തൃശൂർ: വ്യാപാരിനേതാവായിരുന്ന ബിന്നി ഇമ്മട്ടിയുടെ നിര്യാണത്തിൽ അനുശോചിച്ചു തൃശൂർ പൗരാവലിയുടെ നേതൃത്വത്തിൽ യോഗംചേർന്നു. സിപിഎം ജില്ലാ സെക്രട്ടറി എം.എം. വർഗീസ് അധ്യക്ഷനായി.
സിപിഎം കേന്ദ്ര കമ്മിറ്റിയംഗം ഇ.പി. ജയരാജൻ, മന്ത്രി കെ. രാജൻ, കേരള സംസ്ഥാന വ്യാപാരി വ്യവസായി സമിതി സംസ്ഥാന സെക്രട്ടറി ഇ.എസ്. ബിജു, കോൺഗ്രസ് ജില്ലാ വൈസ് പ്രസിഡന്റ് ഐ.പി. പോൾ, ബിജെപി സംസ്ഥാന സെക്രട്ടറി എ. നാഗേഷ്, സിപിഎം സംസ്ഥാന കമ്മിറ്റി അംഗങ്ങളായ ബേബി ജോൺ, എം.കെ. കണ്ണൻ, ഏരിയ സെക്രട്ടറി കെ. രവീന്ദ്രൻ, പി. ബാലചന്ദ്രൻ എംഎൽഎ, കേരള വ്യാപാരി വ്യവസായി ഏകോപന സമിതി ജില്ലാ പ്രസിഡന്റ് കെ.വി. അബ്ദുൾ ഹമീദ്, ജനാധിപത്യ കേരള കോൺഗ്രസ് ജില്ലാ ജനറൽ സെക്രട്ടറി ജെയിംസ് മുട്ടിക്കൽ, കേരള കോൺഗ്രസ് എം ജില്ലാ പ്രസിഡന്റ് ഉണ്ണികൃഷ്ണൻ ഈച്ചരത്ത്, ജനതാദൾ എസ് ജില്ലാ പ്രസിഡന്റ് അഡ്വ. സി.ടി. ജോഫി, കോൺഗ്രസ് എസ് ജില്ലാ പ്രസിഡന്റ് സി.ആർ. വത്സൻ, ആർജെഡി ജില്ലാ പ്രസിഡന്റ് ജെയ്സൻ മാണി, കേരള കോൺഗ്രസ് ജെ ജില്ലാ സെക്രട്ടറി ഇട്ടേച്ചൻ തരകൻ തുടങ്ങിയവർ പ്രസംഗിച്ചു.