കോയമ്പത്തൂർ: വാഹനമിടിച്ച് ചത്ത കാട്ടുപന്നിയുടെ ഇറച്ചി വില്ക്കാൻ ശ്രമിച്ച രണ്ടുപേർ അറസ്റ്റിൽ. ആനൈക്കട്ടി-കോയമ്പത്തൂർ റോഡിൽ മാങ്ങരയ്ക്ക് സമീപമാണ് കഴിഞ്ഞ ദിവസം കാട്ടുപന്നി വാഹനമിടിച്ച് ചത്തത്.
അതുവഴി വന്ന തടകം കുട്ടവേലി സ്വദേശികളായ മരുദാചലം, രംഗനാഥൻ എന്നിവർ ചേർന്ന് റോഡിൽ ചത്ത നിലയിൽ കിടന്ന കാട്ടുപന്നിയെ കൊണ്ടുപോയി കഷണങ്ങളാക്കി വില്പ്പന നടത്താൻ ശ്രമിക്കുകയായിരുന്നു. പട്രോളിംഗ് നടത്തുകയായിരുന്ന വനപാലകരാണ് സംശയം തോന്നിയ ഇരുവരെയും പിടികൂടിയത്. പ്രതികളിൽ നിന്ന് 15 കിലോ കാട്ടുപന്നിയിറച്ചി പിടികൂടി 60,000 രൂപ പിഴ ചുമത്തി.