വടക്കാഞ്ചേരി: മുഖ്യമന്ത്രിയുടെ രാജി ആവശ്യപ്പെട്ട് വടക്കാഞ്ചേരി - മുണ്ടത്തിക്കോട് മണ്ഡലം കോൺഗ്രസ് കമ്മിറ്റികളുടെയും ബ്ലോക്ക് കോൺഗ്രസ് കമ്മിറ്റിയുടെയും നേതൃത്വത്തിൽ മുഖ്യമന്ത്രിയുടെ കോലം കത്തിച്ച് പ്രതിഷേധിച്ചു.
വടക്കാഞ്ചേരി ടൗണിൽനടന്ന പ്രതിഷേധ സമരം ഡിസിസി ജനറൽസെക്രട്ടറി കെ. അജിത്കുമാർ ഉദ്ഘാടനംചെയ്തു. ബ്ലോക്ക് പ്രസിഡന്‍റ് പി.ജി. ജയ്ദീപ് അധ്യക്ഷതവഹിച്ചു. നേതാക്കളായ ഷാഹിദ റഹ്മാൻ, പി. എൻ. വൈശാഖ്, ബിജു ഇസ്മായിൽ, സി.എച്ച്. ഹരീഷ്, സന്ധ്യ കൊടക്കാടത്ത്, അഡ്വ. മുഹമ്മദ് ഷഫീക്ക് എന്നിവർ നേതൃത്വംനൽകി.