശത്തെ ഹൃദയങ്ങളിൽ നിറച്ചുകൊണ്ട്, ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രത്തിലെ നവരാത്രി ആഘോഷങ്ങൾ ഭക്തർക്കും കലാസ്വാദകർക്കും ഒരുപോലെ അവിസ്മരണീയമായ അനുഭവമായി മാറുന്നു.
അമേരിക്കയുടെ വിവിധ ഭാഗങ്ങളിൽനിന്ന് എത്തിച്ചേരുന്ന ഭക്തജനങ്ങളും കലാകാരന്മാരും സംഗീതജ്ഞരും നർത്തകരും ഈ മഹോത്സവത്തിന് വൈവിധ്യത്തിന്‍റെയും മികവിന്‍റെയും നിറപ്പകിട്ടേകുന്നു. ഓരോ ദിനവും ഓരോ പുതിയ ആത്മീയാനുഭവമായി വിരിയുമ്പോൾ, ശാസ്ത്രീയ സംഗീതക്കച്ചേരികളും കർണാടക സംഗീതാവതരണങ്ങളും ഭക്തിഗാനങ്ങളും ശാസ്ത്രീയ നൃത്തപരിപാടികളും ഉൾപ്പെടെയുള്ള പാരമ്പര്യകലാവിഷ്കാരങ്ങൾ പ്രശസ്തരും പ്രതിഭാധനരുമായ കലാകാരന്മാരുടെ അവതരണങ്ങൾക്കൊപ്പം, ഭാരതീയ ശാസ്ത്രീയ കലകളുടെ മഹത്തായ പാരമ്പര്യം പുതുതലമുറയിലേക്ക് പകർന്നുനൽകുന്ന സാംസ്കാരിക ദൗത്യത്തിനും ഈ ആഘോഷങ്ങൾ പ്രാധാന്യം നൽകുന്നു.
വിദേശമണ്ണിൽ വളരുന്ന പുതുതലമുറയ്ക്ക് സ്വന്തം ഭാഷയുടെയും സംസ്കാരത്തിന്റെയും കലാപാരമ്പര്യത്തിന്‍റെയും വേരുകളെ അടുത്തറിയാനും അനുഭവിച്ചറിയാനും ഈ നവരാത്രി വേദി വിലപ്പെട്ട അവസരമൊരുക്കുന്നു. തലമുറകളെ തമ്മിൽ ബന്ധിപ്പിക്കുകയും കുടുംബങ്ങളെ ഒരുമിപ്പിക്കുകയും സമൂഹത്തിൽ സൗഹാർദ്ദത്തിന്റെയും ഐക്യത്തിന്റെയും സ്നേഹത്തിന്റെയും സന്ദേശം പകരുകയും ചെയ്യുന്ന ഈ മഹോത്സവം, ക്ഷേത്രാഘോഷങ്ങൾക്കപ്പുറം ഒരു സാംസ്കാരിക കൂട്ടായ്മയുടെ മഹത്തായ പ്രതീകമായി ഉയർന്നുനിൽക്കുന്നു.
ഒൻപത് ദിനരാത്രങ്ങളിലായി നീളുന്ന ഈ ഭക്തിസാന്ദ്രമായ ആഘോഷത്തിൽ, ദീപപ്രഭയും മന്ത്രധ്വനികളും സംഗീതവും നൃത്തവും ഒത്തുചേരുമ്പോൾ, ക്ഷേത്രസന്നിധി കേരളീയ ക്ഷേത്രസംസ്കാരത്തിന്റെയും ഭാരതീയ ആത്മീയപാരമ്പര്യത്തിന്റെയും സജീവസാക്ഷ്യമായി മാറുന്നു.
പ്രവാസജീവിതത്തിന്‍റെ തിരക്കുകൾക്കിടയിലും വിശ്വാസത്തിന്‍റെ വിളക്കണയാതെ സൂക്ഷിക്കുന്ന ഭക്തജനങ്ങളുടെ സമർപ്പണവും, പാരമ്പര്യത്തെ നെഞ്ചേറ്റുന്ന കലാകാരന്മാരുടെ ആത്മാർഥതയും, കൂട്ടായ്മയുടെ കരുത്തും ഈ ആഘോഷത്തിന് സവിശേഷമായ മഹത്വം പകരുന്നു.
ഭക്തിയുടെ സുഗന്ധവും കലയുടെ സൗന്ദര്യവും സംസ്കാരത്തിന്‍റെ മഹിമയും ഒത്തുചേരുന്ന ഈ പുണ്യവേളയിൽ, ഹൂസ്റ്റൺ ശ്രീ ഗുരുവായൂരപ്പൻ ക്ഷേത്രം വിശ്വാസികളുടെ ഹൃദയങ്ങളിൽ പ്രത്യാശയുടെയും സമാധാനത്തിന്‍റെയും ജ്ഞാനത്തിന്‍റെയും ദീപങ്ങൾ തെളിയിക്കുന്നുവെന്ന് പ്രസിഡന്‍റെ ഡോ. രാംദാസ് അറിയിച്ചു.
America
വാഷിംഗ്ടൺ ഡിസി: ചുമതലയേറ്റ് വെറും അഞ്ച് ദിവസത്തിനകം വൈറ്റ് ഹൗസ് പ്രസ് സെക്രട്ടറി സ്ഥാനത്തുനിന്ന് കേറ്റി സഖറിയ പടിയിറങ്ങിയതായി റിപ്പോർട്ട്.
അമേരിക്കൻ ചരിത്രത്തിൽ ഏറ്റവും കുറഞ്ഞ കാലം ഈ പദവിയിലിരുന്ന പ്രസ് സെക്രട്ടറിയെന്ന റിക്കാർഡാണ് ഇതോടെ അവർക്ക് ലഭിച്ചത്.
ഒക്ടോബർ 12നാണ് സഖറിയ ചുമതലയേറ്റത്. നേരത്തേ സ്ഥാനം ഒഴിഞ്ഞ കരോലിൻ ലെവിറ്റിന് പകരമായാണ് അവർ നിയമിതയായത്.
യോഗ്യതയെച്ചൊല്ലി വിവാദം
സഖറിയയുടെ വിദ്യാഭ്യാസ യോഗ്യതയും അഭിഭാഷകയെന്ന അവകാശവാദവും സംബന്ധിച്ച ചോദ്യങ്ങളാണ് വിവാദങ്ങൾക്ക് വഴിവെച്ചത്.
കാലിഫോർണിയ ബാർ പരീക്ഷ എഴുതിയെങ്കിലും വിജയിച്ചിട്ടില്ലെന്ന് അവർ പിന്നീട് സമ്മതിച്ചതായാണ് റിപ്പോർട്ട്. അമേരിക്കയിൽ അഭിഭാഷകയായി പ്രാക്ടീസ് ചെയ്യാനുള്ള ലൈസൻസ് ഇല്ലെന്ന കണ്ടെത്തലുകളും വിവാദം ശക്തമാക്കി.
ഒക്ടോബർ 13ന് നടന്ന ആദ്യ വാർത്താസമ്മേളനം വെറും 15 മിനിറ്റ് മാത്രമാണ് നീണ്ടുനിന്നത്. മൂന്ന് മാധ്യമങ്ങളിൽ നിന്നുള്ള ചോദ്യങ്ങൾക്കു മാത്രമാണ് സഖറിയ മറുപടി നൽകിയത്.
മാധ്യമങ്ങളെ വിമർശിച്ച് ട്രംപ്
മാധ്യമങ്ങൾ സഖറിയയോട് അനീതി കാട്ടിയെന്നാണ് പ്രസിഡന്റ് ഡൊണാൾഡ് ട്രംപിന്‍റെ പ്രതികരണം. വ്യക്തിപരമായ ബുദ്ധിമുട്ടുകൾ കണക്കിലെടുത്ത് സ്ഥാനത്ത് തുടരുന്ന കാര്യം പുനഃപരിശോധിക്കാൻ താൻ ആവശ്യപ്പെട്ടതായും ട്രംപ് വ്യക്തമാക്കിയതായി റിപ്പോർട്ടിൽ പറയുന്നു.
അതേസമയം, പുതിയ വൈറ്റ് ഹൗസ് പ്രസ് സെക്രട്ടറിയെ ഇതുവരെ പ്രഖ്യാപിച്ചിട്ടില്ല. സഖറിയയ്ക്ക് ഭരണകൂടത്തിൽ മറ്റൊരു പദവി നൽകുമോ എന്ന കാര്യത്തിലും വ്യക്തതയില്ല.
America
ഡാളസ്: ഇന്ത്യയിലെ മാധ്യമപ്രവർത്തകനായ മാത്യു സാമുവൽ, ഇന്ത്യയിലെ ക്രൈസ്തവ പീഡനങ്ങൾ, വിശ്വാസസമൂഹങ്ങൾ നേരിടുന്ന വെല്ലുവിളികൾ, രാജ്യത്തിന്‍റെ വിവിധ ഭാഗങ്ങളിൽ നടക്കുന്ന ആത്മീയ ഉണർവുകൾ എന്നിവയെക്കുറിച്ച് സംസാരിക്കുന്നു.
ക്രൈസ്തവ വിശ്വാസികൾ നേരിടുന്ന യാഥാർഥ്യങ്ങളും വസ്തുതകളും പൊതുസമൂഹത്തിന് മുന്നിൽ അവതരിപ്പിക്കുന്നതിനും വിഷയത്തിൽ അവബോധം വളർത്തുന്നതിനുമാണ് യോഗം സംഘടിപ്പിക്കുന്നത്.
ക്രിസ്ത്യൻ ഫെല്ലോഷിപ്പ് ഫോർ ഇന്ത്യയുടെ (CFI, Christian Fellowship for India) ആഭിമുഖ്യത്തിൽ ഒക്ടോബർ 25ന് വൈകുന്നേരം അഞ്ചിന് യോഗം നടക്കും. ഗാർലൻഡിലെ IPC ഹെബ്രോൺ, 1751 Wall St, Garland, TX 75041 ആണ് വേദി.
ഇന്ത്യയിലെ ക്രൈസ്തവ സമൂഹം നേരിടുന്ന സാഹചര്യങ്ങൾ, മതസ്വാതന്ത്ര്യവുമായി ബന്ധപ്പെട്ട പ്രശ്നങ്ങൾ, വിശ്വാസത്തിന്‍റെ പേരിൽ അനുഭവിക്കുന്ന വെല്ലുവിളികൾ, വിവിധ പ്രദേശങ്ങളിലെ ആത്മീയ ഉണർവുകൾ എന്നിവയെക്കുറിച്ച് വിശദമായ ചർച്ചയ്ക്ക് യോഗം വേദിയാകും.
ഡാളസിലെയും പരിസരപ്രദേശങ്ങളിലെയും എല്ലാ ക്രൈസ്തവ വിശ്വാസികളെയും പൊതുജനങ്ങളെയും പരിപാടിയിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
കൂടുതൽ വിവരങ്ങൾക്ക്: മാത്യു സാമുവൽ: (469) 258-8118, ഷാജി കാരയ്ക്കൽ: (914) 433-3622, തോമസ് മുല്ലയ്ക്കൽ: (214) 223-1194.
വെബ്സൈറ്റ്: www.cfiusa.org.
America
ഫിലഡൽഫിയ: ഹെവൻലി ബീറ്റ്സ് യുഎസ്എയുടെ പതിനഞ്ചാം വാർഷികാഘോഷങ്ങളുടെ ഭാഗമായി സംഘടിപ്പിക്കുന്ന "സ്നേഹഗീതം 2026' ക്രിസ്തീയ സംഗീതസന്ധ്യ ശനിയാഴ്ച വൈകുന്നേരം 5.30ന് ഫിലഡൽഫിയയിലെ ഗ്രേസ് പെന്തെക്കോസ്തൽ ചർച്ചിൽ നടക്കും.
ക്രിസ്തീയ ഗായകൻ ബിനോയ് ചാക്കോയുടെ നേതൃത്വത്തിൽ സാംസൺ ഹെവൻലി ബീറ്റ്സ്, ജിൻസി എന്നിവരും അണിനിരക്കുന്ന സംഗീതസന്ധ്യയിൽ പഴയകാലത്തെ ഹൃദയസ്പർശിയായ ക്രിസ്തീയ ഗാനങ്ങൾ ആലപിക്കും. പ്രശസ്ത വയലിനിസ്റ്റ് ജോൺസ് പുരയിടം പ്രത്യേക സംഗീതാവതരണം നടത്തും.
ജാക്ക് ബിജു (കീബോർഡ്), ഫിന്നി ഫിലിപ്പ് (ഡ്രംസ്), സുമിത് സാം, സിയോൺ സുജോയ് (ഗിറ്റാർ) എന്നിവരടങ്ങുന്ന സംഗീതസംഘം പരിപാടിക്ക് അകമ്പടിയേകും. റേച്ചൽ, ജെസിക്ക, മഞ്ജു, സാബു വർഗീസ്, അബിഗയിൽ എബ്രഹാം തുടങ്ങിയവരും സംഗീതസന്ധ്യയിൽ പങ്കെടുക്കും.
ഹെവൻലി ബീറ്റ്സ് യുഎസ്എയുടെ 15 വർഷത്തെ സംഗീതശുശ്രൂഷയുടെ ആഘോഷം കൂടിയായ പരിപാടി സംഗീതാസ്വാദകർക്ക് വേറിട്ട ആത്മീയാനുഭവം സമ്മാനിക്കുമെന്ന് സാംസൺ ഹെവൻലി ബീറ്റ്സ് പ്രതീക്ഷ പ്രകടിപ്പിച്ചു.
ഫിലഡൽഫിയയിലെയും സമീപപ്രദേശങ്ങളിലെയും ക്രിസ്തീയ സംഗീതാസ്വാദകരെയും വിശ്വാസിസമൂഹത്തെയും സംഗീതസന്ധ്യയിലേക്ക് സ്വാഗതം ചെയ്യുന്നതായി സംഘാടകർ അറിയിച്ചു.
വേദി: ഗ്രേസ് പെന്തെക്കോസ്തൽ ചർച്ച്, 20 Church Road, Elkins Park, PA 19027. പ്രവേശനം സൗജന്യമാണ്.
കൂടുതൽ വിവരങ്ങൾക്ക്: റവ. ഡോ. മാത്യു ഫിലിപ്പ് - 267 475 2222, ജോമോൻ - 267 357 2863, നൈനാൻ മത്തായി - 215 760 0447, സൂസൻ സാംസൺ - 267 469 1892, റിജ ഷിബു - 516 312 4948.
America
ഹൂസ്റ്റൺ: ഇന്റർനാഷണൽ പ്രാർഥനാ ലൈനിന്‍റെ (ഐപിഎൽ) 649-ാമത് അന്താരാഷ്ട്ര പ്രാർഥനാ യോഗം ചൊവ്വാഴ്ച നടക്കും. അമേരിക്കൻ സമയം രാത്രി ഒമ്പതിനാണ് (ഇഎസ്ടി) യോഗം ക്രമീകരിച്ചിരിക്കുന്നത്.
തിരുവല്ല മാർത്തോമ്മ കോളജ് സാമ്പത്തിക ശാസ്ത്ര വിഭാഗം മുൻ മേധാവിയും കേരള സ്റ്റേറ്റ് സിവില്‍ സർവീസ് അക്കാദമി പ്രഫസറുമായ ഡോ. ജോർജ് മാത്യു (തിരുവല്ല) യോഗത്തിൽ മുഖ്യാതിഥിയായി പങ്കെടുക്കും.
ലോകത്തിന്റെ വിവിധ ഭാഗങ്ങളിൽ തുടരുന്ന യുദ്ധങ്ങൾക്കും സംഘർഷങ്ങൾക്കും ശമനമുണ്ടാകാനും ലോകസമാധാനത്തിനായുള്ള പ്രത്യേക മധ്യസ്ഥ പ്രാർഥനയും യോഗത്തിൽ ഉണ്ടായിരിക്കും.
യോഗത്തിൽ പങ്കെടുക്കുവാൻ താത്പര്യപെടുന്നവർ: 1 712 770 4821, ആക്സസ് കോഡ്: 530464#. മൊബൈൽ ഫോൺ ഉപയോക്താക്കൾക്ക്: ആദ്യം ബാക്കപ്പ് നമ്പറായ 1-716-293-9722 ലേക്ക് കോൾ ചെയ്ത ശേഷം 1-712-770-4821 ഡയൽ ചെയ്ത് ആക്സസ് കോഡ് 530464# നൽകുക.
ഏവരും കുടുംബസമേതം പ്രാർഥനയിൽ പങ്കുചേരണമെന്ന് സംഘാടകർ അഭ്യർഥിച്ചു.
കൂടുതൽ വിവരങ്ങൾക്ക്: ടി.എ. മാത്യു ഹൂസ്റ്റൺ: 832 771 2504, സി. വി. സാമുവൽ, ഡെട്രോയിറ്റ്, മിഷിഗൺ: 586 216 0602.
America
ഹൂസ്റ്റൺ: ഹൂസ്റ്റൺ മേഖലയിലെ ഒരു വിമാനത്താവളത്തിൽ നടത്തിയ വലിയ പരിശോധനയിൽ 100 പൗണ്ടിലധികം മെതാംഫെറ്റാമിൻ പിടികൂടിയതായി ഹൂസ്റ്റൺ ഡിഇഎ അറിയിച്ചു.
യുഎസ് ഡ്രഗ് എൻഫോഴ്സ്മെന്‍റ് അഡ്മിനിസ്ട്രേഷനും ഹൂസ്റ്റൺ പോലീസും സംയുക്തമായി നടത്തിയ നീക്കത്തിലാണ് മയക്കുമരുന്ന് പിടികൂടിയത്. വിമാനത്താവളത്തിൽ രണ്ട് സ്യൂട്ട്കേസുകളിലായി ഒളിപ്പിച്ചു കടത്താൻ ശ്രമിച്ച നിലയിലായിരുന്നു മയക്കുമരുന്ന്.
രാജ്യത്തിന്‍റെ ഗതാഗത സംവിധാനങ്ങളെ ദുരുപയോഗം ചെയ്ത് ലഹരിമരുന്ന് കടത്തുന്ന സംഘങ്ങളെ തടയുന്നതിൽ ശക്തമായ നിയമപാലക കൂട്ടായ്മകളുടെ പ്രാധാന്യമാണ് ഈ നടപടി വ്യക്തമാക്കുന്നതെന്ന് ഡിഇഎ ഹൂസ്റ്റൺ വിഭാഗം സോഷ്യൽ മീഡിയയിൽ കുറിച്ചു.
America
ഒറിഗോൺ: ഒറിഗോൺ സംസ്ഥാനത്തുള്ള സിൽവർ റെയിൽ എലിമെന്‍ററി സ്കൂളിലുണ്ടായ വെടിവയ്പിൽ മൂന്ന് കുട്ടികൾ ഉൾപ്പെടെ നാല് പേർ കൊല്ലപ്പെട്ടു. വ്യാഴാഴ്ച ഉച്ചയ്ക്കുശേഷമാണ് രാജ്യത്തെ നടുക്കിയ ഈ സംഭവം ഉണ്ടായത്.
ആക്രമണം നടത്തിയ പ്രതിയും കൊല്ലപ്പെട്ടതായി ബെൻഡ് പൊലിസ് ഡിപ്പാർട്ട്മെന്റ് സ്ഥിരീകരിച്ചു. സിഎൻഎൻ റിപ്പോർട്ട് അനുസരിച്ച് 16 വയസുകാരനായ കൗമാരക്കാരനാണ് അക്രമത്തിന് പിന്നിൽ. പ്രതിയെ വെടിവച്ചത് ആരാണെന്ന കാര്യത്തിൽ ഔദ്യോഗിക സ്ഥിരീകരണം വന്നിട്ടില്ല.
വ്യാഴാഴ്ച ഉച്ചയ്ക്ക് ഒന്നോടെയാണ് സ്കൂളിന് സമീപവും ഉള്ളിലുമായി വെടിവയ്പുണ്ടായത്. ആദ്യം ഒരു കാറിന് നേരെ അക്രമി വെടിയുതിർത്തതായും പിന്നീട് സ്കൂളിനുള്ളിൽ പ്രവേശിച്ച് വെടിയുതിർക്കുകയായിരുന്നു എന്നും 911 കൺട്രോൾ റൂമിൽ സന്ദേശങ്ങൾ ലഭിച്ചു.
ആക്രമണകാരിയായ 16 വയസുകാരൻ സംഭവസ്ഥലത്ത് വച്ചു കൊല്ലപ്പെട്ടു. കുട്ടികൾ ഉൾപ്പെടെ നാലുപേർ കൊല്ലപ്പെട്ടതായി പൊലിസ് വക്താവ് ഷീല മില്ലർ സ്ഥിരീകരിച്ചു. പരിക്കേറ്റവരെ ആശുപത്രിയിലേക്ക് മാറ്റിയിട്ടുണ്ട്.
ആക്രമണത്തെ തുടർന്ന് സ്കൂൾ പൂർണമായും അടച്ചുപൂട്ടുകയും സുരക്ഷാ ഉദ്യോഗസ്ഥർ ഓരോ ക്ലാസ് മുറിയും കയറിയിറങ്ങി പരിശോധനയും ഒഴിപ്പിക്കൽ നടപടികളും നടത്തിവരികയാണെന്നും പൊലിസ് അറിയിച്ചു. പ്രദേശം പൂർണമായും പൊലിസിന്‍റെ നിയന്ത്രണത്തിലാണ്.
സംഭവത്തിൽ ഒറിഗോൺ ഗവർണർ ടൈന കോട്ടെക് ഞെട്ടൽ രേഖപ്പെടുത്തുകയും രക്ഷാപ്രവർത്തനം നടത്തുന്ന ഉദ്യോഗസ്ഥർക്ക് നന്ദി അറിയിക്കുകയും ചെയ്തു. എഫ്ബിഐ ഡയറക്ടർ കാഷ് പട്ടേലും സംഭവസ്ഥലത്ത് എഫ്ബിഐ സംഘം സജീവമായി അന്വേഷണത്തിന് സഹായിക്കുന്നുണ്ടെന്ന് എക്സിലൂടെ വ്യക്തമാക്കി.
കുട്ടികളുടെ സുരക്ഷ ഉറപ്പാക്കാനും രക്ഷിതാക്കളെ കാണുന്നതിനുമായി സമീപത്തുള്ള "ജേർണി ചർച്ച്' കേന്ദ്രീകരിച്ച് പ്രത്യേക റീയൂണിയൻ കേന്ദ്രം ഒരുക്കിയിട്ടുണ്ട്. പ്രദേശവാസികൾ അവിടേക്ക് പോകരുതെന്നും ജാഗ്രത പാലിക്കണമെന്നും അധികൃതർ കർശന നിർദ്ദേശം നൽകിയിട്ടുണ്ട്.
America
ഹൂസ്റ്റൺ: കേരള നർമവേദി യുഎസ്എ ഒക്ടോബർ 10 വൈകുന്നേരം, മിസോറി സിറ്റിയിലുള്ള അപ്നാ ബസാർ ഹാളിൽ "ചിരിയോ ചിരി പൊട്ടിച്ചിരി" എന്ന പേരിൽ സംഘടിപ്പിച്ച ചിരി അരങ്ങ് യാതൊരു തരത്തിലുള്ള ഔപചാരികതകളോ, പ്രോട്ടോക്കോളുകളോ ഇല്ലാതെ വെറും നർമ്മത്തിൽ മാത്രം ചാലിച്ചെടുത്ത ഒരു ജനകീയ പരിപാടിയായി പെയ്തിറങ്ങി.
തുടക്കം മുതൽ യാതൊരു ഗ്യാപ്പും ഇല്ലാതെ ബഹുഭൂരിപക്ഷം സദസ്യരും ഓരോരുത്തരായി വേദിയിൽ വന്നു സ്വന്തം ജീവിതാനുഭവങ്ങളും അമളികളും തമാശരൂപേണ പറഞ്ഞു. സന്നിഹിതരായ ചില ദമ്പതികൾ പരസ്പരം തോണ്ടിയും ട്രോൾ ചെയ്തും സംസാരിച്ചപ്പോൾ അതൊരു മധുര നൊമ്പരക്കാറ്റായി വീശിയടിച്ചു. അനേകം ചിരി അരങ്ങുകൾ അവതരിപ്പിച്ചിട്ടുള്ള, ഫ്ലോറിഡയിൽ നിന്നെത്തിയ പ്രശസ്ത എഴുത്തുകാരൻ രാജു മൈലപ്രയുടെ നർമ്മത്തിൽ പൊതിഞ്ഞ വാക്കുകളും വാചകങ്ങളും ഏവർക്കും ചിരിക്കാനും ചിന്തിക്കാനും അവസരം നൽകി. സദ നിന്ന് ഓരോരുത്തരായി എഴുന്നേറ്റു വന്നു വാക്കുകളും വാചകങ്ങളും ആംഗ്യങ്ങളും കൊണ്ട് ചിരിയുടെ മാല പടക്കത്തിനു തന്നെ തീ കൊളുത്തി എന്ന് പറയാം.
ചിരിക്കാൻ മടി കാണിക്കുന്ന ഏതു മലയാളിയെയും അക്ഷരാർത്ഥത്തിൽ കിറിക്കട്ടു കുത്തിപോലും ചിരിപ്പിച്ചു എന്ന് ചിലർ അവിടെ അഭിപ്രായപ്പെടുകയുണ്ടായി. പൊതുവേ ഗൗരവക്കാരായ ശ്വാസം പിടിച്ചിരിക്കുന്ന ചില മലയാളികളെയും ആ അഭിപ്രായം രസിപ്പിച്ചു. അമേരിക്കൻ മലയാളികളുടെ ദിനചര്യകളെയും, ജീവിത മുഹൂർത്തങ്ങളെയും ഇവിടുത്തെ കൊച്ചു കൊച്ചു സംഘടനകളുടെയും, മെഗാ സംഘടനകളുടെയും പ്രവർത്തനത്തെയും പ്രവർത്തകരെയും ആധാരമാക്കി നർമ്മത്തിലും, ആക്ഷേപഹാസ്യ ഭാവത്തിലും പറഞ്ഞ കൊച്ചു കൊച്ചു കഥകളും വിവരണങ്ങളും ഏവരെയും കുട കുട ചിരിപ്പിച്ചു.
നാട്ടിലുള്ള രാഷ്ട്രീയ നേതാക്കളെയും, അമേരിക്കയിൽ സന്ദർശനത്തിന് എത്തുന്ന ചോട്ടാ ബഡാ രാഷ്ട്രീയ സാമൂഹ്യ സാംസ്കാരിക മത നേതാക്കളെ, തോളിൽ കയറ്റിയും, പൊക്കിയെടുത്തും, അലങ്കരിച്ച ലോറിയിൽ കയറ്റിയും, കൊട്ടു കുരവ ചെണ്ടമേളം, താലപ്പൊലിയേന്തിയ പെൺ കൺമണികൾ അകമ്പടിയോടെ, തൊണ്ട തൊറപ്പൻ മുദ്രാവാക്യങ്ങളുമായി എതിരേൽക്കുന്ന രംഗങ്ങളെ പറ്റി ഒക്കെ ചിലർ ആക്ഷേപ ഹാസ്യ രൂപേണ വാചകങ്ങൾ ഫിറ്റ് ചെയ്തു വിതറിയപ്പോൾ എങ്ങനെ ചിരിക്കാതിരിക്കും. അതുപോലെ നാട്ടിലും അമേരിക്കയിലും, സ്വന്തം പണം മുടക്കി തയ്യാറാക്കിവയ്ക്കുന്ന അല്ലെങ്കിൽ വെപ്പിക്കുന്ന സ്വന്തം ഫോട്ടോ കട്ടൗട്ടുകൾ, ഫ്ലക്സ് ബോർഡുകൾ, അതിലെ ഉചിതവും അനുചിതവും അനുഗ്രഹീതവും ആയ പാണന്റെ പുകഴ്ത്തു പാട്ടുകൾ.
പിന്നെ വിവിധതരത്തിലും നിറത്തിലും പൊന്നാടകളും, ബഹുമതി പത്രങ്ങളും, സർട്ടിഫിക്കറ്റുകളും കൂട്ടത്തിൽ ചിലരുടെ പട്ടി ഷോകളെ പറ്റി ഒക്കെ ഉള്ള തമാശ രൂപത്തിലുള്ള നിർദോഷ വാചക കസർത്തുകൾ ഏവരെയും ചിരിയുടെ മായാലോകത്തേക്ക് കൊണ്ടുപോയി. ഭാര്യയുടെ മേൽ ഭർത്താവിന് സന്ദേഹം, ഭാര്യക്കു ഭർത്താവിന്‍റെ മേൽ സന്ദേഹം, പരസ്പരം പിടിപെട്ടാൽ രക്ഷപ്പെടാനുള്ള പ്രതിവിധികൾ, കുറുക്കുവഴികൾ, മാജിക്കുകൾ അല്ലെങ്കിൽ നാട്ടുമരുന്നുകൾ എല്ലാംകൊണ്ടും ഈ സായംസന്ധ്യ ചിരിയുടെയും പൊട്ടിച്ചിരിയുടെയും, നർമ്മ നിർഭരമായ ഒരു വേദിയായി പരിലസിച്ചു.
സംഘാടക വോളണ്ടിയർ സമിതിയിൽപ്പെട്ട എ.സി.ജോർജ് നർമ്മ ഭാഷയിൽ അവതരിപ്പിച്ച ലഘുവായ ആമുഖത്തിന് ശേഷം നർമ്മവേദിയിലേക്ക് സ്വതന്ത്രമായി ഓരോരുത്തർ അവരുടെ പൊടിക്കൈകളുമായി കടന്നു വരികയായിരുന്നു. പരിപാടികൾക്കിടയിൽ ജോൺ മാത്യു എഴുതിയ "Ages Never End" എന്ന ഇംഗ്ലീഷ് നോവൽ ശ്രീ രാജു മൈലപ്രാക്കു നൽകി പ്രകാശനം ചെയ്തതും ആകർഷകമായി.
ജോർജ് പുത്തൻകുരിശ്, പൊന്നുപിള്ള, ജോസഫ് പോന്നോലി, ടി. എൻ.സാമുവൽ, തോമസ് ചെറുകര, ജോൺ മാത്യു, ബോബി മാത്യു, തോമസ് ഓലിയാൻകുന്നേൽ, ആൻഡ്രൂസ് ജേക്കബ്, നാരായണൻ നായർ, വിജി നായർ, മാത്യു സക്കറിയാ, ജോളി സക്കറിയ, ഷാജി എഡ്‌വേർഡ്, സിൽവിയ ഫെയ്സൽ, ജെയിംസ് ചാക്കോ മുട്ടുങ്കൽ, നൈനാൻ മാത്തുളള, പുഷ്പ മൈലപ്ര, റോയി തോമസ് തിയോടിക്കൽ, ജോസഫ് ജോസഫ്, അമ്മിണി ജോസഫ്, ചാർലി പടനിലം, ജോസഫ് തച്ചാറ, ജോൺ പി. ചാക്കോ, എസ്. കെ. ചെറിയാൻ, എബ്രഹാം തോമസ്, മേരിക്കുട്ടി തോമസ്, ജോസഫ് ജേക്കബ്, ഫ്രാൻസിസ് ജോസഫ്, മേഴ്സി തോമസ്, ജോർജ്ജ് സാമുവൽ, അബ്ദുൽ പനയിൽ, ജോഷി തേവർ മഠം, എ.സി.ജോർജ് തുടങ്ങിയവർ നർമ്മവേദി ചിരിയരങ്ങിൽ സജീവമായി പങ്കെടുത്തു.
America
വാഷിംഗ്ടൺ: ഫോർട്ട് ഹൂഡ് മിലിട്ടറി ബേസിൽ 13 പേരുടെ മരണത്തിനിടയാക്കിയ മുൻ ആർമി മേജർ നിദാൽ ഹസന്‍റെ വധശിക്ഷ തത്സമയം സംപ്രേക്ഷണം ചെയ്യാനുള്ള പ്രതിരോധ വകുപ്പിന്‍റെ പദ്ധതി യുഎസ് പ്രസിഡന്റ് ഡോണൾഡ് ട്രംപ് റദ്ദാക്കി. റിപ്പബ്ലിക്കൻ പാർട്ടി നേതാക്കളും മതനേതാക്കളും പൊതുജനങ്ങളും എതിർപ്പ് പ്രകടിപ്പിച്ചതിനെ തുടർന്നാണ് ട്രംപിന്‍റെ ഇടപെടൽ.
ഡിസംബർ 3നാണ് നിദാൽ ഹസന്‍റെ വധശിക്ഷ ഫയറിംഗ് സ്ക്വാഡ് വഴി നടപ്പാക്കാൻ നിശ്ചയിച്ചിരിക്കുന്നത്. ശിക്ഷാവിധി തത്സമയം സംപ്രേക്ഷണം ചെയ്യുമെന്ന പെന്‍റഗൺ മേധാവി പിറ്റ് ഹെഗ്സെത്തിന്‍റെ പ്രഖ്യാപനമാണ് ട്രംപ് തിരുത്തിയത്. പ്രസിഡന്റും പ്രതിരോധ സെക്രട്ടറിയും തമ്മിലുള്ള അപൂർവുമായ പരസ്യ അഭിപ്രായവ്യത്യാസമായാണ് ഇത് വിലയിരുത്തപ്പെടുന്നത്. എങ്കിലും ഇരുവരും തമ്മിൽ പൂർണ യോജിപ്പാണെന്ന് പെന്‍റഗൺ വ്യക്തമാക്കി.
ശിക്ഷ നടപ്പാക്കുന്നത് നേരിട്ട് കാണാൻ ഇരകളുടെ കുടുംബാംഗങ്ങൾക്ക് അനുവാദമുണ്ടാകും. മുൻകൂട്ടി നിശ്ചയിച്ച പ്രകാരം ഡിസംബർ 3-ന് തന്നെ വധശിക്ഷ നടപ്പാക്കുമെന്നും എന്നാൽ അത് തത്സമയം സംപ്രേക്ഷണം ചെയ്യില്ലെന്നും ട്രംപ് സോഷ്യൽ മീഡിയയിലൂടെ അറിയിച്ചു.
America
ന്യുയോർക്ക്: വാർത്തകൾക്കപ്പുറം സമൂഹത്തിന്റെ ചിന്തകളെയും കാലത്തിന്‍റെ മാറ്റങ്ങളെയും അടയാളപ്പെടുത്തുന്ന മാധ്യമപ്രവർത്തന മികവിന് ആദരമൊരുക്കി ഇന്ത്യ പ്രസ് ക്ലബ് ഓഫ് നോർത്ത് അമേരിക്ക. കേരളത്തിലെ ശ്രദ്ധേയ മാധ്യമ പുരസ്‌കാരരാവായി വിശേഷിപ്പിക്കപ്പെടുന്ന മാധ്യമശ്രീ, മാധ്യമരത്ന പുരസ്കാര വിതരണ ചടങ്ങിൽ മാധ്യമരംഗത്തെ പ്രതിഭകളെ ആദരിക്കുമെന്ന് ഇന്ത്യ പ്രസ് ക്ലബ് ഓഫ് നോർത്ത് അമേരിക്ക പ്രസിഡന്റ് രാജു പള്ളത്ത് അറിയിച്ചു.
മാധ്യമശ്രീ ജേതാവിന് ഒരു ലക്ഷം രൂപയും പ്രശംസാഫലകവും മാധ്യമരത്ന ജേതാവിന് 50,000 രൂപയും പ്രശംസാഫലകവുമാണ് സമ്മാനിക്കുക. പുരസ്‌കാരങ്ങൾക്കായി നവംബർ 30 വരെ നാമനിർദേശം സമർപ്പിക്കാം.
മാധ്യമപ്രവർത്തനത്തിലെ സമഗ്ര സംഭാവനയ്ക്കു പുറമെ, അച്ചടി, ഓൺലൈൻ മാധ്യമങ്ങളിലെ മികച്ച വാർത്താ കവറേജ്, ഫീച്ചറുകൾ, ന്യൂസ് ഫോട്ടോ എന്നിങ്ങനെ പുരസ്കാരങ്ങൾ സമ്മാനിക്കും.
ടെലിവിഷൻ വിഭാഗത്തിൽ വാർത്താ അവതാരകൻ/അവതാരക, അന്വേഷണാത്മക വാർത്ത എന്നിവയും പുരസ്‌കാരത്തിനായി പരിഗണിക്കും. ഓൺലൈൻ മാധ്യമങ്ങളിലെ ലേഔട്ടിനും അവതരണത്തിനും യുവ മാധ്യമപ്രവർത്തകനും പ്രത്യേക അംഗീകാരം നൽകും.
അച്ചടി, ദൃശ്യ മാധ്യമരംഗങ്ങളിൽ മികവ് തെളിയിച്ചവരുടെ പ്രവർത്തനമികവിനൊപ്പം മാധ്യമരംഗത്തിന് നൽകിയ സംഭാവനകളും പരിഗണിച്ചാണ് മാധ്യമശ്രീ, മാധ്യമരത്ന പുരസ്‌കാരജേതാക്കളെ തെരഞ്ഞെടുക്കുന്നത്.
പ്രശസ്ത മാധ്യമപ്രവർത്തകരും വിദഗ്ധരും അടങ്ങുന്ന ജൂറിയാണ് പുരസ്കാര ജേതാക്കളെ തെരഞ്ഞെടുക്കുന്നത്. മലയാള മനോരമ എഡിറ്റോറിയൽ മുൻ ഡയറക്ടർ തോമസ് ജേക്കബ്, പ്രശസ്ത കാൻൻസർ രോഗ വിദഗ്ധനും എഴുത്തുകാരനുമായ ഡോ. എം.വി. പിള്ള, മുതിർന്ന മാധ്യമപ്രവർത്തകനും കോളമിസ്റ്റുമായ ജോസ് പനച്ചിപ്പുറം എന്നിവരാണ് ജൂറി അംഗങ്ങൾ.
2027 ജനുവരി എട്ടിന് വൈകിട്ട് അഞ്ചിന് കൊച്ചിയിലെ ഗോകുലം പാർക്ക് ഹോട്ടൽ കൺവൻഷൻ സെന്‍ററിലാണ് പുരസ്‌കാരദാനം. മാധ്യമ, രാഷ്ട്രീയ, സാംസ്കാരിക രംഗങ്ങളിലെ പ്രമുഖർ ചടങ്ങിൽ പങ്കെടുക്കും.
മാധ്യമപ്രവർത്തകർക്ക് സ്വന്തമായോ മറ്റുള്ളവർ മുഖേനയോ നാമനിർദേശങ്ങൾ സമർപ്പിക്കാം. ഇതിനായി www.indiapressclub.org/nominationഎന്ന വെബ്സൈറ്റിലെ ഓൺലൈൻ ഫോം പൂരിപ്പിക്കണം. അനുബന്ധ പത്രവാർത്തകൾ, ചിത്രങ്ങൾ, വിഡിയോകൾ എന്നിവയും ഓൺലൈനായി അപ്‌ലോഡ് ചെയ്യാം. നവംബർ 30-നകം ലഭിക്കുന്ന നാമനിർദേശങ്ങൾ മാത്രമേ പരിഗണിക്കൂ.
കൂടുതൽ വിവരങ്ങൾക്ക് :
രാജു പള്ളത്ത് (732) 429-9529, അനിൽ ആറന്മുള (713) 882-7272,
ജയൻ ജോസഫ് (215) 744-7242
വിശദവിവരങ്ങൾക്ക് "ഇന്ത്യ പ്രസ് ക്ലബ് ഓഫ് നോർത്ത് അമേരിക്കയുടെ ഔദ്യോഗിക വെബ്സൈറ്റ്" (https://www.indiapressclub.org/) സന്ദർശിക്കാം.
America
ടെക്സസ്: ഒക്‌ലഹോയിൽ കാണാതായ നാലു വയസുകാരനെയും പിതാവിനെയും ടെക്സസിലെ ഗെയ്ൻസ് വില്ലയിൽ മരിച്ച നിലയിൽ കണ്ടെത്തി. ഒക്‌ലഹോമ സിറ്റിയിൽ നിന്നുള്ള കാലെബ് ഫർലിയെയും മകൻ ആൻഡ്രെസ് 'ഹാരി' ഫർലിയെയുമാണ് ബുധനാഴ്ച മരിച്ച നിലയിൽ കണ്ടെത്തിയത്.
ഞായറാഴ്ച അമ്മയുമായുള്ള കുട്ടിയുടെ കൈമാറ്റത്തിന് പിതാവ് എത്താതിരുന്നതിനെ തുടർന്ന് കുട്ടിക്കായി പൊലിസ് തെരച്ചിൽ ആരംഭിച്ചിരുന്നു. തുടർന്ന് പിതാവിനെതിരെ കുട്ടിയെ തട്ടിക്കൊണ്ടുപോകൽ അറസ്റ്റ് വാറണ്ടും പുറപ്പെടുവിച്ചിരുന്നു.
തിങ്കളാഴ്ച ഇരുവരെയും ഗെയ്ൻസ് വില്ലയിലെ ഒരു പ്രാദേശിക സ്ഥാപനത്തിന് സമീപം കണ്ടതായി ബന്ധുക്കൾ പൊലിസിനെ അറിയിച്ചിരുന്നു. ബുധനാഴ്ച രാവിലെ പൊലിസ് സിസിടിവി ദൃശ്യങ്ങൾ പരിശോധിച്ചപ്പോഴാണ് പിതാവും കുട്ടിയും നടക്കുന്ന ദൃശ്യങ്ങൾ വ്യക്തമായത്.
തുടർന്ന് നടത്തിയ പരിശോധനയിലാണ് ഇരുവരുടെയും മൃതദേഹങ്ങൾ കണ്ടെത്തിയത്. മാനസിക പ്രശ്നങ്ങൾ കാലെബിനുണ്ടായിരുന്നതായി കുടുംബാംഗങ്ങൾ പറഞ്ഞു. സംഭവത്തിൽ പൊലിസ് അന്വേഷണം പുരോഗമിക്കുകയാണ്.
America
ഡാളസ്: ഡാളസ് കൗണ്ടിയിലെ മെസ്കിറ്റിൽ മുടി വെട്ടുന്നതിനെ ചൊല്ലിയുള്ള തർക്കത്തെ തുടർന്നുണ്ടായ വെടിവയ്പ്പിൽ രണ്ടു കൗമാരക്കാർ കൊല്ലപ്പെടുകയും ഒരാൾക്ക് പരിക്കേൽക്കുകയും ചെയ്തു.
മെസ്കിറ്റിലെ ആംബർ സ്പ്രിംഗ്സ് ഡ്രൈവിൽ ചൊവാഴ്ച അർദ്ധരാത്രിക്ക് ശേഷമാണ് വെടിവെയ്പ്പുണ്ടായത്. ഒരേ കുടുംബത്തിലെ രണ്ട് കൗമാരക്കാരാണ് വെടിയേറ്റു മരിച്ചത്.
20 വയസുകാരനായ മറ്റൊരു യുവാവിന് പരിക്കേൽക്കുകയും ഇയാളെ ആശുപത്രിയിൽ പ്രവേശിപ്പിക്കുകയും ചെയ്തു. ഇയാളുടെ പരിക്ക് ഗുരുതരമല്ല.
സംഭവവുമായി ബന്ധപ്പെട്ട് പോലീസ് അന്വേഷണം ഊർജ്ജിതമാക്കിയിട്ടുണ്ട്. കൂടുതൽ വിവരങ്ങൾ പിന്നീട് ഔദ്യോഗികമായി പുറത്തുവിടുമെന്ന് അധികൃതർ അറിയിച്ചു.
America
ഹൂസ്റ്റൺ: ഹൂസ്റ്റണിലെ ഏക്കർ ഹോംസ് ഏരിയയിലെ ഒബ്സർവേറ്ററി തെരുവിൻ്റെ 8500 ബ്ലോക്കിൽ വൈദ്യുതി ലൈനിൽ നിന്ന് ഷോക്കേറ്റ് ഒരു തൊഴിലാളി മരിച്ചു. മറ്റൊരു തൊഴിലാളിയ്ക്ക് പരിക്കേറ്റു.
ഒരു തൊഴിലാളി സംഭവസ്ഥലത്ത് വച്ചു തന്നെ മരണപ്പെട്ടു. പരിക്കേറ്റ മറ്റൊരു തൊഴിലാളിയെ ആശുപത്രിയിലേക്ക് മാറ്റി. ഇയാളുടെ പരിക്കിൻ്റെ വ്യാപ്തി വ്യക്തമല്ല.
മരങ്ങളുടെ ഇടയിലേക്ക് ബക്കറ്റ് ട്രക്ക് ഉയർത്തുന്നതിനിടയിലാണ് അപകടമുണ്ടായത്. മരത്തടികൾക്കിടയിൽ വൈദ്യുതി ലൈനുകൾ ഉണ്ടായിരുന്നെങ്കിലും ഇത് പെട്ടെന്ന് കാണാൻ കഴിഞ്ഞിരുന്നില്ല. ട്രക്കിൻ്റെ ബക്കറ്റ് മുകളിലേക്ക് ഉയർത്തിയപ്പോഴാണ് ഷോക്കേറ്റത്.
തൊഴിലാളികൾ എന്ത് ജോലിയാണ് ചെയ്തുകൊണ്ടിരുന്നതെന്നോ ഏത് കമ്പനിയിലെ ജീവനക്കാരാണെന്നോ ഉള്ള വിവരങ്ങൾ ഹൂസ്റ്റൺ ഫയർ ഡിപ്പാർട്ട്മെൻ്റ് (HFD) ഇതുവരെ ഔദ്യോഗികമായി പുറത്തുവിട്ടിട്ടില്ല. ഇവർ സ്വകാര്യ കരാർ തൊഴിലാളികളാകാം എന്നാണ് പ്രാഥമിക നിഗമനം.
America
ഫ്ലോറിഡ: വധശിക്ഷ ലഭിക്കാൻ വേണ്ടി സ്വന്തം സഹ തടവുകാരനെ കൊലപ്പെടുത്തിയ ജെയിംസ് റോബർട്ട്സൺ (63) എന്ന തടവുകാരന്റെ വധശിക്ഷ ചൊവ്വാഴ്ച ഫ്ലോറിഡയിൽ നടപ്പാക്കി. ഫ്ലോറിഡ സ്റ്റേറ്റ് പ്രിസണിൽ മാരകമായ വിഷാംശം അടങ്ങിയ മൂന്ന് മരുന്നുകൾ കുത്തിവച്ചാണ് ശിക്ഷ നടപ്പാക്കിയത്.
മാരകമായ ഇഞ്ചക്ഷൻ നൽകിത്തുടങ്ങി ഏകദേശം 10 മിനുട്ടിനുള്ളിൽ അദ്ദേഹം മരിച്ചതായി പ്രഖ്യാപിച്ചു. ഫ്ലോറിഡ സംസ്ഥാനത്ത് ഈ വർഷം നടക്കുന്ന 17-ാമത്തെ വധശിക്ഷയാണിത്. 2008-ൽ ഉറങ്ങിക്കിടക്കുകയായിരുന്ന സഹ തടവുകാരൻ ഫ്രാങ്ക് ഹാർട്ടിനെ കഴുത്ത് ഞെരിച്ച് കൊലപ്പെടുത്തിയ കേസിൽ റോബർട്ട്സൺ കുറ്റക്കാരനാണെന്ന് തെളിഞ്ഞിരുന്നു.
ജീവിതാവസാനം വരെ ജയിലിൽ കഴിയുന്നതിനേക്കാൾ ഭേദം വധശിക്ഷയാണെന്ന് കരുതിയാണ് താൻ കൊലപാതകം നടത്തിയതെന്ന് ഇയാൾ അന്വേഷണ ഉദ്യോഗസ്ഥരോട് സമ്മതിച്ചിരുന്നു. ശിക്ഷാവിധിക്കെതിരെയുള്ള അപ്പീലുകളെല്ലാം ഇയാൾ പിൻവലിക്കുകയും ചെയ്തിരുന്നു. വധശിക്ഷയ്ക്ക് തൊട്ടുമുമ്പ് അവസാനമായി എന്തെങ്കിലും പറയാനുണ്ടോ എന്ന് ചോദിച്ചപ്പോൾ, "വേണ്ട, എനിക്ക് കുഴപ്പമൊന്നുമില്ല" എന്നായിരുന്നു റോബർട്ട്സന്‍റെ മറുപടി.
America
ന്യൂയോർക്ക്: കാൽനൂറ്റാണ്ടിലധികം അമേരിക്കയിലെ സീറോ മലബാർ വിശ്വാസികൾക്കായി സേവനം ചെയ്ത റവ. ഫാ. ജോസ് കണ്ടത്തിക്കുടിയുടെ രണ്ടാമത് അനുസ്മരണവും ഫാ. ജോസ് കണ്ടത്തിക്കുടി ഫൗണ്ടേഷൻ്റെ ആഭിമുഖ്യത്തിൽ നടത്തുന്ന ചാരിറ്റി ഡിന്നറും നവംബർ 14 ശനിയാഴ്ച വൈകുന്നേരം നാല് മണിക്ക് ബ്രോങ്ക്സ് സെന്റ് തോമസ് സീറോ മലബാർ ഫൊറോനാ ദേവാലയത്തിൽ വച്ചു നടത്തപ്പെടും.
വൈകുന്നേരം നാലിന് ആരംഭിക്കുന്ന വിശുദ്ധ കുർബ്ബാനയ്ക്ക് ഷിക്കാഗോ രൂപത മുൻ ബിഷപ്പ് മാർ ജേക്കബ് അങ്ങാടിയത്ത് മുഖ്യകാർമ്മികത്വം വഹിക്കും. ഇടവക വികാരി റവ. ഫാ. കുര്യാക്കോസ് വടാന, റവ. ഫാ. തദേവൂസ് അരവിന്ദത്ത്, റവ. ഫാ. ജോൺസ്റ്റി തച്ചറ, റവ. ഫാ. ഫ്രാൻസിസ് നമ്പ്യാപറമ്പിൽ എന്നിവർ സഹകാർമ്മികരും ആയിരിക്കും. തുടർന്നു പാരിഷ് ഹാളിൽ നടക്കുന്ന ജോസച്ചൻ അനുസ്മരണം മാർ ജേക്കബ് അങ്ങാടിയത്ത് ഉദ്ഘാടനം ചെയ്യും.
ഫാ. ജോസ് കണ്ടത്തിക്കുടിയുടെ ധന്യമായ ഓർമ്മയും പൈതൃകവും വരുംതലമുറയ്ക്ക് പ്രചോദനമാകും വിധം നിലനിർത്തുന്നതിനുവേണ്ടി രൂപീകരിച്ച ഫാ. ജോസ് കണ്ടത്തിക്കുടി ഫൗണ്ടേഷൻ, ദൈവ വിളികൾ പ്രോത്സാഹിപ്പിക്കുക, വൈദിക വിദ്യാർഥികളെ സഹായിക്കുക, സാമ്പത്തികമായി പിന്നോക്കം നിൽക്കുന്ന കുട്ടികൾക്ക് പഠന സഹായം എത്തിക്കുക, അതുപോലെ വൃക്ക രോഗികൾക്ക് ചികിത്സാ സഹായം നൽകുക തുടങ്ങി നിരവധി പ്രവർത്തനങ്ങൾ ലക്ഷ്യമിടുന്നു.
ചാരിറ്റി ഡിന്നറിലൂടെ സമാഹരിക്കുന്ന തുക പൂർണമായും ഈ പ്രവർത്തനങ്ങൾക്കായി വിനിയോഗിക്കുന്നതാണ്. നോൺ പ്രോഫിറ്റ് ഓർഗനൈസഷനായി ഡിപ്പാർട്മെൻറ് ഓഫ് സ്റ്റേറ്റിൽ രജിസ്റ്റർ ചെയ്തിട്ടുള്ള "ഫാ. ജോസ് കണ്ടത്തിക്കുടി ഫൗണ്ടേഷനു 501(സി)(3) സ്റ്റാറ്റസും ലഭിച്ചിട്ടുണ്ട്. ഫൗണ്ടേഷൻ്റെ ഔപചാരികമായ ഉദ്ഘാടനം, ജോസച്ചന്‍റെ ഒന്നാം ചരമവാർഷിക ആചരണത്തിൽ വച്ച് ബിഷപ്പ് മാർ ജോയ് ആലപ്പാട്ടാണ് നിർവ്വഹിച്ചത്‌.
11 അംഗ ഡയറക്ടർ ബോർഡാണ് ഫൗണ്ടേഷൻ്റെ ഭരണച്ചുമതല വഹിക്കുന്നത്. ഷോളി കുമ്പിളുവേലി (ചെയർമാൻ), ബിജു കാപ്പുകാട്ട് (സെക്രട്ടറി), ജോസഫ് കാഞ്ഞമല സിപിഎ (ട്രഷറർ), കൂടാതെ ടോം പെരുമ്പായിൽ (സോമർസെറ്റ്, ന്യൂജേഴ്‌സി), ബാബു ജോസഫ് സി.പി.എ. (പാറ്റേഴ്സൺ , ന്യൂജേഴ്‌സി), ജേക്കബ് ചൂരവടി (റോക്‌ലാൻഡ്, ന്യൂയോർക്ക്), പൈലപ്പൻ കണ്ണൂക്കാടൻ (ഷിക്കാഗോ), ടോം വി. തോമസ് (സ്റ്റാറ്റൻ ഐലൻഡ്, ന്യൂയോർക്ക്), ലാലി കളപ്പുരക്കൽ (ലോങ്ങ് ഐലൻഡ്, ന്യൂയോർക്ക്), ഷേർലി അടാട്ട് (ബ്രോങ്ക്സ്, ന്യൂയോർക്ക്), ജോൺ വാളിപ്ലാക്കൽ (ബ്രോങ്ക്സ്, ന്യൂയോർക്ക്) എന്നിവർ നിലവിൽ ഫൗണ്ടേഷന്‍റെ പ്രവർത്തനങ്ങൾക്കു നേതൃത്വം നൽകുന്നു.
ഫാ. ജോസ് കണ്ടത്തിക്കുടിയുടെ ഹൃസ്വ ജീവചരിത്രം
1945 മേയ് 30 പാലക്കാട്ട് ജില്ലയിലെ കാഞ്ഞിരപ്പുഴ- കണ്ടത്തിക്കുടി ജോൺ-ത്രേസ്യകുട്ടി ദമ്പതികളുടെ മൂത്ത മകനായി ജനിച്ച ഫാ. ജോസ്, 1962ൽ തലശ്ശേരി മൈനർ സെമിനാരിയിൽ ചേർന്നു. തുടർന്നു വടവാതൂർ സെമിനാരിയിലും റോമിലെ അർബൻ യൂണിവേഴ്സിറ്റിയിലും വൈദിക പഠനം പൂർത്തിയാക്കി, 1971 മാർച്ച് 27 -)o തീയതി വത്തിക്കാനിൽവച്ചു കർദ്ദിനാൾ ആഗ്നെലോ റോസ്സിയിൽ നിന്നും തിരുപ്പട്ടം സ്വീകരിച്ചു.
1973 ൽ കേരളത്തിൽ തിരിച്ചെത്തി, തലശ്ശേരി- മണിമൂളി ഇടവകയിൽ അസിസ്റ്റൻറ് വികാരിയായി ശുശ്രൂഷ ആരംഭിച്ച ജോസച്ചൻ, കൽപറ്റ, ചാരിറ്റി, ഒലിവുമല, എടപ്പെട്ടി, പൊഴമുടി തുടങ്ങിയ ഇടവകകളിൽ വികാരിയായി സേവനം ചെയ്തിട്ടുണ്ട്. കൂടാതെ തമിഴ്‌നാട്ടിലെ, കൂനൂർ, ബാർലിയർ, വരുവൻകാടു എന്നിവിടങ്ങളിൽ ഇടവകകൾ സ്‌ഥാപിക്കുകയും വികാരിയായി സേവനവും ചെയ്തു.
തലശ്ശേരി- മാനന്തവാടി രൂപതകളിലെ വിവിധ ആദ്ധ്യാത്മിക മേഖലകളിലും ജോസച്ചൻ പ്രവർത്തിച്ചിട്ടുണ്ട്. മാനന്തവാടി സെന്റ് ജോസഫ്'സ് പ്രസ് മാനേജർ, മാനന്തവാടി രൂപതയുടെ ചാൻസലർ, മതബോധന ഡയറക്ടർ, ഫാമിലി അപ്പസ്തോലേറ്റ് ഡയറക്ടർ, സെന്റ് ജോസഫ് ഹോസ്പിറ്റൽ ഡയറക്ടർ, തൂങ്കുഴി പിതാവിൻ്റെ സെക്രട്ടറി തുടങ്ങി വിവിധ തലങ്ങളിൽ സേവനം ചെയ്തട്ടുണ്ട്.
അമേരിക്കയിലെ സീറോ മലബാർ വിശ്വാസികളെ ഏകോപിപ്പിക്കുന്നതിനായി, സിനഡ് തീരുമാന പ്രകാരം 1995 ൽ അമേരിക്കയിൽ എത്തിയ ഫാ. ജോസ് കണ്ടത്തിക്കുടി, തുടക്കത്തിൽ ചിക്കാഗോയിലെ വിശ്വാസികളെ ഏകോപിപ്പിക്കുന്നതിനു നേതൃത്വം നൽകി, തുടർന്നു ന്യൂ ജേഴ്സിയിലെയും, ന്യൂയോർക്കിലേയും വിവിധ സ്‌ഥലങ്ങളിലും സീറോ മലബാർ വിശ്വാസികളെ സംഘടിപ്പിക്കുകയും ഇടവകകൾ സ്‌ഥാപിക്കുകയും ചെയ്യ്തു.
2002 മാർച്ച് മാസം ന്യൂയോർക്കിലെ ബ്രോക്സിൽ സെൻറ് തോമസ് സീറോ മലബാർ ഇടവക സ്‌ഥാപിക്കുകയും, 2020ൽ റിട്ടയർ ആകുന്നതുവരെ ബ്രോങ്ക്സ് ഇടവക വികാരിയായി ശുശ്രുഷ ചെയ്യുകയും ചെയ്തു. ന്യൂയോർക്കിലും കണക്‌റ്റിക്കെട്ടിലും വിവിധ സ്‌ഥലങ്ങളിൽ സീറോ മലബാർ ഇടവകയും, മിഷനുകളും സ്‌ഥാപിക്കാനും ജോസച്ചൻ മുൻകൈ എടുത്തു. ഇക്കാലയളവിൽ കലശലായ വൃക്ക രോഗം പിടിപെടുകയും രണ്ടു പ്രാവശ്യം വൃക്ക മാറ്റിവെക്കൽ ശസ്ത്രക്രിയക്കു വിധേയനാനുകയും ചെയ്തു. റിട്ടയർ ആയതിനുശേഷം നാട്ടിലും അമേരിക്കയിലുമായി വിശ്രമ ജീവിതം നയിച്ചുവന്ന ജോസച്ചൻ, 2024 ഡിസംബർ 21ന് ന്യൂയോർക്കിൽ അന്തരിച്ചു.
നാട്ടിലും അമേരിക്കയിലുമായി അമ്പത്തിയഞ്ചു വർഷക്കാലം വിശ്വാസികൾക്കായി ശുശ്രൂഷ ചെയ്യുകയും, അമേരിക്കയിലെ സിറോ മലബാർ സമൂഹം കെട്ടിപ്പടുക്കുന്നതിൽ നിർണായകമായ സംഭാവനകൾ നൽകുകയും ചെയ്ത, ഫാ. സ് കണ്ടത്തിക്കുടിയുടെ ധന്യയ ജീവിതം വരുംതലമുറയ്ക്ക് പ്രചോദനമാകും വിധം നിലനിർത്തുന്നതിനുവേണ്ടിയാണ് "ഫാ. ജോസ് കണ്ടത്തിക്കുടി ഫൗണ്ടേഷൻ" പ്രവർത്തിക്കുന്നത്.
കൂടുതൽ വിവരങ്ങൾക്ക് : 914 330 6340
America
ഷാർലെറ്റ്: വേൾഡ് മലയാളീ കൗൺസിൽ ഷാർലെറ്റ് പ്രൊവിൻസിന്‍റെ (നോർത്ത് കരോളിന) സ്ഥാപനവും കമ്മറ്റി അംഗങ്ങളുടെ പ്രതിജ്ഞയും ഒക്ടോബർ ശനിയാഴ്ച നടത്തപ്പെട്ടു.
പ്രസ്തുത ചടങ്ങിൽ സംഘടനയുടെ ഗ്ലോബൽ, അമേരിക്ക റീജൺ ലീഡേഴ്‌സുമാരായ തോമസ് മൊട്ടക്കൽ(ഗ്ലോബൽ ചെയർമാൻ ), ഡോ. ബാബു സ്റ്റീഫൻ(ഗ്ലോബൽ പ്രസിഡന്റ്), ഷാജി മാത്യു(ഗ്ലോബൽ സെക്രട്ടറി), സണ്ണി വെളിയത്ത്(ഗ്ലോബൽ ട്രെഷറർ), ജെയിംസ് കൂടൽ ( വി.പി അഡ്മിൻ), തങ്കം അരവിന്ദ് (വി.പി അഡ്മിൻ), ഷീല റെജി (ഗ്ലോബൽ വുമൺസ് ഫോറം), രേഷ്മ റെജി (യൂത്ത് ഫോറം). ബ്ലസൺ മണ്ണിൽ (അമേരിക്ക റീജിയൻ പ്രസിഡന്റ്), സാജു തുരത്തേൽ ( ഗ്ലോബൽ ഓ.സി.ഐ ചെയർമാൻ), ബിജു ഇട്ടൻ ( അമേരിക്കൻ റീജിയൻ വി.പി) എന്നിവർ പ്രസംഗിച്ചു.
പുതിയ റീജൺ പ്രതിജ്ഞ തോമസ് മൊട്ടക്കൽ (ഗ്ലോബൽ ചെയർമാൻ) നിർവഹിച്ചു. ഷാർലെറ്റ് പ്രൊവിൻസ് ലീഡേഴ്സ് ഷാജി പീറ്റർ (ചെയർമാൻ), എൽദോ പോൾ (പ്രസിഡന്റ്), സിബി ജേക്കബ് (സെക്രട്ടറി), ഷിബി വർഗീസ് (ട്രഷറർ), ലീലാമ്മ ജോസ്മാണി (വി.പി അഡ്മിൻ), രജത് കാക്കുനാഥ്‌ (വൈസ് ചെയർമാൻ), ജോൺ പീറ്റേഴ്സ് (വൈസ് ചെയർമാൻ) പീറ്റർ കോറാത്ത് (വൈസ് പ്രസിഡന്റ്), ഗ്രേസി ജോസ് (വൈസ് പ്രസിഡന്റ്), ബോബി ജോൺ (ജോയിന്റ് സെക്രട്ടറി), രഞ്ജിത്ത് ഗോപാലൻ (ജോയിന്റ് ട്രെഷറർ), നിഷ അലക്സ് (ചെയർമാൻ വുമൺസ് ഫോറം), നിഷ ജോസ് (പ്രസിഡന്റ് വുമൺസ് ഫോറം), പ്രിയ വർഗീസ് (സെക്രട്ടറി വുമൺസ് ഫോറം), എക്സിക്യൂട്ടീവ് മെംബേഴ്സ്‌ ആയി ജോർജ് ജോസഫ്, ജോർജ് മാണി, ലാൽസൺ, രുഗ്മിണി ശ്രീജിത്ത്, വിനയ് വിജയൻ എന്നിവരെ തിരഞ്ഞെടുത്തു.
യൂത്ത് ഫോറം ഭാരവാഹികളായി ആഗ്‌നസ് ജേക്കബ് ,താഷ പോൾ എന്നിവരെയും മീഡിയ കോഡിനേറ്റർ ആയി അന്നു ജോസിനെയും തിരഞ്ഞെടുത്തു. ചടങ്ങിൽ ഷാജി പീറ്റർ, എൽദോ പോൾ, സിബി ജേക്കബ് എന്നിവർ പ്രസംഗിച്ചു. ഷിബി വർഗീസ് നന്ദി പ്രകാശനം നിർവഹിച്ചു. വിവിധ കലാപരിപാടികളും സംഘടിപ്പിച്ചു.
America
ഹൂസ്റ്റൺ: കേവലം ആരാധനകൾക്കും ആചാരങ്ങൾക്കും അപ്പുറം കാലഘട്ടത്തിന്റെ പ്രവാചകശബ്ദമായി മാറാൻ സഭയ്ക്ക് കഴിയണമെന്ന് റവ. സോനു വർഗീസ്.ഒക്ടോബർ 13 ചൊവ്വാഴ്ച രാത്രി ഭക്തിനിർഭരമായ അന്തരീക്ഷത്തിൽ നടന്ന ഇന്റർനാഷണൽ പ്രെയർ ലൈനിന്‍റെ (IPL) 648-ാമത് പ്രതിവാര പ്രാർഥനാ യോഗത്തിൽ മുഖ്യാതിഥിയായി പങ്കെടുത്തു വചനസന്ദേശം നൽകുകയായിരുന്നു സോനു അച്ചൻ.
സമൂഹത്തിലെ തിന്മകൾ ചൂണ്ടിക്കാണിക്കുന്നതോടൊപ്പം സ്വന്തം ജീവിതത്തിലേക്ക് തിരിഞ്ഞുനോക്കുന്ന ആന്തരിക മാനസാന്തരം അനിവാര്യമാണ്. മറ്റുള്ളവരെ കുറ്റപ്പെടുത്തുന്നതിന് മുൻപ് സ്വന്തം ജീവിതം പരിശോധിക്കണം. സഭയുടെ ദൗത്യം കേവലം ചടങ്ങുകളിൽ ഒതുങ്ങേണ്ടതല്ല. ഓരോ വിശ്വാസിയും സ്വാർഥതയും സ്വയം കേന്ദ്രീകൃതമായ ചിന്തകളും വെടിഞ്ഞ് ഈ കാലഘട്ടത്തിന്റെ പ്രവാചകശബ്ദമായി മാറണമെന്നു അസിൻ ഓർമപ്പെടുത്തി.
പ്രതിസന്ധികളുടെയും വരൾച്ചയുടെയും നടുവിലും ദൈവത്തിന്‍റെ അപാരമായ ദിവ്യപരിപാലനം വെളിപ്പെടുന്നു. കേരീത്ത് തോട്ടിനരികിൽ ഒളിച്ചിരുന്ന ഏലിയാവിന് ഭക്ഷണമെത്തിക്കാൻ ദൈവം കാക്കകളെ നിയോഗിച്ചതുപോലെ, വരൾച്ചയുടെ നടുവിലും ദൈവം തന്റെ ജനത്തെ പൂർണമായി കൈവിടുന്നില്ല.
ബൈബിൾ കോടിക്കണക്കിന് മനുഷ്യർക്ക് പ്രത്യാശയും സഹാനുഭൂതിയും ധൈര്യവും നൽകുന്ന ഗ്രന്ഥമാണ്. വഴികളെല്ലാം അടഞ്ഞുവെന്ന് തോന്നുന്ന ഘട്ടങ്ങളിൽ പോലും ദൈവം പുതിയ വഴികൾ ഒരുക്കുന്നു."ഞാൻ മാത്രം ബാക്കി" എന്ന ഏലിയാവിന്‍റെ ചിന്തയെ തിരുത്തിക്കൊണ്ട്, ബാലിന് മുട്ടുകുത്താത്ത ഏഴായിരം പേരെ ദൈവം വിശുദ്ധിയിൽ കാത്തുസൂക്ഷിച്ചിട്ടുണ്ടെന്ന് തിരിച്ചറിയണമെന് ഉദ്ബോധിപ്പിച്ചു അച്ചൻ തന്റെ പ്രസംഗം ഉപസംഹരിച്ചു.
ഡിട്രോയിറ്റിൽ നിന്നുള്ള ഐപിഎൽ കോർഡിനേറ്റർ സി.വി. സാമുവൽ മുഖ്യാതിഥിയായി പങ്കെടുക്കുന്ന ഹൂസ്റ്റൺ ട്രിനിറ്റി മാർത്തോമ ഇടവക വികാരി റവ. സോനു വർഗീസിനെ ഉൾപ്പെടെ ഏവരെയും സ്വാഗതം ചെയ്തു. തുടർന്ന് ഹൂസ്റ്റണിൽ നിന്നുള്ള രാജു പ്രാരംഭ പ്രാർഥനയ്ക്കു നേതൃത്വം നൽകി. വിശുദ്ധ വേദപുസ്തകത്തിൽ നിന്നുള്ള 1 രാജാക്കന്മാർ 19:1-13 വരെയുള്ള വാക്യങ്ങൾ ഹൂസ്റ്റണിൽ നിന്നുള്ള ഗ്രേസി വട്ടക്കുന്നേൽ വായിച്ചു.
ലോകസമാധാനത്തിനായി ഏകമനസ്സോടെ പ്രാർഥിക്കാൻ ആഹ്വാനം ചെയ്ത യോഗത്തിൽ, ഇസ്രായേൽ-ഗാസ, മിഡിൽ ഈസ്റ്റ്, ഉക്രെയ്ൻ-റഷ്യ തുടങ്ങിയ മേഖലകളിലെ യുദ്ധങ്ങൾക്കും സംഘർഷങ്ങൾക്കും ഉടനടി പരിഹാരമുണ്ടാകാനും ലോകനേതാക്കളിൽ സമാധാനത്തിന്‍റെ വികാരം ഉടലെടുക്കാനുമായി പ്രത്യേക മധ്യസ്ഥ പ്രാർഥനകൾ നടന്നു.
വടക്കേ അമേരിക്കയുടെ വിവിധ ഭാഗങ്ങളിൽ നിന്നുള്ള നിരവധി വിശ്വാസികൾ ഫോൺ കോൺഫറൻസ് വഴി യോഗത്തിൽ പങ്കെടുത്തു.ഐപിഎൽ പ്രാർഥനാ കൂട്ടായ്മയുടെ പ്രവർത്തനങ്ങൾക്ക് എല്ലാവിധ പങ്കാളികളും നൽകുന്ന പിന്തുണയ്ക്ക് കോഓർഡിനേറ്റർ ടി. എ. മാത്യു നന്ദി അറിയിച്ചു.
America
ഡാളസ് : ഡാളസ് സെന്റ് ഇഗ്നേഷ്യസ് ജാക്കബൈറ്റ് സിറിയൻ ക്രിസ്ത്യൻ കത്തീഡ്രലിലെ മാർ ഇഗ്നാത്തിയോസിന്‍റെ ഓർമ പെരുന്നാളും 48–ാമത് വാർഷികാഘോഷവും, ഒക്ടോബർ 17, 18,19 തീയതികളിൽ ഇടവക മെത്രാപ്പൊലീത്ത യെൽദൊ മാർ തീത്തോസിന്‍റെ സാന്നിധ്യത്തിൽ നടക്കും.
12ന് കുർബാനാനന്തരം ഫാ. മാർട്ടിൻ ബാബു(അസോസിയേറ്റ് വികാരി) , ഫാ. ഏലിയാസ് എരമത്ത് (മുൻ വികാരി) എന്നിവരുടെയും ഒട്ടനവധി വിശ്വാസികളുടെയും സാന്നിധ്യത്തിൽ ഫാ. ബേസിൽ ഏബ്രഹാം കൊടി ഉയർത്തി പെരുന്നാൾ ആഘോഷങ്ങൾക്ക് തുടക്കം കുറിച്ചു.
17ന് വൈകിട്ട് 6 മണിക്ക് സുറിയാനിയിലുള്ള ശിമൊ നമസ്കാരവും, തുടർന്ന് ഭക്തസംഘടനകളുടെ വാർഷികാഘോഷവും നടക്കും. വാർഷികാഘോഷത്തോടനുബന്ധിച്ച് വിവിധ ഭക്ത സംഘടനകളുടെ ആഭിമുഖ്യത്തിൽ നടത്തപ്പെടുന്ന കലാപരിപാടികളുടെ അവസാനഘട്ട പരിശീലനങ്ങൾ പൂർത്തിയായി വരുന്നു. നാടക ആവിഷ്കാരം ഈ വർഷത്തെ കൾച്ചറൽ പ്രോഗ്രാമിന് മാറ്റുകൂട്ടും.
അന്നേ ദിവസം വൈകിട്ട് 6.30 മുതൽ നാടൻ ലൈവ് തട്ടുകടയും ക്രമീകരിച്ചിട്ടുണ്ട്. 18ന് രാവിലെ 8 മണിക്ക് കുർബാനയും വൈകിട്ട് 6.30ന് മെത്രാപ്പൊലീത്തക്ക് സ്വീകരണവും തുടർന്ന് സന്ധ്യാപ്രാർഥനക്കുശേഷം പ്രദക്ഷിണവും . തുടർന്ന് ഫാ. എം ജെ ദാനിയേൽ(നോബിൾ അച്ചൻ, സെന്റ് മേരീസ് ചർച്ച് ഹൂസ്റ്റൺ) വചനപ്രഘോഷണം നടത്തും.
19ന് രാവിലെ 9 മണിക്ക് മെത്രാപ്പൊലീത്തായുടെ പ്രധാന കാർമികത്വത്തിലും വൈദികരുടെ സഹകാർമികത്വത്തിലും മൂന്നിന്മേൽ കുർബാന അർപ്പിക്കും. ശനി, ഞായർ, ദിവസങ്ങളിൽ മുത്തുക്കുട, കൊടി, വർണക്കുട തുടങ്ങിയ പള്ളി ഉപകരണങ്ങളുമേന്തി ചെണ്ടമേള വാദ്യങ്ങളുടെ അകമ്പടിയോടെ നടത്തപ്പെടുന്ന പ്രദക്ഷിണത്തിൽ ഒട്ടനവധി വിശ്വാസികൾ പങ്കുചേരും. ഗായകസംഘം ഭക്തി സാന്ദ്രമായ ഗാനങ്ങൾ ആലപിക്കും.
പെരുന്നാൾ ക്രമീകരണങ്ങളുടെ സുഗമമായ നടത്തിപ്പിനായി ഫാ. ബേസിൽ അബ്രഹാം(വികാരി) ഫാ.മാർട്ടിൻ ബാബു(അസോസിയേറ്റ് വികാരി) ബിജു തോമസ്(സെക്രട്ടറി, ജോസഫ് ജോർജ്(ട്രസ്റ്റി) എന്നിവരുടെ നേതൃത്വത്തിൽ, പള്ളി മാനേജിംഗ് കമ്മിറ്റി വിപുലമായ ഒരുക്കങ്ങൾ ചെയ്തു വരുന്നു. ഈ വർഷത്തെ പെരുന്നാൾ നടത്തുന്നത് ബേണി ചെറിയാൻ, എൽദൊ മാത്യു, സിബി മാത്യു, കുരിയാക്കോസ് മങ്കലാംകുന്നേൽ, റോബിൻ മാത്യു, സിബി മാത്യു എന്നിവരുടെ കുടുംബാംഗങ്ങളാണ്.
America
ഡാളസ്: കൗമാരക്കാരിയെ തട്ടിക്കൊണ്ടുപോകാനുള്ള പദ്ധതിയുടെ ഭാഗമായി ലിഫ്റ്റ് ഡ്രൈവറെ കത്തിമുനയിൽ ആക്രമിച്ച് വാഹനം കവർന്ന കേസിൽ ടെക്സസിലെ ഫ്രിസ്കോ സ്വദേശിയായ 20 വയസുകാരന് 75 വർഷം തടവുശിക്ഷ. ആന്റ്വെയ്ൻ കാർമെൻ വില്യംസ് എന്ന യുവാവിനാണ് കോളിൻ കൗണ്ടി കോടതി ശിക്ഷ വിധിച്ചത്. ഫസ്റ്റ് ഡിഗ്രി ഫെലണി അഗ്രവേറ്റഡ് റോബറി കുറ്റം വില്യംസ് സമ്മതിച്ചിരുന്നു.
2024 ഡിസംബർ 16 നാണ് സംഭവം. കത്തിമുനയിൽ വാഹനശ്രമം നടന്നതായി ലഭിച്ച 911 കോളിനെ തുടർന്ന് ഫ്രിസ്കോ പൊലിസ് സ്ഥലത്തെത്തിയപ്പോഴാണ് ഗുരുതരമായി പരുക്കേറ്റ ലിഫ്റ്റ് ഡ്രൈവറെ കണ്ടെത്തിയത്. ഡ്രൈവറുടെ കഴുത്ത് മുറിഞ്ഞ നിലയിലായിരുന്നു. കൈയ്ക്കും ആഴത്തിലുള്ള മുറിവേറ്റിരുന്നു. അടിയന്തര ശസ്ത്രക്രിയയ്ക്ക് വിധേയനായതിനെ തുടർന്നാണ് ഡ്രൈവറുടെ ജീവൻ രക്ഷിക്കാനായത്.
ലിഫ്റ്റ് നൽകിയ റൈഡ് ഷെയർ വിവരങ്ങളുടെ അടിസ്ഥാനത്തിലാണ് യാത്രക്കാരനായ വില്യംസിനെ അന്വേഷണ ഉദ്യോഗസ്ഥർ വേഗത്തിൽ തിരിച്ചറിഞ്ഞത്. 13 വയസുകാരിയുമായി ബന്ധപ്പെട്ട് വില്യംസിനെതിരെ നേരത്തെ അറസ്റ്റ് വാറന്‍റ് നിലനിന്നിരുന്നതായും രേഖകൾ വ്യക്തമാക്കുന്നു. വില്യംസിന്‍റെ ഫോണിൽ നിന്ന് വീണ്ടെടുത്ത സ്നാപ്ചാറ്റ് സന്ദേശങ്ങളാണ് കേസിൽ നിർണായകമായത്.
അന്നേ ദിവസം വാഹനം മോഷ്ടിച്ച് കുട്ടിയെ തട്ടിക്കൊണ്ടുപോകാനായിരുന്നു ഇയാളുടെ ഉദ്ദേശ്യമെന്ന് സന്ദേശങ്ങളിൽ നിന്ന് വ്യക്തമാണെന്ന് പ്രോസിക്യൂഷൻ കോടതിയിൽ വാദിച്ചു. മോഷ്ടിച്ച വാഹനത്തിൽ രക്ഷപ്പെടുന്നതിനിടെ വില്യംസ് മറ്റൊരു കാറുമായി ഇടിക്കുകയായിരുന്നു. തുടർന്ന് ടെക്സസ് ഡിപ്പാർട്മെന്‍റ് ഓഫ് പബ്ലിക് സേഫ്റ്റി ട്രൂപ്പർ ജസ്റ്റിൻ ഡിയാസ് ഇയാളെ കസ്റ്റഡിയിലെടുത്തു. പ്രായപൂർത്തിയാകാത്ത കുട്ടികൾക്കെതിരെയുള്ള ലൈംഗിക കുറ്റകൃത്യങ്ങളും മറ്റു ഭീഷണികളും ഇയാൾക്കെതിരെ കോടതിയിൽ തെളിയിക്കപ്പെട്ടിട്ടുണ്ട്.
America
സൗത്ത് ഡെക്കോഡ: ഡ്യൂട്ടിക്കിടെ വെടിയേറ്റു ഗുരുതരമായി പരുക്കേറ്റ് ചികിത്സയിലായിരുന്ന ഷെരീഫ് ഡപ്യൂട്ടി കാതറിൻ ഫ്രാങ്ക് (26) അന്തരിച്ചു. സിയൂസ് ഫോൾസിലെ ഒരു വീട്ടിലുണ്ടായ ഏറ്റുമുട്ടലിലാണ് ഫ്രാങ്കിന് വെടിയേറ്റത്. മൂന്ന് ദിവസമായി ഗുരുതരാവസ്ഥയിൽ തുടർന്നിരുന്ന അവർ തിങ്കളാഴ്ചയാണ് മരണത്തിന് കീഴടങ്ങിയത്.
കഴിഞ്ഞ വെള്ളിയാഴ്ച രാത്രിയാണ് മിനെഹാഹ കൗണ്ടിയിലെ ഒരു വീട്ടിൽ വെടിയൊച്ച ഉയർന്നത്. സംഭവസ്ഥലത്ത് വച്ച് തന്നെ ഫ്രാങ്കിനും പരുക്കേറ്റ പ്രതിക്കും പ്രാഥമിക ചികിത്സ നൽകിയ ശേഷം ആശുപത്രിയിലേക്ക് മാറ്റിയിരുന്നു. അവയവ ദാനത്തിലൂടെ മരണശേഷവും മറ്റുള്ളവർക്ക് തുണയായി മാറിയാണ് കാതറിൻ ഫ്രാങ്ക് യാത്രയായതെന്ന് ഷെരീഫ് ഓഫിസ് അറിയിച്ചു.
സംഭവത്തിൽ ബ്രാൻഡൻ ജോൺ ഔട്കെൻ (39) എന്ന പ്രതിക്കെതിരെ കൊലപാതക ശ്രമം ഉൾപ്പെടെയുള്ള വിവിധ കുറ്റങ്ങൾ ചുമത്തിയിട്ടുണ്ട്. പ്രതിയെ റിമാൻഡ് ചെയ്തിരിക്കുകയാണ്. സൗത്ത് ഡെക്കോഡ ഡിവിഷൻ ഓഫ് ക്രിമിനൽ ഇൻവെസ്റ്റിഗേഷൻ്റെ നേതൃത്വത്തിൽ സംഭവത്തിൽ അന്വേഷണം പുരോഗമിക്കുകയാണ്. ഫ്രാങ്കിന്‍റെ വിയോഗത്തിൽ സൗത്ത് ഡെക്കോഡ അറ്റോർണി ജനറൽ മാർട്ടി ജാക്ലി ഉൾപ്പെടെയുള്ള പ്രമുഖർ അനുശോചനം രേഖപ്പെടുത്തി.
America
നോർത്ത് കരോളൈന: നോർത്ത് കരോളൈനയിൽ വെസ്റ്റ് നൈൽ വൈറസ് ബാധിച്ച് രണ്ട് പേർ മരിച്ചു. ഈ വർഷം സംസ്ഥാനത്ത് 11 പുതിയ കേസുകൾ കൂടി റിപ്പോർട്ട് ചെയ്തിട്ടുണ്ടെന്ന് സെന്‍റേഴ്സ് ഫോർ ഡിസീസ് കൺട്രോൾ അറിയിച്ചു.
പനി, തലവേദന, ശരീരവേദന, സന്ധിവേദന, ഛർദ്ദി, വയറിളക്കം, തൊലിപ്പുറത്തുള്ള തടിപ്പുകൾ എന്നിവയാണ് ഈ രോഗത്തിന്‍റെ പ്രധാന ലക്ഷണങ്ങൾ. ചിലരിൽ രോഗലക്ഷണങ്ങൾ പ്രകടമാകണമെന്നില്ല.
കൊതുകുകടകളിൽ നിന്ന് സ്വയം പരിരക്ഷിക്കുക എന്നതാണ് രോഗം തടയാനുള്ള ഏറ്റവും നല്ല മാർഗം. ഇതിനായി കൊതുകുനാശിനികൾ ഉപയോഗിക്കുക, അയഞ്ഞ വസ്ത്രങ്ങൾ ധരിക്കുക, കൊതുകുകൾ ഏറ്റവും സജീവമാകുന്ന സന്ധ്യാസമയത്തും പുലർച്ചെയും പുറത്തിറങ്ങാതിരിക്കുക തുടങ്ങിയ മുൻകരുതലുകൾ സ്വീകരിക്കണമെന്ന് അധികൃതർ മുന്നറിയിപ്പ് നൽകുന്നു.
America
വാൻകൂവർ (കാനഡ): ജെനസിസ് കാനഡ മിനിസ്ട്രീസിന്റെ ആഭിമുഖ്യത്തിൽ സംഘടിപ്പിക്കുന്ന ജെനസിസ് ഫാമിലി കോൺഫറൻസ് ഈ മാസം 30 മുതൽ നവംബർ ഒന്ന് വരെ ബ്രിട്ടീഷ് കൊളംബിയയിലെ സറേ ഈസ്റ്റ്–ക്ലോവർഡെയ്ൽ ഹോളിഡേ ഇന്നിൽ നടക്കും.
മൂന്നു ദിവസം നീണ്ടുനിൽക്കുന്ന ആത്മീയ സംഗമത്തിൽ പാസ്റ്റർ ടിജി ജോർജ്, ഇവാഞ്ചലിസ്റ്റ് ചാർളി സാം ബാബു, പാസ്റ്റർ ഷിബു തോമസ് എന്നിവർ മുഖ്യപ്രഭാഷകരായിരിക്കും. ജെനസിസ് കാനഡ മിനിസ്ട്രീസിന്റെ സ്ഥാപകനും പ്രസിഡന്റുമായ ഇവാഞ്ചലിസ്റ്റ് ചാർളി സാം ബാബുവിന്‍റെ നേതൃത്വത്തിലാണ് സമ്മേളനം സംഘടിപ്പിക്കുന്നത്.
ക്രിസ്തീയ കുടുംബങ്ങളുടെ ആത്മീയ ഉന്നമനം, കുടുംബബന്ധങ്ങളുടെ ദൃഢീകരണം, വിശ്വാസികളുടെ ഐക്യം എന്നിവ ലക്ഷ്യമിട്ടാണ് ജെനസിസ് കാനഡ മിനിസ്ട്രീസ് പ്രവർത്തിക്കുന്നത്. കുടുംബങ്ങളെയും സമൂഹങ്ങളെയും ആത്മീയമായി ശക്തിപ്പെടുത്തുന്നതിനൊപ്പം സംഘടനയുടെ പ്രവർത്തനങ്ങൾ കൂടുതൽ മേഖലകളിലേക്ക് വ്യാപിപ്പിക്കുകയെന്നതും മിനിസ്ട്രീസിന്റെ ലക്ഷ്യമാണ്.
ഡയറക്ടർമാരായ ഷെറി വർമ്മ, ജെഫിൻ തോമസ്, ലിംസൺ സീമോൻ, അനീഷ് തങ്കച്ചൻ എന്നിവർ സമ്മേളനത്തിന്‍റെ ഒരുക്കങ്ങൾക്ക് നേതൃത്വം നൽകുന്നു. ഫിന്നി രാജു ഹ്യൂസ്റ്റൺ മീഡിയ കോഓർഡിനേറ്ററായി പ്രവർത്തിക്കുന്നു.
ആരാധന, ദൈവവചന ശുശ്രൂഷകൾ, ആത്മീയ കൂട്ടായ്മകൾ എന്നിവയ്ക്ക് പ്രാധാന്യം നൽകുന്ന സമ്മേളനം ക്രിസ്തീയ കുടുംബങ്ങളുടെ വിശ്വാസജീവിതം ശക്തിപ്പെടുത്തുന്നതിനും പരസ്പരസ്നേഹവും ഐക്യവും വളർത്തുന്നതിനും വേദിയാകുമെന്ന് സംഘാടകർ അറിയിച്ചു.
സമ്മേളനത്തിലേക്കുള്ള രജിസ്ട്രേഷൻ അവസാനിച്ചു. മൂന്നു ദിവസത്തെ സമ്മേളനത്തിനായുള്ള അവസാനഘട്ട ഒരുക്കങ്ങൾ പുരോഗമിക്കുകയാണ്.
കൂടുതൽ വിവരങ്ങൾക്ക്: 778-321-9895
America
പെൻസിൽവേനിയ: പെൻസിൽവേനിയയിലെ ഫ്രാങ്ക്ലിൻ കൗണ്ടിയിൽ അഞ്ചാംപനി ബാധിച്ച 39 വയസുകാരി മരിച്ചു. വാക്സീൻ എടുക്കാതിരുന്ന ഇവർക്ക് ഹൃദയസംബന്ധമായ പ്രശ്നങ്ങളും മറ്റ് ആരോഗ്യപ്രശ്നങ്ങളും ഉണ്ടായിരുന്നു. ഇതോടെ സംസ്ഥാനത്ത് ഈ വർഷം അഞ്ചാംപനി ബാധിച്ച് മരിച്ചവരുടെ എണ്ണം ആറായി.
പെൻസിൽവേനിയയിൽ മാത്രം ഇതുവരെ 1,136 കേസുകൾ റിപ്പോർട്ട് ചെയ്തിട്ടുണ്ട്. രാജ്യത്താകമാനം 4,000-ത്തിലധികം ആളുകൾക്ക് രോഗം ബാധിച്ചിട്ടുണ്ട്. വാക്സീനേഷൻ നിരക്ക് കുറഞ്ഞതാണ് രോഗം പടരാൻ കാരണമായത്.
സംഭവത്തെത്തുടർന്ന് വാക്സീൻ നയങ്ങളെച്ചൊല്ലി രാഷ്ട്രീയ തർക്കങ്ങളും രൂക്ഷമായിട്ടുണ്ട്. വീടുകളിലെത്തിയും താൽക്കാലിക ക്യാമ്പുകൾ വഴിയും ജനങ്ങൾക്ക് വാക്സീൻ നൽകാനുള്ള ശ്രമങ്ങൾ അധികൃതർ ശക്തമാക്കിയിട്ടുണ്ട്. എംഎംആർ വാക്സീന്റെ രണ്ട് ഡോസുകൾ എടുത്താൽ രോഗത്തിനെതിരെ 97 ശതമാനം പ്രതിരോധ ശേഷി ലഭിക്കും.
America
ഡാളസ്: എസ്‌എംയു വിദ്യാർഥി ഹോണർ വാലസിന്‍റെ മരണത്തിനിടയാക്കിയ വാഹനാപകടക്കേസിൽ ലിൻലീ പോളിസ് കുറ്റക്കാരിയാണെന്ന് കോടതി കണ്ടെത്തി. മദ്യപിച്ച് വാഹനമോടിച്ച് അപകടമുണ്ടാക്കിയതിനാണ് ജൂറിയുടെ വിധി.
2023 സെപ്റ്റംബർ 24-നാണ് ഈ ദാരുണമായ സംഭവം. ഡാളസിലെ മോണ്ടിസെല്ലോ അവന്യൂവിന്‍റെയും നോർത്ത് സെൻട്രൽ എക്സ്പ്രസ് വേയുടെയും ജംഗ്ഷനിൽ വച്ച് ലിൻലീ പോളിസ് ഓടിച്ച വാഹനം റെഡ് സിഗ്നൽ വകവെയ്ക്കാതെ പാഞ്ഞുകയറി അപകടമുണ്ടാക്കുകയായിരുന്നു. ഈ അപകടത്തിലാണ് ഹോണർ വാലസ് കൊല്ലപ്പെട്ടത്.
ജൂറി കുറ്റക്കാരിയാണെന്ന് കണ്ടെത്തിയെങ്കിലും പ്രതിക്കുള്ള ശിക്ഷ ഇതുവരെ വിധിച്ചിട്ടില്ല. മദ്യപിച്ച് വാഹനമോടിച്ച് ആളുടെ മരണത്തിന് കാരണമായതിന് 20 വർഷം വരെയും, പരിക്കുകൾ വരുത്തിയതിന് 10 വർഷം വരെയും തടവുശിക്ഷ ലഭിക്കാവുന്ന കുറ്റങ്ങളാണ് പ്രതിക്കുമേൽ ചുമത്തിയിരിക്കുന്നത്. ഈ കേസിൽ പ്രതിക്ക് എന്ത് ശിക്ഷയായിരിക്കും ലഭിക്കുകയെന്നത് സംബന്ധിച്ച് നിയമനടപടികൾ പുരോഗമിക്കുകയാണ്.
America
ഹൂസ്റ്റൺ: 2030ൽ ആഘോഷിക്കാനിരിക്കുന്ന മലങ്കര കത്തോലിക്കാ സഭയുടെ ചരിത്രപ്രധാനമായ പുനരൈക്യ ശതാബ്ദിയുടെ മുന്നോടിയായി, സഭ ഈ വർഷം കാരുണ്യത്തിന്റെയും നീതിയുടെയും വർഷമായി ആചരിക്കുന്നു.
ഹൂസ്റ്റണിലെ സെന്റ് പീറ്റേഴ്സ് മലങ്കര കത്തോലിക്കാ ദേവാലയത്തിൽ നടന്ന ചടങ്ങിൽ അഭിവന്ദ്യ ജോഷ്വാ മാർ ഇഗ്നാത്തിയോസ് മെത്രാപ്പോലീത്ത വർഷാചരണത്തിന്‍റെ ഉദ്ഘാടനം നിർവഹിക്കുകയും വിശുദ്ധ കുർബാന അർപ്പിക്കുകയും ചെയ്തു. സ്നേഹം, കാരുണ്യം, നീതി, ദരിദ്രരോടുള്ള കരുതൽ എന്നിവ സുവിശേഷത്തിന്‍റെ അടിസ്ഥാന മൂല്യങ്ങളായി ജീവിതത്തിൽ പ്രാവർത്തികമാക്കണമെന്ന് അദ്ദേഹം വിശ്വാസികളോട് ആഹ്വാനം ചെയ്തു.
ദൈവവചനം മാംസമായി നമ്മുടെ ഇടയിൽ വസിച്ചു എന്ന സത്യത്തെ അനുസ്മരിച്ചുകൊണ്ട്, ദൈവവചനം കേൾക്കുന്നതിൽ മാത്രം ഒതുങ്ങാതെ അതനുസരിച്ച് ജീവിക്കേണ്ടതിന്‍റെ പ്രാധാന്യം ബിഷപ്പ് തന്റെ വചനസന്ദേശത്തിൽ എടുത്തുപറഞ്ഞു.
“നിത്യജീവൻ അവകാശമാക്കാൻ ഞാൻ എന്തുചെയ്യണം?” എന്നും “എന്‍റെ അയൽക്കാരൻ ആരാണ്?” എന്നും സുവിശേഷം ഉയർത്തുന്ന ചോദ്യങ്ങളെക്കുറിച്ച് അദ്ദേഹം വിശ്വാസികളെ ചിന്തിപ്പിച്ചു. നല്ല സമരിയാക്കാരന്‍റെ ഉപമയിലൂടെ യേശു നൽകുന്ന സന്ദേശവും “നീയും പോയി അതുപോലെ ചെയ്യുക” എന്ന അവിടുത്തെ ആഹ്വാനവും ക്രൈസ്തവ ജീവിതത്തിന്‍റെ മാർഗദർശനമാണെന്ന് അദ്ദേഹം ഓർമിപ്പിച്ചു.
മത്തായി 25:40-ൽ യേശു അരുളിച്ചെയ്യുന്ന വചനവും ബിഷപ്പ് ഉദ്ധരിച്ചു: “എന്‍റെ ഏറ്റവും എളിയ ഈ സഹോദരന്മാരിൽ ഒരുവന് നിങ്ങൾ ഇതു ചെയ്തുകൊടുത്തപ്പോൾ എനിക്കുതന്നെയാണ് ചെയ്തുതന്നത്.” കാരുണ്യം സ്വന്തം കുടുംബത്തിൽനിന്ന് ആരംഭിക്കേണ്ടതാണെങ്കിലും അത് സമൂഹത്തിലേക്കും ദരിദ്രരിലേക്കും അവഗണിക്കപ്പെട്ടവരിലേക്കും വ്യാപിക്കണമെന്നും അദ്ദേഹം വ്യക്തമാക്കി.
ആവശ്യത്തിലിരിക്കുന്നവരെ സഹായിക്കുന്നതോടൊപ്പം ദരിദ്രരുടെ അന്തസും അവകാശങ്ങളും സംരക്ഷിക്കുകയും നീതിപൂർണവും കരുണനിറഞ്ഞതുമായ ഒരു സമൂഹം കെട്ടിപ്പടുക്കാൻ പരിശ്രമിക്കുകയും വേണം. കുടുംബങ്ങളിലും ഇടവകകളിലും സമൂഹത്തിലും ഈ മൂല്യങ്ങൾ പ്രാവർത്തികമാക്കേണ്ടത് ഓരോ വിശ്വാസിയുടെയും ഉത്തരവാദിത്വമാണ്.
ചടങ്ങിന്‍റെ ഭാഗമായി, ഇടവകയുടെ എക്സിക്യൂട്ടീവ് കമ്മിറ്റി അംഗങ്ങളും പാസ്റ്ററൽ കൗൺസിൽ അംഗങ്ങളും ചേർന്ന് അഭിവന്ദ്യ ജോഷ്വാ മാർ ഇഗ്നാത്തിയോസ് മെത്രാപ്പോലീത്തയെ പൊന്നാട അണിയിച്ച് ആദരിച്ചു. ഇടവക വികാരി ഫാ. ബിന്നി ഫിലിപ്പിന്‍റെ നേതൃത്വത്തിൽ പാരിഷ് കൗൺസിലാണ് ഇന്നത്തെ പരിപാടി ക്രമീകരിച്ചത്.
ആർച്ച് ബിഷപ്പ് ബനഡിക്ട് മാർ ഗ്രിഗോറിയോസിന്‍റെ സ്മരണയിൽ
പരിപാടിയുടെ ഭാഗമായി മലങ്കര കത്തോലിക്കാ സഭയുടെ രണ്ടാമത്തെ മെത്രാപ്പോലീത്തയായിരുന്ന ആർച്ച് ബിഷപ്പ് ബനഡിക്ട് മാർ ഗ്രിഗോറിയോസിന്‍റെ ദീപ്തമായ ജീവിതവും സേവനങ്ങളും അനുസ്മരിച്ചു. അദ്ദേഹത്തിന്‍റെ 32-ാം ചരമവാർഷികത്തോടനുബന്ധിച്ച് ബിഷപ്പ് ജോഷ്വാ മാർ ഇഗ്നാത്തിയോസ്, അദ്ദേഹത്തിന്‍റെ പൗരോഹിത്യ വിളിയെക്കുറിച്ചും കത്തോലിക്കാ സഭയോടുള്ള അചഞ്ചലമായ പ്രതിബദ്ധതയെക്കുറിച്ചും മനുഷ്യസേവനത്തിനായി അദ്ദേഹം നടത്തിയ സമർപ്പിത പ്രവർത്തനങ്ങളെക്കുറിച്ചും അനുസ്മരണ സന്ദേശം നൽകി.“പാവപ്പെട്ടവരുടെ തിരുമേനി” എന്ന പേരിൽ സ്നേഹാദരങ്ങളോടെ അറിയപ്പെട്ടിരുന്ന ബനഡിക്ട് മാർ ഗ്രിഗോറിയോസ് 41 വർഷക്കാലം സഭയ്ക്കായി സമർപ്പിത സേവനം അനുഷ്ഠിച്ചു.
സാമ്പത്തികശാസ്ത്രത്തിലും കൃഷിയിലും ഉണ്ടായിരുന്ന അറിവ് സാധാരണക്കാരുടെ ജീവിതനിലവാരം ഉയർത്തുന്നതിനായി അദ്ദേഹം പ്രയോജനപ്പെടുത്തി. മെച്ചപ്പെട്ടൊരു സമൂഹത്തിന്റെ നിർമാണത്തിന് വിദ്യാഭ്യാസം അനിവാര്യമാണെന്ന് തിരിച്ചറിഞ്ഞ അദ്ദേഹം പാർശ്വവൽക്കരിക്കപ്പെട്ടവരുടെ ഉന്നമനത്തിനായി പ്രവർത്തിച്ചു.
കുഷ്ഠരോഗബാധിതർക്കായുള്ള സേവനസംരംഭങ്ങളും പരിചരണവും പിന്തുണയും ആവശ്യമായവർക്കായി ചെഷയർ ഹോം പോലുള്ള സ്ഥാപനങ്ങളുമായി ബന്ധപ്പെട്ട പ്രവർത്തനങ്ങളും അദ്ദേഹത്തിന്‍റെ പാവങ്ങളോടുള്ള കരുതലിന്‍റെ ഉദാഹരണങ്ങളായിരുന്നു.
സഭയുടെ അതിരുകൾക്കപ്പുറത്തേക്കും വ്യാപിച്ച അദ്ദേഹത്തിന്‍റെ സ്നേഹവും കരുതലും എല്ലാ മനുഷ്യരെയും ഒരേ കുടുംബത്തിലെ അംഗങ്ങളായി കാണുന്ന വിശാലമായ കാഴ്ചപ്പാടിൽ അധിഷ്ഠിതമായിരുന്നു. ഇന്ത്യയുടെ വിവിധ ഭാഗങ്ങളിലും വിദേശരാജ്യങ്ങളിലും, അമേരിക്കയുൾപ്പെടെ, മലങ്കര കത്തോലിക്കാ സഭയുടെ വളർച്ചയ്ക്കും വ്യാപനത്തിനും അദ്ദേഹം നൽകിയ സംഭാവനകൾ വിലപ്പെട്ടതാണ്.
അഞ്ച് മാർപാപ്പമാരുടെയും അഞ്ച് ഇന്ത്യൻ രാഷ്ട്രപതിമാരുടെയും കാലഘട്ടങ്ങളിൽ സഭയ്ക്കും സമൂഹത്തിനും വേണ്ടി അദ്ദേഹം സേവനം അനുഷ്ഠിച്ചതും അദ്ദേഹത്തിന്‍റെ ദീർഘമായ പൊതുസേവനജീവിതത്തിന്‍റെ പ്രത്യേകതയാണ് മാർ ഇവാനിയോസിന്‍റെ ദർശനവും ധീരമായ നേതൃത്വവും മലങ്കര കത്തോലിക്കാ സഭയുടെ ചരിത്രത്തിൽ നിർണായക പങ്കുവഹിച്ച ആർച്ച് ബിഷപ്പ് മാർ ഇവാനിയോസിന്‍റെ ധീരമായ നേതൃത്വത്തെയും പ്രവാചകദർശനത്തെയും ബിഷപ്പ് ജോഷ്വാ മാർ ഇഗ്നാത്തിയോസ് അനുസ്മരിച്ചു.
മാർ ഇവാനിയോസിന്‍റെ ഉറച്ച വിശ്വാസവും ദീർഘവീക്ഷണവും സഭയുടെ വളർച്ചയ്ക്കും ദൗത്യനിർവഹണത്തിനും നൽകിയ സംഭാവനകൾ അദ്ദേഹം എടുത്തുപറഞ്ഞു. മാർ ഇവാനിയോസിന്‍റെയും ബനഡിക്ട് മാർ ഗ്രിഗോറിയോസിന്‍റെയും ജീവിതങ്ങൾ വിശ്വാസം, ത്യാഗം, കാരുണ്യം, നീതി, പാവപ്പെട്ടവരോടുള്ള ഐക്യദാർഢ്യം എന്നിവയുടെ ഉജ്ജ്വല സാക്ഷ്യങ്ങളാണ്. അവരുടെ ജീവിതവും സേവനങ്ങളും പുതിയ തലമുറകൾക്ക് പ്രചോദനവും മാർഗദർശനവുമാണ്.
ശതാബ്ദി ആഘോഷം ഒരു പുതിയ ദൗത്യമായി മാറണം
2030-ലെ പുനരൈക്യ ശതാബ്ദിയിലേക്ക് മലങ്കര കത്തോലിക്കാ സഭ മുന്നേറുമ്പോൾ, കാരുണ്യത്തിന്റെയും നീതിയുടെയും ഈ വർഷം സഭയുടെ സ്ഥാപകപിതാക്കന്മാരുടെയും സമർപ്പിത ഇടയന്മാരുടെയും ആത്മീയദർശനം പുതുക്കി ഏറ്റെടുക്കാനുള്ള സുവർണാവസരമാണ്. ശതാബ്ദി ആഘോഷം ചരിത്രത്തെ അനുസ്മരിക്കുന്ന ഒരു ചടങ്ങിൽ മാത്രം ഒതുങ്ങരുത്. മറിച്ച്, ക്രിസ്തു ഏൽപ്പിച്ച ദൗത്യം കൂടുതൽ ആത്മാർഥതയോടെ തുടരാനുള്ള ആഹ്വാനമായി അത് മാറണം. സുവിശേഷം അറിയുക മാത്രമല്ല, അത് ജീവിതത്തിൽ പ്രാവർത്തികമാക്കുകയും വേണം.
വിശക്കുന്നവരിലും രോഗികളിലും ഉപേക്ഷിക്കപ്പെട്ടവരിലും ദരിദ്രരിലും ക്രിസ്തുവിന്‍റെ മുഖം ദർശിക്കാനും അവരുടെ ജീവിതത്തിൽ പ്രത്യാശയും ആശ്വാസവും പകരാനും ഓരോ വിശ്വാസിയും തയ്യാറാകണം. കാരുണ്യം സ്നേഹത്തിലൂടെ പ്രകടമാകുകയും നീതി പ്രായോഗിക പ്രവർത്തനങ്ങളിലൂടെ യാഥാർഥ്യമാകുകയും ചെയ്യുന്ന ഒരു സമൂഹം കെട്ടിപ്പടുക്കുക എന്നതായിരിക്കണം ഈ വർഷത്തിന്‍റെ ലക്ഷ്യം.
America
വാൻ സാൻഡ് കൗണ്ടി: ടെക്സസിലെ വാൻ സാൻഡ് കൗണ്ടി ശരീഅത്ത് നിയമത്തിനെതിരെ എതിർപ്പ് പ്രഖ്യാപിച്ച് പ്രമേയം പാസാക്കി. ഈ നിയമത്തിനെതിരെ പ്രമേയം പാസാക്കുന്ന ടെക്സസിലെ ആദ്യ കൗണ്ടിയാണ്. കൗണ്ടി കമ്മീഷണർമാർ ബുധനാഴ്ചയാണ് ഈ പ്രമേയം ഏകകണ്ഠമായി പാസാക്കിയത്.
കൗണ്ടിയിലെ 80 ഏക്കർ ഭൂമി വാങ്ങലുമായി ബന്ധപ്പെട്ടാണ് ഈ നീക്കം. യുഎസ് പ്രതിനിധി കീത്ത് സെൽഫിന്‍റെ കരട് പ്രമേയത്തിൽ നിന്നാണ് ഇതിനുള്ള പ്രചോദനം ഉൾക്കൊണ്ടത്.
യുഎസ് ഭരണഘടനയാണ് രാജ്യത്തെ പരമോന്നത നിയമമെന്നും, അതിന് അതീതമായ ഒരു രാഷ്ട്രീയ-നിയമ സംവിധാനവും ഇവിടെ അനുവദിക്കാനാവില്ലെന്നും കമ്മീഷണർമാർ വ്യക്തമാക്കി.
ഇത് അമേരിക്കയിൽ സ്വതന്ത്രമായി ആരാധന നടത്തുന്ന മുസ്ലീം ജനവിഭാഗങ്ങൾക്ക് എതിരല്ലെന്നും, വ്യക്തിപരമായ മതവിശ്വാസങ്ങളെ മാനിക്കുന്നുവെന്നും അധികൃതർ വ്യക്തമാക്കുകയുണ്ടായി.
America
മെയ്ൻ: തോക്ക് അബദ്ധത്തിൽ പൊട്ടിത്തെറിച്ച് നാലു വയസ്സുകാരൻ മരിച്ച സംഭവത്തിൽ വളർത്തച്ഛൻ റോബർട്ട് മക്കോയ്ക്ക് (37) എട്ടു വർഷം തടവുശിക്ഷ വിധിച്ചു.
2025 മേയ് മാസത്തിലാണ് സംഭവം നടക്കുന്നത്. റോബർട്ട് മക്കോയിയും നാലു വയസ്സുകാരനായ ജാസ്പർ സ്മിത്തും ഉൾപ്പെടെയുള്ള കുടുംബാംഗങ്ങൾ വീട്ടിലുണ്ടായിരുന്ന സമയത്ത്, കുട്ടി വീടിനുള്ളിൽ സൂക്ഷിച്ചിരുന്ന ലോഡഡ് ആയ തോക്ക് കണ്ടെത്തുകയായിരുന്നു. കുട്ടിയുടെ ബെഡ്‌റൂമിൽ വച്ചു തോക്കിൽ നിന്നും അബദ്ധത്തിൽ വെടിയുതിർന്ന് കുട്ടി സംഭവസ്ഥലത്തുതന്നെ മരണപ്പെടുകയായിരുന്നു.
കോടതിയിൽ കുറ്റം സമ്മതിച്ചതിനെത്തുടർന്ന് റോബർട്ട് മക്കോയ്ക്ക് 17 വർഷത്തെ തടവുശിക്ഷയാണ് വിധിച്ചത്. ഇതിൽ ഒമ്പത് വർഷം സസ്പെൻഡ് ചെയ്തു.
ബാക്കി എട്ട് വർഷം തടവും തുടർന്ന് ആറ് വർഷത്തെ പ്രൊബേഷനും അദ്ദേഹം അനുഭവിക്കണം. പ്രൊബേഷൻ കാലയളവിൽ ആറ് വയസിന് താഴെയുള്ള കുട്ടികളുമായി ഇടപഴകാനോ തോക്കുകളും വെടിക്കോപ്പുകളും കൈവശം വയ്ക്കാനോ അദ്ദേഹത്തിന് അനുവാദമില്ല.
ശിക്ഷാവിധിക്കിടെ കുട്ടിയുടെ അമ്മ തന്റെ സങ്കടവും മകന്‍റെ വിയോഗത്തിലുള്ള വേദനയും കോടതിയിൽ പങ്കുവച്ചു.
America
ടെന്നസി: അമേരിക്കയിലെ ഗ്രേറ്റ് സ്മോക്കി മൗണ്ടെയ്ൻസ് ദേശീയോദ്യാനത്തിൽ കാണാതായ 24 വയസുകാരൻ സാഹിൽ ജിലാനിയുടെ മൃതദേഹം അബ്രാംസ് വെള്ളച്ചാട്ടത്തിലെ ജലാശയത്തിൽ കണ്ടെത്തി.
ഒക്ടോബർ അഞ്ചുമുതൽ കാണാതായ യുവാവിനായി നടത്തിയ തിരച്ചിലിനൊടുവിൽ എട്ടിനാണ് മൃതദേഹം കണ്ടെത്തിയത്. വെള്ളച്ചാട്ടത്തിന് സമീപത്തെ പാർക്കിംഗ് സ്ഥലത്ത് യുവാവിന്റെ വാഹനവും തുടർന്ന് ഫോണും താക്കോലുകളും വസ്ത്രങ്ങളും കണ്ടെത്തിയിരുന്നു.
ശക്തമായ ജലപ്രവാഹത്തിൽപ്പെട്ട് മുങ്ങിമരിച്ചതാകാമെന്നാണ് നിഗമനം. മരണകാരണം ഔദ്യോഗികമായി സ്ഥിരീകരിച്ചിട്ടില്ല.
America
ഹൂസ്റ്റൺ: കോട്ടയം ഇത്തിത്താനം പുളിക്കൽ സാറാമ്മ ജോൺ (86) ഹൂസ്റ്റണിൽ അന്തരിച്ചു. സംസ്കാരം ശനിയാഴ്ച ഹൂസ്റ്റൺ സെന്റ് ജോസഫ് സീറോമലബാർ കത്തോലിക്കാ പള്ളിയിലെ ശുശ്രൂഷകൾക്കുശേഷം ഫോറെസ്റ്റ് പാർക്ക് സെമിത്തേരിയിൽ.
ഭർത്താവ്: ജോൺ വർഗീസ് പുളിക്കൽ. മക്കൾ: ബിജു, ബീന. മരുമക്കൾ: കെ. എം. ആന്‍റണി കളത്തിൽ (പെരുന്ന), മേഴ്സി പോത്താലിൽ (കുടമാളൂർ).
America
വാഷിംഗ്ടൺ ഡിസി: വനിതാശാക്തീകരണത്തിനും ആരോഗ്യബോധവത്കരണത്തിനും ഊന്നൽ നൽകി ഫെഡറേഷൻ ഓഫ് കേരള അസോസിയേഷൻസ് ഇന്‍റർനാഷണലിന്‍റെ വിമൻസ് ഫോറം പ്രവർത്തനങ്ങൾക്ക് തുടക്കമായി.
ഒക്ടോബർ മാസത്തിലെ കാൻസർ ബോധവത്കരണ പരിപാടികളുടെ ഭാഗമായി സംഘടിപ്പിച്ച വെബിനാറിൽ നൂറിലധികം പേർ പങ്കെടുത്തു. ഓൺലൈനായി സംഘടിപ്പിച്ച പരിപാടി കരുനാഗപ്പള്ളി എംഎൽഎ സി. ആർ. മഹേഷ് ഉദ്ഘാടനം ചെയ്തു.
കാൻസർ ബോധവത്കരണം, രോഗനിർണയം, ചികിത്സ എന്നിവയായിരുന്നു വെബിനാറിന്‍റെ പ്രധാന വിഷയങ്ങൾ. ഫെഡറേഷൻ വിമൻസ് ഫോറം ചെയർ സ്വപ്ന ഫെലിക്സ് സ്വാഗതം ആശംസിക്കുകയും അധ്യക്ഷത വഹിക്കുകയും ചെയ്തു.
നിലവിൽ 125-ലധികം വനിതകൾ ഫോറത്തിന്‍റെ ഭാഗമാണെന്നും വനിതകളുടെ കഴിവുകളും നേതൃത്വപാടവവും സാമൂഹികനന്മയ്ക്കായി പ്രയോജനപ്പെടുത്തുകയാണ് ലക്ഷ്യമെന്നും അവർ പറഞ്ഞു.
ഫെഡറേഷൻ പ്രസിഡന്റ് ഡോ. കലാ ഷഹി കാൻസർ ബോധവത്കരണത്തിന്‍റെ പ്രാധാന്യം വിശദീകരിച്ചു. രോഗബാധിതർക്കും കുടുംബങ്ങൾക്കും ശാരീരികവും മാനസികവും സാമ്പത്തികവുമായ വെല്ലുവിളികൾ നേരിടേണ്ടിവരുന്ന സാഹചര്യത്തിൽ ശരിയായ അറിവും നേരത്തെയുള്ള രോഗനിർണയവും ചികിത്സയും നിർണായകമാണെന്ന് അവർ ചൂണ്ടിക്കാട്ടി.
ഫെഡറേഷൻ ട്രസ്റ്റി ബോർഡ് ചെയർമാൻ ജോസഫ് കുര്യപ്പുറം സംഘടനയുടെ ചരിത്രവും പ്രവർത്തനപാരമ്പര്യവും വിശദീകരിച്ചു. 1983-ൽ ആരംഭിച്ച ഫെഡറേഷൻ നാലു പതിറ്റാണ്ടിലേറെയായി പ്രവാസി മലയാളികളുടെ സാമൂഹിക, സാംസ്കാരിക കൂട്ടായ്മയ്ക്ക് കരുത്തേകുന്നുണ്ടെന്ന് അദ്ദേഹം പറഞ്ഞു.
ഫെഡറേഷൻ ഇന്റർനാഷണൽ കോഓർഡിനേറ്റർ ഡോ. ജേക്കബ് ഈപ്പനും ആശംസകൾ നേർന്നു. എഴുത്തുകാരിയും സാമൂഹികപ്രവർത്തകയുമായ ഡോ. നിഷ മാണി കാൻസർ അതിജീവനത്തിന്‍റെ സ്വന്തം അനുഭവങ്ങൾ പങ്കുവച്ചു. രോഗാവസ്ഥയിലെ മാനസിക സംഘർഷങ്ങളും പ്രതിസന്ധികളെ അതിജീവിക്കാൻ സഹായിച്ച ജീവിതപാഠങ്ങളും അവരുടെ പ്രഭാഷണത്തെ ഹൃദയസ്പർശിയാക്കി.
പ്രശസ്ത അർബുദരോഗ ചികിത്സാവിദഗ്ധ ഡോ. സാറ ഈശോ കാൻസറിന്‍റെ അപകടസാധ്യതകൾ, പ്രതിരോധ മാർഗങ്ങൾ, നേരത്തെയുള്ള രോഗനിർണയം, ആധുനിക ചികിത്സാരീതികൾ എന്നിവയെക്കുറിച്ച് വിശദീകരിച്ചു. ശാസ്ത്രീയമായ അറിവും കൃത്യമായ ആരോഗ്യപരിശോധനകളും വിദഗ്ധോപദേശവും രോഗത്തെ നേരിടുന്നതിൽ പ്രധാനമാണെന്ന് അവർ വ്യക്തമാക്കി.
ഫെഡറേഷൻ പബ്ലിക് റിലേഷൻസ് ഓഫീസർ അഡ്വ. രഘുകുമാർ, കെജിഡബ്ല്യു വാഷിംഗ്ടൺ പ്രസിഡന്റ് ഡോ. നാരായണൻ വള്ളപ്പിൽ, മോഹൻ കുമാർ, രാജൻ പാടവത്ത് തുടങ്ങിയവർ ആശംസകൾ നേർന്നു.
ഫെഡറേഷൻ ജനറൽ സെക്രട്ടറി ഷാജി ജോൺ, ട്രഷറർ ഷാജി സാമുവൽ, എക്സിക്യൂട്ടീവ് വൈസ് പ്രസിഡന്റ് ഷാജി ആലപ്പാട്ട്, വൈസ് പ്രസിഡന്റ് സഞ്ജീവ് ഷൺമുഖൻപിള്ള തുടങ്ങി വിവിധ ഭാരവാഹികളും ട്രസ്റ്റി ബോർഡ് അംഗങ്ങളും വിവിധ അസോസിയേഷനുകളുടെ പ്രതിനിധികളും ചടങ്ങിൽ പങ്കെടുത്തു.
ഷിബിയ സാബു നന്ദി രേഖപ്പെടുത്തി. സമ്‌ന ഹംസ, പ്രത്യുഷ പത്മനാഭൻ, ഷീന കുന്നത്ത് എന്നിവർ അവതാരകരായി. വനിതകളുടെ നേതൃത്വശേഷി പ്രോത്സാഹിപ്പിക്കുന്നതിനും കാൻസർ ബോധത്കരണം വ്യാപിപ്പിക്കുന്നതിനും രോഗബാധിതർക്കും കുടുംബങ്ങൾക്കും പിന്തുണ നൽകുന്നതിനുമുള്ള കൂട്ടായ പ്രവർത്തനങ്ങളുടെ പ്രാധാന്യം ഓർമിപ്പിച്ചുകൊണ്ടാണ് പരിപാടി സമാപിച്ചത്.
America
ഹൂസ്റ്റൺ: ഹൂസ്റ്റണിൽ ഐസ് ഏജന്‍റിന്‍റെ വാഹനമിടിച്ച് പരിക്കേറ്റയാളുടെ കുടുംബം പ്രതിഷേധവുമായി രംഗത്ത്. ഹൂസ്റ്റണിലെ വെസ്റ്റ് ഹാരിസ് കൗണ്ടിയിൽ മറ്റൊരു പ്രതിയെ പിടികൂടാനുള്ള ശ്രമത്തിനിടെയാണ് ഐസ് ഏജന്‍റിന്‍റെ എസ്‌യുവി വാഹനം ഇടിച്ച് മിഗ്വൽ പാറാ-ഹെർണാണ്ടസ് എന്നയാൾക്ക് പരിക്കേറ്റത്.
ഗുരുതര പരിക്കുകളോടെ ആശുപത്രിയിൽ കഴിയുന്ന പാറാ-ഹെർണാണ്ടസ് നിലവിൽ ഫെഡറൽ കസ്റ്റഡിയിലാണ്. ഇദ്ദേഹം നിയമവിരുദ്ധമായി യുഎസിൽ കഴിഞ്ഞയാളാണെന്ന് അധികൃതർ അറിയിച്ചു.
34 വർഷമായി യുഎസിലുള്ള അദ്ദേഹം ഒരു കുറ്റകൃത്യങ്ങളുടെ പശ്ചാത്തലവുമില്ലാത്ത, കഠിനാധ്വാനിയായ വ്യക്തിയാണെന്ന് കുടുംബാംഗങ്ങൾ വ്യക്തമാക്കി. മനുഷ്യജീവനാണ് വലുതെന്നും കുടിയേറ്റ പ്രശ്നത്തിനപ്പുറം സമൂഹത്തിൽ മനുഷ്യത്വപരമായ ഇടപെടലുകൾ വേണമെന്നും ആവശ്യപ്പെട്ട് ഞായറാഴ്ച നിരവധി പേർ പ്രതിഷേധവുമായി ഒത്തുകൂടി.
ഈ സംഭവത്തിൽ ഹാരിസ് കൗണ്ടി ഷെരീഫ് ഓഫീസും ജില്ലാ അറ്റോർണി ഓഫീസും അന്വേഷണം ആരംഭിച്ചിട്ടുണ്ട്. വാഹനാപകടത്തിൽ ഏജന്‍റ് പുതിയ മാർഗനിർദേശങ്ങൾ പാലിച്ചിരുന്നോ എന്ന് വ്യക്തമല്ല.
America
ഫ്ലോറിഡ: ടാമ്പയിലെ സേക്രഡ് ഹാർട്ട് ക്നാനായ കത്തോലിക്കാ ഫൊറോന ദേവാലയത്തിൽ മിഷൻ ലീഗ് പ്രവർത്തനവർഷ ഉദ്ഘാടനം ആവേശഭരിതമായി. 2026 - 2027 വർഷത്തെ മിഷൻ ലീഗ് പ്രവർത്തനങ്ങൾ ഇടവക വികാരി ഫാ. ജോസ് ആദോപ്പിള്ളിൽ ഉദ്ഘാടനം ചെയ്തു.
മിഷൻ ലീഗ് ദേശീയ പ്രസിഡന്റും അന്തർദേശീയ ഓർഗനൈസറുമായ സിജോയ് പറപ്പള്ളിൽ ആമുഖ പ്രഭാഷണം നടത്തി. റീജിയണൽ വൈസ് ഡയറക്ടർ സിസ്റ്റർ സാന്ദ്രാ എസ്‌വിഎം, യൂണിറ്റ് ഓർഗനൈസർ എബിൻ തടത്തിൽ, ജോയിന്റ് ഓർഗനൈസർ റോസ്‌ലിൻ കാഞ്ഞിരത്തികൾ എന്നിവർ സംസാരിച്ചു.
America
ന്യൂയോർക്ക്: 2027 ജനുവരി 11 മുതൽ 13 വരെ കൊച്ചിയിലെ ഗ്രാൻഡ് ഹയാത്തിൽ നടക്കുന്ന ഫൊക്കാനയുടെ കേരള കൺവൻഷനിൽ ലുലു ഗ്രൂപ്പ് മാനേജിംഗ് ഡയറക്ടറും ചെയർമാനുമായ വ്യവസായ പ്രമുഖൻ എം.എ. യൂസഫലി പങ്കെടുക്കും.
ഫൊക്കാനയുടെ ക്ഷണം സ്വീകരിച്ചതായി അദ്ദേഹം ഫൊക്കാന പ്രസിഡന്റ് ഫിലിപ്പോസ് ഫിലിപ്പിനെ അറിയിച്ചു.
ആഗോള മലയാളികളുടെ അഭിമാനമായ എം.എ. യൂസഫലിയുടെ ഫൊക്കാന കേരള കൺവൻഷനിലെ സാന്നിധ്യം, ബിസിനസ് കോൺക്ലേവിൽ പങ്കെടുക്കുന്നവർക്ക് മുതൽ കൂട്ടാവുമെന്നു, പ്രസിഡന്റ് ഫിലിപ്പോസ് ഫിലിപ്പ്, സെക്രട്ടറി സന്തോഷ് നായർ, ട്രഷറർ ആന്‍റോ വർക്കി, കൺവൻഷൻ ചെയർമാൻ ജോർജി വർഗീസ്, കോഓർഡിനേറ്റർ പോൾ കറുകപ്പിള്ളിൽ എന്നിവർ പറഞ്ഞു.
മുഖ്യമന്ത്രി വി.ഡി. സതീശൻ ഉദ്ഘാടനം ചെയ്യുന്ന സമ്മേളനത്തിലും ബിസിനസ് കോൺക്ലേവിലും യൂസഫലി പങ്കെടുക്കും. ഉദ്ഘാടന സമ്മേളനത്തിൽ വച്ച് യൂസഫലിയുടെ സാമൂഹിക രംഗത്തെ സമഗ്ര സംഭാവനകൾ കണക്കിലെടുത്ത് ഫൊക്കാനയുടെ ആദരം മുഖ്യമന്ത്രി വി. ഡി. സതീശൻ സമർപ്പിക്കും.
America
ടെക്സസ്: കാരുണ്യം വാക്കുകളിൽ ഒതുങ്ങേണ്ടതല്ലെന്നും, അത് സഹജീവികളുടെ ജീവിതത്തിൽ പ്രതീക്ഷയുടെ വെളിച്ചം പകരുന്ന പ്രവൃത്തിയായി മാറണമെന്നും ലോകത്തോട് വിളിച്ചുപറഞ്ഞുകൊണ്ട് ഹൂസ്റ്റൺ ഇൻഡസ് ലയൺസ് ക്ലബ് ശ്രദ്ധേയമായൊരു മാനവിക ദൗത്യം പൂർത്തിയാക്കി.
ടെക്സാസിലെ സ്റ്റാഫോർഡിലുള്ള ഒരു ട്രെയിലർ പാർക്കിൽ താമസിക്കുന്ന, നടക്കാൻ കഴിയാത്തതും കിടപ്പിലായതുമായ പത്തുവയസുകാരി പെൺകുട്ടിക്കായി 64 അടി നീളമുള്ള വിശാലമായ ഭിന്നശേഷി സൗഹൃദ റാംപ് നിർമിച്ചു നൽകിയാണ് ക്ലബ് സേവനത്തിന്‍റെ മഹത്തായ മാതൃക തീർത്തത്.
ഒരു കുട്ടിയുടെ പരിമിതികളെ തിരിച്ചറിഞ്ഞ്, അവളുടെ ജീവിതയാത്രയിൽ കൂടുതൽ സൗകര്യവും സ്വാതന്ത്ര്യവും ഉറപ്പാക്കാൻ കൈകോർത്ത ഈ സംരംഭം, മനുഷ്യസ്നേഹത്തിന്‍റെ ഉദാത്തമായ സന്ദേശമാണ് സമൂഹത്തിനു മുന്നിൽ അവതരിപ്പിക്കുന്നത്.
ശാരീരിക പരിമിതികൾ ഒരാളുടെ ജീവിതസാധ്യതകളെ തടസപ്പെടുത്തരുതെന്ന മഹത്തായ ചിന്തയുടെ പ്രായോഗിക സാക്ഷ്യമായി ഈ റാംപ് മാറുന്നു. ഈ ബൃഹത്തായ പദ്ധതിയുടെ പൂർത്തീകരണത്തിനായി ഹൂസ്റ്റൺ ഇൻഡസ് ലയൺസ് ക്ലബിലെ അംഗങ്ങൾ രാവിലെ ആറുമണി മുതൽ ഉച്ചയ്ക്ക് പന്ത്രണ്ടുമണി വരെ തുടർച്ചയായി ആറുമണിക്കൂർ കഠിനാധ്വാനം ചെയ്തു.
ലയൺ പയസ് കുര്യന്‍റെ നേതൃത്വത്തിൽ വിദഗ്ധരും സന്നദ്ധപ്രവർത്തകരുമായ അംഗങ്ങൾ ഒത്തൊരുമയോടെ പ്രവർത്തിച്ചാണ് ഈ പ്രത്യേക നിർമാണപദ്ധതി വിജയകരമായി പൂർത്തിയാക്കിയത്.
സേവനമെന്നത് ഒരു കടമ മാത്രമല്ല, മറ്റൊരാളുടെ ജീവിതത്തിൽ പ്രതീക്ഷയുടെ വാതിൽ തുറക്കുന്ന മഹത്തായ ഉത്തരവാദിത്തമാണെന്ന സന്ദേശമാണ് ഈ കൂട്ടായ പരിശ്രമം നൽകുന്നത്.
2023ന്റെ അവസാനത്തോടെ ആരംഭിച്ച ഭിന്നശേഷിക്കാർക്കായുള്ള റാംപ് നിർമാണ പ്രവർത്തനങ്ങൾ ഫോർട്ട് ബെൻഡ് കൗണ്ടിയിൽ ക്ലബിന്‍റെ പ്രധാന ജീവകാരുണ്യ സംരംഭങ്ങളിലൊന്നായി വളർന്നു.
ഓരോ മാസവും അർഹരായ ഒരാൾക്കെങ്കിലും പ്രയോജനപ്പെടുന്ന വിധത്തിൽ ഒരു റാംപ് നിർമ്മിച്ചുനൽകുക എന്ന ലക്ഷ്യത്തോടെ മുന്നേറുന്ന ക്ലബ്, 2024 മുതൽ ടെക്സാസ് ലയൺസ് ക്ലബ് റാംപ് ബിൽഡേഴ്സ് ഏജൻസിയുടെ ഔദ്യോഗിക അംഗീകാരമുള്ള റാംപ് നിർമാണ ക്ലബ്ബുകളിലൊന്നായി പ്രവർത്തിച്ചുവരുന്നു.
പദ്ധതിയുടെ വിജയത്തിൽ നിർണായക പങ്കുവഹിച്ച എല്ലാ ലയൺസ് അംഗങ്ങളെയും പ്രസിഡന്റ് ബോസ് കുര്യനും സെക്രട്ടറി ഷിജു കുര്യനും അഭിനന്ദിച്ചു. സഹജീവികളുടെ ജീവിതം കൂടുതൽ സുഖകരവും പ്രതീക്ഷാനിർഭരവുമാക്കാൻ അംഗങ്ങൾ പ്രകടിപ്പിച്ച സമർപ്പണത്തെയും സേവനമനോഭാവത്തെയും അവർ പ്രത്യേകം പ്രശംസിച്ചു.
America
ഫിലഡൽഫിയ: വെസ്റ്റ് ഫിലഡൽഫിയയിൽ പൊലിസ് ഉദ്യോഗസ്ഥൻ വെടിയേറ്റ് മരിച്ചു. ശനിയാഴ്ച പുലർച്ചെയാണ് സംഭവം. ഫിലഡൽഫിയ പൊലിസ് ഡിപ്പാർട്ട്മെന്‍റിലെ ഉദ്യോഗസ്ഥനായ ഷെയ്ൻ സെയ്ബർ (40) ആണ് മരിച്ചത്.
വെസ്റ്റ് ഫിലഡൽഫിയയിലെ ഒരു വരാന്തയിൽ തോക്കുമായി ഒരാൾ നിൽക്കുന്നുവെന്ന വിവരത്തെത്തുടർന്നാണ് ഷെയ്ൻ സെയ്ബറും സഹപ്രവർത്തകനും സ്ഥലത്തെത്തിയത്. പ്രതി അപ്രതീക്ഷിതമായി ഇവർക്ക് നേരെ വെടിയുതിർക്കുകയായിരുന്നു.
മൂന്ന് തവണ വെടിയേറ്റ സെയ്ബർ, ഭാര്യയുടെയും കുടുംബത്തിന്‍റെയും സാന്നിധ്യത്തിൽ ആശുപത്രിയിൽ വച്ചാണ് മരണത്തിന് കീഴടങ്ങിയത്. അദ്ദേഹത്തിന് ഏഴ് വയസുള്ള മകനും മൂന്ന് വയസുള്ള മകളുമുണ്ട്.
അപകടത്തിൽ സെയ്ബറിനൊപ്പമുണ്ടായിരുന്ന സഹപ്രവർത്തകന് 12 തവണ വെടിയേറ്റു. നിലവിൽ അദ്ദേഹം അപകടനില തരണം ചെയ്തെങ്കിലും പൂർണമായി സുരക്ഷിതനായിട്ടില്ലെന്ന് പൊലിസ് കമ്മീഷണർ കെവിൻ ബെഥേൽ വാർത്താസമ്മേളനത്തിൽ അറിയിച്ചു.
ആക്രമണത്തിന് ശേഷം ഒളിത്താവളത്തിലേക്ക് രക്ഷപ്പെടാൻ ശ്രമിച്ച പ്രതി, സ്ഥലത്തെത്തിയ മറ്റ് ഒമ്പത് പൊലിസ് ഉദ്യോഗസ്ഥർക്ക് നേരെയും വെടിയുതിർത്തു. ആർക്കും പരിക്കേറ്റിട്ടില്ല.
തുടർന്ന് മണിക്കൂറുകൾ നീണ്ട തെരച്ചിലിനൊടുവിൽ മരത്തിന് മുകളിൽ ഒളിച്ചിരിക്കുകയായിരുന്ന 35 വയസുകാരനായ എറിക് ലൂയിസിനെ പൊലിസ് പിടികൂടി. കൊലപാതകവും പത്ത് വധശ്രമങ്ങളും ഉൾപ്പെടെ ഏകദേശം 80-ഓളം കുറ്റങ്ങളാണ് പ്രതിക്കെതിരേ ചുമത്തിയിരിക്കുന്നതെന്ന് ജില്ലാ അറ്റോർണി ലാറി ക്രാസ്നർ അറിയിച്ചു.
America
ന്യൂയോർക്ക്: നവരാത്രി ആഘോഷങ്ങൾക്ക് വ്യത്യസ്തമായൊരു മുഖം നൽകിക്കൊണ്ട് മന്ത്ര യുഎസ്എ വനിതാ ഫോറം സംഘടിപ്പിക്കുന്ന "നവ ദുർഗാസ്' ഈ മാസം 11 മുതൽ 20 വരെ നടക്കും. പത്ത് ദിവസങ്ങളിലായി വിവിധ മേഖലകളിൽ പ്രാവീണ്യവും അനുഭവസമ്പത്തുമുള്ള പത്ത് വനിതകളാണ് വിശിഷ്ടാതിഥികളായി എത്തുന്നത്.
ഓരോരുത്തരും തങ്ങളുടെ പ്രവർത്തനമേഖലകളിലെ അറിവും അനുഭവങ്ങളും പൊതുജനങ്ങൾക്ക് പ്രയോജനപ്പെടുന്ന രീതിയിൽ പങ്കുവയ്ക്കുകയും പ്രസക്തമായ വിഷയങ്ങളിൽ ചർച്ചകൾ നയിക്കുകയും ചെയ്യും.
ആത്മീയതയും ദേവി ഉപാസനയും മുതൽ സ്ത്രീകളുടെ ആരോഗ്യം, ജീവിതശൈലി, സാംസ്കാരിക വിഷയങ്ങൾ തുടങ്ങി നിത്യജീവിതവുമായി ബന്ധപ്പെട്ട നിരവധി വിഷയങ്ങൾ ഈ പരിപാടിയിൽ ചർച്ചയാകും. ഓരോ ദിവസവും അതത് മേഖലകളിൽ അറിവും അനുഭവസമ്പത്തുമുള്ള വനിതകൾ തങ്ങളുടെ വൈദഗ്ധ്യവും പ്രായോഗിക അറിവുകളും പങ്കുവയ്ക്കും.
മന്ത്ര വനിതാ ഫോറം ചെയർപേഴ്സൺ ഡോ. നീന കുമാറിന്റെ നേതൃത്വത്തിലാണ് പത്തുദിവസത്തെ പരിപാടികൾ ഒരുക്കിയിരിക്കുന്നത്. നവരാത്രി ആഘോഷങ്ങൾക്കൊപ്പം അറിവും അനുഭവങ്ങളും പരസ്പരം പങ്കുവയ്ക്കാനും സമൂഹത്തിന് പ്രയോജനകരമായ വിഷയങ്ങൾ ചർച്ച ചെയ്യാനുമുള്ള അവസരമാണ് ഇതിലൂടെ ഒരുക്കുന്നത്.
ഈ മാസം 11 മുതൽ 20 വരെ എല്ലാ ദിവസവും അമേരിക്കൻ ഈസ്റ്റേൺ സമയം രാത്രി എട്ടിന് സൂം വഴിയാണ് പരിപാടികൾ നടക്കുന്നത്.
മീറ്റിംഗ് ഐഡി: 830 2846 0457, പാസ്കോഡ്: mantrah.
2027 ജൂലൈ രണ്ട് മുതൽ അഞ്ച് വരെ കണക്റ്റിക്കട്ടിലെ സ്റ്റാംഫോർഡിൽ നടക്കുന്ന മന്ത്രയുടെ മൂന്നാമത് ഗ്ലോബൽ ഹിന്ദു കൺവൻഷനായ ശാക്തേയം 2027ന്റെ മുന്നോടിയായി സംഘടിപ്പിക്കുന്ന വിവിധ പരിപാടികളിൽ ഒന്നാണ് നവ ദുർഗാസ് 2026.
പ്രായഭേദമന്യേ എല്ലാവർക്കും പങ്കെടുക്കാവുന്ന ഈ പരിപാടിയിലേക്ക് ഏവരെയും സ്വാഗതം ചെയ്യുന്നതായി മന്ത്ര വനിതാ ഫോറം അറിയിച്ചു.
America
ഹൂസ്റ്റൺ: സെന്റ് മേരീസ് ക്നാനായ കത്തോലിക്കാ ഫൊറോന പള്ളിയുടെ പ്രധാന തിരുനാൾ വെള്ളി, ശനി, ഞായർ ദിവസങ്ങളിൽ ഭക്തിനിർഭരമായ തിരുക്കർമങ്ങളോടെയും കലാ-സാംസ്കാരിക പരിപാടികളോടെയും ആഘോഷിക്കും.
ഇടവകയിലെ എല്ലാ കുടുംബങ്ങളും സംയുക്തമായി തിരുനാളിന്‍റെ പ്രസുദേന്തിമാരാകും. വെള്ളിയാഴ്ച വൈകുന്നേരം ആറിന് ആരാധനയും ജപമാലയും നടക്കും. 6.45ന് കൊടിയേറ്റവും ലദീഞ്ഞും തുടർന്ന് ഏഴിന് വിശുദ്ധ കുർബാനയും നൊവേനയും ഉണ്ടായിരിക്കും.
ഹൂസ്റ്റൺ സെന്റ് ജോസഫ്സ് പള്ളി വികാരി റവ. ഫാ. സെബാസ്റ്റ്യൻ വലിയപറമ്പിൽ കാർമികത്വം വഹിക്കും. ഡാളസ് ക്നാനായ കത്തോലിക്കാ ഇടവക വികാരി റവ. ഫാ. ബിൻസ് ചേത്തലിൽ തിരുനാൾ സന്ദേശം നൽകും.
ശനിയാഴ്ച വൈകുന്നേരം ആറിന് ആരാധനയും ജപമാലയും ഏഴിന് ലദീഞ്ഞും ഇംഗ്ലീഷിൽ വിശുദ്ധ കുർബാനയും നടക്കും. പേർലാൻഡ് സെന്റ് മേരീസ് ചർച്ച് വികാരി റവ.ഫാ. ഡായി കുന്നത്ത് കാർമികത്വം വഹിക്കും. രാത്രി എട്ടിന് നൊവേന, ജപമാല പ്രദക്ഷിണം, പരിശുദ്ധ കുർബാനയുടെ ആശീർവാദം എന്നിവ ഉണ്ടായിരിക്കും.
പ്രധാന തിരുനാൾ ദിനമായ ഞായറാഴ്ച രാവിലെ 7.30ന് വിശുദ്ധ കുർബാനയും 9.30ന് ആഘോഷമായ റാസ കുർബാനയും അർപ്പിക്കും. സാൻ ആന്‍റോണിയോ ക്നാനായ കത്തോലിക്കാ പള്ളിവികാരി റവ. ഫാ. ബോബൻ വട്ടംപുറത്ത് മുഖ്യകാർമികനാകും.
റവ. ഫാ. അനീഷ് പുല്ലുകാട്ട് തിരുനാൾ സന്ദേശം നൽകും. രാവിലെ 11.45-ന് ആഘോഷമായ പ്രദക്ഷിണവും ഉച്ചയ്ക്ക് 12.30ന് വിശുദ്ധ കുർബാനയുടെ ആശീർവാദവും 12.45ന് ലേലവും നടക്കും.
തിരുനാളിനോടനുബന്ധിച്ച് എച്ച്കെസിഎസ് കമ്യൂണിറ്റി സെന്‍ററിൽ ഇടവക സംഘടനകൾ അവതരിപ്പിക്കുന്ന കലാ-സാംസ്കാരിക വിനോദപരിപാടികളും സ്നേഹവിരുന്നും ഉണ്ടായിരിക്കും. തിങ്കളാഴ്ച മരിച്ചവരുടെ അനുസ്മരണ പ്രാർഥന നടത്തും.
വികാരി ഫാ. എബ്രഹാം മുത്തോലത്ത്, സഹവികാരി ഫാ. ജോഷി വലിയവീട്ടിൽ, കൈക്കാരന്മാരായ സജി മരങ്ങാട്ടിൽ, ജെയിംസ് വടക്കേക്കര, സാബു കറുകപ്പറമ്പിൽ, നിധിൻ ജിജോ തോമസ് വട്ടമറ്റത്തിൽ, ഓഫീസ് സെക്രട്ടറി സിസ്റ്റർ റെജി എസ്ജെസി എന്നിവരുടെ നേതൃത്വത്തിൽ തിരുനാളിന്‍റെ ഒരുക്കങ്ങൾ നടന്നുവരുന്നു.
തിരുനാൾ തിരുക്കർമങ്ങളിലും അനുബന്ധ പരിപാടികളിലും പങ്കുചേരാൻ ഏവരെയും ഇടവക നേതൃത്വം ക്ഷണിച്ചു.
Australia and Oceania
ഡാർവിൻ: സെന്റ് അൽഫോൻസാ സീറോമലബാർ ഇടവകയിൽ "അമ്മയോടൊപ്പം ഒരു യാത്ര' എന്ന ആപ്തവാക്യത്തിൽ ഒരു മാസം നീണ്ടുനിൽക്കുന്ന ജപമാലയജ്ഞത്തിനു തുടക്കമായി.
എല്ലാ ദിവസവും വൈകുന്നേരം 6.30ന് വിവിധ ഭവനങ്ങളിൽ ജപമാലയ്ക്കും പ്രാർഥനയ്ക്കുമായി പോർച്ചുഗലിലെ ഫാത്തിമയിൽ നിന്നുകൊണ്ടു വന്ന പരിശുദ്ധ മാതാവിന്‍റെ തിരുസ്വരൂപം കൈമാറി.
ഈ തിരുസ്വരൂപം വഹിച്ചാണ് വിവിധ ഭവനങ്ങളിലൂടെ ജപമാല യാത്ര നടത്തുക.
Australia and Oceania
ബ്രിസ്ബെയ്ൻ: അക്കേഷ്യ റിഡ്ജിലെ വൈഎംസിഎ ഹാളിൽ കരിങ്കുന്നം സംഗമം സംഘടിപ്പിച്ചു. സ്നേഹത്തിന്റെയും സൗഹൃദത്തിന്‍റെയും വേദിയായ സംഗമം വിവിധ പരിപാടികളോടെ സമാപിച്ചു.
നാട്ടിൽ നിന്ന് വന്ന മാതാപിതാക്കൾ ചേർന്ന് നിലവിളക്ക് തെളിച്ചുകൊണ്ട് സംഗമത്തിന് തുടക്കം കുറിച്ചു. ചീഫ് കോഓർഡിനേറ്റർ റോണി പച്ചിക്കര അധ്യക്ഷത വഹിച്ച യോഗത്തിൽ കോഓർഡിനേറ്റർമാരായ ബിനു ആലപ്പാട്ട്, അലോഷ്യസ് ചെറുകര, റോബിൻ കുഴിപറമ്പിൽ എന്നിവർ സംസാരിച്ചു.
കരിങ്കുന്നംകാർ തമ്മിലുള്ള സ്നേഹബന്ധങ്ങളും സൗഹൃദങ്ങളും കൂടുതൽ ഊട്ടിയുറപ്പിച്ച് മുന്നോട്ടുപോകുന്നതിന് ഇത്തരം സംഗമങ്ങൾ വലിയ പങ്കുവഹിക്കുമെന്ന് ഉദ്ഘാടന പ്രസംഗത്തിൽ റോണി പച്ചിക്കര അഭിപ്രായപ്പെട്ടു.
Australia and Oceania
ബ്രിസ്ബെൻ: മനുഷ്യനും പ്രകൃതിയും തമ്മിലുള്ള മാറിക്കൊണ്ടിരിക്കുന്ന ബന്ധത്തെ വേറിട്ടൊരു ദൃശ്യാനുഭവമായി അവതരിപ്പിക്കുന്ന എ ത്രെറ്റ് ടു ലൈഫ് എന്ന സ്പെഷ്യൽ ഡോക്യുമെന്‍ററിയുടെ ചിത്രീകരണം ഓസ്ട്രേലിയയിലെ ക്വീൻസ്‌ലാൻഡിൽ പൂർത്തിയായി.
ആംഫിയുടെ ബാനറിൽ ജോയ് കെ. മാത്യു രചനയും സംവിധാനവും നിർവഹിക്കുന്ന ചിത്രം അന്താരാഷ്ട്ര ചലച്ചിത്രമേളകളിലെ പ്രദർശനമാണ് പ്രധാനമായും ലക്ഷ്യമിടുന്നത്.
അന്താരാഷ്ട്ര ചലച്ചിത്രമേളകളിലെ പ്രദർശനത്തിന് ശേഷം പ്രത്യേക ചടങ്ങുകളോടെ ഡോക്യുമെന്‍ററിയുടെ തിയേറ്റർ റിലീസ് നടത്താനാണ് അണിയറപ്രവർത്തകരുടെ തീരുമാനം. അതിന് ശേഷം ഡോക്യുമെന്‍ററി വിവിധ ഒടിടി പ്ലാറ്റ്ഫോമുകളിൽ ലഭ്യമാകും.
ഡോനൽ, ക്ലയർ, ക്ലെം, അനീറ്റ, പീറ്റർ, അലന, ടാസോ, ടോണി എന്ന് തുടങ്ങി ഓസ്ട്രേലിയയിലെ വിവിധ മേഖലകളിൽ നിന്നുള്ള പ്രമുഖ വ്യക്തികളെ ഉൾപ്പെടുത്തിയാണ് ഈ സ്പെഷ്യൽ ഡോക്യുമെന്‍ററി നിർമിച്ചിരിക്കുന്നത്.
കാലാവസ്ഥ മാറുന്നതിന്‍റെ കണക്കുകൾ മാത്രം പറയുന്ന ഒരു ചിത്രം എന്നതിലുപരി മനുഷ്യന്‍റെ പ്രവർത്തനങ്ങൾ പ്രകൃതിയുടെ സ്വഭാവത്തെ എങ്ങനെ മാറ്റിമറിക്കുന്നുവെന്നും ആ മാറ്റങ്ങൾ ഒടുവിൽ മനുഷ്യന്‍റെ ജീവിതത്തിലേക്ക് തന്നെ എങ്ങനെ തിരിച്ചെത്തുന്നു എന്നതുമാണ് ചിത്രം അന്വേഷിക്കുന്നത്.
മനുഷ്യൻ നിർമിച്ച നഗരങ്ങൾക്കിടയിൽ ചൂട് കൂടുന്നു. മനുഷ്യൻ വരച്ച അതിരുകൾക്കപ്പുറം ദുരന്തങ്ങൾ സഞ്ചരിക്കുന്നു. ഒരു പ്രദേശത്തെ വരൾച്ച മറ്റൊരിടത്തെ ഭക്ഷണത്തെ ബാധിക്കുന്നു. കടൽ പതുക്കെ കരയോട് ചോദ്യം ചോദിക്കുന്നു. കാടുകൾ കത്തുമ്പോൾ നഷ്ടപ്പെടുന്നത് മരങ്ങൾ മാത്രമല്ല - മനുഷ്യന്‍റെ തന്നെ സുരക്ഷിതമായ ഭാവിയാണ്. ഒരുപക്ഷേ, പ്രകൃതി മനുഷ്യനോട് പ്രതികാരം ചെയ്യുകയല്ല.മനുഷ്യൻ പ്രകൃതിയോട് ചെയ്തതിന്‍റെ മറുപടിയാണ് പ്രകൃതി നൽകിക്കൊണ്ടിരിക്കുന്നത്.
മനുഷ്യൻ പ്രകൃതിയെ കീഴടക്കിയെന്ന് കരുതിയ കാലം കഴിഞ്ഞു. ഇന്ന് പ്രകൃതിയിൽ സംഭവിക്കുന്ന ഓരോ മാറ്റവും മനുഷ്യന്‍റെ തന്നെ നിലനിൽപ്പിനെ ചോദ്യം ചെയ്യുകയാണ്. മറ്റൊരാളുടെ ജീവിതത്തിന് ഭീഷണിയാകുന്ന എന്തോ ഒന്നല്ല ഇത് - നമ്മൾ തന്നെ സൃഷ്ടിച്ചുകൊണ്ടിരിക്കുന്ന ഒരു ഭീഷണിയാണ്. ഈ ആശയമാണ് 'എ ത്രെറ്റ് ടു ലൈഫ് ' പ്രേക്ഷകരുടെ മുന്നിലേക്ക് കൊണ്ടുവരുന്നത്.
ജോയ് കെ. മാത്യുവിന്‍റെ ഡോക്യുമെന്‍ററി പരമ്പരയിലെ അഞ്ചാമത്തെ ഡോക്യുമെന്‍ററിയാണ് എ ത്രെറ്റ് ടു ലൈഫ്. 75 രാജ്യങ്ങളിൽ നിന്നുള്ള വിവിധ മേഖലകളിലെ പ്രമുഖ വ്യക്തികളെ അണിനിരത്തി നിർമിച്ച് ലോക റിക്കാർഡ് നേടിയ സല്യൂട്ട് ദി നേഷൻസ്, ഓസ്ട്രേലിയയിലെ ഒൻപത് വയസുകാരൻ അർഷാൻ അമീർ രചനയും സംവിധാനവും നിർവ്വഹിച്ച് ലോക റിക്കാർഡ് കരസ്ഥമാക്കിയ ജനറേഷൻ ഗ്രീൻ എന്നീ ശ്രദ്ധേയമായ രണ്ട് ഡോക്യുമെന്‍ററികളുടെയും ഛായാഗ്രഹണം നിർവഹിച്ചത് ജോയ് കെ. മാത്യു തന്നെയായിരുന്നു.
ചിത്രത്തിന്‍റെ രചനയ്ക്കും സംവിധാനത്തിനും ഒപ്പം ഛായാഗ്രഹണം നിർവഹിച്ചിരിക്കുന്നതും അദ്ദേഹമാണ്.
ആദം കെ. അന്തോണി സെക്കൻഡ് യൂണിറ്റ് കാമറാമാനായും, ലിൻസൺ റാഫേൽ എഡിറ്റിംഗും സഞ്ജു സുകുമാരൻ സംഗീതസംവിധാനവും നിർവഹിക്കുന്നു.
ജുബിൻ രാജ് - സൗണ്ട് മിക്സിംഗ്, സി.ആർ. സജയ് - കളറിസ്റ്റ്, ഫിലിപ്പ് ഹ്യൂബ് - പ്രൊഡക്ഷൻ കൺട്രോളർ, ക്ലെയർ - പ്രൊഡക്ഷൻ എക്സിക്യൂട്ടീവ്, ഷിബിൻ സി. ബാബു - പോസ്റ്റർ ഡിസൈൻ, നിതിൻ നന്ദകുമാർ - അനിമേഷൻ,ആംഫി - കാമറ ആൻഡ് ലൈറ്റ്സ് യൂണിറ്റ്, പി. ആർ. സുമേരാൻ - പി.ആർ.ഒ. എന്നിവരാണ് മറ്റ് അണിയറപ്രവർത്തകർ.
Australia and Oceania
മെൽബൺ: ആന്ധ്രപ്രദേശ് സ്വദേശികളായ യുവതിയും ഭർതൃമാതാവും മെൽബണിലുണ്ടായ വാഹനാപകടത്തിൽ മരിച്ചു. വിശാഖപട്ടണം സ്വദേശികളായ നേഹ ബൊമ്മലി (33), ഭർതൃമാതാവ് രമാദേവി (67) എന്നിവരാണ് മരിച്ചത്.
ബുധനാഴ്ച രാത്രി 9.40-ഓടെ മെൽബണിന് സമീപമായിരുന്നു അപകടം. ഇരുവരും സഞ്ചരിച്ച കാർ മറ്റൊരു കാറുമായി കൂട്ടിയിടിച്ചാണ് അപകടമുണ്ടായത്. പരിക്കേറ്റ ഇവരെയും അപകടത്തിൽപ്പെട്ട രണ്ടാമത്തെ കാറിലെ ഡ്രൈവറെയും ഉടൻ തന്നെ ആശുപത്രിയിലെത്തിച്ചു.
എന്നാൽ, നേഹയും രമാദേവിയും ആശുപത്രിയിലെത്തിക്കും മുൻപേ മരിച്ചിരുന്നു. അപകടത്തിൽപ്പെട്ട രണ്ടാമത്തെ കാറിലെ ഡ്രൈവർ ചികിത്സയിൽ തുടരുകയാണ്.
ഭർത്താവ് വരുൺ ചന്ദ്രയ്ക്കൊപ്പം നേഹ ഏറെക്കാലമായി ഓസ്ട്രേലിയയിലാണ് താമസം. ദമ്പതിമാർക്ക് മൂന്നരവയസുള്ള മകനും ഒരു വയസുള്ള മകളുമുണ്ട്. രാമാദേവി ഭർത്താവ് തുളസി പ്രസാദിനൊപ്പം കുടുംബത്തെ സന്ദർശിക്കാനാണ് ഓസ്‌ട്രേലിയയിലെത്തിയത്.
നേഹയുടെയും രമാദേവിയുടെയും മൃതദേഹങ്ങൾ നാട്ടിലെത്തിച്ച് സംസ്കരിക്കുമെന്ന് കുടുംബം അറിയിച്ചു.
Australia and Oceania
ഡാർവിൻ: ഡാർവിൻ സെന്റ് അൽഫോൻസാ സീറോമലബാർ പള്ളി വികാരി ഫാദർ ജോൺ പുതുവ രചിച്ച് സംഗീതം നൽകിയ പുതിയ മരിയൻ ഗാനം റിലീസ് ചെയ്തു. സെപ്റ്റംബർ എട്ടിന് മാതാവിന്‍റെ പിറവി തിരുനാൾ ദിവസം ഡാർവിൻ പള്ളിയിൽ വച്ചു പ്രകാശനം നടന്നു.
കുട്ടികൾക്കായി ആലപിക്കാൻ പറ്റുന്ന ഈ ഗാനം ആലപിച്ചിരിക്കുന്നത് പ്രശസ്ത ഗായിക മരിയ കോലടിയാണ്. ഓർക്കസ്ട്രേഷൻ നിർവഹിച്ചിരിക്കുന്നത് സേവിയർ നായത്തോട് ആണ്.
ഈ ഗാനത്തിന്‍റെ നിർമാണംഎബി ആശാ ഡാർവിൻ ആണ് നിർവഹിച്ചിരിക്കുന്നത്.
“അമ്മേ അമ്മേ ഈശോമ്മേ...
ഈശോ തന്നുടെ പൊന്നമ്മേ..
അമ്മക്കൊരായിരം പൊൻസ്തുതി..
അമ്മയ്ക്ക് ഒരായിരം പൊന്നുമ്മ..''
ഈ ഗാനം frjohnputhuvayoutube ചാനലിൽ ലഭ്യമാണ്.
Australia and Oceania
മെൽബൺ: കേരള മുൻ മുഖ്യമന്ത്രി ഉമ്മൻ ചാണ്ടിയുടെ സ്മരണാർഥം ഇന്ത്യൻ ഓവർസീസ് കോൺഗ്രസ് വിക്ടോറിയ കേരള ചാപ്റ്റർ മെൽബണിൽ ഫുട്ബോൾ ടൂർണമെന്റ് സംഘടിപ്പിക്കുന്നു.
ശനിയാഴ്ച മെൽബൺ കീസ്ബൊറോയിലുള്ള ടാറ്റഴ്സൺ പാർക്ക് സിന്തെറ്റിക് ഗ്രൗണ്ടിൽ വച്ചാണ് സെവൻസ് ഫുട്ബോൾ ടൂർണമെന്റ് സംഘടിപ്പിച്ചിരിക്കുന്നത്.
ഒന്നാം സമ്മാനമായി $ 2500 എവറോളിംഗ് ട്രോഫിയും രണ്ടാം സമ്മാനമായി $1000 ട്രോഫിയും നൽകും. $ 350 ആണ് രജിസ്ട്രേഷൻ ഫീസ്.
മത്സരത്തിനായുള്ള എല്ലാ ഒരുക്കങ്ങളും പൂർത്തിയായിക്കഴിഞ്ഞതായി ടൂർണമെന്റ് കോഓർഡിനേറ്റർമാരായ ഇന്നസെന്‍റ് ജോർജ്, ഷിനോയ് സ്റ്റീഫൻ മഞ്ഞാങ്കൽ എന്നിവർ അറിയിച്ചു.
പരിപാടികൾക്ക് ഐഒസി ഓസ്ട്രേലിയ കേരളം ചാപ്റ്റർ പ്രസിഡന്റ് പി.വി. ജിജേഷ്, ഐഒസി ഓസ്ട്രേലിയ ജനറൽ സെക്രട്ടറി സോബൻ തോമസ്, സെക്രട്ടറി ബിജു സ്കറിയ, വിക്ടോറിയ സ്റ്റേറ്റ് പ്രസിഡന്‍റ റോബിൻ ജോസഫ്, ഇന്നസെന്‍റ ജോർജ്, ഷിനോയ് സ്റ്റീഫൻ മഞ്ഞാങ്കൽ, കുര്യൻ പുന്നൂസ്, പോളി ചിറമേൽ, രാജി സാജു, സോണിഷ് ഇഞ്ചെനാനിയെൽ, റോഷൻ തോട്ടപ്പള്ളി, അനിഷ മാണി, ഷൈജു ദേവസി, മനോജ് ഗുരുവായൂർ, ജിനു ജോസ്, സുൽജിത് മൂസാൻ, ഷാജി ഷാഹുൽ ഹമീദ്, ബെന്നി കൊച്ചുമുട്ടം, അലൻ എബ്രഹാം, ലിജോ കുടിലിൽ, ലിക്കു ജോസഫ് തുടങ്ങിയവരുടെ നേതൃത്വത്തിലുള്ള സംഘാടക കമ്മിറ്റി നേതൃത്വം നൽകും.
Australia and Oceania
സിഡ്നി: ഓസ്ട്രേലിയയിലെ ന്യൂസൗത്ത് വെയിൽസിൽ വേൾഡ് മലയാളി കൗൺസിലിന്‍റെ (ഡബ്ല്യുഎംസി) NSW Sydney Australia ടീമിന് പുതിയ നേതൃത്വം നിലവിൽ വന്നു. ഷാനു മജീദ് ചെയർമാനായും അസ്‌ലം ബഷീർ പ്രസിഡന്‍റായും ഡോ. ഷിനു കിരൺ സെക്രട്ടറിയായും ചുമതലയേറ്റു.
മറിയം കാദിരി ട്രഷറർ, കിരൺ ജിനാൻ വൈസ് പ്രസിഡന്റ്, എസ്.ആർ. അഫ്സൽ ജോയിന്റ് സെക്രട്ടറി, ലിസ ബിനു, വിപിൻ കെന്നത്ത് എന്നിവർ എക്സിക്യൂട്ടീവ് അംഗങ്ങളായും പ്രവർത്തിക്കും. ടി.കെ. ആഷിക്, ഡോ. സോണി ജേക്കബ് എന്നിവർ അഡ്വൈസറി കമ്മിറ്റി അംഗങ്ങളാണ്.
ഫാർ ഈസ്റ്റ് റീജിയൻ സന്ദർശനത്തിന്‍റെ ഭാഗമായി സിഡനിയിൽ എത്തിയ ഡബ്ല്യുഎംസി ഗ്ലോബൽ പ്രസിഡന്റ് ഡോ. ബാബു സ്റ്റീഫൻ, ഗ്ലോബൽ ജനറൽ സെക്രട്ടറി ഷാജി മാത്യു, ഗ്ലോബൽ വൈസ് പ്രസിഡന്റ് (അഡ്മിനിസ്ട്രേഷൻ) ജെയിംസ് കൂടൽ എന്നിവർക്ക് സിഡനി പ്രൊവിൻസിന്‍റെ നേതൃത്വത്തിൽ സ്വീകരണം നൽകി.
Australia and Oceania
ഡാർവിൻ: വേൾഡ് മലയാളി കൗൺസിൽ (ഡബ്ല്യുഎംസി) ഗ്ലോബൽ നേതാക്കൾക്ക് നോർത്തേൺ ഓസ്ട്രേലിയൻ സംസ്ഥാന പാർലമെന്‍റിൽ സ്വീകരണം നൽകി. ചീഫ് മിനിസ്റ്റർ ലിയ ഫിനോക്ക്യാരോ, മന്ത്രി ജിൻസൺ ചാർൽസ് എന്നിവരുമായി ഡബ്ല്യുഎംസി നേതാക്കൾ കൂടിക്കാഴ്ച നടത്തി.
ഡബ്ല്യുഎംസി ഗ്ലോബൽ പ്രസിഡന്റ് ഡോ. ബാബു സ്റ്റീഫൻ, ഗ്ലോബൽ ജനറൽ സെക്രട്ടറി ഷാജി മാത്യു, ഗ്ലോബൽ വൈസ് പ്രസിഡന്റ് (അഡ്മിനിസ്ട്രേഷൻ) ജെയിംസ് കൂടൽ, ഫാർ ഈസ്റ്റ് റീജിയൺ പ്രസിഡന്റ് കിരൺ ജെയിംസ് എന്നിവർ കൂടിക്കാഴ്ചയിൽ പങ്കെടുത്തു.
Australia and Oceania
ഡാർവിൻ: ഓസ്ട്രേലിയയിലെ നോർത്തേൺ ടെറിട്ടറിയിൽ വേൾഡ് മലയാളി കൗൺസിലിന്‍റെ (ഡബ്ല്യുഎംസി) പുതിയ പ്രൊവിൻസിന് ഔദ്യോഗിക തുടക്കമായി. ഡബ്ല്യുഎംസി ഗ്ലോബൽ പ്രസിഡന്റ് ഡോ. ബാബു സ്റ്റീഫൻ ഡാർവിൻ പ്രൊവിൻസിന്‍റെ ഉദ്ഘാടനം നിർവഹിച്ചു.
നോർത്തേൺ ടെറിട്ടറി മന്ത്രിയും ഇന്ത്യൻ വംശജനുമായ ജിൻസൺ ചാൾസ് ചടങ്ങിൽ മുഖ്യാതിഥിയും കീനോട്ട് സ്പീക്കറുമായി. ഓസ്ട്രേലിയയിലെ മലയാളി സമൂഹത്തിന്റെ സാമൂഹിക, സാംസ്കാരിക, പൊതുപ്രവർത്തനങ്ങൾക്ക് പൂർണ പിന്തുണ നൽകുമെന്ന് മന്ത്രി പറഞ്ഞു.
ചടങ്ങിൽ ഡബ്ല്യുഎംസി ഗ്ലോബൽ ജനറൽ സെക്രട്ടറി ഷാജി മാത്യു, ഗ്ലോബൽ വൈസ് പ്രസിഡന്റ് (അഡ്മിനിസ്ട്രേഷൻ) ജെയിംസ് കൂടൽ എന്നിവർ ആശംസകൾ നേർന്നു. ഡബ്ല്യുഎംസി ഫാർ ഈസ്റ്റ് റീജിയൺ പ്രസിഡന്റ് കിരൺ ജെയിംസ് ചടങ്ങിന് നേതൃത്വം നൽകി.
ഡാർവിൻ പ്രൊവിൻസ് ഭാരവാഹികൾ:
പ്രസിഡന്റ്: ഷിൽവിൻ മാത്യൂസ്, വൈസ് പ്രസിഡന്റ്: മാത്യു മാത്തം, സെക്രട്ടറി: സലാസ് എബ്രഹാം, ജോയിന്റ് സെക്രട്ടറി: മോൻസി തോമസ്, ട്രഷറർ: സുജേഷ് മാത്യു.
ഡാർവിൻ പ്രൊവിൻസ് നിലവിൽ വന്നതോടെ ഡബ്ല്യുഎംസിയുടെ ആഗോള ശൃംഖലയിൽ 84 പ്രൊവിൻസുകളായി. ലോകമെമ്പാടുമുള്ള മലയാളികളുടെ സജീവ പങ്കാളിത്തത്തോടെ സംഘടനയുടെ പ്രവർത്തനം കൂടുതൽ ശക്തിപ്പെടുത്തുകയാണ് ലക്ഷ്യമെന്ന് ഗ്ലോബൽ പ്രസിഡന്റ് ഡോ. ബാബു സ്റ്റീഫൻ പറഞ്ഞു.
100 രാജ്യങ്ങളിൽ പ്രൊവിൻസുകൾ രൂപീകരിക്കുകയാണ് ഡബ്ല്യുഎംസിയുടെ ലക്ഷ്യമെന്നും അദ്ദേഹം വ്യക്തമാക്കി. മലയാളി സമൂഹത്തെ കൂടുതൽ ശക്തമായി ഒരുമിപ്പിക്കുന്നതിനും സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങൾ വിപുലീകരിക്കുന്നതിനും ഡാർവിൻ പ്രൊവിൻസ് സജീവമായി പ്രവർത്തിക്കുമെന്ന് ഭാരവാഹികൾ അറിയിച്ചു.
Australia and Oceania
ഓക്‌ലൻഡ്: ആഗോള മലയാളികളെ സൗഹൃദത്തിന്‍റെയും സേവനത്തിന്‍റെയും സാംസ്കാരിക കൂട്ടായ്മയുടെയും വേദിയിൽ ഒരുമിപ്പിക്കുന്ന വേൾഡ് മലയാളി കൗൺസിലിന്‍റെ ന്യൂസിലാൻഡ് പ്രൊവിൻസ് ഔദ്യോഗികമായി ഉദ്ഘാടനം ചെയ്തു.
ന്യൂസിലാൻഡിലെ മലയാളി സമൂഹത്തെ കൂടുതൽ സജീവമായി സംഘടനയുടെ ആഗോള ശൃംഖലയുമായി ബന്ധിപ്പിക്കുകയെന്ന ലക്ഷ്യത്തോടെയാണ് പുതിയ പ്രൊവിൻസ് പ്രവർത്തനം ആരംഭിച്ചത്. ഓക്‌ലൻഡിലെ മൗണ്ട് റോസ്‌കില്ലിലുള്ള തമിഴ് കമ്മ്യൂണിറ്റി സെന്‍ററിൽ സെപ്റ്റംബർ 6-ന് നടന്ന ചടങ്ങിൽ വേൾഡ് മലയാളി കൗൺസിൽ ഗ്ലോബൽ പ്രസിഡന്റ് ഡോ. ബാബു സ്റ്റീഫൻ, ഗ്ലോബൽ ജനറൽ സെക്രട്ടറി ഷാജി മാത്യു, ഗ്ലോബൽ വൈസ് പ്രസിഡന്റ് (അഡ്മിനിസ്ട്രേഷൻ) ജെയിംസ് കൂടൽ, ഫാർ ഈസ്റ്റ് റീജിയൻ പ്രസിഡന്റ് കിരൺ ജെയിംസ് എന്നിവർ പങ്കെടുത്തു.
പുതിയ പ്രൊവിൻസിന്‍റെ പ്രസിഡന്റായി റോബിൻ കെ. ബാബു, വൈസ് പ്രസിഡന്റായി ഷാൻ ഷാജി കുമാർ, സെക്രട്ടറിയായി ബെൻസി ഫ്രാൻസിസ്, ജോയിന്റ് സെക്രട്ടറിയായി സിംസൺ എബ്രഹാം, ട്രഷററായി ശ്രീകാന്ത് കുരുങ്ങോട്ട് എന്നിവർ ചുമതലയേറ്റു.
കോ-ഓർഡിനേറ്ററായി ഷാജൻ മാത്യു, സ്പോർട്സ് ആൻഡ് ചാരിറ്റി കോ-ഓർഡിനേറ്ററായി നിക്സൺ ഫെലിക്സ്, ആർട്സ് ആൻഡ് വിമൻസ് കോ-ഓർഡിനേറ്ററായി അപർണ ശ്യാം, യൂത്ത് കോ-ഓർഡിനേറ്ററായി അവിൻ ജോയ് എന്നിവരും നേതൃത്വനിരയിൽ ചുമതലയേറ്റു.
1995-ൽ ന്യൂജഴ്സിയിൽ തുടക്കം; ഇന്ന് 83 പ്രൊവിൻസുകൾ
1995-ൽ അമേരിക്കയിലെ ന്യൂജഴ്സിയിലാണ് വേൾഡ് മലയാളി കൗൺസിൽ രൂപംകൊണ്ടത്. ടി. എൻ. ശേഷൻ, കെ. പി. പി. നമ്പ്യാർ, ലേഖ ശ്രീനിവാസൻ തുടങ്ങിയ പ്രമുഖരുടെ നേതൃത്വത്തിലും മാർഗനിർദേശത്തിലുമാണ് ലോകത്തിന്റെ വിവിധ ഭാഗങ്ങളിലുള്ള മലയാളികളെ ഒരൊറ്റ ആഗോള വേദിയിൽ അണിനിരത്തുക എന്ന ലക്ഷ്യത്തോടെ സംഘടനയ്ക്ക് തുടക്കമായത്.
മൂന്നു പതിറ്റാണ്ടിലേറെ നീണ്ട പ്രവർത്തനത്തിലൂടെ വിവിധ ഭൂഖണ്ഡങ്ങളിലേക്കും രാജ്യങ്ങളിലേക്കും സംഘടനയുടെ പ്രവർത്തനം വ്യാപിച്ചു. ന്യൂസിലാൻഡ് പ്രൊവിൻസ് ഉൾപ്പെടെ വേൾഡ് മലയാളി കൗൺസിലിന് ഇന്ന് ആഗോളതലത്തിൽ 83 പ്രൊവിൻസുകളുണ്ട്. സാമൂഹിക സേവനം, ജീവകാരുണ്യ പ്രവർത്തനങ്ങൾ, വിദ്യാഭ്യാസം, കലാ-സാംസ്കാരിക പ്രവർത്തനങ്ങൾ, യുവജന-വനിതാ ശാക്തീകരണം തുടങ്ങിയ മേഖലകളിൽ വിവിധ പ്രൊവിൻസുകൾ പ്രവർത്തിച്ചുവരുന്നു.
ന്യൂസിലാൻഡിലെ മലയാളികളുടെ സാമൂഹികവും സാംസ്കാരികവുമായ കൂട്ടായ്മ കൂടുതൽ ശക്തിപ്പെടുത്തുന്നതിനൊപ്പം പുതുതലമുറയെ മലയാള ഭാഷയോടും സംസ്കാരത്തോടും കൂടുതൽ അടുപ്പിക്കുന്നതിനും പുതിയ പ്രൊവിൻസ് മുൻഗണന നൽകുമെന്ന് ഭാരവാഹികൾ അറിയിച്ചു. കായിക, കലാ, വനിതാ, യുവജന, ജീവകാരുണ്യ മേഖലകളിലും പ്രത്യേക പരിപാടികൾ സംഘടിപ്പിക്കും.“Global Malayalees – Stronger Together” എന്ന സന്ദേശവുമായി ന്യൂസിലാൻഡിൽ വേൾഡ് മലയാളി കൗൺസിലിന്‍റെ പ്രവർത്തനങ്ങൾക്ക് പുതിയ അധ്യായമാണ് ആരംഭിച്ചിരിക്കുന്നത്.
Australia and Oceania
പെർത്ത് : കേരളീയ സംസ്കാരവും പൈതൃകവും സംരക്ഷിക്കുന്നതിനും സാമൂഹിക സേവന പ്രവർത്തനങ്ങൾ ഏകോപിപ്പിക്കുന്നതിനുമായി സാൻജോസ് കൾച്ചറൽ സെന്റർ പെർത്തിൽ പ്രവർത്തനം തുടങ്ങി. ഓഗസ്റ്റ് 30ന് നടന്ന ചടങ്ങിൽ ഓസ്ട്രേലിയൻ ഫെഡറൽ ഡിഫൻസ് പേഴ്സണൽ ആൻഡ് വെറ്ററൻസ് അഫയേഴ്സ് മന്ത്രി മാത്യു ജെയിംസ് കീയോ സെന്റർ ഉദ്ഘാടനം ചെയ്തു.
പുതുതലമുറയുൾപ്പെടെ വിവിധ തലമുറകളിലുള്ള മലയാളികൾക്ക് ഒത്തുചേരാനും സാംസ്കാരിക പൈതൃകം കൈമാറാനും സാമൂഹിക ബന്ധങ്ങൾ ശക്തിപ്പെടുത്താനും വേദിയൊരുക്കുകയാണ് സെന്ററിന്റെ ലക്ഷ്യം. സാംസ്കാരിക പരിപാടികൾക്കു പുറമേ വിദ്യാഭ്യാസ, സാമൂഹിക, കമ്മ്യൂണിറ്റി സേവന പ്രവർത്തനങ്ങൾക്കും സെന്റർ നേതൃത്വം നൽകും.
ഉദ്ഘാടനച്ചടങ്ങിൽ ട്രിഷ് കുക്ക് എംപി, സിറ്റി ഓഫ് ആർമഡെയിൽ മലയാളി കൗൺസിലർ ടോണി തോമസ്, സിറ്റി ഓഫ് ഗോസ്‌നെൽസ് കൗൺസിലർ എമ്മ ഷാങ് എന്നിവർ വിശിഷ്ടാതിഥികളായി പങ്കെടുത്തു. സാംസ്കാരിക വൈവിധ്യവും സാമൂഹിക ഉൾക്കൊള്ളലും ശക്തിപ്പെടുത്തുന്നതിൽ കമ്മ്യൂണിറ്റി സംഘടനകൾ വഹിക്കുന്ന പങ്ക് അതിഥികൾ ചൂണ്ടിക്കാട്ടി.
സേവനമികവിന് അംഗീകാരം
ചടങ്ങിൽ വിവിധ മേഖലകളിൽ ശ്രദ്ധേയമായ സേവനം നൽകിയവരെ കമ്മ്യൂണിറ്റി ഹീറോ, കമ്മ്യൂണിറ്റി റെക്കഗ്നിഷൻ അവാർഡുകൾ നൽകി ആദരിച്ചു. ആരോഗ്യരംഗം, വിദ്യാഭ്യാസം, എൻജിനീയറിങ്, ബിസിനസ് തുടങ്ങിയ മേഖലകളിലെ സേവനങ്ങൾ പരിഗണിച്ചാണ് പുരസ്കാരങ്ങൾ നൽകിയത്.
ഡോ. കുരുവിള മാത്യു, മിനിമോൾ ജോർജ്, ബ്ലോസം ജോസഫ്, ജോൺ മുട്ടത്തിൽ, ഡോ. ജോൺ ജോസഫ്, സി. ജെ. ജോസഫ് ചീടപറമ്പിൽ, വൽസ ജോസഫ് ചാക്കോ എന്നിവർ പുരസ്കാരങ്ങൾ ഏറ്റുവാങ്ങി. ട്രിഷ് കുക്ക് എംപി പുരസ്കാരങ്ങൾ വിതരണം ചെയ്തു.
ജനോഷ് സെബാസ്റ്റ്യൻ, റോയ്സ് ജോസഫ്, അഗസ്റ്റിൻ തോമസ് എന്നിവർ പ്രസംഗിച്ചു. ഇടവക വികാരി ഫാ. അജിത് ചെറിയകര സ്വാഗതവും ബിവിൻ ബിനോയ് നന്ദിയും പറഞ്ഞു. മാത്യു മത്തായി, ജോജു ഗ്രിഗോറിയസ്, ജെസ്റ്റിൻ ടോം, ജെസ്വിൻ വർഗീസ് എന്നിവർ പരിപാടികൾക്ക് നേതൃത്വം നൽകി.കേരളീയ പൈതൃകം സംരക്ഷിക്കുന്നതിനൊപ്പം ഓസ്ട്രേലിയൻ സമൂഹവുമായി കൂടുതൽ ശക്തമായ ബന്ധം വളർത്തുകയും വിവിധ വിഭാഗങ്ങൾക്കിടയിൽ സൗഹൃദവും സഹകരണവും പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെയാണ് സെന്ററിന്റെ പ്രവർത്തനം. സാംസ്കാരിക പരിപാടികൾ, വിദ്യാഭ്യാസ പ്രവർത്തനങ്ങൾ, സാമൂഹിക ഇടപെടലുകൾ, കമ്മ്യൂണിറ്റി സേവന പദ്ധതികൾ എന്നിവ ഭാവിയിൽ സംഘടിപ്പിക്കുമെന്ന് ഭാരവാഹികൾ അറിയിച്ചു.
Australia and Oceania
ഡാർവിൻ: അങ്കമാലി അസോസിയേഷൻ ഡാർവിനിൽ ഓണാഘോഷം സംഘടിപ്പിച്ചു. ഡാർവിൻ മുർഹെഡിൽ നടന്ന ഓണാഘോഷ പരിപാടികളുടെ ഉദ്ഘാടനം അങ്കമാലി സ്വദേശിയും സെന്റ് അൽഫോൻസാ ഇടവക ദേവാലയത്തിലെ വികാരിയുമായ ഫാ. ജോൺ പുതുവ നിർവഹിച്ചു.
പ്രസിഡന്റ് പോൾ പറോക്കാരൻ അധ്യക്ഷത വഹിച്ചു. വൈസ് പ്രസിഡന്റ് ഡേറിൻ ഡേവിസ് സ്വാഗതവും സെക്രട്ടറി ടോം തിരുത്തനത്തിൽ നന്ദിയും പറഞ്ഞു. ജെഫ് പോൾ, ബിജു വർഗീസ്, റോബിൻ പീറ്റർ എന്നിവർ പ്രസംഗിച്ചു.
ഡറിൻ ഡേവിസിന്‍റെ മാവേലി വേഷം അഘോഷത്തിന്‍റെ മാറ്റുകൂട്ടി. വിഭവമായ ഓണസദ്യയും അതിനു ശേഷം വിവിധ കലാപരിപാടികളും തിരുവാതിരയും ഉണ്ടായിരുന്നു.
അനു റോസ്, സ്നേഹ പോൾ, ജെതാ ബെന്നി, ട്രീസ ജെഫ്, ഹിമ എന്നിവർ നേതൃത്വം നൽകി.
Australia and Oceania
ഡാർവിൻ: സെന്റ് അൽഫോൻസാ സീറോമലബാർ ദേവാലയത്തിൽ ബൈബിൾ മാസാചരണത്തിന് തുടക്കമായി. സെപ്റ്റംബർ മാസം ബൈബിൾ മാസമായി ആചരിക്കുന്നതിന്‍റെ ഭാഗമായി അൾത്താരയിൽ പ്രത്യേകം അലങ്കരിച്ച പീഠത്തിൽ ബൈബിൾ പ്രതിഷ്ഠിച്ചു കൊണ്ടാണ് തുടക്കം കുറിച്ചത്.
ബൈബിളിലെ 73 പുസ്തകങ്ങളെ പ്രതിനിധീകരിച്ച് 73 കുട്ടികൾ 73 ബൈബിൾ കയ്യിൽ പിടിച്ചു കൊണ്ട് വികാരി ഫാ.ഡോ. ജോൺ പുതുവയുടെ നേതൃത്വത്തിൽ പ്രദക്ഷിണമായി ബൈബിൾ ആഘോഷമായി കൊണ്ടുവന്നു പ്രതിഷ്ഠിചുകൊണ്ട് ദേവാലയത്തിൽ തുടക്കം കുറിച്ചത് പോലെ തന്നെ എല്ലാ ഭവനങ്ങളിലും സെപ്റ്റംബർ ഒന്നിന് ആഘോഷമായി ബൈബിൾ പ്രതിഷ്ഠ നടത്തി.
Australia and Oceania
ഡാർവിൻ: സെന്റ് അൽഫോൻസാ സീറോമലബാർ പള്ളിയിൽ എട്ടു നോമ്പാചാരണവും പരിശുദ്ധ കന്യകാമറിയത്തിന്‍റെ ജനന തിരുനാളും സെപ്റ്റംബർ ഒന്നു മുതൽ എട്ടു വരെ നടക്കും. എല്ലാ ദിവസവും വൈകുന്നേരം 5.30ന് നോമ്പ് ആചരണത്തോടനുബന്ധിച്ചുള്ള തിരുകർമ്മങ്ങൾ ആരംഭിക്കും.
ആരാധന, ആഘോഷമായ വിശുദ്ധ കുർബാന, വചന സന്ദേശം, ജപമാല തിരി പ്രദക്ഷിണം നടക്കും. ഒന്നിന് ആഗോള കത്തോലിക്കാ സഭയ്ക്കും രണ്ടിന് രോഗികൾക്കും മൂന്നിന് യുവജനങ്ങൾ കൗമാരക്കാർ, നാലിന് മരിച്ചുപോയ വിശ്വാസികൾ, അഞ്ചിനു മാതാപിതാക്കൾ, ആറിന് ഇടവക കുടുംബം, ഏഴിന് വൈദികർക്കും സമർപ്പിതർക്കും, എട്ടിന് ഇടവകയ്ക്കും ചുറ്റുപാടുമുള്ള വിശുദ്ധീകരണം എന്നിങ്ങനെ പ്രത്യേക നിയോഗത്തിലാണ് തിരുകർമ്മങ്ങൾ നടത്തുക.
എട്ടാം തീയതി തിരുനാൾ ദിനത്തിൽ മേരി നാമധാരികളുടെ സംഗമവും സ്നേഹവിരുന്നും ഉണ്ടായിരിക്കും. വികാരി ഫാ.ഡോ. ജോൺ പുതുവ, കൈക്കാരന്മാരായ ഡെനെക്സ് ഡേവിഡ്, സോജൻ ജോർജ്, ആശ തോമസ്, ജോർജ് സെബാസ്റ്റ്യൻ, അരുൺ ജോസഫ് എന്നിവർ നേതൃത്വം നൽകും.
Australia and Oceania
മെൽബൺ: ഇന്ത്യൻ ഓവർസീസ് കോൺഗ്രസ് (ഐഒസി) നാഷണൽ കമ്മിറ്റിയും വിക്ടോറിയ സ്റ്റേറ്റ് കമ്മിറ്റിയും സംയുക്തമായി സംഘടിപ്പിച്ച ഇന്ത്യൻ സ്വാതന്ത്ര്യദിനാഘോഷം വർണാഭമായി.
മെൽബണിലെ ഹാംപ്ടൺ പാർക്കിലുള്ള ഗോൾഡൻ കാസിൽ ഫംഗ്ഷൻ സെന്‍ററിൽ നടന്ന ആഘോഷപരിപാടി എംഎൽഎയും എഐസിസി വിദേശകാര്യ സെക്രട്ടറിയും കെപിസിസി ജനറൽ സെക്രട്ടറിയുമായ അഡ്വ. സജീവ് ജോസഫ് ഉദ്ഘാടനം ചെയ്തു.
ഇന്ത്യൻ ഓവർസീസ് കോൺഗ്രസ് ഓസ്ട്രേലിയ കേരള ചാപ്റ്റർ പ്രസിഡന്റ് പി.വി. ജിജേഷ് അധ്യക്ഷത വഹിച്ച ചടങ്ങിൽ വിക്ടോറിയ സ്റ്റേറ്റ് പ്രസിഡന്റ് റോബിൻ ജോസഫ് സ്വാഗതം ആശംസിച്ചു.
മഹാത്മാഗാന്ധിയുടെയും ജവഹർലാൽ നെഹ്റുവിന്‍റെയും നേതൃത്വത്തിൽ നമ്മുടെ പൂർവികർ നടത്തിയ സ്വാതന്ത്ര്യസമര പോരാട്ടങ്ങളെ ഉദ്ഘാടന പ്രസംഗത്തിൽ സജീവ് ജോസഫ് അനുസ്മരിച്ചു.
Australia and Oceania
ഡാർവിൻ: ഓസ്ട്രേലിയയിലെ ഡാർവിനിൽ ഇന്ത്യൻ ഓവർസീസ് കോൺഗ്രസ് (ഐഒസി) കേരള ചാപ്റ്ററിന്റെ ആഭിമുഖ്യത്തിൽ 80-ാമത് ഇന്ത്യൻ സ്വാതന്ത്ര്യം ദിനം വിപുലമായി ആഘോഷിച്ചു. ഡാർവിനിൽ ഉണ്ടോലിയ ഗാർഡൻ ടിവിയിൽ നടന്ന പരിപാടിയിൽ നോർത്തേൺ ടെറിട്ടറി സ്റ്റേറ്റ് പ്രസിഡന്റ് പോൾ പറോക്കാരൻ പതാക ഉയർത്തി.
അതിനുശേഷം നടന്ന പുതുയോഹം ജിൻസൺ ചാൾസ് നിർവഹിച്ചു. ഈ അവസരത്തിൽ റോയൽ ഡാർവിൻ ഹോസ്പിറ്റലിൽ 20 വർഷമായി നഴ്സായി ജോലിയിലുള്ള ലൈസ ബേബി, എലിസബത്ത് ലിജു, നൈസി ബെന്നി, ബേബി കുര്യൻ എന്നിവർക്കു മൊമന്‍റോ നൽകി ആദരിച്ചു.
Australia and Oceania
മെൽബൺ: ഇന്ത്യൻ ഓവർസീസ് കോൺഗ്രസിന്‍റെ നേതൃത്വത്തിൽ ഓസ്‌ട്രേലിയയുടെ വിവിധ സംസ്ഥാനങ്ങളിലായി നടക്കുന്ന ഇന്ത്യൻ സ്വാതന്ത്ര്യദിനാഘോഷപരിപാടികളിൽ പങ്കെടുക്കുവാനായി മെൽബണിൽ എത്തിയ എഐസിസി വിദേശകാര്യ സെക്രട്ടറിയും കെപിസിസി ജനറൽ സെക്രട്ടറിയുമായ സജീവ് ജോസഫിന് ഉജ്വല സ്വീകരണം നൽകി.
ഐഒസി കേരള ചാപ്റ്ററിന്റെ നാഷണൽ പ്രസിഡന്റ് പി.വി. ജിജേഷ്, ഐഒസി ഓസ്ട്രേലിയ ജനറൽ സെക്രട്ടറി സോബൻ തോമസ്, നാഷണൽ സെക്രട്ടറി ബിജു സ്കറിയ, വിക്ടോറിയ സ്റ്റേറ്റ് ജനറൽ സെക്രട്ടറി ഷിനോയ് സ്റ്റീഫൻ മഞ്ഞാങ്കൽ, വൈസ് പ്രസിഡന്റ് കുര്യൻ പുന്നൂസ്, വുമൺസ് കോഓർഡിനേറ്റർ അനിഷ മാണി എന്നിവരുടെ നേതൃത്വത്തിൽ സ്വീകരണം നൽകി.
ശനിയാഴ്ച മെൽബണിലെ ഇന്ത്യൻ കോൺസുലേറ്റിൽ നടക്കുന്ന ഔദ്യോഗിക സ്വാതന്ത്ര്യദിനാഘോഷ ചടങ്ങിൽ സജീവ് ജോസഫ് മുഖ്യാതിഥിയായി പങ്കെടുക്കും.
ഞായറാഴ്ച ഐഒസി നാഷണൽ കമ്മിറ്റിയും വിക്ടോറിയ സ്റ്റേറ്റ് കമ്മിറ്റിയും സംയുക്തമായി സംഘടിപ്പിക്കുന്ന സ്വാതന്ത്ര്യദിനാഘോഷ പരിപാടി സജീവ് ജോസഫ് ഉദ്ഘാടനം ചെയ്യും.
തിങ്കളാഴ്ച മെൽബൺ പാർലമെന്‍റ് സന്ദർശനത്തിന്‍റെ ഭാഗമായി വിക്ടോറിയൻ പരിസ്ഥിതി മന്ത്രിയുമായി അദ്ദേഹം കൂടിക്കാഴ്ച നടത്തും. അതേദിവസം ബ്രിസ്ബനിൽ നടക്കുന്ന സ്വാതന്ത്ര്യദിനാഘോഷ പരിപാടിയിലും സജീവ് ജോസഫ് മുഖ്യാതിഥിയായി പങ്കെടുക്കും.
ബുധനാഴ്ച സിഡ്നിയിൽ സംഘടിപ്പിക്കുന്ന "മീറ്റ് ആൻഡ് ഗ്രീറ്റ്' പരിപാടിയിലും അദ്ദേഹം മുഖ്യാതിഥിയായി പങ്കെടുക്കും.
Australia and Oceania
മെൽബൺ: ഇന്ത്യൻ ഓവർസീസ് കോൺഗ്രസ് ഓസ്‌ട്രേലിയയുടെ നേതൃത്വത്തിൽ വിവിധ സംസ്ഥാനങ്ങളിൽ സംഘടിപ്പിക്കുന്ന ഇന്ത്യൻ സ്വാതന്ത്ര്യദിനാഘോഷ പരിപാടികളിൽ എംഎൽഎയും എഐസിസി വിദേശകാര്യ സെക്രട്ടറിയും കെപിസിസി ജനറൽ സെക്രട്ടറിയുമായ സജീവ് ജോസഫ് വിശിഷ്ടാതിഥിയായി പങ്കെടുക്കും.
ഈ മാസം 14ന് മെൽബണിലെത്തുന്ന സജീവ് ജോസഫിന് ഐഒസി കേരള ചാപ്റ്റർ നാഷണൽ പ്രസിഡന്റ് പി.വി. ജിജേഷ്, ഐഒസി ഓസ്ട്രേലിയ ജനറൽ സെക്രട്ടറി സോബൻ തോമസ്, നാഷണൽ സെക്രട്ടറിമാരായ ബിജു സ്കറിയ, അഫ്സൽ അബ്ദുൽ ഖാദിർ, കേരള ചാപ്റ്റർ വൈസ് പ്രസിഡന്‍റുമാരായ ഹിൻസോ തങ്കച്ചൻ, ബിനു ജോൺ, സ്മിത, കേരള ചാപ്റ്റർ സെക്രട്ടറി ലിന്‍റോ ദേവസി, വിക്ടോറിയ സ്റ്റേറ്റ് പ്രസിഡന്റ് റോബിൻ ജോസഫ്, ജനറൽ സെക്രട്ടറി ഷിനോയ് സ്റ്റീഫൻ മഞ്ഞാങ്കൽ, വൈസ് പ്രസിഡന്റ് കുര്യൻ പുന്നൂസ് എന്നിവരുടെ നേതൃത്വത്തിൽ സ്വീകരണം നൽകും.
15ന് മെൽബണിലെ ഇന്ത്യൻ കോൺസുലേറ്റിൽ നടക്കുന്ന ഔദ്യോഗിക സ്വാതന്ത്ര്യദിനാഘോഷ ചടങ്ങിൽ സജീവ് ജോസഫ് മുഖ്യാതിഥിയായി പങ്കെടുക്കും. 16ന് ഇന്ത്യൻ ഓവർസീസ് കോൺഗ്രസ് നാഷണൽ കമ്മിറ്റിയും വിക്ടോറിയ സ്റ്റേറ്റ് കമ്മിറ്റിയും സംയുക്തമായി സംഘടിപ്പിക്കുന്ന സ്വാതന്ത്ര്യദിനാഘോഷ പരിപാടി സജീവ് ജോസഫ് ഉദ്ഘാടനം ചെയ്യും.
വിക്ടോറിയ സംസ്ഥാനത്തിന്‍റെ വിവിധ മേഖലകളിൽ വ്യക്തിമുദ്ര പതിപ്പിച്ച പ്രമുഖരും ചടങ്ങിൽ പങ്കെടുക്കും. 17ന് മെൽബൺ പാർലമെന്‍റ് സന്ദർശനത്തിന്‍റെ ഭാഗമായി വിക്ടോറിയൻ പരിസ്ഥിതി മന്ത്രിയുമായി സജീവ് ജോസഫ് കൂടിക്കാഴ്ച നടത്തും.
അതേദിവസം ബ്രിസ്ബനിൽ നടക്കുന്ന സ്വാതന്ത്ര്യദിനാഘോഷ പരിപാടിയിലും അദ്ദേഹം മുഖ്യാതിഥിയായി പങ്കെടുക്കും. 19ന് സിഡ്നിയിൽ സംഘടിപ്പിക്കുന്ന "മീറ്റ് & ഗ്രീറ്റ്' പരിപാടിയിലും സജീവ് ജോസഫ് മുഖ്യാതിഥിയായി പങ്കെടുക്കും.
ഡാർവിൻ, ആലീസ് സ്പ്രിംഗ്സ്, പെർത്ത് തുടങ്ങിയ ഓസ്ട്രേലിയയിലെ വിവിധ നഗരങ്ങളിലും ഇന്ത്യൻ ഓവർസീസ് കോൺഗ്രസിന്‍റെ നേതൃത്വത്തിൽ വിപുലമായ സ്വാതന്ത്ര്യദിനാഘോഷ പരിപാടികൾ സംഘടിപ്പിച്ചിട്ടുണ്ട്.
ഓസ്ട്രേലിയയിലെ വിവിധ സംസ്ഥാനങ്ങളിലായി നടക്കുന്ന സ്വാതന്ത്ര്യദിനാഘോഷ പരിപാടികളുടെ ഒരുക്കങ്ങൾ പൂർത്തിയായതായി സംഘാടകർ അറിയിച്ചു.
ജനാധിപത്യ വിശ്വാസികളായ എല്ലാ ഇന്ത്യക്കാരെയും ആഘോഷ പരിപാടികളിലേക്ക് സ്വാഗതം ചെയ്യുന്നതായും സംഘാടകർ അറിയിച്ചു.
ഷിനോയ് സ്റ്റീഫൻ മഞ്ഞാങ്കൽ
Australia and Oceania
ഓസ്ട്രേലിയയിലെ ഡാർവിനിൽ ഇന്ത്യൻ ഓവർസീസ് കോൺഗ്രസ് (IOC) കേരളം ചാപ്റ്ററിന്റെ ആഭിമുഖ്യത്തിൽ എൺപതാമത് ഇന്ത്യൻ സ്വാതന്ത്ര്യദിനാഘോഷം വിപുലമായി ആഘോഷിക്കാൻ തീരുമാനിച്ചു.
ഓഗസ്റ്റ് 15 വെള്ളിയാഴ്ച 4.30 ന് ഡാർവിനിലെ 5 അണ്ടൂലിയ ഗാർഡനിൽ സമ്മേളന പ്രസിഡന്റ് പോൾ പരോക്കാരൻ പതാക ഉയർത്തി ഉദ്ഘാടനം നിർവഹിക്കും. ഈ അവസരത്തിൽ മന്ത്രി ജിൻസൺ ചാൾസ് സെന്റ് പോൾ പള്ളി വികാരി ഫാ. ജോൺ പുതുവ കൗൺസിൽ മെമ്പർ ഡോ. എഡ്വിൻ ജോസഫ് ചെസ്റ്റ് ക്ലബ് പ്രസിഡന്റ് രാജീവ് തയ്യിൽ മുതലായ വിശിഷ്ട വ്യക്തികൾ പങ്കെടുക്കും.
ഈ അവസരത്തിൽ റോയൽ ഡാർവിൻ ആശുപത്രിയിൽ 20 വർഷമായി നഴ്സ് ആയി ജോലിയിൽ ഉള്ള ലൈസ ബേബി, എലിസബത്ത് ലിജു, നൈസി ബെനി, ബേബി കുര്യൻ എന്നിവരെ ബഹുമാനപ്പെട്ട മന്ത്രി മൊമെന്റോ നൽകി ആദരിക്കും. തുടർന്ന് കലാപരിപാടികളും സ്നേഹവിരുന്നും ക്രമീകരിച്ചിട്ടുണ്ട്. കൂടുതൽ വിവരങ്ങൾക്ക് പോൾ +61 435677002, വർഗീസ് +61449166392 ഇവരുമായി ബന്ധപ്പെടുക.
Australia and Oceania
ഡാർവിൻ: സെന്റ് അൽഫോൻസാ സീറോമലബാർ പള്ളിയിൽ വിശുദ്ധ അൽഫോൻസാമ്മയുടെയും വിശുദ്ധ തോമാശ്ലീഹായുടെയും സംയുക്ത തിരുനാൾ ആഘോഷിച്ചു. ജൂലൈ 24, 25, 26 തീയതികളിൽ നടന്ന തിരുനാൾ ആഘോഷങ്ങളിൽ നുറുകണക്കിന് വിശ്വസികൾ പങ്കെടുത്തു.
24ന് ഡാർവിൻ രൂപതാ മെത്രാൻ ബിഷപ് ചാൾസ് ഗൗച്ചി കൊടിയേറ്റി. 25ന് രാവിലെ 9.30ന് വിശുദ്ധ കുർബാന നടന്നു. വൈകുന്നേരം നടന്ന ENKHANIYA -2026 സൺഡേ സ്കൂൾ വാർഷികവും ഇടവക ദിനവും ബിഷപ് യുജിൻ ഹർലി ഉദ്ഘാടനം ചെയ്തു.
മന്ത്രി ജിൻസൺ ചാൾസ് മുഖ്യ സന്ദേശം നൽകി. ഫാ. വർഗീസ് വാവോലി, ഫാ. ജാക്സൺ, ഫാ. ജോൺ പുതുവ എന്നിവർ പ്രസംഗിച്ചു. ജീൻ ജോസ് സ്വാഗതവും ആശ തോമസ് നന്ദിയും പറഞ്ഞു.
Australia and Oceania
സിഡ്നി: ഇന്ത്യൻ ഓവർസീസ് കോൺഗ്രസ് ഓസ്ട്രേലിയ കേരള ചാപ്റ്റർ എൻഎസ്ഡബ്ല്യുവിന്‍റെ ആഭിമുഖ്യത്തിൽ ഇരിക്കൂർ എംഎൽഎ സജീവ് ജോസഫുമായി "മീറ്റ് ആൻഡ് ഗ്രീറ്റ്' പരിപാടി സംഘടിപ്പിക്കുന്നു.
കോൺഗ്രസിന്‍റെ ജനകീയ നേതാവും കേരള നിയമസഭയിലെ ശ്രദ്ധേയ സാന്നിധ്യവുമായ അദ്ദേഹത്തെ നേരിൽ കാണാനും സംവദിക്കാനുമുള്ള മികച്ച അവസരമാണ് പ്രവാസികൾക്കായി സിഡ്നിയിൽ ഒരുക്കുന്നത്.
സിഡ്നിയിലെ പരിപാടിയുടെ വിശദാംശങ്ങൾ
തീയതി: ഓഗസ്റ്റ് 19. സമയം: രാത്രി ഏഴ് മുതൽ ഒമ്പത് വരെ. സ്ഥലം: സിഡ്നി, എൻഎസ്ഡബ്ല്യു (കൃത്യമായ വേദി പിന്നീട് അറിയിക്കുന്നതാണ്).
സിഡ്നിയിലെ പരിപാടിക്ക് പുറമെ, മെൽബണിൽ നടക്കുന്ന ഇന്ത്യയുടെ 80-ാമത് സ്വാതന്ത്ര്യദിനാഘോഷ ചടങ്ങിലും സജീവ് ജോസഫ് മുഖ്യാതിഥിയായി പങ്കെടുക്കുന്നുണ്ട്.
ഈ മാസം 16ന് വൈകുന്നേരം അഞ്ചിന് മെൽബണിലെ ഗോൾഡൻ കാസിൽ ഫംഗ്ഷൻ സെന്‍ററിലാണ് സ്വാതന്ത്ര്യദിനാഘോഷം സംഘടിപ്പിച്ചിരിക്കുന്നത്.
സജീവ് ജോസഫിനെ സിഡ്നിയിലെ ഇന്ത്യൻ സമൂഹത്തിലേക്ക് സ്വാഗതം ചെയ്യുന്നതിൽ അതിയായ അഭിമാനമുണ്ടെന്ന് ഐഒസി കമ്മറ്റി അറിയിച്ചു.
എല്ലാ കോൺഗ്രസ് സ്നേഹികളെയും പ്രവാസി സുഹൃത്തുക്കളെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.
കൂടുതൽ വിവരങ്ങൾക്ക്: +61 426 848 390, +61 470 483 697.
Australia and Oceania
ബണ്‍ബറി: കരിമണ്ണൂര്‍ വടക്കേക്കര പരേതനായ വി.ടി. ജോസഫിന്‍റെ മകന്‍ ഓസ്ട്രേലിയയിലെ ബണ്‍ബറിയില്‍ അന്തരിച്ച ജോബിന്‍ ജോസിന്‍റെ (42) സംസ്കാരം വെള്ളിയാഴ്ച 2.30നു കരിമണ്ണൂര്‍ സെന്റ് മേരീസ് ഫൊറോനപള്ളിയില്‍.
മാതാവ്: സെലിന്‍ ജോര്‍ജ് (റിട്ട. അധ്യാപിക സെന്റ് ജോസഫ് എച്ച്എസ്എസ് കരിമണ്ണൂര്‍). ഭാര്യ: റിയ ആന്‍റണി (നഴ്സ്, ഓസ്ട്രേലിയ) വെളിയച്ചാല്‍ നെല്ലിക്കുന്നേല്‍ കുടുംബാംഗം.
മക്കള്‍: ജോസണ്‍, ജയിക്ക്, റിയോണ്‍. മൃതദേഹം വെള്ളിയാഴ്ച രാവിലെ ഏഴിന് തറവാട്ട് വീട്ടില്‍ കൊണ്ടുവരും.
Australia and Oceania
പെർത്ത്: വെസ്റ്റേൺ ഓസ്ട്രേലിയ സംസ്ഥാനത്തെ മാർട്ടിൻ പ്രദേശത്ത് ഉണ്ടായ ദാരുണ വാഹനാപകടത്തിൽ മലയാളി യുവതി ആൻമേരി ജോയി (30) മരിച്ചു.
അങ്കമാലി ചമ്പാനൂർ കാച്ചപ്പിള്ളി കുടുംബാംഗമായ ആൻമേരി, ചാലക്കുടി മുരിങ്ങൂർ സ്വദേശിയായ ശരത് ജോസിന്‍റെ ഭാര്യയും ഹോളി ആൻ ശരതിന്‍റെ മാതാവുമാണ്.
വെള്ളിയാഴ്ച രാത്രി മാർട്ടിൻ പ്രദേശത്തെ ടോങ്കിൻ ഹൈവേ - മിൽസ് റോഡ് വെസ്റ്റ് ജംഗ്ഷനിൽ രണ്ട് വാഹനങ്ങൾ തമ്മിൽ കൂട്ടിയിടിച്ചുണ്ടായ അപകടത്തിലാണ് അൻമേരിക്ക് ഗുരുതരമായി പരിക്കേറ്റത്.
ഉടൻ റോയൽ പെർത്ത് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. അപകടത്തിൽ വാഹനമോടിച്ചിരുന്ന 33 വയസുകാരനും ഗുരുതര പരിക്കുകളോടെ ചികിത്സയിലാണ്. സംഭവത്തിൽ വെസ്റ്റേൺ ഓസ്ട്രേലിയ പോലീസ് അന്വേഷണം ആരംഭിച്ചിട്ടുണ്ട്.
അൻമേരിയുടെ അപ്രതീക്ഷിത വിയോഗം പെർത്ത് മലയാളി സമൂഹത്തെയും ബന്ധുമിത്രാദികളെയും ദുഃഖത്തിലാഴ്ത്തി.
പൊതുദർശനത്തിന്‍റെയും സംസ്കാര ശുശ്രൂഷകളുടെയും വിവരങ്ങൾ ഔദ്യോഗിക നടപടിക്രമങ്ങൾ പൂർത്തിയായ ശേഷം അറിയിക്കുമെന്ന് ബന്ധുക്കൾ അറിയിച്ചു.
Australia and Oceania
മെൽബൺ: ഓസ്ട്രേലിയയിലെ ഇന്ത്യൻ ഓവർസീസ് കോൺഗ്രസ് (ഐഒസി) കേരള ചാപ്റ്ററിന്റെ ആഭിമുഖ്യത്തിൽ 80-ാമത് ഇന്ത്യൻ സ്വാതന്ത്ര്യദിനാഘോഷം വിപുലമായ പരിപാടികളോടെ സംഘടിപ്പിക്കുന്നു. ചടങ്ങിൽ എംഎൽഎയും കെപിസിസി ജനറൽ സെക്രട്ടറിയുമായ അഡ്വ. സജീവ് ജോസഫ് മുഖ്യാതിഥിയായി പങ്കെടുക്കും.
ഓഗസ്റ്റ് 16ന് വൈകുന്നേരം അഞ്ചിന് മെൽബണിലെ ഡാൻഡിനോംഗ്, ഹാംപ്ടൺ പാർക്കിലുള്ള ഗോൾഡൻ കാസിൽ ഫങ്ഷൻ സെന്‍ററിലാണ് (35 Somerville Road, Hampton Park) ആഘോഷ പരിപാടികൾ അരങ്ങേറുന്നത്.
പ്രവാസി സമൂഹത്തിന്റെ വലിയ പങ്കാളിത്തത്തോടെ സംഘടിപ്പിക്കുന്ന സ്വാതന്ത്ര്യദിനാഘോഷങ്ങളുടെ വിജയത്തിനായി ജിജേഷ് (0425 897 610), റോബിൻ (0426 699 714) എന്നിവരുടെ നേതൃത്വത്തിലുള്ള സംഘാടകസമിതി പ്രവർത്തിച്ചുവരുന്നു.
പരിപാടിയിലേക്ക് ഓസ്ട്രേലിയയിലെ മുഴുവൻ പ്രവാസി ബന്ധുക്കളെയും സ്വാഗതം ചെയ്യുന്നതായി ഭാരവാഹികൾ അറിയിച്ചു.
Australia and Oceania
ഡാർവിൻ: വിവിധ രാജ്യങ്ങളിലൂടെ പര്യടനം നടത്തുന്ന വിശുദ്ധ കാർലോ അകുത്തിസിന്‍റെ തിരുശേഷിപ്പിന് ഡാർവിൻ സെന്റ് അൽഫോൻസാ പള്ളിയിൽ ഭക്തിനിർഭരമായ സ്വീകരണം നൽകി. തിരുശേഷിപ്പ് വണങ്ങുന്നതിനായി നൂറുകണക്കിന് വിശ്വാസികളാണ് ദേവാലയത്തിലേക്ക് ഒഴുകിയെത്തിയത്.
"മില്ലേനിയത്തിന്‍റെ വിശുദ്ധൻ', "ദൈവത്തിന്‍റെ ഇൻഫ്ലുവൻസർ' എന്നീ പേരുകളിൽ അറിയപ്പെടുന്ന കാർലോ അകുത്തിസ്, 2006-ൽ പതിനഞ്ചാം വയസിലാണ് രക്താർബുദം ബാധിച്ച് അന്തരിച്ചത്.
1991 മേയ് മൂന്നിന് ലണ്ടനിലെ ഇറ്റാലിയൻ ദമ്പതികളുടെ മകനായി ജനിച്ച കാർലോ, പിന്നീട് കുടുംബത്തോടൊപ്പം ഇറ്റലിയിലെ മിലാനിലേക്ക് താമസം മാറുകയായിരുന്നു. പരിശുദ്ധ കുർബാനയോടുള്ള അഗാധമായ സ്നേഹവും കന്യകാമറിയത്തോടുള്ള ഭക്തിയുമായിരുന്നു അവന്‍റെ ജീവിതത്തിന്‍റെ വഴികാട്ടി.
മികച്ച കമ്പ്യൂട്ടർ വിദഗ്ധനായിരുന്ന കാർലോ, സഭ അംഗീകരിച്ച ദിവ്യകാരുണ്യ അത്ഭുതങ്ങളും പരിശുദ്ധ അമ്മയുടെ പ്രത്യക്ഷീകരണങ്ങളും ഉൾപ്പെടുത്തി പതിനൊന്നാം വയസിൽ ഒരു വെബ്സൈറ്റ് തയാറാക്കി.
അഞ്ച് ഭൂഖണ്ഡങ്ങളിലായി ആയിരക്കണക്കിന് ഇടവകകളിൽ ഇത് പ്രദർശിപ്പിച്ചിട്ടുണ്ട്.
Australia and Oceania
മെൽബൺ: പ്രധാനമന്ത്രി നരേന്ദ്ര മോദിയുമായി വിക്ടോറിയ ക്നാനായ കത്തോലിക്ക കോൺഗ്രസ് (വികെസിസി) പ്രസിഡന്റ് ജോജി സി. ബേബി കുന്നുകാലായിൽ കൂടിക്കാഴ്ച നടത്തി.
പ്രധാനമന്ത്രിയുടെ ഓസ്ട്രേലിയൻ സന്ദർശനത്തിന്‍റെ ഭാഗമായി നടന്ന ഈ കൂടിക്കാഴ്ച, വിക്ടോറിയൻ ക്നാനായ സമൂഹത്തിന് ലഭിച്ച ഏറ്റവും വലിയ അംഗീകാരങ്ങളിലൊന്നായി വിലയിരുത്തപ്പെടുന്നു.
ഓഷ്യാനയിലെ മുഴുവൻ ക്നാനായർക്കും ഏറെ അഭിമാന നിമിഷമാണ് ഇത് സമ്മാനിച്ചത്. Australia India Friendship Forum (AIF) സംഘടിപ്പിച്ച പ്രത്യേക ചടങ്ങിലായിരുന്നു ഈ ചരിത്രപരമായ കൂടിക്കാഴ്ച നടന്നത്.
ഓസ്ട്രേലിയൻ പ്രധാനമന്ത്രി ആന്തണി അൽബനീസ്, വിക്ടോറിയൻ പ്രീമിയർ ജസിന്ത അലൻ എന്നിവരുൾപ്പെടെ സാമൂഹിക, സാംസ്കാരിക, രാഷ്ട്രീയ രംഗങ്ങളിലെ പ്രമുഖരും വിവിധ ഇന്ത്യൻ സംഘടനകളുടെ പ്രതിനിധികളും ചടങ്ങിൽ സന്നിഹിതരായിരുന്നു.
ക്നാനായ പൈതൃകം പ്രധാനമന്ത്രിക്ക് മുന്നിൽ
വിക്ടോറിയ ക്നാനായ കത്തോലിക്ക കോൺഗ്രസിനെ പ്രതിനിധീകരിച്ച് പങ്കെടുത്ത ജോജി സി. ബേബി കുന്നുകാലായിൽ, ക്നാനായ സമൂഹം ഓസ്ട്രേലിയയിൽ നടത്തുന്ന സാമൂഹിക, സാംസ്കാരിക, ആത്മീയ, ജീവകാരുണ്യ പ്രവർത്തനങ്ങളെ പ്രധാനമന്ത്രി നരേന്ദ്ര മോദിക്ക് പരിചയപ്പെടുത്തി.
കഴിഞ്ഞ ഏപ്രിലിൽ സിഡ്നിയിൽ വച്ച് വൻ വിജയമായി തീർന്ന "ഓഷ്യാന പൈതൃകം' മഹാസമ്മേളനത്തെക്കുറിച്ചും ഓഷ്യാനയിലെ ക്നാനായ സമൂഹത്തിന്റെ ഐക്യത്തെക്കുറിച്ചും അദ്ദേഹം പ്രധാനമന്ത്രിയോട് വിശദീകരിച്ചു.
ഇന്ത്യൻ പ്രധാനമന്ത്രിയുമായി നേരിട്ട് ആശയവിനിമയം നടത്താൻ കഴിഞ്ഞത് ജീവിതത്തിലെ അവിസ്മരണീയമായ അനുഭവങ്ങളിലൊന്നാണ്. ഈ ചരിത്രപരമായ കൂടിക്കാഴ്ചയ്ക്ക് അവസരം ഒരുക്കിയ Australia India Friendship Forum (AIF)-നോട് നന്ദി രേഖപ്പെടുത്തുന്നു.
- ജോജി സി. ബേബി കുന്നുകാലായിൽ (VKCC പ്രസിഡന്റ്)
ആഗോളതലത്തിൽ അഭിനന്ദനപ്രവാഹം
ക്നാനായ സമൂഹം സാമൂഹിക-സാംസ്കാരിക രംഗങ്ങളിൽ നടത്തുന്ന മാതൃകാപരമായ പ്രവർത്തനങ്ങളെ പ്രധാനമന്ത്രി നരേന്ദ്ര മോദി പ്രത്യേകം അഭിനന്ദിച്ചു. പ്രവാസി ഇന്ത്യക്കാർ രാജ്യത്തിന്‍റെ പൈതൃകവും മൂല്യങ്ങളും ലോകമെമ്പാടും ഉയർത്തിപ്പിടിക്കുന്നതിൽ നിർണായക പങ്കാണ് വഹിക്കുന്നതെന്ന് അദ്ദേഹം ചൂണ്ടിക്കാട്ടി.
കൂടാതെ, ഓസ്ട്രേലിയൻ പ്രധാനമന്ത്രി ആന്തണി അൽബനീസും ക്നാനായ സമൂഹത്തിന്റെ സേവന പ്രവർത്തനങ്ങളെ പ്രകീർത്തിക്കുകയും സമൂഹത്തിന്റെ ഭാവി പ്രവർത്തനങ്ങൾക്ക് ആശംസകൾ നേരുകയും ചെയ്തു.
ഇത് വിക്ടോറിയൻ ക്നാനായ സമൂഹത്തിനു മാത്രമുള്ള അംഗീകാരമല്ല, മറിച്ച് ഓഷ്യാനയിലെ മുഴുവൻ ക്നാനായ സമൂഹത്തിനും ലഭിച്ച ആദരവാണെന്ന് KCCO പ്രസിഡന്റ് ജോസ് അബ്രഹാം അഭിപ്രായപ്പെട്ടു.
വർഷങ്ങളായി സാമൂഹിക, സാംസ്കാരിക, ജീവകാരുണ്യ മേഖലകളിൽ ക്നാനായ സമൂഹം നടത്തുന്ന പ്രവർത്തനങ്ങൾ ദേശീയ നേതൃത്വത്തിന്‍റെ ശ്രദ്ധയിൽപ്പെട്ടതിന്‍റെ തെളിവാണ് ഈ കൂടിക്കാഴ്ചയെന്നും അദ്ദേഹം കൂട്ടിച്ചേർത്തു.
വിക്ടോറിയൻ ക്നാനായ സമൂഹത്തിന്റെ സാന്നിധ്യവും സേവന പ്രവർത്തനങ്ങളും ദേശീയ-അന്തർദേശീയ തലത്തിൽ കൂടുതൽ ശ്രദ്ധ നേടുന്നതിന്‍റെ പ്രതീകമായി ഈ കൂടിക്കാഴ്ചയെ പ്രവാസി സമൂഹം വിലയിരുത്തുന്നു.
Australia and Oceania
ബ്രിസ്ബേൻ: ഓസ്ട്രേലിയയിലെ ക്വീൻസ്‌ലാൻഡിൽ ഉണ്ടായ വാഹനാപകടത്തിൽ മലയാളി വിദ്യാർഥിയായ ജൈഡൻ ജോ സാനി (17) മരിച്ചു. ക്വീൻസ്‌ലാൻഡിലെ ലേസീസ് ക്രീക്ക് പ്രദേശത്ത് ജൂലൈ 12ന് ഉച്ചയ്ക്ക് 12.15-ഓടെയായിരുന്നു അപകടം.
ജോ സാനിയുടെയും ട്രീസ സിജോയുടെയും മകനാണ് ജൈഡൻ. ജൈഡൻ സഞ്ചരിച്ചിരുന്ന ഇലക്ട്രിക് ബൈക്ക് എതിർദിശയിൽ വന്ന കാറുമായി കൂട്ടിയിടിക്കുകയായിരുന്നു.
ഗുരുതരമായി പരിക്കേറ്റ ജൈഡനെ അടിയന്തരമായി എയർ ആംബുലൻസിൽ റോയൽ ബ്രിസ്ബേൻ ആൻഡ് വിമൻസ് ആശുപത്രിയിൽ എത്തിച്ചെങ്കിലും ചികിത്സയ്ക്കിടെ മരണത്തിന് കീഴടങ്ങി.
അപകടത്തിൽ ഉൾപ്പെട്ട കാർ ഓടിച്ചിരുന്ന 55 വയസുകാരന് പരിക്കേറ്റിട്ടില്ല. സംഭവത്തെക്കുറിച്ച് ക്വീൻസ്‌ലാൻഡ് പോലീസ് ഫോറൻസിക് ക്രാഷ് യൂണിറ്റ് അന്വേഷണം ആരംഭിച്ചതായി അധികൃതർ അറിയിച്ചു
Australia and Oceania
ഡാർവിൻ: സെന്റ് അൽഫോൻസ സീറോമലബാർ പള്ളിയിൽ ഇടവക മധ്യസ്ഥയായ വിശുദ്ധ അൽഫോൻസായുടെയും വിശുദ്ധ തോമാശ്ലീഹായുടെയും സംയുക്ത തിരുനാൾ ഈ മാസം 24, 25, 26 തീയതികളിലായി ആഘോഷിക്കും.
തിരുന്നാളിനൊരുക്കമായ ഒമ്പതു ദിവസത്തെ നൊവേന 16ന് ആരംഭിക്കും. മരിച്ചു പോയ വിശ്വാസികളെ ഓർത്തു വി. കുർബാനയും ഒപ്പിസും 15ന് നടക്കും. 16 മുതൽ വൈകുന്നേരം 5 30ന് ആരാധന, ജപമാല, കുമ്പസാരം, ആറിന് വിശുദ്ധ കുർബാന, നൊവേന.
ഓരോ ദിവസത്തെയും തിരുകർമങ്ങൾ ഓരോ കുടുംബ യൂണിറ്റും വിവിധ സംഘടനകളും നേതൃത്വം നൽകും. 24ന് നൊവേനയുടെ സമാപന ദിനം വൈകുന്നേരം അഞ്ചിന് ഡാർവിൻ മെത്രാൻ ബിഷപ് ചാൾസ് ഗൗച്ചി തിരുനാൾ കൊടിയേറ്റും. തുടർന്ന് വിശുദ്ധ കുർബാന, നൊവേന, ലദീഞ്ഞു.
വെസ്പര ദിനമായ 25ന് രാവിലെ ഒമ്പതിന് ജപമാല, 9.30ന് വിശുദ്ധ കുർബാന. മുഖ്യ കർമികൻ ഫാ. ജോസഫ് പുല്ലാനപ്പിള്ളിൽ സിഎംഐ, കുർബാനമധ്യയുള്ള സന്ദേശം സെന്റ് പോൾസ് നൈറ്റ് ക്ലിപ്പ് പള്ളി വികാരി ഫാ. ജോൺ കേലിഹർ നൽകും.
വൈകുന്നേരം അഞ്ചിന് ENKHANIYA 2026, സൺഡേ സ്കൂൾ വാർഷികവും ഇടവക ദിന ആഘോഷവും ഡാർവിൻ രൂപത മുൻ മെത്രാൻ ബിഷപ് യൂജിൻ ഹർലി ഉദ്ഘാടനം ചെയ്യും. മൾട്ടികൾചറൽ മിനിസ്റ്റർ ജിൻസൺ ചാൾസ് സന്ദേശം നൽകും.
തുടർന്ന് ഇടവക ഒരുക്കുന്ന കല വിരുന്നും കുര്യൻ കൈനകരി & ടീം ഒരുക്കുന്ന ബൈബിൾ നാടകവും സ്നേഹവിരുന്നും ഉണ്ടായിരിക്കും. തിരുനാൾ ദിനമായ 26ന് രാവിലെ 8.45 കുട്ടികളുടെ ദീപക്കാഴ്ചയോടെ കർമങ്ങൾ ആരംഭിക്കും.
ഒമ്പതിന് മെൽബൻ സന്തോം ഗ്രോവ് ഡയറക്ടർ ഫാ. വർഗീസ് വാവോലിയുടെ മുഖ്യ കർമികത്വത്തിൽ ആഘോഷമായ തിരുനാൾ പാട്ട് കുർബാന, പ്രസംഗം ,തുടർന്ന് പ്രദക്ഷിണം ,കാർഷിക വിഭവങ്ങളുടെ ലേലം, കൊടിയിറക്കൽ എന്നിവ നടക്കും.
തിരുനാളിന്‍റെ വിജയത്തിന് വേണ്ടി വികാരി ഫാ. ജോൺ പുതുവ, കൈക്കാരന്മാരായ സോജൻ ജോർജ്, ഡെനെക്സ് ഡേവിഡ്, ആശ തോമസ്, തിരുനാൾ കൺവീനർ ബിജോ തോമസ് പട്ടേരി എന്നിവരുടെ നേതൃത്വത്തിൽ കമ്മിറ്റികൾ പ്രവർത്തിച്ചുവരുന്നു.
Australia and Oceania
മെൽബൺ: ഓസ്ട്രേലിയയിലെ മെൽബൺ ആൻഡ് ബ്രിസ്ബെൻ കൃപാസനം ഡയറക്ടർ ഫാ. വി.പി. ജോസഫും ബ്രദർ വിജയകുമാറും നയിക്കുന്ന ഉടമ്പടി ധ്യാനം മേയ് 15, 16, 17 തീയതികളിൽ മെൽബണിലുള്ള Dandenong സൗത്ത് സീറോമലബാർ പള്ളിയിൽ രാവിലെ ഒമ്പത് മുതൽ വൈകുന്നേരം ആറ് വരെ നടക്കും.
കൂടുതൽ വിവരങ്ങൾക്ക്: ജെയ്സൺ ജോസഫ് - 0411 749 436.
കൃപാസനം മാതാവിന്‍റെ ഗ്രോട്ടോ വെഞ്ചിരിപ്പ് ക്യൂൻസ്‌ലാൻഡ്, ഗോൾഡ് കോസ്റ്റ് മരിയൻ വാലിയിൽ കൃപാസനം മാതാവിന്‍റെ ഗ്രോട്ടോ വെഞ്ചിരിപ്പ് മേയ് 18 വൈകുന്നേരം നാലിന്.
കൂടുതൽ വിവരങ്ങൾക്ക്: സന്ദീപ് തോമസ് - 0487 197 869.
ബ്രിസ്ബെെൻ നോർത്ത് സെന്റ് അൽഫോൻസാ സീറോമലബാർ ചർച്ച് ഉടമ്പടി ധ്യാനം മേയ് 19,20 തീയതികളിൽ വൈകുന്നേരം മൂന്ന് മുതൽ ഒമ്പത് വരെ നടത്തപ്പെടുന്നു.
കൂടുതൽ വിവരങ്ങൾക്ക്: ടോമി എരുപ്പേൽ - 0402 291 046, ടോമി ചെത്തിമറ്റം - 0421 573 166.
Australia and Oceania
സിഡ്നി: ഓസ്ട്രേലിയയിലെ പ്രവാസി മലയാളി സമൂഹത്തിന് വേറിട്ടൊരു ഓണാഘോഷാനുഭവം സമ്മാനിക്കാൻ സൗത്ത് ഇന്ത്യൻ കൾച്ചറൽ അസോസിയേഷൻ ഓഫ് ഓസ്ട്രേലിയയും (എസ്ഐഎഎ) ഇന്ത്യൻ ഓവർസീസ് കോൺഗ്രസും (ഐഒസി) ഓസ്ട്രേലിയയും കൈകോർക്കുന്നു.
ഇന്ത്യൻ ഓണം 2026 എന്ന പേരിൽ സിഡ്നിയിൽ നടത്തുന്ന ഈ മെഗാ ഓണാഘോഷ പരിപാടിയുടെ വിജയത്തിനായി ഐഒസി നാഷണൽ കമ്മിറ്റിയും സംസ്ഥാന കമ്മിറ്റികളും പൂർണ പിന്തുണ പ്രഖ്യാപിച്ചു.
കഴിഞ്ഞ ദിവസം ഓൺലൈനായി ചേർന്ന ഐഒസി കേരള ചാപ്റ്റർ നാഷണൽ കമ്മിറ്റി യോഗത്തിൽ പരിപാടിയുടെ മുന്നൊരുക്കങ്ങൾ വിലയിരുത്തുകയും എല്ലാ ചാപ്റ്ററുകളിലെയും ഭാരവാഹികളുടെയും പ്രവാസി മലയാളികളുടെയും സജീവ പങ്കാളിത്തം ഉറപ്പാക്കുകയും ചെയ്തു.
ദേശീയ - സംസ്ഥാന ലീഡർഷിപ്പുകളുടെ പൂർണ പിന്തുണ
ഐഒസി കേരള ചാപ്റ്റർ നാഷണൽ പ്രസിഡന്റ് പി.വി. ജിജേഷിന്‍റെ അധ്യക്ഷതയിൽ ചേർന്ന യോഗത്തിൽ വൈസ് പ്രസിഡന്റ് ഹിൻസോ തങ്കച്ചൻ സ്വാഗതം ആശംസിച്ചു.
നാഷണൽ കമ്മിറ്റി നേതാക്കളായ അരുൺ ജോർജ് (വൈസ് പ്രസിഡന്റ്), സോബൻ തോമസ് (ജനറൽ സെക്രട്ടറി), ബിജു സ്കറിയ (സെക്രട്ടറി), ഷൈബു പീച്ചിയോട് (സെക്രട്ടറി), മാമ്മൻ ഫിലിപ്പ് (സെക്രട്ടറി) എന്നിവരും ഐഒസി കേരള ചാപ്റ്റർ നാഷണൽ കോഓർഡിനേറ്റർ സി.പി. സാജുവും പരിപാടിക്ക് എല്ലാവിധ പിന്തുണയും അറിയിച്ചു.
വിവിധ ഓസ്ട്രേലിയൻ സംസ്ഥാനങ്ങളിൽ നിന്നുള്ള ഐഒസി പ്രസിഡന്‍റുമാരായ ബിനു വി. ജോർജ് (ന്യൂ സൗത്ത് വെയിൽസ്), റോബിൻ ജോസഫ് (വിക്ടോറിയ), നിയോട്ട്സ് വക്കച്ചൻ (ക്വീൻസ്‌ലാൻഡ്), പോളി ചെമ്പൻ / ജനീഷ് (വെസ്റ്റേൺ ഓസ്ട്രേലിയ), പോൾ പാറക്കാരൻ (നോർത്തേൺ ടെറിട്ടറി), ബിനീഷ് വണ്ണാറത്ത് (ആലീസ് സ്പ്രിംഗ്സ്), അരുൺ (സൗത്ത് ഓസ്ട്രേലിയ) എന്നിവരും യോഗത്തിൽ പങ്കെടുക്കുകയും തങ്ങളുടെ സംസ്ഥാനങ്ങളിൽ നിന്നുള്ള പൂർണ പിന്തുണയും പങ്കാളിത്തവും വാഗ്ദാനം ചെയ്യുകയും ചെയ്തു.
ന്യൂ സൗത്ത് വെയിൽസ് ജനറൽ സെക്രട്ടറി പ്രശാന്ത് ആഞ്ചല യോഗത്തിന്‍റെ മിനിറ്റ്സ് രേഖപ്പെടുത്തി. വൈസ് പ്രസിഡന്റ് ആന്‍റണി യേശുദാസ് നന്ദി പ്രകാശനം നിർവഹിച്ചു.
സിനിമാ-സംഗീത താരങ്ങൾ
ഓഗസ്റ്റ് 23ന് Granvilleലെ The Vineyard Karmel Mohr Hall-ൽ വച്ചാണ് ഈ വൻപിച്ച ഓണാഘോഷം അരങ്ങേറുന്നത്. ഫെഡറൽ പാർലമെന്‍റ് അംഗവും കാബിനറ്റ് സെക്രട്ടറിയുമായ ഡോ. ആൻഡ്രൂ ചാർട്ടൺ MP (Dr Andrew Charlton MP) പരിപാടിയിൽ വിശിഷ്ട അതിഥിയായി പങ്കെടുക്കും. കൂടാതെ പ്രശസ്ത ചലച്ചിത്ര താരം വിമല രാമൻ മുഖ്യാതിഥിയായും എത്തുന്നതാണ്.
പ്രമുഖ ഗായകരായ അമൃത സുരേഷ്, അഭിരാമിഎന്നിവർ നയിക്കുന്ന ലൈവ് മ്യൂസിക് ഷോയും ഗൗതം വിൻസെന്‍റ്, വിഷ്ണു വർദ്ധൻ, ലെസ്‌ലി, റെജീഷ്, ചിറ്റാടി വിജയൻ എന്നിവരടങ്ങുന്ന പ്രശസ്ത ബാൻഡ് കലാകാരന്മാരുടെ ലൈവ് പെർഫോമൻസുകളും ആഘോഷങ്ങൾക്ക് മാറ്റുകൂട്ടും.
കിയോസ് ഫൈൻ ഫുഡ്‌സ് (Sarathi Muthukrishnan) ടൈറ്റിൽ സ്പോൺസർമാരായിരിക്കുന്ന ഈ പരിപാടിയിൽ വിഭവസമൃദ്ധമായ ഓണസദ്യ, തനത് സാംസ്കാരിക കലാപരിപാടികൾ, ഫുഡ് സ്റ്റാളുകൾ, കുട്ടികൾക്കായുള്ള വിനോദ പരിപാടികൾ എന്നിവയും ഒരുക്കിയിട്ടുണ്ട്. മാസ് ഫിനാൻഷ്യൽ കൺസൾട്ടൻസിയും (Sheena Abdulkhader) പരിപാടിയുടെ മുഖ്യ പ്രായോജകരാണ്.
ഓസ്ട്രേലിയയിലെ എല്ലാ മലയാളി കുടുംബങ്ങളെയും ഈ മഹാമേളയിലേക്ക് സ്വാഗതം ചെയ്യുന്നതായി ഐഒസി നാഷണൽ കമ്മിറ്റിയു അറിയിച്ചു. പരിപാടിയുടെ ടിക്കറ്റുകൾ പരിമിതമായതിനാൽ താഴെ കാണുന്ന ഔദ്യോഗിക ലിങ്ക് വഴി എത്രയും വേഗത്തിൽ ടിക്കറ്റുകൾ ബുക്ക് ചെയ്ത് സീറ്റുകൾ ഉറപ്പാക്കാൻ സംഘാടകർ അഭ്യർഥിക്കുന്നു.
ടിക്കറ്റ് ബുക്കിംഗ് ലിങ്ക്: Eventik - Indian Onam Live Sydney
Australia and Oceania
പെർത്ത്: ഓസ്ട്രേലിയയിലെ പെർത്തിൽ സന്ദർശക വീസയിൽ മകളെയും പുതുതായി ജനിച്ച പേരക്കുട്ടിയെയും കാണാനെത്തിയിരുന്ന നേപ്പാൾ സ്വദേശിനിയായ 53 വയസുകാരി ബിഷ്ണു കുമാരി ഗുരുംഗ് ദാരുണമായി മരിച്ച സംഭവത്തിൽ നിർണായക വഴിത്തിരിവ്.
ഫെബ്രുവരി ആറിനാണ് അപകടം നടന്നത്. മകളുടെ വീട്ടിൽ ഉറങ്ങിക്കിടക്കുകയായിരുന്ന ബിഷ്ണു കുമാരി ഗുരുംഗിന്‍റെ മുറിയിലേക്കാണ് നിയന്ത്രണം വിട്ട കാർ ഇടിച്ചുകയറിയത്. സംഭവസ്ഥലത്തുവച്ചുതന്നെ അവർ മരിച്ചു. ഓസ്ട്രേലിയയിൽ എത്തിയിട്ട് വെറും മൂന്ന് ദിവസങ്ങൾ മാത്രമായിരുന്നു.
കേസിലെ പ്രതിയായ 36 വയസുകാരൻ റൈസ് റോബർട്ട് ഹോക്കിൻസ് കോടതിയിൽ കുറ്റങ്ങൾ സമ്മതിച്ചു. അപകടസമയത്ത് ഇയാൾ മദ്യത്തിന്‍റെയും മയക്കുമരുന്നിന്‍റെയും സ്വാധീനത്തിലായിരുന്നുവെന്നാണ് പ്രോസിക്യൂഷൻ കോടതിയെ അറിയിച്ചത്.
കുറ്റസമ്മതം രേഖപ്പെടുത്തിയ സാഹചര്യത്തിൽ കേസിന്‍റെ ശിക്ഷാവിധി സെപ്റ്റംബറിൽ പ്രഖ്യാപിക്കാനാണ് കോടതി തീരുമാനിച്ചിരിക്കുന്നത്.
Australia and Oceania
വെല്ലിംഗ്ടൺ: ഓസ്ട്രേലിയൻ സന്ദർശനം പൂർത്തിയാക്കി പ്രധാനമന്ത്രി നരേന്ദ്ര മോദി ന്യൂസിലൻഡിലെത്തി. വെല്ലിംഗ്ടൺ വിമാനത്താവളത്തിൽ നേരിട്ടെത്തിയാണ് ന്യൂസിലൻഡ് പ്രധാനമന്ത്രി ക്രിസ്റ്റഫർ ലക്സൺ മോദിയെ സ്വീകരിച്ചത്.
രാജീവ് ഗാന്ധിക്കു ശേഷം ഒരു ഇന്ത്യൻ പ്രധാനമന്ത്രി ന്യൂസിലൻഡിൽ എത്തുന്നത് ഇതാദ്യമാണ്. ഇരുരാജ്യങ്ങളും തമ്മിലുള്ള സ്വതന്ത്ര വ്യാപാര കരാറിന്‍റെ വിലയിരുത്തലുകൾ ഇരുവരും ചർച്ച ചെയ്യുമെന്ന് റിപ്പോർട്ടുകളുണ്ട്.
കായിക രംഗത്തും നയതന്ത്രത്തിലും വലിയ നേട്ടങ്ങൾ സ്വന്തമാക്കിയാണ് മോദി ഓസ്ട്രേലിയയിൽ നിന്ന് മടങ്ങിയത്. ഇന്ത്യ-ഓസ്ട്രേലിയ കായിക സഹകരണ കൂട്ടായ്മയിൽ നരേന്ദ്ര മോദിയും ഓസ്ട്രേലിയൻ പ്രധാനമന്ത്രി ആന്‍റണി ആൽബണീസും ഒരുമിച്ച് പങ്കെടുത്തിരുന്നു.
മെൽബൺ ക്രിക്കറ്റ് ഗ്രൗണ്ടിൽ നടന്ന വമ്പൻ പരിപാടിയിൽ ക്രിക്കറ്റ് ഇതിഹാസം സ്റ്റീവ് വോ അടക്കമുള്ള പ്രമുഖ കായികതാരങ്ങളും സന്നിഹിതരായിരുന്നു. ഒളിമ്പിക്സിൽ ആതിഥേയത്വം വഹിക്കാനുള്ള ഇന്ത്യയുടെ ശ്രമങ്ങൾക്ക് ഓസ്ട്രേലിയൻ പ്രധാനമന്ത്രി പൂർണ പിന്തുണ പ്രഖ്യാപിച്ചതും സന്ദർശനത്തിന്‍റെ പ്രധാന നേട്ടമായി.
Australia and Oceania
കാൻബറ: സീറോമലബാർ മെൽബൺ രൂപത കാൻബറ സെന്റ് അൽഫോൻസാ ഇടവകയിലെ സെന്റ് മേരീസ് ഫാമിലി യൂണിറ്റ് സംഘടിപ്പിച്ച ഇസബെൽ മേരി തോമസ് മെമ്മോറിയൽ അവാർഡ് സെന്റ് അൽഫോൻസാ പള്ളിയിൽ വച്ച് നൽകുകയുണ്ടായി.
പന്ത്രണ്ടാം ക്ലാസിൽ ഏറ്റവും കൂടുതൽ മാർക്ക് ലഭിക്കുന്ന സെന്റ് അൽഫോൻസാ കമ്യൂണിറ്റിയിലെ കുട്ടിക്കാണ് ഈ അവാർഡ് നൽകുന്നത്. ഹിമ ഹാപ്പി പൈനടത്താണ് ഈ അവാർഡിന് അർഹയായത്.
സെന്റ് അൽഫോൻസാ ഇടവക വികാരി ഫാ. ബിനീഷ് നരിമറ്റത്തിൽ പുതുതായി ചുമതല ഏൽക്കുന്ന ഫാ. ടിജോ എന്നിവർ ചേർന്ന് അവാർഡ് നൽകി.
അങ്കമാലി കറുകുറ്റി മൂന്നാംപറമ്പ് പൈനടത്തു ഹാപ്പി - മിനി ദമ്പതികളുടെ മകളാണ് ഹിമ. ഓസ്ട്രേലിയൻ നാഷണൽ യൂണിവേഴ്സിറ്റിയിൽ ഡബിൾ ഡിഗ്രി ചെയ്യുന്നതിനോടൊപ്പം ഓസ്ട്രേലിയൻ പബ്ലിക് സർവീസിലും ഹിമ ജോലി ചെയ്യുന്നു.
Australia and Oceania
ബെർലിൻ: ഫുട്ബോൾ ലോകകപ്പ് പ്രീ-ക്വാർട്ടർ പോരാട്ടത്തിൽ നാല് വട്ടം ലോക ചാമ്പ്യൻമാരായ ജർമനിയെ ഷൂട്ട്ഔട്ടിൽ വീഴ്ത്തി പാരഗ്വായ് വിസ്മയ വിജയം സ്വന്തമാക്കിയതോടെ ഫുട്ബോൾ ലോകം ഒന്നടങ്കം ഞെട്ടലിലാണ്.
ജർമൻ മാധ്യമങ്ങൾ ഈ തോൽവിയെ ലോകകപ്പ് ദുരന്തം എന്നാണ് വിശേഷിപ്പിച്ചത്.
നിശ്ചിത സമയത്തെ ആവേശം, വിവാദമായ വാർ തീരുമാനം
കളിയുടെ 42-ാം മിനിറ്റിൽ ഹൂലിയോ എൻസീസോയിലൂടെ പാരഗ്വായാണ് ആദ്യം മുന്നിലെത്തിയത്. എന്നാൽ രണ്ടാം പകുതിയുടെ ഒൻപതാം മിനിറ്റിൽ ആഴ്സണൽ താരം കൈ ഹാവെർട്സ് ജർമനിക്കായി സമനില ഗോൾ നേടി.
നിശ്ചിത സമയത്തും അധികസമയത്തും ഇരുടീമുകളും 1-1ന് സമനില പാലിച്ചതോടെയാണ് കളി നീണ്ടത്.
അധികസമയത്ത് ജർമനിയുടെ ജോനാഥൻ ടാ നേടിയ മനോഹരമായ ഒരു ഹെഡർ ഗോൾ റഫറി വാർ പരിശോധനയിലൂടെ വിവാദപരമായി റദ്ദാക്കിയത് ജർമൻ ക്യാമ്പിൽ വലിയ പ്രതിഷേധത്തിന് കാരണമായി.
ആ ഗോൾ അനുവദിച്ചിരുന്നെങ്കിൽ ജർമനിക്ക് മത്സരം ഷൂട്ട്ഔട്ടിലേക്ക് നീളാതെ തന്നെ ജയിക്കാമായിരുന്നു.
ജർമനിയുടെ നെഞ്ച് തകർത്ത ഷൂട്ട്ഔട്ട് നാടകീയത
1982-ലെ സ്പെയിൻ ലോകകപ്പിന് ശേഷം പങ്കെടുത്ത നാല് ഷൂട്ട്ഔട്ടുകളിലും വിജയിച്ച ചരിത്രമുള്ള ജർമനിക്കും ഇത്തവണ പിഴച്ചു. പാരഗ്വായ് ഗോൾകീപ്പർ ഒർലാൻഡോ ഗിൽ മത്സരത്തിലെ ഹീറോയായി മാറി.
ജർമനിയുടെ സൂപ്പർ താരങ്ങളായ കൈ ഹാവെർട്സ്, നിക്ക് വോൾട്ടെമാഡെ എന്നിവരുടെ കിക്കുകൾ ഗിൽ തടുത്തിട്ടു. തുടർന്ന് സമ്മർദ്ദത്തിലായ ജർമൻ ഡിഫെൻഡർ ജോനാഥൻ ടായുടെ കിക്ക് ബാറിന് മുകളിലൂടെ പറന്നു.
ഒടുവിൽ പാരഗ്വായുടെ ജോസെ കനാലെ നിർണായക കിക്ക് വലയിലെത്തിച്ചതോടെ ജർമനിയുടെ ലോകകപ്പ് സ്വപ്നങ്ങൾ അസ്തമിച്ചു.
നാഗെൽസ്മാൻ രാജിവയ്ക്കുമോ? കോച്ചാകാൻ ക്ലോപ്പ് വരുമോ?
തോൽവിക്ക് ശേഷം ഡഗ്ഔട്ടിൽ തരിച്ചിരുന്ന ജർമ്മൻ കോച്ച് യുലിയൻ നാഗെൽസ്മാൻ കടുത്ത സമ്മർദ്ദത്തിലാണ്. "ഇന്ന് ഞങ്ങൾ ചെയ്യേണ്ടത് ചെയ്തില്ല' എന്ന് മാത്രമാണ് അദ്ദേഹം പ്രതികരിച്ചത്.
2028 വരെ കരാറുണ്ടെങ്കിലും ഈ നാണംകെട്ട പുറത്താകൽ 38-വയസുകാരനായ കോച്ചിന്‍റെ കസേര തെറിപ്പിച്ചേക്കും. താൻ ഒളിച്ചോടുന്നവനല്ലെന്നും ഡിഎഫ്ബി ആവശ്യപ്പെട്ടാൽ തുടരുമെന്നും അദ്ദേഹം കൂട്ടിച്ചേർത്തു.
അതേസമയം, പ്രശസ്ത മുൻ ലിവർപൂൾ മാനേജർ യർഗൻ ക്ലോപ്പ് ജർമ്മനിയുടെ അടുത്ത കോച്ചാകുമെന്ന അഭ്യൂഹങ്ങൾ ശക്തമായിട്ടുണ്ട്. മത്സരത്തിൽ കമന്‍റേറ്ററായി എത്തിയ ക്ലോപ്പിനോട് ഇതേക്കുറിച്ച് ചോദിച്ചപ്പോൾ, "ഇത് അതിനെക്കുറിച്ച് സംസാരിക്കാനുള്ള സമയമല്ല' എന്നായിരുന്നു അദ്ദേഹത്തിന്‍റെ മറുപടി.
രാജ്യം കൂടെയുണ്ട്: ചാൻസലർ ഫ്രെഡറിക് മെർസ്
കനത്ത തോൽവിക്കിടയിലും ടീമിന് ആത്മവിശ്വാസം നൽകിക്കൊണ്ട് ജർമൻ ചാൻസലർ ഫ്രെഡറിക് മെർസ് രംഗത്തെത്തി.
"പുറത്താകൽ കടുത്ത വേദന നൽകുന്നതാണെങ്കിലും ഇതൊരു മികച്ച മത്സരമായിരുന്നു. നിങ്ങളുടെ പോരാട്ടവീര്യവും ടീം സ്പിരിറ്റും രാജ്യത്തിന് പ്രചോദനമാണ്. ഞങ്ങൾ നിങ്ങളിൽ അഭിമാനിക്കുന്നു' ഫ്രെഡറിക് മെർസ് പറഞ്ഞു.
മുതിർന്ന പല താരങ്ങളുടെയും അവസാന ലോകകപ്പായിരിക്കുമിതെങ്കിലും ജമാൽ മുസിയാല, ഫ്ലോറിയൻ വിർട്സ് തുടങ്ങിയ യുവനിരയിലൂടെ ജർമൻ ഫുട്ബോൾ ശക്തമായി തിരിച്ചുവരുമെന്ന പ്രതീക്ഷയിലാണ് ആരാധകർ.
Australia and Oceania
ഡാർവിൻ: മലയാളത്തിലും ഇംഗ്ലീഷിലും സമ്പൂർണ ബൈബിൾ പകർത്തിയെഴുതി മാതൃകയായിരിക്കുകയാണ് ഓസ്ട്രേലിയയിലെ ഡാർവിൻ സെന്റ് അൽഫോൻസാ സീറോമലബാർ ഇടവകാംഗങ്ങൾ.
2025 സെപ്റ്റംബറിൽ ബൈബിൾ മാസാചരണമായി ഇടവക ആഘോഷിച്ചപ്പോൾ ബൈബിൾ പകർത്തിയെഴുത്തിനെ കുറിച്ചുള്ള ആലോചനയിൽ മലയാളത്തിൽ പകർത്തിയെഴുതി തുടങ്ങി.
Australia and Oceania
മെൽബൺ: മെൽബൺ സൗത്ത് ഈസ്റ്റിലെ സെന്റ് തോമസ് സീറോമലബാർ ഇടവകയും സാന്തോം കൾച്ചറൽ സെന്‍ററും സംയുക്തമായി പാകെൻഹാം ഹിൽ ക്രെസ്റ്റ് കോളജിൽ സംഘടിപ്പിച്ച റിമി ടോമി ലൈവ് മ്യൂസിക്കൽ കോൺസെർട്ടിൽ പരമ്പരാഗത തനിമയും ആധുനിക താളബോധവും ഒന്നിച്ചു ചേർത്ത് ഒരു ദൃശ്യ ശ്രാവ്യ വിരുന്നായി.
സാന്തോം ഡ്രംസ് ഒരുക്കിയ ചെണ്ടമേള വിസ്മയം ജനപഥങ്ങളെ ആവേശത്തിലാഴ്ത്തി സംഗീത ലോകത്തെ പ്രഗത്ഭയായ റിമി ടോമിയുടെ നേതൃത്വത്തിൽ അരങ്ങേറിയ സംഗീത സന്ധ്യയിൽ വേദിയെ പ്രകമ്പനം കൊള്ളിച്ചുകൊണ്ട് അരങ്ങേറിയ ഈ താളമഹോത്സവം നൂറു കണക്കിനാളുകളുടെ കെെയടിയും പ്രശംസയും ഏറ്റുവാങ്ങി.
ഇടവകാംഗമായ ജൊവാൻ പോള ഗ്ലാഡ്‌വിൻ എന്ന 12 വയസുള്ള അനുഗ്രഹീത കലാകാരി വയലിനിൽ ഉതിർത്ത മാങ്കുയിലെ.. പൂങ്കുയിലേ... എന്ന മനോഹര ഗാനത്തിന് ഇടന്തലയിലും വലന്തലയിലും ഒരേപോലെ വിസ്മയം തീർത്തത് 19 പ്രഗത്ഭരായ ചെണ്ട വാദ്യ കലാകാരൻമാർ ആണ്.
കേവലമൊരു കൊട്ടിക്കലാശത്തിനപ്പുറം, ശാസ്ത്രീയമായ മേളപ്പദങ്ങളും യുവ കലാപ്രതിഭകൾ തീർത്ത ഇലത്താള സംഗീതത്തിന്‍റെ അകമ്പടിയും ഒന്ന് ചേർന്നപ്പോൾ കലാകാരന്മാരുടെ ചെണ്ടയിൽ നിന്നുയർന്നതു ഒരേ മനസിന്‍റെ അത്ഭുത താളമായിരുന്നു.
കേരളത്തിന്‍റെ തനത് കലാരൂപമായ ചെണ്ടമേളത്തെ കടൽ കടന്നു ഈ കങ്കാരു നാട്ടിൽ ഇത്രത്തോളം ഊർജ്ജസ്വലതയോടെയും പുതുമയോടെയും അവതരിപ്പിക്കാൻ സാന്തോം ഡ്രംസിന് കഴിഞ്ഞത് ചെണ്ട മേള ട്രൂപിന്‍റെ ഗുരുവായ മലപ്പുറം എടവണ്ണപ്പാറ സ്വദേശിയായ പ്രശസ്ത ചെണ്ട വാദ്യ ഗുരു പോരൂർ ഹരികൃഷ്ണൻ മാഷിന്‍റെ കൃത്യമായ പാഠങ്ങളും അംഗങ്ങളുടെ സമർപ്പണ ബോധത്തോടെയുള്ള കഠിന പരിശീലനവുമാണ്.
സെന്റ് തോമസ് സീറോമലബാർ ഇടവക വികാരിയായ റവ.ഫാ. ഡോ സിബി പുളിക്കലിന്‍റെയും അസിസ്റ്റന്‍റ് വികാരി റവ.ഫാ. സജി ഞവരക്കാട്ടിന്‍റെയും അനുഗ്രഹീത രക്ഷാധികാരിത്വത്തിൽ സാന്തോം കൾച്ചറൽ സെന്‍റ്ർ, സാന്തോം ഡ്രംസ് ട്രൂപ് കോഓർഡിനേറ്റഴ്‌സ് എന്നിവരുടെ സഹകരണവും പ്രോത്സാഹനവും സാന്തോം ഡ്രംസിനെ മേള ലോകത്തു ഇനിയും അത്ഭുതങ്ങൾ സൃഷ്ടിക്കാൻ ഇടയാക്കും എന്നതിന് സംശയം ഇല്ല.
Australia and Oceania
ലിന്‍സ്: ഓസ്ട്രിയയിലെ ഇന്ത്യന്‍ എംബസിയും സംസ്‌കൃതി ഫെറൈന്‍ അപ്പര്‍ ഓസ്ട്രിയയും സംയുക്തമായി ലിന്‍സിലെ ലെൻ‌റോസ് കള്‍ച്ചറല്‍ മ്യൂസിയത്തില്‍ ഇന്‍റര്‍നാഷണല്‍ യോഗ ദിനാഘോഷം സംഘടിപ്പിച്ചു.
അപ്പര്‍ ഓസ്ട്രിയയിലുടനീളമുള്ള യോഗ പരിശീലകര്‍, കുടുംബങ്ങള്‍, ആരോഗ്യ പ്രേമികള്‍, പ്രാദേശിക യോഗ ക്ലാസുകളിലെ അംഗങ്ങള്‍ തുടങ്ങിയ നിരവധി പേര് യോഗയ്ക്കായി അണിനിരന്നു.
ലിന്‍സില്‍ എൻജിനിയറായി ജോലിചെയ്യുന്ന മലയാളി ദിനേശ് പടിഞ്ഞാറെ നേതൃത്വം നല്കിയ യോഗ ഐക്യം, ആരോഗ്യം, സമാധാനം, സാംസ്കാരിക വിനിമയം തുടങ്ങിയ മൂല്യങ്ങളെ ഉയര്‍ത്തിക്കാട്ടിയാണ് സംഘടിപ്പിച്ചത്.
Australia and Oceania
ബ്രിസ്ബൻ: സംഗീത ലോകത്ത് ഓസ്ട്രേലിയയിൽ മികവ് തെളിയിച്ച പ്രശസ്തരെ അണിനിരത്തിയുള്ള സംഗീതവിരുന്നിന് ബ്രിസ്ബൻ വേദിയാകുന്നു. നവോദയ സെൻട്രൽ കമ്മിറ്റി, ഓസ്ട്രേലിയൻ ഹബ് ഫോർ ഇന്ത്യൻ മ്യൂസിക് (അഹിം) എന്നീ സംഘടനകൾ ചേർന്നാണ് നിലാമഴ 2026 എന്ന പേരിൽ സംഗീത സന്ധ്യ ഒരുക്കുന്നത്.
ജൂലൈ 18ന് വിന്നം സ്റ്റേറ്റ് ഹൈ സ്കൂളിലാണ് മെഗാ സംഗീതവിരുന്ന് അരങ്ങേറുന്നത്. വൈകുന്നേരം ആറിന് വിന്നിം സ്റ്റാർ തിയേറ്ററിൽ നിലാമഴയ്ക്ക് തുടക്കമാകും
മലയാള ചലച്ചിത്ര സംഗീതലോകത്തെ അനശ്വര പ്രതിഭകളായ ജോൺസൺ മാസ്റ്റർ, ഔസേപ്പച്ചൻ, രവീന്ദ്രൻ മാസ്റ്റർ, ജെറി അമൽദേവ്, ശ്യാം തുടങ്ങിയ പ്രഗത്ഭ സംഗീത സംവിധായകരുടെ എക്കാലത്തെയും മികച്ച ഗാനങ്ങളാണ് നിലാമഴയിൽ ആസ്വാദകരിലേക്ക് പെയ്തിറങ്ങുന്നത് .
പ്രശസ്തരായ ഗായകർ, വിവിധ വാദ്യ കലാകാരന്മാർ, സങ്കേതിക വിദഗ്ധർ തുടങ്ങിയവർ അണിനിരക്കുന്ന തത്സമയ സംഗീത വിരുന്ന് ഓസ്ട്രേലിയയിലെ സംഗീതപ്രേമികൾക്ക് നല്ല അനുഭവം ആകുമെന്ന് സംഘടകർ പറഞ്ഞു.
ബ്രിസ്ബൻ സിറ്റി കൗൺസിലിന്‍റെ സഹകരണത്തോടെ നടക്കുന്ന സാംസ്കാരിക സംഗീത സായാഹ്നത്തിനുള്ള ഒരുക്കങ്ങൾ ആരംഭിച്ചു.
കൂടുതൽവിവരങ്ങൾ ബുക്ക് മൈ ഇവന്‍റ്സ് വെബ്സൈറ്റിൽ ലഭ്യമാണ്. വിശദ വിവരങ്ങൾക്ക് നവോദയ പ്രസിഡന്റ് സജീവ് കുമാർ - 0410 759 328, അഹിം പ്രസിഡന്റ് റീജു ജോർജ് എന്നിവരുമായി ബന്ധപ്പെടണം.
Australia and Oceania
മെൽബൺ: നടൻ സലിം കുമാറിന്റെ വിയോഗത്തിൽ ഇന്ത്യൻ ഓവർസീസ് കോൺഗ്രസ് വിക്ടോറിയ സ്റ്റേറ്റ് കമ്മിറ്റി അനുശോചിച്ചു. അനുഗ്രഹീത കലാകാരനും താനൊരു കോൺഗ്രസുകാരനാണെന്ന് പൊതുസമൂഹത്തിനോടും സിനിമാ ലോകത്തിനോടും വിളിച്ചുപറയുവാൻ യാതൊരു മടിയും കാണിക്കാതിരുന്ന സർഗപ്രതിഭയാണ് ദേശീയ അവാർഡ് ജേതാവായ സലിം കുമാറെന്ന് ഇന്ത്യൻ ഓവർസീസ് കോൺഗ്രസ് വിക്ടോറിയ സ്റ്റേറ്റ് കമ്മിറ്റി അനുശോചന സന്ദേശത്തിൽ പറഞ്ഞു.
സലിം കുമാറിന്റെ വിയോഗം കോൺഗ്രസ് കുടുംബത്തിനും സിനിമാ മേഖലയ്ക്കും ഒരു തീരാനഷ്‌‌‌ടമാണെന്ന് യോഗത്തിന് അധ്യക്ഷതവഹിച്ച വിക്ടോറിയ സ്റ്റേറ്റ് പ്രസിഡന്റ് റോബിൻ ജോസഫ് അറിയിച്ചു.
കോൺഗ്രസ് സർക്കാർ കേരളത്തിൽ തിരിച്ചുവരണമെന്ന് ഏറ്റവുമധികം ആഗ്രഹിച്ച ഒരു കലാകാരനായിരുന്നു സലിം കുമാറെന്ന് നാഷ്ണൽ പ്രസിഡന്റ് പി.വി. ജിജേഷ് അനുസ്മരിച്ചു.
വിക്ടോറിയ സ്റ്റേറ്റ് ജനറൽ സെക്രട്ടറി ഷിനോയ് സ്റ്റീഫൻ മഞ്ഞാങ്കൽ, വൈസ് പ്രസിഡന്‍റുമാരായ കുര്യൻ പുന്നൂസ് ആഞ്ഞിലിമൂട്ടിൽ, പോളി ചിറമേൽ, രാജി സാജു, ട്രെഷറർ ഇന്നസെന്‍റ് ജോർജ്, ജോയിന്റ് സെക്രട്ടറി സോണിഷ് ബേബി ഇഞ്ചേനാനിയിൽ, പ്രോഗ്രാം കോഓർഡിനേറ്റർമാരിയ മനോജ് ഗുരുവായൂർ, ഷൈജു ദേവസി തുടങ്ങിയവർ പ്രസംഗിച്ചു.
Australia and Oceania
സിഡ്നി: ഓസ്‌ട്രേലിയയുടെ ചരിത്രത്തിലെ ഏറ്റവും വലിയ ജൈവസുരക്ഷാ വേട്ടയിൽ ലക്ഷക്കണക്കിനു വിദേശയിനം പാറ്റകളെ പിടികൂടി. ന്യൂ സൗത്ത് വെയ്ൽസിലെ ബാഥർസ്റ്റിലുള്ള ഒരു വാണിജ്യകേന്ദ്രത്തിൽനിന്നാണ് മനുഷ്യന്‍റെ ഉള്ളംകൈയോളം വലിപ്പമുള്ള ഒരുലക്ഷത്തിലധികം പാറ്റകളെ കണ്ടെത്തിയത്.
കരിഞ്ചന്തയിൽ ഇവയ്ക്ക് ഏകദേശം രണ്ടു ലക്ഷം ഓസ്ട്രേലിയൻ ഡോളർ (ഏകദേശം 1.1കോടി ഇന്ത്യൻ രൂപ) വിലവരുമെന്ന് ഓസ്ട്രേലിയൻ പരിസ്ഥിതി-ജല മന്ത്രാലയം അറിയിച്ചു.
ലോകത്തിലെ ഏറ്റവും വലിയ പാറ്റ വർഗങ്ങളിലൊന്നായ മഡഗാസ്‌കർ ഹിസിംഗ് കോക്രോച്ചുകൾ, ദുബിയ കോക്രോച്ചുകൾ എന്നിവയാണു പിടികൂടിയതിൽ ഭൂരിഭാഗവും.
ഓസ്ട്രേലിയൻ നിയമപ്രകാരം ഈ രണ്ടുഇനങ്ങളെയും രാജ്യത്ത് കൊണ്ടുവരുന്നതിനു നിരോധനമുണ്ട്. ഓസ്‌ട്രേലിയയുടെ തനത് ജൈവവ്യവസ്ഥയ്ക്കും വന്യജീവികൾക്കും കൃഷിക്കും ഇവ വലിയ ഭീഷണിയാണെന്ന് ഡിപ്പാർട്ട്മെന്റ് ഓഫ് ക്ലൈമറ്റ് ചേഞ്ച്, എനർജി, എൻവയോൺമെന്‍റ് ആൻഡ് വാട്ടർ വ്യക്തമാക്കി.
മാരകമായ പല രോഗങ്ങളും പടർത്താൻ ശേഷിയുള്ളതാണ് ഈ ജീവികൾ. വളർത്തുമൃഗങ്ങൾക്കും പക്ഷികൾക്കും ഇരയായി നൽകാനാണു രഹസ്യകേന്ദ്രത്തിൽ പ്രജനനം നടത്തി ഇവയെ വിറ്റിരുന്നത്.
ഓൺലൈൻ വഴിയും ഇവയുടെ വില്പന നടന്നിരുന്നു. പിടിച്ചെടുത്ത പാറ്റകളെ കൂട്ടത്തോടെ കൊന്നൊടുക്കിയെന്നും അധികൃതർ വ്യക്തമാക്കി.
Australia and Oceania
വെല്ലിംഗ്ടൺ: ന്യൂസിലൻഡിലെ പപമോവയിൽ വാഹനാപകടത്തിൽ ഇന്ത്യൻ വംശജനായ യുവാവ് മരിച്ചു. പഞ്ചാബ് സ്വദേശി രമൺദീപ് ധില്ലൻ (36) ആണ് മരിച്ചത്. ടാക്സി ഡ്രൈവറായി ജോലി ചെയ്യുന്ന ഇദ്ദേഹത്തിന്‍റെ കാർ മറ്റൊരു വാഹനവുമായി കൂട്ടിയിടിക്കുകയായിരുന്നു.
രമൺദീപ് സംഭവസസ്ഥലത്ത് വച്ചു തന്നെ മരിച്ചു. വാഹനത്തിലുണ്ടായിരുന്ന രണ്ട് പേർക്ക് പരിക്കേറ്റു. ഭാര്യ വീർപാലും ഒന്നര വയസ് പ്രായമുള്ള കുഞ്ഞുമായാണ് ഇദ്ദേഹം ന്യൂസിലാൻഡിൽ താമസിക്കുന്നത്.
2015ൽ സ്റ്റുഡന്‍റ് വീസയിലാണ് രമൺദീപ് ന്യൂസിലൻഡിലെത്തുന്നത്. 2024ൽ ഇന്ത്യയിൽ തിരിച്ചെത്തി വീർപാലിനെ വിവാഹം കഴിച്ചു. തുടർന്ന് ഇരുവരും ന്യൂസിലൻഡിലേക്ക് പപമോവയിൽ സ്ഥിരതാമസമാക്കുകയും ചെയ്തു.
അവിടെ രണ്ടുപേരും കിവി തോട്ടത്തിലാണ് ജോലി ചെയ്തിരുന്നത്. പിന്നീട് മകൾ കുദ്രത് ജനിച്ചതിന് ശേഷമാണ് ഇദ്ദേഹം ടാക്സി ഡ്രൈവറായിൽ ജോലി ചെയ്തു തുടങ്ങിയത്. അപകടം നടന്ന റോഡിലൂടെ അദ്ദേഹം സ്ഥിരമായി യാത്ര ചെയ്യാറുണ്ടായിരുന്നുവെന്ന് വീർപാൽ പറഞ്ഞു.
അപകടം നടന്ന ദിവസം പകൽ മുഴുവൻ മകൾക്കൊപ്പമാണ് രമൺദീപ് ചിലവഴിച്ചത്. വൈകുന്നേരം ജോലിക്ക് പോകുന്നതിന് മുമ്പ് ഭക്ഷണം കഴിക്കാൻ തിരിച്ചെത്താമെന്ന് പറഞ്ഞാണ് അദ്ദേഹം വീട്ടിൽ നിന്നിറങ്ങുന്നത്.
എന്നാൽ രാത്രി വൈകിയിട്ടും വീട്ടിൽ തിരിച്ചെത്തിയില്ല. പിന്നീട് പോലീസ് വീട്ടിലെത്തിയാണ് രമൺദീപിന്‍റെ മരണവാർത്ത അറിയിച്ചത്. ഇദ്ദേഹത്തിന്‍റെ സംസ്കാരം ന്യൂസിലൻഡിൽ തന്നെ നടത്തി.
ന്യൂസിലൻഡിന്‍റെ വിവിധ ഭാഗങ്ങളിൽ നിന്നുള്ളവർ ചടങ്ങുകളിൽ പങ്കെടുക്കുകയും കുടുംബത്തെ സഹായിക്കാൻ ധനസമാഹരണം നടത്തുകയും ചെയ്തു.
Australia and Oceania
മെൽബൺ: പത്ത് വർഷത്തെ എൽഡിഎഫ് സർക്കാരിന്‍റെ ഭരണത്തിന് അറുതിവരുത്തിക്കൊണ്ട് കേരള സംസ്ഥാന ഭരണം യുഡിഎഫ് തിരിച്ചു പിടിച്ചതിന്‍റെ വിജയാഘോഷം ഇന്ത്യൻ ഓവർസീസ് കോൺഗ്രസ് വിക്ടോറിയ കേരള ചാപ്റ്ററിന്റെ നേതൃത്വത്തിൽ മെൽബണിൽ വർണാഭമായി കൊണ്ടാടി.
മുൻ കേന്ദ്രമന്ത്രിയും ഇപ്പോൾ ഇന്ത്യൻ പാർലമെന്‍റ് അംഗവുമായ മനീഷ് തിവാരി, റോവിൽ ഓസ്ട്രേലിയൻ ഇന്ത്യൻ കമ്മ്യൂണിറ്റി സെന്‍ററിൽ നടന്ന സമ്മേളനം ഉദ്ഘാടനം ചെയ്തു. 102 എംഎൽഎമാരുമായി ഭരണം തിരിച്ചു പിടിച്ച വി.ഡി. സതീശൻ നേതൃത്വം കൊടുക്കുന്ന കേരള സർക്കാരിനെ മനീഷ് തിവാരി പ്രത്യേകം അഭിനന്ദിച്ചു.
ഇന്ത്യൻ ഓവർസീസ് കോൺഗ്രസ് വിക്ടോറിയാ കേരള ചാപ്റ്റർ പ്രസിഡന്റ് റോബിൻ ജോസഫ് അധ്യക്ഷത വഹിച്ചു. ഐഒസി ഓസ്ട്രേലിയൻ പ്രസിഡന്റ് മനോജ് ഷെറോൺ മുഖ്യ പ്രഭാഷണം നടത്തി. രാജസ്ഥാൻ നാഗർ നിയമസഭാ മണ്ഡലം എംഎൽഎയായിരുന്ന വാജിബ് അലി വിശിഷ്ടാതിഥിയായിരുന്നു.
ചാലക്കുടി എംഎൽഎ സനീഷ് കുമാർ ജോസഫ് വീഡിയോ കോൺഫറൻസിലൂടെ ആശംസകളറിയിച്ചു. ഇന്ത്യൻ ഓവർസീസ് കോൺഗ്രസ് കേരള ചാപ്റ്റർ ഓസ്ട്രേലിയൻ പ്രസിഡന്റ് പി.വി. ജിജേഷും വിക്ടോറിയൻ പ്രസിഡന്റ് റോബിൻ ജോസഫും ചേർന്ന് കേക്ക് മുറിച്ച് സന്തോഷം പങ്കുവച്ചു.
Australia and Oceania
കാൻബറ: ഐഒസി ഓസ്ട്രേലിയ കേരള ചാപ്റ്ററിന്റെ നേതൃത്വത്തിൽ സംഘടിപ്പിച്ച നിയമസഭാ തെരഞ്ഞെ‌ടുപ്പിൽ വിജയിച്ച യുഡിഎഫ് എംഎൽഎമാർക്കുള്ള പ്രത്യേക അനുമോദനവും സൗഹൃദ സംഗമവും വിപുലമായ പങ്കാളിത്തത്തോടെ നടന്നു.
വിവിധ സംസ്ഥാനങ്ങളിൽ നിന്നുള്ള ഐഒസി ഓസ്ട്രേലിയ ഭാരവാഹികളും പ്രവർത്തകരും പങ്കെടുത്ത പരിപാടി സംഘടനയുടെ ഐക്യവും കൂട്ടായ്മയും വീണ്ടും തെളിയിച്ചു. പരിപാടിക്ക് ഐഒസി ഓസ്ട്രേലിയ ജനറൽ സെക്രട്ടറി സോബൻ തോമസ് സ്വാഗതം ആശംസിച്ചു.
തുടർന്ന് കേരള ചാപ്റ്റർ നാഷണൽ പ്രസിഡന്റ് ജിജേഷ് അധ്യക്ഷത വഹിച്ചു. തന്റെ അധ്യക്ഷ പ്രസംഗത്തിൽ സംഘടനയുടെ ഭാവി പ്രവർത്തനങ്ങൾ, കേരള സമൂഹത്തിന്റെ ഐക്യം, യുവജനങ്ങളുടെ പങ്കാളിത്തം, സമൂഹ സേവന പ്രവർത്തനങ്ങളുടെ ആവശ്യകത എന്നിവ അദ്ദേഹം വിശദീകരിച്ചു.
Africa
ജോഹന്നാസ്ബർഗ്: ദക്ഷിണാഫ്രിക്കയിൽ കാർ കൊക്കയിലേക്ക് മറിഞ്ഞ് പ്രവാസി മലയാളി മരിച്ചു. പാലക്കാട് വടക്കഞ്ചേരി അഞ്ചുമൂർത്തിമംഗലം സ്വദേശി പ്രവീൺ (36) ആണ് മരിച്ചത്.
രണ്ടു വർഷമായി ദക്ഷിണാഫ്രിക്കയിൽ കുക്കായി ജോലി ചെയ്തുവരികയായിരുന്നു. നടപടികൾ പൂർത്തിയാക്കി മൃതദേഹം നാട്ടിലെത്തിക്കാനുള്ള ശ്രമം പുരോഗമിക്കുന്നു.
പിതാവ്: ചെന്നക്കപ്പാടം കണ്ടപാത്ത് മോഹനൻ. മാതാവ്: ജാനകി. ഭാര്യ: ശ്രീജ. മക്കൾ: ആദിയ, അദ്വൈത്. സഹോദരൻ: വിപിൻ.
Africa
ജൂബ: അതിരൂക്ഷമായ ആഭ്യന്തരയുദ്ധം നിലനിൽക്കുന്ന ദക്ഷിണ സുഡാനിലെ പ്രശ്നബാധിതമായ ചില മേഖലകളിൽ ഈ വർഷം ഭക്ഷണസാമഗ്രികൾ എത്തിയിട്ടില്ലെന്ന് അന്താരാഷ്ട്ര ഭക്ഷ്യസുരക്ഷാ വിദഗ്ധർ ചൂണ്ടിക്കാട്ടി.
നാസിർ, ഫംഗക് കൗണ്ടികളിലെ 28,000 പേരാണ് ഗുരുതരമായ വിശപ്പ് നേരിടുന്നതെന്ന് ഇന്‍റഗ്രേറ്റഡ് ഫുഡ് സെക്യൂരിറ്റി ഫേസ് ക്ലാസിഫിക്കേഷന്‍റെ (ഐപിസി) റിപ്പോർട്ടിൽ പറയുന്നു. റിയാക്ക് മച്ചാറിന്‍റെ സുഡാൻ പീപ്പിൾസ് ലിബറേഷൻ മൂവ്മെന്റ് ഇൻ ഓപ്പോസിഷൻ പാർട്ടിയുടെ നിയന്ത്രണത്തിലായിരുന്ന പ്രദേശങ്ങളാണ് ഇവ.
രാജ്യദ്രോഹമുൾപ്പെടെയുള്ള കുറ്റങ്ങളാണ് മച്ചാറിനെതിരേ ഇപ്പോൾ ആരോപിക്കപ്പെടുന്നത്. മേഖലയിൽ നടന്ന അക്രമസംഭവങ്ങളുടെ ഫലമായി പതിനായിരക്കണക്കിനു ജനങ്ങൾ വാസസ്ഥലങ്ങളിൽനിന്നു ചിതറിക്കപ്പെട്ടു.
സമീപകാലത്ത് ശാന്തമായ പ്രദേശത്ത് സഹായങ്ങൾ എത്തിക്കുകയെന്നത് ഇപ്പോഴും വെല്ലുവിളിയാണ്. ഫെബ്രുവരി മുതൽ കിഴക്കൻ നാസിറിലെ പ്രദേശങ്ങളിൽ എത്തിച്ചേരാൻ കഴിയുന്നില്ലെന്ന് വേൾഡ് ഫുഡ് പ്രോഗ്രാം ഡയറക്ടർ മേരി എലെൻ പറഞ്ഞു.
എന്നിരുന്നാലും സിവിലിയന്മാരെ കണ്ടെത്തിയിട്ടുണ്ടെന്നും അധികൃതരുടെ ഭാഗത്തുനിന്ന് പ്രവേശന ഉറപ്പുകൾ ലഭിച്ചിട്ടുണ്ടെന്നും അവർ കൂട്ടിച്ചേർത്തു.
സുഡാൻ പീപ്പിൾസ് ലിബറേഷൻ മൂവ്മെന്റ് ഇൻ ഓപ്പോസിഷൻ നിയന്ത്രിക്കുന്ന മേഖലകളിലേക്കു സഹായമെത്താതിരിക്കാൻ സർക്കാർ ഗൂഢാലോചന നടത്തിയെന്ന് ആരോപണമുണ്ടെങ്കിലും രാജ്യത്തെ റിലീഫ് ആൻഡ് റീഹാബിലിറ്റേഷൻ കോർപറേഷൻ ഇതു നിഷേധിച്ചു.
തങ്ങളെ ആരും തടഞ്ഞിട്ടില്ലെന്നും കോർപറേഷൻ ചെയർപേഴ്സൺ പറഞ്ഞു. 2026 ആകുന്പോൾ രാജ്യത്തെ പകുതിയിലധികം ജനങ്ങൾ കടുത്ത പട്ടിണി നേരിടുമെന്നാണ് ഐപിസിയുടെ നിഗമനം.
Africa
കയ്റോ: ആഭ്യന്തരയുദ്ധം തുടരുന്ന ആഫ്രിക്കന്‍ രാജ്യമായ സുഡാനില്‍ വിമതസേന ഒഡിഷ സ്വദേശിയെ തട്ടിക്കൊണ്ടുപോയി ബന്ദിയാക്കി.
2023 മുതല്‍ സുഡാന്‍ സായുധ സേനക്കെതിരേ (എസ്എഎഫ്) യുദ്ധം തുടരുന്ന റാപ്പിഡ് സപ്പോര്‍ട്ട് ഫോഴ്‌സ് (ആര്‍എസ്എഫ്) ആണ് ജഗത് സിംഗ്പുര്‍ സ്വദേശി ആദര്‍ശ് ബെഹ്‌റ എന്ന 36കാരനെ തട്ടിക്കൊണ്ടുപോയത്.
രണ്ട് ആര്‍എസ്എഫ് ഭടന്മാര്‍ക്കു നടുവില്‍ ആദര്‍ശ് ഇരിക്കുന്നതിന്‍റെ വീഡിയോ പുറത്തുവന്നിട്ടുണ്ട്. ബോളിവുഡ് താരം ഷാരൂഖ് ഖാനെ അറിയുമോയെന്ന് ഇതിലൊരാള്‍ ആദര്‍ശിനോട് ചോദിക്കുന്നുണ്ട്.
2022ലാണ് ആദര്‍ശ് ജോലിക്കായി സുഡാനിലെത്തിയതെന്ന് ഒഡിഷയിലെ കുടുംബം അറിയിച്ചു.
Africa
മപൂട്ടോ: ആഫ്രിക്കന്‍ രാജ്യമായ മൊസാംബിക്കിലുണ്ടായ ബോട്ടപകടത്തിൽ കാണാതായ മലയാളി യുവാവിന്റെ മൃതദേഹം കണ്ടെത്തി. പിറവം സ്വദേശിയായ ഇന്ദ്രജിത്തിന്‍റെ(22) മൃതദേഹമാണ് ലഭിച്ചത്.
കുടുംബാംഗമാണ് മൃതദേഹം തിരിച്ചറിഞ്ഞത്. തുടർന്ന് കമ്പനി അധികൃതർ കുടുംബത്തെ വിവരം അറിയിക്കുകയായിരുന്നു. ഇന്ദ്രജിത്തിന്‍റെ പിതാവ് സന്തോഷും മൊസാംബിക്കില്‍ കപ്പല്‍ ജീവനക്കാരനാണ്.
നടപടികൾ പൂർത്തിയാക്കി ശനിയാഴ്ചയോടെ മൃതദേഹം നാട്ടിലേക്ക് അയക്കുമെന്നാണ് കരുതുന്നത്. രണ്ട് ആഴ്ച മുൻപാണ് മൊസംബിക്കിൽ ബോട്ടപകടമുണ്ടായത്.
പിറവം വെളിയനാട് നിന്നും അപകടത്തിന് നാലു ദിവസം മുമ്പാണ് ഇന്ദ്രജിത്ത് മൊസംബിക്കിലെ ജോലി സ്ഥലത്തേക്ക് പോയത്. ബെയ്റ തുറമുഖത്ത് നങ്കൂരമിട്ടിരുന്ന താന്‍ ജോലി ചെയ്യുന്ന കപ്പലിലേക്ക് കയറാനായി പോകുന്ന വഴിയാണ് യാത്ര ചെയ്തിരുന്ന ബോട്ട് അപകടത്തില്‍പ്പെട്ടത്.
നാലു വര്‍ഷമായി മൊസാംബിക്കിലെ സ്കോര്പിയോ മറൈന്‍ എന്ന കമ്പനിയില്‍ ജോലി ചെയ്യുന്ന കൊല്ലം തേവലക്കര സ്വദേശി ശ്രീരാഗ് രാധാകൃഷ്ണനാണ് അപകടത്തില്‍ മരിച്ച മറ്റൊരു മലയാളി. ശ്രീരാഗിന്‍റെ മൃതദേഹം കഴിഞ്ഞയാഴ്ച നാട്ടിലെത്തിച്ചിരുന്നു.
ശ്രീരാഗും അടുത്തിടെയാണ് ജോലിക്കായി മൊസാംബിക്കിലേക്ക് പോയത്. ഭാര്യയും നാലും രണ്ടു മാസവും പ്രായമുള്ള മക്കളും മാതാപിതാക്കളുമടങ്ങുന്ന കുടുംബത്തിന്‍റെ ഏക ആശ്രയമായിരുന്നു ശ്രീരാഗ്.
എംടി സീ ക്വസ്റ്റ് എന്ന എണ്ണ കപ്പലിലേക്ക് ഇന്ത്യന്‍ ജീവനക്കാരെ കൊണ്ടു പോയ ലോഞ്ച് ബോട്ടാണ് മുങ്ങിയത്. അപകടസമയം 21 പേരാണ് ബോട്ടില്‍ ഉണ്ടായിരുന്നത്.
Africa
കയ്റോ: സുഡാനിൽ അർധസൈനിക വിഭാഗമായ റാപ്പിഡ് സപ്പോർട്ട് ഫോഴ്സസ് പിടിച്ചെടുത്ത എൽ-ഫാഷർ നഗരത്തിലെ ആശുപത്രിയിൽ 460 പേർ കൊല്ലപ്പെട്ടു, ലോകാരോഗ്യ സംഘടന ഡയറക്ടർ ജനറൽ ടെഡ്രോസ് അഥാനോം ഗെബ്രയേസസ് ആണ് ഇക്കാര്യം അറിയിച്ചത്.
സൗദി മറ്റേണിറ്റി ആശുപത്രിയിൽ രോഗികളും കൂട്ടിരിപ്പുകാരുമാണ് കൊല്ലപ്പെട്ടത്. എൽ-ഫാഷർ നഗരം റാപ്പിഡ് സപ്പോർട്ട് ഫോഴ്സസ് പിടിച്ചെടുത്തതോടെ സൈന്യം പിന്മാറിയിരുന്നു.
Africa
മപൂട്ടോ: ആഫ്രിക്കന്‍ രാജ്യമായ മൊസാംബിക്കിലെ ബോട്ടപകടത്തില്‍ മരിച്ചവരില്‍ കൊല്ലം തേവലക്കര സ്വദേശിയും. അപകടം നടന്ന പ്രദേശത്ത് നിന്ന് കണ്ടെത്തിയ മൃതദേഹം തേവലക്കര സ്വദേശി ശ്രീരാഗ് രാധാകൃഷ്ണന്‍റേതാണെന്ന് സ്ഥിരീകരിച്ചു.
ഷിപ്പിംഗ് ഡയറക്ടര് ജനറലാണ് ശ്രീരാഗിന്‍റെ മരണം സ്ഥിരീകരിച്ചത്. തേവലക്കര നടുവിക്കര ഗംഗയില്‍ പി.പി.രാധാകൃഷ്ണന്‍ - ലീല ദമ്പതികളുടെ മകനാണ് ശ്രീരാഗ് രാധാകൃഷ്ണന്‍. സ്കോര്പിയോ മറൈന്‍ കമ്പനിയില്‍ ഇലക്ട്രോ ടെക്‌നിക്കല്‍ ഓഫീസറായിരുന്നു ശ്രീരാഗ്.
ഏഴ് വര്‍ഷം മുന്‍പാണ് ശ്രീരാഗ് കമ്പനിയില്‍ ജോലിക്ക് പ്രവേശിച്ചത്. ബെയ്‌റോ തുറമുഖത്തിന് സമീപം വെള്ളിയാഴ്ചയായിരുന്നു അപകടമുണ്ടായത്. സീ കാസ്റ്റ് എന്ന കപ്പലില്‍ ജോലിയില്‍ പ്രവേശിക്കുന്നതിനായി 21 ജീവനക്കാരുമായി പോയ സ്വകാര്യ ഏജന്‍സിയുടെ ബോട്ടാണ് അപകടത്തില്‍പ്പെട്ടത്.
Africa
കൊച്ചി: കെനിയന്‍ മുൻ പ്രധാനമന്ത്രി റെയ്‌ല ഒഡിങ്ക(80) അന്തരിച്ചു. ഹൃദയാഘാതത്തെ തുടര്‍ന്ന് കേരളത്തിൽ വച്ചായിരുന്നു അന്ത്യം. മകളുടെ തുടര്ചികിത്സയ്ക്കായി കൂത്താട്ടുകുളം ശ്രീധരീയത്തില്‍ എത്തിയതായിരുന്നു അദ്ദേഹം.
രാവിലെ പ്രഭാതസവാരിക്കിടെ കുഴഞ്ഞുവീഴുകയായിരുന്നു. ഉടന്‍തന്നെ കൂത്താട്ടുകുളത്തെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
ശ്രീധരീയവുമായി ദീര്‍ഘകാലമായി ബന്ധമുള്ള ഒഡിങ്ക ആറു ദിവസം മുമ്പാണ് കൂത്താട്ടുകുളത്തെത്തിയത്. മകള്‍ റോസ്‌മേരി ഒഡിങ്കയുടെ ചികിത്സയ്ക്ക് വേണ്ടി 2019ലാണ് ആദ്യമായി അദ്ദേഹം കേരളത്തിലെത്തുന്നത്.
2008 മുതല്‍ 2013 വരെയാണ് ഒഡിങ്ക കെനിയയു‌ടെ പ്രധാനമന്ത്രിയായത്. 2013 മുതല്‍ പ്രതിപക്ഷ നേതാവായും പ്രവര്‍ത്തിച്ചിട്ടുണ്ട്. അഞ്ചു തവണ കെനിയന്‍ പ്രസിഡന്റ് പദത്തിലേക്ക് മത്സരിച്ചെങ്കിലും പരാജയപ്പെട്ടിരുന്നു.
Africa
ഈസ്റ്റ് ലണ്ടൻ: ദക്ഷിണാഫ്രിക്കയിലെ ഈസ്റ്റ് ലണ്ടനിൽ മലയാളികൾ ഓണം ആഘോഷിച്ചു. ഈസ്റ്റ് ലണ്ടൻ മലയാളി അസോസിയേഷന്‍റെ(എൽമ) നേതൃത്വത്തിലായിരുന്നു ആഘോഷം സംഘടിപ്പിച്ചത്.
കഴിഞ്ഞ ശനിയാഴ്ച എക്സിക്യൂട്ടീവ് കമ്മിറ്റിയുടെ നേതൃത്വത്തിൽ സെന്റ് ജോസഫ്സ് പ്രിപ്പറേറ്ററി ആൻഡ് കോളജിലായിരുന്നു ഓണാഘോഷം. ഓണാഘോഷത്തിൽ മൂന്നൂറോളം അംഗങ്ങൾ പങ്കെടുത്തു.
എൽമ അംഗമായ പിയൂസ് തോമസിന്‍റെ സെന്റ് ജോസഫ്സ് പ്രിപ്പറേറ്ററി ആൻഡ് കോളജിലുള്ള ആംഫീതീയറ്ററിലേ ആദ്യ ഔദ്യോഗിക പരിപാടിയായി ഓണം ആഘോഷിച്ചു. കുടുംബ ഫോട്ടോ സെഷനോടെയാണ് ചടങ്ങുകൾ ആരംഭിച്ചത്.
തുടർന്ന് ചെയർമാൻ സൈമൺ സ്വാഗതം പറഞ്ഞു. റിട്ടയേർഡ് അധ്യാപകൻ കെ.എൽ. ജോസഫ് ഭദ്രദീപം തെളിയിച്ച് പരിപാടി ഉദ്ഘാടനം ചെയ്തു. മേജോ സെബാസ്റ്റ്യന്‍റെ മഹാബലി വേഷത്തോടെ പരിപാടികൾക്ക് അരങ്ങേറ്റം കുറിച്ചു.
തുടർന്ന് രേണു പ്രസാദ് ഓണസന്ദേശം നൽകി. ഡർബനിലെ ഇന്ത്യൻ കോൺസുലേറ്റിൽ നിന്നുള്ള മനോജ് രഞ്ജൻ ഭാരതിയും തഥാഗത ബിസ്വാസും മുഖ്യാതിഥികളായി ചടങ്ങിൽ പങ്കെടുത്തു. മാന്യ എംപിഎൽ അനിൽകുമാർ കേശവപിള്ള മുഖ്യാതിഥികളെ സ്വാഗതം ചെയ്തു.
എൽമയ്ക്കായി വർഷങ്ങളായി സേവനമനുഷ്ഠിച്ച പ്രസാദ് മാത്യു, ജി.പി.ആർ. പ്രസാദ്, പിയൂസ് തോമസ്, വിനോദ് കുമാർ എന്നിവരെ ആദരിച്ചു. അന്താരാഷ്ട്ര തലത്തിൽ കരാട്ടയിൽ മത്സരിച്ച എൽമയിലെ കുട്ടികളായ അമൻ സിറിയാക്, തേജസ് വിനോത്, സ്റ്റീഫൻ ലൂക്കോസ് എന്നിവർക്ക് ട്രോഫികൾ സമ്മാനിച്ചു.
അതേ ദിവസം നടന്ന കരാട്ടെ ഗ്രേഡിംഗ് ചടങ്ങായ "ഷോഡാൻ'-ൽ ഇവർ ബ്ലാക്ക് ബെൽറ്റും കരസ്ഥമാക്കി. ആഘോഷത്തിന് കരുത്തുനൽകി പ്രവർത്തിച്ച സബ്കമ്മിറ്റി കോഓർഡിനേറ്റർമാർക്കും ഉപഹാരം നൽകി ആദരിച്ചു.
ലൂക്കോസ്, സുശാന്ത് നായർ, രാജി സുനിൽ, റോജി ജോമി എന്നിവരുടെ നേതൃത്വത്തിലായിരുന്നു പരിപാടി. വിനി ആൻ റോബിമോൻ കൃതകജ്ഞത അർപ്പിച്ചു.
2025-2026 എക്സിക്യൂട്ടീവ് കമ്മിറ്റിയിലെ അംഗങ്ങൾ:
ചെയർമാൻ: പ്രഫ. സൈമൺ ക്രിസ്റ്റഫർ ഫെർണാണ്ടസ്, വൈസ് ചെയർപേഴ്സൺ: അനീഷ തോമസ്, സെക്രട്ടറി: വിനി ആൻ റോബിമോൻ, ജോയിന്റ് സെക്രട്ടറി: ഡോ. റോണി ആന്‍റണി, ട്രഷറർ: വിനോത് കുമാർ ശങ്കർ, ഓഡിറ്റർ: മാക്സ് മാത്യു, ഇവന്‍റ് കോഓർഡിനേറ്റർ: സൗമ്യ സൂസൻ സൈമൺ.
Africa
അബൂജ: ക്രൈസ്തവ വിരുദ്ധ ആക്രമണങ്ങളാൽ കുപ്രസിദ്ധമായ നൈജീരിയയിൽ വീണ്ടും കത്തോലിക്കാ വൈദികന്‍ കൊല്ലപ്പെട്ടു. തെക്കുകിഴക്കൻ നൈജീരിയയിലെ എനൊഗു സംസ്ഥാനത്തെ എൻസുക്ക രൂപതാംഗവും ഇഹ-എൻഡിയാഗുവിലെ സെന്റ് ചാൾസ് ഇടവക വികാരിയുമായ ഫാ. മാത്യു ഇയ(35)യാണു വെടിയേറ്റു മരിച്ചത്.
കഴിഞ്ഞ വെള്ളിയാഴ്ച വൈകുന്നേരമായിരുന്നു സംഭവം. സംസ്ഥാനതലസ്ഥാനമായ എനുഗുവിൽ പോയി തിരികെ തന്റെ ഇടവകയിലേക്ക് മടങ്ങുമ്പോൾ പള്ളിക്കടുത്ത ഇഹ-അലുമോണ-ഇഹ-എൻഡിയാഗു റോഡിൽ ബൈക്കിലെത്തിയ രണ്ട് ആയുധധാരികള്‍ അദ്ദേഹത്തിന്‍റെ കാർ മറികടന്ന് ടയറുകൾക്കു നേരേ വെടിവച്ചു.
വൈകാതെ കാർ നിർത്താൻ നിർബന്ധിച്ചശേഷം, അടുത്തുനിന്ന് നിരവധി തവണ വെടിവയ്ക്കുകയായിരുന്നു. കൊലയാളികൾക്കായി പോലീസ് തെരച്ചിൽ ആരംഭിച്ചു. വൈദികന്‍റെ ഘാതകരെക്കുറിച്ച് സൂചന നല്‍കുന്നവര്‍ക്ക് പത്തു ദശലക്ഷം നൈറ (ഏകദേശം ആറു ലക്ഷം രൂപ) പാരിതോഷികം പോലീസ് വാഗ്ദാനം ചെയ്തിട്ടുണ്ട്.
കത്തോലിക്കാ വൈദികരെയും വിശ്വാസികളെയും ലക്ഷ്യമിട്ടു വലിയ ആക്രമണങ്ങളാണ് നൈജീരിയയുടെ വിവിധ ഭാഗങ്ങളില്‍ നടക്കുന്നത്. ജിഹാദി ആക്രമണത്തിൽ 2000 മുതൽ ഇതുവരെ ഏകദേശം 62,000 ക്രൈസ്തവർ രാജ്യത്തു കൊല്ലപ്പെട്ടതായാണു റിപ്പോർട്ട്.
കഴിഞ്ഞ വർഷം മാത്രം 3,100 ക്രൈസ്തവർ കൊല്ലപ്പെടുകയും 2,830 പേരെ തട്ടിക്കൊണ്ടുപോകുകയും ചെയ്തിട്ടുണ്ട്. ഫുലാനി മുസ്ലിം ഗോത്ര വിഭാഗത്തിൽപ്പെട്ട ഭീകരരാണു രാജ്യത്തെ ക്രിസ്തവവിരുദ്ധ ആക്രമണങ്ങൾക്കു പിന്നിൽ.
Africa
കൊച്ചി: ചികിത്സയ്ക്കായി കെനിയൻ സംഘത്തോടൊപ്പം എത്തിയ കെനിയന്‍ ചിത്രകാരി ജോയ് റിച്ചു കേരളത്തിന്‍റെ ചികിത്സാ മികവിന് നന്ദി അറിയിച്ചത് തന്റെ കലാസൃഷ്ടിയിലൂടെ. രാജഗിരി ആശുപത്രിയിലെ വിശാലമായ ലോബിയില്‍ സ്ഥാപിച്ച കാന്‍വാസില്‍ ഈ ആഫ്രിക്കന്‍ ചിത്രകാരി വരച്ച് തീര്‍ത്ത ചിത്രം ഒരുപാട് അര്‍ഥങ്ങള്‍ ഉള്‍ക്കൊള്ളുന്നതായിരുന്നു.
ചികിത്സയും സാംസ്കാരിക പര്യടനവും സമന്വയിപ്പിച്ച യാത്രയുടെ ഭാഗമായി ജോയ് റിച്ചു അടക്കം 20 അംഗസംഘമാണ് രാജഗിരി ആശുപത്രിയില്‍ എത്തിയത്. മെഡിക്കല്‍ ടൂറിസത്തിന് അനുയോജ്യമാണ് കേരളത്തിന്‍റെ ഭൂപ്രകൃതിയും ഇവിടുത്തെ മികവുറ്റ ആരോഗ്യ പ്രവര്‍ത്തകരുമെന്ന് ജോയ് റിച്ചു അഭിപ്രായപ്പെട്ടു.
കെനിയന്‍ വേരുകളും അന്താരാഷ്ട്ര യാത്രകളും ഇടകലരുന്നതാണ് റിച്ചുവിന്‍റെ സൃഷ്ടികള്‍. കൊക്കകോള, പോര്‍ഷെ, ന്യൂയോര്‍ക്ക് ടൈംസ്, മാസ്റ്റര്‍കാര്‍ഡ് ഉള്‍പ്പെടെയുള്ള ആഗോള ബ്രാന്‍ഡുകള്‍ക്ക് വേണ്ടി അവര്‍ പ്രവര്‍ത്തിച്ചിട്ടുണ്ട്.
കൊക്കകോളയുടെ ആദ്യത്തെ ആഫ്രിക്കന്‍ പ്രചോദിത പാനീയമായ വൂസാഹ് രൂപകല്‍പ്പന ചെയ്തത് ജോയ് റിച്ചുവാണ്. കാന്‍സ് ലയണ്‍സ് സീ ഇറ്റ് ബി ഇറ്റ് അവാര്‍ഡ് 2024ല് അവര്‍ സ്വന്തമാക്കി.
Africa
മോൺറോവിയ: ലൈബീരിയയുടെ തലസ്ഥാനമായ മോൺറോവിയയിൽ ഓണാഘോഷം സംഘടിപ്പിച്ച് ഇന്ത്യൻ സമൂഹം. മഹാത്മ കൾച്ചറൽ സെന്റർ(എംസിസി) എന്ന മലയാളി സംഘടനയുടെ നേതൃത്വത്തിൽ സംഘടിപ്പിച്ച ആഘോഷം അവെയർ ഇന്‍റർനാഷനൽ സ്കൂളിന്‍റെ ഓഡിറ്റോറിയത്തിൽ നടന്നു.
പല ദേശങ്ങളിൽ നിന്നുള്ള ഇന്ത്യൻ പ്രവാസികളോടൊപ്പം നിരവധി ലൈബീരിയൻ സുഹൃത്തുക്കളും പരിപാടിയിൽ പങ്കെടുത്തു. മഹാബലിയെ വരവേൽക്കാൻ എംസിസി അംഗങ്ങളുടെ നേതൃത്വത്തിലുള്ള ഘോഷയാത്രയോടെയായിരുന്നു പരിപാടിയുടെ തുടക്കം.
Africa
ലാഗോസ്: മതിനിന്ദക്കുറ്റം ആരോപിച്ച് വനിതയെ തീ കൊളുത്തികൊന്നു. നൈജീരിയയിലെ വടക്കൻ സംസ്ഥാനമായ നൈജറിലായിരുന്നു ദാരുണസംഭവം. അമായേ എന്നു പേരുള്ള ഭക്ഷണവില്പനക്കാരിയാണു കൊല്ലപ്പെട്ടത്. ഇവർ ഏതു മതക്കാരി ആണെന്നതിൽ വ്യക്തതയില്ല.
പരിഹാസരൂപേണ വിവാഹാഭ്യർഥന നടത്തിയ ഒരാൾക്ക് അമായേ നല്കിയ മറുപടി പ്രവാചകനിന്ദയാണെന്ന് ആരോപിച്ച് ജനം അക്രമാസക്തമാകുകയായിരുന്നു. പോലീസ് സ്ഥലത്തെത്തുന്നതിനു മുന്പേ ഇവരെ തീകൊളുത്തി.
മുസ്ലിം ഭൂരിപക്ഷ സംസ്ഥാനങ്ങളിൽ ശരിയത്ത് നിയമം പ്രാബല്യത്തിലുള്ള നൈജീരിയയിൽ ഇത്തരം സംഭവങ്ങൾ ആദ്യമല്ല. 2022ൽ സൊക്കോറ്റോ സംസ്ഥാനത്ത് ദബോറ സാമുവൽ എന്ന ക്രിസ്ത്യൻ കോളജ് വിദ്യാർഥിനിയെ മതനിന്ദക്കുറ്റം ആരോപിച്ച് തീ കൊളുത്തി കൊന്നിരുന്നു.
കഴിഞ്ഞവർഷം ഉസ്മാൻ ബുഡാ എന്ന ഇറച്ചിവെട്ടുകാരനെ ജനം കല്ലെറിഞ്ഞു കൊന്ന സംഭവമുണ്ടായി.
Africa
ഭട്ടിൻഡ: പഞ്ചാബിൽ ആൾക്കൂട്ടത്തിന്‍റെ മർദനമേറ്റു ചികിത്സയിലായിരുന്ന സിംബാബ്‌വെ സ്വദേശി മരിച്ചു. സിവേയ ലീറോയി (22) ആണു മരിച്ചത്. ഈ മാസം 13നാണ് ലീറോയിക്കു മർദനമേറ്റത്.
തുടർന്ന് ആശുപത്രിയിൽ ചികിത്സയിലായിരുന്നു. ഗുരു കാശി യൂണിവേഴ്സിറ്റിയിലെ സെക്യൂരിറ്റി ഗാർഡായ ദിൽപ്രീത് സിംഗും മറ്റ് എട്ടു പേരുമാണ് ലീറോയിയെ മർദിച്ചത്.
തലേദിവസം ലീറോയിയും ദിൽപ്രീതും തമ്മിലുണ്ടായ വാക്കേറ്റമാണ് മർദനത്തിൽ കലാശിച്ചത്. ഒന്പതു പേർക്കെതിരേ കൊലക്കുറ്റത്തിനു കേസെടുത്തു. ഇവരിൽ എട്ടു പേർ അറസ്റ്റിലായി.
Africa
നിയാമി: ആഫ്രിക്കൻ രാജ്യമായ നൈജിറിലെ ഡോസോ മേഖലയിൽ ഭീകരാക്രമണം. ആക്രമണത്തിൽ രണ്ട് ഇന്ത്യക്കാർ കൊല്ലപ്പെട്ടതായി നിയാമിയിലെ ഇന്ത്യൻ എംബസി അറിയിച്ചു.
മറ്റൊരു ഇന്ത്യക്കാരനെ തട്ടിക്കൊണ്ടുപോയതായും നൈജറിലെ ഇന്ത്യൻ പൗരന്മാർ അതീവ ജാഗ്രത പാലിക്കണമെന്നും ഇന്ത്യൻ എംബസി വ്യക്തമാക്കി.
നൈജിറിന്‍റെ തലസ്ഥാനമായ നിയാമിയിൽ നിന്ന് ഏകദേശം നൂറു കിലോമീറ്റർ അകലെയുള്ള ഡോസോ മെഖലയിലെ ഒരു വൈദ്യുതി ലൈനിന്‍റെ നിർമാണം നടക്കുന്ന സ്ഥലത്താണ് ആക്രമണം നടന്നത്.
സുരക്ഷയ്ക്കായി വിന്യസിച്ച നൈജീരിയൻ സൈന്യത്തെ അജ്ഞാതരായ ആയുധധാരികൾ ആക്രമിച്ചതായി അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു.
Africa
കോഴിക്കോട്: ആഫ്രിക്കന്‍ രാജ്യമായ ഘാനയില്‍ മഞ്ഞപ്പിത്തം ബാധിച്ച് മലയാളി മരിച്ചു. താമരശേരി പരപ്പന്‍പൊയില്‍ സ്വദേശി അബ്ദുല്‍ റഷീദ് (60) ആണ് മരിച്ചത്.
സ്വര്‍ണവ്യാപാരവുമായി ബന്ധപ്പെട്ട് ഏഴു മാസം മുമ്പാണ് റഷീദ് ഘാനയിലേക്ക് പോയത്. ഭാര്യ: ബുഷ്റ. മക്കൾ: ഫർഹ, ഫിദ, നിബ. മരുമക്കൾ: ഷംനാദ്, മഷ്ഹൂഖ്.
Africa
വിൻഡ്ഹോക്ക്: രാജ്യങ്ങൾ തമ്മിലുള്ള സഹകരണം വർധിപ്പിക്കുന്നതിനായി, ഊർജവും ആരോഗ്യവുമടക്കമുള്ള മേഖലകളിലായി നാല് കരാറുകളിൽ ഇന്ത്യയും നമീബിയയും ഒപ്പുവച്ചു.
പ്രധാനമന്ത്രി നരേന്ദ്ര മോദിയും നമീബിയ പ്രസിഡന്റ് നന്ദി നന്ദൈത്വയും തമ്മിൽ നടത്തിയ ചർച്ചയ്ക്കു ശേഷമാണ് ഇവയിൽ ഒപ്പുവച്ചത്. മോദി നടത്തുന്ന അഞ്ച് രാജ്യങ്ങളിലേക്കുള്ള സന്ദർശനത്തിന്‍റെ അവസാന ഘട്ടത്തിലാണ് നമീബിയയിലെത്തിയത്.
ജൈവ ഇന്ധനങ്ങൾ, ആരോഗ്യം, ദുരന്തനിവാരണം തുടങ്ങിയ മേഖലകളിലടക്കം നാല് കരാറുകളാണ് ഒപ്പിട്ടത്. മോദി നമീബിയയിലേക്ക് നടത്തുന്ന ആദ്യത്തെ സന്ദർശനമാണിത്. രാജ്യത്തെത്തുന്ന മൂന്നാമത്തെ ഇന്ത്യൻ പ്രധാനമന്ത്രികൂടിയാണ് അദ്ദേഹം.
"വിലപ്പെട്ടതും വിശ്വസ്തനുമായ പങ്കാളി’എന്നാണ് നമീബിയയെ മോദി വിശേഷിപ്പിച്ചത്. സ്റ്റേറ്റ് ഹൗസിൽ ആചാരപരമായ സ്വീകരണമൊരുക്കിയാണ് അദ്ദേഹത്തെ നമീബിയ വരവേറ്റത്.
Africa
ലുസാക്ക: ആഫ്രിക്കൻ രാജ്യമായ സാംബിയയിൽ വനത്തിൽ ഉല്ലാസ സവാരി നടത്തുകയായിരുന്ന രണ്ടു വനിതാ ടൂറിസ്റ്റുകളെ കാട്ടാന ചവിട്ടിക്കൊന്നു.
ബ്രിട്ടനിൽനിന്നും ന്യൂസിലൻഡിൽനിന്നുമുള്ള 68ഉം 67ഉം വയസ് പ്രായമുള്ള വനിതകളാണു വ്യാഴാഴ്ച സൗത്ത് ലുവാംഗ നാഷണൽ പാർക്കിൽ ദാരുണമായി കൊല്ലപ്പെട്ടത്.
കുഞ്ഞിനെ പരിചരിച്ചുകൊണ്ടിരുന്ന പിടിയാനയാണ് ഇവരെ ആക്രമിച്ചത്. പിന്നിൽ നിന്നിരുന്ന ആന അതിവേഗം ഓടിവരുകയായിരുന്നു.
ടൂറിസ്റ്റുകൾക്കൊപ്പം ഉണ്ടായിരുന്ന ഗൈഡുകൾ വെടിയുതിർത്ത് ആനയെ പിന്തിരിപ്പിക്കാൻ ശ്രമിച്ചെങ്കിലും വിജയിച്ചില്ല.
Africa
അക്കാര: ഇന്ത്യ ലോകത്തിന്റെ ശക്തിസ്തംഭമാണെന്ന് പ്രധാനമന്ത്രി നരേന്ദ്ര മോദി. ശക്തമായ ഇന്ത്യക്ക് ലോകത്തിനു കൂടുതൽ സംഭാവന നൽകാനാകുമെന്നും അദ്ദേഹം പറഞ്ഞു. ഘാന പാർലമെന്‍റിനെ അഭിസംബോധന ചെയ്തു പ്രസംഗിക്കുകയായിരുന്നു അദ്ദേഹം.
ഇന്ത്യ അതിവേഗം വളരുന്ന വളർന്നുവരുന്ന സമ്പദ്‌വ്യവസ്ഥയാണ്. ഉടൻ മൂന്നാമത്തെ വലിയ സമ്പദ്‌വ്യവസ്ഥയായി മാറുമെന്നും അദ്ദേഹം ചൂണ്ടിക്കാട്ടി. രണ്ടാം ലോക മഹായുദ്ധത്തിനുശേഷം സൃഷ്ടിക്കപ്പെട്ട ലോകക്രമം വേഗത്തിൽ മാറിക്കൊണ്ടിരിക്കുകയാണ്.
സാങ്കേതികവിദ്യാ വിപ്ലവം, ഗ്ലോബൽ സൗത്തിന്‍റെ വളർച്ച, ജനസംഖ്യാപരമായ മാറ്റം എന്നിവ അതിന്‍റെ വേഗവും വ്യാപ്തിയും വർധിപ്പിക്കുന്നുണ്ട്. മാറിയ സാഹചര്യങ്ങൾ ആഗോളതലത്തിൽ വിശ്വസനീയവും ഫലപ്രദവുമായ പരിഷ്കാരങ്ങൾ ആവശ്യപ്പെടുന്നുണ്ടെന്നും അദ്ദേഹം പറഞ്ഞു.
ഘാനയുടെ പരമോന്നത ബഹുമതിയായ ‘ഓർഡർ ഓഫ് ദി സ്റ്റാർ ഓഫ് ഘാന’ നൽകി രാജ്യം മോദിയെ ആദരിച്ചു. ഈ ബഹുമതിക്ക് മോദി ഘാനയോട് നന്ദി പ്രകടിപ്പിക്കുകയും ഇന്ത്യയിലെ മുഴുവൻ പൗരന്മാർക്ക് സമർപ്പിക്കുകയും ചെയ്തു.
Africa
നയ്റോബി: കെനിയയിൽ സർക്കാർവിരുദ്ധ പ്രക്ഷോഭത്തിൽ മരിച്ചവരുടെ എണ്ണം 16 ആയി. പോലീസിന്‍റെ നിഷ്ഠുരതയ്ക്കും സർക്കാരിന്‍റെ ദുർഭരണത്തിനും എതിരേയായിരുന്നു ആയിരങ്ങൾ തെരുവിലിറങ്ങിയത്.
രണ്ടു പോലീസ് സ്റ്റേഷനുകളും ആയിരക്കണക്കിനു കടകളും പ്രതിഷേധക്കാർ തകർത്തു. കെനിയയിലെ 47 കൗണ്ടികളിൽ 23ലും പ്രതിഷേധം ആളിക്കത്തി.
പ്രസിഡന്റ് വില്യം റൂട്ടോ രാജിവയ്ക്കണമെന്ന് പ്രതിഷേധക്കാർ ആവശ്യപ്പെട്ടു. പോലീസ് കസ്റ്റഡിയിൽ ബ്ലോഗർ കൊല്ലപ്പെട്ടതാണു പ്രതിഷേധത്തിനു തിരികൊളുത്തിയത്.
Africa
ഡാക്കർ: ആഫ്രിക്കൻ രാജ്യമായ നൈജറിൽ 34 സൈനികരെ ഇസ്‌ലാമിക ഭീകരർ വധിച്ചു. 14 സൈനികർക്കു പരിക്കേറ്റു. വ്യാഴാഴ്ച രാവിലെ പടിഞ്ഞാറൻ നൈജറിലെ ബാനിബൻഗൗവിലായിരുന്നു ആക്രമണം.
മാലി, ബുർക്കിന ഫാസോ രാജ്യങ്ങളുടെ അതിർത്തിയിലായിരുന്നു ആക്രമണം. അൽ-ഖ്വയ്ദ, ഇസ്‌ലാമിക് സ്റ്റേറ്റ് ഗ്രൂപ്പുകളുമായി ബന്ധമുള്ള ഭീകരർ ഒരു ദശകത്തിലേറെ കാലമായി നൈജറിൽ ആക്രമണം നടത്തിവരികയാണ്.
Africa
നെയ്റോബി: ഉറുമ്പ് കള്ളക്കടത്തുകാർക്ക് ശിക്ഷ. കെനിയയിലാണു സംഭവം. ബെൽജിയത്തിൽനിന്നുള്ള രണ്ടു പേർ, വിയറ്റ്നാം സ്വദേശി, കെനിയക്കാരൻ എന്നിവർക്കാണു പടിഞ്ഞാറൻ നഗരമായ നെയ്‌വാഷയിൽ ശിക്ഷലഭിച്ചത്.
5300 ഉറുന്പുകളുമായിട്ടാണ് ഇവരെ കഴിഞ്ഞമാസം അറസ്റ്റ് ചെയ്തത്. ഇതിൽ അയ്യായിരം ഉറുന്പുകളും ബെൽജിയംകാരുടെ പക്കലായിരുന്നു. വിനോദത്തിനായി ഉറുന്പുകളെ ശേഖരിച്ചുവെന്നാണു നാലു പേരും പറഞ്ഞത്.
പക്ഷേ ഒന്നോ രണ്ടോ അല്ല, അയ്യായിരം ഉറുമ്പുകളുണ്ടെന്നു പറഞ്ഞ കോടതി ഇവരുടെ വാദങ്ങൾ അംഗീകരിച്ചില്ല. 7,700 ഡോളർ വരുന്ന കെനിയൻ തുക പിഴ അടയ്ക്കാനാണ് കോടതി ഇവരോട് നിർദേശിച്ചിരിക്കുന്നത്. പിഴ അടച്ചില്ലെങ്കിൽ ഒരു വർഷത്തെ തടവ് അനുഭവിക്കണം.
ആഫ്രിക്കൻ ഹാർവെസ്റ്റർ എന്ന വലിയ ഇനം അടക്കമുള്ള ഉറുന്പുകളെയാണ് ഇവരിൽനിന്നു കണ്ടെടുത്തത്. അരുമകളായി വളർത്താൻ താത്പര്യമുള്ളവർക്കാണ് ഉറുമ്പുകളെ വിൽക്കുന്നത്.
ആഫ്രിക്കൻ ഹാർവെസ്റ്ററിന് യൂറോപ്പിലും ഏഷ്യയിലും വലിയ ഡിമാൻഡുണ്ട്. ഒരെണ്ണത്തിന് 220 ഡോളർ വരെ വില കിട്ടുമത്രേ.
Africa
ലാഗോസ്: കോഴിമോഷണത്തിനു വധശിക്ഷ കാത്ത് പത്തുവർഷമായി ജയിലിൽ കഴിയുന്ന നൈജീരിയൻ യുവാവിനെ മോചിപ്പിക്കുന്നു. തെക്കുപടിഞ്ഞാറൻ നൈജീരിയയിലെ ഒസുൻ സംസ്ഥാനവാസിയായ സെഗുൻ ഒലവൂക്കറിനു മാപ്പു നല്കാൻ തീരുമാനിച്ചതായി ഗവർണർ അറിയിച്ചു.
ചെറിയ കുറ്റത്തിനു വലിയ ശിക്ഷ വിധിച്ചതിൽ വ്യാപക വിവർശനം ഉയർന്നിരുന്നു. 2010ൽ പതിനേഴു വയസുള്ള ഒലവൂക്കറും കൂട്ടുകാരനായ മൊരാകിനിയോയും നാടൻ തോക്കും കത്തിയുമായി ഒരു പോലീസുകാരന്‍റെ വസതി ആക്രമിച്ച് കോഴി മോഷണം നടത്തിയെന്നാണ് കേസ്.
2014ൽ സംസ്ഥാന ഹൈക്കോടതി ഇരുവരെയും തൂക്കിലേറ്റാൻ വധിച്ചു. ഒലവൂക്കറിന്‍റെ മോചനത്തിനായി മനുഷ്യാവകാശ സംഘടനകൾ ശബ്ദമുയർത്തിയിരുന്നു. അടുത്തവർഷമാദ്യം ഒലവൂക്കർ മോചിതനാകുമെന്നാണു സൂചന.
അതേസമയം, ഇയാളോടൊപ്പം വധശിക്ഷയ്ക്കു വിധിക്കപ്പെട്ട മൊരാകിനിയോയെ വിട്ടയയ്ക്കുമോ എന്നതിൽ വ്യക്തതയില്ല. നൈജീരിയയിൽ 3,400ലേറെ തടവുകാർ വധശിക്ഷ കാത്തുകഴിയുന്നുണ്ട്. അതേസമയം, 2012നു ശേഷം രാജ്യത്ത് വധശിക്ഷ നടപ്പാക്കിയിട്ടില്ല.
Africa
ഖാര്‍ത്തൂം: പിരമിഡുകളെക്കുറിച്ചു കേൾക്കുന്പോൾ, മനസിൽ ആദ്യം കടന്നുവരുന്ന രാജ്യം ഈജിപ്റ്റായിരിക്കും, കൂറ്റൻ പിരമിഡുകൾക്കു പേരുകേട്ട രാജ്യം! എന്നാൽ ഏറ്റവും കൂടുതൽ പിരമിഡുകൾ ഉള്ള രാജ്യം ഈജിപ്റ്റല്ല.
അത് സുഡാൻ ആണ്. 118 പിരമിഡുകളാണ് ഈജിപ്റ്റിൽ കണ്ടെത്തിയിട്ടുള്ളതെങ്കിൽ സുഡാന്‍റെ വിശാലമായ മരുപ്രദേശങ്ങളിൽ അവയുടെ എണ്ണം 220-240 വരും. നൈൽ നദിയുടെ കിഴക്കൻ തീരത്തു സുഡാനിൽ കാണപ്പെടുന്ന നുബിയൻ മെറോ പിരമിഡുകൾ താരതമ്യേനെ ചെറുതാണ്.
ബിസി 2500-എഡി 300 കാലഘട്ടത്തിൽ കുഷൈറ്റ് ഭരണകാലത്താണ് നുബിയൻ പിരമിഡുകൾ നിർമിച്ചത്. കുത്തനെയുള്ള വശങ്ങളും മൂർച്ചയുള്ള കോണുകളും ഉൾക്കൊള്ളുന്നതാണ് നുബിയൻ മെറോ പിരമിഡ്.
ഈജിപ്റ്റിലെന്നപോലെ സുഡാനിലും രാജകീയ ശവകുടീരങ്ങളാണ് പിരമിഡുകൾ. കുഷൈറ്റ് ഭരണാധികാരികളുടെ ജീവിതത്തിലേക്കും ആചാരാനുഷ്ഠാനങ്ങളിലേക്ക് ഇവ വെളിച്ചം വീശുന്നു.
Africa
ന്യൂഡൽഹി: രാഷ്ട്രപിതാവ് മഹാത്മഗാന്ധി കൈകൊണ്ടു നെയ്തെടുത്ത വസ്ത്രങ്ങൾ ഉൾപ്പെടെ അപൂർവസ്തുക്കളും ഡർബനിലെ അദ്ദേഹത്തിന്‍റെ താമസത്തെക്കുറിച്ചുള്ള ചരിത്രരേഖകളും ഇന്ത്യയ്ക്കു കൈമാറി ദക്ഷിണാഫ്രിക്ക.
1893ലാണ് ഗാന്ധിജി ദക്ഷിണാഫ്രിക്കയിലെത്തിയത്. 1916ൽ അദ്ദേഹത്തെ ഇന്ത്യയിലേക്കു മടക്കിയയച്ചു. 1904ലാണ് ഗാന്ധിജി ദക്ഷിണാഫ്രിക്കയിൽ ഫിനിക്സ് സെറ്റിൽമെന്‍റ് സ്ഥാപിച്ചത്.
ഗാന്ധിജിയുമായി ബന്ധപ്പെട്ട് ദക്ഷിണാഫ്രിക്കയിൽ പ്രവർത്തിക്കുന്ന ട്രസ്റ്റാണ് കൈവശമുണ്ടായിരുന്ന അപൂർവ വസ്തുക്കൾ ദേശീയ ഗാന്ധി മ്യൂസിയത്തിന് കൈമാറിയത്.
Africa
കൊച്ചി: കെനിയയിലെ നെഹ്‌റൂറുവില്‍ വിനോദ യാത്രാസംഘം സഞ്ചരിച്ചിരുന്ന വാഹനം അപകടത്തില്‍പ്പെട്ടു മരിച്ച അഞ്ച് മലയാളികളുടെ മൃതദേഹം നാട്ടിലെത്തിച്ചു. ഞായറാഴ്ച രാവിലെ ഒമ്പതരയോടെ ഖത്തര്‍ എയർവേയ്‌സ് വിമാനത്തിലാണ് മൃതദേഹങ്ങള്‍ നെടുമ്പാശേരി വിമാനത്താവളത്തില്‍ കൊണ്ടുവന്നത്.
മൂവാറ്റുപുഴ സ്വദേശിനി ജസ്‌ന (29), മകള്‍ റൂഹി മെഹ്‌റിന്‍ (ഒന്നര), മാവേലിക്കര ചെറുകോല്‍ സ്വദേശിനി ഗീത ഷോജി ഐസക്ക് (58), പാലക്കാട് മണ്ണൂര്‍ സ്വദേശിനി റിയ ആന്‍ (41), മകള്‍ ടൈറ റോഡ്രിഗസ് (7) എന്നിവരുടെ മൃതദേഹങ്ങളാണ് നാട്ടിലേക്ക് എത്തിച്ചത്.
സംസ്ഥാന സര്‍ക്കാരിനു വേണ്ടി മന്ത്രി പി. രാജീവ് മൃതദേഹങ്ങള്‍ ഏറ്റുവാങ്ങി അന്ത്യോപചാരം അര്‍പ്പിച്ചു. മരിച്ച ജസ്‌നയുടെ ഭര്‍ത്താവ് മുഹമ്മദ് ഹനീഫ, റിയയുടെ ഭര്‍ത്താവ് ജോയല്‍, മകന്‍ ട്രാവീസ് എന്നിവര്‍ക്കും അപകടത്തില്‍ പരിക്കേറ്റിരുന്നു. നാട്ടിലേക്ക് എത്തിയ ഇവരെ തുടര്ചികിത്സയ്ക്കായി ആശുപത്രികളിലേക്ക് മാറ്റി.
മൃതദേഹങ്ങള്‍ ബന്ധുക്കള്‍ ഏറ്റുവാങ്ങി വീടുകളിലേക്ക് കൊണ്ടുപോയി. ജസ്‌ന, മകള്‍ റൂഹി മെഹ്‌റിന്‍, റിയ, മകന്‍ ടൈറ റോഡ്രിഗസ് എന്നിവരുടെ മൃതദേഹങ്ങള്‍ ഞായറാഴ്ചത്തന്നെ സംസ്‌കരിച്ചു. മാവേലിക്കര സ്വദേശി ഗീതയുടെ മൃതദേഹം എറണാകുളത്തെ സ്വകാര്യ ആശുപത്രിയില്‍ സൂക്ഷിച്ചിരിക്കുകയാണ്.
നോര്‍ക്ക് റൂട്സ് ജനറല്‍ മാനേജര്‍ ടി. രശ്മി, എയര്‍പോര്‍ട്ട് ഡയറക്ടര് ജി. മനു, ജനപ്രതിനിധികള്‍, ഉദ്യോഗസ്ഥര് തുടങ്ങിയവരും അന്ത്യോപചാരം അര്‍പ്പിച്ചു.
കഴിഞ്ഞ ഒമ്പതിന് ഇന്ത്യന്‍ സമയം വൈകുന്നേരം എഴിനാണ് 28 പേരടങ്ങുന്ന ഇന്ത്യന്‍സംഘം സഞ്ചരിച്ച ടൂറിസ്റ്റ് ബസ് അപകടത്തില്‍ പെട്ടത്. ഖത്തറില്‍നിന്നു വിനോദസഞ്ചാരത്തിനായി എത്തിയതായിരുന്നു ഇവര്‍.
നെയ്‌റോബിയില്‍നിന്നു 150 കിലോമീറ്റര്‍ അകലെ നെഹ്‌റൂറുവിലായിരുന്നു അപകടം. ബസ് താഴ്ചയിലേയ്ക്ക് മറിയുകയായിരുന്നു.
Europe
ഡബ്ലിൻ: യുവജനങ്ങൾക്കും കുടുംബങ്ങൾക്കും ആത്മീയ കരുത്തേകുന്നതിനായി ലീമെറിക്ക് സെന്റ് മേരീസ് സീറോമലബാർ ഇടവകയുടെ ആഭിമുഖ്യത്തിൽ യുവജന ധ്യാനവും ദമ്പതി ധ്യാനവും സംഘടിപ്പിക്കുന്നു.
"ENCOUNTER' എന്ന പേരിൽ യുവജനങ്ങൾക്കായുള്ള ധ്യാനം ഒക്ടോബർ 31, നവംബർ ഒന്ന് തീയതികളിൽ രാവിലെ 10 മുതൽ വൈകുന്നേരം അഞ്ച് വരെ കിൽഡിമോയിലെ സെന്റ് ജോസഫ്സ് ചർച്ചിൽ നടക്കും.
ദമ്പതികൾക്കായുള്ള "COVENANT' ധ്യാനം നവംബർ അഞ്ച്, ആറ്, ഏഴ് തീയതികളിൽ വൈകുന്നേരം നാല് മുതൽ രാത്രി ഒമ്പത് വരെ ഇതേ വേദിയിൽ നടക്കും.
ധ്യാനങ്ങളുടെ സമാപന ദിവസമായ നവംബർ എട്ടിന് Dooradoyleയിലെ സെന്റ് പോൾസ് ചർച്ചിൽ ഉച്ചകഴിഞ്ഞ് 2.30ന് വിശുദ്ധ കുർബാനയോടെ ആരംഭിക്കുന്ന ശുശ്രൂഷകൾ രാത്രി ഏഴിന് സമാപിക്കും.
വിവിധ രാജ്യങ്ങളിൽ കർത്താവിന്‍റെ സുവിശേഷം പ്രഘോഷിക്കുന്ന അനുഗ്രഹീത വചനപ്രഘോഷകനായ ബ്രദർ റെജി കൊട്ടാരം ധ്യാനങ്ങൾക്ക് നേതൃത്വം നൽകും. ലീമെറിക്ക് രൂപതാധ്യക്ഷൻ മാർ ബ്രണ്ടൻ ലീഹി ധ്യാനങ്ങൾക്ക് എല്ലാ വിധ പ്രാർഥനകളും ആശംസിച്ചു.
അയർലൻഡിന്‍റെ വിവിധ ഭാഗങ്ങളിൽ താമസിക്കുന്ന യുവജനങ്ങളെയും ദമ്പതികളെയും ധ്യാനത്തിലേക്ക് ക്ഷണിക്കുന്നതായി വികാരി ഫാ. പ്രിൻസ് മാലിയിൽ അറിയിച്ചു.
ധ്യാനങ്ങളുടെ രജിസ്ട്രേഷനും കൂടുതൽ വിവരങ്ങൾക്കും: മോനച്ചൻ നാരകത്തറ - 087 755 3271, ജോഷൻ കെ. ആന്‍റണി - 089 975 3535.
Europe
ലണ്ടൻ: ഇന്ത്യയിൽ ജനാധിപത്യ മൂല്യങ്ങളും തെരഞ്ഞെടുപ്പ് പ്രക്രിയയുടെ സുതാര്യതയും സംരക്ഷിക്കണമെന്ന ആവശ്യവുമായി ലണ്ടനിലെ പാർലമെന്‍റ് സ്ക്വയറിലുള്ള മഹാത്മാഗാന്ധി പ്രതിമയ്ക്ക് മുന്നിൽ ഇന്ത്യൻ ഓവർസീസ് കോൺഗ്രസ് (യുകെ) കേരള ചാപ്റ്ററിന്റെ നേതൃത്വത്തിൽ പ്രതിഷേധ സംഗമം.
ഡൽഹിയിൽ നടക്കുന്ന ജനാധിപത്യ സംരക്ഷണ പ്രക്ഷോഭത്തിന് ഐക്യദാർഢ്യം പ്രഖ്യാപിച്ച് നൂറുകണക്കിന് പ്രവർത്തകർ അണിനിരന്നതോടെ ലണ്ടനിലെ ഗാന്ധി പ്രതിമയ്ക്ക് മുന്നിലെ വേദി പ്രതിഷേധത്തിന്റെ കേന്ദ്രമായി മാറി.
മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാർ രാജിവയ്ക്കുക, ജനാധിപത്യത്തിന്‍റെ അടിസ്ഥാന മൂല്യങ്ങൾ സംരക്ഷിക്കുക, തെരഞ്ഞെടുപ്പ് സംവിധാനത്തിന്‍റെ സുതാര്യതയും നിഷ്പക്ഷതയും ഉറപ്പാക്കുക തുടങ്ങിയ ആവശ്യങ്ങളുയർത്തിയ പ്ലക്കാർഡുകളുമായി പ്രവർത്തകർ ശക്തമായ മുദ്രാവാക്യങ്ങൾ മുഴക്കി.
ഇന്ത്യയിലെ ജനാധിപത്യ സംരക്ഷണ പോരാട്ടത്തിന് വിദേശമണ്ണിൽനിന്നുള്ള ഐക്യദാർഢ്യം ശക്തമായി പ്രഖ്യാപിക്കുന്നതായിരുന്നു പ്രതിഷേധം. ജനാധിപത്യ സ്ഥാപനങ്ങളുടെ സ്വതന്ത്രമായ പ്രവർത്തനവും തെരഞ്ഞെടുപ്പ് പ്രക്രിയയിലുള്ള ജനങ്ങളുടെ വിശ്വാസവും സംരക്ഷിക്കപ്പെടണമെന്ന ആവശ്യം പ്രതിഷേധക്കാർ ഉയർത്തി.
ഡൽഹിയിൽ ഉയർന്ന പ്രതിഷേധത്തിന്റെ സന്ദേശം അന്താരാഷ്ട്ര തലത്തിൽ എത്തിക്കുന്നതിലും പ്രവാസി സമൂഹത്തിന്റെ ഐക്യദാർഢ്യം പ്രകടിപ്പിക്കുന്നതിലും സംഗമം ശ്രദ്ധേയമായി.
വിദേശരാജ്യങ്ങളിൽ ഈ വിഷയവുമായി ബന്ധപ്പെട്ട് നടന്ന ശ്രദ്ധേയമായ പ്രതിഷേധങ്ങളിലൊന്നായി മാറിയ സംഗമം, ഇന്ത്യയിലെ ജനാധിപത്യവുമായി ബന്ധപ്പെട്ട വിഷയങ്ങളിൽ പ്രവാസി സമൂഹത്തിനുള്ള താത്പര്യവും ഇടപെടലും വിളിച്ചോതുന്നതായി.
പ്രതിഷേധ സംഗമം ഐഒസി യുകെ കേരള ചാപ്റ്റർ ലണ്ടൻ ഏരിയ പ്രസിഡന്റ് സുജു കെ. ഡാനിയേൽ ഉദ്ഘാടനം ചെയ്തു. കേരള ചാപ്റ്റർ മിഡ്ലാൻഡ്സ് ഏരിയ പ്രസിഡന്റ് ഷൈനു ക്ലെയർ മാത്യൂസ് മുഖ്യാതിഥിയായി പങ്കെടുത്ത് ആശംസകൾ നേർന്നു.
Europe
റോം: ഈ മാസം 20 മുതൽ 24 വരെ റോമിൽ നടക്കുന്ന കത്തോലിക്ക കോൺഗ്രസ് ഗ്ലോബൽ മീറ്റിൽ ഡൽഹിയിൽ നിന്നും ഡോ. കെ.സി. ജോർജും ജോബി ജോർജ് നീണ്ടുകുന്നേലും പങ്കെടുക്കും.
44 രാജ്യങ്ങളിൽ നിന്നായി 150-ലധികം പ്രതിനിധികൾ പങ്കെടുക്കുന്ന ഈ ആഗോള സംഗമം സീറോമലബാർ വിശ്വാസസമൂഹത്തിന്‍റെയും അൽമായ നേതൃത്വത്തിന്‍റെയും അന്താരാഷ്ട്ര തലത്തിലുള്ള പ്രധാന കൂടിക്കാഴ്ചയായിരിക്കും.
സമ്മേളനത്തിൽ പങ്കെടുക്കുന്ന പ്രതിനിധികളുമായി ഒക്ടോബർ 22-ന് ലെയോ പതിനാലാമൻ മാർപാപ്പ കൂടിക്കാഴ്ച നടത്തും. സീറോമലബാർ സഭയിലെ അൽമായരുടെ സംഘടനയായ കത്തോലിക്ക കോൺഗ്രസ്, സഭയുടെ അൽമായ പ്രവർത്തനങ്ങൾക്ക് ശക്തമായ നേതൃത്വം നൽകിവരുന്ന സംഘടനയാണ്.
മേജർ ആർച്ച്ബിഷപ് മാർ റാഫേൽ തട്ടിലിന്‍റെ നേതൃത്വത്തിലും ബിഷപ് ലെഗേറ്റ് മാർ റെമിജിയൂസ് ഇഞ്ചനാനിയുടെ മാർഗനിർദേശത്തിലും സീറോമലബാർ സഭയിലെ മറ്റ് സീനിയർ ബിഷപ്പുമാരുടെ സഹകരണത്തോടെയുമാണ് കത്തോലിക്ക കോൺഗ്രസ് പ്രവർത്തിക്കുന്നത്
പരിപാടിയിൽ പങ്കെടുക്കുന്നതിൽ ഏറെ സന്തോഷവും പ്രതീക്ഷയുമുണ്ടെന്ന് ഡോ. കെ.സി. ജോർജും ജോബി നീണ്ടുകുന്നേലും അറിയിച്ചു. വിശ്വാസം, സ്നേഹം, സേവനം, സാമൂഹിക ഉത്തരവാദിത്വം എന്നിവയുടെ സന്ദേശം കൂടുതൽ ശക്തമായി ലോകത്തിനു മുന്നിൽ അവതരിപ്പിക്കുന്നതിനും വിവിധ രാജ്യങ്ങളിൽ നിന്നുള്ള കത്തോലിക്കാ പ്രതിനിധികളുമായി ആശയവിനിമയം നടത്തുന്നതിനും ഈ സംഗമം സഹായകരമാകുമെന്ന് അവർ പ്രത്യാശ പ്രകടിപ്പിച്ചു.
മാർപാപ്പയെ നേരിൽ കാണാൻ കഴിയുമെന്നത് സംഘത്തിന് പ്രത്യേക ആത്മീയ അനുഭവമായിരിക്കുമെന്ന് ഇരുവരും പറഞ്ഞു. പരിശുദ്ധ പിതാവിന്‍റെ ആരോഗ്യത്തിനും പൂർണമായ സൗഖ്യത്തിനുമായി ലോകമെമ്പാടുമുള്ള വിശ്വാസികൾ നടത്തിയ പ്രാർഥനകളുടെ പശ്ചാത്തലത്തിൽ, അദ്ദേഹത്തെ നേരിൽ കാണാനുള്ള അവസരത്തെ വലിയ കൃതജ്ഞതയോടെയും പ്രതീക്ഷയോടെയും ആണ് സംഘം കാണുന്നത്.
ലോകത്തിന്റെ വിവിധ രാജ്യങ്ങളിൽ നിന്നുള്ള പ്രതിനിധികൾ ഒത്തുചേരുന്ന ഈ സംഗമം, സഭയുടെ ദൗത്യത്തിൽ അൽമായരുടെ പങ്കാളിത്തം കൂടുതൽ ശക്തിപ്പെടുത്തുന്നതിനും സാമൂഹിക നീതി, കുടുംബം, യുവജനങ്ങൾ, മനുഷ്യാവകാശങ്ങൾ, സമാധാനം, സേവനം തുടങ്ങിയ മേഖലകളിൽ അന്താരാഷ്ട്ര സഹകരണം വർധിപ്പിക്കുന്നതിനും പുതിയ വഴികൾ തുറക്കുമെന്നാണ് പ്രതീക്ഷ.
Europe
കൊളോൺ: ജർമനിയിലെ ബോഹുമിൽ അപ്പാർട്ട്‌മെന്‍റിലുണ്ടായ തീപിടിത്തത്തിൽ ജീവൻ നഷ്ടപ്പെട്ട മൂന്ന് മലയാളികളുടെയും മൃതദേഹങ്ങൾ നാട്ടിലെത്തിക്കുന്നതിനുള്ള മുഴുവൻ ഔദ്യോഗിക പേപ്പർവർക്കുകളും നിയമപരമായ നടപടിക്രമങ്ങളും റിക്കോർഡ് വേഗത്തിൽ വെറും 72 മണിക്കൂറുകൾക്കുള്ളിൽ (വെള്ളിയാഴ്ച മൂന്നരയോടെ) പൂർത്തിയാക്കി.
അഞ്ജലി, സിവിൻ, നോവ എന്നിവരുടെ മൃതദേഹങ്ങൾ ഒരേ വിമാനത്തിൽ തന്നെ കേരളത്തിലെത്തിക്കാനുള്ള അന്തിമ ഒരുക്കങ്ങളിലാണ് അധികൃതർ.
ഏകോപനത്തോടെ അതിവേഗ നടപടികൾ: ജർമൻ ക്രിമിനൽ പൊലിസ്, ബോഹുമിലെ സിവിൽ രജിസ്ട്രേഷൻ ഓഫീസ്, ഫ്രാങ്ക്ഫർട്ടിലെ ഫ്യൂണറൽ സർവീസ് ഏജൻസി, ഫ്രാങ്ക്ഫർട്ടിലെ ഇന്ത്യൻ കോൺസുലേറ്റ് ജനറൽ ഓഫീസ് എന്നിവരെല്ലാം അതീവ സഹാനുഭൂതിയോടെയും ഒരേ മനസോടെയുമാണ് ഈ ദൗത്യത്തിൽ കൈകോർത്തത്.
സാധാരണ നിലയിൽ ദിവസങ്ങളോളം നീണ്ടുനിൽക്കാറുള്ള പൊലിസ് ക്ലിയറൻസ്, മരണ സർട്ടിഫിക്കറ്റുകൾ, എംബാമിംഗ് നടപടികൾ, കോൺസുലേറ്റിന്‍റെ അനുമതികൾ എന്നിവയെല്ലാം അധികൃതരുടെ സജീവ പിന്തുണയോടെ മൂന്ന് ദിവസത്തിനകം പൂർത്തിയാക്കാൻ സാധിച്ചു.
ഒരേ വിമാനത്തിൽ നാടണയും, കാത്തിരിപ്പ് ഫ്ലൈറ്റ് ടിക്കറ്റുകൾക്കായി: മൂന്ന് മൃതദേഹങ്ങളും ഒരേ കാർഗോ വിമാനത്തിൽ തന്നെ നാട്ടിലെത്തിക്കാനാണ് തീരുമാനിച്ചിരിക്കുന്നത്. നിലവിൽ വിമാനത്തിന്‍റെ ലഭ്യതയും സമയക്രമവും സംബന്ധിച്ച അന്തിമ സ്ഥിരീകരണത്തിനായുള്ള കാത്തിരിപ്പിലാണ്.
വിമാനം പുറപ്പെടുന്ന തീയതിയും സമയവും ഉൾപ്പെടെയുള്ള കൃത്യമായ വിവരങ്ങൾ തിങ്കളാഴ്ച ഉച്ചയ്ക്ക് മുൻപായി ഔദ്യോഗികമായി ലഭ്യമാകും. ഫ്ലൈറ്റ് വിവരങ്ങൾ ഉറപ്പാകുന്ന മുറയ്ക്ക് മൃതദേഹങ്ങൾ നാട്ടിലേക്ക് കയറ്റി അയക്കും.
ഏകോപനവുമായി നോർക്ക: മൂന്നുപേരുടെയും മൃതദേഹങ്ങൾ നാട്ടിലെത്തിക്കാനുള്ള എല്ലാ ചെലവുകളും വഹിക്കുന്നത് കേരളം സർക്കാർ സ്ഥാപനമായ നോർക്ക റൂട്സ് ആണ്.
ജർമനിയിലെ പൊലിസ്, നഗരസഭാ അധികൃതർ, ഇന്ത്യൻ കോൺസുലേറ്റ്, ഫ്യൂണറൽ ഹോം എന്നിവരുമായി നിരന്തരം സമ്പർക്കം പുലർത്തി മുഴുവൻ പേപ്പർ വർക്കുകളും കൃത്യസമയത്ത് ഏകോപിപ്പിച്ച് പൂർത്തിയാക്കിയത് നോർക്ക ജർമനി കോഓർഡിനേഷൻ കൗൺസിൽ അംഗം ജോസ് കുമ്പിളുവേലിൽ ആണ്.
പ്രിയപ്പെട്ടവരുടെ മൃതദേഹങ്ങൾ ഒരുനോക്ക് കാണാൻ കണ്ണീരോടെ കാത്തിരിക്കുന്ന കുടുംബാംഗങ്ങൾക്ക് എത്രയും വേഗം ഭൗതികശരീരങ്ങൾ എത്തിച്ചുനൽകാനുള്ള തീവ്രശ്രമത്തിലാണ് അധികൃതർ.
Europe
ഡബ്ലിൻ: നാലാം ശനിയാഴ്ചകളിൽ ഡബ്ലിനിൽ നടന്നുവരുന്ന അഭിഷേകാഗ്‌നി ബെെബിൾ കൺവൻഷൻ (മലയാളം) ശനിയാഴ്ച (ഒക്ടോബർ 24) ബ്യൂമൗണ്ടിലെ ബ്ലെസഡ് മാർഗരറ്റ് ബോൾ ദേവാലയത്തിൽ 11 മുതൽ 4.30 വരെ നടക്കും.
ഫാ. സേവ്യർ ഖാൻ വട്ടായിലിലൂടെ പരിശുദ്ധാത്മാവ് രൂപം നൽകുകയും അനേകായിരങ്ങളുടെ ജീവിതത്തിൽ വിശ്വാസവളർച്ചയ്ക്കും ദൈവിക ഇടപെടലുകൾക്കും ദൈവം വഴിയൊരുക്കിയതുമായ അഭിഷേകാഗ്‌നി കാതോലിക് മിനിസ്ട്രി (എഎഫ്സിഎം) ആണ് ബെെബിൾ കൺവെൻഷൻ ഡബ്ലിനിൽ ഒരുക്കുന്നത്.
വിശുദ്ധ ബലി, ദിവ്യകാരുണ്യ ആരാധന, വിശുദ്ധ കുമ്പസാരം, വചന ശുശ്രൂഷ, സ്തുതിയാരാധന എന്നിവ ഉൾപ്പെടുന്ന കൺവെൻഷനിലേക്ക് എഎഫ്സിഎം അയർലൻഡ് ഏവരെയും സ്വാഗതം ചെയ്യുന്നതായി അറിയിച്ചു.
Europe
കവൻട്രി: യുക്മയുടെ 17-ാമത് മിഡ്ലാൻഡ്സ് റീജിയണൽ കലാമേളയിൽ വാർവിക് ആൻഡ് ലെമിംൺ മലയാളി അസോസിയേഷൻ (വാൽമ) ചാമ്പ്യൻപട്ടം കരസ്ഥമാക്കി. 149 പോയിന്‍റുകൾ നേടി വാൽമ ഒന്നാം സ്ഥാനം സ്വന്തമാക്കി.
109 പോയിന്‍റുകളുമായി ലെസ്റ്റർ കേരള കമ്മ്യൂണിറ്റി (എൽകെസി) രണ്ടാം സ്ഥാനവും 97 പോയിന്‍റുകളുമായി ഹെർഫോർഡ് മലയാളി അസോസിയേഷൻ (ഹേമ) മൂന്നാം സ്ഥാനവും നേടി.
കവൻട്രി കേരള കമ്യൂണിറ്റി (സികെസി) നാലാം സ്ഥാനത്തെത്തിയപ്പോൾ നോട്ടിംഗ്ഹാം മലയാളികൾച്ചറൽ അസോസിയേഷൻ അഞ്ചാം സ്ഥാനം നേടി. കവൻട്രിയിൽ നടന്ന കലാമേള മത്സരാർഥികളുടെ മികച്ച പ്രകടനങ്ങളും കാണികളുടെ ആവേശകരമായ പങ്കാളിത്തവും കൊണ്ട് ശ്രദ്ധേയമായി.
മിഡ്ലാൻഡ്സ് റീജിയണൽ പ്രസിഡന്റ് അഡ്വ. ജോബി പുതുകുളങ്ങരയുടെ നേതൃത്വത്തിൽ സംഘടിപ്പിച്ച കലാമേള യുക്മ ദേശീയ സെക്രട്ടറി ജയകുമാർ നായർ ഉദ്ഘാടനം ചെയ്തു.
യുക്മ ദേശീയ വൈസ് പ്രസിഡന്റ് സ്മിത തോട്ടം, ദേശീയ നിർവാഹക സമിതി അംഗം ജോർജ് തോമസ് എന്നിവർ മുഖ്യാതിഥികളായി പങ്കെടുത്തു. റീജിയണൽ സെക്രട്ടറി ലൂയിസ് മേനാച്ചേരി സ്വാഗതവും ട്രഷറർ പോൾ ജോസഫ് നന്ദിയും രേഖപ്പെടുത്തി.
കലാമേളയിലെ വ്യക്തിഗത മികവിനുള്ള കലാതിലകപ്പട്ടം വാൽമയുടെ അമേയ കൃഷ്ണ നിധീഷ് സ്വന്തമാക്കി. കലാപ്രതിഭയായി വാൽമയുടെ ആദവ് അബിൻ തെരഞ്ഞെടുക്കപ്പെട്ടു. കിഡ്സ് വിഭാഗത്തിൽ വാൽമയുടെ നൂറ നവീൻ ചാമ്പ്യനായി.
സബ് ജൂണിയർ വിഭാഗത്തിലും അമേയ കൃഷ്ണ നിധീഷ് ചാമ്പ്യൻപട്ടം നേടി. ജൂണിയർ വിഭാഗത്തിൽ ഹെർഫോർഡ് മലയാളി അസോസിയേഷന്‍റെ (ഹേമ) അൻസൻ ബിനോയും അമയ നിസാന്തും വ്യക്തിഗത ചാമ്പ്യന്മാരായി.
സീനിയർ വിഭാഗത്തിൽ ലെസ്റ്റർ കേരള കമ്മ്യൂണിറ്റിയുടെ (എൽകെസി) അഞ്ജന രമ്യ ചാമ്പ്യൻപട്ടം കരസ്ഥമാക്കി.
Europe
ലണ്ടൻ: ഗ്രേറ്റ് ബ്രിട്ടൻ സീറോമലബാർ രൂപത സ്ഥാപിതമായതിന്‍റെ പത്താം വാർഷികവും കൃതജ്ഞതാ ബലിയർപ്പണവും ലണ്ടനിലെ ടോൾവർത്തിലുള്ള ഔർ ലേഡി ഇമ്മാക്കുലേറ്റ് പള്ളിയിൽ നടന്നു.
രൂപതാധ്യക്ഷൻ മാർ ജോസഫ് സ്രാമ്പിക്കലിനോടൊപ്പം രൂപതയിലെ ഇടവക മിഷൻ പ്രൊപ്പോസഡ്‌ മിഷനുകളിൽ നിന്നുള്ള വൈദികരും സന്യസ്തരും അല്മായ പ്രതിനിധികളും പങ്കെടുത്ത കൃതജ്ഞതാ ബലിയർപ്പണത്തിന് കർദിനാൾ മാർ ജോർജ് കൂവക്കാട്ട് കാർമികത്വം വഹിച്ചു.
Europe
ബെർലിൻ: അമിതമായി പഞ്ചസാര അടങ്ങിയ ശീതളപാനിയങ്കങൾക്കും ജ്യൂസുകൾക്കും പുതിയ നികുതി ഏർപ്പെടുത്താനുള്ള കരട് ബില്ലിന് ജർമൻ ഫെഡറൽ മന്ത്രിസഭ അംഗീകാരം നൽകി. ജനങ്ങളുടെ ആരോഗ്യ സംരക്ഷണത്തോടൊപ്പം പബ്ലിക് ഹെൽത്ത് ഇൻഷുറൻസിന്‍റെ സാമ്പത്തിക ഭദ്രത ഉറപ്പാക്കുകയാണ് ഇതിലൂടെ സർക്കാർ ലക്ഷ്യമിടുന്നത്. പാർലമെന്‍റിന്‍റെ അംഗീകാരം ലഭിച്ചാൽ 2027 ജൂലൈ 1 മുതൽ നിയമം പ്രാബല്യത്തിൽ വരും.
നികുതി നിരക്കുകൾ
100 മില്ലിലിറ്ററിൽ 5 ഗ്രാം മുതൽ പഞ്ചസാര അടങ്ങിയ പാനീയങ്ങൾക്ക് ലിറ്ററിന് 26 സെന്‍റും, 8 ഗ്രാമോ അതിൽ കൂടുതലോ ഉള്ളവയ്ക്ക് ലിറ്ററിന് 32 സെന്‍റുമാണ് നികുതി ചുമത്തുക.
ചെറുകിട നിർമാതാക്കൾക്ക് ഇളവ്
പ്രതിവർഷം 10 ലക്ഷം ലിറ്ററിൽ താഴെ മാത്രം പാനീയങ്ങൾ നിർമ്മിക്കുന്ന കമ്പനികളെ ഈ നികുതിയിൽ നിന്ന് ഒഴിവാക്കിയിട്ടുണ്ട്.
വിലയും ഉൽപാദന മാറ്റവും
നികുതി കമ്പനികളിൽ നിന്നാണ് ഈടാക്കുക. ഇത് വില വർധിപ്പിച്ച് ഉപഭോക്താക്കളിലേക്ക് കൈമാറണോ അതോ ഉൽപന്നങ്ങളിലെ പഞ്ചസാരയുടെ അളവ് കുറയ്ക്കണോ എന്ന് കമ്പനികൾക്ക് തീരുമാനിക്കാം.
കുട്ടികളിലടക്കം മധുരത്തിന്‍റെ അമിത ഉപയോഗം കുറയ്ക്കുക, ഈ നികുതി വരുമാനത്തിലൂടെ ജർമനിയിലെ നിയമപരമായ ആരോഗ്യ ഇൻഷുറൻസ് പ്രീമിയം നിരക്കുകൾ വർധിക്കാതെ സ്ഥിരമായി നിലനിർത്തുക എന്നിവയാണ് സർക്കാരിന്‍റെ പ്രധാന ലക്ഷ്യങ്ങൾ. യുകെയിൽ വിജയകരമായി നടപ്പാക്കിയ നികുതി മാതൃക പിന്തുടർന്നാണ് പുതിയ പദ്ധതി നടപ്പാക്കുന്നത്.
Europe
ബെർലിൻ: ജർമനിയിലെ ദശലക്ഷക്കണക്കിന് തൊഴിലാളികൾക്ക് ആശ്വാസമേകി രാജ്യത്തെ നിയമാനുസൃത മിനിമം വേതനവും മിനിജോബ് വരുമാന പരിധിയും വർധിപ്പിക്കുന്നു. 2027 ജനുവരി 1 മുതൽ മിനിമം വേതനം മണിക്കൂറിന് 14.60 യൂറോയായി ഉയരും. ഇതിന് ആനുപാതികമായി മിനിജോബ് ചെയ്യുന്നവരുടെ പ്രതിമാസ നികുതി രഹിത വരുമാന പരിധി 633 യൂറോയായി ഉയർത്തുമെന്നും ഫെഡറൽ തൊഴിൽ-സാമൂഹിക മന്ത്രാലയം വ്യക്തമാക്കി.
മിനിജോബുകാർക്ക് പ്രതിവർഷം 360 യൂറോ അധികം
നിലവിൽ (2026-ൽ) പ്രതിമാസം പരമാവധി 603 യൂറോ വരെയാണ് മിനിജോബിൽ നികുതിയില്ലാതെ സമ്പാദിക്കാൻ അനുവാദമുള്ളത്. ഇത് 633 യൂറോയായി വർധിക്കുന്നതോടെ മിനിജോബ് തൊഴിലാളികൾക്ക് പ്രതിമാസം 30 യൂറോയുടെ അധിക വരുമാനം ലഭിക്കും. ഒരു വർഷത്തിൽ മൊത്തം 360 യൂറോയുടെ അധിക നേട്ടമാണ് ഇതുവഴി ഓരോരുത്തർക്കും ലഭ്യമാകുക. 2022 മുതൽ മിനിജോബിന്‍റെ ഉയർന്ന വരുമാന പരിധി മിനിമം വേതനവുമായി നേരിട്ട് ബന്ധിപ്പിച്ചിട്ടുള്ളതിനാലാണ് മണിക്കൂർ വേതനം കൂടുമ്പോൾ മിനിജോബ് പരിധിയും സ്വമേധയാ ഉയരുന്നത്.
രണ്ട് ഘട്ടങ്ങളായുള്ള വർധനവ്
മിനിമം വേതന കമ്മീഷന്‍റെ ശുപാർശയെ തുടർന്ന് 2025 ഒക്ടോബറിലാണ് ഫെഡറൽ മന്ത്രിസഭ രണ്ട് ഘട്ടങ്ങളായുള്ള വേതന വർധനവിന് അംഗീകാരം നൽകിയത്. ഇതിന്‍റെ ആദ്യ ഘട്ടമായി 2026 ജനുവരി 1 മുതൽ മിനിമം വേതനം മണിക്കൂറിന് 13.90 യൂറോയാക്കി നിശ്ചയിച്ചിരുന്നു. ഇതിന്‍റെ രണ്ടാം ഘട്ടമായാണ് 2027 ജനുവരി 1 മുതൽ വേതനം 14.60 യൂറോയായി ഉയർത്തുന്നത്.
60 ലക്ഷത്തോളം തൊഴിലാളികൾക്ക് പ്രയോജനം
ജർമൻ ട്രേഡ് യൂണിയൻ ഫെഡറേഷന്‍റെ കണക്കുകൾ പ്രകാരം ജർമനിയിലെ ഏകദേശം 60 ലക്ഷത്തോളം തൊഴിലാളികൾക്ക് ഈ പുതിയ വേതന വർധനവിന്‍റെ പ്രയോജനം ലഭിക്കും. വേതന വർധനവ് നടപ്പിലാകുന്നതിലൂടെ രാജ്യത്തെ തൊഴിലുടമകൾക്ക് അധിക വേതനച്ചെലവായി 2026-ൽ 2.2 ബില്യൺ യൂറോയും, 2027-ൽ 3.4 ബില്യൺ യൂറോയും വേണ്ടി വരുമെന്നാണ് ഫെഡറൽ സർക്കാരിന്‍റെ കണക്കുകൂട്ടൽ.
Europe
വീസ്ബാഡൻ: ജർമനിയിൽ ഇന്ധനവില കുതിച്ചുയർന്നതിനെ തുടർന്ന് പണപ്പെരുപ്പ നിരക്ക് കഴിഞ്ഞ മൂന്ന് വർഷത്തിനിടയിലെ ഏറ്റവും ഉയർന്ന നിലയിലെത്തി. പെട്രോളിന്‍റെയും ഡീസലിന്‍റെയും റെക്കോർഡ് വിലക്കയറ്റം കാരണം സെപ്റ്റംബർ മാസത്തിലെ പണപ്പെരുപ്പം 3.3 ശതമാനമായി ഉയർന്നതായി ഫെഡറൽ സ്റ്റാറ്റിസ്റ്റിക്കൽ ഓഫീസ് സ്ഥിരീകരിച്ചു. ഓഗസ്റ്റിൽ 2.9 ശതമാനമായിരുന്നു. 2023 ഡിസംബറിന് ശേഷം ജർമനിയിലുണ്ടാകുന്ന ഏറ്റവും ഉയർന്ന നിരക്കാണിത്.
പ്രധാന വില്ലൻ ഊർജവില ഇന്ധനവിലയിൽ വൻ വർധനവ്
ഊർജവിലയിലുണ്ടായ കുതിച്ചുചാട്ടമാണ് പണപ്പെരുപ്പം കുത്തനെ ഉയരാൻ പ്രധാന കാരണമെന്ന് സ്റ്റാറ്റിസ്റ്റിക്സ് ഓഫീസ് പ്രസിഡന്റ് റൂത്ത് ബ്രാൻഡ് വ്യക്തമാക്കി. കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് ഇന്ധനവിലയിൽ 37.1 ശതമാനത്തിന്‍റെ ഭീമമായ വർധനവാണ് രേഖപ്പെടുത്തിയത്. വീടുകൾ ചൂടാക്കാനുപയോഗിക്കുന്ന ഹീറ്റിംഗ് ഓയിലിന്‍റെ വിലയിലാകട്ടെ 74.9 ശതമാനത്തിന്‍റെ ഞെട്ടിക്കുന്ന വർധനവാണുണ്ടായത്. പശ്ചിമേഷ്യയിലെ യുദ്ധസാഹചര്യങ്ങളെ തുടർന്ന് ക്രൂഡ് ഓയിൽ വില ബാരലിന് 100 ഡോളറിന് മുകളിലേക്ക് ഉയർന്നതാണ് പെട്രോൾ-ഡീസൽ വില റെക്കോർഡ് തലത്തിലേക്ക് ഉയരാൻ ഇടയാക്കിയത്.
ഇന്ധന സബ്‌സിഡിയുമായി ഫെഡറൽ സർക്കാർ
ജനങ്ങൾക്ക് ആശ്വാസം നൽകുന്നതിനായി ഒക്ടോബർ 1 മുതൽ വർഷാവസാനം വരെ പ്രാബല്യത്തിൽ വരുന്ന പുതിയ ഇന്ധന സബ്‌സിഡി ഫെഡറൽ സർക്കാർ പ്രഖ്യാപിച്ചു. ഈ നടപടിയിലൂടെ ഇന്ധനവിലയിൽ ലിറ്ററിന് 17 സെന്റ് വരെ കുറവുണ്ടാകുമെന്നും പണപ്പെരുപ്പത്തിൽ 0.3 ശതമാനത്തിന്‍റെ ആശ്വാസം ലഭിക്കുമെന്നും സാമ്പത്തിക വിദഗ്ദ്ധർ വിലയിരുത്തുന്നു.
ഭക്ഷ്യസാധനങ്ങളുടെയും സേവനങ്ങളുടെയും വിലനിലവാരം
മൊത്തത്തിലുള്ള ഊർജ്ജച്ചെലവുകളിൽ 14.9 ശതമാനത്തിന്‍റെ വർധനവുണ്ടായി. ഭക്ഷ്യവസ്തുക്കളുടെ ശരാശരി വിലയിൽ 0.4 ശതമാനത്തിന്‍റെ വർധനവാണ് ഉണ്ടായതെങ്കിലും ചില ഉൽപ്പന്നങ്ങൾക്ക് വലിയ വിലക്കയറ്റമുണ്ടായി. മുട്ടയ്ക്ക് 15.2 ശതമാനവും പച്ചക്കറികൾക്ക് 12.0 ശതമാനവും മത്സ്യവിഭവങ്ങൾക്ക് 4.5 ശതമാനവും വില വർധിച്ചു. അതേസമയം വെണ്ണ (-29.5%), പഴവർഗങ്ങൾ (-4.9%), പാൽ ഉൽപ്പന്നങ്ങൾ (-5.5%) എന്നിവയ്ക്ക് വില കുറഞ്ഞത് ഉപഭോക്താക്കൾക്ക് നേരിയ ആശ്വാസമായി. കൂടാതെ വാഹന അറ്റകുറ്റപ്പണികൾ (4.7%), വ്യക്തിഗത പരിചരണ സേവനങ്ങൾ (4.3%), യാത്രാ പാക്കേജുകൾ (3.8%) എന്നിവയ്ക്കും നിരക്കുകൾ ഉയർന്നു.
പലിശനിരക്കുകൾ വീണ്ടും ഉയർന്നേക്കാം
യൂറോ സോണിൽ പണപ്പെരുപ്പ സമ്മർദ്ദം തുടരുന്നതിനാൽ യൂറോപ്യൻ സെൻട്രൽ ബാങ്ക് (EZB) പലിശനിരക്കുകൾ വീണ്ടും ഉയർത്തിയേക്കുമെന്ന് വിദഗ്ദ്ധർ മുന്നറിയിപ്പ് നൽകുന്നു. ഈ വർഷം ഇതിനകം രണ്ട് തവണ പലിശനിരക്ക് ഉയർത്തിയ ബാങ്കിന്‍റെ നിലവിലെ അടിസ്ഥാന നിരക്ക് 2.50 ശതമാനമാണ്. വരും മാസങ്ങളിലെ വിലക്കയറ്റത്തിന്റെ തോത് അനുസരിച്ചായിരിക്കും പലിശനിരക്കിലെ തുടർതീരുമാനങ്ങൾ.
Europe
മ്യൂണിക്ക്: ജർമൻ ആഡംബര കാർ നിർമ്മാതാക്കളായ ബിഎംഡബ്ല്യു ജീവനക്കാരെ കുറയ്ക്കുന്നതിന്‍റെ ഭാഗമായി പ്രഖ്യാപിച്ച സ്വമേധയാ ഉള്ള പിരിഞ്ഞുപോകൽ പദ്ധതിക്ക് അപ്രതീക്ഷിത പ്രതികരണം. ജോലി ഉപേക്ഷിക്കാൻ വൻതുകയുടെ നഷ്ടപരിഹാരം ലഭിക്കുമെന്നായതോടെ ജീവനക്കാർ കൂട്ടത്തോടെ അപേക്ഷയുമായി എത്തിയതിനെ തുടർന്ന് കമ്പനിക്ക് പദ്ധതി താൽക്കാലികമായി മരവിപ്പിക്കേണ്ടി വന്നു.
അപേക്ഷാ പ്രവാഹം താങ്ങാനാവാതെ പോർട്ടൽ തകർന്നു
നഷ്ടപരിഹാര പാക്കേജ് കണക്കാക്കാനും രജിസ്റ്റർ ചെയ്യാനുമായി ജീവനക്കാർക്കായി തുറന്നുകൊടുത്ത കമ്പനിയുടെ ആഭ്യന്തര വെബ് പോർട്ടൽ ആരംഭിച്ചു ദിവസങ്ങൾക്കുള്ളിൽ തന്നെ സന്ദർശകരുടെ ബാഹുല്യം കാരണം തകരാറിലായി. തുടർന്ന് ലഭിച്ച ആയിരക്കണക്കിന് അപേക്ഷകൾ പരിശോധിച്ചു തീർക്കുന്നതിനായി പോർട്ടൽ താൽക്കാലികമായി അടച്ചുപൂട്ടിയതായി ബയറിഷർ റുണ്ട്ഫുങ്ക് റിപ്പോർട്ട് ചെയ്തു.
കമ്പനിയിലെ സേവന കാലാവധിയും നിലവിലെ ശമ്പളവും അടിസ്ഥാനമാക്കിയാണ് നഷ്ടപരിഹാരത്തുക നിശ്ചയിക്കുന്നത്. ദീർഘകാലമായി ഉയർന്ന ശമ്പളത്തിൽ ജോലി ചെയ്യുന്ന മുതിർന്ന ജീവനക്കാർക്ക് ലക്ഷക്കണക്കിന് യൂറോ വരെയാണ് ആനുകൂല്യമായി വാഗ്ദാനം ചെയ്യപ്പെട്ടിട്ടുള്ളത്. കൃത്യമായ തുക കമ്പനി ഔദ്യോഗികമായി വെളിപ്പെടുത്തിയിട്ടില്ലെങ്കിലും, പദ്ധതിക്ക് ജീവനക്കാർക്കിടയിൽ വലിയ സ്വീകാര്യതയാണ് ലഭിച്ചതെന്ന് ബിഎംഡബ്ല്യു സ്ഥിരീകരിച്ചു.
8,000 തൊഴിലുകൾ വെട്ടിച്ചുരുക്കാൻ ലക്ഷ്യം
2027 അവസാനത്തോടെ കമ്പനിയിൽ നിന്നും 8,000-ത്തോളം തസ്തികകൾ വെട്ടിക്കുറയ്ക്കാനാണ് ബിഎംഡബ്ല്യു ലക്ഷ്യമിടുന്നത്. പ്രധാനമായും അഡ്മിനിസ്ട്രേഷൻ, ഗവേഷണ-വികസന വിഭാഗങ്ങളിലാണ് ഈ വെട്ടിച്ചുരുക്കൽ ബാധിക്കുക.
നോയെ ക്ലാസ്സെ എന്ന പുതിയ തലമുറ ഇലക്ട്രിക് വാഹനങ്ങളുടെ പ്രാരംഭ വികസന ഘട്ടം പൂർത്തിയായതോടെ ഡെവലപ്പർമാരുടെ ആവശ്യം കുറഞ്ഞതും, കാര്യക്ഷമത വർധിപ്പിക്കാൻ ആർട്ടിഫിഷ്യൽ ഇന്‍റലിജൻസ് വ്യാപകമായി പ്രയോജനപ്പെടുത്തുന്നതുമാണ് ഇതിന് കാരണമായി ചൂണ്ടിക്കാണിക്കുന്നത്.
ചൈനീസ് വിപണിയിലെ മാന്ദ്യവും ചെലവ് ചുരുക്കലും
ആഗോള ഓട്ടോമൊബൈൽ മേഖല നേരിടുന്ന പ്രതിസന്ധിയും, ബിഎംഡബ്ല്യുവിന്‍റെ ഏറ്റവും വലിയ വിപണിയായ ചൈനയിൽ വിൽപനയും ലാഭവും കുത്തനെ ഇടിഞ്ഞതും കമ്പനിയെ കടുത്ത ചെലവ് ചുരുക്കൽ നടപടികളിലേക്ക് നയിക്കുകയായിരുന്നു. ഈ വോളന്‍ററി റിട്ടയർമെന്‍റ് പദ്ധതിക്കായി തുടക്കത്തിൽ നൂറുകണക്കിന് ദശലക്ഷം യൂറോ കമ്പനിക്ക് ചെലവാകുമെങ്കിലും, 2028 മുതൽ പ്രതിവർഷം ഏകദേശം 100 കോടി യൂറോ (1 ബില്യൺ യൂറോ) ലാഭിക്കാൻ സാധിക്കുമെന്നാണ് മാനേജ്മെന്റിന്റെ കണക്കുകൂട്ടൽ. ജീവനക്കാരുടെ ഭാഗത്തുനിന്നുള്ള ഈ വൻ ഡിമാൻഡ് തുടരുകയാണെങ്കിൽ, നിശ്ചയിച്ച സമയപരിധിക്ക് വളരെ മുന്നേ തന്നെ ലക്ഷ്യം കൈവരിക്കാൻ ബിഎംഡബ്ല്യുവിന് സാധിക്കുമെന്നാണ് റിപ്പോർട്ടുകൾ.
Europe
സാലിസ്ബറി: യുക്മയിലെ ഏറ്റവും ശക്തമായ റീജിയണുകളിൽ ഒന്നായ സൗത്ത് വെസ്റ്റ് റീജിയൺ കലാമേള സാലിസ്ബറിയിലെ ചാഫിൻ ഗൊഡോൾഫിൻ സീനിയർ സ്കൂളിൽ ഇന്ന് അരങ്ങേറും. യുക്മ നാഷണൽ ജോയിന്റ് സെക്രട്ടറി റെയ്മോൾ നിധീരി കലാമേള ഉദ്ഘാടനം ചെയ്യും.
ഉദ്ഘാടന സമ്മേളനത്തിൽ യുക്മ മുൻ നാഷണൽ സെക്രട്ടറിയും ബേസിംഗ്സ്റ്റോക്ക് & ഡീൻ ഡപ്യൂട്ടി മേയറുമായ സജീഷ് ടോം, യുക്മ നാഷണൽ ജോയിന്റ് സെക്രട്ടറി സണ്ണിമോൻ മത്തായി, യുക്മ മുൻ നാഷണൽ പ്രസിഡന്റും യൂത്ത് കോഓർഡിനേറ്ററുമായ ഡോ.ബിജു പെരിങ്ങത്തറ എന്നിവർ വിശിഷ്ടാതിഥികളായി പങ്കെടുക്കും.
വൈകുന്നേരം ചേരുന്ന സമാപനയോഗത്തിൽ യുക്മ ജോയിന്റ് സെക്രട്ടറിമാരായ സണ്ണിമോൻ മത്തായി, റെയ്മോൾ നിധീരി എന്നിവർ മുഖ്യാതിഥിമാരായിരിക്കും.
റീജിയണൽ പ്രസിഡന്റ് സുനിൽ ജോർജിന്‍റെ അധ്യക്ഷതയിൽ ചേരുന്ന ഉദ്ഘാടന സമ്മേളനത്തിൽ ദേശീയ സമിതിയംഗം രാജേഷ് രാജ്, യുക്മ ന്യൂസ് ചീഫ് എഡിറ്റർ സുജു ജോസഫ്, റീജിയണൽ സെക്രട്ടറി ജോബി തോമസ്, ട്രഷറർ ബേബി വർഗീസ്, കലാമേള കോഓർഡിനേറ്റർ ബിജോയ് പി. വർഗീസ്, മറ്റ് റീജിയണൽ ഭാരവാഹികൾ, അംഗ അസ്സോസ്സിയേഷൻ ഭാരവാഹികൾ എന്നിവർ പങ്കെടുക്കും.
യുക്മ നാഷണൽ പ്രസിഡന്റ് അഡ്വ. എബി സെബാസ്റ്റ്യൻ ഉൾപ്പടെയുള്ള നാഷണൽ, റീജിയണൽ ഭാരവാഹികൾ കലാമേളയുടെ വിവിധ ഘട്ടങ്ങളിൽ കലാമേള നഗറിലെത്തും. യുകെയിലെ മലയാളി സമൂഹത്തിന്റെ ഏറ്റവും വലിയ കലാസംഗമങ്ങളിലൊന്നായ പതിനേഴാമത് യുക്മ ദേശീയ കലാമേള നവംബർ ഏഴിന് ചെൽട്ടൺഹാമിൽ നടക്കും.
യുക്മയുടെ ഏഴ് ശക്തമായ റീജിയണുകളിൽ നടക്കുന്ന കലാമത്സരങ്ങളിൽ മികവ് തെളിയിക്കുന്ന പ്രതിഭകളാണ് ദേശീയ കലാമേളയിൽ മാറ്റുരയ്ക്കുന്നത്.
വിവിധ റീജിയണുകളിൽ നിന്നെത്തുന്ന മികച്ച കലാപ്രതിഭകൾ ഒരേ വേദിയിൽ സംഗമിക്കുമ്പോൾ, പ്രവാസലോകത്തെ ഏറ്റവും വലിയ മലയാളി കലാമാമാങ്കങ്ങളിലൊന്നായി ഇത്തവണത്തെ ദേശീയ കലാമേള മാറുമെന്ന പ്രതീക്ഷയിലാണ് യുക്മ.
മാസങ്ങളായി നിരന്തര പരിശീലനത്തിലേർപ്പെട്ടിരിക്കുന്ന കലാകാരന്മാരും കലാകാരികളും തങ്ങളുടെ കഴിവുകൾ മാറ്റുരയ്ക്കാൻ തയ്യാറെടുക്കുമ്പോൾ, റീജിയണൽ കലാമേള വേദികളുടെ ഒരുക്കങ്ങളും അതിവേഗം പൂർത്തിയായിക്കൊണ്ടിരിക്കുകയാണ്.
കുട്ടികൾ മുതൽ മുതിർന്നവർ വരെയുള്ള വിവിധ പ്രായവിഭാഗങ്ങളിലെ മത്സരാർഥികൾ സംഗീതം, നൃത്തം, സാഹിത്യം, പ്രസംഗം തുടങ്ങി നിരവധി ഇനങ്ങളിൽ പങ്കെടുക്കും.
മത്സരത്തിലെ വിജയത്തിനപ്പുറം, യുകെയിൽ വളരുന്ന പുതിയ തലമുറയ്ക്ക് കേരളത്തിന്‍റെ ഭാഷയോടും കലകളോടും പാരമ്പര്യത്തോടും ആത്മബന്ധം വളർത്തുന്ന സാംസ്കാരിക വേദി കൂടിയാണ് യുക്മ കലാമേള.
ബ്രിട്ടന്റെ ബഹുസാംസ്കാരിക സമൂഹത്തിൽ മലയാളി സമൂഹത്തിന്റെ സമ്പന്നമായ കലാ - സാംസ്കാരിക പൈതൃകം പരിചയപ്പെടുത്തുന്നതിനും മറ്റു സമൂഹങ്ങളുമായി കൂടുതൽ ശക്തമായ ബന്ധങ്ങൾ സൃഷ്ടിക്കുന്നതിനും ഇത്തരം പരിപാടികൾ നിർണായക പങ്കുവഹിക്കുന്നു.
അംഗ അസോസിയേഷനുകൾ, റീജിയണൽ കമ്മിറ്റികൾ, കലാകാരന്മാർ, പരിശീലകർ, മാതാപിതാക്കൾ, വിധികർത്താക്കൾ, സന്നദ്ധ പ്രവർത്തകർ തുടങ്ങി നൂറുകണക്കിന് ആളുകളുടെ കൂട്ടായ പ്രവർത്തനമാണ് ഓരോ കലാമേളയുടെയും വിജയത്തിന് പിന്നിൽ.
Europe
റോം: റോം പ്രവാസി മലയാളികളുടെ കൂട്ടായ്മയായ വയനാടൻ ടീം ഇറ്റലിയുടെ മൂന്നാമത് വാർഷിക ആഘോഷവും കുടുംബസംഗമവും "നാടൊരുമ 2026' റോമിൽ വച്ച് വിപുലമായ പരിപാടികളോടെ സംഘടിപ്പിച്ചു.
സുനിൽ വയനാടിന്‍റെ അധ്യക്ഷതയിൽ ചേർന്ന സമ്മേളനം മലങ്കര മേജർ ആർച്ച്ബിഷപ് മോറാൻ മോർ ബസേലിയോസ് കർദിനാൾ ക്ലീമിസ് കാതോലിക്കാ ബാവ ഉദ്ഘാടനം ചെയ്തു.
ഇറ്റലിയുടെ വിവിധ ഭാഗങ്ങളിൽ വസിക്കുന്ന നിരവധി വയനാടൻ കുടുംബങ്ങളും അംഗങ്ങളും ആഘോഷ സംഗമത്തിൽ സജീവമായി പങ്കെടുത്തു.
Europe
കൊളോൺ: ജർമനിയിലെ ബോഹും നഗരത്തിലെ ബഹുനില അപ്പാർട്ട്‌മെന്‍റ് സമുച്ചയത്തിലുണ്ടായ തീപിടിത്തത്തിൽ മരണപ്പെട്ട മൂന്ന് മലയാളി വിദ്യാർഥികളുടെയും മൃതദേഹങ്ങൾ നാട്ടിലെത്തിക്കുന്നതിനുള്ള മുഴുവൻ ചെലവും സംസ്ഥാന സർക്കാരിന്‍റെ പ്രവാസി ക്ഷേമ സ്ഥാപനമായ നോർക്ക റൂട്ട്സ് വഹിക്കും.
നോർക്ക റൂട്ട്സ് ചെയർമാൻ കൂടിയായ മുഖ്യമന്ത്രി വി.ഡി. സതീശന്‍റെ നിർദേശത്തെ തുടർന്നാണ് നടപടിയെന്ന് നോർക്ക റൂട്ട്സ് സിഇഒ അറിയിച്ചു. മൃതദേഹങ്ങൾ എത്രയും വേഗം കേരളത്തിലെത്തിക്കാനുള്ള ഔദ്യോഗിക നടപടികൾ വേഗത്തിൽ പുരോഗമിക്കുകയാണ്.
ദാരുണാന്ത്യം വിഷപ്പുക ശ്വസിച്ച്; പോസ്റ്റ്‌മോർട്ടം ആവശ്യമില്ലെന്ന് പൊലിസ്
കൊല്ലം പെരിനാട് (ചാമക്കട) സ്വദേശി അഞ്ജലി എസ്. ജോയ് (27), എറണാകുളം കാലടി സ്വദേശി സിവിൻ ജോണി (26), ഇടുക്കി ഇരട്ടയാർ (ശാന്തിഗ്രാം) സ്വദേശി നോവ സാബു (25) എന്നിവരാണ് ചൊവ്വാഴ്ച പുലർച്ചെ 4.15-ഓടെയുണ്ടായ തീപിടിത്തത്തിൽ വിഷപ്പുക ശ്വസിച്ച് മരണപ്പെട്ടത്.
കെട്ടിടത്തിന്‍റെ താഴത്തെ നിലയിലെ തടി കൊണ്ടുള്ള പ്രധാന ഗോവണിപ്പടിക്ക് ആരോ മനഃപൂർവം തീയിട്ടതിനെ തുടർന്ന് തീ അതിവേഗം പടരുകയും കനത്ത വിഷപ്പുക മലയാളികൾ താമസിച്ചിരുന്ന രണ്ടാം നിലയിലെ അപ്പാർട്ട്‌മെന്‍റിലേക്ക് ഇരച്ചുകയറുകയുമായിരുന്നു.
വിഷപ്പുക ശ്വസിച്ചതാണ് മരണകാരണമെന്ന് പൊലിസ് സ്ഥിരീകരിച്ചു. മൂവരുടെയും മരണകാരണം വ്യക്തമായതിനാൽ ഇനി പോസ്റ്റ്‌മോർട്ടം നടത്തേണ്ടതില്ലെന്ന് ക്രിമിനൽ ഇൻവെസ്റ്റിഗേഷൻ പൊലിസ് ലേഖകനോട് വ്യക്തമാക്കി.
നടപടിക്രമങ്ങൾ അന്തിമഘട്ടത്തിൽ
മരണപ്പെട്ട മൂന്ന് പേരുടെയും മൃതദേഹങ്ങൾ വ്യാഴാഴ്ചയോടെ പോലീസ് ഫ്യൂണറൽ ഏജൻസിക്ക് കൈമാറിയിരുന്നു. തുടർന്ന് ബോഹുമിലെ സിവിൽ രജിസ്ട്രേഷൻ ഓഫീസിലെ ഔദ്യോഗിക രേഖാ നടപടിക്രമങ്ങൾ പൂർത്തിയാക്കി വെള്ളിയാഴ്ച രാവിലെ ഫ്യൂണറൽ ഏജൻസിക്ക് കൈമാറി.
നിലവിൽ മൃതദേഹങ്ങൾ നാട്ടിലേക്ക് കൊണ്ടുപോകുന്നതിനുള്ള അന്തിമ അനുമതികൾക്കായി രേഖകൾ ഫ്രാങ്ക്ഫർട്ടിലെ ഇന്ത്യൻ കോൺസുലേറ്റ് ജനറൽ ഓഫീസിൽ എത്തിച്ചിട്ടുണ്ട്.
മരണ സർട്ടിഫിക്കറ്റ്, പൊലിസ് ക്ലിയറൻസ്, എംബാമിംഗ് സർട്ടിഫിക്കറ്റ് എന്നിവയുൾപ്പെടെയുള്ള എല്ലാ നടപടികളും ഇതിനകം പൂർത്തിയായിക്കഴിഞ്ഞു.
കോൺസുലേറ്റിന്‍റെ എൻഒസി ലഭ്യമാകുന്നതോടെ അടുത്ത ഏതാനും ദിവസങ്ങൾക്കുള്ളിൽ തന്നെ മൃതദേഹങ്ങൾ നാട്ടിലെത്തിക്കാനുള്ള വിമാന ടിക്കറ്റുകൾ ക്രമീകരിക്കും.
മുഖ്യമന്ത്രിയുടെ ഓഫീസിന്‍റെനേതൃത്വത്തിൽ ഏകോപനം
ദുരന്തവാർത്ത പുറത്തുവന്നയുടൻ തന്നെ മുഖ്യമന്ത്രിയുടെ ഓഫീസിന്‍റെ നേരിട്ടുള്ള മേൽനോട്ടത്തിലാണ് തുടർനടപടികൾ ഏകോപിപ്പിച്ചത്. പ്രൊട്ടക്ടർ ഓഫ് എമിഗ്രന്‍റ്സ് (തിരുവനന്തപുരം), കേന്ദ്ര വിദേശകാര്യ മന്ത്രാലയം, ബെർലിനിലെ ഇന്ത്യൻ എംബസി, ഫ്രാങ്ക്ഫർട്ടിലെ ഇന്ത്യൻ കോൺസുലേറ്റ് ജനറൽ, ജർമനിയിലെ സംഘടനാ പ്രതിനിധികൾ എന്നിവരുമായി നോർക്ക റൂട്ട്സ് നിരന്തരം ബന്ധപ്പെട്ട് കാര്യങ്ങൾ വേഗത്തിലാക്കാൻ സഹായിച്ചു.
ജർമനിയിലെ പ്രാദേശിക പൊലിസ്, നഗരസഭാ, കോൺസുലേറ്റ് തലങ്ങളിലുള്ള എല്ലാ ഔദ്യോഗിക ഏകോപനങ്ങളും നിർവഹിക്കുന്നത് നോർക്ക ജർമനി കോ-ഓർഡിനേഷൻ കൗൺസിൽ അംഗം ജോസ് കുമ്പിളുവേലിൽ ആണ്.
Europe
ഡബ്ലിൻ: സാങ്കേതിക തകരാർ മൂലം അയർലൻഡിൽ വിവിധ കമ്പനികളുടെ ഗ്യാസ് ഉപഭോക്താക്കൾക്ക് വൻ തുകയുടെ തെറ്റായ ബില്ല് ലഭിച്ചു. ഒക്ടോബർ 9 മുതൽ 12 വരെ രേഖപ്പെടുത്തിയിട്ടുള്ള മീറ്റർ റീഡിംഗിൽ പത്തിരട്ടിയിലേറെ വരെയാണ് ബില്ല് വന്നത്.
ഗ്യാസ് നെറ്റ്‌വർക്ക് അയർലൻഡ് ഇക്കാര്യം സ്ഥിരീകരിക്കുകയും ഉപഭോക്താക്കളോട് ക്ഷമാപണം നടത്തുകയും ചെയ്തു. രാജ്യത്തുടനീളം പിഴവുകൾ കണ്ടെത്തിയ സാഹചര്യത്തിൽ പുതിയ ബില്ലുകൾ നൽകുന്നത് താൽക്കാലികമായി നിർത്തിവച്ചിരിക്കുകയാണ്.
പുതിയതായി അമിത ബില്ല് വന്നിട്ടുള്ളവർ തങ്ങളുടെ ഗ്യാസ് വിതരണ കമ്പനിയുമായി ഉടനെ ബന്ധപ്പെടണമെന്ന് അധികൃതർ അറിയിച്ചു.
അമിത തുക വന്നവരുടെ ബില്ലുകൾ പരിശോധിക്കുമെന്നും ഇതുവഴി ഇവർക്ക് സാമ്പത്തിക നഷ്ടം ഉണ്ടാവില്ലെന്ന് കമ്പനി അധികൃതർ അറിയിച്ചു.
ഓഗസ്റ്റ് പകുതി മുതൽ ഒക്ടോബർ പകുതി വരെയുള്ള ബില്ലുകളിലാണ് രാജ്യത്ത് വ്യാപകമായ വ്യത്യാസം കണ്ടെത്തിയത്.
പല ഗ്യാസ് വിതരണക്കാരും ബിൽ നൽകിയതിന് 14 ദിവസത്തിന് ശേഷം, ബിൽ തുക ഉപഭോക്താക്കളുടെ ബാങ്ക് അക്കൗണ്ടിൽ നിന്ന് ഡയറക്ട് ഡെബിറ്റ് വഴി സ്വയമേവ ഈടാക്കാറുണ്ട്. ഇത്തരക്കാർ ഉടനെ അതത് കമ്പനികളുമായി ബന്ധപ്പെടേണ്ടതാണ്.
Europe
ഫ്രാങ്ക്ഫർട്ട്: ജർമനിയിലെ ഏറ്റവും വലിയ വിമാനത്താവളമായ ഫ്രാങ്ക്ഫർട്ടിൽ വിമാന ഇന്ധനം (Kerosin) ശേഖരത്തിൽ കടുത്ത ക്ഷാമം നേരിടുന്നതായി റിപ്പോർട്ട്.
വിമാനത്താവളത്തിൽ ഇന്ധനം തീർന്നുപോകുമെന്ന സാഹചര്യം ഉടലെടുത്തതോടെ ജർമനിയുടെ മുൻനിര വിമാനക്കമ്പനിയായ ലുഫ്താൻസ തങ്ങളുടെ പൈലറ്റുമാർക്ക് അസാധാരണമായ നിർദേശം നൽകി. മറ്റ് വിമാനത്താവളങ്ങളിൽ നിന്ന് ഫ്രാങ്ക്ഫർട്ടിലേക്ക് പറക്കുന്ന വിമാനങ്ങളിൽ ആവശ്യമുള്ളതിലും കൂടുതൽ ഇന്ധനം നിറച്ചുകൊണ്ടുവരണമെന്നാണ് എയർലൈൻ ഉത്തരവിട്ടിരിക്കുന്നത്.
വിമാന സർവീസുകൾ മുടങ്ങാതിരിക്കാൻ 'ഫ്യൂവൽ ടാങ്കറിംഗ്' (Fuel Tankering) എന്നറിയപ്പെടുന്ന അടിയന്തര നടപടിയാണ് ലുഫ്താൻസ സ്വീകരിച്ചിരിക്കുന്നത്.
സാധാരണയായി ഒരു യാത്രയ്ക്ക് ആവശ്യമായ ഇന്ധനവും മുൻകരുതൽ ശേഖരവും മാത്രമാണ് വിമാനങ്ങളിൽ നിറയ്ക്കാറുള്ളത്. എന്നാൽ ഫ്രാങ്ക്ഫർട്ടിലെ ഇന്ധനക്ഷാമം മറികടക്കാൻ, അവിടെ നിന്നുള്ള അടുത്ത സർവീസിനാവശ്യമായ ഇന്ധനം കൂടി മറ്റ് വിമാനത്താവളങ്ങളിൽ നിന്ന് തന്നെ സംഭരിച്ചു പറക്കാനാണ് പൈലറ്റുമാർക്ക് നിർദ്ദേശം നൽകിയിരിക്കുന്നത്.
വിമാനങ്ങൾ റദ്ദാക്കേണ്ടി വരുന്ന സാഹചര്യം ഒഴിവാക്കാനും സർവീസുകൾ സാധാരണ നിലയിൽ മുന്നോട്ട് കൊണ്ടുപോകാനുമാണ് ഈ മുന്നൊരുക്കമെങ്കിലും, അധിക ഇന്ധനം വഹിച്ച് പറക്കുന്നത് വിമാനത്തിന്‍റെ ഭാരം വർധിപ്പിക്കുകയും കമ്പനിക്ക് അധിക സാമ്പത്തിക ബാധ്യത വരുത്തുകയും ചെയ്യും.
Europe
ബോഹും: പടിഞ്ഞാറന്‍ ജര്‍മ്മന്‍ നഗരമായ ബോഹുമിലെ റെസിഡന്‍ഷ്യല്‍ അപ്പാര്‍ട്ട്മെന്‍റിലുണ്ടായ വന്‍ തീപിടിത്തത്തില്‍ ദാരുണമായി ജീവന്‍ നഷ്ടപ്പെട്ട മൂന്ന് ഇന്ത്യന്‍ പൗരന്മാരും മലയാളികളാണെന്ന് തിരിച്ചറിഞ്ഞു. കൊല്ലം, എറണാകുളം, ഇടുക്കി സ്വദേശികളായ യുവതീയുവാക്കളാണ് ജര്‍മ്മനിയെയും ജന്മനാടിനെയും ഒരുപോലെ കണ്ണീരിലാഴ്ത്തി വിടപറഞ്ഞത്. രണ്ടാഴ്ച മുന്‍പ് മാത്രം ഒരുമിച്ച് താമസത്തിനെത്തിയ ഫ്ലാറ്റില്‍ അയല്‍വാസി നടത്തിയ മനഃപൂര്‍വ്വമുള്ള തീവയ്പ്പിലാണ് ഈ മൂന്ന് പ്രവാസി മലയാളി കുടുംബങ്ങളുടെയും പ്രതീക്ഷകള്‍ എരിഞ്ഞടങ്ങിയത്.
കൊല്ലം ചാമക്കട അശ്വിന്‍ ഭവനത്തില്‍ ജോയിയുടെയും ഷീലയുടെയും മകളാണ് അഞ്ജലി ജോയ് (25). അഞ്ജലി ഈ വര്‍ഷം ജൂലൈയിലാണ് ജര്‍മനിയിലേക്ക് ജോലിക്കായി എത്തിയത്. അവിടെ സ്വകാര്യ കമ്പനിയുടെ വെയര്‍ഹൗസ് സര്‍വീസില്‍ ആയിരുന്നു ജോലി. ബിഎഡ് ബിരുദധാരിയാണ്. സഹോദരി: അശ്വനി എസ് ജോയ്.
എറണാകുളം കാലടി മാണിക്കമംഗലം കൊണൂരാന് ഹൗസില്‍ ജോണി ഔസേപ്പിന്‍റെയുംപരേതയായ ലിസിയുടെ മകളാണ് സിവിന്‍ ജോണി (26).
ഹോട്ടല് റസ്റ്റോറന്‍റ് മേഖലയില്‍ ജോലി തേടി എത്തിയതായിരുന്നു സിവിന്‍.
ഇടുക്കി ശാന്തിഗ്രാം കൊച്ചേടത്ത് ഹൗസില്‍ റിട്ട. എസ്.ഐ സാബുവിന്‍റെയും ജ്യോതിയുടെയും മകളാണ് നോവ സാബു. ജ്യോതി ആരോഗ്യവകുപ്പ് ജീവനക്കാരിയാണ്.ഒരു സഹോദരനുണ്ട്. നാട്ടില്‍ ജിം ട്രെയിനറായി ജോലി ചെയ്തിരുന്ന നോവ ആറുമാസം മുമ്പാണ് ജര്‍മനിയിലെത്തിത്. തുടര്‍ന്ന് ഇവിടെ ട്രെയിനറായി ജോലി ചെയ്തുവരികയായിരുന്നു.
ജോലിക്കായി ജര്‍മനിയിലെത്തിയ ഇവര്‍ മൂവരും ബോഹും ഹോഫ്സ്റെറഡെ മേഖലയിലെ പോസ്ററ്സ്ട്രാസെയിലുള്ള റെസിഡന്‍ഷ്യല്‍ കെട്ടിടത്തിന്‍റെ രണ്ടാം നിലയിലെ ഫ്ലാറ്റില്‍ രണ്ടാഴ്ച മുന്‍പാണ് ഒരുമിച്ച് താമസം തുടങ്ങിയത്.
രക്ഷാമാര്‍ഗം തടസപ്പെട്ടു; വിഷപ്പുക ശ്വസിച്ച് ദാരുണാന്ത്യം
ചൊവ്വാഴ്ച പുലര്‍ച്ചെ 4.15ഓടെയാണ് കെട്ടിടത്തില്‍ നാടിനെ നടുക്കിയ അഗ്നിബാധയുണ്ടായത്. കെട്ടിടത്തിന്‍റെ താഴത്തെ നിലയിലെ ഇടനാഴിയില്‍ സൂക്ഷിച്ചിരുന്ന കുട്ടികളുടെ സ്ട്രോളറുകള്ക്ക് തീയിട്ടതിനെ തുടര്‍ന്ന്, മുകളിലേക്ക് കയറാനുള്ള തടി കൊണ്ടുള്ള പ്രധാന കോവണിപ്പടിയിലേക്ക് തീ അതിവേഗം ആളിപ്പടരുകയായിരുന്നു.
കെട്ടിടത്തില്‍ നിന്നുള്ള ഏക രക്ഷാമാര്‍ഗമായ കോവണി കത്തിയമരുകയും ഇടനാഴിയിലാകെ വിഷപ്പുകയും കടുത്ത ചൂടും നിറഞ്ഞതോടെ മുകള്‍നിലയിലുണ്ടായിരുന്ന ഇവര്‍ക്ക് പുറത്തേക്ക് കടക്കാനായില്ല. അഗ്നിശമന സേന എത്തുമ്പോഴേക്കും കെട്ടിടം പൂര്‍ണമായി പുകയില്‍ മൂടിയിരുന്നു. ജനലുകള്‍ വഴി രക്ഷാപ്രവര്‍ത്തകര്‍ മറ്റ് അഞ്ച് താമസക്കാരെ സാഹസികമായി രക്ഷപ്പെടുത്തിയെങ്കിലും, രണ്ടാം നിലയിലെ ഫ്ലാറ്റിനുള്ളില്‍ അകപ്പെട്ടുപോയ മലയാളികളായ മൂവരെയും രക്ഷിക്കാനായില്ല.
തീ നിയന്ത്രണവിധേയമാക്കിയ ശേഷം അകത്തുകടന്ന രക്ഷാപ്രവര്‍ത്തകര്‍ മൂവരെയും അബോധാവസ്ഥയിലാണ് കണ്ടെത്തിയത്. കൃത്രിമ ശ്വാസോച്ഛ്വാസം നല്കി ജീവിതത്തിലേക്ക് തിരികെ കൊണ്ടുവരാന് പരമാവധി ശ്രമിച്ചെങ്കിലും സംഭവസ്ഥലത്തു വച്ചുതന്നെ ജീവന്‍ നഷ്ടപ്പെടുകയായിരുന്നു.
മനഃപൂര്‍വമുള്ള തീവയ്പ്; 41കാരനായ അയല്‍വാസി കസ്റ്റഡിയില്‍
ഷോര്ട്ട് സര്‍ക്യൂട്ട് ഉള്‍പ്പെടെയുള്ള സാങ്കേതിക തകരാറുകള്‍ ഒന്നും അപകടത്തിന് കാരണമായിട്ടില്ലെന്ന് ഫോറന്സിക്~അഗ്നിശമന വിദഗ്ദ്ധരുടെ പരിശോധനയില് സ്ഥിരീകരിച്ചു. മനഃപൂര്‍വം തീവച്ചതാണെന്ന ശക്തമായ തെളിവുകളുടെ അടിസ്ഥാനത്തില്‍ ഇതേ കെട്ടിടത്തില്‍ താമസിക്കുന്ന 41~കാരനായ അയല്‍വാസിയെ പോലീസ് അറസ്റ്റ് ചെയ്തു. കൊലപാതക കുറ്റത്തിന് ഹോമിസൈഡ് സ്ക്വാഡ് ഇയാളെ വിശദമായി ചോദ്യം ചെയ്തുവരികയാണ്. മുന്‍പുണ്ടായ എന്തെങ്കിലും തര്ക്കങ്ങളാണോ ഈ ക്രൂരകൃത്യത്തിന് പിന്നിലെന്ന് പോലീസ് അന്വേഷിക്കുന്നുണ്ട്.
അതേ കെട്ടിടത്തില്‍ തന്നെ താമസിക്കുന്ന 41~കാരനായ അയല്‍വാസിയാണ് ഇയാളെന്നും, കൊലപാതക അന്വേഷണ സംഘം ഇയാളെ കസ്റ്റഡിയിലെടുത്ത് ചോദ്യം ചെയ്തുവരികയാണെന്നും മാത്രമാണ് അന്വേഷണ ഉദ്യോഗസ്ഥര് നിലവില്‍ വ്യക്തമാക്കിയിട്ടുള്ളത്. ഇയാള്‍ റൊമാനിയന് പൗരനാണെന്ന തരത്തിലുള്ള വിവരങ്ങള്‍ പ്രാദേശികമായോ സംസാരങ്ങളിലോ പ്രചരിക്കുന്നുണ്ടാകാമെങ്കിലും, പോലീസ് ഇത് രേഖാമൂലം സ്ഥിരീകരിക്കുകയോ വാര്‍ത്താക്കുറിപ്പില്‍ വ്യക്തമാക്കുകയോ ചെയ്തിട്ടില്ല.അന്വേഷണം പുരോഗമിക്കുന്ന ഘട്ടമായതിനാല്‍ കൂടുതല്‍ വ്യക്തിഗത വിവരങ്ങള്‍ വരും ദിവസങ്ങളില്‍ പോലീസ് പുറത്തുവിട്ടേക്കും.
നടപടികള്‍ ഏകോപിപ്പിച്ച് എംബസിയും സംഘടനകളും
നാട്ടിലുള്ള കുടുംബാംഗങ്ങളെ വിവരം അറിയിച്ചിട്ടുണ്ട്. മൃതദേഹങ്ങള്‍ ഔദ്യോഗിക നടപടിക്രമങ്ങള്‍ പൂര്‍ത്തിയാക്കി എത്രയും വേഗം നാട്ടിലെത്തിക്കുന്നതിനായി ജര്‍മനിയിലെ ഇന്ത്യന്‍ എംബസി അധികൃതരും ലോക കേരള സഭ പ്രതിനിധികളും, ജര്‍മനിയിലെ നോര്ക്ക കോഓര്ഡിനേ0ഷന്‍ കൗണ്‍സിലും, മലയാളി കൂട്ടായ്മകളും രംഗത്തുണ്ട്. യുവമലയാളി അപ്രതീക്ഷിത വേര്‍പാട് ജര്‍മനിയിലെ പ്രവാസി സമൂഹത്തില്‍ കനത്ത ആഘാതമാണ് സൃഷ്ടിച്ചിരിക്കുന്നത്.
Europe
ചാലക്കുടി : പടിഞ്ഞാറെ ചാലക്കുടി തരകന്‍ പോള്സന് മകന്‍ സായന്ത് സോനു (21) അന്തരിച്ചു. സംസ്കാരം വ്യാഴാഴ്ച പടിഞ്ഞാറെ ചാലക്കുടി നിത്യസഹായമാത ദേവാലയത്തില്‍ നടത്തി. അമ്മ: സ്വപ്ന, സഹോദരി: സന മരിയ.
കഴിഞ്ഞ വര്‍ഷം പഠനത്തിനായി ജര്‍മനിയിലെത്തിയ സായന്തിനെ കാണാതാവുകയും തുടര്‍ന്ന് കെംനിറ്റ്സ് നഗരത്തിലെ അപ്പാര്‍ട്ട്മെന്‍റിനുള്ളിൽ മരിച്ച നിലയില്‍ കണ്ടെത്തുകയായിരുന്നു. സ്വാഭാവിക മരണമെന്നാണ് പൊലിസ് സ്ഥിരീകരിച്ചത്.
Europe
ലണ്ടൻ: ബ്രിട്ടനിൽ പ്രതിഷേധത്തിനിടയിൽ മുഖം മറയ്ക്കാൻ ബുർഖ ധരിച്ച കേസിൽ അറസ്റ്റിലായ 76 കാരൻ, വിചാരണയ്ക്കും അതേ വേഷത്തിൽ കോടതിയിലെത്തി. സൗതാംപ്ട്ടണിൽ നിന്നുള്ള ടിമോത്തി മില്ലറാണ് പോർട്ട്സ്മൗത്ത് മജിസ്ട്രേറ്റ് കോടതിയിൽ ബുർഖ ധരിച്ചെത്തിയത്.
12-ന് പോർട്ട്സ്മൗട്ടിൽ നടന്ന കുടിയേറ്റ വിരുദ്ധ പ്രതിഷേധത്തിനിടയിലാണ് ഇയാൾ അറസ്റ്റിലായത്. ഇസ്‌ലാം മതത്തെക്കുറിച്ച് പഠിക്കുന്നതിന്‍റെ ഭാഗമായാണ് താൻ ബുർഖ ധരിച്ചതെന്നും, മതത്തെക്കുറിച്ച് കൂടുതൽ മനസ്സിലാക്കാൻ ഇത് സഹായിക്കുമെന്നും ഇയാൾ കോടതിയിൽ വാദിച്ചു.
കുറ്റക്കാരനാണോയെന്ന ചോദ്യത്തിന് 'കുറ്റക്കാരനല്ല' എന്ന് മറുപടി നൽകിയ ഇയാൾ കേസിൽ ഫെബ്രുവരി 16-ലേക്ക് വിചാരണ മാറ്റിവച്ചു.
Europe
ബർമിംഗ്ഹാം: കുടിയേറ്റത്തോടൊപ്പം, ജീവശ്വാസം പോലെ ബ്രിട്ടന്റെ മണ്ണിലേക്ക് സത്യവിശ്വാസവും കൂടെ കൊണ്ടുപോന്ന ഒരു സമൂഹം തങ്ങൾക്കു തലമുറകളായി പകർന്നുകിട്ടിയ വിശ്വാസത്തിന്‍റെ തിരിനാളം അണയാതെ കാത്തുസൂക്ഷിച്ചും അതിന്‍റെ വെളിച്ചം വരുംതലമുറകളിലേക്ക് പകർന്നും ഗ്രേറ്റ് ബ്രിട്ടൻ സീറോമലബാർ രൂപത അനുഗ്രഹസമൃദ്ധമായ പത്തു വർഷങ്ങൾ പിന്നിടുന്നു.
ദൈവപരിപാലനവും സമർപ്പിതമായ അജപാലനശുശ്രൂഷയും അൽമായരുടെ സജീവ പങ്കാളിത്തവും ചേർന്നെഴുതിയ ഈ ദശവത്സരചരിത്രം, ബ്രിട്ടനിലെ കത്തോലിക്കാ സഭാജീവിതത്തിൽ സീറോമലബാർ സമൂഹം കൈവരിച്ച വളർച്ചയുടെ സാക്ഷ്യമാണ്. എൺപതിനായിരത്തിലധികം വിശ്വാസികളുടെ ആത്മീയഭവനമായി വളർന്ന രൂപത, മാർത്തോമാശ്ലീഹായിൽനിന്നു പകർന്നുകിട്ടിയ പൈതൃകത്തിൽ വേരുറപ്പിച്ച് പുതിയ പ്രേഷിതവഴികളിലേക്ക് ചുവടുവയ്ക്കുകയാണ്.
Europe
ന്യൂറംബര്‍ഗ്: ജര്‍മനിയിലെ ന്യൂറംബര്‍ഗ് വിമാനത്താവളത്തില്‍ അടിയന്തര സാഹചര്യത്തെ തുടര്‍ന്ന് വിമാന സര്‍വീസുകള്‍ നിര്‍ത്തിവയ്ക്കുകയും വിമാനത്താവളം പോലീസ് പൂര്‍ണമായി അടപ്പിച്ചു സുരക്ഷാ വലയത്തിലാക്കുകയും ചെയ്തു. ഗ്രീക്ക് ദ്വീപായ കോര്ഫുവില് നിന്നെത്തിയ യാത്രാവിമാനത്തില്‍ അടിയന്തര സാഹചര്യം സംശയിച്ചതിനെ തുടര്‍ന്ന് ജര്‍മൻ വ്യോമസേനയുടെ അത്യാധുനിക യൂറോഫൈറ്റര് (Eurofighter) യുദ്ധവിമാനങ്ങള്‍ ആകാശത്ത് പറന്നുയര്‍ന്ന് വിമാനത്തിന് അകമ്പടി സേവിച്ചു.
ഗ്രീസില്‍ നിന്നും ന്യൂറംബര്‍ഗിലേക്ക് ഷെഡ്യൂള്‍ ചെയ്തിരുന്ന കോറണ്ടന് എയര്‍ലൈന്‍സിന്‍റഎ (Corendon Airlines XR456) വിമാനം ഉച്ചയ്ക്ക് 12.16ഓടെ ന്യൂറംബര്‍ഗ് വിമാനത്താവളത്തില്‍ സുരക്ഷിതമായി ലാന്‍ഡ് ചെയ്തു.
വിമാനം സുരക്ഷിതമായി ഇറങ്ങിയെങ്കിലും സുരക്ഷാ മുന്‍കരുതലിന്‍റെ ഭാഗമായി വിമാനത്താവള പ്രവര്‍ത്തനം പൂര്‍ണമായും നിര്‍ത്തിവച്ചതായും പോലീസ് പരിശോധനകള് തുടരുകയാണെന്നും അധികൃതര്‍ വ്യക്തമാക്കി. ആകാശത്ത് നേരിട്ട അടിയന്തര സാഹചര്യത്തിന്‍റെ കൃത്യമായ കാരണം ഇതുവരെ ഔദ്യോഗികമായി സ്ഥിരീകരിച്ചിട്ടില്ല.
ചൊവ്വാഴ്ച പുലര്‍ച്ചെയും ന്യൂറംബര്‍ഗ് വിമാനത്താവളത്തില്‍ അജ്ഞാത ഡ്രോണ് സാന്നിധ്യം സംശയിച്ച് സര്‍വീസുകള്‍ തടസപ്പെട്ടിരുന്നു. പുലര്‍ച്ചെ രണ്ട് മണിക്കും നാല് മണിക്കും ഇടയില്‍ ടേക്ക് ഓഫിനും ലാന്‍ഡിംഗിനും ഇടയില്‍ ആകാശത്ത് സംശയാസ്പദമായ വസ്തു കണ്ടതായി മൂന്ന് പൈലറ്റുമാര്‍ പ്രത്യേകം റിപ്പോര്ട്ട് ചെയ്യുകയായിരുന്നു. തുടര്‍ന്ന് പോലീസ് ഹെലികോപ്റ്ററും അതിര്‍ത്തി സുരക്ഷാ സേനയും ആകാശത്തും വിമാനത്താവള പരിസരത്തും അടിയന്തര തിരച്ചില്‍ നടത്തിയെങ്കിലും ഡ്രോണ് കണ്ടെത്താന്‍ സാധിച്ചിരുന്നില്ല. ഇതിന് തൊട്ടുപിന്നാലെയാണ് ഉച്ചയോടെ നാടകീയമായ മറ്റൊരു അടിയന്തര സംഭവം കൂടി വിമാനത്താവളത്തില്‍ അരങ്ങേറിയത്.
Europe
മാഡ്രിഡ്: സ്പെയിനിലെ പ്രധാന നഗരങ്ങളായ മാഡ്രിഡിനെയും ബാഴ്സലോണയെയും ബന്ധിപ്പിക്കുന്ന അതിവേഗ റെയിൽ പാതയിലുണ്ടായ തീപിടിത്തത്തെ തുടർന്ന് ട്രെയിൻ ഗതാഗതം പൂർണമായി തടസപ്പെട്ടു.
തീപിടിത്തത്തെ തുടർന്ന് സർവീസുകൾ നിർത്തിവച്ചതോടെ ആയിരക്കണക്കിന് യാത്രക്കാരാണ് വിവിധ സ്റ്റേഷനുകളിലും വഴികളിലുമായി മണിക്കൂറുകളോളം കുടുങ്ങിക്കിടക്കുന്നത്. യൂറോപ്പിലെ തന്നെ ഏറ്റവും തിരക്കേറിയ അതിവേഗ ട്രെയിൻ റൂട്ടുകളിലൊന്നിലാണ് അപ്രതീക്ഷിതമായി ഈ അപകടം ഉണ്ടായത്.
റെയിൽവേ പാതയിലുണ്ടായ തീപിടിത്തം ശ്രദ്ധയിൽപ്പെട്ടയുടൻ സുരക്ഷ മുൻനിർത്തി അധികൃതർ ഈ റൂട്ടിലൂടെയുള്ള എല്ലാ അതിവേഗ സർവീസുകളും അടിയന്തരമായി റദ്ദാക്കുകയോ വഴിതിരിച്ചുവിടുകയോ ചെയ്യുകയായിരുന്നു.
സംഭവത്തെ തുടർന്ന് അഗ്നിശമന സേനയും സാങ്കേതിക വിദഗ്ധരും സ്ഥലത്തെത്തി തീ നിയന്ത്രണവിധേയമാക്കാനും പാതയിലെ തകരാറുകൾ പരിഹരിക്കാനുമുള്ള നടപടികൾ വേഗത്തിലാക്കിയിട്ടുണ്ട്. സർവീസുകൾ തടസപ്പെട്ടതോടെ വിവിധ സ്റ്റേഷനുകളിൽ യാത്രക്കാരുടെ വലിയ തിരക്കാണ് അനുഭവപ്പെടുന്നത്.
തകരാറുകൾ പൂർണമായും പരിഹരിച്ച ശേഷം മാത്രമേ ട്രെയിൻ ഗതാഗതം സാധാരണ നിലയിലാകൂ എന്ന് റെയിൽവേ അധികൃതർ അറിയിച്ചു. വഴിയിൽ കുടുങ്ങിയ യാത്രക്കാർക്കായി ബദൽ യാത്രാ സൗകര്യങ്ങൾ ഒരുക്കാനുള്ള ശ്രമങ്ങളും നടക്കുന്നുണ്ട്.
Europe
ബെര്ലിന്: ജര്‍മനിയിലെ രാഷ്ട്രീയ രംഗത്ത് വലിയ കോളിളക്കം സൃഷ്ടിച്ചുകൊണ്ട് ഫെഡറല്‍ ലേബര്‍ മന്ത്രിയും എസ്പിഡിയുടെ സഹഅധ്യക്ഷയുമായ ബാര്‍ബല്‍ ബാസ് തന്റെ പദവികളില്‍ നിന്ന് അപ്രതീക്ഷിതമായി രാജിവച്ചു.
വ്യക്തിപരമായ കാരണങ്ങളും മകളുടെ വിയോഗത്തെ തുടര്‍ന്നുണ്ടായ മാനസിക പ്രയാസങ്ങളുമാണ് രാജിക്ക് കാരണമായി അവര്‍ വ്യക്തമാക്കിയത്. കൂടാതെ, ഭരണമുന്നണിയിലെ ഘടകകക്ഷികളില്‍ നിന്നുള്ള നിരന്തരമായ രാഷ്ട്രീയ ആക്രമണങ്ങളും ഈ ഘട്ടത്തില്‍ തന്നെ മാനസികമായി തളര്‍ത്തിയെന്നും അവര്‍ തുറന്നുപറഞ്ഞു.
പാര്‍ലമെന്‍റിലെ തന്റെ എംപി സ്ഥാനം തുടര്‍ന്നും നിലനിര്‍ത്തുമെന്ന് അവര്‍ വ്യക്തമാക്കിയിട്ടുണ്ട്.
പുതിയ ലേബര്‍ മന്ത്രിയായി അലക്സാണ്ടര്‍ ഷൈവ്റ്റ്സര്‍
ബാര്‍ബല്‍ ബാസിന്‍റെ രാജിക്ക് പിന്നാലെ, ഫെഡറല്‍ ലേബര്‍ മന്ത്രി സ്ഥാനത്തേക്ക് റൈന്‍ലാന്‍ഡ് - പാല്‍റ്റ്സ് മുന്‍ മന്ത്രിപ്രധാനിയായ അലക്സാണ്ടര്‍ ഷൈവ്റ്റ്സറെ നിയമിക്കാന്‍ തീരുമാനമായിട്ടുണ്ട്. 53 വയസുകാരനായ ഷൈവ്റ്റ്സര്‍ ചാന്‍സലര്‍ ഫ്രീഡ്രിഷ് മെര്‍സിന്‍റെ മന്ത്രിസഭയിലേക്ക് ഔദ്യോഗികമായി ചുമതലയേല്‍ക്കും.
ചാന്‍സലറുടെയും നേതാക്കളുടെയും പ്രതികരണങ്ങള്‍
ബാര്‍ബല്‍ ബാസിന്‍റെ തീരുമാനം വലിയൊരു ഞെട്ടലാണ് സര്‍ക്കാരിന് നല്‍കിയിരിക്കുന്നത്. സാക്സോണി - അന്‍ഹാള്‍ട്ട്, മെക്ലെന്‍ബുര്‍ഗ് - വെസ്റ്റ് പൊമേറേനിയ എന്നിവിടങ്ങളിലെ തെരഞ്ഞെടുപ്പ് തിരിച്ചടികള്‍ക്ക് പിന്നാലെയാണ് ഈ രാജി.
ചാന്‍സലര്‍ ഫ്രീഡ്രിഷ് മെര്‍സ് ബാര്‍ബല്‍ ബാസിന്‍റെ തീരുമാനത്തോട് ആദരവ് പ്രകടിപ്പിക്കുകയും സര്ക്കാരിനൊപ്പം അവര്‍ നടത്തിയ വിശ്വസ്തമായ പ്രവര്‍ത്തനങ്ങള്‍ക്ക് നന്ദി അറിയിക്കുകയും ചെയ്തു.
ഒരു പിതാവെന്ന നിലയില്‍ ആ വേര്‍പാടിന്‍റെ നോവ് തനിക്ക് മനസിലാക്കാന്‍ കഴിയുമെന്നും അദ്ദേഹം കൂട്ടിച്ചേര്‍ത്തു. ബാസിന്‍റെ രാജിയില്‍ എസ്പിഡി സഹഅധ്യക്ഷന്‍ ലാര്‍സ് ക്ലിംഗ്ബെയിലും കടുത്ത വേദന രേഖപ്പെടുത്തുകയും അവര്‍ക്കെതിരേ ഉണ്ടായ രാഷ്ട്രീയ ആക്രമണങ്ങള്‍ അനുചിതമാണെന്ന് വ്യക്തമാക്കുകയും ചെയ്തു.
Europe
നോർത്താംപ്ടൺ: ഗ്രേറ്റ് ബ്രിട്ടൻ സീറോമലബാർ രൂപത ബൈബിൾ അപ്പോസ്തലേറ്റിന്‍റെ നേതൃത്വത്തിൽ സംഘടിപ്പിക്കുന്ന ഓക്സ്ഫോർഡ് റീജണൽ ബൈബിൾ കലോത്സവം ഈ മാസം 24നു നോർത്താംപ്ടണിലെ കരോളിൻ ചിഷോം സ്കൂളിൽ നടക്കും.
വിശുദ്ധഗ്രന്ഥ സന്ദേശങ്ങളെ അടിസ്ഥാനമാക്കി സംഘടിപ്പിക്കുന്ന ബൈബിൾ കലോത്സവത്തിൽ റീജണിലെ വിവിധ മിഷനുകളിൽ നിന്നുമായി അഞ്ഞൂറിലധികം മത്സരാർഥികൾ പങ്കെടുക്കുന്നുണ്ട്.
സീറോമലബാർ ഓക്സ്ഫോർഡ് റീജണൽ ഡയറക്ടർ ഫാ. സോണി ജോർജ്, ഓക്സ്ഫോർഡ് റീജണൽ ബൈബിൾ അപ്പോസ്തലേറ്റ് ഡയറക്ടർ ഫാ. എൽവിസ് ജോസ്, ആതിഥേയരായ നോർത്താംപ്ടൺ സീറോമലബാർ മിഷന്‍റെ ഡയറക്ടർ ഫാ. സെബാസ്റ്റ്യൻ പൊട്ടനാനി എന്നിവർ കലോത്സവത്തിന് ആത്മീയവും അജപാലനപരവുമായ നേതൃത്വം നൽകും.
ഓക്സ്ഫോർഡ് റീജണൽ ബൈബിൾ അപ്പോസ്തലേറ്റ് കോഓർഡിനേറ്റർമാരായ സജൻ സെബാസ്റ്റ്യൻ, ജിനീത ഡേവീസ് എന്നിവർ കലോത്സവത്തിന് ചുക്കാൻ പിടിക്കും.
ഹോളി ക്വീൻ റോസരി മിഷൻ ഡെൻഹാം വാട്‌ഫോർഡ്, സെന്റ് അൽഫോൻസാ മിഷൻ ബെഡ്ഫോർഡ് എന്നീ സീറോമലബാർ മിഷനുകളുടെ സംയുക്ത നേതൃത്വത്തിലാണ് കലോത്സവം നടക്കുക.
റീജണൽ ബൈബിൾ കലോത്സവത്തിന് ഒരുക്കങ്ങൾ പൂർത്തിയായതായി ജനറൽ കോഓർഡിനേറ്റർമാരായ ജെബിറ്റി ജോസഫ് (വാട്‌ഫോർഡ്), സിബി സെബാസ്റ്റ്യൻ (ബെഡ്ഫോർഡ്) എന്നിവർ അറിയിച്ചു.
മത്സരങ്ങൾ സമയബന്ധിതമായി പൂർത്തിയാക്കുന്നതിനായി മത്സരാർഥികൾ കൃത്യസമയത്ത് എത്തിച്ചേരണമെന്ന് സംഘാടകർ അഭ്യർഥിച്ചു. ഈ വർഷം സുറിയാനി പാട്ട്, തിരുവചന സൂചന (ബൈബിൾ സൈറ്റേഷൻ) എന്നീ രണ്ട് ഇനങ്ങൾ കൂടി പുതുതായി ഉൾപ്പെടുത്തിയിട്ടുണ്ട്.
സംഗീതം, പ്രസംഗം, നൃത്തം, ചിത്രരചന, അഭിനയം തുടങ്ങി വിവിധ കലാരൂപങ്ങളിലൂടെ വിശുദ്ധഗ്രന്ഥ സന്ദേശങ്ങൾ പ്രഘോഷിക്കുന്ന ബൈബിൾ കലോത്സവം, വിശ്വാസത്തിന്‍റെയും സർഗാത്മകതയുടെയും സംയുക്ത ആഘോഷവേദിയായി മാറും. അമ്പതോളം ഇനങ്ങളിലായി എട്ട് സ്റ്റേജുകളിലായിട്ടാവും മത്സരങ്ങൾ അരങ്ങേറുക.
മത്സരാർഥികളുടെ രജിസ്ട്രേഷൻ രാവിലെ എട്ടിന് ആരംഭിക്കും. ഒൻപതിന് ബൈബിൾ പ്രതിഷ്ഠയും തുടർന്ന് 9.15 മുതൽ മത്സരങ്ങളും ആരംഭിക്കും. വൈകിട്ട് ഏഴിന് നടക്കുന്ന സമാപന സമ്മേളനത്തിൽ വച്ച് വിജയികൾക്കുള്ള പാരിതോഷകങ്ങൾ സമ്മാനിക്കുന്നതാവും.
തിരുവചനാധിഷ്‌ഠിതമായ വിവിധ കലാരൂപങ്ങളിലൂടെ സുവിശേഷ സന്ദേശങ്ങൾ കൂടുതൽ ആഴത്തിൽ പകരാനും വിശ്വാസജീവിതത്തിന് അർഥവ്യാപ്തി ലഭിക്കുവാനും കലോത്സവം അവസരമൊരുക്കും.
തിരുവചനങ്ങളിൽനിന്ന് പ്രചോദനം ഉൾക്കൊണ്ട് ദൈവികസാന്നിധ്യം അനുഭവിക്കാനും വിശ്വാസസന്ദേശങ്ങൾ കൂടുതൽ ആഴത്തിൽ ഉൾക്കൊള്ളാനും അവസരമൊരുക്കുന്ന ബൈബിൾ കലോത്സവത്തിലേക്ക് ഏവരെയും സ്വാഗതം ചെയ്യുന്നതായി റീജണൽ ബൈബിൾ അപ്പോസ്തലേറ്റ് അറിയിച്ചു.
വേദി: Caroline Chisholm School, Wooldale Road, Wootton, Northampton NN4 6TP.
Europe
ഡബ്ലിൻ: അയർലൻഡിലെ കോർക്കിൽ മലയാളി നഴ്സ് ടെസി മാത്യു (51) അന്തരിച്ചു. സംസ്കാരം വെള്ളിയാഴ്ച രാവിലെ ഒമ്പതിന് കോർക്ക് സെന്റ് ജോസഫ്സ് എസ്എംഎ ദേവാലയത്തിൽ നടക്കും.
പൊതുദർശനം വ്യാഴാഴ്ച വൈകുന്നേരം അഞ്ചുമുതൽ ആറു വരെ കോർക്ക് വിൽട്ടൺ ഒക്കൊണർ ഫ്യൂണറൽ ഫോമിൽ നടക്കും.
ഭർത്താവ്: ജോസ്, മക്കൾ: ടീജ, ടീന.
Europe
ഗ്ലോസ്റ്റർ: ഗ്ലോസ്റ്റര്‍ കിംഗ്സ് ഓള്‍ യുകെ ടഗ് ഓഫ് വാര്‍ ടൂര്‍ണമെന്‍റില്‍ സ്റ്റോക്ക് ലയേണ്‍സ് ചാമ്പ്യന്മാരായി. രണ്ടാം സ്ഥാനത്ത് സ്റ്റോക്ക് ലയണ്‍ വാരിയേഴ്സും മൂന്നാം സ്ഥാനത്ത് വൂസ്റ്റര്‍ തെമ്മാഡീസും നാലാം സ്ഥാനത്ത് കൊമ്പന്‍സ് ബ്ലൂവും വിജയം സ്വന്തമാക്കി.
17 ടീമുകളാണ് മത്സരത്തില്‍ മാറ്റുരച്ചത്. ക്ലബ് പ്രസിഡന്റ് ജോജി തോമസിന്‍റെ സ്വാഗതപ്രസംഗത്തോടെ ഉദ്ഘാടന പരിപാടികള്‍ക്ക് തുടക്കമായി. ഉദ്ഘാടനത്തിന് മേയറുടെ സാന്നിധ്യം ശ്രദ്ധേയമായി.
ഗ്ലോസ്റ്ററിലെ മലയാളി കൂട്ടായ്മയുടെ നേതൃത്വത്തില്‍ സംഘടിപ്പിച്ച വടംവലി മത്സരം വന്‍ ആവേശത്തോടെയാണ് ഏവരും ഏറ്റെടുത്തത്.
ക്ലബിന്‍റെ രൂപീകരണത്തിനും പ്രവര്‍ത്തനങ്ങള്‍ക്കും പിന്നില്‍ നിര്‍ണായക പങ്കുവഹിച്ച അജിത് അഗസ്റ്റിനും അജയ്യും ജോജി തോമസും ഉള്‍പ്പെടെയുള്ള ഒരു പറ്റം ചെറുപ്പക്കാരുടെ കൂട്ടായ പരിശ്രമത്തിന്‍റെ ഫലമാണ് ഇന്നത്തെ ഈ മികവുറ്റ ക്ലബ്.
ക്ലബിന്‍റെ ആദ്യകാല പ്രവര്‍ത്തനം മുതലിങ്ങോട്ടുള്ള കാര്യങ്ങള്‍ ചടങ്ങില്‍ പങ്കുവച്ചു. വടംവലിക്ക് കായികമേഖലയിലെ പ്രാധാന്യത്തെ കുറിച്ച് മനോജ് സെബാസ്റ്റ്യന്‍ മേയര്‍ക്ക് മനസിലാക്കി നല്‍കുകയും ചെയ്തു.
Europe
ഫ്രാങ്ക്ഫര്‍ട്ട്: ഫ്രാങ്ക്ഫര്‍ട്ട് പുസ്തകമേളയുടെ സമാപനത്തോടനുബന്ധിച്ച് ജര്‍മന്‍ ബുക്ക് ട്രേഡിന്‍റെ സമാധാന പുരസ്കാരം ഫ്രാന്കോ - ബ്രിട്ടീഷ് വക്കീലും എഴുത്തുകാരനുമായ ഫിലിപ്പ് സാന്‍ഡ്സിന് സമ്മാനിച്ചു.
ജര്‍മന്‍ പ്രസിഡന്റ് ഫ്രാങ്ക്-വാള്‍ട്ടര്‍ സ്റ്റെയിന്‍മെയറുടെ സാന്നിധ്യത്തിലാണ് പുരസ്കാരം നല്‍കിയത്. മനുഷ്യാവകാശങ്ങള്‍ക്കും നീതിക്കും വേണ്ടി നിരന്തരം പോരാടുന്ന മാനവികതാവാദിയാണ് ഫിലിപ്പ് സാന്‍ഡ്സ് എന്ന് ജൂറി വിലയിരുത്തി.
ഇസ്രായേല്‍ വിഷയത്തിലെ ജര്‍മനിയുടെ നിലപാടിനെതിരേ രൂക്ഷ വിമര്‍ശനം
പുരസ്കാരം സ്വീകരിച്ചു സംസാരിച്ചുകൊണ്ട് സാന്‍ഡ്സ് ജര്‍മന്‍ സര്‍ക്കാരിന്‍റെ നിലപാടുകളെ കടുത്ത ഭാഷയില്‍ വിമര്‍ശിച്ചു. ഗാസ മുനമ്പിലും വെസ്റ്റ് ബാങ്കിലുമുള്ള ഇസ്രായേലിന്‍റെ നടപടികളില്‍ ജര്‍മനി പുലര്‍ത്തുന്ന അനുചിതമായ മൗനം ചോദ്യം ചെയ്യപ്പെടേണ്ടതാണെന്ന് അദ്ദേഹം വ്യക്തമാക്കി.
സഖ്യകക്ഷികള്‍ക്കിടയില്‍ മനുഷ്യാവകാശ ലംഘനങ്ങള്‍ ഉണ്ടാകുമ്പോള് അത് തുറന്നുപറയേണ്ടതുണ്ട്. ഇത് ജൂതവിരുദ്ധതയോ ഇസ്രായേല്‍ വിരുദ്ധതയോ അല്ല, മറിച്ച് സത്യമാണെന്നും അദ്ദേഹം കൂട്ടിച്ചേര്‍ത്തു.
രണ്ടാം ലോകമഹായുദ്ധകാലത്ത് ജര്‍മന്‍ അധിനിവേശ സമയത്ത് യുക്രെയ്നിലെ ല്വീവില്‍ നിന്ന് പലായനം ചെയ്യപ്പെട്ട ജുത കുടുംബത്തില്‍ പെട്ടയാളാണ് ഫിലിപ്പ് സാന്‍ഡ്സ്. അന്താരാഷ്ട്ര ക്രിമിനല്‍ നിയമങ്ങളുടെ ഉത്ഭവത്തെക്കുറിച്ച് അദ്ദേഹം എഴുതിയ "ഈസ്റ്റ് വെസ്റ്റ് സ്ട്രീറ്റ്' എന്ന പുസ്തകം ഏറെ ശ്രദ്ധിക്കപ്പെട്ടിരുന്നു.
ഹമാസ് ആക്രമണത്തെയും അപലപിച്ചു
അതോടൊപ്പം തന്നെ, 2023 ഒക്ടോബര് ഏഴിന് ഹമാസ് നടത്തിയ ആക്രമണങ്ങളെ ഭീകരമെന്നും അന്താരാഷ്ട്ര നിയമങ്ങളുടെ ലംഘനമെന്നും സാന്‍ഡ്സ് അപലപിച്ചു.
ഏത് രാജ്യത്തിനും സ്വയം പ്രതിരോധിക്കാനുള്ള അവകാശമുണ്ടെന്ന് അംഗീകരിക്കുമ്പോഴും ആ അവകാശം പരിധിയില്ലാത്തതല്ലെന്നും അന്താരാഷ്ട്ര നിയമങ്ങളുടെ പരിധിക്കുള്ളില്‍ നിന്നുകൊണ്ടായിരിക്കണം അതെന്നും അദ്ദേഹം വ്യക്തമാക്കി.
Europe
റോം: ഇറ്റലിയിലെ പ്രവാസി മലയാളികളുടെ കായികരംഗത്തിന് ആവേശവും സൗഹൃദത്തിന്‍റെ പുതിയ അനുഭവങ്ങളും പകര്ന്നുകൊണ്ട് റൊമാന്സ് വോളിബോള് സംഘടിപ്പിച്ച രണ്ടാമത് വോളിബോള് ടൂര്‍ണമെന്‍റ് റോമില് അരങ്ങേറി.
കായികതാരങ്ങളുടെയും കായികപ്രേമികളുടെയും സാന്നിധ്യത്തില്‍ നടന്ന ടൂര്‍ണമെന്‍റ് പ്രാഫ. ജോസ് വട്ടക്കോട്ടയില് ഔപചാരികമായി ഉദ്ഘാടനം ചെയ്തു. തോമസ് ഇരുമ്പന്‍ ആശംസകള്‍ നേര്‍ന്നു.
പ്രവാസജീവിതത്തില്‍ ജോലി നമുക്ക് സാമ്പത്തിക സുരക്ഷിതത്വം നല്കുമ്പോള്, ഇത്തരം കായിക സാംസ്കാരിക കൂട്ടായ്മകളാണ് മാനസിക സന്തോഷവും സാമൂഹികബന്ധങ്ങളും ശക്തിപ്പെടുത്തുന്നതെന്ന് ഉദ്ഘാടന പ്രസംഗത്തില്‍ പ്രഫ. ജോസ് വട്ടക്കോട്ടയില് പറഞ്ഞു.
Europe
ലിവർപൂൾ: ലിവർപൂൾ മലയാളി അസോസിയേഷൻ (ലിമ), ജോ & മി ഓൺലൈൻ ട്യൂഷനുമായി സഹകരിച്ച് സംഘടിപ്പിച്ച "ലിമ ചിൽഡ്രൻസ് ഫെസ്റ്റ് 2026' വൈവിധ്യമാർന്ന കലാമത്സരങ്ങളോടെയും കുട്ടികളുടെയും മാതാപിതാക്കളുടെയും സജീവ സാന്നിധ്യത്തോടെയും വൻ വിജയമായി മാറി.
യുകെയിൽ വളരുന്ന മലയാളി കുട്ടികളുടെ സർഗാത്മകതയും ഭാഷാസ്നേഹവും പ്രകടമാക്കുന്ന വേദിയായി ഈ കലാമാമാങ്കം മാറി. ഈ മാസം പത്തിന് രാവിലെ ആരംഭിച്ച മത്സരങ്ങൾ വൈകുന്നേരം വരെ നീണ്ടു നിന്നു.
പ്രാർഥനാഗാനത്തിനു ശേഷം മൂന്ന് കുട്ടികൾ ഭഗവദ്ഗീത, ബൈബിൾ, ഖുറാൻ എന്നീ ഗ്രന്ഥങ്ങളിൽ നിന്നുള്ള വചനങ്ങൾ പാരായണം ചെയ്തുകൊണ്ട് പരിപാടിയുടെ ഔദ്യോഗിക തുടക്കം കുറിച്ചു. തുടർന്ന് നടന്ന ഉദ്ഘാടന സമ്മേളനത്തിൽ ലിവർപൂൾ മാർത്തോമ്മ ചർച്ച് വികാരി റവ. വിപിൻ കുരുവിള മുഖ്യാതിഥിയായി പങ്കെടുത്തു.
കുട്ടികളെയും മാതാപിതാക്കളെയും അഭിസംബോധന ചെയ്തുകൊണ്ട് അദ്ദേഹം നടത്തിയ പ്രചോദനാത്മകമായ പ്രസംഗം ഏവർക്കും പുതിയൊരു ഊർജ്ജവും ചിന്തയും പകരുന്നതായിരുന്നു. വിസ്റ്റൺ ടൗൺ ഹാളിൽ പ്രത്യേകം സജ്ജീകരിച്ച രണ്ട് വ്യത്യസ്ത വേദികളിൽ നാല് വിഭാഗങ്ങളിലായാണ് (മൂന്ന് മുതൽ 17 വയസ് വരെ) മത്സരങ്ങൾ ക്രമീകരിച്ചിരുന്നത്.
പ്രമുഖ വിദ്യാഭ്യാസ സ്ഥാപനമായ ജോ & മി ഓൺലൈൻ ട്യൂഷൻ ആയിരുന്നു കലാമാമാങ്കത്തിന്‍റെ മുഖ്യ സ്പോൺസർ. ചെറിയ കുട്ടികൾ പങ്കെടുത്ത ഫാൻസി ഡ്രസ് മത്സരങ്ങൾ ഏറെ വേറിട്ട അനുഭവമായി.
ഇംഗ്ലീഷ് റെസിറ്റേഷൻ, മോണോആക്ട് എന്നീ ഇനങ്ങളിൽ കുട്ടികൾ കാഴ്ചവച്ച പ്രകടനം അവരുടെ ഭാവനാശേഷിയുടെ മികവ് വ്യക്തമാക്കുന്നതായിരുന്നു. ഇംഗ്ലണ്ടിൽ ജനിച്ച് വളരുന്ന ഈ തലമുറ തെറ്റുകൂടാതെ മലയാളം കവിതകൾ ചൊല്ലിയതും കഥ പറഞ്ഞതും പ്രസംഗിച്ചതും സദസിനെ അത്ഭുതപ്പെടുത്തി.
Europe
വാഴ്സോ: പോളണ്ട് പ്രധാനമന്ത്രി ഡോണൾഡ് ടസ്കിനെയും രാജ്യത്തിന്‍റെ പ്രതിരോധമന്ത്രിയെയും വധിക്കാന്‍ പദ്ധതിയിട്ട കേസില്‍ ഒരാളെ പൊലിസ് അറസ്റ്റ് ചെയ്തു. പ്രധാനമന്ത്രി തന്നെയാണ് എക്സിലൂടെ വിവരം പുറത്തുവിട്ടത്.
പൊലിസിന്‍റെ ദ്രുതഗതിയിലുള്ളതും നിര്‍ണായകവുമായ നടപടികളെ അദ്ദേഹം പ്രശംസിച്ചു. പിടിയിലായ വ്യക്തിയെക്കുറിച്ചുള്ള കൂടുതല്‍ വിവരങ്ങള്‍ അധികൃതര്‍ ഇതുവരെ പുറത്തുവിട്ടിട്ടില്ല.
സ്കൂളുകളിലെ അക്രമ പരമ്പരയും ആശങ്കയും
രാജ്യത്ത് തുടര്‍ച്ചയായി സ്കൂളുകളില്‍ ഉണ്ടായ അക്രമ സംഭവങ്ങളെ തുടര്‍ന്ന് പോളണ്ട് കനത്ത ജാഗ്രതയിലാണ്. കഴിഞ്ഞ നാല് ദിവസത്തിനിടയില്‍ രാജ്യത്തെ വിവിധ സ്കൂളുകളില്‍ ഉണ്ടായ മൂന്ന് കത്തിക്കുത്ത് ആക്രമണങ്ങളില്‍ ഒരാള്‍ കൊല്ലപ്പെടുകയും കുട്ടികള്‍ ഉള്‍പ്പെടെ നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.
ഇന്‍റര്‍നെറ്റിലൂടെയും സോഷ്യല് മീഡിയയിലൂടെയും പ്രചരിക്കുന്ന അക്രമങ്ങളുടെ അനുകരണങ്ങളും യുവതലമുറയെ സ്വാധീനിക്കുന്ന "നിഹിലിസ്റ്റിക് വയലന്‍സും' ആണ് ഇത്തരം സംഭവങ്ങള്‍ക്ക് കാര്യമെന്ന് ടസ്ക് വ്യക്തമാക്കി.
റഷ്യയുടെ ഭാഗത്തുനിന്നുള്ള ഹൈബ്രിഡ് ആക്രമണ ഭീഷണികള്‍ നിലനില്‍ക്കുന്നതിനിടയില്‍ ഉണ്ടായ ഈ സംഭവങ്ങള്‍ പോളണ്ടിനെ വലിയ ആശങ്കയിലാഴ്ത്തിയിട്ടുണ്ട്. സ്കൂളുകളിലും പൊതുസ്ഥലങ്ങളിലും സുരക്ഷാ പരിശോധനകള് കര്‍ശനമാക്കിയിട്ടുണ്ടെന്ന് അധികൃതര്‍ അറിയിച്ചു.
Europe
ഹെല്‍സിങ്കി: തുടര്‍ച്ചയായി ഒന്‍പതാം വര്‍ഷവും ലോകത്തിലെ ഏറ്റവും സന്തോഷമുള്ള രാജ്യമായി തെരഞ്ഞെടുക്കപ്പെട്ട ഫിന്‍ലന്‍ഡില്‍ ആശങ്കയുടെ കാറ്റ് വീശുന്നു. കടുത്ത തണുപ്പുകാലത്തോടൊപ്പം ഇതുവരെയുള്ളതില്‍ വച്ച് ഏറ്റവും കര്‍ശനമായ ചെലവുചുരുക്കല്‍ നടപടികള്‍ക്കും രാജ്യം തയാറെടുക്കുകയാണ്.
അടുത്ത ഏപ്രിലില്‍ തെരഞ്ഞെടുപ്പ് നടക്കാനിരിക്കെ, സര്‍ക്കാര്‍ സേവനങ്ങളിലും ആനുകൂല്യങ്ങളിലും പെന്‍ഷനുകളിലും ഏത് മേഖലയിലാണ് വലിയ വെട്ടിക്കുറവുകള്‍ വരുത്തേണ്ടത് എന്ന ചര്‍ച്ചകളിലാണ് ഭരണകൂടം.
കഴിഞ്ഞ ഫെബ്രുവരിയില്‍ ലോകത്തിലെ ഏറ്റവും സന്തോഷമുള്ള രാജ്യമായി തെരഞ്ഞെടുക്കപ്പെടുന്ന ഫിന്‍ലന്‍ഡ്, കടുത്ത സാമ്പത്തിക പ്രതിസന്ധികളെയും വലിയ തോതിലുള്ള കടബാധ്യതകളെയും തുടര്‍ന്ന് കടുത്ത ശൈത്യത്തിലേക്ക് നീങ്ങുമ്പോള് പല അവ്യക്തതകളും പുറത്തുവരികയാണ്.
1990-കളില്‍ ബാങ്കിംഗ് തകര്‍ച്ചയും പ്രധാന കയറ്റുമതി പങ്കാളിയായിരുന്ന സോവിയറ്റ് യൂണിയന്‍റെ പതര്‍ച്ചയും സൃഷ്ടിച്ച "ഗ്രേറ്റ് ഡിപ്രഷന്' ശേഷമുള്ള ഏറ്റവും മോശമായ അവസ്ഥയിലാണ് നിലവില്‍ ഫിന്‍ലന്‍ഡിന്‍റെ കടവും കമ്മിയും.
കോവിഡ് മഹാമാരിക്ക് ശേഷം ഫിന്‍ലന്‍ഡിന്‍റെ ദേശീയ കടം ജിഡിപിയുടെ 90.3 ശതമാനമായി ഉയര്‍ന്നു. പാന്‍ഡെമിക്കിന് മുമ്പ് ഇത് 65 ശതമാനമായിരുന്നു.
പ്രതിസന്ധിക്ക് പിന്നിലെ കാരണങ്ങള്‍
പ്രതിരോധ ചെലവ് വര്‍ധനവ്: യുക്രെയ്നിലെ റഷ്യന്‍ അധിനിവേശത്തിന് ശേഷം നാറ്റോയില് ചേര്‍ന്ന ഫിന്‍ലന്‍ഡ് പ്രതിരോധ ചെലവുകള്‍ വന്തോതില് വര്‍ദ്ധിപ്പിച്ചു. അമേരിക്കയില്‍ നിന്ന് 64 എഫ്35എ യുദ്ധവിമാനങ്ങള്‍ വാങ്ങുന്നതിനായി 8.4 ബില്ല്യണ്‍ യൂറോയുടെ കരാറിലാണ് രാജ്യം ഒപ്പുവച്ചത്.
പ്രതിരോധ ബജറ്റ് ജിഡിപിയുടെ 3.2 ശതമാനമായി ഉയര്‍ത്തുമെന്നും സര്‍ക്കാര്‍ പ്രഖ്യാപിച്ചിട്ടുണ്ട്.
ഊര്‍ജ്ജ പ്രതിസന്ധി: റഷ്യയെ ഊര്‍ജ്ജ ആവശ്യങ്ങള്‍ക്കായി ആശ്രയിച്ചിരുന്ന ഫിന്‍ലന്‍ഡിന്, പുതിയ വിതരണക്കാരെ കണ്ടെത്തിയപ്പോള് ചെലവ് കുത്തനെ ഉയര്‍ന്നു. മിഡില്‍ ഈസ്റ്റ് സംഘര്‍ഷങ്ങളെ തുടര്‍ന്നുണ്ടായ എണ്ണവിലക്കയറ്റവും രാജ്യത്തിന് സാമ്പത്തിക ആഘാതമായി.
യൂറോപ്യന് യൂണിയന്‍റെ സമ്മര്‍ദ്ദം: ജിഡിപിയുടെ മൂന്ന് ശതമാനത്തില്‍ താഴെ കമ്മി നിലനിര്‍ത്തണമെന്ന ഇയു ചട്ടങ്ങള്‍ പാലിക്കുന്നതില്‍ ഫിന്‍ലന്‍ഡ് പരാജയപ്പെട്ടതിനെ തുടര്‍ന്ന്, യൂറോപ്യന് കൗണ്‍സില്‍ അടിയന്തര നടപടികള്‍ക്ക് ഉത്തരവിട്ടിട്ടുണ്ട്.
2028 അവസാനത്തോടെ ലക്ഷ്യത്തിലെത്താനാണ് യൂറോപ്യന് യൂണിയന്‍ നല്‍കിയിരിക്കുന്ന നിര്‍ദേശം.
കടുത്ത ചെലവുചുരുക്കല്‍ നടപടികള്‍
വരുന്ന വര്‍ഷങ്ങളില്‍ എട്ട് മുതല്‍ 11 ബില്യണ്‍ യൂറോ വരെ വെട്ടിക്കുറയ്ക്കേണ്ടി വരുമെന്നാണ് ബാങ്ക് ഓഫ് ഫിന്‍ലന്‍ഡിന്‍റെ വിലയിരുത്തല്‍. പ്രധാനമന്ത്രി പെറ്റേരി ഒര്പോയുടെ സര്‍ക്കാര്‍ നികുതി വര്‍ധിപ്പിക്കാതെ ആരോഗ്യ, സാമൂഹിക സംരക്ഷണ, പെന്‍ഷന്‍ മേഖലകളില്‍ നിന്ന് ഒമ്പത് ബില്യണ്‍ യൂറോയുടെ കുറവ് വരുത്താനാണ് ലക്ഷ്യമിടുന്നത്.
എന്നാല്‍, ഇത് രാജ്യത്തെ പൊതുമേഖലാ തൊഴിലാളികളെയും തൊഴിലില്ലായ്മ നിരക്കിനെയും പ്രതികൂലമായി ബാധിക്കുമെന്ന് സാമ്പത്തിക വിദഗ്ധര്‍ മുന്നറിയിപ്പ് നല്‍കുന്നു. ഫിന്‍ലന്‍ഡിലെ തൊഴിലില്ലായ്മാ നിരക്ക് നിലവില്‍ 10.3 ശതമാനവും യുവാക്കള്‍ക്കിടയിലെ തൊഴിലില്ലായ്മ 23.3 ശതമാനവുമാണ്.
എന്നിരുന്നാലും, മെറ്റല്‍, ഷിപ്പ് ബില്‍ഡിംഗ് തുടങ്ങിയ കയറ്റുമതി മേഖലകളിലെ മികച്ച വളര്‍ച്ച രാജ്യത്തിന് ചെറിയൊരു ആശ്വാസമാകുന്നുണ്ട്.
Europe
കൊളോണ്: ജര്‍മനിയിലെ കൊളോണ് അതിരൂപതയിലെയും എസന്‍, ആഹന്‍ എന്നീ രൂപതകളിലെയും സീറോമലബാര് അംഗങ്ങളുടെ ആസ്ഥാനമായി പ്രവര്‍ത്തിക്കുന്ന കൊളോണിലെ ഇന്ത്യന്‍ കത്തോലിക്കാ സമൂഹത്തിന്റെ (സീറോമലബാര്) പുതിയ കോ-ഓര്‍ഡിനേഷന്‍ കമ്മിറ്റി (2026 - 28) നിലവില്‍ വന്നു.
കമ്യൂണിറ്റിയുടെ ഇടയന്‍ ഫാ. ഇഗ്നേഷ്യസ് ചാലിശേരി സിഎംഐയുടെ നേതൃത്വത്തില്‍ പുതിയ കോഓര്ഡിനേഷന് കമ്മിറ്റി ഭാരവാഹികളായി ആന്‍റണി സക്കറിയ (കണ്‍വീനര്‍), സൗമ്യ ജോസി (സെക്രട്ടറി), ഡേവിസ് വടക്കുംചേരി (ട്രഷറര്‍), ലിനു പോള് ചിറ്റിലപ്പിള്ളി (മീഡിയ), ഷീബ കല്ലറയ്ക്കല്‍, ജോസ് പുതുശേരി, ജിമ്മി ജെയിംസ്, ഡോണി ചെറിയാന്‍, ടോമി തോമസ്, സാന്ദ്ര വിജു, സിജോ ജോണ്സണ്, ക്രിസ് ജോസ് എന്നിവര്‍ ചുമതലയേറ്റു.
രണ്ടു വര്‍ഷമാണ് കമ്മിറ്റിയുടെ കാലാവധി. സെപ്റ്റംബര്‍ 26ന് കൊളോണ് മ്യൂള്‍ഹൈമിലെ ലീബ്ഫ്രൗവന്‍ ഹൗസില്‍ നടന്ന കമ്യൂണിറ്റിയുടെ ഒമ്പത് കുടുംബ സമ്മേളനങ്ങളുടെ പ്രതിനിധികളും മറ്റ് പ്രവര്‍ത്തന വിഭാഗങ്ങളിലെ പ്രതിനിധികളുടെയും വാര്‍ഷിക മീറ്റിംഗിലാണ് പുതിയ കോഓര്ഡിനേഷന് കമ്മിറ്റി ഭാരവാഹികളെ തെരഞ്ഞെടുത്തത്.
കൊളോണിലെ ഇന്ത്യന്‍ കത്തോലിക്കാ സമൂഹം പ്രവര്‍ത്തനം തുടങ്ങിയിട്ട് 56 വര്‍ഷം പിന്നിടുകയാണ്. കമ്യൂണിറ്റിയുടെ പ്രവര്‍ത്തനങ്ങളില്‍ ഇഗ്നേഷ്യസ് അച്ചനെ സഹായിക്കുന്നതിലേക്കായി കോഓര്ഡിനേഷന് കമ്മിറ്റി നിലവില്‍ വന്നിട്ട് 21 വര്‍ഷം പൂര്‍ത്തിയായി.
Europe
നോർത്ത് വെയിൽസ്: കത്തിനശിച്ച വാനിനുള്ളിൽ ഗർഭിണിയായ യുവതിയെ മരിച്ചനിലയിൽ കണ്ടെത്തിയ സംഭവത്തിൽ നിർണായക വെളിപ്പെടുത്തൽ. വാനിന് തീയിടുമ്പോൾ സമന്ത നതാലി ഫിത്തിയന് ജീവനുണ്ടായിരുന്നുവെന്നും പൊള്ളലേറ്റാണ് മരണം സംഭവിച്ചതെന്നും പ്രോസിക്യൂഷൻ കോടതിയിൽ വെളിപ്പെടുത്തി.
വെയിൽസിലെ ഒരു വ്യാവസായിക മേഖലയ്ക്ക് സമീപം ഞായറാഴ്ച രാത്രിയാണ് വാൻ കത്തുന്നതായി പൊലിസിന് വിവരം ലഭിച്ചത്. തുടർന്ന് സ്ഥലത്തെത്തിയ പൊലിസ് നടത്തിയ പരിശോധനയിലാണ് വാനിനുള്ളിൽ സമന്തയുടെ മൃതദേഹം കണ്ടെത്തിയത്.
സംഭവവുമായി ബന്ധപ്പെട്ട് റൈലിലെ വെല്ലിംഗ്ടൺ റോഡ് സ്വദേശിയായ 38 വയസുകാരൻ തോമസ് ബെല്ലിനെ കൊലപാതകക്കുറ്റം ചുമത്തി വെള്ളിയാഴ്ച മോൾഡ് ക്രൗൺ കോടതിയിൽ ഹാജരാക്കി. തുടർന്ന് ഇയാളെ റിമാൻഡ് ചെയ്തു.
സമന്തയെ അറിയാമെന്ന് കോടതിയിൽ സമ്മതിച്ച തോമസ് ബെൽ, വാനിന് തീയിട്ടത് താനല്ലെന്ന് വാദിച്ചു. സംഭവവുമായി ബന്ധപ്പെട്ട് 47 വയസുള്ള മറ്റൊരാളെയും പൊലീസ് അറസ്റ്റ് ചെയ്തിട്ടുണ്ട്.
നവംബർ അവസാനത്തോടെ തോമസ് ബെൽ വീണ്ടും കോടതിയിൽ ഹാജരാകുമെന്നാണ് വിവരം. 2027 ഏപ്രിലിൽ കേസിന്‍റെ വിചാരണ ആരംഭിക്കുമെന്നാണ് പ്രാഥമിക റിപ്പോർട്ടുകൾ സൂചിപ്പിക്കുന്നത്.
Europe
ലണ്ടൻ: യുകെ മലയാളികൾ ഏറെ ആവേശത്തോടെ കാത്തിരുന്ന യുക്മ കലാമേളക്കാലത്തിന് ശനിയാഴ്ച തുടക്കം കുറിച്ചു. ആദ്യവാരത്തിൽ തന്നെ നാല് റീജിയണുകളിൽ ഒരേസമയം കലാമേളകൾ വിജയകരമായി അരങ്ങേറിയതോടെ യുക്മയുടെ ഈ വർഷത്തെ കലോത്സവ സീസണിന് തുടക്കമായി.
സൗത്ത് ഈസ്റ്റ്, ഈസ്റ്റ് ആംഗ്ലിയ, യോർക്‌ഷയർ & ഹംബർ, നോർത്ത് വെസ്റ്റ് റീജിയണുകളിലാണ് ഈ മാസം മൂന്നിന് കലാമേളകൾ നടന്നത്.
മിഡ്ലാൻഡ്സ് റീജിയണൽ കലാമേള
യുക്മയിലെ ഏറ്റവും ശക്തമായ റീജിയണുകളിൽ ഒന്നായ മിഡ്ലാൻഡ്സ് റീജിയൺ കലാമേളയ്ക്ക് ഇന്ന് കവൻട്രിയിൽ തിരി തെളിയും. യുക്മ ജനറൽ സെക്രട്ടറി ജയകുമാർ നായർ കലാമേള ഉദ്ഘാടനം ചെയ്യും. യുക്മ വൈസ് പ്രസിഡന്‍റുമാരായ വർഗീസ് ഡാനിയൽ, സ്മിത തോട്ടം എന്നിവർ വിശിഷ്‌ടാതിഥികളായിരിക്കും.
റീജിയണൽ പ്രസിഡന്റ് അഡ്വ. ജോബി പുതുക്കുളങ്ങരയുടെ അധ്യക്ഷതയിൽ ചേരുന്ന യോഗത്തിൽ റീജിയണിൽ നിന്നുള്ള ദേശീയ സമിതിയംഗം ജോർജ് തോമസ്, റീജിയണൽ സെക്രട്ടറി ലൂയീസ് മേനാച്ചേരി, ട്രഷറർ പോൾ ജോസഫ്, കലാമേള കോഓർഡിനേറ്റർ രേവതി അഭിഷേക്, മറ്റ് റീജിയണൽ ഭാരവാഹികൾ, റീജിയണിലെ അംഗ അസോസിയേഷൻ ഭാരവാഹികൾ മുതലായവർ ഉദ്ഘാടന യോഗത്തിൽ പങ്കെടുക്കും.
വെയിൽസ് റീജിയണൽ കലാമേള
വളരെ കുറഞ്ഞ സമയം കൊണ്ട് തന്നെ യുക്മയിലെ ശക്തമായ റീജിയണുകളിൽ ഒന്നായി മാറിയ വെയിൽസ് റീജിയൺ കലാമേള വെയിത്സിലെ പെനർത്തിൽ ഇന്ന് അരങ്ങേറും.
യുക്മ ട്രഷറർ ഷീജോ വർഗീസ് വിശിഷ്ടാതിഥിയായി പങ്കെടുക്കുന്ന യോഗത്തിൽ പെനർത്ത് ടൗൺ മേയർ ലോറ റോച്ച്ഫോർട്ട് ഉദ്ഘാടനം ചെയ്യും. യുക്മ ജോയിന്റ് ട്രഷറർ പീറ്റർ താണോലിൽ മുഖ്യാതിഥിയായിരിക്കും.
വൈകുന്നേരം ചേരുന്ന സമാപനയോഗത്തിൽ യുക്മ ജോയിന്റ് സെക്രട്ടറിമാരായ സണ്ണിമോൻ മത്തായി, റെയ്മോൾ നിധീരി എന്നിവർ മുഖ്യാതിഥിമാരായിരിക്കും.
റീജിയണൽ പ്രസിഡന്റ് ജോഷി തോമസിന്‍റെ അധ്യക്ഷതയിൽ ചേരുന്ന യോഗത്തിൽ ദേശീയ സമിതിയംഗം ബെന്നി അഗസ്റ്റിൻ, റീജിയണൽ സെക്രട്ടറി ഷൈലി തോമസ്, ട്രഷറർ ടോംബിൽ കണ്ണത്ത്, കലാമേള കോർഡിനേറ്റർ ജോബി മാത്യു, മറ്റ് റീജിയണൽ ഭാരവാഹികൾ, അംഗ അസോസിയേഷൻ ഭാരവാഹികൾ എന്നിവർ പങ്കെടുക്കും.
റോഥർഹാം മാൻവേഴ്‌സ് തടാകത്തിൽ അതിഗംഭീരമായി സംഘടിപ്പിക്കപ്പെട്ട എട്ടാമത് യുക്മ കേരളപൂരം വള്ളംകളിയുടെയും യുകെയുടെ വിവിധ ഭാഗങ്ങളിൽ നടന്ന 2026 ഓണാഘോഷങ്ങളുടെയും ആവേശത്തിന്‍റെ അലയൊലികൾ അടങ്ങും മുൻപാണ് യുക്മയുടെ മറ്റൊരു വലിയ സാംസ്കാരിക ആഘോഷത്തിന് തുടക്കമാകുന്നത്.
യുകെയിലെ മലയാളി സമൂഹത്തിന്റെ ഏറ്റവും വലിയ കലാസംഗമങ്ങളിലൊന്നായ പതിനേഴാമത് യുക്മ ദേശീയ കലാമേള നവംബർ ഏഴിന് ചെൽറ്റൻഹാമിൽ നടക്കും. യുക്മയുടെ ഏഴ് ശക്തമായ റീജിയണുകളിൽ നടക്കുന്ന കലാമത്സരങ്ങളിൽ മികവ് തെളിയിക്കുന്ന പ്രതിഭകളാണ് ദേശീയ കലാമേളയിൽ മാറ്റുരയ്ക്കുന്നത്.
വിവിധ റീജിയണുകളിൽ നിന്നെത്തുന്ന മികച്ച കലാപ്രതിഭകൾ ഒരേ വേദിയിൽ സംഗമിക്കുമ്പോൾ, പ്രവാസലോകത്തെ ഏറ്റവും വലിയ മലയാളി കലാമാമാങ്കങ്ങളിലൊന്നായി ഇത്തവണത്തെ ദേശീയ കലാമേള മാറുമെന്ന പ്രതീക്ഷയിലാണ് യുക്മ.
ആയിരത്തിലേറെ പ്രതിഭകൾ റീജിയണൽ വേദികളിലേക്ക്
മാസങ്ങളായി നിരന്തര പരിശീലനത്തിലേർപ്പെട്ടിരിക്കുന്ന ആയിരത്തിലേറെ കലാകാരന്മാരും കലാകാരികളും തങ്ങളുടെ കഴിവുകൾ മാറ്റുരയ്ക്കാൻ തയാറെടുക്കുമ്പോൾ, റീജിയണൽ കലാമേള വേദികളുടെ ഒരുക്കങ്ങളും അതിവേഗം പൂർത്തിയായിക്കൊണ്ടിരിക്കുകയാണ്.
കുട്ടികൾ മുതൽ മുതിർന്നവർ വരെയുള്ള വിവിധ പ്രായവിഭാഗങ്ങളിലെ മത്സരാർഥികൾ സംഗീതം, നൃത്തം, സാഹിത്യം, പ്രസംഗം തുടങ്ങി നിരവധി ഇനങ്ങളിൽ പങ്കെടുക്കും.
മത്സരത്തിലെ വിജയത്തിനപ്പുറം, യുകെയിൽ വളരുന്ന പുതിയ തലമുറയ്ക്ക് കേരളത്തിന്‍റെ ഭാഷയോടും കലകളോടും പാരമ്പര്യത്തോടും ആത്മബന്ധം വളർത്തുന്ന സാംസ്കാരിക വേദി കൂടിയാണ് യുക്മ കലാമേള.
ബ്രിട്ടന്റെ ബഹുസാംസ്കാരിക സമൂഹത്തിൽ മലയാളി സമൂഹത്തിന്റെ സമ്പന്നമായ കലാ-സാംസ്കാരിക പൈതൃകം പരിചയപ്പെടുത്തുന്നതിനും മറ്റു സമൂഹങ്ങളുമായി കൂടുതൽ ശക്തമായ ബന്ധങ്ങൾ സൃഷ്ടിക്കുന്നതിനും ഇത്തരം പരിപാടികൾ നിർണായക പങ്കുവഹിക്കുന്നു.
അംഗ അസോസിയേഷനുകൾ, റീജിയണൽ കമ്മിറ്റികൾ, കലാകാരന്മാർ, പരിശീലകർ, മാതാപിതാക്കൾ, വിധികർത്താക്കൾ, സന്നദ്ധ പ്രവർത്തകർ തുടങ്ങി നൂറുകണക്കിന് ആളുകളുടെ കൂട്ടായ പ്രവർത്തനമാണ് ഓരോ കലാമേളയുടെയും വിജയത്തിന് പിന്നിൽ.
ഇനി കണ്ണുകൾ ചെൽട്ടൺഹാമിലേക്ക്
ഒക്‌ടോബറിലുടനീളം ഏഴ് റീജിയണുകളിലായി നടക്കുന്ന മത്സരങ്ങളിൽ വിജയിക്കുന്ന പ്രതിഭകൾ ഒടുവിൽ നവംബർ ഏഴിന് ചെൽട്ടൺഹാമിലെ പതിനേഴാമത് യുക്മ ദേശീയ കലാമേളയിൽ മാറ്റുരയ്ക്കും.
Europe
ബെര്ലിന്: ജര്‍മനിയിലെ ഉയര്‍ന്ന എയര്‍പോര്‍ട്ട് ഫീസുകളിലും അമിത നികുതികളിലും പ്രതിഷേധിച്ച് വിമാന സര്‍വീസുകള്‍ വന്തോതില് വെട്ടിച്ചുരുക്കാന്‍ പ്രമുഖ ബജറ്റ് എയര്‍ലൈനായ റയാന്‍എയര്‍.
വരുന്ന ശീതകാല ഷെഡ്യൂളില്‍ ജര്‍മനിയിലേക്കും തിരിച്ചുമുള്ള സര്‍വീസുകളില്‍ നിന്നായി ഏഴു ലക്ഷത്തോളം സീറ്റുകള്‍ വെട്ടിക്കുറയ്ക്കുമെന്ന് അയര്‍ലന്‍ഡ് ആസ്ഥാനമായുള്ള വിമാനക്കമ്പനി അറിയിച്ചു.
നിലവിലെ സര്‍വീസുകളില്‍ 10 ശതമാനത്തിന്‍റെ കുറവാണ് വരുത്തുന്നത്. എയര്‍ ട്രാഫിക് കണ്ട്രോള്, ഏവിയേഷന്‍ സുരക്ഷാ നിരക്കുകള്‍ ഉള്‍പ്പെടെ ജര്‍മനിയിലെ ഫീസുകള്‍ "ജ്യോതിശാസ്ത്രപരമായ തോതില്' ഉയര്‍ന്നതാണെന്ന് റയാന്‍എയര്‍ കുറ്റപ്പെടുത്തി.
ബെര്ലിന് കനത്ത പ്രഹരം; 12 റൂട്ടുകള്‍ റദ്ദാക്കും, വിമാനങ്ങള്‍ മാറ്റും
റയാന്‍എയറിന്‍റെ ഈ തീരുമാനം ഏറ്റവും കൂടുതല്‍ ബാധിക്കുന്നത് ജര്‍മ്മന്‍ തലസ്ഥാനമായ ബര്‍ലിനിലെ ബ്രാന്‍ഡന്‍ബര്‍ഗ് വിമാനത്താവളത്തെയാണ്. യൂറോപ്പിലെ ഏറ്റവും പരാജയപ്പെട്ട വിമാനത്താവളമെന്നാണ് റയാന്‍എയര്‍ വിശേഷിപ്പിച്ചത്.
ബെര്‍ലിനില്‍ നിന്നുള്ള സര്‍വീസുകളുടെ പകുതിയോളം കമ്പനി നിര്‍ത്തലാക്കും.
പ്രധാന റൂട്ടുകള്‍ റദ്ദാക്കി: ഗ്രാന്‍ കനേറിയ, പലേര്മോ, മാഴ്സെ, തെസ്സലോനിക്കി ഉള്‍പ്പെടെ പ്രവാസികളും വിനോദസഞ്ചാരികളും ആശ്രയിച്ചിരുന്ന 12 പ്രധാന റൂട്ടുകളാണ് ബെര്‍ലിനില്‍ നിന്ന് പൂര്‍ണമായും റദ്ദാക്കുന്നത്.
ബേസ് പൂട്ടുന്നു: ഒക്ടോബര് 24-ഓടെ ബര്‍ലിന്‍ വിമാനത്താവളത്തിലെ തങ്ങളുടെ ബേസ് റയാന്‍എയര്‍ പൂര്‍ണമായും പൂട്ടും. ഇവിടെ സര്‍വീസ് നടത്തിയിരുന്ന ഏഴ് വിമാനങ്ങളെയും ക്രൂ ജീവനക്കാരെയും കൂടുതല്‍ പ്രവര്‍ത്തന ലാഭമുള്ള മറ്റ് യൂറോപ്യന് രാജ്യങ്ങളിലെ എയര്പോര്ട്ടുകളിലേക്ക് മാറ്റും.
ഇതോടെ ബെര്‍ലിനിലെ യാത്രക്കാര്‍ക്ക് യാത്രാ ഓപ്ഷനുകള്‍ വലിയ തോതില് കുറയുമെന്നും വിമാന ടിക്കറ്റ് നിരക്കുകള്‍ കുത്തനെ ഉയരുമെന്നും റയാന്‍എയര്‍ ചീഫ് എക്സിക്യൂട്ടീവ് എഡ്ഡി വില്‍സണ്‍ മുന്നറിയിപ്പ് നല്കി.
മറ്റ് നഗരങ്ങളിലെ മാറ്റങ്ങള്‍
ബെര്ലിന് പുറമെ ഹാംബര്‍ഗില്‍ നിന്നുള്ള സര്‍വീസുകളില്‍ അഞ്ച് ശതമാനത്തിന്‍റെ കുറവ് വരുത്തും. അതേസമയം, ചില പ്രാദേശിക വിമാനത്താവളങ്ങളില്‍ സര്‍വീസുകള്‍ വര്‍ധിപ്പിക്കാനും റയാന്‍എയര്‍ തീരുമാനിച്ചിട്ടുണ്ട്.
മെമ്മിംഗന്‍, കൊളോണ് വിമാനത്താവളങ്ങളിലെ സര്‍വീസ് കപ്പാസിറ്റി വര്‍ധിപ്പിക്കും. കൂടാതെ സാര്‍ബ്രൂക്കന്‍, ഫ്രീഡ്രിഷ്സ്ഹാഫന്‍ എന്നീ റീജിയണല്‍ എയര്പോര്ട്ടുകളെ ശീതകാല ഷെഡ്യൂളില്‍ പുതിയതായി ഉള്‍പ്പെടുത്തുകയും ചെയ്തിട്ടുണ്ട്.
ജര്‍മനിയിലെ ഉയര്‍ന്ന പ്രവര്‍ത്തനച്ചെലവ് കാരണം യൂറോപ്പിലെ മറ്റ് വിമാനത്താവളങ്ങളിലേക്ക് സര്‍വീസുകള്‍ മാറ്റാന്‍ പ്രമുഖ ബജറ്റ് എയര്‍ലൈനുകള്‍ നിര്‍ബന്ധിതരാകുന്നത് പ്രവാസികള്‍ ഉള്‍പ്പെടെയുള്ള സാധാരണ യാത്രക്കാരുടെ ബജറ്റിനെ സാരമായി ബാധിക്കും.
Europe
ബെർമിംഗ്ഹാം: ഗ്രേറ്റ് ബ്രിട്ടൻ രൂപതയുടെ ലണ്ടൻ, മാഞ്ചസ്റ്റർ, കെയിംബ്രിഡ്ജ് റീജിയണൽ ബൈബിൾ കലോത്സവങ്ങൾ ഇന്ന് നടക്കും. കഴിഞ്ഞ ശനിയാഴ്ച സ്കോട്‌ലൻഡ് റീജിയണൽ മത്സരങ്ങളോടുകൂടിയാണ് ഈ വർഷത്തെ റീജിയണൽ മത്സരങ്ങൾക്ക് തുടക്കം കുറിച്ചത്.
എല്ലാ റീജിയൺതല മത്സരങ്ങളും നവംബർ ഒന്നോടുകൂടി പൂർത്തിയാകും. ഓരോ റീജിയണിൽ നിന്നും രൂപതാ മത്സരത്തിന് യോഗ്യത നേടിയവരുടെ രജിസ്ട്രേഷൻ റീജിയണൽ കലോത്സവ കോഓർഡിനേറ്റർസ് രൂപത ബൈബിൾ അപ്പോസ്റ്റലേറ്റിനെ അറിയിക്കേണ്ടതാണ്.
ഓരോ എയ്ജ് ഗ്രൂപ്പിൽ നിന്നും റീജിയണൽ തലത്തിൽ ഒന്നാം സമ്മാനം നേടുന്ന മത്സരാർഥികളാണ് നവംബർ 21ന് സ്കെന്തോർപ്പിൽ വച്ച് നടത്തപ്പെടുന്ന രൂപതാതല മത്സത്തിലേക്ക് യോഗ്യത നേടുന്നത്.
രൂപതാ തലത്തിൽ സംഘടിപ്പിക്കുന്ന ഷോർട് ഫിലിം മത്സരങ്ങൾക്കുള്ള രജിസ്ട്രേഷൻ ഇന്ന് അവസാനിക്കും. പങ്കെടുക്കാൻ താത്പര്യമുള്ളവർ [email protected] എന്ന ഈമെയിലിലേക്ക് പേരുകൾ രജിസ്റ്റർ ചെയ്യേണ്ടതാണ്.
പൂർത്തീകരിച്ച ഷോർട് ഫിലിം ഈ മാസം 18ന് രാത്രി 12ന് മുമ്പ് സമർപ്പിക്കണമെന്നും ബൈബിൾ അപ്പോസ്റ്റലേറ്റ് പിആർഒ ജിമ്മിച്ചൻ ജോർജ് അറിയിച്ചു.
Europe
കൊളോണ്: ജര്‍മനിയിലെ കൊളോണ് ആസ്ഥാനമായുള്ള സീറോമലബാര് കത്തോലിക്കാ സമൂഹത്തിന്റെ ആഭിമുഖ്യത്തില്‍ ജപമാല ആചരണസമാപനവും വിശുദ്ധ അല്ഫോന്സാമ്മയുടെ തിരുനാളും ശനിയാഴ്ച ആഘോഷിക്കും.
ശനിയാഴ്ച വൈകുന്നേരം നാലിന് കൊളോണിലെ തിരുഹൃദയ ദേവാലയത്തില്‍ (Herz Jesu Kirche) ആണ് തിരുനാള്‍ ആഘോഷങ്ങള് നടക്കുന്നത്.
ആഘോഷമായ ദിവ്യബലി, ജപമാല അര്‍പ്പണം, മധ്യസ്ഥ പ്രാര്‍ഥന, പ്രദിക്ഷണം, തിരുശേഷിപ്പ് വന്ദനം, സ്നേഹവിരുന്ന് എന്നിവ ചടങ്ങിന്‍റെ ഭാഗമായി ഉണ്ടായിരിക്കും.
അനുഗ്രഹദായകമായ ഈ തിരുനാളിലേക്ക് ഏവരെയും സ്വാഗതം ചെയ്യുന്നതായി കമ്യൂണിറ്റി അധികാരികള്‍ അറിയിച്ചു.
സ്ഥലം: Herz Jesu Kirche, Danzierstr. 53, 51063 Koeln.
Europe
കൊളോണ്: ജര്‍മനിയിലെ പ്രമുഖ കായിക കൂട്ടായ്മകളിലൊന്നായ ചലഞ്ചേഴ്സ് സ്പോര്ട്സ് ക്ലബ് കൊളോണ് തങ്ങളുടെ 40-ാം വാര്ഷികാഘോഷങ്ങളുടെ ഭാഗമായി സംഘടിപ്പിക്കുന്ന "സിഎസ്‌സി ഓപ്പണ്‍ 2026' ബാഡ്മിന്‍റണ്‍ ടൂര്‍ണമെന്‍റ് ശനിയാഴ്ച നടക്കും.
1986-ല് സ്ഥാപിതമായ ക്ലബിന്‍റെ നാല് പതിറ്റാണ്ടിന്‍റെ വിജയഗാഥ ആഘോഷിക്കുന്നതിനൊപ്പം കായിക മേഖലയിലൂടെയുള്ള സൗഹൃദവും സാംസ്കാരിക കൂട്ടായ്മയും ഊട്ടിയുറപ്പിക്കുക എന്ന ലക്ഷ്യത്തോടെയാണ് ടൂര്‍ണമെന്‍റ് സംഘടിപ്പിക്കുന്നത്.
കൊളോണ് ഹോള്വൈഡെയിലുള്ള ബുര്‍ഗ്വീസെന്‍സ്ട്രാസെ 125 ഹാളിലാണ് മത്സരങ്ങള്‍ അരങ്ങേറുന്നത്. രാവിലെ 10ന് മത്സരങ്ങള്‍ ആരംഭിക്കും.
മത്സര വിവരങ്ങളും വിഭാഗങ്ങളും
മത്സര വിഭാഗങ്ങള്‍: മെന്‍സ് ഡബിള്‍സ്, വിമെന്‍സ് ഡബിള്‍സ്, മിക്സഡ് ഡബിള്‍സ് എന്നീ ഓപ്പണ്‍ ഡബിള്‍സ് വിഭാഗങ്ങളിലാണ് മത്സരങ്ങള്‍ നടക്കുക.
പങ്കാളിത്തം: റിക്രിയേഷന്‍, അമച്വര്‍ തലത്തിലുള്ള കളിക്കാര്‍ക്കാണ് അവസരം. (ബെസിര്‍ക്സ് ലീഗയോ അതിനു മുകളിലോ കളിക്കുന്ന പ്രഫഷണല്‍ താരങ്ങള്‍ക്ക് പങ്കെടുക്കാന്‍ അനുമതിയില്ല).
ടീമുകള്‍: 24 ടീമുകള്‍ക്ക് (ആറ് ഗ്രൂപ്പ്, നാല് ടീം, 48 കളിക്കാര്‍) മാത്രമാണ് മത്സരത്തില്‍ അവസരം നല്‍കിയിരിക്കുന്നത്.
ഷട്ടില്‍: യോനെക്സ് മാവിസ് 600 (മീഡിയം സ്പീഡ്) ഷട്ടിലുകളാണ് മത്സരങ്ങള്‍ക്കായി ഉപയോഗിക്കുന്നത്.
സമ്മാനങ്ങള്‍: ഒന്നും രണ്ടും മൂന്നും സ്ഥാനങ്ങള്‍ നേടുന്ന വിജയികള്‍ക്ക് ട്രോഫികള് സമ്മാനിക്കും.
വിപുലമായ ക്രമീകരണങ്ങള്‍: പങ്കെടുക്കുന്ന താരങ്ങള്‍ക്ക് സൗജന്യമായാണ് രജിസ്ട്രേഷന്‍ അനുവദിച്ചിട്ടുള്ളത്. മത്സരത്തില്‍ പങ്കെടുക്കുന്നവര്‍ക്കായി കുടിവെള്ളവും ഭക്ഷണവും സംഘാടകര്‍ ക്രമീകരിച്ചിട്ടുണ്ട്.
"പാം ക്ലിനിക്ക്' ആണ് ടൂര്‍ണമെന്‍റിന്‍റെ ഒഫീഷ്യല്‍ സ്പോണ്സര്. മത്സരങ്ങൾ കാണാൻ എല്ലാ ബാഡ്മിന്‍റണ്‍ പ്രേമികളെയും സ്വാഗതം ചെയ്യുന്നതായി ചലഞ്ചേഴ്സ് ഭാരവാഹികള്‍ അറിയിച്ചു.
കൂടുതല്‍ വിവരങ്ങള്‍ക്ക്: [email protected].
Europe
ലണ്ടൻ: യുക്മ നോർത്ത് വെസ്റ്റ് റീജിയൺ അടുത്ത വർഷം സംഘടിപ്പിക്കുന്ന കലാമേളയുടെ തീയതി റീജിയണൽ കമ്മിറ്റി തീരുമാന പ്രകാരം ദേശീയ സമിതിയംഗം ബിജു പീറ്റർ ഔദ്യോഗികമായി പ്രഖ്യാപിച്ചു. 18-ാമത് യുക്മ നോർത്ത് വെസ്റ്റ് റീജിയൺ കലാമേള 2027 ഒക്ടോബർ ഒമ്പതിന് നടക്കും.
കലാമേളയുടെ രൂപവും ഭാവവും കാലാനുസൃതമായി മാറിക്കൊണ്ടിരിക്കുമ്പോൾ അതിന് അനുസരിച്ചുള്ള തയാറെടുപ്പുകൾ വർഷം മുഴുവൻ നീളുന്നത് ആണെന്നത് അസോസിയേഷനുകളിൽ നിന്നും ലഭിക്കുന്ന പ്രതികരണങ്ങൾ നിന്നും മനസിലാക്കാൻ സാധിക്കുന്നത്.
എല്ലാ കലാകാരൻമാർക്കും കലാകാരികൾക്കും മത്സരാർഥികൾക്കും നല്ലൊരു മുന്നൊരുക്കം നടത്താൻ സാധിക്കട്ടെയെന്ന് യുക്മ നോർത്ത് വെസ്റ്റ് റീജിയണൽ കമ്മിറ്റി ആശംസിക്കുന്നു. കലാമേളയുടെ വേദി പിന്നീട് തീരുമാനിച്ച് അറിയിക്കുന്നതാണെന്ന് ഭാരവാഹികൾ അറിയിച്ചു.
കഴിഞ്ഞ ശനിയാഴ്ച നടന്ന യുക്മ നോർത്ത് വെസ്റ്റ് റീജിയൻ കലാമേളയുടെ ഉദ്ഘാടന സമ്മേളന വേദിയിൽ വച്ചാണ് പ്രഖ്യാപനം നടന്നത്.
മുൻകൂട്ടി കലാമേള തീയതി പ്രഖ്യാപിച്ചതിനാൽ അംഗ അസോസിയേഷനുകൾക്ക് മുന്നൊരുക്കങ്ങൾ നടത്താൻ സാധിക്കുമെന്ന കാഴ്ചപ്പാടിലാണ് അടുത്ത വർഷത്തെ തീയതി ഈ കലാമേളയുടെ വേദിയിൽ തന്നെ പ്രഖ്യാപിക്കാൻ റീജിയണൽ കമ്മിറ്റി തീരുമാനമെടുത്തതെന്ന് പ്രസിഡന്റ് ഷാജി തോമസ് വരാക്കുടി, സെക്രട്ടറി സനോജ് വർഗീസ്, ട്രഷറർ ഷാരോൺ ജോസഫ്. കലാമേള കൺവീനർ സി.പി. രാജീവ് എന്നിവർ അറിയിച്ചു.
Europe
ലണ്ടൻ: യുകെയിലെ മലയാളികളുടെ സർഗാത്മക കഴിവുകളെ കണ്ടെത്തുകയും പ്രോത്സാഹിപ്പിക്കുകയും ചെയ്യുക എന്ന ലക്ഷ്യത്തോടെ യുക്മ സാംസ്കാരിക വേദി "സൃഷ്‌ടിലയ 2026' എന്ന പേരിൽ സാഹിത്യ രചനാമത്സരങ്ങൾ സംഘടിപ്പിക്കുന്നു.
ഉപന്യാസം, കവിത, ചെറുകഥ എന്നീ വിഭാഗങ്ങളിലാണ് മത്സരങ്ങൾ നടത്തുന്നത്. യുകെ മലയാളികൾക്കിടയിലെ സാഹിത്യ പ്രതിഭകൾക്ക് അവരുടെ കഴിവുകൾ പ്രകടിപ്പിക്കാനുള്ള ഒരു മികച്ച വേദിയായിരിക്കും "സൃഷ്‌ടിലയ 2026'.
മത്സര ഇനങ്ങൾ:
ഉപന്യാസം - വിഷയങ്ങൾ:
സബ് ജൂണിയേഴ്സ് (പ്രായം 8-12) - സമയത്തിന്‍റെ വില, ജൂണിയേഴ്സ് (പ്രായം 12 - 17) - ലഹരിയും യുവതലമുറയും, സീനിയേഴ്‌സ് (പ്രായം 17+) - യുദ്ധവും സമാധാനവും.
കവിത രചന - പ്രമേയങ്ങൾ:
സബ് ജൂണിയേഴ്സ് - അമ്മ, ജൂണിയേഴ്സ് - ഭൂമിയുടെ കണ്ണുനീർ, സീനിയേഴ്‌സ് - പ്രവാസവും ബന്ധങ്ങളും.
ചെറുകഥയ്ക്ക് പ്രത്യേക പ്രമേയമില്ല. സ്വന്തം ഭാവനയ്ക്ക് അനുസൃതമായി കഥാരചന നടത്താവുന്നതാണ്.
സമ്മാനങ്ങൾ: ഓരോ വിഭാഗത്തിലും ആദ്യ മൂന്ന് സ്ഥാനങ്ങളിൽ എത്തുന്നവർക്ക് സമ്മാനങ്ങൾ നൽകുന്നതാണ്. രചനകൾ സമർപ്പിക്കേണ്ട അവസാന തീയതി: ഒക്ടോബർ 25.
രചനകൾ അയക്കുന്നവർ അതോടൊപ്പം പേര്, പ്രായം, മൊബൈൽ നമ്പർ ഉൾപ്പടെയുള്ള വിവരങ്ങൾ കൂടി ഇ-മെയിൽ വിലാസത്തിലേക്ക് അയയ്ക്കുക: [email protected].
വിജയികൾക്കുള്ള സമ്മാനങ്ങൾ നവംബർ ഏഴിന് നടക്കുന്ന യുക്മ നാഷണൽ കലാമേള വേദിയിൽ വച്ച് വിതരണം ചെയ്യുന്നതാണ്.
Europe
കേംബ്രിഡ്ജ്: മലങ്കര സുറിയാനി കത്തോലിക്കാ സഭയുടെ യുകെയിലെ കേംബ്രിഡ്ജ് മിഷന്‍റെ ഇടവക മധ്യസ്ഥനായ വിശുദ്ധ ജോൺ ഹെൻറി ന്യൂമാന്‍റെ തിരുനാൾ ഭക്തിസാന്ദ്രമായ ചടങ്ങുകളോടെ ആഘോഷിച്ചു.
ഒക്ടോബർ മൂന്നിന് സോസ്റ്റൺ ഔർ ലേഡി ഓഫ് ലൂർദ് റോമൻ കത്തോലിക്കാ ദേവാലയത്തിൽ നടന്ന തിരുനാൾ ആഘോഷങ്ങളിൽ മിഷൻ അംഗങ്ങളും നിരവധി വിശ്വാസികളും പങ്കെടുത്തു.
ആത്മീയ നവീകരണത്തിനും കുടുംബ ഐക്യത്തിനും പ്രാധാന്യം നൽകി നടന്ന കുടുംബ നവീകരണ ധ്യാനത്തിന് സി.ഡോ. മേരി പ്രസാദ ഡിഎം നേതൃത്വം നൽകി. തുടർന്ന് നടന്ന തിരുനാൾ കൊടിയേറ്റത്തോടെ ആഘോഷങ്ങൾക്ക് ഔദ്യോഗിക തുടക്കമായി.
Europe
ഡബ്ലിൻ: കുട്ടികളുടെ ക്രൈസ്തവ വിശ്വാസവും ആത്മീയ വളർച്ചയും ലക്ഷ്യമിട്ട് പ്രീ-ടീൻസ് കുട്ടികൾക്കായി പ്രത്യേക ധ്യാനം സംഘടിപ്പിക്കുന്നു.
ഈ മാസം 26, 27 തീയതികളിൽ ഡബ്ലിനിലെ ക്ലോണി ലിറ്റിൽപേസിലുള്ള ചർച്ച് ഓഫ് മേരി മദർ ഓഫ് ഹോപ്പ് ദേവാലയത്തിലാണ് ആത്മീയ സംഗമം നടക്കുന്നത്.
ഒമ്പത് മുതൽ 12 വയസുവരെയുള്ള കുട്ടികൾക്കായാണ് ഈ ധ്യാനം ഒരുക്കിയിരിക്കുന്നത്. ഫാ. സേവ്യർ ഖാൻ വട്ടായിലിന്‍റെ നേതൃത്വത്തിൽ രൂപീകരിച്ച അനോയിന്‍റിംഗ് ഫയർ കാത്തലിക് മിനിസ്ട്രിയുടെ അയർലൻഡ് ചിൽഡ്രൻസ് മിനിസ്ട്രി ടീമാണ് ധ്യാനത്തിന് നേതൃത്വം നൽകുന്നത്.
രണ്ട് ദിവസങ്ങളിലും രാവിലെ 10 മുതൽ വൈകുന്നേരം നാല് വരെയാണ് ശുശ്രൂഷകൾ ക്രമീകരിച്ചിരിക്കുന്നത്. ധ്യാനത്തിൽ പങ്കെടുക്കാൻ ആഗ്രഹിക്കുന്ന കുട്ടികളുടെ മാതാപിതാക്കൾ താഴെ പറയുന്ന നമ്പറുകളിൽ ബന്ധപ്പെട്ട് രജിസ്റ്റർ ചെയ്യേണ്ടതാണ്.
ബിജോ: 089 461 9950, ജൻസി: 089 405 5224, ദീപ: 087 940 2127, ആഷ: 087 772 4033.
Europe
മോസ്കോ / ജനീവ: സൈബീരിയയിലെ ഇർകുട്സ്കിലുള്ള (Irkutsk) ഗവേഷണ ലാബിൽ പ്ലേഗ് ബാധയെത്തുടർന്ന് യുവ ലാബ് ടെക്നീഷ്യൻ മരിച്ചെന്ന റിപ്പോർട്ടുകൾക്ക് പിന്നാലെ, റഷ്യൻ ഭരണകൂടത്തിന് മേൽ രാജ്യാന്തര സമർദം ശക്തമാകുന്നു
ഇതേ ലാബിലെ മറ്റൊരു ജീവനക്കാരന് കൂടി അണുബാധയേറ്റതായി സംശയമുയർന്നതോടെ ലോകാരോഗ്യ സംഘടനയും (WHO) അമേരിക്കയും അടിയന്തര വിശദീകരണം തേടി മോസ്കോയെ സമീപിച്ചു. എന്നാൽ പ്രദേശത്ത് പ്ലേഗ് പടർന്നുപിടിച്ചിട്ടുണ്ടെന്ന വാർത്തകൾ റഷ്യൻ ഭരണകൂടം ഇപ്പോഴും ഔദ്യോഗികമായി നിഷേധിക്കുകയാണ്.
രണ്ടാമതൊരാൾക്ക് കൂടി രോഗബാധയുണ്ടായെന്ന സംശയം അതീവ ഗൗരവത്തോടെയാണ് കാണുന്നതെന്നും ഇത് സംബന്ധിച്ച് വിശദമായ അന്വേഷണം നടത്തണമെന്നും ലോകാരോഗ്യ സംഘടനാ മേധാവി ടെഡ്രോസ് അദാനോം ഗെബ്രിയേസസ് വ്യക്തമാക്കി.
പൊട്ടിയ ടെസ്റ്റ് ട്യൂബിൽ നിന്നുള്ള മാരക ബാധ; യുവതിയുടെ മരണം
ഒക്ടോബർ രണ്ടിനാണ് ഇർകുട്സ്ക് ആന്റി-പ്ലേഗ് റിസർച്ച് ഇൻസ്റ്റിറ്റ്യൂട്ടിലെ ലാബ് ടെക്നീഷ്യനായ ദാരിയ എസ്. (28) ന്യൂമോണിക് പ്ലേഗ് (Lungenpest) ബാധിച്ച് ദാരുണമായി മരിച്ചത്.
രോഗകാരികളടങ്ങിയ ടെസ്റ്റ് ട്യൂബ് ലാബിൽ വച്ച് അബദ്ധത്തിൽ പൊട്ടിയതാണ് യുവതിയുടെ മരണത്തിലേക്ക് നയിച്ചതെന്നാണ് റിപ്പോർട്ടുകൾ. എന്നാൽ പ്ലേഗാണ് മരണകാരണമെന്ന് റഷ്യൻ അധികൃതർ ഇതുവരെ ഔദ്യോഗികമായി സ്ഥിരീകരിച്ചിട്ടില്ല.
ഗുരുതരമായ ന്യുമോണിയ ബാധ മാത്രമാണ് ഇതെന്നാണ് റഷ്യൻ ആരോഗ്യ മന്ത്രാലയത്തിന്റെ വിചിത്രമായ വാദം. അടുത്ത കാലത്തൊന്നും ഇർകുട്സ്കിൽ പ്ലേഗ് കേസുകൾ റിപ്പോർട്ട് ചെയ്തിട്ടില്ലെന്ന് റഷ്യൻ അധികൃതർ ലോകാരോഗ്യ സംഘടനയെ അറിയിച്ചു.
ആശുപത്രികൾ പൂട്ടി; വൻ സുരക്ഷാ മുൻകരുതലുകൾ
പ്ലേഗ് ബാധ നിഷേധിക്കുമ്പോഴും മേഖലയിൽ റഷ്യ സ്വീകരിച്ചിരിക്കുന്ന അസാധാരണമായ പ്രതിരോധ നടപടികൾ ലോകരാജ്യങ്ങളിൽ കടുത്ത സംശയമുണർത്തുന്നുണ്ട്: ഇർകുട്സ്കിലെ അഞ്ച് പ്രധാന ആശുപത്രികൾ മുൻകരുതലിന്റെ ഭാഗമായി താൽക്കാലികമായി അടച്ചുപൂട്ടി.
മരിച്ച ജീവനക്കാരുമായി സമ്പർക്കത്തിൽ വന്ന 200ലധികം ആളുകളെ അധികൃതർ കർശന ക്വാറന്റൈനിൽ പ്രവേശിപ്പിച്ചു. അജ്ഞാതമായ ന്യുമോണിയ ബാധയ്ക്ക് പിന്നിലെ യഥാർഥ രോഗകാരി ഏതാണെന്നും, പൊതുജനാരോഗ്യ നടപടികളിലേക്ക് നയിച്ച സാഹചര്യമെന്തെന്നും, രണ്ടാമത്തെ ജീവനക്കാരന്റെ ആരോഗ്യസ്ഥിതി എന്താണെന്നും വ്യക്തമാക്കണമെന്ന് ഡബ്ല്യുഎച്ച്ഒ ആവശ്യപ്പെട്ടു.
ജാഗ്രത വേണമെന്ന് അമേരിക്ക; ഒളിച്ചുകളിയുമായി ക്രെംലിൻ
മനുഷ്യനിൽ നിന്ന് മനുഷ്യനിലേക്ക് ഡ്രോപ്ലെറ്റുകൾ (ശ്രവങ്ങൾ) വഴി അതിവേഗം പടരുന്ന മാരകമായ രോഗമാണ് ന്യൂമോണിക് പ്ലേഗ് എന്ന് യുഎസ് സ്റ്റേറ്റ് ഡിപ്പാർട്ട്മെന്റ് മുന്നറിയിപ്പ് നൽകി. രോഗബാധിതരെ ഉടനടി കണ്ടെത്തുകയും സമ്പർക്കത്തിലുള്ളവരെ കർശന നിരീക്ഷണത്തിലാക്കുകയും ചെയ്യേണ്ടത് ആഗോള ആരോഗ്യസുരക്ഷയ്ക്ക് അത്യന്താപേക്ഷിതമാണെന്ന് യുഎസ് ആവശ്യപ്പെട്ടു.
അതേസമയം, സംഭവത്തിൽ മാധ്യമവാർത്തകളെ പൂർണ്ണമായി വിശ്വസിക്കരുതെന്നും കൂടുതൽ ജാഗ്രതയോടെ മാത്രമേ റിപ്പോർട്ടുകളെ കാണാവൂ എന്നും ക്രെംലിൻ വക്താവ് ദിമിത്രി പെസ്കോവ് പ്രതികരിച്ചു.
ലാബിൽ നിന്നുള്ള അപകടകരമായ രോഗാണു ചോർച്ചയെ റഷ്യ ഒളിച്ചുവയ്ക്കാൻ ശ്രമിക്കുകയാണോ എന്ന ആശങ്കയാണ് ഇപ്പോൾ ആഗോളതലത്തിൽ ഉയരുന്നത്.
Europe
ഡബ്ലിൻ: അയർലൻഡിലെ സീറോമലബാർ യുവജനങ്ങൾക്കായുള്ള "അവേക്ക് അയർലൻഡ് 2026' യുവജന കൺവെൻഷൻ ഡബ്ലിൻ സിറ്റി യൂണിവേഴ്സിറ്റിയിൽ (ഡിസിയു) നടക്കും.
ഈ മാസം 24 മുതൽ 26 വരെ ഡബ്ലിൻ സിറ്റി യൂണിവേഴ്സിറ്റി ഓഡിറ്റോറിയത്തിലാണ് ത്രിദിന സംഗമം നടക്കുന്നത്. 2025-ൽ സെന്റ് പാട്രിക്സ് ഹാളിൽ നടന്ന അവേക്ക് സംഗമത്തിൽ 350-ഓളം യുവജനങ്ങൾ പങ്കെടുത്തിരുന്നു.
ആത്മീയ വളർച്ചയ്ക്കും വിശ്വാസജീവിതത്തിലെ ആഴത്തിലുള്ള അനുഭവങ്ങൾക്കും വേദിയൊരുക്കിയ കഴിഞ്ഞ വർഷത്തെ സംഗമത്തിന്‍റെ തുടർച്ചയായാണ് "അവേക്ക് 2026' സംഘടിപ്പിക്കുന്നത്.
യുവജനങ്ങളുടെ ആത്മീയവും സാമൂഹികവുമായ വളർച്ച ലക്ഷ്യമാക്കി വിവിധ ശിൽപശാലകൾ, സംഗീതപരിപാടികൾ, വ്യക്തിഗത സാക്ഷ്യങ്ങൾ, പ്രചോദനാത്മക പ്രഭാഷണങ്ങൾ, കൂട്ടായ്മകൾ എന്നിവ പരിപാടിയുടെ ഭാഗമായി നടക്കും.
വിശ്വാസാനുഭവങ്ങൾ പങ്കുവയ്ക്കാനും വിവിധ വിഷയങ്ങളിൽ ചർച്ചകളിൽ ഏർപ്പെടാനും സമാനമായ ആത്മീയ ലക്ഷ്യങ്ങളുള്ള യുവജനങ്ങളുമായി സൗഹൃദം വളർത്താനും സംഗമം അവസരമൊരുക്കും.
അന്താരാഷ്ട്ര തലത്തിലും പ്രാദേശിക തലത്തിലും ശ്രദ്ധേയരായ ആത്മീയ നേതൃത്വമാണ് ഇത്തവണത്തെ അവേക്ക് സംഗമത്തിൽ പങ്കെടുക്കുന്നത്.
ഷിക്കാഗോയിലെ ഫെയ്ത്ത് ഫോർമേഷൻ ഡയറക്ടർ മാർക്ക് നിമോ, ഡൗൺ ആൻഡ് കോണർ രൂപതയുടെ വൊക്കേഷൻസ് ഡയറക്ടർ ഫാ. കോനർ മക്ഗ്രാത്ത്, യൂറോപ്പിലെ സീറോമലബാർ വിശ്വാസികളുടെ യൂത്ത് അപ്പോസ്തലേറ്റ് ഡയറക്ടർ ഫാ. ബിനോജ് മുലവരിക്കൽ, യൂറോപ്പിലെ സീറോമലബാർ സഭയുടെ അപ്പസ്തോലിക് വിസിറ്റേറ്റർ ബിഷപ് സ്റ്റീഫൻ ചിറപ്പണത്ത് എന്നിവർ പ്രധാന പ്രഭാഷകരായി പങ്കെടുക്കും.
ഡബ്ലിൻ അതിരൂപതയുടെ ഓക്സിലറി ബിഷപ് ഡോണാൽ റോച്ചിന്‍റെ പ്രത്യേക സന്ദർശനവും ഈ വർഷത്തെ അവേക്ക് സംഗമത്തിന് മാറ്റുകൂട്ടും. യുവജനങ്ങൾ തന്നെ നേതൃത്വം നൽകുന്ന സംഗമമെന്നതാണ് അവേക്കിന്‍റെ പ്രധാന പ്രത്യേകത.
പരിപാടിയുടെ ആസൂത്രണം മുതൽ വിവിധ സെഷനുകളുടെ ഏകോപനം, പ്രെയ്സ് ആൻഡ് വർഷിപ്പ്, സംഗീതം, നൃത്തപരിപാടികൾ തുടങ്ങിയവയിൽ യുവജനങ്ങൾ സജീവമായി നേതൃത്വം വഹിക്കും.
അയർലൻഡിലെ സീറോമലബാർ യുവജനങ്ങളെ ഒരുമിച്ചുകൂട്ടി വിശ്വാസജീവിതത്തിൽ കൂടുതൽ ആഴപ്പെടാനും പരസ്പര സൗഹൃദവും കൂട്ടായ്മയും ശക്തിപ്പെടുത്താനും ലക്ഷ്യമിടുന്ന "അവേക്ക് 2026' പുതിയ തലമുറയ്ക്ക് വിശ്വാസത്തിന്‍റെ സന്ദേശം പകരുന്ന വേദിയായി മാറുമെന്നാണ് സംഘാടകരുടെ പ്രതീക്ഷ.
Europe
ചെസ്റ്റർഫീൽഡ്: ക്രീയേറ്റീവ് മലയാളം യുകെയുടെ ബാനറിൽ ഈ കൊന്ത മാസത്തിൽ "ജപമാല മണികളിൽ കൈവിരൽ അമരുമ്പോൾ' എന്ന ഭക്തിസാന്ദ്രമായ മാതാവിന്‍റെ ഗാനം ചെസ്റ്റർഫീൽഡിൽ റിലീസ് ചെയ്തു.
ഷിജോ സെബാസ്റ്റ്യൻ എഴുതിയ വരികകൾക്ക് ഈണം നൽകി പാടിയത് ഷൈൻ വെങ്കിടംഗ് ആണ്. ജെജെ സ്‌പൈസസ് സ്പോൺസർ ചെയ്ത ആൽബത്തിന് ഫാ. ജോ മാത്യു, സ്റ്റാൻലി ജോസഫ്, അന്ന ജോസഫ്, ആൻ മരിയ ജോസഫ്, സെലിസ്റ്റിൻ ജോസഫ്, ജയരാജ്‌ രാജൻ എന്നിവർ പിന്തുണ നൽകി.
ഗാനം കാണാം:
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷന്‍റെ ആഭിമുഖ്യത്തിൽ ഇന്ദ്രപ്രസ്ഥത്തിലെ അംബേദ്കർ സ്റ്റേഡിയത്തിൽ നടക്കുന്ന ഫുട്ബോൾ ടൂർണമെന്‍റിന് ശനിയാഴ്ച രാവിലെ 7.30ന് വിസിൽ മുഴങ്ങും.
ഡിഎംഎ പ്രസിഡന്റ് കെ. രഘുനാഥ് അധ്യക്ഷത വഹിക്കുന്ന യോഗത്തിൽ, ഡൽഹി പൊലിസ് അഡീഷണൽ സിപി - സ്പെഷ്യൽ ബ്രാഞ്ച് നിധിൻ വത്സൻ ഐപിഎസ്‌ ഉദ്ഘാടനം നിർവഹിക്കും.
സ്പോർട്സ് മാനേജ്മെന്റ് വിദഗ്ധനും സാമൂഹ്യ പ്രവർത്തകനുമായ ഡോ. രമേഷ് നമ്പ്യാർ മത്സരം കിക്ക്‌ഓഫ് ചെയ്യും. ജനറൽ സെക്രട്ടറി ടോണി കണ്ണമ്പുഴ, വൈസ് പ്രസിഡന്റും ഫുട്ബോൾ ടൂർണമെന്റ് കൺവീനറുമായ കെ.ജി. രഘുനാഥൻ നായർ തുടങ്ങിയവർ ആശംസകൾ നേരും.
ഗ്രാൻഡ് ഫിനാലെ നടക്കുന്ന ഞായറാഴ്ച ഏഷ്യൻ ഫുട്ബോൾ കോൺഫഡറേഷൻ എക്സിക്യൂട്ടിവ് കമ്മിറ്റി അംഗം ഷാജി പ്രഭാകരൻ വിശിഷ്ടാതിഥിയായി പങ്കെടുക്കും. 16 ടീമുകൾ ടൂർണമെന്റിൽ മാറ്റുരയ്ക്കും.
ഫാന്‍റം എഫ് സി, ഡിഎംഎ മെഹ്റോളി എഫ്സി, ഡിസി വാരിയേഴ്‌സ്, എഫ്സി അംബേദ്കർ നഗർ, വികാസ്പുരി -ഹസ്താൽ എഫ്സി, ഡിഎംഎ ആർകെ പുരം, യൂണിറ്റ്-96 എഫ്സി എംവി-3, അമൃത എഫ്സി, എഫ്സി മീഡിയ, അയ്‌മ, പാലക്കാടൻ കൂട്ടായ്മ, അപ്പെക്‌സ് എഫ്സി, ഡബ്ലിയുഎംസി എഫ്സി, സാം എഫ്സി, സൺഡേ ക്ലബ്, ഡീപ് സ്ട്രൈക്കേഴ്സ് എന്നീ ടീമുകൾ ഏറ്റുമുട്ടും.
ചാമ്പ്യന്മാർക്ക് ഒരു ലക്ഷം രൂപയും ട്രോഫിയും സമ്മാനമായി ലഭിക്കും. രണ്ടാം സ്ഥാനക്കാർക്ക് 50,000 രൂപയും മൂന്നാം സ്ഥാനക്കാർക്ക് 25,000 രൂപയും ട്രോഫിയുമാണ് ലഭിക്കുക. കൂടാതെ മികച്ച ഗോൾ കീപ്പർ, കളിക്കാരൻ, കൂടുതൽ ഗോൾ നേടുന്ന വ്യക്തി എന്നിവർക്ക് ട്രോഫിയും 5,000 രൂപ കാഷ് അവാർഡും ലഭിക്കും.
കൂടുതൽ വിവരങ്ങൾക്ക്: 9810791770, 9818750868.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ മോത്തി നഗർ - രമേശ് നഗർ ഏരിയ ഓണാഘോഷം ബസായി ധാരാപുരിലെ വാൽമീകി ചൗപ്പാലിൽ നടത്തി.
ഏരിയ ചെയർമാൻ സി.കെ. സജികുമാറിന്‍റെ അധ്യക്ഷതയിൽ ചേർന്ന സാംസ്കാരിക സമ്മേളത്തിൽ നാഷണൽ വാട്ടർ ഡവലപ്മെന്‍റ് ഏജൻസി ഡയറക്ടർ കെ.എച്ച്. ഷജത്നൻ നിലവിളക്കു കൊളുത്തി ചടങ്ങുകൾ ഉദ്ഘാടനം ചെയ്തു.
കാൽറ ഗ്രൂപ്പ് ഓഫ് ഹോസ്പിറ്റൽസ് മാനേജിംഗ് ഡയറക്ടർ ഡോ. ആർ.എൻ. കാൽറ, ഡിഎംഎ അഡീഷണൽ ഇന്റേണൽ ഓഡിറ്റർ ലീന രമണൻ, കേന്ദ്ര കമ്മിറ്റി നിർവാഹക സമിതി അംഗം രമ സുനിൽ, ഏരിയ വൈസ് ചെയർമാൻ ദിലീപ് മാധവൻ, സെക്രട്ടറി എം.വി. സുനിൽ കുമാർ, വനിത വിഭാഗം കൺവീനർ ബിന്ദു സജികുമാർ, മുൻ ജനറൽ സെക്രട്ടറിയും പ്രസിഡന്റുമായ സി. ചന്ദ്രൻ തുടങ്ങിയവർ പ്രസംഗിച്ചു.
ചീഫ് ട്രെഷറർ മാത്യു ജോസ്, അഡീഷണൽ ജനറൽ സെക്രട്ടറി പി.എൻ. ഷാജി, കേന്ദ്ര നിർവാഹക സമിതി അംഗങ്ങളായ ഡി. ജയകുമാർ, സന്ധ്യ ബിജു, വിനയ് നഗർ - കിദ്വായ് നഗർ ഏരിയ സെക്രട്ടറി നോവൽ ആർ. തങ്കപ്പൻ, രജൗരി ഗാർഡൻ ഏരിയ സെക്രട്ടറി എസ് ഷാജികുമാർ, കരോൾ ബാഗ് - കൊണാട്ട് പ്ലേസ് ഏരിയ ചെയർമാൻ എ.കെ. സുബ്രഹ്മണ്യൻ, ട്രെഷറർ എസ്. വിജയകുമാരൻ നായർ, പശ്ചിംവിഹാർ ഏരിയ വൈസ് ചെയർപേഴ്സൺ നളിനി മോഹൻ, കേന്ദ്ര സ്ത്രീ ശാക്തീകരണ വിഭാഗം അംഗം സന്ധ്യ അനിൽ തുടങ്ങിയവർ പങ്കെടുത്തു.
തുടർന്ന് നടന്ന തിരുവാതിരകളി, സിനിമാറ്റിക് - ഫ്യൂഷൻ ഡാൻസ്, സിനിമ ഗാനങ്ങൾ, രജൗരി ഗാർഡൻ ഏരിയ അവതരിപ്പിച്ച നാടകം "ഓണം ഒരു റീൽ അല്ല' തുടങ്ങിയവ ആഘോഷ പരിപാടികൾക്ക് മിഴിവേകി. ഓണസദ്യയോടുകൂടിയാണ് ചടങ്ങുകൾ സമാപിച്ചത്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ മെഹ്റോളി ഏരിയ മലയാള ഭാഷ പഠനകേന്ദ്രത്തിന്‍റെ പ്രവേശനോത്സവം സംഘടിപ്പിച്ചു.
ഏരിയ ചെയർമാൻ ഡോ. കെ.പി. ഹരീന്ദ്രൻ ആചാരിയുടെ അധ്യക്ഷതയിൽ ചേർന്ന സാംസ്കാരിക സമ്മേളനം ഭാഷാ പഠന കേന്ദ്രം വിദ്യാർഥികളായ അഷിത അശോക്, അനാമിക രാജു, അരുന്ധതി മണികണ്ഠൻ എന്നിവർ ആലപിച്ച പ്രാർഥനാഗീതത്തോടെ ആരംഭിച്ചു.
വൈസ് പ്രസിഡന്റും ഡിഎംഎ മലയാള ഭാഷാ പഠന കേന്ദ്രങ്ങളുടെ കോഓർഡിനേറ്ററുമായ കെ.ജി. രഘുനാഥൻ നായർ നിലവിളക്കു കൊളുത്തി ചടങ്ങുകൾ ഉദ്ഘാടനം ചെയ്തു.
ഡിഎംഎ അഡീഷണൽ ജനറൽ സെക്രട്ടറി പി.എൻ. ഷാജി, മലയാളം മിഷൻ മെഹ്റോളി മേഖല കോഓർഡിനേറ്ററായ അജിത വിജയ്, ആര്യവൈദ്യശാല ഫിസിഷ്യൻ ഡോ. അഭിജിത് എസ്.പിള്ള, സെക്രട്ടറി സുജ രാജേന്ദ്രൻ, ട്രെഷറർ ജേക്കബ് മാത്യു, യുവജന വിഭാഗം കൺവീനർ ആശിഷ് സന്തോഷ്, ജോയിന്റ് കൺവീനർ ശ്രീലക്ഷ്മി മോഹൻ, ഭാഷാധ്യാപിക സന്ധ്യ അനിൽ തുടങ്ങിയവർ പ്രസംഗിച്ചു.
കുട്ടികളുടെ കവിതാലാപനം, ഗാനാലാപനം തുടങ്ങി വിവിധ കലാപരിപാടികളും അരങ്ങേറി. മധുര പലഹാര വിതരണത്തോടെ പ്രവേശനോത്സവം സമാപിച്ചു.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ ജസോള ഏരിയയുടെ ഓണാഘോഷം ജസോള പോക്കറ്റ് 10-ബി കമ്യൂണിറ്റി സെന്‍ററിൽ അരങ്ങേറി.
ഏരിയ ചെയർമാൻ പി.ഡി. പുന്നൂസിന്‍റെ അധ്യക്ഷതയിൽ ചേർന്ന സാംസ്കാരിക സമ്മേളത്തിൽ ഡിഎംഎ അഡീഷണൽ ജനറൽ സെക്രട്ടറി പി.എൻ. ഷാജി നിലവിളക്കു കൊളുത്തി ചടങ്ങുകൾ ഉദ്ഘാടനം ചെയ്തു.
ഫെഡറൽ ബാങ്ക് സീനിയർ മാനേജരും ഓഖ്‌ല ബ്രാഞ്ച് ഹെഡുമായ സന്ധ്യാ ദേവി വിശിഷ്ടാതിഥിയായിരുന്നു. ഏരിയ സെക്രട്ടറി തോമസ് മാമ്പിള്ളി, ട്രെഷറർ തോമസ് വർഗീസ്, വനിത വിഭാഗം കൺവീനർ റിൻസി ജോസഫ് തുടങ്ങിയവർ പ്രസംഗിച്ചു.
തുടർന്ന് കുട്ടികളുടെ വിവിധ കലാപരിപാടികളും ഉണ്ടായിരുന്നു. ഓണസദ്യയോടുകൂടിയാണ് ചടങ്ങുകൾ സമാപിച്ചത്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ കാൽക്കാജി ഏരിയ ഓണാഘോഷം നടത്തി. അളക് നന്ദയിലെ ഡിഡിഎ കമ്യൂണിറ്റി സെന്‍ററിലായിരുന്നു ആഘോഷം.
ഏരിയ ചെയർമാൻ മുരളീധരൻ പിള്ളയുടെ അധ്യക്ഷതയിൽ ചേർന്ന സാംസ്കാരിക സമ്മേളത്തിൽ ഡിഎംഎ വൈസ് പ്രസിഡന്റ് കെ.ജി. രഘുനാഥൻ നായർ നിലവിളക്കു കൊളുത്തി ചടങ്ങുകൾ ഉദ്ഘാടനം ചെയ്തു.
ചീഫ് ട്രെഷറർ മാത്യു ജോസ്, അഡീഷണൽ ജനറൽ സെക്രട്ടറി പി.എൻ. ഷാജി, അഡീഷണൽ ട്രെഷറർ മനോജ് പൈവള്ളിൽ, വേൾഡ് മലയാളി കൗൺസിൽ ഗ്ലോബൽ വൈസ് പ്രസിഡന്റ് ഡൊമിനിക് ജോസഫ്, ഏരിയ സെക്രട്ടറി ടി.എൻ. ഹരിദാസ്, ട്രെഷറർ ജെസി വർഗീസ് മോണി തുടങ്ങിയവർ പ്രസംഗിച്ചു.
Pravasi India – Delhi
ന്യൂഡൽഹി: അഖില മലങ്കര പ്രയർ ഗ്രൂപ്പ് അസോസിയേഷൻ (എംഒസിപിഎ) ഡൽഹി ഭദ്രാസനത്തിന്‍റെ ആഭിമുഖ്യത്തിൽ ഏകദിന സമ്മേളനം ഞായറാഴ്ച സരിത വിഹാർ സെന്റ് തോമസ് ഓർത്തഡോക്സ് പള്ളിയിൽ നടന്നു.
ഡൽഹി ഭദ്രാസന സെക്രട്ടറി റവ. ഫാ. സജി എബ്രഹാം സമ്മേളനം ഉദ്ഘാടനം ചെയ്തു. പി.കെ. അലക്സ്, എബി മാത്യു, കെ.എസ്. വർഗീസ്, റവ.ഫാ. ജോൺ കെ. ജേക്കബ്, സാബു തോമസ്, റവ.ഫാ. ജോജി കുര്യൻ തോമസ്, എസ്. ബാബു എന്നിവർ പങ്കെടുത്തു.
Pravasi India – Delhi
ന്യൂഡൽഹി: അഖില മലങ്കര പ്രയർ ഗ്രൂപ്പ് അസോസിയേഷൻ (MOCPA) ഡൽഹി ഭദ്രാസനത്തിന്‍റെ ആഭിമുഖ്യത്തിൽ ഏകദിന സമ്മേളനം ഈ മാസം 27ന് സരിത വിഹാർ സെന്റ് തോമസ് ഓർത്തഡോക്സ് പള്ളിയിൽ നടക്കും.
രാവിലെ 10.30 മുതൽ ഉച്ചയ്ക്ക് മൂന്ന് വരെയാണ് സമ്മേളനം. ഡൽഹി ഭദ്രാസന സെക്രട്ടറി റവ. ഫാ. സജി എബ്രഹാം സമ്മേളനം ഉദ്ഘാടനം ചെയ്യും. റവ. ഫാ. തോമസ് ജോൺ മാവേലിൽ റിസോഴ്സ് പേഴ്സണായി പങ്കെടുക്കും.
“ശ്രദ്ധാശൈഥില്യങ്ങൾക്ക് അതീതനായ ദൈവം” എന്നതാണ് സമ്മേളനത്തിന്‍റെ ചിന്താവിഷയം. പ്രാർഥന, ആത്മീയ ചിന്ത, കൂട്ടായ്മ, ആത്മീയ നവീകരണം എന്നിവ ലക്ഷ്യമിട്ടാണ് സമ്മേളനം സംഘടിപ്പിക്കുന്നത്.
വിവിധ തരത്തിലുള്ള വ്യതിചലനങ്ങളും ശ്രദ്ധാശൈഥില്യങ്ങളും നിറഞ്ഞ ഇന്നത്തെ സാഹചര്യത്തിൽ ദൈവത്തിലേക്ക് കൂടുതൽ ശ്രദ്ധ കേന്ദ്രീകരിക്കാനും ആത്മീയ ജീവിതത്തിൽ നവീകരണം നേടാനും സമ്മേളനം അവസരമൊരുക്കും. ഡൽഹി ഭദ്രാസനത്തിലെ വിവിധ പ്രയർ ഗ്രൂപ്പ് അംഗങ്ങൾ സമ്മേളനത്തിൽ പങ്കെടുക്കും.
അഖില മലങ്കര പ്രയർ ഗ്രൂപ്പ് അസോസിയേഷൻ (MOCPA) ഡൽഹി ഭദ്രാസനത്തിന്‍റെ ആഭിമുഖ്യത്തിൽ നടക്കുന്ന ഏകദിന സമ്മേളനത്തിന്‍റെ ക്രമീകരണങ്ങൾ പൂർത്തിയായതായി പ്രസ്ഥാനത്തിനുവേണ്ടി വൈസ് പ്രസിഡന്റ് റവ. ഫാ. ജോൺ കെ. ജേക്കബ് അറിയിച്ചു.
Pravasi India – Delhi
ന്യൂഡൽഹി: മലങ്കര ഓർത്തഡോക്സ് സഭയുടെ മുൻ മെത്രാപ്പോലീത്തയും മലങ്കരയുടെ വാനമ്പാടി’ എന്നറിയപ്പെട്ടിരുന്ന പരിശുദ്ധ ജോബ് മാർ പീലക്സിനോസ് തിരുമേനിയുടെ സ്മരണാർഥം സംഘടിപ്പിക്കുന്ന 14ാമത് ജോബ് മാർ പീലക്സിനോസ് മെമ്മോറിയൽ മ്യൂസിക്കൽ ടാലന്‍റ് മീറ്റ് നവംബർ 29ന് ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് പള്ളിയിൽ നടക്കും. രാവിലെ 10ന് ആരംഭിക്കുന്ന പരിപാടിയിൽ മലങ്കര ഓർത്തഡോക്സ് സഭയിലെ വിവിധ ഇടവകകളിൽ നിന്നുള്ള സംഗീത പ്രതിഭകൾ പങ്കെടുക്കും.
പരിപാടിയുടെ പോസ്റ്റർ പ്രകാശനം സെന്റ് സ്റ്റീഫൻസ് കോളേജ് പ്രിൻസിപ്പൽ പ്രൊഫ. ഡോ. സൂസൻ ഏലിയാസ് നിർവഹിച്ചു. റവ. ഫാ. ജോയ്സൺ തോമസ്, സി. ഐ. ഐപ്പ്, സാബു എബ്രഹാം, ചെറിയാൻ ബേബി, ജയ്മോൻ ചാക്കോ, പ്രിൻസ് ഡാനിയേൽ കോശി, സിബി രാജൻ എന്നിവർ പങ്കെടുത്തു.
ഡൽഹി ഭദ്രാസന മെത്രാപ്പോലീത്ത അഭിവന്ദ്യ ഡോ. യൂഹാനോൻ മാർ ദിമെത്രിയോസ് ചീഫ് ഗസ്റ്റായി പങ്കെടുക്കും. ഡൽഹി ഭദ്രാസന സെക്രട്ടറി റവ. ഫാ. സജി എബ്രഹാം ആശംസാ സന്ദേശം നൽകും. റവ. ഫാ. ബിനീഷ് ബാബു അനുസ്മരണ പ്രഭാഷണം നടത്തും. വിജയികൾക്ക് എവർ റോളിംഗ് ട്രോഫിയും ക്യാഷ് പ്രൈസുകളും സമ്മാനമായി നൽകും.
Pravasi India – Delhi
ന്യൂഡല്‍ഹി: ന്യൂഡല്‍ഹിയിലെ ഗായത്രി എന്ന സമുദായിക സാംസ്കാരിക കൂട്ടായ്മയുടെ പുതിയ ഭാരവാഹികള്‍ക്കായുള്ള തെരഞ്ഞെടുപ്പും ഓണഘോഷ പരിപാടികളും പുരസ്‌കാരദാന ചടങ്ങളും നടന്നു.
പുതിയ ഭാരവാഹികള്‍: പി.എൻ. സതീശന്‍ - പ്രസിഡന്റ്, പി.എൻ. വെങ്കിടേശ്വരൻ പോറ്റി - സെക്രട്ടറി, ആര്യാ വാസുദേവന്‍ - വെെസ് പ്രസിഡന്റ്, ആശ രാമന്‍, കിരണ്‍ സൂര്യ (ജോയിന്റ് സെക്രട്ടറി), അഭിരാം (ട്രഷറർ).
ഗായത്രി കൂട്ടായ്മയുടെ ഓണാഘോഷവും ആനുവൽ ജനറൽ ബോഡി മീറ്റിംഗും നോയിഡ അയ്യപ്പ ടെംമ്പിളിലെ ശബരി ഓഡിറ്റോറിയത്തില്‍ വച്ച് നടന്നു. ഡല്‍ഹിയിലെ മലയാള സാമുദായിക സംഘടനാ ഭാരവാഹികളെ പരിപാടിയിൽ ആദരിച്ചു.
ഒപ്പം ഡല്‍ഹിയിലെ വിവിധ കേരള സ്കൂളുകളില്‍ നിന്നും മലയാളത്തിന് ഏറ്റവും കൂടുതല്‍ മാര്‍ക്ക് വാങ്ങിയ കുട്ടിക്ക് (പ്രജിത്ത് - ആർകെ പുരം കേരള സ്കൂൾ) അകവൂര്‍ നാരായണന്‍ സ്മാരക മലയാള പഠന പുരസ്കാരം നൽകി.
ഗായത്രി കൂട്ടായ്മ അംഗങ്ങളുടെ കുട്ടികളില്‍ 10, 12 ക്ലാസുകളില്‍ ഏറ്റവും കൂടുതല്‍ മാര്‍ക്ക് വാങ്ങുന്ന കുട്ടികള്‍ക്കുള്ള വിനായക് മെമ്മോറിയൽ, വിഷ്ണു മെമ്മോറിയൽ അവാര്‍ഡുകളും കൊടുത്തു.
ഓണസദ്യയോടും ഒപ്പം കുട്ടികളുടെ കലാപരിപാടികളോടും കൂടി വൈകുന്നേരം നാലോടെ ആഘോഷം പര്യവസാനിച്ചു.
തന്ത്രിമുഖ്യന്‍ മുണ്ടക്കൊടി ഇല്ലത്ത് ബ്രഹ്‌മശ്രീ വിഷ്ണു നമ്പൂതിരിയുടെ സ്മരണാര്‍ഥം ഗായത്രി കൂട്ടായ്മ നല്കി വരുന്ന "ബ്രഹ്‌മശ്രീ മുണ്ടക്കൊടി ഇല്ലത്ത് വിഷ്ണു നമ്പൂതിരി സ്മാരക പുരസ്കാരം' തൃശൂര്‍ നാമംഗലത്ത് മന പരമേശ്വരന്‍റെയും ജിഷയുടെയും മകള്‍ വന്ദന ഏറ്റുവാങ്ങുന്നു.
ഏതെങ്കിലും പ്രത്യേക വിഭാഗത്തില്‍ ഉന്നത വിജയം കരസ്ഥമാക്കുന്ന ഗായത്രി കുടുംബത്തിലെ കുട്ടികള്‍ക്കാണ് ഈ പുരസ്കാരം സമ്മാനിക്കുന്നത്. കാഷ് അവാര്‍ഡും ഫലകവും ആണ് ആദരവായി നൽകുന്നത്.
ഗായത്രി അധ്യക്ഷന്‍ പി.എന്‍. സതീശനും മുഖ്യ കാര്യദര്‍ശി പി.എന്‍. വെങ്കിടേശ്വരനും പരേതന്‍റെ മകന്‍ എം.വി. രാമന്‍ നമ്പൂതിരിയുടെ സാന്നിധ്യ-ത്തിലായിരുന്നു ഉപഹാരം സമര്‍പ്പിച്ചത്.
Pravasi India – Delhi
ന്യൂഡൽഹി: ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് പള്ളി ഇടവക ദിനാഘോഷം സെന്റ് സ്റ്റീഫൻസ് കോളജ് പ്രിൻസിപ്പാൾ പ്രഫ. സൂസൻ ഏലിയാസ് ഭദ്രദീപം തെളിച്ച് ഉദ്ഘാടനം ചെയ്തു.
വികാരി റവ. ഫാ. ജോയ്സൺ തോമസ്, സി.ഐ. ഐപ്പ്, സാബു എബ്രഹാം, ഷാജി ജോർജ്, ഷാജി ഫിലിപ്പ് കടവിൽ, ചെറിയാൻ ബേബി എന്നിവർ പങ്കെടുത്തു.
Pravasi India – Delhi
ന്യൂഡൽഹി: കരോൾബാഗ് സെന്റ് അഗസ്റ്റിൻസ് ഫൊറോന ദേവാലയത്തിൽ ഇടവക മധ്യസ്ഥനായ വിശുദ്ധ ആഗസ്തീനോസിന്‍റെ തിരുനാൾ ആഘോഷങ്ങൾക്ക് തുടക്കമാകുന്നു.
വെള്ളിയാഴ്ച വൈകുന്നേരം ആറിന് കൊടിയേറ്റത്തോടെയാണ് തിരുനാൾ ചടങ്ങുകൾക്ക് ആരംഭം കുറിച്ചത്.
പ്രധാന തിരുനാൾ ദിനമായ ഞായറാഴ്ച വൈകുന്നേരം നാലിന് ആഘോഷകരമായ തിരുനാൾ കുർബാന നടക്കും. തുടർന്ന് ആറിന് ഭക്തിനിർഭരമായ തിരുനാൾ പ്രദക്ഷിണവും ഉണ്ടായിരിക്കും.
രാത്രി 7.30 മുതൽ ഇടവകയിലെ കുട്ടികളുടെ മാർഗംകളിയുടെ അരങ്ങേറ്റവും ഗാനമേളയും പ്രധാന ആകർഷണമായിരിക്കും. പരിപാടികൾക്ക് ശേഷം സ്നേഹവിരുന്നോടെ തിരുനാൾ ചടങ്ങുകൾ സമാപിക്കും.
തിരുനാൾ കർമങ്ങളിൽ പങ്കുചേർന്ന് അനുഗ്രഹം പ്രാപിക്കാൻ എല്ലാ വിശ്വാസികളെയും ക്ഷണിക്കുന്നതായി ഇടവക അധികൃതർ അറിയിച്ചു.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ മയൂർ വിഹാർ ഫേസ്-വൺ ഏരിയയുടെ ഓണാഘോഷം മയൂർ വിഹാർ ഫേസ് വണിലെ ഉത്തര ഗുരുവായൂരപ്പൻ ക്ഷേത്രാങ്കണത്തിലെ കാർത്യായനി ഓഡിറ്റോറിയത്തിൽ അരങ്ങേറി.
ഏരിയ ചെയർമാൻ ആർ.കെ. മേനോൻ അധ്യക്ഷത വഹിച്ച സാംസ്കാരിക സമ്മേളനം മീരാ രവീന്ദ്രന്‍റെ പ്രാർഥനാ ഗീതാലാപനത്തോടെ ആരംഭിച്ചു. ജനറൽ സെക്രട്ടറി ടോണി കണ്ണമ്പുഴ ചടങ്ങുകൾ നിലവിളക്കു കൊളുത്തി ഉദ്ഘാടനം ചെയ്തു.
അഡീഷണൽ ജനറൽ സെക്രട്ടറി പി.എൻ. ഷാജി, ഡിനിപ് കെയർ ജനറൽ സെക്രട്ടറി കെ.വി. ഹംസ, സെന്റ് ജോൺസ് ഓർത്തഡോക്സ് ചർച്ച് വികാരി റവ.ഫാ. ജേക്കബ് ജോർജ്, കേരള ആയുർവേദ ലൈഫ് മാനേജിംഗ് ഡയറക്ടർ ഡൊമിനിക് ജോസഫ്, ഏരിയ സെക്രട്ടറി വി. രഘുനാഥൻ, ട്രഷറർ സുനിൽ തോമസ്, വനിതാ വിഭാഗം കൺവീനർ ശ്രീരേഖ പ്രിൻസ്, ഓണാഘോഷ കൺവീനർ എം.കെ. മധു തുടങ്ങിയവർ പ്രസംഗിച്ചു.
പ്രദീപ് സദാനന്ദനായിരുന്നു അവതാരകൻ. ചടങ്ങിൽ കേന്ദ്രക്കമ്മിറ്റി നടത്തിയ പൂക്കള മത്സരത്തിലും രണ്ടാം സമ്മാനാർഹമായ തിരുവാതിരകളി മത്സരത്തിലും പങ്കെടുത്ത അംഗങ്ങളെയും ആദരിച്ചു.
തുടർന്ന് വാണി ജീവൻദാസ്, വിധുബാലാ രാജീവ് എന്നിവർ അവതരിപ്പിച്ച ഗണേശ സ്തുതിയോടെ കലാപരിപാടികൾ ആരംഭിച്ചു.
Pravasi India – Delhi
ന്യൂഡൽഹി: ശ്രീനാരായണ ഗുരുദേവന്‍റെ ദർശനങ്ങളും അദ്ദേഹം മാനവ രാശിക്കു നൽകിയ സന്ദേശങ്ങളും പുതുതലമുറയ്ക്ക് അനിവാര്യമാണെന്നും അവ പ്രാബല്യത്തിൽ വരുത്തി ജീവിതം അർഥപൂർണമാക്കണമെന്നും മെഹ്റോളി എംഎൽഎ ഗജേന്ദ്ര യാദവ്.
എസ്എൻഡിപി യോഗം ഡൽഹി യൂണിയൻ മെഹ്റോളി ശാഖയുടെ ശ്രീനാരായണ ഗുരുദേവ ജയന്തി ആഘോഷങ്ങളിൽ മുഖ്യാതിഥിയായി പങ്കെടുത്തുകൊണ്ട് സംസാരിക്കുകയായിരുന്നു അദ്ദേഹം.
മാൾവിയ നഗറിലെ പിടിഎസ് പൊലിസ് കോളനിയിലുള്ള മംഗൾ സദനിലായിരുന്നു ആഘോഷ പരിപാടികൾക്കായി വേദി ഒരുക്കിയത്. ഏരിയ വനിതാ സംഘത്തിന്‍റെ സഹകരണത്തോടെയാണ് ചടങ്ങുകൾ അരങ്ങേറിയത്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ മെഹ്റോളി ഏരിയയുടെ ഓണാഘോഷ പരിപാടികൾ മെഹ്റോളി ബസ് ടെർമിനലിനു സമീപമുള്ള എംസിഡി കമ്യൂണിറ്റി ഹാളിൽ അരങ്ങേറി.
ഏരിയ ചെയർമാൻ കെപിഎച്ച് ആചാരി അധ്യക്ഷത വഹിച്ച സാംസ്കാരിക സമ്മേളനം അക്ഷിത കുമാർ, അൽകാ ജേക്കബ്, അരുന്ധതി മണികണ്ഠൻ എന്നിവർ ആലപിച്ച പ്രാർഥനാ ഗീതത്തോടെയാണ് ആരംഭിച്ചത്.
മെഹ്റോളി എംഎൽഎ ഗജേന്ദ്ര യാദവ് മുഖ്യാതിഥിയായിരുന്നു. സിബിസിഐ ഡെപ്യൂട്ടി സെക്രട്ടറി ജനറൽ റവ ഫാ ഡോ മാത്യു കോയിക്കൽ, ഡിഎംഎ വൈസ് പ്രസിഡന്റ് കെ.ജി. രഘുനാഥൻ നായർ, അഡീഷണൽ ജനറൽ സെക്രട്ടറി പി.എൻ. ഷാജി, ചീഫ് ട്രെഷറർ മാത്യു ജോസ്, ഏരിയ വൈസ് ചെയർമാൻ എസ്. പദ്മകുമാർ, സെക്രട്ടറി സുജാ രാജേന്ദ്രൻ, വനിതാ വിഭാഗം കൺവീനർ മിനി മോഹനചന്ദ്രൻ, പൂക്കളം കൺവീനറും ഇന്റേണൽ ഓഡിറ്ററുമായ എം.ആർ. രജീഷ്, കൾച്ചറൽ കമ്മറ്റി കൺവീനറും യൂത്ത് വിംഗ് കൺവീനറുമായ ആഷിഷ് സന്തോഷ് തുടങ്ങിയവർ പ്രസംഗിച്ചു.
അപർണ സത്യനാരായണൻ, ബിന്ദു സരസ്വതി എന്നിവർ അവതാരകരായിരുന്നു.
Pravasi India – Delhi
ന്യൂഡൽഹി: ഡൽഹിയിലെ ചക്കുളത്തമ്മ പൊങ്കാല മഹോത്സവം ഒക്ടോബർ 31, നവംബർ ഒന്ന് തീയതികളിൽ മയൂർ വിഹാർ ഫേസ് ത്രീയിലെ എ-വൺ പാർക്കിൽ അരങ്ങേറും. ചക്കുളത്തുകാവ് ക്ഷേത്ര മുഖ്യ കാര്യദർശി രാധാകൃഷ്ണൻ നമ്പൂതിരി ചടങ്ങുകൾക്ക് മുഖ്യ കാർമികത്വം വഹിക്കും.
ഒക്ടോബർ 31ന് രാവിലെ 5.30ന് ഗണപതി ഹോമത്തോടെ ചടങ്ങുകൾ ആരംഭിക്കും. വൈകുന്നേരം ആറിന് ദീപാരാധന, ശനിദോഷ നിവാരണ പൂജ, ആത്മീയ പ്രഭാഷണം, ലഘു ഭക്ഷണം തുടങ്ങിയവയാണ് പ്രധാന പരിപാടികൾ.
നവംബർ ഒന്നിന് രാവിലെ 5.30ന് മഹാഗണപതി ഹോമത്തോടെ ചടങ്ങുകൾ ആരംഭിക്കും. തുടർന്ന് പൊങ്കാലയോടനുബന്ധിച്ചുള്ള വിശേഷാൽ പൂജകൾ, ഭദ്രദീപം തെളിയിക്കൽ, സാമൂഹിക സാംസ്കാരിക രംഗത്തെ പ്രമുഖർ പങ്കെടുക്കുന്ന സാംസ്കാരിക സമ്മേളനം, ചക്കുളം കാവിലെ പ്രശസ്തമായ വിളിച്ചു ചൊല്ലി പ്രാർഥന.
തുടർന്ന് 9:30നു പണ്ടാര അടുപ്പിൽ അഗ്നി ജ്വലിപ്പിക്കും. മഹാ കലശാഭിഷേകം, വിദ്യാകലശം എന്നിവയും അരങ്ങേറും. തുടർന്ന് തിളച്ചു തൂവിയ പൊങ്കാലക്കലങ്ങളിൽ തീർത്ഥം തളിക്കൽ, ഉച്ച ദീപാരാധന, അന്നദാനം എന്നിവയുമുണ്ടാകും.
കൂടുതൽ വിവരങ്ങൾക്ക്: 8130595922, 9810477949, 9650699114.
Pravasi India – Delhi
ന്യൂഡൽഹി: ഫരിദാബാദ് അതിരൂപത കാറ്റകിസം ഡിപ്പാർട്മെന്‍റിന്‍റെ നേതൃത്വത്തിൽ സെന്റ് ഫ്രാൻസിസ് അസിസി ചർച്ച് ദിൽഷാദ് ഗാർഡനിൽ എട്ടാം ക്ലാസിലെ വിദ്യാർഥികൾക്ക് വേണ്ടി നടത്തപ്പെട്ട "എലൈവ്: എ ഡേ വിത്ത്‌ ദ ആർച്ച്ബിഷപ്' എന്ന പരിപാടി ഫരിദാബാദ് അതിരൂപത അധ്യക്ഷൻ ആർച്ച്ബിഷപ് കുര്യാക്കോസ് ഭരണികുളങ്ങര തിരിതെളിച്ച് ഉദ്ഘാടനം ചെയ്തു.
ദിൽഷാദ് ഗാർഡൻ ഇടവക വികാരി ഫാ. എബ്രഹാം ചെമ്പൊട്ടിക്കൽ, കാറ്റകിസം ഡയറക്ടർ ഫാ. ജിന്‍റോ റ്റോം, ഫാ. ഫ്രിജോ തറയിൽ എന്നിവർ പങ്കെടുത്തു.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷന്‍റെ ബാനറിൽ ഒക്ടോബർ 10, 11 തീയതികളിൽ സംഘടിപ്പിക്കുന്ന ഫുട്ബോൾ മത്സരത്തിന്‍റെ ലോഗോ പ്രകാശനം ചെയ്തു.
വസുന്ധര എൻക്ലേവിലെ മഹാരാജ അഗ്രസെൻ കോളജ് ഓഡിറ്റോറിയത്തിൽ നടന്ന ഓണാഘോഷ പരിപാടികളിൽ സിനിമാ താരം ടിനി ടോമാണ് ലോഗോ പ്രകാശനം ചെയ്തത്.
യുവജനങ്ങൾക്ക് മുൻഗണന നൽകിക്കൊണ്ടുള്ള ഫുട്ബോൾ മത്സരത്തിൽ എട്ട് ഡിഎംഎ ടീമുകളും ഡിഎംഎക്കു പുറമേയുള്ള എട്ട് ടീമുകളും അണിനിരക്കും. ജേതാക്കൾക്ക് ഒരു ലക്ഷം രൂപ സമ്മാനമായി ലഭിക്കും.
റണ്ണർ അപ്പിന് 50,000 രൂപയും സെക്കൻഡ് റണ്ണർ അപ്പിന് 25,000 രൂപയും ലഭിക്കും. കൂടാതെ നല്ല കളിക്കാരൻ, കൂടുതൽ ഗോൾ നേടുന്ന വ്യക്തി, നല്ല ഗോൾ കീപ്പർ എന്നിവർക്ക് പ്രത്യേകം സമ്മാനങ്ങളും ഉണ്ടാവും.
മത്സരത്തിന്‍റെ സുഗമമായ നടത്തിപ്പിനായി വൈസ് പ്രസിഡന്റ് കെ.ജി. രഘുനാഥൻ നായർ കൺവീനറായി 12 അംഗ കമ്മിറ്റിയും രൂപീകരിച്ചു.
ജോയിന്റ് കൺവീനർമാരായി അഡീഷണൽ ട്രഷറർ മനോജ് പൈവള്ളിയും വിനയ് നഗർ-കിദ്വായി നഗർ ഏരിയ സെക്രട്ടറി നോവൽ ആർ. തങ്കപ്പനും ടെക്നിക്കൽ വിഭാഗം സഹായികളായി വികാസ് പുരി-ഹസ്താൽ ഏരിയയിലെ ഡോ അജിത്, രോഹിത് ആർ. നായർ എന്നിവരും തെരഞ്ഞെടുക്കപ്പെട്ടു.
മത്സരത്തോടനുബന്ധിച്ച് വൈസ് പ്രസിഡന്റ് കെ.വി. മണികണ്ഠൻ കൺവീനറായി ഒരു സൂവനീറും പ്രകാശനം ചെയ്യും. കൂടുതൽ വിവരങ്ങൾക്ക് 9810791770, 9818750868 എന്നീ നമ്പറുകളിൽ ബന്ധപ്പെടാവുന്നതാണെന്ന് ജനറൽ സെക്രട്ടറി ടോണി കണ്ണമ്പുഴ അറിയിച്ചു.
Pravasi India – Delhi
ന്യൂഡൽഹി: അഖില മലങ്കര ഓർത്തഡോക്സ് ശുശ്രൂഷക സംഘം (AMOSS) ഡൽഹി ഭദ്രാസനത്തിന്‍റെ ആഭിമുഖ്യത്തിൽ ഏകദിന സമ്മേളനം സംഘടിപ്പിച്ചു. രാവിലെ 6.30ന് പ്രഭാത പ്രാർഥനയോടെ സമ്മേളനത്തിന് തുടക്കമായി.
തുടർന്ന് വിശുദ്ധ കുർബാനയും ശേഷം രാവിലെ 10ന് ഉദ്ഘാടനം സമ്മേളനവും നടന്നു. സെന്റ് സ്റ്റീഫൻസ് ഓർത്തഡോക്സ് ചർച്ച് ദിൽഷാദ് ഗാർഡൻ വികാരി റവ. ഫാ. ജോയ്സൺ തോമസ് സ്വാഗതപ്രസംഗം നടത്തി.
ഡൽഹി ഭദ്രാസനാധിപൻ ഡോ. യോഹാനോൻ മാർ ദിമെത്രിയോസ് മെത്രാപ്പോലീത്ത ഉദ്ഘാടനം നിർവഹിച്ചു. രാവിലെ 10.30 മുതൽ 11.45 വരെ റവ. ഫാ. ജോൺ സാമുവൽ (മാർ കുര്യാക്കോസ് ആശ്രമം, മൈലപ്ര) വിഷയാവതരണം (തീയെല്ലോ ഈ മദ്‌ബഹാ, ഈ ബലിപീഠം തീയാകുന്നു) നടത്തി.
തുടർന്ന് ഉച്ചയ്ക്ക് 12 മുതൽ 12.30 വരെയും 1.30 മുതൽ 3.15 വരെയും റവ. ഫാ. ജോൺ സാമുവലിന്‍റെ നേതൃത്വത്തിൽ ഗാനശുശ്രൂഷ നടത്തി.
വൈകുന്നേരം 3.15 മുതൽ 3.50 വരെ ചോദ്യോത്തരവേള, റിപ്പോർട്ട് അവതരണം, ബിസിനസ് സെഷൻ, ഭാവി പ്രവർത്തനങ്ങളുടെ ആസൂത്രണം എന്നിവ ഉണ്ടായിരുന്നു.
തുടർന്ന് AMOSS ഡൽഹി ഭദ്രാസന സെക്രട്ടറി കുര്യാക്കോസ് ഫിലിപ്പ് നന്ദി രേഖപ്പെടുത്തി.
Pravasi India – Delhi
ന്യൂഡൽഹി: ബാലഗോകുലം ഡൽഹി ദക്ഷിണ മധ്യ മേഖലയിലെ രാധാമാധവം ബാലഗോകുലം വെള്ളിയാഴ്ച മഹാവീർ എൻക്ലേവ് ദ്വാരക അയ്യപ്പക്ഷേത്രത്തിൽ വച്ച് ഭജന ഉറിയടി, ഗോപികാനൃത്തം, പ്രഭാഷണം, ദിവസ പൂജ തുടങ്ങി പരിപാടികളോടെ ശ്രീകൃഷ്ണ ജന്മാഷ്ടമി ആഘോഷിച്ചു.
ആഘോഷത്തിന്‍റെ ഭാഗമായി ഡോ. ശിവപ്രസാദ്, സഹരക്ഷാധികാരി, ബാലഗോകുലം ഡൽഹി എൻസിആർ & ഡൽഹി യൂണിവേഴ്സിറ്റി മലയാള വിഭാഗം മേധാവി, ജന്മാഷ്ടമി സന്ദേശം നൽകി ശ്രീകൃഷ്ണ അവതാരം ജനനം മുതൽ മരണം വരെയുള്ള ഓരോ കാലഘട്ടവും ഒരാളുടെ ജീവിതത്തിന്‍റെ വ്യത്യസ്ത ഘട്ടങ്ങളുമായി താരതമ്യം ചെയ്ത് മുഖ്യ പ്രഭാഷണം നടത്തി.
കൃഷ്ണ - രാധാ വേഷമിട്ട കുഞ്ഞുങ്ങളുടെ നൃത്തത്തിന്‍റെ അകമ്പടിയോടെയുള്ള ശോഭ യാത്രയിലും തുടർന്ന് നടന്ന ആഘോഷ പരിപാടികളിലും 100 ലേറെ പേർ പങ്കെടുത്തുകൊണ്ട് ഈ വർഷത്തെ ജന്മാഷ്ടമി ആഘോഷം അവിസ്മരണീയമാക്കി.
ചടങ്ങുകൾക്ക് ആഘോഷ പ്രമുഖ് സി. രാമചന്ദ്രൻ നായർ, ബാലഗോകുലം അദ്യക്ഷ ലഞ്ചു വിനോദ്, കാര്യദർശി കെ.സി. സുശീൽ, ട്രഷറർ പി. വിപിൻദാസ്, ബാലമിത്രം സ്മിത അനീഷ്, ഭഗിനി പ്രമുഖ് ധന്യ വിപിൻ തുടങ്ങിയവർ നേതൃത്വം നൽകി.
അതിന് ശേഷം ജന്മാഷ്ടമി സദ്യയോടെ ചടങ്ങുകൾ സമാപിച്ചു.
Pravasi India – Delhi
ന്യൂഡൽഹി: അഖില മലങ്കര ഓർത്തഡോക്സ് ശുശ്രൂഷക സംഘത്തിന്‍റെ (AMOSS) ഡൽഹി ഭദ്രാസന ഏകദിന സമ്മേളനം വെള്ളിയാഴ്ച ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് പള്ളിയിൽ നടക്കും.
രാവിലെ 6.30ന് പ്രഭാത പ്രാർഥനയും വിശുദ്ധ കുർബ്ബാനയും തുടർന്ന് ഏകദിന സമ്മേളനവും നടക്കും. "തീയല്ലോ ഈ മദ്‌ബഹാ' (ഈ ബലിപീഠം തീയാകുന്നു) എന്ന വിഷയത്തെ ആസ്പദമാക്കി നടക്കുന്ന സമ്മേളനത്തിന് ഡോ. യൂഹാനോൻ മാർ ദിമെത്രിയോസ് മെത്രാപ്പോലീത്ത അധ്യക്ഷനാകും.
റവ.ഫാ. ജോൺ സാമുവൽ (മാർ കുര്യാക്കോസ് ആശ്രമം, മൈലപ്ര) മുഖ്യപ്രഭാഷണം നടത്തും. രാവിലെ ഒമ്പത് മുതൽ രജിസ്ട്രേഷൻ ആരംഭിക്കും. ഡൽഹി ഭദ്രാസനത്തിലെ എല്ലാ ശുശ്രൂഷകരും സമ്മേളനത്തിൽ പങ്കെടുക്കും.
Pravasi India – Delhi
ന്യൂഡൽഹി: ശ്രീനാരായണ ധർമ്മ പരിപാലന യോഗം ഡൽഹി യൂണിയന്‍റെ കീഴിലെ മയൂർ വിഹാർ ശാഖ നമ്പർ 4351-ന്റെ ആഭിമുഖ്യത്തിൽ 172-ാമത് ഗുരുദേവ ജയന്തി ആഘോഷിച്ചു. ഉത്തര ഗുരുവായൂരപ്പൻ ക്ഷേത്രാങ്കണത്തിലെ കാർത്യായനി ഓഡിറ്റോറിയമായിരുന്നു വേദി.
മയൂർ വിഹാർ ശാഖ പ്രസിഡന്റ് എസ്.കെ. കുട്ടി അധ്യക്ഷത വഹിച്ച സാംസ്കാരിക സമ്മേളനത്തിൽ എസ്എൻഡിപി യോഗം ഡൽഹി യൂണിയൻ പ്രസിഡന്റ് ടി.എസ്. അനിൽ ചടങ്ങുകൾ നിലവിളക്കു കൊളുത്തി ഉദ്ഘാടനം ചെയ്തു.
ഡൽഹി സർക്കാരിന്‍റെ അഡീഷണൽ പബ്ലിക് പ്രോസിക്യൂട്ടർ അഡ്വ. അരുൺ കുറുവത്ത് വേണുഗോപാൽ മുഖ്യ പ്രഭാഷണം നടത്തി. ഡൽഹി മലയാളി അസോസിയേഷൻ ജനറൽ സെക്രട്ടറി ടോണി കണ്ണമ്പുഴ, നായർ സർവീസ് സൊസൈറ്റി ജനറൽ സെക്രട്ടറി എം.ഡി. ജയപ്രകാശ്, ശാഖ സെക്രട്ടറി ലൈനാ അനിൽ, വൈസ് പ്രസിഡന്റ് കെ.കെ. ഭദ്രൻ, ശാഖ വനിതാ സംഘം പ്രസിഡന്റ് വാസന്തി ജനാർദ്ദനൻ തുടങ്ങിയവർ പ്രസംഗിച്ചു.
വിനി സൗരഭ് ആയിരുന്നു അവതാരക. തുടർന്ന് ബിജു ചെങ്ങന്നൂർ നയിച്ച നാദതരംഗിണി ഓർക്കസ്ട്ര, ഡൽഹിയുടെ ഗാനമേളയും അരങ്ങേറി. ചതയ സദ്യയോടുകൂടിയാണ് പരിപാടികൾ സമാപിച്ചത്.
Pravasi India – Delhi
ന്യൂഡൽഹി: ചക്കുളത്തമ്മ സഞ്ജീവനി ആശ്രമം ചാരിറ്റബിൾ ട്രസ്റ്റ് ഡൽഹിയുടെ പുതിയ ഭാരവാഹികളെ തെരഞ്ഞെടുത്തു.
പ്രസിഡന്റ് പി.എൻ. ഷാജി, വൈസ് പ്രസിഡന്റ് ആർ. രാജേഷ് കുമാർ, സെക്രട്ടറി ഡി. ജയകുമാർ, ജോയിന്റ് സെക്രട്ടറിമാർ എം.എൽ. ഭോജൻ, ലേഖ സോമൻ, ട്രഷറർ എ. മുരളീധരൻ, ജോയിന്റ് ട്രഷറർ വി. രഘുനാഥൻ, ഇന്റേണൽ ഓഡിറ്റർ കെ. ഗോപാലൻ കുട്ടി എന്നിവരാണ് തെരഞ്ഞെടുക്കപ്പെട്ടത്.
നിർവാഹക സമിതി അംഗങ്ങളായി സരസ്വതി നായർ, സുനിത റാവു, വസന്ത ദേവരാജൻ, ശ്യാം ജി. നായർ, ബി. ദേവരാജൻ, രമേശ് കോയിക്കൽ, എസ്. സുദേവൻ, കെ.ആർ. ആത്മാറാം, സി.എസ്. ഓമനക്കുട്ടൻ, എം.ജി. പ്രസാദ്, കെ.എ. കൃഷ്ണൻകുട്ടി, എം.എസ്. ഗോപിനാഥൻ എന്നിവരെയും തെരഞ്ഞെടുത്തു.
കൂടാതെ രക്ഷാധികാരിയായി സി. കേശവൻ കുട്ടിയെയും ഉപദേശക സമിതി അംഗങ്ങളായി ഇ.കെ. ശശിധരൻ, സി.എം. പിള്ള, കെ.കെ. ഭദ്രൻ എന്നിവരും തെരഞ്ഞെടുക്കപ്പെട്ടു.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ കരോൾ ബാഗ്-കൊണാട്ട് പ്ലേസ് ഏരിയയുടെ ഓണാഘോഷം ഞായറാഴ്ച കാനിംഗ് റോഡ് കേരള സ്കൂളിൽ ആഘോഷിക്കും. രാവിലെ 10ന് പരിപാടികൾ ആരംഭിക്കും.
11.30ന് നടക്കുന്ന സാംസ്കാരിക സമ്മേളനത്തിൽ ഡൽഹിയിലെ സാമൂഹിക സാംസ്കാരിക രംഗത്തെ പ്രമുഖ വ്യക്തികൾ പങ്കെടുക്കും. ചടങ്ങിൽ വിവിധ മേഖലകളിൽ കഴിവു തെളിയിച്ച വ്യക്തികളെ ആദരിക്കും.
തുടർന്ന് ഓണസദ്യയും വിവിധ കലാപരിപാടികളും അരങ്ങേറും. ഒരു ഓണസദ്യയുടെ നിരക്ക് 250/- രൂപയാണ്.
ഓണസദ്യയുടെ കൂപ്പണുകൾക്കും മറ്റു വിവരങ്ങൾക്കും 8920594150, 9811336514, 9958252932, 9999504048 എന്നീ നമ്പറുകളിൽ ബന്ധപ്പെടാവുന്നതാണ്.
Pravasi India – Delhi
ന്യൂഡൽഹി: പൂവിളികളുമായി ഡൽഹി മലയാളി അസോസിയേഷന്‍റെ ചിങ്ങനിലാവ് ഈസ്റ്റ് ഡൽഹി വസുന്ധര എൻക്ലേവിലെ മഹാരാജാ അഗ്രസെൻ കോളജ് ഓഡിറ്റോറിയത്തിൽ അരങ്ങേറി. സിനിമാ താരങ്ങളായ ടിനി ടോം, സുചിത്ര നായർ എന്നിവർ ചിങ്ങനിലാവിന് താരശോഭയേകി.
ഡിഎംഎ പ്രസിഡന്റ് കെ. രഘുനാഥിന്‍റെ അധ്യക്ഷതയിൽ ചേർന്ന സാംസ്കാരിക സമ്മേളനം കുമാരി വീണാ എസ്. നായർ ആലപിച്ച പ്രാർഥനാ ഗീതത്തോടെയാണ് ആരംഭിച്ചത്.
വൈസ് പ്രസിഡന്റും ഓണാഘോഷ കമ്മിറ്റി ജനറൽ കൺവീനറുമായ കെ.വി. മണികണ്ഠൻ, ജനറൽ സെക്രട്ടറി ടോണി കണ്ണമ്പുഴ, വൈസ് പ്രസിഡന്റും തിരുവാതിരകളി മത്സരം കൺവീനറുമായ കെ.ജി. രഘുനാഥൻ നായർ, അഡീഷണൽ ജനറൽ സെക്രട്ടറിയും പൂക്കള മത്സരത്തിന്‍റെയും ത്രൈമാസികയുടെയും കൺവീനർ പി.എൻ. ഷാജി, അഡീഷണൽ ട്രഷററും ജോയിന്റ് കൾച്ചറൽ കൺവീനറുമായ മനോജ് പൈവള്ളിൽ, ചീഫ് ഇന്റേണൽ ഓഡിറ്റർ കെ.വി. ബാബു, അഡീഷണൽ ഇന്റേണൽ ഓഡിറ്റർ ലീനാ രമണൻ, കൾച്ചറൽ പ്രോഗ്രാം കൺവീനറും ഡിഎംഎ പശ്ചിമ വിഹാർ ഏരിയ സെക്രട്ടറിയുമായ ജെ. സോമനാഥൻ തുടങ്ങിയവർ പങ്കെടുത്തു.
പ്രദീപ് സദാനന്ദനും എൻ. നിഷയുമായിരുന്നു അവതാരകർ. ചടങ്ങിൽ 14-ാമത് ലക്കം ഡിഎംഎ ത്രൈമാസിക ഓണം വിശേഷാൽപ്പതിപ്പിന്‍റെ പ്രകാശനവും ടിനി ടോം നിർവഹിച്ചു.
ആർകെ പുരം ഏരിയയിലെ ശിശിർ ജയനന്ദൻ (കൊമേഴ്‌സ്), ദ്വാരക ഏരിയയിലെ ആദി ഗൗരി (ഹ്യൂമാനിറ്റീസ്) ദിൽഷാദ് കോളനി ഏരിയയിലെ രതിൻ രാജൻ (സയൻസ്) എന്നിവർക്ക് ഡിഎംഎ - സലിൽ ശിവദാസ് എഡ്യൂക്കേഷൻ എക്സലൻസ് അവാർഡുകളും മായാപുരി-ഹരിനഗർ ഏരിയയിലെ അലീനാ വിനു (എഐ), ആർകെ പുരം ഏരിയയിലെ നിരഞ്ജനാ നടരാജ്‌ (സൈക്കോളജി), മെഹ്റോളി ഏരിയയിലെ ഷെറിൽ ഷാജി, വിശാൽ സോമൻ (ഇംഗ്ലീഷ്), ദിൽഷാദ് കോളനി ഏരിയയിലെ ജോയൽ തോമസ്, മയൂർ വിഹാർ ഫേസ്3 ഗാസിപ്പുർ ഏരിയയിലെ ആൻ മരിയ ടോം (കെമിസ്ട്രി) എന്നിവർക്ക് ഡിഎംഎ - പണിക്കേഴ്‌സ് ട്രാവൽ സബ്ജക്ട് മാസ്റ്ററി അവാർഡുകളും ചടങ്ങിൽ സമ്മാനിച്ചു.
ഓണാഘോഷങ്ങളോടനുബന്ധിച്ചു ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ ഒരുക്കിയ പൂക്കള മത്സരത്തിലെയും തിരുവാതിരകളി മത്സരത്തിലേയും വിജയികൾക്ക് കാഷ് അവാർഡുകളും ട്രോഫികളും സമ്മാനിച്ചു.
തുടർന്ന് ഡോ. നിഷാ റാണിയുടെ നൃത്ത സംവിധാനത്തിൽ രംഗപൂജയോടെ കലാപരിപാടികൾ ആരംഭിച്ചു. തിരുവാതിരകളി മത്സരത്തിൽ ഒന്നാം സമ്മാനാർഹരായ ദ്വാരക ഏരിയ തിരുവാതിരകളി അവതരിപ്പിച്ചു.
അംബേദ്കർ നഗർ-പുഷ്പ് വിഹാർ, ആശ്രം-ശ്രീനിവാസ്പുരി, മെഹ്റോളി, മയൂർ വിഹാർ ഫേസ്-1, മയൂർ വിഹാർ ഫേസ്-2, മയൂർ വിഹാർ ഫേസ് 3-ഗാസിപ്പുർ, ആർ കെ പുരം, സൗത്ത് നികേതൻ, വസുന്ധര എൻക്ലേവ്, വികാസ്പുരി-ഹസ്താൽ, വിനയ്നഗർ-കിദ്വായ് നഗർ എന്നീ ഏരിയകളിൽനിന്നുള്ള ഇരുന്നൂറിൽപ്പരം കലാകാരന്മാർ അവതരിപ്പിച്ച കലാപരിപാടികൾ ചിങ്ങനിലാവിന് ചാരുതയേകി.
ഡൽഹിയിലെ സാമൂഹിക സാംസ്കാരിക രംഗത്തെ പ്രമുഖരും ചടങ്ങിൽ പങ്കെടുത്തു. അത്താഴ വിരുന്നോടുകൂടിയാണ് പരിപാടികൾ സമാപിച്ചത്.
Pravasi India – Delhi
ന്യൂഡൽഹി: ചാവറ കൾച്ചറൽ സെന്റർ ഡൽഹിയുടെ നേതൃത്വത്തിൽ സംഘടിപ്പിച്ച ഓണം മൈത്രി 2026 സാംസ്കാരിക കൂട്ടതുമായ മതസൗഹാർദ്ദത്തിന്‍റെ വേറിട്ട മാതൃകയായി. ഒമ്പത് മതങ്ങളെ പ്രതിനിധീകരിച്ച ആത്മീയ നേതാക്കൾ, മുതിർന്ന സർക്കാർ ഉദ്യോഗസ്ഥർ തുടങ്ങിയവർ ഒരുമിച്ച ചടങ്ങിൽ മുൻ നയതന്ത്രജ്ഞരായ ടി.പി. ശ്രീനിവാസൻ, വേണു രാജാമണി എന്നിവർ ഓണസന്ദേശം നൽകി.
സിബിസിഐ ഡെപ്യൂട്ടി സെക്രട്ടറി ജനറൽ ഫാ.ഡോ. മാത്യു കോയിക്കൽ ആശീർവാദ പ്രസംഗം നടത്തി. ഒമ്പത് മതങ്ങളുടെ ചിഹ്നങ്ങൾ ഉൾപ്പെടുത്തി ഒരുക്കിയ പ്രത്യേക ഹാർമണി പൂക്കളത്തിൽ കൾച്ചറൽ സെൻട്രൽ ഡയറക്ടർ ഫാ.ഡോ. റോബി കണ്ണഞ്ചിറയുടെ നേതൃത്വത്തിൽ അതിഥികൾ പൂക്കൾ അർപ്പിച്ചു.
ജാതിമത ഭേദമന്യേ കുട്ടികളെ ഒരുമിച്ച് പഠിപ്പിക്കുകയും ഭക്ഷണം നൽകുകയും ചെയ്ത വിശുദ്ധ ചാവറയച്ചന്‍റെ ആശയങ്ങൾ മുൻനിർത്തി സംഘടിപ്പിച്ച കൂട്ടായ്മയിൽ സൗഹൃദത്തിന്‍റെ പ്രതീകമായി മുല്ലപ്പൂക്കൾ കെട്ടുന്ന ചടങ്ങും ഉൾപ്പെടുത്തി.തുടർന്ന് വിവിധ മതനേതാക്കളും വിദേശ നയതന്ത്രജ്ഞരും ഒരുമിച്ചൊരു മേശയിൽ ഓണസദ്യ വിളമ്പി.
Pravasi India – Delhi
ന്യൂഡൽഹി: ത്യാഗരാജ് സ്റ്റേഡിയത്തിൽ ഓഗസ്റ്റ് 20ന് നടന്ന ഡൽഹി സ്റ്റേറ്റ് തായ്ക്വോണ്ടോ ചാമ്പ്യൻഷിപ്പിൽ മികച്ച പ്രകടനം കാഴ്ചവച്ച് ദ്വാരക സെന്റ് ഗ്രിഗോറിയോസ് സ്കൂളിലെ എട്ടാം ക്ലാസ് വിദ്യാർഥി ഷോൺ മാത്യു വർഗീസ് വെങ്കല മെഡൽ നേടി.
സംസ്ഥാനതല മത്സരത്തിൽ പരിചയസമ്പന്നരായ താരങ്ങൾക്കൊപ്പം മത്സരിച്ച ഷോൺ ആത്മവിശ്വാസവും അച്ചടക്കവും സമചിത്തതയും പ്രകടിപ്പിച്ചാണ് നേട്ടം കൈവരിച്ചത്. സ്ഥിരമായ പരിശീലനവും കഠിനാധ്വാനവും ആത്മവിശ്വാസവും ഒത്തുചേർന്നാൽ മികച്ച നേട്ടങ്ങൾ കൈവരിക്കാനാകുമെന്നതിന്‍റെ തെളിവാണ് ഷോണിന്‍റെ ഈ വിജയം.
ഡൽഹി ജനക്പുരി മാർ ഗ്രിഗോറിയോസ് ഓർത്തഡോക്സ് ഇടവകാംഗങ്ങളായ സാജുവിന്‍റെയും സിന്ധുവിന്‍റെയും മകനാണ് ഷോൺ. പഠനത്തോടൊപ്പം തായ്ക്വോണ്ടോ പരിശീലനത്തിലും സജീവമായ ഷോണിന് മാതാപിതാക്കളുടെയും കുടുംബത്തിന്‍റെയും പ്രോത്സാഹനവും പിന്തുണയും വലിയ കരുത്താണ്.
സീനിയർ താരങ്ങൾക്കൊപ്പം സംസ്ഥാനതല മത്സരവേദിയിൽ ആത്മവിശ്വാസത്തോടെ മാറ്റുരച്ച് നേടിയ വെങ്കല മെഡൽ ഷോണിന്‍റെ കായികജീവിതത്തിലെ ശ്രദ്ധേയമായ നേട്ടമായി. ഭാവിയിൽ കൂടുതൽ ഉയരങ്ങളിലെത്താനുള്ള ആത്മവിശ്വാസത്തോടെയാണ് ഈ കൊച്ചുതാരം മുന്നേറുന്നത്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷന്‍റെ ആഭിമുഖ്യത്തിൽ ആർ കെ പുരത്തെ ഡിഎംഎ സാംസ്കാരിക സമുച്ചയത്തിൽ തിരുവാതിരകളി മത്സരം സംഘടിപ്പിച്ചു. ഡിഎംഎ പ്രസിഡന്റ് കെ. രഘുനാഥിന്‍റെ അധ്യക്ഷതയിൽ ചേർന്ന ഉദ്ഘാടന യോഗത്തിൽ പ്രമുഖ സംരംഭക രാധികാ രഘുനാഥ് ഭദ്രദീപം കൊളുത്തി ചടങ്ങുകൾ ഉദ്ഘാടനം ചെയ്തു.
ജനറൽ സെക്രട്ടറി ടോണി കണ്ണമ്പുഴ, ഓണാഘോഷ കമ്മിറ്റി ജനറൽ കൺവീനറും വൈസ് പ്രസിഡന്റുമായ കെ വി മണികണ്ഠൻ, വൈസ് പ്രസിഡന്റും തിരുവാതിരകളി മത്സരം കൺവീനറുമായ കെ ജി രഘുനാഥൻ നായർ, അഡീഷണൽ ജനറൽ സെക്രട്ടറി പി എൻ ഷാജി, ചീഫ് ട്രെഷറർ മാത്യു ജോസ്, അഡീഷണൽ ട്രഷറർ മനോജ് പൈവള്ളിൽ, ചീഫ് ഇന്റെർണൽ ഓഡിറ്റർ കെ വി ബാബു, അഡീഷണൽ ഇന്റർനാഷണൽ ഓഡിറ്റർ ലീനാ രമണൻ തുടങ്ങിയവർ സംസാരിച്ചു.
അംബേദ്കർ നഗർ പുഷ്പ് വിഹാർ, ആശ്രം ശ്രീനിവാസ്പുരി, ഛത്തർപൂർ, ദിൽഷാദ് കോളനി, ദ്വാരക, ജനക് പുരി, കാൽക്കാജി, ലജ്പത് നഗർ, മായാപുരി ഹരിനഗർ, മയൂർ വിഹാർ ഫേസ്1, മയൂർ വിഹാർ ഫേസ്2, മെഹ്റോളി, പാലം മംഗലാപുരി, ആർ കെ പുരം, വികാസ്പുരി ഹസ്താൽ, വിനയ് നഗർ കിദ്വായ് നഗർ തുടങ്ങിയ 16 ഏരിയകൾ മത്സരത്തിൽ പങ്കെടുത്തു.
ഡിഎംഎ ദ്വാരക ഏരിയ ഒന്നും ഡിഎംഎ മയൂർ വിഹാർ ഫേസ്1 രണ്ടും ഡിഎംഎ ദിൽഷാദ് കോളനി മൂന്നും സ്ഥാനങ്ങൾ കരസ്ഥമാക്കി.വിജയികൾക്ക് യഥാക്രമം 15,001/, 10,001/, 7,501/ രൂപയും ട്രോഫിയും ഓഗസ്റ്റ് 23 ഞായാറാഴ്ച വസുന്ധര എൻക്ലേവ് മഹാരാജ അഗ്രസെൻ കോളേജ് ഓഡിറ്റോറിയത്തിൽ നടക്കുന്ന ഓണാഘോഷ പരിപാടിയായ ’ചിങ്ങ നിലാവി’ൽ സമ്മാനിക്കും.
1. ഫോട്ടോ അടിക്കുറിപ്പ്:
ഡൽഹി മലയാളി അസോസിയേഷന്‍റെ ആഭിമുഖ്യത്തിൽ ആർ കെ പുരത്തെ ഡിഎംഎ സാംസ്കാരിക സമുച്ചയത്തിൽ സംഘടിപ്പിച്ച തിരുവാതിരകളി മത്സരം, പ്രമുഖ സംരംഭക ശ്രീമതി രാധികാ രഘുനാഥ് ഭദ്രദീപം കൊളുത്തി ഉദ്ഘാടനം ചെയ്യുന്നു. സമീപം (ഇടത്തു നിന്നും) ലീന രമണൻ, ടോണി കണ്ണമ്പുഴ, കെ വി ബാബു, കെ രഘുനാഥ്, മനോജ് പൈവള്ളി, കെ ജി രഘുനാഥൻ നായർ, കെ വി മണികണ്ഠൻ, മാത്യു ജോസ് തുടങ്ങിയവർ.
2. ഫോട്ടോ അടിക്കുറിപ്പ്:
ഡിഎംഎ തിരുവാതിരകളി മത്സരത്തിൽ ഒന്നാം സമ്മാനത്തിനർഹരായ ദ്വാരക ഏരിയ
3. ഫോട്ടോ അടിക്കുറിപ്പ്:
ഡിഎംഎ തിരുവാതിരകളി മത്സരത്തിൽ രണ്ടാം സമ്മാനത്തിനർഹരായ ഡിഎംഎ മയൂർ വിഹാർ ഫേസ്1 ഏരിയ
4. ഫോട്ടോ അടിക്കുറിപ്പ്:
ഡിഎംഎ തിരുവാതിരകളി മത്സരത്തിൽ മൂന്നാം സമ്മാനത്തിനർഹരായ ഡിഎംഎ ദിൽഷാദ് കോളനി ഏരിയ
Pravasi India – Delhi
++++++++++++++++++++++++++++++++ +++++++++++ m bv hg c
ഡൽഹി: ഗൃഹാതുരത്വമുണർത്തുന്ന ഓണപ്പൂക്കളങ്ങളുടെ വർണ വിസ്മയം ഡിഎംഎ വിവാ എഡ്യൂക്കേഷൻ പൂക്കളമത്സരം ആർ കെ പുരത്തെ ഡിഎംഎ സാംസ്കാരിക സമുച്ചയത്തിൽ അരങ്ങേറി. ഡിഎംഎ പ്രസിഡന്റ് കെ. രഘുനാഥിന്‍റെ അധ്യക്ഷതയിൽ ചേർന്ന ഉദ്ഘാടന യോഗത്തിൽ സാംസ്കാരിക മന്ത്രാലയം ഡയറക്ടർ അനീഷ് പി രാജൻ ഭദ്രദീപം കൊളുത്തി മത്സരം ഉദ്ഘാടനം ചെയ്തു.
ഡിഎംഎ ഉപദേശക സമിതി അംഗം ബാബു പണിക്കർ, ജനറൽ സെക്രട്ടറി ടോണി കണ്ണമ്പുഴ, ഓണാഘോഷ കമ്മിറ്റി ജനറൽ കൺവീനറും വൈസ് പ്രസിഡന്റുമായ കെ വി മണികണ്ഠൻ, പൂക്കളം കമ്മിറ്റി കൺവീനറും അഡീഷണൽ ജനറൽ സെക്രട്ടറിയുമായ പി എൻ ഷാജി, ജോയിന്റ് കൺവീനർ ഡി ജയകുമാർ, വൈസ് പ്രസിഡന്റ് കെ ജി രഘുനാഥൻ നായർ, ചീഫ് ട്രെഷറർ മാത്യു ജോസ്, അഡീഷണൽ ട്രെഷറർ മനോജ് പൈവള്ളിൽ, ചീഫ് ഇന്റെർണൽ ഓഡിറ്റർ കെ വി ബാബു, അഡീഷണൽ ഇന്റെർണൽ ഓഡിറ്റർ ലീനാ രമണൻ തുടങ്ങിയവർ സംസാരിച്ചു.
പട്ടേൽ നഗർ, ഉത്തം നഗർ നവാദ, ഛത്തർപൂർ, മയൂർ വിഹാർ ഫേസ്1, മയൂർ വിഹാർ ഫേസ്2, വിനയ് നഗർ കിദ്വായ് നഗർ, ദ്വാരക, സൗത്ത് നികേതൻ, അംബേദ്കർ നഗർ പുഷ്പ് വിഹാർ, മോത്തിനഗർ രമേശ് നഗർ, കരോൾ ബാഗ് കണാട്ട് പ്ലേസ്, ആശ്രം ശ്രീനിവാസ്പുരി, ജനക് പുരി, വസുന്ധര എൻക്ലേവ്, ദിൽഷാദ് കോളനി, വികാസ്പുരി ഹസ്താൽ, ആയാ നഗർ, ആർ കെ പുരം, ബദർപൂർ, കാൽക്കാജി എന്നീ ഡിഎംഎയുടെ 20 ഏരിയ ടീമുകൾ മത്സരത്തിൽ പങ്കെടുത്തു.
ആർ കെ പുരം ഏരിയ ഒന്നും, വികാസ്പുരിഹസ്താൽ ഏരിയ രണ്ടും, വസുന്ധര എൻക്ലേവ് ഏരിയ മൂന്നും സ്ഥാനങ്ങൾ കരസ്ഥമാക്കി. സമ്മാനാർഹർക്ക് യഥാക്രമം 20,001/, 15,001/, 10,001/ രൂപയും ട്രോഫിയും ആഗസ്റ്റ് 23ന് വസുന്ധര എൻക്ലേവ് മഹാരാജ അഗ്രസെൻ കോളേജ് ഓഡിറ്റോറിയത്തിൽ നടക്കുന്ന ഓണാഘോഷ പരിപാടിയായ ’ചിങ്ങ നിലാവി’ൽ സമ്മാനിക്കും. കൂടാതെ മത്സരത്തിൽ പങ്കെടുത്ത സമ്മാനാർഹരാവാത്ത ടീമുകൾക്ക് 3,000/ രൂപ വീതം പ്രോത്സാഹന സമ്മാനമായും നൽകും.
Pravasi India – Delhi
ന്യൂഡൽഹി: ഡിഎംഎ മെഹ്റോളി ഏരിയ എൺപതാം സ്വാതന്ത്ര്യ ദിനാഘോഷം ഡിഎംഎയുടെ മെഹ്റോളി ഏരിയ ഓഫീസ് അങ്കണത്തിൽ നടത്തി.
വൈസ് ചെയർമാൻ എസ് പദ്മകുമാർ ത്രിവർണ പതാക ഉയർത്തി. ആഘോഷത്തോടനുബന്ധിച്ചു നടന്ന ചടങ്ങിൽ സെക്രട്ടറി സുജ രാജേന്ദ്രൻ, ജോയിന്റ് സെക്രട്ടറി മോഹനചന്ദ്രൻ പിള്ള, ഇന്റേണൽ ഓഡിറ്റർ രജീഷ് എം ആർ, വനിതാ വിഭാഗം കൺവീനർ മിനി മോഹനചന്ദ്രൻ, യുവജന വിഭാഗം കൺവീനർ ആഷിഷ് സന്തോഷ് എന്നിവർ ആശംസകൾ നേർന്നുകൊണ്ട് സംസാരിച്ചു. യോഗത്തിൽ നിർവാഹക സമിതി അംഗങ്ങളായ മിനി സുദർശൻ, എൻ രാജേന്ദ്രൻ, മിഥുൻ കാർത്തികേയൻ, ശ്രീലക്ഷ്മി മോഹൻ എന്നിവരും പങ്കെടുത്തു.
Pravasi India – Delhi
മഹാവിർ എൻക്ലേവ്: രാധാമാധവം ബാലഗോകുലം 16ബി പിങ്ക് അപാർട്മെന്‍റ് ദ്വാരക സെക്ടർ 1എ ലെ സുശീൽ - ഷാലി ദമ്പതിമാരുടെ വീട്ടിൽ വച്ച് ഗുരുപൂർണിമയും സ്വാതന്ത്ര്യദിനവും ആഘോഷിച്ചു.
ആഘോഷത്തിന്‍റെ ഭാഗമായി നടത്തിയ ഗുരുപൂജയിൽ വി.എം. മധുസൂതനൻ മാരാർ (പൂർവ സൈനികൻ, ക്ഷേത്രവാദ്യ കലാകാരൻ, കഥാകാരൻ) ഗുരുസ്ഥാനീയനായി പങ്കെടുത്തു. ബാലഗോകുലം സെക്രട്ടറി സുശീൽ കെ.സി. സ്വാഗതം ആശംസിച്ചുകൊണ്ട് ചടങ്ങുകൾ ആരംഭിച്ചു.
ഭാരതീയ സംസ്കാരത്തിൽ/ജീവിതത്തിൽ ഗുരുവിന്‍റെ പ്രാധാന്യത്തെക്കുറിച്ച്, അതായത് നമ്മെ സന്മാർഗത്തിലേക്ക് നയിച്ച ഗുരുക്കന്മാരോടുള്ള സ്നേഹവും നന്ദിയും പ്രകടിപ്പിക്കുന്ന ചടങ്ങാണ് ഗുരുപൂജ.
Pravasi India – Delhi
ന്യൂഡൽഹി: ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് ഇടവകയിൽ ഇന്ത്യൻ സ്വാതന്ത്ര്യദിനം ആഘോഷിച്ചു. ആഘോത്തോടനുബന്ധിച്ച് സ്വാതന്ത്ര്യസമര സേനാനികളുടെ ത്യാഗങ്ങളെ അനുസ്മരിച്ചു.
ഓർത്തഡോക്സ് സഭ ഡൽഹി ഭദ്രാസന സെക്രട്ടറി റവ.ഫാ. സജി എബ്രഹാം സ്വാതന്ത്ര്യദിന പതാക ഉയർത്തി.
Pravasi India – Delhi
ന്യൂഡൽഹി: ദിൽഷാദ് ഗാർഡൻ സെന്റ് സ്റ്റീഫൻസ് ഓർത്തഡോക്സ് ഇടവകയിൽ 80-ാം സ്വാതന്ത്ര്യദിനത്തോടനുബന്ധിച്ച് ഇടവക യുവജന പ്രസ്ഥാനത്തിന്‍റെ നേതൃത്വത്തിൽ ഫാൻസി ഡ്രസ് പരിപാടി സംഘടിപ്പിച്ചു.
സ്വാതന്ത്ര്യസമര സേനാനികളുടെ ത്യാഗങ്ങളെ അനുസ്മരിക്കുകയും രാജ്യത്തിന്‍റെ ഐക്യവും ദേശസ്‌നേഹവും ഉയർത്തിപ്പിടിക്കുകയും ചെയ്ത മഹത് വ്യക്തികളുടെ വേഷമണിഞ്ഞ് കൊച്ചുകുട്ടികൾ പരിപാടിയിൽ പങ്കെടുത്തു.
മലങ്കര ഓർത്തഡോക്സ് സഭ ഡൽഹി ഭദ്രാസന സെക്രട്ടറി റവ. ഫാ. സജി എബ്രഹാമിനോടൊപ്പം കുട്ടികൾ അണിനിരന്നു. ബിബിൻ സണ്ണി, സി.ഐ. ഐപ്പ്, സാബു എബ്രഹാം, സിബി രാജൻ എന്നിവർ പങ്കെടുത്തു.
Pravasi India – Delhi
ന്യൂഡൽഹി: ജ്വാല നഗർ സെന്റ് ജോൺസ് അക്കാദമിയുടെ നേതൃത്വത്തിൽ രാജ്യത്തിന്‍റെ 80-ാമത് സ്വാതന്ത്ര്യദിനാഘോഷം അക്കാദമി അങ്കണത്തിൽ നടന്നു. സ്വാതന്ത്ര്യസമര സേനാനികളുടെ ത്യാഗങ്ങളെ അനുസ്മരിക്കുകയും രാജ്യത്തിന്‍റെ ഐക്യവും ദേശസ്‌നേഹവും ഉയർത്തിപ്പിടിക്കുകയും ചെയ്യുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
ആനന്ദ് വിഹാർ പോലീസ് സ്റ്റേഷനിലെ എസ്എച്ച്ഒ മനീഷ് കുമാർ മുഖ്യാതിഥിയായി ദേശീയപതാക ഉയർത്തി. രാജ്യത്തിന്‍റെ സ്വാതന്ത്ര്യത്തിനായി പോരാടിയ ധീരരെ അനുസ്മരിച്ച് ദേശീയ ഐക്യത്തിന്റെയും ദേശസ്‌നേഹത്തിന്‍റെയും സന്ദേശം പകരുന്ന വിവിധ പരിപാടികളും ചടങ്ങിന്‍റെ ഭാഗമായി നടന്നു.
അക്കാദമി പ്രിൻസിപ്പൽ റവ.ഫാ. ടി.ആർ. ബിബിൻ, മാനേജർ റവ.ഫാ. ജോൺ സിറിൽ, അസിസ്റ്റന്‍റ് മാനേജർ റവ.ഫാ. ജോൺ ജോയ്, ഹെഡ്മിസ്ട്രസ് റവ. സിസ്റ്റർ നവീന ജോസഫ്, റവ. സിസ്റ്റർ സരള ബർല സിംഗ് എന്നിവർ ചടങ്ങിൽ സന്നിഹിതരായിരുന്നു.
Pravasi India – Delhi
ന്യൂഡൽഹി: ഡൽഹിയിലെ പ്രവാസികളായ മലയാളികൾക്കായി ഓണാഘോഷങ്ങൾ കൂടുതൽ മിഴിവുറ്റതാക്കാൻ ഡൽഹി മലയാളി അസോസിയേഷന്‍റെ (ഡിഎംഎ) സ്ത്രീശാക്തീകരണ വിഭാഗത്തിന്‍റെ നേതൃത്വത്തിൽ പ്രത്യേക ഓണച്ചന്ത ഒരുങ്ങുന്നു.
നാട്ടിൽ നിന്ന് പ്രത്യേകമായി എത്തിച്ച പലചരക്കു സാധനങ്ങൾ, പച്ചക്കറികൾ, പഴവർഗങ്ങൾ എന്നിവയ്ക്കു പുറമെ, ഓണപ്പുടവകളായ കസവു സാരികൾ, സെറ്റുസാരികൾ, സിൽക്ക് സാരികൾ, കുട്ടികൾക്കായുള്ള മുണ്ടുകളും ഷർട്ടുകളും ആർട്ടിഫിഷ്യൽ ആഭരണങ്ങൾ എന്നിവയും ഓണച്ചന്തയിൽ ലഭ്യമാണ്.
തീയതി ഓഗസ്റ്റ് 15, 16, സമയം: രാവിലെ 10 മുതൽ രാത്രി എട്ട് വരെ. സ്ഥലം: ഡിഎംഎ സമുച്ചയം.
കൂടുതൽ വിവരങ്ങൾക്ക്: 9910173393, 9810791770.
Pravasi India – Delhi
ന്യൂഡൽഹി: കേരളത്തിന്‍റെ രുചിക്കൂട്ടുകളുമായി ഡൽഹി നഗരത്തിൽ ഡൽഹി മലയാളി അസോസിയേഷൻ സ്ത്രീ ശാക്തീകരണ വിഭാഗത്തിന്‍റെ ആഭിമുഖ്യത്തിൽ വിവിധ ഏരിയകളുടെ സഹകരണത്തോടെ ശനിയാഴ്ച ഭക്ഷണ വിഭവങ്ങളുടെ മഹാമേള ഒരുക്കുന്നു.
ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ രാവിലെ 10 മുതൽ വൈകുന്നേരം ആറ് വരെയാണ് ഭക്ഷണ ശാലകൾ പ്രവർത്തിക്കുക.
കൂടുതൽ വിവരങ്ങൾക്ക്: 9810791770, 9910173393.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷന്‍റെ ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ നടത്തുന്ന തിരുവാതിരകളി മത്സരം ഞായറാഴ്ച ഉച്ചകഴിഞ്ഞ് മൂന്നിന് ആരംഭിക്കും.
ഡിഎംഎ പ്രസിഡന്റ് കെ. രഘുനാഥിന്‍റെ അധ്യക്ഷതയിൽ ചേരുന്ന ഉദ്ഘാടന യോഗത്തിൽ ഇന്ത്യ ഹബിറ്റാറ്റ്‌ സെന്റർ ഡയറക്ടർ ഡോ. കെ. ജി. സുരേഷ് ഭദ്രദീപം കൊളുത്തി മത്സരം ഉദ്ഘാടനം ചെയ്യും.
ജനറൽ സെക്രട്ടറി ടോണി കണ്ണമ്പുഴ, ഓണാഘോഷ കമ്മിറ്റി ജനറൽ കൺവീനറും വൈസ് പ്രസിഡന്റുമായ കെ.വി. മണികണ്ഠൻ, വൈസ് പ്രസിഡന്റും തിരുവാതിരകളി മത്സരം കൺവീനറുമായ കെ.ജി. രഘുനാഥൻ നായർ, അഡീഷണൽ ജനറൽ സെക്രട്ടറി പി.എൻ. ഷാജി, ചീഫ് ട്രെഷറർ മാത്യു ജോസ്, അഡീഷണൽ ട്രെഷറർ മനോജ് പൈവള്ളിൽ, ചീഫ് ഇന്റേണൽ ഓഡിറ്റർ കെ.വി. ബാബു, അഡീഷണൽ ഇന്റേണൽ ഓഡിറ്റർ ലീന രമണൻ തുടങ്ങിയവർ സംസാരിക്കും.
അംബേദ്കർ നഗർ - പുഷ്പ് വിഹാർ, ആശ്രം - ശ്രീനിവാസ്പുരി, ഛത്തർപുർ, ദിൽഷാദ് കോളനി, ദ്വാരക, ജനക് പുരി, കാൽക്കാജി, ലജ്പത് നഗർ, മായാപുരി - ഹരിനഗർ, മയൂർ വിഹാർ ഫേസ്-1, മയൂർ വിഹാർ ഫേസ്-2, മെഹ്റോളി, പാലം - മംഗലാപുരി, ആർകെ പുരം, വികാസ്പുരി - ഹസ്താൽ, വിനയ് നഗർ - കിദ്വായ് നഗർ തുടങ്ങിയ 16 ഏരിയകൾ മത്സരിക്കും.
വിജയികളാവുന്ന ഒന്നും രണ്ടും മൂന്നും സ്ഥാനക്കാർക്ക് അമ്മു മെമ്മോറിയൽ ട്രോഫിയും ക്യാഷ് പ്രൈസുകളും യഥാക്രമം 15,001, 10,001, 7,501 രൂപയും സമ്മാനമായി നൽകും. വിജയികളെ അന്നുതന്നെ, വിധി നിർണയത്തിന് ശേഷം പ്രഖ്യാപിക്കുന്നതാണ്.
കാഷ് അവാർഡും ട്രോഫികളും ഈ മാസം 23ന് വസുന്ധര എൻക്ലേവ് മഹാരാജ അഗ്രസെൻ കോളജ് ഓഡിറ്റോറിയത്തിൽ നടക്കുന്ന ഓണാഘോഷ പരിപാടിയായ ചിങ്ങ നിലാവിൽ സമ്മാനിക്കും.
കൂടുതൽ വിവരങ്ങൾക്ക്: ജനറൽ സെക്രട്ടറി, തിരുവാതിരകളി മത്സരം കൺവീനർ എന്നിവരുമായി 98107 91770, 98187 50868 എന്നീ നമ്പറുകളിൽ ബന്ധപ്പെടാവുന്നതാണ്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ, വിവ എഡ്യൂക്കേഷന്‍റെ സഹകരണത്തോടെ ആർകെ പുരത്തെ ഡിഎംഎ സാംസ്കാരിക സമുച്ചയത്തിൽ നടത്തുന്ന പൂക്കള മത്സരം ഞായറാഴ്ച രാവിലെ ഒമ്പതിന് ആരംഭിക്കും.
ഡിഎംഎ പ്രസിഡന്റ് കെ. രഘുനാഥിന്‍റെ അധ്യക്ഷതയിൽ ചേരുന്ന ഉദ്ഘാടന യോഗത്തിൽ സാംസ്കാരിക മന്ത്രാലയം ഡയറക്ടർ അനീഷ് പി. രാജൻ ഭദ്രദീപം കൊളുത്തി മത്സരം ഉദ്ഘാടനം ചെയ്യും. വിവാ എഡ്യൂക്കേഷൻ ഡയറക്ടർ ജയകുമാർ നായർ വിശിഷ്ടാതിഥിയാകും.
ജനറൽ സെക്രട്ടറി ടോണി കണ്ണമ്പുഴ, ഓണാഘോഷ കമ്മിറ്റി ജനറൽ കൺവീനറും വൈസ് പ്രസിഡന്റുമായ കെ.വി. മണികണ്ഠൻ, പൂക്കളം കമ്മിറ്റി കൺവീനറും അഡീഷണൽ ജനറൽ സെക്രട്ടറിയുമായ പി.എൻ. ഷാജി, ജോയിന്റ് കൺവീനർ ഡി ജയകുമാർ, വൈസ് പ്രസിഡന്റ് കെ.ജി. രഘുനാഥൻ നായർ, ചീഫ് ട്രെഷറർ മാത്യു ജോസ്, അഡീഷണൽ ട്രെഷറർ മനോജ് പൈവള്ളിൽ, ചീഫ് ഇന്റേണൽ ഓഡിറ്റർ കെ.വി. ബാബു, അഡീഷണൽ ഇന്റേണൽ ഓഡിറ്റർ ലീനാ രമണൻ തുടങ്ങിയവർ സംസാരിക്കും.
പട്ടേൽ നഗർ, ഉത്തം നഗർ - നവാദ, ഛത്തർപൂർ, മയൂർ വിഹാർ ഫേസ്-1, മയൂർ വിഹാർ ഫേസ്-2, വിനയ് നഗർ - കിദ്വായ് നഗർ, ദ്വാരക, സൗത്ത് നികേതൻ, അംബേദ്കർ നഗർ - പുഷ്പ് വിഹാർ, മോത്തിനഗർ - രമേശ് നഗർ, കരോൾ ബാഗ് - കണാട്ട് പ്ലേസ്, ആശ്രം - ശ്രീനിവാസ്പുരി, ജനക് പുരി, വസുന്ധര എൻക്ലേവ്, ദിൽഷാദ് കോളനി, വികാസ്പുരി - ഹസ്താൽ, ആയാ നഗർ, ആർകെ പുരം, ബദർപൂർ, കാൽക്കാജി എന്നീ ഡിഎംഎയുടെ 20 ഏരിയ ടീമുകൾ മത്സരത്തിൽ പങ്കെടുക്കും.
വിജയികളാവുന്ന ഒന്നും രണ്ടും മൂന്നും സ്ഥാനക്കാർക്ക് വിവാ എഡ്യൂക്കേഷൻ സ്പോൺസർ ചെയ്തിരിക്കുന്ന ക്യാഷ് പ്രൈസ് യഥാക്രമം 20,001, 15,001, 10,001രൂപയും ട്രോഫിയും സമ്മാനമായി നൽകും. കൂടാതെ മത്സരത്തിൽ പങ്കെടുക്കുന്ന സമ്മാനാർഹരാവാത്ത മറ്റു ടീമുകൾക്ക് 3,000 രൂപ വീതം പ്രോത്സാഹന സമ്മാനമായും നൽകും.
വിജയികളെ അന്നുതന്നെ, വിധി നിർണയത്തിന് ശേഷം പ്രഖ്യാപിക്കുന്നതാണ്. കാഷ് അവാർഡും ട്രോഫികളും ഈ മാസം 23-ന് വസുന്ധര എൻക്ലേവ് മഹാരാജ അഗ്രസീൻ കോളേജ് ഓഡിറ്റോറിയത്തിൽ നടക്കുന്ന ഓണാഘോഷ പരിപാടിയായ ചിങ്ങ നിലാവിൽ സമ്മാനിക്കും. സമ്മാനാർഹരാവാത്ത ടീമുകൾക്കുള്ള 3,000 രൂപ സെപ്തംബർ ഒന്ന് മുതൽ ഡിഎംഎ ഓഫീസിൽ നിന്നും വിതരണം ചെയ്യും.
കൂടുതൽ വിവരങ്ങൾക്ക് ജനറൽ സെക്രട്ടറി, പൂക്കളം കൺവീനർ എന്നിവരുമായി 9810791770, 9650699114, 8130595922 എന്നീ നമ്പറുകളിൽ ബന്ധപ്പെടാവുന്നതാണ്.
Pravasi India – Delhi
ജയ്പുർ: സെന്റ് മേരീസ് ഓർത്തഡോക്സ് പള്ളിയിൽ പരിശുദ്ധ ദൈവമാതാവ് മറിയാമിന്‍റെ വാങ്ങിപ്പെരുന്നാളും കൺവൻഷനും ഈ മാസം 12 മുതൽ 14 വരെ നടക്കും.
നോയിഡയിലെ മാർ ഗ്രിഗോറിയോസ് ഓർത്തഡോക്സ് ചർച്ച് വികാരി റവ. ഫാ. ആരോൺ ജോഷ്വാ ജോൺ പെരുന്നാൾ ശുശ്രൂഷകൾക്ക് മുഖ്യകാർമികത്വം വഹിക്കും.
ജയ്പുർ സെന്റ് മേരീസ് കത്തോലിക്കാ പള്ളി വികാരി റവ. ഫാ. ജോസഫ് പ്ലാക്കൂട്ടത്തിൽ കൺവൻഷൻ പ്രസംഗകനായിരിക്കും.
12ന് വൈകുന്നേരം ആറിന് സന്ധ്യാപ്രാർഥനയും 6.45ന് കൺവെൻഷൻ ഉദ്ഘാടനവും തുടർന്ന് 7.15ന് കൺവൻഷൻ ധ്യാനവും നേർച്ചയും നടന്നു.
13ന് വൈകുന്നേരം 6.45ന് സന്ധ്യാപ്രാർഥനയും 7.30ന് കൺവൻഷൻ ധ്യാനവും നടക്കും. ഫാ. ജോസഫ് പ്ലാക്കൂട്ടത്തിൽ ധ്യാനത്തിന് നേതൃത്വം നൽകും.
14ന് വൈകുന്നേരം ആറിന് സന്ധ്യാപ്രാർഥനയും 6.30ന് കുർബാനയും നടക്കും. ഫാ. ആരോൺ ജോഷ്വാ ജോൺ കാർമികത്വം വഹിക്കും.
തുടർന്ന് സുവിശേഷ സന്ദേശം, പ്രദക്ഷിണം, ആശീർവാദം എന്നിവ നടക്കും. രാത്രി ഒമ്പതിന് സ്നേഹവിരുന്നോടെ പെരുന്നാൾ സമാപിക്കും.
Pravasi India – Delhi
ന്യൂഡൽഹി: സെന്റ് സ്റ്റീഫൻസ് ഓർത്തഡോക്സ് ചർച്ച് ദിൽഷാദ് ഗാർഡനിലെ എംജിഒസിഎസ്എം യൂണിറ്റിന്റെ നേതൃത്വത്തിൽ സംഘടിപ്പിച്ച പ്രഥമ സ്റ്റീഫൻസ് കപ്പ് ഫുട്ബോൾ ടൂർണമെന്റിൽ ഹൗസ് ഖാസ് സെന്റ് മേരീസ് ഓർത്തഡോക്സ് ചർച്ച് ചാമ്പ്യന്മാരായി.
ദിൽഷാദ് ഗാർഡനിലെ ക്വീൻസ് ഗ്ലോബൽ ഇന്‍റർനാഷനൽ സ്കൂൾ ഗ്രൗണ്ടിൽ നടന്ന ടൂർണമെന്റിൽ വിവിധ ഓർത്തഡോക്സ്, മാർത്തോമ്മ ഇടവകകളിൽ നിന്നുള്ള 10 ടീമുകൾ പങ്കെടുത്തു.
ആറ് എ സൈഡ് ഫോർമാറ്റിൽ ലീഗ് കം നോക്കൗട്ട് രീതിയിലായിരുന്നു മത്സരം.ചാമ്പ്യന്മാർക്ക് 10,001 രൂപ സമ്മാനത്തുകയും ട്രോഫിയും ലഭിച്ചു. ആതിഥേയരായ സെന്റ് സ്റ്റീഫൻസ് ഓർത്തഡോക്സ് ചർച്ച് ദിൽഷാദ് ഗാർഡൻ റണ്ണേഴ്സ് അപ്പായി.
Pravasi India – Delhi
ന്യൂഡൽഹി: സെന്റ് സ്റ്റീഫൻസ് ഓർത്തഡോക്സ് ചർച്ച് ദിൽഷാദ് ഗാർഡനിലെ എംജിഒസിഎസ്എം യൂണിറ്റിന്റെ നേതൃത്വത്തിൽ സംഘടിപ്പിച്ച പ്രഥമ സ്റ്റീഫൻസ് കപ്പ് ഫുട്ബോൾ ടൂർണമെന്റിൽ ഹൗസ് ഖാസ് സെന്റ് മേരീസ് ഓർത്തഡോക്സ് ചർച്ച് ചാമ്പ്യന്മാരായി.
ദിൽഷാദ് ഗാർഡനിലെ ക്വീൻസ് ഗ്ലോബൽ ഇന്‍റർനാഷനൽ സ്കൂൾ ഗ്രൗണ്ടിൽ നടന്ന ടൂർണമെന്റിൽ വിവിധ ഓർത്തഡോക്സ്, മാർത്തോമ ഇടവകകളിൽ നിന്നുള്ള 10 ടീമുകൾ പങ്കെടുത്തു.ആറ് എ സൈഡ് ഫോർമാറ്റിൽ ലീഗ് കം നോക്കൗട്ട് രീതിയിലായിരുന്നു മത്സരം.
ചാമ്പ്യന്മാർക്ക് 10,001 ഡേളർ സമ്മാനത്തുകയും ട്രോഫിയും ലഭിച്ചു. ആതിഥേയരായ സെന്റ് സ്റ്റീഫൻസ് ഓർത്തഡോക്സ് ചർച്ച് ദിൽഷാദ് ഗാർഡൻ റണ്ണേഴ്സ് അപ്പായി. രണ്ടാം സ്ഥാനക്കാർക്ക് 7,001 ഡോളർ സമ്മാനത്തുക ലഭിച്ചു. മാർ ഗ്രിഗോറിയോസ് ഓർത്തഡോക്സ് ചർച്ച് ജനക്പുരി മൂന്നാം സ്ഥാനം നേടി.
ഹൗസ് ഖാസ് സെന്റ് മേരീസ് ടീമിലെ ആബേൽ മികച്ച ഗോൾകീപ്പറായും ഇവാൻ സാമുവൽ മികച്ച താരമായും തിരഞ്ഞെടുക്കപ്പെട്ടു. സെന്റ് സ്റ്റീഫൻസ് ദിൽഷാദ് ഗാർഡനിലെ ജോയൽ നൈനാൻ ടോപ് സ്കോററായി.
മാർ ദിമെത്രിയോസ് ഡയാലിസിസ് പ്രോജക്ടിനായി ധനസമാഹരണം നടത്തുക എന്ന ലക്ഷ്യത്തോടെയാണ് ടൂർണമെന്റ് സംഘടിപ്പിച്ചത്. ന്ധഘലേ’െ ജഹമ്യ ംശവേ ജൗൃുീലെ മിറ ങമസല മി കാുമരേ’ എന്ന സന്ദേശത്തോടെയായിരുന്നു മത്സരം. കായിക മത്സരത്തിനൊപ്പം സൗഹൃദവും കൂട്ടായ്മയും സാമൂഹിക സേവനവും പ്രോത്സാഹിപ്പിക്കുന്ന വേദിയായി ടൂർണമെന്റ് മാറി.
ഡൽഹി ഭദ്രാസന മെത്രാപ്പോലീത്ത അഭിവന്ദ്യ ഡോ. യൂഹാനോൻ മാർ ദിമെത്രിയോസ് രാവിലെ 10ന് ടൂർണമെന്റ് ഉദ്ഘാടനം ചെയ്തു. റവ. ഫാ. ആരോൺ ജോഷുവാ ജോൺ, സെന്റ് സ്റ്റീഫൻസ് ഓർത്തഡോക്സ് ഇടവക വികാരി റവ. ഫാ. ജോയ്സൺ തോമസ്, ട്രസ്റ്റി സാബു അബ്രഹാം, സെക്രട്ടറി സി. ഐ. ഐപ്പ്, മാനേജിംഗ് കമ്മിറ്റി അംഗങ്ങൾ എന്നിവർ ചടങ്ങിൽ പങ്കെടുത്തു.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ ഫേസ്1 ഏരിയ മലയാള ഭാഷാ പഠന കേന്ദ്രം പ്രവേശനോത്സവം നടത്തി. മയൂർ വിഹാർ ഫേസ് 1ലെ പോക്കറ്റ് 3ലുള്ള കേരളാ മുസ്ലിം വെൽഫെയർ അസോസിയേഷൻ ഹാളിലാണ് ചടങ്ങുകൾ അരങ്ങേറിയത്.
ഏരിയ ചെയർമാൻ ആർ കെ മേനോൻ അധ്യക്ഷത വഹിച്ച ചടങ്ങിൽ ഡിഎംഎ പ്രസിഡന്റ് കെ രഘുനാഥ് നിലവിളക്ക് കൊളുത്തി പ്രവേശനോത്സവം ഉദ്ഘാടനം ചെയ്തു. വൈസ് പ്രസിഡന്റും ഡിഎംഎയുടെ മലയാള ഭാഷാ പഠന കേന്ദ്രങ്ങളുടെ കോർഡിനേറ്ററുമായ കെ ജി രഘുനാഥൻ നായർ, മലയാളം മിഷൻ വൈസ് പ്രസിഡന്റും ഡിഎംഎ ജനറൽ സെക്രട്ടറിയുമായ ടോണി കണ്ണമ്പുഴ, അഡീഷണൽ ജനറൽ സെക്രട്ടറി പി എൻ ഷാജി, മലയാളം മിഷൻ ഈസ്റ്റ് ഡൽഹി കോർഡിനേറ്റർ കെ പി നാരായണൻ ഭട്ടതിരി, ഏരിയ സെക്രട്ടറി വി രഘുനാഥൻ, ട്രഷറർ സുനിൽ തോമസ്, വനിതാ വിഭാഗം കൺവീനർ ശ്രീരേഖാ പ്രിൻസ്, മലയാളം ഭാഷാധ്യാപിക അഞ്ജലി മധു തുടങ്ങിയവർ സംസാരിച്ചു.
തുടർന്ന് ആതിര രാജൻ, പാർവതി നാരായണൻ, അക്ഷയ അനീഷ് തുടങ്ങിയ കുട്ടികൾ വിവിധ കലാ പരിപാടികൾ അവതരിപ്പിച്ചു. മധുര പലഹാര വിതരണത്തോടെയാണ് സമാപിച്ചത്.
Pravasi India – Delhi
ന്യൂഡൽഹി: ഡൽഹി മലയാളി അസോസിയേഷൻ ഫേസ്-1 ഏരിയ മലയാള ഭാഷാ പഠന കേന്ദ്രം പ്രവേശനോത്സവം ശനിയാഴ്ച വൈകുന്നേരം ആറിന് മയൂർ വിഹാർ ഫേസ് 1-ലെ പോക്കറ്റ് 3-ലുള്ള കേരള മുസ്ലിം വെൽഫെയർ അസോസിയേഷൻ ഹാളിൽ അരങ്ങേറും.
ഏരിയ ചെയർമാൻ ആർ.കെ. മേനോൻ അധ്യക്ഷത വഹിക്കുന്ന ചടങ്ങിൽ ഡിഎംഎ പ്രസിഡന്റ് കെ. രഘുനാഥ് നിലവിളക്ക് കൊളുത്തി പ്രവേശനോത്സവം ഉദ്ഘാടനം ചെയ്യും.
വൈസ് പ്രസിഡന്റും ഡിഎംഎയുടെ മലയാള ഭാഷാ പഠന കേന്ദ്രങ്ങളുടെ കോഓർഡിനേറ്ററുമായ കെ.ജി. രഘുനാഥൻ നായർ, മലയാളം മിഷൻ വൈസ് പ്രസിഡന്റും ഡിഎംഎ ജനറൽ സെക്രട്ടറിയുമായ ടോണി കണ്ണമ്പുഴ, അഡീഷണൽ ജനറൽ സെക്രട്ടറി പി.എൻ. ഷാജി, മലയാളം മിഷൻ ഈസ്റ്റ് ഡൽഹി കോഓർഡിനേറ്റർ കെ.പി. നാരായണൻ ഭട്ടതിരി, ഏരിയ സെക്രട്ടറി വി. രഘുനാഥൻ, ട്രഷറർ സുനിൽ തോമസ്, വനിതാ വിഭാഗം കൺവീനർ ശ്രീരേഖ പ്രിൻസ്, മലയാളം ഭാഷാധ്യാപിക അഞ്ജലി മധു തുടങ്ങിയവർ സംസാരിക്കും.
തുടർന്ന് കുട്ടികളുടെ വിവിധ കലാ പരിപാടികൾ അരങ്ങേറും. കൂടുതൽ വിവരങ്ങൾക്കും മലയാള ഭാഷ പഠിക്കുവാൻ ആഗ്രഹിക്കുന്നവരും 9899861567, 7982578162 എന്നീ നമ്പറുകളിൽ ബന്ധപ്പെടാവുന്നതാണ്.
Pravasi India – Delhi
ഗാസിയാബാദ്: ഇന്ദിരാപുരം സെന്റ് തോമസ് സ്കൂളിൽ നടന്ന മർത്തമറിയം വനിതാസമാജം ഡൽഹി ഭദ്രാസന വാർഷിക സമ്മേളനത്തിൽ ദ്വാരക സെന്റ് ജോർജ് ഓർത്തഡോക്സ് ഇടവകയിലെ മർത്തമറിയം വനിതാസമാജം 2025 - 2026 വർഷത്തെ മികച്ച യൂണിറ്റായി തെരഞ്ഞെടുക്കപ്പെട്ടതിന്‍റെ ട്രോഫി ഭദ്രാസന മെത്രാപ്പോലീത്ത ഡോ. യൂഹാനോൻ മാർ ദിമെത്രിയോസിൽ നിന്ന് യൂണിറ്റ് സെക്രട്ടറി മേരി ചാക്കോ ഏറ്റുവാങ്ങി.
റവ.ഫാ. ജാക്സൺ എം. ജോൺ, റവ.ഫാ. ജോൺസൺ ഐപ്പ്, റവ.ഫാ. യാക്കോബ് ബേബി, റവ.ഫാ. ബിജു ഡാനിയേൽ, റവ.ഫാ. സജി എബ്രഹാം, റവ.ഫാ. ബിനിഷ് ബാബു, ജെസി ഫിലിപ്പ് എന്നിവർ പങ്കെടുത്തു.
Pravasi India – Bangalore
ബംഗളൂരു: ബംഗളൂരുവിൽ നിന്നു കേരളത്തിലേക്ക് രണ്ടു പൊങ്കൽ സ്പെഷൽ ട്രെയിനുകൾ അനുവദിച്ച് റെയിൽവേ. ബംഗളൂരു - കണ്ണൂർ, ബംഗളൂരു - കൊല്ലം റൂട്ടുകളിലാണ് ഉത്സവകാല പ്രത്യേക ട്രെയിൻ സർവീസ് നടത്തുക.
06577 ബംഗളൂരു - കണ്ണൂർ സ്പെഷൽ 13ന് വൈകുന്നേരം അഞ്ചിന് ബംഗളൂരു കന്‍റോൺമെന്‍റിൽ നിന്ന് പുറപ്പെട്ട് അടുത്ത ദിവസം രാവിലെ 7.50ന് കണ്ണൂരിൽ എത്തും. തിരികെയുള്ള സർവീസ് കണ്ണൂരിൽ നിന്ന് 14ന് രാവിലെ 11ന് പുറപ്പെട്ട് പിറ്റേദിവസം രാവിലെ 4.10ന് ബംഗളൂരുവിൽ എത്തും.
തലശേരി, വടകര, കോഴിക്കോട്, തിരൂർ, ഷൊർണൂർ, പാലക്കാട് എന്നിവയാണ് കേരളത്തിലെ സ്റ്റോപ്പുകൾ. എസ്എംവിടി ബംഗളൂരു - കൊല്ലം സ്പെഷൽ (06219) ബംഗളൂരുവിൽ നിന്ന് 13ന് രാത്രി 11ന് പുറപ്പെട്ട് പിറ്റേദിവസം വൈകുന്നേരം നാലിന് കൊല്ലത്ത് എത്തും.
തിരികെയുള്ള സർവീസ് കൊല്ലത്ത് നിന്ന് 14ന് വൈകുന്നേരം 6.30ന് പുറപ്പെട്ട് പിറ്റേദിവസം രാവിലെ 10.30ന് ബംഗളൂരുവിൽ എത്തും. കായംകുളം, മാവേലിക്കര, ചെങ്ങന്നൂർ, തിരുവല്ല, ചങ്ങനാശേരി, കോട്ടയം, എറണാകുളം ടൗൺ, ആലുവ, തൃശൂർ, പാലക്കാട് എന്നിവയാണ് കേരളത്തിലെ സ്റ്റോപ്പുകൾ.
രണ്ട് ട്രെയിനുകളിലും 18 കോച്ചുകൾ വീതം ഉണ്ടാകും.
Pravasi India – Bangalore
ചങ്ങനാശേരി: വാഴപ്പള്ളി കട്ടപ്പുറം പരേതനായ തോമസ് (ടോമിച്ചന്‍) - ലിസി (കുവൈറ്റ് എംഒഎച്ച് അല്‍ റാസി ഹോസ്പിറ്റല്‍) ദമ്പതികളുടെ മകള്‍ ജെസിയ എല്‍സ തോമസ് (20) അന്തരിച്ചു.
ബംഗളൂരു ജെയിന്‍ യൂണിവേഴ്സിറ്റിയിലെ മൂന്നാം വര്‍ഷ വിദ്യാർഥിയായിരുന്നു. സംസ്കാരം ശനിയാഴ്ച രണ്ടിന് ചങ്ങനാശേരി സെന്റ് മേരീസ് മെത്രാപ്പോലീത്തന്‍ പള്ളിയില്‍.
സഹോദരങ്ങള്‍: ജോഷ്വാ (കംമ്പ്യൂട്ടര്‍ സയന്‍സ് എൻജിനിയര്‍), ജോഹാന്‍ (ഏഴാം ക്ലാസ് വിദ്യാര്‍ഥി യുണൈറ്റഡ് ഇന്ത്യന്‍ സ്‌കൂള്‍ അബ്ബാസിയ കുവൈറ്റ്).
Pravasi India – Bangalore
ബംഗളൂരു: മലയാളികളായ രണ്ട് നഴ്‌സിംഗ് വിദ്യാര്‍ഥികള്‍ ബംഗളൂരുവില്‍ ട്രെയിന്‍ തട്ടി മരിച്ചു. തിരുവല്ല തുകലശേരി കൊച്ചുതടത്തില്‍ വീട്ടില്‍ ജോസ് - സീമ ദമ്പതികളുടെ മകന്‍ ജസ്റ്റിന്‍ ജോസ്(21), റാന്നി അത്തിക്കയം കുടമുരുട്ടി തോണിക്കടവില്‍ ഷാജി തോമസിന്‍റെയും സുനുവിന്‍റെയും മകള്‍ സ്റ്റെറിന് എല്‍സ ഷാജി (19) എന്നിവരാണ് മരിച്ചത്.
ചിക്കബന്നാവര സപ്തഗിരി കോളജിലെ ബിഎസ് സി നഴ്‌സിംഗ് വിദ്യാര്‍ഥികളാണ് ഇരുവരും. മൂന്നാം വര്‍ഷ വിദ്യാര്‍ഥി ആയിരുന്നു ജസ്റ്റിന്‍. സ്റ്റെറിന് രണ്ടാം സെമസ്റ്റര്‍ വിദ്യാര്‍ഥിനിയും. ഞായറാഴ്ച ഉച്ചയ്ക്ക് ഭക്ഷണം കഴിച്ച് മടങ്ങുന്നതിനിടെ റെയില്‍വേ പാളം മുറിച്ചുകടക്കുമ്പോഴാണ് അപകടം എന്നാണ് വിവരം.
വന്ദേഭാരത് ട്രെയിനാണ് ഇരുവരെയും ഇടിച്ചു വീഴ്ത്തിയത്. ജസ്റ്റിന്‍റെ സഹോദരി: അന്ന ജോസഫ്. സ്റ്റെറിന്‍റെ സഹോദരങ്ങള്‍: സ്റ്റെയ്‌ന, സ്റ്റെഫിയ.
Pravasi India – Bangalore
ബംഗളൂരു: മലയാളി ബിസിനസുകാരൻ ബംഗളൂരുവിൽ മരിച്ചു. കണ്ണൂർ പെരിങ്ങത്തൂർ മേക്കുന്ന് സ്വദേശി പുത്തൻപുരയിൽ യൂനുസ് മഹമൂദ്(50) ആണ് മരിച്ചത്.
ഹൃദയാഘാതത്തെ തുടർന്ന് ബംഗളൂരു ഇലക്ട്രോണിക് സിറ്റിയിലെ താമസസ്ഥലത്താണ് മരണം സംഭവിച്ചത്. പത്ത് വർഷത്തോളമായി ബംഗളൂരുവിൽ താമസിക്കുന്ന ഇദ്ദേഹം തലശേരി റസ്റ്റോറന്‍റ് ഉടമകളിൽ ഒരാളാണ്.
വ്യാഴാഴ്ച രാത്രിയാണ് ഇദ്ദേഹത്തിന് ഹൃദയാഘാതമുണ്ടായത്. പിന്നീട് ഓൾ ഇന്ത്യ കെഎംസിസി ബംഗളൂരു പ്രവർത്തകരുടെ സഹായത്തോടെ ഷിഹാബ് തങ്ങൾ സെന്‍ററിൽ അന്ത്യകർമങ്ങൾ പൂർത്തിയാക്കി. മൃതദേഹം നാട്ടിലേക്ക് കൊണ്ടുവന്നു.
പരേതനായ മുഹമ്മദാണ് പിതാവ്. ഉമ്മ ആയിഷ. ഭാര്യ ജസ്‌ന. ഫർദീൻ, രഹാൻ, സഹല എന്നിവർ മക്കളാണ്. സഹോദരി സമീറ. കബറടക്കം പെരിങ്ങത്തൂർ ജുമാമസ്ജിദ് ഖബർസ്ഥാനിൽ നടക്കും.
Pravasi India – Bangalore
കൊച്ചി: എറണാകുളം - ബംഗളൂരു വന്ദേഭാരത് എക്സ്പ്രസ് ചൊവ്വാഴ്ച മുതല്‍ സര്‍വീസ് ആരംഭിക്കും. ബുധനാഴ്ച ഒഴികെയുള്ള ദിവസങ്ങളിലാണു സര്‍വീസ്.
എട്ടു കോച്ചുകളുള്ള ട്രെയിനില്‍ ഏഴ് ചെയര്‍കാറുകള്‍, ഒരു എക്സിക്യൂട്ടീവ് ചെയര്‍ കാര്‍ എന്നിവയിലായി 600 പേര്‍ക്കു യാത്ര ചെയ്യാം. എറണാകുളം - ബംഗളൂരു എക്സ്പ്രസ് തൃശൂർ, പാലക്കാട്, കോയമ്പത്തൂര്‍ വഴിയാണ് സര്‍വീസ് നടത്തുന്നത്.
എറണാകുളത്തിനും ബംഗളൂരുവിനും ഇടയിലുള്ള യാത്രയില്‍ കൃഷ്ണരാജപുരം, സേലം, ഈറോഡ്, തിരുപ്പൂര്‍, കോയമ്പത്തൂര്‍, പാലക്കാട്, തൃശൂര്‍ എന്നിങ്ങനെ ഏഴ് സ്‌റ്റേഷനുകളിലാണ് ട്രെയിനിന് സ്‌റ്റേപ്പ് ഉള്ളത്.
കഴിഞ്ഞ ദിവസമാണ് പ്രധാനമന്ത്രി നരേന്ദ്ര മോദി വാരാണസിയില്‍ നിന്ന് വീഡിയോ കോണ്‍ഫ്രൻസിലൂടെ വന്ദേഭാരത് എക്സ്പ്രസ് ഫ്ലാഗ് ഓഫ് ചെയ്തത്.
ഒരാഴ്ചത്തെ ടിക്കറ്റ് തീര്‍ന്നു
ട്രെയിന്‍ ടിക്കറ്റിന് വന്‍ ഡിമാന്‍ഡാണ്. എക്സിക്യൂട്ടീവ് ക്ലാസില്‍ അടുത്ത ഒരാഴ്ചത്തേക്കുള്ള ടിക്കറ്റുകള്‍ ഏതാണ്ട് പൂര്‍ണമായും വിറ്റുതീര്‍ന്നു.
ഈ ദിവസങ്ങളില്‍ എസി ചെയര്‍കാറില്‍ ഏതാനും ദിവസങ്ങളിലേക്കുള്ള ടിക്കറ്റുകളും വിറ്റുതീര്‍ന്നിട്ടുണ്ട്. 11,16,17 തിയതികളില്‍ ടിക്കറ്റില്ല.
എറണാകുളത്ത് നിന്നുള്ള മടക്ക സര്‍വീസിന്‍റെ ടിക്കറ്റുകളാണ് വേഗത്തില്‍ വിറ്റു തീര്‍ന്നത്. എസി ചെയര്‍ കാറിന് 1095 രൂപ വരെയും എക്സിക്യൂട്ടീവ് ചെയര്‍ കാറിന് 2280 രൂപ വരെയും ആയിരിക്കും ടിക്കറ്റ് നിരക്ക്.
Pravasi India – Bangalore
ബംഗളുരു: ബംഗളുരു - എറണാകുളം റൂട്ടിൽ ഉടൻ സർവീസ് ആരംഭിക്കുന്ന പുതിയ വന്ദേ ഭാരത് എക്സ്പ്രസിന്‍റെ സമയക്രമവും സ്റ്റോപ്പുകളും സംബന്ധിച്ച് തീരുമാനമായി. ഉദ്ഘാടന തീയതി പിന്നീട് പ്രഖ്യാപിക്കും. ട്രെയിൻ നമ്പർ 22651 കെഎസ്ആർ - എറണാകുളം വന്ദേഭാരത് രാവിലെ 5.10ന് ബംഗളുരുവിൽ നിന്ന് പുറപ്പെട്ട് ഉച്ചയ്ക്ക് 1.50 ന് എറണാകുളത്ത് എത്തും.
ട്രെയിൻ നമ്പർ 22652 എറണാകുളം - കെഎസ്ആർ ബംഗളുരു സർവീസ് ഉച്ചകഴിഞ്ഞ് 2.30ന് എറണാകുളം ജംഗ്ഷനിൽ നിന്ന് പുറപ്പെട്ട് അന്ന് രാത്രി 11ന് ബംഗളുരുവിൽ എത്തും. പുതിയ സർവീസ് എട്ട് മണിക്കൂർ 40 മിനിറ്റിനുള്ളിൽ യാത്ര പൂർത്തിയാക്കുന്ന രീതിയിലാണ് സമയം ക്രമീകരിച്ചിട്ടുള്ളത്.
കൃഷ്ണരാജപുരം, സേലം, ഈറോഡ്, തിരുപ്പൂർ, കോയമ്പത്തൂർ, പാലക്കാട്, തൃശൂർ എന്നിവിടങ്ങളിലാണ് സ്റ്റോപ്പുകൾ നിശ്ചയിച്ചിട്ടുള്ളത്. ഈ ട്രെയിൻ നവംബർ മധ്യത്തോടെ സർവീസ് നടത്തുമെന്നാണ് കേന്ദ്ര മന്ത്രി അശ്വിനി വൈഷ്ണവ് നേരത്തേ പ്രഖ്യാപിച്ചിട്ടുള്ളത്.
അതനുസരിച്ചാണെങ്കിൽ രണ്ടാഴ്ചക്കുള്ളിൽ സർവീസ് ആരംഭിക്കാനാണ് സാധ്യത. ഇതോടെ കേരളത്തിൽ സർവീസ് നടത്തുന്ന വന്ദേഭാരത് എക്സ്പ്രസുകളുടെ എണ്ണം മൂന്നാകും.
Pravasi India – Bangalore
ബംഗളൂരു: ബംഗളൂരുവില്‍ ഡെലിവറി ബോയിയെ കാറിടിപ്പിച്ചു കൊന്ന സംഭവത്തിൽ മലയാളി യുവാവും ഭാര്യയും അറസ്റ്റിൽ. കളരിപ്പയറ്റ് പരിശീലകനായ മനോജ് കുമാറും (32) ഭാര്യ ജമ്മു കാഷ്മീര്‍ സ്വദേശി ആരതി ശര്‍മയുമാണ് (30) അറസ്റ്റിലായത്.
ഡെലിവറി ബോയിയായി ജോലി ചെയ്തിരുന്ന എന്‍. ദര്‍ശന്‍ (24) ആണ് കൊല്ലപ്പെട്ടത്. ഒപ്പമുണ്ടായിരുന്ന സുഹൃത്ത് വരുണ്‍ ഗുരുതരമായി പരിക്കേറ്റു ചികിത്സയിലാണ്. കഴിഞ്ഞ ശനിയാഴ്ച ബംഗളൂരു ജെപി നഗറിലായിരുന്നു സംഭവം.
രാത്രി ഒമ്പതോടെ നടരാജ ലേഔട്ടില്‍ വച്ച് ദര്‍ശന്‍റെ ബൈക്ക് മനോജ് ഓടിച്ചിരുന്ന കാറിന്‍റെ സൈഡ് കണ്ണാടിയില്‍ തട്ടി. ദര്‍ശന്‍ പെട്ടെന്നുതന്നെ ക്ഷമ പറഞ്ഞ് ബൈക്ക് ഓടിച്ചുപോയി. എന്നാല്‍ മനോജ് രണ്ടുകിലോമീറ്ററോളം ദര്‍ശന്‍റെ ബൈക്കിനെ പിന്തുടരുകയും പിന്നില്‍നിന്നു കാര്‍ ഇടിച്ചുകയറ്റുകയുമായിരുന്നു.
ഇടിയുടെ ആഘാതത്തില്‍ റോഡിലേക്കു തെറിച്ചുവീണ ദര്‍ശന്‍ സംഭവസ്ഥലത്തുതന്നെ മരിച്ചു. അപകടസ്ഥലത്തെ സിസിടിവി ദൃശ്യങ്ങളില്‍നിന്നാണു പോലീസ് പ്രതിയെ തിരിച്ചറിഞ്ഞത്. സംഭവസ്ഥലത്തുനിന്നു രക്ഷപ്പെട്ട മനോജ് പിന്നീട് തിരിച്ചെത്തി സ്ഥലത്തുണ്ടായിരുന്ന കാറിന്‍റെ ഭാഗങ്ങള്‍ മാറ്റിയിരുന്നു.
ഒരാഴ്ച മുമ്പാണ് ദര്‍ശന്‍ ഡെലിവറി ബോയിയായി ജോലിക്കു ചേര്‍ന്നത്. കോടതിയില്‍ ഹാജരാക്കിയ പ്രതികളെ 14 ദിവസത്തെ ജുഡീഷല്‍ കസ്റ്റഡിയില്‍ വിട്ടു.
Pravasi India – Bangalore
ബംഗളൂരു: ദീപാവലി ആഘോഷങ്ങളുടെ തിരക്ക് പ്രമാണിച്ച് ബംഗളൂരുവിൽ നിന്ന് കൊല്ലത്തേക്കു രണ്ട് എക്സ്പ്രസ് സ്പെഷൽ ട്രെയിനുകൾ അനുവദിച്ച് റെയിൽവേ. 06561 എസ്എംവിടി ബംഗളുരു -കൊല്ലം സ്പെഷൽ 16ന് ഉച്ചകഴിഞ്ഞ് മൂന്നിന് ബംഗളൂരുവിൽ നിന്ന് പുറപ്പെട്ട് 17ന് രാവിലെ 6.20 ന് കൊല്ലത്ത് എത്തും.
തിരികെയുള്ള 06562 ട്രെയിൻ കൊല്ലത്ത് നിന്ന് 17ന് രാവിലെ 10.45ന് പുറപ്പെട്ട് 18ന് രാവിലെ 3.30ന് ബംഗളുരുവിൽ എത്തും. ഏസി ടൂടയർ - രണ്ട്, എസി ത്രീ ടയർ -രണ്ട്, സ്വീപ്പർ ക്ലാസ് - 12, ജനറൽ സെക്കന്‍റ് ക്ലാസ് - നാല്, അംഗപരിമിതർ - രണ്ട് എന്നിങ്ങനെയാണ് കോച്ച് പൊസിഷൻ.
രണ്ടാമത്തെ സ്പെഷൽ ട്രെയിൻ (06527) 21 ന് രാത്രി 11 ന് എസ്എംവിടി ബംഗളൂരുവിൽ നിന്ന് പുറപ്പെട്ട് 22ന് ഉച്ചയ്ക്ക് 12.55ന് കൊല്ലത്ത് എത്തും. തിരികെയുള്ള സ്പെഷൽ ട്രെയിൻ (06568) 22ന് വൈകുന്നേരം അഞ്ചിന് കൊല്ലത്ത് നിന്ന് പുറപ്പെട്ട് 23 ന് രാവിലെ 9.45 ന് ബംഗളുരുവിൽ എത്തും.
എസി ടൂടയർ - രണ്ട്, എസി ത്രീ ടയർ - മൂന്ന്, സ്ലീപ്പർ ക്ലാസ് - 11, ജനറൽ സെക്കന്‍റ് ക്ലാസ് - രണ്ട്, അംഗപരിമിതർ - രണ്ട് എന്നിങ്ങനെയാണ് കോച്ച് പൊസിഷൻ.
ഇരു ട്രെയിനുകൾക്കും പാലക്കാട്, ഷൊർണൂർ, തൃശൂർ, ആലുവ, എറണാകുളം, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം എന്നിവയാണ് കേരളത്തിലെ സ്റ്റോപ്പുകൾ. മുൻകൂർ റിസർവേഷൻ ആരംഭിച്ചു.
Pravasi India – Bangalore
തിരുവനന്തപുരം: കേരളത്തിന് മൂന്നാം വന്ദേ ഭാരത് എക്സ്പ്രസ് ട്രെയിൻ അനുവദിച്ച് റെയിൽവേ. എറണാകുളത്ത് നിന്ന് തൃശൂർ, പാലക്കാട് വഴി ബംഗളൂരുവിനും തിരികെയുമാണ് പുതിയ സർവീസ്.
നവംബർ മധ്യവാരത്തോടെ സർവീസ് ആരംഭിക്കുമെന്ന് റെയിൽവേ മന്ത്രി അശ്വിനി വൈഷ്ണവ് ഉറപ്പ് നൽകിയതായി ബിജെപി സംസ്ഥാന പ്രസിഡന്റ് രാജീവ് ചന്ദ്രശേഖർ പറഞ്ഞു. സർവീസ് ആരംഭിക്കുന്ന വിവരം അശ്വിനി വൈഷ്ണവ് എക്സിൽ കുറിച്ചിട്ടുമുണ്ട്.
ഐടി മേഖലയിൽ അടക്കം ആയിരക്കണക്കിന് മലയാളികൾ ജോലി ചെയ്യുന്ന നഗരമാണ് ബംഗളൂരു. അവിടേക്ക് കേരളത്തിൽ നിന്ന് കൂടുതൽ ട്രെയിനുകൾ ആരംഭിക്കണമെന്ന് ഒരു മാസം മുമ്പ് മന്ത്രിയെ നേരിൽ കണ്ട് രാജീവ് ചന്ദ്രശേഖർ അഭ്യർഥന നടത്തിയിരുന്നു.
ഉടൻ തന്നെ അനുകൂല തീരുമാനം ഉണ്ടായതിൽ അദ്ദേഹം മന്ത്രിക്ക് നന്ദിയും അറിയിച്ചു. നിലവിൽ ഉത്സവ സീസണിലും വിശേഷ ദിവസങ്ങളും ഏറ്റവും കൂടുതൽ തിരക്ക് അനുഭവപ്പെടുന്നത് എറണാകുളം - ബംഗളൂരു റൂട്ടിലാണ്.
മാത്രമല്ല മറ്റ് ഗതാഗത മാർഗങ്ങൾ തേടുന്നവർക്ക് അമിതമായ യാത്രാക്കൂലിയും നൽകേണ്ടി വരുന്നു. പുതിയ വന്ദേ ഭാരത് സർവീപ് ബംഗളൂരു മലയാളികളെ സംബന്ധിച്ച് ഏറെ ആശ്വാസമാകുമെന്നും അദ്ദേഹം ചൂണ്ടിക്കാട്ടി.
Pravasi India – Bangalore
ബംഗളൂരു: നന്ദിനി ലേയൗട്ടിൽ സ്കൂട്ടറിൽ ലോറി ഇടിച്ചുണ്ടായ അപകടത്തിൽ യുവതി മരിച്ചു. സ്കൂട്ടർ യാത്രക്കാരിയായ കൽപന (38) ആണ് മരിച്ചത്.
തിങ്കളാഴ്ച രാവിലെയാണ് അപകടമുണ്ടായത്. കൽപനയുടെ കൂടെ സ്കൂട്ടറിൽ യാത്ര ചെയ്തിരുന്ന സുഹൃത്തിന് പരിക്കേറ്റു. ഇരുവരും ജോലിസ്ഥലത്തേക്കുള്ള പോകുന്നതിനിടെയാണ് അപകടമുണ്ടായത്.
സ്കൂട്ടറിന്‍റെ ഹാൻഡിലിൽ ലോറി തട്ടിയതിനെ തുടർന്ന് സ്കൂട്ടർ മറിഞ്ഞുവീണു. റോഡിൽ വീണ കൽപനയുടെ ദേഹത്തിന് മുകളിലൂടെ ലോറി കയറിയിറങ്ങുകയായിരുന്നു. കൽപന സംഭവസ്ഥലത്ത് വച്ച് തന്നെ മരിച്ചു.
മഹാലക്ഷ്മി ലേഔട്ടിലെ താമസക്കാരിയായ കൽപന പീന്യയിലെ സ്വകാര്യ കമ്പനിയിലെ ജീവനക്കാരിയാണ്. അപകടത്തിന് ശേഷം കടന്നുകളഞ്ഞ ലോറി ഡ്രൈവറെ പിന്നീട് പോലീസ് പിടികൂടി.
Pravasi India – Bangalore
ബംഗളുരൂ: ശബരിമല തീർഥാടകരുടെ സൗകര്യാർഥം ബംഗളുരൂ - കൊല്ലം റൂട്ടിൽ പ്രതിവാര സ്പെഷൽ ട്രെയിൻ അനുവദിച്ച് റെയിൽവേ. നവരാത്രി, ദീപാവലി, ക്രിസ്മസ് തുടങ്ങിയ ആലോഷ വേളകളിലും നാട്ടിലേക്ക് പോകുന്നവർക്കും ഈ ട്രെയിൻ പ്രയോജനപ്പെടും.
ഈ മാസം 28 മുതൽ ഡിസംബർ 29 വരെ ഞായറാഴ്ചകളിൽ ബംഗളുരുവിലെ ഹുബ്ബള്ളിയിൽ നിന്നും തിരികെ തിങ്കളാഴ്ചകളിൽ കൊല്ലത്ത് നിന്നും ഹുബ്ബള്ളിയിലേക്കുമാണ് ട്രെയിൻ സർവീസ് നടത്തുക.
ഏസി ടൂടയർ - ഒന്ന്, ഏസി ത്രീ ടയർ രണ്ട്, സ്ലീപ്പർ - 12, ജനറൽ സെക്കൻഡ് ക്ലാസ് - അഞ്ച് എന്നിങ്ങനെയാണ് കോച്ച് പൊസിഷൻ. റിസർവേഷൻ ഇന്ന് രാവിലെ എട്ടു മുതൽ ആരംഭിച്ചു.
ട്രെയിൻ നമ്പർ 07313 ഹുബ്ബള്ളി - കൊല്ലം സ്പെഷൽ ഹുബ്ബള്ളിയിൽ നിന്ന് ഞായർ ഉച്ചകഴിഞ്ഞ് 3.15 ന് പുറപ്പെട്ട് തിങ്കൾ ഉച്ചയ്ക്ക് 12.55 ന് കൊല്ലത്ത് എത്തും.
തിരികെയുള്ള കൊല്ലം - ഹുബ്ബള്ളി ട്രെയിൻ (07314) തിങ്കൾ വൈകുന്നേരം അഞ്ചിന് കൊല്ലത്ത് നിന്ന് പുറപ്പെട്ട് ചൊവ്വ വൈകുന്നേരം 6.30 ന് ഹുബ്ബള്ളിയിൽ എത്തും.
പാലക്കാട്, തൃശൂർ, ആലുവ, എറണാകുളം ടൗൺ, കോട്ടയം, ചങ്ങനാശേരി, തിരുവല്ല, ചെങ്ങന്നൂർ, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട എന്നിവയാണ് കേരളത്തിലെ സ്റ്റോപ്പുകൾ.
Pravasi India – Bangalore
ബംഗളൂരു: ഉത്സവകാലത്തിരക്ക് പ്രമാണിച്ച് ബംഗളൂരുവിൽ നിന്ന് തിരുവനന്തപുരത്തേക്ക് (കൊച്ചുവേളി) അനുവദിച്ച മൂന്ന് പ്രതിവാര സ്പെഷൽ ട്രെയിനുകൾ ഡിസംബർവരെ നീട്ടാൻ റെയിൽവേ ബോർഡ് തീരുമാനിച്ചതായി ദക്ഷിണ-പശ്ചിമ റെയിൽവേ അറിയിച്ചു.
എസ്എംവിടി ബംഗളൂരു - തിരുവനന്തപുരം നോർത്ത് വീക്കിലി എക്സ്പ്രസാണ്(06555) നീട്ടിയ ആദ്യ വണ്ടി. ഒക്ടോബർ മൂന്നുവരെയാണ് നേരത്തേ സർവീസ് അനുവദിച്ചത്. ഇത് ഡിസംബർ 26 വരെയാക്കി നീട്ടി.
തിരിച്ച് തിരുവനന്തപുരം നോർത്ത് - എസ്എംവിടി ബെംഗളൂരു വീക്കിലി എക്സ്പ്രസ് സ്പെഷൽ ഡിസംബർ 28 വരെയും നീട്ടി. സെപ്റ്റംബർ 28 വരെയായിരുന്നു നേരത്തേ അനുവദിച്ചത്. എസ്എംവിടി ബംഗളൂരു - തിരുവനന്തപുരം നോർത്ത് വീക്കിലി എക്സ്പ്രസ്(06523) ആണ് നീട്ടിയ രണ്ടാമത്തെ വണ്ടി.
സെപ്റ്റംബർ 15 വരെ അനുവദിച്ച വണ്ടി ഡിസംബർ 29 വരെ ഓടും. തിരിച്ചുള്ള തിരുവനന്തപുരം നോർത്ത്-എസ്എംവിടി ബംഗളൂരു വീക്കിലി എക്സ്പ്രസ്(06524) സെപ്റ്റംബർ 15ന് അവസാനിക്കേണ്ടിയിരുന്നത് ഡിസംബർ 30 വരെയും ദീർഘിപ്പിച്ചു.
എസ്എംവിടി ബംഗളൂരു - തിരുവനന്തപുരം നോർത്ത് വീക്കിലി എക്സ്പ്രസ് സ്പെഷൽ(06547)ആണ് നീട്ടിയ മൂന്നാമത്തെ വണ്ടി. സെപ്റ്റംബർ മൂന്നുവരെ അനുവദിച്ച വണ്ടി ഡിസംബർ 24 വരെയാക്കി.
തിരിച്ചുള്ള തിരുവനന്തപുരം നോർത്ത് - എസ്എംവിടി ബംഗളൂരു വീക്കിലി എക്സ്പ്രസ് സ്പെഷൽ(06548) സെപ്റ്റംബർ നാലുവരെയായിരുന്നു അനുവദിച്ചത്. ഇത് ഡിസംബർ 25 വരെയാക്കി.
വണ്ടികളുടെ സമയക്രമവും സ്റ്റോപ്പുകളും ബോഗികളുടെ ക്രമവുമെല്ലാം നിലവിലുള്ളതുപോലെ തുടരുമെന്നും റെയിൽവേ അധികൃതർ അറിയിച്ചു.
Pravasi India – Bangalore
കൊല്ലം: പ്രതിദിനം നൂറുകണക്കിന് യാത്രക്കാരുടെ ആശ്രയമായിരുന്ന ബംഗളൂരു - എറണാകുളം - ബംഗളുരു ഇന്‍റസിറ്റി സൂപ്പർഫാസ്റ്റ് ട്രെയിനിനെ (12677/78) എക്സ്പ്രസ് ട്രെയിനായി തരം താഴ്ത്താൻ റെയിൽവേ തീരുമാനം.
ഡിസംബർ മൂന്ന് മുതൽ ഇത് പ്രാബല്യത്തിൽ വരുമെന്ന അറിയിപ്പ് കഴിഞ്ഞ ദിവസം പുറത്തിറങ്ങി. അന്നു മുതൽ ട്രെയിനിന്‍റെ നമ്പരിലും മാറ്റമുണ്ടാകുമെന്ന് അറിയിപ്പിൽ വ്യക്തമാക്കി. 16377/78 എന്ന നമ്പരിലായിരിക്കും എക്സ്പ്രസ് ട്രെയിൻ സർവീസ് നടത്തുക.
നിലവിൽ കെഎസ്ആർ ബംഗളൂരുവിൽ നിന്ന് രാവിലെ 6.10ന് പുറപ്പെടുന്ന സൂപ്പർ ഫാസ്റ്റ് ട്രെയിൻ (12677)വൈകുന്നേരം 4.55നാണ് എറണാകുളത്ത് എത്തുന്നത്. തിരികെയുള്ള സർവീസ് (12678) രാവിലെ 9.10 ന് എറണാകുളത്ത് നിന്ന് പുറപ്പെട്ട് രാത്രി ഒമ്പതിനാണ് ബംഗളൂരുവിൽ എത്തുന്നത്.
സൂപ്പർ ഫാസ്റ്റ് ട്രെയിനായതിനാൽ കേരളത്തിൽ പാലക്കാട്, തൃശൂർ, ആലുവ എന്നിവിടങ്ങളിൽ മാത്രമാണ് സ്റ്റോപ്പ് ഉള്ളത്. എക്സ്പ്രസ് ട്രെയിനാക്കി മാറ്റുമ്പോൾ വണ്ടിയുടെ സ്പീഡ് കുറയ്ക്കും എന്നത് ഉറപ്പാണ്.
എന്നാൽ കൂടുതൽ സ്റ്റോപ്പുകൾ അനുവദിക്കുമോ എന്ന കാര്യത്തിൽ വ്യക്തതയില്ല. മാത്രമല്ല ട്രെയിനിനെ എക്സ്പ്രസ് കാറ്റഗറിയിലേക്ക് മാറ്റുന്നതിന്‍റെ കാരണങ്ങൾ ഒന്നും അറിയിപ്പിൽ സൂചിപ്പിച്ചിട്ടുമില്ല.
ഏതായാലും ഈ ട്രെയിനിന്‍റെ നിർദിഷ്ട കാറ്റഗറി മാറ്റം കേരളത്തിൽ നിന്നും ബംഗളൂരുവിലേക്ക് പോകുന്ന യാത്രക്കാരെ പ്രതികൂലമായി ബാധിക്കുമെന്ന കാര്യം ഉറപ്പാണ്.
Pravasi India – Bangalore
ബംഗളൂരു: കെട്ടിടത്തിന്‍റെ മൂന്നാം നിലയിലെ ബാൽക്കണിയിൽ നിന്നു കാൽവഴുതി വീണ് മലയാളി വിദ്യാർഥിനി മരിച്ചു. കണ്ണൂർ മൊകേരി വൈറ്റ്ഹൗസിൽ എ. രാജേഷിന്‍റെ മകൾ അൻവിത(18) ആണ് മരിച്ചത്.
വൈറ്റ്ഫീൽഡ് സൗപർണിക സരയൂ അപ്പാർട്മെന്‍റിലാണ് അൻവിത താമസിച്ചിരുന്നത്. ക്രൈസ്റ്റ് ഡീംഡ് ടു ബി സർവകലാശാലയിലെ ബികോം ഒന്നാം വർഷ വിദ്യാർഥിയാണ്.
മാതാവ്: വിനി. സഹോദരൻ: അർജുൻ.
Pravasi India – Bangalore
ബംഗളുരു: ബെസ്കോം വനിതാ എൻജിനിയറെ അജ്ഞാതൻ കത്തികാട്ടി ഭീഷണിപ്പെടുത്തി പീഡിപ്പിച്ചു. പീഡനശേഷം യുവതിയുടെ പക്കലുണ്ടായിരുന്ന വിലപിടിപ്പുള്ള വസ്തുക്കൾ കവർന്നതായും യെലഹങ്ക പോലീസ് പറഞ്ഞു.
ബംഗളുരു ജുഡീഷ്യൽ ലേഔട്ടിലെ യുവതിയുടെ പേയിംഗ് ഗസ്റ്റ് താമസ സ്ഥലത്താണ് സംഭവം നടന്നത്. 15 ദിവസത്തോളമായി ഇവിടെ താമസിച്ചിരുന്ന 30 വയസുകാരി 11ന് ഉച്ചകഴിഞ്ഞ് മൂന്നോടെ ജോലി കഴിഞ്ഞ് തിരികെ എത്തിയശേഷം വാതിലിൽ മുട്ടുന്നതുകേട്ടു തുറന്നപ്പോൾ അജ്ഞാനായ ഒരാൾ തന്റെ കഴുത്തിൽ കത്തി അമർത്തി ഭീഷണിപ്പെടുത്തുകയായിരുന്നുവെന്ന് പരാതിയിൽ പറയുന്നു.
തുടർന്ന് സ്വർണവള ആവശ്യപ്പെടുകയും എതിർത്താൽ ഉപദ്രവിക്കുമെന്ന് ഭീഷണിപ്പെടുത്തി പീഡിപ്പിക്കുകയുമായിരുന്നു. പിന്നീട് ഇയാൾ പണം ആവശ്യപ്പെട്ടതോടെ തന്റെ വാനിറ്റി ബാഗിൽനിന്ന് പണം എടുക്കുന്നതനിടെ പ്രതിയുടെ ശ്രദ്ധ തെറ്റിയപ്പോൾ കുളിമുറിയിലേക്ക് ഓടിക്കയറി വാതിൽ പൂട്ടുകയും അലാറം മുഴക്കി രക്ഷതേടുകയായിരുന്നെന്നും യുവതി പറഞ്ഞു.
Pravasi India – Bangalore
ബംഗളൂരു: നഗരത്തിലെ ഗതാഗതക്കുരുക്കിന് ആശ്വാസമായി യെല്ലോലൈൻ മെട്രോ തുറന്നുകൊടുക്കുന്നു. ഞായറാഴ്ച പ്രധാനമന്ത്രി നരേന്ദ്ര മോദി ഉദ്ഘാടനം നിർവഹിക്കും.
മെട്രോ മൂന്നാംഘട്ടത്തിന്‍റെ തറക്കല്ലിടലും പ്രധാനമന്ത്രി നടത്തും. ബംഗളൂരു ആർവി റോഡ് മുതൽ ബൊമ്മസാന്ദ്രവരെയുള്ള 19.15 കിലോമീറ്ററിലാണ് യെല്ലോലൈൻ.
Pravasi India – Bangalore
ബംഗളൂരു: ധന‍്യൻ ആർച്ച്ബിഷപ് മാർ ഈവാനിയോസിന്‍റെ 72-ാം ഓർമയാചരണം പുത്തൂർ രൂപതയുടെ ആഭിമുഖ്യത്തിൽ 20ന് ബംഗളൂരുവിൽ നടക്കും.
കെങ്കേരി സെന്റ് ബനഡിക്ടൈൻ കാമ്പസിൽ നടക്കുന്ന തിരുക്കർമങ്ങൾക്ക് സീറോ മലങ്കര കത്തോലിക്കാ സഭ മേജർ ആർച്ച്ബിഷപ് കർദിനാൾ മാർ ബസേലിയോസ് ക്ലീമിസ് കതോലിക്കാ ബാവാ മുഖ്യകാർമികനാകും.
പത്തനംതിട്ട ബിഷപ് സാമുവൽ മാർ ഐറേനിയോസ്, പുത്തൂർ ബിഷപ് ഗീവർഗീസ് മാർ മക്കേറിയോസ് എന്നിവർ സഹകാർമികരാകും. രാവിലെ എട്ടിന് പദയാത്ര, 9.45ന് വിശുദ്ധ കുർബാന, 11.45ന് പൊതുസമ്മേളനം. തുടർന്ന് ഉച്ചഭക്ഷണവും ഉണ്ടാകും.
ബംഗളൂരുവിലെ സീറോ മലങ്കര കത്തോലിക്കാ സഭ വിശ്വാസി സമൂഹം മുഴുവനും തിരുക്കർമങ്ങളിൽ പങ്കെടുക്കുമെന്ന് ജനറൽ കൺവീനർ ഫാ. മാത്യു കണ്ടത്തിൽ, പ്രോഗ്രാം കൺവീനർ ഫാ. തോമസ് ഊന്നൻപാറക്കൽ, ജനറൽ സെക്രട്ടറി വർഗീസ് മാത്യു എന്നിവർ അറിയിച്ചു.
Pravasi India – Bangalore
ബംഗളൂരു: ബംഗളൂരു-കൊച്ചി ഓണക്കാല യാത്രകൾക്കായി സ്വകാര്യ ബസുകളിലും വിമാനത്തിലും ഈടാക്കുന്നത് ഒരേനിരക്ക്. സെപ്റ്റംബർ മൂന്നിനു പുറപ്പെടുന്ന ബസുകളിൽ എറണാകുളത്തേക്കുള്ള യാത്രയ്ക്കു നൽകേണ്ടത് 3,500 രൂപ വരെയാണ്.
ഇതേ ദിവസം 3,640 രൂപയ്ക്കാണ് വിമാന ടിക്കറ്റ് ലഭ്യമാവുക. ഓണക്കാലവും കുട്ടികളുടെ വെക്കേഷനും പരിഗണിച്ച് എയർ ഇന്ത്യയും ഇൻഡിഗോയും 3,750 രൂപയിൽ താഴെ ടിക്കറ്റ് ലഭ്യമാക്കുമ്പോഴാണ് സ്വകാര്യ ബസുകൾ നിരക്ക് വർധിപ്പിച്ചത്.
ഓണത്തിന് മുന്നേയായി സ്വകാര്യബസ് ഇനിയും നിരക്ക് വർധിപ്പിക്കാനാണ് സാധ്യത. കഴിഞ്ഞ വർഷവും ഇത്തരത്തിൽ നിരക്കു വർധിപ്പിച്ചിരുന്നു. ട്രെയിനുകളിൽ ഓണക്കാല റിസർവേഷൻ ടിക്കറ്ററുകൾ വേഗത്തിൽ തീർന്നതോടെയാണ് സ്വകാര്യ ബസുകൾ കുത്തനെ നിരക്ക് കൂട്ടിയത്.
Pravasi India – Bangalore
ബംഗളൂരു: മലയാളി വിദ്യാർഥി ബംഗളൂരുവിൽ വാഹനാപകടത്തിൽ മരിച്ചു. ചെന്നിത്തല കിഴക്കേ വഴി കാവിലേത്ത് കൃഷ്ണ ഭവനത്തിൽ അനിൽ കുമാറിന്റെ മകൾ ദേവദത്ത് അനിലാണ്(20) മരിച്ചത്.
ബംഗളൂരു കമ്പിപ്പുര രാജരാജേശ്വരി കോളജിൽ ഫിസിയോതെറോപ്പി വിദ്യാർഥിയായിരൂന്നു. ഞായറാഴ്ച രാവിലെയാണ് അപകടം നടന്നത്. ദേവദത്ത് സഞ്ചരിച്ച ബൈക്കും ടെമ്പോ ട്രാവലറും കൂട്ടി ഇടിച്ചാണ് അപകടം ഉണ്ടായത്.
സംസ്കാരം ഇന്ന് രണ്ടിന് വീട്ടുവളപ്പിൽ. മാതാവ് മഞ്ജു എം നായർ. സഹോദരൻ: എ. ദീപക് നായർ.
Pravasi India – Bangalore
ബംഗളൂരൂ: ബൈക്ക് ലോറിയുമായി കൂട്ടിയിടിച്ചുണ്ടായ അപകടത്തിൽ പരിക്കേറ്റ് ബംഗളൂരൂവിലെ ആശുപത്രിയിൽ ചികിത്സയിൽ കഴിഞ്ഞിരുന്ന മലയാളി വിദ്യാർഥി മരിച്ചു.
എറണാകുളം വെസ്റ്റ് കൊടുങ്ങല്ലൂർ സ്വദേശി കക്കോളിൽ ആൽബി ജോൺ ജോസഫ് (18) ആണ് മരിച്ചത്. വെള്ളിയാഴ്ച കെങ്കേരി കുമ്പളഗോഡ് സർവീസ് റോഡിൽവച്ച് ബൈക്ക് ലോറിയുമായി കൂട്ടിയിടിക്കുകയായിരുന്നു.
ബംഗളൂരുവിലെ സ്വകാര്യ കോളജിൽ ബിടെക് വിദ്യാർഥിയാണ് ആൽബി. താമസസ്ഥലത്തു നിന്ന് കോളജിലേക്ക് വരുന്നതിനിടെയാണ് അപകടമുണ്ടായത്. മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകും.
Pravasi India – Bangalore
ബംഗളൂരു: കർണാടകയുടെ തലസ്ഥാന നഗരിയായ ബംഗളൂരുവിൽ "ഡ്യൂപ്ലിക്കേറ്റ് വിവാഹപാർട്ടി' എന്ന പുതിയ ആഘോഷം യുവാക്കൾക്കിടയിൽ തരംഗമായി മാറി. എന്നാൽ, പാർട്ടിയിൽ പങ്കെടുക്കാൻ ടിക്കറ്റ് എടുക്കണം.
500 മുതൽ 3,000 രൂപ വരെയാണ് ടിക്കറ്റ് നിരക്ക്. റസ്റ്ററന്‍റുകളിലും നക്ഷത്ര ഹോട്ടലുകളിലുമാണു പാർട്ടി. നഗരത്തിലെ ചില ഹോട്ടലുകൾ പരീക്ഷണാർഥം ആരംഭിച്ച ആഘോഷം വിജയം കണ്ടതോടെ ഹോട്ടലുകളും ഇവന്‍റ് മാനേജ്മെന്റ് ഗ്രൂപ്പുകളും ഡ്യൂപ്ലിക്കേറ്റ് വിവാഹപാർട്ടി എന്ന ആശയം ഏറ്റെടുക്കുകയായിരുന്നു.
പാട്ടും നൃത്തവും ഭക്ഷണവുമൊക്കെയായി അടിച്ചുപൊളിക്കാൻ സാധിക്കുമെങ്കിലും വധൂവരന്മാരെ കണ്ട് ആശംസ അറിയിക്കാൻമാത്രം കഴിയില്ല. കാരണം ഇത് യഥാർഥ വിവാഹസത്കാരമല്ല. സ്റ്റേജും വധൂവരന്മാർക്ക് ഇരിപ്പിടവും ഒരുക്കിയിട്ടുണ്ടാകും.
എന്നാൽ, അതിൽ ആളുണ്ടാകില്ലെന്ന് മാത്രം. പകരം പാർട്ടിയിൽ പങ്കെടുക്കാൻ ഇണകളായി എത്തുന്നവർക്ക് അവിടെയിരുന്ന് സെൽഫി എടുക്കാം. ഡിജെ അടക്കം പരിപാടി കൊഴുപ്പിക്കാനുള്ള എല്ലാം ഒരുക്കിയിട്ടുണ്ടാകും.
പാർട്ടിയിൽ പങ്കെടുക്കാൻ പരമ്പരാഗതവേഷം ധരിച്ച് എത്തുന്നവരാണ് അധികവും. അടിമുടി വിവാഹസത്കാരത്തിൽ പങ്കെടുക്കുന്ന രീതിയിലാണ് നടത്തിപ്പ്. വരുംനാളുകളിൽ ഐടി നഗരത്തിൽ ‘ഡ്യൂപ്ലിക്കേറ്റ് വിവാഹപാർട്ടി’ സാധാരണ കാഴ്ചയായി മാറും.
Pravasi India – Bangalore
ബംഗളൂരു: കർണാടകയിൽ അജ്ഞാത യുവതിയുടെ മൃതദേഹം ചാക്കിനുള്ളിൽ പൊതിഞ്ഞ നിലയിൽ മാലിന്യ വാഹനത്തിനുള്ളിൽ നിന്നും കണ്ടെത്തി. ഏകദേശം 30-35 വയസ് പ്രായമുള്ള യുവതിയുടെ മൃതദേഹം ബംഗളൂരുവിൽ നിന്നുമാണ് കണ്ടെത്തിയത്.
മൃതദേഹം പോസ്റ്റുമോർട്ടത്തിന് അ‍യച്ചതായും സംഭവത്തിൽ കേസ് രജിസ്റ്റർ ചെയ്തുവെന്നും പോലീസ് അറിയിച്ചു. പോലീസ് നടത്തിയ അന്വേഷണത്തിൽ ഒരാൾ ഓട്ടോ റിക്ഷയിൽ വരുന്നതും മൃതദേഹം വാഹനത്തിനുള്ളിൽ ഉപേക്ഷിക്കുന്നതും സിസിടിവിയിൽ നിന്നും കണ്ടെത്തി.
സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം പുരോഗമിക്കുന്നത്. ചന്നമ്മനക്കെരെ അച്ചുകാട്ട് പോലീസ് സ്റ്റേഷനിലാണ് കേസ് രജിസ്റ്റർ ചെയ്തത്.
പുലർച്ചെ ഒന്നിനും മൂന്നിനും ഇടയിലാണ് ഇയാൾ സ്ഥലത്ത് എത്തിയത്. കൈയും കഴുത്തും കെട്ടി പ്ലാസ്റ്റിക് കൂടിനുള്ളിലാക്കിയ നിലയിലായിരുന്നു മൃതദേഹമെന്ന് ബംഗളൂരു ജോയിന്റ് കമ്മീഷണർ വംശി കൃഷ്ണ അറിയിച്ചു. സംഭവത്തിൽ അന്വേഷണം പുരോഗമിക്കുകയാണ്.
Pravasi India – Bangalore
ബംഗളൂരു: ദക്ഷിണേഷ്യയിലെ ഏറ്റവും ഉയരം കൂടിയ കെട്ടിടമായി മാറുന്ന ബംഗളൂരു സ്കൈഡെക്ക് പ്രോജക്ടിന് അനുമതി നൽകി കർണാടക സർക്കാർ. 500 കോടി രൂപ ചെലവിൽ ഏകദേശം 250 മീറ്റർ ഉയരത്തിലാണ് സ്കൈഡെക്ക് നിർമിക്കുന്നത്.
കുത്തബ് മിനാറിനേക്കാൾ മൂന്നുമടങ്ങു കൂടുതലായിരിക്കും ഈ ടവറിന്‍റെ ഉയരം. ബംഗളൂരുവിൽ നിലവിലുള്ള ഏറ്റവും ഉയരം കൂടിയ കെട്ടിടമായ സിഎൻടിസി പ്രസിഡൻഷ്യൽ ടവറിന് 160 മീറ്ററാണ് ഉയരം.
ഔട്ടർ ബംഗളൂരുവിലെ നൈസ് റോഡിൽ നിർമിക്കുന്ന സ്കൈഡെക്കിൽ വിനോദസഞ്ചാരികൾക്ക് ലോകോത്തര സൗകര്യങ്ങൾ ഉണ്ടായിരിക്കും. മെട്രോ റെയിലുമായി ടവറിനെ ബന്ധിപ്പിക്കും.
ഒരു ആഡംബര ഷോപ്പിംഗ് കോംപ്ലക്‌സ് ഒഴികെ, സ്കൈ ഡെക്കിനുള്ളിൽ ഉൾപ്പെടുത്തിയിരിക്കുന്ന മറ്റ് സൗകര്യങ്ങൾ വെളിപ്പെടുത്തിയിട്ടില്ല.
12,69,000 കോടി രൂപ ചെലവിൽ ഹെബ്ബാളിൽനിന്ന് ബംഗളൂരുവിലെ സിൽക്ക്ബോർഡ് ജംഗ്ഷനിലേക്കുള്ള ടു വേ ടണലും കർണാടക മന്ത്രിസഭ അംഗീകരിച്ചു.
Pravasi India – Bangalore
ബംഗളൂരു: ബംഗളൂരുവിൽ ട്രാഫിക് തിരക്കുകളിൽ അകപ്പെടാതെ ഇനി ടാക്സിയിൽ പറക്കാം. ഹെലികോപ്റ്റർ പോലെ പറക്കുന്ന ഇലക്ട്രിക് ഫ്ളൈയിംഗ് ടാക്സികൾ താമസിയാതെ ബംഗളൂരുവിൽ യാഥാർഥ്യമാകും.
ബംഗളൂരു ഇന്‍റര്‍നാഷണല്‍ എയര്‍പോര്‍ട്ട് ലിമിറ്റഡും സരള ഏവിയേഷനും ചേര്‍ന്ന് കെംപഗൗഡ രാജ്യാന്തര വിമാനത്താവളത്തില്‍നിന്ന് ഇലക്ട്രോണിക്സ് സിറ്റിയിലേക്കാണ് ഫ്ളൈയിംഗ് ടാക്സി സർവീസ് ആരംഭിക്കുന്നത്.
വിമാനത്താവളത്തിൽനിന്നു പറന്നുയർന്നാൽ ഇലക്ട്രോണിക്സ് സിറ്റിയിലേക്കുള്ള 52 കിലോമീറ്റർ ദൂരം വെറും 20 മിനിറ്റിനുള്ളിൽ താണ്ടാൻ കഴിയും. ഒരേസമയം ഏഴു പേർക്ക് ഇതിൽ യാത്ര ചെയ്യാം. വിനോദസഞ്ചാരികളെയും കന്പനി ലക്ഷ്യമിടുന്നു.
പദ്ധതി യാഥാര്‍ഥ്യമാകാന്‍ രണ്ടു മുതല്‍ മൂന്നു വര്‍ഷംവരെയെടുക്കും. ബംഗളൂരുവിനു പുറമെ, രാജ്യത്തെ തിരക്കേറിയ നഗരങ്ങളായ മുംബൈ, ഡല്‍ഹി, പുനെ എന്നിവിടങ്ങളിലും ഫ്ളൈയിംഗ് ടാക്സി സർവീസ് ആരംഭിക്കാൻ കന്പനി പദ്ധതിയിടുന്നുണ്ട്.
വേഗമേറിയതും വൃത്തിയുള്ളതും കൂടുതല്‍ കാര്യക്ഷമവുമായ യാത്ര ഒരുക്കുന്നതിലൂടെ നഗരയാത്രയിൽ വൻ മാറ്റം വരുമെന്നു കന്പനി അവകാശപ്പെടുന്നു.
Pravasi India – Bangalore
ബംഗളൂരു: ഇന്ത്യയുടെ ഐടി തലസ്ഥാനമായ ബംഗളൂരു സിബിആർഇയുടെ ഗ്ലോബൽ ടെക് ടാലന്‍റ് ഗൈഡ്ബുക്ക് 2025 പ്രകാരം സാൻ ഫ്രാൻസിസ്കോ, ന്യൂയോർക്ക്, ലണ്ടൻ, ഷാംഗ്ഹായ് തുടങ്ങിയ വന്പന്മാർക്കൊപ്പം ലോകത്തിലെ ഏറ്റവും മികച്ച 12 ആഗോള ടെക് പവർഹൗസ് നഗരങ്ങളിൽ ഇടംപിടിച്ചു.
ഇപ്പോൾ ഒരു മില്യണിലധികംപേരാണ് ബംഗളൂരുവിൽ ടെക് തൊഴിൽ മേഖലയിലുള്ളത്. ഈ നഗരം, ബെയ്ജിംഗിനും ഷാങ്ഹായ്ക്കും ഒപ്പം ഏഷ്യ-പസഫിക്കിലെ ഏറ്റവും വലിയ ടെക് ടാലന്‍റ് വിപണിയായി ഉയർന്നുവന്നിട്ടുണ്ട്. കൂടാതെ ലോകത്തിലെ മുൻനിര എഐ വികസന കേന്ദ്രങ്ങളിലൊന്നായി അതിവേഗം മാറുകയും ചെയ്യുന്നു.
പ്രമുഖ റിയൽ എസ്റ്റേറ്റ് കണ്‍സൾട്ടന്‍റായ സിബിആർഇ, കഴിവുകളുടെ ലഭ്യത, ഗുണനിലവാരം, ചെലവ് എന്നിവയെ അടിസ്ഥാനമാക്കി പവർഹൗസ്, എസ്റ്റാബിഷ്ഡ്, എമേർജിംഗ് എന്നീ മൂന്ന് പ്രധാന വിഭാഗങ്ങളിലായി 115 ആഗോള വിപണികളെ വിലയിരുത്തി.
സാങ്കേതിക മേഖലയിൽ വലുതും ആഴമേറിയതും ഉയർന്ന മത്സരക്ഷമതയുള്ളതുമായ ആഗോളതലത്തിൽ 12 നഗരങ്ങൾ മാത്രം ഉൾപ്പെടുന്ന എലൈറ്റ് ’പവർഹൗസ്’ വിഭാഗത്തിലാണ് ബംഗളൂരു ഇടം നേടിയത്.
റിപ്പോർട്ട് അനുസരിച്ച്, ബംഗളൂരുവിന്‍റെ സാങ്കേതിക പ്രതിഭയുടെ തോത് ഇപ്പോൾ സാൻ ഫ്രാൻസിസ്കോ, ന്യൂയോർക്ക് തുടങ്ങിയ മുൻനിര യുഎസ് കേന്ദ്രങ്ങളുമായി മത്സരിക്കുന്നു. ബംഗളൂരു ആഗോള ഡിജിറ്റൽ ഇന്നൊവേഷൻ നെറ്റ്‌വർക്കിലെ ഒരു പ്രധാന കേന്ദ്രമായി മാറുന്നതിലൂടെ എഐ വികസനകാര്യത്തിൽ നഗരം ഇന്ത്യയെ മുന്നിലെത്തിക്കുന്നു.
ടെക് തൊഴിലുകളിൽ ഒരു മിലണ്‍ എന്ന മാർക്ക് മറികടക്കുന്നതിനു പുറമേ, 2018നും 2023നും ഇടയിൽ ടെക് തൊഴിലുകളിൽ 12% വർധനവ് ബംഗളൂരു രേഖപ്പെടുത്തിയിട്ടുണ്ട്. ഇത് ടെക് മേഖലയിലെ അന്താരാഷ്ട്ര വളർച്ചാ രീതികളുമായി പൊരുത്തപ്പെടുന്നു.
ബംഗളൂരുവിന്‍റെ ജനസംഖ്യാപരമായ ശക്തി അതിന്‍റെ ആഗോള മത്സരശേഷി വർധിപ്പിക്കുന്നു.ജോലി ചെയ്യുന്ന പ്രായത്തിലുള്ള ജനസംഖ്യയുടെ വിഹിതത്തിൽ 12 ടെക് പവർഹൗസ് വിപണികളിൽ ബംഗളൂരു നഗരം നാലാം സ്ഥാനത്താണ്.
75.5 ശതമാനം നിവാസികളും ഈ ഉത്പാദന പ്രായ വിഭാഗത്തിൽ പെടുന്നു. 2019നും 2024നും ഇടയിൽ, ബംഗളൂരുവിൽ ജോലി ചെയ്യുന്ന പ്രായത്തിലുള്ള ജനസംഖ്യയിൽ 2.4 ശതമാനം വർധനവ് ഉണ്ടായി. ഇത് ആഗോളതലത്തിൽ ഏറ്റവും വേഗതയേറിയ വളർച്ചാ നിരക്കുകളിൽ ഒന്നാണ്.
മുൻനിര വിദ്യാഭ്യാസ സ്ഥാപനങ്ങൾ, ഗവേഷണ കേന്ദ്രങ്ങൾ, ഗ്ലോബൽ കേപ്പബിലിറ്റി സെന്‍ററുകൾ (ജിസിസി) എന്നിവയുടെ സ്ഥാനം, ആർട്ടിഫിഷൽ ഇന്‍റലിജൻസ്, ഡാറ്റാ സയൻസ്, എൻജിനിയറിംഗ്, ഉത്്പന്ന വികസനം എന്നിവയിലെ അത്യാധുനിക ജോലികൾക്കായി ഉയർന്ന വൈദഗ്ധ്യമുള്ള പ്രതിഭകളെ നൽകുന്നതിൽ നിർണായകമാകുന്നു.
ബംഗളൂരു നഗരം സ്റ്റാർട്ടപ്പ് രംഗത്ത് വെഞ്ച്വർ ക്യാപിറ്റലിന് ഒരു പ്രധാന കേന്ദ്രമായി തുടരുന്നു. 2024ൽ മാത്രം, നഗരം 3.3 ബില്യണ്‍ ഡോളറിന്റെ 140 വെഞ്ച്വർ ക്യാപിറ്റൽ ഡീലുകൾ നേടി. ഇതിൽ 34 നിക്ഷേപങ്ങളും എഐ അധിഷ്ഠിത സംരംഭങ്ങളിലേക്കായിരുന്നു.
ADVERTISEMENT
ADVERTISEMENT
SPACE FOR ADVERTISEMENT
Copyright © 2026, Rashtra Deepika Ltd. All Rights Reserved.
Design and Development 
Corehub Solutions
Contact Numbers :
+91 481 2566706, 2566707, 2566708
About Us Feedback Privacy Policy Terms and Conditions for Online Payment
E-paper LOGIN
LOGIN