ചേവായൂർ ബാങ്ക് തെരഞ്ഞെടുപ്പ്: സിപിഎം പിന്തുണച്ച കോൺഗ്രസ് വിമത‍ർക്കു ജയം
Sunday, November 17, 2024 1:53 AM IST
കോഴിക്കോട്: കോഴിക്കോട് ചേവായൂർ സർവീസ് സഹകരണ ബാങ്ക് തെരഞ്ഞെടുപ്പിൽ സിപിഎം പിന്തുണച്ച കോൺഗ്രസ് വിമത‍ർ ജയിച്ചു. ഇവരുടെ 11 അംഗ പാനൽ എല്ലാ സീറ്റിലും ജയിച്ചു.
പാനലിൽ നാലുപേർ സിപിഎമ്മുകാരും ഏഴുപേർ കോൺഗ്രസ് വിമതരുമാണ്. ജനാധിപത്യ സംരക്ഷണ സമിതി എന്ന പേരിലായിരുന്നു ഇവർ മത്സരിച്ചത്.
സഹകരണ ബാങ്കിന്‍റെ നിലവിലെ ചെയർമാനായ ജി.സി. പ്രശാന്ത് കുമാറിനെ വീണ്ടും ചെയര്‍മാനായി തെരഞ്ഞെടുത്തു. ഇദ്ദേഹത്തെ കോണ്‍ഗ്രസ് നേതൃത്വം പാര്‍ട്ടിയില്‍നിന്നു സസ്‌പെന്‍ഡ് ചെയ്തിരുന്നു.