ക​ട​പ്ലാ​മ​റ്റം: ക​ട​പ്ലാ​മ​റ്റം ഗ​വ. ആ​ശു​പ​ത്രി​യി​ൽ വി​ക​സ​ന മു​ന്നേ​റ്റ​ത്തി​ന്‍റെ പ്ര​തീ​ക്ഷ ഉ​യ​ർ​ത്തി പു​തി​യ പ്ര​ഖ്യാ​പ​നം.

ര​ണ്ട​ര​ക്കോ​ടി രൂ​പ​യു​ടെ വി​ക​സ​നം ആ​ശു​പ​ത്രി​യി​ല്‍ ന​ട​പ്പി​ലാ​ക്കു​മെ​ന്നു പ​ഞ്ചാ​യ​ത്ത് പ്ര​സി​ഡ​ന്‍റ് ത്രേ​സ്യാ​മ്മ സെ​ബാ​സ്റ്റ്യ​നും ബ്ലോ​ക്ക് പ​ഞ്ചാ​യ​ത്തം​ഗം ജീ​ന സി​റി​യ​ക്കും അ​റി​യി​ച്ചു. മു​ക്കാ​ല്‍ നൂ​റ്റാ​ണ്ട് പി​ന്നി​ട്ട ആ​ശു​പ​ത്രി​ക്കു പു​തി​യ ഔ​ട്ട്‌​പേ​ഷ്യ​ന്‍റ് വി​ഭാ​ഗം എ​ത്തു​ന്ന​തോ​ടെ ആ​ശു​പ​ത്രി​യു​ടെ മു​ഖഛാ​യ​ത​ന്നെ മാ​റു​മെ​ന്നു ക​രു​തു​ന്നു. ഉ​ഴ​വൂ​ര്‍ ബ്ലോ​ക്ക് പ​ഞ്ചാ​യ​ത്തി​ന്‍റെ നി​യ​ന്ത്ര​ണ​ത്തി​ലു​ള്ള​താ​ണ് ആ​ശു​പത്രി.

പേ ​വാ​ർ​ഡ്

2021-22 വ​ര്‍​ഷ​ത്തെ സം​സ്ഥാ​ന സ​ര്‍​ക്കാ​രി​ന്‍റെ വാ​ര്‍​ഷി​ക ബ​ജ​റ്റി​ല്‍ അ​നു​വ​ദി​ച്ച തു​ക ഉ​പ​യോ​ഗി​ച്ചാ​ണ് ഒ​പി ബ്ലോ​ക്ക് നി​ര്‍​മി​ക്കു​ന്ന​ത്. ഇ​തി​നാ​യി മ​ണ്ണ് പ​രി​ശോ​ധ​ന ആ​രം​ഭി​ച്ചു. പു​തി​യ ഒ​പി ബ്ലോ​ക്കി​ന്‍റെ നി​ര്‍​മാ​ണ​ത്തി​നാ​യി പ​ഴ​യ കെ​ട്ടി​ടം പൊ​ളി​ച്ചു​മാ​റ്റ​ണം. പൊ​ളി​ച്ചു​മാ​റ്റു​ന്ന കെ​ട്ടി​ട​ത്തി​ല്‍ പ്ര​വ​ര്‍​ത്തി​ക്കു​ന്ന വി​ഭാ​ഗ​ങ്ങ​ള്‍ മാ​റ്റേ​ണ്ട​തു​ണ്ട്.

ആ​ശു​പ​ത്രി​യു​ടെ വി​ക​സ​ന​ത്തി​നു ബ്ലോ​ക്ക് പ​ഞ്ചാ​യ​ത്തി​ന്‍റെ വാ​ര്‍​ഷി​ക പ​ദ്ധ​തി​യി​ല്‍ 90 ല​ക്ഷം രൂ​പ​യു​ടെ വി​ക​സ​ന​മാ​ണ് ന​ട​ത്തു​ക​യെ​ന്നു ബ്ലോ​ക്ക് പ​ഞ്ചാ​യ​ത്തം​ഗം ജീ​ന സി​റി​യ​ക് പ​റ​ഞ്ഞു. സി​സി​ടി​വി കാ​മ​റ​യും ശി​ശു​സൗ​ഹൃ​ദ പ്ര​തി​രോ​ധ​ശേ​ഷി മ​രു​ന്നു​ന​ല്‍​ക​ല്‍ കേ​ന്ദ്ര​വും പു​രു​ഷ, വ​നി​താ പേ​വാ​ര്‍​ഡ് നി​ര്‍​മാ​ണ​വും ഇ​തി​ല്‍ ഉ​ൾ​പ്പെ​ടു​ത്തി​യി​ട്ടു​ണ്ട്.

ആ​റു വ​രെ ഡോ​ക്ട​ർ

രാ​ത്രി​യി​ല്‍ ഡോ​ക്ട​റു​ടെ സേ​വ​നം ഉ​റ​പ്പാ​ക്കാ​ൻ ബ്ലോ​ക്ക് പ​ഞ്ചാ​യ​ത്തും ഗ്രാ​മ​പ​ഞ്ചാ​യ​ത്തും ചേ​ര്‍​ന്നു ഫ​ണ്ട് വ​ക​യി​രു​ത്തി​യി​ട്ടു​ണ്ട്. അ​ടു​ത്ത മാ​സം മു​ത​ല്‍ രാ​വി​ലെ ഒ​ന്‍​പ​തു മു​ത​ല്‍ വൈ​കു​ന്നേ​രം ആ​റു വ​രെ ഡോ​ക്ട​റു​ടെ സേ​വ​നം ഉ​റ​പ്പാ​ക്കും. ജ​ന​റ​ല്‍ മെ​ഡി​സി​നി​ല്‍ മൂ​ന്നു ഡോ​ക്ട​ര്‍​മാ​രു​ടെ സേ​വ​നം ല​ഭ്യ​മാ​ക്കും. തി​ങ്ക​ള്‍, വ്യാ​ഴം ദി​വ​സ​ങ്ങ​ളി​ല്‍ ദ​ന്ത​ല്‍, ഫി​സി​യോ​തെ​റാ​പ്പി എ​ന്നീ വി​ഭാ​ഗ​ങ്ങ​ളി​ലും സേ​വ​നം ല​ഭി​ക്കും. എ​ല്ലാ മാ​സ​വും നാ​ലാം ശ​നി​യാ​ഴ്ച നേ​ത്ര​രോ​ഗ​വി​ഭാ​ഗം ഡോ​ക്ട​റു​ടെ സേ​വ​ന​വും ഉ​ണ്ടാ​കും.

ആ​ശു​പ​ത്രി വി​ക​സ​ന​വു​മാ​യി ബ​ന്ധ​പ്പെ​ട്ടു ന​ട​ക്കു​ന്ന പ്ര​വ​ര്‍​ത്ത​ന​ങ്ങ​ള്‍ ഉ​ഴ​വൂ​ര്‍ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ജോ​ണ്‍​സ​ണ്‍ പു​ളി​ക്കീ​ല്‍, ജി​ല്ലാ പ​ഞ്ചാ​യ​ത്തം​ഗം നി​ര്‍​മ​ല ജി​മ്മി, ബ്ലോ​ക്ക് പ​ഞ്ചാ​യ​ത്തം​ഗം ജീ​ന സി​റി​യ​ക്, പ​ഞ്ചാ​യ​ത്തം​ഗ​ങ്ങ​ളാ​യ ആ​ന്‍​സി സ​ഖ​റി​യാ​സ്, ജ​യ്മോ​ള്‍ റോ​ബ​ര്‍​ട്ട്, എ​ല്‍​ഡി​എ​ഫ് നി​യോ​ജ​ക മ​ണ്ഡ​ലം ക​ണ്‍​വീ​ന​ര്‍ തോ​മ​സ് ടി. ​കീ​പ്പു​റം, തോ​മ​സ് പു​ളി​ക്കീ​ല്‍ എ​ന്നി​വ​ര്‍ സ്ഥ​ല​ത്തെ​ത്തി വി​ല​യി​രു​ത്തി.