ഓ​ണ​ത്തി​നു ചേ​നകൃ​ഷി വി​ള​വെ​ടു​പ്പു തു​ട​ങ്ങി
Saturday, September 7, 2024 12:18 AM IST
ഒറ്റ​പ്പാ​ലം: ഓ​ണവി​പ​ണി ല​ക്ഷ്യംവെ​ച്ച് ചേ​നകൃ​ഷി വി​ള​വെ​ടു​പ്പ് തു​ട​ങ്ങി. ഗ്രാ​മീ​ണമേ​ഖ​ല​ക​ളി​ൽ ഇ​ത്ത​വ​ണ വ്യാ​പ​ക​മാ​യി ചേ​നകൃ​ഷി ചെ​യ്തി​ട്ടു​ണ്ട്. പൊ​തു​മാ​ർ​ക്ക​റ്റി​ൽ കി​ലോ​ഗ്രാ​മി​ന് 90 രൂ​പ വി​ല​യു​ള്ള ചേ​ന​യ്ക്ക് തോ​ട്ട​ത്തി​ൽ 53 രൂ​പ ല​ഭി​ക്കു​ന്നു​ണ്ടെ​ന്ന് ക​ർ​ഷ​ക​ർ പ​റ​യു​ന്നു. തൃ​ശൂ​ർ, എ​റ​ണാ​കു​ളം, പാ​ല​ക്കാ​ട് എ​ന്നി​വി​ട​ങ്ങ​ളി​ലേ​ക്കാ​ണ് ചേ​ന കൊ​ണ്ടു​പോ​കു​ന്ന​ത്.​

വി​ല​പേ​ശ​ൽ ന​ട​ത്തി ചേ​ന​യ്ക്ക് വി​ല കു​റ​യ്ക്കാ​തി​രി​ക്കു​ന്ന​തി​നും ന്യാ​യ​മാ​യ വി​ല ല​ഭ്യ​മാ​ക്കു​ന്ന​തി​നും ചേ​ന​ക്ക​ർ​ഷ​ക​ർ​ക്കി​പ്പോ​ൾ കൂ​ട്ടാ​യ്മ​ക​ളു​ണ്ട്.​ പ​ര​മ്പ​രാ​ഗ​ത കൃ​ഷി​യി​ൽ നി​ന്നു വേ​റി​ട്ടും എ​ന്നാ​ൽ അ​വ ഒ​ഴി​വാ​ക്കാ​തെ​യും പു​തു​വി​ള പ​രീ​ക്ഷി​ച്ച് വി​ജ​യം കൊ​യ്യു​ക​യാ​ണ് ക​ർ​ഷ​ക​ർ. ഇ​രിപ്പൂ നെ​ൽ​ക്കൃ​ഷി ചെ​യ്തി​രു​ന്ന പാ​ട​ശേ​ഖ​ര​ങ്ങ​ളി​ൽ ആ​ദ്യ​കൃ​ഷി നെ​ല്ലി​നു പ​ക​രം ചേ​ന​യാ​ക്കി മാ​റ്റി​യി​രി​ക്കു​ക​യാ​ണ് പ​ല ക​ർ​ഷ​കരു​മി​പ്പോ​ൾ.

മി​ക്ക പാ​ട​ശേ​ഖ​ര​ങ്ങ​ളി​ലും ജ​നു​വ​രി, ഫെ​ബ്രു​വ​രി മാ​സ​ങ്ങ​ളി​ൽ ഒ​ന്നാം​വി​ള​യാ​യി ചേ​ന​യാ​ണ് ന​ടു​ന്ന​ത്. നെ​ല്ലാ​ണു ര​ണ്ടാം​വി​ള. സ്വ​ന്തം കൃ​ഷി​യി​ട​ത്തി​ലും പാ​ട്ട​ഭൂ​മി​യി​ലു​മാ​യാ​ണ് പ​ല​രും ചേ​നകൃ​ഷി ന​ട​ത്തു​ന്ന​ത്.


ഓ​ണവി​പ​ണി ക​ണ​ക്കാ​ക്കി വി​ള​വെ​ടു​പ്പി​നു ത​യാ​റാ​വു​ന്ന ചേ​ന​യാ​ണ് ഭൂ​രി​ഭാ​ഗം സ്ഥ​ല​ത്തു​മു​ള്ള​ത്. വ​യ​നാ​ട​ൻ, കൂ​ർ​ഗ്, ഗ​ജേ​ന്ദ്ര എ​ന്നി​വ​യ്ക്കു പു​റ​മെ നാ​ട​ൻചേ​ന​യും കൃ​ഷി ചെ​യ്യു​ന്നു​ണ്ട്.​ നെ​ൽ​കൃ​ഷി​യേ​ക്കാ​ൾ 40 ശ​ത​മാ​നം തൊ​ഴി​ൽ ചെ​ല​വ് കു​റ​വാ​ണെ​ന്ന​തും വ​ള​ത്തി​ന്‍റെ ആ​വ​ശ്യം അ​ത്ര വേ​ണ്ടി​വ​രു​ന്നി​ല്ല എ​ന്ന​തു​മാ​ണ് ക​ർ​ഷ​ക​ർ ചേ​ന​കൃ​ഷി​യി​ലേ​ക്കു തി​രി​യാ​ൻ കാ​ര​ണം.

ചേ​ന​യ്ക്കു കൊ​ടു​ക്കു​ന്ന വ​ളം നെ​ൽ​കൃഷി​ക്കും പ്ര​യോ​ജ​നം ചെ​യ്യും. ചേ​ന പ​റി​ച്ച​തി​നു ശേ​ഷം അ​തി​ന്‍റെ ത​ണ്ടും ഇ​ല​യും മ​ണ്ണി​ൽ ഉ​ഴു​തു​ചേ​ർ​ക്കു​ന്ന​തോ​ടെ മ​ണ്ണി​ന് വ​ള​ക്കൂ​റ് കൂ​ടു​ക​യും നെ​ൽകൃ​ഷി​യി​ൽ വി​ള​വ് കൂ​ടു​ത​ൽ കി​ട്ടു​ക​യും ചെ​യ്യു​ന്നു.