സന്ദീപ് വാര്യര്‍ ഇന്ന് പാണക്കാട്ട് എത്തുമെന്ന് കുഞ്ഞാലിക്കുട്ടി
Sunday, November 17, 2024 1:53 AM IST
കോഴിക്കോട്: കോൺഗ്രസിലെത്തിയ സന്ദീപ് വാര്യരെ സ്വാഗതം ചെയ്‌ത്‌ മുസ്‌ലിം ലീഗ് നേതാവ് പി.കെ. കുഞ്ഞാലിക്കുട്ടി.
കോൺഗ്രസിലേക്ക് ഇനിയും ഒഴുക്ക് തുടരും. സന്ദീപ് വാര്യർക്ക് ഇനി വിശാലമായി മുന്നോട്ടുപോകാം. അദ്ദേഹം എടുത്ത തീരുമാനം ശരിയാണെന്നും ഇനി കോൺഗ്രസിന് നല്ലകാലമാണെന്നും കുഞ്ഞാലിക്കുട്ടി മാധ്യമപ്രവര്‍ത്തകരോട് പറഞ്ഞു.
ബിജെപി വിട്ടുവരുന്നവർ സിപിഎമ്മിലേക്കല്ല കോൺഗ്രസിലേക്കാണ് വരിക. ബിജെപി യുടെ വളർച്ച നിന്നു. സന്ദീപിന്‍റെ വരവ് പാലക്കാട്ട് വലിയ വിജയം ഉണ്ടാക്കും. ക്രിസ്റ്റൽ ക്ലിയർ എന്ന് പറഞ്ഞ സിപിഎമ്മിന് സന്ദീപ് കോൺഗ്രസിൽ ചേർന്നതിനെ വിമർശിക്കാനാകില്ല. അദ്ദേഹം ഇന്ന് പാണക്കാട്ടു വന്ന് സാദിഖലി ശിഹാബ് തങ്ങളെ കാണുമെന്നും കുഞ്ഞാലിക്കുട്ടി വ്യക്തമാക്കി.