വൈ​ക്കം: കി​ഫ്ബി ധ​ന​സ​ഹാ​യ​ത്തോ​ടെ വീ​തി കൂ​ട്ടി ആ​ധു​നി​ക​രീ​തി​യി​ല്‍ നി​ര്‍​മി​ക്കു​ന്ന വൈ​ക്കം-​വെ​ച്ചൂ​ര്‍ റോ​ഡി​ന്‍റെ ഭൂ​മി ഏ​റ്റെ​ടു​ക്ക​ല്‍ ന​ട​പ​ടി​ക​ളു​മാ​യി ബ​ന്ധ​പ്പെ​ട്ടു​ള്ള ഹി​യ​റിം​ഗ് ന​ട​പ​ടി​ക​ള്‍ ആ​രം​ഭി​ച്ചു. റോ​ഡ് വീ​തി കൂ​ട്ടു​ന്ന​തി​ന്‍റെ ഭാ​ഗ​മാ​യി വീ​ടു​ക​ള്‍, ക​ട​ക​ള്‍ എ​ന്നി​വ പൂ​ര്‍​ണ​മാ​യും ന​ഷ്ട​പ്പെ​ടു​ന്ന​വ​ര്‍​ക്കും ഇ​തു​മൂ​ലം തൊ​ഴി​ല്‍ ന​ഷ്ട​പ്പെ​ടു​ന്ന​വ​ര്‍​ക്കും ന​ല്‍​കു​ന്ന പു​ന​ര​ധി​വാ​സ പാ​ക്കേ​ജി​ല്‍ ഉ​ള്‍​പ്പെ​ടു​ന്ന​വ​രു​ടെ 103 ഗു​ണ​ഭോ​ക്താ​ക്ക​ളു​ടെ രേ​ഖ​ക​ളാ​ണ് ഹി​യ​റിം​ഗി​ൽ പ​രി​ശോ​ധി​ക്കു​ന്ന​ത്. ഇ​ന്ന​ലെ ത​ല​യാ​ഴം പ​ഞ്ചാ​യ​ത്ത് ഹാ​ളി​ല്‍ ആ​രം​ഭി​ച്ച ഹി​യ​റിം​ഗ് ഇ​ന്നും തു​ട​രും. നാ​ളെ​യും 20നും ​വെ​ച്ചൂ​ര്‍ പ​ഞ്ചാ​യ​ത്ത് ഹാ​ളി​ലാ​ണ് ഹി​യ​റിം​ഗ് ന​ട​പ​ടി​ക​ൾ.

ഡ​പ്യൂ​ട്ടി ക​ളക്ട​ര്‍ (എ​ല്‍​എ) ജി​നു പു​ന്നൂ​സ്, കി​ഫ്ബി ഭൂ​മി ഏ​റ്റെ​ടു​ക്ക​ല്‍ സ്‌​പെ​ഷല്‍ ത​ഹ​സി​ല്‍​ദാ​ര്‍ ര​ഹന യൂ​നു​സ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള റ​വ​ന്യു ഉ​ദ്യോ​ഗ​സ്ഥ​രാ​ണ് ബ​ന്ധ​പ്പെ​ട്ട രേ​ഖ​ക​ള്‍ പ​രി​ശോ​ധി​ക്കു​ന്ന​ത്. സി.​കെ.​ആ​ശ എം​എ​ല്‍​എ ഇ​ന്ന​ല​ത്തെ ഹി​യ​റിം​ഗ് ന​ട​പ​ടി​ക​ളി​ല്‍ പ​ങ്കെ​ടു​ത്തു.

റോ​ഡ് വി​ക​സ​ന​വു​മാ​യി ബ​ന്ധ​പ്പെ​ട്ട് തോ​ട്ട​കം മു​ത​ല്‍ കൈ​പ്പു​ഴ​മു​ട്ട് വ​രെ​യു​ള്ള 12.5 കി​ലോ​മീ​റ്റ​ര്‍ റോ​ഡ് 13 മീ​റ്റ​ര്‍ വീ​തി​യി​ല്‍ നി​ര്‍​മി​ക്കു​ന്ന​തി​ന് 963 കൈ​വ​ശ​ക്കാ​രു​ടെ പ​ക്ക​ലു​ള്ള 6.13 ഹെ​ക്ട​ര്‍ ഭൂ​മി​യാ​ണ് ഏ​റ്റെ​ടു​ക്കു​ന്ന​ത്. ഇ​തു​മാ​യി ബ​ന്ധ​പ്പെ​ട്ട ജം​ഗ​മ വി​ല​നി​ര്‍​ണ​യ​മ​ട​ക്ക​മു​ള്ള ന​ട​പ​ടി​ക​ള്‍ പൂ​ര്‍​ത്തീ​ക​രി​ച്ചു ക​ഴി​ഞ്ഞ​താ​യി എം​എ​ല്‍​എ അ​റി​യി​ച്ചു.

ഭൂ​മി ഏ​റ്റെ​ടു​ക്കു​ന്ന​തി​നാ​യി 85.77 കോ​ടി രൂ​പ​യാ​ണ് കി​ഫ്ബി​യി​ൽ നി​ന്നും ല​ഭ്യ​മാ​കേ​ണ്ട​ത് . റോ​ഡ് വി​ക​സ​ന​ത്തി​ന്‍റെ ഒ​ന്നാം​ഘ​ട്ട പ​ദ്ധ​തി​യി​ല്‍​പ്പെ​ടു​ത്തി 4.02 കോ​ടി രൂ​പ ചെ​ല​വ​ഴി​ച്ചു നി​ര്‍​മാ​ണം പൂ​ര്‍​ത്തി​യാ​ക്കി​യ അ​ഞ്ചു​മ​ന പാ​ലം ക​ഴി​ഞ്ഞ മാ​സം ഗ​താ​ഗ​ത​ത്തി​ന് തു​റ​ന്നു​കൊ​ടു​ത്തി​രു​ന്നു.