ച​ങ്ങ​നാ​ശേ​രി: കു​ട്ട​നാ​ട്ടി​ലെ നെ​ല്‍ക​ര്‍ഷ​ക​ര്‍ കാ​ലാ​കാ​ല​ങ്ങ​ളാ​യി അ​നു​ഭ​വി​ക്കു​ന്ന കാ​ര്‍ഷി​ക പ്ര​തി​സ​ന്ധി​ക​ള്‍ക്ക് അ​ടി​യ​ന്ത​ര​മാ​യി പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് കൊ​ടി​ക്കു​ന്നി​ല്‍ സു​രേ​ഷ് എം​പി​യു​ടെ നേ​തൃ​ത്വ​ത്തി​ല്‍ ഇ​ന്നു മു​ത​ല്‍ ന​വം​ബ​ര്‍ 30 വ​രെ ത്രി​ദി​ന ഉ​പ​വാ​സ സ​ത്യ​ഗ്ര​ഹം ന​ട​ത്തും. കു​ട്ട​നാ​ട് താ​ലൂ​ക്കി​ന്‍റെ ആ​സ്ഥാ​ന​മാ​യ മ​ങ്കൊ​മ്പി​ലാ​ണ് ഉ​പ​വാ​സ സ​മ​രം ന​ട​ക്കു​ന്ന​ത്.

ന​വ​കേ​ര​ള സ​ദ​സു​മാ​യി മു​ഖ്യ​മ​ന്ത്രി​യും മ​ന്ത്രി​മാ​രും ഉ​ദ്യോ​ഗ​സ്ഥ​രും കൂ​ട്ട​ത്തോ​ടെ കു​ട്ട​നാ​ട്ടി​ലെ​ത്തു​മ്പോ​ള്‍ ക​ര്‍ഷ​ക ആ​ത്മ​ഹ​ത്യ​യി​ലും ജ​പ്തി ന​ട​പ​ടി​ക​ളി​ലും പെ​ട്ടു ക​ഷ്ട​ത അ​നു​ഭ​വി​ക്കു​ന്ന കൃ​ഷി​ക്കാ​രു​ടെ പ്ര​ശ്‌​ന​ങ്ങ​ള്‍ക്കു പ​രി​ഹാ​രം കാ​ണു​ന്ന​തി​നു​വേ​ണ്ടി​യാ​ണ് സ​ത്യ​ഗ്ര​ഹം അ​നു​ഷ്ഠി​ക്കു​ന്ന​തെ​ന്ന് കൊ​ടി​ക്കു​ന്നി​ല്‍ സു​രേ​ഷ് എം​പി പ​റ​ഞ്ഞു.

ഉ​പ​വാ​സ സ​മ​ര​ത്തി​ല്‍ ഉ​ന്ന​യി​ക്കു​ന്ന വി​ഷ​യ​ങ്ങ​ള്‍

*സ​പ്ലൈ​കോ ക​ര്‍ഷ​ക​രു​ടെ നെ​ല്ല് സം​ഭ​രി​ച്ച​തി​ന് ശേ​ഷം അ​തി​ന്‍റെ വി​ല ബാ​ങ്ക് വാ​യ്പ്പ​യാ​യി ന​ല്‍കു​ന്ന പിആ​ര്‍എ​സ് (പാ​ഡി റെ​സീ​പ​റ്റ് ഷീ​റ്റ്) വാ​യ്പാ പ​ദ്ധ​തി പി​ന്‍വ​ലി​ച്ചു 15 ദി​വ​സ​ത്തി​ന​കം കൃ​ഷി​ക്കാ​രു​ടെ അ​ക്കൗ​ണ്ടി​ല്‍ സ​ര്‍ക്കാ​ര്‍ നേ​രി​ട്ട് നെ​ല്ലി​ന്‍റെ വി​ല ന​ല്‍കു​ന്ന സ​മ്പ്ര​ദാ​യം പ്രാ​ബ​ല്യ​ത്തി​ലാ​ക്ക​ണം.

*ജീ​വ​നൊ​ടു​ക്കി​യ നെ​ല്‍ക​ര്‍ഷ​ക​രാ​യ അ​മ്പ​ല​പ്പു​ഴ വ​ണ്ടാ​നം സ്വ​ദേ​ശി കെ.​ആ​ര്‍ രാ​ജ​പ്പ​ന്‍, ത​ക​ഴി സ്വ​ദേ​ശി കെ.​ജി പ്ര​സാ​ദ് എ​ന്നീ നെ​ല്‍ക്ക​ര്‍ഷ​ക​രു​ടെ കു​ടും​ബ​ത്തി​ന് സ​ര്‍ക്കാ​ര്‍ സ​ഹാ​യം അ​നു​വ​ദി​ക്ക​ണം.

*ഇ​നി ഒ​രു ക​ര്‍ഷ​ക​നും പി ​ആ​ര്‍ എ​സ് വാ​യ്പ മൂ​ലം ആ​ത്മ​ഹ​ത്യ ചെ​യ്യു​ന്ന സാ​ഹ​ച​ര്യം ഉ​ണ്ടാ​കാ​ന്‍ പാ​ടി​ല്ല.

*നെ​ല്‍ക​ര്‍ഷ​ക​രു​ടെ കൈ​കാ​ര്യച്ചെ​ല​വ് വ​ര്‍ധി​പ്പി​ക്ക​ണം.

*2000 കി​ലോ നെ​ല്ല് മാ​ത്ര​മേ ക​ര്‍ഷ​ക​രി​ല്‍നി​ന്നും സി​വി​ല്‍ സ​പ്ലൈ​സ് കോ​ര്‍പ​റേ​ഷ​ന്‍ സം​ഭ​രി​ക്കു​ക​യു​ള്ളൂ​വെ​ന്നും അ​തി​നു മു​ക​ളി​ലു​ണ്ടെ​ങ്കി​ല്‍ അ​തു കൃ​ഷി​ക്കാ​ര്‍ത്ത​ന്നെ വി​ല്‍ക്ക​ണം എ​ന്നു​മുള്ള തീ​രു​മാ​നം ഉ​ട​ന​ടി പി​ന്‍വ​ലി​ക്ക​ണം.

*മ​ടവീ​ഴ്ച​മൂ​ലം ബ​ണ്ടു​ക​ള്‍ ത​ക​ര്‍ന്ന പാ​ട​ശേ​ഖ​ര​ങ്ങ​ളു​ടെ മ​ട​കു​ത്തി പൂ​ര്‍വ​സ്ഥി​തി​യി​ലാ​ക്കി​യ വ​ക​യി​ല്‍ ക​ര്‍ഷ​ക​ര്‍ക്ക് ല​ഭി​ക്കാ​നു​ള്ള ല​ക്ഷ​ക്ക​ണ​ക്കി​ന് രൂ​പ എ​ത്ര​യും പെ​ട്ടെ​ന്ന് ല​ഭ്യ​മാ​ക്ക​ണം.
ഈ​ര്‍പ്പ​ത്തി​ന്‍റെ പേ​രി​ല്‍ അ​ഞ്ചു കി​ലോ മു​ത​ല്‍ 15 കി​ലോ വ​രെ കി​ഴി​വ് ആ​വി​ശ്യ​പ്പെ​ട്ട് സ്വ​കാ​ര്യ മി​ല്ലു​കാ​രു​ടെ ഏ​ജ​ന്‍റു​മാ​ര്‍ ക​ര്‍ഷ​ക​രെ ചൂ​ഷ​ണം ചെ​യ്യു​ന്ന​ത് അ​വ​സാ​നി​പ്പി​ക്ക​ണം.

*കൃ​ഷി​ക്കാ​ര്‍ക്ക് പ​മ്പിം​ഗ് സ​ബ്‌​സി​ഡി കു​ടി​ശി​ക തു​ക ഉ​ട​നെ ന​ല്‍ക​ണം. ര​ണ്ടാം കൃ​ഷി​ക്കു​ള്ള വി​ത്തു​ക​ള്‍ വേ​ഗ​ത്തി​ല്‍ ല​ഭ്യ​മാ​ക്കാ​ന്‍ കൃ​ഷി​വ​കു​പ്പ് സ​ത്വ​ര ന​ട​പ​ടി സ്വീ​ക​രി​ക്ക​ണം.