പ്രിന്‍റേഴ്‌സ് അസോസിയേഷന്‍ സംസ്ഥാന സമ്മേളനം സമാപിച്ചു
Monday, November 18, 2024 6:22 AM IST
കൊച്ചി: കേരള പ്രിന്‍റേഴ്‌സ് അസോസിയേഷന്‍ 39-ാം സംസ്ഥാന സമ്മേളനം മന്ത്രി പി. രാജീവ് ഉദ്ഘാടനം ചെയ്തു. വ്യവസായത്തിന് അനുയോജ്യമായ പത്തേക്കര്‍ സ്ഥലം കണ്ടെത്തി നല്‍കിയാല്‍ അസോസിയേഷനു പ്രിന്‍റേഴ്‌സ് പാര്‍ക്ക് സ്ഥാപിക്കുന്നതിനുള്ള ഇന്‍ഡസ്ട്രിയല്‍ എസ്റ്റേറ്റായി സര്‍ക്കാര്‍ വിജ്ഞാപനം ചെയ്യുമെന്ന് മന്ത്രി പറഞ്ഞു.
കെപിഎ സംസ്ഥാന പ്രസിഡന്‍റ് വൈ.വിജയന്‍ അധ്യക്ഷത വഹിച്ചു. പ്രിന്‍റേഴ്‌സ് വോയ്‌സ് സമ്മേളന പതിപ്പ് പ്രകാശനം കേരള വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി അഡ്വ. എ.ജെ. റിയാസ് നിര്‍വഹിച്ചു. കെ.എസ്. ദീക്ഷിത് ക്ലാസ് നയിച്ചു. സംസ്ഥാന കൗണ്‍സില്‍ യോഗം കെപിഎ രക്ഷാധികാരി പാറത്തോട് ആന്‍റണി ഉദ്ഘാടനം ചെയ്തു. ജനറല്‍ സെക്രട്ടറി പി.എം. ഹസൈനാര്‍, ട്രഷറര്‍ പി. അശോക് കുമാര്‍ തുടങ്ങിയവര്‍ പ്രസംഗിച്ചു.