കോട്ടയം: അരുവിത്തുറ സെന്‍റ് ജോർജസ് കോളജിൽ വനിതാ സെല്ലിന്‍റെയും സ്വജീവിനി വനിതാ നൈപുണ്യ പരിശീലനപരിപാടിയുടെയും പ്രവർത്തനോദ്ഘാടനം അറുപത്തിമൂന്നാം വയസിൽ ഭരതനാട്യത്തിൽ അരങ്ങേറ്റം കുറിച്ച് ശ്രദ്ധനേടിയ കോളജിലെ പൂർവ അധ്യാപികയും പാലാ മുൻ മുനിസിപ്പൽ ചെയർപേഴ്സണുമായിരുന്ന ഡോ. സെലിൻ റോയി നിർവഹിച്ചു.

ഡോ സെലിൻ റോയിക്ക് കോളേജിന്‍റെ സ്നേഹോപഹാരം കോളജ് മാനേജർ റവ.ഡോ അഗസ്റ്റ്യൻ പാലക്കാപറമ്പിൽ സമ്മാനിച്ചു.

ചടങ്ങിൽ കോളജ് പ്രിൻസിപ്പൽ ഡോ. സിബി ജോസഫ് , കോളജ് ബർസാറും കോഴ്സ് കോ-ഓർഡിനേറ്ററുമായ ഫാ.ബിജു കുന്നക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, വനിതാസെൽ കോ-ഓർഡിനേറ്റർമാരായ തേജി ജോർജ്, നാൻസി വി. ജോർജ്, ഡോ അനു തോമസ്, ജൂലി ജോൺ തുടങ്ങിയവർ പ്രസംഗിച്ചു.

വനിതാ സെല്ലിന്‍റെ ആഭിമുഖ്യത്തിൽ സംഘടിപ്പിക്കുന്ന സ്വജീവിനി നൈപുണ്യ പരിശീലന പരിപാടിയിലൂടെ നൃത്തം, പുഷ്പാലങ്കാരം വസ്ത്ര രൂപകൽപന, കേശാലങ്കാരം, അവതാരക പരിശീലനം തുടങ്ങി വിവിധ ഇനങ്ങളിലാണ് പരിശീലനം നൽകുന്നത്.