ഷൊർ​ണൂ​ർ: ന​ഗ​ര​സ​ഭ​യി​ലെ കൃ​ഷിഭ​വ​നി​ൽ നി​ന്ന് ഫ​യ​ൽ മോ​ഷ്ടി​ച്ച കേ​സി​ൽ പ്ര​തി​ക്ക് ക്വ​ട്ടേ​ഷ​ൻ ന​ൽ​കി​യ​താ​രാ​ണെ​ന്ന് ക​ണ്ടെ​ത്ത​ാനാ​കാതെ പോ​ലീ​സ് വ​ല​യു​ന്നു. കൃ​ഷിവ​കു​പ്പി​ലെ ത​ന്നെ ചി​ല ഉ​ദ്യോ​ഗ​സ്ഥ​രെ കേ​സി​ൽ സം​ശ​യി​ക്കു​ന്നു​ണ്ടെ​ങ്കി​ലും തെ​ളി​വി​ല്ലാ​ത്ത സ്ഥി​തി​യാ​ണ്. അ​റ​സ്റ്റി​ലാ​യ പൂ​വ​ര​ണി ജോ​യി​ക്ക് ക്വ​ട്ടേ​ഷ​ൻ ന​ൽ​കി​യ​വ​രെ കു​റി​ച്ചും കൃ​ഷി വ​കു​പ്പി​ലെ വി​വ​ര​ങ്ങ​ൾ കൈ​മാ​റി​യ​വ​രെ​ക്കു​റി​ച്ചു​മു​ള്ള അ​ന്വേ​ഷ​ണം തു​ട​ർ​ന്നുവ​രി​ക​യാ​ണ​ന്നാ​ണ് പോ​ലീ​സ് ഭാ​ഷ്യം.

വൈ​കാ​തെ അ​റ​സ്റ്റ് ഉ​ണ്ടാ​കു​മെ​ന്നും ഇ​വ​ർ പ​റ​യു​ന്നു. അ​ഴി​മ​തി ആ​രോ​പ​ണ​വു​മാ​യി ബ​ന്ധ​പ്പെ​ട്ട ഫ​യ​ൽ മോ​ഷ്ടി​ക്കാ​ൻ ക്വ​ട്ടേ​ഷ​ൻ ന​ൽ​കി​യി​രു​ന്നെ​ന്ന് അ​റ​സ്റ്റി​ലാ​യ പൂ​വ​ര​ണി ജോ​യി പോലീ​സി​ന് മൊ​ഴി ന​ൽ​കി​യി​ട്ടു​ണ്ട്. ജൂ​ലൈ 29നാ​ണ് കൃ​ഷി ഓ​ഫീസി​ൽ സൂ​ക്ഷി​ച്ചി​രു​ന്ന ഫ​യ​ലു​ക​ൾ മോ​ഷ​ണം പോ​യ​ത്. ആ​ദ്യഘ​ട്ട​ത്തി​ൽ ഒ​ന്നും ന​ഷ്ട​പ്പെ​ട്ടി​ട്ടി​ല്ല എ​ന്നാ​യി​രു​ന്നു കൃ​ഷി വ​കു​പ്പ് അ​ധി​കൃ​ത​ർ പ​റ​ഞ്ഞ​ത്.

എ​ന്നാ​ൽ ഓ​ഫീസി​ൽ സൂ​ക്ഷി​ച്ചി​രു​ന്ന ഓ​ണ​ച്ച​ന്ത​യു​ടെ ഫ​യ​ലി​ന്‍റെ പ​ക​ർ​പ്പ് ന​ഷ്ട​പ്പെ​ട്ടെ​ന്നു കാ​ണി​ച്ച് കൃ​ഷി ഓ​ഫി​സ​ർ ക​ഴി​ഞ്ഞ ദി​വ​സം റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു. 2020-21 വ​ർ​ഷ​ത്തി​ൽ കൃ​ഷിഭ​വ​ൻ ന​ട​ത്തി​യ ഓ​ണ​ച്ച​ന്ത​യു​ടെ ന​ട​ത്തി​പ്പി​നെ​ക്കു​റി​ച്ച് വി​ജി​ല​ൻ​സും അ​ന്വേ​ഷി​ക്കു​ന്നു​ണ്ട്. അ​ന്വേ​ഷ​ണ​ത്തി​നി​ട​യി​ലാ​ണ് ഫ​യ​ൽ മോ​ഷ​ണം പോ​കു​ന്ന​ത്. ഓ​ണ​ച്ച​ന്ത​യു​ടെ ക​ണ​ക്കി​ൽ വ​ര​വും ചെ​ല​വും ഒ​രു​പോ​ലെ​യെ​ന്ന് കാ​ണി​ച്ച് പാ​ട​ശേ​ഖ​ര ഏ​കോ​പ​ന സ​മി​തി​യാ​ണ് വി​ജി​ല​ൻ​സി​ന് പ​രാ​തി ന​ൽ​കി​യ​ത്. സം​ഭ​വ​ത്തി​ന് ശേ​ഷം പോലീ​സ് ന​ട​ത്തി​യ പ​രി​ശോ​ധ​ന​യി​ൽ മോ​ഷ​ണം ന​ട​ത്തു​ന്ന​തി​ന് കൃ​ഷി വ​കു​പ്പി​ന്‍റെ പൂ​ട്ടു പൊ​ളി​ക്കാ​ൻ ഉ​പ​യോ​ഗി​ച്ച ആ​യു​ധ​ങ്ങ​ളും ന​ഗ​ര​സ​ഭ കെ​ട്ടി​ട​ത്തി​ൽ നി​ന്ന് ക​ണ്ടെ​ത്തി​യി​രു​ന്നു.​

കൃ​ഷി ഭ​വ​നി​ൽ നി​ന്ന് ഫ​യ​ൽ മോ​ഷ​ണ ക്വ​ട്ടേ​ഷ​ൻ ഏ​റ്റെ​ടു​ത്ത​ത് 5000 രൂ​പ​യ്ക്കെ​ന്നാണ് അ​റ​സ്റ്റി​ലാ​യ പൂ​വ​ര​ണി ജോ​യി​യു​ടെ മൊ​ഴി. ഷൊ​ർ​ണൂ​ർ ജം​ഗ്ഷ​ൻ റെ​യി​ൽ​വേ സ്റ്റേ​ഷ​ൻ പ​രി​സ​ര​ത്ത് നി​ന്നാ​ണ് ചി​ല​ർ ത​ന്നെ ക്വ​ട്ടേ​ഷ​ൻ ഏ​ൽ​പ്പി​ച്ച​തെ​ന്നും ജോ​യി മൊ​ഴി ന​ൽ​കി. ഇ​ത് പോലീ​സ് പൂ​ർ​ണ​മാ​യി വി​ശ്വാ​സ​ത്തി​ലെടു​ത്തി​ട്ടി​ല്ല. ജോ​യ് കു​പ്ര​സി​ദ്ധ മോ​ഷ്ടാ​വാ​ണെ​ന്ന് വ്യ​ക്ത​മാ​യി ബോ​ധ്യ​മു​ള്ള​വ​രാ​ണ് ക്വ​ട്ടേ​ഷ​ന് പി​ന്നി​ൽ എ​ന്ന് പോലീ​സ് ഉ​റ​ച്ച് വി​ശ്വ​സി​ക്കു​ന്നു. ഇ​തി​ന്‍റെ ചു​രു​ൾ അ​ഴി​ക്കാ​നാ​ണ് പോ​ലീ​സി​ന്‍റെ തീ​വ്രശ്ര​മം. ഷൊ​ർ​ണൂ​ർ ഡി​വൈ​എ​സ്പി ആ​ർ. ​മ​നോ​ജ് കു​മാ​ർ, ഇ​ൻ​സ്പെ​ക്ട​ർ വി.​ ര​വി​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലാ​ണ് അ​ന്വേ​ഷ​ണം.