ചി​ന​ക്ക​ത്തൂ​രി​ൽ പൊ​ൻ പൂ​രം പൂ​നി​ലാ​വാ​യി പൊ​ട്ടി​വി​രി​ഞ്ഞു
Sunday, February 25, 2024 6:29 AM IST
ഒറ്റ​പ്പാ​ലം : ചി​ന​ക്ക​ത്തൂ​രി​ൽ പൊ​ൻ​പൂ​രം പൂ​നി​ലാ​വാ​യ് പെ​യ്തി​റ​ങ്ങി..... പൂ​ര​മൊ​രു പൂ​വായി വി​രി​യാ​ൻ കാ​ത്തി​രു​ന്ന ത​ട്ട​ക​ത്തി​ൽ പൊ​ട്ടി വി​രി​ഞ്ഞ​ത് പൂ​ക്ക​ളു​ടെ പൊ​ൻ​വ​സ​ന്തം. കും​ഭ​സൂ​ര്യ​ൻ ക​ന​ലെ​രി​ഞ്ഞ ത​ട്ട​ക​ത്തി​ൽ ആ​വേ​ശം ത​ണ​ലൊ​രു​ക്കി. ആ​വേ​ശ​ത്തി​ന് അ​തി​ര് ആ​കാ​ശം മാ​ത്രം. രാ​വി​ലെ ദേ​ശ​ങ്ങ​ളി​ൽ നി​ന്നു​മു​യ​ർ​ന്ന ക​തി​ന വെ​ടി പൂ​ര​ത്തി​ൻ്റെ വ​ര​വ​റി​യി​ച്ചു.

മാ​ഘ​മാ​സ​ത്തി​ലെ മ​കം നാ​ളിന്‍റെ പു​ണ്യം തേ​ടി ദേ​വി​യു​ടെ ഭൂ​ത​ഗ​ണ​ങ്ങ​ളാ​യ പൂ​ത​നും, തി​റ​യും വെ​ള്ളാ​ട്ടു​മാ​ണ് ആ​ദ്യം ഭ​ഗ​വ​തി​യെ വ​ണ​ങ്ങാ​നെ​ത്തി​യ​ത്. ആ​റാ​ട്ടി​ന് ശേ​ഷം താ​ഴ​ത്തെ കാ​വി​ൽ കൊ​ടി​ക്കൂ​റ താ​ഴ്ത്തി. കി​ഴ​കൂ​ട്ട് അ​നി​യ​ൻ​മാ​രാ​രു​ടെ നേ​തൃ​ത്വ​ത്തി​ൽ ആ​റാ​ട്ട് മേ​ള​വും അ​ര​ങ്ങേ​റി.

അ​നു​ഷ്ഠാ​ന ക​ലാ​രൂ​പ​ങ്ങ​ളാ​യ പൂ​ത​ൻ-​തി​റ​ക​ളു​ടെ കാ​വേ​റ്റ​ത്തോ​ടെ ത​ട്ട​ക​ത്തി​ൽ പൂ​ര​ക്കാ​ഴ്ച​ക​ളു​ടെ ചി​ല​മ്പ​ണി​ഞ്ഞു. ആ​റാ​ട്ടി​ന് ശേ​ഷം, തി​രു​ന​ട​യ​ട​ച്ച് കാ​വു​തീ​ണ്ടി. പി​ന്നെ മേ​ലേ​ക്കാ​വി​ലാ​യി​രു​ന്നു പൂ​രം. ഉ​ച്ച​യ്ക്ക് ഏ​ഴു ദേ​ശ​ങ്ങ​ളി​ൽ നി​ന്നും പൂ​ര​പ്പു​റ​പ്പാ​ട് ന​ട​ന്നു.

ദേ​ശ​ക്ക​രു​ത്തി​ന്റെ ചു​മ​ലി​ലേ​റി കു​തി​ര​ക്കോ​ല​ങ്ങ​ൾ കാ​വി​ലേ​ക്കു കു​തി​ച്ചെ​ത്തി. ഉ​ച്ച​ക​ഴി​ഞ്ഞു മൂന്നിന് ​കു​തി​ര​ക​ൾ പൂ​ര​പ്പ​റ​മ്പി​ൽ‍ പ​ടി​ഞ്ഞാ​റ്, കി​ഴ​ക്ക് ചേ​രി​ക​ളി​ലാ​യി അ​ണി​നി​ര​ന്നു. കു​തി​ര കോ​ല​ങ്ങ​ൾ അ​ഭി​ന​വ മാ​മാ​ങ്ക​മാ​ടി കൊ​ന്നും ച​ത്തും തീ​ർ​ന്ന ചാ​വ​ർ പ​ട​യാ​ളി​ക​ളു​ടെ ക​ർ​മ്മ​കാ​ണ്ഡം പു​ന​ർ​ജ​നി​ച്ചു.

കു​തി​ര​ക​ളി​ക്കു ശേ​ഷം ക​ളി ക​ഴി​ഞ്ഞു കു​തി​ര​ക​ൾ പ​ന്തി​ക​ളി​ലേ​ക്കു പി​ൻ​വാ​ങ്ങി​യ​തോ​ടെ തേ​രും ത​ട്ടി​ന്മേ​ൽ​ക്കൂ​ത്തും വ​ഴി​പാ​ട് കു​തി​ര​ക​ളും കാ​ള​ക​ളും ദേ​വി​യെ വ​ണ​ങ്ങാ​നെ​ത്തി.

ഉ​ച്ച​യ്ക്കു പ​ഞ്ച​വാ​ദ്യ​ത്തി​ന്‍റെ അ​ക​മ്പ​ടി​യോ​ടെ ദേ​ശ​ങ്ങ​ളി​ൽ നി​ന്നു പു​റ​പ്പെ​ട്ട ആ​ന​പ്പൂ​ര​ങ്ങ​ൾ മൈ​താ​ന​ത്തി​ന്റെ പ​ടി​ഞ്ഞാ​റ്, കി​ഴ​ക്ക് ചേ​രി​ക​ളി​ലാ​യി അ​ണി​നി​ര​ന്നു. ഒ​റ്റ​പ്പാ​ലം, പാ​ല​പ്പു​റം, മീ​റ്റ്ന, എ​റ​ക്കോ​ട്ടി​രി, പ​ല്ലാ​ർ​മം​ഗ​ലം ദേ​ശ​ങ്ങ​ളി​ലെ 17 ഗ​ജ​വീ​ര​ന്മാ​ർ പ​ടി​ഞ്ഞാ​റ​ൻ ചേ​രി​യി​ലും തെ​ക്കു​മം​ഗ​ലം, വ​ട​ക്കു​മം​ഗ​ലം ദേ​ശ​ങ്ങ​ളി​ലെ 10 ആ​ന​ക​ൾ കി​ഴ​ക്ക​ൻ ചേ​രി​യി​ലും മു​ഖാ​മു​ഖം അ​ണി​നി​ര​ന്ന​തോ​ടെ പാ​ണ്ടി​മേ​ളം തു​ട​ങ്ങി.

വിവിധ ദേ​ശ​ങ്ങ​ളി​ൽ നി​ന്നു പു​റ​പ്പെ​ടു​ന്ന രാ​ത്രി​പ്പൂ​രം ഇ​ന്ന് പു​ല​ർ​ച്ചെ വീ​ണ്ടും ക്ഷേ​ത്ര​സ​ന്നി​ധി​യി​ലെ​ത്തി പാ​ണ്ടി​മേ​ള​ത്തി​ന്‍റെ അ​ക​മ്പ​ടി​യ​ടെ എ​ഴു​ന്ന​ള്ളി​പ്പു പൂ​ർ​ത്തി​യാ​ക്കും. രാ​വി​ലെ ഏ​ഴ​ര​യോ​ടെ ഇ​രു ചേ​രി​ക​ളി​ലെ​യും 27 ഗ​ജ​വീ​ര​ന്മാ​ർ ഒ​ന്നി​ച്ച​ണി​നി​ര​ന്നു കൂ​ട്ടി​യെ​ഴു​ന്ന​ള്ളി​പ്പ് പൂ​ർ​ത്തി​യാ​ക്കി ഉ​പ​ചാ​രം ചൊ​ല്ലി പി​രി​യും.