ആളൂർ: കൊടകര സഹൃദയ എൻജിനീയറിംഗ് കോളജിലെ എൻഎസ്എസ് സപ്തദിന സഹവാസ ക്യാമ്പ് ആളൂർ സെന്‍റ് ജോസഫ് ഇഎംഎച്ച്എസ്എസ് സ്കൂളിൽ ആളൂർ പഞ്ചായത്ത് പ്രസിഡന്‍റ് കെ.ആർ. ജോജോ ഉദ്ഘാടനം ചെയ്തു. എക്സിക്യൂട്ടീവ് ഡയറക്ടർ റവ. ഡോ. ആന്‍റോ ചുങ്കത്ത് അധ്യക്ഷത വഹിച്ചു. കെടിയു കെയറിനു കീഴിൽ ആവിഷ്കരിക്കുന്ന സ്നേഹക്കൂട് ഭവനനിർമാണ പദ്ധതിയുടെ പൂർത്തീകരണത്തിന് ആവശ്യമായ തുക സമാഹരിക്കുകയാണു ക്യാന്പിന്‍റെ ലക്ഷ്യം.
പഞ്ചായത്ത് വൈസ് പ്രസിഡന്‍റ് രതി സുരേഷ്, സഹൃദയ കോളജ് പ്രിൻസിപ്പല്‌ ഡോ. നിക്സൺ കുരുവിള, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ അഡ്വ.എം.എസ്. വിനയൻ, ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ ഷൈനി തിലകൻ, സെന്‍റ് ജോസഫ് ഇഎംഎച്ച്എസ്എസ് ഹെഡ് മിസ്‌ട്രസ് സിസ്റ്റർ ജ്യോതി, എൻഎസ്എസ് പ്രോഗ്രാം ഓഫീസർ സി.യു. വിജയ്, നേഹ ജോൺസൺ, കെ. പാർഥിവ് എന്നിവർ പ്രസംഗിച്ചു. ക്യാന്പിന്‍റെ സമാപനത്തോടനുബന്ധിച്ചു കൊമ്പൊടിഞ്ഞാമാക്കൽ ജംഗ്ഷനിൽ ലഹരി വിമുക്ത കേരളം പദ്ധതിയുടെ ഭാഗമായി ഫ്ലാഷ് മോബ് നടത്തി. സമാപനയോഗം പി.കെ. ഡേവിസ് ഉദ്ഘാടനം ചെയ്തു.