തൃശൂർ: പൂരം ഇല്ലാതാക്കാനുള്ള ശ്രമം രണ്ടുവർഷമായി നടക്കുന്നുണ്ടെന്നു തിരുവന്പാടി ദേവസ്വം സെക്രട്ടറി കെ. ഗിരീഷ്കുമാർ. പൂരം അലങ്കോലപ്പെട്ടതിനുപിന്നിൽ രാഷ്ട്രീയ ഗൂഢാലോചനയുണ്ടോയെന്ന് അറിയില്ലെന്നും എന്നാൽ എവിടെയൊക്കെയോ എന്തൊക്കെയോ ചീഞ്ഞുനാറുന്നുണ്ടെന്നു സംശയിക്കേണ്ടിയിരിക്കുന്നുവെന്നും അദ്ദേഹം കൂട്ടിച്ചേർത്തു. കുടമാറ്റംവരെ ഒരു പ്രശ്നവുമില്ലാതെ കാര്യങ്ങൾ പോയതാണ്. ഇക്കാര്യങ്ങൾ ചൂണ്ടിക്കാട്ടി എസ്പിയെ അഭിനന്ദിച്ചിരുന്നുവെന്നും സെക്രട്ടറി പറഞ്ഞു.