കുന്നംകുളം: പാറേമ്പാടത്ത് വച്ച് ടോറസ് ബൈക്കിലിടിച്ച് ബൈക്ക് യാത്രികനായ യുവാവ് മരിച്ചു. പോർക്കുളം കൊങ്ങണൂർ സ്വദേശി കായിൽ വളപ്പിൽ വീട്ടിൽ ഷെഫീക്ക്(40) ആണ് മരിച്ചത്.
കുന്നംകുളം ഗുരുവായൂർ റോഡിലെ പ്രിയദർശിനി കെട്ടിടത്തിൽ തനിമ വൺ ഗ്രാം ഗോൾഡ് എന്ന സ്ഥാപനം നടത്തുകയാണ് ഷഫീഖ്.
ഇന്നലെ ഉച്ചയ്ക്ക് രണ്ടോടെയാണ് അപകടമുണ്ടായത്. അപകടത്തിൽപെട്ട ടോറസ് നിർത്താതെ പോയി. ഷെഫീക്ക് സംഭവസ്ഥലത്ത് വച്ചുതന്നെ മരിച്ചു. മൃതദേഹം പോസ്റ്റ്മോർട്ടത്തിനായി മാറ്റി.