വടക്കഞ്ചേരി: കേരള കോൺഗ്രസ് -എം വടക്കഞ്ചേരി മണ്ഡലം പ്രസിഡന്റായിരുന്ന ജോർജ് വർഗീസ് കണ്ടംപറമ്പിലിന്റെ നിര്യാണത്തിൽ വടക്കഞ്ചേരിയിൽ ചേർന്ന സർവകക്ഷി യോഗം അനുശോചിച്ചു. കേരള കോൺഗ്രസ്- എം ജില്ലാ പ്രസിഡന്റ് അഡ്വ.കെ. കുശലകുമാർ അധ്യക്ഷത വഹിച്ചു.
സിപിഎം ജില്ലാ സെക്രട്ടറിയേറ്റ് മെംബർ ടി.എം. ശശി, കേരള കോൺഗ്രസ്-എം സംസ്ഥാന സെക്രട്ടറി അഡ്വ. ജോസ് ജോസഫ്, തരൂർ നിയോജക മണ്ഡലം പ്രസിഡന്റ് സണ്ണി നടയത്ത്, എ. ശശിധരൻ, ജോസഫ് മറ്റത്തിൽ, ബിജു പുലിക്കുന്നേൽ, ജോർജ് നെല്ലിശ്ശേരി, കെ. സുരേഷ് കുമാർ, എച്ച്. ഹനീഫ , വി.എ. ബെന്നി, അഡ്വ. ടൈറ്റസ് ജോസഫ്, തോമസ് ജോൺ, ജോസ് വടക്കേക്കര എന്നിവർ പ്രസംഗിച്ചു.