കു​ഞ്ച​ൻന​മ്പ്യാ​ർ സ്മാ​ര​ക​ത്തി​ൽ പ്ര​തി​സ​ന്ധി തുടരും
Friday, July 26, 2024 12:36 AM IST
ഒറ്റ​പ്പാ​ലം: കു​ഞ്ച​ൻ ന​മ്പ്യാ​ർ സ്മാ​ര​കം നേ​രി​ടു​ന്ന പ്ര​തി​സ​ന്ധി ച​ർ​ച്ച ചെ​യ്യാ​തെ ഭ​ര​ണ സ​മി​തി യോ​ഗം ചേ​ർ​ന്ന് പി​രി​ഞ്ഞു.

ഇ​ന്ന​ലെ​യാ​ണ് സ്ഥ​ലം എംഎ​ൽഎയു​ടെ സാ​ന്നി​ദ്ധ്യ​ത്തി​ൽ സ്മാ​ര​ക ഭ​ര​ണ​സ​മി​തി ക​ല​ക്ക​ത്ത് ഭ​വ​ന​ത്തി​ൽ യോ​ഗം ചേ​ർ​ന്ന​ത്.

കു​ഞ്ച​ൻ ന​മ്പ്യാ​ർ സ്മാ​ര​ക​ത്തി​ൽ തു​ള്ള​ൽ പ​ഠ​ന​വും അ​നു​ബ​ന്ധ പാ​ഠ്യ പ​ദ്ധ​തി​ക​ളും നി​ല​ച്ചി​ട്ട് മാ​സ​ങ്ങ​ൾ പ​ല​തു ക​ഴി​ഞ്ഞി​ട്ടും ഇ​തി​നെ​ക്കു​റി​ച്ച് ച​ർ​ച്ച ചെ​യ്യാ​നോ പ്ര​തി​സ​ന്ധി​ക്ക് പ​രി​ഹാ​രം ക​ണ്ട് പ​ഠ​നം തു​ട​ങ്ങു​ന്ന​തി​നോ ഭ​ര​ണ​സ​മി​തി ഒ​രു ന​ട​പ​ടി​യും സ്വീ​ക​രി​ക്കാ​ത്ത അ​വ​സ്ഥ​യാ​ണ്. ക​ഴി​ഞ്ഞ ദി​വ​സം വി​വി​ധ ജി​ല്ല​ക​ളി​ൽ നി​ന്നെത്തി​യ തു​ള്ള​ൽ ക​ലാ​കാ​ര​ന്മാ​ർ കു​ഞ്ച​ൻ ന​മ്പ്യാ​ർ ജ​ന്മ​ഗൃ​ഹ​ത്തി​ലേ​ക്ക് പ്ര​തി​ഷേ​ധ മാ​ർ​ച്ച് സം​ഘ​ടി​പ്പി​ച്ചി​രു​ന്നു.

ഇ​ക്കാ​ര്യം പോ​ലും ച​ർ​ച്ച ചെ​യ്യാ​ൻ സ്മാ​ര​ക ഭ​ര​ണ​സ​മി​തി ത​യ്യാ​റാ​യി​ല്ലെ​ന്നാ​ണ് സൂ​ച​ന.
ശ​മ്പ​ളം ല​ഭി​ക്കാ​ത്ത​തി​നെ തു​ട​ർ​ന്ന് സ്മാ​ര​ക​ത്തി​ലെ തു​ള്ള​ൽ അ​ധ്യാ​പ​ക​രും മ​റ്റും ജോ​ലി​ക്ക് വ​രു​ന്ന​ത് നി​ർ​ത്തി​വ​ച്ചി​രി​ക്കു​ക​യാ​ണ്.

സ്മാ​ര​ക​ത്തി​ലെ കു​ട്ടി​ക​ളു​ടെ അ​ര​ങ്ങേ​റ്റ​ത്തെ കു​റി​ച്ചാ​ണ് ഭ​ര​ണ​സ​മി​തി പ്ര​ധാ​ന​മാ​യും ച​ർ​ച്ച​ചെ​യ്ത​ത് എ​ന്നാ​ണ് വി​വ​രം ഈ ​മാ​സം 28ന് കു​ഞ്ച​ൻ ന​മ്പ്യാ​ർ സ്മാ​ര​ത്തി​ൽ വ​ച്ച് ക​ലാ​കാ​ര​ന്മാ​രു​ടെ അ​ര​ങ്ങേ​റ്റം ന​ട​ത്താ​നാ​ണ് തീ​രു​മാ​നം. 21 കു​ട്ടി​ക​ളാ​ണ് അ​ര​ങ്ങേ​റ്റം കു​റി​ക്കു​ന്ന​ത്.

സം​സ്ഥാ​ന സ​ർ​ക്കാ​ർ അ​നു​വ​ദി​ച്ച ഒ​രു കോ​ടി 96 ല​ക്ഷം രൂ​പ​യു​ടെ പ്ര​വ​ർ​ത്തി​ക​ളു​ടെ അ​നു​മ​തി ഹാബിറ്റാറ്റ് ഏ​ജ​ൻ​സി​യെ ഏ​ൽ​പ്പി​ക്കു​ന്ന​തി​നും തീ​രു​മാ​ന​മെ​ടു​ത്തി​ട്ടു​ണ്ട്.


മൂ​ന്ന് ജി​ല്ല​ക​ളെ ത​മ്മി​ൽ ബ​ന്ധി​പ്പി​ച്ച് പ്ര​വ​ർ​ത്തി​ക്കു​ന്ന മ​ല​ബാ​ർ ലി​റ്റ​റ​റി സ​ർ​ക്യൂ​ട്ടിന്‍റെ ഭാ​ഗ​മാ​യി കു​ഞ്ച​ൻ ന​മ്പ്യാ​ർ സ്മാ​ര​ക​ത്തെ​യും ഉ​ൾ​പ്പെ​ടു​ത്തി​യി​ട്ടു​ണ്ട്.

അ​തി​ന്‍റെ ഭാ​ഗ​മാ​യി അ​ര​ക്കോ​ടി രൂ​പ​യോ​ളം ഉ​പ​യോ​ഗ​പ്പെ​ടു​ത്തി​യു​ള്ള വി​ക​സ​ന പ്ര​വ​ർ​ത്ത​ന​ങ്ങ​ളും സ്മാ​ര​ക​ത്തി​ൽ ന​ട​ക്കും.

ഈ ​പ്ര​വ​ർ​ത്ത​ന​ങ്ങ​ൾ എ​ത്ര​യും വേ​ഗം ഏ​റ്റെ​ടു​ത്തു ന​ട​ത്തു​ന്ന​തി​ന് ആ​വ​ശ്യ​മാ​യ ഇ​ട​പെ​ട​ൽ ന​ട​ത്താ​നാ​ണ് യോ​ഗം തീ​രു​മാ​നി​ച്ചു പി​രി​ഞ്ഞ​ത്.

ദേ​ശീ​യ സ്മാ​ര​ക​മാ​യ കു​ഞ്ച​ൻ ന​മ്പ്യാ​ർ ജ​നി​ച്ച ക​ല​ക്ക​ത്ത് ഭ​വ​നം ഇ​ന്ന് വ​റു​തി​യു​ടെ പി​ടി​യി​ലമ​ർ​ന്നി​രി​ക്കു​ക​യാ​ണ്.

ആ​റു മാ​സ​ത്തി​ൽ അ​ധി​ക​മാ​യി കു​ഞ്ച​ൻ ന​മ്പ്യാ​ർ സ്മാ​ര​ക​ത്തി​ലെ ക​ലാ പ​ഠ​ന​ങ്ങ​ൾ നി​ല​ച്ചി​ട്ട്.
ഓ​ട്ട​ൻ​തു​ള്ള​ൽ, മൃ​ദം​ഗം, നൃ​ത്ത വാ​ദ്യോ​പ​ക​ര​ണ​ങ്ങ​ൾ, സം​സ്കൃ​തം എ​ന്നി​വ​യാ​ണ് ഇ​വി​ടെ അ​ഭ്യ​സി​പ്പി​ക്കു​ന്ന​ത്.

കേ​ര​ള ക​ലാ​മ​ണ്ഡ​ല​ത്തി​ന്‍റെ അ​നു​ബ​ന്ധ സ്ഥാ​പ​നം ആ​യി​ട്ടാ​ണ് ഇ​പ്പോ​ൾ ക​ല​ക്ക​ത്ത് ഭ​വ​നം പ്ര​വ​ർ​ത്തി​ക്കു​ന്ന​ത്.

ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യാ​ണ് കു​ഞ്ച​ൻ സ്മാ​ര​കം നേ​രി​ടു​ന്ന​ത്.
സ്മാ​ര​ക​ത്തി​ന്‍റെ വി​ക​സ​നം പൂ​ർ​ണ​മാ​യി മു​ര​ടി​ച്ച അ​വ​സ്ഥ​യാ​ണ്.

ഭീ​മ​മാ​യ ശ​മ്പ​ള​കു​ടി​ശി​ക വ​ന്ന​തോ​ടെ കു​ഞ്ച​ൻ ന​മ്പ്യാ​ർ ക​ലാ​പീ​ഠ​ത്തി​ൽ അ​ധ്യാ​പ​നം ന​ട​ത്തി​യി​രു​ന്ന​വ​ർ സ​മ​ര​ത്തി​ന്‍റെ പാ​ത​യി​ലാ​ണ്.

ഇ​തോ​ടു​കൂ​ടി ഇ​വി​ടെ പ​ഠ​നം ന​ട​ത്തി​വ​ന്നി​രു​ന്ന വി​ദ്യാ​ർ​ഥി​ക​ളും ക​ഷ്ട​ത്തി​ലാ​യി​രി​ക്കു​ക​യാ​ണ്.