കോ​ട്ട​യം: കാ​ലാ​വ​സ്ഥാ​മാ​റ്റ​ത്തി​ന്‍റെ ഫ​ല​മാ​യു​ണ്ടാ​കു​ന്ന പ്രാ​ദേ​ശി​ക മ​ഴ​യും മി​ന്ന​ല്‍ പ്ര​ള​യ​വും ജ​ല പ​രി​സ്ഥി​തി​യി​ല്‍ ഉ​ണ്ടാ​ക്കി​യ മാ​റ്റം തു​മ്പി​ക​ളു​ടെ വൈ​വി​ധ്യ​ത്തെ​യും ബാ​ധി​ച്ചി​ട്ടു​ണ്ടെ​ന്ന് എ​ട്ടാ​മ​ത്‌ മീ​ന​ച്ചി​ല്‍ തു​മ്പി സ​ര്‍വേ റി​പ്പോ​ര്‍ട്ട്‌.

27 ക​ല്ല​ന്‍തു​മ്പി​ക​ളും 21 സൂ​ചി​ത്തു​മ്പി​ക​ളും ഉ​ള്‍പ്പെ​ടെ 48 ഇ​നം തു​മ്പി​ക​ളെ സ​ര്‍വേ​യി​ല്‍ ക​ണ്ടെ​ത്താ​നാ​യി. മ​ലി​നീ​ക​ര​ണ​ത്തി​ന്‍റെ സൂ​ച​ക​മാ​യി ക​രു​തു​ന്ന ച​ങ്ങാ​തി തു​മ്പി​ക​ള്‍ മു​ന്‍വ​ര്‍ഷം ന​ഗ​ര​മാ​ലി​ന്യം ഒ​ഴു​കി​യെ​ത്തു​ന്ന ഈ​രാ​റ്റു​പേ​ട്ട, പാ​ലാ, കോ​ട്ട​യം എ​ന്നി​വി​ട​ങ്ങ​ളി​ല്‍ ധാ​രാ​ളം ഉ​ണ്ടാ​യി​രു​ന്നു​വെ​ങ്കി​ല്‍ ഇ​ത്ത​വ​ണ, പാ​ലാ​യി​ലേ​ക്കാ​ള്‍ മ​ഴ കു​റ​വാ​യി​ട്ടു​ണ്ടാ​യ കോ​ട്ട​യം ന​ഗ​ര​ത്തി​ലും പ്രാ​ന്ത​പ്ര​ദേ​ശ​ങ്ങ​ളി​ലും മാ​ത്ര​മാ​ണ് ഇ​വ​യു​ടെ സാ​ന്നി​ധ്യം ക​ണ്ടെ​ത്തി​യ​ത്‌.

മീ​ന​ച്ചി​ലാ​റി​ന്‍റെ തു​ട​ക്ക​ഭാ​ഗ​ത്ത്‌, ശു​ദ്ധ​ജ​ല സൂ​ച​ക​മാ​യ നീ​ര്‍മാ​ണി​ക്യ​നും, മ​ധ്യ​ഭാ​ഗ​ത്തും പ​ത​ന​ഭാ​ഗ​ത്തും സ്വാ​മി തു​മ്പി​യും കൂ​ടു​ത​ലാ​യി കാ​ണ​പ്പെ​ട്ടു. മ​ല​രി​ക്ക​ലും ത​ണ​ലോ​ര​ത്തു​മാ​ണ് ഏ​റ്റ​വു​മ​ധി​കം ഇ​നം തു​മ്പി​ക​ളെ കാ​ണാ​നാ​യ​ത്‌. കേ​ര​ള വ​നം വ​കു​പ്പ്‌ സാ​മൂ​ഹ്യ വ​ന​വ​ത്ക​ര​ണ വി​ഭാ​ഗ​വും ട്രോ​പ്പി​ക്ക​ല്‍ ഇ​ൻ​സ്റ്റി​റ്റ്യൂ​ട്ട് ഓ​ഫ്‌ ഇ​ക്കോ​ള​ജി​ക്ക​ല്‍ സ​യ​ന്‍സും 2012 മു​ത​ല്‍ എ​ല്ലാ വ​ര്‍ഷ​വും ന​ട​ത്തി വ​രു​ന്ന സ​ര്‍വേ​യി​ല്‍ 2021- 54 ഇ​ന​ങ്ങ​ളും 2022-ല്‍ 45 ​ഇ​ന​ങ്ങ​ളും തു​മ്പി​ക​ളെ ക​ണ്ടെ​ത്തി​യി​രു​ന്നു. 18 സ്ഥാ​പ​ന​ങ്ങ​ളി​ല്‍ നി​ന്നാ​യി എ​ഴു​പ​തോ​ളം വി​ദ്യാ​ര്‍ഥി​ക​ളാ​ണ് വി​ദ​ഗ്ധരോ​ടൊ​പ്പം സ​ര്‍വേ​യി​ല്‍ പ​ങ്കെ​ടു​ത്ത​ത്‌.

കൊ​തു​ക്‌ നി​ര്‍മാ​ര്‍ജ​നത്തി​ന്‌ ഏ​റ്റ​വും ഉ​പ​ക​രി​ക്കു​ന്ന​വ​യും ജ​ല​പ​രി​സ്ഥി​തി​യു​ടെ സൂ​ച​ക​ങ്ങ​ളു​മാ​യ തു​മ്പി​ക​ളെ പു​തു ത​ല​മു​റ​യെ പ​രി​ച​യ​പ്പെ​ടു​ത്തേ​ണ്ട​ത്‌ അ​നി​വാ​ര്യ​മാ​ണെ​ന്ന്‌ സ​ര്‍വേ കോ - ​ഓ​ര്‍ഡി​നേ​റ്റ​ര്‍ ഡോ. ​ഏ​ബ്ര​ഹാം സാ​മു​വ​ല്‍ കെ. ​പ​റ​ഞ്ഞു. ഡോ. ​പു​ന്ന​ന്‍ കു​ര്യ​ന്‍ വേ​ങ്ക​ട​ത്ത്‌, ഡോ. ​നെ​ല്‍സ​ണ്‍ പി. ​ഏ​ബ്ര​ഹാം, എം.​എ​ന്‍. അ​ജ​യ​കു​മാ​ര്‍ , ശ​ര​ത്‌ ബാ​ബു എ​ന്‍., അ​നൂ​പാ മാ​ത്യൂ​സ്‌, ഷി​ബി മോ​സ​സ്‌, അ​മൃ​താ വി. ​ര​ഘു, ര​ഞ്ജി​ത്ത്‌ ജേ​ക്ക​ബ്‌, ക്രി​സ്റ്റ​ഫ​ര്‍ ജോ​ണ്‍ ഐ​സ​ക്‌, മ​ഞ്ജു മേ​രി ചെ​റി​യാ​ന്‍ എ​ന്നി​വ​ര്‍ നേ​തൃ​ത്വം കൊ​ടു​ത്തു.