പാരീസ്: പാരീസ് ഒളിന്പിക്സിൽ ഇന്ത്യയ്ക്ക് ആദ്യ മെഡൽ. വനിതകളുടെ 10 മീറ്റർ എയർ പിസ്റ്റളിൽ മനു ഭാകറാണ് ഇന്ത്യയ്ക്കായി മെഡൽ നേടിയത്. 221.7 പോയിന്‍റോടെ വെങ്കല മെഡലാണ് ഇന്ത്യ വെടിവച്ചിട്ടത്.
ദക്ഷിണ കൊറിയൻ താരങ്ങൾക്കാണ് സ്വർണവും വെള്ളിയും. 243.2 പോയിന്‍റോടെ ഓ ഇ ജിൻ സ്വർണവും 241.3 പോയിന്‍റോടെ കിം ഇ ജി വെള്ളിയും നേടി.
ഷൂട്ടിംഗില്‍ 12 വര്‍ഷത്തെ മെഡല്‍വരള്‍ച്ചയ്ക്കാണ് മനു ഭാകര്‍ വിരാമമിട്ടത്. ആദ്യമായിട്ടാണ് ഷൂട്ടിംഗില്‍ ഒരു ഇന്ത്യന് വനിത മെഡല്‍ നേടുന്നത്. യോഗ്യതാ റൗണ്ടിലെ 580 പോയിന്റുമായി മൂന്നാം സ്ഥാനം നേടിയാണ് ഭാകർ ഫൈനലിലെത്തിയത്.