എ​ട്ടി​നു നാ​ടാ​കെ വി​വാ​ഹ​മേ​ളം
Tuesday, September 3, 2024 1:48 AM IST
ടി.​എ. കൃ​ഷ്ണ​പ്ര​സാ​ദ്

തൃ​ശൂ​ർ: ചി​ങ്ങ​മാ​സ​ത്തി​ൽ തി​രു​വോ​ണ​ത്തി​നു​മു​ന്പേ​യു​ള്ള വി​ശേ​ഷാ​ൽ​മു​ഹൂ​ർ​ത്ത​ദി​ന​മാ​യ എ​ട്ടി​ന് നാ​ടാ​കെ വി​വാ​ഹ​മേ​ളം. ഓ​ണ​ത്തി​ന് ഉ​പ്പു​തൊ​ട്ട് ക​ർ​പ്പൂ​ര​ത്തി​നു​വ​രെ വി​ല​കൂ​ടു​മെ​ന്ന​പോ​ലെ എ​ട്ടി​ന് പൂ​വു​മു​ത​ൽ സ​ദ്യ, വി​വാ​ഹ​ഹാ​ൾ, ഓ​ഡി​റ്റോ​റി​യ​ങ്ങ​ൾ, ലോ​ഡ്ജു​ക​ൾ, ടൂ​റി​സ്റ്റ് വാ​ഹ​ന​ങ്ങ​ൾ, വി​ഡി​യോ- ഫോ​ട്ടോ​ഗ്ര​ഫി, ബ്യൂ​ട്ടി​ഷ​ൻ​മാ​ർ, സ്റ്റേ​ജ് ഡെ​ക്ക​റേ​ഷ​ൻ, നാ​ദ​സ്വ​ര​മേ​ളം തു​ട​ങ്ങി വി​വാ​ഹ​സം​ബ​ന്ധി​യാ​യ സ​ക​ല​തി​നും വ​ൻ ഡി​മാ​ൻ​ഡാ​ണ്, കി​ട്ടാ​നി​ല്ല. ഒ​ട്ടു​മി​ക്ക പ്ര​ധാ​ന​പ്പെ​ട്ട ക്ഷേ​ത്ര​ങ്ങ​ളി​ലും ഒ​ന്നി​ൽ​കൂ​ടു​ത​ൽ വി​വാ​ഹ​ങ്ങ​ളാ​ണ് ന​ട​ക്കാ​നി​രി​ക്കു​ന്ന​ത്.

സാ​ധാ​ര​ണ ചി​ങ്ങ​മാ​സ​ത്തി​ലെ മു​ഹൂ​ർ​ത്ത​ദി​ന​ങ്ങ​ളി​ൽ വി​വാ​ഹ​ത്തി​ര​ക്ക് പ​തി​വാ​ണെ​ങ്കി​ലും എ​ട്ടി​നു ഞാ​യ​റാ​ഴ്ച​യാ​യ​തും ഊ​ൺ​നാ​ളാ​യ​തി​നാ​ൽ വി​വാ​ഹ​ങ്ങ​ൾ​ക്ക് ഉ​ത്ത​മ​മാ​യ​തു​മാ​ണ് വി​വാ​ഹ​ത്തി​ര​ക്കി​നു കാ​ര​ണം. കു​ട്ടി​ക​ൾ​ക്കു ചോ​റൂ​ണി​നു തെ​ര​ഞ്ഞെ​ടു​ക്കു​ന്ന 16 ന​ക്ഷ​ത്ര​ങ്ങ​ളാ​ണ് ഊ​ൺ​നാ​ളു​ക​ൾ എ​ന്ന​റി​യ​പ്പെ​ടു​ന്ന​ത്. ഈ ​നാ​ളു​ക​ൾ മ​റ്റു ശു​ഭ​കാ​ര്യ​ങ്ങ​ൾ​ക്കും അ​ത്യു​ത്ത​മ​മാ​ണെ​ന്നാ​ണു വി​ശ്വാ​സം.

ഇ​തു​ക​ഴി​ഞ്ഞു​ള്ള ഞാ​യ​റാ​ഴ്ച​യും ശു​ഭ​കാ​ര്യ​ങ്ങ​ൾ​ക്ക് അ​നു​യോ​ജ്യ​മാ​ണെ​ങ്കി​ലും അ​ന്നു തി​രു​വോ​ണ​മാ​ണ്. ഓ​ണാ​ഘോ​ഷ​ത്തി​ര​ക്കാ​യ​തി​നാ​ൽ ഈ ​ദി​വ​സം വി​വാ​ഹം പ​ര​മാ​വ​ധി ഒ​ഴി​വാ​ക്കു​ക​യാ​ണ് ചെ​യ്യാ​റു​ള്ള​ത്.

ഇ​തി​നു​മു​ൻ​പ​ത്തെ മൂ​ന്നു ഞാ​യ​റാ​ഴ്ച​ക​ളി​ൽ ഉ​ത്രാ​ടം നാ​ളി​ലെ ആ​ദ്യ​ഞാ​യ​റാ​ഴ്ച​യും മ​റ്റു​ചി​ല ദി​വ​സ​ങ്ങ​ളി​ലും വി​വാ​ഹ​ത്തി​ര​ക്ക് അ​നു​ഭ​വ​പ്പെ​ട്ടി​രു​ന്നു. തു​ട​ർ​ന്നു​ള്ള ഞാ​യ​റാ​ഴ്ച​ക​ളി​ലെ ഭ​ര​ണി, ചോ​തി നാ​ളു​ക​ൾ വി​വാ​ഹ​ങ്ങ​ൾ​ക്കു യോ​ജി​ച്ച​ത​ല്ലെ​ന്നാ​ണു ചി​ല ജ്യോ​ത്സ്യ​ൻ​മാ​ർ പ​റ​യു​ന്ന​ത്. എ​ട്ടി​നു വി​വാ​ഹ​ങ്ങ​ൾ കൂ​ടാ​ൻ ഇ​തും കാ​ര​ണ​മാ​യി.


എ​ട്ടി​നു ഗു​രു​വാ​യൂ​രി​ൽ​മാ​ത്രം 350-ഓ​ളം വി​വാ​ഹ​ങ്ങ​ളാ​ണു ചീ​ട്ടാ​ക്കി​യി​രി​ക്കു​ന്ന​ത്. സം​സ്ഥാ​ന​ത്തെ പ്ര​ധാ​ന​പ്പെ​ട്ട എ​ല്ലാ ക്ഷേ​ത്ര​ങ്ങ​ളി​ലും ഒ​ന്നി​ൽ​കൂ​ടു​ത​ൽ വി​വാ​ഹ​മാ​ണ് ന​ട​ക്കാ​നി​രി​ക്കു​ന്ന​ത്. ഇ​തി​നു​പു​റ​മെ ചോ​റൂ​ൺ, പേ​രി​ട​ൽ, വി​വാ​ഹ​നി​ശ്ച​യ​ങ്ങ​ളും വീ​ടു​ക​ളി​ല​ട​ക്കം ന​ട​ക്കും.

അ​തു​കൊ​ണ്ടു​ത​ന്നെ വ​രു​ന്ന ഞാ​യ​റാ​ഴ്ച റോ​ഡി​ലും വ​ൻ​തി​ര​ക്കി​നു കാ​ര​ണ​മാ​കും. ഇ​തു ക​ണ​ക്കി​ലെ​ടു​ത്ത് പ്ര​ധാ​ന​പ്പെ​ട്ട കേ​ന്ദ്ര​ങ്ങ​ളി​ൽ അ​ധി​കൃ​ത​ർ ട്രാ​ഫി​ക് ക്ര​മീ​ക​ര​ണ​ങ്ങ​ൾ ഏ​ർ​പ്പെ​ടു​ത്തു​ന്നു​ണ്ട്. വി​വാ​ഹ​ത്തി​ര​ക്കു​ക​ൾ​ക്കി​ട​യി​ൽ മോ​ഷ​ണ​സാ​ധ്യ​താ​മു​ന്ന​റി​യി​പ്പും ഉ​ണ്ട്.

പ​ല വി​വാ​ഹ​സം​ഘ​ങ്ങ​ൾ​ക്കും ഹോ​ട്ട​ലു​ക​ളും ബ​സു​ക​ള​ട​ക്ക​മു​ള്ള വാ​ഹ​ന​ങ്ങ​ളും പ​തി​വി​ലും കൂ​ടു​ത​ൽ തു​ക​യ്ക്കാ​ണു ബു​ക്ക് ചെ​യ്യാ​നാ​യ​ത്. ചി​ല വാ​ഹ​ന​ങ്ങ​ൾ അ​ടു​ത്ത​ടു​ത്തു​ള്ള വി​വാ​ഹ​ങ്ങ​ൾ ഒ​രേ​സ​മ​യം ഏ​റ്റെ​ടു​ത്തി​ട്ടു​ണ്ട്. ചി​ല ഹാ​ളു​ക​ൾ രാ​വി​ലെ​യും വൈ​കീ​ട്ടും ര​ണ്ടു വി​വാ​ഹ​ങ്ങ​ൾ​ക്കാ​യി ന​ല്കി​യി​ട്ടു​മു​ണ്ട്.