ച​ങ്ങ​നാ​ശേ​രി: മാ​ട​പ്പ​ള്ളി ഗ്രാ​മ​പ​ഞ്ചാ​യ​ത്ത് അ​ഞ്ചാം വാ​ര്‍ഡി​ല്‍പ്പെ​ട്ട മാ​ന്നി​ല​ക്കു​ന്നി​ല്‍ ജ​ല്‍ജീ​വ​ന്‍ പ​ദ്ധ​തി ന​ട​പ്പാ​ക്കാ​ന്‍ വൈ​മ​ന​സ്യം കാ​ട്ടു​ന്ന വാ​ട്ട​ര്‍ അ​ഥോ​റി​റ്റി അ​ധി​കൃ​ത​രു​ടെ നി​ല​പാ​ടി​ല്‍ പ്ര​തി​ഷേ​ധി​ച്ച് മാ​ന്നി​ല നി​വാ​സി​ക​ള്‍ പ​ഞ്ചാ​യ​ത്തം​ഗ​ങ്ങ​ളു​ടെ നേ​തൃ​ത്വ​ത്തി​ല്‍ ചെ​റു​ക​ര​ക്കു​ന്നി​ലെ ഓ​ഫീ​സി​ലെ​ത്തി അ​സി​സ്റ്റ​ന്‍റ് എ​ന്‍ജി​നി​യ​റെ ഉ​പ​രോ​ധി​ച്ചു.

പ​ദ്ധ​തി​ക്ക് പൈ​പ്പ് സ്ഥാ​പി​ക്കു​ന്ന​തി​നാ​യി കു​ഴി​ച്ച റോ​ഡു​ക​ള്‍ പൂ​ര്‍വ​സ്ഥി​തി​യി​ലാ​ക്കാ​ത്ത​തു​മൂ​ലം വി​വി​ധ റോ​ഡു​ക​ളി​ലൂ​ടെ​യു​ള്ള യാ​ത്ര ദു​ഷ്‌​ക​ര​മാ​കു​ന്ന​തി​രേ​യു​മാ​ണ് മാ​ട​പ്പ​ള്ളി പ​ഞ്ചാ​യ​ത്ത് ജ​ന​പ്ര​തി​നി​ധി​ക​ളു​ടെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ല്‍ ഉ​പ​രോ​ധ സ​മ​രം ന​ട​ത്തി​യ​ത്.

ഇ​ഞ്ച​ക്കു​ഴി ത​കി​ടി​യി​ലെ ടാ​ങ്കി​ല്‍നി​ന്നു​ള്ള വെ​ള്ളം മാ​ന്നി​ല​ക്കു​ന്നി​ല്‍ പ​മ്പ് ചെ​യ്ത് എ​ത്തി​ക്കാ​നാ​വി​ല്ലെ​ന്ന കാ​ര​ണം പ​റ​ഞ്ഞാ​ണ് ക​രാ​റു​കാ​ര​നും ഉ​ദ്യോ​ഗ​സ്ഥ​രും​ചേ​ര്‍ന്ന് ജ​ല്‍ജീ​വ​ന്‍ പ​ദ്ധ​തി അ​ട്ടി​മ​റി​ക്കാ​ന്‍ നീ​ക്കം ന​ട​ത്തു​ന്ന​തെ​ന്ന് ഉ​പ​രോ​ധ സ​മ​രം ഉ​ദ്ഘാ​ട​നം ചെ​യ്ത പ​ഞ്ചാ​യ​ത്തം​ഗം ജി​ന്‍സ​ണ്‍ മാ​ത്യു പ​റ​ഞ്ഞു.

പ​ഞ്ചാ​യ​ത്തം​ഗ​ങ്ങ​ളാ​യ സെ​ലീ​നാ​മ്മ തോ​മ​സ്, കൊ​ച്ചു​മോ​ള്‍ സാ​ജ​ന്‍, സി​നി വ​ര്‍ഗീ​സ്, സ​മ​ര​സ​മി​തി ഭാ​ര​വാ​ഹി​ക​ളാ​യ ഷി​ബു പ​ള്ളി​ക്കു​ന്നേ​ല്‍, ഭാ​സു​ര ദേ​വി, സിം​സ​ണ്‍ വേ​ഷ്ണാ​ല്‍, പി.​എ​ച്ച്. അ​ഷ​റ​ഫ്, ജോ​സി ച​ക്കാ​ല, ശ്യാം ​സാം​സ​ണ്‍, എം.​എ. സ​ജാ​ദ്, റൗ​ഫ് റ​ഹീം, ബി​ബി​ന്‍ ജോ​സ​ഫ് എ​ന്നി​വ​ര്‍ പ്ര​സം​ഗി​ച്ചു.