ഒല്ലൂർ: മേരിമാതാ പള്ളിയിൽ പരിശുദ്ധ മേരിമാതാവിന്റെ ജനനത്തിരുനാളും ഊട്ടുനേർച്ചയും എട്ടിനു നടത്തും. തിരുനാളിന്റെ കൊടിയേറ്റം വികാരി ഫാ. റാഫേൽ വടക്കൻ നിർവഹിച്ചു.
എട്ടാംതീയതിവരെ എല്ലാ ദിവസവും വൈകീട്ട് 5.45നു മേരിപാത, ലദീഞ്ഞ്, ദിവ്യബലി, നൊവേന എന്നീ തിരുക്കർമങ്ങൾ ഉണ്ടായിരിക്കും.
തിരുനാൾദിനമായ എട്ടിനു രാവിലെ 5.45നു ദിവ്യബലി, കൂടുതുറക്കൽ, രൂപം എഴുന്നള്ളിച്ചുവയ്ക്കൽ, വൈകീട്ട് 5.45ന് മേരിപാത, ലദീഞ്ഞ്. ആഘോഷമായ തിരുനാൾദിവ്യബലിക്ക് ഫാ. ജിയോ ആലപ്പാട്ട് കാർമികനാകും. ഫാ. ബിജോയ് പൊൻപറന്പിൽ സന്ദേശം നൽകും. ഫാ. സിബിൻ ഊക്കൻ സഹകാർമികനാകും. തുടർന്ന് ഊട്ടുനേർച്ച വെഞ്ചരിപ്പും വിതരണവും ഉണ്ടായിരിക്കും.