ഫാ. റോയി കാരയ്ക്കാട്ടിന്‍റെ ‘നേതി’ക്ക് ചലച്ചിത്രമേളയില്‍ രണ്ട് അവാര്‍ഡുകള്‍
Wednesday, November 6, 2024 2:33 AM IST
കോട്ടയം: ഫാ. റോയി കാരയ്ക്കാട്ട് കപ്പൂച്ചിന്‍ രചനയും സംവിധാനവും നിര്‍വഹിച്ച ഹ്രസ്വചിത്രം ‘നേതി’, ബീഹാറില്‍ നടന്ന നവാഡ രാജ്യാന്തര ചലച്ചിത്രമേളയില്‍ രണ്ട് അവാര്‍ഡുകള്‍ കരസ്ഥമാക്കി.
മികച്ച സംവിധായകന്‍, കാണികള്‍ തെരഞ്ഞെടുത്ത മികച്ച ചിത്രം എന്നിവയിലാണു പുരസ്‌കാരം.
പൊന്‍കുന്നം സാന്‍ദാമിയാനോ കപ്പൂച്ചിന്‍ ആശ്രമാംഗമാണ് ഫാ. റോയി. എംജി യൂണിവേഴ്‌സിറ്റിയില്‍നിന്നും സിനിമയില്‍ ഡോക്ടറേറ്റ് നേടിയ ഫാ. റോയി കാരയ്ക്കാട്ട് , 2020ല്‍ സംവിധാനം ചെയ്ത കാറ്റിനരികെ എന്ന ഫീച്ചര്‍ സിനിമ കേരളാ ഫിലിം ക്രിട്ടിക്ക് അവാര്‍ഡ് നേടിയിരുന്നു. സണ്ണി വാളിപ്ലാക്കലാണ് നേതി നിര്‍മിച്ചിരിക്കുന്നത്.