വടക്കഞ്ചേരി: കേന്ദ്ര ബജറ്റിൽ കേരളത്തോടു കാട്ടിയ കടുത്ത അവഗണനക്കെതിരെസിപിഐ മണ്ഡലം കമ്മിറ്റിയുടെ നേതൃത്വത്തിൽ വടക്കഞ്ചേരി ടൗണിൽ പ്രകടനവും പ്രതിക്ഷേധ യോഗവും നടത്തി. ജില്ലാ എക്സിക്യൂട്ടീവ് അംഗം കെ.രാമചന്ദ്രൻ ഉദ്ഘാടനം ചെയ്തു. ലോക്കൽ സെക്രട്ടറി എ.സുരേഷ് കുമാർ അധ്യക്ഷത വഹിച്ചു.
കിസാൻ സഭ മണ്ഡല സെക്രട്ടറി അലി കുന്നങ്കാട്, കേരള മഹിളാ സംഘം മണ്ഡലം സെക്രട്ടറി രക്നകുമാരി സുരേഷ്, എഐടിയുസി മണ്ഡലം സെക്രട്ടറി എ.വി. അബ്ബാസ്, കർഷക തൊഴിലാളി യൂണിയൻ മണ്ഡലം സെക്രട്ടറി എച്ച്. ഹനീഫ എന്നിവർ പ്രസംഗിച്ചു. പാർട്ടി മണ്ഡലം അസിസ്റ്റന്റ് സെക്രട്ടറി പി. എം. അലി സ്വാഗതവും നാരയണൻ കണ്ണമ്പ്ര നന്ദിയും പറഞ്ഞു.