പാരീസ്: ഒളിമ്പിക്സ് പുരുഷന്മാരുടെ ഹോക്കി സെമിഫൈനലില്‍ ഇന്ത്യ ജര്‍മനിയെ നേരിടും. ചൊവ്വാഴ്ച ഇന്ത്യന് സമയം രാത്രി 10.30 നാണ് മത്സരം.
ടോക്യോ ഒളിമ്പിക്സില് വെങ്കല്‍ മെഡല്‍ നേടിയ ടീം ഇന്ത്യ ഇത്തവണ സ്വര്‍ണം തന്നെയാണ് ലക്ഷ്യമിടുന്നത്. കഴിഞ്ഞ ദിവസം നടന്ന ക്വാര്‍ട്ടര്‍ ഫൈനലില്‍ ബ്രിട്ടനെ തോല്‍പ്പിച്ചാണ് ഇന്ത്യ സെമിയിലെത്തിയത്. ഗോള്‍കീപ്പര്‍ പി.ആര്‍.ശ്രീജേഷ് മികച്ച പ്രകടനമാണ് പുറത്തെടുത്തത്.
ക്വാര്‍ട്ടറില്‍ അര്‍ജന്‍റീനയെ പരാജയപ്പെടുത്തിയാണ് ജര്‍മനി സെമിയിലെത്തിയത്. രണ്ടനെതിരെ മൂന്ന് ഗോളുകള്‍ക്കായിരുന്നു ജയം.