ഷൊ​ർ​ണൂ​ർ: മു​ങ്ങി​മ​ര​ണ​ങ്ങ​ൾ ത​ട​യാ​ൻ പ​ട്ടാ​മ്പി​യി​ൽ നീ​ന്ത​ൽ​പ​രി​ശീ​ല​ന​ത്തി​ന് പ​ദ്ധ​തി. പ​രി​ശീ​ല​ന​ത്തി​ൽ ആ​ർ​ക്കും പ​ങ്കെ​ടു​ക്കാ​മെ​ന്ന പ്ര​ത്യേ​ക​ത​യു​മു​ണ്ട്. പ്രാ​യ​പ​രി​ധി നി​ശ്ച​യി​ക്കാ​തെ​യാ​ണ് പ​രി​ശീ​ല​നം ന​ൽ​കു​ന്ന​ത്. ആ​രോ​ഗ്യ​പ്ര​ശ്‌​ന​ങ്ങ​ളി​ല്ലാ​ത്തവ​ർ​ക്കെ​ല്ലാം നീ​ന്ത​ൽ പ​ഠി​ക്കാ​മെ​ന്ന​താ​ണ് പ്ര​ത്യേ​കത. ​

പ​ട്ടാ​മ്പി മ​ണ്ഡ​ല​ത്തി​ൽ മു​ങ്ങി​മ​ര​ണ​ങ്ങ​ൾ വ​ർ​ധി​ച്ചു​വ​രു​ന്ന സാ​ഹ​ച​ര്യ​ത്തി​ലാ​ണ് ഇ​ത്ത​ര​മൊ​രു പ​ദ്ധ​തി ന​ട​പ്പി​ലാ​ക്കു​ന്ന​തെ​ന്ന് മു​ഹ​മ്മ​ദ് മു​ഹ്‌​സി​ൻ എംഎ​ൽഎ പ​റ​ഞ്ഞു.

മ​ണ്ഡ​ല​ത്തി​ൽ വി​വി​ധ പ​ഞ്ചാ​യ​ത്തു​ക​ളി​ലാ​യി പ​ത്തി​ല​ധി​കം കു​ള​ങ്ങ​ൾ പ​ട​വു​ക​ൾ കെ​ട്ടി​യും സം​ര​ക്ഷ​ണ​ഭി​ത്തി​യു​യ​ർ​ത്തി​യും മ​റ്റും ന​വീ​ക​രി​ച്ചി​ട്ടു​ണ്ട്.

ഇ​വ​യൊ​ക്കെ പ​രി​ശീ​ല​ന​ത്തി​നാ​യി ഉ​പ​യോ​ഗ​പ്പെ​ടു​ത്തും. ട്രോ​മ​കെ​യ​ർ, സി​വി​ൽ ഡി​ഫ​ൻ​സ് തു​ട​ങ്ങി​യ​വ​രെ​യും പ​ങ്കാ​ളി​ക​ളാ​ക്കി മ​തി​യാ​യ സു​ര​ക്ഷ​യൊ​രു​ക്കും.

ആ​ദ്യ​ഘ​ട്ട​ത്തി​ൽ പ​ട്ടാ​മ്പി ന​ഗ​ര​സ​ഭ​യി​ലെ പെ​രി​ക്ക​ക്കാ​ട്ടു​കു​ളം, മു​തു​ത​ല പ​ഞ്ചാ​യ​ത്തി​ലെ മാ​ടാ​യി​ക്കു​ളം എ​ന്നി​വി​ട​ങ്ങ​ളി​ൽ പ​രി​ശീ​ല​നം സം​ഘ​ടി​പ്പി​ക്കും.​ പ​രി​ശീ​ല​ന പ​രി​പാ​ടി എ​ട്ടി​ന് രാ​വി​ലെ ഏ​ഴ്മു​ത​ൽ തു​ട​ങ്ങും. ഇ​തി​നാ​യി നീ​ന്ത​ൽ​പ​രി​ശീ​ല​ക​രെ നി​യോ​ഗി​ച്ചി​ട്ടു​ണ്ട്.

ഭാ​ര​ത​പ്പു​ഴ അ​തി​രി​ട്ടു​കി​ട​ക്കു​ന്ന മ​ണ്ഡ​ല​മാ​യ​തി​നാ​ലും കു​ള​ങ്ങ​ൾ കൂ​ടു​ത​ലു​ള്ള​തി​നാ​ലും ഓ​രോ​വ​ർ​ഷ​വും കു​ട്ടി​ക​ള​ട​ക്കം നി​ര​വ​ധി പേ​ർ മു​ങ്ങി​മ​രി​ക്കു​ന്നു​ണ്ട്. ഇ​ക്കാ​ര്യം ര​ക്ഷി​താ​ക്ക​ൾ

എംഎൽഎയു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. തു​ട​ർ​ന്നാ​ണ് നീ​ന്ത​ൽ​പ​രി​ശീ​ല​ന​ത്തി​ന് പ​ദ്ധ​തി ത​യ്യാ​റാ​ക്കി​യ​ത്.

ര​ണ്ടാം​ഘ​ട്ട​ത്തി​ൽ മ​ണ്ഡ​ല​ത്തി​ലെ മ​റ്റു​പ​ഞ്ചാ​യ​ത്തു​ക​ളി​ലെ കു​ള​ങ്ങ​ളും പ​രി​ശീ​ല​ന​ത്തി​നാ​യി ഉ​പ​യോ​ഗ​പ്പെ​ടു​ത്തും. നീ​ന്ത​ൽ​ക്കു​ള​ങ്ങ​ളും പ​രി​ശീ​ല​ന​ത്തി​നാ​യി തെര​ഞ്ഞെ​ടു​ക്കും.