ആ​ല​പ്പു​ഴ: ആ​​​ല​​​പ്പു​​​ഴ​​​യി​​​ല്‍നി​​​ന്ന് ര​​​ണ്ടു കോ​​​ടി രൂ​​​പ​​​യു​​​ടെ ഹൈ​​​ബ്രി​​​ഡ് ക​​​ഞ്ചാ​​​വ് പി​​​ടി​​​കൂ​​​ടി​​​യ കേ​​​സു​​​മാ​​​യി ബ​​​ന്ധ​​​പ്പെ​​​ട്ട് ച​​​ല​​​ച്ചി​​​ത്ര താ​​​ര​​​ങ്ങ​​​ളാ​​​യ ഷൈ​​​ന്‍ ടോം ​​​ചാ​​​ക്കോ, ശ്രീ​​​നാ​​​ഥ് ഭാ​​​സി, മോ​​​ഡ​​​ല്‍ സൗ​​​മ്യ എ​​​ന്നി​​​വ​​​രെ എ​​​ക്‌​​​സൈ​​​സ് ചോ​​​ദ്യം ചെ​​​യ്തു.

ആ​​​ല​​​പ്പു​​​ഴ എ​​​ക്‌​​​സൈ​​​സ് ഓ​​​ഫീ​​​സി​​​ല്‍ രാ​​​വി​​​ലെ ആ​​​രം​​​ഭി​​​ച്ച ചോ​​​ദ്യം ചെ​​​യ്യ​​​ല്‍ രാ​​​ത്രി എ​​​ട്ടു​​​വ​​​രെ തു​​​ട​​​ര്‍ന്നു. ചോ​​​ദ്യം ചെ​​​യ്യ​​​ലി​​​നു ശേ​​​ഷം ഷൈ​​​ന്‍ ടോ​​​മി​​​നെ എ​​​ക്‌​​​സൈ​​​സി​​​ന്‍റെ മേ​​​ല്‍നോ​​​ട്ട​​​ത്തി​​​ല്‍ ഡി ​​​അ​​​ഡി​​​ക‌്ഷ​​​ന്‍ സെ​​​ന്‍റ​​​റി​​​ലേ​​​ക്ക് കൊ​​​ണ്ടു പോ​​​യി.

തൊ​​​ടു​​​പു​​​ഴ​​​യി​​​ലെ സ്വ​​​കാ​​​ര്യ ഡി ​​​അ​​​ഡി​​​‌ക‌്ഷ​​​ന്‍ സെ​​​ന്‍ററി​​​ലേ​​​ക്കാ​​​ണു കൊ​​​ണ്ടു പോ​​​യ​​​തെ​​​ന്നാ​​​ണ് സൂ​​​ച​​​ന. ശ്രീ​​​നാ​​​ഥ് ഭാ​​​സി​​​യും ഇ​​​ന്‍സ്റ്റ​​​ഗ്രാം താ​​​രം സൗ​​​മ്യ​​​യും മ​​​ട​​​ങ്ങി. ചോ​​​ദ്യം ചെ​​​യ്യ​​​ലി​​​ല്‍, ഷൈ​​​ന്‍ ടോം ​​​ചാ​​​ക്കോ​​​യും മോ​​​ഡ​​​ല്‍ സൗ​​​മ്യ​​​യും ത​​​സ്‌​​​ലീ​​​മ​​​യു​​​മാ​​​യി ല​​​ഹ​​​രി ഇ​​​ട​​​പാ​​​ട് ന​​​ട​​​ത്തി​​​യെ​​​ന്ന വി​​​ല​​​യി​​​രു​​​ത്ത​​​ലി​​​ലാ​​​ണ് ഉ​​​ദ്യോ​​​ഗ​​​സ്ഥ​​​ര്‍. മൂ​​​ന്നു പേ​​​രു​​​ടെ​​​യും മൊ​​​ഴി​​​ക​​​ള്‍ പ​​​രി​​​ശോ​​​ധി​​​ച്ച ശേ​​​ഷം തു​​​ട​​​ര്‍ ന​​​ട​​​പ​​​ടി​​​ക​​​ളി​​​ലേ​​​ക്കു ക​​​ട​​​ക്കു​​​മെ​​​ന്ന് എ​​​ക്‌​​​സൈ​​​സ് ഉ​​​ദ്യോ​​​ഗ​​​സ്ഥ​​​ര്‍ അ​​​റി​​​യി​​​ച്ചു.

ഹൈ​ബ്രി​ഡ് ക​ഞ്ചാ​വ് കേ​സി​ലെ പ്ര​തി ത​സ്ലി​മ സു​ല്‍​ത്താ​ന, ഷൈ​നും ശ്രീ​നാ​ഥി​നു​മൊ​പ്പം ല​ഹ​രി ഉ​പ​യോ​ഗി​ച്ചി​ട്ടു​ണ്ടെ​ന്ന് എ​ക്സൈ​സി​ന് മൊ​ഴി ന​ല്‍​കി​യി​രു​ന്നു. ഇ​ത് പ​രി​ശോ​ധി​ക്കാ​നാ​ണ് ഇ​രു​വ​രെ​യും വി​ളി​ച്ചു​വ​രു​ത്തി​യ​ത്.


ചോ​ദ്യ ചെ​യ്യ​ലി​നാ​യി ബം​ഗ​ളൂ​രു​വി​ലെ ഡി ​അ​ഡി​‌ക‌്ഷ​ന്‍ സെ​ന്‍റ​റി​ല്‍ ചി​കി​ത്സ​യി​ല്‍ ക​ഴി​യു​ന്ന​തി​നി​ടെ​യാ​ണ് ന​ട​ന്‍ ഷൈ​ന്‍ ടോം ​ചാ​ക്കോ ആ​ല​പ്പു​ഴ എ​ക്‌​സൈ​സ് ഓ​ഫീ​സി​ല്‍ ഹാ​ജ​രാ​യ​ത്. ത​സ്‌​ലീ​മ​യു​മാ​യി ല​ഹ​രി ഇ​ട​പാ​ട് ഇ​ല്ലെ​ന്നും ഹൈ​ബ്രി​ഡ് ക​ഞ്ചാ​വ് ഉ​പ​യോ​ഗി​ക്കാ​റി​ല്ലെ​ന്നും ഷൈ​ന്‍ മൊ​ഴി ന​ല്‍​കി. മെ​ത്താം​ഫെ​റ്റ​മി​ന്‍ ആ​ണ് ഉ​പ​യോ​ഗി​ക്കാ​റു​ള്ള​തെ​ന്നും, ല​ഹ​രി വി​മു​ക്തി​ക്കാ​യി സി​നി​മ ഷൂ​ട്ട് വ​രെ മാ​റ്റി​വ​ച്ചി​ട്ടു​ണ്ട് എ​ന്നും ഷൈ​ന്‍ ആ​വ​ര്‍​ത്തി​ച്ചു.

അ​സ്വ​സ്ഥ​ത​ക​ള്‍ പ്ര​ക​ടി​പ്പി​ച്ച​തോ​ടെ ഷൈ​നി​ന്‍റെ പി​താ​വ് മെ​ഡി​ക്ക​ല്‍ രേ​ഖ​ക​ളു​മാ​യി എ​ക്‌​സൈ​സ് ഓ​ഫീ​സി​ലെ​ത്തി. വി​ഡ്രോ​വ​ല്‍ സി​ന്‍​ഡ്രോ​മാ​ണ് എ​ന്നാ​ണ് സം​ശ​യം. ഡി ​അ​ഡി​ക‌്ഷ​ന്‍ സെ​ന്‍റ​റി​ലെ ചി​കി​ത്സാ രേ​ഖ​യാ​ണ് ഹാ​ജ​രാ​ക്കി​യ​ത്. ന​ട​ന്‍റെ സ​ഹോ​ദ​ര​നെ നേ​ര​ത്തെ എ​ക്സൈ​സ് ഓ​ഫീ​സി​ലേ​ക്ക് വി​ളി​ച്ചു​വ​രു​ത്തി​യി​രു​ന്നു. ഷൈ​ന്‍ ടോം ​ചാ​ക്കോ​യു​ടെ അ​ച്ഛ​നും അ​മ്മ​യും ഒ​രു​മി​ച്ച് എ​ത്തി​യാ​ണ് രേ​ഖ​ക​ള്‍ കൈ​മാ​റി​യ​ത്.

ല​ഹ​രി ഇ​ട​പാ​ടി​ല്‍ മോ​ഡ​ല്‍ ഇ​ട​നി​ല​ക്കാ​രി​യാ​യി പ്ര​വ​ര്‍​ത്തി​ക്കു​ക​യാ​യി​രു​ന്നോ​യെ​ന്ന സം​ശ​യ​വും അ​ന്വേ​ഷ​ണ സം​ഘ​ത്തി​നു​ണ്ട്. സൗ​മ്യ​യെ ഇ​രു​വ​രു​ടെ​യു​മൊ​പ്പം ചോ​ദ്യം ചെ​യ്യു​ന്ന​തും ഇ​ക്കാ​ര​ണ​ത്താ​ലാ​ണ്.

ചോ​ദ്യം ചെ​യ്യ​ല്‍ പൂ​ര്‍​ത്തി​യാ​യാ​ല്‍ മൂ​ന്നു പേ​രെ​യും വി​ട്ട​യ​ച്ചേ​ക്കും. ആ​ദ്യ ഘ​ട്ട​ത്തി​ല്‍ ഒ​റ്റ​യ്ക്കി​രു​ത്തി​യും പി​ന്നീ​ട് ഒ​രു​മി​ച്ചി​രു​ത്തി​യു​മാ​ണ് ചോ​ദ്യം ചെ​യ്യ​ല്‍ പു​രോ​ഗ​മി​ക്കു​ന്ന​ത്. ഇ​തി​നു ശേ​ഷം ഇ​വ​രെ കേ​സി​ല്‍ പ്ര​തി ചേ​ര്‍​ക്ക​ണോ എ​ന്ന കാ​ര്യ​ത്തി​ല്‍ അ​ന്വേ​ഷ​ണ സം​ഘം തീ​രു​മാ​ന​മെ​ടു​ക്കും.