മു​രി​യാ​ട് പ​ഞ്ചാ​യ​ത്ത് സാ​മ്പ​ത്തി​ക പ്ര​തി​സ​ന്ധി​യി​ലേ​ക്കെ​ന്ന് കോ​ണ്‍​ഗ്ര​സ്; വ്യാ​ജ ആ​രോ​പ​ണ​മെ​ന്ന് എ​ല്‍​ഡി​എ​ഫ്
Friday, July 19, 2024 1:49 AM IST
മു​രി​യാ​ട്: പ​ഞ്ചാ​യ​ത്ത് ഭ​ര​ണ​സ​മി​തി​യു​ടെ അ​നാ​സ്ഥ​യും ദീ​ര്‍​ഘ​വീ​ക്ഷ​ണ​മി​ല്ലാ​യ്മ​യും മൂ​ലം ക​ടു​ത്ത സാ​മ്പ​ത്തി​ക​പ്ര​തി​സ​ന്ധി​യി​ലേ​ക്ക് നീ​ങ്ങു​ന്നു​വെ​ന്ന ആ​രോ​പ​ണ​വു​മാ​യി കോ​ണ്‍​ഗ്ര​സ് രം​ഗ​ത്ത്. വി​ക​സ​ന​പ്ര​വ​ര്‍​ത്ത​ന​ങ്ങ​ളു​ടെ ശോ​ഭ കെ​ടു​ത്താ​ന്‍ അ​നാ​വ​ശ്യ ആ​രോ​പ​ണ​ങ്ങ​ള്‍ ഉ​യ​ര്‍​ത്തി പു​ക​മ​റ സൃ​ഷ്ടി​ക്കാ​നാ​ണ് കോ​ണ്‍​ഗ്ര​സ് ശ്ര​മ​മെ​ന്നാ​ണ് ഇ​തി​ന് എ​ല്‍​ഡി​എ​ഫി​ന്‍റെ മ​റു​പ​ടി. പ​ര​സ്പ​ര ആ​രോ​പ​ണ, പ്ര​ത്യാ​രോ​പ​ണ​ങ്ങ​ളി​ലൂ​ടെ പോ​ര്‍​മു​ഖം തു​റ​ക്കു​ക​യാ​ണ് ഭ​ര​ണ​പ​ക്ഷ​വും പ്ര​തി​പ​ക്ഷ​വും. ക​ഴി​ഞ്ഞ സാ​മ്പ​ത്തി​ക​വ​ര്‍​ഷം ന​ട​പ്പാ​ക്കേ​ണ്ട നി​ര​വ​ധി പ​ദ്ധ​തി​ക​ള്‍ സ​മ​യ​ബ​ന്ധി​ത​മാ​യി മൂ​ന്നു​കോ​ടി​യി​ല​ധി​കം രൂ​പ ന​ഷ്ട​പ്പെ​ടു​മെ​ന്ന് കോ​ണ്‍​ഗ്ര​സ് പാ​ര്‍​ല​മെ​ന്‍റ​റി ആ​രോ​പി​ക്കു​ന്നു. സാ​ധാ​ര​ണ ജ​ന​ങ്ങ​ള്‍​ക്ക് ഉ​പ​ക​രി​ക്കു​ന്ന റോ​ഡ് അ​റ്റ​കു​റ്റ​പ്പ​ണി​ക്കു​ള്ള നി​ര​വ​ധി​പ​ദ്ധ​തി​ക​ളു​ടെ തു​ക ന​ഷ്ട​പ്പെ​ടു​ത്തി​യെ​ന്നാ​ണ് ആ​രോ​പ​ണം.

വ്യാ​ജ പ്ര​ചാ​ര​ണ​ങ്ങ​ളി​ലൂ​ടെ ഭ​ര​ണ​സ​മി​തി​യെ ഇ​ക​ഴ്ത്താ​നു​ള്ള ശ്ര​മ​ങ്ങ​ളാ​ണ് ക​ഴി​ഞ്ഞ ര​ണ്ടുര്‍​ഷ​മാ​യി യു​ഡി​എ​ഫ് ചെ​യ്യു​ന്ന​തെ​ന്നും പ​ദ്ധ​തി നി​ര്‍​വ​ഹ​ണ​വു​മാ​യി ബ​ന്ധ​പ്പെ​ട്ട് ന​ട​ത്തു​ന്ന പ്ര​ച​ര​ണ​ങ്ങ​ളെ​ല്ലാം വ്യാ​ജ​മാ​ണെ​ന്നു​മാ​ണ് എ​ല്‍​ഡി​എ​ഫ് പാ​ര്‍​ലി​മെ​ന്‍റ​റി പാ​ര്‍​ട്ടി​യോ​ഗം തി​രി​ച്ച​ടി​ക്കു​ന്ന​ത്. മാ​ധ്യ​മ​ശ്ര​ദ്ധ പി​ടി​ച്ചു​പ​റ്റാ​നു​ള്ള അ​ട​വ് മാ​ത്ര​മാ​ണി​തെ​ന്നും അ​വ​ര്‍ കു​റ്റ​പ്പെ​ടു​ത്തു​ന്നു.

കോ​ണ്‍​ഗ്ര​സി​ന്‍റെ
ആ​രോ​പ​ണം

ഒ​രി​ക്ക​ലും ന​ട​പ്പി​ലാ​ക്കാ​ന്‍ സാ​ധി​ക്കാ​ത്ത പ​ദ്ധ​തി​ക​ള്‍ പ്ര​ഖ്യാ​പി​ച്ച​തും പ്ര​ഖ്യാ​പി​ക്കു​ന്ന​വ ന​ട​പ്പി​ലാ​ക്കു​ന്ന​തി​ന് യാ​തൊ​രു ത​ര​ത്തി​ലു​മു​ള്ള ന​ട​പ​ടി​ക​ളും സ്വീ​ക​രി​ക്കാ​ത്ത​തു​മാ​ണ് തു​ട​ര്‍​ച്ച​യാ​യി പ​ണം ന​ഷ്ട​പ്പെ​ടു​ന്ന​തി​നു കാ​ര​ണ​മെ​ന്ന് കോ​ണ്‍​ഗ്ര​സ് വ്യ​ക്ത​മാ​ക്കി.


റോ​ഡ് അ​റ്റ​കു​റ്റ​പ്പ​ണി​ക്ക് അ​നു​വ​ദി​ച്ച 2,61,80,000 രൂ​പ​യി​ല്‍ 2,52,18,600 രൂ​പ ന​ഷ്ട​പ്പെ​ടു​ത്തി. ഇ​നി ഈ ​തു​ക ഈ ​വ​ര്‍​ഷം അ​നു​വ​ദി​ക്കു​ന്ന​തി​ല്‍​നി​ന്നു എ​ടു​ക്കേ​ണ്ടി​വ​രും. അ​തോ​ടെ പു​തി​യ പ​ദ്ധ​തി​ക​ള്‍​ക്ക് തു​ച്ഛ​മാ​യ ഓ​ണ്‍ ഫ​ണ്ട് വി​നി​യോ​ഗി​ക്കേ​ണ്ടി​വ​രും. 2.38 കോ​ടി രൂ​പ മാ​ത്ര​മാ​ണ് ഓ​ണ്‍ ഫ​ണ്ടാ​യി​ട്ടു​ള്ള​ത്.

താ​ത്കാ​ലി​ക ജീ​വ​ന​ക്കാ​ര്‍ അ​ട​ക്ക​മു​ള്ള​വ​ര്‍​ക്ക് ശ​മ്പ​ള​ത്തി​നാ​യി മാ​ത്രം ഏ​ക​ദേ​ശം 10 ല​ക്ഷ​ത്തോ​ളം രൂ​പ ഇ​തി​ല്‍നി​ന്നു മാ​റ്റി​വ​യ്ക്ക​ണം. ക​ഴി​ഞ്ഞ​വ​ര്‍​ഷം ജ​ന​റ​ല്‍ വി​ക​സ​ന​ഫ​ണ്ടി​ന് അ​നു​വ​ദി​ച്ച 2.18 കോ​ടി രൂ​പ​യി​ല്‍ 39.7 ല​ക്ഷം രൂ​പ​യും ന​ഷ്ട​മാ​ക്കി. പ​ട്ടി​കജാ​തി വി​ക​സ​ന​ത്തി​ന് അ​നു​വ​ദി​ച്ച 1.26 കോ​ടി രൂ​പ​യി​ല്‍ 39.21 ല​ക്ഷം രൂ​പ​യും പാ​ഴാ​ക്കി. ക​ഴി​ഞ്ഞ​വ​ര്‍​ഷം ഓ​ണ്‍ ഫ​ണ്ട് ഉ​പ​യോ​ഗി​ച്ച് ന​ട​പ്പി​ലാ​ക്കാ​ന്‍ സാ​ധി​ച്ചി​ട്ടി​ല്ലെ​ന്നാ​ണ് പ്ര​തി​പ​ക്ഷ​ത്തി​ന്‍റെ കു​റ്റ​പ്പെ​ടു​ത്ത​ല്‍.

അ​ടി​സ്ഥാ​ന​പ​ദ്ധ​തി​ക​ള്‍​ക്കു​പോ​ലും പ​ണം ക​ണ്ടെ​ത്താ​ന്‍ സാ​ധി​ക്കു​ന്നി​ല്ലെ​ന്നും പാ​ര്‍​ല​മെ​ന്‍റ​റി പാ​ര്‍​ട്ടി നേ​താ​വ് തോ​മ​സ് തൊ​ക​ല​ത്ത്, അം​ഗ​ങ്ങ​ളാ​യ ശ്രീ​ജി​ത്ത് പ​ട്ട​ത്ത്, സേ​വ്യ​ര്‍ ആ​ളൂ​ക്കാ​ര​ന്‍, കെ. ​വൃ​ന്ദ​കു​മാ​രി, ജി​നി സ​തീ​ശ​ന്‍, നി​താ അ​ര്‍​ജു​ന​ന്‍ എ​ന്നി​വ​ര്‍ പ​റ​ഞ്ഞു.