അരുവിത്തുറ: അരുവിത്തുറ സെന്‍റ് ജോർജ് കോളേജ് ഇംഗ്ലീഷ് വിഭാഗത്തിന്‍റെ ആഭിമുഖ്യത്തിൽ സംഘടിപ്പിച്ചു വരുന്ന കെയർ സ്കൂൾ പദ്ധതിയുടെ നാലാം സീസണിന് തുടക്കമായി.

കോളേജിന്‍റെ സമീപ പ്രദേശത്തുള്ള സ്കൂളുകളിലെ വിദ്യാർഥികളുടെ സമഗ്ര പുരോഗതിയും വളർച്ചയും ലക്ഷ്യം വയ്ക്കുന്നതാണ് പദ്ധതി. പദ്ധതിയുടെ ഉദ്ഘാടനം കോളേജ് പ്രിൻസിപ്പൽ പ്രഫ. ഡോ. സിബി ജോസഫ് നിർവഹിച്ചു.

ചടങ്ങിൽ കോളേജ് ബർസാർ റവ. ബിജു കുന്നയ്ക്കാട്ട്, കോളേജ് വൈസ് പ്രിൻസിപ്പൽ ഡോ. ജിലു ആനി ജോൺ, മണിയംകുന്ന് സെന്‍റ് ജോസഫ് സ്കൂൾ ഹെഡ്മാസ്റ്റർ വിൻസെൻ്റ് മാത്യു, പ്രോജക്ട് കോഡിനേറ്റർ സിനി ജേക്കബ് തുടങ്ങിയവർ സംസാരിച്ചു.

പ്രശ്സ്ത കരിയർ ഗൈഡും തീക്കോയി സെൻ്റ് മേരീസ് ഹയർ സെക്കൻ്ററി സ്ക്കൂൾ അധ്യാപകനുമായ സാബു വല്ലയിൽ ക്ലാസ് നയിച്ചു. കെയർ സ്കൂൾ പ്രോഗ്രാമിലൂടി പരിശീലനം സിദ്ധിച്ച വിദാർഥികളും ചടങ്ങിൽ സംസാരിച്ചു.