എരുമപ്പെട്ടി: നെല്ലുവായിൽ കലുങ്ക് പാലത്തിന്റെ സ്ലാബ് തകർന്ന് മരത്തടി കയറ്റിവന്നിരുന്ന ലോറി ചെരിഞ്ഞു. നെല്ലുവായ് മുണ്ടംകോട് റോഡിലാണ് ഇന്നലെ രാവിലെ അപകടമുണ്ടായത്. മുണ്ടൻകോടിലെ റബർ തോട്ടത്തിൽനിന്ന് റബർ മരത്തടികളുമായി വന്നിരുന്ന ലോറിയാണ് അപകട ത്തിൽപ്പെട്ടത്. ഈ വഴിയുള്ള വാഹന ഗതാഗതം തടസപ്പെട്ടു. മുണ്ടൻകോട് ക്ഷേത്ര കവാടത്തിനും റോഡരികിലെ സ്വകാര്യ വ്യക്തിയുടെ മതിലിനും കേടുപാടുകൾ സംഭവിച്ചു. അമിതഭാരം കയറ്റി വന്നതാണ് കലുങ്ക് പാലം തകരാൻ ഇടയാക്കിയതെന്ന് നാട്ടുകാർ ആരോപിച്ചു.