എ​രു​മേ​ലി: വി​ല​യി​ടി​വും പ്ര​കൃ​തി​ക്ഷോ​ഭ​ങ്ങ​ളും വ​ന്യ​മൃ​ഗ​ശ​ല്യ​ങ്ങ​ളും മൂലം ക​ർ​ഷ​ക​ർ പ്ര​തി​സ​ന്ധി​ക​ളി​ലാ​ണ്. ക​ർ​ഷ​ക​രെ വ​ല​ച്ചു​കൊ​ണ്ടി​രി​ക്കു​ന്ന ഈ ​പ്ര​തി​സ​ന്ധി​ക​ളി​ൽ ആ​ശ്വാ​സം പ​ക​രു​ന്ന ഇ​ൻ​ഷ്വ​റ​ൻ​സ് പ​ദ്ധ​തി​യി​ൽ ഇ​പ്പോ​ൾ അം​ഗ​ങ്ങ​ളാ​കാ​ൻ അ​വ​സ​ര​മാ​യെ​ന്നു കൃ​ഷി വ​കു​പ്പ്. അ​പേ​ക്ഷ ന​ൽ​കേ​ണ്ട അ​വ​സാ​ന തീ​യ​തി 30 ആ​ണ്.

കേ​ന്ദ്രാ​വി​ഷ്കൃ​ത പ​ദ്ധ​തി

കേ​ന്ദ്രാ​വി​ഷ്കൃ​ത വി​ള ഇ​ൻ​ഷ്വറ​ൻ​സ് പ​ദ്ധ​തി​യി​ലാ​ണ് അം​ഗ​ങ്ങ​ൾ ആ​കാ​ൻ അ​വ​സ​രം. കാ​ലാ​വ​സ്ഥാ​ധി​ഷ്ഠി​ത​മാ​യ ഈ ​പ​ദ്ധ​തി​യി​ൽ നെ​ല്ല്, വാ​ഴ, ക​മു​ക്, കു​രു​മു​ള​ക്, മ​ഞ്ഞ​ൾ, ജാ​തി, കൊ​ക്കോ, വെ​റ്റി​ല, ഏ​ലം, ഗ്രാ​മ്പൂ, തെ​ങ്ങ്, ഇ​ഞ്ചി, മാ​വ്, പൈ​നാ​പ്പി​ൾ, ക​ശു​മാ​വ്, റ​ബ​ർ, എ​ള്ള്, മ​ര​ച്ചീ​നി, തേ​യി​ല, കി​ഴ​ങ്ങു​വ​ർ​ഗ​ങ്ങ​ൾ (ചേ​മ്പ്, ചേ​ന, കാ​ച്ചി​ൽ, ന​ന കി​ഴ​ങ്ങ്, മ​ധു​ര​ക്കി​ഴ​ങ്ങ്), പ​യ​ർ​വ​ർ​ഗ​ങ്ങ​ൾ (ഉ​ഴു​ന്ന്, പ​യ​ർ, ചെ​റു​പ​യ​ർ, ഗ്രീ​ൻ​പീ​സ്, സോ​യാ​ബീ​ൻ), പ​ച്ച​ക്ക​റി​വി​ള​ക​ൾ (പ​ട​വ​ലം, പാ​വ​ൽ, വ​ള്ളി പ​യ​ർ, കു​മ്പ​ളം, മ​ത്ത​ൻ, വെ​ള്ള​രി, വെ​ണ്ട, പ​ച്ച​മു​ള​ക്) എ​ന്നീ വി​ള​ക​ൾ​ക്കാ​ണ് പ​രി​ര​ക്ഷ ല​ഭി​ക്കു​ക.

ന​ഷ്ട​പ​രി​ഹാ​രം

കാ​ലാ​വ​സ്ഥാ​ധി​ഷ്ഠി​ത വി​ള ഇ​ൻ​ഷ്വറ​ൻ​സി​ൽ വെ​ള്ള​പ്പൊ​ക്കം, മ​ണ്ണി​ടി​ച്ചി​ൽ, ശ​ക്ത​മാ​യ കാ​റ്റ് (വാ​ഴ, ജാ​തി, ക​മു​ക്, കു​രു​മു​ള​ക്, കൊ​ക്കോ), ഇ​ടി​മി​ന്ന​ൽ മൂ​ല​മു​ണ്ടാ​കു​ന്ന തീ​പി​ടിത്തം, മേ​ഘ​വി​സ്ഫോ​ട​നം എ​ന്നി​വ​കൊ​ണ്ടു​ണ്ടാ​കു​ന്ന വി​ള​ന​ഷ്ട​ങ്ങ​ൾ​ക്ക് വ്യ​ക്തി​ഗ​ത ഇ​ൻ​ഷ്വറ​ൻ​സ് പ​രി​ര​ക്ഷ ല​ഭ്യ​മാ​ണ്. വി​ള​യു​ടെ പ്രാ​യ​ത്തെ അ​ടി​സ്ഥാ​ന​മാ​ക്കി ജോ​യി​ന്‍റ് ക​മ്മി​റ്റി​യു​ടെ ഇ​ൻ​സ്‌​പെ​ക്ഷ​ൻ റി​പ്പോ​ർ​ട്ട്‌ പ്ര​കാ​രം ന​ഷ്ട​പ​രി​ഹാ​രം നി​ർ​ണ​യി​ക്കു​ന്നു.

ന​ഷ്ട​മു​ണ്ടാ​യി 72 മ​ണി​ക്കൂ​റി​ന​കം ക​ർ​ഷ​ക​ർ കൃ​ഷി​ഭ​വ​ൻ അ​ല്ലെ​ങ്കി​ൽ ഇ​ൻ​ഷ്വറ​ൻ​സ് ക​മ്പ​നി​യെ നേ​രി​ട്ടോ രേ​ഖാ​മൂ​ല​മോ അ​റി​യി​ക്കേ​ണ്ട​താ​ണ്. സ​ഹാ​യ​ത്തി​ന് 1800-425-7064 എ​ന്ന ടോ​ൾ ഫ്രീ ​ന​മ്പ​റി​ൽ വി​ളി​ക്കാം. കാ​ലാ​വ​സ്ഥ​യു​ടെ ഡാ​റ്റ അ​ടി​സ്ഥാ​ന​മാ​ക്കി​യു​ള്ള ന​ഷ്ട​പ​രി​ഹാ​ര​വും ക​ർ​ഷ​ക​ർ​ക്ക് ല​ഭ്യ​മാ​ണ്. അ​തി​നാ​യി ഓ​രോ വി​ജ്ഞാ​പി​ത പ്ര​ദേ​ശ​ത്തി​നും നി​ശ്ചി​ത സൂ​ച​നാ കാ​ലാ​വ​സ്ഥാ​നി​ല​യം സ​ർ​ക്കാ​ർ വി​ജ്ഞാ​പ​നം ചെ​യ്തി​ട്ടു​ണ്ട്.

ര​ജി​സ്ട്രേ​ഷ​ൻ

അ​ക്ഷ​യ കേ​ന്ദ്ര​ങ്ങ​ൾ വ​ഴി ഓ​ൺ​ലൈ​നാ​യി ര​ജി​സ്റ്റ​ർ ചെ​യ്യാം. അ​പേ​ക്ഷ പൂ​രി​പ്പി​ച്ച ശേ​ഷം നി​ശ്ചി​ത പ്രീ​മി​യം തു​ക, ആ​ധാ​റി​ന്‍റെ പ​ക​ർ​പ്പ്, നി​കു​തി ര​സീ​തി​ന്‍റെ പ​ക​ർ​പ്പ്, ബാ​ങ്ക് പാ​സ്ബു​ക്കി​ന്‍റെ പ​ക​ർ​പ്പ്, പാ​ട്ട​ത്തി​നു കൃ​ഷി ചെ​യ്യു​ന്ന​വ​രാ​ണെ​ങ്കി​ൽ പാ​ട്ട​ക്ക​രാ​റി​ന്‍റെ പ​ക​ർ​പ്പ് എ​ന്നി​വ കൂ​ടി സ​മ​ർ​പ്പി​ക്ക​ണം.