ച​ങ്ങ​നാ​ശേ​രി: മാ​ട​പ്പ​ള്ളി പൊ​ന്‍​പു​ഴ​യി​ല്‍ ഭ​ര്‍​ത്താ​വ് ര​ണ്ടാം ഭാ​ര്യ​യു​ടെ ക​ഴു​ത്തി​ല്‍ ഷാള്‍ മു​റു​ക്കി കൊ​ല​പ്പെ​ടു​ത്തി. മാ​ട​പ്പ​ള്ളി പൊ​ന്‍​പു​ഴ അ​റ​യ്ക്ക​ല്‍ സി​ജി(33)​യാ​ണ് കൊ​ല്ല​പ്പെ​ട്ട​ത്. സി​ജി​യു​ടെ ഭ​ര്‍​ത്താ​വ് അ​റ​യ്ക്ക​ല്‍ സ​നീ​ഷ് ജോ​സ​ഫ്(38)​നെ പോലീസ് കസ്റ്റഡിയിലെടുത്തു.

ഇ​ന്ന​ലെ വൈ​കു​ന്നേ​രം ആ​റ​ര​യോ​ടെ​യാ​ണ് സം​ഭ​വം. ഇ​വ​രു​ടെ വീ​ടി​നു സ​മീ​പ​ത്തു​ള്ള ഇ​ട​വ​ഴി​ല്‍ ബ​ഹ​ളം കേ​ട്ട നാ​ട്ടു​കാ​ര്‍ ഓ​ടി​യെ​ത്തി​യ​പ്പോ​ഴാ​ണ് സി​ജി​യെ ച​ല​ന​മ​റ്റ നി​ല​യി​ല്‍ ക​ണ്ടെ​ത്തി​യ​ത്. നാ​ട്ടു​കാ​ര്‍ വി​വ​രം അ​റി​യി​ച്ച​തു​പ്ര​കാ​രം തൃ​ക്കൊ​ടി​ത്താ​നം പോ​ലീ​സ് സ്ഥ​ല​ത്തെ​ത്തി മൃ​ത​ദേ​ഹം സം​ഭ​വ​സ്ഥ​ല​ത്തു​നി​ന്നു നീ​ക്കി.

ആ​ദ്യ​ഭാ​ര്യ നേ​ര​ത്തെ സ​നീ​ഷു​മാ​യു​ള്ള ബ​ന്ധം ഉ​പേ​ക്ഷി​ച്ചു​പോ​യി​രു​ന്നു. തു​ട​ര്‍​ന്നാ​ണ് സ​നീ​ഷ് മാ​മ്മൂ​ട് മാ​ന്നി​ല സ്വ​ദേ​ശി​യാ​യ സി​ജി​യെ വി​വാ​ഹം ചെ​യ്ത​ത്. ഇ​രു​വ​രും ശാ​ന്തീ​പു​ര​ത്ത് വാ​ട​ക വീ​ട്ടി​ല്‍ താ​മ​സി​ച്ചു വ​രു​ന്ന​തി​നി​ടെ വ​ഴ​ക്കു​ണ്ടാ​കു​ക​യും സി​ജി​യു​ടെ മു​ഖ​ത്ത് ആ​സി​ഡ് ഒ​ഴി​ച്ച് പ​രി​ക്കേ​ൽ​പ്പി​ച്ച കേ​സി​ൽ സ​നീ​ഷ് ജ​യി​ലി​ൽ ആ​കു​ക​യും ചെ​യ്തി​രു​ന്ന​താ​യും പി​ന്നീ​ട് ഇ​രു​വ​രും പി​ണ​ങ്ങി ക​ഴി​യു​ക​യു​മാ​യി​രു​ന്ന​താ​യി പോ​ലീ​സ് പ​റ​ഞ്ഞു. മാ​താ​പി​താ​ക്ക​ള്‍ വാ​ട​കയ്​ക്കു താ​മ​സി​ക്കു​ന്ന മോ​സ്‌​കോ​യ്ക്ക​ടു​ത്ത് പൊ​ന്‍​പു​ഴ​യി​ലു​ള്ള വാ​ട​ക​വീ​ട്ടി​ലാ​ണ് കു​റ​ച്ചു​നാ​ളാ​യി സ​നീ​ഷ് താ​മ​സി​ക്കു​ന്ന​ത്.

ഇ​ന്ന​ലെ ഈ ​വീ​ട്ടി​ലേ​ക്കു വ​രു​ന്ന​തി​നി​ടെ ആ​ള്‍​ത്താ​മ​സം കു​റ​ഞ്ഞ ഇ​ട​വ​ഴി​യി​ല്‍​വ​ച്ച് സ​നീ​ഷും സി​ജി​യും ത​മ്മി​ല്‍ ത​ര്‍​ക്കം ഉ​ണ്ടാ​കു​ക​യും സി​ജി​യു​ടെ ക​ഴു​ത്തി​ല്‍ ഷാ​ള്‍ മു​റു​ക്കി കൊ​ല​പ്പെ​ടു​ത്തി​യ​ശേ​ഷം ര​ക്ഷ​പ്പെ​ട്ട സ​നീ​ഷി​നെ പോ​ലീ​സ് പി​ന്നീ​ട് തെ​ങ്ങ​ണ​യി​ൽ​നി​ന്ന് ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു.

കൊ​ല്ല​പ്പെ​ട്ട സി​ജി ച​ങ്ങ​നാ​ശേ​രി​യി​ലെ ഒ​രു തു​ണി​ക്ക​ട​യി​ൽ​ ജോ​ലി ചെ​യ്തുവ​രി​ക​യാ​യി​രു​ന്നു. ഇ​വ​ർ​ക്ക് നാ​ല് വ​യ​സു​ള്ള ഒ​രു പെ​ൺ​കു​ട്ടി​യു​ണ്ട്.