പാര്‍ക്കിംഗിനെ ചൊല്ലി തര്‍ക്കം യുവാക്കളെ കൊലപ്പെടുത്താന്‍ ശ്രമിച്ച കേസില്‍ സഹോദരങ്ങള്‍ അറസ്റ്റില്‍
1338983
Thursday, September 28, 2023 2:47 AM IST
കോട്ടയം: പാര്‍ക്കിംഗിനെ ചൊല്ലിയുണ്ടായ തര്‍ക്കവുമായി ബന്ധപ്പെട്ട് യുവാക്കളെ വെട്ടിക്കൊലപ്പെടുത്താന് ശ്രമിച്ച കേസില്‍ സഹോദരങ്ങളെ പോലീസ് അറസ്റ്റ് ചെയ്തു.
മുട്ടമ്പലം ചില്‍ഡ്രന്‍സ് പാര്‍ക്കിന് സമീപം വാടകയ്ക്ക് താമസിക്കുന്ന ചെങ്ങളം സൗത്ത് വടശേരില്‍ അരുണ്‍ സക്കറിയ (31), ഇയാളുടെ സഹോദരന്‍ ബ്രിജിത്ത് സക്കറിയ (35) എന്നിവരെയാണ് കോട്ടയം ഈസ്റ്റ് പോലീസ് അറസ്റ്റ് ചെയ്തത്.
ഇരുവരും ചേര്‍ന്ന് കഴിഞ്ഞദിവസം ഉച്ചയ്ക്ക് 12.30നു പുതുപ്പള്ളി ഏറികാട് ഭാഗത്തുള്ള യുവാവിനെയും സുഹൃത്തുക്കളെയും വെട്ടിക്കൊലപ്പെടുത്താന് ശ്രമിക്കുകയായിരുന്നു.
ഇവര്‍ വാടകയ്ക്ക് താമസിക്കുന്ന കോട്ടയം കളക്ടറേറ്റിന് അടുത്തുള്ള ചില്‍ഡ്രന്‍സ് പാര്‍ക്കിന് സമീപത്തെ വീടിനു മുന്‍വശത്തായി യുവാക്കള്‍ വെല്‍ഡിംഗ് ആവശ്യങ്ങള്‍ക്കായി വന്ന വാഹനം പാർക്ക് ചെയ്തതിനെയും ഇരുമ്പ് സ്‌ക്വയര്‍ പൈപ്പുകൾ ഇറക്കിയതിനെയും ചൊല്ലി വാക്കുതര്‍ക്കമുണ്ടായതിനെത്തുടര്‍ന്നാണ് കൊലപ്പെടുത്താന്‍ ശ്രമിച്ചത്.
അരുണ്‍ സക്കറിയക്ക് കുമരകം, കോട്ടയം ഈസ്റ്റ്, ഗാന്ധിനഗര്‍ എന്നീ സ്റ്റേഷനുകളില്‍ ക്രിമിനല്‍ കേസുണ്ട്.