ADVERTISEMENT

ADVERTISEMENT

ചെമ്പുച്ചിറ സ്‌കൂളില്‍ നിര്‍മിക്കുന്ന വര്‍ണക്കൂടാരത്തിന് ശിലാസ്ഥാപനം നടത്തി

ചെമ്പുച്ചിറ: എസ്എസ്‌കെയുടെ സ്റ്റാഴ്‌സ് പദ്ധതി പ്രകാരം 10 ലക്ഷം ചെലവില്‍ ചെമ്പുച്ചിറ സര്‍ക്കാര്‍ ഹയര്‍ സെക്കന്‍ഡറി സ്‌കൂളില്‍ നിര്‍മിക്കുന്ന വര്‍ണകൂടാരത്തിന് ശിലാസ്ഥാപനം നടത്തി. ജില്ല പഞ്ചായത്ത് പ്രസിഡന്‍റ്് വി.എസ്. പ്രിന്‍സ് നിര്‍വഹിച്ചു. മറ്റത്തൂര്‍ ഗ്രാമപഞ്ചായത്ത് പ്രസിഡന്‍റ് അശ്വതി വിബി അധ്യക്ഷത വഹിച്ചു.

പഞ്ചായത്തംഗം ജിഷ ഹരിദാസ്, പിടിഎ പ്രസിഡന്‍റ് പി.എസ്.പ്രശാന്ത്, വിദ്യാലയ വികസന സമിതി ചെയര്‍മാന്‍ ടി.ബാലകൃഷ്ണമേനോന്‍, പൂര്‍വവിദ്യാര്‍ഥി സംഘടന പ്രസിഡന്‍റ് എന്‍.എസ്. വിദ്യാധരന്‍, കൊടകര ബിപിസി വി.ബി.സിന്ധു, ടി.ബി. ശിഖാമണി, പ്രിന്‍സിപ്പൽ‍ ടി. സതീഷ്, പ്രധാനധ്യാപിക കൃപ കൃഷ്ണന്‍, സീനിയര്‍ അധ്യാപിക കെ.ജി.ഗീത എന്നിവര്‍ പ്രസംഗിച്ചു.

ADVERTISEMENT

പൂരപ്പന്തലുകൾ മിഴിതുറന്നു

തൃശൂർ: ആകാശംമുട്ടുന്ന പ്രകാശഗോപുരങ്ങളായി നടുവിലാലിലും നായ്ക്കനാലിലും മണികണ്ഠനാലിലും പൂരപ്പന്തലുകൾ റെഡി. സാന്പിൾ വെടിക്കെട്ടിനു തൊട്ടുമുന്പാണു മൂന്നു പന്തലുകളിലും ലൈറ്റുകൾ ഓണ്‍ ചെയ്തത്. എടപ്പാൾ സ്വദേശി നാദം ബൈജുവിന്‍റെ നേതൃത്വത്തിലാണു പാറമേക്കാവിന്‍റെ പന്തൽ നിർമിച്ചത്. മണികണ്ഠനാലിൽ ഒരുക്കിയ പന്തലിൽ ലൈറ്റുകൾക്കു പുറമേ ചിത്രങ്ങളും വീഡിയോകളും പ്രത്യക്ഷപ്പെട്ടതും കൗതുകമായി. പാറമേക്കാവിനായി അഞ്ചാം തവണയാണു ബൈജു പന്തൽ നിർമിച്ചത്. ചെറുതുരുത്തി സ്വദേശി സെയ്തലവിയാണ് തിരുവന്പാടിയുടെ നടുവിലാൽ പന്തൽ നിർമിച്ചത്. പൂരത്തിനായി പതിനാറാം വർഷമാണ് സെയ്തലവിയും സംഘവും പന്തൽ ഉയർത്തിയത്. 24 കാലുകളിലായി 110 അടിയോളം ഉയരത്തിൽ ഗോപുരമാതൃകയിൽ നിർമിച്ചിരിക്കുന്ന പന്തലിൽ നിറയെ ഡിജിറ്റൽ ലൈറ്റുകളാണ്. തിരുവന്പാടിയുടെ നായ്ക്കനാൽ പന്തൽ നിർമാണത്തിന് ഈ വർഷവും ചേറൂർ സ്വദേശി പള്ളത്ത് മണികണ്ഠനാണു നേതൃത്വം നൽകിയത്. ബഹുനിലപ്പന്തൽ പൂർണമായും ഡിജിറ്റൽ സംവിധാനങ്ങളോടെയാണ് ഒരുക്കിയത്. പൂരപ്പന്തൽപണിയിൽ മണികണ്ഠനിത് ആറാം വർഷമാണ്. ക്ഷേത്രമാതൃകയിൽ നാലുനിലകളിലായാണ് പന്തൽ.

കരിവീരപ്പുറമേറാൻ കലാകാരന്‍റെ കരവിരുതിൽ കൗതുകക്കുടകൾ

തൃശൂർ: പൂരത്തിനു മായക്കാഴ്ചയൊരുക്കുന്ന കുടമാറ്റത്തിന് ഇത്തവണയും വ്യത്യസ്തകൾകൊണ്ട് ശ്രദ്ധേയനായി പൂങ്കുന്നം സീതാറാം മിൽലെയ്ൻ സ്വദേശി പ്രസാദ് തോട്ടപ്പാത്ത്. തിരുവന്പാടി വിഭാഗത്തിനു വേണ്ടി ശിവപാർവതിയുടെയും പാറമേക്കാവിനായി ഗണപതിയുടെയും സ്പെഷൽ കുടകളാണു പ്രസാദ് ഒരുക്കുന്നത്. കുടമാറ്റത്തിന് ആദ്യമായി രൂപക്കുടകൾ അവതരിപ്പിച്ചു ശ്രദ്ധേയനായ ചിത്രകലാധ്യാപകൻകൂടിയായ പ്രസാദ് തിരുവന്പാടിക്കുവേണ്ടി 19 വർഷമായും പാറമേക്കാവിനുവേണ്ടി ആറാംവർഷവുമാണു കുട ഒരുക്കുന്നത്. ‌പ്രതിഫലേച്ഛ കൂടാതെയാണു കുടനിർമാണം. കുചേലന്‍റെ രൂപമൊരുക്കിയായിരുന്നു പൂരത്തിലേക്കുള്ള ചുവടുവയ്പ്. പ്രചോദനമേകിയത് കേരളവർമ കോളജ് അധ്യാപകനായിരുന്ന അന്തരിച്ച ജനാർദനൻ മാസ്റ്ററാണ്. നിലവിൽ ഒരു സെറ്റ് കുടയ്ക്ക് (14 കുടകൾ) ഒന്നേകാൽ ലക്ഷം രൂപയാണു നിർമാണച്ചെലവ്. പാറമേക്കാവിനും തിരുവന്പാടിക്കും രണ്ടുസെറ്റ് കുടകൾവീതമാണ് പ്രസാദിന്‍റെ പണിപ്പുരയിൽ ഒരുങ്ങിയിട്ടുള്ളത്. ഒന്നരമാസമായി രാത്രി വൈകിയും പണികൾ നടക്കുന്നു. നാലുപേർ സഹായത്തിനുണ്ട്. കൂടാതെ കൂട്ടുകാരും. കുന്നംകുളം എക്സൽ പബ്ലിക് സ്കൂളിലാണു പ്രസാദ് ജോലിചെയ്യുന്നത്. ശരണ്യയാണു ഭാര്യ. മകൻ: ദക്ഷ്.

ഇന്നു പൂരവിളംബരം

തൃശൂർ: പൂരത്തിനു നാന്ദികുറിച്ച് വടക്കുംനാഥന്‍റെ തെക്കേഗോപുരനട തുറക്കാൻ രാവിലെ പത്തരയോടെ നെയ്തലക്കാവിലമ്മയെത്തും. കൊച്ചിൻ ദേവസ്വം ബോർഡിന്‍റെ കൊന്പൻ എറണാകുളം ശിവകുമാർ തിടന്പേറ്റും. ഇന്നു രാവിലെ കുറ്റൂർ നെയ്തലക്കാവിൽനിന്നു തിടന്പേറ്റി പുറപ്പെടുന്പോൾ തട്ടകക്കാരും പൂരപ്രേമികളും ഭഗവതിയെ യാത്രയാക്കാനെത്തും. കുറ്റൂരിൽനിന്നു പാന്പൂർ ചെന്പിശേരി മേൽപാലംവഴി വിയ്യൂർ ജംഗ്ഷനിലെത്തി പാട്ടുരായ്ക്കൽ ജംഗ്ഷനിലൂടെ തിരുവന്പാടിക്കു മുന്നിലെത്തി നായ്ക്കനാൽവഴി സ്വരാജ് റൗണ്ടിൽ പ്രവേശിക്കും. തുടർന്ന് പാറമേക്കാവിനു മുന്നിലൂടെ തേക്കിൻകാട് മൈതാനിയിലൂടെ ശ്രീമൂലസ്ഥാനത്തെത്തും. അവിടെ മേളംകൊട്ടിക്കലാശിച്ചശേഷം പടിഞ്ഞാറേഗോപുരം കടന്നു തെക്കേഗോപുരനടയിലെത്തി വാതിൽ തുറന്നു ശിവകുമാർ കാത്തുനിൽക്കുന്ന ഭക്തരെയും പൂരാസ്വാദകരെയും അഭിവാദ്യം ചെയ്യുന്നതോടെ പൂരവിളംബരം പൂർത്തിയാകും. ഏഴാം തവണയാണ് എറണാകുളം ശിവകുമാർ പൂരവിളംബരം നടത്താനെത്തുന്നത്.

ഇത്തവണ പൂരം ആദ്യമായി നേരിൽകാണും: സുരേഷ് ഗോപി

തൃശൂർ: പൂരവുമായി ബന്ധപ്പെട്ട ആചാരാനുഷ്ഠാനങ്ങളിലെ അവകാശങ്ങൾക്കൊന്നും തടസമുണ്ടാകില്ലെന്നും ജില്ലാ ഭരണകൂടത്തിന് ഉത്തരവാദിത്തം നൽകിയാണ് ഇക്കുറി വെടിക്കെട്ടിന് ഇളവുനൽകിയതെന്നും കേന്ദ്രമന്ത്രി സുരേഷ് ഗോപി. ഭക്തരും ആസ്വാദകരും സഹകരിച്ച് അച്ചടക്കത്തോടെ കൊണ്ടുപോയാൽ വരുംവർഷവും കൂടുതൽ ഇളവുകൾ നേടാൻകഴിയും. ആചാരങ്ങളുമായി ബന്ധപ്പെട്ട അവകാശങ്ങൾക്കു തടസമുണ്ടാകാതെ നിയന്ത്രണങ്ങൾ കൊണ്ടുവരണമെന്നു മന്ത്രിയോടു സൂചിപ്പിക്കും. പൂരം കാണാൻ കൂടുതൽ പേർക്കു സൗകര്യമുണ്ടാക്കണമെന്ന് ആവശ്യപ്പെടാനിരിക്കുന്പോഴാണു കഴിഞ്ഞമാസം ഗുജറാത്തിൽ പടക്കനിർമാണശാലയിൽ അപകടമുണ്ടായത്. ഈ സാഹചര്യത്തിൽ വെടിക്കെട്ട് നിയന്ത്രണങ്ങളിൽ ഇളവുനൽകുന്നത് ബുദ്ധിമുട്ടാണ്. പൂരപ്പറന്പിൽ രാഷ്ട്രീയ-മത-ജാതിചിഹ്നങ്ങൾ പ്രദർശിപ്പിക്കരുതെന്ന നിർദേശം നല്ലതാണ്. ചിഹ്നങ്ങൾ, പോസ്റ്ററുകൾ എന്നിവയുടെ കാര്യത്തിൽ അതിരു നിശ്ചയിക്കണം. ഇതുവരെ ടിവിയിലാണു പൂരം കണ്ടത്. വെടിക്കെട്ട് അകലെനിന്നാണു കണ്ടത്. ഇക്കുറി എല്ലാവരെയുംപോലെ അനുവദിക്കപ്പെട്ട അകലത്തിൽനിന്ന് പൂരം കാണാൻ ആഗ്രഹമുണ്ടെന്നും സുരേഷ് ഗോപി പറഞ്ഞു.

പൂരത്തിളപ്പിൽ തൃശൂർ

പൂരത്തിന് ആശംസ നേർന്ന് മാർ ആൻഡ്രൂസ് താഴത്ത് തൃശൂർ: പൂരത്തോടനുബന്ധിച്ചു തിരുവന്പാടി, പാറമേക്കാവ് ദേവസ്വങ്ങൾക്ക് ആശംസനേർന്ന് തൃശൂർ അതിരൂപത മെത്രാപ്പൊലീത്തയും സിബിസിഐ പ്രസിഡന്‍റുമായ മാർ ആൻഡ്രൂസ് താഴത്ത്. ദേവസ്വം ഭാരവാഹികളെ കണ്ട് പൂച്ചെണ്ടുനൽകി അദ്ദേഹം ആശംസകൾ അർപ്പിച്ചു. ഭാരവാഹികൾക്കൊപ്പം ചമയപ്രദർശനവും കണ്ടു. വിദേശ ടൂറിസ്റ്റുകൾക്ക് പ്രത്യേകം പാസ് തൃശൂർ: പൂരത്തിന്‍റെ ഭാഗമായി വിദേശ വിനോദസഞ്ചാരികൾക്കു കുടമാറ്റം ആസ്വദിക്കാൻ തെക്കേഗോപുര നടയിൽ പ്രത്യേകം പവലിയൻ ഒരുക്കി. പവലിയനിലേക്കുള്ള പാസ് ലഭിക്കാൻ ജില്ല ടൂറിസം പ്രമോഷൻ കൗണ്‍സിലുമായി ബന്ധപ്പെടണം. ഫോണ്‍: 0487 2320800, 949610173, 8714924304. ദേവസ്വം ബോർഡ് പൂരം ക്യാന്പ് ഓഫീസ് ഉദ്ഘാടനം തൃശൂർ: കൊച്ചിൻ ദേവസ്വം ബോർഡിന്‍റെ പൂരം ക്യാന്പ് ഓഫീസ് വടക്കുന്നാഥക്ഷേത്രത്തിൽ ദേവസ്വം മന്ത്രി വി.എൻ. വാസവൻ ഉദ്ഘാടനം ചെയ്തു. മന്ത്രിമാരായ കെ. രാജൻ, ആർ. ബിന്ദു, കൊച്ചിൻ ദേവസ്വം ബോർഡ് പ്രസിഡന്‍റ് കെ. രവീന്ദ്രൻ, ബോർഡ് അംഗം അഡ്വ. കെ.പി. വിജയൻ, ദേവസ്വം കമ്മീഷണർ എസ്.ആർ. ഉദയകുമാർ, ദേവസ്വം സെക്രട്ടറി പി. ബിന്ദു, ഡെപ്യൂട്ടി കമ്മീഷണർ കെ. സുനിൽകുമാർ, അസി. കമ്മീഷണർ എം. മനോജ്കുമാർ തുടങ്ങിയവർ പങ്കെടുത്തു. ഏഴുവരെ മുഴുവൻ സമയവും ക്യാന്പ് ഓഫീസ് പ്രവർത്തിക്കും. നാളെ രാവിലെ ആറുമുതൽ ഗതാഗതനിയന്ത്രണം തൃശൂർ: പൂരത്തോട് അനുബന്ധിച്ച് നാളെ രാവിലെ ആറുമുതൽ മറ്റന്നാൾ പകൽപൂരം കഴിയുന്നതുവരെ നഗരത്തിലും പരിസരത്തും ഗതാഗതം നിയന്ത്രിക്കും. സ്വരാജ് റൗണ്ടിൽ നാളെ രാവിലെ അഞ്ചുമുതൽ പൂരം അവസാനിക്കുന്നതുവരെ വാഹനങ്ങൾ പാർക്ക് ചെയ്യാൻ പാടില്ല. സ്വകാര്യ വാഹനങ്ങൾക്ക് റൗണ്ടിന്‍റെ ഒൗട്ടർ റിംഗ് വരെ മാത്രമാണു പ്രവേശനാനുമതി. നഗരത്തിലെ തദ്ദേശവാസികളുടെ വാഹനങ്ങൾക്ക് അനുമതി ലഭിക്കാൻ വാഹനത്തിന്‍റെ നന്പറും തിരിച്ചറിയൽ രേഖയും കരുതണം. സ്വകാര്യ ബസുകളും കെഎസ്ആർടിസിയും ഗതാഗതനിയന്ത്രണം പാലിക്കണമെന്നു ട്രാഫിക് പോലീസ് അറിയിച്ചു.

നാളെയാണിഷ്ടാ... മ്മ്ടെ പൂരം...

തൃശൂർ: പൂരക്കന്പക്കാർ കാത്തുകാത്തിരിക്കുന്ന തൃശൂർ പൂരം നാളെ. ഇന്നുരാവിലെ നെയ്തലക്കാവ് ഭഗവതി തെക്കേഗോപുരനട തുറന്നു പൂരവിളംബരം നടത്തുന്നതോടെ എല്ലാ വഴികളും പൂരനഗരിയിലേക്ക്. കാണാനും പറയാനും പൂരവിശേഷങ്ങൾ മാത്രം. രാവിലെ ഘടകപൂരങ്ങൾ ക്ഷേത്രസന്നിധിയിലേക്കു വന്നണയും. ഒപ്പം ജനാവലിയുടെ ഒഴുക്കുതുടങ്ങും. മഠത്തിലേക്കുള്ള തിരുവന്പാടിയുടെ പുറപ്പാട്, തിരിച്ചു നടുവിൽമഠത്തിൽനിന്നു പഞ്ചവാദ്യത്തിന്‍റെ അകന്പടിയോടെയുള്ള മഠത്തിൽവരവ്, പാറമേക്കാവ് ഭഗവതിയുടെ പൂരം പുറപ്പാട്, ഇലഞ്ഞിത്തറമേളം, ലോകത്തെ മനോഹരകാഴ്ചയെന്ന് യുനെസ്കോ പോലും വാഴ്ത്തിയ തെക്കോട്ടിറക്കവും കുടമാറ്റവും, രാത്രിയിൽ തീവെട്ടി വെളിച്ചത്തിൽ പകൽപ്പൂരങ്ങളുടെ ആവർത്തനങ്ങൾ, മാനത്ത് മാരവില്ല് വിരിയുന്ന പൂരം വെടിക്കെട്ട്, ഉപചാരം ചൊല്ലിപ്പിരിഞ്ഞതിനുശേഷമുള്ള പകൽ വെടിക്കെട്ടും കഴിഞ്ഞു പൂരക്കഞ്ഞിയും കുടിച്ചുള്ള യാത്ര പറച്ചിൽ വരെ നഗരം പൂരത്തിലലിയും.

പോലീസ് സേനയില്‍ മാനുഷിക മൂല്യങ്ങള്‍ ഉയര്‍ത്തിപ്പിടിക്കണം: മന്ത്രി ആര്‍. ബിന്ദു

ഇരിങ്ങാലക്കുട: പോലീസ് സേനയില്‍ മാനുഷിക മൂല്യങ്ങള്‍ ഉയര്‍ത്തിപ്പിടിക്കണമെന്നും പോലീസ് ഉദ്യോഗസ്ഥര്‍ക്ക് നേരെ മേലുദ്യോഗസ്ഥരുടെ ഭാഗത്തുനിന്ന് മനുഷ്യത്വപരമായ പെരുമാറ്റം മുണ്ടാകണമെന്നും തൊഴില്‍ മേഖലയിലെ സമ്മര്‍ദ്ദം കുറയ്ക്കുന്നതിനുള്ള നടപടികള്‍ ഉണ്ടാകണമെന്നും ഉന്നത വിദ്യാഭ്യാസ മന്ത്രി ഡോ. ആര്‍. ബിന്ദു പറഞ്ഞു. കേരള പോലീസ് ഓഫീസേഴ്‌സ് ഏസോസിയേഷന്‍ (കെപിഒഎ) തൃശൂര്‍ റൂറല്‍ ജില്ലാ സമ്മേളനം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു മന്ത്രി. ക്രമസമാധാന ചുമതലയില്‍ ഒന്നാം സ്ഥാനത്തുള്ള കേരളം മറ്റു സംസ്ഥാനങ്ങള്‍ക്കു തന്നെ മാതൃകയാണ്. പരിശീലനത്തിന്‍റെ ഭാഗമായി ആത്മസമയമനം ശീലമാക്കിയവരാണ് പോലീസ് സേനാംഗങ്ങള്‍ എങ്കിലും വര്‍ധിച്ചുവരുന്ന ഡ്യൂട്ടി ഭാരവും തൊഴില്‍ സമ്മര്‍ദവും പലപ്പോഴും ആത്മ സംയമനം നഷ്ടപ്പെടുന്ന അവസ്ഥയാണ് ഉണ്ടാക്കുന്നത്. അഭിമാനകരമായ പല നേട്ടങ്ങള്‍ ഉയര്‍ത്തി കാണിക്കുമ്പോഴും പോലീസ് സേനയ്ക്കുള്ളില്‍ ആത്മഹത്യകള്‍ വളരെ വിഷമം ഉളവാക്കുന്നതാണെന്നും പോലീസ് ഉദ്യോഗസ്ഥരുടെ വെല്‍ഫയര്‍ ഉറപ്പുവരുത്തി ഡ്യൂട്ടിക്കിടയില്‍ പരസ്പരം ബഹുമാനം നിലനിര്‍ത്തണമെന്നും. തൊഴില്‍ സമ്മര്‍ദ്ദം ഒഴിവാക്കുന്നതിന് വേണ്ട നടപടി ഉണ്ടാകണമെന്നും മന്ത്രി നിര്‍ദേശിച്ചു. കെപിഒഎ ജില്ലാ പ്രസിഡന്‍റ് കെ.ഐ. മാര്‍ട്ടിന്‍ അധ്യക്ഷത വഹിച്ചു. ജനറല്‍ സെക്രട്ടറി സി.ആര്‍. ബിജു, കൊടുങ്ങല്ലൂര്‍ ഡിവൈഎസ്പി വി.കെ. രാജു, ഇരിങ്ങാലക്കുട ഡിവൈഎസ്പി കെ.ജി. സുരേഷ്, സംസ്ഥാന വൈസ് പ്രസിഡന്‍റ് വി. ഷാജി, സിറ്റി സെക്രട്ടറിമാരായ ബിനു ഡേവിസ്, മധുസൂദനന്‍, റൂറല്‍ സെക്രട്ടറി എം.എല്‍. വിജോഷ്, സംസ്ഥാന നിര്‍വാഹ സമിതി അംഗം ടി.ആര്‍. ബാബു, പെന്‍ഷണേഴ്‌സ് സഹകരണ ജില്ലാ പ്രസിഡന്‍റ്് പി.എ. പാര്‍ത്ഥന്‍ എന്നിവര്‍ സംസാരിച്ചു. തുടര്‍ന്ന് നടന്ന പ്രതിനിധി സമ്മേളനത്തില്‍ ജനറല്‍ സെക്രട്ടറി സി.ആര്‍. ബിജു സംഘടനാ റിപ്പോര്‍ട്ടും കെ.പി. രാജു പ്രവര്‍ത്തന റിപ്പോര്‍ട്ടും സി.കെ. ജിജു വരവ് ചെലവ് കണക്കും അവതരിപ്പിച്ചു. യുഎന്‍ സന്തോഷ് പ്രമേയങ്ങളും അവതരിപ്പിച്ചു. സ്വാഗതസംഘം ജനറല്‍ കണ്‍വീനര്‍ വി.യു. സില്‍ജോ സ്വാഗതവും ചെയര്‍മാന്‍ സി.എസ്. ഷെല്ലിമോന്‍ നന്ദിയും പറഞ്ഞു.

വനാതിര്‍ത്തി ഗ്രാമങ്ങളിലേക്കുള്ള 11 കെവി ലൈന്‍ കേബിള്‍ ലൈനാക്കി മാറ്റണമെന്ന ആവശ്യം വനരോദനമായി

വെള്ളിക്കുളങ്ങര: മറ്റത്തൂര്‍ പഞ്ചായത്തിലെ വനാതിര്‍ത്തി ഗ്രാമങ്ങളായ ചൊക്കന, നായാട്ടുകുണ്ട് എന്നിവിടങ്ങളിലേക്ക് വൈദ്യുതി എത്തിക്കുന്നതിന് നിലവിലുള്ള 11 കെവി ലൈന്‍ എച്ച്ടി ലൈന്‍ എബിസി ലൈന്‍ (കേബിള്‍ ലൈന്‍) ആക്കി മാറ്റണമെന്ന പ്രദേശവാസികളുടെ ആവശ്യം എങ്ങുമെത്തിയില്ല. വൈദ്യുതി മന്ത്രിക്കടക്കം നിവേദനം നല്‍കിയിട്ടും ഇതിനുള്ള നടപടി ഉണ്ടായിട്ടില്ലെന്ന് പ്രദേശവാസികള്‍ പരാതിപ്പെട്ടു. വെള്ളിക്കുളങ്ങര സബ് സ്റ്റേഷനില്‍ നിന്ന് ഏകദേശം 10 കിലോമീറ്ററിലധികം വനത്തിലൂടെ വലിച്ചിട്ടുള്ള 11 കെവി ലൈനിലൂടെയാണ് നാട്ടുകുണ്ടിലേക്കും ചൊക്കനയിലേക്കും വൈദ്യുതി എത്തുന്നത്. കാറ്റിലും മഴയിലും മരങ്ങള്‍ ഒടിഞ്ഞ് ലൈനിലേക്ക് വീഴുന്നതു മൂലം പലപ്പോഴും ഇരുട്ടില്‍ കഴിയേണ്ട ഗതികേടിലാണ് ഇവിടെയുള്ളവര്‍. ശാസ്താംപൂവം , കാരിക്കടവ് ആദിവാസി ഉന്നതികളിലേക്കും ഇതേ ലൈനില്‍കൂടിയാണ് വൈദ്യുതിയെത്തുന്നത്. കാറ്റില്‍ മരങ്ങള്‍ വീഴുന്നതിനു കാട്ടാനകള്‍ നിരന്തരം റബ്ബര്‍ മരങ്ങള്‍ തള്ളി മറിച്ചിടുന്നതും വൈദ്യുതി തകരാരിനു കാരണമാകാറുണ്ട്. കാരിക്കടവ് ഉന്നതിയിലേക്കുള്ള ലൈനിലാണ് ഇങ്ങനെ കാട്ടാനകള്‍ റബര്‍മരങ്ങള്‍ മറിച്ചിടാറുള്ളത്. കാട്ടാനശല്യം രൂക്ഷമായിട്ടുള്ള കാരിക്കടവ് ഭാഗത്തേക്ക് വന്യമൃഗങ്ങളെ ഭയന്ന് രാത്രിയായാല്‍ ആരും യാത്ര ചെയ്യാറില്ല. കാട്ടാനയുടെ ആക്രമണത്തില്‍ ഈ പ്രദേശത്ത് മരണങ്ങള്‍ ഉണ്ടായിട്ടുണ്ട്. വൈദ്യുതി വകുപ്പ് ജീവനക്കാരേയും ആനകള്‍ ഓടിച്ച സംഭവങ്ങള്‍ ഉണ്ടായിട്ടുണ്ട്. ചൊക്കന,കാരിക്കടവ് ലൈനില്‍ തകരാര്‍ ഉണ്ടായാല്‍ രണ്ട് ആദിവാസി ഉന്നതികളും ചൊക്കനയിലെ തോട്ടം തൊഴിലാളികളുടെ പാഡികളും നായാട്ടുകുണ്ടിലെ നൂറോളം കുടുംബങ്ങളും ഇരുട്ടിലാകും. മൊബൈല്‍ ഫോണിന് പൊതുവേ റേഞ്ച് കുറവായ ഇവിടെ വൈഫൈ മുഖേനയുള്ള ഇന്റര്‍നെറ്റ് ഉപയോഗപ്പെടുത്തിയാണ് പുരംലേകത്തുള്ളവരുമായി ബന്ധപ്പെടുന്നത്. വൈദ്യുതി നിലച്ചാല്‍ ഇതിനു കഴിയാതെ വരും. വെള്ളിക്കുളങ്ങര സെക്ഷനന്‍ പരിധിയിലെ നായാട്ടുകുണ്ട് ഫീഡറിലെ കട്ടിപ്പൊക്കം മുതല്‍ ചൊക്കന, കാരിക്കടവ്, ശാസ്താംപൂവം വരെയുള്ള എച്ച്ടി ലൈന്‍ കേബില്‍ ലൈന്‍ (എബിസി) ലൈന്‍ ആക്കി മാറ്റിയാല്‍ ഈ പ്രശ്‌നം ഒരു പരിധിവരെ പരിഹരിക്കപ്പെടുമെന്നാണ് പ്രദേശവാസികള്‍ ചൂണ്ടിക്കാട്ടുന്നത്. വീട്ടുമുറ്റങ്ങളില്‍ പോലും കാട്ടാനയും പുലിയും വിഹരിക്കുനന സാഹചര്യം കണക്കിലെടുത്ത് തടസമില്ലാതെ വെളിച്ചം ലഭ്യമാക്കി വന്യമൃഗങ്ങളുടെ ആക്രമണത്തിനിരയാക്കാതെ തങ്ങളെ രക്ഷിക്കണമെന്നാവശ്യപ്പെട്ട് പ്രദേശവാസികള്‍ ഒപ്പിട്ടുനല്‍കിയ നിവേദനങ്ങള്‍ ഇപ്പോഴും ബന്ധപ്പെട്ട ഓഫീസുകളുടെ മേശപ്പുറങ്ങളില്‍ തീര്‍പ്പുകാത്തു കിടക്കുകയാണ്.

ദേവാലയങ്ങളിൽ തിരുനാൾ

കൊടകര സെന്‍റ് ജോസഫ്‌സ് കൊടകര: സെന്‍റ് ജോസഫ്‌സ് ഫൊറോന ദേവാലയത്തില്‍ ഇടവക മധ്യസ്ഥനായ വിശുദ്ധ യൗസേപ്പിതാവിന്‍റെ ഊട്ടുതിരുനാളാഘോഷങ്ങള്‍ ഭക്തിനിര്‍ഭരമായി. രാവിലെ നടന്ന പാട്ടുകുര്‍ബാനയ്ക്ക് റവ.ഡോ. ഡേവിസ് ചെങ്ങനിയാടന്‍ മുഖ്യകാര്‍മികത്വം വഹിച്ചു. തുടര്‍ന്ന് നടന്ന നേര്‍ച്ച ഊട്ടില്‍ പതിനേഴായിരത്തോളം വിശ്വാസികള്‍ പങ്കുകൊണ്ടു. ഉച്ചകഴിഞ്ഞ് ഇടവകയിലെ വൈദികരുടെ കാര്‍മികത്വത്തിലുള്ള സെന്‍റ്് ജോസഫ് ഫാമിലി കുര്‍ബാനയും തിരുനാള്‍ പ്രദക്ഷിണവും ഉണ്ടായി. മണ്ണൂക്കാട് ഫാത്തിമമാത കാട്ടൂര്‍: കാട്ടൂര്‍ മണ്ണൂക്കാട് അവര്‍ ലേഡി ഓഫ് ഫാത്തിമ ദേവാലയത്തില്‍ പരിശുദ്ധ ഫാത്തിമ മാതാവിന്‍റെ ഊട്ടുതിരുനാളിന് കൊടികയറി. രൂപത വികാരി ജനറാള്‍ മോണ്‍. ജോളി വടക്കന്‍ കൊടിയേറ്റം നിര്‍വഹിച്ചു. തിരുനാള്‍ ദിനമായ മെയ് 11ന് രാവിലെ 10 ന് നടക്കുന്ന ആഘോഷമായ തിരുനാള്‍ ദിവ്യബലിക്ക് ഫാ. വില്‍സണ്‍ മൂക്കനാംപറമ്പില്‍ കാര്‍മികത്വം വഹിക്കുന്നു. ഫാ. കിന്‍സ് എളംകുന്നപ്പുഴ സന്ദേശം നല്‍കും. തുടര്‍ന്ന് ഊട്ടു നേര്‍ച്ച, വൈകീട്ട് ആറിന് ഇടവക ദിനാഘോഷം നടക്കും. വികാരി ഫാ. ജിന്‍റോ വേരംപിലാവ്, കൈക്കാരന്‍മാരായ ആഗ്‌നല്‍ കൊമ്പന്‍, മാര്‍ട്ടിന്‍ ചിറ്റിലപ്പിള്ളി, ജനറല്‍ കണ്‍വീനര്‍ ഷാജി ചിറ്റിലപ്പിള്ളി എന്നിവര്‍ നേതൃത്വം നല്‍കും.

പുല്ലൂര്‍ സെന്‍റ്് സേവിയേഴ്‌സ് ഇടവകയുടെ 48-ാം വാര്‍ഷികാഘോഷം നടന്നു

പുല്ലൂര്‍: സെന്‍റ്് സേവിയേഴ്‌സ് ഇടവകയുടെ 48ാം വാര്‍ഷിക ആഘോഷം ബിഷപ് മാര്‍ പോളി കണ്ണൂക്കാടന്‍ ഉദ്ഘാടനം ചെയ്തു. വികാരി ഫാ. ജോയ് വട്ടോളി അധ്യക്ഷത വഹിച്ചു. സന്യാസത്തിന്‍റെ സുവര്‍ണ ജൂബിലി ആഘോഷിക്കുന്ന ഫാ. ഡേവിസ് ചക്കാലമറ്റത്ത്, സിസ്റ്റര്‍ മരിയ വെര്‍ജിന്‍, നിര്‍ധനര്‍ക്ക് ഭൂമിദാനം ചെയ്ത ജയ്‌സണ്‍ പേങ്ങി പറമ്പില്‍, മതബോധന പ്ലസ് ടു പരീക്ഷയില്‍ ഉന്നത വിജയം നേടിയ ഹന്ന ഷാജു എന്നിവരെ ആദരിച്ചു. ഫാ. ആല്‍വിന്‍ അറക്കല്‍, ജനറല്‍ കണ്‍വീനര്‍ ജെയിംസ് അക്കരക്കാരന്‍, കൈക്കാരന്‍ ലിസണ്‍ മാടാനി, കുടുംബ സമ്മേളന കേന്ദ്ര സമിതി പ്രസിഡന്‍റ്് ജോണി താക്കോല്‍ക്കാരന്‍ എന്നിവര്‍ സംസാരിച്ചു.

അമ്പ് പ്രദക്ഷിണത്തിനിടയിലേക്ക് ബൈക്ക് പാഞ്ഞുകയറി

മുരിയാട്: അമ്പുപ്രദക്ഷിണത്തിനിടയിലേക്ക് നിയന്ത്രണം വിട്ട ബൈക്ക് പാഞ്ഞ് കയറി നിരവധി പേര്‍ക്ക് പരിക്ക്. മുരിയാട് സെന്‍റ് ജോസഫ് ദേവാലയത്തിലെ അമ്പ്പ്രദക്ഷണം നടക്കുന്നതിനിടെ ശനിയാഴ്ച രാത്രിയാണ് അപകടം നടന്നത്. വേഴക്കാട്ടുക്കര സെന്‍ററില്‍ നിന്നു പള്ളിയിലേയ്ക്ക് നടന്ന അമ്പ് പ്രദക്ഷിണത്തിനിടയിലേക്കാണ് ബൈക്ക് പാഞ്ഞുകയറിയത്. 12 പേര്‍ക്കാണ് പരിക്കേറ്റത്. പരിക്കേറ്റവരെ ചാലക്കുടി സെന്‍റ്് ജെയിംസ് ആശുപത്രി, തൃശൂര്‍ മെഡിക്കല്‍ കോളജ് ആശുപത്രി, കറുകുറ്റി അഡ്‌ലക്‌സ് ആശുപത്രി എന്നിവടങ്ങളില്‍ പ്രവേശിപ്പിച്ചു. ആളൂര്‍ പോലീസ് സ്ഥലത്തെത്തി മേല്‍നടപടികള്‍ സ്വീകരിച്ചു. ബൈക്ക് ഓടിച്ചിരുന്ന മുരിയാട് സ്വദേശിയായ യുവാവിനെതിരെ പോലീസ് കേസെടുത്തു.

നീറ്റ് പരീക്ഷയ്ക്ക് ഐഡികാർഡ് എടുക്കാൻ മറന്ന വിദ്യാർഥിനിക്ക് തുണയായി വനിതാ പോലീസ്

ചാലക്കുടി: നീറ്റ് എക്സാമിന് ഐഡി കാർഡ് എടുക്കാൻ മറന്ന വിദ്യാർഥിനിക്ക് തുണയായി വനിതാ പോലീസ്. ചാലക്കുടി പനമ്പിള്ളി കോളജിൽ നടന്ന നീറ്റ് എക്സാം അറ്റൻഡ് ചെയ്യാൻ വന്ന മുരിങ്ങൂർ സ്വദേശിനിയായ വിദ്യാർഥിനിയാണ് ഐഡി കാർഡ് എടുക്കാൻ മറന്നത്. അപ്പാപ്പന്‍റെ കൂടെ കോളജിൽ വന്ന വിദ്യാർഥിനിയെ കോളജിൽ ആക്കി അപ്പാപ്പൻ തിരിച്ചു പോയിരുന്നു. എക്സാം ഹാളിലേക്ക് ചെന്നപ്പോൾ ആണ് ഒറിജിനൽ ഐഡി കാർഡും ഫോട്ടോയും എടുത്തിട്ടില്ല എന്നറിയുന്നത്. അപ്പോൾ തന്നെ അപ്പാപ്പനെ വിളിച്ചെങ്കിലും ഫോൺ വീട്ടിൽ ആയിരുന്നത് കൊണ്ട് കിട്ടിയില്ല. കുട്ടിയുടെ അച്ഛനും അമ്മയും വിദേശത്താണ് ജോലി ചെയ്യുന്നത്. വിഷമിച്ചു നിൽക്കുന്നത് കണ്ട് വിവരം അന്വേഷിച്ചപ്പോഴാണ് ഇക്കാര്യം പറയുന്നത്. അപ്പോഴേക്കും സമയം 12.30 കഴിഞ്ഞിരുന്നു. വീട് മുരിങ്ങൂർ ആണെന്ന് പറഞ്ഞപ്പോൾ എന്നാൽ നമുക്ക് പോയി എടുത്ത് കൊണ്ട് വരാം എന്ന് പറഞ്ഞ് വെള്ളികുളങ്ങര സ്റ്റേഷനിലെ അസി. സബ് ഇൻസ്‌പെക്ടർ പി.എം ഷൈല ഉടൻ തന്നെ സ്വന്തം സ്കൂട്ടർ എടുത്ത് ചാലക്കുടി പോലീസ് സ്റ്റേഷൻ ഇൻസ്‌പെക്ടറുടെ അനുവാദത്തോടെ കുട്ടിയേയും കൂട്ടി വിദ്യാർഥിനിയുടെ വീട്ടിൽ എത്തി ഡോക്യുമെന്‍റ്സ് എടുത്ത് തിരികെ 1.30 ന് മുമ്പ് കോളജിൽ എത്തിച്ചു. എക്സാം അറ്റൻഡ് ചെയ്യാൻ കഴിഞ്ഞ സന്തോഷത്തിൽ നന്ദി പറഞ്ഞു കൊണ്ടാണ് വിദ്യാർഥിനി പരീക്ഷ ഹാളിലേക്ക് കയറിയത്.

ഉച്ചത്തില്‍ പാട്ടുവച്ചതിലുള്ള വിരോധത്തില്‍ യുവാവിനെ കൊലപ്പെടുത്താന്‍ ശ്രമം; ഒരാള്‍ അറസ്റ്റില്‍

ഇരിങ്ങാലക്കുട: ഉച്ചത്തില്‍ പാട്ടുവച്ചതിലുള്ള വിരോധത്തില്‍ യുവാവിനെ കൊലപ്പെടുത്താന്‍ ശ്രമിച്ച സംഭവത്തില്‍ ഒരാള്‍ അറസ്റ്റില്‍. ആളൂര്‍ മാനാട്ടുകുന്ന് പെരിപ്പറമ്പില്‍ വീട്ടില്‍ മുറി രതീഷ് എന്നു വിളിക്കുന്ന രതീഷ് (45) ആണ് അറസ്റ്റിലായത്. വീട്ടില്‍ ഉച്ചത്തില്‍ പാട്ടുവെച്ചതിലുള്ള വിരോധത്തില്‍ പോട്ട ഉറുമ്പുംകുന്ന് ചാലച്ചന്‍ വീട്ടില്‍ വിനു (25 ) എന്നയാളുടെ അമ്മാവന്‍റെ കല്ലേറ്റുംകര മാനാട്ടുകുന്ന് ഉള്ള വീട്ടിലേക്ക് അതിക്രമിച്ചു കയറി അമ്മാവന്‍റെ വീട്ടില്‍ സംസാരിച്ചിരുന്ന വിനുവിനെ കത്തിവീശി കൊലപ്പെടുത്താന്‍ രതീഷ് ശ്രമിച്ചതാണ് കേസ്. ആളൂര്‍ പോലീസ് സ്റ്റേഷന്‍ സബ്ബ് ഇന്‍സ്‌പെക്ടര്‍ എം അഫ്‌സലി‍ന്‍റെ നേതൃത്വത്തിലുള്ള സംഘമാണ് അറസ്റ്റ് ചെയ്തത്. മുറി രതീഷ് ആളൂര്‍ പോലീസ് സ്റ്റേഷന്‍ റൗഡിയാണ്. രതീഷിന് കൊടകര പോലീസ് സ്റ്റേഷനില്‍ രണ്ട് വധശ്രമകേസുകളും ഒരു കവര്‍ച്ച കേസും ആളൂര്‍ പോലീസ് സ്റ്റേഷനില്‍ രണ്ട് വധശ്രമകേസുകളും മൂന്ന് അടിപിടികേസുകളും അടക്കം എട്ട് ക്രിമിനല്‍ കേസുകള്‍ ഉണ്ട്. സബ്ബ് ഇന്‍സ്‌പെക്ടര്‍മാരായ സുമേഷ്, സുരേന്ദ്രന്‍, സ്റ്റീഫന്‍ സിവില്‍ പോലീസ് ഓഫീസര്‍മാരായ ശ്രീജിത്ത്, ഹരികൃഷ്ണന്‍, അനീഷ്, അനൂപ്, നിഖില്‍ എന്നിവരും അന്വേഷണ സംഘത്തില്‍ ഉണ്ടായിരുന്നു.

ബിവറേജ് ഷോപ്പ് ജീവനക്കാരനെ കൊലപ്പെടുത്താന്‍ ശ്രമിച്ച പ്രതികള്‍ അറസ്റ്റില്‍

ഇരിങ്ങാലക്കുട: ഇരിങ്ങാലക്കുട കാട്ടൂര്‍ റോഡിലുളള ബിവറേജ് ഷോപ്പില്‍ സെയില്‍സ്മാനായി ജോലി ചെയ്യുന്ന കാട്ടൂര്‍ ലേബര്‍ സെന്‍റര്‍ ഒറ്റാലി വീട്ടില്‍ സതീശന്‍ (53) എന്നയാളെ വെട്ടുകത്തി കൊണ്ട് അക്രമിച്ച് കൊലപ്പെടുത്താന്‍ ശ്രമിച്ച പ്രതികള്‍ അറസ്റ്റില്‍. പൊറത്തിശേരി സ്വദേശി കണ്ണമ്പുള്ളി വീട്ടില്‍ ഓലപീപ്പി സജീവന്‍ എന്നു വിളിക്കുന്ന സജീവന്‍ (45 ), പോട്ട പടിഞ്ഞാറെത്തല വീട്ടില്‍ ഫ്രിജോ (38 ) എന്നിവരാണ് അറസ്റ്റിലായത്. ഷോപ്പിന്‍റെ കൗണ്ടര്‍ക്ലോസ്സ് ചെയ്ത് ഷട്ടര്‍ താഴ്ത്തി ഇടുന്ന സമയം ഷോപ്പിലേക്ക് കയറി വന്ന സജീവന്‍, ഫ്രിജോ എന്നിവരോട് ഷോപ്പില്‍ നിന്നും പുറത്തേക്ക് പോകാന്‍ പറഞ്ഞതിലുളള വിരോധത്താലാണ് പ്രതികള്‍ ജീവനക്കാരനെ അക്രമിച്ചതെന്ന് പോലീസ് പറഞ്ഞു. ഇരിങ്ങാലക്കുട പോലീസ് സ്റ്റേഷന്‍ ഇന്‍സ്‌പെക്ടര്‍ എം.എസ് ഷാജന്‍, സബ് ഇന്‍സ്‌പെക്ടര്‍മാരായ ദിനേശ് കുമാര്‍, മുഹമ്മദ് റാഷി, പ്രൊബേഷന്‍ എസ് ഐ സുബിന്‍, എഎസ്ഐ ഉമേഷ്, സീനിയര്‍ സിവില്‍ പോലീസ് ഓഫീസര്‍ ദിനുലാല്‍ സിവില്‍ പോലീസ് ഓഫീസര്‍ കൃഷ്ണദാസ് എന്നിവര്‍ ചേര്‍ന്നാണ് പ്രതികളെ പിടികൂടിയത്.

കിഴുപ്പിള്ളിക്കര ആന്ദ്രോപോവ് സോക്കർ കപ്പ്: വാരിയേഴ്സ് എഫ്സി ജേതാക്കൾ

കിഴുപ്പിള്ളിക്കര: ആന്ദ്രോപോവ് സോക്കേഴ്സ് 41 ാം വാർഷികത്തോടനുബന്ധിച്ച് "അരുതാത്ത ലഹരിക്കെതിരെ ഫുട്ബോൾ ലഹരി' എന്ന ആശയം ഉയർത്തിപ്പിടി ച്ചുകൊണ്ട് നളന്ദ ഹൈസ്കൂൾ ഗ്രൗണ്ടിൽ സംഘടിപ്പിച്ച അഖില കേരള സൂപ്പർ സിക്സ് ഫുട്ബോൾ ടൂർണമെന്‍റിൽ വാരിയേഴ്സ് എഫ്സി കിഴുപ്പിള്ളിക്കര ജേതാക്കളായി. മണപ്പാട് കലാസമിതി ഏങ്ങണ്ടിയൂർ റണ്ണേഴ്സ് ആയി. 16 ടീമുകൾ മാറ്റുരച്ച ടൂർണമെന്‍റിൽ മണപ്പാട് കലാസമിതിയുടെ നിധീഷ് ടൂർണ്ണമെന്‍റിലെ മികച്ച താരമായി. എൽദാസ് ബിൽഡേഴ്സ് താരം സമാൻ മികച്ച ഫോർവേഡായും വാരിയേഴ്സ് എഫ്സിയുടെ എഡ്‌വിൻ മികച്ച ഡിഫൻഡറായും ഹരിശാന്ത് മികച്ച ഗോൾകീപ്പറായും കണ്ണൻ ഫൈനലിലെ മികച്ച താരവുമായി തെരഞ്ഞെടുക്കപ്പെട്ടു. ടൂർണമെന്‍റിന് ടി.വി. ദിപു, കാസ്ട്രോ സുധീർ, സ്വാലിഹ് ഹബീ ബ്, ഗോകുൽ കൃഷ്ണ, ബഷീർ ബാവ, വൈശാഖ് മോഹൻ, കെ.സി. സനീഷ്, ടി.ജി. ധീരജ് എന്നിവർ നേതൃത്വം നൽകി.

അമ്മാടം മുള്ളക്കര ലിഫ്റ്റ് ഇറിഗേഷൻ പദ്ധതി

പാറളം: ജില്ല പഞ്ചായത്തും പാറളം ഗ്രാമപഞ്ചായത്തും സംയുക്ത മായി നടപ്പാക്കിയ അമ്മാടം മുള്ളക്കര ലിഫ്റ്റ് ഇറിഗേഷൻ പുനരുദ്ധാരണ പ്രവർത്തനോദ്ഘാടനം ജില്ലാ പഞ്ചായത്ത് പ്രസിഡ ന്‍റ് വി. എസ്. പ്രിൻസ് നിർവഹിച്ചു. പാറളം ഗ്രാമപഞ്ചായത്ത് പ്രസിഡന്‍റ്് മിനി വിനയൻ അധ്യക്ഷത വഹിച്ചു. ചേർപ്പ് ബ്ലോക്ക് പഞ്ചായത്ത് പ്രസിഡന്‍റ് എ.കെ. രാധാകൃഷ് ണൻ, പാറളം ഗ്രാമപഞ്ചായത്ത് വികസനകാര്യ സ്റ്റാൻഡിംഗ് കമ്മിറ്റി ചെയർമാൻ ജെയിംസ് പി. പോൾ, പി.ഒ. ഡേവിസ്, ആശ മാത്യു, അനിത മണി, സ്മിനു മുകേഷ് എന്നിവർ പ്രസംഗിച്ചു. പാറളം പഞ്ചായത്തിലെ 9, 10, 12 വാർഡുകളിലൂടെ കടന്നുപോകുന്നതാണ് മുള്ളക്കര ലിഫ്റ്റ് ഇറിഗേഷൻ പദ്ധതി. ജില്ലാ പഞ്ചായത്ത് പത്തുലക്ഷം രൂപയും പാറളം പഞ്ചായത്ത് നാലുലക്ഷം രൂപയും ചെലവഴിച്ചാണു പദ്ധതി നടപ്പിലാക്കുന്നത്.

ദേവാലയങ്ങളിൽ തിരുനാൾ

പറപ്പൂർ സെന്‍റ് ജോൺസ് നെപുംസ്യാൻ പറപ്പൂർ: സെന്‍റ് ജോൺസ് നെപുംസ്യാൻ ഫൊറോന ദേവാലയത്തിലെ ഇടവക മധ്യസ്ഥനായ വിശുദ്ധ ജോൺ നെപുംസ്യാന്‍റെയും വിശുദ്ധ അൽഫോൻസാ മ്മയുടെയും സംയുക്ത തിരുനാളിനു കൊടിയേറി. 9, 10, 11 ദിവസങ്ങളിലാണു ആഘോഷിക്കുന്നത്. തിരുക്കർമങ്ങൾക്കു വികാരി ഫാ. സെബി പുത്തൂർ, അസി. വികാരി ഫാ. ക്രിസ്റ്റോ മഞ്ഞളി, നടത്തു കൈക്കാരൻ ഫ്രാൻസിസ് നീലങ്കാവിൽ, പി.വി. ജോസ്, സി.വി. ഇനാശു, പി.ആർ. ജോസഫ്, ജനറൽ കൺവീനർ പി.ഒ. ഷാജു എന്നിവർ നേതൃത്വം നൽകി. പൂത്തോൾ സെന്‍റ് ആന്‍റണീസ് പൂത്തോൾ: പൂത്തോൾ സെന്‍റ് ആന്‍റണീസ് പള്ളിയിലെ വിശുദ്ധ അന്തോണീസിന്‍റെ ഉൗട്ടുതിരുനാൾ കൊടിയേറ്റം ഫാ. ജോസ് ചാലക്കൽ നിർവഹിച്ചു. ഇന്നുമുതൽ എല്ലാ ദിവസവും വൈകീട്ട് ആറിനും രാവിലെ 6.15നും ആഘോഷമായ പാട്ടുകുർബാന, ലദീഞ്ഞ്, നൊവേന. 10ന് വൈകിട്ട് കൂടുതുറക്കൽ, ജപമാല പ്രദക്ഷിണം. 11നു രാവിലെ 9.30ന് ആഘോഷമായ തിരുനാൾ പാട്ടുകുർബാന, ലദീഞ്ഞ്, നൊവേന എന്നിവയ്ക്കു സാഗർ രൂപത മുൻ മെത്രാൻ മാർ ആന്‍റണി ചിറയത്ത് മുഖ്യകാർമികനാകും. തുടർന്നു പ്രദക്ഷിണവും ഉൗട്ടുസദ്യ വെഞ്ചരിപ്പും നടക്കും. മറ്റം നിത്യസഹായ മാതാ മറ്റം: നിത്യസഹായ മാതാവിന്‍റെ തീർഥകേന്ദ്രത്തിലെ തിരുനാളിന് വിശ്വാസികളുടെ തിരക്ക്. തിരുനാൾ ദിനത്തിൽ രാവിലെ പത്തിനു നടന്ന ആഘോഷമായ തിരുനാൾ പാട്ടുകുർബാനയ്ക്ക് പറപ്പൂർ ഫൊറോന വികാരി ഫാ. സെബി പുത്തൂർ കാർമികനായി. ഫാ. ലിജോ ചിറ്റിലപ്പിള്ളി സന്ദേശം നൽകി. തുടർന്ന് തിരുനാൾ പ്രദക്ഷിണം നടന്നു. വൈകീട്ട് വിശുദ്ധ കുർബാനയ്ക്കുശേഷം തീർഥകേന്ദ്രത്തിലേക്ക് ആഘോഷമായ കിരീടം എഴുന്നള്ളിപ്പും രാത്രി മെഗാ ബാൻഡ് മേളവും ഉണ്ടായി. വികാരി റവ.ഡോ. ഫ്രാൻസിസ് ആളൂർ, അസി. വികാരി ഫാ. ഫ്രാങ്കോ ചെറുതാണിക്കൽ, ട്രസ്റ്റിമാരായ സി.കെ. ജോയ്, ജോൺസൺ കാക്കശേരി, പി.എ. സ്റ്റീഫൻ, ജോൺസൺ സി. തോമസ്, ജനറൽ കൺവീനർ എം.ജെ. ജോഷി, ആൽ ബർട്ട് ജോസഫ് തുടങ്ങിയവർ നേതൃത്വം നൽകി. ഇന്ന് മരിച്ചവർക്കുവേണ്ടിയുള്ള തിരുക്കർമങ്ങളാണ്. പഴുവിൽ സെന്‍റ് ആന്‍റണീസ് പഴുവിൽ: വിശുദ്ധ അന്തോണീസിന്‍റെ തീർഥകേന്ദ്രത്തിൽ ഊട്ട് തിരുനാൾ ആഘോഷിച്ചു. രാവിലെ നടന്ന ആഘോഷമായ തിരുനാൾ പാട്ടുകുർബാനയ്ക്ക് ഫാ. സാജൻ വടക്കൻ മുഖ്യകാർമികത്വം വഹിച്ചു. ഫാ. ഷിംജോ എസ് ഡിവി തിരുനാൾ സന്ദേശം നൽകി. ഫാ. ഡേവിസ് പുലിക്കോട്ടിൽ സഹകാർമികത്വം വഹിച്ചു. വൈകീട്ട് നടന്ന വിശുദ്ധ കുർബാനയ്ക്കുശേഷം തീർഥകേന്ദ്രത്തിൽ നിന്ന് പ്രദക്ഷിണം ആരംഭിച്ച് ഇടവകപള്ളിയിൽ സമാപിച്ചു. പ്രദക്ഷിണശേ‌ഷം വർണമഴയും ബാൻഡ് വാദ്യവും ഉണ്ടായിരുന്നു. പഴുവിൽ ഫൊറോന വികാരി റവ. ഡോ. വിൻസെന്‍റ് ചെറുവത്തൂർ, അസി. വികാരി ഫാ. ഡേവിസ് പുലിക്കോട്ടിൽ, ട്രസ്റ്റിമാരായ ടിന്‍റോ ജോസ്, ഡിനോ ദേവസി, ആന്‍റോ മേയ്ക്കാട്ടുകുളം, അനിൽ ആന്‍റണി, തിരുനാൾ ജനറൽ കൺ വീനർ ആന്‍റൺ വർഗീസ്, വിവിധ കമ്മറ്റി അംഗങ്ങൾ എന്നിവർ നേതൃത്വം നൽകി. 11 നാണ് എട്ടാമിടം.

ആൽമരംവീണ് വീടുകൾ തകർന്നു

തിരുവില്വാമല: പട്ടിപ്പറമ്പ് തീണ്ടാപ്പാറ അയ്യപ്പൻ ക്ഷേത്രത്തിലെ നൂറ്റാണ്ടിലേറെ പഴക്കമുള്ള ആൽമരത്തിന്‍റെ കൂറ്റൻ കൊമ്പ് ഒടിഞ്ഞുവീണു സമീപത്തെ വീടുകൾ തകർന്നു. കഴിഞ്ഞ ദിവസം രാത്രിയിലാണു സംഭവം. പള്ളിത്തൊടി രാമകൃഷ്ണൻ, താഴത്തെ ധനലക്ഷ്മി എന്നിവരുടെ വീടുകളാണു തകർന്നത്. മരക്കൊമ്പുവീണ് ഇതുവഴിയുള്ള ഗതാഗതം ഏറെ‌നേരം തടസപ്പെട്ടു. സമീപത്തെ പതിറ്റാണ്ടുകൾ പഴക്കമുള്ള കാര്യാട്ട്കളം അത്താണിയും നിലം പൊത്തി. മണിക്കൂറുകളോളം വൈദ്യുതി വിതരണവും നിലച്ചു. ഇന്നലെ ഉച്ചയോ‌ടെയാണ് ഗതാഗതവും വൈദ്യുതി വിതരണവും സാധാരണ നിലയിലായത്.

നഗരസഭ മഴക്കാലപൂർവ ശുചീകരണയോഗം

വടക്കാഞ്ചേരി: നഗരസഭ മഴക്കാലപൂർവ ശുചീകരണ പ്രവർത്തനങ്ങളുടെ ഭാഗമായി 20ന് മുമ്പായി മഴക്കാലപൂർവശുചീകരണത്തോ ടാനുബന്ധിച്ചുള്ള മുഴുവൻ പ്രവർത്തനങ്ങളും പൂർത്തീകരിക്കുമെന്ന് നഗരസഭ ചെയർമാൻ പി. എൻ. സുരേന്ദ്രൻ പറഞ്ഞു. നഗരസഭ പരിധിയിൽ അപകടകരമായ അവസ്ഥയിൽ നിൽക്കുന്ന എല്ലാമരങ്ങളും കണ്ടെത്തി ട്രീ കമ്മിറ്റി ചേർന്ന് ആവശ്യമായ നടപടികൾ സ്വീകരിക്കും. പകർച്ചവ്യാധി തടയുന്നതിന്‍റെ ഭാഗമായി ജനങ്ങൾക്കു ബോധവത്്കരണം നടത്തും. എല്ലാ കിണറുകളും ക്ലോറിനേഷൻ നടത്തും. കാനകളും ഓടകളും നീർച്ചാലുകളും ശുചീകരിക്കും. വെ ള്ളക്കെട്ടുകൾ ഒഴിവാക്കും. മണ്ണിടിച്ചിൽ ഭീഷണി നിലനിൽക്കുന്ന പ്രദേശങ്ങളിൽ ആവശ്യമായ മുന്നൊരുക്ക ങ്ങൾ നടത്തും. - ചെയർമാൻ പറഞ്ഞു. നഗരസഭ വൈസ് ചെയപേഴ്സൺ ഷീലമോഹൻ, സ്ഥിരം സമിതി അധ്യക്ഷൻമാരായ പി.ആർ. അരവിന്ദാക്ഷൻ, എ.എം. ജമീലാബി, സ്വപ്ന ശശി,സി. വി. മുഹമ്മദ് ബഷീർ, നഗരസഭ സെക്രട്ടറി കെ.കെ. മനോജ്, കൗൺസിലർമാർ, നിർവഹണ ഉദ്യോഗസ്ഥർ, കുടുംബശ്രീ പ്രവർത്തകർ, ആശാവർക്കർമാർ, ആരോഗ്യ വിഭാഗം ജീവനക്കാർ, അങ്കണ വാടി ജീവനക്കാർ, സ്കൂൾ പ്രധാനാധ്യാപകർ, മാധ്യമ പ്രവർത്തകർ, മറ്റു വിവിധ വകുപ്പുകളിലെ ഉദ്യോഗസ്ഥർ, ക്ലീൻ സിറ്റി മാനേജർ ജിതേഷ്കുമാർ തുടങ്ങിയവർ പങ്കെടുത്തു.

വടക്കാഞ്ചേരി മണ്ഡലത്തിലെ കിഫ്ബി പദ്ധതികളുടെ അവലോകനം നടത്തി

വടക്കാഞ്ചേരി: നിയോജക മണ്ഡലത്തിലെ വിവിധ കിഫ്ബി പദ്ധതികളുടെ പുരോഗതി വിലയിരുത്തുന്നതിന് സേവ്യർ ചിറ്റിലപ്പിള്ളി എംഎൽഎയുടെ അധ്യക്ഷതയിൽ അവലോകനയോഗം ചേർന്നു. തിരുവനന്തപുരത്ത് കിഫ്ബി ഹെഡ്ക്വാർട്ടേഴ്സിൽ ചേർന്ന യോഗത്തിൽ കിഫ്ബി അഡീഷണൽ സിഇഒ മിനി ആന്‍റണി, സീനിയർ ജനറൽ മാനേജർ പി. ഷൈല, പ്രോജക്ട് മാനേജർ അഭിലാഷ്, കില, കിറ്റ്കോ, ഇൻകൽ, ഇംപാക്ട്, കെആർഎഫ്ബി ഉദ്യോഗസ്ഥരും വടക്കാഞ്ചേരി മുനിസിപ്പൽ എൻജിനീയറും പങ്കെടുത്തു. വടക്കാഞ്ചേരി മണ്ഡലത്തിൽ കിഫ്ബി പണം ചെലവഴിക്കുന്ന പ്രവൃത്തികളുടെ നിലവിലെ പുരോഗതി വിലയിരുത്തിയ യോഗത്തിൽ പദ്ധതികളുടെ നിർവഹണത്തിൽ ഉണ്ടാകുന്ന കാലതാമസംഒഴിവാക്കുന്നതിനാവശ്യമായ നിർദേശങ്ങൾ സേവ്യർ ചിറ്റിലപ്പിള്ളി എംഎൽഎ നൽകി. വടക്കാഞ്ചേരി മുനിസിപ്പാലിറ്റി മോഡേൺ ക്രിമറ്റോറിയം - 3.31 കോടി, അത്താണി ആധുനിക മാർക്കറ്റ് - 19.31 കോടി, ഓട്ടുപാറ ആധുനിക മാർക്കറ്റ് - 10.25 കോടി, പീച്ചി - വാഴാനി ടൂറിസം കോറിഡോർ - 88.65 കോടി, മെഡിക്കൽ കോളജ് സൂപ്പർ സ്പെഷാലിറ്റി ബ്ലോക്ക് - 199.4 കോടി, മദർ ആ ൻഡ് ചൈൽഡ് ബ്ലോക്ക് - 279.2 കോടി എന്നിവയാണു പ്രധാന പദ്ധതികൾ. വടക്കാഞ്ചേരി ബൈപ്പാസ് പദ്ധതിയുടെ ഡിപിആർ ഒന്നര മാസത്തിനകം പൂർത്തീകരിച്ച് നൽകാമെന്ന് പൊതുമരാമത്ത് ഹൈവേ ഡിസൈൻ യൂണിറ്റ് ഉറപ്പുനൽകി. കെ - റെയിൽ തയാറാക്കിയ റെയിൽവേ മേൽപ്പാലത്തിന്‍റെ ജിഎഡി അംഗീകാരത്തിനായി ദക്ഷിണ റെയിൽവേ അധികൃതർക്കു സമർപ്പിച്ചു. ജിഎഡി റെയിൽവേ അംഗീകരിക്കുന്നതിന് ആവശ്യമായ സെന്‍റേജ് ചാർജ് അടയ്ക്കുന്നതിന് കെആർഎഫ്ബി‌യും കിഫ്ബിയും തമ്മിൽ ധാരണയായി. വടക്കാഞ്ചേരി ബോയ്സ് എച്ച്എസ്എസിൽ ശേഷിക്കുന്ന നിർമാണ പ്രവർത്തനങ്ങൾപൂർത്തിയാക്കുന്നതിന് കിറ്റ്ക്കോ അധികൃതർക്ക് എംഎൽഎ നിർദേശം നൽകി. വാട്ടർ അഥോറിറ്റിയുടെ കിഫ്ബി അനുവദിച്ച ജലവിതരണ പദ്ധതികളുടെ ടെൻഡർ നടപടികൾ പൂർത്തിയാക്കുന്നതിന് യോഗത്തിൽ തീരുമാനമായി.

ഇന്നു കാഴ്ചകളുടെ പൂരം

തൃശൂർ: ഇന്നു രാവിലെ തൃശൂരെത്തിയാൽപിന്നെ രാത്രി വൈകിമാത്രമേ ഈ നഗരം വിട്ടുപോകാനാകൂ... ഇന്നു കാഴ്ചകളുടെ പൂരമാണ് ശിവപുരിയിൽ. ഇന്നാണ് സാന്പിൾ, ഇന്നാണ് ചമയപ്പുരകൾ തുറക്കുക, ഇന്നാണ് പന്തലുകൾ വർണവെളിച്ചം പൊഴിച്ച് പ്രകാശഗോപുരങ്ങളാവുക... ഇന്നു രാവിലെതന്നെ തിരുവന്പാടിയുടെയും പാറമേക്കാവിന്‍റെയും ചമയപ്പുരകൾ തുറക്കും. അകത്ത് ആനച്ചൂരും ആനച്ചൂടും തട്ടാത്ത നെറ്റിപ്പട്ടങ്ങളുണ്ട്, ആകാശംകാണാത്ത പീലിക്കണ്ണുകളോടെയുള്ള ആലവട്ടങ്ങളുണ്ട്, പൂത്തുലയാൻ കാത്തിരിക്കുന്ന വെഞ്ചാമരങ്ങളുണ്ട്, മാനത്തേക്കുയരാൻ വെന്പുന്ന വർണക്കുടകളുണ്ട്... പിന്നെ, രഹസ്യമായി പണികഴിപ്പിച്ച വിസ്മയിപ്പിക്കുന്ന സ്പെഷൽ കുടകളും.... തിരുവന്പാടിയുടെ ആനച്ചമയങ്ങൾ ഷൊർണൂർ റോഡിലുള്ള കൗസ്തുഭം ഓഡിറ്റോറിയത്തിലാണ്. പാറമേക്കാവിന്‍റേത് അഗ്രശാലയിലും. ഇന്നും നാളെയും ചമയപ്രദർശനം തുടരും. രണ്ടുദിവസങ്ങളായി നടത്തിയിട്ടുപോലും ചമയക്കാഴ്ചകൾ കാണുന്നതിൽ തിരക്കൊട്ടും കുറവില്ല. കൊടിയേറ്റംമുതൽ ചമയപ്രദർശനം നടത്തിയാലും ഇതേ തിരക്കുണ്ടാകുമെന്നു കാഴ്ചക്കാർ പറയുന്നു. രാവിലെ ചമയക്കാഴ്ചകൾ കണ്ട് പൂരപ്പറന്പിലൊന്ന് ചുറ്റിക്കറങ്ങി നേരേ എക്സിബിഷനു കയറിയാൽ സമയം വന്ദേഭാരത് പോലെ കുതിച്ചുപായും. പിന്നെ പ്രദർശനനഗരിക്കു പുറത്തിറങ്ങുന്പോഴേക്കും നഗരം സാന്പിളിന് ഒരുങ്ങിക്കഴിഞ്ഞിരിക്കും. തൃശൂർ നഗരത്തിലേക്കുള്ള എല്ലാ വഴികളിലൂടെയും അപ്പോൾ വെടിക്കെട്ടുകന്പക്കാർ വന്നെത്തിക്കൊണ്ടിരിക്കും - ആകാശപ്പൂരം കാണാൻ... ഇത്തവണ തിരുവന്പാടിയാണ് വെടിക്കെട്ടിന് ആദ്യം തീകൊളുത്തുക. ഓലപ്പടക്കവും ഗുണ്ടും അമിട്ടുമെല്ലാംചേർത്തുള്ള കിടുക്കാച്ചി സാന്പിളാകുമെന്നു രണ്ടുകൂട്ടരുടെയും വെടിക്കെട്ടൊരുക്കുന്നവർ ഉറപ്പുപറയുന്നു. മുൻവർഷങ്ങളെക്കാൾ കൂടുതൽപേർക്ക് ഇത്തവണ സ്വരാജ് റൗണ്ടിൽ നിന്ന് സാന്പിൾ കാണാമെന്ന അധികാരികളുടെ വാക്കുവിശ്വസിച്ച് ഇത്തവണ വൻതിരക്കായിരിക്കുമെന്നു പ്രതീക്ഷിക്കുന്നു. തിരുവന്പാടിക്കുവേണ്ടി മുണ്ടത്തിക്കോട് സതീഷും പാറമേക്കാവിനുവേണ്ടി ബിനോയ് ജേക്കബുമാണ് വെടിക്കെട്ടൊരുക്കുന്നത്. സാന്പിൾ വെടിക്കെട്ട് തുടങ്ങുംമുൻപേ തന്നെ റൗണ്ടിലെ മൂന്നു പ്രകാശഗോപുരങ്ങളും കണ്‍തുറക്കും. പാറമേക്കാവ് വിഭാഗം മണികണ്ഠനാലിലും തിരുവന്പാടിക്കാർ നടുവിലാലിലും നായ്ക്കനാലിലും ഉയർത്തിയിട്ടുള്ള നിലപ്പന്തലുകളുടെ പണികൾ അവസാനഘട്ടത്തിലാണ്. ഇന്ന് ഉച്ചയാകുന്പോഴേക്കും പണികളെല്ലാം 99 ശതമാനവും കഴിയും. സന്ധ്യയ്ക്കു നഗരത്തിൽ സാന്പിൾ കാണാൻ ജനക്കൂട്ടം തിങ്ങിനിറയുന്പോൾ പന്തലുകളിൽ ലൈറ്റിടും. ഓരോ പന്തലും ചുറ്റും നടന്നുകണ്ട്, കണ്ണുകൾകൊണ്ട് ഉയരങ്ങൾ അളന്ന് പന്തലിലെ ഡിസൈനുകൾ പഠിച്ച് ഓരോ പന്തലിനും പൂരക്കന്പക്കാർ മാർക്കിടും. അതും കണ്ട് റൗണ്ട് ചുറ്റി സാന്പിൾ വെടിക്കെട്ടിന്‍റെ ശബ്ദം ഹൃദയത്തിലേറ്റുവാങ്ങി ചമയങ്ങളുടെ സ്വർണവർണങ്ങളിൽ മനംമയങ്ങി നഗരം വിടുന്പോൾ ഒരു സമയമായിട്ടുണ്ടാകും....

റോബോട്ടിക് ആനയെ എഴുന്നള്ളിച്ച് കോർപറേഷന്‍റെ "മ്മ്ടെ പൂരം'

തൃശൂർ: പൂരത്തിനു മുന്നോടിയായി തൃശൂർ കോർപറേഷൻ സംഘടിപ്പിച്ച "മ്മ്ടെ പൂരം' പരിപാടി സംഘടിപ്പിച്ചു. റോബോട്ടിക് ആനയെയും നാടൻ കലാരൂപങ്ങളും അണിനിരത്തിയായിരുന്നു "മ്മ്ടെ പൂര'ത്തിന്‍റെ ഘോഷയാത്ര. മേയറും കൗണ്‍സിലർമാരും പങ്കെടുത്തു. പരിപാടിയിൽ പങ്കെടുക്കാൻ ജീവനക്കാരെല്ലാം പോയതിനെതുടർന്ന് കോർപറേഷൻ ഓഫീസിൽ ജീവനക്കാരില്ലാതായി. കോർപറേഷനിലെ എൻജിനീയറിംഗ് സെക്‌ഷനിലടക്കം പല സെക്‌ഷനുകളും ഒഴിഞ്ഞുകിടന്നു. "മ്മ്ടെ പൂര'ത്തിന്‍റെ പേരിൽ കോർപറേഷനിൽ അപ്രഖ്യാപിത അവധിയാണ് പ്രഖ്യാപിച്ചതെന്നു പ്രതിപക്ഷനേതാവ് രാജൻ ജെ. പല്ലൻ ആരോപിച്ചു. സ്വരാജ് റൗണ്ടിൽ നടത്തിയ ഘോഷയാത്രയിൽ യഥാർഥ ആനയ്ക്കു പകരം റോബോട്ടിക് ആനയെ എഴുന്നള്ളിച്ചതിനെയും അദ്ദേഹം വിമർശിച്ചു. പ്ലാസ്റ്റിക് ആനയെ ഇറക്കി തൃശൂർ പൂരത്തെ കോർപറേഷൻ ഭരണസമിതി അപമാനിക്കുക‍യാണ് ചെയ്തത്. അപ്രഖ്യാപിത അവധി നൽകുന്നതു നിയമവിരുദ്ധമാണ്. വിഷയം കൗണ്‍സിലിൽ ഉന്നയിക്കുമെന്നും ചീഫ് സെക്രട്ടറിക്കും തദ്ദേശസ്വയംഭരണ വകുപ്പ് സെക്രട്ടറിക്കും പരാതി നൽകുമെന്നും അദ്ദേഹം പറഞ്ഞു.

കൂട്ടായ്മയുടെ പൂരത്താളമാകാൻ പ്രമാണിമാർ

രണ്ടിടത്തും പ്രമാണിയാകാൻ ഭാഗ്യം ഇലഞ്ഞിത്തറ മേളത്തിനു പ്രമാണിയാകാൻ സാധിച്ചതിന്‍റെ സന്തോഷവും എല്ലാ ഗുരുക്കന്മാർക്കുമൊപ്പം കൊട്ടാൻ സാധിച്ചതിന്‍റെ ഈശ്വരകടാക്ഷവും അനിയൻമാരാർ പങ്കുവച്ചു. തിരുവമ്പാടിക്കും പാറമേക്കാവിനും പ്രമാണിയാകാൻ ഭാഗ്യം സിദ്ധിച്ചൊരാൾ ഞാൻമാത്രമേ ഉണ്ടാകൂ. പൂരത്തിൽ 36 വർഷം പാറമേക്കാവിനുവേണ്ടി കൊട്ടി; 12 വർഷം തിരുവമ്പാടിക്കും. ഇതിനിടെ, 36 വർഷം കഴിഞ്ഞ് പ്രമാണി മാറേണ്ട ഒരു സാഹചര്യമുണ്ടായപ്പോൾ ഞാൻ വിചാരിച്ചു എനിക്കാണു കിട്ടേണ്ടതെന്ന്. കിട്ടിയില്ല, അപ്പോൾ തിരുവമ്പാടിക്കുവേണ്ടിയും കൊട്ടാൻ പോയില്ല. 12 വർഷം ചെറുപൂരങ്ങൾക്കു വേണ്ടിമാത്രം കൊട്ടി. ഇപ്പോൾ ചെറുപൂരങ്ങൾ വലിയ പൂരമായി മാറി. ചൂരക്കാട്ടുകര, കണിമംഗലം, കാരമുക്ക് പൂരങ്ങൾക്കുവേണ്ടിയാണു കൊട്ടിയിട്ടുള്ളത്. 79 വയസായെങ്കിലും കൊട്ടുമ്പോൾ ക്ഷീണം ഒട്ടും തോന്നാറില്ല, ആവേശമാണ്. ഉച്ചയ്ക്കു പാറമേക്കാവിൽനിന്നാണ് ഇലഞ്ഞിത്തറ മേളം ആരംഭിക്കുന്നത്. ക്ഷേത്രത്തിനുള്ളിൽനിന്ന് പാണികൊട്ടി, ചെമ്പടമേളത്തോടെ പുറത്തേക്കു കടക്കും. 15 ആന നിരന്നുനിന്ന് ചെമ്പടമേളം പതികാലത്തിൽ വളരെയധികം കൊട്ടിനിൽക്കും. ഈ സമയത്തു കുടമാറും. ഇത്രയുംനേരം ചെമ്പടമേളം തന്നെയായിരിക്കും. ചെമ്പട കലാശിച്ച് പാണ്ടിമേളം തുടങ്ങും. പാണ്ടിതുടങ്ങി ഒരു കലാശം കഴിഞ്ഞാൽ നേരേ വടക്കുന്നാഥൻ ഇലഞ്ഞിത്തറയിലേക്ക്. 2.30ഓടെ പ്രസിദ്ധമായ ഇലഞ്ഞിത്തറമേളം തുടങ്ങും. നാലരയോടെ മേളം കൊട്ടിക്കലാശിക്കും. ഇലഞ്ഞിത്തറയിൽ ഇരുന്നൂറ്റമ്പതും അതിൽ കൂടുതലും കലാകാരന്മാർ പങ്കെടുക്കുന്നുണ്ട്. ശ്രീമൂലസ്ഥാന മേളമെന്നു വിളിക്കാം ഇലഞ്ഞിത്തറ മേളവും തിരുവന്പാടി മേളവുമെല്ലാം ഒന്നുതന്നെ, സഹകരണമാണ് ആവശ്യം. എല്ലാവരും ഒരുമിച്ചുനിന്നാലേ മേളം നന്നാവൂ. ഒരാൾക്കു ചെറിയൊരു കുശുന്പുണ്ടായാൽ മേളം മോശമാകും. അവിടെ ഇലഞ്ഞിയുള്ളതുകൊണ്ട് ഇലഞ്ഞിത്തറമേളമായി. വേണമെങ്കിൽ ശ്രീമൂലസ്ഥാനമേളമെന്നു വിളിക്കാമെന്ന് ചേരാനെല്ലൂർ തമാശരൂപേണ പറഞ്ഞു. മുന്പ് അനിയേട്ടൻ തിരുവന്പാടിപ്രമാണിയായപ്പോൾ ഒറ്റവാക്കേ പറഞ്ഞുള്ളൂ. ചേരാനെല്ലൂർ ശങ്കരൻകുട്ടി ഉണ്ടെങ്കിൽ വരാമെന്നാണ്. അങ്ങനെയാണ് എനിക്കൊരു സ്ഥാനംകിട്ടിയത്. ഞാനും അനിയേട്ടനും തമ്മിലുള്ള ബന്ധം 55 കൊല്ലത്തെയാണ്. എട്ടാമത്തെ വയസിലായിരുന്നു ചേരാനെല്ലൂർ ശങ്കരൻകുട്ടിമാരാരുടെ അരങ്ങേറ്റം. 13-ാമത്തെ വയസിൽ മേളംകൊട്ടാൻ തുടങ്ങി. 17-ാമത്തെ വയസിൽ പ്രമാണിയായി. നാൽപതുകൊല്ലത്തോളം ചെറുപൂരങ്ങൾക്കു മേളവും പഞ്ചവാദ്യവും കൊട്ടിയിട്ടുണ്ട്. അനിയേട്ടൻ മുഖേന 2015ൽ തിരുവന്പാടിയിൽ രണ്ടാംചെണ്ടക്കാരനായി വന്നു. അങ്ങേരു പാറമേക്കാവിൽ പോയപ്പോൾ എനിക്കൊരു അവസരം കിട്ടി. ഇപ്പോൾ മൂന്നാമത്തെ വർഷമാണു പ്രമാണിയാകുന്നത്: ചേരാനെല്ലൂർ പറഞ്ഞു. ആദ്യമായി ആശാനെന്നു വിളിച്ചതു പെരുവനം കുട്ടൻമാരാരാണ്. 40 കൊല്ലം ചെറുപൂരങ്ങൾക്കു കൊട്ടി. പണ്ടു തിരുവന്പാടിയിൽ കൊട്ടിയിട്ടുണ്ട്. ഒരു നിസാരകാര്യത്തിന് പിണങ്ങിപ്പോയ ആളാണ്. അന്ന് ആറാമത്തെ ചെണ്ടക്കാരനായിരുന്നു. കഴിഞ്ഞവർഷം 17 ഇടംതലയാണു കൊട്ടിയത്. ഒരു കണക്കുവിട്ട് മേളത്തിനു ചെണ്ടക്കാരുണ്ടായാലും ബുദ്ധിമുട്ടാണ്. പെരുന്പാവൂർ ആറാട്ടുപാണ്ടിക്ക് ഞാൻ 25 ചെണ്ടയ്ക്കു കൊട്ടിയിട്ടുണ്ട്. 45 കൊന്പ്, 41 കുഴൽ. മൊത്തം 700 ആള്. ഇപ്പോഴുള്ള പിള്ളേരെല്ലാം വൃത്തിയായി കൊട്ടുന്നവരാണ്, എനിക്ക് ഏറ്റവും ഇഷ്ടമുള്ളവരാണ്. നമ്മളോടു കൂടുതൽ ഇഷ്ടമുള്ളവരാണ്.

ചരിത്രത്തിലെ തീവണ്ടിപ്പാതകളിലുമുണ്ട് ഏറെ പൂരക്കഥകൾ

തൃശൂർ: തൃശൂർ പൂരവും റെയിൽവേയുമായി എന്താണ് ബന്ധമെന്നു ചോദിച്ചാൽ ഒരു നൂറ്റാണ്ടിലധികം പഴക്കമുള്ള ബന്ധമുണ്ടെന്നു നിസംശയം പറയാം. ചരിത്രത്തിലെ തീവണ്ടിപ്പാതകളിലുണ്ട് പൂരക്കഥകൾ. 1903ൽ തുടങ്ങുന്നു പൂരത്തീവണ്ടികളുടെ ചൂളംവിളികൾ. 1902ലെ തൃശൂർ പൂരത്തിനുശേഷമാണ് ഷൊർണൂർ - എറണാകുളം മീറ്റർഗേജ് തീവണ്ടിപ്പാത പ്രവർത്തനം തുടങ്ങിയത്. പതിവായുള്ള രണ്ടു തീവണ്ടികൾക്കുപുറമെ രണ്ടു പ്രത്യേക വണ്ടികൾ ഓടിച്ചിട്ടും 1903 മേയ് 16നു നടന്ന പൂരത്തിനുള്ള യാത്രക്കാരുടെ തിരക്ക് നിയന്ത്രിക്കാൻ സാധിച്ചില്ല. തിരുവിതാംകൂറിൽനിന്നും ബ്രിട്ടീഷ് മലബാറിൽനിന്നും പൂരം കാണാൻ അന്നു ധാരാളം പേരെത്തിയത്രെ. എറണാകുളത്തുനിന്നും ചെറുവണ്ണൂരിൽനിന്നും രണ്ടു പ്രത്യേക തീവണ്ടികളുണ്ടായിട്ടും പലർക്കും കയറാൻ സാധിക്കാതെ വാങ്ങിയ ടിക്കറ്റുംകൊണ്ട് ഒരുപാടുപേർക്കു തിരിച്ചുപോകേണ്ടിവന്നു. പലരും അധിക കൂലി കൊടുത്ത് കാളവണ്ടിയിലും കുതിരവണ്ടിയിലുമാണ് പിന്നെ പൂരം കാണാനെത്തിയത്. അതായത് തൃശൂർവഴി തീവണ്ടിഗതാഗതം ആരംഭിച്ച ആദ്യവർഷം മുതൽതന്നെ റെയിൽവേയും പൂരവും തമ്മിലുള്ള ബന്ധം ആരംഭിച്ചു. 1929, 1930 വർഷങ്ങളിൽ സൗത്ത് ഇന്ത്യൻ റെയിൽവേ പൂരത്തിനു തീവണ്ടിമാർഗം യാത്രചെയ്യാൻ ജനങ്ങളെ ക്ഷണിച്ചുകൊണ്ടു നൽകിയ പരസ്യങ്ങളാണ് കൗതുകമുണർത്തുന്ന മറ്റൊന്ന്. റോഡുമാർഗമുള്ള യാത്ര അന്നു ദുഷ്കരവും ഏറെ സമയമെടുക്കുന്നതുമായതിനാൽ താരതമ്യേന വേഗമേറിയതും സുഖകരവും സൗകര്യപ്രദവുമായ തീവണ്ടിയാത്ര ജനങ്ങളെ ആകർഷിച്ചിരുന്നതായി പറയുന്നു. പൂരം കാണാൻ വേഗത്തിൽ എത്താമെന്നതും പൂരക്കാലത്തു ട്രെയിൻ യാത്രയ്ക്ക് പ്രിയമേറ്റിയിരുന്നു.

പൂരം പോക്കറ്റിലാക്കാൻ കൈപ്പുസ്തകം

തൃശൂർ: പൂരത്തെക്കുറിച്ചും പൂരച്ചടങ്ങുകളെക്കുറിച്ചും അറിയേണ്ടതെല്ലാം ഒരു കൈപ്പിടിയിലൊതുക്കി പൂരപ്രേമിസംഘം പുറത്തിറക്കിയ കൈപ്പുസ്തകം പൂരംകാണാനുള്ള വഴികാട്ടിയാകുന്നു. പൂരത്തിലെ പ്രധാന പങ്കാളികളായ തിരുവന്പാടിക്കും പാറമേക്കാവിനുംപുറമെ എട്ടു ഘടകക്ഷേത്രങ്ങളിലെ പൂരച്ചടങ്ങുകൾകൂടി ഉൾപ്പെടുത്തിക്കൊണ്ടുള്ള കൈപ്പുസ്തകം മന്ത്രി കെ. രാജൻ കൊച്ചിൻ ദേവസ്വം ബോർഡ് പ്രസിഡന്‍റ് കെ. രവീന്ദ്രനു നൽകി പ്രകാശനം ചെയ്തു. പൂരപ്രേമിസംഘം പ്രസിഡന്‍റ് ബൈജു താഴെക്കാട് അധ്യക്ഷത വഹിച്ച ചടങ്ങിൽ കണ്‍വീനർ വിനോദ് കണ്ടെൻകാവിൽ ആമുഖപ്രഭാഷണം നടത്തി. രക്ഷാധികാരി നന്ദൻ വാകയിൽ, സെക്രട്ടറി അനിൽകുമാർ, വൈസ്പ്രസിഡന്‍റും കൗണ്‍സിലറുമായ എൻ. പ്രസാദ്, ട്രഷറർ പി.വി. അരുണ്‍, സജേഷ് കുന്നന്പത്ത്, തിരുവന്പാടി ദേവസ്വം വൈസ് പ്രസിഡന്‍റ് പ്രശാന്ത് മേനോൻ എന്നിവർ പ്രസംഗിച്ചു.

പൂരച്ചടങ്ങിലേതുപോലെ മേളപ്രമാണിമാർക്കു നേരിൽ കാണാനായില്ല

തൃശൂർ: മേളം കൂട്ടായ്മയാണ്, അതുണ്ടെങ്കിൽ പൂരം കേമമാകുമെന്നു പാറമേക്കാവ്, തിരുവന്പാടി മേളപ്രമാണിമാരായ കിഴക്കൂട്ട് അനിയൻമാരാരും ചേരാനെല്ലൂർ ശങ്കരൻകുട്ടിമാരാരും. തൃശൂർ പ്രസ് ക്ലബ്ബിൽ സംഘടിപ്പിച്ച മുഖാമുഖം പരിപാടിയിൽ സംസാരിക്കുകയായിരുന്നു ഇരുവരും. അവിചാരിതമെങ്കിലും മേളപ്രമാണിമാർ മുഖാമുഖത്തിനെത്തി മടങ്ങിയതു പൂരച്ചടങ്ങ് ഓർമിപ്പിക്കുംവിധത്തിലാണ്. പൂരത്തിന് ഇലഞ്ഞിച്ചോട്ടിൽ മേളം കലാശിച്ച് ഗോപുരത്തിനുള്ളിലൂടെ ആദ്യം പാറമേക്കാവ് തെക്കോട്ടിറങ്ങും. അതിനുശേഷമാണ് ശ്രീമൂലസ്ഥാനത്തു മേളം കലാശിച്ച് തിരുവന്പാടി തെക്കോട്ടിറങ്ങുക. ദേശീയപാതയിലെ ഗതാഗതക്കുരുക്കിൽപ്പെട്ട് ചേരാനെല്ലൂർ എത്താൻ വൈകിയതോടെ ഈ ചടങ്ങ് മുഖാമുഖത്തിലും ദൃശ്യമായി. ആദ്യമെത്തിയ പാറമേക്കാവ് മേളപ്രമാണിയായ കിഴക്കൂട്ട് അനിയൻമാരാരുടെ മുഖാമുഖം നടത്തി പ്രസ് ക്ലബ് അധികൃതർ അദ്ദേഹത്തെ യാത്രയാക്കി. മുക്കാൽ മണിക്കൂറിനുശേഷമെത്തിയ തിരുവന്പാടി മേളപ്രമാണി ചേരാനെല്ലൂർ ശങ്കരൻകുട്ടിമാരാർ മുഖാമുഖത്തിൽ പങ്കെടുത്തു പുറത്തേക്കിറങ്ങി. മേളം കഴിഞ്ഞു പാറമേക്കാവ്, തിരുവന്പാടി ഭഗവതിമാർ കുടമാറ്റത്തിനായി തെക്കോട്ടിറങ്ങുന്നതുപോലെ പരസ്പരം കാണാതെയാണ് രണ്ടു പ്രമാണിമാരും വന്നുപോയത്. ഒരേസമയത്തല്ല പരിപാടിയിൽ പങ്കെടുത്തതെങ്കിലും ഇരുവരും പ്രകടിപ്പിച്ചതു പരസ്പരസ്നേഹവും മേളം വിജയിക്കാൻ കൂട്ടായ്മയും സഹകരണവും ആവശ്യമാണെന്നുമാണ്. തിരുവന്പാടി മേളപ്രമാണിയായിരുന്ന അനിയൻമാരാർ ഇലഞ്ഞിത്തറയിൽ മൂന്നാമത്തെ വർഷമാണ് പാറമേക്കാവ് മേളത്തിനു പ്രമാണിയാകുന്നത്. അനിയൻമാരാരുടെ അഭാവത്തിലാണ് അന്നു രണ്ടാമനായിരുന്ന ചേരാനെല്ലൂർ ശങ്കരൻകുട്ടി തിരുവന്പാടി മേളപ്രമാണിയായത്.

സർവസന്നാഹങ്ങളുമായി ആരോഗ്യവകുപ്പ്

തൃശൂർ: തൃശൂർ പൂരത്തിനു സർവസന്നാഹങ്ങളുമായി ആരോഗ്യവകുപ്പ്. ചൂട് വർധിച്ചിരിക്കുന്ന സാഹചര്യത്തിൽ വിപുലമായ ഒരുക്കങ്ങളാണ് ആരോഗ്യവകുപ്പ് നടത്തിയിട്ടുള്ളത്. പൂരം പ്രത്യേക ഡ്യൂട്ടിയ്ക്കായി ഡോക്ടർമാരും നഴ്സുമാരും പാരാമെഡിക്കൽ ജീവനക്കാരുമടക്കം അഞ്ഞൂറോളം പേരെ നിയോഗിച്ചിട്ടുണ്ട്. സാന്പിൾ വെടിക്കെട്ടിനു ജനറൽ ആശുപത്രി ജംഗ്ഷൻ, എംഒ റോഡ് ജംഗ്ഷൻ, കുറുപ്പം റോഡ് ജംഗ്ഷൻ, നായ്ക്കനാൽ ജംഗ്ഷൻ എന്നീ നാലു പ്രധാന പോയിന്‍റുകൾക്ക് എതിർവശത്തായി മെഡിക്കൽ സംഘങ്ങൾ ഉണ്ടായിരിക്കും. അഞ്ചു 108 ആംബുലൻസുകളുടെയും ആക്ട്സ് സംഘടനയുടെ നാലു ആംബുലൻസുകളുടെയും സേവനവും ഉറപ്പാക്കിയിട്ടുണ്ട്. ജനറൽ ആശുപത്രിയിൽ തൃശൂർ ജനറൽ ആശുപത്രിയിൽ മെഡിക്കൽ ഓഫീസർമാർ, നഴ്സിംഗ് ഓഫീസർമാർ, മറ്റ് ആരോഗ്യ പ്രവർത്തകർ, നഴ്സിംഗ് വിദ്യാർഥികൾ, വോളന്‍റിയർമാർ എന്നിവരുൾപ്പെടുന്ന ആയിരംപേരെ രണ്ടു ദിവസങ്ങളിലായി നാലു ഷിഫ്റ്റുകളിൽ കൂടുതലായി ജോലിക്കു നിയോഗിച്ചിട്ടുണ്ട്. ജില്ലയിലെ വിവിധ ആശുപത്രികളിൽനിന്നും സർക്കാർ മെഡിക്കൽ കോളജിൽനിന്നുമുള്ള സ്പെഷലിസ്റ്റ് ഡോക്ടർമാരുടെ സേവനവും ലഭ്യമാണ്. ജനറൽ ആശുപത്രിയിൽ 70 ബെഡുകളും കൂടുതലായി ഒരുക്കി. സ്വരാജ് റൗണ്ടിലും പരിസരത്തും സ്വരാജ് റൗണ്ടിലെ ബാറ്റാ, ന്യൂ കേരള ടൈം ഹൗസ്, ധനലക്ഷ്മി ബാങ്ക്, പഴയ സപ്ന തിയറ്റർ, ഹൈറോഡ് ജംഗ്ഷൻ എന്നീ അഞ്ചു പ്രധാന പോയിന്‍റുകൾക്ക് എതിർവശത്തായി പോലീസ് കം മെഡിക്കൽ എയ്ഡ് പോസ്റ്റ് സജ്ജീകരിച്ചു. ഇവിടെ ആംബുലൻസ് സൗകര്യമടക്കമുള്ള മെഡിക്കൽ സംഘങ്ങൾ ഉണ്ടായിരിക്കും. കൂടാതെ സിവിൽ പോലീസ് ഓഫീസർ, ആരോഗ്യപ്രവർത്തകർ, മരുന്നുകൾ, ഓക്സിജൻ സിലിണ്ടർ, മറ്റു ചികിത്സാ ഉപകരണങ്ങൾ തുടങ്ങിയ സൗകര്യങ്ങളോടെ 65 ആംബുലൻസുകൾ വൈദ്യസഹായം നല്കാൻ സജ്ജമായി പൂരപ്പറന്പിനു സമീപങ്ങളിൽ ഉണ്ടായിരിക്കും. സർക്കാർ മെഡിക്കൽ കോളജിൽനിന്നുള്ള 50 പേരടങ്ങുന്ന സ്പെഷലിസ്റ്റ് ഡോക്ടർമാർ ഉൾപ്പെടെയുള്ള സംഘത്തിന്‍റെ സേവനം പൂരം കണ്‍ട്രോൾ റൂമിലെ മെഡിക്കൽ പവലിയനിൽ പൂരദിവസങ്ങളിലുടനീളം ഉണ്ടായിരിക്കും. ഇലഞ്ഞിത്തറയ്ക്കടുത്തും തെക്കോട്ടിറക്കസമയത്തും ഇലഞ്ഞിത്തറമേളം സമയത്തു ക്ഷേത്രത്തിനകത്ത് ഒരു മെഡിക്കൽ ടീം ഉണ്ടായിരിക്കും. സണ്‍ മെഡിക്കൽ ആൻഡ് റിസർച്ച് സെന്‍റർ, ആത്രേയ ഹോസ്പിറ്റൽ എന്നിവരുടെ സഹകരണത്തോടെ തെക്കോട്ടിറക്കം നടക്കുന്പോൾ പടിഞ്ഞാറുഭാഗത്ത് രണ്ടു മെഡിക്കൽ സംഘങ്ങളെയും സജ്ജമാക്കും. തൃശൂരിലെയും സമീപപ്രദേശങ്ങളിലെയും പ്രധാനപ്പെട്ട എല്ലാ സ്വകാര്യ ആശുപത്രികളിലും അടിയന്തര സാഹചര്യങ്ങളെ നേരിടുവാനുള്ള സജ്ജീകരണങ്ങൾ ഒരുക്കിയിട്ടുണ്ട്.

നൂറുകണക്കിനു പപ്പായകൾ നശിപ്പിച്ചു

കൊറ്റനെല്ലൂര്‍: വേളൂക്കര പഞ്ചായത്തിലെ കൊറ്റനെല്ലൂര്‍ ശിവഗിരി അമ്പലത്തിനുസമീപം കര്‍ഷകന്‍റെ ആയിരത്തോളം വരുന്ന പപ്പായ നശിപ്പിച്ചതായി പരാതി. കഴിഞ്ഞ ദിവസം രാത്രിയാണ് സംഭവം നടന്നത്. കാനാട്ടില്‍ ഭഗവന്‍ എന്നയാളുടെ ഐസ്‌ബെറി എന്ന ഹൈബ്രിഡ് ഇനത്തില്‍പ്പെട്ട പാകമായതും അല്ലാത്തതുമായ പപ്പായകളാണ് വടി ഉപയോഗിച്ചും മറ്റും തല്ലിക്കൊഴിച്ച് നശിപ്പിച്ചത്. വിദേശവിപണിയില്‍ ഡിമാന്‍ഡുള്ള മുന്നൂറോളം ഐസ്‌ബെറി ഹൈബ്രിഡ് ഇനത്തിലുളള പപ്പായകളാണ് നശിപ്പിച്ചത്. വേളൂക്കര പഞ്ചായത്തിലെ മികച്ച കര്‍ഷകനാണ് ഭഗവാന്‍. മുളവടി കൊണ്ട് തല്ലിക്കൊഴിച്ചതിന്‍റെ പാടുകളുണ്ട്. മരത്തില്‍ ചവിട്ടിയിട്ടുമുണ്ട്. ഇതുസംബന്ധിച്ച് ആളൂര്‍ പോലീസില്‍ പരാതി നല്‍കിയതിനെത്തുടര്‍ന്ന് പോലീസ് അന്വേഷണം ആരംഭിച്ചിട്ടുണ്ട്. വേളൂക്കര കൃഷിഭവന്‍ അധികൃതര്‍ സ്ഥലത്തെത്തി നഷ്ടം വിലയിരുത്തി. ഏകദേശം അരലക്ഷത്തിലേറെ നഷ്ടം ഉണ്ടായതായാണ് കണക്കാക്കുന്നത്.

ആളൂര്‍ പഞ്ചായത്തിലെ അഞ്ച് റോഡുകളുടെ നിര്‍മാണോദ്ഘാടനം നടത്തി

ആളൂര്‍: ആളൂര്‍ പഞ്ചായത്തിലെ സെന്‍റ് ആന്‍റണീസ് റോഡ് 28 ലക്ഷം, റെയില്‍വേ ഗേറ്റ് പെരടിപ്പാടം റോഡ് 15 ലക്ഷം, വടക്കേക്കുന്ന് റോഡ് 20 ലക്ഷം, കണ്ണിക്കര അത്ഭുതകുളങ്ങര അമ്പലം റോഡ് 31 ലക്ഷം, കണ്ണിക്കര കപ്പേള എരണപ്പാടം റോഡ് 22 ലക്ഷം എന്നീ തദ്ദേശ റോഡുകളുടെ പുനരുദ്ധാരണത്തിന്‍റെ നിര്‍മാണോദ്ഘാടനം മന്ത്രി ഡോ. ആര്‍. ബിന്ദു നിര്‍വഹിച്ചു. ഇരിങ്ങാലക്കുട നിയോജകമണ്ഡലത്തിലെ ഏഴ് പഞ്ചായത്തുകളിലും നഗരസഭയിലുമായി വിവിധ കാരണങ്ങളാല്‍ തകര്‍ന്ന 30 റോഡുകള്‍ക്കായി 8.39 കോടി രൂപയാണ് പുനരുദ്ധാരണത്തിനായി മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതി പ്രകാരം അനുവദിച്ചിട്ടുള്ളത്. കണ്ണിക്കര കപ്പേള പരിസരത്ത് നടന്ന ചടങ്ങില്‍ പഞ്ചായത്ത് പ്രസിഡന്‍റ് കെ.ആര്‍. ജോജോ അധ്യക്ഷത വഹിച്ചു. വൈസ് പ്രസിഡന്‍റ്് രതി സുരേഷ്, മാള ബ്ലോക്ക് ക്ഷേമകാര്യ ചെയര്‍മാന്‍ ജോസ് മാഞ്ഞൂരാന്‍, ആരോഗ്യ വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ ബിന്ദു ഷാജു, ജനപ്രതിനിധികളായ ജുമൈല സഗീര്‍, ഷൈനി വര്‍ഗീസ് പൊതുപ്രവര്‍ത്തകരായ എം.സി. സന്ദീപ്, എം.ബി. ലത്തീഫ്, സി.ജെ. നിക്‌സന്‍ എന്നിവര്‍ സംസാരിച്ചു.

സമരത്തിന്‍റെ പേരിൽ പൂട്ടിപ്പോയ ഫാക്ടറിയിലെ തൊഴിലാളികൾ നഷ്ടസ്വപ്നങ്ങളുമായി മേയ് ദിനത്തിൽ ഒത്തുചേർന്നു

ചാലക്കുടി: തൊഴിലാളികളുടെ അവകാശങ്ങൾക്കു വേണ്ടി ശബ്ദമുയർത്തിയതിന്‍റെ പേരിൽ പൂട്ടിപ്പോയ ഫാക്ടറിയിലെ തൊഴിലാളികൾ കാൽ നൂറ്റാണ്ടിനുശേഷം മേയ് ദിനത്തിൽ നഷ്ട സ്വപ്നങ്ങളുമായി ഒത്തുചേർന്നു. നിരവധി തൊഴിലാളികൾക്ക് അത്താണിയായിരുന്ന ചാലകുടിയിലെ ആദ്യകാലത്തെ ഫാക്ടറിയായിരുന്ന ടാപ്പിയോക്ക പ്രോഡക്ട്സിലെ തൊഴിലാളികളാണ് തൊഴിലാളി ദിനത്തിൽ ഒത്തുചേർന്നത്. 1953 ഫെബ്രുവരി 12ന് പനമ്പിള്ളി ഗോവിന്ദമേനോനാണ് കമ്പനി ഉദ്ഘാനം ചെയ്തത്. അനന്തൻ നായരാണ് കമ്പനി ഉടമ. 26 പേരാണ് അന്ന് തൊഴിലാളികൾ. 1959ൽ പാല കച്ചാലക്കകം ഗ്രൂപ്പ് കമ്പനി ഏറ്റെടുത്തു. 1965ലാണ് ഗുജറാത്തിലെ സയജി കമ്പനി ഏറ്റെടുത്തത്. 340 പേർ വരെ ഇവിടെ ജോലി ചെയ്തിരുന്നു. ഗ്ലൂക്കോസാണ് ഇവിടെ ഉല്പാദിപ്പിച്ചിരുന്നത്. കേരളത്തിൽ സുലഭമായ പച്ചക്കപ്പയിൽ നിന്നാണ് 1972 വരെ ഗ്ലൂക്കോസ് ഉല്പാദിപ്പിച്ചിരുന്നത്. പച്ചക്കപ്പ കിട്ടാതായതോടെ ഉണക്ക കപ്പയിൽ നിന്നായി ഉല്പാദനം. തുടർന്ന് ചോളത്തിൽ നിന്നായി ഗ്ലൂക്കോസ് ഉല്പാദനം. മഹാരാഷ്ടയിൽ നിന്നും ചോളം കൊണ്ടുവന്നാണ് ഗ്ലൂക്കോസ് ഉല്പാദിപ്പിച്ചത്. ഗ്ലൂക്കോസ് നിർമിക്കുന്ന മറ്റ് കമ്പനികളുമായി മത്സരം വന്നതോടെ കമ്പനി നഷ്ടത്തിലേക്ക് നീങ്ങി. ഈ സമയത്താണ് തൊഴിലാളി യൂണിയനുകൾ ശമ്പള വർധനവ് ആവശ്യപ്പെട്ടത്. ഇതോടെ കമ്പനി മുന്നോട്ടു പോകനാവാത്ത അവസ്ഥയിലായി. സ്വയം പിരിഞ്ഞുപോകുന്ന തൊഴിലാളികൾക്ക് ഇരട്ടി ഗ്രാറ്റ്‌വിറ്റി വാഗ്ദാനം ചെയ്തു. 84 പേർ ഒഴികെ ഇത് അംഗികരിച്ച് പിരിഞ്ഞുപോയി. 2000-ൽ കമ്പനി അടച്ചുപൂട്ടി. കാൽ നൂറ്റാണ്ടിനുശേഷം കമ്പനിയിലെ തൊഴിലാളികൾ ചാലക്കുടി റസ്റ്റ് ഹൗസിൽ ഒത്ത് ചേർന്നു. പഴയകാലസ്മരണകൾ അയവിറക്കി. കമ്പനി ആദ്യകാലജീവനക്കാരായ എം. ഫിലോമിന, കെ.വി. അന്നം, സി.എം. പരമേശ്വരൻ നമ്പൂതിരി, കെ. ശിവരാമൻ, എ. ആർ. ഡേവീസ് ആലപ്പാട്ട്, സുധാകരൻ കമ്മത്ത്, എം. വിശ്വനാഥൻ, പി.ഡി.നാരായണൻ എന്നിവരെ ആദരിച്ചു. എ.ഡി. ഡേവീസ്, പി.സി. ജോണി, പി.പി. നാരായണൻ പോറ്റി, വി.കെ. മുകുന്ദൻ, സി.എം. സുരേന്ദ്രൻ, നോബിൾ തോമസ്, വി.ഡി. വർഗീസ്, എം.യു. പോളി, എൻ.പി. ശിവൻ എന്നിവർ പ്രസംഗിച്ചു.

കേരള കോണ്‍ഗ്രസ് ദ്വിദിന ക്യാമ്പ് ആരംഭിച്ചു

ഇരിങ്ങാലക്കുട: കേരള കോണ്‍ഗ്രസ് നിയോജകമണ്ഡലം ദ്വിദിന ക്യാമ്പ് ആരംഭിച്ചു. പ്രസിഡന്‍റ് റോക്കി ആളൂക്കാരന്‍ പതാക ഉയര്‍ത്തി. ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ക്യാമ്പ് പ്രഖ്യാപനം നടത്തി. തുടര്‍ന്ന് നടന്ന നേതൃ സംഗമം ജില്ലാ പ്രസിഡന്‍റ്് സി.വി. കുര്യാക്കോസ് ഉദ്ഘാടനം ചെയ്തു. സംസ്ഥാന ജനറല്‍ സെക്രട്ടറി മിനി മോഹന്‍ദാസ് രാഷ്ട്രീയസംഘടനാ പ്രമേയം അവതരിപ്പിച്ചു. നേതാക്കളായ എം.കെ.സേതുമാധവന്‍, സിജോയ് തോമസ്, പി.ടി.ജോര്‍ജ്, കെ.സതീഷ്, മാഗി വിന്‍സെന്‍റ്്, ദീപക് അയ്യഞ്ചിറ, ഷൈനി ജോജോ, ഫെനി എബിന്‍ വെള്ളാനിക്കാരന്‍, തുഷാര ബിന്ദു, അജിത സദാനന്ദന്‍, ഫിലിപ്പ് ഓളട്ടുപുറം, എം.എസ്. ശ്രീധരന്‍, ലിംസി ഡാര്‍വിന്‍, ശങ്കര്‍ പഴയാറ്റില്‍, ആര്‍തര്‍ വിന്‍സന്‍റ്്, ലാലു വിന്‍സന്‍റ്, അനൂപ് രാജ്, ജോമോന്‍, വിനോദ് എന്നിവര്‍ പ്രസംഗിച്ചു. ഇന്ന് രാവിലെ പത്തിന് പാര്‍ട്ടി ചെയര്‍മാന്‍ പി.ജെ.ജോസഫ് ക്യാമ്പ് ഉദ്ഘാടനം ചെയ്യും. വര്‍ക്കിംഗ് ചെയര്‍മാന്‍ പി.സി.തോമസ്, എക്‌സിക്യൂട്ടീവ് ചെയര്‍മാന്‍ മോന്‍സ് ജോസഫ് എന്നിവര്‍ പ്രസംഗിക്കും. സമാപന സമ്മേളനം ഡെപ്യൂട്ടി ചെയര്‍മാന്‍ തോമസ് ഉണ്ണിയാടന്‍ ഉദ്ഘാടനം ചെയ്യും.

വള്ളിവട്ടം യൂണിവേഴ്സൽ എൻജിനീയറിംഗ് കോളജിൽ "പ്രോജക്ട് എക്സ്പോ-2025'

വെള്ളാങ്കല്ലൂർ: വള്ളിവട്ടം യൂണിവേഴ്സൽ എൻജിനീയറിംഗ് കോളജ് അവസാന വർഷ വിദ്യാർഥികളുടെ പ്രോജക്ട് എക്സ്പോ സംഘടിപ്പിച്ചു. ശാസ്ത്ര സാങ്കേതിക വ്യവസായ മേഘലകളുടെ കുതിപ്പിന് സഹായകരമായ വിവിധ കണ്ടെത്തലുകൾ വിദ്യാർഥികൾ പ്രോജക്ടായി അവതരിപ്പിച്ചു. പ്രോജക്ട് എക്സ്പോ പ്രിൻസിപ്പൽ ഡോ. ജോസ് കെ. ജേക്കബ് ഉദ്ഘാടനം ചെയ്തു. കോളജ് ഡീൻ ജോബിൻ വിജയൻ, വർക്ക്ഷോപ്പ് സൂപ്രണ്ട് കെ.കെ.അബ്ദുൾ റസാക്ക് എന്നിവർ ആശംസയർപ്പിച്ച് സംസാരിച്ചു. വകുപ്പ് മേധാവികൾ, മാധ്യമ പ്രവർത്തകർ തുടങ്ങിയവർ സന്നിഹിതരായിരുന്നു.

കൂടല്‍മാണിക്യം ഇല്ലംനിറ; വിത്തുവിതച്ചു

ഇരിങ്ങാലക്കുട: കൂടല്‍മാണിക്യം ക്ഷേത്രത്തിലെ ഇല്ലംനിറയ്ക്കായി വിത്തുവിതച്ചു. ക്ഷേത്രം ഭൂമിയായ കൊട്ടിലാക്കല്‍പറമ്പില്‍ നടന്ന ചടങ്ങ് ദേവസ്വം ചെയര്‍മാന്‍ അഡ്വ. സി.കെ. ഗോപി ഉദ്ഘാടനം ചെയ്തു. കാര്‍ഷിക സര്‍വകലാശാല വികസിപ്പിച്ചെടുത്ത മനുരത്‌ന നെല്‍വിത്തുകളാണ് വിതച്ചത്. 90 ദിവസം മൂപ്പുള്ള നെല്‍വിത്തായതിനാല്‍ ജലസേചനസൗകര്യം കുറവുള്ള കരകൃഷിക്ക് ഉത്തമമാണ് ഈ വിത്ത്. ദേവസ്വം ഭരണസമിതി അംഗങ്ങളായ അഡ്വ. അജയ് കുമാര്‍, രാഘവന്‍ മുളങ്ങാടന്‍, ബിന്ദു, അഡ്മിനിസ്‌ട്രേറ്റര്‍ ഉഷാനന്ദിനി, ദേവസ്വം മുന്‍ ചെയര്‍മാന്‍ യു. പ്രദീപ് മേനോന്‍ എന്നിവര്‍ പ്രസംഗിച്ചു. ദേവസ്വം ജീവനക്കാര്‍, ഭക്തജനങ്ങള്‍ എന്നിവര്‍ ചടങ്ങില്‍ പങ്കെടുത്തു. കഴിഞ്ഞ ഏഴുവര്‍ഷക്കാലമായി കര്‍ക്കടക മാസത്തിലെ അത്തം നാളില്‍ നടക്കുന്ന ഇല്ലംനിറയ്ക്കാവശ്യമായ കറ്റകള്‍ ഇവിടെ കൃഷിചെയ്താണ് ക്ഷേത്രത്തിലേക്ക് എടുക്കുന്നത്. ജൂലൈ 30നാണ് കൂടല്‍മാണിക്യം ക്ഷേത്രത്തില്‍ ഇല്ലംനിറ.

കാതോലിക്കാബാവയ്ക്ക് വട്ടുള്ളിയിൽ സ്വീകരണം നൽകി

ബസേലിയോസ് ജോസഫ് ഒന്നാമൻചേലക്കര: വട്ടുള്ളി സെന്‍റ് ്ജോർജ് ബേത്‌ലഹേം യാക്കോബായ സുറിയാനി പള്ളിയിൽ ശ്രേഷ്ഠ കാതോലിക്ക ബാവ ബസേലിയോസ് ജോസഫ് ഒന്നാമൻ കാതോലിക്കാ ബാവയ്ക്കുള്ള സ്വീകരണവും അനുമോദന സമ്മേളനവും കെ. രാധാകൃഷ്ണൻ എംപി ഉദ്ഘാടനം ചെയ്തു. തൃശൂർ ഭദ്രാസന മെത്രാപ്പോലീത്ത കുര്യാക്കോസ് മോർ ക്ലീമിസ് അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡന്‍റ് എം.കെ. പത്മജ, മുൻ ജില്ലാ പഞ്ചായത്തംഗം ഇ. വേണുഗോപാല മേനോൻ, മലങ്കര കത്തോലിക്ക പള്ളി വികാരി ഫാ. തോമസ് വെട്ടിക്കാട്ടിൽ എന്നിവർ പ്രസംഗിച്ചു. ഇടവക വികാരി ഫാ. തോമസ് നെടിയ‌പാലയ്ക്കൽ, മാരാംകുന്ന് ഭാഗത്ത് പുതുക്കിപ്പണിത കുരിശു പള്ളിയുടെ നിർമാണത്തിനു നേതൃത്വം നൽകിയ ഷാജി മംഗലശേരി, 32 വർഷത്തോളമായി സൺഡേ സ്കൂൾ ഹെഡ് മാസ്റ്ററായി സേവനമനുഷ്ഠിച്ച തങ്കച്ചൻ മംഗലശേരി എന്നിവരെ ബാവ ആദരിച്ചു. ഭദ്രാസന വൈദിക സെക്രട്ടറി ഫാ. ബേസിൽ കൊല്ലാർമാലിയിൽ, ഭദ്രാസന സെക്രട്ടറി ഫാ. ബേസിൽ ബേബി തെക്കുംമഠത്തിൽ എന്നിവർ പങ്കെടുത്തു. ജോസ് ചെള്ളിക്കാട്ടിൽ നന്ദി പറഞ്ഞു.

ധന്വന്തരി ആയുർവേദ റിസർച്ച് സെന്‍റർ ഉദ്ഘാടനം ചെയ്തു

എരുമപ്പെട്ടി: നവീകരിച്ച കൊച്ചിൻ ദേവസ്വം ബോർഡ് നെല്ലുവായ് ശ്രീ ധന്വന്തരി ആയുർവേദ റിസർച്ച് സെന്‍ററിന്‍റെ ഉദ്ഘാടനം ദേവസ്വം തുറമുഖം മന്ത്രി വി.എൻ വാസവൻ നിർവഹിച്ചു. ആശുപത്രി കെട്ടിടം പുനർനിർമിച്ച് നൽകിയ വിജയരാമസ്വാമിയെ മന്ത്രി ആദരിച്ചു. പഞ്ചകർമ ബ്ലോക്കിന്‍റെ ഉദ്ഘാടനം എ.സി. മൊയ്തീൻ എംഎൽഎ നിർവഹിച്ചു. പുതിയതായി നിർമിക്കുന്ന ബ്ലോക്കിന്‍റെ ഉദ്ഘാടനം കെ. രാധാകൃഷ്ണൻ എംപി നിർവഹിച്ചു. കൊച്ചിൻ ദേവസ്വം ബോർഡ് പ്രസിഡന്‍റ്് കെ. രവീന്ദ്രൻ അധ്യക്ഷനായി. കൊച്ചിൻ ദേവസ്വം ബോർഡ് കമ്മീഷണർ എസ്.ആർ. ഉദയകുമാർ, മെമ്പർ കെ.പി അജയൻ, എരുമപ്പെട്ടി പഞ്ചായത്ത് പ്രസിഡന്‍റ് എസ്. ബസന്ത് ലാൽ, വാർഡ് മെമ്പർ എം.സി. ഐജു, റിസർച്ച് സെന്‍റർ ചെയർമാൻ പി.സി. അബാൽ മണി, കൊച്ചിൻ ദേവസ്വം ബോർഡ് സെക്രട്ടറി പി. ബിന്ദു, ഡോ. രാജഗോപാലൻ, ഡോ. വാസുദേവൻ മൂസ്, ഡോ. ഡി. രാമനാഥൻ, ദേവസ്വം ബോർഡ് ഡെപ്യൂട്ടി കമ്മീഷണർ കെ. സുനിൽകുമാർ തുടങ്ങിയവർ പ്രസംഗിച്ചു.

തൃപ്രയാർ ക്ഷേത്രത്തിൽ പ്രതിഷ്ഠാദിനം ആഘോഷിച്ചു

തൃപ്രയാർ: ശ്രീരാമസ്വാമി ക്ഷേത്രത്തിൽ പ്രതിഷ്ഠാദിനം ആഘോഷിച്ചു. പ്രതിഷ്ഠാദിനത്തോടനുബന്ധിച്ച് വെള്ളിയാഴ്ച ശുദ്ധിയും സർപ്പബലിയും നടന്നു. ഇന്നു രാവിലെ കാഴ്ചശീവേലിക്കുശേഷം ദ്രവ്യകലശാഭിഷേകം നടന്നു. 108 നിറച്ച കലശങ്ങൾക്കൊണ്ട് ഭഗവാന് അഭിഷേകം നടത്തി. ക്ഷേത്രം തന്ത്രി തരണനെല്ലൂർ പടിഞ്ഞാറെ മന പത്മനാഭൻ നമ്പൂതിരിപ്പാട് മുഖ്യ കാർമികത്വം വഹിച്ചു. കാഴ്ചശീവേലിക്ക് കൊമ്പൻ എറണാകുളം ശിവകുമാർ തിടമ്പേറ്റി. മേളത്തിന് തൃപ്രയാർ അനിയൻമാരാർ പ്രമാണം വഹിച്ചു. വൈകീട്ട് ദീപാരാധനയ്ക്ക് പഞ്ചവാദ്യവും ഉണ്ടായിരുന്നു. തൃപ്രയാർ രമേശൻ‌മാരാർ പ്രാമാണികനായി. പ്രതിഷ്ഠാദിനത്തിന് ക്ഷേത്രത്തിലെത്തിചേർന്ന എല്ലാവർക്കും പ്രതിഷ്ഠാദിന സദ്യയും ഉണ്ടായിരുന്നു. 2000 പേരോളം പങ്കെടുത്തു.

ഗർഭഛിദ്രത്തിനെതിരേ ഫാ. ഡേവിസ് പട്ടത്ത്

തൃശൂർ: ഓരോ കുഞ്ഞിനെക്കുറിച്ചും ദൈവത്തിനൊരു പദ്ധതിയുണ്ടെന്നും ആ പദ്ധതിയെ ഗർഭ ഛിദ്രത്തിലൂടെ മനുഷ്യൻ അട്ടിമറിക്കരുതെന്നും ഫാ. ഡേവിസ് പട്ടത്ത്. ജറുസലേം ധ്യാനകേന്ദ്രത്തിലെ ജീവസേനാനികൾ കിഴക്കേകോട്ടയിൽ നടത്തിയ കോർണർ യോഗത്തിൽ സംസാരിക്കുകയായിരുന്നു അദ്ദേഹം. ഫാ. ട്വിങ്കിൾ വാഴപ്പിള്ളി, ജെയിംസ് ആഴ്ചങ്ങാടൻ, റാണി ജോസഫ്, ഇ.സി. ജോർജ്, മാത്യൂസ്, വിത്സണ്‍, ദേവസി എന്നിവർ പ്രസംഗിച്ചു.

ദേവാലയങ്ങളിൽ തിരുനാൾ

പഴുവിൽ സെന്‍റ് ആന്‍റണീസ് പഴുവിൽ: വിശുദ്ധ അന്തോണീസിന്‍റെ തീർഥകേന്ദ്രത്തിലെ ഊട്ടുതിരുനാളിനു തുടക്കമായി. ഇന്നലെ വൈകീട്ട് നടന്ന വിശുദ്ധ കുർബാനയ്ക്കുശേഷം നടന്ന കൂടുതുറക്കൽ ശുശ്രൂഷയ്ക്ക് പഴുവിൽ ഫൊറോന വികാരി റവ.ഡോ. വിൻസെന്‍റ് ചെറുവത്തൂർ മുഖ്യകാർമികത്വം വഹിച്ചു. തുടർന്ന് ഇടവകപള്ളിയിൽനിന്ന് ആരംഭിച്ച പ്രദക്ഷിണം തീർഥകേന്ദ്രത്തിൽ സമാപിച്ചു. അസി. വികാരി ഫാ. ഡേവിസ് പുലിക്കോട്ടിൽ, മാനേജിംഗ് ട്രസ്റ്റി ടിന്‍റോ ജോസ്, ട്രസ്റ്റിമാരായ ഡിനോ ദേവസി, ആന്‍റോ മേയ്ക്കാട്ടുകുളം, അനിൽ ആന്‍റണി, തിരുനാൾ ജനറൽകൺവീനർ ആന്‍റൺ വർഗീസ്, വിവിധ കമ്മറ്റി അംഗങ്ങൾ എന്നിവർ നേതൃത്വം നൽകി. പ്രധാന തിരുനാൾ ദിനമായ ഇന്നു രാവിലെ 6.30 ന് ഇടവകപള്ളിയിലും എട്ടിനും 10.30നും വൈകീട്ട് നാലിനും തീർഥകേന്ദ്രത്തിലും വിശുദ്ധ കുർബാന ഉണ്ടാ യിരിക്കും. അടിമ‌സമർപ്പണ‌ം കാലത്ത് 10 നും ആഘോഷമായ തിരുനാൾ പാട്ടുകുർബാന കാലത്ത് 10.30 നും ഉച്ചയ്ക്ക് രണ്ടുവരെ നേർച്ചയൂട്ടും ഉണ്ടാകും. വൈകിട്ട് നാലിനു വിശുദ്ധ കുർബാനയ്ക്കു ശേഷം തീർഥകേന്ദ്രത്തിൽനിന്ന് ഇടവകപള്ളിയിലേക്ക് പ്രദക്ഷിണം. പ്രദക്ഷിണശേഷം ബാൻഡ് വാദ്യം എന്നിവ ഉണ്ടാകും. മറ്റം നിത്യസഹായമാതാ മറ്റം: നിത്യസഹായ മാതാവിന്‍റെ തിരുനാളാഘോഷം ഇന്നു നടക്കും. തിരുനാളിന്‍റെ ഭാഗമായി നടന്ന കിരീട സമർപ്പണത്തിന് അതിരൂപത വികാരി ജനറാൾ മോൺ. ജോസ് കോനിക്കര കാർമികത്വം വഹിച്ചു. തുടർന്ന് മാതാവിന്‍റെ രൂപം എഴുന്നള്ളിപ്പ് നടന്നു. തിരുനാൾ ദിനമായ ഇന്നു രാവിലെ 5.30, 7, 8.30 നും ഉച്ചതിരിഞ്ഞ് നാലിനും വിശുദ്ധകുർബാനകൾ. രാവിലെ 10ന് ആഘോഷമായ തിരുനാൾ പാട്ടുകുർബാനയ്ക്ക് പറപ്പൂർ ഫൊറോന വികാരി ഫാ. സെബി പുത്തൂർ നേതൃത്വം നൽകും . ഫാ.ലിജോ ചിറ്റിലപ്പിള്ളി സന്ദേശം നൽകും. നാളെ മരിച്ചവർക്കുവേണ്ടിയുള്ള തിരുക്കർമങ്ങളാണ്. തിരുത്തിപ്പറമ്പ് സെന്‍റ് ജോസഫ് വടക്കാഞ്ചേരി: തിരുത്തിപ്പറമ്പ് സെന്‍റ് ജോസഫ് ദേവാലയത്തിലെ വിശുദ്ധ യൗസേപ്പിതാവിന്‍റെയും വിശുദ്ധ മിഖായേൽ മാലാഖയുടെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാൾ ഇന്ന് ആഘോഷിക്കും. രാവിലെ 6.30 ന് വിശുദ്ധ കുർബാന, ഒന്പതിന് പ്രസുദേന്തിവാഴ്ച. 10 ന് നടക്കുന്ന ആഘോഷമായ തിരുനാൾ പാട്ടുകുർബാനയ്ക്ക് ഫാ. ഗ്ലെസിൻ ഒഎഫ്എം മുഖ്യകാർമികനാകും. ഫാ. സിന്‍റോ നങ്ങിണി തിരുനാൾ സന്ദേശം നൽകും. വൈകീട്ട് നാലിന് നടക്കുന്ന വിശുദ്ധ കുർബാനയ് ക്ക് മുണ്ടത്തിക്കോട് പള്ളി വികാരി ഫാ. ഫ്രാങ്കോ പുത്തിരി കാർമികനാകും. തുടർന്ന് തിരുനാൾ പ്രദക്ഷിണവും ഫാൻസി വെടിക്കെട്ടും നടക്കും. നാളെ രാത്രി ഏഴിന് തൃശൂർ കലാസദന്‍റെ ഗാനമേള ഉണ്ടാകുമെന്ന് ഇടവക വികാരി ഫാ. ജോൺസൻ അരിമ്പൂർ അറിയിച്ചു. അമലനഗർ സെന്‍റ് ജോസഫ്സ് അമലനഗർ: സെന്‍റ് ജോസഫ്സ് പള്ളിയിലെ സംയുക്തതിരുനാൾ ഇന്ന് ആഘോഷിക്കും. രാവിലെ 5.45 നു വിശുദ്ധ കുർബാനയ്ക്കുശേഷം തിരുശേഷിപ്പുപ്രതിഷ്ഠ, ലില്ലിപ്പൂസമർപ്പണം എന്നിവ ഉണ്ടായിരിക്കും. രാവിലെ ഒൻപതിനു നടക്കുന്ന ആഘോഷമായ പാട്ടുകുർബാനയ്ക്ക് അതിരൂപത വൈസ് ചാൻസലർ ഫാ. ഷിജോ ചിരിയങ്കണ്ടത്ത് മുഖ്യകാർമികനായിരിക്കും. ഫാ. ഡിറ്റോ കൂള സന്ദേശം നൽകും. വൈകീട്ട് അഞ്ചിനു പ്രദക്ഷിണം, രാത്രി ഒൻപതിനു തിരുശേഷിപ്പ് ആശീർവാദം എന്നിവയും ഉണ്ടായിരിക്കുമെന്നു വികാരി ഫാ. ഫിനോഷ് കീറ്റിക്ക അറിയിച്ചു. ഇന്നലെ നടന്ന ആഘോഷമായ പാട്ടുകുർബാനയ്ക്കും കൂടുതുറക്കൽ ശുശ്രൂഷയ്ക്കും പറപ്പൂർ ഫൊറോന വികാരി ഫാ. സെബി പുത്തൂർ മുഖ്യകാർമികത്വം വഹിച്ചു. തിരുസ്വരൂപപ്രതിഷ്ഠ, മെഗാ ബാൻഡ് വാദ്യം, ഫാൻസി വെടിക്കെട്ട് എന്നിവയും ഉണ്ടായിരുന്നു. ചെന്പൂക്കാവ് തിരുഹൃദയ തൃശൂർ: ചെന്പൂക്കാവ് തിരുഹൃദയ ദേവാലയത്തിൽ സംയുക്ത തിരുനാളിനോടനുബന്ധിച്ചുനടന്ന കൂടുതുറക്കൽ കർമം അതിരൂപത പ്രൊക്യുറേറ്റർ ഫാ. ഫ്രാൻസിസ് പള്ളിക്കുന്നത്ത് നിർവഹിച്ചു. വികാരി ഫാ. ജോയ് അടന്പുകുളം, തിരുനാൾ ജനറൽ കണ്‍വീനർ അഡ്വ. ജോയ് ബാസ്റ്റ്യൻ ചാക്കോള, കൈക്കാരന്മാരായ പോൾ മാളിയേക്കൽ, ജോണ്‍ പടുതല, ബിനോ കുണ്ടുകുളം, വിനോജ് ചെറുവത്തൂർ എന്നിവർ നേത്രത്വം നൽകി. വടക്കെ കാരമുക്ക് സെന്‍റ് ജോസഫ് കണ്ടശാംകടവ്: വടക്കെ കാരമുക്ക് സെന്‍റ് ജോസഫ് കുരിശുപള്ളിയിൽ വിശുദ്ധ യൗസേപ്പിതാവിന്‍റെ തിരുനാളിന് കൊടിയേറി. ഫാ. പ്രതീഷ് കല്ലറയ്ക്കൽ കൊടിയേറ്റം നിർവഹിച്ചു. ഫാ. അജിത്ത് ചിറ്റിലപ്പിള്ളി നവനാൾ തിരുക്കർമങ്ങൾക്ക് മുഖ്യകാർമികനായി. 10, 11 തീയതികളിലാണ് തിരുനാൾ. തിരുനാൾവരെ എല്ലാദിവസവും വൈകിട്ട് 5.30ന് തിരുക്കർമങ്ങൾ ഉണ്ടാകും. ട്രസ്റ്റിമാരായ ആന്‍റണി ചിറയത്ത്, ജോസഫ് ചെറുവത്തൂർ, കൺവീനർ പോൾസൺ വടക്കേത്തല എന്നിവർ നേതൃത്വം നൽകി. പാറേന്പാടം സെന്‍റ് ആന്‍റണീസ് പാറേന്പാടം: സെന്‍റ് ആന്‍റണീസ് പള്ളിയിൽ വിശുദ്ധ സെബസ്ത്യാനോസിന്‍റെയും വിശുദ്ധ അന്തോണീസിന്‍റെയും വിശുദ്ധ യൗസേപ്പിതാവിന്‍റെയും സംയുക്ത തിരുനാൾ ആഘോഷത്തിനു തുടക്കമായി. വികാരി ഫാ. പോൾ അറയ്ക്കൽ ദീപാലങ്കാരത്തിന്‍റെ സ്വിച്ച് ഓണ്‍ കർമം നിർവഹിച്ചു. കാലംചെയ്ത ഫ്രാൻസിസ് മാർപാപ്പയുടെ സ്മരണാർഥം ഇടവകയിലെ 25 കുടുംബങ്ങൾക്കു പലവ്യഞ്ജന കിറ്റുകൾ വിതരണം ചെയ്തു. വിശുദ്ധ കുർബാനയ്ക്ക് ഫാ. ബിജു കോലങ്കണ്ണി കാർമികത്വം വഹിച്ചു. പ്രസുദേന്തിവാഴ്ചയ്ക്കുശേഷം വിവിധ സമുദായങ്ങൾക്ക് അന്പ്, വള വെഞ്ചരിച്ചുനൽകി. തുടർന്ന് രൂപം എഴുന്നള്ളിച്ചുവയ്ക്കൽ, അന്പ് എഴുന്നള്ളിപ്പ് എന്നിവ ഉണ്ടായിരുന്നു. ഇന്നുരാവിലെ 10.30 നു നടക്കുന്ന തിരുനാൾ കുർബാനയ്ക്ക് ഫാ. സെബി കാഞ്ഞിരത്തിങ്കൽ കാർമികത്വം വഹിക്കും. ഫാ. ഡേവിസ് ചക്കാലയ്ക്കൽ സന്ദേശം നൽകും. വൈകീട്ട് 4.30 ന് വിശുദ്ധ കുർബാന, പ്രദക്ഷിണം. രാത്രി ഏഴിന് ഗാനമേള. നാളെ രാവിലെ 6.30 ന് മരിച്ചവർക്കുവേണ്ടിയുള്ള തിരുക്കർമങ്ങൾ ഉണ്ടായിരിക്കും. ആഘോഷപരിപാടികൾക്കു വികാരി ഫാ. പോൾ അറയ്ക്കൽ, ജനറൽ കണ്‍വീനർ എം.ടി. പോൾസണ്‍, കൈക്കാരന്മാരായ പോൾ മണ്ടുംപാൽ, ഷാജു മേഞ്ചേരി, സജി മഞ്ഞപ്പള്ളി തുടങ്ങിയവർ നേതൃത്വം നൽകി. കുരിയച്ചിറ സെന്‍റ് ജോസഫ്സ് കുരിയച്ചിറ: സെന്‍റ് ജോസഫ്സ് പള്ളിയിൽ വിശുദ്ധ യൗസേപ്പിതാവിന്‍റെ 94-ാം പ്രതിഷ്ഠാ തിരുനാളിനോടനുബന്ധിച്ചുള്ള കൂടുതുറക്കൽ ശുശ്രൂഷ വികാരി ഫാ. തോമസ് വടക്കൂട്ട് നിർവഹിച്ചു. അസിസ്റ്റന്‍റ് വികാരി ഫാ. ജിയോ വേലൂക്കാരൻ, അജപാലനസഹായി ഫാ. അക്ഷയ് കുന്നേൽ എംഎസ്ജെ, ജനറൽ കണ്‍വീനർ ഡോ. മോജോ കാക്കശേരി, നടത്തുകൈക്കാരൻ ഡേവിഡ് കുണ്ടുകുളങ്ങര തുടങ്ങിയവർ പങ്കെടുത്തു.

ചേതന കോളജിൽ ചീരവിളവെടുപ്പ് നടത്തി

തൃശൂർ: ചേതന കോളജ് ഓഫ് മീഡിയ ആൻഡ് പെർഫോമിംഗ് ആർട്സ് എൻഎസ്എസ് യൂണിറ്റിൽ വളർത്തിയ ചീരയുടെ വിളവെടുപ്പ് സെന്‍റ് തോമസ് കോളജ് വൈസ് പ്രിൻസിപ്പൽ റവ.ഡോ. അനിൽ ജോർജ് സിഎംഐ ഉദ്ഘാടനം ചെയ്തു. ചേതന കോളജ് പ്രിൻസിപ്പൽ അരുണ്‍ ജോണ്‍ മണി അധ്യക്ഷത വഹിച്ചു. എൻഎസ്എസ് പ്രോഗ്രാം ഓഫീസർ വി.പി. അമൃത, വൈസ് പ്രിൻസിപ്പൽ എം.എം. ഗ്രീഷ്മ, വകുപ്പുമേധാവികളായ നിക്കോൾ മരിയ ഗോമസ്, ക്രിസ്, അഡ്മിനിസ്ട്രേറ്റർ ടോണി തുടങ്ങിയവർ പങ്കെടുത്തു.

സ്ഥിരമായി കൃഷി ഓഫീസർ ഇല്ല; മന്ത്രിക്കു നിവേദനം നൽകി വെസ്റ്റ് കൊരട്ടി കൂട്ടുകൃഷിസംഘം

അന്നമനട: കൃഷിഭവനിൽ സ്ഥിരമായി കൃഷി ഓഫീസറെ നിയമിക്കണമെന്ന ആവശ്യവുമായി വെസ്റ്റ് കൊരട്ടി കൂട്ടുകൃഷി സംഘം കൃഷിമന്ത്രി പി. പ്രസാദിന് നിവേദനം നൽകി. പിഎസ്സി വഴി നിയമനം ലഭിച്ച കൃഷി ഓഫീസറെ ഒരു വർഷം പൂർത്തിയാകും മുമ്പ് തന്നെ സ്ഥലം മാറ്റി. രണ്ടുവർഷം മുമ്പ് കൃഷി ഓഫീസർ ഇല്ലാതായിരുന്നിട്ട് വിവിധ തലങ്ങളിലും മന്ത്രിതലത്തിലും പരാതിപ്പെട്ടതിന് ശേഷം ലഭിച്ച കൃഷി ഓഫീസറെയാണ് അദ്ദേഹം ആവശ്യപ്പെടാതെ കുറച്ചു നാളുകൾക്ക് മുമ്പ് സ്ഥലം മാറ്റിയത്. കർഷകരെ മനപുർവം ദ്രോഹിക്കുന്ന നിലപാടാണ് കൃഷിവകുപ്പ് സ്വീകരിക്കുന്നതെന്നും സംഘം ഭാരവാഹികൾ കുറ്റപ്പെടുത്തി. 18 വാർഡുകളിലായി 2000 ഏക്കറിലധികം നെൽകൃഷി, നേന്ത്രവാഴ കൃഷി, ജാതി, തെങ്ങ്, അടയ്ക്കാമരം, പച്ചക്കറി തുടങ്ങിയ എല്ലാ വിധ കൃഷികളും ഉള്ള പഞ്ചായത്താണ് അന്നമനട. വകുപ്പ് ഭരിക്കുന്ന പാർട്ടിയുടെ എം എൽ എ പ്രതിനിധാനം ചെയ്യുന്ന മണ്ഡലത്തിൻ്റെ സ്ഥിതി ഇതാണെന്നും ഭാരവാഹികൾ പറഞ്ഞു. താൽക്കാലിക നിയമനവും സമീപ പഞ്ചായത്തുകളിലെ കൃഷി ഓഫീസർമാർക്ക് അധികച്ചുമതല നൽകിയും മുന്നാേട്ടു പോകുന്ന പ്രവണത അംഗീകരിക്കാൻ കഴിയില്ലെന്നും അവർ പറഞ്ഞു. പഴയകാലങ്ങളിൽ നിന്നും വ്യത്യസ്തമായി കൃഷി ഭവൻ മുഖേന വിപുലമായ പ്രവർത്തനങ്ങളും കർഷക സൗഹൃദ പദ്ധതികളുമായി നീങ്ങുമ്പോൾ മുഴുവൻ സമയത്തേക്ക് കൃഷി ഓഫീസറെ നിയമിച്ചാൽ മാത്രമേ കാര്യക്ഷമമായി പ്രവർത്തിക്കാൻ കഴിയുവെന്നാണ് കർഷകർ പറയുന്നത്. കാർഷിക പഞ്ചായത്തായ അന്നമനടയിൽ കർഷകരുടെ ആവശ്യങ്ങളിൽ സമയോചിതമായി ഇടപെടാനും അടിയന്തര പ്രാധാന്യത്തോടെ നടപ്പിലാക്കി കിട്ടാനും സ്ഥിരം കൃഷി ഓഫീസറെ നിയമിക്കാൻ നടപടി സ്വീകരിച്ചില്ലെങ്കിൽ പ്രതിഷേധം ശക്തമാക്കാനാണ് കർഷകരുടെ തീരുമാനം.

ക്ഷേത്രത്തിലെ ഭണ്ഡാരങ്ങള്‍ കുത്തിത്തുറന്ന് മോഷണം

അരിപ്പാലം: തോപ്പില്‍ കോമ്പരുപറമ്പില്‍ ഭദ്രകാളി ഭുവനേശ്വരി ക്ഷേത്രത്തിലെ ഭണ്ഡാരങ്ങള്‍ കുത്തിത്തുറന്ന് മോഷണം. ഭദ്രകാളി, വിഷ്ണുമായ ക്ഷേത്രങ്ങള്‍ക്ക് മുന്നിലെ ഭണ്ഡാരങ്ങളാണ് പൂട്ടുപൊളിച്ച് മോഷണം നടന്നിരിക്കുന്നത്. ഏപ്രില്‍ 25, 26 തീയതികളിലായിരുന്നു ഉത്സവം. രാവിലെ ഭാരവാഹികള്‍ ക്ഷേത്രത്തിലെത്തിയപ്പോഴാണ് മോഷണ വിവരം അറിഞ്ഞത്. ഏകദേശം 25,000 രൂപയുടെ നഷ്ടമുണ്ടായിട്ടുണ്ടെന്നാണ് കരുതുന്നത്. കാട്ടൂര്‍ പോലീസില്‍ പരാതി നല്‍കിയിട്ടുണ്ട്. കഴിഞ്ഞ വര്‍ഷം ഉത്സവത്തിന് വിഷ്ണുമായയുടെ ഭണ്ഡാരം തുറന്നപ്പോള്‍ 16,500 രൂപ ലഭിച്ചിരുന്നു. കഴിഞ്ഞ തവണത്തേക്കാളും ഇത്തവണ ഭണ്ഡാരവരവ് കൂടുതലാണെന്നും അതിനാല്‍ 20,000ത്തോളം രൂപ നഷ്ടപ്പെട്ടിട്ടുണ്ടെന്നും ഭാരവാഹികള്‍ പറഞ്ഞു. ഭദ്രകാളിയുടെ ഭണ്ഡാരത്തില്‍ നിന്നും അയ്യായിരം രൂപയോളം പോയിട്ടുണ്ടെന്നാണ് കരുതുന്നത്. സംഭവത്തെതുടര്‍ന്ന് കാട്ടൂര്‍ പോലീസ് സ്ഥലത്തെത്തി അന്വേഷണം നടത്തി. ഭണ്ഡാരങ്ങള്‍ തുറക്കാനായി കൊണ്ടുവന്നുവെന്ന് കരുതുന്ന ഒരു താക്കോല്‍ കൂട്ടം ക്ഷേത്ര പരിസരത്തുനിന്നും ലഭിച്ചത് ഭാരവാഹികള്‍ പോലീസിന് കൈമാറി.

ഫാമിലിറ്റി റിക്രിയേഷൻ ക്ലബ് സിൽവർജൂബിലി ആഘോഷം ഇന്ന്

കാടുകുറ്റി: ഗ്രാമപഞ്ചായത്തിൽ വിവിധ കാരുണ്യ പ്രവർത്തനങ്ങളും കലാകായിക പ്രവർത്തനങ്ങളും നടത്തി വരുന്ന ഫാമിലി റിക്രിയേഷൻ ക്ലബിന്‍റെ സിൽവർ ജൂബിലി ആഘോഷം ഇന്ന് വൈകിട്ട് അഞ്ചിന് കാടുകുറ്റി പാരിഷ് ഹാളിൽ നടക്കുമെന്ന് പത്രസമ്മേളനത്തിൽ ഭാരവാഹികൾ അറിയിച്ചു. ബെന്നി ബഹനാൻ എംപി ഉദ്ഘാടനം ചെയ്യും. ക്ലബ് പ്രസിഡന്‍റ്് പയസ് പാറയിൽ അധ്യക്ഷത വഹിക്കും. സനീഷ് കുമാർ ജോസഫ് എംഎൽഎ, ഗ്രാവപഞ്ചായത്ത് പ്രസിഡന്‍റ്് പ്രിൻസി ഫ്രാൻസിസ് തുടങ്ങിയവർ പങ്കെടുക്കും. തുടർന്ന് ഏഴിന്് കൊച്ചിൻ ന്യൂമാക്സിന്‍റെ മ്യൂസിക്കൽ ഡാൻസ് നൈറ്റ് നടക്കും. പത്രസമ്മേളനത്തിൽ ക്ലബ് പ്രസിഡന്‍റ്് പയസ് പാറയിൽ, സെക്രട്ടറി ഷിബു വട്ടോലി, കൺവീനർ ബെന്നി തേലക്കാട്ട്, റോബിൻ ജോയ് എന്നിവർ പങ്കെടുത്തു.

കല്ലേറ്റുംകര സർവീസ് സഹകരണ ബാങ്ക് നവതിയുടെ നിറവിൽ

കല്ലേറ്റുംകര: കല്ലേറ്റുംകര സർവീസ് സഹകരണ ബാങ്ക് നവതി ആഘോഷങ്ങളുടെ ഒൗപചാരിക ഉദ്ഘാടനം നാളെ ഉച്ചകഴിഞ്ഞ് 2.30ന് ഹെഡ് ഓഫീസ് ഹാളിൽ സനീഷ്കുമാർ ജോസഫ് എംഎൽഎ നിർവഹിക്കും. മൂന്നുമാസം നീണ്ടുനിൽക്കുന്ന വിവിധ പരിപാടികളാണ് തീരുമാനിച്ചിട്ടുള്ളത്. ഇതിന്‍റെ ഭാഗമായുള്ള ബാങ്ക് ഓഹരിക്കാരിലെ ഡയാലിസിസ് രോഗികൾക്കുള്ള ധനസഹായവിതരണം തോമസ് ഉണ്ണിയാടനും വില്ലേജ് ഓഫീസിനുള്ള ധനസഹായം പി.കെ. ഡേവിസും പ്രവർത്തനപരിധിയിലെ വിദ്യാലയങ്ങൾക്കുള്ള ധനസഹായം ജോയിന്‍റ് രജിസ്ട്രാർ ജൂബി കുര്യാക്കോസും നടത്തും. 1935 മേയ് 10ന് കല്ലേറ്റുംകര പരസ്പരസഹായസംഘം എന്ന പേരിൽ രജിസ്റ്റർ ചെയ്യപ്പെട്ട സഹകരണസ്ഥാപനമാണ് ഇപ്പോഴത്തെ സർവീസ് സഹകരണ ബാങ്ക് ക്ലിപ്തം നന്പർ 141. കഴിഞ്ഞ 90 വർഷത്തെ ചരിത്രം വിവരിക്കുന്ന ബാങ്കിന്‍റെ ചരിത്ര കൈപ്പുസ്തകത്തിന്‍റെ പ്രകാശനം ഐടിയു ബാങ്ക് പ്രസിഡന്‍റ് എം.പി. ജാക്സണ്‍ നിർവഹിക്കും.നിലവിലെ പ്രാഥമിക സഹകരണബാങ്കുകളുടെ അതിജീവനമാർഗങ്ങൾ എന്ന വിഷയത്തിൽ സി.പി. ജോണ്‍ മുഖ്യപ്രഭാഷണം നടത്തും.

അത്താണി വ്യവസായ എസ്റ്റേറ്റിലെ തേക്ക് മുറിച്ചതു വിജിലൻസ് അന്വേഷിക്കണം: കോൺഗ്രസ്

വടക്കാഞ്ചേരി: അത്താണി വ്യ‌വസായ എസ്റ്റേറ്റിൽ തേക്ക് ഉൾ‌പ്പെടെ മരങ്ങൾ മുറിച്ചിട്ട സംഭവം വിജിലൻസ് അന്വേഷിക്കണമെന്ന് കോൺഗ്രസ്. വനംവകുപ്പിന്‍റെ അനുമ‌തിയില്ലാതെ മുറിച്ച മരങ്ങൾ സി‌ഡ്കോയുടെ റോഡിനരികിലുള്ള സ്ഥലത്ത് കൊണ്ടുവന്നിട്ടിരുന്നു. സിഡ്‌കോയുടെയോ വനംവകുപ്പിന്‍റേയോ അനുമതിയില്ലാതെ റോഡിൽ നിൽക്കുന്ന ലക്ഷങ്ങൾ വിലമതിക്കുന്ന മരങ്ങൾ മുറിച്ച സംഭവത്തിലാണ് വിജിലൻസ് അന്വേഷണം വേണമെന്ന് നഗരസഭ പ്രതിപക്ഷനേതാവ് കെ. അജിത്‌കുമാർ ആവശ്യപ്പെട്ടത്. ലക്ഷങ്ങൾ വിലവരുന്ന മരങ്ങളാണ് അനധികൃതമായി മുറിച്ചു കടത്താൻ ശ്രമിച്ചത്. സംഭവം വിവാദമായതോടെ സാമൂഹിക വനവത്കരണ വിഭാഗം ഉദ്യോഗസ്ഥരെത്തി വ്യവസായ എസ്റ്റേറ്റിൽ കിടക്കുന്ന തടികളുടെ അള‌വെടുത്ത് മൂല്യനിർണയം നടത്തി.

പറക്കോട്ടുകാവ് താലപ്പൊലി; കൊടിയേറ്റം ഇന്നു വൈകീട്ട്

തിരുവില്വാമല: പറക്കോട്ടുകാവ് താലപ്പൊലി മഹോത്സവത്തിനു തട്ടകദേശങ്ങൾ ഒരുങ്ങി. മൂന്നു ദേശങ്ങളുടെയും കാഴ്ചപ്പന്തലുകളുടെ പണി പുരോഗമിക്കുന്നു. പടിഞ്ഞാറ്റുമുറി ദേശം കൊച്ചുപറക്കോട്ടുകാവ് ഭഗവതി ഓഡിറ്റോറിയത്തിൽ വെള്ളിയാഴ്ച രാവിലെ ഒമ്പതിനും കിഴക്കുമുറി ദേശം മല്ലിച്ചിറ അയ്യപ്പൻ കാവിൽ താലപ്പൊലി ദിനത്തിൽ രാവിലെ 10 നും സമൂഹ പറവയ്പ് നടത്തും. പാമ്പാടി ദേശത്തിന്‍റെ സംസ്കൃതി സാംസ്കാരിക സദസിന് ബുധനാഴ്ച വൈകീട്ട് തുടക്കമാകും . 11 ന് രാവിലെ 7.30 ന് വടക്കകൂട്ടാല ദേവിക്ഷേത്രത്തിൽനിന്ന് പടിഞ്ഞാറ്റുമുറി ദേശത്തിനു‌വേണ്ടി ഭഗവതിയുടെ കോലം തെച്ചിക്കോട്ടുകാവ് രാമചന്ദ്രന്‍റെ പുറത്ത് കയറ്റുന്നതോടെ ഉത്സവത്തിനു തുടക്കമാകും. പഞ്ചവാദ്യം, പൂതൻ, തിറ, വെള്ളാട്ട് ,കരിവേഷം എന്നിവ എഴുന്നള്ളിപ്പിന് അകമ്പടിയാകും. കിഴക്കുമുറി ദേശത്തിന്‍റെ എഴുന്നള്ളിപ്പ് മല്ലിച്ചിറ അയ്യപ്പൻ കാവിൽനിന്ന് ഉച്ചക്ക് 12.30 ന് ആരംഭിക്കും. പുതുപ്പള്ളി കേശവൻ കോലമേന്തും. പ്രശസ്ത വാദ്യകലാകാരന്മാർ അണിനിരക്കുന്ന പഞ്ചവാദ്യവും നാടൻ കലാരൂപങ്ങളും എഴുന്നള്ളിപ്പിന് മാറ്റുകൂട്ടും. പാമ്പാടി ദേശത്തിന്‍റെ പരിപാടികൾക്ക് ഉച്ചക്ക് 1.15ന് പാമ്പാടി മന്ദം ക്ഷേത്രത്തിൽനിന്നു മാണ് തുടക്കമാകുക. തിരുവമ്പാടി ചന്ദ്രശേഖരൻ പാമ്പാടി ദേശത്തിനുവേണ്ടി ഭഗവതിയുടെ തിടമ്പേറ്റും. പഞ്ചവാദ്യം, പൂതൻ, തിറ, വെള്ളാട്ട് എന്നിവയുടെ അകമ്പടിയോടെ എഴുന്നള്ളിപ്പ് പാമ്പാടി സെന്‍ററിലെ പഞ്ചവാദ്യത്തിനുശേഷം ശ്രീ വില്വാദ്രിനാഥ ക്ഷേത്രത്തിന്‍റെ വടക്കേ നടയിലേക്കു നീങ്ങും. രാത്രി എട്ടിനും 9.30നും തിങ്കളാഴ്ച പുലർച്ചെ രണ്ടിനും നാലിനുമാണ് വെടിക്കെട്ട്. തെച്ചിക്കോട്ടുകാവും തിരുവമ്പാടിയും പുതുപ്പള്ളിയും കോലമേന്തും തിരുവില്വമല: പറക്കോട്ടുകാവ് താലപ്പൊലി എഴുന്നള്ളിപ്പിന് 21 ആനകൾ അണിനിരക്കും . കിഴക്കുമുറി, പടിഞ്ഞാറ്റുമുറി, പാമ്പാടി ദേശങ്ങൾക്ക് ഏഴ് ആനകൾ വീതം എഴുന്നള്ളിപ്പിൽ പങ്കെടുക്കും. തെച്ചിക്കോട്ടുകാവ് രാമചന്ദ്രൻ പടിഞ്ഞാറ്റുമുറി ദേശത്തിനു‌വേണ്ടി ഭഗവതിയുടെ തിടമ്പ് വഹിക്കും. കിഴക്കുമുറി ദേശത്തിന് പുതുപ്പള്ളി കേശവനും പാമ്പാടിക്ക് തിരുവമ്പാടി ചന്ദ്രശേഖരനും കോലമേന്തും.

അന്ത്യഅത്താഴം വികലമായി ചിത്രീകരിച്ചതു പ്രതിഷേധാർഹം: കത്തോലിക്ക കോണ്‍ഗ്രസ്

തൃശൂർ: രാഷ്ട്രീയകിടമത്സരങ്ങൾക്കുവേണ്ടി ക്രിസ്തുവിന്‍റെ അന്ത്യഅത്താഴചിത്രം വികലമായി അവതരിപ്പിച്ചതിൽ കത്തോലിക്ക കോണ്‍ഗ്രസ് തൃശൂർ അതിരൂപതാസമിതി പ്രതിഷേധിച്ചു. വിഴിഞ്ഞം തുറമുഖത്തിന്‍റെ ഉദ്ഘാടനസമ്മേളനത്തിനോടനുബന്ധിച്ചുള്ള രാഷ്ട്രീയതർക്കങ്ങൾക്കു കണക്കുതീർക്കാൻ തിരുവത്താഴമേശയിൽ ഒരു ഉന്നതരാഷ്ട്രീയനേതാവിനു സ്ഥാനംനൽകി അനാദരിച്ചതിൽ ബന്ധപ്പെട്ട രാഷ്ട്രീയപാർട്ടിയും നേതാക്കളും മാപ്പുപറയണമെന്നും കത്തോലിക്ക കോണ്‍ഗ്രസ് ആവശ്യപ്പെട്ടു.

പാവറട്ടി തീർഥകേന്ദ്രത്തിൽ തിരുനാളിനു കൊടികയറി

പാവറട്ടി: സെന്‍റ് ജോസഫ് തീർഥകേന്ദ്രത്തിലെ വിശുദ്ധ യൗസേപ്പിതാവിന്‍റെ 149-ാം മാധ്യസ്ഥ തിരുനാളിനു കൊടികയറി. തീർഥകേന്ദ്രം റെക്ടർ റവ.ഡോ. ആന്‍റണി ചെമ്പകശേരിയാണ് കൊടിയേറ്റുകർമം നിർവഹിച്ചത്. ഫാ. ഗോഡ്‌വിൻ കിഴക്കൂടൻ, ഫാ. ലിവിൻ കുരുതുകുളങ്ങര എന്നിവർ തിരുക്കർമങ്ങൾക്കു സഹകാർമികരായി. പള്ളിനടയിലെ വിശുദ്ധ അന്തോണീസിന്‍റെ കപ്പേളയിൽ രാവിലെ നടന്ന ആഘോഷമായ ദിവ്യബലിയെതുടർന്ന് നിരവധി വിശ്വാസികളെ സാക്ഷിയാക്കി വിശുദ്ധ യൗസേപ്പിതാവിന്‍റെ ചിത്രം ആലേഖനം ചെയ്ത ശുഭ്രപതാക വാനിലേക്കുയർന്നതോടെ തിരുനാളിന്‍റെ വരവറിയിച്ച് വർണബലൂണുകൾ വാനിലേക്കുയർന്നു. കതിനാവെടികൾ മുഴങ്ങി. തുടർന്നു വാദ്യമേളങ്ങളോടെ പ്രദക്ഷിണമായി തീർഥകേന്ദ്രത്തിലെത്തി നൊവേന, ലദീഞ്ഞ്, ദിവ്യകാരുണ്യ ആശീർവാദം എന്നിവ നടന്നു. മാനേജിംഗ് ട്രസ്റ്റി ഒ.ജെ. ഷാജൻ, ട്രസ്റ്റിമാരായ കെ.ജെ. വിൻസെന്‍റ്, പിയൂസ് പുലിക്കോട്ടിൽ, വിൽസൺ നീലങ്കാവിൽ, കുടുംബകൂട്ടായ്മ ഏകോപനസമിതി കൺവീനർ സേവിയർ അറയ്ക്കൽ, പ്രതിനിധിയോഗം സെക്രട്ടറി ജോബി ഡേവിഡ്, പിആർഒ റാഫി നീലങ്കാവിൽ, ഭക്തസംഘടന ഏകോപനസമിതി കൺവീനർ സി.വി. സേവിയർ, വിവിധ കമ്മിറ്റി കൺവീനർമാരായ സുബിരാജ് തോമസ്, വി.എൽ. ഷാജി, ജോൺ ഒ. പുലിക്കോട്ടിൽ എന്നിവർ ആഘോഷ ചടങ്ങുകൾക്കു നേതൃത്വം നൽകി. മേയ് ഒന്പത്,10,11 തീയതികളിലാണ് മധ്യകേരളത്തിലെ ഏറെ പ്രസിദ്ധമായ പാവറട്ടി തിരുനാൾ.

ദേവാലയങ്ങളിൽ തിരുനാൾ

കൊടകര സെന്‍റ് ജോസഫ്‌സ് കൊടകര: സെന്‍റ് ജോസഫ്‌സ് ഫൊറോന ദേവാലയത്തിലെ ഇടവകമധ്യസ്ഥനായ വിശുദ്ധ യൗസേപ്പിതാവിന്‍റെ ഊട്ടുതിരുനാള്‍ നാളെ ആഘോഷിക്കും. ഇന്നുരാവിലെ 6.30 ന് സഹൃദയ എന്‍ജിനിയറിംഗ് കോളജ് എക്‌സിക്യൂട്ടീവ് ഡയറക്ടര്‍ റവ.ഡോ. ആന്‍റോ ചുങ്കത്തിന്‍റെ കാര്‍മികത്വത്തില്‍ പാട്ടുകുര്‍ബാന, സന്ദേശം, ലദീഞ്ഞ്, നൊവേന, നേര്‍ച്ചപായസം ആശീര്‍വാദം, രൂപം എഴുന്നള്ളിച്ചുവയ്ക്കല്‍ എന്നിവയുണ്ടാകും. രാവിലെ 10.30ന് റവ. ഡോ. ഡേവിസ് ചെങ്ങനിയാടന്‍റെ മുഖ്യകാര്‍മികത്വത്തില്‍ പാട്ടുകുര്‍ബാന, ഫാ. ജൂലിയസ് അറയ്ക്കലിന്‍റെ സന്ദേശം തുടര്‍ന്ന് നേര്‍ച്ചഊട്ട്. ഉച്ചകഴിഞ്ഞ് 3.45 ന് ഇടവകയിലെ വൈദികരുടെ കാര്‍മികത്വത്തിലുള്ള സെന്‍റ് ജോസഫ് ഫാമിലി കുര്‍ബാന. തുടര്‍ന്ന് തിരുനാള്‍പ്രദക്ഷിണം, വാനില്‍ വര്‍ണമഴ എന്നിവയുണ്ടാകും. ഫൊറോന വികാരി ഫാ. ജെയ്‌സണ്‍ കരിപ്പായി, സഹവികാരി ഫാ. ലിന്‍റോ കാരേക്കാടന്‍, ജനറല്‍ കണ്‍വീനര്‍ ജോസ് മാത്യു ഊക്കന്‍, കൈക്കാരന്മാരായ വര്‍ഗീസ് തൊമ്മാന, വര്‍ഗീസ് കോമ്പാറക്കാരൻ, പിആര്‍ഒ ജോയ്‌സ് തെക്കുംതല എന്നിവര്‍ പത്രസമ്മേളനത്തില്‍ പങ്കെടുത്തു. ചായ്പൻകുഴി സെന്‍റ് ആന്‍റണീസ് ചായ്പൻകുഴി: സെന്‍റ് ആന്‍റ്ണീസ് ദേവാലയത്തിൽ വിശുദ്ധ അന്തോണീസിന്‍റെ ഊട്ടുതിരുനാൾ ഫാ.ആന്‍റണി പ്ലാക്കൽ കൊടിഉയർത്തിയതോടെ ആരംഭിച്ചു. തുടർന്നുള്ള ദിവസങ്ങളിൽ ദിവ്യബലി, ലദീഞ്ഞ്, നൊവേന എന്നിവ ഉണ്ടായിരിക്കും. പത്തിന് രാവിലെ ഏഴിന് കുർബാന, ലദീഞ്ഞ്, നൊവേന, വീടുകളിലേക്ക് പൊൻനാവ് എഴുന്നള്ളിപ്പ്. വൈകിട്ട് 5.30ന് കുർബാന, ലദീഞ്ഞ് നൊവേന, തുടർന്ന് പൊൻനാവ് പ്രദക്ഷിണം. തുടർന്ന് വാനിൽ വർണമഴ. 11ന് 6.30 കുർബ്ബാന, പത്തിന് ആഘോഷമായ തിരുനാൾ പാട്ടുകുര്‍ബാന, സന്ദേശം, ലദീഞ്ഞ്, നൊവേന എന്നിവയ്ക്ക് ഫാ. ലിയോൺസ് കാട്ട്ലപ്പീടിക, ഫാ.ഷാജു വടക്കൻ, ഫാ. ഫിലിപ്പ് കട്ടക്കയം എന്നിവർ കാർമികരാകും. തിരുനാൾ പ്രദക്ഷിണം. ഊട്ടു നേർച്ച. വൈകീട്ട് ആറിന് ഇടവകാദിനാഘോഷം. കലാസന്ധ്യ 2025. മുനിപ്പാറ വിശുദ്ധ യൂദാ തദേവുസ് മുനിപ്പാറ: വിശുദ്ധ യൂദാ തദേവൂസ് ദേവാലയത്തിൽ പരിശുദ്ധ കന്യകാമറിയത്തിന്‍റേയും സെബസ്ത്യാനോസിന്‍റേയും തിരുനാളിന് ഇരിങ്ങാലക്കുട രൂപത വികാരി ജനറാൾ മോൺ. വിത്സൻ ഈരത്തറ കൊടി ഉയർത്തി. വികാരി ഫാ. ടിജോ ആലപ്പാട്ട് സഹകാർമികത്വം വഹിച്ചു. തിരുനാൾദിനമായ നാളെ രാവിലെ പത്തിന് വിശുദ്ധ കുർബാന, നാലിന് പ്രദക്ഷിണം. ജനറൽ കൺവീനർ ജോസ് വടക്കൻ, കൈക്കാരന്മാരായ വട്ടോലി ആന്‍റണി ചങ്കൻ ജോയി എന്നിവർ അറിയിച്ചു. കനകമല സെന്‍റ് ആന്‍റണീസ് കൊടകര: കനകമല സെന്‍റ് ആന്‍റണീസ് തീര്‍ഥാടന കേന്ദ്രത്തില്‍ വിശുദ്ധ അന്തോണീസിന്‍റെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാളിന് തുടക്കമായി. ഇതിന്‍റെ ഭാഗമായി നടന്ന കൊടിയേറ്റത്തിനും കൂടുതുറക്കല്‍, വിശുദ്ധകുര്‍ബാന എന്നീ തിരുക്കര്‍മങ്ങള്‍ക്കും ഇരിങ്ങാലക്കുട രൂപത വികാരി ജനറാൾ മോണ്‍. ജോസ് മാളിയേക്കല്‍ മുഖ്യകാര്‍മികത്വം വഹിച്ചു. തീര്‍ഥാടന കേന്ദ്രം അസിസ്റ്റന്‍റ് വികാരി ഫാ. റെയ്‌സണ്‍ തട്ടിൽ, ഫാ. ഡേവിസ് വെളിയന്‍ എന്നിവര്‍ സഹകാര്‍മികരായിരുന്നു. തുടര്‍ന്ന് വിശുദ്ധരുടെ തിരുസ്വരൂപവും തിരുശേഷിപ്പും പൊന്‍നാവും വഹിച്ചുകൊണ്ടുള്ള പ്രദക്ഷിണം നടന്നു. തീര്‍ഥാടന കേന്ദ്രം റെക്ടര്‍ ഫാ. മനോജ് മേയ്ക്കാടത്ത്, ഫാ. അജിത്ത് തട്ടത്തിൽ, കൈക്കാരന്മാരായ ജോസ് വെട്ടുമണിക്കൽ, ജോസ് കറുകുറ്റിക്കാരന്‍, ജോജു ചുള്ളി, ജോയ് കളത്തിങ്കൽ, ജനറല്‍ കണ്‍വീനര്‍ തോമാസ് കുറ്റിക്കാടൻ, കേന്ദ്രസമതി പ്രസിഡന്‍റ് ജോയ് കുയിലാടന്‍, പിആര്‍ഒ ഷോജന്‍ ഡി. വിതയത്തിൽ, വിവിധ യൂണിറ്റ് പ്രസിഡന്‍റുമാർ സംഘടന ഭാരവാഹികള്‍ എന്നിവര്‍ നേതൃത്വം നല്‍കി. ഇന്നു രാവിലെ 6.15ന് ഫാ. ജോജോ കുറ്റിക്കാടന്‍റെ കാർമികത്വത്തില്‍ പ്രസുദേന്തിവാഴ്ച, ദിവ്യബലി, രൂപം എഴുന്നള്ളിച്ചുവെക്കല്‍ തുടര്‍ന്ന് അമ്പെഴുന്നള്ളിപ്പ്, രാത്രി പത്തിന് അമ്പുപ്രദക്ഷിണം സമാപനം, നാളെ രാവിലെ 6.15ന് ദിവ്യബലി, 10.30 ന് ഫാ. വിനില്‍ കുരിശുതറയുടെ മുഖ്യകാര്‍മികത്വത്തില്‍ തിരുനാള്‍ പാട്ടുകുര്‍ബാന, ഫാ.ആന്‍റണി തെക്കിനിയത്തിന്‍റെ സന്ദേശം, ഉച്ചകഴിഞ്ഞ് നാലിന് സമൂഹബലി തുടര്‍ന്ന് പ്രദക്ഷിണം, മെയ് 11ന് എട്ടിമിടം തിരുനാള്‍ എന്നിവ നടക്കും. പൂവത്തിങ്കൽ സെന്‍റ് പീറ്റേഴ്സ് പൂവത്തിങ്കൽ: സെന്‍റ് പീറ്റേഴ്സ് ദേവാലയത്തിൽ ഇടവക മദ്ധ്യസ്ഥനായ വിശുദ്ധ പത്രോസിന്‍റെ തിരുനാളിന് ഫാ. അനിൽ പുതുശേരി കൊടിഉയർത്തി. നാളെ പത്തിന് തിരുനാൾ പാട്ടുകുർബാന, തുടർന്ന് ഊട്ടുനേർച്ച, വൈകീട്ട് ആറിന് ഇടവക ദിനാഘോഷം. തിങ്കളാഴ്ച ഏഴിന് കൊച്ചിൻ കൈരളിയുടെ ഗാനമേള, വിശുദ്ധ പത്രോസ്ശ്ലീഹായുടെ പുതിയ ഗ്രോട്ടോ വികാരി ഫാ. സാബു പയ്യപ്പിള്ളി ആശീർവദിച്ചു. കൈക്കാരന്മാരായ പോളി പോട്ടക്കാരൻ, വിൽസൻ മാളക്കാരൻ, ജിസ്മോൻ പാറേക്കാടൻ, കൺവീനർ ബേബി വെട്ടിയാടൻ എന്നിവർ നേതൃത്വം നൽകി. തേശേരി സെന്‍റ് മേരീസ് കൊടകര: തേശേരി സെന്‍റ് മേരീസ് ദേവാലയത്തില്‍ ഇടവക മധ്യസ്ഥയായ പരിശുദ്ധ മാതാവിന്‍റേയും വിശുദ്ധ യൗസേപ്പിതാവിന്‍റേയും വിശുദ്ധ സെബസ്ത്യാനോസിന്‍റേയും സംയുക്തതിരുനാളിന് കൊടിയേറി. വെളയനാട് പള്ളി വികാരി ഫാ. ജിനു വെണ്ണാട്ടുപറമ്പില്‍ കൊടിയേറ്റം നിര്‍വഹിച്ചു. ഈ മാസം 10, 11 തിയതികളിലാണ് തിരുനാളാഘോഷം. പത്തിന് രാവിലെ 6.45ന് ഫാ.ജെയിംസ് അതിയുന്തന്‍റെ കാര്‍മികത്വത്തില്‍ വിശുദ്ധ കുര്‍ബാന, രൂപം എഴുന്നള്ളിച്ചുവെക്കല്‍, 11ന് രാവിലെ 10ന് പ്രസുദേന്തിവാഴ്ച, ഫാ. ഷാജി തുമ്പേച്ചിറയിലിന്‍റെ മുഖ്യകാര്‍മികത്വത്തില്‍ ആഘോഷമായ പാട്ടുകുര്‍ബാന, ഫാ.വില്‍സന്‍ എലുവത്തിങ്കല്‍ കൂനന്‍റെ സന്ദേശം, വൈകീട്ട് 4.30ന് പ്രദക്ഷിണം, ഏഴിന് പ്രദക്ഷിണം പള്ളിയില്‍ സമാപിക്കല്‍ എന്നിവയുണ്ടാകും. വികാരി ഫാ.ജെയിന്‍ കടവില്‍, ജനറല്‍ കണ്‍വീനര്‍ ബെന്നി കള്ളിയത്തുപറമ്പില്‍ എന്നിവരുടെ നേതൃത്വത്തിലുള്ള ആഘോഷകമ്മിറ്റി തിരുനാളാഘോഷങ്ങള്‍ക്ക് നേതൃത്വം നല്‍കും. അത്ഭുതപുരം സെന്‍റ് മേരിസ് മേലൂർ: അത്ഭുതപുരം സെന്‍റ് മേരീസ് ദേവാലയത്തിൽ പരിശുദ്ധ കന്യകാ മറിയത്തിന്‍റേയും വിശുദ്ധ അന്തോണിസിന്‍റേയും തിരുനാളിന് ഫാ. ടോമി കണ്ടത്തിൽ കൊടിഉയർത്തി. ഇന്നു വൈകീട്ട് 5.30ന് വിശുദ്ധ കൂർബാന, തുടർന്ന് കപ്പേളയിൽ നോവേന ലദിഞ്ഞ്, നാളെ വൈകിട്ട് 5.30ന് ആഘോഷമായ പാട്ടുകുർബാന, ഫാ. സന്‍റോ കണ്ണമ്പുഴ കാർമികത്വം വഹിക്കും. ഫാ. ജോസഫ് മേച്ചേരി സന്ദേശം നല്കും. പ്രദക്ഷിണം, നേർച്ച വിതരണം, വർണമഴ എന്നിവയുണ്ടാകും. കൂടപ്പുഴ നിത്യസഹായമാത ചാലക്കുടി: കൂടപ്പുഴ നിത്യസഹായമാത ദേവാലയത്തിൽ ഊട്ടുതിരുനാളിന് ഫാ. ജയിൻ തെക്കെ കുന്നേൽ കൊടിഉയർത്തി. ഇന്നു വൈകീട്ട് 5.30ന് ആഘോഷമായ ദിവ്യബലി, പ്രസുദേന്തിവാഴ്ച. 300 പ്രസുദേന്തിമാർ പങ്കെടുക്കും. നാളെ പത്തിന് ആഘോഷമായ തിരുനാൾ കുർബാന ഫാ. ഷാജൂ തേയ്ക്കാനത്ത് മുഖ്യകാർമികത്വം വഹിക്കും. റവ. ഡോ. ലിന്‍റോ കുറ്റിക്കാടൻ സന്ദേശം നൽകും. തുടർന്ന് ഊട്ടുസദ്യ. 6.45ന് ഇടവക ദിനാഘോഷം. മോതിരക്കണ്ണി സെന്‍റ് ജോർജ് മോതിരക്കണ്ണി: സെന്‍റ് ജോർജ് ഇടവക ദേവാലയത്തിൽ ഇടവക മധ്യസ്ഥനായ വിശുദ്ധ ഗീവർഗീസിന്‍റെ തിരുനാളിന് സാരഥി ഡയറക്ടർ ഫാ. ലിജോ ഐക്കരത്താഴെ കൊടിയേറ്റം നടത്തി. പ്രസുദേന്തി വാഴ്ച്ച, വിശുദ്ധ കുർബാന, വൈദ്യുത ദീപാലങ്കാര സ്വിച്ച്ഓൺ കർമം എന്നിവ നടത്തുകയും ചെയ്തു. ഇന്ന് ഏഴിന് ആദ്യകുർബാന സ്വീകരണം. തിരുനാൾ ദിനമായ നാളെ ഏഴിന് വിശുദ്ധ കുർബന, പത്തിന് തിരുനാൾ വിശുദ്ധ കുർബാനയ്ക്ക് ചേതന ഗാനാശ്രമം ഡയറക്ടർ പാടുംപാതിരി റവ. ഡോ. പോൾ പൂവത്തിങ്കൾ സിഎംഐ മുഖ്യകാർമികത്വം വഹിക്കും. ഡിവൈൻ ധ്യാനകേന്ദ്രം ഡയറക്ടർ ഫാ. ഫ്രാൻസിസ് കർത്താനം തിരുനാൾ സന്ദേശം നൽകും. നാലിന് വിശുദ്ധ കുർബാന, തുടർന്നു പ്രദക്ഷിണം. തിരുനാൾ പ്രദക്ഷിണത്തിനുശേഷം എംജെ ഓർക്കസ്ട്രയുടെ നേതൃത്വത്തിൽ ഗാനമേളയും നടത്തുമെന്ന് ട്രസ്റ്റിമാരായ ക്ലീറ്റസ് മേലേടത്ത്, ജോയ് മോറോലി, കേന്ദ്രസമിതി പ്രസിഡന്‍റ് ഷാജു കൈതാരൻ, തിരുനാൾ കൺവീനർ ജയ്സൺ മേലേടത്ത് എന്നിവർ അറിയിച്ചു. ചിറങ്ങര വിശുദ്ധ അൽഫോൻസ ചിറങ്ങര: വിശുദ്ധ അൽഫോൻസ പള്ളിയിൽ വിശുദ്ധ അൽഫോൻസാമ്മയുടെ തിരുനാളിന് വികാരി ഫാ. സെബാസ്റ്റ്യൻ മാടശേരി കൊടിയേറ്റി. തുടർന്ന് വിശുദ്ധ കുർബാന, നൊവേന, ലദീഞ്ഞ് എന്നീ തിരുക്കർമങ്ങൾക്കു ശേഷം ആലപ്പി റിഥം റിയൽ അവതരിപ്പിച്ച ഗാനമേള ഉണ്ടായിരുന്നു. ഇന്ന് വൈകിട്ട് അഞ്ചിന് പ്രസുദേന്തി വാഴ്ച. തുടർന്ന് ഫാ. പോൾസൺ പെരേപ്പാടന്‍റെ കാർമികത്വത്തിൽ വിശുദ്ധ കുർബാന. പ്രസംഗം ഫാ. എബിൻ കളപ്പുരക്കൽ. തുടർന്ന് പ്രദക്ഷിണം. നാളെ വൈകിട്ട് അഞ്ചിന് ഫാ. പോൾ ചെറുപള്ളിയുടെ കാർമികത്വത്തിൽ ആഘോഷമായ തിരുനാൾ പാട്ടുകുർബാന. വചനസന്ദേശം ഫാ. തോമസ് വൈക്കത്തുപറമ്പിൽ. തുടർന്ന് പ്രദക്ഷിണം, വർണമഴ. സാൻജോനഗർ സെന്‍റ് ജോസഫ് മുരിങ്ങൂർ: സാൻജോ നഗർ ദേവാലയത്തിൽ ഇടവക മധ്യസ്ഥനായ വിശുദ്ധ യൗസേപ്പിതാവിന്‍റേയും വിശുദ്ധ സെബസ്ത്യാനോസിന്‍റേയും വിശുദ്ധ ഗീവർഗീസിന്‍റേയും സംയുക്ത തിരുനാൾ കൊടിയേറ്റു കർമം ഫാ. ജോൺസൺ കക്കാട്ട് നിർവഹിച്ചു. വികാരി ഫാ. ജോഷി കളപ്പറമ്പത്ത് സഹകാർമികത്വം വഹിച്ചു. ഇടവകയിലെ 175 യുവജനങ്ങളാണ് തിരുനാൾ പ്രസുദേന്തിമാർ. ഇന്ന് ഏഴിന് ആഘോഷമായ ദിവ്യബലി ഫാ. ജോഷി കളപറമ്പത്ത് കാർമികത്വം വഹിക്കും. രൂപം എഴുന്നള്ളിച്ചുവെയ്ക്കൽ. രണ്ടിന് വീടുകളിലേക്ക് അമ്പ് എഴുന്നെള്ളിപ്പ്, രാത്രി 8.30ന് യൂണിറ്റുകളിൽ നിന്നുള്ള അമ്പ് പള്ളിയിൽ എത്തിചേരും. ലഭിഞ്ഞ് വർണമഴ, നാളെ നാലിന് ആഘോഷമായ തിരുനാൾ കുർബാന ഫാ. ജെസ്ലിൻ തെറ്റയിൽ കാർമികത്വം വഹിക്കും. ഫാ. അരുൺ തേറുള്ളി സന്ദേശം നൽകും. പ്രദക്ഷിണം എട്ടിന് മെഗാ മ്യൂസിക്കൽ ഫ്യൂഷൻ നൈറ്റ്. തിങ്കൾ ഏഴിന് നാടകം. പുത്തൻചിറ സെന്‍റ് ജോസഫ് മാള: പുത്തൻചിറ കിഴക്കുംമുറി സെന്‍റ് ജോസഫ് പള്ളിയിൽ വിശുദ്ധ യൗസേപ്പിതാവിന്‍റെ തിരുനാൾ കൊടിയേറി. തിരുനാൾ കൊടിയേറ്റം ഇടവക വികാരി ഫാ. ജോൺ കവലക്കാട് നിർവഹിച്ചു. തുടർന്ന് ജപമാല, പ്രസുദേന്തി വാഴ്ച, വിശുദ്ധ കുർബാന, സന്ദേശം, നൊവേന എന്നിവ നടന്നു. ഇന്ന് വൈകിട്ട് 5.30 ന് വിശുദ്ധ കുർബാന, ലദീഞ്ഞ്, നൊവേന, പ്രസുദേന്തി വാഴ്ച എന്നിവയെത്തുടർന്ന് രൂപം എഴുന്നള്ളിച്ച് വയ്ക്കും. തിരുനാൾ ദിനമായ നാളെ രാവിലെ 6.30ന് വിശുദ്ധ കുർബാന. തുടർന്ന് ഊട്ടുനേർച്ച വെഞ്ചരിപ്പും വിതരണവും. 8.30ന് വിശുദ്ധ കുർബാന. പത്തിന് തിരുനാൾ പാട്ടുകുർബാന, സന്ദേശം. വൈകീട്ട് നാലിന് വിശുദ്ധ കുർബാനയെ തുടർന്ന് തിരുനാൾ പ്രദക്ഷിണം എന്നിവ നടക്കും. ഊരകം സെന്‍റ് ജോസഫ് ഇരിങ്ങാലക്കുട: ഊരകം സെന്‍റ് ജോസഫ് ദേവാലയത്തില്‍ വിശുദ്ധ സെബാസ്ത്യാനോസിന്‍റേയും വിശുദ്ധ ഔസെപ്പിതാവിന്‍റേയും സംയുക്ത തിരുന്നാളിനു കൊടിയേറി. 10,11 തിയതികളിലായി നടക്കുന്ന തിരുന്നാളിന്‍റെ കൊടിയേറ്റം ഇരിങ്ങാലക്കുട രൂപത വികാരി ജനറാൾ മോണ്‍. ജോസ് മാളിയേക്കല്‍ നിര്‍വഹിച്ചു. അമ്പുതിരുനാള്‍ ദിനമായ പത്തിന് രാവിലെ 6.30 ന് ദിവ്യബലി, ലദീഞ്ഞ്, നൊവേന എന്നിവ നടക്കും. തുടര്‍ന്ന് കൂടുതുറക്കല്‍, രൂപം എഴുന്നള്ളിപ്പ് പന്തലിലേക്ക് അമ്പ്, വള വെഞ്ചരിപ്പ്, തിരുനാള്‍ പ്രസുദേന്തിവാഴ്ച എന്നിവ നടക്കും. വൈകീട്ട് മൂന്നിന് വീടുകളിലേക്ക് അമ്പ്എഴുന്നളിപ്പ്. രാത്രി 9.30 ന് യൂണിറ്റുകളില്‍ നിന്നുള്ള അമ്പ് എഴുന്നള്ളിപ്പ് പള്ളിയില്‍ സമാപിക്കും. തുടര്‍ന്ന് ബാൻഡ് കലാകാരന്മാര്‍ ഒരുക്കുന്ന ബാൻഡ് വാദ്യം. തിരുനാള്‍ ദിനമായ 11ന് രാവിലെ 6.30 ന് ദിവ്യബലി. 9.30 ന് നടക്കുന്ന തിരുനാള്‍ ദിവ്യബലിക്ക് അവിട്ടത്തൂര്‍ പള്ളി വികാരി ഫാ. റെനില്‍ കാരാത്ര കാര്‍മികത്വം വഹിക്കും. ഫാ. ജോസ് കേളംപറമ്പില്‍ സിഎംഐ സന്ദേശം നല്‍കും. വൈകീട്ട് നാലിന് ദിവ്യബലിക്കു ശേഷം തിരുനാള്‍ പ്രദക്ഷിണം ആരംഭിക്കും. രാത്രിഏഴിന് പ്രദക്ഷിണം സമാപിക്കും. പുല്ലൂര്‍ വാദ്യകലാകേന്ദ്രം അവതരിപ്പിക്കുന്ന തിരുമുറ്റമേളം, തുടര്‍ന്ന് വര്‍ണ്ണമഴയും നടക്കും.

മേലൂരിൽ ഫുട്ബോൾ മാമാങ്കം

മേലൂർ: മുൻ ഇന്ത്യൻ ഫുട്ബോൾ താരവും പരിശീലകനുമായ ടി.കെ. ചാത്തുണ്ണിയുടെ ഓർമയ്ക്കായി മേലൂർ പഞ്ചായത്ത് സ്പോർട്സ് അക്കാദമി (എംപിഎസ്എ) സംഘടിപ്പിക്കുന്ന നാലാമത് അഖിലകേരള സെവൻസ് ഫുട്ബോൾ ടൂർണമെൻ്റ് ഇന്ന് വൈകിട്ട് ഏഴിന് മേലൂർ സെന്‍റ്് ജോസഫ്സ് ഹയർസെക്കൻഡറി സ്ക്കൂൾ ഫ്ലഡ്‌ലിറ്റ് മൈതാനിയിൽ സനീഷ്കുമാർ ജോസഫ് എംഎൽഎ ഉദ്ഘാടനം ചെയ്യും. മൂന്ന് മുതൽ പത്ത് വരെയാണ് മത്സരങ്ങൾ. കേരളത്തിലെ മികച്ച എട്ട് സെവൻസ് ടീമുകളാണ് ടൂർണമെന്‍റിൽ പങ്കെടുക്കുക. മേലൂരിലെ പ്രദേശിക ടീമുകളെ വളർത്തുന്നതിനു വേണ്ടിയുള്ള മേലൂർ സൂപ്പർ ലീഗും (എം എസ് എൽ) ടൂർണമെൻ്റിൻ്റെ ഭാഗമായി നടക്കും. ഉദ്ഘാടന ദിനത്തിൽ വനിതാ ഫുട്ബോൾ ടീമുകളുടെ പ്രദർശന മത്സരവും അരങ്ങേറും. മേലൂരിലെ കായിക പ്രതിഭകളെ വളർത്തിയെടുക്കാൻ രൂപീകരിച്ചിട്ടുള്ള മേലൂർ പഞ്ചായത്ത് സ്പോർട്സ് അക്കാദമിയുടെ നേതൃത്വത്തിൽ മേലൂരിലെ അടിച്ചിലി, കുന്നപ്പിള്ളി, പൂലാനി, മേലൂർ എന്നീ നാല് പ്രദേശങ്ങളിൽ നാനൂറിൽപരം കുട്ടികൾക്ക് അവധിക്കാല ഫുട്ബോൾ പരിശീലന ക്യാമ്പ് നടത്തിവരുകയാണ്. ക്യാമ്പിൽ നിന്ന് സെലക്ട് ചെയ്ത ടീമുകളുടെ മത്സരവും ടൂർണമെൻ്റിൽ ഉണ്ടാകും. ചാലക്കുടി ദേശത്തെ ഏറ്റവും കൂടുതൽ ഫുട്ബോൾ പ്രേമികൾ മത്സരം കാണാനെത്തുന്ന മേലൂരിലെ ടൂർണമെൻ്റിൽ ഗാലറി ഇരിപ്പിട സൗകര്യം ഒരുക്കിയിട്ടുണ്ട്. തൃശൂർ പൂരം പ്രമാണിച്ച് ആറാം തിയതി മത്സരങ്ങൾ ഇല്ല. പത്തിനാണ് കലാശ പോരാട്ടം.

ചാലക്കുടി താലൂക്ക് ആശുപത്രിയിൽ 24 മണിക്കൂറും പ്രവർത്തിക്കുന്ന ഫാർമസി

ചാലക്കുടി: രാത്രികാലങ്ങളിൽ ഗവ. താലൂക്ക് ആശുപത്രിയിൽ 24 മണിക്കൂറും തുടർച്ചയായി പ്രവർത്തിക്കുന്ന ഫാർമസി പ്രവർത്തനമാരംഭിച്ചു. രാത്രി സമയത്ത് ആശുപത്രിയിൽ വരുന്ന രോഗികളുടേയും കൂടെ വരുന്നവരുടേയും ഏറെ കാലത്തെ ആവശ്യമായിരുന്നു ഈ സൗകര്യം ഉണ്ടാകുകഎന്നുള്ളത്.രാത്രി സമയത്ത് വരുന്നവർക്ക് ഡോക്ടർ നിർദേശിക്കുന്ന മരുന്ന് പുറത്തുള്ള മെഡിക്കൽ ഷോപ്പുകളിൽ ചെന്ന് പണം കൊടുത്ത് വാങ്ങണമായിരുന്നു. മാത്രമല്ല അസമയങ്ങളിൽ പുറത്ത് മെഡിക്കൽ ഷോപ്പുകൾ ഒന്നും പ്രവർത്തിക്കാത്തതിനാൽ പലപ്പോഴും രോഗികളായി എത്തുന്നവരും ബന്ധുക്കളും മരുന്നിനായി നെട്ടോട്ടം ഓടുന്ന വളരെ പ്രയാസകരമായ സാഹചര്യമായിരുന്നു. ഇതിന്‍റെ അടിസ്ഥാനത്തിലാണ് ഹോസ്പിറ്റൽ മാനേജ്മെന്‍റ് കമ്മിറ്റിതന്നെ ശമ്പളം കൊടുത്ത് ഫാർമസിസ്റ്റിനെ നിയമിച്ച് 24 മണിക്കൂറും പ്രവർത്തിക്കുന്ന ഫാർമസി തുടങ്ങാൻ തീരുമാനിച്ചത്. നിലവിൽ രാവിലെ മുതൽ ആരംഭിക്കുന്ന ഒപി സമയത്ത് മാത്രമാണ് ഫാർമസി പ്രവർത്തിച്ചിരുന്നത്. ഡിപ്പാർട്ട്മെന്‍റ് തലത്തിൽ ലഭിക്കുന്ന മരുന്നിന് പുറമെ നഗരസഭയുടെ പദ്ധതി ഫണ്ട് ഉപയോഗിച്ചു വാങ്ങുന്നതും നഗരസഭ താലൂക്ക് ആശുപത്രി വഴി നടത്തുന്ന പാലിയേറ്റീവ് പദ്ധതി പ്രകാരം വാങ്ങുന്നതുമായ മരുന്നും ഉള്ളതിനാൽ ഫാർമസിയിൽ മരുന്ന് ക്ഷാമം ഉണ്ടാകാനും സാധ്യതയില്ല. പഴയ കാഷ്വാലിറ്റി ബ്ലോക്കിലാണ് പുതിയ ഫാർമസി സൗകര്യം ഒരുക്കിയിട്ടുള്ളത്. ഫാർമസിയുടെ ഉദ്്ഘാടനം നഗരസഭ ചെയർമാൻ ഷിബു വാലപ്പൻ നിർവഹിച്ചു. ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ദീപു ദിനേശ് അധ്യക്ഷനായി. ആശുപത്രി സൂപ്രണ്ട് ഡോ. മിനിമോൾ, ഫാർമസി ഇൻചാർജ് പി.കെ. സുബ്രമണ്യൻ, പാലിയേറ്റീവ് നഴ്സ് സിനി എന്നിവർ പ്രസംഗിച്ചു.

തിരുവെങ്കിടം ക്ഷേത്രത്തില്‍ ബ്രഹ്മോത്സവം നാളെ കൊടിയേറും

ഗുരുവായൂര്‍: തിരുവെങ്കിടാചലപതി ക്ഷേത്രത്തിലെ ബ്രഹ്മോത്സവത്തിന് നാളെ കൊടിയേറുമെന്ന് ഭാരവാഹികൾ പത്രസമ്മേളനത്തില്‍ അറിയിച്ചു. ഉത്സവത്തിന് മുന്നോടിയായി ഇന്നലെ ആരംഭിച്ച താന്ത്രികചടങ്ങുകൾ നാളെ രാവിലെ ബ്രഹ്മകലശാഭിഷേകത്തോടെ സമാപിക്കും. സന്ധ്യക്ക് ദീപാരാധനയ്ക്കുശേഷം കൊടിയേറ്റം നടക്കും. വൈകിട്ട് 6.30 ന് സാംസ്‌കാരിക സമ്മേളനം ക്ഷേത്രം ഊരാളൻ മല്ലിശേരി പരമേശ്വരൻ നമ്പൂതിരിപ്പാട് ഉദ്ഘാടനം ചെയ്യും. മാനവേദ സുവർണ‌മുദ്ര ജേതാവ് രാജു കലാനിലയത്തെ ആദരിക്കും. തുടർന്ന് നൃത്ത‌നൃത്യങ്ങൾ അരങ്ങേറും. തുടർന്നുള്ള ദിവസങ്ങളിൽ സോപാന സംഗീതം, നാരായണീയ പാരായണം, തിരുവാതിരക്കളി, നൃത്ത‌നൃത്യങ്ങള്‍ തുടങ്ങിയവ നടക്കും. 5,6,7 ദിവസങ്ങളിൽ ഗുരുവായൂർ ഗോപൻ‌മാരാർ, മട്ടന്നൂര്‍ ശങ്കരന്‍കുട്ടിമാരാര്‍, കോട്ടപ്പടി രാജേഷ് മാരാര്‍ തുടങ്ങിയവര്‍ തായമ്പക അവതരിപ്പിക്കും. ഏഴിന് ഉത്സവബലി നടക്കും. എട്ടിന് പള്ളിവേട്ടയാണ്. ഒൻപതിന് ആറാട്ടോടെ ഉത്സവം കൊടിയിറങ്ങും. ഉത്സവ ദിവസങ്ങളില്‍ ദിവസവും ഉച്ചയ്ക്കും രാത്രിയും അന്നദാ നവും ഉണ്ടാകും. ക്ഷേത്രസമിതി ഭാരവാഹികളായ ശശി വാറണാട്ട്, ബാലന്‍ വാറണാട്ട്, രാജു കലാനിലയം, വിനോദ്കുമാർ അകമ്പടി, പ്രഭാകരൻ മണ്ണൂർ എന്നിവർ പത്രസമ്മേള നത്തിൽ പങ്കെടുത്തു.

പാവറട്ടി തിരുനാൾ: റവന്യു മന്ത്രിയുടെ സാന്നിധ്യത്തിൽ അവലോകനയോഗം

പാവറട്ടി: വിശുദ്ധ യൗസേപ്പിതാവിന്‍റെ തിരുനാളിനോടനുബന്ധിച്ച് അവലോകന യോഗം ചേർന്നു. റവന്യൂ മന്ത്രി കെ. രാജൻ തിരുനാൾ അവലോകന യോഗം ഉദ് ഘാടനം ചെയ്തു. പാവറട്ടി സെന്‍റ്് ജോസഫ്സ് തീർത്ഥകേന്ദ്രത്തിൽ നടന്ന അവലോകന യോഗത്തിൽ മുരളി പെരുനെല്ലി എംഎൽഎ അധ്യക്ഷത വഹിച്ചു. തിരുനാളിനോടനുബന്ധിച്ചു നടത്തേണ്ട സുരക്ഷാ ക്രമീകരണങ്ങളെക്കുറിച്ചും റോഡ്, ഗതാഗതം, കുടിവെള്ളം, പോലീസ് എന്നിവയെ സംബന്ധിച്ചും തീർഥ കേന്ദ്രം അധികൃതരുമായി ചർച്ച ചെയ്തു. റെക്ടർ ഫാ. ആന്‍റണി ചെമ്പകശേരി, ജില്ലാ കളക്ടർ അർജുൻ പാണ്ഡ്യൻ, തൃശൂർ പോലീസ് കമ്മീഷണർ ആർ. ഇളങ്കോ, പാവറട്ടി പഞ്ചായത്ത് പ്രസിഡന്‍റ്് എം.എം. റെജീന, ഗുരുവായൂർ എസിപി ടി.എസ്. സിനോ ജ്, ചാവക്കാട് തഹസിൽദാർ എം. കെ. കിഷോർ, ഹെൽത്ത് സൂപ്പർവൈ സർ മഞ്ജുചന്ദ്രൻ, ഫുഡ് സേഫ്റ്റി ഓഫീസർ പി. അരുൺ, താലൂക്ക് സപ്ലൈ ഓഫീസർ സൈ മൺ ജോസ്, ഫയർ ആൻഡ് സേഫ്റ്റി അസി. സ്റ്റേഷൻ ഓഫീസർ എസ്. ബിജു, വില്ലേജ് ഓഫീസർ ടി.എ. അൻവർ, വെറ്റിനറി സർജൻ ഡോ. വിനോദ് കുമാർ, പാവറട്ടി ഹെൽത്ത് ഇൻസ്പെക്ടർ ബി. സാജ്, ട്രസ്റ്റിമാരായ ഒ.ജെ. ഷാജൻ, വിൽസൺ നീലങ്കാവിൽ, കെ.ജെ. വിൻസെന്‍റ്്, പിയൂസ് പുലിക്കോട്ടിൽ, പള്ളി ഭാരവാഹികളായ ജോബി ഡേവിഡ്, സേവ്യർ അറയ്ക്കൽ, സുബിരാജ് തോമസ്, റാഫി നീലങ്കാവിൽ എന്നിവർ പ്രസംഗിച്ചു.

ദേവാലയങ്ങളിൽ തിരുനാൾ

ഒല്ലൂർ മേരിമാതാ ഒല്ലൂർ: മേരിമാതാ പള്ളിയിൽ പരിശുദ്ധ മേരിമാതാവിന്‍റെയും വിശുദ്ധ മിഖായേൽ മാലാഖയുടെയും വിശുദ്ധ സെബസ്ത്യാനോസിന്‍റെയും വിശുദ്ധ കൊച്ചുത്രേസ്യയുടെയും സംയുക്തതിരുനാൾ ഇന്നും നാളെയും ആഘോഷിക്കും. ജീവകാരുണ്യപ്രവർത്തനങ്ങൾക്കുകൂടി മുൻതൂക്കം കൊടുത്തുകൊണ്ടാണ് തിരുനാളാഘോഷം. ഇന്നു രാവിലെ 5.45നു ദിവ്യബലി, 7.15നു ലദീഞ്ഞ്, ദിവ്യബലി, നൊവേന എന്നിവയ്ക്കു തൃശൂർ അതിരൂപത ഫാമിലി അപ്പസ്തൊലേറ്റ് ഡയറക്ടർ ഫാ. ട്വിങ്കിൾ വാഴപ്പിള്ളി കാർമികത്വം വഹിക്കും. തുടർന്ന് യൂണിറ്റുകളിലേക്ക് അന്പ്, കിരീടം എഴുന്നള്ളിപ്പ്. ഒന്പതിന് ആഘോഷമായ ദിവ്യകാരുണ്യസ്വീകരണം. വികാരി ഫാ. ജോയ് ചിറ്റിലപ്പിള്ളി കാർമികനാകും. രാത്രി 10.30നു കുടുംബയൂണിറ്റുകളിൽനിന്നുള്ള അന്പുപ്രദക്ഷിണങ്ങൾ പള്ളിയിലേക്ക് എത്തിച്ചേരും. തിരുനാൾദിനമായ നാളെ രാവിലെ 5.45നും 7.15നും ദിവ്യബലി, പത്തിന് ആഘോഷമായ പാട്ടുകുർബാനയ്ക്കു മഡോണനഗർ സെന്‍റ് മേരീസ് മൈനർ സെമിനാരി റെക്ടർ ഫാ. ജോയ് പുത്തൂർ കാർമികത്വം വഹിക്കും. ഫാ. ബാസ്റ്റിൻ പുന്നോലിപ്പറന്പിൽ സന്ദേശം നൽകും. വൈകീട്ട് നാലിനു ലദീഞ്ഞ്, ദിവ്യബലി, നൊവേന, പ്രദക്ഷിണം, വർണക്കാഴ്ച, ഫ്യൂഷൻ സംഗീതപരിപാടി. തിങ്കളാഴ്ച രാവിലെ 5.45 ന് ദിവ്യബലി, 7.15ന് മരിച്ചവർക്കുള്ള അനുസ്മരണദിവ്യബലി, ഒപ്പീസ്. രാത്രി ഏഴിന് ടൗണ്‍ അന്പ് എന്നിവയാണ് പരിപാടികൾ. ദേവാലയത്തിലെ ദീപാലങ്കാരങ്ങളുടെ സ്വിച്ച് ഓണ്‍ കർമം മന്ത്രി കെ. രാജനും തിരുനാൾ സപ്ലിമെന്‍റ് പ്രകാശനം ജില്ലാ പഞ്ചായത്ത് വൈസ് പ്രസിഡന്‍റ് ജോസഫ് ടാജറ്റും നിർവഹിച്ചു. ഇന്നലെ നടന്ന കൂടുതുറക്കൽ ശുശ്രൂഷയ്ക്ക് അതിരൂപത വികാരി ജനറാൾ മോൺ. ജെയ്സൺ കൂനംപ്ലാക്കൽ മുഖ്യകാർമികത്വം വഹിച്ചു. തിരുനാളാഘോഷപരിപാടികളുടെ വിജയത്തിനായി വികാരി ഫാ. ജോയ് ചിറ്റിലപ്പിള്ളി, അസി. വികാരി ഫാ. ജിയോ ആലപ്പാട്ട്, ജനറൽ കണ്‍വീനർ റെയ്നി ജോസ് മൊയലൻ, കൈക്കാരൻമാരായ ഡേവിസ് ചെക്കനാത്ത്, പോൾ വാഴക്കാല, പോളി പെല്ലിശേരി, കിരണ്‍ കുരിയൻ എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു. ചിയ്യാരം വിജയമാത ചിയ്യാരം: വിജയമാത പള്ളിയിലെ വിജയമാതാവിന്‍റെയും വിശുദ്ധ യൗസേപ്പിതാവിന്‍റെയും സെബസ്ത്യാനോസിന്‍റെയും തിരുനാളിന് കൊടിയേറി. ഫൊറോന വികാരി ഫാ. വർഗീസ് കൂത്തുർ കൊടിയേറ്റം നിർവഹിച്ചു. വികാരി ഫാ. പ്രിൻസ് പൂവത്തിങ്കൽ സഹകാർമികനായിരുന്നു. 10,11,12 തിയതികളിലാണ് തിരുനാൾ. ഒമ്പതിന് രാത്രി മന്ത്രി കെ. രാജന്‍ ദീപാലങ്കാരം സ്വിച്ച്ഓണ്‍ ചെയ്യും. 10 ന് വൈകീട്ട് നാലിനുള്ള ആഘോഷമായ തിരുനാള്‍ കുര്‍ബാനയ്ക്കുശേഷം കുടുതുറക്കല്‍ ശുശ്രൂഷ, വിവിധ യൂണിറ്റുകളില്‍നിന്നുമുള്ള അമ്പ് എഴുന്നള്ളിപ്പുകൾ രാത്രി 10ന് പള്ളിയില്‍ സമാപിക്കും. തിരുനാള്‍ ദിനമായ 11ന് രാവിലെ 10ന് നടക്കുന്ന ആഘോഷമായ തിരുനാള്‍ കുര്‍ബാനയ്ക്ക് ഫാ. ജോയ് പുത്തൂര്‍ മുഖ്യകാര്‍മികത്വം വഹിക്കും. വൈകിട്ട് അഞ്ചിന് തിരുനാള്‍ പ്രദക്ഷിണം നടക്കും. തുടര്‍ന്ന് ഫ്യൂഷന്‍ അരങ്ങേറും. വൈലത്തൂരിലെ മാറ്റിവച്ച തിരുനാൾ വടക്കേക്കാട്: വൈലത്തൂർ വിശുദ്ധ കുര്യാക്കോസ് സഹദയുടെ ദേവാലയത്തിൽ സംയുക്ത തിരുനാൾ നാളെ മുതൽ ഏഴുവരെയുള്ള ദിവസങ്ങളിൽ ആഘോഷി ക്കുമെന്ന് ഭാരവാഹികൾ വാർത്താസമ്മേളനത്തിലൂടെ അറിയിച്ചു. ഫ്രാൻസിസ് മാർപാപ്പ കാലംചെയ്തതിനെത്തുടർന്ന് മാറ്റിവച്ച തിരുനാളാണ് നാളെ മുതൽ ആഘോഷിക്കുന്നത്. ഇതിന്‍റെ ഭാഗമായി നാലു കപ്പേളകളിൽ കഴിഞ്ഞ ദിവസം കൊടിയേറ്റം നടത്തി. ആറു വിശുദ്ധരുടെ തിരുനാളാണ് സംയുക്തമായി നടത്തുന്നത്. കാരുണ്യത്തിന്‍റെ ഭാഗമായി നാളെ വിവിധ അനാഥാലയങ്ങളിലേക്കു ഭക്ഷണപ്പൊതികൾ വിതരണം ചെയ്യും. വിശുദ്ധ കുർബാനയ്ക്ക് ഫാ. ജാക്സൺ പാലക്കൽ മുഖ്യകാർമികനാകും. വൈകിട്ട് ഏഴിന് ദീപാലങ്കാര സ്വിച്ചോണും നിർവഹിക്കും. അഞ്ചിനു രാവിലെ ദിവ്യബലിക്കുശേഷം തിരുസ്വരൂപങ്ങൾ എഴുന്നള്ളിച്ചുവയ്ക്കൽ, രാത്രി 11.30 ന് മെഗാ ബാൻഡ് വാദ്യം. ആറിനു രാവിലെ 10 ന് ആഘോഷമായ തിരുനാൾ പാട്ടുകുർബാനയ്ക്ക് വികാരി ജനറാൾ മോൺ. ജോസ് കോനിക്കര മുഖ്യകാർമികനാകും. വൈകിട്ട് 5.30ന് പ്രദക്ഷിണം, ഏഴിന് വർണമഴ, ബാൻഡ് വാദ്യം. ഏഴിന് രാവിലെ 6.30 ന് മരിച്ചവർക്കുവേണ്ടിയുള്ള വിശുദ്ധ കുർബാന. രാത്രി ഏഴിന് മ്യൂസിക് നൈറ്റ് ഉണ്ടായിരിക്കുമെന്ന് വികാരി ഫാ. വർഗീസ് പാലത്തിങ്കൽ, ട്രസ്റ്റിമാരായ ഡേവിസ് അന്തിക്കാട്ട്, സണ്ണി പുലിക്കോട്ടിൽ, ജനറൽ കൺവീനർ ജോസ് വടക്കൻ, കുരിയാക്കോസ് തലക്കോട്ടൂർ, സണ്ണി വാഴപ്പിള്ളി, ജെറിൻ ജോസഫ് തുടങ്ങിയവർ പറഞ്ഞു. തോന്നൂർക്കര സെന്‍റ്് ജോസഫ് ചേലക്കര: തോന്നൂർക്കര സെന്‍റ്് ജോസഫ് ദേവാലയത്തിൽ വിശു ദ്ധ യൗസേപ്പിതാവിന്‍റെയും വിശു ദ്ധ സെബസ്ത്യാനോസിന്‍റെയും സംയുക്ത ഊട്ടുതിരുനാൾ ഇന്ന് ആഘോഷിക്കും. വൈകീട്ട് നാലിന് തിരുനാൾ കുർബാനയ്ക്ക് ഫാ. ജോൺസൺ ഒലക്കേങ്കിൽ കാർമികനാകും. പതിയാരം സെന്‍റ് ജോസഫ്സ് എരുമപ്പെട്ടി: പതിയാരം സെന്‍റ് ജോസഫ്സ് ഇടവക ദേവാലയത്തിൽ വിശുദ്ധ യൗസേപ്പിതാവിന്‍റെയും പരിശുദ്ധ കന്യകാമറിയത്തിന്‍റെയും വിശുദ്ധ സെബ സ് ത്യാനോസിന്‍റെയും സംയുക്ത തിരുനാൾ സമാപിച്ചു. കുർബാനയ്ക്കുശേഷം വിശുദ്ധരുടെ തിരുസ്വരൂപങ്ങൾ വഹിച്ചു കൊണ്ടുള്ള ഭക്തി നിർഭരമായ പ്രദക്ഷിണ ത്തോടെയാണു തിരുനാളിനു സമാപനമായത്. ഫാൻസി വെടി ക്കെട്ടും ഗാനമേള യും നടന്നു. തിരുനാൾ ആഘോഷ പരിപാടികൾക്ക് ഇടവക വികാരി ഫാ. ലിയോ പുത്തൂർ, ആഘോഷ കമ്മിറ്റി ജനറൽ കൺവീനർ അന്തിക്കാട് മാത്യു ജോൺസൺ, കൈക്കാരൻമാരായ അന്തിക്കാട് ഫ്രാൻസിസ് വിൻസൻ, ആളൂർ ഔസേപ്പ് ലേവി, ചിറയത്ത് ആൻസൻ സണ്ണി തുടങ്ങിയവർ നേതൃത്വം നൽകി. തിരുത്തിപ്പറമ്പിൽ കാരുണ്യഭവനത്തിന്‍റെ താക്കോൽ കൈമാറി വടക്കാഞ്ചേരി: കാരുണ്യഭവനത്തിന്‍റെ താക്കോൽ കൈമാറി. തിരുത്തിപ്പറമ്പ് സെന്‍റ്് ജോസഫ് ദേവാലയത്തിലെ സംയുക്ത തിരുനാളിനോടനുബന്ധിച്ച് നിർധന കുടും ബത്തിന് നിർമിച്ചുനൽകുന്ന കാരുണ്യഭവനത്തിന്‍റെ താക്കോലാണ് പള്ളിയിൽ നടന്ന തിരുക്കർമങ്ങൾക്കിടെ കൈമാറിയത്. അതിരൂപത വികാരി ജനറാൾ മോൺ. ജെയ്സൺ കൂനംപ്ലാക്കൽ താക്കോൽദാനം നിർവഹിച്ചു. ഇടവക വികാരി ഫാ. ജോൺസൻ അരിമ്പൂർ അധ്യക്ഷത വഹിച്ചു. ജനറൽ കൺവീനർ പ്രിൻസൺ ചിരിയങ്കണ്ടത്ത്, ട്രസ്റ്റിമാരായ ഡേവിഡ് ഒലക്കേ ങ്കിൽ, ഫ്രാൻസിസ് കൊള്ളന്നൂർ, ഫ്രാൻസിസ് ചീരൻ, പിആർഒ അഡ്വ. തോമസ് കുര്യൻ എന്നിവർ നേതൃത്വം നൽകി. സ്ഥലം വാങ്ങി 15 ലക്ഷം രൂപ ചെലവിലാണ് വീട് നിർമിച്ചു നൽകിയത്. മുല്ലശേരി നല്ല ഇടയന്‍ പാവറട്ടി: മുല്ലശേരി നല്ലിടയന്‍റെ ദേവാലയത്തിൽ ഉണ്ണീശോയുടെയും വിശുദ്ധ സെബസ്ത്യാനോസിന്‍റെയും സംയുക്ത തിരുനാളിനു തുടക്കമായി. രാവിലെ നടന്ന ആഘോഷമായ ദിവ്യബലി, ലദീഞ്ഞ്, നൊവേന എന്നിവക്ക് ഫാ. നോബി അമ്പൂക്കൻ മുഖ്യകാർമികത്വം വഹിച്ചു. തുടർന്ന് ഊട്ട് ഭക്ഷണ ആശീർവാദവും വിതരണവും നടന്നു. വികാരി ഫാ. ടിജോ ജോയ് മുള്ളക്കര തിരുനാൾ തിരുക്കർമങ്ങൾക്ക് സഹകാർമികനായി. വൈകീട്ട് നടന്ന ദിവ്യബലിക്കും പ്രസുദേന്തി വാഴ്ചയ്ക്കും കണ്ടശാംകടവ് ഫൊറോന വികാരി ഫാ. റാഫേൽ ആക്കമറ്റത്തിൽ കാർമികത്വം വഹിച്ചു. ഇന്നു രാവിലെ 6.30 ന് ആഘോഷമായ ദിവ്യബലി, അമ്പ്, വള വെഞ്ചരിപ്പ്, വിശുദ്ധരുടെ തിരുസ്വരൂപം എഴുന്നള്ളിക്കൽ എന്നിവ നടക്കും. കുടുംബകൂട്ടായ്മകളുടെ അമ്പ് വള എഴുന്നള്ളിപ്പ് രാത്രി വാദ്യമേളങ്ങളുടെ അകമ്പടിയോടെ ദേവാലയത്തിലെത്തി സമാപിക്കും. തുടർന്ന് മെഗാ ബാൻഡ് മേളവും ഉണ്ടാകും. തിരുനാൾ ദിനമായ നാളെ രാവിലെ 6.30 ന് ദിവ്യബലി, ലദീഞ്ഞ്, നൊവേന എന്നീ തിരുക്കർമങ്ങൾക്ക് അതിരൂപത വികാരി ജനറാൾ മോൺ. ജോസ് കോനിക്കര മുഖ്യകാർമികത്വം വഹിക്കും. ഫാ. ഡിയോൺസ് കട്ടിളപ്പീടിക ഒഎഫ്എം തിരുനാൾ സന്ദേശം നൽകും. വൈകിട്ട് നാലിന് വിശുദ്ധ കുർബാനക്ക് ഫാ. ജോയ് കൂത്തൂർ കാർമികത്വം വഹിക്കും. തുടർന്ന് പ്രദക്ഷിണം. അഞ്ചിന് വൈ കീട്ട് ഏഴിന് തിരുനാൾ കമ്മിറ്റിയുടെയും കെസിവൈഎമ്മിന്‍റെയും നേതൃത്വത്തിൽ കൊച്ചിൻ കലാഭവന്‍റെ ഗാനമേള.

കേരള ലേബര്‍ മൂവ്‌മെന്‍റിന്‍റെ നേതൃത്വത്തില്‍ പുതുക്കാട് മേയ്ദിനാഘോഷം നടത്തി

പുതുക്കാട്: തൃശൂര്‍ അതിരൂപത കേരള ലേബര്‍ മൂവ്‌മെന്‍റിന്‍റെ നേതൃത്വത്തില്‍ പുതുക്കാട് മേയ്ദിനാഘോഷം നടത്തി. രാവിലെ പുതുക്കാട് പള്ളിയില്‍നിന്നു മേയ്ദിന റാലി നടന്നു. തുടര്‍ന്ന് പ്രത്യേകം തയാറാക്കിയ വേദിയില്‍ തൃശൂര്‍ അതിരൂപതാധ്യക്ഷന്‍ മാര്‍ ആഡ്രൂസ് താഴത്തിന്‍റെ കാര്‍മികത്വത്തില്‍ പരിശുദ്ധ കുര്‍ബാന നടന്നു. തുടര്‍ന്നുനടന്ന തൊഴിലാളി സംഗമവും പൊതുസമ്മേളനവും മന്ത്രി കെ. രാജന്‍ ഉദ്ഘാടനം ചെയ്തു. കെഎല്‍എം അതിരൂപത പ്രസിഡന്‍റ്് മോളി ജോബി അധ്യക്ഷതവഹിച്ചു. ഫാ. അരുണ്‍ വലിയതാഴത്ത് മേയ്ദിന സന്ദേശംനല്‍കി. ഫാ. പോള്‍ തേക്കാനത്ത് അനുഗ്രഹ‌പ്രഭാഷണം നടത്തി. ഫാ. പോള്‍ മാളിയമ്മാവ്, പുതുക്കാട് പഞ്ചായത്ത് പ്രസിഡന്‍റ്് കെ.എം. ബാബുരാജ്, വൈസ് പ്രസിഡന്‍റ് ഷൈനി ജോജു, അല്‍ജോ പുളിക്കന്‍, സെബി കൊടിയന്‍, ബേബി വാഴക്കാല, ജെയ്‌സണ്‍ ചിറ്റിലപ്പിള്ളി എന്നിവര്‍ പ്രസംഗിച്ചു.

എഡ്‌വിൻ കൊമ്പൻ തിരുപ്പട്ടം സ്വീകരിച്ചു

വരാക്കര സൗത്ത്: ഡീക്കൻ എഡ്‌വിൻ കൊമ്പൻ രാമനാഥപുരം രൂപത മെത്രാൻ മാർ പോൾ ആലാപ്പാട്ടിന്‍റെ കൈവയ്പുവഴി പൗരോഹിത്യം സ്വീകരിച്ചു. തുടർന്ന് നവവൈദികൻ ദിവ്യബലി അർപ്പിച്ചു. വികാരി ഫാ. ജെയ്സൺ ചിറ്റിലപ്പിള്ളിയുടെ നേതൃത്വത്തിൽ കൈ ക്കാരന്മാരും തിരുപ്പട്ട കമ്മിറ്റി ജനറൽ കൺവീനറും കമ്മിറ്റി അംഗങ്ങളും ഇടവക ജനങ്ങളും ചേർന്ന് ബിഷപ് മാർ പോൾ ആലപ്പാട്ടിനെയും ഡീക്കൻ എഡ്‌വിൻ കൊമ്പനെയും സ്വീകരിച്ചു. തിരുപ്പട്ടദാന ശുശ്രുഷയിൽ വടവാതൂർ സെന്‍റ്തോമസ് അപ്പസ്തോലിക് സെമിനാരി വൈസ് റെക്ടർ ഫാ. ലിന്‍റോ കുറ്റിക്കാടൻ തിരുക്കർമങ്ങൾക്ക് അർച്ച്ഡീക്കനായി. ഫാ. ജോയ് ചിറ്റിലപ്പിള്ളി, ഫാ. മാർട്ടിൻ പട്ടരുമഠത്തിൽ, ഫാ. ജോമോൻ മുരിങ്ങാത്തേരി, ഫാ. ജിയോ ചെരടായി, ഫാ. സെബി വെളിയൻ, ഫാ. റെൽഹിൻ കള്ളിക്കാടൻ എന്നിവർ സഹകാർമികരായി.

ബസേലിയോസ് ജോസഫ് ഒന്നാമൻ കാതോലിക്കാ ബാവയ്ക്ക് സ്വീകരണംനൽകി

പട്ടിക്കാട്: നവാഭിഷിക്തനായ ശ്രേഷ്ഠ‌കാതോലിക്ക ബാവ ബസേലിയോസ് ജോസഫ് ഒന്നാമന് യാക്കോബായ സുറിയാനി സഭയുടെ തൃശൂർ ഭദ്രാസനത്തിൽ സ്വീ കരണം നൽകി. ഭദ്രാസനത്തിന്‍റെ ആസ്ഥാനമായ ചുവന്നമണ്ണിലെ ഗലീലിയൻ സെന്‍ററിൽ ഉച്ചയ്ക്ക് ഒന്നരയോടെയാണ് കാതോലിക്കാ ബാവ എത്തിയത്. തൃശൂർ ഭദ്രാസനാധിപൻ ഡോ. കുര്യാക്കോസ് മോർ ക്ലീമിസ് മെത്രാപ്പോലീത്തയുടെ നേതൃത്വത്തിൽ ബാവായ്ക്ക് ഉജ്വല‌സ്വീകരണംനൽകി. ഭദ്രാസന കൗൺസിൽ അംഗങ്ങൾ, സഭാമാനേജിംഗ് കമ്മിറ്റിയംഗങ്ങൾ, പള്ളി പ്രതിനിധികൾ, ഭദ്രാസന സെക്രട്ടറി ഫാ. ബേസിൽ തെക്കുംമഠം, ജോയിന്‍റ് സെക്രട്ടറി, വൈദികർ എന്നിവർ സ്വീകരണച്ചടങ്ങിൽ പങ്കെടുത്തു. ആദ്യമായാണ് ബാവ തൃശൂർ ഭദ്രാസനത്തിൽ എത്തിയത്.

സഹൃദയയ്ക്കു വീണ്ടും ഐസിടിഎകെ അംഗീകാരം

കൊടകര: സഹൃദയ കോളേജ് ഓഫ് എന്‍ജിനീയറിംഗ് ആന്‍ഡ് ടെക്‌നോളജി, കേരള സര്‍ക്കാര്‍ സ്ഥാപിച്ച ഐസിടി അക്കാദമി ഓഫ് കേരളയുടെ (ഐസിടിഎകെ) പ്രീമിയം അംഗത്വം നാലാംവര്‍ഷവും തുടര്‍ച്ചയായി നിലനിര്‍ത്തി. സംസ്ഥാനത്തെ മികച്ച പ്രകടനം കാഴ്ചവയ്ക്കുന്ന ഏതാനും സ്ഥാപനങ്ങള്‍ക്കുമാത്രം ലഭിക്കുന്ന ഈ അംഗീകാരം, സഹൃദയയുടെ അക്കാദമിക സാങ്കേതികമികവിന്‍റെ പ്രതീകമായി വിലയിരുത്തപ്പെടുന്നു. ഉയര്‍ന്ന വിജയം നേടുന്ന വിദ്യാര്‍ത്ഥികളുടെ ശതമാനം, അധ്യാപകരുടെ നിലവാരം (ഐഐടി, എന്‍ഐടി, എല്‍എസ്ഇ പോലുള്ള മുന്‍നിരസ്ഥാപനങ്ങളില്‍ പരിശീലനം നേടിയവര്‍), ആധുനിക കമ്പ്യൂട്ടിംഗ് ലാബുകള്‍, ശക്തമായ ഡിജിറ്റല്‍ അടിസ്ഥാനസൗകര്യം, കൂടുതല്‍ അഡ്മിഷന്‍ തുടങ്ങി നിരവധി ഘടകങ്ങളുടെ അടിസ്ഥാനത്തിലാണ് സഹൃദയയ്ക്ക് ഈ നേട്ടം കരസ്ഥമാക്കാനായത്. പുതിയ സംരംഭങ്ങള്‍ക്കുള്ള വഴികള്‍ തുറക്കാനും കേരളത്തിന്‍റെ ടെക് ഭാവിയെ നയിക്കാനും ഈ അംഗീകാരം സഹൃദയയെ സഹായിക്കുമെന്ന് അധികൃതർ അറിയിച്ചു.

ആറു ഹോട്ടലുകളിൽനിന്ന് പഴകിയ ‌ഭക്ഷണം പിടികൂടി

തൃശൂർ: പൂരത്തോടനുബന്ധിച്ച് തൃശൂർ കോർപറേഷൻ ആരോഗ്യവിഭാഗം നടത്തിയ പരിശോധനയിൽ ആറു ഹോട്ടലുകളിൽനിന്ന് പഴകിയ ഭക്ഷണം പിടികൂടി. അരമന, സീ ഫോർട്ട്, ആലിയ, ഒറോട്ടി, ചുരുട്ടി, കുക്ക് ഡോർ, തജിനി എന്നീ ഹോട്ടലുകളിൽനിന്നാണ് പഴകിയ ഭക്ഷണം പിടികൂടിയത്. ഒന്നിലധികംതവണ പഴകിയ ഭക്ഷണം പിടികൂടിയ ഹോട്ടലുകളാണിതെന്നു കോർപറേഷൻ അധികൃതർ പറഞ്ഞു. മൂന്നുതവണയിൽ കൂടുതൽ പഴകിയ ഭക്ഷണം പിടികൂടിയ ഹോട്ടലുകൾക്കെതിരേ കർശനനടപടികൾ സ്വീകരിക്കാനാണ് നീക്കം. ഇത്തരം ഹോട്ടലുകൾ പൂട്ടാൻ നോട്ടീസ് നൽകുമെന്നു മേയർ എം.കെ. വർഗീസ് പറഞ്ഞു. പൂരത്തിനു മുന്നോടിയായി ഹോട്ടലുകളുടെ പരിശോധന കർശനമാക്കുമെന്നു ഹെൽത്ത് ഇൻസ്പെക്ടർ ശംഭു എസ്. ജഗന്നാഥൻ വ്യക്തമാക്കി. ഇന്നലെ രാവിലെയാണ് പല സ്ക്വാഡുകളായി നഗരത്തിലെ ഹോട്ടലുകളിൽ കോർപറേഷൻ ആരോഗ്യവിഭാഗം പരിശോധന നടത്തിയത്.

മരങ്ങൾ മുറിച്ചുമാറ്റി

തൃശൂർ: പൂരത്തിന്‍റെ ഭാഗമായുള്ള വെടിക്കെട്ട്, കുടമാറ്റം എന്നിവ തടസമില്ലാതെ ആസ്വദിക്കുന്നതിനായി തേക്കിൻകാട് മൈതാനത്തിലെ മരങ്ങളുടെ കൊന്പുകൾ മുറിച്ചുമാറ്റി. പോലീസിന്‍റെ നിർദേശപ്രകാരം വടക്കുന്നാഥ ദേവസ്വമാണ് തെക്കേഗോപുരനടയിലെ മൂന്നു മരങ്ങളുടെ കൊന്പുകൾ മുറിച്ചുമാറ്റിയത്. പോടുവീണ് നശിച്ച മറ്റൊരു മരവും കഴിഞ്ഞദിവസം സുരക്ഷ മുൻ നിർത്തി മുറിച്ചുമാറ്റിയിരുന്നു.

ആനപ്പുറത്തു വിരിയും ചാത്തനാത്തെ കരവിരുത്

തൃശൂർ: പൂരച്ചന്തത്തിനു പത്തരമാറ്റ് അഴകേകാൻ ഇത്തവണയും ചാത്തനാത്തെ കരവിരുതിൽ ആനപ്പുറമേറുക വെൺമേഘവിശറിയും മയിൽപ്പീലിക്കണ്ണും. ആനച്ചൂരുതട്ടാത്ത പതിനഞ്ചു ജോഡിവീതം വെഞ്ചാമരവും ആലവട്ടവുമാണ് ഒരുങ്ങുന്നത്. പാറമേക്കാവ് വിഭാഗത്തിനു കുറ്റുമുക്ക് ചാത്തനാത്ത് പ്രഫ. മുരളീധരനും തിരുവന്പാടിക്കുവേണ്ടി കണിമംഗലം ചാത്തനാത്ത് സുജിത്തുമാണ് പൂരത്തിന് അഴകിന്‍റെ പൂമരം വിടർത്തുന്നത്. ഇരുവരും പരന്പരാഗതമായി കൈമാറിക്കിട്ടിയ കലാവൈഭവം അനുഷ്ഠാനമെന്നോണം തുടരുകയാണ്. മുരളീധരന്‍റെ അച്ഛൻ ബാലകൃഷ്ണൻനായരുടെ പെങ്ങളുടെ മകനാണു സുജിത്ത്. നാലുവർഷംമുന്പ് സുജിത്തിന്‍റെ അച്ഛൻ കടവത്ത് ചന്ദ്രന്‍റെ വിയോഗത്തെതുടർന്നാണു സുജിത്തിനു വെഞ്ചാമരനിർമാണത്തിനുള്ള നിയോഗം വന്നുചേർന്നത്. കുറുമാലിക്കാവ് ക്ഷേത്രത്തിൽ കൗണ്ടർ അസിസ്റ്റന്‍റാണ് സുജിത്ത്. ഒറ്റപ്പാലം എൻഎസ്എസ് കോളജിൽനിന്നു വിരമിച്ച കോമേഴ്സ് അധ്യാപകനായ മുരളീധരൻ പത്തുവയസുമുതലേ അച്ഛനോടൊപ്പം വെഞ്ചാമരനിർമാണത്തിൽ പരിചിതനാണ്. ഇരുവരുടെയും വീട്ടിലും പാറമേക്കാവ് പുഷ്‌പാഞ്‌ജലി ഹാളിലും തിരുവന്പാടി ക്ഷേത്രത്തിനുമുന്പിലെ ദേവസ്വം കെട്ടിടത്തിലുമായാണു നിർമാണം നടത്തിയത്. ആനപ്പുറമേറും ചമരിമാനഴക് മഞ്ഞുപ്രദേശങ്ങളിൽ കാണുന്ന യാക്കിന്‍റെ (ചമരിമാൻ) വാലിലെ രോമംകൊണ്ടാണു വെഞ്ചാമരം നിർമിക്കുന്നത്. പൂരത്തിനുള്ള വെഞ്ചാമരങ്ങളുണ്ടാക്കാൻ 90 കിലോവരെ വാൽരോമങ്ങൾ ആവശ്യമുണ്ട്. ഒരുകിലോ രോമത്തിന് 25,000 രൂപയാണു വില. ലക്ഷങ്ങൾ മുടക്കിയാണു ഇതു കേരളത്തിൽ എത്തിക്കുന്നത്. ഒരു ജോഡി വെഞ്ചാമരത്തിൽ ആറു കിലോവരെ ഉപയോഗിക്കും. യാക്കിന്‍റെ രോമം ചീകിയെടുത്ത് 12 കൈനീളത്തിൽ ചരടിൽ മെടഞ്ഞെടുക്കുകയാണ് ആദ്യം ചെയ്യുക. ഒരറ്റം ജനൽക്കന്പിയിൽ കെട്ടി മറുഭാഗം അരയിലും ബന്ധിപ്പിച്ചാണ് മെടയുക. ഇതുമാത്രം നാലുദിവസത്തെ പണിയുണ്ട്. തുടർന്നു ചാമരക്കതിരിൽ (പ്രത്യേക രീതിയിൽ കടഞ്ഞ മരക്കുറ്റി) ചുറ്റിക്കെട്ടിയെടുക്കും. ആദ്യകാലത്തു തേക്കിൻതടി ഉപയോഗിച്ചിരുന്നെങ്കിലും ഭാരം കുറയ്ക്കാൻ പാലമരമാണ് ഇപ്പോൾ ഉപയോഗിക്കുന്നത്. ഇതിനു സ്റ്റീൽ, ഗോൾഡ് പൂശിയ പിടികളുമുണ്ടാകും. പീലിക്കണ്ണെഴുതി ആലവട്ടമിഴികൾ വാലിട്ടെഴുതിയ പീലിക്കടക്കണ്ണഴകായി പാറമേക്കാവ്, തിരുവന്പാടി ആലവട്ടങ്ങൾ. ചൂരൽപ്പൊളി മാതൃകയിൽ സ്വർണആലവട്ടമാണ് പാറമേക്കാവിന്‍റെ തിടന്പാനപ്പുറത്തു വിരിയുക. രണ്ടു കൂട്ടാനകൾക്കു നാഗപടത്തിന്‍റെ വെള്ളി ആലവട്ടങ്ങൾ. ബാക്കിയുള്ളവയ്ക്കു വെള്ളിച്ചിൽ ആലവട്ടങ്ങളും മിഴിവേകും. പഴമയിൽ പുതുമയുടെ നിറങ്ങൾ തുന്നിച്ചേർത്തതാണു തിരുവന്പാടിയുടെ ആലവട്ടക്കാഴ്ചകൾ. തിടന്പാനയ്ക്കും രണ്ടു കൂട്ടാനകൾക്കും നിറച്ചാർത്തുകൾ സമൃദ്ധിയാണ്. മയിൽപ്പീലിയുടെ തണ്ട് ചീകിയെടുത്ത് വളച്ചും ചുഴറ്റിയുമാണ് വിവിധ ഡിസൈനുകൾ ഉണ്ടാക്കുന്നത്.

ചെട്ടിക്കാട് തിരുനാൾ 13ന്, കൊടിയേറ്റം ചൊവ്വാഴ്ച

കൊടുങ്ങല്ലൂർ: കിഴക്കിന്‍റെ പാദുവ എന്ന് അറിയപ്പെടുന്ന ചെട്ടിക്കാട് വിശുദ്ധ അന്തോണീസിന്‍റെ തീർഥാടനകേന്ദ്രത്തിൽ 13നു നടക്കുന്ന ചരിത്രപ്രസിദ്ധമായ ഊട്ടുതിരുനാളിനു ചൊവ്വാഴ്ച കൊടികയറും. രാവിലെ 10.15ന് ബിഷപ് എമരിറ്റസ് ഡോ. ജോസഫ് കാരിക്കശേരി കൊടിയേറ്റുകർമം നിർവഹിക്കും. തുടർന്ന് ബിഷപ്പിന്‍റെ മുഖ്യകാർമികത്വത്തിൽ നടക്കുന്ന ദിവ്യബലിയിൽ ഫാ. ബെഞ്ചമിൻ ജൈജു ഇലഞ്ഞിക്കൽ വചനപ്രഘോഷണം നടത്തും. രാവിലെ 6.15 മുതൽ വൈകീട്ട് 6.30 വരെ തുടർച്ചയായി ദിവ്യബലി, നൊവേന, ആരാധന എന്നിവ നടക്കും. തുടർന്നുള്ള ദിനങ്ങളിൽ രാവിലെ ഏഴിനു ദിവ്യബലിയും വൈകീട്ട് 5.30ന് ദിവ്യബലി, നൊവേന. പത്തിന് ഇടവകദിനം. വൈകീട്ട് 5.30ന് നടക്കുന്ന ദിവ്യബലിക്ക് ഇടവകയിലെ വൈദികർ കാർമികരാകും. തുടർന്ന് കുടുംബ യൂണിറ്റുകളുടെ സംയുക്തവാർഷികം. 11നു രാവിലെ 10ന് കണ്ണൂർ രൂപത സഹായമെത്രാൻ ഡോ. ഡെന്നീസ് കുറുപ്പശേരിയുടെ മുഖ്യകാർമികത്വത്തിൽ ദിവ്യബലി, ഫാ. വിൻസെന്‍റ് വാരിയത്ത് വചനസന്ദേശം നൽകും. ഈ വർഷത്തെ തിരുനാളിനോടനുബന്ധിച്ചുനടത്തുന്ന ജീവകാരുണ്യപ്രവർത്തനങ്ങളുടെ ഉദ്ഘാടനവും തിരുശേഷിപ്പ് പ്രതിഷ്ഠയുടെ സുവർണജൂബിലിയോടനുബന്ധിച്ച് നിർധനരായ ഒരു കുടുംബത്തിനു നിർമിച്ചുനൽകുന്ന കാരുണ്യഭവനത്തിന്‍റെ താക്കോൽദാനവും ബിഷപ് നിർവഹിക്കും. 13നാണ് ഊട്ടുതിരുനാൾ. രാവിലെ 10.15ന് കോട്ടപ്പുറം രൂപത മെത്രാൻ ഡോ. അംബ്രോസ് പുത്തൻവീട്ടിൽ ഊട്ടുനേർച്ച ആശീർവദിക്കും. തുടർന്ന് ബിഷപ്പിന്‍റെ മുഖ്യ കാർമികത്വത്തിൽ പൊന്തിഫിക്കൽ ദിവ്യബലി, ഫാ. ജോസ് തോമസ് വചനസന്ദേശം നൽകും. തീർഥാടകർക്കായി വിപുലമായ ക്രമീകരണങ്ങൾ ഒരുക്കിയിട്ടുള്ളതായി റെക്ടർ റവ.ഡോ. ബെന്നി വാഴക്കൂട്ടത്തിൽ, ഫാ. അജയ് ആന്‍റണി പുത്തൻപറമ്പിൽ, ഫ്രാൻസിസ് കുറുപ്പശേരി, ആൽബി പടമാട്ടുമ്മൽ, ബീനൻ താണിപ്പിള്ളി, ആന്‍റണി കല്ലറയ്ക്കൽ, അലക്സ് പള്ളിയിൽ എന്നിവർ പത്രസമ്മേളനത്തിൽ പറഞ്ഞു.

ഡിസിസിയിൽ കണ്ണീർകാവ്യാഞ്ജലി

തൃശൂർ: വർഗീയതയാണ് ഭീകരവാദത്തിനു വിത്തുപാകുന്നതെന്നും പഹൽഗാമിൽ തീവ്രവാദികൾ മാസങ്ങൾക്കുമുന്പേ കടന്നുകയറിയെന്നതു രാജ്യസുരക്ഷയുടെ പാളിച്ചയിലേക്കാണു വിരൽ ചൂണ്ടുന്നതെന്നും ഗാനരചയിതാവും സംവിധായകനുമായ എം.ഡി. രാജേന്ദ്രൻ പറഞ്ഞു. പഹൽഗാം ഭീകരാക്രമണത്തിന്‍റെ പത്താംദിനത്തിൽ കെപിസിസി സംസ്കാരസാഹിതി ഡിസിസിയിൽ സംഘടിപ്പിച്ച പഹൽ ഗാം രക്തസാക്ഷികൾക്കു കണ്ണീർകാവ്യാഞ്ജലി ഉദ്ഘാടനം ചെയ്യുകയായിരുന്നു അദ്ദേഹം. സംസ്കാരസാഹിതി ജില്ലാ ചെയർമാൻ ഗിന്നസ് സത്താർ ആദൂർ അധ്യക്ഷത വഹിച്ചു. ടി.വി. ചന്ദ്രമോഹൻ, രാജേന്ദ്രൻ അരങ്ങത്ത്, അനിൽ സാമ്രാട്ട്, രാമചന്ദ്രൻ പുതൂർക്കര തുടങ്ങിയവർ പ്രസംഗിച്ചു.

വീട്ടമ്മ ഷോക്കേറ്റ് മരിച്ചു

മാന്ദാമംഗലം: വീട്ടിലെ പമ്പ് സെറ്റിൽ നിന്നും ഷോക്കേറ്റ് വീട്ടമ്മ മരിച്ചു. മാന്ദാമംഗലം ഊന്ന് കല്ലിങ്കൽ പരേതനായ വർഗ്ഗീസ് ഭാര്യ ഏലിയാമ്മ (74) ആണ് മരിച്ചത്. പമ്പ് സെറ്റ് ഓൺ ചെയ്ത ശേഷം വെള്ളം തിരിച്ച് വിടുന്നതിന് വേണ്ടി വാൾവ് തിരിക്കുന്നതിനിടയിലാണ് ഇവർ ഷോക്കേറ്റ് തെറിച്ച് വീണത്. കരച്ചിൽ കേട്ട് ഓടി കൂടിയ നാട്ടുക്കാർ ചേർന്ന് ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മക്കൾ: ബിന്ദു, ബിസി, ബിജി. മരുമക്കൾ: ബാബു , ബെജി, ബിനു. സംസ്കാരം ഇന്ന് മൂന്നിന് മാന്ദാമംഗലം സെന്‍റ് മേരീസ് യാക്കോബായ സുറിയാനി പള്ളിയിൽ.

മോട്ടോർ റിപ്പയറിംഗിനിടെ യുവാവ് ഷോക്കേറ്റ് മരിച്ചു

വടക്കേക്കാട് : മോട്ടോർ പമ്പ് സെറ്റിന്‍റെ കേടുപാടുകൾ തീർക്കുന്നതിനിടയിൽ വൈദ്യുതി ആഘാതമേറ്റ് യുവാവ് മരിച്ചു .വടക്കേക്കാട് എരിഞ്ഞിപ്പടി ഫസൽ തങ്ങളുടെ മകൻ പമ്മനത്തേയിൽ ഫക്രുദ്ദീനാ (19)ണ് മരിച്ചത്. സ്വന്തം വീട്ടിലെ പമ്പ് സെറ്റ് റിപ്പയർ ചെയ്യുമ്പോൾ വ്യാഴാഴ്ച ഉച്ച കഴിഞ്ഞ് നാലുമണിയോടുകൂടി യാണ് അപകടം. മാതാവ് റംലത്തിന്‍റെ ബഹളം കേട്ട് ഓടി കൂടിയ നാട്ടുകാർ ആശുപത്രിയിൽ എത്തിക്കുമ്പോഴേക്കും മരണം സംഭവിച്ചു . കബറടക്കം നടത്തി. സഹോദരി: അഫ്ന

ഓട്ടോറിക്ഷ മറിഞ്ഞ് ഡ്രൈവർ മരിച്ചു

മാള: പൊയ്യയിൽ ഓട്ടോറിക്ഷ മറിഞ്ഞ് ഡ്രൈവർ മരിച്ചു. പൊയ്യ സ്വദേശി ഇട്ടിയത്ത് പറമ്പിൽ അനിൽകുമാർ (43)ആണ് മരിച്ചത്. വ്യാഴാഴ്ച ഉച്ചയോടെയാണ് സംഭവം. മാനാഞ്ചേരിക്കുന്നു കുട്ടിച്ചിറ പാലത്തിനു സമീപത്തു വച്ച് നിയന്ത്രണം തെറ്റിയ ഓട്ടോറിക്ഷ തലകീഴായ് മറിയുകയായിരുന്നു. ഉടൻ തന്നെ ആശുപത്രിയിൽ കൊണ്ടുപോയെങ്കിലും ജീവൻ രക്ഷിക്കാനായില്ല.

കെ ഫോണ്‍: ജില്ലയിൽ 7564 കണക്‌ഷനുകൾ

തൃശൂർ: കെ ഫോണ്‍ കണക്‌ഷനുകളിൽ മൂന്നേറി തൃശൂർ ജില്ല. ഓഫീസുകൾ, വാണിജ്യ സ്ഥാപനങ്ങൾ, വ്യക്തികൾ എന്നിവർക്കായി 7564 കണക്‌ഷനുകളാണു നൽകിയത്. ജില്ലയിൽ ഇതുവരെ 2649.57 കിലോമീറ്റർ കേബിൾ വലിച്ചു. ജില്ലയിൽ കളക്ടറേറ്റ് ഉൾപ്പടെയുള്ള 2494 സർക്കാർ ഓഫീസുകൾ ഇപ്പോൾ കെ ഫോണ്‍ നെറ്റ് വർക്കാണ് ഉപയോഗിക്കുന്നത്. 1003 ബിപിഎൽ വീടുകളിൽ കെ ഫോണ്‍ കണക്‌ഷൻ നൽകി. 4067 വാണിജ്യ കണക്‌ഷനുകളും നൽകി. പ്രാദേശിക ഓപ്പറേറ്റർമാർ വഴിയാണു വാണിജ്യ കണക്‌ഷൻ. 287 ലോക്കൽ നെറ്റ്‌വർക്ക് ഓപ്പറേറ്റർമാരാണു കെ ഫോണുമായി സഹകരിക്കുന്നത്. രണ്ട് ഐഎൽഎൽ കണക്‌ഷനും 16 എസ്എംഇ കണക്‌ഷനുകളും നൽകി. പുതിയ ഗാർഹിക കണക്‌ഷൻ എടുക്കാൻ എന്‍റെ കെ ഫോണ്‍ എന്ന മൊബൈൽ ആപ്പിലൂടെയോ കെഫോണ്‍ വെബ്സൈറ്റിലൂടെയോ രജിസ്റ്റർ ചെയ്യാം. 18005704466 എന്ന ടോൾഫ്രീ നന്പർ വഴിയും കണക്‌ഷനായി രജിസ്റ്റർ ചെയ്യാം. കെ ഫോണ്‍ പ്ലാനുകളെയും ഓഫറുകളെയുംകുറിച്ച് കൂടുതൽ അറിയുവാൻ കെ ഫോണ്‍ ഔദ്യോഗിക വെബ്സൈറ്റായ https://kfon.in/ സന്ദർശിക്കുകയോ 90616 04466 എന്ന വാട്സ്ആപ്പ് നന്പറിൽ കെ ഫോണ്‍ പ്ലാൻസ് എന്നു ടൈപ്പ് ചെയ്ത് മെസേജ് ചെയ്തോ അറിയാൻ കഴിയും.

കുരിയച്ചിറ സെന്‍റ് ജോസഫ്സ് ദേവാലയം കൂദാശ ചെയ്തു

കുരിയച്ചിറ: നവീകരിച്ച കുരിയച്ചിറ സെന്‍റ് ജോസഫ്സ് ദേവാലയത്തിന്‍റെ കൂദാശാകർമം തൃശൂർ അതിരൂപത മെത്രാപ്പോലീത്ത മാർ ആൻഡ്രൂസ് താഴത്ത് നിർവഹിച്ചു. വികാരി ഫാ. തോമസ് വടക്കൂട്ട്, സഹവികാരി ഫാ. ജിയോ വേലൂക്കാരൻ, അജപാലനസഹായി ഫാ. അക്ഷയ് കുന്നേൽ എംഎസ്ജി, ഫാ. ജോയ് അടമ്പുകുളം, ജനറൽ കണ്‍വീനർ പോൾ ആലുക്ക, നടത്തു‌കൈക്കാരൻമാരായ ഡേവിസ് കുണ്ടുകുളങ്ങര, ജോസി ചീനിക്കൽ, ആന്‍റണി ചിറമേൽ, തോമസ് എലുവത്തിങ്കൽ തുടങ്ങിയവർ ചടങ്ങുകൾക്കു നേതൃത്വം നൽകി. സ്നേഹവിരുന്നുമുണ്ടായി.

കുന്നംകുളത്തു ബസ് മറിഞ്ഞ് 15 പേർക്കു പരിക്ക്

കുന്നംകുളം: തുറക്കുളം മാർക്കറ്റിനടുത്തു സ്വകാര്യ ബസ് തോട്ടിലേക്കു മറിഞ്ഞ് 15 പേർക്കു പരിക്കേറ്റു. പാലക്കാടുനിന്നും ഗുരുവായൂരിലേക്കുവന്നിരുന്ന മയിൽവാഹനം സ്വകാര്യബസാണ് മറിഞ്ഞത്. നിയന്ത്രണംവിട്ട ബസ് വലതുഭാഗത്തെ തോട്ടിലേക്കുമറിയുകയായിരുന്നു. ബസ് തോടിന്‍റെ വലിയ ഭിത്തിയിൽ തട്ടിനിന്നതിനാൽ വൻദുരന്തം ഒഴിവായി. അപകടം കണ്ട് ഓടിയെത്തിയ നാട്ടുകാരും തുടർന്നെത്തിയ ഫയർഫോഴ്സും ചേർന്നാണ് രക്ഷാപ്രവർത്തനം നടത്തിയത്. ബസ് അമിതവേഗത്തിലായിരുന്നു എന്നു പറയുന്നു. പരിക്കേറ്റവരെ കുന്നംകുളം സർക്കാർ ആശുപത്രിയിലും മലങ്കര ആശുപത്രിയിലും പ്രവേശിപ്പിച്ചു. ആരുടെയും പരിക്ക് ഗുരുതരമല്ല. ഇന്നലെ വൈകീട്ട് അഞ്ചുമണിയോടെയായിരുന്നു അപകടം. ഏതാനും മാസംമുൻപ് മറ്റൊരു സ്വകാര്യബസും ഈ പാടത്തേക്കുതന്നെ മറിഞ്ഞിരുന്നു.

മെൽവിൻ ചൊവ്വല്ലൂർ, ‌റെൽഹിൻ കള്ളിക്കാടൻ തിരുപ്പട്ടം സ്വീകരിച്ചു

മറ്റം: ഡീക്കൻ മെൽവിൻ ചൊവ്വല്ലൂർ രാമനാഥപുരം രൂപത മെത്രാൻ മാർ പോൾ ആലപ്പാട്ടിന്‍റെ കൈവയ്പുവഴി പൗരോഹിത്യം സ്വീകരിച്ചു. ബിഷപ് മാർ പോൾ ആലപ്പാട്ടിനെയും ഡീക്കനെയും നിത്യസഹായമാതാ തീർഥകേന്ദ്രത്തിന്‍റെ അടിവാരത്തുനിന്നും ഇരുചക്രവാഹനങ്ങളുടെ അകന്പടിയോടെ സ്വീകരിച്ചു. തിരുപ്പട്ടദാനശുശ്രൂഷയിൽ വടവാതൂർ സെന്‍റ് തോമസ് അപ്പസ്തോലിക് സെമിനാരി വൈസ് റെക്ടർ ഫാ. ലിന്‍റോ കുറ്റിക്കാടൻ തിരുക്കർമങ്ങൾക്ക് ആർച്ച്ഡീക്കനായി. മോണ്‍. ജീജോ ചാലയ്ക്കൽ, ഫാ. ജോയ് ചിറ്റിലപ്പിള്ളി, ഫാ. ഫ്രാങ്കോ കവലക്കാട്ട്, ഫാ. ഷാജു ഉൗക്കൻ, ഫാ. ഡേവിസ് പനംകുളം, ഫാ. ക്രിസ്റ്റി ചിരിയങ്കണ്ടത്ത്, ഫാ. സജീവ് ഇമ്മട്ടി എന്നിവർ സഹകാർമികരായി. നിരവധി വൈദികരും സന്യസ്തരും ഇടവകജനങ്ങളും ബന്ധുമിത്രാദികളും സാക്ഷിയായി. വികാരി റവ.ഡോ. ഫ്രാൻസിസ് ആളൂർ, അസി. വികാരി ഫാ. ഫ്രാങ്കോ ചെറുതാണിക്കൽ, ട്രസ്റ്റിമാരായ സി.കെ. ജോയ്, ജോണ്‍സണ്‍ കാക്കശേരി, പി.എ. സ്റ്റീഫൻ, ജോണ്‍സണ്‍ സി. തോമസ്, തിരുപ്പട്ടസ്വീകരണ കമ്മിറ്റി അംഗങ്ങളായ സി.എൽ. ആന്‍റണി, പി.ടി. സേവി, ഇ.എഫ്. സണ്ണി, അലക്സ് ജോസ് കെ എന്നിവർ പരിപാടികൾക്കു നേതൃത്വം നൽകി. കോടന്നൂർ: ഡീക്കൻ റെൽഹിൻ കള്ളിക്കാടൻ രാമനാഥപുരം രൂപത മെത്രാൻ മാർ പോൾ ആലപ്പാട്ടിന്‍റെ കൈവയ്പുവഴി പൗരോഹിത്യം സ്വീകരിച്ചു. തുടർന്ന് നവവൈദികന്‍റെ കാർമികത്വത്തിൽ വിശുദ്ധ കുർബാന അർപ്പിച്ചു. നേരത്തേ കോടന്നൂർ സെന്‍റ് ആന്‍റണീസ് പള്ളി വികാരി ഫാ.ആന്‍റണി ആലുക്കയുടെ നേതൃത്വത്തിൽ കൈക്കാരന്മാരും വിവിധ കണ്‍വീനർമാരും ഇടവക ജനങ്ങളും ചേർന്ന് ബിഷപ് മാർ പോൾ ആലപ്പാട്ടിനെയും ഡീക്കൻ റെൽഹിനെയും കോടന്നൂർ സെന്‍ററിൽനിന്ന് മാലയിട്ട് സ്വീകരിച്ച് വാദ്യഘോഷങ്ങളുടെയും പട്ടുകുടകളുടെയും അകന്പടിയോടെ പള്ളിയിലേക്ക് ആനയിച്ചു. തിരുപ്പട്ടസ്വീകരണത്തിനുശേഷം ഫാ. ആന്‍റണി ആലുക്കയുടെ അധ്യക്ഷതയിൽ അനുമോദനയോഗം നടന്നു. ഒല്ലൂർ ഫൊറോന വികാരി ഫാ.വർഗീസ് കൂത്തൂർ ഉദ്ഘാടനം ചെയ്തു. രാമനാഥപുരം മിഷൻ രൂപതയ്ക്കു വേണ്ടി കോടന്നൂർ ഇടവകയുടെ സ്നേഹസമ്മാനമായി ഒരു ലക്ഷം രൂപയുടെ ചെക്ക് ബിഷപ്പിനു കൈമാറി.

പാവറട്ടി സെന്‍റ് ജോസഫ് തീർഥകേന്ദ്രത്തിൽ തിരുനാളിനു നാളെ കൊടിയേറും

തൃശൂർ: പ്രസിദ്ധമായ പാവറട്ടി സെന്‍റ് ജോസഫ് തീർഥകേന്ദ്രത്തിലെ വിശുദ്ധ യൗസേപ്പിതാവിന്‍റെ 149-ാം മാധ്യസ്ഥതിരുനാളിനു നാളെ കൊടിയേറും. രാവിലെ 5.30 ന്‍റെ വിശുദ്ധകുർബാനയ്ക്കുശേഷം തീർഥകേന്ദ്രം റെക്ടർ റവ.ഡോ. ആന്‍റണി ചെന്പകശേരി കൊടിയേറ്റശുശ്രൂഷ നിർവഹിക്കും. ഒൻപതുമുതൽ 11 വരെയാണ് തിരുനാളാഘോഷം. ഒൻപതിനു രാത്രി ഏഴിനു പാവറട്ടി ആശ്രമാധിപൻ ഫാ. ജോസഫ് ആലപ്പാട്ട് സിഎംഐ ദേവാലയ ദീപാലങ്കാരത്തിന്‍റെ സ്വിച്ച്ഓണ്‍ കർമം നിർവഹിക്കും. 10 നു രാവിലെ 10 നു നടക്കുന്ന നൈവേദ്യപൂജയ്ക്ക് അതിരൂപത വികാരി ജനറാൾ മോണ്‍. ജെയ്സണ്‍ കൂനംപ്ലാക്കൽ കാർമികത്വം വഹിക്കും. തുടർന്നു നേർച്ചഭക്ഷണ ആശീർവാദവും വിതരണവും ഉണ്ടായിരിക്കും. ഒന്നരലക്ഷത്തോളം പേർക്കാണ് നേർച്ചസദ്യ വിതരണംചെയ്യുക. അരി, അവിൽ നേർച്ച എന്നിവയുടെ വിതരണവും ഉണ്ടായിരിക്കും. വൈകീട്ട് 5.30 നു നടക്കുന്ന സമൂഹബലിക്കും കൂടുതുറക്കൽ ശുശ്രൂഷയ്ക്കും രാമനാഥപുരം ബിഷപ് മാർ പോൾ ആലപ്പാട്ട് മുഖ്യകാർമികനാകും. തുടർന്നു വിവിധ കുടുംബകൂട്ടായ്മകളുടെ നേതൃത്വത്തിലുള്ള വള എഴുന്നള്ളിപ്പുകൾ തീർഥകേന്ദ്രത്തിലെത്തി സമാപിക്കും. തിരുനാൾദിനമായ 11 നു പുലർച്ചെ 4.30 മുതൽ തുടർച്ചയായി ദിവ്യബലി ഉണ്ടായിരിക്കും. രാവിലെ പത്തിന് ആഘോഷമായ പാട്ടുകുർബാനയ്ക്കു ഫാ. പോൾ തേക്കാനത്ത് മുഖ്യകാർമികനാകും. വൈകീട്ട് നാലിനു ദിവ്യബലി, തിരുനാൾപ്രദക്ഷിണം. ശതോത്തരസുവർണജൂബിലി ആരംഭിക്കുന്നതിന്‍റെ ഭാഗമായി നാലിനു വൈകീട്ട് ആറിനു നടക്കുന്ന ദിവ്യബലിക്കുശേഷം ഓപ്പണ്‍ സ്റ്റേജിന്‍റെ വെഞ്ചരിപ്പും ആശീർവാദവും സംഗീതവിരുന്നും ഉണ്ടായിരിക്കും. വിവിധ കാരുണ്യപ്രവർത്തനങ്ങൾ, നിർധനരായ അഞ്ചു കുടുംബങ്ങൾക്കു ഭവനനിർമാണം എന്നിവയും തിരുനാളിന്‍റെ ഭാഗമായി സംഘടിപ്പിച്ചിട്ടുണ്ട്. പത്രസമ്മേളനത്തിൽ തീർഥകേന്ദ്രം റെക്ടർ റവ.ഡോ. ആന്‍റണി ചെന്പകശേരി, മാനേജിംഗ് ട്രസ്റ്റി ഒ.ജെ. ഷാജൻ, വിവിധ കമ്മിറ്റി കണ്‍വീനർമാരായ ജോണ്‍ ജെ. പുലിക്കോട്ടിൽ, എൻ.ജെ. ലിയോ, കെ.എ. ജോസണ്‍ എന്നിവർ പങ്കെടുത്തു.

പന്തലുകളിൽ വിരിയും ഡിജിറ്റൽ വിസ്മയം

സി.ജി. ജിജാസൽ തൃശൂർ: എല്ലാ കണ്ണുകളും പന്തലിലേക്ക്. ആരു നേടും വർണപ്പകിട്ടിൽ ഒന്നാംസ്ഥാനം. തൃശൂർ പൂരപ്പന്തലുകളുടെ നിർമാണം പുരോഗമിക്കവെ ഉയരുന്ന ചോദ്യമിതാണ്. വിശ്വപ്രസിദ്ധ പൂരത്തിനു നിറംപകരാൻ ദേവസ്വങ്ങൾ പരസ്പരം മത്സരിക്കുന്പോൾ കാണാൻ പോകുന്ന പൂരം കണ്ടറിയാമെന്നാണ് പന്തൽനിർമാതാക്കളുടെ മറുപടി. ദൃശ്യചാരുതയ്ക്ക് ഒപ്പം സുരക്ഷയ്ക്കും പ്രാധാന്യംനൽകിയാണ് പന്തലുകൾ ഉയർത്തുന്നത്. പൂരം പ്രദക്ഷിണവഴിയായ സ്വരാജ് റൗണ്ടിൽ പടിഞ്ഞാറ്, തെക്ക്, വടക്ക് ഭാഗത്തുമാത്രമാണ് പന്തൽ ഉള്ളത്. പാറമേക്കാവിനു മണികണ്ഠനാലിൽ ഒരു പന്തലേയുള്ളുവെങ്കിൽ തിരുവന്പാടിക്കു നടുവിലാലിലും നായ്ക്കനാലിലും പന്തലുകളുണ്ട്. ഡിജിറ്റൽ പന്തൽ ലോകം മാറുന്പോൾ പന്തലുകളും മാറണ്ടേയെന്നാണ് പാറമേക്കാവിന്‍റെ പന്തൽനിർമാതാവ് എടപ്പാൾ സ്വദേശി നാദം ബൈജു ചോദിക്കുന്നത്. അതുകൊണ്ടുതന്നെ മണികണ്ഠനാലിൽ ഉയരുന്ന പന്തലിൽ വർണലൈറ്റുകൾക്കുപുറമെ ഇത്തവണ ചിത്രങ്ങളും വീഡിയോകളും പ്രത്യക്ഷപ്പെടും. 108 അടി ഉയരത്തിൽ നാലു നിലകളിലായി നിർമിക്കുന്ന പന്തലിൽ ഒരുലക്ഷത്തിലധികം ഡിജിറ്റൽ ലൈറ്റുകളിലാണ് ദൃശ്യവിസ്മയം ഒരുക്കുക. പാറമേക്കാവിനുവേണ്ടി ഇത് അഞ്ചാംതവണയാണ് ബൈജു പന്തൽ ഒരുക്കുന്നത്. വീണ്ടും സെയ്തലവി ആചാരപ്രകാരം ഏറെ പ്രാധാന്യമുള്ള നടുവിലാലിലെ തിരുവന്പാടി വിഭാഗത്തിന്‍റെ പന്തലിന് ഇത്തവണ ചുക്കാൻ പിടിക്കുന്നതു ചെറുതുരുത്തി സ്വദേശി സെയ്തലവിയാണ്. തൃശൂർ പൂരത്തിനായി 16-ാം വർഷമാണ് സെയ്തലവിയും സംഘവും പന്തൽ ഒരുക്കുന്നത്. 110 അടിയോളം ഉയരത്തിൽ ഗോപുരമാതൃകയിൽ നിർമിക്കുന്ന പന്തലിൽ ഡിജിറ്റൽ ലൈറ്റുകളാൽ വർണങ്ങൾ വിസ്മയം രചിക്കുന്പോൾ പലവിധ സർപ്രൈസുകളും കണ്ടറിയാനുണ്ടാവുമെന്നു സെയ്തലവി പറഞ്ഞു. പന്തലിന്‍റെ മൂന്നുവശങ്ങളിലും ചിത്രങ്ങളും വീഡിയോകളും പ്രദർശിപ്പിക്കും. മണികണ്ഠന്‍റെ കരവിരുത് തിരുവന്പാടി വിഭാഗത്തിന്‍റെ നായ്ക്കനാൽ പന്തലിന് ഈ വർഷവും ചേറൂർ സ്വദേശി പള്ളത്ത് മണികണ്ഠനാണ് നേതൃത്വം നൽകുന്നത്. 90 അടി ഉയരത്തിൽ 32 അടി വീതിയിൽ നിർമാണം പുരോഗമിക്കുന്ന ബഹുനിലപ്പന്തൽ പൂർണമായും ഡിജിറ്റൽ സ്റ്റൈലിൽതന്നെയാണ് കാഴ്ചക്കാർക്കുമുൻപിൽ തെളിയുക. തൃശൂർ പൂരത്തിൽ ആറാംവർഷമാണ് മണികണ്ഠൻ പന്തൽ ഒരുക്കുന്നത്. ക്ഷേത്രമാതൃകയിൽ നാലുനിലകളിലായി ഉയരുന്ന പന്തലിന്‍റെ നാലുവശങ്ങളിലും വീഡിയോകളും ചിത്രങ്ങളും പ്രദർശിപ്പിക്കും. പന്തലുകളുടെ കൂട്ടത്തിൽ ചെറുതാണെങ്കിലും കാഴ്ചയിൽ നായ്ക്കനാൽ പന്തൽ മുൻപിലുണ്ടാകുമെന്നും തൊഴിലാളികളും പൂരപ്രേമികളും ഒരേസ്വരത്തിൽ അവകാശപ്പെടുന്നു. പൂരപ്രേമികളുടെ ശ്രദ്ധയ്ക്ക്... മുൻകരുതൽ എടുക്കാം, നിർജലീകരണം ഒഴിവാക്കാം തൃശൂർ: കഴിഞ്ഞ വർഷങ്ങളിൽ പൂരത്തോടനുബന്ധിച്ചു നിർജലീകരണംമൂലവും മറ്റും ആയിരത്തിലധികംപേർ ആരോഗ്യവകുപ്പിന്‍റെ പവലിയനിൽ വൈദ്യസഹായം തേടി. 250 ൽ അധികംപേർക്കു കിടത്തിചികിത്സ നൽകി. ഈ സാഹചര്യത്തിൽ മുന്നറിയിപ്പുമായി ആരോഗ്യവകുപ്പ് രംഗത്ത്. · പൂരത്തിനു രണ്ടുദിവസം മുൻപുമുതലെങ്കിലും വെള്ളം ധാ രാളമായി കുടിക്കേണ്ടതും ഭക്ഷണം ശരിയായി കഴി ക്കേണ്ടതുമാണ്. · പൂരത്തിനു വരുന്ന ദിവസം രാവിലെമുതൽ ഉപ്പിട്ട നാര ങ്ങാ വെള്ളം, കഞ്ഞിവെള്ളം ഉൾപ്പെടെ ഏഴുമുതൽ 10 ഗ്ലാസ് വരെ വെള്ളം പൂരപ്പറന്പിൽ എത്തുന്നതിനുമുൻപ് കുടിക്കേണ്ടതാണ്. · വെള്ളം എല്ലായ്പ്പോഴും കൈയിൽ കരുതേണ്ടതാണ്. · കുട, തൊപ്പി ധരിക്കണം. · ജലാംശം കൂടുതലുള്ള തണ്ണിമത്തൻപോലുള്ള പഴങ്ങൾ ധാരാളമായി കഴിക്കണം. · കഴിയുന്നതും തണലിൽ നിൽക്കണം. · മദ്യപിച്ചിട്ടുണ്ടെങ്കിൽ നിർജലീകരണം കൂടാൻ സാധ്യ ത യു ണ്ട്. · ശാരീരിക, മാനസിക ബുദ്ധിമുട്ടുകൾ തോന്നുകയാണെ ങ്കി ൽ ഉടൻതന്നെ അടുത്തുള്ള മെഡിക്കൽ ടീം ആംബു ലൻസിന്‍റെ സേവനം പ്രയോജനപ്പെടുത്തുക.

"പഴമയുടെ ബാല്യങ്ങളിലേക്ക്' അവധിക്കാല വിനോദപരിപാടി

ചൂണ്ടൽ: എൽഐജിഎച്ച്എസിൽ "പഴമയുടെ ബാല്യങ്ങളിലേക്ക്'എന്ന അവധിക്കാല വിനോദ പരിപാടിയുടെ ഉദ്ഘാടനം പഞ്ചായത്ത് പ്രസിഡന്‍റ് രേഖ സുനിൽ നിർവഹിച്ചു. ഹെഡ്മിസ്ട്രസ് സിസ്റ്റർ മരിയ ഗ്രെയ്സ് അധ്യക്ഷത വഹിച്ചു. ലോക്കൽ മാനേജർ സിസ്റ്റർ സിദ്ധി സിഎംസി ആശംസകളർപ്പിച്ചു. പിടിഎ വൈസ് പ്രസിഡന്‍റ് കെ. ആർ. ജിൻസൻ സ്വാഗതവും അധ്യാപക പ്രതിനിധി ദീപ ടീച്ചർ നന്ദിയും പറഞ്ഞു. സ്നേഹ പ്രാ ന്തി, നൂറാം കോൽ, കൊത്തംകല്ല്, കള്ളനും പോലീസും, തൂപ്പുകളി തുടങ്ങിയ പഴമയുടെ കളികളെ ഓർമിപ്പിച്ചുകൊണ്ട് എല്ലാ വിദ്യാർഥിനികളെയും ബാല്യകാലങ്ങളിലക്കു കൊണ്ടുപോകുവാൻ ക്യാന്പിലൂടെ സാധിച്ചു.

പണം തട്ടിയെടുത്ത കേസിൽ യുവാവിനെ അസ്റ്റു ചെയ്തു

പഴയന്നൂർ: പലരിൽനിന്നായി പണം തട്ടിയെടുത്ത കേസിൽ പഴയന്നൂർ സ്വദേശിയായ യുവാവിനെ പോലീസ് അറസ്റ്റ് ചെയ്തു. സ്ഥ ലം നൽകാമെന്നും ബിസിനസിൽ പങ്കാളിയാക്കാമെ ന്നും പറഞ്ഞ് വിവിധ വ്യക്തികളിൽനിന്ന് പണം തട്ടിയെടുത്തെന്നാണു പരാതി. പഴയന്നൂർ ചീരക്കുഴി കുന്നമംഗലത്ത് വീട്ടിൽ സുരേഷിനെ (തണൽ സുര -45) പോലീസ് അറസ്റ്റ് ചെയ്തു. അരക്കോടിയോളം രൂപ വിവിധ വ്യക്തികളിൽ നിന്നായി തട്ടിയെടുത്തെന്ന് പറയുന്നു. ചീരക്കുഴി ഭാഗത്ത് 15 ലക്ഷം രൂപയ്ക്ക് 10 സെന്‍റ് വാങ്ങിനൽകാമെന്ന് പറഞ്ഞാണ് വടക്കേത്തറ കളരിക്കൽ ഇന്ദിരയുടെ പക്കൽ നിന്നും പലപ്പോഴായി 1,80,000 രൂപ ഇയാൾ കൈപ്പറ്റിയത്. പിന്നീട് ഒന്നരവർഷം കഴിഞ്ഞിട്ടും സ്ഥലം വാങ്ങി നൽകാതെ ഇയാൾ കബളിപ്പിക്കുകയായിരുന്നു. തുടർന്നാണ് പരാതിക്കാരി പോ ലീസിനെ സമീപിച്ചത്. തിരുവില്വാമല സ്വദേശിനിയിൽനിന്നും ബിസിനസിൽ പങ്കാളിയാക്കാമെന്ന് പറഞ്ഞ് 27 ലക്ഷം രൂപയും തട്ടിയെടുത്തതായി പറയുന്നു. ഇത്തരത്തിൽ നിരവധിപേരെ കബളിപ്പിച്ച് 50 ലക്ഷം രൂപ ഇയാൾ തട്ടിയെടുത്തതായാണ് പൊലീസിന് ലഭിച്ച വിവരം. പരാതിക്കാർ ഏറെയും സ്ത്രീകളാണ്. വരും ദിവസങ്ങളിൽ കൂടുതൽപേർ പരാതിയുമായി രംഗത്തുവരാൻ സാധ്യതയുണ്ട്. നിലവിൽ ഏഴുപേരുടെ പരാതി ലഭിച്ചിട്ടുണ്ടെന്ന് ഇൻസ്‌പെക്ടർ കെ.എ. മുഹമ്മദ് ബഷീർ പറഞ്ഞു.

ദേവാലയങ്ങളിൽ തിരുനാൾ

വേലൂർ സെന്‍റ് ഫ്രാൻസിസ് സേവ്യർ വേലൂർ: സെന്‍റ് ഫ്രാൻസിസ് സേവ്യർ ഫൊറോന പള്ളിയിൽ വിശുദ്ധ ഫ്രാൻസിസ് സേവ്യറിന്‍റെയും റോസ പുണ്യവതിയുടെയും തിരുനാളിനു കോടിയേറി. എരുമപ്പെട്ടി ഫൊറോന വികാരി ഫാ. ജോഷി ആളൂർ കൊടിയേറ്റം നിർവഹിച്ചു. 6, 7, 8 തിയതികളിൽ തിരുനാൾ ആഘോഷിക്കും. ഇടവക വികാരി ഫാ. റാഫേൽ താണിശേരി, അസി. വികാരി ഫാ. ജിജി മാളിയേക്കൽ,തിരുനാൾ ജനറൽകൺവീനർ മറഡോണ പീറ്റർ, കൈക്കാരന്മാരായ സാബു കുറ്റിക്കാട്ട്, ഔസേഫ് വാഴപ്പിള്ളി, ബാബു ജോർജ് താണിക്കൽ, ജോസഫ് പുലിക്കോട്ടിൽ, പബ്ലിസിറ്റി കൺവീനർ ബിജു പി. ജോസ്, മറ്റു കൺവീനർമാർ എന്നിവർ നേതൃത്വം നൽകും. ചിയ്യാരം വിജയമാത ഒല്ലൂർ: വിജയമാത പള്ളിയിലെ വിജയമാതാവിന്‍റെയും വിശുദ്ധ യൗസേപ്പിതാവിന്‍റെയും സെബസ്റ്റ്യാ നോസിന്‍റെയും സംയുക്ത തിരുനാള്‍ മേയ് 10,11,12 തിയതികളില്‍ ആഘോഷിക്കും. രണ്ടിന് വൈകിട്ട് നടക്കുന്ന ദിവ്യബലിക്കുശേഷം ഫൊറോന വികാരി ഫാ. വര്‍ഗീസ് കുത്തൂര്‍ തിരുനാളിന് കൊടിയേറ്റും. ഒമ്പതിന് വൈകീട്ട് ആറിനുള്ള കുര്‍ബാനയ്ക്കുശേഷം മന്ത്രി കെ. രാജന്‍ ദീപാലങ്കാരം സ്വിച്ച് ഓണ്‍ ചെയ്യും. 10ന് വൈകീട്ട് നാലിനുള്ള ആഘോഷമായ തിരുനാള്‍ കുര്‍ബാനയ്ക്കുശേഷം കുടുതുറക്കല്‍ ശുശ്രൂഷ, വിവിധ യൂണിറ്റുകളില്‍നിന്നുള്ള അമ്പുപ്രദക്ഷിണങ്ങള്‍ രാത്രി 10ന് പള്ളിയില്‍ സമാപിക്കും.തിരുനാള്‍ ദിനമായ 11 ന് ഞായറാഴ്ച രാവിലെ 10ന് ആഘോഷമായ തിരുനാള്‍ കുര്‍ബാനക്ക് ഫാ.ജോയ് പുത്തൂര്‍ മുഖ്യകാര്‍മികത്വം വഹിക്കും. വൈകിട്ട് അഞ്ചിന് തിരുനാള്‍ പ്രദക്ഷിണം. തുടര്‍ന്ന് ഫ്യൂഷന്‍ അരങ്ങേറും. 12 ന് ഇടവകയിലെ മരിച്ചവര്‍ക്കു വേണ്ടിയള്ള തിരുക്കര്‍മങ്ങള്‍ നടക്കും. വൈകിട്ട് സംഗീതവിരുന്നും ഉണ്ടായിരിക്കും. വാര്‍ത്താസമ്മേളനത്തില്‍ വികാരി ഫാ. പ്രിന്‍സ് പൂവത്തിങ്കല്‍, ഡീക്കൻ സാന്‍റിയോ എലുവത്തിങ്കല്‍, സിംസണ്‍ പുല്ലുപറമ്പില്‍, ഫ്രിജോ പോള്‍ തട്ടില്‍, റാഫി ഇയ്യൂ, മനോജ് പാല്യേക്കര, വിപിന്‍ എരിഞ്ഞേരി എന്നിവര്‍ വാർത്താസമ്മേളനത്തിൽ പങ്കെടുത്തു. കാവീട് സെന്‍റ്് ജോസഫ്സ് ഗുരുവായൂർ: കാവീട് സെന്‍റ്് ജോസഫ്‌സ് പള്ളിയിൽ വിശുദ്ധ യൗസേപ്പിതാവിന്‍റെയും വിശുദ്ധ സെബസ്ത്യാനോസിന്‍റെയും മാർത്ത് മറിയത്തിന്‍റെയും സംയുക്ത തിരുനാൾ നാളെ മുതൽ അഞ്ചുവരെയുള്ള ദിവസങ്ങിൽ ആഘോഷിക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു. രണ്ടിന് വൈകീട്ട് വിശുദ്ധ കുർബാനയ്ക്കുശേഷം ഗുരുവായൂർ പോലീസ് എസ്എച്ച്ഒ സി. പ്രേമാനന്ദകൃഷ്ണൻ ദീപാലങ്കാരം സ്വിച്ച് ഓൺ ചെയ്യും. മൂന്നിനു രാവിലെ വിശുദ്ധ കുർബാനയ്ക്കുശേഷം കൂടുതുറക്കൽ ശുശ്രൂഷ നടക്കും. തുടർന്ന് 12 യൂണിറ്റുകളിലേക്ക് അമ്പ്, വള, ലില്ലിപ്പൂവ് എന്നിവ ആശീർവദിച്ചു നൽകും. വാദ്യമേളങ്ങളുടെ അകമ്പടിയോടെ രാത്രി പള്ളിയിൽ തിരിച്ചെത്തും. തിരുനാൾ‌ദിനമായ നാലിനു മൂന്നുനേരം വിശുദ്ധ കുർബാന. 10.30ന് നടക്കുന്ന ആഘോഷമായ കുർബാനയ്ക്ക് ഫാ. പോൾ മുട്ടത്ത് മുഖ്യകർമികനാകും. ഫാ. അജിത്ത് കൊള്ളന്നൂർ സന്ദേശം നൽകും. വൈകീട്ട് തിരുനാൾ പ്രദക്ഷിണം, വർണക്കാഴ്‌ച എന്നിവയുണ്ടാകും. സമാപന ദിവസമായ അഞ്ചിനു രാവിലെ പൂർവികർക്കായി ഓർമബലിയും വൈകീട്ട് നാടകവും ഉണ്ടാകും. വികാരി ഫാ. ഫ്രാൻസിസ് നീലങ്കാവിൽ, ജനറൽ കൺവീനർ സി.വി. ജെയ്‌സൺ, പിആർഒ എം.എഫ്. ജോയ്, ട്രസ്റ്റിമാരായ സി. ജി. റാഫേൽ, സണ്ണി ചീരൻ, നിധിൻ ചാർളി, പബ്ലിസിറ്റി കൺവീനർ ഷാജൻ ജോർജ് എന്നിവർ പത്ര‌സമ്മേളനത്തിൽ പങ്കെടുത്തു.

ക്ഷേത്രത്തിൽ ഇന്നലെ നടന്നത് 153 വിവാഹങ്ങൾ

ഗുരുവായൂർ: ക്ഷേത്രത്തിൽ അക്ഷയതൃതീയ ദിനത്തിൽ വൻ ഭക്തജനത്തിരക്ക് അനുഭവപ്പെട്ടു. ഇന്നലെ 153 വിവാഹങ്ങളും 431 ചോറൂൺ വഴിപാടും നടന്നു. വിവാഹങ്ങളും ദർശനവും സുഗമമാക്കുന്നതിന് ദേവസ്വം മുന്നൊരുക്കങ്ങൾ നടത്തിയതു ഭക്തർക്ക് ഉപകാരപ്രദമായി. പുലർച്ചെ നിർമാല്യം മുതൽത്തന്നെ ഭക്തരെ കൊടിമരംവഴി നേരിട്ട് പ്രവേശിപ്പിച്ചു. വിവാഹ ക്രമീകരണങ്ങൾക്കായി കിഴക്കേ നടപ്പുരയിൽ വൺവെ സംവിധാനം ഏർപ്പെടുത്തിയതും വിവാഹ സംഘങ്ങൾക്ക് ടോക്കൺ നൽകി ക്രമീകരണം ഒരുക്കിയതും വിവാഹങ്ങൾ സുഗമമാക്കി. ഇന്നലെ ക്ഷേത്രത്തിൽ 63.98 ലക്ഷത്തിന്‍റെ വഴിപാട് നടന്നു. ഇതിൽ 15.3 ലക്ഷത്തിന്‍റെ തുലാഭാരം വഴിപാടും 17.06 ലക്ഷത്തിന്‍റെ നെയ്‌വിളക്ക് വഴിപാടുമാണ്. വൈശാഖം തുടങ്ങിയതോടെ ദിവസവും വലിയ ഭക്ത ജനത്തിരക്കാണ് അനുഭവപ്പെടുന്നത്. ക്ഷേത്രം ഡി‌എ പ്രമോദ് കളരിക്കലിന്‍റെ നേതൃത്വത്തിൽ ക്രമീകരണങ്ങളൊരുക്കി. അക്ഷയ ത്രിതീയയുടെ ഭാഗ മായി ക്ഷേത്രം പത്തുകാരുടെ വകയായി ചുറ്റുവിളക്കും ഉണ്ടാ യി.

പുന്ന ഉത്സവത്തിൽ ആന ഇടഞ്ഞു; രണ്ടുപേർക്കു പരിക്ക്

ചാവക്കാട്: പുന്ന അയ്യപ്പ സുബ്രഹ്മണ്യ ക്ഷേത്രം ഉത്സവത്തിലേക്ക് എഴുന്നളളിപ്പിന് കൊണ്ടുവന്ന മൂന്ന് ആനകളിൽ ഒന്ന് ഇടഞ്ഞു; രണ്ടുപേർക്കു പരിക്കേറ്റു. മുതുവട്ടൂരിലെ ഓട്ടോ ഡ്രൈവര്‍ പോക്കാക്കില്ലത്ത് നിസാം (40), രണ്ടാം പാപ്പാന്‍ കാരമുക്ക് മാമ്പുള്ളി ബിജു(42) എന്നിവര്‍ക്കാണു പരിക്കേറ്റത്. ഇവരെ തൃശൂര്‍ ദയ ആശുപത്രിയില്‍ പ്രവേശിപ്പിച്ചു. ഇന്നലെ വൈകീട്ടാണ് മരുതയൂർ‌കുളങ്ങര മഹാദേവൻ എന്ന കൊമ്പൻ ഇടഞ്ഞത്. നിസാമിനെ തുമ്പിക്കൈയില്‍ കോരിയെടുത്ത് സമീപത്തെ അയിനിപ്പുള്ളി ചുള്ളിപ്പറമ്പില്‍ ജനാര്‍ദനന്‍റെ വീട്ടുപറമ്പിലേക്ക് കയറിയ ആന നിസാമിനെ നിലത്തിട്ട് വലിച്ചിഴച്ചു. ഇതിനുശേഷം പാപ്പാനെ ആന കുടഞ്ഞിട്ടു. ഇതിനിടെ ആനയെ മെരുക്കാനുള്ള ശ്രമം മറ്റു പാപ്പാന്മാര്‍ നടത്തുന്നുണ്ടായിരുന്നു. ആനപ്പുറത്തുണ്ടായിരുന്നവര്‍ ചാടിരക്ഷപ്പെട്ടു. ഇവിടെ നിര്‍ത്തിയിട്ടിരുന്ന കാറിനും ഓട്ടോറിക്ഷക്കും കേടുപറ്റിയിട്ടുണ്ട്. മറ്റ് രണ്ട് ആനകളോടൊപ്പം പുന്ന സെന്‍ററില്‍ എത്തുന്നതിന് തൊട്ടുമുമ്പാണ് ആനയിടഞ്ഞത്. ആനയെ പിന്നീട് തളച്ചു. പോലീസ് എത്തി.

വിദ്യാർഥികൾ കൈകോർത്തു; ദമയന്തിയമ്മ പുതിയ വീട്ടിലേക്ക്

തൃപ്രയാർ: മഴ പെയ്താൽ ചോർന്നൊലിക്കുന്ന, ഏതുസമയവും നിലംപൊത്താവുന്ന കൂരയിൽനിന്നും ദമയന്തി അമ്മയ്ക്ക് മോചനം. നാട്ടിക എസ്എൻ ട്രസ്റ്റ് ഹയർസെക്കൻഡറി സ്‌കൂളിലെ പാചകക്കാരി ദമയന്തി അമ്മയ്ക്കാണ് സ്കൂളിലെ എൻഎസ്എസ് വിദ്യാർഥികൾ എട്ടുലക്ഷത്തോളം രൂപ സമാഹരിച്ച് പുതിയ വീട് നിർമിച്ചുനൽകിയത്. അപ്രതീക്ഷിതമായി വീട്ടിലെത്തിയ സ്കൂൾ അധികൃതരാണ് ദമയന്തിയുടെ ദുരിതം നേരിട്ടുകണ്ടത്. ഇത് സ്കൂളിൽ അവതരിപ്പിച്ചതോടെ എൻഎസ്എസ് വിദ്യാർഥികൾ ദൗത്യം ഏറ്റെടുക്കുകയായിരുന്നു. വിവിധ ചലഞ്ചുകളിലൂടെയാണു വീടിന്‍റെ നിർമാണത്തിനുവേണ്ട എട്ടുലക്ഷം രൂപ സമാഹരിച്ചു. നിർമാണത്തിന്‍റെ വിവിധ ഘട്ടങ്ങളിൽ ഹെൽപ്പർമാരായി വിദ്യാർഥികളും ഒപ്പം കൂടി. വിദ്യാർഥികളുടെ നേതൃത്വത്തിൽ നിർമിക്കുന്ന മൂന്നാമത്തെ വീടാണിത്. ഇന്ന് വീടിന്‍റെ പാലുകാച്ചലും താക്കോൽദാനവും മന്ത്രി ഡോ. ആർ. ബിന്ദു നിർവഹിക്കുമെന്ന് സ്‌കൂൾ പ്രിൻസിപ്പൽ ജയാബിനി, ജി.എസ്.ബി മാനേജർ പി.കെ. പ്രസന്നൻ എന്നിവർ പത്ര‌സമ്മേളനത്തിൽ അറിയിച്ചു. ചേർക്കരയിൽ നടക്കുന്ന ഉദ്ഘാടനച്ചടങ്ങിൽ തളിക്കുളം ബ്ലോക്ക് പഞ്ചായത്ത് പ്രസിഡന്‍റ്് കെ.സി. പ്രസാദ് അധ്യക്ഷത വഹിക്കും. നാട്ടിക പഞ്ചായത്ത് പ്രസിഡന്‍റ് എം.ആർ. ദിനേശൻ മുഖ്യാതിഥിയാവും. ഹെഡ്മിസ്ട്രസ് മിനിജ ആർ. വിജയൻ, എൻഎസ്എസ് പ്രോഗ്രാം കോ-ഒാർഡിനേറ്റർ ശലഭ ജ്യോതിഷ്, പിടിഎ പ്രസിഡന്‍റ് പി.എസ്.പി നസീർ എന്നിവരും വാർത്താസമ്മേളനത്തിൽ പങ്കെടുത്തു.

വാഴാനി വിനോദസഞ്ചാര കേന്ദ്രത്തിൽ ഉല്ലാസത്തിന് ഇനി കുട്ടവഞ്ചിയും

പുന്നംപറമ്പ്: ദിനംപ്രതി സന്ദർശകരുടെ എണ്ണം കൂടിവരുന്ന സാഹചര്യത്തിൽ സഞ്ചാരികൾക്ക് വാ ഴാനി ഡാമിൽ കുട്ടവഞ്ചി സവാരി ഏർപ്പെടുത്തി. ഇതോടെ വാഴാനി ടൂറിസ്റ്റ് കേന്ദ്രത്തിന്‍റെ മുഖച്ചായ തന്നെ മാറുമെന്നാണ് അധികൃതരുടെ കണക്കുകൂട്ടൽ. ഡാമിന്‍റെ ഷട്ടറിനുതാഴ്ഭാഗത്ത് ഫോറസ്റ്റ് ഓഫീസിനു സമീപം ശാന്തമായ ജലപ്പരപ്പിലൂടെയുള്ള കുട്ടവഞ്ചിയാത്ര സഞ്ചാരികൾക്ക് പുത്തൻ അനുഭവമാകും. പരീഷണാടിസ്ഥാനത്തിൽവളരെ ചുരുക്കം കുട്ടവഞ്ചികളാണ് സജ്ജമാക്കിയിരിക്കുന്നത്. സുരക്ഷാ മാനദണ്ഡങ്ങൾ പാലിച്ചുകൊണ്ട് പരിചയസമ്പന്നരായ ആളുകളുടെ മേൽനോട്ടത്തിലായിരിക്കും സവാരി നടത്തുക. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാവുന്ന തരത്തിലാണ് ക്രമീകരണങ്ങൾ ഏർപ്പെടുത്തിയിരിക്കുന്നത്. കുട്ടവഞ്ചി സവാരി ആരംഭിക്കുന്നതോടെ വാഴാനിയിലേക്ക് കൂടുതൽ സഞ്ചാരികളെ ആകർഷിക്കാൻ കഴിയുമെന്നാണ് അധികൃതരുടെ കണക്കുകൂട്ടൽ. ഇത് പ്രദേശത്തെ കച്ചവട മേഖലയ്ക്കും ഗുണകരമാകും. താമസിയാതെ തന്നെ കുട്ടവഞ്ചി സവാരിയുടെ ഔദ്യോഗിക ഉദ്ഘാടനം നടക്കും. ദിവസവും ഡാമിൽ പരിശീലനവും നടക്കുന്നുണ്ട്.

ഇന്ത്യന്‍ നാഷണല്‍ കോണ്‍ഗ്രസ് ഇരിങ്ങാലക്കുട നിയോജകമണ്ഡലം നേതൃസംഗമം നടത്തി

ഇരിങ്ങാലക്കുട: തദ്ദേശ സ്വയംഭരണ സ്ഥാപങ്ങളിലേക്കുള്ള തെരഞ്ഞെടുപ്പിന് മുന്നോടിയായി ഇന്ത്യന്‍ നാഷണല്‍ കോണ്‍ഗ്രസ് ഇരിങ്ങാലക്കുട നിയോജക മണ്ഡലം നേതൃസംഗമം നടത്തി. ജില്ലാ കോണ്‍ഗ്രസ് കമ്മിറ്റി അധ്യക്ഷന്‍ അഡ്വ. ജോസഫ് ടാജറ്റ് സംഗമം ഉദ്ഘാടനം ചെയ്തു. നിയോജക മണ്ഡലത്തിന്‍റെ ചുമതല വഹിക്കുന്ന കെപിസിസി സെക്രട്ടറി സുനില്‍ അന്തിക്കാട് അധ്യക്ഷത വഹിച്ചു. കെപിസിസി മുന്‍ ജനറല്‍ സെക്രട്ടറി എം.പി. ജാക്‌സണ്‍, കെപിസിസി സെക്രട്ടറി രാജേന്ദ്രന്‍ അരങ്ങത്ത്, ജില്ലാ സെക്രട്ടറിമാരായ ആന്‍റോ പെരുമ്പിള്ളി, കെ.കെ. ശോഭനന്‍, സതീഷ് വിമലന്‍, സോണിയ ഗിരി എന്നിവര്‍ പ്രസംഗിച്ചു. ബ്ലോക്ക് കോണ്‍ഗ്രസ് പ്രസിഡന്റുമാരായ സോമന്‍ ചിറ്റേത്ത് സ്വാഗതവും, ഷാറ്റോ കുര്യന്‍ നന്ദിയും പറഞ്ഞു.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]