തൃശൂർ: മഴക്കാലത്തിനുമുന്പേ ശുചീകരണപ്രവർത്തനങ്ങളും റോഡുകളുടെ അറ്റകുറ്റപ്പണികളും നടത്താതെ ജനജീവിതം ദുഷ്‌കരമാക്കിയ സർക്കാർനിഷ്‌ക്രിയത്വം പ്രതിഷേധാർഹമാണെന്നു അതിരൂപത പാസ്റ്ററൽ കൗൺസിൽ സെക്രട്ടറി ജോഷി വടക്കൻ. നഗരത്തിലെയും പരിസരപ്രദേശങ്ങളിലെയും റോഡുകളുടെ ശോചനീയാവസ്ഥയിൽ പ്രതിഷേധിച്ചു കെസിവൈഎം തൃശൂർ പിഡബ്ല്യുഡി ഓഫീസിലേക്കു നടത്തിയ മാർച്ച് ഉദ്ഘാടനം ചെയ്യുകയായിരുന്നു അദ്ദേഹം.
അതിരൂപത പ്രസിഡന്‍റ് ജിഷാദ് ജോസ് അധ്യക്ഷത വഹിച്ചു. ജനറൽ സെക്രട്ടറി മെജോ മോസസ്, ട്രഷറർ വിബിൻ ലൂയിസ്, അസിസ്റ്റന്‍റ് ഡയറക്ടർ ഫാ. ഷിജോ പള്ളിക്കുന്നത്ത്, വൈസ് പ്രസിഡന്‍റ് സ്നേഹ ബെന്നി, അതിരൂപത വൈസ് പ്രസിഡന്‍റ് മിഥുൻ ബാബു, സെക്രട്ടറി ആൽബിൻ സണ്ണി, സിൻഡിക്കേറ്റ് അംഗങ്ങളായ സാജൻ ജോസ്, ആഷ്‌ലിൻ ജെയിംസ്, സെനറ്റ് അംഗങ്ങളായ ഡാനിയേൽ ജോസഫ്, ഷാരോൺ സൈമൺ, ജുവിൻ ജോസ്, റിൻസി റോയ്, വിവിധ ഫൊറോന പ്രസിഡന്‍റുമാർ, ഫൊറോന ഭാരവാഹികൾ, യൂണിറ്റ് ഭാരവാഹികൾ തുടങ്ങിയവർ പങ്കെടുത്തു.